متن نوحه زبانحال حضرت ابوالفضل العباس (ع)

مجموعه منتخب اشعار مذهبی ترکی و فارسی مناسب متن نوحه زبانحال حضرت ابوالفضل (ع) از شعرای آیینی معاصر و قدیمی ویژه محرم 

نوحه ترکی زبانحال حضرت ابوالفضل (ع)

عبّاسه بو دشتِ کربلانی صحرای قیامت ائتدون ای اوخ

ووردون اوزووی بو قانلی مشکه ، عبّاسی خجالت ائتدون ای اوخ

 

گر گلماقیوی ازل بولیدیم ، سینمده سنه مکان وئرردیم

یا قلبی سنه هدف ائدردیم ، یا صاق گوزوم نشان وئرردیم

بولسیدیم اگر بئله سوسوزسان ، حتما" سو یئرینه قان وئرردیم

آیا نیه دگمدون گوزومدن مشکیمدن اصابت ائتدون ای اوخ؟

 

آخر نیه دگمدون اورکدن تا خانهء دل مجلّل اولسون

تا مکتبِ عشق و معرفتده عبّاسیده شخصِ اوّل اولسون

دوندردی بهاریمی خزانه بو اوخ آتانین الی شل اولسون

آلدون عجب اختیار الیمدن ، آرامیمی غارت ائتدون ای اوخ

 

من نهرِ فراتیدن بو مشکی  دولدورموشودوم بو نیّتیله

سیراب ائدم آلِ مصطفانی توفیق تاپام بو خدمتیله

حاشا داخی من گئدم خیامه اصغر یانینا بو خجلتیله

بیر دسته سوسوز سولوب سارالمیش اطفاله خیانت ائتدون ای اوخ

 

بیر مشک سویون منیم یانیمدا آرتیخدی بو گون بهاسی جاندان

سست اولدی بدن داخی امیدیم یأس اولدی سو مشکیم اوخلاناندان

ایمدی داخی ئولماقا رضایم دویدوم بو حیاتیدن جهاندان

گئتدی یئره مایهء حیاتیم تولیدِ خسارت ائتدون ای اوخ

 

یوز مین یارا دگسه دلخوشام گر اوخدان پَر آچام بسانِ شهباز

گر سینسا عمودیلن  بو باشیم اولّام شهدا ایچینده ممتاز

دعوا گونی جنگ جبهه سینده قرباندی شهه وفالی سرباز

افسوس قصورِ خدمت اولدی ایجادِ ندامت ائتدون ای اوخ

 

هر دعویّ عشق ائدن جهاندا اثباتِ وفاده محکم اولماز

جسمیمده هامی یارام ساغالسا امّا بو یارایه مرهم اولماز

مین یاره دگه ، آقام حسینه بیر ذرّه ارادتیم آزالماز

ظاهرده بو مشکه دگدون امّا قلبیمی جراحت ائتدون ای اوخ

 

تا سو واریدی قاچاردی دشمن ، قورخاردی قوشون صلابتیمدن

سو گئتدی امید یأسه دوندی ، اوزدون الیمی شجاعتیمدن

ایمدی داخی راضیَم وجودیم دوغرانسین ئولوم خجالتیمدن

قورتولدون او دم که سن کماندان اعلانِ شهادت ائتدون ای اوخ

 

بیر مشک سو اوسته من بو چولده گئچمیشدیم ایکی اوزون قولومدان

یاغدیردیلار اوستومه هوادن اوخ لشکرِ کینه صاق صولومدان

اخیامه او حالیله گئدردیم ائتدون منی منصرف یولومدان

کسدون منه راهِ آرزونی آمالیمی غارت ائتدون ای اوخ

 

عطشاندی رقیّه خیمه لرده ، ایمدی چکوری سو انتظاری

بیر عدّه الینده بوش سو جامی ، گوزلر منی دلده آه و زاری

ایمدی نه ئوزیله من خجالت بیرده قیدوم خیامه ساری

بولدوردون عداوتون جهانه اظهارِ شقاوت ائتدون ای اوخ

 

دریای فراتیدن بو چولده بیر مشک سووا قناعت ائتدیم

لب تشنه سودان کناره چیخدیم ، لب تشنه لره حمایت ایتدیم

قلبیمده دئدیم زهی سعادت ، اطفالِ حسینی راحت ائتدیم

اصغرله رقیّه باره سینده افکاریمی راحت ائتدون ای اوخ

 

قلبیمده کی ریشهء وفانی مین تیشهء ظلم دگسه قازماز

قرباندی حسینه باش و جانیم عبّاس رهِ وفادن آزماز

هئچ بیر قلم اوخ کیمی اورکده معنای وفای عشقی یازماز

دلده بوشودی یرون ندن بس مشکیمده اقامت ائتدون ای اوخ

 

گورسه منِ زاری خیمه لرده بو حالیله آل عصمت آغلار

ایوای عمو وای دیوب رقیّه ، برپا ایلیوب قیامت آغلار

بو محنته روز و شب (کریمی) جاری ائدر اشکِ حسرت آغلار

بیر عمر اونون یارالی قلیبین آماجِ مصیبت ائتدون ای اوخ.

 

حاج میرزا حسین کریمی مراغه ای ،

فرزندِ مرحوم کربلایی محمد علی کریمی مراغه ای (ذاکر مراغه ای)

 

منبع مجموعه کانالهای مدح و مرثیه

موضوع: حضرت ابوالفضل العباس (ع) زبانحال ,
زبان شعر و شاعر: نوحه ترکی , کریمی مراغه ای

 

------------

 

استمداد حضرت ابوالفضل (علیه السلام)

 

ای صبا رو بر حسینم گو که جان دارم هنوز

در دم جان دادنم مشتاق دیدارم، هنوز

 

در کنار نهر القم زخمدار و تشنه لب

بهر دیدار شهنشه اشگ میبارم هنوز

 

طاق نصرت دارم اندر سینه از پیکان خصم

انتظار مقدم سلطان بی یارم هنوز

 

کاسۀ چشمم چو پیمانه پر از خون سر است

جلوه گر در این پیاله عکس دلدارم هنوز

 

گر چه مست جام توحیدم فتادم سر خمار

با چنین مست و خماری باز هشیارم هنوز

 

تیر بر مشگم اصابت کرد خالی شد ز آب

شرمسار از تشنه اطفال دل افکارم هنوز

 

دست بیدادی ز پیکر هر دو دستم را برید

چون گل آفت زده بی برگ و بی بارم هنوز

 

تا که زد از سجده گاهم بوسه پیکان جفا

واژگون گشتم ز مرکب سخت دل زارم هنوز

 

تیر باران تا شدم بی دست افتادم ز پا

چاک چاک اعضا ز جور قوم بی عارم هنوز

 

آن گل سرخم که دارم خار در دامن ز تیر

گر چه خار از حد گذشته مایل خارم هنوز

 

شیر بودم تا ز دستم تیغ نا افتاده بود

صَعوَه سا در پنجه شاهین خونخوارم هنوز

 

در لب دریا بسان کشتی طوفان زده

بر تراب افتاده بشکسته در انظارم هنوز

 

در کنارم بهر سر سرکرده ها خنجر به دست

همچو نقطه در میان خط پرگارم هنوز

 

«نجمی » با خونابۀ دل می نوشت این نوحه را

بوی خون می آید از هر سطر اشعارم هنوز

مرحوم نجمی

منبع مجموعه کانالهای مدح و مرثیه

موضوع: حضرت ابوالفضل العباس (ع) زبانحال ,
زبان شعر و شاعر: نوحه ترکی , نجمی

 

------------

 

خطاب به حضرت ابوالفضل (ع)

 

من همانم ز تماشای رُخَت دیده نپوشم

سرِ موئی ز وجودت ، به دو عالم نفروشم

 

روز اوّل به تکلُّم چو گشودم لب خود را

 به زبان نامِ تواَم رفت به تلقین سروشم

 

مایه ی فخرِ من ای خسروِ لب تشنه همین بس

حلقه ی بندگیِ چون تو شهی هست به گوشم

 

کرده بیتاب چنینم غمِ سوزِ تو و گرنه

من نه آنم که ز سوزِ عطشِ دل ، بخروشم

 

بی تو ای خضرِ رهِ عشق ، گَرَم خضرِ طریقت

دهدم آبِ بقا ، زهرِ مذابست ننوشم

 

تارِ این مَشکْ مرا رشته ی جان بود ولیکن

پاره از تیرِ جفا گشت چنین کرد خموشم

 

قدحی دارم و در کف هله تا روزِ قیامت

 بخدا تا تو نیائی ، نه بریزم نه بنوشم

 

تو ابوالفضلی و شهزاده ، گدایِ تو (یتیمم)

کز عنایاتِ تو در روزِ جزا دیده نپوشم.

 

مولانا یتیم

منبع مجموعه کانالهای مدح و مرثیه

موضوع: حضرت ابوالفضل العباس (ع) زبانحال ,
زبان شعر و شاعر: نوحه فارسی , مولانا یتیم

 

------------

 

زبانحال حضرت رقیه (سلام الله) در شهادت حضرت ابوالفضل (علیه السلام)

 

نه سبب جمالیوه سیل تک آخوری سرشک ترون بابا

عمومون باشیندا نه‌ وار بئله چوخالوب غم و کدرون بابا

 

بوگونی که گون ائلیوب طلوع سنه کربلانی ائدوبله تنگ

توکولوب جوانلارون قانی ائلیوبدی تپراقی رنگ رنگ

نفرات شامیله کوفه‌نی عجبا جری ائلیوب بو جنگ

اولارون سانی چوخالور ولی آز اولور سنون نفرون بابا

 

گئجه ترک ائدنده مدینه‌نی بوشالاندا ظلمله مسکنون

نه جلالیمیز واریدی بیزیم نه جوانلارون واریدی سنون

اورگیم اولاردی باخاندا شاد ائله با صفائیدی گلشنون

سنی مبتلا بیزی دربدرائلیوبدی بو سفرون بابا

 

اینانوبدی کوفه جماعتی نه خدا نه دین و نه مسلکه

قوناق ئولدورنلر ائدوب بیزه بو دیاری صحنه مهلکه

سو گتورسه صاحب پرچمون سو یولون کسن چتین اَل چکه

قوشون اهلینون نظری بودور آرادان گئده اثرون بابا

 

نگراندی بسکه خانم بی‌بیم منی گوندروبدی قباقیوه

هدفیم دگول سنه ناز ائدم آلاسان و یا که قوجاقیوه

دی گوروم عموم نه زمان گلورگتورور سو عورت اوشاقیوه

بالا قیزلارون نظری بودور بویور اولسا هر خبرون بابا

 

قوریوب دوداقلاریمیز یانور نجه که اوت اوسته یانار کباب

دیریلیقدان اَل چکوب عترتون بوریوب اورکلری اضطراب

اوزادوبدی خیمه‌ده قبلیه علی اصغرینی آنام رباب

اوقدر سوسوز دوداقی اَموب یورولوبدی صودامرون بابا

 

او زمانکه ایستدی آیریلا گئده کارزاره او بی‌بدیل

قوریان دوداقیمی گوستروب دئمیشم اونا عمو الدّخیل

دولی مشکیله گله عهد ائدوب اَنه تلّی سسلنه السّبیل

هامودان قاباق منه سو وئره او جوان خوش نظرون بابا

 

اَیاقین قویاندا اوزنگیه منی مطمئن ائلدی سوا

باشیما یغوب بالا قیزلاری عمومی اوزوم ائلدیم دعا

گهی خیمه‌گاهیده اگلشوب چیخورام گهی باخورام یولا

من اوزوم نه تک تَلسورهامی گَله اول وفا سیرون بابا

 

بو علم که شقّه‌سی سربسر بویانوبدی قانه کیمینکیدور

نه قدر اوخا اونی اشقیا ائلیوب نشانه کیمینکیدور

منه باخموسان اونا هی باخوب گلوسن فغانه کیمینکیدور

عمومون لواسینه بنذیورسینوب اولما شاهپرون بابا

 

اگر ئولسه صاحب پرچمون چاغیروم گله خانم عمّه‌می

گورورم مناده یورولموسان اونا وئر بو بیرق ماتمی

قوشونون قالوبدی مگر سنون کمک ایلیه آلا پرچمی

سحری نهاره یتورمه‌میش بوشالوبدی دور و برون بابا

 

بویانوبدی قانیله گل یوزون دوداقوندا وار قان علامتی

عمومون مگر شهدا کیمی واریدی بدنده جراحتی

یره یخسا کوفه‌لیلر اگر او همای اوج شهامتی

سنه صبر مرحمت ایلسون اوزی حیّ دادگرون بابا

 

سنی عمّه‌مین جانی بیر دانیش سارالوب نه علّته صورتون

نیه باخموسان یوزومه منیم نیه یوخدی صحبته رغبتون

بو گئدیش گلیشده نه گورموسن خم اولوبدی بیر بئله قامتون

اَیاق اوسته دوز دورا بولموسن ائله بول سینوب کمرون بابا

 

موضوع: حضرت ابوالفضل العباس (ع) زبانحال ,
زبان شعر و شاعر: نوحه ترکی

 

------------

 

استمداد حضرت ابوالفضل (علیه السلام)

 

بو جبینمدن دگن اوخ پیکِ وحدتدور منه

باشیم اوسته سیّدی گلسن عنایتدور منه

 

سرسپاهِ شهریارِ عشق ، پاداش آختارور

قان دولان گوزلر سنی هر لحظه قارداش آختارور

ظلمیله اون یدّی ظالم بیر سینان باش آختارور

چوخ یوبانما بو یوبانماق چوخ اذیّتدور منه

 

بو قفس چوخ اولدی مرغِ روحیمه ننگین و تنگ

منده یوخ قدرت اولوب دشمنلریم تشویق جنگ

اوستومه گویدن یاغور باران ذوبین و خدنگ

دشمنه زائیدهٔ عشرتدی ، حسرتدور منه

 

تا علمدارین سسین آلدی امیرِ نُه قباب

شرقِ مخیمدن طلوع ایتدی بسانِ آفتاب

سرعتیله گلدی قارداش باشی اوسته باشتاب

سسلدی ای سرو قامت ، دور قیامتدور منه

 

روزِ روشن گوزلریمده تار اولوبدی چون شبه

دور ایاقه یاتما آل الله دوشوب تاب و تبه

کوفیه گیتماق مُسلّم اولدی ایمدی زینبه

چون بو صحراده شریکِ درد و محنتدور منه

 

قانیله مستور اولوبدور هاله تک زیبا یوزون

نطقه گَل قویما قالا قلبونده واردی گر سوزون

اوای منه آماجِ پیکاندور یارالی صاق گوزون

روحیمون ایذاسینه بو غم کفایتدور منه

 

کربلا سقّاسی گوز آچدی گوروب قارداشینی

صورتین پاک ایلیوب آلموش دیز اوسته باشینی

توکدی حسرتله یوزه قانه دونن گوز یاشینی

عرض ایدوب شاها عجیبه بیر سعادتدور منه

 

خوشه ممکن اولمادی تا نخلِ خدمتدن دَریم

پیشوازه گلمدیم ، بیجان اولوبدی پیکریم

پیشواز ایتدی ولی یولدا کسلمیش اللّریم

وای اولا سرلشکرِ شاهم جسارتدور منه

 

بیله بولمه خدمتیمده من بو گون ایتدیم قصور

سو یولون گوردوم دوتوبدور ظلمیله قومِ شرور

شورِ عشقیله فراته ایله دیم فوراً عُبور

مرتضی ارثیّه سی قارداش شجاعتدور منه

 

من عرق ریزان و مجروح و سوسوز لعلِ لبیم

گون ترحّم ایتمیوبدی یاغدوروب نارِ جهیم

اسدی بیر نهرِ فرات اوسته سرین دلکش نسیم

دیزلریم سست اولدی گوردوم ضعفِ شدّتدور منه

 

لشکرِ اشراریدن خالی گورنده دوره می

سو نسیمی قلبدن پاک ایلهدی زنگِ غمی

نصب قیلدیم من فرات اوستونده قانلی پرچمی

شدّتِ سوزِ عطش گوردوم زیادتدور منه

 

بی اراده اللریم ایتدی اراده سوی سو

سو گوتوردوم گوردوم امّا یوخ سودا بیر آبرو

من ایچم سو ، قالسون عطشان کودکانِ ماهرو؟

حدس ویردیم عالَمِ امکاندا رِخوتدور منه

 

بیر سویا حسرتله باخدیم بیرده نهرِ علقمه

بیرده نهر اوسته اسَن دلکش سسیله پرچمه

بیر قولاق ویردیم ایدیردی اهلِ کوفه همهمه

مشکی دولدورماق اودور بولدوم غنیمتدور منه

 

مشکی دولدوردوم اودور که عزم قیلدیم مَخیَمی

چیگنیمه سالدیم سو مشکی ، گوتدوم الده پرچمی

ایستیردی مشکه اوخ دگسین دوتاردیم سینه می

چونکه مشکیم روحِ طاقت ، تاب و قدرتدور منه

 

لشکر اهلی گولدولر قلبیمده حسّ رشکیمه

قلبیمون قانین قاتوبلار ظلم الیله اشگیمه

ویرمیوبلار سینمه اوخ ، ویردولار سو مشگیمه

خجلتیمدن چاره می بولدوم شهادتدور منه

 

مشکیمه اوخ دگدی اعدایه حمایت ایله دی

سرسپاهی پیشگاهوندا خجالت ایله دی

سجده گاهیمدن بیر اوخ ناگه اصابت ایله دی

پیک وحدتدن اودور گوردوم اشارتدور منه

 

تخمِ حیرت قلب لشکرده حسینیم اکمیشم

سینه ده اوخ باشیمی فوراً اشاقه اگمیشم

دوشدی عمّامم یره امّا خدنگی چکمیشم

هامی ساعتدن چتین قارداش او ساعتدور منه

 

گلستانِ عشق و امیدیم او ساعتدن سولوب

قان جبینمدن آخوبدی کاسهء چشمیم دولوب

قوی دیوم واضح باشیمدا ظلم الیله خُرد اولوب

قلبه تأثیر ایلین امّا شماتتدور منه

 

بو جفائیله حسین ، دوشدوم ستمله غرقِ خون

واردی یادونده ولی مخیمده اولدوق قول بویون

نه الیم وار نه قولوم ، سال بوینوما بیرده قولون

چوخ یاخین هر لحظه جامِ پیکِ رحلتدور منه

 

قولّارین آچدی او دمده نورِ عینِ بوتراب

ماوراء جَوّده گورسندی حالِ انقلاب

قول بویون اولد بلا دشتینده ماه و آفتاب

آی دیوب ای گون چوخ آرتوخ بو محبّتدور منه

 

دوردی شه حسرتله ایتدی ناگهان عزمئ خیَم

گوردی قارداشی گلور ، زینب ، اولوبدور غرق غم

سینه سینده واردی اوخلی مشگیله قانلی علم

عرض ایدوب قارداش بو حالون چوخ صُعوبتدور منه

 

ای حسین ابن علی ای هادی دینِ خدا

(هادیه) بذل ایله بو ایل بیر برات کربلا

مطلعِ شعری فرات اوسته اونون تکرار اولا

بو جبینیمدن دگن اوخ پیکِ وحدتدور منه.

 

مرحوم غلامرضا اسماعیل پوران (هادی تبریزی)

منبع مجموعه کانالهای مدح و مرثیه

موضوع: حضرت ابوالفضل العباس (ع) زبانحال ,
زبان شعر و شاعر: نوحه ترکی , هادی تبریزی

 

------------

 

زبانحال حضرت امام حسین (علیه السلام) در بالین حضرت ابوالفضل (علیه السلام)

 

به خون غلطان چرائی ای علمدار سپاه من؟

نظر بگشا و بنگر یک زمان بر سوزِ آه من

 

زپشتِ زین چو افتادی ، شکست از بارِ غم پشتم

ز جا خیز ، ای که در هر غم بُدی پشت و پناهِ من

 

به بالینت اگر دیر آمدم اینک مرنج از من

که دورت کوفیان از چهار سو بستند راهِ من

 

به چشمم روزِ روشن گشت چون شبِ تیره از داغت

گشای ای نورِ چشمانِ دیده ، چشمِ پُر میاهِ من

 

شبم روز از جمالت بود و جانم خرّم از رویت

که از قامت تو بودی سرو و از رخسار ، ماهِ من

 

بهر عضوت که آرم دست زان عضوت جدا باشد

کدامین سنگدل کُشتت چنین ای سر سپاهِ من

 

تو ای صدپاره تن ، از قتلگه برخیز و مأوا کن

که بخشی زین قد و قامت صفا بر خیمه گاهِ من

 

زبهر جرعهء آبی سکینه بر در خیمه

ستاده منتظر آن طفلِ زارِ بی گناهِ من

 

خوشم از آنکه یکشب زندگی بعدِ تواَم نبوَد

اگر نه روز ، شب میشد ز آهِ صبحگاهِ من

 

من آن طاقت ندارم کز خجالت دیده بردارم

به زیرِ تیغ خواهد بود بر رویت نگاهِ من

 

نیندیشم ز هولِ محشر و روزِ جزا (جودی)

که باشد مِهرِ اولادِ پیمبر عذرخواهِ من.

 

مرحوم جودی خراسانی

منبع مجموعه کانالهای مدح و مرثیه

موضوع: حضرت ابوالفضل العباس (ع) زبانحال ,
زبان شعر و شاعر: نوحه فارسی , جودی خراسانی

 

------------

 

زبانحال حضرت ابوالفضل (ع)

 

ای سایه لی سرویم سنی کیم سالدی ایاقدان؟

یا کیم بئله محروم ائلدی سروی بوداقدان

ایوای بو همان حسرتِ طوبادی یخیبلا

سروِ قدِ عباسِ دل آرادی یخیبلا

 

ای آرخام ائلیم قامت و بالایه نه گلدی؟

یاریم ، کمکیم طاقت و یارایه نه گلدی؟

حیدر باخیشیم صولت و سیمایه نه گلدی

شیریم گوزون آچ توتما منی رنجه لروندن

باغریم قانا دوندی کسیلن پنجه لروندن

 

باش اوسته گلردیم یولی ایندی منِ خسته

گوردوم کی دوشوبدور ایکی قول بیر یولون اوسته

غم لشکری یوز قویدی منه دسته به دسته

قلبیم دئدی یولداشسیزی قارداشسیز ائدیبله

بیر طایفه خونین جگری باشسیز ائدیبله

 

بیله کی قالوب پیکرون اوخلارین الینده

قالماز بئله سی بیر گُلِ تر خارین الینده

یاریم دیه سن چوخ قالوب اغیارین الینده

قولسوز گوروب عبّاسیمی کیم یاره وئریبدی؟

هر برگینه گُل پیکروین خار اوتوروبدی

 

هر داغ کی بیگانه الی قویدی دیلیمده

فورا" اثرین وئردی نشان آب و گِلیمده

هجرون سنون اما الیمی قویدی بلیمده

داغون بئله کی سختیدی من قلبی حزینه

الله بولوری نینیجاخ امّ بنینه

 

ای دشتِ بلانین یارالی یکّه سواری

قانیله یودون صورتِ حُسنونده غباری

بو منصبی بو گون سنه لطف ایلدی باری

اولدون صفِ هیجاده علمداری حسینون

تا جان واریدی یار و مددکاری حسینون

 

بیر اوزگه مقاماته بو گون مفتخر اولدون

حشره کیمی آزاده لره راهبر اولدون

آچدون یولی آلدون سویی صاحب ظفر اولدون

بو سهلیدی آلدون سویی سو ایچمدون ئولدون

قربانین اولوم ، حقدن اخا گچمدون ئولدون

 

ممکندی بو عالَم گئده عالم گله بیرده

ممکندی کی آدم گئده حوّا گله بیرده

ممکندی کی عالمده بئله دم گَله بیرده

ممکندی کی مین عالم اولا مین بئله غوغا

هیهات سو یانینده سوسوز جان وئره سقّا

 

غم ائتمه کی یاتدی علمون توپراقا باتدی

باش قانینی دشمن گوزوون قانینه قاتدی

سندن بو سینان باش ، باشیوی عرشه اوجاتدی

پایانِ شهادت کی ولادت دی حقیقت

آغازِ خوشایندِ سعادت دی حقیقت

 

مین جان سنه یازسیدی اگر کلکِ مشیّت

هر جاندا ائدردون منه مین نوعیله خدمت

ای خدمتی مافوقِ توانِ بشریّت

سن تک جانیوا لشکرِ احرار ایشی گوردون

حیدر بالاسی حیدرِ کرّار ایشی گوردون

 

مشرق گوزلی ظاهر حالیندا باتاندا

ظلمت ، گونشین نورینه تیره تور آتاندا

خطّین اوخودوم ماهه امان نامه چاتاندا

بولدوم کی گونون وصلینه آی خاتمه وئرمز

عبّاس منیم بیر گئجه می عالَمه وئرمز

 

(تاپدین او زمانکی آنادان فیضِ ولادت)

آلدی آنادان وئردی منه شاهِ ولایت

مین سِرّ خفی دن بیری فاش اولدی او ساعت

او حاله باخوب گلدی آتامیز دیله قارداش

الله دئدی هچ قارداشا وئرمز بئله قارداش

 

گُل بلبله گلزارِ وفاده یوز آچاندان

بلبل او آچیلمیش گُلِ نازه گوز آچاندان

یار یاره محبّت لی اورکدن سوز آچاندان

نه من کیمی جانان یوز آچیب عاشقِ زاره

نه سن کیمی عاشق گوز آچا صورتِ یاره

 

ای بابِ فضیلت ، نه شرف صاحبی مش سن

ای کشتهء عزّت نه هدف صاحبی مش سن

ای بحرِ فتوّت نه صدف صاحبی مش سن

مغلوبِ جهالت که مفاخر نه دی قارداش

الدن ویرر عباسی جواهر نه دی قارداش

 

خالص اولا هر گوهرِ عشقین کی عیاری

عشقون اونا معیاریدی هر حالده باری

بیر من بولورم قدریوی بیر عشقه حواری

جز عشق ، سنی هیچ محکِ عالمده چیخاتماز

هیچ دوزگون اولان دُرّ بهاسی سنه چاتماز

 

من دین دیه لی دینه مجاهد سنی گوردوم

هر حالیده هر خیره مساعد سنی گوردوم

عاشق سنیر، عارف سنی ، عابد سنی گوردوم

وقف ائتمیشدون چونکی اوزون خانهء عشقه

ایثار ائلدون جانیوی جانانه ی عشقه

 

سن طیّ ائلین یولّاری ای جاهدِ عاقل

مشکلدی سلامت قوتارا عارفِ کامل

حق لطفی سنی ایلدی مقصودیوه نائل

بیر سو کی اونون جرعه سیدی جانه برابر

کسدون نظرِ نفسیوی اوناندا برادر

 

سن شطّ خروشانی شتابیله آلاندا

اودلی نفسون نهرِ فرات اوسته سالاندا

هچ بیر دئمدون فکرتِ اطفاله قالاندا

آیینهء صافوندا نه غم منظری گوردون

آتدون سویی سو اوسته مگر اصغری گوردون؟

 

قویسیدی قضا عهدیوی باشه یتیرردون

سو مشکینی باش اوسته خیامه گتیرردون

داغلاراجا داغی اودلی دیلیمندن گوتورردون

آهولریمین قویمازیدون سو سراغیندا

اولدوز تک آخا گوزلری دشمن قاباغیندا

 

هر خیردا بالا الده سو جامی لبی سوزان

عیّوقه اوجالدیبدی نواسین سوسوزوندان

بعضی بالا جان اوسته دی بعضی سی یاری جان

پرپر دیه سن یرده اولوبدی ساری لاله

بیر یاندا دوشوبدی بالا بیر یاندا پیاله

 

