متن نوحه ترکی مرحوم حامد تبریزی
مجموعه اشعار برگزیده ترکی از مرحوم استاد حامد تبریزی که در مدح ائمه اطهار علیهم السلام سروده شده اند، اشعار مذهبی و عاشورایی آیینی ترکی حامد تبریزی
------------
احوالات ورود به شام
بلمورم قالدی نه حاله ای خدای لاینام
آل پیغمبر اولاندا داخل بازار شام
جمله سی عریان دوه استونده دوتموشدی مکان
اللری باغلی بویونلاردا یوزه اشکی روان
ایلموشدی بعضیسی مه عرضه زلفین حجاب
ایلموشدی ینگینی رخسارینه بعضی نقاب
شامی تزئین ایلموشدی فرقه بی آبرو
باشلاموشدی بیرغریو و غلغله بیر های هو
عیش عشرت ایتماقا ایتموشدولر چیده اساس
اللری رنگین اگینلرده هامی فاخرلباس
بیربیرینه هریتن فرا ویرردی ال اله
گوئیا تبریک سویلردی رجوع ایت مقتله
ایلموشدی شامیده آل امیه عیدخون
شادکام اولموشدی قتلیله پیمبراوغلونون
ناگهان سسلر اوجالدی دستگیران بلا
داخل شام اولدولاریعنی اسیران بلا
ظاهر اولدی بیر نچه محمل شکسته بی جهیز
محمل ایچره اگلشنلردل شکسته اشکریز
دورت اشاق بیر ناقه استونده قوجاقلوب بیر بیرین
ناقه دن تا دشمسون بیرنحویله تاپسون یرین
هرآنانین واردی آغوشینده آغلاربیربالا
خجلتیندن ایلیه بلمورباخا صاق و صولا
بیر پارا باشلارووروبلا رنیزیه اشرارشام
بعضیسی گوندوردیرسن بعضیسی بدرتمام
پیش روینده گلورهرمحملین بیرقانلی باش
بو محندن اودلاناردل گراولا والهی داش
گورگوره نیلرباجی قارداش اوغول باشین آنا
واریری تا حشراولونجا آغلیا دلدن یانا
اصغرین باشین گورنلرنوک نیده اولدی مات
سودامرباشیندا وورموشدی جدا استه طغات
گورممیشدی رویتا شام اهلی چونکه اکبری
نیزه ده باشین گورن یاده سالوب پیغمبری
راس عباسی او اوسهم و او صلابتده گورن
بو دیردیلرعلی المرتضادی صف شکن
باشلاموشدی نیزه ده قران شه محشرباشی
تا او سسدن قزلارین بلکه آزالسون گوزیاشی
ایلموشدی نیزه ده ظلم آیه سین عنوان او شه
آنلاسون تکلیفینی تا کیم او قوم روسیه
بیربرهنه ناقه استه گوردیلردوتموش قرار
اللری قوینوندا باغلی بیرامام زار وار
گویدولرتا یتدی کیم بیرپیرمرداول سروره
طعن و استهزا دلین آجدی او شاه محشره
عالم علم لدنی حجت پروردگار
نورایمان گوردی قلبینده او شخصین آشکار
سویلدی قران قرائت ایتموسن یا شیخ سن
عرض قیلدی که بلی حفظم کلام الهی من
آندوروب اول شخصه نچه آیه ده حقیتی
وارسیزه سویلوب بو نچه آیه نین نه نسبتی
سویلدی منظور او نچه آیه دن مطلق بیزوق
دستگیر ایلوبله ناحق لرستمله حق بیزوق
اعتذارایلوبدی گوزیاشین توکوب چکدی فغان
سسلدی آخربولاردورآل پیغمبرامان
واریدی نچه نفر باشیندا اول مرد سعید
ایلدی اشرار شامیله جدل اولدی شهید
صبحیدی شامه گیرنده عترت خیرالانام
گزدیروبلرشام اولونجا هریرین شامین تمام
آج سوسوزیورقون شکسته گلدیلر نی تک دله
گون غروبینده یتوبله بیرخرابه منزله
(حامدا) اولسون بودورمنظوروجه اختصار
ایت گلن بزم یزیدی اوزگه وضعیله نگار
مرحوم حامد تبریزی
منبع کانال گنجینه گذشتگان
موضوع: احوالات شهر شام ,
زبان شعر و شاعر: نوحه ترکی , حامد تبریزی
-------------------------------
پیراهن حضرت رسول اکرم (ص) و گریه حضرت فاطمه (س)
گلورخیالیمه بیر ماجرا ایدوم اظهار
صریحیدوربلورم معتبردی صحتی وار
نشان ویروم یرینی هراو کس که طلبیدی
یازان کتاب ریاض الحسین صاحبیدی
بیله یازار که پیمبرجهانی ترک ایلدی
قویوب قالانلارینی دیده تراوزی گیتدی
مباشر اولدی علی غسل و کفن طاهایه
موثراولدی آتا هجری بسکه زهرایه
گلردی ناله و فریاده سینه داغلاردی
سرشک چشمین اوزه سیل وارباغلاردی
باساردی باغرینا پیراهنین او زارو حزین
بابا دیوب ایلردی دلدن آه و انین
دیردی قالدی عجب دلده داغ هجرانین
محالیدوریوزه گلسون جهاندا زهرانین
اوزون گیدوب منی هجران ایوینده قویدون تک
نه بیر انیس واریمدورنه مونس و نه کمک
بو پیرهندن آلوب عطرین آغلارام سنه من
سن الدون ای بابا یتدی مرادینه دشمن
گوروب که شیرخدا اول حبیبه داور
باخور او کوینگه آغلورمدام شام و سحر
آخورسرشکی یوزه ویرموری امان بیرآن
امام او کوینگی ایتدی لحکمه پنهان
که بلکه ناله دن اسکات اولا او دل رنجور
آز ایلیه آتا هجرینده داد و شیون و شور
گیچیتدی بیرنچه گون فاطمه بو حالیله
گیچردی گونلریاما غم و ملالیله
گوروبکه دوزموراورک اود نهادینه دوشوری
الولاشوراورگی جدی یادینه دوشوری
اودم عم اوغلوسونا سویلوب اول دل آزرده
که لطف قیل آتامین گوینگین گوروم بیرده
امام او کوینگی ویردی دوباره زهرایه
فغان و شیونی اود سالدی سطح غبرایه
همینکه باسدی آتا کوینگینی سینه سینه
آچولدی بیرقاپو درد و بلا حزینه سینه
دوتوب شراره دلی باسدی جان تک آغوشه
اوغوشدوروب اورکین گلدی غملری جوشه
زبس بابا دیدی آه و فغان داد ایتدی
غرض او کوینگین استنده هوشیدن گیتدی
اگرچه فاطمه نون درد و محنتی چوخودی
او پیرهنده ولی نیزه اوخ یری یوخودی
تعجبم بونا صبر ایلدی نجه زینب
گورنده قارداشینین قانلی کوینگین زینب
دیار شامیده اول گونکه رد غارت اولوب
دوباره عترت پیغمبره قیامت اولوب
همینکه شمرگتوردی او اوخلی پیرهنی
دوباره محنته سالدی بنات فاطمه نی
گوروب او کوینگی علیا مکرمه یاندی
شرر دوتوبدی سراسر وجودی اودلاندی
گلوب نوایه سپهره او جاتدی بانک درای
دیردی واریارالی جان ویرن حسینیم وای
مرحوم حامد تبریزی
موضوع: حضرت فاطمه زهرا (س) احوالات ,
زبان شعر و شاعر: نوحه ترکی , حامد تبریزی
-------------------------------
معجرحضرت فاطمه زهرا (سلام الله) و مسلمان شدن عده ی زیادی از یهودیان مدینه
گلورخیالیمه بیر قصه اسف انگیز
دوام ایتمزاورک بیله حسرته هرگز
روایت ایلین علامه دورهمین بو سوزی
سوزی دیه دیه ویردی نشان محلین اوزی
اوزی خبرده مسلطدی هربدو خوبه
ویروبدی نسبتینی ابن شهرآشوبه
گلوبدی بیرگون ایوه شهریار ملک وفا
دیدی طعامه گمانین گلوری یا زهرا
کمال خجلتیله سویلوب ای شه دوران
حضوریوه گتورم بیرزادا یوخومدی گمان
اشاقلاریمدا اوزیمده آجام جعلت فداک
اوزون علاج ایله قویما عیالیوی غمناک
آلوب او وقتیده چادرشبین او کنز غمین
شراره سی سونه دللرده بلکه بو المین
یهودینین ایوینه گلدی میرربانی
لحکمه اونا فاش ایتدی بو قضایانی
قویوبدی فاطمه چادرشبین او یرده گرو
معاش ایتماق ایچون بیرقدرآلوبدورجو
قیتدی منزله مسرور حال و چوخ دلشاد
اولا بالالاری تا قید جوعیدن آزاد
یاخوندی موج ایده دللرده آجلیقین سیلی
علی و آل علینین اله گلوب میلی
غروبه گون یتوب آفاقی چولقادی ظلمت
اولوب شب عالی و ادنا هامی یاتوب راحت
یتوبدی نصف شب عالم اولوب سراسرتار
اولوب عیالی یهودینین اول زمان بیدار
او حجره که واریدی معجربتول اوردا
گوروب او حجره دن افلاکه نوراولورپیدا
دوشوبدی حیرته یکباره ایلینده نظر
علاوه نورگلور گوردی عطر مشک و عبر
ایدوبدی صاحبین اول وقته خوابیدن بیدار
نه یاتموسان دیدی دور بیر مهم مطلب وار
گوروبله نور اوجالورآسمانه پی درپی
اودم حقیقت زهرایه تا آپاردیلا پی
او دم ویروبله هامی خویش و اقربایه خبر
او نوری گورماق ایچون خویش و ایل گلوب یکسر
گورن او حالتی ترک ایتدی فورا آئینین
قبول ایلدی تا که پیمبرین دینین
مشرف اولدی نچه خوانواده اسلامه
بلی کرامت زهرا یتوشمز اتمامه
روادی گوربوجلال و بو شان صاحبینی
سالا فشاره عدو آرتورا مصائبینی
آتاسی الدی سالوب محنته او غم زده نی
پیمبرین قوروسون ثانی قویمادی کفنی
اودرکه قابض الارواح اذن آلوب اوندان
