متن نوحه ترکی ثریا تبریزی
مجموعه اشعار برگزیده ترکی از مرحوم استاد ثریا تبریزی شاعر اهلبیت (ع) که در مدح ائمه اطهار علیهم السلام سروده اند
متن نوحه ترکی از مرحوم ثریا تبریزی
-----------
احوالات مجلس ابن زیاد
ظهورمحض ایدنده خزینه مکنون
یتشدی مصرحقدن ندای کن فیکون
کناره چیخما گلن ای قلم بو مطلبدن
دانش دی عشق حسینیله عشق زینبدن
حسین تشنه لبین عسقی اوزگه عشق اولدی
النجه سالمادی دلدن دلینده مشق اولدی
قبول عشق ایلیوب اولدی جون فنا فی الله
ایدوبدی سلسله عشقی عشقیدن آگاه
گورردی سلسله عشق چوخ مطول دور
بولوردی حضرت سجاده امرمجملدور
کمند عشقی سالوب بوینونا محبتیله
قویوب اسیرآدین چکدیلرنه زحمتیله
زبسکه عشق اودینا اول وجودی یانموشدی
اسیرعشق گورنلراسیرقانموشدی
سوارکشتی دریای حیرتیدی چونوح
نما واریدی بدن مثل قالب بیروح
اسیره باخ هامی دنیانی ایلیوبدی اسیر
جهان و اهل جهانه ووروب آغور زنجیر
اسیره باخ که اولوب عشق کوینه درویش
اوزی مریضیدی لیکن آدیدی مرهم ریش
بلینده سنگ قناعت دلینده کلمه حق
گورن دیردی که هو عشقیوه سنین صدق
گوروبدی مرشدی خوان کرمدن ایلرجود
طریقت اهلینه ایلوبدی بیرکرم دم و دود
اسیره باخ دیه سن زخم خورده آهودور
دمیندن آنلاشوری ورد و ذکری یا هودور
اسیره باخ که اولوب دوست مدحینه مشغول
عصاسی الده تبردور ایکی گوزی کشکول
اسیره باخ که ایدوبدور عمامه سین چلتار
سیخوبدی بوینونی زنجیر طره دلدار
اسیره باخ که اگرایلسیدی بیرایما
یاناردی طورمحبتده حضرت موسا
اسیره باخ که یوزی شعله شب دیجور
یتنده هریره ایلردی رشک وادی طور
اسیره باخ که وجودی ثبات عالمدور
غلامی حضرت عیسی کنیزی مریمدور
اسیره باخ دوه استنده گرچکیدی نفس
قالوردولاردالی سسدن دوشردی بانگ جرس
اسیره باخ که اگر بیر دیسیدی یامحبوب
دیردی مسنی الضرحضرت ایوب
اگراسیردیسن سن سیرامام اولماز
اسیریده بولوئسن قدرت قیام اولماز
اگربوسوزدیسن سن خلاف مذهبدور
یقین ایله که سن بلمدون نه مطلبدور
بونا اسیردیمون بیر باخون ایدون انصاف
گوگون ملکلری ایلله دوره سینده طواف
کشیکچی حضرت موسی صاقندا الده عصا
صولوندا حضرت آدم گیدرصباح و مسا
اولوبلا عالم باطنده طرقو گویان
ولیک عالم ظاهرده قانینه غلطان
گیرنده کوفیه بو عزت و جلالیله
باخاردی کوفه لیلر اوزگه بیرخیالیله
واریدی کوفه ده بیردوستدار پیغمبر
باخاردی گوردی گلورنیزه الده کافرلر
ووروبلا نیزه لره بیرپارا کسیک باشلار
باخاراو باشلارا گوزلر توکوله قان یاشلار
حسین یتیملرین گوردی دست بسته گلور
قباقدا سید سجاد ناقه استه گلور
گوروب امامی گلور لیک بوینی چکنینده
لباسی قرمزی باشدان ایاقه اگنینده
تعجب ایلدی یارب اونون آتاسی الوب
علاوه کیم آتاسی خویش و اقرباسی الوب
نقدری واردی گرک رسمیدورقرا گیینه
گتورمیه ابدا قرمزی آدین دلیینه
یاخونلاشیندا گوروب عالم اوزگه عالمدور
امام گیردیقی یکسرلباس ماتمدور
کسوب دامارلارینی بسکه حلقه زنجیر
آخوبدی قانی ایدوبدورلباسینی تخمیر
بو حالی گوردی ووروب باشینه توکوب قانیاش
دیدی بو نوع سنی گورمیوب الیدیم کاش
او اهل کینه گمان ایتمه کینه دن دویدی
حسین عیالینی راحت اولارهاچان قویدی
زیادین اوغلی او اودم اوزگه بیرخیاله دوشوب
او کوراولان گوزی عالمده کی جلاله دوشوب
مرتب ایلدی بیربزم جشن او بدکردار
دیدی گرک گله اولاد حیدر کرار
بو گونکه گونده گوره شانیمی عیال حسین
نه مدتیدی قالوب انتقام بدرو حنین
دوشندی بزم ولی صدمه یتدی اسلامه
بنی امیهتماما اوگون یتوب کامه
همان او مجلسه بیرزینت تمام ویروب
چکیلدی جارگلون خلقه اذن عام ویروب
گلوبدی دین ایوینی یخماقا مسلمانلار
دانوبلا دینی تمام اللرینده قرآنلار
او برم عیشیده اولوبلا شاه و گدا
شماتت ایتماقا یکسرگلوبله بی سرو پا
تکبریله چیخوب تخته ابن مرجانه
دولاندوروب گوزینی گوردی بزم شاهانه
باخوب نه گوردی که سرکرده لر نظامه دوشوب
غروریدن او زمانبیرخیال خامه دوشوب
دیدی گیدون گتورون کربلا اسیرلرین
بو بزم عشرتیمه شمردستگیرلرین
خراب اولمادی عالم ندن او گون یارب
گیرنده قلبی یانوق باش آچوق خانم زینب
گیرنده مجلسه ازلده بیر نظر سالدی
او بیر نظر هامی آرام صبرینی آلدی
او دم بویوردی ایا دختران شاه عرب
اماندی سسلمیون آدیمی منیم زینب
همان بو کوفه ده بیر اوزگه عزتیم واریدی
آتام امیریدی منده عزیز عالمیدیم
گیجه گونوز بویوک عورتلریله همدمیدیم
ولی اگرگوره لربیزلری بو حالتده
واریمدی واهمه چوخ چوخ قالان شماتتده
دیوب بو سوزلرینی تا او ملجا الا سرا
کلید گنج حیا یعنی زینب کبرا
کنیزلرآراسیندا دایاندی گزلندی
بلند قامتیدی بسکه قدی گورسندی
باخوب اسیرلره بیر به بیر عبیدالله
خیالی چوخ واریدی زینبی گوره ناگاه
گورن اسیرین او ظالم آدین خبرآلدی
دولاندوراندا گوزین زینبه نظر سالدی
سوروشدی کیمدور او عورت ایدوراوزین پنهان
جواب ویرمدیلر ایلدی گینه اصرار
جواب ویردیله بو چرخ حسنه کوکبدور
حسین باجیسی زهرا عزیزی زینبدور
ایشتدی زینب آدین چون او کافر مطلق
آچوب شماتت ایچون لال اولان دلین ناحق
گوروب او مجلسین اهلین تمام ظلم اخلاق
بو نوع زینب کبرانی ایتدی استنطاق
دیدی که حمد خداوند خالق یکتا
جهاندا سیزلری یا زینبا ایدوب رسوا
یالان خبرلروزی خلقه آشکارایلدی
پوزوب تفاقوزی چوخ ذلتیله خوار ایلدی
عجب الیندن آلوبدور عزیز قارداشیوی
گوزونده قانه سنون دوندروبدی گوز یاشینی
علی قیزی او لعینین ایشتدی چون سوزینی
داغیلدی هوش باشیندان ایتوردی اوز اوزینی
گلوب او دم اسدالله غیرتی جوشه
جواب ویردی او بیدین و مست و مدهوشه
بیوردی حمد خداوند قادرو علام
بیزی پیمبر محمودیله ایدوب اکرام
دیمه بو سوزلری آل پیمبره بیجا
جهاندا فاسق اولان کیمسه لر اولوررسوا
یالان دینلره فاجردیله عالمده
اودا که بیز دگولوق کافر اولما
بیر دمده دیله جدیمه گوگلرده احمد صادق
بیزه آتادی بیلورسن محمد صادق
بو سوزلر ابن زیادی زبسکه یاندوردی
او قان دولان گوزینی مجلسه دولاندوردی
باخوب اویان بویانا سویلیوب هانی جلاد
گلوب بو مجلسه آلسون علی قیزیندان داد
نه گوردیلر او زمان الده خنجرفولاد
گیروبدی مجلسه بیر قانلی قان توکن جلاد
