متن نوحه احوالات فرزندان حضرت زینب کبری (س)
مجموعه اشعار مذهبی منتخب مناسب متن نوحه احوالات طفلان حضرت زینب (سلام الله علیها) از شاعران آیینی معاصر و قدیمی
عالم الست وگریز به احوالات فرزندان حضرت زینب (سلام الله)
روز ازّل طرح اولاندا نقشه پیمان عشق
زینب آدی اولدی باشدا زینت عنوان عشق
انبیاء طومار عشقه ایتدیلر بیر بیر نگاه
کیم اسارت کلمه سین گوردی چکوب دلدن بیر آه
طالبان حور و جنت اسدیلر چون پر کاه
گزدی اللّرده معلق نامه سلطان عشق
انبیادن ردّ اولوب باخدی صفوف اولیاء
اولمادب هیچ کیمده گویا قدرت نطق بلی
تا حسین گوردی بیوردی البلاءُ للولاء
چخدی صفدن عاشق جانباز و دست افشان عشق
بیر تقاضا ایتدی امّا محضر داداریدن
لو آغیر تکلیفیدور عذر ایستورم گفتاریدن
بیر شریک ایله معین عترت اطهاریدن
کامل اولسون امرون اجرا قالماسون نقصان عشق
سس گلوبدور یا حسین منظور اگر یولداشدادی
عشقی بولسن بش یره دوردی باجی قارداشدادی
نامیه دقّتله بیر باخ زینب آدی باشدادی
تاپشورولموش زینبه اطفال سرگردان عشق
ویرمشوک درسین ازلدن زینبون تکمیلیدی
نه گوروب مکتب نه محتاج غم تحصیلیدی
بی معلّم جرعه نوش چشمه تنزیلیدی
حلّ اولار زینب الیله مشگل و آسان عشق
الغرض تاپدی ایکی امضائیلن ایش فیصله
فی سبیل الله باجی قارداش ویروبلر ال اله
ایچدیلر تا جرعۀ صحهبای عشقی یکدله
پوزدولار بزم الستی کهنه سرمستان عشق
سوز بیله قالدی وجوده گلدی اشباه امم
هفام هجرتده زینب قویدی دنیایه قدم
تا گوز آچدی آغلادی همدمدن ئوتری دم به دم
اولمادی هیچ کیمده ساکت طفلک نالان عشق
نه سود امدی نه خموش اولدی او نورس بیر نفس
تا خبر یتدی حسینه داده گلدی دادرس
باجی قارداش بیر بیرین گورجک ایدوب ذوق و هوس
گل گُله گولدی آچیلدی غنچه خندان عشق
چوخ تعجب ایتمک اولماز قدرت خلاقیدن
بوندان آرتیق انتظاریم وار بیله عشاقیدن
قوللارین زینب چیخاتدی داخل قونداقیدن
قولبویون اولدی ایکی پروانه سوزان عشق
دمبدم آرتدی علاقه طبع خوگر تاپدی خو
ریشه لندی دلده عشقون تاروپودی مو به مو
اللی دورد ئیل گزدیلر همدوش و هم دم روبرو
تا گوروندی گوزلرینه عرصه میدان عشق
صبح عاشورا آچلدی،آچدی عشقون پرده سین
امتحانه چکدیلر عاشقلرون سر کرده سین
تاپدیلار بی غلُّ غش چون فاطمه پرورده سین
قلبی اولدی مدفن گنجینه پنهان عشق
محضر شاهه گلوب عرض ایتدی ای کان کرم
اللی دورد ایلدی وجودینله مباهات ایلرم
نه قسم ویرّم بیرین زهرایه،نه آند ایچمرم
ایتمز ایجاب قسم چ.ن حجت برهان عشق
ایندی وار بیر خواهشیم سالما یره فاش ایلسم
راضی اولما ریشۀ گفتاریمی بیردن کسم
من سنی ویرّم آنام صدیقه زهرایه قسم
ناامید ایتمه منی ای رهبر مردان عشق
زینبون بو خواهشی زهرا آدی اولدی سبب
آغلادی شدتله غمدن اول شه عالی نسب
ایتدی فرمایش ندور منظورون ای کان ادب
خواهشون ردّ ایتمرم ای منبع ایمان عشق
آغلاما باجی بیان قیل دردون اول بیر لحظه رام
ایندی که زهرایه آند ایچدون نه ایستورسن وارام
بیر فقط سو ایستمه اولّام خجالت آغلارام
چون سوسوزلوقدان سارالمش گلشن بستان عشق
آغلاما ایسلاتما ابرین دامنین گوز یاشوه
دردوی روشن بیان ایله حسین قارداشوه
اولمیا شوق وطن دوشموش بو چولده باشوه
یا چوخ اینجیتدی سنی اندوه بی پایان عشق
ایستوسن قید اسارتده حرام اولسون سنه
قیتریم گیت جدیمون شهری مقام اولسون سنه
اکبریم گلسون رکابینده غلام اولسون سنه
خاکسار اولسون قاپوندا یوسف کنعان عشق
زینب عرض ایتدی حسینیم قلبیمه وورما یارا
روحیمه سنسیز وطن زنداندی جنت بی صفا
خواهشیم بیر خوردا خواهشدور قبول ایله اخا
قول ویر سنگین تر اولسون کفّۀ میزان عشق
بیر موافق قول آلوب زینب اورک دردین دیه
گوردولر هیچ دینمدی بیر باش قیتدی خیمیه
مات اولوب اهل حرم الله بو ایستور نیلیه
سالدی طوفان دیللره بو منجی طوفان عشق
چخدی زینب خیمه دن ناگاه بی وقت و مجال
ال اله بدر تمامیلن ایکی پوزقون هلال
شیر زن بیر شیر تک هر پنجه سینده بیر مارال
ظاهرا اولاد جعفر باطناً طفلان عشق
گوردیلر طرح ایلیوب زینب گوزل برنامه لر
گیدروب اوغلانلارا آغ پیرهن خوش جامه لر
باشدا چون عنوان شخصیّت یاشیل عمامه لر
قوس ابرولر کمان،مژگانلاری پیکان عشق
شاهی گورجک ویردیلر رخصت او دم گوزیاشینه
سبقت ایلور خورداجا قارداش بیوک قارداشینه
هر اوچی بیردن دولاندیلار حسینون باشینه
آخ گوریم آباد اولیدی خانۀ ویران عشق
زینبون آندیله ، عبدالله جعفر نامه سی
بهت و حیرتده قویوب ناچار شاه بی کسی
بیر بیر ئوپدی باغرینا باسدی او ایکی نورسی
چوخ تفأل ایتدی گوردی خوش گلور قرآن عشق
