متن نوحه احوالات خروج از مدینه

مجموعه اشعار آیینی و مذهبی ترکی و فارسی برای متن نوحه احوالات خروج از مدینه از شاعران معروف عاشورایی

احوالات خروج از مدینه

پناه او شاهه که، اهل جهان عیان آپارور ؟

اوزی اوز اهلینی آیا هارا نهان آپارور ؟

نه خاطره گورَسَن ترک اِیدور بو ماوانی ؟

سفر ایدور هارا آیا بو لیل ظلمانی ؟

ندن گلوب یولا سالمولا شاه بطحانی ؟

یقین آغیر سفر اِیلور که کاروان آپارور ؟

اگر حجازه مشَرفدی بو گیجه یاری

نَدندی چَکمدی چاووش شهریده جاری

گَله محبلری  بدرقه اِیده باری

بیر آیری مقصده قصد ایلیوب گمان آپارور

نظاره ایلوری محمللره امام زمان

خصوص اومحمله که زینب ایلیوبدی مکان

یقین ایستوری زینبدن اولمیا نگران

ایدوب او محمله عباسی پاسبان آپارور

غریبه قافله دور یوخ جهاندا همتاسی

هزار جان گرامه دَگر تک عباسی

 اولوبدی همره حسینیله اول گل یاسی

اوگول که حسرتین هر باغ و باغبان آپارور

کجاوه لر باشا باش نسترن دی وسوسن دی

غریبه گوللری وار چوخ صفالی گلشندی

یغوبدی گولرینی گوئیا که خرمن دی

او خرمنین گولونون شرحی چوخ بیان آپارور

او گوللرین بیری که چوخ گوزلدی  گوللردن

غریبه ارث آپاروب حضرت پیمبردن

اماندی حفظ ایله یارب نَظرلی گوزللردن

سالوبدی آردیجا بیر نچه دلستان آپارور

پیمبرین نه گوزل گولَنوب، خدا چمنی

بیریسی یاسیدی اول گوللرین ، بیری سمنی

او گوللرین بیری یاده سالور امام حسنی

گوزلیقی او گولون قلبیدن توان آپارور

رباب کام آلوری شیر خواره اصغردن

گهی اوزوندن اوپور ایگلیور گه هنجردن

 اُزولمییدی دِیور کاش اَلیم بو اللردن

باسوبدی باغرینا محملده ناگران آپارور

استاد طهمورثی (عتیق)

 

 

موضوع: احوالات خروج از مدینه ,
زبان شعر و شاعر: نوحه ترکی , طهمورثی عتیق

احوالات خروج از مدینه

دشت عراقه منی ، ایلوبله دعوت آنا

جدّیم اجازه وئروب ، وئر سنده رخصت آنا

گویلومده ، چوخدی ملال عزّتله ، دور یولا سال

یوخ الده ، فرصت آنا حسینم من

جدّیم رسول خدا ، رویاده وئردی خبر

تک تک آنا بولورم ، وار بو سفرده نلر

بو گئتماقیمدا ولی ، واردور بیر اؤزگه نظر

حق ایستیوبدی تاپام ، فیض شهادت آنا

مُلک حجازی منه ، تنگ ائتدی اهل نفاق

ناچارم ایندی ائدم ، سرعتله عزم عراق

بو اشتیاق وصال ، بو سوز نار فراق

دلدن ائدوبدی منی ، بی صبر و طاقت آنا

بیر کیمسه یوخدی بو گون ، آلسون اؤرک سوزیمی

امر قضایه گرک ، تسلیم ائدم اؤزیمی

گلدیم وداعه قویام ، بو قبریوه یوزیمی

نئچه دقیقه هله ، وار الده فرصت آنا

روز ازل دئمیشم ، هر بیر بلایه بلا

واردور باشیمدا منیم ، غوغای کرب و بلا

اولام او چولده ائله ، امر قضایه رضا

صبر ایلرم نَقَدَر ، گلسه مصیبت آنا

باغلالّا سو یولونی ، ظلمیله اهل جفا

اوچ گون او چولده قالار ، لب تشنه آل عبا

اهل حرمدن او گون ، اوج ایلر عرشه نوا

ائتمز عدو بو قدر ، ظلمه کفایت آنا

دوغرالّا تشنه جگر ، یکسر کمک لریمی

شهزاده قاسمیمی ، مه پاره اکبریمی

قونداق ایچینده سوسوز ، اوخلالّا اصغریمی

ایلر بالامدان او گون، اعدا خجالت آنا

جور و جفادن آنا ، دویماز گروه ستم

ایللَّه قارداشیمون ، آخر قولونی قلم

بار مُحَندن اولور ، شمشاد قامتی خم

برپا اولور حَرَمَه ، شور قیامت آنا

ساعت به ساعت اولور ، دردیم اؤرکده مزید

ایللَّه قارداشیمی ، سو اوسته تشنه شهید

قالماز داخی کومگیم ، قالّام وحید و فرید

جرئت تاپالّا منه ، اهل عداوت آنا

ایلر سوسوزلوق اودی ، بیر نوعی منده بروز

باشدان باشا بدنیم ، یکسر دوتار آنا سوز

اهل جفا باشیمی ، آخر کسَلَّه سوسوز

حتّی لباسیمیده ، ایللَّه غارت آنا

قویمازلا قالسون آنا ، اگنیمده پیرهنیم

گونلر ائوینده یانار ، عریان قالار بدنیم

نه غسل ائدن تاپولار ، نه دفن و کفن ائده نیم

سینمده آت چاپاجاق ، اهل شقاوت آنا

عهد ائتمیشم دوزَرَم ، هر بیر بلا و غمه

غارت الینی آچار ، اهل جفا حرمه

آخر وورالّار او گون ، اود قوم کین خیَمه

ظلم آتشینه یانار  ، آل رسالت آنا

بو آستانه سالوب ، «عاصی» دخیل اؤزینی

ایلوبدی معصیتی ، گر چه قرا یوزینی

لیکن تیکوبدی سنه ، امّیدیله گوزینی

محشرده قویما ملول ، ایله شفاعت آنا

مرحوم عاصی تبریزی

 

 

موضوع: احوالات خروج از مدینه ,
زبان شعر و شاعر: نوحه ترکی , عاصی

خروج از مدینه

بزم جانانه حسین زینبی مهمان آپارور

جان وئرن وقته دئسون باجی دئسون جان آپارور

بویوروب حضرت عبّاسه شه کرب و بلا

باغلیون بار سفر کوچ ائلسون آل عبا

تاائدوم ایلدیگیم عهدیله پیمانه وفا

صبریمی الدن آلوب جذبهٔ جانان آپارور

شیعه لر دوشدی اگرچه بو تمنایه خلیل

بیرجه قربان گتوروب شوقیله مینایه خلیل

اولاقربان اوزی قربانی بو مولایه خلیل

عشق میناسینه یتمیش ایکی قربان آپارور

ائت جوانان بنی هاشمه ظاهر گلسون

اولاجاق منله هر اول کس که مسافر گلسون

ائت سفارش که حبیب ابن مظاهر گلسون

دی حبیبه که حبیبیم سنی دربان آپارور

گیینوب رخت سفر بیر به بیر اولاد علی

صحن پیغمبره جمع اولدیلا مجموعی علی

باشلاری اوسته عَلَم آچدی اوعبّاس علی

شه بی یاوره چون یاور و اعوان آپارور

راوی سویلر واریدیم کوچ ائلینده شه دین

گوردوم اولدوم بیر اوزون قوللی جوان ماه جبین

طرقو سویلوری سطوتله او با صد تمکین

صولتی الدن آلوب عقل و دل و جان آپارور

گوردوم اوندان صورا بیر بانوی بالا قامت

یاپیشوب بیر قیز الیندن گلوری با عزت

ائدر اولاد پیمبر اونا بی حد حرمت

رشک بو عزته بلقیس و سلیمان آپارور

ائتدی عباس او خاتونه نه قدری تکرار

سرفراز ائت منی اول محمل زرینه سوار

دئدی گلمینجه حسین دوتمارام هودجده قرار

چون منی کرب و بلایه شه عطشان آپارور

اولمادی راضی حسین السون او مظلومه ملول

خواهش زینب کبرانی او شه ائتدی قبول

تا سوار ائتدی اونی دوشدی یولا آل رسول

الله الله نئجه سرخیل اسیران آپارور

شیعه بو راوی دییَر واریدیم اول وقتیده من

کربلاده خیَمی غارت ائدنده دشمن

گوردوم اول عورتی کیم گورمیشیدیم عزتیلن

سویوب هر زیورینی لشگر عدوان آپارور

آتش هجره او قوم ائتدیله پروانه اونی

باغلیوب قولارینی گَتدیله افغانه اونی

میندیروب شمر دغا ناقه عریانه اونی

شامیده وئرسون اونا منزل ویران آپارور

سالوب هر کیم بو کمنده اوزینی کامل اولور

دم ویران عشق حسیندن بلی دریا دل اولور

یاحسین لطفون اگر«دلریشه»بیر شامل اولور

آلامحشرده اله مهرینی فرمان آپارور

مرحوم دلریش

موضوع: احوالات خروج از مدینه ,
زبان شعر و شاعر: نوحه ترکی , دلریش

زبانحال حضرت زینب (سلام الله)

زینبون آیریلالی یثرب و بطحادن آنا

اولمیوب آیریلا بیر لحظه بلایادن آنا

قارداشیم باغلادی بو شهرده بیر بار سفر

روشن اولدی منه آینده او معنادن آنا

گجه خائف یترقب سفرین باشلاماقی

سلب ایدوب تاب و توان عترت طاهادن آنا

کربلا دشتینه دوشدی گذری قافله نون

بیر اوزون شرح ملالیم وار او صحرادن آنا

اوردا جانانیله بیر بیع و شری ایتدی حسین

سود سرشار نصیب اولدی او سودادن آنا

ویردی حق اوسته هامی ماملکین ، جان نقدین

قیمتین آلدی رضای حق یکتادن آنا

گوردی دین ایلوری قان بذلینه احساس نیاز

گچدی اکبر کیمی بیر سرو دل آرادن آنا

آیریلان وقتده شوقیله حرمدن او جوان

آیریلوب تاب و تحمل دل لیلادن آنا

گتدیلر پیکر مجروحینی گوردوم من اوزوم

قرمزی قان سوزولور زلف سمن سادن آنا

قاسمین جسمنی نه حالده گوردوم دیمورم

بوله سن شرحینی مختصر ایمادن آنا

یری وار عمریجه آغلار قالا بیکس آناسی

چوخ چتین داغ جوان آیریلا ثکلادن آنا

ایله بیر حالته دوشموشدی اونون گل بدنی

طرح ترکیبینی پوزموشدولا ایذادن آنا

عطشین سوزشی بیر شدتیله حاکم اولوب

دوتدی هر نازلی بالا دامن سقادن آنا

العطش ناله سین افلاکه اوجاتدی بالالار

ویرمدی سو بیزه دشمن دولی دریادن آنا

سودی ، حقی ، آنامون اولسون ابوالفضله حلال

آفرین بیر ایله شیر صف هیجادن آنا

عطش عشق حسینیله یانوب ایچمدی سو

اولدی حیران هامی عالم او تولادن آنا

سوئی توکدی یره لب تشنه چخوب دریادن

اود یاغاردی او هوای شرر افزادن آنا

آبروئیله معارضدی گوروب آب فرات

آب روئیله سالوب آبی تجلادن آنا

بو سفرده نه دیوم من ، بیزه یوز ویردی نه لر؟

منطقیم عاجز اولار حل معمادن آنا

قیزلاریندان ایله آیریلدی حسینیم ، من اوزوم

آرزو ایلدیم آیریلماقی دنیادن آنا

قلبیمه قویدی محبتله یدالله الینی

ایتدی آماده منی همت والادن آنا

کاروانیم یتیشن وقتده قربانگهه من

قصدیم اولدی یتیشم کامه او ماءوادن آنا

ساربانی ایکی دنیاده گوروم خوار اولسون

تار ایدوب گوندوزومی لیله یلدادن آنا

ایستدیم بیرده قویام قلبیمه قارداش الینی

حیف یاس اولدی امیدیم او تمنادن آنا

سرگذشتیم اسف انگیزیدی عرض ایتسم اگر

خاطرون درده گلر شرح غم افزادن آنا

کوفه ده قارداشیمون دیدینه گلمشدی مسیح

بازدید ایتدی اودور دیرده عیسادن آنا

قانلی باش معبد ترسایه قویان وقته قدم

گلدی الله سسی ناقوس کلیسادن آنا

چکدی بیر بزم شرابه بیزی جبریله یزید

گوردوم اوردا می و میخواره و مینادن آنا

اوج قدرتده اوزین گوردی او جبار زمان

انتقام آلدی سر وارث یحیادن آنا

خیزران الده ایچوب باده اولوب مست و خراب

دئدی هزیان اثر ساغر صهبادن آنا

شام ویرانه سی آخر بیزه سر منزل اولوب

اولمیوب قورتارا زینب باش او غوغادن آنا

مین خدنگ غمه بیر دل اولا عالمده هدف

اوندا مشکل قالار آثار ، شکیبادن آنا

اوچ یاشندا بالا گل غنچه سی ویرانه نشین

سنه بنزردی او قیز سیرت و سیمادن آنا

گتدی سن تک اودا جسمی یارالی قبر ایوینه

نسگلیم چوخدی او نیلوفر زیبادن آنا

حیف اولا اولمادی اوز شانینه لایق کفنی

سالدی بو غصه منی قدرت و یارادن آنا

هر قدر دیده خونباریله باخدیم یوزینه

دویمادیم لذت دیدار و تماشادن آنا

آخرین مرحله وصلده اوپدوم یوزونی

سیلدی اشکیم توزونی زلف مطرادن آنا

کوفه و شامی دولانماق منه آرتردی شرف

راضیم بو قدم بادیه پیمادن آنا

یوخدی خوندلده لیاقت بو مسلمدی ، ولی

وار عنایت گوزی بو درگه والادن آنا

نقطه ضعفی بویوکلر گوزی گورمزله ، بلی

غمض عین عیب دگل دیده بینادن آنا

هر نه اولسا گنه اوستونده حسینون آدی وار

خوشدی گر اولسا کرم نوکره مولادن آنا.

مرحوم حاج حیدر خوندل

 

 

موضوع: احوالات خروج از مدینه ,
زبان شعر و شاعر: نوحه ترکی , حاج حیدرخوندل

زبانحال حضرت زینب (س) سر قبر مادر 

در خروج از مدینه

بو رسمدور که مسافر ایدنده عزمِ سفر

آتا آناسینون اوّلده قبری اوسته  گیدر

بو رسمه ایتدی عمل زینب اول وفا کانی

گیدوب زیارت ایده دختِ شاهِ بطحانی

مُشرّف اولدی گجه قبرِ پاکِ فاطمیه

زبانحالیله دردِ دلین آنایه دیه

او عمرینی یتورن باشه مین ملالیله

دیردی دردِ دلین بو زبانحالیله

دوشوب بلالی باشیم تازه دن بلایه آنا

مدینه دن گیدورم دشتِ کربلایه آنا

اگر چه هر نه بلا وار باشیمدا سن بلوسن

یوخ احتیاجی ویرم شرح ماجرایه آنا

حسینویله قیزون زینبون شراکتی وار

گرح اونیله گیدم دشتِ کربلایه آنا

اوزیله یتمیش ایکی برگزیده فدیه سی وار

جهانیان اولا قربان بیله فدایه آنا

بیری اولاردان ابوالفضلیدور ، بیری قاسم

بیری علیدی که مظهردی مصطفایه آنا

علی الخصوص بیری شیره خواره اصغردور

که ارمغان آپارور بزمِ کبریایه آنا

دیمه گلایه ایدر زینبیم مصیبتدن

گرگدی قیز دیه دردِ دلین آنایه آنا

تذّکر ایلمه سم غصّه مرگ اولوب ئولّم

یتمیشمز اوغلون حسین عینِ مدّعایه آنا

حیالی زینبیون امری بیر یره یته جاق

گیده حیاسیز عمر سعده التجایه آنا

توقّعیم بودی جدّیم رسوله تسلیه ویر

آلاندا قارداشیمی اشقیا آرایه آنا

اولاندا کشمکشیم قتلگهده شمریله

گوزیوی یوم ، نظر ایتمه او بی حیایه آنا

سویاندا قیزلاریوی اشقیای کوفه و شام

آتامدا سنده حسنده گلون هرایه آنا

یانانندا خیمه لر آل علی قاچاندا چوله

تحمّل ایتمگمیه ال گوتور دعایه آنا

وفات ایدنده بویوردون بلایه دوز دوزدوم

بلادن ایلمرم من سنه گلایه آنا

ولی نه نوعیله صیر ایلرم زیاد اوغلی

آچاندا نحس دلین کفر ناسزایه آنا

کلامِ ناطقِ حق ، باشی نیزه باشیندا

تلاوت ایلیه قرانی آیه آیه آنا

چکنده شمرِ ستمگر یزید مجلیسینه

فغانون اوج ایده جاق طاقِ نُه سمایه آنا

امید عفویله ((طوری)) منه توسّل ایدوب

اولام شفیعه اونا درگه خدایه آنا.

مرحوم طوری

موضوع: احوالات خروج از مدینه ,
زبان شعر و شاعر: نوحه ترکی , طوری

خروج از مدینه

چوخ باخ گِلَن بو سروِ خرامانه فاطمه

گلمز داخی بو سرو ، بو بستانه فاطمه

باجی اَلی تبرّک اولور ، اوز اَلونله گَل

بیر شانه وور بو زلفِ پریشانه فاطمه

بوللم که کربلاده بو نازلی سکینه نون

تیترر الی آلاندا اله شانه فاطمه

بو خاطره یولار که بو زلفِ معنبری

ظلمیله شمرِ دون باتورور قانه فاطمه

یعقوب آتام ، مدینه دی کنعان ، سن باجیم

ایتدون روان بو یوسفی زندانه فاطمه

گل بیرده اوپ یوزیمدن او یوسف کیمی ، باجی

اولماز قیتماقیم داخی کنعانه فاطمه

بیر جام سو گتور منه ، بیر دم قوناقوام

ویرمزله کربلاده سو مهمانه فاطمه

قویما اطاقیمی دوتا توز ، چون خبر گلور

قارداشون ئولدی ، ایله عزاخانه فاطمه

ایتمه خضاب ، گیتمه طویا ، گییمه قرمزی

ساخلا عزا همیشه بو نالانه فاطمه

قرآنیمی گُتور اَله هر جمعه آخشامی

گیت روضهء پیمبرِ ذی شانه فاطمه

ایله دعا که بلکه یتم تیز مرادیمه

قربان ایدم بو جانیمی جانانه فاطمه

جدّیم خلیل تک اوز الیله بابام حسین

زینت ویرور ، منیم کیمی قربانه فاطمه

یاسینده آغلیانلارا قربان ویرور منی

منده اولام شفیع ، جوانانه فاطمه

فلک ایدر سنی مندن جدا ، خداحافظ

مریض جانوه اکبر فدا ، خداحافظ

مرحوم دخیل مراغه ای

 

 

موضوع: احوالات خروج از مدینه ,
زبان شعر و شاعر: نوحه ترکی , دخیل مراغه ای

خروج از مدینه

مورّخین وقایع ، محدّثینِ جهان

حدیثِ کرب و بلانی بیله ایدوبله بیان

معاویه که اولوب درکِ اَسفَله واصِل

یتیشدی اوغلی یزیده خلافتِ باطل

فلاتِ مملکته یازدی بیر به بیر نامه

که اخذ بیعت اولونسون امیرِ ظُلّامه

علی الخصوص ولیده یازوبدی بیر فرمان

پیمبرین ایلسون خانمانینی ویران

که یعنی ویرمیه پیغمبر اوغلونا مهلت

امام حقدن آلا ، کفرِ مطلقه بیعت

ولید ، ایتماقا شورا چاغوردی مروانی

ارائه ایلدی مروانه عینِ فرمانی

او ببحیا دئدی بو سرّی ایتمموش اظهار

ایله حسینیله ابنِ زُبیری سن احضار

او دم که ایلدون احضار ، ایله کشفِ مقال

به ضربِ تیغ ، اولاردان یزیده بیعت آل

حضورِ زادهء زهرایه گلدی بیر خادم

دئدی امیر دیور گلماقوز اولوب لازم

امام عالِمیدی دعوتین ندور سببی

یانینجا گوتدی جوانانِ هاشمی نسبی

بویوردی من گیدیرم مجلسه ، ایشکده اولون

سسیم اوجالسا قلج الده بارگاهه دولون

ولید مجلسینه داخل اولدی شاهِ انام

به حسبِ شرع ، ایدوب تهنیت ، ولیده امام

ولید عرض ایلدی ای عزیزِ پیغمبر

معاویه ایلیوب عالَمِ بقایه سفر

یزیده بیعت ایدوب اهلِ شام و مصر و یمن

حجاز و کوفه و بیت المقدّس و ارمن

منی یزید ایلیوب بیعت آلماقا مأمور

خصوصا" امر ایلیوب ایلیم سنی مجبور

جواب ویردی ولیده عزیزِ ختمِ مآب

جماعت ایچره صباح ایلروخ سوال و جواب

خطاب قیلدی ولید ابنِ عتبیه ، مروان

دگول خلافته لایق سنون کیمی نادان

حسینی قویما گیده ، محبسه سالوب ساخلا

و یا شهید ایله ، قلبِ پیمبری داغلا

بو کلمه نی ایشیدوب نورِ دیدهء زهرا

بویوردی کس سسیوی یابن مِراه الزّرقا

منی سن ئولدوره بولمزسن ای خبیث و عنید

اهانت ایلیه بولمز منه ولیدِ پلید

علاوه تک دگلم ، ئولمیوب بنی هاشیم

علی الخصوص واریمدی اون آلتی قارداشیم

بیله گمان ایلمه بوردا یوخدی انصاریم

واریمدی الّی نفر نوجوان هواداریم

تمام الده قلیج مثلِ شیرِ شرزه دلیر

چتیندی ال تاپا شیره شغال و روبهِ پیر

هنوز اکبریمون پارچالنمیوب باشی

بویانمیوب قانینا جسم و زلف و گوز یاشی

هنوز آت ایاقی آتدا قالمیوب قاسیم

یخیلمیوب یره قولسوز وفالی عبّاسیم

بو وقتده که اوجالدی بیر آز صدای حسین

توکولدی صحنه قلج الده اقربای حسین

او سطوتیله بنی هاشمی گوروب مروان

دوروب ایاقه ، قاچوب ایلیوب اوزین پنهان

امام ایلدی آرام یار و انصارین

چاغیردی خدمتینه کربلا علمدارین

بویوردی گیت باجیما ایله ماجرانی بیان

سلامت اولماقیمی بولسون اولماسون نگران

گیدنده بزمِ ولیده بیلوردی زینبِ زار

حسینین الّی نفر نامدار یاوری وار

بو حالیله گینه دوزمزدی سینه داغلاردی

گوزون تیکوب یولا قارداش دیردی آغلاردی

بو یرده خاطریمه دوشدی یومِ عاشورا

ایکیندی وقتی که قالموشدی بو حسین ، تنها

نه حالدِیدی او ساعتده زینبِ کبری'

دییردی قارداشی ، هذا وداعی الاُخرا

ارائه ایلمیشم منتخبده بو خبری

وداع ایدنده حسین اهلِ بیتِ دربدری

بویوردی فضیّه ای خیرة النّسایه کنیز

بو افتخاریله دنیا و آخرتده عزیز

فلان محلّیده بیر بوقجا واردی رنگی فلان

اولوب او بوقجادا ملفوف بیر لباس نهان

بیر عمده مطلب اولوب بو لباسیده مکتوم

ایدوبدی چون اونی خلّاقِ لم یزل محتوم

خلیله ، ناری او پیراهن ایلیوب گلشن

مساسی دیدهء یعقوبی ایلیوب روشن

او پیرهن منه میراث انبیادندندی

گرک گییم اونی اسرارِ کبریادَندی

باشارسان ایلمه بو امری زینبه اظهار

دیوب آنام اونا بو امریده نه حکمت وار

گیینده اوغلوم اونی عمرونون اواخریدور

حضورِ یاره گیدنده لباسِ فاخریدور

گیدردی فضّه گتورسون او کهنه پیرهنی

گوروب کنیزی خانم ، لرزیه دوشوب بدنی

کنیزی فضیّه فرمایش ایلدی زینب

سنه نه امر ایلدی قارداشیم؟ ندور مطلب؟

ادبله عرض ایلدی ، من بیر امره مأمورم

سیزه او  امری بیان ایلماقدا معذورم

دئدی قسم ویرورم عصمتِ بتوله سنی

حسینیم امر ایلین سرّه آگه ایله منی

وفالی فضّه اولوب بو قضیّه ده ناچار

بلالی زینبه اَسراری ایلدی اظهار

بولوب قضیّه نی ، ایوای دیوب اولوب مدهوش

خیالِ مرگیله ریگ اوسته اولدی هم آغوش

گلیب حسین خانم زینبون باشی اوسته

باشین گوتوردی دیزی اوسته قویدی آهسته

دئدی اگر ایکی اوچ قطره سیزده سو تاپولا

سَپون بونون یوزینه بلکه غشّیدن آیولا

جواب ویردیله یا سیّدی تاپولماز سو

حرام ایدوب بیزه مَهریّهء بتولی عدو

مؤثر اولدی ز بسکه امامه بو احوال

بسانِ چشمه گوزوندن آخوب سرشکِ زلال

توکولدی قارداشین اشکِ تری باجی یوزینه

باجی آچوب گوزینی باخدی قارداش گوزونه

دوروب اوتوردی دئدی ای شقیقهء روحیم

محیطِ غمده اولان فُلکِ صبریمه نوحیم

او آغلیان گوزون اولسون باجون فداسی حسین

گلِیدی کاش منه باشوین بلاسی حسین

بویوردی باجی بو بیر امردور محتوم

گرک باشیم کسیله ، تشنه لب اولام مظلوم.

