متن نوحه ترکی واقف سرابی
مجموعه اشعار متن نوحه ترکی مرحوم واقف سرابی در مدح اهلبیت علیهم السلام
-- -- -- -- -- -- --
کوچ از قتلگاه
زینب گزردی قتلگهی دلده شور و شین
سسلردی هاردا یاتموسان؟ ای سوگلوم حسین
سندن اوتور بو قتلگهی چوخ دولانمیشام
محنت خُمنده رنگِ ملاله بویانموشام
میدانه خیمدن یارالی ، خسته جانیله
گاهی گلوب یخیلوب گه دایانمیشام
سسلَن سسون فداسی ، باتوب زینبین سسی
اوز جانیوه قسم اولا جاندان اوسانمیشام
غم یوز ویروب غم اوسته دوشوب رعشه جانیمه
گلمور دیزیم گلم داخی جانه دایانمیشام
قربان اولوم یاتان یریوه هاردا یاتموسان؟
قارداش یورولموشام یارالی چوخ دولانمیشام
ظلم آتیشنده اود دوتوب اودلاندی خیمه لر
خرگاهون اودلاناندا باخوب منده یانمیشام
یاندی تالاندی خیمه لرون دستِ ظلمیله
دشمن سویاندا قیزلاری منده تالانمیشام
بیر بیر بلایه سنله منیم واردی شرکتیم
سایونده من سنین بولوسن دالدالانمیشام
ایلردیم ایمدی قیزلارون ناقیه سوار
معذور دوت اگر آنام اوغلی یوبانمیشام
بو یرده گلدی نعشِ حسین بیر تلاطمه
سسلندی گزمه چوللری ای بنتِ فاطمه
گودالِ قتلگاهده گَل قانه باتمیشام
داش نیزه اوخ سینقلاری آلتیندا یاتمیشام
آلاتِ حربی گَل باجی بیر بیر کنار ایله
گور کویِ عشقیده نجه مقصوده چاتمیشام
قانه بویانمیشام یارالی خسته جانیله
طاقِ ظفر بو سینه ده اوخدان اوجاتموشام
یتمیش نفر گُل اوزلی فدالردن ال چکوب
اکبر کیمی جوانی باجی گوزدن آتمیشام
دل کاسه سی لبالبیدی لخته قانیله
اوچ شعبه زهریلی بیر اوخیله بوشاتمیشام
صد پاره پیکریمده چوخالدوقجا زخمِ تیر
درد و ملالی ، غملی گوگلدن آزاتمیشام
قان بسترینده یاتماقا نازیله دلخوشام
باشسیز عیالی اودی یاددان چیخاتمیشام
غم ظلمتینده چرخِ شهادتدن عشقیله
صبح اولدوزی باتار نجه ، من ایله باتمیشام
چوخ شعر وار بو سبکیده من (واقفم) اوزوم
بو شاهکاری لطف ایلیوب حق یاراتمیشام
مرحوم واقف سرابی
منبع مجموعه کانالهای مدح و مرثیه
موضوع: کوچ از قتلگاه ,
زبان شعر و شاعر: نوحه ترکی , واقف سرابی
-------------------------------
احوالات حضرت موسی بن جعفر (علیه السلام)
خاموش ائدیبله شمع شبستان حیدری
زهریله ئولدوروبله بو موسی ابن جعفری
وار حاجتون دئ صدقیله باب الحوائجه
مشکل گشا مُلقَّب ائدیبله او سروری
زوّاردن عریضه یازین ایلیین شفیع
سیز بو غریبه قاسم و عبّاس و اکبری
یوخ الده زادِ راحیله صدقیله آغلاسین
تا ایسته سین رواقینه بو وقته بیزلری
زنداندا تورپاق اوسته قالیبدور جنازه سی
نه مادر و نه خواهر و نه یار و یاوری
بیر تخته اوسته دورد نفر حمّال حمل ائدیب
تابوتیدن کناریده قالمیشدی اللری
بو ماجرا یتیشدی سلیمان جعفره
امر ایلدی توکولدوله خدّام و نوکری
حمّالیدن آلیبلا امامین جنازه سین
فریاد سیّدا بؤرؤیوب هفت کشوری
غسلین وئریبله عزّتیله دفن ائدیب رضا
راضی ائدیب پیمبر و خاتون محشری
یا فاطمه چوخ آغلاما زنداندا ، قیل نظر
گور کربلاده یتمیش ایکی نعش اطهری
باخ بیر حسینیوه ، خس و خاشاک اولوب کفن
قلبینده زخم تیر ، قوجاقینده اصغری
بیر نوعیله بدن داغیلیب ، بند بندیدن
نه باش قالوب بدنده نه چیگنینده اللری
یا فاطمه توجّه ایله نهر علقمه
بیر شاخ دور یخیلمیش علی نین صنوبری
قوللار دوشوبدی بیر طرفه مشک بیر طرف
از بس ایاقلیوبلا تانینمازدی پیکری
شبه پیمبرین گوتوروب ، سسلنیر باجی
لیلاده پیشواز ائله سین گلدی اکبری
اهل حرم یتیشدیله نعشین قوجاقلیوب
آغلار بو حاله مادری اوخشاردی خواهری
مرحوم واقف سرابی
منبع مجموعه کانالهای مدح و مرثیه
موضوع: حضرت امام موسی کاظم (ع) احوالات ,
زبان شعر و شاعر: نوحه ترکی , واقف سرابی
-------------------------------
اربعین حسینی
قارداش جفای شامدن از بس اوسانموشام
هر رنگه من زمانه خمنده بویانمشام
احوال ایسته سن نه که مندن سوروش دیوم
چون شهر شامی کوچه به کوچه دولانموشام
سندن صورا او گون گهی میدانه قاچموشام
گاهی یاناندا خیمه لر اودلاره یانموشام
بیمار اوغلووی گهی اوددان چخاتموشام
گه چوللری یتیملریله دولانموشام
ابن زیاد بزمنه بی پرده گیتموشم
اول بزمده خانملیقیمی لیک دانموشام
یولاردا گاه ناقه ده گه یرده گیتمیشم
باشون دالنجه گاهی قاچوب گه دایانموشام
داش ووردولار یارالی باشندان ، او وقته من
ووردوم کجاویه باشیمی یارالانموشام
اما قیزون رقیه ویروب جان خرابه ده
مانند شمع شام غریباندا یانموشام
تعمیر ایچون ترابنی ، قبرون گل ایلرم
از بسکه سیل اشگ تریمدن اوسانموشام
سانما او وقتدن منیم آغلار گوزوم یاتار
هر شامگاه ، خلق یاتوب من اویانموشام
خون دل ، اشگ تریله مضاف اولوب
وجهی بودور که درد غمیله بویانموشام
قارداش حسین ، اسیره باجون گلدی شامدن
عرض ایلیوم نه نوع برادر تالانموشام
یا : عرض ایلرم باغشلا برادر تالانموشام
بیر جان قالوب نثار ایدم توزلی قبریوه
بو نوع ئولمگیمدن اوتور من یارانموشام
هر نوع غصه یته منه واردی طاقتیم
من زینبم مصیبتیله چوخ سنانموشام
سن دوزمین مصیبت و اندوهه دوزموشم
من شاهزاده طعن گدایه دایانموشام
من ئولمرم شماتت حسین ئولدورر منی
شاماتیدن جان اوستیم ، ئولم اینانموشام.
مرحوم واقف سرابی
منبع مجموعه کانالهای مدح و مرثیه
موضوع: احوالات اربعین ,
زبان شعر و شاعر: نوحه ترکی , واقف سرابی
-------------------------------
احوالات مردی که برای برگزاری مجلس عزای حضرت امام حسین (علیه السلام) دختر خود را به کنیزی داد
گیچوب عمریم تمام اولدیخیال رنگ صورتده
خیالیله اوتوردوم عالم معناده خلوتده
عزادارحسینین شانینه دوندوم نظرسالدیم
نه گوردوم فکریدن مافوقیدورشان و جلالتده
حبیب ابن مظاهرغبطه سین سلمان فارس ایلر
حبیب ایلرعزادار حسینه غبطه عزتده
روایت ایلوری راوی عزادارین خصوصینده
محبت واردی قلبینده نظرواربو روایتده
یازولاربیرجوانمردکریم الطبع و خوش فطرت
عزادارحسین اولموشدی بیراعظم ولایتده
دوتاردی تعزیه اون گون هرایل ایام عاشرا
گریبان چاک اولوب قاره گیرردی اول مصیبتده
نقدری مال بیرایلده دوتوب سرمایه ایتموشدی
تمامین صرف ایدردی حق یولیندا صدق نیتده
قضادن اول جوانمردین چیخوب سرمایه سی الدن
یاخونلاشدی محرم قالدی اوزفکرینده حیرتده
گلوب همسایه سی هرگون دیردی اول جوانمرده
پولون صرف ایلدون بیجا اوزون قویدون شماتتده
بو بیجا ایشدن اوتری دولت و مالین تمام اولدی
بو شهرایچره تاپولمازدی سنین مثلینده دولتده
عیالی عرض ایدوب باعث ندور بیله پریشانسان
غم و دردین بیان ایله شریک اولسون بو عورتده
دیدی عورت عزاداراولماقین یاخونلاشدی
محرم گلدی یوخ مالیمیز قالدوخ خجالتده
اگرباطنده واردورخجلتیم فرزند مولادن
منی ظاهرده همسایم قویوب طعن و شماتتده
اودم عرض ایلدی عورت ملول اولما بو بابتده
منیم بیردرشهواریم واریمدورکنج عزتده
گیچوبدورعمریمیز بیرقیزعطا ایلوب بیزه خالق
تاپولمازمثل و مانندی عبادتده وجاهتده
چکوم سرمه گوزینه ایلیوم گیسولرین شانه
ایدیم راضی بو سودایه ایدیم راضی بو ساعتده
آپاربیراوزگه شهره ساتگلن آل وجهینی خرج ایت
عزای قاسمی قویما پریشان زیب و زیتده
دوروب عورت گلوب ایتدی قیزا بو مطلبی حالی
کمال رغبتیله قیزرضا اولدی او حالتده
دیدی من راضیم بو امره دنیانین هرجفاسیندن
ذلیل اولسام بو دنیاده عزیز اولام قیامتده
گلر هرایل بیزیم ایوده حسینیم وای دیر زهرا
بیزیم ایو رشه ناز ایلرجلال و شان و شوکتده
نجه من اولمارام راضی سکینه قولاری باغلی
عزادارین یولونداجان ویروب غربت ولایتده
نجه من اولمویوم راضی حسینین قیزلاری یکسر
یاناندا خیملراوددوتدی یاندی روزغارتده
نجه من اولمویوم راضی علی اکبرشهید اولدی
باجیلار قانلی نعشین گوردولر اخراوحالتده
نجه من اولمارام راضی علی اصغرقالوب عطشان
دیارکربلاده روزعاشورا آناسی قالدی حسرتده
خلاصه گتدی عورت اوزقیزین فاخرلباسیله
گوتوردی شوهری ایودن چیخوبدورخیلی سرعتده
گتوردی آیری بیرشهره ویروبلربیرآغورقیمت
آلوبدوربیرعرب اول کودکی صرف تجارتده
گوتوردی وجهی خواهی نخواهی قلبی اوددوتدی
دونوب آغلارگوزیله باخدی بیر هنگام رجعتده
گلوب اوزشهرینه برپا ایدوب بزم عزا آخر
گتوردی روضه خوان بزم عزایه سابق عادتده
دیردی بیر بالام اولسون علی اصغره قربان
علی اکبر یولوندا جان ویرم خوشدور حقیقتده
یتوشدی شام شام حاضرایدوب عورت قویوب یرده
باخوبلاربیربیره مبهوت اولوبدورغرق محنتده
تناول ایلیوبلربیر جه لقمه یقدیلار خوانی
دوروب عورت چیخوبدور بام استه دعاسی استجابتده
دیردی بارالها سن اوزون بو سره عالمسن
عزادارحسینی قویما بوندان چوخ خجالتده
خلاصه اول عرب بازاریدن گوتدی قیزی گیتدی
گوروبدوراول پری رخساری آثارنجابتده
دیدی عورت سنه بیر ماهپاره بیرکنیز آلدیم
وورار طعنه جمالی لمعه خورشیده طلعتده