الله الله عقل حیراندور بتول ثانیه
قویمادی قربانلاری تأخیر ایده بیر ثانیه
آشنالردن آییردی یوللّادی بیگانیه
اولدی پای انداز جانان هستی امکان عشق
اندیلر میدان جنگه چون او عنقا بچّه لر
جعفر طیار تک زینبده آچدی بال و پر
سسلنوبلر ای گروه بد سگال و بد سیر
عادتوز مکر و جفا دور طاعتوز خُسران عشق
الغرض بیر حمله سینده بو ایکی یورقون بالا
قویمادی میداندا آخر بیر منظّم صف قالا
گه آچوللار فاصله گاهی ویروللر دال دالا
سسلنولر حافظ اول ای قادر صبحان عشق
سسلنوبلر عرصه تنگ اولجاق بابا یا مرتضی
دستگیر اولماق بیزه ذلّتدی سن اولما رضا
دوشموشوک تنگه کمند ایستور آتا دست قضا
زنده صید اولسا قبول اولماز بابا قربان عشق
بیر قدر دعوا ایدوب سوز عطشدن یاندیلار
هر یره یوز قویدولار دورت سمتدن اوخلاندیلار
فاصله دوشدی آرایه تکلنوب دوغراندیلار
قانه غلطان اولدی تک تک گوهر غلطان عشق
گه بیری سسلور حسینی لبلریندن قان گلور
گه بیری نیم خیز اولور گورسون او سس هاردان گلور
ردّ ایدور بیر نیزه نی یوز ناوک پرّان گلور
سسلنور امداده گل ای خسرو خوبان عشق
شه گلوب گوردی باتوب القانه خواهر زاده لر
نقد جانی زاد راه عشق ایدوب آزاده لر
سینۀ شاهه اوجالدی عاقبت اُفتاده لر
قانلاریلان اولدی امّا صحبت جریان عشق
شه گلینجه زینب امّا قوردی شورا خیمه ده
قیزلارا بیر سوز بیوردی ایتدی غوغا خیمه ده
سیز چیخون من اگلشیم خاموش و تنها خیمه ده
قارداشیم خجلت چکر الدن گیدر دامان عشق
اوّلاً سیزده منیم تک پیشوازه قاشمیون
دوزمسه قلبوز قاچون سعی ایلیون باش آشمیون
سیز بیلون الله اوجادان اوخشیوب آغلاشمیون
اولماسون دلگیر و محزون شاه مظلومان عشق
ای ایدن درگاهنه گلدستۀ گردون رکوع
وی مه و مهره ایدن حکم غروب امر طلوع
لطف قیل زوّارون امرین ایله عباسه رجوع
باغلانان یوللّاری آچسون فارس شجعان عشق
موضوع: فرزندان حضرت زینب کبری (س) ,
زبان شعر و شاعر: نوحه ترکی
------------
فرزندان حضرت زینب (سلام الله)
شد خواهر تو غرق به موج محن حسین
گلگون شده ز خون شهیدان چمن حسین
بنما قبول این دو گلم را و کن نگاه
پوشیده اند هر دو به عشقت کفن حسین
گر پاره تن شوند عزیزان من چه غم
ای کاش از تو پاره نگردد بدن حسین
باشند گر که این دو پسر،خون جگر شوند
نگذار تا شوند شبیه حسن،حسین
تا که نبرده اند مرا مجلس حرام
بگذار تا روند عزیزان من حسین
بر سینه ی شکسته و آن میخ در قسم
تو دست رد به سینه ی خواهر مزن حسین
من قول میدهم که نیایم ز خیمه ها
حتی اگر شوند بریده دهن حسین
محمود اسدی شائق
موضوع: فرزندان حضرت زینب کبری (س) ,
زبان شعر و شاعر: نوحه فارسی , محمود اسدی شائق
------------
احوالات فرزندان حضرت زینب (سلام الله)
گل عشقی ایتمسه مدهوش جام صهبادن
نجه قرار آپارار عندلیب شیدادن
اوجام نشیه سی ایلوب اونی بیابانگرد
قاچار قفسدن اوزون گوردوقی مرایادن
سالوب نظردن اوزون سری وار دوتوبدی گلی
که عهدی صادق اولان ال گوتورمز ایفادن
غم خزانه دوزر نیش خاری نوش ایلر
سپر وجودون ایدر گلسه صدمه هرجادن
سالوب بلالره جانین همیشه دلخوندی
هوای عشق گل ارغوان وحمرادن
او عشق مشقینی گویا ایدوبدی زینبدن
آلیبدی درسین او عشقی علومه دارادن
گورون حسینه نقدری محبتی واریدی
اونون یولوندا هراس ایتمدی منایادن
اُلومدن آرتیخ اولار بیرجوان اوغول اولومی
او چکدی ال ایکی جان و جگر دل آرادن
اوگونکی گوردی کومکسیزدی مهربان قارداش
بلالی باشی دوشوب مین بلایه غوغادن
سالوب یانینجا ایکی نونهال و نوثمرین
حضوره گلدی محبت ایدن تقاضادن
دیدی حسین آنام اوغلی باجون نجه گورسون؟
اولوب کومکلراوزون دوشموسن توانادن
مبارز ایستیر عدو سنده احتجاج ایدوسن
سنه کمک کیم اولور قوم بی تولادن؟
دیین زمانیده هل من معین مسلّم دور
گلور جوابیوه لبیک رب اعلادن
دیورسن ایلموشم من ازلده بیع و شرا
گرگ بوچولده گیچم جان و مالِ دنیادن
گتورموشم ایکی جان نقدا ایلییم سنه بذل
بو بیعه شرکت ایدوب سود آلام بو سودادن
گرگ رکاب همایونیوه ایکی قربان
ویرم بوگون آپارام حق بو فیض عظمادن
نقدر ویرممیسن فرصت ال چکن دگولم
محالیدور که گیچم بیله بیر تمنادن
دگول عزیز بولار شاهزاده اکبردن
یقین که محترم اولماز غلام مولادن
بولاردا قانه جوانلار کیمی بویانماسالار
باجون خجالت اولار قطعا امّ لیلادن
سریّه نون یوزونه بیرده من نجه باخارام؟
علاوه زینبی شرمنده ایتمه زهرادن
ایکی بالا بیر آنا بسکه ایتدیلر الحاح
اجازه صادر اولوب پیشگاه والادن
اولوم ایاقینه یوز قویدولار ایکی قارداش
کمال وجدیله محبوب ایدن بیرایمادن
اگرچه هر ایکیسی ظاهرا صغیریدیلر