یتوشدی زینب بیخانمانی قصد ایتدی
قرارو طاقت او دم اهل بیتیدن گیتدی
دوتاندا دخت علینین اودم گریبانین
یتیم قیزلار او دمده اوجاتدی افغانین
سکینه رنگی سترالدی توکوب گوزیندن یاش
دیردی عمه الیدیم بو گوندن ازل کاش
دیردی حضرت کلثوم بناله و افغان
اماندی دینمه دانشما باجون سنه قربان
امید یوخدی داخی قالمیوب پرستاریم
هرایه گلموری ارخام ایلیم علمداریم
اگر اولیدی بو مجلسده حضرت عباس
گلوردی غیرته حیدر کیمی او اشجع ناس
یارالی باشی گورورباجی وقت غیرتدور
ولیک دینموری معلوم اولان خجالتدور
ولیاو مجلسه باطنده بیر قضا گلدی
سینان قابورقالاری خیره النساء گلدی
بیلینده اللری زینب دیه دیه زهرا
گلوب او بزمه یانیندا خدیجه و سارا
دگوبدی بیربیرینه اهلبیت پیغمبر
گوروب بو حالی تماما یاناردی کافرلر
باخاردیلار او لعینین هامی قساوتینه
تعجب ایلدیلراو بویوک جسارتینه
یوزینده گوردیله آثارکفرگورسندی
بو حالی گوردی حریث اوغلی عمرو دلندی
دیدی امیرکه عورت سوزی قبول اولماز
امیره لازمه دورصبربیله تیز دولماز
خصوص بیر بیله عورت که رونقی پوزولوب
جفا الیله الی ایل قبیله دن اوزولوب
سینوبدی کشتی صبری قالوبدی دریاده
گمانی یوخدی گله ناخدا یته داده
خطا گرایلیه عورت مذمت ایتمزلر
زیاده بوندان اسیره مذمت ایتمزلر
زمانه دورینی بلمم خلاف عادت ایدوب
پیمبرین قزینا اهل کین شفاعت ایدوب
حسین باجیسی گوربیرنه گونلره قالدی
منافقین اونی جلادیدن دوروب آلدی
اگرچه گیچدی او ملعون قتل زینبدن
ولی منیم خبریم واربیراوزگه مطلبدن
دوشوب بو فکره که تا گوستره منیتینی
بروزه گتدی حسینیله اوزعداوتینی
دوتوب بیر الده حسینین باشین بیرالده فنار
دانوب حیا آدینی احترامی قویدی کنار
اوزیده ایتدی تعجب جهانین ایشلرینه
ووراندا چوب جفانی حسین دیشلرینه
بو باره ده یتوشوب غم حسین حرملرینه
توکولدولر بالالارزینبین قدملرینه
دیردیلر هامی بیردن او محفل غمده
کسیک باشین ندورعمه گناهی عالمده
گوروب بو حالتی زید ابن ارقم آغلاردی
دیوب بو سوزلری حضاره بزمی داغلاردی
او یر که سن ووروسان ای لعین بداختر
همیشه اوردان اپردی جناب پیغمبر
اوقدرظلم ایلدی اول لعین بدکردار
نگوردی قصرینین اطرافی اوددوتوبدی یانار
دوروب قاچوب ایشیگه قورخودان اولوب بیهوش
آیلدی هوشه گلوب گوردی اود اولوب خاموش
بلا اولاندا گنهکاربندیه نازل
النجه اولمیاجاق توبه ایتماقا نایل
اودورکه ایتمدی توبه ایتمدی عبرت
زبسکه دوتموشیدی قلبینی اونون ظلمت
بیراوزگه ظلم ایلیوب یاندوروبدی دنیانی
بهشت عدنیده آغلاتدی روح زهرانی
ایکی امام حضورینده کفرایدوب ظاهر
که یعنی سید سجاد محمدباقر
حسین باشین گوتوروب غیظیله یره چالدی
بو ظلمیدن او لعین عرشه ولوله سالدی
دگوبدی بیر بیره سکان عالم لاهوت
تحرک ایلدی تحت زمینده گاویله حوت
او نوع غلغله دوشدی او گون سماواته
نه بلکه گیچدی سماواتیدن حجاباته
چوکوبدی ظلمت ایدوب قاره یر یوزینی تمام
زیادین اوغلودا حتی اولوب سیاه اندام
دوتوبدی ابن زیادین وجودینی لرزه
قرالدی رنگی اودم دوشدیآیری بیر طرزه
بیله گمان ایلیوب عرضه آسمان توکولور
باخاندا سقفه گوروب قطره قطره قان توکولور
بناسی محکمیدی کفریله عداوتدن
گوروب بو آیتی ال چکمدی شقاوتدن
آیلمادی ابدا بیرجه گلمدی اوزینه
دوباره گوتدی حسینین باشین دیزینه
آچوب شماتته دل سویلدی او بد فطرت
حسین قوجالموشیدون ایتمدون ندن بیعت
ایشتدی بو سوزی چون راس شاه تشنه لبان
بوغازینین داماریندان آخوبدی قطره قان
یرینی نحس گورنده دیزین دلوب گیچدی
یتوشدی تخته گیچوب فرشیدن یری بیچدی
اودم یراهلینه یتدی صدای ربانی
امانتیمدی دوتون بو حسینیمون قانی
دیوله حضرت یحیه قانی خروشیده دور
همان او گوندن حسینین قاندا جوشیده
دوآلوبدی حضرت یحیی قانینی بخت النصر
حسین قانین آلاجاقدور یقین که صاحب عصر
باخار قلنجینه غیظه گلردورار اوتورار
ایکی الینی گینه قوینونا قویار اوتورور
دیر نه وقته کیمی ای خدای رحمانی
یراسته بس قالاجاقدور النلرین قانی
گلون او حالتینی بیرده بیر خیال ایلیاق
همان امام میزه بیزده عرض حال ایلیاق
اوزاللریله مسلمانلار ای شه عالم
ایدوبله گورنجه جدین شریعتین برهم
اولوبلا اهل شریعت مصاحب کفار
ویروبله ال اله بو شرعی ایلسونلر خوار
اماندی غیببیده چوخ قالما اولموشوق حیران
او قدری قالموری پامال کفراولا قران
پس ایله یازم (ثریا) بو سوزلرین اثری
تمام عالمی یاندوردی یاخدی مختصری
بو سوزلری اوخویاندا دینده هرساعت
ایتورم حقینی استادیوین اوخی رحمت
مرحوم ثریا تبریزی
منبع کانال گنجینه گذشتگان
موضوع: احوالات مجلس ابن زیاد ,
زبان شعر و شاعر: نوحه ترکی , ثریا تبریزی
-------------------------------
حضرت امام سجاد (علیه السلام)
اسیره باخ، ایلیوبدور هامی جهانی اسیر
جهان و اهل جهانه ووروب آغیر زنجیر
اسیره باخ که اولوب عشق کوینه درویش
اوزی مریضیدی، لیکن آدیدی مرهم ریش
بلینده سنگ قناعت، دیلنده کلمه حق
گورن دیردی که هو، عشقوه سنون صدق
گوروبدی مرشدی، خوان کرمدن ایلر جود
طریقت اهلینه ایلوبدی بیر کرم، دم و دود
اسیره باخ دیه سن تیر خورده آهودور
دمیندن آنلاشوری، ورد و ذکری یاهودور
اسیره باخ که اولوب دوست مدحنه مشغول
عصاسی الده تبردور، ایکی گوزی کشکول
اسیره باخ که ایدوبدور عمامه سین چلتار
سیخوبدی بوینونی زنجیر طره دلدار
اسیره باخ که اگر ایلسیدی بیر ایما
یاناردی طور محبتده حضرت موسی
اسیره باخ که یوزی شعله شب دیجور
یتنده هر یره ایلردی رشگ وادی طور
اسیره باخ که وجودی ثبات عالمدور
غلامی حضرت عیسی، کنیزی مریمدور
اسیره باخ، دوه اوستنده گر چکیدی نفس
قالوردولار دالی، سسدن دوشردی بانگ جرس
اسیره باخ که اگر بیر دیسیدی یا محبوب
دیردی مسنی الضر، حضرت ایوب
اگر اسیر دیسن سن، اسیر امام اولماز
اسیرده بولوسن قدرت قیام اولماز
اگر بو سوز دیه سن سن، خلاف مذهبدور
یقین ایله که سن بولمدون نه مطلبدور
بونا اسیر دیمون، بیر باخون، ایدون انصاف
گوگون ملکلری ایلوله دوره سینده مطاف
کشیکچی حضرت موسی، صاقندا الده عصا
صولوندا حضرت آدم گیدر صباح و مسا
اولوبلا عالم باطنده طرقو گویان
و لیک عالم ظاهرده قاننه غلطان....
