متن نوحه ترکی مرحوم یحیوی اردبیلی

مجموعه اشعار ترکی (نوحه‌های ترکی) مرحوم یحیوی اردبیلی که در مدح و ثنای اهلبیت علیهم السلام سروده شده اند و مناسب مجالس محرم و صفر و ... هستند

-- -- --

احوالات غارت خیام

 

گل هارداسان قارداش آمان تئز گل حسینیم گل

دولدی خیامه کوفیان تئز گل حسینیم گل

 

آتلی پیاده یوز قویوب اخیامه هر یئرده ن

چیخمیش سمایه قورخولی سسلر عر‌بلرد‌ن

خیردا بالالار قورخوشور قارداش بو سسلرد‌ن

تا ائیلمزلر بیر زمان تئز گل حسینیم گل

 

بو های و هو، بو کشمکش زینب ند‌ن ئولمز

سند‌ن سوای هئچ کس منیم احوالیمی بیلمز

هی سسلر‌م باعث ندیر قارداش سسین گلمز

گر یاتمیسان، یاتما اویان تئز گل حسینیم گل

 

بو خیمه لرده بیر بولوک اهلِ عیالون وار

السیز ایاقسیز طفل وار باشی بلالون وار

تأخیر ائدیرسن بیلمیر‌م هانسی خیالون وار؟

بو سرّه باغریم اولدو قان تئز گل حسینیم گل

 

عور‌تلره شرعاً جهاد اولسیدی ائیلردیم

من دختر شیر خدایم جنگی باشلاردیم

حمله ائدیب بو لشگری نابود ایلردیم

اشراره وئرمزدیم آمان تئز گل حسینیم گل

 

صبر ائت باجی، صبر ائت باجی ای زار و دلخسته

امدادیوه گللم سنین آهسته آهسته

دورماقه یارا یوخ سورونَّم اللریم اوسته

قلبیم یانیر ائتمه بیان تئز گل حسینیم گل

 

بو همته، بو غیر‌ته قربان باجون زینب

گلمه بو نوعی رقته قربان باجون زینب

چوخدور یاران گئت راحته قربان باجون زینب

بیرده دییم ائتمه گمان تئز گل حسینیم گل

 

یاز یحیوی افرادلر ایسته ولی حاجت

قصد زیار‌تله مقامِ پاکه قیل نیت

بیر اربعین باب حسین اولسا سنه قسمت

قبرینده قیل ورد زبان تئز گل حسینیم گل

 

مرحوم یحیوی اردبیلی

منبع مجموعه کانالهای مدح و مرثیه

موضوع: احوالات غارت خیام ,
زبان شعر و شاعر: نوحه ترکی , یحیوی اردبیلی

-------------------------------

احوالات غارت خیام

 

قشون قرالتیسی گورسندی تلون اوستوندن

حسینون عترتی تیترمیه دوشوب بیردن

 

اوشاق بیوک توکولوب دوتدی زینبین اتگین

الینن آلماسین الله هیچ کسون کمکین

 

دییردی قیزلار اولار کیمدی عمه جان قویما

آتاسیزوق بیزی اینجیتسه ظالمان قویما

 

بیزیم لباسیمیزی ویر یزید لشکرینه

آلوب بو غارتی لشکر قییتسون اوز یرینه

 

اماندی قویما عربلر بو خیمیه دولسون

اوزون گوروب اولارون طفللرهلاک اولسون

 

او سسلری که اوجالمیش گوگه عربلردن

بیزیم اورکلریمیز قان اولول بو سسلردن

 

ایا امام زمان یا خلیفة رحمان

او آغلیان گوزیوه جانیمیز اولا قربان

 

اوزون بیلورسن او بیرحملر نجه گلدی

هراس اولوب نچه قیز زهره چاک اولوب اولدی

 

قشون او خیمه لری بیر آلو کیمی بورودی

اوشاقلارون یاخاسیندان دوتان دوتوب سورودی

 

سویوب توکوب داغدوب چاپدیلار او خیمه لری

آپاردیلار زر ودیبا و شال و ترمه لری

 

هر اول کسی کی طلاسینی گج چیخارداردی

به فوری اوستونه یوز تازیانه قالخاردی

 

قاچاردی هر کیم اووحشیلرون قاباقیندن

قووب دوتوب چیخاداردی طلا قولاقیندن

 

ویرردی هر کیم الیندن نقاب و معجرینی

توکردی تز یوزونه پرده پرده زلفلرینی

 

هوا دولی سویولان قیزلارون نوا سسی دور

او دشتیدن اوجالان وامحمدا سسی دور

 

لباس و فرش و نمددور حریر اورتوکلر

بیری بوکر بیری قاتلار بیری آتا یوکلر

 

طنابلرکسیلوب خیمه لر توکولدی یره

بیری یغار بیری باغلار بیری چاتار شتره

 

حسینون اوندا قیزیل صندلین چکوب آپاران

ایاق یالین عربیدی اوزی کئچی اوتاران

 

آپاردی وردی اونی سعدون اوغلی اگلندی

او حالیله نئجه زینب گوزینه گورسندی

 

چکنمرم قلمه غارتی قلم به قلم

که یوخدی وقتیده فرصت دیوب سیزه یتورم

 

چون اولدی فارغ او غارتگران غارتدن

گینه گوتور مه دیلر ال حریم عصمتدن

 

حسین بالالارینی ایتدیلرسراسیمه

او یرده قوردیلا بیر کهنه مندرس خیمه

 

مکان وریلدی او خیمه بیر عده خون جگره

او خیمه نون اتگین میخیله تیکوبله یره

 

او خیمه دن اوجالوب عرشه صوت یاالله

آلولی مشعل الینده نچه عرب ناگاه

 

یتیشدی وردی اودی خیمیه الولاندی

آچلدی روزنه بیر سمتیدن چادر یاندی

 

امامدن یتیشوب اهل بیته حکم فرار

اوزون وروب اودا قاچدی یانا یانا قیزلار

 

ایاق یالین باش آچوق زلفلر پراکنده

اولوبدی هر بیریسی بیر یره پراکنده

 

بیری اوزاقلاشو تپراقدن قبا بورونور

یاتار یره سینه سی اوسته قورخودان سورونور

 

بیری اوزون ایتوروب ات دوشونده دالدالانور

او طفللر هارا گیتسون مگر هارانی تانور

 

بیریسی تلدن آشدی بیری نیستانه

بیری قاچوب سیخیلوب سایه مغیلانه

 

قباق قباقه گلن طفللر قوجاخلاشدی

او حالینه اولارون اهل لشکر آغلاشدی

 

مرحوم یحیوی اردبیلی

منبع مجموعه کانالهای مدح و مرثیه

موضوع: احوالات غارت خیام ,
زبان شعر و شاعر: نوحه ترکی , یحیوی اردبیلی

-------------------------------

احوالات غارت خیام

 

قشون قرالتیسی گورسندی تلون اوستوندن

حسینون عترتی تیترمیه دوشوب بیردن

 

اوشاق بیوک توکولوب دوتدی زینبین اتگین

الینن آلماسین الله هیچ کسون کمکین

 

دییردی قیزلار اولار کیمدی عمه جان قویما

آتاسیزوق بیزی اینجیتسه ظالمان قویما

 

بیزیم لباسیمیزی ویر یزید لشکرینه

آلوب بو غارتی لشکر قییتسون اوز یرینه

 

اماندی قویما عربلر بو خیمیه دولسون

اوزون گوروب اولارون طفللرهلاک اولسون

 

او سسلری که اوجالمیش گوگه عربلردن

بیزیم اورکلریمیز قان اولول بو سسلردن

 

ایا امام زمان یا خلیفة رحمان

او آغلیان گوزیوه جانیمیز اولا قربان

 

اوزون بیلورسن او بیرحملر نجه گلدی

هراس اولوب نچه قیز زهره چاک اولوب اولدی

 

قشون او خیمه لری بیر آلو کیمی بورودی

اوشاقلارون یاخاسیندان دوتان دوتوب سورودی

 

سویوب توکوب داغدوب چاپدیلار او خیمه لری

آپاردیلار زر ودیبا و شال و ترمه لری

 

هر اول کسی کی طلاسینی گج چیخارداردی

به فوری اوستونه یوز تازیانه قالخاردی

 

قاچاردی هر کیم اووحشیلرون قاباقیندن

قووب دوتوب چیخاداردی طلا قولاقیندن

 

ویرردی هر کیم الیندن نقاب و معجرینی

توکردی تز یوزونه پرده پرده زلفلرینی

 

هوا دولی سویولان قیزلارون نوا سسی دور

او دشتیدن اوجالان وامحمدا سسی دور

 

لباس و فرش و نمددور حریر اورتوکلر

بیری بوکر بیری قاتلار بیری آتا یوکلر

 

طنابلرکسیلوب خیمه لر توکولدی یره

بیری یغار بیری باغلار بیری چاتار شتره

 

حسینون اوندا قیزیل صندلین چکوب آپاران

ایاق یالین عربیدی اوزی کئچی اوتاران

 

آپاردی وردی اونی سعدون اوغلی اگلندی

او حالیله نئجه زینب گوزینه گورسندی

 

چکنمرم قلمه غارتی قلم به قلم

که یوخدی وقتیده فرصت دیوب سیزه یتورم

 

چون اولدی فارغ او غارتگران غارتدن

گینه گوتور مه دیلر ال حریم عصمتدن

 

حسین بالالارینی ایتدیلرسراسیمه

او یرده قوردیلا بیر کهنه مندرس خیمه

 

مکان وریلدی او خیمه بیر عده خون جگره

او خیمه نون اتگین میخیله تیکوبله یره

 

او خیمه دن اوجالوب عرشه صوت یاالله

آلولی مشعل الینده نچه عرب ناگاه

 

یتیشدی وردی اودی خیمیه الولاندی

آچلدی روزنه بیر سمتیدن چادر یاندی

 

امامدن یتیشوب اهل بیته حکم فرار

اوزون وروب اودا قاچدی یانا یانا قیزلار

 

ایاق یالین باش آچوق زلفلر پراکنده

اولوبدی هر بیریسی بیر یره پراکنده

 

بیری اوزاقلاشو تپراقدن قبا بورونور

یاتار یره سینه سی اوسته قورخودان سورونور

 

بیری اوزون ایتوروب ات دوشونده دالدالانور

او طفللر هارا گیتسون مگر هارانی تانور

 

بیریسی تلدن آشدی بیری نیستانه

بیری قاچوب سیخیلوب سایه مغیلانه

 

قباق قباقه گلن طفللر قوجاخلاشدی

او حالینه اولارون اهل لشکر آغلاشدی

 

مرحوم یحیوی اردبیلی

منبع مجموعه کانالهای مدح و مرثیه

موضوع: احوالات غارت خیام ,
زبان شعر و شاعر: نوحه ترکی , یحیوی اردبیلی

-------------------------------

کوچ از قتلگاه

 

فرصت یوخ ایداخ صحبت ، کوچ ایتماقا ناچارم

گوز یاشیمه مانع دور ، چون شمره گرفتارم

گیزلتمه اوزون مندن ، من محرمِ اسرارم

اوزگه دگلم قارداش من زینبِ بی یارم

گَل نطقه دانیش منله ، ای مظهرِ ربّانی

 

اعجازِ امامتدن بیر منظره گورسندی

ناگاه او باشسیز نعش بیر تتردی ترپَندی

منحور بوغازیندان گلدی دله سسلندی

یا زینب اَنا المظلوم ، ای فاطمه دلبندی

قارداشین حسینم من ، لب تشنه چیخان جانی

 

زینب تانیدی بولدی ‌قارداشدی همان اعضا

بطحایه یوزون دوتدی عرض ایلدی یا جدّا

هارداسان حسن قارداش؟ هارداسان آنا زهرا؟

آخر بو حسینوندور چالمیش ال ایاق قاندا

اعدا سوسوز ئولدورموش ، سو اوسته بو قربانی

 

بالای سره گیچدی محزون دل و کج گردن

چاک ایتدی گریبانین توپراقه دوشوب بیردن

زلفینی خضاب ایتدی ، اول خونِ مطهّردن

قویدی دوداقین اوپدی ، خنجر قویولان یردن

سیراب ایدوب اشکیله اول حنجرِ عطشانی

 

ای کشتیِ خونابون طوفانه دوشن نوحی

گردابِ بلیّاتون غلطیدهء مجروحی

عیسی' کیمی آویزان داره سرِ مذبوحی

ای زینبون آرامی ، وی فاطمه نین نوحی

آگاه ایله حالوندن من زار و پریشانی

 

تانور باجی قارداشین اولسا اوچ علامتدن

باشدان ، ایکی اللردن ، یا جسمِ سلامتدن

دولموش بدنون یکسر بیحدّ جراحتدن

باش یوخ ، ایکی اللر یوخ ، یاندیم بو حکایتدن

یاندیم نقدر یانسام ، حقّیم وار حسین جانی

 

واضحدی قیافوندان ، سن شاهِ شهیدانسان

شاهانه لباسون یوخ ، بس سن نجه سلطانسان

باشوندا نولوب تاجون ، آیا نیه عریانسان؟

اوخلار سنه پیراهن ، مستغرقِ پیکانسان

هاردا گیینوب شهلر ، منسوجهء پیکانی

 

سندن یارالی ایلور ، زهرا قیزی بیر خواهش

سسلَن سسوه قربان قلبیم دوتا آرامش

آیا سن حسینیم سن ، آدون ایله فرمایش

زلفومله سالوم سایه ، تاپ ایسّیدن آرامش

یوخ زینبوون بوندان آرتوخ زادا امکانی.

 

مرحوم یحیوی اردبیلی

منبع مجموعه کانالهای مدح و مرثیه

موضوع: کوچ از قتلگاه ,
زبان شعر و شاعر: نوحه ترکی , یحیوی اردبیلی

-------------------------------

در احوالات حضرت  زهرا (سلام الله) و گریز به شام غریبان حضرت امام حسین (علیه السلام)

 

حسینیلن حسن آلدی خبر احوال زهرانی

جواب عرض ائلدی اسماآنوز ترک ائتدی دنیانی

 

آنا دیدارینه تحفه تدارک اولدی گوزیاشدان

ایکی آزاده شهزاده عمامه گوتدیلر باشدان

حسین سبقت ائدوب قاچدی الینی چکدی قارداشدان

حسن آردینجا هر لحظه ائدردی آه و افغانی

 

حسن سویلر بو محنتدن سارالدوق گل کیمی سولدوق

بولوط تک غصه و غمدن دوتولدوق گور نجه دولدوق

حسین سویلر حسن قارداش آنادان بیز یتیم اولدوق

یووار کیم زلفیمی کیم رام ائدر بو قلب نالانی

 

پریشانحال و افسرده اولوبدور داخل خانه

آنا زهرا،آنا زهرا ،دیوب گلمشلر افغانه

چیخیب پیشوازه نالان لار وئره تسکین پریشانه

نجه ساکت پریشانلار ائدر حالی پریشانی

 

بیری زینب بیری کلثوم گلوبدور غملری جوشه

یولورلار تل به تل زلفی توکلر سینه و دوشه

هره بیر قارداشین چکدی او ایکی باجی آغوشه

بوسویلر صبر ائله قارداش اوسویلر بس آنام هانی

 

باجون ئولسون حسین قارداش سنه زینب اولا قربان

آنامون باشینون اوسته گل اگلش سن اوخی قرآن

سنون قرآن سسون وئرسون تسلای دل سوزان

الون قوی سینه مه ساکت ائله بو قلب سوزانی

 

اویاندا هایهائیلن گلوب افغانه قارداشلار

بی یاندا باجیلار گوزدن توکر جیحون کیمی یاشلار

نجه که بیر چمن زاری بولوط دوتجاق یاغش باشلار

اولوب اول مجلس ماتم گلستان مثل بارانی

 

بو غمدن بو مصیبتدن بو ماتمدن بو عنواندان

یازوب تا سوز بورا گلجک سوزی سوز چکدی هریاندان

الهی یادیمه دوشدی همان شام غریباندان

حسین بیکسون اول گون شب شام غریبانی

 

سوزی ای بلبل طبعیم یاریدا قویما تئز باشلا

اوزوی چوخ هلاک ائتمه گوگل ملکنده داغ داشدا

گلور میدانه بیر دختر گئجه نین وقتی اوچ یاشدا

آتاسین آختارور تاپسون دولانور قانلو میدانی

 

جنازه یان یانا یاتمش او پر وحشت بیاباندا

باخار بو نعشه اول نعشه ائدر حیرت بیاباندا

اوجالدی غفلتی بیر سس همان ساعت بیاباندا

قیزیم آرام جان ای بو چولون شمع شبستانی

 

بو صحرای غم افزاده نشیمن ایلمه گوشه

یامان وقتیندو گورم چون غم و دردون گلوب جوشه

بالا آواره سر گردان دولانما تئز گل آغوشه

سنه سینمده یر وئرم بالام جانی قیزیم جانی

 

سنه بو "یحیوی"ای شاه مظلومان فدا اولسون

آتام یحیا فدای خاک پای مرتضا اولسون

آنام آغلار گوزیله فدیه سی خیر النسا اولسون

فراموش ائمته یوم حشرده خیرالنسا اولسون

 

مرحوم یحیوی اردبیلی

منبع مجموعه کانالهای مدح و مرثیه

موضوع: حضرت فاطمه زهرا (س) احوالات ,
زبان شعر و شاعر: نوحه ترکی , یحیوی اردبیلی

-------------------------------

امان نامه

 

شمرون سسی‌کی تللید‌ن اخیامه گلیبدیر

بیلدی هامی عباسه امان نامه گلیبدیر

هی باشلیر امان نامه سوزین باشدان او ظالیم

شرمنده ائدیر، قارداشی قارداشدان او ظالیم

 

سسلیر باجییم اوغلانلارینین ارشدی هاردا

عباس قمر طلعـت و رعنا قدی هاردا

سروی کی اونی ام بنین بسلدی هاردا

ال چکسین حیسند‌ن یتیر‌م جاه و مقامه

سرلشگر اولوب امر اله‌سین لشگر شامه

 

شمرون سسی عباسه یتیب غملی چاغێندا

رنگی سارالێـب تیتـره‌دی یاپـراق سایاغێنـدا

باشێـن آشاغـا سالدی حسینین قاباغێندا

قلبی سیخیلیب آتش غیرتد‌ن آلیشدی

خجلت تری آلنیندا نه دیندی، نه دانیشـدی

 

ماهی دوتولان حالدا گوروب شمس امامت

فرمایش ادیب کی خلف شاه ویلایت

گور کیم چاغیریر چیخ قاباغا ایله ایجابت

ناچار اولوب اجرا اله سین امرامامی

تلله طر‌ف عزم ائتدی او سردار گرامی

 

اهریمن ایله‌ گلدی ملاقاته سلیمان

تل اوسته مقابیل دایانێب کفریله‌ن ایمان

شمر آچدی سوزو عرض ائله‌دی ای مه تابان

واردیر آرامیزدا سیزیلن حق قرابت

گلدیم ایلیم محضریوه نچچه نصیحت

 

