متن نوحه ترکی احوالات حضرت رباب (س)

اشعار منتخب متن نوحه ترکی زبانحال حضرت رباب سلام الله علیها 

 

زبانحال حضرت زینب (س) به حضرت رباب (س)

 

نی کیمی گلمه بیله ناله و افغانه رباب

آغلاما توکمه گوزون یاشینی دامانه رباب

گون قباقینده بیله ناله و افغان اِیلمه

توکمه قان یاش یوزیوه باغریمی القان اِیلمه

نار حسرتله دل عالمی سوزان اِیلمه

اود سالور سوز و گدازین دل سوزانه رباب

عالمین جانی فدا اولسون علی اصغریوه

ممکن اولسا بو آغارمیش ساچون آل اللریوه

طلب صبر اِیله حَقدن سن ئوزون غملریوه

قورخورام کشتی عمرون دوشه طوفانه رباب

باشیوین درد و بلاسی بولورم چوخ چوخیدی

گَتیرن ناله و افغانه سنی بیر اوخیدی

دئمورم بیله خیال ایله که اصغر یوخیدی

اصغرین درد و غمی گَتدی سنی جانه رباب

سعی ایله یادیوه سالما بالاوین آغلاماقین

خاطریندن چیخا تا اللرینی باغلاماقین

داغلیور قلبیمی نینیم که اورک داغلاماقین

غملر آز قالدی ویره عمرومی پایانه رباب

جاندان آرتوق سوور عالمده آنا ئوز بالاسین

 اودور اوخلانسا بالا یاندیری دلدن آناسین

سعی ایله یادیوه سالما بالاوین اوخ یاراسین

باغریوی دوندروری اوخ یاراسی قانه رباب

تا او اوخ چیخدی کماندان فلکه سالدی شرر

قانلی میداندا خدا بولدی حسین چکدی نَلر

او اوخا اوخ دئماق اولماز، ولی واردور بو قَدر

یانار اود سالدی او دم عالم امکانه رباب

ظاهراً دگدی او دم حنجر عطشانه او اوخ

باطناً دگدی ولی ناطق قرآنه او اوخ

گَتدی قرآنی او دم ناله و افغانه او اوخ

گولدی هر چند که اصغر سولی پیکانه رباب

باخدی اوخ یاره سینه اِیتدی حسین آه و نوا

اوجونی قانیله دولدوردی شه کرب و بلا

قرمزی رنگه بویاندی او زمان عرش خدا

تحفه گوندردی آخان قانینی جانانه رباب

صورا یوز دوتدی خیامه طرف اول جان جهان

خیمیه ساری گوتوردی قدم اما نگران

سَسلیوردی باجی جان اصغر اولوب تیره نشان

ویر خبر آغلیا قان ، تشنه بو قربانه رباب

خیمیه گلمدی اصغرله اگر شاه کُبار

اِیستمیردی تاپا اَل اصغریوه قوم شرار

پشت مخیمده اودور قازدی او قربانه مزار

دفن اِیدوب آغلادی شدتله او عطشانه رباب

آز زمان چکمدی اولدی بو اِیشین سرّی عیان

دگوری لازمه شرحین اِیلیم بیرده بیان

آختاروب تاپدی علی اصغریوی شمر و سنان

کائنات آغلادی اول غنچه خندانه رباب

کیم دیر که او ولایتده اورک داغلامادوخ

یا او صحراده دوینجا بالاوا آغلامادوخ

او گیجه شام غریبان مگر ساخلامادوخ؟

گلدی حتی که آنام شام غریبانه رباب

نجّه بیر جرعه سو آرتیردی اورک غملریوی

اورکون باشینه باسمشدون او دم اللریوی

داده سسلوردون او صحراده علی اصغریوی

اود سالوردی نفسون کوه و بیابانه رباب

باقی عمریوی سعی ایله بو عالمده (#عتیق)

گِتمیه فوته اوتور اِیله بیر آز فکر عمیق

خامه و دفتریوی دوت ئوزیوه یار شفیق

تاپشورا تا سنیده حضرت جانانه رباب

 

گیجه گوندوز خانمون نیسکلینی یادیوه سال

نوحه یاز آغلا علی اصغره ، اول غرق ملال

چله ساخلا شه بی یاره خانمدان صله آل

دنه باخ اصغره خاطر بو نوا خوانه رباب

 

شاهکاری کم نظیر از جناب استاد طهمورثی (عتیق)

موضوع: حضرت رباب (س) ,
زبان شعر و شاعر: نوحه ترکی , طهمورثی عتیق

 

------------

 

در احوالات حضرت رباب (س)

 

یوخ اعتبار ذرّه بو دنیای فانیه

بیهوده دور کیم عشق ایده دورِ زمانیه

 

فرمایشِ حسیندی بو سوز دقّت ایلیون

مشتاقسوز اگر سخنِ صادقانیه

 

اولسیدی بو جهاندا اگر مِهر و عاطفه

یحیا باشین قباقه قویانمازدی زانیه

 

آختارمیون صفا بو پُر آشوب دهرده

دریای غصّه دور یولی یوخدور کرانیه

 

اولسیدی اگر صفا ، دیشی سینمازدی خاتمون

قیلمازدیلار جفا او گُلِ جاودانیه

 

فرصت تاپوب عدالت الین باغلادی زمان

زهرا دوشوبدی نایرهء ظلمِ ثانیه

 

باغلانماسیدی ظلمله شیرِ خدا الی

قنفذ نجه آتاردی الین تازیانیه؟

 

کرب و بلایه چک سوزی ای طبعِ نکته سنج

دُرّ سخن گزورسن اگر گیت خزانیه

 

بیر کلمه سوز یازیب ایله بو دهردن سؤال

نسگل اولا سوزون مللِ هفتگانیه

 

اصغر کیمه اوخ آتمیشیدی؟ ظالم حرمله

چیخدی عوض بوغازینی قویدی نشانیه

 

علّت اودور ئولنه کیمین آغلادی رباب

نفرت گوزیله قیلدی نظر زندگانیه

 

کسدی همیشه سایه لی منزلدن الفتین

گوزدن سرشگینی اَلَدی صحنِ خانیه

 

هی یالوارادیلار ائوه گَل چولده آغلاما

تپراق قونوبدی زلفیوه حسرتدی شانیه

 

صحن سراده قالما یورولموش هما کیمین

آخر هما یورولسا گلر آشیانیه

 

کاشانیه گتیر بالاوین گاهواره سین

ترپدیقیجا اوخشاما دئ گَل ترانیه

 

لای لای چال اصغره سسیوه بیزده سس قوشاخ

ماتم توتاخ چوخ ایستدیقین نازدانیه

 

آرامیوی آلیبدی گونوزلر گون ایستیسی

حسرتدی گوزلرین گجه شمعِ شبانیه

 

وار خواهشیم دیردیکی اوز ویرمیون منه

دردیم اورکده چوخدی اسیرم زمانیه

 

اوغلی ئولن ، ائوی یخیلان ، نیلیری ائوی؟

من طالبم قویام یوزومی آستانیه

 

نه بستره واریمدی علاقه نه مسکنه

گر قصر اولا یریم گینه فرق ایلمز منه

 

دیلده ایدوب اوغول آدین ازبر من آغلارام

هر سوز باشی دیوب علی اصغر من آغلارام

 

نفرین ایدین او شخصه کی اوخ نقشه سین چکیب

ایلوب آنالاری قره معجر من آغلارام

 

بیر اوخ منیم عوض ایلدی سرنوشتیمی

عمروم گر اولسا تا دمِ محشر من آغلارام

 

قبره یارالی گئتدی کبوتر کیمین بالام

گورسم اگر یارالی کبوتر من آغلارام

 

دشت ِبلاده بیر ملر آهو ایتیرمیشم

نیلوم غزالیمی اورک ایستر من آغلارام

 

تک اوخ دگل ، سوداندا واریمدی گلایه چوخ

هر سو ایچنده قلبی مکدّر من آغلارام

 

گورسم سودان چیخان بالیق آغزین آچیر یومور

حتما" بو قلبیمه اثر ایلر من آغلارام

 

صیّادیلر یارالاسا آهو بوغازینی

دیلسیز یارالی اوغلوما بنزر من آغلارام

 

گهواره اولدی قبری ، تراب اولدی بستری

سالسا آنالار اوغلونا بستر من آغلارام

 

نیلوم اورک اوتون گینه گوزیاشی سوندورور

کور اولسادا بو اشگیلی گوزلر من آغلارام

 

صحنِ سراده جان نقدر چیخمیوب وارام

ناله سسیمنن اینجمه سوز من یورولمارام

 

باشین آغاتدی ویردی باشا قاره گونلرین

پروانه وار عشق اودی یاندیردی شهپرین

 

نه استراحت ایتدی نه ایچدی سرین سودان

نه شانه گوردی زلفی نه هوردی هوروکلرین

 

صبحون زمانی زینب او گنجینیهء وقار

دوردی نمازه عشقیله ترک ایتدی بسترین

 

صحن ِسرایه قویدی قدم دستماز آلا

گوردی رباب اوخشامیری دیلسیز اصغرین

 

خاموش اولوب گیدوب یوخیا گلمیری سسی

یوز قبله ده چکیب یوزونه قاره معجرین

 

دیسکیندی زینبین اورگی سسلدی رباب

سس گلمینده بیر بیرینه ووردی اللرین

 

فورا" اوزون یتوردی اونون باشی اوستونه

قویدی یوزون سولان یوزونه ترپَدّی پیکرین

 

گوردی محالیدور اویانا گوزلرین آچا

دستِ ممات پارچالیب عمر دفترین

 

دینجلمین رباب ایله دینجلیب یاتیب

الدن ویریب خزانهء غم غملی گوهرین

 

راحت دئدی نه یاتمیسان ای بانوی حیا؟

کیم سیلدی جان ویرنده سنون آلنوون ترین

 

کیم سن کیمی یورولدی ملال و فشاریدن

یومدی گوزون گلایئله روزگاریدن

 

نسگیل لرون بو قلبیده گلمز شماریه

دوندی گوزونده محبسه دنیای عاریه

 

پر ووردون آتش ِغمه یاندون یورولمادون

پروانه تک هوس ایلدون سن شراریه

 

چوخدور غمون بو درده اما چوخ آغلارام

سوز درک ایدن کفایت ایدر بیر اشاریه

 

گون رنگیوی قراتدی ، گورنلر دئدی منه

قویما حیاطی ایلیه مسکن بو جاریه

 

آچ گوزلرون نه خوابِ عمیقه گیدوب گوزون؟

سالما فراق اودون بو دلِ پاره پاریه

 

اقبالیوون ستاره سی سوزموشدی لاجرم

قان آغلادون همیشه باخاندا ستاریه

 

گَل نطقه بیر چوخ ایستدیگین اصغره گوره

هر گونکی تک یتور الیوی گاهواریه

 

گر طاقتون یوخوندی سنه ایلیوم کمک

من ترپدیم سن اوخشاما دئ شیرحواریه

 

سوز چوخدی بو زمینه ده امّا یازانمیرام

غسل و کفن اولوب او اورک پاره پاریه

 

زین العباد قبره قویوبدور آناسینی

گویا بو دللریله دوتوبدور عزاسینی

 

ای مظهرِ محبّت و مِهر و وفا آنا

ای معدن ِعطوفت و شرم حیا آنا

 

ای عمرینی فنایه ویرن صحن ِخانه ده

وی اشگریزِ گوشهء صحن و سرا آنا

 

ای گوز یاشین سولان یوزونه زینت ایلین

باش غم دیزینده غملریله آشنا آنا

 

قارداشلاریندا گَلدی قویوب گتمدون بیزی

خلق ایلین اوزی سنه ویرسین جزا آنا

 

غملی مزاریوی اوزوه آشیانه قیل

دینجل بیر آز بو قبریده ای مهربان آنا

 

یادّان چیخاتمارام سنی هر قدر زِندیَم

هر گون نمازیده ایدرم من دعا آنا

 

گیت اصغری بهشتیده آل سینن اوستونه

روح عالمینده روحیوه ویرسون صفا آنا

 

سندن سو ایستمز نه صوده احتیاجی وار

زهرا آناسی حلقینه قویموش دوا آنا

 

یانماز چراغی حرملنون ده سونر یقین

چون انتقام وعده سی ویرمیش خدا آنا

 

(انور) حضورِ شه ده قبول اولسا بو سوزون

خلق آغلیاندا روزِ جزا آغلاماز گوزون.

 

مرحوم انور اردبیلی

منبع مجموعه کانالهای مدح و مرثیه

موضوع: حضرت رباب (س) ,
زبان شعر و شاعر: نوحه ترکی , انور اردبیلی

 

------------

 

زبانحال حضرت رباب (سلام الله)

 

آغلاما ای گُلِ خندانیم اوغول

نیلیوم یوخ سووا امکانیم اوغول

 

ای گُلِ نورسِ گلزارِ وفا

باغلیوب سو یولونی اهلِ جفا

قویمیوب سَنده عطش رنگ و صفا

سارالوب سولدی گلستانیم اوغول

 

ای یوزی صورتِ جانانه زُجاج

هم سوسوزسان بولورم سن همی آج

نیلیوم واردی الیمده نه علاج

قوریوب هر ائیکی پستانیم اوغول

 

سَنَه باخدوقجا بالا اودلانورام

یوخ علاجیم ندی دردون قانورام

منده سن تک سوسوزومدان یانورام

آلشور سینهٔ سوزانیم اوغول

 

گوزیوه اوچ گئجه دور گلموری خواب

یورولوب خسته دی بیچاره رباب

سهلدور عمّه لرون اولدی کباب

یاندی بو جمع پریشانیم اوغول

 

ایلوری رنگِ رخون حالیوی فاش

ساکت اول ایلمه بیر بیله تلاش

داغلانان سینمی چوخ ایتمه خراش

بویادی اللروی قانیم اوغول

 

بولور عالَم بونی ای طاقتی طاق

رسم دور بو صود امر یوخلار اوشاق

بو قوری سینه او خشکیده دوداق

وار عجب حالیوه میزانیم اوغول

 

آغلاماقدان دوتولوب بیله سسون

یا دوشوب یوخسا شماره نفسون

تنگ اولوب طایرِ روحه قفسون

نطقه گَل مرغ ِخوش الحانیم اوغول

 

بالاجا گوزلرون آچ باخ یوزیمه

تا ویروم بیرجه تسلّی اوزیمه

بو نه حالتدی بالا کول گوزیمه

چخماز آخر نیه بس جانیم اوغول

 

گر چه چوخ گُل هامی گلشنده سولار

آچمامیش غنچه سولا مشکل اولار

سارالان رنگیوه باخدوقجا دولار

ابر تک دیدهٔ گریانیم اوغول

 

نسگلیم آرتار آچاندا گوزیوی

باسارام باغریما جان تک اوزیوی

قیمارام اوپماقا امّا یوزیوی

اود ویرور چون لب ِعطشانیم اوغول

 

اوزگه بیر شوقیله نچه آی علی

گجه گوندوز دیمیشم لایلای علی

ایمدی یانّام دیرم ایوای علی

اوجالور گوگلره افغانیم اوغول

 

(شأنی) بو طفل ربابون گوزیدور

دم ویرن نوحیه مطلق اوزیدور

سوز ربابوندی نه صابر سوزیدور

آغلاما ای گل خندانیم اوغول.

 

مرحوم شانی و مرحوم صالح تبریزی

منبع مجموعه کانالهای مدح و مرثیه

موضوع: حضرت رباب (س) ,
زبان شعر و شاعر: نوحه ترکی , شانی , حسین شانی , شانی تبریزی , صالح تبریزی

 

------------

 

زبانحال حضرت رباب (سلام الله)

 

دوشوب خیاله بلا دشتی طاهرات عطشی

بالالارین آنائیله سو اوسته کشمکشی

 

معاینه گورورم فاطمیه قیزلاری من

سو جامی الده دیور العطش ائدور شیون

 

ولیک اصغرین احوالی تاب دیلدن آلور

رباب الری اوسته بالیغ کیمین چابالور

 

سالیبدی سینه سینه صود امر بالانی رباب

ائله سیزیلدیری گویا یانیر اوت اوسته کباب

 

آنا گورور بالا ضعف ائتدی گول کیمی سولدی

دیور علاج ائله یارب بالام کباب اولدی

 

ترحم ایله الهی بالامدا یاندی اوزومده

اول انتقام گواهی بالامدا یاندی اوزومده

 

اوزوم آجام سوسوزام بو سینمده صودنده اثر یوخ

گلیب گوزومه سیاهی بالامدا یاندی اوزومده

 

باتوب سسی اوقدر آغلیب دوشوبدی نفسدن

ندور بو طفل گناهی بالامدا یاندی اوزومده

 

هارا گیدیم کیمه اوز دردیمی دیم اولا یارب

بو بخت قاره پناهی بالامدا یاندی اوزومده

 

ائله خزان گلی تک اصغریم سولوب سارالیبدی

ایدور خجل یوزی گاهی بالامدا یاندی اوزومده

 

سالیرام بوش سینمه بلکه بیرقدر توتا آرام

آلور قراریمی آهی بالامدا یاندی اوزومده

 

بونون یوزی الی قانلی منیمده قانیلدی سینم

تاپا محال رفاهی بالامدا یاندی اوزومده

 

بالیغ کیمین چابالور گاه ضعف ایدور یانیر آغلیر

خراش سینمی گاهی بالامدا یاندی اوزومده

 

چالیر اوزون یره بیردن گورن دیرکی دوشوبدی

سودان کناره بو ماهی بالامدا یاندی اوزومده

 

خجالتم سودان اما اورکدکی غم وسوزش

گویوب گوزومده سیاهی بالامدا یاندی اوزومده

 

دولاندیریر بالاجا گوزلرین باخور منه ایلور

خجالتیمی گواهی بالامدا یاندی اوزومده

 

آچیرگوزون باخیر منه کباب ایلوری الله

منی بو طرز نگاهی بالامدا یاندی اوزومده

 

سوسوزدی آجدی سودیم یوخ ویرم بونا دیلی یوخدی

دیه سوزونی شفاهی بالامدا یاندی اوزومده

 

دیل آنلامورکی دیم آز آغلا تابیراز یاتا راحت

سینمده خاه نخواهی بالامدا یاندی اوزومده

 

دوشوب گوزی دورانه یاخوندی اولسون عطشدن

اوجالدان انجم وماهی بالامدا یاندی اوزومده

 

یوزومه حسرتیله گه باخور یانیر آغلیر

پوزور حرایمی شاهی بالامدا یاندی اوزومده

 

گینه نه سوزدی دیلون یانماسون نه دلدی (حسینی)

ترحم ایله الهی بالامدا یاندی اوزومده

 

عمل صحیفه وی دوتموشدی لوثِ معصیت ، اولدی

مطّهراتِ مناهی بالامدا یاندی اوزومده.

 

مرحوم حسینی سعدی زمان

منبع مجموعه کانالهای مدح و مرثیه

موضوع: حضرت رباب (س) ,
زبان شعر و شاعر: نوحه ترکی , حسینی سعدی زمان

 

------------

 

زبانحال حضرت رباب (سلام الله)

 

دوشدون ایاقدان ائتمه بو قدری فغان اوغول

یاندیرما سینه می سنه  قربان  آنان اوغول

 

بیر قطره ده سو یوخدی خیامی دولانمیشام

هیچ بیر یئره یوخومدی دوباره  گمان اوغول

 

گوندرمیشم رقیه عموندن سو ایستسین

بلکه تاپا بیر آز جا سو اول  مهربان اوغول

 

قلبیم دوشور دوگنمیه  باخدوقجا من سنه

آز قالدی عمریوین گولی اولسون خزان اوغول

 

منده یورولموشام سوسوزام چاره یوخ ولی

بو تشنه لیق آلیب هامیمیزدان توان اوغول

 

حسرتله باخما سینه مه  شرمندیم بالا

آز داغلا داغلی  سینمه می ای بیزبان اوغول

 

اولسا دیلین اقلی دییرسین نه ایتیسن

دیلسیز باخیشلارین ائدیر هر قلبی قان اوغول

 

یومما گوزون اخاندا گوزون من باخانمورام

باخ  بیر دوباره گول سنه قربان بو جان اوغول

 

گر سو تاپولماسا منه بیر آیری چاره یوخ

آرزی باغین عطش ائده جاقدی تالان اوغول

 

بیر کیمسه بیلمیری اورگیمدن نه لر گئچیر

آهیم   چکیر زبانه  چو اتشفشان اوغول

 

قان قان  دئیور  فرات  کنارینده  تیغ لر

مین لر نفر آلیب اله تیرو کمان اوغول

 

آخدوقجا گوزلرین اورگیم سو کیمی آخیر

قلبیمده واردی آتش و سوز نهان اوغول

 

بیز آز باخاندا سن وئریسن قول قاناد منه

بیر باخ منه فدا سنه بو خسته جان اوغول

 

چوخ آرزوم واریدی اورکده گوزل بالا

اولدی تمام آرزیلار ایمدی  یالان اوغول

 

نیلوم نچاره وار منه باغلاندی سو یولی

سو اولماسا خزانه دونر  گلستان  اوغول

 

مدهوش ائدیر اورکلری باخدوقجا گوزلرین

خاطیرده خاطرین قالاجاق هر زمان اوغول

 

کربلایی محمد هوشمند (مدهوش)

منبع کانال اشعار مدهوش تبریزی

موضوع: حضرت رباب (س) ,
زبان شعر و شاعر: نوحه ترکی , محمد هوشمند

 

------------

 

اشک رباب

 

سالوبدی محنت و غم قلبیمه شرر گوردوم

وجود ، مُلکینی وحشتلی پرُ خطر گوردوم

 

دئدیم توسّل ایدیم من ، حسینِ فاطمیه

توسّلینده حسینون عجب اثر گوردوم

 

اورک گوزیله بلا دشتینه نظر سالدیم

ربابی قبرِ حسین اوسته ، خون جگر گوردرم

 

چکوبدی جان کیمی قبرِ شریفین آغوشه

چوخ ایلوری سینه سی اوستونه نظر گوردوم

 

بولوردی چون بالاسی دفن اولوب همان یرده

گلوبدی شیونه ایوای بالام دیَر گوردوم

 

یانیقلی دللریله اوخشور آغلوری بالاسین

دیور علی یانورام ، قوی دیوم نلر گوردوم

 

او گونکه غنچه کیمی ظلمیله خزان اولدون

وجود ، نخلینی بِالمَرّه بی ثمر گوردوم

 

او ساعتیم علی جان مین ایله برابریدی

آلوب قوجاقه سنی قانه غوطه ور گوردوم

 

گوزوم قرالدی گورَنده بوغازوون یاراسین

باشون بدنده دایانمیردی مختصر گوردوم

 

گهی سنی چکوب آغوشه ، گاه غش ایلدیم

اوزومده اولموش عیان ، حالِ مُحتَضَر گوردوم

 

همان گونون گجه سی هجروه یاناردیم من

فراق عالمینی ، عالَمِ دگر گوردوم

 

گونوز اگر چه بالا سینه ده سودیم یوخیدی

گیجه بو سینه ده بیر اودلی سود گزر گوردوم

 

خیال عالَمینی صبحه تک دولاندیم من

نه آغلاماقون ایشیتدیم نه بیر اثر گوردوم

 