ایاقه دور بونا جاروب کشلیق شیوه سین اورگت
گرامی ساخلیوب ویرتربیت هرنوعی خدمتده
اولوبدورشام حاضر ایدوب قویدی برابرده
اوزی دوردی ایاق استه الی قوینوندا فکرتده
نقدری ایتدیلرتکلیف شامه آغلیوب دوردی
غضبناک اولدی بانو منتهای غیظ و شدتده
الیندن دوتدی گتدی اول قیزی مطبخ سرا ایچره
دیدی خاموش اوتور صبحه کیمی بودارظلمتده
اوقیز بیرگوشه ده دوشدی یوزی استه ایدوب ناله
گیچوب بیرپاسی شبدن یوخلیوبدورکنج غربتده
گوروب ظلمتده بین النوم گوگدن بیربولود قاخدی
نچه عورت اولوب ظاهرجلال و شان و شوکتده
اوعورتلر ایچنده بیرنفرخاتون مه طلعت
گوتوردی باشینی قویدی دیزی استه او حالتده
دیدی ای قیزگوزون آچ تار زلفین ایلیوم شانه
غبارآلوداولوب افسرده دور راه محبتده
گلوب بیرخردا قیزبیرکیسه پول قویدی دیدی ای قیز
بو تنخواهی ویر اول آزاد حیا یوخ بو جماعتده
ایدوبلرزلفینی شانه چکوبلر چشمینه سرمه
گلوب حاله گوروب حالی اولوب بیراوزگه حالتده
او ساعتده گلوب عورت ایدوب گوزیاشینی جاری
گوتوردی اول قیزی آغوشه آلدی عین رافتده
دیدی ای قیز بیان ایله گوروم سن هانسی مریمسن
سنه سارا یتوشمزرتبه ده شان و شرافتده
نچه ساعتدی ای قیزایستورم هوشه گیدیم بیرآز
گلور خاتون محشر باشیم استه اوزگه حالتده
دیور دوریاتما ای عورت حسینیمدن حیا ایله
عزادارین قویوب مطبخده یاتما استراحتده
قیزی آلدی قوجاقینه چیخوب اوردان گوروب عورت
ایدور شیون وورور باشه آخارگوزیاشی صورتده
دیور عورت بو قیز کیمدوربیزیم ویران اولان ایوده
عجب خاتون محشردن منی قویدی خجالتده
نوقتدور ایستورم هوشه گیدم گورم باشیم استه
امیرالمومنین حاضراولوب سهم و صلابتده
دیوردورای عرب ایستورعزاداریم قیزین مندن
آناسی اضطراب ایلورقالوبدور درد فرقتده
آپار تز بو قیزی ویرآلدیقین آلدیقین شخصه همان یرده
جزا ویرم من عقباده عوض ویرم بو ساعتده
او قیزدان عذرایدوب حاصل دوروب عورت شتابیله
همان شهره نشان ویرموشدی حیدرخواب رویتده
همان ساعتده دق الباب ایدوب سسلوب عزاداری
گلوبدورخانه صاحب دیشره درد و محنتده
دیدی گل آل قیزی من ویردیقیم تنخواهی صرف ایله
منه حیدرعوض ایتدی ایکی دنیا بو بابتده
قیزی آلدی قوجاقه سسلنوب ویرمژده می عورت
قیزین گلدی منی قویماز حسین سندن خجالتده
آناسی اگلشوبدور اول قیزین حالین خبرآلدی
دیدی باشدان نقدری ماجرا گوموشدی غربتده
آناسی زلفینه باخدی گوروب زلفین عبیرافشان
ایدوبلرشانه گیسو مشک چین اولمازبو قدرتده
دیدی ای قیز کیم ایلوب زلفیفوی بو نوعیله شانه
دیدی خاتون محشرزلفیمی ایتدی بو طراوتده
امیرالمومنین قویمازعزادارینی خواراولسون
نه دنیاده نه عقباده نه موتینده حیاتینده
ندندور یا علی بیرگلمدون کرببلایه روزعاشورا
گوریدون زینبی دشمن ایچنده روزغارتده
خانم یا فاطمه اوغلین حسینین نازنین جسمی قوری یرده
قویوب عریان حرارت عین شدتده
الن الدی یانان یاندی قالانلاردا اسیر اولددی
گیدوبلر شام شومه دست بسته نه مصیبتده
خانم یا فاطمه گل شامه گورویرانه کنجینده
رقیه آج سوسوزجان تاپشوروربیراوزگه حالتده
اونون جان ویرماقی تاثیر ایدوبدور هر مصیبتده
توانا قویمادی بیر ذره اولاد رسالتده
گلوبدور بیر نفرغساله عورت غسلینی ویرسین
چیخارداندا لباسین ووردی باشه قالدی حیرتده
دیدی بو قیز یقین الده الوبدورغسل ویرمزله
منی عفو ایلیون تقصیریم اولسا گربو خدمتده
قویوب گیتدی او غساله اوزی زینب ویروب غسلین
اونی دفن ایتدیلر ویرانه کنجنده نه حالتده
داخی (واقف)گینه گل نوحه یاز آغلا فغان ایله
اوتور حاکملوقی آیا نه واردور بو سیاستده
مرحوم واقف سرابی
منابع : منتخب التواریخ حاجی ملا هاشم خراسانی
مفاتیح الجنه سیوطی
کبریت احمر علامه بیرجندی
منبع کانال گنجینه گذشتگان
موضوع: سایر موضوعات ,
زبان شعر و شاعر: نوحه ترکی , واقف سرابی
-------------------------------
در احوالات حضرت رسول اکرم (صلی الله)
دوتوبدور ماتمون کون و مکانی یارسول الله
ایدوب ماتم نشین خیرالنسانی یا رسول الله
گیدنده امته اهل و عیالون تاپشوروردون سن
علینین باغلیوبدورقولارین سندنصورا دشمن
الوبدورمحسنی سیندی قولی زهرا ایدوب شیون
قاپوسین یاندوروب فرعون ثانی یارسول الله
نجه شیرخدایه تاپدی ال دشمن کم فرصت
ثانی تیغ جفاالده دیوب قیل یا علی بیعت
چکوبلرمسجده سندنصورا بو بیوفاامت
جفائیله علی المرتضانی یا رسول الله
شهادت ارث اولوب آل خلیل اول گیچوب سردن
بیری مسموم زهریله بیری مقتول خنجردن
حسنده سوده الماسی نوش ایتدی او ساغردن
ایدوب مسموم جعده مجتبانی یا رسول الله
بوگون زهرین شراری مجتبانین سینه سین داغلار
یوزی قارداش یوزینده کربلانی یاد ایدوب آغلار
دیدی قارداش بو اللرحیفدورقارداش گوزین باغلار
اولاربیرگون کسراوزساربانی یا رسول الله
دیردی زینبیم گلسون قرا استن قرا سالسون
آنام زهرا کیمی گلسون باشیم آغوشینه آلسون
باشیندان آچماموش قارداش قراسین بیر قرا سالسون
گورونجه خولی وشمروسنانی یا رسول الله
اگرمشغول اولوبسان ماتم شاه شهیدانه
گذر قیل کربلادن لطف ایله گل بیرخراسانه
باتوب زهرجفادن برگ گل تک لبلری قانه
غریب الدوردولراوغلون رضانی یا رسول الله
خداوندا بو زینب تک کیمین دنیاسی سخت اولدی
گلن گوندن بو دنیایه همیشه تیره بخت اولدی
چیخوب ویرانه مسجددن مقامی پای تخت اولدی
گوروب قارداش لبینده خیزرانی یا رسول الله
گوروبدور یدی قارداش داغینی المزندن زینب
سالوب شبه پیمبر قدینه اخر کفن زینب
گورنده اکبری صدپاره چیخدی خیمدن زینب
فضای محشر ایتدی کربلانی یا رسول الله
حسین الله یولوندا شوقیله پیرو جوان ویردی
بویوردی اصغریم چوخ تشنه دور قومه نشان ویردی
ویروبلرسو یرینه اوخ الی استنده جان ویردی
اوشاهین اصغرشیرین زبانی یا رسول الله
اولوبدورگلشن ماتمده (واقف) اشکبارآغلار
چمن اطرافینی سیراب ایدر ابربهارآغلار
سولان بیرغنچه گل عشقینده (بیخود) زار زار آغلار
اولوب ذکری حسن ورد زبانی یا رسول الله
مرحومین بیخود و واقف سرابی
منبع کانال گنجینه گذشتگان
موضوع: حضرت محمد (ص) احوالات ,
زبان شعر و شاعر: نوحه ترکی , واقف سرابی , بیخود سرابی
-------------------------------
زبانحال در ورود به مدینه
یتیشدی روضۀ پیغمبره چو زینب زار
زبان حالیله بو نوع باشلادی گفتار
قسم بو قبر ملک پاسبانه یا جدّا
ذلیل ائدوبدی عیالون زمانه یا جدّا
بیزی وطندن ائدوب سالدیلار بلا چولونه
اسیر وئرماقا شمر و سنانه یا جدّا
فراته باخدی کسنده حسین باشینی شمر
فرات تک ائدوب اشکین روانه یا جدّا
آخاندا قانی حسینون او قانه باخدوقجا
حسین دئدیم اؤرگیم دوندی قانه یا جدّا
یوخ احتیاجی سنه عرض ائدم اوزون گوروسن
نه ایلمشدی حسین ساربانه یا جدّا
یزید مجلس ایچینده دانشدیراندا منی
دانشمادیم اَلَه سالدی بهانه یا جدّا
حسینوین باشنی قویدی پای تختنده
آجقلانوب ال آتوب خیزرانه یا جدّا
او وقته دین یخاسین ائتمه میشدی زینب چاک
ووروبدی باشه گلوبدور فغانه یا جدّا
نقدر ظلم گوروب گلدیم آشکار دئدیم
بو عرضیمی دیرم محرمانه یا جدّا
اولیدی خلوت حضورون آچام قولوم گوره سن
نقدر شمر ووروب تازیانه یا جدّا
یاناندا خیمه لرون خردا قزلار اود دوتدی
قویوبلا چوللره یوز یانه یانه یا جدّا
اسیر دیلم و تاتار تک بو قوم شقی
چکوبله بیزلری بیر ریسمانه یا جدّا
یزید بزمی یهودی محله سی یورقون
آپاردیلار بیزی هر بیر مکانه یا جدّا
بو بوقچانی سنه بیماریم ارمغان گتیروب
امیدیمیز گلی بو ارمغانه یا جدّا
بو قانلی کوینگی قالدیم یزیددن آلدیم
سنون حضوریوه گتدیم نشانه یا جدّا
حسینوین بدنین آت چاپوپ ایاقلادیلار
نه صدری قالدی نه سینه نه شانه یا جدّا
نقدر ظلم ایلدی اهل کینه «واقف»سن
یانار دلیم اودی گتدیم بیانه یا جدّا
مرحوم واقف سرابی
موضوع: احوالات ورود به مدینه ,
زبان شعر و شاعر: نوحه ترکی , واقف سرابی
-------------------------------
احوالات قتلگاه
قارداش شکایت ایلیوم هانسی مصیبتی؟
درد فراق عزتی، یا هتک حرمتی؟
عریان دوشوب قوم اوسته قالان جسموه یانوم
یا باشیوه جداده ایدوم عرض حاجتی؟
یا ایلیوم نظاره سویلموش عیالیوه
یا ایلیوم شماره بو دورت مین جراحتی؟
بیر اوچ یاشندا طفلی ایدوبلر برهنه پا
هر دمده تازیانه ویرور سر سلامتی
تاپشور دیار شامه گیدن وقته وورماسون
پیغمبرون عیالینی، پیغمبر امتی
روحیم فدا او جسمه که ترکیبیدن دوشوب
جانیم فدا او روحه ایدوب ترک صورتی
اوچ نسگلون قیامته دین یاندیرار منی
تیر سه شعبه، رمح سنان، شمر ضربتی
آت دیرناقی پوزوبدی وجودین علامتین
تاپدی علامتین باجی قارداش محبتی
بیر بئله ظلمه توش اولوب، قالدیم ئولمدیم
اولدوم اسیر، چکمگه دشمن شماتتی
آغلار گوزیله (واقف) ایدر شرح غم سنه
ایسته نصیب اولا اونا قبرون زیارتی.
