متن نوحه ترکی مرحوم هندی (عبدالرحیم شباهنگ)
مجموعه اشعار مذهبی و آیینی و عاشورایی مرحوم عبدالرحیم شباهنگ (هندی) - متن نوحه ترکی مرحوم هندی
-- -- -- -- --
زبانحال حضرت لیلا (سلام الله)
لیلا گورندی اکبری بیر دلدن آغلادی
اکبر آدینی سالمادی بیر دلدن آغلادی
دور خاک ذلّت اوستن ایاقه عزیز اوغول
گیتدون نه تیز بو مرحله دن تند و تیز اوغول
ای باشیمون اوجالیقی دورگور باشیمدا یوخ
بیر سایبان مگر بو کف خاک بیز اوغول
دوشدوم غریبه گونلره آخر گونیمده من
اولدی قدیم خمیده گوزوم اشک ریز اوغول
زلفون تِلینده ایله دوشوب بند پای دل
تاپماز او قیدیدن داخی راه گریز اوغول
هر نیلدی منه منیم اوز بختیم ایلدی
یوخ گردش سپهریله جای ستیز اوغول
بد عهد و بیوفا دولانان روزگاره باخ
منله اسیر دیلمه ویرمّز تمیز اوغول
سن تک انیس قلبیله الفت دوتان آنان
سندن صورا ایدر کیمیله اُفت و خیز اوغول
سن شاهزاده سن دگیلم من سنون آنان
فخریم بودور قاپوندا اولام بیر کنیز اوغول
گَتدون مدینه دن منی تخت روانیلن
دور بو سفر ده ناقه می گور بی جهیز اوغول
گیرم سنه قلج ویرانون رحمی گلمدی
کسدی نه وجهیلن بدنون تیغ تیز اوغول
بو طایفه پیمبره باخموب اوتانمیوب
پیغمبرون شبیهین ایدوب ریز ریز اوغول
غم چکمه من دویونجا سنه آغلینمدیم
هندی همیشه ماتمون ایلر عزیز اوغول
مرحوم هندی
منبع مجموعه کانالهای مدح و مرثیه
موضوع: حضرت لیلا (س) ,
زبان شعر و شاعر: نوحه ترکی , هندی
-------------------------------
زبانحال حضرت لیلا (سلام الله)
دوتوبدی هر طرفی جلوه جمالون علی
بیر آیری حاله سالوبدور منی بو حالون علی
تواضعیله سالوبسان بو گونده یاده منی
قبول منت ایدوب ایلرم قبول سنی
مرخص ایله اوپوم ایگلیوم بو گل بدنی
دماغ جانه یئته نشئه وصالون علی
گورنده زلفوی دوشدوم بیر اوزگه سودایه
اگر بیریدی سنه میلیم اولدی مین پایه
دولاندروب گوزیوی بیر باخ ام لیلایه
آنان دویونجا گوره بلکه خط و خالون علی
بو قامتون دگو، مدّ نگاه لیلادور
بو قلبوون اودی تاثیر آه لیلادور
سرشگ دیده یوزینده گواه لیلادور
که وار بو گونده سنون گون کیمی زوالون علی
هامی بولوردی عزیزیم عزیز مادریدون
قراگونیمده منه آفتاب انوریدون
اوزون بو عارضیله صورت پیمبریدون
دالونجا زلف سیاهین اولوب بلالون علی
شکسته قلبده چون قالدی حسرتیم طویوا
گوگل غبارینی گوزدن مگر آخان سویوا
بویون بلاسین آلیم بیریری باخوم بویوا
گوزومده نقشی قالا صورت منالون علی
نجه که خوشدل اولار عندلیب گلشنیله
منیم ده خوش گونوم اولماز علی مگر سنیله
دلون فداسی اولوم نطقه گله دانیش منیله
نچون که قوت دلدور منه مقالون علی
یوزوندن آیری دوشم بیر ده بو یوزوم گولمز
تعجبم سن اُولنده آنان ندن اُولمز
آنا تک هیچ کیم آنالیق محبتین بولمز
آنایه مشکل اولار اُولماقی عیالون علی
منیم بو حالیم اوزی آندیرور که دوزدی سوزوم
جوان اوغول اُوله آلماز اوغول آنا ده دوزوم
ایکی گوزوم ایشیقی واردی بیرجه سنده گوزوم
ولی نه فایده یوخ قالماقا مجالون علی
بو غربت اوزگه ده چون سندن اوزگه یاریم یوخ
یقینا آیریلیقا طاقت و قراریم یوخ
بوقدر بول سنون حقونده اختیاریم یوخ
عنان صبریمی الدن آلوب کمالون علی
بو آق کفن بو قرا زلف بو قد موزون
بو آهوانه نگاهون بو حسن روز افزون
هوانون ایستیسی رخسارون ایلیوب گلگون
نه خوش دوشوب او کفنله بو رنگ آلون علی
اوغول آنان غم الینده نه بیر فراغتی وار
نه غصه چکماقا مِن بعد صبر و طاقتی وار
سن اوز غمون دیمه معلومدور نه حاجتی وار
عیاندور اوز ایاقیمدان سنونده حالون علی
مرحوم هندی
منبع مجموعه کانالهای مدح و مرثیه
موضوع: حضرت لیلا (س) ,
زبان شعر و شاعر: نوحه ترکی , هندی
-------------------------------
زبانحال به حضرت علی اکبر (ع)
گوزون آچ یاتما اویان ، دور علی قربانون اولوم
دور اوتور آز منی یاندور علی قربانون اولوم
منه بو دهریده هر فضل و کرامت سنیدون
عافیت بستری ، بالینِ سلامت سنیدون
حُسنِ پیغمبره هر یرده علامت سنیدون
سنده بس بو نه نشاندور؟ علی قربانون اولوم
سن کیمی گوگلوم اِوین کیم بزر آرایش ایدر
منیله خوش دانیشوب حالیمه بخشایش ایدر
سنون عهدون کیمی هاردان آنان آسایش ایدر
چرخِ دون چوخ دولاناندور علی قربانون اولوم
سن منم خلق آرا سرمایهء تمجیدیمدون
بَختِ فیروزیمدون ، دولتِ جاویدیمدون
هر نجه مشکلیم اولسیدی سن امّیدیمدون
ای امیدیم دور اماندور علی قربانون اولوم
بوندان ازّل ایشیدیردیم غمِ هجران آدینی
بیله بولمزدیم اوغول بو آجی زهرون دادینی
گوزون آچ گوز تانور آخر رُفَقادن یادینی
باخ بو بیچاره آناندور علی قربانون اولوم
یاتما توپراقلارا باتما دور اوتور اَگلن اوغول
بیر نچه کلمه منیم خاطریمه دللن اوغول
آنالیق حقّین اونوتما دئ دانیش منلَن اوغول
بیر سوزون قیمتی جاندور علی قربانون اولوم
آچ گوزون ای گوزیمون نور و ضیاسی گوزون آچ
منه گلسون او گوزون درد و بلاسی گوزون آچ
اوجالا قویما آنان ناله صداسی گوزون آچ
قلبیم آخر نگراندور علی قربانون اولوم
اوجادان آغلامارام اشکیمه عالم بویانا
قورخورام یاتمیش اولا طایرِ روحون اویانا
گَله لعنت منی اوز اوغلوما حسرت قویانا
نوجوان داغی یاماندور علی قربانون اولوم
بیر دقیقه نه قویولّار علی تأخیر ائلیوم
نه عبارت تاپیلور دردیمی تقریر ائلیوم
نه گلور فکریمه بیر چاره نه تدبیر ائلیوم
باغریم آخر دولی قاندور علی قربانون اولوم
بلبلم گُل سوزینی قویسالا مین ایل دیرم
بال و پَردن توکولن گوگلومه بِسمل دیرم
نقدر عجز ایدرم ، دیندیررم ، دل دیرم
دیمیسن بو نه فغاندور علی قربانون اولوم
من دوتاخ جبرا" اوغول شامه گیدوب یتمه لیم
نظرِ مرحمتوندن نیه ترک ایتمه لیم؟
اذن ویر بیر دولانیم باشوه من گیتمه لیم
آز منی ساخلا یوباندور علی قربانون اولوم
چون دیمز عاشق اولان کیمسیه دردِ دلینی
زنگِ غم ، صحبتِ جانانیله دلدن سیلینی
آنالاردا اوغول اولادینه باغلار بیلینی
اوزووه بو سوز عیاندور علی قربانون اولوم
عشق تا گلمیه انسانون اوغول اوز باشینا
آخماز عاشق کیمی گوز یاشی اونون اوز باشینا
اَزبریمدور دیرم آدیوی هر سوز باشینا
گُور آنان درسی رواندور؟ علی قربانون اولوم
یاریلوب باشون آخوب قان سرِ زلفون بولاشوب
آق یوزون ، قاره تلون ، قرمزی قان خوش یاراشوب
گوزیاشیم سیل کیمی بسکه آخوب باشدان آشوب
کیم دیر سیله دایان دور علی قربانون اولوم
من سنون خاطریوه گوگلیمی آباد ایدرم
هاردا بیر تازه جوان اولسا سنی یاد ایدرم
یازسا نوحه سنه《هندی》اونا امداد ایدرم
چون اونا وردِ زباندور علی قربانون اولوم.
مرحوم هندی
منبع مجموعه کانالهای مدح و مرثیه
موضوع: حضرت علی اکبر (ع) زبانحال ,
زبان شعر و شاعر: نوحه ترکی , هندی
-------------------------------
زبانحال حضرت ابوالفضل (علیه السلام)
هر ایکی قولّاریمی بو مشکه ایتمیشدیم سپر
اوه گوزیمدن قولّاریمدان ایلدیم صرف نظر
مشکی دلدی، سو توکولدی، سعییم اولدی بی ثمر
سو یرینه مشکیمه قان دولدی باشا باش حسین
گرچه یارم چوخدی، سانما من او چوخدان آغلارام
اوخ دلن مشکیمده سو یوخدور او یوخدان آغلارام
جان یاخان قان قان دین پرّآن بیر اوخدان آغلارام
سانجلِیدی قلبیمه بو اوخ منیم ایکاش حسین
سن اوزون یاخشی بولورسن ای شه گردون حشم
اولماسا قول پرچم آچماز اهتزاز ایتمز علم
سرنگون اولدی علم چون قولّاریم اولدی قلم
بیرقیم گوزگوز اولوب گوزدن توکر قانیاش حسین
قولّاریم دوشدی بدندن شهپر عنقا کیمی
هر بیری بیر چشمه سار اولدی جوشان دریا کیمی
بسکه قان آخدی بو چولده مشهر مینا کیمی
گون قباقینده یانان داشلاردا اولدی یاش حسین
گل گلنده دقّتیله باخ سران لشکره
باشیم اطرافینده واردور گور نه خوش بیر منظره
یوز قویوب اون یتدی خنجر بیر یارالی حنجره
منکه باشدان گیچمیشم لازم دگل پرخاش حسین
گل یول آختارسان یول اوستونده دوشن قول گوسترور
مشعل آهیم عزیز مهمانینه یول گوسترور
عاقبت حسّ اخوّت یول امین اول گوسترور
همره اهل کرمدور دست گوهرپاش حسین
ناتوانم صون نفسده ظلّ رافت ایسترم
ذرّه ی بی قدرم امّا قرب عزّت ایسترم
لطف صحبت گرمی بزم محبّت ایسترم
فیض آلور خورشید عالم تابیدن خشخاش حسین
منکه قوملار اوسته یالقوز دوشموشم چوخ بیکسم
بیمناک اولمام ولو امّیدیمی جاندان کسم
تک سنون انجام کاروندن اخا دل واپسم
قورخورام محشر قوپا، نابود اولا داغ داش حسین
من (شباهنگم) اگر ظاهرده گل تک سولموشام
باطناً حبّ حسینیله لبالب دولموشام
افتخاریم وار سعادت یار اولوبدور اولموشام
پاسگاه عشقیده سرباز حاضرباش حسین
مرحوم هندی
موضوع: حضرت ابوالفضل العباس (ع) زبانحال ,
زبان شعر و شاعر: نوحه ترکی , هندی
-------------------------------
کوچ از قتلگاه
قالمیشام چوللرده یوخ بیری یار غم گستر منه
هراداسان قارداش حسین سن اوز یرون گوستر منه
عشق سرگردانیم آواره لر آواره سی
من کیمی بیچاره نون بیچاره لقدور چاره سی
قابل مرهم دگول صد پاره قلبیم یاره سی
بو یارا جان یولداشیم دور تا دم محشر منه
بو امیدیله گلیردیم خاکپایون بوس ایدم
باغ وصلون صحنه سینده جلوه طاوس ایدم
گلمدیم چوللرده سرگردان قالوب افسوس ایدم
درد حسرتدور اولان هر درد دن بدتر منه
بو بیابانین نه مشگین بودی محزون توپراقی
یوخساقانونلا اولوب آغشته دلخون توپراقی
بیر منقش بستر راحتدی گلگون توپراقی
قرمزی مخمل سنه بستردی خاکستر منه
بس که توپراقلار بویاندی قان توکن گوز یاشیمه
قالمادی بیر کف قوری توپراق سپم تا باشیمه
بیر یانیق قلبله ایله آغلارام قارداشیمه
حسرت ایلر داغ دلده لاله احمر منه
خیمه ده بیر ساعت اوّل انس و الفت واریدی
حُسن خدمت منده، سنده لطف صحبت واریدی
من دیمم بیر رشته عشق اخوت واریدی
سن دگولدون سویلین هر بیر زمان خواهر منه
بلکه زینبدن مبارک خاصرون رنجیده دور
هیچ دیمزسن بو منیم باجیمدی نور دیده دور
بیر سارالمیش گلُ کیمی اوراق اولوب پاشیده دور
یادگار حضرت زهرادی بو مضطر منه
آغلادیم یاندیقجا قلبیم دوتدی قان یاش عالمی
یاندیرار سو اولماسا نار شررپاش عالمی
آیری عالمدور دیللر باجی قارداش عالمی
هاردا قالدی پس او عالم سویله ای سرور منه
رشته مژگانه مروارید اشگی دوزموشم
قورتولوشدان دانه تسبیح تک ال اوزموشم
هر بلایه گرچه من سس سیز صداسیز دوزموشم
وصفه گلمز عرض ایدم زخم زبان نیلر منه
ای جمالی کعبه ای سر منزل امن و پناه
شکوه ایتمم زائر مشتاقه خوشدور رنج راه
قوی سنون عشقونده اولسون آشیانم سیلگاه
خار و خاشاک بیابان بالش و بستر منه
خار صحرای بلا جاندان گیچن بیر تیردور
با گذشت و دلنشین و گرم و دامنگیردور
من بو خاره آشنایی هدیه تقدیردور
دسته گُلدور گوندروب بخت همایونفر منه
