متن نوحه ترکی مرحوم قمری دربندی

مجموعه اشعار ترکی (متن نوحه ترکی) از استاد مرحوم قمری دربندی در مدح و ثنای اهلبیت (ع)

-- -- -- -- --

وداع حضرت علی اکبر (ع)

 

قوی توکولسون زلفِ مشگین عارضِ ماه اوستونه

سطر چکسون حُسنِ وجهِ صِفوة الله اوستونه

 

آیة الله ایله پیدا سطرِ قوسیندن

تا دوشه لامِ الف میم ، الله اوستونه

 

ظاهر اولسون عالمه لیس له کفوا" احد

مدّ مشگین خط قویسون قل هو الله اوستونه

 

خالون همچون نقطهء پایان بسم الله دور

مشتعل اولسون جمالون ، قدرتُ الله اوستونه

 

گورسنوب واللّیل پایانِ لیالِ عشرده

ابرِ ظلمت سایه سالسون ماسوالله اوستونه

 

طُرّه طرّارِ عنبر باریلن مشگین لوا

پرچم آچسون لا الاه نصر من الله اوستونه

 

لیلةُ القدر اولماقا والفجر معناده ردیف

قالخا صوتِ احسنُ الله احسن الله اوستونه

 

تا چکه نفشِ مدادیله صراط المستقیم

کلکِ قدرت آیهء ما انزل الله اوستونه

 

تارِ زلفِ تارون ، همچون مشک تاتار عطر بار

الف ترکیبین چکه الحمدالله اوستونه

 

شانه چون تشدید ، فوقِ کلمهء شمسُ الضّحی'

بی نقاب ایتسون مرتّب هیبت الله اوستونه

 

لوحِ صُنعِ ذوالجلاله ثبت اولونسون غیبدن

آیهء سفک الدماء الحکم الله اوستونه

 

کاکلِ پرچین بسانِ رشتهء حبلُ المتین

رونق اولسون لوحِ صُنعِ حکمت الله اوستونه

 

کلکِ نقّاشِ قضا یازسون ایکی سطر اِن یَکاد

صفحهء رخسارِ فرزندِ یدالله اوستونه

 

تا آچا گلشنده (قمری) شوقیلن دُرجِ دهان

عرشه قالخا ماشاالله ماشاالله اوستونه

 

اکبرِ شهزاده وئردی امّ لیلایه جواب

وورما شانه ای آنا قیلما بو زینتده شتاب

 

توکمه زلفِ مشکفامی خطّ ریحان اوستونه

چکمه ظلمت پرده سین مِهرِ درخشان اوستونه

 

ای آنا من اکبرم قرآن ناطق اوغلیام

زینت اولماز احتیاج آیاتِ قرآن اوستونه

 

تارِ زلفیلن جمال مصطفانی قیلما تار

قوی اوجالسون صوتِ صلوات عرشِ سبحان اوستونه

 

آیهء ظلماتی قیلما غالبِ آیات نور

وئرمه رونق ظلمتیلن نورِ یزدان اوستونه

 

قوی اولا سر سورهٔ قرآن مُذَّهب قانیلن

قطره قطره قان دوزولسون جدولِ قان اوستونه

 

ایلمه چرخِ ولایت آفتابین منکسف

سالما ابرِ غم نقابین ماه ِتابان اوستونه

 

ایتمیون افشان جمالیمده قرا گیسولری

خطّ سودا چکمیون گلبرگِ خندان اوستونه

 

گلستان تک گلعذاریم قاندان آچسون لاله لر

بارشِ نیسانِ غم یاغسون گلستان اوستونه

 

حُسنِ مَستَحسن گورونسون صنعِ صنع الله ده

قانیله اولسون زرافشانلوق چون زرافشان اوستونه

 

باغِ بهجت ، زیبِ جنّت ، ظلّ رحمت ، کاکلیم

چتر طاووسینی قورسون خاکِ میدان اوستونه

 

تیغیلن مدّ مُطلّا تک چکلسون فرقیمه

زینت اولسون سورهء توحید فرقان اوستونه

 

کربلاده عید اضحی' دور بو عاشورا گونی

منده قربان ، زینت اولماز اصلِ قربان اوستونه

 

اِن یَکادی شمر یازسون قانیمیله سطر به سطر

خنجرِ برّان دمینده لوحِ جانان اوستونه

 

گلستانِ نظم ایچینده (قمری) شیرین کلام

چیخسا لایق دور اگر تخت سلیمان اوستونه

 

مرحوم استاد قمری دربندی

منبع مجموعه کانالهای مدح و مرثیه

موضوع: حضرت علی اکبر (ع) احوالات ,
زبان شعر و شاعر: نوحه ترکی , قمری

-------------------------------

در مدح حضرت رسول اکرم (ص)

 

ای وجودی عالم امکانه نور کاینات

نور پاکی علت غائی کل ممکنات

 

علت المعلول ، معلول العلل ، عین الوجود

منشاالانشاء ، قوام الروح ، نفس الناطقات

 

مبدالابداع ، قطب الکبریا ، رکن الجلال

جمله اشیا عوارض ، سنسن اول اشیایه ذات

 

صفحه رخسار مرآت جلال لایزال

ذات پاکی ، ذوالجلاله ، مظهر عین و صفات

 

نورک نور علی نور ، هو النور الذی

کان فی الکونین ، منهاج الهداه المرسلات

 

کنت کنزا کنزینون ، مخفی اولان دردانه سی

کلمه احببت ان اعرفده اصل البینات

 

ذات واحد نور واحد غیر ذات و ذوالجلال

دار کون کن فکاندا جمله عسکوندور ذوات

 

فطرتی نور و سرشتی نور ، اصل و ذاتی نور

اسمی نور و جسمی نور نیر و نورالهدات

 

کان رحمت ، شمس ملت ، بحر شوکت ، رکن دین

عین ایمان ، بانی بنیان ، ارکان الصلوات

 

یا رسول الابطحی الهاشمی ، سنسن یقین

مقصد انا عرضنا ، مخزن المستودعات

 

ظاهراً خاتم ، ولی باطنده اول ماسبق

منبع انوار قدرت ، چشمه عین الحیات

 

پرتو نورون کماءالورد فی الورد آشکار

خلقت عالمدن اقدم فی الحجاب الغایبات

 

عالم ابداعده یوخ سبقتی انواریده

جن و انس و عرش و فرش ، سابقون السابقات

 

سبقتونده شاهدیم مضمون لولاک لما

خلقتونده عاجزم ، وار چوخ رموز عالیات

 

حیطه حکمونده دور ، یا مصطفی روحی فدا

ساکنان بزم قدس ، نازعات و ناشطات

 

گر دییم معمار صنع کن فکان ، سلطان عقل

گه معاذالله دییر ، گاهی دییر هیهات و هات

 

عقل ناقص ، فکر قاصر ، ذهن کوتاه و قصیر

انس و جان ماهیتنده واله و حیران و مات

 

جوهریندن جسمیوین ، ماهیتنده ذاتیوون

بی خبر آباء علوی ، پرتحیر امهات

 

گر سنه صانع دیسم ، البته محض کفر اولور

اوزگه وصف ایتسم ، تمام ایتمکده یوخ مستلزمات

 

صانع عالم دگولسن ، لیک صنع صانعه

اولموسان باعث ، طفیلیندور عموم الصادرات

 

حاش الله ، کیم دییر سندن اگر اذن اولماسا

صفحه غبرایه هیچ بیر قطره سالسون معصرات

 

نور مهرون اولماسا ، اولمازدی موجود بوالبشر

طعن لاذب اولماقیلان جاذب ماء فرات

 

قالب آدمده هرگز روح دوتمازدی قرار

اولماسیدی ذره ای نوروندن هرگاه التفات

 

معرض طوفانیده گر یتمه سیدون دادینه

نوحه واللهی اولونمازدی او طوفاندا نجات

 

ای خلیله نار نمرودی گلستان ایلین

عالم ارواح ایچینده نوری کنزالمعجزات

 

چونکه اسماعیله قیلدی نور پاکون انتقال

آل اسحاق اولدولار مایوس من کل الجهات

 

فرقتونده کلبه احزاندا اولدی اشکبار

حضرت یعقوب ، قرخ ایل باالعیون الباکیات

 

یوسف مصرینی قیلدی رنج زنداندان خلاص

طینتون اولدی سنون حلال کل مشکلات

 

طوریده موسی بن عمران ، گوردی ضوء نوروی

یدی گون یوخ ، بلکه بیهوش اولدی تا یوم ممات

 

یا نبی الموتمن ، عالم سنیلن برقرار

روح سن عیسایه سن ، عیسادی جسم بی ثبات

 

سن او پیغمبرسن ایتدون موسم میلادیده

طاق کسرانی شکست  و ، قالع لات و سومنات

 

سن او پیغمبرسن ایتدون چرخیده شق القمر

بش بنانون اولدی عین المعجزات الباهرات

 

سن او پیغمبرسن سنیله نطقه گلدی سوسمار

تاپدی نوروندن هدایت ، مومنین مومنات

 

گه اباذر دئبدن اوصافوی آلدی سراغ

معجزون گوستردی سلمانه نخیل باسقات

 

سن او شاهنشاهیسن ، معراج قیلدون گوگلره

زینت عرش اولدی نعلینون ، کنوزالباصرات

 

یوخ نه نعلینون ، علینون نعل سم دلدلی

کل عالمدندور اشرف ، شاهدیم والعادیات

 

هانسی پیغمبرده وار بو رتبه یا خیرالبشر

لیله المعراج اولا خیل جلال عاصفات

 

هانسی پیغمبر رکابینده براق و رفرفی

ایلیوب خلاق داور ، چون جیاد صافنات

 

هانسی پیغمبر ضیافتگاهی صدرالمنتهی

اولدی سن تک مجلس آرای مقام الرافعات

 

میزبان الله ، بزم خاص ، منزل فوق عرش

قرب او ادنی مقام العشق ، عین المسئلات

 

هانسی عاشقدور لعمرک سس گله معشوقیدن

سن کیمی اسراره محرم بالعشی والغدات

 

هیچ کس اولماز موقف روز جزاده رستگار

گر ئولنده اولماسا یا مصطفی سندن برات

 

(قمری) بی خانمان وصفون دییر صبح و مسا

عمری فانیدور ، کلامی باقیات الصالحات

 

مرحوم قمری

منبع مجموعه کانالهای مدح و مرثیه

موضوع: حضرت محمد (ص) مدح ,
زبان شعر و شاعر: نوحه ترکی , قمری

-------------------------------

در مدح و جلالت و منقبت امیرالمومنین حضرت علی (علیه السلام )

 

ای وجودی مطلع انوار قدرت یاعلی

نظم دار کن فکان، بنیان فطرت یاعلی

 

اسمی جوهر، جسمی جوهر، ذاتی جوهر، لا غرض

عالم انواریده بنای خلقت یاعلی

 

سبقت فطرتده نور خلقتندور لاشریک

محرم خلوت سرای بزم وحدت یاعلی

 

بیر وجود فردسن، که عکس ذاتوندن ذوات

اولدی موجود، مایه ایجاد کثرت یاعلی

 

اصل نور و فصل نور و محض مطلق، نورسن

سری وار اولموش مضاعف عنصریت یاعلی

 

ماعرفنادن صورا یوخ اوزگه سوز اوصافوه

وار وجودینده بیر الطاف ماهویت یاعلی

 

کنهنه یتمز نفوس اولین و آخرین

ایتسه با کلیه استفهام و دقت یاعلی

 

اوج چرخ رفعتونده، طایر وهم و قیاس

حاش لله ایلمز پروازه جرات یاعلی

 

اسم پاکونلن مدار کون و استقرار عرش

شانوه اصلا دگلدور بیر شرافت یاعلی

 

ایلرم جرات دیم عرش آستانیندور سنون

ای اولان نعلینی یوز مین عرشه زینت یاعلی

 

عرش کرسیدور جلالت تختوین بیر گوشه سی

فرش غبرادن قویوبسان عرشه منت یاعلی

 

رب خالق، رب رازق، رب علام الغیوب

جنبه ذاتونده قویموش اعلمیت یاعلی

 

عالم معناده فوق کل ذی علم علیم

علم الاسماده آدم فی الحقیقت یاعلی

 

کلا و طرا، عموماً انبیا و اولیا

تاپدولار بیر ذره نوریندن دلالت یاعلی

 

احمد مختاریلن بیر نورسن، وار سیزلره

هم نبوت هم ولایت، خاتمیت یاعلی

 

ایهاالنفس الرسول، و ایهاالزوج البتول

کیمدی سندن غیری منصوص وزارت یاعلی

 

ذاتون اقدس، شانون ارفع، بحر علموندور محیط

ایلیوب آفاقی اجلالون احاطت یاعلی

 

انبیا مبهوت و سرگردان اولور کلا نفوس

مسند اجلاله قویسان پای همت یاعلی

 

دست خیاط قضا، دوقوز رواق اطلسین

سرو قدی کبریاده بیچسه خلعت یاعلی

 

هرگز اولماز عطف دامن، حاش لله مطلقا

حد و احصادن فزوندور سنده رفعت یاعلی

 

صفحه لوح جبینون، زینت ایمان و دین

طاق بین الحاجبینون باغ جنت یاعلی

 

دفتر مدحونده توراتیله انجیل و زبور

وصف اوصافونده قرآن بیر کتابت یاعلی

 

نقطه پائین تحت باء بسم الله سن

کلمه الحمداللهه وساطت یاعلی

 

انت یا مولای دین، مولای رب العالمین

باطن  معنای حمد ایچون عبارت یاعلی

 

اسمون اولموش، اسم رب العالمیندن انتخاب

آدی منشق اسمای جلالت یاعلی

 

رب اعلی سن، علی سن، رب رحمان سن، رحیم

رب عزت، رب ملت، رب امت یاعلی

 

مالک دیوان یوم الدینه سنسن حبذا

آیه ایاک نعبد، بالعبادت یاعلی

 

نستعین ایاک بل، والله خیر المستعان

ای اولان مفتاح باب استعانت یاعلی

 

بزم خاص خالق الاصباحه، مصباح الوری

اهدنا لفظینده مصداق هدایت یاعلی

 

سن صراط مستقیم عالم الابداعیسن

ای صراط عدل و میزان طریقت یاعلی

 

الذین ینکرون النعمه ویل لهم

باطن انعمت ده مقصود نعمت یاعلی

 

لاعلیهم غیر مغضوب علیهم بل و لا

موقف دیوان عقباده شفاعت یاعلی

 

هاولاء القوم اهل نار بل هم ضالین

مرحبا احبابیوه اعداده ذلت یاعلی

 

قل هو الله احد سن سن، دیم حاشا و لا

واردور الله الصمددن سنده قدرت یاعلی

 

لم یلدسن، عالم انوار ایچینده شبهه سیز

یوز مین ایللر عالمی قیلدون سیاحت یاعلی

 

گر ولم یولد دیسم، استغفرالله العظیم

وار بو مطلبدن وجودینده برائت یاعلی

 

لفظ واو لم یکن ایلن، له کفوا احد

سنده هم پیدادی بعد از رب عزت یاعلی

 

دون خالق، فرد واحد، فوق مخلوقاتیسن

هر جهتدن وار سنونچون واحدیت یاعلی

 

آشکارادور ویرن جاه و جلال و رتبه ده

اوچ یوز اون اوچ سوره قرآن اشارت یاعلی

 

ابتدا اول الف لام میم، ذلک الکتاب

ریب سیز هادیسن، اولماقدی اشارت یاعلی...

 

کیم ایدر انکار سن اولماق کلام الله ده

معرض انا عرضنایه امانت یاعلی

سوره احزاببن آخری

 

کلمه حصر ولایتدور سنون چون انما

انما ولییکم الله و رسوله... مائده 55

قل کفی بالله فضلینده کفایت یاعلی

قل کفی....سوره رعد آیه آخر

 

آیه تطهیر مضمون یریدالله ده

ذوالجلاله مقصد عین ارادت یاعلی

سوره احزاب 33

 

کل قومه مهتدا و هادی نهج سبیل

مستفاد آیه اجرالمودت یاعلی

سوره مبارکه شوری 23

 

سندن اوتری اولدی نازل الذین ینفقون

مقتدای اتقیا، خیر البریت یاعلی

 

آیه تبلیغده مضمون بلغدن مراد

حسبک الله بطون تابعیت یاعلی

سوره مبارکه مائده 67

 

سوره والنجمه مقصد، هل اتایه تاجدار

یدی  حا و میم و الف لامه شوکت یاعلی

 

هم الف لام میم صادین، باطن معناسیسن

ایلسه هر کیم بو مطلبده افادت یاعلی

 

وصف لعل دلدوندور سوره والعادیات

منبع جود و سخا، کان شجاعت یاعلی

 

بیر مهابت بیر صلابت، بیر شجاعت سنده وار

قدرت حکمونده دور مفتاح نصرت یاعلی

 

دست و بازوی یداللهونده آب منقعد

عالمی برباد ایدر قیلسان اشارت یاعلی

 

جینیلن انسین عباداتندن افضلدور یقین

سن ووران خندق گونینده بیرجه ضربت یاعلی

 

مخزن سینوندی کنزالمعجزات الباهرات

آفتاب طارم چرخ امامت یاعلی

 

معجزاتون اول قدر وار ای شهنشاه نجف

یتمز اتمامه یازیلسا تا قیامت یاعلی

 

عقل عاجز، نفس سرگردان، خرد حیران و مات

ایلمک اولماز غلاتی هیچ مذمت یاعلی

 

نشئه ناسوتیدن لاهوته قیلدون که عروج

گاه اولوبسان محرم اسرار خلوت یاعلی

 

گه قیلارسان بیر زمان بیر وقت، قرخ یرده نماز

گاه اولور فرش بساطون ابر رحمت یاعلی

 

گه مقامون شهر جابلقا و جابلسا اولور

گه سنی اصحاب کهف ایلر اجابت یاعلی

 

گه ایدوب بئر العملده قوم جنیله قتال

گاه ایدرسن مرده لر احیاسین عادت یاعلی

 

گه سلام ایلر سنه دوردومجی گوگدن آفتاب

گاه ایدر افلاکیدن اختر اطاعت یاعلی

 

گه بلرسن قوتیلن مهد ایچینده اژدها

گه ولادتده قیلوب قرآن تلاوت یاعلی

 

گه اولور نور وجودون مرشد روح الامین

گاه ایدر سلمانه ارزنده حمایت یاعلی

 

گه ایدر بذلونده جبرائیل و میکائیل بحث

گوسترور باز و کبوتر وار صورت یاعلی

 

گه سندن اوتری، رد شمس اولور بعد از غروب

تا صلات عصر قیلماق ایچون اقامت یاعلی

 

گه اوخولار شانوه یدیمجی گوگدن لافتی

گه ویرور احبابوه الله بشارت یاعلی

 

گه چیخار دریاچه دن حکمونله یتمیش مین سمک

گورسنور گه سنده گوناگون علامت یاعلی

 

گه اولور قوس کمانون خصمه ثعبان مهیب

گه غمام ایلر سنیله طرفه صحبت یاعلی

 

گه گلور اعجازونیلن نطقه شیر سهمناک

گه ویرورسن طیره گفتار فصاحت یاعلی

 

گه ویرورسن بیر نفسده قالب بی روحه روح

گه نگاهونلن تاپار بیمار صحت یاعلی

 

گه اولور روح الامین سائل، ویرورسن بیر قطار

بذل خاتمله ایدرسن گاه شهرت یاعلی

 

گه اولور کرسی اقدامون جناح جبرئیل

گاه کتف مصطفی، مهر نبوت یاعلی

 

گه باغلار قدرت الله اللرون بازوی دیو

گه عمودون خالد ایچون طوق لعنت یاعلی

 

گه اولور ایجاد سن صورتده گوگلرده ملک

گه ایدر یرده ملایک لر زیارت یاعلی

 

معجزونلن گاه اولور ناطق، صبئ شیرخوار

گوسترورسن گاه مین کشف و کرامت یاعلی

 