مرحوم میرزا جواد واقف سرابی
منبع مجموعه کانالهای مدح و مرثیه
موضوع: احوالات قتلگاه ,
زبان شعر و شاعر: نوحه ترکی , واقف سرابی
-------------------------------
عزم میدان حضرت علی اکبر(ع)
اوغول گیدردی باخاردی دالنجه حسرتیله
توکردی گوزیاشینی منتهای شدتیله
دیدی اوغول دیموسن من جهاده عزم ایدورم
آتام غریبیدی یالقوزقویوب هارا گیدورم
باخوب منه نگران گوزلرون دولاندورما
اورک یانارسوسوزومدان دوباره یاندورما
اولان زمانیده مشتاق روی پیغمبر
آلاردیم حسرتیمی سنده ای علی اکبر
یتنده یا ولدی جدیمین زیارتینه
یتورسلامیمی عرض ایت رسول خدمتینه
اوزی گلوردی قباقجا منی یولا سالدی
عیالی یالقوزیدی ساکت ایتماقا قالدی
سو استه سودامراوغلین قویوبدولار عطشان
رعیتی سوسوز قویدولار اونی بابا جان
بو قوم الدوره جاق منی بولورم
علی اصغر الیمده دالینجا من گلورم
مرحوم واقف سرابی
منبع کانال گنجینه گذشتگان
موضوع: حضرت علی اکبر (ع) احوالات ,
زبان شعر و شاعر: نوحه ترکی , واقف سرابی , واقف
-------------------------------
احوالات خروج از مکه و گریز به کوچ از قتلگاه
خلیل وارثی تعجیلیله منایه یتشدی
حرم امیری، حرمله حرمسرایه یتشدی
امام عصر، بلا نیتیله، باغلادی احرام
ازل بلا رقمی اهلنه مین آیه یتیشدی
حرمده اولمادی ممکن مناده کسماقا قربان
تمام ایلمه میش حجینی بو آیه یتیشدی
اوخوندی مکه ده وجهت وجهیه لله
فدالرین گوتوروب دشت کربلایه یتیشدی
منای کرب و بلاده کسیلدی قوچ قوزی قربان
غبار غم ایدوب اوج، عرش کبریایه یتیشدی
بو رسم شرعیدی قربان کسوب، اوچ حصه ایده لر
بو رسم عکس اولوب، اولاد مصطفایه یتیشدی
حسین جنازه سی دورد حصه اولدی، قطعه به قطعه
بو محنتون اثری جمله ماسوایه یتیشدی
الین کسن اله، بارماقی بجدل بن سلیمه
باشین کسن دالیدان، شمر بی حیایه یتیشدی
بیر حصه قالدی قوم اوسته، او روح عالمه غالب
او حصه زینب مظلوم بینوایه یتیشدی
امان او وقتیدن ایستردی قارداشین تاپا زینب
ز بسکه این اخا ذکر ایدوب، اخایه یتیشدی
نه گوردی بیر یارالی پیکری دوشوب یوزی اوسته
نه باشی وار، نه الی، آهی نه سمایه یتیشدی
آلوب کنارینه عرض ایلدی حسین باجون ئولسون
سنی بو حاله سالوب شمر، مدعایه یتیشدی
آچوب جنازه سی اوسته حجاب ایدوب زلفین
بو نوعیله یارالی پیکرینه سایه یتیشدی
تاپوب او دم باجی قارداش جنازه سین، آنا اوغلین
حیالی تازه گلین نعش کدخدایه یتیشدی
نوایه نی کیمی دلدن گلوبدی پرده به پرده
نواسی اوج ایلیوب، عرشه پایه به پایه یتیشدی
اوزینی سالدی سکینه بابا جنازه سی اوسته
قوجاقلیوب باباسین، چون بالا آتایه یتیشدی
دیمم نجه آیروب شمر او بیکسی آتاسیندان
غضبلی قمچی النده او بینوایه یتیشدی
آیردیلار اسرانی جفائیله شهدادن
حسین باشینی ایدوبله جدا، جدایه یتیشدی
ایدوبله ناقه سوار اهلبیتی کرب و بلادن
گیدوبله کوفه ده بیر تازه ماجرایه یتیشدی
بو شرح محنتی گلمز جهاندا شرح و بیانه
یزید مجلسنون ظلمی، انتهایه یتیشدی
حسین دامنینه چنگ وور امیدیله (واقف)
گلوب بو درگهه هر کیمسه مدعایه یتیشدی
مرحوم واقف سرابی
منبع مجموعه کانالهای مدح و مرثیه
موضوع: احوالات خروج از مکه ,
زبان شعر و شاعر: نوحه ترکی , واقف سرابی
-------------------------------
احوالات حضرت موسی بن جعفر (علیه السلام)
خانم یا فاطمه بغداده گل آشوب محشردور
قوری یرده ویرن زنداندا جان موسی بن جعفردور
نظر قیل ظلم هارون الرشیده گل گلن درده
ویروبدوراوغلووا اون بیر ایلدور منزل قوری یرده
گلوب سند ابن شاهک زهری دوتموشدی برابرده
دیردی بو رطبدن میل قیل یاخشی معطردور
قالوب زنداندا یالقوزآرزو ایلردی جان استه
گله اوغلوم رضا جانیم چیخا آه و فغان استه
قویوبلار دورد نفرحمال نعشین نردبان استه
دیردی اهل زندان بی معین و بی برادردور
سلیمتن ابن جعفر غرفه دن ایلردی نظاره
نه گوردی دورد نفرحمال بیر نعشه چکوب قاره
غلامه سویلیوب گیت گو گیلن کیمدور بو غمخواره
ندورعلت بونی بیر دفن ایدن یوخدورمحقردور
خبر گتدی غلام که سویلیوبلر بو اهل زنداندور
ویروبدورزهرهارون لخته لخته لبلری قاندور
آدی موسای کاظم یثرب و بطحایه سلطاندور
آناسی فاطمه جدی عل نسل پیمبردور
سلیمان باشینه ووردی گلوب باشیندا اولادی
دوتوب اطراف تابوتی اوجالدی عرشه فریادی
صدای واغریبا وااماما دوتدی بغدادی
باخان شهره دیردی شورش محشر مصوردور
سنی احباب یا باب الحوائج دفن ایدن گونده
آلوب زنجیری بوینوندان ایاقوندان آچوب کنده
عجب تابوت اولوب جدون حسینه تپراق استنده
کفن شمشیر و تابوتی سنان بالینی خنجردور
سنه چوخ ظلم اولوب یا سیدی هر چند دشمندن
گوروبلر جان ویرورسن دشمنین ال چکدیلر سندن
حسینین اللرین باشین جدا ایتموشدیلر تندن
قالوب اوچ گون کفنسیز پیکری پامال لشکردور
سنون یا فاطمه اهل و عیالین دربدرقالدی
فلک غربتده الدوردی سنون آرامیوی آلدی
حسینین سودامر اوغلین سوسوز اوخ نطقیدن سالدی
قوجاقینده او مظلومین ویرن جان تشنه اصغردور
مرحوم واقف سرابی
موضوع: حضرت امام موسی کاظم (ع) احوالات ,
زبان شعر و شاعر: نوحه ترکی , واقف سرابی
-------------------------------
زبانحال به حضرت علی اکبر (ع)
علی دویونجا سنه باخمادیم جِداله گلنده
توقّف ایلمدون سن لامحاله گلنده
بو حالیلن باشیوی آلمیشام کناریمه آخر
اویان دانیش منیله ، حاله لا محاله گلنده
اورکده قالمادی طاقت دیلمده اولمادی یارا
و اِن یَکاد اوخییدیم بو خطّ و خاله ، گلنده
اولوبدی هاشمی خالون غریبه قانیله رنگین
نجه‌شکفته لنور لاله اوسته ژاله گلنده
او وقته گاه ایدوب غشّ ، گه آچاردی گوزون
باخاردی حسرتیله اولغریبه حاله گلنده
دیردی یا اَبَتا چوخ آلوب قراریمی الدن
رقیّه آه چکنده صدای ناله گلنده
منی قیامته تک قبریم ایچره آغلاداجاقدور
اونون خرابه مزار اولماقی خیاله گلنده
بس ایلیون بو غمی (واقفیله بیخود) و عجب
یانار گوگل بو جوانین غمی خیاله گلنده.
