متن نوحه ترکی معزی اردبیلی
مجموعه اشعار متن نوحه ترکی از استاد معزی اردبیلی در مدح خاندان عصمت و طهارت (ع)
---
احوالات ورود به مدینه
گنه خروشیده دور بحر غم قیامتدی
گلوب مدینیه اهل حرم قیامتدی
کنار شهریده چادرده اولدیلار ساکن
افسرده عترت شاه امم قیامتدی
آلوردی فاطمه عطرین دیوردی زینبِ زار
گلور قابورقاسی سینمیش ننم قیامتدی
بشیر زین العبا امرینه اولوب تابع
دوتوب الینده قرا بیر عَلَم قیامتدی
قویوبدی شهره قدم سسلنوبدی قُتل الحسین
چیخون قباقه حسینه قسم قیامتدی
اولوبدی کوی محن کوچهٔ بنی هاشم
گوروشمَگه گوتوروبلر قدم قیامتدی
عصایه تکیه ائدوب ائللری ئولن صغرا
دیور کی هم منه محشردی هم قیامتدی
نشان ویر اکبریمی اکبرین مریضه سیم
آماندی جدّه منه قیل کَرم قیامتدی
یتیمینون یاپیشوبدور الیندن ام بنین
اولوب تفاقی بیلوردی بهم قیامتدی
بشیریلن دانیشاندا دیوب حسینیم هانی
پوزوبدی حالیمی دردو الم قیامتدی
دئدی خانم بویانوب قانینه امام حسین
وزیرینون قولی اولدی قلم قیامتدی
ایکی الین باشینا ووردی محکم عبدالله
دئدی بلایه نشان منم قیامتدی
ننه،ننه قییدک منزله یتیم قالدیم
چکیلدی نقشیمه خط عدم قیامتدی
چادردا زینبی ئوز صاحبی گوروب تانیمور
دیار غمده اولوب قدّی خم قیامتدی
دیور کی سیّد سجاده زینب عمّون هانی
نشان ویروبدی شه محتشم قیامتدی
بو نچه آیدا دئدی عم قیزیم عجب قوجالوب
داشوب نه علته جام ستم قیامتدی
دئدی عم اوغلی بلا فوجی اوستومه توکولوب
او زینبم ولی غم غصه دن بلیم بوکولوب
گزوب جلای وطن لر قیتدیلر وطنه
جوان بالاسی ئولن لر قیتدیلر وطنه
دئدیم مدینه قبول ایتمه آل اطهاری
غریق بحر محن لر قیتدیلر وطنه
آلوب مشاملری ختم الانبیا عطرین
زیارته تَله سن لر قیتدیلر وطنه
شکایت ایلمه که اهل ناریدن آناما
عزالی وجه الحسن لر قیتدیلر وطنه
دارادی اکبریمون کاکلنی خنجر لر
جنازه اوسته دوشن لر قیتدیلر وطنه
حسن نشانه سینی دوغرادی سپاه دغا
یاسیندا اشک توکن لر قیتدیلر وطنه
سو اوسته ویردی ابوالفضلیمیز ایکی قولونی
گوزون یولونا تیکن لر قیتدیلر وطنه
دویونجا آغلامیشوق عون وجعفرو فضله
عزاده غش ایلین لر قیتدیلر وطنه
فراتی باغلادیلار یاندی اصغرین دوداقی
خیامیده سو گزن لر قیتدیلر وطنه
هدفدن انّیلی اوخی ووردیلار بوغازیندن
فدا کیمی بزیین لر قیتدیلر وطنه
ایکی هدیه می ائتدیم حسینیمه تقدیم
قرالرینی گین لر قیتدیلر وطنه
سوسوز کسیلدی حسینون باشی قفاسیندن
دیار شامه گئدن لر قیتدیلر وطنه
چکیلمیوب هله ده قمچی ردّی قوللاردان
گورنده شمری اَسن لر قیتدیلر وطنه
رقیه آدلی بالا گئتدی قبره غربتده
بالاجا قبرین ئوپن لر قیتدیلر وطنه
خرابه نون بوجاقیندا رقیه وای دئدیلر
وطنده زلفین حورن لر قیتدیلر وطنه
«معزی» ده هئچ ئولونجه غرور گورسنمز
حسینچینون نجه عشقینده شور گورسنمز؟
معزی اردبیلی
موضوع: احوالات ورود به مدینه ,
زبان شعر و شاعر: نوحه ترکی , معزی اردبیلی
-------------------------------
زبانحال حضرت امام رضا (علیه السلام)
گل جوادیم گوزوم اطرافی گزر جان ویرورم
دوغرانوب زهر جفائیله جگر جان ویرورم
آلنما آخرعمریمدی سویوخ تر دوزولوب
سال شتابیله خراسانه گذر جان ویرورم
طوسیده گوزلری یولاردا اطاقیمده اوغول
انتظارم سنه هرآن نقدر جان ویرورم
قولوی بوینوماسال منده اوپوم صورتوی
گورسنه یوزیوزه شمسیله قمر جان ویرورم
احترام ایلدی مامون منه خلقین گوزونه
منده بد فکرینه وار گوردی ضرر جان ویرورم
ویردی انگوریده زهری اوره گیم پارچالانا
یوزوی گورمگه قلبیم تله سر جان ویرورم
مین طبیب لولسا طبابت ایلسه ایندی منه
بیلورم ورمیه جک ذره ثمر جان ویرورم
سندی آئینه کیمی شیشه عمریمده منیم
ووردی داش پنجه پرخوف وخطرجان ویرورم
معزی اردبیلی
موضوع: حضرت امام رضا (ع) احوالات ,
زبان شعر و شاعر: نوحه ترکی , معزی اردبیلی
-------------------------------
زبانحال در ورود به مدینه
زینبم گوز یاشلیام زهرا آنا قارداشسیزام
ئولدوروب اَللّرده فوج اشقیا قارداشسیزام
باشیمون سندَنصورا سایسیز بلاسیندن دیوم
کربلانین خوشدور اوّل ماجراسیندن دیوم
دشمنین اوغلون حسینه چوخ جفاسیدن دیوم
تشنه کَسدی باشینی شمر دغا قارداشیزام
قلیینه میدانیده اوچ شعبه لی اوخ ووردیلار
لازمیدی قیزلارین وورمیدیلار یوخ ووردیلار
هانسی قیز گوشواره لیدی دوتدیلار چوخ ووردیلار
من دیدیم رحم ایله یاندیم ای خدا قارداشسیزام
کیم منیم تک زندگی سینده بلا رنجین اوتار
عمرینه هرگون دیدیم قالما حسینیمسیز قوتار
خولینی شمری سَنانی عاقبت آهیم دوتار
گوجلیدور نالم واریم محزون صدا قارداشسیزام
شهر یثربدن چیخاندان چوخ مصیبت چکمیشم
کربلانین غملو صحَر اسینده گوزیاش توکمیشم
زلف آغاردیب وای حسینیم وای دیوب بِل بوکمیشم
قدّیمه باخسون گورنمسن رسا قارداشسیزام
گُل بوغازینده ویروبدور خنجره قاتل مکان
اللّریکی قدسیان اوپموشیدی کسدی ساربان
پارچا پارچا ایله دی عطشان دوداقین خیزران
دینمه رم فکر ایتدی دشمن مطلقا قارداشسیزام
تختین اوسته هندین اوغلی اگلشوب هزیان دیدی
خیزران اَندیردی قانلی باشدان آخسون قان دیدی
آخر تالاریدن مظلومه لرد جان جان دیدی
اُم کلثومون دِیَردی حیف اولا قارداشسیزام
قالدی عریان قارداشیم اَللّردن آلدیم کوینگین
قلبی یانسین کیم سویوب گوردوم سارالدیم کوینگین
اربعینینده مزاری اوسته سالدیم کوینگین
سس دیدیم وِیر قبریدن ای باوفا قارداشسیزام
سینه مه آلدیم حسینیم تاپشوران دُردانه نی
قالدی آباد ایتمه گه شاماتیده ویرانه نی
بیر گیجه یاد ایله میشدی شمع غم پروانه نی
عرض ایدوب گل نطقه منده آی بابا قارداشسیزام
گلمه دی اُّم البنینون مه لقا اوغلانلاری
ایتدیلر اوغلون حسینه چوخ وفا اوغلانلاری
تاپدیلار فیض شهادت باصفا اوغلانلاری
ساخلادی قارداشلاریمی کربلا قارداشسیزام
اهل بیت مصطفایه ویرمَدی اعدا سویی
گیتدی بی پروا اباالفضل آلدی بیر دریاسویی
باخ گوزل نفسه حسین سیز ایچمدی سقاسویی
جانینی قربان ویروب صاحب لوا قارداشسیزام
گرم استقبالینه اولموش مُهیّا اوغلی وار
چوخ ادبلی گورملی مجذوب زیبا اوغلی وار
گوزلرین یولّلاره تیکمیش ماه سیما اوغلی وار
بیلمیور اما هله من بینوا قارداشسیزام
نالیه آیا نه نوعی آل طاها گلمه سون
یثربه اکبر سیز ایستر امّ لیلا گلمه سون
امّ سلمه گلسون استقباله صُغرا گلمه سون
گورسه یوخ اکبردیر وا اکبرا قارداشسیزام
بیلمیور قلبیم،نه نوعی کربلاده داغلانوب
بیلمیور اکبر غمینده دل یانوب قان آغلانوب
بیلمیور قارداشینون چوخدان اوطاقی باغلانوب
سسله نَر گُلمزیوزوم ای اقربا قارداشسیزام
معزی اردبیلی
موضوع: احوالات ورود به مدینه ,
زبان شعر و شاعر: نوحه ترکی , معزی اردبیلی
-------------------------------
اربعین
ئوپم مزاروی کرب و بلایه گلدیم حسین
عزا دوتام سنه دشت نوایه گلدیم حسین
بوگون باجون اولا قربانون اربعینوندور
خانم حرملریویلن عزایه گلدیم حسین
گلنده من قاباقا چیخمادون بو صحراده
دئدیم یارالی دی گلمز صدایه گلدیم حسین
مریض عشقووم ای عاشق حق داور
دواسین آلماقا دارالشّفایه گلدیم حسین
بیلوردوم اوزلرینی آز قالار کی ئولدورلر
تسلّی وئرمگه آل عبایه گلدیم حسین
دیردیم اوز اوزومه قبروی هاچان گوررم
واریم سپاس فراوان خدایه گلدیم حسین
اویان اویان سو گتوردوم سنه سوسوز ئولنیم
مقابلینده سوزوم وار عطایه گلدیم حسین
مزاریدن منه سس وئر داریخمشام والله
شهادته یتیشنده هرایه گلدیم حسین
سنون سسوندی دوا قلبیده اولان یاراما
دوا تاپولمادی سندن دوایه گلدیم حسین
دیدیم کی قرخ گون اولار قلبیمون باشی دوتولوب
بوگون اوزاق یولی مهد صفایه گلدیم حسین
قسم حبیبهٔ کبری یارالی زهرایه
چیخوب شرارهٔ آهیم سمایه گلدیم حسین
وروبلا قزلاروا تازیانه یوللاردا
شکایت ائتمگه صاحب لوایه گلدیم حسین
ویراندا لبلروه خیزران یاراسی یزید
دیدیم من حق سوزی اهل جفایه گلدیم حسین
قسم اوره ک یاروا من قالانمورام سنسیز
نئجه کی اللری باشدا منایه گلدیم حسین
هامی گلوب هامی قبرون ئوپر هامی آغلار
غم ائوز وئروبدی من مبتلایه گلدیم حسین
سوروشما گلمیشم اللر اورکده شرمنده
ویرم گزارش شاه ولایه گلدیم حسین