مرحوم طوری

 

 

موضوع: احوالات خروج از مدینه ,
زبان شعر و شاعر: نوحه ترکی , طوری تبریزی , طوری

زبانحال حضرت فاطمه صغری (س)

در خروج از مدینه

ایتمیسن قارداش علی مندن عیادت سن اگر

لطفوه قربان ندن بس گیمیسن رختِ سفر؟

من بیله بیر ساعتی هر ساعت و هر روز و شب

سجده ده حالِ دعاده حقدن ایلردیم طلب

وصلوی لطف ایتدی حق ، هجرانه نه اولدی سبب

آیریلیخ طرحین چکوبدور یوخسا نقاشِ قدَر

سن اولان یرده ملال اولماز بونا یوخدور سوزوم

شوقدن آغلار اودور وجهی بو شدّتله گوزوم

آغلادور وصلون منی ، گور هجره ممکندور دوزوم

هانسی باجی من کیمی قارداش فراقنده دوزر؟

اولموشام گر چه نه مدّتدور مریض و بستری

لیک لازم دور دوروم ایمدی یغوم بو بستری

اولماسون قلبون ملول ای صبحِ عزّت اختزی

یتمه سون بلکه صفالی گوگلوه گَردِ کدر

یاتماقیم ترکِ ادبدور یوخ بونا جای کلام

لیک قالموب قدرتیم ای مظهرِ خیرُالاَنام

تا دوریدیم خدمتونده ایلیدیم بیر قیام

باجی قارداش خدمتیله افتخار ایتمز مگر؟

هر قدر ناز اولسا سنده منده وار آرتوخ نیاز

بولمدیم بو لطفِ محضون ای خدیوِ دلنواز

خسته جانیله سنی یوخسا ایدردیم پیشواز

سو سپردیم اشکیله یاتسون غبارِ رهگذر

اشگِ چشممدن ملول اولما عزیزیم وجهی وار

دوزموشم زَر فام عذاره دُرّ تک اشکِ شاهوار

مقدمِ شهزادیه لازمدی اولسون دُر نثار

اشکدن آرتوخدی آیا هانسی بیر دُرّ و گهر؟

بیرده بو رنج و مرضدن ایتمرم اصلا گِله

نیلورم ، حاذق طبیبه احتاجیم یوخ گیله

سن که گَلدون گِتدی دردیم ، گَلدی بهبودی اله

دردیم ئولدورمز منی ، قالسان یانیمدا سن اگر

من بو لطفه او گلَن یولاریوا قربان اولوم

گَل رضا اولما دچارِ محنتِ هجران اولوم

گیتمه قال ، تا خدمتونده هر زمان هر آن اولوم

ناخوش اولسامدا گینه سن اولسان عمریم خوش گچر

من بو فکریله علی دلتنگیدیم لیل و نهار

اهلِ بیت ایچره آناسیزلیق منی ایلیوبدی خار

نه باجی ایلر عیادت ، نه گلوب قارداش باخار

نه اولور جویا عمولار ، نه گلر بیر عمّه لر

ایمدی بولدوم ایتموشم بو باره ده من اشتباه

اولمیوب کم لطف لیخ سیزدن ولو بیر پرّ کاه

کسمیوب مندن توجّه ، اقربا شهزاده شاه

یانیمه بیر بیر گلور قوم و قبیلم سر به سر

ای قدی سروِ چمن ، زلفی سمن ، رخساری گُل

مظهرِ ختمِ رُسُل ، صورت نمای عقلِ کلّ

محضرِ شاهه شرفیاب اولماقیم ممکن دگل

التقات ایلر منه امّا او دیداره گلر

رنگِ آلیمدن مُبرهَندی اگر چه حالتیم

گلسه شه دیداریمه آرتار و لیکن خجلتیم

شه قباقینده قیامِ خدمته یوخ قدرتیم

خدمتِ شاهی دوتوم شهزاده قیزلار چوخ سُوَر

حسّ ایدنمز هر قدر اولسون بشر فکری دقیق

شخصِ بیمارون نه اندازه اولور قلبی رقیق

هر طریقیله اولا ، توفیقِ حق اولسا رفیق

(شأنی) صغرادن شفا آلماخ یولین یاخشی بولر

منکه چوخ سعی ایتمیشم بو نوحه اولسون دلنشین

نا امید ایتمز منی صغرا ، علی اکبر یقین

دردیمه بولّم ویرور قطعی شفا جان آفرین

اوندا وار چشمِ امیدیم منده یوخ اوزگه نظر

دوزدی درد و غم ِمصیبت ، شخصی ایلر نیک بخت

اجر اولور آرتوخ نه اندازه مصیبت اولسا سخت

خشک اولور چون شاخ و برگِ میوه دن عاری درخت

قورخورام تیغِ اجل ایتسون منی بی شاخ و بر

سگّز آیدی درد الیندن گولمیوب بیر آن یوزوم

سهلدور گولموب یوزوم ، آغلار گجه گوندوز گوزوم

ائل سوزین نیلوم؟ دوتوم وار زحمتِ درده دوزوم

ائل سوزی نیلر؟ اونی کیمدن سوروشماخ؟ کیم بولر؟

مرحوم شانی

 

 

موضوع: احوالات خروج از مدینه , حضرت فاطمه صغری (س) ,
زبان شعر و شاعر: نوحه ترکی , شانی

زبانحال فاطمه صغرا (س)

در خروج از مدینه

گیجه گوندوز من بیچاره نالان اولمیوم نیلوم؟

دمادم چشمِ خونباریله گریان اولمیوم نیلوم؟

چخوب قوم وقبیلم گیتدی قالدیم یالقوز ایولرده

سورونّم هر یانا دورماق دایانماق یوخدی بیر یرده

سالوب قارداش فراقی جانیمی بیر چاره سیز درده

خیالِ وصلیلن جویای درمان اولمیوم نیلوم؟

خیالِ طُرّهء اکبرله گوگلیم حالی برهمدور

بو حاله دوشمین بلمز بو عالم اوزگه عالمدور

باخوب هریانه گورّم شکلِ زیباسی مجسّمدور

بو حسرت بو محبّت محوِ جانان اولمیوم نیلوم

دولانّام طوی اتاقین گونده مین یول نالیه گلّم

سپوپ گوزیاشی زلفمله در ودیوارینی سیلّم

اوزوم بولّم گلینجه اکبریم من قالمارام ئولّم

ولی چارم ندور تسلیمِ هجران اولمیوم نیلوم؟

بیله قارداشدان الحق آیری دوشماق خیلی مشگلدور

منیم اونلان علاقم چوخدی چون یر ایری نسگلدور

گیدن گوندن گونوم قاره ، گیجم هجراندا بیر ایلدور

نه یاتماق وار نه راحتلوق ، هراسان اولمیوم نیلوم؟

گوزومده جلوه گر دور هر زمان نقشِ دل اراسی

خط و خالی ، یوزی ، زلفِ سیاهی ، چشمِ شهلاسی

آلوبدور صبریمی شیرین کلامی ، صوتِ زیباسی

تصوّر روحیمی جدب ایتدی لرزان اولمیوم نیلوم؟

اوزوم بیمار کن پیچیدهء فکرِ طبیب اولدوم

داخی مشکل تاپار صحّت تاپام ، دوادن بی نصیب اولدوم

کوچوب اهلِ وطن گیتدی ، وطنده من غریب اولدوم

مصیبت بیر دگل حالی پریشان اولمیوم نیلوم؟

ایاقه دورماقیم مشکلدور ، دلده اختیاریم یوخ

اوتورسام فکریم آرتار ، غصّه چوخ صبر و قراریم یوخ

یانیمدا بیر نفر جانی یانان همدرد یاریم یوخ

انیسِ ناله و همرازِ افعان اولمیوم نیلوم؟

مدینه قیزلاری یاتسونلا راحت خواب نازیله

یانوم من صبح اولونجه شمع تک سوز و گدازیله

گهی راز و نیازیله قالوم ، گه سوز و سازیله

محبّت شعله سیله سینه سوزان اولمیوم نیلوم؟

آناسیز قیزلاری کیم گوردی دنیاده یوزی گولسون

خصوصا" من کیمی ناخوش ، گلن یوخ حالیمی بولسون

قاپوم باغلاندی سن گیتدون علی اکبر باجون ئولسون

قالوم زنده سرِ کوینده قربان اولمیوم نیلوم؟

فراقون بلمدیم قویماز اثر تاب و توانیمدن

و اِلّا ال گوتورمزدیم سنون تک نوجوانیمدن

وصالون حیف اولا روحیم کیمی آیریلدی جانیمدن

اوزوم ال چکمیشم قارداش پشیمان اولمیوم نیلوم؟

لیاقت ( آصفا) یوخ منده نوکرلر سیاقینده

یانیدیم آغلیدیم شمع تک طاقِ رواقینده

ولی چوخدان وارام ششگوشه قبرون اشتیاقینده

الیم یتمز مرامه ، دیده گریان اولمیوم نیلوم؟

مرحوم آصف

 

 

موضوع: احوالات خروج از مدینه , حضرت فاطمه صغری (س) ,
زبان شعر و شاعر: نوحه ترکی , آصف

احوالات خروج از مدینه

یثربدن ایستدی چیخا شاهنشهِ تبار

امر ایلیوب جلالیله باغلاندی بیر قطار

دستگاهِ سلطنت گئدیری طمطراقیله

راوی دیئر کی منده باخوردوم گوروم نه وار

گوردوم کجاوه لر قورولوب بیر ردیفیلن

هودجلر اوسته چکدیله استارِ زرنگار

تشکیل وئردی منظره ی باصفاسینی

هر بیر جوان او هودیجلن اولدی هم قطار

قاسم گلوب سریّه نی میندیردی محمله

مستوره ی محجّبه نی صاحب خدار

هر محرمون جوانی سوار ائتدی ناقیه

ذات الحجالی حجله نشین ائتدی هر سوار

گوردوم وقاریلن گلوری بیر مخدّره

مخدومه ی خلایق و محبوبِ کردگار

بیر نوجوان رشید دوشوبدور قباقیجه

ایلور اونی سوار ائلماقدا چوخ افتخار

آلدیم خبر کی کیمدی بو خاتونِ محترم؟

هم صاحبِ جلالت و هم معدنِ وقار

بیر شخصیدن یتیشدی سوزیمه منیم جواب

زینبدی بو ،  قاباقداکی عبّاسِ نامدار

بیر زر نشان کجاویه ایلیوب سوار اونی

اول بانوی مجلّله نی ذاتِ استتار

تا کربلاده قوردی حسین خیمه گاهینی

زرّین خیامده هاموسون ائتدی برقرار

امّا او گونکه شمسِ هدایت ائدوب کسوف

سیّار ثابتیله چیخوب بُرجدن کنار

ئولدی حسین ، او وقت دئدی شمر زینبه

دور ناقیه سوار ائلیوم قالما انتظار

مجبورسن اسیرلیقا مینمه سن اگر

مأمور ائدوبله زجری گلر الده بیر تتار

باخما فراته قارداشون عباسی سسلمه

قلبون شرارِ آیریلیقا اود توتوب یانار

عبّاس باشینی گوره سن ایندی نیزده

نوکِ جدایه باخسان اگر تازه قان دامار

قالموبدی لشکرون ، اودی بو لشکرِ شریر

ایندی گلوب ائده له سیزی ناقیه سوار

حکم امیریدور بیزی مأمور ائدیبدولر

مأمور اولان امیریدن ایلر چوخ اعتذار

اکبر هانی کجاویه میندیرسین عمّه سین

نه قاسم و نه جعفر و عون و بنی نزار

چوخ آغلاما علی قیزی باخ تازیانیه

بیر خارجی ئولوب ، دئ گوروم بیر داخی نه وار

یاندی بو غمده (ناظمِ ) افسرده نون دیلی

گوز یاشینی ائدر یوزینه مثلِ جویبار.

مرحوم سید محمد ناظم (ناظم آقا)

 

 

موضوع: احوالات خروج از مدینه ,
زبان شعر و شاعر: نوحه ترکی , ناظم آقا , سید محمد ناظم

خروج از مدینه

گینه بو طائرِ دل اوزگه بیر هوائیلن

آچوبدی پر طَیران ایلوری هوائیلن

اوز آشیانینی ترک ایلیوب هواده گزر

هوای سیرِ گلستانِ نینوائیلن

نه گلستان ، که اولوب شیونیله مالامال

نه نینوا که دولوب نی کیمی نوائیلن

ایله بلالی گلستانه بیر لیاقتی وار

حسین قدم قویا سیر ایلیه صفائیلن

بلی بو قاعده دور عزّت آختارار عاشق

همیشه خوشدل اولور زحمت و بلائیلن

اودور کی شورِ حسینی چکوب حجازه حصار

عراق دشتینه غوغا سالوب نوائیلن

ایدوب اراده بیتِ وصال جانانی

منای عشقه گیدر گور نچه فدائیلن

اوزی حرملری تازه جوانلاری بیر بیر

سفر لباسی گیوب شوقِ کربلائیلن

عزیزِ فاطمه چون ترک خانمان ایلدی

وداع قیلدی هامی خویش و اقربائیلن

واریدی بیر قیزی صغرا آدنلو ناخوشیدی

مدام اَنیسدی محنت او مبتلائیلن

اوقیز باباسین ایشیتمیشدی که گیدیر سفره

مَزیدیدی غمی بو غملی ماجرائیلن

علیلیدی یوخدی طاقتی ایاقه دورا

اوزی گیده گوروشه مهربان آتائیلن

گلور نه گوردی آتاسی سفر ، لباسی گیوب

گوروب اوحالی فغان ایتدی هایهائیلن

الینه تکیه ایدوب بیر دوزَلدی اگلشدی

مُصادف اولدی آتا وصلی چون بالائیلن

طبیبِ حاذقی گوردی برابرینده مریض

بیان حال ایلدی رسمِ التجائیلن

دیدی دیوله باباجان سفر خیالون وار

یقین علاقه کسورسن بو بینوائیلن

سن اولماسان بابا دنیاده من یتیم اولام

عزیزِ عالم اولور قیز آنا آتائیلن

سینقدی قلبیم ، آنادان بو گون یتیمم من

منی قویوب گیدوسن خوش دگول خدائیلن

سنون جمالیوه هر دم که باخاردیم من

صفا تاپاردیم او مراتِ حقنمائیلن

سن اولماسان بابا جان کیم گلور عیادتیمه

کیم آشنا اولی بس بو غم آشنائیلن

منی بابا عموم عباسه باری تاپشور گیت

ایدوم ملالیمی زایل او باوفائیلن

دیدی قیزبم عمون عباس منیله گیتملیدی

گرک یانیمدا اولا قارداشیم عیائیلن

دیدی بابا من علیلی بس عمّه مه تاپشور

منه مواظب اولا شربت و غذائیلن

دیدی قیزیم منه محنت شریکیدور زینب

اودا گیدر غم و محنت چکه اَخائیلن

دیدی بابا قیل علی اکبره سپرده منه

واریمدی اوزگه علاقه او مه لقائیلن

دیدی قیزم گیدیری منله امّ لیلاده

چتیندی آیریلا اول شبهِ مصطفائیلن

بونی بیان ایلدی یعنی اکبریمده گیدیر

منای عشقیده جان بذل ایده رضائیلن

دیدی یانیمدا قویون بس باجیم سکینه قالا

انیس اولا منه بو دردِ بی دوائیلن

دیدی قیزیم او نجه آیریلور آناسیندان

بو سوزده فاطمه بیر آغلادی صدائیلن

گلوب فغانه دیدی وای یتیمه جانیم وار

 گجه گونوز گچر عمروم بر آه و وائیلن

اگر منیمده اولیدی آنام اولاردیم عزیز

منی زمانه یتیم ایتدی چوخ جفائیلن

آنا دیوب یانارام حالیمه یانان اولماز

غمیم فزون اولی بو ذکرِ غمفزائیلن

سکینه نون آناسی وار همیشه عزّتی وار

گهی آنائیله همدمدی گه آتائیلن

دیردی بو سوزی صغرا ولیک بولمزدی

سکینه نه چکجاق دورِ روزگاریئلن

بونی خیال ایلمزدی گدیر اسیر اولسون

یزید بزمنه گتسون برهنه پائیلن

سنون گوزونده ایراق فاطمه سکینه باجون

مخاطب ایلدیلر اسم ناروائیلن

وطنده کاش قالوب گیتمیدی بو سفره

گویرمییدی قولی ظلمِ اشقیائیلن

خرابلرده اوقدر تک قالوب یوزی سارالوب

اولوبدی عارضی همرنگ کهربائیلن

نجه خرابه؟ نه سقفی وار یدی نه قاپوسی

گلوب گیدنده باخوردی کم اعتنائیلن

باشین اشاقه سالوردی خانم سکینه مدام

کناره باخمازیدی کثرتِ حیائیلن

گجه گونوز قوری توپراقلار اوسته آغلاردی

گلوردی نالیه مشغولیدی بُکائیلن

مدینه دن سوزی آسان آپارما شامه (شهاب)

اگر چه مطلب اوزی گیتدی اقتضائیلن

الوی ساخلا ، سوزون قوی خرابده قالسون

ویرر بو ایکی باجی اجروی عطائیلن.

مرحوم شهاب تبریزی

 

 

موضوع: احوالات خروج از مدینه ,
زبان شعر و شاعر: نوحه ترکی , شهاب تبریزی

احوالات خروج از مدینه

قافلۀ غم دوزولدی

سمتِ رَهِ نینوایه

وقت او وقت اولوب که گلسین

فاطمه چو نی نوایه

اول مریضه گوردی ناگه

جلوه ‌لندی پرتو نور

صحنِ خانه‌یِ پیمبر

اولدی رشگِ وادیِ طور

چون کلیم او نوری گورجک

غش ائدیب او زارِ مهجور

هوشه گلدی مثلِ موسی

تکیه ایلدی عصایه

دوشدی تا گوزی حسینه

باشلوب اُول زمان شکایت

سویلدی مگر ائده لَّر

ناخوشی بئله عیاد‌ت

بیلمیر‌م بو گون نه گوندور

یوز وئریب منه سعاد‌ت

روز و شب بو گوند‌ن اوتری

ال گوتورموشم دعایه

وصلون ائتمیشم تمنّا

چون خدای لم یز‌لد‌ن

یئتمیشم مراده قویمام

دامنِ وصالون الد‌ن

قوی گوروم یوزون دویونجا

قورخارام بابا اَجَلد‌ن

هجریوی فلک مبادا

توش ائده بو مبتلایه

ایلیوب اونی او سرو‌ر

قصّۀ سفرد‌ن آگاه‌

آیریلوق آدین ائشیتجک

قلبید‌ن او چکدی بیر آه

عرض قیلدی چون گئدیرسن

ای بابا منی سن الله

بو مدینه ایچره تاپشور

اُول عمویِ با وفایه

سویلیوب قیزیم وفا یوخ

گردشِ سپهرِ دوندا

ایلمه غریق چشمون

بو سرشگِ لاله‌ گوندا

منیله گئدیر عراقه

بو مدینه‌ د‌ن عَموندا

آفتابید‌ن گورونمز

آیریلا جهاندا سایه

عرض ائدیب بابا گئدو‌رسوز

ایندیکی هامی زن و مرد

درد الیند‌ن عابدینون

من تک عارضی اولوب زرد

بس گلون اونی آپارمون

من اولوم اونیلا همد‌رد

میل ائد‌ر همیشه چونکی

برگِ کاهِ کهربایه

فاطمه دئدی خلاصه

هر جوانِ نامرادی

دفترِ سفرده گوردی

ثبت اولوبدی بیربیر آدی

عرض ائدیبدی واردی بولَّم

بو سَفَرون امتدادی

باری قوی سکینه قالسون

تا وئرک صدا صدایه

شاهِ دین بویوردی سیلِ

اشک ائوینده دورماق اولماز

شیشۀ دلِ حزینه

سنگِ هجری ویرماق اولماز

بو سکینه نی ئولونجه

لیلی دن آییرماق اولماز

آنا بالاسیز دؤزنمز

کربلاده هر بلایه

تنگه گلمه هِجر الیندن

صبر ائله قیزیم فراقه

صحّت تاپاسان بو غمدن

آخر دوراسان ایاقه

یولّارام علیِّ اکبر

گتیرور سنی عراقه

آغلاما بو اشک چشمون

عالمی وئرور فنایه

امر ائدوب شه مدینه

اشجع شجاع جوانلار

خانۀ رسوله سالسون

گون کیمی شعاع جوانلار

اُول مریضه نی دویونجا

ایلسون وداع جوانلار

قالاجاقلا چونکه حسرت

حشره تک او بینوایه

بستر غم و بلاده

فاطمه نه گوردی اوَّل

یوز قویوب گلور عموسی

هم مسلَّح و مکمّل

سویلدی گوزون فداسی

هاردا قالموسان عمو گل

نقد جان نثار ائدوم تا

عجزیله بو خاکپایه

اگلشوب قولون او سرور

ایلدی چو زیب بالین

حال ائوینده حالتیله

بیر به بیر سوروشدی حالین

سویلدی دویونجا دور گور

فاطمه علی عیالین

باغلانوب قطار محمل

کوچ ائدولّه کربلایه

بیرده چون باخوب نه گوردی

یوسف مدینه اکبر

خانمان مصطفایه

داخل اولدی چون پیمبر

سویلدی بئله گلولَّر

باجون ئولسون ای برادر

بو نه آیریلیقدور ایستر

کیم فلک سالا آرایه

افراد :

بو گجه عرش برینه یتوبدور افغانیم

علی دئمکدن علی آز قالوب چیخا جانیم

بو گئجه صبحه کیمی یاتمادوم منِ خسته

دئدیم صباح گلور اکبریم باشیم اؤسته

آنام ئولوبدی منیم یوخ یانیمدا بیر دیّار

روا دگُل بو قَدَر منتظر قالا بیمار

گلینجه سن منی تاپسا اگر اجل قارداش

قبول زحمت ائدوب قبریم اوسته گل قارداش

الون مزاریمه قوی ایله روحیمی راحت

تلاوت ائت منه بیر عشر آیۀ رحمت

صفا گتورموسن ای کاکلی سمن قارداش

منِ علیله اولان زیب انجمن قارداش

نه ائتمیشم سنه من گلمیسن عیادتیمه

اَل اؤزموسن منِ بیماریدن ندن قارداش

علیل و بیکس و بی یار و یالقوز ائولرده

نه وار قاپومی آچان بیر گلوب گئدن قارداش

نه جرم ایلمیشم سالمیسان منی گوزدن

مگر گلِیلیمی واردور سنه دییَن قارداش

بو قدری بولمزیدون بی وفالیقون رسمین

سنه بو قاعده نی کیمدور اؤرگَدَن قارداش

اُول مریضه نی وداع چون ایلیوبدی هر مسافر

نوبتِ وداع یتیشدی قاسمِ جوانه آخر

گوردی قاسمی گیینمیش اگنینه لباسِ فاخر

سویلدی چوخ اوخشوسان سن ای عم اوغلی کدخدایه

قاسمه باخاردی گوردی

زینبون گلور صداسی

داخل اولدی اول سیرایه

اگننده سفر لباسی

عرض قیلدی خوش گلوبسن

ای یتیم لرون آناسی

آناسیزلقدان گلایَم

واردی عمّه بی نهایه

افراد :

بو گون همان گونه بنزر که قلبیمیز یاندی

دیار کوفه ده حیدر باشی قلجلاندی

گیروب کجاویه زینب شکسته دل قالدوخ

نجه که فاطمه تابوتینی یولا سالدوخ

بتول قبرینه کیمسه گلوب گئدن اولماز

گلینجه عمَّم او قبرین توزین سیلن اولماز

(پایان افراد)

چون منی قویوب گئدیرسیز

ایندیکی مدینه ‌د‌ن سیز

بو سفرده غفلت ائتمین

باری بو سکینه‌ د‌ن سیز

حفظ ائدین اونی ای عمّه

ظلمِ اهلِ کینه ‌د‌ن سیز

قویمیین گلینجه یئتسین

درد و غم او مه لقایه

کیمسه‌ د‌ن بو دردِ جرمون

ممکن اولسا گر علاجی

کُلِّ عالمون حسینه

وار جزاده احتیاجی

روزِ حشریده گمانیم

یوخ بیر اوزگه زاده «راجی»

اشکِ چشمِ خون فشاندا‌ن

توشه جمع قیل جزایه

مرحوم راجی تبریزی

موضوع: احوالات خروج از مدینه ,
زبان شعر و شاعر: نوحه ترکی , راجی تبریزی

احوالات خروج از مدینه

چمنده بلبلون آیا نچون قراری گیدر

جفای خار گوروب صبر و اختیاری گیدر

بهاراولاندا گلورگلستانه هردلیل

بو عندلیب نچون سولمیوب بهاری گیدر

پیام یار ایشیدن عاشقه بو چوخ بنزر

آلوب قرارین اونون جذبه نگاری گیدر

حجاز ایچره نه آشوبدورمگر که اونون

حسین فاطمه تک شاه شهرداری گیدر

حرم کبوتری کرب و بلا چولونده مگر

ستمله اولماقا دام بلا شکاری گیدر

دیوله کیم ایلیوبدی حسین عراقه سفر

نجه سفردی کنارینده شیر خواری گیدر

سفر بو نوعیله اولماز یقین سراغ ایلیوب

دیارماریه ده شمرنابکاری گیدر

مگردوشوب باشینا بو هوا که قانیله

بلا چولون ایده اسلام لاله زاری گیدر

حجازی ترک ایلیوب کربلاده قان تاجی

قویا اوجا باشینا عشق تاجداری گیدر

اسیر شمراولا یوخسا او ماه رو بالالار

منورایلماقا شهرشام تاری گیدر

جهازسیز دوه استنده قولاری باغلی

مگردمشقه طرف زینبین قراری گیدر

مگر که گوشه ویرانه ده قوری یرده

رقیه ویرماقا جان شام شومه ساری گیدر

نظاره قیل نجه آردینجا گوربو قافله نین

سرشک(آصف)اولوب سیل کوهساری گیدر

مرحوم آصف تبریزی

منبع کانال گنجینه گذشتگان

موضوع: احوالات خروج از مدینه ,
زبان شعر و شاعر: نوحه ترکی , آصف تبریزی

خروج کاروان کربلا از شهر مدینه

باز ازسوز و نوای نینوا

محفل دلدادگان شد کربلا

نغمه پرشورعاشورای عشق

کرد درعالم بپا غوغای عشق

از حجازآمد نوای یاحسین

عاشقان را زد صلای یا حسین

آن نوا درگوش جان عاشقان

بود بانگ کاروان عاشقان

کرد ایجاد این درای کاروان

انقلابی درزمین و اسمان

ازکجا بربست بار این قافله

تا چه مقصد میروند این مرحله

ازدیارعقل تا میدان عشق

کیست میرکاروان سلطان عشق

حبذا این کاروان خوش خبر

کاو متاع عشق دارد این سفر

کاروانی غرق در مستی همه

پانهاده برسرهستی همه

کاروانی عروه الوثقی شده

ملجاء مرد و زن دنیا شده

عالمی را غرق عصیان یافته

خلق را درموج طوفان یافته

چون سفینه نوح با اصحاب خاص

کرده دعوت خلق را بهر خلاص

تا غریقانرا بساحل آورد

بارمردم را بمنزل آورد

خود بگرداب بلا افتاده است

برنجات خلق ره بگشاده است

با غریقش هست دائم التفات

هرکه دست اندرزندیابدنجات

کاروانی عازم ملک وجود

سیرشان درعالم غیب و شهود

کاروانی جمله بازرگان عشق

مشتری دکه و دکان عشق

درتجارت دست حق دلالشان

وآن سر ببریده راس المالشان

کاروانی دل بریده ازوطن

پشت بر دنیا و درگردن کفن

تا بعالم محشری برپا کند

تا رموز عشق را افشا کند

تا سبک سازند بارعاصیان

تا دهندآبی باین لب تشنگان

بارشان رنج و بلا دل بارکش

توشه ای این کاروان جوع و عطش

با شتاب ازخانه بیرون آمده

چون طبیبان جمله با خون آمده

تا علاج درد بیماران کنند

تا شفاعت ازکنه کاران کنند

هست هرفردی ازاین یک قافله

کاروان عشق را سرسلسله

گرچه قران است حرزکاروان

لیک می کوشند بهرحفظ آن

درمیان کاروانهای بشر

آن چه آمد و آنچه باشد ره سیر

بهترازاین کاروان مقصد ندید

شاهراه عشق را سرحدندید

ازحرم مستانه ببریده است راه

باراندازش میان قتلگاه

روزمیقات و طواف و ترویه

موسم حج و وقوف و تلبیه

برندای حق شد لبیک گو

کرده آن صاحب ندارا جستجو

خانه ای حق ترک گفته بهرحق

خانه را کرده بدل با شهرحق

کنده ازسعی صفا و مروه دل

دل نپیوسته بکوه و سنگ و گل

نقشه ای یک خانه از خون خدا

ریخته اندرزمین کربلا

خانه ای کاو طرحش ازخون ریخته

سقف و دیوارش به عشق آمیخته

عندلیب آسا به بستان صفا

پرگشوده با دو صد شورو نوا

نغمه ای جانانه ای سرکرده است

جان عالم را مسخرکرده است

گشته از زمزم روان سوی فرات

خضرآسا رفته تا آب حیات

باغ دین را آبیاری کرده است

چشمه های فیض جاری کرده است

روزقربانی گذشته ازمنا

گوسفندان را بخود کرده رها

رفته از قربانگه اندرقتلگاه

سر نهاده دوست را درپیشگاه

درحضوردوست قربانی شده

دربقای نام او فانی شده

خود چه قربانی که کل ممکنات

گشته ازقربانیش مبهوت و مات

نیست درقربان شدن ثانی او

صد چو اسماعیل قربانی او

خود چه قربانی؟که ذبح اعظم است

گرشود عالم فدای او کم است

رسیدن کاروان کربلا بر کوی عشق

از حجاز ان سالکان نیک پی

هفت وادی را چو بنمودند طی

تا شب دوم زعاشورای عشق

درسیاهی رانده تا صحرای عشق

مرحوم شمس اصطهبانی

منبع کانال گنجینه گذشتگان

موضوع: احوالات خروج از مدینه ,
زبان شعر و شاعر: نوحه فارسی , شمس اصطهبانی

خروج از مدینه

داغلدی گلشن و گل و باغبان گیدور بو گجه

یورولدی بلبل خوش نغمه خوان گیدور بو گجه

غراب وردی گلستاندا زنگ تعطیلی

هزاره ایلدی ترک آشیان گیدور بو گجه

نه یارلرده وفا گوردی نه وطنده صفا

نگار قهریله دامنکشان گیدور بو گجه

ایگرمی سگیزیدور گوییا مه رجبون

مدینه ده گویه یردن فغان گیدور بو گجه

هره بیریله خدا حافظ ایلیور اما

حسین بقیعه طرف باغریقان گیدور بو گجه

به علت نداشتن اجازه انتشار کامل اشعار 

(مرحوم استاد رحیم منزوی اردبیلی) چند بیت از اشعار

 ایشان به اشتراک گذاشته میشود

مرحوم منزوی اردبیلی

موضوع: احوالات خروج از مدینه ,
زبان شعر و شاعر: نوحه ترکی , منزوی اردبیلی

زبانحال حضرت فاطمه صغرا (سلام الله)