گاه طی الارضیلن سلمانی دفن ایتمکلیگه

حاضر اولدون، شیعه وه قیلدون عنایت یاعلی

 

غسل ویردون اوز الونله نعشنی ایتدون کفن

قبره قویدون اوز الونله اولدی راحت یاعلی

 

یاندی قلبیم تشنه لب اوغلون حسین احوالینه

جانیم اودلاندی بو غمدن وا مصیبت یاعلی

 

بیلمیرم باعث نه اولدی کربلایه گلمدون؟

روز عاشورا قوپان ساعتده وحشت یاعلی

 

یدی اوغلون قانه غلطان جسمی عریان، بی کفن

ایستی گون آلتندا یاندوردی حرارت یاعلی

 

بیر مسلمان اولمادی دفن ایلسون اوغلانلارون

اوچ گون عریان قویدولا صحراده امت یاعلی

 

آت قباقینده گیدنده شامه زینب، اولمادون

قیلدیلار اولادیوه یاخشی حرمت یاعلی

 

یتمدون بیر دم هرایه اودلاناندا خیمه گاه

وار بو پنهان سرده البته حکمت یاعلی

 

نقل اخبار و روایات و تواتردن سوا

جمله اوصافون منیم ایچون بیر درایت یاعلی

 

هاردا اولسان وصفوه ای عقل کل کاینات

عقل ناقص جنبه سینده قابلیت یاعلی

 

مصطفی سن سن، علی سن سن، حسن سن سن، حسین

دوقوز حجت سنسن ای دارای ملت یاعلی

 

آتش نیرانه یانماز هیچ فوق الله العظیم

بیر سر سوزن اولا سندن محبت یاعلی

 

هانسی اشرافه میسردور فضای کون آرا

بطن بیت اللهده قیلسون ولادت یاعلی

 

بنده سن اللهه، اما کل خلقه رب سن

ال وووران دامانوه چکمز ندامت یاعلی

 

وار امیدیم معرفت اهلی منی دوتسون معاف

بیر حقیر کم متاعم، بی بضاعت یاعلی

 

(قمری) گلزار مدحم، کوی وصلوندن جدا

وار باشیمدا شور سودای زیارت یاعلی

 

داغ هجرانیله پایان اولدی عمریم، قیل کرم

قبریده آخر نفسده قویما حسرت یاعلی

 

 مرحوم قمری دربندی

منبع مجموعه کانالهای مدح و مرثیه

موضوع: حضرت علی (ع) مدح ,
زبان شعر و شاعر: نوحه ترکی , قمری

-------------------------------

در احوالات حضرت امام رضا (علیه السلام)

 

فراق و هجر نصیبان منزل غربت

غریب غصّه شعاران گوشه محنت

 

بیله روایت ایدون چون گل ریاض عزا

شفیع عرصه روز جزا امام رضا

 

دیار شهر خراسانی ایتمشیدی مقام

گئچردی آهیله عمری او غربت ایچره مدام

 

او شاهه غربت آرا نه انیس و نه غمخوار

ملازمیدی اباسلط مومن و دیندار

 

زبسکه قالمیشیدی آیریلوب ولایتدن

دیار طوسده چوخ تنگه گلدی غربتدن

 

کمال حزنیله بیر گون او سرور بطحا

زبانحالی اولوردی بو دیللّره گویا

 

فلک نه ظلمدی قیلدون منی بلایه دچار

عزیزیدیم ایلدون آخریمده بیر بیله خوار

 

آیردون حسرتیلن جدّیمون مزاریندن

ستمله شهر خراساندا قالمیشام بی ریا

 

عیالیمی گوزی یولاّردا انتظار ایتدون

الی اورکده جگر داغلی دیده سی خونبار

 

عیال فاطمه ئیله بو نه عداوتدور

گوروم خراب اولاسان آی سپهر کینه شعار

 

گورن زماندا اباسلط او سروری گریان

دیدی آقا بو غریب جانیوا اولوم قربان

 

ندندی قلب شریفون اولوب بیله غمگین

نه مطلبون وار اورکده ایا امام مبین

 

او دم بویوردی اباسلط سرور مدنی

عجب بلالره سالدی بو روزگار منی

 

اوزاق زماندی که من گلمیشم خراسانه

یانار منیم اوره کیم سوز نار هجرانه

 

دولان سراغ ایله قاصد اولسا ایت معلوم

یازوم مدینیه بیر نامه تا من مظلوم

 

گزوب دولاندی اباسلط گوردی قاصدوار

گلوب امام حضورینده ایلدی اظهار

 

قلم آلوب الینه شاه عالم امکان

یازاردی نامه ده گویا بو نوعیلن عنوان

 

گل ای جهاندا بلا مبتلاسی معصومه

اولان زمانه ده یوزمین بلاسی معصومه

 

اگر سوال ابده سن حالیمی ایدوم معلوم

آلوبدی جانیمی غربت جفاسی معصومه

 

باجی محبّتی دوران غمی فلک ستمی

سالوبدی درده منی یوخ دواسی معصومه

 

او سن گورن گل رنگیم فراقدن سارالوب

گئدوبدی گوزلریمونده ضیاسی معصومه

 

مدینه دن نه گلن وار نه بیر خبر گتورن

اوزاقدی یثربیلن طوس آراسی معصومه

 

قزیم دوشوب یادیما اود دوتوب یانار جگریم

گلنده هر قیز اوشاقلار صداسی معصومه

 

نه واردی بیر گئجه لر گونوزلر آرامیم

چوخ انجیدور منی هجران یاراسی معصومه

 

نه مشگل ایشدی غریب اولکه ده ذلیل اولماق

یانیندا اولماسا بیر اقرباسی معصومه

 

کناره چیخماقا قویماز داخی منی مامون

گئدن الیندن امام رضاسی معصومه

 

گئجه یاتاندا محمّد تقی خیالیمده

بو جانیمون اودی بهجت فزاسی معصومه

 

دوشوبدی باشیمه شوق زیارت ال چاتماز

حسین تشنه لبون کربلاسی معصومه

 

آتام قراسینی باشوندن آچما قوی قالسون

یاخوندی سالماقا قارداش قراسی معصومه

 

یتنده نامه خراسانه گل دایانما داخی

یاخونلاشوبدی رضانوم عزاسی معصومه

 

ئولنده گل گوزومی باغلا نعشیمی یولا سال

جنازم اوسته باش آچ ساخلا یاسی معصومه

 

ریاض ماتمینه نوحه خوان اولور قمری

گلور قولاقیمه دایم نواسی معصومه

 

مرحوم قمری

موضوع: حضرت امام رضا (ع) احوالات ,
زبان شعر و شاعر: نوحه ترکی , قمری

-------------------------------

احوالات حضرت علی اکبر (علیه السلام)

 

بحر مصیبته گنه طوفان گتورموشم

بزم عزایه ناله و افغان گتورموشم

 

پیشوازه گوز یاشیله خریدارلر گلون

مصر بلایه یوسف کنعان گتورموشم

 

چخسون قباقه زینب خونین جگر دیون

بیر نوجوانی قانینه غلطان گتورموشم

 

یوز قانلو چهره قانلو دولوب آغزی قانیله

باشدان ایاقه قانیله الوان گتورموشم

 

هرگز سکینه گلمه ‌سه آتدان دوشورمرم

گل پیکرین چو شاخۀ مرجان گتورموشم

 

اولسون خبر جوانی ئولن بینوالره

یاس دوتماقا بهانۀ افغان گتورموشم

 

یوخ سینه سینده صاف یری چوخدور یارالاری

آماج زخم نیزه و پیکان گتورموشم

 

یوخ طاقتیم گلون دوشورون اوغلوم اینجیوب

امّتلره ویروب اونی قربان گتورموشم

 

گوزیاشیزی یارالارینون قانینه سپون

لب تشنه جان ویروب لبی عطشان گتورموشم

 

حسرت گوزونی باغلامیون قانیله دولوب

باخسون دویونجا هر یانا حیران گتورموشم

 

گوز باغلیاندا لازمه ‌دور غسلیله کفن

گویا اولوبدی غسلی قزلقان گتورموشم

 

بیمار قارداشین چاغیرون بیرجه یانینه

گلسون تلاوت ایتماقا قرآن گتورموشم

 

واردی باشی بدنده چکون شانه زلفینه

تا اولماسون جداده پریشان گتورموشم

 

شام اهلینه چخاندا تماشایه سویلیون

بدر منیر و مهر درخشان گتورموشم

 

گلزار حسنه ویرماقا زینت بکائیلن

بیر پر شکسته «قمری» نالان گتورموشم

 

مرحوم قمری

منبع مجموعه کانالهای مدح و مرثیه

موضوع: حضرت علی اکبر (ع) احوالات ,
زبان شعر و شاعر: نوحه ترکی , قمری

-------------------------------

مولی الموحدین ، امیرالمومنین ، حیدر کرار ، حضرت علی ابن ابی طالب (علیه السلام)

 

الا ای دوستان از عالم انوار می آیم

ز بزم ذوق دولتخانه ی دلدار می آیم

بسان بلبل شوریده از گلزار می آیم

به کف جام لبالب از می گلنار می آیم

به بزم بهجت افزای اولوالابصار می آیم

 

گهی در عالم ناسوت و گه لاهوت بنمودم

ره عشّاق بگزیدم طریق عشق پیمودم

گشاده دست همت چون در میخانه بگشودم

بحمدالله و المنة میسر گشت مقصودم

نموده کسب فیض دولت دیدار می آیم

 

بسی با ساقیان می در آن میخانه کوشیدم

تلاطم کرده چون دریای عمّان برخروشیدم

قلندروار گردیدم لباس عضق پوشیدم

خروشیدم بجوشیدم بکوشیدم بنوشیدم

شده سرگرم با غوغای عشق یار می آیم

 

گرفتم از کف پیر مغان یک ساغر صهبا

در آن ساغر بدیدم عکس دنیا کلّ مافیها

بنوشیدم ز احوالم چنان آگه شدم گویا

بنطقم مرده ی صدساله هر دم می شود احیا

مسیحای زمانم از فراز دار می آیم

 

از آن می نوش کردم خورد آن دم عبد مولا شد

صفایش صفوة الله و ز تأثیرش تولّا شد

شفای علّت باطن دوای ترک اولی شد

هر آن کس جرعه ای نوشید مدهوش تجلّی شد

نه بیهوشم نه مدهوشم بسی هوشیار می آیم

 

وزآن مِی نوش کردم خورد نوح اندر پریشانی

چشید از ساغرش یونس به قعر بحر ظلمانی

تعالی الله کشیدم هم چشیدم جام روحانی

رها از جهل گشتم بلکه فهمیدم سخندانی

ز خواب غفلت آسودم زهی بیدار می آیم

 

وز آن مِی خواستم نوشید لقمان گشت پر حکمت

بیاشامید شیث اندر وجاهت شد قمر طلعت

چو مِی دُردش فرح افزا و لالش منبع شوکت

طرب انگیز و مهرآمیز و عشرت خیز و پر بهجت

به غوغای نوای عود و چنگ و تار می آیم

 

از آن مِی خواستم محتاج بر یک قطره اش عالم

فرح بخشید ذوقش حضرت ایّوب را از غم

به ابراهیم زان مِی گشت آتش لاله ی خرّم

بیاشامیدم و گشتم بر آن میخوارگان همدم

چو گل بشکفته با آیینه ی رخسار می آیم

 

از آن مِی خوردم از نوشیدنش یعقوب شد بینا

خمارش کرد موسی را کلیم الله در سینا

به ملک مصر یوسف گشت سلطان از همان مینا

سروش نوش جامش والّذین جاهدوا فینا

وز آن تأثیر با شمشیر آتشبار می آیم

 

برون گشتم ز میخانه شدم در عاشقی شیدا

نهم با سیف برّنده به میدان فصاحت پا

بُوِد حبّ علی جُنّه زبانم تیغ برق آسا

لسانم تیز و عنبربیز و شکّرریز و مهرافزا

دلم کنزیست پر از لؤلؤ شهوار می آیم

 

چه لؤلؤ باج می گیرد به نور از خسرو و خاور

شده مکنون به کنز تحت عرش خالق داور

عدیم المثل و دون المثل لاجسم است بل جوهر

به کلّ ماسوا در اشرفیت فوق و بالاتر

به بزم اهل عرفان با چنین اشعار می آیم

 

چه اشعار؟ از مضامینش عیان مدح یداللهی

مدار نقطه اش گنجینه ی اسرار آگاهی

مسخّر می کند یک جلوه اش از ماه تا ماهی

نهادم پای همّت بر سریر مسند شاهی

به مصر منقبت چون یوسف بازار می آیم

 

زنم دم از شهنشاهی زبان قاصر ز اوصافش

سراسر خلق عالم شوقمند خوان الطافش

ز احسانش کنم انشا و یا از رحم و انصافش؟

نگردد عشر مدحش گر کنند از کاف تا قافش

به وصف صولت این حیدر کرّار می آیم

 

چه حیدر در جلالت بر حریم کبریا محرم

اگر خواهد کَنَد عالم به بازویش نیارد خم

کنند از جنبش تیغش به بحر و برّ و دشت و یم

نهنگان بیم و پیلان خوف و ببران هول و شیران رم

به نعت اینچنین شاهنشاه ابرار می آیم

 

تعالی الله چه سان انشا نمایم وصف این حیدر

امیرالمومنین مولای قنبر، ساقی کوثر

گهی در مهد گاهی در غزا گه در صف لشکر

دَرَد اژدر کَنَد خیبر کشد عنتر ببرّد سر

به مدحش ناطقم با نطق گوهربار می آیم

 

چه گویم وصف آن شاهی سراج دین ازو روشن

به خلوتخانه ی غیبی ز قلب انورش روزن

دم هیجا اگر تابد شرار تیغ بر دشمن

شکافد فرق همچون برق بر خون غرق جسم و تن

دلم مسرور پر از نور خوش گفتار می آیم

 

چه گویم وصف آن شاهی بنانش خیبر اندازد

ز صیت نعره اش سیمرغ و عنقا شهپر اندازد

اگر بر ذوالفقارش برق صولت لشکر اندازد

سراندازد دراندازد به دنیا محشر اندازد

از این برتر به چرخ گنبد دوّار می آیم

 

چه گویم وصف آن مولا که عالم بندِ فرمانش

نباشد عرش و کرسی در جلالت گنج ایوانش

ملائک پاسبان، الله، پیغمبر ثناخوانش

معاذالله از این معنا نگیرد هر که دامانش

در آزارش بسان عقرب جرّار می آیم

 

چه گویم وصف آن شاهی فزون از ماسوا جاهش

مکرّر گشته ردّالشمس از مغرب ز دلخواهش

خرد حیران و سرگردان به دور شمع درگاهش

ولیّ الله می گویند غالی گوید اللهش

ز وهم غالیان در معرض انکار می آیم

 

شهنشاهی به توصیفش ملائک لافتی گویان

ز نوک تیغ تیز او بود ظاهر یم عمّان

اگر بر دست و بازوی یداللهیش در میدان

دهد فرمان کند طوفان کُشد عدوان ستاند جان

به سر شوقم به دل ذوقم سکندوار می آیم

 

امامی پرتو مهرش به قدر یک سر سوزن

فتد بر قلب هر ذی نفس ایمان را بود مخزن

سر کوی جنان سایش عجب منزل عجب مدفن

دفینش از فشار قبر و از هول جزا ایمن

ندارد شک هرگز بر سر تکرار می آیم

 

چه جرأت ایها((القمری)) بر این رندی و شیدایی

نمایی در گلستان جلالش گلشن آرایی

کنی گر تیزپروازی هزاران بال بگشایی

نگردد بند منقارت به کنج قصر والایی

به عجز خود کنم اقرار بی انکار می آیم

 

 مرحوم قمری دربندی

منبع مجموعه کانالهای مدح و مرثیه

موضوع: حضرت علی (ع) مدح ,
زبان شعر و شاعر: نوحه فارسی , قمری

-------------------------------

رجز حضرت علی اکبر (ع)

 

بیلون ای قومِ دغا سَرورِ دورانم من

گلشنِ دهریده بیر سروِ خرامانم من

 

جدّ پاکیمدی رسولِ قریش و مدنی

زادهء سبطِ نبی ، شافعِ عصیانم من

 

بابام ای قوم علیدور ، نه علی؟ شیرِ خدا

او علینون بالاسی ، ضیغمِ غرّانم من

 

یر یوزنده بو گون اوچ پادشهون نائبیَم

او سببدندی ، تمام ، عالمه سلطانم من

 

احمدم حُسنِ وجاهتده ، شجاعتده علی

هم فصاحتده حسن ، منبعِ احسانم من

 

فاطمه جدّهء پاکیمدی ، عَموم نورِ هدا

خامسِ آلِ عبا جانینه جانانم من

 

بیر عَموم کانِ وفا ، کرب و بلا سقّاسی

او علمدار عَمومون جسمینه بیر جانم من

 

صدفِ عصمت دریای نجف گوهریَم

درجِ مختومِ وفاده دُرّ غلطانم من

 

شرفِ جاه و جلالت گوینون اولدوزیام

فلکِ عزّت و نازه مهِ تابانم من

 

ای مسلمان کیمی قرآن اوخویانلار تانیون

جدّیمه نازل اولان آیهء قرآنم من

 

صفدرِ عرصهء جنگاهه ، هژبرُ الغَزَوات

یادگارِ شاهِ دین ، قاتلِ عدوانم من

 

هاشمی فطرت و والا نسبم ، کانِ سخا

گلستانِ هنره بیر گلِ خندانم من...

 

آتام اول کسدی ایدوب گوگلره قنداقی عروج

عرشه معراج ایلین سَروره جانانم من

 

نائبم ، احمدِ مختار جگر گوشه سینه

آلِ پیغمبره بیر یوسفِ کنعانم من

 

نورِ چشمِ شهِ بطحا ، خلفِ شیرِ خدا

مسندِ تختِ نجابتده سلیمانم من

 

آدیم اکبر ، شجرِ باغِ جلالت ثمری

بزمِ اجلالیده بیر شمعِ شبستانم من...

 

وار بو فخریم ایکی دنیاده حسین نوکریم

گلشنِ تعزیه ده (قمری) خوش خوانم من.

 

مرحوم قمری دربندی

منبع مجموعه کانالهای مدح و مرثیه

موضوع: حضرت علی اکبر (ع) زبانحال ,
زبان شعر و شاعر: نوحه ترکی , قمری

-------------------------------

احوالات وداع حضرت علی اکبر (ع)

 

بیرده قیلوم دویونجا تماشا بو گُل یوزه

غم گلشنینده بلبلِ گلزاریوم اوغول

 

شهلا گوزون بو سمته دولاندیر نظاره قیل

قربانِ چشمِ نرگسِ خونباریوم اوغول

 

اوّل منی قاشون قلنجیلان شهید قیل

جان اوسته قویما عشقیده بیماریوم اوغول

 

گوگلوم قوشی اسیریدی زلفون کمندینه

بیر نچه ایلدی عاشقِ رخساریوم اوغول

 

مرغِ خیال دانهء خالون هواسینه

پربسته دور ، اسیرِ گرفتاریوم اوغول

 

ای یوسفیم اگر چه سنه چوخدی مشتری

آخر بو چولده منده خریداریوم اوغول...

 

سؤسن آنا حساب ایله ، یا ایستسن کنیز

گَل بیرجه نطقه والهِ گفتاریوم اوغول

 

لیلا دیلّلر آدیما ، امّا حقیقتا"

مجنونِ حُسنِ عارضِ گلناریوم اوغول

 

دیوانه لر کیمی دوشوب عشقونده چوللره

بیر ایل باشمدا قاره عزاداریوم اوغول

 

شمر ایلمز اسیر منی ، زلفون اولماسا

پابندِ قیدِ طرّهء طرّاریوم اوغول

 

یا قبر قاز ازل منی دفن ایله یا آپار

میدانِ رزمگاهه ، مددکاریوم اوغول

 

دعوا اولاندا ویر منی اوخلار قباقینه

باخ گور نه جرأتیله نگهداریوم اوغول

 

انصافدور که سن ئوله سن ، ساق قالا آنان؟

جان قویموشام همیشه پرستاریوم اوغول

 

سن کربلاده من نجه شامه گیدوم اسیر؟

قالّام یانوندا غملره غمخواریوم اوغول

 

سرو قدون باتاندا قیزیل قانه آغلارام

بزمِ عزاده (قمری) گلزاریوم اوغول.