دئدیم گونوز تاپارام اولمادی گیجه ممکن

هزار حیف ولی تاپدی اوزگه لر گوردوم

 

بوئیدی فکریم اوپَم بیرده من کسیک بوغازون

منیم یریمه ولی اوپدی نیزه لر گوردوم

 

اسیر ایدوبله بیزی چکدیلر دمشقه طرف

کسیک باشون منیله اولدی همسفر گوردوم

 

گیرنده کوفه و شامه ایله پوزولموشدوم

خدنگِ محنت و غم ، قلبیمی دلر گوردوم

 

اولار که آگه اولوب جمله سرگذشتیمدن

بیری بیرینه آناوی نشان ویرر گوردوم

 

دیردیلر بودی او سود امر باشین آناسی

گورن او حالیمی اشکین یوزه توکر گوردوم

 

گِلایه بو سَفریمدن من ایتمرم هرگز

دیمم که اینجیمیشم رنجِ بیشتر گوردوم

 

گر چه شامده ویرانه منزلیم واریدی

دگلدی بیزلره لایق او یر مَقر گوردوم

 

و لیک بیر گجه یاتمیشدی سینم اوسته باجون

آیلدی وحشتیله آه و زار ایدر گوردوم

 

سراغ ایدوب باباسین شیون و فغانیله

سرشکِ چشمینی گوزدن یوزه اَلَر گوردوم

 

دئدی بابام یوخودا حالِ انکساریله

غبارِ زلفِ پریشانیمی سیلر گوردوم

 

منی قوجاقه آلوبدی کمالِ رأفتیله

نهالِ بختی او دم مُثمرِ ثمر گوردوم

 

گه عارضمیدن اوپردی ، گهی دوداقیمدن

گهی محبّت الین باشیمه چکر گوردوم

 

گلوبدی شوره گولونّن اوتور هَزاره کیمی

خزان یِلیله وجودی اونون اَسَر گوردوم

 

اویاندی جمله یاتانلار صدای شیوندن

باخان او حاله یانوب ، اولدی دیده تر گوردوم

 

او دم قوجاقینه آلدی بی بون محبّتیله

باسوبدی باغرینا ، رأفتله دیندیرر گوردوم

 

شرارِ آهیله اود دوتدی خرمنِ صبری

لهیبِ غمده دل و جانی شعله ور گوردوم

 

یزیدی ایلدیلر باخبر بو مطلبدن

اوتانمیوبدی خدادن او بَد سیَر گوردوم

 

آتا باشین بالایه گوندروب جفائیله

بیر ایله ظلمی دینمز که بیر بشر گوردوم

 

گورن کیمی آتا باشین ، آچوبدی قولّارینی

باسوبدی سینیه جان تک ، او خون جگر گوردوم

 

گلوب تموّجه بحرِ محبّتِ دیرین

یوزین قویوب یوزینه لبلرین اوپر گوردوم

 

تَرنّمیله دیردی آتایه دردِ دلین

دوتوبدی آینه ی وحدتی کدر گوردوم

 

کسیلدی ناله سی فکر ایلدیم بالام یاتدی

خیالیم عکسینه وار آیری بیر خبر گوردوم

 

بی بون فغانی او دمده اوجالدی افلاکه

خرابه توپراقینی باشینه سَپر گوردوم

 

دیور فغانیله ایوای گَلون بالام ئولدی

ایویم یخیلدی بولن یوخ که من نلر گوردوم

 

تاپولمادی باجوا غسل ایدوب ، کفن ایلین

گلابِ چشمیله غسلون بی بون ویرر گوردوم

 

کفن ندن ایلیوب اول یتیمه آلما خبر

او یرده دفن ایلیوب دانهء گوهر گوردوم

 

یازان زمانیده بو شعری ( احمدی) هر چند

ضمیرِ شعریده وار سوزیدن اثر گوردوم

 

و لیک حالیمی بی حد پوزوبدی بو مصراع

ربابی قبرِ حسین اوسته خون جگر گوردوم.

 

آقای حاج محمد احمدی صائب

منبع مجموعه کانالهای مدح و مرثیه

موضوع: حضرت رباب (س) ,
زبان شعر و شاعر: نوحه ترکی , احمدی

 

------------

 

زبانحال حضرت رباب (سلام الله)

 

آغ اؤنّوگی ای قانیله الوان بالام یات

پیکان دمیندن سو ایچن عطشان بالام یات

مدفون اولوبسان ای اوغول شه سینه سینده

قبرون قویوب من بیکسی حیران بالام یات

 

من کوچ ائدنده پیکرون قالموشدی یرده

اولموبدی فرصت دفن ائده بو دل فسرده

کیم ائتدی اوخلی جسمیوی خاکه سپرده

آغوشینه آلموش شه عطشان بالام یات

 

سو یوللارون کسدی او گون قوم ستمگر

آغوشیمه آلدم سنی من زار و مضطر

سن آغلادون من آغلادیم یاندی حرملر

رحم ائتمدی اول فرقۀ عداون بالام یات

 

تیره نشان اولدون اوغول سو فکرین آتدون

قانه بویاندون باشیمی اما اوجاتدون

بسدور بو منصب سینۀ شاه اوسته یاتدون

بیر سنده دور بو عزت شایان بالام یات

 

چخماز یادیمدان ای اوغول جان وئردون عطشان

اولدون لبِ عطشانیله جانیله قربان

درد فراقوندان اولوب باغریم منیم قان

گلدیم دویونجا ایلیم افغان بالام یات

 

نسگل گلور من بیکسه بیر دل آچیدون

عزّتله همراهیم اولوب یولدا قاچیدون

مهر و وفادن سینه مه بیر گول ساچیدون

ائتدی بو حسرت دیده می گریان بالام یات

 

دل آچماقون اولدی یالان یاندون سوسوزدان

سو وئردی آخرده سنه اوچ شعبه پیکان

همراهیم اولدون شامه تک یوللاردا هر آن

باشون جداده چون مهِ تابان بالام یات

 

شأن و مقام و رتبه ده ممتازسان سن

آز سنّیله حق دینینه جانبازسان سن

شاه حجازه سود امر سربازسان سن

تکمیل ائدوبدور خدمتون پیکان بالام یات

 

یاندوردی یاخدی سینه می دشمن جفاسی

چخماز یادیمدان حلقوین پیکان یاراسی

اولدوم او گوندن ای اوغول غم آشناسی

غمدن رها اولموب آنان بیر آن بالام یات

 

گلدیم دویونجا باشلیام داد و فغانی

ایسته گله بیر «تابع دین» نوحه خوانی

گلسون گتیرسین هیئت زنجیر زنانی

اهل عزائیله ائداخ افغان بالام یات

 

مرحوم تابع دین

منبع مجموعه کانالهای مدح و مرثیه

موضوع: حضرت رباب (س) ,
زبان شعر و شاعر: نوحه ترکی , تابع دین

 

------------

 

احوالات حضرت رباب (سلام الله)

 

بیرده خاطردن اُلونجه چخمادی عفّت مآب

اصغرین بی کس آناسی معدن عصمت رباب

 

گون قباقینده گیدوب هر گون آچاردی اوز باشین

وای حسینیم وای دیوب جاری ایدردی گوزیاشین

 

حالی ایلردی خواتین حرمدن سلب تاب

حالینه محزون اولوب سویلردیلر اولدون کباب

 

کولگه یرلرده خانم اگلش فغان و داد ایله

گون قباقینده آز اگلش ناله و فریاد ایله

 

اگلشوم سویلردی آخِر کولگه یرلرده نجه

گون قباقینده حسینیم قالدی اوچ گون اوچ گجه

 

اوز گوزومله اول شهین گوردوم من عریان پیکرین

بی کفن، عریان، یارالی، قانه غلطان پیکرین

 

هرقدر ایتسم بو خاتونین وفاسیندن رقم

آخِره یتمز قالار تحریریدن عاجز قلم

 

جانینی جانانی شاه کربلادن سیچمدی

جان ویرونجه آغلادی، اصلاً سرین سو ایچمه دی

 

سو گورنده دلدن ایلردی فغان و شوروشین

سسلنوردی سو کنارینده سوسوز اُلدی حسین

 

شیرخواره بیر اوشاق گورسیدی ایلردی فغان

سسلنوردی وای علی اصغر اُلیدی کاش آنان

 

سالمارام دلدن سوسوزدان اود دوتوب اودلانماقون

تا حیاتیم وار منی قان آغلادور اوخلانماقون

 

آچمادیم سوددن سنی، سینمده قالدی اللریم

حلّ اولا ممکن دگل قلبیمده کی نسگل لریم

 

قلبیم اودلاندی اوجالدی دود بو کانونیدن

وار سراغیم بیر وفالی غصّه لی خاتونیدن

 

چخمادی خاطردن عمرینجه همیشه آغلادی

باب عیش و عشرتی دائم یوزینه باغلادی

 

کیمدی بو صاحب جلالت ایلیوم آدین بیان

عصمت کبری نشانی زینب بی خانمان

 

شرح حالی حضرت زهرانی هر آن آغلادور

محنتی عصرین امامین متّصل قان آغلادور

 

وار گمانیم ایمدیده فردوسیده خیرالنّسا

ساچلاری الده توکر اشکین دیر وا زینبا

 

گوسترنده قولّاریندا تازیانه یرلرین

حالینی آشفته ایلر حضرت پیغمبرین

 

مرحوم حسینی سعدی زمان

منبع مجموعه کانالهای مدح و مرثیه

موضوع: حضرت رباب (س) ,
زبان شعر و شاعر: نوحه ترکی , حسینی سعدی زمان

 

------------

 

زبانحال حضرت رباب (سلام الله)

 

ای گجه لر یاتمیان ایمدی نولوب یاتمیسان

یوخسا سوسوزلوق غمین دلدن اوغول آتمیسان

طالعیمون بختیمون اولدوزی تیز باتمیسان

من سنه لای لای دیوم یا دیوم ای وای اوغول

 

آغلامورام من سنه آج و سوسوز ئولموسن

سن اوغول اوخلانماقین لذتینه گولموسن

قان آتاوا آغلورام سرین اوزون بولموسن

من سنه لای لای دیوم یا دیوم ایوای اوغول

 

آخشام اولی وقت اولی سودامره ، سود امر

سود امرین شوقونا سینه لره سود گلر

هانسی آنا صبر ایدر اوخلانا گر سود امر

من سنه لای لای دیوم یا دیوم ایوای اوغول؟

 

مرحوم استاد حاج عبدالعظیم ذهنی زاده

منبع مجموعه کانالهای مدح و مرثیه

موضوع: حضرت رباب (س) ,
زبان شعر و شاعر: نوحه ترکی , ذهنی زاده

 

------------

 

زبانحال حضرت رباب (سلام الله)

 

آچوبدی کاتب غم دفتر مصیبت عجب

یازوبدی منشی گردون ملال و محنت عجب

ربابی گتدی دیله بلبل شهادت عجب

«اوغول مروت ایدوب قوم بی مروت عجب»

«گلوب ترحّمه بو رحمیسیز جماعت عجب»

 

سالوبدی سوز عطش اود قلوب اضیافه

تب اولدی ساتر جسمون بسان لفّافه

او اودلی حالتون ایلوب اثر دلِ صافه

«باخوب سَنه گلوب انصافسیزلر انصافه»

«یانوب مصیبتوه لشکر شقاوت عجب»

 

چوله آخاردی فرات چشمۀ رحیق کیمی

یانان مصیبتیوه یوخ دل رقیق کیمی

بولوبله قیمتیوی گوهر و عقیق کیمی

«ایدوبدیلر سارالان رنگوی عقیق کیمی»

«سولان گُلیم نه گوزل تاپموسان طراوت عجب»

 

بو کربلا چولی مملوّ فرقۀ مرموز

هوانون ایستیسی پیکانِ خصم تک دلدوز

صغیرسن ولی اقبال طالعین فیروز

«گوروبله سوز عطشدن دوشوب وجودیوه سوز»

«سپوبله سو کیمی قانون، سونوب حرارت عجب»

 

سنی بو سوز عطش سالدی تاب و طاقتدن

یاتانمادون گئجه نی قالدون استراحتدن

سحر آچیلسا دئدیم قورتولار اذیّتدن

«عجب سو ویردیله اولدون خلاص زحمتدن»

«نه یاخشی یوخلاموسان تاپدون استراحت عجب»

 

گلور تموّجه گوز یاشی بو گوزومده علی

بسان شیوۀ مرجان دوروب یوزومده علی

ایله یانقلی عبارت چخیر سوزومده علی

«نه دلدی من دیورم والهم اوزومده علی»

«خیال عجب، سوز عجب، حال عجب، حکایت عجب»

 

یوخوندی یالقوز آناندان صورا بو چولده کَسون

بو صَعب امریده تک آغلاماقدی دادرسون

اوچوبدی طایر روحون قالوبدی بوش قفسون

«نه سوز نجه یوخی گوررم که گلموری نفسون»

«گنه دانشدیریرام منده واردی غفلت عجب»

 

سوسوزلوقن اودی دریا تک ائتدی جوش و خروش

ز بسکه سرکشیدی سبز رنگ اولوب لبِ نوش

ویروبدی ناوک پیکانیله سو باده فروش

«نجه سودور که ایدوب نشئه سی سنی مدهوش»

«قویوب حکیم قضا ظلم اوخوندا لذّت عجب»

 

نگار دعوتینی پیک خاریده بولدون

شکسته نی کیمی فریاد و نالیه گلدون

او پیک یاره پر آچدون حقیقتی بولدون

«نقدر اوخ سنه خوش گلدی شوقدن گولدون»

«بوغازون اوخ یاراسیندان آلوب حلاوت عجب»

 

بو اوخ آناندان ائدوب سلب اختیار و دؤزوم

گوزون قانیله دولوب قانیله دولیدی گوزوم

محالیدور گوله سندن صورا جهاندا یوزوم

«سَن اوخلانونجا علی کاش اوخلانِیدیم اوزوم»

«ویرِیدی سَن تک آنان جان، اولِیدی راحت عجب»

 

فلک منی بالاسیزلار قطارینه قوشدی

اودور که جوشه گلوب بحر محنتیم جوشدی

سینه مده هم بشیگینده داخی یرین بوشدی

«سنی بو نوع گورونجه ئولوم منه خوشدی»

«ندندی ئولمَز آنان واردی منده طاقت عجب»

 

اولونجا حشر گل و غنچه دن باش اولدی سوزون

که نرجسی گلی مدهوش ائدوب خمار گوزون

صفا تاپوبدی سنیله بهار لیک اؤزون

«خزانیدون ولی لاله کیمی گُل آچدی یوزون»

«چَکیلدی سینه مه آخِرده داغ حسرت عجب»

 

نه طبعدور که سماواته اوج ائدر ذهنی

نه شوردور بو مقاماته اوج ائدر ذهنی

نه نوریدور دل ظلماته اوج ائدر ذهنی

«نه ذهن دور که مقاماته اوج ایدر ذهنی»

«یقین که روح قُدُسدور ویرور مهارت عجب»

 

یازاندا ((ذهنی)) بو اشعاری آب و تابیله

گلوبدی نی کیمی زاره قلم ربابیله

ائدوبدی سوزلری تخمیر اشک نابیله

مقابل اولماز اگر ذرّه آفتابیله

بو ((روضه خوانیه)) حق ایلیوب عنایت عجب

 

 مرحوم سید حسن روضه خوانی

تضمینی از مرحوم ذهنی زاده

منبع مجموعه کانالهای مدح و مرثیه

موضوع: حضرت رباب (س) ,
زبان شعر و شاعر: نوحه ترکی , سید حسن روضه خوانی

 

------------

 

زبانحال حضرت رباب (سلام الله)

 

باشدان هله سو فیکرین آت

بو بیر گئجه نی راحت یات

صبحه کیمین تاب ایله اصغر

صبح اولسا چون ای جان مادر

سقا عمون سو حاضر ایلر

لای لای بالام لای لای بالام یات

لای لای بالام لای لای بالام یات

 

یوردون اوزوی گئل یوخلا

آز سینه می سن درناخلا

اوت دوتدی آنان اوتلاندی

دیرناقلارون اوغلوم قاندی

لای لای دئدیم بلکه یاتاسان

سو فیکرینی باشدان آتاسان

بو بیر گئجه نی راحت یاتاسان

لای لای بالام لای لای بالام یات

لای لای بالام لای لای بالام یات

 

یات گوزلریوین قوربانی

ای کرب و بلا مهمانی

سو ایستمه منن علی جان

شرمندیم سنن علی جان

شرمندیم سنن علی جان

لای لای بالام لای لای بالام یات

لای لای بالام لای لای بالام یات

 

یاد آغلاماز یاغیشدی

بو سس منه تانیشدی

آناوی بیرده سسله

دیین بالام دانیشدی

لای لای دئدیم بلکه یاتاسان

قیزل گوله اوغول باتاسان

سو فیکرینی باشدان آتاسان

لای لای بالام لای لای بالام یات

 

علی دئدیم وای دئدیم

یانا یانا وای دئدیم

دیین رقیه گئلسین

اصغر لای لای دئسین

لای لای بالام لای لای بالام یات

 

موضوع: حضرت رباب (س) ,
زبان شعر و شاعر: نوحه ترکی

 

------------

 

زبانحال حضرت رباب (سلام الله)

 

سبک : صحرا صحرا دویده‌ام

 

لایلای دیلسیز ملر بالام

لایلای آیدین قمریم

 

لایلای اوغلوم چوخ آغلاما

گوز یوم یات صود امریم

 

بلکه گلدی یوخون هله

بیر لحظه یوم گوزووی

 

اوچ گوندی دائم آغلیوب

دیلدن سالدون ئوزووی

 

چوخ سینه می داغلاما یات

یوخدی صودوم آغلاما یات

 

ای باشیمه تاجیم اوغول

یوخ الده علاجیم اوغول

 

آرام اول اصغریم

لایلای دیوان بختیمون

 

عمری کوته غزلی

لایلای عشقون مناسینون

 

قربانلاردان گوزلی

از بس اوغلوم چوخ آغلادون

 

تار اولدی غملی سسون

سینونده باتسا نیلرم

 

بیردن یورقون نفسون

غمدن ئورگون سخیلار

 

سن ئولسون ائویم یخیلار

چاتمور الیم آیه بالا

 

رحم ایله ربابه بالا

آرام اول اصغریم 

 

فانی دنیاده آرزیمون

پیکانی دگدی داشا

 

عالمده هئچ غم ائتمرم

بیر سنّون چیخسا باشا

 

قلبیمده قالدی نسگلیم

ساللام یاده اسرم

 

نذر ائتمیشدیم اوغول سنه

هر هیل قربان کسرم

 

الآن گینه سوزدی سوزوم

قربان سنه اوللام ئوزوم

 

باخ گوزده که گوز یاشیما

سالما قره وی باشیما

 

آرام اول اصغریم 

توکمه رخساره اشکیوی

 

قلبیمده اود قالاما

هاردا آخر گئدوم دیوم

 

یوخدی چاره بالاما

سقای دشت کربلا

 

نار غیرتده یانور

آرام آغلا ائشیتمه سین

 

سندن چوخ چوخ اوتانور

شرمنده اولوبدی عمو

 

یوخدی بیر ایچیم سنه سو

نیلک ننوون آهی وار

 

دیلسیزلرین آللهی وار

آرام اول اصغریم

 

مهدی قلندری اردبیلی

منبع مجموعه کانالهای مدح و مرثیه

موضوع: حضرت رباب (س) ,
زبان شعر و شاعر: نوحه ترکی , مهدی قلندری اردبیلی

 

------------

 

زبانحال حضرت رباب (سلام الله)

 

اوگون مدینه کی ال الله مکان اولدی

خانم ربابین ایشی آهیله فغان اولدی

 

گیجه لراصغره گوندوزحسینه آغلاردی

خدابولور اورگینده نلر دیردی رباب

 

قویاردی هرگیجه بوش گاهواریه یوزونی

اوغوشدوروب اورگین گوزیاشین الردی رباب

 

سالاردی خاطرینه اصغرین سوسوزلوقونی

ویراردی سینه سینه جان دیوب ملردی رباب

 

باساردی باغریناقانه بویانمیش اونوگونی

گیجه نی صبحه کیمی ایگلیوب اوپردی رباب

 

هیچ عورتین اورگی یانمیوب رباب گیمی

نلرگلوب باشینا بیر اوزی بولردی رباب

 

دایاردی سینه دیواره اودلی سینه سینی

سیزیلدیوب درو دیواری تتردردی رباب

 

علیدن هرنه اونایادگارقالمیشدی

گیجه دیللرآچاردی گونوز بوکردی رباب

 

اگرچه تنگه گتورموشدی صبری صبریلن

ولی بوقدربلایه نجه دوزردی رباب

 

بوفاطمه گلینی بس چوخ حیالیدی

حسینه اصغرین آدیله آغلیردی رباب

 

سرین سو ایچمدی قبره گیدینجه یثربده

سوا دوشنده گوزی اصغرین گورردی رباب

 

دوراردی گون قاباقینداحسین عشقینده

گونون حرارتین آلدیقجا دینجلردی رباب

 

حسینین عطرین آلاردی همیشه زینبدن

اودورکی زینب کبرانی چوخ سووردی رباب

 

گزردی مشعل اهیله قتلگاه یولون

اوقانلی گلشنی هرگون طواف ایدردی رباب

 

اوزعالمینده خیم قتلگاه فاصله سین

حسینین آدی دیلینده گیدوب گلردی رباب

 

قویاردی صحن امامتده توپراقا یوزونی

تبرکن اویرین توپراقین اوپردی رباب

 

او ایوده هریره مولا قدم که قویموشدی

توزون به قصدشفا قلبینه چکردی رباب

 

قوجاخلیوب دیزینی عالم تخیرده

خرابه گوشه سینه گوزلرین تیکردی رباب

 

رقیه سین نظرینده مجسم ایلردی

حزین حزین گوزونون یاشینی الردی رباب

 

گونون حرارتی جسمین ایله اریتمیشدی

خدابولور داهی. قالمازدی چوخ. اولردی رباب

 

اوزعالمینده گیدوب شام وکوفه یوللارینی

بالاسی اوخلانان اهوکیمی ملردی رباب

 

گورردی عالمه رویاده اصغرین گیجه لر

اچاردی شوقیله قونداقینی بلردی رباب

 

دیردی من سنه آسوده سوت ویرنمه میشم

آلاردی سینه سی اوسته امیشدیردی رباب

 

سحراولانداهراسان آچاردی گوزلرینی

بالاسینین یرین افسوس بوش گورردی رباب

 

دیردی بوگیجه لرکاش اولمییدی سحر

سحردن آخشاماایوای دیوب ملردی رباب

 

اگرچه زینبین اوز دردی بیشماریدی

گینه اورک سوزونی زینبه دیردی رباب

 

حاج صمد قاسمپور 

منبع مجموعه کانالهای مدح و مرثیه

موضوع: حضرت رباب (س) ,
زبان شعر و شاعر: نوحه ترکی , قاسمپور

 

------------

 

زبانحال حضرت رباب (سلام الله)

 

ای اوچ گجه گوندوز قالان عطشان بالام وای

تشنه کبوتر تک دوشن بی جان بالام وای

منقارون آچدون باغلادون

من آغلادیم سن آغلادون

عطشان بالام وای

 

