متن نوحه ترکی اصغر گل محمدی متخلص به دلجو
مجموعه اشعار متن نوحه ترکی از اصغر گل محمدی متخلص به (دلجو ) در مدح خاندان عصمت و طهارت علیهم السلام
-------------------------------
در جلالت حضرت زینب (سلام الله) و گریز به احوالات حضرت امام حسین (علیه السلام)
جهاندا هر نه غمه آشنا اولوب زینب
محیط غصه ودردو بلا اولوب زینب
یازاندا حضرت حق رقعه ی شهادت و خون
شریک نهضت کرب و بلا اولوب زینب
جلال و شوکتینه بسدی بیر فقـط بو سوز
عزیز طائفه ی مصطفی' اولوب زینب
رموز عشقی حسین و حسندن اورگشدی
او دور عقیله ی آل عبا اولوب زینب
واریدی آلتی یاشی آچدی غم صحیفه سینی
انیس محنت خیر النساء اولوب زینب
او گون کی کوفه ده شیر خدا باتوب قانه
جریحه بند سر مرتضی' اولوب زینــب
گوروبدی طشتیده قارداشینون جگرلرینی
دوای درد دل مجتبی' اولوب زینب
اولارکی مشکلی وار دامـــنین دوتار چونکی
آتاسی تک بلی مشکل گشا اووب زینب
اوزی عنایت ایدوب بو سوزی کتابت ایدم
سوزون گریزینی تا دشت کربـلایه گیدم
روایت ایلوری فضه او بانوی والا
کنیز با ادب دختر رسـول خدا
کی اوچ گونیـدی عروسیدی دخت شاه نجف
نه گوردوم آغلوری ایلور فغان و آه نوا
دانشدروب دله گتدیم دئدیم سنه قربان
عروس سن ندور علت آخان بو گوزیاشوا
جواب وئردی حسین یادیمه دوشوب فضه
یوخومدی دلده توانیم منیم بو آیریلیقا
جهاندا بیرگون حسین سیزبوجانی ایستمورم
تمام عالم امکان اولا حسینه فدا
سبب بو گوزیاشیما فرقت حسینیمدور
یاخوندی صبـریمی بو آیریلیق ائده یغما
حسین جسمیده جانمدی سن بولورسن اوزون
علاوه جانیمه روحوم منیم او ماه لقا
جواب وئردیم اونا ای عزیزه ی دوران
بتوله نائبه دلبند حضرت طاها
اجازه وئرسن حسینه خبر وئریم گلسین
گلوب بوگوزیاشووی قارداشون اوزی سیلسین
روانه اولدوم اودم دودمان زهرایه
مریضین حالینی ابلاغ ائدم مسیحایه
عجیبه منظره گوردوم غریبه عالمـیدی
گوزوم ساتاشدی،حسین،نور چشم طاهایه
گهی گلور،دایانور گاه،حسـرتیله باخور
خیالی وار یئتیشه دلده کی تمنایه
یئتیشدی گوردی یاتوب زینب وفاپرور
سالوبدی نورینی گون اول لطیف سیمایه
عباسین آچدی اودم سایه گستر خلقـــت
سالوبدی خواهر دلبندین اوستونه سایه
گوزونی آچدی اودم باجی،گوردی قاراداشینی
همای بختی اوچوب قوندی عرش اعلایه
دئدی باجون سنه قـــربان ائله داریخمیشدیم
بو وصلته ائدرم نقد جانیمی مـایه
سنون بو لطفووی من بیرگونی عوض ائدرم
باجوندا باخ آنام اوغلی بو عهده ایفایه
چکـور سوزی قلمیم دشت کربلایه طرف
دل فکاریم اولوب ناوک بلایه هدف
محرم آئینون اون بیر گونی زمان سحر
گلوبدی قتلگهه زینب وفا پرور
دولاندی تاپدی باجی قارداشین نجه گوردی
دلیم ده یوخدی توانا ائدم تمام اظهر
نه گوردی گون قاباقیندا یاتوب عزیـز دلی
یارالی جسمینی گون سوزشی کباب ایلر
نه باش بدن ده قالوب نه الی نه ده جامه
سویوبلا پیرهنین لشکر جفا گستر
توکوبدی گوزیاشینی آغلادی او کان وفا
دئدی ئولیدی باجون ای عزیز پیغمبر
بو فکره دوشدی ائده عهدینه خانم ایفا
عزیزه ی علوی دختر شه خیبر
دئدی یادیمدادی قارداش هنوز مرحمتون
هزار حیف یوخومدور عبا و نه معجر
یولوبدی زلفونی توکدی اوجسم عور اوسته
ائدوب عبا یرینه نعشی اوستونه ساتر
دئدی نه یاتموسان ای عالمین جهانبانی
ایاقه دور یولاسال اهلبیت زهرانی
ایا شه شهدا ای سلیل پیغمبر
امید اهل ولا شافع دم محشر
عنایت ایله اوزون "دلجو"ی دل افکارم
مریضیوم بولوسن عشقویله بیمارم
اصغر گل محمدی متخلص به (دلجو)
موضوع: حضرت زینب کبری (س) احوالات ,
زبان شعر و شاعر: نوحه ترکی , دلجو
-------------------------------
در ولادت حضرت امام حسن عسگری (علیه السلام)
سامرا امشب به نور عسگری پر نور شد
دودمان آل پیغمبرمُطاف حور شد
امشب از لطف الهی، خانه ی هادِالیقین
نور باران است قلب فاطمه مسرور شد
تا قدم بر عالم هستی نهاد آن محترم
ماخلق از عطر زیبای حسن معطور شد
حُسن اورا اَحسَن الخالق نموده ذات حق
از صفای مَقدم او سامرا مسطور شد
ساکنان عرش برلب ذکر تبریک آمده
از خُم جام الستی ماسوا مَخمور شد
رخت بر بست از مدینه سایه ی ابلیس شوم
خانه ی هادیِّ دین از نور حق مَحصور شد
یک نظر بر چهره اش انداخت بابَش از شَعَف
حُجَّت حق بر تمام دیو و دد منصور شد
کانال اشعار اصغر گلمحمدی متخلص به (دلجو )
موضوع: حضرت امام حسن عسگری (ع) مدح و میلاد ,
زبان شعر و شاعر: نوحه فارسی , دلجو
-------------------------------
در شهادت حضرت امام حسن عسکری (علیه السلام)
تمام شیعه لر گلوب نوایه یابن العسکری
باشیندا قاره سنده گل عزایه یابن العسکری
اوجالدی ناله گویلره زمین و مهر و ماهیدن
باتوبدی کل ماسوا بلایه یابن العسکری
آتان شهادتینده باخ بو قان اولان اورکلره
محبت اهلی گرم دور بکایه یابن العسکری
اولیدی کاش بیر نفر سنه وئریدی تسلیت
آتان سفر ایدن زمان بقایه یابن العسکری
وئرنده جان دوتوب یوزون بقیعه توکدی گوزیاشین
دییوب اوره کده سوزلرین صبایه یابن العسکری
دییردی سامرایه گل گوزوم یولوندادی آنا
اوغول دییر اورک سوزون آنایه، یابن العسکری
اسیر دشمن ایلیوب منی بو چرخ کجروش
سالوب کمند محنت و جفایه یابن العسکری
ویروبله زهر کین آنا وجودیم اوت دوتوب یانور
نه ال یتور طبیبه نه دوایه یابن العسکری
سو میل ایدوب اوره کده کی حرارتی کم ایلسین
ایچنده سو باخاردی کربلایه یابن العسگری
