متن نوحه ترکی صحاف تبریزی

مجموعه اشعار آیینی و مذهبی مرحوم استاد صحاف تبریزی ، متن نوحه ترکی صحاف تبریزی

-- -- --

احوالات راه شام

 

دیار کوفه ده چون کوفه ظلمی اولدی تمام

حسین عیالی اولوب دست بسته عازم شام

 

کجاوه لرده گوزی یاشلی دلفکار و ملول

سیزیلداشوردولا زنبور تک بنات رسول

 

آخاردی یوزلرینه حسرتیله قان یاشلار

گلوردی نوک جدا اوسته نالیه باشلار

 

مباد کیمسه اولا بو قضیّه دن آگاه

اودور گیدردیله بیراهه فرقۀ گمراه

 

گلنده هر بالا فریاد و شیونه دلدن

ووراردیلار باشنا تازیانه غافلدن

 

بو قدر ظلم و جفادن او قوم دویمازدی

اوجادان آغلاماقا بیر بالانی قویمازدی

 

اوغورلامشدی هامی قورخودان نفسلرینی

گلنده نالیه قمچی کسردی سسلرینی

 

صغیر اوشاق یول اوزاق ساربانی کینه شعار

طناب ظلمله قول باغلی ناقه بدرفتار

 

ایدنده درد دلین هر یتیمه قیز اظهار

گلوب سالاردی یره ناقه دن اونی اشرار

 

گیدردی سرعتیله یول سپاه بد فرجام

دیار شامه یتوب ایلسونله اخذ مرام

 

همان او حالده اثنای راهده ناگاه

دایاندی گوردیله رأس شه فلک درگاه

 

نقدر زور ویروب نیزه دار بد فطرت

محال امریدی گوردی او باش ایده حرکت

 

قلوب لشگری خوف و هراس دولدوردی

قوشون دایاندی هامی نیزه دارلر دوردی

 

دوشوب تعجبه حیرت گوتوردی کفاری

وقوعه گلدی او صحراده محشر آثاری

 

قوشون امیری او ساعتده گلدی فریاده

اوزین یتوردی حضور امام سجاده

 

علیل امامه او بیشرم کشف حال ایلدی

بو امر سخت و مهم علتین سوال ایلدی

 

دیدی نقدر ویرور نیزه دارلر حرکت

آتان باشی دایانوب گتمیری ندور علت

 

نه تک اوزی دایانوب ای شهنشه ابرار

او باشه تابع اولوب نیزه ده کسوک باشلار

 

ویروب جواب او زنا زادیه امام زمان

بیوردی چولده قالان وار یتیمه قیزلاردان

 

بلوب قضیه نی میر سپه اولوب مجبور

تاپوب گتورماقا زجربن قیس اولوب مجبور

 

دیر که روای بلوردوم اونون شقاوتنی

بنات عصمته کوکلنده کی عداوتنی

 

دیدیم اگر تاپا هر یرده بو لَعین و دَنی

یتنجه قافلیه ئولدورور بو غمزده نی

 

بو فکریم آلدی الیمدن قراریمی ناچار

اونیله گیتماقا رحمیم ایدوب منی وادار

 

گلن یولا قیدوب سرعتیله یول گیتدوخ

او خورداجا بالا گورسندی مقصده یتدوخ

 

نه گوردوخ ایلوری وحشت چوخ اضطربیله

گهی قاچار ساقا گاهی صولا شتابیله

 

نه یول تانور نه گورور کاروان غم اثرین

الی باشندا توکور گل یوزه سرشگ ترین

 

بیر آز دورور دایانور هولدن اوزین ایتورور

دورانموری ایاق اوستونده دیلری تیترور

 

قویور تحیّر اَلین گه سوسوز دوداقلارینا

آخور سرشگی باخور گه قبار ایاقلارینا

 

همینکه گوردی اوزاقدن بیزی او دلخسته

سارالدی رنگی چکوب دلدن آهی آه اوسته

 

بُلوردی زجرین او قیز دلده کی شقاوتنی

او دور گورن کیمی یغمایه ویردی طاقتنی

 

یتشدی زجریله او بیکسدن انتقام السون

اونازنین بالانی قمچی التنا سالسون

 

دیدیم اَماندی اَلون ساخلا آز جفا ایله

یتیمه دور بو بالا وورما بیر حیا ایله

 

بونی هارا ووروسان گُلشن وفا گُلیدور

عزیز فاطمیه بو عزیزه سؤگُلیدور

 

بو رحمی منده گوروب حسرتیله بیر باخدی

شرار آهله دنیانی یاندیروب یاخدی

 

الین قویوب باشنا گوزده اشگ دلده نوا

پناه گتدی سیخلدی رکابمه او بالا

 

مقام و شأننه هرگز دگلدی زیبنده

حسین عزیزه سی اولسون منه پناهنده

 

دیدیم بو قدری بالا قورخما قویمارام وورسون

یارالی قلبیوی ظلم آتشینده یاندورسون

 

اوزاقدی قافله وار یولین مسافتی چوخ

پیاده گیتماقا سنده ولیک طاقت یوخ

 

دایانما گل گیداخ ای غمکشیدۀ دوران

گوزی یولوندا قالوب عمّه لر آنان نگران

 

یورولموسان سنی گل ترکیمه سوار ایلیوم

بو خدمتیله بو گون کسب افتخار ایلیوم

 

ایشیتدی بو سوزی مندن اوجالدی افغانی

باشین اشاقه سالوب دوشدی لرزیه جانی

 

بویوردی ایله حیا صاحب شریعتدن

اوزاقدی چوخ بو سوزون خاندان عصمتدن

 

قالوب بو چولده اگر ایلسمده قطع حیات

سوار ترکینه نامحرمون اولام هیهات

 

سورون سیز آتلاروزی من یواش یواش گلم

نه بیر توقف ایدوب نه دوروب نه دینجلم

 

دیر که آتلاری سوردوقجا بیز او حالیلن

او خسته قیزدا گلوردی بیزیله سرعتلن

 

بیر آز گلوب یورولوب دوشدی حیسدَن دوردی

یره اوتوردی ایکی گوزلرینی دولدوردی

 

باخوب ایاقلارینا چشم اشگباریله

گوتوردی معجرینی باشدان آه و زاریله

 

یارالی قلبلره ووردی تازه دن یاره

او کهنه معجرینی ایلدی ایکی پاره

 

باشنا باغلادی بیر پاره سین او کان حیا

قابار ایاقینه بیر پاره سینده باغلادی تا

 

ایاقه دوردی یولا دوشدی خوف وحشتله

گلوب یتوردی بیزی منتهای زحمتله

 

قابار ایاقله تا غم قطارینه یتدی

آتا باشی وورولان نیزیه طرف گیتدی

 

اوجالدی ناله سی ویردی اجازه گوز یاشنا

گلوب دولاندی ازل شاه کربلا باشنا

 

بلالی باشینون آلدی بلالرین نظره

قویوب ادب الینی سینیه اوتوردی یره

 

قابارایاقلارینی ویردی شاه دینه نشان

دیدی گوزوندن ایراق ای شهنشه عطشان

 

سالوب نه حالته گور ساربان بو نالانی

اولوب ایاقلاریمون سو کیمی روان قانی

 

واریمدی ایمدی بابا بیرجه خواهشیم سندن

بلالی عممه دی گوز گوتورمه سون مندن

 

منیم اگرچه چکوب زحمت و مصیبتمی

یتورسه شامه یتورم تمامه زحمتمی

 

اوقدر ایله میسن خالقه خطا ((صحاف))

صحیفۀ عملون تیره تار ایدوبدی خلاف

 

توسُّل ایله حسینون بو نور دیده سنه

ویرن خرابه ده جان قلبنون چکیده سنه

 

بیر اوزگه طرزیله یاز شام شوم حکایتنی

بو جمعه ایسته اونون قبرینون زیارتینی

 

مرحوم صحاف

منبع مجموعه کانالهای مدح و مرثیه

موضوع: احوالات راه شام ,
زبان شعر و شاعر: نوحه ترکی , صحاف تبریزی

-------------------------------

احوالات عاشورا

 

نجه قان آغلاماسین داش بو گون

کسیلیب یئتمیش ایکی باش بو گون

 

توکولوب توپراقا باشسیز شهدا

کربلا دشتی اولوب کوه منا

موج ایدر قانیله دریای بلا

نجه قان آغلاماسین داش بو گون

 

بو همان گوندی باتوب یاسه جهان

بویانوب قانه سوسوز پیر و جوان

انبیالر باش آچوب آغلیری قان

نجه قان آغلاماسین داش بو گون

 

بو همان گوندی سولوب دین چمنی

سارالوب سرو و گل و یاسمنی

قطعه قطعه اولوب اکبر بدنی

نجه قان آغلاماسین داش بو گون

 

ویردی لیلایه خبر شاه زمن

اکبرون گلدی گل ای کان محن

بیر عبانین دولوسی قانلو بدن

نجه قان آغلاماسین داش بو گون

 

طوی دوتوب قاسمه شاهنشه دین

ایتدیلر بزم عزا حجله گهین

یاخدی قانیله حنا تازه گلین

نجه قان آغلاماسین داش بو گون

 

نجه طوی ناله سماواته سالوب

ناله داماد آناسندان اوجالوب

بدنی آتلار ایاقینده قالوب

نجه قان آغلاماسین داش بوگون

 

حرمله آلدی اله تیر و کمان

اصغرین حلقین ایدوب تیره نشان

ایچدیروب سو یرینه قرمزی قان

نجه قان آغلاماسین داش بوگون

 

کسدی اشرار دنی سو یولونی

تشنه سقانون آلوب صاق صولونی

هم صاقین سالدیلا هم صول قولونی

نجه قان آغلاماسین داش بوگون

 

سالدی دنیایه شرر شمر دنی

کسدی عطشان سر شاه زمنی

قالدی باشسیز قوری یرده بدنی

نجه قان آغلاماسین داش بوگون

 

سنده صحاف ایله شور و فغان

مطلبون تا ویره خلاق جهان

بو گوزل مطلعی قیل بیرده بیان

نجه قان آغلاماسین داش بو گون 

 

مرحوم صحاف تبریزی

منبع مجموعه کانالهای مدح و مرثیه

موضوع: احوالات تاسوعا و عاشورا ,
زبان شعر و شاعر: نوحه ترکی , صحاف تبریزی

-------------------------------

کوچ از قتلگاه

 

دور ای کسیلن باشی قفادن

گول پیکری پاره پاره قارداش

کوچ ایلدی دشت کربلادن

اطفالیوه ایله چاره قارداش

 

گونلر قاباقندا یاتما راحت

دور زینبه ایله بیر حمایت

برپادی بیزه بو گون قیامت

اطفالیوه ایله چاره قارداش

 

بیر دسته مجاهد لب عطشان

بو چولده اولوبلا دینه قربان

باشسیز توکولوبله قانه غلطان

اعضالری پاره پاره قارداش

 

واردور سنون اؤزگه امتیازون

بیر عمر آنام چکردی نازون

قوی بیرده اؤپوم کسوک بوغازون

فریاده گَلوم دوباره قارداش

 

جسمونده اگر چه یاره چوخدی

باشدان باشا سالم عضوی یوخدی

امّا ائویمی یخان بو اوخدی

قلبوندن اولوب نشانه قارداش

 

باخدوقجا بو پاره جسمه یانّام

ظلم آتشینه یانوب دایانّام

قانلو باشون آردیجا دولانّام

عزم ایلسه هر دیاره قارداش

 

تا دوشدی یولوم بو قتلگاهه

فریادیم اوجالدی مهر و ماهه

بو ظلم اولی هانسی پادشاهه

اولدی سنِ شهریاره قارداش

 

اجسام مقدّس شهیدان

خاکیله اولوبلا یرده یکسان

گویا که دگول بولار مسلمان

یانّام بئله وضع کاره قارداش

 

بیر سرو تک ای عزیز زهرا

قولسوز یخیلوب سو اوسته سقّا

افسوس بو چولده سندن امّا

قبری دوشه جاق کناره قارداش

 

بیر یاندا دوشوبدی چون صنوبر

صد پاره قوم اوسته نعش اکبر

لیلا یری واردی تا بمحشر

گوز یاشی توکه عذاره قارداش

 

افزون نجه اولماسین هراسیم

گردون نجه گور پوزوب اساسیم

بیر یاندا دوشوبدی جسم قاسم

گلموم نجه آه وزاره قارداش

 

آل اصغری اوخلی سینه ن اوسته

یورقوندی بالان اولوبدی خسته

بیر شربه سو تاپ او دل شکسته

عطشاندی او شیر خواره قارداش

 

سوز یتدی «صحاف» بیر مقامه

اود دوتدی الونده یاندی خامه

زینب دلیجه یتور تمامه

ای پیکری پاره پاره قارداش

 

مرحوم صحاف تبریزی

منبع مجموعه کانالهای مدح و مرثیه

موضوع: کوچ از قتلگاه ,
زبان شعر و شاعر: نوحه ترکی , صحاف تبریزی

-------------------------------

در ولادت حضرت امام حسین (ع)

 

نور خدا شد جلوه گر از روی رخشان حسین

عالم منور گشت از آن رخسارتابان حسین

 

بنهاد بر عالم قدم آن معدن جود و کرم

شد ماسوا غرق نعم از خوان احسان حسین

 

جاه و جلال و رفعتش بالاتر از فکرو قیاس

حیران عقول ماسوا در عزت و شان حسین

 

جدش حبیب کبریا بابش علی شیر خدا

مامش بود محبوبه خلاق سبحان حسین

 

فهم ضعیفان کی رسد براوج جاه و عزتش

جائیکه خلاق جهان باشد ثنا خوان حسین

 

شاهان عالم بر درش روی نیاز آرد بعجز

روح الامین جبریل شد گهوار جنبان حسین

 

گفتا رسول ممتحن من از حسینم اوزمن

خون من وخون حسین جان من و جان حسین

 

شنس الضحی بدرالدجی کشتی دین را ناخدا

خاک درش خاک شفاجانم بقربان حسین

 

شد حاتم طائی اگر اندر سخاوت مشتهر

باشد هزاران حاتمی ریزه خور خوان حسین

 

والشمس رو والیل مو ناسوتیان را آبرو

فردوس اعلی آیتی از روی رخشان حسین

 

فطرس خلاص از رنج شد ازلطف آن میر هدی

شد شامل حال همه لطف فزاوان حسین

 

درروز میلادش مرا از ماجرای کربلا

سوزیست در دل سوزدم از قلب سوزان حسین

 

فریاد از آن روزی که شد غرقه به خون خویشتن

در آن دیار نینوا لب تشنه یاران حسین

 

شد پاره پاره پیکرش جان بذل کرد اندر برش

اکبر شبیه مصطفا آن جان جانان حسین

 

شد اصغر ششماهه اش بیطاقت از سوز عطش

سیراب گشت از تیر کین آنطفل عطشان حسین

 

از دیده خون آید همی گویم کا از پا او فتاد

اندر لب آب روان سرو خرامان حسین

 

آن فخر اولاد خلیل شد گشته قوم رزیل

بر سر زنان شد جبریل از ظلم عدوان حسین

 

رخسار خون آلود خود بر خاک و خون بنهاد و گفت

آمد خدا وندابسر آن عهد و پیمان حسین

 

دارم تمنا از درت تا شیعیان عاصیم

بخشی به حال زار من ای رب رحمان حسین

 

در آن دیار پر خطر جسمش بخون شد غوطه ور

اندر سر نی جلوه گر راس فروزان حسین

 

موسی ز نطقش باز ماند عیسی دم از دم بست لب

داود ماند اندر شگفت از لحن قرآن حسین

 

آه از دمی که قوم گین آتش زد اندر خیمه ها

ره در بیابان کرد گم سر گشته طفلان حسین

 

آن شب که ره کردند گم اندر بیابان بلا

از خستگی دادند جان هر دو یتیمان حسین

 

شد محشر کبری بپا بر اهل بیت مصطفا

در قتلگه دیدند تا اطفال نالان حسین

 

تا دید آل الله را در مجلس ابن زیاد

خون جای اشگ آمد برون از چشم گریان حسین

 

با یاد شاه کربلا از خویشتن بیگانه ام

صحاف گشتم آشنا با آشنایان حسین

 

آتش کجا سوزد مرا بااین همه جرم و خطا

روز قیامت گر رسد دستم به دامان حسین

 

مرحوم صحاف تبریزی

موضوع: حضرت امام حسین (ع) میلاد ,
زبان شعر و شاعر: نوحه فارسی , صحاف تبریزی , صحاف

-------------------------------

زبانحال در قتلگاه

 

ای شمر حیا ایله خدادن 

ال چک بو غریب کربلادن

 

از بسکه دوتوبدی گوزلرون قان

قان قان دیوسن بو چولده هرآن

ظلمونده بو قدری ایتمه طغیان

شرم ایله خدای کبریادن

 

ظالم گوروسن یاراسی چوخدی

بیر صاف یری پیکرینده یوخدی

باشدان باشا زخم نیزه اوخدی

جسمنده یارا گیچوب یارادن

 

بیحالیدی ضعف ایدوب عطشدن

ال چک داخی سن بو کشمکشدن

قوی بیر گله باری حاله غشدن

گلمور نفسی دوشوب صدادن

 

بیر جسم که اولدی پاره پاره

وورمازلا اونا یاره دوباره

ساخلا الوی چکیل کناره

کسمه باشنی سوسوز قفادن

 

چوخ تشنه دی بو غریب و بیکس

باری بیر ایچیم سو ویر باشین کس

یوخدور سنه بو گون ویرن سس

بیر کیسمه اوتوزمین اشقیادن

 

جسمنده کثرت جراحت

بو یاره بو شدت جراحت

سوز عطشنده یوخ نهایت

گون ایستی اود یاغور سمادن

 

ظالم بو حبیب کبریادی

فرزند علی مرتضادی

کافر دگی سبط مصطفادی

ال چک داخی حرف نا سزادن

 

بو ایسی قوم اوسته گون دگنده

آرتار پارا سوزشی بدنده

دلدن یانوب العطش دینده

داش نیزه قلج گلور هوادن

 

بو سینه دی علم حقه مخزن

سن چکملی ایتمیسن نشیمن

دور قبلیه دوندروم یوزون من

صرف نظر ایت بو بینوادن

 

بیر جان ویره نی ایدله راحت

جان اوسته دی بو شه شهادت

انجتمه بو قدری ویرمه زحمت

گل شرم ایله جدی مصطفادن

 

حددن گیچوب اشقیا جفاسی

گور وار یارا دگمه مش هاراسی

دورت مین وورولوبدی اوخ یارسی

بیر سینیه قوم بیحیادن

 

زهرا قیزی ایتدی هر قدر داد

شمر ایلدی کینه سنده بیداد

اوج ایلدی آه و داد و فریاد

افلاکه او بنت مرتضادن

 