 

مرحوم قمری

منبع مجموعه کانالهای مدح و مرثیه

موضوع: حضرت علی اکبر (ع) زبانحال ,
زبان شعر و شاعر: نوحه ترکی , قمری

-------------------------------

لباسِ رزم پوشیدن حضرت علی اکبر (ع)

 

غرض امامِ اُمم ، شاهِ مذهب و ملّت

علی اکبره ویردی جهاد ایچون رخصت

 

قایتدی خیمه سینه اول جوانِ مه طلعت

سِلاحِ رزمیله تا قدّینه ویره زینت

 

قویوب برابره آلاتِ رزمی ، آماده

شروع ایدوب ویره پیرایه قدِ شمشاده

 

توکنده کاکلین آئینهء صُنعِ اِله اوسته

سحابِ پُر مطر ، گویا دوزولدی قرصِ ماه اوسته

 

جمالینده شعاعِ پرتوِ شمس الضحی ، پیدا

مقابل دوردی ، زلفی بیر طرف همچون شبِ یلدا

 

چکوب سدّ سکندر تک ، حصارِ اندامینه خفتان

مثالِ آفتاب اولدی حجابِ ابرده پنهان

 

گیوب جوشنِ زره ، ترتیب ویردی قد رعنایه

صدای ماشاءالله چیخدی طاقِ عرشِ اعلایه

 

بلینه باغلادی بیر ناوکِ مژگانی تک خنجر

دمی ، خونریز و برّان ، مثلِ برقِ شعلهء آذر

 

سِپر کتفینده بیر آرایشیلن استوار اولدی

فلکده مِهرِ زرّین تاب ، گویا برقرار اولدی

 

کمندِ پُر گره ، چین چین اولاندا مُتصّل دوشه

چکوب اول یوسفِ مصرِ بلا اندامین آغوشه

 

خمِ ابروسی تک ، آلدی کمان ، اول حیدرِ ثانی

چکلدی چرخه قوس الله ، دنیا اولدی نورانی

 

بو نوعیلن گیینوردی پیمبرون نوه سی

یتشیدی سَمعِنه بیر طرفه آه و ناله سسی

 

دونوب باخاندا نه گوردی ، سکینه قان آغلار

وورا وورا باشا ، هر لحظه الامان آغلار

 

سکینه نی چکوب آغوشینه علی اکبر

دئدی نه باعث اولوب ، آغلیرسان ای خواهر؟...

 

مرحوم قمری

منبع مجموعه کانالهای مدح و مرثیه

موضوع: حضرت علی اکبر (ع) احوالات ,
زبان شعر و شاعر: نوحه ترکی , قمری

-------------------------------

احوالات خروج از مدینه

 

یتن زماندا شیاعه حکایت هجران

جناب زینب و گلثوم اولوب بقیعه روان

 

یتشدیلر چو مزار بطوله دل مغموم

سلام قیلدی قباخجا علی قیزی گلثوم

 

او قبری باغرینا باسدی یانوب مثال کباب

کمال یاسیله گویا بو نوعی قیلدی خطاب

 

یتشدی موسم هجران آنا خدا حافظ

ستمله باغریم اولوب قان آنا خدا حافظ

 

عجب کناره چخاتدی منی حسین اوغلون

اساسیم اولدی پریشان آنا خداحافظ

 

دئمه شکایت ایدر قیزلارون حسینوندن

بو جانیمز اونا قربان آنا خدا حافظ

 

مدینه دن گوزی یاشلی قوغولدوخ آخرده

ذلیل ایدوب بیزی دوران آنا خدا حافظ

 

قیزا یتنده مصیبت آنا آلار دردین

دور ایله دردیمه درمان آنا خداحافظ

 

عراقه گتملیم ، ذلتیله اولماق ایچون

اسیر لشگر عدوان آنا خدا حافظ

 

او دمده آچدی دلون زینب علم پرور

بتوله عرض ایلدی حالینی به دیده تر

 

آلوبدی جانیمی محنت آنا خدا حافظ

توکوندی شوکت و عزت آنا خدا حافظ

 

بو ساچلاروم آغاران وقت اولدوم آواره

یتشدی تازه مصیبت آنا خدا حافظ

 

اولن یریم نه بولوم کربلا اولور یا شام

غریب اولکه ده حسرت آنا خدا حافظ

 

داخی گلن گیدن اولماز مزاریمین اوسته

دعایه اهل ولایت آنا خدا حافظ

 

گذاری شامه دوشه اولسا بیر نفر حجاج

منی ایدله زیارت آنا خدا حافظ

 

بو دللریله او قبر اوسته قوپدی بیر عرصات

یقلدی آه و فغانیله جمله عورات

 

گوزی دوشوب عوراته چکوب جگردن آه

خطاب ایدوب اولارا دختر رسول الله

 

سیزی قسم ویرورم مرتضی ولایتینه

صباح و شام بو قبرین گلون زیارتینه

 

گلنده ماه محرم اولاندا ماه عزا

بو قبرین اوسته چکون ای مدینه اهلی قرا

 

حسینه یاس دوتوب نیلگون گیون جامه

او گونده منده قولی باغلی عازمم شامه

 

مرحوم قمری دربندی

منبع مجموعه کانالهای مدح و مرثیه

موضوع: احوالات خروج از مدینه ,
زبان شعر و شاعر: نوحه ترکی , قمری

-------------------------------

احوالات خروج از مدینه و ورود به مکه و  گریز به وصیت معاویه به یزید ملعون و  نامه یزید به ولید 

 

چو قیلدی وطن چو سید بطحا مدینه ده

اولدی همیشه محنت عظمی مدینه ده

 

اول شهید قیلدیلا دندان احمدی

گه اولدی حمزه ماتمی پیدا مدینه ده

 

خیر البشر عزاسی جهانه سالوب شرر

سندی ستون عرش معلا مدینه ده

 

یاندی رسول درگهی نار جفائله

قوپدی او گون قیامت کبری مدینه ده

 

تاپدی شکست دندهء پهلوی فاطمه

سقط اولدی محسن،آغلادی زهرا مدینه ده

 

باغلاندی ظلم الیله یدالله قولاری

شور النشور اولدی هویدا مدینه ده

 

بیت الخزنده ناله کنان خیرةالنسا

اهیله قیلدی رحلت دنیا مدینه ده

 

آخر حسینی قیلدیلا آواره وطن

فرصت ویریلمدی قالا تنها مدینه ده

 

فریاد یوم هجرت سلطان کربلا

ایتدی اساس محشری بر پا مدینه ده

 

قبر رسولی شوقیله آغوشه چکماقا

ای کاش اولیدی ((قمری)) شیدا مدینه ده

 

مهاجران مصیبت سرای درد و عنا

مسافران محبت فضای کوه منا

 

مداد علمه دبیران دفتر هجران

بیاض محنته یازمشدلار بیله عنوان

 

که چون معاویه بد نهاد والی شام

اولوب روان سقر تاپدی ایش بیله انجام

 

یزید تخت حکومتده پایدار اولدی

زمانه ده علم کفر آشکار اولدی

 

قورلدی قتل امام زمان ایچون شورا

دلینده ناله یازیلدی بو نوعیلن گویا

 

بو گون سریر خلافتده شهریارم من

آتام معاویه تختینده بر قرارم من

 

ازلده ابن ابوبکر ایکیمجی ابن عمر

اوچومجی ابن زبیر اول قرین فتنه و شر

 

خصوص محرم قرب حریم لم یزلی

عزیز فاطمه سلطان دین حسین علی

 

یتنده نامه سنه ای یزید خوش فطرت

بو دورت نفر روسادن سن آل گیلن بیعت

 

او سابق اوچ نفرون امری چوخ دگور در کار

حسین فاطمیه ویرمسن امان زنهار

 

ولید نامه یتن وقتیده اولوب ناچار

غلام گوندروب ایتدی بو کسلری احضار

 

یتشدی روضه پر نور مصطفایه غلام

گوروب جماعتی اول روضه ده یتوردی پیام

 

بویوردی سرور بطحا امام حل و حرم

یزید مجلسینه ای غلام گلم

 

ایشتدی بو سوزی یار ثلاث قیلدی فرار

حرمسرایه گلوب سبط احمد مختار

 

روانه ایتدی غلامی امام جن و بشر

ویروب معاویه نین موتینی او جمعه خبر

 

یوزون دوتوب خلف برگزیده ناسه 

زبانحالیله قیلدی خطاب عباسه

 

ای مرد نامدار و فادار قارداشیم 

شیرخدا برابری سردار قارداشیم

 

ارخام ایلیم کمکیم یارو یاوریم 

آل عبایه قافله سالار قارداشیم

 

ای قدی رشک سرو چمن بیر قباقه گل 

عباس نامدار علمدار قارداشیم

 

گلدی حضور سرور دورانه بنده وار 

عرض ایتدی پیشواسینه عباس نامدار

 

لبیک ای شهنشه ابرار قارداشیم 

نور دوچشم احمد مختار قارداشیم

 

قارداش مخاطب ایلمه قربان اولوم سنه 

ای یادگار حیدر کرار قارداشیم

 

قارداش سنی که قرص قمر تک دوتولموسان

سویله گوروم نه دردر و غمون وارقارداشیم

 

بویوردی قارداشی عباسه شاه تشنه لبان 

اولوب جهیمه روان زاده ابوسفیان

 

منی ایدوبدی ولید اوزحضورینه احضار 

یزیده بیعت ایدم یا که ایله آزار

 

توقف ایتمه بنی هاشمه سن ایله خبر 

منیم دالمجا گرک ایسته دوقلاریم گله لر

 

اول ، یانونجا مسلم سرداریمی گتور 

اکبر شبیه احمد مختاریمی گتور

 

ایله خبر امام حسن یادگارینه 

قارداش تمام یار وهواداریمی گتور

 

اعوانیله گلون منی بی یار قویمیون 

اول مجلس ایچرده دیده سی خونبار قویمویون

 

الله عزیزی کون ومکان تاجداریم 

اغیار منزلیده منی خوار قویمیون

 

نعرم اگر اوجالسا اوزون تیز یتور منه 

دشمن النده زار وگرفتار قویمیون

 

عباس عرض قیلدی سنی خوار قویمارام 

بی یار وغم گسار ومددکار قویمارام

 

اینجید سه لر اگر سنی مجلسده یاحسین 

واللهی بیل مدینده دیار قویمارام

 

صراط باهرهء مستقیم سن اما 

بو رهگذاری دلیل صراط سیز گتمه

 

زمانه ایچره سلیمان کربلا قارداش 

قویوب جلالوی الدن بساط سیز گتمه

 

ایکی جوانیمی شاطر کیمی قباقوه آل 

مدینه شاهی سن عیش و نشاط سیز گتمه

 

آل اوز قلنجوی سن باغلا دامنین آتدان

اماندی قورخولوسان احتیاط سیز گتمه

 

بویاندا باخدی نه گوردی امام دل مغموم 

بر اوز گه حالتیلن گلدی باجی سی کلثوم

 

الینده مصحف شیر خدا بناله و آه 

زبانحالیله سویلر که یا ولی الله

 

ولید مجلسینه گل پناه سیز گتمه

داغتما شوکتوی عزّ و جاه سیز گتمه

 

کلام ناطق پروردگارسن اما 

حمایل ایله کلام اِله سیز گتمه

 

مشخص امردی هیچ قوش قنادسیز اوچماز 

غریبلر کیمی خیل و سپاه سیز گتمه

 

غرض شهنشه دین، وارث امیر نجف

اوتوز نفرله گیدوب مجلس ولیده طرف

 

دوروب کنار عمارتده زُمرهء انصار 

قدم، سرایه قویوب پور احمد مختار

 

ولید قیلدی امام زمانه نی پیشواز 

گتوردی مجلسه با صد محبت و اعزاز

 

مُصَدَّر اولدی چو سلطان عالم تمجید

زبان حالین آچوب مَصْدَرِ جلاله، ولید

 

فدا اولوم سنه ای یادگار خیرِ اَنام 

گیدوبدی دار فنادن بقایه والی شام

 

خلافت امرینه اولموش یزید، حکم روان 

یازوبدی کثرت تاکیدیله منه فرمان

 

سنون جنابوه ای سبط مصطفی ناچار 

گرک بوگونده بو فرمانی ایلیم اظهار

 

بیرنامه شامدن منه پنهان یازوبدیلار 

قِرطاسی غم، مرکّبینی قان یازوبدیلار

 

مضمونی ظلم، مصدرِ هر سطری بیر سِنان 

عنوانینی نشانهء طوفان یازوبدیلار

 

هر اَلْفی آه، بائی بلا، تائی تیغ کین 

ثائین ده ثار عترت عمران یازوبدیلار

 

هر جیمی بیر جوان اولومی، حائی حربگاه 

خائین خرابِ خانهء ایمان یازوبدیلار

 

هر دالی درد، ذالی مذمّت علامتی 

رائیله زائی رزم دلیران یازوبدیلار

 

هر سینی بیر سِنانه عوض، شین شرارته

صادی صدای ناله و افغان یازوبدیلار

 

ضادی ضیاءِ یثربی خاموش قیلماقا،

طائیله ظائی ظلمت طغیان یازوبدیلار

 

عینی عزا نشانه سی، غینی غم و الم 

فائی فغان زینب نالان یازوبدیلار

 

قافینده قتل آل عبا، کافی بی کفن 

لامین لباس سیز تنِ عریان یازوبدیلار

 

میمینده مین مصیبت و نونینده ناله لر 

هائین هراس، واوینی ویران یازوبدیلار

 

لام ِ کشیده ده چکولوبدور لوای غم 

یائین یزید ایچون بیله دیوان یازوبدیلار

 

واضح بودور جنابوه، گر بیعت ایتمه سن 

بی شک وشبه قتلوه فرمان یازوبدولار

 

ثبت ایلیینده دفتری روز الستده 

((قمرینی)) نظمْ تختینه سلطان یازوبدیلار

 

قیلدی بیر الفاظ غیریلن دوباره عرض حال

ای در دریای رحمت منبع فضل و کمال

 

شامیدن ظلمیله بیر املا یازوبلار یا حسین

اول ، الفینده واویلا یازوبلار یا حسین

 

بائی بیر بیداد تائی تیغ ثانی ثار آل

جیمینی جان قصدینه فتوا یازوبلار یا حسین

 

ذاتی ذلت راء وزائی رزم سینی سنان

شینی نی شمشیر برق آسا یازوبلار یا حسین

 

صادی صدر سینه دن آماج پیکان اولماقا

ضادی ضرب خنجر اعدا یازوبلار یا حسین

 

طائی طوفان مصیبت ظائی ظلم اشقیا

عینی عریان جسمینی قطعا یازوبلار یا حسین

 

غینی غربتده غریب و بی مدد کار اولماقون

قائینی فریاد وا غوثا یازوبلار یا حسین

 

قافینن معناسی قولاری قلم اولماقلقا

اول ایکی قول صاحبین سقا یازوبلار یا حسین

 

نون عبارت نیزه دندور ها هلاکتدن مراد

واوینه واحسرتا معنا یازوبلار یا حسین

 

لام تکرار کشیده لجه دریای خون

یا یزیدین حکمینی مجرا یازوبلار یا حسین

 

ایتمسون بیعت غمونده نغمه ساز اولماقلقا

ماتمونده ((قمری)) شیدا یازوبلار یا حسین

 

بویوردی سبط رسول خدا امام وحید

محالدور که ایدم بیعت یزید پلید

 

خیال خام قیلوبدور یزید بد فرجام

ایده او فاسقه بیعت امامین اوغلی امام

 

بو بیعت اوسته گرکدور حسین تشنه جگر

قیامت ایلیه بر پا النده تیغ دوسر

 

بو بیعت اوسته گرک سو کیمی آخا قانلار

بو بیعت اوسته کسیلسون گل اوزلی قربانلار

 

بو بیعت اوسته گرکدور چخا فلکلره آه

اولا قیامته دین کربلا زیارتگاه

 

ادبله عرض ایلدی معرض حضوره ولید

که اختیار سنوندور ایا امام مجید

 

ایاقه دوردی قیتسون او شاه تشنه لبان

ولیده سویلدی جرئتله بی حیا مروان

 

حسینی قویما قدم قویماقا کناره ولید

اگر گیده اله دوشمز حسین دوباره ولید

 

اوزی وحید کمکسیزدی منزلون خلوت

گرک آلاق بو امیر حجازیدن بیعت

 

ایشتجاقین بو سوزی اول امام فرزانه

دولاندی سهم و صلابتله باخدی مروانه

 

سپهر شوکته فرمایش ایتدی بیر ماهم

شجاعت عالمینه وارث یداللهم

 

اگر الیمی اوجالدام رواق افلاکه

تمامینی توکرم بیر تکانیلن خاکه

 

گر ایستیم ایلیم کن فکانی زیر و زبر

منیم الیمده چوخ آساندور کلمح بصر

 

اشارتیمله تاپار انهدام چرخ فلک

صلابتیمله دوشر پیچ و تابه گاو سمک

 

گلور تزلزله ضربیمدن عالم ملکوت

فلک شجاعتیمه مات اولور ملک مبهوت

 

فنا جهانی اگر ایستسم فنا ایدرم

بیر اوزگه قسم جهان تازه دن بنا ایدرم

 

ستون عرش خداوند قادر ازلم

وکیل حضرت پروردگار لم یزلم

 

فراز چرخ رشادتده ماه تابانم

عزیز فاطمه فرزند شاه مردانم

 

کیمین نه جراتی وار ای لعین بد اختر

منه جسارت ایده اولمیوب علی اکبر

 

حقیر سانما منی چوخ جلال و جاهیم وار

دالمدا اکبر و عباس تک پناهیم وار

 

تمام ایدنده سوزوین زاده شه مردان

جواب ویردی علی یادگارینه مروان

 

گلونجه قارداشون عباس ای امیر عرب

جنازون اوسته آچار باشینی باجون زینب

 

هرایوه یتشر بیر زمان علی اکبر

یارالی جسمیوی صد پاره قان ایچینده گورر

 

باخوب صلابتیله شاه دین مروانه

مهابتیله اوجالدوب سسین دلیرانه

 

دوتوب یوزون قاپیا اول شفیع روز حساب

زبانحالیله گویا بو نوعی قیلدی خطاب

 

مشکلدی ایشیم ای شه والا نسب اوغلی

شیر غضب آلود امیر عرب اوغلی

 

ای ماه بنی هاشم اوزون قوللی علمدار

خیبر قوپادان پادشهین تشنه لب اوغلی

 

ای قولاری تندن کسیلن کرب و بلاده

عباس علی شیر خدانین غضب اوغلی

 

نه گوردیلر دوتوب آفاقی یا حسین لبیک

فدا اولاخ سنه ای شاه نشاتین لبیک

 

گول اوزلی تازه جوانلار الینده تیغ بلا

سالوبلا عالمه افغان و آه و واویلا

 

قاباقجا الده قلج اشجع معاصر ناس

مه سپهر بلا یعنی نامدار عباس

 

باسوب دبلقه نی ابرولرینه حیدر تک

ایکی گوزی قزاروب شیر حی داور تک

 

گورن دیردی مگر قدرت جلی دور بو

گلوبدی خیبری یخماخلقا علی دور بو

 

دالنجا مسلم سردار عون و هم جعفر

حسن نشانه سی قاسم جوان علی اکبر

 

او یادگار علی مجلس ایچره مروانین

غضب الیله دوتوب چکدی بیر گریبانین

 

دیردی کیمدی ایا زاده زنا ، مروان

قویا حسینه جفا ایتماقا بنا مروان

 

تمام عالم امکانی بیر بیره وورام

بنی امیه نی عالمده قویمارام قیرام

 