ای کشتی اربابِ محبّت گِله یاتما

طوفانلیدی دریای مصیبت هله یاتما

ممکن اولا اطفالیمی چک ساحله یاتما

غرق ایلمه سه قانه منی موجهء آلام

هیهات اولا بحرِ بلا ساکت و آرام

 

عالِم سن اوزون من نه مگر ایستورم اولسون

انسانلاری آزاده نظر ایستورم اولسون

جانی لری جانانه گهر ایستورم اولسون

فکریم بودی غرقابی چکم ساحله ساری

نیلوم گوروسن دشمنیمون یوخدی چیخاری

 

استاد حسین ساکت (هویدا)

منبع مجموعه کانالهای مدح و مرثیه

موضوع: حضرت ابوالفضل العباس (ع) زبانحال ,
زبان شعر و شاعر: نوحه ترکی , هویدا

 

------------

 

زبانحال حضرت امام حسین (ع) بر بالین حضرت ابوالفضل (ع)

 

ای رزم گونی حیدرِ کرّاری حسینون

قولسوز یخیلان جعفرِ طیّاری حسینون

بیر مشگ سو اوسته کسیلن اللره قربان

امدادینه قارداش چاغوران دللره قربان

 

راضیدیم ئوله تشنه لب اطفالِ لب عطشان

هر تک تکی بو چولده اولیدی سنه قربان

امّا سنه ال تاپمیا بو فرقهٔ عدوان

سنلن مَثَلیم جدّیمه حیدر مثلیدی

یا حیدریلن مالکِ اشتر مثلیدی

 

قارداش نجه نعمتدی ویرر قارداشا الله

بولمز بیری تا اولمیوب اسرارینه آگاه

بخصوص یامان گونده محیط اولسا خطرگاه

فرض اولسا بدن جان کیمیدی قارداشا قارداش

عِرقنده گزن قان کیمیدی قارداشا قارداش

 

ئولدورمه سلر گر منی سندن صورا اعدا

خضر عمریجه عمروم اولا گولمز یوزوم اصلا

بیر درد اولی دردون منه که یوخدی مداوا

بو دردین علاجین هامی لقمان اولا بولمز

واللهی ئولوم اولماسا درمان اولا بولمز

 

کیم بولدی سسون گلدی پوزولدی نجه حالیم؟

نه حاله قالوب سِیر ایله دیم من نه عَوالیم

بیر بولدى باجیم بیرده بولر خالقِ عالیم

فکریم داغیلوب محوِ جمال اولدوم ابوالفضل

دل سیز کیمی بی نطق و مقال اولدوم ابوالفضل

 

دوردوم که گلم داده گؤزوم گؤرموری گؤردوم

سالدوقجه غمون یاده گؤزوم گؤرموری گؤردوم

اولدوم ایله افتاده گؤزوم گؤرموری گؤردوم

علّت بودی تأخیریمه وقتیم تلف اولدی

تأخیرده بیر مایهٔ حزن و اسف اولدى

 

گؤرموردوم ازل هاردا یخوبدی سنی کفّار

کسمیشدی یولی لشگرِ بدکیش و تبهکار

سیندیردی صفِ دشمنی شمشیرِ شرربار

فکریم که گیدردی هارا من یول اورا سالدیم

ناگاه آنام فاطمه نون عطرینی آلدیم

 

شوریله فضادن آنامون عطرین آلوردوم

گلدوقجه یولی عطر گلن سمته سالوردوم

گاهی اگیلیردیم یره گاهی اوجالوردوم

ناگه بو ایکی عادل اولان رهبری تاپدیم

سو اوسته بو ناحق کسیلن اللرى تاپدیم

 

گویا آناما کشف اولوب آشفته دی حالیم

قارداشیما دشمن تاپوب ال ، چوخدی ملالیم

یالقوزلیوب اعدا منی پوزقوندی خیالیم

تاب ایلمییوب تکلیقیما داده گلوبدی

امداد ایلسون اوغلونا زهراده گلوبدی

 

اولدی سبب اوچ رمز و علامت سنی تاپدیم

بیر علّت اولوب مِهرِ اُخوّت سنی تاپدیم

بیر ائتدی آنام عطری هدایت سنی تاپدیم

بیرده کسیلن اللّریوین قان ریزی قارداش

یوخسا یولی قویمازدی گورم گؤزده کی قان یاش

 

طوبا سنون احوالیوه اقبالیوه احسن

اولدون شهداده هامودان شأنی مُحَسّن

بو عطر مُصَدّقدی که زهرانی گؤروبسن

شاید یوزیوه قویموش اولا عارضِ آلین

قوی منده زیارت ایلیوم سنده جمالین

 

بو نسگلون اوتلار منی تا روزِ قیامت

بیر گؤز که ایده حضرتِ زهرانی زیارت

انصاف دگولدی اونا بو ظلم و جسارت

بو یاره که بودیدهٔ شهلایه دگوبدی

بلکه دوشوب عکسی رخِ زهرایه دگوبدی

 

اهلِ حرمه صبر و تسلی ویره الله

محشر اولاجاق اولسالار احوالیوه آگاه

دور تک یولا سالما منیلن اول گینه همراه

گوستر بالاجا قیزلاریما اوخلی سو مشکین

جام الده گزوب خیمه لری توکمه سین اشکین

 

بو حالیده سندن نجه صرفِ نظر اولسون

گئتسم نگرانم که عدو باخبر اولسون

الدن الیوه ال تاپانی بی ثمر اولسون

اولسیدی الون رفعِ شر ایلردون اوزوندن

بیر نحویله دفعِ خطر ایلردون اوزوندن

 

ای «حافظی» اولدی حسنی بانی اشعار

سندن سبب اولدى قالا دنیاده بو آثار

ایسته صله ویرسین یدِ مقطوعِ علمدار

اعطاسینی شکرانهٔ نعمت بولوسن بول

یا لطفینه احسانینه قسمت بولوسن بول.

 

مرحوم حافظی تبریزی

منبع مجموعه کانالهای مدح و مرثیه

موضوع: حضرت ابوالفضل العباس (ع) زبانحال ,
زبان شعر و شاعر: نوحه ترکی , حافظی تبریزی

 

------------

 

زبانحال به حضرت ابوالفضل (ع)

 

تخمیس از شعر مرحوم استاد حاج عبدالعظیم ذهنی زاده

 

تأثیر ائلدی داغِ دیلیم داغ داشا قارداش

سیلابِ غم آز قالدی کی باشدان آشا قارداش

قارداش ئولومی مشکل اولار قارداشا قارداش

(چاتمیش یارالی سینه ده اوخ باش باشا قارداش

بو باش باشا چاتماق وئریب عمری باشا قارداش )

 

بو قافِ محبّت ده کی عنقادی برادر

اولدی ستمِ فرقهء کین پروره خو گر

چوخ سعی ائلدیم کامه یئته آلِ پیمبر

(بس کشمکش ائتمیش دی علمداریله لشکر

بو کشمکش آخرده دایاندی باشا قارداش )

 

عمروم چراغی سنله یانیب ، سنله ده سوندی

سنله واریدی عالَمیمیز حیف اودا چوندی

تا جلوهء جانانه بو قان ایچره گوروندی

(گوز یاشی ، اورک قانی آخیب دجلیه دوندی

آز قالدی کی قان دجله سی باشدان آشا قارداش )

 

ظلم اهلی بیر اود ظلمیله بو خرمنه ووردی

چوخ صدمه لر افسوس گُل و گلشنه ووردی

سعد اوغلی شماتت اوخون اوّل سنه ووردی

(هر کیم نه سلاح الده واریدی منه ووردی

هر بیر بوش الین گلدی گمانی داشا قارداش)

 

تیغ الده دوروب دشمنِ دون پیش و پَسیمده

قالدی نگران سن کیمی فریادرسیمده

روحیم قوشی فریاده گلیب دور قفسیمده

(قارداش دئمیرم گَل منی گور سون نفسیمده

یول خاطرینه لطف ائله بو یولداشا قارداش )

 

خونِ دیلیله کاسهء چشم اولد لبالب

دردین بیلیرم چوخدو حسین اولما معذّب

گلمه سنه قربان ، ای اورک چرخینه کوکب

(گلسن ائله گل بیلمه سین احوالیمی زینب

گوز تیکمیشدی من ، یئخیلان قارداشا قارداش )

 

نقشِ رخِ جانانی نظرده ائله تصویر

سوز چنگ وورار دیللره گر اولماسا تزویر

اشعار (شهابی ) اودی ایلیر دیله تأثیر

بو مصرعی (ذهنی) نه گوزل ائیله دی تقریر

(چاتمیش یارالی سینه ده اوخ باش باشا قارداش)

 

علی اصغر شهابی تبریزی

منبع مجموعه کانالهای مدح و مرثیه

موضوع: حضرت ابوالفضل العباس (ع) زبانحال ,
زبان شعر و شاعر: نوحه ترکی , علی اصغر شهابی تبریزی

 

------------

 

زبانحال حضرتِ امامِ حسین (ع) در بالین حضرت ابوالفضل (ع)

 

سو اوسته قانون آخوب یرده سو به سو قارداش

گوزوم یاشی کیمی قانه دونیدی سو قارداش

 

فرات اوتانموری قانون آخوب گینه آخوری

سولاردا قویمادی دنیاده آبرو قارداش

 

گُل جمالوا قان شبنمی ویروبدی صفا

هانی سنون کیمی بیر گلده رنگ و بو قارداش؟

 

ورق ورق داغیلان پیکرون حکایت ایدر

سو اوسته ایلمیسن سعی مو به مو قارداش

 

بلادِ عشق و محبّتده بیر مجاهدِ عشق

سنون کیمی دولانوب هاردا کو به کو قارداش

 

باشونداکی بو یارا خشک بند اولا هیهات

سو ساخلاماز سینا گر کاسه و صبو قارداش

 

الون اولیدی گر ، ال سنه تاپاردی مگر

بو قانلی معرکده قومِ کینه جو قارداش

 

ایکی کسیک الیله بیر تیمّم ایلمیسن

او بیر تیمّمه غبطه ایدر وضو قارداش

 

ستاره تک بدنونده یارا شماره سی یوخ

ووروب نقدری یارا جسموه عدو قارداش؟

 

قلج یاراسینا نوکِ خدنگ اصابت ایدوب

سپور کنارینه قان ، زخمِ تو به تو قارداش

 

گوزون فداسی گوزون آچ نه خوابِ نازیدی بو؟

ترابِ تیره نی فرض ایتمه پَر قو قارداش

 

سو صحبتی دله بیرده گتورمز اطفالیم

کسیلدی خیمه لر ایچره بو گفتگو قارداش

 

اولاردی سرو سرافکنده ، شرمگین شمشاد

چمنده سنله اولان دمده روبرو قارداش

 

دانشمیسان نیه ای مرتضی عزیزی ، مگر

دولوبدی قانیله توپراقیله گلو قارداش؟

 

چوخ آرزو ایدرم بیرده سسون ایشیدم

دانیش که قالمیه دلده بو آرزو قارداش

 

سنیله الفتِ دیرینه وار نجه دایانوم

یارالی جان ویروسن تشنه ، نیکخو قارداش

 

گُلِ وصالی ایله نوکِ خارِ هجرانون -

یاروب ، اولا او یاره چوخ چتین رفو قارداش

 

گلنده دوشدی یولوم قولّارون دوشن یولدان

سرشگیم ایلدی رخساری شستشو قارداش

 

خیامِ طاهرده شورِ حشر اولوب پیدا

عیالیمه دور ایداخ چاره جستجو قارداش

 

داخی قرانلوق اولار آلِ هاشمین چرخی

دوتولدون آی کیمی قانیله ، ماهرو قارداش

 

دوشنده آتدان اولون اولمادی اولا حایل

که اوخلار اولمیه گُل جسموه فرو قارداش

 

سکینه فاطمه نازلی رقیه مخیمده

تکوبله گوز یولا ، دلده عمو عمو قارداش

 

سو جامی الده نوا دلده گوزلری یولدا

آخار سرشگلری یوزده مثلِ سو قارداش

 

نجه بو محنتِ عظماده آغلاماز (نجمی)

که خونِ فرقون آخوب یرده سو به سو قارداش.

 

سید یوسف نجمی

منبع مجموعه کانالهای مدح و مرثیه

موضوع: حضرت ابوالفضل العباس (ع) زبانحال ,
زبان شعر و شاعر: نوحه ترکی , نجمی

 

------------

 

استمداد حضرت ابوالفضل (علیه السلام)

 

امدایمه گل ای شه خوبان آتام اوغلی

عباسون اولوب دینینه قربان آتام اوغلی

 

ای سینه سی مخزن اولان اسرارخدایه

الله سنی خلق ایلدی سرور شهدایه

کیم جان وئره کویونده یتر عرش خدایه

جنتده تاپار عزت شایان آتام اوغلی

 

ای پادشه جن وملک عالمه مولا

وی مالک اولان ملک دله زاده زهرا

بوعلته امداده چاغوردی سنی سقا

جانین ائلیه دینینه قربان آتام اوغلی

 

کسدی یولومی فرقه اشرارزمانه

جوریله کماندار اوخونی قویدی کمانه

سومشگینه ویردی گتوروبدورمنی جانه

گوزیاشیمی دشمن ائلیوب قان آتام اوغلی

 

سقایم ئوزوم سیدی عطشان ئولورم گل

گوزلور یولوی دیده گریان ئولورم گل

رخساریمی یکسربوریوب قان ئولورم گل

تعجیل ائله ای سرورخوبان آتام اوغلی

 

ای شمس هدا منبع ایمان و معانی

گلسن دییرم دلده اولان سر نهانی

زینب باجیماکشف ائلمه بوجریانی

قولسوزیخلوب قارداشی عطشان آتام اوغلی

 

عباسون اون یدی شقی دورسین آلدی

پرسیزقالان عنقاکیمی آتدان یره سالدی

اشرارین الینده یارالی پیکری قالدی

رحم ائتمدی قارداشوا عدوان آتام اوغلی

 

دیداروه بوحالیده مولا هوسیم وار

فخریم بودی بیرسن کیمی فریادرسیم وار

بیریولدا ده قارداش منه تاکی نفسیم وار

محتاج نوالم ائله احسان آتام اوغلی

 

عشقونده آخان گوزیاشیم ایمدی سله بنزر

گلشن کیمی جیسمیمده یارالارگله بنزر

باش باشه چاتان سینده اوخ سنبله بنزر

اولمازبئله بیرعالی گلستان آتام اوغلی

 

یوخ طاقتیم ازبس که دگوبدی منه یاره

گل گورنجه قارداش النوراشگیم عذاره

ایستورسنی گوگلوم گوره بولحظه دوباره

امیدیمی گل ایلمه حرمان آتام اوغلی

 

آتدان یخلاندا یوزوم اوستونده ترابه

قالدی ایاقیم چخمادی بنداولدی رکابه

یرده سورونوبدی بدنیم دوشدی عذابه

معناده آنان اولدی نواخوان آتام اوغلی

 

پیغمبررحمت قیزی انسیه ی حورا

طاقت گتوره بولمدی بومحنت گویا

امرایلدی آتدان یخلاندا منه زهرا

قارداش چاغورام من سنی الان آتام اوغلی

 

چوخلاریازوب عباسه(جوانی)بوردیفی

حاشااولا بونوحه اواشعارون حریفی

لطف ائتدی حسینون سنه سقای شریفی

بوشعری که اولدی بئله عنوان آتام اوغلی

 

کربلایی موسی جوانی تبریزی

موضوع: حضرت ابوالفضل العباس (ع) زبانحال ,
زبان شعر و شاعر: نوحه ترکی , موسی جوانی تبریزی

 

------------

 

استمداد حضرت ابوالفضل (علیه السلام)

 

قولاریم اولدی قلم قارداش حسین فریاده گل

قالدی بی صاحب علم قارداش حسین فریاده گل

 

گور ننوعیله ایدر بو اهل کینه هلهله

اوخلانوب مشکیم دوشوب آخرایشیم چوخ مشکله

تیزیتورقارداش اوزون دوشدی علمدارین اله

لطف قیل ایله کرم قارداش حسین فریاده گل

 

یالقوزام قارداش آلوبدوردوره می بو کوفیان

سبقت ایلربیربیرینه اوخ ووران خنجرووران

پیکریم باشدان ایاقه دوغرانوب قالموب توان

قویما حسرت جان ویرم قارداش حسین فریاده گل

 

بیرطرفدن دوره می بو لشکرعدوان آلوب

بیر طرفدن نیزه لر قارداش منی دلدن سالوب

بیرطرفده قولاریم بیریاندا بو مشکیم قالوب

بیر طرف قانلی علم قارداش حسین فریاده گل

 

سعی ایدردیم چوخ بو گون قارداش آلام بیرمشک سو

آلدیم اما حیف اولاقلبیده قالدی آرزو

اوخلادیلار مشکیمی ظلمیله آخر بو عدو

ویردی یوز بیحد الم قارداش حسین فریاده گل

 

اوخ دکن تک مشکیمه گیچدیم حیاتیمدن اوزوم

خیمگاهه گلماقا هرگز داخی یوخدور یوزوم

منتظر قویما بو قدری گل قالوب یولدا گوزوم

گلمسن جان ویرمرم قارداش حسین فریاده گل

 

آلدیلار اطرافیمی دورت بیرطرفدن اهل کین

متصل یاره وورالار پیکریمه مشرکین

ویردیلر قارداش باشیمدان بیرعمودآهنین

سرو قدیم اولدی خم قارداش حسین فریاده گل

 

یخدیلارآتدان منی بو فرقه بی ننگ و عار

جسمیمه هرآن وورالاریاره سانسیز نیزه دار

اولموشام بو عرصه ده بیرسنگدل قومه دچار

دستگیردشمنم قارداش حسین فریاده گل

 

قول گیدوب باشیم سینوب سینم باتئوب گلمزنفس

قالموشام جلادالینده رحم ایدن یوخ بیرجه کس

طاقتیم الدن گیدوب گل سن منه اول دادرس

ای شهنشاه امم قارداش حسین فریاده گل

 

حق یولوندا تشنه لب جان ویرماقیم خوشدورمنه

گورمینجه گل یوزون مشکل ویرم باش دشمنه

ال تاپارمندنصورا بلم سپاه کین سنه

بو سببدن غملیم قارداش حسین فریاده گل

 

قان گیدوب ازبس باشیمدان قالمیوبدورطاقتیم

واردی بو آخر نفس قارداش سنه بیرزحمتیم

شانوه لایق دگل گرچه منیم بو جرئتیم

لیک نیلوم مظطرم قارداش حسین فریاده گل

 

اولا عرضیم بودور ای خسرو والا مقام

خیمگاهه نعشیمی حمل ایتمه هرقدری ساغام

جون سکینه ندن خجل ایتدی منی قوم ظلام

یوخ یوزوم هرگز گیدم قارداش حسین فریاده گل

 

قتلگاه ایچره گلنده اهلبیتین شیونه

آغلیوب زلفین یولاندا آل پیغمبرسنه

آغلاسون تاپشورکنیزین فضه ده باری منه

چون منه بس بو کرم قارداش حسین فریاده گل

 

(مذنبا) صبح و مسا گوزدن سرشکین قیل روان

گوزلریندن واریری بو سو یرینه آخسا قان

بو سوزی هرمجلس غمده دمادم ایت بیان

قولاریم اولدی قلم قارداش حسین فریاده گل

 

مرحوم مذنب تبریزی (مارالانی)

منبع کانال گنجینه گذشتگان

موضوع: حضرت ابوالفضل العباس (ع) زبانحال ,
زبان شعر و شاعر: نوحه ترکی , مذنب تبریزی

 

------------

 

زبانحال به حضرت ابوالفضل (ع)

 

ابوالفضلیم سنون نعشوندی خاکیله عجین اولموش؟

و یا بیر  شاخهء شمشاددور نقشِ زمین اولموش

 

یازوبلار منشیانِ بزمِ غم تقدیریمی چوخدان

الیم چیخسون بوشا کرب و بلا دشتنده وار یوخدان

منیم قلبیم اویولسون صاق گوزونده اگلشن اوخدان

مآلِ کاره باخ پایانِ تقدیریم همین   اولموش

 

فضای سینمی از بس ایدوبدور لاله گون داغلار

او داغلارین بیرین تاب ایلمز چکسون آغیر داغلار

بو داغیمدن باجیم قلبی یانار ایله که قان باغلار

شریک اعظمیم آخر منه او نازنین اولموش

 

اسوب گلزاریمه بادِ خزان سرو و سمن دوشدی

اولوب افسرده آخر نطقدن مرغِ چمن دوشدی

نه نوعیله عقاب اوستن یره قولسوز بدن دوشدی

نه یاخشی بی خبر سندن آنان امّ البنین اولموش

 

سزادور اوج ایده عرشِ برینه سینمون آهی

روا بولدی منه اشرارِ دون بو ظلمِ جانکاهی

یوزون ، گوزده مجسّم ایلوری بیر مُنخَسَف ماهی

دوروب گون باشینون اوستنده ، لیکن دل غمین اولموش

 

حقیقت پای بندی مایلِ خطّ مجاز اولماز

بو کوی عشقیدور باش ویرمینلر سرفراز اولماز

طریقِ عشقیده بیر کیمسه سن تک پاکباز اولماز

وجودون پرچمون مشکون فدای راهِ دین اولموش

 

یاراتدون بیر حماسه ، پهلوانلار قالدی حیرتده

جهادِ نفسی تفسیر ایلدون خلقه حقیقتده

اوزون سر مَطلعِ هر شعر ، دیوانِ رشادتده

آدون انگشترِ غیرتده بیر نقشِ نگین اولموش

 

اگر چه کاسهء مغزون سینوب ضربِ عمودیله

دوشوبسن توپراقا سوسن کیمی رنگِ کبودیله

ساتوبسان جان متاعین خالقه سرشار سودیله

جهاندا هانسی سودا بیر بیله سودآفرین اولموش؟

 

سزادور زلفوی تشبیه ایدم بیر لیلةُ القَدره

یوزون سرمایهء رشگ و حسد ماهِ شبِ بدره

او قدری اوخ دگوب بو عشقیله لبریز اولان صَدره

کماندارانِ بی رحمه بو سینن مَدّ عین اولموش.

 

سن اول سقّا که یاندون نارِ ظلمِ بی حساب اوسته

نجه سقّا که قویموش عمرونی بیر مشکِ آب اوسته

بو سنسن پاره پاره دوشموسن تیره تراب اوسته؟

و یا توپراقیله آغشته بیر دُرّ ثمین اولموش؟

 

دیمه دریای صبری بی وفا دشمنلر آغلاتدی

منی قانه باتان شهبازِ بی بال و پر آغلاتدی

حسینون آغلامازدی ، بو داغلمیش پیکر آغلاتدی

بدندن ظلمیله قطعِ یَساریله یَمین اولموش

 

گوروم بو عالَمِ امکانی بِالمرّه خراب اولسون

اولار قارداشیوه بوندان بیوک رنج و عذاب اولسون؟

سنی من سسلدیم امّا سؤالیم بی جواب اولسون

حسینون گور نجه امری بو صحراده چتین اولموش

 

اوزوم فُلکِ نجاتِ خلق و بیر حصنِ حصینم من

سُرورِ قلبِ زهرا ، مرتضایه نورِ عینم من

اگر چه بی کسانه دهرده یار و معینم من

ایله تک قالموشام ایمدی ، سوزوم هَل مِن معین اولموش

 

عجب دل یاندیران افسانه بو آبِ فرات اولدی

سویی که دهرده رمزِ وجودِ ذی حیات اولدی

ولی آل اللهه سرمایهء مرگ و ممات اولدی

جهانه اود ویران بو ماجرای آتشین اولموش

 

او دم که خیمه لرده آغلاشور لیلا ربابیله

سکینه بویلانوب نهره باخوردی اضطرابیله

قووردون مَرکبی ، سو مشگی چگینونده شتابیله

پناه نخل او دم بیر سنگدل خصمه کمین اولموش

 

گلردون خیمه گاهه شوقیله ای سروِ آزاده

سالوبسان اصغرین گُل تک سولان رخسارینی یاده

هدف اولدی سو مشکون یولدا تیرِ قومِ بیداده

گوز آچ ای تشنه لردن بی نهایت شرمگین اولموش

 

گوز آچ ، بیرده اَله دلده مراد و مطلبیم گلسون

داغلمیش طاقتیم بو جسمه ای ماهِ شبیم گلمسون

یوبانسام وار یری آردیمجا بیکس زینبیم گلسون

خیام ایچره عیان ، غوغای روزِ واپسین اولموش

 

بو چولده دوشمه سیدی پرچمون اوز اهتزازیندن

ویرانمازدی عدو پیکانیله اصغر بوغازیندن

خواتینِ حرم هر لحظه ال چکمزدی نازیندن

ولی امرِ اسارت قیزلارا ایمدی یقین اولموش

 

نه تنها صرصرِ بیدادیله عمرون گلی سولدی

نه تنها اوخ دگوب القانیله شهلا گوزون دولدی

دریغا پرچمِ اسلام سن سیز سرنگون اولدی

عجب بو چولده طوفانِ مصائب سهمگین اولموش

 

دیمه پرچم یاتوب ، اتمامه یتدی بوردا برنامه

باجیم بو پرچمون الده ، سالار شاماته هنگامه

کمر باغلار بالام سجّادیله ترویجِ اسلامه

امورِ دین بو گون تحویلِ زین العابدین اولموش

 

نجه زینت ایدر اطفالیمی آغوشینه زینب

چکر بو پرچمی شاماتیده اوز دوشینه زینب

قویار عشق اهلینی حیرتده فکر و هوشینه زینب

او که تبلیغِ دینِ حقّه ، عزمی آهنین اولموش

 

ایا کانِ کرم ، احبابی قورتار درد و محنتدن

یانولّار عاشقانِ سینه چاکون داغِ فرقتدن

روادور شیعه لر محروم اولا فیضِ زیارتدن؟

یولون باغلی قالان گور نچه وقفه اربعین اولموش

 

رثا شعری یازان تبریزیده چوخلی مفاخر وار

(حسینی) و (یتیم) و (هندی) و (صافی) و (صابر) وار

ولی (مجنون) کلامینده شمیمِ شعرِ (شاکر) وار

هره بیر باغبانون خرمنیندن خوشه چین اولموش.