مرحوم ثریا تبریزی
موضوع: حضرت امام سجاد (ع) احوالات ,
زبان شعر و شاعر: نوحه ترکی , ثریا تبریزی
-------------------------------
زبانحال حضرت فاطمه صغرا (سلام الله) به حضرت علی اکبر (علیه السلام) هنگام خروج از مدینه
ای یوزی گل زلفی سمن قارداش علی خوشگلموسن
یادایلیوب صغرانی سن قارداش علی خوشگلموسن
گلدون منی یاد ایلدون بو گوگلیمی شاد ایلدون
محنتدن آزاد ایلدون قارداش علی خوشگلموسن
مدتدی که هجران غمی صغرانون اولموش ماتمی
خوش گورم ایمدی عالمی قارداش علی خوشگلموسن
ای بلبل باغ وفا ویردین عجب قلبه صفا
بیماریدیم تاپدیم شفا قارداش علی خوشگلموسن
بیماره ای روح و روان سنسن نشاط جاویدان
سن گلموسن ایتمم فغان قارداش علی خوش گلموسن
بو گلماقین خرسندیم بیرجانفشانلوق بندیم
سندن علی شرمندیم قارداش علی خوش گلموسن
آهون منه ایلوراثر یوخسا که واردوربیر خبر
باسوندا وار شوق سفر قارداش علی خوش گلموسن
آلدین هامی آرامیمی ایتدون قرا ایامیمی
قویدون اورکده کامیمی قارداش علی خوش گلموسن
هجرین منی دلدن سالارآرامیمی الدن آلار
گرسم اطاقین بوش قالارقارداش علی خوش گلموسن
ای گل یوزی قرص قمرسنسیزباجین صغرا نیدر
گل بو سفردن ایت حذرقارداش علی خوش گلموسن
نه تک جمالون بندیم بو خط و خالون بندیم
بیر بیله حالون بندیم قارداش علی خوش گلموسن
هجرینده وارآغلارگوزوم من بو غمه نجه دوزوم
چوخ خوش گلور بیر بو سوزوم قارداش علی خوش گلموسن
آغلا (ثریا)هرزمان گوزیاشیوی ایله روان
صغرا دلینجه قیل بیان قارداش علی خوش گلموسن
مرحوم ثریا تبریزی
منبع کانال گنجینه گذشتگان
موضوع: احوالات خروج از مدینه ,
زبان شعر و شاعر: نوحه ترکی , ثریا تبریزی
-------------------------------
احوالات وداع حضرت امام حسین (علیه السلام)
گینه قراریمی بیر جلوه نگار آپارور
نگار جلوه سی معلومیدور قرار آپارور
گیوبدی قرمزی قاندان گوزوم ایوینده گزر
توان و تابیمی هرلیل و هرنهارآپارور
او سرو قدینه باخدوقجا گوزیاشیم توکولور
نقدری لذت سرو اولسا جویبار آپارور
دوشوب بهار یوزی سری وار طراوتدن
نسیم جور خزان نکهت بهارآپارور
ووروبلا جسمینه ازبس اوخی اوخ استندن
او گلستانه گلن گلدن اوتری خارآپارور
چوخ آغلا زینبه چوخ یان حسین تشنه لبه
فدا او گوزیاشیوا قلبیدن غبارآپارور
حسین غمینده توکن گوزیاشین بو عالمده
الینده حشرگهه درشاهوارآپارور
قتیل العبره دیوب امته فدا اولدی
اودورکه گوزیاشینی درتک نثارآپارور
دوتولسا قلبین اگر قلب زینبه بنذز
سنی عزا دوتولان بزمه قلب تارآپارور
بهار اولاندا چمن زارعشقه فاطمه نی
بولودکیمی دوتولان چشم اشکبار آپارو
الی قابورقالاریندا شکسته قلبی کیمی
حسین ماتمینه زلف تارمار آپارور
گلر عزایه ولی آستانه ده اوتورار
گیدنده گوزیاشی مجلسده هرنه وارآپارور
دیرحسینیمون آخروداعینی اوخیون
او محنتی دل عالمدن اختیارآپارور
دوشنده یاده حسینین همان مقدمه سی
وجود مملکتین اشک سیل وارآپارور
گوزوم ایوینده مهیا اولوب امام حسین
گیدرجداله طرف الده ذوالفقارآپارور
دوروبدی خیمه قاپوسیندا بوینی چکنینده
شهادت امرینه وارذوق انتظارآپارور
ایچوبدی باده وصلت وصال یارایستر
حسینی ساقی وحدت ایدوب خمارآپارور
شتابی واردی گیده گیدماقا یوزی یوخدور
بلی اوغول الومی دیزدن اختیار آپارور
جناب زینبه گزلین وصیتی واردور
سبب اودورکه اونی خیمدن کنارآپارور
دیر باجی گیدورم باش ویرم جدا باشینا
اسیر ایدرسنیده شمربی خمارآپارور
قضا کیمی شه دینی اجل دولاندوردی
قدرالوم آتینا ایلیوب سوار آپارور
بیله گمان ایلمه اولمادی رکاب دوتان
یانینجا روح الامینی رکابدارآپارور
دیدی رقیه گلوم منده سویلدی گلمه
باشیم جداده گیدنده سنیده یارآپارور
خرابه ده سنیله بیرده قول بویون اولام
منی خرابیه منی زلفینده کی اوتارآپارور
نه انقلاب نه اشوب دور دوشوب شامه
دیوله شامه حسین کاروانی بار آپارور
نه کارواندی که لنگ ایلمز متاعی ندور
گمان قضیه زینبدی نوری نارآپارور
که یعنی عصمت کبرانی قولاری باغلی
یزید مجلسینه شمر بد شعارآپارور
مرحوم ثریا تبریزی
منبع کانال گنجینه گذشتگان
موضوع: حضرت امام حسین (ع) وداع ,
زبان شعر و شاعر: نوحه ترکی , ثریا تبریزی
-------------------------------
احوالات حضرت معصومه (سلام الله)
گلدی خیالیمه گینه بیر ماجرا غریب
بو ماجرایه لطف ایله لطفیله یاغریب
موسی بن جعفرین قیزی زینبدن ارث آلوب
یوز قویدی طوسه گیتماقا اول باوفا غریب
چیخدی وطندن حضرت معصومه شوقیله
یازموشدی اول غریبه امام رضاغریب
زرین کجاوه لرده چیخوب ناتوان غم
تختین آلوب آرایه ایدوب خوش صفاغریب
دوشدی قباقه قرای قران نظامیله
آوازیله تلاوت ایدوب هل اتی غریب
هرشهرین اهلی پیشواز ایلیوب احترامیله
کثرتدن اوج عرشه چیخوب مرحبا غریب
بیر نوعی احترامیله زرین کجاوه ده
ویردی اوشهره مقدمی نورو ضیاغریب
صلوات گوندرن او قدر ازدحام ایدوب
دریای چرخی موجه سالوبدور صدا غریب
یانموشدی عودمجمره ده دورتختیده
دولموشدی عودو مشکیله صحن سراغریب
گور خواهر امام رضانون جلالتین
دوشدی خیاله زینب بی اقرباغریب
گورشام شومه داخل اولوب نه جلالیله
یاندی بو حالیدن جگرمرتضاغریب
مرکب سینیق کجاوه جلو داری شمراولوب
شامه گیدوب نه حالیله اول بینواغریب
شام اهلی عود عوضینده ووروبلار اود
شعله چکوب عمامه زین العباغریب
قران تلاوت ایلینی نوک نیزه ده
اولموشدی راس پادشه کربلاغریب
گزدوردی شام اولونجا او ویرانه شامیده
شامه یتوشدی منزل آلعباغریب
بیر مسجد خرابه ده منزل ویروبدولر
نه شام ونه چراغ نه بیر آشناغریب
گزدی نقدری زینب نالان تاپانمادی
بیماره فرش ایتماقا بیربوریاغریب
یازمورقلم سنده(ثریا)دایان بس ایت
تحریر قیلما عمه ندن ایله گلن سن حیاغریب
مرحوم ثریا تبریزی
منبع کانال گنجینه گذشتگان
موضوع: حضرت معصومه (س) احوالات ,
زبان شعر و شاعر: نوحه ترکی , ثریا تبریزی
-------------------------------
زبانحال حضرت رقیه (سلام الله) به راس منور حضرت امام حسین (علیه السلام) در راه شام
ای باشی جسمیسیز بدنی بی سریم بابا
دیندور من فلک زده نی یاوریم بابا
هرچند اغلورام غم اودی شعله ور اولور
جاری اولور یوزیمه بو اشک تریم بابا
عریان دوه ضعیف بدن منزلیم اوزاق
هانسی جفایه تاب ایلیوم سروریم بابا
ایمدی شرار اهیله دنیانی داغلارام
چون یادیمه دوشوبدی عزیز گونلریم بابا
زرپوش محمل استه چیخاندا مدینه دن
دوره می آلوب آت استه برادرلریم بابا
گاهی اوزون قوجاقه الوردون گهی عموم
گاهی علی اکبر گل پیکریم بابا
چادر شبیم حریریدی زرباف مقنعم
یوزده نقاب باشدا ایپک معجریم بابا
گورسیدی گون دوشوب باشیما احترامیله
بیر سایبان اچاردی منه اکبریم بابا
ایمدی نظاره قیل که منه خوف شمریدن
نه عمه لر باخور منه نه خواهریم بابا
گورم که گلدی شمر چکوب تازیانه سین