حسینی یادینه سالوب دییردی سوز و آهیله
سلام اولا شهید اشقیایه، یابن العسکری
سلام اولا او شاهه کی تالاندی یاندی خیمه سی
حرم لری گلوبدی آه و وایه یابن العسکری
سلام اولا او شاهه کی سو اوسته تشنه جان ویروب
رضا اولوب مشیت خدایه یابن العسکری
سلام اولا او شاهه کی دوداقلاریندا ذکر هو
دییردی راضی ام گلن بلایه یابن العسکری
سلام اولا فرشته لر گیجه گونوز طواف ایدن
رواق خوش نما و با صفایه یابن العسکری
منبع کانال اشعار دلجو
موضوع: حضرت امام حسن عسگری (ع) احوالات ,
زبان شعر و شاعر: نوحه ترکی , دلجو
-------------------------------
کوچ از کربلا بعد از اربعین
دور ای عزیز دل مصطفی' اویان گئدورم
مدینه سمتینه قارداش نوا کنان گئدورم
الیمده پیرهن پاره پاره وی گوتوروب
بابام مزارینه با چشم خونفشان گئدورم
بیر اربعین سنه من اولموشام حسین زوار
آنام زیارتینه ایندی باغریقان گئدورم
بو آلتی گوشه لی قبره محالیدور بیرده
دوشه یولوم بولورم ، بیله ناگران گئدورم
حرملرون هامیسی دلده وای بابا سسلور
دوتولدی ناله سینه گوش آسمان گئدورم
بو آیریلیق بولوسن چوخ چتیندی زینبیوه
ائدر رسا قد یمی فرقتون کمان گئدورم
ایاقه دور یولا سال دل شکسته خواهریوی
کناریمی آلا یوخ بیرجه پاسبان گئدورم
نه واردی قاسمِ نو کد خدا نه وار اکبر
نه واردی قارداشیم عباس دن نشان، گئدورم
حجاز قافله سین یوخدی بدرقه ایلییَن
عذاره گوز یاشی گور نه اولوب روان گئدورم
ربابه چاره قیلیم یا کی لیلی زاره ؟؟
سریه دردی آلوب قلبیدن توان گئدورم
وطن ده گوزلری یولدا قالیب مریضه قیزون
یوخ ایندی کیمسه اونون گویلونی آلان گئدورم
اورکده وار ولی بیر نسگلیم آنام اوغلی
اولوب خدنگ غمه گور نجه نشان گئدورم
سوروشسا اوغلونی اُمَّ اَلبَنین اونا نه دییم؟
نه دل لریله ائدیم بو غمی بیان؟ گئدورم
سنه عنایت اولوب بو گیجه عجب "دلجو"
دیار کرب و بلایه سوروش هاچان گئدورم
کانال اشعار اصغر گلمحمدی متخلص به (دلجو )
موضوع: احوالات ورود به مدینه ,
زبان شعر و شاعر: نوحه ترکی , دلجو
-------------------------------
زبانحال در اربعین
(مطلع از مرحوم نجمی تبریزی هست)
گلشنینده گلدیم باغبان اولام من
گلمدیم بو چولده باغریقان اولام من
اولما سنده راضی ناگران اولام من
دی گوروم یاران نجه دی
دردیلن آران نجه دی
ای عزیز زهرا ای عزیز زهرا
من مریض عشقم تربتون دوادی
توتیای عالم خاک کربلادی
آلتی گوشه قبرون گور نه با صفادی
قبریوه اوزوم قربان
یاتما ای عزیز جان
زینبم یارالی زینبم یارالی
قبرین اوسته قارداش گلمیشم نوایه
اوج ایدوبدی آهیم طاق نه سمایه
سسلرم آنامی تا گله هرایه
گون هواده گریاندی
حالتیم پریشاندی
ای عزیز زهرا ای عزیز زهرا
کاخ ظلمی ویران ایلدیم حسینیم
نهضتیوی اعلان ایلدیم حسینیم
دشمنی پریشان ایلدیم حسینیم
شامده علم ووردوم
من یزیدی سندردیم
زینبم یارالی زینبم یارالی
کوینگون الیمده اولموشام نواخوان
قبرون اوسته ساللام دلده آه و افغان
سسلرم بو چولده تشنه لب ویرن جان
من عزالیام قارداش
دل یارالیام قارداش
ای عزیز زهرا ای عزیز زهرا
یاتموسان بو چولده اصغریله باهم
زیر پاده اکبر سنله اولموش همدم
ماه آل هاشم بین نهر علقم
سن دی اکبریم ایوای
منده اصغره لای لای
ای عزیز زهرا ای عزیز زهرا
شامیده رقیه گل کیمی سارالدی
گون به گون قرارو صبریم الدن آلدی
آتش شراره قلب زاره سالدی
خردا قیزلارا باخدی
آغلادی گوزی آخدی
ای عزیز زهرا ای عزیز زهرا
منبع کانال اشعار اصغر گلمحمدی
متخلص به (دلجو)
موضوع: احوالات اربعین ,
زبان شعر و شاعر: نوحه ترکی , دلجو
-------------------------------
احوالات روز عاشورا و میدان رفتن یاران و گریز به حضرت ابوالفضل (ع)
روز عاشورا چکلدی نقشه ی پیمان عشق
قلبلرده اولدی تفسیر آیه ی عرفان عشق
عشقیله غیرت ویروبلر ال اله تا ثبت اولا
دفتر حق و حقیقتده اولان عنوان عشق
جمع اولوبلار بیر یره یتمیش بیر عاشق سینه چاک
ایتدیلر امضا یازیلدی دفتره دیوان عشق
شاه مظلومان عالم بند قلب فاطمه (س )
ایستدی جاری اولا عالمده چون فرمان عشق
بیرطرفده لشگر تیره ضمیر اشقیا
بیرطرفده لشگر جان بر کف سلطان عشق
کربلانی چولقاموشدی شور و شوق و اشتیاق
گوئیا گویدن یاغوردی عرصیه باران عشق
بیر به بیر اصحاب قویدی عرصه ی رزمه قدم
دللرینده شوق وصل یار و جان قربان عشق
حَنظَله،جُندب،حبیب و مسلم ابن عوسجه
عابِس و یعقوب کِندی اولدولار مهمان عشق
حر نام آور گلوب اولدی بو درگاهه دخیل
عرض قیلدی ای حسین ای سرور مستان عشق
گیتمیشم راه خطا،من قیزلارون قورخوتموشام
جانیمی وئرسم یولوندا،دل تاپار سامان عشق
قورتاروب انصار،نوبت یئتدی آل هاشمه
اکبر شهزاده اولدی عازم میدان عشق
عون و فضل و جعفرینده ایلدی دینه فدا
قاسم داماده اولدی حجله گه دامان عشق
وِیردی عباس علمداره حسین دین پرچمین
منصبی اولدی او شیرون ساقی طفلان عشق
وقت او وقت اولدی علمدار ایلسون عزم فرات
ایلمیشدی خیمه ده برپا عطش طوفان عشق
چگنینه سالدی سو مشگین زاده ی ام البنین
روبرو اولدی سپاه شامیله اصلان عشق
سسلدی ای قوم کین پرور ندور بو شوروشر؟
کوفه اهلی یوخدی سیزده غیرت و وجدان مگر؟
ای گروه پست فطرت شرم ائدون قرآنیدن
بو عمل لر چوخ اوراقدور شیوه ی ایمانیدن
خیمه ده عطشان اوشاقلار سسلنورلر العطش
ایلیوب گهواره ده بی کس ربابین اوغلی غش