ئولوبدی بیر قزون اللرده شام شهرینده
قویولدی میّتی ویران سرایه گلدیم حسین
رقیّه ئولدی دیدیم محنتینده جان ویردیم
قازوب مزار همان مه لقایه گلدیم حسین
یری گلور منه چوخ نازنین قزون یری بوش
یئتیشدی تازه محن آشنایه گلدیم حسین
گلنده قبرینی ئوپدوم دیدیم خداحافظ
کی تاپشوروب اونی اهل وفایه گلدیم حسین
«معزی»ام نئچه ایلدی غمونده یانّام آقا
زیارت عشقینه کرب و بلایه گلدیم حسین
معزی اردبیلی
موضوع: احوالات اربعین ,
زبان شعر و شاعر: نوحه ترکی , معزی اردبیلی
-------------------------------
اربعین
گلنده کرب وبلایه زیارته زینب
باخوب یانوبدی صداسیز ولایته زینب
بویوردی سن آنامون اوغلونون یاتان یری سن
علیُّ اکبرینون قانینه باتان یری سن
نجه باخوم سنه باغلاندی سو یولی سنده
سو اوسته دوشدی ابوالفضلمون قولی سنده
مدینه دن سنه جاه وجلالیلن گلدیم
غمیم یوخیدی نچه مه جمالیلن گلدیم
حصار صبریمی بیر گونده یخدی دست ستم
خانملیقوم یالان اولدی تفاقیم اولدی بهم
تعجبم نیه محنتدن ئولمدیم سنده
باشیم آغاردی یوزوم سولدی گولمدیم سنده
حسینیمون یاراسی پیکرینده چوخ واریدی
چکلمه میشدی وجودینده سایسیز اوخ واریدی
گیدنده کوفیه سندن ئوره گی قان گیتدیم
دیدوم چکنمدیم اوخلاری ناگران گیتدیم
تمام عالمی آهیله یاندیروب زینب
گوزین صاقا صولا بیر آز دولاندیروب زینب
بلا چولونده کی انصار و یارین آختاردی
ئورک گوزیله حسینون مزارین آختاردی
دیدی حسین چوخ اولان دلده صبرووه قربان
یاتوبسان هاردا باجون توزلی قبرووه قربان
عزالی زائروم ای شه جهان،گلورم
مزاروی آلام آغوشه باغریقان گلورم
شرار آه دلیم عرش طاقنه چیخلوب
قباقه چیخ باجوام یورقونام ایویم یخلوب
حاج یوسف معزی اردبیلی
موضوع: احوالات اربعین ,
زبان شعر و شاعر: نوحه ترکی , معزی اردبیلی
-------------------------------
اربعین
کربلایه یورولان لشکری زینب گتوروب
اوج عزّتده سنان شهپری زینب گتوروب
متبّرک ایلیه قارداشنون قبرینده
آغاران باشدا قرا معجری زینب گتوروب
قبرینون اوسته قویا اشکینی رخساره توکه
الده پیراهن حزن آوری زینب گتوروب
دیوب هر دم سنه قربان اولا شرمنده باجون
مگر اوچ یاشدا گوزل دختری زینب گتوروب
آل اطهار گوز آلتی دویولن سمته باخوب
قمچی آتدا گوگرن اللری زینب گتوروب
سو کنارینده یاتوبدور اوجا بوی قارداشی
کاروانینده ملر خواهری زینب گتوروب
اربعین علی اکبردی بلانون چولونه
مادر اشبه پیغمبری زینب گتوروب
باخوب اصغر ملین سمته گونی قاره رباب
بالاسی الده ئولن مادری زینب گتوروب
الغرض قویدی حسین قبرینه زینب یوزونی
دیدی دور عترت غم پروری زینب گتوروب
گوزلریم قبرووه قربان نئجه دی یاره لرون
الّلی ایل اشک توکن گوزلری زینب گتوروب
دانیش ای فخر ملائک دلوون قربانی
سوزوی دُرّ بیلوب مشتری زینب گتوروب
ئولدی غربتده بالون قبرینی قازدیم قارداش
دیمیور فاطمیه بنذری زینب گتوروب
زینبم صبح و مسا دیده سی گریانم حسین
انبیاء شوط ایلین قبرووه قربانم حسین
گویا سس یتیشوب عالم فرقتدی باجی
هر سوزون واردی گتور ظاهره فرصتی باجی
دئدی قبروندن حسین جان آنامون عطری گلور
دئدی زهرا آنامون قصدی زیارتدی باجی
دئدی اطراف مزارونده ملر قزلارون
دئدی بیلّم هاموزا مثل قیامتدی باجی
دئدی پیراهنوی آلمیشام اللردن حسین
دئدی گیزلت بالالاردان سنه قسمتدی باجی
دئدی قلبون گینه ده سوز حرارتده یانور
دئدی کوثرلن اولوب الفتی مُدّتدی باجی
دئدی سقّا نیه قبروندن اولوبدی آرالی
دئدی قئزلاردان ابوالفضل خجالتدی باجی
دئدی شهزاده بالون پایین پایونده یاتوب
دئدی گُل جسمی منیم قبریمه زینتدی باجی
دئدی سینونده یاتوب اصغرون حالی نئجه دی
دئدی سو ایستمیور قبریده راحتدی باجی
دئدی داش ووردیلار آلنوندان اولوب قان جاری
دئدی گر یاره گوره عاشقه لذتّدی باجی
دئدی باش محمله چالدیم سنون عشقونده حسین
دئدی باعث بئله رفتاره محبتّدی باجی
دئدی قانلی دوداقوندا یودی کیم قانلی کولی
دئدی راهب یودی دائم یری جنتّی باجی
دئدی یاندوم دوداقون پارچالانان ساعت من
دئدی محکم دانشوبسان منه منتّدی باجی
ای «معزی»یازوب اشعارووی توک گوز یاشوی
روز محشرده حسین قورخما اوجالدار باشوی
معزی اردبیلی
موضوع: احوالات اربعین ,
زبان شعر و شاعر: نوحه ترکی , معزی اردبیلی
-------------------------------
احوالات حضرت رقیه (سلام الله)
وقتیکه رقیه ئورگینده محن ئولدی
ویرانه ده گوز یومدی قولوندا رسن ئولدی
دیدارینه گلمشدی حسین قانلی طبقده
باخدی یارالانمش باشینا غصه دن ئولدی
امکانی یوخیدی دوداقیندان کولی سیلسون
دلدن دوشوب اول دختر شاه زمن ئولدی
زینب یوزینی دوتدی حسینه دئدی قارداش
قانلو باشوی گوردی بالام غفلتاً ئولدی
یاز نسخه سینی ای دوداقی یاره طبیبیم
گوز یومما بیان ایله رقیم ندن ئولدی
گوزلردی سنی شامیده آغلاردی همیشه
اشگین یوزه توکدی یولی گوزلین ئولدی
گوز تیکدی خرابه قاپوسیندا یولا باخدی
وصلونده سنون خورداجا قلبی اسن ئولدی
دینجلدی فلک سینمی ده ایلدی خالی
یوللاردا باجون زینبه عمّه دیَن ئولدی
یوردی بالامی قمچی گوزوندن ایراق اولسون
گلمور نفسی شمر ستمگر دوئن ئولدی
آج قالدی ئوزی نفسینی سیندیرمادی اصلا
ویرانه ده آهسته گجه سسلنن ئولدی
هر دم سوروشاردی بابام هاردا خانم عمه
هیچ وقته دیمزدوم که یوزوندن ئوپن ئولدی
تاب ایله دیَردیم گله جک دیده حسینیم
گلدون نه دیدون دختر شیرین سخن ئولدی
کیم گیتسون حسین بو قیزا غساله چاغیرسون
یوخدور کفنی سن کیمی بو بی کفن ئولدی
کیم دفن ایلسون کیم بالاجا قبرینه قویسون
نازیله قوجاقونده حسین اگلشن ئولدی
گوز یاشلی گلوب شام غریبانووه بیر باش
توزلی ساچینی سینوون اوسته سرَن ئولدی
شامون یولونی اللری باشینده گجیلن
قورخیلا تیکانلیقدا پریشان گَزن ئولدی
دینجلدی جفادن بو گیجه شمرون اسیری
سندن صورا قوللارین حسین ایپ کسن ئولدی
گوزلر آخینوب باغلامیشام دیده پر آبم
آز عمریده چوخ رنج و مصیبت چکن ئولدی
چادرده قرا معجر آچان ایستی هواده
اصغر بشیگین محنتیلن ترپدن ئولدی
شیرین دیلینه ویردیلا گوز من بئله بیلّم
چوخ ایستمه لیدی ئورگون ایستین ئولدی
سیلی یوزینه قانلی لکه سالدی حسینیم
اللرده آنام فاطمیه بنذین ئولدی
آیا بودا گیتمشدی قباله دالسیجان
شمرون ستمیدندن ئورگی اینجین ئولدی
درد دلینی شامیده قیزلاره دیمزدی
قلبینده ئورک صحبتینی گیزلدن ئولدی
نیلی یوزینه قویمادی یولداشلاری باخسون
زلفین گوگرن صورته دائم توکن ئولدی
بوندن صورا تنها ایین آللام لچکیندن
یاندی ئورگیم بلبل باغ و چمن ئولدی
عرض ایله «معزی»بیله سن صاحب عصره
اللرده نیه دخت شه مؤتمن ئولدی
معزی اردبیلی
موضوع: حضرت رقیه (س) احوالات ,
زبان شعر و شاعر: نوحه ترکی , معزی اردبیلی
-------------------------------
احوالات حضرت رقیه (سلام الله)
انقلاب کربلادن منده دفتر یازمیشام
ادعاده ایتمورم اخباری یکسر یازمیشام
غم لری آل عبانون مثل اقیانوسیدور
هر نقدری یازمیشام مضمونی کمتر یازمیشام
شاعرم امّا اوزومدن خیردا شاعر بیلمرم
گلمرم گفتاره کی اشعاری بهتر یازمیشام
عالم حرّیتون انسانلارین بی قیدو بند
من حسینی سر به سر دنیایه رهبر یازمیشام
روحیمیز آیریلمیور نیلوم حسیندن عاشقان
کربلا تپراقینی عشّاقه کشور یازمیشام
سرور احراری من ثبت ائتمیشم صرّاف عشق
محضرینده عترت اطهاری گوهر یازمیشام
پاک اولام بیر عمریدور کی گلمیشم دوزلاقدییام
آدیمی شرم ائتمیوب دفترده نوکر یازمیشام
دوتمیشام صبح و مسا دامانینی یالوارمیشام
ساخلیا بو بی علاجی شاه محشر یازمیشام
وورمیشام در گوندرر ایو صاحبی آخر بیرین
آچماقا درگه منه بیر نازلی دختر یازمیشام
آند ویّرم یاحسین روحون رقیّه جانینه
قؤما عالی آستانوندن مکرّر یازمیشام
گتدیلر ویران سرایه ماهرو دردانوی
هر زاماندا شامیده حالین مکدّر یازمیشام
عرض ائدوبدور عمّه جان بیر نامه یازدیم گوئیا
یولّادیم باد صبادن باشدا اکبر یازمیشام
گزمیشم صحن سرای آرزونی سر به سر
گللرین آمالیمون پژمرده پرپر یازمیشام
کاغذ اوسته اشکی توکدوم سالدی اکبر نعشینی
محضر پور نورینه نامه مصّور یازمیشام
زلفلری طولانی اولسون عمری کوتاه اولماسون