یوخ مثل و مقابیل سنه شجعان عربده

ممتازسن البتده شجاعتده، اد‌بده

وار نسبتیمیز سنله قرابتده نسبده

من پیر کهنسال و جهان دید‌ه‌م عباس

سالما بو ووجودین خطره موقع حساس

 

دریاده حسیین ایندی سینیق کشتیه بنزه‌ر

عاقێل بئله موقع‌ده خطردن حذ‌ر ایلر

مندن بو سـوزی ایله قبول اولما مکد‌ر

آخیر بو حسینین سنه لایق ایشی یوخدور

یتمیش نفره شاه اولاسان ارزشی یوخدور

 

یازدیردیم امان نامه‌وی من ابن زیاده

حاضردی وئره خلعت و انعام زیاده

لذ‌تله گئچین بئش گونو بو دار فناده

آللام سنه بیر کرسی زررین امار‌ت

سیم و زر و قصر و خدم ومیز ریاست

 

عباسه تکان وردی بو سوز اولدو موثر

غئیظیله گلیب نطقه او سـردار مدبر

لال اول دئدی ای نابخرد پیر مزور

ایبلیسه گلن لعنت، عبیداللاها آزدی

زهرا بالاسی قالدی امانی منه یازدی

 

آغزون او دیلان دولسون ایا کافر شداد

آخر بو نه سوزدیر دانیشیرسان ائوی برباد

دونیاد‌ن اوتور قارداشیما اتمییم امداد

جان بسله‌میشم فاطیمه نان نمکیند‌ن

حاشا چکم ال ایندی حسینین اته‌گینده‌ن

 

مکریله گینه وورسوز اگر نیزیه قرآن

حاشا تاپا ایماێما ال سن کیمی شیطان

تز گت دالی باخسان اولوسان قانووا غلطان

من عبد‌م علی اوغلونا سـن ابن زیاده

سن مست ری و من روش صدق و وفاده

 

به‌به اولا رحمت آناسی ام بننه

چون دوز سود امه‌ن حامی اولار دین مبینه

خیجلتله گینه گلدی حضور شه دینه

کشف ائتدی امان نامه سوزون کهف امانه

اغیار سوزون بیلدی گلیب یار بیانه

 

عباسه بو تکلیفی ادیب زاده­ی زهرا

گئتسن سنه مدر‌کدی امان نامیه اعدا

قارداشلارینی باشینا ییغ ایلمه دعوا

هر حالدا منی اولدوره‌جک لشگر کافر

باری بو حسین اولسه‌ده، سن اولمه براد‌ر

 

گئتسز اولوسوز کوفه‌ده محبوب خلایق

خلق ایچره ائده‌رسیز بیلیر‌م جلب علایـق

بیر قصر براز‌نده ویرللر سیزه لایـق

گلسم سیز اولان شهره قوناق، منده مسلم

خولی ائوینه گدمه‌ر‌م اوندا سیزه گللم

 

سن اولسان اگر کوفه‌ده بیر صاحب مسند

سجادیمی صد جوریله ائدمزله مقید

چکمز باجیلار گورسه سنی خفت بی‌حد

قوللارین آچیب قیزلاریمێن گویلون آلارسان

کیم باش آچوق اولسا باشێنا قاره سالارسان

 

هئچ کیم غم اوخون قلب پریشانه ساچانماز

چنگ ودف و تنبوریـله پیشوازه قاچـانماز

زهرا قێزی هر سوز دئسه هئچ کیم ال آچانماز

زینب سنی گورسه، آچیلار نطق بیانی

یاخشی دانیشار مفتضح ایلر طلقانی

 

سن اولسون امیر، امرین اید‌ر دین ایوین آباد

زینداندا علی شیعه‌لری دیلـد‌ن اولار شاد

مختار وفاداری ائده‌رسن اوزون آزاد

گیزلینجه علی دوستلاریندان آلار اقرار

قان آلماغا آمـاده اولار کوفه‌ده مختار

 

بیرده گزه‌سن گوشه‌ی زیندانلاری قارداش

یاده سالاسان بی‌گنه‌ انسانلاری قارداش

گورسن یاتیشیب مسلمون اوغلانلاری قارداش

آهسته اویات قورخمایالار موژده سسیندن

بلبلری آزاد ائلـه ظولمون قفـسیند‌ن

 

عزم وطن ائتسه او ایکی بی‌گنه‌ آهو

قویما ائده‌لر غصه‌لی قمری کیمی کوکو

گر مسلمین ایسترسن اولا روحی دعاگـو

آل تازه لباس یاشیل عمامه براد‌ر

نازیله گییندیر اولاری یثریبه گوند‌ر

 

عبـاسه امان‌نامه سـوزی چوخ اثر ایتدی

شمرون سوزو آسانیدی بیر یول دیدی گئتدی

نوبت ولی شاه اتدیگی تکلیفه کی یئتدی

عباس اوجادان آغلادی سس زینبه چاتدی

قێزلاردا بیلیب مطلبی ال باشینا آتدی

 

عباس گلوگیر اولوب از بـس‌ که غضبد‌ن

بیر سوز دییه بیلمیر هله سلطانه اد‌بد‌ن

فیکریم دولانیر آیری خیامه بو سبـ‌بده‌ن

سیزده منیله‌ن همره‌ اولون باری بو غمده

جدا گور‌ک آخر نه قیامتدی حر‌مده

 

اولموش بو خبرد‌ن نگران عتر‌ت زهرا

ایلیر هامیسی زینب اولان خیمه‌ده غوغا

بعضی‌سی دییر گتسه عموم نیلرم آیا

بعضی‌سی دییر باخبرم من اوره­گیند‌ن

گئتمز قییدر صدقیله دوتام اتگیند‌ن

 

زینب‌ده دییر قورخمیین آگاهم از‌لد‌ن

ثابیتدی وفاسیـنده ابوالفضلیم او‌لد‌ن

شانیند‌ن اوزاقدیر ویره اوز پرچمین الد‌ن

عیللت اودو بو مطلبی آسان سانیرام من

تک قویماز حسینی اونی چوخدان تانیرام من

 

سوز بۇ یئره چکدی هامیسی دوردی ایاقه

عزم ائیله‌دیلر معر‌که‌­ی بـزم فراقه

گوردیلر ابوالفضل باشین سالمێش اشاقه

عرض ایلور حسین دوزدی کی لایق دگیلم من

صبر ایله اگر یانماسام عاشیق دگیلم من

 

زهـرا آناوا چاتماز آنــام ای شه ابرار

قارداش دگیلم نو‌کرووم ایتمور‌م انکار

بو نوکره سن رتبه وریب اتدین علمدار

بو منصبی قارداش سن ابوالفضله وریبسن

الدن آلیسان پرچمی منـد‌ن نه گوروبسـن

 

سن بیل کر‌مین سالما منـی دشـت و فـلاته

من سالک عشقم دوز­ه­ر‌م هر زحماته

سردوشیمـی آچ پرچـمی آل قـوش نفـراته

سرلشگرم آل رتبه‌می سرباز ائله قارداش

قووما قـاپیدان سـاخلا سـرافراز ایله قارداش

 

ایستیر بیـزی قارداش آیروب تکلیه اعدا

خوار اولدوره بیر بیـر سنی تنـها منی تنها

قصدیم بودو بیر ییرده دوشم تووپراغا شاها

جنجال ائلیین وقتیده دشمن باشیم اوسته

آخر نفسیمده گلسن سـن باشیم اوسته

 

آگه­سن اوزون صحبت عهد از‌لیمد‌ن

اسـراردیلیمـد‌ن هـد‌فیمـد‌ن عملیمدن

هئچ مـن دمور‌م پرچـمیـوی آلما الیمد‌ن

آلسانـدا گینـه نـوکرووم شـانیم آزالماز

اما کر‌م اهلی بیلیرم ویردیگین آلمـاز

 

وار نوکریوین عتر‌ت پیغمبره نذری

بیر باش ایکی ال اوسته قویـۇب گونـدره نــذری

عالمـده مـگر کیم گورونـوب قـیتـ‌ره نـذری

قیترمه توکوم خون دیلی گوز یاشیم اوسته

بیر گوزده قویۇم قوی ایکی قول بیر باشیم اوسته

 

قصدیم سحر البتده اولار فاش مسللم

مشگیمده سۇ اولسا پر آچیب خیمییه گللـم

سۇ اولماسا گر سیزد‌ن اۇزاقدا خجیل اوللم

هر یئرده سرافکنده‌دی هر کیم الی بوشدی

شرمـنده اولان نـوکر اۇزاقـدا یاتا خوشـدی

 

القصه او شیره هیجـان گتـدی بـۇ سـوزلر

قلبینده اولان عشقه دلالـتدی بـۇ سـوزلـر

شیرین‌دیل اۇشاقلارا دل اورگتدی بۇ سوزلر

سسل ندیله گئتمه باشوا بیر دولاناق بیز

قوی پرچمیوین سایه‌سینه دالدالاناق بیز

 

زینب گوروب عبا‌سیده وار یاخشی عقیده

حاضیردی اوله گئتمیه دربار یزیده

ایلیبـدی دعا ام بـنینه او حمیده

سسلـنـدی آنـا، بــه‌بــه اوزون آغ، ائـوین آبــاد

شاد ائیله‌دی اوغلۇن بیزی، اولسۇن اوره‌گین شاد

 

یــوز دوتـدی ابــوالفضلـه طـرف زینب اوساعـت

به‌به دئدی ای بحرکـر‌م، کان شجاعـت

قــارداشلیغــا الحـــق واریمیـــش سنــده لیاقـت

باش اگمدون عالمده قوی دوشمنه قـارداش

خوش حالیوه اقبالیـوه، احسـن سنه قـارداش

 

احسن اد‌ب وغیر‌ت وگفتاروه احسـن

احسن شر‌‌ف وعیز‌ت و ایثاروه احسن

گفتـاروه، رفتـــاروه، کرداروه احسـن

جانیم بۇ اوجا قامـت، اوزون اللـره قربان

حق شیری آتام، حق دانیشان دیللره قربان

 

غیرتده بابام حیدره خـوش مظهـریمیشسن

اثنــای خطر حامــی پیغمبـریمیشسن

سن رخت پیمبرده یاتان حیـدریمیشسن

سالدۇن خطره جانیوی پیغمبره خاطر

زهرایه کمک دۇردۇن آتام حیدره خاطر

 

احضار ائلــه‌دی گــوردوم آتــام بیر گون عقیلی

یاخشی تانیسان سن دئدی انساب اصیلی

واردیــر سنه آز زحمـتیمون اجـــــر جزیلی

عقــد ائــت منـه بیـر دوختر پاکیزه، رشیده

سیماسی عبوس، اننی آلین، قددی کشیـده

 

من اوز اوزومه فیکر ایلدیـم بۇ سوزی اونــدا

مــردانه صیفات عور‌تی نیلیر بـابام آیا

الان منه روشندی نه فیکر ائتمیش او مولا

آلمیــش بو خییالیله آتــام شیــرزن عـــور‌ت

سن تک بیر اوغول دوغسون او گنجینه ‌عصمت

 

ایستیــر سنی بیزده‌ن آییــرا آل امیـه

مکتوب امان یازمیش او فرزند سمیه

الان ائشیدیب گئتمـه‌گیــوی نازلی رقیه

لای‌لای دئمـه‌دی اصغــره دۇردی باشین آچدی

فکر ائتدی گدیبسن بیر آز او‌ل چوله قاچدی

 

یاد ایله شب قتل علی اوز قسمیند‌ن

قـربانین اولوم قــارداش ال اوزمــه علمینــدن

حاضردی رقیه اوپــه الان قـــدمیند‌ن

آغۇشیوه آل گول یوزو گولسون، دیله گلسیـن

دیندیر او شیرین دیل قیزی، قلبی اله گلسین

 

 مرحوم یحیوی اردبیلی

منبع مجموعه کانالهای مدح و مرثیه

موضوع: حضرت ابوالفضل العباس (ع) امان نامه ,
زبان شعر و شاعر: نوحه ترکی , یحیوی اردبیلی

-------------------------------

احوالات اربعین

 

سلام اولا سنه ای شاه کم سپاه حسین

گلوبدی زینب بی یار و بی پناه حسین

 

تاپوب نجات گلوب عترتون زیارتیوه

قویوبدولار نجه گور یوزلرینی تربتیوه

 

سکینه منزل بی سقفی ایلدی مأوا

داخی گلنمدی بول شمردن ائدوب پروا

 

اونون حکایتینه یوخدور احتیاج بیان

نلر چکوبدی عدودن بیلورسن اول نالان

 

اؤزون او نصف شبی که خرابیه گلدون

سنه یتیمه قزون غملرین دیَه گلدون

 

قوری یر اوسته یاتوب گوردون اول ستم زده نی

او حالینه بیله که آغلادوردی هر گوره نی

 

نه سؤز دئمیشدون او نالانه حال رؤیاده

اویاندی چون یوخودان گلدی ناله و داده

 

بابا بابا دیوب اُول قدری هر یانا قاچدی

تاپانمادی سنی ویرانه دن باشین آچدی

 

یولوب توکردی یره باشنون توکین باشدان

خرابه نون بویادی توپراقینی قان یاشدان

 

حسین یارالی باشون چون اورا طبقده گلوب

باشوی سینه سنه باسدی ناله سی گوده لوب

 

ایکی الیله یاپشدوردی باشوی دؤشینه

ادامه وئردی دوباره فغان و ناله سینه

 

سوؤندوگوندن اوچوب هوش او شیرین دیلدن

باشون دوشنده یخلدی یره دوشوب دیلدن

 

وئرنده جانینی احوالی دوشدی تغییره

دولاندیروب گوزینی هی باخاردی زنجیره

 

ایکی مقامده بو قز الیمدن آلدی قرار

او محنته اؤرگیم یادیمه دوشنده یانار

 

بیری اودور دئدی عمه واریمدی گیزلین سوز

ائشیده نون قولاقنا چو تیغ کسکین سوز

 

قولاقیمه دایادی آغزینی دئدی عمه

میسّر اولسا منه وئر طعام بیر لقمه

 

اؤزون بیلورسن ای عمه نچه گونوزدور آجام

خرابه یرده دلیمه که دگمیوبدی طعام

 

گره لنوب اؤرگیمون باشندا بو دردی

او شاهزاده خانم قز گُرسنه جان وئردی

 

بیریده غسلنه حاضر اولاندا غسّاله

گرک ئولونجه حسین آغلیام بو احواله

 

او قاره کوینگی غسّاله چکدی پارچالادی

دئدی بو طفل نه بیچاره بینوا بالادی

 

یتیمدور گورورم رنگی غصّه دن سارالوب

ولی سبب نَدی یول یول بو گول بدن قارالوب

 

بو تازیانه و ضرب و شکنجه نون یریدور

جفا چکوب اریوب بیر سوموکدی بیر دریدور

 

ایاقی آبله دور رنج راه علامتی وار

پیاده یول یریماخ طفلیله نه نسبتی وار

 

بو ظُلمی هر کیم ائدوبدور یوزی قرا اولسون

ایکی جهاندا اونون خانه سی فنا اولسون

 

خانم سنی وئرورم جان اکبره سوگند

زیارتونله ایله ((یحیوینی)) سن خرسند

 

 مرحوم یحیوی

منبع مجموعه کانالهای مدح و مرثیه

موضوع: احوالات اربعین ,
زبان شعر و شاعر: نوحه ترکی , یحیوی اردبیلی

-------------------------------

احوالات حضرت رقیه (سلام الله)

 

ویرانه ده نازلی بالام جان وردی دینجلدی

بو دختر شیرین کلام جان وئردی دینجلدی

 

بختی بو طفلون اوجیدن دوشدی سرازیره

یکسر آتا قارداشلارین چکدیله شمشیره

کرب و بلادن شامه دین باغلاندی زنجیره

یاتماق اونا اولدی حرام جان وئردی دینجلدی

 

قالدی اراده بی کفن الله بالام ئولدی

بیر کیمسه نم یوخ دفن ایدن الله بالام ئولدی

آسوده اولدی ظلمیدن الله بالام ئولدی

هر زحمته ایتدی دوام جان وئردی دینجلدی

 

بعضی گئجه اکبر بوئین اوخشاردی یاتمازدی

شمری گورن گون اوُل گئجه قورخاردی یاتمازدی

چوخ یالواراردیم یات قیزیم آغلاردی یاتمازدی

ایندی نجه گور اولدو رام جان وئردی دینجلدی

 

غسلون وئرن یوخدور نِئدیم ئولدی بالام قالدی

ئوز معجرینله دفن ائدیم ئولدی بالام قالدی

سونمز اودون یاندیم دئدیم ئولدی بالام قالدی

هی آغلارام آرتار یارام جان وئردی دینجلدی

 

یاتدی حسینین بلبلی یانام اَلولانّام

یاده دوشر شیرین دیلی یانام اَلولانّام

واردور بونون بیر نیسگیلی یانام اَلولانّام

گیزلین دئدی عمه آجام جان وئردی دینجلدی

 

زنجیر کسن قولارینون نقشینه باخدوقجا

کهنه حصیردن آلنینون فرشینه باخدوقجا

یاننام بالامون خوار اولان نعشینه باخدوقجا

بو دللریله اوخشارام جان وئردی دینجلدی

 

ای هاشمون اوغلانلاری عباس و یا جعفر

هاردا قالوبسیز پس بوگون ای قاسم و اکبر

آخر سکینم یئرده دور زینب سیزی گوزلر

چوخ اینجیدوبدور اهل شام جان وئردی دینجلدی

 

غساله گورسه آغلیور شمرون جفاسیندن

مالش ویرنده قویمارام قمچی یاراسیندن

زهرا آنامه بو قیزی باشیم بلاسیندن

من بیر نمونه یوللارام جان وئردی دینجلدی

 

یاز آغلا نوحه یحیوی تا وار نفس جاندا

مظلوم حسینون بیر قیزی دفن اولدی ویراندا

چوخ اینجیوب اشکنجه دن آخر او زنداندا

شهزادۀ والا مقام جان ویردی دینجلدی

 

مرحوم یحیوی اردبیلی

منبع مجموعه کانالهای مدح و مرثیه

موضوع: حضرت رقیه (س) احوالات ,
زبان شعر و شاعر: نوحه ترکی , یحیوی اردبیلی

-------------------------------

زبانحال حضرت رقیه (سلام الله)

 

علی ویرانه منزلده مکان بیر روزگار ایتدوم

قرا بختیم کیمی شام خرابی تیره تار ایتدوم

گیجه گوندوز فراقونده اورکلرداغدار ایتدوم

مداد کپریگیم خون دلیمدن آبدار ایتدوم

جمالون نقشنی لوح جماله زرنگارایتدوم

 