همان او درگهه اودووردی فرقه عدوان
قاپو دالیندا دایانموشدی دخترطاها
هجوم دشمنی سد ایلیه او مام بلا
بو فکردیدی خانم قویمیا قاپو آچیلا
نه اینکه سینه سینه ارغوانی گل ساچیلا
او پشت درده نه صدمه یتوب خدا بلدی
بو قدروارکه دیدی فضه گل بالام الدی
جنینی بیرطرفه دوشدی بیرطرفه اوزی
نه حاله قالدی او مخدومیه دوشنده گوزی
بتولی حجت حق گوردی قانینه غلطان
رواندی سین سینین قانی ای امام زمان
نه حاله قالدی دیه بلمم ای شه کونین
ولی بو سری بلر کربلا غریبی حسین
نچون او شهده گوروب شمرالینده محرمینی
سالاندا یادیمه قان آغلارام بو بیرغمینی
آچاندا دشت بلا ایچره قان دولان گوزینی
گورنده زینبی یاددان چیخاتدی اوزاوزینی
نه گوردی قارداشینین فکرینه قالورزینب
دوتوبدی قاتل الین شمره یالوارورزینب
امام امرایلیوب خیمگاهه گیتدی اوزار
ولی تیکوب یولا گوز(حامد)ایمدیده آغلار
مرحوم حامد تبریزی
منبع گنجینه گذشتگان
موضوع: حضرت فاطمه زهرا (س) احوالات ,
زبان شعر و شاعر: نوحه ترکی , حامد تبریزی
-------------------------------
احوالات بلال
او گون که ترک ، جهانی شه فخام ایلدی
گوزینده گوندوزی اهل ولایه شام ایلدی
ابوقحافه نین اوغلی ریاسته یتدی
نظام عالم اسلامی ، بی نظام ایلدی
قویوبدی حقی هامی ، ایتدی ناحقه بیعت
ایگرمی بش ایل علی ، گور نجه دوام ایلدی
بلال عهد ایلدی ویرمسون ئولونجه اذان
تراب تیره نی چون مصطفی مقام ایلدی
بلالی ایستدی بوبکر ، اونا موذن اولا
نقدری گور او ستم پیشه فکر خام ایلدی
دئدی بلاله اذان ویرمه سن ، گرک گیده سن
بلالی گیتماقینا ، اختیار تام ایلدی
ولی او حینده بیر دفعه ده اذان ویردی
او دم که دختر خیرالبشر پیام ایلدی
دئدی بلاله دیون ، بیرده او اذان ویرسون
حصار صبریمی غم فوجی انهدام ایلدی
چیخوب مءذنیه باشلادی همینکه اذان
پیمبرین قیزی صوتیندن اخذ کام ایلدی
دینده اشهد ان لا اله الا الله
جراحت دل زهرانی التیام ایلدی
اوچومجی فصلیده پیغمبرین دینده آدین
اذانینی باشا ویرموبدی ناتمام ایلدی
خبر گتوردوله غش ایتدی دخت پیغمبر
آتا غمی اونا آسایشی حرام ایلدی
بو غصه دن دوتوب اود ، درده گلدی قلب بلال
اوزین قوتارا بو غمدن اهتمام ایلدی
دئدی بو یرده داخی قالمارام یقین گیدرم
نچون خلافتی غصب ، ارزل انام ایلدی
گوزی گوتورمدی پیغمبرین یرین خالی
بلال ، یثربی ترک ایتدی عزم شام ایلدی
سوار ناقه اولوب ، رهسپار شام اولدی
نجه صباحینی شام ایتدی ، صبحی شام ایلدی
فشار راهیله هم ، فوق العاده خستیدی
گینه کمیت غمین ، فوج صبری رام ایلدی
یاتوب پیمبری رویاده بیر گجه گوردی
یتوب حضور پیغمبره سلام ایلدی
دئدی بلال سنی فاطمه سراق ایلور
گیچن گجه منی چوخ حالی ، تلخکام ایلدی
دئدی بلال ، بیزی ترک ایدوبدوی سن گیده لی
بو نوع ، ترک وفا ، هانسی بیر غلام ایلدی
اولاندا صبح دوتوبدی بلالی شور بتول
توکوب سرشکینی ، ناله علی الدوام ایلدی
ایدوبدی طی منازل مدینیه گلدی
حضور فاطمه نی دلده بیر مرام ایلدی
نه گوردی باغلی قالوب عالمه رجا قاپوسی
غبار و گرد دوتوب ، حسرت منام ایلدی
سرشک گوزده ، دوگدی منافقلر اود ووران قاپونی
گلوب امام حسین چوخ چوخ احترام ایلدی
دئدی بو مدتی آخر بلال ، هاردیدون؟
بیزه نلر بولوسن فرقه ظلام ایلدی؟
حسینی جان کیمی آغوشه باسدی ، اوپدی یوزون
سوال ، حال حسینی او خوش مرام ایلدی
آنام آتام سنه قربان دئدی ، آنان نجه دی؟
شفا اونا عطا ، خالق ذوالکرام ایلدی؟
جواب ویردی یتیم اولموشام سوروشما بلال
وفات بیر نچه گون قاباق ، آنام ایلدی
آنا دیوب یانارام ، حالیمه یانان اولماز
جفاسینی بیزه اهل جفا ، تمام ایلدی
گجه گونوز یاناروق آغلاروق عزاداروق
آنام ئولنده چوخ آه و زار ، آتام ایلدی
مگر جهانه گلر بیرده مثلی زهرانون
آنام ئولنده قیامت بیزه قیام ایلدی
بلال اولمادی گورسون حسینون اول حالین
آناسینون یوزینی سیلی نیلفام ایلدی
او دم که منزل بوبکریدن گلوردی ایوه
قضا گوزینده ایشیق گوندوزینی شام ایلدی
یتیشدی ثانی ، دئدی فاطمه قباله هانی؟
نقدری اونا ابا ، اول خجسته نام ایلدی
نه گوردولر که خانم یرده نقش بند اولدی
نه ظلم بولمورم اول زاده حرام ایلدی
بو قدر وار ایوه زهرانی گتدی عورتلر
توان بو نوعی بلایایه هانسی مام ایلدی
او صدمه ایله خانم گیتدی دار دنیادن
علینی درد فراقینده تلخکام ایلدی
بو شرح نامه دن اود دوتدی الده چون خامه
اودور بو یرده سوزین(حامد) اختتام ایلدی.
مرحوم علی اکبر حامد تبریزی
منبع مجموعه کانالهای مدح و مرثیه
موضوع: حضرت فاطمه زهرا (س) احوالات ,
زبان شعر و شاعر: نوحه ترکی , حامد تبریزی , علی اکبر حامد تبریزی
-------------------------------
در احوالات حضرت زهرا (س)
قلم کتابت ایدن دمده حالِ زهرانی
اولور روانه گوزومدن یوزه جگر قانی
اوزونده گوردی او گون ، ظهر وقتی حالِ اجل
چاقوردی خدمتینه اوز کنیزی اسمانی
بویوردی گَل یریمی رو به قبله سال که منیم
خزان یتوبدی سولوب عمریمون گلستانی
فلان محلیده کافور وار بیر مقدار
اونیدا حاضر ایله باشیم اوسته بو آنی
قتیفه چک یوزیمه ، تا بیر استراحت ایدوم
نچه دقیقه قوی اوز حالینه بو نالانی
مخاطب ائتگیله ویرسم اگر جواب سنه
ملال قلبوه یول ویرمه ای وفا کانی
جواب گلمسه بول حقّنه چاتوب زهرا
پیمبرین قیزی ترک ایلیوب بو دنیانی
ایدوبله بیله روایت اوزوندن اسمانین
قویوبدی موقعِ اجرایه امرِ زهرانی
نچه دقیقه گچوب هر نه قدری ایتدی ندا
جواب ایشتمدی آرتوب غمِ فراوانی
خطاب ایلدی دور ای عزیزهء دوران
او یوخلین گوزوون کائنات قربانی
نه خواب وقتیدی گَلسه اگر حسین و حسن
سنی بو حالتیله گورسه باشلار افغانی
دور ای جهاندا یوزی گلمین مصیبتدن
ایدن خمیده قدین جورِ دشمنِ جانی
سِنان قولی در و دیوار آرا ، دوشن مدهوش
جنینی سقط اولان ، اعضاسنون آخان قانی
نقدری سسلدی اسما گوروب که یوخدی جواب
ویروب فنایه النده اولان شکیبانی
کنار ایدنده یوزوندن قَطیفه نی نه گوروب؟
بیر اوزگه جلوه دور حالتِ پریشانی
که یعنی روحی بدندن کسوب علاقه سینی
او حالتی گتوروب درده کون و امکانی
آچوبدی باشینی زلفون یولاردی آغلاردی
توکردی اشگ گوزوندن چو ابر نیسانی
گوروب او دمده گلور حسین و حسن ناگاه
دوروب ایاقه که مستور ایده قضایانی
سیلوب سرشگنی ، تغییر ویردی حالتینه
چاقوردی رأفتیله اول ایکی دل آرانی
دئدی طعام گَلون میل ایدون یاتوبدی آناز
اویاتمیون یوخودان دختِ میرِ بطحانی
حسن دئدی آنامیز بیله وقتیده یاتماز
محال ترک ایده راز و نیازِ جانانی
خیال ایلمه بیز بولموروق ئولوب آنامیز
ایدوب بیزی بیله افسرده دردِ هجرانی
بابام مزارینه قصد شفائیله گیتدوق
یتوردولر بیزه بو رمزیله معمّانی
بو سس اوجالدی رسولِ خدا مزاریندن
کنار اولون گَلوری فاطمه یتیمانی
سالوبلا ئوزلرینی جسمِ پاکِ زهرایه
بیان ایدوم نجه بو قصّهء غم افزانی
حسین ایاقلارینا یوز قویوب ، دیردی آنا
حسینوَم منی دیندیر سنی حسن جانی
حسن دیردی بیزی تاپشوروب کیمه گیدوسن؟
گوروم خراب اولا بو روزگارِ دورانی
سنون کیمی بیزی کیم بیرده دیندیرر آنا جان؟
دور آل کناریوه بو ایکی دیده گریانی
ز بس که گَلدی یتیمانِ فاطمه شوره
دولوبدی شور و فغانیله عرش دامانی
قویوبدی مسجده یوز بیر نفر کنیز اول دم
بتول رحلتینه واقف ایتدی مولانی
قویوب شتابیله یوز دودمانه سَرورِ دین
عیان ایدوبدیله نه گوردی حشرِ کبرانی
دئدی نه وار دئ ، گورورم بیله مو پریش سیزی
فلک الیمدن آلوب یوخسا دختِ طاهانی
