متن نوحه ترکی اشعار مرحوم کهنمویی
مجموعه اشعار آیینی (متن نوحه ترکی و فارسی) از مرحوم استاد کهنمویی در مدح اهلبیت علیهم السلام
---
کوچ از قتلگاه
اورک غمین دیماقا بیر یانان دل آختاریرام
دوشوب صعوبته حلّال مشگل آختاریرام
صاقا صولا دولانوب حسرتیله زار و ملول
ایتیرمیشم بو گلستاندا بیر گل آختاریرام
فراقِ یار بلی الدن اختیار آپاروب
قرارِ بلبلی دلدن جفای خار آپاروب
چمنده زاغ و زغن گُلده هر نه وار آپاروب
ایتیرمیشم بو گلستاندا بیر گل آختاریرام
دوشنده بلبل شوریده نون بهار الینه
آلار اله گُلینی ایلر افتخار الینه
دوشوب منیم گُلوم اما بو چولده خار الینه
ایتیرمیشم بو گلستاندا بیر گل آختاریرام
بو گلستاندا گللرین عجب طراوتی وار
هاموسی قرمزیدی عطری وارلطافتی وار
ولی منیم گلومون بیر نچه علامتی وار
ایتیرمیشم بو گلستاندا بیر گل آختاریرام
ویروبدی بلبلی بیرکهنه پیرهن گُلومه
که بلکه ویرمیه ال ، زاغیلن زغن گلومه
ولی گیچن گیجه ال تاپدی اهرمن گلومه
ایتیرمیشم بو گلستاندا بیر گل آختاریرام
سولوبدی غنچه ده گللر ، عجب گلستاندور
بو گللر اوستونه شبنم اولان قیزیل قاندور
گلوم بو یرده منیم شمر الینده خنداندور
ایتیرمیشم بو گلستاندا بیر گل آختاریرام
بو گلستانداکی گللر ورق ورق داغلوب
باخاندا هرطرفه گُلدی بیر طبق داغلوب
ایاقلار آتدا کلامِ خدای حق داغلوب
ایتیرمیشم بو گلستاندا بیر گل آختاریرام
ایشیتمیشم که گلوم غارته چمنده گیدوب
الیده بارماقیدا اهرمن گلنده گیدوب
دیولّه قالمیوب اول کهنه پیرهنده گیدوب
ایتیرمیشم بو گلستاندا بیر گل آختاریرام
عبث دگول ایدرم من بو قدر جوش و خروش
همیشه شعله چکر اولماز عشق اودی خاموش
گلور حسینیمون عطری چخور باشیمدان هوش
ایتیرمیشم بو گلستاندا بیر گل آختاریرام
حسین عزیز آنامون سینه سینده کی گُلوسن
پیمبراوغلی رسول خدایه سوگلوسن
باجون فراقوه تاب ایلمز اوزون بولوسن
ایتیرمیشم بو گلستاندا بیر گل آختاریرام
بلای کرب وبلا اولمیوبدی بس قارداش
مسافرم گیدورم سسنلور جرس قارداش
پناهسیز باجیون ویر سسینه سس قارداش
ایتیرمیشم بو گلستاندا بیر گل آختاریرام
هایاندا دوشموسن ای نوردیدهء زهرا؟
ایشتموسن باجیوین آه و ناله سین آیا
الیم اورکده قالوب دلده آه و واویلا
ایتیرمیشم بو گلستاندا بیر گل آختاریرام
پوزوپدی گلشنیمی زاغیلن زغن گیدورم
وروبلا قولاریما ظلمیله رسن گیدورم
یارالی جسمیله سن قال بو چولده من گیدورم
ایتیرمیشم بو گلستاندا بیر گل آختاریرام
نولوردی شمر قوییدی تاپیدیم اللریوی
سرشگیمیله یوویدیم او قانلی بستریوی
قویانمادیم باجون اولسون مزاره پیکریوی
ایتیرمیشم بو گلستاندا بیر گل آختاریرام
زبسکه امر ایلدی خلقی اتّحاده باشون
سوسوز کسیلدی قفادن بو کربلاده باشون
او دوغرانان بدنون یرده دور جِداده باشون
ایتیرمیشم بو گلستاندا بیر گل آختاریرام
(ریاضی) ایله دعا شعره اشتراک ایدنی
یقین که اجرسیز ایتمزلّه نه اونی نه سنی
(سیدحسین رجائی) ویروب بو سر سخنی
ایتیرمیشم بو گلستاندا بیر گل آختاریرام.
مرحومین کهنموئی و رجائی
منبع مجموعه کانالهای مدح و مرثیه
موضوع: کوچ از قتلگاه ,
زبان شعر و شاعر: نوحه ترکی , کهنمویی , رجائی
-------------------------------
در احوالات غارت
حسینین خیمه سین غارت ایدن ، غارتگر آغلاردی
قاچاردی چوللره قیزلار ، باخاردی لشگر آغلاردی
ویرنده سعدین اوغلی حکمِ غارت لشگرِ شامه
یریندن اوینادی آتلی ، پیاده ، اولدی هنگامه
واریدی هر قیزین اگننده فاخر تازه بیر جامه
سویوندوردی اوزی زینب ، آلاندا معجر آغلاردی
بو امّت دینینه قرآنینه حرمت هاچان قویدی
پیمبر قیزلارین پیغمبرین اوز امّتی سویدی
بهارِ عمرده تازه جوانلار جانیدن دویدی
صغیر اطفالین احوالین گورن کین پرور آغلاردی
اورک تاب ایلمز هر ظلمی گورسه آشناسندن
بو غارت بیر علامتدور سقیفه ماجراسیندن
پیمبر عترتی تنگه گلوب امّت جفاسیندن
سویاردی اهلبیتین ، امّتِ پیغمبر آغلاردی
واریدی خیمه دن میدانه بیر یول ای مسلمانلار
همان یولدان توکولدی خیمه گاهه لشگرِ اشرار
تصوّر ایله گور نه حاله قالدی خورداجا قیزلار
گورن گوز تاب ایدنمزدی توکوب اشکِ تر آغلاردی
گلنده کربلایه اشقیادن هر ستم پرور
قیزینا وعده ویرمیشدی آپارسون زینت و زیور
بو قصدیله هجوم ایتدی توکولدی خیمیه لشگر
آلوب آت شیحه سین دشمن سسین هر مضطر آغلاردی
گلن غارت خیالیله اوتوز مین مردِ بی پروا
سویولان یوزدن آز ، عورت اوشاق ، اطفالِ مه سیما
اودور چوخلاری محروم اولوب ایلردیلر ایذا
بو احوالی گورنده سنگ دل هر کافر آغلاردی
ووراندا بیر قیزی غارت نصیبی اولمیان دشمن
دیردی وورما اینجتمه اگر ظالم ، موحّدسن
قیامت وار جزا وار ، گورمیسن آیا یتیمم من
وراندا سن منی عرشِ خدای داور آغلاردی
بلا دریاسی موج ایتدی او چولده باشیدن آشدی
وران ووردی ، سویان سویدی ، سویولانلار چوله قاشدی
اوشاقلار قورخوسندان بیر بیرین گورجک قوجاقلاشدی
دیردی هاردادور گلمور علی اکبر ، آغلاردی
چتیندور حل اولا ، هنگامهء غارت معمّاسی
اوجالدی هر طرفدن واعلیّا شور و غوغاسی
دوتان یوز نهرِ علقم سمتینه سسلردی عباسی
دیردی هارداسان گل یادگارِ حیدر ، آغلاردی
اولان بی اعتنا دینه هوای نفسدن دویماز
جفایه مرتکب اولماخدا ، نقصانِ عمل قویماز
امامی ئولدورن ، رحم ایلر؟ آیا قیزین سویماز؟
سویولمشدا سویان گورجک اسفلی منظر ، آغلاردی
فشارِ منجنیقِ غم ، عیالِ حیدری سیخدی
اوشاقلار اللری باشندا حیران خیمه دن چیخدی
بیری سسلردی گَل عمّه منی دشمن ووروب یخدی
ایدردی بیر بالا توپراقلار اوستون بستر آغلاردی
جهاندا وار اثر ای (کهنموئی) یاخشیدان پیسدن
هدر گیتمز عمللر بو سوزوم واضحدی چوخ روشن
بصیرت گوزلرین دقّتله آچسیدون گورردون سن
یازاندا خامه غارت ماجراسین ، دفتر آغلاردی.
مرحوم سید حسین کهنمویی (ریاضی)
منبع مجموعه کانالهای مدح و مرثیه
موضوع: احوالات غارت خیام ,
زبان شعر و شاعر: نوحه ترکی , کهنمویی
-------------------------------
در احوالات حضرت موسی ابن جعفر (علیه السلام)
ای خدا زندانیده محبوس بی تقصیره باخ
جان وئرن وقتیمده بو بوینومدا کی زنجیره باخ
شاهد اول سن گور نئجه هارون منی مظلوم ائدوب
بیر اوزون مدّتدی بو زندانیده مغموم ائدوب
عاقبت مین جور و ظلمیله بو گون مسموم ائدوب
جانیمه زهر عداوت ایلین تآثیره باخ
شکر اولا درگاهیوه ای خالق ربّ جلیل
سن کریم پروردگار و منده بیر عبد ذلیل
قالمیشام اولادیمه حسرت اؤزوم زار و علیل
گوشۀ زندانیده احوال عبد پیره باخ
سالدی زندانه منی اول ناکس بی شرم و عار
مین جفائیله ائدوبدور محنت هجره دچار
خلقه اسلامیّتین هر لظه ایلر آشکار
بی حیا هارونیده بیر حیله و تزویره باخ
دمبدم هارون الیندن یوز وئرور ذلّت منه
آرتوری ظلم وستم هر لحظه هر ساعت منه
حلقۀ زنجیر و کنده اولدی هم صحبت منه
آه آتشباری گور بیر نالۀ شبگیره باخ
هجر معصومه خدایا منده قویموب اختیار
گوزلریم یولدا قالوب یوخ بیر غمین و غمگسار
بی کسم توپراقلار اوسته ایمدی ئولّم خوار و زار
کنده و زنجیر ظلمه باغلانان نخجیره باخ
هر بلا گلسه رضایم وار بو جانه منّتی
لیک چوخ دلتنگ ائدوب اوغلوم رضانون فرقتی
نوش قیللّام دمبدم جام و بلا و محنتی
ملک جسمیمده سپاه غم ائدن تسخیره باخ
عرض ائدوب راز و نیازین حضرت معبودینه
عاقبت ائتدی وفا اؤز وعدۀ معهودینه
تاپشوروب جان نقدینی اولدی بو سودا سودینه
قتلینه هارون بی دین ایلین تدبیره باخ
جان وئروب زندانیده گر چه امام هفتمین
دفن ائدوب نعشین سلیمان دوتدی ماتم دلحزین
جانو ئرنده کربلاده تشنه لب سالار دین
هر زمان سویلردی یارب گردش تقدیره باخ
عهدیمی باشه یتوردوم ای خدای مهربان
من خریدارم اؤزوم هر ظلم ائدللر کوفیان
ایمدی وئرّم خنجر برّان دمینده تشنه جان
بارالهی پیکریمده زخم تیغ تیزه باخ
گرچه یوخ بیر رحم ائدن ای خالق ربّ رَئوف
دیدۀ زینب کیمی آغلار جراحات سیوف
مین بئله یاره دگه هرگز دئمم بیر کلمه اوف
خاک و خون ایچره دوشن اعضانی گور تخمیره باخ
راضی ام شمر ستمگر زینب غم پروری
قولّاری باغلی دولاندیرسون پیاده چوللری
چخماسون دیندن کناره جدّیمون امّتلری
عاصیان ، غم دفترینده ایلین تحریره باخ
«کهنمویی» قورتولاندور نچّه گون عمرون یقین
دوت حضور قلبیله موسی ابن جعفر دامَنین
مطلع اشعاریوی یاز بیرده آخرده غمین
بارالهی حبسده محبوس بی تقصیره باخ
مرحوم کهنموئی
منبع مجموعه کانالهای مدح و مرثیه
موضوع: حضرت امام موسی کاظم (ع) احوالات ,
زبان شعر و شاعر: نوحه ترکی , کهنمویی
-------------------------------
زبانحال حضرت فاطمه زهرا (سلام الله)
گل جان ویرورم آیریلورام سندن عم اوغلی
آیریلما نه قدر ئولمه میشم مندن عم اوغلی
هر دم ئولوم آثاری اولور منده نمایان
صون وقتلریمدور منیم ای سرور دوران
قرآن سسیوی چوخ سویرم گَل اوخی قرآن
آیریلما نه قدر ئولمه میشم مندن عم اوغلی
بلبل ستم خاریله آیریلدی چمندن
من دویمادیم عالمده حسینیله حسندن
آز قالدی چخا فاطمه نین روحی بدندن
آیریلما نه قدر ئولمه میشم مندن عم اوغلی
هرگز دیمورم آغلاما، یان سینوی داغلا
جان تاپشورورام آغلا، صاق اولسون باشون آغلا
قوی فاطمه ئولسون گوزون اوندان صورا باغلا
