متن نوحه ترکی مرحوم استاد روفه گر
مجموعه اشعار نوحه ترکی از استاد مرحوم روفه‌گر که در مدح اهلبیت علیهم السلام سروده است
---
زبانحال حضرت رقیه (سلام الله)
بابام فراقی منی عمّه بی قرار ایلدی
حساب سیز غم و محنت لره دچار ایلدی
همیشه ایستدیم اسرارِ عشقه پرده چکم
ولی نه چاره گوزوم یاشی آشکار ایلدی
بو عُمرِ عاریه مین ، خشکزارِ مزرعه سین
سرشکِ دیدم آخوب گور نه آبیار ایلدی
خرابه توپراقینی گزلین آهیمون اثری
گُوَتدی شیون ایچون طُرفه لاله زار ایلدی
بو قومِ سُفله نواز عمّه خردا سنّیله
منی فشاره سالوب ظلمِ بی شمار ایلدی
فرازِ عشقیده صحرانوردِ کوی حقم
او شور مسکنیمی دشت و کوهسار ایلدی
طریقِ عشقیده زنجیرِ عشقه باغلی گوروب
دو شاخه سیخدی منی ، حالیمی نزار ایلدی
هامی آتاسی ئولن قیز رموزِ پِنهانین
یغیشدیروب منه بِالمرّه آشکار ایلدی
صغیر سنّیله من نجه دوام ایلیوم
عدو ستمله بویوک غملره دچار ایلدی
قضا کمندی دوتوب سالدی سخت دامه منی
غزالهء حرمی اوچیلار شکار ایلدی
او قدر آت دوشونه سالدی ساربانِ دنی
لطیف ایاقلاریمی خارلر قبار ایلدی
بلا چولونده بلایه دوزوب اوزوم گوردوم
ئولوم آتینا بابامی بی بیم سوار ایلدی
جوان علی قانینی زلفینه باجیم یاخدی
باشیندا قرمزی گل ، گلشنِ بهار ایلدی
شعاعِ شمعِ دلیم آه شام بازارین
گیچنده اودلادی ، هر سمتی شعله وار ایلدی
ایشیق گونی منه ظلمت سرای شامِ خراب
شکنجِ طُرّه لریم تک گوزومده تار ایلدی
توکولدی گوز یاشیمیز ره گذار باغلاندی
سوسوز ئولن لره بیر طُرفه لاله زار ایلدی
مگر چیخار بو یادیمدان حرملرین باشینا
یهودلر داشیله بامدن نثار ایلدی
خرابیه گلن عورت اوشاقلارین هاموسی
اوزونه گلماقی اسبابِ افتخار ایلدی
بویور منه علی قارداشیمون گیدن یرینی
فراق ایوینده منی قویدی انتظار ایلدی
نجه چیخار بو یادیمدان غریب آتام باشینی
دیارِ کوفه ده اطفال ، سنگسار ایلدی
گه نیزه ، گه تنور ، گهی دِیر گه کِنشت
بو باشه بولمورم نقدر دردسر گلور
گه کوفه ده آسالّا آقاجدان وورولّا داش
گه خیزران غمی ، گهی ظلمِ فنر گلور
باجیم مدینه ده گر حالیمی سوروشسا منیم
بویور فلک اونی سندن باجی کنار ایلدی
وطندن آیریلالی اولمیوب یوزوم گولسون
مصائب ، آینهء قلبی پُر غبار ایلدی
علیل قارداشیمون عهدنامهء ازلی
حقیقتی گتوروب یرده خاکسار ایلدی
نجه اسیریدی آهونی آلدی ردّ ایلدی
حقیقت عالمنینین عِلمین انتشار ایلدی
یغوبدی قوملاری یرده ویروبدی صیّاده
دولاندیروب گوزونی دُرّ شاهوار ایلدی
بو قدرتیله اولان بیر امامه ، ابنه زیاد
قویوبدی خارجی آد ، مجلسینده خوار ایلدی
یوخودا گوردوم آلوب سینیه بابام باشیمی
وصالیله منی خرسند ، او شهریار ایلدی
قابار ایاقلاریمی گوستروب نشان ویردیم
منی آپارماقا فورا" امیدوار ایلدی
علاوه ردّ ایلدیم کهنه کوینگی گوره
بدنده قمچی یرین گوردی آه و زار ایلدی...
مرحوم استاد روفه گر
منبع مجموعه کانالهای مدح و مرثیه
موضوع: حضرت رقیه (س) زبانحال ,
زبان شعر و شاعر: نوحه ترکی , روفه گر
-------------------------------
زبانحال حضرت صغری (سلام الله)
فراقیوه علی جان روز وشب دوام ایلدیم
خیال وصلیله هجران ایوین مقام ایلدیم
عراقدن نه گلن وار نه بیر عراقه گیدن
نسیم صبحی سنه قاصد پیام ایلدیم
عراقه سن گیدلی من نوای آهمیله
حجاز قیزلارینا یاتماقی حرام ایلدیم
وجودیمی اریدوب منجنیق غم سخدی
ریاضت عالمینین درسینی تمام ایلدیم
نظام عالم امکانی گزلین آهمیله
پوزوب نظامینی معناده بی نظام ایلدیم
طریق عشقیده سرمایه وفا نقدین
یغوب خزینۀ سینمده اخذ کام ایلدیم
هوانی دودۀ آهیم ز بس تصرف ایدوب
بو چرخ اطلس دنیانی نیلفام ایلدیم
علی علی او قدر خلق ایچنده سسلمیشم
علی آدین علی مشهور خاص و عام ایلدیم
دیدیم علی گَلی عَمَّم گَلی آتامدا گَلی
فراق ایوینده بو فکری عَلَی الدَّوام ایلدیم
متاع عشقه خریدار اولان متاعی یغوب
بو چار سوی محبتده من قوام ایلدیم
تاپولمادی علی اکبر کیمی ویرن قیمت
متاعه جلب ایلیوب مشترینی رام ایلدیم
مدینه اهلینی مصر اهلی تک یغوب باشیما
اوز عشقمیله سنه عشقیده غلام ایلدیم
بو گون منی آنام ام البنین دید ایتدی
کمال رأفتیله من اونا سلام ایلدیم
منه بویوردی قیزیم وار عموندن هیچ خبرین
مقابلینده اونا منده لا کلام ایلدیم
بو انتظاریله من قالمارام یقین ئولَّم
اودور که عارض گل فامی زرد فام ایلدیم
مجسم ایلورم هر گون نظرده حسن رخون
بو فکریله اوزیمی مقضی المرام ایلدیم
ایکی گوزوم باخار هر گون سنین گلن یولوا
بو انتظاریله هر صبح شامی شام ایلدیم
مریضه قیز- آناسیز- یالقوز ایوده شام و سحر
یغوب بو خلقی باشا حسن انتظام ایلدیم
گلن گیدن سوروشور قارداشین هاچان گلجاق
بو آی گلن آیی هی تکیۀ کلام ایلدیم
انیسیم آه سحر مونسیمدی ناله شب
خدنگ عشق رخون سینم اوسته رام ایلدیم
گیچن گیجه یوخودا گوردوم عَمَّم اوز باشینا
قرا سالوبدی قیامتدی من قیام ایلدیم
شکنج زلفیمی قارداش سنین گلن یولوا
آچوب تمامی پوزوب بیر خطالی دام ایلدیم
نسیم صبح صبا عطر کاکلین گتورور
بو خسته جانه علی قوۀ مشام ایلدیم
دعا ایدر باجی قارداشینی گیده سفره
بو عادتی علی دنیاده تا وارام ایلدیم
نوای نی کیمی هر صبح دم سیزیلداماقی
اوزیمه شیوۀ دیرینۀ مدام ایلدیم
بیزه « رفوگریمیز » یوز دوتوب امان گتوروب
اوزوم براتینی ویردیم سوزون تمام ایلدیم
مرحوم روفه گر
منبع مجموعه کانالهای مدح و مرثیه
موضوع: حضرت فاطمه صغری (س) ,
زبان شعر و شاعر: نوحه ترکی , روفه گر
-------------------------------
در ولادت حضرت امام حسین (ع)
ایستدی قیلسون منوّر عالَمی نورِ حسین
گلدی زهرادن ظهوره نورِ مستورِ حسین
امر اولوب بنتِ رسوله غیبیدن لعیا گله
حضرتِ صدّیقهء کبرایه اولسون قابله
نازل اولدی ، نورِ پاکی ، شوقیله آلدی اله
گوردی شمسه غالب ایلر نورِ مطهورِ حسین
دوشدی فورا" تپراقا ال اوستن اول عالی وجود
قویدی آنّین سجدیه معبودینه قیلدی سجود
آشکار ایلردی اول دم جودینی ، آثارِ جود
اولدی واضح ماسوایه وصفِ مذکورِ حسین
مصدرِ لاریبیدن اذن آلدی جِبریلِ امین
تا حسین نوریله قیلسون زینتِ عرشِ برین
آلدی قنداقین اله اول پیکِ ربّ العالمین
دایه لوق امریله چون اولموشدی مأمورِ حسین
گیتدی عرشه فرشیدن اول قاصدِ کوی وفا
ایستدی ویرسون حسین باشیله تا عرشه صفا
امر اولوب باشینداکی دستماله ایله اکتفا
روشن ایلر عرش و فرشی پرتوِ نورِ حسین
بیر باشیکه اولمادی راضی خدای ذوالجلال
عرشینه روحُ الامین ویرسین او باشیله جلال
بس نجه کسدی او باشی ، شمر ایدوب پژمرده حال
نیزه لرده زینت اولدی رأسِ منحورِ حسین
ایسی قوملار اوسته قالدی پیکری فرد و وحید
ذکر ایدوب قران جدا باشیندا سلطان شهید
سینهء مکسوری اوسته آت چاپوب قومِ پلید
پایمال اولدی ستمله صدرِ مکسورِ حسین
دوتدی یوز نیزه باشیندا خیمیه شاهِ جهان
آیهء کهفی اوجا آوازیله ایتدی بیان
آگه اولدی بو صدادن زینبِ بیخانمان
آشکار ایتدی دلینده وِرد مذکور حسین
چیخدی اول دم خیملردن زینبِ علیا جناب
قتلگاهه یوز قویوب قیلدی بو نوعیله خطاب
قالدیلار باشسیز باجون ئولسون عیالِ بوتراب
دوره می آلدی مخالف یوخدی منصور حسین
خیملر یاندی داغیلدی چوللره آلِ رسول
ال آچوبلار غارته ظلمیله بو قومِ جهول
قالموشام دشمن ایچنده گور نجه زار و ملول
آشنا یوخ نینوا دشتین دوتوب شورِ حسین
دستگیر ایتدی عیالون ظلمیله شمرِ شریر
زینبون بو درد و محنتدن اولوب عالمده سیر
یوز قویوب باشون دالنجه شامه تک گلّم اسیر
من اسیرم ظاهرا" وار دلده منظورِ حسین.