دورام او وقته لرزه دوتار پیکریم بابا
از بسکه شمر سیلی ووروب اود ویرور یوزوم
اغرور یری یوزیمده قالوب اللریم بابا
چوخ انجورم کسوب قولیمی ایپ اجازه ویر
عباس عمومه ایپ یرینی گوستریم بابا
بابا دیوب ازبس او طفل اوجالدی سسی
جداده صبر امام حسینی الدی سسی
مگر بیری ابوالایتام اولا بو دنیاده
نجه قویاراو یتیمی قالا او صحراده
دولاندوروب یوزینی نوک نیزه ده او زمان
او قانلی گوزلریله بیر باخوب دالی نگران
او باخماقی ولی کون و مکانی یاندوردی
دایاندی قافله نی غفلتا دایاندوردی
اوجالی قافله دن اه و ناله افلاکه
یتوشدی تا بو خبرشمر و شوم و ناپاکه
ایدوبدی بو ایشه مامورزجرملعونی
گیده تاپا گتوره تا او طفل محزونی
بو قصه ابن بیعدن بیله روایت دور
دیر که بلدوم اونی مبدا شقاوتدور
او بیحیائیله اولدوم بو امریده همراه
رجوع ایدوخ ایدردوق یمین یساره نگاه
یتوب نه گوردوق او طفلی قالوبدی چوللرده
سرشک چشمی چو باران توکر رخ زرده
او وقته زجر شقی الده تازیانه یتوب
کمال غیظیله اول طفل ناتوانه یتوب
او طفله گاه ووروب تازیانه هم سیلی
او گل جمالینی سیلیله ایلدی نیلی
دیدیم او کافره ظالم یتیمدور وورما
جفا اودیله یانوب بو علاوه یاندورما
بو غم فزا سوز ایدوب (ثریایه) چوخ تاثیر
همین بو قدر کفایتدی ایتمدی تحریر
مرحوم ثریا تبریزی
منبع کانال گنجینه گذشتگان
موضوع: احوالات راه شام ,
زبان شعر و شاعر: نوحه ترکی , ثریا تبریزی
-------------------------------
در احوالات حضرت امام سجاد (ع)
ای دل گوز آچ اویان بو جهانِ فنایه باخ
دورِ زمانه ده غمِ بی انتهایه باخ
دقّتله ایله قنطرهء عقلدن گذر
بو غم سراده ، آخرِ شاه و گدایه باخ
قنطره : پل بزرگ که بر روی رودخانه ساخته میشود
یوخدور وفا نشانی بو دنیاده بول یقین
گیت بیر کتابِ خالقِ ارض و سمایه باخ
یا : بو عمرده تدارکِ روزِ جزایه باخ
محکم دلیل ایسته سن الله کلامیدور
قرآنی قوی قباقوه ، آچ اِنّمایه باخ
نه ایلیوب امامه وفا ، نه پیمبره
آز عمریده مصیبتِ خیرالورایه باخ
پیمبرون مصیبتنی خوش بولوب ، سون
وارث اولان پیمبره آلِ عبایه باخ
زهریله دوغرانانلارا ، استاد ایدن اوزون
مسمومِ کین اولان شرفِ انبیایه باخ
بیر بیله محنتی ایلین باشیله قبول
محرابِ کوفه ده یخیلان مرتضایه باخ
عمامه سین ووروب یره نعمان گوروب دئدی
تأثیرِ زهردن گوَرَن بیر یارایه باخ
نعمان اماندی بیرده پیمبر ایوینه گَل
زهریله چاک اولان جگرِ مجتبایه باخ
بیر باخ حسین عیالی ربابون وفاسینه
بیرده دونوب بو جعدیه باخ بیر وفایه باخ
مسموم اولوب ئولنلری حتّی حسینی ده
هر ظلمه تاب ایدن شهِ گلگون قبایه باخ
مسموم اولماقین شهِ دینون اینانماسان
گیت بوالحنوق الینده کی تیرِ جفایه باخ
اوچ شعبه لی اوخیکه دگوب قلبینی بیچوب
زهریله چولقاموشدولا عین الورایه باخ
بیر بیر یتیشدی حضرتِ سجاده نوبتی
وارد اولان ائمّیه حکمِ قضایه باخ
دوشدی حسیندن صورا چوخ چوخ بلالره
تسلیم اولان قضایه ، ویرن بیر رضایه باخ
گاهی وروبلا بوینونا زنجیرِ آهنین
صبرِ امامه سِیر ایله ، بیحد بلایه باخ
عریان دوه ، سیخوب بدنین غلّ جامعه
اگننده قانیله بویانان بیر قبایه باخ
اولماز تمام ، سایسان اگر شام محنتی
بیر آزدا گَل مدینه ده کی ماجرایه باخ
قرخ ایل حسینه آغلادی یاندی مدینه ده
واللهی دویمادی گینه طولِ بُکایه باخ
آخر هشام زهریله یاندوردی قلبینی
مظلومه باخ ، عدواتِ آلِ زنایه باخ
اولادینی یغوب باشینا جان ویرن زمان
بیکس قالان بالالارا بیکس آتایه باخ
تاپشوردی باقر اوغلونا عِلمِ امامتی
غمدن یوزی سولوب سارالان پیشوایه باخ
بیرده سفارش ایتدی وصیّته ده ناقه سین
انصاف اوزیله ، رحمِ امامِ هدایه باخ
جانی چیخاندا عرشِ خدا گلدی لرزیه
برهانِ حقّ و لنگرِ عرشِ خدایه باخ
آغلاردیلار بو غمده یتیمانِ فاطمه
بیتِ امامدن اوجالان بیر نوایه باخ
ایستردی اوغلی غسل ویره ایلیه کفن
بوینوندا حسرتیله گوَرَن بیر یارایه باخ
غسّالی اولدی باقرِ علمِ محمّدی
بیر پیشوایه غسل ویرن مقتدایه باخ
غسلین ویروب نماز قیلوب کفن و دفن ایدوب
سجّاد ایویندن عرشه چیخان آه و وایه باخ
گیت ای صبا فراته علمداره ویر خبر
سجاّد ئولوب ، گوتور عَلمون گَل عزایه باخ
شامین یولوندا چوخ باجیوین زحمتین چکوب
تأخیر ایتمه گَل ستمِ اشقیایه باخ
بیرده علیّ اکبرِ ناکامه ویر خبر
قارداشون ئولدی ، گَل بو فغان و نوایه باخ
ببرده دولان چوخور یری تاپ قتلگاهیده
باشیسیز دوشن یر اوسته ذبیحا" قفایه باخ
گر گورمه سن حسینی یتور کوفیه اوزون
خولی ایوین دولانگیله مطبخ سرایه باخ
شامین خرابه سینده دئ بیرده رقیّیه
سجّاد ئولوب ، تدارکِ سترِ قرایه باخ
بیرده صبا بو نوع (ثریّایه) ویر خبر
جدّون عزاسی گلدی ، دولان کربلایه باخ.
مرحوم استاد میرزا احمد یاسر نجفی (ثریا)
منبع مجموعه کانالهای مدح و مرثیه
موضوع: حضرت امام سجاد (ع) احوالات ,
زبان شعر و شاعر: نوحه ترکی , ثریا تبریزی
-------------------------------
احوالات ورود کاروان حسینی به کربلا
ای کربلا بو گون سنه شاه جهان گلور
ملک حجازی ترک ایلیوب باغریقان گلور
یتمش ایکی شهیدین آلوبدور الین اله
جان و دلیله ویرماقا جانانه جان گلور
دنیا غمین گوزیندن آتوب شوق و ذوقیله
عالمدن ال چکوبدی شه انس و جان گلور
یالقوز قویوب رسول خدانین مزارینی
گوز یاشینی بو باره ده ایلوب روان گلور
زهرا قیزی یانیندا گلور یدی قارداشی
لیلا یانینجا اکبر تازه جوان گلور
طوی خونچا سی آرایه گلور نعشی قاسیمون
شیرینی ظلمیله اولی تلخ جهان گلور
اصغر آناسی اصغری آغوشینه آلوب
جاندان گیچوبدی اصغر شیرین زبان گلور
بلمور شهید اولماقا لب تشنه اصغرین
الده دوتوبدی حرمله تیر و کمان گلور
زهر جفایه چولقیوب اوچ شعبه لی خدنگ
نازک بوغازین ایلیاجاقدور نشان گلور
عباس علم آلوب اله کلثوم الین دوتوب
مشکین سالوبدی چکنینه شیر ژیان گلور
بیر اوچ یاشیندا خوردا قیزین دوره سین آلوب
عز و جلال و جاهیله یکسر زنان گلور
میندرمیون سکینه نی زرین کجاویه
آخر منیم خیالیمه بیر داستان گلور
فخر ایلمه یازاندا (ثریا) بو سوزلری
تائید غیبی واردی بیله خوش زبان گلور
آلعلی قصاصینی دشمندن آلماقا
بیر ذوالفقار صاحبی صاحب زمان گلور
مرحوم ثریا تبریزی
منبع کانال گنجینه گذشتگان
موضوع: احوالات ورود به کربلا ,
زبان شعر و شاعر: نوحه ترکی , ثریا تبریزی
-------------------------------
اثبات عشق حضرت امام حسین (ع) به خداوند عالم
کتاب عشق عشق کتابین عیان یازوب
هر نکته سینده عاشقه بیر امتحان یازوب
ظاهرده عین غیبی بلائیله دولدوروب
باطنذه هر مقامینه چوخ عز و شان یازوب
تشبیه ایدوبدی عشقی کمیت مصیبته
چوخ تیز رودی عاشقه صبری عنان یازوب
بشر هما الذین اصابت مصیبده
قرانیده بیمبره امری عیان یازوب
