متن نوحه ترکی کلامی زنجانی

مجموعه اشعار آیینی استاد ولی الله کلامی زنجانی برای متن نوحه ویژه محرم و ایام عزاداری

زبانحال حضرت زینب (سلام الله) در حال احتضار

 

سنی آنام جانی تز گل یامان گونومدی حسین

صولوبدی عمر بهاری خزان گونومدی حسین

 

گون ایستیسینده سنی کولگیه چکن باجوام

منیمده گون قاباقندا قالان گونومدی حسین

 

دیردیم اولمیا سندن اوزاق مکاندا ئولم

ئورکده قالدی بو حسرت همان گونومدی حسین

الیمی هئچ کسه من احتیاجه آچمامیشام

گوزوم یولوندا سنه یالواران گونومدی حسین

 

قویاندا من الیمی قوینوما سن آغلاردون

او نازلی گوزلریوی آغلادان گونومدی حسین

 

باخان دیور بونون حتما اورکده یاره سی وار

بو منظره هامینی یاندیران گونومدی حسین

 

یُواندا کاش منی قورخمییدی غساله

بو نیلگون بدنه غسل اولان گونومدی حسین

 

سنه که چاتمور الیم کوینگون قوجاخلامیشام

بونی آنام توخیوبدی فغان گونومدی حسین

 

یتور بو حالی بنی هاشمون جوانلارینا

گلون گلون باشیمون اوسته سان گونومدی حسین

 

اراده قالسا جنازم بو شامین اهلی گولر

وفالی ائللریمی آختاران گونومدی حسین

 

الیوی سینمه قویسان یوز ایلده من یاشارام

کسیلمیش اللری یاده سالان گونومدی حسین

 

سلام اولا او ابوالفضلیمون دوشن قولونا

کنار علقمه حسرت باخان گونومدی حسین

 

دئدیم وداعیده گئتمه گل ایندی من گئدورم

وداع گونی اتگوندن دوتان گونومدی حسین

 

استاد  کلامی زنجانی

موضوع: حضرت زینب کبری (س) زبانحال ,
زبان شعر و شاعر: نوحه ترکی , کلامی زنجانی

 

------------

 

زبانحال حضرت زینب (سلام الله) در حال احتضار

 

زینبین آیریلیق صبرین آلدی

قهرمانین یولون شامه سالدی

 

جان ویرنده دیوردی الهی

بس منیم ائلریم هاردا قالدی

 

ای منیم پاسبانیم ابوالفضل

لنگ اولوب کاروانیم ابوالفضل

 

زینبی قبلیه دوندرن یوخ

باشیوه گل دولانیم ابوالفضل

 

ای دوشن نهرین اوسته وجودی

قانلی بازوسی دینین عمودی

 

گل ایاقدان دوشوب غملی زینب

جان ویرور  دلده هجران سرودی

 

چوخدی سن تک حسینه علاقم

نیلوم کربلادن اوزاقم

 

آند اولا دلده که خاطراته

بو گیجه من حسینه قوناقم

 

گوگلوم ایستور گله باشیم اوسته

دینجله بلکه بو دلشکسته

 

پیشوازه دورام خسته خسته

یولّلارا گل سپیم دسته دسته

 

ای آدامسیزلارین آشناسی

غملی امّ البنینین بالاسی

 

 ای گوزل آدی باب الحوائج

زینبون دردینون یوخ دواسی

 

خواهشیم بیر  بودور نه گلایه

ایله درمان من مبتلایه

 

یا حسینی گتور شامه قارداش

یا آپار زینبی کربلایه

 

زینبین حالینه داغلار آغلار

چولده ویران قالان باغلار آغلار

 

رسمیدور باجیلار جان ویرنده

گوزلرین قارداش باغلار آغلار

 

گل یورولدو گوزوم آغلاماقدان

تنگه گلدیم اورک داغلاماقدان

 

بو گوزی باغلاماق آی ابوالفضل

چوخ چتیندی یارا باغلاماقدان

 

من همان زینب قهرمانم

 عمه پیر صاحب زمانم

 

هر قناد سیز قوشا لانه ویردیم

من اوزوم ایندی بی آشیانم

 

قلبیده نسگلیم چوخدی قارداش

جانه هجران غمی اوخدی قارداش

 

یدی قارداشه باجیدیم امّا

هیچ بیریندن خبر یوخدی قارداش

 

مایه یوخ عشقیمون مایه سینده

پایه یوخ صبریمون پایه سینده

 

من حسینه دعا گویم اما

قانلی بیر کوینگون سایه سینده

 

ای فرات اوسته پرچم وران  گل

زینبین قلبینی یاندیران گل

 

سیندی قارداش بئلیم آیرلیقدان

ای حسینون بئلین سیندیران گل

 

گوگلومی گل ابوالفضلیم آل گیت

جان چیخاندا باشیم اوسته قال گیت

 

گون ایونده قالان نعشه خاطر

شامیده باشیمه سایه سال گیت

 

هیچ ایو عالمده مشعلسیز اولماز

هیچ عزا خانه گیت گلسیز اولماز

 

گل گوزیمی دیدوم باغلا اما

هیچ گوزی باغلاماق السیز اولماز

 

کلامی زنجانی

موضوع: حضرت زینب کبری (س) زبانحال ,
زبان شعر و شاعر: نوحه ترکی , کلامی زنجانی

 

------------

 

زبانحال حضرت زینب (سلام الله) در حال احتضار

 

حسین غریب باجیوام اقربا دوشوب یادیما

سارالمیشام چمن با صفا دوشوب یادیما

 

گوزل گولوم باجی قربان آچوب سولان یریوه

نولیدی غم گونی زینب ویریدی جان یریوه

 

سلام اولا او گوزل تُربته،یاتان یریوه

هایانداسان ئولورم کربلا دوشوب یادیما

 

من آشنای غم و یار عشقیوم قارداش

باشمدا قاره علمدار عشقیوم قارداش

 

یتش هرایمه بیمار عشقیوم قارداش

شمیم تربت دارالشفا دوشوب یادیما

 

یادوندا وار گوزلیم سن گیدنده میدانه؟

گلوب باشیوا دولاندوم مثال پروانه

 

لیوی سینمه قویدون ئوزون غریبانه

غریبم ایندی همان ماجرا دوشوب یادیما

 

شهادتونده که اورنگ نازه چخدی باشون

بدن نشیبده قالدی فرازه چخدی باشون

 

گلنده کوفیه من،پیشوازه چخدی باشون

جدا باشندا کی بدرالدّجا دوشوب یادیما

 

گرک اورکده باجون آرزوسی دوفن اولونا

گوزوم یورولدی زبس باخدی کربلا یولونا

 

الیم یتشمدب عباسیمین اوزون قولونا

علینون اوغلی او مشکل گشا دوشوب یادیما

 

او زینبی که سو وَردون همیشه خاطرینی

مقایسه ایله بیر اولّیله آخرینی

 

یتور الهب منه یدّی قارداشین بیرینی

دلاوران دیار بلا دوشوب یادیما

 

انیس اولوب سنه خاطر غم زمانه منه

نه خانه قالدی غمونده نه آشیانه منه

 

غریب آنام کیمی چوخ دگدی تازیانه منه

بو حالدا حضرت خیر النّسا دوشوب یادیما

 

کلامی زنجانی

موضوع: حضرت زینب کبری (س) زبانحال ,
زبان شعر و شاعر: نوحه ترکی , کلامی زنجانی

 

------------

 

زبانحال حضرت زینب (سلام الله) در حال احتضار

 

ئولورم گل آغلا بیر آز منه

سنه من چوخ آغلامیشام حسین

 

آنامین او قانلی امانتین

سینم اوسته ساخلامیشام حسین

 

داریخوب بو آخر عمریده

اؤرگیم آنام جانی شامیده

 

الیم آشنالره چاتمادی

منی یاد ائدن هانی شامیده

 

باجیوین سینوب باشی کوفه ده

یارامین آخوب قانی شامیده

 

یارالی باشا نه حنا قویوب

نه هوروب داراخلامیشام حسین

 

آنام اوغلی عشق و محبتون

هله جان و خون و رگیمده دی

 

بیلن اولسا قرمزی خطیلن

یازیلوب آدون اورگیمده دی

 

منی چوخ دوگوبله سنه گوره

یئری قمچینین بیلگیمده دی

 

نه بیلور فلک بو الیمله من

نچه یاره باغلامیشام حسین

 

دئمورم سنه قوشولوب گله

ایکی نازدانه بالام گرک

 

اولاری گتورمه که گلسه لر

باشیمی اشاقه سالام گرک

 

سنه عاشقم من ئولنده ده

بالا حسرتینده قالام گرک

 

که یر آچماز آیری محبته

بو اورک که داغلامیشام حسین

 

نچه یول ئولوب دیریلم اگر

اورگیم نشان اولا داغلارا

 

آلیشوب یانام کولومی فلک

سؤورا سپه اوجا داغلارا

 

گنه آرزو ائدرم دگه

دوداقیم او قانلی دوداغلارا

 

بو هوسله شامه کیمی گزوب

یریوی سراغلامیشام حسین

 

بو خمیده قد باجیوین گرک

هدفی جوانلارا درس اولا

 

بو رویه مکتب عشقیده

هامی قهرمانلارا درس اولا

 

گئده کربلاده کی گلشنی

گوره باغبانلارا درس اولا

 

نه خزانه گللری وئرمیشم

نه باغون ایاخلامیشام حسین

 

من او زینبم که بو شهریده

علم قیامی اوجاتمیشام

 

یوخودان بو خلقی اویاتماقا

گجه لر خرابه ده یاتمیشام

 

باشیم اهل شامه اگلمیوب

دانیشوب حماسه یاراتمیشام

 

یتش ایندی دادیمه هاردا گور

دیزیمی قوجاخلامیشام حسین

 

کلامی زنجانی

موضوع: حضرت زینب کبری (س) زبانحال ,
زبان شعر و شاعر: نوحه ترکی , کلامی زنجانی

 

------------

 

در مدح حضرت زینب (سلام الله)

 

گوهرکنز پربها زینبین اللرینده دی

رمز کلید مدعا زینبین اللرینده دی

دردیوه ایستسن دوا زینبین اللرینده دی

چاره ی کل ابتلا زینبین اللرینده دی

ناخوشا نسخهٔ دوا زینبین اللرینده دی

 

حجت حق او زادهٔ فاطمه ی مکرمه

توصیه ایلیوب هامی ملتمسان عالمه

ئوز سوزیدور او حضرتین مطلبمه مقدمه

دردوز اولاندایالوارون صدقیله زینب عممّه

حاجتی ایلماق روا زینبین اللرینده دی

 

باجی زمانه گورمیوب زینب او با وفا کیمی

ایلیه خدمت اللی ایل قارداشینا آنا کیمی

سوزدانیشانداکوفه وشامیده مرتضی کیمی

کامه چکردی خطبه سی دشمنی اژدهاکیمی

چشم کلیم باعصا زینبین اللرینده دی

 

زینب او دخت فاطمه عالمه بی معلمه

دوقوز امامین عمه سی شهره اولان عوالمه

منطقی محکم ومتین نابغه ی مکالمه

قبره گئدنجه صبر ائدوب اگمه دی باش تألمه

آری صحیفهٔ ولا زینبین اللرینده دی

 

ای ره وصلت آختاران سالما ئوزون مشقته

قوی قدم عشق یاریله دایرهٔ محبته

ئوپ گوزل آستانه سین چات درجات رفعته

زینبه عرض ائله خانم یوللا منی زیارته

چونکه برات کربلا زینبین اللرینده دی

 

مکتب مرتضی علی زینبی ائتدی تربیت

تا وئره اقتداریلن عالمه درس معرفت

بعد شهادت حسین تاپدی بیر اوزگه منزلت

اولدی یگانه رهبر قافله ی مقاومت

رونق دین مصطفی زینبین اللرینده دی

 

بیر خانمی که خادم درگهی جبرئیل اولا

آدینی انتخاب ائدن ذات حق جلیل اولا

مدحت زین العابدین عزتنه دلیل اولا

حقه قسم عزیز اولارهر کس اونا دخیل اولا

دیده ی شاه و هم گدا زینبین اللرینده دی

 

سینه دن عشقی زینبون رفع غم و بلا ائدر

قلبی توز آلسا نورینون جلوه سی پرجلا ائدر

جذبه ی حسنی عالمی عشقینه مبتلا ائدر

لطفیله باخسا هرکسه جان مِسینی طلا ائدر

جوهر پاک کیمیا زینبین اللرینده دی

 

 استاد  کلامی زنجانی

موضوع: حضرت زینب کبری (س) مدح ,
زبان شعر و شاعر: نوحه ترکی , کلامی زنجانی

 

------------

 

در شهادت حضرت امام حسن مجتبی (علیه السلام)

 

آچ گوزیوی یاتما بئله حسنجان

زینبی آغلاتما بئله حسن جان

 

من چکه بولمم بلوسن فراقون

گه یغیسان گه آچوسان ایاقون

وجهی ندور پارچالانوب دوداقون

خون دله باتما بئله حسن جان

 

کیم سنی بو حاله سالوب عزیزیم

گل کیمی رنگون سارالوب عزیزیم

قاسمون افسرده قالوب عزیزیم

گوزدن اونی آتما بئله حسن جان

 

ای یوزی گون گویده سنه آی آغلار

فاطمه معناده دیر وای آغلار

زینبون افلاکه سالار های آغلار

آی کیمی گل باتما بئله حسن جان

 

وقت اذان اولدی دوروب اذان وئر

گلدی حسین قلبینه بیرتوان وئر

قاتلوی قارداشوا نشان وئر

اشگیمه قان قاتما بئله حسن جان

 

یوخدی آنام دل یاراسین بتورسون

قوی دیوم عباس ئوزینی یتورسون

ام بنینی بو ائوه گتورسون

هی گوزون ایسلاتما بئله حسن جان

 

کلامی زنجانی

موضوع: حضرت امام حسن مجتبی(ع) احوالات ,
زبان شعر و شاعر: نوحه ترکی , کلامی زنجانی

 

------------

 

احوالات حضرت امام حسن مجتبی (علیه السلام)

 

ئولورم یاتما اویان دور بوگجه یازینب

حَسنین حالی یاماندور بوگجه یازینب

رنگیم صولوب دوداقلاریم القاندی

آنام باجی جگرلریم دوغراندی

 

منکه بیرجرعه سو ایچدیم دوداقا جان گلدی

باشیم اوسته بوگجه قاصدجانان گلدی

آنامی سسلدیم آغزیمدان اودم قان گلدی

اودا مندن نگراندور بوگجه یازینب

 

بوگجه من قوناقام بیکس آنام زهرایه

باجی یاسیم قاریشار تعزیهٔ طاهایه

آنامین قبرینه قبریم اولاجاق همسایه

منی درک ایله آماندور بوگجه یازینب

 

لب خونینی گوروب گلمه باجی فریاده

قارداشون راحت اولوریوخدی وفا دنیاده

دورایاقه باجی بیرطشت ائله سن آماده

گوزون اطرافه دولاندور بوگجه یازینب

 

باجی بوآیریلیقین چاره سی یوخ صبرایله

یاغاجاق گرد بلا باشیوه چوخ صبر ایله

ورسالار کوچه ده تابوتیمه اوخ صبر ایله

دشمنیم چوخدی عیاندوربوگجه یازینب

 

داغیلورگلشن عمروم پوزولور اجلاسیم

ناله هجریمده هم عبدالله ائدرهم قاسم

ئوزون ئولدورمه باجی ایندی گلرعباسیم

او منه مونس جاندور بوگجه یازینب

 

 کلامی زنجانی

موضوع: حضرت امام حسن مجتبی(ع) احوالات ,
زبان شعر و شاعر: نوحه ترکی , کلامی زنجانی

 

------------

 

حسینون پرچمی

 

یل یاتار طوفان یاتار یاتماز حسینون پرچمی

دیده ی دوران یاتار یاتماز حسینون پرچمی

 