قامتین طوبا کیمی روحین مطهّر یازمیشام
قاشلارین شمشیری زیبا گوزلرینده نرگسه
صورتین تشبیهیده بیر مهر انور یازمیشام
یاحسین سسلنمیشم اولدی نفسده مشکبو
سوزلریمی بیر به بیر عمّه معطّر یازمیشام
عالم فکریمده باخدیم صورت عبّاسیمه
نوری دوشدی گوئیا یوزدن منوّر یازمیشام
خاطریم چوخ محترمدور محضرینده اکبرین
صفحه ی قلبیمده آدین منده دلبر یازمیشام
درس عشق پاکی ناقصدی کیمون گلسون بورا
گوشه ویرانه نی عشّاقه معبر یازمیشام
گورمیشم بزم یزید شومیده من نطقوی
آدیوی شهزادیه نامی سخنور یازمیشام
سن ئوپورسن سینه‌ی پر مهریده سیلی یرین
صورتیم گوی یاپراقا مدّتدی بنذر یازمیشام
باش آچوخ هر گون الیم قوینومدا آغلار قالمیشام
گوندره بو باشیمه بیر قاره معجر یازمیشام
وار سوزی مظلوم بابام ویرانیه گلمکده دور
حاضر ائتسون اللرینده مشک و عنبر یازمیشام
ائتمیشم دعوت قبول ایلر اولونموش دعوتی
ذرّیه ائتسون نظاره ذرّه پرور یازمیشام
چوخ دوشوبدور گوگلومه بو شامیده مظلوم بابام
دیدیمه گلسون گُل زهرای اطهر یازمیشام
دامنوندن اللریمی چکمرم گورسم بی بی
ایسترم قالسون همان خلّاقه مظهر یازمیشام
شیر خواره قارداشیمدان هاکذا یوخدور خبر
لااقل رؤیاده بیر گورسنسون اصغر یازمیشام
قانلی قنداقین آنام گاهی آچور گاهی بوکور
گوندوزی شامه ربابون دونمش آخر یازمیشام
گون دوننده سسلنور هاردا قالوبسان اصغریم
بیر هما مثلی آنامدا سندی شهپر یازمیشام
گون قباقینده دیور چوخ اوخشاما قارداشیمه
پس گلر شامه هاچان اول غنچه ی تر یازمیشام
هی دیور گَل اصغرین عطرین آلوم سندن قیزیم
شامیده گوزلریولون بیچاره مادر یازمیشام
تپراقون اوسته علی لیلا آنامی نوحه گر
اصغرین دل داغلی سین گوز یاشلی مضطر یازمیشام
گه قماطه گه باخور دیرناقلارینون ردّینه
عفو ایله سوزشلی سوزلر نامه ده گر یازمیشام
یاحسین فرمایش ائتسون حشریده بسدور منه
ای «معزی» آدیوی من خادم در یازمیشام
معزی اردبیلی
موضوع: حضرت رقیه (س) احوالات ,
زبان شعر و شاعر: نوحه ترکی , معزی اردبیلی
-------------------------------
زبانحال حضرت رقیه (سلام الله)
سوزر گئجه چاقی گوگده ستاره لر یارالی
ویرر منه بو مکاندا اشاره لر یارالی
آچلسا قانلی گوزون باخ طبقده صورتیمه
صفا ویرر منه زیبا نظاره لر یارالی
چخوب نه علتی وار خاطر شریفوندن
خرابه ده یاتیشان بخت قاره لر یارالی
ویروبدولار ئورگیمدن نچه دَرین یاره
سیزیلدیور اودی قلبیمده یاره لر یارالی
ایلیکی چخدی کسیلمش باشون جدا اوسته
خیامووه توکولوبدور سواره لر یارالی
گتوردولر اله هر نه واریدی وحشیلر
صورا سویولدی قیزل گوشواره لر یارالی
ایراق گوزوندن همان گون عزیزه قیزلاروی
سالوبدور آت دوشونه هیچ کاره لر یارالی
نه قدری خیمه واریدی ویروبدولار آتش
اوجالدی فرشیدن عرشه شراره لر یارالی
سسیم اوجالدی او گون دامنیم یاناندا منیم
یوزومه باغلی قالوب راه چاره لر یارالی
دیدیم ترحم ایله یاندیم ای کریم الله
یانوب منیم حالیما ماهپاره لر یارالی
حاج یوسف معزی اردبیلی
موضوع: حضرت رقیه (س) زبانحال ,
زبان شعر و شاعر: نوحه ترکی , معزی اردبیلی
-------------------------------
احوالات کوفه
کوفه شهرینده گزن باشوه قربانم حسین
نوک نیده اوخی قرآنی پریشانم حسین
قوروسون اللری کیم ویردی سنون آلنوا داش
باخمشام تازه آخان قانوه گریانم حسین
دوزه بیلمز باجی گورسه یاراسین قارداشنین
گورمشم داش یاروی سینه سی سوزانم حسین
ویرمشام محمله باش قان بورویب ساچلاریمی
دیمشم چونکه شریک غم پیمانم حسین
نیزده باخ بو سنق محملون تخته سینه
یارامون قانی یازوب جانم حسین جانم حسین
رتبه ویردون منه ده وقت وداعونده دونن
افتخاریمدی پرستار یتیمانم حسین
قویمارام خون شهیدان باتا من زینبوم
آند اولا روحوه روحیّیلی انسانم حسین
میزبانون چیخاری اولماسا اینجور قوناقی
خولینون بد عملیندن اورگی قانم حسین
یر تاپانموردی مگر قویدی تنوره باشوی
کول دوتوب عارض گلناروی نالانم حسین
محفل عشقوی قوردوم گجه صبحه کیمی من
شمعیدیم فاطمه نون بنذری پروانم حسین
آچ گوزون محملیمه ساری دولاندیر گوزوی
ئوزون ئولدوردی قوجاقیمده کی دردانم حسین
گجه نی قانلی باشوندان آرالی زینبوم
اورگی،اللری،باشی یارالی زینبوم
حاج یوسف معزی اردبیلی
موضوع: احوالات کوفه ,
زبان شعر و شاعر: نوحه ترکی , معزی اردبیلی
-------------------------------
تنور خولی
جناتیدن حسینیم عشقونده شوره گلدیم
یاندیم دئدیم حسین وای دیده تنوره گلدیم
زهرانی گوزلروندن اوغلوم نیه آتوبسان
مطبخ سراده اولما مقصودوه چاتوبسان
هیچ دینموسن کول اوسته مخمور سن یاتوبسان
آچ گوزلرون دانشدیر مهمان حضوره گلدیم
صود ام مگه عزیزیم گهوارده چالشدون
آغوشه گلمگونده نار غمه آلشدون
واللهی چوخ سویوندیم دوتدون ایاق دانشدون
آلدیم سنی قوجاقه وجدو سروره گلدیم
من قصریدن چخاندان رعشه دوتوبدی جانیم
اشکیم آخوب گوزومدن یاندیم دئدی زبانیم
طورون اولوبدی مطبخ ای موسی زمانیم
موسائیلن ملاقات اولسون بو طوره گلدیم
دردین سنه دیوبدور دنیاده اهل معنا
دردیم قوتارمیاندی فرض ایله مثل دریا
اظهار دردین ائتسون دیداره گلدی زهرا
قلبیم سوزون دییَم تا سنگ صبوره گلدیم
یاندیرمیشیدی قلب زهرانیده فراقون
خوش گلدون ایله اوغلوم گلمیش نئچه قوناقون
باشونده نور قالخوب پرنور اولوب اتاقون
نور بهشتی آتدیم دنیای نوره گلدیم
سیاره لر سیاقی عرش محنده آخدوم
عریانیدی جنازون منحور حُلقه باخدوم
آغ زولفیمه اگیلدیم قانوندن اوندا یاخدوم
نفرین ائدوب او چولده فوج جسوره گلدیم
پیغمبرینده جام صبری جالانمیشیدی
قلبون سه شعبه اوخلان چوخ پارچالانمیشیدی
دور و برونده گوردوم داشلار قالانمیشیدی
بیلدیم او نعشی گویا قرآندا سوره گلدیم
اصغر آناسی گوردوم آهو کیمی ملردی
میدانیده رقیه چوخ نالیه گلردی
پاره چادردا زینب اشکین یوزه الردی
ویردیم تسلّی قدری صاحب شعوره گلدیم
معزی اردبیلی
موضوع: احوالات تنور خولی ,
زبان شعر و شاعر: نوحه ترکی , معزی اردبیلی
-------------------------------
در مدح و میلاد امام حسن (علیه السلام)
گون تک جمال مجتبی دنیانی تابان ایلدی
پیغمبر اوپدی صورتین شکر فراوان ایلدی
زیبا گل خیرالنساء آئینه مهر و وفا
سبط رئیس انبیاء فخرعلی المرتضی
دوتقون اولان قلبه صفاگوشواره عرش خدا
گوگلرده قدرت صاحبی قدرت نمایان ایلدی
پانزده ماه صیام امتلره گلدی امام
قدوسیان ویردی پیام اولدی ملکلرشادکام
گوندردیلر یکسرسلام -فخرایلیوب خیرالانام
عاشق سپاسین دمبدم تقدیم جانان ایلدی
مولای کل عالمه طاها مبارکدور دیدی
معناده ختم مرسله عیسی مبارکدور دیدی
صدیقه کبرایه ده حورا مبارکدور دیدی
قدوسیانی مجتبی شادو خرامان ایلدی
اوپسون مبارک اللرین اندی یره فوج ملک
زهراگلستانینده چون آچمشدی بیرزیباچیچک
مولود پاک واطهره آماده اولدی آغ بلک
گل صورتی احبابینی رویتده حیران ایلدی
پرمهر اولان آغوشینه-آلدی رسول ذوالمنن
ویردی قولاقینه اذان شخصا آدین قویدی حسن
ئوپدی یوزوندن دمبدم قلبین ولی دوتدی محن
آینده سین نوزادینون احبابه اعلان ایلدی
پیغمبررحمت دیدی بیرگون بالام مظلوم اولار
زهری ویریلر کوزه ده مظلوم حسن مسموم اولار
معناده یانام حالینه حالیم منیم مغموم اولار
گوررم قیزیم زهرانیده دشمن پریشان ایلدی
دل دوغرانارقان لخته سی طشت ایچره آغزیندان گلر
اعضاسی طاقتدن دوشر زیبا دوداقه جان گلر
دفنینده تابوت اوخلیا بیر عده بی ایمان گلر
مظلوم قلبین هر زمان ظلام شان شان ایلدی
اماحسینیم تک قوشون اطرافینی آلماز بونون
اخیامه دوشمنلری اوت ورسون آت سالماز بونون
اوچ گون قوم اوسته پیکرصدپاره سی قالماز بونون
قانلی منانین صحبتی گوز یاشیمی قان ایلدی
زینب گیدوردی کوفیه دوشدی یولی میدانیدن
عشقین مناسینده ایدوب رویت نچه قربانیدن
عرض ایتدی بیر دن یاحسین دولموش سینون پیکانیدن
کیم سن کیمی جانانه جان دنیاده قربان ایلدی
قیلام نظاره نعشووه آهیم اورک داغلارحسین
مظلومه قیزلار اشکینی گوزدن یوزه باغلار حسین
اوغلون گزرمیدانیدن تاپاز رباب آغلارحسین
اصغربوغازین حرمله آماج پیکان ایلدی
معزی اردبیلی
موضوع: حضرت امام حسن مجتبی(ع) مدح ,