ولی کبیریدیله معنا عشق کبرادن
او نسبتیله که قامتلری دگلدی رسا
قلجلاری سورونوردی بسیط غبرادن
گلوب دایاندیلا صفلر برابرینده ازل
ایدوب رجزلرین ایراد طبع گویادن
هامی رجزلری تنبیه قوم غافلیدی
ولی آییلمادی بی کس او دل سکارادن
چکوب قلجلارینی ایتدیلر سپاهه هجوم
قلجلیوب نچه ظالم گروه اعدادن
اوگون کمال رشادت تمام حزم و هنر
ظهورایدوب او ایکی بچه شیر غرّادن
یتیشدی هر بیرینون جسمینه نچه یاره
اوگیروداریده اشرار کینه جویادن
بویاندی لاله صفت قانه هرایکی قارداش
گینه دایانمادیلار زخم تاب فرسادن
هجوم ایدردیله گاهی سپاه میمنیه
پوزاردیلار صف ونظم ونظامی یمنادن
قلج ویراردیلا گاهی جناح میسره ده
توکردیلر یره افرادی فوج یسرادن
ایله شجاعت اوگون ویردیلر اوقومه نشان
که آز بروز ایدر اهل شجاع هیجادن
ویروب محمده بیر اوخ اوحالیده هانی
کسیلدی طاقت رفتار اوماه سیمادن
یخیلدی روحی کسوب جسمیدن علاقه سینی
اوحالی عون گوروب ال گوتوردی دعوادن
گلوب قوجاقلادی قارداش جنازه سین قارداش
اوجالدی ناله سی اوج ایتدی طاق مینادن
دیدی که منده سنه ملحق اولّام ایتمه شتاب
غم ایلمه الم فرقت غم افزادن
آتوب او طفله اودم بیراوخ اسعد آدلی شقی
که سختیدی دل بیرحمی سنگ خارادن
گورنده اوخ گلور ایتدی سپر الین گوزونه
که بلکه ردّ اولا اوخ شرّی چشم شهلادن
یتیشدی اوخ الینی تیکدی آنّینا بالانون
توانین آلدی او مظلومی سالدی یارادن
دوشوب بدن حرکتسیز باخاردی صاق و صولا
آخاردی قرمزی قانی جمال زیبادن
دوتوب خیامه یوزون حال احتضارینده
که استعانت ایده وارث مسیحادن
دیدی هراییمه تیز گل ییخیلمیشام یاخال
فدا قدملریوه سالدیلار منی پادن
اوزون یتوردی اوشه گوردی هرایکیسی اولوب
بیر آه سرد چکوب آتشین سویدادن
آلوب هر ایکیسینی سینه سینه فلک نجات
کناره نعشلرین چکدی قانلی دریادن
ایکی جنازه نی باهم گتوردی خیمه لره
گیدوب قرار دل اهلبیت طاهادن
چخوب خیامیدن عورت اوشاق کنیز وحرم
اوجالدی عرشه فغان وانین اوصحرادن
دایاندی خیمه ده امّا اوحالیده زینب
بوفکریله که تحمّل چتیندی ثکلادن
مباد آغلیه خجلت ویره حسینینه یوز
تعجبوم وار اوخاتون ایدن شکیبادن
درون خیمه ده پستانینه قویوب الینی
نهان ایدردی نوا محنت هویدادن
آچوب باشین یوزه زلفون توکوب سیزیلداردی
آخاردی اشگی سر زلف عنبر آسادن
گلنده اکبرون امّا اوگون اولوم خبری
کسیلدی طاقت او رامِ غم و بلایادن
ایشیقلی گون کیمی ابر خیامدن چیخدی
چیخوب معاینه خورشید شرق اقصادن
ایاق یالین باش آچوخ رزمگاهه یوز قویدی
نقاب سالدی ولی گیسوی سمن سادن
یتیشدی گوردی شبیه پیمبرون روحی
کسور علاقه سینی شرحه شرحه اعضادن
اوغول اُلور آتا حالی اشدّدور اوندان
امید یوخدی حیات امیر بطحادن
حسینون حالینه دشمن باخور یانور آغلور
گلور فغانه گورن هرمقام و ماوادن
علاج تاپمادی الّا حسین اولا مشغول
کسه توجهون اول نوجوان رعنادن
فغانیله دیدی وای قارداشیم وای اوغلوم وای
اوجالدی شیون او عصمت مآب علیادن
دگیشدی حال حسینی همان فغانیله
اُلومدن ایتدی خلاص ایتدوقی مداوادن
دوروب عباسین آچوب سالدی زینبین باشینا
دیدی آز آغلا باجی چوخدی بو قضایادن
قییت خیامه مبادا سن آغلینده گوله
شمادت اهلی باخور حالیوه زوایادن
قییتدی خیمییه زینب گتورمیوب دله لا
گوروب که حبّ دوشر لا گلنده معنادن
حسینیدن نه که ایسترسن ایسته ای (ذهنی)
امید وار دیمسون حرف ما و یا لادن
خصوص زینبون جانینه قسم ویرسن
خلاص ایدر غم دنیا و هول عقبادن
مرحوم استاد مشهدی علی اصغر ذهنی
موضوع: فرزندان حضرت زینب کبری (س) ,
زبان شعر و شاعر: نوحه ترکی , ذهنی
------------
در احوالات پسران حضرت زینب کبری (سلام الله)
زینب آن گلواژه عنوان عشق
مطلع دیباچه دیوان عشق
پیکر اخلاص و تندیس جلال
پای تا سرعشق وایمان و کمال
نخل سرسبز بهشت ارتضا
رونق گلزار تسلیم و رضا
گوهر گنجینة علم و ادب
زینب زهرا حسب،حیدر نسب
لالة دشت عطشناک بلا
گلشن آرای بساط کربلا
چشمة خورشید مست از جام او
نقش لبهای ملایک نام او
گلشن سرخ تشیع مذهبش
دامن سبز تولّا مکتبش
عاشقان مبهوت از ایثار او
خلق عالم والهِ افکار او
در بلاغت وارث سلطان دین
خطبه هایش دلپذیر و دلنشین
برده ارث از دو امیر نشأتین
زهد و تقوا ازحسن، صبراز حسین
گرچه زن بود این زن والا گهر
لیک از مردان عالم مرد تر
باید از این بانوی عرش آستان
مردی آمـوزند مردان جهان
جوهر مردانگی در ذات اوست
رشک مردان جهان حالات اوست
پای تا سر جذبه و احساس بود
در صلابت حضرت عبّاس بود
حُرمت مهد ولا را پاس داشت
درصلابت صولت عبّاس داشت
روز عاشورا در آن دشت بلا