بوحسینونده عزیزان پرچمی اوچ رنگیدی

گنبدی  اوستونده  قرمز  یادگار  جنگیدی

هم یاشیل اعلان ایدورعباس اونون سرهنگیدی

سن قرا پرچم گوتور بو زینبون فرهنگیدی

سسله هر بنیان یاتار یاتماز حسینون پرچمی

 

قاره پرچم،قرمزی پرچم،یاشیل پرچم دیور

جاوداندور کربلا،خلقه حدیث غم دیور

تک حسینی لر دیمور بلکه هامی عالم دیور

ای مسیحی لر بو ذکری عیسی مریم دیور

پایه ی ادیان یاتار یاتماز حسینون پرچمی

 

ای عراقین تپراقی ویر شور و شَینوندن خبر

سنده دی آلتی امام ،ایفای دَینوندن خبر

یانجف یا سامرا یا کاظمینوندن خبر

هرطرفدن اود یاغور قبر حسینوندن خبر

قورخما بوبحران یاتار یاتماز حسینون پرچمی

 

عالمی ظلمت دوتوب شمعی گزور پروانه لر

آشنالردن دی دوتسون فاصله بیگانه لر

خانه ی امنیّت و احساندی ماتم خانه لر

قوی دیسونلر قاره سین گیدی گنه دیوانه لر

عالم امکان یاتار یاتماز حسینون پرچمی

 

بیز بو پرچمدن برات آللوخ ایشتسین مدّعی

گیتمه روخ آیری مسیره گیتسه گیتسین مدّعی

طعنه لر بسدی خطا یولدان قیتسین مدّعی

کیفر صدّامه باخسین عبرت ایتسین مدّعی

کاخ نامردان یاتار یاتماز حسینون پرچمی

 

یوخ موّرخده او قدرت ایلیه حفظ وفاق

چوخ قیامی ثبت ایدوب امّا پوزوب دست نفاق

شاه مظلومان مین اوچ یوزیتمیش ایل بوندان قباق

بیر قیام ایتدی سسیندن تتردی دوقّوز رواق

یازدی هر ارکان یاتار یاتماز حسینون پرچمی

 

بیر یانا عشق حسین انبوه موکب بیر یانا

یدّی دریا بیر یانا عطشان قالان لب بیر یانا

نسل آدم بیر یانا یتمیش مقرّب بیر یانا

یتمیش عاشق بیر یانا تک غملی زینب بیر یانا

بیلدی یورقون جان یاتار یاتماز حسینون پرچمی

 

اشقیا قورخوردی عباسین آدیندان تک به تک

گوردولر جنگ ایتمدی گیتدی قالوب شه بی کمک

واردی بیلموردیله زینبده قوای مشترک

تا حسین جان ویردی گوتدی پرچمی عباس تک

سس گلوب وجدان یاتار یاتماز حسینون پرچمی

 

معرفتسیز کوفیان باشسیز وجودی داشلادی

سجده ده اولدی حسین زینب نمازی باشلادی

سو دویونجا ایچمدی قانلان دوداقین یاشلادی

سسلدی عشقین بقاسی بیز باجی قارداشلادی

موج بی پایان یاتار یاتماز حسینون پرچمی

 

ای حسینی لر نه دردوز وار دوا زینبده دی

نینوا بیر قانلی صحرادور نوا زینبده دی

اختیارات قوام اولیاء زینبده دی

عشقه آند اولسون کلید کربلا زینبده دی

خیمه ی سوزان یاتار یاتماز حسینون پرچمی

 

عشقیده آری اسارت وار شهادتدن صورا

باشلادی اوز نهضتین زینب او نهضتدن صورا

وقرینی سندیرمادی مردان غیرتدن صورا

باغلادی بیر قاره معجر باشه غارتدن صورا

یعنی جوشقون قان یاتار یاتماز حسینون پرچمی

 

چخدی تل اوسته گوروب ایلور عربلر هلهله

قبله ی عشقه دوتوب یوز یعنی قانلی مقتله

سسلدی قارداشیم ای باشی دوشن الدن اله

من بیر ایش گورّم حسین تا عرشیدن بو سس گله

فتنه ی عدوان یاتار یاتماز حسینون پرچمی

 

ای ابوالفضلیم بو آغلار گوزلریم قربان سنه

اوخلانان مشگی چخارت یاددان دعا ایله منه

ای امیر کاروانیم دور اسیرم دشمنه

سن علمدن مطمئن اول ویرمیرم اهریمنه

شور نخلستان یاتار یاتماز حسینون پرچمی

 

اکبریم ای هامّیدان آرتیق رسوله بَنزیَن

ای رسول اللّه یولوندا قرمزی خلعت گیَن

ای منی پوزقون گورن گونلرده جان عمه دیَن

ایستورم سندن مدد ای عمّه سین چوخ ایستیَن

تاگورم طغیان یاتار یاتماز حسینون پرچمی

 

ای جوان قاسم عجب طوی دوتدی عاشورا سنه

باغلادی بیر دسته قرمز گل آنان زهرا سنه

قالدون آتلار دیرناقیندا یانمادی اعدا سنه

ساخلارام منده آناوی تا چاتا نجوا سنه

دیده ی گریان یاتار یاتماز حسینون پرچمی

 

ای علی اصغر که ایتدون سنده اوز دینون ادا

آخره قالدون ولی عالی مدال آلدون بالا

اوخلانان وقته گولوبسن جان عزیزیم مرحبا

خنده معناسی بودور بیلسین مریدان صفا

غنچه ی خندان یاتار یاتماز حسینون پرچمی

 

ای "کلامی" یازدیقون اشعاره تحسین ایستمه

اوزگه لر تحسینی بش گونلوقدی تضمین ایستمه

قاره کوینک خلعتوندور رخت زرّین ایستمه

حقّی یاز مولا کمکدی جانه تاْمین ایستمه

پرچم شاهان یاتار یاتماز حسینون پرچمی

 

استاد  کلامی زنجانی

موضوع: سایر موضوعات ,
زبان شعر و شاعر: نوحه ترکی , کلامی زنجانی

 

------------

 

 احوالات کوچ از شام

 

گئدورم رقیّه جانم امان آیریلیق الیندن

دور ایاقه باغری قانم امان آیریلیق الیندن

 

گوزی یاشلی باغبان چمن پیمبرم من

گلرم دوباره گئتسم سنی ترک ائدنمرم من

بالام اولماسا یانیمدا وطنه گئدنمرم من

گوزون آچ که خسته جانم امان آیریلیق الیندن

 

دئمه گلشن وفانی گوزلیم ایاقلادیم من

سنی شامه چان عزیزیم قوجاقیمدا ساخلادیم من

یل اسوب ائدنده برهم تلیوی داراقلادیم من

سنه یار مهربانم امان آیرلیق الیندن

 

منی غربت ایچره گوزدن نه تئز آتدون عمّه ن ئولسون

گئجه گوندوز ی سرشک غمه باتدون عمّه ن اولسون

یوزی توزلی توپراق آلتدا نجه یاتدون عمّه ن اولسون

بئله یاتما ناگرانم امان آیریلیق الیندن

 

آچلیوب طناب بیداد اسرا اولوبلا آزاد

قییدوب اساس غارت سنی عمّه لر ائدور یاد

قالوب الده گوشوارن اوجالوبدی عرشه فریاد

نجه گور غمه نشانم امان آیریلیق الیندن

 

گئدورم دیار عشقه تاپام عالم وصالی

یانورام کجاوه لرده یریوی گورنده خالی

نه دیوم سورشسا اکبر باجیمون نئجیدی حالی

سنه میر کاروانم امان آیریلیق الیندن

 

بو سوزی «کلامی» یازدی گئجه نین همان زمانی

که ستاره لر سپاهی بزه میشدی آسمانی

ملکوتی بیر سسیلن وئریلوردی صبح اذانی

دئدی منده خسته جانم امان آیریلیق الیندن

 

 کلامی زنجانی

موضوع: احوالات کوچ از خرابه شام ,
زبان شعر و شاعر: نوحه ترکی , کلامی زنجانی

 

------------

 

در اعیاد شعبانیه

 

مه شعبانه سلام عشقیلی اعیاده سلام

بو مقدس خبر و مژده ی میلاده سلام

هم حسینیله هم عباسیله سجاده سلام

اوچ گوزل گولدن الهی شهدا عطری گلیر

هر بیرین ایگله سه لر کرببلا عطری گلیر

 

 

هر نفس وار یئری شاه شهدادن دانیشاق

یا ابوالفضل وَ یا زین العبادن دانیشاق

هامیسی راضی دیلر کرب و بلادن دانیشاق

کربلا مهد شرف شور شهیدان یئریدی

کربلا دل یئریدی جان یئریدی قان یئریدی

 

ماه شعبان معظّم مه رحمتدی بو آی

موسم گسترهٔ نور ولایتدی بو آی

ماه تسبیح و دعا ماه زیارتدی بو آی

عطر و بوی گل نرجس بوریوب سامره نی

کیم برات ایستسه مهدی یازاجاق تذکره نی

 

حیدره حضرت حق طالع مسعود وئریب

کعبه مولودینه یعنی نچه مولود وئریب

گل وئریب حُسن وئریب عشق وئریب جود وئریب

اون بیرینده بو آیین عالمه اکبر گوز آچیب

اون بئشینده هامی عالملره رهبر گوز آچیب

 

ایستیرم نوریله روشن،دلِ تاریک اولسون

جشن میلادیدی عاشقلره تبریک اولسون

ایسته حقدن آقانین گلماقی نزدیک اولسون

یار گلسین علم عشق سرافراز اولسون

مهدی فرمانده اولان گون هامی سرباز اولسون

 

نور گوندن که شاخیر حضرت مهدی دندی

چشمه دن که سو آخیر حضرت مهدی دندی

بیزه گر یار باخیر حضرت مهدی دندی

بلی حرمت اولونار قطریه دریایه گوره

بیزه روزی وئریر الله گل زهرایه گوره

 

استاد کلامی زنجانی

موضوع: سایر موضوعات ,
زبان شعر و شاعر: نوحه ترکی , کلامی زنجانی

 

------------

 

احوالات کوچ از قتلگاه

 

دولانور علی قیزی مقتلی  قان ایچنده بیر بدن آختارور

یولون اوسته قافله لنگ اولوب باجی قارداشا کفن آختارور

 

الی باشدا دورت طرفه قاچور قییدور چوخور یره باش ورور

بو نه یردی دخت ابوتراب قدمین ترابه یواش ورور

یادینا او صحنه دوشوبدی که هامی بیر یارالیه داش ورور

پوزولوبدی گلشن آرزو گُلی بلبل چمن آختارور

 

دیور ا... عزّت هماسینون ندن آشیانه سی قالمیوب

قولی باغلی قوشلارینون ایوی تالانوبدی لانه سی قالمیوب

سویولوب وجودی حسینیمون باشی یوخ نشانه سی قالمیوب

گورورم هرایه آنام گلوب  اودا قانلی پیرهن آختارور

 

یورولوب اوتوردی یره دیدی آلوب عطرون اودلانورام حسین

بو قدر که داش توکولوب بورا  گئچه بولمورم یانورام حسین

بدنون نماسی پوزولسادا  گینه من سنی تانورام حسین

منی سن چاغور یریوی باجون ایتیرور دوباره دن آختارور

 

حرکت زمانی غم اهلینه  یارانوبدی غصّه لی منظره

اوزینی چمنده هر عندلیب یتوروبدی بیر گل پرپره

آنالار سرود وداع اوخور بیری قاسمه بیری اکبره

ایله بیل رباب ایتوروب اوزون الی باشدا سودامر آختارور

 

اسرای خسته ی نینوا  هامی دلده آه و نوا گیدور

آنادی باشندا قرا گیدور باجیدی اورکده یارا گیدور

دوزولوب نظامه کجاوه لر شهدا قالور اسرا گیدور

دولودی اورکلری دردیلن  ولی خلوتْ انجمن آختارور

 

گیدوری سکینه یواش یواش  یوزینون اوزین یووا علقمه

دیه شرح حالینی مو به مو سویانندا صاحب پرچمه

عمو جان دور اللریوه فدا  کمک ایله غصّه لی عمّه

گه چاغیرور هرایه بیبیم سنی گوزی یولدادی گلن آختارور

 

 استاد کلامی زنجانی

موضوع: کوچ از قتلگاه ,
زبان شعر و شاعر: نوحه ترکی , کلامی زنجانی

 

------------

 

در مدح حضرت ابوالفضل (ع)

 

بر برج وفا ماه دل آراست ابوالفضل

در درج صفا گوهر یکتاست ابوالفضل

 

به به چه خوش آئینه‌ی آئین تولاّ

وه مظهر آزادی و تقواست ابوالفضل

 

سیمای جوانمردی و ایمان و عطوفت

در معرفت و عاطفه دریاست ابوالفضل

 

با دشمن حق دشمن و با اهل ولا دوست

مصداق تولاّ و تبرّاست ابوالفضل

 

حق مسلک و حق مقصد و حق پیشه و حق گو

هر جا سخن از حق بود آنجاست ابوالفضل

 

پرورده‌ی دامان وفاداری و غیرت

بر نام صفا صورت و معناست ابوالفضل

 

بیگانه‌ی پیمان شکنان خود پی پیمان

در قاف مواسات چو عنقاست ابوالفضل

 

صاحب علم نصر من الله حسینی

شمشیر زن عرصه‌ی هیجاست ابوالفضل

 

در بحر یقین لؤلؤ لالای گرانقدر

از بهر حسین عاشق شیداست ابوالفضل

 

صرّاف زمانه همه حیران به چنین لعل

در منزلت و مرتبه والاست ابوالفضل

 

زانوی ادب پیش حسین می‌زد و می‌گفت

سوگند به حق نوکر مولاست ابوالفضل

 

بر وی دم میلاد، علی چون نظر افکند

زد بوسه و فرمود چه زیباست ابوالفضل

 

ناگاه کشید آهی و اشکش ز بصر ریخت

گفتند مگر ناقص الاعضاست ابوالفضل

 

فرمود نه، افتاده مرا کرب و بلا یاد

بینم به بنی فاطمه سقّاست ابوالفضل

 

بر دامن او چنگ بینداز «کلامی»

حاشا که جوابت کند، آقاست ابوالفضل

 

کلامی زنجانی

موضوع: حضرت ابوالفضل العباس (ع) مدح ,
زبان شعر و شاعر: نوحه فارسی , کلامی زنجانی

 

------------

 

ورود به ماه محرم

 

الله الله گنه باشلاندی محرّم دهه سی

دهه ی شاه شهیداندی محرم دهه سی

آیلار ایچره مه تاباندی محرم دهه سی

گور حسین سفره سین احساندی محرم دهه سی

آدی گلدی گوزوم ایسلاندی محرم دهه سی

 

ای دادان سفره ی احسانیده زهرا دوزونی

آچ محرم علمین اشگیله یو آل توزونی

آغلیان گوزلره باخ یاد ائله عشق اولدوزونی

بو قرا پرچمین آلتیندا کسون قوچ قوزونی

پرچم عشقه نگهباندی محرم دهه سی

 

ای ادب مشتریسی گوزله عوام اولمیاسان

غمی یاددان چیخادوب شادلیقا رام اولمیاسان

باخ امامین سؤزونه ضدّ نظام اولمیاسان

سعی ائله منحرف از خطّ امام اولمیاسان

بویوروب محیی ایراندی محرم دهه سی

 

بیزه هرنه یتیشوب اهل نظردن یتیشوب

وجهه بو مملکته صبر و ظفردن یتیشوب

نصرت ایرانه محرّمله صفردن یتیشوب

شهدایه اؤ شرف بیر صودامردن یتیشوب

اصغرین قتلینه اعلاندی محرّم دهه سی

 

دئمورم الده اولان عزّتیوه ناز ائلمه

دئمورم پرچم ایرانی سرافراز ائلمه

دیورم فرعی دوتوب اصلیدن اعراض ائلمه

قافیه عیبینی دوتما هنر ابراز ائلمه

شعریده قافیه گرداندی محرم دهه سی

 