عشق عالمین قبول ایلین باش و جانیله
اولده شاه عشقی خدای جهان یازوب
یعنی حسین حضرت زهرا عزیزینی
کرببلا جولینده ویره امتحان یازوب
یتمش ایکی شهیدی سچوب ویردی امتحان
بزم وصاله دعوت ایدوب میهمان یازوب
قربانلارین جوانینی عنوان کتبده
شبه رسول اکبر تازه جوان یازوب
لازیمدی اوخشیان دوه استنده لیلینی
شامین یولوندا اکبرینه نوحه خوان یازوب
اهو دالینجا حرمله صیاد اولوب گزر
بلمز شکارین اکبر شیرین زبان یازوب
بیر اخدا چون بلوب ایده جاقدور ایکی شکار
اوچ شعبه لی خدنگیله چاچی کمان یازوب
عباس قولارین قلم ایلوب دوشن کیمی
اخدوقجا قانی عشقینه شرح و بیان یازوب
بیر اهنیکه جوهری فولادیدن الار
خنجر قویوبدی شمر ادینی جانستان یازوب
قاتل بیمبر اوغلونا هنگام قتلیده
شهرتدی شمری اصلیده اما سنان یازوب
خلقتده تبراقین گوتوروب قتلگاهیدن
اخرده بیر چوخور یر او شاهه مکان یازوب
قسمت ایدوبله حضرت بیغمبر ارثینی
خنجر دمیله رقعه سینی کوفیان یازوب
قرعه چکوبله بجدله بیر بارماقی دوشوب
شمره باشینی اللرینه کوفیان یازوب
نه باشی وار نه اللری وار عضو ناقصین
ال رسوله مایه اه و فغان یازوب
خط حقیقتی بدنیندن قلح بوزوب
خط مجازی جسمینه نوک سنان یازوب
قالسون قم استه جسمی ولی نوک نیزده
قران ناطقین باشی ویرسون اذان یازوب
قوشلار گوروبدی کرببلاده یر اختارور
بیر باره باره خیمه تابوب اشیان یازوب
اما نه اشیان قوری یر اب و دانه سیز
زینب کیمی او قوشلارا بیر باسبان یازوب
دوزمز بلوب همان گیجه نی فاطمه گلوب
تک قویمیوب عم اوغلو سینی همزبان یازوب
رحمی گلوب حسینه گوروب اج سوسوز قالوب
همت ایدوبدی خولی اوزین میزبان یازوب
حرمت ایدوبدی کللرین استنده یر ویروب
سو گوز یاشین غذاسینی صد حیف قان یازوب
ایلوب حسین سلسله سین بند سلسله
هشتاده دین اسیر دمشقه روان یازوب
تخمیر ایدوبدی بیرده (ثریانی) اهیله
لطفا قبول ایلسه لر روضه خوان یازوب
شه درگهینده رسمیدی بیر باسبان اولار
شادم گورم ادیمی سگ استان یازوب
مرحوم ثریا تبریزی
منبع کانال گنجینه گذشتگان
موضوع: حضرت امام حسین (ع) مناجات ,
زبان شعر و شاعر: نوحه ترکی , ثریا تبریزی
-------------------------------
احوالات ورود اهلبیت (ع) به شهر شام
حجاز قافله سی صبح وقتی شامه یتوشدی
خرابیه یتوشینجه چوخ دولاندی شامه یتوشدی
پیمبر عترتی دلخسته گزردی شام خرابی
یزید عیالی سالوب پرده احترامه یتوشدی
گرکدی شیعه اولان تلخکام اولا هردم
حسین الوبدی ولاکن یزید کامه یتوشدی
حسین عیالی هامی دست بسته شامه گلنده
غم و فرح اثری جمله خاص و عامه یتوشدی
یزید مجلسینه ایلدی نظر دیدی زینب
حسین دولاندی باشین تا صف سلامه یتوشدی
او مجلسه شهدا باشلارین گتوردوله یکسر
امان او وقتیده نوبت اسیر امامه یتوشدی
مقام ایدوبدی حسین باشی بزم یزیدی
گوگلره زینت اولان باش ایله مقامه یتوشدی
یزید الینده آقاج لبلره ایدنده اشاره
سکینه ناله سی افلاک نیل فامه یتوشدی
باخاردی زینب کبری او بزمه حسرتیله
دیدی حسین گوره سن محنتین تمامه یتوشدی؟
ترحم ایلمیوبلر ایدنده آیه تلاوت
جفا و ظلم اودم راس ذوالکرامه یتوشدی
باجین او حالی گوروب دلدن اودلانوبدی یانوبدی
اوجالدی آه دلی چرخ نیلفامه یتوشدی
آلوبدی طاقت و صبرین اونون او تازه مصیبت
اوجلدی ناله سی افلاکیده غمامه یتوشدی
داخی بس ایله (ثریا) مصیبت شامی
او شهرین اهلی اولان دلده کی مرامه یتوشدی
مرحوم ثریا تبریزی
منبع کانال گنجینه گذشتگان
موضوع: احوالات شهر شام ,
زبان شعر و شاعر: نوحه ترکی , ثریا تبریزی
-------------------------------
در شهادت حضرت علی (علیه السلام)
محنتون دوتموش جهانی یا امیرالمومنین
آغلادور شاه و گدانی یا امیرالمومنین
امر اواوب ویردی یرین پیغمبر رحمت سنه
بیعتون سندیردیلار چوخ ویردیلر زحمت سنه
واقعا دوزدون دایاندون یتدی هر محنت سنه
بو غمه کیملر دایانی یا امیرالمومنین
ظلمیله اهل ثقیفه قویدولاربر انجمن
سویلدی شورا ایدن اشخاصیله اوزگه سخن
سوزلری اوز گه نتیجه ویردی بو ینوندارسن
چکدی مسجد ایچره ثانی یا امیرالمومنین
ملجم اوغلی ایستدی ظاهر ایده اوز کینه سین
الدوره محراب ایجنده سر حق آئینه سین
کافر اولدی بولدوروب اوز کینه دیرینه سین
داندی خلاق جهانی یا امیرالمومنین
ویردی بر ضربت یاشوندان قالموب عالمده قرار
روی دنیا تار زلف زینبون تک اولدی تار
تیره گون اولدی هوا یردن گوگه قاخدی غبار
دوتدی غم ارض و سمانی یا امیرالمومنین
عاشق جانبازیدون عالمده الحق یا علی
سجده گاه حقده باتدون قانه ناحق یاعلی
باشیله اسلامه ویردون گرچه رونق یاعلی
اولمادون اخلار نشانی یا امیرالمومنین
محفل دلداره گتدون سن باشوندا بیر یارا
فرقی وار سنلن حسینون سن هارا اوغلون هارا
تشنه جان ویردی یارالی اول ذبیحا من قفا
سو یرینه آخدی قانی یا امیرالمومنین
کربلا دشتینده اوز شآنین حسینون بولدوروب
سینه بی کینیه دگدو قجا اوخلار گل ووروب
شمریده بیر شرمه باخ پیغمبر اوغلون اولدوروب
دستگیر ایتدی قالانی یا امیرالمومنین
اهل کوفه ظلمیدن ایا هاچان بس دویدولار
پیکرین گرگان شام و کوفه یکسر سویدولار
نعش پاکین قوملار اوسته اوچ گون عریان قویدولار
اولمادی بر سایبانی یا امیرالمومنین
براوزوکدن اوتری کسدی بارماقین ابن سلیم
هم سخی اولدی حسین باش ویردی هم اولدی کریم
زینب مظلومیه یوز ویردی اندوه عظیم
گوردی ظلم ساربانی یا امیرالمومنین
وار یری هرآن ثریا حشره تک قان آغلاسون
ایلسون صبح و مسا فریاد و افغان آغلاسون
یادگار اولسون بو سوز دیللرده هر آن آغلاسون
محنتون دوتموش جهانی یا امیرالمومنین
مرحوم ثریا تبریزی
منبع کانال گنجینه گذشتگان
موضوع: حضرت علی (ع) احوالات ,
زبان شعر و شاعر: نوحه ترکی , ثریا تبریزی
-------------------------------
در احوالات حضرت امام حسن مجتبی (علیه السلام)
ای غمکشیده خواهریم
آچ گوزلرون زینب اویان
زهریله یاندی لبلریم
آچ گوزلرون زینب اویان
دور گور نجه بو چرخ دون
ایلر منی سندن کنار
جور و جفای جعده دن
بو دل دوداقیم اودلانار
تاثیری وار قلب اود دوتوب
بیر پارچا آتشدور یانار
سوندورموری اشک تریم
آچ گوزلرون زینب اویان
بیر باد ظلم اسدی باجی
یکسر پوزولدی گلشنیم
ایچدیم سویی سیراب اولام
اود دوتدی یاندی خرمنیم
بیرده آچیلماز بولموشم
گلشنده سرو سوسنیم
سولدی سارالدی گللریم
آچ گوزلرون زینب اویان
ازبس باجی خرسند ایدر
بو دعوت جانان منی
یاریم ضیافتخانه ی
عشقه ایدوب مهمان منی
زلف نگاریم گورسنور
هردم ایدر حیران منی
حسرتله آغلار گوزلریم
آچ گوزلرون زینب اویان
باجی آییلسان خوابیدن
معلوم اولار حالیم سنه
گل صاحبی ایلر علاج
آفت دوشنده گلشنه
ای من غریبه باغبان
دور چاره ایله سن منه
ای جانشین مادریم
آچ گوزلرون زینب اویان
ازبسکه دل تشویق ایدور
لرزه دوشوبدور جانیمه
سرّی اودور بو نوعیله