تا ظلم الین آچدی شمر کافر

ما بین ده حاکم اولدی خنجر

گوی اهلی گلوب نوایه یکسر

قان آغلادیلار بو ابتلادن

 

باخ سنده او عرصه قتاله

گور زینبی ایله آه و ناله

سالماز لا بیر عورتی او حاله

یان آغلا او حال غم فزادن

 

بیر کشمکش اولدی عقل حیران

زهرا قیزی اولدی قانه غلطان

دوشدی یره معجری باشندان

طاقت کسلوب او با وفادن

 

جان اوسته گوز آچدی حجت الله

گوردی باش آچوقدی عصمت الله

جوش ایلدی بحر غیرت الله

بو ظلم و جفای نا روادن

 

اوز فکرینی شه باشدان آتدی

یاددان یارا سوزشین چیخاتدی

خوندلین اشک چشمه قاتدی

صبر ایستدی زینبه خدادن

 

فرمایش ایدوب شه لب عطشان

دورما باجی بوردا دیده گریان

گیت خیمه لره چوخ ایتمه افغان

چکمز بو ستمگر ال جفادن

 

شرم ایتمه دی شمر گوز یاشوندان

سالدی یره معجرون باشوندان

ال چک بو یارالی قارداشوندان

قان ایلمه باغرون التجادن

 

(صحاف) الونده یاندی خامه

ویرمه داخی طول بو کلامه

یتمز بو مصیبت اختتامه

قان اولدی گوگل بو ماجرادن

 

مرحوم صحاف

منبع مجموعه کانالهای مدح و مرثیه

موضوع: احوالات قتلگاه ,
زبان شعر و شاعر: نوحه ترکی , صحاف تبریزی

-------------------------------

حضرت علی اکبر (ع)

 

او قلب لرده که آلِ علی محبّتی وار

علی الخصوص حسینه بیر اوزگه اُلفتی وار

 

آدی گلنده دولور دیده جامی اشگیله

سبب علاقهء دلدور ، ثبوته حجّتی وار

 

نه تک حسینی سُوَه لّر یر اهلی خورد و کبار

گوی اهلنونده همین کلمه ده شراکتی وار

 

حسین عزیزِ خدواندِ حیّ یکتادور

بولور بو سرّی او کسلر که معنویّتی وار

 

ویروب حسینیله اوز عرشنه خدا زینت

تصوّر ایله نجه گور مقامِ عزّتی وار

 

باساردی باغرینا جان تک حسینی پیغمبر

حسین مِنّی دیردی ، عجب جلالتی وار

 

چکردی نازینی دائم آناسی زهراده

ایدردی خدمت حسینه ، نقدری همّتی وار

 

آتاسی شیرِ خدا ، اوز عزیزِ جانندن

اونی عزیز دوتاردی غریبه حکمتی وار

 

همین محبّته مصداق ، حسینون اکبریدی

گورون نقدر حسینون بونا محبّتی وار

 

یتیشدی سوز یرینه ، عرض ایدوم همان خبری

بو یازدیقیم سوزه چون عُمده مدخلیّتی وار

 

یازولّا بیر نفرین امری مشگله دوشدی

گوروب مصیبتنون منتهای شدّتی وار

 

توسّل ایلدی شاهِ شهیده یالواردی

گجه گونوز نقدر دلده تاب و طاقتی وار

 

و لیک اولمادی اول مطلبی برآورده

گوتوردی بُهت ، ایشنون بولمدی نه صورتی وار

 

یاتوبدی بیر گجه گوردی حسینی رؤیاده

دوتوبدی دامنِ شهدن ، نه قدر قدرتی وار

 

کمالِ عجزیله عرض ایتدی ای شهِ عطشان

بو مُضطرون بولوسن دردِ بی نهایتی وار

 

نقدر یالوارورام ایلورم فغان و نوا

علاج دردیمه اولمور ، شها نه علّتی وار؟

 

بیوردی سرورِ لب تشنه ای حمیده خصال

منیم یانمدا هامی دعوتون اجابتی وار

 

ولی هاچان منی سن آند ویردون اکبریمه؟

قبول اولمادی عرضون؟ بیانه حاجتی وار

 

بو شاهزادیه بیزده گلون توسّل ایداخ

حسین یانندا بونون ، احترام و حرمتی وار

 

حسینه سوگلی دور بو جوانِ مه سیما

او سَرورون بونا بی انتها عطوفتی وار...

 

قسمتی از اشعارِ مرحوم صحاف

منبع مجموعه کانالهای مدح و مرثیه

موضوع: حضرت علی اکبر (ع) احوالات ,
زبان شعر و شاعر: نوحه ترکی , صحاف تبریزی

-------------------------------

ماهِ شعبان

 

گوزل بیر آیدی بو ماهِ مُعظّمِ شعبان

فضیلتنده سراسر عقول اولوب حیران

 

خدا ، حبیبنه مخصوص ایدوب بو شعبانی

جلال و شأن و شرافتده یوخدی نقصانی

 

بو آیدا ایلیه هر بنده دلدن استغفار

خطا و جُرمین ایدر عفو قادرِ غفّار

 

اگر چه لیلهء قدری خدا ایدوب پنهان

یازولّا بعضی لری بیست سومِ رمضان

 

ائمّه دن یتن اخباری ایله سن منظور

گلور اله هامی مقصودون ، اولما دل رنجور

 

همین بو نیمهء شعباندی ، لیلِ قدر و برات

ایدر بو عرضیمی اخبارِ معتبر اثبات

 

آچوبدی بابِ کراماتی خالقِ سبحان

گناهکارلره فیضین ایلسون احسان

 

جهنّم اهلنه اودّدان براتِ آزادی

ویرور خدای جهان ، وار الیمده اسنادی

 

اولان علاوه سبب ، بو آیون شرافتنه

زُفافِ حضرتِ زهرادی ، باخ جلالتنه

 

یتوب بو گونده پیمبر گوگلده منظوره

به امرِ ربّ علا ، نوری تاپشوروب نوره

 

ویروب بتول الینی مرتضی علی الینه

کمالِ وجد و شعفله قیتدی منزلینه

 

بو بیر طوئیدی بو طویدا اولوب پیمبر شاد

دیوب قضا و قدر بو طویا مبارک باد

 

گلور خیالیمه بیر طویدا ، اولدی مایهء غم

اساسِ عشرتینی ایلدی فلک بر هم

 

همان او طویدی سالوب ماسوایه شیون و شین

بلا چولنده دوتوب کربلا غریبی حسین

 

دیسم نجه طوئیدی فاطمه گلور داده

سالور یانان اورگندن شراره اکباده

 

دیسم نجه طوئیدی مصطفا آچار باشینی

توکر امامِ حسن ، جنّت ایچره گوز یاشینی

 

بو طویدا ایتدی پیمبر علینی خرّم و شاد

او طویدا ، طوی گونی دوغراندی تشنه لب داماد

 

قورولدی عرشیده بو طویدا بزمِ عیش و طرب

او طویدا آچدی باشین ، یولدی ساچلارین زینب

 

بو طویدا ویردیله انواعِ تهنیّت گَلینه

او طویدا یاخدیلا قاندان حنا ، گلین الینه

 

بو طویدا ایتدی طوی اهلی زینت و زیور

او طویدا سالدی طوی اهلی باشنا قرا معجر

 

بو طویدا ویردیله نازیله یار الین یاره

او طویدا اولدی عروسین قولاقلاری پاره

 

( اولور هر طویدا بیر بزمِ ضیافت

بو طویدا اولدی بیر اوزگه قیامت

 

شهنشاه ایلیوبدور طوی اراده

ندن بس گلمیوبدور شاهزاده؟

 

آلوبلار دوره سینی قومِ اشرار

گلنمز ، جسمین از بس دوغریبلار

 

اوزین میدانه شاهِ دین یتوردی

طویا شهزاده نین نعشین گتوردی

 

چخاندا نو عروسی پیشوازه

گلوب پیشوازنه قانلی جنازه

 

قزل قان اولدی دامادون حناسی

دوتولدی مجلسِ طوی ایچره یاسی

 

قارشدی باشلاری شور و نوایه

طویا هر کیم گلوب ، گلدی عزایه )

 

گینه فضیلتِ شعبان ایدوب منی ترغیب

ایدم بقیّهء عنوانِ اوّلی تعقیب

 

جلالِ نیمهء شعبانه بیر عمده سبب

حسین زیارتیدور ، کشف اولا گرک مطلب

 

جهانه شور سالان یا حسین حسین سسیدور

او آلتی گوشه لی قبرین بو گونده وقفه سیدور

 

بو گونکی گونده اولانلار زیارته نایل

خدای عالمیان لطفنه ایدر شامل

 

بودور خبرلرین عالمده عمده مفهومی

زیارت ایلیه هر کیم بو گون او مظلومی

 

پیمبرانِ اولوالعزم و مُرسلِ برحق

همان او شخصله ایلر مُصافحه مطلق

 

او توزلی قبرینه قویسا بیری دوداقین اگر

ملائکینِ مُقرّب دوداقلاریندان اوپر

 

خوشا او کسلرین احوالنه ، اولوب زوّار

حسین قبرینین اطرافینه چکوبله حصار

 

یانالّا شاهِ شهیدون ملال و غملرینه

قویولّا یوزلرینی اکبرین قدملرینه

 

غریبه گوندی ، گوزل وقفه ، خوش سعادته باخ

او تَحتِ قُبّه ده حاضر اولان جماعته باخ

 

بیری حرم قاپوسندا ، افسرده حال و ملول

اوخور حزین حزین ، آغلار گوزیله اذنِ دخول

 

بیری اجازه ویرور پیشِ روده گوز یاشنا

طواف ایدور بیری ششگوشه قبرینون باشنا

 

دولوب حسین حرمی شیون و فغانیله

ویروبله سس سسه بیر جمع ، نوحه خوانیله

 

بیزه که اولمادی قسمت ، قویاخ ضریحینه اوز

همین بو حسرته قان آغلاروخ گیجه گوندوز

 

گَلون بو گونده ایداخ بلکه بیزده اخذِ مرام

ویراخ بو یردن او مظلومِ تشنه کامه سلام

 

سلام اولا سنه ای ظلم الیله قانه باتان

سلام اولا سنه ای کربلا یرینده یاتان

 

سلام اولا سنه ای نحرِ انوری منهور

سلام اولا سنه ای سینه سی اولان مکسور

 

سلام اولا سنه ای ظلمله سولان چمنی

قوری یر اوسته قالان اوچگون اوچ گیجه بدنی

 

سلام اولا سنه ای عترتین گوزوندن آتان

تنورده یارالی باشیله کول اوسته یاتان

 

سلام اولا سنه ای عالمی قویان حیران

او قانلی تربته اولسون آتام آنام قربان

 

ئولونجه دوشمز حسینون گوزل آدی دلدن

چتین بو سس کسیله حشره دین محافلدن

 

وظیفه ایلمیشم چون بو مطلبی اوزومه

ویرم امامِ زمانیله خاتمه سوزیمه

 

زبانا" ایستورم عرض ایلیم اورک سوزینی

بو گون تیکوب هامی عصرین امامنه گوزینی

 

نقدر پردهء غیبتده دور او نورِ هدا

محالدور اولا یر یوزینده صلح و صفا

 

تولّدنده او شاهون بیر اوزگه عالَم اولوب

مقرّبینِ خداوند ، شاد و خرّم اولوب

 

بو گونده صبح زمانی او عصر سلطانی

قدم جهانه قویوب ، کونی ایتدی نورانی

 

بیله تجلّی ایدوب جلوهء جمالِ خدا

ایشقلی گون کیمی تا سالدی شرق و غربه ضیاء

 

قویوبدی سجدیه باش ، مظهرِ صفات الله

بیوردی اشهد ان لا اله الا الله

 

او دمده جدّینون اقرار ایدوب رسالتینه

علی ولیّ خدا مرتضی ولایتینه

 

سایوبدی بیر بیر اجداینون وصایتینی

مقامِ عزّتنی شوکت و جلالتینی

 

یتوردی اوز آدینا ، دولدی خونِ دل گوزینه

حضورِ حقّده ویردی ادامه حق سوزینه

 

دئدی الهی اوزون وعده ویرموسن منه سن

منیله دولدوراسان یر اوزین عدالتلن

 

یتور او ساعتیمی تیز ای خدای بی همتا

بو یر یوزینده ایدوم شورِ محشری برپا

 

فغان و شیونیله لرزه نُه رواقه سالوم

بلا چولنده آخان قانلار انتقامین آلوم

 

نه وقته دین قالاجاخ یرده جدّیمون قانی

بتولین اوج ایده جاخ جنّت ایچره افغانی

 

مین اوچ یوز ایلدی اودور حجّتِ خدای جهان

گزر مدام الی قوینوندا چوللّری حیران

 

سرشک حسرتینی سیل تک یوزه باغلار

غریب جدّینه چوللرده صبح و شام آغلار

 

دیر زمان منی تأخیره سالدی یا جدّا

اولانمادیم سنیله گر چه روزِ عاشورا...

 

اشعار داخل پرانتز از مرحوم ذلیل می باشد.

مرحوم صحاف تبریزی

منبع مجموعه کانالهای مدح و مرثیه

موضوع: سایر موضوعات ,
زبان شعر و شاعر: نوحه ترکی , صحاف تبریزی , صحاف , ذلیل تبریزی

-------------------------------

در احوالات حضرت زهرا (سلام الله)

 

سالاندا یاده غم اهلبیت اطهاری

 یوزه گوزوم یاشی بی اختیار اولور جاری

 

خصوص آلاندا بتولین مصیبتین نظره

 تصور ایلدیقیم حال اود سالور جگره

 

ایدور او نوعی منی غرق بحر درد و ملال

 آخار عذاریمه بی اختیار اشک زلال

 

او گونکه قویدی جهانه قدم او کان حیا

اولوب انیسی بلا همدمی فغان و نوا

 

تمام عمرینی اون سکز ایل ایدوبله رقم

چکوب آز عمریله عالمده چوخ مصیبت و غم

 

توکولدی اوستنه بیر نوع محنت و آلام

 گونوزلره توکولیدی اولوردی لیل ظلام

 

با شی آیلمادی بیر لحظه شور غوغادن

شهیده گیتدی گیدن وقت دار دنیادن

 

گلوب عمواوغلی سی جان تاپشوران زماننده

 گوزینی آچدی گوروب مرتضانی یاننده

 

اوجالدی ناله سی دلدن سپهر مینایه

وصیت ایتدی نچه سوز علی اعلایه

 

دیدی عم اوغلی گیجه وقتی غسل ویرمنه سن

جنازم اوستنه قویما قدم قویا دشمن

 

عمل وصیتنه ایلدی او شاه زمن

گوتوردیلر گیجه وقتی جنازه نی یردن

 

گیجه زمانی قرانلوق علی ده باخ صبره

 یتوردی حضرت زهرا جنازه سین قبره

 

همینکه فاطمه دفنیندن اولدی فارغبال

 او آز جماعتی قیتردی شاه عرش جلال

 

 زبس قرارینی آلمیشدی فرقت زهرا

 کنار قبرده اگلشدی دلده آه و نوا

 

چکوبدی جان کیمی زهرا مزارین آغوشه

او قدری دل دیدی دلدن دوشوب گیدوب هوشه

 

آپاردی هوش او شهی غصه دن سسی باتدی

 خیال فاطمه نی سانما باشدان آتدی

 

همان او حالده رویاده گوردی زهرانی

 سپهره اوج ایلیوب آه و داد و افغانی

 

کمال حسرتیله مرتضایه بیر باخدی

شرار آه دلی کونی یاندوروب یاخدی

 

دیدی عم اوغلی بو نه خواب استراحتدور

یتیم اوشاقلاریما ایندی مین قیامتدور

 

عذاره سیل سرشگون عم اوغلی باغلاما چوخ

اوزون هلاک ایلیوب قبریم اوسته آغلاما چوخ

 

اوزون بو مطلبه عالم سن ای امام زمن

هنوز دویمامیشام اوز بالالاریمدان من

 

فلک آرایه عجب سنگ تفرقه سالدی

 گیدوب سوراق ایله گور هاردا زینبیم قالدی

 

دایانما سرعتله دودمانه قیل رجعت

اگر چه یا علی زحمتدی قوی منه منت

 

حسینیم ایندی اولوب خواب نازدن بیدار

آناسین آختاروری ای شهنشه ابرار

 

حسینیم آغلاسا افلاکه شیونیم دایانور

همیشه روحیم عم اوغلی حسینلن دولانور

 

بیله خیال ایلمه کسمشم علاقه می من

 حسینی چوخ سورم یا علی اوزون بلوسن

 

آنا دیور دولانور گوزیاشی آخور یوزینه

 فدادی روحیم حسینون او آغلیان گوزینه

 

اماندی قویما ویره چوخ اجازه گوزیاشینا

 منیم یریمه محبتله چک الون باشنا

 

گوزون گوتورمه داخی نورهردو عینمدن

 خصوص زینب و کلثومیله حسینمدن

 

اولاردان اوتری قبول ایتدیم هر مصیبتی من

مباد غملنه دلدن حسینمیله حسن

 

بیر آن اولمادی خدمتلرینده منده قصور

اولاردان اوتری من اولدوم یهودیه مزدور

 

دیدیم نقدر چکم غصه جانه منتدور

حسین خدمتی سرمایه شرافتدور

 

هامی بلالرینی خسته جانمه آلدیم

 اولاردان اوتری من اوچ گونلریله آج قالدیم

 

اوقدر غصه چکوب غنچه گل کیمی سولدیم

 قاپوم یاناندا قولوم سندی غصه مرگ اولدیم

 

دوزوب مشقته عزت لباسنی سویدوم

 جوانلیقیمدا عم اوغلی حیاتدن دویدیم

 

بالالاریم ییری وار روز شب گله داده

النجه آغلیالار بیر بو قلبی ناشاده

 

ایدوب نوا دیه لر درد و غم چکن آنا وای

زمانه ده یوزی هر لحظه گلمین آنا وای

 

اله گتورمدی بو روزگار مطلبمی

 یریمده نایبه قویدوم بلالی زینبمی

 

او دا منیم کیمی عالمده چوخ بلایه دوشر

 حسینمیله یولی دشت کربلایه دوشر

 

او چولده رنگ ملال و مصیبته بویانور

 یاناندا خیمه لری آهی گویلره دایانور

 

حسین یتیمه لرین بیر به بیر یقار باشنا

 ویرر اجازه او صحراده قانلی گوز یاشنا

 

الولا معجرینی ساچلارین سالور یوزینه

 سپاه کوفه و شام ایتمز اعتنا سوزینه

 

الهی لطفویله بو شب وفات بتول

 بو جزئی خدمتی اوزون گل ایله قبول

 