آقاما قربان اولوم ایرانی پیروز ائلدی

باشی دالدان کسیلوب ایمانی پیروز ائلدی

نِی ده قرآن اوخودی قرآنی پیروز ائلدی

بلی اسلامی حسینون قانی پیروز ائلدی

بیل اؤ شمشیری یخان قاندی محرم دهه سی

 

فجر حسین نور حسین جلوه ی منهاج حسین

دوغولان گون ائلین گویلره معراج حسین

شهدا باشینه قانیله قویان تاج حسین

وئردی جان وئرمدی اهل ستمه باج حسین

اؤ اوجا همّته برهاندی محرّم دهه سی

 

دلده عالم بویی سؤز وار گچورم سوزلردن

عشق مولا آییرار ایری لری دوزلردن

ائتمدی شرم اوخ آتان بیرجوت آخان گوزلردن

گوزیاشی چاتدی ربابه گجه گوندوزلردن

ننه احوالینه حیراندی محرم دهه سی

 

اوندا که الدن اباالفضل علمی دوشدی یره

اوخلانان مشگی حسین گتدی ئوزی خیمه لره

العطش دلده هامی تیکدی گوزین صودامره

گوردولر گوزلر آخور جانی دوشوبدی خطره

اؤ غمه ایندیده سوزاندی محرم دهه سی

 

خیمه لرده دئدی مولا ندی شیون بیلورم

وئردون اول طفلی منه دردینی دلدن بیلورم

ای رباب آغلاما من غنچه وی گلشن بیلورم

سن ئوزون یورما بالامون دیلینی من بیلورم

غمه دؤز دهّه ی هجراندی محرم دهه سی

 

سیردن کاش قالیدون اؤ گون ای چرخ کهن

گور هارا چکدی حسینون ایشی ایام محن

سسینه وئرمدی سس چول دولوسی اهل فتن

صودامر بیر بالا اولدی اونا لبّیک دیین

گویده قوشلار آقاما یاندی محرم دهه سی

 

سس دوشوب لشگر آرا ناظر اولون جریانه

باغبان علوی گل گتورور میدانه

قونداق اوخشوردی قوجاقدا ورق قرآنه

دئدی بیر آز سو وئرون بو دوداقی عطشانه

دیلی یوخدی سیزه مهماندی محرم دهه سی

 

کاش سعد اوغلی دییدی آقا گئت باخما سووا

آب دریا قوتارار جرعه سو وئرساخ بالووا

سسلدی حرمله نی تا قانی قانیله یووا

دئدی چوخ ضربه گوروب هاشمی لردن بو قوا

اوخون آت موقع جبراندی محرم دهه سی

 

حرمله دیزلرینی وردی یره یوخ دئمه دی

شیرخواره بالیا نیلیه جاق اوخ دئمه دی

اوخ گلوب دگدی بوغازدان بالا هئچ اوخ دئمه دی

دوداقی گولدی بیر آز، آغلامارام چوخ دئمه دی

عالم اول گولماقا گریاندی محرم دهه سی

 

کیم گوروب جانی چیخاندا اوشاقین گولماقینی

کیم گوروبدی سو یانیندا بالیقین ئولماقینی

گوردی زهرا آقامین قان یارادان سیلماقینی

بالانین دردینه پیکانی دوا بیلماقینی

دئدی اوغلوم بالان اوخلاندی محرم دهه سی

 

جان بالا غملی بالا اوغلوی آز باغریوا باس

فاطمه سس وئره نوندی بو ندایه قولاق آس

دئمه عباسیم ئولوب ایلمه تکلیق احساس

آلا بیلمز قوجاقا اوغلووی قولسوز عباس

منه وئر جان سنه قرباندی محرم دهه سی

 

جان بالا صبریوه گویده متعجّبدی ملک

بیر اووج قان گویه سپدون بزنوب قانلا فلک

مرحبا عشقیوه عاشقلریوی ائتدون الک

مین سپاهه دگر عشق عالمی بو قانلی بلک

اصغرون عالمه سلطاندی محرم دهه سی

 

وئر منه گوهریوی غملی آنان گوهری دی

گوهرون سیندی ولی الله اونا مشتری دی

وئر باسیم سینمه سینم شهدا دفتری دی

ئوز نوه مدی اؤ بالا محسنیمون بنذری دی

اونا محسنده نواخواندی محرم دهه سی

 

 کلامی زنجانی

منبع مجموعه کانالهای مدح و مرثیه

موضوع: ماه محرم ,
زبان شعر و شاعر: نوحه ترکی , کلامی زنجانی

 

------------

 

در احوالات حضرت علی (علیه السلام)

 

جان یاامیرالمؤمنین،ای شه مردان

عرض نیازه گلمیشوق،قیل بیزه احسان

یامولا، یا حیدر/ ای جان پیغمبر

 

ای قبرپاکی شمع اولان بیزده پروانه

سن باخماسان زوّاریوه دل دؤنرقانه

لطف ائیله مولاگلمیشوق باب احسانه

سن ساقی کوثرآقا_بیزهامی عطشان

یامولا،یاحیدر/ای جان پیغمبر

 

گلزارجان تاپدی صفا بوزیارتدن

عشاقه ایوان نجف باشدی جنّتدن

باش گئتسه ده ال چکمه ریق بیزولایتدن

ایلرولای اهلبیت_دردلره درمان

یامولا،یاحیدر/ای جان پیغمبر

 

جان یاعلی ای دم وئرن کل انفاسه

واردلده شوق کربلاباخ بواحساسه

سن بیل حسین جانی بیزی تاپشیرعباسه

باب الحوائجدوربالان حامی قرآن

یامولا،یاحیدر/ای جان پیغمبر

 

استاد کلامی زنجانی

موضوع: حضرت علی (ع) احوالات ,
زبان شعر و شاعر: نوحه ترکی , کلامی زنجانی

 

------------

 

در احوالات حضرت علی (علیه السلام)

 

مسجدکوفه ده محشراولدی

قان آخیب چشم مولایه دولدی

سیندی ظلمیله رکن عدالت

آل پیغمبرین باغی سولدی

یاعلی یاعلی جان یارالی

یاره لی باشه قربان یارالی

 

جان عالم فدااول نمازه

خنجرآلتیندارازونیازه

کعبه مولودی معراجه گئتدی

چیخدی طاهااؤزی پیشوازه

یاعلی یاعلی جان یارالی

یاره لی باشه قربان یارالی

 

دهریدن مرتضی قلبی دویدی

تیرمحنت دل‌ِ زاری اویدی

آق محاسن قیزیل قانه باتدی

زینبین گوزلرین یولداقویدی

یاعلی یاعلی جان یارالی

یاره لی باشه قربان یارالی

 

کشتی دینی طوفان آپاردی

حیدری سجده ده قان آپاردی

جنّته کوفه دن مرتضانی

فاطمه گلدی مهمان آپاردی

یاعلی یاعلی جان یارالی

یاره لی باشه قربان یارالی

 

گوزیاشی مجتبانین آخاردی

یاندیریب عالمینی یاخاردی

هم حسین آغلییب هم ابوالفضل

خالی محرابه هردم باخاردی

 یاعلی یاعلی جان یارالی

یاره لی باشه قربان یارالی

 

استاد کلامی زنجانی

موضوع: حضرت علی (ع) احوالات ,
زبان شعر و شاعر: نوحه ترکی , کلامی زنجانی

 

------------

 

قره پرچم

 

یاد آورایام محرم قره پرچم

اعلان عزا رونق ماتم قره پرچم

 

قاره علمی هریره معبرده وروبلار

احرار اونی مسجدلره سر درده وروبلار

بیت اللهه باخساندا قرا پرده وروبلار

بو پرچمی فکر ایتمه فقط یرده وروبلار

گویلرده وروب عیسی مریم قره پرچم

 

یاتماز بو علم تاکه بشروار یر اوزونده

بیگانه لرین یوخدی اثر یاوه سوزنده

هیئات حسینی اولارین اوخدی گوزونده

نامرده ورار سیلی محکم قره پرچم

 

بو پرچمی زینب که عزاخانیه وردی

پرچم دیمه خنجردل بیگانه وردی

سیلی دهن زاده مرجانیه وردی

بیرتوزلی علم شامیده ویرانیه وردی

الاندا اسر اوردا مسلم قره پرچم

 

ای هیئتیلر تپراق اولون عشق ایاقندا

قاره علمی نصب ایلیون گوز قاباقندا

گورجک اونی تترر دلی حتی اوشاقندا

معناده دیر اصغر حسینون قوجاقندا

من باش چکرم هیئته گورسم قره پرچم

 

ور قاره که اسدیقجا دل دشمنی سیخسون

زهرا خانمون قویما سنق قلبی داریخسون

کیم قاره علم ورسا گوروم آق گونه چخسون

ای طعنه وران گیت ایون عباس آقا یخسون

نامحرمه هاردان اولی محرم قره پرچم

 

 استاد کلامی زنجانی

منبع مجموعه کانالهای مدح و مرثیه

موضوع: سایر موضوعات ,
زبان شعر و شاعر: نوحه ترکی , کلامی زنجانی

 

------------

 

در احوالات حضرت علی (علیه السلام)

 

بوگئجه کلثومه مهماندور علی

صبح آچیلساقانه غلطاندورعلی

 چیخما ای گون صبرائله

دم غنیمتدور هله

 

وارغم آثاری دل احبابیده

منتظر دورغملی معبد عابده

گئتمیه ای کاش ، مولا مسجده

آخرْعمرونده پریشاندورعلی

 

آزقالوب فرق امام اولسون دو نیم

یوخ شهادتدن دل مولاده بیم

وقت او وقت اولدی اولا زینب یتیم

ائوده گرم ذکر قرآندورعلی

 

قلب عالم غمدن ایلور اضطراب

گویده وار آثارشور و انقلاب

گوز تیکوبدی آسمانه بو تراب

دهر فانیدن گریزاندورعلی

 

طول عمرونده علی مغموم اولوب

ایللریله قبری نامعلوم اولوب

الله الله کیم بئله مظلوم اولوب

ظلم الندن سینه سوزاندورعلی

 

آه او ساعتدن گیوب عالم قرا

وردی اول باشه مرادی بیر یارا

قویمادی باری نمازین قورتارا

گوردولر سجّاده سی قاندورعلی

 

کلامی زنجانی

موضوع: حضرت علی (ع) احوالات ,
زبان شعر و شاعر: نوحه ترکی , کلامی زنجانی

 

------------

 

وصیت حضرت علی (علیه السلام) به حضرت امام حسن (علیه السلام)

 

بنشین دمی کنارم

ای جان من حسن جان

اکنون رسیده وقتِ

هجرانِ من حسن جان

 

غمخوارمستمندان ازپافتاده دیگر

جسمم توان خودراازدست داده دیگر

فردامرانبینی ای شاهزاده دیگر

بنگربه شانه های لرزان من حسن جان

 

ازمحنتم بلنداست صوت فغان زینب

واغربتاست هردم ذکرزبان زینب

من میروم عزیزان جان توجانِ زینب

حافظ بودشمارایزدان من حسن جان

 

تاریک گشته امشب کاشانه ی یتیمان

بعدازپدرتوهستی پروانه ی یتیمان

ازلطف سرکشی کن برخانه ی یتیمان

گریدبه حال ایتام چشمان من حسن جان

 

کن از رهِ مروّت باقاتلم مدارا

گرزنده مانم ای جان شایدکه بخشم اورا

درمان وَگرنیابم دارم همی تمنّا

یک ضربه زن که عدل است فرمان من حسن جان

 

نگذاشت ابن ملجم کامل شودنمازم

زدضربتی به فرقم وقت نیازورازم

فُزتُ وربّ کعبه گفتم که غرق نازم

شدلاله گون به محراب دامان من حسن جان

 

بردیدنم خبرکن اهل حرم بیاید

گشته حسین مضطرآماج غم بیاید

گوماه آل هاشم عباس هم بیاید

تسکین دهدبه قلب سوزان من حسن جان

 

گویدغم دلت راچشم ترت عزیزم

برسرمزن سلامت باداسرت عزیزم

من میهمانم امشب برمادرت عزیزم

درحال انتظاراست جانان من حسن جان

 

 حاج ولی الله کلامی

موضوع: حضرت علی (ع) احوالات ,
زبان شعر و شاعر: نوحه فارسی , کلامی زنجانی

 

------------

 

در مدح و میلاد امام حسن (علیه السّلام)

 

گل سبزچمن / یا امام حسن

مونس دل من/ یا امام حسن

حسن ای حُسن ازلی مولا

ارشدِاولادِ علی مولا

جان حسن جانم جان جانانم

 

سن عصمت ائوینه اولین بالاسان

کریم اهلبیت نه گوزل آقاسان

نولی اهل دلین گوگلونی آلاسان

ای یداللهین گوزلی مولا

ارشداولادعلی مولا

جان حسن جانم جان جانانم

 

ولادت خبرون رمضانداگلوب

رحمت آیه سیدی صبح اذانداگلوب

معرفت قمری گون چیخاندا گلوب

ای جمالون نوری جلی مولا

ارشداولادعلی مولا

جان حسن جانم جان جانانم

 

کعبه عاشقلری سنی قبله تانور

محبت چراغون هرئورکده یانور

شیعه پروانه دی باشیوادولانور

کسمه دامندن بو ال مولا

ارشداولادعلی مولا

جان حسن جانم جان جانانم

 

ای فرشته صفت اوصفاته سلام

جلوهٔ رحمت وبرکاته سلام

حَسنین یوزونده حَسناته سلام

یوخدی بوحُسنون بدلی مولا

ارشداولادعلی مولا

جان حسن جانم جان جانانم

 

ای زمین وزمان عشقینون زنده سی

ادب ئولکه سینون شاه بخشنده سی

بو«کلامی»اولوب قاپووین بنده سی

شعریمون بیت الغزلی مولا

ارشد اولاد علی مولا

جان حسن جانم جان جانانم

 

حاج ولی الله کلامی

موضوع: حضرت امام حسن مجتبی(ع) مدح ,
زبان شعر و شاعر: نوحه ترکی , کلامی زنجانی

 

------------

 

در مدح حضرت امام حسن مجتبی (علیه السّلام)

 

پس از علی شرف اولیا امام حسندی

که جانشین شه لافتیٰ امام حسندی

امام دوم اهل ولا امام حسندی

دئ دردیوی سنه مشکل گشا امام حسندی

او که تئز حاجتی ایلر روا امام حسندی

 

حسن که عالمه گلدی گئدوب ملال محمد

بو اولین نوه دی،ماه بی زوال محمد

امیر کشور احسان کریم آل محمد

یوزون گورن دئدی صلوات بر جمال محمد

که عیناً آینه ی مصطفی امام حسندی

 

گل آل مرادیوی ای شیعه پنج تن قاپوسیندا

عزیز عمریوی صرف ائتمه اهرمن قاپوسیندا

گُل ایستوسن دَره سن خیمه ویر چمن قاپوسیندا

هزار یوسف کنعان دوروب حسن قاپوسیندا

دیور که یوسف آل عبا امام حسندی

 

قوجاقلادی تزه مولودی مصطفی دئدی احسن

صورا دوداقلارینی اوپدی مرتضی دئدی احسن

دئمه فقط حسنه خیرة النسا دئدی احسن

تبارک الله او حُسنه،اونا خدا دئدی احسن

علینون اوغلی ولیّ خدا امام حسندی

 

عقیق عشقه تماشا ائله اگر یمنی سن

یمنده قالما قییت پیرو شه مدنی سن

حسین یانیندا وارون آبرو اگر حسنی سن

دئسن بو شاهه گدایم دیلله سنکه غنی سن

گدالری یتورن شاهلیقا امام حسندی

 

اگرچه کل بشر عاشق مرام حسیندی

اگرچه گویده ملک واله مقام حسیندی

اگرچه یر یوزونون شاهلاری غلام حسیندی

الیندن اوپ حسنین چون حسن امام حسیندی

دئ افتخار شه کربلا امام حسندی

 