مرحوم روفه گر
منبع مجموعه کانالهای مدح و مرثیه
موضوع: حضرت امام حسین (ع) میلاد ,
زبان شعر و شاعر: نوحه ترکی , روفه گر , حاجی روفه گر
-------------------------------
احوالات اربعین
حسین تا کوفه دن باشون سنان اوسته سنان ووردی
قدم باشون دالنجا زینب بی خانمان ووردی
بلا سر لوحه سیندن عشق فرمانین دله یازدی
حسین آدین بلالی سینه سینده حکّ ایدوب قازدی
سر کویونده گزماق سهلدور ئولسم اگر آزدی
نچون عشاق ایچینده زلفینه قاندان نشان ووردی
حسین شمع جمالون اود ووروب دنیانی یاندوردی
توکوب قانیاش گوزوندن عشق صحراسین بویاندوردی
عیالون آت دؤشؤنده شمر شاماتی دولاندوردی
دوراندا خردا قزلارون یتشدی ساربان ووردی
علی اکبر خیالیله حسین لیلا اولوب مجنون
گونی گوندن اولوب دیوانه لر تک عشق اودی افزون
بولورسن سن بو امر غیر دور بیر سرّدور مکنون
اودور زنجیر عشقی بوینونا بو کاروان ووردی
قصورات دمشقی ایلدی نور رخون روشن
باشون موسی کیمی ائتدی جدانی نخلۀ ایمن
گوروب شقُّ القمر اوضاعینی اهل جفا بیردن
گوتوردی سجده گاهوندان داش عفریت زمان ووردی
باشون دیره گیرنده ایلدی کهف آیه سین تقریر
ائدوب بنیانِ کفری کلمۀ اسلامیله تعمیر
یزیدون مجلسینده ایلینده حق سوزون تفسیر
حسین لعل لبوندن ظلم الیله خیزران ووردی
حسن قارداشیم ایچدی زهر قاتل، سبز رنگ اولدی
سنون گول رنگی تک قانون آخوب اؤز مصرعون دولدی
عیالون آج سوسوز قالدی سارالدی گول کیمی سولدی
اودور اوچ رنگی قاتدی گویده الله کهکشان ووردی
باخاندا نوعروس هر آن جداده رأس داماده
گوگل ملکین وئروب تالانه صبرین خانه سین باده
ایله نی تک سیزیلدوب دوست و دشمنلر گلوب داده
نچه یرده ایله آغلاشدی باشه بانوان ووردی
منم شمع هدایت خردا قزلار مثل پروانه
اولوبلار جمع دوریمده گلوبلر نی تک افغانه
ستمگر شمر الینده یولدا قارداش دویموشام جانه
وئروب فرمان بیزی هر یرده ارذل شامیان ووردی
قوروب مرجانه اوغلی کوفه ده بیر مجلس عشرت
اجازه وئردی گلسون مجلسه گر اولسا هر ملّت
پیمبر قزلاری گورموب بو یولدا ایله بیر ذلّت
او مجلسده بیزی قارداش گورن ووردی باخان ووردی
گوروم ای کاش من برباد اولیدی عالم ایجاد
زنا زاده منیم اعدامیمه حاضر ائدوب جلّاد
گورنده خردا قزلار بی مهابا چکدیلر فریاد
ائدوب تأثیر گویلرده دیزه کرّوبیان ووردی
«رفوگر» معتمد آلموش شمیم کربلادن دم
اودور دامان زهرادن دوتوب امّیدیله محکم
گلن ماه مبارک کربلاده اون نفر باهم
یغشسونلار بو فالی حضرت صاحب زمان ووردی
مرحوم روفه گر
منبع مجموعه کانالهای مدح و مرثیه
موضوع: احوالات اربعین ,
زبان شعر و شاعر: نوحه ترکی , روفه گر
-------------------------------
اربعین حسینی
قرب جاناندان ائدنلر ظلم الیله انفصال
اختیاریله دوباره تاپدیلار عین وصال
عاشقان بزم وحدت باده نوشان الست
نرگس مست نگاریله اولوبلار می پرست
بیر نمایش وئردیلر جام و سبو اولدی شکست
صحنۀ ایمان صادق یرده اولدی پایمال
رهروان کوی حق آزادگان ظلم شام
زائران کعبۀ آمال دین بیت الحرام
صبح وقتی ائتدیلر کرب وبلا دشتین مقام
قیدیدن آزاد اولان بیر کاروان پر ملال
ابر ظلمتدن یوزینه سالدی پرده آفتاب
آز قالوب اولسون دوباره عالم اماکن خراب
تاپدی قارداش قبرینی زینب آتوب یوزدن نقاب
یوز قویوب قبر اوستونه عرض ائتدی قارداش کَیف حال
گر چه واضحدور سنه هر یرده معلوماتیمیز
ایله ثبت اولموشدی لوحه عین تقدیراتیمیز
قبردن دور گور نجه پوزقوندی تشکیلاتیمیز
آختارور قارداش باجی اوغلون آنا پژمرده حال
اکبرین عطرین آلوب لیلا اولوب دیوانه وار
ایلیوب بو مجمع ماتمدن اؤز سرّین کنار
ایله گوز یاشی توکوب معناده آغلار کوهسار
سس سسه بیردن وئرور داغ داش هامی ثکلا مثال
کوفه نین اوضاعینی ائتماقلیقا قارداش بیان
احتیاجی یوخدی وار باشونده مطبخدن نشان
الامان ابن زیدین مجلسندن الامان
بوردا سوز یازماقیلن مستور ائدر اهل کمال
بیزده که بیر ذره یوخدور دین اسلامه خلاف
بس نیه باشون کلیسالرده ائتدی اعتکاف
آری ایستر عاشق اوز معشوقه سیندن عشق صاف
گه ائدر بتخانه منزل گه جداده چون هلال
بیز ایکی شهر ایچره گئتدوخ مجلس نامحرمه
هر ایکی سنده اوجالدی قزلاروندان همهمه
مجلسون نظمی پوزولدی خلقه دوشدی زمزمه
ایلینده خیزران دربار حکمتدن سؤال
گوئیا بیر نوعیلن تحصیل ائدوب اذن جلوس
آچدی زلفون قبر داماد اوسته توکدی نوعروس
ایلدی محبوبه سی قبر حبیبه پای بوس
دلده ناله گوزده گوز یاشی اؤرکده مین خیال
ایلدی برپا او قبر اوستونده شور رستخیز
گوردوقی جور وجفانی آختاروب وئردی تمیز
عرض ائدوب یاندیم عم اوغلی ایستدی شامی کنیز
گوردی ذلتده منی اما اوزینده چوخ جلال
غفلتاً تار نوایه وصل اولوب چنگ رباب
سود امر شوری سالوب دشت عراقه انقلاب
سسلنوب اصغر آناسی هارداسان اولدوم کباب
کیم گوروب اوچ شعبه پیکان حلق طفل خردسال
گوردولر بیر گوشه ده آغلار امام محتشم
نهر علقم سمتینه یوز قویدولار اهل حرم
وا ابوالفضلا دیوب آغلاردیلار هر بیر قدم
آز قالیردی غصه دن گوگلرده گون ائتسون زوال
معصیتله «روفه گر» یتدی عزیز عمرون باشا
گل گوزل سوز یاز سوزون ائتسون اثر محکم داشا
نچه ایل سن ئولمه مش گئت کربلاده قال یاشا
خطّۀ «تبریز»دن ال چک اولوب «قحط الرّجال»
مرحوم روفه گر
منبع مجموعه کانالهای مدح و مرثیه
موضوع: احوالات اربعین ,
زبان شعر و شاعر: نوحه ترکی , روفه گر
-------------------------------
اربعین
گنه مرغ گوگل بیر نغمۀ خوش داستان تاپدی
غریبه نغمه خوان اولدی عجب شرح وبیان تاپدی
قویوب اوز لانه سین ویرانه گئتدی غم دیارینده
دل عشاق تک ویران اولان بیر آشیان تاپدی
بهار عمرینی وئردی خزانه جور خاریله
دولاندی شرق و غربی بیر پوزولموش گلستان تاپدی
نه گوردی گوللری یکسر اولوبدور خاکیله یکسان
او گلشنده ولی بیر جمع پوزقون باغبان تاپدی
وئروب گون سوزی یولدا باغبانلار رنگینه تغییر
شکفته گول کیمی بیر دسته رنگ ارغوان تاپدی
دئمه مرغ گوگل آد قویما گَل مقصودی گیزلتمه
حسین قبرین خلاصه زینب بی خانمان تاپدی
یوزون قویدی او قبره عرض ائدوب دور گور آنام اوغلی
نه زحمتله سنون قبرون بو یورقون کاروان تاپدی
بو مدّتده باجون هئچ استراحت گورمدی یولدا
گلوب دردین دئسون ایمدی سنه دارالامان تاپدی
اجازه وئر دیوم اوز دردیمی دارالامانوندا
بو مدتده حسین دارالامان زینب هاچان تاپدی
جداده گون کیمی سیر ائتدی باشون شام و شاماتی
شب یلدا باشوندان یولدا فیض شعشعان تاپدی
خرابه کوفه ده قودی باشون خولی کول اوستونده
گلوب کول اوسته باشون نصف شب زهرا آنان تاپدی
گوتوردی باغرینا باسدی بویوردی وای حسینیم وای
اوغول سن تک قوناق دنیاده هانسی میزبان تاپدی
حسین مرجانه اوغلی مجلسینده قویمادی نقصان
تماشایه او بزمه یول تماماً کوفیان تاپدی
نصارالر کلیساسینده قالدی بیر گجه باشون
موفق اولدی راهب دین حق انجیلیان تاپدی
گجه بیر خردا قز یوللاردا یورقون ناقه دن دوشدی
دایاندی قانلو باشون گئتمدی تا ساربان تاپدی
گیرنده شامه باشون بیر بیره شام اهلی سویلردی
امیر شامه هاردان شمر بیله ارمغان تاپدی
رعیت شهردن چخدی کناره باغلادی بازار
عجب گون لر حریم عصمت اسلامیان تاپدی
حسین دروازۀ ساعتده دوردوخ بیر نچه ساعت
او وضعیله بیزی بیر نچه دسته کف زنان تاپدی
خلاصه شامدن شامه دئسم سوز واردی سینمده
نلر گوردوخ نه محنتلر بو زار و ناتوان تاپدی
ولی وئرّم اشاره مجلس شطرنجدن قارداش
مباهات ائتماقا چون وقت فرصت شامیان تاپدی
نجه مجلس قویولموش بیر طرفده تختۀ شطرنج
دولاندی هر طرفدن می بساطین ساقیان تاپدی
یزید ائتدی اشاره ساقیا بیر بادۀ گلگون
عجب بختیم دولاندی بیر بئله خوش بیر زمان تاپدی
ایچوب می اوینادی شطرنج اولاندا هر زمان غالب
حریفه اوز غلامیندن دونوب بیر خیزران تاپدی
بیزی ویرانه منزلدن ائدنده مجلسه احضار
جفاجولر دولاندی نچّه محکم ریسمان تاپدی
قویونلار تک بیزی محکم طنابه باغلادی دشمن
یخلدیم عمه وردین خردا قزلار هم زمان تاپدی
قاباقجا سید سجاد باغلاندی من آخرده
او حالیله بیزی مجلس ایچینده ایلچیان تاپدی
سوزون ساخلا بو یرده یازما قالسون مطلبون ناقص
حسین قبرین مکرر گورموشم ناقص یازان تاپدی
((رفوگر)) گورسه بیر وقفه اؤزون قبرون کنارینده
یقین ایلر ایکی دنیاده خیر جاودان تاپدی
مرحوم روفه گر
منبع مجموعه کانالهای مدح و مرثیه
موضوع: احوالات اربعین ,
زبان شعر و شاعر: نوحه ترکی , روفه گر
-------------------------------
سرانجام سه تیر در روز عاشورا
اوچ اوخ آتیلدی عاشرشهرالحرامیدن
اوچ وقتیده عساکراشرارشامیدن
اول او وقتیدی که حسین بن فاطمه
تاپدی علی اصغری آغلار خیامیدن
میدانه گتدی آلدی الی استه اصغری
سو ایستدی او لشکربی ننگ و نامیدن
سو ویرمدیله حرمله آلدی کمان اله
سالدی نظام عالمی نظم و نظامیدن
حلق علی اصغری قویدی نشانیه
باک ایتمدی او صاحب یوم القیامیدن
اما ایکمجی اوخ که آتیلدی او دشتیده
دگدی جبین حضرت عباس نامیدن
ووردی عمامه سین حسن مجتبا یره
جنات عدنیده بیله ظلم عظامیدن
یانسین دلیم اوچومچی سین ایلوم نجه بیان
یازما قلم حیا ایله سن خاص و عامیدن
اوچ شعبه اوخ سوسوزدان آلشموش اورک باشی
وارچوخ تعجبیم بیله ظلم تمامیدن
گلدی دگوبدی قلب امام اولدی داغدار
دوشدی قوام عالم امکان قوامیدن
پران گلوب هوادن آلوب پرلری هوا
یکسرگیچوبدی پرلری پشت امامیدن
ازبسکه گیتدی قانی آت استه دورانمادی
بی طاقت اولدی شدت زخم سهامیدن
ایتدی ایکی ایاقینی خالی رکابیدن
ال چکدی ایله مرکب زرین لجامیدن
حیوانه باخ که صاحبینین بلدی مقصدین
قدین خم ایلدی ادب و احترامیدن
اوزقبرینین یرینده قویوب صاحبین یره
رد اولدی ذوالجناح ایله عالی مقامیدن
ایسی قوم استه قالدی امام حال ضعفیله
عاجزاولوبدی ظاهرا اول شه قیامیدن
ناگاه ابن سعد ووروب لشکره نهیب
فرمان اولوب قشون او الد الخصامیدن
بیردن یریندن اوینادی آتلی پیاده لر
باران کیمی توکردیله اوخ چون غمامیدن
خورشید آسمان جلالت علی قیزی
چیخدی او گیرداریده ناگه خیامیدن
گوردی بو سس گلور که وورون قویمیون قصور
بدرو احد چولونده قالان انتقامیدن
بلدی یخوبلا قارداشینی قانلی مقتله
ایستردی بیرخبربله اول تشنه کامیدن
میدانه گلدی تاپدی چوخوریرده قارداشین
دوشدی قرارو طاقت و صبرو دوامیدن
گوردی حسینین استینه لشکرهجوم ایدوب
هربیرگلن ووراراوخ امیرو غلامیدن
یوزدوتدی ابن سعده دیدی سن باخا باخا