حسین قبرینه ایسته صحاف بی یاری

 بو نوحه خوانله اولسون او قبر زواری

 

 مرحوم صحاف

موضوع: حضرت فاطمه زهرا (س) احوالات ,
زبان شعر و شاعر: نوحه ترکی , صحاف تبریزی

-------------------------------

زبانحال حضرت امام موسی کاظم (ع)

 

گل ننوعی گور درد فرقتون

ایلیوب منی باغریقان اوغول

 

تئز یتور اؤزون آز قالور وئرم

حسرتیله زنداندا جان اوغول

قویما چوخ منی ناگران اوغول

 

اون بیر ایلدی هارون بی حیا

ایلیوب وطندن منی جدا

مونسیم اولوب شیون و نوا

همدمیم بو مدّت فغان اوغول

 

یانّام آغلارام ایلرم فغان

یوخدی بیر نفر حالیمه یانان

صبح و شام اولور گوز یاشیم روان

وار نه چارم ای مهربان اوغول

 

گر چه بو غمیله خوشام اؤزوم

لیک هجریوه دلده یوخ دؤزوم

وار سنه بو جان اوسته چوخ سؤزوم

بیر به بیر ائدوم گل بیان اوغول

 

گل دویونجا بیر عطریوی آلوم

حسرتیله قول بوینووا سالوم

اولما راضی حسرتده من قالوم

آخرین نفسده جوان اوغول

 

غصّه دن سولوب رنگ صورتیم

عارضه آخار اشک حسرتیم

بو ملال و رنج و مصیبتیم

قویموب اؤرکده توان اوغول

 

ائتمرم عبث من بو قدری داد

وار بو داد و آهیمده امتداد

ایلدوقجا جدّیم حسینی یاد

غم ائدر منی باغریقان اوغول

 

جان وئرنده سلطان کربلا

آلدی دوره سین قوم اشقیا

بسکه جسمینه ووردولار یارا

اولدی قانی سو تک روان اوغول

 

دوندروبله آلقانه گوز یاشین

کسدیلر قفادن سوسوز باشین

گلدی باجیسی تاپدی قارداشین

گون ائوینده بی سایبان اوغول

 

قانلو نعشینه باخدی آغلادی

سیل اشکی رخساره باغلادی

سوز آهیله سینه داغلادی

کاش اولیدی ویران جهان اوغول

 

صبح و شامی «صحاف» ائدر نوا

صدقیله دوتار جدّیمه عزا

اجرینی اونون ایلسون عطا

خالق زمین و زمان اوغول

 

مرحوم صحاف تبریزی

منبع مجموعه کانالهای مدح و مرثیه

موضوع: حضرت امام موسی کاظم (ع) احوالات ,
زبان شعر و شاعر: نوحه ترکی , صحاف تبریزی

-------------------------------

احوالات حضرت فاطمه زهرا (سلام الله)

 

نه شور قیامت بو نه ماتم نه عزادی

سکّان سَماوات و زمین نوحه سُرادی

 

دریای مصیبت متلاطم دی دمادم

مستغرق طوفان بلا آل عبادی

 

ریحانۀ پیغمبر ئولوب، عالم اسلام

ماتم زدۀ دخترِ محبوبِ خدادی

 

عرشه اوجالوب شور و نواسی حَسَنَینین

باخ بیر آنا وای ناله سینه گور نه صدادی

 

بیر فاطمه که مریم و سارادی کنیزی

محشر گونی محتاج اونا هر شاه و گدادی

 

انصافیدی قالسون در و دیوار آراسیندا

گُل تک بویانا قانه بو نه ظلم و جفادی

 

اود ووردیلا درگاهینه بیشرم جماعت

رحم ائتمدیلر یاسلیدی مشغول عزادی

 

یاندی قاپوسی سندی قولی محسنی ئولدی

قان اولسا گوزوم یاشی بو ماتمده سزادی

 

بیر عورتین اون سگّیز ایل عمری اولا یا رب

قَدّی بوکولوب زلفی آغارسون نه قضادی

 

زهرانی گئجه وقتی علی ایلدی مدفون

حشره کیمی نسگل بیزه یو سِرِّ خفادی

 

یا صاحب الاسلام آنان فاطمه قبری

ایتگین قالا مین اوچ یوز ایلی بو نه روادی

 

بو ماتم صِدّیقۀ کُبرادی بو گونده

قان آغلا اَبَاالفضله گوزوم خَتم عزادی

 

زهرایه قیامت گونی اسباب شفاعت

بیر جُفت کسوک اَللّری بیر قانلی لِوادی

 

هر چند گُنه کاریدی ((صحّافِ)) دِل افکار

یوخدور غمی چون خادم شاه شهدادی

 

مرحوم صحاف

منبع مجموعه کانالهای مدح و مرثیه

موضوع: حضرت فاطمه زهرا (س) احوالات ,
زبان شعر و شاعر: نوحه ترکی , صحاف تبریزی

-------------------------------

احوالات حضرت زهرا (سلام الله)

 

ای حق علینی غصب ایدنلر ناحق خلیفه نصب ایدنلر

گر بوشلاماسوز شه ولانی زیر و زبر ایلرم جهانی

 

آند اولسون او ذات ذوالجلاله بیر مو کم اولا علی باشندان

افلاکی تزلزله گتورّم من زلفیمی ایلرم پریشان

ویرمز سیزه بیر دقیقه مهلت جوشه گَلی بحر قهر یزدان

ای حقّ علینی غصب ایدنلرناحقّی خلیفه نصب ایدنلر

 

پیراهن مصطفی باشمدا عرض ایلرم ای خدای ذوالمنّ

عزّتده مگر سنون یانوندا صالح دوه سیندن اَسگیگم من

یا ناقه ی صالحین بالاسی آرتوقدی حسینیله حسندن

ای حقّ علینی غصب ایدنلرناحقّی خلیفه نصب ایدنلر

 

هر غاصب اولان حقوق حقّه بیر جامعیه امین اولانماز

هر تابع اولان هوای نفسه بس رهبر شرع و دین اولانماز

مخلوق سِچن خلیفه هرگز پیغمبره جانشین اولانماز

ای حقّ علینی غصب ایدنلرناحقّی خلیفه نصب ایدنلر

 

شرم ایتمیوب ای منافق امّت پوزدوز نه تیز انتظام دینی

مخلوق سِچن خلیفه ایلر پاشیده امور مسلمینی

قول باغلی ندندی ساخلیوبسوز مسجدده امیر مومنینی

ای حقّ علینی غصب ایدنلرناحقّی خلیفه نصب ایدنلر

 

پیغمبری قبره قویمامش سیز باشدان هامی فکر دینی آتدوز

شورایه سقیفیه یغشدوزدنیایه گوزل بو دینی ساتدوز

بو منبر ختم الانبیایه آخِر کیمی سیز گورون چخاتدوز

ای حقّ علینی غصب ایدنلرناحقّی خلیفه نصب ایدنلر

 

ای ابن ابی قحافه آیا محبوب خدا شه رسالت

قرآنیله باهم اهل بیتین تاپشورمادی بس سیزه امانت

امرین نه تیز ایلدوز فراموش ایتدوز او امانته خیانت

ای حقّ علینی غصب ایدنلر ناحقّی خلیفه نصب ایدنلر

 

فکر ایتمیون ای وفاسیز امّت من ایمدی علیدن اَل گوتورّم

اللهیمه ایلرم شکایت حقّه سوزیمی بو گون یتورّم

آلّام اَله معجری باشیمدان دنیانی تزلزله گَتورّم

ای حقّ علینی غصب ایدنلر ناحقّی خلیفه نصب ایدنلر

 

بیر یاده سالون غدیر خمّی امر حقیله شه رسالت

آلدی اَلی اوسته بو علینی نصب ایتدی خلافته او حضرت

کیمدور بو علیدن اوزگه کیمسه شایسته ی منصب خلافت

ای حقّ علینی غصب ایدنلر ناحقّی خلیفه نصب ایدنلر

 

ای شرمسیز امّت جفاجو ظلموز او یره بو گون دایاندی

بی اذن ایویمه اولاندا داخل ظلم آتشینه قاپومدا یاندی

سقط اولدی بالام بو ماجرادن رنگ غمه زینبیم بویاندی

ای حقّ علینی غصب ایدنلر ناحقّی خلیفه نصب ایدنلر

 

سالدوز ایله بیر فشار ظلمه بیر یاسلی عزالی مبتلانی

قرآن کیمی ایلدوز لگدکوب بو مُهجه ی قلب مصطفانی

تا مسجده بیعته گَتیردوز قول باغلی علیّ مرتضانی

ای حقّ علینی غصب ایدنلر ناحقّی خلیفه نصب ایدنلر

 

مرحوم صحاف

منبع مجموعه کانالهای مدح و مرثیه

موضوع: حضرت فاطمه زهرا (س) احوالات ,
زبان شعر و شاعر: نوحه ترکی , صحاف تبریزی

-------------------------------

زبانحال حضرت امام حسین (علیه السلام)

در وداع با حضرت زینب (سلام الله)

 

ساعت موعود و هنگام شهادتدور باجی

جان ویروب کام آلماقا وقت تجارتدور باجی

 

ایتمیشم جانانیله اوّلده بیر بیع و شری

وصلنه اولسون بوغازیمدن آخان قانیم بها

قوی گیدوم عشقیله حقّون ایلیوم حقّین ادا

سرعتیم بو امره چوخ فیض سعادتدور باجی

 

ایستدی محو ایلسون ناحقّلر حقون حقین

رأیت دینی یخوب ورسون ضلالت بیدقین

منده جان ویرماقدا گوردوم شرع انور رونقین

عمده مقصودیم بو گون دینه حمایتدور باجی

 

دمبدم سینای دلده جلوه ائیلر نور حق

جلوه گاه عشقده اولموش وجودیم طور حق

من کلیم اللهی ایتدیم طورده منظور حق

ورد و ذکریم ربّ اَرِنی دن عبادتدور باجی

 

بو گونون اوضاعنه حاکیدی قرآن مجید

کاف و هایا عین و صاد اولموش منیله مستفید

کاف عبارت کربلادن ها هلاکت یا یزید

عین عطشدن صاد صبریمدن اشارتدور باجی

 

سن ازلده هر بلایه ائتمسن شرکت منه

ائیلرم صبری وصیّت ای باجی منده سنه

ورسالار قمچی تظلّم ائتمه هرگز دشمنه

هر مصیبتدن چتین طعن و شماتتدور باجی

 

گر چه عطشان جان ویروب عبّاس و عون و جعفریم

قطعه قطعه دوغرانوب جدیم شبیهی اکبریم

اوخلانوب قنداق ایچینده شیر خواره اصغریم

سودیگیم خوش منده ده اوندان بشارتدور باجی

 

یتمگه قرب وصال یاره بسکه دلخوشام

زخمدن گلشن کیمی آچسا وجودیم گل خوشام

سنده اولسان بو بلالی گلشنه بلبل خوشام

چون سنون عشقون منه مالا نهایتدور باجی

 

آغلاماسینون غمیله شمر داغلار آغلاسان

قوللّارون مندن صورا ظلمیله باغلار آغلاسان

حالوه دشمنلریم رحم ائیلر آغلار آغلاسان

تا حیاتون وار سنه هر آن قیامتدور باجی

 

سینمی دورت مین خدنگه شامیان آماج ایدر

باشمی زیب خدا خرگاهمی تاراج ائدر

بانوان عصمتی بیر معجره محتاج ائدر

آل سفیانون خیالی قتل و غارتدور باجی

 

نیزه باشندا کسوک باشیم باجی قرآن اوخور

قصّه اصحاب کهفی هر زمان هر آن اوخور

وَجهُهُ یَبقی وَ کُلُّ مَن عَلَیها فان اوخور

اهل حقّه دائما ذکریم تلاوتدور باجی

 

جسممی قرآن کیمی اوراق ائده لّر بند بند

قانمی توپراقلارا مسحوق ائدر سُِمّ سمند

گوز یاشیله غم یمه ((صحّاف)) ایدر شیرازه بند

شغلی آه و ناله مقصودی زیارتدور باجی

 

مرحوم صحاف

منبع مجموعه کانالهای مدح و مرثیه

موضوع: حضرت امام حسین (ع) وداع ,
زبان شعر و شاعر: نوحه ترکی , صحاف تبریزی

-------------------------------

زبانحال حضرت رقیه (سلام الله)

 

عمّه وار بۇ باشدا، بیر غریبه منظر

گؤزلری بابامێن، گؤزلرینه بنزر

بۇ قانا بلشمیش باش

آغلۇرێ تؤکۆر قانیاش

قطره  قطره عمّه

 

قلبیمی بۇ حالی، گتدی درده عمّه

آخدێ اشگ آلێم، رنگ زرده عمّه

قان دۇتۇب جمالین، پرده پرده عمّه

بۇ قانا بلشمیش باش

آغلۇرێ تؤکۆر قانیاش

قطره قطره عمّه 

 

وار بۇ باشدا عمّه، بسکی کاری یاره

ائیلییب جبینی، سنگ پاره پاره

آغلاسام یئری وار، قان بۇ وضع کاره

بۇ قانا بلشمیش باش

آغلۇرێ تؤکۆر قانیاش

قطره قطره عمّه 

 

بۇ باشێ گؤرندن، چێخمێشام اؤزۆمدن

تؤکمۆشم عوذاره، خون دل گؤزۆمدن

ایندی اوْلمۇشام من، نااۆمۆد اؤزۆمدن

بۇ قانا بلشمیش باش

آغلۇرێ تؤکۆر قانیاش

قطره قطره عمّه 

 

وار بۇ باشێن عمّه، ذوقیله صفاسی

جلب ائدر قلوبی، وجه حقّ نماسی

حئیف اوْلا کی واردور، اوْن ایکی یاراسێ

بۇ قانا بلشمیش باش

آغلۇرێ تؤکۆر قانیاش

قطره قطره عمّه 

 

وار بۇ باشدا عمّه، جدّیمه شباهت

حوْسن عاریضینده، حئیدری شجاعت

کیم گؤرۆب اوْلا بیر، باشدا بۇ ملاحت

بۇ قانا بلشمیش باش

آغلۇرێ تؤکۆر قانیاش

قطره قطره عمّه 

 

گۆل یۆزۆنده عمّه، قطره  قطره قان وار

سجده گه ده نئچچه، داش ایلن نیشان وار

لبلرینده زخم چوب خئیزران وار

بۇ قانا بلشمیش باش

آغلۇرێن تؤکۆر قانیاش

قطره قطره عمّه 

 

مرحوم صحاف

منبع مجموعه کانالهای مدح و مرثیه

موضوع: حضرت رقیه (س) زبانحال ,
زبان شعر و شاعر: نوحه ترکی , صحاف تبریزی

-------------------------------

احوالات روز عاشورا

 

نئجه قان آغلاماسین داش بو گون

کسیلیب یتمیش ایکی باش بو گون

 

توکولوب توپراقا باشسیز شهدا

کربلا دشتی اولوب کوه منا

موج اید‌ر قانیله دریای بلا

نئجه قان آغلاماسین داش بو گون

 

بو همان گوندی باتوب یاسه جهان

بویانوب قانه سوسوز پیر و جوان

انبیالر باش آچوب آغلوری قان

نئجه قان آغلاماسین داش بو گون

 

بو همان گوندی سولوب دین چمنی

سارالوب سرو و گل و یاسمنی

قطعه قطعه اولوب اکبر بد‌نی

نئجه قان آغلاماسین داش بوگون

 

وئردی لیلایه خبر شاه زمن

اکبرون گلدی، گل ای کان محن

بیر عبانین دوولوسی قانلی بد‌ن

نئجه قان آغلاماسین داش بوگون

 

طوی دوتوب قاسمه شاهنشه دین

ائتدیلر بزم عزا حجله‌گهین

یاخدی قانیله حنا تازه گلین

نئجه قان آغلاماسین داش بو گون

 

نئجه طوی ناله سماواته سالوب

ناله داماد آناسیندان اوجالوب

بدنی آتلار ایاقینده قالوب

نئجه قان آغلاماسین داش بوگون

 

«حرمله» آلدی اله تیر و کمان

اصغرین حلقین ایدوب تیره نشان

ایچدیروب سو یئرینه قرمزی قان

نئجه قان آغلاماسین داش بو گون

 

کسدی اشرار دنی سو یولونی

تشنه سقّانون آلوب ساغ سوولونی

هم ساغین سالدیلار هم سول قولونی

نئجه قان آغلاماسین داش بوگون

 

سالدی دنیایه شرر شمر دَنی

کسدی عطشان سر شاه زَمَنی

قالدی باشسیز قوری یرده بد‌نی

نئجه قان آغلاماسین داش بوگون

 

سنده (صحّاف) ائله شور و فغان

مَطلَبون تا وئره خلّاق جهان

بو گوزل مطلعی قیل بیرده بیان

نئجه قان آغلاماسون داش بو گون

 

مرحوم صحاف

منبع مجموعه کانالهای مدح و مرثیه

موضوع: احوالات تاسوعا و عاشورا ,
زبان شعر و شاعر: نوحه ترکی , صحاف تبریزی

-------------------------------

بسته شدن راه فرات

 

گَل عمو باخ قوریان لبلریمه

تشنه جان اوسته قالان اصغریمه

آل بو مشکی قوی فرات اوسته قدم

قویما یانا اهل حرم

 

باغلیوب سو یولونی قوم ستم

دولدوروب خیمه لری محنت و غم

سوسوزوندان یانوری اهل حرم

آل بو مشکی قوی فرات اوسته قدم

 

ایتمرم داد و فغان اوز باشیما

قاریشوب خون دلیم گوز یاشیما

آغلورام بو سود امر قارداشیما

آل بو مشکی قوی فرات اوسته قدم

 

رحم سیزلرده نه انصافیدی بو

آخا صحرالری سیراب ایده سو

اصغریم جان ویره لب تشنه عمو

آل بو مشکی قوی فرات اوسته قدم

 

تشنه لیق اصغری بیر حاله سالوب

طاقتین سوزِ عطش اَلدن آلوب

گل کیمی رنگی سوسوزدان سارالوب

آل بو مشکی قوی فرات اوسته قدم

 

آناسی اصغره باخدوقجا یانور

گوروری یوخ سودی، لابد دایانور

خیمه گاهی سودان اوتری دولانور

آل بو مشکی قوی فرات اوسته قدم

 

دردینون سعی ایدوری چاره سینه

تاپموری چاره جگر پاره سینه

توکوری گوز یاشی گهواره سینه

آل بو مشکی قوی فرات اوسته قدم

 

اللرینده شهدا قیزلاری جام

آلوب اطرافیمی گوز یاشلی تمام

سنی سقّا ایدوب اطفاله بابام

آل بو مشکی قوی فرات اوسته قدم

 

گرچه غم گلشنینون بلبلیم

اکبرین خواهر شیرین دلیم

چون بولولّر سنه من سویگلیم

آل بو مشکی قوی فرات اوسته قدم

 

بو قوری مشکه باخوب داد ایدرم

یانارام، ناله و فریاد ایدرم

سو امیدیله گوگل شاد ایدرم

آل بو مشکی قوی فرات اوسته قدم

 

اولا سقّا آدون ای کان وفا

خوردا قیزلار قالا عطشان نه روا

خیمه لردن اوجالا عرشه نوا

آل بو مشکی قوی فرات اوسته قدم

 

آغلا «صحّاف» بو غمده مه و سال

صفحه ی عارضه توک اشک زلال

روز و شب بو سوزی دلدن دله سال

آل بو مشکی قوی فرات اوسته قدم

 

مرحوم صحاف

منبع مجموعه کانالهای مدح و مرثیه

موضوع: احوالات فرات ,
زبان شعر و شاعر: نوحه ترکی , صحاف تبریزی

-------------------------------

در مدح حضرت رسول اکرم (صلی الله)

 

یا ربنّا صلّ علی محمد

بَدرُ الدُّجی ، شمسُ الضُّحی محمد

صل علی محمد و آل محمد

 

علتِ غائیّ تمامِ عالم

اشرفِ انبیا ، رسولِ اکرم

باعثِ خلقتِ خلیل و آدم

مظهرِ ذاتِ کبریا محمد

یا ربنّا صل علی محمد...