حسن جهانه قدم قویدی نیمهٔ رمضاندا

ولادتی شب جمعیدی صبح وقت اذاندا

آقا حسین و حسندی شبابه باغ جناندا

حسین ائدر حسنه اقتدا نماز قیلاندا

حسینیانه بلی مقتدا امام حسندی

 

مسیح عالمه ششماهه گلدی ئوز آناسیندان

حسنده عین مسیحا گوز آچدی چون گل خندان

اولوب اوروجلوق آیی نازل اول طلیعه ی قرآن

ملائکین مقرب اونون جلالینه قربان

وئرن او نوریله کؤنه جلا امام حسندی

 

سوار مرکبیدی بیر گون اول مبارک اراده

دوشوب او حالیده بیر شاعرین گوزی او مراده

دئدی آتون نه گوزلدی آقا تئز اولدی پیاده

بویوردی آت سنون اولسون سلام او روح وِداده

ائدن او سائله بذل و عطا امام حسندی

 

کنار شهره گئدوب بیرگون اوچ نگار مؤقّر

حسن حسینیدی عبداللهیدی، زینبه شوهر

گوروبله بیر قوجا عورت امامی شوقیله سسلر

واریدی بیر قویونی ذبح ائدوب به عشق پیمبر

صورا ائدن اونی حاجت روا امام حسندی

 

دئدی مدینه ده گل ایلیوم بو خدمتی جبران

گلوب امام اونا مین گوسفند ایلدی احسان

هزار سکّهٔ دینار وئردی شاد اولا مهمان

بیوردی گئتسن حسین قارداشیمدا لطف ائدر الان

بلی ضعیفلره حامی آقا امام حسندی

 

گلوب حسین قاپوسیندا ائدوب ادای ارادت

حسینده وئردی او مقدار کامیاب اولا عورت

صورا گلوبدی در زینبه او سائل رحمت

اودا وئروب همان اندازه گئت دئدی به سلامت

سخاوت و کرمه رهگشا امام حسندی

 

آلاندا کشور ایران زمینی لشکر توحید

حسن او لشکره فرماهیدی ایلمه تردید

شجاعت حسنی ایلیوب عُمر ئوزی تایید

بلی فضیلت اودی یار و دشمن ایلیه تمجید

امیر لشکر و کل قوا امام حسندی

 

اونی زمان طفولیتینده بیر گونی طاها

سوار گردنی ائتمیشدی گوردی بیر عرب اوندا

دئدی سنون نه گوزل مرکبون وار ای گل زهرا

نبی بیوردی منه دئ واروندی راکب زیبا

رسول قلبینه آری صفا امام حسن

 

کریم شهرتی بی جا دگل او بحر سخایه

تمام مالینی اوچ دفعه بذل ائدوب فقرایه

وئروب دیردی یوخوم بوندان آرتیق ائتمه گلایه

نه دردون اولسا دئنن اول کریم اهل کسایه

بلی ائدن هامی درده دوا امام حسندی

 

پس از شهادت حیدر که اولدی حاکم امت

ادبله ایلدی قرخ مین نفر او حضرته بیعت

معاویه ائلدی آلتی آیدا غصب خلافت

امامی معرکه ده تک قویان جماعته لعنت

قالان مدینه ده بی آشنا امام حسندی

 

امامین عمرونی قرخ یدّی ایل یازوبلا یازانلار

وئروبله سمّ اونا هفتاد مرتبه یول آزانلار

بالالارین چاغوراردی سحر زمان اذانلار

بهار عمرونی تهدید ائدردی باد خزانلار

چکن زمانه ده بی حد جفا امام حسندی

 

غریبه لر کیمی آخر او ماه باتدی وطنده

گوزونده اشکینی ظلم اهلی قانه قاتدی وطنده

مدینه اهلی یادیندان اونی چیخاتدی وطنده

سپاه عایشه تابوتینه اوخ آتدی وطنده

بقیعده قبری بدون نما امام حسندی

 

حاج ولی الله کلامی

موضوع: حضرت امام حسن مجتبی(ع) مدح ,
زبان شعر و شاعر: نوحه ترکی , کلامی زنجانی

 

------------

 

توسل به امیرالمومنین حضرت علی (عل) و گریز به شهادت

 

مریض عشقیوم آقا علی علی

مگر بو درده وار دوا علی علی

اَتیم قانیم دئیر علی علی علی

چخار جانیم دئیر علی علی علی

 

سنه فدا اولوم که حق فداسی سن

کیم اولسا ملتجی گره گشاسی سن

گوزوم ضیاسی سن اورک صفاسی سن

حبیب کبریا شها علی علی

 

رسول اکرمین وزیری سن آقا

دیار رحمتین سفیری سن آقا

آیق اورکلرین امیری سن آقا

ستوده حجت خدا علی علی

 

نه جلوه جوهره عَرَض گر اولماسا

هامی قبول ائدرغرض گر اولماسا

طبیبی کیم تاپار مرض گراولماسا

یازایندی نسخهٔ شفا علی علی

 

بیزیم طبیبیمیز اولار مریضه یار

که دردی توختاماز بیر آزدا آرتیرار

مرض چوخالماسا یوخ عشقه اعتبار

همیشه لیق ایله عطا علی علی

 

سن ای زمانه ده بشیر مؤمنان

ولایتون مهِ منیر مؤمنان

سنه هامی دئیر امیرمؤمنان

قاپوندا ماخلق گدا علی علی

 

سنی ائدر ملک فلکده جستجو

اولوب فرشتیه وصالون آرزو

شهادتون وئروب نمازه آبرو

وورولدی باشیوه یارا علی علی

 

باشوندان آخدی قان صحابه آغلادی

حسن حسینیله یاراوی باغلادی

ادبلی زینبون دیزین قوجاقلادی

دئدی یارالیسان بابا علی علی

 

حاج ولی الله کلامی

موضوع: حضرت علی (ع) احوالات ,
زبان شعر و شاعر: نوحه ترکی , کلامی زنجانی

 

------------

 

در مدح و میلاد امام حسن (علیه السلام)

 

پسر ارشد زهرا حسن بن علی است

نوهٔ اکبر طاها حسن بن علی است

 

ای که دائم پی الگوی ورع می گردی

بهترین اسوهٔ تقوا حسن بن علی است

 

مظهر عزت و آزادگی و صبر و ثبات

اختر برج تولّا حسن بن علی است

 

بوسه بر خاک درش می زنم و می گویم

شاه ما، تاج سر ما حسن بن علی است

 

اولین وارث میراث ولا یار بلا

حامل پرچم مولا حسن بن علی است

 

چهرهٔ مهوش او آینه ی خوبی هاست

معنی واژه ی زیبا حسن بن علی است

 

زینت سینه ی صدیقه ی کبرا، آری

صاحب مجد و سجایا حسن بن علی است

 

اختیار دل هر کس به کف دلداری است

اختیار دل ما با حسن بن علی است

 

نه فقط سفره ی ماه رمضان را نمک است

نمک سفره ی دلها حسن بن علی است

 

آن مه فاطمه در نیمه ی این ماه آمد

ماهتاب متجلّا حسن بن علی است

 

نام او بُردم و دریا به خروش آمد و گفت

من فقط قطره و دریا حسن بن علی است

 

سایه بانی به بقیع نیست اگر بر قبرش

شرف عرش معلّا حسن بن علی است

 

بر لبش بوسه نبی میزد و میگفت، مرا

میوه ی قلب، به دنیا حسن بن علی است

 

استاد کلامی زنجانی

موضوع: حضرت امام حسن مجتبی(ع) مدح ,
زبان شعر و شاعر: نوحه فارسی , کلامی زنجانی

 

------------

 

در مدح و میلاد امام حسن مجتبی (ع)

 

نقل مجلس هامی یرده حسنین سوزلریدی

او که پیغمبره بنزر حسنین گوزلریدی

اونی تعریف ایلین من دگولم ، ئوزلریدی

عصمتین گر یانا بیر پرده اون اوچ مصباحی

دل آچوب مدحه اولاللار حسنین مداحی

 

یوسفین حسنی گوزلدی حسن اوناندا گوزل

گر مثلده او شکر اولسا بودور قند عسل

گور نه زیبا یارادوب نقشنی نقاش ازل

گورسه رویاده ده سیماسین اولار گوزلر مات

او جماله دیر عشاق محمد صلوات

 

قلبلر مملکتینده اودی حاکم اودی شاه

حسن چرخینده گوزللر هامی اولدوزدی او ماه

مه لقایان پری چهره اونا خاطرخواه

اشتباه ایلور اونی اوخشادا هر کیم ملکه

اولماسیدی او ، چخانمازدی ملکلر فلکه

 

گورمیوبسن نه بیلورسن نجه زیبادی حسن

بو قدر بل که مراد دل زهرادی حسن

من نه تعریف ایلسم قطره و دریادی حسن

گر مرکب اولا مین بحر ، قلم جنگللر

شرح حسنون یازا بیلمز بو یارانمش اللر

 

وصف دریایه بیزیم سوزلریمیز چون خسدی

نه دیوم ، ایوده کس اولسا ایله بیر سوز بسدی

مصطفی روز ولادت اونا قربان کسدی

وقت افطار آچیلوب سفره احسان حسن

اهل قرآن دئدی جانیم اولا قربان حسن

 

استاد کلامی زنجانی

موضوع: حضرت امام حسن مجتبی(ع) مدح ,
زبان شعر و شاعر: نوحه ترکی , کلامی زنجانی

 

------------

 

در مدح و میلادیه حضرت رقیه (سلام الله)

 

ای دختر امام شهیدان خوش آمدی

دانش پژوه مکتب قرآن خوش آمدی

 

بنت الحسین ، اخت امام ، عمه امام

درعفاف و گوهرایمان خوش امدی

 

نامت رقیه ، شهرت مرغی مهاجر است

ای مرغک مهاجر دوران خوش آمدی

 

روز ولادت آمدی از غیب بر وجود

فرمود بر تو حجت سبحان خوش آمدی

 

شهزاده است مادر تو حضرت رباب

بابات نیز حجت سبحان خوش آمدی

 

اکبر تو را برادر و زین العباد نیز

عباس عموی توست کماکان خوش آمدی

 

شعبان مه معظم و ماه محمد است

ای ماه عشق در مه شعبان خوش آمدی

 

عمر کمت ، به معرفت عمری دوباره داد

ای موجب سعادت انسان خوش آمدی

 

ویرانه شرمسار حضورت بود هنوز

گنجینه ی محبت و عرفان خوش آمدی

 

هرچند از تو کرب وبلا قدردان نشد

فریاد زد دمشق که ای جان خوش آمدی

 

ویرانه نشینی ات برکت بود چون ز تو

کاخ معاویه شده ویران خوش آمدی

 

 استاد کلامی زنجانی

موضوع: حضرت رقیه (س) مدح و میلادیه ,
زبان شعر و شاعر: نوحه فارسی , کلامی زنجانی

 

------------

 

در مدح و میلادیه حضرت رقیه (سلام الله)

 

سبک : الا یا ایها الساقی

 

  شده بزم طرب برپامبارک برتویازهرا

    رقیه آمده دنیامبارک برتویازهرا

بشارت برهمه آمد

سه ساله فاطمه آمد

 

هزاره میزندچهچه شب نورآمده به به

ورافوج فلک همره مبارک برتویازهرا

بشارت برهمه آمد

سه ساله فاطمه آمد

 

کجایی ای علی اکبرنگربرچهره ی خواهر

بگوتبریک برمادرمبارک برتویازهرا

بشارت برهمه آمد

سه ساله فاطمه آمد

 

رقیه گوهرناب است قلوب شیعه راتاب است

عزیزجان ارباب است مبارک برتویازهرا

بشارت برهمه آمد

سه ساله فاطمه آمد

 

به زینب نورعین است این عزیزعالمین است این

بلی بنت الحسین است این مبارک برتویازهرا

بشارت برهمه آمد

سه ساله فاطمه آمد

 

رقیه صاحب اکرام است سفیروپیک اسلام است

رقیه فاتح شام است مبارک برتویازهرا

بشارت برهمه آمد

سه ساله فاطمه آمد

 

به شعبان خنده زدگلشن پرازگل گشته صددامن

دوچشم مادرش روشن مبارک برتویازهرا

  بشارت برهمه آمد

سه ساله فاطمه آمد

 

دله بوزمزمه گلدی شبیه فاطمه گلدی

رقیه عالمه گلدی خانم زهراگوزون روشن

بشارت برهمه آمد

سه ساله فاطمه آمد

 

اوَل اول بنتی باب ئوپدی حرمده شیخ وشاب ئوپدی

چاتوب نوبه رباب ئوپدی خانم زهراگوزون روشن

بشارت برهمه آمد

سه ساله فاطمه آمد

 

رقیه بیت جانانداحریم ووحی وقرآندا

گوزآچدی ماه شعبانداخانم زهراگوزون روشن

بشارت برهمه آمد

سه ساله فاطمه آمد

 

جلال عاشقاندوربونگارمهرباندوربو

سه ساله قهرمان دوربوخانم زهراگوزون روشن

بشارت برهمه آمد

سه ساله فاطمه آمد

 

بوقیزبوی دوتساگورنیلراسارت ناقه سین پِیلر

گیدرشاماتی فتح ایلرخانم زهراگوزون روشن

بشارت برهمه آمد

سه ساله فاطمه آمد

 

الایاران عرفانی ائدون شامی چراغانی

دیون گلدی وفاکانی خانم زهراگوزون روشن

بشارت برهمه آمد

سه ساله فاطمه آمد

 

«کلامی»آلدی خوش الهام وئره عاشقلره پیغام

دیدیقجااولدی شیرین کام خانم زهراگوزون روشن

بشارت برهمه آمد

سه ساله فاطمه آمد

 

حاج ولی الله کلامی

موضوع: حضرت رقیه (س) مدح و میلادیه ,
زبان شعر و شاعر: نوحه ترکی , کلامی زنجانی

 

------------

 

عرض تسلیت به محضر حضرت امام زمان (عج)

در عزای حضرت امام جواد (علیه السّلام)

 

یابن الحسن توئی سبب اتّحاد ما

نام مقدّست سندِ اعتقاد ما

 

امشب شب عزاست بیا یابن العسکری

سوزد جهان ز داغ امام جواد ما

 

مسموم شد عزیز دل ثامن الحجج

آتش زده حدیث غمش بر نهاد ما

 

جانها فدای آن گل پژمردۀ رضا

باشد امام نُهم ، امید و عِماد ما

 

می داد جان به حُجره و میگفت ای خدا

دانی که اهل کین ز چه دارد عناد ما

 

ما را به جرم عشق تو در خانه می کُشند

غافل از اینکه دارد ادامه جهاد ما

 

گر مُعتصم خلیفهٔ عباسیان بود

بر عالم است سلطنت عدل داد ما

 

من وارث رضا گل موسی بن جعفرم

ذلت بری ز ساحت قدس نژاد ما

 

آگاه از فضیلت من امّ‌فضل نیست

اما خوشم که فاطمه باشد به یاد ما

 

جان داد و دفن شد پدرم در دیار طوس

حال از فلک گذشته به بغداد داد ما

 

پروندۀ حکومت من بسته شد ولی

پاینده باد دولت هادیّ راد ما

 

 کلامی زنجانی

موضوع: حضرت امام جواد (ع) احوالات ,
زبان شعر و شاعر: نوحه فارسی , کلامی زنجانی

 

------------

 

احوالات حضرت امام حسین (علیه السلام)

 

هلال نقل ایدور او گون حسین یخلدی مقتله

باخوردی تله منتظر باجیسی خیمدن گله

ویروردی قان جراحت عمیق تیر حرمله

دیدیم بو سیدی یخان اورکده کی یاراسیدی

 

گلن وروردی تیریلن گئدن وروردی سنگیلن

طرفدی زاغیلن زغن یارالی شیر جنگیلن

درنده لر ستیز ایدور سوسوز قالان نهنگیلن

بیری دیموردی ال چکون بو فاطمه بالاسیدی

 