یتوب نه گوردی بلی جان ویروبدی دختِ نبی
وصال باشه یتوب باشلانوبدی هجرانی
جنازه یرده قالوب ، ئولدورور اوشاقلار ئوزون
گتوردی درده همان حال شاهِ مردانی
وصیّت ائتمشدی نصف شبده دفن اولونا
او نعش اوچون یوخیدی دفن اولونماق امکانی
باخاردی حسرتیله فاطمه جنازه سینه
توکردی اشگینی ، ناله ایدردی کتمانی
خدا بولور نه چکوب نصف شب اولونجا علی
ایدنده حقّه سپرده او بی توانانی
جُدا ایدردی حسینی ، حسن قوجاقلاردی
او نعشِ پاکی ، توکردی یوزه جگر قانی
گلردی نالیه دیردی وای آنا وای
وفاسنی سنه گوستردی عالمِ فانی
عزا دوتولمشدی مصطفی' عزیزه سینه
او بزمِ ماتمه اولموشدی مرتضی بانی
ایدردی موج حسینون سرشگی سیل کیمی
واریدی اشگینون آغلار گوزینده طغیانی
چخوبدی بابِ کرمدن او لحظه ده سلمان
بیوک کیچیک هامیه ایلدی بو اعلانی
دئدی که فاطمه نون دوشدی دفنی تأخیره
علی صباح ایده جاق دفن دختئ طاهانی
گیدوب هامی اولوب اغیاردن او یر خلوت
او وقت اولوب ایده لر دفن او نعشی پنهانی
او دم گتوردوله تابوت حاضر ایتدیله سو
گوروم خجل اولا دوره سینده دورانی
چکوب سس آغلادی توکدی عذاره گوز یاشین
سزادی آغلادا اول حال سنگِ خارانی
سؤال ایتدی ندن آغلوسان بو شدّتیله؟
بو داد و شیونوین نه سببدی عنوانی؟
فراقِ فاطمه دور آغلادان بو نوعی سنی؟
نه وار علاجی بو دردین نه وار درمانی
بویوردی ناله ایدم هر نقدری حقّیم وار
بو دردیمون بولورم یوخ جهاندا درمانی
ولی قولوندا الیم دگدی قمچی یرلرینه
ایدوبدی ظلمنی تکمیل دشمنِ جانی
خلاصه ویردیله غسلون گوتوردولر یردن
که راحت ایلیه لر خسته دور او نالانی
نه گوردیلر که حزین آغلاماق سسی گلوری
نه سس که سلب ایدوری طاقتِ شکیبانی
باخوب نه گوردیله بی خانمان قالان زینب
گلور جنازه آردونجا دلده افغانی
دوتوبدی یوز حسنِ مجتبایه سَرورِ دین
دایانما قیتر ایوه زینبِ پریشانی
بو یرده یاندی قلم ، دوشدی جانیمه لرزه
گرکدی کشف قیلام من بو سِرّ عظمانی
اَیا ولیّ خدا دوزموسن بونا زینب
گله دالونجا دل شبده اول وفا کانی
بو فکریله که اولا بینِ رهده نامحرم
باشیندا چادرِ عصمت گوره او نالانی
گلنده قتلگهه کربلاده هاردیدون؟
سرِ عبورینی کسمیشدی دشمنِ جانی
بو سهلدور یته قویمازدی قارداشا باجی
ویراردی باشینه قمچی زمانه دونانی
قویاردی هر طرفه یوز گورردی یول یوخدی
دوتوبدی اهلِ جفا عرض طولِ میدانی
گهی قاچور گهی یخیلور ، گه دورور گینه گیدور
اوزون حسینه یتورسون او مریمِ ثانی
دوتوب او وقتیده وقّاص زادیه یوزونی
مخاطب ایتدی او دم ابنِ سعدِ نادانی
بویوردی قارداشیمون نه گناهی وار ظالم؟
باخا باخا من ، عدو ئولدورور بو عطشانی
بیر اوزگه حالیله سعد اوغلی زینبی گوردی
یاخوندی یاندیرا دنیانی آهِ سوزانی
دئدی آچون یولی ، قارداشینا یتورسون اوزون
بو آخر عمریده گورسون او قانه غلطانی
یتوب نه گوردی حسین مصرعی قیامتدور
چیخاتدی یاددان اوزون تا گوروب او غوغانی
نه اوخ ویران قویوری جانستانه جان ویرسون
باخور نه نیزه ووران جسمنون آخور قانی
گوروب حسینه بیر کیمسه یوخ حمایت ایده
دولوبدی دشمنله کربلا بیابانی
بو یرده (حامد) الون ساخلا قیل سوزون اتمام
یتور نهایته بو قصّهء غم افزانی.
مرحوم حامد تبریزی
منبع مجموعه کانالهای مدح و مرثیه
موضوع: حضرت فاطمه زهرا (س) احوالات ,
زبان شعر و شاعر: نوحه ترکی , حامد تبریزی
-------------------------------
احوالات هجوم دشمنان به خانه ولایت
پس ازرحلت رسول اکرم (ص)
یتدی ابو قحافه نین اوغلی ریاسته
حق مرکزینده ناحق اولان کس دوتوب قرار
خانه نشین اولدی علی وامصیبتا
اعدای دین جهاندا عجب اولدی کامکار
ایستوب علیده بیعت ایده اول ستمگره
ثانی یغوبدی باشینه بیر جمع نابکار
فاطمه نون گلوب قاپوسین دوگدی اول دنی
ویرموبدی فوته فرصتی الدن او کین شعار
وا حسرتا قاپو دالینا گلدی فاطمه
کیمسوز دیدی منیم قاپوما گلموسوز نه وار؟
سویلوبدی ثانی گلسون عم اوغلون دی بیعته
بیجا اوتورماسون داخی ایوده چوخ انتظار
سویلوبدی فاطمه بلوسن بیزعزالیوق؟
قویما پیمبرین بوگون اولسون عزاسی خوار
سویلوبدی آچماسان اگراودوورام اودلارام
زیر و زبراولارداخی بنیانیدن بودار
بلمم هارا یتوشدی سئوال و جواب اودم
یا صاحب الزمان ایدورم سندن اعتذار
فورا اودون گتوردوله اول دم منافقین
باب امیدهووردولار اود شعله لندی نار
یاندی قاپو دایاندی بتول اولدی تلخکام
تاثیرایدوب وجودینه باشدان باشا شرار
قویمازدی درب آچیلسین او مخدومه ی جهان
اما ویرردی دشمن اودم متصل فشار
سالدی ایله فشاره بتولی فشاردرب
سقط اولدی محسنی یارالاندی او گل عذار
مسمارباتدی سینه سینه دوشدی حسیدن
یابن الحسن اوزون آناوای دی قیل آه و زار
سسلوب حزین صدائیله گل فضه هارداسان
آزقالدی فاطمه ایده جانانه جان نثار
سقط اولدی محسنیم یارالاندی سینوب قولوم
مسمارباتدی سینه مه قان سو کیمی آخار
ایله خبرعم اوغلوما اُلدوردولرمنی
ترک ایلسین بتولی او مولای روزگار
نه حالدیدی گور حسنینی او وقتیده
یا غم کشیده زینب و کلثومی بی قرار
بیر اهل منبر ایلدی بو قصه نی بیان
گویا (علوم) صاحبی بو طرزیله یازار
فضه ال اُسته آلدی جنینی گلوب ایوه
توکدی سرشکین عرض ایدوب ای شاه تاجدار
دورآل بالاوی قویما الیم استه چوخ قالا
واللهی بو مصیبته داش اولسا دل یانار
سویلوب امام فضه علاجیم ندور منیم
ایدن اگرچیخام منی ایلله انتحار
بیر قبرقازبالامی دم درده دفن ایله
آخر قضا ایکی قولومی باغلوب استوار
نیلوم گراولماسیدی پیمبر وصیتی
جرئت ایدردی یاندورا درگاهیمی شرار
باعث اولوبدی صبر علی اولدولارجری
زهرایه امت ایلدیلر جور بی شمار
قویموبلا اوزایوینده ایده ناله فاطمه
پیغمبرین عزیزه سی طاهایه یادگار
ایلوبله مرتضایه شکایت بتولیدن
شاها که یعنی آغلاماقیندا قراری وار
زهرا ایدنده ناله دوتورشوریثربی
هرایوده شیونه گلوری خرد و هم کبار
واقف ایدوب بتولی علی بو قضیه نی
فریاد و شیونوندن عدو اعتراضی وار
سویلوب عم اوغلی جان گیدرم چولده آغلارام
بیزار اولولا آغلاماقیمدان منیم بولار
بیر سایه ی درخت تاپوب اوردا فاطمه
بیر مدت ایلدی حسنینیله آه و زار
بیر گون کسوب نه گوردی عدو اول درختیده
گونلرایوینده ناله ایدوبلربس آشکار
حسرتله شور گوز یاشی گرمیت هوا
یاندوردی اول گل اوزلری آخر اولوب قابار
بیر اوزگه حالیده حسنینی گوروب امام
بیر بیت الاحزن ایتدی بنا اول شه فخار
بیر گون نه گوردولر اونودا اهل کین یخوب
امید شیون ایولرین ایلوبله تار ومار
مرحوم حامد تبریزی
این اشعار برگرفته از جلد 45(گنجینه گذشتگان)
(دیوان فاطمیه ی مرحوم حامد تبریزی) می باشد
منبع کانال گنجینه گذشتگان
موضوع: حضرت فاطمه زهرا (س) احوالات ,
زبان شعر و شاعر: نوحه ترکی , حامد تبریزی
-------------------------------
احوالات حضرت علی (علیه السلام)
بعد از شهادت حضرت زهرا (سلام الله)
بتول الدی علی امری مشکله دوشدی
سفینه دل مشکل گشا گله دوشدی
حصارصبرینی غم فوجی انحصارایلدی
پناه عالمیان عزلت اختیار ایلدی
یغاردی دوره سینه فاطمه یتیملرین
قوراردی حضرت زهرایه بزم آه و انین
گهی باخاردی حسینین سولان گل عارضینه
یاناردی اشگی گورردی روان اولوریوزینه
دیردی زینب و کلثومه بس اناز هانی بس
نه گلدی فاطمیه قالموسوز بیله بیکس
ایدردی گاه نظر اوغلی مجتبایه اوشاه
آخاردی اشکی یاناردی چکردی دلدن آه
دوتاردی گاه مزارپیمبره یوزینی
گله ایدردی دیردی اونا اورک سوزینی
دیردی گلدی قیزین فاطمه سنه مهمان