گورنده صولت فرزند حیدری مروان

یخلدی پای امام زمانه چکدی فغان

 

گلوب ترحمه انصاف و رحم دریاسی

قوجاخلادی شه عالم وفالی عباسی

 

اوپوپ ایکی قولونی حسرتیله بیر باخدی

سرشک چشمی روان اولدی عارضه آخدی

 

بویوردی ای آتام اوغلی عز یز جان قارداش 

قلنجی قوی یرینه صبر قبل دایان قارداش

 

وران بو قول قلجی قارداش اولماسون کوتاه 

سنی زمانه ده چوخ گورمه سین منه الله

 

ایکی گوزوم ایشقی یادگار اشجع ناس 

قلنجی کرب وبلاده ووارسان ای عباس

 

گلوب دوباره اوشاهین محبتی جوشه

علی اکبر ی جان تک چکوبدی آغوشه

 

اوقدر اغلادی نطق اولمادی دیسون سوزینی 

اوپردی ماریه ده قانیله دولان گوزینی

 

گره لنوب بوغازیندا سوزی بدیده تر

دیردی گوزلروه من فدا علی اکبر

 

باخوب نه گوردی بوحالتده اول امام همام 

قلج النده توکر گوز یاشینی بیر ناکام

 

دیرآتام بدلی پادشاهیم ای عموجان 

یتشدی عالم بالایه آهیم آی عموجان

 

یانوندا حرمتیمین اولماما قلقین بولدوم

ولی هرایه گلنده چاغیر ماموش گلدیم

 

اگر چه حرمتی اولماز چاغور ماموش گلنین 

چتیندی گوگلینی یخماق یتیم لوق گوره نین

 

یتیم اولوب آتا قدرین بولن منم عمو جان 

سنون یولندا قباقجا الن منم عموجان

 

بویوردی شاه امم آغلاما جوان قاسم 

نشانه حسن مجتبی جوان قاسم

 

عموسی قارداشی اوغلیله بیر قوجاقلاشدی 

باسوب بری برینی باغرینا چوخ آغلاشدی

 

ویروب تسلی انصار شاه ذوالاجلال 

بویوردی صبر ایلیون گلمیوب زمان قتال

 

قالوب شجاعتویز آشکار اولان گون لر 

تحمل ایلیون ای قاسم وعلی اکبر

 

فدا اولوم سیزه ای بلبلان باغ عزا 

قلج ووران یریدی, سرزمین گرب وبلا

 

اوچولده ظاهر ایدر سوز قیامت و طوفان 

فصاحتیله چکر نظمه ((قمری)) نالان

 

مرحوم قمری دربندی

منبع مجموعه کانالهای مدح و مرثیه

موضوع: احوالات خروج از مدینه ,
زبان شعر و شاعر: نوحه ترکی , قمری

-------------------------------

رحلت حضرت رسول اکرم (صلی الله)

 

چون عازم اولدی عالم عقبایه مصطفی

قیلدی خطاب حیدره ای شاه لافتی

 

حلال قیل منی ای یار مهربان گئدیرم

جفای امّتلن باغریم اولدی قان گئدیرم

 

توقّف ایتمه داخی گور سفر تدارکیمی

اجل گلوب گوزیمه یا علی امان گئدیرم

 

وئروبدیلر منه زهر جفانی خیبرده

بو گون اونون اثریندن اوزولدی جان گئدیرم

 

منه عم اوغلی دگیلدون عزیز قارداشودون

سنی قویوب بو جهان ایچره ناتوان گئدیرم

 

نه قدر ظلم ایده لر صبر ایله قلج چکمه

توکلمه سون یره اسلام ایچیند قان گئدیرم

 

شکایت ایتمه عدو مسجده چکنده سنی

حسینی قویما گیلان ایلسون فغان گئدیرم

 

منیم یریمده گوررسن شریر امّتیمی

غم و اَلمدن اولوب قامتیم کمان گئدیرم

 

سنی غمیله ایوینده ایده له خانه نشین

ایدرسن ایللریلن گوز یاشین روان گئدیرم

 

عم اوغلی جان سنون جان یتیم قزیم زهرا

سنون یانوندا امانتدور آز زمان گئدیرم

 

یتیمدور اونا چوخ آغلاسا آجیقلانما

بو بینوا سنه قرخ گوندی میهمان گئدیرم

 

گلنده یانیمه اعضاسی اولماسون مجروح

چکن مصیبتی من بیلمیشم عیان گئدیرم

 

نه ظلملر گوره جک چوخ لعین جفاسیندن

بو غملی سینه ده بیر داغدور نهان گئدیرم

 

ریاض ماتم آل عباده ناله کنان

قویوب چو قمری دلخسته نوحه خوان گئدیرم

 

مرحوم قمری دربندی

منبع مجموعه کانالهای مدح و مرثیه

موضوع: حضرت محمد (ص) احوالات ,
زبان شعر و شاعر: نوحه ترکی , قمری

-------------------------------

احوالات هجوم به خانه وحی

 

گوروب مشکلده زهرانی شه مشکل گشا گلدی

چخوب ظلمات غمدن تاجدار اوصیا گَلدی

 

قزارموش رنگی غیرتدن، یانوب جانی مصیبتدن

دلینده ذکری هردم ناله ی وا مصطفی گَلدی

 

اَلینده ذوالفقار پرشرر لرزان غلافینده

دفاع گلّه ی روباه اوچون شیر خدا گَلدی

 

ولایت چرخینه آشوب دوشدی، قوپدی بیر وحشت

که گویا سمت مغربدن چخوب برق بلا گَلدی

 

تلاطم ایلیوب دریای قهر قدرتُ اللهی

نهنگ قدرت یزدان، امیر لافتی گَلدی

 

اُحد هنگامه سین برهم ووران، خیبر یخان حیدر

چکوب اللهُ اکبر نعره سین کان وفا گَلدی

 

چخوب صحن سرایه بیر مهابتلن ولیّ حق

ایدوب گویا تموّج بحر قهر کبریا گَلدی

 

داخی تاب ایتمدی گَلسون قولاقه ناله ی زهرا

هِژَبرِ عرصه ی هیجا علیّ المرتضی گَلدی

 

گوروب زهرانی صحن ایچره دوشوب بی طاقت و بی جان

درون سینه سیندن ناله ی وا مصطفی گَلدی

 

دیور سندن صورا دوشدوم نه حاله یا رسول الله

جلالیم گیتدی دنیاده، گونوم اولدی قرا گَلدی

 

دیوب بو سوزلری، اول شیر حیّ لم یزلی

ووروب اوزین اود ایچیندن کناره چخدی علی

 

اوزاتدی دست یداللهی اول امام مبین

دوتوب او زاده ی ناپاک ناکسون کمرین

 

چو اولدی پنجه ی مردانه سی او ظالمه بند

تکان ویروب ایلدی قهریله هوایه بلند

 

دولاندیروب باشینون اوسته شاه عرش وقار

ووروب یره نجه قیلدی چو سایه به دیوار

 

قویوب ایاقینی صندوق سینه ی کفره

اَل آتدی قبضه ی شمشیر خونچکان دوسره

 

گوروب بو حالی عدو التجا ایدوب هردم

ویروردی حیدر کرّاری مصطفایه قسم

 

باخوب او عجزیله الحاحه اول امام کِبار

چکوب اَلین دیدی ای بیحیای بدکردار

 

بو جرات اولمازیدی سنده گر آچِیدیم اَل

گرک وصیّت پیغمبره اولونسون عمل

 

دیوب بو سوزلری اول پادشاه عرش وقار

رضا قضایه ویروب ذوالفقاری قویدی کنار

 

چو اولدی قوم جفاجو بو سرّیدن آگاه

داخی اَل آچمیه جاق دشمنه ولی الله

 

دوباره جرات ایدوب فرقه ی ظلوم و جهول

جفا اَلیله یداللهی قیلدیلار مغلول

 

سالوبدی حبل متین بوینونا ستمله رسن

رسولدن صورا زار اولدولار حسین و حسن

 

چکنده مسجده شیر خدانی اهل جفا

دوشوب دالنجا حسین و حسنله خیرنسا

 

گَتورمیوب یارالی جانی اول مصیبته تاب

ایدردی فاطمه گویا بو دللریله خطاب

 

ای اهل کینه ایلمیون زار عم اوغلومی

مین زجریله درده گرفتار عم اوغلومی

 

چوخدی گوگلده دردی، سیز اینجیتمیون اونی

دارِ فناده بی کس و بی یار عم اوغلومی

 

گَلدی بروزه کینه لروز ای قوم بت پرست

قیلدوز غم مصیبته سردار عم اوغلومی

 

بُلمم نه تیز عداوتوز اولدی آشکار

سالدوز بو حاله دیده سی خونبار عم اوغلومی

 

دنیاده سیزلره مگر ای قوم بی حیا

تاپشورماموشدی احمد مختار عم اوغلومی

 

آل رسول حرمتینی یاخشی ساخلادوز

ایتدوز بلایه قافله سالار عم اوغلومی

 

هیچ کس جهاندا زار ایلمز اوز امامینی

سیز ایلدوز بو حیدر کرّار عم اوغلومی

 

قول باغلی، سینه داغلی، دل افکار آپارمیون

مسجدلره غریب و دل افکار عم اوغلومی

 

مشکل گشانی مشکله سالماق روا دگل

ایتمون نشانِ طعنه ی اغیار عم اوغلومی

 

غم گلشنینده ناله چکر هر صباح و شام

اوخشار همیشه قمری گلزار عم اوغلومی

 

داخل اولاندا مسجده اول شاه بی پناه

زهرا آپاردی معجره اَل، چکدی بیرجه آه

 

سسلندی سیندی بال و پریم وامحمّدا

یاندی بو غصّه دن جگریم وامحمّدا

 

سندن صورا قرا گونه سالدی منی غمون

قان یاش توکر بو دیده لریم وامحمّدا

 

یاندی قاپوم ستمله، شهید اولدی محسنیم

جاریدور اشک چشم تریم وامحمّدا

 

یالقوزلیوبدیلار قولی باغلی عم اوغلومی

گَلمز هرایه بیر نفریم وامحمّدا

 

عمامه اَلده، ‌دیده سی یاشلی، جگرده آه

آغلار شبیریلن شبریم وامحمّدا

 

دیوب بو سوزلری خیرالنّسا بحال غمین

بو فکره دوشدی که قیلسون او قوم اوچون نفرین

 

قوپوب قیام قیامت بدون نفخه ی صور

ستونلر اوجالوب اولدی ستمی راه عبور

 

گوروب بو حالتی سلمان که بنت خیر بشر

اگر آچا باشینی عالمی یخار یکسر

 

خطاب قیلدی که ای بانوی خجسته لقا

عم اوغلون حیدر صفدر دگل بو امره رضا

 

بلایه صبر ایلماق چونکه سیزده عادتدور

سبب اودور که آتان عالمِینه رحمتدور

 

بو سوزلری ایشیدوب بانوی حریم ازل

قبول عرض قیلوب چکدی معجریندن اَل

 

ایدنده فاطمه ترک فغان و ناله و زار

ستون مسجد و منبر دوتوب یرینده قرار

 

چکنده تاج سر هَل اَتانی قوم دغا

رسول قبرینه یوز دوندَروب ایدردی ندا

 

نظاره قیل منی بی یاره یا رسول الله

اولوب جهاندا گونوم قاره یا رسول الله

 

جفای امّته باخ، محنت و مصیبته باخ

غریب عم اوغلوما قیل چاره یا رسول الله

 

سالوبلا شالینی اوز بوینونا کمند مثال

چَکَلّه مجلس اغیاره یا رسول الله

 

ابوشرور لعین اَل گوتورمیوب مندن

نه ایتمیشم او ستمکاره یا رسول الله

 

منه ایده لّر ابوالشرّ بیعتین تکلیف

اطاعت ایتماقا اغیاره یا رسول الله

 

مسیح تک منی آلموش آرایه قوم حسود

چکر عداوتیلن داره یا رسول الله

 

او خیبری گوتورن اللریمی باغلادیلار

ووروبلا قلبیمه مین یاره یا رسول الله

 

ابی شراره نون اوغلی او زاده ی سفیان

گَتوردیلر منی بیزاره یا رسول الله

 

ایدن زمان بو خطابی وصیّ پیغمبر

گَلوب تزلزله قبر جناب خیر بشر

 

اولوب ظهور تجلّای نور مسجد آرا

چخوب او روضه ی پرنوریدن ید بیضا

 

تمام گوردوله سالار انبیا اَلیدور

محمّد عربی یعنی مصطفی اَلیدور

 

اوجالدی صوت جناب رسول ربّ جلیل

خطاب قیلدی او بی شرمه ای لعین و بخیل

 

غرض بو غصب خلافت جهانه سالدی فساد

شریعتی پوزوب، دین ایوین ایدوب برباد

 

بو فتنه باعث اولوب کربلا مصیبتینه

بو فتنه باعث اولوبدور علی شهادتینه

 

تمام باعثی بو فتنه دور سالوب عدوان

توکه لّر حشره کیمی هر نه قَدر ناحق قان

 

بس ایت بو قصّه نی ((قمری)) یِتیشمَز اتمامه

شرار مِحنتیلن اود دوتوب یانار خامه

 

مرحوم قمری

منبع مجموعه کانالهای مدح و مرثیه

موضوع: حضرت فاطمه زهرا (س) احوالات ,
زبان شعر و شاعر: نوحه ترکی , قمری

-------------------------------

احوالات حضرت فاطمه زهرا (سلام الله)

 

قویدی قدم چو عالم امکانه فاطمه

گَلدی همیشه ناله و افغانه فاطمه

 

خوش گون جهاندا گورمدی، گوگلی آچولمادی

دوشدی زمانه ده نجه طوفانه فاطمه

 

اوّل خدیجه تک آنادان غمله آیریلوب

عالمده یاندی آتش هجرانه فاطمه

 

باشینه سالدی احمد مختار قاره سین

دار فناده قالدی غریبانه فاطمه

 

اودلاندی ظلمیلن قاپوسی یاندی درگهی

محتاج قالدی دردینه درمانه فاطمه

 

پهلوی پاکی سندی شهید اولدی محسنی

آغشته اولدی لاله صفت قانه فاطمه

 

قول باغلی چکدی مسجده امّت عم اوغلوسین

جور عدوئیلن یتیشوب جانه فاطمه

 

غصب فدک، جفای عدو، ظلم اشقیا

یخدی ایوینی دونوب قدی چوگانه فاطمه

 

اون سگّیز ایل گیچوبدی بو نوع آه و زاریلن

آخِرده اولدی امّته بیگانه فاطمه

 

اهل مدینه قویمادی سوزیلن آغلاسون

هردم گلنده ناله ی پنهانه فاطمه

 

اوز منزلینده اولمادی فرصت عزا دوتا

چوخ حسرت اولدی دیده سی گریانه فاطمه

 

دردی داشاندا ناله قیلاردی بقیعیده

غمدن دونردی گوزیاشی عمّانه فاطمه

 

امّیدی وار شفاعت ایده روز رستخیز

مشکل گونونده ((قمری)) نالانه فاطمه

 

 مرحوم قمری

منبع مجموعه کانالهای مدح و مرثیه

موضوع: حضرت فاطمه زهرا (س) احوالات ,
زبان شعر و شاعر: نوحه ترکی , قمری

-------------------------------

غزل

 

زینت سر لوح قرآن است بسم الله عشق

آیة الرحمن عرفان است ضوء ماه عشق

 

الرّحیم است ابتدای نهج منهاج الهدی

زیور الحمدلله تاج فرق شاه عشق

 

علّت ایجاد عالم اینکه ربّ العالمین

کشته رحمان رحیم سالکان راه عشق

 

مالک دیوان یوم الدین بحفظ ملک دین

تخت عزّت داده بر سلطان والاجاه عشق

 

مطلقا ایّاک نعبد کی شود مطلوب یار

تا نباشد جان و دل یکسر فنا فی الله عشق

 

مطلب از ایّاک با معشوق باید اتحاد

تا شوی محرم به بزم خاص خلوتگاه عشق

 

از که جویی استعانت با که گویی نستعین

از عبودیّت چه بنمودی به شاهنشاه عشق

 

ماسوا کلاً: عموماً اهدنا گویان هنوز

بهر ایصال صراط المستقیم شاه عشق

 

حاش لله بی تعشق راه یابد بر صراط

الذین لیس منهم خلّت از درگاه عشق

 

گوید انعمت علیهم انبیا و اوصیا

سرّ مبهم می نماید کیست این آگاه عشق

 

غیر مغضوبند عشاقی که بین الکاف و نون

واقند از کمّ و کیف راه و منزلگاه عشق

 

از علیهم تا ولااشّالین با تشدید و لام

مژده بر افتادگان از ناله ی جانکاه عشق

 

نار سوزان کی گلستان می شدی بهر خلیل

تا نبودی در جنانش حب لا اشباه عشق

 

کی توان شد اوج تخت مصر عزّت را عزیز

تا نیافتی همچو یوسف در حضیض چاه عشق

 

زاهد اندر گوشه ی محراب و عابد در نماز

واعظ اندر وعظ منبر می کند اکراه عشق

 

مست و لایعقل ز پا افتاده بودم بی خبر

بر گلیم دل صدا زد هاتف ناگاه عشق

 

گفت ای غافل چرا آگه نه ای از حال خود؟

خیز یکدم کن تماشا بر سیاحت گاه عشق

 

بی محابا ذکر یا محبوب گویان خاستم

دیدم اندر صفحه ی طومار الالله عشق

 

گر نباشد عاشق اندر عشق با خون سرخ رو

مطلقاً هرگز نمی ارزد به پرّ کاه عشق

 

باده نوشان محبّت داده ترتیب و نظام

در بیابان هلاکت خیمه و خرگاه عشق

 

بی شرایط فعل بی معنی نمی بخشد ثمر

بهر شهرت مطلقاً گویند در افواه عشق

 

دانگ یکدر هم نباشد قیمت آن عاشقی

تا نگردد سرخپوش ساحت جنگاه عشق

 

خارج است از دفتر تصدیق تا نبود اگر

ثبت صدر سینه ی عشاق لانیساه عشق

 

ناله ی یاهوز موجودات کلا سر به سر

بر نیوشیدم بکوشیدم شوم آگاه عشق

 

گفتم این یاهو که باشد از هوِیّت کو مراد

عقل گفتا این هویّت عشق هو همراه عشق

 

ای دل از اندازه ی عشاق پا بیرون منه

هرچه می خواهی بکن امّا بود دلخواه عشق

 

تا نفس باقیست در خلوتسرای کن فکان

متصل در هر نفس باید کشیدن آه عشق

 

«قمریا» تکرار کردی چون که اندر قافیه

عالم عشق است معذوری چه داری راه عشق

 

مرحوم قمری دربندی

منبع مجموعه کانالهای مدح و مرثیه

موضوع: غزل ,
زبان شعر و شاعر: نوحه فارسی , قمری

-------------------------------

غزل

 

ای روزگار جور و جفادن اوتانمادون

ظلمون چوخ اولدی آل عبادن اوتانمادون

 

سالدون جهانه طرفه مصیبت عجب عزا

بیر ذره قدری صاحب عزادن اوتانمادون

 

پوزدون ستمله آل پیمبر اساسینی

بیلمم نچون رسول خدادن اوتانمادون

 

یخدون ائوین علیّ ولینون عیالینون

خیبر ییخان شه دوسرادن اوتانمادون

 

یاخشی کئچیتدون حضرت زهرا چراغینی

باعث ندور که خیر النسادن اوتانمادون

 

دنیاده مجتبی قاپوسین باغلادون عجب

میر عرب امام هدادن اوتانمادون

 

بیر گونده قیردون عترت هاشم جوانلارین

اصلا بو قیرخ نفر اُسرادن اوتانمادون

 

 مرحوم قمری

منبع مجموعه کانالهای مدح و مرثیه

موضوع: غزل ,
زبان شعر و شاعر: نوحه ترکی , قمری

-------------------------------

صبح عاشورا و نماز صبح امام مظلوم

 

گوروندی چون اثر صبح صادق اولدی عیان

ایاقه دوردی یریندن امام تشنه لبان

 