عروق جانیلن گوردوم دولوبدور الفتون قارداش

گیجه گوندوز خیالیمده دولانور صحبتون قارداش

اگر یوخدور مقابلده او سرو قامتون قارداش

گوزوم یاشیله نقش ایتدوم یوزومده صورتون قارداش

مطاف عشقمی خلق جهانه آشکار ایتدوم

 

ایدم ویران دل ملکین الیمده واردوبس قدرت

ولکن ایتمرم ویران اولونجه وار اونا علت

اورک طاق عدالت دور خیالون نقش پر قیمت

عدالت طاقنه عکس شه عادل ویرور زینت

اودور عکس رخون طاق دلیمده پایدار ایتدوم

 

جهاندا دوشمسون هیچکس برادر من دوشن درده

یانور قلبیم آخور اشگیم دمادم عارض زرده

سنیله ایلرم صحبت آرادا یوخدو بیر پرده

مجسم ایتمشم سرو قدون قارداش برابرده

او زیبا مقدمه در سرشگیمدن نثار ایتدوم

 

گوزوم یاشیله بیر نامه باجیم صغرایه گوندردیم

کتاب درد هجرانی ورق ایتدوم یره سردیم

بلا گوردوم بلا اوستن یوزوم هر یانه دوندردیم

یوزومدن دانه خالون خیالین قلبیمه دردیم

بو گویلوم مرغنون آب و غذا سین احتکار ایتدوم

 

گوزوم یاشیله بیر نامه باجیم صغرایه گوندردیم

کتاب درد هجرانی ورق ایتدوم یره سردیم

بلا گوردوم بلا اوستن یوزوم هر یانه دوندردیم

یوزومدن دانه خالون خیالین قلبیمه دردیم

بو گویلوم مرغنون آب و غذا سین احتکار ایتدوم

 

منیم بیگانه لر هرگز چکلمزدی پناهیمدن

واریدی شاهلارون چشم امیدی پیشگاهیمدن

هانی قارداش علی اکبر اثر شاهانه جاهیمدن

مذمت یوخ اگر یانسام شرار شمع آهیمدن

اوزوم بو آتشی دور جهاندا اختیار ایتدوم

 

خرابه منزلیم قارداش انیسیم آه و نالم دور

اورک قانیله گوز یاشیم قارشمش یوزده با همدور

اوزومده بیلمورم والله بو عالم هانسی عالم دور

سر زلفونده گوردوم من مقام عشقی محکم دور

ایناندوم که زوال اولماز اوزلفه اعتبار ایتدوم

 

باجینون چشم امیدی اولوردایم برادر دن

عزیز قارداش نظر کسمز مصیبت دیده خواهر دن

همین امیدیله قارداش علاقه کسدیم ایللردن

کمند عشقوه گلدیم الیملن باغلادیم گردن

پناهونده علی اکبر قالام من افتخار ایتدوم

 

چخاندا شهر یثربدن گونوم گوندن قرا گلدی

قباقه حین سیریمده قضای کربلا گلدی

خیال صیدیله چخدیم کناره بو صدا گلدی

که ای صیادسن گتمه سنی ویردوم شکار ایتدوم

 

گورنده نیزده زلفون بو زلف پر نمی آچدیم

علامت لشگر اندوهه ماتم پرچمی آچدیم

أو گون افسون آهیمله طلسم ماتمی آچدیم

آتاندا تیر مژگانون ال آتدیم سینمی آچدیم

همان پیکان مژگانی اورکده بر قرار ایتدوم

 

توکنمز محنت شامی یازوب شرح بیان ویردوم

نچه أحباب همدرده بو اشعاری نشان ویردوم

محبت مکتبین گوردوم نجه گور امتحان ویردوم

مفصل مطلبی صدری کتاب اختصار ایتدوم

 

مرحوم یحیوی اردبیلی

منبع مجموعه کانالهای مدح و مرثیه

موضوع: حضرت رقیه (س) زبانحال ,
زبان شعر و شاعر: نوحه ترکی , یحیوی اردبیلی

-------------------------------

احوالات دیر راهب

 

بیر گجه منزل ائدوب دیر نصارانی حسین

عرشیدن گتدی کلیسایه مسیحانی حسین

 

عیسوینون ائوینه گلدی پیمبر نوه سی

احتراماً اوجالوب دیرده ناقوس سسی

بیر طرف صاحب انجیلون حزین زمزمه سی

بیر طرفدن اوخیور آیۀ قرآنی حسین

 

پرنیان پردۀ راهبده حسین دوتدی مقام

دایانوب حضرت عیسی قاپودا مثل غلام

انبیا وارد اولوب دلده تحیات و سلام

جایر کعبه قیلوب خانۀ ترسانی حسین

 

انبای چیگنینه سالموش هاموسی شال عزا

اولیا اگنینه گیمیش گجه تک رخت قرا

گَتوروب ختم نبی کاسۀ چشمنده دوا

جذب ائده یاره سینه تا که او درمانی حسین

 

سبط پیغمبره اؤز امتی چون قاتل اولوب

یارالی باشی گلوب راهبه هم منزل اولوب

بو حوادث شهِ اسلامه بُیوک نسگل اولوب

خارجی مذهبون اولدی گجه مهمانی حسین

 

اوغلینون باشین آلوب سینۀ پرمحنتینه

بوسه ائتدی قانا توپراقه باتان صورتینه

اولمادی راضی گوزین سیلسون اونون زحمتین

ویردی مژگانلارینی پاک ایلدی قانی حسین

 

قوریان لبلریله وئردی طراوت سسینه

خوش گلوب سن بابا نصرانی لرون کلبه سینه

گوهر اشک دولان وقتیده گوز کاسه سینه

دیده گریان ایلیوب چشم رسولانی حسین

 

قاریشوب بیر بیرینه هر ایکی گوز یاشلری

ایسلادوب دیرده کی خشت لری داشلری

آغلادی جعبه ایچینده شهدا باشلری

بو قضا یاده سالوب حیرته رهبانی حسین

 

آناسی فاطمه نون یاندیروب امت قاپوسین

آچدی اما اؤزی ترسایه محبت قاپوسین

ای اولان طالب رحمت تانی رحمت قاپوسین

قصر رحمتده آچوب سفرۀ احسانی حسین

 

گوردی زهرا او باشی بوکموش حریره ترسا

زلفینی الدی اله ایلدی رهبانی دعا

دئدی منده ائدورم خدمتیوون حقین ادا

حقّیدن ایستراو ساعتده که دیوانی حسین

 

امّ شاه شهدا راهبه تحسین ایلدی

هول محشردن اونی قورتارا تضمین ایلدی

زادۀ سعده باخوب قهریله نفرین ایلدی

صبره دعوت ایلدی حضرت زهانی حسین

 

آنا راضی دگولم من سنی گوز یاشلی گورم

اَلیورسن گوزون یاشینی من قان الرم

قوری توپراقلارون اوسته یاتشوب اهلل حرم

ولی بستر ایلیوب پردۀ دیبانی حسین

 

بو گجه راحت اولوب گر چه کلیساده باشیم

صبح اولاندا گزه جک نیزۀ اعداده باشیم

سنگباران اولاجاق شهریده صحراده باشیم

تازه دن قانلو گورر بو لب عطشانی حسین

 

گئدورم هر یره گئتسون سنیله منده بالا

بی مروتلر اوغول باشیوی سالمش نه حالا

سپرم گوز یاشیمی یارووه یارون ساغالا

اودی ترک ایلمیشم روضۀ رضوانی حسین

 

(یحیوی) ایستر او بزمی دولی جمعیت اولا

وقتیده وسعت اولا سوز دیمگه فرصت اولا

دُر نثار ایلیه محشرده اونا قیمت اولا

ایلیه خلعت عطا سندس و خضرانی حسین

 

زاهدا بوکمه منی آیه یازیلمیش کفنه

اسم سبحانی انیس ائتمه خجالت بدنه

باشیمه باغلا حسین قاره سینی بسدی منه

او قرا اوسته یازار نامۀ غفرانی حسین

 

مرحوم یحیوی

منبع مجموعه کانالهای مدح و مرثیه

موضوع: احوالات دیر راهب ,
زبان شعر و شاعر: نوحه ترکی , یحیوی اردبیلی

-------------------------------

غارت خیام

 

زمان عصریدی قتل حسین تاپوب پایان

لباسینی آپاروب نعشین ائتدیلر عریان

 

قوشون او وقتده غارت اجازه سین آلدی

سوار اولان آتینا خیمه گاهه آت سالدی

 

سواره لر دالیسیجاق گلوب پیاده نظام

محاصره اولوب آتلو پیاده ایله خیام

 

قاچاق یولی کسیلوب ممکن اولمادی قاچماق

آراده قالدی بیر عده اسیر عورت اوشاق

 

عرب اولا سوزی قانماز اوزی بیابانی

گوره طلاو جواهر حریر و دیبانی

 

عرب که گورممیش عمرینده خیمه قبه سی زر

الینه فرصت غارت دوشنده گور نیلر

 

اوشاقلارین ال آتوب دوتدیلار گریبانین

سویوندوروبلا ازلجه لباس الوانین

 

صورا آلوبلا خلخال و گوشواره لرین

سویولمامیش اولان قویمادیلا بیر نفرین

 

او دم حرملره برپا قیامت ایلدیلر

حرمسرانی داغیتیدیلا غارت ایلدیلر

 

حرمسراده حرملرده ظلم یغمادن

قوتاردی قالمادی بیر زاد اومال دنیادن

 

بو شرحی عالم و فاضل سلاله الطیاب

بویوردی حضرت سید غنی حمیده مآب

 

نئجه قوشوون یوواسین تارومار ائدر صیاد

دوشر یئره بالاجا قوشلار ایلیور فریاد

 

او قوشلارون آناسی ایلیور هواده تلاش

اوچار گوگه بالالار اوستونه انور بیر باش

 

وورار داشا آغاجاخول بوداقه شهپرینی

انور هراسیله چنگالینه وورار بیرینی

 

او بچه مرغلری دام ظلمدن قوتارار

اوزین وئرور ئولومه بیربه بیر دوتوب آپارور

 

اونون تک ائتدیله سوزان حسین خانه سینی

داغیتیلاربالا قیزلارون آشیانه سینی

 

داغیلدی چوللره صیاددن قاچان قیزلار

اتکلرینده آلودان قناد آچان قیزلار

 

اگر چه دوتدی دومان توسدی زینبون گوزینی

گینه اوحالدا او خاتون ایتورمدی اوزینی

 

اوزینی قمچی لر آلتدا هلاکته سالدی

اوچوب قنادین او قوش تک داغا

 

داشاچالدی آتان زمانیده صیاد اونا جفا داشی

خانم قباقه وئرردی قولونی یا باشینی

 

تلاش قیلدی او شهباز او قدری چیرپیندی

دئمک اولار توخانوب داشه شهپری سیندی

 

اوچوب دوشوب یئره صیادیلن ائدوب دعوا

اله گلن قیزی گیزلتدی شهپری آلتدا

 

آچوبدو ساچلارینی توکدی قیزلارون باشینا

اوتوردی دامنینی چکدی قیزلارون باشینا

 

مرحوم یحیوی

منبع مجموعه کانالهای مدح و مرثیه

موضوع: احوالات غارت خیام ,
زبان شعر و شاعر: نوحه ترکی , یحیوی اردبیلی

-------------------------------

دیر راهب

 

قیلدی فاطمه اوغلی چون مکان کلیسانی

گتدی باش آچوخ گوگدن مریم اوغلی عیسانی

 

فوج فوج اولوب نازل قدسیان اعلالر

گلدی دسته به دسته انبیای والالر

اولیا و ارواح و بانوان علیالر

نوره بوکدولر یکسر معبد نصارانی

 

باش آچوق ایاق یالین ختم الانبیا گلدی

بیرده مجتبائیلن شاه لافتی گلدی

هم خدیجه و حوا خیره النسا گلدی

تاپدیلار کلیساده نور عین زهرانی

 

دوره ویردیلار یکسر چارسوی صندوقه

آغلیوب باخاردیلار پبش روی صندوقه

بیر نفر الین آتدی روبروی صندوقه

آچدی فوق صندوقی گتدی راس عطشانی

 

بیر گئجه فقط مهمان اولموشیدی ترسایه

پاک ائدوب اونون قانین بوکموشیدی دیبایه

وئرممیشدی خولی تک کوللر اوسته پیرایه

گور جفای خولینی گور وفای ترسانی

 

بیر باشی که افسرده فاطمه گورنمزدی

اول باشون یارالارین اهل بزمه گورستدی

بیر به بیر ال اوستونده اول یارالی باش گزدی

نوبه یئتدی زهرایه دوتدی ناله دنیانی

 

فاطمه اوغول باشین آلدی اللری اوسته

نحر اولان بوغازیندان اوپدی اوپدی آهسته

جان کیمی اونی قیلدی سینه سینه پیوسته

گوزیاشین عذارینه توکدی کیپریگی سانی

 

ای سوسوز ئولن الده شاه مشرقینیم وای

اوخشارام سنی اوغلوم نور هر دو عینیم وای

گه تنوریده گاهی دیریده حسینیم وای

چوللره سالوب دردون گور نئجه بو نالانی

 

یاخمیشام قیزیل قانون زلفیمه بودور علت

حشرده اولا تا که آغلیانلارون راحت

زلفیمی اله آللام آغلارام همان ساعت

حق اوزی گرگ ائتسون قاتلونله دیوانی

 

ای شهید عشق الله ای رسول عاشورا

هر گئجه خیالونله "یحیوی" قورار شورا

ویرد ائده لسانینده قدسیانیلن حورا

نظم ائدوب بو ابیاتی حاضر ائتدی دیوانی

 

 مرحوم یحیوی

منبع مجموعه کانالهای مدح و مرثیه

موضوع: احوالات دیر راهب ,
زبان شعر و شاعر: نوحه ترکی , یحیوی اردبیلی

-------------------------------

احوالات حضرت امام حسین (علیه السلام)

 

سواره تیغ برق افشان الینده فکری دعوا دور

مرصّع دور لجامی، مرکبون زینی مطلّا دور

قزل جوشن وار اگنینده جلال و شأنی اعلا دور

حسین ابن علی روح نبی دلبند زهرا دور

بو وصفیلن گلوب میدان جنگه حیف تنها دور

 

سلاح جنگینون هر قطعه سی میراث سلطانی

رسول اکرمون درّاعه و دستار شایانی

جناب حمزه نون گوهر نشان نُه قبّه قلخانی

علی المرتضی نون ذوالفقار تیز و برّانی

طلابفت و جواهر کوب یک قبضه دو پهنا دور

 

هوایه ذوالجناحون نعل آلتدان کیمیا قالخار

کانّه دنده ی سوهانیدن مغز طلا قالخار

نئجه لاهوته گور ناسوتیدن نور خدا قالخار

سوسوز لبلردن اما کلمه‌ی انّی فدا قالخار

کنایه بو مبارک کلمه دن ذبحاً عظیما دور

 

حسینه خارجی آدی قویوبدور زاده ی هنده

شریحون خط و امضا سیله تکمیل اولدی پرونده

او حکمون رو نوشتین یازدی اوراقه نویسنده

سراسر مملکتده ائتدیلر پخش و پراکنده

حسینون قتلی گویا مسلمینه فرض ایفا دور

 

یزیدون حیطه‌ی حکمینده اسلامی اولان یئرلر

نقاط آسیاده چینه پیوسته نئچه کشور

حدود غربده اقیانوس اطلس، موج آور

شمالاً انتهای سیبریه مرزیدی سرتاسر

جنوباً استوائی خطه تاریخ حکمفرما دور

 

حبش نزدیک خط استواده خاک آفریقا

اروپاده فرنگستانیدن بیر حَد مستثنی

شمالیده وین اطریشده پاتختدور حالا

هندوستاندا پاکستان فعلی خطّه‌ی زیبا

قدیمی نقشه لرده بو ممالک نصف دنیا دور

 

بو وسعتده ممالک ده دهستان واردی شهرستان

گله هرتک تکیندن اون نفر تشکیل تاپار ملیان

فریضه بیلدیلر حکم شریحی مردم نادان

بلا صحراسینه لشکر شتابان اولدی هر یاندان

گوروندی روز عاشورا قشون چوخ موج دریا دور

 

شیوخ نهروان قرآن حمایل آلنی برجسته

سُنین نیزه‌لر بنذر زبان افعی مسته

سه شعبه تیر و پیکان جعبه دانلاردا نئچه دسته

قلجلار سوولانوب قول چمرانوب دامن بئله بسته

امام ئولدورمگه الله اکبر گور نه غوغا دور

 

نقاب اعرفونی آتدی وجه الله جمالیندن

او نابینالر آلسون فائده شمع وصالیندن

یاغاردی دُرّ ابیض لعل و یاقوت اتصالیندن

اولون آگه جماعت سیز حسینون شرح حالیندن

بابام احمد آتام حیدر آنام زهرای کبرا دور

 

ندای اعرفونی دفعتاً ناقص قویوب لشکر

آیاقلار بیر بیرینه دگدی سسلندی اوزنگی‌لر

نئجه آهن دوگنده سسلنور دکان آهنگر

پیاده صف لریندن ظاهر اولدی مختلف سسلر

امامون حجتینه بو هیاهو عذر بی جا دور

 

بو وضع نامناسب شهریاری ائله دی وادار

او قومه بیر نمونه قدرتیندن ائله سین اظهار

بویوردی ایها الجند الشاطین اسکتوا زنهار

واریمدور اقتداریم روحوزی الآن ائدیم احضار

منیم حکمیم تمام انفاس و ارواح ایچره مجرا دور

 

نشست ائتدی او دم رعب امامت نحس دللرده

تصرفله قوروتدی قوّه‌ی روحی بدنلرده

پیاده یا سواره دوردی ساکت دوردوقی یئرده

یونولمیش داش تک هیکل‌لر صف اندر صف برابرده

فنا آیینه سینده هر بیری بیر صورت لا دور

 

بو قدرتلن سیزی ائتدیم مخیّر اوچ سوزه لشکر

گورون ذی نفع سوز هانسیندا اجرا ائیله یین سیزلر

قیتسون یثربه منع ائتمیون تا آل پیغمبر

وئرون یا بیر بیچیم سو تشنه دور تشنه یانور لبلر

و یا جنگیمه گلسون بیر به بیر کیم مرد هیجا دور

 

قبوله یتمدی افسوس شرط اول و ثانی

اوچومجی شرط قانون عرب جلب ائتدی اعدانی

شجاعان مبرّز گلدی دوتدی راه نیرانی

او روباهان کم جرئت تانیدی شیر میدانی

غراب بی هنر هاردان حریف رزم عنقا دور

 

گوروب سعداوغلی تاپماز قصدی بو ترتیبلن انجام

وئروب فرمان یئریندن اوینادی نیروی خون آشام

قشون واحدلری جنگ وجود واحده اعزام

او غیر عادلانه حمله که اونلار ائدوب اقدام

نه قانون عرب طرز رسم ترسا دور

 