بیر نفر شام اهلی لشگردن وئروب بیله جواب
سو سوزون اصلا دانیشما ای بدیل بوتُراب
وئرمروخ بیر قطره ده دولدورسا گر دنیانی سو
صادر ایلوبدی بو فرمانی یزید کینه جو
یا گرک بیعت ائده سلطان شامه قارداشین
یا گرک اطفالی ائچسون سو یرینه گوزیاشین
تا ایشیتدی بو سوزی سقای شاه نشاءتین
سویلدی بو امره حاشا تن وئره شاهیم حسین
"بیعت امرین پادشاه ارض و مافیها بولر"
جنگ ایشین اما بو چولده صولته دارا بولر
گر اله شمشیر آلام بو دشتی ویران ایلرم
صولتیمدن لشکر اعدانی حیران ایلرم
فن جنگی من آتام شیر خدادن آلمیشام
غیرتین درسین او شاه لافتا دن آلمیشام
منصبیم باب الحوائج رتبه ده ارزندیم
شیرزادم من علینون شیردل فرزندیم
شاهباز اوج عشقم جعفر طیار تک
فتح جنگه قادرم من حیدر کرار تک
گر منی جنگه مخیر ایلسیدی شاه دین
خاکیله یکسان ایدردیم اهل شامین بیرقین
شیر هیجایم جماعت لیک حسینه نوکرم
شاهیمون بیر موی نی کل جهانه وئرمرم
من بو درگاهه اوتوز بش ایل اولار وابستیم
افتخاریمدور بو نوکرلیق منیم،وارستیم
الغرض ایتدی او قومه هرنقدری احتجاج
دونمدی راه خطادن دشمن کینه مزاج
ال آتوب شمشیرینه لشگر دوشوبدور وحشته
مرحبا بو صولته احسن او بی حد غیرته
کیم مبارز اولدی نوش ایتدی اجل پیمانه سین
محکم ایتدی مرکب اوسته پور حیدر شانه سین
یول آچوب نهر فراته بین لشگردن او شیر
داخل اولدی نهره تا پور غیور شیر گیر
بیر فراته باخدی سقا بیرده خالی مشکینه
گوزلری ایسلاندی بیردم غرق اولوب اوز اشکینه
بیر اوغوج گوتدی سودان تاکی یتوردی لبلره
یادینه دوشدی وئروبدی وعده ی سو اصغره
حال یاسیله سویی ایتدی مخاطب،گیچمرم
ایچمیوبدی بو سودان تا کی رقیّم ایچمرم
آتدی فورا، یادینه دوشدی خیام طاهرات
نفسینی قیلدی مخاطب سویلدی اول خوش صفات
سن دیدی مهریه سن زهرایه ای آب فرات
بس ندورعلت قالوب عطشان بو صحراده بنات
آیریلاندا خیمه دن باخدیم اولوب قلبیم کباب
اصغری گوردوم آلوب آغوشینه آغلور رباب
یالواروردی آغلاما ای نازدانَم آغلاما
لبلرون قربانیم بو قلب زاری داغلاما
بیرده کی گوردوم رقیّه صف چکوب قیزلاریله
الده سو جامی دوروبدی غملی اولدوزلاریله
چگنیمه سالدی سو مشکین آغلادی اُول باوفا
سویلدی عطشانم ای سقای دشت کربلا
لبلریم یاندی سوسوزدان دردیمه درمان ایله
اولسا امکانی عمو بیر شربه سو احسان ایله
عقل سویلردی اگر ایچسن اولارسان کامیاب
عشق سویلردی مبادا!!! عشقیوی ایتمه سراب
عقل سویلردی سوسوزسان،ایچ سووا ناز ایلمه
عشق سویلردی عطش سن،لیک،ابراز ایلمه
ما حصل بو کشمکشده غالب اولدی نفسینه
سلسبیل و حوض کوثر طالب اولدی نفسینه
دولدوروب مشکی سودان سقا، غرض دوشدی یولا
سعدین اوغلی گوردی نقشه آز قالور پامال اولا
عزم خرگاه ایلیوب شاد و خرامان یول گیدور
مشکی اخیامه یتیرماقدان اوتور چوخ سعی ایدور
اوخ آتانلاره دیدی اجرای فرمان ایلیون
مشکیله سقانی باهم تیرباران ایلیون
سوز دایاندی یازما "دلجو" آچما سرین بو سوزون
بولمورم مشکین نشانه ایتدیلر یا
کانال اشعار اصغر گلمحمدی متخلص به (دلجو)
موضوع: احوالات تاسوعا و عاشورا ,
زبان شعر و شاعر: نوحه ترکی , دلجو
-------------------------------
در احوالات جناب قاسم (علیه السلام)
در آهنگ : کنار قدم های جابر
اولان عیشی برباد عم اوغلی
سولان بزمی،ناشاد عم اوغلی
عروسی سالان باشه قاره
یاتان بختی داماد عم اوغلی
بخت اولدوزوم تیز چخوب تیز باتوبسان محاقه
سالدون منی سن عجب درد هجر و فراقه
عم اوغلی عم اوغلی
ایوای عم اوغلی عم اوغلی عم اوغلی عم اوغلی
شرار مصیبتده یاننام
غم فرقتوندن اوساننام
او قدری سنه وار علاقم
باشون آردیجا من دوللاننام
دلبستیم نیلیوم یوخدی چاره م عم اوغلی
عشقون سالوب بند عشقه دچارم عم اوغلی
عم اوغلی عم اوغلی
ایوای عم اوغلی عم اوغلی عم اوغلی عم اوغلی
سالان حیرته مهر و ماهی
دگن قلبیمه تیر آهی
اولان تیغیله جسمی شان شان
دولان قانیله حجله گاهی
دام بلا قوردولار دوشموسن سن کمنده
بیر گل کیمی ظلمیله پرپر اولدون چمنده
عم اوغلی عم اوغلی
ایوای عم اوغلی عم اوغلی عم اوغلی عم اوغلی
برهم اولان طوی اساسی
الده یاخان قان حناسی
ایوای اوغول وای دلینده
بو غم چولونده آناسی
دشت بلاده آنان قالدی بیکس اوغولسوز
سسلر گلر هی نوایه او بیچاره یالقوز
عم اوغلی عم اوغلی
ایوای عم اوغلی عم اوغلی عم اوغلی عم اوغلی
اصغر گلمحمدی (دلجو)
موضوع: حضرت قاسم ابن حسن (ع) ,
زبان شعر و شاعر: نوحه ترکی , دلجو
-------------------------------
در احوالات حضرت علی (علیه السلام)
سبک : یخلدی سقا یره باش یارالی قان ویرور
کوفه ده شق القمر اولدی یا رسول الله
محراب علی قاندان دولدی یا رسول الله
دوشدی راز و نیازه امیرالمومنین
اولدی قربان نمازه امیرالمومنین
یاعلی یاعلی شیعه لر فداسنه
دین اوسته اوز قانینه باتدی شاه لافتی'
گوزیاشین خون دله قاتدی فخراوصیا
قاپیسی یانان گوندن اولدی درده مبتلا
زهرا ئولن گون علی ئولدی یا رسول الله
کیم دوزر-محرمین-ایوینده دشمن وورا
اهل کین- درگهین- ظلم اودیلا یاندیرا
یاعلی یاعلی شیعه لر فدا سنه
حشر اولونجا آغلارام بو یانقلی نسگله
حمل ایدوب حسین و حسن مرتضانی منزله
بو حالی زینب گوروب آغلادی گلوب دله
سسلندی ایوای بابام ئولدی یا رسول الله
زینبین حالینه آشنالر آغلادی
وئردیلر سس سسه همنوالر آغلادی