 

مقامینی درک ایده بولمز ادراک

گر اولماسیدی بو امیرِ لولاک

نه آی نه گون ، نه خلق اولوردی افلاک

وجودی زینتِ سما محمد ص

یا ربنّا صل علی محمد...

 

جهانی چولقامشدی کفر و ظلمت

ایدردیلر هامی بُته عبادت

طلوع ایدوب او نیّرِ هدایت

سالوبدی گون کیمی ضیاء محمد ص

یا ربنّا صل علی محمد...

 

نه نوعی وصف ایدوم بو شاهِ دینی

بو قدر وار علیدی جانشینی

نجه علیدی ، دینِ حق معینی

اوزی اونی ایدوب ثنا محمد

یا ربنّا صل علی محمد ...

 

یگانه دختِ شهریارِ بطحا

حبیبهء خدا بتولِ عذرا

حسینیله حسن آناسی زهرا

اونا اوزین ایدن فدا محمد ص

یا ربنّا صلِ علی محمد...

 

بو خانوادیه سبب محقق

جهانی خلق ایدوب خدای برحق

بولاردی نورِ پاکِ حقّ مطلق

سرورِ قلبِ مصطفی محمد

یا ربنّا صل علی محمد...

 

محبّ اولان رسولِ عالمینه

دوتار عزا بو شمسِ مشرقینه

آدی گوزل ، اوزی گوزل حسینه

اولور او شیعه دن رضا محمد ص

یا ربنّا صل علی محمد ....

 

حسین ، حبیبِ ذاتِ کبریادی

حسین عزیزِ ختمِ انبیادی

حسین نجاتِ امّته فدادی

حسین سفینه ، ناخدا محمد ص

یا ربنّا صل علی محمد ....

 

اولان محبّ خاندانِ عصمت

تاپار (صحاف) ایکی جهاندا عزّت

حسینه صدق اوزیله ایله خدمت

اولا سنیله همصدا محمد ص

یا ربنّا صل علی محمد ...

 

مرحوم صحاف تبریزی

منبع مجموعه کانالهای مدح و مرثیه

موضوع: حضرت محمد (ص) مدح ,
زبان شعر و شاعر: نوحه ترکی , صحاف تبریزی

-------------------------------

احوالات خروج امام حسین (ع)

از مدینه به مکه و

گریز به خروج از مکه

 

گنه قراریمی شوق رخ نگار آپارور

امید وصل یتر دلدن اختیار آپارور

 

چمنده بلبل شیدا دیمه عبث دولانور

اونی گلین یاننا عشق آه و زار آپارور

 

شکسته بال وپرین شاخه وگل اوسته دوشر

کمال لذتیله خط وصل یار آپارور

 

حجاز لحننی ساز ایلیوب فصاحتله

صفای قلبله بیر سیر مرغزار آپارور

 

مکانی شاخه و گل دلده شور عشق افزا

نه آفت گل و نه فکر روزگار آپارور

 

دوتوب ترانه سی یکسر سراچه چمنی

کوگلده کی کدرین سیر جویبار آپارور

 

خزان اولاندا گیدر صبر وطاقت بلبل

اسر سموم گلین عطری هر نه وار آپارور

 

چمن سولار سارالور گلشنون گیدر حُسنی

طراوت گلی بو چرخ کجمدار آپارور

 

هزاره اوز باشنا ترک گلستان ایلمز

اونی کناره چمندن فشار خار آپارور

 

باخون حسینه نچه پرشکسته بلبل تک

جفا الی وطنندن ایدوب کنار آپارور

 

عزیز فاطمیه بسکه عرصه تنگ اولدی

شه حجازی عراقه همان فشار آپارور

 

حرملرین باجسین خوردا قزلارین گوتوروب

اوز اختیاری دگل جور بیشمار آپارور

 

محمد حنفیه اولوبدی مستحضر

که قارداشی گیدوری خورد و هم کبار آپارور

 

اوزین یتوردی حضور امامه عرض ایلدی

بویور بو نوع سنی هانسی اعتبار آپارور

 

فدا اولوم سنه گل گتمه کوفیه قارداش

جلالون ایلر عراق اهلی تار مار آپارور

 

آتام کیمی سنیده الدوروله اهل عراق

اگر چه نامه لر ایلوب امیدوار آپارور

 

اگر اوزون گیدیسن گیت آپارما اهل حرم

حرم آپارماقون الدن آلور قرار آپارور

 

حرملرون باجیلار قوی مدینه ده قالسون

سنی که جذب ایلیوب جلوه نگار آپارور

 

جوانلارون بلورم بند بند دوغرالار

اسارته حرمون شمر نابکار آپارور

 

سکینه رحم ایله هاردا گوروب حسین 

سیلی دوتوم یانندادی عباس نامدار آپارور

 

که قورخورام سالالار قولارین ابوالفضلون

بو سوز خیاله گلور الدن اختیار آپارور

 

مدینه دن گیدیسن اوزگه بر ولایته گیت

اگر حسین سنی بو حالت فکار آپارور

 

فرنگه گیت سنه چوخ احترام ایللر

سنیله فخر بسی اهل زنگبار آپارور

 

بویوردی چاره سی یوخ اختیار اوزومله دگل

منی عراقه طرف حکم کردگار آپارور

 

حبیب بیله سووب تشنه قانمه بویانام

اودور حسینوی شوق لقای یار آپارور

 

گرک اسیر اولا حق ایستیوب باجیم زینب

یانجا شامه طرف بر بُلوک قطار آپارور

 

خرابه لرده گرک جان ویره رقیه قیزیم

اونی دمشقه همان تربت مزار آپارور

 

امام عصر بویوردی که صبر ایله قارداش

چتندی هجر غمی لیک اصطبار آپارور

 

خلاصه هادی عالم اولوب روانه راه

حرملرین باجسین بیله بلمه خوار آپارور

 

زرینه دوزیدی اورتوکلری کجاوه لردن

جلال و شوکتله شاه کامکار آپارور

 

خانم باجلارینی مندورر کیجاوه لره

دیزین خم ایلوری عباس جان نثار آپارور

 

قلجلار الده جوانان هاشمی یکسر

نچه مجلله بانوی با وقار آپارور

 

آناسی لیلنی هر یرده شبه پیغمبر

مننده محمله ایلور اوزی سوار آپارور

 

سریه نون باشنا قاسمی دونر دولانور

نه عزتیله آناسین او گل عذار آپارور

 

رباب اصغرینی گل کیمی اوپر ایگلر

نشانه حرملیه طفل شیر خوار آپارور

 

اتور یره قوجاقندان اوزین علی اصغر

معاینه هوس تیر جانشکار آپارور

 

قضا قباقه دوشوب پای قتله سرعتله

او کاروانی چکور لیل و النهار آپارور

 

خلیل وارثی نا، یتدی کعبه عشقه

نه کعبه کعبه او کعبیله افتخار آپارور

 

او وقت اولوب که تمامی فدالرین ویردی

او وقتی یاد ایلدوقجه دل انزجار آپارور

 

اوزیده ویردی سوسوز جان منای عشقنده

جداده شامه باشین فرقه و شرار آپارور

 

حرملری هاموسی زینب آردیجان اما

جوانلارین اوزی سلطان کامکار آپارور

 

جدا باشندا باشی بیر مه منور تک

سالوب دالنجا نچه باش نجوم وار آپارور

 

گوتورموری گوزینی بیر دم اهل بیتندن

همیشه تحت نظرده او شهریار آپارور

 

گهی باخاندا آخور قانلو گوزلریندن یاش

گورنده قیزلارینی دشمن اشکبار آپارور

 

ووراندا باشلارینا تازیانه اهل ستم

امان کبارلره چاره سیز صغار آپارور

 

ولی تمامنه پشت پناهیدی زینب

کیمه امان بس او زهرایه یادگار آپارور

 

بیری دیردی نه دن عمه ساربان منی بس

پیاده ابله پا بلکه زخمدار آپارور

 

بیری دیردی مگر عمه شامه چوخ قالوروخ

بزی بو سرعتله قوم بدشعار آپارورر

 

مفصل اولدی سوزون ایله مختصر صحاف

جهاندا منطقی سوزوجه اختصار آپارور

 

مرحوم صحاف

منبع مجموعه کانالهای مدح و مرثیه

موضوع: احوالات خروج از مدینه ,
زبان شعر و شاعر: نوحه ترکی , صحاف تبریزی

-------------------------------

وداع حضرت امام حسین (علیه السلام)

 

حسرتیله او تشنه لب خوردا اوشاقلارا باخور

ایستوری گیزلده ولی، اشگی دایانموری آخور

آه سکینه یاندیرور، قلب شریفینی یاخور

بیر ایله مهربان آتا، نازلی بالادن آیریلور

 

باشلیوب آل مصطفی، داد و فغان و شور و شین

یانمش اورگلیلر چکر، قلبیدن آه آتشین

وجهی بود که حضرت خیرالانامه جانشین

نائبه ستم کش خیر نسادن آیریلور

 

مجملی مطلبین بودور، سوزده چوخ اولماسین صداع

منده نه وار او نطق دل، سنده نه حال استماع

کیم بولوری نه آیریلیق؟ کیم بولوری نجه وداع؟

کیم بولوری که کیم نچه حور لقادن آیریلور

 

تکمیشدی حسینه گوز، جمله داغ دیده لر

گوردی وداع شاهی تا محنت و غم کشیده لر

یاسه دونوب امیدلر، اشکیله دولدی دیده لر

قلبه رجوع ایدن باخوب گوردی رجادن آیریلور

 

مانع اولوب بیوکلره عفت و عصمت و حیا

لیک اوشاقلار آغلادی، باشلادی شیون و نوا

قلب حسینه گور نجه ایتمز اثر بو ماجرا

بیر دولی خیمه ناله واابتادن آیریلور

 

بعضی ساچین یولور، وورور بعضیسی باشه سینیه

بعضی دیور اسارتی، گورمه روا سکینیه

گل بیزی تازه دن بابا، قیتر آپار مدینیه

حب وطن مگر اهل وفادن آیریلور

 

بعضی کناردن باخور، بعضی گلور قوجاقینه

بعضی دوتور الین اوپور، بعضی دوشور ایاقینه

مشگل اولور صغیر اوشاق، دوزسون آتا فراقنه

هانسی بالانی گر فلک قویسا آتادن آیریلور

 

نه آنالار کنارده، آه و نوادن ال چکور

نه بالالار کنار اولور، چنگ ردادن ال چکور

آل عبا نه دامنین بوشلور، عبادن ال چکور

اهل کسا نه خامس آل عبادن آیریلور

 

قارداشینی قوجاقلادی باجی بیر اضطرابیله

سویلدی کسمه الفتون زینب دل کبابیله

عزم ایدوسن ئولوم یولون، سن که بئله شتابیله

روح بدندن آیریلور، جسم قوادن آیریلور

 

ویردی جواب شاه دین، صبر ایله فرقتیمده دوز

عمر یتوبدور آخره، مندن آنام باجی ال اوز

خوش گونه اهل دل اولان، حسرت اولور گجه گونوز

اهل ولا اولان مگر درد و بلادن آیریلور

 

(شانی) عزیزیوین دلین روز وداع داغلادون

سیل سرشگون عارضه گوردیله خلق باغلادون

یعنی (صحافیله) ایله قول بویون اولدون آغلادون

یاد ایلدون حسین نجه آل عبادن آیریلور

 

مرحومین شانی و صحاف

منبع مجموعه کانالهای مدح و مرثیه

موضوع: حضرت امام حسین (ع) وداع ,
زبان شعر و شاعر: نوحه ترکی , شانی , صحاف تبریزی

-------------------------------

زبانحال حضرت زین (سلام الله)

در روز عاشورا

 

چیخما ای گون گل بو گون ایله حمایت زینبه

آشکاراولسان اولور برپا قیامت زینبه 

 

پرده ی ظلمتدن اولسان سن بوگون ای گون کنار

آل طاهایه اولور اوضاع محشر،آشکار

بیر بئله گونده اگر بولسن طلوعینده نَه وار

اِیله سن مطلق بو صحراده اعانت زینبه 

 

لشکر کفر و ضلالت بیرق ظلمین وروب

بو بیاباندا مقابل نورله ظلمت دوروب

سن طلوع اِتسن بو گون، زینب گونی اِیلر غروب

کربلا دشتی اولور محشردن آیت زینبه 

 

نوریویله سن اگر سالسان حجاباته شفق

غرق اولور دریای غمده ساکنان نُه طَبَق

آه ائدر زهرا، گلور فریاد و داده ماخَلَق

کشف اولور سرَّ قیامتدن علامت زینبه 

 

بو گونون وضعیّتیندن اولسان ای گون با خبر

اولماسان هرگز بو ظلمت پرده سیندن جلوه گر

مشرق غمدن بوگون، ای گون عیان اولسان اگر

اِیله سن بی شک هامی آفاقی ظلمت زینبه 

 

تار ائدر رنگ مصیبت گونلومون مِرآتینی

سوندیرور اَعدای دین انوار حق مِشکاتینی

دین اسلامین پوزار بو چؤلده تشکیلاتینی

اِیلمز هیچ کیمسه لر هرگز حمایت زینبه 

 

چیخما ای گون قوی گؤره لیلا دویونجان اکبرین

چَکسون آغوشینه رَمله قاسمین گل پیکرین

سن طلوع اِتسن بوگون اوخلالّا حلقین اصغرین

بو مصیبتده ویرر غمدن نه حالت زینبه؟ 

 

سن طلوع اِتسن وئرَرسن آل سفیانه شَعَف

مظهر والشّمس اولار تیر ستمدن مُنخَسف

غش ائدر زهرا، حسینیم وای دیَر شاه نجف

شدَّت ایلر درد غم ساعت به ساعت زینبه

 

شبه پیغمبر وجودین دشمن ایلر چاک چاک

آل پیغمبر چَکَر آه اوسته آهِ سوزناک

دوشسه اکبر، نعشینه لیلا اؤزون ایلر هلاک

سن او ساعت اِیله حقدن استعانت زینبه 

 

آشکار اولسان بو گونکی گونده سن ای آفتاب

آتش غم مجتبی قلبینده ایلر التهاب

قاسمین صدچاک جسمین تابشون ایلر کباب

سن بولورسن طاقتِ دِلدور، او قامت، زینبه 

 

بحرْ تک، موجه گلور بو چؤلده قوم بدشِیَم

قولّارین اِیلله عبّاسین فرات اوسته قلم

اولما راضی وحشته دوشسون خَواتین حَرَم

هر مصیبتدن چتیندور بو مصیبت زینبه 

 

تشنه لوق ای گون سالوب دلدن علیّ اصغری

غنچه ی گل تک سولوب سوز عطشدن لب لری

پوزقون احوالی،پوزوب چوخ عترت پیغمبری

بو نهایت آرترور غم، بی نهایت زینبه 

 

بیزده عطشانوخ ولکن قارداشیم عطشاندی چوخ

سالما تابش اوستونه، چونکو یارالی عضوی چوخ

جان وئرور ایسَّی قوم اوسته، سینه سینده دورت مین اوخ

مین قیامت آشکار ایلر او حالت زینبه 

 

چخما ای گون، اولما راضی گلشن طاها سولا

آل هاشم غرق غم، آل اُمیَّه شاد اولا

باغلانا ظلمیله عصمتلو خانْملار قولقولا

ایلیه شمربن ذی الجوشن شماتت زینبه 

 

عادت معهودله سالسان یره بو گون ضیا

اولدورولّر حجَّت اللّهی بو قوم اَشقیا

ظلمتِ ظلم عدودن محو اولار نور هُدا

اولماز عمرینده بیر آن غمدن فراغت زینبه

 

ایسته سن (صحاف) ایکی دونیاده اولماق سربلند

اِیله اَشکیله مصیبت دفترین شیرازه بند

چکمه آلُ الله دن اَل، دوغرانسا جسمون بند بند

گؤز یاشیله غملرون ایله کتابت زینبه 

 

مرحوم صحاف

منبع مجموعه کانالهای مدح و مرثیه

موضوع: احوالات تاسوعا و عاشورا ,
زبان شعر و شاعر: نوحه ترکی , صحاف تبریزی

-------------------------------

ورود به ماه محرم

 

حسینه انس و جان آغلار بو آیدا

امام عصر قان آغلار بو آیدا

 

گلوب موجه بو آی بحر مصیبت

بو آیدا دولدوروب آفاقی محنت

بو آیدا باشلانوب شور قیامت

زمین و آسمان آغلار بو آیدا

 

ویروب غم یوز بو آیدا ماسوایه

گلوب جن و ملک شور و نوایه

چکوبلر قاره عرش کبریایه

هامی لاهوتیان آغلار بو آیدا

 

لوای غم آچوب پرچم حسینه

قان آغلار عالم و آدم حسینه

دوتوب افلاکیان ماتم حسینه

ایدر اشک روان آغلار بو آیدا

 

آچوب جنتده باش ختم پیغمبر

آلوب زلفین اله خواتون محشر

حسینیم وای دیر ساقی کوثر

امیرالمومنین آغلار بو آیدا

 

اسوبدو صرصر محنت جهانه

دونوب گلزار پیغمبر خزانه

گلوب بلبلری غمدن فغانه

گل آغلار گلستان آغلار بو آیدا

 

یازوب چوخ نامه لر عدوان حسینی

عراقه گتدیلر مهمان حسینی

او چولده قویدیلار عطشان حسینی

فرات آخدوقجا قان آغلار بو آیدا

 