پربسته قوش تک اوچ گجه گلدون فغانه

باخدیم سنه آخدی سرشگیم یانه یانه

اولدون خدنگ ظلمه آخرده نشانه

سن مرغک پربسته سن

دینجل بیرآز یات خسته سن

عطشان بالام وای

 

سانما ملالون قلبدن من سهل ساندیم

عطشان دوداقون سوزیشین گوردوقجا یاندیم

بیر جرعه سو فکریله اخیامی دولاندیم

من ایلدیم سعی و تلاش

سن سینمی ایتدون خراش

عطشان بالام وای

 

چوخ سعی قیلدیم یول تاپام راه نجاته

مأیوس اولوب گوزیاشلی بیر باخدیم فراته

چارم کسیلدی اللرون سالدیم قماطه

گاهی سنه لایلای دیدیم

گه اوخشادیم ایوای دیدیم

عطشان بالام وای

 

ایکاش بو آب فراتی قان اولیدی

ویران اولان گوگلوم کیمی ویران اولیدی

نه حرمله نه زهریلی پیکان اولیدی

نه اوخ اولیدی نه کمان

نه سو نه ظلم بیکران

عطشان بالام وای

 

نالم اوجالدی چرخ بدبنیاد الیندن

یاندیم دیدیم بو روزگارین داد الیندن

دلسیز بالام قورتولمادون صیّاد الیندن

ظلمیله کسدی چاره می

صید ایتدی شیرخواره می

عطشان بالام وای

 

ظلمنده طغیان ایلدی آل اُمیّه

عمرومجه شکوه ایلرم خلّاق حیّه

کاش گورمیه اوخ یاره سین نازلی رقیه

سویلر قان اولدی گوزیاشیم

وای شیرخواره قارداشیم

 

یاندوردی یانمش قلبیمی نار ملالون

پوزدی پریشان حالیمی آشفته حالون

سولدی سارالدی ظلمله گل تک جمالون

ای سینه مون خندان گلی

دلده قالان دل نیسگلی

عطشان بالام وای

 

سن شمع دل افروزیدون بو محفلیمده

نور رخون خاموش اولوبدی منزلیمده

سوز گدازون شعله سی قالدی دلیمده

اولدوز کیمی باتدون اوغول

چوخ آغلادون یاتدون اوغول

عطشان بالام وای

 

اصلی بیر عمری ایلدون دنیاده عصیان

آخر سنه لطف ایلدی خلّاق منّان

قوی آنّوی توپراقلارا شکر ایله هر آن

هر وقت دوشسن مشگله

بو واگیری تکرار ایله

عطشان بالام وای

 

استاد عبدالله اصلی

منبع مجموعه کانالهای مدح و مرثیه

موضوع: حضرت رباب (س) ,
زبان شعر و شاعر: نوحه ترکی , حاج عبدالله اصلی

 

------------

 

زبانحال حضرت رباب (سلام الله)

 

چخمور علّت ندی جسمینن علی جانی ربابین

عرشه اوج ایلری سندن سورا افغانی ربابین

 

گون قباقین اوزومه مسکن و ماوا ایلدیم من

هر نه عهدیم واریدی تک به تک ایفا ایلدیم من

مجلس عامیده فریادیله غوغا ایلدیم من

اهل مجلسدن آلوب طاقتی افغانی ربابین

 

آتاوین غملری بوکدی بلیمی بولمدی بیر کس

کیمسه فریاده گلنده سسیمه ویرمدی بیر سس

سایه وی سن باشیم اوستن من هاچان سویلمیشم کس

هجر اوتوندا یانوری بو دل سوزانی ربابین

 

اوچ گئجه اوچ گونوزی سوز عطشدن بالا یاندون

بوغازوندان دیوب اوخ قوش کیمی چرپندون اویاندون

آتاوین اللری اوستونده قزل قانه بویاندون

فدیه جانانه اولان ای قوزی قربانی ربابین

 

گلوری اهل مدینه قوجاقیندا سود اوشاقی

نظره آلمور علی جان آناوین بوشدی قوجاقی

شاخه گلدن اوچوب بلبلی خالیدی بوداقی

یانوری آتش هجره دل ویرانی ربابین

 

من گورن گونلری هیهات گوریدی بیر عزیزه

بختیمین چرخی منیلن عجب ایلوبدی ستیزه

گوردی قارداشلاریم اوغلوم منی اوخشاتدی کنیزه

عکسینه گردش ائدوب دوریده دورانی ربابین

 

آنانین اولمسه اوغلی آناوین دردینی بولمز

گوزونون یاشینی آخسا یوزونه غیر الی سیلمز

چوخ تعجبدی آنان صاق قالوب اوغلوم ندن اولمز

جسمنی ترک ایلمور راحت اولا جانی ربابین

 

نه جلالیم واریدی بیر گونون عرضینده یوخ اولدی

سنی مندن آییران دهریده اوغلوم بیر اوخ اولدی

باجوون دردی اورکده منه سندن ده چوخ اولدی

دردینه چاره ائده اولمادی امکانی ربابین

 

عمّوون حق گوروم ائتسون علی احسان ائوین آباد

گوزومون یاشی آخاندا الیردی اودا فریاد

خانه صبریمی غم سیلی یخوب ایلدی بر باد

گر اولوم گلسه اولار دردینه درمانی ربابین

 

من اوغول زوجه غمدیده سلطان حجیزم

او سببدندی علی جان ایکی دنیاده عزیزم

واردی فخریم بونا من زینب کبرایه کنیزم

آتاوا عمّوه قربان قورین جانی ربابین

 

سنه یعقوبی دیور شام و سحر درد نهانین

زر کیمی بوته غمده اریدیبدی دل و جانین

اجرینی لطفیله احسان ایله ناقص بو بیانین

نیّتی واردی اورکده اولا دربانی ربابین

 

حاج حسن یعقوبی

منبع مجموعه کانالهای مدح و مرثیه

موضوع: حضرت رباب (س) ,
زبان شعر و شاعر: نوحه ترکی , حاج حسن یعقوبی

 

------------

 

زبانحال حضرت رباب (سلام الله)

 

ای ایچن سو یرینه قان بالا وای

آنان اولسون سنه قربان بالا وای

 

منیم ای روح و روانیم گوزون آچ

اوجالوب عرشه فغانیم گوزون آچ

سنه قربان اولا جانیم گوزون آچ

قویما وردیم اولا هر آن بالا وای

 

سینمی ناله ایله داغلامشام

سنله باهم گجه چوخ آغلاموشام

عفو ایله اللریوی باغلاموشام

اولموشام ایمدی پشیمان بالا وای

 

گلمدی راز دلون لبلریوه

سورتدون هر دمده دلون لبلریوه

قویدون آخرده اَلون لبلریوه

قلبون اود دوتدی سوسوزدان بالاوای

 

بو اشاره منی یاندیردی بالا

خیمه نی چوخلی دولاندیردی بالا

کیم سنی قانه بویاندیردی بالا

اولدی بیر سنگدل انسان بالا وای

 

فرقتونله سینمی داغلاموسان

چاره یوللارین اوغول باغلامسون

کوسموسن مندن اودور آغلاموسان

ایده سن ایستیرم افغان بالا وای

 

نسگل اولدی سودومون اولماماقی

ساخلیانماز آنا سوسوز اوشاقی

یاندی سن تک آناوین دل دوداقی

اولدی سن تک اودا گریان بالا وای

 

آپاراندا سنی میدانه آتان

آغ گیندیردی سنی اُلسون آنان

اولدی آغ اونّوگوین زینتی قان

اولوب آغ اونّوگون الوان بالا وای

 

سنه سو ایستدی چون شاه اَنام

حالنی یوخلادیلار لشکر شام

بوغازون اوخلادی بو قوم ظلام

ای اولان دایه سی پیکان بالا وای

 

باخورام گل بدنون یوخ یاراسی

سینمه وار یاراون چوخ یاراسی

بیله اولماز بالا هیچ اوخ یاراسی

یا کسوب خنجر برّان بالا وای

 

کیم بیله خانهء صبرون تالیوب

سینمه داغ کیمی محنت قالیوب

اوخ باتوب بو بوغازون پارچالیوب

ایلیوب گل کیمی خندان بالا وای

 

بختیمون کوکبی باتدی سنیلن

سازشی یوخدی جهانین منیلن

آغلیاندا سنه من شیونیلن

گوله جاق فرقهء عدوان بالا وای

 

سو یولون هاردان اولور دشمن آچار

کیم دیدی اوخ دلیوی اَمسَن آچار

آغلارام قونداقوی عمّن آچار

اولوب عمّنده پریشان بالا وای

 

تیر غم سینمه ساچدی بالالار

خیمیه غم یولی آچدی بالالار

سنی گورجاخ بالا قاچدی بالالار

هره بیر یانه هراسان بالا وای

 

بیر بیره سویلدی سو ایستمیون

اوخلییلّر سوسوزی سو دیمیون

کیمدی قزلاره دِیَن غم یمیون

ایتمیون بیرده سو عنوان بالا وای

 

اوخشارام من که بو حالیله سنی

بزم ماتمده ده اوخشار حسنی

ناامید ایتمه عزایه گلنی

ایسته اوز قبریوه مهمان بالا وای

 

استاد حسین حسنی افشرد

منبع مجموعه کانالهای مدح و مرثیه

موضوع: حضرت رباب (س) ,
زبان شعر و شاعر: نوحه ترکی , حسنی افشرد

 

------------

 

زبانحال حضرت رباب (سلام الله)

 

علی نه تک سنون احوالیوه رباب آغلار

من آغلینده گوزوم اوخشار اشگناب آغلار

 

او گونکه حنجرون اولدی هدف سه پر تیره

منیمده اولدی گوزومده ایشیق گونوم تیره

نه رغبتیم داخی مرداده وار نه وار تیره

او تیر عرشی ایدوب تیره نه قباب آغلار

 

او گوندن اولدی سیه جسمده وفا رختیم

توکندی خوش گونوم اوز گتدی گتدی عالم سختیم

ستمله ایتدون افول ای ستارهء بختیم

قمر یوزون بورویوب هاله آفتاب آغلار

 

دیمه شرارهء آهیم گویه عبث اوجالوب

فلک امیدیمین آئینه سینی داشه چالوب

یانان دوداقلاریوین سوزشینی یاده سالوب

اود اوسته اشگین اَلر حالیوه کباب آغلار

 

 او گوندن ایلمیشم نفسیمه سرین سو حرام

محالیدور گوتورم عکس عهدیمه بیر گام

گون ایوی تپراقین اوستی اولوب ربابه مقام

باخاندا صورتیمه آل بوتراب آغلار

 

سحر اَسنده گل بختیم اوسته باد نسیم

گوزوم ایوینده ایدر عکس حُسنوی ترسیم

سرشگیله سیلرم ایلرم گینه ترمیم

اورک گوزوم گوره عکسون اولوب خراب آغلار

 

بهار ولاندا آچار غنچه گل گولر چمنه

یتر سرور و شعف ورد و یاس و یاسمنه

اگر جهان اولا گلشن گینه خزاندی منه

بهاریده سارالان غنچه مه سحاب آغلار

 

دیم نقدر اورک دردی یتمز اتمامه

باشونلا همره اولوب گیتمیشم نجه شامه

مرکب اشکیم اولوب کیپریگیم یازار نامه

آناوا گلمز او غم نامه دن جواب آغلار

 

سنیله آلتی آی ای غنچهء ریاض امید

اولاردی لیلهء ظلمت گوزومده روز سپید

او گونلریم هارا گیتدی هانی او بخت سعید

گوروم قالیدی بیله عالمِ خراب آغلار

 

عجب دونرگمی دوندردی چرخ پست و دنی

عزیز عالمیدیم اوخشادوب کنیزه منی

گلین گلن ایویم اولموش مصیبت انجمنی

پوزولموش حالتیمه جمله شیخ و شاب آغلار

 

اُلنجه گون قباقندا او بانوی ذی شان

علی علی دیدی اشگین عذاره قیلدی روان

گهی سیزیلدادی نی تک گه ایتدی داد و فغان

بو غمده چنگ و نی و بربط و رَباب آغلار

 

بیر عمر اولدی غم و درد و محنتیلن توش

اوز آتشنده یانوب شمع تک اولوب خاموش

اجل پیاله سینی نوش ایدوب دوشوب مدهوش

او چشم مستینه قان کاسهء شراب آغلار

 

دیولّه زینب کبری او بحر صبر و وقار

نماز صبحه ربابی گلوب ایده بیدار

چاغوردی دورمادی ترپتدی جسمنی ناچار

گوربکه روحی اوچوب عکس جسمه قاب آغلار

 

دیدی گلون ایویمون سوندی شمع انجمنی

دانشموری چمنون عندلیب خوش سخنی

بو گیر و داریده ترک ایلوری سولان چمنی

چکوب اُلوم توزی رخسارینه حجاب آغلار

 

او کسکه اصلی ویرار عشق و عاشقیدن دم

طریق عشقی گرک طی ایده قدم بقدم

دایانا بوتهء غمده یانوب گتورمیه کم

مرید سلک وفا اولماسا مذاب آغلار

 

اماندی ساخلا الون ویرمه مطلبه چوخ طول

حدیث عشقده ابوابه نابلدی عقول

تک عینینه یازولا مین مطوَّل و کشکول

کلام نقص اولی خامه سنار کتاب آغلار

 

بلی بو عشقیدی پروانه شمعه یانمالیدی

نگارین آردیجا صحرالری دولانمالیدی

خُم بلایه دوشن رنگینه بویانمالیدی

گلنده جوشه اود استونده کی گلاب آغلار

 

حاج عبدالله اصلی

منبع مجموعه کانالهای مدح و مرثیه

موضوع: حضرت رباب (س) ,
زبان شعر و شاعر: نوحه ترکی , حاج عبدالله اصلی

 

------------

 

زبانحال حضرت رباب (سلام الله)

در شام غریبان

 

هارداسان گل یامان گونومدی آی بالا

ورد و ذکریم اولوب وای بالا وای بالا

ربابین سود امر مارالی اصغریم

یارالی یارالی یارالی اصغریم

 

کاش اوغول بوگجه سنیله قالیدیم

صبحه جک صود ویروب گویلووی آلیدیم

دمبدم هی ئوپوب لایلایون چالیدیم

گوریدون ربابی وفالی اصغریم

 

هر گجه رقیه سسلردی آی قارداش

یوخلا باجون قربان یوخلا لایلای قارداش

بو گجه سسلیور دمبدم وای قارداش

کاش گلوب گوریدون بو حالی اصغریم

 

گر بیلم هایاندا یاتوبسان گلرم

وای بالام وای دیوب اشگیمی الرم

سوسوزلوقون یاده هی سالوب ملرم

چوللری دولاننام عزالی اصغریم

 

 جعفر فتح اللهی شاکر

موضوع: حضرت رباب (س) ,
زبان شعر و شاعر: نوحه ترکی , جعفر فتح اللهی شاکر

 

------------

 

زبانحال حضرت رباب (سلام الله)

 

رحم ایله یارب منه یاندی سوسوزدان بالام

واردی امیدیم سنه یاندی سوسوزدان بالام

 

حقه بالام  سان ویرور

سودامریم جان ویرور

 

حد  غم  و محنتی  بولسه   بالام  نیلرم

بند    حیاتی  اگر  بولسه   بالام   نیلرم

اللریم اوسته سوسوز ئولسه بالام نیلرم

یوخ سو ویرن سوسنه یاندی سوسوزدان بالام

 

آل    رسوله   عدو   ساخلامیوب    احترام

باغلادی  سو  یوللارین   لشکر بی عار شام

یوخدی سو الدن گیدور آی تاری دلسیز بالام

یوخدی  دئین  دشمنه  یاندی سوسوزدان بالام

 

هی  دیورم   یات  بالا  یاتمیور  افغان  ایدور

یوخدی  سودوم  نیلیوم قلبی بو غم  قان ایدور

گوزیاشی غملن دولان سینمی شان شان ایدور

صرصر اسوب گلشنه یاندی سوسوزدان بالام

 

گون  قاباقیندا   اَرور آرزیلاریم   بوز کیمین

یاره لی قلبه بونون گوزیاشی دور  دوز کیمین

عرش وفادن  سوزور  اصغریم اولدوز کیمین

اشکیم آخور دامنه یاندی سوسوزدان بالام

 

من  کیمه    ایلوم     گله   لشکر   گمراهیدن

گون کی باتوبدور ولی اوت توکولور ماهیدن

ایستیورم   چاره می   من   فقط      اللهیدن

هی دیورم ذوالمنه یاندی سوسوزدان بالام

 

گوز قاباقیندا منیم دلبریم الدن گیدور

آغلیورام بو غمه یاوریم الدن گیدور

آغلامیوم نیلیوم اصغریم الدن گیدور

رحم ایلین یوخ منه یاندی سوسوزدان بالام

 

باری  بو  دشت غمه باد خنک  اسمیور

من باخورام   دلبریم جامۀ هجران گیور

یوخدی دلی گوزلری حسرتیلن سو دیور

آهی سالوب اوت تنه یاندی سوسوزدان بالام

موضوع: حضرت رباب (س) ,
زبان شعر و شاعر: نوحه ترکی

 

------------

 

زبانحال حضرت رباب (سلام الله)

 

قاش قارالار گون باتار

خورشید مغربه چاتار

 

هر انا ئوز بالاسین

الار اغوشه یاتار

 

بهار اولار یاز اولار

بلبل گوله باز اولار

 

بولمزدیم یاز گولی تک

عمرون سنون از اولار

 

گون باتدی قاش قارالدی

اورک باشین غم الدی

 

دولی دوشدی گلشنه

غنچه گلوم سارالدی

 

من سنه اغلامادیم

سینه می داغلامادیم

 

منه چوخ نسگل اولدی

یاراوی  باغلامادیم

 

دوزوم نجه فراقینه

سو دگمدی دوداقینه

 

گوردی سینم ده یوخ سودوم

دوشدی ئولوم سراقینه

 

منیم بالام دل اشمادی

ایاق دوتوب یول قاشمادی

 

منیم سود انمین بالام

قوجاقیمه یاراشمادی

 

خزان گلشنی الدی

غنچه گلوم سارالدی

 

مندن ایریلدی گیتدی

الیم سینه مده قالدی

 

دان اولدوزوم سوزولدی

اشکیم یوزه دوزولدی

 

قالدیم اغلار ئولونجه

الیم سندن اوزوادی

 

دلده غمه دوزوم وار

ایکی اغلار گوزوم وار

 

گلسن منی گورماقا

سنه چوخلی سوزوم وار

 

حرمله بیر اوخ اتدی

اشکیمی قانه قاتدی

 

سنی مندن ایردی

فلک مقصده چاتدی

 

جان شربتی جالاندی

صبریم ائوی تالاندی

 

شادلیق گلوب گیدندی

غملر ولی قالاندی

 

بهار اولدی یاز اولدی

غم منه دم ساز اولدی

 

منیم خوش گونلریم تک

عمرون سنون از اولدی

 

منی نوالی ائتدون

ئوزون مقصده یتدون

 

اللریوی   باغلادیم

مندن گیلیلی گیتدون

 

گل بیر غمه الیشاق

گر کوسموسن باریشاق

 

بیر گئجه گل یوخوما

ننه    بالا   دانیشاق

 

منیم شیرین غزل بالام

دوداقلاری عسل بالام

 

ایاق دوتوب یول گیتمین

دل اچمیان گوزل بالام

موضوع: حضرت رباب (س) ,
زبان شعر و شاعر: نوحه ترکی

 

------------

 

زبانحال حضرت رباب (سلام الله)

 

چشمه اشگیم اوغول وار نه قدر عمر آخاجاق

نسگلین قلبیمی هم یاندیراجاق هم یاخاجاق

نه قدر بوش بیشیگه غصه لی مادر باخاجاق

آناوین دردینه دنیاده نه دور چاره اوغول

پرپر اولماقین ایدیبدیر منی بیچاره اوغول

 

عالمین نیسگیلی بو حال خرابیمده منیم

آنالار داغی بوتون قلب کبابیمده منیم

گوءره سن حق نه یازیپ غملی کتابیمده منیم

که فراقینده گرک دایمی محنتده یانام

گون قاباقینده بوتون آهیله حسرتده یانام

 

صبحیدن شامه کیمی بوش بیشیگی سیلکه لرم

گوزومون قان یاشینی دامنه اوغلوم الرم

بالاسی اوخلانان آهو کیمی منده ملرم

یانیرام دایمی من سوزش آهیلن علی

اوخلیوبلار سنی آیا نه گناهیلن علی؟

 

عمرومون شمعی بالا هی گونی گوندن آزالوب

آناوین غصه سی چوخ سنی جوانکن قوجالوب

قوجالوب من دییرم یعنی اءله وضعه قالوب

قارداشیم یثربه گلدی تانیانمادی منی

گردشیندن قالا ای کاش بو دور و زمنی

 

گیدرم هوشه گلیرسن یوخوما گورسه نیسن

کربلا ده گوره رم هرده ن اوغول قان امیسن

بیشیگینده بیله فکر ایلیرم ترپه نیسن

دیسگینیپ تیز یوخودان سسلیرم لای لای علی

گوره رم بوشدی یرین هی دییرم ای وای علی

 

گاه گوررم که ووربلار باشیوی نوک نیه

یا گتورمیشلر اونی شامیده بیر بزم میه

آناوین دردینی حاشا بیری ادراک اءلیه

شیرخواری اوءلنه رسمیدی رافت ایده لر

گوز ایوینده نه که قاتللر ایله سان گیده لر

 

گاه گوررم دیل آچیپسان دانیشیرسان منیلن

یا قوجاقدا دانیشیرسان داش اورک دشمنیلن

حرمله!  گول بوغازین نسبتی نه؟ آهنیلن؟

اوچ پر اوخ شیری ییخان یرده منی گور نیلر''

خالقیم عالم عقباده سنی گور نیلر

 

اورگیم اودلانوری عمه وی هر گوردوقجه

پوءزولور حالیم اونی حالی کدر گوردوقجه

رشته جانیم اسور بیر سود امر گوردوقجه

او سود امدیگجه اورکدن من اوغول قان اوتارام

خلوتیمده سنه بیر ماتم دیگر دوتارام

 

وار شکیبامون اگرچه آجیسی زجری اوغول

عیبی یوخ تیره شبین وار سحری فجری اوغول

روز محشر بیلینر بو عملین اجری اوغول

اوندا بیز مادحیوه لطف فراوان ایدروخ

شاعرخونجگره خدمت،شایان، ایدروخ

 

رحیم شایان

موضوع: حضرت رباب (س) ,
زبان شعر و شاعر: نوحه ترکی , رحیم شایان

 

------------

 

زبانحال حضرت رباب (سلام الله)

 

چوللرده آهولر ملر ای صود امر آهو سنه

دریا قوتارمازدی بیر آز وئرسیدی دشمن سو سنه

 

بیر سو که وحشی لر ایچه اطفاله یوخ لازم دگل

هر جرعه سی بیر طفل اوچون کافیدی چوخ لازم دگل

سو وئرمورم بیر کلمه دی اوچ شعبه اوخ لازم دگل

سو ایستدون اوخ یوخ دئدی ای صود امر آهو سنه

 