باعث اولور افغانیمه
دور بی پدر اطفالیمی
جمع ایله باجی یانیمه
موجه گلوبدور غملریم
آچ گوزلرون زینب اویان
دور ویر خبر قارداشیمه
بولسون منیم احوالیمی
ویرسون تسلّی قلبیمه
سیلسون بو اشک آلیمی
گورسون نجه دورِ فلک
قویدی یتیم اطفالیمی
اولسون حسینیم یاوریم
آچ گوزلرون زینب اویان
دور پرشکسته قوشلارا
آماده ایله بیر قفس
قاسمله عبداللهیمه
عبّاسیم اولسون دادرس
تنگ اولیدی میر قافله
باجی دوشوب سسدن جرس
قوینومدا قالدی اللریم
آچ گوزلرون زینب اویان
بو شاهراهی ای باجی
جدّیم بیزه ویردی نشان
ظلمیله مسموم ایتدیلر
پیغمبری بو کوفیان
حیدر قلجلاندی، حسن
زهریله اولدی باغریقان
قورتولمیوب محنتلریم
آچ گوزلرون زینب اویان
یرده حسینی ای باجی
قوم کین ایلر بندبند
باشی اوجالسا نیزیه
اسلامی ایلر سربلند
دردینده قارداشیم ایدر
دنیانون اهلین دردمند
آغلار «ثریّا» نوکریم
آچ گوزلرون زینب اویان
مرحوم ثریا تبریزی
موضوع: حضرت امام حسن مجتبی(ع) احوالات ,
زبان شعر و شاعر: نوحه ترکی , ثریا تبریزی
-------------------------------
زبانحال حضرت معصومه (سلام الله) در فراق حضرت امام رضا (علیه السلام)
قارداش دئمه غمینده معصومه جانه گلمز
دل یوخ دیَم نلر واردردیم بیانه گلمز
واللهی سن گئدندن یوخدور یوخی گوزومده
بیله محبت اولماز بُلمم ندور اؤزومده
سنسیز ئولوم نشانی ظاهردی بو یوزومده
پژمرده گول منیم تک بیر گلسِتانه گلمز
نه وار آنام یانیمدا قارداش مواظب اولسون
احوالیمی سوروشسون هر دم مراقب اولسون
بیر کیمسنه تاپولماز منله مُصاحب اولسون
من تک وطن غریبی بُلَّم جهانه گلمز
قلبیمده فرقتیندن بیر سوزش نهان وار
کشف ائتماقا بو دردی نه شرح و نه بیان وار
بو یانماقیمدا گویا باجیوا امتحان وار
قارداش باجی یانیندا عشق امتحانه گلمز
دل ویرموشم سنون تک بیر بی بدل نگاره
فکریم هامی وفادور من قویدوقوم قراره
خوشدور او عهد چکسه هر شهر هر دیاره
یانسا اگر غمونده قلبیم فغانه گلمز
نامون منه یتیشجک گلدی اله مرامیم
چیخدیم وطندن آخر آرتدی منیم ملالیم
باد صبائیله گر یتسه سنه سلامیم
بُل غربت ایچره قارداش اشکیم روانه گلمز
قویدون منی وطنده گئتدون عراقه قارداش
هر کاروان گلنده گئتدیم سراقه قارداش
باد صبا گتوردی عطرین دماغه قارداش
غربتده آغلارام من دردیم شماره گلمز
ال ساخلا سن «ثریا» یازما بو قدر محنت
قارداش غمینده چکدی باجی بو نوع زحمت
هر دم دیردی قارداش مشکلدی درد فرقت
گزلین قالوب اؤرکده لیکن زبانه گلمز
مرحوم ثریا تبریزی
موضوع: حضرت امام رضا (ع) احوالات ,
زبان شعر و شاعر: نوحه ترکی , ثریا تبریزی
-------------------------------
در احوالات حضرت فاطمه زهرا (سلام الله)
رحلت ایلیوب دار فانیدن
بنت خاتم الانبیا بوگون
باشینه وورار زینب حزین
گوز یاشی توکرمجتبا بوگون
آغلوری شه کربلا بوگون
شیعه لر بو گون آغلیون هامی
دخترِ شه انبیایه سیز
گوز یاشی توکوب تسلیت ویرون
صاحب عزا لافتایه سیز
بیرده میوۀ قلب مصطفی
زهریله ئولن مجتبایه سیز
قان اولوب گوزینده سرشک تر
آغلوری شه کربلا بوگون
سسلدی اودم گل عم اوغلی جان
ایلیوم سنه بیر وصیتی
جان سنون اولا جان حسینیمین
بیرده کسمه مندن سن اُلفتی
مجتبا حسن اوغلوما اوزون
قیل عم اوغلی هرآن محبتی
عترتیم هامی باشیم اوسته دور
آغلوری منه اولیا بوگون
دوقوزایل سنه همدم اولموشام
گورمدیم اذّیت بیر آنیده
زلفلریم آغاردی عم اوغلی جان
محنت رسول گرامیده
چوخدی حسرتیم قلبیده منیم
آیریلوق یتوب بو زمانیده
یاری یاریدن ایلدی جدا
درک ایدور اجل برملا بو گون
غسلیمی منیم ویرعم اوغلی جان
دفن قیل گیجه ثانی بُلمسون
جسمیمه دگن تازیانه لر
آشکاراولوب کیمسه گورمسون
گیزلین ایله سن قبریمی منیم
قبریم اوستونه تا که گلمسون
روحیمی معذّب ایدر منیم
گلسه لر اگراشقیا بو گون
راضی اولمارام ای عم اوغلی جان
ثانی قبریمین اوستینه گله
یاندوران زمان باب رحمتی
سالدی گوگلره شور و ولوله
وار نشانه سی تازیانه نین
جسمیده بو گون گیتمیوب هله
وامصیبتا سویلدی یقین
روح اشرف انبیا بوگون
زینبا قیزیم آغلاما منه
ساخلا گوزیاشین کربلایه سن
شمردون حسین باشینی کسر
صبر قیل او دم هربلایه سن
باشینی وورار نیزیه سنان
گوش قیل کلام خدایه سن
نیزه ده اوخورکهف آیه سین
میوۀ دل مصطفا بوگون
جدّیمین او قبر مطهّرین
قسمت ائت خدا منده تا گلم
ایلیم زیارت او مرقدی
آغلیام او دم نالیه گلم
دلده بو«ثریایه» ورددور
گوزده گوزیاشی با غم و الم
سویلرم نولور قبر پاکیوه
جمع اولا بو اهل عزا بوگون
مرحوم ثریا تبریزی
موضوع: حضرت فاطمه زهرا (س) احوالات ,
زبان شعر و شاعر: نوحه ترکی , ثریا تبریزی
-------------------------------
احوالات شهادت حضرت فاطمه زهرا (سلام الله)
رحلت ایلیوب دارفانیدن بنت خاتم الانبیا بوگون
باشینه وورار زینب حزین گوزیاشی توکرمجتبا بوگون
آغلوری شه کربلا بوگون
شیعه لربوگون آغلیون هامی دخترشه ابیایه سیز
گوزیاشی توکوب تسلیت ویرون صاحب عزا لافتایه سیز
بیرده میوه قلب مصطفی زهریله الن مجتبایه سیز
قان اولوب گوزینده سرشک ترآغلوری شه کربلا بوگون
سسلدی اودم گل عم اوغلی جان ایلیوم سنه بیر وصیتی
جان سنون اولا جان حسینیمینبیرده کسمه مندن سن الفتی
مجتبا حسن اوغلوما اوزون قیل عم اوغلی هران محبتی
عترتیم هامی باشیم استه دور آغلوری منه اولیا بوگون
دوقوزایل سنه همدم اولموشام گورمدیم اذیت بیر آنیده
زلفلریم آغاردی عم اوغلی جان محنت رسول گرامیده
چوخدی حسرتیم قلبیده منیم آیریلوق یتوب بو زمانیده
یاری یاریدن ایلدی جدا درک ایدور اجل برملا بو گون
غسلیمی منیم ویرعماوغلی جان دفن قیل گیجه ثانی بلمسون
جسمیمه دگن تازیانه لرآشکاراولوب کیمسه گورمسون
گزلین ایله سن قبریمی منیم قبریم استینه تا که گلمسون
روحیمی معذب ایدرمنیم گلسه لراگراشقیا بو گون
راضی اولمارام ای عم اوغلی جان ثانی قبریمین استینه گله
یاندوران زمان باب رحمتی سالدی گوگلره شورو ولوله
وارنشانه سی تازیانه نین جسمیده بو گون گیتمیوب هله
وامصیبتا سویلدی یقین روح اشرف انبیا بوگون
زینبا قیزیم آغلاما منه ساخلا گوزیاشین کربلای سن
شمردون حسین باشینی کسرصبر قیل او دم هربلایه سن
باشینی وورار نیزیه سنان گوش قیل کلام خدایه سن
نیزده اوخورکهف آیه سین میوه دل مصطفا بوگون
جدیمین او قبر مطهرین قسمت ایت خدا منده تا گلم
ایلیم زیارت او مرقدی آغلیام او دم نالیه گلم
دلده بو(ثریایه)ورددورگوزده گوزیاشی با غم و الم
سویلرم نولورقبرپاکیوه جمع اولا بو اهل عزا بوگون
مرحوم ثریا تبریزی
منبع کانال گنجینه گذشتگان
موضوع: حضرت فاطمه زهرا (س) احوالات ,
زبان شعر و شاعر: نوحه ترکی , ثریا تبریزی
-------------------------------
زبانحال حضرت فاطمه زهرا (سلام الله)
ای عم اوغلی جان چرخ دون منی حسرتیله سندن کنار ایدر