نه گوردوم حال ضعفیده دگور دوداقی بیر بیره

دیوردی کیمدی بیر ایچم منه بو حال دا سو ویره

امیر لشکره دیدیم سوزینی سالمیاق یره

دانشمادی دیدیم سکوت علامت رضاسیدی

 

الیمده کاسه جانب فراته قاچدیم آهیله

دیدیم خدا بو خدمتی هلالیدن قبول ایله

سو دولدوراندا آغلاشوب بالقلار ایلدی گله

کیمه سو فکری ایلوسن او زمزمین صفاسیدی

 

قیتدیم آیری سمتیدن بو سری ئوزگه بولمیه

قاچوردیم احتیاطیلن سو کاسه دن توکولمیه

ئوز عهدیمه وفا ایدم قوناق سوسوزدان ئولمیه

ورم ایچه گوزین آچا سو گوزلرین ضیاسیدی

 

نه گوردوم اوندا شمر دون گلور گوزونده گوزیاشی

قلنجی قانلی میزبان النده میهمان باشی

قاچور دالیجا بیر خانم او باجیدی بو قارداشی

یانندا خوردا بیر بالا انیس و هم نواسیدی

 

دیدیم او ظالمه ندن دل هلالی داغلوسان

یالانچی مسلم آیه طهارتی ایاغلوسان

پیمبرین عزیزینی هم اولدوروب هم آغلوسان

دلیل بو جنایته باشوندا ری هواسیدی

 

باجیسی وا حسین دیور سن هیچ او حاله یانمادون

او سسلننده ساخلا ال بیر آز دورب دایانمادون

یوزون قرا اولیدی هیچ رقیه دن اوتانمادون

اونون باباسی بلمدون یتیملرین باباسیدی

 

تلسمه دور بو مضطرین ترحم ایله حالینه

هلالم ایلیوم نظر او فاطمه هلالینه

اقلی قوی الیمده که سویی سپوم جمالینه

چوخ حتک حرمت ایلمه او امتین فداسیدی

 

استاد کلامی

موضوع: حضرت امام حسین (ع) احوالات ,
زبان شعر و شاعر: نوحه ترکی , کلامی زنجانی

 

------------

 

مفاخرۀ امیرالمومنین حضرت علی (علیه السلام)

با حضرت فاطمه زهرا (سلام الله)

 

عشقیم چکور سوز باشلیام ولادن

خالص ولا ارزشلیدور طلادن

حاشا ولا اهلی قاچا بلادن

بازار عشقه گل ولا ساتولاّر

اهل ولایه کربلا ساتولاّر

 

عشقیم چکور السون علی معینیم

آرتسون علینون حقینه یقینیم

گر قالسا دائم سجده ده جیینیم

فخر ایلرم یاریله اُلفتیم وار

شکر ایلرم شور ولایتیم وار

 

ولایت اولماسا دیانت اولماز

دیانت اولماسا شهادت اولماز

شهادت اولماسا شرافت اولماز

عاشیقلرین وقاریدی ولایت

شهیدلرین شعاریدی ولایت

 

باب علی زاهد پناهگاهیمدی

کیم یاعلی سسلر منیم شاهیمدی

ئوز عشقیمه شاهد ئوز اللّهیمدی

اللّه اکبر گور نه عزّتیم وار

مولا غلامیم شرافتیم وار

 

گر درگه مولاده خادمم من

منهای عشق مرتضی کیمم من؟

دوتسا الیمدن قلبه حاکمم من

دُوز قاتسا شعریمه قلم گُل ایلر

ردّ ایلیه شاعر تنزّل ایلر

 

دوزدی علینون مدحه یوخ نیازی

نیلوم ئورک سُئور او سرفرازی

نهی اولمیوب قرآندا عشقبازی

ای مدعی اثبات نقلین اولسون

عاشقلره دولاشما عقلین اولسون

 

مولا آدین هر کس یازا کفنده

اولماز هراسان محشره گلنده

باخ عزّت و جلاله بوالحسنده

روز قیامت سسلنر فرشته

ضدّ علی نامحرمدی بهشته

 

نور علی نور خدادی تابان

کفّوی فقط زهرادی خیر نسوان

عالم اولا بو ایکی نوره قربان

هم وزنیدور بو گوهران دلجو

داغدان آغیر هر کفّه ی ترازو

 

اللّه یاراتدی بو ایکی مرادی

کامل اولا انسانلار اعتقادی

پیغمبرین پاکیزه دور نژادی

اون بیر ولی که جلوه ده جلیدی

محورلری زهرائلین علیدوی

 

محکمدی بو روایت و گزارش

فرزانه عالملر ایدوب نگارش

باخ مجمع النورینه صفحه قرخ بش

گوش خرد بو ذکریلن دولوبدی

عوالم الزّهراده ثبت اولوبدی

 

فخریله بیر گون مرتضای حیدر

فرمایش ایتدی ای بتول اطهر

سندن منی آرتیق سُئور پیمبر

مؤمنلرین تنها امیریم من

سلطان لولاکین وزیریم من

 

زهرا دیدی یابن الحسن عم اوغلی

ای کعبه نین مولودی زمزم اوغلی

وی هر دمون مشتاقی مریم اوغلی

دوزدور که سن داماد مصطفاسن

امّا اونون ایستکلی سی منم من

 

مولا بیوردی ای یگانه یاریم

ای مریمه فخر ایلین نگاریم

ایتسن مُفاخره وار افتخاریم

بیر ایش گوراخ اللّه، راضی السون

شخصاً رسول اللّه، قاضی اولسون

 

یتدی قبوله بو گوزل مقوله

به به جلال حیدر و بتوله

باهم گلوبلر محضر رسوله

شاد اولدی قلبیدن نبیّ اکرم

پیشواز ایدوب بیوردی خیر مقدم

 

شوریله دولدی مجلس تولاّ

تخت قضاوتده اوتوردی طاها

صاقدا علی صولدا دایاندی زهرا

مقابلده حسن حسین مظلوم

بش نوره ناظر زینبیله کلثوم

 

سوز باشلادی اوّلده ماه عصمت

عرض ایتدی ای فرمانروای خلقت

بو من بو حیدر سن ایله قضاوت

واضحدی که بیره عنایتون وار

اما کیمه آرتیق محبّتون وار

 

باخدی بتول و مرتضایه احمد

غنچه کیمی گولدی لب محمّد

فرمایش ایتدی ای سُرور سرمد

سنده منه محبوبسن علیده

سنده منه منسوبسن علیده

 

مولا دیدی من فخر اوصیایم

زهرا دیدی من خیرهالنّسایم

مولا دیدی گنجینه ی غنایم

زهرا دیدی حورای فرش گردم

طاهایه دخت منحصربفردم

 

مولا دیدی عشقیمدی سینه حکّی

یوخ هیچ کسین بو افتخاره شکّی

شیر حجازم قهرمان مکّی

ایثارمه قرآندا واردی آیه

ویردیم نماز اوسته اوزوک گدایه

 

زهرا دیدی لولاک آتام کسیمدی

مولا دیدی لولا علی بسیمدی

زهرا دیدی گویده منیم سسیمدی

باشیمی لولا فاطمه اوجاتدی

اللّه سیری منه گوره یاراتدی

 

گرم اولدی هر دم مجلس تفاخر

یوخ هیچ بیرینده کینه و تظاهر

به به بولاردی اشرف الاکابر

چشم فلک بو بزمه ناظر اولدی

مین مین ملک مجلسده حاضر اولدی

 

مولا دیدی ابن الصّفا منم من

زهرا دیدی کنز خفا منم من

آرام جان مصطفا منم من

مولا دیدی من حامل لوایم

زهرا دیدی هر درده من دوایم

 

مولا بیوردی قبله الانامم

اوّل مسلمان اوّلین امامم

زهرا دیدی دارای احترامم

من یوز چوورسم قبله ی نیازه

اللّه دیر احسن بیله نمازه

 

مجلسده طاها جلوه ی جلیده

بیر گوز قیزیندا بیر گوزی علیده

یر گوی وَلَه انوار منجلیده

گه فاطمه فاخردی گاهی حیدر

هر کلمیه احسن دیور پیمبر

 

مولا دیدی دُردانیم یگانه

من کعبه ده قویدوم قدم جهانه

زهرا دیدی آند اولسون انس و جانه

یوخ حق یانیندا من کیمی مؤیّد

آنام خدیجه دور بابام محمّد

 

علی بیوردی خادمیمدی جبریل

زهرا دیدی منلن دانشدی راحیل

علی دیدی حق مندن ایتدی تجلیل

قرآندا بای بسمه الرحیمم

حَبل المتینم بَناء العظیمم

 

زهرا دیدی من جلوه ی نعیمم

مولا دیدی تفسیر حا و میمم

من اِهدناالصّراط مستقیمم

زهرا دیدی من آیه ی حجابم

خلقت هامی ذرّه من آفتابم

 

علی بیوردی حجّت اللّهم من

خانم بیوردی عصمت اللّهم من

علی بیوردی غیرت اللّهم من

جان قیدینی باشیمدن آتمیشام من

پیغمبرین یرینده یاتمیشام من

 

زهرا دیدی آلاّم فرشته دن باج

نور الهی دَن باشیمدا وار تاج

عرشه منیم آتام ایدوبدی معراج

شأنینده وار تکریم قاب قوسین

بنت الرّسولم افتخار کونین

 

مولا دیدی ایتدیم رسوله یاری

الاندا پیغمبر دلنده جاری

وار لافتی الاّ علی شعاری

انصار اُحد داغندا جار ایشتدی

لاسیف الاّ ذوالفقار ایشتدی

 

زهرا دیدی حقّین منم نگاری

ویردی کیمه اللّه بو افتخاری

عقدیم اولوبدی آسماندا جاری

اللّه طویومدا گوگلومی آلوبدی

یری گویی کابینمه سالوبدی

 

مولا بیوردی وُلد مُحصناتم

زهرا بیوردی بنت صالحاتم

مولا بیوردی کشتی نجاتم

زهرا دیدی من نیّر هُدایم

سن کشتی اولسان منده ناخدایم

 

مولا دیدی جمع کسایه جانم

زهرا دیدی من اوردا میزبانم

مولا دیدی مخدوم قدسیانم

زهرا دیدی مین ناز احسنیلن

اللّه سیزی تانتدیروب منیلن

 

ضمن مفاخره بیوردی طاها

ای گوزلریم نوری وفالی زهرا

هاردا علینون مثلی واردی آیا

هر کس سنه عرض ارادت ایلر

همین علی اونا شفاعت ایلر

 

زهرا دیدی هم شأن مرتضایم

منده بابا شفیعه جزایم

مولا دیدی من نفس مصطفایم

نورالعُلا مندن ایدور تجلاّ

عالی آدیم علیدی اللّه اعلا

 

زهرا دیدی وار منده ده مباهات

آرتیردی شأنیم کافی المهمّات

من فاطمه حق فاطرالسّماوات

مولاد دیدی قدسی منادیم من

کلّ موحّدینه هادیم من

 

زهرا دیدی من نور مشرقینم

مولا دیدی من فخر قبلتینم

زهرا دیدی من مادر حسینم

مولا دیدی الگوی مکتبم من

زهرا دیدی استاد زینبم من

 

مولا دیدی عیسایه ویرمیشم دم

زهرا دیدی مندن دم آلدی مریم

مولا دیدی ئوپدی آدیمدان آدم

زهرا دیدی آدم که توبه ایتدی

یا فاطمه دیدی قبوله یتدی

 

مولا دیدی مولای بی نظیرم

شخصیت مراسم غدیرم

زهرا دیدی من صاحب سریرم

ودیعه ی پیمبر امینم

سَیَدۃالنّساء عالمینم

 

مولا دیدی یوخ وقریمون شکستی

سندرمیشام اعراب بت پرستی

زهرا دیدی ای افتخار هستی

واردی منیمده عرشیده اَریکم

باش عرشه قُوزاسان سنه شریکم

 

مولا بیوردی مونه سرورم من

شهر علوم احمده درم من

زهرا دیدی قرآندا کوثرم من

مولا دیدی میداندا صفدرم من

حیدر آدیم فتّاح خیبرم من

 

زهرا دیدی شاه ولا سرشته

خاک قدومیمدن ئوپر فرشته

اوّل منم وارد اولان بهشته

مولا دیدی شرط ولایتم من

تنها قسیم نار و جنتّم من

 

سالار انبیا رسول خاتم

یوز دوتدی زهرایه بیوردی اول دم

ای سرور کلّ زنان عالم

باهمدی آیرلماز اوزوک قاشندان

دور ئوپ قیزیم عم اوغلووین باشندان

 

سانما علی تکدی گلوب به تفصیل

جبرائیل و میکائیل و روائیل

اسرافیل و عزئیلیه راحیل

حاضردی سکّزمین ملک بو یرده

ایلوللر حیدره کمک بو یرده

 

زهرا خانم بقیه النبوّت

امر رسوله ایلدی اجابت

فرق امامتدن ئوپدی او ساعت

تا ئوپدی فاطمه سر علینی

علیده ئوپدی فاطمه الینی

 

بو بوسه لرده واردی چوخ معما

تحلیل ایدر معنانی اهل معنا

ئوپدی نیه فرق علینی زهرا؟

یعنی بو باش نامحرمه خم اولماز

باش سینیادا شخصیّتی کم اولماز

 

اما اوخی تفصیلی مُجملندن

ئوپدی نیه علی بتول الندن

گویا علی بلورمیش اوّلندن

زهرانین اللری گره گشادی

مشگل گشایه یار باوفادی

 

گویا بلورمش کونه اود ورالاّر

اوچ یوز نفر قاپونی یاندرالاّر

همان الی قمچی له سندرالاّر

یاندی قاپی یاندی دلی علینون

اینان دیسم سیندی بئلی علینون

 

دوران دولاندی موسم غم اولدی

امنیّتین بساطی برهم اولدی

معناده قد مصطفی خم اولدی

گل تک حصار خاره دوشدی زهرا

بین در دیواره دوشدی زهرا

 

فضّه دیور گوردوم خانم یخلدی

سیندی قاپی توستی ایوه داغلدی

گویده ملک وحشت نمازی قیلدی

سسلندی فضه دوت منیم الیمدن

سوموکلریم سیندی یاپش بئلیمدن

 

گل فضه جان قلبون بو حاله یانسون

مرهم گتور سینم قانی دایانسون

اورت باشیمی قویما علی اوتانسون

کناره چک دورت نازلی نور عینی

تهاجمدی ایاقلالاّر حسینی

 

بلایه عهدیمدی بلی دیم من

بو ذکری با صوت جلی دیم من

سن گل اوتاندیم یا علی دیم من

بابام دیوب اوز ورما مرتضایه

سحر بابام مندن ایدر گلایه

 

علی منیم امام و سروریمدی

من پیشمرگیَم او رهبریمدی

بو آستانه قانلی سنگریمدی

ولایت اوسته ئولّم، عزّتیمدی

علی منیم شاه ولایتیمدی

 

آند اولسون آسمان بی عموده

قاپی دالندا خُرد اولان وجوده

یارالی سینه صورت کبوده

آلاّم جانا آلام بی شماری

من قویمارام سینسون علی وقاری

 

استاد کلامی زنجانی

موضوع: حضرت علی و حضرت زهرا ,
زبان شعر و شاعر: نوحه ترکی , کلامی زنجانی

 

------------

 

زبانحال حضرت فاطمه زهرا (سلام الله)

 

ایویمده امنیّتیم یوخدی گَلمیشم جانه یا رسول الله

گونوزلر اولّام پناهنده بیت الاحزانه یا رسول الله

 

جهاندا سندن صورا بابا عترت و قرآن بی معین اولدی

آلوب ثانی حقّیمی الدن همدمیم آه آتشین اولدی

حکومت غاصبلره چاتدی جانشینون خانه نشین اولدی

دونب بیر بیر آشنالرده اولدی بیگانه یا رسول الله

 

غریبلر تک ایلرم ناله نصف شبلر اهل وطن آغلار

یانار کلثوم اودلانار زینب هم حسین آغلار هم حسن آغلار

دینده من مُحسنوم ایوای قونشولاردا چوخ صود اَمن آغلار

اوشاقلاردا سَس ویرر حتّی من پریشانه یا رسول الله

 