کمال حسرتیله پادشاه عرش قباب

ایدردی اکبر شهزادیه بو نوع خطاب

 

ای قدیمی کمان ایلین اکبریم اویان

آچدی گوزئن او دم یوخودان اکبر جوان

 

قویدی عذارینی قدم عرش ساینه

عرض ایلدی ادبله اونون خاکپایینه

 

لبیک ای قراریمی الدن آلان بابا

یالقیز لیقی بو جانیمه اودلار سالان بابا

 

قربان اولا او ائللریوه اکبرون سنون

ای کربلا چولونده اوغولسوز قالان بابا

 

بو یوردی سرور بطحا که ای عزیز پدر

ایکی گوزوم ای اوغول نوجوان علی اکبر

 

صباح غم آچیلوب گلدی وقت راز و نیاز

گرکدی سن ایده سن ای اوغول ادای نماز

 

سنون اذانوه ای آفتاب عالمتاب

گرک نماز جماعتده جمع اولا اصحاب

 

بو گون یانندادی حاضر موذن حجاج

منیم اذان دیماقیمدا بو گون ندور مطلب

 

باخوب چوخ آغلادی شاهنشه زمین و زمان

دیدی که ای کسیلن راه عشقیده قربان

 

تنون یارالی دوشونجه قباقیمه اوغلوم

سسون دویونجا یتشسون قولاقیمه اوغلوم

 

بوگون اذان دیماقون سری واردی واویلا

داخی ایشتمیمیه جاق صوتوی آنان لیلا

 

شروع ائتدی اذانه بلند ایدوب آواز

صدای ناله الله اکبر اولدی فراز

 

یتشدی گویلره الله اکبر اکبردن

جهانی چولقادی وا اکبرا ملک لردن

 

آچیلیدی باب سماوات ملک دنیایه

دوزولدی قاطبه انبیا تماشایه

 

الینده تاج تقرب جناب جبرائیل

ئوزون یتوردی رسوله بحکم رب جلیل

 

توکوب سرشگ گوزیندن بسان ابر بهار

خطاب قیلدی که ای نجم انبیای کبار

 

علینی یانوه آل کربلایه ایله نظر

اذان صبح دیور نوجوان علی اکبر

 

باخوب رسول خدا ملک کربلا چولینه

الینی قویدی او دمده کمان اولان بلینه

 

خطاب قیلدی که ای انبیا صدایه باخون

بو گون موذن صحرای کربلایه باخون

 

ایدنده کلمه الله اکبری تکرار

قلجلانان باشینی آچدی حیدر کرار

 

دینده اشهد ان لا اله الله

اوجالدی اوج سماواته خیمه لرده آه

 

اذان صداسینه جمع اولدی جمله اصحاب

خطاب قیلدی او شاهنشه فرشته نقاب

 

تیمم ایلیون ای قوم اولدی وقت نماز

بو آخر عمر ایداخ خالقیله راز و نیاز

 

ایدوب تیمم او دم جیش پور شاه نجف

نماز ائتماق ایچون باغلانوب صف اندر صف

 

دولاندیروب گوزینی باخدی بیر امام عرب

نه گوردی بلبل گلزار کربلا زینب

 

غرض امام زمانه سالیندی سجاده

نماز قلیماقا اول سرور اولدی آماده

 

یتوب خطاب الهی چکیلدی عرشده جار

ایدوب نزول یره سکان عالم لاهوت

 

جناب حضرت روح الامین قاباقدا دلیل

تمام زمره ارواح انبیای جلیل

 

آچوب ملائلکه هفت آسمان پرو بال

احاطه ائتدیله کرب و بلانی مالامال

 

قیلیوب نمازی ادا صبح روز عاشورا

سلامدن صورا اول نور دیده زهرا

 

الین گوتوردی مناجاته دیده سی خونبار

زبانحالیله قیلدی بو مطلبی اظهار

 

الهی کرب و بلانین اساسی حرمتینه

پیمبر عترتینون آه و واسی حرمتینه

 

قلم اولان قولی عباسمین نگون علمی

علی اصغریمین اوخ یاراسی حرمتینه

 

اسیر زینبیمن زلف عنبر افشانی

سکینه باشینه ارتن قراسی حرمتینه

 

منه بغشله گلن امتین گنه کارین

دوتان محرم آییندا عزاسی حرمتینه

 

مرحوم قمری

منبع مجموعه کانالهای مدح و مرثیه

موضوع: احوالات تاسوعا و عاشورا ,
زبان شعر و شاعر: نوحه ترکی , قمری

-------------------------------

در مدح حضرت امام رضا (علیه السلام)

 

جنون درد عشقه اولموشام دیوانه یا مولا

غریق بحر اشکم، یانمشام هجرانه یا مولا

جفالر چکمیشم جهد ایتمشم جانان سراقنده

قویوب جان گلمیشم بو درگه احسانه یا مولا

 

دونوبدور قانه گوگلوم، محنت هجریله بیمارم

هوای وصل شوقیلن نه سرمستم نه هوشیارم

سالوب جانان گوزیمدن، تار اندوهه گرفتارم

دوشوبدور خسته جانیم درد بی درمانه یا مولا

 

شرار نار فرقتدن یانان قلب کبابیم وار

خیال وصل یاریلن نه بیدارم نه خوابیم وار

بدنده تاب و طاقت یوخ، گوگلده اضطرابیم وار

دونوبدور اشگ چشمیم قطره سی مرجانه یا مولا

 

جفای چرخدن اغیار جوریندن قراریم یوخ

هجوم خیل غمدن، حد و حصر آه و زاریم یوخ

انیس و مونس آرام قلب داغداریم یوخ

صباح و شام عادت قیلموشام افغانه یا مولا

 

گلوبدور تنگه جانیم، سوز و آه و ناله و غمدن

سرشک خونفشان هرگز قوتارماز چشم پرنمدن

بتردور آتش هجران، دم نار جهنمدن

یانار جانیم همیشه، آتش سوزانه یامولا

 

چخار افلاکه هر دم سوز دلدن دوده آهیم

منیم روز سیاهیمدن، یتشدی کامه بدخواهیم

فغان و زاردن هرگز نه کامیم وار، نه بیکاهیم

متاع صبر گیدمیش سربسر تالانه یا مولا

 

قوای خمسه بی قوت، هجوم جیش محنتدن

عناصر سست و بی طاقت، غم و درد مذلتدن

بو درگاهه دخیلم، ایسترم مطلب بو تربتدن

تمسک قیلمیشام عجزیله بو دامانه یامولا

 

سن اول شاه ولایت سن، که عالم بنده فرمانون

جلالتده رواق چرخ اطلس، کنج ایوانون

بهشت عدنه استغنا ایدر شهر خراسانون

یتشمز جنت رضوان، طلا ایوانه یا مولا

 

او مولاسن عوالم منجلیدور عکس نوروندن

یتیشدی طور سینا رتبه والایه، طوروندن

گلن امیدیله هیچ ناامید اولماز حضوروندن

ضریحون ضوئینه قدوسیان پروانه یامولا

 

او مولا سن دوتوبدور شوکتون اوج ثریانی

ویروب خلاق عالم اختیار دین و دنیانی

جلالون انبساطینده ندور ملک سلیمانی

سبب سن سن مدار گردش دورانه یا مولا

 

او شاهنشاه سن که عقل حیران، معجزاتونده

ولی عین صفات الله، ظاهردور صفاتونده

مخمر نور ذات کبریادور اصل ذاتونده

وجودون باعث اولموش، عالم امکانه یا مولا

 

او شاهنشاه سن، وصفون دوتوبدور کافدن قافی

جمالوندور جمال خالقون آئینه صافی

کلام حق ایچینده مدحوزده قل کفی کافی

در شهوارسن واقعده الرحمانه یامولا

 

اولوبسان عقل اول، بدو خلقتده مقدم سن

طفیلون کل مافیها و دنیا، رکن اعظم سن

مصور صورت انسانیلن، نور مجسم سن

همان ذرات نورون، روحدور ابدانه یامولا

 

کیمون وصفینده دور سیزدن سوا قرآندا الرحمان

نزول آیه بلغ، خطاب ق و القرآن

اشارات حروفات مقطع، آیت غفران

دلالت اوچ یوز اون اوچ آیه قرآنه یا مولا

 

کیمون وصفینده آیا، آیه تطهیر اولوب گویا؟

کیمون شاننده دور فرقان منزل ایچره کاف و ها؟

کیمون مدحینده دور یاسین، کیمین وصفینده دور طاها؟

عبارت کیمدی یوم الحشرده میزانه یا مولا؟

 

او نعمت هانسی نعمتدور سوال ایتسونله امتدن؟

مراد حق ندور مخلوقینه اظهار نعمتدن؟

نعیم جاودان سیزسوز، اولوب تصریح آیتدن

ولی الله سوز عالمده انس و جانه یا مولا

 

او شاهنشاه سن حبون کلید باب رضواندور

جهاندا ذره خاک درون، اکسیر ایماندور

تعالی الله مزارون تربتی هر درده درماندور

چکن آغوشه یانماز آتش نیرانه یا مولا

 

ایچن عشقون شرابین، حوری و غلمانه میل ایتمز

غلام آستانون جنت رضوانه میل ایتمز

گلستانون گورن بلبل، گل خندانه میل ایتمز

نه باخماز عطر و مشک و سنبل و ریحانه یا مولا

 

بلی عشق اهلنه منظور جنتدن، وصالوندور

تلذالاعین عاشق تماشای جمالوندور

جهان و ماسوا لب تشنه جام زلاندور

الوندن ایچمگه بیر ساغر و پیمانه یا مولا

 

او شاهنشاه سن دارالاماندور درگه پاکون

مریضه صحت افزادی شفادور ذره ی خاکون

کمند زلف حورالعین جنت، بند فتراکون

گتورسن اشهب اجلالوی جولانه یا مولا

 

او سرور سن سنونلن مرغزار دین اولوب ریان

چمن زار شریعت شوکتوندن خرم و خندان

گر اذن اولماسا سندن توکولمز قطره باران

اطاعت واجب اولموش سن ایدن فرمانه یا مولا

 

مزارون تربتینده بوی عطر مشک و عنبر وار

ضریحونده صفای انجلای مهر انور وار

بحمدالله الونده اختیار روز محشر وار

سنونلندور شفاعت حشرده عصیانه یا مولا

 

فروغ قبه زرینیوین بیر ذره ی نوری

تجلا قیلسا رخشان جلوه سی بینا ایدر کوری

نگاه گوشه چشمون سلیمان وار ایدر کوری

گدانی التفاتون دوندرور سلطانه یا مولا

 

شها یوز قویموشام درگاهوه بیر کمترین مورم

محبت باده سیندن دایماً سرمست و مخمورم

پر و بالیم یانوبدور(قمری) نالان و مهجورم

سر کویونده گوز یاشیم دونوبدور عمانه یا مولا.

 

 مرحوم استاد قمری دربندی

منبع مجموعه کانالهای مدح و مرثیه

موضوع: حضرت امام رضا (ع) مدح ,
زبان شعر و شاعر: نوحه ترکی , قمری

-------------------------------

در مدح حضرت علی (علیه السلام)

 

گتور بیر جام می ساقی فرح بخشای جان پرور

بهار عیشدور وار باشدا شور نشئه ساغر

 

او می دن ویر اولا بهجت فزا صهبای روح افزا

گتورسون باشیمه سودای عشق یار سیمین بر

 

او می دن قیل شفقت باده ناب و زلال اولسون

مفرّح عطری مشکین رنگی همچون لاله احمر

 

او می دن جام دولدور ویر بسان لعل رمّانی

ضیاسی مجلس احبابه ویرسون زینت و زیور

 

او می دن ویر فروغ شعله سی خورشید رخشان تک

اولا بیر قطره سی ماء معین عدندن برتر

 

او می دن ویر مذاق جانه شور عشق آرتورسون

صدای بانک نوشانوش قیلسون چرخ گوشین کر

 

او می دن قیل عطا که نطقه گلسون طوطی طبعیم

نثار ایتسون ریاض مدح مولاده دُر گوهر

 

او می دن قیل عطا صیاد طبعیم ایلسون جولان

شکار ایتسون غزال نظمدن آهوی خوش منظر

 

او می دن ویر آچوم درج دهان شوریده بلبل تک

ایدیم صحن چمنده بو مقالی دمبدم ازبر

 

علی دن غیری سلطان سریر قل کفی کیمدور

ولیّ قادر سبحان وصیّ مصطفی کیمدور

 

یتشدی موسم عشرت امان ای ساقی مه رو

گتور بیر باده خوش رنگ هم خوش طعم و هم خوشبو

 

بنات راغ ویرمیش عالمه بیر نوعیلن زینت

گلستان جهان اولموش بسان گلشن مینو

 

چخوبدور تخت حسنه رنگ الوانیله نیلوفر

چو زلف مهوشان عنبرفشان سنبل آچوب گیسو

 

نقاب آچمیش قزل گل نوعروس شوخ رعنا تک

معطر قیلموش آفاقی زُهر چون نافه آهو

 

عذار نسترن چشم خمار نرگس شهلا

قیلوب دنیانی پر بهجت بسان حور مشکین مو

 

فروغ لاله نعمان چو حسن عارض غلمان

شمیم نکهت ریحان گلستانی دوتوب هر سو

 

خرام ناز ایدر هر سمتدن دلدار زیبا تک

چمن زاره قد سرو روان با قامت دلجو

 

گل آرام دوتما بو چمنده سنده گل شوقه

جلی صوتیله هر دم چک پیاپی ناله یا هو

 

علی دن غیری سلطان سریر قل کفی کیمدور

ولیّ قادر سبحان وصیّ مصطفی کیمدور

 

مرحوم قمری

منبع مجموعه کانالهای مدح و مرثیه

موضوع: حضرت علی (ع) مدح ,
زبان شعر و شاعر: نوحه ترکی , قمری

-------------------------------

در مدح حضرت امام رضا (ع)

 

یارب نجه تربتدی بو عنبر کیمی خوشبو

یا مشکِ جناندور که گلور عطری ز هر سو

 

چیخمیش ایکی گلدسته سی طوبی' کیمی عرشه

هم طاقی وورار طاقِ نُه افلاکیله پهلو

 

ایوانِ طلادور که و یا روضهء رضوان؟

حاشا بو جلالتده دگل گلشنِ مینو

 

درگاهِ فلک جاهِ امامِ حرمِیندور

ای قلب ، دوشوب توپراقه ، چک نالهء یاهو

 

بیر روضه دی بو ، صحنینه جاروب چکر حور

جاروبِ ضریح و حرمی ، طُرّهء گیسو

 

بیر روضه دی بو ، فوجِ ملایک ایدر الِحاح

هر صبح و مسا ، کفش کنِ صحنه قویوب رو

 

ببر روضه دی بو ، عالَم ایدر سجدهء تعظیم

سورتر یره مین ذلّتیلن جبهه و ابرو

 

بیر روضه دی بو ، خیلِ رسل صحنِ حرمده

عجزیله اولور قادرِ یکتایه دعاگو

 

میدانِ فصاحتدی گرک اولمیا اِهمال

ای توسنِ طبعیم ایله هر سمته تکاپو

 

قربان اولا عالَم بو اساس و بو جلاله

ای رحمیله صیّاده اولان ضامنِ آهو

 

ای سروِ گلستانِ دل آرای امامت

شاهنشهِ دین ، شافعِ صحرای قیامت

 

آرام و قرارِ فَلک و چرخِ معلّا

نوریله ویرن گویلره شوکت ، یره زینت

 

مولای جهان ، سَرور و سلطانِ خراسان

جنّ و بشره ، کلّ ملایکلره حجّت

 

نوریندن ایدن عالمِ امکانی منوّر

مصنوعِ خداونده اولان ، باعثِ خلقت

 

گنجینهء اسرارِ خدا صَدرِ مُنیری

رخساری ویرن گلشنِ ایمانه طروات

 

آباد قیلان عدلیله معمورهء دینی

مصباحِ هدا ، دافعِ ظلماتِ ضلالت

 

دریای سخا ، کانِ عطا ، عینِ تولّا

دُردانهء زهرا ، خلفِ شاهِ ولایت

 

هر کیم دوتا دامانوی صدقیله بِلاشک

چکمز نه بو دنیاده ، نه عقباده ندامت

 

قلبیمده بِلاشُبهه یتوب حدّ یقینه

باالله منه هر وصفِ کمالوندی درایت

 

مدحون دوتوب عالملری چون مهرِ جهانتاب

ای حُبّی ویرن شیعه لرون قلبینه بهجت

 

ای منتظم مَصطبهء چرخِ مُطبّق

وی رکنِ ثباتِ فلک و چرخِ مُعلّق

 

ماهیّتِ خلقتده طُفیلوندی تماما"

جنّ و ملکِ عالم و نُه طاقِ مُروّق

 

ابداعده اولماقلیقا سن خلقته باعث

سوز یوخدی که لولاک دَلیلمدی مُوثّق

 

سن سن شهِ اقلیمِ هدا ، ختمِ رسلدن

منصوص اولونان تختِ خلافتده مُصدّق

 

نوروندی منوّر قیلان آفاقِ جهانی

لاشک و لاشُبهه ، بِلارِیب ، مُحقّق

 

اولدی شفقِ نورویلن صبح و مساده

بیضای افق ، دامنِ افلاک مُبرّق

 

ضوء شفقون عالَمِ امکانه سالوب نور

ایتمیش نه تجلّایله آفاق مُشفّق

 

سن اولماسان اولمازدی عیان بیضهء بیضا

ظلمات باسوب عالمی ، چون لیلِ مُغسّق

 

مقصوده یتر یوز قویا درگاهوه هر کس

خوش بختدی گر اولسا زیارتله موفّق

 

حُبّوندی جنان ، عالمِ امکان سنه قربان

احبابوه ابوابِ جهنمدور مفلّق

 

ای آدمه انواری اولان عَلّمَ الاَسما

وی نوحه ویرن منطقهء مِجری و مِرسی'

 

ای نوری قیلان نارِ شرر باری خلیله

ریحان و گل و سنبل تر ، لالهء حمرا

 

ای یوسفی تأییدی قیلان مصرده سلطان

وی دیدهء یعقوبی ایدن جلوه سی بینا

 

ای حضرتِ ایّوبی قیلان ضُرّدن آزاد

وی لطفیله فریاد رسِ دارِ مسیحا

 

ای عالَم نور ایچره ملایک لره مرشد

خلقتدن اولان نظمِ جهان امرینه دارا

 

ای طورده مدهوش قیلان ، طور ، کلیمین

بیر ذرّه ویروب شعشعهء نور تجلّا

 

ای یونسه بطنِ شکمِ حوتده مونس

مخلوق ایچون هر مطلب مشگلده منادا

 

معبوده بیر عبد ، ولی خلقه خداسن

هم ربّ سن ، اما نه که لا ربّی الاعلی'

 

بیر نورِ مُجسّمدی محمّدله وجودون

چون بَضعته مِنّی بویوروبدور سنه حقّا...

 

ای ارضِ خراسانی قیلان روضهء رضوان

وی سرورِ دین ، صاحبِ گلدستهء زرّین...