زبان شعر و شاعر: نوحه ترکی , معزی اردبیلی
-------------------------------
کوچ از قتلگاه
روح جسم نجبا نور حقیقت زینب
عالم منزلته رحمت و عزت زینب
مرتضایه آدی زینت ادبه صدره نشین
مجلس معرفته شمع محبت زینب
سرپرست اسرا کرب وبلا شیر زنی
ذرّیدن قبره کیمی حامی نهضت زینب
گوسترن همتینی غارت اولان وقته خیام
مرتضی نادره سی صاحب قدرت زینب
مثل زهرا آناسی یار حریم علوی
بطن تاریخیده با عاطفه شهرت زینب
کوچ حکمی وئریلوب یازدهم ماه عزا
شامه تا لشکریلن ائتسون عزیمت زینب
اسرا ناقهٔ عریانه اوگون اولدی سوار
ولی اطرافیده چوخ ایلیور همت زینب
هانسی قیز سسله سه عمه منی سال یادووه گل
میندیرور ناقه سینه گوهر عفت زینب
فاطمه بنذری دردانه سین آغوشه آلوب
تاپشروب قارداشی چون ایلیه خدمت زینب
قتلگهدن اسرا کچمگه دستور گلوب
قیزلارا اوغلی ئولنلر کیمی چوخ شور گلوب
ناقه دن اندی یره محنتلن بانولر
عطرینی دشت وچمن زاره یایوب شب بولر
هره اوز ایسته دیگین آختارور اما تانمور
نعش صدپاره نی ئوپسون اگیلور زانولر
بیری سسلور گوره سن هانسی جگر پاره مدور؟
سرمگه یاره لر اوسته آچلور گیسولر
بیری قولسوز بدنه وار سوزی میداندا دیسون
تز فرات اوسته باخور مشکی گورن مه رولر
بیریده اکبرینی گورمگه چوخ چوخ تلسور
آختارور دلبرینی اشک توکور دلجولر
بیری صود ساغماقا خلوت یره ده چاتمور الی
ملشور حالینه چوللرده گزن آهولر
بیری سسلور طویوموز یاسه دونوب غم زده ام
غارته گئتدی دونن حجله ده کی پر قولر
چون رقیه گجه گلمیشدی گئدور گوداله
دالیسیجا یول آلوب دیلده نوا خوش خولر
دؤندروب آرخاسینون اوسته حسینین زینب
تانیدی،یاره سینون اوسته توکولدی مولر
الی گوردی کسلوب ئوپدی کسیلمش الینی
توخدادانمز دئدی الده یاروی دارولر
جسم عریانیده چوخ یارووه قربانم حسین
حُلق منحوروه اوخ یارووه قربانم حسین
شامه قیزلاریولن حالی پریشان گئدورم
باخورام پیکر صد پارووه گریان گئدورم
یانورام دفنوه میداندا کفن آختارورام
گون قباقینده سن ای خسرو خوبان گئدورم
سفر اوستونده اذان باشدا مسافر باجوام
سسووی قوی ایشیدیم من سنه قربان گئدورم
مَشکلرده سو گئدور شامه سویون سدّی سینوب
قارداشیم تشنه لب اللرده وئروب جان گئدورم
گلشنون تاپدی صفا قرمزی گللرنن حسین
قان ایچینده گورورم قالدی گلستان گئدورم
قویسالار قالام اولونجه بو دیارونده سنون
نگرانم نگران سینه سی سوزان گئدورم
ای قالان اللری اللرده اویان دوت الیمی
گوندوزوم قاره پریشان اورگی قان گئدورم
توکموشم یاروون اوسته آغاران زلفلریمی
بویانوبدور قانوا زینت رضوان گئدورم
ساربان اللریوی کسمیشیدی من گلدیم
تاپمادیم یارووه میدانیده درمان گئدورم
تازیانیلن آیردی قیزوی سندن عدو
فاطمه بنذرووه شامه نگهبان گئدورم
سسلنور عمه دویونجا باباما آغلامادیم
آیریلا بیلمیورم آری یاری جان گئدورم
ای«معزّی» یتوروبسن چوخ ارادت آقوا
چون وئروب خالق یکتاسی جلالت آقوا
حاج یوسف معزی اردبیلی
موضوع: کوچ از قتلگاه ,
زبان شعر و شاعر: نوحه ترکی , معزی اردبیلی
-------------------------------
در احوالات حضرت فاطمه زهرا (سلام الله)
شیعه صدیقه نشان کیمدی؟خانم زهرادی
جبرئیل نن دانیشان کیمدی؟خانم زهرادی
جام اجلالی داشان کیمدی؟خانم زهرادی
مرتضایه یاراشان کیمدی؟ خانم زهرادی
گئج کوسوب تز باریشان کیمدی؟ خانم زهرادی
گوزلری سورهٔ کوثر ده ایکی آیه ایدی
عفتی دولت اسلامیده سرمایه ایدی
نوریده واحد اولان نوریلن همسایه ایدی
گر یارانمیدی،عطوفت ئوزی بی پایه ایدی
سوزلری ورد زبان کیمدی؟ خانم زهرادی
عالی اعطاسینه دیل مریم وسارا آچدی
هر زمان اَل صلیه عاقل و دانا آچدی
گره مشکلی صدیقهٔ کبری آچدی
اصل زهرا چیلره مکتب زهرا آچدی
اسوهٔ خُلق زنان کیمدی؟ خانم زهرادی
اولدی نُه ساله گلوب ائلچی علی ماه جبین
ایشیدبسوز کی نشان ویردی نه نوعی ادبین
ئوز حضورینده اوگون فخر زنانِ عربین
جبرئیل عقد اوخیوب ختم رُسل کسدی کبین
گون کیمی شأنی عیان کیمدی؟ خانم زهرادی
کنز ایثاریده اللّه بگنن گوهریدی
اللری بوسه گه خاتم پیغمبریدی
آسمان ادب و معرفته لنگریدی
ساقی کوثره هم کُفو-وفا پروریدی
باغلی قوللاری آچان کیمدی؟ خانم زهرادی
آچیلوب دست عنادیله عداوت قاپوسی
باغلانوب شهر نبوتده عدالت قاپوسی
ثانیدن گوردی لگد شاه قیامت قاپوسی
چکیلوب آتش سوزانه امامت قاپوسی
پشت درده دایانان کیمدی؟ خانم زهرادی
دوتولوب آی کیمی ختم رُسلون آی پاراسی
سقط اولوب ضربهٔ اعداده بتولون بالاسی
قان ویروب کوینگینه سینه ده کاری یاراسی
جان دیوب عالم معناده خدیجه آناسی
صودی قانه قاریشان کیمدی؟ خانم زهرادی
زائر آواره بقیعده دولانور یابن الحسن
آنووین قبری بیلینمور آلور هر قلبی محن
نه اولار تِز گَلَسن وصلووه چوخدور تَلَسن
فاطمه قبرینی زوّارلره گوستره سن
قبره گیزلینجه روان کیمدی؟ خانم زهرادی
بانواندان دیدیلر خادمه سی اسمایه
عظمتده ندور آیا نظرون زهرایه
دیدی همتاسی چتین بیرده گَله دنیایه
ویروب اللهی صفا بند دل طاهایه
خاتمه جسمیده جان کیمدی؟ خانم زهرادی
باباسی رحلت ایدن گوندن اولوب طاقتی طاق
مَهبط وحیه نفاق اهلی گَلوب سالدی نفاق
ردّ پای ملکه قویدی نجه ثانی ایاق؟
آغاروب حوری هورن زلفی چکوب رنج فراق
غصه دن تز قوجالان کیمدی؟ خانم زهرادی
آرزو گلشنینه شدّتیلن یاغدی دولی
ریسمان غمه باغلاندی اوگون ساق و صولی
ووردی قنفذ قولونا قمچی سینی سیندی قولی
ایتیروب سیم وزره خاطر حقیقتلی یولی
قول قابورقاسی سینان کیمدی؟ خانم زهرادی
منه بیر گون دیدی آخشام او بدیع السیما
دودمانیمده اولان خادمهٔ با تقوا
گوره سن بیرده ایویمده منی سالم حاشا
دورت گولومده گوزون اولسون سنی اللّه اسما
آی خانملار، نگران کیمدی؟ خانم زهرادی
غم کتابینده نگاه ایلرم اوّل سطره
دوتارام روزه اوروجلوق کیمی ویرّم فطره
قبر زهرایه یاغیش یاغسون هزاران قطره
عطر قالخا گیدم اَل سینه ده سمت عطره
عرض ایدم بوردا نهان کیمدی؟ خانم زهرادی
گون باتوب قانه باتان گون گئجه گلدی آرییا
گاهی پیراهنه باخدی گهی باخدی یارییا
گون به گون گئتدی قانی رنگی چالیبدور سارییا
زینبون زلفینی اَل قالخمادی زهرا دارییا
اشگی قان قدّی کمان کیمدی؟ خانم زهرادی
آند اولا اوغلی حسینه تکیدی اخلاقدا
توسن عمری دولاندی اوجادا آلچاقدا
روحی یتمیش نچه گونده سیخیلوب دوستاقدا
گورمیشم وقت عبادتده یوزون تپراقدا
سجده دن حظّ آپاران کیمدی؟ خانم زهرادی
بیر باخون زینب مظلومه ده عالی روشه
بویورور یوخ منیم حقّیم یتیشم تا هر ایشه
بابامیز یعنی موظّفدی اموره یتیشه
ئورگیمدن کچور ای کاش قاپینی تز دئیشه
چونکه مسماره نشان کیمدی؟ خانم زهرادی
گوللرین فاطمیه ویردی خداوند خوشون
بولارون اوستونه محنت توکولوب مثل قوشون
ئوزوزی بیر بیروزه شهر پیمبرده قوشون
داریخار ایوده گَلون زینبون حالین سوروشون
عوضین فوری چیخان کیمدی؟ خانم زهرادی
ای «معزی»آقادان ایسته گینه لطف و عطا
نجه کَرّات نشان ویردی سنه مهرو وفا
شعروون مزدینه آل تذکرهٔ کرب وبلا
سنده قوی صورتووی قبرینه مثل رفقا
یالوار،اولده باخان کیمدی؟ خانم زهرادی
معزی اردبیلی
موضوع: حضرت فاطمه زهرا (س) احوالات ,
زبان شعر و شاعر: نوحه ترکی , معزی اردبیلی
-------------------------------
مجلس یزید ملعون
زینب پاک و طاهره لطف و کرامت اهلیدور
حاجتووی روا ائدر قوُماز عنایت اهلیدور
حقّه حسین کیمی اولوب حامی حمایت اهلیدور
سائلینی سویوندوروب لطفی سخاوت اهلیدور
ذاتی صداقت اهلیدور روحی سعادت اهلیدور
زینبه عالی مرتبه خالق ماسوا ویروب
نام مبارکی گلوب مجلسه چوخ صفا ویروب
اولدی ئورکده دردیمیز دردیمیزه دوا ویروب
دامنینی هاچان دوتوب ناخوشا تز شفا ویروب
آلعباده مردو زن آری طبابت اهلیدور
مهدی فاطمه دیوب حقّه توکّل ایلیون
مشکلوز اولسا گر بویوک صبر و تأمل ایلیون
رنج و ملال و دردوزی قدری تقبّل ایلیون
صدقیله زینب عمّمه دیلده توسل ایلیون
یوز قویون آستانینه عمّه م اجابت اهلیدور
چاتدی حسین شهادته قالدی قیامی ناتمام
حالت مُهلکه دوشوب ساجد حیّ ذوالکرام
عمهٔ صاحب الزمان یر یوزونه اولوب امام
زینب حسین قیامینی ساخلادی زنده والسلام