ریاست اوسته منافقلر ظلمیله شورا قوردیلار بابا

علینون قوللّاری بافلیدی آستانیم یاندیردیلار بابا

منی با اینکه یارالیدیم تازیانیلن وردیلار بابا

دمِ مسماریله باتمیشدی کوینگیم قانه یا رسول الله

 

بالالاریم جانینه سوگند خسته جانم جانان فراقینده

گجه گوندوز گون سایار زهرا ئولماقا وصلت اشتیاقینده

عموغلوم محبوس اولوب ایوده منده چوللّرده گون قباقینده

صفاسی یوخدور دونوب یثرب غملی زندانه یا رسول الله

 

گونوم دوندی شامه هجرونده لیل غمدن غملی سحر گلدی

حیات آیینه م کدر گوردی هی خطر اوستوندن خطر گوردی

مریض اولدوم بیلمدی هیچ کس باشینه زهرانون نلَر گلدی

بو احواله کیم قالا دوشمز فکر درمانه یا رسول الله

 

بو محنتلی روزگاریمده مونسیم غیر از گوز یاشیم یوخدی

گوزوم آغلار سینه ده داغلار همدمیم یوخدی یولداشیم یوخدی

سوروشسون حالیم آنام یوخدی دادیمه گلسون قارداشیم یوخدی

عموغلوم شمع امیدیمدی منده پروانه یا رسول الله

 

داخی بیلّم آخر عمریمدی دویموشام جانه باغریقان ئولّم

باشیم اوسته دورت بالام آغلار جان چیخان وقته ناگران ئولّم

جوانلیقدا عمر اولار شیرین من ولی دنیاده جوان ئولّم

اولار غملی خاطراتیمدن شیعه دیوانه یا رسول الله

 

استاد کلامی زنجانی

منبع مجموعه کانالهای مدح و مرثیه

موضوع: حضرت فاطمه زهرا (س) زبانحال ,
زبان شعر و شاعر: نوحه ترکی , کلامی زنجانی

 

------------

 

زبانحال به حضرت زهرا (سلام الله)

 

الهی یانمیوم نجه شرار محنت و غمه

منیم آنام جوان اولوب مدینه باتدی ماتمه

سنی چوخ ووروبلا یات آی ننه

سنه قربانام یارالان ننه

 

منیم بهار آرزوم اولوب خزان مدینه ده

اوجالدی توستی گوگلره توکولدی قان مدینه ده

دیوللّر اولدی میخ در بلای جان مدینه ده

بو غمده قاره چکدیلر ملک لر عرش اعظمه

 

منیم آنام دفاع ائدوب ولایت نگاریدن

بابام علی وفا گوروب او یار باوقاریدن

نه لر چکوب آز عمریده بو غملی روزگاریدن

اولاردی سو،یاغیدی گر بو غم جبال محکمه

 

الهی شاهد اول منیم آناما سیلی ووردولار

گلنده غملی کوچه دن یولونون اوسته دوردولار

قباله اوسته مادر حسن حسینی یوردولار

شهیده گئتدی دهریدن او بانوی مکرّمه

 

منیم آنام غریبیدی مریضلره طبیبیدی

چکردی دورت گولون نازین وفالی عندلیبیدی

ملک لره عزیزیدی ئورکلره حبیبیدی

حبیبۀ خدا گئدوب قوناق رسول اکرمه

 

پس از پیمبر ارثینی عداوت اهلی بؤلدولر

ملال آل هاشمه بنی امیّه گولدولر

الهی اوچ یوز اجنبی بیزیم ائوه توکولدولر

ووروبلار آتش ستم حریم یار محرمه

 

الهی شاهد اول عدو آنامی الدن آلدیلار

اوشاقلیق عالمی منیم باشیما قاره سالدیلار

نه تک آنام که شیعه لر قاپی دالندا قالدیلار

قیامته کیمی وورار بو اود شراره عالمه

 

هانی او مهربان آنام منه عزیز جان آنام

هایاندا منزل ایلیوب او قبری بی نشان آنام

الهی رحم ائله منه یارالیدی جوان آنام

نه تاپدی دردینه دوا نه چاتدی سینه مرهمه

 

 کلامی زنجانی

موضوع: حضرت فاطمه زهرا (س) زبانحال ,
زبان شعر و شاعر: نوحه ترکی , کلامی زنجانی

 

------------

 

زبانحال حضرت فاطمه زهرا (سلام الله)

 

ای فلک من گلِ گلزار ادب زهرایم

خلقتِ آدم و حوّایه سبب زهرایم

فاخرم،مفخر نسوان عرب زهرایم

طاهره شهرتم و پاک نسب زهرایم

راضیه،مرضیه،صدّیقه لقب زهرایم

 

قادر الله کیمه بیر بیله جلالت وئردی

بگنوب جمع کساده منه عزّت وئردی

رتبه می افضل ایدوب منصب عصمت وئردی

بشرین وجهه سین عرشه یتورن زهرایم

ایویمه روح الامینی گتورن زهرایم

 

من همان نطفۀ پاکم وار آدیم دللرده

حقّه تسبیح دییردیم رَحِم مادرده

ایتمیشم نشو و نما سینه پیغمبرده

آدی قرآنیده کوثر یازیلان زهرایم

ساقی کوثره همسر یازیلان زهرایم

 

من همان امّ ابیهایم آتام بوالقاسم

زُهره یَم عرش خدا جایگه اجلاسیم

ایدر آفاقی معطّر اثر انفاسیم

من کیمم،جلوۀ نور ازلی زهرایم

بضعۀ احمد و هم کفّو علی زهرایم

 

من او معصومیم عصمت منه پیرایه گلوب

آتام احمددی اونا سوره گلوب آیه گلوب

شوهریم نابغه دی کعبه ده دنیایه گلوب

کعبه مولودینی گورجک سئوونَن زهرایم

حاجیلار تک باشینا گونده دؤنن زهرایم

 

ای فلک باخما منی درده دچار ایلموسن

آتامی الدن آلوب تعزیه دار ایلموسن

بیت الاحزاندا منی درده دچار ایلموسن

من همان ورطۀ طوفاندا قالان زهرایم

مرتضی دامنین اللّردن آلان زهرایم

 

آند اولا کعبیه انصار خدا معبدینه

آند اولا ئوز قاپوما محسنیمون مشهدینه

کفریدور اجنبی چیخسا آتامون مسندینه

دشمنه شامی گئدوب شوم ایلین زهرایم

خلق ایچینده اونی محکوم ایلین زهرایم

 

من او زهرایم عدو کوچه ده کسدی یولومی

قونشولار قورخدی گلوب دوتمادیلار ساق صولومی

گورمیوب یاخشی عموغلوم یوزومی یا قولومی

بیت الاحزاندا ایویمدن آرالی زهرایم

دردیمون یوخدی دواسی یارالی زهرایم

 

اگلشوب ایوده علی ایتدیگی پیمانه گوره

ذوالفقار آلمور عم اوغلوم اَله قرآنه گوره

سوروشان یوخ حالیمی دوشدن آخان قانه گوره

سنّیم اون سگّیز اولور دلده جوان زهرایم

ای جوانلار غم الیندن قوجالان زهرایم

 

اورگیم دردینی جاندان گئچن احراره دیدیم

گئجه لر قاپلاری بیر بیر دوگوب انصاره دیدیم

سس ویرن اولمادی وای حیدر کرّاره دیدیم

آتش غمده او بی کسله یانان زهرایم

تا نفس واردی دالیندا دایانان زهرایم

 

من او زهرایم آز عمریمده جگر داغلامیشام

آقامون جنگیده دوخسان یاراسین باغلامیشام

یاراسیندان توکولن قانی یووب آغلامیشام

ای گوزوم آغلا بولود مثلی دولان زهرایم

کوینک آلتدا یاراسی گیزلین اولان زهرایم

 

دشمنیم سعی ایلدی آلسون الیمدن قدکی

ایسته سم آدیمه معبود یازار نُه فلکی

فدکیم گیتدی،الیمده وار علینون اَتَگی

جامۀ عشق نگاره بورونن زهرایم

سینه یاره،دالیسیجا سورونن زهرایم

 

آتام اولسیدی بلا سیندیرا بیلمزدی منی

سیل تک غم توکولیدی یورا بیلمزدی منی

قورخولی کوچه ده دشمن ورا بیلمزدی منی

رهگذرده سَنَدی پاره لَنن زهرایم

آی سوز اهلی قولاقی یاره لَنن زهرایم

 

دؤزرم دلدن آتینان آنامون داغلارینا

گئچدی اول گون که چیخاردیم اُحدین داغلارینا

آپارا بیلمم حسینی فدکین باغلارینا

بابامون ماکینه حسرتله باخان زهرایم

آخ دییَنده یارادان قانی آخان زهرایم

 

باغیمی ویرسه له بَطحانی گلستان ایدرم

دردیروب میوه لرین سائله احسان ایدرم

بذل و انفاقمیله گبری مسلمان ایدرم

کوینگین طوی گئجه سی بخشش ایدن زهرایم

حجلیه کهنه لباسیله گیدن زهرایم

 

من او زهرایم ایدر غبطه ملک منصبیمه

قونمیوب دهریده ذلّت توزی چادر شبیمه

شیرزنلیق یولون ئورگتمیشم ئوز زینبیمه

ایندیدن کرب و بلا فکرین ایدن زهرایم

دادینه قانلی بیاباندا گیدن زهرایم

 

وردی بیعت جریانینده منی دشمن ئولم

منده گیتدیم ورام عشقیله اودا دامن ئولم

آقامون سینسا وقاری گرک اوّل من ئولم

پشت درده شرر افلاکه وران زهرایم

بینوا فضّه نی داده چاغوران زهرایم

 

فاطمه رتبه سی افضلدی زن دیگردن

ایویمه وار ایکی یول مسجد پیغمبردن

سوروشون گلدی او اوچ یوز نفر هانسی دردن

گوش تاریخه بو اسراری دییَن زهرایم

کفن مرگی همان گونده گییَن زهرایم

 

گر یغشمشدی اولار بیعت علیدن آلالار

گرک اوندا قاپونی مسجد ایچیندن چالالار

گلدیلر کوچه یولوندان منی دلدن سالالار

قول قناد قوش کیمی جان اوسته چالان زهرایم

آی ملک لر ایاق آلتندا قالان زهرایم

 

 کلامی زنجانی

موضوع: حضرت فاطمه زهرا (س) زبانحال ,
زبان شعر و شاعر: نوحه ترکی , کلامی زنجانی

 

------------

 

زبانحال  حضرت زهرا (سلام الله)

 

داخی دور ایاقه زینب آناوین یرین یغشدور

ایله منزلی مرتّب آناوین یرین یغشدور

 

بُلوسن قاپی یاناندان آناوین حالی نجِیدی

مرضی بدون درمان، غمی بی معالجِیدی

بو گیچن چئجه عزیزیم منه چوخ چتین گئجِیدی

دوشه جاق خیاله هرشب، آناوین یرین یغشدور

 

گوزلیم بقیعه گیتمه که او چول بلالی چولدی

دل مرتضانی اوردا محنین خدنگی بولدی

خبر آلسا قونشولار گر نیه فاطمه تیز اُلدی

دی نهانیدور بو مطلب، آناوین یرین یغشدور

 

آناوی قیزیم بو امّت غم و ابتلایه سالدی

نه اونا سلام ویردی، نه منیم سلامیم آلدی

تالان اولدی گلشنیم، گور نجه باغبان قوجالدی

ای عزیزه ی مودّب آناوین یرین یغشدور

 

یادا سال او روزگاری که وصالینه چاتاردون

سنه لایلای دینده گوزیوی یوموب یاتاردون

او اویاق قالاندا سنده دوروب ال باشا آتاردون

قوتاروب او تابیلن تب، آناوین یرین یغشدور

 

دیمه اول همای قدسین قانادی قیزیم سنوبدی

داخی صبریمون نهالین غمی ریشه دن یونوبدی

پر و بال آچوب بیر آیری چمنه گیدوب قونوبدی

واری دلده ذکر یارب، آناوین یرین یغشدور

 

وار اگرچه بش یاشون، سن ایویمه بویوک خانمسان

باباجان دی، دمبدم قوی یوزیوی اُپوم جانمسان

آدی زِینِ اَب، رگیمده جریان تاپان قانمسان

بالام ای ستوده منصب آناوین یرین یغشدور

 

قیزیم آز سیزیلدا، نالن حالیمی دگرگون ایلر

اولی شرمسار ایشیتسه سسیوی شکسته نیلر

حسن و حسین و کلثوم بیله حالی گورسه نیلر

اوزون ایلمه معذّب، آناوین یرین یغشدور

 

آتاوی او گونکه دشمن بالا بیعته آپاردی

انان اولماسِیدی اوردا منه قاتل ال تاپاردی

توکولردی مسجده قان گینه ولوله دوشردی

آرادان گیدردی مکتب، آناوین یرین یغشدور

 

گئجه لر آنان بُلردیم سنه دردینی دیردی

باشوا ووراندا شانه سارالان یوزون اُپردی

داخی قالدی توپراق آتدا اوزی هم اورکده دردی

که قِییتمز اول محجّب، آناوین یرین یغشدور

 

دیمم آغلاما عزیزیم ولی آغلاسان آز آغلا

اورگون بقیعه دوندر آنا قبرینی قاز آغلا

قلمون مژه، یوزون لوح، گِله نامه سین یاز آغلا

ایله اشکیوی مرکّب، آناوین یرین یغشدور

 

بو دلیله قبره قویدوم گئجه فاطمه عذارین

که قاپومی یاندورانلار تاپا بُلمیه مزارین

یری امنیدور داریخما داخی چکمه انتظارین

یومولوب او حق دیَن لب، آناوین یرین یغشدور

 

 کلامی زنجانی

موضوع: حضرت فاطمه زهرا (س) زبانحال ,
زبان شعر و شاعر: نوحه ترکی , کلامی زنجانی

 

------------

 

احوالات حضرت فاطمه زهرا (سلام الله)

 

اون سگّیز ایل عمر ایتدی دنیاده خانم زهرا

رونق ویروب اسلامه معناده خانم زهرا

 

عاجزدی قلم یازسون شخصیّت زهرادن

ناپخته وورا بُلمز دم عصمت زهرادن

احیا اولوب آئین حق دولت زهرادن

تاج سر نسواندی تقواده خانم زهرا

 

مولا ایوینه دوقّوز سنّینده گَلین گَلدی

جان الده ویروب دست جانانه الین گَلدی

خوش گونلری تیز گیچدی، پیکی اجلین گَلدی

قالدی آتاسیز شهر بطحاده خانم زهرا

 

حالی دیمه زهرانون محزون ندن اولموشدی

آخِر وطن اول زاره بیت الحزن اولموشدی

اوچ دورت گونودی طاها جسمی کفن اولموشدی

یاندی قاپوسی، گَلدی فریاده خانم زهرا

 

یابن الحسن آزار اشراری دیوم یا یوخ

اخیاره جنایات اغیاری دیوم یا یوخ

ظلم در و دیوار و مسماری دیوم یا یوخ

ایلر دیمَسم شکوه عقباده خانم زهرا

 

اود شعله سی درگاه خیرالبشره دوشدی

سادات آناسی بین دیوار و دره دوشدی

گَل هارداسان ای فضّه محسن خطره دوشدی

سسلردی کنیزین اول غوغاده خانم زهرا

 

فضّه گَلنه غنچه گُلدن اوزاق اولموشدی

جان شیشه سی ظلمیله سینموشدی جالانموشدی

کوینک قانا باتموشدی، سینه یارالانموشدی

دوشموشدی یره حال اغماده خانم زهرا

 

یتمیش نچه گون گیچدی غم داشدی ملال اوسته

شدّتله مریض اولدی اول بانوی دل خسته

گَلدی یاننا بیر گون مولا علی آهسته

محرابه سالوب گوردی سجّاده خانم زهرا

 