علی اکبر کیمی شبه پیمبر

بویاندی قاننه اولماه منظر

اورکده اللری لیلای مضطر

ایدر داد و فغان آغلار بو آیدا

 

گلنده قانلی نعشی خیمگاهه

اوجالدی شور و شیون مهر و ماهه

دوشوب هر غلغله خرگاه شاهه

حرملر مو کنان آغلار بو آیدا

 

قورولدی قاسمه بیر طوی اساسی

طوئی یاسه دونوب باشلاندی یاسی

عروسی یاخدی قاندان طوی حناسی

آناسی باغری قان آغلار بو آیدا

 

حسینون اوندا پرگاری پوزولدی

اباالفضلین قلم قولاری اولدی

سو مشکی اوخلانیب قانیله دولدی

او حاله قدسیان آغلار بو آیدا

 

بو سوزده ایسترم رخصت اوزیندن

اولوم آثاری گورسندی یوزیندن

گلوب بیر اوخدا دگدی ساغ گوزوندن

هامی اهل جهان آغلار بو آیدا

 

دوشوب قولسوز یره اول ماه پاره

قلج خنجر وران دوردی کناره

دیریلدی حکم بش یوز نیزه داره

اوزی یاره وران آغلار بو آیدا

 

گورنده حرمله اصغرده جان یوخ

عطش دلدن سالوب بی حالدور چوخ

کمانه قویدی بیر اوچ شعبه لی اوخ

سیزیلدار اوخ کمان آغلار بو آیدا

 

رها اولدی کماندان تیر پران

هواده آچدی پر سسلندی قان قان

حسینون اصغری اوخلاندی عطشان

گل آغلار باغبان آغلار بو آیدا

 

او ساعتدن امان شاه لب عطشان

دوشوب توپلاقلار اوسته قانه غلطان

اوقدری وردیلار داش نیزه پیکان

سنان الده سنان آغلار بو آیدا

 

چخاندا شمر حسینون سینه سینه

تزلزل سالدی افلاک برینه

توکولسون آز قالوب گویلر زمینه

زمین آغلار زمان آغلار بو آیدا

 

اوتانموب شمر کافر مصطفادن

سو سوز کسدی حسین باشین قفادن

هوا تار اولدی قان یاغدی سمادن

نشان بی نشان آغلار بو آیدا

 

صحاف آغلا بو غمده عالم آغلار

آچوب باشون رسول اکرم آغلار

توکر قانیاش خلیل و آدم آغلار

سراسر کون فغان آغلار بو آیدا

 

مرحوم صحاف

منبع مجموعه کانالهای مدح و مرثیه

موضوع: ماه محرم ,
زبان شعر و شاعر: نوحه ترکی , صحاف تبریزی

-------------------------------

احوالات بسته شدن راه فرات

 

کوفه دن فرمان یتیشدی ابن سعد بی حیایه

باغلاسون راه فراتی اهل بیت مصطفایه

 

ایلدی ابن زیادین حکمینی سعد اوغلی اجرا

قوه ی مجریه دورت مین اوخ آتان قیلدی مهیا

باغلانوب راه شریعه، قالدی عطشان آل طاها

العطش فریادی یردن اوج ایدوب عرش خدایه

 

ایلدی اهل حرمده تشنه لیق بیر نوعی شدت

گل کیمی سولدی سارالدی عترت ختم رسالت

اولدی برپا خیمه لرده شورش روز قیامت

دوندی دشت کربلا بیر عرصه ی روز جزایه

 

اللرینده بوش سو جامی یغدیلار خوردا اوشاقالار

شدت سوز عطشدن خشک اولان غنچه دوداقلار

آلدیلار یکسر سکینه دوره سین تشنه قوناقلار

داغلی دللردن اوجالدی ناله لر طاق سمایه

 

خیمه ی عباسه بیردن قویدولار یوز دیده گریان

دور سقای حسینی آلدی بیر دسته لب عطشان

عرض ایدوب اول سکینه العطش، یاندیم عمو جان

سو تدارک قیل سوسوزدان قویما چوخ گلسون نوایه

 

ایلیوب سقا سنی چون اهل بیته شاه عطشان

خیمه لرده سو تاپولمور، اولدی باغریم قان سوسوزدان

چاره قیل، یاندیم، اماندور ایله سن بو درده درمان

قالمیوب دلده قرار و طاقتیم بو ماجرایه

 

اود دوتوب یاندی سوسوزدان عترت ساقی کوثر

غش ایدوب بی کس آناسی اللری اوستونده اصغر

شور محشردور خیمده بیر بیره دگمیش حرملر

قولارون قربانی اولام رحم قیل آل عبایه

 

نه روا آب فراتی چوللره دریا تک آخسون

یاندیروب سوز عطشدن عترت طاهانی یاخسون

اللرینده بوش سو جامی تشنه لر حسرتله باخسون

سن نجه راضی اولورسان بو جفای ناروایه

 

تیتروری قلب سپاه شام و کوفه صولتوندن

نه روادور استفاده ایتمیاخ بیز قدرتوندن

تشنه لب قالسون اوشاقلار چوخ اوزاقدی همتوندن

قدرت الله اوغلوسان سن، آفتاب حقه سایه

 

ایلدی ظلمتده بس که اشقیا طغیان بو چولده

اکبریم الدی لب عطشان قانیله غلطان بو چولده

اولما راضی اصغریمده جان ویره عطشان بو چولده

اود سالا بی کس آناسی سوز دلدن ماسوایه

 

قوی فرات اوسته قدم، سال لشکری خوف و هراسه

ایله بیر اتمام حجت فرقه ی حق ناشناسه

تشنه لب قیزلار یانینجا گلمیشم من التماسه

سعی قیل تحصیل آبه رحم ایله بو بی نوایه

 

بی سبب آخماز «صحافون» عارضه اشک زلالی

وار عمو قلبینده گیزلین محنت و درد و ملالی

دردینه قیل چاره سنده اولسون آسوده خیالی

ایتمسون غمدن شکایت بارگاه کبریایه

 

مرحوم صحاف تبریزی

منبع مجموعه کانالهای مدح و مرثیه

موضوع: احوالات فرات ,
زبان شعر و شاعر: نوحه ترکی , صحاف تبریزی

-------------------------------

احوالات دیر راهب

 

خوش گَلوب سالدون عجب وقته منی یاده آنا

باشیمی عرشه اوجاتدون بو کلیساده آنا

 

اوزون آگاهسن ای غمزده دورِ زَمَن

فرقتونده نه قدر طالبیدیم وصلوه من

بو گئجه حالیمه شامل ایلدون لطفوی سن

قویمادون تک منی بو دیر نصاراده آنا

 

تاپدون اوّل گئجه مطبخده تنور ایچره منی

پیشواز ایلمدیم من ایله موقعده سنی

ائتدی شرمنده منی خولی بیرحم و دنی

وار یری حشره کیمی گلسم اگر داده آنا

 

گلمه میشدیم او گئجه کثرت غمدن اوزیمه

محضرونده دل آچوب شرح ویریدیم سوزیمه

گوز آچانمیردیم آنا دولموشیدی کُول گوزیمه

سنی دیندیریدیم عفو ایله او مأواده آنا

 

ایندی فرصتدی دویونجا گل ایداخ راز و نیاز

دوشه مشکلدی اَلَه بیرده بیله مجلس راز

بو کسوک باشمه مقدورم ائدم پای انداز

واریدیم چوخدان اوزوم من بو تمناده آنا

 

شرحه گلمز نه قدر واردی بلاسی باشمون

آخره یتمز آنا جور و جفاسی باشمون

ظاهراً وار اون ایکی کاری یاراسی باشمون

گَله معناده محال امردی تعداده آنا

 

حقّدن ایلمدی زادهٔ مرجانه حیا

آچدی مجلسده شماتت دلین اول کان خطا

وُردی پیغمبر اُپن لبلریمه چوب جفا

گتوروب عترت غم پروریمی داده آنا

 

آسدیلار گاهی آقاجدان باشمی قوم دنی

سنگسار ایلدیلر کوفه ده ظلمیله منی

آرزو ایلدیم هر لحظه ده هر دمده سنی

بیر گوریدون دوزوب اوغلون نئجه بیداده آنا

 

وُردیلار نیزه لره تشنه یارالی باشیمی

هر جفایه آناجان ائتدیله حالی باشیمی

یاندروب گون نئجه گور بیر بو بلالی باشیمی

اولمیشام هر غمه هر محنته آماده آنا

 

یارالی باشما بو قوم ائده هر جور و جفا

منه خوشدور دوزرم باشه یته امر قضا

هر بلایه من اوزوم وئردیم ازل گونده بلا

تا که«صحافه»شفاعت ائدم عقباده آنا

 

مرحوم صحاف

منبع مجموعه کانالهای مدح و مرثیه

موضوع: احوالات دیر راهب ,
زبان شعر و شاعر: نوحه ترکی , صحاف تبریزی

-------------------------------

غزل

 

بیر بلبلم گول عشقی آلیبدیر توانیمی

ای باغبان، داغیتما منیم آشیانیمی

 

من عشق سرّینی ایلرم اغیاردن نهان

سن آشکاره سالما بو راز نهانیمی

 

ایلکی قضا یازیبدیر ازل گونده سینه مه

بیر گولدن اؤتری وورماقا مین خاره جانیمی

 

دؤندرمه قانه باغریمی گول غنچه سی کیمی

عرشه اوجالتما پرده به پرده فغانیمی

 

چون عشق عقله غالب اولوب، لاابالیم

فکر ائتمرم بو باره ده سود و زیانیمی

 

قربان عشق یار، محبت فداسیم

من وئرمیشم ازلده سنه امتحانیمی

 

جانان یولوندا وئرماقا جان دلخوشام اؤزوم

بو شرطیله اؤلنده کسه یاریانیمی

 

آخر نفسده بیرده گؤرم گول جمالینی

شبنم کیمی نثار ائدم اشک روانیمی

 

اولسام دا قتل عشق سر کوی یارده

قویماز «صحاف» محو اولا نام و نیشانیمی

 

 مرحوم صحاف

منبع مجموعه کانالهای مدح و مرثیه

موضوع: غزل ,
زبان شعر و شاعر: نوحه ترکی , صحاف تبریزی

-------------------------------

زبانحال حضرت امام رضا (علیه السلام)

هنگام شهادت

 

گل گور نجه بو غربتده اوغول

مسموم ئولورم مظلوم ئولورم

 

توپراقدا یوزوم یوللاردا گوزوم

مظلوم ئولورم مسموم ئولورم

مهموم ئولورم     مغموم ئولورم

 

شرم ایلمیوب مأمون دنی

مسموم ایلیوب ظلمیله منی

چوخ آختارورام جان اوسته سنی

مسموم ئولورم مظلوم ئولورم

 

قویما بو قدر ای روح روان

یوللاردا گوزوم قالسون نگران

هجرانوه یوخ بو دلده توان

مسموم ئولورم مظلوم ئولورم

 

ظلمیله اولوب قان اشگ تریم

حالیم پوزولوب آرتوب کَدَریم

قلبیم دوتوب اود یاندی جگریم

مسموم ئولورم مظلوم ئولورم

 

بو غربت آرا یوخ دادرسیم

نه دادرسیم نه همنفسیم

گورماقه یوزون وار چوخ هوسیم

مسموم ئولورم مظلوم ئولورم

 

سرعتله یتور طوسه ئوزووی

جان اوسته گوروم من گول یوزووی

بیر عُمر قویوب آغلار گوزووی

مسموم ئولورم مظلوم ئولورم

 

اولسیدی بو دم اهل حَرَمیم

اولمازدی فزون درد اَلَمیم

سن گَلسن ئوزون یوخ ئوزگه غمیم

مسموم ئولورم مظلوم ئولورم

 

یانیمدا نه وار بیر یار و حبیب

نه دلده غم هجرانه شکیب

جدیم کیمی یوز توپراقدا غریب

مسموم ئولورم مظلوم ئولورم

 

سن سیز ائشیدور بس کیم سوزومی

کیم باغلار اوغول ئولسم گوزومی

گَل قبلیه سن دوندر یوزومی

مسموم ئولورم مظلوم ئولورم

 

گر چه دوتوب اود دلدن یانورام

زهر ستمیله ادولانورام

لاکن بو غمی آسان سانورام

مسموم ئولورم مظلوم ئولورم

 

جدّیمده وئروب جان حسرتیلن

توپراقدا یوزی چوخ زحمتیلن

منده او مرام و نیّتیلن

مسموم ئولورم مظلوم ئولورم

 

چکدیم بو قَدَر غربتده فشار

گوز یاشیم اولوب قان لیل و نهار

صحّافه اولام محشر گونی یار

مسموم ئولورم مظلوم ئولورم

 

 مرحوم صحاف

منبع مجموعه کانالهای مدح و مرثیه

موضوع: حضرت امام رضا (ع) احوالات ,
زبان شعر و شاعر: نوحه ترکی , صحاف تبریزی

-------------------------------

ورود به کربلا

 

صحرای عشقه قویدی قدم پادشاه عشق

خلوتسرای یاره تاپوب شاهراه عشق

 

شه مرکبی قدم قدمیندن گوتورمدی

مبهوت اولوب او حاله سراسر سپاه عشق

 

قوندی غبار غم رخ شمس امامته

دوشدی خفایه تیره لنوب مهر و ماه عشق

 

امر ایلدی کجاوه لری یندرون تمام

بو دشت غم فزاده وُرون بارگاه عشق

 

بو حالی گوردی زینب علیا مکرّمه

چکدی درون دلدن او مظلومه آه عشق

 

عرض ایلدی بو یرده نزول ایلمه حسین

غرق ایلر اهل عشقی بو یرده میاه عشق

 

قان قان دیور بو دشت و بیابان پر خطر

قورخوم بودور بو یرده اولا محو جاه عشق

 

لرزاندی برگ بید تک اطفال مه لقا

وحشتده دور حرملرون ای دادخواه عشق

 

بو یرده سن شهید اولوسان منده دستگیر

حتمی بیر امردور بونا یوخ اشتباه عشق

 

پوزقون گورنده زینبنون حالنی امام

توکدی عذاره گوز یاشنی پادشاه عشق

 

فرمایش ایتدی ایتمه باجی زینب اضطراب

صحرای کربلادی بو یر جلوه گاه عشق

 

جدّیم خبر ویروب بو یرون ماجراسنی

بیر بیر بیان ایدوبدی رسول الاه عشق

 

پرگارمی پوزالّا بو صحراده ظلملن

بیرحم عدوی سنگدل و دین تباه عشق

 

لب تشنه قانینه بو یانار نوجوانلاریم

فانی ایدر وجودلرین بیر نگاه عشق

 

دوغرالّا اکبرین دل لیلادن اوج ایدر

طاق سپهر اخضره آه سیاه عشق

 

عبّاسمون ایدّله ایکی قولّارین قلم

عدلین اولور قولوندان آخام قان گواه عشق

 

پیکان دمینده اللریم اوستونده جان ویرر

اصغر او طفل ماه وش و بی گناه عشق

 

ناحق کسلّه باشمی اثبات حقّ ایدر

بو خاکدن نُموّ ایلین گل گیاه عشق

 

مندن صورا حرم تالانار خیمه لر یانار

بو بی پناه عیالیمه سنسن پناه عشق

 

فخر ایلر اهل عالمه ای شاه کربلا

« صحّافه » یتسه مرحمت گاه گاه عشق

 

 مرحوم صحاف

منبع مجموعه کانالهای مدح و مرثیه

موضوع: احوالات ورود به کربلا ,
زبان شعر و شاعر: نوحه ترکی , صحاف تبریزی

-------------------------------

زبانحال حضرت امام حسین (علیه السلام)

به حضرت ابوالفضل (علیه السلام)

 

یانام باخارام بو یارالی پیکره قارداش

خندان گوله بنزر داغلوب چو للره قارداش

 

جسمونده چاتوب باشباشا سنبل کیمی قارداش

وار هانسی چمنده بیله خوش منظره قارداش

 

دور گور نه قیامتدی بو گون خیملریمده

یردن اوجالوب ناله سسی گویلره قارداش

 

یاتدی علمون سیندی بلیم چارم آزالدی

ایوای منه وای عترت پیغمبره قارداش

 

دشمنلر ایچینده گوروسن یالقوزام ایندی

دور ایله حمایت من،بی یاوره قارداش

 

دعوا گونی سن شیریدون ای شیر شجاعت

سن وارثیدون شیر خدا حیدره قارداش

 

دور ال اله شمشیریوی دشمن قاباقین کس

ای غالب اولان جنگده بیر لشکره قارداش

 

آیا بو او الدور هامی اللردن اوجیدی

قطع ایتدی قضانین الی سالدی یره قارداش

 

بیر گون قورولار محکمه عدل الهی

قهریله دگر ارض و سما بیر بیره قارداش

 

فریاد او گون داد او ساعتدن ابوالفضل

بو اللری زهرا گتوره محشره قارداش

 

بیر اوزگه قیامت اولی محشر گونی برپا

باخدوقجه آنام فاطمه بو اللره قارداش

 

چون امته اسباب شفاعت بو اللر

محبوبیدی درگاه حق داوره قارداش

 

قیلام بو کسوک اللرینه منده شفاعت

محشر گونی (صحاف) الم پروره قارداش

 

 مرحوم صحاف

منبع مجموعه کانالهای مدح و مرثیه

موضوع: حضرت ابوالفضل العباس (ع) زبانحال ,
زبان شعر و شاعر: نوحه ترکی , صحاف تبریزی

-------------------------------

زبانحال حضرت رباب (سلام الله)

 

گلمه عطشدن دله ای گل خندان اوغول

اولسون آنان بو سولان رنگیوه قربان اوغول

 

سوز عطشدن علی گَلمه بیله شیونه

توکمه یوزه گوز یاشون گَلسون او دردون منه

چاره نَدور نیلیوم سو تاپوم هاردان سنه

قالموشام احوالیوه واله و حیران اوغول

 

سو یولونی باغلیوب ظلمیله بو اهل شام

عترتینه ایلیوب فاطمه مَهرین حرام

منده سنون تک علی تشنه جگر قالموشام

وار نه سودیم نه سویا منده وار امکان اوغول

 

سوز عطش قویمیوب سنده علی صبر و تاب

یات بالا بیر راحت اول ایلمه چوخ اضطراب

داد و فغان ایلمه قلبیمی ایتمه کباب

یوزده گوزوم یاشینی ایتدی غمون قان اوغول

 

آغلاما، گلمه بیله سوز عطشدن دله

ایستمه سو، قورخورام امر یته مشکله

گوزلوری میداندا یول اَلده کمان حرمله

سو یرینه ایلسون قانیوه غلطان اوغول

 