که المیوب اوزی الدوردی فرقه دونان
ویرردی گونلینی باشه آه و زاریله
گلردی نالیه اول نچه دلفکاریله
گونوزلری شررآهی کونی داغلاردی
گیجه گلوب دوشنوب قبری استه آغلاردی
حصارصبرینی زهرا مصیبتی یخدی
نه گیتدی مسجده نه دیشره خانه دن چیخدی
علی مفارقتی اولدی سخت اصحابه
صحابه آدلاری نچه وفالی احبابه
حضوراقدسینه گوندروبله عماری
که مسجده ایده دعوت او شاه غمخواری
اجازه حاصل ایدوب داخل اولدی ویردی سلام
قوجاقلیوب دیزینی گوردی بیرطرفده امام
یغوبدی باشینه اطفالی اول شه دوسرا
توکورسرشکینی آغلور یانوردیورزهرا
بلالیم که سن الدون زیاده اولدی غمیم
ایدیم نه چاره داخی یوخدی دردیمه یتنیم
گلوبدی شیونه عماریاندی اول حاله
علی ولی خدائیله اولدی هم ناله
امام عصراوزی عماراولدی غرق ملال
توکوبدی گوزیاشی بیر مدته کیمی اطفال
مگرجهانه گلربیرده مثلی زهرانین
جهانی پوزدی غمی دخت میر بطحانین
ایگرمی بش اولوبدور او شاه خانه نشین
تمامیسین غم زهراده ایتدی آه و انین
اوشاهه ایلدی عمار مین دلیله خطاب
چکوله مقدموین انتظلرینی اصحاب
چیخوبدی ایودن القصه اول شه دوران
که مسجده گیده عماریله امام زمان
گوزی دوشن کیمی دیوار و استان دره
نه حال یوزویروب الله بلوراو خونجگره
گوزوم باخا باخا یخموشدولاراونی بوردا
پیمبرین قیزینی اشقیای بی پروا
محالیدور که ساغا لسین اورکده بو یاره
علینی الماقی زهرانین ایتدی غمخواره
یره اوتوردی داخی گلمدی دیزی گیتسون
که مسجده گیدوب احبابی بازدید ایتسون
مرحوم حامد تبریزی
منبع کانال گنجینه گذشتگان
موضوع: حضرت فاطمه زهرا (س) احوالات ,
زبان شعر و شاعر: نوحه ترکی , حامد تبریزی
-------------------------------
روایت هلال ابن نافع در شب عاشورا
بیان اولوب بو روایت هلال نافعدن
بیان مجملیله عرض حال قیلام من
دیر که سرور لب تشنه شام عاشورا
ایدوبدی حجتین اتمام اول شه بطحا
قالان قالوبدی گیدنلر گیدوب یاتوب سسلر
اولوبدی خیمده آرام آل پیغمبر
گیدور امام نگوردوم او چولده صاق و صولا
گوروب او حالتی دوشدوم دالینجا منده یولا
اولوب منه متوجه او شهریار زمن
دیدی هلال ندور مقصدین گلن سنسن؟
دیدیم بلی سنه قربان اولوم هارا گیدوسن
مباد قصد ایده تنها گوره سنی دشمن
دیدی بو دشتی دولانماقدا بل بودور منظور
اگر جنگه اقدام ایلسه بو قوم شرور
صباح اولار باشیمیز جنگیله بیزیم سر گرم
سالار بالاریمی خوفه قوم بی آزرم
منه دوباره دوتوب یوز او شاه عرش جلال
بیوردی گل بو چولی سنده ترک ایله هلال
ایکی داغین آراسین دوت بو یول حجازه چیخار
اوزون بو مهلکه دن ایتگله رها ناجار
دیدیم گرک سنه قربان ایدم بو دشتیده جان
گوزون فداسی قاپوندان منی هارا قوووسان؟
دیر دولاندوق او دشتی او گیجه هر طرفین
قیتدی خیمه سینه ساکن اولدی سرور دین
بلالی باشی دوشن هر بلای عظمایه
کمال یاسیله تکیه ایدوب متکایه
خطاب ایلدی زینب او شاه عطشانه
حسین قالانلاریدا ایتدون امتحان یانه؟
ویا صباح آنام اوغلی بولاردا هم گیده جاق
بیزی بو وادی محنتده جمله ترک ایده جاق؟
بویوردی سرور دوران گیدن دگوله بولار
بو غملی چولده بیزی ترک ایدن دیوله بولار
بولاردان عهد آلوب اولده قادر سبحان
پیمبر اوغلونا ایتسون بو چولده جان قربان
اولوب هلال بو سوزدن ملول ایتدی نوا
صحابه نی اوجا آوازیله ایدوبدی ندا
علی عیالی گلون ناگراندولار بیزدن
کشیک چکاق بولارا ایتمسونله چوخ شیون
توکولدولر ایشیکه خیمدن او نچه دلیر
که گوئیا ایدوری حمله دشمن استینه شیر
چکوب تمامیسی شمشیرین ایلدی عریان
خطاب ایتدیله ای اهلبیت شاه جهان
بلون بونی نقدر واردی بو قلج الده
بیزوق بلانی ایدن دفع سیزدن ازلده
قسم خدایه داخی جانه بیز دویان دگولوق
سیزی بو دشتیده یالقوز قویوب گیدن دگولوق
بیان ایتماقا معذورم ای امام زمان
دولاندی رشته غم گلدی گور هارا هاردان
او وقته بس گوره سن نولدی زینبین حالی
گیدنده غارته جدین حسینین اجلالی
توکولدی خیمیه هشتاد مین قشون بیردن
ادامه ویرمه سوزون قیل تمام (حامدی) سن
مرحوم حامد تبریزی
منبع کانال گنجینه گذشتگان
موضوع: احوالات تاسوعا و عاشورا ,
زبان شعر و شاعر: نوحه ترکی , حامد تبریزی
-------------------------------
احوالات فرزندان
حضرت زینب کبری (سلام الله)
کربلاده اونداکی شاه شهید
الدی یار و یاوری قالدی وحید
هر قدر هل من معین ایتدی ندا
اولمادی بیر کس اونا ویرسون صدا
آرتوروب فریاد و آه زارینی
قانینه غلطانگوروب انصارینی
ویردی رخصت کوزده اشک الینه
اولمادی بیر کس یانا احوالینه
سلب اولوب آرام و صبر و طاقتی
غصه دن تغییر تاپدی حالتی
سویلدی بیرده او محبوب الاه
بیر نفر واردور بیزه اولسون پناه؟
بو سسی تا یتدی سمع زینبه
اولدی واقف اول بلا کش مطلبه
قارداشین یالقوز لوقی ایتدی اثر
ایلدی جاری یوزه اشک بصر
گوز یاشی اولدی روان اوز باشینه
یاندی بییاور قالان قارداشینه
سویلدی یارب نه چاره ایلیوم
قارداشیم یالقوز قالوبدور نیلیوم
قلبیدن تغییر ویردی ذکرینه
اودلانوب دل دوشدی چاره فکرینه
یادینه دوشدی عزیز جانلاری
مایه عمری ایکی اوغلانلاری
سو سپوبدور اتش سوزانینه
ایستدی اوغلانلارین اوز یانینه
کوکب رخشانیدی صورتلری
لاکین افسردیدی چوخ حالتلری
غنچه گل تک لبلری خندانیدی
اوچ گونیدی چون اولار عطشانیدی
کیم ویرر بو مهریده باجی نشان
قارداشا قربان ویره آرام جان
گوزلرینه سرمه چکدی ذوقیله
تللرینه شانه ووردی شوقیله
ایلدی قامتلرین آراسته
اولدی حق قربانلاری پیراسته
دوردی اول دخت امام محتشم
یانینه اوغلانلارین سالدی اودم
قلبینی غم تیری چون پیکان دلوب
محضر شاه شهدانه گلوب
یوزده گوز یاشی دلینده اضطرار
بیر دولاندی باشینه پروانه وار
توکدی گوز یاشین یوزه دریا کیمی
شوره گلدی بلبل شیدا کیمی
باخدی بیر قارداشه گلدی شیونه
سویلدی قارداش فدا جانیم سنه
من نجه بیله گوروم یالقوز سنی
الدوروب انصاریوی قوم دنی
ایتموسن جانانبله بیع و شری
بذل ایدورسن مال و خویش و اقربا
جدیوه ویرم قسم قارداش سنی
گل شریک ایله بو سوداده منی
منده بو سوداده حق فیضین آلوم
بو بلالی باشیمه قاره سالوم
ای آناسی فاطمه جدی رسول
بو قوزی قربانلاری ایله قبول
لیلینی اکبر سرافراز ایلیوب
ناله و آهیله دمساز ایلیوب
جان ویروب قاسم سریه کام آلوب
هم آناسی باشینه قاره سالوب
اولدولار زهرا یانیندا سربلند
گر اولام منده چوخ اولام شوقمند
تا حیاتیم وار گوزوم اشگه دولار
اکبریندن یوخسا آرتوخدور بولار
وار یری بو حسرته دلدن یانام
کیم دیر مولادن افضلدور غلام
بونلارا ای سرور امت حسین
اذن ویر قوی زینبه منت حسین
عازماولسونلار بلا میدانینه
قانلارین قاتسونلا اکبر قانینه
شاه دین سویلوب باجی یا زینبا
صاحبین اولملز بو سودایه رضا
یثربه گیتسن مگر ایتمز سئوال
ای باجی سندن او گون تقریر حال
جان ویروب بلسه ایکی نورس جوان
قامتین ایلر اوغول مرگی کمان
زینب بیخانمان ویردی جواب
ای شه گلگون قبا عالی جناب
یوز قویان گون بو دیاره سنله من
ایلدی اظهار او شخص ممتحن
قویم سن اوغلانلارین سالم قالا
فاطمه دلبندینه ایله فدا
بیر آنا بیرده ایکی نورس بالا
آغلادی اودلاندی شاه کربلا
بسکه چوخ عجز ایتدیله یالواردیلار
آخر اول شهدن اجازه آلدیلار
مقصده نایل ایکی قارداش اولوب
عازم میدان اولار بیر باش اولوب
یتدیلر میدانه باهم دوردولار
نوریله اول عرصه نی دولدوردولار
کوفیانه اول ایکی تشنه جگر
هر نه ایلوب موعظه ایتموب اثر
امر اولوب منجر آخر بیر یره