آیریلما نه قدر ئولمه میشم مندن عم اوغلی
جانیم سنه قربان اولا ای شاه ولایت
واردی بولوسن سینه ی زهراده جراحت
تاپشور مَلَکُ الموته آلا جانیمی راحت
آیریلما نه قدر ئولمه میشم مندن عم اوغلی
ازبس ایلیوبلر بو جماعت منه توهین
تشییعیمه قویما گله لر، دفن ایله گیزلین
قوی قبره منی نصف شب ایت قبریمی ایتگین
آیریلما نه قدر ئولمه میشم مندن عم اوغلی
یوخدور بولورم آیریلیقین دردینه چاره
هیهات گورم گل یوزیوی بیرده دوباره
گل آل دیزون اوسته باشیمی گیتمه کناره
آیریلما نه قدر ئولمه میشم مندن عم اوغلی
ویرموش اوز آتام مژده که سن تیز ئوله جاقسان
چوخ اینجیموسن شاد اولاجاقسان گوله جاقسان
دین خدمتی نون قیمتین اوندا بوله جاقسان
آیریلما نه قدر ئولمه میشم مندن عم اوغلی
ناحق چالیشور ثروت دنیانی آپارسون
مومن چالیشور قبرینه ایمانی آپارسون
گلدی اوز آتام غمزده زهرانی آپارسون
آیریلما نه قدر ئولمه میشم مندن عم اوغلی
چوخ اینجیموسن رنجش درد و محنیمده
بیر زحمتیم آرتار سنه غسل و کفنیمده
پیراهنیمی قوی قالا یورقون بدنیمده
آیریلما نه قدر ئولمه میشم مندن عم اوغلی
بیر غم دیمه هرگز قویار آسوده من ئولّم
دشمن کسه جاق اوغلون حسین باشینی بولّم
خولی ایوینه شام غریبانینه گلّم
آیریلما نه قدر ئولمه میشم مندن عم اوغلی
دنیاده «ریاضی» ساییلور شیعه لروندن
آگاهدی فردای قیامت خبروندن
هنگام شفاعت اونی سالما نظروندن
آیریلما نه قدر ئولمه میشم مندن عم اوغلی
مرحوم کهنمویی
منبع مجموعه کانالهای مدح و مرثیه
موضوع: حضرت فاطمه زهرا (س) زبانحال ,
زبان شعر و شاعر: نوحه ترکی , کهنمویی
-------------------------------
احوالات دفن شهدای کربلا
اونداکی دفن ایتدی اجسادی علی بن الحسین
گوردی گویا اوز اتاسی سسلنور ای نورعین
کربلا قربانلارین دفن ایلدون سجاد اوغول
دورما گیت گوزلور یولون عمن ایوین اباد اوغول
قیما حسرت اللرین بو نوع حیران قوینووا
دورما گیت قویما سرشکین گرد غم یوزدن یووا
کوفه زندانینده زنجیری اوزون سال بوینووا
سنده تسلیم قضا اول من کیمی ناشاد اوغول
تاپموشام اب حیاتی باده خنجرده من
طوق عزت بل اوغول بوینونداکی زنجیری سن
ال هاشم قولاریندابند وحدتدوررسن
ایلیوب اهل حقیقت اتحادایجاد اوغول
اولدی بو منظوریله برپابساط کربلا
عالمه تبلیغ اولونسون عین احکام خدا
مالک اولسون حقینه دنیاده هر شاه و گدا
هربیری غاصبدی ایتسون حقین استرداد اوغول
دینی احیا ایلدیم تا خلقه دین درسین دیم
تابع ظلم اولمیام ذلت لباسین گیمیم
من اوزیمده مکتب قران و دین شاگردم
اولدی پیغمبر علی بو مکتبه استاد اوغول
گیت اوغول مندن سلام ایله وفالی زینبه
ایلسون صبر و تحمل محنت روز و شبه
هر ایکوزعامل اولون تا وار نفس بو مطلبه
ایلیون هردورده گمرهلری ارشاد اوغول
سعی ایدردی اهل باطل حق پدیدار اولماسون
بستر غفلتده یاتسون خلق بیدار اولماسون
ایستدی خلاق عالم اهل دین خوار اولملسون
ایلدی قید اسارتدن سنی ازاد اوغول
امر ایدوب گیت کربلایه گور بلا غوغاسینی
قوی مزاره هر شهیدین چاک چاک اعضاسینی
اهل عشقه مدفن ایله کربلا صحراسینی
طالبان حق گورنده حقدن ایتسون یاد اوغول
کوفه دن گلدون بویرده قبره قویدون سن منی
بیریره جمع ایلدون اعضاء پاره پارهنی
دورما گیت چوخ انجیدون الهه تاپشوردوم سنی
صبرایله گلمه نوایه ایلمه فریاد اوغول
دی ربابه سن دیمه وای اصغریم من وای دیدیم
نیزه لر پاره ایدن نعشین گوروب ایوای دیدیم
من قوجاقیمده یاتوتدوم اوغلومالیلای دیدیم
یاتدی راحت دور یری ایتمور فغان و داد اوغول
عمه وه دی قتلگهده دیده گلموشدون منه
کوفیه وارد اولاندا بازدید ایتدوم سنه
قورتولاندا شامیدن گلسون بوپوزقون مدفنه
باجی قارداش بزم خلوتده اوتوروق شاد اوغول
دی گوروم نعش ابوالفضلی نجه دفن ایلدون
بند بندیندن اوزولموشدی عمون
من خیامه حمل ایدنموردوم اوغول سن نیلدون
یاتدی خوردا قبریده یوخسا قد شمشاد اوغول
(کهنموئی)گوستروب یول خالق اکبر سنه
اولماساتقوا ثمر ویرمز بو اشک تر سنه
مایه کسب شرفدور خامه و دفتر سنه
سربلند ایلر سنی عقباده بو استاد اوغول
مرحوم کهنموئی
منبع کانال گنجینه گذشتگان
موضوع: احوالات دفن شهداء ,
زبان شعر و شاعر: نوحه ترکی , کهنمویی
-------------------------------
در شهادت امیرالمومنین حضرت علی ابن ابی طالب (علیه السلام)
شق القمر اثار قیامتدور الهی
یا زینبه محشردن علامتدور الهی
سس دوشدی که محرابیده بیر باش یارالاندی
بو سس اوجالان وقته یاتانلاردا اویاندی
ایوای علی وای ناله سی افلاکه دایاندی
نه حادثه دور بو نه حکایتدور الهی
ضربت یتوشوب بارچالانوب باشدا عمامه
بو نحویله اوز مقصدینه یتدی قطامه
بیر امر زنا اولدی سبب قتل امامه
بلمم بو نه اسلام و دیانتدور الهی
بیر خواهش نفسیله یخوب خانه دینی
غمگین ایلدی اهل سماوات و زمینی
حتما یوخوموش عاقبت امره یقینی
یوخسا بو نه جرئت نه جسارتدور الهی
هر کیمسه یقین ایلیه قران و کتابی
خیرین بیله وار خوش ثمری شرین عذابی
ممکن دگی یاددان چیخادا یوم حسابی
غفرانه سبب بیله اطاعتدور الهی
بسکه واریدی وصلت دلداره شتابی
یاددان چیخادوب یاره دکی سوز و عذابی
گوتدی باشینین یاره سینه باسدی ترابی
یعنی دیریلق بوندان عبارتدور الهی
فرمان یتوشوب عرشیده جبریل امینه
گیت بو خبری نشر ایله سکان زمینه
صدمه یتوب ارکان هدا مرکز دینه
بو ظلمت او ضربتدن اشارتدور الهی
افلاکه دوشوب لرزه همان بو خبریله
ای صورتی مستوریدی ابر خطریله
ظلمت دوتوب افاقی بو شق القمریله
چون منهدم ارکان هدایتدور الهی
سس چرخ چها رمده مسیحایه یتوشدی
محنت اثری قبریده زهرایه یتوشدی
ناگه بو خبر زینب کبرایه یتوشدی
اولدی متوحش نه روایتدور الهی
یارب نه خبردور بو نه فریاد و فغاندی
نه سوزدی دیولر که علی قانه بویاندی
زینب بلوسن اوز باباسیندان نگراندی
بلمور که نولوب یا که سلامتدور الهی
ناگه گوزینه اولدی او ساعتده نمایان
گوردی گتورولر اتاسین قانینه الوان
عرض ایتدی بو محنت منی چوخ ایتدی بریشان
هر چند مصیبت بیزه عادتدور الهی
صدمه یتوشوب گرچه اتام شیر خدایه
یوخ چاره گرک صبر ایلیم امر قضایه
من اغلاماقی ساخلاموشام کرببلایه
گوز یاشینه زیبنده او ساعتدور الهی
اوندا که گیچر قارداسیمین باشی جدایه
غم یوز ویرر اولاد علی ال عبایه
گلوخ هامی بیز شیونیله شور و نوایه
گوروخ که حسین خیمه سی غارتدور الهی
بو سوزده ایکی سید حسین ایلدی شرکت
ایستوردی (ریاضی)و (رجائی)ایده خدمت
بو خیر عمله ویردیله باهم سر و صورت
منظور شفاعتدی زیارتدور الهی
مرحوم کهنموئی
منبع کانال گنجینه گذشتگان
موضوع: حضرت علی (ع) احوالات ,
زبان شعر و شاعر: نوحه ترکی , کهنمویی
-------------------------------
زبانحال امام حسین (ع) در احوالات حضرت ابوالفضل العباس (ع)
قارداشیم عباس اؤلوبدور قامتیم خم دور باجی
بو مصیبت هامی دردلردن بیل اعظمدیر باجی
اوخلانیب سو مشکی، قوللار بدندن آیریلیب
یرده بی صاحیب قالان شمشیر و پرچم دیر باجی
هر نه قوت وار قوشوندا قوّه پرچم ده وار
پرچمی حفظ ایلین بیر بازوی محکم دیر باجی
نه دئییم قارداشیمین چوخ سؤزلری سینمده وار
درد ، و، محنتله دولان بو یاره سینمدیر باجی
اسیردی پرچمی یاران هامی دیلشادیدی
وعده نصرتله ویران قلب لر آبادیدی
هر قدر کی دوشمه میشدی قوللاری آزادیدی
من گؤروردوم قارداشیم جنگه مصمّم دیر باجی
تا آلیردی قارداشیم تشنه اوشاقلارین سسین
قصد ائدیردی ساکت ائتسین آغلایانلار ناله‌سین
مشگی دولدوردو چیخیب لشگر آلیبدیر دوره سین
یوز قویوبدور خیمه‌گاهه قصدی محکم دیر باجی
دوشدو سس لشگر ابوالفضلی خیامه قویمایین
سو آپارسین بچّگان تشنه کامه قویمایین
قویمایین آزاد اولوب یئتسین مرامه قویمایین
مرگینه قارداشیمین بو ایش مقدّمدور باجی
رتبه عباسیمه چوخلار چکیب رشک آغلادی
مشکینه بیر اوخ دگیبدیر حالینه مشک آغلادی
گؤردو سقّا سو هدر گئتدی تؤکوب اشک آغلادی
قانه الوان یوزگوزو اشکیله پُرنَمدیر باجی
اونداکی سو مشکی اوخلاندی دگیشدیردی سؤزون
ایستدی تا گؤرمسین تئشنه اوشاقلاری یوزون
جان وئریب میدانیده غَمدن قوتارسین اؤز اؤزون
قارداشیم صاحیب مقامات و مکرّمدیر باجی
سویلدی قارداش حسین گل درک ائیله قارداشیوی
قارداشون جان تاپشیریر آچ باشی اوسته باشیوی
آغلا قارداشون اؤلور تؤک عاریضه گؤز یاشیوی
ایکی قارداش یوزیوزه قویسا نه عالمدیر باجی
قارداشیمین پئیکری قولسوز جفادن اوخلانیب
حملی ممکن اولمادی قطعه به قطعه دوغرانیب
قارداشیم حالین گؤرندن اود توتوب قلبیم یانیب
بو غمیم گلمز حسابه چوخ بؤیوک غمدیر باجی
قارداشیم نعشین قویوب میداندا یالقوز گلمیشم
پیکری پاره دوشوبدور یرده قولسوز گلمیشم
قالمیشام بو چؤلده قارداشسیز اوغولسوز گلمیشم
حالتی قارداشیمین گؤزده مجسّمدیر باجی
مرحوم کهنمویی
منبع مجموعه کانالهای مدح و مرثیه
موضوع: حضرت ابوالفضل العباس (ع) زبانحال ,
زبان شعر و شاعر: نوحه ترکی , کهنمویی
-------------------------------
زبانحال حضرت رقیه (سلام الله)
زائرین قبر من این شام عبرت خانه است
مدفنم آباد و قصر دشمنم ویرانه است
دختری بودم سه ساله، دستگیر و بی پدر
مرغ بی بال و پری را این قفس کاشانه است
بود سلطانی ستمگر صاحب قدرت یزید