وادی عشق و مقام ابتلا
دید تنها مانده پیر راه عشق
ساقی دریا دل درگاه عشق
لطف خود میخانه از کف داده است
میکشان ازهای وهوی افتاده است
پاره ای در فکر قد افراختن
عدهّ ای آماده جان باختن
پاره ای درخاک وخون بی پا ودست
بی خبر افتاده اند از باده مست
پاره ای در عالـم عشق و جنون
عدهّ ای مستغرق دریای خون
پاره ای از پا چو سرو افتاده اند
ازسیه مستی همه جان داده اند
جمله چون شمع سحرگاهی خموش
در شبستان بلا بی جنب و جوش
جمله سرمست از شراب جام هو
نی می اندرکار و نی جام و سبو
هر کدام افتاده سرمست و خراب
درتراب تیره گون چون آفتاب
سینه ها از تیغ و خنجرچاک چاک
چون گل از جور خزان در روی خاک
حالت این میکشان را رشک کرد
جام چشمش را لبالب اشک کرد
آن زمان دست دو فرزندش به دست
رفت پیش ساقی بزم الست
لابه ها در پیش شه کرد از نیاز
تا کند سلطان عشقش سر فراز
گفت ساقی را که ای سلطان کل
هدیه ای از بهر تو دارم دو گُل
در پذیر این هدیه نا قابلم
حلّ کن حلّال مشکل ، مشکلم
جان خواهـر نا امید از در مکن
این دو گل را منع از ساغر مکن
این دو مخمور از شراب باقی اند
خاکساران جناب ساقی اند
گرچه طفلند این دو طفل پاکزاد
لیک مرد عشقبازند از نهاد
گرچه دارند از عطش رخسار زَرد
لیک ازخون سرخ گردد روی مَرد
آل هاشم خود گواهی زین نَمَط
در هوا مرغند و اندر آب بَط
ای به مظلومان عالم دادرس
مانده ام ای دادرس، فریاد رس
این غلامان را به خدمت کن قبول
تا نگردند از در رحمت ملول
سوسن و یاس مرا سیراب کن
گرچه زردند از عطش شاداب کن
این دو را مست از می احساس کن
نَک تصدّق بر سر عبّاس کن
این دو، در باغ ولایت بلبلند
عاشق شیدای رُخسار گلند
شوقشان اینگونه کرده دیده تر
کارشان دیگر مکن پیچیده تر
لطف کن در میکده ساغر کشند
باده از جام بلا بر سر کشند
در خرابات شرف مستی کنند
زیر خنجر دعوی هستی کنند
لابه ها کرد از ارادت پیش شاه
کار خود را کرد آخر اشک و آه
رِقّت پیر خرابات الست
اشتیاق این دو رِند می پرست
آخر از میخانه فتح الباب کرد
جامشان را پر شراب ناب کرد
ساقی دریا دل آتش نهاد
چون برآن ساغرکشان چشمش فتاد
دید بسم الله، دو طفل پاکباز
پای تا سر اشتیاقند و نیاز
خنجر ابرویشان مرگ آفرین
غمزه چشمانشان سِحر مُبین
طرة طرارشان صید افکن است
کاروان عقل و دین را رهزن است
هـر یک اندر کف حُسام بی نیام
کرده اند ازشوق می، عزم قیام
حالت این باده نوشان لاجرم
دل ربود از ساقی مستانه دم
عاقبت از میکده در باز شد
نوبت ساغر کشی آغاز شد
آن دو کودک را ز جام نشأتین
مست کرد از دولت رحمت حسین
قامت مردانگی افراختند
در قمار عاشقی جان باختند
آن شرابی را کز آن اکبر کشید
این دو کودک نیز ازآن ساغر کشید
در مقام عشق از الطاف پیر
نیست صحبت از صغیر و از کبیر
جمله یکسانند از فیض مقام
گر جوان و پیر ، گر شاه و غلام
جرعه ای هریک از این ساغر کشید
شاهد مقصود را در بر کشید
ساقیا رحمی براین شب خیز کن
جام طبعش را ز می لبریز کن
تا ز فیض جام تو مستی کند
خاطرش را فارغ از هستی کند
مرحوم شبخیز
موضوع: فرزندان حضرت زینب کبری (س) ,
زبان شعر و شاعر: نوحه فارسی , عباس شبخیز
------------
احوالات فرزندان حضرت زینب کبری (سلام الله)
کربلاده اونداکی شاه شهید
الدی یار و یاوری قالدی وحید
هر قدر هل من معین ایتدی ندا
اولمادی بیر کس اونا ویرسون صدا
آرتوروب فریاد و آه زارینی
قانینه غلطانگوروب انصارینی
ویردی رخصت کوزده اشک الینه
اولمادی بیر کس یانا احوالینه
سلب اولوب آرام و صبر و طاقتی
غصه دن تغییر تاپدی حالتی
سویلدی بیرده او محبوب الاه
بیر نفر واردور بیزه اولسون پناه؟
بو سسی تا یتدی سمع زینبه
اولدی واقف اول بلا کش مطلبه
قارداشین یالقوز لوقی ایتدی اثر
ایلدی جاری یوزه اشک بصر
گوز یاشی اولدی روان اوز باشینه
یاندی بییاور قالان قارداشینه
سویلدی یارب نه چاره ایلیوم
قارداشیم یالقوز قالوبدور نیلیوم
قلبیدن تغییر ویردی ذکرینه
اودلانوب دل دوشدی چاره فکرینه
یادینه دوشدی عزیز جانلاری
مایه عمری ایکی اوغلانلاری
سو سپوبدور اتش سوزانینه
ایستدی اوغلانلارین اوز یانینه
کوکب رخشانیدی صورتلری
لاکین افسردیدی چوخ حالتلری
غنچه گل تک لبلری خندانیدی
اوچ گونیدی چون اولار عطشانیدی
کیم ویرر بو مهریده باجی نشان
قارداشا قربان ویره آرام جان
گوزلرینه سرمه چکدی ذوقیله
تللرینه شانه ووردی شوقیله
ایلدی قامتلرین آراسته
اولدی حق قربانلاری پیراسته
دوردی اول دخت امام محتشم
یانینه اوغلانلارین سالدی اودم
قلبینی غم تیری چون پیکان دلوب
محضر شاه شهدانه گلوب
یوزده گوز یاشی دلینده اضطرار