 

ای امتِ پیغمبره اولی' به تصرّف

وی شیعه لرون بدرقهء نهجِ هداسی

 

ای صورتِ شیری ، قیلان اعدایه مسلّط

وی باعث اولان غیث ، نزولینه دعاسی

 

ای صیتِ جلالی دوتان آفاقی سراسر

وی عالمی مبهوت قیلان جود و سخاسی

 

ای مِهری منوّر ایدن الواحِ قلوبی

وی دهری پُرامواج ایلین بحرِ عطاسی

 

ای مجلسِ تدریسینه مین خضرِ سبق خوان

وی محفلِ تأوینی جنان راهنماسی

 

ای خیلِ مَلک درگهِ احسانینه محتاج

وی عالَمی سودایه سالان شوقِ لقاسی

 

ای اسمی جهان زینتی ، افلاک ستونی

وی شمسِ جهانتابه ویرن نور ، ضیاسی

 

ای عارضی آیینهء انوارِ الهی

دریای کمالاتی اولان لامتناهی

 

صندوقِ علومِ ازلی مخزنِ قلبی

تا عرشِ الهی یتیشن رتبه و جاهی

 

ای هر ایکی دنیاده تمام عالمه مولا

شوکتده اولان ، فوجِ ملک ، خیلِ سپاهی

 

ای معجزه سی مِهرِ درخشان کیمی باهِر

رحمی یتورن مطلبینه سنگِ سیاهی

 

ای مُبغِضی درگاهِ الهی ده مُعذّب

وی دفع قیلان حُبّ و تولّاسی گناهی

 

ای جنّتِ رضوانه صفا بخش ، جمالی

حوریّ جنان خاکِ قدومیله مباهی

 

ای دادرسِ امت اولان یومِ جزاده

وی شیعه لرین روزِ قیامتده پناهی

 

ای هر ایکی گلدسته سی چون نخلهء طوبی'

وی قبّه سی فوقِ شرف ، قبّهء علیا

 

ای بارگهی شأنده اجماجدن افزون

وی صحنی قصورِ نَعَمِ خلددن اعلا

 

ای گوشهء ایوانی بهشتیله برابر

وی خادم و دربانی ملایک لره همتا

 

ای انجُمِ افلاکه ، قنادیلی مساوی

وی ضوء ضریحنده نمایان یدِ بیضا

 

ای آجرِ دیواری ، رخشنده قمردن

وی کفش کَنی ، شمسِ جهانتابیدن ابها

 

ای رشک ویرن گنبدِ گردونه رواقی

بالای سری عالَمِ علویّه دن اعلا

 

ای لوحی شرافتده گچن لوح و قلمدن

وی منبری ، کرسیّ سمادن داخی بالا

 

ای خاکِ دری سرمهء اَبصارِ نَبیّین

وی تربتِ خوش عطری اولان وسمهء حورا

 

قربان او کلامه لبِ لعلون که بویورموش

نظمِ شعرا مدحده من انشأ فینا

 

صد شکر عجب طُرفه سعاتدی من ایچون

فخر ایلرم عالمده ملایک لره حقّا

 

بسدور بو کرامت بو سعادت بو شرافت

مدّاحون اولوب صبح و مسا (قمری) شیدا.

 

مرحوم قمری

منبع مجموعه کانالهای مدح و مرثیه

موضوع: حضرت امام رضا (ع) مدح ,
زبان شعر و شاعر: نوحه ترکی , قمری

-------------------------------

در احوالات حضرت امام رضا (علیه السلام)

 

ای ویرن جانینی مین شوقیله جانانه رضا

بستری خاک سیه منزلی ویرانه رضا

 

چرخ دوران ستمدن چکیلوب داغ سینه مه

قیلمیشام ناله کنان ساحت دنیانی سراغ

بو نه منزلدی ویروبلر سنه بی فرش و چراغ

جان ویرورسن قوری یرلرده ذلیلانه رضا

 

بو نه هنگامه دور ای پادشه ملک حجاز

منِ دلخسته ئیلن ایله گلن رازو نیاز

دی گوروم دردیوی بیکس آناوا ایلمه ناز

ویره جک گوز یاشیم عالملری طوفانه رضا

 

کهربا تک سارالوب لالۀ گلرنگ ترون

یوخدی بیر باش آچوب افغانه گلن نوحه گرون

گورونور ظشتده یتمیش ایکی پاره جگرون

بویانوب لعل لبون لاله کیمی قانه رضا

 

قیل بیان ای گل گلزار رسول مدنی

نه سببدندی سالوبلار بیله احواله سنی

بیری غربتده ئولنده مگر اولماز کفنی

قوری یر منزل اولور طوسده مهمانه رضا

 

نه ایدوبسن دهرده مأمون لعین شومه

ایلیوبدور بو قدر ظلم سنِ مظلومه

هردا قالمیش مگر ایستکلی باجون معصومه

باش آچوب نعشیوون اوسته گله افغانه رضا

 

دوتموشام کوفه ده القانه باتان حیدره یاس

دوشموشم چوللره اگنیمه گیوب قاره لباس

گه حسین وای دیرم اه دیوب واعباس

آغلارام قاسمیلن اکبر عطشانه رضا

 

نه قرا بخت آنایم گولمز اوزوم دنیاده

گلورم ناله کنان شام و سحر فریاده

گه بقیعه گیدرم گاه اوغول بغداده

گاه گلَّم باش آچوق ملک خراسانه رضا

 

ایمدی افغانه گتورم فلکین نُه طاقین

ایلرم نوحه سرا شش جهتین آفاقین

سینه اوسته قویارام کرب و بلا توپراقین

مدفنون رشک ویرور جنت و رضوانه رضا

 

چکمه غم من سنه عالمده عزادار اوللام

آغلیوب غربت آرا دردیوه غمخوار اوللام

یتیشوب دادینه البته مددکار اوللام

حشرده (قمری) دلخستۀ نالانه رضا

 

مرحوم قمری

منبع مجموعه کانالهای مدح و مرثیه

موضوع: حضرت امام رضا (ع) احوالات ,
زبان شعر و شاعر: نوحه ترکی , قمری

-------------------------------

آمدن جناب جبرئیل به قتلگاه

 

دلیل راه وفا جان نثار جاده ی عشق

وئروب مذاکره بزمینده عالمه سرمشق

 

چو نور دیده ی زهراشهنشه حرمین

شهیدلاله رُخ کربلا امام حسین

 

قوری یر اوسته جگر داغلی جسمی صد پاره

آخاردی قان یاراسیندان مثال فوّاره

 

دییردی درد دلین کردگار یکتایه

نه گوردی باشینون اوسته گوروندی بیر سایه

 

سؤال قیلدی که ای قیدیمه قالان کیمسن

بو گونده سایه باشیم اوستونه سالان کیمسن

 

او سایه صاحبی عرض ایلدی که یا مولا

منم بو گونده سنه نوکر اولماقا اولیٰ

 

او کیمسه یم که بو عالمده خون دل یمیشم

گئجه گونوز گلوبن لای لایووی دئمیشم

 

او کیمسه یم که اطاعت بئلینی باغلامیشام

بو دوغرانان بدنی سینه ام اوسته ساخلامیشام

 

که ای اولان آدی عرش خدایه پیرایه

او کیمسه یم وئروب اللّه منی سنه دایه

 

مقرّب حرم خالق جلیلم من

اولیدی کاش گوزوم کور جبرئیلم من

 

بویوردی حضرت روح الامینه شاه اُمم

بو سایه سالماقووا بیل یقین رضا دگلم

 

گوتور قنادوی لازم دگل منه سایه

رواق عرشیده جدیم دوروب تماشایه

 

گوتور قنادوی قوی چشمه چشمه قان آخسون

آتام یارالاریما ساق عرشیدن باخسون

 

محبوبیمون منیله محبت بناسی وار

معلوم اولور شفقت و مهر و وفاسی وار

 

معشوقیدن گرک یتشه عاشقه بلا

عاشق دگل او کیمسه بلادن هراسی وار

 

هر نه بلا گله ائدرم جانیله قبول

البته بو بلالرینون مدّعاسی وار

 

جانان یولوندا هر یارا بیر گُلدی عاشقه

گلزار سینه مون نه عجایب صفاسی وار

 

دورت مین یارا دگوب گینه آزدور بو سینیه

مین دفعه جانیله چکرم هر جفاسی وار

 

قیل بیرجه قتلگاه تماشاسی جبرئیل

باخ گور حسین تشنه لبون نه اساسی وار

 

قربانگهه خلیل آپاروب بیر فدا اگر

اما حسینه باخ نجه یتمیش فداسی وار

 

عباس نامداریمی قربان کسوبدولر

قولسوز دوشوبدی قانه بویانمیش لواسی وار

 

طوی دوتموشام بو دشتیده شهزاده قاسمه

یاخمیش الینه قانیله الوان حناسی وار

 

صدپاره دوغرانوبدی علی اکبریم سوسوز

تپراقلار اوستی نعشی دوشوب چوخ یاراسی وار

 

من قوی یانوم بو گون قباقیندا کباب تک

سال اکبر اوسته کولگه اوغلسوز آناسی وار

 

بیلمم سبب ندور منی گوزدن آتوب آنام

میدانه زینبیم گله بیلمز حیاسی وار

 

دورما اوزون یتور نجفه سؤیله یاعلی

اوغلون حسین ئولور سنه چوخ چوخ دعاسی وار

 

گل کربلایه باشیمی آل بیر دیز اوستونه

گورسونلر اهل کوفه علی تک آتاسی وار

 

غم گلشنینده«قمری»بی یار و خسته نون

فریاد وا حسینیله شور و نواسی وار

 

مرحوم قمری

منبع مجموعه کانالهای مدح و مرثیه

موضوع: احوالات قتلگاه ,
زبان شعر و شاعر: نوحه ترکی , قمری

-------------------------------

در شهادت حضرت علی (علیه السلام)

 

واحسرتا که خانه ایمانی یخدیلار

گویا ستون عرش معلانی یخدیلار

 

اٌلدوردولر امام حسینون آتاسینی

دوران داغیلدی گردش دورانی یخدیلار

 

گیچدی چراغ ملّت بیضای مصطفی

طاق رواق عالم بالانی یخدیلار

 

معراجیده قلیجلادیلار شرع صاحبین

توپراقلار اوسته لیله اسرانی یخدیلار

 

دوتدی جهانی ظلمت کفر اولدی آشکار

مهر منیر طارم مینانی یخدیلار

 

یکسر داغیلدی مسجد و محراب رونقی

رکن الوثیق مسجد لولانی یخدیلار

 

غلطان ایدوبله قانینه مولای قنبری

تیغ جفائیلن شه مردانی یخدیلار

 

مرحوم قمری دربندی

منبع مجموعه کانالهای مدح و مرثیه

موضوع: حضرت علی (ع) احوالات ,
زبان شعر و شاعر: نوحه ترکی , قمری

-------------------------------

در مدح حضرت علی (علیه السلام) 

 

ای مظهر جلال صفات خدا علی

همقدرت خدا نه ، خدادن جدا علی

 

اولماز غلط اگر سنه لفظ خدا دئسم

سنسن تمام عالمه نهج الهدی علی

 

ماهیّتونده عاجز و حیراندی ماسوا

یوخ حدّی ، مدحیوی ائده بو بینوا علی

 

عالمده ربّ نوعه سنونلندی تربیت

تقدیر قدرتونده دی حکم خدا علی

 

سنسن اولان صفات الهیّه متّصف

جنّیله ، انسه ، هم مَلکه مقتدا علی

 

سنسن ائدن زمانه ده ارشاد جبرئیل

سنسن أَنتَ مِن أنَا یتوشنده ندا علی

 

خالق دئیر غُلاة سنه کفر محضیدور

خالقدن اوزگه یوخدی سنه مبتدا علی

 

یتمز فلکلر اطلسی بو آستانیوه

گر قدّ کبریاده بیچیلسه ردا علی

 

الله ذوالجلال ائدوب ذوالفقاریوی

زنگ و ظلوم کفریده ظلمت زدا علی

 

عرش اوسته حُسن صوتیلن خالق جلیل

معراجیده محمّدی قیلدی صدا علی

 

هم کتف مصطفایه قویولدی سنون اَلون

اولسون گوروم او اللره جانیم فدا علی

 

اول اَلدی خیبری گوتورن مرحبی بولن

مهد ایچره اژدهانی بولن باالبدا علی

 

اول اَلدی باب رحمتی امّت اوچون آچان

دار الجزای حشریده یوم الغداعلی

 

خوشبختیدور قبول ائده سن آستانیوه

«قمرینی» بیر محقّر و مسکین گدا علی

 

مرحوم قمری

منبع مجموعه کانالهای مدح و مرثیه

موضوع: حضرت علی (ع) مدح ,
زبان شعر و شاعر: نوحه ترکی , قمری

-------------------------------

در مدح امیرالمومنین حضرت علی (ع) 

 

ای چرخ رفعتین مه تابانی یا علی

کنز ولایتین در غلطانی یا علی 

 

دارالعلوم حکمته آئینه جمال

بزم جلال شمع شبستانی یا علی 

 

کون و مکاندا علت غائی ممکنات

معلول کل عالم امکانی یا علی 

 

ما بین مآء و طینید ه حیران بو البشر

سن سیر ایدنده عالم بالانی یا علی

 

ابداع اختراعده موجود اولین

عرشون ستونی باعث بنیانی یا علی 

 

آدم دیسم سنه نه دیم قیلمشم غلط

تعلیم قیلدون آدمه اسمانی یا علی

 

نقصاندی نوحه نسبت ایدم من اگر سنی

سن نوحده گچورتدون او طوفانی یا علی

 

هرگه سنه خلیل دیسم یوخدی نسبتی

سنسن ویرن خلیله گلستانی یا علی

 

یوسف هارا سنی اونا تشبیه دوتماقا

سن تخت قیلمسان اونا زندانی یا علی

 

موسی خطاب ایدوم سنه یوخ یوخ روا دگل

سندن گوروبدی نور تجلانی یاعلی

 

عیسی مخاطب ایلمک اولماز جنابوه

سن داریدن قوتارموسان عیسانی یا علی

 

بسدور بورتبه کعبه ده اولدی ولادتون

وارشآنیوون مسیحیله رجحانی یا علی

 

مولود اولانداایلدون ازبر نظامیلن

باشدان ایاقه جمله قرآنی یا علی

 

مهد ایچره بولدی اژدری خیبر یخان الون

ای منبع سخا و هنر کانی یا علی

 

وارسنده بیر شجاعت ایا شحنه نجف

مبهوت ایدوبدی گبر و مسلمانی یاعلی

 

گلدی احدده شآنیوه لا سیف و لافتی

اولدی ملک بو ذکر نواخوانی یا علی

 

بیر صولتیله مرحبی منشق ایلدون

وحشت گوتوردی ساحت غبرانی یا علی

 

جبریل قیلماسدی اگر شهپرین سپر

تیغون یخاردی بلکه بو دنیانی یا علی

 

عمروبن عبدودکیمی معلونه ذوالفقار

گستردی ذوق آتش نیرانی یا علی

 

قیلسون اشاره قنبره انگشتیله یخار

دوقوز رواق خرگه مینانی یا علی

 

خیبر ندور قوپارتماقی بیر شآن اولاسنه

ای کل عالمون شه مردانی یا علی

 

هیجا گونونده اولسالگدکوب دلدلون

بر باد ایدر فضای بیابانی یا علی

 

بئرالعلمده شعله تیغون اولوب علم

یاندوردی قوم جن و بنی جانی یا علی

 

دشمن شکار الونده سنون آب منجمعد

دریای قانه دوندرور میدانی یا علی

 

مهر نبوت اوسته چخوب طاق مکه دن

سالدون اشاقه لاتیله عزانی یا علی

 

اسلام سدین آچدی قلنجون شیرازه سی

پوزدون بساط گبرونصارانی یا علی

 

سن اولماسیدون اولمازیدی بیر خدا پرست

سندندی دین و مذهبون ارکانی یا علی

 

مراربن قیسی دور کمردن بولن اله

قربان تمام شیعه لرون جانی یاعلی

 

گسترمیسن فضای جهان ایچره آشکار

ملک غری ده ید بیضانی یا علی

 

قبر شریفدن ایکی نوک بنانیلن

منشق ایدوبسن اول سگ نیرانی یا علی

 

ایکاش اولا او ایکی سرانگشت پاکیوه

جان جهانیان هامی قربانی یاعلی

 

دوتموش تمام ئورکلری نور محبتون

دوتموش جلالون عرش معلانی یا علی

 

سن تک جهاندا هانسی گروهین امامی وار

دوتماق گرگ سنون کیمی مولانی یا علی

 

لعنت نژاد و ذاتینه اولسون اوناکسون

صدقیله دوتمویا بیله دامانی یا علی

 

دنیاو عمرو آخرتیم دین و مذهبیم

هر دردیمون زمانه ده درمانی یا علی

 

(قمری) اولوبدی گلشن مدحنده نغمه ساز

ایلی نثار نظم در افشانی یا علی 

 

مرحوم قمری

منبع مجموعه کانالهای مدح و مرثیه

موضوع: حضرت علی (ع) مدح ,
زبان شعر و شاعر: نوحه ترکی , قمری

-------------------------------

شام غریبان حضرت علی (علیه السلام)

 

نه بزم دور اثر ماتم و عزا گؤرونور

جهاندا غلغله شورآه و وا گؤرونور

 

گینه قولاق دوتولور یا علی صداسیندن

فضای عالم آرا ناله و بکا گؤرونور

 

باخاندا نیّر مژگان چشم احبابه

نظامیلن دوزولوب درّ پربها گؤرونور

 

دوتوبدی ولوله آفاقی، گؤگلرآغلار قان

تمام مسجد و محرابیده قرا گؤرونور

 

کیمین عزاسیدی یاران؟ غریبه ماتم دور

بوغمده نوحه سرا عرش کبریا گؤرونور

 

آچوبدی باشنی چاک ایلیوب گریبانین

شفیع روز جزا ختم انبیا گؤرونور

 

بقیعد‌ن گلی بیر سس دیور عم اوْغلوم وای

بلی اوْ ناله چکن خیرة‌النساء گؤرونور

 

گیوبدی جامه‌ی نیلی تؤکر گؤزیندن یاش

جگرلری تؤکولن طشته مجتبی گؤرونور

 

عمامه الده بسان هلال عید صیام

یوزونده گرد الم شاه کربلا گؤرونور

 

فغان وا ابتا دمبدم چکر عبّاس

الی بلینده رسا قامتی دو تا گؤرونور

 

دیار شامیده زینب دوتوب خرابه ده یاس

اوْلوبدی زلفی پریشان اوْ بینوا گؤرونور

 

قلجلانوب باشی محرابیده باتوب قانه

یقین کی تعزیه شاه لافتی گؤرونور

 

ریاض غمده ائدر ناله «قمری» شیدا

اوْنون ترانه‌سی سرمایه‌ی بُکا گؤرونور

 

نه بزمدور گینه خلق زمانه قان آغلار

گلوبدی ناله و فریاده انس و جان آغلار

 

دوْلوب جهان گینه فریاد واعلیّادن

فلکده یاس دوتولوب اهل آسمان آغلار

 

مگر کی تازلنوب ماتم شه مردان

اوْلوبدی شیعه‌لرین گؤز یاشی روان آغلار

 

چکوبله مسجد و مئحراب و منبره قاره

گلور فغان دروْدیواریدن عیان آغلار

 

قوروبدی بزم عزا حاملان عرش عظیم

مَلک قرایه باتوب حوری جنان آغلار

 

بوگون اوْ گوندی پیمبر دییر عم اوْغلوم وای

عمامه الده دوتوب قامتی کمان آغلار

 

ائدوبدی زولفینی آشفته حضرت زهرا

چکر بقیعده فریاد مو کنان آغلار

 

یتیم اوْلوب حسن مجتبی حسین شهید

جناب زینب کلثوم ناتوان آغلار

 

علم آچوبدی فرات اوسته حضرت عبّاس

اوْ قوْللاری کسیلن شاه تشنگان آغلار

 

قیلوبدی چاک گریبان محمد باقر

تؤکوب سرشگ بصر چشمی خونفشان آغلار

 

امام جعفر صادق گیوب لباس عزا

اوْلوبدی موسی کاظمله همزبان آغلار

 

ائدوبدی طوسی مصیبت سرا امام رضا

غریب خاک خراسان ائد‌ر فغان آغلار

 

شهید زهر محمد تقی علی نقی

چکلله ناله قیلوب آه و الامان آغلار

 

دوشوبدی زلزلیه سرّمن رای ملکی

قرا گیوب حسن عسگری عیان آغلار

 

همیشه گلشن ماتمده یا علی گویان

اوْلوبدی قمری دلخسته نوحه خوان آغلار

 

 مرحوم قُمری دربندی

منبع مجموعه کانالهای مدح و مرثیه

موضوع: حضرت علی (ع) احوالات ,
زبان شعر و شاعر: نوحه ترکی , قمری

-------------------------------

زبانحال حضرت علی اکبر (علیه السلام)