فخر می کرد او که مستم در کفن پیمانه است
داشت او کاخی مجلل، دستگاهی با شکوه
خود چه مردی کز غرور سلطنت دیوانه است
داشتم من بستری از خاک و بالینی ز خشت
همچو مرغی کو بسا محروم ز آب و دانه است
تکیه می زد او به تخت سلطنت با کبر و و جد
این تکبر ظالمان را عادت روزانه است
من به دیوار خرابه می نهادم روی خود
زین سبب شد رو سفیدم، شهرتم شاهانه است
بر تن رنجور من شد کهنه پیراهن کفن
پر شکسته بلبلی را این خرابه لانه است
محو شد آثار او، تابنده شد آثار من
ذلت او عزت من هر دو جاویدانه است
(کهنمویی) چشم عبرت باز کن، بیدار شو
هر که از اسرار حق آگه نشد بیگانه است
مرحوم کهنمویی
منبع مجموعه کانالهای مدح و مرثیه
موضوع: حضرت رقیه (س) زبانحال ,
زبان شعر و شاعر: نوحه فارسی , کهنمویی
-------------------------------
احوالات حضرت ابوالفضل (علیه السلام)
نهر فراته گوردولر سردار بی همتا گلور
الده علم حیدر کیمی بیر تشنه لب سقّا گلور
بیر نحویله عزم ایلیوب سو آلماقا بی اختیار
ماه بنی هاشم اولوب یول اوسته گون تک آشکار
عازمدی فتح خیبره گویا ولیّ کردگار
کیم مرحبی ئولدورماقا میدانه بی پروا گلور
گورجاق بو حالی یوز ویروب اهل جفایه اضطراب
بیر بی حیا اوز دوندروب ایتدی عمر سعده خطاب
امرون ندور بو باره ده وار لشکر ایچره انقلاب
باخ گور فرات اوسته نجه عبّاس رزم آرا گلور
سعد اوغلی اولدی باخبر ظلم و ستم دامین قوروب
قلب رسول اکرمه معناده بیر یاره ووروب
حفظ فراته تازه دن بئش مین سواره آرتیروب
باخموب عطشدن نالیه ذریۀ طاها گلور
گَلدی علی اوغلی اولوب چون کوفیانه روبرو
فرمایش ایتدی شرم ایدون ای لشکر بی آبرو
یاندی عیال مصطفی یوخ خیمه ده بیر شربه سو
بو نهره سیراب اولماقا هر کافر و ترسا گلور
یوخسا فرات ای کوفیان مهریۀ زهرا دگل
یا بو امام تشنه لب ذریۀ طه دگل
یا بو سوسوزلار عترت صدیقۀ کبری دگل
لشگر ایشیدمیرسوز مگر، فریاد واویلا گلور
آیا روادور بو سودان سیراب اولا گبر و یهود
آل علی عطشان قالا بو چولده ای قوم عنود
لب تشنه لردن ایلیه ناله سماواته صعود
فریاده بو اوضاعیدن انسیّۀ حورا گلور
حجاجین اوغلی سویلدی، ای زادۀ شیر خدا
هرگز حسینه ویرمروخ دنیا یوزین گر سو دوتا
سو هر نه قَدری بیزده دور ممکن دگل سیراب اولا
بوندان علاوه ایلروخ فکره نه که ایذا گلور
مختاریدور ایتسون قبول آخِر ایکی امرین بیرین
یا راضی اولسون بیعته تا کسمه سونلر اللرین
یا اینکه پامال ایلسون والیّ شامین لشکرین
بو گفتگودن نالیه دنیا و مافیها گلور
فرمایش ایتدی حضرت عباس او دریای کرم
یاخشی بُلر تاج سریم من بیعت امرین بُلمرم
اما صفوف دشمنی بیر آندا پامال ایلرم
باک ایتمرم موجه قشون هر چند چون دریا گلور
بی اعتنا بیر حمله ده سمت فراته یول آچوب
لشکر هامی روبه صفت، شیرین قباقیندن قاچوب
نهری آلوب اشراریدن، دین بیرقین اوردا ساچوب
گوردی فراتی موج ایدر مثل یم عظما، گلور
گورجاق فراتین موجینی اول خسور گردون مدار
دولدوردی اوجین، ایستدی ایشسون سودا بی اختیار
حسرتله بیر باخدی سویا، سویلوبدی اول ای نفس خوار
مهر عالمنده مقصدون گور مهریله همتا گلور
سن سو ایچورسن قارداشون اما عطشدن اودلانور
سوز عطشدن اود دوتوب صد پاره دللر دوغرانور
خوردا اوشاقلار اود دوتوب سوز حرارتدن یانور
شور و نوایه گورموسن اطفال مه سیما گلور
راه مواساتی دوتوب اوز نفس پاکین سِشمدی
قارداشینی یاد ایلدی رسم وفادن گیشمدی
اوجین بوشاتدی، دولدوروب مشکین، سو امّا ایشمدی
لب تشنه دریادن چخوب ماه جهان آرا گلور
سمت خیامه آت سالوب اول سیّد عالی نسب
ناگه خبردار اولدولار بو امره گرگان عرب
دورت بیر طرفدن ایتدیلر حمله گروه بی ادب
چون گوردولر الده دوتوب شمشیر برق آسا گلور
باک ایتمیوب اصلاً او دم یوز دوندروبدی لشکره
گویا آجیقلی شیریدی بیر حمله ایتدی صفلره
لشکر پراکنده اولوب صفلر قاریشدی بیربیره
دنیاده بیله نامور گور فکریوه آیا گلور؟
بو قصۀ پرشوریدن سعد اوغلی اولدی با خبر
سمت علمداره دونوب حسرتله بیر سالدی نظر
گوردی علی اوغلی سالوب تیغیله آفاقه شرر
مردانه حمله ایلیوری، هر سمتیدن اعدا گلور
فریاد قیلدی لشکره ای قوم مهلت ویرمیون
اطرافینی یکسر دوتون، عبّاسه فرصت ویرمیون
ایلر صفوفی تار و مار، آنی فراقت ویرمیون
بو غیظیله که زادۀ شیر حق یکتا گلور
بو شیر صولتمنددور خیلی دلاوردور بُلون
شاه ولایت اوغلیدور فرزند حیدردی بُلون
هَیجاده سانسیز لشکره، بیردی برابردی بُلون
بو قدری لشکردن گورون باک ایلمور اصلا گلور
سعد اوغلینون قصدین بُلوب چون فرقۀ بی نام و ننگ
دورت مین قوشوندان اوخ آتان آیریلدی اللرده خدنگ
بیر تیرباران ایتدیلر صاحب لوانی بی درنگ
سویلوب گورن، عباسیدور یا پر آچوب عنقا گلور
ظلم عدودن عاقبت صدپاره میداندا دوشوب
سرو صنوبر تک او گُل جسمی بیاباندا دوشوب
مشک اوخلانوب، بیرق یاتوب، قولّاری بیر یاندا دوشوب
هر آن بو غمده نالیه پیغمبر و زهرا گلور
سسلندی قارداش یا حسین درک ایت منی گَل دادیمه
سندنصورا بیر کیمسه یوخ یتسون منیم امدادیمه
جلاد الینده قالمیشام دورما یتیش امدادیمه
عبّاسیدن گَل گور نجه فریاد وا غوثا گلور
بُلمم نجه قارداش سسین درک ایلدی شاه زمن
سولدی سارالدی گُل کیمی آخِر امام ممتحن
عبّاسه امداد ایتماقا بیر نوعی چخدی خیمه دن
دنیا گوزونده تار اولوب مثل شب یلدا، گلور
سسلردی قارداش قارداشون سال یاده گلدیم هارداسان
ای ظلم الیله صید اولان صیّاده گلدیم هارداسان
امداده سسلردون منی امداده گلدیم هارداسان
سس ویر سسیمه دادیوه سبط شه بطحا گلور
تاپدی یارالی قارداشین بیر یرده شاه غم حشم
گوردی علمداری دوشوب بیر یرده، بیر یرده علم
فرمایش ایتدی قامتیم قارداش غمونده اولدی خم
قارداشه هر بیر غصّه دن قارداش غمی بالا گلور
ازبسکه شاه کربلا غمدن ایتیرمیشدی اوزین
ناله گلوگیر ایلیوب کشف ایلینمیردی سوزین
لطف ایلیوب قارداشینون بیر نحویله سیلدی گوزین
بو ماجرادن نالیه صدیقۀ کبری گلور
سسلندی قارداش سو یولون گوزلور سوسوزلار دور گیداخ
الده سو جامی قیزلاریم آغلار سیزیلدار دور گیداخ
سن گیتمسن اطفالیمون فریادی آرتار دور گیداخ
میدانه یکسر عترت سلطان اَو اَدنی گلور
ای (کهنموئی) دائماً وور دامن عبّاسه چنگ
توک اشکیوی تاپسون سوزون گوزیاشیویله آب و رنگ
عرض ایله یا رب یر یوزی اسلامیانه اولدی تنگ
ظلمت اولوب دنیا، هاچان مهر جهان آرا گلور
مرحوم کهنمویی
منبع مجموعه کانالهای مدح و مرثیه
موضوع: حضرت ابوالفضل العباس (ع) احوالات ,
زبان شعر و شاعر: نوحه ترکی , کهنمویی
-------------------------------
احوالات پسران حضرت زینب (سلام الله)
زینبین روح و روانی، ای عزیزی جانـی قارداش
آل قبول ائیله باجوندان، بو ایکی قۇربانێ قارداش
قالمێسان یالقۇز بۇ چؤلده، ای پنـاه سیزلار پناهـی
یوْخدۇ اۇممودی نجاتۇن، عاله‌مین اۇمۇدی گاهـی
اؤلدۆرۆب هانسێ رعیت، بیر گۆناه‌سیز پادیشاهـی
بۇ ایشین دونیاده هرگیز، اوْلمایێب ایمکانی قارداش
هر آنا ائتدی اؤز اوْغلـۇن، دینینـه قـۇربان بـۇ چـؤلـده
اوْلدۇ عوْره‌ت‌له‌رده ظاهیر، پایه‌یئ ایمـان بـۇ چــؤلده
قطعه قطعه دوْغرانێبدێر، وئردی اکبر جان بۇ چؤلـده
ائیله‌دی مجنون آناسێ، بینـوا لیـلانـی قــارداش
تؤحفـه هـر چند اوْلسا جوزئی، کم بها اوْلسا عیاری
اوْلمـاســا لایێـق حـوضـورئ آستـانی شهـرییــاری
کسب ائده‌ر شأن وْ شرافت، آرتار عئزز وْ ائعتئباری
شــه رعیـت‌ده‌ن آلانــدا، تـؤحفـه‌یـئ ارزانی قارداش
سعی ائده‌ر دونیاده اینسان، مقصه‌د وْ مقصوده چاتسێن
وای اوْ بدبخته کی ایستیـر، دینینـی دونیـایـه سـاتسێـن
ایسته‌ر اوْغلانلار آناسێ، باشێـن عالـه‌مـده اۇجـالتسێن
نئیلیره‌م سنده‌ن سوْرا مـن، عیززه‌تـئ دونیانـی قـارداش
صفحه‌یئ روْخساره یازدێ، گؤزیاشێ سیررئ نهانی
سن کیمی قۇربانئ دینـه، زینبین قـۇربـانـدێ جـانـێ
بـۇ ایکـی طئفلـئ صغیـره، گلـدی آخــه‌رده گـۆمـانـی
عفو ائله یوْخدۇر، بیر آیری تؤحفه‌یئ شایانی قارداش
غۆنچه‌ده‌ن تازه گۆل آچدێ، بیر خزان اوْلمۇش چمه‌نده
بۇ ایکی طئفل ائتدی ناله، سن کؤمه‌کلیک ایستییه‌نده
اؤزلـری راضیـدی بـی‌شک، راضییــم بــۇ امـره منــده
وار بـۇ ایصـرارین عـلاوه، اؤزگـه بیر عـونوانـی قارداش
شهر ییثریبــده‌ن کنــاره، قافیلــه چێخمێشـدێ تـازه
گلـدی عبـدالـه بـۇیــۇردۇ، زینبـــا وئـردیـــم ایـجــــازه
بـۇ ایکـی اوْغـلانـلارێمـــێ، وئــر فــدا میــرئ حئجــازه
اوْندا کی گؤردۆن کؤمه‌کسیز، تئشنه لب سولطانی قارداش
منده بیر قـۇربـانی دینـم، کـربـلا کـوهی مینـادی
نئیله‌ییم دین وئرمه‌ییبدیر، عوْرته ایـذنی جهـادی
چاره‌سیزلیکدن دۇتۇب، اوْد زینبیـن یانــدێ نهـادی
شاهدی عادیلدی بۇردا، دیده‌یئ گیریانی قارداش
کربلانێن مکتبینـده درس عئشقـی سنـدن آلـلام
فصلی صبری پس وئرنده، حئیرته دونیانی ساللام
صبره حئیرانـه‌م اؤزۆمــده، اؤلمــه‌رم دونیــاده قالــلام
حنجه‌روندا من گـؤرنده، خنجـری بوْررانـی قـارداش
بۇ حیاتی عارییتـده، ائیلـرم چــوْخ ایستیفـاده
شورئش وْ غوْغانێ ساللام، مجلیسی ابن‌زیـاده
کوه وْ صحرانی دوْلاننام، دسـت بستـه، پـا پییـاده
ائیلرم روسوا جاهاندا، آلی بوسئفیانی قارداش