به حضرت علی اکبر (علیه السلام)

هنگام خروج از مدینه

ای یوزی گل زلفی سمن قارداش علی خوشگلموسن

یادایلیوب صغرانی سن قارداش علی خوشگلموسن

گلدون منی یاد ایلدون بو گوگلیمی شاد ایلدون

محنتدن آزاد ایلدون قارداش علی خوشگلموسن

مدتدی که هجران غمی صغرانون اولموش ماتمی

خوش گورم ایمدی عالمی قارداش علی خوشگلموسن

ای بلبل باغ وفا ویردین عجب قلبه صفا

بیماریدیم تاپدیم شفا قارداش علی خوشگلموسن

بیماره ای روح و روان  سنسن نشاط جاویدان

سن گلموسن ایتمم فغان قارداش علی خوش گلموسن

بو گلماقین خرسندیم بیرجانفشانلوق بندیم

سندن علی شرمندیم قارداش علی خوش گلموسن

آهون منه ایلوراثر یوخسا که واردوربیر خبر

باسوندا وار شوق سفر قارداش علی خوش گلموسن

آلدین هامی آرامیمی ایتدون قرا ایامیمی

قویدون اورکده کامیمی قارداش علی خوش گلموسن

هجرین منی دلدن سالارآرامیمی الدن آلار

گرسم اطاقین بوش قالارقارداش علی خوش گلموسن

ای گل یوزی قرص قمرسنسیزباجین صغرا نیدر

گل بو سفردن ایت حذرقارداش علی خوش گلموسن

نه تک جمالون بندیم بو خط و خالون بندیم

بیر بیله حالون بندیم قارداش علی خوش گلموسن

هجرینده وارآغلارگوزوم من بو غمه نجه دوزوم

چوخ خوش گلور بیر بو سوزوم قارداش علی خوش گلموسن

آغلا (ثریا)هرزمان گوزیاشیوی ایله روان

صغرا دلینجه قیل بیان قارداش علی خوش گلموسن

مرحوم ثریا تبریزی

منبع کانال گنجینه گذشتگان

موضوع: احوالات خروج از مدینه ,
زبان شعر و شاعر: نوحه ترکی , ثریا تبریزی

وداع حضرت امام حسین (علیه السلام)

با حضرت فاطمهٔ صغرا (سلام الله) 

محرّران احادیث عترت نبوی

مؤلّفان تواریخ آل مرتضوی

صحیفه ی اَلم و همّ و غمّ محنتده

رسالهٔ صحف محنت و مصیبتده

نچه روایتیله مجمع مصائبدن

بیان واقعی مذکور هر مطالبدن

حدیث معتبر اخباریله قیلوب توضیح

نه خوش بیان و مضامینیله ائدوب توشیح

نکات و رمزیله اسرارینه وئروب تفسیر

یازیلّا شرح معان و بیانه شرح کبیر

بودور ملخّص ضبط مصائب الابرار

عَلیٰ روایت مُحرِق عبارت الانوار

که چون حدیقه ی گلزار سیدالثقلین

بحار عصمت درّار مجمع البحرین

دُر یگانه ی بحرالمعارف صمدی

مقرّب حرم خاصّ درگه احدی

یگانه گوهر ایمان جواهر ایقان

شه سما ٕ بحار عوالم امکان

مقام و رتبه ده فرزند صاحب معراج

طریق عشقیده نهج حقیقته منهاج

دَرِ خزائن رحمت کلید کنز خفا

وجودی قطب زمان لنگر زمین و سما

سرور و قلب و جلا ٕ العیون پیغمبر

جلال و شأن و مناقبده وارث حیدر

سفینه ی غمی طوفان نوحه فلک نجات

دوا ٕ و حبّی حیاة القلوبه عین حیات

ریاض جنّتین ابوابینه آدی مفتاح

جمالی مجلس فوز و فلاح ایچون مصباح

مراد منتخب مقصد فروع اصول

عزیز فاطمه پرورده ی کنار رسول

ازلده فردیدی چون نور نقطهٔ توحید

یتوب او وقت گنه اختیار ائدوب تجرید

لباس کثرتدن روح تک مجرّد اولا

قالا او جسمی که محدت سراده سرمد اولا

حضوره ایستدی عباسی کای جوان دلیر

گل ای جمالی شب چارده سراج منیر

گل ریاض وفا سرو بوستان هنر

نهنگ بحر غضب پور ساقی کوثر

سفر تدارکی گور روضهٔ پیمبردن

علاوه کشف غم ایله دل مکدّردن

تهیه ی سفری ساز قیل نظامیله

رهِ رسوم و قوانین احترامیله

ملاحظه ائلیوب قیل کجاوه لر تعیین

بنات عصمت کبرایه هودج زرّین

مرتّب ایله اؤزون امر قیل غلاملره

حرم کجاوه لرین باغلاسونلا ناقه لره

کلام منطق و نهج بلاغتیله مقال

دُرِ ثمینِ جواهر کلامی عین زلال

نثار ایلدی چون دُرج دُر فشانیندن

خیالی جامع اولوب مجمع بیانیندن

بنا به حکم همایون واجب الاذعان

قیلوب متابعت امر سرور دوران

او دمده حاضر ائدوب ناقه های خوشرفتار

نظامیله دوزولوب باغلانوب قطار قطار

قطاره چکدیله هامون نورد ناقه لری

جهاز ناقیه حمل ائتدیلر کجاوه لری

قُباب نور او محمللر اوسته شاد زبان

اولوب ملائکه دورینده طَرَّقوا گویان

مهار ناقه الینده قاباقدا روح الامین

صاق و صولوندا قطارین گروه کرّوبین

دالینجا قافله ی حوریان باغ جنان

ادبله ال الی اوستونده صف چکوب غلمان

پیمبران اولوالعزم و اولیا ٕ الله

گَلوب مشایعته اوصیائیله، همراه

تمامه یتدی چو ترتیب کاروان جلال

او وقت سید بطحا شهنشه متعال

اراده ایلدی قیلسون وداع فاطمه نی

بیان ائده اونا بیر نحویله مقدّمه نی

دگلدی فاطمه آگاه بستر غمده

مریض و خسته خیالی بیر اوزگه عالمده

نه گوردی باشینون اوسته او بیکس و یاری

گلوب آتاسی اویاتدی او خسته بیماری

آچان زمان گوزونی باخدی بیر حبیب اوزونه

مریض،هجر تماشا ائدوب طبیب اوزونه

دوروب اوتوردی گوروب دردینین دواسی گلوب

قیزین عیادتینه مهربان آتاسی گلوب

ضعیف حالتیله که باشلیوب نوای حجاز

بیان حالینه آچدی زبان عجز و نیاز

دئدی بو حالیله سندن خجالتیم چوخدور

ایاقه دورماقا عفو ایله طاقتیم یوخدور

منیم عیادتیمه خوش گلوب صفا گَتدون

حیات تازه وئروب دردیمه دوا گتدون

بئله گَلولّه مگر ناخوشین عیادتینه

بئله مراقب اولالّار مریض حالتینه

شکایت ایلمرم لیک اولموشام دلگیر

بوگون منه آناسیزلیق چوخ ایلوری تأثیر

آناسیزام نظرونده او علّته خوارم

قبیله ایچره ذلیلم علاوه بیمارم

اگرچه بو مرضیمده کمال شدت وار

بو درده داروی وصلون شفادی صحت وار

یارالی دللری قلب امامی یاندیردی

کباب ائدوب اورگین حالینی دولاندیردی

تکلّم ایلماقا اشگ چشم اولور مانع

گره لننده نفس آه دل اولوب دافع

چو آهیله قاریشوق سینه دن اوجالدی سسی

اولوب مریضه سینین همزبان و هم نفسی

ای بستر فراقده بیمار فاطمه

درد و بلای هجره گرفتار فاطمه

وار بیر سؤزوم نهانی سنه اولماسان ملول

راز نهانی ایلرم اظهار فاطمه

ایام وصل گچدی یتیشدی زمان هجر

یتدی سنیله آخره دیدار فاطمه

وار بیر اوزاق سفر یولوم اوسته مسافرم

سمت عراقه گئتماقا ناچار فاطمه

صبر ایله چوخدا آغلاما یاندیرما قلبیمی

توکمه سرشک دیدهٔ خونبار فاطمه

حقون وار آغلاماقدا ولی صبری قیل شعار

هرچند هجره صبردی دشوار فاطمه

لابدسن گرک قالاسان سن مدینه ده

وار قالماقوندا بیر نچه اسرار فاطمه

اوّل بودور که باب سفر سنده گورمورم

باعثدی بو نقاهت آزار فاطمه

بیر سرّی ده بودور کی پیاده گئدنمه سن

شامه اسیر قوم ستمکار فاطمه

زینب گرک یانیمجا گئده اهل بیتیمه

اولسون خرابه لرده پرستار فاطمه

بیر آیریلوق خبری آلدی طاقتین الدن

گلوب نوایه چکوب آه آتشین دلدن

عرض ایلدی زمانه ده سرداریم ای بابا

غم بسترینده غم گونی غمخواریم ای بابا

یوخ منده تاب هجروه مشکل دوام ائده

درد فراقوا بو دل زاریم ای بابا

گئتسن آپار یانونجا آنام یوخدی ناخوشام

کیمدور قالان یانیمدا پرستاریم ای بابا

تأخیره سال و یا سفرون گون بگون منیم

یوز دوندروبدی شدّته آزاریم ای بابا

شاید بو عنقریب اجل درک ائده منی

تاپشور مزاره سن منی سالاریم ای بابا

اولدی علاوه دردینه بیر درد بی دوا

عرض ائتدی ای قیلان منی مین درده مبتلا

غم بسترینده خسته و بیمارم ای بابا

رنجورم و علیل و دل افکارم ای بابا

بیر درد بی دوایه منی گردش فلک

ائتموش دچار علاجینه ناچارم ای بابا

یوخدور امید من بو مرضدن خلاص اولام

بیر بیله محنته کی گرفتارم ای بابا

ئولمک گلوبدی شأنیمه الحق حیاتیدن

مأیوسم ایمدی مرگه سزاوارم ای بابا

گفتاره گلدی پادشه خطّه ی حجاز

گویا بو دللریله اونا ائتدی کشف راز

صبر ایله ای علیله و بیچاره فاطمه

صبر ایلماقدان اؤزگه ندور چاره فاطمه

چوخ غصه ایلمه مرضی غصه آرتیرور

چون غصه پرورش وئرور آزاره فاطمه

جدّه ن قالور یانوندا پرستار اولور سنه

جانسوزدور آنان کیمی همواره فاطمه

زینب یانیمجا گتمسه کیم غمگسار اولور

ویرانه لرده عابد بیماره فاطمه

قارداشلارین امان سفر اوسته عمولرین

عباس و عون و اکبر مه پاره فاطمه

فال نکو دگل بو قدر آه و زار ائدوب

توکمه سرشک صفحه ی رخساره فاطمه

چون اکبرینده گیماقینی بولدی آشکار

آرتوردی شورین عرض ائدوب ای باب تاجدار

فکر ایله بیر علاج منه سروریم بابا

اندوه و غصه دن اریوب پیکریم بابا

چارم ندور یانور اورگیم بیر قبیله دن

قالمور یانیمدا بیرجه نفر یاوریم بابا

تأثیر ائتمیوب آناسیزلیق بوگون کیمی

مدّتدی کیم وفات ائلیوب مادریم بابا

ایمدی ائدر منه آنامون ئولماقی اثر

بیربیر بوگونده تازه لنور غملریم بابا

باری بیریسی عمه لریمدن مدینه ده

یابیر نفر یانیمدا قالا خواهریم بابا

هئچ کیمسه تیره بخت منیم کیمی اولمادی

گوردی نه لر زمانه ده بو گوزلریم بابا

قارداش فراقی هجر پدر فرقت عمو

یتمز دئسم نهایته حسرت لریم بابا

تاب ایلیم اگر هامی درد و مصیبته

بیر درده تاب ائتماقا یوخ یاوریم بابا

گتسه مدینه دن منه لازم دگل حیات

ماه مدینه اکبر گل پیکریم بابا

بو طرز سؤزلریلن اول علیله ی بیمار

ائدردی درد دل بی قرارینی اظهار

گهی سکوتده غم بسترینده محنتدن

چکردی آه جگر سوز فرط حسرتدن

شرار آهی ووروب خرگه سپهره شرار

ائدنده ناله گلوب نالیه در و دیوار

ائدنده صفحه ی رخساره خون دل جاری

وئرردی شاه شهیدان بو نوع دلداری

سنی حمایت ظلّ خدایه تاپشوردوم

ائت محافظت کبریایه تاپشوردوم

وئروب زلال مقالیله قلبینه تسکین

ائدوب او زار و علیلی وداع باز و پسین

دئدی بابا گئدوسن عرضیمی ائشیت باری

سن ایمدی یادینه سال اکبرین من زاری

منی مباد فراموش ائده خیالیندن

مریض هجر اولا محروم اونون وصالیندن

اونا بو منزلیم اولماز اگر چه شایسته

نولور گلوب منی بیرجه گوره ایاق اوسته

قبول ائدوبدی اونون خواهشین امام انام

الین قویوب گؤزی اوسته یریندن ائتدی قیام

گورن زمان آتاسین فاطمه روانه ی راه

چخوب مشایعته اوتلی سینه سیندن آه

دالینجا هر سفرینون ائدلّه آب فشان

ائدردی فاطمه گوزدن سرشک ناب افشان

ائدوب یانان اورگین اوتلی سینه سینده سپند

آلیشدی شعله ی آهیله اولدی دود بلند

قدم کناره قویوب حجله دن ولی الله

آپاردی فاطمه نین صبر و طاقتین همراه

یتیشدی گوردی دوروبلار جوانلار آماده

علیّ اکبره دوشدی گوزی او اثناده

بویوردی فاطمه نین وار علی سلامی سنه

سلامدن صورا بیر مختصر پیامی سنه

فراش محنت و فرقتده بی قرارون دور

تیکوبدی گوز یولوا دورما انتظارون دور

زیاده مایلیدی شوق وصل دیداره

همان او شوقیله یوز قویدی منزل یاره

نه گوردی بستر غمده او ناتوانی یاتوب

اولوبدی گل یوزینون رنگی ارغوانی یاتوب

غم ایچره جسمی نهان جهان شبیهی جسم ایچره

نهان غم ایچره عیان جسم ایچینده جانی یاتوب

باخاندا غم گورونور آشکار جسمی ایتوب

ز بسکه واردی بدیهی غم نهانی یاتوب

هلال تک اریوب هاله ملال ایچره

ملال محض قالوب جسمیدن نشانی یاتوب

ضعیف اولوب بدنی مویه دن دونوب مویه

سالوب یوزینه سیه زلف سایبانی یاتوب

قوای جسم دوشوب قوّه دن مقوّا تک

قیام ائتماقا یوخ طاقت و توانی یاتوب

علیل و خسته وجودی قالوب وجودیندن

نشانه محض رگ و پوست و استخوانی یاتوب

نفس چکنده گلور ذکر کلمه ی یا دوست

به سان نی اوجالور ناله و فغانی یاتوب

چکنده آه بلند آهیدن اولور یاهو

چخوبدی نُه فلکه بانگ الامانی یاتوب

یوموب گوزینی گئدوب هوشه هر دولب خاموش

دوشوب تکلّم گفتاریدن زبانی یاتوب

سرشگ چشمی آخوب یوزده یاعلی یازیلوب

ز بس علی آدینی ورد ائدوب لسانی یاتوب

گوروب وصالده تأخیر بو خیالیله

مگر گوره یوخودا اکبر جوانی یاتوب

گورن زمان یوخودا اکبری باشی اوسته

گوزون آچوب باشی اوسته باخاندا آهسته

نه گوردی طالع ناساز سازگار اولموش

او خوابیدن اویانان بخت اونیلا یار اولموش

یریندن ایستدی هرچند ایلسون حرکت

میسّر اولمادی فی الفور ال وئروب رقّت

قویوب یوزینی علی اکبرین قدملرینه

دیردی درد دلین همزبان برادرینه

که ای سالان منی گوزدن گوزون فداسی علی

منی مریض ائلین دردیمین دواسی علی

نه جان لیاقتی وار ای گُل حدیقه ی ناز

ائدم قدم لرون آتدا بو جانی پای انداز

بو منزل غم و محنت فزایه خوشگلدون

بو غصه خانه مصیبت سرایه خوشگلدون

فدا قدملریوه سالموسان عجب یاده

عیادت ائتماقا بو مبتلایه خوشگلدون

اوجالدی عرشه سر فخر باشیم اوسته سنون

نهال سرو قدون سالدی سایه خوشگلدون

مریض فرقتوم درد عشقدور مرضیم

یتیشدی وصلیله دردیم دوایه خوشگلدون

خیال فرقتویله علیله ام قارداش

ائدوب فراقی مبدّل لقایه خوشگلدون

چوخ التفات ائلیوب گلموسن عیادتیمه

بو گلماقون سبب اولدی چوخ استراحتیمه

اگر گلوب بو قراریله گونده بیر ساعت

یانیمدا اگلشوب ائتسن تحمل زحمت

نچه گونه کیمی صحّت تاپار بو آزاریم

اولور خلاص مرضدن بو جسم بیماریم

گلوب او عاشق هجران کشیده گفتاره

شکایت شب هجران ائدردی دلداره

یارالی دللریله قلب یاره ، یاره ووروب

بو یاره کارگر آرتوق اولوب دل یاره

گوروب کی مطلب بو بیماره عکس اولوب معلوم

وقوع واقعه دن بی خبردی بیچاره

زمان هجر تمنّای ولی وار اما

قالور زمانه ده حسرت اولونجه دیداره

گوروب کمالی اونون غیردور علی اکبر

خیال ائدوب که گتورسون بو سرّی اظهاره

گنه ملاحظه ائتدی کی آیریلوق خبرین

نه نوع شرح ائلسون اول علیلهٔ زاره

دلی دوتولدی دیلنده دینمدی دلدن

اودم اجازه وئروب اشک چشم خونباره

کی شرح قصّه هجرانی چشم خونباری

سرشگیله رقم ائتدی بیاض رخساره

خط فراق خطیندن اوخوندی آیهٔ هجر

یازیلدی لوح خیال علیل بیماره

دئدی بو آغلاماقون باعثی ندور قارداش

گوزون فداسی اولوم ایله سرّینی منه فاش

سن آغلاما سنی هرگز گورنمرم گریان

ائدر بو آغلاماقون گوگلومی لبالب قان

زبان حالیله وئردی جواب فاطمیه

ائدوب بو نوعیله گویا خطاب فاطمیه

ای شمع بزم محنته پروانه فاطمه

ای غصه دن دونن جگری قانه فاطمه

آلما خبر بو آغلاماقیم بی سبب دگل

چون گوزیاشی دلیلیدی هجرانه فاطمه

گل بوته سینده نالهٔ بلبل وئرور خبر

چون آفت خزانی گلستانه فاطمه

هر وصل ایچون فراق دور عالمده عالمی

محنت سرا یازوبدیلا غم خانه فاطمه

ایستر فلک جدا ائلسون یاری یاریدن

لعنت گله بو عادت دورانه فاطمه

بیر اؤزگه صورت آینهٔ دهر گوسترور

یتدی وصال گونلری پایانه فاطمه

آلدی بو آیریلیق خبری اختیارینی

بی اختیار او دم گلوب افغانه فاطمه

عرض ائتدی وئر نشان منه بیر چاره یاعلی

تسکین وئریم اونیلا دل زاره یاعلی

احوالینی سوروشماقیلان قوم و اقربا

دلدارلوق گرک وئره بیماره یاعلی

اما بو حالت مرضیمده عجب خبر

وئردون من علیل دل افکاره یاعلی

بیر شرطیله که ترک سفر قیل سفر آدی

هرگز گتورمه سن دیله گفتاره یاعلی

هرگون بو گون کیمی یوزوه باخمیام سحر

یا شام اولور گونوم گئجه تک قاره یاعلی

تأثیر ائدر داش اولسا اورک سختیدور گلر

چون سنگ خاره بو دل صدپاره یاعلی

بو آرزوئیله فکر عالمینده من هردم

ائدوم اؤزوم اؤزومی شاد گوگلومی خرّم

اگر اجل منی درک ائتسه عترت اطهار

عزا دوتوب منه قویمازلا تعزیم اولا خوار

جنازه می گوتوروللر جلال و عزّتیله

دوتالّا یاسیمی قوم و قبیله حرمتیله

دم مماتیده جان وئرمگیم اولور آسان

ائدر آتام باشیم اوسته تلاوت قرآن

گلونجه یثربه سن قورخورام اجل مهلت

او قدر وئرمیه وصلون اولا منه قسمت

قبول ائدوب سوزومی سایه باشیمه سالاسان

بابام گئدر نچه گونده مدینه ده قالاسان

اگر وفات ائلسم قوی اؤزون مزاره منی

یتور بو فخریله عالمده اعتباره منی

ئولن زمان اولاسان باشیم اوسته حاضر اگر

گوزومده قالماز ئولم حسرتیم علی اکبر

وئروب جواب آغلاما ای مهربان باجی

ای آتش فراقه یانان ناتوان باجی

معذور دوت منی بو سفردن قالانمارام

صبر ایله بی ثمردی بو آه و فغان باجی

امّا سنیله شرط ائدرم ایمدی قوی گئدوم

هر وقت کوفیه یئتیشه کاروان باجی

اوندا گلوم سنی آپاروم بیرده شرطی وار

وئرسه مجال خولی و شمر و سنان باجی

هرگز خیال ایلمه ترک وفا ائدم

گر بی وفالیق ائتمیه لر کوفیان باجی

یتسم عراقه نامه یازوب یوللارام سنه

اول نامه دن اولار سنه حالیم عیان باجی

منده بولورسن اولمادی تقصیر گلماقا

کفّار کوفه وئرمدیلر چون امان باجی

زلف سیاهه قصّه ی هجرانی مو به مو

شرح ایلرم شهادته شرح و بیان باجی

پیک صبا بو طرّه ی عنبر فشانیدن

نکهت آلوب سنه گتورر ارمغان باجی

قالماز به غیر نام نشانیم زمانه ده

ساخلا او قانلی کاکلی مندن نشان باجی

هر صبح و شام وئرّم اجازه(حقیریمه)

ائتسون بو اسم اکبری ورد زبان باجی

مرحوم حقیر خویی

 

 