یاعلی یاعلی شیعه لر فدا سنه
دئدی عجب باشوون ماجراسی وار بابا
بو غصه دن زینبون ابتلاسی وار بابا
قاباخدا حسینوین کربلاسی وار بابا
قلبینی شرار غم بولدی یا رسول الله
یوخ آنام تا تا تاپا یاره وین دواسینی
گل اوزوم باغلییم باشوون یاراسینی
یاعلی یاعلی شیعه لر فدا سنه
دلجو
موضوع: حضرت علی (ع) احوالات ,
زبان شعر و شاعر: نوحه ترکی , دلجو
-------------------------------
در احوالات حضرت علی (علیه السلام)
واویلا واویلا آه و واویلا
قانه باتوب حیدر آغلوری زهرا
یاامیرالمومنین یاعلی حیدر
کوفه مسجدینده شق القمر اولدی
بو شق القمردن گلزار دین سولدی
محراب علی بوگون قانیله دولدی
یخلوب ارکان دین آغلوری دنیا
یا امیرالمومنین یا علی حیدر
ایتام کوفه تکوب گوز یولا گوزلر
خبر یوخ علیدن غصه لیدی سوزلر
سارالیب بو گیجه علی اوپن اوزلر
یتیم لر سسلوری بس هاردادی بابا
یاامیرالمومنین یاعلی حیدر
ای مسجد کوفه علی داخی گلمز
یتیم لر یوزی علی سیز داخی گولمز
هیچ کیم سنون قدرون علی کیمی بولمز
حیدر باتوب قانه آغلوری دنیا
یاامیرالمومنین یاعلی حیدر
ای نخلستان کوفه همدمون ئولدی
قویولارین همدمی دلغیمن ئولدی
دنیاده اوجالدان دین پرچمین ئولدی
یخلدی ارکان دین آغلوری زهرا
یا امیرالمومنین یاعلی حیدر
استاد دلجو
موضوع: حضرت علی (ع) احوالات ,
زبان شعر و شاعر: نوحه ترکی , دلجو
-------------------------------
زبانحال به حضرت امام محمد باقر (ع)
دارم به دل نوای تو یا باقر العلوم
جانم شود فدای تو یا باقر العلوم
هر روزوهردقیقه وهرساعتی که هست
مصداق کربلای تو یا باقر العلوم
مدیون یک نگاه توییم یابن فاطمه
گشتیم آشنای تو یا باقر العلوم
بر جان ودل صفادهدآن لطف بی حدو
مرآت حق نمای تو یا باقر العلوم
شاهد به قتل وغارت اهل قبیله بود
چشمان غم نمای تویاباقرالعلوم
قربان آن بقیع و مزار غریب تو
دل نالد از برای تو یا باقر العلوم
آیا بود برات زیارت شود نصیب ؟
ما را ز دستهای تو یا باقر العلوم
"دلجو"ئی از گدای در خانه میکند
دستان با سخای تو یا باقر العلوم
استاد دلجو
کانال اشعار اصغر گلمحمدی متخلص به (دلجو)
موضوع: حضرت امام محمد باقر (ع) احوالات ,
زبان شعر و شاعر: نوحه فارسی , دلجو
-------------------------------
احوالات و شجاعت جناب مسلم ابن عقیل (علیه السلام)
کوفه ده تنها قالان گون مسلم بی خانمان
اونداکی اطرافین آلموشدی جماعت بی امان
اهل کوفه های و هوی ایلردی بی خوف و هراس
عادت اولموش کوفیانه بی وفالیق یوخ قیاس
هاشمی قان جوشه گلدی گیتدی الدن صبر و تاب
یوز دوتوب جمعیته بو نوعیله ایتدی خطاب
تانیون سیز منی ای قوم شریر
مسلمم من شه دورانه سفیر
من عقیلون در دردانه سیم
شمع عشقین ولی پروانه سیم
علوی زاده ام و حساسم
رزمیده عین آقام عباسم
من حسین ابن علی نوکریم
آقامین الده کسن خنجریم
سونمین شمعیدی شمس ازلی
شاه عالمدی حسین ابن علی
اونا هرکیمسه ارادت یتورر
ایکی دنیاده شرافت گتورر
آقامین اکبرینه قربانم
صودامر اصغرینه قربانم
منی گوندردی بورا بیعت آلام
دین حق تحت لواسینده قالام
ابن مرجانیه قربان دیمرم
ئولرم نان مذلت یمرم
دینی دیناره ساتانلار اویانون
آتش قهره باتانلار اویانون
اهل کوفه اوتانون طاهادن
شیر یزدان علی اعلادن
منی پیشواز ایلدوز عزتیلن
یاشارام فکر ایدیسوز ذلتیلن؟
شاهیمه نامه یازانلار هانی بس
عهد ایدوب عهدی پوزانلار هانی بس
عهد و پیمانی ندن سندردوز
یولوما دام بلانی قوردوز
کاش عباسیم اولیدی منیلن
رزمه باشلاردوخ اودم دشمنیلن
گونوزی سیزلره تار ایلردوخ
آتش قهره دچار ایلردوخ
نور ظلماته اسیر اولمیاجاخ
گلشن باغ نبی سولمیاجاخ
سیزده ایمان و شرافت یوخدی
اوکی وارسیزده رذالت چوخدی
طوعه نین لطفونه من ممنونم
او وفا پروره من مدیونم
قوناق اولدوم او وفا کرداره
واله ام اوندا اولان ایثاره
حقه هر کیمسه طرفدار اولسا
پسر فاطمیه یاراولسا
وارامیدیم حق اونا یار اولسون
طوعیه فاطمه غمخوار اولسون
عشقیم عالمده گواهیمدی منیم
پسر فاطمه شاهیمدی منیم
گوزلریم یولدادی مولا گلجاخ
یوزونه باخسام ئورک دینجه لجاخ
یازمیشام نامه اونا کوفیه گل
گلمیه کاش او سلطان ازل
یوز دوتوب سمت حجازه او زمان
دیدی گلمه بورا ای شاه جهان
کوفه نین اهلی جفا پروردی
چوخلاری دشمن پیغمبردی
گلسن ای فاطمیه نور دو عین
گتیرمه زینبی بو شهره حسین
مسلمی کوفه لیلر دامه سالوب
گل آقا گل یاخام اللرده قالوب
یادیمه سالدی بو سوز عباسی
صاحب مرتبت و احساسی
اودا سسلوردی حسین گل ئولورم
گل یتورقارداشووا ال ئولورم
کانال اشعار اصغر گلمحمدی متخلص به (دلجو)
موضوع: حضرت مسلم ابن عقیل (ع) ,
زبان شعر و شاعر: نوحه ترکی , دلجو
-------------------------------
در وفات ام المومنین حضرت خدیجه (س)
دنیاده ایدوب گور نجه ایثار خدیجه
پیغمر مختاره اولوب یار خدیجه
دوتموشدی او گونلرکی بو دنیانی جهالت
ظلمات آرا قالمیشدی هامی عدل و عدالت
مبعوث اولوب خلق ایچون ختم رسالت
اولده اولوب حقه طرفدار خدیجه
ایمانینی پیغمبریله ایلدی تکمیل
دین مکتبینه وارد اولوب ایلدی تحصیل
حق باده سینی ایچدی او مست می تنزیل
بو می دن اولوب گور نجه خَمّار خدیجه
دینه گوره اوز ثروتینی ایلدی اعطا
پیغمبر اسلامه اولوب یار دل آرا
شانینده بو بسدور کی اولوب مادر زهرا
اول دختره بیر مام فداکار خدیجه
هر نوعیله زیبنده ی تحسین و ثنادی