 

سید محسن رجائی متخلص به (مجنون)

فرزند مرحوم سید حسین رجائی

منبع مجموعه کانالهای مدح و مرثیه

موضوع: حضرت ابوالفضل العباس (ع) زبانحال ,
زبان شعر و شاعر: نوحه ترکی , سید محسن رجائی , مجنون

 

------------

 

زبانحال حضرت امام حسین (ع) به حضرت ابوالفضل (ع)

 

بو یرده یات نه عجب خوابگاه راحتدور

مقام امن و امان گوشه فراغتدور

 

اولوبدی مجلس دیدارخالی ازاغیار

گوزآچ یانیندادی دلدار بزم خلوتدور

 

گیدوب رقیب کناره چکوب کناره حبیب

باشین حبیب دیزینده نه خواب راحتدور

 

بو قدرنازایلمه اویانماق زمانیدی یاتما

تغافل ایلمه راز و نیازه فرصتدور

 

دگنده زخمیوه گون نی کیمی سیزیلداراگر

سیزیلدیرن اورگیمه دگن جراحتدور

 

خوشا سعاتیوه زحمتین تمام اولدی

یتوبدی آخره زحمتلرین تمام اولدی

 

اوزون گیدوب قویوسان بو اوغولسوزی یالقوز

مگر بو رسم وفا شیوه محبتدور

 

بو گون بو چولده منیم قدیمی کمان ایلین

برابریمده دوشن سرو تک بو قامتدور

 

تکلم ایله گیچوروقت قالمیوبدی مجال

مباد فوت اولا فرصت زمان فرقتدور

 

چون آیریلیق گونیدوردرددل ایداق باری

دانشموسان نیه بیردم که دم غنیمتدور

 

گیداق خیامه بیرآز اوردا استراحت ایله

تمام منتظرین اهلبیت عصمتدور

 

آپارموشام یارالی اکبریمی خیملره

آپارماسام سنی بیرنوع قلبه حسرتدور

 

دوباره جانه گلوب ایلین زمان احساس

آلان باشین دیزینه والی ولایتدور

 

بدن تلاطم ایدوب ایستدی ایاقه دورا

دیوبدی سیدی عفو ایله چوخ جسارتدور

 

برابریمده یاتام من سن اگلشن یرده

بو نوعی یاتماقیم خلاف قرارحرمتدور

 

ولی اوزون گوروسن عذریمی قبول ایله

که شیوه کرم و رافت و مروتدور

 

گلوب غلامیوی عالمده سرفرازایلدون

اوجالدی عرشه باشیم چوخ بویوک شرافتدور

 

ولیک من هارا بو رتبه و مقام هارا

بو التفات منه مایه خجالتدور

 

بیوردی ای منه دلسوزو مهربان قارداش

بو حسرتین منه تا من وارام کفایتدور

 

مگربو پایه ده اخلاص و جانفشانلیق اولار

صدآفرین سنه قارداش گوزل اخوتدور

 

بو نوع دوغریوب اعضاوی سربسردشمن

او هانسی عضویدی تا من دیم سلامتدور

 

الین گیدوب گینه ال چکموسن حمایتدن

نفس چیخینجا خیالین منه حمایتدور

 

دیدی که دور ماقا عفو ایله قالمیوب حالیم

مشاهده ایدوسن حالیمی نه حالتدور

 

ویروب ایکی الی اما منیم دلیم دانوشور

بو جان سنونکیدی قارداش منه امانتدور

 

مرحوم حقیرخویی

منبع کانال گنجینه گذشتگان

موضوع: حضرت ابوالفضل العباس (ع) زبانحال ,
زبان شعر و شاعر: نوحه ترکی , حقیر خویی

 

------------

 

اجازه میدان خواستن حضرت ابوالفضل (ع)

 

اذن ویریاسیدی سو اخذ ایدیم اطفاله من

تنگ اولوب سینم نجه قارداش دوزوم بو حاله من

نیلورم من بو حیاتی ای شه والا مقام

آل طاهانی سوسوزلوق دلکباب ایتسون تمام

سو آنان مهریه سی اهل عیالین تشنه کام

اذن ویر یا سیدی سو اخذ ایدیم اطفاله من

 

محضریندن صادر اولسا گرمنه فرمان جنگ

ایلرم بو رزمگاهی لشکرشاماته تنگ

یو خ هراسیم هرطرفدن گلسه شمشیرو خدنگ

سیر ایدوب جاندان منی بو ناله لر بو کشمکش

طاقتیم یوخدوردیسونله خوردا قیزلارالعطش

هرکسه باخسان سولوبدی دل دوداقی غنچه وش

 

اولما راضی بو ایشیق دنیانی تاراولسون منه

قوی بو سقا منصبی بیرافتخاراولسون منه

آچماسام  پرچم فرات استونده عاراولسون منه

نا رشیدم رزمگاه دشمنه اود سالماسام

صفلری بیرحمله ده من بیربیرینه چالماسام

ترجمان ویرم ایکی ال گرفراتی آچماسام

 

گردوتا دنیا یوزون سو یوخ منیم اصلا گوزوم

جان رکابینده ویرم لب تشنه مشتاقم اوزوم

اصغرین یانسون سوسوزدان من نجه آیا دوزوم

چکمیوبدور بیجهت زحمت آنام ام البنین

بسلیوب قارداش منی بو گوندن اوتری اول حزین

بیررشادت گوستروم اعدا دیسونلرآفرین

 

ایسترم قارداش سنه بیرخدمت شایان ایدم

بیرده دنیایه اخوت درسینی اعلان ایدم

سو الیمده ایچمیوم لب تشنه جان قربان ایدم

بیربه بیر قانه باتوبدور یاروانصارین سنون

قالمیوب بو چولده قارداش بیرهوادارین سنون

لشکرین یوخدورنه لازیمدورعلمدارین سنون

 

آلموشام شیر خدادن من فنون جنگی مشق

سد اولانماز رهگذاریمده منیم اهل دمشق

قوی ایدوم عباس آدین دیباچه دیوان عشق

یتسه هریرده (شهاب)امرین مقام مشکله

دامن باب الحوائجدن دوتوب ایسته صله

سوز بودور یازموش(قیامی)بو سوزی تکرار ایله

 

مرحوم شهاب تبریزی

منبع کانال گنجینه گذشتگان

موضوع: حضرت ابوالفضل العباس (ع) زبانحال ,
زبان شعر و شاعر: نوحه ترکی , شهاب تبریزی

 

------------

 

استمداد حضرت ابوالفضل (علیه السلام)

 

قارداش حسین درک ایت منی وقت حملیتدورمنه

قولارگیدوب باش یاره لی الماق سعاتدورمنه

 

اولدوم مصمم ویرماقا بو چولده قارداش امتحان

باشدان گیچوب اوز عشقیمی عالملره ویرم نشان

گل گل یوزون بیرده گوروم تا من ویروم آسوده جان

آخر نفسده آرزو فیض زیارتدورمنه

 

وقاص زاده باشیمی کسماقلقا فرمان ویرور

بسکه ووروبلاراوخ قلج جسمیمده یاره قان ویرور

ارداش یارالی قارداشین دلدن دوشوبدورجان ویرور

سینم باتوب گلمورسسیم وقت شهادتدورمنه

 

اللرده نیزه دورمی ایلوب احاطه بو صفوف

بیردسته سی خنجر ووران بیر دسته سی تیر و سیوف

عرض ایلدیم گل یانیمه عفو ایله ای شاه رئوف

عذرایستورم بو سسلماق چوخ چوخ جسارتدورمنه

 

بو قوم کین ایتدی کمین قولاریمی ایتدی قلم

فرمایش ایت گوز تیکمسون بیرده یولا اهل حرم

دوشسون سو فکریندن قیزین مشک اوخلانوب یاتدی علم

اوخلانماقی سو مشکیمی ناسباب خجلتدور منه

 

باشیم یارالی قانیله گوزلر دولوب یا سیدی

باد ستمله گلشن عمریم سولوب یاسیدی

تاخیروه بلم سنین علت نولوب یا سیدی

سنسیز یتوب هر غصه و اندوه و محنتدور منه

 

بو قوم کافر جسمیمی ایلوب ستمله نیزه پوش

بیر پر شکسته قوش کیمی جسمیم قالوب یرده خموش

گل گور علمدارین اولوب نه ظلم بی پایانه توش

تشریف فرما اولملقین شان و جلالتدورمنه

 

بیر ایله حاله دوشموشم شامه دونوبدورگوندوزوم

یوخ رحم ایدن احوالیمه بلمم ننوعبله دوزوم

بو قانلی تپراق استه من گیتدی سورونماقدان یوزوم

یاره ووران رحم ایتمین اهل شقاوتدور منه

 

خنجر دمینده دمبدم گلم فغان و داده من

سن باشیم استه گلمسن باش ویرمرم جلاده من

اولما رضا چوخ یالواروم بو فرقه بیداده من

جلادالینده قالماقیم بیحد حقارتدور منه

 

شاها (حسینی)صدقیله آغلارغمینده صبح و شام

اما فشارابتلا چوخ ایلیوبدور تلخکام

عباس الیله ایله تیز خوشحال و مقضی المرام

بیر مختصر لطفین اگراولسا کفایتدور منه

 

از اشعار چاپ نشده مرحوم حسینی سعدی زمان

منبع کانال گنجینه گذشتگان

موضوع: حضرت ابوالفضل العباس (ع) زبانحال ,
زبان شعر و شاعر: نوحه ترکی , حسینی سعدی زمان

 

------------

 

زبانحال حضرت امام حسین (علیه السلام)

به حضرت ابوالفضل (علیه السلام)

 

ای قاندا غرق اولان دل خونباره بنزیسن

چوخ سولموسان خزان زده گولزاره بنزیسن

 

ای جان نثار عشق اولان ، کربلاده سن

سنگ تمام قؤیموسان الحق ، وفاده سن

سالدین ٱحد گونونده کی ایثاری یاده سن

ای حیدر اوغلی ، حیدر کراره بنزیسن

 

سن جام عشقی آلماقا،دنیانی آتمیسان

هرساغلیقی سلامتی عشقه ساتمیسان

هر آل وئریوی ایلیییب آخرده یاتمیسان

محتاج استراحت سرشاره بنزیسن

 

کامل بوگوزلرین،یومولانمیرباخیریارا

من بویاریمچیلیق یومولان گؤزلره فدا

هر قدر ایستیسن،منه باخ،ای بوتون وفا

باشدان ایاقه،تشنه ی دیداره بنزیسن

 

قارداشه چوخ مددوئرن اولموش،بونوع یوخ

بوقارداشیلن آیریسینین فرقی، چوخدی، چوخ

قوی بنزدیم سنی اوزووه، ای باشاباش، اوخ

عباس نامدا ر و ، وفاداره بنزیسن

 

اوخلارسالیب حصاره بوهیبتلی قامتی

لمس ایلمک ،چتیندی ، یل پرجراحتی

قارداش بواوخلارین قفسه وارشباهتی

سنده قفسده شیر گرفتاره بنزیسن

 

دلداده ایستیری گئده دلداردن قاباق

ترک ایلیسن بوعالمی سن یاردن قاباق

سن ارتحال جامینی،بیماردن قاباق

نوش ایلیین وفالی پرستاره،بنزیسن

 

دوشدین یره،گینه ده،سرافرازعشقسن

بال و پرین سینیب،گینه شهبازعشقسن

بی بال وپرده لایق پرواز عشقسن

واضح دییم،کی جعفر طیاره بنزیسن

 

هرچنددوشمیسن یره،هیبت یرینده دی

دوغرانمیسان،ولی گینه صولت یرینده دی

گوهرسینیب ولی,گینه قیمت یرینده دی

قولسوزدا،قوللی،قووه لی سرداره بنزیسن

 

ال تاپماقابوپیکره ای یارخوشمرام

هرسمتدن گتیردی سنه اوزسپاه شام

دورنده ائتدی جان آلان اشخاص ازدحام

پرمشتری جواهر شهواره بنزیسن

 

انبوه دشمنه سن ائدیرسن نگاه،گاه

گاهداباخیب حسینه،اورکدن چکیرسن آه

قارداش چوخ ایلیسن بوایکی سمته سن نگاه

دلواپس نگار علمداره بنز یسن

 

سوزوئردین اؤللم اولمارام امااسیرننگ

قوی شیشه ی حیاتیمه دیسین دئدین کی سنگ

امضاائدیبدی سوزلریوی گور نئچه خدنگ

ارزشلی اعتبارلی طوماره بنزیسن

 

جاندان دوشوبدی دشمنی جاندان سالان بدن

قان یاغدیریربویوزلراوخیلن چالان بدن

قارداش بواوخلارین آراسینداقالان بدن

قؤیمور دییم کی سن گل بیخاره بنزیسن

 

چوخ حسرتیله قارداشیواگوزتیکیب گؤزون

گلمیر دیلین،بیان ائدیری گؤزاونون سؤزون

اؤلماگوزه امید،امیدیم،دانیش اوزون

گفتاره گل،کی تشنه ی گفتاره بنزیسن

 

سوغاتیمی دئمه یاری یولداایتیرمیسن

من فرعی نیلیرم،منه اصلی یتیرمیسن

سیل ذهندن اوقطره نی،دریاگتیرمیسن

قوی گؤرمییم کی بیرالی بوش یاره بنزیسن

 

عباس،کامران،سنی توصیف ائدنمیری

بیرپیچ وخملی یولدادی آسان گئدنمیری

پیچیده نی راحات بیرینه بنزدنمیری

سن بیر ظریف معنی دشواره بنزیسن

 

 کامران اسدی

موضوع: حضرت ابوالفضل العباس (ع) زبانحال ,
زبان شعر و شاعر: نوحه ترکی , کامران اسدی

 

------------

 

زبانحال حضرت ابوالفضل (علیه السلام)

 

من عباسم منه دریالر آغلار

سوسوز احوالیمه سقالر آغلار

چاره‌سیز قالانلار

دردیلن یانانلار

سسلسون اورکدن ایوای ابوالفضل

 

منم ام‌البنینون دلرباسی

علاجی اولمیان دردین دواسی

غصه‌لی گرفتار

هر نه مبتلاوار

سسلسون اورکدن ایوای ابوالفضل

 

من عباسم هامی درده معالج

منه سویلر هامی باب الحوائج

جمله بینوالر

درده مبتلالر

سسلسون اورکدن ایوای ابوالفضل

 

منی کیم سسلسه فریاده گلم

اونی تک قویمارام امداده گم

اولسا هر مکاندا

جان ویرن زماندا

سسلسون اورکدن ایوای ابوالفضل

 

من عباسم سلیل مرتضایم

علمدار شه کرب و بلایم

تنگیده قالانلار-حاجتین آلانلار

سسلسون اورکدن ایوای ابوالفضل

 

منه کیم آغلاسا روز قیامت

اونا من ایلرم کُلاً شفاعت

اولماسون پریشان

اولسا غرق عصیان

سسلسون اورکدن ایوای ابوالفضل

موضوع: حضرت ابوالفضل العباس (ع) زبانحال ,
زبان شعر و شاعر: نوحه ترکی

 

------------

 

زبانحال امام حسین (علیه السلام)

به حضرت ابوالفضل (علیه السّلام)

 

ای شاهباز بی پریم میداندا یاتما دور گئدک

عبّاس همّت پروریم میداندا یاتما دور گئدک

 

گلشنده سینون یاره سی گللّر آچوب گلزار تک

امّا شکفته گللّره اوخلار باتوبدور خار تک

اعدایه اولدون نیزه پوش سن جعفر طیّار تک

دوشدوم حصار آهنه من نقطۀ پرگار تک

باخدوقجا تترر پیکریم میداندا یاتما دور گئدک

 

بیر یاندا پرچم بیر یانا پیکر بویوندا قول دوشوب

قانون آخوب سو تک یره میداندا قرمز یول دوشوب

نخل وجودوندان اَخی برجسته بیر جوت قول دوشوب

بیر یاندا شمشیرون دوشوب بیر یاندا ساق و صول دوشوب

ای یادگار حیدریم میداندا یاتما دور گئدک

 

علقم کنارینده سنون اطارفوی دشمن آلوب

آتدان یخوبلار تُپراقا جسمون یوزی اوسته قالوب

گویا سنق کشتی دوشوب گردابیده لنگر سالوب

فارغ اولوبدور کوفیان طبل یریش بیردن چالوب

آلدی قشون دور و بریم میداندا یاتما دور گئدک

 

آهیم بو لرزان جسم تک لرزه سماواته سالور

قارداشوی دشمن گورور بو حالتیله کام آلور

یاتما بو قانلی رزمیده اخیام بی صاحب قالور

من باشون اوسته آغلارام شام اهلی امّا اَل چالور

ظاهر اولوبدور محشریم میداندا یاتما دور گئدک

 

تیر جفایه آلنوی قوم دنی ائتمیش هدف

اَل اولمیوبدور گوزلروندن قانی ائتسون بر طرف

قان پرده چکمیش رویوه آی تک اولوبدور منخسف

نیزاریدور گویا سینون اوخلار دوروبدور صف به صف

ای یاره لی سرلشکریم میداندا یاتما دور گئدک

 

مرحوم مُنعم اردبیلی

موضوع: حضرت ابوالفضل العباس (ع) زبانحال ,
زبان شعر و شاعر: نوحه ترکی , منعم اردبیلی

 

------------

 

استمداد حضرت ابوالفضل (علیه السلام)

 

قانمی توکماخلقا بیر عده اوباش حسین

بیر بیره سبقت ایدوللر دورما گل قارداش حسین

 

ای وجودی جمله تکوینات عالمده دخیل

وی لب جان بخشی، آب خضر و نهر سلسبیل

شاه سنسن، درگهونده خادمندور جبرئیل

بو غریق لجه خون، محضرونده تاش حسین

 

ابروانون طاق محرابیمدی، رویوندور بهشت

روضه رضوان منه سنسیز جحیم و نار زشت

مرشد و پیر طریقم سن، نه مسجد نه کنشت

هاردا سن اولسان او یردور خانقه قارداش حسین

 

تا فراته وارد اولدوم، ای شه والا جناب

نکهت جانبخش آب، ائتدی اورکدن سلب تاب

تا هوس ایتدوم جمالون جلوه سین، گوستردی آب

اولدی دیدارون بو عطشان اولماقا پاداش حسین

 

آبروییم آبدیدی ای هامی بیکس کسی

تار و پود مشگه بستیدی حیاتیم رشته سی

گر چه جان آلدی قدر ترسیم ایدن پیکان سسی

اوخ آتان دست قضادور، نیله سین نقاش حسین

 

گر چه آب و تاب ایدور آخدوقجا بو آب فرات

آز قالور عمروم قوتارسون، درک ایدم فیض ممات

سو ایچم هیهات، قالسون تشنه لب عین حیات

قویمارام باخسون فراته دیده خونپاش حسین

 

من نه خضرم، سبر آفاق ایلیوب آب آختارام

آبده یوخ آبرو تا آب نایاب آختارام

تشنه لب گلدیم بو یرده لعل سیراب آختارام

اود دوتوب گوردوم یانور باشدان باشا داغ داش حسین

 

لوح خاطرده خیال ایتمه که نقش سو چکم

یا نسیم سو، دم صبحیله گلسه بو چکم

ذکر و اورادیم آدوندور ایسته سم یاهو چکم

قطب سن، من مرید رندم و قلاش حسین

 

هر یارا دگدوقجا یول آچدی حضور یاریمه

روزن امید آچلدی خلوت دلداریمه

پیک پیکان رونق آرتوردی عجب بازاریمه

جسممه دگسون یارا ایکاش باشدان باش حسین

 

بوی صهبای ازل ایتموش منی مخمور و مست

جلوه گر اولموش گوزومده عهد و پیمان الست

اولمادیم پیمان شکن، پیمانه گر تاپدی شکست

اگلنیدی دیده مه مشگه دگن اوخ کاش حسین

 

دورما تز گل، بو مریدین اوز مرادین آختارور

عبد صالح آدلی بنده میر رادین آختارور

مکتبون شاگردی گورسون اوستادین آختارور

خاکسار کویووه لطف ایله گل چک باش حسین

 

طاقتین از بسکه طاق ایتموشدی روی زردلر

رشته یاراسین الدن آلدی سانسیز دردلر

چوخ جسارتله تاپوب ال، مردیوه نامردلر

نقد جانین باشوا تز گل ایده شاباش حسین

 

اولدی هم فکرون(پدیده) فکری نیکو سیر

توکدی موج بحر طبعون ساحله در و گهر

وار نه تاثیری اولا دنیا بوئی پرخاشگر

گر سنه اطلاق ایده عباس و زهرا تاش حسین

 

شادروان دکتر محمود پدیده تبریزی

استقبال از مرحوم هندی

 

موضوع: حضرت ابوالفضل العباس (ع) زبانحال ,
زبان شعر و شاعر: نوحه ترکی , دکتر محمود پدیده تبریزی

 

------------

 

اتمام حجت حضرت ابوالفضل (ع)

 

من عاشق حسینم ایا لشکرظلام

خیرشکن علیدی شه لافتی آتام

 

عباس نامدارم و طومارعشقیده

روزازلده ایلمیشم منده ثبت نام

 

عشق حسینیله من آنامدان سود اممیشم

ذکرحسینیله منه لایلای دیوب آنام

 

سقا قویوبدی آدیمی سلطان تشنه لب

بو فخردور منه زیبنده دوربو نام

 

بیرمشک سو آپارماقا مامورایدوب منی

من نوکرم بو نوعیله امرایلیوب آقام

 

مطلوبیدور اطاعت مولا غلامیدن

مولا حسینیدور من اونا اولموشام غلام

 

جنگ ایتماقا اجازه یوخومدورامامیدن

اما فراتی آلماقا رخصت ویروب امام

 

من حیدراوغلیام آنام ام البنینیدور

آلّام فراتی گراولا هرقیمته تمام

 

ال قویموشام گوزاسته حسینین اطاعتین

واجب ایدوب عمومه خداوند لاینام

 

من وعده ویرموشم آپارام خیمگاهه سو

ایفای عهدیمه نقدروارنفس وارام

 

فتح شریعه جنگیله مشکل دگل منه

قصدیم دگل ولیک اله تیغ تیزآلام

 

شرمنده ام بلیمده کی شمشیریدن اوزوم

پیکاره بسکه رغبتی واردورعلی الدوّام

 

چوخ مایلم بوگون سیزیله جنگ ایدم ولی

بو اختیاری حیف منه ویرمیوب امام

 

صف چکموسوزبو نوعی نظامیله دورموسوز

وارقدرتیم نظاموزی بیر حمله ده پوزام

 

بیرجنگ ایدم جهاندا نظیری گورونمیوب

شمشیریمی چکوب ایلیم قصد قتل عام

 

بو لشکری قیرام داغودام یول آچام گیدم

ابن زیادی ذلتیلن تختیدن سالام

 

وحش و طیور ایچوربو فراتین سویون ولی

پیغمبرین اوشاقلارینا ایتموسوزحرام

 

ایمدی گلون اوزوز منه بیر مشک سوویرون

مجبورایتمیون الیمه من آلام حسام

 

سیز کوردللره اثرایتمورنصیحتیم

شیطان سیزه مسلط اولوب اولموسوز لئام

 

حاج مجید اشکی تبریزی

منبع کانال گنجینه گذشتگان

موضوع: حضرت ابوالفضل العباس (ع) زبانحال ,
زبان شعر و شاعر: نوحه ترکی , اشکی تبریزی , حاج مجید اشکی تبریزی , اشکی

 

------------

 

زبانحال به حضرت ابوالفضل العباس (علیه السلام)

 

عباسیم علمداریم

آچ گوزلریوی قارداش

گوزلور سنی قیزلاریم

آچ گوزلریوی قارداش

 

هجرون دله بیر اوخدی

دشمن بولوسن چوخدی

سنسیز کومگیم یوخدی

آچ گوزلریوی قارداش

 

ای اسوه شخصیت

وی شیر خدا خصلت

بیر لحظه ائله همت

آچ گوزلریوی قارداش

 

ای بیشه حق شیری

چوخ ائتمه سو تدبیری

یاندیرما بو دلگیری

آچ گوزلریوی قارداش

 

گل رخت وفا سویما

مندن بئله تز دویما

قارداشیوی تک قویما

آچ گوزلریوی قارداش

 

دریای کرم یاتما

سقای حرم یاتما

دور یاتدی علم یاتما

آچ گوزلریوی قارداش

 

بو چول دولی عدواندی

وحشتلی بیاباندی

یاندی اورگیم یاندی

آچ گوزلریوی قارداش

 

دلده عطشون چوخدی

صد حیف قولون یوخدی

جسمون باشاباش اوخدی

آچ گوزلریوی قارداش

 

غیرتلی علمداریم

ای محرم اسراریم

هر لحظه فداکاریم

آچ گوزلریوی قارداش

 

ائتدون منی افسرده

گلدی اورگیم درده

قالدی علمون یرده

آچ گوزلریوی قارداش

 

آرامیمی آلمیش غم

دور اول منیله همدم

اخیامه گئداخ باهم

آچ گوزلریوی قارداش

 

مشگلدی غم هجران

بیر دردیدی یوخ درمان

سس وئر سسیمه بیر آن

آچ گوزلریوی قارداش

 

بو غم نئجه تاب آلماز

یا درده دلی سالماز

گئتدون قوشونوم قالماز

آچ گوزلریوی قارداش

 

وار قلبیده چوخ سوزلر

اشگیله دولوب گوزلر

زینب یولوی گوزلر

آچ گوزلریوی قارداش

 

وار هاردا عزاخانه

گئت «عافی» صمیمانه

ورد ایله یانا یانه

آچ گوزلریوی قارداش

 

مرحوم عافی تبریزی

موضوع: حضرت ابوالفضل العباس (ع) زبانحال ,
زبان شعر و شاعر: نوحه ترکی , عافی تبریزی

 

------------

 

زبانحال به حضرت ابوالفضل (علیه السلام)

 

از داغ تو خم شد کمرم وای اباالفضل

شد زمزمه اهل حرم وای اباالفضل

 

ای ساقی بی دست  ای نور دو دیده

کن اشک مرا پاک با دست یریده

 

در خیمه همه مضطرب و دیده به راهند

طفلان به خدا از تو دگر آب نخواهند

 

هم تشنه یاری  هم تشنه آبی

من فکر تو هستم  تو فکر ربابی

 

آخر تو بگو ای همه دار و ندارم

من با چه دلی تیر زچشم تو در آرم

 

ماندم که چگونه ای سرو کشیده

گیرم سر زانو این فرق دریده

 

بعد از تو دگر اهل حرم خواب ندارند

امشب همگی سر به بیابان بگذارند

 

بی تو شود امشب  آواره رقیه

سیلی و سه ساله یچاره رقیه

 

منبع مجموعه کانالهای مدح و مرثیه

موضوع: حضرت ابوالفضل العباس (ع) زبانحال ,
زبان شعر و شاعر: نوحه فارسی

 

------------

 

زبانحال به حضرت ابوالفضل (ع)

 

ای منیم قافله سالاریم اَخی یَابنَ اَبی

ای اوزون قوللّی علمداریم اَخی یَابنَ اَبی...

 

صولتون نولدی ، یاتوبسان یارالی پژمرده؟

نه گلوب اللروه؟ قالدی قلنجون یرده؟

ای آتام اوغلی قلنجون دور اله آل بیرده

قویما یالقوز منی سرداریم اخی یابن ابی...

 

نیه سس ویرموسن؟ ای صورتی آی قدّی علم

بولموسن؟ اوغلوم ئولوب بیکسم افسرده دلم

خیمیه گیتماقا اهلِ حریممدن خجلم

سنه معلومیدی افکاریم اخی یابن ابی...

 

ای حسین بن علی ای کَرمین دریاسی

(کاتبیله) بو (حسینی) سنه ساخلار یاسی

ایله مأمور بو وقفه بو سوزه عبّاسی

اولاری یاز اولا زوّاریم اَخی یَابنَ اَبی.

 

ادامه دارد ...