جان قبله سینی گوردی سالموش باشنا سایه

حلّیّت آلوب قویدی باش سینه ی مولایه

باش آچدی ابوالایتام، ایوای دیدی زهرایه

ملحق اولوب آبا و اجداده خانم زهرا

 

زهرا غمی مولادن آرام و قرار آلدی

آخشام چاقی جان ویردی دفنی گئجیه قالدی

دلده آناوای زینب باشینه قرا سالدی

سسلندی بُلوب گَلمز امداده خانم زینب

 

دفنینده علی یارین رختین سویا بُلموردی

آغلوردی فراقینده امّا دویا بُلموردی

چون فاطمه نین جسمین قبره قویا بُلموردی

سالموشدی نوا قلب ناشاده خانم زهرا

 

دل یاندی کلامی بس ویر خاتمه انشاده

بو نوحه ردیفینده سال یحیوینی یاده

یالوار ویره بو شعره پاداش ایکی دنیاده

دنیاده خانم زینب، عقباده خانم زهرا

 

کلامی زنجانی

موضوع: حضرت فاطمه زهرا (س) احوالات ,
زبان شعر و شاعر: نوحه ترکی , کلامی زنجانی

 

------------

 

زبانحال به حضرت فاطمه الزهرا (سلام الله)

 

قبریوین کنارینده هر گئجه مرتضی پریشاندی فاطمه

صبحه تک بو پوزقون مزاریوه گوزلریم نگهباندی فاطمه

 

غم سپاهی تعقیب ایدور منی بو چوله گلنده قدم قدم

فرقتونده ای مونس علی غم منیم انیسیمدی دمبدم

گلمیوم نجه قبرون اوستونه ایوده آغلاماقدان مقیّدم

منزلیمده ای باغبان غم گللرون پریشاندی فاطمه

 

ای عزاسی رسما دوتولمیان من اوزوم عزاداریوم سنون

ای مزاری خلقه تانینمیان دلشکسته زواریوم سنون

ایولرینده بیگانه لر یاتوب آشنای بیداریوم سنون

بو زمانه سندنصورا داخی مرتضایه زندانی فاطمه

 

ای مدافع حقّ مرتضی ای سلاله ی ختم مرسلین

ای عفیفه ی قائم الصلوه پاسدار شب زنده دار دین

ایوده خالی محرابیوه باخوب آغلارام غمونده حزین حزین

ای گل رسالت سنه علی عندلیب خوشخواندی فاطمه

 

قلبیم اودلانار گون باتان زمان گوزلریم دولار آغلارام سنه

زینبون چراغلاری یاندیرار دل غمین اولار آغلارام سنه

غصه دن آناسیز بالالاریم گل کیمی صولار آغلارام سنه

گوزیاشیم آخار چون بو گوزیاشی اهل درده درماندی فاطمه

 

غسلیوی ویرنده جنازه وه سو توکوردی اسما یواش یواش

پرده نین دالیندا صحابه لر آغلاشوردی امّا یواش یواش

بیر اسفلی صحنه گوروب دیدیم وای یارالی زهرا یواش یواش

گورمییدیم ایکاش او صحنه نی قلبیم ایمدیده قاندی فاطمه

 

یوخدی خیر سنسیز بو عمریده فرقتون ووروب قلبیمه یارا

یوخسا هر گئجه آه و زاریله من هارا بقیعون چولی هارا

گوندوزی بغیشله گلنمورم سرپرستم ایوده اوشاقلارا

قورخورام اجل گیج تاپا منی محنتیم فراواندی فاطمه

 

کلامی زنجانی

موضوع: حضرت فاطمه زهرا (س) زبانحال ,
زبان شعر و شاعر: نوحه ترکی , کلامی زنجانی

 

------------

 

محاکمه حرمله ملعون

توسط جناب مختار ثقفی (ره)

 

نقل ائدورلر کوفه ده مختار ائدن گونلر قیام

 بی محابا قان توکنلردن آلوردی انتقام

 حرمله دستگیر اولوب شاد اولدی یاران امام

 گتدیلر دربار مختاره او پست و ارزلی

پسس دوشوب شهری چراغان ائتدی یاران علی

 

 دادگاه انقلابه حرمله قویدی قدم

 گوردی مختارین باشی اوسته اسور قرمز علم

وقت او وقت اولدی دل آچسون اعترافه متهم

 وئردیلر فرصت دانشسون ائتدیگی طغیانیدن

 باشلادی توضیح او ظالم ظلم بی پایانیدن

 

من دئدی عمروم بویی عالمده شهرت بازیدیم

 لشگر کفرین ایچینده افسر ممتازیدیم

 کربلا جنگینده استثنائی تیر اندازیدیم 

دینیمی ساتدیم شریحین نشر اولان فتواسینه

 خارجی ئولدورمقا گئتدیم بلا صحراسینه

 

یرمی مین درهم یغوب دفع بلیه ایلدیم 

اون بشین اهل و عیالیمه هدیه ایلدیم

تا که بش مین درهمه اوچ اوخ تهیه ایلدیم

اسلحه سازان شهره رشوه وئردیم قهریله

 اوخلاری اوچ شعبه ائتدی هم سوواردی زهریله

 

اولین پیکانیمه ائتدیم ابوالفضلی نشان

 دومین تیریله ئولدی اصغر شیرین زبان

 سومین اوخ سینه ی سلطانه دگدی آخدی قان

 اوچ سه شعبه اوخ که آتدیم اوچ خلافیم وار منیم

 ائتدیگیم جرمه مقرم اعترافیم وار منیم

 

بو سوزی مختار ائشیتدی آغلادی آوائیلن

 دولدی مجلس یا ابوالفضل و حسینیم وائیلن

 گوتدی عمامه باشیندان بانگ واویلائیلن

 سویلدی بیر نوعی ئولدوررم سنی ای بد سیر

 روز محشر حضرت زهرا منه احسن دیر

 

ای ستمگر حرمله آیا نقدری پستیسن

 ایندیده گویا جنایت باده سیندن مستیسن

افتخارون وار که تیر انداز چیره دستیسن

یوخ سوزوم اقرار جرم ائتدون گناهون دانمادون

 دی گوروم آخر نفسده اصغره هئچ یانمادون

 

شاه و سقا چوخ شهادت صحنه سی گورموشدولر 

هر بیری دعوا گونی چوخ کافر ئولدورموشدولر

اصغره نه رحم ائدوب لشگر نه سو وئرمشدولر

 رشته ی ظلمی عجب مقراض وجدان کسمه دی

 اوخ نجه آتدون اونا ظالم الونده اسمه دی

 

یوز دوتوب مختاره گویا حرمله وئرسون جواب

 عرض ائدوب اول امان وئر ای امیر کامیاب

، شرح ائدوم کامل حدیث شیرخواری باب باب

اوخلاناندا بو بالا گر چه ئوزومی ساخلادیم

 گورسنوب بیر صحنه لشگر آغلادی من آغلادیم

 

لشگره شاه اصغری گورستدی رحمیم گلمدی

 قولارین گهواره تک ترپتدی رحمیم گلمدی

اوغلون عطشان ماهیه بنزتدی رحمیم گلمدی

 ابن سعد ائتدی اشاره اوخ آتام بی واهمه

من اوخی آتدیم حسین باخدی دئدی یا فاطمه

 

دقت ائتدیم تا گورم لشگرده بو نجوا ندور

 رحمسیز اعراب ایچینده بانگ واویلا ندور

 من که شاد ائتدیم یزیدی بیر بئله غوغا ندور

بیر نفر ائتدی اشاره صحنه ی هجرانه باخ

 شاه مظلومان الینده وردیقون قربانه باخ

 

صحنیه باخدیم دولاندی باشیمه دشت بلا

 بیر اسفلی منظره سالدی منی حالدان حالا

 اللرین بند قماطیندن چخاتمیشدی بالا

 اوخ آتانلار دوره ده گوردوم قویوب ال قوینونا

قولارین دلسیز بالا سالدی حسینون بوینونا

 

مرحبا مختاره کسدی اشقیانین اللرین

 انتقامی شاد ائدوب اهل ولایت دللرین

 ئولدوروب قهریله آل هاشمین قاتللرین

 بو خبر سو سپدی آل بو ترابین قلبینه

 مرهم اولماز لیک بو سوزلر ربابین قلبینه

 

 ای امامین اللری اوسته ئولن دلسیز بالا

 آغلادوب دنیانی جان اوسته گولن دلسیز بالا

 زهر تیری شیردن شیرین بیلن دلسیز بالا

 قان ایچن عاشق دوباره دوشمز آبین فکرینه

 هئچ گولنده قالمادون بیکس ربابین فکرینه

 

 کلامی زنجانی

موضوع: سایر موضوعات ,
زبان شعر و شاعر: نوحه ترکی , کلامی زنجانی

 

------------

 

حضرت امام زمان (عج)

 

یارب به جلال و جاه مهدی

بر سوز وگداز و آه مهدی

 

گنجینه فیض و رحمتم بخش

توفیق نماز و طاعتم بخش

 

سوگند تو را دهم به آن شاه

شاهی که بود بقیة الله

 

این سینه پر از امید گردان

روی سیهم سفید گردان

 

من سائل وادی السلامم

آواره مسجد الحرامم

 

ذکری که مرا به حال حج بود

عجل لولیک الفرج بود

 

هرچند ذلیل و بی نشانم

دلبسته صاحب الزمانیم

 

 کلامی زنجانی

موضوع: حضرت امام زمان (عج) ,
زبان شعر و شاعر: نوحه فارسی , کلامی زنجانی

 

------------

 

زبانحال حضرت زینب کبری(سلام الله)

بعد از شهادت مادر بزرگوارش

 

مدینه اهلی گلون اوخشیاق جوان ننه می

قاپی دالندا تهاجم گونی قالان ننه می

 

گورون فلک من زاری نه تِز یتیم ایلدی

نقدرآختاریرام تاپمورام جوان ننه می

 

جنازه سین گجه وقتی بابام مزاره قویوب

بقیع چولی آلوب آغوشه مهربان ننه می

 

اگرچه یتدی نفرظاهرآ ایدوب تشییع

آپاردی گوگلره باطنده قدسیان ننه می

 

بقیعده یاتسادا روحی ملائکیله گزور

یقین زیارت ایدور اهل آسمان ننه می

 

یرینی بوش گوروب ای بیوفالر آغلورسوز؟

گورنمه سوز داخی اول قبر بی نشان ننه می

 

ریایی آغلاماقوز روحیمه شکنجه ویرور

که غصه مرگ ایلدوز قامتی کمان ننه می

 

 نواسی قویمازیدی استراحت ایلیه سوز؟

اودورکه زحمته سالدوز او جانفشان ننه می

 

بس اعتراض ایلدوز گیتدی بیت الاحزانه

بابا داغی دیمه دوز یاندیرور یانان ننه می

 

اوقدری یاندی بیاباندا شمع تک اَریدی

جوانلیقیندا قوجاتدی غم گران ننه می

 

داخی یانان قاپینون حیف اولا محافظی یوخ

سالوب ایاقدان او هنگامه قهرمان ننه می

 

حکومت اولماسا مانع مدینه دن گیدروق

بو شهریده هانی بیر یادینه سالان ننه می

 

باتاندا سینه سینه میخ در هایاندیدوز

که فضّه داده گلینجه آپاردی قان ننه می

 

آنامدا دینمه سه محسن سیزی حلال ایلمز

که غفلتوز ایلدی مونس فغان ننه می

 

نه بیر عیادته گلدوز نه حالینی بولدوز

قویون اوزوم دانیشیم دویدولر هاچان ننه می

 

اوغملی کوچه ده فریادینه گیدیدوز کاش

که ثانی ظلمیله قورخوتدی خسته جان ننه می

 

اوکوچه ده نلر اولموشدی منده بیلموردوم

که بیرگونی دیله دوتدوم دانشمیان ننه می

 

دیدیم ننه نیه مندن یوزووی گیزلدیسن

سئوالیم ایتدی پریشان شیرین زبان ننه می

 

بیوردی گوزله بابان بیلمه سون یوزوم گوَروب

بوسوزده باغریما باسدیم گوزی دولان ننه می

 

دیدی قوجاقلاما پهلولریمده صدمه گوروب

دوروب دعا ایلدیم گل کیمی سولان ننه می

 

دیدی قیزیم قوی ایدوم من دعا سن آمین دئ

دؤننده قبلیه ئوپدوم او ناتوان ننه می

 

دیدی الهی داخی راحت ایله زهرانی

من آغلادیم حالیم آغلاتدی ناگران ننه می

 

خلاصه گیتدی ئوزی قالدی خالی محرابی

ایتورموشم او بیر اللّی قنوت دوتان ننه می

 

 کلامی زنجانی

موضوع: حضرت فاطمه زهرا (س) زبانحال ,
زبان شعر و شاعر: نوحه ترکی , کلامی زنجانی

 

------------

 

در مدح حضرت رقیه (س)

 

سن گل باغ وفاسن ائوین آباد رقیه

جلوه ی نورخداسن ائوین آباد رقیه

نوه ی خیرنساسن ائوین آباد رقیه

شیعیه عقده گشاسن ائوین آباد رقیه

سن هامی درده دواسن ائوین آباد رقیه

 

دولت عشقه سفیراولدون ای اللهه مقرّب

اؤزیئرینده سنی اوچ یاشداوکیل ائیلدی زینب

زینبیلر باشینین تاجی سان ای بانوی اطیب

قلبه سن قبله نماسن ائوین آباد رقیه

 

کیم سنه شک ائلسه واله دوران اولاجاقدی

قبریوه کیم آتاخمپاره پشیمان اولاجاقدی

بالاجاگنبدیوه عشق،نگهبان اولاجاقدی

زهره ی شمس ضحاسن ائوین آباد رقیه

سن هامی درده دواسن ائوین آباد رقیه

 

ای همای ملکوتی نه مبارک لقبین وار

هامی سسلرادبیلن سنی چون چوخ ادبین وار

قائم اللیل سن،البته مناجات شبین وار

عاشق حمدوثناسن ائوین آباد رقیه

سن هامی درده دواسن ائوین آباد رقیه

 

قاپیوی کیم دوگه ای نوردوچشمان پیمبر

چوخ بویوک مشکل آچیب دهریده اول خرداجا اللر

بیزیده گل الی بوش سالمایولاای گل حیدر

سن خانم کان عطاسن ائوین آباد رقیه

سن هامی درده دواسن ائوین آباد رقیه

 

کیم رقیه خانیمی حق بیله دل باطله گلمز

حفظ ائدرمزرعه ی دینینی هرگزسئله گلمز

اوناکیم دل وئره نامحرمیلن ال اله وئرمز

سسلنرباب رجاسن ائوین آباد رقیه

سن هامی درده دواسن ائوین آباد رقیه

 

سن خانم قافله دن بیرگئجه گویادالا قالدین

مینمه دین بیرآتازجریله،حقیقتده اوجالدین

عمه جان ئوپدی اوزوندن دئدی اوت جانیمه سالدین

گوهرحجب وحیاسن ائوین آباد رقیه

سن هامی درده دواسن ائوین آباد رقیه

 

فیض بازاریوی الله ائلییب گورنئجه رایج

عمه،قارداش،عمو،هامیدی سنه کنزنتایج

غم چکن جانیوه قربان ئوزون اول درده معالج

بیلیرم بحرسخاسن ائوین آباد رقیه

سن هامی درده دواسن ائوین آباد رقیه

 

کیم سنه گلسه قوناق حرمت ائدرسن بیلیرم من

اونداکه گلدی بابان باشی ائدیب گوزلری روشن

گوییا آچدی گوزون گلدی دله اول سربی تن

نی کیمی غرق نواسن ائوین آباد رقیه

سن هامی درده دواسن ائوین آباد رقیه

 

رسمیدی عاطفه لی قیزداجوشارشوروعلاقه

سنی امابالایاندیردی فلک نارفراقه

دلده یافاطمه قویدون دوداقین قانلی دوداقه

حقّیوی ائتدین اداسن ائوین آباد رقیه

سن هامی درده دواسن ائوین آباد رقیه

 