بانوی برازنده ی سلطان منادی
فخر ایلییر عالمده کی زهرایه آنادی
ام النجباء دلبر و دلدار خدیجه
آخر نفسیندیدی او بانوی دل آرا
عرض ایلدی پیغمبره ای سرور بطحا
مندن قالوری ایندی امانت سنه زهرا
ترک ایلوری دنیانی دل افکار خدیجه
قویما بالامین گویلونی دنیاده غم آلسین
چوخ آغلاماسین گوزلرینی اشک نم آلسین
منندی نشانه سنه بو دهریده قالسین
اولموش نگران در و دیوار خدیجه
عالمده چکر بو بالا چوخ رنج و ریاضت
روشندی کی قلبین یارالار بوته ی محنت
مسمار در ایلر سینه سین زخم و جراحت
معناده اولار دیده سی خونبار خدیجه
حاصل قوتاروب سوزلرینی گوزلری آخدی
زهرا یوزونه باخدی یوزه گوزیاشی آخدی
پیغمبر اسلام اوره گین هجر اوتی یاخدی
یثرب اولوب القصه عزادار خدیجه
عزتله عزا مجلسی قوردی اونا احباب
شرکت ایدوب اول بزمه هامی غمزده اصحاب
زهرانین عزا بزمی منی ایلدی بیتاب
یثربده غریب اولدی او غمخوار خدیجه
(دلجو) بو گیجه اولدی عنایت سنه آری
یازدون سوزوی گوزیاشون اولدی یوزه جاری
عرض ایله سحر وقتیدی ای خالق باری
لطف ایله بوجمعه اولا زوار خدیجه
اصغر گلمحمدی متخلص به (دلجو)
موضوع: حضرت خدیجه (س) ,
زبان شعر و شاعر: نوحه ترکی , دلجو
-------------------------------
در مدح حضرت رقیه (سلام الله)
سه ساله دختر شاه شهید کرب و بلایم
عزیزه ی دو جهان جان مفخر النجبایم
به شهر شام نمودم اقامت ابدی،تا
تمام خلق بدانند اسیر قوم جفایم
به باغ عاطفه زیبا گلی به رنگ بنفشه
به گلشن علوی نوگلی ز جنس صفایم
من آن ستاره ی صبحم به آسمان ولایت
من آن تجلی عصمت به مجمع اسرایم
بگو به طالب آب بقا که از عنایت معبود
عزیز ساقی کوثر، معین آب بقایم
به بزم آل عبا همچو شمع روشنگر
چراغ راه هدایت به محفل عرفایم
عزیزجان علمدار کربلا هستم
سرور سینه ی اکبر به گلستان ولایم
بگوبه هرکه مریض است به اذن حضرت حق
که چاره ساز خلایق، به درد خلق دوایم
کانال اشعار دلجو
موضوع: حضرت رقیه (س) مدح و میلادیه ,
زبان شعر و شاعر: نوحه فارسی , دلجو
-------------------------------
حضرت امام زمان (عج)
مهدی ای حجت الهی
شیعه نون ملجاء و پناهی
جان فدا حُسنووه کی سن سن
عالمین شهریار و شاهی
قیل نظر دردیمه دوا ایله اوزون
قلبیمی غصه دن رها ایله اوزون
ابا صالح ابا صالح
ای شهنشاه بی قرینه
دلبر و یوسف مدینه
جلوه ده یوخ سنون نظیرون
حیدره ای سُرور سینه
دل دوشوب اشتیاقه زهرا بالاسی
یانیرام بو فراقه زهرا بالاسی
ابا صالح ابا صالح
ای منیم مهربان نگاریم
وی من شاه تاجداریم
آند اولا شاه کربلایه
سن سن عالمده افتخاریم
افتخار ایلورم سیزون نوکروزم
خوش منیم حالیمه گدای دروزم
ابا صالح ابا صالح
کانال اشعار دلجو
موضوع: حضرت امام زمان (عج) ,
زبان شعر و شاعر: نوحه ترکی , دلجو
-------------------------------
حضرت امام زمان (عج)
بی تو من حال دگرگون دارم
بی تو یک چهره ی محزون دارم
به خیال تو و دیدار رخت
همه شب تا به سحر بیدارم
همچو شمعی که بسوزد تنها
سوزم و از دل و جان خونبارم
عاشق خسته دل و بی چیزم
چشم دردست نگارم دارم
سر کوی تو شده مامن من
می دهد دوری تو آزارم
همچو مجنون که به صحرا افتاد
پی لیلای خودم رهوارم
نذر کردم که بیایی یک روز
جان به یمن قدمت بسپارم
شوق وصل تو مرا خواهد کشت
من که از بی توشدن بیزارم
گر بیایی به خریداری من
میشود گرم، یقین بازارم
دلبرا!!! یاد مرا یادت هست؟
من که از یاد توام سرشارم
تو بخوان قصه ز درد هجران
من هنوز از غم تو بیمارم
درد دلهای مرا میخوانی؟؟
خون از چشم ترم می بارم
باز امشب شده ام دیوانه ؟؟؟
یا که نه!!! خسته ام و تب دارم
من که زنجیری و مجنون توام
وصف چشمان تو شد آثارم
کانال اشعار دلجو
موضوع: حضرت امام زمان (عج) ,
زبان شعر و شاعر: نوحه فارسی , دلجو
-------------------------------
در مدح و میلاد حضرت علی اکبر (علیه السلام)
غلط سوزدور دیللر بیرده یوسف تک گوزل گلمز
گلر یوسف مثالی اکبره اما مثل گلمز
بو بیر تمثیل مهملدور که چوخ ال وار ال اوستوندن
بله صورت چکن ال اوسته والله بیرده ال گلمز
حیاقیل دفتر نقش و نگارون باغلا ای مانی
کتابون باطل ایله چون بو اصل اوسته بدل گلمز
نجه اکبر ئوز عصرینده فقط بیر اکبره بنذر
مدلل سوز داخی بوندان گوزل قل و دل گلمز
ایله یرده قویوب خالین سر مو قدری کج دوشسه
اولار صورتده فرقی سیرتا اما خلل گلمز
قدم آتسا گوررسن بیر ایله زیبا غزال اولماز
دانشسا فکر ایدرسن بیر بیله شیرین غزل گلمز
اوشاقلقدان دوداقینون دادی لیلایه داد ویردی
ئوپوب تزتز دیردی بو حلاوتده عسل گلمز
گورن لیلایه سویلردی چکیلمز سینوه داغی
ترحم ایتسه مقراض اجل پیمان گسل گلمز
قضا میدانیده اما اوتوزمین شخصی کور ایتدی
گورن گوز قالمادی گورسون ایله زیبا گوزل گلمز
قفادن یوزقویوب هر بیر بلا باشینه خنجر تک
خجالتدور یوزیندن چون مقابلدن اجل گلمز
منبع کانال اشعار دلجو
موضوع: حضرت علی اکبر (ع) مدح و میلاد ,
زبان شعر و شاعر: نوحه ترکی , دلجو
-------------------------------
احوالات خروج از مدینه
مدینه دن یولا بیر کاروان دوشوب گیدوری
بساط غم قورولوب موکنان دوشوب گیدوری
یغوبدی باشینه انصارینی شه دوسرا
بویوردی حاضر اولون عزمنا بسمت منا
منای کرب و بلا منتظردور احراره
صفالی تربتی چونکی شفادی بیماره
او یرده دردیمه درمان اولار شهادتیله