ایلیوبله حمله قوم کافره
آتش پیکار اولوبدور شعله ور
هر بیری الدوردی بیر نچه نفر
ویرمدی فرصت ولی قوم یزید
ظلمیله هانی بیرین ایتدی شهید
صدقیله جانانینه قربان اولوب
روح پاکی عازم رضوان اولوب
گوردی قارداش قارداشی قانه باتوب
عالمی دلدن دوشوب گوزدن آتوب
نعشینی جان تک باسوب آغوشینه
بو سوزی آهسته سویلوب گوشینه
بس منیم سندن صورا حالیم نولی
منده بل آردینجا گلم بو یولی
آتدی بیر اوخدا او دمده بیر شقی
عالمی یاندوردی تیر ناحقی
بو سوزوم عرشه اوجالدوب آهیمی
ایلوب اول تیره نشان ابراهیمی
تا گوزینه دگمسون تیر اول زمان
ال گوزی استه قویوب اول نوجوان
آنینا تیکدی او مظلومین الین
اودلانوبدور اولین و آخرین
یتدی بیر ظالمده الده بیر عمود
بیر بویوک ظلم ایتدی اول اهل عنود
توکمسون شیعه نجه گوز یاشینی
قارداشا ملحق ایدوب قارداشینی
پارچالاندی باش آخوبدور قان یره
قالموری گوردی او قدری جان ویره
یوز دوتوبدور خیمیه فریاد ایدوب
وارث عیسادن استمداد ایدوب
ای شه دوران یتوش امدادیمه
گامسن باش ویرمرم جلادیمه
تاایشیدی بو سوزی میر فخار
قالمادی قلبینده صبر واختیار
—-باشلاری استه او شاه غم حشم
حق بلور بلمم نجه گلدی او دم
توکدی اشکین صورت زیباسینه
غرق اولابلار گوردی قان دریاسینه
اونلارا اول منبع عین الحیات
بحریدن چون ناخدا ویردی نجات
آلدی آغوشه ایکی نعشی امام
یوزده گوزیاشی ایدوب عزم خیام
تا یتوشدی خیمده قویدی یره
عترت اطهار دگدی بیربیره
دیشره چیخدی خیمدن آل عبا
اولدی دشت کربلا ماتم سرا
بیر اودم غمخواره زینب چیخمادی
صبر ایدوب صبرین حصارین یخمادی
بو خیلیله گورر اولادینی
آرتورار فریاد و آه زارینی
سرور لب تشنگان خجلت چکر
زینب مظلومیه ایلر نظر
بلمورم دوزدی نجه صبر ایلدی
اشک چشمین بیر دولی ابر ایلدی
لیک بیر وقته کسیلدی چاره سی
اوندا که گلدی علی اکبر سسی
مرکبه اولدی شه دوران سوار
اکبرین درک ایلدی اول شهریار
(حامدا)اولدی مطول بو سوزون
مطلقا سوز صاحبینده وار سوزون
ایستسونلر ناله و افغانیله
زایر اول اول قبرینه (خوشخوانیله)
مرحوم حامد تبریزی
منبع کانال گنجینه گذشتگان
موضوع: فرزندان حضرت زینب کبری (س) ,
زبان شعر و شاعر: نوحه ترکی , حامد تبریزی
-------------------------------
احوالات فرزند شهید
مسلم ابن عوسجه
او گونکه درد و بلا کونی بیقرار ایلدی
حسین کمکلری جانانه جان نثار ایلدی
او شاهین الدن عدو یار و یاورین آلدی
او گیر داریده پیغمبر اوغلی تک قالدی
البدی اکبر و عباس و عون و فضل و بریر
سسینه سس ویرن الا خدنگ قالموب غیر
او چولده ایادی هل من معین نقدری ندا
ویرن تاپوامادی بیر کیمسنه سسینه صدا
باخاردی حسرتیله گاه صاقه گاه صولا
یوخودی بیر نفر اول شهریاره ناصر اولا
گوروب امام که بیر نوجوان او دم گلوری
سرشک چشمینی گلدوقجا دیده دن الوری
صغیر دور سورونور تیغینین اجی یردن
باخاردی قدینه چوخ حسرتیله شاه زمن
گلوب سلام ویروب شاه آدین سوروشدی او دم
دیدی که من پسر مسلم بن عوسجیم
اتان الوبدی نیه گلموسن دیدی بالا سن
دیدی که گلموشم ایتماقه جان فدا سنه من
دیدی ایدر آناوا اکتفا آتان الومی
او داغ بسدی داخی گورمیه بالا الومی
خدای حق سنه اجر جزیل ایتسون عطا
دگل آنان سنین الماقیوه دوباره رضا
دیدی که سالما شرر ای شها یانان دلیمه
بو تیغیکه گورورسن باغلیوب آنام بلیمه
نقدری سویلدی ویرموب اجازه سرور دین
قیتدی خیمیه پژمرده دل شکسته غمین
زبسکه ایلدی الحاح و عجز مادرینه
دوروب گلوب ایکیسی شاه دین برابرینه
دیدی ندن بالاما ویرموسن اجازه شها
مگر لیاقتی یوخ اولسون اصغریوه فدا
زبس آنا یالواردی ایتدی داد و فغان
امام ویردی او طفله اجازه میدان
گلوب رجز اوخودی چکدی تیغ او طفل صغیر
ایکی شقینی حیاتیندن ایلیوبدور سیر
آناسی دورموشیدی خیملر قباقینده
اورک ویروب نه که یانسون غم فراقینده
دیردی قانه بویانساندیمه خیال ایدرم
سنه اوغول آنالیق حقیمی حلال ایدرم
یتوب او دمده بیر آتلی مرامینه چاتدی
یخوبدی باشینی کسدی آناسینا آتدی
آناسی گوردی اوغول باشیدور زبس یاندی
باسوبدی سینه سینه قلبیدن الولاندی
یاخوبدی قانین او دم زلف عنبر افشانه
الینده باش قویوب اوز کارزاره دیوانه
گوروب که اوغلی وفاسین جهانه بلدوردی
اوغول باشیله اوغول قاتلینی الدوردی
ستون خیمه نی چکدی اولوبدی داخل جنگ
اوغول غمینده اولوب عرصه چون آناسینا تنگ
امامه ویردیله بو حال ناگواری خبر
آناسی بو بالانون رزمگهده جنگ ایلر
یتوبدی ویردی اونا تسلیت او شاه انام
ایدوبدی عورته جدیم دیدی جهادی حرام
دیدی گذشت ایله نیلوم شها یانور قلبیم
بالام گیدوبدی الیمدن الولانور قلبیم
دوشر بو حاله خدا هانسی عورتین بالاسی
نه چکدی بس گوره سن لیلی اکبرین آناسی
او کونکه تیر بلا قلب عالمی دلدی
علی اکبرینین نعشی خیمیه گلدی
خیام طاهره ده سس دوشوب گلوب اکبر
توکولدی دیشره خیمدن بویوک کچیک یکسر
تعجم آناسی لیلینین وفاسیندان
خیامیدن ایشیگه چیخمادی حیاسیندان
گوره مباد منی شاه دین اولا غمگین
گله ایله آنا (حامد)جهانه بیرده چتین
مرحوم حامد تبریزی
منبع کانال گنجینه گذشتگان
موضوع: احوالات یاران امام حسین (ع) ,
زبان شعر و شاعر: نوحه ترکی , حامد تبریزی
-------------------------------
میلاد حضرت رسول اکرم (صلی الله)
بو گونده اولدی عیان نور احمد محمود
منور ایلدی أفاقی اول مه انور
ربیع الاولین اون یدیسی دوشنبه گونی
قدم بو عالمه قویدی او فخر جن و بشر
بو گونده طاق انو شیروان شکست اولدی
بنای کنگره باطل اولدی زیر و زبر
نظامی لات و مناتین بو گونده برهم اولوب
ایدوب بو واقعه چوخ بت پرسلری مظطر
ایدوب منادی غیبی ندای جائا لحق
اولوبدی باطل عدم گلدی حق پیغمبر
حق ایستدی بو نیله انبیا نی ختم ایتسون
بشارتیدی بونا اول کلن پیمبرلر
بو فخر عالم ابداع علت ایجاد
بونون وجو دینه تشکیل تا پدی عالملر
ایدوبدی عرش خدا رشک سطح غبرایه
مشرف اولدو لا پا بوسینه ملائکلر
بونیله دینینی تکمیل ایدوبدی رب جلیل
اولوب بو دینیله منسوخ تمام مذهبلر
أچیلدی باب هدایت تمام خاق اوزینه
اولوبدی رهبر أئین خالق اکبر
ویروبدی دین خداونده گون بگون ترویج
هدایتین گونی دوتدی جهانی سر تا سر
یتنده قرخ یاشا اولدی هدایته مبعوث
گلوبدی تهنیته اهل نه سما یکسر
عربده رسمیدی سنی جهاندا قرخ اولانین
سوزین حسابه قویالار ویررنتیجه اثر
اودور رسا لتینی قرخ اولاندا ظاهر ایدوب
پیمبریدی ازلدن ولی بو فخر بشر
ایدردی بیر به بیر احکام دینی خلقه بیان
دیماقا حق سوزینی قو یمادی منافقلر
یالانچی ساحرو کذاب أدیله سسلدیلر
توکردی باشینه کول طعن ایدردی دشمنلر
اودور زمانه ده ما اوذی نبی دیدی
تحمل ایتدی یتوب هر قدر جفا و کدر
ووروبلا سنگ جفا پارچالاندی سجده گهی
أخوبدی قرمزی قان ایتدی گل یوزین احمر
همین بو قومیدن اشرار کوفه مشق ألدی
حسینین أنینا داش ووردی کونه سالدی شرر
بحق خون حسین رحم قیل بو زاره خدا
بو حالیله اله کیم (حامده) حمایت ایدر
مرحوم حامد تبریزی
منبع کانال گنجینه گذشتگان
موضوع: حضرت محمد (ص) میلاد ,
زبان شعر و شاعر: نوحه ترکی , حامد تبریزی
-------------------------------
مبعث حضرت رسول اکرم (صل الله علیه و آله)
غریبه گوندی بوگون وار جلالت و شانی
همین جلالتی شاد ایلیوب مسلمانی
بو گونده یتدی حضورِ پیمبره جبریل
مقام ، اوندا که ایتموشدی کوه حرّانی
گوروب نزول ایلدی جرئیل و میکائیل
ازل یتوردی سلامِ خدای یکتانی
ملک یمین و یسارینده واردی یتمش مین