اعتباری یوخ بو زمانه نین یاری یاریدن روزگارایدر
باشیم استه پیک اجل گلوب شوق وصل آلوب اختیاریمی
محو ایدوب سراسر وجودیمی گورموشم اوزوم حسن یاریمی
دلخوشام گورم سالموشام اله زلف پرشکنج نگاریمی
هانسی عاشق اوزیارینی آتار کیم جهاندا ترک نگار ایدر
کوی حقدن الهام اولوب منه بزم وصلینه واردی دعوتیم
بیر زمان گل اگلش دیوم سنه قالماسون اورکده وصیتیم
دوقوزایل سنه حرمت ایلدیم دوقوزایلده چوخ اولدی زحمتیم
وقت اولوب که زحمت تمام اولا ضعف دل منی بیقرار ایدر
ایله که من الدوم گیجه منیم غسلیمی ویر ایت نعشیمه کفن
حاضراولسا دشمن جماعتی دفن و کفنیمه راضی اولما سن
بیده جان سنون جان حسینیمون بیرده ای عم اوغلی بالام حسن
قویما آغلاسین آغلاسا منی قبرایچنده بی اختیارایدر
بیر اوقدری قالمورغروب ایده آسمان خلقتده کوکبیم
ایلدیم تمام وصیتی قالدی دلده بیر آیری مطلبیم
بیرده سن آجیقلانما زینبهچونکه چوخ بلا کشدی زینبیم
یادیمه دوشرکربلا غمی آغلادارمنی دلفکارایدر
ایلدی وصیتلرین تمام سسلدی اودم گلدی زینبی
باشی استه اگلشدی جان کیمی باسدی باغرینا ماه کوکبی
بلمورم ننوعیله تاب ایدرشیعلر ایشتسه بو مطلبی
فاطمه او گزلین وصیتین زینبه نجه آشکار ایدر
زینبین ازل گوتدی معجرین اپدی حنجرین آرتدی محنتی
خاطرینده ساخلا دیدی قیزیم کربلاده سن بو وصیتی
اپ حسینیمین اوردا حنجرین واردی بو سوزین آیری علتی
علتی اودور شمردون اوگون سن اپن یری تارو مار ایدر
بووصیته ایلدی عمل کربلاده چون زینب حزین
گوردی خیمدن یوزقویوب گیدررزمگاه عدوانه شاهدین
عرض ایدوب اخا گیتمه بیر دایان بوندان آرتوخ ایتمه منی غمین
شاه کربلا دوردی گیتمدی گوردی زینبی آه و زار ایدر
گوتدی بیر حسینین عمامه سین بیرده آجدی اوز قاره معجرین
یوزیوزه قویوب گوزیاشی توکوب اپدی لبلرین بیرده حنجرین
بیر او قدری گیچموب همان یره شمربیحیا قویدی حنجرین
باشینی کسنده گوروب حسین یاد حضرت کردگارایدر
ال گوتور(ثریا)بومحنتی یازما شرح قیلما بو مطلبی
آغلادار بو سوزذکراولونسا گرهرزمانیده اهل مذهبی
مشگلیوی حقدن سئوال ایله واسطه آپاربیرده زینبی
مشگل حل اولار دهریده سنی حی لایزال کامکارایدر
مرحوم ثریا تبریزی
منبع کانال گنجینه گذشتگان
موضوع: حضرت فاطمه زهرا (س) زبانحال ,
زبان شعر و شاعر: نوحه ترکی , ثریا تبریزی
-------------------------------
زبانحال حضرت امام حسین(علیه السلام)
به حضرت زینب کبری (سلام الله)
در فراق مادر
گل ای جهاندا اولان مبتلا بلایه باجی
بو قدری گلمه آنامدان صورا نوایه باجی
بو نوع گوز یاشیوی توکمه زلفیوی یولما
یوزین خراش ایلمه ویر رضا قضایه باجی
قویوبدی خالق عالم اوزی بونوع قرار
تمام عالم اله گوندروبدور إیه باجی
هامی ایوه گلجاقدور باجی بو پیک اجل
بو شیوه نی سالاجاقدور هامی سرایه باجی
اوزون که عالمه سن صبری پیشه قیل اوزیوه
نقدری گلسه بلا شکر ایله خدایه باجی
شرار آهیله قلب حسینی یاندورما
بو آغلاماقلیقیوی ساخلا کربلایه باجی
او وقته آغلا که گوردون حسینیوی أتدان
سالالار تپراقا دشمن آلور آرایه باجی
ایدله باشیمی کسماقدا بیر بیره سبقت
او دم باخوب یاناسان بیر بیله جفایه باجی
یارالی پیکریمی اهل کین ایدر قسمت
بدنده رحم ایلمز بیر ایله یارایه باجی
باشیمی شمر کسر نچه ضربتیله سوسوز
سنان وورار گوره سن بیر اوزون جدایه باجی
اوزکدن اوتری کسر بارماقیمی بجدل دون
ولی تعجب ایدر بیر بیله سخایه باجی
آنام یانیندا کسر ساربانیم اللریمی
یتر بو باره ده غم خیره النسایه باجی
ازل گیجه باشیمی خولی میهمان أپارار
ویرر تنوریده یر بیر جه باخ حیایه باجی
همان گیجه اولاجاقدور یرین یانان خیمه
مصینتین گینه ده یتمز انتهایه باجی
اسیر ایدوب قولیوی اهل کینه باغلیاجاق
یزید دون یتوشن وقته مدعایه باجی
گیدنده کوفیه گر قتلگاهه دوشسه یولون
سکینمیله آلون نعشیمی آرایه باجی
او وقته زلفیوی آچ سینم استه ایله کفن
فغان ایله ذبیحا من القفایه باجی
حنا یرینه او قانی آغارسا زلفیوه یاخ
کفایت ایتگله قاندان اولان حنایه باجی
دایان بو یرده (ثریا) قلم داخی یازمور
که شام شومیده عمرین گیدر فنایه باجی
مرحوم ثریا تبریزی
منبع کانال گنجینه گذشتگان
موضوع: حضرت فاطمه زهرا (س) زبانحال ,
زبان شعر و شاعر: نوحه ترکی , ثریا تبریزی
-------------------------------
زبانحال حضرت معصومه (سلام الله)
قارداش دیمه غمینده معصومه جانه گلمز
دل یوخ دیم نلر واردردیم بیانه گلمز
واللهی سن گیدندن یوخدور یوخی گوزیمده
بیله محبت اولماز بلمم ندور اوزیمده
سنسیز الوم نشانی ظاهردی بو یوزیمده
پزمرده گل منیم تک بیر گلستانه گلمز
نه وار أنام یانیمدا قارداش مواظب اولسون
احوالیمی سوروشسون هر دم مراقب اولسون
بیر کیمسنه تاپولماز منله مصاحب اولسون
من تک وطن غریبی بلم جهانه گلمز
قلبیمده فرقتیندن بیر سوزش نهان وار
کشف ایتماقا بو دردی نه شرح و نه بیان وار
بو یانماقیمدا گویا باجیوا امتحان وار
قارداش باجی یانیندا عشق امتحانه گلمز
دل ویر موشم سنون تک بیر بی بدل نگاره
فکریم هامی وفادور من قویدوقوم قراره
خوشدور او عهد چکسه هر شهر هر دیاره
یانسا اگر غمونده قلبیم فغانه گلمز
نامون منه یتشجک گلدی اله مرامیم
چیخدیم وطندن أخر أرتدی منیم ملالیم
باد صبائیله گر یتسه سنه سلامیم
بل غربت ایچره قارداش اشکیم روانه گلمز
قویدون منی وطنده گیتدون عراقه قارداش
هر کاروان گلنده گیتدیم سراقه قارداش
باد صبا گتوردی عطرین دماغه قارداش
غربتده أغلارام من دردیم شماره گلمز
ال ساخلا سن (ثریا) یازما بو قدر محنت
قارداش غمینده چکدی باجی بو نوع زحمت
هر دم دیردی قارداش مشکلدی درد فرقت
گزلین قالوب اورکده لیکن زبانه گلمز
مرحوم ثریا تبریزی
منبع مجموعه کانالهای مدح و مرثیه
موضوع: حضرت معصومه (س) احوالات ,
زبان شعر و شاعر: نوحه ترکی , ثریا تبریزی
-------------------------------
احوالاتِ تنورِ خولی
گدای عشق ، که سلطانِ تختِ لولادور
طریقِ حقده فنا فیِ الله اولسا اولادور
نشان و تاجینی دشمن سویوب قلجلاریلان
بصیرت اهلی گورر ، بی بصیرت اعمادور
او گوز که آئینه ده عکسِ یاری درک ایتمز
یقین او گوزده و یا دلده ، لکّه پیدادور
همان او لکّه دی فرعونی قویدی حیرتده
مقامِ جنگده سویلردی جلدِ موسادور
او جلده بیرده گیروب شمر ، کربلایه گلوب
ولی بولوردی حسینی ، کلیمه والادور
امام رتبه سی مافوقدور نبوّتدن
به غیرِ ذاتِ محمّد که شأنی والادور
(سورهء مبارکهء بقره آیهء ۱۲۴ و دیگر آیاتِ شریف)
او آهنیکه قبول ایتدی شمره خنجر اولا
اودا او جلده گیروب ، قاتلِ مصفّادور
کسوب حسین باشینی ، شمرین اللرین بویادی
دئدی بو امره بولون شمرِ دون مهیّادور
گناهی شمر ایلیوب ، خنجرین نه شرکتی وار
بو امره شاهدِ عادل ، بساطِ عقبادور