مرحومین واقف سرابی و بیخود سرابی
منبع مجموعه کانالهای مدح و مرثیه
موضوع: حضرت علی اکبر (ع) زبانحال ,
زبان شعر و شاعر: نوحه ترکی , واقف سرابی , بیخود سرابی
-------------------------------
زبانحال حضرت رقیه (س) در خرابه شام
فریاده گلمه ایلمه افغان رقیه جان
ایتمه بو اهلبیتی پریشان رقیه جان
یاندورما قلبیمی که یانوب مین مصیبته
اکبر غمی ایدوب اورگیم قان رقیه جان
یوخدورچراغ روشن ایدم جان ویرنده سن
سجاد ایدورتلاوت قران رقیه جان
بو نسکلین النجه منی یاندورار یقین
غربتده آج قالوب ویروسن جان رقیه جان
دشمنلر ایچره ماتمیوی خوارقویمارام
قیلام فغان نقدراولا امکان رقیه جان
ایتمه حسینه شکوه منی ایلمه خجیل
بو باغریقان ببیون سنه قربان رقیه جان
صغرا باجون سنی خبرآلسا نجه دیوم
ایتدی مکان گوشه ویران رقیه جان
سن گیتمه سن مدینیه سنسیز گیدنمرم
اولام سنون قبریوه دربان رقیه جان
(واقف) خرابه محنتینی ذکر ایدن زمان
حضار اولوبدی چاک گریبان رقیه جان
مرحوم واقف سرابی
منبع کانال گنجینه گذشتگان
موضوع: حضرت رقیه (س) زبانحال ,
زبان شعر و شاعر: نوحه ترکی , واقف سرابی
-------------------------------
احوالات کوچ از قتلگاه
چمنده گل گله، بلبلده صبر و تاب اولماز
تحمل ایتمیه وصلینده کامیاب اولماز
یتوشدی قتلگه ایچره علی قیزی زینب
گوروب که چهره معشوق وار حجاب اولماز
تاپوب حسینی یوزی اوسته بیر چوخور یرده
گوروب او قدر ووروبلار یارا حساب اولماز
دئدی منیم آنام اوغلی بویور گوروم سنسن
اسیر اولا باجی قارداش مگر جواب اولماز
خدا رضاسینه آل زینبون سینیق گویلون
سینیق گویوللری آلماق کیمی ثواب اولماز
علی الخصوص اولا سنمیش گوگل منیم گولوم
جهاندا من کیمی قلبی شکسته یاب اولماز
سنون شهادتوه یر گوی آغلادی اما
بیز اهلبیته غم غارت حجاب اولماز
یازوبلا جسمیوی شمشیریلر ورق به ورق
بو خط و نسخه ده عالمده بیر کتاب اولماز
همین کتابیله برنامه سفرون
یانیندا اولماسا فرمانون اکتساب اولماز
قزل قانا بویانان ایسی قوم فراشوندور
جهاندا هیچ شهه بیر بئله رختخواب اولماز
اسیریلر هامی بسمل کیمی اسیر تیترور
اسیر قوشدا مگر خوف و اضطراب اولماز
سویوبلا رختون هانی بس او کهنه پیرهنون
باجون اولیدی بئله ظلم بی حساب اولماز
چوخ آغلادور منی گل تک شکفته یاره لرون
باجون ئولیدی بئله ظلم بی حساب اولماز
گوروبدولر جگرون تشنه لیق کباب ایلیوب
ووروبلا اوخ، دئدیلر سیخ سیز کباب اولماز
بو قلبوه وورولان اوخ دگیدی بو قلبه
ندن بو عالم امکانی بس خراب اولماز
قوری یر اوسته حسین یاتماقا نه طالب سن؟
اویان عزیزیم اویان توپراق اوسته خواب اولماز
خانملیق ایلدیقیم شهره سرزنان گئدورم
ندن بو قصّه دن آگاه بوتراب اولماز
دونوب فراته منیم گوز یاشیم، یوخوم گلمز
سو اوسته مردم چشمه محل خواب اولماز
عیال دربه درون ایلیوب طنابی قبول
و لیک خردا اوشاقدا طنابه تاب اولماز
قاچوب گیدوله علمدارون اوسته، سس گلمز
دونوب دیلله بابا یا علی، جواب اولماز
گورن، طرف شامه نیزه اوسته گیدر
نچه دئمز طرف شامه آفتاب اولماز
عزیز فاطمه عریان دوشه تراب اوسته
تعجّبم نیه کون و مکان خراب اولماز
اشاره سیزدن اولار نوحه ذکر ایدر (واقف)
چمنده گل گله، بلبلده صبر و تاب اولماز
مرحوم واقف سرابی
موضوع: کوچ از قتلگاه ,
زبان شعر و شاعر: نوحه ترکی , واقف سرابی
-------------------------------
رحلت حضرت رسول اکرم (صلی الله)
رحلت ایتدی قلب عالم قرب رب العالمینه
قلب عالم دوتدی ماتمسرور روح الامینه
خواجه عالم گیدنده تاپشروبدور بو ترابه
ای عم اوغلی آز قالوبدورحقیوی دانسین صحابه
ازقالوبدورقولارین ظلمیله باغلانسین طنابه
حقیوی ناحق یره ویرسونله بیر شیخ لعینه
اوج ایدر مندن صوراعرشه حسین اه و فغانی
یاندورالارطلم الیله درگه خیرالنسانی
بیعت بوبکره امرایلرسنی فرعون ثانی
تا طناب ظلم باغلار گردن حبل المتینه
حضرت خاتم گلنده هوشه ایلردی اشاره
یاعلی گل باشیم استه باشیمی ال بیر کناره
سن منه اغلا دویونجا من سنه ایلوم نظاره
مصطفانی ایستیوبلر محضر جان افرینه
ای عمو اوغلی قویما گلسین ناله و فریاده زهرا
تیزگلرمندن صورا قالمازداخی دنیاده زهرا
ایلسون کتفین لگد کوب ایتماقا اماده زهرا
صبرقیلسین بیرنچه گون جوروظلم اهل کینه
بیعته اعدا قولون باغلی چکرهرسو شکسته
رونق اولماز دینه زهرا اولماسا پهلو شکسته
اخرایلله باشون تیغیله تا ابرو شکسته
گلمه غیظه ذوالفقاری چکمه قتل مشرکینه
بو حسینیله حسن آرام جانیمدورعم اوغلی
میوه جانیمدی نخل بوستانیمدور عم اوغلی
عرصه محشرده الده ارمغانیمدورعم اوغلی
حلمی ویردیم مجتبایه صبریمی ویردیم حسینه
یارسول الله بو امت حتک ایدوب شرم و حیانی
سالدیلار اولده دلدن زهریله چون مجتبانی
سو کنارینده یخوبلارتشنه شاه کربلانی
اوچ گیجه گوندوز سالوبلار پیکرین روی زمینه
مرحوم واقف سرابی
منبع کانال گنجینه گذشتگان
موضوع: حضرت محمد (ص) احوالات ,
زبان شعر و شاعر: نوحه ترکی , واقف سرابی
-------------------------------
زبانحال حضرت زینب کبری (سلام الله)
در روز اربعین
یتوشدی کرببلا ایچره شام قافله سی
امام قبرینه گلدی امام قافله سی
امام دوردی قباقدا سلام عام ایلدی
کچاوه دن توکولوب اهلبیت سلام ایلدی
یخلدی زینب کبری او قبر پاک استه
مداد اشکیله صورت چکوبدی خاک استه
آچوبدی چکنینی قمچی یرین نشان ویردی
دیدی بیر ایلدی برادر منیم ایشیم بیله دی
بو وضع حالیمی من سندن اوزگیه دیمرم
چمنده چوخ گلیله بلبلین سوزی گله دی
بدن یانوب خبر السان اولوب بنفشه کیمی
گوزوم یاشین خبرین دوتما چشمه تک ایلدی
اغور سلسله سجادیوین ایاقندا
همین بو قرمزی چکمه نشان سلسله دی
منیم باشیم اغاروب اولدی تار سنبل تک
گورنده قانلی باشین سنگسار سنگله دی
رقیه نی خبر السان اولوب خرایه مزار
دیدیم گیداق دیدی عمه ایاقیم ابله دور
اوقیز اوزون باشین استه سالوب دیدی الورم
دانشمادون اونیله سنده بو نه حوصله دی
ویروبدی جان قولی باغلی منیم قوجاقیمده
اوزی گلنمدی مندن سنه سلام ایلدی
یزید ایوی اولا گوگلوم کیمی منیم ویران
پیمبرین ایوینی ظلم الی خراب ایلدی
الوبدی قوم و قبیلم نجه گیدیم وطنه
منیم مدینه ده فخریم قبیله مه ایلدی
دوشوبدی گوگلیوه کرب وبلا سنین(واقف)
اگر نصیب اولا کرب و بلا بل صله دی
مرحوم واقف سرابی
منبع کانال گنجینه گذشتگان
موضوع: احوالات اربعین ,
زبان شعر و شاعر: نوحه ترکی , واقف سرابی
-------------------------------
خطبه حضرت امام سجاد (علیه السلام) در مسجد شام
چکیلدی جار گلوب مسجده یزید پلید
توکولدی مسجده شام اهلی ازدحام ایلدی
خطیب منبره چیخدی ایدوبدی حمد و ثنا
دالنجا حضرت پیغمبره سلام ایلدی
مزخرفات سوزیندن دیوبدی شیخینین
مزخرفاتیله خلقی سمایه رام ایلدی
او بد سرشت شقی ناسزایه اچدی دلین
امام عصری گوروب غیبت امام ایلدی
امام سالدی خطیبه نفس دلی دوتولوب
او بیحیانی حسین اوغلی شین و لام ایلدی
گلوبدی نالیه الله شیرینین شیری
الیشدی قلبی دوتوب اود قزشدی
زنجیری خطاب ایدوبدی خطیب لعیینه ایله حیا
سنون مصاحبیوه بیله نا سزادی روا
حیانی ترک ایلدون یوخدی هیچ حیا سنده
بو نا سزالر اولور ال سخره زیبنده
یزیده دوندی خطاب ایتدی حضرت سجاد
واریمدی اذن دوروم خطبه ایلیوم انشاد؟
اوزون دیدون منیم اوچ مطلبیم روا ایده سن
بو گون منیم بو یانان قلبیمی رضا ایده سن
یزید اولمادی امر امام عصره رضا
ایدوبدی واهمه منبرده ایلسون رسوا
دوروب مشایخ شام ایتدیلر هامی اصرار
اجازه ویر بونا بیر طفلیدور اوزی بیمار
چیخاندا منبره مبهوت اولار جماعتدن
تکلم ایلیه بلمز دوشر خجالتدن
یزید غیظیله شام اهلینه ایدوبدی نگاه
ویروبدی سید سجاده اذن خواه نخواه
امام عرشه منبرده چیخدی دوتدی قرار
نجه که عرشیده احمد اولوب براقه سوار
اچوبدی حمد خداونده دل لسان الله
پیمبر ادی گلنده چکوبدی دلدن اه
هامی مشایخ شام اختیار ایدوبله سکوت
گوروندی عالم لاهوتیده او دم جبروت
بویوردی کیم تانور هر کس سماع ایدر سوزیمی
او کیمسه که تانیمولار نشان ویریم ازیمی
منی گورنده دیورسوز گلوبدی شامه اسیر
نجه اسیراولی تاویل ایه تطهیر
بو ماسوایه بوگون مالک الرقابم من
سواد سوره حم والکتابم من
نه ناسزادی دیورسوز او شاهه ای کافر
اونون حسا مئیله پایه لندی بومنبر
اونون حسامی اگر اولماسیدی برنده
تاپولمازیدی خداونده بیرنفربنده
او ذوالفقاره طرف هرکس ایلینده نگاه
دیردی اشهد انلا اله الا الله
او ذوالفقار خراطیم کفردن ووردی