سنده علی یوخ توان حرمله پیکانینه

اولما سبب بو آنان ناله و افغانینه

رحم ایله بو بی کسون دیده ی گریانینه

چوخ منه مشکلدی بو محنت هجران اوغول

 

ایلمرم شیون و داد و فغان بی سبب

یوخدی بو لشکرده چون غیرت و عار و ادب

واردی هراسیم علی اوخلاناسان تشنه لب

اوندا نه چاره ایدوم بس منِ نالان اوغول

 

گرچه آنان تک علی شامه دونوب گوندوزون

سوز عطشدن سولوب غنچه ی گُل تک یوزون

ایلمه سو فکرینی سالما بلایه اوزون

سو سنه ویرمزله بو لشکر عدوان اوغول

 

وار یری آهیم اودی عالمه سالسون شرر

هانسی بلاکش آنا بو غمه آخِر دوزر

بوندان علاوه منی ایلمه خونین جگر

ای گل نورسته ی گلشن ایمان اوغول

 

قیل یوزه «صحّاف» بو غمده سرشکون روان

بزم عزاده گجه گوندوزی ایله فغان

داده گل ایله بو سر مطلعی ورد زبان

گلمه عطشدن دله ای گل خندان اوغول

 

مرحوم صحاف

منبع مجموعه کانالهای مدح و مرثیه

موضوع: حضرت رباب (س) ,
زبان شعر و شاعر: نوحه ترکی , صحاف تبریزی

-------------------------------

عرض ارادت به

حضرت امام حسین (علیه السلام) 

 

ای حسین ای شرف آل عبا

بیزی گَل سَن اَلی بوش سالما یولا

 

مایه‌ی عزّت و جاهیم سن سن

ایکی دنیاده پناهیم سن سن

قاپوین سائلیم آدیوین عاشقیم

قاپوین سائلیم

آدیوین عاشقیم

 

سن سن عالم‌لره آیات جلی

کُلّ بوماخلقین بی بدلی

سنه قربان اولوم ای ماه جمال

سن سن عالمده گوزللر گوزلی

قاپوین سائلیم

آدیوین عاشقیم

 

آتش عشقه آلشدیم گلدیم

قولای اولسامدا چالشدیم گلدیم

هامی گوردوم گلوری بو قاپیا

منده بو جَمعه قاریشدیم گلدیم

قاپوین سائلیم

آدیوین عاشقیم

 

ای اولان فاطمیه دردانه

بیزی عشقین ایلیوب دیوانه

من سنون گُل آدیوین عاشقیم

آند اولا سن اوخیان قرآنه

قاپوین سائلیم

آدیوین عاشقیم

 

سنه من ای گل طاها نه دیوم

بیلوسن دردیمی آیا نه دیوم

منی مولا الی بوش ایتسن اگر

دوست‌و‌دشمن سوروشاندا نه‌دیوم

قاپوین سائلیم

آدیوین عاشقیم

 

دیمورم ملک جهان رهبریم

دیمورم کنز وفا گوهریم

بیر مدال شرفیم واردی منیم

من سنون نوکروین نوکریم

قاپوین سائلیم

آدیوین عاشقیم

 

گَل بیزی غَملَرَه مأنوس ایلمه

صوری عاشق‌لره پابوس ایلمه

بیلورم سن آناوی چوخ سُوَوسن

سَنی زهرا بیزی مأیوس ایلمه

قاپوین سائلیم

آدیوین عاشقیم

 

مرحوم صحاف

موضوع: حضرت امام حسین (ع) ,
زبان شعر و شاعر: نوحه ترکی , صحاف تبریزی

-------------------------------

احوالات دفن حضرت علی (علیه السّلام)

 و گریز به قتلگاه

 

ترک ایلدی بو عالمی چون شاه اولیا

غرق اولدی بحر ماتمه سکان و نه سما

 

افلاکه دودمان ولایتدن اوج ایدوب

شور نوا و غلغله فریاد وا ابا

 

بیر یاندا مجتبی توکر اشگین عذارینه

بیرسمتده آچوبدی باشین شاه کربلا

 

بیر یاندا زینبون اوجالوب عرشه شیونی

بیر یاندا گلوبدی نالیه کلثوم بینوا

 

شیر خدا وصیتنه ایلدی عمل

غسله مباشر اولدی گوز یاشلی مجتبی

 

غسلین ویروب ولی حقه ایتدیلر کفن

گوز یاشلی سینه داغلی جوانان مرتضا

 

تابوته قویدیلار او مقدس جنازه نی

تا حمل مدفن اولسون او نعش شه ولا

 

یردن اوجالدی گوردیله تابوتین اللری

مبهوت اولوب او عالمه ارواح انبیا

 

تابوتونین ایاق طرفندن یاپوشدیلار

شیر خدا عزیزلری دلده آه و وا

 

قصد ایلدی نجف چولنی رهسپار اولوب

یولاندی نعش طیب سلطان لا فتا

 

اثنای راهده یتشوب بیر نقابدار

اول ویروب سلام جواب ایتدیلر ادا

 

آلدی خبر مگر دگی بو نازنین بدن

نعش علی وصی بلا فصل مصطفی

 

ویردی جواب امام حسن کی بو دور بلی

جسم شریف واقف اسرار کبریا

 

تسلیم ایدون دیدی منه سیز بو جنازه نی

حیرتله مجتبی اونا ویردی جواب لا

 

بیز ویرمروخ جنازه نی الا ایکی نفر

یا جبرئیل یا بو تمناده خضر اولا

 

سن خضرسن و یا که بیور جبرئیل سن

ویر براوزون نشان اله گلسون بو مدعا

 

رد ایلدی نقابی یوزیندن عیان اولوب

وجه جمیل سوره والشمس و الضحا

 

گوردی اتالارین حسنین عرض ایدوب اودم

ای خسرو ولایت و مصداق هل اتی

 

تابوت ایچنده پیکرون اما سواره سن

اوز نعشون اوسته حاضر اولورسان گنه بابا

 

ایتدی تبسم اول شه عالم دیدی اوغول

جای عجب دگول سیزه بو سر اختفا

 

عالمده شرق و غربده هر کیمسه جان ویره

حاضر اولار اتاز باشی اوستنده بر ملا

 

هر محتضر اجوب گوز علینون یوزن گوره

اوز باشی اوسته گلمیه ایا اولور روا

 

عرض ایلیوم ایا شه عالم ولی حق

ای معدن کرامت و وی منبع سخا

 

هر جان ویرن گورور باشی اوسته جمالوی

سکرات موت اولور اونا اسان تاپور صفا

 

علت نه دور عاشر شهر الحرامده

کرب و بلایه گلمدون ایا ندن شها

 

گودال قتلگهده حسینون ویرنده جان

یالقوز سوسوز یارالی نه بیر یار و اشنا

 

آلمشدی دوره سین النه اوخ قلج گلن

هر سمتدن ووراردی یارا قوم اشقیا

 

ضعف ایلیوب قلجلارین التندا ضعفدن

حاله گلنده پادشه کل ماسوا

 

سسلردی یاندی لبلریم ای قوم العطش

رحم ایلیون ویرون منه سیز بر جه سربه ما

 

ایریلدی شمر لشگر اشراردن او دم

دوشدی هراس ووحشته سکان نه سما

 

چخدی او وقته زینب کبرا خیامدن

یوز قویدی قتلگاهه طرف دلده وا اخا

 

بولمم یتوب نه گوردی یوزی گلمین خانم

یوخ تاب دلده شرحنه واضحدی ماجرا

 

هوله دوشوب یوگوردی دوتوب شمر دامنین

سسلندی ساخلا ظالم الون ایتمه چوخ جفا

 

اخر یارالیدور گوروسن جانویرور اوزی

انجتمه رحمه گل اوتان ای زاده زنا

 

ویر بیرمنه اوقدری امان باغلیوم گوزین

پیغمبرین عزیزیدی بو شاه نینوا

 

زینب نقدری ایلدی فریاد شمر دون

ارتوردی ظلمین ایلمدی هرگز اعتنا

 

ایش یتدی بیر مقامه دوغراندی اللری

قانه بویاندی ظلمله معدن وفا

 

شمریله قیل قالده زینب او حالده

جان اوسته اچدی گوزلرینی حجت خدا

 

فرمایش ایتدی چخما اوزوندن انام باجی

یالوارما شمره ایتمه بو بیر حمه التجا

 

گیت خیمگاهه دوره ده دشمنلریم باخور

صبر ایت بلایه من کیمی ویر هر غمه رضا

 

جمع ایله باشوا باجی باشسیز عیالیمی

گلمه نوایه نی کیمی ای کان ابتلا

 

اچما باشوی ورما یوزه یولما زلفوی

گورسن اولوب یارالی باشیم زینت جدا

 

مندن صورا بلالی باشون چوخ بلا گورر

یوخدور جفای قوم ستمگرده انتها

 

«صحاف» اوزین سالوبدی نمکزاره کلب تک

مغفودور اگر چه بیر عمر ایلیوب خطا

 

ایتمز هدر بو خدمتنی خالق روف

هر بیتنه جزا گونی بر بیت ایدر عطا

 

مرحوم صحّاف

منبع مجموعه کانالهای مدح و مرثیه

موضوع: حضرت علی (ع) احوالات ,
زبان شعر و شاعر: نوحه ترکی , صحاف تبریزی

-------------------------------

احوالات حضرت زینب کبری (سلام الله)

 

مدت عمرینده چوخ یر اولدی مسکن زینبه

بلمدوخ اولدی هارا آخرده مدفن زینبه

 

اول عمرینده یثربده بوبانوی عفاف

قبرزهرانی ائدردی هرگجه گوندوز طواف

گاه اولوردی قبر پیغمبر بوخاتونه مطاف

گه بتولین بیت الحزانی نشیمن زینبه

 

ایله بیر بانوئیدی بوعصمت پروردگار

هرکیمون حالین سوروشسیدی ائدردی افتخار

بیله بیرخاتونی یثربدن آیردی روزگار

وئردی بیر مدت بیابانلاردا میهن زینبه

 

ایلیوبدور حق تعالی کعبه نی دارالامان

امنده قالسون ائدن اول مامن خلقی مکان

مامنه اولدی پناهنده اوبانوی جهان

اولمادی دارلامان صد حیف مامن زینبه

 

عرصه نی از بسکه تنگ ائتدی حسینه اهل شام

قویمادی پیغمبر اوغلی ائتسون اعمالین تمام

سیندیریب احرامینی ناقص قویوب حجین امام

کربلا صحراسین ائتدی دشت ایمن زینبه

 

عزتیله وارد اولدی کربلا صحراسینه

ناز ائدردی گه حسینه گه رشید عباسینه

گون دولاندی تاحسینون یتدی عاشوراسینه

لیل تاراولدی ایشیق گوندوز مبرهن زینبه

 

دورت طرفدن جمع اولوردی کربلایه اهل کین

شاه دین دورون آلوردی اشقیا مثل نگین

ازدحام دشمنی گوردوقجا بوعصمت مکین

عرض ائدردی بار الها رحم ایله سن زینبه

 

هرطرفدی کربلایه یوز قویوب لشگر گلور

بیر حسینمدن اوتور بیر بیله کین پرور گلور

هرگلن الده قلج اوخ نیزه وخنجر گلور

گوئیا سن وئرموسن بیر قلب آهن زینبه

 

من نجه تاب ایلرم ال آچسالار قارداشیمه

قارداشیم اولسه اگر نه کول سوورام باشیمه

واردی حقیم قلبمون قانین قاتام گوز یاشیمه

آغلیا لاهوتیان قدوسیان من زینبه

 

بوتخیل عالمنده ئیدی دوزنموردی ولی

بلمورم دوزدی نجه تاب ایلدی دخت علی

گوردی قارداشی حسینون نه باشی وار نه الی

تازیانه الده ایلور حمله دشمن زینبه

 

اوزلیقیدان چخدی گوردی غارت اولدی خیمه گاه

دورده دشمن اوزی یالقوز تاپولمور دادخواه

اللری باشدا آپاردی قارداشا بیر باش پناه

وئردی یوز بی اختیار افغان وشیون زینبه

 

بیر چوخور یرده یتوب گوردی گل زهرا سولوب

وای حسینیم وای دیوب آشفته وحیران اولوب

گوردی قارداش مصرعی آلات حربیله دولوب

ایلیوب دشمن تهیه یاخشی مخزن زینبه

 

سینه وپیکر اولوب صدپاره خندان گل کیمی

هر طرفدن باش باشا اوخلار چاتوب سنبل کیمی

عطر گل مهوش ائدوب شوره گلوب بلبل کیمی

عرض ائدوب یاتما اویان ای جسمی گلشن زینبه

 

ای آنام اوغلی شریکوخ بیز بوپوزقون گلشنه

وقت قسمتده یتوبدور قرمزی گللر سنه

یاسلیام گوردی قضا لایقدی نیلوفر منه

قمچیدن تقدیر ائدوب بیر دسته سوسن زینبه

 

ایلدی تاراج جسمون گلشنین بوقوم کین

قویمادی بی رحم گلچین زینب اولسون خوشه چین

ساچلارین یولدی حیالی قیزلاری ای شاه دین

وئردیلر ترتیب بو گلشنده خرمن زینبه

 

قویمادی اعدا کسلسون آه و زاری زینبون

کوفیه قول باغلی یولاندی قطاری زینبون

بختی تک تار اولدی گوزده روزگاری زینبون

کوفه بازارینده مسکن اولدی برزن زینبه

 

کوفه ظلمین تک به تک گوردی اوبانوی حجاز

ایستدی تحصیل ائده تکمیل صبره امتیاز

گیتدی شامه شامده اولدی اونا بیر پیشواز

آغلیاندا وئردی سس رقاص وکف زن زینبه

 

صبحدن شامه دولاندی شامی بوینوندا طناب

غارته گتمیشدی معجر سانما قالدی بی حجاب

ابر زلفندن توکوب مه صورته مشکین نقاب

نیزده اون یدی یردن گلدی احسن زینبه

 

شامده بیر بزم عشرت ایلدی چیده یزید

زینبون بوفکریله درددلین ائتسین مزید

خیزران گنجینه ی سر حقه سالدی کلید

اولدی اول گنجینه دن بیر سر روشن زینبه

 

بیر ایله مجلسده اصلا ائتمدی بیر ذره باک

باشلادی شیر خدا تک بیر خطاب خشمناک

سسلدی ویرما بوباش بسدور اولودور چاک چاک

عالمی تنگ ایلمه چون سم سوزن زینبه

 

ناقه ی صبری خانم ظاهرده گرچه پیلدی

باطنا الله بلور ترویج دینه نیلدی

کفرینی هند جگر خوار اوغلونون فاش ایلدی

قوت قلب آرتوروب خلاق ذوالمن زینبه

 

بزم شربین گوردی ظلمین گوهر درج بتول

چخدی مجلسدن پریشان حال محزون وملول

ایلدی ویرانه ده گوزیاشلی اجلال نزول

آلتی آی ویرانه ی شام اولدی مسکن زینبه

 

عترت خیرالوری ویرانه ده ائتدی مکان

هاشمیاته اولوب مونس گیجه گوندوز فغان

آج قالوب قول باغلو توپراق اوسته بیر قیز وئردی جان

کنج ویران اولدی زندان صبره معدن زینبه

 

قورتولوب آخر غزالان حرم اول دامدن

آلدیلار مهلت هره اوز عمریجه ایامدن

عزتی الدن گئدن زینب قیتدی شامدن

کربلا دشتی دوباره اولدی موطن زینبه

 

دولدوروب خون دلیله دیده ی چون ابرینی

شوق وصل یار آلوب الدن قرار و صبرینی

جان کیمی آغوشه باسمشدی حسینون قبرینی

اولدی انوار سعادت پرتو افکن زینبه

 

باش یارالی پیکری نیلی ایاقلار آبله

قبرزهرایه آپاردی الده زادو راحله

رسمدور ایلر آنایه قیز مصیبتدن گله

بوقضیه اولدی بیر برهان متقن زینبه

 

چوخ منال ومال آپارمیشدی اوبانوی محن

کربلا دشتنده غارت ائتدی اشرار زمن

شامدن گتدی ولی بیر دورت مین اوخلی پیرهن

سینه ده اولدی اولونجه مرهم تن زینبه

 

قویمادی آسوده دل دور فلک دوتسون عزا

قتل وغارت یثربی ائتدی دوباره اشقیا

مسقط الراسین ائدوب ترک اول بلایه مبتلا

هر طرفدن وئردی مین غم یوز غم اوستن زینبه

 

غم توکولدی اوستینه هرلحضه مانند تگرگ

چوللره دوشدی نهال عمری توکدی شاخ وبرگ

(شام) یا(مصر)و(یمنده) اولدین آخر غصه مرگ

اولمیوب تا حال بیرمدفن معین زینبه

 

اون ایکی شور حسینیله اولان سرگرم غم

(طوری) و(صحاف)و(سعدی زمانه)وئردی غم

ایلسون بو اوچ نفر صدقیله بیر نوحه رقم

غم حشم محنت خدم اندوه توسن زینبه

 

زینبه وئروخ قسم ای خالق ارض سما

بوگلن ایل سن بیزه ویر بیر برات کربلا

چوخ گنهکاروق اگرچه ایتمیشوق بیحد خطا

گیچ خطا میزدن بغشله بیزلری سن زیبنه

 

 مرحومین طوری و صحاف و حسینی سعدی زمان

منبع مجموعه کانالهای مدح و مرثیه

موضوع: حضرت زینب کبری (س) احوالات ,
زبان شعر و شاعر: نوحه ترکی , حسینی سعدی زمان , صحاف تبریزی , طوری

-------------------------------

زبانحال حضرت امام حسین (علیه السلام)

در سر مزار حضرت زهرا (سلام الله)

 

یازوبلار قتلیمه فرمان گُلون گُلشندن آیریلسون

آنا جان یتمه میش کامه حسینون سندن آیرلسون

 

وداعه گلمیشم الان اولوم بو قبریوه قربان

مدینه ملکی لنگ اولدی منه اهل شقاوتدن

کسوبله چارمی دشمن گوتورمز ال عداوتدن

یازوبلا قتلیمه فرمان آییرسونلا بو تربتدن

جفائیله نجه اوغلون بیله ایمندن آیریلسون

 

آنا یا فاطمه بیردم گوتور بو قبردن بیر باش

توکر اوغلون حسین گوزدن نجه گور عارضه قان یاش

مزارون اوسته یا زهرا ئولیدیم قورتولیدیم کاش

چتیندور بلبل شیدا گُل و سوسَندن آیریلسون

 

عراقه ایلیوب دعوت حُسینون کوفیان مهمان

اوزوم بُلّم او صحراده پوزار پرگاریمی عُدوان

اولور اعوان و انصاریم او چولده قانینه غلطان

گرکدور تشنه لب یتمیش ایکی باش تندن آیریلسون

 