کهنمـوئـی آختــارێـرسـان، گـر بـۇ دونیــاده سعــادت
کسبی تقوا ائیله سنده، اوْلـدۇ تقـوا اهلـی راحت
بیر موسلمان روز وْ شبده، ائیلسه هر نه عیبادت
اوْلماسا تقواسی قالماز، مذهب وْ ایمانـی قارداش
مرحوم کهنمویی
منبع مجموعه کانالهای مدح و مرثیه
موضوع: فرزندان حضرت زینب کبری (س) ,
زبان شعر و شاعر: نوحه ترکی , کهنمویی
-------------------------------
زبانحال حضرت رقیه (سلام الله)
شمع بزم حق را مرغ دلم پروانه است
گرچه طفل خردسالم منطقم پیرانه است
عزت دنیا به چشم عاقلان افسانه است
زائرین قبرمن این شام عبرت خانه است
مدفنم آباد و قصر دشمنم ویرانه است
گوهری بودم به صرّاف خرد شایسته تر
بلبلی بودم به باغ غم سر اندر زیر پر
آهویی بودم به دشت غصه ها شوریده سر
دختری بودم سه ساله دستگیر و بی پدر
مرغ بی بال و پری را این قفس کاشانه است
شکوه ها دارم به دل از شیوه قوم عنید
آنچنان کردند ازعمر و حیاتم ناامید
از تن رنجور و خسته طایر روحم پرید
بود سلطان ستمگر صاحب قدرت یزید
فخر میکرد او که مستم در کفم پیمانه است
من به فکر غصه های خویش درحال ستوه
عنصری از پا فتاده درد و محنت همچو کوه
زجر دیده دل بریده ناامید ازهر گروه
داشت اوکاخ مجلل دستگاه باشکوه
خود چه مردی کز غرور سلطنت دیوانه است
خاطرش آسوده از فکر جحیم و از بهشت
بد صفات و بدنهاد و بدمآل و بدسرشت
غرق در غرقاب نعمت گشته بود آن مرد زشت
داشتم من بستری از خاک و بالینی ز خشت
همچو مرغی کاو بسا محروم زآب ودانه است
ناوک مژگان من دائم غریق اشک شور
کودک شب زنده دار منزل بی شمع ونور
برکتاب غصه میکردم به چشم دل مرور
تکیه میکرد او به تخت ناز با کبر وغرور
این تکبر ظالمان را عادت روزانه است
قلب زارم از جفای آن ستمگر ریش ریش
بردلم می زد بسی چون عقرب جرّار نیش
غرق آسایش همی بود آن لعین و کفر کیش
من به دیوار خرابه می نهادم روی خویش
زین سبب من ردسفیدم شهرتم شاهانه است
غصه مرگ هجر گشتم اندر این بیت الحزن
حسرت یثرب کشیدم شام را کردم وطن
رام آغوش مزارم خفته ام نیلی بدن
برتن رنجور من شد کهنه پیراهن کفن
پرشکسته بلبلی را این خرابه لانه است
گرچه خوش میداشت خصمم زحمت وآزار من
تادم جان دادنم شد دشمن جبار من
این من و این بقعه ی زیبا و این زوّار من
محو شد آثار او تابنده شد آثار من
ذلّت او عزّت من هر دو جاویدانه است
(انورا) با اهل ایمان و حقیقت یار شو
بر حیات جاودان اندیشه کن دیندار شو
خادم دربار پاک سرور ابرار شو
(کهنموئی) چشم عبرت باز کن بیدار شو
هر که از اسرار حق آگه نشد بیگانه است
مرحوم انور اردبیلی
تضمین از مرحوم کهنمویی
منبع مجموعه کانالهای مدح و مرثیه
موضوع: حضرت رقیه (س) زبانحال ,
زبان شعر و شاعر: نوحه فارسی , انور اردبیلی , کهنمویی
-------------------------------
ماجرای کربلا در نتیجه آتش زدن به باب حضرت فاطمه زهرا (سلام الله) بود
یانماسیدی باب زهرا ظلمیله شورا گونی
خیمگاهی زینبین یانمازدی عا شو را گونی
حکم قرانه او گونکی گونده اولسیدی عمل
مطلقا اولمازدی بر پا جنگ صفین و جمل
هم دولانمازدی حسینین قانلی باشی ال به ال
ایلمزدی پرده رخ صورت زیب گونی
اولماسیدی جا نشین مصطفی خا نه نشین
ایتمسیدی ضرب دردن فاطمه سقط جنین
زینبی یخمازدی پشت پائیله شمر لعین
معجرین ایتمزدی غارت اشقیا دعوا گونی
ایتمسیدی حقیله باطل او گون جنگ و جدل
بیر به بیر احکام قرانه ایدردی خلق عمل
دین اسلامه یتو شمزدی بو نو عیله خلل
روشن اولمازدی جهاندا کافر و ترسا گونی
چوخلارین خارج ایدوب دنیای جیفه دینیدن
نفسینه تابع اولوب چیخدی او گونده دینیدن
چیخماسیدی سر نشینان سقیفه دینیدن
دین ایوین یخمازدی شمر بیحیا هیجا گونی
زوریله غصب اولماسیدی بو خلافت منصبی
قورخودان گزلتمسیدی مردم اصل مطلبی
دستگیر اشقیا اولمازدی اولاد نبی
گوزلرینده ایلمزدی لیله یلدا گونی
چیخماسیدی هر ستمگر منبر پیغمبره
وورماسیدی بند ذلت بازوان حیدره
کوفدن گلمزدی بو فرمان امبر لشکره
باغلا اطفالی طناب ظلمیله ایذا گونی
گر خلیفه ایتمسیدی غصب املاک فدک
بیر کس ایتمزدی خلافت امرینه القا ئ شک
کربلاده روز عاشورا حسین قالمازدی تک
تیر گون اولمزدی گوزده زینب کبرا گونی
اوندا که گوردی اولوب قارداشی خندان گل کیمی
سینه سینده باش باشا اوخلار چاتوب سنبل کیمی
باشلادی شو ر نوا شوریده سر بلبل کیمی
ایلدی بیله مخاطب بلبل شیدا گونی
ای گون اینجتمه حسینی بیکفن دور بیکفن
گورموسن رحم ایلین یوخدور اونا رحم ایله سن
اولما راضی تابشیندن اینجسون باشسیز بدن
ممکن اولسا گیت بولود اتدا حق یکتا گونی
(کهنموئی )گون کیمی قالماز حقیقت ابریده
عاقبت شیرین ثمر وار ناگوارا صبریده
اهل حق المز اگر یاتسا مین ابللر قبریده
سربلند ایلر اونی حق محشر کبرا گونی
مرحوم کهنمویی
منبع کانال گنجینه گذشتگان
موضوع: احوالات کربلا ,
زبان شعر و شاعر: نوحه ترکی , کهنمویی
-------------------------------
احوالات حضرت علی اصغر (علیه السلام) از زبان حضرت امام حسین (علیه السلام)
ای حسینین اللهی شاهد اول اوخلانوب سوسوز سودامر بالام
اوچ گجه گونوز لبلرین اموب، ایمدی قانلی پیکان امر بالام
من ازل کی گون قول ویرموشم کربلاده بیر امتحان ویرم
نونهال باغ رسالتده سو یرینه بو چولده قان ویرم
قویمیام شریعت گلی سولا، عشقیمی جهانه نشان ویرم
عهدیمه وفا ایلدیم بو گون تشنه اوخلانوب محتضر بالام
دوغریوب جوانلاریمی سوسوز بیر به بیر بو گون قوم اشقیا
صبر ایلدیم هر مصیبته هر قضایه ویردیم خدا رضا
اکبریم اُلنده بو حالته دوشمدیم من ای خالق عَلا
آه آتشینیله جانیمه اوخلاناندا ووردی شرر بالام
ماه آل هاشم بو دشتیده ایلدی خدا آی کیمی خسوف
شمس آل هاشمده آز قالور ابر خونیده ایلسون کسوف
اللریمده بو سودامر بالام گلمیشم بو درگاهه یا رئوف
شاهد اول بو قانلی قماطیله محشره بو نوعی گلر بالام
بو منای عشقیمی دولدوروب یتمیش ایکی قوچ قوزی قربانیم
فرد فردینون حقلیم اگر آتش فراقیله اودلانوم
بی گمان منای محبّتین قانلی توپراقین خوش بزر قانیم
قانلی قنداقیله ولی گوزل بو منای عشقی بزر بالام
من موفّق اولدوم مرامیمه شکر اولا سنه حیّ لایَنام
آز قالور اوزوم جان ویرم سوسوز ایلیم هامی عهدیمی تمام
خدمتیمی تکمیل ایدوب منیم اللریمده بو طفل تشنه کام
قانیله بویاندی بو عرصه ده ویردی یاخشی شیرین ثمر بالام
دین یولوندا گرچه بو چولده من کسمیشم تمام علایقی
بولمرم اوزومی بو حالیله لیک وصل دلدار لایقی
شمر الینده کی خنجرین بو گون بو سوسوز دوداقلاردی شایقی
اصغریمده جان ویردی تشنه لب ایلدی من مفتخر بالام
من بو شیرخواری گتورمدیم بو امیده بیر جرعه سو ایچه
ایستدیم بو ظالم جماعتین جور و ظلمی اندازه دن گیچه
لیک گلمزیدی گمانیمه اوخ قلج کیمی حلقینی بیچه
سو یرینه بولمزدیم اوخ گلر اللریمده الدن گیدر بالام
گرچه اوخلانوب تشنه لب بالام حالیمی پوزوبدور مصیبتی
سن بولورسن ا... حسینیوین وار بو حاله دلدن رضایتی
لیک آناسی گوزلور بونون یولون گوز تیکوب یولا دلده حسرتی
بولموری ایچوب سو یرینه قان تشنه کام اُلوب سودامر بالام
بو جماعت ایستوردی جدّیمون ایلسونله زحمتلرین هدر
باغ دینده گللر خزان اولا، نونهال دین ویرمیه ثمر
دینینه فدا اولماقا گلوب قانینه بویاندی بو سودامر
آی گونون دالینجا جدا بویی بیر ستاره تک سیر ایدر بالام
آتش فراقیله وار یری عالمه بو گونده شرر سالام
دلخوشام اورکدن من ای خدا بو منای وحدتده تک قالام
اوخ دگنده نازک بوغازینه گوز آچوبدی دیسگیندی بیر بالام
ایلدیم من احساس او وقتیده شمع تک الیمده سونَر بالام
هر مصیبتیم درد و محنتیم بیر یانا، بالام دردی بیر یانا
سن بولورسن ا... بو سودامر نسگلیله باغریم دونوب قانا
بیر ایچیم سو اوستونده کیم گوروب شیرخواره ظلمیله اوخلانا
لامَحاله باخموبدی حرمله وورماسیدی پیکان اُلر بالام
مین بیله بلا و محن یته منده وار دوزوم اولمارام ملول
باخمارام خیمده سو ایستوری، آغلاشور هامی عترت رسول
واردی خواهشیم لیک ای خدا قیل اوزون بو قربانیمی قبول
چون اوزین منای محبّتین بیر قوزی فداسی بولر بالام
گوردی اصغریم دین کمکلری ایلیوبله بو چولده اتّفاق
نوش ایدن شهادت پیاله سین محضر نگاره گیدر قوناق
ایستدی فدایان دینیدن قالمیه دالی بو ضعیف اوشاق
لعل تک اودور سرخ فام اولوب قرمزی لباسی سور بالام
بیر نهاره اسلامی دعوتی حاضر ایلدی جمعه نین گونی
ناصریّ و محمود و حبشی آذریّ و طاهباز و محسنی
کهنمویی ریاضی و فقیه نوحه خوان حمیدیله گلچینی
یازدیلار او سائل یازان سوزی اوخلانوب سوسوز سودامر بالام
مرحوم کهنمویی
منبع مجموعه کانالهای مدح و مرثیه
موضوع: حضرت علی اصغر (ع) زبانحال ,
زبان شعر و شاعر: نوحه ترکی , کهنمویی
-------------------------------
در ختم عزای حضرت علی (علیه السلام)
ختم اولور بوگون عزای مرتضی یابن الحسن
هارداسان ای جدینه صاحب عزا یابن الحسن
ای ظهورینده ایدن احکام دینی تقویت
بو غمه صاحب عزاسن دوتسا هر کیم تعزیت
اولمادی ممکن حضوراً عرض ایدیدوخ تسلیت
اولدی مانع بیزدکی جرم و خطا یابن الحسن
بسته دور امر فرج بیر خالقین تقدیرینه
بیرده هر شخصه جزا وار ایتدیگی تقصیرینه