یخوبدی لاتو مناتی توکوبدی سیندوردی
منیم بابامدی او ابلق سوار بدر و حنین
شریک ایلمیوب لا شریکه طرفه العین
منم او کیمسه نون اوغلی چکوب ملائکه صف
گیدنمدی او مقامه عروج ایدوب رفرف
منم او کیمسه نون اوغلی که اسم اعظمدور
صفاومروه وکعبه منا و زمزمدور
منم او کیمسه نزول ایتدی هل اتی بیزده
اوتانموسوز که یوخوزدوربوگون حیا سیزده
منیم بوجد کباریم دگل رسول خدا؟
گلوب جلالتینه قاب قوس او ادنی
منم او کیمسه نون اوغلی ویروبدی نوحه نجات
تاپارنجات اونا هر کیمسه گوندره صلوات
به علت طولانی بودن اشعار
علاقمندان میتوانند به جلد دوم مرحوم واقف مراجعه کنند
مرحوم واقف سرابی
منبع کانال گنجینه گذشتگان
موضوع: احوالات شهر شام ,
زبان شعر و شاعر: نوحه ترکی , واقف سرابی
-------------------------------
احوالات راه شام
گلین گورنده گلر شوره هر سحر بلبل
علی الخصوص چوخ اغلار شکسته پر بلبل
حسین گلشنینین عندلیبی زینبیدی
علی اکبره لیلای خونجگر بلبل
خزان اولان گله بیر وقتیده دوشوب نظری
ایدنده شوریله گلزارین گذر بلبل
چمنده اوز گلین الدی قوجاقه اغلاردی
یتوشدی صیدینه صیادی بیخب بلبل
توکولدی زاغ و زغن تپراق استه توکدی گلی
یغیشدی باشینه گلشنده قرخ نفر بلبل
حسن یایالاری گل گل ووراندا شوریله
توکوب گل استینه شبنم تک اشکتر بلبل
قنادی باغلی قالوب حشره تک گله حسرت
سنیق قفسده روان اولدی مختصر بلبل
گوروب عیالینی باشسیز گیدور یغوب باشینا
جداده گل ایلیوب ناقه ده سفر بلبل
هوای بزم یزیدیله گل هواده گیدر
گیدوب او بزمه پدر گل اولوب پسر بلبل
گیدوردی شامه قولی باغلی سید سجاد
جهازسیز دوه استه برهنه سر بلبل
یتنده شامه قالوب اشیانه سیز توکولوب
خرابه مسجده بیر دسته دربدر بلبل
چکوبدی هر بیری سنموش قنادینی باشینا
چمنده اوز گلینی یاد ایدردی هر بلبل
یزید حکم ایلدی مجلسه گیدون گتورون
گلوب خرابیهیثربدن هر قدر بلبل
شکسته دور دل (واقف)خیالی گلشنه دور
تمچهین سالا گل ایلیه نظر بلبل
مرحوم واقف سرابی
منبع کانال گنجینه گذشتگان
موضوع: احوالات راه شام ,
زبان شعر و شاعر: نوحه ترکی , واقف سرابی
-------------------------------
در احوالات حضرت ابوالفضل (علیه السلام)
سرشکیم جوشه گلدی باشدان اچدی
خبردار اول گوگل سر چشمه داشدی
دوشوبدور روز عاشورا خیاله
خیالیم وار ایداق عباسه ناله
خبر ویر اهل درده هر مریضه
سرشک چشمیله یازسون غریضه
سرشکیله دولوبدور مشک دیده
اخار سقا یولوندا اشک دیده
ابوالفضل عاشقی شرمنده اولماز
النجه منت دشمنده قالماز
جزاده اغلاماز لاشک سوز یوخ
علمدار حسینه اغلیان گوز
گلور قانلی علم قانلی الینده
النده قبرین اول منزلینده
گوررسن گل جمالین شاد اولارسان
فشار قبریدن ازاد اولارسان
اوچوب گوگلوم عقابی چیخدی اوجه
فراتهباخدی دگموش موج موجه
حجاب موجدن گوردی عقابی
عقاب استه دوتولموش افتابی
کسوف مهریدن ظاهردی مطلب
گرک قول باغلی گیتسون شامه زینب
هوادن اود دوتوب اودلاندی گوگلوم
علمدار حسینه یاندی گوگلوم
بو سقای شهید کربلادور
اولا هر مشکلون مشکل گشادور
الوب اذن شهادت قارداشیندان
فراتی موجه سلسون گوز یاشیندان
گلوب دریا کیمی جوش و خروشه
سوئی دولدوردی مشکه سالدی دوشه
تعجب وار کمال جرئتیندن
سو ایچمزدی سو استه غیرتیندن
قزارموشدی علی تک اب و رنگی
قاچوب لشکر اوزاقدان سالدی جنگی
توکوب دشمن وجودین پشته پشته
عقابی گیچماقا قویمازدی کشته
ایدوبدور تیر باران قوم نامرد
دایانمازدی مقابلده هم اورد
دگوبدور جسمینه چوخ تیر و خنجر
او بی پر شاهباز اوخدان اچوب پر
فلک بازو لرین بازیله سالدی
ولایت مهرینین رنگی سارالدی
گیدوب ال ایتمیوب پروا اجلدن
سویون مشکین یره قویمازدی الدن
سپر ایتدی وجودین مشکی استه
یاغاردی جسمینه اوخ دسته دسته
تو کولدی لشکر استه هر طرفدن
اوغولوای ناله سی گلدی نجفدن
گیروبدوربیر نفر ناکه کمینه
تکان ویردی عمود اهنینه
بدنده یاره چوخ ال یوخ اچوق باش
دلیم لال اول نجه سسلوبدی قارداش
یتوش فریاده اولدوم پاره پاره
سینان باشیمی گل ال کناره
علی اوغلین یخوب دشمن اچوب ال
ایاقدان دوشدی قارداش قارداشین گل
شهادت فیضی یاخشی حاصل اولدی
اورکده بیر سوزیم چوخ نسکل اولدی
گلیدون گل جمالین بیر گوریدیم
جما ا للهی گورجاق جان ویریدیم
اوزون گل زینبی ایله خبردار
ووروب باشه منه اولسون عزادار
خبردار ایت سراسر ال طاها
اسیر اولماقلیقا اولسون مهیا
گیچنده قتلگهدن دسته دسته
سنه ماتم دوتاندا نعشین استه
کنیزی فضیه ویرسون اجازه
فرات استه دیسون وار بیر جنازه
اولا هر کیمسه ارباب الحولئج
دیسون صدقیله یا باب الحوائج
ایدللر (واقف و بیخود)کتابت
اولا سرمایه روز قیامت
مرحومین بیخود سرابی و واقف سرابی
منبع کانال گنجینه گذشتگان
موضوع: حضرت ابوالفضل العباس (ع) احوالات ,
زبان شعر و شاعر: نوحه ترکی , بیخود سرابی , واقف سرابی
-------------------------------
احوالات حضرت امام حسین (علیه السلام)
حجت تمام قیلدی او الله حجتی
دوردی دایاندی کوفه و شامین جماعتی
تبلیغ حجتینده ویروبلر جواب سخت
بلدی گیچوبدی وقت شهادت یتوبدی وقت
اول دمده ذوالفقار اوزینی سالدی واسطه
چکدی شراره گلدی یدالله باسطه
غیظه گلوب ولی خداوند ذوالجلال
از قالدی سلب اولا ملک الموتیدن مجال
هر چند اوخ یاغاردی هوادن تگرگ تک
قومی توکردی یر یوزینه برگ بید تک
فریاد زخمدار و هیا هوی گیر و دار
شور نشور اولدی او صحراده اشکار
بامال ایدر ننوعیله خاشاکی تند باد
ابطال قوم منتشر اولموشدی کالجراد
شیر خدانین اوغلی ایدوب حمله شیر تک
اول شیریدن قاچاردیلا روباه بیر تک
کثرت اولوبدی صورت وحدتده اشکار
دولموشدی کربلایه حسین الده ذوالفقار
یوز مین سواره هر طرفه ایلیوب نگاه
ایتمزدی جلوه غیر حسینیله ذوالجناح
حیرتده قالما کثرت اجسام عشقیدور
یوخ عیب سوزده معرکه بدر مشقیدور
از قالدی روح قطع ایده اجسامیدن قبول
فی الفور عهد نامه زر ایلدی نزول
سالدی خیاله دوره عنقای قافیدن
قویدی غلافه تیغی گیچوبدور مصافیدن
سالدی خیاله دوره عنقای قافیدن
قویدی غلافه تیری گیچوبدور مصافیدن
نصرت ده زمانیه گلدی زمان عسر
عرض ایتمرم نه ظلم ایلدی مالک ابن یسر
حکم ایتدی ابن سعد ستمگر سباهینه
حایل اولون حسینیله اوز خیمگاهینه
لشکر قاریشدی بیر بیرینه برهم اولدی صف
بعضیسی دوندی غارت ایچون خیمیه طرف
اهل حرم نگوردی گلور هایهو سسی
خوردا اشاقلارین چیخوب افلاکه ناله سی
زینب الی باشیندا کنار اولدی خیمه دن
سسلندی یا اخا کمکه گلموسن ندن
الدی صدای زینبی فرزند مصطفی
ایتدی ندا او فرقه نی سلطان کربلا
ایتدی خطاب لشکره کای قوم بی ادب
یوخ دین سیزده هاردا قالوب غیرت عرب
ای قوم خیمه لر یولونی دونمیون بو گون
من الممیش عیالیمی قورخوتمیون بو گون
رجاله لر بلوبله منیم ضعف حالیمی
ایستوله من باخا باخاسویسونلا الیمی
شمر شریر سسلدی ای فرقه جهول
کف کریمیدور سوزینی ایلیون قبول
اول گلون بو تشنه لبی راحت ایلیاخ
باشین ووراخ جدای صورا غارت ایلیاخ
اول بیحیا کناره گلوبدور سباهیدن
حکم ایلدی قیتدی قشون خیمگاهیدن
فریاد گیر و دار ایلیوب نه سمایه اوج
حمله ایدوب او قوم حسین استه فوج فوج
بیر دسته گلدی خنجر و شمشیریله وورا
بیر فرقه سنگیله یریسی تیریله وورا
از بس ووروبلا نیزه و شمشیر و سنگ و تیر
دورت مین یارا او سینه ده اولموشدی جای گیر
راوی دیر باخوردوم او مظلوم تشنه لب
گوردوم تکلم ایلوری اهسته زیر لب
بلدوم تمام اولوب بو جهاندان گیدور او دم
گویا حسین او فرقه نی نفرین ایدر اودم
بیحال اولان زماندا او مظلوم ایدردی غش
حاله گلوب دیردی ایا قوم العطش
دلدن دوشوب گلوب دله سویلردی دشمنه
الله رضاسینه سو سوزام سو ویرون منه
بو غملی ماجرانی بیله نقل ایدر هلال
بیر شربه سو گتورماق اونا ایلدیم خیال
گلدیم بیانه کتدیم عمر سعده ماجرا
بلدوم سکوت قیلماقینی موجب رضا
دوتدوم فرات سمتینی گیتدیم او حالیله
جامی لبالب ایلدیم اب ضلالیله
شاید او ابیله اوزیمه ابرو ویرم
جان ویرمموش او تشنیه بیر جرعه سو ویرم
اثنای راهیده دوشوب افاقه انقلاب
گون تیره لندی گویده منادی ایدوب خطاب
بو اهل کوفه حقی فراموش ایدوبدولر
بیغمبرین چراغینی خاموش ایدوبدولر
گوردوم او دمده شمر گلور الده خنجری
معلوم اولان قویوبدی اوغولسوز بیمبری
گورجاق هلالی شمر خطاب ایتدی یا هلال
سن بو سوئی هارا ابارورسان ندور خیال
سویلدیم ایستورم ابارام سو حسینه من
جان تابشوراند خدمت ایدم بو حسینه من
دوندی دیدی سو ویردیم اونا خنجریله من
زحمت چکوب او تشنه لبه سو ابارما سن