نئجه پوره وئرور یای فصلی پشَه شهد ناب اوسته

اونون مثلینده لشکر حمله گتدی اول جناب اوسته

نئجه بیر خشمگین شهباز اوچار فوج غراب اوسته

اونون مثلینده حضرت زیندن قالخوب رکاب اوسته

ملخ دن موردون زنبوردن شیره نه پروا دور

 

دوه‌لر صیحه سی آت شیهه سی آواز واویلا

عربلر سسلنور طبل و دهل گرهاگر اعدا

طنین اندازی دی آفاقه صوت غرّش و عرّا

او ساعتدور اهم ساعت ساعات عاشورا

هامی قدّوسیان حیرتده مشغول تماشا دور

 

هوانی توز دوتوب یئللر اسور صحرا اولوب طوفان

زرهلر سسلنور اوخلار یاغور ردّ ائیله ییر قلخان

پاریلدار تیغلر آت دیرناقیندان برق اولور تابان

حسینون صولتی فرداً به فردین ائیله ییب لرزان

گوروندی هرباش اوسته بیر حسین بیر تیغ برّا دور

 

انا بن راکب الرفرف مقیمالعرش بالنعلین

انا بن ضارب السیفین انا بن صاحب الرمحین

انا بن فاتح خیبر انا بن فارس الصفین

انا بن سیّد الکونین با کی العینین

قریشون افتخاری خانه زاد حیّ یکتا دور

 

ابی مخنف دئیر بیر گوشه ده دور دوم تماشایه

حسینون سینه سین گوردیم نشان تیر اعدایه

اوخا پیوند اولوب اوخ ، تپراقا اوخلار سالوب سایه

یوخیدی یاره سی دالدان دلیلیم وار بو معنایه

او حضرت غیر فرّار اوغلیدور کرّار اعدا دور

 

قناد آچمیشدی اوخدان اوخشیوردی مرغ پرداره

زره منفذلریندن قان آتاردی مثل فوّاره

محاسن مولریندن قان سوزردی زین زرداره

اولوبدور ذوالجناحون سینه بندی سینه ده پاره

بویانمیش راکب و مرکوب چون یاقوت حمرا دور

 

بو حالتدن عجب‌تر حیرت آور بیر بو مطلب دور

اؤلوب قارداشی اوغلی لشکری قانه مخضب دور

قالان تنها اوزی دور بیر قلج دور بیرده مرکب دور

سسینه سس وئرن عورت اوشاقدور بیرده زینب دور

بو اوصافیله اعدا افکن و ضرغام غرّا دور

 

روایتدور چکردی اول جناب هر نعره که دلدن

مبارزلر وئروردی اختیار مرکبی الدن

چکیلدی کوفه سمتیتنه قاچان لشگر مقابلدن

کنار اولدی او ساعت نور حق ظلمات باطلدن

بلی دیجوردن شمس جهان آرا مبرّا دور

 

قیتدی مرکز میداندا دوردی مفخر لولاک

آلیشمیشدی حرارتدن اورک، عطشان دوداقلار خاک

قوری تخته کیمی آغزیندا دیلدن سس اولور ادراک

خطابی لشکر سفیانه من الما دور

 

کئچوردی بیر نفر سیّاح دنیاگرد گردآلود

الینده چوبدست آشفته مو چالاک و ره پیمود

حمایل گردنینده سو دولی بیر قمقمه موجود

غذا و قوتی همیانینده مست باده‌ی مقصود

زمین کربلاده گوردی بیر محشر هویدا دور

 

داغیلمیش حربگاهه قولدی باشدی دوغرانان پیکر

دایانمیش نیزیه بیر سیّد مظلوم و بی یاور

دوداقینده دیلینی گزدیرور گویا که سو ایستر

ولی تشخیص اولونماز پیکری پیکاندور اعضادور

 

چیخارتدی کیسه دن بیر ظرف چوبینه شتابیلن

همان ظرفی لبالب ادی فی الفوری آبیلن

مقابل اولدی سیاح احتراماً اول جنابیلن

ایکی الده تعارف ائتدی عذر بی حسابیلن

دئدی آل ای غریب ایچ بو سوئی خیلی گوارا دور

 

او میراب بهشتی ساقی کوثر دلارامی

کمال لطف ایلن سیّاح الیندن آلدی اول جامی

سوئی سپدی یئره سو ایچمدی بو تشنه هنگامی

ایکی انگشت آرا سیندان ائدوب سیّاحه اعلامی

بویوردی گور نه عالم سیر ائدورسن هانسی ماوا دور

 

امامون امرینه تسلیم اولوب سیّاح خوش کردار

چکیلدی پرده‌ی غفلت گوزیندن کشف اولوب اسرار

باخاندا بیر مکان گوردی مشجر گلشن و گلزار

ریاض جنت فیها عیون تجری الانهار

قدح‌لر الده شربتلن دولی آماده حورا دور

 

دوباره ائیله دی سیّاحی آگه سرّ پنهاندان

توکوب سو جامینه بیر قبضه حضرت ریگ میداندان

قاماشدی مرد سیّاحون گوزی برق درخشاندان

دولی گوردی سو جامین گوهر و لعل فروزاندان

تمام الماس و مرجان و زبرجد درّ لالا دور

 

گورنده بو ایکی اعجازی غیبون پرده داریندن

تعجب ائیله دی شاهون عجایب اقتداریندن

بو ایستی بو عطش بو قدرت و صبر و وقاریندن

ییخیلدی ذوالجناحون اوپدی سُمّ خاکداریندن

دئدی جانیم سنه قربان بو نه سرّ معما دور

 

بویوردی من امام عالمینم ای سعادتمند

فراتی قادرم آب حیاته ائیله‌م پیوند

علی اوغلی حسینم من بلاده شاکر و خرسند

اوزوم اوز رغبتیمله دام عشقه اولمیشام دلبند

شهادت شاهده شیرین‌تر از شهد مصفّا دور

 

بودور علت بو قدرتلن بئله عطشانم ای سیاح

یازیلمیش عهدناممده سوسوز قربانم ای سیاح

مقصرلر پناهی محرم دیوانم ای سیاح

عزاداره جزاده شافع عصیانم ای سیاح

بهشت اهلی دی کیم اهل بکا و او تباکا دور

 

شهادت امری صادر اولمادی سیاحه مولادن

شفاعت قولین آلدی آغلادی گئتدی او صحرادن

دولاندیردی لجام مرکبی حضرت او ماوادن

وداع آخرین قصدیله اندی تلّ بالادن

او تلّی که میان عرصه و اخیام طاها دور

 

خانم زینب دئییر خیمه قباقینده باخوردوم من

گوروم آیا حسینیمله نه رفتار ائیلیه ییر دشمن

سرازیر اولدی بیر تپراقلی طوفان تلّون اوستیندن

گلور توز درک اولونماز بو نه توزدور قوزانور یئردن

توز ایچره آت ایاقینون صدای نعلی پیدا دور

 

تعجب حالیله دقت ائدردیم تا ندور مطلب

یاخونلاشدی توز آیریلدی نمایان اولدی بیر مرکب

آت اوسته پارچا قاندان غیری بیر زاد گورمدیم یا رب

صدا گلدی علیکن السلامی اختی یا زینب

تانیدیم لهجه سیندن کیم حسین بو لفظه گویا دور

 

سیزی اللهه تاپشوردوم بویوردی شاه بی لشکر

داخی یوخ صحبته فرصت منی زهرا آنام گوزلر

فراز عرشدن جدّیم پیمبردور منی سسلر

قیامتده عزاداریم اگر من گئتمسم نئیلر

بو باش بو جان بو پیکر قیمت مقطوع سودا دور

 

ائله سرعتله آت سوردی حسین میدان دعوایه

نه زینب یادینه دوشدی نه باخدی آه لیلایه

دالیجان منده یوز قویدوم گوزی یاشلی او صحرایه

دئدیم قارداش قسم وئرره‌م سنی مظلومه زهرایه

حسین جان بیر توقّف قیل باجون صاحب تمنّا دور

 

حسینین ساخلادی یولدان شرار آهیلن زینب

یول اوسته قول بویون اولدی او شاهنشاهیلن زینب

ائدیبلر رمزلی صحبت ولیّ اللهیلن زینب

قییتدی خیمه سمتینه دل آگاهیلن زینب

او صحبتدن نتیجه هر بلالرده شکیبا دور

 

تمام ائت (یحیوی) تحریره یوخدور خامه ده یارا

فصاحتله بو نظم آبداری ائیله دون انشا

آپارسون فیض سرشارین مجالسده آتان یحیی

چکوب زحمت بساط کربلائی ائتموسن احیا

نقدری واردور آثارون آدون مشمول احیا دور

 

 مرحوم یحیوی اردبیلی

منبع مجموعه کانالهای مدح و مرثیه

موضوع: حضرت امام حسین (ع) احوالات ,
زبان شعر و شاعر: نوحه ترکی , یحیوی اردبیلی

-------------------------------

حضرت امام حسین (علیه السلام)

 

دیوانه حسینم درمانه حاجتیم وار

چون هر گئجه دخیلم زنجیره عادتیم وار

 

اورگشمیشم بو رمزی عرشون ملک لریندن

ال چکمرم حسینون قانلو اتک لریندن

فطرس تک حاجت آللام پرخون بیلک لریندن

اصغر کیمی قاباقدا اعظم وساطتیم وار

 

فرمایش ایلیوبدور جعفر امام صادق

هر کیمسه نون حسینه ایمانی اولسا لایق

قلبینده شبهه قالماز الهام اولور حقایق

بو باره ده یازیلمش بی حد روایتیم وار

 

سنگر گورر گوزومده مژگان چشمگیری

ئوز گوزلرینده گورمور اما سه شعبه تیری

بی جا مذمت ایلور بو عاشق حقیری

بیلمز نقدر حسینه عشق و ارادتیم وار

 

ایمان ایچینده در نورافکنیم حسیندور

ظلماتیده چراغ شب روشنیم حسیندور

عکس حسین بهشتیم هم گلشنیم حسیندور

هر گونده منزلیمده باغ زیارتیم وار

 

ای مدعی عزیز ذات خدا حسیندور

هر گوز اونی گورنمز شمس الضحی حسیندور

صبحه صفا حسیندور ظهره ضیا حسیندور

اول نوریدن اورکده شمع هدایتیم وار

 

گوگدن یاغان یاغیشلار یک رنگ و یک صدادور

داغدا آجی تیکاندور باغدا گل صفادور

نام حسینده مثل باران پر بهادور

سن بیر آجی تیکانسان من گل طراوتیم وار

 

ای مدعی دخیلم گودال قتلگاهه

یوز قویمیشام اوزاقدان شش گوشه بارگاهه

یانمیش چوله سپیلمیش خرگاهه خیمه گاهه

مصنوعی شیعه لردن قلبیمده نفرتیم وار

 

یا مظهر العجایب یا مظهرالغرایب

سال باشیم اوسته سایه سنسن بو باشه صاحب

سن اهل فهمه ظاهر سن اهل جهله غایب

شور محبتوندن باشدا علامتیم وار

 

دنیاده بیر غریبم الله منیم پناهیم

بیر بنده فقیرم دینیمدو تکیه گاهیم

هم تربت حسیندور طاعتده سجده گاهیم

حمد ایلرم خدایه روح عبادتیم وار

 

من ریزه خار خوان پر زیور حسینم

پروانه تک نثار نور سر حسینم

هم خاک پای مولا خاک در حسینم

قوم بنی اسدلن ارحامی نسبتیم وار

 

وقتی کی جان ویرنده گوزدن چکیلدی پرده

ظاهر اولور حقیقت سیمای خیر و شرده

تصدیق ایدرسن اوندا گرداب پر خطرده

آیا نیه حسینه دنیاده خدمتیم وار

 

زنبور انگبینم هر گلدن آلمارام بار

برگ محمدیدن قلببیمده شبنمیم وار

یدی کتاب نوحه قویدوم ئوزومدن آثار

عباسقلی آدیم دور" یحیوی "شهرتیم وار

محشر گونی آقامدا چشم شفاعتیم وار

 

مرحوم یحیوی اردبیلی

منبع مجموعه کانالهای مدح و مرثیه

موضوع: حضرت امام حسین (ع) ,
زبان شعر و شاعر: نوحه ترکی , یحیوی اردبیلی

-------------------------------

احوالات شب یازدهم

 

گئدوب گون مغرب یوم بلادن

اوجالدی ناله دشت نینوادن

فلک لردن ملک لردن سمادن

قلمدن لوحدن عرش خدادن

مه و خورشید و انجم دن فضادن

دوشوب آفاقه وحشت بو صدادن

حسینیم نور عینیم نور عینیم

امام مشرقینیم مغربینیم

 

گروه انبیا و اتقیادن

تمتمی اولیا و اوصیادن

خواتین حریم کبریادن

پریدن إنس و جنّ و ماسوادن

چخوب نی تک نوا یئردن هوادن

خصوصاً قتلگاه کربلادن

حسینیم نور عینیم نور عینیم

امام مشرقینیم مغربینیم

 

دوه لر صیحه سی آت شیحه سیندن

فراتون جنبشیندن نعره سیندن

نیستانون سیزیلتی نعره سیندن

گئجه نون عالمی آهو سسیندن

حسینون غارت اولموش خیمه سیندن

دولوب صحرا سکینه ناله سیندن

حسینیم نور عینیم نور عینیم

امام مشرقینیم مغربینیم

 

گئجه اون بیر گئجیدی ماه تابان

گونوز طوفان گئجه شام غریبان

داغیلمیش حربگاهه تیر و پیکان

پاریلدار اسلحه باخدوقجا میدان

چخوب بیر قیز یاری یانمیش چادردان

قویوب یوز قتلگاهه دیده گریان

حسینیم نور عینیم نور عینیم

امام مشرقینیم مغربینیم

 

گئچردی هی جنازه دوره سیندن

اوخ اوستن یا که خنجر پاره سیندن

ائدر انسان هراس اوز کولگه سیندن

گلوب بیر سس بیابان گوشه سیندن

قیزیم گل سینمه اوپ یاره سیندن

منه آغلا دئ زهرا نوحه سیندن

حسینیم نور عینیم نور عینیم

امام مشرقینیم مغربینیم

 

ایکی بازوسی اول شاهون اوجالدی

یتیمه دخترینون گویلون آلدی

یارالی قولّارین بوینونا سالدی

دئدی سنسیز بابا باغریم قرالدی

سنی گوردوم بیر آز دردیم آزالدی

بابا ئولسون سکینه بو نه حالدی

حسینیم نور عینیم نور عینیم

امام مشرقینیم مغربینیم

 

موثّر بیر مصیبت یاده گلدی

همان شب چوخلا اول اثناده گلدی

گئدوب بجدل پیمبر داده گلدی

دئیولّر ساربان اثناده گلدی

زمین قتلگه فریاده گلدی

اوغول دیدارینه زهراده گلدی

حسینیم نور عینیم نور عینیم

امام مشرقینیم مغربینیم

 

 مرحوم یحیوی اردبیلی

منبع مجموعه کانالهای مدح و مرثیه

موضوع: حضرت امام حسین (ع) شام غریبان ,
زبان شعر و شاعر: نوحه ترکی , یحیوی اردبیلی

-------------------------------

احوالات عاشورا

 

تشنه سو کنارینده لبلره سلام اولسون

قانه غرق اولان باشسیز پیکره سلام اولسون

 

تربت مقدّس که کیمیادن آرتوقدور

قبّه‌ی منوّر که نه سمادن آرتوقدور

بقعه‌ی مطهّر که هر بنادن آرتوقدور

کیم دیه بیلو‌ر کعبه کربلادن آرتوقدور

اوندا دفن اولان شاه بی‌سره سلام اولسون

 

روحی روح الارواحه جسمی روح ذیروحه

سینه که خدنگیله خنجریله مشروحه

صورت خون‌آلوده سجده‌گاه مجروحه

هم یَدان مقطوعه هم قفای مذبوحه

لخته لخته قان دولموش گوزلره سلام اولسون

 

کاکل سَمن سایه قامت دلارایه

شب چراغ مظلومان نور چشم زهرایه

گوهر شب افروز و اهل بیت طاهایه

طاقت دل زینب، نوجوان لیلایه

قطعه قطعه دوغرانمیش اکبره سلام اولسون

 

گُلعذار زیبایه سرو قّد رعنایه

ابروان قوسینه دیده‌های شهلایه

قانیلن اولان الوان زلف عنبر آسایه

آتلارین ایاقینده پاره پاره اعضایه

قان حنا خضاب ائتمیش اللره سلام اولسون

 

طفل بی‌زبانی که گُل کیمی سولوب یاندی

اوچ گئجه گونوز عطشان دل دوداقی اودلاندی

ظهر یوم عاشورا سو یانیندا اوخلاندی

شهپر آچدی پیکاندان قوش کیمی قانادلاندی

شاهباز خونین پر اصغره سلام اولسون

 

بیر جوان که منصبده کربلا علمداری

خون سرخیله رنگین بید‌ق نگونساری

قویدی قان سووا قیمت مشگی اولدی گُلناری

سو یولیندا سعی ایتدی تا کسیلدی قولّاری

صاحب دو بازوی احمره سلام اولسون

 

شدّ‌ت سوسوزلقدان اودلانان دوداقلاره

آت دوشونده قاچماقدان زخم‌دار ایاقلاره

شام‌ده قرانلوقدا آج یاتان اوشاقلاره

بیر ده ام‌کلثومه زینب دل افکاره

دختران خاتون محشره سلام اولسون

 

خواهر علی‌اکبر قالدی بیت‌الاحزان‌دا

یوخ چراغی یوخ فرشی، بیر خرابه زندان‌دا

تُپراق اوسته جان ویردی، اولدو کافرستان‌دا

کَفنی بیر قرا معجر، دفنی کُنج ویران‌دا

اول سکینه‌ی محنت پروره سلام اولسون

 

سیّدالعبادی که بسته‌ی طناب اولدی

شهرلرده حقّینده ظلم بی‌حساب اولدی

پیشوای اسلامه خارجی خطاب اولدی

آتش شماتتده خاطری کباب اولدی

اول مریض دل خسته سروره سلام اولسون

 

کوفه‌ده عقیل اوغلی مسلم وفاداره

مالک اوغلی ابراهیم جان نثار مختاره

ابن‌عوسَجه مسلم هم حبیب سرداره

شاهراه ایماندا جان ویر‌ن جوانلاره

طفل و پیر و برنایه یکسره سلام اولسون

 

"یحیوی" الون یئتسه گنبد طلاپوشه

بحر لطف مولانی آهیلن گتور جوشه

اخذ قیل او درگه‌دن هر ایکی ایوه توشه

احتراماً عرض ایله پیش قبر شش‌گوشه

محضر همایون انوره سلام اولسون

 