موضوع: احوالات خروج از مدینه ,
زبان شعر و شاعر: نوحه ترکی , حقیر خویی

احوالات خروج از مدینه

مدینه دن یولا بیر کاروان دوشوب گیدوری

بساط غم قورولوب موکنان دوشوب گیدوری

یغوبدی باشینه انصارینی شه دوسرا

بویوردی حاضر اولون عزمنا بسمت منا

منای کرب و بلا منتظردور احراره

صفالی تربتی چونکی شفادی بیماره

او یرده دردیمه درمان اولار شهادتیله

گرک او یرده باتام قانیمه شهامتیله

خیاله دوشدی خداحافظی ایده آخر

نوای قلبی فقط یا قدیم یا داور

ازلده گلدی بقیعه او غملی توپراقه

اوجالدی ناله سی دلبند رسولین آفاقه

توکوب سرشگینی قبر بتوله قویدی یوزون

یواش یواش دانشوب شرح ایدوب فراق سوزون

دیدی آنا گیدورم کربلایه زار و حزین

تمام اهل حرم وار یانیمدا اولما غمین

ایدیم نه چاره آنا آیریلام گرک سندن

بو گوزلریمدن آخان خون دل قالور مندن

حسن قالور سنیله بو صفالی تربتده

شهادت امری منیم قسمتیمدی غربتده

وفالی زینبیم اما گلور منیله آنا

شرار شمع وفایه اودا گرکدی یانا

مدینه ده داخی یوخدور صفا آنا گیدورم

یولومی گوزلوری کرب و بلا آنا گیدورم

سنیده گوزلرم اما او غملی صحراده

آچاندا باشینی زینب گلنده فریاده

مزار حضرت پیغمبره باخوب نالان

اورکلنوب دیدی جانیم سنه فدا باباجان

باخوبدی قارداشینون قبرینه توکوب قانیاش

دیدی حسینی یولا یوخ سالان حسن قارداش

غرض قیتدی گلوب منزله امام زمان

جمع اولدی عترتی اطرافینه دلنده فغان

بویوردی اکبره ای جدیمون شبیهی اوغول

مریضه باجووی ایله وداع اولوبدی ملول

دوشنده گوزلری اما مریضه صغرایه

نه حاله قالدی دیمم عرش و فرشه پیرایه

باخوب گوروب ایلوری گوزیاشین یوزه جاری

دیور بابا منی قویما قالام سنی تاری

خدنگ آهیمیله قلب عالمی دلرم

سورودن آیری دوشن بیر غزال تک ملرم

بو آیریلیق منی دلدن سالار بابا بولورم

آلوبدی طاقتیمی بو مریضه لیخ ئولورم

علی اکبریمون هجرینه نجه دوزرم

هایانا گیتسه پیاده دالیجا من گزرم

امام راضی ایدوب اول علیله بیماری

ایدوب حضوررینه احضار اودم علمداری

بویوردی پرچموی آل اله علمداریم

دیوون یولا دوشوری قافله علمداریم

چخوب مدینه دن حاصل امام کون و مکان

سوار هودج ایدوب عترتین شه دوران

ربابه ویردیله بیر هودج زرافشانی

آلوب قوجاقه علی اصغر دل آرانی

باساردی باغرینا اوغلون کمال عزتیله

گیدردی قافله اما منایه سرعتیله

اماندی یازما داخی ویرمه چوخ بو مطلبه طول

باخار یقین سنه (دلجو) حسین آناسی بتول

منبع کانال اشعار دلجو

موضوع: احوالات خروج از مدینه ,
زبان شعر و شاعر: نوحه ترکی , دلجو

خروج از مدینه

ایستدی تا که کوچ ایده، آلِ عَبا مدینه دن

عرش برینه اوج ایدوب، شور و نوا مدینه دن

گوردیله عزم ایدوب گئدر، چونکه امام ممتحن

گلدیله شور و نالیه، آغلادی جمله مرد و زن

اولدی غریق بحر غم، فاطمه ابر دیده دن

توکدی سرشک عارضه، گوردی بکا مدینه دن

دوتدی یوزین آتاسینا، ایلدی عرض ای بابا

آلِ علی تمامیسی، ایلیوب عزم کربلا

ائتدی منِ یتیمه نی، چرخ فراقه مبتلا

عمّه و باجیلار بو گون، اولدی جدا مدینه دن

من که مریضه اولموشام، کیم منه غمگساراولار

بو وطنیمده یالقوزام، کیم منِ زاره یار اولار

ئولسم اگر وطنده من، منیم یاسیمدا خوار اولار

باجیلاریم کنار اولا، اولما رضا مدینه دن

بو وقته لطف قیل بابا، بیرجه مریضه جانیمه

بو آناسیزی تاپشور اُول، عمّۀ مهربانیمه

یا که سکینه نی شریک، ایله منیم فغانیمه

ترک سفر گل ایله سن، یا ابتا مدینه دن

من نجه تاب ایلیوم، اکبریمون فراقینه

یا نجه صبر ایدوم بو گون، محنت اشتراقینه

حسرتیله باخام گرک، گئتسه بو طوی اطاقینه

گئتمیاجاق گلینجه سیز، درد و بلا مدینه دن

ایلدی بو فلک منی، درد فراقه چون دچار

یولّارا گوز تیکوب گیجه، گوندوز اولام من انتظار

تا وطنه گلینجه سیز، اولار بو دیده اشکبار

اولدی مدینه غم ائوی، گئتدی صفا مدینه دن

هجری علی اکبرین، آلموش الیمدن اختیار

قویمادی راحت اولماقا، چون منی چرخ کجمدار

دشمنِ آل حیدری، ائتدی جهاندا کامکار

سالدی کناره بیزلری، اهل جفا مدینه دن

اولدی امام مشرقین، حشمتِ بی شماریله

کوچ ایلیوب مدینه دن، هودجِ زرنگاریله

عزّت و احترامیله، شوکت و اقتداریله

قصد ایلیوبدی تربتِ، کربُبلا مدینه دن

ائتدی سوار محمله، زینبی شاه نینوا

محملینین کنارینی، آلدیلار آل مصطفا

گلدی بو احترامیله، اولدی مکانی کربلا

گورمدی کربلایه تک، رنج و عنا مدینه دن

مجلس غمده «مضطرا»، ایله فغان و شور شین

اجریوی لطف ایدر سنون، سبط رسول عالمین

گور نقدر چکوبدی غم، اوندا بو حضرت حسین

ایستدی تا که کوچ ایده، آلِ عبا مدینه دن

مرحوم مضطر قفقازی

موضوع: احوالات خروج از مدینه ,
زبان شعر و شاعر: نوحه ترکی , مضطر قفقازی

احوالات خروج از مدینه

چون کربلایه شاه شهیدان مدینه دن

عزم ایلدی او خسرو دوران مدینه دن

چکدیله چاوشان قضا بانگ الرّحیل

عرشه یتیشدی ناله و افغان مدینه دن

تا کربلا آدین ائشیدوب چکدی زینب آه

یا شعله چکدی آتش سوزان مدینه دن

دوردی عروس،ناوک مژگانه خونِ چشم

توشه گوتوردی لؤلؤ مرجان مدینه دن

خوانِ بلایه دوزدیلر انواع درد و غم

اهل جفا چاغیردیلا مهمان مدینه دن

کرب و بلا ده حرمله پیکانه سو وئرور

گؤزلر که گلسین اصغر عطشان مدینه دن

دوتسون فراتی خصم،نه غم،چون فرات وار

جاری دی ،اشک زینب نالان مدینه دن

بس که مدینه اهلی بو احواله آغلیوب

دریای اشک ایلدی طوفان مدینه دن

آچدی محمد حنفیه زبان عرض

گل گئتمه یا اخا سنه قربان ،مدینه دن

فدا اولوم سنه یاخشی دگُل هوای عراق

آماندی گئتمه که عشاقه چوخ چتیندی فراق

هنوز دویمامیشوق یاحسین وصالوندن

نه نوع گؤز گوتوراقبیز گُلِ جمالوندن

باشوندا واردی کیمون شور عشقی ای قارداش؟

که ال چکوب گئدیسن بیله مُلک و مالوندن

بئله که سن گئدوسن قان ایگی گلور قارداش

دیار کرب و بلا ،کشف اولور مقالوندن

خطر ائدور بو سفر عرضیمی ائشید،گئتمه

چوخ احتیاط ائدرم شوکت و جلالوندن

خدا نکرده اگر باشیوه بیر ایش گلسه

محافظت کیم اولور بو بولوک عیالوندن؟

علیّ اکبره باخدوقجا گؤزلرون یاشالور

بویور گؤروم نه گئچر دم به دم خیالوندن؟

علیّ اصغره باخدوقجا غصه ناک اولوسان

بیر اوزگه فکره سالورسان منی ملالوندن

ائشیتدی قارداشینون عرضین اول خجسته جناب

آچوب زبان گهربار،بیله وئردی جواب

ائشیتدی قارداشینون عرضین اول خجسته جناب

آچوب زبان گهربار ،بیله وئردی جواب

دوست راهنده نه یالقوز خانماندان گئچمیشم

بلکه من جانان یولوندا باش و جاندان گئچمیشم

شمر سیلی ویرسا تاپشورّام سکینم اوف دئمز

من جفایه طالبم ،آه و فغاندان گئچمیشم

گر قاریشسا اکبرین قانی ،حبیبین قانینه

راضیم من،حق بیلور،پیر و جواندان گئچمیشم

اوز قوجاقیمده آپارّام تا که دشمن اؤخلاسین

من علی اصغر کیمی شیرین زباندان گئچمیشم

قوی بَلَشسین قانینه قولسوز علمداریم منیم

قارداشیم عباس تک سروِ رواندان گئچمیشم

ائتسه لر یوزمین خطا ،راه وفاده نوشدور

بیر بلاکش عاشقم من امتحاندان گئچمیشم

طالب جانان ایچون دنیا ندور؟ عقبا ندور؟

عاشق یکرنگم و هر دو جهاندان گئچمیشم

عین مطلوبیم منیم ،عین رضای دوست دور

عشق بازارینده هر سود و زیاندان گئچمیشم

ویرسالار مین زخم کاری سینمه خوشدور منه

حق یولوندا من بو جان ناتواندان گئچمیشم

وداع با قبر حضرت رسول اکرم (صلی الله)

رسول روضه سین اول نور دیدهٔ زهرا

زیارت ایلدی،عرضْ قیلدی یا جدّا!

مرخص ائت منی که مبتلای هجرانم

مسافِرِ رهِ کویِ وصالِ جانانم

سنون بو روضهٔ پاکون ،غم فراقنده

اگرچه ظاهر صورتده دیده گریانم

ولیک خدمتیوه عازمم حقیقتده

او دور که باطن معناده شاد و خندانم

چک انتظاریمی،گئچمز او قدر وقت که من

سنه بهشتیده مجروح و تشنه مهمانم

او عهدنامهٔ حقه اطاعتیم واردور

که من بیر عبد ذلیلم ،مطیع فرمانم

بو افتخار منه بسدی ،یا رسول الله

سنه مطیعم و الله یولوندا قربانم

ستمله قانی آخان طشتِ دشت یحیایم

بساط عشرتی باده گئدن سلیمانم

بلا چولونده نزول ایلرم که صرصر ظلم

ائدن هامی ورَقین پاره پاره قرآنم

منای عشقه علی اکبر آدلی اسماعیل

آپارّام ائتمگه قربان خلیل دورانم

نه قدر تیر جفا گلسه سینمه ویرّام

هجوم ائدنده بلا ،یکّه تاز میدانم

یانیمجا زینب و کلثوم کربلایه گئدر

که همدم غم و همراه آه و افغانم

او دم که دمده که گویا آچیلدی پردهٔ راز

که گلدی قبر نبی دن بو نوعیلن آواز

گرک بو یولدا اوغول آه و ناله کیم چکه سن

تحمل ایلیه سن ،شمردن ستم چکه سن

مباد اینکه دلِ قاتل اینجیسون سندن

کسنده باشیوی خنجر دمنده دم چکه سن

گؤزون باخا باخا دوغرالّا نوجوانلاریوی

او گون کی گونده اوغول سن مباد غم چکه سن

بلا چولونده گرک باش و جانیدن گئچه سن

مباد عرضهٔ تسلیمیدن قدم چکه سن

نظرده ایستیه سن قالمیا به غیر از یار

اوز اختیاریوه باشدان گرک قلم چکه سن

یتور سفارشیمی زینبه که سنده قیزیم

گرک تحمل ائدوب محنت و اَلم چکه سن

بلا چولونده علمدارسیز قالاندا حسین

مباد شعلهٔ آهونله سن علم چکه سن

گئدنده باشی آچوق راه شام شومه گرک

نقاب وار اوزوه زلف خم به خم چکه سن

به عزم شام قیلوب آفتاب پیغمبر

وداع مشرقِ قبر جناب پیغمبر

عزم عراق ائدوب شهِ گردون فر ،آتلانور

طبل رحیل چون دوگولور،لشکر آتلانور

صاق وصولوندا ،جمله جوانان هاشمی

دعوا لباسینی گینور یکسر آتلانور

آلمیش الینه قامت رعناسی تک علم

عبّاس نامدارِ وفا پرور آتلانور

اول دمنده بیر سمند سبک خیز خوش مرام

زین ائتدی خادمان،که علی اکبر آتلانور

گویا گؤرن دیردی اولور رفرفه سوار

معراج عزمینه گینه پیغمبر آتلانور

مین عزتیله چشم رکابه قدم قویار

درّ یتیم،او قاسم مه پیکر آتلانور

چون اهل بیت اگلشی،زرّین کجاوه ده

پیکان هواسی ایله علی اصغر آتلانور

فکرون گینه نه ائتدی تصور ((شکوهیا))

سیلاب وار ،اشکِ دو چشمِ تر آتلانور

وداع با حضرت فاطمه صغری (سلام الله)

سیندیردی سنگ حسرتیله فاطمه باشین

دوتدی باباسینین اتگین توکدی گؤزیاشین

دئدی یواش گئت ایشیم اولدی آه و ناله بابا

غم فراق سالوب گؤر منی نه حاله بابا

سالوبسان ایندی که گؤزدن،سنده قوی باری

اوپوم ایاقون ،ایاق ساخلا لامحاله بابا

خوشا او گونلره مسروریدیم وصالوندن

بیر آیریلیق غمی دوشمزدی هئچ خیاله بابا

اولوبدی ایمدی گونوم قاره،طالعیم قاره

فراق الینده نئجه گلمیوم ملاله بابا

سکینه نی آپارورسان،منی قویوب گئدوسن؟

مگر تفاوتی وار التکین عیاله بابا؟

یانوندا خاطر منظوردور سکینه قیزون

کنیز آپار منی باری او مه جماله بابا

علیّ اکبرین ابروسینون خیالی منیم

بوکوبدی قامتیمی،دؤندروب ملاله بابا

جواب حضرت امام حسین (علیه السلام)

آتاسی باغرینا باسدی،او طفل بیماری

سیلوب نه لطفیله گؤزیاشین ائتدی دلداری

بویوردی آغلاما چوخ ،گلمه آه و زاره قیزیم

سرشک چشمووی توکمه بو گل عذاره قیزیم

سنون سکینه کیمی تاب و طاقتون یوخدور

دؤزنمه سن ستمِ شمر نابکاره قیزیم

عروس سینه سینه داغ اوسته داغ چکر

سکینه باشه سالور قاره اوسته قاره قیزیم

گؤرنمسن علی اکبر فراقینی نئجه بس

گؤرر سکینه اولوب نعشی پاره پاره قیزیم؟

قضادن اولدی سنون قسمتون فراق،گرک

ئولینجه گؤز تیکه سن راه انتظاره قیزیم

حیات باقی اولا،یولّارام علی اکبر

سنی گلور گتورر من گئدن دیاره قیزیم

چکر همیشه گوگُل حسرتون فراق گونی

نئجه که مرغ خزان گؤز تیکر بهاره قیزیم

محمل کشان راه بلا چون اولوب روان

یوکلندی بار خانهٔ غم،کؤچدی کاروان

متاع مهر و وفا میر کاروان آپارور

نه احتشامیدی بو شاه کامران آپارور

بلای چرخ اولو بازار کربلاده رواج

که طالبان غم و درد،نقد جان آپارور

منای عشقیده سئچمز حبیبین اکبردن

فدای دوست ایچون پیریلن جوان آپارور

دیار کوفه ده شمرین جفاسی آز گؤرونور

یانینجا اِیلَمگه ظلم،ساربان آپارور

نئجه سکینه،نئجه فاطمه،نئجه کلثوم

مجسّم آهیله،فریادیله فغان آپارور

خمیده قامتیله زینب ،دمادم آه چکر

که دشمن اوسته عجب تیر ،عجب کمان آپارور

عروسه خصم نچون بیرده تازیانه ویرار

که گوشواره سینی شمره ارمغان آپارور

آناسی اصغره چوخ سو وئرور که قوّت اولا

ضعیف طفلیدی،پیکان دگنده قان آپارور

ائدوبله زلفینی چین چین ،قطاس تک داماد

سنان ایچون نه عجب تیر و نه کمان آپارور

شکوهی مراغه ای

 

 

موضوع: احوالات خروج از مدینه ,
زبان شعر و شاعر: نوحه ترکی , شکوهی مراغه ای

احوالات خروج از مدینه

مکالمهٔ حضرت امام حسین (علیه السلام)

 با جناب محمد حنفیه

گل ای سفینهٔ محنتده ناخدا قارداش

گلوب طلاطمه دریا کیمی بلا قارداش

دالونجا قویما علیلم منی گوزی یاشلی

محمد حنفیه سنه فدا قارداش

اگرچه دشمنون آرتوب مدینه دن گئتمه

وطنده واردی گینه قوم و اقربا قارداش

بیریسی ائتمیه نصرت بیری حمایت ائدر

وجه گلر بئله گونلرده آشنا قارداش

منیم ده قارداشیم عباس تک اؤلیدی الیم

گلیدی پنجه مه شمشیر لافتیٰ قارداش

گؤریدیم اوندا یزیدی نئجه مقابل اولور

حلال زاده ایله زادهٔ زنا قارداش

ائدوم نه چاره گورورسن الیمده قوت یوخ

یوخومدی قوت الیمه آلام جدا قارداش

آتام علی قاباقیندا قلج ویران گونلر

ائدردی صولتیمه فخر مرتضی ٰ قارداش

نه نوع گؤر یغیلوب بیر یئره بلا بولودی

دگُل بو کوچ گونی،دوتقوندی چوخ هوا قارداش

گل ایندی گئتمه ،کوفه نی ائله موقوف

که اهل کوفه ده یوخ ذره جه وفا قارداش

آتام علینی اولار ئولدوروب گمانیم وار

که قانی ایندیده محرابیده قالا قارداش

یوخوندی چاره اگر گئت آپار جوانلاریوی

حرم آپارماقیوا وئرمرم رضا قارداش

بونی قبول ائلمز غیرت بنی هاشم

که فاطمه قیزی زینب اسیر اولا قارداش

بو خیردا قیزلاریوا رحم ائله مدینه ده قوی

سکینه هاردا گوروب سیلی جفا قارداش؟

بو قدر بیل ،سنی ئولدورسه لر بو قوم شریر

دوشه لّه چوللره اولاد مصطفیٰ قارداش

بو التماسیمی رد ایلمه ((دخیلم)) من

((دخیلی)) تئز ائله بو غصه دن رها قارداش

جواب حضرت امام حسین (علیه السلام)

مدینه ده بیزه هرچند مهربان چوخدور

تغافل ایلمه چون جور آسمان چوخدور

بیری بیریندن آیرماقه صاف معشوقی

بو کارخانه ده معیار امتحان چؤخدور

گرک بو یولدا ویریلسون مدینه قافله سی

وگرنه شام و عراق اوسته کاروان چوخدور

حجاز قوشلاری اولسون گرک پراکنده

دیلّه شامیده ویرانه آشیان چوخدور

چکوبله اکبریمون صورتین شهادتده

وگرنه صورت اکبرکیمی جوان چوخدور

پسند ائدوبله علی اصغری شهادت ایچون

دئمه اونون کیمی تیره اولان نشان چؤخدور

بو آغلاماق سسی کرب و بلاده چوخ اوجالور

که سینه لرده بو گون نالهٔ نهان چوخدور

بو ذوالجناح منی کربلایه جان آپارور

گئدنده شامه ،سوار اولماقا سنان چوخدور

دیون کجاوه لری باغلاسونلا وقت گئچر

یئتیشمز آخره قصه بو داستان چوخدور

واروندی حوصله ایله قفسده ناله دخیل

که تنگه گلسون اگر باغ و بوستان چوخدور

مرحوم دخیل مراغه ای

 

 

موضوع: احوالات خروج از مدینه ,
زبان شعر و شاعر: نوحه ترکی , دخیل مراغه ای

خروج از مدینه

باید غریب و بی کَس و بی غمگسار رفت

دور از غریبه ، نیمه شب از این دیار رفت

مبعوث می شوم به شهادت در این سفر

باید به سوی مقتل خود بی قرار رفت

همراه با تمامیِ اهل و عیال خود

یعنی که با تمامی ایل و تبار رفت

خوانَد خدایم از تَهِ گودالِ قتلگاه

وقت است تا که تشنه لب و ناله دار رفت

خواهد خدا به چشم ببیند به نینوا

پرده ز روی پردگیانش کنار رفت

دیگر مدینه جای حسینِ غریب نیست

زینب بیا که باید از این ننگ و عار رفت

خواهر بِبَند بار ،که وقت سفر رسید

باید به کوفه تا به سوی شامِ تار رفت

دیگر عزیز نیست ، عزیز دل رسول

شهزاده ! خون ببار که آن روزگار رفت

ساقی بیا و مَشک و عَلَم را سوار کن

محکم ببند بار که باید سوار رفت

آغوش خویش را به رقیه نشان دهید

انگار با خبر شده باید به خار رفت

شش ماهه را به سینه ات عادت مده رباب!

شاید بزودی از کف تو گاهوار رفت

گوئید الوداع غریب مدینه را

قاسم بیا که قافله را انتظار رفت

مادر ! چگونه با تو خداحافظی کنم

باید که از کنار تو و این مزار رفت

منزل به منزل آیۀ ذبح عظیم را

باید مرور کرد ، که دشمن شکار رفت

حاج محمود ژولیده

موضوع: احوالات خروج از مدینه ,
زبان شعر و شاعر: نوحه فارسی , حاج محمود ژولیده

احوالات خروج از مدینه

حضرت عشق در پناه خدا

بسلامت برو سفر آقا

آمدیم از برای بدرقه ات

همه ایل ما فدای شما

راهی شهر مکه ای خیر است

حجتان بی خطر بدون بلا

دختران تو یک به یک مریم

پسران تو یک به یک عیسی

قاسم آورده با خودش نجمه

اکبر آورده با خودش لیلا

همه سیراب مشک آب عمو

همه مدیون غیرت سقا

چه حیایی چه عصمتی دارد

جان فدای سه ساله ات آقا

میفرستی رباب را مروه

شیرخواره میاوری به منا

خواهرت را خودت سوارش کن

محملش را درست کن اینجا

ذره ای خاکی است چادر او

گریه اصلا برای چه حالا؟!

نکند رفته ای به روز دهم

نکند رفته ای به کرببلا

در شلوغی مفرط گودال

تشنه ای ذبح میشود تنها

بدنش زیر نیزه ها مانده

سرش اما به دامن زهرا

پیش چشم حسین یک لشگر

میرود سمت خیمه زن ها

گوشواره زگوش می افتد

چند خلخال میرود یغما

وای از قتل عام آل رسول

وای از داغ روز عاشورا

سید پوریا هاشمی

 

 

موضوع: احوالات خروج از مدینه ,
زبان شعر و شاعر: نوحه فارسی , سید پوریا هاشمی

خروج از مدینه

نفس خسته ی زنی تنها

پشت این قافله به جا مانده

چشم هایش شبیه ابر بهار

بین دستان او دعا مانده

روی خود را بگیرد از زینب

تا نبیند اشک مادر را

میسپارد به دست اقیانوس

بچه های عزیز حیدر را

زینبش را به سینه چسباند و...

گریه اش بوی پر کشیدن داشت

بغض ، راه نفس گرفته از او

غصه ی پیرهن دریدن داشت

گفت: مادر خدا به همراهت

من بمیرم که کوهی از دردید

با پسرهای خود چنین میگفت:

نکند بی حسین برگردید

نکند لطمه ای به او برسد

سپر بچه های او باشید

همه جا ، تحت امر و فرمانش

تا قیامت برای او باشید

ساقی آرام زیر لب میگفت:

خاطرت جمع ، مادر خوبم

خیمه ام را همیشه در این راه

اول خیمه گاه می کوبم

پوریا باقری

 

 

موضوع: احوالات خروج از مدینه ,
زبان شعر و شاعر: نوحه فارسی , پوریا باقری

احوالات خروج از مدینه

کاروان حسین شد راهی

چه شکوهی چه شوکت و جاهی

چه علمدار شاخ شمشادی

پشت خورشید میرود ماهی

به خداوند بی نیاز گدا

دست اینهاست هر چه میخواهی

میدرخشد شکوهِ محملها

صد صدف دور گوهر شاهی

محمل با وقار ای جانم

دور آن ده سوار ای جانم

کاروانی پر از فروغ سحر

پر از ارباب و رعیت و نوکر

فضه هم هست جای خیلی ها

جُون * هم جای جابر و قنبر

کاروانی که شاه آورده

پرِ شهزاده و پر از مادر

همه عاشق تمامشان معشوق

همه دلداده و همه دلبر

بی قرار همند ای جانم

قبلهء عالمند ای جانم

صد ملک پر به راه او میریخت

سوز غربت ز آه او می ریخت

هر قدم بیشتر جلو می رفت

اند اندک سپاه او می ریخت

ابر رحمت رسید وادی طف

نم باران ز ماه او می ریخت

نظرش تا به نینوا افتاد

دلهره از نگاه او‌ می ریخت

قُل أعوذُ بِربِّ کرب و بلا

آمده پشت کاروان زهرا

روضه در روضه است غربت یار

نفسم بند میرود هر بار

بعد از این تا غروب روز دهم

میشود روضهء عطش تکرار

چه غروبی چه غصه ای چه غمی

میشود آسمان عالم تار

در میان کِشاکِش گودال

میشود کارزار یک به هزار

باز هم روضه با عزای لهوف

باز شد روضه پا به پای لهوف

پهلویش نیزه خورد و زین برگشت

حلقه شد تنگ تر نگین برگشت

نگران غروب زینب بود

تا که افتاد بر زمین برگشت

طرف خیمه‌گاه خیره که شد

باز با تیر سهمگین برگشت

موقع سر بریدنش با پا

بدن شاه مسلمین برگشت

من بمیرم، چه با تنش کردند

بی ابالفضل گیرش آوردند

گریه زاری چقدر ای مردم

بی قراری چقدر ای مردم

این همه جا! کجا ببین افتاد

بد بیاری چقدر ای مردم

این تن شاه ماست، مزرعه نیست!

نیزه کاری چقدر ای مردم

نیزه در حلق او فرو نکنید

زخم کاری چقدر ای مردم

مات و مبهوت دخترش ای وای

رفت از حال مادرش ای وای

 عماد بهرامی

 

 

موضوع: احوالات خروج از مدینه ,
زبان شعر و شاعر: نوحه فارسی , عماد بهرامی

احوالات خروج از مدینه

صدای بانگِ جرس ، کاروان مهیّا شد

دلِ تمام عوالم گرفت و غوغا شد

حسینِ فاطمه راهیِ کربلا شده و...

دو چشمِ زینبِ کبری ، شبیهِ دریا شد

مدینه شهرِ نبی بود ، شهرِ خوبی ها

ولی چه عرصه ی تنگی برای آقا شد

رسید جای بلندی که شهر پیدا بود

نگاه کرد و دلش بی قرارِ زهرا شد

وداع کرد و ، روانه به سوی وادیِ عشق

عزیزِ فاطمه راهیِ کوه و صحرا شد

نگاه کرد به اصغر ، به روی دخترِ خود

دلش شکست و گرفتارِ کارِ دنیا شد

در این میانه ، زنی پشتشان دعا میخواند

نگاهِ امِّ بَنین خیره بر پسرها شد

خدا کند که دوباره حسین برگردد

دعای مادری اش پشتِکارِ سقّا شد

خبر نداشت که گودالِ کربلا روزی ،

سَرِ عبا و عمامه ، چقدر دعوا شد...

پوریا باقری

 

 

موضوع: احوالات خروج از مدینه ,
زبان شعر و شاعر: نوحه فارسی , پوریا باقری

احوالات خروج از مدینه

حسین قافله ات نیّتِ سفر دارد

تو میروی و خدا از دلت خبر دارد

برای بدرقه اُمّ البنین هم آمده است

به جای مادرتان دست بر کمر دارد

مسیرتان،زیاد است و دخترت کوچک

برای دختر تو این سفر خطر دارد

برای قاسم از اینجا زره ببر آقا

برای پیکر او سنگها شرر دارد

میان قافله ات جا که هست با زینب

بگو که چادر و معجر اضافه بر دارد

بیا حسین عوض کن تو ساربانت را

گمان کنم که به انگشترت نظر دارد

بیا برای خودت هم کفن بخر آقا

ثواب دارد عزیزم کجا ضرر دارد

على اصغر انصاریان

 

 

موضوع: احوالات خروج از مدینه ,
زبان شعر و شاعر: نوحه فارسی , على اصغر انصاریان

خروج از مدینه

کاش اُفتد به دلش، خواهر خود را نَبَرد

یا اگر بُرد، دگر دختر خود را نبرد

چند روزی نگذشته ست پسردار شده

یارب ایکاش، علی اصغر خود را نبرد

نبوَد نام علی، جُرم کمی درکوفه

میشد ایکاش، علی اکبر خود را نبرد

هست جانها به خطر، بدتر از آن جان خودش

اگر عباس ز جان بهتر خود را نبرد

چه عقیق یَمنی، کاش فقیری میخواست

تا ببخشد شه و انگشتر خود را نبرد

میرود پشت سر لشگر او، عشق ز شهر

مگر او مادر سر لشگر خود را نبرد

فاطمه خواسته هر جا پسرش رفت ، روَد

میتوانست مگر مادر خود را نبرد

حیدر توکلی

 

 

موضوع: احوالات خروج از مدینه ,
زبان شعر و شاعر: نوحه فارسی , حیدر توکلی

احوالات خروج از مدینه

یتن زماندا شیاعه حکایت هجران

جناب زینب و گلثوم اولوب بقیعه روان

یتشدیلر چو مزار بطوله دل مغموم

سلام قیلدی قباخجا علی قیزی گلثوم

او قبری باغرینا باسدی یانوب مثال کباب

کمال یاسیله گویا بو نوعی قیلدی خطاب

یتشدی موسم هجران آنا خدا حافظ

ستمله باغریم اولوب قان آنا خدا حافظ

عجب کناره چخاتدی منی حسین اوغلون

اساسیم اولدی پریشان آنا خداحافظ

دئمه شکایت ایدر قیزلارون حسینوندن

بو جانیمز اونا قربان آنا خدا حافظ

مدینه دن گوزی یاشلی قوغولدوخ آخرده

ذلیل ایدوب بیزی دوران آنا خدا حافظ

قیزا یتنده مصیبت آنا آلار دردین

دور ایله دردیمه درمان آنا خداحافظ

عراقه گتملیم ، ذلتیله اولماق ایچون

اسیر لشگر عدوان آنا خدا حافظ

او دمده آچدی دلون زینب علم پرور

بتوله عرض ایلدی حالینی به دیده تر

آلوبدی جانیمی محنت آنا خدا حافظ

توکوندی شوکت و عزت آنا خدا حافظ

بو ساچلاروم آغاران وقت اولدوم آواره

یتشدی تازه مصیبت آنا خدا حافظ

اولن یریم نه بولوم کربلا اولور یا شام

غریب اولکه ده حسرت آنا خدا حافظ

داخی گلن گیدن اولماز مزاریمین اوسته

دعایه اهل ولایت آنا خدا حافظ

گذاری شامه دوشه اولسا بیر نفر حجاج

منی ایدله زیارت آنا خدا حافظ

بو دللریله او قبر اوسته قوپدی بیر عرصات

یقلدی آه و فغانیله جمله عورات

گوزی دوشوب عوراته چکوب جگردن آه

خطاب ایدوب اولارا دختر رسول الله

سیزی قسم ویرورم مرتضی ولایتینه

صباح و شام بو قبرین گلون زیارتینه

گلنده ماه محرم اولاندا ماه عزا

بو قبرین اوسته چکون ای مدینه اهلی قرا

حسینه یاس دوتوب نیلگون گیون جامه

او گونده منده قولی باغلی عازمم شامه

مرحوم قمری دربندی

 

 