علت ندورحسینه بیله قتل عامیدن
سسلندی شاه تشنه لبان گل آنام باجی
منت قبول ایتمه بو شوم و لئامیدن
روزازلده ساقی غم جامین آلموشام
من ایچموشم دویونجا او لبریز جامیدن
سرمست عشق اولوب ایلدیم ماسوانی ترک
روزالست باغلانان عهد و پیامیدن
گیت خیمگاهه آغلاما صبر ایت آنام باجی
چوخ گلمه شورو شیونه ظلم ظلامیدن
ذی حقیدور قلم دایانا (روفه گر) دایان
یازما شهادت شه لب تشنه کامیدن
مرحوم روفه گرتبریزی
منبع کانال گنجینه گذشتگان
موضوع: احوالات تاسوعا و عاشورا ,
زبان شعر و شاعر: نوحه ترکی , روفه گر , حاجی روفه گر
-------------------------------
ولادت حضرت امام حسین (علیه السلام)
استدی قیلسون منورعالمی نورحسین
گلدی زهرادن ظهوره نورمستورحسین
امر اولوب بنت رسوله غیبیدن لعیا گله
حضرت صدیقه کبرایه اولسون قابله
نازل اولدی نورپاکی شوقیله آلدی اله
گوردی شمسه غالب ایلرنورمطهور حسین
دوشدی فورا تپراقاال استن اول عالی وجود
قویدی آنین سجدیه معبودینه قیلدی سجود
آشکارایلردی اول دم جودینی آثارجود
اولدی واضح ماسوایه وصف مذکورحسین
مصدر لاریبیدن اذن آلدی جبریل امین
تا حسین نوریله ایتسون زینت عرش برین
آلدی قنداقین اله اول پیک رب العالمین
دایه لوق امریله چون اولموشدی مامورحسین
گیتدی عرشه فرشیدن اول قاصد کوی وفا
ایستدی ویرسون حسین باشیله تا عرشه صفا
امراولوب باشینداکی دستماله ایله اکتفا
روشن ایلر عرش و فرشی پرتو نور حسین
بیرباشیکه اولمادی راضی خدای ذوالجلال
عرشینه روح الامین ویرسین او باشیله جلال
بس نجه کسدی او باشی شمرایدوب پژمرده حال
نیزه لرده زینت اولدی راس منحورحسین
ایسی قوملاراسته قالدی پیکری فرد و وحید
ذکرایدوب قران جدا باشیندا سلطان شهید
سینه مکسوری استه آت چاپوب قوم پلید
پایمال اولدی ستمله صدرمکسورحسین
دوتدی یوز نیزه باشیندا خیمیه شاه شهید
آیه کهفی اوجا آوازیله ایتدی بیان
آگه اولدی بو صدادن زینب بیخانمان
آشکار ایتدی دلینده ورد مذکور حسین
چیخدی اول دم خیملردن زینب علیا جناب
قتلگاهه یوزقویوبقیلدی بو نوعیله خطاب
قالدیلار باشسیز باجون السون عیال بوتراب
دوره می آلدی مخالف یوخدی منصور حسین
خیملریاندی داغیلدی چوللره آل رسول
الآچوبلار غارته ظلمیله بو قوم جهول
قالموشام دشمن ایچنده گورنجه زارو ملول
آشنا یوخ نینوا دشتین دوتوب شورحسین
مرحوم روفه گرتبریزی
منبع کانال گنجینه گذشتگان
موضوع: حضرت امام حسین (ع) میلاد ,
زبان شعر و شاعر: نوحه ترکی , روفه گر
-------------------------------
احوالات شام غریبان حضرت امام حسین (ع)
پریشان حال اولان ، حالین بیان ایلر پریشانه
پریشان حال ، حال اهلین آرار آخر ، نه بیگانه
طبیبِ عشقه تفسیر ایلدیم اوز حالِ زاریمدن
علاج ، دردیمه یازدی فقط بیر لفظِ دیوانه
بشر صِنفین آیردی اوز ایلیندن خانمانیندن
قضا ویرانه ده مسکن ویروب ارواحِ انسانه
ئولن هر قدر اولسا ، خوش عمل گیتسه بو دنیادن
گینه چوخ مستحقدور خانهء مدفنده احسانه
قویوبدور بو قراری حضرتِ پیغمبرِ اکرم
نمازِ وحشت آلسونلار ئولن گون هر مسلمانه
یغالّا بیر یره اهل و عیالین ، قوم و قارداشین
گلوللّر تسلیت ویرماقلیقا شامِ غریبانه
ندن کرب و بلاده اولمادی بو قاعده جاری؟
پوزولدی خانمانلار ، هم تالاندی یاندی کاشانه
ویروبله اهلِ بیته پاره پاره خیمده منزل
اوشاقلار آج سوسوز یورقون ، گلوبلر نی تک افغانه
هره بیر گوشه ده ، باش غم دیزینده فکره پیچیده
آخوب گوز یاشلاری یر اوزره بنزر آبِ نیسانه
کشیکچی عصمتِ کبری' قیزی بی خانمان زینب
کیمه دردین دیسون کیم تسلیت ویرسون او نالانه؟
ئولنلر فکرین ایتسون؟ یا قالانلار دردینه یتسون؟
و یا ایتسون تحمّل جور و ظلمِ آلِ سفیانه
گجه بیر وقت گچدی گوردی زینب بیر بالا یوخدی
سراسیمه چخوبدور خیمه دن یوز قویدی میدانه
گیدردی گه دیردی هارداسان عمَّن سنه قربان
سسیمه ویرمَسَن سس ، ایلرم دنیانی ویرانه
سنی آخر وداعینده بابان چوخ تاپشوروب گیتدی
هنوز اوّل گجه ، سن هاراداسان؟ ای نازلی دُردانه
نه گوردی سس گلور آهسته عمّه بوردیَم گَل گور
بابامون مصرعینده ایتموشم برپا عزاخانه
بابامی عمّه چوخ ایستدی گوگلوم ، دوروب گلدیم
یتشدیم بو دلِ شبده حضورِ شاهِ عطشانه
گزوب میدانی بی پروا ، چوخ آختاردوم بابام نعشین
بو یردن گلدی سس آختارما گَل ای شمعه پروانه
گَل اگلش بیر زمان منله اولاخ همدرد و هم ناله
نجه گور ایتمیشم چیده بیر اوضاعِ مُلوکانه
چراغیم شعلهء آهیمدی ، فرشیم قانلی توپراقدور
یارالی سینه جُزوَم ، آغلارام بو روحِ قرآنه
عزاخانه بساطی جمع اولوب ، اوخشا حزین آغلا
توکوب گوز یاشی عمرینجه بیله بیر بزمِ جانانه
حسینین بو قیزیندان (روفه گر) محکم یاپوش چوخ ، آل
ازل دنیا مالی نقدا" ، دالینجا ایسته ماهانه.
مرحوم روفه گر
منبع مجموعه کانالهای مدح و مرثیه
موضوع: حضرت امام حسین (ع) شام غریبان ,
زبان شعر و شاعر: نوحه ترکی , روفه گر
-------------------------------
احوالات حضرت ابوالفضل (ع)
حسینیلر مَعاصینون اگر وار عُرفده حدّی
اماندی پوزمیون سیز کربلاده باغلانان سدّی
اونون معموره سی عبّاس قانیله اولوب محکم
توکون گوز یاشی صدقیله سیزه دنیاده یتمز غم
حدیثِ کربلا ذکر اولدی باتدیم محنت و یاسه
دولاندی سرسخن یتیشدی رأسِ عبّاسه
خبرلرده اولوب چوخ کشمکش بو مطلب اوستونده
کسیک قولّاریله نجه دایاندی مرکب اوستونده؟
یدِ مقطوعیله دوتمشدی الده بیرقِ اسلام
دیشینده تیغی ایلردی گلن سردسته نی اعدام
صدای الحذر اوج ایلمیشدی طاقِ نه طاقه
غریوِ غلغله بیر هایهو سالمیشدی آفاقه
صاق و صولدان قباقدان دسته لر مغلوب اولوب قاچدی
او حالتیله مفصّل کثرته وحدتله یول آچدی
قضا انگشتی ، دندانِ تحیّرده قالوب حیران
یری وار زینبِ کبری' دیسون من شَصتوه قربان
بو اثناده بلا پیکانی اوز زورین نشان ویردی
هدف عبّاسِ نام آور جبینین تا نشان ویردی
دیمم اوچ شعبه اوخ گلدی نجه پیشانیه دگدی
حسینون قدّینی لیکن عمودِ آهنین اگدی
نجه شقُّ القَمر اوضاعنی گوستردی پیغمبر
اونی تجدید ایدوب عبّاسیله باهم علی اکبر
دوشنده خاطره هر دم یارالی باش ، فرجامی
اولور معلوم عالَمده اولان امرون سرانجامی
دیر راوی ایدنده جلوه نوکِ نیزده باشلار
یولوندی آلِ عصمتده سراسر مشگمو ساچلار
ولی سردار باشین گورمدیم من نیزده گویا
او باشه واریمیش بیر آیری منزل و مأوا
نچه مأمور آلوب فرمان بساطِ ظلمینی قورسون
دگل ممکن او باشی نیزه داری نیزیه وورسون
همان راوی دیر من کوفده گوردوم سمند اوسته
گلور بیر نفر بیر سرله ولی آهسته آهسته
ولی قرصِ قمر نورین دوتوبدی عقرب میزان
نه گوردوم مرکبون بوینوندا وار بیر مشعل آویزان
یقین ایتدیم که بو رأسِ علمدارِ شهِ دیندور
عمودِ آهنین زخمی او باشدا آیتِ کیندور
(روفه گر) معصیت پیمانه سین چوخ ایلیوب سرشار
خیال ایلر اگر لطف ایله سن اولسون اودا ، زوّار
بو شرطیله که محروم اولماسین بو فیضدن حضّار
اوخونسون روضهء عبّاسیده ذوقیله بو اشعار.
مرحوم روفه گر
منبع مجموعه کانالهای مدح و مرثیه
موضوع: حضرت ابوالفضل العباس (ع) احوالات ,
زبان شعر و شاعر: نوحه ترکی , روفه گر
-------------------------------
احوالات قتلگاه
داد او ساعتدن دوشوب ارکانِ عرشه ولوله
سبطِ طاهانی سالاندا مَرکب اوستن مقتله
هولیله تاجین آتوب باشدان یر اوسته جبرئیل
سسلدی اللهُ اکبر سالدی کونه زلزله
کعبه و منا و رمزم ، ایلدی بیر زمزمه
کعبهء مقصود ایدنده قان ایچینده هروله
جانِ عالَم قوملار اوسته ، قان ایچینده ضعفیده
دوشدی سُکّانِ سماواته خروش و غلغله
شمرِ دون سسلندی ایمدی من بولوندورّم سیزه
بیر سیاستله اولار سیزلرده رفعِ قائله
ویردی فرمان لشگره ، اولدی ایکی حِصّه قوشون
ایستدی اوز بولدوقی مقصودی تا گلسون اله
خیمه لر اوسته یریتدی لشگرین بیر حصّه سین
دستهء دیگر هارا گیتدی گیچاق ، قالسون هله
تا چالیندی کرّ و نای و طبل و طنبور و دُهُل
آز قالوب خوردا اوشاقلار خوف و وحشتدن ئوله
گون کیمی زینب طلوع ایتدی کنارِ خیمه دن
تا نظر سالدی او وضعِ سخته ، امرِ مشگله
اللری باشدا قاچوب تلّه هرایه سسلدی
قارداشی شاید که بیرده بلکه فریاده گَله
رحمسیز دشمن الینده قالدی خوردا قیزلارون
داده گَل قارداش دگل هنگامِ صبر و حوصله
زینبِ کبرادن آلدی شاهِ مظلومان سسی
قان ایچینده بیر دوروب اگلشدی پوزقون حالیله
سسلدی من ئولمه میش لشگر ، هله قورخوتمیون
بانوانِ عصمتِ طاهانی سیز بو نوعیله
من عرب ، سیزده عرب ، انصاف ایدون ای کوفیان
بی پناه عورت اوشاق ، بو هایهو بو هلهله
ویرمیون الدن عرب رسمین ، نقدری من صاقام
خیمه گاهه گیتمیون ، ایتمون جسارت بیر بئله
لشگره برگشت فرمانین ویروب شمرِ دنی
نَهبدن محروم اولان لشگر ایدوبله هلهله
قیل و قال اولدی ، او اثناده قوشون یول آچدیلار
بیر طرفدن گلدی خولی ، بیر طرفدن حرمله
داش وورانلار بیر طرفدن آلدیلار دور و بَرین
بعضی سی الده قلج ، بعضی ووراردی سنگله
کشمکشلر اولدی ووردی اولقَدَر یاره عدو
شرحینه من عاجزم ، گیت بیر اوزون باخ مقتله
نقشهء جسمین پوزوبدور یکسره آلاتِ حرب
برگ برگ اوراق اولوب ، بنزردی بیر خندان گُله
مقتلِ شاهِ شهیده یتدی اولوقته سَنان
شل اولیدی اللری ، تا نیزه سین آلدی اله
نیزه نی ایله ووروب غیظیله تشنه حلقینه
بند اولوب نوکِ سِنان ، دوشدی یوز اوسته مقتله
نیزه نی خارج ایدوب ، ووردی دوباره کِتفینه
ظلمِ اعظمدن دوشوب کون و مکانه ولوله
سعدین اوغلی ویردی فرمان لشگره تعجیل ایدون
ئولدورون گَلسون منیم نخلِ امیدیم حاصله
قتلِ شاهِ بیکسه مأمور اولوب نچّه نفر
اهلِ دل لازمدی دلدن بو بیاناتی بوله
هیچ بیری اقدام ایدنموب قتلِ شاهِ بیکسه
قاتلی تصویب اولوب شمرِ لعین و دون گله
آیریلوب شمرِ ستمگر لشگرِ گمراهدن
مصرعِ شاهنشهه گلدی دوروب ، بی فاصله
بیر طرفدن زینبِ کبری' چیخوب خرگاهدن
بیر طرفدن شمرِ ذی الجوشن گلوبدی مقتله
مخزنِ علمِ خدایه چکمه لی قویدی قدم
کینهء دیرینه سین تا که یتورسون کامله
من دیمم نه ظلم ایدوب ازّلده شاهِ بیکسه
قویدی خنجر ، حنجرِ سلطانِ دینه ظلمیله
زور ویردی هر قَدَر ، خنجر بوغازین کسمدی
دوندروب سالدی یوز اوسته ، شاهِ دینی غیظیله
ایتمدی شرم و حیا ، جدّی پیمبردن او دون
کسدی لب تشنه باشین ، گلمز داخی شرحی دِله
سخت مبحثده دایاندی چون شهادت وقعه سی
(روفه گر) وورما قلم ، ایتمه جسارت بیر بیله.