بلبل جهاندا رسمیدور گلبرگینی خوار ایستمز

عالم اگر گلزار اولا گلشنده بیر خار ایستمز

بیر صود امر ئولدورمگه بیر مرد خونخوار ایستمز

غیظ تمامیله آتوب اوخ قوّه لی بازو سنه

 

به علت نداشتن اجازه انتشار کامل اشعار 

(مرحوم استاد رحیم منزوی اردبیلی) چند بیت از اشعار

و تخلص ایشان به اشتراک گذاشته میشود

 

من «منزوی» خلقون سوزون چوخ ایشده حجّت بولمرم

بیر سن دئسن نوکر منه شاهلیقدا قیمت بولمرم

بو نطقی سن وئردون منه منکه فصاحت بولمرم

چوللرده آهو لر ملر ای صود امر آهو سنه

 

مرحوم منزوی

موضوع: حضرت رباب (س) ,
زبان شعر و شاعر: نوحه ترکی , منزوی اردبیلی

 

------------

 

در احوالات حضرت رباب (سلام الله)

در مدینه

 

یثرب هواسی ایتموری سازش ربابیله

بختیم کوسوب باریشمیری من دلکبابیله

 

دونسون گوروم علی فلکین دور گردشی

غربتده چوخ چتیندی اوغولسوزلارین ایشی

 

فکر و خیاله حرمله نین ظلمی چوخ گلر

اخشام یاتاندا دا یوخوما اوچ پر اوخ گلر

 

اولدوم غریق بحر مصیبت سینیب گمی

گوردون نجه چووردی او ظالم دونرگمی؟

 

اهسته غملرونله علی سینه داغلارام

اما سووا توشنده گوزوم های های اغلارام

 

اخر گیجه ن دوشر یادیما نچه ای قاباق

بیر جرعه سو تاپیلمادی هی چالدین ال ایاق

 

من یالواریردیم اوندا اوغول گلمه شیونه

ئولسون انان یوخومدی سوتوم رحم ایله منه

 

سن باخمادون منیم سوزومه اولمادون مجاب

بختیم ایوین او اغلاماقین ایلدی خراب

 

بیر سوز دیوم بالام جانی بیر کیمسه بولموری

دیرناقلارون یری هله ده سوزش ایلوری

 

جای عجبدی اولممیشم سن اولن گیجه

عمن سو ایشدیروبده منه بولدون هیچ نجه؟؟

 

دنیاده بیر دویونجا یوزوم گولمدی بالا

بیر کیمسه حالیمی او گیجه بولمدی بالا

 

هیچ بیر سوروشموسان علی نازلی رقیه دن؟

بولدون گوروب نه ظلملر ال امیه دن؟

 

غم غصه لر سیخوب اورگین درده دوزمدی

بیردن باتوبدی اولدوزوم....اهسته سوزمدی

 

گلدی فلک علی اناویله ستیزه.....باخ

یثربللر دییله اوزاخدان...کنیزه باخ

 

ایله دعا اناندا اوله دینجله اوغول

سیز باجی قارداشین یاننا تز گله اوغول

 

((هادی)) نهال شعرون اگر اولدی پر ثمر

حتما سنه عنایت ایدوب مام صود امر

موضوع: حضرت رباب (س) ,
زبان شعر و شاعر: نوحه ترکی , هادی تبریزی

 

------------

 

احوالات حضرت رباب (سلام الله)

 

گینه ربابی گتوردی فلک خزان یئرینه

گینه گوزوم دوشه جاق خسته باغبان یئرینه

 

یارالیدورآتاوین سینه سی چوخ اینجیتمه

آنان قوجاقینه قوی با شیوی آتان یئرینه

 

بالاسی اوخلان آهومحالیدوربیرده

گله بالاسینی صیاد اوخلویان یئرینه

 

اننده تلی ساتاشدی گینه گوزوم ناگاه

سنون جنازه وی شام اهلی آختاران یئرینه

 

میسراولسا باباندان اجازه آل باهم

گیداق فراته عمون یاره لی یاتان یئرینه

 

سوروش دیوم نه مصیبت گلوب منیم باشیما

اگرچه سطری برابردی داستان یئرینه

 

دولاندیروبلابیزی کوچه کوچه قولباغلی

وروبلاداش بیزه هریئرده آب ونان یئرینه

 

نمازوقتی شلوغیدی کوفه بازاری

دوشوب گذاریمی حرراجیلر ساتان یئرینه

 

یانان بیشیگیوی سویقونچولارالیندیدی

باخانمادیم گوزومون یاشی دوندی قان یرینه

 

آناندان اینجیموسن یا اوغول رضا دگوسن

گینه گوزوم دوشه حلقینده کی یاران یرینه؟

 

باجون رقیه چوخ ایستیردی کربلایه گله

ایده نظاره سحر اولدوزی باتان یرینه

 

او باغریقان باجیوین نایب الزیاره سیم

اوپم مزاریوی تاپسام او ناتوان یرینه

 

اویان قوجاقیمه گل قوی سپوم گوزوم یاشون

ضعیف اللریوین بنده باغلانان یرینه

 

دانیش گوروم بالا حلقینده کی یاران نجه دی

اگر چه یوخدی ساغالماقینا گمان یرینه

 

نجه وطنده باخوم صودامر اوشاقلارا من

شب سیاهیده دوشدوم عجب دومان یرینه

 

چمنده سرزنش خاره (عندلیب)دوز

بلا گونی چکولر عاشق امتحان یرینه

 

یقین تاپار بو کرم خانه ده صفا قلمی

اوشاعری که اوزون قویمویا یازان یرینه

 

استاد عندلیب

موضوع: حضرت رباب (س) ,
زبان شعر و شاعر: نوحه ترکی , عندلیب

 

------------

 

زبانحال حضرت رباب (سلام الله)

 

اغلاما بیر بیله ای غنچه صفت اصغر اوغول

درده سالما منی ای صبر دل مادر اوغول

 

گورورم سوز عطش طاقتیوی الدن الوب

منی مین حالین اوغول مین غم و مین درده سالوب

من اوزیمده سوسوزام گور نجه رنگیم سارالوب

اهل بیتین هاموسی سو یولونی گوزلر اوغول

 

قلبیمی درده سالوب ایتمه بو نوعیله فغان

انان السون علی بو حالیوه یوخ تاب و توان

نه عمون وار اونا بو حالیوی من ایلوم عیان

نه علی اکبر و نه قاسم گل پیکر اوغول

 

سارالان رنگیوه قربان سنه ایتدوقجا نگاه

غملنور قلبیم اورکدن چکرم سوزیله اه

نیلیوم چاره سیزم وار نه معین ونه پناه

سد ایدوب راه فراتی بیزه دشمنلر اوغول

 

سنه ایتدوقجا نظر قلبیم علی درده گلی

گورونور رنگ رخینده الوم اثاری بلی

انا ننوع دوزر بیر بو قدر ظلمه علی

قوریوب برگ خزان تک بیله بو لبلر اوغول

 

ای گوزوم نوری بیله گوزیاشی توکمه یوزیوه

تپ تسلی دیزیمین طاقتی بیر اوز اوزیوه

سالما درده منی قربان اولوم اغلار گوزیوه

نجه تاب ایلسون ایا بو دل مضطر اوغول

 

انان السون منی چوخ ایلمه شرمنده خیال

ناله ایتدوقجا سن ارتار منه اندوه و ملال

نیلیوم چوللره دریا تک اخار اب زلال

قالوب عطشان ولی بو عترت پبغمبر اوغول

 

مرحوم حقیر خویی

منبع کانال گنجینه گذشتگان

موضوع: حضرت رباب (س) ,
زبان شعر و شاعر: نوحه ترکی , حقیر خویی

 

------------

 

زبانحال به حضرت رباب (سلام الله)

 

دگدوقجا قانلی زلفوه باد سحر علی

سنبل کیمی جمالوه تِل تِل دوزر علی

 

الدن آلار بو بیکس آناوین قرارینی

اولدوقجا تار و مار او‌ گیسوی تر علی

 

بولَم داهی بو قانلی سفردن قیتمَسَن

اولدی همشیه لیق سفرین بو سفر علی

 

گئتمه دئدیم اوغول گوز ائویمدن اوزاق یئره

چوخدور بو چولده قورخلی صیّادلر علی

 

باش دوتمیان سوز اولدی گئتدون عاقبت

قیلدی نشانه حلقوی تیر سه پر علی

 

آخدی آخار سولار نئجه بیهوده چوللره

سن ایچماقا تاپولمادی بیر مختصر علی

 

آخر آیردی بیربیریمزدن فلک بیزی

اولدی آنان قیامته جان در بدر علی

 

سنله یارالی چوخ گئجه عالملریم اولوب

بیرده آنان او عالمی هاردا گورر علی

 

سود اولمیوبدی اوچ گجه سس سسه وئروب

سن آغلیب من آغلامشام تا سحر علی

 

آچ قان دولان گوزون بیر اویان خواب نازدن

دور گور قالیب نه حاله بو شوریده سر علی

 

دوشسه سو جامینه نگران گوزلریم اگر

سولموش جمالوون سودا نقشین گورر علی

 

گهواره وی اوغول نچه مدتی توز باسیب

پاک ایلیر غبارینی مژگان تر علی

 

ناز ائتمه بو قدر منه ای نازنین بالا

آخر بالا آناسینه بیر سس وئرر علی

 

دوشموش نئدن بئله چوخورا قانلی گوزلرون

معلوم اولان عطش ایلیوب چوخ اثر علی

 

دیداریمز اوغول داهی قالدی قیامته

اوندا آنان سو جامی الینده گَلر علی

 

یاندون ولی سو ایسته ماقا اولمادی دلین

بو نسگلون ربابیله قبره گئدر علی

 

گوز داغی ایله وئردی فراتین سویی منه

واللهی ائتمرم سووا بیرده نظر علی

 

بیر اوخ یامان چووردی اوغول روزگاریمی

بوندان بیله منیمده دونرگم دونَر علی

 

سن بزم یاره یاره لی گئتدون گوله گوله

قویدون غریب آناوی بو چولده مَلَر علی

 

باغریم کیمی فراتیده قانه دونیدی کاش

وئردی بو سو منه نئجه خون جگر علی

 

دیرناقلارون قالیبدی یئری داغلی سینه ده

سندن ربابه قالدی فقط بو اثر علی

 

بیر سوت اَمر گورنده پریشان اولور گوگل

مجروح سینم اوسته یئرین گورسنر علی

 

هر گون سنون خیالیویله بو غریب آنان

قنداقوون بوشون گه آچیب گه بَلَر علی

 

لای لای دئیر رقیه باجون سوز و سازیله

بوش گاهواره وی گئجه لر ترپَدر علی

 

سندن صورا صفالی یئری مسکن ائتمرم

چوللرده خوش گونوم گون ائوینده گچر علی

 

اَمدون عجب دگول اوخی میدان عشقیده

عطشان وصل سو یرینه قان ایچر علی

 

باد صبا دگینده اوغول قانلی تللره

الله بولور رباب نه حاله دوشر علی

 

استاد حاج صمد قاسمپور

منبع مجموعه کانالهای مدح و مرثیه

موضوع: حضرت رباب (س) ,
زبان شعر و شاعر: نوحه ترکی , قاسمپور

 

------------

 

زبانحال حضرت رباب (سلام الله)

 

من بیر آنیام چکدی فلک قلبیمه داغلار

ییخدی ایویمی قویدی ئولونجک منی آغلار

 

درک ائتدیم اوگونکی ئوزومی بخت اتاقیندا

خوش گونلری گتدیم نظره گوز قاباقیندا

 

آرزیم واریدی دلده صفا طالبی اولدوم

بخت عالمی بیر قیز بیر اوغول صاحبی اولدوم

 

اولموشدی دیلیمده سوزوم ازبر گئجه گوندوز

عشقیم واریدی دیل آچا اصغر گئجه گوندوز

 

گلزار محبتده آچا غنچه ی خندان

صحبت الیین وقتده رقیم دیه جان جان

 

سینسون فلکین چرخی منی محنته سالدی

اولدوم قره گون آرزیلاریم قلبیده قالدی

 

یاندیم شرر درد و غمه خون جگر اولدوم

اوچ ایل یاریم عالمده اله بختور اولدوم

 

اندوهیله آیینه ی بختیم داشا دگدی

قالدی باجی،اوّلده نظر قارداشا دگدی

 

مین ایلده اگر عمر ائلسم دار فناده

ساللام اونون آخیر گئجه سین هر گئجه یاده

 

نار غمیلن درد ائوینی داغلیارام من

آللام الیمه دوشلریمی آغلیارام من

 

داغلی سینه می تیر مصیباتیله دللم

یادیمه دوشنده او گئجه شیونه گللم

 

قلبیم او گئجه آتش اندوهیده یاندی

تئز تئز یانیما گلمگه زینبده اوتاندی

 

سالمیشدی فشاره من درد و غم ئولیدیم

ایکاش او گئجه اصغریلن باهم ئولیدیم

 

اندوهیله محنت اودینی قلبیمه سالدیم

اولدوم قره گون ئولمه دیم آخر دیری قالدیم

 

نه قالدی بئشیکده نه ده یاتدی قوجاقیمدا

صبحه کیمین حسرتله ئوزاتدیم قاباقیمدا

 

دونموشدی عطشدن بالموندا قانا باغری

دوتموشدی اله آغلاماغیننان بوغاز آغری

 

بو منظره آرامیمی قلبیمنن آلاردی

باتمیشدی سسی قوش کیمین هردم چوبالاردی

 

یانسین ئوره گی بو سینه می داغلادی هرکیم

ئولسون بالاسی سو یولونی باغلادی هرکیم

 

ظلمیله فلک هی منه غم رشته سی هُردی

تئز باتمادی تا صبح اولا آیدا منی گوردی

 

آرتاردی خانیم عمه سینون دلده ملالی

هردم سوروشاردی نئجه دی اصغرون حالی

 

گوز یاشلی ائدردیم اونیدا زار و مکدر

کول باشیمه اولدی دیه سن جان وئرور اصغر

 

حاصل او گئجه چوخ منه غملی گئجه اولدی

صبحه کیمی قلبیم غم و اندوهیله دولدی

 

روحین قوشی چوخ اینجیدی محنت قفسینن

هر لحظه چیخاردی بالامون ئود نفسینن

 

نقراض ستم رشته ی اممیدیمی کسدی

باخدیم بالامون گوزلرینه دیزلریم اَسدی

 

بو فاجعه دن کاسه ی صبریم جالاناردی

قلبیم تَلَسَردی گئجه اما اوزاناردی

 

سو اولماسا گوردوم بالامون یوخدی نجاتی

گلدیم دیله نفرین اِلَدیم آب فراتی

 

رخسارینه ائتدیم گوزومون یاشینی جاری

بو نحویله تا دیل دوداقی ایسلانا باری

 

گوردوم کی سو یوخدی بالامون فیکرینه قالدیم

چارَم کسیلیبدی دیلیمی آغزینا سالدیم

 

درد و غم ئوتوندا گینه قلبیم آلوشوبدی

احساس ائله دیمکی دیلیمه ئود یاپیشیبدی

 

قلبیم سیخیلیب سینه ده غم منظره سینن

ئوزدوم الیمی من گوزونون آغ قره سینن

 

بو محنتی اوغلی ئولنلر یادا سالسون

ایکاش همیشه ننه ئولسون بالا قالسون

 

سیل غم آخیب خانه ی اممیدیمی ییخدی

فیکریم هارا گئتدی بیر ایچیم سو داشا چیخدی

 

قلبیم شرر درد و بلاده آلیشاردی

دیلسیز بالامون گوزلری منن دانیشاردی

 

ننه بیچاره نه اندازه گرکدی چالیشا

آز قالیر شعله ی آهیملن اورکلر آلیشا

 

دیه لر وئر گوزون اصغر سنه ایستور دانشا

ایکیسین وئررم اولا سوزلرون ارزنده علی

 

من زر بی غش و بازار وفا زرگریم

وار بصیرت اودی شاه شهدا همسریم

 

ایکی گوز بیر سئوزوون موزدی دانیش مشتریم

قبرووی تاپسام اوغول صبحه کیمین باش آچارام

 

تیر آهی دل آفاقه پیاپی ساچارام

باغبانم گوله خاطیر تیکان ئوسته قاچارام

 

 مرحوم معنوی

موضوع: حضرت رباب (س) ,
زبان شعر و شاعر: نوحه ترکی , معنوی

 

------------

 

زبانحال حضرت رباب (سلام الله)

 

باشون جداده باغریمی ایتدی کباب اوغول

بوحاله من نجه دوزوم السون رباب اوغول

 

هانسی شل اولموش ال باشوی نیزیه ساچوب

بوباشویله نوک جدا غنچه گل آچوب

اما ستمله رنگی ، رخ آلوین قاچوب

بیجا دگل یوزه توکورم اشکناب اوغول

 

باشون جداده بنزوری رخشنده اولدوزا

اما گونوز گوزیمده اولوب لیل غمفزا

یوخسا گران دگل بله غم بو اوغولسوزا

من سسلینده ویرمیه سن بیر جواب اوغول

 

غم منجنیقی باغرین آناوین سیخوب علی

کوفه اناثی غرفه و بامه چیخوب علی

گور سونله تا منیم ایویمی کیم یخوب علی

بو چرخ دون ایوی گوروم اولسون خراب اوغول

 

دائم فغان ایدر بالاسی اوخلانان آنا

ایکاش حالیمی بو تماشاچیلر قانا

بو قوم کینه جو منی قویمش یانا یانا

بیکس آنان دولوبدی بوگون چون سحاب اوغول

 

باد صبا دگور بالاجا تللرون اسیر

مقراض غم طناب توان دلی کسیر

سن نوک نیزه ده من علی دشمنه اسیر

چاره یولونی باغلیوب اهل عذاب اوغول

 

رخت علایقی نجه بو جسمدن سویوم

ویرمولله باشوی اورگیم باشنه قویوم

قانین سیلوم یوزوندن اوپوم ایگلیوم دویوم 

اشگیمله بیر سپوم یوزوه من گلاب اوغول

 

تترر اورک باخاندا او چشم خماریوه

ایتسه قبول یالوارام نیزه داریوه

باشون ویره قویام یوزیمی گل عذاریوه

تا بلکه ایتمسه اوره گیم اضطراب اوغول

 

باشون دالنجا هر یره گتسن گلر آنان

باخدوقجا باشوه یوزه اشکین الر آنان

آهو کیمی گزر چولی دائم ملر آنان

مجنون گورر باخان دگلم من رباب اوغول

 

گوردوقجا باشوی یوزیمه گوز یاشیم آخور

بو نسگلون اوغول آنا وی یاندیرور یاخور

امجکدن ال چکوبلر اوشاقلار سنه باخور

بو حال گور آناندا قویار صبروتاب اوغول

 

پیکان کیمی غمون دلوری هر اورک باشین

باشون گورن یوزه توکوری قانلو گوز یاشین

ورمازلا نیزه باشینه هیچ سود امر باشین

سالسا روادی کونه بو غم انقلاب اوغول

 

حسرت قویان منی سنه حسرت گوروم قالا

گتسم مدینیه من اگر ای گوزل بالا

صغرا باجون اگر سنی مندن خبر آلا

بس اوندا نیلیوم نه دیون من جواب اوغول

 

لابد گرک دیم غمی اندازه دن گچوب

سو ویر میوبله سو یرینه قاننی ایچوب

اما نجه دیوم بوغازین اوخ دگوب بچوب

جان ویردی تشنه ایچمدی بیر جرعه آب اوغول

 

قویماز آنا بالا سنیی گوزدن گیده اوزاق

گتدون نگار محضرینه سن علی قوناق

گورسم آلوب قوجاقه آنا سود امر اوشاق

بی نیلیوم او دمده مم دلکباب اوغول

 

صدقیله (اعظمی) بو کمنده سالوب اوزون

یوخدور لیاقتی سنه اما تکوب گوزون

شهزاده سن قبول ایله بونوکرین سوزون

تا عمری وار قاپوندا اولا کامیاب اوغول

 

مرحوم اعظمی تبریزی

منبع مجموعه کانالهای مدح و مرثیه

موضوع: حضرت رباب (س) ,
زبان شعر و شاعر: نوحه ترکی , اعظمی تبریزی

 

------------

 

زبانحال حضرت رباب (سلام الله)

 

اود یاپیشدی سینَمه، لب‌لروندن اصغریم

بوشلا دوشلَریم، ئوپوم اللروندن اصغریم

 

قوی سارالمیش عارضون سینَمه یاپیشدیریم

اودلو یوز گوزونله بیر سینَمی آلیشدیریم

کوسمه منّتون چکیم، قوی سنی دانیشدیریم

لذّت ائلییم شیرین دیللروندن اصغریم

 

من نه قدری قلبیمی غصَّدَ‌ن اووشدوروم

لب‌لرون نئجه قورو دوشلریمه یووشدوروم

صبحه‌جک گَرَک بئله وقتیمی سووشدورورم

بلکه صبح اولا فرج داوروندن اصغریم

 

به علت نداشتن اجازه انتشار کامل اشعار 

(مرحوم استاد رحیم منزوی اردبیلی) چند بیت از اشعار

 ایشان به اشتراک گذاشته میشود

 

 مرحوم منزوی اردبیلی

موضوع: حضرت رباب (س) ,
زبان شعر و شاعر: نوحه ترکی , منزوی اردبیلی

 

------------

 

زبانحال حضرت رباب (سلام الله)

 

آغلاما ای گوزلریم نور و ضیاسی آغلاما

نه سو وار منده نه سود الله رضاسی آغلاما

 

خیمه نی هر چه دولاندیم ایلدوم هر نه تلاش

تاپمادیم بیر شربه سو اوت دوتدی قلبین یاندی فاش

آغلاما فریاده گلمه سینه می ائتمه خراش

قلبیمون بسدور منیم زخم جفاسی آغلاما

 

اوچ گیجه گوندوزدی کسمیش سو یولون قوم عدو

خیمه لرده گلموری اصلا اله بیر جرعه سو

حالیوه باخدوقجا قیلّام من علی مرگ آرزو

ای سویدای دیلیم گویلوم صفاسی آغلاما

 

یوخ سودوم شرمندیم سندن اوغول بو باره ده

سن کیمی اوچ گوندی عطشانم من بیچاره ده

نه قوجاقیمده یاتورسان نه علی گهواره ده

جانوین گلسون منه درد و بلاسی آغلاما

 

شدّت سوز عطش بیر یاندان آرامون آلوب

بیر طرفدنده علی آجلیق سنی دیلدن سالوب

بو ایکی دردین علاجینده آنان عاجز قالوب

نیلیوم یوخ دردیوین منده دواسی آغلاما

 

بولمورم ئوز حالیمه قان آغلیوم ایوای دئیوم

یا باخوم گل تک سولان رخساریوه ایوای دئیوم

نه دیلیله من سنه دیلسیز بالا ایوای دئیوم

آغلاماقدان ای باتان دوتقون صداسی آغلاما

 

سن اوغول باخما منه سن آغلوسان من آغلورام

اودلانور قلبیم سنه باخدوقجا سینه داغلورام

یوخ علاجیم چاره سیز من اللریوی باغلورام

صورتون یکسر اولوب دیرناق یاراسی آغلاما

 

تک به تک سیز اهل بیته ای علی من بنده ام

«عاصیم» جرم و گناهیم چوخدی چوخ شرمنده ام

مونسم آغلار گوزیله ئولّم ئولسم زنده ام

گر دئیه لطفاً منه اصغر آناسی آغلاما

 