کسر سو یولاّرین اعدا یانار اولاد پیغمبر

سالولّار قولاّرین عبّاسیمون سو اوسته دشمنلر

وِرالاّر آنِنّا بیر اوخ ستمله فرقۀ کافر

ئولونجه ممکن اولماز زینبیم شیوندن آیریلسون

 

منه رحم ایلین اولماز او گون یوز مین ستمگرده

کَسَللّر باشیمی عطشان قالور گُل پیکریم یرده

کسوک باشیم آنا گون تک گیدر شامه جِدالرده

گرک ظلمیله ایستکلی سکینم مندن آیریلسون

 

چاپار آت سینم اوسته اشقیای کوفه ظلمیلن

حرمخانه یانار حمله حرم اوسته ایدر دشمن

سالولّار آت دوشونده نازنین اطفالیمی دیلدن

حرم آهولری مجبور اولور مسکندن آیریلسون

 

باجیم زینب جفائیله گرک شمره اسیره اولسون

سپاه کینه بنیاده حرملر دستگیر اولسون

سکینه پاسبانی شامه تک شمر شریر اولسون

دَگل ممکن علیل اوغلوم غل آهندن آیریلسون

 

حقیقتده سنه «صحاف» وار معناده بیر تائید

اودور اشعارون اولموش هر نظرده قابل تمجید

دِلون کنز مَصائب قیل دلوندن تا که بی تحدید

همیشه تا بیله دُرِّ گُهر فخرندن آیریلسون

 

مرحوم صحاف

منبع مجموعه کانالهای مدح و مرثیه

موضوع: احوالات خروج از مدینه ,
زبان شعر و شاعر: نوحه ترکی , صحاف تبریزی

-------------------------------

 در ولادت حضرت امام حسین (علیه السلام)

 

قویدی بو فنا عالمه قدم وجه باقی لم یزل حسین

ایلدی منوَّر بو عالمی گون جمالی گلدن گوزل حسین

هم اوزی گوزل هم آدی گوزل هم آتا آناسی گوزل حسین

یار و آشناسی گوزل حسین

 

ایستدی خدا اهل عالمه بلدوره حسینون جلا لتین

جبرویله امر ایتدی آرتیروب باغ جنتین زیب و زینیتن

ایلدی جهنم اودین خموش آلدی اهل دوزخ حرارتین

چون مزین ایلوب بو عالمی صبح وقتی صبح ازل حسین

 

جلوه جمالی منوری یر یوزین ایدوب رشگ طور حق

ایلدی همین نوریدی او گون طورده کلیمه ظهور حق

قویدی سجدیه مه جبیننی آچدی دل ثنایه او نور حق

ذات حقه ویردی شهادتین ذات حق تک بی بدل حسین

 

گلدی گر چه لعیا بهشتدن اولدی بو شه دینه قابله

لیک حاضر اولموشدیلار هامی بانوان عز و مجلله

آلدیلار حسینون قماطنی افتخاریله بیر به بیر اله

شانه باخ خواتین جنتین گزدی اللرین ال به ال حسین

 

گوردیلر ترو تازه رنگ آچوب آل هاشمون نو بهارینی

اوپدیلر او مولود اقدسین گل کیمی شکفته عذارینی

خاتم النبیین گلوب گوره در مایه افتخارینی

اشتیاقیله آچدی قولارین سویلدی قوجاقیمه گل حسین

 

آلدی نور عینین قوجاقینه ختم الانبیا سرور عباد

هرایکی قولین سالدی بویننا اوپدی گل یوزیندن اولوبدی شاد

نور نورله اولدی متفق ویردی جدینه دست اتحاد

عهد نامه ذرده اولان شرط عهده صاحب عمل حسین

 

میل ایدوب سر انگشت میم دن شیر با صفا معنوی غذا

ایلدی احاطه او حضرتین کل عضوینی خون مصطفی

قول ویردی جدی پیمبره محو ایدنده اسلامی اشقیا

حکم دین و قرآن منزله قویمیا یتشسون خلل حسین

 

دسته دسته نازل اولوب یره گوگلرین سراسر ملک لری

باشنه حسینون دولاندلار ایتدیلر زیارت او سروری

تهنیت دین تسلیت ویرن آغلادوب بتول و پیمبری

اولین وصالنده ایلدی نارفرقتین مشتعل حسین

 

حاملان عرش عرض ایدوب خدا تاپدیلار هامی بو سعاتی

بیزلره نصیب اولمادی نه دن سوگلون حسینون زیارتی

یا اجازه ویر بیز نزول ایداخ یاکه عرشه ایسته او حضرتی

بیزلری او فیض زیارته ایلسون بو گون مشتعل حسین

 

امر اولوندی دربار قدسدن جبرئیله سن نازل اول یره

جامه بهشتی آپار اوزون بوک حسینی دیبای احمره

تیز گتورقماط حسینیمی زیب ویرماقا عرش اکبره

جدی تک مبارک قدومله طاق عرشه ویرسون حلل حسین

 

واریانوندا یارب حسینوین بو قدر جلال و شرافتی

بس نیه او گون رحم ایتمدی اصغرینه کوفه جماعتی

غنچه تک اونی گاهواره دن سولدوروب سوسوزلق حرارتی

امدی دل دوداقین تاپانادی سوویره اونا لا اقل حسین

 

گوردی بلبل پرشکسته نون نطقی یوخدور آلدی قوجاقینه

حوض کوثرون صاحبی گلوب رزمگاهده سو سوراقینه

بیرخدنگ مسمومیله چخوب حرمله او طفلین قباقینه

اوخلانان بالانی آنا سنه قیتروب ویره ما حصل حسین

 

اوغلون اکبرین جاننه سنی ویرم ای شه کربلا قسم

دل شکسته (صحاف) بی کسم رنجه قیل قدم ایله بیر کرم

باشیم اوسته گل جان ویرن زمان صون نفسده بیر گل یوزون گورم

اوندا که گلور قبض روحیمه باشیم اوسته پیک اجل حسین

 

مرحوم صحاف

موضوع: حضرت امام حسین (ع) میلاد ,
زبان شعر و شاعر: نوحه ترکی , صحاف تبریزی

-------------------------------

 بعثت حضرت رسول اکرم (ص)

 

امر خالق لایزالیله حکمت ایلدی اقتضا بو گون

صاحب اولدی تاج نبوّته فرق خاتم انبیا بو گون

 

امر اولوندی دربار قدسیدن نازل اولدی روح الامین یره

فوج فوج علاوه نزول ایدوب ساکنان عرش برین یره

شامل ایلدی فیض کاملین خالق سما و زمین یره

ایلسون حبیبی مشاهده لطف ربّینی برملا بو گون

 

اِقرا بِاسم رَبِّک دیدی دوتوب جبرئیل بازوی احمدی

ایلدی احاطه او حضرتی رحمت خداوند سرمدی

سالدی گون کیمی عالمه ضیا جلوه ی جمال محمّدی

شرم ایدوب او نورین مقابلی گون سالا یر اوسته ضیا بو گون

 

برگزیده ی ربُّ العالمین صاحب اولدی تاج نبوّته

عزم ایدوب حرادن حبیب حق دودمان پاک رسالته

هر گیاه و سنگه ایدوب گذر ایلدی سلام عرض او حضرته

بیر به بیر جوابین ایدوب ادا تاجدارِ قُل اِنَّما بو گون

 

منزله یتیشدی خدیجه چون باخدی بیر او زیبای شاهده

صورتونده عرض ایتدی ایلورم اوزگه بیر تجلّی مشاهده

ایلدی بیان ختم الانبیا قالماسون خانم اشتباهیده

بو نبوّتین نوریدور منه ایلیوبدی خالق عطا بو گون

 

امر ایدوب جناب خدیجیه ذاتِ حقّه ویردی شهادتِین

ایلدی قبول اشتیاقیله خاتم النّبیّین رسالتین

درک قیلدی بو افتخاریله هر ایکی جهانین سعادتین

تاپدی غمدن افسرده خاطری بو سعادتیله صفا بو گون

 

چولقیوب وجود مقدّسین بیر عبایه پیغمبر خدا

خواب نازه مشغول اولان کیمی گَلدی جبرئیل ایلدی ندا

ای اوزینی پیچیده ایلین، دور ایاقه ویر عالمه صَلا

اهل کفری قورخود عذابیدن، قیل حقیقته آشنا بو گون

 

دوردی تا یریندن رسول حق امر حقّه ایتدی متابعت

کائناته تکبیریله سالوب لرزه حضرت ختمی مرتبت

یتدی جمله موجوده بو صدا ایتدی بو کلامه موافقت

اوز دلینجه هر بیر گروه ایدوب امتثال امر خدا بو گون

 

اولماسیدی مبعوث او شاه دین گر بو گون که گونده نبوّته

حشره تک گلن نسل لر یقین تک به تک دوشردی ضلالته

بیر نفر تاپولمازدی ایلسون بیر علاج درد جهالته

ایلدی رسول خدا همان درد بی دوایه دوا بو گون

 

بیر ایله زماندا که عالمی کفر ظلمتی ایلمیشدی تار

قتل و غارتی ایلمیشدیلر اوزلرینه اعراب او گون شعار

هر کس اوز الیله درست ایدن بیر بتیله ایلردی افتخار

اولدی شاهراه حقیقته رهنما او نور هدی بو گون

 

بیر یره یتیشمیشدی مکّه ده قان توکن او قومین جنایتی

زنده زنده قبره قویاردیلار قیزلارین قریشین جماعتی

ایلدی برانگیخته خدا بیر ایله زماندا او حضرتی

خاتمه ویره جاهلیّت و کفره خاتم الانبیا بو گون 

 

مکّه ده اوچ ایل خفیتاً ایدوب خلقی حقّه دعوت او مقتدا

اولدی اوّل ایمان قبول ایدن بیر خدیجه بیر شاه اولیا

وقت او وقت اولوب آشکار ایده دعوتین او سرخیل انبیا

اولدی جلوه گر نور دین حق ماسِواللهه ابتدا بو گون

 

گتدی بیته تشریف او نور حق بیر اوجا سسیله ایدوب خطاب

ای گروه اعراب ای قریش کیمده وار عذاب خدایه تاب

بت پرستلیقدان سیز ال چکون ایتمیون بیله کار ناصواب

سیزدن ایلینمز بو بتلروز هیچگونه دفع بلا بو گون

 

کعبه دن بو بتلر که آسمیسوز بیر ایش اللریندن گلن دگل

امر و نهی ایدنمز مجسّمه، وهن دور بو بیت معظّمه

اعتقاد ایدوب یوخدان عالمی خلق ایدن خداوند عالمه

قدرتینده واردور بیر آنیده ایلسون جهانی فنا بو گون

 

سیز گلون شهادت ویرون ازل بیر یگانه خلّاق اکبره

بیرده که اجابت ایدون منی عذر قالماسون روز محشره

من او ذات حقّین رسولیم ایتمیون اذیّت پیمبره

باور ایلیون برگزیدیه کبریا دانیشماز هوا بو گون

 

اول امین و صادق پیمبره کذب نسبتین ویردی قوم دون

ایتمیوب کفایت بو نسبته عقل کلّه نسبت ویروب جنون

سنگسار ایدوبلر او حضرتی، پارچالاندی آنّی آخوبدی خون

اولدی اهل دینه او حالتی موجب فغان و نوا بو گون

 

بوینونا سالوب اوز عباسینی که سوروردولر یردن اهل کین

گاه باشینه کول توکوردولر، زیر پایینه خار مشرکین

صبر ایدردی دین اوسته هر غمه ایلمزدی شکوه او شاه دین

دوشدی یادیمه صبریله اُلن جدّی تک شه کربلا بو گون

 

فتلگهده آلمیشدی دوره سین اللرینه داش نیزه اوخ گلن

یاره اوسته یاره ووروردولار قصد قربتیله گلوب گیدن

فکر ایله او سانسیز یارائیله گور دوشر نه حاله او گل بدن

وار یری حسینین او حالینه آخسا دیده لردن دِما بو گون

 

ایلدی او کثرتده شاه دین قان ایچینده بیر وحدت اختیار

قویدی سجدیه مه جبینینی عرض قیلدی ای حیّ کردگار

راضیم یولوندا سنون منه هر نه ظلم ایده قوم نابکار

گلمرم دله ایتمرم گله ویرمیشوم قضایه رضا بو گون

 

ایلدیم ازل گونده ایتدیقیم عهدیمه بو صحراده من وفا

شدّت ایلدوقجا بلا دیدیم دمبدم لَکَ الحَمدُ وَالثَّنا

سنده شیعه لر معصیتلرین عفو قیل بو احوالیمه خدا

یاحسین دیوب صدقیله منه ایل به ایل دوتالّار عزا بو گون

 

اوغلون اکبرین جانینه سنی آند ویرّم ای شاه کربلا

ایسته بیرده «صحّافی» قبریوه عهدینه او یرده ایده وفا

گاه اکبره گاه اصغره گه دوتا علمداریوه عزا

عرض ایده خدا شکر اولا سنه اولدی نیّتیم جابجا بو گون

 

مرحوم صحّاف تبریزی

منبع مجموعه کانالهای مدح و مرثیه

موضوع: حضرت محمد (ص) مبعث ,
زبان شعر و شاعر: نوحه ترکی , صحاف تبریزی

-------------------------------

در مبعثت حضرت رسول اکرم (ص)

 

مظهر ذات خداوند کریم

باءِ بسم ا... و رحمان و رحیم

 

سیّد لولاک، میر ماخَلَق

صاحب اِنَّک علی خُلقٍ عَظیم

 

قطب قرآن مبین، هادی دین

معنی اصل صراط المستقیم

 

محرم بزم حریم کبریا

مخزن اسرار خلّاق کریم

 

نور پاکش مشتق از نور ازل

ذات پاکش قائم از اصل قدیم

 

ایزدش نامیده احمد زانکه هست

فرق احمد از احد یک حرف میم

 

مفتخر در خدمتش با صد شرف

آدم و نوح و خلیل ا...، کلیم

 

علّت غائی کلّ ممکنات

اشرف مخلوق و فخر کائنات

 

تاجدار آیه ی قُل اِنّما

مصدر وحی خدای کبریا

 

حضرت یس و طه منتخب

مقصد طسن و والشّمس الضّحی

 

شرّ حق، ممدوح سبحان الّذی

عالِم غیب و شهود ماسِوی

 

خود نشد کعبه مطاف مسلمین

تا نکرد اوّل بر آن شه اقتدا

 

منجی دنیا و دین،‌ رکن هدی

مصلح عالم شه ارض و سما

 

عقل کلّ و مقتدای مرسلین

احمد محمود و ختم الانبیا

 

علّت غائی کلّ ممکنات

اشرف مخلوق و فخر کائنات

 

چون به امر حضرت جان آفرین

گشت نازل در حرا روح الامین

 

خواند الم نشرک لک صدرک ازل

و وضعنا عنک وزرک را یقین

 

بعد گفت اقرا باسم ربّک

قم فانذر کی حبیب لامکین

 

خالق حیّ و قدیم لم یزل

برگزیدت ز اوّلین و آخِرین

 

کرد نورت مشتق از نور ازل

کرد با تو اختتام مرسلین

 

بود در جهل و ضلالت کائنات

گر نمی بود آن وجود نازنین

 

از توحّش بر تمدّن سوق کرد

هادی دین رحمتٌ للعالمین

 

چون که شد «صحّاف» مدّاح رسول

یاورش گردد امیرالمومنین

 

من محبّ خاندان احمدم

شاهد عادل کرام الکاتبین

 

مرحوم صحّاف تبریزی

موضوع: حضرت محمد (ص) مبعث ,
زبان شعر و شاعر: نوحه فارسی , صحاف تبریزی

-------------------------------

زبانحال حضرت زینب (سلام الله)

در احوالات حضرت فاطمه زهرا (سلام الله)

 

آچ گوزون ای غمکش دوران آنا یافاطمه

زینبین جانی سنه قربان آنا یافاطمه

 

قویدون اول گون که قدم بو عالم ایجاده سن

روز و شب اولدون آنا هر محنته آماده سن

گورمدون بیر لحظه خوش گون بو فنا دنیاده سن

قالدی آغلار گوزلرون هر آن آنا یافاطمه

 

وقت رحلتده سنی تاپشوردی جدّیم مصطفی

امّته قویدی امانت مصدر قُل اِنَّما

قویمادی اوچ گون سنه دنیاده حرمت اشقیا

ظلمیله گوزیاشون اولدی قان آنا یافاطمه

 

حق طریقیندن چخوب بدعت اساسین قوردولار

جور و ظلمیله جهانی سربسر دولدوردولار

یاندیروب عالملری درگاهیوی یاندوردولار

بیعتی الده ایدوب عنوان آنا یافاطمه

 

محسنون اُلدی، در و دیوار آرا قالدون اوزون

اوج ایدوب افلاکه آهون، دولدی اشکیله گوزون

باغری قان اولدون او گون دست ستمله سن اوزون

اولدی بو عالم سنه زندان آنا یافاطمه

 

اولدی دنیاده سنون اون سگّیز ایل عمرون آنا

چکدون آز عمریله بیحد محنت و درد و بلا

هر بلایه دل ویروب هر بیر غمه اولدون رضا

قلبون ایتدی نار غم سوزان آنا یافاطمه

 

بار محنتدن بوکولدی سروه بنزر قامتون

ساچلارون غمدن آغاردی، سولدی گل تک صورتون

گون به گون ساعت به ساعت اولدی افزون محنتون

یتمسون کامه گوروم عدوان آنا یافاطمه

 

بسکه چکدون درد و محنت دوشدی طاقتدن وجود

دمبدم فریاد و آهون ایلدی عرشه صعود

روزگار ایتدی سنی آخِرده مزدور یهود

کارون اولدی ناله و افغان آنا یافاطمه

 

سن بو گون ترک ایلسن دنیانی ای کان حیا

اولمارام سندنصورا دنیاده من راحت آنا

باشیمون وار چوخ بلاسی ثبت ایدوب کلک قضا

سینه سوزان دیده سی گریان آنا یافاطمه

 

بولمورم آیا سنون بو حالیوه قان آغلیوم

یا حسینه ایلیوم فریاد و افغان آغلیوم

وار یری عمریمجه من هر لحظه هر آن آغلیوم

سالسون اشکیم عالمه طوفان آنا یافاطمه

 

بیر حسینی که آنا بیر عمر چکدون زحمتین

ایلدون شام و سحر جان و دلیله خدمتین

کربلا دشتینده گل گور بیر حیاسین امّتین

سو یانیندا جان ویرور عطشان آنا یافاطمه

 

اوچ گجه گوندوز قالور گونلر ایوینده پیکری

نیزه ده گون تک اولور مشهور راس انوری

حشره تک آغلار قویار بو زینب غم پروری

حالیمه سنده او گون باخ یان آنا یافاطمه

 