باعث اولدوخ بیز ظهورین بیر بیله تاخیرینه
ایلدوخ از بس عمل لرده ریا یابن الحسن
دوتموسان ماتم امیر المومنینه آغلوسان
اولمیَن اجراسی قرآنه مبینه آغلوسان
گه باخوب تعطیل اولان احکام دینه آغلوسان
بزم ماتمدور سنه ارض و سما یابن الحسن
گه باخورسان کوفه ده جدون علی محرابینه
گه یانورسان مذهبین سولموش گل شادابینه
گه ایدیرسن غصه دینین ترک اولان آدابینه
آغلوسان بو باره ده صبح و مساء یابن الحسن
گه باخورسان آغلوسان شمشیر خون آشانیوه
منتظرسن سکه دولت وورولسین نامیوه
امر اولونسون انتقام آل تا یتیش اوز کامیوه
ایلمه بیر بیله فرساد و نوا یابن الحسن
آیری بیر علتده وار بو ناله روز و شبه
آغلاروخ بیز شیعه لرده دائماً بو مطلبه
آغلوسان یا سیدی عموّن یارالی زینبه
دلده دائم ناله یا عَمَّتا یابن الحسن
بیر باجی قارداش حسینه زینبه اولماز مَثَل
باجی قارداش قاتلیله ایلیوب ایله جَدَل
دوغرانوب بارماخلاری قان آخدی مجروح اولری ال
واردی کیمده بو محبت بو وفا یابن الحسن
آغلوسان گاهی دیورسن جان ویروب سقا سوسوز
کربلاده قالدیلار ذریه ی طاها سوسوز
اولدوروب جدیم حسینی شمر بی پروا سوسوز
تشنه لب ایتدی ذبیحاً مِن قفا یابن الحسن
«کهنموئینون» بو خدمت لرده وار بیر نیتی
نار دوزخدن خلاص اولسون اودور جدیتی
چون اوطی سیددی وار سیز خاندانه نسبتی
ایستیون تا که قبول ایتسون خدا یابن الحسن
مرحوم کهنمویی
منبع مجموعه کانالهای مدح و مرثیه
موضوع: حضرت علی (ع) احوالات ,
زبان شعر و شاعر: نوحه ترکی , کهنمویی
-------------------------------
در شهادت حضرت علی (علیه السلام)
یا علی قازموشدی قبرون نوح پیغمبرسنون
قالمادی یرده حسین تک پیکرون بی سرسنون
داعی حقّی اجابت ایلین وقتونده سن
نعشون اطرافینده قورموشدی جوانلار انجمن
غسلوی ویردی سنی دفن ایلدی اوغلون حسن
پیکرون توپراقلار اوسته اُرتمدی یل لرسنون
ایل قبیلندن دوشوب آیری وطن سیز قالمادون
اولمیوب دور گل لرون خندان چمن سیز قالمادون
قویمیوبلار نعشوی عریان کفن سیز قالمادون
چاپمادی آت سینن اوسته اون ستم پرور سنون
سن اولنده دشمنون طبل بشارت چالمادی
خیمه گاهون یانمادی اوغلون اود ایچره قالمادی
قیزلارون شاهانه رختین اهل غارت آلمادی
آت دوشونده قوؤمادی اطفالوی لشکر سنون
واریدی بیریاره باشوندا ایا میرهمام
قیزلارون حاضرایدردی ایسین وقته طعام
گون قباقینده یارالی ویرمدون جان تشنه کام
یاتمادی قاتل الینده حالوه خنجرسنون
سن ئولن گون قاتلون مسرورخندان اولمادی
اللرون اوستونده هرگز غنچه بیرگول سولمادی
اوخ بوغازین بیچمدی قونداقنه قان دولمادی
تیریله اوخلانمادی اوغلون علی اصغر سنون
ایتمدون جان اوسته اظهار سوسوزلوق دشمنه
تادیسون سوایستمه بیربیله یالوارما منه
دوتسا دنیانین یوزون سو ویرمرم من سو سنه
سن سوسوز جان ویر آتاندی ساقی کوثر سنون
گرچه دشمن زهریلی تیغیله بیر یاره ویروب
وای علی وای ناله سیله کوفه شهرین دولدوروب
گوزآچاندا گورمدون قاتل باشون اوسته دوردوب
قارداشیم وای ناله سی دلده باجون سسلر سنون
گرچه بیریاره سنه آرتوردی سوزوالتهاب
سالدی زینب اوز ایونده کولگه یرده رختخواب
سوزش زخمونده تأثیر ایلمزدی آفتاب
قانلی توپراق اولمادی گل جسموه بسترسنون
باشیوه دگدی قلج صبحون زمانی کوفه ده
نیزده آغلاتمادی پیرو جوانی کوفه ده
اولمیوب مطبخ ده خولی میهامانی کوفه ده
اولمادی آرامگاهون روی خاکستر سنون
(کهنمویی) ایلمه غفلت ایشنده لاجرم
دست خالی سائلی قیترمز ارباب کمال
ایسته اجرون روز محشر- دِی حسینه نوکرم
محکم اسنادوندی الده خامه و دفتر سنون
مرحوم کهنمویی
منبع مجموعه کانالهای مدح و مرثیه
موضوع: حضرت علی (ع) احوالات ,
زبان شعر و شاعر: نوحه ترکی , کهنمویی
-------------------------------
در شهادت حضرت علی (علیه السلام)
تک گوردوله اورنگ عدالتده علینی
ئولدوردوله محراب عبادتده علینی
اسلامیده سلطان اولانا فرضدی واجب
عامل اولا اوز دینینه احکامه مراقب
صبر ایلیه دین اوسته گوره هرنه مصائب
دین تربیت ایتموشدی بوحالتده علینی
دین راهبری عامل دین اولماسا اولماز
تقوی صفت و اهل یقین اولماسا اولماز
ناموس رعایایه امین اولماسا اولماز
دنیا تانوری عین صداقتده علینی
مؤمن دئیلَن نورودی نوره لکه دوشمز
مؤمن ایاقی ثابت اولار دینده سوروشمز
مؤمن نقدرعمرایده دین حّدین گشمز
پیرولوق ایدر دین و دیانتده علینی
باطلدن اُتور جوش و خروش ایلماق اولماز
آزاد اولانی حلقه بگوش ایلماق اولماز
حق نورونی زوریله خموش ایلماق اولماز
تصدیق ایدر اوز دشمنی ساعتده علینی
قویمازدی علی ظلم اولا دنیاده اسیره
ویرموشدی بو دستوریده- افراده- امیره
انگشترینی ویردی نماز اوسته فقیره
گور سجده ده هنگام شهادتده علینی
اوز قاتلینه گور نئجه ایلوردی محبت
سویلردی بونا ایله میون سیزه ده اذیت
بیر باخدی دئدی نیله موشم من سنه بدبخت
سن گورموشودون هانسی خیانتده علینی
ایلردی امام حسنه بیله وصیت
من ئولمه سم عفو ایلرم اصلا- بودی قربت
من ئولسم اگر وُیر بونا بیر تیغیله ضربت
یخدی یره بیر وُردوقی ضربتده علینی
قورخاردی علی قاتلی یتمیش اجلیندن
بولموشدی که قورتولماز علی اوغلی الیندن
ایلردی مباهات ولی شمر عملیندن
جنّتده قویوب عالم حیرتده علینی
سویلدی حسینه دیمه یاندیم سوسوزومدان
سیراب ایدر ایمدی سنی بو خنجر برّان
سوایسته آتاندان .بولوسن خالق رحمان
ساقی ایلیوب کوثره جنّتده علینی
گنجینه یرین آختاران هر بیر یری قازماز
سوزیازسا (ریاضی) سوزی بیراهده یازماز
توفیق تاپوب حق یولونا حق یولون آزماز
یاخشی تانوری شیعه حقیقتده علینی
مرحوم کهنمویی
منبع مجموعه کانالهای مدح و مرثیه
موضوع: حضرت علی (ع) احوالات ,
زبان شعر و شاعر: نوحه ترکی , کهنمویی
-------------------------------
در شهادت حضرت علی (علیه السلام)
یاعلی غسلون ویروب دفن ایله دی اوغلون حسن
قالمادی نعشون حسین تک یرده اوچ گون بی کفن
جان ویرنده سن ، یانوندیدی بنی هاشم سنون
دستگیر اولموشدی مسجدیدی دین سیز دشمنون
نوح پیغمیر مهیا ایله موشدی مدفنون
اولمادی اما حسینون نعشنی دفن ایلیین
گوزآچوب گوردون دوروب محضرده اوغلون مجتبی
قیزلارون آغلور توکور گوزیاشی دلده وا ابا
گوز آچاندا صون نفسده گوردی شاه کربلا
قاتلی دورموش الینده قان توکن شمشیریلن
سن ئولن گون کوفه شهرینده بیوک غوغاییدی
هر طرفده بزم ماتم کوفه ده بر پاییدی
روزعاشورا ولی بیرمحشر کبراییدی
قانیله الوانیدی یتمیش ایکی باش سیز بدن
سویلدون فزت برب الکعبه یتدون ایمنه
ایستیینده سوگتوردی ویردی زینب سو سنه
جان ویرنده اوغلون اما سو دییردی دشمنه
ویرمدی سوسهلیدی توهین ایدیب فاش و علن
سویلدی دایم دییردون شیر داور اوغلیم
بو سودورمهریه زهرا پیمیر اوغلیم
فخر ایدوردون خلقه من ساقی کوثراوغلیم
سسله گلسون سو گتورسون تشنه لب جان ویرمه سن
گرچه بیریاره سنون حالون پریشان ایلدی
یاره لر جسم حسینی بیرگلستان ایلدی
حیف اولاشمرستمگر یولدی خندان ایلدی
کربلا صحراسنی دولدوردی عطر نسترن
اوچ گیجه گوندوز قالوب توپراقلار اوسته بی کفن
اولمادی نعش حسینی بیرنفردفن ایلیین
امر اولوبدی سید سجاده گلدی کوفه دن
دفن ایده گونلر ایوینده قالمیه مظلوم اولن
گوردی بیرعده اوجالدور ناله وشیون سسین
بیل کلنگ الده آلوبلار قتلگاهون دوره سین
گوردولر آتلی گلور گیزلتدی هرکس ناله سین
قورخودان اما یواش آعلور اوشاقلار مرد وزن
سویلدی اهل قبیله ایلییون شیون گلون
سری کتمان ایتمیون هرگزاولون ایمن گلون
اوعلیم من بوغریبون قورخمیون مندن گلون
گلموشم دفن حسینه سیزلره امداده من
گورموسوز کوه منایه بنزوری بو قتلگاه
باش بدنلردن گیدوب وارحقوز ایتسوز اشتباه
آگهم من کیمدی بونلاردان رعیت کیمدی شاه
سیز منه امداد ایدون مدفون اولا هرجان ویرن
بومنیم بیکس آتامدور خاکیله یکسان اولوب
بو گلستان وفاده گل کیمی خندان اولوب
ناطق قرآن اوزی شیرازه سیزقرآن اولوب
طعن ایدر اسلامه بو پاشیده اوراقی گورن
کهنمویی چوخ بیوک دشمندی بو نفس دنی
ایله تقواتا که نفسون ایتمسون اغوا سنی
نوحه خوان طهبازکه یازدوردی سنه بو نوحه نی
باعثی بو خیر عملده یاد ایله شعرونده سن
مرحوم کهنمویی
منبع مجموعه کانالهای مدح و مرثیه
موضوع: حضرت علی (ع) احوالات ,
زبان شعر و شاعر: نوحه ترکی , کهنمویی
-------------------------------
زبانحال حضرت زینب (س) به
حضرت امام حسین (ع)
درشهادت امیرالمومنین حضرت علی (ع)
آغلاما قارداش حسین آغلار تمام عالم سنه
سن بو دنیایه گلن گون دوتدولار ماتم سنه
سن بو دنیایه گلن گونده خداوند جلیل
امر ایدوب اولسون سنه گهواره جنبان جبرئیل
حبسیدن آزاد اولوبدور فُطرس خوار و ذلیل
آغلادی امّا اوگون پیغمبرخاتم سنه
تازه مولوده اولور لازم دیلسون تهنیت
کربلا اوضاعی ذکر اولدی دوتولدی تعزیت
تهنیت عرض ایلدی جبریل ویردی تسلیت
آغلادی نوح و خلیل و عیسی و آدم سنه
آغلیاندا سن آنام زهرا پریشان حال اولار
کاسۀ چشمی دولار اشکیله مالامال اولار
عالم معناده جاری گوزدن اشگ آل اولار
وار دئیر دائم اوغول بو دلده کی نالم سنه
جان ویرنده سن اولار زهرا عذاره لاطمه
خیمه گاهون یاندورار ظلمیله نار حاطمه
سسلرم گل خیمه لر یاندی عزیز فاطمه
سن فدای دین حقسن منده قربانم سنه