 مرحوم عاصی

منبع مجموعه کانالهای مدح و مرثیه

موضوع: حضرت رباب (س) ,
زبان شعر و شاعر: نوحه ترکی , عاصی

 

------------

 

زبانحال حضرت رباب (سلام الله)

 

اوغول علی آغلاما یات سنده یانموسان منده

آنان ئولسون چاره ندور منده سوسوزام سنده

 

سو یوللارون باغلادیلار فرقه ی جفا گستر

بهاریمیز اولدی خزان سولدی غنچه وش‌گوللر

بوحالتون بیکس آنان یاندیروب کباب ایلر

سنون تک هئچ غنچه ی گل سولمیوبدی گلشنده

 

آزآغلا‌یاندیردی غمون کایناتی نسگلدن

یوزون خراش ایتمه بالا اودلادون منی دلدن

نه منده سود واردی نه سو بو ایکی مشکلدن

آنان اولیدی علی کاش اولمییدی شرمنده

 

مگردگول آب فرات فاطمه آنان مهری

سنه حرام اولدی ندن بوشریعه نون نهری

ندن بوقومی بولمورم دوتموری خدا قهری

یهود‌وترسایه دگول بیله ظلم زیبنده

 

اوغول نجه روادی بوبحرتک فرات آخسون

غریب آنان حسرتیله بوآخارسویا یاخسون

بوحالیله سوز عطش یاندیروب سنی یاخسون

سوسوز اوشاقلار ملشه شامیان ایده خنده

 

من ایسترم آغلامیام گورم آغلورام های های

قرارسیزوردیم اولوب سودامر بالام ایوای

بوآغلاماق ویرمور امان من سنه دیم لایلای

زبس دلیم چوخ دوتولور آزقالور دوشه بنده

 

جهانی یاندیردی داخی سوز آه وافغانون

تاپولموری سوبیر ایچیم آزقالور چخا جانون

ویرر سنه ایمدی سو اوخ سوکیمی آخار قانون

قضا سنه حاضر ایدوب سوخدنگ دشمنده

 

بوحالیله قویمیه جاق حرمله سنی بی شک

ایچیردی قانون سو کیمی جان زاریوی گورجک

خسوف ایدر سن قان آرا قرص ماه انور تک

دوشر تلوتلدن اوغول بوجمال رخشنده

 

(ذهنی) اگر ذهنون اولامحو بو مصیبتده

اوسانما هرگز دیمه بس ور قلم بو محنتده

ویرر بوشهزاده سنه اجر ومزد جنتده

اینانمابی فیض اولا بو آستانده بنده

 

مرحوم ذهنی زاده

منبع مجموعه کانالهای مدح و مرثیه

موضوع: حضرت رباب (س) ,
زبان شعر و شاعر: نوحه ترکی , ذهنی زاده

 

------------

 

زبانحال حضرت رباب (سلام الله)

 

نه دوشومده سود وار نه سویا گمانیم

سود امر بالام یات باشیوا دولانیم

آغلاما تلاش ائتمه

سینه می خراش ائتمه

ای عزیز جانیم 

 

بیر ایچیم سو اولمور خیمه لرده پیدا

اودلانور عطشدن اهل بیت طاها

خوردا قیزلار عطشاندور

قیمتی سویون جاندور

ای عزیز جانیم 

 

بیر بالانین اولسا آج سوسوز آناسی

آج قالار عیاندور سود اَمَر بالاسی

آج سوسوز قالان مادر

آج قالا بالا نیلر

ای عزیز جانیم 

 

سو یولون کسوبدور لشگر ضلالت

قویمیوب سوسوزلوق منده صبر و طاقت

ترکِ فکر آب ایله

آز منی کباب ایله

ای عزیز جانیم 

 

گوزلرون دوتوب یاش ای گوزوم ضیاسی

توکمه بیله قان یاش گوزلرون فداسی

گوزلرون دولاندیرما

چوخ آناوی یاندیرما

ای عزیز جانیم 

 

بیر آنا که اوچ گون ایچمیه سو اصلا

سود اولار دوشونده بو آنانین آیا؟

سنده تشنه سن منده

نیلسون بو شرمنده

ای عزیز جانیم 

 

سن کیمی سولان گول یوخدی بیر چمنده

قان اولار دلیم سن نالیه گلنده

ای سولان گولوم لایلای

طاقت دلیم لایلای

ای عزیز جانیم 

 

عمر گلشنیمده غنچۀ تریم یات

سود اَمَر بالام یات تشنه اصغریم یات

تشنه ام غمیم چوخدور

سینه ده سویوم یوخدور

ای عزیز جانیم 

 

سودان ئوتری گزدیم سربسر خیامی

وار الینده گوردوم هامّینون سو جامی

العظش دیور قیزلار

یوخ سودان ولی آثار

ای عزیز جانیم 

 

ایلییم آتاوی گر بو حاله حالی

قورخورام که آرتا قلبینون ملالی

اولمویا سو اول حضرت

شرم ایده چکه خجلت

ای عزیز جانیم 

 

کاش اولیدی فرصت اکبریم گَلیدی

صون نفسده باری حالیوی بولیدی

ال آچیدی تا حَربه

سو آلیدی بیر شربه

ای عزیز جانیم 

 

خشک اولان دلونده قالمیوب رطوبت

ایسلادا دوداقون اسگیله حرارت

آغلاما بالام لایلای

ذکریمی ایدن ایوای

ای عزیز جانیم 

 

عرض حاله مانع اولماسا خجالت

من رشید عموندان قیلّام استعانت

قورخورام آجام بُلسون

صبر ایله آنان ئولسون

ای عزیز جانیم 

 

ائتمه غم « حسینی » اولموسان اگر پیر

چوخ شکسته دل سن وار سوزونده تاثیر

خدمتونده اول قائیم

جدیوی چاقور دائیم

ای عزیز جانیم 

 

مرحوم حسینی سعدی زمان

منبع مجموعه کانالهای مدح و مرثیه

موضوع: حضرت رباب (س) ,
زبان شعر و شاعر: نوحه ترکی , حسینی سعدی زمان

 

------------

 

زبانحال حضرت رباب (سلام الله)

 

اصغریم شام عزادور گجم اولموش یاری

دور ایدوب لشکر غم غصه من بی یاری

 

رنگینی توستی بوغان خیمه ده سرگردانم

گرمدور ناله و زاریمله عزا بازاری

 

باخورام کرب و بلا جوینه حیران حیران

آسماندا گورورم ثابتیله سیاری

 

آی چیخوب بیربیرینه قاش گوز آتور اولدوزلار

من قرانلوقدا ؛ ایشیقدور فلکون رخساری

 

یاتمیوبدور سنه خاطر ملشور آهولر

طعن ایدولر بیلورم حرمله ی خونخواری

 

بیلمورم بولگی بولندن نه شکایت ایلیوم

سنه یاتماق یتیشوبدور آنووا بیداری

 

ایش بله دوشدی سنون ذره گناهون یوخدی

هم منیم سینمی ترک ایلدون هم گهواری

 

ولی من خیمه ده کیچمیش گجه لر مثلینده

اویاقام هی سنه لایلای دیورم تکراری

 

او دونن کی گجمیدی منی قویدون یوخوسوز

قوش کیمی چیرپینوب ایتدون قفسونده زاری

 

کاش اولیدی بو گجمده او دونن کی گجه تک

جان دیوب تشنه دوداقوندن ئوپیدیم باری

 

نه سسون وار نه سیزیلتون نه ئوزون وارسان اوغول

دلیمون طاقتی یوخ آختارورام دلداری

 

اوجادان آغلامورام عمون اویاقدور بیرده

سس اوجالسا اویادار هوش آپارا قیزلاری

 

قولونی بالش ایدوب نازلی رقیمده یاتوب

یورقون آهولره واردور باجوون اوخشاری

 

یثربه ساخلامیشام اوخشاماقی آغلاماقی

آغلیوب آغلادارام اوردا در و دیواری

 

 مرحوم انور اردبیلی

منبع مجموعه کانالهای مدح و مرثیه

موضوع: حضرت رباب (س) ,
زبان شعر و شاعر: نوحه ترکی , انور اردبیلی

 

------------

 

زبانحال حضرت رباب (سلام الله)

 

بخواب ای نور چشمانم دگر بس کن فغان اصغر

خدا را ناله کمتر کن نلرزان آسمان، اصغر

 

منال ای بلبل شیدا ز بی آبی در این صحرا

که از جور عدو اینجا بهارم شد خزان اصغر

 

در این صحرا مباش ایمن ز کید و حیلۀ دشمن

بیا از آب، دل بر کن مریز اشک روان اصغر

 

ندارد چاره ای بابت کند از آب سیرابت

مگر اینجا دهد آبت خدنگ جانستان اصغر

 

در این گرما ز بی آبی چو ماهی در تب و تابی

بخواب این درد بی خوابی گرفت از تو توان اصغر

 

زمین تَف کرده از گرما گدازد جان و دلها را

فضای کربلا گویا شده آتشفشان اصغر

 

در این دشت جهّنم گون که بارد آتش ازگردون

دلت ازتشنگی شد خون به وصفش کو زبان اصغر

 

خدا را رحم کن بر من مکن ای جان من شیون

به جای آب این دشمن دهد تیر و سنان اصغر

 

خیال آب از سر کن بیا رحمی به مادر کن

فدایت گریه کمتر کن مزن آتش به جان اصغر

 

مکن آه و نوا جانا که روزی انتقامت را

کَشَد زین قوم بی پروا خدای لا مکان اصغر

 

سر انجام عمویت را ببین مَخراش رویت را

به تیر اینجا گلویت را مَده دیگر نشان اصغر

 

همین لشکر ز گمراهی چو نمرودند و تو ماهی

از این قوم آب می خواهی مخواه آب الامان اصغر

 

نه آبت می دهند اینان نه اَرجَت می نهند اینان

که پست و گمرهند اینان نمی دانی بدان اصغر

 

دگر شبخیز بس اینجا بیا بگذر از این سودا

مزن آتش به قلب ما تو را جان همان اصغر

 

مرحوم شبخیز قراملکی

منبع مجموعه کانالهای مدح و مرثیه

موضوع: حضرت رباب (س) ,
زبان شعر و شاعر: نوحه فارسی , عباس شبخیز

 

------------

 

زبانحال حضرت رباب (سلام الله)

 

ربابیلن علی مدّتدی الفت ایلموسن

سود امّاقا بالا سینمده عادت ایلموسن

 

سوسوزلوقون اثریندن دوداقلارون قوریوب

تعجّبم نجه بو درده طاقت ایلموسن

 

سوسوزلوق آجلیق اودی جسمیوه شراره سالوب

گینه بو قالماقیویلن مهارت ایلموسن

 

سودان کناره دوشن ماهی تک چالخلورسان

اوزیویده منیده خسته حالت ایلموسن

 

کسوبله راه فراتی نه وار سویوم نه سودوم

ساری گله بو جمالی شباهت ایلموسن

 

دین اولیدی فراتین سویونی باغلیانا

ندن آنانی بالادن خجالت ایلموسن

 

نه قدر ترپدیرم ساکت اولموسان بیر آن

یوموب گوزون بالا بیر استراحت ایلموسن

 

گهی الون گوتورورسن دوداقیوه قویوسان

بو رمزیله عطشوندن اشارت ایلموسن

 

شیرین دلیله رقیّم سنی دانیشدیروری

ندن گلوب یوزینه بیر محبّت ایلموسن

 

قماطیده الیوی باغلادیم بغیشله منی

نه چاره سینمی یکسر جراحت ایلموسن

 

ووراندا سینمه درناق بالا اورک دُیونور

غریب آنان حالینی هیچ رعایت ایلموسن

 

بیله خیال ایدوسن بولمورم سوسوزلوقیوی

اودور کوسوبسن اشاریله صحبت ایلموسن؟

 

خدایه آند اولا چاره یولی اوغول کسیلوب

بو پوزقون حالیمه سن بیر رعایت ایلموسن

 

مدینه دن بورا دین لای لایوی دیورم

قانادلانوب نیه بس رفع محنت ایلموسن

 

دلون اولیدی دییدون اورک سوزین آناوا

گوریدیم اوندا عطشدن شکایت ایلموسن

 

گیدوب فراته گتورسون سو اکبریم بو گجه

چخوب قباقه ندن عرض حاجت ایلموسن

 

گتورسه سو سنی سیراب ایده لّر اوّلده

هامی بولور که سوسوزلوقدا شدّت ایلموسن

 

تیکوب گوزین سنه کیکاووسی قیامتده

یتر سعادته گورسه شفاعت ایلموسن

موضوع: حضرت رباب (س) ,
زبان شعر و شاعر: نوحه ترکی

 

------------

 

احوالات حضرت رباب (سلام الله)

 

اصغرین ناله لری ائتدی ربابی نگران

دئدی ای کاش اولا تز بو شب ظلمانی سحر

 

قالدی مشگللر آرا باب الحوائج ننه سی

بیلمه دی گورمیه جک بیرده او نالانی سحر

 

بالانون اللرینی باغلادی ئوز قنداقنا

زخمدار ایله میه صورت زیبانی سحر

 

بالا چرپندی عطشدن ننه آغلار باخدی

حشره جک گوریمه جک بیر ائله طوفانی سحر

 

قوری پستانی وئروب اصغرینه ائتدی بیان

ائت قناعت بونا وئرّم دولی پستانی سحر

 

ننه اولسون چوخ آچوب یومما یانان لبلرووی

بو گئجه یات تاپارام دردیمه درمانی سحر

موضوع: حضرت رباب (س) ,
زبان شعر و شاعر: نوحه ترکی

 

------------

 

زبانحال حضرت رباب (سلام الله)

 

علی‌ سینمده‌ کی‌ دیرناق یاراسی خاطرینه

بیرآزدا یات‌ سحرون ماجراسی خاطرینه

 

سوسوزلار الده‌ سوجامی‌ دیلینده یاعبّاس

دخیل درگه اولوبلار سخاسی خاطرینه

 

خجالتی سنون عبّاس عمون چکور آرادا

گئدوب‌ اوزاقدا‌ گزور ئوزحیاسی خاطرینه

 

فقط رقیّه باجوندور گلوب گیدن یانووا

ئوزین‌ هلاک‌ ائدور اوز دلرباسی خاطرینه

 

به علت نداشتن اجازه انتشار کامل اشعار 

(مرحوم استاد رحیم منزوی اردبیلی) چند بیت از اشعار

 ایشان به اشتراک گذاشته میشود

 

 مرحوم‌ استاد منزوی‌ اردبیلی

موضوع: حضرت رباب (س) ,
زبان شعر و شاعر: نوحه ترکی , منزوی اردبیلی

 

------------

 

حضرت رباب (سلام الله)

 

بس کن رباب نیمه ای از شب گذشته است

دیگر بخواب نیمه ای از شب گذشته است

 

کم خیره شو به نیزه ، علی را نشان نده

گهواره نیست دست خودت را تکان نده

 

با دست های بسته مزن چنگ بر رخت

با ناخن شکسته مزن چنگ بر رخت

 

بس کن رباب حرمله بیدار می شود

سهمت دوباره خنده انظار می شود

 

ترسم که نیزه دار کمی جابجا شود

از روی نیزه رأس عزیزت رها شود

 

یک شب ندیده ایم که بی غم نیامده

دیدی هنوز زخم گلو هم نیامده

 

گرچه امید چشم ترت نا امید شد

بس کن رباب یک شبه مویت سپید شد

 

پیراهنی که تازه خریدی نشان مده

گهواره نیست دست خودت را تکان مده

 

با خنده خواب رفته تماشا نمی کند

مادر نگفته است و زبان وا نمی کند

 

بس کن رباب زخم گلو را نشان مده

قنداقه نیست  دست خودت را تکان مده

 

دیگر ز یادت این غم سنگین نمی رود

آب خوش از گلوی تو پائین نمی رود

 

بس کن ز گریه حال تو بهتر نمی شود

این گریه ها برای تو اصغر نمی شود

موضوع: حضرت رباب (س) ,
زبان شعر و شاعر: نوحه فارسی

 

------------

 

احوالات حضرت رباب (سلام الله)

در مدینه منوّره

 

حالت چشم خمارین قلبیمی ائتدی کباب

بسدور آز آغلا،اورک داغلا، سنی زهرا،رباب

 

رحمه گل،یاندیرما یانمیش سینه می،چوخ داغلاما

قلبمی شان شان ایلیر،اول قاره معجریله نقاب

 

یانما یاندیرما منی،آز باخ بو بوش گهواره یه

بیر غریبه ماجرا اولدی بیزه،او چولده آب

 

اصغرین سو ایسته دی،سیراب ائدوبدور حرمله

تشنه لب،اولدی حسینون الرینده کامیاب

 

ایندی قالسایدی،قوجاقیمدن یِره دوشمَزدی هَئچ

نخل آمالیمده بختیم تک ولی اولدی خراب

 

گون قباقینده بو قدری سن بیل الله آغلاما

چون حیا و حرمتیندن ده،خجلدور آفتاب

 

سن آخاندا بیر یِره،تیتیریر دیلیم گهواره تک

بو بشیگده اوچ گجه تشنه یاتوردی، ماهتاب

 

اللریمدن من اوزوم،نازک بوغازین باغلادیم

تولانیردی باش بدنده،مطلق چکوردی چوخ عذاب

 

یوخدی دنیانین وفاسی،حُسنونه دیل باغلاما

گون قباقینده بو قدری،سن بول الله آغلاما

 

عاقبت او باوفا گلدی بو عنواندا دیله

زینبه عرض ایلدی، سنده بیرآز انصاف ائله

 

من نجه درد و فراق اصغریمده یانمویوم

بحر غمده،زورقِ روحیم منیم باتدی گیله

 

اوخلویوبلار سو کنارینده،سوسوز ترلانیمی

گزدوروبلر باشینی،سرنیزده چولدن چوله

 

سو آخیردی هر یره، منده باخیردوم خیمه دن

نهر علقمدن خیامه،چوخ یوخوردی فاصله

 

اصغری مندن امام  آلدی اونی سیراب ائده

سن کی گوردون اوچ پر اوخلا،سو ویرنده حرمله

 

بیرده یاننام من گجه گوندوز اونون انصافینه

فیل افکن تیری ویردی،بیر قاندسیز بلبله

 

یاز ربابین سوزلرون،بو نوع بیانیله "فقیر"

حسرتیدیم خیمه ده بیر یول منه اوغلوم گوله

 

اصغری ایلیوب بهانه من حسینه آغلارام

اون ایکی ضربتله ذبح اولموش باشا،دیل داغلارام

 

ولی رباب که گنجینه ی محبّتیدی

حسیندن صورا خوش روزگاره حسرتیدی

 

نه فکری سیر گلستان و سیر گلشنیدی

اُلن گونه کیمی کاری مدام شیونیدی

 

مدینیه قِییدن صورا روات خبر

یازوبلا بیله بو خواتین اولاندا وقت سحر

 

گیدردی گون قاباقیندا دوراردی آغلاردی

حسین دیوب جگرین گونده گونده داغلاردی

 

امام تشنه لبی یاد ایدردی هر گونده

یاناردی کیمدی گورن بیله بیر اثر گونده

 

دیردی گونلر اوینده  قالان حسینیم وای

ویرن سوسوز سو کنارینده جان حسینیم وای

 

بو گوزلریمله دیردی امامی گوردوم من

دوشوبدی عور قوری یرده بی حنوط و کفن

 

اولوبدی نیزه لرین باشی اول شهه تابوت

او ظلمی گورمیوب هرگز بو عالم ناسوت

 

نه تک منی قویوب آواره صوت قرآنی

سالوب نوایه او سس عرشیده مسیحانی

 

سَرین سو ایچمدی عالمده بو وفا کانی

یتوردی باشه بو زحمتله عمر دنیانی

 

گورنده هر آنانون سود امر قوجاقینده

ایدردی اصغری بیر جلوه گوز قاباقینده

 

گَلوردی سینه سینه سود، دوتاردی اود جگری

دولاردی خون دلیله همیشه چشم تری

 

گیدردی گاه اوزیندن دیردی لای لای اوغول

گَلوردی هوشه گهی سسلنوردی ایوای اوغول

 

یِتِیدی گوشینه هر بیر کسون رباب سسی

بیله بُلوردی گَلور بیر دل کباب سسی

 

آنا قاباقیجه گورسِیدی بیر بالا یِریری

دیردی بو یِریَن اصغری نشان ویریری

 

ایدیم نه چاره، منیمده اگر قالیدی بابام

یِریردی قویمازیدی من بو حسرتیله قالام

 

صحیفه اود دوتوب اودلاندی، ((صافیا)) بسدور

رباب شیفته ی مهر شاه بی کسدور

 

قلم یِریمور اَلون ساخلا گِچ بو صحبتدن

کفافیدور بو بیان علقه و محبّتدن

 

مرحوم صافی تبریزی

منبع مجموعه کانالهای مدح و مرثیه

موضوع: حضرت رباب (س) ,
زبان شعر و شاعر: نوحه ترکی , صافی تبریزی

 

------------

 

زبانحال حضرت رباب (س)

 

او گونکه اوخلادیلاراصغری سپاه شرار

امام خیمیه قیتردی شرمسار و فگار

کمال یاسیله ویردی ربابه زینب زار

آلوب او غنچه  ی خندانی ایتدی زیب کنار

دیدی علی آنان السون نقدری عمریم وار

 

بالاسی اولانان آهو کیمی اوغول ملرم

بو قانلی قنداقیوی گه آچوب گهی بلرم

 

خجالت اولدوم علی اولمادی سویا امکان

سوسوزلوق آتشینه یاندون ایلدون افغان

بو فکریله سنی میدانه یولادیم عطشان

ویرلر اهل جفا سو و لیک میدیله قان

بو نسکلین علی هرگزچیخاتمارام یاددان

 

بالاسی اولانان آهو کیمی اوغول ملرم

بو قانلی قنداقیوی گه اچوب گهی بلرم

 

علی او ال که سنی  ظلم اوخیله ایتدی قتیل

بویاندی قرمزی قانیله بو عذارجمیل

یقین جزاده آلار دادینی خدای جلیل

ولی من ایتمرم عمریمجه ناله می تعطیل

بودورصریحی حیاتیم اگراولا مین ایل

 

بالاسی اولانان آهو کیمی اوغول ملرم

بو قانلی قنداقیوی گه آچوب گهی بلرم

 

ویروبدی هرآنا بیر گل بو گون بو گلشنده

بو غصه روحیمی معناده ایتدی شرمنده

هزارشکریتوشدون شهادته سنده

حضورشهده منی ایتمدون سرافکنده

سنیله عهد ایلدیم هرقدروارام منده

 

بالاسی اولانان آهو کیمی اوغول ملرم

بو قانلی قنداقیوی گه آچوب گهی بلرم

 

علی فغانیله (بیخود) دگول دولوب خرگاه

ایدوبله ظلمیده طغیان بو لشکرگمراه

بو اوخ یاراسی بو نازک بوغاز هزاران آه

اودورکه من دوتارام خالق جلیلی گواه

نقدری وارنفسیم ای سپهر عصمته ماه

 

بالاسی اولانان آهو کیمی اوغول ملرم

بو قانلی قنداقیوی گه آچوب گهی بلرم

 