 

مرحوم حسینی سعدی زمان

منبع مجموعه کانالهای مدح و مرثیه

موضوع: حضرت ابوالفضل العباس (ع) زبانحال ,
زبان شعر و شاعر: نوحه ترکی , حسینی سعدی زمان

 

------------

 

زبانحال حضرت امام حسین (علیه السلام) به حضرت ابوالفضل العباس (علیه السلام)

 

ای لشگریمین سید وسالاری ابالفضل

ای قیزلاریمین غم گونی غمخواری ابالفضل

 

قالدون قوشون ایچره گوزیمون نوری یوباندون

اولما علی اکبر کیمی سنده اوتا یاندون

یا سوالیوه دوشمدی قیزلاردان اوتاندون

گراولماسا سو خیمیه گل باری ابالفضل

ای قیزلاریمین غم گونی غمخواری ابالفضل

 

سالما سوا خاطر خطره جانوی قارداش

ایفا ایله دون عهدوی پیمانوی قارداش

قویما نگران خیمه ده یارانوی قارداش

یوخدور ثمری گتمه سوا ساری ابالفضل

ای قیزلاریمین غم گونی غمخواری ابالفضل

 

اولدی هامی یاریم کمکیم یوخدی قالانیم

بیر تک سنه وار دور بو بیاباندا گمانیم

منده سنه تای تشنیه ام هم خسته دی جانیم

سایسیز قوشونون اولما گرفتاری ابالفضل

ای قیزلاریمین غم گونی غمخواری ابالفضل

 

تل اوسته چخیب علقمه ساری باخارام من

عطرون تانیرام عطروی یلدن آلارام من

تل اوسته سنی گوزلیوب اوردا قالارام من

ای ایللریمین مرد فداکاری ابالفضل

ای قیزلاریمین غم گونی غمخواری ابالفضل

 

گرمشکله دوشسون سویولوندا منی سسله

جانون خطره سالسالا اوندا منی سسله

دشمن دایانار ساق وسولوندا منی سسله

ای قارداشینون محرم اسراری ابالفضل

ای قیزلاریمین غم گونی غمخواری ابالفضل

 

سن اولسون اگر دردیمی سنسیز بیلن اولماز

گوزیاشیمی سندن سورا قارداش سیلن اولماز

حتی من اولنده باشیم اوسته گلن اولماز

یوخ حق یولونین بوردا طرفداری ابالفضل

ای قیزلاریمین غم گونی غمخواری ابالفضل

 

ایتدی حرم اهلین علی اکبر غمی مدهوش

اکبر غمینی اتمه میشم ایندی فراموش

اولما بوحرمخانه نین ای اولدوزی خاموش

گوزیاشلارینی ایتمه یوزه جاری ابالفضل

ای قیزلاریمین غم گونی غمخواری ابالفضل

 

چوخ غملی دی قارداشه امان ویرمیه دشمن

قارداش داغی قارداشه چتین دور بیلوسن سن

قارداش کیم اولا سن سنه قارداش دا اولام من

ای دشمن دینین گوزونون خاری ابالفضل

ای قیزلاریمین غم گونی غمخواری ابالفضل

 

گل قوی دیزیمین اوستونه بیر باشیوی دینجل

مندن سورا گیت جنگه گیدیم جنگه من اول

اول من اولوم قوی ، باشیمین اوستونه سن گل

مقتلده منه ایله پرستاری ابالفضل

ای قیزلاریمین غم گونی غمخواری ابالفضل

 

اول باشیمون اوستونده بویرده اولوم اسان

باغلا گوزوم اخر نفسیمده اوخی قران

زینب باجیمی قویما گلیب ایلیه افغان

اول قبریمین اولده کی زواری ابالفضل

ای قیزلاریمین غم گونی غمخواری ابالفضل

 

من گتمه لیم گول کیمی بوچولده سولانام

هم اهلیمین هم جان هوسین باشدان آتانام

اما بو بالا قیزلاریما چوخ نگرانام

سن اول بو یتیم قیزلاریمین یاری ابالفضل

ای قیزلاریمین غم گونی غمخواری ابالفضل

 

موضوع: حضرت ابوالفضل العباس (ع) زبانحال ,
زبان شعر و شاعر: نوحه ترکی

 

------------

 

زبانحال حضرت ابوالفضل (علیه السلام)

 

هر ایکی قولّاریمی بو مشکه ایتمیشدیم سپر

اوه گوزیمدن قولّاریمدان ایلدیم صرف نظر

مشکی دلدی، سو توکولدی، سعییم اولدی بی ثمر

سو یرینه مشکیمه قان دولدی باشا باش حسین

 

گرچه یارم چوخدی، سانما من او چوخدان آغلارام

اوخ دلن مشکیمده سو یوخدور او یوخدان آغلارام

جان یاخان قان قان دین پرّآن بیر اوخدان آغلارام

سانجلِیدی قلبیمه بو اوخ منیم ایکاش حسین

 

سن اوزون یاخشی بولورسن ای شه گردون حشم

اولماسا قول پرچم آچماز اهتزاز ایتمز علم

سرنگون اولدی علم چون قولّاریم اولدی قلم

بیرقیم گوزگوز اولوب گوزدن توکر قانیاش حسین

 

قولّاریم دوشدی بدندن شهپر عنقا کیمی

هر بیری بیر چشمه سار اولدی جوشان دریا کیمی

بسکه قان آخدی بو چولده مشهر مینا کیمی

گون قباقینده یانان داشلاردا اولدی یاش حسین

 

گل گلنده دقّتیله باخ سران لشکره

باشیم اطرافینده واردور گور نه خوش بیر منظره

یوز قویوب اون یتدی خنجر بیر یارالی حنجره

منکه باشدان گیچمیشم لازم دگل پرخاش حسین

 

گل یول آختارسان یول اوستونده دوشن قول گوسترور

مشعل آهیم عزیز مهمانینه یول گوسترور

عاقبت حسّ اخوّت یول امین اول گوسترور

همره اهل کرمدور دست گوهرپاش حسین

 

ناتوانم صون نفسده ظلّ رافت ایسترم

ذرّه ی بی قدرم امّا قرب عزّت ایسترم

لطف صحبت گرمی بزم محبّت ایسترم

فیض آلور خورشید عالم تابیدن خشخاش حسین

 

منکه قوملار اوسته یالقوز دوشموشم چوخ بیکسم

بیمناک اولمام ولو امّیدیمی جاندان کسم

تک سنون انجام کاروندن اخا دل واپسم

قورخورام محشر قوپا، نابود اولا داغ داش حسین

 

من (شباهنگم) اگر ظاهرده گل تک سولموشام

باطناً حبّ حسینیله لبالب دولموشام

افتخاریم وار سعادت یار اولوبدور اولموشام

پاسگاه عشقیده سرباز حاضرباش حسین

 

 مرحوم هندی

موضوع: حضرت ابوالفضل العباس (ع) زبانحال ,
زبان شعر و شاعر: نوحه ترکی , هندی

 

------------

 

زبانحال به حضرت ابوالفضل (ع)

 

دور ای غربت ولایتده منیم آرخام ائیلیم قارداش

امیدیم قطع اولوب سنسیز بو گون سیندی بئلیم قارداش...

 

بو خاک و خون آرا یاتما ، اویان ، آز خوابِ ناز ایله

گوزون قانین اَلیمله سیلمیشم ، بیر دیده باز ایله

گوتور بیرق ، منی دشمنلر ایچره سرفراز ایله

شهِ بی لشگرم من ، قالماسین تا نسگلیم قارداش...

 

بو سروِ نازدور یا قدّ ، وَ یا شمشادِ کاملدور؟

بو پیکردور اولوب قَد قد، و یا اوراق اولان گُلدور؟

بو اوخدور سانجلوب بی حدّ وَ یا بیر دسته سنبلدور؟

پوزولدی گلشنِ عیشیم ، عجب سولدی گولوم قارداش

 

بو گوزدور قانیله دولموش وَ یا جامِ لبالبدور؟

بو نرگس دور خمار اولموش و یا رنگین مرکّبدور؟

بو یوزدور گُل کیمی سولموش و یا ماهِ دو هفت شبدور

عجب وقته خسوف ایتدی بو بدرِ کاملیم قارداش

 

بیله بیر پیکر اولماز ، یا بیله بیر جسمِ صدپاره

بیله قان موجی داشماز ، یا بیله بیر موج فوّاره

باشون قانی دایانمور ، نیلیوم آخر ندور چاره‌؟

منه ممکندی گر چه گوزلرون قانین سیلیم قارداش...

 

دیمم من (شأنیم) نکته طرازم ، قافیه سازم

فنونِ نظمه دارایم بو فخریله سرافرازم

ولی دائم امیدِ لطفِ عبّاسیله دمسازم

دییر مأیوس اولا قویما قاپوندا سائلیم قارداش.

 

ادامه دارد ...

 

مرحوم استاد مشهدی حسین شأنی

منبع مجموعه کانالهای مدح و مرثیه

موضوع: حضرت ابوالفضل العباس (ع) زبانحال ,
زبان شعر و شاعر: نوحه ترکی , شانی

 

------------

 

زبانحال به حضرت ابوالفضل (علیه السلام)

 

اى حرمت قبله حاجات ما

یاد تو تسبیح و مناجات ما

 

تاج شهیدان همه عالمى

دست على، ماه بنى هاشمى

 

همقدم قافله سالار عشق‏

ساقى عشاق و علمدار عشق

 

سرور و سالار سپاه حسین

داده سر و دست براه حسین

 

عم امام و اخ و ابن امام

حضرت عباس علیه‎السلام

 

اى علم کفر نگون ساخته

پرچم اسلام برافراخته

 

مکتب تو مکتب عشق و وفاست‏

درس الفباى تو صدق و صفاست

 

شمع شده، آب شده، سوخته

روح ادب را، ادب آموخته

 

آب فرات از ادب تست مات

موج زند اشک به چشم فرات

 

یاد حسین و لب عطشان او

و آن لب خشکیده طفلان او

 

ساقى کوثر پدرت مرتضى است

کار تو سقائى کرب و بلاست

 

هر که به دردى به غمى شد دچار

گوید اگر یکصد و سى و سه بار

 

اى علم افراشته در عالمین

اکشف یا کاشف کرب الحسین

 

از کرم و لطف جوابش دهى‏

تشنه اگر آمده آبش دهى

 

‏چون نهم ماه محرم رسید

کار بدانجا که تو دانى کشید

 

از عقب خیمه صدر جهان‏

شاه فلک جاه ملک آشیان

 

شمر به آواز ترا زد صدا

گفت کجایند، بنو اختنا

 

تا برهانند ز هنگامه‏ات

داد نشان خط امام نامه‏ات

 

رنگ پرید از رخ زیباى تو

لرزه بیفتاد بر اعضاى تو

 

من به امان باشم و جان جهان

از دم شمشیر و سنان بى امان

 

دست تو نگرفت امان نامه را

تا که شد از پیکر پاکت جدا

 

مزد تو زین سوختن و ساختن

دست سپر کردن و سر باختن

 

دست تو شد دست شه لافتى‏

خط تو شد خط امام خدا

 

چار امامى که ترا دیده‏اند

دست علم‎گیر تو بوسیده‏اند

 

طفل بدى، مادر والاگهر

برد ترا ساحت قدس پدر

 

چشم خداوند چو دست تو دید

بوسه زد و اشک ز چشمش چکید

 

با لب آغشته به زهر جفا

بوسه به دست تو بزد مجتبى

 

دید چون در کرب و بلا شاهدین‏

دست تو افتاد به روى زمین‏

 

خم شد و بگذاشت سر دیده‏اش‏

بوسه بزد با لب خشکیده‏اش

 

حضرت سجاد هم آن دست پاک‏

بوسه زد و کرد نهان زیر خاک

 

مطلع شعبان همایون اثر

بر ادب تست دلیلى دگر

 

سوم این ماه چو نور امید

شعشعه صبح حسینى دمید

 

چارم این مه که پر از عطر و بوست‏

نوبت میلاد علمدار اوست

 

شد بهم آمیخته از مشرقین

نور ابوالفضل و شعاع حسین

 

اى به فداى سر و جان و تنت‏

وین ادب آمدن و رفتنت

 

وقت ولادت قدمى پشت سر

وقت شهادت قدمى بیشتر

 

مدح تو این بس که شه ملک جان

شاه شهیدان و امام زمان

 

گفت به تو گوهر والا نژاد

جان برادر به فداى تو باد

 

شه چو به قربان برادر رود

کیست «ریاضى» که فدایت شود؟

 

سید محمدعلى ریاضى یزدی

موضوع: حضرت ابوالفضل العباس (ع) زبانحال ,
زبان شعر و شاعر: نوحه فارسی , ریاضی یزدی

 

------------

 

زبانحال حضرت ابوالفضل (علیه السلام)

 

بر لب آبم و از داغ لبت می میرم

هر دم از غصه ی جان سوز تو آتش گیرم

 

مادرم داد به من درس وفاداری را

عشق شیرین تو آمیخته شد با شیرم

 

گاه سردار علمدارم و گاهی سقا

گه به پاس حرمت گشت زنان، چون شیرم

 

بوته ی عشق تو کرده است مرا چون زرِ ناب

دیگر این آتش غم ها ندهد تغییرم

 

گر مرا شور و جوانی و بهار عمر است

از خزان تو دگر ای گل زهرا پیرم

 

غیرتم گاه نهیبم زند از جا بر خیز

لیک فرمان مطاع تو شود پا گیرم

 

تا که مأمور شدم علقمه را فتح کنم

آیت قهر بیان شد، ز لب شمشیرم

 

سایه ی پرچم تو کرد سرافراز مرا

عشق تو کرد عطا دولت عالم گیرم

 

کربلا کعبه ی عشق است و من اندر احرام

شد در این قبله ی عشاق دو تا تقصیرم

 

دست من خورد به آبی که نصیب تو نشد

چشم من داد از آن آب روان تصویرم

 

باید این دیده و این دست دهم قربانی

تا که تکمیل شود حج من و تقصیرم

 

زین جهت دست به پای تو فشاندم بر خاک

تا کنم دیده فدا، چشم به راه تیرم

 

ای قد و قامت تو معنی« قد قامت» من

ای که الهام عبادت ز وجودت گیرم

 

وصل شد حال قیامم ز عمودی به سجود

بی رکوع است نماز من و این تکبیرم

 

جسدم را به سوی خیمه ی اصغر نبرید

که خجالت زده زان تشنه لب بی شیرم

 

 حبیب الله چایچیان (حسان)

موضوع: حضرت ابوالفضل العباس (ع) زبانحال ,
زبان شعر و شاعر: نوحه فارسی , حبیب الله چایچیان

 

------------

 

استمداد حضرت ابوالفضل (علیه السلام)

 

اولسا قبول سیدى گر خدمتیم منیم

گل دادیمه یتیش چوخالوب محنتیم منیم

 

هر بیر یارا دگور منه ، من سسلورم حسین

آدین همیشه دلده اولوب لذتیم منیم

 

لطف ایت دوباره باشیمه سال ظل رحمتون

ساینده تا که جان ویریم اى دولتیم منیم

 

چوخ یاره لر وروبلا منه اى امیر عشق

چکدیقجا هر نفس اولورى عسرتیم منیم

 

آغزیمدا دیل دولانمیرى از بسکه تشنیم

درک ایتگیلن بو دم منى اى شوکتیم منیم

 

سقا آدین گوتور که اولور ساقى تشنه لب

تا سو واریدى ، بو آدیدى زینتیم منیم

 

السیز گوروب ال آچدى منه اللیلر حسین

یوخدور الیم بدنده گیدیب طاقتیم منیم

 

شهرت تاپوب آدیم قمر آل هاشمم

ایلوب خسوف یرده گیدیب صورتیم منیم

 

اوخشاتدیلار اگرچه اوجا سروه قامتیم

گل گور نجه کچیلدى اوجا قامتیم منیم

 

از بسکه اوخ ورولدى اوخ اوستن بو پیکره

گویا که تنده اوخلار اولوب کسوتیم منیم

 

بیر عمریده سنه بیر ایشیم ایمدى دوشدى گل

سندن بو آخر عمریده وار حاجتیم منیم

 

حلیت ایسته اهل حرمدن سو اولمادى

خاصه ربابیدن که قالوب حسرتیم منیم

 

واردور یقین رقیه گوره مشکیمى اگر

ایلر حلال عموسینى وار علتیم منیم

 

بیر حاله سالدى جسمیمى بو لشکر ظلام

عفو ایله که قیامه یوخوم قدرتیم منیم

 

آتدان دوشنده دوشدى گوزوم بیر جماله که

چوخ حسرتین چکردیم اولا قسمتیم منیم

 

اما گورنده یاندى دیلیم ، ماه طلعتین

یاددان چخوبدى اوز غمیله محنتیم منیم

 

 بدنده یوخدى نه ده گوزلریم گورور

ایلوب جرى بو لشکرى بو حالتیم منیم

 

بعضى سوزى دیور بو قشون قلبیم اودلانیر

جوشه گلور داماردا اولان غیرتیم منیم

 

عباس اولور دیلله حسینون بلى سینار

بو سوزده آرتیرى غمیله حدتیم منیم

 

بعضى دله گتوردى بو دم غارتین سوزون

اولسه حسین خیامه اولور سرعتیم منیم

 

تز گل بو روح بلکه چخا خسته جانیدن

بو سوزلرى ایشیتدیم اولوب کربتیم منیم

 

مشکل گشاى عالم اوزى مشکله دوشوب

باب الحوائج آدلاناجاخ شهرتیم منیم

 

اول گجه که قبره قویار " حیدرینى " خلق

سن باشیم اوسته گل چوخالا قیمتیم منیم

 

لطف ایت سفارش ایله نکیریله منکره

اینجتمیون بونى ، بونا وار نسبتیم من

 

حیدری

موضوع: حضرت ابوالفضل العباس (ع) زبانحال ,
زبان شعر و شاعر: نوحه ترکی

 

------------

 

استمداد حضرت ابوالفضل (علیه السلام) 

 

حسین شهبازوُم سیندی پَریم دعواده گل قارداش

دوشوب شمشیر اَلیمنَن یالقیزام امداده گل قارداش

 

خماره کوثرَم سَحبایَه عشقین مَستی ام تِز گل

لباسیم نیزدوز؛پیکان؛برادر خستی ام تِزگل

جَمالون گُورمَسم جان وِرمَرَم جان اُوسته ام تِزگل

اَگر سن گلمسون؛باش وِرمَرَم جلاده گل قارداش

 

حسین مَندن رضا اُول عشقیده ثابت قدم دوردوم

یارالی باشی اُون یدی نفر جلاده تاپشیردیم

اُوزوم یاندیم فراقونده آنام زهرانی یاندردیم

گلوب الان باشیم اوسته انام زهرا ده گل قارداش

 

به علت نداشتن اجازه انتشار کامل اشعار 

(مرحوم استاد رحیم منزوی اردبیلی) چند بیت از اشعار

و تخلص ایشان به اشتراک گذاشته میشود

 

نخستین (منزویلن) یازدیلار باهم بو اشعاری

توجه قیل اولان وقته دَمَنده صور بیداری

اولارین دادینه سنده همین اثناده گل قارداش

 

مرحومین نخستین و منزوی اردبیلی

موضوع: حضرت ابوالفضل العباس (ع) زبانحال ,
زبان شعر و شاعر: نوحه ترکی , منزوی اردبیلی , نخستین , نخستین اردبیلی

 

------------

 

استمداد حضرت ابوالفضل (علیه السّلام)

 

گل که سن سقّای مستسقایه سقّاسن حسین

سن همان آب بقابخش گواراسن حسین

 

شمع عمروم کلبه ی جسمیمده هی سوسو ویرور

یول گوزتلور گوزلریم کوکو کیمین کوکو ویرور

مرغک حقّم دلیم هوحق ویرور هوهو ویرور

سن حقیقت لفظینه مفهوم و معناسن حسین

 

من نه من، من بو منیّتدن اوزاق بیگانیم

هر نه وار سنسن، سنه ای شمع حق پروانیم

محو عشقم، عاشق افسونی و افسانیم

من کلیمم، سن منه طور تجلّاسن حسین

 

انتظارین مجمرینده بیر یانان عود اولموشام

بیر یانان عود اولموشام آخِر یانوب دود اولموشام

دود اولوب نابود اولوب نابود نابود اولموشام

گل که سن معجزگر اعجاز عیساسن حسین

 

قوزانوب طوفان وحشتناک دردآلود جنگ

تندریله همطنین اولموش غریو دیو جنگ

پهنه ی دنیا اولوبدی دخمه ی خاموش و تنگ

برق ویر، سن آذرخش پاک تقواسن حسین

 

کام آچوبدی اژدهای کین و عصیان بشر

عالمه چکموش غبار دردناک زشت و شرّ

آغلورام آغلور منیله چشم روح بوالبشر

قانه دونموش گوزیاشیمدا سن هویداسن حسین

 

سن اگر اُلسن سنیله هیکل ایمان اُلوب

قلعه بان قلعه ی مستحکم قرآن اُلوب

روح لفظ و کلمه ی پاکیزه ی انسان اُلوب

وای منه مندنصورا تنهای تنهاسن حسین

 

چولقیوبدور جوّ اسلامی حریر التهاب

ماوراءِ جوّیده واردور عجیبه انقلاب

گوی دچار التهاب و یر دچار اضطراب

سن اوزون مشکل گشای هر معمّاسن حسین

 

گل منیم قوی رتبه ی اعزازیمی ممتاز اولا

سرفرازون تا که سربازنده ی جانباز اولا

بیر سینان باش خاک پای شاهه پای انداز اولا

تحفه ی درویشه سن حتماً پذیراسن حسین

 

مرحوم غلامرضا اسماعیل پوران (هادی تبریزی)

موضوع: حضرت ابوالفضل العباس (ع) زبانحال ,
زبان شعر و شاعر: نوحه ترکی , هادی تبریزی

 

------------

 

زبانحال به حضرت ابوالفضل (علیه السّلام)

 

گوز آچ یاتما قوم اوستونده امیر لشگریم قارداش

سپهداریم،علمداریم بو چولده یاوریم قارداش

 

سن آتدان دوشدون اهل کین منی یالقوزلادی قارداش

سنون بو حالوه باخجاق گوزومده دورموری قانیاش

الییدیم گورمییدیم من سنون بو حالوی ایکاش

نه عون و جعفریم واردور قالور نه اکبریم قارداش

 

سنی بو لشگر اعدا وروب آتدان یره سالدی

آزالدی قوتیم دیزده اورکدن تابیمی آلدی

بلیم سیندی جفائیله بلیمده اللریم قالدی

توکر قانیاش فراقونده همیشه گوزلریم قارداش

 

بو قدری تیر و خنجر یاره سی اعدا ندن ویردی

دایاندون مرکب اوستونده گلن ویردی گیدن ویردی

گوروبلر صاف یرین یوخدور گینه هر بیر یتن ویردی

بلوبلر سنسیز عالمده یوخومدور یاوریم قارداش

 

سنی آتدان یخان قارداش یقینا بر عمود اولدی

وروب هانسی شل اولموش ال گوزون القانیله دولدی

اسوبدور صرصر باد ستم تا گلشنیم سولدی

آدون دوشمز دلیمدن چون اولوبدور ازبریم قارداش

 

گوزوندن کیم وروبدور بو جفا تیرین جفائیله

سنی آغوشه آلموش هامی پیکان وفائیله

دولوبدور پیکرون باشدان باشا قارداش یارائیله

باتوبدور قانوه باخسان منیمده پیکریم قارداش

 

تکوبدور گوز یولا گوزلور خیمده خورداجا قیزلار

سنه چوخ یالواروب ایتدی گلنده التجا قیزلار

دور ایمدی الده سو جامی دوروبدی جا بجا قیزلار

گتور سو مشگیوی الده گیداخ سر لشگریم قارداش

 

آنان یوخدور بو صحراده سنه بیر آغلاسون قارداش

دیه ایوای جوان اوغلوم یوزه جاری ایده قانیاش

سنون بو حالوی قارداش آنان هیچ بولمسون ایکاش

هلاک ایلر اوزون بولسه وفالی مادریم قارداش

 

خیامه حمل ایدوم نعشون دگول ممکن ندور چاره

زبسکه اشقیای دون یارا اوستن وروب یاره

ایدوبلر فطعه به قطعه وجودون پاره به پاره

اولوبدور قانیله الوان سراسر اللریم قارداش

 

تکوبدور باب امیده گوزون (( صاعد )) صله ایستر

نجاتین دائما سندن دوشوبدور مشگله ایستر

غریق بحر عصیاندور چخاچوخ ساحله ایستر

اونی سن ناامید ایتمه وفالی یاوریم قارداش

 

مرحوم صاعد

موضوع: حضرت ابوالفضل العباس (ع) زبانحال ,
زبان شعر و شاعر: نوحه ترکی , صاعد

 

------------

 

زبانحال به حضرت ابوالفضل (علیه السّلام)

 

ای جمالی چرخ ولایتین نیّر درخشانی سیّدی

لطف ایله خسوفه دوشن آیی قیل دوباره نورانی سیّدی

 

ای بو گون سپهر امامته عارضی درخشنده آفتاب

اقتضای خلقتدی بو که آی نورونی ایدر گوندن اکتساب

کسب نور ایدر دوتقون آی نجه اولسا قان سحابی اگر نقاب

لیک بیرجه بو درد مشکلون گلماقوندی درمانی سیّدی

 

قان اولان گویول ویرموری رضا سالماقا سنی گرچه زحمته

افتخار ایدردیم موفّقم آستان پاکوندا خدمته

ایلیوم نه چاره اولوب سبب کثرت علاقم بو دعوته

سن اوزون بولورسن غلاملر چوخ سویه لّه مولانی سیّدی

 

ایتمورم تاسّف که آز قالور پیکریمدن آیری دوشه باشیم

یا غم ایتمورم ال گیدوب دونوب ظلم الیله القانه گوزیاشیم

فکریمی پریشان ایدوب بو غم دشمن ایچره تک قالدی قارداشیم

ممکن اولمادی سندن ایلیم دفع شرّ اعدانی سیّدی

 

گرچه دعوتیم زحمت آرتیرار پیشگاه والا مقامیوه

درد انتظاره دوزنمورم آند اولا مقدّس مرامیوه

مایه ی شرفدی عنایتون جان ویرن زمانی غلامیوه

خاکساریوه ایله لطفیوی صون نفسده ارزانی سیّدی

 

ای مراد عالم مریدیوین وار سنه ریاسیز ارادتی

بو ارادت خالصانه دن تاپموشام بو شان و شرافتی

سن کیمی وجود معظّمین وار منه مقام سیادتی

نوکرم سنه، کلّ عالمه ویرمرم بو عنوانی سیّدی

 

دوزدی کلّ عالم بولور سنون بحر لطفیوین یوخ کرانه سی

سنده آشکارادی هر زمان فیض و رحمت حق نشانه سی

سندن استعانت دگل مگر وجه حقّی گورماق بهانه سی

مقدمونده جان آفرینه گل ایلیوم فدا جانی سیّدی

 

گرچه من سنون فضل و لطفیوین سایه سینده عشّاقیدن باشام

بدو خلقتیمدن مریدیوم عاشقم صداقتلی یولداشام

اذن ویرمه سیدی آنان اگر من سنه دیمزدیم که قارداشام

اوز گوزومله گوردوم ولی بو گون لطف خیر نسوانی سیّدی

 

اونداکی ایشیم دوشدی مشکله مندن آخدی سو تک دِما یره

اوخلانوب سو مشکیم توکلدی سو، ال گیدوب یخلدی لوا یره

ویردی بیر خانملیق نشان آنان من دوشنده آتدان اخا یره

گورجاقین او لطفی چخارتموشام فکریدن بلایانی سیّدی

 

تا منی او احوالیله گوروب خیرة النّسا بضعة الرّسول

چوخ محبّتیله آچوب قولون سسلدی گل آغوشیمه اوغول

من ولی یارالی گوروب اونی ایلینمدیم دعوتین قبول

من اونا، اودا آغلادی منه توکدوق اشک سوزانی سیّدی

 

گرچه من ایشیتمیشدیم ای اخا بیعت اوسته سیلی حکایتی

بولمه میشدیم امّا نه حدّده وار او بیحیانون جنایتی

گوردوم آخِر عمرمده وای منه آی یوزونده نیلی علامتی

باشیمه دولاندوردی گورماقیم عرصه گهده دنیانی سیّدی

 