موضوع: احوالات خروج از مدینه ,
زبان شعر و شاعر: نوحه ترکی , قمری

احوالات خروج از مدینه

و ورود به مکه و

 گریز به وصیت معاویه به یزید ملعون و

 نامه یزید به ولید 

چو قیلدی وطن چو سید بطحا مدینه ده

اولدی همیشه محنت عظمی مدینه ده

اول شهید قیلدیلا دندان احمدی

گه اولدی حمزه ماتمی پیدا مدینه ده

خیر البشر عزاسی جهانه سالوب شرر

سندی ستون عرش معلا مدینه ده

یاندی رسول درگهی نار جفائله

قوپدی او گون قیامت کبری مدینه ده

تاپدی شکست دندهء پهلوی فاطمه

سقط اولدی محسن،آغلادی زهرا مدینه ده

باغلاندی ظلم الیله یدالله قولاری

شور النشور اولدی هویدا مدینه ده

بیت الخزنده ناله کنان خیرةالنسا

اهیله قیلدی رحلت دنیا مدینه ده

آخر حسینی قیلدیلا آواره وطن

فرصت ویریلمدی قالا تنها مدینه ده

فریاد یوم هجرت سلطان کربلا

ایتدی اساس محشری بر پا مدینه ده

قبر رسولی شوقیله آغوشه چکماقا

ای کاش اولیدی ((قمری)) شیدا مدینه ده

مهاجران مصیبت سرای درد و عنا

مسافران محبت فضای کوه منا

مداد علمه دبیران دفتر هجران

بیاض محنته یازمشدلار بیله عنوان

که چون معاویه بد نهاد والی شام

اولوب روان سقر تاپدی ایش بیله انجام

یزید تخت حکومتده پایدار اولدی

زمانه ده علم کفر آشکار اولدی

قورلدی قتل امام زمان ایچون شورا

دلینده ناله یازیلدی بو نوعیلن گویا

بو گون سریر خلافتده شهریارم من

آتام معاویه تختینده بر قرارم من

ازلده ابن ابوبکر ایکیمجی ابن عمر

اوچومجی ابن زبیر اول قرین فتنه و شر

خصوص محرم قرب حریم لم یزلی

عزیز فاطمه سلطان دین حسین علی

یتنده نامه سنه ای یزید خوش فطرت

بو دورت نفر روسادن سن آل گیلن بیعت

او سابق اوچ نفرون امری چوخ دگور در کار

حسین فاطمیه ویرمسن امان زنهار

ولید نامه یتن وقتیده اولوب ناچار

غلام گوندروب ایتدی بو کسلری احضار

یتشدی روضه پر نور مصطفایه غلام

گوروب جماعتی اول روضه ده یتوردی پیام

بویوردی سرور بطحا امام حل و حرم

یزید مجلسینه ای غلام گلم

ایشتدی بو سوزی یار ثلاث قیلدی فرار

حرمسرایه گلوب سبط احمد مختار

روانه ایتدی غلامی امام جن و بشر

ویروب معاویه نین موتینی او جمعه خبر

یوزون دوتوب خلف برگزیده ناسه 

زبانحالیله قیلدی خطاب عباسه

ای مرد نامدار و فادار قارداشیم 

شیرخدا برابری سردار قارداشیم

ارخام ایلیم کمکیم یارو یاوریم 

آل عبایه قافله سالار قارداشیم

ای قدی رشک سرو چمن بیر قباقه گل 

عباس نامدار علمدار قارداشیم

گلدی حضور سرور دورانه بنده وار 

عرض ایتدی پیشواسینه عباس نامدار

لبیک ای شهنشه ابرار قارداشیم 

نور دوچشم احمد مختار قارداشیم

قارداش مخاطب ایلمه قربان اولوم سنه 

ای یادگار حیدر کرار قارداشیم

قارداش سنی که قرص قمر تک دوتولموسان

سویله گوروم نه دردر و غمون وارقارداشیم

بویوردی قارداشی عباسه شاه تشنه لبان 

اولوب جهیمه روان زاده ابوسفیان

منی ایدوبدی ولید اوزحضورینه احضار 

یزیده بیعت ایدم یا که ایله آزار

توقف ایتمه بنی هاشمه سن ایله خبر 

منیم دالمجا گرک ایسته دوقلاریم گله لر

اول ، یانونجا مسلم سرداریمی گتور 

اکبر شبیه احمد مختاریمی گتور

ایله خبر امام حسن یادگارینه 

قارداش تمام یار وهواداریمی گتور

اعوانیله گلون منی بی یار قویمیون 

اول مجلس ایچرده دیده سی خونبار قویمویون

الله عزیزی کون ومکان تاجداریم 

اغیار منزلیده منی خوار قویمیون

نعرم اگر اوجالسا اوزون تیز یتور منه 

دشمن النده زار وگرفتار قویمیون

عباس عرض قیلدی سنی خوار قویمارام 

بی یار وغم گسار ومددکار قویمارام

اینجید سه لر اگر سنی مجلسده یاحسین 

واللهی بیل مدینده دیار قویمارام

صراط باهرهء مستقیم سن اما 

بو رهگذاری دلیل صراط سیز گتمه

زمانه ایچره سلیمان کربلا قارداش 

قویوب جلالوی الدن بساط سیز گتمه

ایکی جوانیمی شاطر کیمی قباقوه آل 

مدینه شاهی سن عیش و نشاط سیز گتمه

آل اوز قلنجوی سن باغلا دامنین آتدان

اماندی قورخولوسان احتیاط سیز گتمه

بویاندا باخدی نه گوردی امام دل مغموم 

بر اوز گه حالتیلن گلدی باجی سی کلثوم

الینده مصحف شیر خدا بناله و آه 

زبانحالیله سویلر که یا ولی الله

ولید مجلسینه گل پناه سیز گتمه

داغتما شوکتوی عزّ و جاه سیز گتمه

کلام ناطق پروردگارسن اما 

حمایل ایله کلام اِله سیز گتمه

مشخص امردی هیچ قوش قنادسیز اوچماز 

غریبلر کیمی خیل و سپاه سیز گتمه

غرض شهنشه دین، وارث امیر نجف

اوتوز نفرله گیدوب مجلس ولیده طرف

دوروب کنار عمارتده زُمرهء انصار 

قدم، سرایه قویوب پور احمد مختار

ولید قیلدی امام زمانه نی پیشواز 

گتوردی مجلسه با صد محبت و اعزاز

مُصَدَّر اولدی چو سلطان عالم تمجید

زبان حالین آچوب مَصْدَرِ جلاله، ولید

فدا اولوم سنه ای یادگار خیرِ اَنام 

گیدوبدی دار فنادن بقایه والی شام

خلافت امرینه اولموش یزید، حکم روان 

یازوبدی کثرت تاکیدیله منه فرمان

سنون جنابوه ای سبط مصطفی ناچار 

گرک بوگونده بو فرمانی ایلیم اظهار

بیرنامه شامدن منه پنهان یازوبدیلار 

قِرطاسی غم، مرکّبینی قان یازوبدیلار

مضمونی ظلم، مصدرِ هر سطری بیر سِنان 

عنوانینی نشانهء طوفان یازوبدیلار

هر اَلْفی آه، بائی بلا، تائی تیغ کین 

ثائین ده ثار عترت عمران یازوبدیلار

هر جیمی بیر جوان اولومی، حائی حربگاه 

خائین خرابِ خانهء ایمان یازوبدیلار

هر دالی درد، ذالی مذمّت علامتی 

رائیله زائی رزم دلیران یازوبدیلار

هر سینی بیر سِنانه عوض، شین شرارته

صادی صدای ناله و افغان یازوبدیلار

ضادی ضیاءِ یثربی خاموش قیلماقا،

طائیله ظائی ظلمت طغیان یازوبدیلار

عینی عزا نشانه سی، غینی غم و الم 

فائی فغان زینب نالان یازوبدیلار

قافینده قتل آل عبا، کافی بی کفن 

لامین لباس سیز تنِ عریان یازوبدیلار

میمینده مین مصیبت و نونینده ناله لر 

هائین هراس، واوینی ویران یازوبدیلار

لام ِ کشیده ده چکولوبدور لوای غم 

یائین یزید ایچون بیله دیوان یازوبدیلار

واضح بودور جنابوه، گر بیعت ایتمه سن 

بی شک وشبه قتلوه فرمان یازوبدولار

ثبت ایلیینده دفتری روز الستده 

((قمرینی)) نظمْ تختینه سلطان یازوبدیلار

قیلدی بیر الفاظ غیریلن دوباره عرض حال

ای در دریای رحمت منبع فضل و کمال

شامیدن ظلمیله بیر املا یازوبلار یا حسین

اول ، الفینده واویلا یازوبلار یا حسین

بائی بیر بیداد تائی تیغ ثانی ثار آل

جیمینی جان قصدینه فتوا یازوبلار یا حسین

ذاتی ذلت راء وزائی رزم سینی سنان

شینی نی شمشیر برق آسا یازوبلار یا حسین

صادی صدر سینه دن آماج پیکان اولماقا

ضادی ضرب خنجر اعدا یازوبلار یا حسین

طائی طوفان مصیبت ظائی ظلم اشقیا

عینی عریان جسمینی قطعا یازوبلار یا حسین

غینی غربتده غریب و بی مدد کار اولماقون

قائینی فریاد وا غوثا یازوبلار یا حسین

قافینن معناسی قولاری قلم اولماقلقا

اول ایکی قول صاحبین سقا یازوبلار یا حسین

نون عبارت نیزه دندور ها هلاکتدن مراد

واوینه واحسرتا معنا یازوبلار یا حسین

لام تکرار کشیده لجه دریای خون

یا یزیدین حکمینی مجرا یازوبلار یا حسین

ایتمسون بیعت غمونده نغمه ساز اولماقلقا

ماتمونده ((قمری)) شیدا یازوبلار یا حسین

بویوردی سبط رسول خدا امام وحید

محالدور که ایدم بیعت یزید پلید

خیال خام قیلوبدور یزید بد فرجام

ایده او فاسقه بیعت امامین اوغلی امام

بو بیعت اوسته گرکدور حسین تشنه جگر

قیامت ایلیه بر پا النده تیغ دوسر

بو بیعت اوسته گرک سو کیمی آخا قانلار

بو بیعت اوسته کسیلسون گل اوزلی قربانلار

بو بیعت اوسته گرکدور چخا فلکلره آه

اولا قیامته دین کربلا زیارتگاه

ادبله عرض ایلدی معرض حضوره ولید

که اختیار سنوندور ایا امام مجید

ایاقه دوردی قیتسون او شاه تشنه لبان

ولیده سویلدی جرئتله بی حیا مروان

حسینی قویما قدم قویماقا کناره ولید

اگر گیده اله دوشمز حسین دوباره ولید

اوزی وحید کمکسیزدی منزلون خلوت

گرک آلاق بو امیر حجازیدن بیعت

ایشتجاقین بو سوزی اول امام فرزانه

دولاندی سهم و صلابتله باخدی مروانه

سپهر شوکته فرمایش ایتدی بیر ماهم

شجاعت عالمینه وارث یداللهم

اگر الیمی اوجالدام رواق افلاکه

تمامینی توکرم بیر تکانیلن خاکه

گر ایستیم ایلیم کن فکانی زیر و زبر

منیم الیمده چوخ آساندور کلمح بصر

اشارتیمله تاپار انهدام چرخ فلک

صلابتیمله دوشر پیچ و تابه گاو سمک

گلور تزلزله ضربیمدن عالم ملکوت

فلک شجاعتیمه مات اولور ملک مبهوت

فنا جهانی اگر ایستسم فنا ایدرم

بیر اوزگه قسم جهان تازه دن بنا ایدرم

ستون عرش خداوند قادر ازلم

وکیل حضرت پروردگار لم یزلم

فراز چرخ رشادتده ماه تابانم

عزیز فاطمه فرزند شاه مردانم

کیمین نه جراتی وار ای لعین بد اختر

منه جسارت ایده اولمیوب علی اکبر

حقیر سانما منی چوخ جلال و جاهیم وار

دالمدا اکبر و عباس تک پناهیم وار

تمام ایدنده سوزوین زاده شه مردان

جواب ویردی علی یادگارینه مروان

گلونجه قارداشون عباس ای امیر عرب

جنازون اوسته آچار باشینی باجون زینب

هرایوه یتشر بیر زمان علی اکبر

یارالی جسمیوی صد پاره قان ایچینده گورر

باخوب صلابتیله شاه دین مروانه

مهابتیله اوجالدوب سسین دلیرانه

دوتوب یوزون قاپیا اول شفیع روز حساب

زبانحالیله گویا بو نوعی قیلدی خطاب

مشکلدی ایشیم ای شه والا نسب اوغلی

شیر غضب آلود امیر عرب اوغلی

ای ماه بنی هاشم اوزون قوللی علمدار

خیبر قوپادان پادشهین تشنه لب اوغلی

ای قولاری تندن کسیلن کرب و بلاده

عباس علی شیر خدانین غضب اوغلی

نه گوردیلر دوتوب آفاقی یا حسین لبیک

فدا اولاخ سنه ای شاه نشاتین لبیک

گول اوزلی تازه جوانلار الینده تیغ بلا

سالوبلا عالمه افغان و آه و واویلا

قاباقجا الده قلج اشجع معاصر ناس

مه سپهر بلا یعنی نامدار عباس

باسوب دبلقه نی ابرولرینه حیدر تک

ایکی گوزی قزاروب شیر حی داور تک

گورن دیردی مگر قدرت جلی دور بو

گلوبدی خیبری یخماخلقا علی دور بو

دالنجا مسلم سردار عون و هم جعفر

حسن نشانه سی قاسم جوان علی اکبر

او یادگار علی مجلس ایچره مروانین

غضب الیله دوتوب چکدی بیر گریبانین

دیردی کیمدی ایا زاده زنا ، مروان

قویا حسینه جفا ایتماقا بنا مروان

تمام عالم امکانی بیر بیره وورام

بنی امیه نی عالمده قویمارام قیرام

گورنده صولت فرزند حیدری مروان

یخلدی پای امام زمانه چکدی فغان

گلوب ترحمه انصاف و رحم دریاسی

قوجاخلادی شه عالم وفالی عباسی

اوپوپ ایکی قولونی حسرتیله بیر باخدی

سرشک چشمی روان اولدی عارضه آخدی

بویوردی ای آتام اوغلی عز یز جان قارداش 

قلنجی قوی یرینه صبر قبل دایان قارداش

وران بو قول قلجی قارداش اولماسون کوتاه 

سنی زمانه ده چوخ گورمه سین منه الله

ایکی گوزوم ایشقی یادگار اشجع ناس 

قلنجی کرب وبلاده ووارسان ای عباس

گلوب دوباره اوشاهین محبتی جوشه

علی اکبر ی جان تک چکوبدی آغوشه

اوقدر اغلادی نطق اولمادی دیسون سوزینی 

اوپردی ماریه ده قانیله دولان گوزینی

گره لنوب بوغازیندا سوزی بدیده تر

دیردی گوزلروه من فدا علی اکبر

باخوب نه گوردی بوحالتده اول امام همام 

قلج النده توکر گوز یاشینی بیر ناکام

دیرآتام بدلی پادشاهیم ای عموجان 

یتشدی عالم بالایه آهیم آی عموجان

یانوندا حرمتیمین اولماما قلقین بولدوم

ولی هرایه گلنده چاغیر ماموش گلدیم

اگر چه حرمتی اولماز چاغور ماموش گلنین 

چتیندی گوگلینی یخماق یتیم لوق گوره نین

یتیم اولوب آتا قدرین بولن منم عمو جان 

سنون یولندا قباقجا الن منم عموجان

بویوردی شاه امم آغلاما جوان قاسم 

نشانه حسن مجتبی جوان قاسم

عموسی قارداشی اوغلیله بیر قوجاقلاشدی 

باسوب بری برینی باغرینا چوخ آغلاشدی

ویروب تسلی انصار شاه ذوالاجلال 

بویوردی صبر ایلیون گلمیوب زمان قتال

قالوب شجاعتویز آشکار اولان گون لر 

تحمل ایلیون ای قاسم وعلی اکبر

فدا اولوم سیزه ای بلبلان باغ عزا 

قلج ووران یریدی, سرزمین گرب وبلا

اوچولده ظاهر ایدر سوز قیامت و طوفان 

فصاحتیله چکر نظمه ((قمری)) نالان

مرحوم قمری دربندی

 

 

موضوع: احوالات خروج از مدینه ,
زبان شعر و شاعر: نوحه ترکی , قمری

احوالات خروج از مدینه

شب و گریه و چشم بیدار من 

به جزغم‌ کسی نیست غمخوار من

غریبانه ترک وطن می‌کنم

کسی نیست جز بی‌کسی یار من

زمین، آسمان، ماه و سیارگان

بنالید براین شب تار من

عجب نیست،گر نخل‌ها خون دل

بنوشند از چشم خونبار من

مدینه میسّر نگردد دگر

از امشب به خاک تو دیدار من

مدینه ز داغ جوانان شود

نفس شعله در سینۀ ‌زار من

مدینه ببر دست سوی سما

دعا کن برای علمدار من

من از بهر محبوب سر می‌برم

نه یک سر، که هجده قمر می‌برم

مدینه! رود جان برون از تنم

چه سخت است از تو جداگشتنم

مدینه! امامی که از بهر دوست

گرفته است بر دست خود سر، منم

چنان سینه سازم سپر پیش تیغ

که خون دلم جوشد از جوشنم

مدینه! به هر سو که من روکنم

سرم را جدا می‌کنند از تنم

پس از دادن سر به غارت رود

نه تنها زره، بلکه پیراهنم

مدینه! به جای گل از ضرب سنگ

شود پر ز خون جبین، دامنم

روم تا دهم تن به شمشیرها

که پیمان یار است بر گردنم

مدینه! من و وصلِ معبود من

به جز کربلا نیست، مقصود من

مدینه! خداحافظ ای شهر نور!

غریبانه امشب شدم از تو دور

خدایا برون گشتم از شهر وحی

چو موسی که بیرون شد از کوه طور

خوشا آن نسیمی که هر شب کند

ز خاک تو و قبر زهرا عبور

ز جا خیز مادر! بیا همرهم

که رفتم ز خاک تو با سوز و شور

اگر عزم دیدار من داشتی

سرِ نیزه، گودال، کنج تنور

ز اشکت بشو زخم‌های مرا

چو افتاد در قتلگاهت عبور

سرم را نگه کن به بالای نی

تنم را ببین زیر سمِّ ستور

سلامت کند از سر نی سرم

خداحافظ ای مهربان مادرم!

حاج غلامرضا سازگار

 

 

موضوع: احوالات خروج از مدینه ,
زبان شعر و شاعر: نوحه فارسی , غلامرضا سازگار

وداع حضرت علی اکبر (ع) با خواهرشان

الوداع ای سروِ ناز گلشنِ جان الوداع

الوداع ای اکبرِ ناکامِ عطشان الوداع

دور تماشا قیل کیم اولدی دامِ صیّاده اسیر

قُمری آزادون ای سروِ خرمان الوداع

نه امیدیلن داخی گلشنده قالسون عندلیب

اسدی چون بادِ خزان سولدی گلستان الوداع

آیریلوق چاقی یتیشدی میزبانیم یاتما دور

کیم کوچنده رسمدور تشییعِ مهمان الوداع

خصم کم فرصت ، یولوم چوخ ، سندن آیریلماق چتین

چوخ یامان یرده دوتوشدی شامِ هجران الوداع

نه چکر شمر ال جفادن نه من ئولّم قورتولوم

نه یتر فریادیمه بیر نامسلمان الوداع.

مرحوم نیر تبریزی

 

 

موضوع: احوالات خروج از مدینه , حضرت فاطمه صغری (س) ,
زبان شعر و شاعر: نوحه ترکی , نیر تبریزی

احوالات خروج از مدینه

ای مدینه سیّد بطحانی تاپشوردوم سنه

من خداحافظ، آنام زهرانی تاپشوردوم سنه

ای پیمبر شهری جدّیم مصطفادن یادگار

آیریلور سندن حسین ای سرزمین با وقار

جان سنون جان مجتبانون قویما اولسون دلفکار

سقط اولان محسن کیمی ریحانی تاپشوردوم سنه

گورمیَن دنیا یوزون قربانی تاپشوردوم سنه

وئرمدون سن یر منه سینمده کی داغلار قالور

فاطمه املاکی سنده غصب اولان باغلار قالور

بیر صغیره قیز بالام ناخوش گوزی آغلار قالور

منکه تبعید اولموشام، صغرانی تاپشوردوم سنه

اکبرون ایستکلوسی صغرانی تاپشوردوم سنه

قوی هامی بیلسون حسین اولدی وطن آواره سی

باغلانوبدور محمل اوسته اصغرون گهواره سی

سندن آیریلمازدی لاکن یوخ حسینون چاره سی

بوش قالان بو مسکن و مأوانی تاپشوردوم سنه

من اُحُدده حمزه تک سلطانی تاپشوردوم سنه

اون بیر ایل زحمت چکوبدور سنده جدّیم مصطفی

ییرمی بش ایل حقّی غصب اولدی علیّ المرتضی

قالدی بو توپراقدا زهریلن ئولن بیر مجتبی

اوخلانان نعشی اولان شان شانی تاپشوردوم سنه

جعفر طیّار عموم تک جانی تاپشوردوم سنه

آیریلوق هنگامی گلدی اولموشام چوخ دلغمین

بیر قیزیم صغرا قالور بیرده آنام امّ البنین

چون امانتدور حسیندن ای وفالی سرزمین

حسرتیلن زوجۀ مولانی تاپشوردوم سنه

دودمان اُول شهِ مردانی تاپشوردوم سنه

اوچدی بلبللر بو گلشندن خداحافظ وطن

یوخدی چارم اینجیمه مندن خداحافظ وطن

آیریلور جبراً حسین سندن خداحافظ وطن

فاطمه بو درد بی درمانی تاپشوردوم سنه

حشره تک بو گوزلری گریانی تاپشوردوم سنه

وار یری یثرب دیه من ساخلارام بیماریوی

سنده ساخلا اکبر و عباس تک سرداریوی

آیری سالما سن ئوزوندن زنیب غمخواریوی

منده سالم عترت اطهاری تاپشوردوم سنه

مسلم و قاسم کیمی انسانی تاپشوردوم سنه

وقتدور صغری دئسون دؤرانیدور گوز یاشیمون

باغلی قالدی حشره تک گور دودمانی هاشمون

جان سنون جان ای باب جان بو علی قارداشیمون

من رقیه بلبل خوشخوانی تاپشوردوم سنه

نازلو اصغر تک گوزی شهلانی تاپشوردوم سنه

اولموشوق منله رقیّه اکبرون پروانه سی

او وطن آواره سی من ئولکه مین بیگانه سی

بیت الاحزاندور منیم کی ، شام اونون ویرانه سی

امّ کلثومی آنام لیلانی تاپشوردوم سنه

جان سنون جان زینب کبرانی تاپشوردوم سنه

وار یری زهرا دئسون گئت نسگلون قربان بالا

دربدر ائتدی وطندن گر سنی عدوان بالا

گئت عراقه تا سنی شمر ایلسون مهمان بالا

بجدلیله حرمله پیکانی تاپشوردوم سنه

شمر الینده خنجر برّانی تاپشوردوم سنه

«نادری» یاز الغرض یولّاندی شاه بی دفاع

سس گلوردی قبر پیغمبردن ائتسون استماع 

«ای حسین ای نور عینیم گئت سن اوغلوم الوداع

روح دینی قوّت ایمانی تاپشوردوم سنه

آیه به آیه اوغول قرآنی تاپشوردوم سنه »

 نادری

موضوع: احوالات خروج از مدینه ,
زبان شعر و شاعر: نوحه ترکی , نادری

خروج از مدینه

ای ساربان! آهسته ران، کز دیده دریا می رود

از شهر زهرا نیمه شب ، فرزند زهرا می رود

منزل به منزل کاروان ، گردیده در صحرا روان

با ناله و آه و فغان ، تنهای تنها می رود

ریحانه ی «خیر البشر» ، کرده سوی جانان سفر

یا آن که موسایی دگر ، در طور سینا می رود

قلب سکینه مشتعل، اشکش به رخ، خونش به دل

با دیده ی دریایی اش ، دنبال سقّا می رود

اصغر ز دامان رباب ، پر می زند بر دوش باب

با شوق پیکان بلا ، همراه بابا می رود

لیلا! جوانت را ببین ، با رفتن آن نازنین

گویی محمد بر زمین ، از عرش اعلا می رود

ریحانه ی باغ حسن ، پوشیده بر قامت کفن

تا شوید از خون پیرهن ، با شور و غوغا می رود

آید ز  صحرا زمزمه، خون ریزد از چشم همه

سقّای آل فاطمه ، عطشان به دریا می رود

ای آسمان! اختر فشان، بنگر برای بذل جان

ماه بنی هاشم روان ، با ماه لیلا می رود

زینب شده محمل نشین ، با ناله های آتشین

منزل به منزل کو به کو ، صحرا به صحرا می رود

مرغ دل «میثم» روان، گردیده با این کاروان

داده ز کف تاب و توان ، همراه مولا می رود

غلامرضا سازگار

 

 

موضوع: احوالات خروج از مدینه ,
زبان شعر و شاعر: نوحه فارسی , غلامرضا سازگار

احوالات خروج از مدینه

باشلاندی ابتدای مصیبت مدینه دن

اولدی حواله هر یره قسمت مدینه دن

اوّل مصیبتی که یتوب خلق عالمه

اولدی غروب شمس ولایت مدینه دن

پیغمبر خدا قیلوب عالمدن احتجاب

گویا قیام ائتدی قیامت مدینه دن

درد و مصیبتنده دوشوب درده فاطمه

دار بقایه ایلدی رحلت مدینه دن

دوغراندی زهریله جگر مجتبا آچوب

عرش برینه شهپر همّت مدینه دن

ضربت لنوب علی باشی هرچند کوفه دن

اولدی ولیک قتلینه علّت مدینه دن

ناحق تاپولدی حقّینه اوّلده مدّعی

ناحقلر ائتدی غصب خلافت مدینه دن

برپا قیامت اولدی پیمبر وفاتی تک

سبط رسول باغلادی نیّت مدینه دن

باطنده کربلائیدی مقصودی ظاهراً

حجّی قیلوب بهانه ی هجرت مدینه دن

امّا اولارکی مَحرم راز امامیدی

هجرتده وار بولوردیله حکمت مدینه دن

فی الجمله کمّ و کیفی بویورموشدی زینبه

آگاهیدی او بانوی عصمت مدینه دن

آل رسول باخبر اولدی بو مطلبه

قصد امام اولوبدی زیارت مدینه دن

زینب تدارک ائتدی ایکی اوغلونا کفن

لیلی وئرنده اکبره زینت مدینه دن

کلثوم قیلدی آهین عَلَم ماه هاشمی

آلدی اله لوای شهادت مدینه دن

داماد آناسی قاسمی داماد ائتماقا

گوردی کفن تدارک خلعت مدینه دن

داماد قدّینه بیچوب الوان کفن لباس

گئیدی عروس رخت مصیبت مدینه دن

وئردی رباب مشق عطش اوغلی اصغره

تا ایلسون سوسوزلوقا عادت مدینه دن

اوضاع کربلانی شهنشاه کربلا

وئردی خبر به علم امامت مدینه دن

هر کیمسیه کی فیض شهادت نصیبیدی

امر امامه قیلدی اطاعت مدینه دن

ای کاش اولیدی بیر بئله منصب امامدن

بو رو سیه (حقیره) ده قسمت مدینه دن

مرحوم حقیر خوئی

 

 

موضوع: احوالات خروج از مدینه ,
زبان شعر و شاعر: نوحه ترکی , حقیر خویی

احوالات خروج امام حسین (ع)