بس نجه گورسون گوزوم قانیله الوان اولموسان
سینن اوسته گل آچوب اوخلارگلستان اولموسان
گون کیمی آلات حرب آلتدا درخشان اولموسان
بو سببدن مو پریشان دیده گربیانم سنه
بوجماعت دوتدولاردنیانی دینی آتدیلار
پربها بیرگوهری اسکیک بهایه ساتدیلار
چوخ بیوک بیرظلم ایدوبلریرگوگی آغلاتدیلار
قتلگاهوندا نه تک من سینه سوزانم سنه
یرلر آغلار گویلر آغلار جنّ و انس ایلر نوا
خنجر آغلار حنجر آغلار قاتل آغلار برملا
حالیوه آغلار گوز اولدی پیکرونده هر یارا
گوردولر صاحب عزایم من عزادارم سنه
قیمتین هر بیرمتاعین خبرۀ دانا بولر
هاردا گوهر قدرین آیا شمر بی پروا بولر
ارزش درّی صدفده بسلین زهرا بولر
عشق بازارینده من اوّل خریدارم سنه
اَبلَه نادان وِرار دُرّی داشیله سندیرار
روح صاحب دُرّی مِحنت مَنجَنیقینده سیخار
چکمه لی ایتمز حیا عرش خدا اوسته چیخار
عرض ایدر عبد مُطیعم خالقا هردم سنه
(کهنموئی) اولمیان دین اهلی سرگردان اولار
عاشقه دنیاده هر گونه چتین آسان اولار
هرغمه صبر ایله آخر غم اوزی حیران اولار
یاده سال جدون حسینی یوز ویرنده غم سنه
مرحوم کهنمویی
منبع مجموعه کانالهای مدح و مرثیه
موضوع: حضرت امام حسین (ع) زبانحال ,
زبان شعر و شاعر: نوحه ترکی , کهنمویی
-------------------------------
اربعین حسینی
سوال
تا قبر حسینه یتیشوب آل پیمبر
گویا که حسین سسلدی ای خواهر مضطر
گلدی بالالار نازلی رقیّم هانی زینب
باشینده نه وار نازلی رقیّم هانی زینب
زیبنده دی بلبل گله دردین دیه باشدان
من آتماموشام اوز بالامون فکرینی باشدان
آغلاتما باجی قارداشیوی آغلا یاواشدان
گوزیاشون آخار نازلی رقیّم هانی زینب
گل فصلی نیه بلبلین آوازه سی گلمور
باشه یتیشوب فصل خزان نغمه سی گلمور
هاردا بالامون ناله و شیون سسی گلمور
شیرین دلی وار نازلی رقیّم هانی زینب
یولّاردا بالام گرد و غم هجره باتاردی
ویرانه ده توپراقلارین اوستونده یاتاردی
گلسیدی بو گون قبریمه مقصوده چاتاردی
بس هاردا یاتار نازلی رقیّم هانی زینب
گوزیاشینه خون دلی ویرانه ده قاتدی
توپراقلارا قویدی یوزینی شانین اوجاتدی
سینمده یاتان یرده علی قارداشی یاتدی
مقصوده چاتار نازلی رقیّم هانی زینب
بو قتلگهیمده منه چوخ آغلادی یاندی
قویدی باشینی سینمه بیر قدر دایاندی
گوز آچدی گوروب دشمنی وحشتله اویاندی
اود جانه سالار نازلی رقیّم هانی زینب
بو دینمه ماقون ای باجی آرامیمی آلدی
گیزلتمه سوزون، آغلاما چوخ صبریم آزالدی
دی اُلدون بالان شامیده ویرانه ده قالدی
شیون اوجالار نازلی رقیّم هانی زینب
حبس اولموشودی طائر روحی قفسینده
باتموشدی سسی قوّه سی قالموردی سسینده
ایوای بابام ایوای دیدی آخِر نفسینده
تاب دل آلار نازلی رقیّم هانی زینب
آیا دیمه دی قویما منی شامیده گیتمه
منسیز بابامین عمّه گیدوب وصلینه یتمه
من بیکسی ویرانه ده افسرده دل ایتمه
همراهون آپار نازلی رقیّم هانی زینب
خوار ایلدی دشمنلری افکاری حسینون
سعی ایلدیلر محو اولا آثاری حسینون
هر ایل گله جاق قبرینه زوّاری حسینون
تا فیض آلالار نازلی رقیّم هانی زینب
حق اهلینی رسوای جهان ایلماق اولماز
گون نورینی دنیاده نهان ایلماق اولماز
محنت زده نی لال زبان ایلماق اولماز
نطقه دل آچار نازلی رقیّم هانی زینب
خالق اوزیدور حقّ و خریدار حقیقت
هر کیمسه اولا طالب دیدار حقیقت
اونداکی گورر گرمیدی بازار حقیقت
جان نقدی ساتار نازلی رقیّم هانی زینب
بیر سیّد حسین آدلی (ریاضی) بیزه خادم
اولدوقجا اونا محنت و اندوه مصادم
هر لحظه خطا و گنهیندن اولی نادم
بیر چاره تاپار نازلی رقیّم هانی زینب
جواب
تا قارداشینون آلدی سسین زینب مضطر
توکدی گوزینون یاشینی عرض ایتدی برادر
نازلی بالاوی ایستمه مندن آنام اوغلی
زینب اوزی شرمنده دی سندن آنام اوغلی
بیز کوچ ایلین وقته سنون قتلگهوندن
آیریلمادی غم بلبلی پوزقون چمنوندن
زوریله ایردی اونی دشمن بدنوندن
آغلاردی اودور شامه گیدندن آنام اوغلی
هانسی گجه نی یاتدی دیدی وای یوخوسوندا
یعضی گجه لر چوخ دیوب ایوای یوخوسوندا
گوردوم که دیور اصغره لایلای یوخوسوندا
باندیم بو سوزی من ایشیدندن آنام اوغلی
گوردی سنیده بیر گجه رویاده برادر
هولیله آیلدی دیدی ای عمّه ی مضطر
گلمیشدی بابام، دور بابامی تاپ منه گوستر
ایستردی چخا روحی بدندن آنام اوغلی
هر قدر اوشاق ساکت ایدن دللریله من
ایستردیم اونی ساکت ایدم ایتمیه شیون
چکمزدی ال، ایستردی دوباره سنی مندن
رویاده گل وصلی درندن آنام اوغلی
کیم یاری قویار منزل بیگانه ده قارداش
گل صاحبی ساخلار گلی گلخانه ده قارداش
مدفون ایلدیم حیف اولا ویرانه ده قارداش
نورسته گلی من بو چمندن آنام اوغلی
سو ایچماق او مظلومیه تازه غم اولوردی
اصغر دیوب آغلاردی گوزی پرنم اولوردی
بلبل گوزینون یاشی گله شبنم اولوردی
گل سو یرینه قانین ایچندن آنام اوغلی
چوخ وقته گورردیم یولا حیران باخار آغلار
گیزلینجه دیردیم بالا دردون ایله اظهار
سویلردی گیده لّر هارا بو خوردا اوشاقلار
قالدیم متحیّر بو سخندن آنام اوغلی
دنیا بویی چخماز بالامین نسگلی یاددان
آیا نه روادور چخا شیرین دلی یاددان
چخسون نجه غم گلشنینون بلبلی یاددان
غربت چکن آواره وطندن آنام اوغلی
دوتدوم بالاما شامیده بیر شام غریبان
اولدی اوجادان آغلاماقا بیزلره عنوان
قبرین آلوب اطرافینی بیز جمع پریشان
قارداشی اُلن اوغلی اُلندن آنام اوغلی
گوزیاشلاری بنزردی آخان بارش ابره
زینب اوزی مبهوتیدی زینبده کی صبره
قویدی نجه قارداشی بالاسین عمّه سی قبره
صبر ایتدی وفا شمعی سونندن آنام اوغلی
دفن ایلموشم شامیده بیر قدرت پنهان
تا قصر یزیدی ایلیه خاکیله یکسان
حق کیمدی حقیقت ندی خلقه ایده اعلان
واردور بو اثر دفن ایلیندن آنام اوغلی
هر بنده که سوداگر بازار حق اولسا
چوخ سود آپارار هاردا خریدار حق اولسا
دنیاده (ریاضیده) طرفدار حق اولسا
عبرت گوتورر شامی گورندن آنام اوغلی
مرحوم کهنمویی
منبع مجموعه کانالهای مدح و مرثیه
موضوع: احوالات اربعین ,
زبان شعر و شاعر: نوحه ترکی , کهنمویی
-------------------------------
حضرت امام زمان (عج)
وئروبدی وعده خدا صاحب الزّمان گله جاق
دولاندا ظلمیله جوریله بوجهان گله جاق
بِشِمجی سِنّه یتیشمیشدی ایلیوب غیبیت
گَلنده سنّی اوتوز بِش کیمی جوان گله جاخ
دگول غیاب و حضوری ئوز اختیارینده
ظهورینه اونا اذن اولسا هر زمان گله جاخ
گَلن گونون دیسه هر کیم بولور یالان دیوری
ئوزیده بولموری هانسی زمان هاچان گله جاخ
بو انتظار فرج بیر بیوک عبادتدور
که باغ دین خداونده ، باغبان گله جاخ
او کس که پاکدی پاکیزه دل مسلماندور
اونا امام ، اونا سلطانِ مهربان گله جاخ
اوکس که جُور دَگول حکم شرعیله عَمَلی
او شخصه حدّ ووران وئرمین امان گله جاخ
بساط ظلمی ییخان دادگاه عدلی قوران
سعادتین قاپوسین یوزلره آچان گله چاخ
وصول ائدن فقرا حقّین ، اغنیا لردن
بَنای ظلمی ستم کاخینی یخان گله جاخ
قویان جهانیده اجرایله حُکم قرآنی
عدالتیله بو دنیانی دولدوران گله جاخ
بو دینی ائیلمه آلت ، مرام دنیایه
اَلینده حافظ دین تیغ جانستان گله جاخ
امامه پیرو اولان تابع هوا اولماز
بهارِ عمره بولر دورۀ خزان گله جاخ
دیمه امام نیه گَلموری ، نه علّتی وار
دایان عمل لرون اصلاح ائله دایان گله جاخ
یالان دانیشما قومار اویناما زنا ایلمه
حدود شرعی گوزَتله، که حد ووران گله جاخ
وئریم بو یرده سیزه مژده ای حسینی لر
حسین تشنه لبون قانینی آلان گله جاخ
پیمبر عربی «کهنموئی» جدّوندور
سن افتخارائله دنیاده که آقان گله جاخ
مرحوم سیّد حسین کهنمویی
منبع مجموعه کانالهای مدح و مرثیه
موضوع: حضرت امام زمان (عج) ,
زبان شعر و شاعر: نوحه ترکی , کهنمویی
-------------------------------
احوالات دفن شهداء
اهل قبیله گلموسوز دفن ایدسوز اؤلنلری
سیز کمک ایلیون منه من تانورام بدنلری
قافله کوچ ایدنده من دشمنه دستگیریدیم
یرده قویوب بدنلری گیتماقا ناگزیریدیم
مجلس کوفه‌ده اؤزوم منده بوگون اسیریدیم
امر خدا یئتیشدی گیئت دفن ایله جان‌ویرنلری
بو چوله منده گلموشم محفل غم قورام گیدم
کاسۀ چشم پر نمی اشگیله دولدورام گیدم
بوردا آتام جنازه‌سین قبرینه تاپشورام گیدم
کوفه‌ده منتظردیلر باجیلاری حرملری
اوندا که ایستدی آتام بو چولی مسکن ایلسون
پول ویروب آلدی بو یئری وادی ایمن ایلسون
دینه فدا اولانلارون نعشینه مدفن ایلسون
تا که زیارت ایلیه حشره‌تک ایستینلری
بیکس آتام حسیندی بو جسمده چوخ یاراسی وار
پیکری پاره‌پاره دور نه الی نه لباسی‌وار
دشمن الینده باشینون غصه‌لی ماجراسی‌وار
سیرایدر ال به ال اودور نیزه باشیندا چوللری
اوچ‌گون اولور بوگون قالوب یئرده بو جسم نازنین
ظلمیله پایمال ایدوب آتلار ایاقی پیکرین
بند زر اوسته اهرمن کسدی بلکدن اللرین
گیئتدی بوچولده نالیه فاطمه‌نی پیمبری
سیز چکیلون دورون باخون جمله جوان و پیریله
عالم غیبدن کمک وار من دستگیریله
تا که آتام جنازه‌سین قبره قویام حصیریله
گون قباقندا قالمیه دفن ایلیم او سروری
قارداشیم اکبری ایدوب قطعه به قطعه تیغ تیز
اولدی آتام حسین او دم قد خمیده اشگریز
قانلو جنازه‌سین قویون قبره ایاق طرفده سیز
بسکه آتاسی چوخ سور اوغلی علی‌اکبری
توش اولدی ای بنی‌اسد مین غمه بیر باشیم منیم