مرحوم روفه گر
منبع مجموعه کانالهای مدح و مرثیه
موضوع: احوالات قتلگاه ,
زبان شعر و شاعر: نوحه ترکی , روفه گر
-------------------------------
زبانحال به حضرت امام حسین (علیه السلام)
نه مدتیدی حسین بیر غمون خیال ایلرم
گجه گونوز اوزیمه شغل، اتصال ایلرم
جمال یار، دل آئینه سنده جلوه لنور
حجاب عاریه سین پرده جمال ایلرم
نگار مجلسنون عیش و عشرتین گوره لی
تمام محنتی عالمده آیری حال ایلرم
نه من علاقه دنیادن ال چکوب گیچرم
نه یار مجلسینه گیتماقا مجال ایلرم
جنون عشق اولالی عقل و هوش زنجیرین
یغوب دقیقه و ساعتلره مدال ایلرم
شراب عشقیله سرمست اولان قبول ایلسه
اشاره ئیله اونا شرح عرض حال ایلرم
نگارخانه چین نقشه سین یقین پوزارام
او صورت ابدی امره امتثال ایلرم
نسیم صبحی نفسدن سالوب ز بس نفسیم
دونوب نسیم شمالیله قیل و قال ایلرم
خدیو مملکت عشقدن اجازه آلوب
اگر دیم سوزیمی، کونی پر ملال ایلرم
بلا خزینه سی سینمده عطر یاسمنی
اوزیمه دولت دنیادن اجتمال ایلرم
مریض عشق وصالم، هانی دوا؟ گتورون
دوا غذا اوزیمه اشک چشم آل ایلرم
گتوردی تنگه داخی تنگنای شهر منی
شکایته دل آچوب، شهرت کمال ایلرم
بیر عمردور منی دلدار، حبس تاره سالوب
یخوب او محبس دلداری پایمال ایلرم
طلوع ایلسه گر آفتاب عالمتاب
گیدوب حضورینه بو سردن سوال ایلرم
سبب ندور آقا جدون حسین، بیر ایاقین
قویوب او زنگیه قویدی یره، خیال ایلرم
همان او نکته نی مستور ایدوبدی پرده غیب
اوزوم بو یرده سوزی شرح احتمال ایلرم
معاینه گورورم دوره سینده اهل حرم
دوروبلا شرحنه، نفسیمدن انفعال ایلرم
یوزینه سیلی ووران باش آچان، یازا قلمیم
زبان خامه آثاری جمله لال ایلرم
اوجا سسیله بویوردی باجی گلون گیدورم
منی حلال ایلیون، من سیزی حلال ایلرم
منی قوناخ چاقوروب ذوالجلال مجلسینه
قبول دعوت خلاق ذوالجلال ایلرم
حبیب مجلسی دور، قرمزی گیوب گیدرم
باشیمدا اون ایکی خط تاجینی جلال ایلرم
الیمده قابل اولان تحفه، یار مجلسینه
قبول اولنماقا بیر طفل خردسال ایلرم
اگر تاپولماسا طوی مجلسنده شال عزا
بو قانلی قونداقی، جبران عبره شال ایلرم
متاعمیز آز اولا، سانما یوخدی آیری متاع
نگاره فدیه نچه سرو نونهال ایلرم
جفا سپنگی ووران داش یری جبینیمده
نگار مجلسنه یوزده نقش خال ایلرم
الیمی قوی باجی جان سینوه، ایله ساکت
خیال ایتمه عبث ترک ملک و مال ایلرم
بو امردور منه، بوندانصورا سنی اوزیمه
کفیل محنت و مستحفظ عیال ایلرم
ولی آنام باجی صبر ایله، باشوی آچما
او دم که گون دوتولور، گون کیمی زوال ایلرم
نقدری گلسه بلا صبر ایله دایان، باجی جان
سنی سپرده خلاق بی مثال ایلرم
علاوه قویما سکینم چوخ ایلسون شیون
او سویگولومدی منیم، بیله شرح حال ایلرم
یارالی جسمنه سانما تاپولماسا غسال
ثلاثه غسلی اوزوم قاندان اغتسال ایلرم
علوم غیبیله منده، بو سینه صفحه سینی
گلنده قاتلیمه صفحه نعال ایلرم
گجه قرانلوقی اوز ساربانیمیله باجی
ویرنده ال اله، بیر مجلس وصال ایلرم
بو خوردا بارماقیله بیر اوزوک اگر ویرم
ویرنده بجدله تقدیم لایزال ایلرم
باشیم دالنجا من هشتاده دین قرا گینی
یارالی باشیمه جدیم کیمی، بلال ایلرم
شکنج زلف علی اکبریله قیزلاریمی
کمنده باغلاماقا بیر سوری غزال ایلرم
طریق عشقده مجنون حق اولان باشیما
سیزی آنام باجی، لیلای بیمثال ایلرم
و لیک کوفه ده مطبخده بیر گجه قالام
همان گجه سیزیلن جبرا انفصال ایلرم
دفاعی، مومنه جدیم خبر ویروبدی بیزه
اودور بو عرصه ده یالقوز گیدوب جدال ایلرم
گر اولماسیدی ازل، عهد حی لم یزلی
قوشون دوتا هامی دنیانی پایمال ایلرم
قوناخ گلن چوخ اولا، آتلی، یا پیاده گلن
بو سینه بندلریندن دوغرانان خلال ایلرم
شکسته اوخلاری سینمه ده قرب وصله اوچام
نظامیه دوزرم، اوءجا پر و بال ایلرم
اگر (روفه گریمیز) صدق اوزیله نوحه یازا
هر ایکی نشئه ده، سر شعبه رجال ایلرم
مرحوم روفه گر
منبع مجموعه کانالهای مدح و مرثیه
موضوع: حضرت امام حسین (ع) زبانحال ,
زبان شعر و شاعر: نوحه ترکی , روفه گر
-------------------------------
در مدح حضرت زینب کبری (سلام الله)
مقام زینب کبراده ایسته سن یازاسان
خطا گیدر قلمین یازدیقین سوزی آزا سان
سولارمرکب اولا یا قلم اولا اشجار
یازیلسا آخره یتمزتمام لیل و نهار
ایشتموشم بو سوزی بیر صحیح عالیمدن
مبرز علمادن عقیده سالیمدن
تولدنده بونون جبرئیل آدین گتوروب
رسول اکرمه الله دین سوزی یتوروب
که ای پیمبرحق وار بو یرده بیر مطلب
او علته بو قیزین قویموشام آدین زینب
نه چون آتاسی بونون شیرحق داوردی
آدین قویوب علی اعلا بشر مصوردی
او حلم وارثی زینب بتوله وارث غم
امام خطینی سیر ایلین قدم بقدم
بونا برابر اولانماز مقامیده سارا
بونون آناسیدی عالمده هصمت کبرا
بو بیرخانیمدی که عصمتده فرد عالمدور
حجاب دایره سینده کنیزی مریمدور
بونون اسارتی بیرسردور اوزی مکنون
بلنمز علتینی مینلراولسا دارفنون
اسیریدی ولی احیای دینیدی غرضی
شفاعتی اولونوبدی اسارتین عوضی
مقام صبره صدارتدن امتیازآلدی
او قدرایلدی صبری حیرته سالدی
یازوبدی (شوشتری) روشندی گون کیمی مطلب
بلردی علم غیوباتی حضرت زینب
تمام مسجد و منبرده زینبین سسی وار
مگرایشتمموسن جلد زینبیه سی وار
کیمین نه جرئتی وارزینبی اسیر ایلسون
اولورکه روبه اولان شیری دستگیر ایلسون
ثبات صبرینه کروبیان دیدی تبریک
شهادت امرینه بعضیلری یازوبلا شریک
بلی اسیریدی سلطان کربلا باشینا
دوشوب او باش دالسینجا گیدردی اوز باشینا
امامی ساخلامادی نقل ام ایمنیله؟
مباحثین ندور ای مشفقا سنون منیله
مگراو ساخلامادی کوفه ده هامی نفسی
توفق ایلمدی بانگ ناله و جرسی
عبث دگیلدی اوزی کوفه ده باشین یاردی
یازوبدولارعلما نچه علتی واردی
بیرعلتی اوئیدی واربیرعلتی دگری
همینکه قارداشینین دوشدی باشینه نظری
گل عارضینده گوروبدورکه کول علامتی وار
مصوراولدی نظرده که نه حکایتی وار
دیدی حسین بو گیجه هاردا منزل ایتموشدون
کسیک باشیله کیمه لطف کامل ایتموشدون
حرملرین آنام اوغلی گوزیندن آتموشودون
قوناق گیدوب کیمه بلدوم که هاردا یاتموشودون
یقین اولان بو گیجه عالی مامنون واریموش
کول استه خولی ایوینده نشیمنین واریموش
چوخ اینجیوب گونوزی یوخسا رفع زحمت ایچون
گیجه تنوریده یرتاپدون استراحت ایچون
بتول سینه سینه باش قویاندا نازایتدون
کول استه بس باجین السون نه اهتزازایتدون
دیوب اورک سوزینی دمبدم فغانیله
باشینی محمله چالدی بویاندی قانیله
قاشی گوزی گل اوزی قاره معجری قانلی
ووراردی باشینه باش قانلی اللری قانلی
زیادین اوغلونا اوزمجلسینده ویردی جواب
مهیب صوتیله ایتدی اونا عتاب و خطاب
لطیفیدی یوزی گلدن دیمه غلطدی مثال
باخون دالیندا سوزوم واربلوله اهل کمال
گرنده صورتینی آفتاب عالمتاب
حیا ایدوب یوزینه ابریدن سالاردی نقاب
سالیندی قبه افلاکه پوشش نیلی
تعجبم نجه دگدی ایله یوزه سیلی
واریدی علم ریاضتده چوخ اونون ادبی
دیوله بیرگیجه ترک ایتمیوب نمازشبی
نجه بو سوز دیولن وقته گلمیوب داده
ویروله نسبت قولین امام سجاده
دیورخرابه ده گوردوم بیراودلی منظرده
نماز شب قیلورعمم اوتوردیقی یرده
دیورکه بیرگونی گوردوم خرابه شامیده من
ایله سیزیلدوری عمم قرارآلور دلدن
دیدیم بو نوعی گوروم بوردا آغلیان کیمدی
شرارآهیله دنیانی داغلیان کیمدی
باخوب نگوردوم او کان حیا بیبیم زینب
قوری یراسته الینده ساچی بدردو تعب
دوتوبدی غصه وجودین گلوب دلی درده
نمازشب قیلورعمم اوتوردوقی یرده
سئوال ایلدیم عمه ندوربونون سببی
ایاقه دورمادون ایتدون ادا نمازشبی
جواب ویردی اوغول طاقت و دوام قیام
اولاراو کیمسه ده میل ایلیه دویونجا طعام
دیدی اوزون بلوسن ای امام دل رنجور
خرابیه گللی آل مصطفی مقهور
قویوب قرارایکی قرص نان والی شام
بیرین ویروله بیزه صبحیلربیرین آخشام
اولوربویوکلره بیرزحمتیله قوت جان
ولی اشاقلارا ازبس چتین اولورگذران
بابان ایدوبدی منی چونکه کافل ایتام
گرک اوزوم قالا م آج اونلاری ایدم اطعام
یتیم اشاقلاری گوردومطعامه چوخ محتاج