تیر غم تجدید ایدکن سطح قلبیم دَلمه سین
منده تکرار ایلرم صحیتلرون هر کلمه سین
یاده سالّام روحمه خوش سوزلرون خوش گلمه سین
یاد وصلوندور ویرن نیروی جان پرور منه
سالکم سیریمده هر بیر شدته صبر ایلرم
شیوه رفتاریمی چون سایه ابر ایلرم
طاقت نیش جفا و سوزش جبر ایلرم
درس تسلیم و رضا اولموش عجب از برمنه
قول قانادسیز قوش کیمی گلشنده خرگه ویرمارام
باش او خرگاه فرح انگیز گه گه ویرمارام
شاخ امّید اوسته خوش لحنیله چه چه ویرمارام
دردمندم خوش گلور الحان حزن آور منه
خیمه گاهون اود دوتوب اود وُوردی استقبالیمه
هر شراره قوپدی دوندی دوشدی پرّ و بالیمه
بال و پریاندوقجا قوی یانسون خوشا احوالیمه
زینبم پروانه عشقم نه لازم پر منه
من او شمعم یانسا نابود اولسا شیون ایلمز
غرق اشگ گرم اولور اندیشه ی تن ایلمز
یانماسا باشدان اوزی اطرافی روشن ایلمز
تاج زرّین دور باشیمدا شعله ی آذر منه
اشگ چشم ناز پرور شوق دامان عفاف
متّصل قلبیم ایوینده آچسا زخم جان شکاف
بی گمان بونلار بلامشتاقینه ویرمز کفاف
ایسترم یوز دوندره دنیا غمی یکسر منه
سسلدیم سس ویرمدون اولدوم عجب خوار آغلارام
سیندی قلبیم چون سنار شاخ گرانبار آغلارام
آغلاماقدان راحت ایلر هر گرفتار آغلارام
مایه صبر و تسلّی دور بو اشگ تر منه
منده دیل یوخدور دیم شیرین دیلیم منلن دانیش
سن اوزون آخر دیلون قربانی بیر دیللن دانیش
من دیدیم اوز دردیمی نوبت سنوندور سن دانیش
وعده صحبت ورور بو عشق خوش باور منه
یوخسا قارداشیم خدایا غشّ ایدوب مدهوش اولوب
خلوت وحدتده اوز عشقیله هم آغوش اولوب
شمع بزم هستی زینب مگر خاموش اولوب
تیره و تار اولدی روز روشن و انور منه
تز مرّخص ایت منی قویما برادر گج قالام
بلکه تز شام غریبان ایشلرین نظمه سالام
چوخ امیدیم وار گلنده بو گیجه زهرا آنام
خاطره سالسون گتورسون بیر قرا معجر منه
بیر طرفدن باغریمی قان ایلیوبدور فرقتون
بیر طرفدن چاره سیزلیقدان سزیلدار عترتون
بیرطرفدن ساربان گلمیش دیور یوخ مهلتون
تازیانه بس دگیلمیش گوسترور خنجر منه
کربلانی ترک ایدوب من شامه هرگز گیتمرم
هرنه ممکن اولسا آختارام سنی تز گیتمرم
گیتمرم قارداش حسین گیتسمده سن سیز گیتمرم
یا اوزون گَل یا باشون گوندر اولا رهبر منه
گرچه تنها سرپرستم بیر بولوک مظلومه من
اوز دیلیله سوز دیم لازمدی هر معصومه من
حق بودور هر ایشده مدیونم باجیم کلثومه من
هم اوزی غدیده دور هم یار غم گستر منه
واریری گر عرض ایدم نائل مرام ایت زینبی
آستان قدسدهصاحب مقام ایت زینبی
اوز یانوندا ساخلا همراز مدام ایت زینبی
قولّارون بالینیم اولسون، مقتلون مقبر منه
ای عزیز فاطمه ای زینب والا مقام
ای سلیل مرتضی نوّاده ی خیر الانعام
چوخ مباهاتیله (هندی) آرزو ایلر مدام
بندگان بندگانون سویله سون نوکر منه
مرحوم هندی
منبع مجموعه کانالهای مدح و مرثیه
موضوع: کوچ از قتلگاه ,
زبان شعر و شاعر: نوحه ترکی , هندی
-------------------------------
ورود به کربلا
باجی بوردا جلوه ایلر حسن یار
ورا بو یرده وعده وصل نگار
بو زمین کربلادور جای عشق
وار بو یرده هر نه وار غوغای عشق
هر کسون باشین دا وار سودای عشق
باش ویروب سوداسین ایلر آشکار
وقت اولوب ظاهر اولا عهد الست
ایستدیم ویرسون فنا بو جانه هست
ساخلاماز جان هر کس اولسا حق پرست
من کیمی جان ویرماق ایلر اختیار
بیزلره همدم اولوب جانانه لر
آیریلور عشاقیدن بیگانه لر
شمع سیز حیران گزر پروانه لر
یاری یاریندن فلک ایلر کنار
چون وورار باجی بلا دریاسی موج
دشمن آرتار دسته دسته فوج فوج
صیر ایله فریادیوه چوخ ویرمه اوج
چون اولار بیتابلوق عشّاقه عار
بوردا لیلا باده محنت ایچر
جانیدن مرجان تک اوغلوندان گیچر
اوز الیله اکبره خلعت بیچر
گوندرر جانانه اولسون جان نثار
هر بلا گلسه واریمدی حوصله
اصغرین قنداقینی آلّام اَله
اوخلیوب مقصوده یتسون حرمله
قوی اودا بو یرده ایتسون بیر شکار
آتش ظلمه وورار دشمن اَتَک
اُلدورللر قاسمی میداندا تک
قان بزر جسمین حنا خونچاسی تک
چون حنا تاپماز الینه قان یاخار
بوردا عباسین یوزی گل تک سولار
باشی اوسته باجیسی زلفین یولار
سویرینه مشکینه القان دولار
او سکینمدن اولار چوخ شرمسار
باش آچار سینمده یاره گل کیمی
اوخ اوخا پیوند اولی سنبل کیمی
سنده باجی شئره گَل بلبل کیمی
صد هزاران ناله ایله چون هزار
اهل کینه ظلمدن دویماز باجی
بیر جفا یرده قالا قویماز باجی
رختیمی دشمن دیمه سویماز باجی
هم سویار هم نعشیم اوسته آت چاپار
وورماسون بوردا قدم اهل مجاز
من گرک بوردا قورام بیر بزم راز
باشیم ایتسون نیزه باشین سرفراز
شامه دین بیرباش آپارسون نیزه دار
واردی عشقیله منیم باشیمده شور
باش وورور بو دشتدن آیات نور
گاه نیزه گه کلیسا گه تنور
هر بلا باشدان منیم باشیمده وار
گاه مطبخده کول اوستونده یاتار
ماسواللّهی بوتون گوزدن آتار
گه بو لعل لب قیزیل قانه باتار
خیزران اوپدوقجا ایلر زخمدار
چکدی (هندی) دلدن آه آتشین
هر نه یازدی دلدن اولدی دلنشین
ایلیوبدور آغلاماخ از بس ایشین
آب چشم اشعارین ایتمیش آبدار
مرحوم هندی
منبع مجموعه کانالهای مدح و مرثیه
موضوع: احوالات ورود به کربلا ,
زبان شعر و شاعر: نوحه ترکی , هندی
-------------------------------
در احوالات حضرت ابوالفضل (علیه السلام)
گورنده حضرت عباس قتل فرمانین
که قارداشی اونا عنوان یازوب شهاتدن
ایکی الیله او فرمانی آلدی قول چکدی
ایکی اوزون قولی، عدلین اولوب شهادتدن
گوتوردی مشگینی میدانه گیتدی اولدی شهید
شجاعتیله ایدوب استفاده فرصتدن
علم یخیلدی، دولوب سو یرینه مشگنه قان
قاریشدی قانیله سو، سو تک آخدی غیرتدن
قلم قولی قلم اولدی، مرکب اوز قانی
یر اوزره بیر نچه کلمه یازوب وصیتدن
منی آپارما برادر اماندی خیمه لره
خجالتم سو خصوصنده آل و عترتدن
چوخ احتمالی وار، اولسون گوتورماقون مشکل
که بند بند منی دوغریوبله ضربتدن
مرحوم استاد حاج عبدالرحیم شباهنگ (هندی)
منبع مجموعه کانالهای مدح و مرثیه
موضوع: حضرت ابوالفضل العباس (ع) احوالات ,
زبان شعر و شاعر: نوحه ترکی , هندی
-------------------------------
زبانحال حضرت رقیه (سلام الله)
گوگل اوین الیوبدی سپاه غم تسخیر
من فلک زدیه عمه جان ندور تدبیر
گلوبدی شانیمیزه عمه آیه تطهیر
سبب ندور بیزی هر کیم گوروب ایدور تکفیر
دوشوبدی دام بلا ایچره آهوان حرم
سالوبدی دامه بو صیّاد چرخ عجب نخجیر
عیال پاک پیمبر ز بس قالوبدی آج
دویوبدی جانیدن عورت اوشاق صغیر و کبیر
تمامه یتمدی محنت یتیشدی آخر عمر
صغیر کن منی پیر ایتدی دور عالم پیر
فراق الینده گلوب تنگه قان اولوب گوگلوم
ایشیمدی آه سحرگاه و ناله شبگیر
دیار کرب و بلا ایچره باغلیوب صورت
گوزومده نیزه و تیغ و سنان و خنجر و تیر
ساراتدی رنگیمی چون زر بو کیمیای بلا
یتیملیقیدا عجب واردی قوه اکسیر
منم اسیر بلا، یار و هم جلیس بلا
اولوبدی آب بلائیله توپراقیم تخمیر
بیر آهیلن ایدرم عمه عالمی ویران
ز بسکه آتش آهیم اولوبدی عالمگیر
ایشیتسه ناله می هر کیم کدر دوتار قلبین
یتیم ناله سیدور داغ داشا ایدر تاثیر
بودور خیالیم اُلم قورتولام مصیبتدن
موافقت ایده تدبیریلن اگر تقدیر
سرشک دیده مرکبّدی کیپریگیمدی قلم
یوزوم صحیفه سینه درد دل اولور تحریر
باخوب یوزیمه داخی حالیمی خبر آلما
که آب و رنگیم ایدر درد و غصّه می تفسیر
بو منزلیم بو یریم بو غمیم بو قاره گونوم
تعجبم نیه جان چیخماز ایلیوب تاخیر
یتیم اوشاق، قوری یر، قولدا ایپ، ضعیف بدن
عمو آتا آناسیز آج سوسوز بو نوع اسیر
قرانلیق ایوده نه بیر شمع وار نه آب و طعام
نه سقف و بام باش اوسته نه یرده فرش و حصیر
خرابه ایله خرابه که سخت زندان تک
که هر یانا باخورام ایپدی کونده دی زنجیر
بو گئجه عالم رویا ده گورموشم بابامی
باشیما هر نه گلوب ایتموشم اونا تقریر
آلوب قوجاقه یوزومدن گوزومدن اُوپدی منیم
اوز اُلماقیما او رویانی ایتموشم تعبیر
جنازه می گر اُلم قویما عمه خوار اولسون
باش آچوب آغلاماقوندان سن ایلمه تقصیر
منیم عزامی توکوب گوزیاشی عزیز ایله
اگر حنوط و کفن یوخدی اولما چوخ دلگیر
سرشگ چشمیله یاز هندیا رقیه غمین
بیر آغلاماقینه باالله گیچیلله مین تقصیر
مرحوم هندی
منبع مجموعه کانالهای مدح و مرثیه
موضوع: حضرت رقیه (س) زبانحال ,
زبان شعر و شاعر: نوحه ترکی , هندی
-------------------------------
زبانحال حضرت لیلا (سلام الله)
ای جوان اوغول سنیدون مونس شفیق لیلا
دورما گیت ملالون اولسون قبره دین رفیق لیلا
حلقه حلقه زلفون ایتدی من غریبی حلقه بر گوش
نظمیله گوز اوسته مژگان صف چکوبدی دوش بر دوش
گیزلنوبدی آب حیوان لبلرونده ای لب نوش
چشمه حیاته دوشسون قوی علی طریق لیلا
شش جهتدی عشقِ حُسنون باشه بیله شور سالدی
عشق ششدرینده لیلا شاهزاده مات قالدی
قلعه ی دل حزینی لشکر محبّت آلدی
کارگر اولانمادی بو فکرت عمیق لیلا
حسّدن دوشوب قُوالر شور عشقیدن وجودیم
بی وجود اولوبدی لیلا قالمیوب مگر نمودیم
باطنا یانار وجودیم مجمری و لیک دودیم
آتش محبّتونده وار عجب حریق لیلا
نوردیده گیتمه گوزدن گیتمه سون بو دیده نوری
ای سرور قلب واردور سنله قلبیمون سروری
بولمورم نیدیم من آخرچوخدی حسرتون وفوری
ساکت اولدی دوشدی دلدن بو دل شفیق لیلا
جان قویوب سنون یولوندا شوق اوزیله جان و دلدن
جان کیمی بو سرو قدّون سینم اوسته بَسلدیم من
بیله وقتیده آناوی ترک ایدوب نَدَن گیدورسن
قانه دوندی باغریم آخر گیتمه ای رفیق لیلا
ای عزیز اوغول فدا بو حالیوه ذلیل جانیم
بو نه شوردور باشوندا باشیوه سنون دولانیم
باخ یوزومه گور بولورسن نه زماندی بو زمانیم
بو سبب آخار گوزوندن اشک چون عقیق لیلا
سر حد کماله یتدون گیچدی حدّدن کمالون
یاخشی وقتیده یتیشدی دادیمه اوغول وصالون
مرحبا وفاده اولسون اَمدیقون سودون حلالون
حقّیمی حلالون ایدیم صدقیله صدیق لیلا
یا اوتور یانیمدا مندن رَم یِمه ای آهوی رام
یا یری باخوم بویوا بلکه قلبیم اولسون آرام
حیف اولا سنون طویوا قالدیم حسرت ای دل آرام
دولدی درد حسرتیله سینه شهیق لیلا
دردیمی ایدوم سنه من هانسی دللریله ظاهر
یاندورور اوغول اُلومی اولسادل نقدر صابر
یاتمیوب گوزوم گیجه لر چکمیشم جفاوی آخر
سن کیمی یقینا اولماز بیر نفر عتیق لیلا
تیز اثر ایدر اوغول چون اوغلونا آنا دعاسی
ایلرم دعا که گلسون جانیمه بُویون بلاسی
سالموسان بویون فداسی بوینوا اُلوم لباسی
مرگیوه سنون دوزنمز بو دل رقیق لیلا
هندی قیل تمام آغلا اکبره صباح و شامی
حق اجابته یتورسون دلده کی اولان مرامی
لیلی نون دلینجه بیرده سویله مطلع کلامی
ای جوان اوغول سنیدون مونس و شفیق لیلا
مرحوم هندی
منبع مجموعه کانالهای مدح و مرثیه
موضوع: حضرت لیلا (س) ,