گلوب زیارت ایده اول مقام عُلیانی
اودمده قویدولا، یاقوتیدن یره بیرتخت
ایدوبله ساکن اوبیر تخت اُسته طاهانی
قویوبدی باشینا تاج رسالتی جبریل
اومه جمالی اولوبدور علاوه نورانی
ایدوب او حضرته تعلیم ، سوره اقرء
بیانه گتدی هامی لفظ کلِّ معنانی
دیدی رسالتوی امر حقدی ،خلقه یتور
بویوک کیچیک هامی بولسون بو شرع قرآنی
عروج ایدوب گویه جبریل و هم ملائکلر
ایدوب بو حکمته دارا ،هر علمه دارانی
لوای حمد، النده او حامد ازلی
ایدردی حمد و ثنای خدای اعلانی
مراجعت ایلدی مکّه معظّمیه
خدیجه منزلینه گلدی ،میر ربّانی
اودم پیمبره هر بیر جماد ،ویردی سلام
رسول حق،بولوبدور او شاهِ والانی
باخان زماندا خدیجه پیمبرین یوزینه
جمال پاکنون اولدی اودمده حیرانی
دیدی خدیجه سوله ،لا اله الا الله
رسول اکرمه حق امر ایدوب بوفرمانی
دیدی بولوردوم ازلدن فداک امّ ابی
خدا سنه ویره جاق بو مقام علیانی
ویروبدی نچّه خبر جبرئیل عالمده
ایدوم بیان سوزومی گرچه اولدی طولانی
بیری رسالتیدی ذکر اولوندی جابرجا
ویروب، بیرده خبر میلاد شاه عطشانی
ویرنده بوخبری اولدی عالمین دلی شاد
امان اوچومچی خبردن کسر توانانی
او ساعتیکه علی باشینی قلجلادیلار
بویاندی قانه نماز اُسته اول وفا کانی
بو ذکری بیرده دیدی کربلاده جبرائیل
اودمکه یخدیلار آتدان عزیز زهرانی
جدا باشیندا دیوب راس شاه دین تکبیر
شهادت امرینون اولدی جداده اعلانی
ایشتدی بوسسی چون خیمه ده امام علیل
بو غم بو غصّه گلوگیر ایدوب اونالانی
بیوردی عمّه کنار ایله خیمه دامانین
گوروم قتالیده کی، هایهوی و غوغانی
بابام اُلوب دیه سن ایلوری ندا جبریل
نزول ایدوبدی ملائک دوتوب بیابانی
خیام پرده سینی زینب ایلینده کنار
ایدوب مشاهده بو وقعه ی غم افزانی
نه گوردی شمس هدایت دوتوب جداده قرار
رواندی پای جدایه بوغازینون قانی
دیدی ای عمه اسیر اولماقوز یقین اولدی
گل ایت بو امریدن آگه بنات و نسوانی
اسیر اولماقا بیل باغلاسون مخدّره لر
یتیشدی دلده کی مقصوده قوم سفیانی
هنوز اوّلِ مطلبدی وورما غارته ال
تمام ایله گینه (حامدا) بو عنوانی
مرحوم حامد تبریزی
منبع کانال گنجینه گذشتگان
موضوع: حضرت محمد (ص) مبعث ,
زبان شعر و شاعر: نوحه ترکی , حامد تبریزی
-------------------------------
زبانحال امیرالمومنین حضرت علی (علیه السلام)
بعد از دفن حضرت فاطمه زهرا (سلام الله)
اونداکی زهرانی دفن ایتدی امیر مومنان
اگلشوب قبرین کنارینده بیله ایتدی بیان
هرقدرجانیمده وار جان آغلارام زهرا سنه
گوزیاشیم قورتولسا گرقان آغلارام زهراسنه
عالمی ترک ایلدون سن کامه یتدی دشمنین
گوئیا قالموش قولاقیمده فغان و شیونین
اگلشن گوزیاشلی قبراسته عم اوغلوندورسنین
شوریله هرلحظه هران آغلارام زهرا سنه
چکدیقون غملردوشوریاده اولورقلبیم کباب
قان اولان قلبیمده قالمورطاقت و آرام و تاب
سسلورم هرقدرویرمورسن منه زهرا جواب
قالدیم آخرخانه ویران آغلارام زهرا سنه
توکماقا قان یاش یانان دلدن اجازه آلموشام
شعله آهیمله لرزه نه قبابه سالموشام
دورایاقه فاطمه من ایمدی یالقوزقالموشام
اولموشام بیحدپریشان آغلارام زهرا سنه
بیله فرض ایتمه عم اوغلون داد و شیوندن دویار
کسوت صبرو دوامی جسم زاریندن سویار
اوزالیله عاشق اوزمحبوبه سین قبره قویار
قالموشام واللهی حیران آغلارام زهرا سنه
غسلیوی ایمدی ویرنده یانموشام دلدن امان
گورموشم قولاریوی اشگیم اولوب گوزدن روان
ایلمیشدون بو نچه مدت نجه مندن نهان
تاوارام چیخمازیادیمدان آغلارام زهرا سنه
خوش گلورآیا بو محنت کردگارذوالمنه
گیتدون استیفای حق استنده داردشمنه
بازگشتینده آچاندا ظلم الین ثانی سنه
کاش اولیدی کونی ویران آغلارام زهرا سنه
غم الینده بو جهاندا تیره اولدی گوندوزون
واریری قبرونده ده قان آغلاسا آغلارگوزون
دورگیداق آخرحسینی ایتگلن آرام اوزون
فرقتونده ایلورافغان آغلارام زهرا سنه
قبرین استه دورموشام نسکلرین یاد ایتماقا
صبرسرحدین گوزوم یاشیله بربادایتماقا
اوزایوینده قویمادی دشمن سنی دادایتماقا
آغلادون چوللرده هرآن آغلارام زهرا سنه
قورخورام من بینوانی دردهجرانون یورا
چوخ قالام دنیاده چوخ عمرایلیم سندنصورا
نیلمیشدون سن مگرثانی سنه سیلی وورا
یوخ سوزیمده جای نقصان آغلارام زهرا سنه
شوق قبر شاه مردان باشیمه دوشموش گینه
لطف قیل بیرده خدا(حامد) گیده پابوسینه
بو سوزی ذکرایلیه بالای سرده گوشینه
هرقدرجانیمده وارجان آغلارام زهرا سنه
مرحوم حامد تبریزی
منبع کانال گنجینه گذشتگان
موضوع: حضرت فاطمه زهرا (س) زبانحال ,
زبان شعر و شاعر: نوحه ترکی , حامد تبریزی
-------------------------------
زبانحال حضرت زینب کبری (سلام الله)
در فراق مادر
قان آغلارام دلدن سنه هران انا یافاطمه
قویدی یتیمه زینبون دوران آنا یافاطمه
واردوریری داد ایلسون تا جاندا وار جان زینبین
یاده دوشنده دل یانارهم وصله چادرشبین
آغلار گوزیله اوج ایدوب افلاکه یارب یاربین
گون ویرمدی غمدن سنه دوران آنا یافاطمه
ایتموم ننوعیله آنا دورفلکدن من گله
بیربیله وقتیمده منی قویدی آناسیز ظلمیله
گورنه حسینین گوزیاشی جاری اولوربیفاصله
اشکی اخورویرمورامان بیرآن آنا یافاطمه
گرچه آتام واردورولی اولمازاتامثل انا
کیمدورآناسیزقیزلارین احوالینه دلدن یانا
ای هم زبانی زینبینوی غم ایدن عمرین فنا
سن المدون الدوردولرعدوان آنا یافاطمه
ازبس غلاف تیغیله ووردی آنا قنفذ سنی
غش ایلدون بیفاصله یاندوردی اول حالین منی
چکدی آتامی بیعته قول باغلی کفاردنی
امداده گیتدون مسجده گریان انا یافاطمه
مشکل قیزین بیرده انا سندن صورا دلشاد اولا
واردوریری قان آغلیا هم مونسی فریاد اولا
سن تک انام الدن گیدوب چرخین ایوی برباداولا
سازش سنیله ایتمدی دوران انا یا فاطمه
چیخمازیادیمدان بیرزمان ویرموب امان آغلار گوزین
یاندی قاپون قالدون درو دیوار آراسیندا اوزین
اخراولیدی اللری شل ای آناجان قنفذین
ظلمی اولوبدور مرگیوه عنوان انا یافاطمه
ای شافع روزجزاای دختر ختم رسول
تنگه گلوبدور(حامدی)عمرینده اولموش دل ملول
ایله سنی اوغلون حسین بو بیرسوزی اوندان قبول
قویما قالا روزجزا حیران انا یا فاطمه
مرحوم حامد تبریزی
منبع کانال گنجینه گذشتگان
موضوع: حضرت فاطمه زهرا (س) زبانحال ,
زبان شعر و شاعر: نوحه ترکی , حامد تبریزی
-------------------------------
زبانحال حضرت فاطمه زهرا (سلام الله)
به امیرالمومنین حضرت علی (علیه السلام)
آغلاما باخماسن آغلیر یاعلی زهراسنه
وار یری قان آغلاساگردیده ی دنیاسنه
ای جمال ا... جمالون عینون عین عین حق
ریزه خوار سفره ی احسانون هربیر ماخلق
فیض آلوب باطنده سندن انبیای ماسبق
رتبه ده چاتمازیقینا عیسی وموسی سنه
اسم پاکون مظهرآیات خلاق جلیل
ذات حق ایتموش سنی هربیر نظردن بی بدیل
واله اولموش حسنوه گویده نه تک بیر جبرییل
عالم وآدم اولوبدور واله وشیدا سنه
سرور ایتموش کون وامکانه سنی خیرالوری
امریوه ایلراطاعت مهرومه ارض وسما
سنسن ای نجم درخشان معنی شمس الضحی
سجده ایلر ساکنان نه فلک یکجا سنه
ای مه برج ولایت وی گل باغ جنان
مفخر خیرالبشر ای مصطفایه جانِ جان
باخما اولدی گلشن عمروم بهاریندا خزان
واریری قربان اولا مین دفعه گر زهراسنه
احمد مرسل دیدی من کنت مولا امته
نفسیوی اولا بولوب طاها تمام خلقته
حضرت حق ایلدی نایل سنی بو رتبته
بومقامی بولدی لایق چون حق یکتاسنه
تیز فراموش اولدی اما حکم ختم المرسلین
حقیوی پامال ایدوب داندی مقامون قوم کین