 

باشیم اوسته قانلی قاتل خنجر الده، من یارالی

باشیمی کسن امان سیز لیک باش ویرن یارالی

 

اسدی تند باد محنت کربلا ده قوپدی طوفان

ابر تیره گون بوشالدی سو یرینه آخدی آلقان

باغبان خسته دلخون باغ و گلشن اولدی ویران

سنبل و سمن پریشان بلبل چمن یارالی

 

آلدیلار منی آرایه یاره یاره اوسته آلدیم

ناتوان اولوب عقابین بوینونا قولومی سالدیم

قالمادی بدنده قانیم ضعفدن ایله سارالدیم

باش آچوب بوچولده گویا شاخ نسترن یارالی

 

هاردادور شه غریبان باشیمی کناره آلسون

سایه سینده ابر رحمت باشیم اوسته سایه سالسون

قویماسون یارالی جسمیم ایستی قوملار اوسته قالسون

لخته لخته قان ایچینده یرده بیکفن یارالی

 

خوشدلم که دست ظلمون کشته جفاسی اولدوم

یاره لرده یاری گوردوم عاشق لقاسی اولدوم

باشیوه دونوم نه یاخشی باشیوین فداسی اولدوم

وجه احسنیله اولدی صورت حسن یارالی

 

رسمدور تیز اولدورللر اوخ دگوب دوشن شکاری

چوخ گورر گوزونده صیاد بیر دقیقه انتظاری

ایسترم بابام گلیدی بیر باخوب گوریدی باری

قانلی آستین صیاد آهوی ختن یارالی

 

بسکه قان آخوب باشیمدان گوز ایوین بوتون دوتوب قان

نور آفتابه یر یوخ تار اولوب گوزیمه مژگان

سدّ اولوب نفس یولوندا خاک تیره گرد میدان

اوددوتوب دلیم دوداقیم اَل ایاق بدن یارالی

 

پای بوسیوه واریمدور بو گوگلده چوخ علاقه

نیلیوم که ممکن اولماز من دورانمیرام ایاقه

سن تواضع ایله بابا گل که جان یتوب دوداقه

نخله امیدیم آرتوق اولدی ریشه کن یارالی

 

سن بابا اوزون بولورسن زخمدار اولان سو ایستر

گل قوری دوداقلاروندا نهر سلسبیلی گوستر

زانوی شریفون ایله بو یارلی باشه بستر

فیض آلوم نفسلروندن صون نفسده من یارالی

 

هر یارالی گون ایونده قالسا چاره سیز سیزیلدار

زخم نیزه جان ستاندور اوخ یاراسی چوخ سیزیلدار

جان چخاندا خنجر آغلار قان آخاندا اوخ سیزیلدار

حالیمی گلوب گوریدون ای شه زَمَن یارالی

 

اوخ اوتوردی سینم اوسته آچدی غنچه تک یاراسی

گُل گُل اوزره دوزدی ووردی جسمیمه بَزَک یاراسی

وار آنامدامندن آرتوق بیر بویوک اورک یاراسی

آغلاسا اورکدن آغلار جمله مرد و زن یارالی

 

ایسترم بو دم یانیمدا مهربان آنام اولیدی

باشیم اوسته باش آچیدی سس چکوب ساچین یولیدی

آغلیوب توکیدی قانیاش قانیله بوچول دولیدی

منده ال ایاق چالیدیم قان ایچینده تن یارالی

 

سویلیون غریب آناما اکبر جوانون اُلدی

تشنه لب یارالی یالقوز جانی چخدی جانون اُلدی

ظلمیلن بِلون بوکولدی طاقت و توانون اُلدی

آغلا بی شکایت آغلا آغلا بی سخن یارالی

 

اُپدی یا حسین«هندی»خاک درگهون دوباره

پیر اولوب شفاعت ایستر دردینه سن ایله چاره

الده دفتر مصیبت یوزقویوب گیدر مزاره

نغمه نغمهٔ حسینی نظم و سینه زن یارالی

 

 مرحوم هندی

منبع مجموعه کانالهای مدح و مرثیه

موضوع: حضرت علی اکبر (ع) زبانحال ,
زبان شعر و شاعر: نوحه ترکی , قمری

-------------------------------

در شهادت امیرالمومنین

حضرت علی ابن ابی طالب (علیه السلام)

 

نه بزمدور گینه خلق زمانه قان آغلار

گلوبدی ناله و فریاده انس و جان آغلار

 

دولوب جهان گینه فریاد واعلیّادن

فلکده یاس دوتولوب اهل آسمان آغلار

 

مگر کی تازلنوب ماتم شه مردان

اولوبدی شیعه‌لرین گوز یاشی روان آغلار

 

چکوبله مسجد و محراب و منبره قاره

گلور فغان در و دیواریدن عیان آغلار

 

قوروبدی بزم عزا حاملان عرش عظیم

مَلک قرایه باتوب حوری جنان آغلار

 

بوگون او گوندی پیمبر دییر عم اوغلوم وای

عمامه الده دوتوب قامتی کمان آغلار

 

ائدوبدی زولفینی آشفته حضرت زهرا

چکر بقیعده فریاد مو کنان آغلار

 

یتیم اولوب حسن مجتبی حسین شهید

جناب زینب کلثوم ناتوان آغلار

 

علم آچوبدی فرات اوسته حضرت عبّاس

او قوللاری کسیلن شاه تشنگان آغلار

 

قیلوبدی چاک گریبان محمد باقر

توکوب سرشگ بصر چشمی خونفشان آغلار

 

امام جعفر صادق گیوب لباس عزا

اولوبدی موسی کاظمله همزبان آغلار

 

ائدوبدی طوسی مصیبت سرا امام رضا

غریب خاک خراسان ائد‌ر فغان آغلار

 

شهید زهر محمد تقی علی نقی

چکلله ناله قیلوب آه و الامان آغلار

 

دوشوبدی زلزلیه سرّمن رای ملکی

قرا گیوب حسن عسگری عیان آغلار

 

همیشه گلشن ماتمده یا علی گویان

اولوبدی قمری دلخسته نوحه خوان آغلار

 

 مرحوم قمری

منبع مجموعه کانالهای مدح و مرثیه

موضوع: حضرت علی (ع) احوالات ,
زبان شعر و شاعر: نوحه ترکی , قمری

-------------------------------

 رجز خواندن حضرت ابوالفضل (علیه السلام)

در مقابل لشگر کوفه

 

ایّها القوم ظُلَم عالمه سردار منم

نائب منقبت حیدر کرار منم

 

هل اتی مخزنینین دُرّ ِ گرانمایه سیم

لافتا دُرجینه بیر لوء لوء شهوار منم

 

نقطه ذال اذا زُلزِلَتِ الْاَرضه ضمیر

قدرت قاهره قادر قهار منم

 

مقصد اَنْفُسنا، وارث فخر النُّجبا

قُل کفى’ آیه سینه محرم اسرار منم

 

آیه نصرُ مِنَ الله دا اولان فتح غریب

سیف برنده مسلول شرر بار منم

 

اِعْلَموا وَ اسْتَمِعوا ایّها الانصار یزید

کلمه نصرت حقّی ایدن اظهار منم

 

ضاربُ السَّیف، شجاعُ البَطَلِ الْمرتضوی

قاهرُ القومِ عدو، قامِعُ الاَشرار منم

 

سالک نَهجِ هدا مِنهَجِ مِنهاجِ وفا

لفظ یُوفون، ضمیرینده وفادار منم

 

و اَنا اِبنِ اسدالله ِ امام الثَّقلین

زادهء صف شکن سرور اَبرار منم

 

حُجَّة اللَّهه اَخی، بَلْ هُوَ قرآنِ مجید

فیض قرآن مبین شرحینه طومار منم

 

مشتری ویرماقا جان ، توکماقا قان مرّیخم

صاحب سیف و سِنان خنجر خونخوار منم

 

قمر برج عطایم در دریای سخا

نیّر چرخ ولا نورینه آثار منم

 

لقبیم ماه بنی هاشم اوزوم زهره جبین

شمس افلاک وفا مطلعُ انوار منم

 

مین عُطارِد یازا بولمز هنریم دفترینی

زُحلى طینت ایچون صاعقه کردار منم

 

کافدن قافه کیمین شوکتیمین شهرتی وار

عالم شوکت آرا میر جهاندار منم

 

بیر الیم آتش سوزان بیر الیم آب روان

دشمنه برق بلا، قاتل کُفّار منم

 

شاطریمدور ملکَ الموت، نَقیبیمدی قضا

کاروان هنره قافله سالار منم

 

دوتموش آفاقی جلالیم گوز آچون یاخشی باخون

تانیون حضرت عباس علمدار منم

 

قیلمشام جانیمه مین خنجر بُرّانی قبول

بو حسین قارداشیما یار و مدد کار منم

 

قویمسوز سوره توحید کیمی فرد و وحید

قریلوب یاور و انصاری اونا یارمنم

 

سالمسوز دایرهء محنته چون نقطهء نون

وَالقَلَم ، نونیدور ، ای قوم اونا غمخوار منم

 

بوکدولر قاف کیمی قدّ ِ برازنده سینی

مَدّ تک قافینین اوستونده هوادار منم

 

ای امامی بیله خوار اُلدورن اُمَّت تانیون

درگهینده بو شهین عبد گنهکارمنم

 

ایلیوبدور منی سقا بو جگر تشنه لره

خجلتیم چوخ ، الی بوش ، دیده سی خونبار منم

 

گلموشم اَل گوتوروب جانیدن ای قوم ظُلَم

مطلبیم وار بیله سودایه طلبکار منم

 

خنجر و نیزه سیزون ، سینهء مجروح منیم

نقدر اولسا وورون یاخشی خریدار منم

 

بیر باخون قولاریمی سالماقا آماده اولون

ثانیِ ناصرِ دین، جعفر طیّار منم

 

بیر بو مشکیم دولوسی قان آخیدون سینمدن

عوضینده سو ویرون جامیله، ناچار منم

 

ایچمرم من اگر اولسمده سوسوزدان اما

اُلدورون اُلماقا واللّهی سزاوار منم

 

قوریوب لبلری بیچاره سکینه یانوری

سو گتورَّم بو سوزی ایلین اقرار منم

 

اصغرین ناله سی اوچ گوندی چخوب افلاکه

کیمه دردین دیسون اول طفله پرستار منم

 

آپاروم سو ویروم اول طفله گلیم میدانه

دوغریون پیکریمی قانیله گلنار منم

 

اُلدورون سیز ایکی منصب ویریلن سرداری

هم علم صاحبی سقای دل افکار منم

 

ایلرم نظمیله تسخیر فصاحت چمنین

(قمری) بزم عزا زینت اشعار منم

 

مرحوم قمری

منبع مجموعه کانالهای مدح و مرثیه

موضوع: حضرت ابوالفضل العباس (ع) شجاعت ,
زبان شعر و شاعر: نوحه ترکی , قمری

-------------------------------

آمدن جناب جبرئیل

بر بالین حضرت سیدالشهدا (علیه السلام)

 

دیَردی درد دلین کردگار یکتایه

نه گوردی که باشی اوسته سالوندی بیر سایه

 

سؤال قیلدی که ای قیدیمه قالان کیمسن

بو گونده سایه باشیم اوستونه سالان کیمسن

 

او سایه صاحبی ویردی جواب یا مولا

منم بو گونده سنه نوکر اولماقا اولا

 

او کیمسیم که بو عالمده خون دل یمیشم

گجه گونوز گَلوبَن لایلایوی دیمیشم

 

که ای اولان آدی عرش خدایه پیرایه

او کیمسیم ویروب الله منی سنه دایه

 

او کیمسیم که اطاعت بلینی باغلامیشام

بو دوغرانان بدنی سینم اوسته ساخلامیشام

 

مقرّب حرم خالق جلیلم من

اولیدی کاش گوزوم کور جبرئیلم من

 

بویوردی حضرت روح الامینه شاه امم

بو سایه سالماقوا بول یقین رضا دگولم

 

گوتور قانادیوی لازم دگول منه سایه

رواق عرشیده جدّیم دوروب تماشایه

 

گوتور قانادیوی قوی چشمه چشمه قان آخسون

آتام یارالاریما ساق عرشیدن باخسون

 

فغان ایدوب دیدی جبریل ای امیر عرب

بیان قیل اورگونده واروندی هر مطلب

 

بویوردی سرور حلّ و حرم امام قتیل

بو آرزودیَم ای پیک کردگار جلیل

 

یارالیم سوسوزام اود دوتور یانور جگریم

اولیدی کاش یانیمدا بو گونده شیعه لریم

 

گوریدیلر سو دیوب یانمیشام بو صحراده

سالیدیلار سو ایچن وقتیده منی یاده

 

ادبله عرض حضور ایتدی جبرئیل امین

نه چوخدی شیعه لره لطفون ای امام مبین

 

بویوردی کرب وبلانین شهید خون جگری

نه نوع ایستمیوم من وفالی شیعه لری

 

اولاردان اوتری علی اکبری گیندیردیم

اوزوم رکابینی دوتدوم عقابه میندیردیم

 

محرّم آیی اولاندا اولار دوتالار یاس

دلینده جام دیسونلر سبیل یا عبّاس

 

اولاردان اوتری بو حاله دوشوب یارالاندیم

فراته حسرتیله سو دیوب داخی یاندیم

 

دیردیم اونلاری گورسم باخون بو حالتیمه

چخاتمیون منی یاددان گلُون زیارتیمه

 

او حاله آغلادی روح الامین چکوب آهی

دیدی که ای بو چولون بی کفن قالان شاهی

 

سنه فدا من اولوم قوی بو جانیمه منّت

حواله ایله گیلن جبرئیله بیر خدمت

 

بویوردی روح الامینه عزیز ختم رُسُل

اگر بهارده گون دوشمسه آچلماز گل

 

دار فناده عمریمین آهر بهاریدور

بو سینم اوخ یارالارینین لاله زاریدور

 

قوی گون دگوب شکفته لنه غنچه یاره لر

هر لاله صدر سینه ده قان چشمه ساریدور

 

آخسون فرات تک یارامون قانی جبرئیل

بزم وصاله یتماقا جانان نثاریدور

 

مجروح صیده سایه ندور سایه بان ندور

سایَم زمین کرب و بلانین غباریدور

 

دورما خبر آپار آناما تیز یتور منه

حسرت گوزوم بو گونده اونون انتظاریدور

 

آغشته ایله قانیمیله پرّ و بالیوی

زهرایه عرض قیل بو حسین یادگاریدور

 

جدّیم پیمبره دی گیلن کربلایه گل

اوغلون بو چوللرون نجه گور بی مزاریدور

 

هر جان ویرنلرین باشی اوسته گلن علی

گلسون حسینینین بو دم احتضاریدور

 

«قمری» آچاندا اوج فصاحتده پرّ و بال

بیر دورینین تمام فصاحت شکاریدور

 

مرحوم قمری

منبع مجموعه کانالهای مدح و مرثیه

موضوع: احوالات جن و ملک در عاشورا ,
زبان شعر و شاعر: نوحه ترکی , قمری

-------------------------------

 حضرت امام زمان (عج) 

 

گیسوی مشک دلبری دنیایه ویرمرم

هر تار زلفنی شب یلدایه ویرمرم

 

بیر جلوه جلال جمال جمیلینی

چرخ اوسته بدر کامل ااولان آیه ویرمرم

 

ابرولرین هلال نوه قیلمارام عوض

هم گوزلرینده نرگس شهلایه ویرمرم

 

هر بیر نفس ده نکهت درج دهانینی

احیای موت ایدن دم عیسایه ویرمرم

 

گلبرگ لبلرینده اولان شهد شکری

مین حوض آب کوثر طوبایه ویرمرم

 

ویرم دیسم تکلمنون بیرجه کلمه سین

قطعا یالاندی نطق مسیحایه ویرمرم

 

نازیله سرو قامتینون بیر خرامینی

حاشا خرام نخله طوبایه ویرمرم

 

مژگان اوخیله سینه می سودایه ویرموشم

کیمدور دیه جهانی بو سودایه ویرمرم

 

مرحوم قمری

موضوع: حضرت امام زمان (عج) ,
زبان شعر و شاعر: نوحه ترکی , قمری

-------------------------------

خروج از مدینه

زبانحال حضرت امام حسین (علیه السلام)

آچوب گوزون یوخدان اول امام دل غمگین

او پاک روضه نی قیلدی وداع باز پسین

 

نماز صبحی ادا ایلین زمان او جناب

زبان حالی ایدوب زینبه بو نوع خطاب

 

ای یادگار حضرت خیرالنسا باجی

زهرا آنام نشانه سی کان حیا باجی

 

غمگین گونومده یانیمه گل دردیمی دیوم

واردور باشیمدا گور نجه درد و بلا باجی

 

صادر اولان زماندا خطاب امام دین

ویردی جواب او پادشهه زینب حزین

 

جان ای نشانه اسدالله قارداشیم

سوز دلیله چکمه بیله آه قارداشیم

 

قربان باجی دئین دلوه بینوا باجون

درد دلوندن ایت منی آگاه قارداشیم

 

گلسون باشندا هر نه بلا واردی جانیمه

چوخ گورمسین سنی منه الله قارداشیم

 

امر ایتدی خواهرینه امام زمان حسین

واردور قباقدا بیر خبریم ایتمه شور شین

 

آلموش فلک قراریمی یوخ منده جان باجی

دور گور سفر تدارکینی مهربان باجی

 

زهرا آنام الیله تیکن پیرهن گتور

اوندان سورا آنام باجی دوقوز کفن گتور

 

وار بو سفرده ای باجی بیر اوزگه ماجرا

بیر دست کهنه جامه گتور بیر نچه قرا

 

ایشیتجاقین بو سوزی زینب علم پرور

سوال قیلدی که ای نور دیده حیدر

 

بو نه بلا نه سفردور سن اولموسان عازم

کفن اولنلره قارداش حسین اولور لازم؟

 

قوروب بو نوعیله سن غم اساسی نیلورسن

بویور گوروم منه کهنه لباسی نیلورسن

 

غرض او شوکت و جاه و جلال دریاسی

تسلی زینبه ویردی چاغوردی عباسی

 

بویوردی ای گل گلزار حیدریم قارداش

بلا جنودینه سد سکندریم قارداش

 

گرکدی رشک آپارا یرلره فلک طاقی

دوتا جلال حسینیه کل آفاقی

 

بو گون گرکدی ویرم فرشه عرشیدن ترجیح

جلال و جاهیمه حیران قالا فلکده مسیح

 

شهادتیله یازلسون شفاعتیم رقمی

اوجالسون عرشه سلیمان کربلا علمی

 

تلاطم ایلیه دریای شوکت و اجلال

اولا مدینه ملائکلریله مالا مال

 

او قدر ایلیه قدوسیان نزول و سعود

بسیط ارض اولا مد نظرده تا موجود

 

پیمبران اولولعزم انبیای عظام

گرکدی جمع اولالار محضر امامه تمام

 

نه چون که کرب و بلا شاهی کربلایه گیدر

ولی دار ولا دار ابتلایه گیدر

 

ده ساربانلارا اولسون بو ایشده مستعجل

تمام ناقه لر اوستونده باغلاسون محمل

 

اولا کجاوه لرین پوششی گرک زرتار

خصوص زینب ایچون بیر غلام خدمتکار

 

ستونی جمله زراندوز و زرنگار اولسون

فراز قبه سی یاغوت آبدار اولسون

 

چکون حریر منقش چو شهپر طاوس

گورنده حوری باغ جنان ایده افسوس

 

ویرون او تخت روانه ایله زر و زیور

باخوب جلالینه حیران قالا ملائک لر

 

ایشیدی حکم امام زمانی چون عباس

اولوب تدارکه مشغول ایتدی طرح اساس

 

 مرحوم قمری

منبع مجموعه کانالهای مدح و مرثیه

موضوع: احوالات خروج از مدینه ,
زبان شعر و شاعر: نوحه ترکی , قمری

-------------------------------

وداع حضرت امام حسین (علیه السلام)