کشف ایلوری اؤره‌ک غمین گوزده‌کی گوز یاشیم منیم
وار بو اؤلنلر ایچره بیر خورداجا قارداشیم منیم
دفن ائدرم آتاسینون سینه‌سی اوسته اصغری
قاسم عم اوغلومون یری ایستورم آشکار اولا
قبری علی‌اکبرین قبرینه همجوار اولا
ایستمورم بو دوره‌دن آیری دوشه کنار اولا
دفن ایدون ای بنی‌اسد بوردا او ماه‌پیکری
بلبلون عشقی وارگله قلبیمی حیرته سالور
بزم وصالی آختارور قیمت جانیمین آلور
دفن ایلیون بو دوره‌ده هر نه صحابه‌دن قالور
پادشهون اولا گرک تحت نظرده لشگری
قالدی عموم جنازه‌سی گلم اؤره‌کده شیونه
الده چتیدن حمل اولا جسم شریفی مدفنه
نعشینی قبره قویماقا گلدی بابام کمک منه
پوزدی بو غملو منظره دلدن آتاسی حیدری
مرحوم کهنمویی
منبع مجموعه کانالهای مدح و مرثیه
موضوع: احوالات دفن شهداء ,
زبان شعر و شاعر: نوحه ترکی , کهنمویی
-------------------------------
احوالات جناب حر ابن ریاحی
کربلاده حرّ ایدوب ثابت مقام عشقنی
اشگیله تپراقدا یازدی توبه‌نون سرمشقنی
ایلمیشدی بیر اوزون مدّت خداونده گناه
عقلنه ایتدی رجوع گوردی ایدوبدور اشتباه
ایتمسه توبه اولار محشر گونینده روسیاه
اشگیله توپراقدا یازدی توبه‌نون سرمشقنی
عقلی ایلردی ملامت نفس شومین متصل
چوخ نصیحت‌لر ایدوبدور بلکه ایتسون منفعل
عاقبت اوز ایتدقی اعمالدن اولدی خجل
اشگیله توپراقدا یازدی توبه‌نون سرمشقنی
نور حق ایتدی تجلی خاطر غمناکنه
ویردی بیر تغییر حالت فهمنه ادراکنه
تا اوزین سالدی شهنشاهون قدوم پاکنه
اشگیله توپراقدا یازدی توبه‌نون سرمشقنی
ایتدی فرمایش امام آرتورما قیل و قالوی
باشوی قوزا گوروم کیمسن بیلوم احوالوی
من او بدبختم دیدی قورخوتموشام اطفالوی
اشگیله توپراقدا یازدی توبه‌نون سرمشقنی
من او بدبختم یول اوسته مانع اولمشدوم سنه
من او بدبختم سنی تسلیم ایدردیم دشمنه
من او بدبختم خطا سندن گلوبدور شیونه
اشگیله توپراقدا یازدی توبه‌نون سرمشقنی
من او بدبختم که غرق اولدوم گُنه دریاسینه
من ساتردیم دینمی دینسیزلرین دنیاسینه
من او بدبختم که عاق اولمشدی اوز مولاسینه
اشگیله توپراقدا یازدی توبه‌نون سرمشقنی
من او بدبختم خجالتدن یوزیمی دوتموشام
من او بدبختم که جام غصّه‌دن قان اوتموشام
من او بدبختم پیمبر قیزلارین قورخوتموشام
اشگیله توپراقدا یازدی توبه‌نون سرمشقنی
من او بدبختم یوزوم قاره گناهیم چوخ ذلیل
تاپماغا چاره قدوم پاکوه دوشدوم دخیل
بو گنهکاره اؤزون اول درگه حقه دلیل
اشگیله توپراقدا یازدی توبه‌نون سرمشقنی
حمدلله اولمَدیم توفیق ویردی حق منه
قالمادیم حیرت طریقنده یئتیشدیم ایمنه
خاک پایونده توکوپ گوز یاشی یالوارام سنه
اشگیله توپراقدا یازدی توبه‌نون سرمشقنی
ایتدی فرمایش امام ای حرّ سن آزاده‌سن
ایلدون توبه قبول ایتدی خدای ذوالمنن
گوردی چوخ یاخشی ثمر واردور نهال توبه‌دن
اشگیله توپراقدا یازدی توبه‌نون سرمشقنی
قوزادی باشین دئدی ای میرحق ای شاه دین
قوی گیدوم گمره سپاهی ایلیوم آگاه دین
ویر اجازه من اولوم اوّل شهید راه دین
اشگیله توپراقدا یازدی توبه‌نون سرمشقنی
قوی بو صحراده لباس جنگی اوّل من گییم
قوی گیدیم گمره سپاهه سوزلرین حقین دییم
قوی منی بیرده خانملاردان گیدیم عذر ایستیم
اشگیله توپراقدا یازدی توبه‌نون سرمشقنی
گیتدی بیر باش خیمگاهه زینبه ویردی سلام
عرض ایدوب ای سرپرست عترت خیرالانام
گلمیشم عُذر ایستیم یولدا سیزی قورخوتموشام
اشگیله توپراقدا یازدی توبه‌نون سرمشقنی
گیتدی میدانه نصیحت ایتدی قوم و قارداشین
جان ویرن وقته امام آلدی دیزی اوسته باشین
گوردی بوحالی فرحدن توکدی گؤزدن گؤزیاشین
اشگیله توپراقدا یازدی توبه‌نون سرمشقنی
روز عاشورا سپاه کوفه چوخ مسروریدی
مرد نصرانی حسینون قتلنه مأموریدی
قتلگاه کربلانی گوردی رشگ طوریدی
اشگیله توپراقدا یازدی توبه‌نون سرمشقنی
سویلدی سنده یارالی نور حقّه ناظرم
گِچ گناهیمدن منی عفو ایت پریشان خاطرم
سن کیمی قربانه قربان اولماقا من حاضرم
اشگیله توپراقدا یازدی توبه‌نون سرمشقنی
من مسیحی‌زاده، عیسی دینینون پابندیم
اهل توحیدم، خدای لاشریکه بنده‌یم
ایلدیم توبه گذشت ایله منی شرمنده‌یم
اشگیله توپراقدا یازدی توبه‌نون سرمشقنی
«کهنموئی» بندۀ حقسن، ولی آزاده سن
بوینوا گَل سالما ذلّت طوقنی دنیاده سن
ایت حقیقی توبه، حرّین توبه‌سین سال یاده سن
اشگیله توپراقدا یازدی توبه‌نون سرمشقنی
مرحوم کهنموئی
منبع مجموعه کانالهای مدح و مرثیه
موضوع: احوالات جناب حر ,
زبان شعر و شاعر: نوحه ترکی , کهنمویی
-------------------------------
حضرت امام زمان (عج)
حسین تشنه لبون قاننی آلان گله جاخ
وئروبدی وعده خدا صاحب زمان گله جاخ
دولاندا ظلمیله جوریله بوجهان گله جاخ
بئشینجی سینّه یئتیشمیشدی ایلیوب غیبت
گلنده سینّی اوتوز بش کیمی جوان گله جاخ
دگول غیابی ، ظهوری ، ئوز اختیارینده
ظهورینه اونا اذن اولسا هرزمان گله جاخ
گلن گونون دئیسه هر کیم بیلور،یالان دیوری
ئوزی ده بیلموری هانسی زمان،هاچان گله جاخ
بو انتظار فرج بیر بویوک عبادت دور
که باغ دین خداونده ، باغبان گله جاخ
اوکس که پاکدی ، پاکیزه دی ، مسلماندی
اونا امام ، اونا سلطانِ مهربان ، گله جاخ
اوکس که جور دگل ، حکم شرعیله عملی
اونا حدود ووران ، ویرمیون امان ، گله جاخ
بساط ظلمی ییخان ، دادگاه عدلی قوران
سعادتین قاپوسین یوزلره آچان ، گله جاخ
وصول ائدن فقرا حقین ، اغنیا لردن
بنای ، ظلمی ستم کاخینی یخان ، گله جاخ
قویان جهانیده اجرایه ، حکم قرآنی
عدالتیله بو دنیانی دولدوران ، گله جاخ
بودینی ائیلمه آلت ، مرام دنیایه
الینده حافظ دین ، تیغ جان ستان،گله جاخ
امامه پیرو اولان ، تابع هوا ، اولماز
بهارِ عمره بیلر دوره خزان ، گله جاخ
اوکس که پیرو ایقان،بیان واقدس دور
دئنه ، امام زمان گلمیوب ،اینان ،گله جاخ
خیال باطلی ترک ائیله،گل مسلمان اول
بساط باب وبهائی نیده ییغان ، گله جاخ
اوکس که قویموری قرآنی خلق درس اوخوسون
اونوندا وار خطری دورهی قرآن ، گله جاخ
دیمه امامه نیه گلموری ، نه حکمتی وار
دایان، عمللرون اصلاح ائله ،دایان گله جاخ
یالان دانشما ، قوماراویناما ، زنا ائیلمه
حدود شرعی گوزتله، که حدووران گله جاخ
ویریم بویئرده سیزه مژده ، ای حسینیلر
حسین تشنه لبون قاننی آلان گله جاخ
پیمبر عربی ، « کهنموئی » جد وندور
سن افتخارائله دنیاده ،که آتان ، گله جاخ
مرحوم کهنمویی
منبع مجموعه کانالهای مدح و مرثیه
موضوع: حضرت امام زمان (عج) ,
زبان شعر و شاعر: نوحه ترکی , کهنمویی
-------------------------------
زبانحال حضرت رسول اکرم (ص)
هنگام رحلت به حضرت زهرا (س)
آغلاما مندن صورا گل تک سولارسان فاطمه
بو یاخونلیقدا منه ملحق اولارسان فاطمه
حمد للَه باشه ویردیم نقشه ی آمالیمی
ایتدیم ایفای وظیفه روز و ماه و سالیمی
آغلاما جان اوستیم ایتمه پریشان حالیمی
آغلاما مندن صورا گل تک سولارسان فاطمه
سن بولورسن نه اذیّتلر ایدوب امّت منه
رنج و محنتدن خلاص اولدوم یتیشدیم ایمنه
آغلاما بوندان صورا آغلار قیزیم طاها سنه
آغلاما مندن صورا گل تک سولارسان فاطمه
دین و قرآنی مسلمانلار ایده لّر مبتذل
امر به معروف و نهی از منکره اولماز عمل
امّته اشرار اولار والی، یتر دینه خلل
آغلاما مندن صورا گل تک سولارسان فاطمه
آیریلان ساعت آتان بو عالم امکانیدن
شعریله تعریفین ایتمه گیچ بیله عنوانیدن
ذکر ایله «اِلّا رَسولٌ قَد خَلَت» قرآنیدن
آغلاما مندن صورا گل تک سولارسان فاطمه
بو وفاسیز امّتیم مندن صورا یولدان چخار
دین ایوین شورائیله سوری مسلمانلار یخار
هم سنی دشمن در و دیوار آراسندا سخار
آغلاما مندن صورا گل تک سولارسان فاطمه
مهبط وحی خدادور بو ایوین وار قیمتی
پیک حق اذن ایستدی سندن هماندور علّتی
امّتیم امّا مراعات ایلمز بو حرمتی
آغلاما مندن صورا گل تک سولارسان فاطمه
ای منه ریحانه ای باغ رسالتدن ثمر
چکدیقیم زحمتلری اوز امّتیم ایلر هدر
جِدّ و جهد ایله لّه بلکه قالمیه دیندن اثر
آغلاما مندن صورا گل تک سولارسان فاطمه
نعشیمی یرده قویالّار شورش و غوغائیله
غصب حقّ مرتضی تصویب اولار شورائیله
کشف اولار سرّ سقیفه خلقه عاشورائیله
آغلاما مندن صورا گل تک سولارسان فاطمه
بو جفا و ظلمیدن سرمشق آلار سفیانیان
کربلاده اُلدورر اوغلون حسینی شامیان
جسمینی اوراق ایدر قرآن کیمی قرآنیان
آغلاما مندن صورا گل تک سولارسان فاطمه
آغلاما اوغلون حسینه کربلاده آغلاسان
قتلگاهینده اونون گوزیاشلی سینه داغلاسان
عالم معناده قانلی گوزلرین سن باغلاسان
آغلاما مندن صورا گل تک سولارسان فاطمه
«کهنموئی» جان ویرنده حضرت ختمی مآب
بو طریقیله قیزی زهرایه ایلردی خطاب
تیز منه ملحق اولارسان ایلمه چوخ اضطراب
آغلاما مندن صورا گل تک سولارسان فاطمه
مرحوم کهنمویی
منبع مجموعه کانالهای مدح و مرثیه
موضوع: حضرت محمد (ص) احوالات ,
زبان شعر و شاعر: نوحه ترکی , کهنمویی
-------------------------------
دفن شهدا
دفن ایلدی بی کس آتاسین سیّد سجّاد
قبر اوسته بو نوعیله ایدوب ناله و فریاد
دنیاده بابا سن کیمی مظلون اُلن اولماز
بیر نعشه حصیر پاره لریندن کفن اولماز
بیر پادشهون سن کیمی پرگاری پوزولماز
بیر صاحب باغون بیله گلزاری پوزولماز
هیچ جان ویره نون نعشینون آثاری پوزولماز