ای اولان پناهنده سی جهان آستان عالم پناهیوین

وی همیشه اهل ولا اولان حسرتینده رحمت نگاهیوین

گر قصوری اولسا گذشت ایله خدمتینده میر سپاهیوین

چون کریم مولا گذشت ایدر عبدین اولسا نقصانی سیّدی

 

گرچه من بو صحرای عشقیده هجر و وصل دمسازیم اخا

عرصه گاه خدمتده دینیمون بیر وفالی سربازیم اخا

منصب سقایتله لطفیوین سرخوش و سرافرازیم اخا

حیف اولا سوسوزلاردان ایتدیلر شرمسار سقّانی سیّدی

 

صون نفسدیم داده گل اخا قویما چوخ گوزوم قالسون انتظار

لشکر جفا چوخ تلاش ایدور باشیمی بدندن ایده کنار

شمع رویوون آرزوسینه بو یارالی، پروانه تک یانار

گل گوره باشین اوسته بو «حزین» جان ویرنده جانانی سیّدی

 

مرحوم حاج حیدر خسروشاهی (حزین)

موضوع: حضرت ابوالفضل العباس (ع) زبانحال ,
زبان شعر و شاعر: نوحه ترکی , حاج حیدر خسروشاهی حزین

 

------------

 

استمداد حضرت ابوالفضل (ع)

 

 داده گل اَخی یالقوزام اوزوم ، مین ستم شعار ئولدورور منی

آختارور سنی قان دولان گوزوم ، قومِ نابکار ئولدورور منی

 

ویرموری امان قاتلیم منه ، تا یتم سنون بیر وصالوه

هرگز ایتمرم عجز دشمنه ، نقص اولا بو شأن و جلالوه

گر چه رنج و زحمتدی چوخ سنه ، لیک حسرتم مه جمالوه

یوخ حیا بو لشگرده ، گلمَسَن چشمِ انتظار ئولدورور منی

 

جان دوداقیمه یتدی قورخورام قلبیده قالا حسرتِ وداع

کشمکشدی قتلیمده ، باشلیوب بیر بیریله دشمنلریم نزاع

یوخ الیم آلام تیغِ تیز اله ، ایلیم گلن دشمنی دفاع

گوردی یوخ الیم گلدی جرأته قومِ کین شعار ئولدورور منی

 

تا یخلمامشدیم عُقابدن جرآت ایلینمزدی دشمنیم

چیخدی زخمِ جسمیم حسابدن دولدی تیرِ کینیله جوشنیم

قان آخوب ، بدن گیتدی تابدن ، جنگه قالمادی قدرتیم منیم

شیرگیر اولوب روبهانئ شام ، ایلیوب شکار ئولدورور منی

 

دوشمه میشدی تا جسمدن قولوم ، قویمادیم اولا سرنگون علم

دولدی اهلِ کینیله صاق صولوم ، اولدی هر ایکی قولّاریم قلم

گَل قدملریوه فدا اولوم ، گلموری یوزوم بیرده من گلم

سو یولوندا بی آبرو قُشون ایتدی شرمسار ئولدورور منی

 

گر چه ایتمیشم اهتمام چوخ ، اولموشام نهایتده خسته من

بال و پَر گیدوب دلده حال یوخ ، همچو طایرِ پر شکسته من

مشگمه گینه دگمه سیدی اوخ ، سورونوب گلردیم اوز اوسته من

بو سو مشگینه سانجلان او بیر ، تیرِ آبدار ئولدورور منی

 

مایهء حیاتیم بو گون منیم ، بیر بو مشگیدی بیرده بو لِوا

مشگیم اوخلانوب بیرقیم یاتوب ، گور داخی حیاتیم اولور روا

سو آخاندا بیجا قاریشمادی اشکِ حسرتیم بو آخان سووا

قلبیمه ویریلدی نه مشگیمه ، تیرِ جان شکار ئولدورور منی

 

تاپدیم اونداکی که ضربِ تیغیله ، قوهء سِنانیله یول سووا

نفسیمه گینه گورمدیم روا ، اولمادی طَمَع منده بول سووا

ایتمدیم الیمدن مضایقه ، هدیه ایلدیم ایکی قول سووا

قولدا گیتدی سو اولمادی ، بو غم ایتدی دلفکار ئولدورور منی

 

ایستدیم وفا شاهراهینی اهلِ عالمه تا نشان ویرم

بو سووا ویران اللّری دئدیم من بو گون گرک ترجمان ویرم

ویردیم ال ، ولی وار بیر آرزو ، مایلم حضورینده جان ویرم

ذوقِ وصلون آلدی قراریمی ایتدی بیقرار ئولدورور منی

 

منکه سسلرم دادیمه سنی ، بو عمل دگل شیوهء ادب

نیلیوم محبّت دیور چاغور ، بو جسارته عشقدور سبب

شاهِ عشقه لایقدی مجلسیم ، باده پُر ز خون ، ساقی تشنه لب

مستِ بادهء عشق یار اولان ، کس بولر نه وار ئولدورور منی

 

ئولماقیمدان اندیشه یوخ ، نه غم ، دوره می بو شام اهلی آلدیلار

غم بودور که فرصت اله بو دم ، لشگرِ ستم پیشه سالدیلار

دوشدی تا الیمدن یره علم ، بو یاتان علملر اوجالدیلار

شاد اولوب قاچانلار قیتدیلر ، لشگر هر نه وار ئولدورور منی

 

خوشدی جان ویرن وقتیده غلام ، یوز قویا شهنشه ایاقینه

منده بیر بیله ذوقده وارام ، فخریم اوج ایدر عرش طاقینه

گَل منیمده ای سیّدِ اَنام قلبیمی یتور اشتیاقیمه

افتخار ایدوم لشگره ، قشون بولمسون که خوار ئولدورور منی

 

نعمتِ وصالون اسیرگَمه بو وصالوه شوقمندیدن

رنجه قیل قدم لطف ایله ، چتین من خلاص اولام بو کمندیدن

قالموب اقتداریم سورونماقا ، آیریلور بدن بندبندیدن

قاتلیم عبث کوشش ایلوری زخمِ بی شمار ئولدورور منی

 

رأی آلندی ، تصویب رأی اولوب ، ایتدی بزمِ شورا بیله صواب

قتلیمه بو اون یدّی سنگدل ، صاحبانِ منصبدن انتخاب

سبقته او وادار ایلیوب ، وار بولاردا بیر بو قدر شتاب

لشگر ایچره ممتاز اولوب بولار ، امرِ انتحار ئولدورور منی

 

هر مریضه که ایلنمّه سه ، جملهء اطبّا معالجه

صدقیله گرک دی اوزون سالا ، طبّ گاهِ باب الحوائجه

(شأنیم) بو درگهده بیر ایتم ، چیخ دیمه ، منی قؤما خارجه

ویرمسن شفا ، خلق آرا یقین بول بو ننگ و عار ئولدورور منی.

 

مرحوم استاد شأنی

منبع مجموعه کانالهای مدح و مرثیه

موضوع: حضرت ابوالفضل العباس (ع) زبانحال ,
زبان شعر و شاعر: نوحه ترکی , شانی

 

------------

 

زبانحال حصرت امام حسین (علیه السلام)

در بالین حضرت ابوالفضل العباس (علیه السلام)

 

ای قراریمی الدن آلان یاتما دور علمداریم اویان

مشکه سو کیمی قانی دولان یاتما دور علمداریم اویان

 

گلدی قارداشین گوزلرین آچ قویما منتظر گوزلریمی

دلدن دوشموشم بیر دله گل دلدن آل منیم سوزلریمی

حالین آلوب طاقتیمی تابیدن سالوب دیزلریمی

فرقتینده احوالین عیان یاتما دور علمداریم اویان

 

آتش غمین شعله چکوب دولدی سینمه یاندی دلیم

قولارین قلم اولدی سنون بل یقین منیم سیندی بلیم

من اوغولسوزام چاره سیزم نیلوم اوزولوب الدن الیم

کیمسه یوخ بو احواله یانان یاتما دور علمداریم اویان

 

ای وفالی قارداش بلوسن بیر منیم پناهیم سنیدون

شان و شوکت امامتیم احتشام و جاهیم سنیدون

کربلاده سرداریمیدون یار و داد خواهیم سنیدون

قلبیمه توان جسمیمه جان  یاتمادور علمداریم اویان

 

کربلاده قارداش بو گیجه راحت اولدولار فرقه شام

اهلبیت طاهایه داخی یاتماق اولدی بالمره حرام

قورخودان او گوزلر که اخا یاتماموشدولار یاتدی تمام

کامه یتدیلر شمر و سنان یاتما دور علمداریم اویان

 

هانسی بیحیا کسدی یولون سالدی قولارین ایتدی قلم

بیر طرف سو مشکیندی دوشوب بیر طرفده قدین تک علم

دوغرودور که قارداش الومی قارداشین ایدر قدینی خم

ایمدی قامتیم اولدی کمان یاتما دور علمداریم اویان

 

سرو قامتین اوخلادیلار یر یوزینده یاخشی پر آجوب

زخم نیزه و خنجریله پیکرین عجب گللر آچوب

امموش سنه خیملرده عترت علی باشین آچوب

ایتدی فرقتین باغریمی قان یاتما دور علمداریم اویان

 

مرحوم حقیر خوئی

منبع کانال گنجینه گذشتگان

موضوع: حضرت ابوالفضل العباس (ع) زبانحال ,
زبان شعر و شاعر: نوحه ترکی , حقیر خویی

 

------------

 

خطاب به حضرت ابوالفضل العباس (ع)

 

ای اولان حسینه سقا اوزی تشنکام ابوالفضل

اولا قبریوه بو جمعین دیلیجه سلام ابوالفضل

 

آقا رسمیدور عریضه بیری یازسا شهریاره

او یازار ازلده نامه چون امیر تاجداره

سن امیر کل سن بو شه بی معین و یاره

اودی شیعه لر تیکوبدور سنه گوز تمام ابوالفضل

 

آقا بزم غمده گلوخ نچه آیدی شور وشینه

دوتاروخ عزا دمادم سنه شاه مشرقینه

توکروخ سرشک دیده ایدروق نوا حسینه

هامی نی کیمی نوایه گلروق مدام ابوالفضل

 

بیری دوشسه شیعه لردن بو جهاندا هر بلایه

گوزی یاشلی دوندرر یوز او دیار کربلایه

توکر اشک دیده گوزدن چاغورار سنی هرایه

اولی ورد و ذکری دائم هامی صبح و شام ابوالفضل

 

دیر اهل کل عالم سیزه منبع کرامت

بیزه لطفون ایله شامل او مزاره قویما حسرت

آقا شیعه لر چوخ ایستورایده قبریوی زیارت

ولی یتمور ال اوزاقدان ویرروخ سلام ابوالفضل

 

آلور الدن اختیاری او مزار مشکبارون

او رواق او صحن او روضه او مقام زر نگارون

گتورر نوایه نی تک بیزی فرقت مزارون

بیزه قسمت اولمور اما او گوزل مزار ابو الفضل

 

آلوب ایمدی بیر جماعت آقا قبریوی کناره

باش آچوب سیزیلدار آغلارتوکر اشکینی عذاره

ولی بیز بوغمده گلوق گیجه گوندوز آه و زاره

بو ایشیق گونوز اولوبدوربیزه مثل شام ابوالفضل

 

سنه لطف ایدوبدی خالق آقا بیر مقام برتر

بو مقامی بیر حسینه ویروب اول خدای اکبر

بو مقام و رتبه واضح اولاجاقدی روز محشر

ایده جاق بو شوکتوندن هامی اخذ کام ابو الفضل

 

یتوشر بو سس بتوله ره حقه باغلانوب یول

گتور الده بیر وسیله خانم امته پناه اول

سنی گوزلوری پیمبر اله آل ایکی کسیک قول

الین الده عرصه گاهه ایده جاق خرام ابوالفضل

 

عرصات محشر ایچره دایانار بو عاصی امت

ورق عمل الینده هامی گوزده اشک حسرت

سنون اللرونله زهرا ایدر امته شفاعت

بیله بیر جلالت اولماز بیله بیر مقام ابوالفضل

 

مرحوم صبای تبریزی

منبع کانال گنجینه گذشتگان

موضوع: حضرت ابوالفضل العباس (ع) زبانحال ,
زبان شعر و شاعر: نوحه ترکی , صبای تبریزی

 

------------

 

زبانحال حضرت امام حسین (علیه السلام)

در بالین حضرت ابوالفضل (علیه السلام)

 

گلمیشم آچگوزلرون سرلشگریم قارداش اویان

ای علمدار سپاهیم یاوریم قارداش اویان

 

تا سسون گلدی خیامه ای یوزی بدر تمام

عترتیم باش آچدی، ایتدی عالم محشر، قیام

وا ابوالفضلا سسندن سربه سر دولدی خیام

اولدی بو چولده هویدا محشریم قارداش اویان

 

ای آتام اوغلی، امیدیم قوت بازو منه

وی اولان هر جبهه ده، فرمانده نیرو منه

ال تاپار سنسیز بو قوم کافر و بدخو منه

ای هامی دعواده محکم سنگریم قارداش اویان

 

من پناه ماسوایم، سن منه اما پناه

ای پناهیم وی کومکسیز، پادشاهه سر سپاه

سنده گیتدون وای کومکسیز جانیم آه آه

ایمدی وار نه دادرس، نه لشگریم قارداش اویان

 

گیتمسیدون سن الیمدن ای منه حصن حصین

ال تاپانمازدی قشون اولسیدی گر روی زمین

سسلرم ایمدی ایوون آباد آنا ام البنین

بسلیوب نه یاخشی قارداش مادریم قارداش اویان

 

سن دگلدون صاحب سرپنجه ای شیر ژیان

بس اوزون قولاریوا نه گلدی ای سرو روان؟

قدیمی ایتدی بو آنوندان دگن پیکان، کمان

ای رشادتده غضنفر مظهریم قارداش اویان

 

عده به عده بو گون گوردوقجا هنگ دشمنی

مرتضی گوزده گورردیم اوز قباقیمده سنی

سن شهید اولدون، داخی یالقوزلار اهل کین منی

ای قلیج وورماقدا ثانی حیدریم قارداش اویان

 

آلموشام آغلار گوزیله من دیزیم اوسته باشون

اوز الیمله سیلم، آخدوقجا گوزوندن قانیاشون

سالموسان دور گور نه حاله، بو اوغولسوز قارداشون

خون دل ایلور روانه گوزلریم قارداش اویان

 

ایتدیلر بیر گلستان چیده سوسوز یاورلریم

سو کیمی قان ایچدی، رنگارنگ آچلدی گللریم

بو گلستانون گل صد برگی جسم اکبریم

لاله سی قاسمدی، غنچه اصغریم قارداش اویان

 

یوخ بو گلشنده ولی خندان اولان گل سن کیمی

گورمیوب گورمز جهان شوریده بلبل من کیمی

تازیانه زینبی سنسیز ایدر سوسن کیمی

قیزلاریم قولاریدور نیلوفریم قارداش اویان

 

سنسیز الدن دوشدی شمشیریم منه یوز ویردی غم

بیر کسیم یوخدور، قالوبدور یرده بی صاحب علم

نه دیوم آلسا سنی مندن خبر اهل حرم؟

دور گیداخ، یول گوزلور آغلور خواهریم قارداش اویان

 

نعشون اوسته قویسالار بیر عمر گللم شیونه

نیلیوم قویمور دویونجا آغلیوم دشمن سنه

ایلییم نوحه بو چولده اولمادی ممکن منه

نوحه نی ایلر (حسینی) نوکریم قارداش اویان

 

مرحوم حسینی سعدی زمان

منبع مجموعه کانالهای مدح و مرثیه

موضوع: حضرت ابوالفضل العباس (ع) زبانحال ,
زبان شعر و شاعر: نوحه ترکی , حسینی سعدی زمان

 

------------

 

زبانحال به حضرت ابوالفضل (علیه السلام)

 

ای سراب امید تشنگان دور سو مشکوی دولدوروم گیداخ

سن منیم بلیمدن یاپوش سنون منده اللروندن دوتوم گیداخ

 

دور ایاقه ای بی پناهیلر دادخواهی ای فدیه خدا

سوتمه چوخ یوزیوی یره بله آچ گوزون دور ای شیر کربلا

خیمه لرده عطشان بالالاریم‌ گوزلوری یولون گوز تیکوب یولا

دورایاقه قصد خیاملن منده سنله‌ باهم دوروم گیداخ

 

یاتما بیله ای ماه انوریم تک قالوبدی سنسیز ستاره لر

الده بوش سو جامی بالالاریم انتظاریوی خیمه ده چکر

گیتمسن بالالاریمی عطش التهابی بالمره اولدورر

مشکیوی گوتور منده پرچمون‌ بو فراتین اوسته وروم گیداخ

 

چوخلی سرولر ریشه دن قوپوب تندباد فصل خزانیدن

قول بوداقی سینمیش سنون کیمی گورمیوبدی هیچ باغ و هیچ چمن

سن قانا بلشمیش یره دوشن ریشه کن اولان نخله بنزیسن

دور ایاقه بو سرو قدیوه ناله ایلیوم اوخشیوم گیداخ

 

گردباد طوفانیدن گیجه یول گیدن قالار بین راهیده

اولسا یولدا گر یول کسن داخی چاره قالماز او بی پناهیده

واریمیش همی یول کسن همی ال کسن بو بی دین سپاهیده

دور خیامه تک گیتدیقون یولی اشکیمی سپوم دولدوروم گیداخ

 

گونده‌کی کیمی دور ایاقه بیز ای خدنگ محنتلره نشان

وقت ظهر وقت نمازیدور ای نمازینی وقتیده قلان

سن اقامه دی منده سسلیوم اوغلوم اکبری باشلاسون اذان

قورتاروم نماز جماعتی هر فریضدن قورتولوم گیداخ

 

قارداشیم سان حقیم وار حالیوه گوزیاشی توکوب گوزدن آغلیوم

اولمارام رضا ایلیم فغان‌ آغلیاندا اما سن‌آغلیوم

سن یارالی سان آغلاما بیله دردیوی دی قارداش من آغلیوم

قوی من آغلیوم اهل عالمه قیمتون سنون بیلدیریم گیداخ

 

حمل ایدنده من اوغلوم اکبری رزمگاهیدن دار ایمنه

سن منه کومکلیق چوخ ایتموسن‌ وار یری عوض ایلیوم سنه

چوخ گذشت ایله گلموری بلیم باغلانوبدی چاره یولی منه

دور بلیمه ایت تکیه اللرون سنله بزم وصلت قوروم گیداخ

 

چکمه چوخ خجالت یوخوندی سو یوخدی چاره قارداش بو مشکله

سن باشون ساغ اولسون بالالاریم نیلوری سویی ایستمور هله

دور گیداخ خیامه بالالاریم پیشوازه گلسون گوله گوله

گلستانیمون گللرینه من قحط آب ایدوم سولدوروم گیداخ

 

سن اوزون بولورسن بوگون منه نه جفا ایدوب قوم بدمآب

قانینه باتوبدور کومک لریم غصه لر ایدوب گوگلومی کباب

بو یامان گونومده سنی ندن سسلرم منه ویرمیسن جواب

بزم وصلی دور بیر سنیله من بو بلالی چولده قوروم گیداخ

 

((گلشنی)) کیمی هیچ‌کیمون‌دگول تیره چون شب داج‌ گوندوزی

هامینون بش اون گون یوزی گولوب گولمیوبدی اما اونون یوزی

گر یوزی گولیدی اولیدی شاد اوندا او یازانمازدی بو سوزلری

ای سراب امید تشنگان دور سو مشکیوی دولدوروم گیداخ

 

 گلشنی

منبع مجموعه کانالهای مدح و مرثیه

موضوع: حضرت ابوالفضل العباس (ع) زبانحال ,
زبان شعر و شاعر: نوحه ترکی , گلشنی

 

------------

 

زبانحال به حضرت ابوالفضل (علیه السلام)

 

ﯾﺨﻠﻮﺏ ﻋﺒﺎﺳﯿﻢ ﻧﻬﺮ ﻓﺮﺍﺕ ﺍﻭﺳﺘﻪ

ﺑﻠﯿﻢ ﺳﯿﻨﺪﯼ ﺯﯾﻨﺐ ﻋﻠﻤﺪﺍﺭ ﺋﻮﻟﺪﯼ

 

ﺑﻮﯾﺎﻧﻮﺑﺪﻭﺭ ﻗﺎﻧﻪ ﻭﻓﺎﻟﯽ ﺳﺮﺩﺍﺭﯾﻢ

ﻟﻮﺍﯼ ﻗﺮﺁﻧﻪ ﻭﻓﺎﺩﺍﺭ ﺋﻮﻟﺪﯼ

 

ﺋﻮﺯﻭﻥ ﺁﮔﻪﺍﯾﻠﻪ ﺣﯿﺎﻟﯽ ﻗﯿﺰﻻﺭﯼ

ﺩﯾﻨﻦ ﺩﮔﺪﯼ ﭘﯿﮑﺎﻥ ﺳﻮ ﻣﺸﮕﯿﻦ ﺩﻟﺪﯼ

 

ﺳﯿﺰﻩ ﺧﺎﻃﺮ ﮔﭽﺪﯼ ﺍﯾﮑﯽ ﻗﻮﻝ ﺑﯿﺮ ﮔﻮﺯﺩﻥ

ﻣﻨﯽ ﻗﻮﯾﺪﯼ ﯾﺎﻟﻘﻮﺯ ﻓﻠﮏ ﺩﯾﻨﺠﻠﺪﯼ

 

ﻋَﻠَﻤﯿﻦ ﺁﻏﻮﺷﻪ ﺁﻟﻮﺏ ﮔﻮﺭﺩﻭﻡ ﺁﻏﻠﻮﺭ

ﺋﻮﭘﻮﺭ ﺍﻟﻠﻪ ﻭ ﺍﮐﺒﺮﯾﻦ ﻧﻘﺸﯿﻨﺪﻥ

 

ﺩﻭﺩﺍﻗﯿﻨﺪﺍﻥ ﺋﻮﭘﺪﻭﻡ ﺩﻭﺩﺍﻗﯿﻨﻮﻥ ﻋﻄﺮﯼ

ﺑﻬﺸﺘﯿﻦ ﻋﻄﺮﯾﻠﻦ ﺑﺮﺍﺑﺮ ﮔﻠﺪﯼ

 

ﺩﯾﺪﻭﻡ ﺁﯾﺎ ﻗﺎﺭﺩﺍﺵ ﮔﯿﺪﻭﺭﺳﻦ ﺍﺧﯿﺎﻣﻪ

ﺩﯾﺪﯼ ﺳﻦ ﮔﯿﺖ ﻗﺎﺭﺩﺍﺵ ﺭﻗﯿﻮﻥ ﺁﻏﻼﺭ

 

ﺩﯾﺪﯾﻢ ﺍﻭﻧﺪﺍ ﮔﯿﺘﺴﻢ ﺳﻨﯽ ﺗﻨﻬﺎ ﻗﻮﯾﺴﺎﻡ

ﭼﯿﺨﺎﻧﺪﺍ ﺟﺎﻥ ﻟﺒﺪﻥ ﮔﻮﺯﺩﻥ ﮐﯿﻢ ﺑﺎﻏﻼﺭ

 

ﺑﺎﺷﯿﻢ ﺍﻭﺳﺘﻦ ﺑﯿﺮ ﺳﺲ ﺩﯾﺪﯼ ﺳﻦ ﮔﯿﺖ ﺍﻭﻏﻠﻮﻡ

ﮔﻮﺯﯾﻦ ﺯﻫﺮﺍ ﺑﺎﻏﻼﺭ ﻋﺰﺍﺳﯿﻦ ﺳﺎﺧﻼﺭ

 

ﯾﺮﯼ ﻭﺍﺭ ﺑﻮ ﻏﻤﺪﻥ ﺳﻮﺩﺍﻥ ﭼﯿﺨﺴﺎ ﻧﺎﻟﻪ

ﮐﻮﻝ ﺍﻭﻟﺴﺎ ﭘﺮﻭﺍﻧﻪ ﺳﻮ ﺍﻭﻟﺴﺎ ﺩﺍﻏﻼﺭ

 

ﺩﯾﻮﻥ ﺍﺻﻐﺮ ﯾﺎﺗﺴﻮﻥ ﯾﺎﺗﻮﺏ ﭘﺮﭼﻢﺩﺍﺭﯾﻢ

ﯾﺎﺭﺍﻟﯽ ﺍﻋﻀﺎﺳﯽ ﻗﺎﻟﻮﺏ ﺻﺤﺮﺍﺩﻩ

 

ﻋﻄﺸﯿﻨﺪﻥ ﯾﺎﻧﺴﺎ ﺩﻭﺩﺍﻗﻼﺭﯾﻦ ﺍَﻣﺴﯿﻦ

ﺩﯾﻮﻟﻠﺮ ﺩﺷﻤﻦﻟﺮ ﺳﻮ ﯾﻮﺥ ﺩﺭﯾﺎﺩﻩ

 

ﺳﻮﺳﻮﺯ ﺋﻮﻟﺴﻪ ﺍﻭﻏﻠﻮﻡ ﺍﮔﺮﭼﻪ ﻧﯿﺴﮕﯿﻠﺪﯼ

ﻣﻨﻪ ﺑﺎﺵ ﺍﮔﻤﮑﺪﻥ ﻭﻟﯽ ﺁﺳﺎﻧﺪﯼ

 

ﺳﻮﯾﺎ ﺧﺎﻃﺮ ﻫﺮﮔﺰ ﻋﻠﯿﻨﻮﻥ ﺍﻭﻻﺩﯼ

ﻭﯾﺮ ﺟﺎﻥ ﯾﺎﻟﻮﺍﺭﻣﺎﺯ ﺩﻧﯽ ﺻﯿﺎﺩﻩ

 

ﺳﯿﻨﻪ ﺳﯽ ﺍﻭﺳﺘﻮﻧﺪﻩ ﻧﯿﺴﺘﺎﻥ ﻭﺍﺭ ﮔﻮﯾﺎ

ﯾﺎﺭﺍﻟﯽ ﺍﻋﻀﺎﺳﯽ ﺗﻤﺎﻣﺎً ﺍﻭﺧﺪﯼ

 

ﻭﻟﯽ ﺍﻭﺧﻼﺭﺩﺍﻥ ﭼﻮﺥ ﮐﻨﺎﺭﯾﻨﺪﻩ ﺯﯾﻨﺐ

ﻧﺪﻭﺭ ﻋﻠﺖ ﺑﯿﻠﻤﻢ ﺁﻏﯿﺮ ﺩﺍﺵ ﭼﻮﺧﺪﯼ

 

ﺗﻮﺧﺎﻧﻮﺑﺪﻭﺭ ﺩﺍﺷﻼﺭ ﺳﯿﻨﻮﺑﺪﯼ ﺁﺋﯿﻨﻢ

ﯾﺎﻧﻮﺭ ﻏﻤﺪﻥ ﺳﯿﻨﻢ ﺁﺧﻮﺭ ﮔﻮﺯ ﯾﺎﺷﯿﻢ

 

ﺍﻭﺟﺎ ﺑﻮﯼ ﻗﺎﺭﺩﺍﺷﯿﻢ ﺋﻮﻟﻮﺑﺪﯼ ﺍﻟﻠﺮﺩﻩ

ﯾﺎﺗﻮﺑﺪﯼ ﭼﻮﻟﻠﺮﺩﻩ ﻗﺮﺍﺭﯾﻢ ﯾﻮﺧﺪﯼ

 

ﮐﺴﻮﻟﻮﺑﺪﻭﺭ ﭼﺎﺭﻩﻡ ﺋﻮﻟﻮﺑﺪﯼ ﻗﺎﺭﺩﺍﺷﯿﻢ

ﮐﻤﮑﺴﯿﺰ ﺑﯿﺮ ﺷﺎﻫﯿﻢ ﺍﻣﯿﺪﯾﻢ ﺍﯼ ﻭﺍﯼ

 

ﯾﺎﺧﺎﻣﯽ ﺍﻟﻠﺮﺩﻩ ﻗﻮﯾﺎﻥ ﻋﺒﺎﺳﯿﻢ ﻭﺍﯼ

ﺷﺮﻓﻠﯽ ﺳﺮﺩﺍﺭ ﺭﺷﯿﺪﯾﻢ ﺍﯼ ﻭﺍﯼ

 

ﺗﻮﺧﺎﻧﻮﺏ ﺑﯿﺮ ﭘﯿﮑﺎﻥ ﻫﻮﺭﻭﺑﺪﯼ ﮔﻮﺯ ﯾﺎﺷﯿﻦ

ﮔﻠﻦ ﮔﻮﺭﻣﻮﺭ ﮐﯿﻤﺪﯼ ﻗﺎﻟﻮﺏ ﺁﻭﺍﺭﻩ

 

ﺩﯾﺰﯾﻢ ﺍﻭﺳﺘﻪ ﺑﺎﺷﯿﻦ ﺁﻟﻮﺏ ﺗﻮﮐﺪﻭﻡ ﮔﻮﺯ ﯾﺎﺵ

ﺩﯾﻢ ﻻﯼ ﻻﯼ ﻗﺎﺭﺩﺍﺵ ﺷﻬﯿﺪﯾﻢ ﺍﯼ ﻭﺍﯼ...