گرک او یرده باتام قانیمه شهامتیله
خیاله دوشدی خداحافظی ایده آخر
نوای قلبی فقط یا قدیم یا داور
ازلده گلدی بقیعه او غملی توپراقه
اوجالدی ناله سی دلبند رسولین آفاقه
توکوب سرشگینی قبر بتوله قویدی یوزون
یواش یواش دانشوب شرح ایدوب فراق سوزون
دیدی آنا گیدورم کربلایه زار و حزین
تمام اهل حرم وار یانیمدا اولما غمین
ایدیم نه چاره آنا آیریلام گرک سندن
بو گوزلریمدن آخان خون دل قالور مندن
حسن قالور سنیله بو صفالی تربتده
شهادت امری منیم قسمتیمدی غربتده
وفالی زینبیم اما گلور منیله آنا
شرار شمع وفایه اودا گرکدی یانا
مدینه ده داخی یوخدور صفا آنا گیدورم
یولومی گوزلوری کرب و بلا آنا گیدورم
سنیده گوزلرم اما او غملی صحراده
آچاندا باشینی زینب گلنده فریاده
مزار حضرت پیغمبره باخوب نالان
اورکلنوب دیدی جانیم سنه فدا باباجان
باخوبدی قارداشینون قبرینه توکوب قانیاش
دیدی حسینی یولا یوخ سالان حسن قارداش
غرض قیتدی گلوب منزله امام زمان
جمع اولدی عترتی اطرافینه دلنده فغان
بویوردی اکبره ای جدیمون شبیهی اوغول
مریضه باجووی ایله وداع اولوبدی ملول
دوشنده گوزلری اما مریضه صغرایه
نه حاله قالدی دیمم عرش و فرشه پیرایه
باخوب گوروب ایلوری گوزیاشین یوزه جاری
دیور بابا منی قویما قالام سنی تاری
خدنگ آهیمیله قلب عالمی دلرم
سورودن آیری دوشن بیر غزال تک ملرم
بو آیریلیق منی دلدن سالار بابا بولورم
آلوبدی طاقتیمی بو مریضه لیخ ئولورم
علی اکبریمون هجرینه نجه دوزرم
هایانا گیتسه پیاده دالیجا من گزرم
امام راضی ایدوب اول علیله بیماری
ایدوب حضوررینه احضار اودم علمداری
بویوردی پرچموی آل اله علمداریم
دیوون یولا دوشوری قافله علمداریم
چخوب مدینه دن حاصل امام کون و مکان
سوار هودج ایدوب عترتین شه دوران
ربابه ویردیله بیر هودج زرافشانی
آلوب قوجاقه علی اصغر دل آرانی
باساردی باغرینا اوغلون کمال عزتیله
گیدردی قافله اما منایه سرعتیله
اماندی یازما داخی ویرمه چوخ بو مطلبه طول
باخار یقین سنه (دلجو) حسین آناسی بتول
منبع کانال اشعار دلجو
موضوع: احوالات خروج از مدینه ,
زبان شعر و شاعر: نوحه ترکی , دلجو
-------------------------------
مبعث حضرت رسول اکرم (صلی الله)
جمالون آیتِ نور خدا دور یا رسول الله
مقالون صحبتِ ربُّ العَلادوریارسول الله
سنون اوصافوی یازسون قلم عاجزدی شرحیندن
خلایق دن بو قدرت چون جدا دور یا رسول الله
ائدوبدور خالق عالم سنیله خلقتین تکمیل
بو خلقت خلقته معجز نما دور یا رسول الله
صفای عالم امکان سنه وابسته دور شاها
بو عالم خلقتونله با صفادور یا رسول الله
کرامت ده سخاوت ده سنه یئتمز بو روشن دی
کی حاتم لر قاپوندا بیر گدا دور یا رسول الله
رسالت چرخینه بیر آفتاب عالم آرا سن
وجودون آسمانه انجلادور یا رسول الله
مقام و مرتبت ده شانیوه چاتماز بیری مطلق
طفیلی درگهونده انبیا دور یا رسول الله
گتوردون اِقرَء بِاسمَه آیه سین خلاق داوردن
آدونلا اهل قرآن آشنا دور یا رسول الله
بولنمز شانیوی بیر کس سنون بو دار دنیاده
بو شاءنه آشنا بیر مرتضا دور یا رسول الله
شب مبعث دی "دلجو" یازدی بو شعری بو امّیده
اورکده حاجتی بیر کربلا دور یا رسول الله
کانال اشعار دلجو
موضوع: حضرت محمد (ص) مبعث ,
زبان شعر و شاعر: نوحه ترکی , دلجو
-------------------------------
زبانحال حضرت زینب کبری (سلام الله) در حال احتضار
پیک اجل یئتشدی حسین، شامه سنده گل
عمروم منیم یئتوبدی سرانجامه سنده گل
خون دلی گوزوم یاشینا قاتمیشام یازام
ارسال ائدم حضوریوه بیر نامه سنده گل
بیر قوش کیمی کمند بلاده سیخیلمیشام
صیاد غم سالوبدی منی دامه، سنده گل
جان اوسته سن دوشنده چوخوریئرده زخمدار
دوندی منیم ایشیقلی گونوم شامه سنده گل
گل قویما نعشیمی قالا یرده آدام سیزام
قارداشلیق حقّینی یئتور اتمامه سنده گل
الّلی بئش ایل شرار مصیبت ده یانمشام
پایان وئرور فلک داخی آلامه سنده گل
جان اوسته هر حسینچی سنی آرزو ائدر
جان اوستیَم یئتیر منی ده کامه،سنده گل
اعلان ائله عزایه گَلَه هاشمیّه لر
گِیسون هامی گلنده قرا جامه، سنده گل
ایله خبر اوزون حسنین یادگارینه
قوش اکبرونده قاسم ناکامه سنده گل
مندن یئتیر سلام ابوالفظلیمه دئنن
شام ایچره واردی غصه لی غمنامه سنده گل
قاره علم گوتورسون اله سوز و آهیله
سالسین نوا بو چرخ سیه فامه، سنده گل
یوخ یوخ نه سوزدی من دیورم یوخدی قوللاری
قوی باشینه اوزون اونون عمامه، سنده گل
امکانی اولسا بیرده نجف شهرینه گئدیب
وئر حالیمی خبر ابوالایتامه سنده گل
"دلجو" عجیبه دم دی بو دم شاکر اُول دئنن
ای شاه کربلا دایانوب خامه، سنده گل
کانال اشعار دلجو
موضوع: حضرت زینب کبری (س) زبانحال ,
زبان شعر و شاعر: نوحه ترکی , دلجو
-------------------------------
زبانحال حضرت رقیه (سلام الله)
بابا سن گیتدون اما آتش هجرانه من یاندیم
اولوبدور منزلیم بو گوشه ی ویرانه من یاندیم
یتیمه قیزلارین گویلون آلالار رسم عالمدور
انیسیم روز و شب ویرانسراده غصه و غمدور
سسیمه سس ویرن یوخدور منیم بیر تک بو عمه مدور
بی بیمدور شمع محفل، من اونا پروانه من یاندیم
او گون کی سن خیمدن آیریلوب گیتدون ملالیله
منه بیر سوز دیدون رام ایلدون شوق وصالیله
دولاندیم چوللری مجنون کیمی آشفته حالیله
گیجه گوندوز او گوندن گردش دورانه من یاندیم
یارالی باشووین آردینجا منده چوللره دوشدوم