بو گیجه اوچ گیجه دوریاتموشام خرابه ده آج
اوزیمی بذلیده اوخشاتموشام کریم لره
طعام قسمتیمی ویرموشم یتیملره
گیدوب توانیم اوغول اولموشام داخی خسته
یوخومدی تاب دورا بلمورم ایاق استه
دویورموشام او یتیمی که آج قویوب کفار
قصوریم اولسا باغشلار بو حالیمی غفار
بولود کیمی دولی گوزواردی کیمده یاندوراجاق
گله منیله گیداق واربیرآیری دالدناجاق
گیداق خربه شامه عزا سیاقینده
رقیه جان ویروری زینبین قوجاقینده
گیجه قرانلوقی یوخ یانلاریندا نا محرم
آچوبلا با شلارینی جمله بانوان حرم
گون اوزلو لر یوزینه چترآچوبدی زلف سیاه
معاینهبولود آتدا دوروبدی شعله ماه
لباس کهنه ایچنده بسان قرص قمر
اولوبدی یوزلرینین نوری باشلارا معجر
قبول ایدوب بولارین حفظینی اوزی الله
اودور که آدلاری دللرده قالدی آل الله
(رفوگروز)غم الیندن توکندی جانه گلوب
بو سوزلری قاپوزا ایلیوب بهانه گلوب
مرحوم روفه گر
منبع مجموعه کانالهای مدح و مرثیه
موضوع: حضرت زینب کبری (س) مدح ,
زبان شعر و شاعر: نوحه ترکی , روفه گر
-------------------------------
احوالات عاشورا
روز عاشورا اسوب آیا نجه باد خزان
نه قالوب گلشن، نه گل نه بلبل و نه باغبان
جور خاریله قزل گللر سولوب، غنچه سولوب
قصه جانسوز وحشتدور بو غملی داستان
سطح غبرادن سماواته کیمی صف صف دوروب
اللرینده اودلی حربه، منتظر کروبیان
نه طبقده باش آچوخ فریاد ایدر روح الامین
اورگدور لاهوتیانه ورد و ذکر الامان
پرده نیلی سالندی طاق عرش اعظمه
مجلس ماتم ایدوب چیده، خدای لامکان
جمع اولوب دوردومجی گویده بیت معموره ملک
جبرئیل اولدی او مجلسده حسینه نوحه خوان
انبیا باشدان گوتوردی جمله سی تاج شرف
نوحه باشلاندی، آچوب سینه، هامی قدوسیان
حوریان، جنات عدن ایچره آچوبلار باشلارین
خازن رضوان اولوب اهل بهشته روضه خوان
آیه مظلوم و ظالم، متصل روح الامین
کشف ایدر، تفسرینه عیناً ویرور شرح و بیان
هولیله سسلندی اسرافیل، محشردور مگر؟
جمله تعطیل ایلیوب کابینه هفت آسمان
گوئیا ویردی جوابین حضرت روح الامین
محشر کبرا دگل، نفخ ایلمه صوری، دایان
کربلاده ختم اولوب امر شهادت یکسره
خیمه زرین طناب اوسته توکولدی کوفیان
گورموسن پیغمبر اکرم سراسیمه قاچار
ال ایاق قانلی، محاسندن آخور چون لخته قان
حضرت زهرا آچوب باشین، بالام وای سسلنور
گورسنور آثار ثکلا، خط مشیندن عیان
غرق اولوب قانلی تپراقه جمال بوتراب
شعله آهنده واردور مشعل آتش فشان
آیری بیر عالمده مشی ایلر امام ممتحن
عین ثاراللهیله ایلوب وجودین ارمغان
کربلاده غارت خیمه اساسی ختم اولوب
دسته به دسته گیدر، فوج ملایک پاسبان
سوز یتوشدی بیر یره نظمنده دلدن عاجزم
اوزلری امداد قیلسا، ایلرم مجمل بیان
توکدولر زنجیری زنجیر اوستنه سرکرده لر
دوندروبلر خیمه گردون جلال اوسته عنان
گون قزیشدوردی، یانوب اغلال آهن، سسلنوب
حلقه لر بیر بیر دوشاخیله اولوبلار همزبان
پیچ اندر پیچ اولوب، قولاردا اللرده، طناب
کندیه الفت، ایاقدا سالدی محکم ریسمان
ویردی فرمان شمر دون زنجیریله باغلاندیلار
سالم و ناخوش، ضعیف و خسته، یورقون ناتوان
بعضی اشرار عربدن اللرینده قمچی لر
آل بوسفیان مدحنده اولوبلار شعر خوان
سطر اشعار منظم تک دوزولدی ناقه لر
ایستدی کوچ ایلسون سمت دمشقه کاروان
بیر طرفدن شاد و خرم، کف چالان، آت اوینادان
بیر طرفده یتمش بیر الده نصب اولوب دارالسنان
قرص خورشید درخشان تک دوزولدی نیزیه
قانلی باشلار، شیرخواره طفل یا پیر و جوان
بست ایدیهم الی الاعناق، فرمایش ایدوب
حامی دین مقدس، مهدی صاحب زمان
سبی اهلک کاالعبید بسته زنجیر ایدوب
اولدولار بیر سلسله، مقهور اشرار زمان
توسن طبعیم بو یرده رم یدی، سیندی قلم
اود دوتوب یاندی آلشدی دفتر شرح و بیان
غالب اوتوزمین جماعت، قان توکن رحم ایتمین
ظاهراً مغلوب اولان، هشتاده دین بی خانمان
کیم سوار ایتدی؟ اوزون باخ دقتیله مقتله
هر نه گورسن، دوشمه تردیده، قبول ایله اینان
صاق طرفدن میندیرنده ناقیه خوردا قیزی
صول طرفده خاک ذلتده تاپاردی ساربان
گر یازام بی پرده، بی پرده دیلر اهل حرم
سوز غلط دوشمز، سوزون مغزینده وار بیر اوزگه جان
زینب کبرا مگر سعد اوغلونا امر ایتمدی
امر ایله ویرسون بیزیم معجرلری شمر و سنان
قیزلارین بعضاً اوچون دوردون، معا میندیردیلر
قتلگهدن کوفیه تا کاروان اولسون روان
طبل و کوس آوازه ئیله رم ییردی ناقه لر
هر اوشاق دوشسیدی سسلردی باجی گیتمه دایان
یول آچوب شه، جاده خوشحال اولدی ایتدی افتخار
یر دئدی وار بو قدملردن خدایه امتنان
ریزه داشلار، راکب و مرکوب، ایاقینده یاتوب
خجلتندن باش قویوب اولدی تراب ایچره نهان
گزلدوب توز تپراقی، جوفینده انفاس هوا
بیر جدا حدینده آچدی باشلار اوسته سایبان
یل اسوب، تللر جدالرده داغیلدی یوزلره
تار ظلمت پرده لرده گزلنوب لر، مه رخان
بیر بالا عرض ایلدی عمه بابام باشی هانی؟
زینب کبرا بویوردی، وار اونا بیر میزبان
کوفیه قبلاً رئیس قافله باشی گیدوب
دوتماقا خولی ایوینده منزل ایتسون میهمان
مستمع انصاف ایله! لیلا اگر اکبر باشین
گورمسه مجنون کیمی صحرالری ایلر مکان
پیکر ماه تمامی گوردی نیزه ده
رهگذار کوفه نی مملو ایدوبدور شعشعان
صورتین نقاش قدرت، اوز الیله نقش ایدوب
ایله تصویره، نظاره ایتمیوب چشم جهان
نوعروسون طایر روحی، جدا حدی اوچوب
زلف پرچینینده دامادین ایدوبدور آشیان
عشقینین صدق اولماقین، داماده اثبات ایلدی
کنده و زنجیر دشمنله ویروبدور امتحان
اصغرین قانلی باشین، تا نیزده گوردی رباب
بولدی سلطان دمشقه گوندروللر ارمغان
حال ثکلاسین بروزه ویردی دولدوردی گوزین
گوئیا سانسیز توکر گل یپراقین باد خزان
خاتمه تاپدی، وورولسون اوز یرینده هر باشی
گلدی سعد اوغلی روءسه بیر به بیر تا ویردی سان
سسلدی میر سپه، سردار باشین گورمورم
بیر نفر گلدی کمیتین توپراسین ویردی نشان
بولمورم کلثوم هاردا گوردی سقا باشینی؟
گوز یاشین رخساره توکدی، باشلادی داد و فغان
(روفه گر) یازما داخی، ایله سوزون بوردا تمام
اجریوی روز جزا ایلر عطا شاه جهان
(روفه گر) سرشار ایدوبدور معصیت پیمانه سین
بو سببدن گتدی آخرده ابوالفضله امان
معصیت غرقیندیم، اما حسین جانی، نولور
بو یاخونلوقدا اولا تا خاکبوس آستان
شاهه، شاعر، مدح یازسا، شه ویرر شعره صله
منده محتاجم اولام اول روضه ده بیر نوحه خوان.
مرحوم حاجی روفه گر
منبع مجموعه کانالهای مدح و مرثیه
موضوع: احوالات تاسوعا و عاشورا ,
زبان شعر و شاعر: نوحه ترکی , روفه گر
-------------------------------
زندگینامه مداح و شاعر اهلبیت
مرحوم محمد روفه گر
مرحوم میرزا محمد روفه گر داماد
مرحوم کربلایی حاج آقا روفه گر
شاعر معروف تبریزی می باشد.
مرحوم میرزا محمد روفه گر یکی
از بنیان گزاران ازبر خوانی در تبریز می باشد
و در اثر تقوا و تواضع گوی سبقت را در زمان حیات خود
از دیگران ربوده بود بطوریکه
همه اذعان داشتند با وجود مرحوم روفه گر
جای مرحوم میرزا مناف پس از فوتش دیگر
در جامعه حسینی خالی نیست و
هر مجلسی که آن مرحوم حضور می یافت
حال و هوای دیگری داشت.
مرحوم میرزا محمد در محله شتربان
کوچه بیدزار کوچه علیاری
ساکن و مورد احترام کلیه اهالی محل بودند.
در تشییع جنازه ایشان بعلت شلوغی آن طور
که یکی از دوستان نزدیکش نقل می کرد
عبور و مرور در کوچه های مجاور منزل آن مرحوم
به کلی قطع شده بود.
مرحوم روفه گر در سال 1367 قمری
به دیدار باقی شتافت و جنازه اش
طبق وصیت آن مرحوم به شهر قم انتقال یافت
و بعد از چند روز که دوست نزدیک و مورد احترامش
مرحوم مشهدی علی اشرف خیاط شفیعی از دنیا رفت
به فاصله چند قبر از همدیگر در قبرستان امام زاده ابراهیم
قم مدفون گردیدند.
مرحوم روفه گر هیئتی داشت که تا اواخر دایر بود.
بعد از اتمام جلسه مرحوم میرزا محمد فورا جلسه را ترک می نموند
علتش را پرسیدند گفت که نمی خواهم
پس از عزاداری و اخذ فیض غیبت مسلمانی را بشنوم
لذا برای آنکه اجر کسب شده
را حفظ نمایم از مجلس می روم.