 

حسین غفاری اردبیلی

موضوع: حضرت ابوالفضل العباس (ع) زبانحال ,
زبان شعر و شاعر: نوحه ترکی

 

------------

 

زبانحال حضرت ابوالفضل (ع)

 

ای وفالی مرکبیم تز قورتار الردن منی

سن بو سوداده خجالت ایتمه اصغردن منی

 

ناخن تیزون بوگون سن دیده سیمرغه ساچ

منده یوخ شهپر اقلا اوچماقا سن شهپر آچ

اصغر الدن گیتدی الان سعی ایله سرعتله قاچ

چوخ اوتاندیرما رباب زار و مضطردن منی

 

من اگر سقائیدیم ئوز خدمتیمدن کسمدیم

هر اوشاق سو ایستدی من جان دیدیم جان سسلدیم

آل هاشم گلشنینده یاخشی گل لر بسلدیم

باغبانم ایتمه شرمنده او گل لر دن منی

 

به علت نداشتن اجازه انتشار کامل اشعار 

(مرحوم استاد رحیم منزوی اردبیلی) چند بیت از اشعار

 ایشان به اشتراک گذاشته میشود

 

 مرحوم منزوی اردبیلی

موضوع: حضرت ابوالفضل العباس (ع) زبانحال ,
زبان شعر و شاعر: نوحه ترکی , منزوی اردبیلی

 

------------

 

زبانحال امام حسین (ع) در احوالات

حضرت ابوالفضل العباس (ع)

 

قارداشیم عباس اؤلوبدور قامتیم خم دور باجی

بو مصیبت هامی دردلردن بیل اعظمدیر باجی

اوخلانیب سو مشکی، قوللار بدندن آیریلیب

یرده بی صاحیب قالان شمشیر و پرچم‌ دیر باجی

 

هر نه قوت وار قوشوندا قوّه پرچم ده وار

پرچمی حفظ ایلین بیر بازوی محکم دیر باجی

نه دئییم قارداشیمین چوخ سؤزلری سینمده وار

درد ، و، محنتله دولان بو یاره سینمدیر باجی

 

اسیردی پرچمی یاران هامی دیلشادیدی

وعده نصرتله ویران قلب‌ لر آبادیدی

هر قدر کی دوشمه‌ میشدی قوللاری آزادیدی

من گؤروردوم قارداشیم جنگه مصمّم‌ دیر باجی

 

تا آلیردی قارداشیم تشنه اوشاقلارین سسین

قصد ائدیردی ساکت ائتسین آغلایانلار ناله‌سین

مشگی دولدوردو چیخیب لشگر آلیبدیر دوره‌ سین

یوز قویوبدور خیمه‌گاهه قصدی محکم‌ دیر باجی

 

دوشدو سس لشگر ابوالفضلی خیامه قویمایین

سو آپارسین بچّگان تشنه‌ کامه قویمایین

قویمایین آزاد اولوب یئتسین مرامه قویمایین

مرگینه قارداشیمین بو ایش مقدّمدور باجی

 

رتبه‌‌ عباسیمه چوخلار چکیب رشک آغلادی

مشکینه بیر اوخ دگیبدیر حالینه مشک آغلادی

گؤردو سقّا سو هدر گئتدی تؤکوب اشک آغلادی

قانه الوان یوزگوزو اشکیله پُرنَمدیر باجی

 

اونداکی سو مشکی اوخلاندی دگیشدیردی سؤزون

ایستدی تا گؤرمسین تئشنه اوشاقلاری یوزون

جان وئریب میدانیده غَمدن قوتارسین اؤز اؤزون

قارداشیم صاحیب مقامات و مکرّمدیر باجی

 

سویلدی قارداش حسین گل درک ائیله قارداشیوی

قارداشون جان تاپشیریر آچ باشی اوسته باشیوی

آغلا قارداشون اؤلور تؤک عاریضه گؤز یاشیوی

ایکی قارداش یوزیوزه قویسا نه عالمدیر باجی

 

قارداشیمین پئیکری قولسوز جفادن اوخلانیب

حملی ممکن اولمادی قطعه به قطعه دوغرانیب

قارداشیم حالین گؤرندن اود توتوب قلبیم یانیب

بو غمیم گلمز حسابه چوخ بؤیوک غمدیر باجی

 

قارداشیم نعشین قویوب میداندا یالقوز گلمیشم

پیکری پاره دوشوبدور یرده قولسوز گلمیشم

قالمیشام بو چؤلده قارداشسیز اوغولسوز گلمیشم

حالتی قارداشیمین گؤزده مجسّمدیر باجی

 

 مرحوم کهنمویی

منبع مجموعه کانالهای مدح و مرثیه

موضوع: حضرت ابوالفضل العباس (ع) زبانحال ,
زبان شعر و شاعر: نوحه ترکی , کهنمویی

 

------------

 

زبانحال حضرت امام حسین (علیه السلام)

به حضرت ابوالفضل (علیه السلام)

 

ابوالفضل ای تمام سرولردن باش اولان قارداش

آماندی گل اوزاق لاشما حسینوندن بیر آن قارداش

 

اگر قیزلار منیمدی قوی سوسوزدان سو دئیب یانسین 

بو قیزلار بیر یانا اهل حرم اوتلانسا اوتلانسین

اگر لازمدی حتی شیر خواریمده الولانسین

ولی سن مندن آیرلماکی قاللام ناگران قارداش 

 

بو هیبت آیری هیبت دور خدا خلق ایلیوب سنده

جسارت یوخدی سنله جنگ ائده بیر دشت دشمنده

باخیب حیدر باخیشلی گوزلره فخر ایلرم منده

هانی عباسه تای لشکر پوزوب ، صف لر یاران قارداش

 

بیر عالم قارداشیم اولسا منه عباس اولا بیلمز

بنی هاشمده ده سنده اولان احساس اولا بیلمز

حسینه بیر نفر عباسه تای حساس اولا بیلمز

گورنمز بیرده مثلون چشم تاریخ جهان قارداش

 

سوسوزلوقدان اوکی یانماق دی قارداش اصغریم یاندی

اوشاقلار چونگلیب نازلی رقیه مده یاری جاندی

باجیم زینب ده کی مین دردیله باغری دولی قاندی

گئدیرسن گئت ، بیر آز گل زینبه خاطر یوبان قارداش

 

گوز ایشلیر موژ وئرور دریای لشکر مندن آیرلما

گئدیب تنها فرات اوسته حسینی ناگران قویما

یقینیم وار ائله اسکیک دیلر بو بی حیا اعدا

سنی تک تاپسالار بیر لحظه وئرمزلر امان قارداش

 

برادر گورکمون بیر پارچا شور و عشق و غیرتدی

دوروش جرئت ، یریش هیبت ، باخیش عشق ولایت دی

قیام قامتون قامت دگول عین قیامت دی

بوگون سنسن حسینین ده پناهی بیگمان قارداش

 

منیم جان و دلیم ، عشقیم ، امیدیم ،روحوم ، عباسیم

اوجا قامتلی سردار سپاهیم ، اشجع الناسیم

اوشاقلیقدان بولورسن وار سنه بیر آیری احساسیم

بیر احساسی که هرگز اولمیوب اولماز بیان قارداش

 

سنی نامردلر ایستیل له قارداش مندن آلسین لار

منی سن سیزلیقیله درد بی درمانه سالسین لار

اوجا سروی یخیب ظاهرده اسکیک لر اوجالسین لار

گوزومدن قویمارام جانیمده وار بیر ذره جان قارداش

 

امید عترتیم ، حتی منیم پشت و پناهیم سن

امیر عالمم ، اما بوگون سن تکیه گاهیم سن

تانیر عباسی دشمن تک لیقین دا بیر سپاهیم سن

اودورکی یاغدیرر نامرد لر تیرو سنان قارداش

 

حاج صمد قاسمپور

منبع مجموعه کانالهای مدح و مرثیه

موضوع: حضرت ابوالفضل العباس (ع) زبانحال ,
زبان شعر و شاعر: نوحه ترکی , قاسمپور

 

------------

 

زبانحال حضرت امام حسین (علیه السلام)

در بالین حضرت ابوالفضل (علیه السلام)

 

قارداشون پوزولدی گورجاق بئله حالی سنده قارداش

سنده گوزلرون بیر آچ گور، وار نه حال منده قارداش

 

تا سسون خیامه گلدی، یاندیم اوندا داده گلدیم

یاندی سینم، اودلی قلبی تیر حسرتیله دلدیم

دلده گل آدون وفالی، دوزمدیم هرایه گلدیم

عطر جانفزاوی آلدیم تلدن اننده قارداش

 

عطریوی آلا آلا من، کربلا چولون دولاندیم

صاق صولا غمیله حیران، گه گیدوب گهی دایاندیم

گوردوم اللرون کسلموش یرده دور علاوه یاندیم

بولدوم اللره دوشوبسن، اللرون گورنده قارداش

 

باشون اوستونه یتونجه، گوز یاشیمی قانه قاتدیم

اوخلی پیکرون تاپاندا ناله می گویه اوجاتدیم

چکدیم اوخلاری یاراندان بیر به بیر کناره آتدیم

قلبیمه اوتوردی مین اوخ، هر اوخی چکنده قارداش

 

بو یارالی گل وجوده، اگلشوب نظاره سالدیم

یاره اوسته یاره گوردوم، منده قلبه یاره آلدیم

قارداشی ئولنلر آنلار، اوندا من نه حاله قالدیم

کیم بولر اولار نه حالت قارداشی ئولنده قارداش

 

دوزدی باغبان ایدر غم، گلستان خزان اولاندا

بلبلون یرینده باغه، زاغیله زغن دولاندا

ناامید اولار چمندن، طرفه گللری سولاندا

خار الینده لیک دوزمز، ئوز گلون گورنده قارداش

 

قارداشون وفالی قارداش، چاره سی داخی آزالموش

دود آهی اودلی دلدن عرش طاقینه اوجالموش

دور بلیم سنوبدی سنسیز، اللریم بلیمده قارداش

قدیمی بوکوبدی نالن خیمیه گلنده قارداش

 

ای وفالی چوخدی دردیم، دردیمه شراکت ایله

من اوغولسوزام غریبم، حالیمی رعایت ایله

یوخ منه ایدن حمایت، دور اوزون حمایت ایله

سالما بو حسینی گوزدن، بئله وقته سنده قارداش

 

سن امیر لشکریم سن، من غریب پادشاهم

لشگریم سنوب بو چولده بی معین و دادخواهم

من سنی پناه بوللم، گر چه عالمه پناهم

تک سنه پناه گتدوخ قزلاریمدا منده قارداش

 

وار نه طایفم قبیلم، نه منیم ئیلیم بو چولده

نه سسیمه سس ویرن، نه واردی همدلیم بو چولده

سنده تشنه جان ویرورسن، گلموری بلیم بو چولده

روحیمی منیم آلورسان، بئله جان ویرنده قارداش

 

سن کیمی وفالی قارداش واردی تا جهان تاپولماز

آغلیان گلر سنه چوخ، من تک آغلیان تاپولماز

چوخلاری یانار، آنان تک لیک بیر یانان تاپولماز

حقی وار اگر ئولونجه آغلاسا وطنده قارداش

 

فاطمه آنام ایدوبدور بیر بنای بیت الحزان

اوز بالالاریله اوردا دائما اولوبدی نالان

اوغلوون دوتوب الیندن، بی بنین آنان پریشان

وار نقدر آغلور، اول کلبه حزنده قارداش

 

بو بلالی چولده سنسیز، غنچه گللریم سولالار

گوزلری دولی بولود تک، اشک آلیله دولالار

قالمارام من اولماسان سن، قیزلاریم اسیر اولالار

قولاری ستمله محکم باغلانار رسنده قارداش

 

کیم گوروب سو اوسته سقا، تشنه جان ویره یارالی

سرو تک دوشه ایاقدان، جسمی قان ویره یارالی

پیکرینده هر یارا بیر گل نشان ویره یارالی

وار نه بئله گل، نه بئله سرو بیر چمنده قارداش

 

سن یخلدون ای وفالی، کامه قیزلاریم چاتانماز

گوزلرین یولا تیکن لر، سینه حسرتین آتانماز

سن دوشوب یارالی یاتدون، بیرده قیزلاریم یاتانماز

امن و استراحت اولماز، آل بوالحسنده قارداش

 

کامه چاتمیانلار ایمدی عین مقصده چاتالار

سهم و صولتین هراسین، سینه دن داخی آتالار

قورخودان یاتانمیانلر مطمئن اولوب یاتالار

گورسنر عیان، بشارت، فرقه فتنده قارداش

 

ای وفالی قامتوندن جامه وفانی سویما

دویمیوب حسین سندن، سنده اوندان ایمدی دویما

ارخاسیزدی بی کمکدی، تک بو قانلی چولده قویما

قان توکن گورور حسینون هر یانا دوننده قارداش

 

تک نه باشون اوسته من تک، اودلی درد دل دئن وار

خیمه لرده سوزلی جوخدی، بئله حالی بولمین وار

گوز تیکوب یولا رقیم تک، یولوی گوزلین وار

انتظاریدی قزیم، من آیریلوب گلنده قارداش

 

بولموری هله سوسوزلار مشکه اوخ ایدوب اصابت

بولموری دوشوب ایاقدان ظلمیله بو سرو قامت

من غریبه بو یخیلموش قامت ایلیوب قیامت

قزلاریمدا محشر ایلر حالوی بولنده قارداش

 

نه قویور منی علاقه، قارداشیمی ترک ایدوم من

حملنه نه واردی امکان، نه علاج وار نیدوم من

نه اولور قویوب یر اوسته، گل جنازه وی گیدوم من

نه یوزیله تک گیدوم من، خیمیه گیدنده قارداش

 

(تائبا) واروندی الفت، اهل بیت عصمتیله

آل برات کربلا، گئت کربلایه همتیله

نهر علقم اوسته ذکر ایت بو سوزی جماعتیله

قارداشون پوزولدی گورجاق بئله حالی سنده قارداش

 

مرحوم تائب تبریزی

منبع مجموعه کانالهای مدح و مرثیه

موضوع: حضرت ابوالفضل العباس (ع) زبانحال ,
زبان شعر و شاعر: نوحه ترکی , تائب تبریزی

 

------------

 

استمداد حضرت ابوالفضل (ع)

 

ای صفّ نعالندا ایدن حور ، اقامت

فوجِ مَلکه درگهی کانونِ جلالت

تشریفوه لازمدی که ایثار ایلیم جان

تشریف گتور ، قارداشون اولسون سنه قربان

 

سنسن گورونن طورده موسای کلیمه

سنسن ایدن اعطای نفس ، عَظمِ رَمیمه

سندن یتوشر روح و صفا قلبِ سلیمه

تصویرون اولوب لوحِ دله نقش ، ازلدن

عبّاسوه السیزدی یتور ال گیدور الدن

 

ای فیضِ لبِ لعلی ایدن زنده مسیحی

جنّاتی مصفّا ایلین روحِ مَلیحی

دلباخته داوودی ایدن صوتِ فصیحی

مایلدی گویول شاد اولا بیر لحظه سسوندن

یورقون نفسیم دینجله فیضِ نفسوندن

 

سنسن ایکی دنیاده سزاوارِ نیایش

هر عُقده تاپار عشقِ کلیدونله گشایش

وار دلده تمنّا ایدورم بیر بیله خواهش

بلکه عوضنده منه لطفِ نظر اولسون

عبّاسه یولون توپراقی کُحلِ بَصر اولسون

 

عالَمده اولوب شُهره سلیمان ، حشموندن

حاشا بیری محروم اولا خوانِ کرموندن

گویلوم ایوی روشن اولی یُمنِ قدموندن

قیل رنجه قدم تا اولا ویرانه گویول شاد

غم خانه سین آباد ایله ، اولسون ایوین آباد

 

گر یتسه مدد بیرده منه همّتِ اقبال

سالّام اله دامانوی ای معنی اجلال

هر حالده روشندی سنه علّتِ احوال

حکمت سنیله کسبِ مقام و شرف ایلر

هر دردی عنایت نظرون برطرف ایلر

 

عالَم سنیله عالَم اولوب ، عالَم اولاندان

آدم سنیله آدم اولوب آدم اولاندان

من رُتبته یتدیم سنیله باهم اولاندان

ای کاش گلیدون گینه ده همدم اولیدوق

بیر قالبِ تنده ایکی جان باهم اولیدوق

 

بیر کودکیدیم مهدِ وفاده سنه قربان

گوز دردی ویرردی منه آزارِ فراوان

بیر باخماقون ایتدی گوزومون دردینه درمان

هرگز دیمورم دلده سنه چوخلی سوزوم وار

اما گینه قانلی گوزیله سنده گوزوم وار

 

گر شامل اولا حالیمه الطافِ الهی

گورّم باشیم اوسته اثرِ رحمتِ شاهی

سلطانیله وار بنده لرون عزّت و جاهی

عبّاس بو جاهی شرفِ عالمه ویرمز

بو عزّتینی سلسلهء آدمه ویرمز

 

مرغِ دله بو سینم اولوب لانهء تاریک

پیکِ اجل ایستور اولا بو لانیه نزدیک

وار دایرهء دلده ولی نکتهء تاریک

پرگار صفت کاش گلینجه دایانیدیم

ای نقطهء وحدت باشوا من دولانیدیم

 

سوز یوخ که گرک غصّه بنی آدمه گلسون

قارداش نقدر غملی دل آیا غمه گلسون

عالمده نظیرون هانی بو عالمه گلسون؟

عالملر اولار عالموون حسرتین ایلر

ایستکلیلرون بو گونوون صحبتین ایلر

 

بو غم دگی صدمه بدنه یا باشا یتسون

قارداش غمی مشکلدی ولی قارداشا یتسون

قورخوم بودی روح آیریلا عمروم باشا یتسون

الدن اله باشیم دوشه باشدان گیده بیر باش

سودایه دوشن باش ، باشوا اولمیا شاباش

 

غم باده سی لبریز ایلدی دلده کی جامی

تلخ ایلدی بو آیریلقین محنتی ، کامی

دوتسا نفحات نفَس یار مشامی

بو نکهتِ جانبخشیله روحیم ئولر ، ئولمز

خوار اولسون او کسلر که سنون قدروی بولمز

 

تا گلدی امان نامه ایا سبطِ پیمبر

بو نکته سنون خاطروی ایتدی مکدّر

بو باره دن ایتدون منی مختار و مُخَیَّر

بو خجلته گوزدن آخوری ایمدیده قانیاش

دنیا بویی نفرین او امان نامیه قارداش

 

ایلوب منی سرخوش لبِ لعلونده کی باده

نوش ایلماقا واردی گینه میل و اراده

زهرا آناوون خاطرینه سال منی یاده

یوخ بیر کسیم ای هر کسین امّید و پناهی

سندندی شها نوکروون عزّت و جاهی

 

جان کوکبنون وار بولوسن حالِ اُفولی

بنزر گویون اولدوزلارینا سیرِ نزولی

چوخ مایلدیم منده گورم دختِ رسولی

بو عزّته نائل ایلدی خالقِ عزّت

تا ایتدیم آنان زهرهء زهرانی زیارت

 

عالمده سنی آزدی بو عالم ایده تعریف

تا وار نفسیم وار آتام اوغلی منه تکلیف

فکریم بودی تا سن گتورن وقتده تشریف

بو صون نفسیمده گینه مأنوسون اولیدیم

بیرده دولانوب باشوه پابوسون اولیدیم

 

مِهر و مهِ افلاکیدی دیداروه طالب

آراسته دی پرتوِ حُسنونله کواکب

گویلوم اولوب از بس گلِ رخساروه راغب

عبّاسوه امدادویله ایله عنایت

تا کعبهء حُسنوندن آلا فیضِ زیارت

 

قالمور او قدر شمعِ حیاتیم اولا خاموش

درد و غمِ هجرونله منی ایتمه هم آغوش

پروردهء احسانون اگر اولسا فراموش

نخلِ هدفیم باره گلوب پُر ثمر اولماز

عبّاسوی محروم ایلسن ، مفتخر اولماز

 

دلده اولان اَسراری گوزوم یاشی ایدر فاش

هر درد و غمونده ئوزوم اولدوم سنه یولداش

قارداشینا حامیدی یامان وقتده قارداش

هنگامِ حمایتدی ایا سَرورِ آگاه

لطفا" اتگوندن الیمی ایلمه کوتاه

 

(بیر مشک سو تحصلینه ایتدون منی مأمور)

همراهیم اولان مشگیله دوشدوم یولا مسرور

تا گلسون اله دلده اولان مقصد و منظور

بیر حمله ده تسخیر ایلدیم شطّ فراتی

چون خضر ، عجب سالدیم اله آبِ حیاتی

 

گوردوم که دگل خشمده ، آرامیدی دریا

بیر خسته دلی ایتدی نسیمی سویون احیا

من غرقِ تماشا ، سو منه غرقِ تماشا

لعلِ لبِ عطشانیمه عطشانیدی گوردوم

سرگشته اولان حالیمه حیرانیدی گوردوم

 

دلکش سسی جان گوشنه چون نغمهء دلبر

بیر نغمه که آرامشِ هر قلبِ مکدّر

ایستوب لبِ خشکیده و عطشانی ایدم تر

آرام اولا بو باره ده اوز دل تپشیندن

دریا هیجاندیدی او سو مُرتعِشندن

 

دوتوم سویی ال اوسته ، یوزه گوز یاشیم آخدی

غم آتشی یاندیردی یانان قلبمی یاخدی

عکسون سودا گورسندی گوزوم عکسوه باخدی

تشنه دلوون دلده غمین ایلدیم احساس

گل ویرما دئدیم آبِ فراتی دله عبّاس

 

سلطانِ جگر تشنه اگر اولماسا سیراب

حاشا اولا گلزارِ حیاتیم گُلی شاداب

تابِ دلِ عالَم نه روادور اولا بی تاب

بو باره ده ترک ایلمدیم رسمِ وفانی

دریایه روانه ایلدیم آبِ روانی

 

آچدیم او تهی راویه نون بندین او ساعت

سالدیم سویا دولدوردوم ایدم دوشیمه زینت

هر صدمه دن ایلردیم اونی حفظ و حراست

بیر شمع کیمی آتشِ شوقیله یاناردیم

پروانه صفت باشینا مشگین دولاناردیم

 

سو مشگینی تا که ایلدیم دوشیده محکم

ایتدیم ئوزومی خیمیه گلماقه مُصمّم

دوشدوم یولا سرعتله گلیردیم یولی ، هر دم

گاهی اوپوب ایلردیم اونی زینتِ آغوش

سو مشگمیله هر غمیم اولموشدی فراموش

 

ناگه یولی مسدود ایلدی خصمِ زمانه

بیر طُرفه نشان اولدی گلن تیره نشانه

اوخ مشگه دگوب ، اشگیم اولوب یوزده روانه

بو منظره تار ایلدی دنیانی گوزومده

غمدن اثرِ یأس و ندم تاپدوم اوزومده

 

مشگین سویی اشگیم تک اولان وقتده جاری

آز قالدی کسه تیغِ اَلَم دلده کی تاری

صَعب اولدی منه امر ، گلیم خیمیه ساری

تا واقف اولام دلده کی اندوه و غموندن

افسوس که اولدوم خجل اهلِ حرموندن

 

چاتدیم سنیله مرتبت و منصبه قارداش

یتدیم اودی تشیبع اولونان موکبه قارداش

مندنده سلام ایله باجیم زینبه قارداش

آل گویلونی تا اولمیه محزون و دلفکار

سویله اونا قالدی باجی جان محشره دیدار

 

هر ذرّه سنیله اولی بیر چشمهء خورشید

بو امرده اولماز که اولا شبهه و تردید

بابِ کرموندن اولا حاشا بیری نومید

بو (صالحین) ایله سن ئوزون دردینه درمان

زهرا آناوون خاطرینه قیل اونا احسان.