دامانین اچدی ویردی حسین باشینی نشان
گوردوم او قانلی باشدان اخار قطره قطره قان
(واقف) بو غملی واقعه نی ایتگلن تمام
خامه الیشدی الده ایله مختصر تمام
مرحوم واقف سرابی
منبع کانال گنجینه گذشتگان
موضوع: حضرت امام حسین (ع) احوالات ,
زبان شعر و شاعر: نوحه ترکی , واقف سرابی
-------------------------------
عزم میدان حضرت ابوالفضل (ع)
چیخوبدی حضرت عباس چون عقاب استه
عقاب بال و برین اچدی افتاب استه
گلوبدی خیملره سسلنوب خدا حافظ
توکولدی خیمدن اولاد بو تراب استه
سکینه ایستدی سو غصه دن سسی دوتولوب
اشاره قیلدی الین دیده براب استه
شهاب ثاقبین اوغلی او قوم عدوانین
یتوب سالوب شرر تیغیله شهاب استه
ایدوبدی هلهله رجاله عرب بیردن
توکوبدولر اوخی چون بارش سحاب استه
نهنگ قلزم غیرت سالوب فراته اوزین
حباب وار سبر باشه چکدی اب استه
هر ایکی اوجینی دولدوردی بیر سویا باخدی
گلوب او حالیده اوز نفسینه خطاب استه
سن ایچ گلن بو سوئی اغلاسون علی اصغر
عطش سالوب اونی گهواره دن تراب استه
سن ایچ گلن بو سوئیقوی سکینه غش ایلسون
عیال فاطمه نی سالسون اضطراب استه
الیشدی قلبی حسینه سوئی توکوبدی یره
یانوب دی قلبی نجه اود دوشر طناب استه
چیخوب کناره یولین دتدی مارد ابن صدیف
چکوب سنانینی فرزند بوتراب استه
هواده نیزه نی دوتدی باخوبدی خیملره
باخوب حسینه اوجالدوب الین رکاب استه
غضبلنوبدی علی اوغلی یا علی چکدی
سالوبدی گنبد دواری بیچ و تاب استه
یخوب او ظالمی سالدی عقابینین دوشونه
گورن دیردی عقاب اوز قویوب غراب استه
شهید دشت بلا سسلنردی یا عباس
مجال ویرمه بو ملعونه سال تراب استه
ووروبدی نیزه نی قوزوب الوب گلنده یره
یتوشدی مالک دوزخ او بی حجاب استه
خیالی واردی بو وقفه گر ایسته سن (واقف)
قویا او صحن مبارکده یوز تراب استه
مرحوم واقف سرابی
منبع کانال گنجینه گذشتگان
موضوع: حضرت ابوالفضل العباس (ع) شجاعت ,
زبان شعر و شاعر: نوحه ترکی , واقف سرابی
-------------------------------
احوالات ورود اهلبیت (ع) به شهر مدینه
یاخونلاشوب وطنه کاروان دشت بلا
گوروندی شهر مدینه اوجالدی داد و نوا
امام امر ایلیوب ساخلیون بو قافله نی
اولار بو قا فله نین پیشوازینه گلنی
کجاوه دن تو کولوب عترت رسو ل الله
یغیشدی خیمده دور امامه ال الله
جناب زینب ایشتدی گینه وطن سوزینی
باخوب گورنمدی اشکیله دولدوروب گوزینی
دیدی نهال امیدیم کسیلدی بر ویرمز
او قدری باشیمه قمچی دگوب گوزوم گورمز
دیدی سالان گوزیمی نوریدن حسینیم وای
اولان عیالی جلای وطن حسینیم وای
دیر بشیر امام اغلیوب بویوردی منه
بیزیم اذیتیمیز چوخ دگوب بو یولدا سنه
بو دم یتور اوزون جدیم رسول روضه سینه
سلام جدیمه ویر باخمااغلاماق سسینه
رکابه قویدی ایاقین بشیر باشلادی راه
لوای و شال سیاه و لباس جامه سیاه
مرخص اولدی دوتوب سمت شهره اولدی روان
نه گوردی سسلدیلر ای بشیر بیر جه دایان
دوروب بشیر خبردار اولا نه مطلبدور
گوروب علی قیزی علیا جناب زینبدور
دیدی بشیر ایاق ساخلا زحمتیم واردور
قبول زحمت ایدوبسن وصیتیم واردور
گلر قباقیوه بیر پیر مرد جامه سیاه
جناب جعفر طیارین اوغلی عبدالله
کمانه قدی دونوب بیر الین قویوب بیلینه
غلامینه دایانوب بیر عصا الوب الینه
حسینیمی خبر السا دی بیکفن گوردوم
بو نوع گورمیه لر هیچ یارالی من گوردوم
مرحوم واقف سرابی
منبع کانال گنجینه گذشتگان
موضوع: احوالات ورود به مدینه ,
زبان شعر و شاعر: نوحه ترکی , واقف سرابی
-------------------------------
خطبه حضرت امام سجاد (علیه السلام) در مسجد شام
بو شام ذکرینه هر ذکر ایدن قیام ایلدی
ولایت اهلینه نصف النهاری شام ایلدی
حسینه هر نه بلا گلدی اولمیوبدی تمام
گیدوب مصیبتینی شامیده تمام ایلدی
جناب سید سجادی مسجده گتوروب
اوزین بو بارده رسوای خاص و عام ایلدی
چکیلدی جار گلوب مسجده یزید پلید
توکولدی مسجده شام اهلی ازدحام ایلدی
خطیب منبره چیخدی ایدوبدی حمد و ثنا
دالینجا حضرت پیغمبره سلام ایلدی
مزخرفات سوزیندن دیوبدی شیخینین
مزخرفاتیله خلقی سماعه رام ایلدی
امام سالدی خطیبه نفس دیلی دوتولوب
او بیحیانی حسین اوغلی شین و لام ایلدی
گلوبدی نالیه الله شیرینین شیری
آلیشدی قلبی دوتوب اود قیزیشدی زنجیری
خطاب ایدوبدی خطیب لعینه ایله حیا
سنون مصاحبیوه بیله ناسزادی روا
حیانی ترک ایلدون یوخدی هیچ حیا سنده
بو ناسزالر اولور آل سخره زیبنده
یزیده دوندی خطاب ایتدی حضرت سجاد
واریمدی اذن دوروم خطبه ایلیوم انشاد
یزید اولمادی امر امام عصره رضا
ایدوبدی واهمه منبرده ایلسون رسوا
دوروب مشایخ شام ایتدیلر هامی اصرار
اجازه ویر بونا بیر جواندی اوزی بیمار
یزید غیظیله شام اهلینه قیلوبدی نگاه
ویروبدی سید سجاده اذن خواه نخواه
امام عرشه منبرده چیخدی دوتدی قرار
نجه که عرشیده احمد اولوب براقه سوار
آچوبدی حمد خداونده دل لسان الله
پیمبر آدی گلنده چکوبدی دلدن آه
هامی مشایخ شام اختیار ایدوبله سکوت
گوروندی عالم لاهوتیده او دم جبروت
بویوردی کیم تانور هرکس ایشیدوری سوزیمی
او کیمسه که تانیمونلار نشان ویریم اوزیمی
منی گورنده دیورسوزگلوبدی شامه اسیر
نجه اسیر اولی تأویل آیه تطهیر
بو ماسوایه بو گون مالک الرقابم من
سواد سوره حم والکتابم من
نه نا سزادی دیورسن او شاهه ای کافر
اونون حسامئیله پایه لندی بو منبر
او ذوالفقاره طرف هر کس ایلینده نگاه
دیردی اشهد ان لا الاه الاالله
او ذوالفقار خراطیمِ کفردن ووردی
یخوبدی لات و مناتی توکوبدی سیندوردی
منیم بابامدی اولوبدور ولی امر الله
دیموبدی شرک اولوب ناصرا لِدین الله
منم او کیمسنون اوغلی چکوب ملائکه صف
گیدنمدی او مقامه عروج ایدوب رفرف
منم او کیمسنون اوغلی که اسم اعظمدور
صفا و مروه و کعبه منا و زمزم دور
منم او کیمسه نزول ایتدی هل اتی بیزده
او تا نموسوز که یو خوزدور بو گون حیا سیزده
منیم او جد کباریم دگول رسول خدا؟
گلوب جلا لتینه قاب قوس او ادنی
منم او کیمسه نون اوغلی ویروبدی نوحه نجات
تاپار نجات اونا هر کیمسه گوندره صلوات
رسول خاطرینه بیر زمان دوتون آرام
خبر ویروم سیزه مطلب ندور مشایخ شام
او مصطفی که براق استه عرشی سیر ایتدی
یخیلدی مسجدی منزل عیالی دیر ایتدی
او مصطفی قیزینین بس دگل قیزی زینب
باخاردی حالینه آغلاردی عیسوی مذهب
او مصطفی اوزی مدح ایلمزدی زهرانی؟
بویور مازیدی اونا من اذا ها آذانی؟
حسین دگلدی اونون اوغلی اوز حضورینده
قویوبلا باشینی مطبخده کول تنورینده
حسین سرور دل حضرت بتول دگل؟
همان بتول مگر بضعه رسول دگل؟
قسم کلام مجیده بیز اهل قرآنوخ
بیزی فرنگی حساب ایتمیون مسلمانوخ
قاریشدی خلق دوتوب اهل مسجدی غوغا
بلند اولوب گوگه بانگ صدای واویلا
او گیر داریده بیر پیر مرد ایاقه دوروب
باخوب امامه اودم شدتیله باشه ووروب
دونوب دیدی سیزه شام اهلی ننگ و عار اولسون
پیمبرین نجه قویدوز عیالی خوار اولسون
همان جوان دگی سالدوز یهودی کوچه سینه؟
یهودیلر یغوشوب اود توکوب عمامه سینه
همان جوان دگی بو ای جماعت بی ننگ
گلنده شامه دیردوز گلور اسیر فرنگ
یزیدی واهمیه سالدی چوخ بو شور و فغان
دوتوب موذنه یوز حکم ایدوب دیولسون اذان
موذن ایلدی الله اکبره اقدام
دیوب کبیر کبیرا امامین اوغلی امام
دینده اشهد ان لا اله الا الله
امام کلمه لفظ جلاله ویردی گواه
گلنده اسم محمد دوروب بو یوردی امام
رسول خاطرینه بیر دقیقه دوت آرام
خطاب ایدوبدی یزیده نه ناله ساز ایلدون
پیمبرین آدینی زینت نماز ایلدون
او احمدی که موذن دیور آدین کیمدور
سنون باباندی منیم یا جهاندا جدیمدور؟
دیسن بابامدی منیم راه حقی کج گیدوسن
منیم بابامدی ندن عترتین اسیر ایدوسن
یزید اگر اولا حاضر او سید کونین
ندورجواب خبر آلسا نیلمیشدی حسین
بو ظلمی ها نسی مسلمان ایدوبدی ترسایه
عیالینی نجه سیز یولادوز کلیسایه
توجه ایله گلن (واقف) دل افکاره
اوزین دخیل سالوبدور امام بیماره
مرحوم واقف سرابی
منبع مجموعه کانالهای مدح و مرثیه
موضوع: احوالات شهر شام ,
زبان شعر و شاعر: نوحه ترکی , واقف سرابی
-------------------------------
احوالات حضرت ابوالفضل(علیه السلام)
حکم ایلیوبدی قافله سالار کربلا
گیتسون فراتون اوسته علمدار کربلا
اهل حرم چیخوبدی هامی خیمه گاهیدن
یالقوز قالوبدی خیمه ده بیمار کربلا
باخدی سکینیه گوروب از بس که تشنه دی
دلدن دوشوبدی بلبل گلزار کربلا
عزم ایلیوب سوسوزلارا یا سو گتورمگه
یا الّلرینی قطع ایده کفّار کربلا
گلدی فراته ایچمدی سو مشگی دولدوروب