فاطمه مرحبا دئدی گورنه صیانت اهلیدور
قصر یزیدیده قالوب سیّدالاوصیا کیمی
رعشه سالوبدی جانلارا هیبتی مرتضا کیمی
آلدی رشیده خولری زیر پره هما کیمی
قیزلاری شامی آلماقا بیلدی قَوی قُوا کیمی
محضر مرتضاده کیم اولسا، فراست اهلیدور
قانلی باشا طرف اَنوب قاتل الینده خیزران
پارچالیوب دوداقلاری طشته توکولدی تازه قان
حوری لر آلدی زلف اله باشینی آچدی قدسیان
عاطفه لر جوشوب داشوب نفرتین آندیروب سران
قصریده کی فهیم لر بیلدی جسارت اهلیدور
طشت طلاده گوزلرین رأس حسین دولاندیروب
زینبه گوئیا بئله سرّ نهانین آندیروب
شامین امیر فاسقی قلب بتولی یاندیروب
لبلریمه آغاج ووروب قانه منی بویاندیروب
تک قالوب ایندی ایش سنه دشمن عداوت اهلیدور
من دئدی یا حسین سنه خواهر انقلابیم
فاطمه گُلدی عصمته من اوگولون گلابیم
ذاتاً ابی ترابیم قاف وفا عقابیم
کیمدی یزید دینمیم ناطقهٔ حسابیم
شاه شراب خواریدور ملتی غارت اهلیدور
دوتدی بقیعه صورتین زینب اوگون یانا یانا
شهر دمشقه گَل دئدی آی یارالی ئولن آنا
باری یامان گونومده سن،چک منی غصه دن یانا
باخ دوداقیندا اوغلوون تازه آخان قیزیل قانا
باخمادیلار بالون سنون دائم عبادت اهلیدور
ای گُل باغ مصطفی فاطمه گَل وقاره باخ
بزم یزید شومیده عاشقه باخ نگاره باخ
زینت قهرمانیده عزت و افتخاره باخ
ناطقهٔ زمانه دور نطقینه باخ شعاره باخ
دِینینی ایلیور ادا دین و دیانت اهلیدور
زینب ائدوب سپاسینی حضرت ربّ العزته
دوتدی یزیده صورتین گلدی مقام صحبته
مثل علی بویوردی باخ منده اولان نصیحته
زینبم آشنا منم فلسفهٔ شهادته
حیف اولا کی مخاطبیم بوردا خلافت اهلیدور
ای طلقانین اوغلی من سایهٔ رحمتم تانی
ختم رُسل بابامدی بیل مفخر امّتم تانی
علت خلقتم تانی مایهٔ رأفتم تانی
مهر شفقتم تانی روح فضیلتم تانی
دخت علیّ مرتضی سوزده صلابت اهلیدور
رأس مطهر حسین لنگر کائناتیدور
جدّ کُبارینون آدی زینت الصلاتیدور
خارجی سن دئدون، ولی دینه ذَوِالحیاتیدور
یاری همان دوز عاشقون خالق شش جهاتیدور
عشقینه جان نثار ائدوب گور نه شجاعت اهلیدور
مظهر ذات کبریا کیمدی؟ حسین دگول مگر؟
نور دو عین مرتضا کیمدی؟ حسین دگول مگر ؟
دینینه تشنه لب فدا کیمدی؟ حسین دگول مگر ؟
سوزلری مثل کیمیا کیمدی؟ حسین دگول مگر ؟
مرد بزرگواریدور جدّی رسالت اهلیدور
یاره وورولدی باخمادی یارینی ائتدی یاد حسین
کرب وبلاده باشلادی ماه عزا جهاد حسین
آیهٔ کهفی ذکر ائدوب قلبیمی ائتدی شاد حسین
کوفه ده باش قانیم یازوب محمله زنده باد حسین
زندگیده رشیده دور کیمسه شهادت اهلیدور
قارداشیمون الین گَلوب فخریله قدسیان ئوپوب
سینه ده گُل جمالینی سرور مومنان ئوپوب
غنچه کیمی دوداقلارین خاتم مهربان ئوپوب
ایندی همان دوداقلاری طشتیده خیزران ئوپوب
ای شرفین ساتان، او باش آری شرافت اهلیدور
ساخلا قلم،«معزیا» دلده چو خالدی محنتون
زندگیده حقیقتاً نام حسیندی عزّتون
بسدی سنه قبول اولا محضر شه ده خدمتون
باخسا قیامتین گونی گر، گوله جک بو صورتون
باخماسا، حالووه گولن روز قیامت اهلیدور
استاد معزی اردبیلی
موضوع: احوالات مجلس یزید ,
زبان شعر و شاعر: نوحه ترکی , معزی اردبیلی
-------------------------------
احوالات کوفه
زینب اگر هر غمه تاب ایلدی
فاطمه نی دیده پُر آب ایلدی
گوردی دوشوب شهریده چوخ همهمه
کوفه ده کفاره خطاب ایلدی
آند اولا قارداشیمون احساسینه
آند اولا طاها کیمی سیماسینه
آند اولا ایمانینه تقواسینه
آند اولا پیمانداکی امضا سینه
آند اولا شخصیت زیباسینه
آند اولا عیسی کیمی انفاسینه
آند اولا زیبا شرف الناسینه
آند اولا با معرفت عباسینه
فاطمهٔ اطهره وابسته ام
مثل حسین عاشق وارسته ام
کوفه لیلر شیر زنم زینبم
اُخت امام حسنم زینبم
خواهر شاه زمنم زینبم
منقبته نور منم زینبم
حوریلره سر سخنم زینبم
بند دل بت شکنم زینبم
گر چه جلای وطنم زینبم
غرق ملال و مُحنم زینبم
دُر ّ گرانمائیه گنجینه ام
معرفت و عفته آئینه ام
نائبهٔ مفخر حورا منم
شیشه گلاب گُل زهرا منم
طاهرهٔ عالم تقوا منم
نامور کرب ومعلا منم
دادرس عترت طاها منم
خواهر با عصمت سقا منم
آیهٔ تطهیریده معنا منم
ذریده لوحه ووران امضاء منم
شاکرهٔ ربّی الاعلی منم
صبریده ایثاریده دریا منم
گلمیشم حقّیمدن اوزوم دم وورام
قصر ستم پروره پرچم وورام
گُلشن حقون گُل معطوری ام
رتبه ده فخر ملک و حوری ام
فاطمه نون خاطر منظوری ام
قانلی باشون عاشق پر شوری ام
موسی عصرون دانشان طوری ام
حلقون ئوپندن ایله مخموری ام
آغلامشام حالینه مأجوری ام
چونکی شریک غم عاشوری ام
شامی آلام نطقیله مأموری ام
امری ندور تابع دستوری ام
آل محمد یولونا گُل توکون
ایندی نه کی باشلارینا کول توکون
گوردی خانم مونسی گوز یاشیدور
ساکت اولان نیزه ده قارداشیدور
آغلیان احوالینه داغ داشیدور
وای دئدی قرآن اونا یولداشیدور
یا هدف پنجه اوباشیدور
ساکت ائدن گوردی عدو داشیدور
باش یارالی باشینه پاداشیدور
هر یارادان باش یارالی باشیدور
دوره ده کی حاجب و فرّاشیدور
نقشه چکن نیزده نقّاشیدور
گوردی حسین سجده گهین داش یاروب
ووردی خانم محمله باش باش یاروب
گلدی دیله باخ منه سن قارداشیم
قارداشی اللرده ئولن قارداشیم
کوفه ده قرآنی دییَن قارداشیم
آلننا داش نی ده دگن قارداشیم
یاره لی میدانه دوشن قارداشیم
قیزلاری آواره گزن قارداشیم
آغلامشام یارووه من قارداشیم
باخ یاراما شاه زمن قارداشیم
اولمادی دفنونده کفن قارداشیم
زینبووم غرق محن قارداشیم
آخدی یارامدان نجه قان زلفیمه
عشقیده تز ووردی نشان زلفیمه
باخ گوزلیم عاشق رُخساریوه
بیرده طبیبا خوشام ایثاریوه
نسخووی یاز غصه لی بیماریوه
جانی فدا دیدهٔ خونباریوه
باغلامشام دل هامی رفتاریوه
مستحقم لطفووه گفتاریوه
ایله دعا نی ده فداکاریوه
ضربهٔ محکم وورا خونخواریوه
باعث اولا گرمی بازاریوه
بنذمیشم حیدر کراریوه
نطقیده زهرا کیمی غوغا ائدوم
شامیده هند اوغلونی رسوا ائدوم
کولده گوروندی منه مرات نور
مسکنون اولموش گجه بیلم تنور
گور نقدر خولی اولوبدور جسور
قویدی تنوره باشوی قلبی کور
دورد زن پاکیزه تاپیبدور حضور
مطبخه زهرا ایلیوبدور عبور
قویمادی تنها سنی سنگ صبور
ئوپدی دوداقلاروی گورسندی شور
سسله دی زهرا باشوا سنده وور
آغلیا تا مریم وسارا وحور
قاره عزالرده «معزی» گیر
اشکین الر گوزدن حسین وای دیر
معزی اردبیلی
موضوع: احوالات کوفه ,
زبان شعر و شاعر: نوحه ترکی , معزی اردبیلی
-------------------------------
احوالات حضرت علی اکبر (علیه السّلام)
مدینه زادگاهیمدور شبیه روی طاهایم
حسینون اوغلیام منده جمالا ماه سیمایم
اولوب نازل رسول اکرمه تنها کتاب الله
گلوبدور آیه تطهیر واریم قرآنیده آیم
منم تندیس عشق الله منم فرزند عین الله
زیارت ایلیور حورا دوشنده تپراقا سایم
گتورمیش تار مژگانیم جهان حسنی تسخیره
بیلون فردوس اعلاده منیم یوسف دور همسایم
بابام فخر کلیم الله اولوبدور عصرینه موسی
باخور سیناده میدانه باخون فرزند موسایم
هایاندا مردیه باخسا ائدرعیسی کیمی زنده
اگر خالیقدن اذن اولسا بلی قدرتده عیسایم
حسیندور عالمه مولا حسیندور عاشق کامل
بویوردی یاره خاطر گئت مطیع امر مولایم
صراط المستقیمه ایلورم امت لری دعوت
عزیز زینت عرشم فهیمم فرد دانایم
الیمدن اتقیا ئوپدی یوزومدن قدسیان ئوپدی
ذبیح الله عشقم من خود قرآنه معنایم
شجاعت ارث دور آلعبایه شاه خیبردن
جدلده قطریه بنذور وجودوز آری دریایم
چکم شمشیری قانوزدن گلر ایجاده دریالر
واریمدور صولت وسطوت بو چولده مرد هیجایم
فنون جنگی اورگتمیش منه عباس نام آور
کلاسینده اونون درس آلمشام شاگرد سقایم
خروشاندور همیشه بحرتک زهد و ورع منده
ملکلر پای بوسیمدور بیلون مرآت تقوایم
زیارت ایلیوب دست خلیل خاتمی گلدیم
اجازه آلمیشام جنگه فدای روح زهرایم
معزی اردبیلی
موضوع: حضرت علی اکبر (ع) احوالات ,
زبان شعر و شاعر: نوحه ترکی , معزی اردبیلی
-------------------------------
حضرت امام حسین (علیه السّلام)
و گریز به حضرت علی اصغر (علیه السلام)
حسینون هاردا عزایه لواسی گورسندی
همان مکانیده اهل عزاسی گورسندی
حسین حسین دییلن یر بهشتیدن باشدور