 

مرحوم صالح تبریزی

منبع مجموعه کانالهای مدح و مرثیه

موضوع: حضرت ابوالفضل العباس (ع) زبانحال ,
زبان شعر و شاعر: نوحه ترکی , صالح تبریزی

 

------------

 

زبانحال حضرت ابوالفضل (علیه السلام)

 

مدهوشم و سرمست ز مینای غم و رنج

گلگون شده زان باده ی نابم رخ نارنج

افتاده ام از اسب در این عرصه شطرنج

بنگرکه :سر وکتف و دل و ساعدو آرنج

رفت از نظرم در هوس روی تو هرپنج

 

ای شاه مرا کرده غلام تو خداوند

گر سر برود نگسلم از بند گیت بند

هرگز نروم از سر پیمان بتو سوگند

گو:مکنت و ملک وحرم وخانه و فرزند

گردند فدای سر گیسوی تو هر پنج

 

ای پایه ی عرش از نفس گرم تو قائم

سر در خط فرمان تو ذرات عوالم

مخدوم توئی در دو جهان ما همه خادم

مفتی وفقیه وثقه وعارف و عالم

جاروب کش مسند سکوی تو هر پنج

 

در مکتب تعلیم طریقت تویی استاد

از فیض تو یابند خلایق همه ارشاد

هرگز چو تو فرزانه ندارد دو جهان یاد

روح و ملک و آدمی و جن و پریزاد

شاگرد دبستان سر کوی تو هر پنج

 

تا سر زند از خاک سیه لاله و سنبل

بر دامن لطف تو زند چنگ توسل

بی اذن تو قمری نکند شوق تغزل

آئینه و شمع وگل و پروانه و بلبل

ساغرکش میخانه یا هوی تو هر پنج

 

ای مایه ی مجد و شرف دوده ی آدم

از تست جلال و حشم آدم و عالم

نبود دو جهان قیمت یک موت مسلم

جنات و قصور و غرف و کوثر و زمزم

بوسند در دولت مینوی تو هر پنج

 

ای کعبه ی جان قبله ی دل مهبط ارشاد

معموره ی اسلام ز ایثار تو آباد

متروک و خراب از کرمت خانه بیداد

سلطان وغلام و خدم و بنده و آزاد

در سجده به پیش خم ابروی تو هر پنج

 

عرش ملکوت است تو را مسند اجلاس

دارند ملا یک در درگاه تو را پاس

تنها نه جبین ساست بدرگاه تو عباس

عیسی و کلیم و خضر و یونس و الیاس

سایند جبین بر در مشکوی تو هر پنج

 

ای خاک درت سرمه ی چشم مه و خورشید

تنها نه منم در طلب دولت جاوید

ذرات جهانند در این خواهش و امید

شمس وقمرو مشتری و زهره و ناهید

هستند چو بنده به تکاپوی تو هر پنج

 

جان برکفم از عشق تو ای مظهر لولاک

وی فیض وجودت سبب خلقت افلاک

عباس کجا ،کی کند از کشته شدن باک

این دست و سر و سینه و چشم و تن صدچاک

بالله که نیرزند به یک موی تو هر پنج

 

ای رشک همه هستی عالم به کمالات

آدم، به ملک از تو کند فخر و مباهات

جاوید ز جانبازی تو جمله آیات

انجیل و زبور و صحف و مصحف و تورات

هستند به تلویح ثنا گوی تو هر پنج

 

هرچند ز ده آه درون خیمه به گردون

وز سوز عطش جام دلت گشته پراز خون

لیک آب همه عالم امکان به تو مرهون

جیحون و فرات و ارس و دجله و کارون

مخمور عطشناک لب جوی تو هر پنج

 

ای کون ومکان بر کرم و لطف تو محتاج

آنرا که نهادی به سر از مکرمتت تاج

از جور عدوگشت به تیر ستم آماج

مشک و علم و جان و دل و دیده به تاراج

رفت از سر شوق رخ نیکوی تو هر پنج

 

ای مرغ ملک بال در این دشت بلاخیز

افتاده ام از جور سپاه شرر انگیز

آماده و در دست همه حربه ی خونریز

تیغ و سه پر و نیزه و گرز و تبر تیز

اندر صدد صید پرستوی تو هر پنج

 

کی می سزد از همچو منی وصف تو مولا

فیضی برد از مهر فلک شب پره حاشا

وامانده در این مرحله شبخیز نه تنها

حسان وجریر،اصمعی و اخطل واعشا

قاصر زمدیح صفت وخوی تو هر پنج

 

مرحوم شبخیز

منبع مجموعه کانالهای مدح و مرثیه

موضوع: حضرت ابوالفضل العباس (ع) زبانحال ,
زبان شعر و شاعر: نوحه فارسی , عباس شبخیز

 

------------

 

استمداد حضرت ابوالفضل (علیه السلام)

 

بیر یره دوشموش ایکی قول بیر یاریلمیش باش حسین

چوخ چکلّه انتظارون دورما گل قارداش حسین

آخرین دیداری چوخ گوزلر بو قولسوز باش حسین

گل جمالون گورمسم جان ویرمرم قارداش حسین

 

رشده یتدیم آستانونده چوخ اولدی زحمتیم

سایه ی لطفونده مشهور اولدی نام و شهرتیم

قابل بذل توجّه اولسا بو گون خدمتیم

تاج عزّت قویدوقون بیر باشه گل چک باش حسین

 

پرورش ویردون منه تعلیم اخلاق ایلدون

نقص خدمت گوردون امّا عفو و ارفاق ایلدون

کربلا حقّینده مندن اخذ میثاق ایلدون

شکر للَّه باشیم اولدی باشیوه شاباش حسین

 

حقّ تعلیمون بیوکدور من ثنادن عاجزم

شاکرم دلدن، ولی ذکر ادادن عاجزم

باش سینوب قولّار دوشوبدور دست و پادن عاجزم

سن اوزون لطفیله گل بالینیمه قارداش حسین

 

مدّت عمرونده بی مهر اولمادون بیر آن منه

هر نفسده ایلدون مین نوعیله احسان منه

ای کلام ا... ناطق گل اوخی قرآن منه

خجلت دیرینیمه نطقون اولا پاداش حسین

 

حسن طالعدن قازاندیم چون شهادت قرعه سین

شوقیله جنگ ایلدیم آلدیم فراتیه شرعه سین

لبلرون یادیله امّا ایچمدیم بیر جرعه سین

سیریده همرنگ اولور چون یاریله یولداش حسین

 

وارد اولجاق نهره طرد ایتدیم گروه ناکسی

دولماسون مشکه کنار ایتدیم سودان خار و خسی

بیر اوزون طومار غم آچدی سویون دلکش سسی

وای اگر بیر گون او احساساتیم اولسا فاش حسین

 

مشکی حفظ ایتماق امیدی ویردی قوّت هوشیمه

دولدوروب محکم ایدوب آهسته سالدیم دوشیمه

گه اُپردیم گه چکردیم جان کیمی آغوشیمه

قهر اولا اوخ نقشینی ترسیم ایدن نقّاش حسین

 

هر ایکی قولّاریمی بو مشکه ایتمیشدیم سپر

اوه گوزیمدن قولّاریمدان ایلدی صرف نظر

مشکی دلدی، سو توکولدی، سعییم اولدی بی ثمر

سو یرینه مشکیمه قان دولدی باشا باش حسین

 

گرچه یارم چوخدی، سانما من او چوخدان آغلارام

اوخ دلن مشکیمده سو یوخدور او یوخدان آغلارام

جان یاخان قان قان دین پرّآن بیر اوخدان آغلارام

سانجلِیدی قلبیمه بو اوخ منیم ایکاش حسین

 

سن اوزون یاخشی بولورسن ای شه گردون حشم

اولماسا قول پرچم آچماز اهتزاز ایتمز علم

سرنگون اولدی علم چون قولّاریم اولدی قلم

بیرقیم گوزگوز اولوب گوزدن توکر قانیاش حسین

 

قولّاریم دوشدی بدندن شهپر عنقا کیمی

هر بیری بیر چشمه سار اولدی جوشان دریا کیمی

بسکه قان آخدی بو چولده مشهر مینا کیمی

گون قباقینده یانان داشلاردا اولدی یاش حسین

 

گل گلنده دقّتیله باخ سران لشکره

باشیم اطرافینده واردور گور نه خوش بیر منظره

یوز قویوب اون یتدی خنجر بیر یارالی حنجره

منکه باشدان گیچمیشم لازم دگل پرخاش حسین

 

گل یول آختارسان یول اوستونده دوشن قول گوسترور

مشعل آهیم عزیز مهمانینه یول گوسترور

عاقبت حسّ اخوّت یول امین اول گوسترور

همره اهل کرمدور دست گوهرپاش حسین

 

ناتوانم صون نفسده ظلّ رافت ایسترم

ذرّه ی بی قدرم امّا قرب عزّت ایسترم

لطف صحبت گرمی بزم محبّت ایسترم

فیض آلور خورشید عالم تابیدن خشخاش حسین

 

منکه قوملار اوسته یالقوز دوشموشم چوخ بیکسم

بیمناک اولمام ولو امّیدیمی جاندان کسم

تک سنون انجام کاروندن اخا دل واپسم

قورخورام محشر قوپا، نابود اولا داغ داش حسین

 

من شباهنگم اگر ظاهرده گل تک سولموشام

باطناً حبّ حسینیله لبالب دولموشام

افتخاریم وار سعادت یار اولوبدور اولموشام

پاسگاه عشقیده سرباز حاضرباش حسین

 

مرحوم هندی

منبع مجموعه کانالهای مدح و مرثیه

موضوع: حضرت ابوالفضل العباس (ع) زبانحال ,
زبان شعر و شاعر: نوحه ترکی , هندی

 

------------

 

زبانحال حضرت امام حسین (علیه السلام)

به خواهرشان

 

الیمدن ای باجی سردار کامران گیتدی

قرار و صبریمی الدن آلوب عیان گیتدی

 

بو قدر دشمن الینده منی قویوب یالقوز

الیمی اوزدی الیندن، او ال دوتان گیتدی

 

نجه حصار مخالفده اولمارام محصور

وجود امنیمه محکم حصار اولان گیتدی

 

حجازه بیرده گیدم من عراقدن هیهات

حجاز علاقه سینی کسدی اول زمان گیتدی

 

وطن هارا من هارا؟ باجی جان بو غربت آرا

وطن دیوب وطن افکارینی آتان گیتدی

 

دوشوب تلاطمه بحر بلاده فلک نجات

بو قانلی موجه دوشن غرق اولوب باتان گیتدی

 

هانی ایلیم هانی آرخام هانی بنی هاشم؟

بویاندی قانه نچه هاشمی جوان گیتدی

 

هرای غربت الیندن، امان کمکسیزلیق

کمک لریم منی یالقوز قویوب، امان گیتدی

 

بو قدر بیل قوشونوم سیندی، بیرقیم یاتدی

عزیز جانیم علمدار جانفشان گیتدی

 

آلوب الیمدن ابوالفضلی بوکدولر بلیمی

غم فراقی ایدوب قدیمی کمان گیتدی

 

سالوب تحیره دشمن لری مواساتی

وفاسین اهل وفایه ویروب نشان گیتدی

 

سو ممکنیدی ایچه، ایچمدی وفاسیندن

اوزی سوسوز سو کنارنده ویردی جان گیتدی

 

اوزونوده، مشگینی ده، ظلم الیله اوخلادیلار

بویاندی قانینه سقای تشنگان گیتدی

 

بدندن آخدی سو تک قانی، سو، سو مشگیندن

قاریشدی بیر بیره قان سو، سو آخدی، قان گیتدی

 

نجه من آغلامارام قانه گوز یاشیم دونمز

گوزوم باخا باخا دلدار دلستان گیتدی

 

چوخ ایستدی سالا قول بوینوما، یوخیدی الی

اورکده قالدی اونون حسرت نهان گیتدی

 

دئدیم یاواش گئت، اوزومده دالونجا من گلم

یولومدا قانلی گوزی قالدی ناگران گیتدی

 

نه صبر ممکن اولور نه اورک دوزور دایانور

کسیلدی صبر داخی طاقت و توان گیتدی

 

گورنده باشینی گون تک جدا بویی اوجالوب

اوجالدی ناله سسیم، عرشه دین فغان گیتدی

 

باجی دئمه که ابوالفضل ئولوب، حسینیم وار

منیم ده جانیم ابوالفضلیله اینان گیتدی

 

او جان ویرنده، منیم حال احتضاریمیدی

منیله قارداشمون روحی توامان گیتدی

 

دایانما سنده اسارت تدارکین باشلا

پوزولدی رونقون اعزاز و جاه و شان گیتدی

 

چکلله شامه اسیر، اهل بیت طاهانی

گورله حافظ اولان طرفه پاسبان گیتدی

 

نه گلدی ذهنوه(ذهنی) قلم قویولدی یره

مگر سنون قلموندن دوتوب یازان گیتدی؟

 

مرحوم استاد مشهدی علی اصغر ذهنی

منبع مجموعه کانالهای مدح و مرثیه

موضوع: حضرت ابوالفضل العباس (ع) زبانحال ,
زبان شعر و شاعر: نوحه ترکی , ذهنی

 

------------

 

زبانحال حضرت ابوالفضل (علیه السلام) 

 

آپارما خیمیه قارداش داخی رضا دگولم

مسافر خجلم رسمه آشنا دگولم

 

سکینه خدمتینی جابجا ایدنممیشم

گوتور بو آدی که سقّای کربلا دگولم

 

هامی شهید لره یر ورنده یانوندا

منی کناریده قوی من سنه سزا دگولم

 

شهید ایدوبله منی چون سنون رکابوندا

آغیردی قیمتیم ای شاه کم بها دگولم

 

منی گذشت ایله ای شهریار خونین دل

غلام منفعلم لایق عطا دگولم

 

کمال معذرتیم وار بو نوعی یاتماقدان

دورانمورام ایاقا صاحب قوا دگولم

 

سالوبلا قوللاریمی کاسه ی سریمده سینوب

بو حالیله گوروسوز مقتدر به پا دگولم

 

بو اللّریم بو علم بو شکسته جامِ سریم

ثبوت ایدر که اوز عهدیمده بی وفا دگولم

 

یاغیش تک اوستومه اوخ یاغدی بسکه هر یاندان

پر آچدی جسمیم هُما تک اگر هُما دگولم

 

علاوه دگدی بیر اوچ شعبه اوخ جبینیمدن

گنه بو ظلمه خوشام صاحب بُکا دگولم

 

قان آغلادور منی یالقوزلوقون سنون مولا

فسوس و آه ندیم قادر وغا دگولم

 

آپارما نعشیمی قتلایه مصرعیمدن اخا

قالام بو یرده خوشام حمله ارتضا دگولم

 

خجالتم سو خصوصینده اهل بیتیندن

گیدنمرم الی بوش گیتماقا رضا دگولم

 

هنوز چوخلاری بو حالیمی منیم بولمور

بیله بولولّه منی سرنگون لوا دگولم

 

منی خیامه آپارسان جری اولالا سنه

سپاه کوفه دیر ظلمه انتها دگولم

 

چکوب بیر آه ، آخوب گوز ، یازاردی قانی یره

فدای لایق سلطان نینوا دگولم

 

«دخیل» سوزلرینه شرکت ایتدی راهنما

همای اوج «دخیل» منده «رهنما» دگولم

موضوع: حضرت ابوالفضل العباس (ع) زبانحال ,
زبان شعر و شاعر: نوحه ترکی

 

------------

 

استمداد حضرت ابوالفضل (علیه السلام)

 

جلاد الینده قالدیم، تیز گل هرایه قارداش

قالمور او قدر باشیم، گچسون جدایه قارداش

 

یا سیدی اماندور - قانیم سو تک رواندور

 

اولده صاق قولومدان ایتدی یارا اصابت

صول اللی ایلدیم من او دینیمه حمایت

آخر صول الده گیتدی، تاپدی قوشون جسارت

وصل اولدی پیکریمده یاره یارایه قارداش

 

شهبازی گوردی السیز، ال قوم کافر آچدی

از بسکه اوخ ورولدی، جسمیمده شهپر آچدی

اوج وصال یاره، روحیم قوشی پر آچدی

مشتاقیدی ازلدن، بو مدعایه قارداش

 

گلدی نه ظلم دوزدوم، بو لشگر ستمدن

ئولم دئدیم بو چولده، ال چکمرم علمدن

بیر ظلم اولوندی اما بیر شوم بد شیمدن

یاتدی علم اوجالدی آهیم سمایه قارداش

 

قولاریمی بدندن تا قوم کینه سالدی

قلبیمده داغ حسرت، مشگیم دیشیمده قالدی

ببر اوخ و لیک مندن، آرام و طاقت آلدی

مشگه توخوندی سعییم گیتدی هوایه قارداش

 

تکمیشدیلر بو مشگه، گوز عترت رسالت

اما بو اهل کوفه ایتدی منی خجالت

تیر جفا ایدنده سو مشگمه اصابت

نی تک یارالی گوگلوم، گلدی نوایه قارداش

 

ببر مشگ سو یولوندا، من چکدیم ال اوزومدن

راضیدیم اوخ دگنده مشگه، دگه گوزیمدن

مشق آلدی بیر کماندار، اوز دلده کی سوزیمدن

ووردی بیر اوخ گوزیمدن، باخ ماجرایه قارداش

 

دوزدوم نقدری ووردی، تیغ و خدنگ دشمن

آخر منی ایاقدان، سالدی عمود آهن

گلدیم یره یوز اوسته، صد پاره جسمیله من

اوج ایتدی دود آهیم، عرش علایه قارداش

 

گوردی منی بو لشگر، ال یوخ، بدن یارالی

آلدی آرایه قارداش، مین اوچی بیر غزالی

بیر حاله دوشدی جسمیم، سویلر گورن بو حالی

بیر دسته گل داغلمش، دشت بلایه قارداش

 

من بیر نفر یارالی، اون یدی کینه پرور

ال یوخ ویرم قباقه، قاتللر الده خنجر

اللرده قالدی باشیم، لطف ایله گل برادر

سال باشیم اوسته بیرده، جان اوسته سایه قارداش

 

دعواده شیریدیم من، آگاهسن اوزون سن

باک ایلمزدیم اصلا، یوزمین سپاهدن من

پنجم ولی کسیلدی، روبه خصال دشمن

ال تاپدی شیرزاد شیرخدایه قارداش

 

یتمز بو غم تمامه، مین ایل کتابت اولسا

بیر ذره گر (حسینی) سنده لیاقت اولسا

عباس دعوت ایلر، قصدون زیارت اولسا

بو جمعیله گیدرسن بیر کربلایه قارداش

 

مرحوم حسینی سعدی زمان

منبع مجموعه کانالهای مدح و مرثیه

موضوع: حضرت ابوالفضل العباس (ع) زبانحال ,
زبان شعر و شاعر: نوحه ترکی , حسینی سعدی زمان

 

------------

 

احوالات حضرت ابوالفضل (علیه السلام)

 

ال تاپدی جفا اهلی بو خونین دله قارداش

آز قالدی که حسرت قالا گُل بلبله قارداش

 

گلشن سُوشوب سرو سمن باری یخوبلار

قول گئتدی علم یاتدی علمدار یخوبلار

ای ماه جهان گل که بو سرداری یخوبلار

سسلر سنی هر کیمسه دوشه مشکله  قارداش

 

یوخ اوزگه غمیم بیرده وصالون گوروب ئولسم

گئتمم نگران بدرجمالون گوروب ئولسم

بیر جان گلو بو جسمه مقالون گوروب ئولسم

مشتاقم او گل عارضه شیرین دله قارداش

 

نه واردی بو طاقت دورام اعدایه مقابل

نه گومگه رخساریوی مهلت وئرر قاتل

هر لحظه قویار حنجریمه خنجر غافل

نه واردی الیم مانع اولام قاتله قارداش

 

ادرکنی اخا صوتینی سلطان شهیدان

ناگه ائشیدوب خیمه ده با دیده گریان

سسلندی باجی آت گتورون لشگر عدوان

یخدیلار علمداری تاپولماز بئله قارداش

 

گر ئولسه ابوالفضل باجی بول که من ئولدوم

مشکل اولو قارداش ئولومی قارداشا بولدوم

الان بئلیمی بوکدی بو محنت بئله گوردوم

بیر قوت مخصوصدی باجی بئله قارداش

 

گلدی سر بالین علمداره او سرور

بیر نوعی گوروب قارداشینی گورمیه گوزلر

بیر یاندا دوشوب قوللاری بیر گوشه ده پیکر

هر لحظه دییر قانیله صبر ائت گله قارداش

 

باشین آلوب آهسته دیزی اوسته توکوب یاش

بو نوعی دییر هاردا تاپوب قارداشی قارداش

سندن صورا باش سیز قالاجاق زینب کول باش

کیم یولدا سوار ایلر اونی محمله قارداش

 

آرامیدی اهل حرمیم سنلن ازلدی

سالدی بو مصیبت فی الحقیقت منی الدن

 دشمن سنه ال تاپدی اوزولدی الیم الدن

صد حیف الون یوخدی وئراخ ال اله قارداش

 

سندن صورا اهل حرم آسوده یاتانماز

باغلار اولاری قول قولا ظلم اهلی اوتانماز

اطفالیمین احوالینه بیر کیمسنه یانماز

بیماره وورار شمر لعین سلسله قارداش

 

بو قصه پر غصه تالانیدی «دلریش»

هر شام و سحر دیده سی گریانیدی «دلریش»

مدتدی بو درگهده نواخوانیدی بو «دلریش»

وئر روز جزاده اوز الوئله صله قارداش

 

مرحوم دلریش

منبع مجموعه کانالهای مدح و مرثیه

موضوع: حضرت ابوالفضل العباس (ع) زبانحال ,
زبان شعر و شاعر: نوحه ترکی , دلریش

 

------------

 

زبانحال حضرت ابوالفضل (علیه السلام)

 

من حسین طایر پرکنده دست فلکم

عاجزم قولسوز اولان جسمیمی بیر یانه چکم

منیلن دشمن آرا گل ئوزون اول ایندی حکم

کیمدی السیز باشا گور یاره وران قارداش حسین

 

گوز که گورمور گوره سن کیمدی جسارتله گلن

غیرت هاشمی قویمور ائدم احوالیم علن

اوخا چوخدور دوزوموم قلبی شماتتدی دلن

درد عیاندور سنه نه جای بیان قارداش حسین

 

به علت نداشتن اجازه انتشار کامل اشعار 

(مرحوم استاد رحیم منزوی اردبیلی) چند بیت از اشعار

 ایشان به اشتراک گذاشته میشود

 

مرحوم منزوی اردبیلی

موضوع: حضرت ابوالفضل العباس (ع) زبانحال ,
زبان شعر و شاعر: نوحه ترکی , منزوی اردبیلی

 

------------

 

زبانحال در احوالات حضرت ابوالفضل (ع)

 

گل باجی گل دایانما میداندا قان توکوللر

عباسیمی یخوبلار تیر و سنان توکوللر

 

قرآن ناطقم من جلدمده قارداشیمدی

قرآنه گور نه اوخلار قرآنیان توکوللر

 

سو تک آخور قیزیل قان قارداشوون قولوندان

بیر مشک سودان اوتری نهر اوسته قان توکوللر

 

ال یوخ علم یاتوبدی مشکی قالوب دیشینده

بو حاله اشک ماتم کروبیان توکوللر

 

گلزاره ظلم الیله زاغ و زغن دولوبدی

گل وقتی گلستاندا برگ خزان توکوللر

 

بیر ال سیزه تاپوب ال بیر دسته قوم کافر

داش نیزه اوخ هوادن ویرموب امان توکوللر

موضوع: حضرت ابوالفضل العباس (ع) زبانحال ,
زبان شعر و شاعر: نوحه ترکی

 

------------

 

زبانحال حضرت امام حسین (علیه السلام)

در بالین حضرت ابوالفضل (علیه السلام)

 

دین اسلام عالمنده سن بو گون الحق ابوالفضل

گلستان دینه ویردون قانیله رونق ابوالفضل

 

جدیمین دینی بو گون تاپدی ایله رونق الونده

بولدی عالم، وار بو دینون رونقی مطلق الونده

تا اسردی قدرتوندن برملا بیرق الونده

قورخودان یاتمازدی راحت خولی و ارزق ابوالفضل

 

دوشدی بیر بیرق الوندن، مین یاتان بیرق اوجالدی

مقصده یتدی قوشون، اهل عداوت کامین آلدی

های و هوی اهل کوفه، اهل بیتی خوفه سالدی

بیرده آسوده یاتانماز عترتیم مطلق ابوالفضل

 

عالم کل علومم، واقف اسرار مبهم

کاشف کل رموزم، هر نهان بیر علمه اعلم

من او عالمدن بولوردوم وار بو گون بیر بئله عالم

زینبیم اما اوزوندن چخسا وار ذیحق ابوالفضل

 

غرق ایدر بو حالتون عالملری بحر ملاله

اولمادی سو، دوندی اشکون چشمه ماء زلاله

سو کنارنده سنون جسمون باتوب قانه چو لاله

زینبین ده قولاری سنسیز اولار زنبق ابوالفضل

 

تا علم دوشموب یره، لشگر قیتمز رزمگهدن

بیر علمداری دوتار سلطان مقدم بیر سپهدن

یاتسا بیرق گورسنور مطلق شکست آثاری شهدن

بیرده سنسیز کیم باشیم اوسته آچار بیرق ابوالفضل

 

داغ بر دلدور زبس سندن بو گون کفار کوفه

قورخورام بیردن توکولسون خیمیه اشرار کوفه

ئولدورب سرداری، مقصوده یتوب سردار کوفه

حقیمی انکار ایدوب بو فرقه ناحق ابوالفضل

 

چکمه خجلت، آچگوزون قالموبدی طاقت منده قارداش

شرمسیز دشمن سنی ایتدی بئله شرمنده قارداش

دوزمرم هجرانوه گلم دالونجا منده قارداش

قویمارام یالقوز سنی اولام سنه ملحق ابوالفضل

 

ایسی گون، یورقون بدن، سوز عطش، رنج جراحت

یاتمامشدون سن علاوه بو گجه بیر لحظه راحت

قورخودان گلمز قوشون وار فرصت، ایله استراحت

قان حریریندن دوشنموش فرش استبرق ابوالفضل

 

مرحوم استاد حسین شانی

منبع مجموعه کانالهای مدح و مرثیه

موضوع: حضرت ابوالفضل العباس (ع) زبانحال ,
زبان شعر و شاعر: نوحه ترکی , شانی

 

------------

 

زبانحال حضرت ابوالفضل (علیه السلام)

 

اهل کین سو مشگین الده ایلدی بهانه قارداش

اولدی پیکریم سراسر اوخلارا نشانه قارداش

 

سو گتورماقا خیامه سعی و همّتیم چوخ اولدی

یتمَدیم ولی مرامه نقشۀ دلیم پوزولدی

اللریم سودان بوشالدی جام دل غمیله دولدی

دوندی اشگ چشمیم آخر گوزلریمده قانه قارداش

 

هر قدر یارا یتیشدی جسمیمه دُؤزوب دایاندیم

ووردیلا اوخی اوخ اوستن اهل کینه سهل ساندیم

قولّاریم بدندن اولدی قانه ظلموله بویاندیم

ایلدیم گینه تحمّل جور کوفیانه قارداش

 

من سویا اولاندا مالک، صبریمی سو موجی آلدی

تا سویا الیم یتیشدی درد و محنتیم چوخالدی

گرچه او ایکی اُووج سو گوتدوقوم یرینده قالدی

باعث اولدی بو جسارت نچه ترجمانه قارداش

 

سینم اوسته یر ویرردوم شوقیله گلنده هر اوخ

بال و پر آچوردی جسمیم ذوقدن آچاندا پَر اوخ

اوزگه وجدیله اوچوردوم دگمَسیدی مشگه گر اوخ

حیف اولا یتَنمدیم من بیرده آشیانه قارداش

 

نیزه و قلج یاراسی جسمیمی ایدوبدی گُل گُل

پیکریمده باش آچوبدور هر یارا اولوبدی بیر گُل

باش باشا چاتوبدی اوخلار سینه‌ده بسان سنبل

خاریله دونوب وجودیم طرفه گُلستانه قارداش

 

نه بو حالیده اورکده فکر سوزش یارام وار

نه گوگولده اوز خیالیم وار نه فکرت آنام وار

قلبیده سنون ملالون هر قدر که من وارام وار

قویدولار سنی کومکسیز، تُف بو شامیانه قارداش

 

نچّه سنگدل ستمگر نعشیمی آلوب آرایه

نیزه‌پوش اولوبدی جسمیم سوزش آرتیرور یارایه

دفع ظلم ایدم الیم یوخ باری سن یتیش هرایه

من بو لشگرین الیندن گلموشم امانه قارداش

 

کاسه سریم اولوبدور بیر عمودیله شکسته

اولمیوبدی تار عمریم دست ظلموله گُسسته

قورخورام که ای امیدیم سن گلینجه باشیم اوسته

خار الیله دونسون آخر گلشنیم خزانه قارداش

 

من فدای راه دینم ای منیم امیدگاهیم

شاهدیم ایکی قلم قول بیرده اوخلی سجده‌گاهیم

قانلو مشگ قانلو بیرق صدق عرضیمه گواهیم

احتیاج یوخدور اوزگه شاهد و بیانه قارداش

 

سن تواضع ایله شاها قیل‌گیلن قبول زحمت

گل اوزون آپار سو مشگین ای مه سپهر رحمت

پاره پاره مشگیمی گر گورسه اهل‌بیت عصمت

اودلانوب باتان دلیله اود سالار جهانه قارداش

 

دین یولوندا اهل کیندن هر قدر ستم یتیشدی

نه علمدن ال گوتوردوم قاشیمه نه خم یتیشدی

بیرقیم یاتاندا بولدون سن منه نه غم یتیشدی

بار محنتیله دوندی قامتیم کمانه قارداش

 