زبان شعر و شاعر: نوحه ترکی , هندی
-------------------------------
احوالات کوفه
قران اوخین باش یارالی باشوا قربان
باش باشه چاتان اوغلووا قارداشوا قربان
گل گوزلریوون قاننی اشگیم له سیلیم من
آیات اوخین دیللره قربان کسیلیم من
حاشا بو منور باشی تشبیه ایدم آیه
آی نیزه ده قران اوخوماز آیه به آیه
آیات مبین دور بو باش آیات خدایه
باشدان ایاقا عشقله پرشوردی بوباش
پیغمبرون آنّندان اولان نوردی بوباش
وار بو یارالی باشون عجب حُسن لقاسی
خون گرم دوداقلاردا حزین طرز اداسی
حق کامه سی کهف آیه سی جان بخش صداسی
ای وای بوباش قارداشیمون باشینه بنزر
بیر صورت زیبادی که نقاشینه بنزر
بو جاذبه لی سسده بویوک بیر هیجان وار
دنیا دولوسی جان یارادان جوهر جان وار
زینب کیمی قلبونده مگر سوز نهان وار
اود دوتدوم آلیشدیم بو یانقلی نفسوندن
جان یولدی گیچن گونلریمون نقشی سسوندن
عطشان کسیلن باش لب شادابی نشان ویر
لعل لب آرا لؤلؤ نایابی نشان ویر
کهف آیه سی تک آیت اعجابی نشان ویر
دور کرب و بلا سمتینه اعجازیوی گوستر
کهفنده یاتان پیکر جانبازیوی گوستر
ای باشی سرافراز ایلین نوک جدانی
دلکش سسیله لرزیه سال موج فضانی
تیترت یری افلاکی بوتون کون و مکانی
قوی دولدورا آفاقی کمال کلماتون
عالم گوره یکساندی حیاتونله مماتون
قران اوخی قران اوخوماق ذکر جلیدور
گورسونله بو باش صاحبی نور ازلیدور
دردانه ی زهرادی حسین ابن علیدور
تحصیلینی تکمیل ایلیوب دوش نبی ده
تفسیر یازار نیزه ده قران مجیده
حسرت چکرم نیزه نون احوالینه قارداش
اوپدی بوغازوندان یتوب آمالینه قارداش
افسوس باجون زینبون احوالینه قارداش
دشمنلر الینده گزر الدن اله باشون
گویمازلا منیم یانیمه بیردم گله باشون
قان قطه سی مرجان کیمی مژگانه دوزولموش
جان رشته سینه گوهر شادانه دوزولموش
افروخته مشعلدی نیستانه دوزولموش
دلخون جگریم پارچالانوب پاره سی دور بو
بیر داغ درونون باش آچان یاره سی دور بو
اوّل باشینی باشدان ایدر شمع شبستان
روشن اولور اوندان صورا خلوتگه جانان
سن عشقده سرخیل وفاسن، سنه قربان
باش سهلدی سن حق یولونا واریوی وردون
دوتدون قولونی قولسوز علمداریوی وردون
بیر باش که ایدر ناز اونون جلوه سی نوره
بیر باش که باشین قویمازیدی سینه حوره
خولی نه جثارتله اونی قویدی تنوره
سن ایگل رعنا نیه توپراقه باتوبسان
یوخسا گیجه کول اوسته تنو ایچره یاتوبسان
بولدوم بو اوزاق یولاری قارداش نیه گلدون
باش چکماقا با سیزلارا بو کوفیه گلدون
لیلانون اوغول وای سسنه وای دیه گلدون
خوش گلدون عجب وقتده سالدون بیزی یاده
گل قویما گیداخ بزمگه اِبن زیاده
ای پادشهیم قبله گهیم بنده نوازیم
زنجیر ستم گردن بیماره نه لازم
آرتار اونا باخدوقجا منیم سوز و گدازیم
وار گور یری باشین آچا زلفون یولا زینب
قانه بویانان باشوا قربان اولا زینب
بیر عائله نون مسکن آبادی یخیلدی
تاراجه گیدن لانه ی یبربادی یخیلدی
طوفان بلاخیزیله بنیادی یخیلدی
حسرت کشم آخرنه اولور یانیمه گلسن
ای روح و روان، روح گلور جانیمه گلسن
افسوس گل نازیمی دست ستم آلدی
بلبل باش آلوب گیتدی گلستانی غم آلدی
بیر قاره بولود چیخدی بیابانی چم آلدی
گل گیتدی خزان گلدی چمن ایللره قالدی
گرمیّتِ جمعیّتیمیز محشره قالدی
گوردوم یارالی باشوی باش محمله چالدیم
بنزتدیم او باشه باشیمی کام دل آلدی
سن سیز آنام اوغلی نه یامان گونلره قالدیم
صد شکر باشون سایه سی دوشدی باشیم اوسته
آرتیخ منی وورمازلا آخان گوز یاشیم اوسته
هر یانه گیدم منله گلیر جور زمانه
خوش مونس دلسوزدی وار منّتی جانه
کیم گوردی یاناندا گَلَه پروانه فغانه
عشقونله سنون گوگلومی قارداش غمه ویرمم
عشق عالمنون عالمینی عالمه ویرمم
کیم کعبه مقصودی گوروبدور چخا سیره
سیرینده بوتون خیر ویره یاریله غیره
بو سیر برادر چکر آخر سنی دیره
گوزلر یولووی ایمدی در دیرده عیسی
یوز قبلیه سجّاده آچوب راهب ترسا
ای پایه ارشادی سماواته چخان باش
گلدسته ی یعرش اوسته مناجاته چیخان باش
یالقوز باشنا گردش شاماته چخان باش
شامون یولی چوخ قورخولیدی تک باشا گیتمه
گیتمه بو باشین زحمتی باشدان آشا،گیتمه
دائم باشون آردینجا گلور محنت ایام
گورسون بو باشون امری تاپار هاردا سرانجام
من تک سورونور یرده باشون سایه سی تا شام
ذرات گزر سیرده خورشید دالنجا
منده گزرم سایه ی امّید دالنجا
حسرتله اولور ساکن ویرانه رقیه
ویرانه نی ایلر بیزه غمخانه رقیه
طوفان مصیبتده دویار جانه رقیه
شام ایچره غریبانه قالیر مهد مزاری
دائم او مزار اوسته گزر ناله زاری
(هندی) ندی بو سنده اولان حرص اضافی
ترک ایله سخنگولره میدان مصافی
هر فرده بو بازاریده کافیدی کلافی
شاه شهدا چون آچار ابواب جنانی
البته سالور یاده بوتون نوحه یازانی
مرحوم هندی
منبع مجموعه کانالهای مدح و مرثیه
موضوع: احوالات کوفه ,
زبان شعر و شاعر: نوحه ترکی , هندی
-------------------------------
استمداد حضرت ابوالفضل (علیه السلام)
بیر یره دوشموش ایکی قول بیر یاریلمیش باش حسین
چوخ چکلّه انتظارون دورما گل قارداش حسین
آخرین دیداری چوخ گوزلر بو قولسوز باش حسین
گل جمالون گورمسم جان ویرمرم قارداش حسین
رشده یتدیم آستانونده چوخ اولدی زحمتیم
سایه ی لطفونده مشهور اولدی نام و شهرتیم
قابل بذل توجّه اولسا بو گون خدمتیم
تاج عزّت قویدوقون بیر باشه گل چک باش حسین
پرورش ویردون منه تعلیم اخلاق ایلدون
نقص خدمت گوردون امّا عفو و ارفاق ایلدون
کربلا حقّینده مندن اخذ میثاق ایلدون
شکر للَّه باشیم اولدی باشیوه شاباش حسین
حقّ تعلیمون بیوکدور من ثنادن عاجزم
شاکرم دلدن، ولی ذکر ادادن عاجزم
باش سینوب قولّار دوشوبدور دست و پادن عاجزم
سن اوزون لطفیله گل بالینیمه قارداش حسین
مدّت عمرونده بی مهر اولمادون بیر آن منه
هر نفسده ایلدون مین نوعیله احسان منه
ای کلام ا... ناطق گل اوخی قرآن منه
خجلت دیرینیمه نطقون اولا پاداش حسین
حسن طالعدن قازاندیم چون شهادت قرعه سین
شوقیله جنگ ایلدیم آلدیم فراتیه شرعه سین
لبلرون یادیله امّا ایچمدیم بیر جرعه سین
سیریده همرنگ اولور چون یاریله یولداش حسین
وارد اولجاق نهره طرد ایتدیم گروه ناکسی
دولماسون مشکه کنار ایتدیم سودان خار و خسی
بیر اوزون طومار غم آچدی سویون دلکش سسی
وای اگر بیر گون او احساساتیم اولسا فاش حسین
مشکی حفظ ایتماق امیدی ویردی قوّت هوشیمه
دولدوروب محکم ایدوب آهسته سالدیم دوشیمه
گه اُپردیم گه چکردیم جان کیمی آغوشیمه
قهر اولا اوخ نقشینی ترسیم ایدن نقّاش حسین
هر ایکی قولّاریمی بو مشکه ایتمیشدیم سپر
اوه گوزیمدن قولّاریمدان ایلدی صرف نظر
مشکی دلدی، سو توکولدی، سعییم اولدی بی ثمر
سو یرینه مشکیمه قان دولدی باشا باش حسین
گرچه یارم چوخدی، سانما من او چوخدان آغلارام
اوخ دلن مشکیمده سو یوخدور او یوخدان آغلارام
جان یاخان قان قان دین پرّآن بیر اوخدان آغلارام
سانجلِیدی قلبیمه بو اوخ منیم ایکاش حسین
سن اوزون یاخشی بولورسن ای شه گردون حشم
اولماسا قول پرچم آچماز اهتزاز ایتمز علم
سرنگون اولدی علم چون قولّاریم اولدی قلم
بیرقیم گوزگوز اولوب گوزدن توکر قانیاش حسین
قولّاریم دوشدی بدندن شهپر عنقا کیمی
هر بیری بیر چشمه سار اولدی جوشان دریا کیمی
بسکه قان آخدی بو چولده مشهر مینا کیمی
گون قباقینده یانان داشلاردا اولدی یاش حسین
گل گلنده دقّتیله باخ سران لشکره
باشیم اطرافینده واردور گور نه خوش بیر منظره
یوز قویوب اون یتدی خنجر بیر یارالی حنجره
منکه باشدان گیچمیشم لازم دگل پرخاش حسین
گل یول آختارسان یول اوستونده دوشن قول گوسترور
مشعل آهیم عزیز مهمانینه یول گوسترور
عاقبت حسّ اخوّت یول امین اول گوسترور
همره اهل کرمدور دست گوهرپاش حسین
ناتوانم صون نفسده ظلّ رافت ایسترم
ذرّه ی بی قدرم امّا قرب عزّت ایسترم
لطف صحبت گرمی بزم محبّت ایسترم
فیض آلور خورشید عالم تابیدن خشخاش حسین
منکه قوملار اوسته یالقوز دوشموشم چوخ بیکسم
بیمناک اولمام ولو امّیدیمی جاندان کسم
تک سنون انجام کاروندن اخا دل واپسم
قورخورام محشر قوپا، نابود اولا داغ داش حسین
من شباهنگم اگر ظاهرده گل تک سولموشام
باطناً حبّ حسینیله لبالب دولموشام
افتخاریم وار سعادت یار اولوبدور اولموشام
پاسگاه عشقیده سرباز حاضرباش حسین
مرحوم هندی
منبع مجموعه کانالهای مدح و مرثیه
موضوع: حضرت ابوالفضل العباس (ع) زبانحال ,
زبان شعر و شاعر: نوحه ترکی , هندی
-------------------------------
ورود به کربلا
بو دیار کربلادور کعبه ایمان باجی
من گرک بوردا کسم یتمیش ایکی قربان باجی
کربلادور بوردا باجی جلوه‌ی دلدار وار
جستجو وار جذبه وار شوق جمال یار وار
بزم خلوت انس و الفت لذّت دیدار وار
هم بهشت آرزو هم رحمت رحمان باجی
من بو صحراده مکرّر عکس منظر چکمیشم
عکس منظر نامنه تصویر دلبر چکمیشم
آرزوی وصلنی حسرتله ایللر چکمیشم
تاپمیشام جانانیمی آیریلمارام بیر آن باجی
هر بلا بو یرده گلسه باشیمه تاب ایلرم
عاشقانه ترک اهل و قوم و اصحاب ایلرم
بسکه بو دشتی قیزیل قانیله سیراب ایلرم
کربلانی ایلرم پروردهی احسان باجی
سرگذشت کربلا سرّ سرشتیمدور منیم
قانله باشدان یازیلمیش سرونشتیمدور منیم
ایستی قوملار اوستی دیبای بهشتیمدور منیم
فرش عرش عشقدور یا سُندس رضوان باجی
باش باشا قویماق بو یرده تیغ زهرآلودیله
عهد و پیمانیمدی باشدان حضرت معبودیله
سوز ویروب سوز آلمیشام من شاهد مقصودیله
سینسا جان پیمانه‌سی سیندیرمارام پیمان باجی
مرحوم هندی
منبع مجموعه کانالهای مدح و مرثیه
موضوع: احوالات ورود به کربلا ,
زبان شعر و شاعر: نوحه ترکی , هندی
-------------------------------
وداع آخر
وقت ظهر اولوب یتیشدی عمریمون زوالی زینب
دور ایاقه گیت خیامه ای باشی بلالی زینب
شرط اوّل وفادور ماسوانی گوزدن آتماق
باش ویروب سرِ سِنانه حق یولوندا باش اوجاتماق
اهل عشقه خوشدی بیله ایستی قوملار اوسته یاتماق
گیچمیشم بوباش و جاندان مست عشق اولالی زینب
گلشن وفاده سینم رنگرنگ گل آچوبدور
مین دیلیله زخم جسمیم شرح حاله دل آچوبدور
قلبیمی دَلوب گیچوب اوخ باب درد دل آچوبدور
وار یارام سیزیلدیاندا اوزگه بیر مَقالی زینب
قسمت ایئتدیلر بلانی بیله دوشدی طرح قسمت
اوچ‌گون اوچ گیجه چکوم من ایستی قوملار اوسته زحمت
ییق باشوا وار باشوندا قِرخه‌دین عزالی زینب
من بویانمشام بو قانه باری سن بویانما باجی
چوخ یانوب یانقلی قلبون بیر علاوه یانما باجی
قالدی باشسیز اهل‌بیتیم دورما گیئت دایانما باجی
قویما چولّلرده داغیلسون قارداشون عیالی زینب
ایمدی باش آچوب حرملر تا جانیندا جان وار آغلار
دیلده نغمه حسینی متّصل سیزیلدار آغلار
سنکه گلمیسن سکینه‌م ساکت اولماز آغلار آغلار