توکنده قانینی آغلاردی خنجرین اوجی قان
اگر چه شمره بو قان آغلاماق گوارادور
حیا ایدردی قاباقدان کسه قباق باشینی
گورردی باشین آچان باشی اوسته زهرادور
حسینی سالدوروب علّت اودی یوزی اوسته
علاجی یوخدی گوروب شمر ، بی مهابادور
حسینون آنّینا خنجر اوزی یازوب قاندان
شهیدِ دیندی بو شه ، مَنشأء هدینادور
نجه روادی هدینا باشی کول اوسته یاتا؟
بو ظلمه واله و حیران تمامِ دنیادور
گورون نه سسدی گلور خولینون تنوریندن؟
صدای حضرتِ مریمدی ، صوتِ حوّادور؟
بو سس جگر یارالور اوزگه بیر سسه بنزر
گمان قنادی سینان عندلیبِ شیدادور
که یعنی فاطمه دور ، زلفی تک پریشانحال
دیر حسین بو نه منزلدی ؟ بو نه مأوادور؟
بو یر تنور دگل ، بزمِ رازِ جاناندور
بو یر تجلّی یزداندی ، طورِ سینادور
دگوب او قانلی دوداقلار او دمده بیری بیرینه
گورن دیردی لبِ حضرتِ مسیحادور
بو بزمِ رازه دئدی خوشگلوب صفا گتدون
محبّتون آناجان ظاهر و هویدادور
اوزوم بونی بولورم منزلیم محقّردور
ولی سنون نظروه عزیز و اعلادور
لیاقت اولسا کول اوستنده کی کسیک باشدا
سنون قدملرون آتدا ، ذبیح آسادور
سبب ندور آناجان ساچلارون باتوب قانه؟
فغانیله آغاران زلفون ، ایمدی حمرادور
بویوردی فاطمه : بو قان سنون قانوندور اوغول
یوزوم گوزوم بدنیم ، اللریم مُحَنّادور
گلوردوم ایمدی یولوم دوشدی قتلگاهه طرف
او یرده گوردوم اوزوم ، شورِ حشر برپادور
پوزوبلا نقشه سینی جسمیوون نماسی قالوب
دئدیم خدا بو نه ترکیبدور ، نه ایمادور
منیم یانیمدا گلوب ساربان الون کسدی
بو غصّه شرحی مفصّل ، بیانی دریادور
گزردیم اوردا چوخور یرده بیر بدن گوردوم
نه تک باشی کسیلوب ، قطعه قطعه اعضادور
همان او قاندی دوتوب الده زلفیمه یاخدیم
دئدیم قوناق گیدنون عطرِ زلفی زیبادور
تنورِ خولیه عشقون منی قوناق گتدی
خجالت اولما کول اوستی حریر و دیبادور
نقدر قالسان اوغول بوردا ، منده چوخ گورّم
بو بزمدن دئ گوروم هانسی یر دل آرادور؟
دئدی آنا بولوسن سرّینی شهادتیمون
اگر چه بعضیلره بیر بیوک معمّادور
سَنان سحر باشیمی گون کیمی جدایه وورار
گورن دییر ، چکلن دارِ عشقه عیسادور
باشیم یانینجه جوانلار باشی گیدر شامه
یزید مجلسینه تحفه دور ، هدایادور
گیدنده شامه ازل ، دِیر اولور منه منزل
باشیم او یرده آنا نسخِ دینِ ترسادور
کشیشلر هاموسی دینیمی قبول ایلر
ایشقلانان بو جمالیم کیمی کلیسادور
یزید مجلسینون واردی اوزگه بیر ذوقی
بولر بو ذوقی او کس ، درسِ عشقه دارادور
ووراندا لبلریمه چوبِ خیزرانی یزید
توکن سرشکینی زینب باجیمدی لیلادور
همان او حالتیم جاثلیقی یاندیراجاق
ئولن یانمیدا ، نمایندهء نصارادور
همین قضیّه نی بزمِ عزاده خوش اوخویان
عماددن ایشیدوب ، ذکر ایدن (ثریّادور)
شفاعتونده (ثریّانون) ای آنا گوزی وار
ایشی بکادی ، تباکادی ، یا که ابکادور.
مرحوم سید احمد یاسرِ نجفی متخلص به ثریّا
منبع مجموعه کانالهای مدح و مرثیه
موضوع: احوالات تنور خولی ,
زبان شعر و شاعر: نوحه ترکی , ثریا تبریزی
-------------------------------
احوالات قتلگاه
قوی دیوم نلر چکمیشم حسین
بو گیچن گیجه روزگاردن
بیر یانان چادر منزلیم اولوب
گور نه دوشموشم اعتباردن
دویموشام داخی روزگاردن
آختاریب نقدری تاپامادیم
بیرنفرمسلمان گچن گجه
پاسبان اولا اهل بیتوه
اولمیاخ هراسان گچن گجه
صبح اولنجا اطراف خیمه نی
گزمیشم هراسان گچن گجه
اینجیدیم داخی بوردا قالمارام
گورمدیم وفا روزگاریدن
پر شکسته قوشلار یغیشدیلار
ظلمله یانان اشیانیمه
بیر نفر پرستاریم اولمادی
قورخودان دوشوب لرزه جانیمه
نصف شب اوغلسوز انام گلوب
خیمگاهیده بیرجه یانیمه
پاسبان اولوبدور اوشاقلارا
قورتولوب باجون گیر وداریدن
ایتدی بیر قیزون درد و غصّه دن
بُل بو قدر خرسندیدم اُلم
باش قویوب دالینجا من ایستدیم
آختارام تاپام حالینی بُلم
بیر شقی منه رحم ایلدی
قتلگاهی گوستردی تا گلم
ویردی اوز بالاندان منه خبر
گوردی گیتمیشم اختیاریدن
سن اوزون بُلورسن نه حالیله
گلدیم ایله بیر دمده یانیوه
کاش کلمییدیم گلن کیمی
اللریم باتوب تازه فانوه
گوردوم اللرون ساربان کسوب
لعن حق گله ساربانوه
بیله بیوفالوق زمانه ده
گورمیوبدی بیر یار یاردن
باشوی بدنده گورنمدیم
تار اولوب گوزومده منیم جهان
آنلادیم که حرمت ایدوب سنه
کوللر اوسته خولی ویروب مکان
هر کسه دیدیم باشون ایستدیم
کوفه نی منه ویردیلر نشان
نه جواب واردور پیمبره
حشرده دوراندا مزاردن
گورموشم بو عریان جنازه وی
یوز ویروب منه غضّه و محن
چون سویولموشام یوخدی بیر زادیم
ایلیم سنون نعشیوه کفن
بیر گلور گمانیم بو ساچلارا
اذن ویر آچوم نعشون اوسته من
چاره یوخدی نیلوم خجالتم
چخمشام بو گون هر نه واردن
ساخلا ال (ثریا) داخی دایان
یازما بوندان آرتوق بو محنتی
بسدی بو قبول ایلسه اگر
پادشاه خوبان بو خدمتی
دل سنون دگول اوزگه نوندی دل
باشلیوب بیله طرز صحبتی
قیل یقین که تأیید خاصّدور
لطف اوزیله پروردگاردن
مرحوم ثریا تبریزی
موضوع: احوالات قتلگاه ,
زبان شعر و شاعر: نوحه ترکی , ثریا تبریزی
-------------------------------
زبانحال حضرت لیلا (سلام الله)
به حضرت علی اکبر (علیه السلام)
ای پیمبر تک جمالی مَطلَعُ الاَنوار اوغول
گَل آنان لیلانی قویما حسرت دیدار اوغول
گوستَرور آئینه ی حُسنون جمال احمدی
قاش گوزون، زلفون، یوزون، خالوندی خالِ احمدی
ایلینده آرزو هر دم وصال احمدی
سنله تاپموشدی تسلی عترت اطهار اوغول
ایتموسَن سنده بو شوقیله بو گون عزم جدال
آل پیغمبر فراقوندان اولوب افسرده حال
قالدی گوگلیمده علی اکبر بو اندوه و ملال
قویمادی صد حیف کیم بو چرخ کج رفتار اوغول
ایمدی که میدان عشقه گیدماقا آماده سَن
منده مانع اولمارام گیت ویر باشون جلّاده سَن
یاخشی وقتونده آنان لیلانی سالدون یاده سَن
وار یری اولسام اُلونجه دیده سی خونبار اوغول
زحمتون چَکدیم یِتوردوم من سنی بو حدیوه
باری گَل سنده قسم ویرّم اوغول اوز جدیوه
بیر قاباقیمجا یِری ایلوم تماشا قدیوه
گیت خدای ذوالجلال اولسون سنیله یار اوغول
شوق بزم وصل جانانیله مدهوش اولموسان
باش و جانوندان گیچوب بیله کفن پوش اولموسان
واردی نه فکر و خیالون دلده خاموش اولموسان
بیرجه کلمه باری منله ایله بیر گفتار اوغول
باخ سکینه گور قوجاقلوبدی نه نوعی غم دیزین
بوینی چیگنینده گیدن یولّاریوا تیکمیش گوزین
گیتماقون بُلسه یقین ایمدی هلاک ایلر اوزین
آیریلوق الفاظین هرگز ایلمه اظهار اوغول
باغلودور گوگلوم سرِ زلفون اوغول بیر تارینه
احتیاجی یوخ آناوین ایتدوقی اظهارینه
قویدی حسرت بو فلک سَن تک اوغول دیدارینه
گوندوزوم چون ظلمت شب تک اولوبدور تار اوغول
مرحوم ثریا تبریزی
منبع مجموعه کانالهای مدح و مرثیه
موضوع: حضرت لیلا (س) ,
زبان شعر و شاعر: نوحه ترکی , ثریا تبریزی
نظرات (۰)
هیچ نظری هنوز ثبت نشده است