با روضه حضرت رسول اکرم (ص)

 

شناوران بهار مصیبت هجران

مسافران دیار کدورت و احسان

 

کمال حزنیله مستوفی کتاب فراق

چکوبدی اول سر لوحه ده بو نوعیله طاق

 

چو شاه یثرب و بطها امام حل و حرم

چخوب ولیدین ایویندن . کناره قویدی قدم

 

بو فکره دوشدی او سالار فرقه امت

آتوپ عیالینی قیلسون مدینه دن هجرت

 

حرم سرایه گلوب شاه دین به ناله و آه

اولوب همان گیجه ده زائر رسول الله

 

یتشدی روضه شاه فلک جنابه امام

ایدردی جدینه گویا بو دللریله سلام

 

سلام اولا سنه ای امتین پناهی بابا

حجاز سروری ملک مدینه شاهی بابا

 

حلال ایله منی سن ، دلده حسرت آیریلورام

بو قومیدن اورکیمده شکایت آیریلورام

 

سالوبلا باشیمی یوز مین بلایه یا جدا

وطندن ایلدی آواره امت آیریلورام

 

منی بو امته تاپشوردن ای شه ابرار

حسینه ایلدیلر یاخشی حرمت آیریلورام

 

جهاندا قویمادلار قبرون اوسته من قران

گلوب همیشه ایدیدیم تلاوت آیریلورام

 

مسافرم گیدورم دشت کربلایه بو دم

دوشوبدی باشیمه شوق شهادت آیریلورام

 

عیالیمی آپاروب بیرجه فاطمه قیزیمی

سنون یانوندا قویوب من امانت آیریلورام

 

بغشله یتمز الیم قبریوه دوباره گلم

بو آخر ایلماقمدور زیارت آیریلورام

 

دیوب بو سوزلری شدتله آغلادی او جناب

اولوب مبارک اولان چشم نازی مایل خواب

 

نه گوردی عالم رویاده جدی پیغمبر

یتشدی باشینین اوسته گوزونده اشگ بصر

 

بویوردی آغلاما ای چشم اشگبار اوغلوم

گلوب مصیبتیوه اول بهار اوغلوم

 

دایانما گور سفر کربلا تدارکینی

گرک عراقه چکیلسون بو دم قطار اوغلوم

 

ایاقه دور که یاخونلاشدی رحلت ایامی

اولوبدی ماریه صحراسی لاله زار اوغلوم

 

قولی کسیلماقا عباسی ایله آماده

فرات اوسته دوشر نعشی زخمدار اوغلوم

 

قوری یر اوسته قالار نعشون اوچ گیجه عریان

غریب الکه ده بی غسل و بی مزار اوغلوم

 

علی اصغری قونداقه باغلاسون آناسی

دوتوبدی حرمله پیکان آبدار اوغلوم

 

حسن نشانه سینون طوی لباسین حاضر ایله

گرک حنا یاخا قاندان او گلعذار اوغلوم

 

یارالی سینه وین اوستونده آت گرک چاپلا

که ایستیور سنی قان ایچره کردگار اوغلوم

 

اوجالداسان باشیمی انبیا آراسیندا

شهادتونله ایدر جدون افتخار اوغلوم

 

 مرحوم قمری

منبع مجموعه کانالهای مدح و مرثیه

موضوع: احوالات خروج از مدینه ,
زبان شعر و شاعر: نوحه ترکی , قمری

-------------------------------

مبعثت حضرت رسول اکرم (ص)

 

ای خاتم نبوّته مهر نگین اولان

گنجینه ی رسالته درّ ثمین اولان

 

نوری جمیع ماخلقَ‌اللهیدن ازل

دریای رحمت ایچره شرافت گزین اولان

 

ظاهرده ختم و معناده ماسبق

اصل وجودی اوّل و هم آخِرین اولان

 

رفرف سوارِ عرصه ی معراج اتّحاد

خاک قدومی زینت عرش برین اولان

 

دین مبینی ناسخ ادیان ماسَلَف

احکام شرع انوری حبلُ المتین اولان

 

لب تشنگان آب زلال هدایته

انگشت پاکی چشمه ی ماءِ مَعین اولان

 

دارالامان جنّ و بشر آستانه سی

خدّام خاک درگهی روحُ الامین اولان

 

شقّ القمر جلالون اوچون بیر نمونه دور

برهان آشکار و دلیل یقین اولان

 

کیمدور که انبیا آراسندا سنون کیمی

اسم شریفی رحمتُ للعالمین اولان

 

کیمدور یتوب دَنی فَتَدَلّی مقامینه

خلوت سرای قُربیده مَسند نشین اولان

 

سندن صورا بو رتبه لرین کیمدی صاحبی

ای لنگر سما و زمین و زمان اولان

 

کیمدور اونا خطاب لعمرک ایدوب اَله

قرآن حقّ ایچینده آدی یا و سین اولان

 

سن خلعت نبوّتیله سرفرازیدون

عنصر ایچینده آدمیدی ماءِ وطین اولان

 

سن سیر ایدنده عالم انواری بوالبشر

بیر مائیدی مشیمه ی خاک جنین اولان

 

مقصود سنسن اصلیده کلّاً ‌طفولیدور

عالمده تا قیامت اولونجا نگین اولان

 

اوصاف انبیا و صفوف مقرّبین

جاه و جلال خرمنینه خوشه چین اولان

 

ختم نبوّت اولماقا باعث بودور بلی

گیچمز قباقجا قافله سالار دین اولان

 

ایلر تمام عالم امکانه افتخار

سلمانیلن اباذره ده مستعین اولان

 

هر مجلسین جلالیدور اسم مبارکون

بیر نوریدور اورکلره بهجت قرین اولان

 

اولماز سنون شرافتیوین کیمسه منکری

اِلّا سرشت ذاتی خبیث و لعین اولان

 

سالموش اوزین کمنده دیر عبد روسیاه

غم گلشنینده «قمری» زار و حزین اولان

 

 مرحوم قمری دربندی

منبع مجموعه کانالهای مدح و مرثیه

موضوع: حضرت محمد (ص) مبعث ,
زبان شعر و شاعر: نوحه ترکی , قمری

-------------------------------

 خروج از مدینه

 

سفر تدارکینه دوشدی آل پیغمبر

دوزولدی ناقه لره زرنگار محملر

 

به حکم شافع روز جزا امام مبین

مرتب ایتدیله اوچ یوز کجاوه زرین

 

او دم که قافله یوکلندی حاضر اولدی قطار

حرمسرایه قیتدی شهنشه ابرار

 

جگرده آه گوزی یاشلی پادشاه امم

علیله فاطمه نین منزلینه قویدی قدم

 

نه گوردی بستر محنتده بیر نزار یاتوب

ایکی گوزی قاپودا چشمی انتطار یاتوب

 

تمام رنگ رخی کهربا کیمی سارالوب

فراش غمده اولوب جسمی بی قرار یاتوب

 

هلال تک اریوب قامتی مصیبتده

یوزه گوزون یاشینی ایلیوب نثار یاتوب

 

انیسی گوز یاشیدور بسترینده ، لشگر غم

سالوب حصاره اونی دلده آه و زار یاتوب

 

دیر فغانیله هر دم علیل جانیم وای

فزون اولان غم و دردی یارالی جانیم وای

 

اجلده دوتمور اقلی سراغیمی یارب

قالان زمانه ده باشی بلالی جانیم وای

 

گوروب او حالتی شاه شهید، دلخسته

او دلکبابین آلوب باشینی دیزی اوسته

 

بویوردی ایتمه یوزه گوز یاشین نثار قیزیم

اولان زمانه ده درد و غمه دچار قیزیم

 

گوز آچدی باخدی آتاسینه اول علیله زار

ددی فلک ایلیوب باشیمی بلایه دچار

 

ایشیتجاقین بو سوزی شاه یثرب و بطحا

بویوردی قلبیمی یاندورما آه و واویلا

 

امام کون و مکانم زمانه سروریم

سنه اوزوم آتایام هم آنا برابریم

 

ویروب اودم قیزینا شاه دین تسلی لر

وداع باز پسین ایلدی به دیده تر

 

قیتدی غافلیه اول شه ملک لشگر

کنار بستره گلدی او دم علی اکبر

 

نه گوردی فاطمه رخسارینه توکر قانیاش

یواش یواش دئیوری من سنه فدا قارداش

 

گل ای قویان گوزومی انتظار علی اکبر

جوان لاله رخ و گلعذار علی اکبر

 

نولیدی بیرجه گوریدیم باجی دئیوب گلوسن

سنه اولیدی بو جانیم نثار علی اکبر

 

وصال حسرتیم یوخدی صبر و آرامیم

فراق اودیله بو جانیم یانار علی اکبر

 

دوشر قرا گونه بی کس باجون فرقوندا

قالار اولونجه گوزوم انتظار علی اکبر

 

او گول جمالیوه بیر بلبل خوش الحانم

گیجه گونوز ایدرم آه و زار علی اکبر

 

او سوزلری ایشیدنده شبیه پیغمبر

بویوردی ای آناسیز باجی جانه سالما شرر

 

مسافرم سفریم وار منی حلال ایله

علی اکبر اولوبدی بیله خیال ایله

 

بو قدر آعلاما ای بی کس و نزار باجی

اولان هزار غم و محنته دچار باجی

 

کجاوه لر دوزلوب باغلانوبدی بار سفر

دوشور یولا چکلور کوفیه قطار باجی

 

دینده بو سوزی اول ناز پرور لیلا

اوجا سسیله ددی باجی آه و واویلا

 

منی یانونجا آپار ای عزیز جان قرداش

بو قاره گونده قویوب گتمه الامان قارداش

 

او یولدا هرگز علی مینمرم کجاوه لره

دوشوب یانونجا گلیم من پیاده بو سفره

 

منیم او غافله دن قویمیون اوزلسون الیم

اگر کجاوده یر اولماسا پیاده گلیم

 

غرض که ساکت ایدوب خواهرین علی اکبر

رجوع قیلدی درست ایلدی بساط سفر

 

مرحوم قمری

منبع مجموعه کانالهای مدح و مرثیه

موضوع: احوالات خروج از مدینه ,
زبان شعر و شاعر: نوحه ترکی , قمری

-------------------------------

 وداع فاطمه ام البنین (سلام الله)

با حضرت امام حسین (علیه السلام)

 

رجوع قیلدی درست ایتماقا بساط سفر

تمام یاور سلطان دین صغیر و کبیر

 

خصوص تازه جوانان هاشمی فطرت

ویرردی جمله سی تخت روانینه زینت

 

ایشیدیلر اوجالوب طرقوا صداسی گلور

شهنشه نجفین یار مه لقاسی گلور

 

دیردیلر یول آچون یا معاشر الاحباب

زمین ماریه سقاسینین أناسی گلور

 

نه گوردولر که یتوب کاروانه ام بنین

یاپوشدی دوتدی علمدار کربلا نین الین

 

آپاردی محضر پاک امام والایه

دولاندوروب باشینا ایتدی عرض مولایه

 

فدا اولوم سنه ای کاینات مولاسی

علی اکبره قول ویر میشم بو عباسی

 

اگر قبول ایلسن ای امام عرش فراش

بو اوغلوم اوغلووا نوکردی من سنه قره واش

 

بویوردی سرور بطحا ایا ملک منظر

بو قدر ویرمه حسینه بیله خجالتلر

 

اوزون منه آناسان اوغلون همزبانیمدور

وفالی قارداشیم عباس جسم و جانیمدور

 

بو سوز تمامه یتوشموشدی گوردیلر یاران

اوجالدی خلق آراسیندا آهیله افغان

 

ایدوب نظاره خلایق نه کوردولر ناگاه

جناب جعفر طیارین اوغلی عبدلله

 

گلور یانینجا ایکی نوجوان لاله عذار

دیر فغانیله ای سبط احمد مختار

 

قوجالموشام من اوزوم یوخدی طاقت سفریم

منیم یریمه عوضدور بو نور دیده لریم

 

عم اوغلوووندا بولار تحفه محقریدور

ولی ایکی قوزی بیر قوچ فدا برابریدور

 

زمین کرببلا ایچره ای امام زمان

کرگ ازل اولالار اکبر اوغلووا قربان

 

او دمده چونکه بفرموده امام امم

گلوب کجاوه لره اگلشوبدی اهل حرم

 

حرمسرا قاپوسیندان اوجالدی سس ناگاه

نجیبه زینب بنت علی ولی الله

 

کنار اولون چکیلون نور حق ضیاسی گلور

حریم لم یزلین بانوی حیاسی گلور

 

او کیمسه دور بو گلن عورت ای معاشر ناس

أچاندا باشینی گون چخماقا حیاسی گلور

 

چکیلدی خلق کناره تمام پیر و جوان

جلال و کوکبه فاطمیه اولدی عیان

 

کیچوب حرم قاپوسیندان بعز و ناز و ادب

حسین باجیسی خیر النسا قیزی زینب

 

کنیز لر دوزولوب هم صولوندا صاقیندا

دوروب نظامیله قارداشلاری قباقینده

 

ألوب أرایه اونی هاشمیه عورتلر

ألوب کنارینی هم قاسم و علی اکبر

 

بو شوکتیله یتن وقته بانوی دو جهان

قباقینه چکیلوب زر نگار تخت روان

 

چیخاندا تخت روانه او بنت اشرف ناس

ویروب ایاقینین ألتینا چکنینی عباس

 

دوتوبدی قولارینی مکه و حرم شاهی

خطاب قیلدی که ای برج عصمتین ماهی

 

بویور جلالیله تخت روانه بسم الله

بو یرده خاطریمه دوشدی کربلا ناگاه

 

او دم که ماریه دشتینده روز عاشورا

همین بو زینب محنت نصیب گونی قرا

 

جفائیله قولی باغلی ایکی گوزی گریان

برابرینه چکوبلر ، ناقه عریان

 

مرحوم استاد قمری دربندی

منبع مجموعه کانالهای مدح و مرثیه

موضوع: حضرت امام حسین (ع) وداع , حضرت ام البنین (س) احوالات ,
زبان شعر و شاعر: نوحه ترکی , قمری

-------------------------------

 کشیدن حضرت علی (علیه السلام) بطرف مسجد 

 

چکنده مسجده شیر خدانی اهل جفا

دوشوب دالنجا حسین و حسنله خیرنسا

 

گَتورمیوب یارالی جانی اول مصیبته تاب

ایدردی فاطمه گویا بو دللریله خطاب

 

ای اهل کینه ایلمیون زار عم اوغلومی

مین زجریله درده گرفتار عم اوغلومی

 

چوخدی گوگلده دردی، سیز اینجیتمیون اونی

دارِ فناده بی کس و بی یار عم اوغلومی

 

گَلدی بروزه کینه لروز ای قوم بت پرست

قیلدوز غم مصیبته سردار عم اوغلومی

 

بُلمم نه تیز عداوتوز اولدی آشکار

سالدوز بو حاله دیده سی خونبار عم اوغلومی

 

دنیاده سیزلره مگر ای قوم بی حیا

تاپشورماموشدی احمد مختار عم اوغلومی

 

آل رسول حرمتینی یاخشی ساخلادوز

ایتدوز بلایه قافله سالار عم اوغلومی

 

هیچ کس جهاندا زار ایلمز اوز امامینی

سیز ایلدوز بو حیدر کرّار عم اوغلومی

 

قول باغلی، سینه داغلی، دل افکار آپارمیون

مسجدلره غریب و دل افکار عم اوغلومی

 

مشکل گشانی مشکله سالماق روا دگل

ایتمون نشانِ طعنه ی اغیار عم اوغلومی

 

غم گلشنینده ناله چکر هر صباح و شام

اوخشار همیشه قمری گلزار عم اوغلومی

 

مرحوم  قمری دربندی

منبع مجموعه کانالهای مدح و مرثیه

موضوع: حضرت فاطمه زهرا (س) احوالات ,
زبان شعر و شاعر: نوحه ترکی , قمری

-------------------------------

 کشیدن امیرالمومنین حضرت علی (علیه السلام) 

بطرف مسجد و یاری حضرت زهرا (سلام الله)

 

داخل اولاندا مسجده اول شاه بی پناه

زهرا آپاردی معجره اَل، چکدی بیرجه آه

 

سسلندی سیندی بال و پریم وامحمّدا

یاندی بو غصّه دن جگریم وامحمّدا

 

سندن صورا قرا گونه سالدی منی غمون

قان یاش توکر بو دیده لریم وامحمّدا

 

یاندی قاپوم ستمله، شهید اولدی محسنیم

جاریدور اشک چشم تریم وامحمّدا

 

یالقوزلیوبدیلار قولی باغلی عم اوغلومی

گَلمز هرایه بیر نفریم وامحمّدا

 

عمامه اَلده، ‌دیده سی یاشلی، جگرده آه

آغلار شبیریلن شبریم وامحمّدا

 

دیوب بو سوزلری خیرالنّسا بحال غمین

بو فکره دوشدی که قیلسون او قوم اوچون نفرین

 

قوپوب قیام قیامت بدون نفخه ی صور

ستونلر اوجالوب اولدی ستمی راه عبور

 

گوروب بو حالتی سلمان که بنت خیر بشر

اگر آچا باشینی عالمی یخار یکسر

 

خطاب قیلدی که ای بانوی خجسته لقا

عم اوغلون حیدر صفدر دگل بو امره رضا

 

بلایه صبر ایلماق چونکه سیزده عادتدور

سبب اودور که آتان عالمِینه رحمتدور

 

بو سوزلری ایشیدوب بانوی حریم ازل

قبول عرض قیلوب چکدی معجریندن اَل

 

ایدنده فاطمه ترک فغان و ناله و زار

ستون مسجد و منبر دوتوب یرینده قرار

 

چکنده تاج سر هَل اَتانی قوم دغا

رسول قبرینه یوز دوندروب ایدردی ندا

 

نظاره قیل منی بی یاره یا رسول الله

اولوب جهاندا گونوم قاره یا رسول الله

 

جفای امّته باخ، محنت و مصیبته باخ

غریب عم اوغلوما قیل چاره یا رسول الله

 

سالوبلا شالینی اوز بوینونا کمند مثال

چَکَلّه مجلس اغیاره یا رسول الله

 

ابوشرور لعین اَل گوتورمیوب مندن

نه ایتمیشم او ستمکاره یا رسول الله

 

منه ایده لّر ابوالشرّ بیعتین تکلیف

اطاعت ایتماقا اغیاره یا رسول الله

 

مسیح تک منی آلموش آرایه قوم حسود

چکر عداوتیلن داره یا رسول الله

 

او خیبری گوتورن اللریمی باغلادیلار

ووروبلا قلبیمه مین یاره یا رسول الله

 

ابی شراره نون اوغلی او زاده ی سفیان

گَتوردیلر منی بیزاره یا رسول الله

 

ایدن زمان بو خطابی وصیّ پیغمبر

گَلوب تزلزله قبر جناب خیر بشر

 

اولوب ظهور تجلّای نور مسجد آرا

چخوب او روضه ی پرنوریدن ید بیضا

 

تمام گوردوله سالار انبیا اَلیدور

محمّد عربی یعنی مصطفی اَلیدور

 

اوجالدی صوت جناب رسول ربّ جلیل

خطاب قیلدی او بی شرمه ای لعین و بخیل

 

غرض بو غصب خلافت جهانه سالدی فساد

شریعتی پوزوب، دین ایوین ایدوب برباد

 

بو فتنه باعث اولوب کربلا مصیبتینه

بو فتنه باعث اولوبدور علی شهادتینه

 

تمام باعثی بو فتنه دور سالوب عدوان

توکلّر حشره کیمی هر نه قدر ناحق قان

 

بس ایت بوقصه نی قمری یتیشمزاتمامه

شرار مِحنتیلن اود دوتوب یانار خامه 

 

مرحوم قمری دربندی

منبع مجموعه کانالهای مدح و مرثیه

موضوع: حضرت فاطمه زهرا (س) احوالات ,
زبان شعر و شاعر: نوحه ترکی , قمری