اوقدری یاخشیدی زهرا آناسی گورسندی
دوتوب قباقین هامی ایتدی التماس دعا
کیمون باشیندا حسینون قراسی گورسندی
گل ای حسین قاپوسون بیلمین دوا خانه
طبیب حاذق حسیندور دواسی گورسندی
نتیجه لر آلنوب آستان پاکیندن
آلوب دوا کیمه دارالشفاسی گورسندی
دولاندی کوی وفاده حسین دوز عاشقیدی
جهان عشقیده یاره وفاسی گورسندی
ویروب نگارینه یتمیش فدا مناسینده
هامی فداسینه اعدا جفاسی گورسندی
خیامه گلدی گون آل دی هلالین آغوشه
مناده اللری اوسته بالاسی گورسندی
بویوردی لشکر کفاره سیدالشهدا
باخون الیمده سعادت هماسی گورسندی
بالام سوسوزدی آلون مندن ایلیون سیراب
بشیکده اوچ گجه آه و نواسی گورسندی
وُوروب یره دیزینی حرمله کمان الده
او بیحیایه حسینون فداسی گورسندی
ایا امام زمان وردی تیری دوز هدفه
او صود امر بوغازیندا یاراسی گورسندی
قولاقیدن قولاقا بیچدی حلقینی پیکان
حسینه قانیلن الوان لباسی گورسندی
گوزون آچوب قاباقیندا گوروب بیوک ننه سین
علیّ اصغره خیرالنسانی گورسندی
دیدی قوجاقیمه گل آغلاما چالوم لای لای
بیر عالمون بالاسنده بلاسی گورسندی
لقب باب الحوائج مبارکون اولسون
حسینمون سنه لطف خداسی گورسندی
حسین محاسنینه یاخدی اصغرین قانین
خدای بنده نوازه سپاسی گورسندی
دیدی الهی بو قربان سنوندی من ویردیم
گلنده کرببلایه مناسی گورسندی
چاغیردوم اصغری مندن آلا اباالفضلی
دیدی اونون قولی یوخ مرتضاسی گورسندی
یوزون ئوپوب صورا بو طفلی باغریما باسدیم
محاسنیمده مطهر دماسی گورسندی
شهید آخریمیدی قیامته اصغر
الیمده قان آراسیندا لقاسی گورسندی
یارالی اوغلومی الله نجه ربابه وروم
یولا سالاندا یانوب آه و واسی گورسندی
قیامتون گونی گل یا حسین «معزیه»باخ
دیسونله نوکری گورسون آقاسی گورسندی
حاج یوسف معزی اردبیلی
موضوع: حضرت امام حسین (ع) ,
زبان شعر و شاعر: نوحه ترکی , معزی اردبیلی
-------------------------------
ورود به کربلا
ای بلا چولی نچه دلربا گتورمیشم
کیمیا گرم سنه، کیمیا گتورمیشم
یرلر ایچره شکر ایله حیّ ذولاکراموه
هیچ یر احترامیده چاتماز احتراموه
مکّه غبطه ایلیر رتبه وه مقاموه
موکبیمده کوکب و مه لقا گتورمیشم
منفعت دوز عاشقه آری دوز هدفده دی
گتمیشم نگاریمون میلی هر طرفده دی
صادق عاشقم منیم عزّتیم شرفده دی
جانیمی شرافتیم حفظ اولا گتورمیشم
دستمازینی آلار بندگان پاکباز
تپراقا دوشر بولار عارفانه جانماز
کعبیه طرف دونر لشگریم قیلار نماز
عاشقان مؤمن و پارسا گتورمیشم
سنده بیر گون اکبرین گل وجودی اوخلانار
پیکر مقدسی خنجریله دوغرانار
اهل بیت عصمتین دلده دردی چوخلانار
بوکمگه جنازه سین بیر عبا گتورمیشم
سنده یاره لر دگر قارداشیم بالاسینا
آغلارام قویاندا یوز قاسمون یاراسینا
قدسیان گلوب باخارالده قان حناسینا
نوجوان لایق و جانفذا گتورمیشم
سنده ابر کینه دن گلشنه یاغار دولی
نهر علقمه دوشر صاحب علم یولی
خنجر اندیرر قوشون تپراقا دوشر قولی
کاروانیده بیله باوفا گتورمیشم
سنده حلقی اوخلانار طفل شیر خواریمون
قاز مزارینی گلر تز نداسی یاریمون
تابع اولّام امرینه با صفا نگاریمون
قوش کیمی قناد چالا بوبالا گتورمیشم
معزی اردبیلی
موضوع: احوالات ورود به کربلا ,
زبان شعر و شاعر: نوحه ترکی , معزی اردبیلی
-------------------------------
زبانحال حضرت امام حسین (علیه السلام)
در شهادت حضرت علی اصغر (علیه السّلام)
شاه عطشان اصغرین تپراقیده پنهان ایدوب
زینبه اخیامیده گویا بیله اعلان ایدوب
گلمیشم گل منده زینب دیده گریانه باخ
چکمیشم اوخ حلق اصغردن الیمده قانه باخ
فاطمه مهریّه سیندن ذرّه احسان اولمادی
ئولدی ششماهم لب عطشان فرقهٔ عدوانه باخ
من دیدیم سعد اوغلونا زهرای اطهر اوغلیام
جدّیم احمددور گرامی دوت منی قرآنه باخ
باخمادی گفتاریمه ناقص قالوبدور موعظم
اوغلوما وردیردی پیکان خصمیده وجدانه باخ
هیچ گوروبسن گلستاندا گل سناندا شاخه دن
عالم فکرونده زینب غنچه خندانه باخ
بیر گل آویز تک آسلاندی باشی جسمیده
یانمیشام احوالینه میدانیده بحرانه باخ
باش گیدوب دال سمته گویا شکر ایدوب اللّهنه
رمزه باخ عشق عالمینده شکر بی پایانه باخ
هانسی گوهر هاشمیدور ارزشی سنماقدادور
گوهر علایه باخ عشّاقه باخ جانانه باخ
شاهرگ فوّاره تک قان آتدی دوتدوم اؤجما
قانینی سپدیم سمایه قیمت قربانه باخ
گوزلرین یوممشدی پیکان دگدی آچدی گوزلرین
کربلاده احترام اصغر عطشانه باخ
گوردی زهرانی قباقینده دیور گل سینمه
قلب پر مهرینده رحم مفخر نسوانه باخ
ال ایاقین چالدی گویا عرض ایدوب گلدیم ننه
یاره لی سینونده پیکاندان یورولمش جانه باخ
سینووه آهسته گللم اینجمز پهلولرون
پنجه منحوس اعدادن سنان مرجانه باخ
زینبیم هیچ کیم قوجاقیمدن بالامی آل مادی
سن آدامسیز قارداشوندا درد بی درمانه باخ
سسلدیم عباسی سمت نهر علقمدن گله
گل دیدیم ای دادرس یالقوز قالان سلطانه باخ
ناگهان بیر سس گلوب قاز قبرینی قربانوین
من خلیله خالقیندن گلدیگی فرمانه باخ
اللّریم گلموردی قوملاردا جمالین گیزلدم
تز دیدی عشقیم شروط لوحه باخ پیمانه باخ
ویر خبر گلسون رقیه اصغره لای لای دیسون
آل کنارین خیمه سینده بلبل خوشخوانه باخ
قان دولان قونداقینی آچسون گوزل قارداشینون
خرداجا گهواریه سالسون سن ای فرزانه باخ
زینبیم بیر قاره معجر سال زبابون باشینه
اصغریم گلمز خیامه آز دینن میدانه باخ
سوندی شمعی ویر خبر پروانه شمعین گزمه سون
تز یخار فرقت ربابی آتش هجرانه باخ
سسلنوب اوچ گون بالا یوخدور سویوم یوخدور صودوم
تیر عشقونلن عزیزیم یار دل شان شانه باخ
قانلی قنداقدان بیلر دلبندی نه حاله دوشوب
بیچدی خنجر تک بوغازین زهریلی پیکانه باخ
صود بیلوب قانین دولاندیردی دوداقینده دلین
اوخ اموب پستان یرینده قانه باخ پستانه باخ
یا حسین «معزّی» هر زمان پرشور اولا
گل ئولن گون قبرینه قوی قبریده پر نور اولا
حاج یوسف معزی اردبیلی
موضوع: حضرت علی اصغر (ع) زبانحال ,
زبان شعر و شاعر: نوحه ترکی , معزی اردبیلی
-------------------------------
احوالات خروج از مکه و گریز به شهادت حضرت علی اصغر (ع)
کاروان مکّه دن عزتلی بیابانه گلور
آشنادور هامی عشقه دیمه بیگانه گلور
پیشوا لشکر عشاقه دیوم کیمدور؟حسین
یارینون محضر پر نورینه جانانه گلور
سسلنور کعبه دالیجا دایان ای قبله دل
یانار هجرونده سنون بیت خدا جانه گلور
دیور آستاری آپار ویر منیده زینبوه
سالا باشه قاباقا چونکه عزا خانه گلور
یوخیدی مروه صفانون دوزومی گئتمه گینه
زمزم معرفتون چشمه سی طوفانه گلور
قال دیور منده پیمبر کیمی سن غار حرا
باخمیور سمت جبال عربستان گلور
منده قربانلاروی ویر دیور هی کوه منا
عشقیلن فاطمه اطهره ریحانه گلور
عرفه گورمز حسینینده دعای عرفات
کوی عشقینده دوتوب داش وراشیطانه گلور
کعبه عشقه غرض باغلادی احرام حاجیلار
ویریله زینت کامل نچه قربانه گلور
کاروان مرتبه حسنی تاپوب اکبریلن
یثربون یوسفی یعقوبیله کنعانه گلور
یوسف مصر دوشوب محبسه یالوارمشیدی
بو ولی یالوارور اللهه نه زندانه گلور
شاد اولور لیلی باخان وقتیده زیبا یوزونه
شمع امیدینه پر ورماقا پروانه گلور
گوسترور خدمتینی زینبه سقای حرم
دوزولوب دور برینده نچه فرزانه گلور
هی دیور عزّتیمی آلما الیمدن یا ربّ
منه چوخ گورمه امیدیم بو عزیزانه گلور
هامونون گوزلری اوچ سنیّده زهرانی گزور
هله آغوشیده نازیله او دُردانه گلور
عطر نابه بوکولوب پیکره حجب و حیا
دارانا زلفلری محضرینه شانه گلور
ائیلور عبّاس یوزون سینه ده جنّت گولی تک
گل زیبای محبتدی گلستانه گلور
چاتمیوب آلتی آیی باشه هله صود امرون
ام مگه سینه ده صود شوقیله پستانه گلور
بوس اولور نور الهی بورین صورتدن
خرداجا عاشقیدی یوللاری مستانه گلور
ای قلم کچمه شهادت غمینی ایله رقم
خیمه دن یاز علی اصغر نئجه میدانه گلور
سس گلور ئوپ یوزون آخیر ئوپوشون اولسون حسین
اصغرون سینهٔ زهرای پریشانه گلور
بوغازیندان وورلار زهریلی اوخ پارچالیار
شهدادن دالی قالماز بویانا قانه گلور
یوللارام قانلی قماطین ئوپه اهل ملکوت
عرشیده زائر اولار اصغر عطشانه گلور
یارالی حلقون ئوپنده آناسین یادوه سال
یری چادرده حسین مادر گریانه گلور