مرحوم بیخود سرابی

منبع کانال گنجینه گذشتگان

موضوع: حضرت رباب (س) ,
زبان شعر و شاعر: نوحه ترکی , بیخود سرابی

 

------------

 

زبانحال حضرت رباب (سلام الله)

 

بوغازیندن أخان قانی 

این گلرنگ میدانی

 حسینین تشنه قربانی

علی اصغریم لایلای

 علی لایلای بالام لایلای

 

بوغازین اوخلیوب

 دشمن اویانوب ایلمه شیون

 نجه من أیریریلوم سندن

علی اصغریم لایلای

علی لایلای بالام لایلای

 

سالار هجرین منی درده

 قالوب نعشین قوری یرده

 دویونجا گل گوروم بیرده

علی اصغریم لایلای

علی لایلای بالام لایلای

 

گیدور روحیم قالور جانیم 

سوسوز سان ای لب عطشانیم 

سودیله دولدی پستانیم

علی اصغریم لایلای

علی لایلای بالام لایلای

 

بوغازین زخم پیکاندی

 دولوب قونداقون ألقاندی

 سن اوخلاندون أنان یاندی

علی اصغریم لایلای

علی لایلای بالام لایلای

 

عطشدن چکموسن زحمت

 سنه سو اولمادی قسمت

 یات ایمدی اول بالا راحت

علی اصغریم لایلای علی لایلای بالام لایلای

 

مرحوم بیخود سرابی

منبع مجموعه کانالهای مدح و مرثیه

موضوع: حضرت رباب (س) ,
زبان شعر و شاعر: نوحه ترکی , بیخود سرابی

 

------------

 

زبانحال حضرت رباب (سلام الله)

 

باشدان هله سو فیکرین آت

بو بیر گئجه نی راحت یات

صبحه کیمین تاب ایله اصغر

صبح اولسا چون ای جان مادر

سقا عمون سو حاضر ایلر

لای لای بالام لای لای بالام یات

 

یوردون اوزوی گئل یوخلا

آز سینه می سن درناخلا

اوت دوتدی آنان اوتلاندی

دیرناقلارون اوغلوم قاندی

لای لای دئدیم بلکه یاتاسان

سو فیکرینی باشدان آتاسان

بو بیر گئجه نی راحت یاتاسان

لای لای بالام لای لای بالام یات

 

یات گوزلریوین قوربانی

ای  کرب و بلا   مهمانی

سو ایستمه منن علی جان

شرمندیم سنن علی  جان 

شرمندیم سنن علی جان

لای لای بالام لای لای بالام یات

 

یاد آغلاماز یاغیشدی

بو سس منه تانیشدی

آناوی بیرده سسله

دیین  بالام دانیشدی

لای لای دئدیم بلکه یاتاسان

قیزل گوله اوغول باتاسان

سو فیکرینی باشدان آتاسان

لای لای بالام لای لای بالام یات

 

علی دئدیم وای دئدیم

یانا یانا   وای   دئدیم

دیین رقیه گئلسین

اصغر لای لای دئسین

لای لای بالام لای لای بالام یات

موضوع: حضرت رباب (س) ,
زبان شعر و شاعر: نوحه ترکی

 

------------

 

زبانحال حضرت رباب (سلام الله)

 

عفو ایله علی الده یوخ امکانی ربابون

آغلار گوزه قربان یورولان جانی ربابون

 

آی باغ حیاتیمده آچان نرگس خوشرنگ

اقبالیمون عرشینده گزن مرغ شباهنگ

ورما قوریان دوشلریمه حسرتیلن چنگ

سو ایچمسه دولماز صوده پستانی ربابون

 

آیدین گونمز شامه دونوب دست خطادن

مشکلدی بالاجان قوتاراق دام بلادن

گل لبلروی سوز عطش سالدی نمادن

ایکاش اوغول عمری اولا فانی ربابون

 

تاب ایله بر آز تایره محنته اوغلوم

توکمه بو قدر اشکوی مه صورته اوغلوم

سو ایچمگمیز قالدی بیزیم قسمته اوغلوم

اقبالی یاتوب تیره دی دورانی ربابون

 

دردوندن علی مجمر سینمده شرر وار

چوخ غم یمه دیلسزلرون آهنده اثر یوخ

هر بر شب ظلمانیه آخرده سحر وار

شاید سحر آچسا اولا درمانی ربابون

 

بختیم مدد ایتسه تاپارام غصه دن ایمن

سنده سو ایچرسن قوتارار ناله و شیون

اما باخشوندان بیلورم بو گئجه لیک سن

قربان اوگوزه دیده گریانی ربابون

 

ایکاش علی غنچه عمرون گل اولیدی

سننون یاریدان باشه چاتیدی ایل اولیدی

منده صود اوغول سنده ده دل اولیدی

غم چنگینه دوشمیدی گریبانی ربابون

 

افسوس ضیا قالمادی اقبال اوجاقمدا

یاندی اریدی شمع حیاتیم قوجاقیمدا

ایکاش ایمکلیدون اقلا قاباقمدا

توکمیدی یوزه اشکینی مژگانی ربابون

 

قویسیدی امکدن گوره سن فایده دوران

آچسیدون ایاق یول یریسیدون بالا الان

آتدوقجا قدم منده دیردیم سنه جان جان

اولمازدی بیله آرزدا نقصانی ربابون

 

افسوس فلک سالدی خزان صحن بهاره

قان آغلاماقون تشنه لیگوندندی اشاره

السون ننون اوغلوم تاپابیلمور سنه چاره

سو نمه هله ای شمع شبستانی ربابون

 

استاد سیفی اردبیلی حیاتیم قوجاقیمدا

ایکاش ایمکلیدون اقلا قاباقمدا

توکمیدی یوزه اشکینی مژگانی ربابون

 

قویسیدی امکدن گوره سن فایده دوران

آچسیدون ایاق یول یریسیدون بالا الان

آتدوقجا قدم منده دیردیم سنه جان جان

اولمازدی بیله آرزدا نقصانی ربابون

 

افسوس فلک سالدی خزان صحن بهاره

قان آغلاماقون تشنه لیگوندندی اشاره

السون ننون اوغلوم تاپابیلمور سنه چاره

سونمه هله ای شمع شبستانی ربابون

 

سیفی اردبیل

موضوع: حضرت رباب (س) ,
زبان شعر و شاعر: نوحه ترکی , سیفی

 

------------

 

زبانحال حضرت رباب (سلام الله)

ظلمیله سوسوز قانلی مناده ئولن اوغلوم

قونداغی اولان اگنینه قانلی کفن اوغلوم

 

هئچ بیلمزیدیم آیریلارام بیر گونی سندن

آیریلـدین علــی آلتی آییــندا نیه مندن

دیل آچماغووی قاچماغووی گـورمدیم هئچ من

دنیا منه اولدی داها بیت الحزن اوغلوم

 

بیر گوز دولوسی سنله علی آغلامادیم من

عطشانلیقووا سینمی ده داغـــلامادیم من

های دوشدی دَیوب اوخ،یاراوی باغلامادیم من

آغلار قالوب هئج بیر دفعه ده گولمیین اوغلوم

 

من فخر الییوردوم سنـه کی بختور اولدوم

سن ئولدون علی منده بئله دردبه در اولدوم

قالدیم تک و تنها نجه گور خون جگر اولدوم

زولفوم آغارار آهیله بو غصّه دن اوغلوم

 

بو چرخش گــردون منه خاطر بئله دوندی

جاهـــیله جلالــیم بالا سنــسیز یئله دوندی

هجرونده گوزوم یاشی یوزومده سیله دوندی

دوشدوم چوله اولدوم کی جالای وطن اوغلوم

 

آغوشه گلوب آغلیاسان یا گوله سن کاش

قلبیم یارادی یاره و دردین بیله سن کاش

سنسیز سینمه صود گلوب اصغراَمَه سن کاش

ای صود یئرینه اوز قانینی نوش ائدن اوغلوم

 

 اصغر الماسی اهری

موضوع: حضرت رباب (س) ,
زبان شعر و شاعر: نوحه ترکی , اصغر الماسی اهری

 

------------

 

زبانحال حضرت رباب (سلام الله) 

 

قالدون اوچ گون اوچ گئجه عطشان اوغول

ایچدون آخِر سو یرینه قان اوغول

 

بسکه سن لب تشنه قالموشدون علی

گل کیمی سولموش سارالموشدون علی

سو سراغین اوخدان آلموشدون علی

گیتدون اولدون قانیوه غلطان اوغول

 

زهرلی اوخدا نه لذّت تاپموسان

یاتموسان خوش استراحت تاپموسان

ای سولان غنچه طراوت تاپموسان

اولموسان بیر لاله ی نعمان اوغول

 

حقلیم موجه گلوب اشکیم داشا

درد و غم دریاسی تک باشدان آشا

بو بوغازون اوخ بیچوب باشدان باشا

یا کسوبدور ناوک پیکان اوغول

 

نسگلیم اودلار جهانی برملا

وار یری هر سود امر سودسوز قالا

کیم گوروب اوخلانسون آلتی آیلوق بالا

نوک تیر اولسون اونا پستان اوغول

 

نه منم یالقوز یانان احوالیوه

یاندی دشمنلر آلشدی حالیوه

حرمله گوندردی استقبال

زهرلی اوچ شعبه بیر پیکان اوغول

 

تا سنی ویردی نشان شه دشمنه

من ایشیتدیم گلدی دشمن شیونه

چوخ امید ایتدیم ویره لّر سو سنه

حیف امّیدیم اولوب حرمان اوغول

 

حرمله باخدی گل نورسته سن

حسّ سیز بلبل کیمی دل خسته سن

اوخلینده گوردی سن جان اوسته سن

نه بهانه ایلدی عنوان اوغول

 

قلبیمی آهیله بیجا اویمارام

ناله دن بلبل کیمی من دویمارام

قانلی قونداقون یر اوسته قویمارام

خوشدی سینمده اولا مهمان اوغول

 

قویدی هر کس خوان بزم یاره گُل

همّتیجه یولّادی دلداره گُل

امّ لیلا ویردی بیر صد پاره گُل

منده ویردیم غنچه ی خندان اوغول

 

گون ایوینده سن سوسوز جان ویرموسن

شاهد اول بو عهد و پیمانیمده سن

قسمت اولسا اُلمه سم گورسم وطن

گون ایوینده اگلشم سوزان اوغول

 

نسگلون دلدن فراموش ایتمرم

آتشین اُلسمده خاموش ایتمرم

هیچ سرین سو جرعه سی نوش ایتمرم

تا اُلم عهدیم تاپا پایان اوغول

 

آلتی آی هر نصف شبلرده نجه

سود ویروب وقتونده قویمازدوم گجه

سود امن وقتون آیلسام بو گئجه

نیلیوم من خانمان ویران اوغول

 

غفلت اولسیدی آج اولسیدون اگر

سینه مین سود موجی ایلردی خبر

من سنه نامهربان اولدوم مگر

آج سوسوز ویردون آناسیز جان اوغول

 

ایل بُلر فوت اولسا گر بیر سود امر

کیم بُلر بیچاره مادردن خبر

آخشام اولجاق سینه سین بیر سود گزر

سود دیمه بیر آتش سوزان اوغول

 

خون ناحقّون سَپیلدی گویلره

قانلِ خط ویردی سپهر اخضره

انتقامون قالدی روز محشره

وای اگر عدل ایلسه دیوان اوغول

 

دیدیروب اوخ دایه سی سن گولموسن

گولماقون قان آغلادیرمیش بُلموسن

وای آنان اُلسون علی سن اُلموسن

ویرموسن جان دوشموسن بیجان اوغول

 

نسگلون اودلی اوکلر داغلادی

چاره من بیچاریه یول باغلادی

غنچه وش گولدون یاران قان آغلادی

غنچه گولسه گوسترور القان اوغول

 

کوسموسن مندن دیمیشدیم آغلاما

وورما دیرناخ سینمی چوخ داغلاما

گل گذشت ایت پوزشه یول باغلاما

آغلامن آغلار گوزه قربان اوغول

 

اوخ دگنده قوخموسان دیسگینموسن

دوشموسن ضعف عالمینده اینموسن

هر دیلیله دیندیرنده دین مینموسن

بس نیدیم من خانمان ویران اوغول

 

بسکه گوزدن گوزیاشی توکدوم سنه

سیل تک موج ایتدی داشدی دامنه

دوندی دریایه یقین اولدی منه

تیز قوپاردار قانلو بیر طوفان اوغول

 

تیز او طوفان قوپدی تاخیر اولمادی

هیچ کیمی گردابه من تک سالمادی

سن کیمی روحیمده الده قالمادی

ایلدی مستغرق طغیان اوغول

 

ساخلارام بو انتقامی محشره

ایلرم شکوه خدای داوره

سینمی ویرّم نشان پیغمبره

ایلرم دل دردیمی اعلان اوغول

 

بوش دوشه سالدیم سنی من آغلادیم

سن خراش ایتدوقجا سینه داغلادیم

لاعلاج اولدوم الیوی باغلادیم

بُلمدیم جبراً آچار دوران اوغول

 

حقلیم باشی آچوخ قاچسام چوله

ناله دن ناله یولون آچسام چوله

دسته دسته ساچ یولوب ساچسام چوله

آغلیام چوللرده سرگردان اوغول

 

من دیردیم آغلاما بیر یات اوغول

خون دل گوزیاشیمه آز قات اوغول

نه منی بیله گوزوندن آت اوغول

گوزلرون قربانی بو گریان اوغول

 

 مرحوم ذهنی زاده

منبع مجموعه کانالهای مدح و مرثیه

موضوع: حضرت رباب (س) ,
زبان شعر و شاعر: نوحه ترکی , ذهنی زاده

 

------------

 

زبانحال حضرت رباب (سلام الله)

 

بو قدری آغلاما ایتمه فغان علی اصغر

اولا بو حالوه قربان آنان علی اصغر

 

سوسوزلوقون بولورم نیلیوم آنان ئولسون

خجالتم بولوسن من سودان علی اصغر

 

دوشوبدی گلشن جسمون اوغول طراوتدن

اسوب جمالوه باد خزان علی اصغر

 

سنون دل آچماقوا من نقدر مایلدیم

بو شوقیلن واریدیم هر زمان علی اصغر

 

سولوبدی لعل لبون غنچه تک یانار جگرون

دیمه بو حالوه یوخدور یانان علی اصغر

 

ایدوب مشاهده احوالوی اوزوم یانارام

اولور عُذاریمه اشگیم روان علی اصغر

 

ولی چه فایده بو یانماقیم ثمر ویرمز

نه وار سودوم نه سویا وار گمان علی اصغر

 

ایشیتموسن سو دیوب آغلوری سکینه باجون

اولوبدی لاله کیمی باغری قان علی اصغر

 

اولوبدی ایمدی سلامت اوغول عمون عباس

اونا بو حالون ایدیدیم بیان علی اصغر

 

سو ممکن اولمیا قورخوم بودور چکه خجلت

سوسوزدی سنکیمی بولّم آتان علی اصغر

 

دولانمیشام سودان ئوتری تمام خیمه لری

تاپولمیوب بیر ایچیم سو اینان علی اصغر

 

نِدیم نه چاره الیمدن اوغول علی نه گلور

هامی سوسوزدان ایدر الامان علی اصغر

 

ترحماً ایله بو نوکرون « شهابه » نظر

اولوب مدام سنه نوحه خوان علی اصغر

 

مرحوم شهاب تبریزی

منبع مجموعه کانالهای مدح و مرثیه

موضوع: حضرت رباب (س) ,
زبان شعر و شاعر: نوحه ترکی , شهاب تبریزی

 

------------

 

زبانحال حضرت رباب (سلام الله)

 

ایمدی که خلوتدی بزم راز اوغول

دور ایداخ بیر درد دل آغاز اوغول

 

حرمله تاراج ایدوبدور هوشیمی

اوخلیوبدور طایر خاموشیمی

بوش قویوب گهواره آغوشیمی

قالموشام بی یار و بی همراز اوغول

 

اللریم حسرتله سینمده قالوب

کیم سنی ظلمیله بو حاله سالوب

تشنه لیق آراموی الدن آلوب

یا که ایلورسن ربابه ناز اوغول

 

حسنده ای مایه رشک ملک

نور چشم قطب افلاک و سمک

بولمورم علت ندور دور فلک

منله ایتدی سازینی ناساز اوغول

 

مرغ حق که دمبدم شب تا سحر

نغمه جانسوزیله حق حق دیر

دادگاه حقدن حق ایستیر

من کیمی اولماز نوا پرداز اوغول

 

من ربابم سوز و سازیم وار منیم

ناله های جانگدازیم وار منیم

نازیوه بیرده نیازیم وار منیم

حیف اولا وار سنده شرم ناز اوغول

 

رشته زلفونده ای گلبرگ ناز

باغلامشدیم تار امید دراز

بی سبب هزگز دگل بو سوز و ساز

آلتی آی اولدون منه دمساز اوغول

 

من دیردیم هر دم ای نیکو سیر

رشد ایدرسن باغ عشقیم بر ویرر

درمدیم شاخ امیدیمدن ثمر

گل کیمی عمرون اولوب چوخ آز اوغول

 

بارگاه عشقدن تا بر ملا

خوان عشقه ویردیلر بوگون صلا

بو صلایه سویلدون سنده بلا

عشقوی ایتدون عجب ابراز اوغول

 

خرداجا بیر سنیله ای مه جبین

دلده عشقون عشق ذاتی دور یقین

تا ایشتدون نغمه هل من معین

شوقدن آچدون پر پرواز اوغول

 

سینه مالامال شوق کارزار

جانب میدانه اولدون رهسپار

قویمادون اولسون ربابی شرمسار

ای منه سرمایه اعزاز اوغول

 

هر کسه اولماز میسر بو مقام

دیننه فدیه ویره بیر تشنه کام

اولموشام مشمول لطف لاینام

ایتموشم بو منصبی احراز اوغول

 

عشقون ای سرمشق عشاق جهان

مکتب عشق ایچره ویرون امتحان

امتحاندان چیخدون ای آرام جان

آلموسان بیر رتبه ممتاز اوغول

 

حالیمه یانسا اگر بیر سلسله

خوش گله عشاقه محنتدن گله

گلمرم هرگز مصیبتدن دله

اشک چشمیم اولماسا غماز اوغول

 

لطف حق میداندا یار اولدی سنه

گلمدون تیر جفادن شیونه

شوقدن لبخند ویردون دشمنه

ایلدون بو بارده اعجاز اوغول

 

مرحبا ای طایر عرش آشیان

آشیانون اولدی قرب لامکان

شانوه لایق دگلدی خاکدان

عرشیده پرواز ایدر شهباز اوغول

 

آتشه دونسون گوروم عالمده آب

سو دگلدی گوردوقوم برج سراب

ساز دلده وار یری سنسیز رباب

باشلاسا بیر شوریله شهناز اوغول

 

هم اولوب کاخ امیدیم زیر و رو

هم اولوب قلبیم مزار آرزو

هاردا گورسم سودامر یا جام سو

ایلیر زخم دیلیم سرباز اوغول

 

باشه یتدی تشنه لیقدان شیونون

زینت اولدی گوگلره قانون سنون

گوئیا بیر بوش قفسدور بو تنون

ای بهشتی مرغ بی آواز اوغول

 

عرصه تاریخیده چوخ جنگ اولار

جنگیده گردان و تیپ و هنگ اولار

هنگیده سرلشکر و سرهنگ اولار

کیم گوروب ششماهه بیر سرباز اوغول

 

غصه دن چوخ قلب قانیله دولار

چوخ اورک تیر غمه آماج اولار

رسمدور هر گل خزان فصلی سولار

لیک بیر گل سن کیمی سولماز اوغول

 

چوخ گله زحمت چکر چوخ باغبان

تا جهان وار لیکن ای آرام جان

ویرمیوب هرگز نشان دور زمان

سن کیمی گل من کیمی گلباز اوغول

 

تا جهانی خلق ایدوب پروردگار

چوخ جنایت لر گوروب بو روزگار

حرمله مثلی ولی بیر نابکار

اولمیوب تاریخیده اولماز اوغول

 

هانسی طفله سو دم پیکان ویرر

دیننه کیم تشنه لب قربان ویرر

دهرده چوخ شیرخواره جان ویرر

لیک بیر قونداقه قان دولماز اوغول

 

یانمورام که ویرموسن لب تشنه جان

ایلیوب بو غم ربابی باغریقان

گل بوغازیندان صورا آیری نشان

تاپمادی بی رحم تیرانداز اوغول

 

بو سوزه واقفدی ارباب ادب

شعرون نقصی دگل جای عجب

شایگان اولموش بو ایراده سبب

بوردا وار بیر نکته ایجاز اوغول

 

ایله کیم هر بلبل شیدا اوخور

بلبلان گلشن زهرا اوخور

نوحه نی (مجنون) یازار اما اوخور

(سیدی) و (فاخر) و (طهباز) اوغول

 

سید محسن رجائی متخلّص به مجنون

منبع مجموعه کانالهای مدح و مرثیه

موضوع: حضرت رباب (س) ,
زبان شعر و شاعر: نوحه ترکی , رجایی

 

------------

 

زبانحال حضرت رباب (سلام الله)

 

گلمه عطشدن دله ای گل خندان اوغول

اولسون آنان بو سولان رنگیوه قربان اوغول

 

سوز عطشدن علی گَلمه بیله شیونه

توکمه یوزه گوز یاشون گَلسون او دردون منه

چاره نَدور نیلیوم سو تاپوم هاردان سنه

قالموشام احوالیوه واله و حیران اوغول

 

سو یولونی باغلیوب ظلمیله بو اهل شام

عترتینه ایلیوب فاطمه مَهرین حرام

منده سنون تک علی تشنه جگر قالموشام

وار نه سودیم نه سویا منده وار امکان اوغول

 

سوز عطش قویمیوب سنده علی صبر و تاب

یات بالا بیر راحت اول ایلمه چوخ اضطراب

داد و فغان ایلمه قلبیمی ایتمه کباب

یوزده گوزوم یاشینی ایتدی غمون قان اوغول

 

آغلاما، گلمه بیله سوز عطشدن دله

ایستمه سو، قورخورام امر یته مشکله

گوزلوری میداندا یول اَلده کمان حرمله

سو یرینه ایلسون قانیوه غلطان اوغول

 

سنده علی یوخ توان حرمله پیکانینه

اولما سبب بو آنان ناله و افغانینه

رحم ایله بو بی کسون دیده ی گریانینه

چوخ منه مشکلدی بو محنت هجران اوغول

 

ایلمرم شیون و داد و فغان بی سبب

یوخدی بو لشکرده چون غیرت و عار و ادب

واردی هراسیم علی اوخلاناسان تشنه لب

اوندا نه چاره ایدوم بس منِ نالان اوغول

 

گرچه آنان تک علی شامه دونوب گوندوزون

سوز عطشدن سولوب غنچه ی گُل تک یوزون

ایلمه سو فکرینی سالما بلایه اوزون

سو سنه ویرمزله بو لشکر عدوان اوغول

 

وار یری آهیم اودی عالمه سالسون شرر

هانسی بلاکش آنا بو غمه آخِر دوزر

بوندان علاوه منی ایلمه خونین جگر

ای گل نورسته ی گلشن ایمان اوغول

 