مرحوم یحیوی اردبیلی

منبع مجموعه کانالهای مدح و مرثیه

موضوع: احوالات تاسوعا و عاشورا ,
زبان شعر و شاعر: نوحه ترکی , یحیوی اردبیلی

-------------------------------

زبانحال حضرت سکینه (سلام الله)

 

سو یوللارین کسدی عدو یاندیم عمو یاندیم

احسان ائله بیر جرعه سو یاندیم عمو یاندیم

 

بیللم عموجان محضرونده حرمتیم واردیر

باخ گور ایاق اوسته دایانماق طاقتیم واردیر؟

یاکی سوسوزلوقدان دانیشماق قدر‌تیم واردیر

بیر جرعه سودان اوتری من، یاندیم عمو یاندیم

 

بیربیر بو خیمگه لری گزدیم سراق ائتدیم

سو تاپمادیم ای سرو‌ریم، من هر یره گتدیم

امیدیلن درگاهیوه، آخرده یوز گتدیم

بابِ کر‌مدیر بو قاپی، یاندیم عمو یاندیم

 

من قوی دولانیم باشیوه، چون شمعِ پروانه

سنده طبابت ایله بو درده طبیبانه

باخ بو لب عطشان قیزلارا، آواره طفلانه

ایلر نجه سو جستجو، یاندیم عمو یاندیم

 

تنگه سالیب سوزِ عطش، بسکی اوشاقلاری

سینه آراسینا باسیل لار ایستی قوملاری

گور ایش هارا چاتمیش حسینین خردا قیزلاری

اوددان ائدیر سو آرزو، یاندیم عمو یاندیم

 

چخمیش صدای العطش، عرشه بو مأواده

دقتله باخ بو ناله و افغان و فریاده

بیر قطره سو اوستونده دیر، بو غملی صحراده

بو کشمکش بو های و هو، یاندیم عمو یاندیم

 

شیرین دیلیم نازلی قیزیم، گوز یاشیوه قربان

آبِ فراتی باغلارام، من خیمیه الآن

صبر ائت بالام بو دیللرون ائتدی منی گریان

ائتمه یانیقلی گفتگو، یاندیم عمو یاندیم

 

ای کربلا سلطانینین غیر‌تلی سرداری

آل بو قوری مشکی آپار، دولدور سودان باری

سیراب قیل الله رضاسینه، سوسوزلاری

ای اهل بیته آبرو، یاندیم عمو یاندیم

 

گهوار‌ده غش ایلیبدیر، شیرخوار اصغر

نه سود وار امسین نه وار نه سو ایچسین آخیب گوزلر

رنگی طراو‌تد‌ن دوشوب، برگِ گوله بنز‌ر

سولموش او طفلِ ماه رو، یاندیم عمو یاندیم

 

ایسته زیار‌ت «یحیوی» انعام اشعاره

عباسی اما وئر قسم، اول وقتِ دشواره

عرض ایلدی عطشان سکینه، اول وفاداره

سو یوللارین کسدی عدو، یاندیم عمو یاندیم

 

مرحوم یحیوی اردبیلی

منبع مجموعه کانالهای مدح و مرثیه

موضوع: حضرت سکینه (س) ,
زبان شعر و شاعر: نوحه ترکی , یحیوی اردبیلی

-------------------------------

وداع حضرت علی اکبر (علیه السلام)

 

ای منای عشقیمده زینت منا اوغلوم

گئت جداله خوش گلدون، تشنه لب فدا اوغلوم

 

بو بساط عشقیمده اولین فدا سن‌ سن

کربلا مناسینده، زینت منا سن ‌سن

پیشگاه جانانه، تحفه ابتدا سن‌ سن

برگزیده قربان سان، شبه مصطفیٰ سن ‌سن

وئرمیشم سنی قربان حقّه ابتدا اوغلوم

 

وئرمدیم سر زلفون، مین فدای مینایه

سن کیمی فدا گلمز عرصه‌گاه دنیایه

گئت آنون کفن سالسین قامت دل ‌آرایه

آفرین دیسین هاجر صبر حلم لیلایه

سن فدایه اسماعیل ائتسین اقتدا اوغلوم

 

وئرمه قوّت قلبون الد‌ن ای جگر گوشه

مزرع شهادتده سن ‌سن اولین خوشه

گلمسه علی قانون قتلگاهیده جوشه

روح عالم اسلام، گلمیور بالا هوشه

مُحکم اولمیور دین ختمُ ‌الانبیا اوغلوم

 

اولماسا قیزیل قانه خال هاشمون غلطان

یا توکولمسه زلفون توپراق اوستونه افشان

یا بُلونمسه جسمون، قطعه قطعه چون قربان

اولمیور یقین تکمیل حقّه وئردیگیم پیمان

اولموسان اله گلمز، عین مدّعا اوغلوم

 

اوغلونون الین دوتدی گلدی تلّید‌ن اندی

یوز دوتوب عمرسعد بیحیایه سسلندی

نسلیوی گوروم کسسین، اکبرین خداوندی

بو منا بو سن، بو من بو حسین جگر بندی

اول سنون قرا قلبون، بو قمر لقا اوغلوم

 

سن کی راضی اولدون بو ظلمه ای جفا کرده

احترام طاهایه قویمادون قالا پرده

بو جوان رعناد‌ن چکدیم ال همین یئرده

حقّ اوزی آلار سند‌ن، بو قصاصی محشرده

فاطمه رضا اولماز، اولماسا رضا اوغلوم

 

مرحوم یحیوی اردبیلی

منبع مجموعه کانالهای مدح و مرثیه

موضوع: حضرت علی اکبر (ع) احوالات ,
زبان شعر و شاعر: نوحه ترکی , یحیوی اردبیلی

-------------------------------

زبانحال حضرت لیلا (سلام الله)

 

علی او زلفیله دام بلانی نیلورسن

سنون هلالی قاشون وار کمانی نیلورسن

 

نه باعث اولدی مگر ترک آشیان قیلدون

لباس جنگی گیوب بوینوا کفن سالدون

آتان امام حسیندن (ع)دعای خیر آلدون

وداع ائدوب باجیوی عمّه‌لردن آیریلدون

جوان‌اوغول دی‌گوروم بس‌آنانی نیلورسن

 

دومان دوتوب اورگیم پرده پرده شان‌شاندور

سنون منیم اورگیم آهه تیره باراندور

یارالانوب بئله که قلبیمیز پریشاندور

سنون‌ده من کیمی قلبون دولی قزل قاندور

دوباره تیغ جفادن یارانی نیلورسن

 

گورنده کاکلیوی گوگده قوشلار آغلارلار

کشیده قاشلارون اوسته قلجلار آغلارلار

دالونجا زلفی یولوب قاره ساچلار آغلارلار

هوا یوزینده بولوط یئرده داشلار آغلارلار

آناندان آرتوخ علی آغلیانی نیلورسن

 

بویان طرفده وزیریله پادشاه آغلار

اویان طرفده باخار حالیوه سپاه آغلار

طناب خیمه ائدر ناله خیمه گاه آغلار

عم اوغلوآ بزنن تاره حجله گاه آغلار

سنون چوخ آغلیانون وار نوانی نیلورسن

 

اوزون بیلورسن علی نه آنام نه باجیم وار

اوغول آناسی سنون تک باشیمدا تاجیم وار

ئولن زمان سنه دفنیمده احتیاجیم وار

بو گئتمگه نه دیوم الده نه علاجیم وار

گئدورسن ایندی بو بی اقربانی نیلورسن

 

مرحوم یحیوی اردبیلی

منبع مجموعه کانالهای مدح و مرثیه

موضوع: حضرت لیلا (س) ,
زبان شعر و شاعر: نوحه ترکی , یحیوی اردبیلی

-------------------------------

احوالات حضرت ابوالفضل (علیه السلام)

 

نهر علقمه قویدی چون قدم

کربلا وزیری

تاجدار اباالفضل

تشنه لب لره سو آپارماقا

جان و دلدن ائتدی

افتخار اباالفضل

 

تاپدی خضر عطشان

چشمۀ حیاتی

تشنه لر ائشیتدی

نالۀ فراتی

گوردی نهرده موج ائدر سوئی

خود سرانه اولموش

پهن و دشته جاری

آتدی اول سودان بیر قدر گویه

دوندی باخدی ناگه

خیمه گاهه ساری

یعنی قورخمیون نهری آلمیشام

خیمیه یتورم

مشک آبداری

آلدی اوجونا ایچمدی سودان

ایلدی فراتی

شرمسار اباالفضل

 

خیردا اصغرون تشنه لب لری

یا سکینه حالی

صبرین الدن آلدی

حال زارینه اول هنرورین

باطناً فراتون

ناله سی اوجالدی

مشکین اندیروب دولدوروب سودان

چیگنینه سو مشکین

همتیله سالدی

دوندروب یوزین چخدی نهریدن

اولدی خیمه گاهه

رهسپار اباالفضل

 

ازدحامیلن ائتدیلر هجوم

صاحب لوانین

اوسته قوم کافر

تیغ تیزیلن اول جماعت

بی حیایه ائتدی

حملۀ مکرر

الحذر سسی چخدی گویلره

بیر شجاعتیلن

جنگ ایدوب او سرور

قدسیان گلوب نالیه دئدی

آفرین بو شصته

نامدار اباالفضل

 

دوندروب یولون نخلزاریدن

آتش قتاله

ویردیلر ادامه

ائتدیلر کمین هر ایکی الین

سالدیلار بدندن

یتدیلر مرامه

باخ همیّته باخ فتوّته

سعی ایدوب یتورسون

مشکی تا خیامه

قویمادی علم سرنگون اولا

دوتدی سینه سینده

پایدار اباالفضل

 

گه رکابدن بیر ایاقینی

ایلیوردی خالی

دشمنی یخاردی

گاهی ساغ طرف گاهی صول طرف

قان ایکی قولوندان

سو کیمی آخاردی

اول وفا شِیَم معدن کرم

حسرتیله مشکه

دمبدم باخاردی

سو یتورمگه خیمیه اولوب

تشنه لردن آرتوق

انتظار اباالفضل

 

فرصت ال ویروب اوخ آتانلارا

دورت مین اوخ قویولدی

چلۀ کمانه

یاغدیا وتسونه دورت طرفدن اوخ

شهپر آچدی اوخدان

فارس یگانه

مشگنون سویی خونِ دل کیمی

توپراقا توکولدی

رنگی دوندی قانه

خیمه سمتینون ترکین ایلدی

گوردی ئوز حیاتین

ناگوار اباالفضل

 

یوخ بدنده قول دشمن ال تاپوب

بیر تصور ایله

یوز ویرور نه حالت

بو مصیبتون شرح آخرین

قانه دوندی قلبیم

ائتمرم کتابت

یازدی «یحیوی» بو کلامینی

خاطرینده مکنون

نیت زیارت

آستانۀ پاکه یوز قویا

اولسا لطف اوزیله

یارکار اباالفضل

 

 مرحوم یحیوی اردبیلی

منبع مجموعه کانالهای مدح و مرثیه

موضوع: حضرت ابوالفضل العباس (ع) احوالات ,
زبان شعر و شاعر: نوحه ترکی , یحیوی اردبیلی

-------------------------------

احوالات عاشورا

 

چیخدی پیمبر روضه یِ رضواندان عاشورا گونی

گوردو کفن گیمیش حسین، پیکاندان عاشورا گونی

 

جنّاتید‌ن بیر حالیلن چیخدی، جنابِ مصطفیٰ

تاجِ رسالت باشدا یوخ، دورینده کلاً انبیاء

پایِ برهنه، سینه‌ چاک، ائتدی نزولِ کربلا

بلکه حسینین قورتارا، طوفاندان عاشورا گونی

 

گوردی لبِ گودالیده، زهرا یئره معجر سالیب

قاتل حسینین ذبح ائدیب، گول پیکرین بی‌سر سالیب

عرشه حسینیم وای سسین اوغلی ئولن مادر سالیب

زلفون ائدیب عنّابی رنگ، القاندان عاشورا گونی

 

بیر باخدی حسرتلن اونون، اعضایِ پیکان پوشینه

نیزه باشیندا نطقینه، یئرده تنِ خاموشینه

شوره گلیب پروانه تک، شمعین چکیب آغوشینه

گوردو اثر یوخ شعله‌یِ سوزاندان عاشورا گونی

 

ای مصطفیٰ‌نین گلشن و گلزارینه ریحان حسین

مُحکم ستونی دینیمین، شیرازه‌یِ قرآن حسین

دین اوسته وئردون جان حسین، جدّون سنه قربان حسین

دینی قوتاردون فتنه‌یِ سفیاندان عاشورا گونی

 

زینب ده اَندی تلّید‌ن مظلوم حسینین گورمگه

گورموشدی چوخدور یاره ‌سی تا گلدی درمان وئرمگه

ای کاش گلمیدی خانیم، محنت اودون سوندورمگه

باشسیز تاپیبدور قارداشین، میداندان عاشورا گونی

 

گوردی او نعشِ اطهری بی‌سر ییخیلمیش مَقتله

موج ایلیور دریا آخور، یول باغلی سو گلمز اله

چاره تاپوب تدبیریله، زینب بو امرِ مُشکله

سر وئردی آبِ دیده‌نی گریاندان عاشورا گونی

 

دیل بیلمیور سوز آنلاماز، وحشی عرب صحرانشین

چیپلاق آت اوسته اگلشوب، اللرده تیغِ آهنین

بیرده‌ن یئریند‌ن اوینادی، بیر عده ای دریا کیمین

خیمه سرایه یوز قویوب، هر یاندان عاشورا گونی

 

غارت قیلیب هر خیمه‌نی میخ و طنابین قیردیلار

آلِ رسولی جمع ائدیب، بیر خیمیه اود ووردورلار

باطنده عرشِ اعظمی، اهلِ جفا یاندیردیلار

چیخدی مدارِ چرخِ دون، میزاندان عاشورا گونی

 

پیمانگذارانِ الست ائتدی عمل بی‌کیف و کم

تا ساحتِ قُدّوسید‌ن فرمان اولوب صادر او دم

اهلِ وفانی آد به آد، ثبت ائتدی لوح اوسته قلم

صورت دوتوب یتمیش ایکی قرباندان، عاشورا گونی

 

خندق قازاندا حضرتِ سلمان او سیمایِ جلی

گوردی مبارک ریشینی توز توپراق آلتدا پرده‌لی

امّا مظاهر اوغلونون باتدی قانا آق ‌ساققالی

مظهر گورو‌ندی صورتِ سلماندان، عاشورا گونی

 

 مرحوم یحیوی اردبیلی

منبع مجموعه کانالهای مدح و مرثیه

موضوع: احوالات تاسوعا و عاشورا ,
زبان شعر و شاعر: نوحه ترکی , یحیوی اردبیلی

-------------------------------

قتلگاه

 

ای عشق مناسینده ناحق توکولن قانی

زهرایه قسم وئرم دیندیر من نالانی

 

ای کشتی خوبانون طوفانه دوشن نوحی

گرداب بلیاتون غلطیده و مجروحی

عیسی کیمی آویزان داره سر مذبوحی

ای زینبون آرامی وی فاطمه نون روحی

آگاه ائله حالوندن من زار و پریشانی

 

تانور باجی قارداشین اولسا اوچ علامتدن

باشدان ایکی اللردن یا جسم سلامتدن

دولموش گورورم سینون بی حد جراحتدن

باش یوخ ایکی اللر یوخ یاندیم بو حکایتدن

یاندیم نقدر یانسام حقیم وار حسین جانی

 

ظاهردی قیافوندن سن شاه شهیدان سان

شاهانه لباسون یوخ بس سن نئجه سلطان سان

باشونده گئدوب تاجون آیا نیه عریان سان

اوخلار سنه پیراهن مستغرق پیکان سان

هاردا گیینور شاهلار منسوجه ی پیکانی

 

سندن یارالی ایلور زهرا قیزی بیر خواهش

سسلن سسوه قربان قلبیم دوتا آرامش

آیا سن حسینیم سن آدون ائله فرمایش

زلفیمه سالوب سایه تاپ ایستی دن آسایش

یوخ زینبوون بوندان آرتوق زادا امکانی

 

اعجاز امامتدن بیر منظره گورسندی

ناگاه او باشسیز نعش بیر تتردی ترپندی

منحور بوغازیندن گلدی دیله سسلندی

یازینب اناالمظلوم ای فاطمه دلبندی

قارداشون حسینم من لب تشنه چیخان جانی

 

بالای سره کئچدی محزون دل و کج گردن

چاک ائتدی گریبانین تپراقه دوشوب بیردن

زلفینی خضاب ائتدی اول خون مطهردن

قویدی دوداقین اوپدی خنجر قویولان یئردن

سیراب ائدوب اشگیله اول حنجر عطشانی

 

 مرحوم یحیوی اردبیلی

منبع مجموعه کانالهای مدح و مرثیه

موضوع: احوالات قتلگاه ,
زبان شعر و شاعر: نوحه ترکی , یحیوی اردبیلی

-------------------------------

وداع حضرت امام حسین (علیه السلام)

 

روز محشرون عکسین ، هر زمان قلم چکدی

بیر حسین بیر عاشورا ، بیر بولوک حرم چکدی

 

کربلا چولون لشکر دولدوروب قیامتدور

خیمه لر قباقینده هولناک حکایتدور

آیریلور حسین زینب آخرین ساعتدور

شه گیدر حرم قویماز چوخ بیوک مصیبتدور

بو کشاکش آفاقه پرده الم چکدی

 

نشر اولور بو محشردن اوتری خلق ایچون محشر

نور عین زهرایه تنگیدی جهان یکسر

ساخلیوب اونی یولدان دامنین دوتان اللر

قویمیور سوار اولسون ذوالجناحه اول سرور

متصل رکاب اوسته قوزانوب قدم چکدی

 

گوده خازن جنت حضرتین یولون گوزلر

الده دوتموش حوریلر قسم قسم شربتلر

رزمگهده ذوالجوشن اوغلی سویلیور خنجر

قتلگاهده زهرا فرش ایدور یره معجر

اهل عالم لاهوت ضجه دمبدم چکدی

 

مشفقانه دیللرلن رام ایدوب اوشاقلاری

ایستدی سوار اولسون گیتسون عرصیه ساری

دوتدی مرکبون کلثوم اول شهون جلوداری

فضه ده رکاب آلدی میندوروب او بی یاری

زینب اولدی پرچم دار زلفدن علم چکدی

 

ایتمسیدی میناده گر حسین اوگون امداد

اولمازیدی اسماعیل حکم ذبحدن آزاد

گلمزیدی دنیایه او ذبیحیدن اولاد

خاتم النبی دن ده نه تولد ومیلاد

بو مقامه اوز جدین خون محترم چکدی

 

گورسنوب هلال غم برج چرخ اخضردن

یحیوی یازوب نوحه خلعت آلدی حیدردن

قلب اوینده بیر چشمه روشن اولدی کوثردن

دامدی نوک مژگاندان قطره قطره گوزلردن

تپراق اوستونه نقش روزه ی ارم چکدی

 