تئز یتور قتلگهه چوخدی یولون گوزلینی
قوشولا محسنیمه روضه رضوانه گلور
بدنی خسته اولوبدور ال ایاق چالماقدان
غرق اولوبدور نئچه گون اشک فراوانه گلور
رتبهٔ باب الحوائج ویرورم اصغروه
تلسور چوخ یتیشه عزّت شایانه گلور
سن کیمی منده اونون خاطرینی ایستیورم
عشق بیماری دواخانیه درمانه گلور
ایوون آباد کچورسن قوزی قربانوندن
آلتی آیلقدا کمک اولماقا قرآنه گلور
یا حسین نام (معزی) یازیلا دفتروه
اردبیلدن حرم پاکه چو دیوانه گلور
معزی اردبیلی
موضوع: احوالات خروج از مکه ,
زبان شعر و شاعر: نوحه ترکی , معزی اردبیلی
-------------------------------
اربعین حسینی
حسین گلوب اربعینوه ماهپاره لر قارداش
ربابون حالینه ملر شیر خواره لر قارداش
بلالی چولده قرا باشه باغلیانلارون گلدی
شرار آهیله عالمی داغلیانلارون گلدی
ایاقه دور پیشواز ایله آغلیانلارون گلدی
کناره نهره باخوب یانار بخت قاره لر قارداش
تاپانمدیم من سنه کفن قبرووه باجون قربان
خجالتم فوق العاده من قبرووه باجون قربان
گتورمیشم قانلی پیرهن قبرووه باجون قربان
نیه آپارمشیدی غارته هیچ کاره لر قارداش
یزیدبی آبرو بیزه ظلمین آشکار ایتدی
دوداقلاروندان توکولدی قان باخدی افتخار ایتدی
یارالانان لبلری گوروب قیزلار آه و زار ایتدی
چاغیردی عباسی دادینه قلبی یاره لر قارداش
طبقده قانلی باشون گلوب روشن اولدی ویرانه
ویریلدی باشون رقیه بلبل خوش الحانه
پر آچدی پر ویردی شمعینه یاندی مثل پروانه
گتوردی درده منی اول نظاره لر قارداش
یارالی سینمده حبس ایدوب غصه لی سوزون گلدیم
رقیوون گیزلدوب ئوزوم قبریده یوزون گلدیم
بابا بابا سسلنوب ئولوب باغلیوب گوزون گلدیم
سارالدی سولدی خرابه ده بو هزاره لر قارداش ؛
قارداش سینه ده ملالیمی موبمو گتورمیشم
گوزده اشک حسرت و آرزو گتورمیشم
ای سوسوز ئولن سنه یاتما سو گتورمیشم
ایچ سرین سودان حسین التجایه گلمیشم؛
گویا مزاریدن یتیشوب زینبه صدا
عشق عالمینده واله و حیرانووم سنون
بطحایه قانلی کونگیمی یادگار آپار
بیلسون گورن که یاره لی سلطانووم سنون
گلم باجی گیجه یوخووا صحبت ایلروک
هر دردون اولسا قلبیده درمانووم سنون
حاج یوسف معزی اردبیلی
موضوع: احوالات اربعین ,
زبان شعر و شاعر: نوحه ترکی , معزی اردبیلی
-------------------------------
زبانحال حضرت رقیه (سلام الله)
خطاب به رأس خونین امام حسین (ع)
توکموشم اشکیمی گوزدن یئره محزون یارالی
آز قالوب ایلیه ویرانه نی جیحون یارالی
بابا ویرانه مه اجلال گلوب جاه گلوب
کیمیا گرلره اللّه بگنن شاه گلوب
سرِ تعظیمه گجه شمس گلوب ماه گلوب
گور چاتار گنجیمه گنجینهٔ قارون یارالی؟
سقفیسیز مَسکنی عاشقلره کانون بیلورم
عشق رسمینده فدا اولماقی قانون بیلورم
قیل دعا چون ئوزومی من سنه مدیون بیلورم
دفتر عشقیمه ثبت اولسون او قانون یارالی
آند اولا کعبیه ای کعبهٔ عشاق صدیق
نازدانه قیزووام منده ده وار فکر عمیق
زینب عمّم کیمی یوخ عترتوه یار شفیق
بیل بنی فاطمه نی عمّه مه مدیون یارالی
گئجه ای شمس ضحا جنته ویرانه دونوب
نور حق لمعه لنوب روضهٔ رضوانه دونوب
نچه مدتدی غمونده ئورگیم قانه دونوب
حالیمی آیریلیقون ایتدی دگرگون یارالی
قلب عالم یانور هر ثانیه اودلی سوزومه
دِل شب آچ گوزوی باخ یوزومه باخ گوزومه
دوشمرم یادوه هرگون دئمیشم ئوز ئوزمه
ذرّه پرورلیک ایدوبسن منه، ممنون یارالی
منی عفو ایله دوداقلاری یارالی قوناقیم
خجلم شأنوه لایق دگول اصلاً اتاقیم
بویانوب قانووه بوسه گوتورنده دوداقیم
ووردی اُول یاره نی بیر ظالم و ملعون یارالی
بابا حقیم واریدی کاسهٔ صبریم جالانوب
ووردوم اُول قدری دوداقلاریمه تا پارچالانوب
بیلوسن سینمه عالم بویی حقون قالانوب
ئوزوه بیل گینه ده سن منی مدیون یارالی
من دئدیم دیدیمه گلسون بابا گوشواره گتور
الده یا آیری هدیه منِ بی یاره گتور
گُل دوداقونده گلنده دئمه دیم یاره گتور
قوی دیوم قانلی دوداقلارووه یورقون یارالی
آرم وابسته سیدی قارُون حسین وای دیینین
عزتی چوخدی ئولنده،سنی چوخ ایستینین
قوتاروب عمری گلوبسن بو جلای وطنین
سنه وابسته اولان اولمادی مغمون یارالی
مایلم چوخ تز ئولم گوزلریمی باغلیالار
محضرونده سنه قربان منه یاس ساخلیالار
زینب عمّم دیه نوحه باجیلار آغلیالار
گجه ویرانه ده جسمیم اولا مدفون یارالی
یاحسین چوخ چوخ اولوب دلده «معزی» محنی
مشکله دوشدی هاچان سسلدی امداده سنی
نام زیبای رقیه چون اولوب سر سخنی
قویما محشرده اولا نوکری دلخون یارالی
معزی اردبیلی
موضوع: حضرت امام حسین (ع) زبانحال ,
زبان شعر و شاعر: نوحه ترکی , معزی اردبیلی
-------------------------------
وداع حضرت امام حسین (علیه السلام)
از خیمه گه تا قتلگهه شاه شهیدان می رود
زینب صدایش می کند با چشم گریان می رود
گفتا تَوَقّف یا اخی گفتا بیا زهرای من
بر فدیه گاه عشق حسین،لب تشنه قربان می رود
در چشم عاشق ها کذا اهل حرم بیگانه شد
پروانه ها پر می زند شمع فروزان می رود
قرآن ناطق می رود تا منجی قرآن شود
اما ز پشتش کو به کو سی جزءِ قرآن می رود
محبوبه خیرالنساء سر چشمهٔ حجب و حیا
گفت ای رقیه چاره نی از جسم ها جان می رود
برنامه را تنظیم کرد حشمت بر او تعظیم کرد
با جاه عشق وعاشقی ره را سلیمان می رود
هفتادو یک گل داشته آورد وبر جانان فروخت
این گلفروش با صفا حاشا پشیمان می رود
جانان به بزم عاشقان دعوت نموده یار را
عاشق مصمّم گشته با سیمای خندان می رود
روح وروان فاطمه در دل کلام ربّنا
در جنت الاعلاء شود مهمان شتابان می رود
کوثر صدایش می کند زمزم دعایش می کند
جانان ندایش می کند محبوب جانان می رود
زهرای اطهر منتظر سقای کوثر منتظر
حورا سراسر منتظر مولای رضوان می رود
خود را «معزی»روزوشب در زندگی آماده کن
یک یک به زیر خاک همه خوبان می رود
معزی اردبیلی
موضوع: حضرت امام حسین (ع) وداع ,
زبان شعر و شاعر: نوحه فارسی , معزی اردبیلی
-------------------------------
مناجات
بارالها عاشقم دیوانه ام
شمع عشقیمدورحسین پروانه ام
عشقیده آزادیدور دیوانه لر
یاندیرا شهپر گرک پروانه لر
ناقصم عشقیمده پر یاندیرماسام
نارسه روشن سوزی آندیر ماسام
خلقتونده بیر محقّر بنده ام
ائتمیشم خبط خطا شرمنده ام
اللی ئیلده ایلدیم بی حد گناه
روسیاهم روسیاهم روسیاه
گئچ گناهیمدن به حق فاطمه
قلبیمه دوشمیش شرار حاطمه
قاره می ماه محرم باغلارام
سینه وورام من حسینه اغلارام
حشریده سایماز منی قارداشلاریم
دردیمه بیلَّم دگر گوز یاشلاریم
گونده بش وقته عبادت ایلرم
امریوه دلدن اطاعت ایلرم
سینه می مین درده آماج ایلمه
سن منی نامرده محتاج ایلمه
باده یارب آرزوئیم گئتمسین
اللریمدن آبروئیم گئتمسین
بیرگونی آخر منیم جانیم چیخار
صبر سرحدین پریشانلق یخار
اوندا امر ایله مقدس یاریمه
جان چخان ساعت گله دیداریمه
صورت رحمانی دوندر قبریمه
عاشقم جانانی گوندر قبریمه
معزی اردبیلی
موضوع: مناجات ,
زبان شعر و شاعر: نوحه ترکی , معزی اردبیلی
-------------------------------
خروج از مدینه
سالار شهیدان ائدوب آماده قطاری
یثربده گجه عازم اولا مکیّه ساری
صغری بوش اطاقدا اوزونی قالمالی بیلدی
گفتاره گله اشگینی رخساریده سیلدی
عرض ائتدی بابا قویما فراقوزده یانوم من
آخشام چاقیلار گوزلری یولدا دایانوم من
سایونده سنون ایستیورم دالدالانوم من
احوالیمه باخ چک الیوی باشیمه گئتمه
ناخوش قیزوام رحم ائله گوزیاشیمه گئتمه
گئتسونده اگر قوش منی نسوان عزیزه
البته نیازوز اولاجاق یولدا کنیزه
خدمتچی گئدوم یوسف زیبای حَجیزه
کاکلّرینه قونسا اگر توز یووارام من
حتی باشینون اوسته گجه سو قویارام من
گر قالمالیام اکبر زیبانی آپارما
بیز هاشمیه ماه درخشانی آپارما
قالسین منیله فاطمهٔ ثانی آپارما
گل یوزلی باجیم نازلی رقیه قالا خوشدی
ائومیزده علی اصغره لایلای چالا خوشدی
حضرت دئدی صغری،علی اکبر قالا بیلمز
اسپهر وفایه مه انور قالا بیلمز
عمّونده گئدور ائوده مکدّر قالا بیلمز
پژمرده ائدوب روحیمیزی آل امیّه
لایلای چالاجاق اصغره یوللاردا رقیه
بیز آل عبا خوش بیلروک ذکر و دعانی
توکمه سفرا و ستونده یوزه اشگ روانی
قال ایله دعا قافله ی کرب و بلانی