دولاندیم کعبه ی مقصودیله تا دللره دوشدوم
بو یولدا بیر نچه یول ناقه دن اما یره دوشدوم
دایاندی نیزه ده باشون گلوب افغانه من یاندیم
الینده تازیانه دشمن بی رحم و بی پروای
امان ویرمزدی بیر دم تا دییم من اصغره لایلای
ویا اینکه علی اکبر کیمی قارداشیمه ایوای
گلوبدی قمچی لر هر بیر زمان جولانه من یاندیم
بیر عده یتمدی شامه بابا یولدا دوشوب ئولدی
خدنگ غم دل آل رسولی ظلمیله بولدی
گلنده شهره شام اهلی شمادت ایلدی گولدی
بئله بیر میزبانه اف اولا، مهمانه من یاندیم
نه مدتدور یانوردوم من سنون نار فراقینده
خوشیدیم من بو مدتده وصالون اشتیاقینده
گلوب ایندی کسیک باشون یارا واردور دوداقینده
باتوبدور صورتون گوردوم سنون القانه من یاندیم
سفردن شه گلنده رسمیدور کی یار و اعوانی
چخاللار پیشوازه تا اولا اعزاز شایانی
سنه من پیشوازه چخمادیم عفو ایت بو نالانی
گذشت ائت اولمادی بیر مجلس شاهانه، من یاندیم
گلوبسن بو گیجه دیداریمه ای شاه زهرا خو
بهشت عطری گلور سندن معطر بیر گل خوشبو
یازوب بو سوزلری حاجت امیدیله بیزه "دلجو"
اولوبدور منزلیم بو گوشه ی ویرانه من یاندیم
استاد دلجو
موضوع: حضرت رقیه (س) زبانحال ,
زبان شعر و شاعر: نوحه ترکی , دلجو
-------------------------------
حضرت امام حسین (علیه السلام)
اشک می ریزم دمادم از برایت یاحسین
ای عزیز فاطمه س جانم فدایت یا حسین
کیستی تو؟ چیستی تو؟ من نمیدانم، ولی
گشتم از روز ولادت آشنایت یا حسین
مادرم دستم گرفت و برد با خود روضه ها
خو گرفتم با نوای نینوایت یا حسین
کم کم از ره می رسد ماه عزا و ماتمت
آسمان می گرید از بهر عزایت یاحسین
آرزوی خلق اگر باشد طواف بیت حق
آرزوی من بود کرب و بلایت یا حسین
میشود روزی ببینم با دو چشم اشکبار
خویش رازواردرصحن وسرایت یاحسین
روضه ی رضوان نگیرد جای بزم روضه ات
جنت الاعلاء بود در زیر پایت یاحسین
لطف کن نامم میان گریه کن ها ثبت کن
خاطر شهزاده ی گلگون قبایت یا حسین
اشک می ریزم بدان امید شاید اشک من
مرهمی باشد برای زخمهایت یا حسین
شعله میگیرد دلم با هر نوای زینب ات
آن دمی که شعله ورشدخیمه هایت یاحسین
منبع کانال اشعار دلجو
موضوع: حضرت امام حسین (ع) ,
زبان شعر و شاعر: نوحه فارسی , دلجو
-------------------------------
در ولادت حضرت فاطمه زهرا (سلام الله)
امشب سرای مصطفی' از آسمانها برتر است
امشب دل‌ِ اهل ولا سرمستِ جام کوثر است
امشب ملائک سربِسر در آسمان یثربَ اند
چون زادروزِ دخترِ دلداده ی پیغمبر است
از دودمانِ مصطفی' نوری تجلّی میکند
روشن ز نور جلوه اش عرشِ برینِ داور است
امشب خدیجه دامنش مَعطور عطرِ یاس شد
یاسی که کفوّش در جهان تنها امیرِ خیبر است
امشب شبِ بشکفتنِ گل در گلستانِ نبی ست
خُرَّم جهان از یُمنِ میلاد بتولِ اطهر است
زهرا چه زهرا عصمت الله استُ و ناموس خدا
بِنگر جلال و شوکتش بر باب خود هم مادر است
کانال اشعار دلجو
موضوع: حضرت فاطمه زهرا (س) میلادیه ,
زبان شعر و شاعر: نوحه فارسی , دلجو
-------------------------------
در احوالات حضرت فاطمه زهرا (سلام الله)
گلشنده سولوب گل سمن و یاسمن آغلور
ایوای آنا وای دلده حسین و حسن آغلور
کلثومیله زینب اوتوروب صحن سراده
گویا ایکی گولدی سارالوب باغ ولاده
فریاد و فغان اوج ایلیوب نه فلک آغلار
خاتون جزا حالینه جن و ملک آغلار
ائتمیشدی وصیت گئجه غسل و کفن اولسون
غسلوندا فقط بیرجه شه ممتحن اولسون
اوز دلبرینون خواهشین اجرا ائدوب حیدر
قبر ایچره بو احواله یانوب ختم پیمبر
یار ایستدی دلدارینه غسل ایلیه ای داد
باخدی یارالی یارینه یار ایلدی فریاد
بلبل نجه آغلار گولونی زاغ درنده
قمری نجه کوکو ایلیر ساری گورنده
زهرایه باخوب اشکی یوزه سیل تک آخدی
بیر شیون ائدوب یاندروب عالملری یاخدی
دیواره یوزون قویدی شهنشاه ولایت
بولمم نجه آغلوردی او دریای شهامت
اسما دیور عرض ائتدیم ایا فاتح خیبر
وی صبرینه حیران هامی اقطار و فلکلر
اولما سنی هجران غمی ائتموش بیله بیتاب
زهرا غمینه آغلوسان ای مفخر احباب
بو نوعیله سن آغلاسان ای جان پیمبر
آیا نجه صبر ایلیه جاخ زینب مضطر
فرمایش ائدوب حشره کیمی گوز یاشیم آخسا
سوز دل سوزانیم اگر عالمی یاخسا
باجادی، بتولین غم هجرانی کم اولماز
هجران غمی تک قلب ملولیمده غم اولماز
گوزیاشیمه باعث ولی بیر آیری محن دی
قمچی یرینه دوشدی گوزوم اشکیم الندی
گلزار محبت ده علینون گلی سولدی
باعث اونا قنفذ ووران قمچی لر اولدی
"دلجو" گیجه نین نصفی بو نه حال اسف دور؟
غم ایتمه عنایت ایلین شاه نجف دور
کانال اشعار دلجو
موضوع: حضرت فاطمه زهرا (س) احوالات ,
زبان شعر و شاعر: نوحه ترکی , دلجو
-------------------------------
زبانحال امیرالمومنین حضرت علی (علیه السلام) با حضرت فاطمه زهرا (سلام الله)
گول کیمی جمالین ندن سولوب، سنده بو نه حالتدی فاطمه
صحبت ایلمه آیریلیق سوزون، روحیمه اذیتدی فاطمه
درگهون یانان گوندن اولموسان، هم نوا غم و ابتلائیله
گه سیزیلدیسان گاهی آغلوسان، نصف شب ده محزون صدائیله
گاهی سینه وین یاره سین آچوب، باغلوسان گیجه اختفائیله
بو یارا ایاقدان سالوب سنی، کاری بیر جراحتدی فاطمه
رحلت ایلیندن بابان سنون، دوشموسن مدار مصیبته
مرتضایه خاطر دایانموسان، بو قدر ملالیله محنته
سینه وین یاراسی سالوب سنی، آگه ام نه نوعی اذیته