از مدینه به مکه و

گریز به خروج از مکه

گنه قراریمی شوق رخ نگار آپارور

امید وصل یتر دلدن اختیار آپارور

چمنده بلبل شیدا دیمه عبث دولانور

اونی گلین یاننا عشق آه و زار آپارور

شکسته بال وپرین شاخه وگل اوسته دوشر

کمال لذتیله خط وصل یار آپارور

حجاز لحننی ساز ایلیوب فصاحتله

صفای قلبله بیر سیر مرغزار آپارور

مکانی شاخه و گل دلده شور عشق افزا

نه آفت گل و نه فکر روزگار آپارور

دوتوب ترانه سی یکسر سراچه چمنی

کوگلده کی کدرین سیر جویبار آپارور

خزان اولاندا گیدر صبر وطاقت بلبل

اسر سموم گلین عطری هر نه وار آپارور

چمن سولار سارالور گلشنون گیدر حُسنی

طراوت گلی بو چرخ کجمدار آپارور

هزاره اوز باشنا ترک گلستان ایلمز

اونی کناره چمندن فشار خار آپارور

باخون حسینه نچه پرشکسته بلبل تک

جفا الی وطنندن ایدوب کنار آپارور

عزیز فاطمیه بسکه عرصه تنگ اولدی

شه حجازی عراقه همان فشار آپارور

حرملرین باجسین خوردا قزلارین گوتوروب

اوز اختیاری دگل جور بیشمار آپارور

محمد حنفیه اولوبدی مستحضر

که قارداشی گیدوری خورد و هم کبار آپارور

اوزین یتوردی حضور امامه عرض ایلدی

بویور بو نوع سنی هانسی اعتبار آپارور

فدا اولوم سنه گل گتمه کوفیه قارداش

جلالون ایلر عراق اهلی تار مار آپارور

آتام کیمی سنیده الدوروله اهل عراق

اگر چه نامه لر ایلوب امیدوار آپارور

اگر اوزون گیدیسن گیت آپارما اهل حرم

حرم آپارماقون الدن آلور قرار آپارور

حرملرون باجیلار قوی مدینه ده قالسون

سنی که جذب ایلیوب جلوه نگار آپارور

جوانلارون بلورم بند بند دوغرالار

اسارته حرمون شمر نابکار آپارور

سکینه رحم ایله هاردا گوروب حسین 

سیلی دوتوم یانندادی عباس نامدار آپارور

که قورخورام سالالار قولارین ابوالفضلون

بو سوز خیاله گلور الدن اختیار آپارور

مدینه دن گیدیسن اوزگه بر ولایته گیت

اگر حسین سنی بو حالت فکار آپارور

فرنگه گیت سنه چوخ احترام ایللر

سنیله فخر بسی اهل زنگبار آپارور

بویوردی چاره سی یوخ اختیار اوزومله دگل

منی عراقه طرف حکم کردگار آپارور

حبیب بیله سووب تشنه قانمه بویانام

اودور حسینوی شوق لقای یار آپارور

گرک اسیر اولا حق ایستیوب باجیم زینب

یانجا شامه طرف بر بُلوک قطار آپارور

خرابه لرده گرک جان ویره رقیه قیزیم

اونی دمشقه همان تربت مزار آپارور

امام عصر بویوردی که صبر ایله قارداش

چتندی هجر غمی لیک اصطبار آپارور

خلاصه هادی عالم اولوب روانه راه

حرملرین باجسین بیله بلمه خوار آپارور

زرینه دوزیدی اورتوکلری کجاوه لردن

جلال و شوکتله شاه کامکار آپارور

خانم باجلارینی مندورر کیجاوه لره

دیزین خم ایلوری عباس جان نثار آپارور

قلجلار الده جوانان هاشمی یکسر

نچه مجلله بانوی با وقار آپارور

آناسی لیلنی هر یرده شبه پیغمبر

مننده محمله ایلور اوزی سوار آپارور

سریه نون باشنا قاسمی دونر دولانور

نه عزتیله آناسین او گل عذار آپارور

رباب اصغرینی گل کیمی اوپر ایگلر

نشانه حرملیه طفل شیر خوار آپارور

اتور یره قوجاقندان اوزین علی اصغر

معاینه هوس تیر جانشکار آپارور

قضا قباقه دوشوب پای قتله سرعتله

او کاروانی چکور لیل و النهار آپارور

خلیل وارثی نا، یتدی کعبه عشقه

نه کعبه کعبه او کعبیله افتخار آپارور

او وقت اولوب که تمامی فدالرین ویردی

او وقتی یاد ایلدوقجه دل انزجار آپارور

اوزیده ویردی سوسوز جان منای عشقنده

جداده شامه باشین فرقه و شرار آپارور

حرملری هاموسی زینب آردیجان اما

جوانلارین اوزی سلطان کامکار آپارور

جدا باشندا باشی بیر مه منور تک

سالوب دالنجا نچه باش نجوم وار آپارور

گوتورموری گوزینی بیر دم اهل بیتندن

همیشه تحت نظرده او شهریار آپارور

گهی باخاندا آخور قانلو گوزلریندن یاش

گورنده قیزلارینی دشمن اشکبار آپارور

ووراندا باشلارینا تازیانه اهل ستم

امان کبارلره چاره سیز صغار آپارور

ولی تمامنه پشت پناهیدی زینب

کیمه امان بس او زهرایه یادگار آپارور

بیری دیردی نه دن عمه ساربان منی بس

پیاده ابله پا بلکه زخمدار آپارور

بیری دیردی مگر عمه شامه چوخ قالوروخ

بزی بو سرعتله قوم بدشعار آپارورر

مفصل اولدی سوزون ایله مختصر صحاف

جهاندا منطقی سوزوجه اختصار آپارور

مرحوم صحاف

 

 

موضوع: احوالات خروج از مدینه ,
زبان شعر و شاعر: نوحه ترکی , صحاف تبریزی

زبانحال حضرت امام حسین (علیه السلام)

در سر مزار حضرت زهرا (سلام الله)

یازوبلار قتلیمه فرمان گُلون گُلشندن آیریلسون

آنا جان یتمه میش کامه حسینون سندن آیرلسون

وداعه گلمیشم الان اولوم بو قبریوه قربان

مدینه ملکی لنگ اولدی منه اهل شقاوتدن

کسوبله چارمی دشمن گوتورمز ال عداوتدن

یازوبلا قتلیمه فرمان آییرسونلا بو تربتدن

جفائیله نجه اوغلون بیله ایمندن آیریلسون

آنا یا فاطمه بیردم گوتور بو قبردن بیر باش

توکر اوغلون حسین گوزدن نجه گور عارضه قان یاش

مزارون اوسته یا زهرا ئولیدیم قورتولیدیم کاش

چتیندور بلبل شیدا گُل و سوسَندن آیریلسون

عراقه ایلیوب دعوت حُسینون کوفیان مهمان

اوزوم بُلّم او صحراده پوزار پرگاریمی عُدوان

اولور اعوان و انصاریم او چولده قانینه غلطان

گرکدور تشنه لب یتمیش ایکی باش تندن آیریلسون

کسر سو یولاّرین اعدا یانار اولاد پیغمبر

سالولّار قولاّرین عبّاسیمون سو اوسته دشمنلر

وِرالاّر آنِنّا بیر اوخ ستمله فرقۀ کافر

ئولونجه ممکن اولماز زینبیم شیوندن آیریلسون

منه رحم ایلین اولماز او گون یوز مین ستمگرده

کَسَللّر باشیمی عطشان قالور گُل پیکریم یرده

کسوک باشیم آنا گون تک گیدر شامه جِدالرده

گرک ظلمیله ایستکلی سکینم مندن آیریلسون

چاپار آت سینم اوسته اشقیای کوفه ظلمیلن

حرمخانه یانار حمله حرم اوسته ایدر دشمن

سالولّار آت دوشونده نازنین اطفالیمی دیلدن

حرم آهولری مجبور اولور مسکندن آیریلسون

باجیم زینب جفائیله گرک شمره اسیره اولسون

سپاه کینه بنیاده حرملر دستگیر اولسون

سکینه پاسبانی شامه تک شمر شریر اولسون

دَگل ممکن علیل اوغلوم غل آهندن آیریلسون

حقیقتده سنه «صحاف» وار معناده بیر تائید

اودور اشعارون اولموش هر نظرده قابل تمجید

دِلون کنز مَصائب قیل دلوندن تا که بی تحدید

همیشه تا بیله دُرِّ گُهر فخرندن آیریلسون

مرحوم صحاف

 

 

موضوع: احوالات خروج از مدینه ,
زبان شعر و شاعر: نوحه ترکی , صحاف تبریزی

خروج از مدینه

یازوبلار کوفیان اوغلون حسینه نامه یا جدّا

سالوب بو نامه رخنه پایۀ اسلامه یا جدّا

کناره قویمازیدون هئچ منی بیر آن کناروندن

سالورلار ای بابا آیری حسینی بو جواریوندن

نئجه من آیریلوم سندن دوشوم آیری مزاروندن

بودور قورخوم دوشه اهل حرم کیم دامه یا جدّا

بیزی اهل جفا سندن صورا قویمازلا هئچ راحت

ائدر گور بیر نئجه حرمت بیزه بو بی حیا امت

ائدورلر امتون بیز اهل بیته گور نئجه حرمت

یتر افغانیله صبحیم همیشه شامه یا جدّا

باشیندان آچمامیش زینب آنام زهرا قراسینی

ستملن آلدیلار الدن علیّ المرتضاسینی

شهید زهر کین ائتدیلر آخر مجتباسینی

دو گور بیر باشلیوب زینب نئجه هنگامه یا جدّا

گرک گئتسون اودا منلن عراقه چون مسافردور

سنه بو درد و محنتلر بابا مجموع ظاهردور

آنام زهرا مزارینده باجیم زینب مجاوردور

یتیشسون کربلا ایچره غمی اتمامه یا جدّا

اولور بیر محنتی چون مین اونون کرب و بلا ایچره

بلادن باشی آیریلماز دایانماز نینوا ایچره

قولین باغلارلا ظلمیله قالور درد و بلا ایچره

گئدر باشیم جدا اوسته اونیلن شامه یا جدّا

بلاکش عاشقون اولماز بلادن ذرّه پرواسی

ائدون قربان او میناده بابا قارداشیم عباسی

قورولسون کربلا ایچره گرک کیم عشق میناسی

اولا اوندان صورا لعنت بئله ایّامه یا جدّا

بلا جامیندن ایچدیم چون ازل گون بیر دولی ساغر

ره جانانیده ائتدوم او گون مردانه ترک سر

باخار لیلا باتار قانه جوان اوغلی علی اکبر

سالورلار ایستی قوم اوسته اونی بی جامه یا جدّا

حرم آهوسینه اول چولده چون صیاد اولوب قاسم

ایچر غم باده سین غمدن عجب آزاد اولور قاسم

یاخار قاندان حنا طویدا بئله داماد اولور قاسم

قالور حسرت عروسینه یتیشمز کامه یا جدّا

عروس بی نوا طویدا سالور باشه قرا معجر

یاخار آلقانی زلفینه اولور اول قان اونا زیور

قولی باغلی چکر شامه اونی شمر ستم پرور

گئدر شام ایچره ظلمیله او بزم عامه یا جدّا

بابا هر ظلمیدن آرتوق منی بو غم ائدر بی تاب

عطشدن غشّ ائدر اصغر ز بسکه آب اولوب نایاب

اونا سو ایسترم ایلر اونی چون حرمله سیراب

نشان تیر اولور حلقی اونون ظلّامه یا جدّا

گئدر جاه و جلالیم سربسر آخرده یغمایه

دایانّام حق رضاسیندن او گون هر ظلم اعدایه

اوزیم چونکه رضا وئردیم ازل گونده بو سودایه

شهادت باده سین ایچدوم توکنده جامه یا جدّا

مگر هر عاشق عالمده اولور محنت خریداری

نه باک ایلر قیامتده بو مولانین عزاداری

سؤله بو مصرعی دلریش ائله گوز یاشینی جاری

یازوبلار کوفیان اوغلون حسینه نامه یا جدّا

مرحوم دلریش

 

 

موضوع: احوالات خروج از مدینه ,
زبان شعر و شاعر: نوحه ترکی , دلریش

خروج از مدینه

زبانحال حضرت امام حسین (علیه السلام)

آچوب گوزون یوخدان اول امام دل غمگین

او پاک روضه نی قیلدی وداع باز پسین

نماز صبحی ادا ایلین زمان او جناب

زبان حالی ایدوب زینبه بو نوع خطاب

ای یادگار حضرت خیرالنسا باجی

زهرا آنام نشانه سی کان حیا باجی

غمگین گونومده یانیمه گل دردیمی دیوم

واردور باشیمدا گور نجه درد و بلا باجی

صادر اولان زماندا خطاب امام دین

ویردی جواب او پادشهه زینب حزین

جان ای نشانه اسدالله قارداشیم

سوز دلیله چکمه بیله آه قارداشیم

قربان باجی دئین دلوه بینوا باجون

درد دلوندن ایت منی آگاه قارداشیم

گلسون باشندا هر نه بلا واردی جانیمه

چوخ گورمسین سنی منه الله قارداشیم

امر ایتدی خواهرینه امام زمان حسین

واردور قباقدا بیر خبریم ایتمه شور شین

آلموش فلک قراریمی یوخ منده جان باجی

دور گور سفر تدارکینی مهربان باجی

زهرا آنام الیله تیکن پیرهن گتور

اوندان سورا آنام باجی دوقوز کفن گتور

وار بو سفرده ای باجی بیر اوزگه ماجرا

بیر دست کهنه جامه گتور بیر نچه قرا

ایشیتجاقین بو سوزی زینب علم پرور

سوال قیلدی که ای نور دیده حیدر

بو نه بلا نه سفردور سن اولموسان عازم

کفن اولنلره قارداش حسین اولور لازم؟

قوروب بو نوعیله سن غم اساسی نیلورسن

بویور گوروم منه کهنه لباسی نیلورسن

غرض او شوکت و جاه و جلال دریاسی

تسلی زینبه ویردی چاغوردی عباسی

بویوردی ای گل گلزار حیدریم قارداش

بلا جنودینه سد سکندریم قارداش

گرکدی رشک آپارا یرلره فلک طاقی

دوتا جلال حسینیه کل آفاقی

بو گون گرکدی ویرم فرشه عرشیدن ترجیح

جلال و جاهیمه حیران قالا فلکده مسیح

شهادتیله یازلسون شفاعتیم رقمی

اوجالسون عرشه سلیمان کربلا علمی

تلاطم ایلیه دریای شوکت و اجلال

اولا مدینه ملائکلریله مالا مال

او قدر ایلیه قدوسیان نزول و سعود

بسیط ارض اولا مد نظرده تا موجود

پیمبران اولولعزم انبیای عظام

گرکدی جمع اولالار محضر امامه تمام

نه چون که کرب و بلا شاهی کربلایه گیدر

ولی دار ولا دار ابتلایه گیدر

ده ساربانلارا اولسون بو ایشده مستعجل

تمام ناقه لر اوستونده باغلاسون محمل

اولا کجاوه لرین پوششی گرک زرتار

خصوص زینب ایچون بیر غلام خدمتکار

ستونی جمله زراندوز و زرنگار اولسون

فراز قبه سی یاغوت آبدار اولسون

چکون حریر منقش چو شهپر طاوس

گورنده حوری باغ جنان ایده افسوس

ویرون او تخت روانه ایله زر و زیور

باخوب جلالینه حیران قالا ملائک لر

ایشیدی حکم امام زمانی چون عباس

اولوب تدارکه مشغول ایتدی طرح اساس

 مرحوم قمری

 

 

موضوع: احوالات خروج از مدینه ,
زبان شعر و شاعر: نوحه ترکی , قمری

وداع حضرت امام حسین (علیه السلام)

با روضه حضرت رسول اکرم (ص)

شناوران بهار مصیبت هجران

مسافران دیار کدورت و احسان

کمال حزنیله مستوفی کتاب فراق

چکوبدی اول سر لوحه ده بو نوعیله طاق

چو شاه یثرب و بطها امام حل و حرم

چخوب ولیدین ایویندن . کناره قویدی قدم

بو فکره دوشدی او سالار فرقه امت

آتوپ عیالینی قیلسون مدینه دن هجرت

حرم سرایه گلوب شاه دین به ناله و آه

اولوب همان گیجه ده زائر رسول الله

یتشدی روضه شاه فلک جنابه امام

ایدردی جدینه گویا بو دللریله سلام

سلام اولا سنه ای امتین پناهی بابا

حجاز سروری ملک مدینه شاهی بابا

حلال ایله منی سن ، دلده حسرت آیریلورام

بو قومیدن اورکیمده شکایت آیریلورام

سالوبلا باشیمی یوز مین بلایه یا جدا

وطندن ایلدی آواره امت آیریلورام

منی بو امته تاپشوردن ای شه ابرار

حسینه ایلدیلر یاخشی حرمت آیریلورام

جهاندا قویمادلار قبرون اوسته من قران

گلوب همیشه ایدیدیم تلاوت آیریلورام

مسافرم گیدورم دشت کربلایه بو دم

دوشوبدی باشیمه شوق شهادت آیریلورام

عیالیمی آپاروب بیرجه فاطمه قیزیمی

سنون یانوندا قویوب من امانت آیریلورام

بغشله یتمز الیم قبریوه دوباره گلم

بو آخر ایلماقمدور زیارت آیریلورام

دیوب بو سوزلری شدتله آغلادی او جناب

اولوب مبارک اولان چشم نازی مایل خواب

نه گوردی عالم رویاده جدی پیغمبر

یتشدی باشینین اوسته گوزونده اشگ بصر

بویوردی آغلاما ای چشم اشگبار اوغلوم

گلوب مصیبتیوه اول بهار اوغلوم

دایانما گور سفر کربلا تدارکینی

گرک عراقه چکیلسون بو دم قطار اوغلوم

ایاقه دور که یاخونلاشدی رحلت ایامی

اولوبدی ماریه صحراسی لاله زار اوغلوم

قولی کسیلماقا عباسی ایله آماده

فرات اوسته دوشر نعشی زخمدار اوغلوم

قوری یر اوسته قالار نعشون اوچ گیجه عریان

غریب الکه ده بی غسل و بی مزار اوغلوم

علی اصغری قونداقه باغلاسون آناسی

دوتوبدی حرمله پیکان آبدار اوغلوم

حسن نشانه سینون طوی لباسین حاضر ایله

گرک حنا یاخا قاندان او گلعذار اوغلوم

یارالی سینه وین اوستونده آت گرک چاپلا

که ایستیور سنی قان ایچره کردگار اوغلوم

اوجالداسان باشیمی انبیا آراسیندا

شهادتونله ایدر جدون افتخار اوغلوم

 مرحوم قمری

 

 

موضوع: احوالات خروج از مدینه ,
زبان شعر و شاعر: نوحه ترکی , قمری

خروج از مدینه

مدینه دن آنا جان ایندی باغری قان گیدورم

مسافرم سنی گَلدیم گورم اویان گیدورم

جلالیلن دوزولوب ناقه و کجاوه مرتّب

سنون اجازویله همرهیمدی ای آنا زینب

وطندن آیرولورام ایندی خائفاً یَترقب

گجه زمانی وطندن چخوب نهان گیدورم

اجازه ویر سنه عرض ایلیوم نجه گیدورم

سالوبلا قافلۀ عشقمی گجه گیدورم

آنا بو یولدا ولی آی کیمی گجه گیدورم

گونوز نهان گجه لر آی کیمی عیان گیدورم

اگر چه ظاهر صورتده واردی چوخلی جلالیم

بو باره دن اورگیمده یوخومدی درد و ملالیم

قطا قوشی کیمی زیر پریمده اهل و عیالیم

گجه نون عالمی آهسته پر زنان گیدورم

ایاقه دور آغاران زلفلری بودم اَله آل

منه بالالاریما ایلیوب دعا یولا سال

بو آیریلوق منی ایلیوب ولیک غرق ملال

یوزومده اشگ روانیم اولوب روان گیدورم

ایاقه دور نه سوزون وار بیور منه گیدورم

وطنی ترک ایلیوب آیری مسکنه گیدورم

علیله بیر قیزیمی تاپشوروب سنه گیدورم

یتیمدور آناسی یوخ ایدر فغان گیدورم

بو قبرون اوسته که تک دورموشام بیله الان

بقیعه گَلماقی گیزلین ایتموشم هامودان

باجمدا بولموری الساعه هاردایام آنا جان

دیدیم باجیما حسن قبرینه بو آن گیدورم

منه وطن یازولوبدی دیار کرب و بلا

گر ایسته سن گوره سن اهل بیتوی گَل اورا

محرّم آئی گَلنده اولاندا عاشورا

منه اولاندا نهان ظلملر عیان گیدورم

دیوم ملالیمی چون نی نوایه گَل آنا جان

دیمم که غم منی سالسا بلایه گَل آنا جان

گر ایسته سن منی کرب و بلایه گَل آنا جان

دیار کرب و بلادور منه مکان گیدورم

دیمم او دشت غم افزایه سن اوگون نجه گل

ولیک قافلۀ عشقی سالما چون گجه گل

گونوز ایشیم چوخ اولار فرصت ایله سن گجه گل

اولاندا مطبخ خولیده میهمان گیدورم

او یر آدی هامویه محنت و بلا گتورور

منیم بو قلبیمه آدی ولی صفا گتورور

بو قبریوه دیرم آهیمی صبا گتورور

حسیندن اولا تا اینکه بیر نشان گیدورم

گَرک کومکلوق ایدم دینه نقد جانمله

او یرده قانه باتام اکبر جوانمله

صفا ویرم او بلالی چوله بو قانمله

او شوره زاری ایدم طُرفه گُلستان گیدورم

یزید مجلسینه دعوت ایلیوبله منی

باشیمی یاره لی ایستور گوره او شوم و دنی

منیم یانمدا تظاهر بکفر ایدر عَلَنی

و لیک بولموری کفرون جهانیان گیدورم

او بزمده اوخورام من کلام سبحانی

باخار دوباره گَلَر غیظه اول جفا کانی

او پست و شوم دوگر اوز ایوینده مهمانی

اوپر دوداقلاریمی چوب خیزران گیدورم

بو شعره باعث اولوبدی حسین آزادی

گیده زیارته بو جمعیلن اولار دادی

سالا اَله « حسنی » گر زیارت اَسنادی

دییر گَرَکدی اولا همرهیم جوان گیدورم

مرحوم انور اردبیلی

 

 

موضوع: احوالات خروج از مدینه ,
زبان شعر و شاعر: نوحه ترکی , انور اردبیلی

خروج از مدینه

ای علمدار سپه در دلِ شب بار ببند

محمل پردگیان دور ز اغیار ببند

همه ی اهل حرم را به حرم کن احضار

کودکان را به محبت دلِ شب کن بیدار

این خداحافظی آخر ما با زهراست

بعد از این وعده ی ما با همگان کرب و بلاست

خواهر انگار همین جاست طواف من و تو

قبر گمگشته ی زهراست مطاف من و تو

مادرا می برم از کوچه پریشانی را

می برم همره خود این همه قربانی را

مشکل قافله را وا بگذارید به من

گریه ی دخترکم را بسپارید به من

شیرخوارم که شده کودک هجده روزه

گردنش حرز ببندید ولی از بوسه

ای سپه دار، سپه را کمک از امشب کن

با علی اکبر من همرهیِ زینب کن

از همین اول راه آب بنوشان به همه

زینبم جامه ی بسیار بپوشان به همه

همه ی لشگر عشق است غلامت زینب

زانوی اکبر لیلاست رکابت زینب

بعد از این کاش که بی یار نگردی خواهر

کاش بی قافله سالار نگردی خواهر

 مرحوم ژولیده نیشابوری

موضوع: احوالات خروج از مدینه ,
زبان شعر و شاعر: نوحه فارسی , ژولیده نیشابوری

 خروج از مدینه

آقای غریب راهی صحراشد

راهی شد و در دل همه غوغا شد

تا دخت علی پای به مرکب بنهاد

در شهر مدینه محشر کبری شد

در لحظه ی آخر سر قبر مادر

گریان و پریشان پسر زهراشد

اینجا به کنار قبر مادر اما

دیری نگذشت روز عاشورا شد...