بیر دولاندی باشینه پروانه وار
توکدی گوز یاشین یوزه دریا کیمی
شوره گلدی بلبل شیدا کیمی
باخدی بیر قارداشه گلدی شیونه
سویلدی قارداش فدا جانیم سنه
من نجه بیله گوروم یالقوز سنی
الدوروب انصاریوی قوم دنی
ایتموسن جانانبله بیع و شری
بذل ایدورسن مال و خویش و اقربا
جدیوه ویرم قسم قارداش سنی
گل شریک ایله بو سوداده منی
منده بو سوداده حق فیضین آلوم
بو بلالی باشیمه قاره سالوم
ای آناسی فاطمه جدی رسول
بو قوزی قربانلاری ایله قبول
لیلینی اکبر سرافراز ایلیوب
ناله و آهیله دمساز ایلیوب
جان ویروب قاسم سریه کام آلوب
هم آناسی باشینه قاره سالوب
اولدولار زهرا یانیندا سربلند
گر اولام منده چوخ اولام شوقمند
تا حیاتیم وار گوزوم اشگه دولار
اکبریندن یوخسا آرتوخدور بولار
وار یری بو حسرته دلدن یانام
کیم دیر مولادن افضلدور غلام
بونلارا ای سرور امت حسین
اذن ویر قوی زینبه منت حسین
عازماولسونلار بلا میدانینه
قانلارین قاتسونلا اکبر قانینه
شاه دین سویلوب باجی یا زینبا
صاحبین اولملز بو سودایه رضا
یثربه گیتسن مگر ایتمز سئوال
ای باجی سندن او گون تقریر حال
جان ویروب بلسه ایکی نورس جوان
قامتین ایلر اوغول مرگی کمان
زینب بیخانمان ویردی جواب
ای شه گلگون قبا عالی جناب
یوز قویان گون بو دیاره سنله من
ایلدی اظهار او شخص ممتحن
قویم سن اوغلانلارین سالم قالا
فاطمه دلبندینه ایله فدا
بیر آنا بیرده ایکی نورس بالا
آغلادی اودلاندی شاه کربلا
بسکه چوخ عجز ایتدیله یالواردیلار
آخر اول شهدن اجازه آلدیلار
مقصده نایل ایکی قارداش اولوب
عازم میدان اولار بیر باش اولوب
یتدیلر میدانه باهم دوردولار
نوریله اول عرصه نی دولدوردولار
کوفیانه اول ایکی تشنه جگر
هر نه ایلوب موعظه ایتموب اثر
امر اولوب منجر آخر بیر یره
ایلیوبله حمله قوم کافره
آتش پیکار اولوبدور شعله ور
هر بیری الدوردی بیر نچه نفر
ویرمدی فرصت ولی قوم یزید
ظلمیله هانی بیرین ایتدی شهید
صدقیله جانانینه قربان اولوب
روح پاکی عازم رضوان اولوب
گوردی قارداش قارداشی قانه باتوب
عالمی دلدن دوشوب گوزدن آتوب
نعشینی جان تک باسوب آغوشینه
بو سوزی آهسته سویلوب گوشینه
بس منیم سندن صورا حالیم نولی
منده بل آردینجا گلم بو یولی
آتدی بیر اوخدا او دمده بیر شقی
عالمی یاندوردی تیر ناحقی
بو سوزوم عرشه اوجالدوب آهیمی
ایلوب اول تیره نشان ابراهیمی
تا گوزینه دگمسون تیر اول زمان
ال گوزی استه قویوب اول نوجوان
آنینا تیکدی او مظلومین الین
اودلانوبدور اولین و آخرین
یتدی بیر ظالمده الده بیر عمود
بیر بویوک ظلم ایتدی اول اهل عنود
توکمسون شیعه نجه گوز یاشینی
قارداشا ملحق ایدوب قارداشینی
پارچالاندی باش آخوبدور قان یره
قالموری گوردی او قدری جان ویره
یوز دوتوبدور خیمیه فریاد ایدوب
وارث عیسادن استمداد ایدوب
ای شه دوران یتوش امدادیمه
گامسن باش ویرمرم جلادیمه
تاایشیدی بو سوزی میر فخار
قالمادی قلبینده صبر واختیار
—-باشلاری استه او شاه غم حشم
حق بلور بلمم نجه گلدی او دم
توکدی اشکین صورت زیباسینه
غرق اولابلار گوردی قان دریاسینه
اونلارا اول منبع عین الحیات
بحریدن چون ناخدا ویردی نجات
آلدی آغوشه ایکی نعشی امام
یوزده گوزیاشی ایدوب عزم خیام
تا یتوشدی خیمده قویدی یره
عترت اطهار دگدی بیربیره
دیشره چیخدی خیمدن آل عبا
اولدی دشت کربلا ماتم سرا
بیر اودم غمخواره زینب چیخمادی
صبر ایدوب صبرین حصارین یخمادی
بو خیلیله گورر اولادینی
آرتورار فریاد و آه زارینی
سرور لب تشنگان خجلت چکر
زینب مظلومیه ایلر نظر
بلمورم دوزدی نجه صبر ایلدی
اشک چشمین بیر دولی ابر ایلدی
لیک بیر وقته کسیلدی چاره سی
اوندا که گلدی علی اکبر سسی
مرکبه اولدی شه دوران سوار
اکبرین درک ایلدی اول شهریار
(حامدا)اولدی مطول بو سوزون
مطلقا سوز صاحبینده وار سوزون
ایستسونلر ناله و افغانیله
زایر اول اول قبرینه (خوشخوانیله)
مرحوم حامد تبریزی
منبع کانال گنجینه گذشتگان
موضوع: فرزندان حضرت زینب کبری (س) ,
زبان شعر و شاعر: نوحه ترکی , حامد تبریزی
------------
فرزندان حضرت زینب (سلام الله)
قامت کمان کند که دو تا تیر آخرش
یک دم سپر شوند برای برادرش
این دو ز کودکی فقط آیینه دیده اند
«آیینه ایی که آه نسازد مکدّرش»
واحیرتا! که این دو جوانان زینب اند
یا ایستاده تیغ دوسر در برابرش
با جان و دل دو پاره جگر وقف می کند
یک پاره جای خویش و یکی جای همسرش
یک دست گرم اشک گرفتن ز چشم هاش
مشغول عطر و شانه زدن دست دیگرش
چون تکیه گاه اهل حرم بود و کوه صبر
چشمش گدازه ریخت، ولی زیر معجرش
زینب به پیشواز شهیدان خود نرفت
تا که خدا نکرده مبادا برادرش...