قیل یوزه «صحّاف» بو غمده سرشکون روان

بزم عزاده گجه گوندوزی ایله فغان

داده گل ایله بو سر مطلعی ورد زبان

گلمه عطشدن دله ای گل خندان اوغول

 

مرحوم صحاف

منبع مجموعه کانالهای مدح و مرثیه

موضوع: حضرت رباب (س) ,
زبان شعر و شاعر: نوحه ترکی , صحاف تبریزی

 

------------

 

زبانحال حضرت رباب (سلام الله)

 

کیم سو تک قانون ایچردوب سنی قاندوردی بالا

سنی قاندوردی منیم قلبیمی یاندوردی بالا

 

من اینانموردوم اَموبسن اوخی پستان یرینه

نه گوزل وجهله قویدون سوزی میدان یرینه

تا گوزوم دوشدی بوغازونداکی پیکان یرینه

ثابت ایتدی منه بو یاره ایناندوردی بالا

 

کسیلوب چاره تاپسام اگر چاره وی من

گوزوم اوسته قویارام پایهٔ گهواره وی من

نسگل اولدی یومادیم باغلامادیم یاره وی من

اوخدان آرتوق منی نسگل یارالاندوردی بالا

 

من دیدیم آغلاما نه بیله که هیچ دینمیه سن

آنان اُلسون بیله بیر حالته دوشدون نیه سن

بالالار تک آناوا بیر نولی دردون دیه سن

هانسی بیرحم سنی قانه بویاندوردی بالا

 

فرض ایداخ هیچ دگوسن آل پیمبر دیولن

سبط صدیقهٔ کبری اوزون اصغر دیولن

هانسی بیر سود امری اوخلادی کافر دیولن

کیم بو اندازه ده ظلم عرشه دایاندوردی بالا

 

منی آتدون اوزیوی سالدون اُلوم چنگینه سن

سرّی وار آغلامورام انجمه مندن گینه سن

قورخورام گوز یاشوم آخسون یوزیوه دیسگینه سن

دیه سن یاتدوم آنام قویموب اویاندوردی بالا

 

کیم دیدی سو کیمی ایچ قانوی سونسون عطشون

سولماسون سوز عطشدن بو لب غنچه وشون

سن قبول ایتمزیدون بُلدوم اولوب کشمکشون

سنی یوزدن سالوب اجباراً اوتاندوردی بالا

 

آه اوغول هانسی ستمگر سنی بو حاله سالوب

بیر ایچیم قان سو ویروب قیمتینه جانون آلوب

اللریم حسرتیله گورنجه سینمده قالوب

نطقدن سالدی منی ناله اوساندوردی بالا

 

رسمدور بلبله گل ناز ایدر ای غنچهٔ ناب

سنکه بُلمزدون ایدوب کیم سنه تعلیم غیاب

دیدی دیندیرسه آنان دینمه اونا ویرمه جواب

کیم بو نازی سنه اورگتدی کیم آندوردی بالا

 

اوخشارام قیمارام امّا که دیم من سنه وای

ایمدی نه وقتویدی وای آنان اُلسون گینه وای

آچدی اوخ دایه سی سودن سنی ایوای منه وای

منی سندن سنی مندن آرالاندوردی بالا

 

حقلیسن دینممگونده سنی تصدیق ایدورَم

بیجهت انجیدورم بوش یره تضییق ایدورَم

گورورم اُلموسن حالون گینه تحقیق ایدورَم

چاشوب عقلیم سوزیمی دردیم اوزاندوردی بالا

 

(ذهنی) یاز اوخشا آنا اوغلینی بو دللریلن

من دیردیم علی بیر گون اولی خوش گونلریلن

آچارام نازیله سودن سنی من شکریلن

حیف تدبیریمی تقدیر دولاندوردی بالا

 

مرحوم ذهنی

منبع مجموعه کانالهای مدح و مرثیه

موضوع: حضرت رباب (س) ,
زبان شعر و شاعر: نوحه ترکی , ذهنی

 

------------

 

زبانحال حضرت رباب (سلام الله)

 

ای غنچه ی خندان لایلای علی لایلای

جانیم سنه قربان لایلای علی لایلای

 

پوزقون گوروب حالون یانّام علی اصغر

رنگون سوسوزلوقدان سولموش گله بنزر

یوخدوم سودوم آخِر نیلوم علی اصغر

لایلای علی لایلای لایلای بالام لایلای

 

سالدی منی دلدن درد و غمون آخِر

اظهار ایدوم حالون واردور کیمون آخِر

یوخدور علی اصغر عبّاس عمون آخِر

لایلای علی لایلای لایلای بالام لایلای

 

چوخ گل خزان اولدی سولدی بو گلشنده

بو گون سوسوز گل تک پژمرده سن سنده

گورّم سولان رنگون یانّام اوغول منده

لایلای علی لایلای لایلای بالام لایلای

 

بو گون اوغول بولّم اوچ گوندی عطشانسان

بیر دسته سنبل تک بی تاب و لرزانسان

حقّون وار آغلارسان بیله پریشانسان

لایلای علی لایلای لایلای بالام لایلای

 

قوم ستم پیشه کسدی سو یولّارین

توکدیله قانلارین سو تک جوانلارین

ویردی عمون عبّاس سو اوسته قولّارین

لایلای علی لایلای لایلای بالام لایلای

 

سو فکرینی باشدان بو گون اوغول آت سن

بیر لحظه آرام اول لایلای دیوم یات سن

نه سو دیوب آغلا نه قانیوه بات سن

لایلای علی لایلای لایلای بالام لایلای

 

چوخ جستجو قیلدوم سو صحبتین ایتدوم

بو گون سودان اوتری هر خیمیه گیتدوم

سن تک سوسوز گوردوم هر بیر کسه یتدوم

لایلای علی لایلای لایلای بالام لایلای

 

ایتدوقجا سن ناله یانّام اوزوم یانّام

قالماز علی اصغر دلده دوزوم یانّام

گورّم سنی آغلار آغلار گوزوم یانّام

لایلای علی لایلای لایلای بالام لایلای

 

هر بیر آنا گورسه اوغلین اوغول سن تک

واردور یری یانسون قان آغلاسون من تک

غنچه لبون سولموش افسرده گلشن تک

لایلای علی لایلای لایلای بالام لایلای

 

آز آغلا آز یاندور من بیکس و زاری

بیر بیله گوزیاشون ایتمه یوزه جاری

آرام دوت آخِر یات بیر سنی تاری

لایلای علی لایلای لایلای بالام لایلای

 

«شهاب» بو غمده آغلا فغان ایله

هر بزم ماتمده اشکون روان ایله

بو سوز گوزل سوزدور ورد زبان ایله

لایلای علی لایلای لایلای بالام لایلای

 

مرحوم شهاب تبریزی

منبع مجموعه کانالهای مدح و مرثیه

موضوع: حضرت رباب (س) ,
زبان شعر و شاعر: نوحه ترکی , شهاب تبریزی

 

------------

 

 زبانحال حضرت رباب (سلام الله)

 

عطش سالوب گُل رخساریوی صفادن اوغول

سوسوزلوقون بولورم سوزش هوادن اوغول

 

سو یوللّارین بالا سدّ ایلیوبله کوفه لیلر

کیمه شکایت ایدوم قوم اَشقیادن اوغول

 

نه واردی سود بالا سینَمده نه گَلور اَله سو

بو خیمه لر بوشالوب شربت و غذادن اوغول

 

دوداقلارون قوریوب ضعفدن باتوب نَفَسون

ضعیف اولوب بدنون نی کیمی نَوادن اوغول

 

سیزیلدیوب آناوی بیر بیله کباب ایلمه

آنان هلاک ایدوری ئوز ئوزون بُکادن اوغول

 

اوتانورام دولانوب باشوه یوزوندن ئوپم

واریمدی شرم بی بون دُخت مرتضادن اوغول

 

سو اولمادی علی جان من خجالتم سندن

باخانمورام یوزیوه کِثرت حیادن اوغول

 

خیال ائتمه عطش تک سالوب سنی دلدن

عطش سَسی اوجالوب عرشه نینوادن اوغول

 

اگر آچوب گوزیوی رنگ زردیمه باخسان

بولرسن حالیمی بو رنگ کَهربادن اوغول

 

سو جاملاری قوریوب سو تاپولموری ، اولسا

سویی مُضایقه ایتمز آنا بالادن اوغول

 

بولوب خجالتیمی باخموسلن منیم یوزومه

و یا علاقه کسوبسن بو بی نوادن اوغول

 

بو نِسکِلَه نجه من صبر ایدوم دوزوم دایانیم

عطش سالوب سنی دلدن منی قُوادن اوغول

 

چتیندی دلسیز اوشاق آج سوسوز قالا اوچ گون

نتیجه ائتمیه حاصب بالا آنادن اوغول

 

سالوب سو فکری سنی بیر علاجسیز درده

علاج اولسا اولار شاه کربلادن اوغول

 

بیر آز دابان علی گَلسون بو قانلی میداندان

باباوی با خبر ایلوم بو ماجرادن اوغول

 

سنی اَل اوسته آلوب دشمنه نشان وئرسون

که بلکه رحمه گلوب قورخالار خدادن اوغول

 

گُمان اگر چه یوخومدور سنه سو وئرسونلر

مگر بو اهل جفا اَل چَکَر جفادن اوغول

 

علاجی یوخ آناوین چون بیله مُقدّر اولوب

بو چولده قان ایجه سن شربت قضادن اوغول

 

سنون بو حالون ئولونجه رُبابی یاندوراجاق

ایدوم بو درده نه چاره گچوب دَوادن اوغول

 

مرحوم ذوقی

موضوع: حضرت رباب (س) ,
زبان شعر و شاعر: نوحه ترکی , ذوقی

 

------------

 

 زبانحال حضرت رباب (سلام الله)

 

عُذاره خون دلی گوز یاشیم کیمی اَلَرم

خدنگ آهیمیله قلب عالمی دَلَرم

بو اوخ یریندن آخان قانه زلفیمی بَلَرم

بالاسی اوخلانان آهو کیمی اوغول مَلَرم

بو قانلو قُنداقوی گه آچوب گهی بَلَرم

 

رُبابدن علی بو حالتون آلوب دوزومی

گورن کیمی سنی ایله ایتورموشم اوزومی

گر اولسا سود اَمری اوخلانان بولر سوزومی

بالاسی اوخلانان آهو کیمی اوغول مَلَرم

بو قانلو قُنداقوی گه آچوب گهی بَلَرم

 

قالیدی آغلار آنان چرخ سُفله چوخ چالشوب

یوزیمده خون جگر دور سرشگیمه قاریشوب

بو اودلی قلبیمی لیلا بُلر نجه آلشوب

بالاسی اوخلانان آهو کیمی اوغول مَلَرم

بو قانلو قُنداقوی گه آچوب گهی بَلَرم

 

هامی بُلر علی سن طاقت و قراریمیدون

آنالار ایچره منیم عزّ و اعتباریمیدون

سرور سینَمدون مایۀ وقاریمیدون

بالاسی اوخلانان آهو کیمی اوغول مَلَرم

بو قانلو قُنداقوی گه آچوب گهی بَلَرم

 

دولویدی شوقیله دل روز وشب بو نیّتیله

که سوددن اصغریمی بیر آچیدیم عزّتیله

هزار حیف آلشدیم شرار حسرتیله

بالاسی اوخلانان آهو کیمی اوغول مَلَرم

بو قانلو قُنداقوی گه آچوب گهی بَلَرم

 

سزادی سنسیز اُلونجه غم آتشینده یانام

توکم سرشگیمی رُخساره اشگیمه بویانام

دوزر بو محنته هانسی آنا که من دایانام

بالاسی اوخلانان آهو کیمی اوغول مَلَرم

بو قانلو قُنداقوی گه آچوب گهی بَلَرم

 

مَلولدون اَلیوی باغلادیم که ایتمه تلاش

گذشت ایله بالا بُلمدیم منِ کُلباش

بو سن بو سینم ایله ایلوسن نقدر تلاش

بالاسی اوخلانان آهو کیمی اوغول مَلَرم

بو قانلو قُنداقوی گه آچوب گهی بَلَرم

 

دیدیم اگر بالا آز آغلا سینمی داغلا

هاچان دیدیم بیله یات راه چاره می باغلا

سَسون فداسی اولوم گوگلوم ایستوری آغلا

بالاسی اوخلانان آهو کیمی اوغول مَلَرم

بو قانلو قُنداقوی گه آچوب گهی بَلَرم

 

بالانون اُنّوگنون رنگین آق سُوَر آنالار

گوگلده مایل اولور قرمز اُنّوگه بالالار

بیله آلار بالا گوگلین علاجسیز آنالار

بالاسی اوخلانان آهو کیمی اوغول مَلَرم

بو قانلو قُنداقوی گه آچوب گهی بَلَرم

 

اوتانماسام علی بو نعشون اوسته باش آچارام

لوای آهیمی اوج مصیبته ساچارام

ایاق یالین باش آچوخ قویسالار چوله قاچارام

بالاسی اوخلانان آهو کیمی اوغول مَلَرم

بو قانلو قُنداقوی گه آچوب گهی بَلَرم

 

خدنگ ظلمله اوز قانوه بویاندون اوغول

آناندا ظلم اودینا یاندی سنده یاندون اوغول

آنان مَلَر قالی سنسیز بو سرّی قاندون اوغول

بالاسی اوخلانان آهو کیمی اوغول مَلَرم

بو قانلو قُنداقوی گه آچوب گهی بَلَرم

 

بو سود اَمَر بالا «نجمی» شهید لر گوزیدور

شهادتین گویونون بیر ایشیقلی اولدوزیدور

بو دلخراش کلامون رُبابین اوز سوزیدور

بالاسی اوخلانان آهو کیمی اوغول مَلَرم

بو قانلو قُنداقوی گه آچوب گهی بَلَرم

 

مرحوم سیّد یوسف نجمی

منبع مجموعه کانالهای مدح و مرثیه

موضوع: حضرت رباب (س) ,
زبان شعر و شاعر: نوحه ترکی , نجمی

 

------------

 

زبانحال حضرت رباب (سلام الله) 

 

گون کی غروب ایدر دولانار آی گلر علی

آی جلوه سین ستاره لره گسترر علی

 

بیر آیری منظره گورونر عرش و فرشیده

اوغلی اولن او منظره نی چوخ سوور علی

 

خیره اولوب ستاره لره ایسترم باخام

گوررم آخار یوزون یوزومه دوندرر علی

 

گلم فغانه آه چکوب آغلارام سنه

چشم فلک باخار منه دلدن گولر علی

 

ایله کرخدروبدی فلک اولمیان کیمی

اللر دئیر رباب بو غمدن اولر علی

 

بو وسعتیله عالمی زندان اولوب منه

ای کاش اولم غمونده من دیده تر علی

 

بو آرزونی صبح و مسّا ایلرم اوزوم

اولسم بو خسته جان؛ بیر آز دینجلر علی

 

گونلر ایوی غمونده اولوب مسکنیم منیم

دردیم ندور بالاسی اولنلر بولر علی

 

الله بولور کی آیریلغندان نه چکمیشم

چکمیش باشیم مدینه ده گل گور نلَر علی

 

سندن منه قماطیله بیر بوش بشیک قالوب

گاهی آنان آچار اونی گاهی بلر علی

 

گاهی سالار بو بوش بشیکه اوخشیار سنه

لای لای دیر یانار بشیکون ترپدر علی

 

خوش گونلریم سنیله کچوب آلتی آی مدام

دائم آنان او گونلره حسرت چکر علی

 

قالدوم عجب یامان گونه بو روزگاریده

دونسه دونرگه ساخلاماق اولماز دونر علی

 

گیتدون سو اوسته قانه بلشدون قیتمدون

ایتدون من فلک زده نی در به درعلی

 

سن باخ منه کی نقشه چکردیم گلن گونه

بولمزدیم هیچ قضا الون الدن یوزَر علی

 

دریا قوتولمازیدی سو ویرسیدیلر سنه

دولمازدی اودلی قلبیمه بیله شرر علی

 

سندن سورا آچلدی فراتین یولی ددیم

ای وای منه سو ایچسم اگر سود گلر علی

 

ایچدیم نه ایچدیم ایله بیر اود دوشدی جانیمه

گوردوم کی اودلی سینه ده بیر سود گزر علی

 

گلدیم فغانه سسلدیم ای سینه مین گولی

سس ویر منه یریندن ایله با خبر علی

 

اما او دم منیم سسیمه سس یتیرمدون

اولدوم دیریلدیم اولدی خلاصه سحر علی

 

آخر سنی ایتیردیم او چولده تاپانمادوم

آختاردی تاپدی مدفنیوی نیزه لر علی

 

گوردوم او ظالمی که تاپوپ قانلی قونداقون

بیر بیر دولاندروب قوشونا گورسدر علی

 

اولدوز مثالی اولدی نمایا ن او گول یوزون

اولدوخ دوباره شامه کیمین همسفرعلی

 

شامین یولوندا شامه کیمی اوخشاما ددیم

قان آغلادوم غمونده من خونجگرعلی

 

سسلردیم ای آناسینی گوزدن آتوب گیدن

گل سینه مه یرون بالا بوش گورسنر علی

 

چارم کسیلدی اللریوی باغلادوم سنون

سو اوسته ده بالا آناسندان کوسر علی

 

قربان اولا او پاچالانان لبلره آنان

قربانی ذبح ایدن اونا بیر سو ویرر علی.

 

.ای کاش آنان اُلیدی او احوالیله سنه

نوک جداده ایلمییدی نظرعلی

 

ای سینمه جهاندا سالان آیریلغ اوتون

.دردون منی مزاریمه تز گوندرر علی

 

آغلار گوزیله نظمه چکوب (ساده) غم سوزون

سندن برات کرب و بلا ایستیرعلی

 

شاهکاری کم نظیر از

استاد طهمورثی متخلص به (عتیق)

منبع مجموعه کانالهای مدح و مرثیه

موضوع: حضرت رباب (س) ,
زبان شعر و شاعر: نوحه ترکی , طهمورثی عتیق

 

------------

 

زبانحال حضرت رباب (سلام الله)

به حضرت علی اصغر (علیه السلام)

 

قوریوب سینم سویا یوخ گمان بالام آغلاما گلوم آغلاما

بو قدر کباب ایلمه اینان بالام آغلاما گلوم آغلاما

 

گورورم دوزنمیسن آجلیقا عطش ایلیوب سنه چوخ اثر

قالا آج سوسوز سودامر بالا داشا بو مصیبت ایدر اثر

بیر آنا که ایچمیه سو اوزی سینه سینده سود دولانور مگر

آنان اولسون ایلمه چوخ فغان بالام آغلاما گلوم آغلاما

 

بُلورم علاجینی دردیوین نیدوم الده چاره یوخ آغلارام

اثر شراره ی آهیمه یانارام بو سینه می داغلارام

گورورم خراش ایدوسن یوزون الیوی قماطیده باغلارام

هانی عقده ی دلیمی آچان بالام آغلاما گلوم آغلاما

 

ساتاشاندا گوزلریوه گوزوم گوزومون یاشین الرم بالا

آنالیق محبّتی جوش ایدر اوره گیم یانار ملرم بالا

داخی اوزگه چاره تاپانمارام بلگون آچوب بَلَرم بالا

ایدرم گوزوم یاشینی روان بالام آغلاما گلوم آغلاما

 

گورورم که ابر بهار تک بالا گوزیاشیله گوزون دولوب

اوره گون بو اوتلی دلیم کیمی شرر عطشله کباب اولوب

قورویوبدی غنچه دوداقلارون گل عارضون سارالوب سولوب

بو سولان جماله فدا آنان بالام آغلاما گلوم آغلاما

 

آلورام قوجاقیمه جان کیمی ایدم اوز علاقه می آشکار

بالالار کیمی سینه می دوتوب یاتاسان بیر آز اولاسان خمار

گورورم سینم یانور اود ویرور ایدوسن دوداقلاریوی کنار

یانوسان سیزیلدیسان آغلوسان بالام آغلاما گلوم آغلاما

 

دولانوب خیامی تاپانمادیم بیر ایچیم سو ای سودامر بالام

قورویان دوداقلارون ایسلادام جگرون حرارتینی آلام

من اگر بو دردیله اُلمیم بو جهاندا عمر ایلیم قالام

یانارام بو نسگله هر زمان بالام آغلاما گلوم آغلاما

 

نیه گوزلرون چوخورا دوشوب نیه صورتون سارالوب بیله

نیه گَلمور آغلاماقا سسون منی آز کباب ایله صبر ایله

هامونون باشی قاریشوب علی گَله گر بو حالی آتان بُله

سو تاپار سنه بُلورم آتان بالام آغلاما گلوم آغلاما

 

بو گئجه کِشیکدی گَلنمیوب سنی گورماقا بالا اکبریم

من اونوندا چوخ نگرانیم نگران باخور یولا گوزلریم

دیورم گَلیدی گوریدی بیر نجه جان ویرور سوسوز اصغریم

سنه سو تاپِیدی او مهربان بالام آغلاما گلوم آغلاما

 

دیورم گیدوم عمووا دیوم بالامی نفسدن عطش سالوب

ایدورم حیا بُله یوخ سودوم بودور علتی آنان آج قالوب

هامی چاره یوللاری باغلانوب هامینون قرارین عطش آلوب

اوجالوبدی گوگلره الامان بالام آغلاما گلوم آغلاما

 

گینه ای (حسینی) نه دلدی بو که ایدور دینده یارا دلی

بیله دل دیماقدان اوتور خدا سنه ایلیوبدی عطا دلی

دیمه ساده چخدی بو سوزلریم اولی ساده رسماً آنا دلی

آنالار بالایه ایدر بیان بالام آغلاما گلوم آغلاما

 

مرحوم حسینی سعدی زمان

منبع مجموعه کانالهای مدح و مرثیه

موضوع: حضرت رباب (س) ,
زبان شعر و شاعر: نوحه ترکی , حسینی سعدی زمان

 

------------

 

زبانحال حضرت رباب (سلام الله)

 

ای بو قربانگاه حقده بیر قوزی قربان اوغول

کیم بوغازوندان ووروب اوچ شعبه لی پیکان اوغول

 

هانسی قربانی اوغول ذبح ایلیوبله تیریله

یا بیله رفتار ایدوب صیّاد بیر نخجیریله

زهرلی اوخ نسبتی یوخ طفل بی تقصیریله

ظلمیده طغیان ایدوب بو فرقه ی عدوان اوغول

 

بو امیدیله علی میدانه گوندردیم سَنی

حالیوی بلکه گوروب رحم ایلیه قوم دَنی

بُلمدیم بو باره ده عفو ایت گذشت ایله مَنی

سو یرینه قوم کین پرور ایچیردَر قان اوغول

 

اِزدیاد دردیمه بو نکته دور اولموش سبب

قالدون اوچ گون اوچ گئجه ای غنچه لب سن تشنه لب

بونلا بیله من سنه لایلای دیردیم روز و شب

راضی اولمازدیم که اولسون گوزلرون گریان اوغول

 

آلتی آی صبح و مَسا چکدیم تمام زحمتون

شیره ی جان سود یرینه ویردیم ایتدیم خدمتون

سنده تیز کَسدون بو بیر ساعتده مندن الفتون

ایلدون عمریمجه توش محنت هجران اوغول

 