ضعف ایدوب دوشر نفسدن گُل کیمی سارالی زینب
گیت اسیرلیق لباسین اهل‌بیتیمه گییندیر
ناقیه اوزون اولاری استراحتیله میندیر
خورداجا اوشاقلاریمی چوخ محبّتیله دیندیر
سالگلن منیم باشیم تک باشه مین خیالی زینب
باجی بیله یولما زلفون غم بساطین ایمدی قورما
وار هواده چوخ حرارت بوگون ایستی سینده دورما
گیئت من اولمِیونجه هرگز گل یوزیوه سیلی وورما
وورما سیلی ایئتمه نیلی سن او رنگ آلی زینب
باشیم اوسته آچما باشون دور و برده واردی دشمن
یامنیم گوزومی باغلا گورمیوم باجی سنی من
یا یانیمدا وورما باخما بو یارالی جسمیمه سن
گورمیوم سنون او حالون گورمه‌سن بوحالی زینب
موج بحر خونِ جسمیم تا آشوبدی باشدان آغلا
سنده بیر دقیقه چکمه اَل بو قانلو باشدان آغلا
تا منیم جانیمدا جان‌وار آغلاسان یاواشدان آغلا
دوزمرم سسون ایئشیتسه کوفه‌نون رِجالی زینب
بو بلالی باشیمون چون باشه یتمیوب بلاسی
شمر الینده خنجریله وار بیر اوزگه ماجراسی
باشیمی کسر یانوندا یوخ او ظالمون حیاسی
بیحیانی سینم اوسته گورمه‌سن حیالی زینب
گیت دیزون قوجاقلا اگلش وئرمه حالتیوه تغییر
اوندا که باشیم کسیلدی باشه یئتدی امر تقدیر
سسلرم جدا باشندا من اوجا سسیله تکبیر
اوندادور تدارکون گور شامه کربلالی زینب
مرحوم هندی
منبع مجموعه کانالهای مدح و مرثیه
موضوع: حضرت امام حسین (ع) وداع ,
زبان شعر و شاعر: نوحه ترکی , هندی
-------------------------------
در احوالات حضرت زهرا (سلام الله) و گریز به در قتلگاه
بو غم نه غمدی خدایا دوتوبدی دنیانی
عیال فاطمه گوزدن توکر گوگل قانی
بو گون او گوندی که دولدی جهانه درد و محن
باتوبدی یاسه قرا پوش اولوب حسین و حسن
وورالّا باشه ایدللر فغانیلن شیون
دِیَلله وا اَسفا اوخشینده زهرانی
بو غم بنات بتولی شکسته بال ایلیوب
خصوص زینبی چوخ غرقۀ ملال ایلیوب
آنا فراقی او سرو قدین هلال ایلیوب
سرشک دیده سی بر پا ایدوبدی طوفانی
همیشه اُنس دوتوبدور جهاندا ماتمیلن
بو زینبون گِلی آیا سرشت اولوب غمیلن
که بیر غمینده مقابل دی درد عالمیلن
بو ایستیوب غمی غم ایستیوب بو نالانی
گهی پیمبره ماتم قوروب توکوب قانیاش
گهی آناسی عزاسین دوتوب آچوبدور باش
آتا باشین یارالی گه گوروب دیوب ایکاش
خراب اولیدی گوروم یا اَبا بو دورانی
حسن جنازه سی اوسته گهی چکوب فریاد
ایدوبدی سیل بلا صبر ایوین اونون بر باد
بو غملریله بلادن اولیدی کاش آزاد
اوجالمییدی اونون کربلاده افغانی
نه کربلا که لبالب دولوبدی قانیله
دوشوب او یرده حسین بیر نچه جوانیله
یتیشدی زینب او دم چشم خونفشانیله
گوروبدی قانینه غلطان شه شهیدانی
دیدی که هانسی ستمگر توکوب اَخا قانون
قویوبدی گونلر ایوینده او جسم عریانون
کفن اولوب سنه خار و خسی بو صحرانون
حسین بو حاله سالولّار مگر مسلمانی
یتوردی ایندی تمامه بو قوم عداوتینی
سَنان و شمر بروزه ویروب شقاوتینی
بو حالون آرتوری بالله گوگل حرارتینی
عجب مشقّته سالدون منِ پریشانی
نجه دوزوم بو غم دهر و جور ایّامه
سالوبلا آهو صفت بیله که بیزی دامه
منه یقیندی که آخِر چکر عدو شامه
ایاق یالین باش آچوق اهل بیت طاهانی
اولوبدی بیله که همسر سر سنانه باشون
عجوزه داشینه آخر اولور نشانه باشون
آخار جمالیوه قانون گلور بیانه باشون
فصاحتیله اوخور آیه آیه قرآنی
مرحوم هندی
منبع مجموعه کانالهای مدح و مرثیه
موضوع: حضرت فاطمه زهرا (س) احوالات ,
زبان شعر و شاعر: نوحه ترکی , هندی
-------------------------------
زبانحال حضرت امام حسین (علیه السلام) با حضرت زینب (سلام الله) هنگام وداع
قتلگاهده قارداشون حسین
اولسـا شمـرله روبـرو باجی
تار زلفـووی توکمه عارضه
یولما ساچلارون موبمو باجی
هر باشون که عشقی ابتلاسی
وار باشه یتمین بیر بلاسی‌وار
هر کسـون منـه اقتداسی‌وار
قانیلن ایـدر شستشو بـاجی
منکـه گلمشم نشـر حکمته
وار تحمّولـوم هـر مـصیبته
چوخ لزومی‌وار اهل دعوته
طبع بردبار حُسْن خو باجی
وار سنون بیوک بیر مَتانتون
صبـر و طاقتـون استقامتون
حالیمی گوروب پوزما حالتون
شیـوۀ رضـا بودی بو باجی
عاشقون گرک فکری باز اولا
شرح هجـردن بی‌نیـاز اولا
عیش خوش اودور بزم راز اولا
بی‌تکلـم و گفتگــو باجـی
عشق سرکشون چوخ مرامی‌وار
آیری نشئه‌سی آیری جامی‌وار
هـارداکیم تَجَرُّد مقامی‌وار
بی‌بهـادی جام و سَبو باجی
قتلگه دیمه گلستاندی بو
طُور جَلوه‌ئی دِلستاندی بـو
صدر مکتب امتحاندی بو
طرح حلّ اولور حیّ هو باجی
من بـو گلشنه ایلـرم روان
نهر نَحْردن چشمه‌چشمه قان
هاردا گورموسن بیله باغبان
بیلـه آبیـار بیـله جـو باجی
هاردا من دوشوب جان ایدم فدا
جُوی خوندن اولمارام جدا
مقصدیـم بودور ایتمیم اَدا
صون نمازیمی بی‌وضو باجی
من بیـوک فرامینـه حاملم
رُشـد فکــرده فـرد کاملـم
شُکروار که بـو لطفه شاملم
ویرموری منه کیمسه سو باجی
اود دوشه اگر خیمگاهیمه
همعِنــان اولا سـوز آهیمـه
یوخ دخالتـی طـیّ راهیمه
نعــرۀ «اَلا حَــرِّقو » باجـی
اوندا که چخار خُلْددن آنام
آغلیوب دیر وای عزیز بالام
اوندا بول که ختم اولدی قتل‌عام
اولدی شوکتون زیر و رو باجی
اوندا صبر قیل طعن دشمنه
گلمسون گران هر جفاسنه
باشیم اوسته گل‌گور نجه منه
ایستی قوم اولوب پَرّقو باجی
گورنه یاتمشام خواب نازیلن
دلخوشام فقط بیـر نمازیلن
ایلـرم بیـوک بیـر نیازیلن
خیــر امّتــی آرزو باجــی
باش یارا بوتون عضو تن یارا
جمله طول و عرض بدن یارا
اوخ یاروب گیچوب حدّدن یارا
قـان آخار چوله سوبسو باجی
گورسن اکبریم غرق یاره‌دور
تــاروپود تـن پـاره پاره‌دور
منحصر بفرد بیر بو چاره‌دور
تــار زلفلـه قیـل رُفو باجی
پـاره پیـرهن بـار جان اولور
بارماقیمدا گوزدن نهان اولور
سهـم غـارت سـاربان اولور
چوخدی بوردا سرّ مگو باجی
پاک‌ای هـدف عشـق بی‌نظر
شـام و کوفـه‌‌دن ایلمـز حَذَر
یارون آختاران چوللری گزر
سوبه‌سو باجی کوبه‌کو باجی
نیزه‌نی باشیم نَخل طور ایدر
صحن مَطبخی غرق نور ایدر
هاردا من اولام حق ظهورایدر
گوسترر اوزون رنگ رو باجی
رهبرم هامـی اهل خِیره من
فرق قویمارام یار و غیره من
باش چکم گرک پیر دِیره من
بی‌ثمـر دگل جستجـو باجی
حشـرده منــم قـاسم نَعیم
منده دور اوگـون امر مستقیم
پیــر درگهیم« هنـدی» قدیم
قویمـارام اولا زردرو بـاجی
مرحوم هندی
منبع مجموعه کانالهای مدح و مرثیه
موضوع: حضرت امام حسین (ع) وداع ,
زبان شعر و شاعر: نوحه ترکی , هندی
-------------------------------
زبانحال حضرت زینب (سلام الله) در راه شام
نیزه باشندا باشون گون تک حسین شامه گیدر
گون وورولموش نیزیه بو گون قیامتدور مگر
کوفیان قارداش سنی تا قانه غلطان ایلدی
زینب بی خانمانی خانه ویران ایلدی
فرقتون تاراج صبر و غارت جان ایلدی
اوستومه غملر یاغوب اولدوم برادر دربدر
زینبی که سن گورنمزدون اونی دلگیر اولا
نه روادور ایندی قارداش بسته زنجیر اولا
درد بی درمان الیندن ایله جاندان سیر اولا
سیل تک هر دم توکه بی اختیار اشک بصر
سینه پرغم،دیده پرنم، غصه همدم دل کباب
شمع تک نه جادا تابیم وار منیم نه گوزده خواب
آل طاها با نقاب و خاصه دشمن بی حجاب
واریری گر اود توتوب قارداش یانا بیر خشک و تر
عش چون آتش،یوزون چون شمع و من پروانیم
بی سبب دور یوخسا باشون بیله سرگردانیم
بیر نهایتده او باشون عاشق حیرانیم
که تمام ماسوادن ایتمیشم قطع نظر
ایلیوب عشقون منی مجنون کیمی صحرانشین
همدمیم دور ناله شبگیر و آه آتشین
خرمن غم گورمیوبدور من کیمی بیر خوشه چین
دامن تحصیلیمه دولموب مگر جون جگر
لمعه لمعه پرتو نور جمالون یا اَخا
رهروان وادی عشقه اولوبدور رهنما
بیله باشه،بیله نور عارضه،جانیم فدا
نور حق قارداش عجب وجهوندن اولموش جلوه گر
نه روادور بیله بیر باشه اولا منزل تنور
که ضهور ایلر جمالیندن اونون آیات نور
یوف مصری خیالینده ایده نورون خطور
قبردن باش قوزیوب سویلر که ما هذَا بَشَر
تامیوب غمدن کدورت قلبیمون آیینه سی
بو دل ویرانه دور هرچند غم گنجینه سی
قابل سوز محبت دور باجون چون سینه سی
هر بلا گلسه سنون عشقون ده ایلر جان سپر
عشقِ شوکت سوز جامین چون آلوب نوش ایلدیم
زینبیّت قیدینی مطلق فراموش ایلدیم
ترک جان ایتماق نواسین زینت دوش ایلدیم
عاشق جانان گرک جانیندن اولسون بی خبر
کشف اولا ایستردی سّر جانفروشی زینبه
ویردی استاد ازل درس خموشی زینبه
چوخ ریاضتله یتیشدی قاره پوشی زینبه
طرح قسمتده حسینه یتدی قارداش ترک سر
گَرد غم از بس یاغار بو چولده پی در پی اَخا
خیره گوزلر چهره مقوده تاپماز پی اَخا
سالک صحرای عشق ایسترکه ایتسون طی اَخا
بو شب تار و ره پر خار و دشت پر خطر
عالمه ایلوب تجلی پرتوء نور حسین
جهد ایدوب « هندی » اوزون ایت سنده منظور حسین
بیله که واردور کلامونده سنون شور حسین
اولموسان عشق حسینیله یقین شوریده شر
مرحوم هندی
منبع مجموعه کانالهای مدح و مرثیه
موضوع: احوالات راه شام ,
زبان شعر و شاعر: نوحه ترکی , هندی
-------------------------------
احوالات غارت خیام و زبانحال حضرت زینب (سلام الله)
دور ایله چاره یا اخا اماندی خیمه لر یانار
اگرچه دوتمری دیلیم گرک دیم نلر یانار
سخوبدی منجنیق غم سلیل آل احمدی
آلوب آرایه کفر اودی سلاله محمدی
قالوب اود ایچره مظهر جمال پاک سرمدی
گوروبدی آتش بلا بو حالی سس چکر یانار
ورق ورق داغیتدیلار رساله رسالتی
درست محکم ایتدیلر قواعدی ظلالتی
پریده رنگیمون منیم بو حاله وار دلالتی
اودور دلیل گوزلریم توکر سرشگ تر یانار
اگرچه کوی صبر ده تیکوبدی بارگه باجون
ولی اورکدن اود دوتوب یاناندا خیمه گه باجون
گهی سنون حرملرون ووروب ییخالا گه باجون
بیری بیریندن اهل بیت اولوبلا بی خبر یانار
دوشنده شاهزادهلر بو شش در مصیبته
سوارهلر پیادهلر یریش گوتوردی غارته
رخ سریه زرد اولوب عروسی سالدی حیرته
مآل کاری دمبدم سکینه فکر ایدی یانار
یانوب بو چولده ظلم اودی آلیشدی جسم و جانیمیز
کسیلدی چاره یولاری اوجالدی الامانیمیز
پوزولدی خانمانیمیز داغیلدی آشیانیمیز
گوروب بو حالی مرغ دل توکوبدی بال و پر یانار
بوگون من اوز خیالیمی حسین باشیمدان آلمیشام
توکوب عذاره خون دل گوزوم یاشینه قاتمیشام
علیل و خسته اوغلووی اودا گیروب چیخاتموشام
اونون بو حالی قلبیمه چوخ ایلیوب اثر یانار
قوشون توکولدی خیمیه حرم تالاندی هارداسان
هامی بساط سلطنت تالاندی یاندی هارداسان
صدای وا محمدا گوگه دایاندی هارداسان
دوشوبدی رعشه جانیمه گوگل تاپوپ کدر یانار
یتیم اوشاقلارین یرین سالوبلا آت قباقینه
بیری ایاقیالین قاچوب باتوبدی خار ایاقینه
بیری نجف یولون دوتوب گیدر کمک سراغینه
بیری دوشوبدی نطقدن بیری بابا دیر یانار
دوشوب اویاندا محترم حرملر ایندی وحشته