زینب همان شکوه که ناموس غیرت است
زینب که در مدینه قرق بود معبرش
زینب همان که فاطمه از هر نظر شده است
از بس که رفته این همه این زن به مادرش
زینب همان که زینت بابای خویش بود
در کربلا شدند پسرهاش زیورش
گفتند عصر واقعه آزاد شد فرات
وقتی گذشته بود دگر آب از سرش
حمیدرضا برقعی
موضوع: فرزندان حضرت زینب کبری (س) ,
زبان شعر و شاعر: نوحه فارسی , حمید رضا برقعی
------------
پسران حضرت زینب (سلام الله)
چوخ سسلمه امدادیوه اعدانی قارداش
وار زینبون ایکی قوزی قربانی قارداش
اتمام حُجَّت ایلمز بو قومه تأثیر
اؤز اؤزلرین ایلوبله بو جرمه خداگیر
حق حجتی انکار ایدوب ایلولَّه تکفیر
بی حدّ دور بو لشگرین طغیانی قارداش
ظاهرده ایلوللر دیانت مُدَّعاسین
باطنده محو ایلولَّه اسلامین بناسین
بو فرقۀ باطل ائشیتمز حق نداسین
صورت بُلوللر معنیِ ایمانی قارداش
دشمن جماعتدن آز ایله استعانت
خواب ضلالتدن اویانماز بو جماعت
اصرار ائدوللر کفرده ساعت به ساعت
ترک ایلمزلر شیوۀ کفرانی قارداش
وئرموش تمامی قوّۀ عقلی فنایه
مغلوب اولوبلار خواهش نفس و هوایه
تصمیم ائدوبلر ظلم یتسون انتهایه
ناقص قالا بو ظلم یوخ امکانی قارداش
بعضی لری قرآنی ایلوب دامِ تزویر
بعضی ائدر آیاتی اوز طبعیله تفسیر
بعضی صراحتله وئرور احکامه تغییر
قرآن آدیله محو ائدور قرآنی قارداش
شرّ اهلیدور بو خیردن مهجور اولانلار
باطل گئدوللر راه حقدن دور اولانلار
قتل امامیله بو گون مسرور اولانلار
بُلمزله وار دارینده خسرانی قارداش
آگاه سن ای عالِمِ اسرارِ پنهان
بو قوم غافل گوزلرین ایله دوتوب قان
قان توکماقی بو تابعانِ آلِ سفیان
فرض ایلیوللر طاعت رحمانی قارداش
مغرور ائدوب از بس بو قومی حُبِّ دنیا
یاد ایلموللر عالم عقبانی اصلا
الدن گلن ظلمی ائدوللر یوخدی گویا
محشرده عادل منتقم دیوانی قارداش
بو اهل کوفه اؤز وفاسین ائتدی معلوم
سن تک امامِ عالمی ایلولَّه مظلوم
پیغمبرین اوغلون شهید ایلولَّه مهموم
دلشاد و خوشنود آل بوسفیانی قارداش
سن که اؤزون آماده سن کویِ وفاده
جان وئرماقا لب تشنه میدانِ بلاده
بو فیضدن هر کیمسه ائتسه استفاده
تحصیل ائدوب بیر دولت عظمانی قارداش
گلدیم اودور سندن ائدم تحصیل رخصت
منده ائدم قربانگهِ عشقونده شرکت
ایله قبولِ فدیه قوی بو جانه منّت
بیر اذنیله شاد ائت منِ نالانی قارداش
هرگز سنه ائتمز کمک قوم ستمگر
عجز ایلدوقجا سن ائدر جرأت بو لشگر
بو حالون ایلور چوخ منی زار و مکدَّر
یوخ بیر کمک دشمن دوتوب هر یانی قارداش
حسرتله چوخ صاق و صولا ائتمه نظاره
اشک ترون توکمه بئله گوزدن عذاره
گوندر ایکی لب تشنه نی سن کار و زاره
تا قانلاری سیراب ائده میدانی قارداش
کول باشیمه توکمز نجه قان یاش بو گوزلر
یالقیز قالوبسان یوخ سنه بیر یار و یاور
زینب ایکی اوغلون داخی دنیاده نیلر
ای کاش اؤزومده بذل ائدم بو جانی قارداش
دشمن سنون اوزموش الون یاورلروندن
آیریلمیسان قاسمدن عون و جعفروندن
هرگز بولار آرتوخ دگوللر اکبروندن
همناله وئر لیلایه بو گریانی قارداش
باخ گور نجه هر ایکی سی مبهوت و حیران
جان نقدی الده انتظارِ حکمِ میدان
بیر اذن وئر تا بو ایکی «ذهنی» پریشان
آز ایلسونلر شیون و افغانی قارداش
مرحوم ذهنی زاده
موضوع: فرزندان حضرت زینب کبری (س) ,
زبان شعر و شاعر: نوحه ترکی , ذهنی زاده
------------
پسران حضرت زینب کبری (سلام الله)
زینبون قارداش قبول ائت بو قوزی قربانلارین
اوغلون اکبر تک سنه ائتسونله قربان جانلارین
ای گوزل آدی یر و گوی اهلینه باب نجات
گل دولاندور باشیوه بیکس باجون باشین اوجات
چوخ دئمه هل من معین ای دادخواه کائنات
کلمۀ لبَّیکینه باخ بو ایکی نالانلارین
باغباندور گلشن عشقونده بو خونین جگر
رسمدور شاهه قیزیل گل باغبان تقدیم ائدر
تشنه لیق قویموب طراوتدن بو گوللرده اثر
زینبون فرض ائت قزل گول بو گُلِ خندانلارین
سن قبول ائتدون او گونکه بو بلا و محنتی
باجوون اولدی سنیله هر بلایه شرکتی
وار او پیماندا بولاریندا بیر عالی خدمتی
قوی گئچوب باشدان یتورسونلر باشا پیمانلارین
باش وئروب قاسم اوجالدوبدور سریّه باشینی
لیلینون اکبر فراقی قان ائدوب گوز یاشینی
خیمه ده اوخشور سکینه نوجوان قارداشینی
یوز وئرر خجلت گورنده اونلارین افغانلارین
شهر یثربدن چخان ساعتده عبدالله اؤزی
زینبه مخفی وصیت ایلیوبدور بو سوزی