یوز قویدی خیمه گاهه سپهدار کربلا
عباس گوردولر آپارور سو هجوم ایدوب
کسدی یولون او قوم جفا کار کربلا
چنگال آچدی صیده عقاب اوسته چون عقاب
افلاکه چخدی ناله زینهار کربلا
فریاد گیرودار هیاهوی زخمدار
حیرتده قالدی گنبد دوّار کربلا
دوشموشدی کشته پشته نین استونده تلّ تک
مانند رزم حیدر کرّار کربلا
ویرمزدی مشگین الدن الین ایتدیلر قلم
ال دوشدی بیدق اولدی نگونسار کربلا
«واقف» بس ایت بو محنت جانسوزه ویرمه طول
حضّاری درده گتدی بو تیمار کربلا
مرحومین واقف سرابی و بیخود سرابی
منبع مجموعه کانالهای مدح و مرثیه
موضوع: حضرت ابوالفضل العباس (ع) احوالات ,
زبان شعر و شاعر: نوحه ترکی , بیخود سرابی , واقف سرابی
-------------------------------
زبانحال حضرت امام حسین (ع) خطاب به فرات
ایچسون دویونجه قوی سنی بو لشکر ای فرات
من آغلیوم اَلیمدَه علی اصغر ای فرات
آخدون گوزوم یاشی کیمی توپراقلار اُستونه
لب تشنه جان ویرنده علی اکبر ای فرات
عباس گلدی سو گتوره قویمادون گله
آغلار سکینه امیدی یولون گوزلر ای فرات
دامادیم اُلمینجه سوسوز راحت اولمادون
راحت یاتوب قوم اوسته اومه پیکر ای فرات
بوطفله رحم ایدوب اورگون قانه دونمسه
تا حشراولونجه قانه دونرکوثر ای فرات
لب تشنه جان ویره الیم اوستونده اصغریم
ملک نجفده باشه وورار حیدر ای فرات
جدیم شریعتینده بو طفلین گناهی یوخ
رحم ایتگلن بخاطر پیغمبر ای فرات
باخ بیربوطفله اللریم اوستونده جانویروب
گورسه بو حالی رحمه گلو کافر ای فرات
هرقدرمن دیدیم سوسوزام سو ویرون منه
بو قوملن سن ایلمدون باور ای فرات
صبرایله ایمدی دوندره رم قانه رنگیوی
خنجر چکنده شمر ستم پرور ای فرات
سن شاهد اول گیوبدی هامی یار و یاوریم
بو چولده قالمیوب منه بیر یاور ای فرات
(واقف) علی اصغریمه نوحه ذکر ایدر
قویماز ذلیل اولا فزع اکبر ای فرات
مرحوم واقف سرابی
منبع مجموعه کانالهای مدح و مرثیه
موضوع: حضرت امام حسین (ع) زبانحال ,
زبان شعر و شاعر: نوحه ترکی , واقف سرابی
-------------------------------
احوالات حضرت رسول اکرم (صلی الله)
محبوب چون حبیبینه کشف ایلیوب جمال
عنقای اوج قدسه آچوب شهپر وصال
بوکشف بیر جمالیدی حیران قالوبدی عقل
بو اوج بیرجلالیدی مبهوت اولوب خیال
خاتم ویروب حبیبینه جبریل خاتمین
دیباچه وجوده سالوب نقش ارتحال
اولدی حبیب مژده وصلیله شادکام
بو مژده سروریده یوز ویردی اوزگه حال
احباب فرقتیله اولوردی شکسته دل
محبوب وصلتیله اولوردی شکفته حال
تکمیل ایدن زماندا صفر دوره سین قمر
قیلدی سفر ربیعیده گوسترمسون هلال
عرض ایلدی رسوله که یا ایها الرسول
احضار قرب ایدوبدی خداوند ذوالجلال
ارواح انبیایه سن عرش استه اول امام
بانگ صلات چکماقا قوی من اولوم بلال
شمس نوت ایستدی تا ایلسون غروب
گزلین ودایعین قمره قیلدی انتقال
چون صدمه قضا یتوشوب قطب عالمه
دوندی مدار گون دوتوب عالمی ملال
سسلندی یا علی ویرورم جان اوزون یتور
جان تک قوجاقلا جسمیمی باشیم کناره ال
مهریله ماه منزل جوزاده جمع اولوب
بو حال دل دیردی او ایلردی عرضحال
مندن صورا نقدر بلا یتسه صبر قیل
صبرایتمه سن مدارشریعت تاپار زوال
عالمده یاعلی بو در وحی یانماسا
بیر نفس اولماز ایلیه اظهار لایزال
اسلام منهدم اولی باغلانماسا قولون
حق ظاهر اولماز اولماسا زهرا شکسته بال
تیز گل کینه دالیمجا عمو اوغلی دایانما چوخ
اما قریم فاطمه امرین قباقه سال
محبوب چون حبیبینه کشف ایلیوب جمال
عنقای اوج قدسه آچوب شهپر وصال
بوکشف بیر جمالیدی حیران قالوبدی عقل
بو اوج بیرجلالیدی مبهوت اولوب خیال
خاتم ویروب حبیبینه جبریل خاتمین
دیباچه وجوده سالوب نقش ارتحال
اولدی حبیب مژده وصلیله شادکام
بو مژده سروریده یوز ویردی اوزگه حال
احباب فرقتیله اولوردی شکسته دل
محبوب وصلتیله اولوردی شکفته حال
تکمیل ایدن زماندا صفر دوره سین قمر
قیلدی سفر ربیعیده گوسترمسون هلال
عرض ایلدی رسوله که یا ایها الرسول
احضار قرب ایدوبدی خداوند ذوالجلال
ارواح انبیایه سن عرش استه اول امام
بانگ صلات چکماقا قوی من اولوم بلال
شمس نوت ایستدی تا ایلسون غروب
گزلین ودایعین قمره قیلدی انتقال
چون صدمه قضا یتوشوب قطب عالمه
دوندی مدار گون دوتوب عالمی ملال
سسلندی یا علی ویرورم جان اوزون یتور
جان تک قوجاقلا جسمیمی باشیم کناره ال
مهریله ماه منزل جوزاده جمع اولوب
بو حال دل دیردی او ایلردی عرضحال
مندن صورا نقدر بلا یتسه صبر قیل
صبرایتمه سن مدارشریعت تاپار زوال
عالمده یاعلی بو در وحی یانماسا
بیر نفس اولماز ایلیه اظهار لایزال
اسلام منهدم اولی باغلانماسا قولون
حق ظاهر اولماز اولماسا زهرا شکسته بال
تیز گل کینه دالیمجا عمو اوغلی دایانما چوخ
اما قریم فاطمه امرین قباقه سال
چکدیم نقدری زحمت تبلیغ امر حق
اجر رسالت ایلیه لر احترام ال
گیچمز او قدراوغلوم حسینین عراقیده
فتوا یازالا قانینی توکماقلقا حلال
ویرسون گرک فرات کنارینده تشنه جان
سو ایچمسون سوسوز توکولرقانی چون زلال
شمشیریله وجودینی ایلله خط خط
پیکان دمینده سینه سین ایلله خال خال
عباس محنتینده کسر خصم چاره سین
ایلله الف قامتین اکبر غمینده دال
باشسیز قالار جنازه سی چون خرد خرد اولار
باشسیز عیالی ایلمسون رویت احتمال
خورشید تک بالام ایده جاق شامیده غروب
زنجیریله خرابه ده ساخلالا ماه وسال
باشی گهی تنئوره سالار بانگ های هو
گاهی گزرجداده سالاردیره قیل و قال
کرببلا چولینده قالار روحی زینبین
بزم یزیده گیتسه گیدر قالب مثال
تاراج ایدنده خیملرین چوللره قاچار
اتلارایاقی اتدا قالار طفل خردسال
مور ضعیف ((بیخود و واقف))شها بونظم
پای ملخدور الده چکوللرچوخ انفعال
مرحومین واقف سرابی و بیخود سرابی
منبع مجموعه کانالهای مدح و مرثیه
موضوع: حضرت محمد (ص) احوالات ,
زبان شعر و شاعر: نوحه ترکی , واقف سرابی , بیخود سرابی
-------------------------------
در زنده نگه داشتن عزای حضرت امام حسین (علیه السّلام)
بر بزم یوخ عزای شه کربلا کیمی
قدرین عزیز ساخلا گلان کیمیا کیمی
تعظیملن اوتور - بو بساط ایچره شهپرین
فرش ایلیوب ملائکه بر بوریا کیمی
پیغمبر اگلشوب دی دوروب کفشکنده باخ
مجلس تمام اولونجه ولیّ خدا کیمی
آغلار او قانلو گوزلرله شاه کربلا
گوزلر محبّی دوست کیمی آشنا کیمی
شرطی بودور محبّ اولانون قلبی اود دوتوب
چکسون شراره درگه خیرالنساء کیمی
قلبیم قزشدی حلقۀ ماتمده تازه دن
ای شیعه طوق گردن زین العبا کیمی
یا فاطمه جهانی وداع ایلینده سن
واردور یانوندا آغلیانون مرتضی کیمی
چوخ شکری وار ایاقلامیوبلار جنازه وی
تُپراقلار اُسته خسرو گلگون قبا کیمی
«واقف» همیشه یاز بو حسینون مصیبتین
بر بزم یوخ عزای شه کربلا کیمی
مرحوم واقف سرابی
منبع مجموعه کانالهای مدح و مرثیه
موضوع: سایر موضوعات ,
زبان شعر و شاعر: نوحه ترکی , واقف سرابی
-------------------------------
زبانحال حضرت قاسم (علیه السلام)
یخدیلار قاسمی آتدان یره گل داده عمو
کسمه میش باشیمی دشمن یتیش امداده عمو
یارالاندیم سوسوزام یاندی عطشدن جگریم
بلبلم ناوک خاریله سینوب بال و پریم
سینمه جان یتیشوب خیمه ده قالدی نظریم
جان ویرنده سالی بلبل گلینی یاده عمو
سوسوزومدان جگریم لاله صفت قانه دونوب
سینم اوسته دگن اوخلار صف مژگانه دونوب
گل ویروب یاره لریم غنچه ی خندانه دونوب
گورسه بو گلشنی بلبل گَلی فریاده عمو
جسمیمی ناوک پیکانه نشان ایلدیلر
آنامون قدّینی هجریمده کمان ایلدیلر
جدول مصحف رخساریمی قان ایلدیلر
یازدیلار نعشیمی گلمز یارا تعداده عمو
بیر جوان مرگ غریبم گیدوب الدن وطنیم
اوز لباسیم بویانوب قانه اولوبدور کفنیم
آتلارین دیرناقی آلتندا قالوبدور بدنیم
قتلیمه ایمدی عمرسعد اولوب آماده عمو
ایسّی گون یاره لریم سوزشی همرازیم اولوب
خاک و خون ایچره منیم حجله گه رازیم اولوب
جان گلوب سینمه جانانه طرف عازم اولوب
گله جاق عمّه لریم ناله و فریاده عمو
ایسترم باشیمون اوسته یتیریدون اوزیوی
قان دولان گوزلره باخ اشکیله دولدور گوزیوی
گل گوروم بیرده او پیغمبره بنزر یوزیوی
زندگانلوق منه بو لحظه دی دنیاده عمو
بیر طرفدن شه لب تشنه دیردی گلورم
او جوابینده دیردی عمو تیز گل ئولورم
بو دیردی ای اوغول سن نه چکورسن بولورم
او دیردی گیدورم جدّیمه من داده عمو
ایسترم بیرده رمق سیز بدنه جانی گورم
عشق طورینده کلیمم او تجلّانی گورم
ای یدا... الون آچ اول ید بیضانی گورم
بو کرامت گورونور حضرت موساده عمو
کاش «واقف» یخلیدی فلکین بنیادی
چخدی «بیخود» فلکه اهل حرم فریادی