بویاندا خیردا قیزلارون باتوب غبار ذلّته
بیرینی ساکت ایتمه میش بیرین سالولّا زحمته
ایدیم نه چاره نیلیوم که گوز گورر جگر یانار
ز بس بو های و هوئی لر سالوب قراریدن منی
دیر یقین جنون اولوب گورن کناریدن منی
دایانما گل کناره چک بو گیر و داریدن منی
کنار خیمه گاهی گور باجون نجه گزر یانار
ستم کشیده گوگلیمی بلایه مایل ایتمیشم
بو صفحه وجودیدن آدیمی زایل ایتمیشم
ووراندا قمچی هر سه قولومی حایل ایتمیشم
خدنگ ظلمه زینبون عجب اولوب سپر یانار
نه آه و ناله کم اولور نه سوز سینه ال چکور
نه بیر زمان سیزیلتیدان گزون سکینه ال چکور
نه درد و غصه قورتولور نه اهل کینه ال چکور
خلاصه آل مصطفی بو گونده سربهسر یانار
اگرچه «هندیا» سنون باشوندا چوخدی مشغله
بیر اوزگه جلوه ایلیوب بو خلقه اصل مسئله
ثبوت عشقدن اوتور گوتورمه سن قلم اله
کلامه ورمه طول چوخ زمانه مختصر یانار
مرحوم هندی
منبع مجموعه کانالهای مدح و مرثیه
موضوع: احوالات غارت خیام ,
زبان شعر و شاعر: نوحه ترکی , هندی
-------------------------------
زبانحال حضرت امام حسین (علیه السلام)
ناحق وُرولوب قلبیمه اوخ حق یرین آلدی
سکّان سماواته بو اوخ ولوله سالدی
من حسرت پیکانیله دائیم ایچرم قان
ایتمز نیه بس رنجه قدم هاردادی پیکان
پیکان جفا پیک بلادور اونا قربان
گلسون نگران گویدی منی چوخ گیجه قالدی
هر طائر تیریله کی بی بال و پر اولدوم
الطاف کریمانه سینه راهبر اولدوم
تقدیس ایدرم مقدمینی مفتخر اولدوم
بو طائر دولتدن عجب باشیم اوجالدی
ازبس یارالی جیسمیمه دشمنلر اوخ آتدی
اوخ اوخ یانینا باتدی یارا یاریه قاتدی
هر حادثه یوز ویردی او یوزدن یارام آتدی
آرتدیقجا یارا یاره قسم دردیم آزالدی
گوردوم آچیلوب باب کرم خانهء تکریم
تعظیمه دوروب ایلدیم اولادیمی تسلیم
تقدیم حقیرانه می حق چون گل تقدیم
لطف ایتدی کرم قیلدی قبول ایلدی آلدی
بو صحنه ده بیر بیر شهدا ویردی نمایش
اولدی او نمایشلری شایان ستایش
داماد اُلومی رونقمه ویردی فزایش
بو منظریه فاطمه باخدوقجا سارالدی
شهزاده علی اکبریم اول گلبن نوخیز
جام دل غمدیده می خوش ایلدی لبریز
قانه بویانوب شُفّهء گیسوی دل آویز
مجنون کیمی لیلانی بو غم چوللره سالدی
گهواره ده گوردوم علی اصغر ایدر ایما
حقّنده وظیفم نه ایدی ایلدیم ایفا
آهسته رباب ایتدی نوا نغمه سین انشاء
آز آغلادی چون اصغرینه دردی چوخالدی
حق بولماق ایچون آغلاماقا هر گجه زینب
چوخ تیز بولَجاقدور منی قالماز گجه زینب
مندن صورا عالم گوره جاقدور نجه زینب
قانلی باشیمی گوردی باشین محمله چالدی
کلثوم هدف ناوک اجحاف اولی قلبی
نقدینهء غم آلماقا صرّاف اولی قلبی
خیمم یانا خاکستر اولا صاف اولی قلبی
خاکستریله آینه هر یرده صافالدی
بو سجده بو پیشانی مجروحی حسینون
گون سوزشی بو حالت مذبوحی حسینون
قان گیتدی اجل گلدی چیخار روحی حسینون
ایمدی گورونور گون یوزی تار اولدی قارادی
دریا کیمی قان چشمه لری ایلدی طغیان
قان اوزره اولوب تختهء تن کشتی طوفان
قان قطره لرین جمع ایده چون دانهء مرجان
غوّاص قَضا قُلزَم حیرت آرا قالدی
صاقدان صولا صولدان صاقا اوخ باش باشا چاتمش
تشریف شه عشقه ظَفَر طاقی اوجالمش
وار سرّ قضا پیرهنیم قانه بویانمش
طاق ظَفَر آرایشی چون قرمزی شالدی
« هندی » سنی دور ایتمیشیدی بار تکلُّف
اولموشدی سکوتون سنون اسباب تاٌسّف
ایتدون گینه بو درگهه تحصیل تشرّف
جام گنهون دولموشودی یاخشی بو شالدی،
مرحوم هندی
منبع مجموعه کانالهای مدح و مرثیه
موضوع: حضرت امام حسین (ع) زبانحال ,
زبان شعر و شاعر: نوحه ترکی , هندی
-------------------------------
زبانحال حضرت امام حسین (علیه السلام) در وداع آخر
گوره سن گر منی عریان گینه صبر ایله باجی
اولموشام قانیمه غلطان گینه صبر ایله باجی
یازیلیب لوح بلاده منه اولماق سنه صبر
حق یولوندا گرک ایتماخ ستم دشمنه صبر
باخ ولی ایله باخان وقته بو پیراهنه صبر
که اولور پارهء پیکان گینه صبر ایله باجی
نقش صبریله گرک سینوی منقوش ایده سن
نقد جانیله جفا جامین آلیب نوش ایده سن
کعبه قبریده گر یتسه فراموش ایده سن
زحمت خار مغیلان گینه صبر ایله باجی
نجه کی وقت خزان شور دل بلبل اولور
مهربان باجیه قارداش اولومی نسگیل اولور
سییما بیله کمک سیز قالا چوخ نسگیل اولور
سهل دور جان ورم عطشان گینه صبر ایله باجی
باجی بو عرصده من ظلمیله قانه باتارام
قانیمی اکبریمین قانینه آخر قاتارام
خاک و خون ایچره دوشوب شوقیله راحت یاتارام
اولورام خاکیله یکسان گینه صبر ایله باجی
زینبیم آغلاما چوخ تاب ایله گلمه دله سن
ویر رضا امر قضایه باجی ایتمه گله سن
دستهء درد و غم و محنته سرسلسله سن
شامه شومه کیمی اولسان گینه صبر ایله باجی
فوت اولور وقت شهادت یتیشوب حکم قضا
ال گوتور تا که گیدوم ایمدی خداحافظ اولا
من گیدندن صورا بو سن باجی بو دشت بلا
خیمه گاهون اولا سوزان گینه صبر ایله باجی
قتلگاه ایچره گورنده بو حسین قارداشوی
زینبیم آغلاسان آغلا یوزه توک گوز یاشوی
آچما اما باجی دشمنلر ایچینده باشوی
زلفوی ایلمه افشان گینه صبر ایله باجی
اولدورللر منی ایلله سنی ناقه سوار
شام شومه آپارور شمر لعین طرفه قطار
آل طاهانی گوررسن کی اولور خرد و کبار
سینه سوزان و پریشان گینه صبر ایله باجی
چکجاق دور فلک جمله گذرگاهه سنی
دستگیر ایلیه جاق دشمن بد خواهه سنی
تاپشوررام سنه اطفالیمی اللهه سنی
سنسن امید یتیمان گینه صبر ایله باجی
جان سنون جان منیم اطفالیمون ای جان عزیز
جان ویرندن صورا من اودلاناسوز آتشه سیز
ووراجاق قوم عدو ایلسوز اول وقته گریز
جانب دشت بیابان گینه صبر ایله باجی
سن گرک عابد بیماره پرستار اولاسان
غم گونی لیلی غم پروره غمخوار اولاسان
خیردا اطفالیمه شام ایچره هوادار اولاسان
چکه سن رنج فراوان گینه صبر ایله باجی
کوچه و بامیده صف صف دورا گر قوم عنید
منی اولدورماق ایچون ایلیه لر عشرت و عید
خیزران چوبی آلاندا اله ظلمیله یزید
اولا منظور بو دندان گینه صبر ایله باجی
(هندی) روسیهون واردی زیارت هوسی
کربلاده وار امیدی اولا آخر نفسی
دیه بو وردی چیخا صفحهء افلاکه سیی
گوره سن گر منی عریان گینه صبر ایله باجی
مرحوم هندی
منبع مجموعه کانالهای مدح و مرثیه
موضوع: حضرت امام حسین (ع) وداع ,
زبان شعر و شاعر: نوحه ترکی , هندی
-------------------------------
زبانحال حضرت لیلا (سلام الله)
دولاندی قتلگهی تاپدی اکبرین لیلا
حدیث درد دله آچدی دل که واویلا
باخوب نه گوردی خدایا که گورمَسون آنالار
ایدوبدی جسمنی باشدان ایاقه قان یارالار
عَمامه پارچالانوب نازنین باشی یاریلوب
نفس باتوب گوز آخوب جان گیدوب سینه داغیلوب
گوروب یارالیدی باشدان اَیاقه گُل جسدی
یانقلی قلبیله سسلندی آه یا ولدی
سنه قلج ویرانون من گوروم شَل اولسون اَلی
اَلیمی اوزدون اَلوندن بِلیمی بوکدون علی
نجه گوروم سنی هانسی آنایه بو گورونوب
بابان علی کیمی باشون علی ایکی بولونوب
گوزوم گوتورمز اوغول بیله بی کفن قالاسان
بو ایسّی قوملارین اوستُنده اَل ایاق چالاسان
او خَم قاشون کیمی یاخشی خَم ایلدون بِلیمی
بلی آنایه چتیندور جوان اوغول اُلومی
گَرَک اُلونجه ویرم من اجازه گوز یاشیما
ایویم یخیلدی فلک توکدی یاخشی کول باشیما
او عزّتیله گیچن گونلریم باشا یتدی
باشیم اوجالیقی سنله خانملقیم گیتدی
همین او بیر باخشون قلبموندی منظوری
بو قدر ناز ایلمه آچ گوزون گوزوم نوری
اورک دوگونمه سی جان لرزه سی گوزوم یاشی
بو نوع گیتسه اگر باشه آغلادور داشی
هجوم ایدوب غم و محنت آناوی یالقیزلار
من ایمدی بولدوم اوغول نیلوری اوغولسوزلار
محبّتون منه چوخدور اونی اوزوم بوللّم
گوزون آچوب یوزیمه ایمدی باخماسان اُللّم
سنون بو گُل یوزون هر کس سالوب طراوتدن
تعجّبم نجه خوف ایتمیوب قیامتدن
دولاندی باشینه اگلشدی سیلدی قانلی گوزون
او قان دوتان یوزینه قویدی بیرجه حسرت اوزون
گلوب او دمده آنالیق محبّتی جوشه
قولون حمایل ایدوب چکدی نعشین آغوشه
بویادی قانه اوزین دوشدی حِسّدن جانی
گورن دیردی که لیلا اُلوب آخار قانی
یریندن اوینادی شوق وصاله مرغ روان
یانندا دوشدی قالوب مثل صورت بی جان
زمانه ویرمدی فرصت پوزولدی وصلت یار
خیال وصلت هجر ایتدی عاشقی بیدار
گوروب باش اوسته جَرَس کوسِ رحلتین وُوردی
اَلین قویوب دیزینه یا علی دیوب دوردی
گیدردی گاه دوراردی چَکردی دلدن آه
یوزون دوتوب گوگه هردم دیردی یا الله
منیم قصاصیمی یا رب سن آل او ظالمدن
اَلیمی اوزدی منیم ظلمیله عَیالیمدن
وُوراردی هر قدمینده ایکی اَلین دیزینه
باخاردی چیگنینون اوستوندن اوغلونون یوزینه
باخاردی اکبره هر بیر قدم او ناقه سوار
اوزاقلاشوب او قدر تا گوزیندن اولدی کنار
چولون گورردی که بیر گوشه سی منوّر دور
دیردی قلبی که بو نور جسم اکبر دور
یوزون دوتاردی او نوره دیردی حسرتیلن
ایاقه دور گور آناوی اوغول بو ذلّتیلن
سن ایله کرب و بلانی وطن خداحافظ
بغیشله گیتملیم شامه من خداحافظ
خدنگ عشقیله بو یولدا سینه می دَللّم
مزارون اوسته سنون بیرده اُلمَسم گَللّم
اگر چه بوشدور اَلیم «هندی» گنه گارم
اوغول آناسی گورور اکبره عزادارم
مرحوم هندی
منبع مجموعه کانالهای مدح و مرثیه
موضوع: حضرت لیلا (س) ,
زبان شعر و شاعر: نوحه ترکی , هندی
-------------------------------
در شهادت امیرالمومنین حضرت علی ابن ابی طالب (علیه السلام) و گریز به قتلگاه
شیعه باخ سیر مقامات امیرالمومنینه
باشیله سرمشق وردی سالکان راه دینه
طالب بزم وصالون ترک جاندور چون دلیلی
ترک انسیت مقامنده علینین یوخ عدیلی
مرشدان راه عشقه ورد اولوب ذکر جمیلی
جان فدا سیر و سلوک آیة الله المبینه
سجده گاه عشقده محو رخ جانان ئولوبدور
باشینون قانی آخوب محرابی چون عمان ئولوبدور
بستگان قید عشقه سلسله جنبان ئولوبدور
یعنی لازمدور که عاشق قانی آخسون سو یرینه
حجت کبرای حق ناحق یره مقتول اولوبدور
اوخشیوب کلثوم و زینب باش آچوب زلفین یولوبدور
مجتبی حالی حسین احوالی بس بولمم نولوبدور
محنتون الحق گراندور یا علی اهل یقینه
مجلس ماتم گوروبدور اهل کوفه یکسر آغلار
هم صحابه ناله ایلر هم عیال حیدر آغلار
واعلیا سویلر هردم قبریده پیغمبر آغلار
باطناً دگمیشدی ضربت فرق خیرالمرسلینه
سجدهده سن یا علی باش وورماقون قویدون بناسین
ایلدی اوغلون حسین اما اونون محکم اساسین
گل حسینون سجده گاه عشقده گور ماجراسین
سجدیه باخ سجده گاهه توپراقا باخ بیر جبینه
ایستی توپراقدان یغوبدور خاک سجده ایتدی حاضر
قانیله آلدی وضو تکبیر حقه اولدی ذاکر
آلنینی قویدی یره آثار سجده اولدی ظاهر
ایلدی بیر سجده مین غم یتدی فخر الساجدینه
باشوا بیر یاره ووردی یاعلی دشمن جفادن
اطلاعون وار یقینا سرگذشت کربلادن