از خون دل آسمان عالم پر شد

تا کرب و بلا قتلگه مولا شد

ای وای از آن لحظه که مادر آمد

تا گفت بنی روضه ها برپا شد

وای از دل بی قرار زینب وقتی

آقای غریب، بی کس و تنها شد

یک لشگر و ارباب زمین گیر شده

خصم آمد و بالای سرش دعواشد

ای وای ز روزگار زینب وقتی

خلخال ز پای آل طاها واشد

علی اصغر ژولیده

موضوع: احوالات خروج از مدینه ,
زبان شعر و شاعر: نوحه فارسی , علی اصغر ژولیده

خروج از مدینه

الا ای نغمه های ناله پرداز

محرم از همین حالا شد آغاز

مدینه دارد آهنگ جدایی

حسین فاطمه شد کربلایی

الا ای اشک های پر ز احساس

بپاشید آب پشت پای عباس

غمی از تربت پیغمبر آید

که نجوای علی اکبر آید

الهی دشمنت خواری ببیند

قد و بالای زینب را نبیند

صدای ناله ای در بین زن ها

زده شعله به روی جان و تن ها

الهی می روم با او از این جا

مبادا بی حسین آیم خدایا

وصیت های زهرا را گرفتم

شبانه راه صحرا را گرفتم

مبادا رهبرم تنها بماند

میان لشگر غم ها بماند

الهی با حسینم درد دل هاست

کمی آهسته تر مادر همین جاست

مبادا ای دوای زخم سینه

روی بی خواهر از شهر مدینه

تو باید سرو من باشی برادر

مبادا بی کفن باشی برادر

مبادا شاخه هایم بی گل یاس

جدا گردد ز تن دستان عباس

و یا بی قاسم و اکبر بمانم

عزادار غم معجر بمانم

روم با قوم نامحرم اسیری

ببینم در جوانی رنگ پیری

به نام خارجی از دین و اسلام

روم با دخترت تا کوفه و شام

حاج محمود ژولیده

موضوع: احوالات خروج از مدینه ,
زبان شعر و شاعر: نوحه فارسی , حاج محمود ژولیده

خروج از مدینه

سالار شهیدان ائدوب آماده قطاری

یثربده گجه عازم اولا مکیّه ساری

صغری بوش اطاقدا اوزونی قالمالی بیلدی

گفتاره گله اشگینی رخساریده سیلدی

عرض ائتدی بابا قویما فراقوزده یانوم من

آخشام چاقیلار گوزلری یولدا دایانوم من

سایونده سنون ایستیورم دالدالانوم من

احوالیمه باخ چک الیوی باشیمه گئتمه

ناخوش قیزوام رحم ائله گوزیاشیمه گئتمه

گئتسونده اگر قوش منی نسوان عزیزه

البته نیازوز اولاجاق یولدا کنیزه

خدمتچی گئدوم یوسف زیبای حَجیزه

کاکلّرینه قونسا اگر توز یووارام من

حتی باشینون اوسته گجه سو قویارام من

گر قالمالیام اکبر زیبانی آپارما

بیز هاشمیه ماه درخشانی آپارما

قالسین منیله فاطمهٔ ثانی آپارما

گل یوزلی باجیم نازلی رقیه قالا خوشدی

ائومیزده علی اصغره لایلای چالا خوشدی

حضرت دئدی صغری،علی اکبر قالا بیلمز

اسپهر وفایه مه انور قالا بیلمز

عمّونده گئدور ائوده مکدّر قالا بیلمز

پژمرده ائدوب روحیمیزی آل امیّه

لایلای چالاجاق اصغره یوللاردا رقیه

بیز آل عبا خوش بیلروک ذکر و دعانی

توکمه سفرا و ستونده یوزه اشگ روانی

قال ایله دعا قافله ی کرب و بلانی

قیزلاری ستاره سیاقی ماهوه تاپشور

آزاده مسافرلری اللهوه تاپشور

ترک ائتدی ائوی فاطمه نون نور دوعینی

پوزمشدی فراقین غمی رخسار حسینی

اوپدی او گجه قبر رسول الثقلینی

عرض ائتدی بابا غصه لیم صحبته گلدیم

جان اوسته منی درک ائده سن دعوته گلدیم

لعنت او معاویهٔ می شوم و پلیده

ئولدی یتیشوب سلطنتی اوغلی یزیده

بیرنامه یازوب شامیده گوندردی ولیده

مجلسده یوزون دوتدی منه والیِ جانی

تأیید ائله سنده دئدی سلطان جوانی

مسجدده جوابین کی دئدیم ایلرم اعلان

قویما گئده فرزند رسولی دئدی مروان

آل بیعتی بعداً گئده بو حجت سبحان

مروانه آجیقلاندیم ائشیتدی سسی اکبر

آچدی قاپونی شیر تک عباس دلاور

مروان اورگین نعرهٔ تکبیریده سیخدی

بیر آنیده دوتدی یاخاسیندان یره یخدی

اولدورسون اونی سینه سینون اوستونه چخدی

زهرانی قسم وئردی منه دشمن نادان

مروانی دئدیم عفو ائله قوللاروه قربان

گئتدیم قاباقا عطر شه خیبری آلدیم

مین حسرتیلن قوللاریمی بوینونا سالدیم

بیر قدری اباالفضلیمیلن یوزیوزه قالدیم

لبریز اولونوب کاسهٔ مهریم یوزون اوپدوم

آغوشه چکوب حیدر اوپن صاق گوزون اوپدوم

ای ختم رسل حامی اولان آل عبایه

دور سال یولا گیزلین گئدورم کرببلایه

مستغرق اولار اهل حرم بحر بلایه

زهرا ننه می کرب و بلایه گتوررسن

معناده یولا باشین عزایه گتوررسن

قبر اوسته یوخی دوتدی شه تشنه لبانی

رؤیاده گوروب چوخ نگران خیر ورانی

دلبندینه فرمایش ائدوب دلده فغانی

اولما نگران مقصد و منظوره چاتارسان

اؤز قانوه صحرای غم افزاده باتارسان

آز قالدی سولا فاطمه نون گلشن و باغی

آز قالدی سونه کرب و معلاده چراغی

آز قالدی گوره قلبون حسینیم بالا داغی

باران کیمی رخساروه گوزیاش توکه جکسن

اعضاسینی میداندا عبایه بوکه جکسن

آز قالدی ئوله قاسم شهزاده ی زیبا

آز قالدی وئره قوللارین عباس توانا

آز قالدی گوره گؤزیاراسی ماه دل آرا

قوللارینی میدانیده یردن گوتوررسن

امکانی گر اولسا باشی اوسته گتوررسن

آز قالدی ستاره کیمی اصغرده سوزولسون

آز قالدی قوجاقونده سوسوز حلقی اوزولسون

آز قالدی قانی دوشلوگونون اوسته دوزولسون

اوخ یاره سینی کوی نگارونده اؤپرسن

قانیندن حسینیم بیر اووج عرشه سپرسن

آز قالدی دوتا خیرداجا قیزلار اتگوندن

آز قالدی دگه زهریلی پیکان اورگوندن

آز قالدی چیخا زحمتیلن اوخ کوره گوندن

قورخار بالالار باد مخالف اسیلنده

سو وئرمیه جکلر سنه باشون کسیلنده

توک گوزباشینی صفحه ی رخساره معزّی

دوز ویرسون حسین یازدیقون اشعاره معزی

مجلسده یاپشسون سوزون حضّاره معزی

هر ماه محرمده اولار قاره گیللر

سر مطلع اشعاریوی یوللاردا دیه للر

 معزّی اردبیلی

موضوع: احوالات خروج از مدینه ,
زبان شعر و شاعر: نوحه ترکی , معزی اردبیلی

 خروج از مدینه

آناسینون دوشوب عشقی او قان اولان اورگه

گلوبدی حضرت زهرایه دردینی دئمگه

یتوب بقیعده جام محبّتی داشدی

اوتوردی گیزلین اولان قبریله قوجاقلاشدی

دئدی یوزوم گرک اشک فراقیله بویانا

آتام اجازه وئروبدی گئدم عراقه آنا

بو آیریلیق منیچون مایه ی خیال اولدی

مزارون اوسته داخی گلمگیم محال اولدی

نئدوم که ایش بئله دوشدی منی باغیشلا آنا

حسنی ساخلا یانوندا حسینی بوشلا آنا

یری واریدی اگر سس گلیدی زهرادن

او قبر ایچینده یاتان دلشکسته اعضادن

سنیده گیزلین اولان قبره چوخ گوروبدی فلک

مزاریمه داخی بوندان صورا کیمیم گلجک

مرحوم انور

موضوع: احوالات خروج از مدینه ,
زبان شعر و شاعر: نوحه ترکی , انور اردبیلی

 خروج از مدینه

شیعیان دیگر هوای نینوا دارد حسین

روی دل با کاروان کربلا دارد حسین

از حریم کعبه ی جدش به اشکی شست دست

مروه پشت سر نهاد، اما صفا دارد حسین

می برد در کربلا هفتاد و دو ذبح عظیم

بیش ازین ها حرمت کوی منا دارد حسین

پیش رو راه دیار نیستی، کافیش نیست

اشک و آه عالمی هم در قفا دارد حسین

بس که محمل ها رود منزل به منزل با شتاب

کس نمی داند عروسی یا عزا دارد حسین

رخت و دیباج حرم چون گل به تاراجش برند

تا به جایی که کفن از بوریا دارد حسین

بردن اهل حرم دستور بود و سرّ غیب

ورنه این بی حرمتی ها کی روا دارد حسین

سروران، پروانگان شمع رخسارش ولی

چون سحر روشن که سر از تن جدا دارد حسین

سر به قاچ زین نهاده، راه پیمای عراق

می نماید خود که عهدی با خدا دارد حسین

او وفای عهد را با سر کند سودا ولی

خون به دل از کوفیان بی وفا دارد حسین

دشمنانش بی امان و دوستانش بی وفا

با کدامین سر کند، مشکل دوتا دارد حسین

آب خود با دشمنان تشنه قسمت می کند

عزت و آزادگی بین تا کجا دارد حسین

دشمنش هم آب می بندد به روی اهل بیت

داوری بین با چه قومی بی حیا دارد حسین

دست آخر کز همه بیگانه شد دیدم هنوز

با دم خنجر نگاهی آشنا دارد حسین

شمر گوید گوش کردم تا چه خواهد از خدا

جای نفرین هم به لب دیدم دعا دارد حسین

اشک خونین گو بیا بنشین به چشم شهریار

کاندرین گوشه عزایی بی ریا دارد حسین

استاد شهریار

موضوع: احوالات خروج از مدینه ,
زبان شعر و شاعر: نوحه فارسی , استاد شهریار

 خروج از مدینه

مدینه! امامت کجا می‌رود؟

سفر کرده سوی خدا می‌رود

دلِ شب، غریبانه تنها حسین

نهان از همه چشم‌ها می‌رود

مدینه! چـه آرامی و ساکـتی

امـام غریبت کجا می‌رود؟

مدینه! زعباس و ا کبر بپرس

اگر می‌رود شب، چرا می‌رود؟

مدیـنه! تماشا کن ایـن قافـله

چه عاشق سوی کربلا می‌رود

اگر جان بـه بزم بـلا می‌برد

علی‌اصغرش را کجا می‌برد؟

فضا محو تاب و تب زینب است

گمانم که وقت نمـاز شب است

همه هـاشمیات، مشغـول ذکر

بیابان پر از نغمۀ «یا رب» است

«طرِمّاح»! محمل به سرعت مران

که بانوی این کاروان زینب است

همه کودکـان را هم امشب مـدام

غریبانـه ذکر خدا بـر لب است

حسین است چون ماه و اطراف او

فروزنـده هفتـاد و دو کوکب است

بیابـان! بـزن نـاله‌ای دلـنشین

که دخت علی گشته محمل نشین

عجب کاروانی، خـدا یـارشان

اجل آیـد از ره بـه دیدارشان

متـاعِ همه گشته خونِ گلـو

خداونـد عالم خریـدارشان

شود حجّشان با شهادت شروع

اسارت بـود آخرِ کـارشان

گواهی دهم در کنـار فرات

بوَد آبشان خون رخسارشان

چو اینان عزیـزان پیغمبرند

مبادا کنی ای فلک خوارشان

قضا را چه امری مقدر شده؟

کـه سقّا پـریشانِ اصغر شده

در این کاروان کودکی شیرخوار

بـه دامـان مادر کشد انتـظار

که روزی در آغوش گرم پدر

کند تشنه لب، جان خود را نثار

بپاشد پدر خون او را به عرش

کند هدیـه بـر ذات پروردگار

در آغوش خون خدا پر زند

بـه دامان زهرا بگیرد قرار

به بابا بگوید که با دست خویش

سپر کن به تیر و به خاکش سپار

بـه سقا بگویید آبش دهـد

ز خون دو بازو، گلابش دهد

به زینب بگویید: با سوز و آه

بوَد کعبه‌ات گودی قتـلگاه

بـه اکبر بـگویید: بـابا کنـد

چگونه به زخم جبینت نگاه؟

بـه زهرا بگویید: از کعب نی

شود پیکر دخترانـت سیـاه

به قاسم بگویید: خون سرت

خضابِ رُخَت می شود بی‌گناه

به طفلان بگویید: در زیر خاک

بیاریـد از تـرس دشمن پناه

به "میثم" بگویید اشک روان

فرستد بـه دنبال این کاروان

حاج غلامرضا سازگار

موضوع: احوالات خروج از مدینه ,
زبان شعر و شاعر: نوحه فارسی , غلامرضا سازگار

 خروج از مدینه

مدینه حسینت کجا می‌رود؟

اگر می‌رود شب چرا می‌رود؟

غریب وطن نیمه‌شب از وطن

غریبانه پیش خدا می‌رود

دلِ شب خدا را صدا می‌زند

چرا ساکت و بی‌صدا می‌رود؟

اجل پیش رو، مادرش فاطمه

به دنبال او از قفا می‌رود

به تعجیل رو در کجا می‌برد؟

مگـر سـر بـرای خدا می‌برد؟

صدای جرس آه جان بر لب است

جگرسوز چون ناله زینب است

«طرماح» یک لحظه محمل مران!

خدا را که وقت نماز شب است

نفس‌ها همه نالۀ یا حسین

دعاها همه سوز و تاب و تب است

به هر منزلی مرگ چشم انتظار

به هر محملی نغمۀ «یارب» است

شما هم چو مرغ شب ای ناقه‌ها

بنـالیـد بـا زینـب ای ناقـه‌ها

شب است و بیابان پر از ولوله

مدینه دعا کن به این قافله

همانا به شوق وصال خدا

گرفتند از دیگران فاصله

خدا رحم آرد به حال رباب

که بر کف گرفته کمان حرمله

پدر را ببرّند لب تشنه سر

پسر را ببندند در سلسله

شرار جگر شمع محمل شده

نـوای جـرس آتش دل شده

مدینه دعا کن برای حسین

که خالی بوَد در تو جای حسین

مدینه مدینه دگر نشنوی

دل شب صدای دعای حسین

مدینه به اهل مدینه بگو

که فرداست روز عزای حسین

خدایت دهد صبر ام‌البنین

که عباس گردد فدای حسین

دلش یاد رخسار پیغمبر است

نگاهش به روی علی‌اکبر است

مدینه دعا کن که این انجمن

بیایند بار دگر در وطن

از آن بیم دارم که دخت علی

ز شش یوسف آرد یکی پیرهن

از آن بیم دارم که رأس حسین

لب تشنه گردد جدا از بدن

از آن بیم دارم که پرپر شود

چو گل پیکر قاسم‌بن‌حسن

الهــی بــه دنبــال ایــن کاروان

بوَد روز و شب اشک «میثم» روان

حاج غلامرضا سازگار

موضوع: احوالات خروج از مدینه ,
زبان شعر و شاعر: نوحه فارسی , غلامرضا سازگار

 خروج از مدینه

شب سخت وداع است و دلم تنگ

صدای ناله خیزد از دل سنگ

ز هر سو می‌زند غم بر دلم چنگ

نفس آتش شده از سوز سینه

خداحافظ خداحافظ مدینه

امان از جور و بیداد زمانه

حرم شد از حرم بیرون شبانه

بسان بلبل بی آشیانه

رباب و فاطمه، زینب، سکینه

خداحافظ خداحافظ مدینه

مدینه داد و بیداد از جدایی

بزن ناله به شور نینوایی

که شد این قافله کرب و بلایی

فلک را نیست با ما غیر کینه

خداحافظ خداحافظ مدینه

دعایم بود بر لب گریه کردم

نگه کردم به زینب گریه کردم

خدا داند که هر شب گریه کردم

کنار قبر زهرای حزینه

خداحافظ خداحافظ مدینه

مدینه گِل کن از اشکت زمین را

که من بردم گل ام‌البنین را

یگانه ساقی گل‌های دین را

که نبود در وفا او را قرینه

خداحافظ خداحافظ مدینه

مدینه گاه‌گاهی یاد ما کن

ز چشمانت روان اشک عزا کن

دل شب دخترانم را دعا کن

که اینانند زهرا را رهینه

خداحافظ خداحافظ مدینه

شب انا الیه راجعون است

چه گویم روز عاشورا که چون است

زمین کربلا دریای خون است

منم در بین این دریا سفینه

خداحافظ خداحافظ مدینه

حاج غلامرضا سازگار

موضوع: احوالات خروج از مدینه ,
زبان شعر و شاعر: نوحه فارسی , غلامرضا سازگار

خروج از مدینه 

واحسرتا مدینه ده محنت هواسی وار

آهنگ الرحیل گلور غم نواسی وار

فکرایلدیم نوائله نی دور حجازاوخور

طاق ائتدی طاقتی شرر جان گزاسی وار

ابرفراق سایه سالوب وار نه علتی

یثرب دیارینون بوگیجه آه و وا سی وار

گویاعراقه عزم ائلیوب کاروان عشق

سالدی فشاربه قلبیمی پوزقون نماسی وار

بیر آسمان ستاره گئدور زار و دلغمین

هربیرستاره نین غم بی انتهاسی وار

حیرتدیم که دست قضادهریده ندن

اهل ولایه بیربئله جوروجفاسی وار

سالدی عزیز حضرت زهرانی چوللره

فکرایت حسینه گورنقدرابتلاسی وار

جبریله آیری دوشدی وطندن خدیوعشق

تاریخیده بوامرون اوزون ماجراسی وار

آغلاردی بومحنده امامون حرملری

بیربیروداع ائدردی کیمون اقرباسی وار

فرمایش ائتدی قارداشینا شاه مشرقین

سندن بوغملی قارداشون التجاسی وار

عباس ئوزون سوارائله قیزلاری محمله

خوف ایلیوب اورکده اولارین هراسی وار

آل پرچمون اله دله دون آغلیانلاری

گورسونله لشگرون نجه صاحب لواسی وار

منده گئدوم عیادت ائدوم بیرمریضه دن

محشرده خیره خالقین عالی جزا سی وار

آلنین یوزون گوزوندن اوپوم گوگلونی آلوم

بیرده وداع ائدوم بالا می حق رضا سی وار

القصه گلدی منزله گورسون بالاسینی

صغراگوزآچدی گوردی یانیندا آتاسینی

عرض ایلدی فداسنه ای مهربان بابا

تیربلایه قلب شریفی نشان بابا

بوگلماقوندا واردی نه علت بونوعیله

گوزدن عذاره اشگون آخورناگران بابا

اولماسفرخیالی واروندی مدینه دن

هجرانه توش ائدورمنی دور زمان بابا

شمع وجودیمی اردیب آتش محن

تحلیله گتدی جیسمیم اولوب ناتوان بابا

صغرانی بودیاریده گل ائتمه بی پناه

قوی باشیما نوالون اولاسایبان بابا

امکانون اولسا گتمه بویردن ویامنی

لطفیله ایله همسفره کاروان بابا

سندن صورامدینه دونرلیل ظلمته

هجرونده صبح وشام اولارام باغریقان بابا

بوشهریده اماندی منی قویمابی معین

آلام ومحنته داخی یوخدورتوان بابا

سن اولماسان یتیمه قیزی یا ده کیم سالار

یوخدورآنامدا باری اولا همزبان بابا

صغراگوروب آتاسی مصممدی گتماقا

عرض ائتدی ای عزیزحق لامکان بابا

وئرلااقل اجازه بی بیم زینبه منیم

قالسون یانیمدا فاطمیه روح و جان بابا

یااذن وئرگوزلریمون نوری اکبره

اولسون مجاوریمده اوسرو روان بابا

گیتماق خیالی اولساشبیه پیمبرین

قالسون رقیه خواهر شیرین زبان بابا

یثربده اگلشوب ایکی باجی فغانیله

هجرونده آغلاروق گه عیان گه نهان بابا

غم آتشینده یاندی شهنشاه تاجدار

فرمایش ائتدی اولماقیزیم بیله اشگبار

بیربیله ائتمه آه و نوا آغلاما قیزیم

جانیم بواشگ وآهه فداآغلاما قیزیم

زندیق روزگارستمله بوقلبیمی

ائتدی نشان تیرجفا آغلاماقیزیم

درسرشگوی بوقدر ائتمه سلسبیل

ای نوگل ریاض ولا آغلاما قیزیم

مندن صورامدینده چوخ غم یترسنه

گوندوزاولارگوزونده دجاآغلاماقیزیم

صبرایله بومحنده خداصبرایدنلری

اجرین ائدرجزاده عطاآغلاماقیزیم

منله کرکدی عازم اولا ایستیلرون

بوامره وار رضای خداآغلاماقیزیم

کرب وبلاهواسی آلوب جان مشامینی

سسلوربیزی دیاربلا آغلاماقیزیم

عباس عمون بولشگریمون سرسپاهیدور

عازمدی نینوایه اودا آغلاما قیزیم

طومارابتلاده بیبون زینبین آدین

ثبت ایلیوبدی جل علا آغلاما قیزیم

خاصه شریک نهضت خونین عشقدور

اول قهرمان کرب و بلاآغلاماقیزیم

قبررسول اکرمه دوشسه اگریولون

جدیم شبیهین ایله دعاآغلاماقیزیم

گورم معاینه اوداغلمیش جنازه سین

آلمیش آرایه آلعبا آغلاما قیزیم

تاب ایلمزباجون گئده اصغربوشهریدن

دلبسته دور رقیه اونا آغلاما قیزیم

اوج سینیده دچارائده جاق چوخ مصیبته

شامون یولوندا زجردغاآغلاما قیزیم

صغراخانم غمونده «جوانی» صباح وشام

اشگین ائدر روان رخ زرده علی الدوام

 کربلایی موسی جوانی تبریزی

موضوع: احوالات خروج از مدینه ,
زبان شعر و شاعر: نوحه ترکی , موسی جوانی تبریزی

خروج از مدینه

گلستان رسالتدن نچه دسته گل آیریلدی

قونوب هر بیرگل اوسته بیرایکی اوچ بلبل آیریلدی

پیمبردن پیمبر اوغلی تکلیفین سئوال ایتدی

بیلوب تکلیفینی مسئول ایویندن سائل آیریلدی

جهاندا مدت عمرونده خوش گون گورمین زینب

آنا قبریندن حسرتله اورکده نسگل آیریلدی

قبائلدن اولوب دوت مین نفر همره حسینیله

وطندن وصل جانانه اولانلار بیرایل آیریلدی

حرملرهودج ایچره آل هاشم مرکب اوستونده

حجاز عزمیله یثربدن ایگرمی محمل آیریلدی

اوتوز بیرکوکب مسعود تابانیله بیتیندن

اولان مصداق والشّمسه چوبدر کامل آیریلدی

پناهنده اولوب دارالامانه مأمن عالم

ایله تا امن اولوب اعمال حجدن عامل آیریلدی

ایدوب طی مراحل مصرع موعودینه یتدی

او مصرع کیم هامی یردن بو امره قابل آیریلدی

او گونکه منزل ایتدی کربلاده کربلا شاهی

اوشاهه کوفه اهلیندن اوتوز مین قاتل آیریلدی

وفا قربانگهنده قابلیّت ایتمگه اظهار

نچه مین رحمسیز قابیل تک بیر هابیل آیریلدی

دیلینده چوخ مجاز اهلی ویراردی دم حقیقتدن

ویرنده امتحان یتمیش ایکی اهل دل آیریلدی

حصول مطلبین منظور ایدنلراوزحیاتینده

گیدوب امّا نهال عمردن بی حاصل آیریلدی

اولار کیم گلمیوب گلمز وفاده مثلی دنیایه

بساط عشقیده جمع اولدی بسط شامل آیریلدی

سچیلدی باشیله جاندان گچنلر گیچمینلردن

قالان قالدی گیدنلرگیتدی حقدن باطل آیریلدی

ایله ممتاز اولان اصحاب ایچیندن بیرق حقه

ابوالفضل وفاپرور سچیلدی حاصل آیریلدی

نسیم آه لیلی گلستان حُسن اکبرده

ایدنده شانه زلفین اسدی گلدن بلبل آیریلدی

حقین حقّین محقق ایتماقا اصغر آناسیندان

بوغازی اوخلانوب اولسون چو مرغ بسمل آیریلدی

الی اوسته آلاندا اصغری شه فوج لشگردن

فنون رزمیده دارا اولان بیر قاتل آیریلدی

قالان دشمن الینده بی پناه اهل و عیالیندن

کومکسیز شاه آیریلدی ولی چوخ مشکل آیریلدی

شه دریا دل اطرافین حرم دوتموشدی ساحل تک

تعجّبدور نجه دریای غمدن ساحل آیریلدی

حیاتیندن حیات عالمه علت اولان ناخوش

امیدین کسدی تا تاپسون شفای عاجل آیریلدی

ره جاناندا جان بذل ایلینلردن شه مظلوم

مقام کبریایه نمرۀ اوّل باذل آیریلدی

بقای یاره قلبینده مهیّا ایتدیگی یردن

مرامیله اولوب همراه صاحب منزل آیریلدی

امان اول وقتیدن زینب حسینی گون قباقینده

تاپوپ صدچاک وعریان تاپمادی بیرحایل آیریلدی

امامه اولمادی ممکن امامی باغرینا باسسون

موانع اولدی ضعف و هم طناب و هم غل آیریلدی

اونی من بولمورم ظلّام آیردی تازیانیلن

ویا اوز اختیاریله امام عادل آیریلدی

عزا بزمینده ( طوری ) اهل عشقه ایتماقا القا

حدیث غم فزای کربلانی قائل آیریلدی

مرحوم طوری

موضوع: احوالات خروج از مدینه ,
زبان شعر و شاعر: نوحه ترکی , طوری

زبانحال حضرت صغرا (س) به

حضرت علی اکبر (علیه السلام)

هنگام خروج از مدینه

سندن آیرلماخ علی صغرایه چوخ مشگل گلور

رسمدور گل فرقتونده نالیه بلبل گلور

خوشگلوب لطف ایتموسن ای نوجوان دلپسند

ایلدون من بی کسی بو گلماقونلا سربلند

تار زلفونده اولوب مرغ خیالیم پای بند

چون او بیر تِلدن اَله هر آن مرام دل گلور

حمد لله خاک پایونده وارام سائل به کف

سرفراز اولدوم ولی بیر باره دن قیلّام اَسف

وار حضوراً بیر سوزوم لطف ایله ای کان شرف

پادشه دربارینه امّیدیله سائل گلور

بو قد موزونده گورّم علی رخت سفر

خواهشیم سندن بودور گَل بو سفردن ایت حذر

هر زمان سندن صورا من آغلارام شام و سحر

گوشۀ زندان منه بو خانه و منزل گلور

ایلرم خلّاق بی همتایه چوخ حمد و ثنا

باشیم اوسته گلموسن ای شبه روی مصطفی

بیل یقین اولماز منی یاد ایلین سندن صورا

رسمدور چون مایلون دیدارینه مایل گلور

دولدوروب حسنون شعاعی یثربی قارداش تمام

کسب نور ایلر یوزوندن یثرب اهلی صبح و شام

هر یره قویسان قدم هر بزمده ایتسون خرام

گوئیا ای مه شمائل بدر اولوب کامل گلور

بس علی سندن صورا صغرایه کیم همدرد اولور

روز و شب غم بسترینده مونس آه سرد اولور

هر زمان مرغ دلیم آردونجا صحراگرد اولور

گیتمه سون بیکس باجون مقصودینه نایل گلور

آتش هجرانوه هر لحظه یانّام آغلارام

غم خمنده رنگ رفگه من بویانّام آغلارام

طوی اطاقونده سنون هر گون دولانّام آغلارام

گوز یاشیم بو مطلبه بیر شاهد عادل گلور

صبر ایدوب هجرانوه گلموم نه نوعی شیونه

هامودان اُلفت کسوب گوز تکمشم قارداش سنه

گر چه هر لحظه مؤتردور آناسیزلوخ منه

سندن آیریلماخ ولی صغرایه چوخ مشگل گلور

جانمی سنسیز خدنگ محنته توش ایلرم

بستر غمده مصیبت باده سین نوش ایلرم

اوز اوزیمی کثرت غمدن فراموش ایلرم

فکریمه بالله علی نه گلستان نه گل گلور

آغلاما بو آغلاماخ قارداش بیوک غمدور منه

درد هجرانون سنون هر غمدن اعظمدور منه

آغلاماخ سندن صورا هر لحظه همدمدور منه

بیر گونوم سنسیز منه بو دهریده بیر ایل گلور

« کهنموئی » چوخلاری بو دوره ده دیندن چخار

خانۀ اسلامی بو صوری مسلمانلار یخار

هر زمان اهل یقینی منجنیق غم سِخار

سویله بس یارب هاچان اول سیّد عادل گلور

مرحوم کهنمویی

 

 

موضوع: احوالات خروج از مدینه ,
زبان شعر و شاعر: نوحه ترکی , کهنمویی

خروج از مدینه

آنا اوز اختیاریله حسینون سندن آیریلماز

اگر ممکن اولا بلبل یقین گلشندن آیریلماز

منیله یارآراسیندا آنا بر عهد و پیمان وار

ازل گوندن او عهد یله وارام جانیمده تا جان وار

باشیمدا نشاء ذوق هوای و صل جانان وار

جدا اوسته چکر شامه بو نشه مندن آیلماز

شعاع جلوه و حدت ایدوب آئینه می روشن

گل مقصود آچوب قلبیم اولوب بر ساحت گلشن

وجودیم عین طور اولموش دولوب نوریله پیراهن

ترانی نکته سین تاپمیش گوگل ایمندن آیریلماز

یازیلمش بدو عالمده منیم حقیمده بر منشور

سروعده یتوب باشدان همان منشوردن وار شور

او فرمان اوسته باش ویرم که تا باشیز اولام محشور

اگر چه زینبیم مندنصورا شیوندن آیریلماز

منی ال دامن وصله یتورماق بهره مند ایلر

سوسوز باش ویرماقیم یکسر جهانی سر بلند ایلر

قلجلار جسمیمی دوغرار اگر چه بند بند ایلر

کسله اللریمده بو ال اول دامندن آیریلماز

رضائیله گرگ لیلی علی اکبردن آیریلسون

سریه قاسمین ویرسون رباب اصغردن آیریلسون

الیم ایلدن قبیلمدن هامی یاوردن آیریلسون

غم ومحنت عیالوندان جفا دشمندن آیریلماز

اوزوم بر گلشن عشقم یانیمدا چوخ گلیم وار دور

نگاره تحفه بر دسته گلیله سنبیلم واردور

آنا عباس تک شمع امید محفلیم واردور

ایله سروردان آخر بیله گلشندن آیریلماز

آلور اطرافیمی آخر وداعیمده بلا کشلر

بریسی سس چکوب آغلار بری وا محنتا سویلر

بری قویماز دیرآیا عمو نیلوم من مضطر

قویا بیکسلری دشمن او پیراهندن آیریلماز

ویروبدورخنجرشمره قضا برجوهر اولده

ولی شمر اختیاریله دوتار اول خنجری الده

معین قاتلم وار دورمن مقتوله مقتلده

او جوهرای آنا هرگز ایله آهندن آیریلماز

آناگیسون گرگ آل پیمبر جامه نیلی

سکینه عارضین قیلسون گل سوسن کیمی سیلی

اوسیلی رنگنون جانان یانندا واردی تفصیلی

اولونجا حشر بو رنگ اول گل سوسندن آیریلماز

گرک گیتسون قولی باغلی عیالون شام ویرانه

اولور باغ ارم رشگی خرابه آل عمرانه

ایدلر آهیله روشن دونر ویرانه رضوانه

صفای حقدن پرتو دل روشندن آیریلماز

محرمدور یوزه « صافی » توکوب اشگون روان ایله

گتورشوراوسته دنیانی تما ما نوحه خوان ایله

مکرر ایله باش بیتی اوزئن ورد زبان ایله

آنا اوز اختیاریله حسینون سندن ایریلماز

مرحوم صافی تبریزی

 

 