باخما آلمور کس سلامین یا امیرالمومنین
دایما اکرام ایدر صدیقه ی کبرا سنه
فرقه ی باطل ریاست اوسته شوراقوردولار
بارگاه وحی حقه اوت ویروب یاندیردیلار
شیشه ی عمر بتولی ظلموله سیندیردیلار
یازدیلار ثانی الیله غملی بیر طغرا سنه
گللریم سولدی چمنده سوسن ویاس آغلادی
غنچه میز پامال اولاندا لاله لر دل داغلادی
حکم پیغمبر یدا... اللرین تا باغلادی
غالب اولدی ظاهرا بوفرقه ی اعداسنه
شیخ وشاب ایتدی اوگون باب ولاده اجتماع
حکم شرعیله ولایتدن اودم ایتدیم دفاع
مسجد پیغمبره ختم اولدی آخر بونزاع
بومحندن عرشیده قان آغلادی طاها سنه
مسجده چکدی سنی جبریله قوم فتنه گر
حال ضعفیله گوزآچدیم ایتدیم احساس خطر
همتیله باغلادیم بل ایلیم تا دفع شر
قویمیام ایتسون جسارت قوم بی پرواسنه
پرده لی قوی عرض ایدوم ای عالم هرسرّوسَر
نولدی زهرایه اوگون بیر بولدی حی دادگر
حالیمی بیر فضه گوردی بیرده زینب مختصر
تانفس وار فاش ایدم بومحنتی حاشا سنه
«حامدم »گرچه گنهکارم قاپیزدا نوکرم
نوحه خوان لیق منصبین مینلر بهشته ویرمرم
گل باشیم اوسته اولنده ایله حقیمده کرم
نوکریم سویله منه منده دیوم مولا
حامد تبریزی
موضوع: حضرت فاطمه زهرا (س) زبانحال ,
زبان شعر و شاعر: نوحه ترکی , حامد تبریزی
-------------------------------
احوالات شام غریبان حضرت زهرا (سلام الله)
آغلا گوزوم بو محنت عظماده هران
دوتموش بتوله مرتضی شام غریبان
زهرا الوب پیغمبرین گیچدی چراغی
قالدی ولی حشره کیمی دللرده داغی
بیله بلا کش بیر کسین یوخدور سراغی
واللهی یوخدور بو سوزیمده جای نقصان
ایمدی یغوب باشه علی آل بتولی
دلدن سالوب زهرا غمی اول دل ملولی
گاهی بتولی سسلیور گاهی رسولی
سویلور قیزون گلدی سنه بو گونده مهمان
سن اول امانت که منه ایتدون سپرده
رد ایلدیم یتدی سنه اول غم کشیده
بیر صورتی نیلی اولوب قولاری بیرده
وار بیرده صدمه نچه اعضاسینده باخ یان
چون صبره امر ایتدون منی رحلت زمانی
قویدی در و دیوار آرا زهرانی ثانی
مسمار ایدنده سینه سین زخم آخدی قانی
گوردوخجا یاندیم حالتیم اولدی پریشان
کاهی دیردی درد دل قبر رسوله
دلدن یاناردی گه یتیمان بتوله
همناله اولموشدی اشاقلار اول ملوله
سو یلردیلرایوای آنا هر لحظه هرآن
گاهی یاناردی مجتبایه میر بطحا
سویلردی ای جان و دلیم آنان بس هاردا
قویدی نجه آغلارسنی اول دخت طاها
تا واردی عمریم آغلارام دنیاده ألقان
تاثیر ایدوب بو غم او شاه نشاتینه
گاهی دوتاردی یوز او شه اوغلی حسینه
سویلردی چوخ گلمه عزیزیم شور و شینه
آغلار گوزه اولسون علینین جانی قربان
گه زینب و کلثومه ایلردی نظاره
جاری ایدردی متصل اشکین عذاره
آغلاردی دلدن بو غمه بو گیر و داره
زینب دینده وای أنا کلثوم أنا جان
گاهی بتولین عالمین یاده سالاردی
هر لحظه ده بیر اوزگه احواله قالاردی
زهرانین آجلوق محنتی صبرین آلاردی
قویدون منی یاخشی دیردی دیده گریان
(حامد)گیچوتدون عمریوی دور جهاندا
گوردون گیچنلرده نه گون قالسین قالاندا
جهد ایله یازدور آدیوی بو آستاندا
بیر ایت حساب ایتسون سنی خلاق سبحان
مرحوم حامد تبریزی
منبع کانال گنجینه گذشتگان
موضوع: حضرت فاطمه زهرا (س) احوالات ,
زبان شعر و شاعر: نوحه ترکی , حامد تبریزی
-------------------------------
زبانحال امیرالمومنین حضرت علی (علیه السلام)
به خاک بقیع
فرقت زهرا موثر اولدی بسکه بوترابه
جسمینی قبره قویاندا بیله تاپشوردی ترابه
ای بقیع تپراقی ساخلا پیکر زهرانی راحت
گورمیوب خوش گون جهاندا چوخ چکوب جور و مشقت
بو گل باغ جناندور واریدی چوخ چوخ طراوت
سالدی ظلمیله طراوتدن بونی اهل عداوت
آفت ظلمیله سولدی بو گل ختم رسالت
وار یری اوز گردشیندن چرخ دون اولسا خجالت
بو گل گلزار طاهادی حبیبه کردگاره
گلسه مین عالم نظیری بیرده گلمز روزگاره
چوخ گوروب دهرین فشارین سالما چوخ سنده فشاره
نازینی چک خسته دور یورقوندی چوخ گورموش مصیبت
تیره لندی کثرت غمدن جهان آغلار گوزینده
پرده چک رخسارینه جان وار علینین بو سوزینده
گور مسون جدی پیمبر ضرب سیلی صورتینده
نقش بند اولموش عذارینده اسفلی بیر علامت
محنت هجرینده جانه گلمیشم من زار و خسته
سنده چک بیر پرده زهرانین بو جسم زاری استه
گورمسون زهرا ملاقات ایتسه اعضاسین شکسته
جدی پیغمبر که یوخ جسمینده بیر جای سلامت
آیریلوب اوغلانلاریندان مطلقا گریاندی روحی
کفن ایدنده جان کیمی آلدی کناره یاندی روحی
آغلادوب اهل سمانی گور نجه اودلاندی روحی
داغ هجرانی قالار دللرده تا روز قبامت
گرچه من دفن ایتدیم اما گور نجه افسرده یاتدی
ضرب سیلیدن یانان یوز تازه دن تپراقه باتدی
چون بلادن فارغ اولدی مطلقا مقصوده چاتدی
بیر ده هر گز ایلمز بیر کیمسه آزار و اذیت
نسکلی چوخدور حقیقت کشف اولا دنیانی داغلار
آغلورام من قبری استه ایوده ده اطفالی آغلار
ایمدی گوز یاشین حسینی صفحه رخساره باغلار
چون گیدوب الدن أناسی ناله سینده واردی شدت
ایلیوم نچاره گیتماقه ایوه گلمور یوزیمدن
وار یری اشکیم یرینه قان آخا آغلار گوزیمدن
ایلورم حالین قیاس اطفالین آخر اوز اوزیمدن
من بو احواله قالانداگور اولاردا وار نه حالت
گر ایوه گیتسم حسین ایستر آناسین نیلیوم من
گیتمسم سسلر آنا ایوای ایدر فریاد و شیون
(حامدا) زهرا غمی آل رسولی سالدی دلدن
کیم دوزر بو ابتلایه نیاسون شاه ولایت
مرحوم حامد تبریزی
منبع کانال گنجینه گذشتگان
موضوع: حضرت فاطمه زهرا (س) زبانحال ,
زبان شعر و شاعر: نوحه ترکی , حامد تبریزی
-------------------------------
معجر حضرت فاطمه زهرا (سلام الله)
و مسلمان شدن عده ای یهودی
روایت ایلین علامه دور همین بو سوزی
سوزی دیه دیه ویردی نشان محلین اوزی
اوزی خبرده مسلطدی هر بد و خوبه
ویروبدی نسبتینی ابن شهر آشوبه
گلوبدی بیر گون ایوه شهریار ملک وفا
دیدی طعامه گمانین گلوری یا زهرا
کمال خجلتیله سویلوب ای شه دوران
حضوریوه گتورم بیر زادا یوخومدی گمان
اشافلاریمدا اوزیمده آجام جعلت فداک
اوزون علاج ایله قویما عیالیوی غمناک
آلوب او وقتیده چادر شبین او کنز غمین
شراره سی سونه دللرده بلکه بو المین
یهودینین ایوینه گلدی میر ربانی
لحکمته اونا فاش ایتدی بو قضایانی
قویوبدی فاطمه چادر شبین او یرده گرو
معاش ایتماق ایچون بیر فدر آلوبدور جونین
قیتدی منزله مسرور حال و چوخ دلشاد
اولا بالالاری تا قید جوعیدن آزاد
غروبه گون یتوب آفاقی چولقادی ظلمت
اولوب شب عالی و ادنا هامی یاتوب راحت
یتوبدی نصف شب عالم اولوب سراسر تار
اولوب عیالی یهودینین اول زمان بیدار
او حجره که واریدی معجر بتول اوردا
گوروب او حجره دن افلاکه نور اولور پیدا
دوشوبدی حیرته یکباره ایلینده نظر
علاوه نور گلور گوردی عطر مشک و عبر
ایدوبدی صاحبین اول وقته خوابیدن بیدار
نه یاتموسان دیدی دور بیرمهم مطلب وار
گوروبله نور اوجالور آسمان پی در پی
او دم حقیقت زهرایه تا آپاردیلا پی
اودم ویروبله هامی خویش و اقربایه خبر
او نوری گرماق ایچون خویش و ایل گلوب یکسر
گورن او حالتی ترک ایتدی فورا آئینین
قبول ایلدی تا که پیمبرین دینین
مشرف اولدی نچه خانواده اسلامه
بلی کرامت زهرا یتوشمز اتمامه
روادی گور بو جلال و بو شان صاحبینی
سالا فشاره عدوآرتورا مصائبینی
آتاسی الدی سالوب محنته او عم زده نی
پیمبرین قوروسون ثانی قویمادی کفنی
او در که قابض الرواح اذن آلوب اوندان
همان او درگهه اود ووردی فرقه عدوان
قاپو دالیندا دایانموشدی دختر طاها
هجوم دشمنی سد ایلیه او مام بلا