موقع جنگ و جدلده حفظ ائدن اَل دور گوزی
گوز حسینیم دور بولار اَل ، ازبر ائت عنوانلارین
عالم عشقونده اسگیک بُلمه لیلادن منی
سالما آیری وای اوغول وای دا او ثکلادن منی
ایلمه شرمنده روز حشر زهرادن منی
اکبرین قانیله قوی قاتسون بولاردا قانلارین
گوز یاشی بیر نحویله سرشار ائدوبدور گوزلرین
غصه دن شرح ائتماقا قادر دگوللر سوزلرین
وئرمه سن اذن ئولدورللر بو اوشاقلار ئوزلرین
گوزلرون قربانی قارداش وئر ئولوم فرمانلارین
شرعیده عورتلره گر جایز اولسیدی جدال
اذن آلوب سندن جهاد ایلردیم ای فخر رجال
لا محاله وئر بو ایکی طفله فرمان قتال
ناامید ائتمه آز آغلات دیدۀ گریانلارین
ائتدیلر بسکه امامه اوچ طرفدن التجاء
عاقبت خواهی نخواهی شاه دین اولدی رضا
آلدیلار بیر جفت شیرِ بچّه تا اذن دغا
اشگیله سوندوردولر نارِ دلِ سوزانلارین
آلِ هاشم شیردور ایستر صغیر اولسون کبیر
شیر تک میدانه یوز قویدی ایکی طفل صغیر
حیرته صولتلریندن دوشدی اول قوم شریر
لشگره گوستردیلر اوز قوت ایمانلارین
باخدی سعد اوغلی اولارین قامت رعناسینه
زینبون ائتدی تعجب عشقینه سوداسینه
گلدی اوتوز بیر ستمگر بونلارین دعواسینه
وئردیلر باد فنایه اوز سر و سامانلارین
سالدیلار آخر ایاقدان لشگر کوفه بیرین
قارداشین قارداش گورنده قان ایچینده دلغمین
آنّینا قویدی الین بیر اوخدا آتدی بیر لعین
ال تیکیلدی آنّینا گور کوفیان خسرانلارین
هر ایکی قارداش یخلدی توپراق اوسته ناتوان
ئولمه میشدی جان بیرینده واریدی چکدی فغان
سسلدی فریاده گل یا خال ادرکنا امان
گل چخارت دشمن ایچیندن اؤز باجون اوغلانلارین
خیمه ده تا سمع شاه تشنه کامه یتدی سس
گلدی میدانه وئرن عیسایه مهد ایچره نفس
رزمگهدن خیمیه گتدی ایکی قوش سیز قفس
سسلدی اؤز گللرینون بلبل خوشخوانلارین
بو اسفلی صوتیله دولدی خیام طاهرات
ماجرادن باخبر اولدی خواتین و بنات
بیر بیرین ائتدی مخاطب عترت عین الحیات
شه ، گَلون گتدی بلالی زینبون قربانلارین
خارج اولدی خیمه دن یکسر خواتین حرم
چخمادی اما کناره زینب مریم شیَم
بو خیالیله چکر خجلت امام محتشم
خیمه ده قالدی اوغوشدوردی ایکی پستانلارین
اکبرین گلجک همان گون خیمیه اما سسی
گوردولر عرشه چخوبدور زینبون غوغا سسی
سمت میداندان گلور صدیقه صغری سسی
ناله سی تکمیل ائدیر کرب وبلا نقصانلارین
نعشی اوسته اکبرین باشی آچوق سالدی اؤزون
قطره قطره قلبینی قان ائتدی دولدوردی گوزون
وا اخی وابن اُخَیَّ ایلدی از بس سوزون
گوزلرین آغلاتدی یکسر فرقۀ عدوانلارین
خیمه گاهه نعشینی حمل ائلدی یالقوز امام
بانوان هاشمیه آلدیلار دورین تمام
ایلدی رختین سویوندورماقه بعی اهتمام
جسمدن بعضیسی چکدی ناوک پیکارنلارین
ای عزیز فاطمه شاه ملائک پاسبان
آستانوزده سیزون درباندی (سعدیّی زمان)
نا امید ائتمه قاپوندان وئر صله قیل شادمان
ناامید ائتمزله سلطانلار شها دربانلارین
مرحوم حسینی سعدی زمان
موضوع: فرزندان حضرت زینب کبری (س) ,
زبان شعر و شاعر: نوحه ترکی , حسینی سعدی زمان
------------
احوالات پسران حضرت زینب (سلام الله)
زینبین روح و روانی، ای عزیزی جانـی قارداش
آل قبول ائیله باجوندان، بو ایکی قۇربانێ قارداش
قالمێسان یالقۇز بۇ چؤلده، ای پنـاه سیزلار پناهـی
یوْخدۇ اۇممودی نجاتۇن، عاله‌مین اۇمۇدی گاهـی
اؤلدۆرۆب هانسێ رعیت، بیر گۆناه‌سیز پادیشاهـی
بۇ ایشین دونیاده هرگیز، اوْلمایێب ایمکانی قارداش
هر آنا ائتدی اؤز اوْغلـۇن، دینینـه قـۇربان بـۇ چـؤلـده
اوْلدۇ عوْره‌ت‌له‌رده ظاهیر، پایه‌یئ ایمـان بـۇ چــؤلده
قطعه قطعه دوْغرانێبدێر، وئردی اکبر جان بۇ چؤلـده
ائیله‌دی مجنون آناسێ، بینـوا لیـلانـی قــارداش
تؤحفـه هـر چند اوْلسا جوزئی، کم بها اوْلسا عیاری
اوْلمـاســا لایێـق حـوضـورئ آستـانی شهـرییــاری
کسب ائده‌ر شأن وْ شرافت، آرتار عئزز وْ ائعتئباری
شــه رعیـت‌ده‌ن آلانــدا، تـؤحفـه‌یـئ ارزانی قارداش
سعی ائده‌ر دونیاده اینسان، مقصه‌د وْ مقصوده چاتسێن
وای اوْ بدبخته کی ایستیـر، دینینـی دونیـایـه سـاتسێـن
ایسته‌ر اوْغلانلار آناسێ، باشێـن عالـه‌مـده اۇجـالتسێن
نئیلیره‌م سنده‌ن سوْرا مـن، عیززه‌تـئ دونیانـی قـارداش
صفحه‌یئ روْخساره یازدێ، گؤزیاشێ سیررئ نهانی
سن کیمی قۇربانئ دینـه، زینبین قـۇربـانـدێ جـانـێ