شمر کسدی یتدی ضربتله حسین باشین قفادن
زلزله سالدی هامی رکن سماوات و زمینه
خنجر آتدا هر قدر یا شمر اُسقونی سولردی
سینه سی اوسته چخوب خنجر دمیله سو ویرردی
من دیمم یا شمر پیغمبر او خنجردن اوپردی
چکمه لی پایه مناسبدور مگر صد پاره سینه
مرحوم هندی
منبع مجموعه کانالهای مدح و مرثیه
موضوع: حضرت علی (ع) احوالات ,
زبان شعر و شاعر: نوحه ترکی , هندی
-------------------------------
زبانحال در احوالات جناب علی اصغر (ع)
گل علی اصغری آل حالتی برهمدی باجی
قانلی قونداق آرا بیر روح مجسمدی باجی
قوروموشدی آنا پستانی داخی سود یوخیدی
سوزش و ناله آنادان بالادان چوخ چوخیدی
اونی سیراب ایدن عالمده فقط بیر اوخیدی
از قضا تیر قضا زهریله پر نَمدی باجی
آتش عشقیده صاف ایتمک ایچون غلّ و غشین
آلدیم آغوشیمه قونداقینی اول حور وشین
لبلرینده اوخودوم شدت سوز عطشین
گل یوزینه توکولن گوزیاشی شبنمدی باجی
الیم اوستونده گوتوردوم آپارام میدانه
هدیۀ کوچک ال اوستونده گیده جانانه
تحفۀ کوچک ذی قیمت اولور شاهانه
قطره کوچک دی ولی زیب کَفِ یَمدی باجی
سو امیدیله آپاردیم صف اعدایه اونی
اوخلیوب آخ دیمیوب دشمن دون پایه اونی
گورمدیم من قوجاقیمدا داخی جز سایه اونی
قوی قدم بزم غمه گور بو نه عالمدی باجی
صبح صادق کیمی آق گردن مینا گورونوب
پرنیان قونداق آرا بیر تن رعنا گورونوب
تن رعناده گلو لوءلوء لالا گورونوب
حرمله گوردی که منظوری منظمدی باجی
ائتمدی هیچ خطا اوخ اتانون تدبیری
پر آچان نعره چکن وای دین بیر تیری
راست گلدی یره یخدی او گوزل نخجیری
دیمدی صید حرم صید محرمّدی باجی
دوغری تشخیص ایلیوب تیر جفانین هدفین
سیندیروب اصغر والا گهرون جان صدفین
بوغازی نازکیدی آچدی اونون هر طرفین
اوخ بوغازه نه ایدر امر مسلّمدی باجی
نوک پیکان یرینه ناوک پیکان آلدی
گوش تا گوش گلو ویردی بوتون جان آلدی
شیر و شیرانه بالام جانله جانان آلدی
سعی و توفیق هامی امرده باهمدی باجی
شیر مادر کیمی اوخ اصغری سیراب ایلدی
نازیله آچدی گوزون باخدی گینه خواب ایلدی
نخله ی جانی آخان قانیله شاداب ایلدی
نخل اگر سو ایچه شادابدی خرّمدی باجی
بسکه قونداق لطیف ایچره قیزیل قان دولدی
دامنیم قرمزی گوللرله گلستان اولدی
گل یاسیم یوزومه گولدی ده گل تک سولدی
اوزی اوز یاسنه خندان گا ماتمدی باجی
کعبه حقده قویون کسدی اگر ابراهیم
کربلاده قوزی قربانی اولور ذبح عظیم
قان مرکّب قلم اوخ سطح گلو صفحه سیم
او گوموش صفحه قیزیل قانلا مترجَمدی باجی
بیر اووج آتدیم اوقاندان فلک الاَفلاکه
بیر کیچیک قطره سیده گلمدی روی خاکه
دامن عرش مقام اولدی اوخون پاکه
سرخی رنگ شفق آیت محکمدی باجی
شکر صد شکر الیم اوسته بالام جان ویردی
جان ویروب سهلیدی لب تشنه و عطشان ویردی
اولدی قربان هامی قربانلارا بیرشان ویردی
آدی اصغردی اگر، رتبه سی اعظمدی باجی
هرنه قربان ویره جکدیم او بویوک درگاهه
بیر به بیر یولّامیشام محضر شاهنشاهه
گیدورم ایمدی فراغتله لقاء اللّهه
چونکه اسباب سفر جمله فراهمدی باجی
شهر تبریزده «هندی» دو تا هرگونه مرض
یازماسا نوحه محرّمده اولور نقص غرض
آیریلور چونکه بودرگاهیده ذاتیله عرض
گَله هر کیمسه خلوصیله او اقدمدی باجی
مرحوم هندی
منبع مجموعه کانالهای مدح و مرثیه
موضوع: حضرت علی اصغر (ع) زبانحال ,
زبان شعر و شاعر: نوحه ترکی , هندی
-------------------------------
احوالات قتلگاه
قویمازلار آغلیوم سنه بیر آن دوروم گیدوم
تا گوز یاشیمله دردیمی بیر آندوروم دوروم گیدوم
باش قویماقا ایاقیمه صحرای عشقده
گوزلور یولومی خار مغیلان دوروم گیدوم
چون سن طریق عشقیده ترک سر ایتموسن
منده بو یولدا بی سرو سامان دوروم گیدوم
بو نحویلن که سیل کیمی گوز یاشیم آخار
قالسام دوتار بو عرصه نی طوفان دوروم گیدوم
کربوبلا ده هر نه بلا واردی چکمیشم
قالدی بلای کوفه ویران دوروم گیدوم
یوخ بیرزادیم الیمده برادر تالانمیشام
لابد گرک سنی قویوم عریان دوروم گیدوم
چوللرده قالدی السیز ایاقسیز اوشاقلارون
ایندی داغیلدی هر بیری بیریان دوروم گیدوم
چاره م کسیلدی یتمز الیم بیریره داخی
دفن ایتممیش سنی نجه بوردان دوروم گیدوم
چوخ ایستورم دوروب دولانام باشیوه سنون
باشسیز قالوب سکینه نالان دوروم گیدوم
از بس چکوبدی شعله . یانان وقت خیمه لر
بیر پارچا اود دوتوب بو بیابان دوروم گیدوم
قارداش دوشوب یتیم لرون بیر یانار اودا
ممکن دگول او اوددان اوزوم یاندروم گیدوم
من بولمورم نه دیللریله اوخشیوم سنی
یا دردیمی ایدوم نجه پنهان دوروم گیدوم
قارداش یارالی جسمیوی من بیله بولمدیم
حالیم دولاندی اولدی پریشان دوروم گیدوم
من ایندیکه یارالاریوی خشک ایدنمدیم
قوی باری گوز یاشی توکوب الان دوروم گیدوم
ایوای منه وروبلا باشون نیزه باشینه
بوباش دالینجا قوی گله هریان دوروم گیدوم
قوت گلور بو قلبیمه گلدوقجا خوش سسون
باشون ایدور تلاوت قران دوروم گیدوم
گوندوز گرک گورم گیجه نون من تدارکین
گلدی زمان شام غریبان دوروم گیدوم
چون هر جنازه اوسته حسین یاندورالا شمع
منده چراغ آهیمی گوی یاندروم گیدوم
یاخچی دگول که چوخ اوتوروب دردسر ویرم
یاخش بودور کی تز گیده مهمان دوروم گیدوم
بلبل کیمی بو گل بدنوندن دونمورم
وار هاردا بیله صحن و گلستان دوروم گیدوم
مرحوم هندی
منبع مجموعه کانالهای مدح و مرثیه
موضوع: احوالات قتلگاه ,
زبان شعر و شاعر: نوحه ترکی , هندی
-------------------------------
زبانحال حضرت رقیه (سلام الله) در خرابه شام
بو خرابه شامیده عمّه جان گجه گوندوز اوخشارام آغلارام
نه قدر واریمدی بو جاندا جان گجه گوندوز اوخشارام آغلارام
منی آیریلوق غمی نی کیمی گتیروبدی درده خرابه ده
هر او کس اولا منه هم نفس یانار آه سرده خرابه ده
نجه من بو سرّه که فاش اولور چکوم عمّه پرده خرابه ده
اودی که عیان و گهی نهان گجه گوندوز اوخشارام آغلارام
گوروسن که تیر بلا منیم نجه سیندیروب پر و بالیمی
ندور احتیاجی بیان ایدوم غم و درد و رنج و ملالیمی
اوزون اهل حال سن عمّه جان سنه منده صورت حالیمی
ایدرم سرشکیمیلن بیان گجه گوندوز اوخشارام آغلارام
من او بلبلم که سولار گلی اولور عمّه جان چمن آیریسی
منی تندباد فراق ایدوب نجه سرو گل بدن آیریسی
بیله رسمیدور که ویرینجه جان گرک آغلاسون وطن آیریسی
اودی وجهی عمّه ی مهربان گجه گوندوز اوخشارام آغلارام
من او عاشقم که زمانه نین هامی ناز نعمتین آتموشام
هم آتام عموم همی قارداشیم ئولوب ایمدی یاسینه باتموشام
نچه وقتیدور که من آج سوسوز گجه لر خرابه ده یاتموشام
منه چون خرابه اولوب مکان گجه گوندوز اوخشارام آغلارام
هانی بیر یتیمه منیم کیمین اولا نیلی سیلی ایله یوزی
یوزینه باخاندا آتاسینون دوشه قان دوتان گوزینه گوزی
قولی باغلی، غیر شماتتی آتا مرگی، جان غمی، ایل سوزی
ایلیوبدی باغریمی غصّه قان گجه گوندوز اوخشارام آغلارام
منی چوخ بو پایه دن اینجیدن نه غُل و دوشاخه دی نه رَسن
منه چوخ گراندی بو بیر جفا که شماتت ایلوری هر گلن
گر ئولوب بابام گیدوب عزّتیم گینه شاهزادیم عمّه من
دوزه بولمرم اودی بیر زمان گجه گوندوز اوخشارام آغلارام
سنه شرح درد فراقیدن نه دیوم که بیر دگی محنتیم
بو اسیرلیق بو یتیم لیق بو خرابه کنجی بو غربتیم
باش آچوخ گونش قوری یر یریم بو جفای شمر بو ذلّتیم
نه باش اوسته سقف نه سایه بان گجه گوندوز اوخشارام آغلارام
نه روادی کینه ی شمریدن سارالوب خران گولی تک اسم
نه روادی الدن آتام گیده گوزیمی یولوندان اونون کسم
گورورم که یوخ داخی بیر کسیم بو دیار شامیده بی کسم
اولی گریه مونس بی کسان گجه گوندوز اوخشارام آغلارام
دوزرم بو جسم ضعیفیله هامی درد و محنت و رنجه من
قوری یرده فرش و چراغسیز چکرم همیشه شکنجه من
بو اوشاقلیقیمدا دایانموشام گینه درد و محنت و رنجه من
دایانانمارام داخی عمّه جان گجه گوندوز اوخشارام آغلارام
یوخودا گوروب بابامی دیدیم اونا عرض حالیمی بیر به بیر
که بابا گوزوندن ایراق سنون بیزه ویردیلر قوری یرده یر
باشیما چکوب الینی دیدی دی سکینه دردیوی بیر به بیر
دیدیم ای بابا بودی بیر نشان گجه گوندوز اوخشارام آغلارام
منه سویلدی که سکینه جان نجه اولدی دردیله سازشون
دیدیم اولدی قوّت دل منه او جِدا باشیندا نوازشون
دیدی یوخ خرابه ده چون باشیم گجه صبحه تک ندی بس ایشون
دیدیم هر زمان ایدرم فغان گجه گوندوز اوخشارام آغلارام
دیدی کیم چکوب بالا زحمتون سنه کیم مواظبت ایلدی
دیدیم اول بلاکش اولان بیبیم منه چوخ ملاطفت ایلدی
دیدی همزبان سنه کیم اولوب بالا چوخ ملایمت ایلدی
دیدیم اولدی غم منه همزبان گجه گوندوز اوخشارام آغلارام
داخی یاتمیون که بابام گلوب ایلیوب بو یرده مکان دورون
بو قرانلوق ایوده که لایقی هامی شمع آهوزی یاندورون
او چراغیلن من بی کسی بو خرابه ایچره دولاندورون
بابام اولماسا منه میهمان گجه گوندوز اوخشارام آغلارام
بو طریق عشقیده (هندیا) ایله سیر قلب سلیمیلن
تانی بیر حسینی بو دوره ده نه ایشون خلیل و کلیم لَن
اگر ایسته سن که شفاعتون اولا سر ذبح عظیمیلن
دی سکینه سویلدی عمّه جان گجه گوندوز اوخشارام آغلارام
مرحوم هندی
منبع مجموعه کانالهای مدح و مرثیه
موضوع: احوالات خرابه شام ,
زبان شعر و شاعر: نوحه ترکی , هندی
-------------------------------
خروج از مدینه
جدا گیدوری منزل جانانه حسینون
قربان اولا بو روضه رضوانه حسینون
چون فصل شهادت یتوب ای منبع رحمت
گلدیم وره سن تا که منِ بیکسه رخصت
مأذون ایده سن گر چکرم جانیمه منت
سندن صورا از بسکه گلوب جانه حسینون
بیر طرزیله اولدوم من بیچاره مسافر
ممکن دگی بو قبره اولام بیرده مجاور
چوخ منتظریم قالدی حبیب ابن مظاهر
وقت اولدی که نامه یازا دربانه حسینون
بو نحویله جدا یازلوب نامه ولیده
بیعت ایده لر آل علی حکم یزیده
یا اینکه مقیم اولمیه لر قرب نبی ده
وصلونده اوزوب ال دوشه هجرانه حسینون
سندن صورا چوخ ظلم ایدوب امّت منه جدّا
گویا که جگر گوشه دگولدوم سنه جدّا
بو ظلم و مصیبتله شکایت گینه جدّا
ایتموب ابدا خالق سبحانه حسینون
جدّا دیوب ازبسکه گیدوب هوشه او مظطر
گوردی که گلوب عالم رویاده پیمبر
چوخ لطف ایلیوب اوپدی او بی یاری مکرر
باسدی باشینی سینه سوزانه حسینون
سویلیوب که اوغول تیز گورورم فرقه ی عدوان
ایللّه سنی ظلمله اوز قانوه غلطان
منحور ایده جاخ نحریوی پیر رهزن ایمان
رهزن دی بلی قاتل ایمانه حسینون
جدّینی گوروب ایتدی اودم عَزم شکایت
چکدوخلاری غمدن ایلیوب بیربیر حکایت
عرض ایلدی سندن صورا ظلمیله بو امّت
دوندردی قد سروینی چوگانه حسینون
لطف ایله کرم قیل من غمدیده و زاره
آل بیرجه اوزونله منی بو قبر و مزاره
عود ایتماقا حاجت ندی دنیایه دوباره