مرحوم یحیوی

منبع مجموعه کانالهای مدح و مرثیه

موضوع: حضرت امام حسین (ع) وداع ,
زبان شعر و شاعر: نوحه ترکی , یحیوی اردبیلی

-------------------------------

زبانحال حضرت زینب (سلام الله) در شهادت امام حسین (علیه السلام)

 

یارالارون آخار قانی ائد‌ر گلنار میدانی

باجون قربان باشین هـانی حسینیم وای حسینیم وای

 

سینوْن اوسته یاروْن چوْخدور تمامی نیزه وْاوْخدور

اؤپم بوسه یری یوْخدور حسینیم وای حسینیم وای

 

سوسوز الده ئؤلن قارداش یارالی جان وئرن قارداش

هانی اوْل پیرهن قارداش؟ حسینیم وای حسینیم وای

 

سن ئؤلدون دشمنون قالدی سنی ئؤلدوردی کام آلدی

یوزۆ اوستنه ندن سالدی حسینیم وای حسینیم وای

 

گرک قان آغلاسین زینب جهانی داغلاسین زینب

سنه یاس ساخلاسین زینب حسینیم وای حسینیم وای

 

باشون یوْخ اشتیاغوندان اؤپم قارداش دوْداغوندان

اؤپوم قوْی من آیاغندان حسینیم وای حسینیم وای

 

یتیرّم ناله‌می عرشه سینن گؤررم دؤنوب فرشه

آیاق ردّی سالوب نقشه حسینیم وای حسینیم وای

 

بولود تک دوْلمایاییم نیلیم پریشان اوْلماییم نیلیم

باش آچوب یوْلماییم نیلیم حسینیم وای حسینیم وای

 

نه بی‌انصافیمیش عــدوان لباسین ایلییوب تالان

قوْیوبدور نعشوی عریان حسینیم وای حسینیم وای

 

ائدیم قوْی قانیلن رنگین بوزلفیم تا تاپام تسکین

تاپام تسکین دگول ممکن حسینیم وای حسینیم وای

 

مرحوم یحیوی اردبیلی

منبع مجموعه کانالهای مدح و مرثیه

موضوع: حضرت امام حسین (ع) زبانحال ,
زبان شعر و شاعر: نوحه ترکی , یحیوی اردبیلی

-------------------------------

حضرت امام حسین (علیه السلام)

 

سسلندی کربلا ای کعبةُ الحرام

گوندر حسینیمی من یاخشی ساخلارام

شهزاده اکبرین ششماهه اصغرین

سینم شکاف ائدوب جان تک قوجاقلارام

 

کوه منا سنون میدانی وئر منه

هاجرده صبر یوخ لیلانی وئر منه

یتمیش ایکی سوسوز قربانی وئر منه

توپراقیمه منیم آرتورسون احترام

 

وار زمزمون سنون منده فرات وار

قلبیمده چشمۀ آبِ حیات وار

وئر اصغری منه منده ثبات وار

لایلای دیوب اونی راحت یاتوردارام

 

اُمُّ القُراء سن، اُمُّ المصائبم

خاک شفا منم، هر درده غالبم

خون خدائیله ، دائم مصاحبم

حتی حسینیله جنتده من وارام

 

خلق ایلیوب منی چون حی و کردگار

زهرانون اوغلونا مدفن ویروب قرار

عرش معظّمه وار منده افتخار

بو شأن و شوکتی الدن بوراخمارام

 

خاکیمدی کیمیا داشیم جواهرات

منده مقام ائدر ، حَلّالِ مشکلات

هر مشکله دوشن، منده تاپور نجات

حق منده ایلیوب ئوز نعمتین تمام

 

اوچ گون قاپون آچوق تک اغنیالره

سنده طوافه یوخ یول بینوالره

فیضیم یتر منیم شاه و گدالره

درگاه رحمتی من باغلی قویمارام

 

بیر قطره تربتیم طوفانی ساخلادی

نوحه تلاطمِ دریانی ساخلادی

سنده کسیلمدی قربانی ، ساخلادی

الله فدالری منده ائدر خرام

 

مدّتدی گوزلرم شبه پیمبری

تأخیره سالما چوخ قوی گلسون اکبری

سرسون بو سینه مه زلف معنبری

بیر تار مویینی دنیایه وئرمرم

 

عباسه وئرمیشم اطراف علقمی

گلسون حسینون اول همراز و همدمی

وورسون گرک ئوزی نهر اوسته پرچمی

شاهون وزیریدور زحمتده قویمارام

 

شهزاده اصغرین ویرسه منه رباب

بیر دایۀ کَمین، ائتسون منی حساب

اول طفلون ایلرم گهوراه سین تراب

من یاخشی آغلارام من یاخشی اوخشارام

 

لیلا آچاندا باش بیگانه گورمه سون

تلّیم حجابدور میدانه، گورمه سون

زینب ،حسین دوشوب طوفانه ، گورمه سون

طوفان اشکیمی گوزدن قوتارمارام

 

بیر منزل ائتمیشم آماده قاسمه

تا یادگار اولا دنیاده قاسمه

طوی ایلسه حسین شهزاده قاسمه

داماده من گرک طوی حجله سی قورام

 

مرحوم یحیوی

منبع مجموعه کانالهای مدح و مرثیه

موضوع: حضرت امام حسین (ع) ,
زبان شعر و شاعر: نوحه ترکی , یحیوی اردبیلی

-------------------------------

شهادت حضرت علی اکبر (علیه السلام)

 

گلدی خیمه دن حسین کربلا مناسینه

هر قدمده سس وئروب اکبرون صداسینه

 

قویدی شاه دین قدم ذوالجناحدن یره

هاشمی جوانلاری ایلدی محاصره

راضی اولمیوبدولار کوفه لشگری گوره

آغلیور نجه حسین نوجوان بالاسینه

 

باشی اوسته اگلشوب شهریار کربلا

پرچم آچدی قارداشی نامدار کربلا

تا قوشون باخوب گوره تاجدار کربلا

نه جلالیلن گلوب اوغلونون عزاسینه

 

حسرتیله اکبرون باخدی گول عذارینه

قویدی بیر الین اونون رأس زخمدارینه

بیر الیله ایلدی تکیه ذوالفقارینه

پی آپارماسون باخان حال غم فزاسینه

 

گلدی آل هاشمون باشدا جوشه قانلاری

اذن جنگ ائدوب طلب مرتضی جوانلاری

رام ائدوب حسین اوزی بیر دیلیله اونلاری

سویلدی او عده نون مرحبا وفاسینه

 

بو سوزی ائشتموسن شهریار با وقار

سردی اوز عباسینی توپراق اوسته فرش وار

قطعه قطعه پیکری اول عبایه قویدولار

تئز یتوردیلر اونی منتظر آناسینه

 

قلبوون یاراسینه شیعه لر فدا حسین

سالدی یادیمه بو غم آیری ماجرا حسین

چکدون اول جنازیه سن نیه عبا حسین

لیلی باخماسون اونون جسمنون یاراسینه

 

چخدی خیمه گاهیدن اهل بیت خونجگر

نو گل محمدی اوسته اندی پؤره لر

شمعون عاشقی نجه شمع دوره سین گزر

حلقه ویردیلار اونون زلفنون جلاسینه

 

عمّۀ حمیده سی اکبرین قوجاقلادی

قالخزوب اونون باشین سینه سینده ساخلادی

صوت جانگدازیلن ضجه چکدی آغلادی

قوشدی ناله سین حسین زینبون نواسینه

 

ای جوان نازنین بی گناه ئولن بالا

قطعه قطعه پیکری دوغرانوب گلن بالا

جسمووی نجه گوروم من بو حالیلن بالا

تیغ آهنین کچوب قاشلارون آراسینه

 

مرحوم یحیوی اردبیلی

منبع مجموعه کانالهای مدح و مرثیه

موضوع: حضرت علی اکبر (ع) احوالات ,
زبان شعر و شاعر: نوحه ترکی , یحیوی اردبیلی

-------------------------------

شجاعت حضرت ابوالفضل (علیه السلام)

 

بیابانیدی پهن آور یوخیدی مسکن آثاری

نیستانیدی نخلستان و ریگستان همواری

زمین کربلا دشت بلا صحرای خونخواری

محرم آینون دوردیندن اونمینجی گونه ساری

قوشون اولدی پیاده اتصالاً یوخدور آماری

 

مقاتلده اوتوزمین اللی مین یوزمین ایکی یوزمین

یاریم میلیون حدودینده ایدن وار عدّه نی تخمین

اوزی وئرمیش حسین بن علی تمثیل اونون قدرین

منیم جنگیمه سعد اوغلی چکوب بیر لشگر سنگین

نئجه داغه یاغار نیسان اولور سیل درّیه جاری

 

حصار کوفه دن تا کربلا بیر رزمگاهیدی

اواعظم منزلون پهناسی مملو سپاهیدی

دیولَّر طبل و شیپور اون ایکی مین دستگاهیدی

گئجه لر جبهه ده دورت مین کفیل پاسگاهیدی

فرات اوستونده تیر انداز دورت مین کوفه اشراری

 

عبیداللهیلن ما بین ابن سعد بی پروا

اولوب رد و بدل تا یدّی نامه روز عاشورا

یوخیدی اوندا که پست هوایی یا زمین پیما

نئجه طی ائتدی بیر گون یدی نامه بو یولی آیا

وئریلدی ال به ال نامه قیتدی ال به ال باری

 

او نیروی عظیم ایچره چوخیدی آدلی سر کرده

هاموسیندان قوی پر زور جنگی بیر خطاکرده

سدیفون اوغلی مارد پهلوان رزم پرورده

وجودی چوخ مهمّیدی تمام افراد لشگرده

دگلدی اسکوک عمرو عبدویدن فعل کرداری

 

سیاست پرده سینده باخدی بیر مشکل زمان گوردی

ذخیره ائتدی سعدون نانجیب اوغلی او نامردی

او لشگرگاهیده عین وسطده خیمه سین قوردی

یزیدون پرچم کلِّ قواسین قلبده ووردی

اوتوردی خیمه سینده بیدق کفرون نگهداری

 

ائله سر گرم و سر مستیدی مارد یوم عاشورا

شهدالر گلوب میداندا بیر بیر ائتدیلر دعوا

سپهدار حسینه تا یتیشدی نوبت هیجا

بو های و هوی دن مارد خبر دار اولمیوب اصلا

بودور میدان جنگون وسعتینون حد و معیاری

 

علینون نامدار اوغلی ابوالفضل اسد صولت

ائدوب لشگر آراسینده لوای دشمنی رؤیت

خیالینده قویوب اول پرچمی یخسون همان ساعت

عقابه هی ووروب تیغیله سالدی لشگره وحشت

یریندن قالخزوب سیندیردی نظم فوج کفاری

 

اوجالدی,ناگهان بیر هلهله اردوی اعدادن

دئدی مارد مگر باشلاندی دعوا صوت غوغادن

آتاندا چادرینون دامنین توز قوپلدی صحرادن

مشامینه یتیشدی بوی مرگی بو تماشادن

سراسیمه سارالدی صورتی سست اولدی رفتاری

 

گوروب آتلاردو بی صاحب یهرسیز تاکپو اوسته

قشون یوز دوندروبدور کوفیه لرزان و اشکسته

باسور آتلو پیاده بیر بیرین هی دسته به دسته

دوشور آتدان بدنلر اوینیور باشلار هوا اوسته

اوزاقدان بیر اوزون قول اندیرور تیغ شررباری

 

دییَن اولمادی ای مارد حریفون شیر پر فندور

وجودی کوه محکمدور فنون جنگه معدندور

بلا دشتینده شمشیری بلای جان دشمندور

شهاب الثّاقبون اوغلی شهاب آذر افکندور

حسینون یار و سرداری هواداری مددکاری

 

لباس جنگی گیدی مارد اولدی غرق فولاده

تعجبدور نبرد شیره روباه اولدی آماده

اوزین صیاد سانمیشدی ایلیشدی دام صیاده

او دیو جنگلی بیر بانگ ووردی گلزی فریاده

کأنه سسلنوب ترسالرون ناقوس و زناری

 

مقابل اولدی جوشان و خروشان عربده جویان

ابولفضله طرف اوز نیزه سین آتدی او بدبنیان

نمایان اولدی ناگه پنجه سقای مظلومان

ایکی انگشتیله دوتدی وسطدن نیزه نی پران

بویوردی قوّتون وور نیزه وی آل ائتمه خودداری

 

آجیقلاندی اوظالم قوتین ووردی سنان اوسته

سنانی گلمدی حاشا و کَلا بیر تکان اوسته

بیله بیلمیشدی سوزن سانجیلوبدور پرنیان اوسته

دوتوب بِنگوبنی زیر بغلده گلدی جان اوسته

ایکی اللی یاپوشدی نیزه دن گوج ووردی اجباری

 

اونا شیر خدا اوغلی رموز جنگی آندیردی

اوتشنه حالتین قوت مردانه سین وئردی

حریفون قولتوقیندا آهن بنگوبی سیندیردی

دریسی له قوپاردی جوشنینون حلقه سین قیردی

آتین ووردی پیاده ائتدی اول ملعون بی عاری

 

بودور به به شجاعت دورت طرف دشمندی هر یاندا

عربستان چولی یای فصلی گرما حین بحراندا

اوزی اوچ گوندو تشنه یوخ کومک یالقوز بیاباندا

عقابینون دوشینده گزدیروردی خصمی میداندا

دونوب هر دم باخاردی چگنی اوستن خیمیه ساری

 

دییردی عجزیله مارد منی بخش ائله یا عباس

رکابوندن اوپوم قوی ای امیر کربلا عباس

بوراخسون پهلوانلوق ائتمرم من ادعو عباس

فرار جنگی قومازدی آتان شیر خدا عباس

عطا ایلر بویوکلر گورسه کوچکدن خطا کاری

 

یزیدون مطبخینون کاسه لیسانی بلاتأخیر

گتوروبلر بیر اسبی که قاچاقین دوتمیور نخجیر

علمدارون قولاقینه یتوب بیر کلمه ی تکبیر

باخاندا گوردی سلطاندور دوروبدور تلده دلگیر

دییور قارداش اماندور قویما آتلانسون او خونخواری

 

چکوب غیظیله بیر نعره مصافی لرزیه سالدی

سنان و شمر خولی قورخوسیندان ئولسون آز قالدی

یزیدون ابن سعدون ماردون آرامینی آلدی

اونون اوز نیزه سینی گود حلقیندن ائله چالدی

هواده گزدیروب ووردی یئره اول جسم مرداری

 

هزار افسوس اوضرب و شست بازوی هنروردن

کئچوب بیر آز زمان بو قصه دن سس قوپدی لشگردن

گلوب دریا کیمی موجه قشون اوینادی هر یئردن

چتلیندی اون ایکی مین طبل و شیپور یریش بیردن

یاتان بیدق اوجالدی دایر اولدی فوج پرگاری

 

دییور راوی که گوردوم چیخدی خرمالوق آراسیندن

آت اوسته بیر جوان قولسوز آخور قانی یاراسیندن

دوتوبدور دیرسگیله سینه ده قانلو لواسیندن

یاراسینون قانی تک سو آخور مشگون پاراسیندن

نه قول وار نه سپر تا رد ائده گلدوقجه اوخلاری

 

ایکی دنیا بسوندور (یحیوی) ای زاده ی یحیا

آتون یحیانی شعرون هر مجالسده ائدوب احیا

دیولَّر وئردی عباس علی بیر خلعت اعلا

آتاسی مرتضاده ائیلدی انعاموی اعطا

کئچوردوبلر نظردن یازدیقون ابیات اشعاری

 

مرحوم یحیوی اردبیلی

منبع مجموعه کانالهای مدح و مرثیه

موضوع: حضرت ابوالفضل العباس (ع) شجاعت ,
زبان شعر و شاعر: نوحه ترکی , یحیوی اردبیلی

-------------------------------

خروج از مکه

 

ذی حجّه آیینون سگّزی ایش مشکله دوشدی

ائو صاحبی اَل چکدی ائویندن چوله دوشدی

ترک ائتدی حجازی یولا بیر قافله دوشدی

دروازه ده چاووش اجل دوشدی قباقه

یول باشلادیلار گئتمگه صحرای عراقه

 

عفریت جهان باشه قرا معجری سالدی

یعنی گئجه نون عالمی آفاق قرالدی

گویده سیخیلوب پارچا بولوط گوشه ده قالدی

چوخ صاف چوخ آرامیدی صحرانون هواسی

ترس آوریدی کوه لرون دور نماسی

 

سسلندی حراء داغی او دم کهف وفادن

آواز بلند اولدی داخی کوه منادن

بیت الحرم و مشعر و زمزمله صفادن

آخر گئدیشون اولدوقینا سرعت ائدورسن

خوش گلدون حسین ایستدیگون یولدا گئدورسن

 

جدّیمون اصل وطنی خانۀ معبود

ای شاه ولایت آتاما منزل مولود

ای مکّه خدیجه آناما مرکز مقصود

آیریلدی حسین گئتدی خدا حافظون اولسون

اوز مقصدینه یتدی خدا حافظون اولسون

 

زینب اوتوروب تخت روان اوسته موقّر

اطرافینی آلموشدی جوانان هنرور

اجلالینی آرتیرمیش اونون آلتی برادر

نجدی دوه لر سو کیمی یولّاردا آخوردی

زینب دولانوب مکّیه حسرتله باخوردی

 

اشرافی عمارتلری درک ائتدی اوزاقدان

ظلمت بورویوب یوخدی اثر شمع و چراغدان

هر دم گورونور ذرّه ایشیق بعضی اتاقدان

بو منظره دن قلبی اونون نسگله گلدی

اول شهره خطاب ائتدی او خاتون دیله گلدی

 

ای مرکز وحی ازلی مهبط جبریل

وی مولَد ختم نبوی صاحب تجلیل

دروازه سی پروازگه طیر ابابیل

ای حضرت ابراهیمون ارزشلی مقامی

مشهور اولان ای مذبح اسماعیله نامی

 

وقتیکه اولور محکمۀ یوم قیامت

اوردا قورولار حُکمه ترازوی عدالت

سیز اوندا وئرون مالک دیوانه شهادت

اسلامه یزیدون ستمی ریشه کن اولدی

ریحانۀ اسلام جلای وطن اولدی

 

مرحوم یحیوی اردبیلی

منبع مجموعه کانالهای مدح و مرثیه

موضوع: احوالات خروج از مکه ,
زبان شعر و شاعر: نوحه ترکی , یحیوی اردبیلی

-------------------------------

احوالات عاشورا

 

آی باتدی صبح آچلدی زینب نوایه گلدی

زهرا دئدی حسین وای، عالم صدایه گلدی

 

چون یخدیلار آتندان، سلطان تشنه کامی

دنیایه اوْلدی اعلان قتل‌الحسین پیامی

جنّاتیدن ائشیتدی پیغمبرگرامی

نعلئین‌سیز عباسیز کرب وْبلایه گلدی

 