بـۇ ایکـی طئفلـئ صغیـره، گلـدی آخــه‌رده گـۆمـانـی
عفو ائله یوْخدۇر، بیر آیری تؤحفه‌یئ شایانی قارداش
غۆنچه‌ده‌ن تازه گۆل آچدێ، بیر خزان اوْلمۇش چمه‌نده
بۇ ایکی طئفل ائتدی ناله، سن کؤمه‌کلیک ایستییه‌نده
اؤزلـری راضیـدی بـی‌شک، راضییــم بــۇ امـره منــده
وار بـۇ ایصـرارین عـلاوه، اؤزگـه بیر عـونوانـی قارداش
شهر ییثریبــده‌ن کنــاره، قافیلــه چێخمێشـدێ تـازه
گلـدی عبـدالـه بـۇیــۇردۇ، زینبـــا وئـردیـــم ایـجــــازه
بـۇ ایکـی اوْغـلانـلارێمـــێ، وئــر فــدا میــرئ حئجــازه
اوْندا کی گؤردۆن کؤمه‌کسیز، تئشنه لب سولطانی قارداش
منده بیر قـۇربـانی دینـم، کـربـلا کـوهی مینـادی
نئیله‌ییم دین وئرمه‌ییبدیر، عوْرته ایـذنی جهـادی
چاره‌سیزلیکدن دۇتۇب، اوْد زینبیـن یانــدێ نهـادی
شاهدی عادیلدی بۇردا، دیده‌یئ گیریانی قارداش
کربلانێن مکتبینـده درس عئشقـی سنـدن آلـلام
فصلی صبری پس وئرنده، حئیرته دونیانی ساللام
صبره حئیرانـه‌م اؤزۆمــده، اؤلمــه‌رم دونیــاده قالــلام
حنجه‌روندا من گـؤرنده، خنجـری بوْررانـی قـارداش
بۇ حیاتی عارییتـده، ائیلـرم چــوْخ ایستیفـاده
شورئش وْ غوْغانێ ساللام، مجلیسی ابن‌زیـاده
کوه وْ صحرانی دوْلاننام، دسـت بستـه، پـا پییـاده
ائیلرم روسوا جاهاندا، آلی بوسئفیانی قارداش
کهنمـوئـی آختــارێـرسـان، گـر بـۇ دونیــاده سعــادت
کسبی تقوا ائیله سنده، اوْلـدۇ تقـوا اهلـی راحت
بیر موسلمان روز وْ شبده، ائیلسه هر نه عیبادت
اوْلماسا تقواسی قالماز، مذهب وْ ایمانـی قارداش
مرحوم کهنمویی
موضوع: فرزندان حضرت زینب کبری (س) ,
زبان شعر و شاعر: نوحه ترکی , کهنمویی
------------
فرزندان حضرت زینب (سلام الله)
ویردون ره حقده ایکی قربان باجی زینب
گل آلدی قبول ایلدی جانان باجی زینب
سن دلدن اوزون تابع عهد ازل ایتدون
عشق اهلنه اوز عشقوی ضرب‌المثل ایتدون
شوقیله شئونات وفایه عمل ایتدون
ویردون نه گوزل عهدوه پایان باجی زینب
محبوبنه هر کیمسنه بذل ایلیه موجود
اقصای سخاوتدی کرامت کرم و جود
سن دار و ندارون ایلدون فدیۀ معبود
قویدون هامی جود اهلینی حیران باجی زینب
گچدون ره جانانیده جان و جگریندن
ال اوزدون ایکی نخل محبّت ثمریندن
کسدون نظرون بو ایکی نور بصروندن
منظور ایلدی حضرت سبحان باجی زینب
قربانگه عشقه ایکی اوغلون باجی الحق
آرتردیلا چوخ ذوق و صفا ویردیله رونق
قربان ویرنه مایۀ فخریّه‌دی مطلق
دورینده‌دی تا گردش دوران باجی زینب
بو غنچه‌لرون گور نجه گل پیرهن اولدی
باشدان ایاقا قانیله گلگون کفن اولدی
نه اوزلری میدان وفاده چمن اولدی
گویا گل آچوب لالۀ نعمان باجی زینب
گل خیمه‌دن ای کان ادب برجه کناره
ایله ایکی مه‌پاره‌وه بر لحظه نظاره
توک نعشلری اوسته گوزون یاشین عذاره
باش آچ یوزه توک زلف پریشان باجی زینب
هر چند سنه مانع اولور شرم حضوری
یوخ عذر یری باشلا باجی نالۀ شوری
عزتلریدور شیونون اولدوقجا وفوری
نسگلدی اولا ناله‌ده نقصان باجی زینب
بسدور بولارا ای باجی عالمده بو نسگل
سولموشدی سارالمشدی عطشدن بو ایکی گل
بو نسگل آنام نایبه‌سی حلّ اولا مشکل
جان ویردیله نه حالیله عطشان باجی زینب
نعش اوسته باش آچماخ بولوسن رسم جهاندور
پیرایه عزا مجلسنه اشک رواندور
ایندی نه شکیبا یریدی جامی فغاندور
گل شیونه ایت ناله و افغان باجی زینب
صبرین باجی بو یرده سنه عسرتی واردور
ثکلا بالاسین اوخشاسا چوخ لذتّی واردور
اوغلی اولن آغلار نقدر فرصتی واردور
اوخشار نَقَدر الده وار امکان باجی زینب
فریاد و فغانه هله فرصتدی بو ساعت
عصر اولسا امان ویرمیه‌جاق اهل شقاوت
قمچیله ویرور تسلیت ایللّه شماتت
هم غم‌زدنی گورسله گریان باجی زینب
آز غصه و محنت دگل ای غم‌کش دوران
بر دلده چکه شعله ایکی آتش هجران
بردن الیوی اوزدون ایکی جان‌تک اوغولدان
بوغمده تحمّل دگل آسان باجی زینب
ای محنت غم گلشننون ابر بهاری
چوخ دولموسان ایت شدّتیله اشکوی جاری
سینونده‌کی سونمز اودا سپ گوزیاشی باری
آز شعله‌لنه آتش حِرمان باجی زینب
یارب سنی ویرم بو باجی قارداشا من آند
عفو ایت منی بو بارده رد ایلمه سن آند
آگه‌سن اوزون صدقیله «ذهنی»دی ویرن آند
قارداش که دیدیم شاه شهیدان باجی زینب
مرحوم ذهنی
موضوع: فرزندان حضرت زینب کبری (س) ,
زبان شعر و شاعر: نوحه ترکی , ذهنی
نظرات (۰)
هیچ نظری هنوز ثبت نشده است