آزادیدی گیتمز داخی زندانه حسینون
دلگیر گوروب چونکه حسینینی پیمبر
که محنت دنیادن اولوب قلبی مکدّر
سویلوب که اوغول خالق ایدوب بیله مقدّر
بی سر دوشه گل پیکری میدانه حسینون
صبر ایله اگرچه دوشه سن چوخ زحماته
حسرت قالا اهل حرمون آب فراته
لازیندی یتشیماقیلا بعضی درجاته
اغشته اولا پیکری القانه حسینون
قویمازلا حسینیم سنه دشمن، کفن اولسون
نه غسل و کفن بلکه نه بیر دفن ایدن اولسون
حکم ایلر عُمَر سعد ولو پیرهن اولسون
اگنینده گَرک گه گیده تالانه حسینون
(هندی) پوزولوب عیش ، یتوب موسم ماتم
غفلتله گیجه قویما بو ایّام محرّم
یا نوحه و توک دامه گوز یاشی دمادم
وار چوخ نظری دیده گریانه حسینون
مرحوم هندی
منبع مجموعه کانالهای مدح و مرثیه
موضوع: احوالات خروج از مدینه ,
زبان شعر و شاعر: نوحه ترکی , هندی
-------------------------------
حضرت قاسم ابن الحسن (علیه السلام)
داغیلوب سینم کسیلوب نفس
ئولورم یارالیم ای عمو
سسیمه اوزون ویر اماندی سس
ئولورم یارالیم ای عمو
ووررولوب قلج یاریلوب باشیم
قوریوب گوزوم قاباقیندا قان
بو هوانین ایسّی سی من سوسوز
بدنیم یارالی، اوزوم جوان
گینه اوز قویوب بو قدر قوشون
بیری نیزه و بیری اوخ وران
بو قدر جفا منه بسدی بس
ئولورم یارالیم ای عمو
نجه بلبل آه و فغان ایدر
او زمان که گلشنن و گل سولا
باش آچیب اوغولسوز آنام گرک
باشیم اوسته قاره ساچین یولا
ئوله هر جوان قالی نیسگیلی
بخصوص عمو که یتیم اولا
نه آتا واریمدی نه بیرجه کس
ئولورم یارالیم ای عمو
اولی غرق بحر بلا ده جان
منی گل چیخات عمو بیر یانا
بو قدر قوشون آرا یوخ بیری
که منیم بو حالیمه بیر یانا
بو قدر یارا هامی بیر یانا
بو هوانین ایستی سی بیر یانا
منه تنگ اولوبدی بو دم نفس
ئولورم یارالیم ای عمو
عموجان اماندی هرایه گل
باشیم اوسته لطف ایله سایه سال
کسیلوبدی تابیم اماندی گل
منی بیرجه دشمن الیندن آل
گیدورم عمو دایانانمورام
منه حقون ایت گله سن حلال
قالوب ایندی ئولماقا بیر نفس
ئولورم یارالیم ای عمو
بوریوبدی توز همی بو چولی
همی قان آخوبدی دولوب گوزوم
ره خیمه نی تانیانمورام
که گلم حضوریوه من اوزوم
دوزَرَم اگر دَیَه مین یارا
سنی گورمَسم نجه من دوزوم
نه کمک واریمدی نه دادرس
ئولورم یارالیم ای عمو
بولورم سنون ای آتام عمو
غم مرگیم آرتوری غملرون
نولی بیرجه رنجه قدم بویور
من اولوم فداسی قدملرون
منی خیمه گاهه آپار منه
دیوب اوخشاسونلار حرملرون
باشیم اوستونی عمو سن ده کس
ئولورم یارالیم ای عمو
او محبتی که سن ایتموسن
منه ایتمیوبدی آتام حسن
اولارام ملول او محبتین
اگر ایمدی مثلینی ایتمه سن
گل آتام یرینه بو باشیمی
دیزون اوسته آل گله بیرجه سن
ایدورم وصالوی چوخ هوس
ئولورم یارالیم ای عمو
شهدانون ای عمو بیر به بیر
باشی اوسته ایمدی گزر اجل
یتیشوبدی نوبتی قافله
ووروب ایمدی حلقه به در اجل
منی شور عشقیله یاندروب
ایلیوبدی شمع سحر اجل
عمو سسدن ایمدی دوشر جرس
ئولورم یارالیم ای عمو
وار اگر بصیرتون (هندیا)
ایلیوب خلوص مجرد اول
سال اوزون کمند حسینه سن
او کمند حقه مقید اول
بخصوص دامن قاسمه
ایله چنگ ویر که موید اول
سوزیویله ویر اوناسنده سس
ئولورم یارالیم ای عمو
مرحوم هندی
منبع مجموعه کانالهای مدح و مرثیه
موضوع: حضرت قاسم ابن حسن (ع) ,
زبان شعر و شاعر: نوحه ترکی , هندی
-------------------------------
زبانحال حضرت امام حسین (علیه السلام) به شمر لعین در قتلگاه
ای شمر گل باتیرما بو دنیانی ماتمه
بیرده حسین فاطمه گلمز بو عالمه
ظالیم چکیل کناره که جان اوسته دور حسین
آخر رسول اکرمه وابسته دور حسین
باخ گور کیمون باشین کسیسن کیمدی بو غریب
کیمدور بو گلشنی پوزولان بی پر عندلیب
باشدان ایاقه یاره الیندن گیدوب شکیب
کیمدور بو قان ایچینده دوشوب ال ایاق چالان
کیمدور بو تشنه لب قوری صحراده تک قالان
هرچند خوش گلور سنه آزار و زحمتیم
گوش ایت که سودمندیدی پند و نصیحتیم
اتمام حجت ایتماق اوچون وار نصیحتیم
بوسینه چوخ یارالیدی ناراحت ایلمه
من ئولمه میش حرملریمی غارت ایلمه
ساخلا بو سینه نون ادب و احترامینی
پیغمبرین یاننداکی شان و مقامینی
کفّار بدرین آلما بوگون انتقامینی
بو سینه بوسه گاه رسول الاهدور
هم فاطمه دوداقلارینا جایگاهدور
هم بوس ایدردی ذات پیمبر بو سینه دن
هم فاطمه اوپردی مکرر بو سینه دن
هم قان ایچر الونده کی خنجر بو سینه دن
قاتل نه اولدی قتلمه بِل باغلادون بوگون
بیرچوخ یارالی سینه لری داغلادون بوگون
ظالم دوشون که من سنه دنیاده نیل دیم
گیچمیش اولان زمانلاری سال یاده نیل دیم
من بی نوا سنون کیمی جلاده نیل دیم
هانسی بنای شرعی حسین پایمال ایدوب
هانسی حرامی خلقه مباح و حلال ایدوب
جنّت جوانلاری منه گلگون قبا دئیر
حوران خلد خامس آل عبا دئیر
تاریخ روزگار شه کربلا دئیر
من حضرت خدیجه کبری عزیزیم
صدیقه جلیله زهرا عزیزیم
من رهنمای خلقم و نور سعادتم
دریای خون ایچینده چراغ هدایتم
دائم غریق موجم و بی استراحتم
چون کشتی نجاتیده اولاد فاطمه
لازمیدی روز و شب هدف اولسون تلاطمه
من کاخ عشقین عشقله بنیان گزاریم
نومیدلر پناهنون امیدواریم
توپراقلار اوستونه دوشه نن خاکساریم
ایستی قوم اوسته باش قویارام پرّ قو کیمی
پیکانی باغریما باسارام آرزو کیمی
گوردوم اساس دینی قرین فساد اولور
بی مایه سست پایه و بی اعتماد اولور
شمع امید دست خوش تند باد اولور
ایتدیم حیاتی فدیه ی آئین احمدی
حفظ ایلدیم مبانی دین محمدی
باخدیم جهاندا کیمسه ایشیتمز کلاممی
درک ایلمز حقیقت مشی و مراممی
بو صفحه دن قانیله یودوم اسم و ناممی
ال چکدیم هر علاقه دن هر پایبندیدن
گیچدیم بلند و پَستی و پست و بلندیدن
چکدیم کناره جامعه دن مرز و حدّیمی
سوق ایلدیم تعادله اوز جزر و مدّیمی
ترک ایلدیم مجاورت قبر جدّیمی
دوتدوم سلوک و سیرده عهد و وفا یولون
بازارجان و مهد روان کربلا یولون
دنیاده کیم گوروبدی غزال گریز پا
صیّادین آختاروب دوشه آردینجا پا به پا
من کربلا بساطین اوزوم ایلدیم به پا
صیّاد بی امان گوز آچوب ذوالجلاله باخ
قانی آخان یانقلی باخان بیر غزاله باخ
بیر عمردور که من بوگونون انتظاریم
شب تا سحر ستاره شب زنده داریم
چوخ شکری وار که جانه یتوب جان نثاریم
ای جان دایانما گیت چک الون خانمانیدن
گیت بلکه بیر نشان تاپاسان بی نشانیدن
باک ایتمرم که بستر تن خون و خاک اولور
رحمت گلنده ابر کرم سینه چاک اولور
قانیم آخار جهان خِرد صاف و پاک اولور
شرع شریفی قانیله جاری ایدر حسین
اسلامی لوثِ کفردن عاری ایدر حسین
بیر پادشه یارالی دوشه نیمه راهده
سیل ستم آلوب گوتوره سیلگاهده
مین صفحه غم حکایتی هر بیر نگاهده
عالمده بیر کناره چکن یوخ او بی کسی
امواج خشمگینه قاریشسین حزین سسی
بیر برگ زردی خشک ایده گر صَرصَر مَمات
جوی روانه سالسا اونی باد حادثات
بیر چوخ ضعیف موره اولار کشتی نجات
قان ایچره توکدی برگیمی باد خزان زرد
تا کشتی نجات اولا سو اوسته برگ زرد
تار ایتمه سون غبار سفر رنگ آلیمی
قان چشمه سی آخوب یودی راه وصالیمی
تاپدیم مقام قربده حدّ کمالیمی
ذرّات چون کماله یتر آفتاب اولار
درویشه درد و محنتلن فتح باب اولار
شاهد سن عوالمون الله اکبری
ویردیم سنون یولوندا جوان اوغلوم اکبری
من اوز گوزومله گوردوم او گیسوی عنبری
دوشموش نظامدن دوشنوب سطح سینیه
باد صبا یرین ویروب آه سکینیه
باخدیقجا اوغلومون او ایپک گیسواننه
که لابه لا یاتوب بولانوب ایسّی قاننه
قلبیم یانوب آلیشدی قسم نازلی جاننه
بو درد بیشمار که یوز دوندروب منه
بیر لطفدور که فضل خدا گوندروب منه
ویردیم بو یولدا وارلیغیمی احتشامیمی
دنیای آرزونی جهان خیالیمی
عباس نامداریمی بیکس عیالیمی
هرچند یالقوزام داغیلوب یارویولداشیم
تک باشنه شریعته رونق ویرر باشیم
یازدیم نگاره گرچه ستم چوخ یترمنه
اولسا اگر الیمده قلم اوخ یترمنه
عزّ قبول و گرمی پاسخ یترمنه
شادم کمال لطف و عنایتله گَل دیدی
تیز ویر اگر الونده قالوب باش و ال دیدی
بیر خلوت ایسترم آچا طومار رازیمی
شرح ایلیم حدیث نشیب و فرازیمی
هر کلمه اوستونه توکیم اشک نیازیمی
یوخدور کفن حضورینه خلعت گییم گیدیم
بیربیر حکایت غم هجران دییم گیدیم
حکم شهادتیم یازلوب چون جبینیمه
قصد خیانت ایلمه گیچمه کمینیمه
ویرم قسم جلالت جان آفرینیمه
قوی آخرین نمازیمی ختم ایلییم گلیم
تا عمریمون ختامینی حَتم ایلیوم گلیم
شیر خدا رویّه سینی نشر ایدن منم
خاتم ویروب فقیری جهانبخش ایدن منم
بیر بارماقیله نقش سخا نقش ایدن منم
ویرم کرم الین بو گیجه ساربانیمه
هم خوابگاه راحتی اوز میزبانیمه
(هندی) اگر یوزونده نهاندور رموز غم
نای قلم ده نی کیمی پیدادی سوز غم
آغلا حسینه ایله شبِ عیشی روز غم
گلمیش نشیب شیب گیدوب شادی شباب
ای اشک دیده قویما چکوم منّت گلاب
مرحوم هندی
منبع مجموعه کانالهای مدح و مرثیه
موضوع: احوالات قتلگاه ,
زبان شعر و شاعر: نوحه ترکی , هندی
-------------------------------
زبانحال طفلان مسلم به حارث ملعون
پیغمبره حارث بلوسن نسبتیمیز وار
اولدورمه یتیموخ مگر آز محنتیمیز وار
اقدام ایلمه قتلیمیزه گلمه اوزاق دور
انصاف ایله بیرحم مروتدن اوزاقدور
ظالم دیمیسن بو ایکی بیچاره قوناقدور
قانون شریعتله بیزیم حرمتیمیز وار
کافرده مسلمانه دیمز بیر سوز ایوینده
ممکن اولا مهمانه ویرر یر گوز ایوینده
اُلدورمیوب هیچ کیمسه قوناقین اوز ایوینده
ظالم دیمیروخ رحم ایله باخ غربتیمیز وار
تقدیر بیزی خانه ی جلّاده گتوردی
قاتل قاپوسین ویردی نشانه داده گتوردی
آهونی چکوب منزل صیاده گتوردی
اوز قتلیمیزه گور نه عجب سرعتیمیز وار
بیر ایل بیزی چرخ ایلدی زندانیده محبوس
چوخ غصه چکوب اولمادوق اما بیله مأیوس
قورتولدوق او زندانیدن امّا گنه افسوس
بو ایوده بیزیم مین او قدر زحمتیمیز وار
هر چند سنه یالواریروخ ایتمیری تأثیر
بی چاره لره یوخدی مگر چاره و تدبیر
چوخ ویرما جفا سیلی سی وار بیزده نه تقصیر
ای سخت دل آخر گوروسن رقّتیمیز وار
گل مسلمون اولادینی سالما بو کمنده
مسلمسن اگر شیوه کافر ندی سنده
یول گوزلوری آغلیر آنامیز ایمدی وطنده
باجی آنادان آیری دوشوب فرقتیمیز وار
بو امرده گر مال جهاندور سنه منظور
ظلمیله بو آزاده لری ایلمه رنجور
گل زلفوموزی کس بیزی بازاری دولاندور
سات قول یرینه آل نه قدر قیمتیمیز وار
سن کسمه بیزیم باشیمیزی دوشمه عناده
پیغمبره باخ قتلیمیزه ایتمه اراده
قولاریمیزی باغلا آپار ابن زیاده
گورسون که نجه بیر سارالان صورتیمیز وار
گوردیله که رحم ایلموری عجز و نیازه
بیر مهلت آلوب دوردولا اول وقت نمازه
یوز دوتدی ایکی قطب وفا قبله رازه
عرض ایتدیله یارب نجه گور ذلتیمیز وار
یا عادل و یا حاکم و یا منتقم ا...