پیمانه عالم اوْلدی، جانانه وئردی جانین

شوْق وْشرافتیندن، طیّ ائتدی امتحانین

شمردغا تؤکنده، خاک مینایه قانین

یوز دوتدی آسمانه، حمدوْ ثنایه گلدی

 

خـون خدا تؤکولدی، گوْدال کربلایه

یرلر تزللزل ائتدی، رعشه دوشوب سمایه

کرّوبیان لاهوت، آغلاشدی بوبلایه

یل اسدی گون دوتولدی ظلمت فضایه گلدی

 

خون حسین بوْغازدان، جاری اوْلان زمانی

جبریل آپاردی عرشه، بیر شیشه ده اوْ قانی

اوْل شیشه‌دن نمودار، اوْلدی بلا نشـانی

قوْزاندی بوی ماتم، اهلئ سمایه گلدی

 

نورحق اوْلدی لامع، باشسیز قالان بدنده

رأس حسین مظلوم، سر نیزیه گئدنده

بادسیاه اسنده، یئر زلز‌له ائد‌نده

سیندی نظام دنیا حدّفنایه گلدی

 

نزدیکیدی یئریندن، چخسین مداردنیا

آل امیّه ائتسین، دستورشرعی مولغا

سرنیزدن ائدنده نورحسین تجللا

دین محمد اوسته نورانی سایه گلدی

 

فرمان غارتیلن، تللی آشیب عربلر

گؤردی اوْ های وهویی، اطفال زاروْمضطر

قاچیلا خیمگهه، بیرده‌ن اوجالدی سسلر

عمّه آماندی لئشگر، خیمه سرایه گلدی

 

صحرانو‌رد عربلر، خرگاهی یاندیراندا

باشی آچیق حرملر، اوْددان چخیب قاچاندا

قالخوب بحترآتش، گیزلندیلر دوماندا

توسدی اوجالدی قاره، پرده هوایه گلدی

 

بیر خردا قیز قاچیردی، دوتموش اله عباسین

مردیهودی دوتدی، خاموش ائدیب لباسین

گتدی اله حسینین، دیلبندینین رضاسین

احسن اوْ شیخه مشگل، وقته هرایه گلدی

 

گر ائتمه‌سیدی زینب، نسل حسینه امداد

اوْلمشدی اوْد ایچینده، سوزان امـام سجّاد

قیلدی رشادتیله، اوْددان امامی آزاد

بیر تازه زندگانلیق، زین العبایه گلدی

 

زهرا گزردی گوندوز، اطراف ماجراده

تا کوفییه حسینین، گتدی باشی جیداده

نعش حسینی آخشام، باشسیز قوْیوب آراده

گون باتجاغین اوْ خاتون، مطبخ سرایه گلدی

 

حوران باغ جنّت، محزون گرفته سیما

حوّا خدیجه خاتون، مریم جناب سارا

آشفته مو سیه‌پوش، دیللرده وای حسین وا

زهرایه همد‌م اوْلسون، بزم عزایه گلدی

 

اللی اوچ ایل قاپیندا، وار یحیوی حسین جان

نؤحه یازیب غمونده، اوْلموش مریـض وْنالان

دست مبارکونله، دردینه ائیله درمان

امّیدصحّتیله، باب شفایه گلدی

 

مرحوم یحیوی

منبع مجموعه کانالهای مدح و مرثیه

موضوع: احوالات تاسوعا و عاشورا ,
زبان شعر و شاعر: نوحه ترکی , یحیوی اردبیلی

-------------------------------

شجاعت حضرت ابوالفضل (علیه السلام)

 

صاحیب  وقار عباس، میر تاجدار عباس

حیدرین رشید اوْغلۇ، شیر نامدار عباس

 

چکدی نقشه‌  جنگ، تۇتدۇ جنگه چون تصمیم

سینه‌ ایکی اللـر، شاهه ائیله‌دی تعظیم

آلدێ تئشنه سولطاندان، اؤز وظیفسین تعلیم

رمز دفترین سولطان ائیلدی اوْنا تسلیم

اوْلدۇ ائحتیرامیلن خئیمدن کنار عباس

 

بیر گئدیب آتێن تنگین، تۇتدۇ سر لجامیندن

گلدی تا عوبور ائتسین، تئشنه‌ لر‌ مقامیندن

بیر بؤلۆک خانێم قێزلار، چێخدێ اؤز خییامیندن

یاندێم العطش یاندێم، سس گلیب سۇ جامیندن

اوْل سۇسۇز بالالاردان اوْلدۇ شرمسار عباس

 

جانێنێ گئروْ قوْیدۇ، ائتمیین دئدی ناله

قئیمتی نه قدر اوْلسا، سۇ گتیررم اطفاله

من کی صادق و القوْلم، قالدێ هیمت ایقباله

آفرین بۇ کرداره، آفرین بۇ افعاله

ای جوان دریا دیل، ای وفا شۇعار عباس

 

یئتدی پیش اعداده، رسمن آت دوْلاندێردێ

هر یانا ائدیب حمله، برق تیغی یاندێردێ

پوْزدۇ دستلر نظمین، تا سیپاهێ سێندێردێ

نحرعلقم اۆستۆنده، وۇردۇ بئیره‌غین دۇردۇ

بیر هدفده دریانێ، ائیلدی شیکار عباس

 

بیر اوْوۇج سۇدان گؤتدۆ، گتدی گؤز قاباغینه

تئشنه‌ لر سسی دۆشدۆ، ناگهان قۇلاغینه

باخدێ باطین عالمده، اصغرین دوْداغینه

ایچمدی سۇیۇ آتدێ، مرکبین ایاغینه

دوْلدۇرۇب سۇدان چێخدێ، مشگین اشکبار عباس

 

خط سئیرینی سالدێ، نخلگاه آراسێندان

دۆشدۆ لئشگره وحشت، سهمگین نداسێندان

هئی تؤکردی باشلارێ، تیغ جان روْباسێندان

دوْلدۇ کربلا دشتی، الحذر صداسێندان

یوْم حشری اعدایه، قێلدێ آشیکار عباس

 

اسدی توْند بیر تۇفان، اوْلدۇ رویئ عالم تار

گؤردیلر کی دندانه، مشگینی آلێب سردار

سینه ده علم قانلێ، بس هانێ اۇزۇن قوْللار؟

اوْغلۇنۇن اوْ وقتینی، فاطیمه دییر آغلار

سؤیلیر آنان قۇربان، ائی حۆسئینه یار عباس

 

بیر زامان حۆسئن تاپدێ، باش آچێق علمداری

گؤردۆ قاندێ بیر پارچا، اوْل وۆجۇد گۆلنارێ

بیریانا دۆشۆب مشکی، بیر طرفده قوْللارێ

بایرا‌غین هارا دۆشمۆش، کربلا سیپهداری

یاتما دۇر بئلیم سێندێ، اوْلدۇم ایندی خوار عباس

 

یحیوی یاز عباسه، نؤوحه عؤمر فۆرصتدی

وقتیکی احئببالر دفن ائدیب سنی گئتدی

اقربا اوْغۇل قارداش، سندن اۇنسی ترک ائتدی

اوْندا سن گؤررسن، بۇ زحمته عوض یئتدی

یعنی باشێن اۆستۆنده بایراغێن وۇرار عباس

 

مرحوم یحیوی

منبع مجموعه کانالهای مدح و مرثیه

موضوع: حضرت ابوالفضل العباس (ع) شجاعت ,
زبان شعر و شاعر: نوحه ترکی , یحیوی اردبیلی

-------------------------------

زبانحال حضرت امام حسین (ع) در جواب استمداد حضرت علی اکبر (ع)

 

علی جان بالا لبیک لب عطشان بالا لبیک

سسون خیمیه گلدی هایاندان بالا لبیک

ملک فطرتیم اکبر قمر طلعتیم اکبر

دایان گلدیم هرایه من الان بالا لبیک

 

خانم زینب ائشیتدی حسیندن بو صدانی

دیدی کشف ایله قارداش منه بو جریانی

دوشن مشکله کیمدور خطرگه ده دی جانی

مخاطب کیمی ایتدون ائدورسن بو ندانی

علی جان بالا لبیک

 

باجی عرصیه دون باخ قولاق ویر ایله دقت

او سس که منی سسلر وار اوندا نه ملاحت

چکور روحی بدندن اورکدن آلو طاقت

چاغوردی منی اکبر اونا ائتدیم اجابت

علی جان بالا لبیک

 

حرم آهوسی قارداش دوشوب هاردا کمنده

تاپوب ال اونا صیاد سالوبدور اونی بنده

گوروبلر خط و خالین خرامیله گزنده

او ادرکتی دینده جوابین سوله سنده

علی جان بالا لبیک

 

حسین تلیدن اندی او میدان بلایه

سالوب گوردی قلجلار علی اکبره سایه

انور باشلارون اوستن قلج قالخور هوایه

خطاب ایلدی حضرت اوغول گلدیم هرایه

علی جان بالا لبیک

 

قشون قاچدی قاباخدان حسیندن آرالاندی

ایدوب غیضیله حمله صداسی اوجالاندی

آت اوستن اوزون اول شاه آتوب باخدی دایاندی

دیدی وای بالا یاندیم سسه اکبر اویاندی

علی جان بالا لبیک

 

حسین هر قدم آتدی یخلدی گینه دوردی

نئجه دست جفاگر علی ریشه می قیردی

دیزی اوستینه آلدی اوغول باشین اوتوردی

یوزین قویدی یوزینه ایدوب ناله بویوردی

علی جان بالا لبیک

 

نه تئز اولدی غروبین سحر اولدوزوم اکبر

گوزون آچ منه بیر باخ حسیندور سنی سسلر

باتوب قانه جمالون دوتولمیش آیا بنذر

بی بون منتظریندی آنان خیمه ده گوزلر

علی جان بالا لبیک

 

 مرحوم یحیوی

منبع مجموعه کانالهای مدح و مرثیه

موضوع: حضرت علی اکبر (ع) زبانحال ,
زبان شعر و شاعر: نوحه ترکی , یحیوی اردبیلی

-------------------------------

وداع حضرت امام حسین (علیه السلام)

 

حسین ای زینبین جانی امان قارداش، دایان گتمه

گئدیب آغلاتما زهرانی امان قارداش، دایان گتمه

 

قضا سرپنجه‌سین آچمیش قد‌ر چنگالی آماده

کمینونده دوروب دشمن، بو صحرای غم افزاده

مقدّر امره یوخ چاره، اوزوم بیللم بو دنیاده

و لکن گتمه بیر آنی، امان قارداش دایان گتمه

 

زمانه زینبی بوکدو، اولونجه بیر سیَه رخته

چتین موقعدی رحم ایله، بو بیر عدّه قرا بخته

اگر چاره‌پذیر اواسا گئدیب سالما ایشی سخته

سیه‌پوش ائتمه دنیانی، امان قارداش دایان گتمه

 

باشوندا بیلمیر‌م هرگز بو نه شور و نه سودادور

گورورسن کربلا دشتی سراسر دشت غوغادور

بو قوم بی‌حیا قارداش همان بی‌شرم اعدادور

اوغولسوز قویدی لیلانی، امان قارداش دایان گتمه

 

بلالی زینبم قارداش، بلاد‌ن منصبیم واردور

رموز درد و محنتله، بیر عُمده مکتبیم واردور

دالونجا گلمییمد‌ن بیل، اوره‌کده مطلبیم واردور

ائشیت بو سوز افغانی، امان قارداش دایان گتمه

 

قدم ساخلا، آنام اوغلو، اگرچه اولماسا زحمت

بو آخر وقتی صحراده، ائد‌ک بیر مجلس خلوت

باجی قارداش باجون اولسون، حسینیم ائیلیک صحبت

واریمدیر عرض پنهانی، امان قارداش دایان گتمه

 

گتیر بوسه ائدیم اوّل مبارک اللروندن من

اوپوم اوندان سورا قارداش گَلوی اطهروندن من

اوپن وقته سالیم یاده، او تشنه لب‌لروندن من

آنام زهرای نالانی، امان قارداش دایان گتمه

 

مصیبت موجینه غرقم، زبس بو اشتیاقوندن

اوپم هئچ بیلمیر‌م قارداش الوندان یا دوداقوندن

اجازه وئر منه بوسه ائدیم بیرده ایاقوندن

او خاک پاک قربانی، امان قارداش دایان گتمه

 

دگیل بیجا گوزوم یاشین، فلک القانه دوند‌رسه

او اشک چشمیله دنیا، اوزون توفانه دوند‌رسه

باجی نیلیر گوره قارداش، یوزون میدانه دوند‌رسه

همین دنیای ویرانی، امان قارداش دایان گتمه

 

زبسکی محنت هجرون من بی‌یاره چوخ چوخدور

آنام زهرایه آند اولسون،داخی سینمده یئر یوخدور

گئد‌ن گلمز بو میدانه، گورور‌‌م نیزه ‌دیر اوخدور

قوشون دوتموش بیابانی، امان قارداش دایان گتمه

 

مرحوم یحیوی

منبع مجموعه کانالهای مدح و مرثیه

موضوع: حضرت امام حسین (ع) وداع ,
زبان شعر و شاعر: نوحه ترکی , یحیوی اردبیلی

-------------------------------

زبانحال خطاب به حضرت ام البنین (سلام الله)

 

گل دشت نئینوایه یا خاتم النّبین

دوشدی حسین بلایه، یا خاتمُ‌النّبین

 

بیر وقتدیر بو ساعت، لازیمدی سرعت اولسون

دی خازن جَنانه آماده خدمت اولسون

دستور وئر قارادان، جنّاته زینت اولسون

کرب و بلاده حاضر طوبای جنّت اولسون

سالسین حسینه سایه، یا خاتمُ‌النّبین

 

زهراده قتلگاهه فوراً اوزون یئتیرسین

بیر رختخوابیلن بیر تخت روان گتیرسین

نعش حسینی بوکسون، میدانیدن گوتورسون

زینب گئدنده شامه، اجلالیلن اوتورسون

یوخسا ائدر گلایه، یا خاتمُ‌النّبین

 

بیرده سفارش ائیله، ارواح انبیایه

سرعتله نازل اولسون، صحرای کربلایه

اونلار سنین دالوندا، گلسینله اقتدایه

سن قیل نماز دفنی، مظلوم کربلایه

تحویل وئر بقایه، یا خاتمُ‌النّبین

 

کافور و سو گتیرمه، چون غسله یوخدو حاجت

غسلین اوز و ائدیبدیر، قاندان؛ تاپیب شهادت

اوز نعشی اوسته باشی، قرآن ائدر تلاوت

ائیلر نوای زینب، تلقینینه کفایت

سن گل فقط عزایه، یا خاتمُ‌النّبین

 

قانین یاخیب حَرَملر، موی سر سیاهه

عنّابی رنگ، زولفو توکدیله قتلگاهه

الوان کفن توخوندو، اعضای پاک شاهه

نه حاجتی حسین‌ین وار پنبه و گیاهه

یا کهنه بوریایه، یا خاتمُ‌النّبین

 

جبریل هاردا قالمیش، دربارینین غلامی

قصد زیارت ائتسین، بو وادی السلامی

آلسین قانادی اوسته، گل پیکر امامی

عرشُ‌اللهه آپارسین، گزدیرسین هر مقامی

باخسونلار اول فدایه، یا خاتمُ‌النّبین

 

لقمان کی مدّعی دور دردین شفاسی واردور

گلسین حسینه وئرسین، درمان یاراسی واردور

باخسا دییر بو جیسمین سالیم هاراسی واردور

درمانیلن ساغالماز آیری دواسی واردور

مُحتاج دور بُکایه، یا خاتمُ‌النّبین

 

بیر عدّه قدّسیاندان گلسین همین دیاره

اوخلاری چکسین آتسین، بو جیسمیدن کناره

تا یاره­لر اوخ آلتدان چیخسینلار آشکاره

گور شاهد اول کی دشمن وورموش نه قدری یاره

دلبند مُرتضیٰ‌یه، یا خاتمُ‌النّبین

 

محراب وعده­گاهه دوشموش یوز اوسته پیکر

قویما بونوعی قالسین آرخاسی اوسته دوندر

نه حالدا دور حسینون گورسون هامی ملک‌لر

درگاه کبریایه دوت سینه­سین برابر

سال عکسینی سمایه، یا خاتمُ‌النّبین

 

وقتیکه " یحیوینن " روحی گئدر بقایه

زیر لحد اولاندا، مسکن او بینوایه

اوردا گلیب آلاندا مأمورلر آرایه

وئررم قسم عزیزون مظلوم کربلایه

اوندا یئتیش هرایه، یا خاتمُ‌النّبین

 

مرحوم یحیوی

منبع مجموعه کانالهای مدح و مرثیه

موضوع: حضرت ام البنین (س) زبانحال ,
زبان شعر و شاعر: نوحه ترکی , یحیوی اردبیلی

-------------------------------

کوچ از قتلگاه

 

سنه یا حسین یوزومدن آچیلان نقابیم آغلار

باشیم اوسته ذره ذره دوشن آفتابیم آغلار

 

اورگیمده مه جمالون ایشیقین گورن گوزوم وار

منه بیر چراغ شب ‌دور بو چراغه نه سوزوم وار

گیجه‌لر یوخی یوخومدور که قاباقدا گوندوزوم وار

او بلالی گوندوزیمه شب ماهتابیم آغلار

 

یارالی باشون جداده ایلیین زمان تجلا

من بینوایه تاریک اولو روشنای دنیا

ائله یاندیران دلیله دیر‌م حسین حسین وای

اوجالان سسیمه مُلحق اولور اوز خطابیم آغلار

 

نه قدر ساغام بلادن غم و درد دور حوالَم

ائله که گوزوم یومولدی قوتاروب کسیلدی نالَم

منی قویدولار مزاره دولانور مدار عالم

لَحد آلتدا توتیا تک توکولن تُرابیم آغلار

 

گوزومون یاشی غموندا قره مُشگنابه بنزر

توکولنده سینون اوسته دولانور گلابه بنزر

دولاشیبدی گردنیمه هوروگیم طنابه بنزر

او طنابه قوللاریمدان ویریلان طنابیم آغلار

 

توکر اول قلم‌لری که ورقه قرا مُرکب

او قرا مُرکبیله اولو شرح حال زینب

قلمون گُزارشیندن اوخوناندا غملی مطلب

خبر مُصیبتیمده یازیلان کیتابیم آغلار

 

داغیداندا اشگ توفان یئره چشم غم نگاهیم

اونی خُشک ائد‌ر اور‌کدن چخان آتش سیاهیم

ایکی ضدیلن موافق اولور ابر دود آهیم

اوتیلان سو اوسته شبنم اَلیور سحابیم آغلار

 

حَرم اهلنون صفیندن گلیر هر بیری نوایه

وئری کاروان ماتم اونیلان صدا صدایه

هامودان چوخ آغلارام من او نوای دلربایه

که گناه‌ سیز بالاسی ویریلان ربابیم آغلار

 