او پشت درده نه صدمه یتوب خدا بلدی
بو قدر وار که دیدی فضه گل بالام الدی
جنینی بیر طرفه دوشدی بیر طرفده اوزی
نه حاله قالدی او مخدومیه دوشنده گوزی
بتولی حجت حق گوردی قانینه غلطان
رواندی سینه سینین قانی یا امام زمان
نه حاله قالدی دیه بلمم ای شه کونین
ولی بو سری بلر کربلا غریبی حسین
نچون او شهده گوروب شمر الینده محرمینی
سالاندا یادیمه قان آغلارام بو بیر غمینی
آچاندا دشت بلا ایچره قان دولان گوزینی
گورنده زینبی یاددان چخاتدی اوز اوزینی
امام امر ایلیوب خیمگاهه گیتدی او زار
ولی تیکوب یولا گوز (حامد) ایمدیده آغلار
مرحوم حامد تبریزی
منبع کانال گنجینه گذشتگان
موضوع: حضرت فاطمه زهرا (س) احوالات ,
زبان شعر و شاعر: نوحه ترکی , حامد تبریزی
-------------------------------
ماجرای پیراهن حضرت رسول اکرم (ص)
و گریه حضرت فاطمه زهرا (س)
گلور خیالیمه بیر ماجرا ایدیم اظهار
صریحدور بلورم معتبردی صحتی وار
نشان ویروم یرینی هر او کس که طالبیدی
یازان کتاب ریاض الحسین صاحبیدی
بیله یازار که پیمبر جهانی ترک ایتدی
قویوب قالانلارینی دیده تر اوزی گیتدی
مباشر اولدی علی غسل و کفن طاهایه
موثر اولدی آتا هجری بسکه زهرایه
گلردی ناله و فریاده سینه داغلاردی
سرشک چشمین اوزه سیل وار باغلاردی
باساردی باغرینا پیراهنین او زار و حزین
بابا دیوب ایلردی دلدن آه و انین
دیردی قالدی عجب دلده داغ هجرانون
محالیدور یوزی گلسون جهاندا زهرانون
بو پیرهندن ألوب عطرون آغلارام سنه من
سن الدون ای بابا یتدی مرادینه دشمن
گوروب که شیر خدا اول حبیبه داور
باخور او کوینگه آغلور مدام شام و سحر
آخور سرشکی یوزه ویرموری امان بیر أن
امام او کوینگی ایتدی لحکمته پنهان
که بلکه ناله دن اسکات اولا او دل رنجور
آز ایلیه آتا هجرینده داد و شیون و شور
گیچیتدی بیر نچه گون فاطمه بو حالیله
گیچردی گونلری اما غم و ملالیله
گوروبکه دوزمور اورک اود نهادینه دوشوری
الولاشور اورکی جدی یادینه دوشوری
گینه عم اوغلوسونا سویلوب اول دل آزرده
که لطف قیل آتامین گوینگین گوروم بیر ده
امام او کوینگی ویردی دوباره زهرایه
فغان و شیونی اوج ایتدی سطح غبرایه
همینکه باسدی آتا کوینگینی سینه سینه
آچیلدی بیر قاپی درد و بلا خزینه سینه
دوتوب شراره دلی باسدی جان تک آغوشه
اوغوشدوروب اورگین گلدی غملری جوشه
زبس بابا دیدی آه و فغان و داد ایتدی
غرض او کوینگین استنده هو شیدن گیتدی
اگرچه فاطمه نین درد و محنتی چوخیدی
او پیرهنده ولی نیزه اوخ یری یوخیدی
تعجبم بونا صبر ایلدی نجه زینب
گورنده قارداشینین قانلی کوینگین یارب
دیار شامیده اول گونکه رد غارت اولوب
دوباره عترت پیغمبره قیامت اولوب
همینکه شمر گتوردی او اوخلی پیرهنی
دوباره محنته سالدی بات شه زمنی
گوروب او کوینگی علیا مکرمه یاندی
شرر دوتوبدی سرا پا وجودی اوخلاندی
گلوب نوایه سپهره اوجاتدی بانگ درای
دیردی وای یارالی جان ویرن حسینیم وار
گل ای یارالی اولان غسلی جسمینین القان
بو اخلی کوینگیوه زینبین اولا قربان
مرحوم حامد تبریزی
حضرت علی (ع) فرمود :
پیراهن حضرت رسول اکرم (ص) در اختیار من بود
روزی فاطمه (س) آن پیراهن را از من خواست
وقتی پیراهن را باو دادم بوئید
و بوسید و آنقدر گریست تا بیحال شد
وقتی چنان دیدم پیراهن را از او گرفتم و مخفی کردم
بحار الانوار مجلسی
جلد 43 ص 157
بانوی نمونه اسلام امینی ص188
منبع کانال گنجینه گذشتگان
موضوع: حضرت فاطمه زهرا (س) احوالات ,
زبان شعر و شاعر: نوحه ترکی , حامد تبریزی
-------------------------------
زبانحال امیرالمومنین حضرت علی (ع)
درکنار مزار حضرت زهرا (س)
ای فاطمه جان ای گل گلزار رسالت
ای عصه سی چوخ عمری آز ای کان مصیبت
ایکاش عم اوغلوندا اولیدی سنه ملحق
ای حقی الیندن گیدن ای کشته ناحق
جدین سنیله فاطمه ایلردی مباهات
جان تک باسوب آغوشه اپردی سنی کرات
بوندان صورا شاه اولسون عم اوغلون داخی هیهات
سندن صورا کولرباشینا عالمین اولسون
گلزار جهانین سارالوب گللری سولسون
ای گوهر گنجینه اسرار الهی
ایتدون نیه مانوس اوزیوه خاک سیاهی
قویدون الی قوینوندا بو بی پشت و پناهی
زهرا سنه نه گلدی نه تیز دویدون علیدن
بو رخت علایق نئیدی سویدون علیدن
شیعه گوزی آغلار قالی بو حسرته دایم
تاپسون نجه قبرون نه نشانه نه علایم
بیرگون گلجاق پورحسین مهدی قایم
دوشسه گوزی بی فاصله قبرون تاپاجاقدور
اما بلوسن فاطمه جان آغلیاجاقدور
اول کان وفا گیچمزاو گون رسم وفادن
غم گلشن عمرین سالاجاق ذوق و صفادن
دادون آلاجاق فاطمه جان اهل جفادن
عالملره هر بیر غمیوی آندوراجاقدور
ازل ووروب اود قاتلیوی یاندوراجاقدور
رنجوریدی هرعضو و هراعضاء جسدده
گوردی عجب آسوده یاتوب خاک لحدده
بو صبر گورونموبدی گورونمزبیراحدده
محبوبینی محبوب ایده مدفون اوزالیله
اوزباغرینی هجرینده ایده قان اوزالیله
قورتولدی مصیبتدن او عقبایه شفیعه
بیرتوصیه ده ایتدی اوشه خاک بقیعه
سنده قویورام پیکرزهرانی ودیعه
پیغمبرین ای خاک جگرگوشه سیدوربو
اول ختم رسولانه دل آئینه سیدور بو
تاپدون قسم اللهه عجب شان و شرافت
باش قویدی سنه دختر پیغمبر رحمت
آزرده دی یورقوندی اولا قویما اذیت
باس باغریوا بو جان علیدوربونی جان تک
ساخلا بونی جوفینده اوزون درنهان تک
(حامد) بو مصیبتده علی قامتی خمدور
ایسته سنه لطف ایتسون اوشه کان کرمدور
بیژن پورا دا باخسین اودا کاتب غمدور
شامل ایده لطفین اونا محشرگونی زهرا
تا ایلمیه حشریده محروم اونی زهرا
مرحوم حامد تبریزی
منبع کانال گنجینه گذشتگان
موضوع: حضرت فاطمه زهرا (س) زبانحال ,
زبان شعر و شاعر: نوحه ترکی , حامد تبریزی
-------------------------------
ولادت حضرت زهرا (سلام الله)
بوگون جهانه قدم قویدی درگنج حیا
عزیزه دو جهان بعنی حضرت زهرا
خدا بو نوریله قورتاردی کونی ظلمتدن
تاپوبدی عالم امکان بوگون بیر اوزگه ضیا
بشر غلطدی دیسم نورمحض دوربو خانم
ایدوب ولیک بشرصورتینده خلق خدا
خدا- حبیبه سیدورباب فیض و رحمتدور
بشراولان اولا بلمزبو شوکته دارا
عجب جلالتی وار- شانی واربو خاتونین
خدایه آند اولا عاجزدی نطقیم ایتسون ادا
نظرتولدیدورایستورم بیانه گله
تاپا بو قانه دونن دل ولادتیله صفا
اراده سی بونا اولدی خدای لم یزلین
ایده جهانی منوراو نورحی الا
آناسینا آنا بطنینده مونس دلیدی
بیان ایدردی قصص متصل آنایه بالا
ایدردی دفع ملالین غریبه دللریله
دیردی باغلا امیدین خدای حقه آنا
او وقت اولدی که قویسون فنا جهانه قدم
مزین ایلسون عالملری او مه سیما
حمایت ایلماقا گلمدی زنان قریش
اوگون خدیجه نون اولدی گوزینده تیره فضا
او دمده امرخدائیله باغ جنتدن
گلوبدی مریم و سارا و هاجرو حوا
اولوبدی قابله سی بانوان خلدبرین
فدا جلالیوه ای دخت سید بطحا
ایدوبله غنچه گل تک قماطه پیچیده
آلوب قوجاقینه قنداقینی رسول خدا
گهی اپردی او گل غنچه سین گه ایگلردی
بهشت عطری قیزیمدان گلوردیردی بلا
سنون گوزیندن ایراق آه یا رسول الله
بیراوزگه گوزده اونی گوردی فرقه اعدا
گیدنده امته سن تاپشروب اونی گیتدون
ولی چه فایده ویردی نتیجه عکس اونا
او بیکسی درو دیوارآرا قویوب ثانی
شکست اولدی وجودینده بیرنچه اعضا
خدانی عصمت زهرایه آند ویر(حامد)
اوزی بو اهل جهانه توجه ایلیه تا
مرحوم حامد تبریزی
منبع کانال گنجینه گذشتگان
موضوع: حضرت فاطمه زهرا (س) میلادیه ,
زبان شعر و شاعر: نوحه ترکی , حامد تبریزی
نظرات (۰)
هیچ نظری هنوز ثبت نشده است