طغیان ایلیوب ظلمده بو ظالم گمراه
بو باره ده یا رب سن اوزون اول گله خونخواه
یوخ ناصریمیز بیر سنیله نصرتیمیز وار
نفرین ایشیدوب گلدی غضبدن دله حارث
اَل آتدی چکوب خنجری بی فاصله حارث
سبقت ایلیوب بیربیره سویلردیله حارث
اُلمکده ایکی قارداش آرا سبقتیمیز وار
کسجک باشینی هر برینون زلفینی یولدی
آتدی سویا نعشین سو یوزی قانیله دولدی
گَلدی ایکی قارداش بدنی قول بویون اولدی
ای شیعه بو مطلبده بیزیم حسرتیمیز وار
صد آه حسین قارداشی عباسه یتنده
گوردی که دوشوب قولاری قالموبدی بدنده
سویلوب که بلیم سندی برادر سن النده
جسمون یاراسیندا منیله شرکتیمیز وار
اوخدان قاناد آچدی بو کشیده بویون عباس
هرگز دیمدون راحت اولا بیر قویون عباس
نه واردی قولون بیرجه اولاخ قول بویون عباس
نه درد دل ایتمکلیگه بیر فرصتیمیز وار
مرحوم هندی
منبع مجموعه کانالهای مدح و مرثیه
موضوع: فرزندان حضرت مسلم (ع) ,
زبان شعر و شاعر: نوحه ترکی , هندی
-------------------------------
اربعین حسینی
شاماتی گزوب دیده خونباریله گلدیم
قبر اوسته گلن دسته زواریله گلدیم
عالملری حیرتده قویوب پایه صبرون
زینب سنه قربان نیه شش گوشه دی قبرون
اول علی اکبر قانینی قانوه قاتدون
باشسیز بدنون صونرا باسوب باغریوا یاتدون
بو یاتماقیلا بیرق اسلامی اوجاتدون
طوبی آغاجندان آسیلان خوشه دی بو قبر
بولدوم باجون السون نیه شش گوشه دی بو قبر
هر چند گل یاس قویولموش اطاقوندا
بیر گلبن نوخیزده واردور قوجاقیندا
قرمزی شکوفه آچیلوبدور بوداقیندا
قبرونده نهالان بهشتی گل آچوبدور
آرتوق دیمورم اصغروون رنگی قاچوبدور
باشون بدنون معجزه شام و دمشقون
گوستروردی اخا پختگی شیوه مشقون
اما نه بیوک معجزه دور وحدت عشقون
بو قبره ایکی نور گرانمایه دوشوبدور
شاخه ایکی اما یره بیر سایه دوشوبدور
بو مرقده وار حسرتی جنات نعیمون
جنت باغنا درس وفا ویردی حریمون
خوش حالیوه خوش صحبت و خوش خودی ندیمون
باس باغریوا جانانوی زیبادی جواندور
عالم گوره بو قبرده گلخانه جاندور
قیرخوندی عیالمون هامی قبر اوسته گلوردی
غم خسته سی بیر دسته برجسته گلوردی
بو دسته حسینی لره وابسته گلوردی
منده قاریشوب اونلارا قبر اوستنه گلدیم
امیدیمی هر یردن اوزوب بیر سنه گلدیم
ایکاش الوب تپراق اولوب مدفن اولیدیم
پیراهن گل تک سنه پیراهن اولیدیم
بیر سن بو مزار ایچره اولوب بیر من اولیدیم
اول سر ژگانیله بیر قبر قازیدیم
باش داشنه تاریخ ره شامی یازیدیم
ای قبر مطهر نه عجب روح فزاسن
شمع شب وصل و نفس صبح صفاسن
غرق عرق پیکر شاه شهداسن
ای عود غم آلود یانان عطروه قربان
ای صفحه قرآن یازیلان سطروه قربان
ای سایه حق لطف خدا کعبه آمال
ای قوت دل راحت جان شاهد اقبال
ای کان کرم یات قوری تپراقده خوشحال
یاتمش سان اگر صورت ظاهر قوری یرده
غم یوخ که یاتار گنج و جواهر قوری یرده
روحون کیمی وارسته و آزاده دی قبرون
قان آغلیوب آغلاتماقا آماده دی قبرون
باغرینده یاتان دلبره دلداده دی قبرون
ریحان خطیله کاتب سرمشق حسینی
قبر اوسته یازوب مدرسه عشق حسینی
ای باغ بهشتی گل و گلزاروه قربان
ای غنچه تر عقده گشا خاروه قربان
ای قصر ممرد در و دیواروه قربان
قارداشیمی آهسته چک آغوشوه ای قبر
بیر مونسی وار چکمه تک آغوشوه ای قبر
هرچند عزیز خاطریوه باردی زینب
درد اهلی دی چون یار دل آزاردی زینب
دیندیر اونی آخر سنه زواردی زینب
آغلار گوزی خم قامتی گیسوی سفیدی
ترسیم ایدر آق صفحه ده ایوان یزیدی
پروانه اگر شمع صفت شامله خوشدور
عاشق نفس گرم دل آرامله خوشدور
زینب ده بو درگاه فلک بامله خوشدور
قوی قبر شریفونده مجاور اولا باجون
دائم دوشنوب قبروه زائر اولا باجون
یوللاندی مدینه یولونا قافله قارداش
ایل گیتدی گرک منده گیدم یوخ گله قارداش
یوخ کیمسه منیم دردیمی من تک بوله قارداش
آرامگهون حسرتیله ترکنی ایتدیم
الله اوزی عالمدی که گیتدیم نجه گیتدیم
مرحوم عبدالرحیم شباهنگ (هندی)
منبع مجموعه کانالهای مدح و مرثیه
موضوع: احوالات اربعین ,
زبان شعر و شاعر: نوحه ترکی , هندی
-------------------------------
ای اوخ
گوروب سنده تجلای نشان بی نشان ای اوخ
مکان لامکانی دل سنه ویردی نشان ای اوخ
ویروبسان قلب اقلیم وفا و عشقه پرچم سن
ایدوبسن انتظام عالم امکانی برهم سن
اولوبسان ایمدی که اسرار سراللهه محرم سن
تلاش ایت راز تک اول دلده گوزلردن نهان ای اوخ
رها ایتدون لقا مشتاقینی قید تکلفدن
زجاج خاطره ویردون صفا گرد تاسفدن
جهانه افتخار ایتسن سزادور بو تشرفدن
تجلی گاه وحدتده اولوبسان میهمان ای اوخ
کمانی ترک ایدنده عزم مقصدله شتاب ایتدون
خطاده وار خطا گوردون خطا گیتدون صواب ایتدون
محبت کعبه سین بیر اعتکافیله خراب ایتدون
خلیل عشق اشکی اولدی زمزم تک روان ای اوخ
بولردی یوخسا سنله نه خطا بیر قصد ایدوب دشمن
که مین عجزیله اولموشدی سنه زه دست بر دامن
گوروب بو عزم ده وار اهتمامون تیتردی دلدن
ندامتدن خم اولدی پشت گردون تک کمان ای اوخ
دیمم هرگز دل غمدیده و نالانی اینجیتمه
خفاگاه لب عطشانه یتمیش جانی اینجیتمه
مدارا ایت ولی دلده غم جانانی اینجیتمه
غم جانان قبالنده ندور سودای جان ای اوخ
نه تک موج فضانی شرح ایدوب قصد شکار ایتدون
پر جبریلدن بال ملائک دن گذار ایتدون
دل زهرانی قلب مصطفانی (ص) داغدار ایتدون
فراز ذروه وحدتده تاپدون آشیان ای اوخ
کلیمه طورده بیر نخله حق نورین ایدوب روشن
اولوبدور باشنه صیت اناللهیله شور افکن
مگر سنسن همان پر شعله شاخ نخله ایمن
او نار و نور و شوری ایلدون دلده عیان ای اوخ
اگرچه مرغ دست آموز قوم کینه پرورسن
آلوبسان طایران قدسدن بو عرصه ده پر ، سن
(حمام نامه برسن) ، حامل پیغام دلبرسن
فضای گلشن دلده اولوبسان پر فشان ای اوخ
حریم رازه آچدون شاهراه صحبت والفت
حسین بن علی قلبینده یرتاپدون زهی عزت
دل سوفاری یاندیردی شرار رشکه بوحسرت
تلاش ایلیب اوداتاپدی بوعزتدن نشان ای اوخ
صفیرون نغمه مرغ بهشت وصله آیتدور
فروغ نوبهاروصل جاناندان حکایتدور
یقیناماجرای هجره هنگام نهایتدور
ایدربودلنشین آهنگ ختم داستان ای اوخ
دگل بیجاکه دل عطف عنان ایتموب مسیروندن
تشفی آختاربدورسوزینه سوزضمیروندن
ندای البشاره آلدی آهنگ صفیروندن
گوزاوسته یرویریب ایتدی سنه توقیر شان ای اوخ
پرآچدی دل سروریندن چوشصت کینه دن گیچدون
اولوب غرق شعف تاگوردی اودلی سینه دن گیچدون
رضاالموب گوره سرمنزل دیریندن گیچدون
حریم امنینی ایتدی سنه دارالامان ای اوخ
سن ای جانسوزپیکان من کیمی عطشانیدون گویا
که بوسرچشمه فیاضه آچدون دست استسقا
بومشربدن یتن بیرفیض جاویدان لاینفی
سنی سرچشمه حیوانه ایلرسرگران ای اوخ
بولردی یوخساسنله نه خطابیرقصدایدیب دشمن
که مین عجزیله اولموشدی سنه زه دست بردامن
گوروب بوعزمیده واراهتمامون تیتردی دلدن
ندامتدن خم اولدی پشت گردون تک کمان ای اوخ
زبس سوز دلون آرتوبدی بوکانون آذردن
علاجی ممکن اولماز آب زهر آ گین جوهردن
نه اوددورجانوه دوشموش شرارداغ اکبردن
که سیراب اولموسان ایچدوخجاجرعه جرعه قان ای اوخ
نهانگاه دله دلدن ایدیب شورونواگلدون
خیالوندن اورکده ناله والیتناگلدون
نوای واحسینا ئیله شوره بی نواگلدون
بیان غمده اولدون زینبیله هم زبان ای اوخ
دیمم ایتدین اورک تسخیری سودای سویدادن
که مین لرفتح باب اولدی دله انافتحنادن
دگل زائل اولان هرگزبوفتح آثاری دنیادن
دوتارصیت حسینی عالمی تاوارجهان ای اوخ
نوای مرغ یاحقی گیجه یار دل تنگ ایت
هم آوازاول شباویزیله (عابد) ناله چون چنگ ایت
بوآهنگ (شباهنگیله) آهنگ شباهنگ ایت
پرآچ اوزآچدوقون بیریاریه اول سایه بان ای اوخ
مرحوم هندی
منبع مجموعه کانالهای مدح و مرثیه
موضوع: حضرت ابوالفضل العباس (ع) زبانحال ,
زبان شعر و شاعر: نوحه ترکی , هندی
-------------------------------
احوالات کوفه
گون باتمادان گیچن گون بنزردی آیه باشون
دشمن ایوینده یاتدون دوشدی بلایه باشون
ایکاش گیتمییدی مطبخ سرایه باشون
شوریده سر باشوندا بیر آتشین شرر وار
بیر جذبه بیر کشاکش بیر عالم دگر وار
یوخسا تجلّیات دلداردن خبر وار
چیخموش سر سنانه سیر و ثنایه باشون
گیتمه دیدیم گوزومدن باش دوتمین سوز اولدی
گیتدون صباح اولونجا بیر محنتیم یوز اولدی
وار شکری صبح آچیلدی گون چیخدی گوندوز اولدی
ایتدی بیزی مشرف فیض لقایه باشون
صبح اولدی گلدی باشون گون چیخدی منزلیمده
قندیل نور آسیلدی ایوان محفلیمده
شأن شریفه لایق بیر تحفه یوخ الیمده
لطفا عنایت ایلر بو خاکپایه باشون
بیر باش که واردی وصفی الله نور ایچینده
یاتمازدی مهد ناز دامان حور ایچینده
بو باشه نه روادور یاتسون تنور ایچینده
ایتدی نجه تحمّل بو ناروایه باشون
عشقون گذشتی چوخدور جاندان گیچن دل اوسته
قویماز ره وفاده باش بستر گل اوسته
امّا یارالی بیر باش هاردا یاتوب کل اوسته
آرتوردی بو گذشتی رسم وفایه باشون
گون تک گیدردی باشون شامه ایکیندی چاقی
شام اولدی یاندی سوندی پیغمبرین اوجاقی
وقتینده یتدی داده صدّیقه نون قوجاقی
مین جان ایدردی قربان بیر لایلایه باشون
حقّا که معجز ایلر آغوش گرم مادر
گوردون آنا قوجاقین گلدون دله برادر
غم قویدی غملر اوسته شرح حجاب و معجر
خوش تسلیت ویروبدی خیرالنسایه باشون
بیر اربعین بو باشین دورینده جان نثارم
تا خادم حضورم خوشبخت روزگارم
افسوس باقی عمر هجران الینده زارم
من یثربه بشیرم کرب و بلایه باشون
بیر گونده مین یول ایستر گون باشیمه دولانسون
یانمیش جمالی گورسون باخدوقجا جانی یانسون
توپراقلارا دوشنسون سایمده دالدالانسون
سایمده وار بو عزّت سالدوقجا سایه باشون
بیر جذبه بیر توجّه بیر برق نور ایمان
کافیدی پیر دیری ایتسون رهین احسان
سندن عجب دگول ای سرّ بُطون قرآن
ترسانی ایتسه تبدیل بیر پارسایه باشون
سرّ بلا یازیلمیش بیر سطر مشق ایچینده
دردآشنا گورر بو سرمشقی عشق ایچینده
بیجا دگول برادر شام و دمشق ایچینده
بیر بیر گزر چکر باش هر ابتلایه باشون
سرگرمی تنوری هرگز من ایتمرم فاش
صبر ایلیوب دایانّام هر بیر بلایه قارداش
امّا حرم لرونده نه ال قالار نه ده باش
قویسا اگر ایاقین طشت طلایه باشون
(هندی) الینده توشه برگ خزان آپاردی
برگ خزانی یولدا باد وزان آپاردی
(صافی) دیوبدی گرچه نوحه یازان آپاردی
کلّا شفاعت ایلر اهل عزایه باشون
مرحوم هندی
منبع مجموعه کانالهای مدح و مرثیه
موضوع: احوالات کوفه ,
زبان شعر و شاعر: نوحه ترکی , هندی
-------------------------------
زبانحال حضرت امام حسین (علیه السلام)
به شمر ملعون در قتلگاه
تیترمه ای شمر قوخما سنده گل کس باشمی
کس بو کسماخلا کسیلمز نسل پاک هاشمی
تا جهان وار صدر عالمده محمّد آدی وار
من اُلوب گیتسم گینه سجّاده مون سجّادی وار
من اُلم اُلمز آدیم باقیدی آثاریم منیم
اُلمز آثاریم که ثاراللهیدور ثاریم منیم
کمترین کالای جاندور نقد ایثاریم منیم
من اوزوم ویردیم الیمدن یاریمی یولداشیمی
روشن ایتدیم عالمه تاریخ آل هاشمی
من نبیّ اکرمون نوّاده والاسیم
فاطمه بنت رسولین گوهر یکتاسیم
هم مصیبت موجیم هم درد و غم دریاسیم
سوز و ساز عشقده بال و پر پروانیم
مصطفی جدّیمدی صنف انبیانون خیری دور
مرتضی تون سیری بیر انسان کامل سیری دور
باشیمون هر ماجراسی ماجرالر غیری دور
سیندیرا سنگ جفا لب تشنه باشیم کاسه سین
حشره دین ایلر بلند آوازه بو جامین سسین
عاشق حقّم گرک پرشور اولوب بی باک اولام
سیل اشگ غم کیمی هم بستر خاشاک اولام
دامن صبحم گرک گون گورمه دن صد چاک اولام
نور حق هر حال و هر احوالده ایلر ظهور
باشمی کسسن آخان قانیم یازار اللهُ نور
موجهای سرکش دریای بی پایان کیمی
هاردا سیل غم گوروب آغوشه چکدیم جان کیمی
ظلم الندن سر بلندم آه مظلومان کیمی
باش اوجالدیر نیزه باشندا باشیم قرآن اوخور
هر مصیبت گلسه (کُلّ مَن عَلِیهآ فآن ) اوخور
شمع یاندیرسا اگر پروانه نین بال و پرین
ماتمنده اگلشوب باشه سپر خاکسترین
منده چوخ خوش عاقبت بوللم ستمگر خنجرین
قان ایچن خنجر دایانما کس بو باشون دردینی
جوی خون آخسون یوسون دوران عمرون گردینی
بیر بیله دمده که دوشمز اوز یادیم اوز یادیمه
قورخورام زینب باجیم گلسون منیم فریادیمه
ای شهادت هارداسان تیز گل یتیش امدادمه
حقّی وار زینب آچا باشین توکه گوز یاشنی
خنجر آلتندا گورنمز بیر باجی قارداشنی
ویر امان یا من گیدیم یا گلسون اکبر یانمه
گلسون اکبر یانمه قانی قاریشسون قانمه
زیر سایمده یاتوب یاتدیقجا یاتسون جانمه
گللر اوسته دوشسه سرو سرفرازین سایه سی
گل طراوتله قالیر آرتار شکوه پایه سی
مرحوم عبدالرحیم شباهنگ (هندی)
منبع مجموعه کانالهای مدح و مرثیه
موضوع: احوالات قتلگاه ,
زبان شعر و شاعر: نوحه ترکی , هندی
نظرات (۰)
هیچ نظری هنوز ثبت نشده است