آه او گوندن شه دین گوردی دیر
یخدیلار قاسمی آتدان یره گل داده عمو
واقف سرابی
منبع مجموعه کانالهای مدح و مرثیه
موضوع: حضرت قاسم ابن حسن (ع) ,
زبان شعر و شاعر: نوحه ترکی , واقف سرابی
-------------------------------
ورود به کربلا
قالو بلاده قسمت اولاندا بلا منه
من کربلایه عاشقیدیم کربلا منه
بو کربلا مقدمه سین ای آنام باجی
اول خبر ویروبدی رسول خدا منه
اولام شهید من سنی ایلله دستگیر
محمل سنه مقام اولی حامل جدا منه
باشیم جداده سیر ایده جاق هر ولایتی
باشیم گورنده آغلیا اهل ولا منه
گیتسون مدینیه خبر ایت آل هاشیمه
گلسون عزایه دوست سنه آشنا منه
زهرا آناما گیت خبر ایت قویمادوم قصور
تاب ایلدیم هجوم ایلیوب هر بلا منه
گاهی سریر نیزه ده شامه گیدر باشیم
گه شامیده سریر اولی طشت طلا منه
من باخمارام باخاندا جگر چاک چاک اولور
هردم باخاندا اکبر گلگون قبا منه
ممکن مناده اولمادی قربانی کسماقا
یتمش فدائیله بو چول اولدی منا منه
الله یولوندا تشنه الم سهلیدور منه
محشر گونی شفاعت اولار خونبها منه
سن آغلاما منیم چوخ اولور آغلیانلاریم
دائم ائدله واقف و بیخود نوامنه
واقف سرابی
منبع مجموعه کانالهای مدح و مرثیه
موضوع: احوالات ورود به کربلا ,
زبان شعر و شاعر: نوحه ترکی , واقف سرابی
-------------------------------
زبانحال حضرت رقیه (سلام الله)
بیر بلبلم خزانه گئدوب گلشن آغلارام
هیچ بلبل آغلاماز بوقدر که من آغلارام
خیمم یانوب ائلیم داغیلوب قارداشیم اُلوب
زنجیره باغلیوب قولومی دشمن آغلارام
گون ایسّی بوینوما غل آهن ووروبدی شمر
من آغلارام بو حاله یانوب آهن ،آغلارام
بیر یوسف مدینم اُلوب یوخ نشانه سی
اگنینده قویمیوبدوله پیراهن آغلارام
قارداش قسم او جانیوه شیون ائدنده من
هر ناقه ایلدی منیلن شیون آغلارام
باشون گتوردی شامده باشی آچوخ قویوب
بیر گلمدون خرابیه قارداش سن آغلارام
دردون علی خرابه ده دلدن سالوب منی
بو شام اهلی سالمادیلار دلدن آغلارام
توپراقلار اوسته اُلمگیمون مشقین ایلرم
یوخدور چراغ تا ایلیم روشن آغلارام
قول باغلو آج سوسوز ویرورم جان خرابه ده
عمم قوجاقلیوب آنام آغلار من آغلارام
بُلَّم هامی گئدر وطنه من گئدنمرم
کنج خرابه نی ائدرم مسکن آغلارام
هروقت سو گورنده دوشرسن خیالیمه
چون جان وئرنده ایچمه موسن سو سن آغلارام
(واقف) حسینه آغلیان عقباده آغلاماز
ذکر مصیبتون اولی مستحسن آغلارام
مرحوم واقف سرابی
منبع مجموعه کانالهای مدح و مرثیه
موضوع: حضرت رقیه (س) زبانحال ,
زبان شعر و شاعر: نوحه ترکی , واقف سرابی
-------------------------------
کوچ از قتلگاه
یتوشدی قتلگه ایچره علی قیزی زینب
گوروب که چهره معشوق وار حجاب اولماز
تاپوب حسینی یوزی اوسته بیر چوخور یرده
گوروب او قدر ووروبلار یارا حساب اولماز
دئدی منیم آنام اوغلی بویور گوروم سنسن
اسیر اولا باجی قارداش مگر جواب اولماز
خدا رضاسینه آل زینبون سینیق گویلون
سینیق گویوللری آلماق کیمی ثواب اولماز
یازوبلا جسمیوی شمشیریلر ورق به ورق
بو خط و نسخه ده عالمده بیر کتاب اولماز
اسیریلر هامی بسمل کیمی اسیر تیترور
اسیر قوشدا مگر خوف و اضطراب اولماز
سویوبلا رختون هانی بس او کهنه پیرهنون
باجون اولیدی بئله ظلم بی حساب اولماز
قوری یر اوسته حسین یاتماقا نه طالب سن
اویان عزیزیم اویان توپراق اوسته خواب اولماز
خانملیق ایلدیقیم شهره سرزنان گئدورم
ندن بو قصّه دن آگاه بوتراب اولماز
عیال دربه درون ایلیوب طنابی قبول
و لیک خردا اوشاقدا طنابه تاب اولماز
عزیز فاطمه عریان دوشه تراب اوسته
تعجّبم نیه کون و مکان خراب اولماز
مرحوم واقف سرابی
منبع مجموعه کانالهای مدح و مرثیه
موضوع: کوچ از قتلگاه ,
زبان شعر و شاعر: نوحه ترکی , واقف سرابی
-------------------------------
استمداد حضرت ابوالفضل (علیه السلام)
بلا موجه گلوب داشدی وورار قان موج دریاده
فرات استه قولوم دوشدی یتوش یا سیدی داده
یولوندا جانیمه خوشدوراولام صد پاره یا مولا
دوشوب مشکیم الیم بوشدورگلم درباره یا مولا
غلامین دوشدی بو حاله اوزون قیل چاره یا مولا
دوشوبدورتاب و طاقتدن توانا یوخدی سقاده
اوزوم محتاج دیدارم گیدوب الدن علاجیم یوخ
چیخا جانیم سزاوارم حیاته احتیاجیم یوخ
آنام یوخ قارداشیم یوخدور باشیم استنده باجیم یوخ
الیم یوخدورگوزیم قانین سیلوب گلسونله فریاده
سویی ویرمزدیم الدن چون منی الدن سالان الدی
الی گراولماسا مریخ سیریندن معطلدی
قولوم دوشجک عمود الده قاچان دوردی گیدن گلدی
اولوب اون یدی سرکرده منیم قتلیمه آماده
آچیق قالموش باشیم نیم شق اولوب گرزین گزندیندن
ازیلدیم خرد خرد اولدوم عدو نعل سمندیندن
یتوش فریاده آیریلموش وجودیم بند بندیندن
سنی گورماقدان اوزگه بیرخیالیم یوخدی عالمده
نقدری زخم دگموش جسمیمه بو قوم ظالمدن
فراموش ایتموشم یکسرغم ودرد و ملالیمدن
نقدری وورسالا چیخمازباجیم زینب خیالیمدن
اولارکیم پاسبانی کوچ ایدن وقته بو صحراده
نه دنیا دم غنیمتدوراوزون بیرفکرقیل واقف
ابو الفضله ثنا خوان اولماقیندان شکرقیل واقف
سوزون دوشمزاثردن وارتوجه ذکر قیل (واقف)
بو ذکرو فکردن بیریاخشی نعمت یوخدی دنیاده
مرحوم واقف سرابی
منبع کانال گنجینه گذشتگان
موضوع: حضرت ابوالفضل العباس (ع) زبانحال ,
زبان شعر و شاعر: نوحه ترکی , واقف سرابی
-------------------------------
در زنده نگه داشتن
عزای حضرت امام حسین (علیه السّلام)
بر بزم یوخ عزای شه کربلا کیمی
قدرین عزیز ساخلا گلان کیمیا کیمی
تعظیملن اوتور - بو بساط ایچره شهپرین
فرش ایلیوب ملائکه بر بوریا کیمی
پیغمبر اگلشوب دی دوروب کفشکنده باخ
مجلس تمام اولونجه ولیّ خدا کیمی
آغلار او قانلو گوزلرله شاه کربلا
گوزلر محبّی دوست کیمی آشنا کیمی
شرطی بودور محبّ اولانون قلبی اود دوتوب
چکسون شراره درگه خیرالنساء کیمی
قلبیم قزشدی حلقۀ ماتمده تازه دن
ای شیعه طوق گردن زین العبا کیمی
یا فاطمه جهانی وداع ایلینده سن
واردور یانوندا آغلیانون مرتضی کیمی
چوخ شکری وار ایاقلامیوبلار جنازه وی
تُپراقلار اُسته خسرو گلگون قبا کیمی
«واقف» همیشه یاز بو حسینون مصیبتین
بر بزم یوخ عزای شه کربلا کیمی
مرحوم واقف
موضوع: حضرت امام حسین (ع) ,
زبان شعر و شاعر: نوحه ترکی , واقف سرابی
-------------------------------
زبانحال حضرت زینب (س) در کوفه
من زینبم بو شهریده باشی بلالیم
قارداش مصیبتینده اورکدن یارالیم
بش ایل خانملیق ایلدیقیم شهره گلموشم
ایمدی حسین منی تانومولار هارالیم
قارداش حسین قویوبلا منه خارجیس آدی
اما یقین بلوله پیمبرعیالیم
اولسام خلاص من هارا یوزدوندروم گیدیم
هیچ بلمورم مدینه لیم کربلالیم؟
باشین دانشدورور منی بازار کوفه ده
خلق ازدحام ایدوله که من لاابالیم
ووردوم حسین باشیمی من چوب محمله
بلسونله بیوفا دگلم چوخ وفالیم
یا فاطمه دالیمجا گلرسن سراغیمه
شامین خرابه سینده تاپارسان عزالیم
چوخ گزموشم چوخ اینجمیشم چوخ یورولموشام
بیر مجلس یزید قالوبدور خیالیم
(واقف) حسینه عرض ایله دیوان حشریده
ویرسین جزا بو دفتره من دست خالیم
مرحوم واقف سرابی
منبع کانال گنجینه گذشتگان
موضوع: احوالات کوفه ,
زبان شعر و شاعر: نوحه ترکی , واقف سرابی
-------------------------------
زبانحال حضرت رقیه (س) درخرابه شام
کنج خرابه گتدی منی جانه عمه جان
تنگه گتوردی محنت ویرانه عمه جان
ویرانیه غریب بابام میهمان گلور
دوربیر تدارک ایتگله مهمانه عمه جان
پیک اجل گلوب گیدورم ایت منی حلال
ایله کفن اوزون من نالانه عمه جان
الم بو غربت الکه ده دفن ایت اوزون منی
آغلا دویونجا گل گینه افغانه عمه جان
بو غم کشیدیه کفن ایت قاره معجری
آلما کفن گتورسله بیگانه عمه جان
شمره سوله قولاریمی آچسین خرابه ده
راحت ویروم بو جانیمی جانانه عمه جان
بیرپرشکسته بلبلم افغان اولوب ایشیم
یتموش خزان سمومی گلستانه عمه جان
شهزاده ام النده منی خوارقویمیون
اولسون منه خرابه عزا خانه عمه جان
میدانه عزم ایدنده علی قارداشیم منیم
ایتدی اشاره چکدی منی یانه عمه جان
بیرنامه ویردی فاطمیه گوندرم اونی
بوکموشدوم تارزلف پریشانه عمه جان
قالدیم بو غربت ایچره داخی گورمرم وطن
بو نامه نی یتورسن او نالانه عمه جان
(واقف) بیزیم مصیبته صرف ایتدی عمرینی
محشرده قویمارام دوتوب اود یانه عمه جان
مرحوم واقف سرابی
منبع کانال گنجینه گذشتگان
موضوع: حضرت رقیه (س) زبانحال ,
زبان شعر و شاعر: نوحه ترکی , واقف سرابی
نظرات (۰)
هیچ نظری هنوز ثبت نشده است