سنی سسلر‌م برادر منیله دانیش جداده

سسووی ایشتمر‌م چون گلیر‌م فغان و داده

او محاسنِ شریفون نئجه تتر‌یور هواده

ائد‌ر اضطراب اونون تک دل پیچ و تابیم آغلار

 

 مرحوم یحیوی

منبع مجموعه کانالهای مدح و مرثیه

موضوع: کوچ از قتلگاه ,
زبان شعر و شاعر: نوحه ترکی , یحیوی اردبیلی

-------------------------------

احوالات عاشورا

 

بودور علت بو قدرتلن بئله عطشانم ای سیاح

یازیلمیش عهدناممده سوسوز قربانم ای سیاح

مقصرلر پناهی محرم دیوانم ای سیاح

عزاداره جزاده شافع عصیانم ای سیاح

بهشت اهلی دی کیم اهل بکا و اوتباکا دور

 

شهادت امری صادر اولمادی سیاحه مولادن

شفاعت قولین آلدی آغلادی گئتدی او صحرادن

دولاندیردی لجام مرکبی حضرت او ماوادن

وداع آخرین قصدیله اندی تل بالادن

او تلی که میان عرصه و اخیام طاها دور

 

خانم زینب دئییر خیمه قباقینده باخوردوم من

گوروم آیا حسینیمله نه رفتار ائیلییر دشمن

سرازیر اولدی بیر تپراقلی طوفان تلون اوستیندن

گلور توز درک اولونماز بو نه توزدور قوزانور یئردن

توز ایچره آت ایاقینون صدای نعلی پیدا دور

 

تعجب حالیله دقت ائدردیم تا ندور مطلب

یاخونلاشدی توز آیریلدی نمایان اولدی بیر مرکب

آت اوسته پارچا قاندان غیری بیر زاد گورمدیم یا رب

صدا گلدی علیکن السلامی اختی یا زینب

تانیدیم لهجه سیندن کیم حسین بو لفظه گویا دور

 

سیزی اللهه تاپشوردوم بویوردی شاه بی لشکر

داخی یوخ صحبته فرصت منی زهرا آنام گوزلر

فراز عرشدن جدیم پیمبردور منی سسلر قیامتده عزاداریلر

بو باش بو جانلو پیکر قیمت مقطوع سودا دور

 

ائله سرعتله آت سوردی حسین میدان دعوایه

نه زینب یادینه دوشدی نه باخدی آه لیلایه

دالیجان منده یوز قویدوم گوزی یاشلی او صحرایه

دئدیم قارداش قسم وئررم سنی مظلومه زهرایه

حسین جان بیر توقف قیل باجون صاحب تمنا دور

 

حسینین ساخلادی یولدان شرار آهیلن زینب 

یول اوسته قول بویون اولدی او شاهنشاهیلن زینب

ائدوبلر رمزلی صحبت ولی اللهیلن زینب

قیتدی خیمه سمتینه دل آگاهیلن زینب

او صحبتدن نتیجه هر بلالرده شکیبا دور

 

تمام ائت «یحیوی» تحریره یوخدور خامه ده یارا

فصاحتله بو نظم آبداری ائیله دون انشا

آپارسون فیض سرشارین مجالسده آتان یحیی

چکوب زحمت بساط کربلائی ائتموسن احیا

نقدری واردور آثارون آدون مشمول احیا دور

 

مرحوم یحیوی

منبع مجموعه کانالهای مدح و مرثیه

موضوع: احوالات تاسوعا و عاشورا ,
زبان شعر و شاعر: نوحه ترکی , یحیوی اردبیلی

-------------------------------

احوالات حضرت مسلم (علیه السلام) 

 

مسلمون شهادتی کربلا اساسی دور

فاطمه عزیزینون قتلینون بناسی دور

مکه دن چخوب گلور کاروان کربلا

یولدا ویردیلر خبر مسلمون عزاسی دور

 

شهر کوفه دن گلور گوردیلر شتر سوار

ساخلادیلا کوفه نون حالینی سوروشدولار

عرض قیلدی حضرته دردناک و اشکبار

مسلم آل هاشمون اولین فداسی دور

 

کوفه اهلی ابتدا ساخلادیلار حرمتین

چکدی زادۀ زیاد نقشۀ شهادتین

بیعت ایلیوب صورا سیندیروبلا بیعتین

مسلمه او مردمون ائیتدیگی وفاسی وار

 

دوره دن داغیلدیلار قالدی واحد اول جناب

بیر نفر غریبیدی شهرون اهلی بی حساب

آسمانه اوج ایدوب های هوی انقلاب

سسلنن قلجلارون سهمگین صداسی وار

 

دوتماقا او سروری بسکه عاجز اولدولار

دام حیله قوردیلار قعر چاهه سالدیلار

ئولدوروب حنین و بدر انتقامین آلدیلار

نعشینون دوشن یری کوچه لر اراسی وار

 

وار سفارشی اونون بو حضور عالیه

یا حسین توقف ائت گلمه شهر کوفیه

راضی اولما زینبون اگنینه قرا گیه

بو سفرده گورسنن زینبون بلاسی وار

 

چون حسینیلن عرب ختم قیلدی صحبتین

نصب اولوندی خیمه لر اندیروبدی عترتین

ایستدی خدیجه نی مسلمون امانتین

چوخ نوازش ایلدی عین حق رضاسی وار

 

آلدی ئوز قوجاقینه سینه سینده ساخلادی

زلفنون غبارینی سیلدی قاره باغلادی

حضرتون جمالینه باخدی اول قیز آغلادی

آنلادی یتیم اولوب مسلمون قراسی وار

 

آغلاما خانیم قیزیم آغلاما خدیجه جان

غم یمه آتان منم ای عزیز و مهربان

سن کیمی سکینمه وار بلالی داستان

وار قاباقدا چوخ غموز بو غم ابتداسی وار

 

اهل بیت مصطفی با اجازۀ امام

یاس دوتوبلا مسلمه ساخلادیلار احترام

شدت فغانیلن نالیه گلوب امام

چون او خیمه مسلمون تعزیت سراسی وار

 

غرق ماتم و عزا دوشدی کاروان یولا

هر قدم یاخنلاشوب وعده گاه کربلا

الصلا و الصلا بایع الله اشترا

سسلنن قوناقلارین عجلوا نداسی دور

 

مرحوم یحیوی اردبیلی

منبع مجموعه کانالهای مدح و مرثیه

موضوع: حضرت مسلم ابن عقیل (ع) ,
زبان شعر و شاعر: نوحه ترکی , یحیوی اردبیلی

-------------------------------

زبانحال حضرت لیلا (سلام الله)

 

گل اوتور خیمه ده اکبر باشوا من  دولانیم

 فرش ایدوم تپراقا معجر باشوا من دولانیم

 

آناقربان گوزوه  باخ  آناون  عَرضه سینه

بش دقیقه بو غر یبون گل اوغول  خیمه سینه

پر وروم  یانماقچون شمع رخون سایه سینه

مثل پروانه مکرر باشوا  من  دولانیم

 

مه جمالونده که خالی  بوریوب  موی سرون

خوش دگل ابر سیه اوستونه دوشسه  قمرون

ساغ  یوزوندن آیروم  صول  یوزوه طرره لرون

هاشمی خالوی گوستر باشوا  من دولانیم

 

من  سنی یولیورام  دشت مناده ئوله سن

سالاسان لیلی  بیچاره نی  چولدن  چوله سن

نه سن اسماعیل اولارسان گئده سن ساغ  گله سن

نه ده لیلی اولورهاجر باشوامن دولانیم

 

ای منیم آرخام ائلیم شان و جلالیم کومگیم

گور نجه رعشیه دوشمش بدنیم  جان و رگیم

دیزلریم عضولریم  بیرده قان اولموش اورگیم

قوری یاپراق کیمی تتررباشوا من دولانیم

 

من  بویوتدوم سنی اوزجانیملن قانیملن

هاجره  فخر ایدورم سن کیمی قربانیملن

قوی ووروم کاکلوه شانه بومژگانیملن

گوز یاشیلا سپوم عنبر باشوا من دولانیم

 

تار مویوندن آییر سینمه پیرایه وئریم

یا   ئولندن صورا تحفه اونی زهرایه وئریم 

یا  نشانون آپاریم  یثربه  صغرایه وئریم

بینوادور سنی گوزلر یاشوا من دولانیم

 

باشدان عمامه گوتورنوروی تابنده ایله

سربرهنه گورونوب آی گونی شرمنده ایله

جلوه ی حسنله ئولموش اورگیم زنده ایله

دگمه میش باشوا خنجر باشوا من دولانیم

 

منه گوز آلتی باخوب آغلاما یاندیرما منی

دوشیوم قوی قدمون آلتدا  بویانمیش سینه نی

گاهوارونده  اوشاق وقتی یاتیرداندا سنی   

گیجه لر ائتمیشم ازبر باشوا من دولانیم

 

خنجرو نیزه نه  لازم سنه  ای تازه  جوان

حسدیندن  ئولوراول ابروی مژگانه باخان

کیپریگون نیزه سنون مردم چشمون اوخ آتان

قاشلارون  تیغ  دو پیکر باشوا من دولانیم

 

من غریبم نه پناهیم وارامیدیم نه کسیم

سسیمه  سس  ویری کیملر علی غیر از نفسیم

سندن اوزگه بیلورم یوخدی منیم  دادرسیم

نه آتام وار نه برادر باشوا من دولانیم

 

مرحوم یحیوی اردبیلی

منبع مجموعه کانالهای مدح و مرثیه

موضوع: حضرت لیلا (س) ,
زبان شعر و شاعر: نوحه ترکی , یحیوی اردبیلی

-------------------------------

زبانحال حضرت زینب  (سلام الله) در شهادت حضرت رقیه (سلام الله)

 

ویرانه ده نازلی بالام جان وردی دینجلدی

بو دختر شیرین کلام جان وئردی دینجلدی

 

بختی بو طفلون اوجیدن دوشدی سرازیره

یکسر آتا قارداشلارین چکدیله شمشیره

کرب و بلادن شامه دین باغلاندی زنجیره

یاتماق اونا اولدی حرام جان وئردی دینجلدی

 

قالدی اراده بی کفن الله بالام ئولدی

بیر کیمسه نم یوخ دفن ایدن الله بالام ئولدی

آسوده اولدی ظلمیدن الله بالام ئولدی

هر زحمته ایتدی دوام جان وئردی دینجلدی

 

بعضی گئجه اکبر بوئین اوخشاردی یاتمازدی

شمری گورن گون اوُل گئجه قورخاردی یاتمازدی

چوخ یالواراردیم یات قیزیم آغلاردی یاتمازدی

ایندی نجه گور اولدو رام جان وئردی دینجلدی

 

غسلون وئرن یوخدور نِئدیم ئولدی بالام قالدی

ئوز معجرینله دفن ائدیم ئولدی بالام قالدی

سونمز اودون یاندیم دئدیم ئولدی بالام قالدی

هی آغلارام آرتار یارام جان وئردی دینجلدی

 

یاتدی حسینین بلبلی یانام اَلولانّام

یاده دوشر شیرین دیلی یانام اَلولانّام

واردور بونون بیر نیسگیلی یانام اَلولانّام

گیزلین دئدی عمه آجام جان وئردی دینجلدی

 

زنجیر کسن قولارینون نقشینه باخدوقجا

کهنه حصیردن آلنینون فرشینه باخدوقجا

یاننام بالامون خوار اولان نعشینه باخدوقجا

بو دللریله اوخشارام جان وئردی دینجلدی

 

ای هاشمون اوغلانلاری عباس و یا جعفر

هاردا قالوبسیز پس بوگون ای قاسم و اکبر

آخر سکینم (رقیّم) یئرده دور زینب سیزی گوزلر

چوخ اینجیدوبدور اهل شام جان وئردی دینجلدی

 

غساله گورسه آغلیور شمرون جفاسیندن

مالش ویرنده قویمارام قمچی یاراسیندن

زهرا آنامه بو قیزی باشیم بلاسیندن

من بیر نمونه یوللارام جان وئردی دینجلدی

 

یاز آغلا نوحه یحیوی تا وار نفس جاندا

مظلوم حسینون بیر قیزی دفن اولدی ویراندا

چوخ اینجیوب اشکنجه دن آخر او زنداندا

شهزادۀ والا مقام جان ویردی دینجلدی

 

 مرحوم عباسقلی یحیوی اردبیلی

موضوع: حضرت رقیه (س) زبانحال ,
زبان شعر و شاعر: نوحه ترکی , یحیوی اردبیلی

-------------------------------

کوچ از قتلگاه

 

یارالار سینونده قارداش، گل گلستانه بنزر

آغاریب منیمده زلفیم، چمن خزانه بنزر

 

نئجه شرح ائدیم برادر باشیمین مصیبتیندن

کی گوروندو بیر نمونه بشرین قیامتیندن

نئچه ساعتین ایچینده، غم و جور شدّتیندن

باجیوون رشیده قدّی، اگیلیب کمانه بنزر

 

نئجه زینبون رضادیر، سنی یاندیرا حرارت

بیلیسن کی سایبانه، یوخ الیمده استطاعت

بو مکاندا دود آهیم، ائلییر منه حمایت

کسر ایستینین قاباقین، سنه سایبانه بنزر

 

بو جنازه لر کی باشسیز توکولوبدو ریگزاره

نه جلالیلن سالیبلار، سنی دوره دن حصاره

اولارین باشی جداده، دوزولوبدی چون ستاره

وَسَطینده قانلی باشون منه آسمانه بنزر

 

سن اوشاقیدون، اوپردی اورگون بابام پیمبر

بو یئره دییردی بیر گون دَیجک یارا مکرّر

گورورم دگیب کئچیب اوخ، سورا سانجیلیبدی خنجر

بو یارا بابام محمّد، دئدیگی نشانه بنزر

 

جگرونده وار حسین جان، علی اکبرین یاراسی

اورگون قانیله سیراب، اولور هر زمان بناسی

دوشجَکدی شرق و غربه، او یارانین انجلاسی

تر و تازه دیر همیشه، گل ارغوانه بنزر

 

او زمان گورنده شمرین قانا خنجری بویانمیش

حَرمون، باجون، کنیزون، باشووا گلیب دولانمیش

قاچا قاچدا بو مکانه او قدر ایاق توخانمیش

کی کنار قتلگاهون، ره کاروانه بنزر

 

بالاجا قیزون رقیّه، او عزیزه نازدانه

دولانیبدی آت دوشونده، اورگی دونوبدو قانه

یوزونه دَگیبدی سیلی، باشی اوسته تازیانه

سارالیب سولوبدو رنگی، ساری زعفرانه بنزر

 

سن ای آفتاب عزّت، ائله نیزه دن نظاره

نئجه گور بیزه ایشیق گون، گئجه تک اولوبدو قاره

هامی اَختَران عصمت، دوزولوبدو بیر قطاره

ره قبله نین دلیلی، صف کهکشانه بنزر

 

اورگیم باشین آلاندا، غم و محنتون سحابی

او بیلیر عزالیم من، یوزومه سپر گلابی

توکولور سرشگ چشمیم، یئره ایسلادیر ترابی

گوزومون یاشی آخاندا، مُژه ناودانه بنزر

 

گزرم بو گلستاندا، گَلنی صفالی گوررم

آچیلان گولون ایچینده، دوزولن تیکانی دررم

قطرات اشکیمیله گل و گلشنه سو وئررم

گوره سن وفالی زینب، نئجه باغبانه بنزر

 

دل (یحیوی ده) دائم اولو جلوه­گر بو نیّت

گینه بیر گئجه جمالون یوخودا ائده زیارت

بیلیسن کی آشیانی نه قدر تاپار شرافت

دولانور سرای مسکین، او گئجه جنانه بنزر

 

مرحوم یحیوی اردبیلی

منبع مجموعه کانالهای مدح و مرثیه

موضوع: کوچ از قتلگاه ,
زبان شعر و شاعر: نوحه ترکی , یحیوی اردبیلی

-------------------------------

 زبانحال حضرت زینب (سلام الله) به سر مبارک امام حسین (علیه السلام) در کوفه

 

سالدی قرآن سسون آوازه بو مأوایه حسین

کوفه اهلی ایشیدوب گلدی تماشایه حسین

 

عاشقم گرچه آنام اوغلی او شیرین سخنه

ویرور هر لحظه تسلّی بو چتین وقته منه

ولی هر کس که گلوب دوردی تماشایه سنه

ووردی مین یاره دل عترت طاهایه حسین

 

ازدحام ایتدی جماعت کسیلوب راه عبور

رخت فاخر گینوب مردم ایدر وجد و سرور

غرفه‌ده عورت اوشاقلار دف و نقّاره چالور

داش آتوب طعنه ویرالّار منه لیلایه حسین

 

آلوب اطرافیمی غم فوجی اوزوم خسته و زار

خوردا قزلار مله‌شور ناقه‌ده بی‌صبر و قرار

جرس ناقه صداسینده عزا نغمه‌سی وار

گله ماتم‌زده‌لر بلکه تسلّایه حسین

 

صبری مشق ایلمیشم ایتمرم هیچ وقته گله

یارالی قلبیمی امّا گتورور کوفه دله

زینبون یتمز الی تازه آخان قانی سیله

تا جمالون گله بیر لحظه تجلّایه حسین

 

قاتلون صورتوی خاک تنوره بلیوب

دگوب آئینۀ رخساروی کول جلوه‌‌‌لیوب

فرصت دهر یتوب ظالمه طغیان ایلیوب

تُف بیله گردشه لعنت بیله دنیایه حسین

 

پیشواز ایلموسن عترت غم‌پروروی

سالموسان یادوه لیلانی علی‌اکبروی

گورمدون حیف اولا بو قافله‌ده اصغروی

سن بولورسن نولوب اول دُرّ گرانمایه حسین

 

سنی ئولدوردیلر چون عالمی تار ایلدیلر

ناز پرورده‌ لری ووردیلا خوار ایلدیلر

سویوب اهل حرمون ناقه‌سوار ایلدیر

باش آچوخ زینبوی چکدیله صحرایه حسین

 

سن دونن فارغ اولوب مقصدوه یتمشیدون

ظهر وقتیدی جدا اوسته عروج ایتمشیدون

گیجه معلوم دو معراج حقه گتمشیدون

بنزیوردی بو گیجه لیلةالاسرایه حسین

 

گوزومی اشک دوتوب تیره‌لنوبدور نظریم

شب اوّلده دونوب حال خسوفه قمریم

اودور اولدوزلاریلان دوره‌لنوب دور و بریم

اوزلرین اوخشادالار بو دوتولان آیه حسین

 

 مرحوم یحیوی اردبیلی

منبع مجموعه کانالهای مدح و مرثیه

موضوع: احوالات کوفه ,
زبان شعر و شاعر: نوحه ترکی , یحیوی اردبیلی