سن شها بولورسن (عاصی) تکدی یوخدی دادخواهی

هر طرفدن اهل و نااهل تَکلیوب بو روسیاهی

بیر سنه اولوب امیدی ای هامی جهان پناهی

هر ایکی جهان تیکوب گوز بیر بو آستانه قارداش

 

مرحوم عاصی

منبع مجموعه کانالهای مدح و مرثیه

موضوع: حضرت ابوالفضل العباس (ع) زبانحال ,
زبان شعر و شاعر: نوحه ترکی , عاصی

 

------------

 

زبانحال به حضرت ابوالفضل (علیه السلام)

 

برخیز ای ستون حرم وقت خواب نیست

با من بیا به خیمه نیازی به آب نیست

 

این مشک را بگیر و ببر خیمه و بگو

یک قطره هم نبود و دیگر رباب نیست

 

شیرازه ات کجاست مفاتیح پاره ام

این برگ های پاره عزیزم کتاب نیست

 

بازی عشق را توشروع کرده ای ولی

بازی نیمه کاره نه جانم حساب نیست

 

وقت غروب بعد تو وقاسم وعلی

دیگر برای ناقه ی زینب رکاب نیست

 

آن لحظه لااقل تو زجا خیز وخود بگو

بی رحم جانشین النگو طناب نیست

 

حرفی بزن عزیز دلم دق نده مرا

این مشک پاره پاره برایم جواب نیست

 

به نام آب ، به نام فرات نام شما

من آفریده شدم که کنم سلام شما

 

نوشته‌اند به روی جبین ما دو نفر

شما غلام حسین و منم غلام شما

 

خوشا به حال پرو بال این کبوترها

گهی به بام حسین و گهی به بام شما

 

تو آن همیشه امامی و ما همان مأموم

به قامتی که گرفتیم با قیام شما

 

تو ماه بودی و نزدیک آبها که شدی

تمام علقمه پا شد به احترام شما

 

هزار باده ، هزاران پیاله می روئید

همینکه تیر رسید و شکست جام شما

 

همینکه ناله‌ی ادراک اخایتان پیچید

شکست قامت طوبائی امام شما

 

مسیر علقمه را بوی انکسار گرفت

چه حس بی رمقی بود در کلام شما

 

به حال و روز بلندای تو چه آوردند

تمام علقمه پر گشته از تمامِ شما

 

علی اکبر لطیفیان

منبع مجموعه کانالهای مدح و مرثیه

موضوع: حضرت ابوالفضل العباس (ع) زبانحال ,
زبان شعر و شاعر: نوحه فارسی , علی اکبر لطیفیان

 

------------

 

زبانحال حضرت امام حسین (ع) در کنار نعش حضرت ابوالفضل (ع)

 

دور ای راه وفا قربانی قارداش

قویان آغلار هامی دنیانی قارداش

 

الیم چخدی قبیلمدن ایلیمدن

دوتان یوخ بیرده بو چولده الیمدن

نجه عباس آدی دوشسون دلیمدن

گوزل آدون اولوم قربانی قارداش

 

بو شام اهلی هامی بیر بیر دوزولدی

سنی اولدوردی پرگاریم پوزولدی

داخی نیلیم الیم سندن اوزولدی

وار اشک دیده مون طوفانی قارداش

 

نشان ویردون او قدری استقامت

بویاندی قانینه بو سرو قامت

قیامتدور منه سنسیز بو ساعت

گوزوم گورمور داخی دنیانی قارداش

 

گرک جام دلیم قانیله دولسون

او حالی زینبیم گورسون پوزولسون

اسیر اولماقلیقا آماده اولسون

اوجالسون ناله و افغانی قارداش

 

نیه سس ویرموسن قارداش ابوالفضل

داخی قالموب منه یولداش ابولفضل

غمونده آغلارام قانیاش ابوالفضل

خراب اولسون گوروم دنیانی قارداش

 

بو چولده ماسوانی گوزدن آتدون

منی یالقیز قویوب قان ایچره یاتدون

یاتان انسانلاری یکسر اویاتدون

سنه قربان حسینون جانی قارداش

 

بو سرو و قامتون قارداش کیچیلدی

وجودون تیغ کینیله بیچیلدی

بیر عده یاخشی انسانلار سچیلدی

تماما دین حق اعوانی قارداش

 

یازوب دوت مصراعی (صافی) مرحوم

قالان یردن ایدوبدی (مهدی) مرقوم

توکوب اشکین اولوبدی قلبی مغموم

آدوندور دردینون درمانی قارداش

 

مرحوم صافی

منبع مجموعه کانالهای مدح و مرثیه

موضوع: حضرت ابوالفضل العباس (ع) زبانحال ,
زبان شعر و شاعر: نوحه ترکی , صافی تبریزی

 

------------

 

زبانحال حضرت امام حسین (ع) به حضرت ابوالفضل (ع)

 

گوزون قربانیم آچ گوزلرون آرخام ایلیم قارداش

منی یالقوزلیوب دشمن، سنوب سنسیز بلیم قارداش

 

طریق عشقده باشدان گچوب خوش امتحان ویردون

ندور رسم وفا، سن اهل دنیایه نشان ویردون

آدون سقا کنار نهرده لب تشنه جان ویردون

پوزولدی گلشنیم، سنسیز خزان اولدی گلیم قارداش

 

سموم ظلمیله شاخ مروتدن گلیم سندی

نجه گور مزرع عمریمده نورس سنبلیم سندی

یخلدی سرو تک قدون، منیم قارداش بلیم سندی

بیان حالیمی شرح ایتماقا دوتمور دلیم قارداش

 

سو وعده ویرموسن قارداش گلنده آل اطهاره

گزوللر خیمه ده قیزلار، سو جامی الده آواره

دیوللر العطش، جاری ایدوللر اشگ رخساره

تکوبلر گوز یولا، گوزلور یولون باشسیز ایلیم قارداش

 

یارالی سینون اوسته، ای یوزی مهر جهان افروز

چاتوبدور باش باشا، سنبلدی گویا ناوک دلدوز

اوزون گیتدون اوغولسوز قارداشون قویدون عجب یالقوز

قلنجیم دوشدی الدن ایمدی، پرصولت یلیم قارداش

 

یقینیم اولدی ایمدی ای امیدیم، جسمده روحیم

قالار ایسی قوم اوسته اوچ گون عریان، جسم مجروحیم

گیدر نوک جداده بزم شربه، راءس مذبوحیم

کسر بارماقیمی بجدل، اولار مقطوع الیم قارداش

 

ووروبلا اوخ گوزوندن، گوزلریم جاری ایدر قانیاش

بو ظلمی گورمییدیم سندن اول من ئولیدیم کاش

اوزون گیتدون، ولی قالدی کمکسیز قارداشون، قارداش

بیر آز توقف ایله، بو یولی منده گلیم قارداش

 

باخوب بو حالوه اولموم نجه من زار و دلخسته

آچوب پر پیکرون بسکه دگوب اوخ دسته به دسته

عمودیله سنان باشون، گوتور قوی دیزلریم اوسته

یوزون سورتمه یره، قوی گوزلرون قانین سیلیم قارداش

 

فدا ویردیم بو گون جانانیمه یتمش نفر عطشان

سنون تک هیچ برینده یانمادیم، جانیم سنه قربان

بلا قیدیندن آزاد اولمادیم دنیاده من بیر آن

غمیله گوئیا تخمیر اولوب آب و گلیم قارداش

 

(حسینی) محنت دنیاده چوخ اولما پریشانحال

یاپوش باب الحوائج دامنندن ایسته مقصودون آل

او وقتی یادوه سال آغلا، سویلردی بو منوال

گوزون قربانیم آچ گوزلرون آرخام ایلیم قارداش

 

 مرحوم حسینی سعدی زمان

منبع مجموعه کانالهای مدح و مرثیه

موضوع: حضرت ابوالفضل العباس (ع) زبانحال ,
زبان شعر و شاعر: نوحه ترکی , حسینی سعدی زمان

 

------------

 

احوالات حضرت ابوالفضل (علیه السلام)

 

زینبیم گل ئولدی سو اوستونده سقّا گل باجی

نهر القمدن حسینون گلدی تنها گل باجی

 

دوره ی دوران دولاندی دشمنون اقبالینه

دیده ی عالم حسینون آغلاسون احوالینه

یتدی سعد اوغلی ستمله نیّت و آمالینه

کامیاب اولدی جفادن قوم اعدا گل باجی

 

محنت آل محمد چاتدی اعلا حدیّنه

کاروان عزّتوز چاتدی فنا سرحدّینه

ایستسون محنت عیارین باخ حسینون قدّینه

قیل نکات دردیمی قلبونده معنا گل باجی

 

گل نظر قیل گور منیم گوزدن آخان گوز یاشیمی

چاره می دشمن کسوب سالدی بلایه باشیمی

ویر خبر قزلاریمه ئولدوردیلر قارداشیمی

مجلس ترحیمینی ایله مهیّا گل باجی

 

خیمه دن آلدوم سسین گتدوم نجه سیز بیلمدوز

باشی اوسته ناگران یتدوم نجه سیز بیلمدوز

بیر الیم بئلده نوا ایتدوم نجه سیز بیلمدوز

سس سسه ویردی عربلر چکدی عُرّا گل باجی

 

باشی اوسته داغلی قلبی داغلادوم ال چالدیلار

شوریله پرونده ی غم باغلادوم ال چالدیلار

باشینی آلدوم دیز اوسته آغلادوم ال چالدیلار

اولدی قارداشی ئولنلن بو مدارا گل باجی

 

یاندی قلبیم اولدی قان نسگل سوزوندن گولدیلر

لخته لخته قاننی سیلدوم گوزیندن گولدیلر

یوز یوزه قویدوم صورا ئوپدوم یوزوندن گولدیلر

دیده ی پر اشکیمه تار اولدی دنیا گل باجی

 

خیمیه وار علّت اول کان شجاعت گلمدی

مایلیدوم ویرمدی اما رضایت گلمدی

سو کنارین خوشلادی چکدی خجالت گلمدی

شاخه سیز قالدی او سرو گلشن آرا گل باجی

 

سو سسین درک ایلدی ائتدی سوا اظهار عشق

پاسگاه عشقده قالدی او پرچمدار عشق

گلشن جسمین قوجاغه آلمیشیدی خار عشق

قامتی گلزاره بنذردی سراپا گل باجی

 

گلشنون اولماز صفاسی اول یارالی سینه تک

دانه ی مرجان توکردی تپراقا گنجینه تک

سینه نه سینه داغلمیشدی سینان آیینه تک

ویرمیشیدی شکلین الدن یکسر اعضا گل باجی

 

مرحوم انور اردبیلی

منبع مجموعه کانالهای مدح و مرثیه

موضوع: حضرت ابوالفضل العباس (ع) زبانحال ,
زبان شعر و شاعر: نوحه ترکی , انور اردبیلی

 

------------

 

زبانحال حضرت ابوالفضل (علیه السلام) به حضرت امام حسین (علیه السلام) 

 

قارداش حسین درک ایت منی وقت حمایتدور منه

قولار گیدوب باش یاره لی اولماق سعادتدور منه

 

اولدوم مصمم ویرماقا بو چولده قارداش امتحان

باشدان گیچوب اوز عشقیمی عالملره ویردیم نشان

گل گل یوزون بیرده گوروم تا من ویروم اسوده جان

اخر نفسده آرزو فیض زیارتدور منه

 

وقاص زاده باشیمی کسما قلقا فرمان ویرور

بسکه ووروبلار اوخ قلج جسمیمده یاره قان ویرور

قارداش یارالی قارداشین دلدن دوشوبدور جان ویرور

سینم باتوب گلمور سسیم وقت شهادتدور منه

 

اللرده نیزه دوره می ایلوب احاطه بو صفوف

بیر دسته سی خنجر ووران بیر دسته سی تیر و سیوف

عرض ایلدیم گل یانیمه عفو ایله ای شاه رئوف

عذر ایستورم بو سسلماق چوخ چوخ جسارتدور منه

 

بو قوم کین ایتدی کمین قولاریمی ایتدی قلم

فرمایش ایت گوز تیکمسون بیرده یولا اهل حرم

دوشسون سو فکریندن قیزین مشک اوخلانوب یاتدی علم

اوخلانماقی سو مشکیمین اسباب خجلتدور منه

 

باشیم یارالی قانیله چشمیم دولوب یا سیدی

باد ستمله گلشن عمریم سولوب یا سیدی

تاخیریوه بلمم سنون علت نولوب یا سیدی

سنسیز یتوب هر غصه و اندوه و محنتدور منه

 

بو قوم کافر جسمیمی ایلوب ستمله نیزه پوش

بیر پر شکسته قوش کیمی جسمیم قالوب یرده خموش

گل گور علمدارین اولوب نه ظلم بی پایانه توش

تشریف فرما اولماقین شان و جلالتدور منه

 

بیر ایله حاله دوشموشم شامه دونوبدور گوندوزوم

یوخ رحم ایدن احوالیمه بلمم نه نوعیله دوزوم

بو قانلی تپراق استه من گیتدی سورونماقدان یوزوم

یاره ووران رحم ایتمین اهل شقاوتدور منه

 

خنجر دمینده دمبدم گلم فغان و داده من

سن باشیم استه گلمسن باش ویرمرم جلاده من

اولم رضا چوخ یالواروم بو فرقه بیداده من

جلاد الینده قالماقیم بیحد حقارتدور منه

 

شاها (حسینی) صدقیله اغلور غمینده صبح و شام

اما فشار ابتلا چوخ ایلیوبدور تلخکام

عباس الیله ایله تیز خوشحال مقضی المرام

بیر مختصر لطفون اگر اولسا کفایتدور منه

 

از اشعار چاپ نشده

مرحوم حسینی سعدی زمان

منبع مجموعه کانالهای مدح و مرثیه

موضوع: حضرت ابوالفضل العباس (ع) زبانحال ,
زبان شعر و شاعر: نوحه ترکی , حسینی سعدی زمان

 

------------

 

زبانحال حضرت زینب (سلام الله) بعد از شهادت حضرت ابوالفضل (ع)

 

قربان اولوم گوز یاشوه قارداش نه وار آغلار گوزون

نه یوز ویروب قارداشوه بی اختیار آغلار گوزون

 

آغلار گوزون قربانیم رحم ایت منیم گوز یاشیمه

واضح بیان ایله گوروم نه گَلدی بس قارداشیمه

یوخسا علمداریم اُلوب قارداش اولوب کُل باشیمه

وای قارداشم وای سویلَمه کشف ایت نه وار آغلار گوزون

 

اکبر اُلنده ویرمدی یوز بو غم اعظم سنه

اولما مکدّر قالمیوب بو چولده بیر همدم سنه

عبّاس تک اولّام اوزوم بو گون شریک غم سنه

گر هجر عبّاس ایلیوب چوخ دلفکار آغلار گوزون

 

حالون پریشاندور ندن، یاددان چخاردوبسان اوزون

قانه باتوبدور اللرون، جاری ایدر قان یاش گوزون

ماه بنی هاشم باتوب، دوتقون گونه بنزور یوزون

قانلو جمالون چولقیوب گرد و غبار، آغلار گوزون

 

سو اُسته اشرار اُلدوروب اهل حرم سقّاسینی

امّ البنین بوردا دگل بیر اوخشاسین عبّاسینی

یوخدور آناسی نسگلی چوخدور دوتاق گَل یاسینی

گورسون اوشاقلار آغلاسون ای تاجدار آغلار گوزون

 

اهل حرم قیزلارووا بو مطلبی بُلدورسه لر

تاب ایلمَزلَر، اوزلرین وار حقلری اُلدورسه لر

بو اوخلی سو مشکین اگر خوردا اوشاقلار گورسه لر

سسللّه وا عَمّا، گورر اطفال زار آغلار گوزون

 

آهون شراری اود وورور قلب خواتینی یاخور

گوزدن یوزه اوز باشینه دریا کیمی اشکون آخور

گاهی دونور حسرت گوزون نهر فرات اُسته باخور

گویا علمدار آختارور ای شهریار آغلار گوزون

 

سنده امامت قوّه سی وار ای شهِ عالی تبار

سن دُوزمیَنده بو غمه بو خوردا قیزلاره نه وار

آز قالدی اُلدورسون اوزین آل علی، خرد و کبار

علّت ندور صاق و صولا حسرت باخار آغلار گوزون

 

گَل خیمه ده آغلا حسین تا قوم کینه گورمسون

امّا اماندور گوز یاشون ماه مدینه گورمسون

بو اوخلی مشکی جهد ایله نازلی سکینه گورمسون

تشنه اوشاقلاردان هَله قیل استتار آغلار گوزون

 

ایلوردی ایمدی قارداشیم دعوا آتام حیدر کیمی

سالدی اگر قولّارینی اعدا عَموم جعفر کیمی

نعشین نیه حمل ایتمدون خرگاهوه اکبر کیمی

واضح بیان ایله نه وار چوخ بی قرار آغلار گوزون

 

ظلمیله (شاهیده) سنی ایتدی (حسینی) تلخ کام

یالوار ابوالفضله اوزی تا اوندان آلسون انتقام

وور دامن عبّاسه چنگ، آغلا حسینه صبح و شام

سِیل فنایه ظالمی ایتسون دچار آغلار گوزون

 

ای لا یَنام منتقم باخ بو پریشان حالیمه

رحم ایت گوزی یولدا قالان بیدادرس اطفالیمه

قورتار بو ذلّتدت منی لطفاً یتور آمالیمه

هامّی دیسون ایتدی سنی غمدن کنار آغلار گوزون

 

مرحوم حسینی سعدی زمان

منبع مجموعه کانالهای مدح و مرثیه

موضوع: حضرت ابوالفضل العباس (ع) زبانحال ,
زبان شعر و شاعر: نوحه ترکی , حسینی سعدی زمان

 

------------

 

زبانحال حضرت ابوالفضل عباس (علیه السلام)

 

آی برادر_یالقیزام من_گوزومه دولوبدی قان اماندی تز گل

ستمیلن_سیندی باشیم_ویرورم بو چولده جان اماندی تز گل

لک لبیک لک لبیک لک لبیک اخا هرایه تز گل

 

باشیم اوسته_کشمکشدی_سالدیلار صاق صولومی آخوبدی اشگیم

منی درک ایت_هیچ کسیم یوخ_اولدی آماج اوخا میداندا سو مشکیم

لک لبیک لک لبیک لک لبیک اخا هرایه تز گل

 

نخلزاره_سالمیشام یول_نه بیلیدیم اورانین من خطریندن

قان اولیدی_بو فراتی_منی شرمنده ایدوب صودامریندن

لک لبیک لک لبیک لک لبیک اخا هرایه تز گل

 

یخیلندا_تپراق اوسته_بند اولوب ئوزنگیه منیم ایاقیم

سورونوردوم_من یوز اوسته_دریدن چیخوب یوزوم قانلی دوداقیم

لک لبیک لک لبیک لک لبیک اخا هرایه تز گل

 

آچدی زهرا_بیر قولونی_سویلدی گل قوجاقیما چوخ ییمه غم

ولی درک ایت_منی عباس_یارالی مادریوم سینوب غبیرقم

لک لبیک لک لبیک لک لبیک اخا هرایه تز گل

 

بهلول حبیبی زنجانی

موضوع: حضرت ابوالفضل العباس (ع) زبانحال ,
زبان شعر و شاعر: نوحه ترکی , بهلول حبیبی

 

------------

 

زبانحال حضرت ابوالفضل (علیه السلام)

 

به راه عشق تو دست از همه وجود کشیدم

هزار شکر که بر آرزوی خویش رسیدم

 

خجل شدم که نشد آب بر خیَم برسانم

و لیک آبروی هر چه تشنه بود خریدم

 

بیا که فاطمه ام آمد و گرفت سر از خاک

زهی که لذّت شهد برادری بچشیدم

 

کرم نمود و عطا ، تا مرا به لفظ پسر خواند

ز شوق جامه دَریدم ، ز جاه بالیدم

 

چه گویمت که به راه تو از دل و از جان

چه سعی ها بنمودم ، چه رنج ها که کشیدم

 

دعای خیر تو نازم که خصم با همه لشکر

ز پیش من برَمیدند و من نرَمیدم

 

بدان امید که شاید تو را ز غم برهانم

دو دست نذر تو کردم ، دل از دو دیده بریدم

 

تو را همیشه بباید شناخت ای گل زهرا

فرات هم که گرفتم ، به آب عکس تو دیدم

 

نسیم آب شراری دگر به آتشم افزود

چو بوی سوز دلت از نسیم آب بشنیدم

 

فغان که آنقدرم وقت نیست می ترسم

تو تا به من برسی من به آن جهان برسیدم

 

حسین ساکت (هویدا)

موضوع: حضرت ابوالفضل العباس (ع) زبانحال ,
زبان شعر و شاعر: نوحه فارسی , هویدا

 

------------

 

استمداد حضرت ابوالفضل (علیه السلام)

 

گردابدن ای نوحی چکن ساحله قارداش

گل چک منی ده ساحله ،دوشدوم گله قارداش

 

ائتموشدی ازلدن گوزل عشقون منی شیدا

بو عشقیله اولدوم شرف و عزته دارا

بو مدرک عشقی ایلدی فاطمه امضا

بولدوم که چاتوب کام دلیم حاصله قارداش

 

بیر عمر منیم ذکریم اولوب صحبت عشقون

افزون ایلیوب عزتیمی عزت عشقون

هاردان هارا گور چکدی منی دولت عشقون

زهرا دیدی اوغلوم منه مین فخریله قارداش

 

عشق عالمینون عالمینه چاتماز هیچ عالم

عالم ندی،مین عالمه عالم دی بو عالم

عشقوندی ایکی عالمیم ای قبله ی عالم

من سنله خوشام مین بیله عالم گله قارداش

 

عشقون مددینندی منه فیض شهادت

اولماز اولا هر کیمسیه بیر بیله سعادت

تاپدیم ایکی دنیا گوزل عشقونله شرافت

ویردیم باشا اوز عمرومی بو عشقیله قارداش

 

بیر عمرودی وار عشقیویله سوز و گدازیم

عشقونله بو دل چرپنوب ای محرم رازیم

بیر قلبیده کی اولمادی عشقون نیه لازم

عشقوندی ویرن ذوق و صفا هر دیله قارداش

 

عاشق اودی عشقونله سنون جان ویره مولا

باشدان گیچه تا ایلیه اوز عهدینه ایفا

بیر گوز،ایکی قول ،پارچالانان باش ویره حتی

گوز اوسته ده اوچ شعبه لی پیکان هله قارداش

 

عشقونده نه ئولماخ ،دیریلیقدور بیله ئولماخ

واللهی شرفدور بیله قربان سنه اولماخ

واجبدی عبادت کیمی مولا سنی بولماخ

حجین قوتاروب کیم سنی مولا بوله قارداش

 

عشقونده سعادت بو بلا چکماقی بوللم

فخریم بودی عشقونله سنون جان ویریب اوللم

یردن دورا بولسم گینه پابوسیوه گللم

عباسیوی قویمور داش آتانلار گله قارداش

 

ای حجت خلاق بشر ،وی شه ذوالمن

باش ویرمرم اغیاره بو باش صاحبی سن سن

مینلر بله عشقونده بلا گلسه خوشام من

حاشا ائده عباسیوی غمدن گله قارداش

 

تشریف گتورسن سنه چوخ دیلده سوزوم وار

بو آیریلیقا منده نه صبر و نه دوزوم وار

عالم باشیمون اوسته گله سنده گوزوم وار

گل بلکه بو یورقون بدنیم دینجله قارداش

 

ای کاش گلوب سایه وه بیر دالدالانیدیم

پروانه صفت شمع وصالونده یانیدیم

چوخ ایستوری گویلوم باشیوا بیر دولانیدیم

جانین قاداسی جانیمه بلکه گله قارداش

 

هرگز دیمورم گل منی گور سینه وی داغلا

اگلش دیمورم باشیمین اوسته منه آغلا

لطف ایله گل سن اوزون یاره می باغلا

چاتماز هیچ الین لطفی ایله بیر اله قارداش

 

گل گور نه یامان درده سالوبلار منی قارداش

دوشسون بو یامان درده گوروم دشمنی قارداش

عالم منی داده چاغیرار منی سنی قارداش

گل بیرده باخیم فاطمه منظر گله قارداش

 

هرگز دیمورم گورماقا اعدانی گوزوم یوخ

گیتسون سنون عشقینده بو صول گوزده سوزوم یوخ

بوندان چوخ آقا آیریلیقا منده دوزوم یوخ

گل قویما بو هجران تاپا چوخ فاصله قارداش

 

بیر تیر جفا گلدی دل مضطره دگدی

بیر اوخدا گلوب دیده خونین تره دگدی

سو مشکیمه اوخ دگمدی ،اوخ اصغره دگدی

دشمن بو اوخی ویردی او عطشان دیله قارداش

 

گلموش باشیمین اوستونه بیر بانوی خسته

قدی بوکولوب ،بیر قولی پهلوسی شکسته

چوخ زحمتیله باشیمی آلموش دیزی اوسته

راضی دگولم زحمته دوشسون بله قارداش

 

ایستور سیله گوز یاشیمی اما قولی قاخمور

بو دردی یانان قلبیمی غمدن دیمه یاخمور

مندن یوزونی گیزلدیر ،آغلیر ،منه باخمور

دینسه بولرم دردینی گلمور دیله قارداش

 

زهرا آناوین عطری دوتوب کرب و بلانی

گل سنده ایکی گلدن آلیم عطر جنانی

مندن چوخ آنان تله باخیر فاطمه جانی

گویلون آناوی ایسته سه گل مقتله قارداش

 

مین یول ئولوب ای کاش ویرم جان سنه خاطر

مین یول سارالام گل کیمی بیر گلشنه خاطر

چیخسون بو قالان گوزده دیسم گل منه خاطر

گل آل آناوین گویلونی من هیچ هله قارداش

 

وار علتی امداده سنی سسله ماقیمدان

منظور،اطاعت ایلیم امر آناندان

قارداش دیمه میشدیم سنه قارداش دل آچاندان

زهرا آناوین امریدی گلدیم دیله قارداش

 

بیر حالدیم احوالیمه دلدن یانان آغلار

من آغلارام اوز حالیمه قارداش ،آنان آغلار

شرمنده اولان شخص بولورسن یامان آغلار

گل گور نجه گوزیاشیمی دونموش سیله قارداش

 

سقادور آدیم مشکی ده یوخدور سویوم اما

اطفالیوه تاپشور دیمه سینلر منه سقا

قویدوم نجه عطشان بالالارون گوزی یولدا

اولمز نجه عباسیوی بو دردیله قارداش

 

اوخ مشکه دگنده سارالوب گل کیمی سولدوم

گوز یاشیم آخوب ابر بهاران کیمی دولدوم

دنیا بویی اصغر آناسیندان خجل اولدوم

قبریمده ده یانام بله بیر نسگله قارداش

 

نوح عمروم اولا ،بد غمه یاننام گیجه گوندوز

قویدوم نه یامان گونده آقا من سنی یالقوز

دشمن بو بیابانی دوتوب ،سن بیر اوغول سوز

گلمزدی خیاله بله بیر مسئله قارداش

 

حق لطفی اولوب (عدلجو) چون حالیوه شامل

علت اودی اشعارون اولوبدور بله قابل

گر ساده اولوب ،ساده سوزه دیل اولی مایل

سوز ساده یازیلسا اوتورار هر دله قارداش

 

احد عدلجو تبریزی

موضوع: حضرت ابوالفضل العباس (ع) زبانحال ,
زبان شعر و شاعر: نوحه ترکی , عدلجو