واردی صحّافین نچه ایل لردی دلده حسرتی

بیر رفیق مهربانیله زیارت نیّتی

بو گلن وقفه حسینین قبری اولسا قسمتی

قالماز آمالینده بیر نقصان آنا یافاطمه

 

 مرحوم صحاف تبریزی

منبع مجموعه کانالهای مدح و مرثیه

موضوع: حضرت فاطمه زهرا (س) زبانحال ,
زبان شعر و شاعر: نوحه ترکی , صحاف تبریزی

-------------------------------

احوالات حضرت رقیه (س) در کوچ از قتلگاه

 

اوایل شعر حذف شده است

 

او غملی دشتده هر کس یاناردی اوز کسینه

دوشندی نازلی رقیه آتا جنازه سینه

 

غریق ِبحرِ بلا باخدی بیر سفینه سنه

اوزونی سالدی حسینون یارالی سینه سنه

 

اوپوب کسوک بوغازین آهی عرشه اوج ایتدی

توکندی صبرِ دلی اختیاردن گیتدی

 

توکوب عذارینه ابرِ بهار تک قانیاش

دئدی بابا سنی بو نوع گورمیدیم کاش

 

سوسوز کسوبله باشون سو کیمی اخوب قانون

قالوبدی گونلر ایونده بو جسمِ عریانون

 

سنی بو حاله سالوب هانسی بر شل اولموش ال؟

گوروم اولیدی سنه بو یارا وران الی شل

 

کسوب کیم اللریوی کیم لباسوی سویدی؟

منی بو خورداجا وقتیده کیم یتیم قویدی

 

اوقدر ووردیلا قمچی بو کوفیان باشما

آخوب باشمدان آخان قان قارشدی گوز یاشما

 

همیشه مئهر و محبّتله ای شهِ عطشان

یتیملر باشنا چوخ چکردون ال باباجان

 

دو ساقلقون کیمی بیرده منی قوجاقوا آل

الیوی باشمه چک قولّاریوی بوینوما سال

 

بو دل شکسته نی بیرده یتور مرامه بابا

یانوندا ساخلا آپارسونلا قویما شامه بابا

 

جفای شمره داخی دلده طاقتیم یوخدور

پیاده گیتماقا یول دیزده قدرتیم یوخدور

 

اوقدری دیل دئدی دلدن اوجالدی افغانی

گتوردی رقّته قلب ِشهِ شهیدانی

 

گلوب تلاطمه صد پاره دوغرانان پیکر

اوجالدی ناگه او دم ساربان کسن اللر

 

آچلدی قولّاری گلدی محبّتی جوشه

او سؤگلی بالاسین چکدی جان تک آغوشه

 

ویروب او حالیده سعد اوغلی کوچ فرمانین

یانان گوگل لرین عرشه اوجاتدی افغانین

 

دیدی دایانمیون ای کوفیان ِکینه شعار

ایدون یارالی بدنلردن اهلبیتی کنار

 

النده قمچی نچه دسته قوم ِکافردن

نجه آیردیلا بلبللری او گللردن

 

دویونجا قویومادیلار سس چکوب بیر آغلیالار

او گل بدنلرون استنده سینه داغلیالار

 

وروبلا باشلارینا بسکه اهلِ کینه تتار

آنا اوغول باجی قارداشدان آیریلوب ناچار

 

وارا وارا اولاری ایلیوبله ناقه سوار

دیار کوفیه یولّاندی دست بسته قطار

 

سکینه قالدی آتا نعشی اوسته ناله کنان

گلوب آیرماقا زجر بن قیسِ بی ایمان

 

چکوب او گل بدنی گوردی جان تک آغوشه

گل عطری بلبلی مدهوش ایدوب گیدوب هوشه

 

بالاسنا آتا لطفین ز بسکه شامل ایدوب

ایکی کسوک الینی بویننا حمایل ایدوب

 

بو فکره دوشدی وورا فاطمه نشانه سنی

چکوب بیلندن او ساعتده تازیانه سنی

 

بناتِ فاطمه دن صبر و اختیار آلدی

او دوغرانان بدنی قمچی آلتنا سالدی

 

نقدری ووردی حسینون یارالی پیکرینی

سکینه دن شهِ دین چکمیوبدی اللرینی

 

یتیشدی گوردی بو اوضاعی شمرِ بی پروا

حسینی وورما دئدی چکمه زحمتِ بیجا

 

بو قیز که سن گوروسن گلشن ِوفا گلیدور

عزیز ِفاطمیه ببر عزیزه سوگلیدور

 

صباح و شام بو شیرین دله بو شاهِ انام

ویروردی مِهر و محبّتله سینه سنده مقام

 

حسینی وورما گلن وور بو ناز پرورینی

سکینه دن چکه بلکه یارالی اللرینی

 

بیله رؤف بیله مهربان آتا اولماز

حسین سکینه سنی ورماقا رضا اولماز

 

الینده قمچی گلوب جرئته او شوم و لعین

هوایه قوزادی ناگه او دم شل اولموش الین

 

خدادن ایلمدی شرم او حقّدن بیزار

آتا یانیندا عزیزه بالانی وورمازلار

 

سکینیه دیمرم ایلدی نه ظلم و جفا

عزیزِ فاطمه نون دوشدی قولاریی یاننا

 

آیردیلار او گلی شاخهء ولایتدن

ولی خزان گلی تک سالدیلار طراوتدن

 

نهان عداوتنی شمر اشکار ایلدی

ورا ورا گتوروب ناقیه سوار ایلدی

 

باخان او طفله دوتوب اود اورکدن اودلاندی

خلاصه کوفیه محنت قطاری یولّاندی

 

غریبه حال شهِ کربلاده گورسندی

دوروب ایاقه او باشسیز جنازه اگلندی

 

وفا و مهرینی عالملره نشان ویردی

عیالینون دالیجا اوزی اذان ویردی

 

گینه علاقه سینی کسمیوب عیالندن

بیر آن بالالارینون دوشمیوب خیالیندن

 

اگر چه پیکری توپراقلار اوسته قالمیشدی

جدا باشیندا گون کیمی اوجالمیشدی

 

دیارِ شامه کیمی نیزه لرده صبحیله شام

ویروردی تسلیت اطفالینه او شاهِ اَنام....

 

مرحوم صحاف تبریزی

منبع مجموعه کانالهای مدح و مرثیه

موضوع: کوچ از قتلگاه ,
زبان شعر و شاعر: نوحه ترکی , صحاف تبریزی

-------------------------------

احوالات خرابه شام

 

غساله گوندروبدی یزید ستم شعار

غسل و کفن اولوب، اولونا داخل مزار

 

بیر نچه خشت پاره ایدوب جمع بیر یره

سلطان دین عزیزه سنون غسلونی ویره

 

غساله ایستدی چیخادا کهنه کوینگین

فوراً پوزولدی حالی، اوجالدوبدی شیونین

 

باشدان باشا او جسم نحیفه ایدوب نگاه

توپراقلاری سپوب  باشنا ، چکدی دلدن آه

 

غملر آناسی زینبه دوتدی یوزین او دم

عرض ایتدی بو شهیده دی، من غسل ویرمرم

 

 

نیلی اولوب بنفشه کیمی پیکری، یوزی

باللهی ئولدوروبله بونی، ئولمیوب اوزی

 

هر عضوینه باخاندا گلور جوشه اشگتر

مجروح ایدوب بو گل بدنین تازیانه لر

 

بو دردناک منظرینه یوخدی منده تاب

نه حالته سالوبدی گورین قولارین طناب؟

 

دگدی او دمده بیر بیره عورت اوشاق تمام

یولدی دوباره ساچلارین آل شه انام

 

حیرتدیم نه نوعله ای حی ذولمنن

اولدی مباشر امرینه غساله پیره زن؟

 

تغسیل اولوندی دختر سلطان ممتحن

اوز کهنه کوینگین اوزینه ایتدیلر کفن

 

غمدن خلاص اولوب او غم و غصه مخزنی

اولدی خرابه گوشه سی آخرده مدفنی

 

عمه آنا باجی قاریشوب بیر بیره تمام

شامون خرابه سینده قیامت ایدوب قیام

 

عرشه خرابه دن اوجالوب شیون و فغان

خوردا بالالار آغلیا بولموله قورخودان

 

فکر ایله گور نه حاله قالوب آل طاهرات

باشین آچوب یولاردیلا زلفین مخدرات

 

اوخشاردی او طفلی هره بیر زبانلن

دولموشدی جام دیده لر اشگ روانیلن

 

(صحاف) الونده یاندی قلم ساخلا ال دایان

آغلار او حاله ایمدیده عصرون امامی قان

 

چوخ طول ویرمه مطلبه شرح ایتمه بو غمی

یاندوردی بو مصیبت غم، قلب عالمی

 

مرحوم صحاف تبریزی

منبع مجموعه کانالهای مدح و مرثیه

موضوع: احوالات خرابه شام ,
زبان شعر و شاعر: نوحه ترکی , صحاف تبریزی

 

-------------

 

در احوالات حضرت علی (ع)

 

مجسّم ایله گوزونده او حالِ پُراَسفی

باشی یارالی ایوه گتدیلر شهِ نجفی

 

خانملار آلدیلار اطرافنی پریشان حال

احاطه ایلدی آلِ رسولی درد و ملال

 

دگوب بیری بیرینه اهلِ بیتِ پیغمبر

عیالِ حیدره بی نفخِ صور اولوب محشر

 

اوجالدی زَجّه و ناله بناتِ زهرادن

دایاندی شیون و فریاد عرشه غبرادن

 

او شاهی سالدیلار بیر رختخوابِ محنتده

یاتوب ولیّ خدا بسترِ مصیبتده

 

ز بسکه تیغِ جفا اختیارین آلمیشدی

سولوب جمالی ، ساری گل کیمی سارالمشدی

 

گهی امام ایدوب غشوه ، گه گلوب حاله

باخاردی حسرتیله اهلِ بیت او احواله

 

گلوردی دسته به دسته عیادته اصحاب

تمام اللری قوینوندا دیده سی پر آب

 

باخان جمالینه گوزدن یوزه توکوب قانیاش

دیردیلر سنی بو نوع گورمییدوخ کاش

 

نه حالیدی بیلن یوخدی زینبون حالی

بناتِ عصمتی پوزموشدی پوزقون احوالی

 

گوگل دونوب قانا ، دولموشدی خونِ دل گوزینه

یتمیلوق توزی قونموشدی دفعتا" یوزینه

 

دوتوب یوزین حسنِینه او کانِ فوز و فلاح

دئدی گیدون گتورون سرعتیله بیر جرّاح

 

گیدوب گتوروبله چوخ سرعتیله نُعمانی

ایده معاینه زخمِ ولیّ یزدانی

 

دئدی ضروریدی بو امر بیر قویون جگری

اولا معاینه بهبودی یا ئولوم اثری

 

حرمسراده پسِ پرده ده بنات و زنان

هامی باخاردی او حاله مشوّش و نگران

 

توکوب او وقتده نعمان یوزینه گوز یاشین

گوروب علامتِ زهری جگرده ، آچدی باشین

 

دئدی بو بیر یارا قسمت اولونسا مین نفره

گمان یوخومدی سلامت قالا بیری سحره

 

فدا اولوم باشوا ، باشوه یغ عترتیوی

دویونجا یوزلرینه باخ ، ایله وصیّتوی

 

دیوب بو سوزلری نعمان با دلِ پرخون

یارالی شاهی وداع ایلیوب اولوب بیرون

 

جهاندا مدّتِ عمرینده آغلیان زینب

غمِ آتشیله یانوب سینه داغلیان زینب

 

بویوردی وای منه آسان ایشیم چتین اولدی

اسیر اولوب بو یره گلماقیم یقین اولدی...

 

مرحوم  صحاف

منبع مجموعه کانالهای مدح و مرثیه

موضوع: حضرت علی (ع) احوالات ,
زبان شعر و شاعر: نوحه ترکی , صحاف تبریزی

-------------------------------

در احوالات حضرت امام حسن مجتبی (علیه السلام)

 

دستگاه شوم و تبلیغات مسموم عدو

مجتبایه سودۀ الماس‌دن ایچدیردی سو

 

کربلا سلطانینه آلدیردی قانیله وضو

بو جفالر قویمادی دنیا سویوندا آبرو

 

بدو اسلامیّت و اسلامیان دینه جدید

یوخدی پیغمبر، یرین اشغال ایدن شخص پلید

بیر طرف اهل نفاقین میلی کفره چوخ شدید

ال اله ویردی بنای دینی ایتسون زیر و رو

 

دوشدی چوخ یرده زمان مسلمین پست اللره

ظاهراً مسلم ولی باطنده کافر یکسره

شبهه لر القا اولوندی ایش یتیشدی بیر یره

مشتبه خلق ایچره اولدی امر زشتیله نکو

 

رفته رفته اولدی دوره دورۀ سفیانیان

بیر بیریندن توکدی اسلام اهلی بی اندازه قان

عاقبت مسجدده ضربتلندی میر مومنان

دینه یتدی بیر خلل حاشا تاپا بیرده رفو

 

گیتدی اللردن، تراب آلتیندا یاتدی بوتراب

الله الله باتدی قالدی توپراق آتدا آفتاب

دین اولوب ماتم زده، سفیانین اوغلی کامیاب

دوتدی ظلمت هر دیاری کوچه کوچه کو به کو

 

زادۀ سفیان او بی شرم و شقاوت مظهری

ایلدی اشغال قهراً مسند پیغمبری

دست اندر کار ایدوب هر یرده مرموز اللری

تا ویره اوز نحس تشکیلاتینه بیر رنگ و رو

 

تا ه قدری وار حسن گوردی او بی شرم جهان

قویماز اولسون کام دلجه باطل اهلی حکمران

پیشرفت ایتمز جهاندا مسلک سفیانیان

حشره تک ناپاک دللرده قالار بو آرزو

 

نقشه لر طرح ایلدی قتل ولیّ داوره

تا شهید اولسون حسن داغی چکیلسون دللره

رخنه لر دینه وورولسون، دگسون عالم بیر بیره

ایلسون هر ظلمیده طغیان او قوم کینه جو

 

مجتبی هر یرده حفظ ایلردی اوز شخصیّتین

اوزگه بیر تدبیر آلانمازدی الیندن قدرتین

محرمین وادار ایدوبلر قتلینه اول حضرتین

ایلسون مسموم او شاهی جعدۀ بی شرم و رو

 

جعده پوزدی عاقبت مظلوم امام احوالینی

سودۀ الماس‌دن ایتدی دگرگون حالینی

گلدی زینب باشی اوسته توکدی اشک آلینی

قانلی گوزیاشی ویروب مرآت حقّه شستشو

 

سسلدی ای یادگار حضرت زهرا باجی

مجتبانی تازه دن مسموم ایدوب اعدا باجی

روزگاریم اولدی بالمرّه شب یلدا باجی

دور نه حاله گور منی آخِر سالوب بیر شربه سو

 

دوردی زینب گوردی چوخ پوزقوندی حال مجتبی

بیر سارالموش گل کیمی سولموش جمال مجتبی

بولدی یتمیش باشه روز و ماه و سال مجتبی

عرض ایدوب قارداش سینِیدی کاش ازل گون بو سبو

 

سویلدی ایمدی گیچوب ایش ایشدن ای کان حیا

آخِرین ساعات عمرین طیّ ایلور مجتبی

ویر خبر گلسون باشیم اوسته عیال مصطفی

چوخ غنیمتدور بو فرصت وار مجال گفتگو

 

تا خبردار اولدی گلدی آل هاشم بالتّمام

گوردیلر ایلور توجّه قانلی بیر طشته امام

دوغرانوب ازبس جگرلر یوخدی یارای کلام

ایلوری آهسته صحبت شهریار نیکخو

 

دوشدی تا زینب گوزی طشته اوجالدی شیونی

سسلدی ایوای منه کیم قویدی قارداشسیز منی

زینبون اُلسون نه تیز سولدی حیاتون گلشنی

دوشموسن بیر درده یوخ درمانه راه جستجو

 

گوندوز اولدی شام، گیتدی آز چوخ اولسیدی گلن

قالدی بیر اوز اهل بیتی بیرده شاه ممتحن

حسرتیله باخدی بیر اطرافینه دلده محن

توکدی اشک چشمین آغلار چشمه چشمه جو به جو

 

امر ایدوب گیتسون هامی آل رسول ذوالمنن

خلوت اولسون منزلیم چاره قیلوم بو درده من

ایستدی جعده گیده فرمایش ایتدی گیتمه سن

بیر سوزوم وار آل هاشمدن ولی گیزلیندی بو

 

نیلمیشدیم من مگر ای بی وفا اسما سنه

سو یرینه سودۀ الماسی ایچدیردون منه

آغلادوب پیغمبر زهرانی گتدون شیونه

ایمدی جنّتده دیر زهرا حسن وای سو سبو

 

سن آنام زهرا عروسی لایق اعزازیدون

مجتبایه محرم اسراریدون همرازیدون

ضایع ایتدون شانیوی هر قدر اگر ممتازیدون

ایلدی گمره سنی موهوم وعدِیله عدو

 

ایتمدون منظور هرگز دل شکن احوالیمی

باخمادون دشمن پوزور پوزقون پریشان حالیمی

زهری ایچدیردون منه قویدون یتیم اطفالیمی

دوسته گوردون روا دشمن جفاسین موبمو

 

بی وفا بولدون نجه ظلمونده طغیان ایلدون

نه منی، دنیا بویی قتل فراوان ایلدون

کربلاده سن حسینین بسترین قان ایلدون

دستمازین ایتدون عاشورا گونی خون گلو

 

بولموسن نیلر حسینه روز عاشورا یزید

سو یانیندا تشنه لب ایلر او مظلومی شهید

قانلی بسترده قلج اوخ نیزه خنجر بی عدید

بیله بستر بالشی خاکستر ایستر پرّ قو

 

گر حسین اُلسه دیمه ظلمه دویار قوم فساد

وورماسا اود خیمه گاهه چکمز ال اهل عناد

بزم عامه زینبی جبراً چکر ابن زیاد

کیم بولور اوردا نه غوغالر قوپار نه های و هو

 

کاش اولیدون زینب کبری اولان گونلر اسیر

عترت طاهانی امّت ایلین گون دستگیر

بیر گوریدون دستۀ روباه اولاندا شیرگیر

شیرزنلرده شهامت سر ایدیدون روبرو

 

نوحه یاز «صحّاف» الوندن سالما هرگز خامه نی

نامۀ اعمال بول الده بو شیوا نامه نی

روز محشرده اوخی محشر قیل اول هنگامه نی

ایسته حقدن نامۀ اعمالیوی آلسون گرو

 

مرحوم صحاف

موضوع: حضرت امام حسن مجتبی(ع) احوالات ,
زبان شعر و شاعر: نوحه ترکی , صحاف تبریزی