چکدیقون ملال و مصیبتون، هجریدن علامتدی فاطمه
توکمه گوزیاشون عارضه بئله، ای محبتین کانی آغلاما
حالوی بئله گورماقا سنون، یوخ علینون امکانی آغلاما
قان اولوب اورک درد و غصه دن، سن حسینمون جانی آغلاما
قطره قطره بو گوزیاشون منه، درد بی نهایتدی فاطمه
حسرتیله دیواره یوز قویور ،آهیلن اورک داغلیور حسن
یادینه سالور کوچه محنتین، وای آنام دیور آغلیور حسن
گه حسینیله قول بویون اولوب، گوز یاشین یوزه باغلیور حسن
گوشواره دن صحبت ایلیور، بو نه سری صحبتدی فاطمه
اقتضای امر مشیته، باغلیدور یداللهی اللریم
حقیمی آلوب فرقه ی جفا، صبره امر ائدوب حی داوریم
گرچه دهریده چوخدی محنتیم، سنله شاد اولار قلب مضطریم
هر بلا گله دینیمه گوره، نیتیم رضایتدی فاطمه
دلده کی غم و غصه لر گئدر، هرزمان باخاندا جمالیوه
یادیمه دوشور ختم الانبیاء، فکر ائدنده بی حد کمالیوه
نیلییم ولی تاب ائدنمورم، قلبیمی سیخان غملی حالیوه
ائتموسن پریشان عم اوغلووی، بیر بویوک مصیبتدی فاطمه
باشون اوسته ایندی ملالیله، گوزیاشی توکوب سینه داغلورام
قلبیمون قانین اشکیمه قاتوب، سیل اشکی رخساره باغلورام
فرقتون سالار تابیدن منی، یوخدی صبره امکانیم آغلورام
ساخلیان منی لطف حقیله، قوه ی امامتدی فاطمه
غصه و محن ایلدی اثر، بسکه شهریار ولایته
آچدی فاطمه قان دولان گوزون، حسرتیله باخدی او حضرته
عرض ائدوب بئله آغلاما علی، توکمه در مرجانی صورته
سن بولورسن ای شاه ممتحن، کشته ی ولایتدی فاطمه
دوققوزایل بو ائوده سنیله من، باش باشا وئروب همدم اولموشام
حیف اولا جوانلیقدا گل کیمی، صرصر خزانیله سولموشام
"غصه دن بهارین سحابی تک ،سنده دولموسان منده دولموشام
دینجلور داخی درد و غصه دن، بزم یاره دعوتدی فاطمه
خواهشیم بودور ای شه زمن ،نصف شبده وئر غسلومی اوزون
اختفا ائله قبریمون یرین، سالما دللره دفنیمون سوزون
بیرده غسل ائدنده عم اوغلی جان، قمچی ردینه گر دوشه گوزون
عفو ائله منی بو قضیه دن،بول نیه خجالتدی فاطمه
بیرده بو بلالی حسینمون، قلبی یاندیران ماجراسی وار
آگه ام سوسوز جان وئرر بالام، قتلگاهی وار کربلاسی وار
خولیه گئدر میهمان اولار، ماجرای مطبخسراسی وار
اوردا گوزلرم گل هرائیمه، منتظر او ساعتدی فاطمه
گل تنوره اوندا عم اوغلی جان، گوزیاشی توکوب سینه داغلیاق
وای بالام دیوب باشه کول سپوب، سیل اشکی رخساره باغلیاق
گاهی زینبه گه حسینیمه، سس سسه وئروب باهم آغلیاق
اوندا آل منیم غملی گویلومی، همدم مصیبتدی فاطمه
مرتضایه وئررم قسم سنی ،ای حبیبه ی حی ذوالکرم
ادعادی بو گر دئسم سیزون، درگهه کمر بسته نوکرم
من هارا؟سیزون درگهوز هارا!! بیر گدای ناچیز و مضطرم
"دلجو"یم قیامتده لطف قیل،خواهشیم عنایتدی فاطمه
کانال اشعار اصغر گلمحمدی متخلص به (دلجو )
موضوع: حضرت فاطمه زهرا (س) زبانحال ,
زبان شعر و شاعر: نوحه ترکی , دلجو
-------------------------------
در احوالات حضرت فاطمه زهرا (سلام الله)
آن بانویی که در همه خلقت یگانه بود
خلاق را به خلق خلایق بهانه بود
آن بانویی که ام ابیها لقب گرفت
بر خاتم پیمبران از حق نشانه بود
آن بانویی که کفونداشت غیر مرتضی
عشقش به شاه هردوجهان صادقانه بود
آن بازوان که دامن حیدر گرفته بود
آیا سزای ضربت آن تازیانه بود؟؟
دشمن به قصدکشتن حیدرهجوم کرد
خون علی ز سینه ی زهرا روانه بود
افلاکیان به غربت حیدر گریستند
مولا غریب تر ز همه در زمانه بود
آن بانویی که خادم او بود جبرئیل
ماندم چرا مراسم دفنش شبانه بود
"دلجو"بس است قافیه ی شعرتنگ شد
این شعر نیست درد دل عاشقانه بود
کانال اشعار دلجو
موضوع: حضرت فاطمه زهرا (س) احوالات ,
زبان شعر و شاعر: نوحه فارسی , دلجو
---
زبانحال حضرت فاطمه زهرا (سلام الله)
ای مُلک ولایتده اولان صاحبِ مسند
وی نائب برحقّ نبی وارثِ احمد
بالینیمه گل ای شهِ خوبان ئولورم من
یاسین اوخی ای ناطقِ قرآن ئولورم من
دوققوز ایل عم اوغلی سنه من همنفس اولدوم
آفات خزان ووردی ولی گل کیمی سولدوم
پروانه کیمی شمع وصالونده یاناردیم
گوز یاشیم آخاردی یوزه اشکه بویاناردیم
باشه یتشوب عمروم عم اوغلی بو جهاندا
گوزلور یولومی ایندی بابام باغ جناندا
هرچند کی دعوت شده ی باغ جنانم
افسوس اولا سندن بالالاردان نگرانم
عشقون بولوسن ریشه سالوب جان و تنیمده
بو عشقووه قرباندی حسین و حسنیمده
من مُشتَعِلِ آتش هجران و فراقم
بیر نچه دقیقه سنه بو ائوده قوناقم
عفو ایله منی دلده کی سوز و تبه خاطر
زهرانی حلال ایله قیزیم زینبه خاطر
ایستورسن اولا روحیمی قبریمده ده راحت
غسل ایله گیجیلن منه ای شاه ولایت
گیزلینجه گیجه جسمیمی کفن ایله عم اوغلی
آغوشووه آل نعشیمی دفن ایله عم اوغلی
قویما قاپیمی یاندیرانی دفنیمه گلسین
یا حقّیمی الدن آلانی کفنیمه گلسین
مندن صورا هیچ من دئمورم آغلاما، آغلا
هجران اوتونا داغلیوسان سینوی داغلا
هر نصف شبی قبریمه دیداره گلرسن
قبر اوسته گَلَنده یوزه گوزیاشون الرسن
تا سوزلرینی رشتیه مرجان کیمی دوزدی
پیغمبره بنذر خانمین گوزلری سوزدی
ترک ایلدی دنیانی گلِ باغِ پیمبر
قالدی الی قوینوندا داخی فاتح خیبر
"دلجو" بو گیجه شعریوه یاخشی صله ایسته
یالوار،گتیر حاجاتیوی بیر بیر دله ایسته
کانال اشعار اصغر گلمحمدی متخلص به (دلجو )
موضوع: حضرت فاطمه زهرا (س) زبانحال ,
زبان شعر و شاعر: نوحه ترکی , دلجو
نظرات (۰)
هیچ نظری هنوز ثبت نشده است