شدّت سوز عطشدن سینمی ایتدون خراش

حالیوه باخدوقجا من آخدی گوزومدن قانلی یاش

ایلدیم بونلا بیله دردون علاجینده تلاش

حیف اولا اولمادی مندن دردیوه درمان اوغول

 

گرچه بیر مدّت منی محنتله دمساز ایلدون

ناله ی لیلائیله دائم هم آواز ایلدون

شه حضورینده ولی یاخشی سرافراز ایلدون

خاکِ پایِ شاهه اولدون تشنه لب قربان اوغول

 

گُلشن اسلامی گوردون سولدوروب قوم عدو

قانیویله ویردون آخِر گُلستان دینه سو

تا جهان وار گُلشن اسلامیده وار رنگ و بو

ایتمیسَن دین مبینه خدمت شایان اوغول

 

اوچ گئجه گوندوز علی لای لای دیدیم هر آن سنه

بیر یاتوب دینجَلمدون اولسون آنان قربان سنه

نه دیلیله دیندیروب لای لای دیدی پیکان سنه

بیله راحت یاتموسان گوز آچموسان بیر آن اوغول

 

آتش غم یاندیرور از بس من زاری یاخور

اشک چشمیم تک عُذاره قلبیمون قانی آخور

سس اوجاتماقا نیدیم سلطان مظلومان باخور

قورخورام خجلت چَکه مندن شه عطشان اوغول

 

اولماسا مانع حیا من سس چکوب بیر آغلارام

سوزِ آهیمله دل آل عبانی داغلارام

اشکیله قانون یوووب، زلفومله زخمون باغلارام

لیک معذورم منِ حیران و سرگردان اوغول

 

اوچ گئجه گوندوز که سن لب تشنه قالموشدون علی

طاقت و آرامیمی قلبیمدن آلموشدون علی

بیر ساری گُل تک گیدن وقته سارالموشدون علی

اولموسان قونداق دولوسی لاله ی نُعمان اوغول

 

عاصینی غملر یوروب، درد ایلیوب زار و علیل

بستر محنتده دور بیر عمریدور طول و طویل

صدق اوزیله آستان پاکیوه دوشموش دخیل

سندن ایستر درد بی درمانینه درمان اوغول

 

 مرحوم عاصی

منبع مجموعه کانالهای مدح و مرثیه

موضوع: حضرت رباب (س) ,
زبان شعر و شاعر: نوحه ترکی , عاصی

 

------------

 

 زبانحال حضرت رباب (سلام الله)

 

او اوخ آتان کی سنی قانیله خضاب ایلیوب

اوخون آتاندا ، منیم قلبیمی کباب ایلیوب

 

دگنده اوخ ، ئورگیم بولدی خیمه ده، گوردوم

قزشدی قلبیمی اود دوتدی التهاب ایلیوب

 

او اوخ یخوب ایویمی، روزگاریمی چووروب

سنی اگر چه فرات اوسته کامیاب ایلیوب

 

دونن گون اورتا چاقندان ایتیرمیشم ئوزومی

کرخدروبدی منی فکریمی خراب ایلیوب

 

او اوخ نجه اوخوموش بولمورم ، دیولّه ولی

همان اوخون تایی سقّانی دلکباب ایلیوب

 

سحر اولونجا سالوب چخموشام دونوب دیمیشم

نه خاطره سنه ده اوچ پر انتخاب ایلیوب

 

یتیشمیشم بویره فکریمی ایدوب آزاد

مقام عشقده چون قهرمان حساب ایلیوب

 

گه آغلورام سنه گاهی باخوب فرحلنیرم

یوزونده نور خدا گور نه بازتاب ایلیوب

 

او قان دولان گوزیوه گوزلریم اولا قربان

دوباره قانلی باشون نی ده انقلاب ایلیوب

 

صبا آلور گوزل عطرون مشامیمه یترور

خمار و نشئه، منی عطر و بوی ناب ایلیوب

 

مشامیمه یتیشن عطریوه اوزوم قربان

او اوچ پر اوخ گولومی ایله بیر گلاب ایلیوب

 

اوجاتموسان باشیمی عرشه سن ایوین آباد

منی شهید آناسی هر گورن خطاب ایلیوب

 

ولی ئورکده منیم نچّه نیسگیلیم واردور

کچن گیجه او کی وار روحیمه عذاب ایلیوب

 

بیری بودور کی سو اوستونده باغلادوم اَلیوی

آنان خیال ایلیردی اوغول ثواب ایلیوب

 

ولی دیولّه او اوخ سانجلاندا حنجریوه

الی کی قونداقا باغلیدی پیچ و تاب ایلیوب

 

اودم سودوم یوخودی ناعلاج قالمیشدوم

دیمه آنام اَلیمی بسته طناب ایلیوب

 

گلوبدی سینمه سوت ایندی منّتون چکیرم

سالوبدی جانیمه اود، قلبیمی کباب ایلیوب

 

وریدیلر او باشی سینم اوسته ساخلاردوم

هزار حیف اولا کی دشمنیم جواب ایلیوب

 

نئیون یوخوندی سنون (ساده) دار فانی ده

بو بس کی اصغر آدی دیده وی پرآب ایلیوب

 

 استاد طهمورثی (عتیق)

منبع مجموعه کانالهای مدح و مرثیه

موضوع: حضرت رباب (س) ,
زبان شعر و شاعر: نوحه ترکی , طهمورثی عتیق

 

------------

 

 زبانحال حضرت رباب (سلام الله)

 

یوزوی گورمگه هر چند ایدوردوم عجله

آنوا اولمادی ممکن باشوون اوسته گله

مهربان عمه لرون وئردی سنی الدن اله

 

یارون اوسته آپاروب معجریمی سرمدیلر

قرمزی دوشلوگوی هیچ منه گوسترمدیلر

هاردا ای گنج شفاعت سنی شاه ائتدی نهان

یوزوی قویدی قرا تپراقا ای مونس جان

بالاجا قبروی عمون منه گر وئرسه نشان

 

قالمارام خیمه ده گللم اورگیم داغلیارام

صودیمی قبرون اوسته ساغارام آغلیارام

دیل بیلن رحم ایلیور رسمیدی دیل بیلمینه

چونکه دیل بیلمینون حاجتی وار دیل بیلینه

سنکه دینموردون او ظالم نیه اوخ وردی سنه

 

هانسی جلادون او قدرتده کمان چکدی الی

هانسی طفلون بوغازین اوچ پر اوخ اوچ بولدی علی

(انورا) طاقت انسانی آلان سوزدی بو سوز

ساده دور لیکن اورک پارچالیان سوزدی بو سوز

نوحه خوانلاره اولان ورد زبان سوزدی بو سوز

 

آغلادان گوزلری سوز یوخ سوزوون نسگلیدور

گوئیا اوغلی ئولن بیر آنانون ئوز دیلیدور 

 

مرحوم انور اردبیلی

موضوع: حضرت رباب (س) ,
زبان شعر و شاعر: نوحه ترکی , انور اردبیلی

 

------------

 

زبانحال حضرت رباب (سلام الله)

 

آنان اُلسون گوزون آچ اصغریم ایوای بالا وای

یاندورور عالمی نسگل لریم ایوای بالا وای

نیه بس آغلاموسان◽️سینمی داغلاموسان

 

منیدیم بو نچه آیدا دایانان زحمتیوه

جان دلدن ای اوغول مایلیدیم خدمتیوه

یانمامیشدیم ولی بو اوچ گئجه تک حالتیوه

یاندورور عالمی نسگل لریم ایوای بالا وای

 

سودیم اولمادی علی گَلدون عطشدن دله سن

آناوی عفو ایله دوشدون بیله بیر مشکله سن

خانمیم فاطمیه ایلمه مندن گِله سن

یاندورور عالمی نسگل لریم ایوای بالا وای

 

یانّام از بس که جگردن علی ایوای دیرم

دانیشیوب اوز اوزیمه بیردن اوغول وای دیرم

باخارام بوش یره گهواره ده لای لای دیرم

یاندورور عالمی نسگل لریم ایوای بالا وای

 

اشک دیدم یرینه آغلامیوم قان نجه من

یاده سالدوقجه سیزیلداردون اوغول نی کیمی سن

بُلی بو حالی بو نسگللریله اوغلی اُلن

یاندورور عالمی نسگل لریم ایوای بالا وای

 

من دیردیم سنی سوددن آچارام عزّتیلن

قالدیم افسوس بو سینمده قالان حسرتیلن

آچدی اوخ دایه سی سوددن سنی چوخ زحمتیلن

یاندورور عالمی نسگل لریم ایوای بالا وای

 

آنان آغلار قالی، بو نکته نی بُلموشدون اوغول

اوخ دگنده بوغازوندان اودی گُلموشدون اوغول

احتیاجون یوخیدی سن اوزون اُلموشدون اوغول

یاندورور عالمی نسگل لریم ایوای بالا وای

 

قالوب آخِر علی بیر نوعی قولاقیمده سسون

دیرم بس گنه آغلارسان اوغول، وار نفسون

یره قویماقه الیم گَلموری قوشسوز قفسون

یاندورور عالمی نسگل لریم ایوای بالا وای

 

دوشوری یادیمه بوندان قاباق اوچ ساعت علی

سنی ایتمیشدی سوسوزلوق ایله بی طاقت علی

بیر بیرینه ویروب آغلاردی اوشاق عورت علی

یاندورور عالمی نسگل لریم ایوای بالا وای

 

اوزیوی سنده اوغول عاشق جانباز ایلدون

ایوین آباد آناوی یاخشی سرافراز ایلدون

قاسم و اکبر آناسیله هم آواز ایلدون

یاندورور عالمی نسگل لریم ایوای بالا وای

 

یری وار آهیم اودیله یانا بو مُلک عراق

آنان اُلسون علی بو حالون آنالاردان ایراق

کیم گوروب ایمدیه دین اوخلانا آلتی آیلوق اوشاق

یاندورور عالمی نسگل لریم ایوای بالا وای

 

ظاهراً ‌غملیم اولمام علی باطنده ملول

بُلموشم حق ایلیوب سن قوزی قربانی قبول

شور محشردی ویروب سس سسه اولاد رسول

یاندورور عالمی نسگل لریم ایوای بالا وای

 

بالانون آنا دل آچماقنه چوخ مایل اولور

دل آچوب خاصّه ایاق دوتماقنه خوشدل اولور

گورمدیم من بالا نه نوعیله شیرین دل اولور

یاندورور عالمی نسگل لریم ایوای بالا وای

 

اورگیم باشین آلشدورّام علی هر نه قدر

ساکت اولماز آلشوب اودلانوب از بس که جگر

بو قدر بُلمزیدیم من غم هجراندا اثر

یاندورور عالمی نسگل لریم ایوای بالا وای

 

آنلامور چون که سکینه علی مهپاره باجون

دولانور بوش بِشیگون باشینه بیچاره باجون

حقّی وار اُلسه وطنده قالان آواره باجون

یاندورور عالمی نسگل لریم ایوای بالا وای

 

بُلمرم من علی بیر اوخ سنی نه حاله سالوب

گَلوب هر کیمسه تسلّی ویره آرامین آلوب

قاریشوب بیر بیره قونداقون اَلیم اوسته قالوب

یاندورور عالمی نسگل لریم ایوای بالا وای

 

(صافی) بیر جمع دیوللر هامی آغلار گوزیله

کربلایه گیدیروخ سنده سورون گَل بیزیله

خیمه گاهین در و دیوارینی یاز بو سوزیله

یاندورور عالمی نسگل لریم ایوای بالا وای

 

 مرحوم صافی تبریزی

منبع مجموعه کانالهای مدح و مرثیه

موضوع: حضرت رباب (س) ,
زبان شعر و شاعر: نوحه ترکی , صافی تبریزی

 

------------

 

زبانحال حضرت رباب(سلام الله)

بعد از شهادت حضرت علی اصغر(علیه السلام)

سن سیز علی روز و شب ذکریم اولوب وای اوغول

من سنه لای لای دیوم یا دیوم ای وای اوغول

 

اوچ گیجه گوندوز علی هر نه دیدیم یاتمادون

باشدا کی سو فکرینی باشدان اوغول آتمادون

ویرمدیلر سو سنه مقصدیوه چاتمادون

من سنه لای لای دیوم یا دیوم ای وای اوغول

 

دل یوخیدی حالیوی ایلیه سن یاخشی فاش

یاندون اوغول آغلادون سینه­می ایتدون خراش

منده ئولیدیم سنی گورممیش اولده کاش

من سنه لای لای دیوم یا دیوم ای وای اوغول

 

چون سنون اسکاتوی حرمله ایجاب ایدوب

هم سنی دلدن سالوب هم منی بی تاب ایدوب

اوز بوغازوندان آخان قانیله سیراب ایدوب

من سنه لای لای دیوم یا دیوم ای وای اوغول

 

دوتموسان الفت علی گوردیله پستانیله

آچدیلا سوددن سنی زهریلی پیکانیله

قویدولا یاخشی منی ناله و افغانیله

من سنه لای لای دیوم یا دیوم ای وای اوغول

 

گیتمز علی سینه دن دیرناقیوون یرلری

حشره گلنده آنون تک بو یری گوستری

فاطمه نی یاندیری آغلادی پیغمبری

من سنه لای لای دیوم یا دیوم ای وای اوغول

 

بسکه سکینه یانور سن کیمی قارداشینه

خیردا اوشاقلار باخور آغلوری گوز یاشینه

هی دولانولار اوغول بوش بشگون باشینه

من سنه لای لای دیوم یا دیوم ای وای اوغول

 

گه سنی بوش امجگه سالدیم اوغول آغلادیم

گوردوم علی دوزموسن اللریوی باغلادیم

اکبر آناسی کیمی منده جگر داغلادیم

من سنه لای لای دیوم یا دیوم ای وای اوغول

 

خیمه لری سو دیوب هر نه دولاندیم علی

اولمادی بیر کیمسه دن چاره دایاندیم علی

گاه اوز احوالیمه گه سنه یاندیم علی

من سنه لای لای دیوم یا دیوم ای وای اوغول

 

حالیمی آنلار گورن دیده گریانیمی

سینمه بیر اود دوشوب یاندوریری جانیمی

گرچه دیوب اوخشارام سن قوزی قربانیمی

من سنه لای لای دیوم یا دیوم ای وای اوغول

 

گاه بو بوش سینه دن عطرون آلیب آغلارام

گاه ایاق دوتماقون یاده سالوب آغلارام

اللری قوینوندا من گرچه قالوب آغلارام

من سنه لای لای دیوم یا دیوم ای وای اوغول

 

هر آنا اوز اوغلونی اوخشیوب آغلار یانار

هر باجی قارداشینه گرچه سیزیلدار یانار

لیک رباب ایندیدن هر نه قدر وار یانار

من سنه لای لای دیوم یا دیوم ای وای اوغول

 

قالدی اوغول اودلانان قلبده نیسگیلریم

هانسی الیله منیم حل اولی مشکل لریم

داشه دیسم بولمیشم یاندیری بو دللریم

من سنه لای لای دیوم یا دیوم ای وای اوغول

 

نه یوزیله یثربه ای علی بیرده گیدیم

گورسم اگر سود امر بیر بالا بس من نیلئیم

هانسی زمانون سنون یاده سالوب ذکر ایدیم

من سنه لای لای دیوم یا دیوم ای وای اوغول

 

من نجه سن سیز باخوم بیرده گوله گلشنه

آغلامیوم گلمیوم صبح و مسا شیونه

یاخشی ملر قالمیشام وای منه ای وای منه

من سنه لای لای دیوم یا دیوم ای وای اوغول

 

نیلر او ساعت آنان گر دوشه بیر گون اله

سو ایچه سیراب اولا سینه سینه سود گله

ای سبب هجرت صبر دل و حوصله

من سنه لای لای دیوم یا دیوم ای وای اوغول

 

ای گئجه لر یاتمیان ایمدی نولوپ یاتمسان

یوخسا سوسوزلوق غمین دلدن اوغول آتمیسان

من سنه لای لای دیوم یا دیوم ای وای اوغول

 

آغلامورام من سنه آج و سوسوز اولموسن

سن اوغول اوخلانماقین لذتینه گولموسن

قان آتاوا آغلورام سرین اوزون بولموسن

من سنه لای لای دیوم یا دیوم ای وای اوغول

 

آخشام اولی وقت اولی سود امره سود امر

سود امرین شوقونا سینه لره سود گلر

هانسی آنا صبر ایدور اوخلانا گر سود امر

من سنه لای لای دیوم یا دیوم ای وای اوغول

 

(صافی) اگر ایسته سن فاطمه دلشاد اولا

اصغر آناسی گرک ذکر اولونا یاد اولا

بسدی اولونجه بو سوز موجب فریاد اولا

من سنه لای لای دیوم یا دیوم ای وای اوغول

 

 مرحوم صافی تبریزی

منبع مجموعه کانالهای مدح و مرثیه

موضوع: حضرت رباب (س) ,
زبان شعر و شاعر: نوحه ترکی , صافی تبریزی

 

------------

 

زبانحال حضرت رباب (سلام الله)

 

باشیوی جداده گورن دیر گل گلستان رباب اوغول

بو جهاندا آل امیّه نین ایوی کاش اولیدی خراب اوغول

 

بو طرفده بیر قوری نی کیمی ایدورم نوا من بینوا

او طرفده چنگ و ربابیله بیزه پیشواز ایدوب اشقیا

قاریشوبدی بیربیره نای و نی چخوب عرشه ناله ایله نوا

بو طرفده ناله رباب ایدر او طرفده ناله رَباب اوغول

 

سرِ نِی ده گون تک اولوب باشی آتاوین مروّج شرع و دین

ولی گیزلدردیله قوم کین باشون اولماسیدی اونا معین

باشون ایلوری اَمَویلرین هامی کفر و ملعنتین مبین

نه کسوبدی بیر سودامر باشین نه کسر بیر اهل کتاب اوغول

 

نه اولوبدی بیر اوشاقا ستم سنه یوز ویرن بو ستم کیمی

بیر آنایه نه یتیشوب الم ایویمی یخان بو الم کیمی

ایله دلده موجه گلوبدی غم داشوری گوزوم یاشی یم کیمی

نه اولار غمون کیمی بیر عزا نه منه مثال مصاب اوغول

 

غم و غصّه یوز ویروری گوزوم باخوری بو شهریده هر یانا

گورورم که بیر سودامر بالا آلوب اوز قوجاقینه هر آنا

آخوری عذاره گوزوم یاشی گلورم فغانه یانا یانا

ایشیدن سیزیلتیمی سویلوری یانوری اود اوسته کباب اوغول

 

ایکی حسرت اللریمی گهی دیزیمه قووشدورورام علی

گهی سینمین سودی موج ایدور سینمی اوغوشدورورام علی

بو طریقیله اورگیمده کی اودیمی سووشدورورام علی

چوخ عجبدی صاق قالوب اُلموری بو ایوی خراب رباب اوغول

 

دگوری صبا یِلی نیزه ده حرکت ویرور بالا تِل لره

پوزوری شماتت ایدنلری ایدوری ملول بو منظره

او غمیکه یاندورا دشمنی گور اولار نه سوزشی مادره

آنانین داش اولسا اگر دلی گور ایدر تحمّل و تاب اوغول

 

بیر اووون بالاسینی رسمیدور ایلیه بیر اوچی شکار اگر

آناسی دالنجا دوشر ملر بالاسی گیدن یولی طیّ ایدر

باشیوین دالنجا اودور دوشوب بو ایوی یخلمش آنان ملر

ایدر اوز دقایق عمرینی اجلی گلینجه حساب اوغول

 

فلک هدایته شمسدور آتاوین کسوک باشی نیزه ده

قمر منیریدی تک به تک هامی قوم و قارداشی نیزه ده

او گویون ستاره سی دور باشون مه و مهر یولداشی نیزه ده

ایله بیر ستاره گوروب نه یر نه بو هفت پرده قباب اوغول

 

هله گرمدور ایله داغ دل که بولنمورم اثراتینی

بولرم مرور زمانیله بو مصیبتین حرقاتینی

ایشیده اگر بیر آچوخ قولاق بو یارا دلین ضرباتینی

غم اودی بولر سو کیمی ایدوب بو یارالی قلبی مذاب اوغول

 

آناوین الیندن آلوب ایله بو ملال تاب و توانینی

که چکوب سس آغلوری باخموری ایشیدولّه داد و فغانینی

منه ویرسه لر او کسوک باشون یووارام سرشکیله قانینی

گل سرخ تک اُپوب ایگلرم سپرم او گل یوزه آب اوغول

 

هله بو اسارت غمفزا هله بو شماتت اشقیا

اولور آغلاماقلیقا مانعیم دیه بولمورم سوزیمی بالا

دولانوب اگر گله بیر زمان بو اسیرلیقدان اولام رها

ایله آغلارام یم اشکیمه گورونر بو چرخ حباب اوغول

 

بیر حسین نوکری که اونون بو حسینه چوخدی محبّتی

لقبی هنرور آدی حسین حاجی بقّال اوغلیدی شهرتی

دیدی یاز (حسینیه) اصغرین باشنا بو شرح مصیبتی

باشیوی جداده گورن دیر گل گلستان رباب اوغول

 

مرحوم حسینی سعدی زمان

منبع مجموعه کانالهای مدح و مرثیه

موضوع: حضرت رباب (س) ,
زبان شعر و شاعر: نوحه ترکی , حسینی سعدی زمان

 

------------

 

زبانحال حضرت رباب (سلام الله)

 

علی ای ربابین مارالی

ربابین شیرین دل غزالی

عطشدن سولان رنگ الی

بالام یات

 

یات ای اناسین سالان دردی درده بالام یات

یانام باخاندا بو رخسارزرده بالام یات

گزدیم خیامی سویوخ  بی نفرده بالام یات

ایوای بالام یات

 

ندیم آی منیم شیر خواره ام

مدد ایلمور بخت قاره ام

الیمده بالا یوخدی چاره ام

بالام یات

 

از قلبیوی نار دردو ملالیله داغلا

گوزدن علی اشگوی از عذاریوه باغلا

ایوای بالام وای

 

اورگ دردیوی از عیان ویر

بیر از قلبیوه دوز توان ویر

سو یوخدور دیلون از نشان ویر

بالام یات

 

گل باشیوه قیل تصدق ربابی دولاندیر

دردیم علی چوخدور از قلبیمی غمله یاندیر

چوخ سینمه باخما اصغر منی از اوتاندیر

ایوای بالام یات

 

اولوبسان اگر غمله خسته

اناندا اولوب دل شکسته

اماندی علی از سو ایسته

بالام یات

 

بوردا علی میهمانی عجب یوخلیولار

از محنتی قلبیلرده اوغول چوخلیولار

سو ایستمه کیم سو ایستیر علی اوخلیولار

ایوای بالام یات

 

گهی قلبی غمله یا خیرسان

گهی ضعف ائدیرسن اخیرسان

فراته نیه چوخ باخیرسان

بالام یات

 

باجادی اشگیله دل دردیوه سان ویریرسن

دلگیر اولوب محنتون دهرده اعلان ویریرسن

انصافیدی من باخام سن علی جان ویریرسن

ایوای بالام وای

موضوع: حضرت رباب (س) ,
زبان شعر و شاعر: نوحه ترکی