قیزلاری ستاره سیاقی ماهوه تاپشور
آزاده مسافرلری اللهوه تاپشور
ترک ائتدی ائوی فاطمه نون نور دوعینی
پوزمشدی فراقین غمی رخسار حسینی
اوپدی او گجه قبر رسول الثقلینی
عرض ائتدی بابا غصه لیم صحبته گلدیم
جان اوسته منی درک ائده سن دعوته گلدیم
لعنت او معاویهٔ می شوم و پلیده
ئولدی یتیشوب سلطنتی اوغلی یزیده
بیرنامه یازوب شامیده گوندردی ولیده
مجلسده یوزون دوتدی منه والیِ جانی
تأیید ائله سنده دئدی سلطان جوانی
مسجدده جوابین کی دئدیم ایلرم اعلان
قویما گئده فرزند رسولی دئدی مروان
آل بیعتی بعداً گئده بو حجت سبحان
مروانه آجیقلاندیم ائشیتدی سسی اکبر
آچدی قاپونی شیر تک عباس دلاور
مروان اورگین نعرهٔ تکبیریده سیخدی
بیر آنیده دوتدی یاخاسیندان یره یخدی
اولدورسون اونی سینه سینون اوستونه چخدی
زهرانی قسم وئردی منه دشمن نادان
مروانی دئدیم عفو ائله قوللاروه قربان
گئتدیم قاباقا عطر شه خیبری آلدیم
مین حسرتیلن قوللاریمی بوینونا سالدیم
بیر قدری اباالفضلیمیلن یوزیوزه قالدیم
لبریز اولونوب کاسهٔ مهریم یوزون اوپدوم
آغوشه چکوب حیدر اوپن صاق گوزون اوپدوم
ای ختم رسل حامی اولان آل عبایه
دور سال یولا گیزلین گئدورم کرببلایه
مستغرق اولار اهل حرم بحر بلایه
زهرا ننه می کرب و بلایه گتوررسن
معناده یولا باشین عزایه گتوررسن
قبر اوسته یوخی دوتدی شه تشنه لبانی
رؤیاده گوروب چوخ نگران خیر ورانی
دلبندینه فرمایش ائدوب دلده فغانی
اولما نگران مقصد و منظوره چاتارسان
اؤز قانوه صحرای غم افزاده باتارسان
آز قالدی سولا فاطمه نون گلشن و باغی
آز قالدی سونه کرب و معلاده چراغی
آز قالدی گوره قلبون حسینیم بالا داغی
باران کیمی رخساروه گوزیاش توکه جکسن
اعضاسینی میداندا عبایه بوکه جکسن
آز قالدی ئوله قاسم شهزاده ی زیبا
آز قالدی وئره قوللارین عباس توانا
آز قالدی گوره گؤزیاراسی ماه دل آرا
قوللارینی میدانیده یردن گوتوررسن
امکانی گر اولسا باشی اوسته گتوررسن
آز قالدی ستاره کیمی اصغرده سوزولسون
آز قالدی قوجاقونده سوسوز حلقی اوزولسون
آز قالدی قانی دوشلوگونون اوسته دوزولسون
اوخ یاره سینی کوی نگارونده اؤپرسن
قانیندن حسینیم بیر اووج عرشه سپرسن
آز قالدی دوتا خیرداجا قیزلار اتگوندن
آز قالدی دگه زهریلی پیکان اورگوندن
آز قالدی چیخا زحمتیلن اوخ کوره گوندن
قورخار بالالار باد مخالف اسیلنده
سو وئرمیه جکلر سنه باشون کسیلنده
توک گوزباشینی صفحه ی رخساره معزّی
دوز ویرسون حسین یازدیقون اشعاره معزی
مجلسده یاپشسون سوزون حضّاره معزی
هر ماه محرمده اولار قاره گیللر
سر مطلع اشعاریوی یوللاردا دیه للر
معزّی اردبیلی
موضوع: احوالات خروج از مدینه ,
زبان شعر و شاعر: نوحه ترکی , معزی اردبیلی
-------------------------------
حدیث کساء و گریز به قتلگاه
پیغمبر گرامی خدانون عطاسیدور
اُمّتلرون جهاندا بویوک پیشواسیدور
قبل از ابوالبشر یارانوب نوری احمدون
روز اَلستیدن بشریت صفاسیدور
جاه و جلال و عزّته باخ احترامه باخ
تعریف ایدن مُحمّدی اوّل خداسیدور
پاک و منزّه اولماقینا گوندروب پیام
مصداقی باخ خبرده حدیث کساسیدور
بیر گون نماز ظهری قیلوب ختم الانبیا
اذکار جادوانه سی روحون غذاسیدور
وئرمیشدی یوز کسالت اطبّا طبیبینه
زهرا ائوی بیلوردی کی دارالشّفاسیدور
گتدی عبانی، چکدی رسول اللّه اوستونه
هر لحظه مونسی سخن ربّناسیدور
وارد اولوب اتاقه حسن عرض ایدوب سلام
ضعف حالیده سلامین آلان اوز باباسیدور
عطر رسول حقّی آلوب ائوده مجتبی
بعداً گلن حسین شهدانون آقاسیدور
مثل حسن سلام ویروبدور حسینیده
گنجینده حضرتون گُهر پربهاسیدور
گلدی ابوالائمّه سلام و درودیلن
صاحب کرمدی شیعه لرون رهنماسیدور
زیر عباده رخصت آلوبلار قالوبدیلار
احکام کردگارون اولار باوفاسیدور
حاصل همان عباده ده زهراده گورسنوب
پیغمبرون عزیزه سیدور دلرباسیدور
پروردگاره عرض ایلدی ختمی مرتبت
هر آن حضور پاکووه مندن سپاسیدور
مشکل گشا علی ایکی اوغلی حسن حسین
مشتاقیدور بولار اوچیده دین فداسیدور
زهراده گُلشنیمده گوزل گولدور ئیلرم
عزّتده یوخ نظیری ائمّه آناسیدور
آلِ عبا جهاندا منه اهل بیتیدور
قانیمدی قانلاری هاموسی حق شناسیدور
اینجیتسه اهل بیتیمی کیم اینجیدوب منی
راز و نیازیمون بو سخن محتواسیدور
رِجس و پلیدی سالمیا یول خاندانیمه
هر تک تکی اَوامروون آشناسیدور
امر ایلدی مَلَکلرینه ربّ ماسوا
سس لنگر سما و زمینون صداسیدور
افلاکی من پیمبره خاطر یاراتمیشام
زیبا جمالی نُه فلکون مه لقاسیدور
زیر عباده کیمدی اولار جبرئیل دئدی
تز سس یتشدی فاطمه دور مصطفاسیدور
زهرا دی افتخار زنان مجلّله
ئوز صاحبی اباالحسنی مرتضاسیدور
زهرا دی مکتب نُجبانون مؤسسی
آرام جانیدور حسن المُجتباسیدور
زهرا دی سینه سینده فدا دینه بَسلین
مظلوم حسین آدینلی مطّهر بالاسیدور
روح الامین دئدی منه ده اذن ویر گئدیم
اهل کسا خلایقوون دلگشاسیدور
اذن آلدی ،آیه گتدی کی قرآندا ثبت اولوب
مضمون آیه رحمت خیرالوراسیدور
منلن دئدی سلام سنه گوندروب خدا
پیغامیده فضیلت آلِ عباسیدور
اللّه سنه گوره یارادیبدور عوالِمی
پیغمبریم بویوردی سعادت هُماسیدور
خلقتده چوخ مُطهّر ایدوب اهل بیتوی
زهرا قیزون محجّبه لر باحیاسیدور
قوی من ئوپوم حسین قدمین ایهاالرّسول
ردّ ائتمه جبرئیل امین التجاسیدور
بیر گونده کربلاده حسینی گلوب گوره
باشدان ایاقه جسمی گوروب اوخ یاراسیدور
روی هواده یاره سینه سایه سین سالوب
جسمین یوران دیار غمون گرم هواسیدور
قلبیندن اوچ پَر اوخ وُریلوب تازه قان گلور
جاری اولان گِنه دوداقیندان ثناسیدور
سینه ورور پیمبر اوزی وای حسین دیور
باش پنج تن آچوبدی حسینون عزاسیدور
زهرا دیور یانان اورَگیم یاندی آی بالا
نِی تک گلن نوایه حسین نینواسیدور
بش مینجی جلددَه ویریلور چاپخانه ده
دوش سجدیه (مُعزّی) خدانون عطاسیدور
معزی اردبیلی
موضوع: احوالات قتلگاه ,
زبان شعر و شاعر: نوحه ترکی , معزی اردبیلی
-------------------------------
حضرت موسی بن جعفر (علیه السّلام)
الله الله تنگه گلدی محبسنده پیر عشق
حضرت موسی بن جعفر شخص بی تقصیر عشق
عبدصالحدور آچوبدور قبلیه سجاده سین
هرنمازینده امامون قوزانور تکبیر عشق
عمق زندانین سوال ایتسوز اگر قرخ پله دور
دم به دم افلاکه قالخور ناله شبگیر عشق
باغلانوب محکم مبارک گردنیندن سلسله
فرض ایدوب مولا آغور زنجیرینی زنجیر عشق
محبسینده ایلیوب کونده ایاقلارین یارا
دلم صیاد جفاکاره دوشوبدور شیر عشق
عالم معناده عشاقی یغوبدور باشینه
آیه تک زندانیده عاشق ایدورتفسیر عشق
گوشه زندانیده راز ونیازینده دیور
قلبیمه یارب وورولسون من رضایم تیر عشق
ظاهرا مظلومم اما غالبم ظالملره
اممیشم پستان مادردن امنده شیر عشق
عاقبت بغدادیده هارونی نفرینیم دوتار
حاکم جباری قصرینده یخار شمشیر عشق
یاره لندی گردنیم یارب آغور زنجیردن
مونسیم زنداندا اولمش آیه تطهیر عشق
عشق پاکیمدن خمارم کونده رنجین بیلمرم
عاشق اولماز عالم عشقینده ذره سیرعشق
سیلی ضربندن یوزوم گوی یاپراقا بنذرمنیم
تابعم ،تابع الهی هر ندور تقدیر عشق
سجده گاهیمده گوزوم چالدی قرانلوق سیلی دن
قلبیمی رام ایتدی اما شور عالمگیر عشق
من حسین تک امتحاندا شخص اول اولمارام
تابع عشق حسینم من،حسیندور میر عشق
داش وورولدی آلننا قان دولدی زیبا گوزلره
بیر نگاهینده مناده ایلدی تسخیر عشق
قلبینه اوچ شعبه اوخ دگدی بولوندی اوچ یاره
چکدی قلبیندن چخارتدی ویرمدی تغییر عشق
یاره لی قیلدی نمازین پایدار اولسون نماز
ووردولار رکن الصلواتی ایتدیلر تکفیر عشق
ال گوتوردی پیشگاه پاکووه میدانیده
عرض ایدوب یارب بیلورسن منده یوخ تزویرعشق
ورودی امضا لوحیه زرعالمی ای لامکان
عشقوی ویردون اولده اولمادی تاخیر عشق
لوحه حکمت شروطین سربه سرچخدم باشا
آختارور گر هانسی عاشق منده دور اکسیر عشق
عشق بازارینده اولدون مشتری گوهرلره
الی یدی ایلده گوردوم درنابی زیر عشق
یا امام موسی کاظم قلیزاده گلوب
التماس ایلر(معزیده) الوبدور پیر عشق
معزّی اردبیلی
موضوع: حضرت امام موسی کاظم (ع) احوالات ,
زبان شعر و شاعر: نوحه ترکی , معزی اردبیلی
نظرات (۰)
هیچ نظری هنوز ثبت نشده است