موضوع: زندگینامه شعرا و مادحین ,
زبان شعر و شاعر: روفه گر
-------------------------------
احوالات دفن حضرت فاطمه زهرا (سلام الله)
گرایسته سوزتاپاسوزیول علی اعلایه
سرشک دیده توکون ماجرای زهرایه
گینه بروزه ویرور گوزسرشک تازه سینی
یقین دوتوبلا سویا فاطمه جنازه سینی
جنازه نی چیخادوب دیشره شاه خیبرگیر
اوجالدی گوگلره فریاد و ناله شبگیر
باتوب ملاله توکوب عارضه سرشگ نجوم
ملائکان سماوات ایدوب یراسته هجوم
امین وحیه اولوب وحی حی اعلادن
گتوردی غسلینه سو چشمه مصفادن
بیله روایت ایدربو حکایتی ورقه
سالوب روایتی شیون بناسی نه طبقه
دیر که دورموشودوم پشت درده ناله کنان
سویوندوراندا او مظلو مه نی امام زمان
قرارو تاب و نوان مهرو ماهیدن الدی
علی سسی اوجالوب عرشه ولوله سالدی
قاریشدی بیربیرینه اهلبیت پیغمبر
بیر از سکوت ایلدیم بلمدیم بیراوزگه خبر
خبر همین بوئیدی قیل بو یرده مدنظر
کنارایدنده لباسین گوروندی ظلم عمر
گوروم اولیدی ازلدن بو عالمی نابود
که گورمییدی علی فاطمه قولوندا کبود
دورون ایاقه گیداق جمله فاطمه یاسینا
علی نه چکدی دوشنده گوزی قابورقاسینا
ویروبدی غسل و کفن ایلدی شه کونین
تمام ایدوبدی یتوشدی ام حینیده حسنین
چیخوبدی زینب اودم حجله گاه عصمتدن
اورین یتوردی خانم کثرت مصیبتدن
آلوبلا دوره ماه امامی شمس و نجوم
چیخوبدی دیشره او دم گون تک حضرت کلثوم
دوتوبدی دوره ماه وصالی پروانه
یانوبدی فضه سالوب اود دل و جانه
گل حقیقتی اوخشارغریبه بلبلر
دیدیلر نجه داش آغلادان شیرین دللر
سرشگ دیده توکوب داغ وداشی داغلادیلار
جنازه استه اولار سیل اشگی باغلادیلار
زبسکه ناله و فریاد ایدوب حسین و حسن
جنازه بیرحرکت ایلدی آچیلدی کفن
گوگل قنادیلرین ساق عرشیدن آسدی
ایکی بالاسینی آغوشه جان کیمی باسدی
یتوشدی وحی امامه خدای اعلادن
آیر گلن حسنینی بتول عذرادن
محبتیله آیردی امام کون و مکان
جنازه دن بالالاری بدیده گریان
اگرچه رسمیدی ایتامه رحم ایدرهامی کس
حسین یتیمینه رحم ایتمیوبدوله نیه بس
کوچنده کرببلادن جفائیله اسرا
گلوبله قتلگههکاروان درد و بلا
متاع درد وغمه ویردیله او چولده رواج
آلوبلا عالم معناده نه فلکدن باج
توکدولر دوه لردن مقید و مغلول
نه قید دور که رضائیله ایلیوبله قبول
فراقیدن اوسانانلار تاپوبلا عین وصال
دوزتدی عاشق و معشوق وصلی مجلس حال
آنا بالا باجی قارداشی چکدی آغوشه
اوزاق سفردی گوتور سونله بلکه بیر توشه
(رفوگروز)غم الیندن توکندی جانه گلوب
بو سوزلری قاپوزا ایلیوب بهانه گلوب
مرحوم روفه گرتبریزی
منبع کانال گنجینه گذشتگان
موضوع: حضرت فاطمه زهرا (س) احوالات ,
زبان شعر و شاعر: نوحه ترکی , روفه گر
-------------------------------
احوالات قتلگاه
داد او ساعتدن باجی قارداشینی عریان تاپوب
گوئیا وادی ایمن موسی عمران تاپوب
طور سینای حقیقتده دوشوب بیر نخل طور
قول بوداقین یرده قانلی خاکیله یکسان تاپوب
گوردی بیر سر منبع آب حیاتی ظاهراً
ئولدوروبلر تشنه، اما چشمه حیوان تاپوب
منزل فانی دیاریندن بقایه کوچ ایدوب
رهروان عشقله سر منزل جانان تاپوب
گوردی بیر گلشندی سرتاپا قزل گللر آچوب
قالدی حیران، سینه ده بیر لاله نعمان تاپوب
سرخ قرآن مجیدی سوره والشمسده
آختاروب واللیل ایچینده بیر مه تابان تاپوب
اختر برج ولایت، مریم کبرای حق
سان ویروب آیات حقه مظهر یزدان تاپوب
عاشق مجنون وحدت طالبین، لیلای حق
گون ایوینده آختاروب محبوبینی عریان تاپوب
ناخدای بحر علمین زورق صدپاره سین
موج دریای بلاده، غرقه طوفان تاپوب
غار و اصحاب رقیمون اصل صاحبخانه سین
ظلم دقیانوسدن مستغرق پیکان تاپوب
مشعل کونین ظلمت شعله سین دیوانه وار
گون حریریندن لباسین آتش سوزان تاپوب
گوردی جام بارگاه وحدتین سرمستنی
جام وصل یاریله اغیاردن هجران تاپوب
منشی سرلوح تقدیر قضا کلکی سنوب
ثبته تعطیل قدر کابینه سلطان تاپوب
باشداکی غوغای عشقیلن عبث جنگ و جدل
ایلمه، سوز یاز، سوزی هر کیم یازوب عنوان تاپوب
عرض قیلدی دور آنام اوغلی باجون احوالنی
گور بو نوعی درد و محنت هانسی سرگردان تاپوب
خیمه گهدن قتلگاهه گلماقین مقداریجه
عمرینون سرمایه سی بیر عمرجه نقصان تاپوب
هانسی معشوق، عاشقین خلوت سرای عشقده
ایستدی گورسون، وجودین بی سر و سامان تاپوب
خیمه لر یاندی، حیالی قیزلارون دشمن سویوب
وقت فرصت اللرینده آل بوسفیان تاپوب
بیر طرفدن پیکرون ترکیبنی آت دیرناقی
نقش ایدوب یرده تجلی صفحه میدان تاپوب
دیگ جوشیم اود دوتوب یاهو چکن ظلمت گجه
یاعلی گویان، زینب قیزلارون هر یان تاپوب
خانقاه عشقه یغدیم جمله یا حق قیزلارون
هر بیری بیر گوشه ده، بیر منزل ویران تاپوب
سینه باتموش، آج سوسوز، یورقون، قرانلوق خیمه ده
لاابالییانه جمله ذکر واعطشان تاپوب
باشدا چلتاریمدی زلفیم، پوشش قان معجریم
اوز مریدین بیله هانسی مرشد پیران تاپوب
سالک صحرانوردم من، حقیقت عالمین
سیر قیلام تا گورم کیم معنی ایمان تاپوب
تاج فقریم باشدا کشکول سریمدور، من تشاء
طوق زنجیریمدی بوینومدا یرین آسان تاپوب
پوستینیم قانلی کوینگدور، تبر اوچ شعبه اوخ
سلک فقره کیم الینده بیله بیر فرمان تاپوب
آجلیقیم سنگ قناعتدور شام بازارینده دور، ورد
واحسینا دور، باجون ذکر ایتماقا هر آن تاپوب
بیر مریدین سیری چاتماز سیریمه، وار شاهدیم
ساربانیم آختاروب بیر ناقه عریان تاپوب
نیلسون لیلا؟ گیدیر شامه گلوب اوغلون گوره
نوجوانین شانه گیسو کیمی شان شان تاپوب
چوخ باخوب ملک وجودینده تاپا بیر صاف یر
لیک عکسا نقشبند خنجر بران تاپوب
منله گلدی قتلگاهه من گلنده نوعروس
گوئیا آختاردی دامادی عزیز جان تاپوب
احتمالی وار قویسون زلفینه قاندان حنا
مجلس ابن زیاده معجر الوان تاپوب
وصل داماده گچن گون خیمه ده وقت اولمادی
قتلگهده ایمدی گویا موقع جبران تاپوب
شامگاه وصلدور، ظلمتسرای هجر یار
ناخوش هجران دردی، درد بی درمان تاپوب
قانلی قونداقین علی اصغرین الده رباب
هر قدر وار عمری فریاد ایتماقا عنوان تاپوب
آلتی آیلوق اوخلی قربانین باسوبدور باغرینا
گوییا بیر دسته گلشندن گل خندان تاپوب
هاردادور قارداش؟ علمداره بویور گلسون گیداخ
قافله لنگ اولدی، نقصان، ظلم بی پایان تاپوب
بیدقی الده یتورسون اهلبیتون کوفیه
بیزلری خالی اوزیندن گوشه زندان تاپوب
کوفه ده دروازه ده چوخ منتظر وار کف چالان
هر کس اوز مقصودینه بیر عالم حیران تاپوب
سوز یازا هر کیم سنه شاها (رفوگر) تک گدا
فرض ایدر قبرون گلن ایل وقفه قربان تاپوب
مرحوم روفه گر
منبع مجموعه کانالهای مدح و مرثیه
موضوع: احوالات قتلگاه ,
زبان شعر و شاعر: نوحه ترکی , روفه گر
-------------------------------
در احوالات حضرت ابوالفضل (علیه السلام)
داد او ساعتدن قالوب حیرتده شاه
گوردی ال تاپدی علمداره سپاه
صفحه میدانی دوتدی انقلاب
توز آرا گزلندی قرص آفتاب
هر طرفدن طبل نصرت چالدیلار
نهر علقم سمتنه آت سالدیلار
هایهوی لشگر اشرار شام
گوسترور گویا اولوب عین مرام
اولدی محشردن نمونه، کربلا
قتل عباس اولدی عیناً برملا
ایلدی دریا کیمی بی پرده موج
طبل نصرت چالدی لشگر فوج فوج
رستخیز اوضاعی اولدی آشکار
بیر جدا حدینده قوزاندی غبار
هایهوئیله دولوب گوش فلک
قالدی حیرتده ثریا و سمک
مقتضای فتحیله هر بیر قدم
ئولدورون سسلردی لشگر دمبدم
ایلدی آتلی پیاده هلهله
دوشدی سردار حسین الدن اله
سسلدی قارداش گل ای پیک امید
اوز حیاتمدن من اولدوم ناامید
نقل ایدر بو قصه نی علیا جناب
زینب اول دخت خدیو مستطاب
خیمه لر جنبنده دورموشدی امام
شهریار عز و جاه و احتشام
عالم معناده سولدی صورتی
آشکار اولدی امامون غربتی
سسلدی زینب گل ای کالای غم
آسمان صبره، شمس محترم
عقل و عشقون معنوی سرمایه سی
مادر غم، درد و محنت دایه سی
اهل کوفه دین حقدن چیخدیلار
آت گتور عباسی آتدان یخدیلار
واردی هر موجوده حس و انتظام
حس موجود اولماسا، اولماز نظام
هر بشرده وار ایکی روح حیات
روح خلقت، بیرده روح انبساط
بیر بشر، بی روح، ایدنمز زندگی
روح گیتسه ئولدورر کلا رگی
انبساطون روحی قاردشدور، رشید
سخت وقته باغلیه فکر امید
قارداشون امیدی، قارداشدور بلی
صاف اولا باشی، ایکی سالم الی
گر چه فعلاً روح بهجتدن بوشام
روح خلقتده اگر گیتسه خوشام
وحدتیمده کل کثرتدن چوخام
ئولدی عباسیم باجی منده یوخام
ایتماقا بیر دم توقف یوخ صلاح
دورما زینب حاضر ایله ذوالجناح
قارداشیم اشرار الینده اولدی خوار
واردی اطرافنده سانسیز نیزه دار
زینب کبرا دوتوب بند سمند
شه ایاقین ایلدی مرکبده بند
واردی مقتللرده نقل معتبر
شاه دین گوردی داخی گلمور کمر
خانه زین اوسته تا اگشدی شاه
حربگاهه فوج نصرت آچدی راه
برج عقربدن چخوبدور آفتاب
مه سراقنده، ایده سیر شتاب
رد ایده اشراردن رنگ کدر
جمع اولا بیر برجده شمس و قمر
شش جهتدن چولقادی میدانی نور
هر طرفدن اولدی هامون، رشگ طور
ذوالفقارون قبضه سینده بیر الی
نور بیضا تک اولوردی منجلی
کلمه تکبیری تا اولدی بلند
تتردی اعضای لشگر بند بند
شه گلوب تا که یتشدی لشگره
میمنه هولیندن اولدی میسره
اوز یریندن اوینادی قلب و جناح
گورسنوب هر یرده سم ذوالجناح
شیر غران تک ووراردی ذوالفقار
هر طرفدن لشگری ایتدی کنار
سسلدی ای قوم بد سلک عراق
ای محیط بذله گویان نفاق
من حسینم یادگار حیدرم
نور چشم حضرت پیغمبرم
اولماسیدی حکم سلطان الست
ماه تا ماهی ایدردیم من شکست
لیک مامورم او حکم اجراسینه
غوطه ور اولام بو قان دریاسینه
بیرق فتح و بشارت آچمیون
بیر دورون ای لشگر کین قاچمیون
قلبیمون آرامین الدن آلموسوز
قارداشیم عباسی هاردا سالموسوز؟
درد هجران قویمیوب منده توان
تیز ویرون قارداشیم عباسی نشان
ایتمدی تاثیر سوز، بیر کافره
حمله ایتدی شه، صفوف لشگره
بیر بیر اوسته توکدی چون برگ خزان
سس اوجالدی هر طرفدن الامان
یوز قویوبلار قاچماقا اشرار شام
ایلدی تعقیب هر یردن امام
ساخلادی بیر یرده رفتارین سمند
گوئیا سالدی قضا بند کمند
گوردی قارداشین یارالی پیکرین
بیر بیره ورودی تاسف اللرین
اندی مرکبدن نه نوعی مقتله
گلمیوب مقتلدن عیناً سوز اله
دولدورب قان، گوردی شهلا گوزلرین
باشلادی دلدن یانقلی سوزلرین
دور ایاقه ای منیم آرخام ایلیم
ای آتام اوغلی، سنوب سنسیز بلیم
دور ایاقه گور نه گوز یاشیم آخور
چشم حسرتله سنه قارداش باخور
پیک دلداریله سر خوشسان اوزون
آچموسان قارداش ندن قانلی گوزون؟
آچموسان مین لر پر، اوج وحدته
کیم دوزر وحدتله بئله کثرته
عشق میزانین سرفراز ایلوسن
یا کومکسیز قارداشا ناز ایلوسن؟
کیمده وار سن تک بو آثار هنر؟
نصب ایده اوز باشنا شق القمر
باشون اوسته باخدیم ازل باشوه
گوردوم اگلشمش یارا خم قاشوه
باشوین جامی عجب اولموش شکست
اولموری قان کاسه سینده پای بست
صورتون نقشین پوزوب سوز عطش
یا اولوب بو صورت اوسته کشمکش؟
آنوا بیر دسته گلدور ساچموسان
شاهراه عشقه یا یول آچموسان؟
بو نجه پیکردی قارداش چاک چاک
ایلیوب لشگر یر اوسته زیب خاک
شوریله ساز ایلرم هنگ نوا
کیم ووروب اوچ شعبه لی اوخ آنوا؟
باشوین کیم سندروبدور کاسه سین؟
قارداشون عرشه اوجالدوب ناله سین
ویرموری اول قدر امان بو گوز یاشیم
وردیم اولموش دلده ایوای قارداشیم
آچ گوزون باخ بیر بو بیکس حالنه
وای منه وای زینبون احوالنه
(روفه گر) یازما داخی ختم ایت سوزون
دامن عباسه سال دائم اوزون
مرحوم روفه گر
منبع مجموعه کانالهای مدح و مرثیه
موضوع: حضرت ابوالفضل العباس (ع) احوالات ,
زبان شعر و شاعر: نوحه ترکی , روفه گر
-------------------------------
احوالات قتلگاه
وصلِ جاناندان اوتور جان ویردی سلطانِ بلا
کربلاده ، اولدی اشرف ماسوادن کربلا
قوردی بیر بزم مرتّب اول شهِ مالک رقاب
دوتدی ظلمت عالَمی ، مستور اولوبدی آفتاب
عرش و فرشِ عالَمی دولدوردی یکسر انقلاب
شاهِ مظلومان اولاندا شمر الینده مبتلا
آفتابِ برجِ عصمت ظاهرا" ایتدی کسوف
قطره قان یاغدیردی گویدن تا که پیکان و سُیوف
هر بلا نازل اولوندی وِردی اولدی یا رؤف
راضیَم منّتدی جانه اَلبلاءُ لِلولا
شه رخِ گلگونیله مات اولدی ، محو اولدی وزیر
رَم یدی پیلِ اجل ، اولدی پیاده دستگیر
خانهء حیرتده آتلی زینبی ایتدی اسیر
مین غم و محنتله تاپدی آلِ عصمت ابتلا
پردهء غیبی ، گوتوردی حضرتِ پروردگار
تا بولونسون شوقِ عاشق ، ذوقِ دیدارِ نگار
اوخ قلج خنجر اولوب مدعوّ وصله بیشُمار
چون ازل گون بزمِ مقصوده ویروب لفظِ بلا
ایلرم قان لجّه سینده هر قدر فکر و خیال
قاتل و مقتول مابِیننده اولدی انفصال
خنجرِ شمرین دمی تاپدی عجب عینِ وصال
قان یووُب آئینهء حقّی ، تاپوبدی اِنجلا
گوشهء چشمیله باخدی ، گوردی جانان طلعتین
قرمزی قاندان گیوب اوّل شهادت خلعتین
ویردی اوز موجود اولان جسمین ، آلوب حق وصلتین
قالدی پیکر یرده ، باش گچدی جِدایه برملا
جامِ وصل ایچمیشدی عشقِ وصلیله مخموریدی
گلدی گویدن بیر صحیفه قانیله مسطوریدی
کلمهء اِرجِع عَلَی الدّنیا ولی منظوریدی
ایستوسن دنیاده قالماخ یا حسین؟ عرض ایتدی لا
پیکرین دورت مین یارایه یرده آماج ایلدی
قرمزی قان لخته سین اوز باشینه تاج ایلدی
بیر جِدا حدّی اوجالدی قصدِ معراج ایلدی
قابِ قوسِینِ اِلهیده تاپوب قربِ علا
تاجینی باشدان گوتوردی حضرتِ روحُ الاَمین
عالَمی وحشت دوتوب مملو اولوب سطحِ زمین
سسلنوب جِبریل گویلرده اَلا قتل الحسین
نُه طبقدن یدّی عرشه سالدی آوازِ صلا
نچه ایلدور نوکرم حالیمدن آگهسن اوزون
بیر نفردن شاکیَم ، آچ باخ منه قانلی گوزون
ظالم و مظلومدن عالَمده سن گزلَت سوزون
نوکریّت رتبه سین بولسون (رفوگر) برملا.