آت دیرناقی آلتیندا داغولموش بدن اولماز
سن تک بابا کیم حقّه بو نوعی سپر اولدی
صحرالره اطفالی دوشوب در به در اولدی
هانسی یارالی نعش بیله جلوه گر اولدی
دنیاده سنون مثلیوی هرگز گورن اولماز
عشق آتشینه سن کیمی پروانه ده یانماز
هیچ کیم بو قدر درد و غمی سهل سانامّاز
هیچ کیمسه مرامینده بیله سخت دایانماز
سن تک لب دریاده سوسوز جان ویرن اولماز
هر یرده جفا موجه گَلوب صاحله داشماز
بو رخت بلا قامت هر شخصه یاراشماز
بیر باغ و چمنده بو گوزل لیقدا گُل آشماز
بیر یرده بو وصفیله پوزولموش چمن اولماز
ویر اذن ایلیوم بیر غمه بو یرده اشاره
اود ووردولا، اودلاندی خیم، دوتدی شراره
اوددان منی عمّم چیخادوب چکدی کناره
عمّم کیمی قارداش بالالارین سُوَن اولماز
صبر ایلدی عمّم اونا هر نه ستم اولدی
بازار محبّتده خریدار غم اولدی
زلفی آغاروب، قامت موزونی خم اولدی
عمّم کیمی دنیاده بلایه دوزن اولماز
بو چولده یتیملوخ توزی رخساره سپیلدی
سندن صورا اطفالیوون آرامی کسیلدی
هر آغلیانون گوز یاشین عمّم اوزی سیلدی
گوز یاشین آتاسیز بالالارین سیلن اولماز
هر یرده که بیر طفل یتیمی گورر آغلار
ایتامه سنون لطف لرون یاد ایدر آغلار
عمّم آتاسیزلار باشینا اَل چکر آغلار
بیچاره یتیملر باشینا اَل چکن اولماز
سیر ایلمیسن تک، سفرونده حضرونده
سیر ایلوری باشلار هاموسی دور سرونده
خوش ساخلاموسان لشکری تحت نظرونده
هیچ یرده بیله نظمیلی بیر انجمن اولماز
قمتاز اولونوب حق نجه، باطلده سِچیلدی
بو چولده عجب سو یرینه قانلار ایچیلدی
عبّاس عمومون قامتی بیر نوعی کیچیلدی
بیجا یره قامتلی بدن خورده تن اولماز
بلبل دوزر بُلمز گُلینی خار سویاندا
قولّاری بویاندا عمومون نعشی اویاندا
گَلدی کمک ایتدی آتاسی قبره قویاندا
چون گوردی اوزی گَلمسه دفن ایلین اولماز
مرحوم کهنمویی
منبع مجموعه کانالهای مدح و مرثیه
موضوع: احوالات دفن شهداء ,
زبان شعر و شاعر: نوحه ترکی , کهنمویی
-------------------------------
کوچ از خرابه شام
ای رقیه عازموخ کوی وفایه دور گیداخ
یاتما بو ویرانه یرده کربلایه دور گیداخ
سن گلنده بو پریشان جمعیله همراهیدون
هر کسه منظور دل هر شخصه خاطر خواهیدون
یوخسا بو ویرانه یرده ئولماقا آگاهیدون
دوندرردون بویری ماتم سرایه دور گیداخ
گه منه باخدون قیزیم سن آغلادون من آغلادیم
گه سنه گلدی شماتت ائتدی دشمن آغلادیم
اوندا که مندن آتاوی ایستدون سن،آغلادیم
تاپمادیم چاره بو غملی ماجرایه دور گیداخ
هر زمان ائتدون شکایت منزل ویرانه دن
گه دیردون اینجیرم عمه قوری یرلرده من
عاقبت اگنونده کی کوینک سنه اولدی کفن
مشکل اولدی بو غم آل مصطفایه دور گیداخ
ای گلن تنگه ستمگرلر ایدن آزاریدن
ای سولوب خندان اولان جور وجفای خاریدن
کوچ ایدوبلر آشنا یوخ بیر نفر اغیاریدن
همره اول بو کاروان آشنایه دور گیداخ
زینبم مجنون عشقم گوئیا دیوانیم
سندن آیریلماخ چتیندور آیرلوخ حیرانیم
بیرده سسلن عمه جان دی من دیلون قربانیم
بلبل غم دیده باغ مصطفایه دور گیداخ
بیلمرم نه ذکر ایدیم ای نور عینیم نه دیوم
گوز یاشیم آرتدوقجا آرتار شور وشینیم نه دیوم
ایسته سه آیا سنی مندن حسینیم نه دیوم
نه جوابیم وار ذبیحا من قفایه دورگیداخ
من ئوزوم وصلت لباسین خسته تندن سویمادیم
سن بیلورسن که سنون شیرین دلیندن دویمادیم
اختیاریله سنی ویرانسراده قویمادیم
حق ایده لعنت یزید بی حیایه دور گیداخ
ایندی که قالدون بو یرده ائتمسن عزم وطن
قوی سپوم گوزیاشیمی اولماز بو قبره سوسپن
ایلیوم جاروب گردوخاکینی مژگانیلن
سویلیوم سس ویر من بی اقربایه دورگیداخ
دائما گوز یاشی توکدی چشم چون ابرون سنون
صبری حیران ایله دی بو سنده کی صبرون سنون
بیر ایشیقلی اولدوزا بنزر قیزیم قبرون سنون
نوری سالما بو گروه اشقیایه دور گیداخ
گه گیجه گوندوز توکوب گوزیاشی گوزدن وای دیدون
یاده سالدون گه علی اکبری ایوای دیدون
گه یوخوندا سود امر قارداشوا لایلای دیدون
هم صدا اولماقه صوت لایلایه دور گیداخ
کهنمویی تازه سوز واردور ایشیتدیم بیر خبر
سنده گویا کربلایه ائتمیسن عزم سفر
گئتدی یولداشلار یاخوندور وقفه غافلسن مگر
ایلمه غفلن دیار نینوایه دور گیداخ
مرحوم کهنمویی
منبع مجموعه کانالهای مدح و مرثیه
موضوع: احوالات کوچ از خرابه شام ,
زبان شعر و شاعر: نوحه ترکی , کهنمویی
-------------------------------
زبانحال حضرت صغرا (س) به
حضرت علی اکبر (علیه السلام)
هنگام خروج از مدینه
سندن آیرلماخ علی صغرایه چوخ مشگل گلور
رسمدور گل فرقتونده نالیه بلبل گلور
خوشگلوب لطف ایتموسن ای نوجوان دلپسند
ایلدون من بی کسی بو گلماقونلا سربلند
تار زلفونده اولوب مرغ خیالیم پای بند
چون او بیر تِلدن اَله هر آن مرام دل گلور
حمد لله خاک پایونده وارام سائل به کف
سرفراز اولدوم ولی بیر باره دن قیلّام اَسف
وار حضوراً بیر سوزوم لطف ایله ای کان شرف
پادشه دربارینه امّیدیله سائل گلور
بو قد موزونده گورّم علی رخت سفر
خواهشیم سندن بودور گَل بو سفردن ایت حذر
هر زمان سندن صورا من آغلارام شام و سحر
گوشۀ زندان منه بو خانه و منزل گلور
ایلرم خلّاق بی همتایه چوخ حمد و ثنا
باشیم اوسته گلموسن ای شبه روی مصطفی
بیل یقین اولماز منی یاد ایلین سندن صورا
رسمدور چون مایلون دیدارینه مایل گلور
دولدوروب حسنون شعاعی یثربی قارداش تمام
کسب نور ایلر یوزوندن یثرب اهلی صبح و شام
هر یره قویسان قدم هر بزمده ایتسون خرام
گوئیا ای مه شمائل بدر اولوب کامل گلور
بس علی سندن صورا صغرایه کیم همدرد اولور
روز و شب غم بسترینده مونس آه سرد اولور
هر زمان مرغ دلیم آردونجا صحراگرد اولور
گیتمه سون بیکس باجون مقصودینه نایل گلور
آتش هجرانوه هر لحظه یانّام آغلارام
غم خمنده رنگ رفگه من بویانّام آغلارام
طوی اطاقونده سنون هر گون دولانّام آغلارام
گوز یاشیم بو مطلبه بیر شاهد عادل گلور
صبر ایدوب هجرانوه گلموم نه نوعی شیونه
هامودان اُلفت کسوب گوز تکمشم قارداش سنه
گر چه هر لحظه مؤتردور آناسیزلوخ منه
سندن آیریلماخ ولی صغرایه چوخ مشگل گلور
جانمی سنسیز خدنگ محنته توش ایلرم
بستر غمده مصیبت باده سین نوش ایلرم
اوز اوزیمی کثرت غمدن فراموش ایلرم
فکریمه بالله علی نه گلستان نه گل گلور
آغلاما بو آغلاماخ قارداش بیوک غمدور منه
درد هجرانون سنون هر غمدن اعظمدور منه
آغلاماخ سندن صورا هر لحظه همدمدور منه
بیر گونوم سنسیز منه بو دهریده بیر ایل گلور
« کهنموئی » چوخلاری بو دوره ده دیندن چخار
خانۀ اسلامی بو صوری مسلمانلار یخار
هر زمان اهل یقینی منجنیق غم سِخار
سویله بس یارب هاچان اول سیّد عادل گلور
مرحوم کهنمویی
منبع مجموعه کانالهای مدح و مرثیه
موضوع: احوالات خروج از مدینه ,
زبان شعر و شاعر: نوحه ترکی , کهنمویی
-------------------------------
حضرت موسی ابن جعفر (علیه السلام)
و گریز به قتلگاه
بارالها نه گوزل دارالعبادتدور بو یر
گوشه ی زندان دگول محراب طاعتدور بو یر
هر بلا و غم یتیشسه راضیم یوخدور سوزوم
جور خاره وصل گلدن اوتری لازمدی دوزوم
آختاروردوم دائماً بیر بیله خلوت یر اوزوم
عابد و معبوده یاخشی بزم وحدتدور بو یر
من دیمم زندان الهی بیر قرانلوق محبسه
بزم وصله رهگذردور من غریب و بی کسه
بو در و دیوارلر منله ویرولّر سس سسه
روضه ی رضواندی یا فردوس و جنّتدور بو یر
عاشق صادق گرکدور هر بلادن شاد اولا
قویمیه معموره ی دل غصّه دن برباد اولا
بو قفسدن مرغ روحیم آز قالور آزاد اولا
خالی از اغیاردور، بیر بزم خلوتدور بو یر
گوشه ی زندانیده مدّتدی محبوس اولموشام
کُنده و زنجیریله بو یرده مانوس اولموشام
دوشموشم دلدن حیاتیمدنده مایوس اولموشام
اهل بیتیم یوخ یانیمدا کنج غربتدور بو یر
بو یر ایتموشدی خدا دلخوش عبادتدن منی
طاعته ترغیب ایدوب ساعت به ساعتدن منی
زهر کین امّا بو گونده سالدی طاقتدن منی
اولماسا راز و نیازیم خاک ذلّتدور بو یر
مومنه قید شریعت بسدور ایلر اکتفا
بنده نی قویماز حدودُ اللهیدن خارج اولا
سن بولورسن بی گناهم بی گناهم ای خدا
منده بولّم منظر حقّ و حقیقتدور بو یر
بولموری هارون گیچن گون مهلتیندن قورتولار
گونده بیر گوندور عزّ و شوکتیندن قورتولار
بو غریبینده زمان ذلّتیندن قورتولار
قالمالی دنیا دگول جای مذلّتدور بو یر
رفع ایدن ظلمات بطن حوتی ای ذالنّون دن
ای سودی اخراح ایدن مابین فرث و خون دن
تیز منی اُلدور خلاص ایت محبس هارون دن
اُلماقین مشتاقیم یاریله وصلتدور بو یر
ای خدا جدّیم حسینی بوردا یاده سالموشام
دینه قربان اولماقین سرمشقین اوندان آلموشام
طاقتیم یوخدور قیامه سجده گهده قالموشام
نقد جانیم رایح سوق تجارتدور بو یر
جان ویرن وقتینده جدّیم قویدی آنّین سجدیه
اوز مقدّس عهدینون ایفاسینه شکر ایلیه
قالدی پیکر سجده گهده گیچدی باشی نیزیه
عرض ایدردی ای خدا نه یاخشی راحتدور بو یر
« کهنمویی» گرچه سیّدسن حسینی سن اوزون
چون گناهون چوخدی حتماً وار شفاعتده گوزون
نیّتون پاک ایله تاثیر ایلسون خلقه سوزون
فرصتی فوت ایتمه مأوای نصیحتدور بو یر
مرحوم کهنمویی
منبع مجموعه کانالهای مدح و مرثیه
موضوع: حضرت امام موسی کاظم (ع) احوالات ,
زبان شعر و شاعر: نوحه ترکی , کهنمویی
نظرات (۰)
هیچ نظری هنوز ثبت نشده است