موضوع: احوالات خروج از مدینه ,
زبان شعر و شاعر: نوحه ترکی , صافی تبریزی

 خروج از مدینه

سفر تدارکینه دوشدی آل پیغمبر

دوزولدی ناقه لره زرنگار محملر

به حکم شافع روز جزا امام مبین

مرتب ایتدیله اوچ یوز کجاوه زرین

او دم که قافله یوکلندی حاضر اولدی قطار

حرمسرایه قیتدی شهنشه ابرار

جگرده آه گوزی یاشلی پادشاه امم

علیله فاطمه نین منزلینه قویدی قدم

نه گوردی بستر محنتده بیر نزار یاتوب

ایکی گوزی قاپودا چشمی انتطار یاتوب

تمام رنگ رخی کهربا کیمی سارالوب

فراش غمده اولوب جسمی بی قرار یاتوب

هلال تک اریوب قامتی مصیبتده

یوزه گوزون یاشینی ایلیوب نثار یاتوب

انیسی گوز یاشیدور بسترینده ، لشگر غم

سالوب حصاره اونی دلده آه و زار یاتوب

دیر فغانیله هر دم علیل جانیم وای

فزون اولان غم و دردی یارالی جانیم وای

اجلده دوتمور اقلی سراغیمی یارب

قالان زمانه ده باشی بلالی جانیم وای

گوروب او حالتی شاه شهید، دلخسته

او دلکبابین آلوب باشینی دیزی اوسته

بویوردی ایتمه یوزه گوز یاشین نثار قیزیم

اولان زمانه ده درد و غمه دچار قیزیم

گوز آچدی باخدی آتاسینه اول علیله زار

ددی فلک ایلیوب باشیمی بلایه دچار

ایشیتجاقین بو سوزی شاه یثرب و بطحا

بویوردی قلبیمی یاندورما آه و واویلا

امام کون و مکانم زمانه سروریم

سنه اوزوم آتایام هم آنا برابریم

ویروب اودم قیزینا شاه دین تسلی لر

وداع باز پسین ایلدی به دیده تر

قیتدی غافلیه اول شه ملک لشگر

کنار بستره گلدی او دم علی اکبر

نه گوردی فاطمه رخسارینه توکر قانیاش

یواش یواش دئیوری من سنه فدا قارداش

گل ای قویان گوزومی انتظار علی اکبر

جوان لاله رخ و گلعذار علی اکبر

نولیدی بیرجه گوریدیم باجی دئیوب گلوسن

سنه اولیدی بو جانیم نثار علی اکبر

وصال حسرتیم یوخدی صبر و آرامیم

فراق اودیله بو جانیم یانار علی اکبر

دوشر قرا گونه بی کس باجون فرقوندا

قالار اولونجه گوزوم انتظار علی اکبر

او گول جمالیوه بیر بلبل خوش الحانم

گیجه گونوز ایدرم آه و زار علی اکبر

او سوزلری ایشیدنده شبیه پیغمبر

بویوردی ای آناسیز باجی جانه سالما شرر

مسافرم سفریم وار منی حلال ایله

علی اکبر اولوبدی بیله خیال ایله

بو قدر آعلاما ای بی کس و نزار باجی

اولان هزار غم و محنته دچار باجی

کجاوه لر دوزلوب باغلانوبدی بار سفر

دوشور یولا چکلور کوفیه قطار باجی

دینده بو سوزی اول ناز پرور لیلا

اوجا سسیله ددی باجی آه و واویلا

منی یانونجا آپار ای عزیز جان قرداش

بو قاره گونده قویوب گتمه الامان قارداش

او یولدا هرگز علی مینمرم کجاوه لره

دوشوب یانونجا گلیم من پیاده بو سفره

منیم او غافله دن قویمیون اوزلسون الیم

اگر کجاوده یر اولماسا پیاده گلیم

غرض که ساکت ایدوب خواهرین علی اکبر

رجوع قیلدی درست ایلدی بساط سفر

مرحوم قمری

 

 

موضوع: احوالات خروج از مدینه ,
زبان شعر و شاعر: نوحه ترکی , قمری

 زبانحال حضرت امام حسین (علیه السلام)

به حضرت فاطمه زهرا (سلام الله) 

هنگام خروج از مدینه

یاتما دور سال یثربه شیون خداحافظ آنا

آیریلور اوغلون بو قبریندن خداحافظ آنا

قبریوه قربان اولوم ای دفن اولان گزلین گیجه

آیریلور گور میوه قلبین بو قبریندن نجه

سرعت طی مراحل وار اگر قالسام گیجه

یول تاپار مقصودینه دشمن خداحافظ آنا

اون ایکی مین نامه دعوت یازوب اهل عراق

ظاهرا بو نامه لر دعوتدی باطنده نفاق

ایتماقا اتمام حجت دلده وار چوخ اشتیاق

گلمیشم سندن آلام رخصت خداحافظ آنا

دعوت حقدور گرک بو دعوتی ایجاب ایدم

گلشن دینی طراوتلندیرم شاداب ایدم

سو یرینه قانیمی ایثار ایدوب سیراب ایدم

سولمیا تا حشر ، بو گلشن خداحافظ آنا

بو سفرده من مقدر دور جدایه باش ویرم

عهد و پیمان ایتمیشم قربان اوغول قارداش ویرم

سود امر بیر طفلی بزم یاریده شاباش ویرم

ایستیوب یاریم بیله مندن خداحافظ آنا

وار یادوندا هر گیجه همدم اولاردیم من سنه

نقل ایدردون اوندا سن بعضی حکایتلر منه

زینبی آگاه قیلام قصه پیراهنه

ایسترم بیر کهنه پیراهن خداحافظ آنا

سن منیله عهد و پیمان ایتموسن روز ازل

گلمیشم دل وا پس اولما عهدیوه ایله عمل

کربلا صحراسینه سن روز عاشوراده گل

ایلینده عترتیم شیون خداحافظ آنا

کربلاده پیکریم باشسیز دوشنده مقتله

هم اوزون رنجه قدم قیل گل ، آتامدا دی گله

باشیمی خولی تنورینده تاپوب قانین سیله

جای راز دلدی اول مسکن خداحافظ آنا

سن آنا آگاهسن احکام دین و مذهبه

مکتبینده ویرموسن درس شهامت زینبه

وار منیله شرکتی واقف اولوب هر مطلبه

خاطرین قیل بو سوزه ایمن خداحافظ آنا

مقصدیم هر چند اول کعبه دور سعی و صفا

قسمت اولماز عید اضحی ده منه ذبح منا

شوقیله تشکیل ویرم بیر منای کربلا

فخر ایدم جدیم خلیله من خداحافظ آنا

کربلا آدی گلنده کربلا یاده گلور

اشک چشمیله دولور گوز جامی دل داده گلور

گوره سن (اشکی) او گونلر بیرده دنیایه گلور

قبر پاکینده ایداق شیون خداحافظ آنا

 اشکی تبریزی

موضوع: احوالات خروج از مدینه ,
زبان شعر و شاعر: نوحه ترکی , اشکی تبریزی

خروج از مدینه

ای شیعه سینه دن دیمه هرگز بو غم گیدر

دلدن بو درد و غصّه بو داغ و اَلَم گیدر

بو قان حسین قانیدی ایلر همیشه جوش

بیله بولوردیلر آرالوقدا بو دم گیدر

بیر گون آلور بو قانی اوز اوغلی امام عصر

بو داغ سینه لردن او ساعت او دم گیدر

ایلر قیام امام زمان انتقام ایچون

بیر بیر دوتار عدم یولی هر منتقم گیدر

هر چند توسن سخنه تنگدور فضا

بو راه تنگی رخش قلم بیر قلم گیدر

ظاهرده پیچ و خم گورونور بو مقاله ده

هر ما یقال یولّانی اولسا رقم گیدر

ایله توسّل آل علی مشگلون آچار

مطلبده اولسا هر نه قدر پیچ و خم گیدر

سال یادیوه او وقتی حسین بن فاطمه

عزم عراق ایدوب او شه محتشم گیدر

عهد قدیمی یاد ایلیوبدور عبث دگول

موعود بیر مکانه او عالی همم گیدر

اوّل بو عزمی ویردی بنی هاشمه خبر

بولدی او عهد هر کیم اولوب ملتزم گیدر

بو عهده اشتراک ایلین قیز باجی حرم

عورت اوشاق بویوک هامی اهل حرم گیدر

زرّین کجاوه لرده خواتین محترم

هر محملون یانینجا ایکی اوچ خدم گیدر

گیمش مهار کشلری فاخر لباسلر

اولموش تمام غرق نعیم و نعم گیدر

زینب که سرپرستیدی آل محمّده

باش محمل ایچره باشدا او مریم شیم گیدر

اولموشدی چون شریک بو میثاقه بدودن

بیر بیر ندور بولوبدی هامی کیف و کم گیدر

آغلاردی قبر فاطمه دن آیری دوشماقا

باطنده شاد ظاهراً امّا دِژم گیدر

دوشموش او غم کشون قباقنجا شجاع ناس

عبّاس نامدار النده علم گیدر

بیر کاروان بو شوکت و جاه و جلالیله

چخمیش مدینه دن نجه گور منتظم گیدر

قیلدی اراده جانب بطحایه شاه دین

بولموش حرم طوافنی چوخ مغتنم گیدر

مأمن بیلوب اوزینه حجازی امان خلق

بیت خدایه علّت حلّ و حرم گیدر

تا یتدی شهر مکّیه فرزند مصطفی

بو فکریله که دلده اولان همّ و غم گیدر

بیر نچّه آی اقامت ایدندن صورا او شه

خلق ایچره گوردی عزّتنی دمبدم گیدر

تعقیب ایدلّه قتلنی حکم یزیدیله

هر یانه گیتسه آردیجا اهل ستم گیدر

الله ایوینده بولدی توکر قاننی عدو

گر قالسا حرمت حرم محترم گیدر

اوز حجّینی خلیلوفا قویدی ناتمام

بیر اوزگه کعبه ده ایده بو کسری ضَم گیدر

گر چه مناده کسمدی قربان ذبیح عشق

دشت بلایه پادشه غم حشم گیدر

قربانلارین گوتوردی منای محبّته

بیر حکمتیله مظهر غلم و حکم گیدر

گویا متاع وصله خریداریدی او شه

بازار غمده ایتماقا بیع و سلم گیدر

باران فیضه قابلیدی خاک کربلا

علّت بودور او ابر سخا و کرم گیدر

اول دشتده ویروب اوزی انصاری تشنه جان

باخموبلا قان آخوب یره مانند یم گیدر

تاپدی او قانلاریله همان خاک بیر صفا

یاددان چیخار فسانۀ باغ ارم گیدر

گچدی جدایه باشلاری گون تک جلاله باخ

شامین یولون او نوریله اهل ظُلَم گیدر

شاه شهید یاشنی هر کس گوروب دیدی

بو باش بنای ظلمی ایدوب منهدم گیدر

معشوق ایسته مشدی کسوک باشلارا اوزلری

شامه بدون صحبت لا و نعم گیدر

یاندی تالاندی لانه و کاشانه ظلمله

بیر دسته آهوان حرم قیلدی رَم گیدر

هفتاد اوچ نفر خانم عورت اوشاق گلین

بیر ناخوشین یانینجا دوشوب پیش و کم گیدر

سرسلسله امامیدی بزم یزیدیده

هر چند التماسنه سایر امم گیدر

باخ زینبون جلالنه کیم عشق راهنی

اوز قارداشیله گور نه قدم بیر قدم گیدر

« صافی » بو سخت قافیه دن اَل گوتور گلن

کم کم دوشر صعوبته تاب قلم گیدر

سن باخما یول اوزاقدی خیالونده شامه گیت

هر کس دئسه گرک بو یولی من گیدم گیدر

قیل اوزگه مطلعیله بیان شام قصّه سین

سانما بو سوزلریله اورکدن او غم گیدر

چون اعظم مصائب اولاندا سوال امام

ویردی جواب سائله الشّام والسّلام

مرحوم صافی تبریزی

 

 

موضوع: احوالات خروج از مدینه ,
زبان شعر و شاعر: نوحه ترکی , صافی تبریزی

خروج از مدینه

یادعهد عالم قالوا بلا دارد حسین

از مدینه رو بسوی کربلا دارد حسین

بی وفا دید آشنایان دیار خویش را

شوق جمعی آشنای با وفا دارد حسین

کاروانی بار بست ازمرد و زن پیروجوان

هر چه اهل بیت وخویش واقربا دارد حسین

اختیار غربت و ترک دیار و دار خویش

الله الله داغ زین ماجرا دارد حسین

در دل شب خائفاً طیّ مراحل می کند

صحبت صیاد و از مرغ قطا دارد حسین

خوف صیّادان و ظلمات شب و بیراهه راه

رهنما از شوق و تقدیر و قضا دارد حسین

مأمن عالم یکی مأمن بخود جوید ولی

در همه عالم یکی مأمن کجا دارد حسین

بسکه جوشد از زمین و آسمان بارد بلا

هر قدم دریای پر موج از بلا دارد حسین

غرق طوفان حوادث کی شود فُلک نجات

بر چنین کشتی خدایی ناخدا دارد حسین

دوستان با دشمنان هم عهد و با وی در کمین

باز با هر دو سر صلح وصفا دارد حسین

آن شهنشاهی که عالم در ید فرمان اوست

کار و سر با مشتی اعراب گدا دارد حسین

مبتدائی بردو هجرت در دل شب از وطن

بس خبرها در پی این مبتدا دراد حسین

تشنگان خون خود را تشنگان بیند بر آب

آبشان آماده از بهر سقا دارد حسین

بسته احرامی به سوی بیت حق اما بحق

روی دل با کعبۀ مقصود ها دارد حسین

ای خلیل الله چه نازی برمقام کعبه ات

کربلائی کعبۀ اهل ولا دارد حسین

کعبه ای از سنگ و آب وگل بنا داری ولی

در دل صد پاره بشکسته خدا دارد حسین

هفت سعی اندر صفا داری ولی از رزمگه

تا خیم هفتادویک سعی و صفا دارد حسین

نازم آن ذبح عظیمی که بخود هفتاد ویک

بی بدل رشک ذبیح الله فدا دارد حسین

زمزمی داری که هر چه هست غیر از چشمه نیست

چشمه هایی از سرشگ چشمها دارد حسین

هر کسی اندر زمانه یادگاری از کسیست

یادگاری از تمام انبیا دارد حسین

زآدم و نوح و خلیل الله وموسی و مسیح

تا محمد آیتی در خود نما دارد حسین

بهر اثبات حسین است از من ومن ازحسین

در برش جانی چو شبه مصطفی دارد حسین

مصطفی را گر براقی در شب معراج بود

بر عروجش رفرف از نوک جدا دارد حسین

آدم از جنت برون از ترک اولاد شد اگر

دوری از فردوس و یثرب بی خطا دارد حسین

نوح اگر طوفان آب انگیخت از عصیان قوم

در جهان طوفانی از خون دائماً دارد حسین

آتش نمرود اگر گلشن بر ابراهیم شد

بر خیام آتشین زین العبا دارد حسین

پیش فرعون ار کلیم الله عصا را تکیه داد

بر سنانش تکیه بر جای عصا دارد حسین

زنده دارد قتل یحیا را به قتل خویشتن

سر بریده جلوه در دشت طلا دارد حسین

گر علی انگشتری بخشید و آمد انَّما

در سر انگشتری انگشت عطا دارد حسین

گر شهیدان را کفن باید لباس خویشتن

از چه رو یا رب کفن از بوریا دارد حسین

با عروس قتل هم آغوش و دست از خون خضاب

حجله ای از قتلگه بر کدخدا دارد حسین

در فضای اوج همت عالمی در زیر پر

پر زند بی پرچو عباسی هما دارد حسین

غم مخور (ذهنی) که ذهنت گشته با غم غوطه ور

در خورش بهر صفا نور وجلا دارد حسین

مرحوم ذهنی

 

 

موضوع: احوالات خروج از مدینه ,
زبان شعر و شاعر: نوحه فارسی , ذهنی

خروج از مدینه

جدا گیدوری منزل جانانه حسینون

قربان اولا بو روضه رضوانه حسینون

چون فصل شهادت یتوب ای منبع رحمت

گلدیم وره سن تا که منِ بیکسه رخصت

مأذون ایده سن گر چکرم جانیمه منت

سندن صورا از بسکه گلوب جانه حسینون

بیر طرزیله اولدوم من بیچاره مسافر

ممکن دگی بو قبره اولام بیرده مجاور

چوخ منتظریم قالدی حبیب ابن مظاهر

وقت اولدی که نامه یازا دربانه حسینون

بو نحویله جدا یازلوب نامه ولیده

بیعت ایده لر آل علی حکم یزیده

یا اینکه مقیم اولمیه لر قرب نبی ده

وصلونده اوزوب ال دوشه هجرانه حسینون

سندن صورا چوخ ظلم ایدوب امّت منه جدّا

گویا که جگر گوشه دگولدوم سنه جدّا

بو ظلم و مصیبتله شکایت گینه جدّا

ایتموب ابدا خالق سبحانه حسینون

جدّا دیوب ازبسکه گیدوب هوشه او مظطر

گوردی که گلوب عالم رویاده پیمبر

چوخ لطف ایلیوب اوپدی او بی یاری مکرر

باسدی باشینی سینه سوزانه حسینون

سویلیوب که اوغول تیز گورورم فرقه ی عدوان

ایللّه سنی ظلمله اوز قانوه غلطان

منحور ایده جاخ نحریوی پیر رهزن ایمان

رهزن دی بلی قاتل ایمانه حسینون

جدّینی گوروب ایتدی اودم عَزم شکایت

چکدوخلاری غمدن ایلیوب بیربیر حکایت

عرض ایلدی سندن صورا ظلمیله بو امّت

دوندردی قد سروینی چوگانه حسینون

لطف ایله کرم قیل من غمدیده و زاره

آل بیرجه اوزونله منی بو قبر و مزاره

عود ایتماقا حاجت ندی دنیایه دوباره

آزادیدی گیتمز داخی زندانه حسینون

دلگیر گوروب چونکه حسینینی پیمبر

که محنت دنیادن اولوب قلبی مکدّر

سویلوب که اوغول خالق ایدوب بیله مقدّر

بی سر دوشه گل پیکری میدانه حسینون

صبر ایله اگرچه دوشه سن چوخ زحماته

حسرت قالا اهل حرمون آب فراته

لازیندی یتشیماقیلا بعضی درجاته

اغشته اولا پیکری القانه حسینون

قویمازلا حسینیم سنه دشمن، کفن اولسون

نه غسل و کفن بلکه نه بیر دفن ایدن اولسون

حکم ایلر عُمَر سعد ولو پیرهن اولسون

اگنینده گَرک گه گیده تالانه حسینون

(هندی) پوزولوب عیش ، یتوب موسم ماتم

غفلتله گیجه قویما بو ایّام محرّم

یا نوحه و توک دامه گوز یاشی دمادم

وار چوخ نظری دیده گریانه حسینون

مرحوم هندی

 

 

موضوع: احوالات خروج از مدینه ,
زبان شعر و شاعر: نوحه ترکی , هندی

خروج از مدینه و گریز به قتلگاه

هانی او گون که تماشای گلستان واریدی

صفای گلشن و گل مرغ نغمه خوان واریدی

گل و گیاه و ریاحین طراوت سنبل

نه آب تابله نسرین و ارغوان واریدی

سالوردی قامت رعنایه یاسمن سایه

گزردی خدمت اوچون نِچّه باغبان واریدی

قَبای سبزیله سرو خُرام خرامانیدی

نه فکر آفت گُل نه غم خزان واریدی

سولوبدی گُل ایله ویران اولوب چمنگه دین

نه عندلیب بو گُلشنده آشیان واریدی

فنالوق عالمی بر گُلشنه دگول مخصوص

خراب اولوب نه قدر یاخشی خانمان واریدی

اولوب عیال پیمبر ایله جلای وطن

که نه خیاله گَلوردی و نه گمان واریدی

نَه بیرده بر ایله عزّتلی خانواده گلور

جهاندا نه ایله پاکیزه خاندان واریدی

چیخاندا اهل حرم عزّتیله یثربدن

جلال و دبدبه و جاه و عزّ و شأن واریدی

زرینه پوش محامللره اوتورموشدی

نقدر اهل حرمدن مسافران واریدی

میننده محمله زینب دیزین خم ایلردی

سوار ایدردی ابوالفضل تک جوان واریدی

حرملرین یانجا کربلایه یثربدن

نچه جوان دلاور نگاهبان واریدی

سوار اولاندا حسین ذوالجناحه هر یرده

رکابین اکبر قاسم کیمی دوتان واریدی

همین کمکلریلن دشت کربلایه کیمی

جلال و جاهله اولشاه انس و جان واریدی

بنی امیّه نون اولسون گوروم عذابی شدید

بروزه وردیلر اول کینه که نهان واریدی

بلا چولونده حسینون تمام دوغرادیلار

باشندا هر نه جوانان جانفشان واریدی

دایاندی بر یره امری قالوب غریب و وحید

نه بر اوغول و نه اصحابدن قالان واریدی

باخاردی حسرت اوزیله اُلن صحابه حسین

چکردی آه نه بر دادخواه اولان واریدی

اَلین قویوب بلینه آدلاریله سَسلَردی

قوجا جوان نه قدر قاننه باتان واریدی

خطاب ایدردی دورون قویمیون منی یالقوز

منیله سیز واریدوز بر نچه زمان واریدی

نولوبدی سسلرم ایمدی جواب یوخدی منه

بو بیکسین دیموسوز محنت گران واریدی

یوزون دوتوب گَهی سسلردی اوز جوانلارینی

سسینه سس ویره کیمده مگر زبان واریدی

سنان و تیریله دوغرانمیشیدی اعضالر

نه زخم خنجر و تیر و سنانه سان واریدی

اگر چه ظاهر صورت حسین کُمکسیزدی

نه بیر معین و نه بیر یار مهربان واریدی

و لیک عالم معناده جان به کف صف صف

حسینه ایتماقا نصرت پیمبران واریدی

پیمبران اولوالعزم مُرسلین تمام

نه بلکه جن و ملائک یگان یگان واریدی

اگر اجازه ویریدی او شهریار غریب

هلاک ایدردیله هر قدر دشمنان واریدی

اوزوده قادریدی دشمنی ایده پامال

اَلنده قبضۀ شمشیر جانستان واریدی

گلوب تکلّمه موتو دیسیدی بیر دفعه

هلاک اولوردولا هر نه جهانیان واریدی

گنه او قدرت قوتّله قولتوقوندا اَلی

باشندا شوق هوای سرِ سنان واریدی

اوزی قبول ایلمیشدی شهادته یتسین

اوز عهدی اوسته او سلطان بیکسان واریدی

مرحوم شهاب تبریزی

 

 

موضوع: احوالات خروج از مدینه ,
زبان شعر و شاعر: نوحه ترکی , شهاب تبریزی

احوالات خروج از مدینه

چون ایلیوب مدینه دن عزم سفر حسین

آشوبِ غم جهانه سالوب سربسر حسین

عالمده هر بلا او شهی ایلدی نشان

گویا بلالی عالمه وئردی خبر حسین

هر محنت و بلا و غم و درد عالمی

بیر باخماقندا ایلدی مدّ نظر حسین

درس وفانی نقطه به نقطه تمام ائدوب

بیر حرف قویمادی قالا زیر و زبر حسین

منزل به منزل عالم عشقی ائدوبدی طی

تا صدر بزم وصلده دوتدی مَقَر حسین

توراتیده مصیبتی موسایه ذکر اولوب

انجیلیله زبوره اولوب مستطر حسین

آرام جان حیدر و نورِ دلِ حسن

روح رسول، قلب بتوله ثمر حسین

چوخ نامه لر یازوبلا او شاهی حجازدن

دعوت ائدوبله کوفیه مهمان گئدر حسین

عازم اولاندا جدّه سی گلدی حضورینه

عرض ایلدی که قیل بو سفردن حذر حسین

جدّون دیوب حسین منه جسم و جان دور

هم جسم و جان دن منه محبوبتر حسین

کرب و بلاده خنجر و تیغ و سِنانیلن

امّت الینده ظلمیله قتله یِتَر حسین

فرمایش ائتدی جدّه منی بیلمه بی خبر

اؤز مصرعین محل قتالین بیلر حسین

اؤز تربتیندن اخذ ائلیوب قتلگاهدن

وئردی نشانه جدّه سینه بیر قَدَر حسین

ساخلا بو تربتی گوره سن قانه چون دونر

بُول کربلاده جام اجل نوش ائدر حسین

قویدی وطنده بیرجه مریضه بالاسینی

بلبل کیمی نوا ائده شام و سحر حسین

سالدی یانینجا قاسم و عبّاس و اکبری

گور نه منای عشقه تدارک گورر حسین

دین خدا که ظالم الینده فناده دور

اسلامیده شریعتی اعلان ائدر حسین

بولدی که بی وفالیق ائدر میزبانلاری

کرب و بلا دیارین ائدوب مفتخر حسین

بی آب و بی علف یره قوردی خیامینی

حشره کیمی وئره او یره زیب و فر حسین

دریا کیمی تلاطم ائدوب کوفیانِ دون

امواج ایچینده قالدی او والا گهر حسین

اصحاب و یاری گئتدی قلجلار قباقینه

بی یار و بی برادر اولوب بی پسر حسین

بیر بیر جوانلارین باشی اوسته گئدوب اؤزی

قان ایچره گوردی تک تکینی غوطه ور حسین

اکبر جنازه سین گوتوروب باسدی باغرینا

گوردی او مه جمالیده شَقُّ القَمَر حسین

بی اختیار اولدی گئدوب تاب و طاقتی

گویا گورن دییَردی اولور محتضر حسین

عباسی تاپدی سرو کیمی قول بوداغ سیز

قارداش غمینده اولدی شکسته کمر حسین

گلدی خیامه باخدی یمین و یسارینه

امداد تاپمیوب اؤزینه بیر نفر حسین

گاهی باخاردی خیمه ده بی کس عیالینه

گه دیده دَن توکردی یوزه اشک تر حسین

آلدی قوجاقه اصغرینی سو هواسینه

بی رحملرده گورمَدی رحمه اثر حسین

حلقین نشان ائدوبله خدنگ عداوته

قان آغلیوبدی حالتینه خونجگر حسین

دولدوردی قانین اؤجونا عرض ایلدی خدا

چکدی بو گون بو قومین الیندن نَلَر حسین

هر نه بلا یولوندا منه یِتسه خوش دلم

سُؤمیش بلا حسینی، بلانی سؤَر حسین

امر ایلدی مَلَک لره معبودِ بی نیاز

قوچلار برابری قوزی قربان وئرر حسین

درگاهیمیزده تحفه سی چوخ چوخ عزیزدور

اخذ ایلیون او قانی گویه چون سَپَر حسین

تیغ و سنان و خنجر و طعن شماتته

جانان یولوندا ایلدی جانین سپر حسین

مالک باشین قلجلادی شَل اولسون اللری

قان لخته سین او دمده ائدوب تاج سر حسین

تیر و خدنگه بس کی وجودینده یر وئروب

شهباز تک او چولده آچوب بال و پر حسین

کشف ایلدی جهانه رموز ولایتی

تکبیریله سناندا اوجالداندا سر حسین

دوتموشدی شور عشق ز بس نوک نیزه ده

قرآن اوخوردی هر ره و هر رهگذر حسین

گاهی گیدوب جداده باشی دیر راهبه

راهب لره اولوب نجه گور راهبر حسین

گه گؤرسنوبدی مجلس ابن زیاد ده

بزم یزید ده گه اولوب جلوه گر حسین

بولمم نه آختارور بئله بی خانمان اولوب

هر شهر و هر دیاری جداده گزر حسین

«راثی» حسینی یادیوه سال آغلا صبح و شام

عرض ایله ای عیالی اولان دربدر حسین

روز جزاده ایله شفاعت بو جمعیله

گئتسون بهشت باغینه دور از سَقَر حسین

مرحوم راثی تبریزی

موضوع: احوالات خروج از مدینه ,
زبان شعر و شاعر: نوحه ترکی , راثی تبریزی

 خروج از مدینه 

چون داری دار گوردی او قوم یهوددن

لابد اولوب مسیح جهان میل دارِ ، دار

روح جهان مدینه ی اسلامدن چیخوب

خالی اولوب قوالب اموات تک دیار

امر ایتدی ساربان لارا تا بارکشلره

بیر بیر ائدوب محامل زرّین قبابی بار

حجّاب بارگاه حجابات غیب اولوب

پرده دالیندا پرده نشینان پرده دار

سیمین بَران چو انجم و اَقمار لامعه

محمل لر ایچره پرده لری سِتر زرنگار

افلاک تک یر اوسته گلوب سیر اُشتران

هودج لری شبیه بروج نجوم وار

خُدّام اهل بیت اولوب حاملان عرش

جبریل ساربان، سرافیل حمله دار

خورشید وار شعشعه ی نور احمدی

اولدی حسین چو انجم سیّار، سرقطار

هاله صفت آی اولدوزونون دوره سین آلوب

صف صف آت اوسته تازه جوانان گلعذار

هر بیر فرشته طینت و حوری وش عورته

مهریله دوتدی بیر مَلَکِ ماه رو مهار

گل غنچه سی نه نوعیله پیوند اولور گله

محمل آرا صِغاری قوجاقه آلوب کبار

اکبر سکینه باشینه چکدی عباسینی

تا قونماسون عذارینه هم زلفینه غبار

آی تک یوزونه دگمیه تا گون حرارتی

گیسوی مُشک بارین ایدوب ابر سایه دار

قورخاردی یوخلییب قوجاقندان دوشه یره

زلفیله غنچه سین ایلیوب بند شاخسار 

 مرحوم دخیل مراغه ای

 

 

موضوع: احوالات خروج از مدینه ,
زبان شعر و شاعر: نوحه ترکی , دخیل مراغه ای