مرحوم روفه گر
منبع مجموعه کانالهای مدح و مرثیه
موضوع: احوالات قتلگاه ,
زبان شعر و شاعر: نوحه ترکی , روفه گر
-------------------------------
زبانحال حضرت زینب کبری (سلام الله)
اولدون غریب اولمادی قسمت وطن سنه
واردور یری ئولونجه ائدم ناله من سنه
اورتوبدی پیکرین خس و خاشاک کربلا
باد صبا بیچوبدی عجب پیرهن سنه
ای تاجدار بزم سلیمان کربلا
هاردان تاپوب گئچن گئجه یول اهرمن سنه
آت درناقی بو گل بدنین طرحینی پوزوب
پامال ایدوبدی قالمادی سالم بدن سنه
کیم سویدی کهنه کوینگون ایوای منه حسین
ئولسون باجون تاپولمادی بیر سس وئرن سنه
قان گُل کیمی بو گُل بدنین ائتدی ارغوان
حاشا یتیشمز عطر گل یاسمن سنه
قارداش حسین، ایله داغیلوب پیکرین سنون
گویا ووروبدی کاری یارا هر یِتَن سنه
بیر نوعیله حرملریوون باغلانوب قولی
من عاجزم گرک دیه شرحین دیَن سنه
آلسان خبر نِجُولدی عیالین گئچن گیجه
یانموش چادردا قوردیلا بیت الحزن سنه
قان لخته سی اولوب کفنین غسلون اشک تر
کربُ بلا دیاری محلِّ وطن سنه
جدیم خبر ویروب بُلورم من، بنی اسد
بیر مختصر حصیری ایدَلَّه کفن سنه
عمرین گیچوب حسیندن ال چکمه «روفه گر»
عبرتدی اهل دسته ده بیر بیر ئولن سنه
مرحوم روفه گر
منبع مجموعه کانالهای مدح و مرثیه
موضوع: حضرت امام حسین (ع) زبانحال ,
زبان شعر و شاعر: نوحه ترکی , روفه گر
-------------------------------
در احوالات اربعین حسینی
هر دم قولاقیمه گینه صوت فغان گلور
قلبیم یانار، گوزوم دولار، اشک روان گلور
مرآت قلبی صیقل ایدر چون گوزوم یاشی
گوسترماقا جمالینه روح روان گلور
مضراب غم دگنده او تار سلاسله
شور و نوا سسی اوجالور الامان گلور
آواز زنگ ناقه ی رفتار سسلنور
گویا عراقه شامه گیدن کاروان گلور
امّا نه کاروان هاموسی گل کیمی سولوب
گویا گیچوب بهار گلستان، خزان گلور
قاره لباس ایچینده به سان شب فراق
روز وصال شمسه هامی اختران گلور
هم ناله اولماقا او خواتین عصمته
افلاکیدن مقرّب قدّوسیان گلور
القصّه سوز اوزاندی ایداخ کشف مطلبی
ای مستمع قولاق ویر عجب داستان گلور
جابر او حالیله ایشیدوبسوز حکایتین
بُلدی گَلن او قافله دور، زائران گلور
ناگه اوجالدی بانگ هیاهوی اهل بیت
قبر امام اوسته امام زمان گلور
بیردن توکولدولر دوه لردن مخدّرات
گویا یر اوسته کوکب هفت آسمان گلور
زینب کناره آلدی حسین قبرین عرض ایدوب
دور گور نه نوع باجون ناتوان گلور
اوّل بویور گوروم یارالی یاخشیدور یاران
یا اینکه گل کیمی باش آچوب تازه قان گلور
هر چند ایستورم دیمیَم چکمیشم نلر
امّا ایدوم نه چاره که درسیم روان گلور
من خیمه لر یاناندان آدیم شهرت ایلیوب
هر یان دیولّه زینب بی خانمان گلور
خولی قویوب کول اوستونه باشون گیچوب گیدوب
دنیایه هاردا بیله دنی میزبان گلور
ابن زیاد مجلسی بیر اوزگه طرزیدی
گوردوم عمومه اذن ویروب کوفیان گلور
رجّاله لر گلوردی تماشامیزه بیزیم
عرض ایتماقا او حالی نه شرح و بیان گلور
از بس منه مصوّر اولوب شام یوللاری
فکر ایلورم که ایمدیده شمر و سَنان گلور
هشتاددن اویان بویان اوشاق عورت گَلین
یوللاردا اُلدی بعضی سی، بعضی قالان گلور
یوللاردا بیر بیرینه اوشاقلار دیردیلر
چوخ آغلاما یواش سس ایله ساربان گلور
دیره یتنده باشلادی کهف آیه سین باشون
انجلیان دیردیله قرآنیان گلور
شامه یتنده باشلادی ظلم آیه سین دیدی
شامین امیرینه نه گوزل ارمغان گلور
قارداش معاینه گورورم شام مجلسین
طعن ایتماقا خرابیه پیر و جوان گلور
خوردا قیزون خرابه ده قارداش ویرنده جان
یاندیم دینده عمّه بابام بس هاچان گلور
باشون آغاجدان آسدیلا شامین اوشاقلاری
گوردوم دوننده هر طرفه داش ووران گلور
آلدی اله جفا داشین عفریته ی زمان
گوردی قاباقدا راس شه انس و جان گلور
تَربَتدی نحس الین یتیشوب مدّعاسینه
هانسی نشانیه ایله یاخشی نشان گلور
قارداش یزید مجلسی قانلی باشون هارا
هیچ گور خیاله مسئله ی خیزران گلور
مجلس نه مجلس اهلی تمام ایلچی فرنگ
تبریک اوچون یزیده گَلن بی گمان گلور
ایش بیر مقامه یتدی سوزوم قالدی سینه ده
نیلوم یازاندا زمزمه ی ساقیان گلور
واضح حسین عیالی غمین یازما «روفه گر»
قوی پرده ده، بو پرده نی بیر گون آچان گلور
مرحوم روفه گر
منبع مجموعه کانالهای مدح و مرثیه
موضوع: احوالات اربعین ,
زبان شعر و شاعر: نوحه ترکی , روفه گر
-------------------------------
وصیت حضرت زهرا (سلام الله) به امیر المومنین حضرت علی (ع)
یاعلی گل باشیم استه گیچدی حددن انتظاریم
مجلس وصله عم اوغلی ایلیوب دعوت نگاریم
جاده عشقین بو گونده منده اولدوم رهروانی
وار مسافرلرسیاقیله وجودیمده نشانی
تندرودور توسن مرگیم بویوکدور داستانی
مجلس وصلونده بیر بیرسایماقا وار افتخاریم
قلبیمینآأئینه سین تار ایلیوب زنگ کدورت
گوز یاشیم صیقل ویرنده گوسترور بیر اوزگه صورت
مه شمایلدور جبینینده یازیلموش حکم فرقت
تا نظر سالدیم توکندی گیتدی الدن اختیاریم
من سپهر عصمته بیر أفتاب شعشعانم
بیر نچه لحظه وصالین خیمه سینده میهمانم
کاروان مرگ عشقه من امیر کاروانم
منزلیم اول بقیع دور بزم یاره رهگذاریم
خاک غم هر دم الندی باشه غربال فلکدن
ناله وا حسرتا گلدی ثریا و سمکدن
من ابو بکرین ایوینده باشلادیم صحبت فدکدن
داش کیمی قلب ابوبکری اریتدی آه و زاریم
یانمادی عالم ندن بس اوددا درباریم یاناندا
تازیانه الده قنفذ حقیمی ثانی داناندا
سقط اولوب محسن لگد کوب اولدی جانیم اول زماندا
وصل یاره یتماقا وار دلده چوخ چوخ انتظاریم
میزبانیم ایستیوبدی عشقیمه نچه نشانه
یوزده بیر سیلی یری قولاردا ضرب تازیانه
ایتموشم موجود الیمده گوسترم تا میزبانه
خرد خرد اولموش سنق پهلویه باخسون اول نگاریم
خوابگاه مدفن ظلمتده یاتماقدان بوشام من
باب پیغمبر یانان گوندن وجودا ناخوشام من
دولموشام الماق خیالیله حیاتیمدن بوشام من
بعضی سری سوزلره سنسن محل اعتباریم
سنده منده اولماروخ بلم دیار کربلاده
خیملر تاراجینه ایلله شام اهلی اراده
خوردا قیزلار چوللره قاچسا عم اوغلی پا پیاده
کیم یغار باغلار طنابه یولانار شامه قطاریم
اوج ایدر جنتده افلاکه فغان و شور شینیم
اوخ دگر قلبین یارار آتدان دوشر نور دو عینیم
خنجر شمرین دمینده جان ویرر تشنه حسینیم
عالمی ظلمت دوتار یکرنگ اولار لیل و نهاریم
من حسینیلر ایچنده باغلیام محکم کمنده
قید اعمال قبیحیم شهر ایچنده ووردی بنده
ایستوری قبرین رفوگر گل آقا لطف ایله سنده
استه بیر وقفه گوراخ نیلر او حق پروردگاریم
مرحوم روفه گر
منبع مجموعه کانالهای مدح و مرثیه
موضوع: حضرت فاطمه زهرا (س) احوالات ,
زبان شعر و شاعر: نوحه ترکی , روفه گر
-------------------------------
زبانحال حضرت رقیه (سلام الله) به سر راس حضرت علی اکبر (علیه السلام) در راه شام
من علی شمع جمال وصلووه پروانیم
هجر زنجیرینده محکم باغلانان دیوانیم
عشق بازارینده قویدوم دود دلدن باشه تاج
آلمیشام عشاق عالمدن عجب باج و خراج
سلطنت زوریله اولدی روز روشن لیل واج
شامیدن شامه قرانلوق مملکت سلطانیم
نچه مدتدور کمند زولفوون پابندیم
آتش هجرانوون بیر اودلانان اسپندیم
اوز وجودیم محو اولوب عشق عالمینده زندیم
سربسر باخسون گوررسن جسم و جاندان فانیم
شامده ویرانه منزلده اگر قالسام خوشام
مبتلای درد هجرانم اسیرم ناخوشام
آت دوشونده قاچماقا باخما وجودیمدن بو شام
نیزه ده قانلو باشون چوللرده سرگردانیم
ابر زلفون مه جمالوندن کنار اولسا اگر
گورسنور باشونده ظاهر معجز شق القمر
مادر گیتی دوغانماز سن کیمی زیبا پسر
آچ گوزون لطف ایت منه بیر باخماقون قربانیم
شعلۀ شمع شبستانیمدی حُسن طلعتون
محرم بزم وصالیمدور حریم وصلتون
قاره معجردور باشیمدا ئورتموشم طوی خلعتون
بیر قبیله کاروانون من عزا عنوانیم
پادشاه ملک عشقم اولموشام شمره اسیر
قولاریم باغلو پیاده آت دوشونده دستگیر
اولموشام قارداش علی جاندان داخی دنیاده سیر
آند اولا اوز جانیمه ئوز مرگیمون خواهانیم
سن اگر محبوب حق سن منده معشوق جمال
بیر سویولموش کاروان باشیمده وار جزو جلال
توکموشم هجران لباسین تا تاپام قرب وصال
منده ئوز مجنونیمون لیلا صفت حیرانیم
من جنون کوی عشقم منزلیمدور کوهسار
عاشق هجرانه خوشدور خلوت بزم نگار
اذن وئر باد صبا زلفون ائده یوزدن کنار
بیر گوروم قانلو گوزون من گوزلرون قربانیم
خیمه لر قارداش یانان گوندن یوخومدور سایبان
گون قباقینده هامی منزلده ساخلار ساربان
دردلن سینم دولوب ائتسم اگر شرح و بیان
ایله سن تصدیق اوزون اول خانمان ویرانیم
بی مروتلر وئروب نچّه سنق محمل بیزه
شمع تک باخسا یانار دیوانه و عاقل بیزه
کاروان بیر یرده دوشسه چول اولور منزل بیزه
منده سرگردان او ویران منزلین دربانیم
وادی شاماتی یکسر گوز یاشیم ایلر خراب
رشتۀ زلفون ائدوب قارداش منی بند طناب
دولدورور دونیانی قارداش وای دینده انقلاب
سنبل زلفون جداده بلبل خوش خوانیم
رمز عشقیله وئروب قانلو باشون گویا جواب
وئرمیشم جانانیمه دل اولموشام من کامیاب
سن عزیز عالمین سن ای عزیز بوتراب
من بلا یعقوبینون بیر یوسف کنعانیم
نیزه ده قانلو باشیما باخما سن دیره گئدر
راهبی جذب ائتماقا گوز اوزگه بیر سیره گئدر
دین حق ترویجینه سر منزل غیره گئدر
کفره تورات و زبورم مسلمون قرآنیم
روفه گر عقلون آزالمیش اولموسان دنیا پرست
خاطروندن محو اولوب یا وعدۀ روز الست
صدقدن آلدون نفس الحق سوز اولدی باز بست
بولمسین پیغمبر اوغلی صدقیله بیگانیم
مرحوم روفه گر
منبع مجموعه کانالهای مدح و مرثیه
موضوع: احوالات راه شام ,
زبان شعر و شاعر: نوحه ترکی , روفه گر
-------------------------------
زبانحال امام حسین (علیه السلام) به
خواهرشان در
احوالات حضرت علی اکبر (علیه السلام)
آل طاهایه خبر ویر ای باجی اکبر گلور
قتلگهدن خیمه‌گاهه شورش محشر گلور
بیر آتانون یوخ بیله ناکام اؤلن نورسته‌سی
خیمه‌لرده واردی بیحد مایل دل بسته‌سی
مرکب اوستونده گلور خندان قیزل گُل دسته‌سی
یئندیرون یورقوندی آتدان رزمدن حیدر گلور
ایچماقا جام شهادت باغلیوب زرّین کمر
چشمۀ حیواندن ایچدی ویروب شیرین ثمر
گورسنور فَرقینده عیناً معجز شقّ القمر
گوئیا تاج شرافت باشدا پیغمبر گلور
گلشن پیغمبر اکرم روادور سولماسون؟
دیدۀ جام جهان اشک غمیله دولماسون؟
آچماسون لیلا نئجه بوغمده زلفون یولماسون؟
محشر کبرانی عیناً گوسترن مَنظر گلور
بانوان عصمت اُولدی خیمه‌دن یکسر کنار
آلدی نَجم و شَمس صُبحون دوره‌سین سیّاره‌وار
گوردولر بیر قانلو پیکردن آخار قان چشمه‌سار
ظاهراً قان باطناً بیر چشمۀ کوثر گلور
ایلیوب طغیان دریالر کناره داشدیلار
اُمّهات اَربَعه سس چکدیلر آغلاشدیلار
نقل ایدر راوی قویوب یئرده عبادن آشدیلار
خیمه‌دن نعش اوسته هی عورتدی بی‌معجر گلور
زینب کبری گلوب اوّل دولاندی باشینه
بیر علی نعشینه باخدی بیر حسین قارداشینه
ایتدی آهنگ نوا ویردی خبر گؤز یاشینه
بیله بولّم ایمدیده زینب علی سسلر گلور
گوردولر اعضا اولوب پاشیده زخم تیردن
محو اولوب بالمرّه یوخدور اصل ترکیب بدن
خانۀ زنبوره بنزر زخم تیر و نیزه‌دن
عهده‌سیندن بو سؤزون نه خامه نه دفتر گلور
آلدیلار اطــرافینی عمّه باجی بیکس آنا
باش آچان زلفون یولان تقریریله گلمز سانا
لیک جمله بیر یانا نازلو سکینه بیر یانا
ایله قارداش یانینه گلسه باجی نیلر گلور
گوردولر ممکن دگل جسمینده بیرسان پرده‌سی
جلوۀ سینانی مستور ایلیوب قان پرده‌سی
مُرشد موسانی چون محو ایلیوب جان پرده‌سی
آیریلان شیرازه‌دن بیر مُصْحَفه بنزر گلور
ای‌عجب تیر بلا قلب جهانی دَلمدی
دوشمدی دوران مداریندن بیر آن دنجلمدی
هامّی گلدی خیمه‌دن لیلا کناره گلمدی
خجلتیدندن گوردی چون سلطان بی‌یاور گلور
امر ایدوب لیلایه‌ده گلسون امام مُحتشم
گئتدیلر اُفتان و خیزان بانوان محترم
سَسلنوردی دمبدم ایوای اوغول وای هر قدم
هانسی اوغلی گورماقا لیلا کیمی مادر گلور
مرحوم حاجی روفه گر
منبع مجموعه کانالهای مدح و مرثیه
موضوع: حضرت علی اکبر (ع) زبانحال ,
زبان شعر و شاعر: نوحه ترکی , روفه گر
-------------------------------
شاهزاده حضرت علی اصغر (علیه السّلام)
امان او وقتده میدان دا گوردی تیر سه پر
حسینون اللری اوستنده ضعف ایدوب اصغر
بوغازینون چوخوری آی کیمی نمایاندور
زبس قالوبدی سوسوز حالی چوخ پریشاندور
مصمم اولدی علی اصغری ایده سیراب
النجه گوزلری آغلار قالا آناسی رباب
علی سیزیلدیسی فولاده ایلیوبدی نشست
حبیبی ایستدی محبوبیله ایده پیوست
بروز ویردی او گیزلین اولان علاقه سنی
نچون سوردی ازلدن کیچیک اوشاق سسنی
کمان آلشدی اوخ اود دوتدی شمع تک یاندی
گیده گیده اریوب زهر پرلر ایسلاندی
اگر دیاخ او اوخون شدتنده اوخ چوخودی
خبرده وار او قشوندا اولان او اوچ اوخودی
اگرچه پرلری تک تک الف کیمی دوزیدی
ولیک باشلاری نوک سنان کیمی تیزیدی
دوروب مجسمه ده زهر قاتلون اثری
واریدی صاق و صولندا قلج کیمی کسری
سوزون بیوک سوز اولوب سالما اوز اوزون رعبه
دیاخ اگر یری وار بیر پر آچدی مین شعبه
نهان تیر بلا عین سمیله دولدی
کمان ایدوب حرکت اوخ هوایه رد اولدی
قضا نشانینی ویردی نشان اوخون دمنه
یتوردی سوگلنی حال ایوینده محرمنه
قزشدی پرلری سیراب اولدی قان ایچدی
گلوب نشانیه دگدی قلج کیمی بیچدی
ازل آچوب او بالا گوزلری گویه باخدی
یر و گوی اهلنه اود ووردی یاندروب یاخدی
دولاندیروب گوزینی ایلدی امامه نظر
او باخماقیله دیدی ای امام جن و بشر
صغیر سنیله عین حیاتدن گچدیم
سوسوز گلوب بابا میدانه ، لخته قان ایچدیم
منیم بو بیر یارامی چوخ یارادان آز ساناما
یارالیام منی بیرجه یتور غریب آناما
چکوب اوخی بوغازیندان سپوپ گویه قانین
ایدوبدی سرخ او قان نیلی چرخ دامانین
سپردی قاننی میداندا مهر و ماهه طرف
او حالله بالاسین گتدی خیمه گاهه طرف
گوروب آتا بالانین همتین هوسلندی
یتشدی خیمیه زینب آدیله سسلندی
سکوت صبردهد کاشانه نی وروب یخدی
حسین باجیسی زینب خیامدن چخدی
نگوردی دولدوروب آفاقی جمله درد و ملال
ایشق گونون الی اوستنده اوخلانوبدی هلال
الین آتوب باشنا خیمه گاهه اود سالدی
یوگوردی اصغری فورا امامدن آلدی
باخوب بوغزینا گوزلر دولوبدی مثل سحاب
اوزون ایتردی خانم سویلدی رباب ، رباب
تعجبم نیه آرام اولوب یر و گویلر
کناره گل نجه گور اوخلانوب علی اصغر
اولوری هانسی شقی سو یرینه قان ویرسون
ایچوب او قانی اوشاق حقه امتحان ویرسون
گوروب آنا ، باجیلار ،عمه ، زخم تازه سنی
دولاندیروبدیلا الدن اله ، جنازه سنی
رباب مرتبه عشقده علم ووردی
اوزونی پوزمادی ظاهرده صبر ایدوب دوردی
امام دورموشیدی حبس ایدوبدی اوز نفسین
اورک یانوردی ، حیادن چخاتمیوبدی سسین
یواش یواش بو سوزی ایلیوبدی ورد زبان
دیردی مین بیله اوغلوم آقا سنه قربان
اولوبلا گون کیمی بی پرده بانوان حرم
مجددا قورولوب خیمه لرده مجلس غم
امام گوردی سرادقده عالم عرصات
او قدر قالمور هلاک اولسون عترت سادات
دوباره زینب مظلومه نی ایدوب احضار
بیوردی گل باجی معلومدور سنه اسرار
الستده یازیلوبدور بو امره چون فرمان
گرک بو گونده ویرم منده قوچ قوزی قربان
دوباره گیت منه قیتر او قانلی قربانی
که بلکه دفن ایلیوم چوخ لطیف دور جانی
خانم دوباره قیتدی باسوبدی سینه سینه
او قانلی قنداقی قیتردی اوز خزینه سینه
اگرچه مست محبت ایدوب اونی ساقی
آیوتماسین دیرم بول ، کمیت دیرناقی
امام گوردی باتوب قانه طفل شش ماهه
یانقلی قلبله عرض ایلیوبدی اللهه
گوروبکه قنداقی باشدان باشا قزل قاندی
دیدی قبول ایله الله غریبه قرباندی
نگوردی یاره لنوب حلقی گوش اندر گوش
باتوبدی سینه اولوب بلبل سحر خاموش
یتوردی آخره اول شهریار میثاقین
قماطی پاره لدی آچدی قانلی قنداقین
قرار و تاب توان نه رواقدن آلدی
دیماق اولار گنه قان ایچره ال ایاق چالدی
یوخیدی بیر گلنی باخدی بیر صول و صاقه
علی جنازه سینی تاپشوروبدی تپراقه
او قدر گچمدی الدی الن یانوب خرگاه
اولوبدی دشمن النده اسیر آل الله
سوزوم یتوب او یره یاندی داغیله داشلار
وورولدی نیزه لره گون کیمی کسیک باشلار
دایانما صفحه رخساره توک گوزون یاشون
تاپون دیدی گنه سعد اوغلی اصغرون باشون
تعجم نجه مذهب دی ، نه طریقه ، نه کیش
ایدوبدی نیزه لی لر کربلا چولین تفتیش
عجب دی نچه نفر دین ایوین ووروب یخدی
بیری ووراندا یره نیزه قنداقی چخدی
کسوبله باشین عدو نیزه ده ویروبله مقام
قشون ایدوب حرکت جمله تاپدی نظم و نظام
بو سوزلرونده «رفوگر» یوخوندی ذره ثمر
مگر سنه گنه لطف ایلیه علی اصغر
مرحوم روفه گر
منبع مجموعه کانالهای مدح و مرثیه
موضوع: حضرت علی اصغر (ع) زبانحال ,
زبان شعر و شاعر: نوحه ترکی , روفه گر
نظرات (۰)
هیچ نظری هنوز ثبت نشده است