حاج ولی الله کلامی زنجانی

موضوع: حضرت رقیه (س) مدح و میلادیه ,
زبان شعر و شاعر: نوحه ترکی , کلامی زنجانی

 

------------

 

در مدح حضرت فاطمه زهرا (سلام الله)

 

ای بانوی اطهر نمونه

وی دخت پیمبر نمونه

 

ای فاطمه ای حبیبه حق

مشهور به کوثر نمونه

 

مام حسنین و زینبینی

ای طاهره مادر نمونه

 

غیر از پدرت کسی ندارد

مانند تو دختر نمونه

 

طوبا به مقام تو علی را

هم کفوی و همسر نمونه

 

گنجینه علم و معرفت را

ناید چو تو گوهر نمونه

 

عقد تو در آسمان ملک خواند

ای همسر شوهر نمونه

 

زینب ز تو درس منطق آموخت

تا گشت سخنور نمونه

 

ای در حرم از ملک مقرب

ای بر فلک اختر نمونه

 

رو هر که به درگهت نهاده

بگرفته فر از در نمونه

 

از لطف تو درتمام عالم

ایران شده کشور نمونه

 

 استاد کلامی زنجانی

موضوع: حضرت فاطمه زهرا (س) مدح ,
زبان شعر و شاعر: نوحه فارسی , کلامی زنجانی

 

------------

 

در منقبت صدّیقۀ طاهره (سلام الله)

و نیایش آن حضرت

و آمدن مائدۀ بهشتی به خانۀ دختر پیغمبر

 

سرور کل زنان مظهر عصمت زهرا

دختر ختم رسل نور نبوت زهرا

همسر نابغۀ شاه ولایت زهرا

نام نامیسی گوزل مام امامت زهرا

کفو بی مثل علی سمبل خلقت زهرا

 

مرحبا وحی ایوینون گوندن ایشیق مشعلینه

کوینگین طوی گجه سی سائله ویرمیش گلینه

یاراشور جامۀ تقوا او رسا هیکلینه

آتاسی ئوپدی الین وئردی علینون الینه

دیدی حفظ ایله قالور سنده امانت زهرا

 

دیسه لر کیمدی که صدّیقه مقام اولسون اونا

دییرم حضرت زهرادی سلام اولسون اونا

آستان بوس گرک خاصیله عام اولسون اونا

خادمه مریم و عیسی ده غلام اولسون اونا

سالوب عالم باشینا سایۀ رحمت زهرا

 

دیمه عیسانی کچتدیم که بیوکدور جاهی

بله تعریف ائلدیم حضرت روح اللّهی

عرشیدن پر عظمتدور خانمین درگاهی

که خداوند ئوزیدور فاطمه خاطر خواهی

گور تاپوب جمع کساده نه جلالت زهرا

 

ختم مرسل که اونا نازل اولوبدور قرآن

اونی گودوقجا دییردی سنه جانیم قربان

انبیاء قطره دی طاها،یم بی حدّ و کران

دنن عیسایه در زهراده تواضعله دایان

یره اگلشمه مگر وئرسه اجازه زهرا

 

دوگمه ای سائل اولان مردم دنیا قاپوسین

اولیادن خبر آل اهل تولّآ قاپوسین

سنه ویرسونله نشان عصمت کبرا قاپوسین

آند حسینون جاننا کیم دوگه زهرا قاپوسین

اولسا اخلاصی ایدر لطف و کرامت زهرا

 

پای میزاندا قیامت گونی یوم عرصات

امر اولار که هامی یومسون گوزون حتّی سادات

ناگهان جوّی بورور صوت سلام و صلوات

سس دوشر فاطمه گلدی آچیلار باب نجات

قویاجاق باشه اوگون تاج شفاعت زهرا

 

گوشۀ چشمیله محشرده کیمه باخسا بتول

یول تاپوب باب بهشته آلاجاق اذن دخول

دست زهراده دی آری سند ردّ و قبول

رفعت و شأنینه مبهوتیدی اوهام و عقول

بودی محبوبۀ ذات احدیّت زهرا

 

گلدی بیر گون ایوه مولا علی اول فخر جهان

یوز دوتوب دخت رسوله دیدی ای پاک روان

سفره آچ آجلیق عموغلوندان ایدوب سلب توان

هر نیون اولسا گتور اولما ملول و نگران

دگولم راضی سنه یوز ویره محنت زهرا

 

خانم عرض ایتدی نه امرون اولا ، لا یوخدی آقا

دیمه نسبت سنه زهراده وفا یوخدی آقا

نیلوم اوچ گوندی بو منزلده غذا یوخدی آقا

بالالاریم سارالوب دلده قوا یوخدی آقا

اولدی سندن بو تمنّاده خجالت زهرا

 

غیرت اللّهی بو سوزلر ایلدی غرق ملال

دیدی غصّه یمه ای بانوی ارزنده جلال

قویمارام آج قالاسوز اولما پریشان احوال

دلشکسته چخوب ایودن او مه برج کمال

ایدوب آردیجا دعا معدن عفّت زهرا

 

متفکّر دولانوب شهری او مظلوم حجاز

سمعینه یتدی اذان صوتی اولوب وقت نماز

ایتدی اللّهه توکّل دیدی ای بنده نواز

گیدورم مسجد پیغمبره گوستر اعجاز

بولوسن غصّه لیدور ایوده بو ساعت زهرا

 

مسجده وارد اولوب ذکر الهی دلده

روح قبله ئوزی مسجدده اورک منزلده

گوره مشکلدی علی فاطمه نی مشکلده

دمبدم شعله چکور درد اودی سوزان دلده

ایوده گوزلور یولونی روح عطوفت زهرا

 

اقتدا ایلدی پیغمبر اسلامه امام

گرم اولوب ذکر مناجاته نماز اولدی تمام

ایستدی منزله گیتسون چاغروب خیرالانام

یا علی گر اولا میلون سیزه مهمان اولّام

گوگلوم ایستور منی تز تز ایده رؤیت زهرا

 

ایشیدنده بو سوزی قلب علی قان اولدی

غملی قلبنده اولان غصّه دو چندان اولدی

ظاهراً خوش ولی باطنده پریشان اولدی

الغرض ختم رُسل حیدره مهمان اولدی

قاپونی دوگدولر آچدی گل جنّت زهرا

 

دوداقی گولدی بولوب مطلبی اول کان حیا

خیر مقدم دیدی خیرالبشره خیر نسا

خوش گلوبسن آتا جان ، جان بیله مهمانه فدا

اگلشون سفره آچوم حاضر اولار ایندی غذا

خوشدی سیز تک قوناقا ایلیه خدمت زهرا

 

درس اخلاقیدی نسوانه بیله استقبال

طرز برخورد بتول ایتدی علینی خوشحال

گیچدیلر منزله خندان ایکی فرخنده خصال

اولدی ایو صاحبی مهمانیله مشغول مقال

سفره پهن ایلدی مسئول ضیافت زهرا

 

مرتضی باخدی گوز آلتی او جوان همسرینه

اودا لبخند وروب یار ملک منظرینه

او تبسّمله وئروب قوّت دل شوهرینه

ایش قالوب فاطمه نین کشگل آچان اللرینه

گور نه تدبیر توکوب صاحب عزّت زهرا

 

گیچدی محرابینه سالدی باشا چادر شبینی

رو به قبله دایانوب آچدی دعایه لبینی

دیدی معبودینه قلبنده اولان مطلبینی

ایشیدوب گوش فلک زمزمۀ یا ربینی

اولوب اخلاصیله مشغول عبادت زهرا

 

معجرین فوری او ناموس خدا آلدی اله

عرض ایدوب درد دلین ساحت حیّ ازله

ای وئرن نوری ، ضیا زهریه ، جلوه زُحله

رحم ایله قویما خدایا اورگیم درده گله

راضی اولما قوناقندان چکه خجلت زهرا

 

یوخ سوزوم مصلحتون لطفودی احساندی منه

امتحانه دوزرم درد اوزی درماندی منه

سفره میز خالیدی همدم غم دوراندی منه

آتا یاننده اوجات باشیمی مهماندی منه

التماسه دل آچوب تا آلا حاجت زهرا

 

فاطمه نفسی غنی دور نِعَم عالمدن

اَکرم الضّیفه گوره آه اوجالور شینمدن

منه ده مائده گوندر قوتاروم بو غمدن

تا که بولسون هامی من کم دگولم مریمدن

ایستور عیسی آناسندان دوتا سبقت زهرا

 

الغرض تیر دعا سینۀ آهی دلدی

حاجتی اولدی برآورده خانم دینجلدی

یعنی زهرا ایوینه رزق بهشتی گلدی

هر نه حقدن بو خانم ایستَسه مشکل حلدی

مظهر فیضدی مصداق فضیلت زهرا

 

بلی زهرا دلین الله ئوزیده سندرماز

رشتۀ رابطه سین بیله خانمدان قِرماز

کیم مسلمان اولا زهرا قاپوسین یاندرماز

فدک اوسته یوزونه کوچه ده سیلی ورماز

خوش گونه قالدی نبی دن صورا حسرت زهرا

 

بار الها سنی ویرّم قسم آل اللّهه

او تهاجم گونی ظلمیله یانان درگاهه

غربت حیدره یعنی او قوشونسوز شاهه

قانلی مسمار ئوپن سینه ده سوزان آهه

معرفت ویر بیزه ده ، ایتسون عنایت زهرا

 

مجلس اُنس «کلامی» ئوزی خوش مائده دی

اهلینه خیریدی نا اهلینه بی فایده دی

شکر ایله شاکر اولان فیضه چاتار قاعده دی

بیر قدم نوره یاخونسان چون آنان سیّده دی

سنه ده بلکه باخا روز قیامت زهرا

 

کلامی زنجانی

موضوع: حضرت فاطمه زهرا (س) احوالات ,
زبان شعر و شاعر: نوحه ترکی , کلامی زنجانی

 

------------

 

 زبانحال به حضرت زینب کبری (سلام الله)

در شهادت حضرت فاطمه زهرا (سلام الله)

 

آناوین چخور یورولان جانی گَل اماندی زینبیم آغلاما

گیدورم بهشتیده محسنیم نگراندی زینبیم آغلاما

آناوین چخور یورولان جانی گَل اماندی زینبیم آغلاما

گیدورم بهشتیده محسنیم نگراندی زینبیم آغلاما

 

سن ایوین بویوک قیزیسان گرک آناوین یرین آلاسان بالا

سنی گوزلریم کیمی ایسترم اورگیم سوین بالاسان بالا

بویوموش یازون که اوشاق چاقی باشوا قرا سالاسان بالا

آناسیز فقط بُلر آیریلیق نه یاماندی زینبیم آغلاما

 

ایله گون سایاردیم اُلن زمان باشیم اوسته آغلاماقون گوروم

گوزوم آختاراردی بو ساعتی بیله سینه داغلاماقون گوروم

دوروب ایله سینمی خشکبند بالا یاره باغلاماقون گوروم

یارا باغلاماق یاراشور سنه بو عیاندی زینبیم آغلاما

 

سن عزیزیم عالم عشقیده منیم اوز یریمده نشانه سن

حسنیله همدم و همقدم غم ایوینده صاحب خانه سن

آنا عزّتی آتا زینتی دُر بی دلیل و یگانه سن

سنه جان دیدیم که محبّتون منه جاندی زینبیم آغلاما

 

اوزیوی یوروب منی پوزما چوخ گوروسن ایاقه دورانمورام

باشیم اوسته دورما اوتور یره اُلورم دوروب اوتورانمورام

آناوی بغیشله که زلفیوه بیر الیمله شانه وورانمورام

قاپوموز یاناندا الیم قولوم یارالاندی زینبیم آغلاما

 

دیمیشم علی آتاوا اوزی قازا قبریمی علن اولمیه

گئجه وقتی دفن ایده نعشیمی بو قضیّه نی بُلن اولمیه

غربا کیمی منی اوخشیون ایوه قورخورام گَلن اولمیه

که سحر خدا اوزی ناظر جریاندی زینبیم آغلاما

 

کمک ایله سن دوروب اشکیله اورک آتشین خنک ایلرم

عوضینده من اوزیمی سنه هامی غمده مشترک ایلرم

توکولنده خیمه لره قوشون گَلرم سنه کمک ایلرم

هله صبر ایله که یامان گونون او زماندی زینبیم آغلاما

 

من او پیرهن که نوائیلن توخیوب سنه دیمیشم سوزون

گوز ایوینده ساخلا او کوینگی سفره گیدنده آپار اوزون

اونی سندن ایسته سه قارداشون بوغازیندان اُپ ولی یوم گوزون

آناسیندان اوغلونا یادگار او نشاندی زینبیم آغلاما

 

خبر آلما علّت فوتیمی آنا قلبینه سوزون اوخ ساچار

سنه چوخ سوزی آچا بُلمرم ولی کربلاده فلک آچار

او زمان که خیمه لروز یانار سویولوب رقیّه چوله قاچار

گَلرم سنه دیرم قاپوم نیه یاندی زینبیم آغلاما

 

منه آغلینجا حسینه باخ غم کربلاسینی یاده سال

 کسیلنده قارداشیوین باشی باشیمون بلاسینی یاده سال

سینه سیندن اوخلاری هی چکوب سینمون یاراسینی یاده سال

قانی گَلسه باشه یاخوب دینه بو او قاندی زینبیم آغلاما

 

 کلامی زنجانی

منبع مجموعه کانالهای مدح و مرثیه

موضوع: حضرت فاطمه زهرا (س) زبانحال ,
زبان شعر و شاعر: نوحه ترکی , کلامی زنجانی

 

------------

 

احوالات امام حسن مجتبی (علیه السلام)

 

هیچ کیمسه غریبلیقدا امام حسن اولماز

آند اولسون حسینه بیله مظلوم ئولن اولماز

 

ئوز محرمی نامحرم اولوب ایلدی مسموم

اسما کیمی بو دهریده بی رحم زن اولماز

 

شرم ائتمدی زهرادن اولوب عاق رسوله

ئولدوردی امامی ، بئله پیمان شکن اولماز

 

نصفِ شبیدی یاتمیشیدی اهل مدینه

بیر فاجعه اولدی که او ایش تازه دن اولماز

 

رؤیادن اولوب نورِ دل فاطمه بیدار

گوردی سو اگر ایچمسه رفع محن اولماز

 

زینب ، باشینون اوستونه بیر مُهرلی کوزه

قویموشدی ، عطش دردین اونون تک بیلن اولماز

 

مظلوم آقا آهیله همان کوزه نی گوتدی

سو آدینه عالمده بئله زهر ایچن اولماز

 

تا ایستدی ایچسون ، دئدی معناده آناسی

اوغلوم او سودان ایچمه دؤنوب قان لَبَن اولماز

 

بیر زهر او سوُا توکموشدی رحمسیز اسما

تأثیرینی تعریف ائده بیلمم بیلن اولماز

 

ایچجک دئدی ، زینب جگریم گل اوتا دؤندی

قارداشا باجی اولماسا ، تسکین وئرن اولماز

 

زینب گوز آچاندا دئدی ایوای حسنیم وای

بیر حالدا گوروب یارین او حالدا گورن اولماز

 

گوندردی حسینون ائوینه قاصدِ آهین

عرض ائتدی حسین گل بورا سنسیز گلن اولماز

 

سالدی بو نِدا کوی بنی هاشمه غوغا

گلدی هامی هئچ یاسدا یئله انجمن اولماز

 

عباس دئدی قارداشیمون قاتلی کیمدی

کلثوم دئدی آچما بو سرّی ، علن اولماز

 

ناگاه حسینون گوزی بیر طشته ساتاشدی

ایوای دئدی قارداش بئله قانلی لگن اولماز

 

زینب الی قوینوندا باخوردی حسنینه

سسلوردی حسین اغلاما بیدار حسن اولماز

 

بیر آه حسین چکدی حسن گوزلرین آچدی

بلبل که سؤز اهلی اولا گُل بی سخن اولماز

 

باخدی دئدی قارداش باشیم اوسته اوخی قرآن

دلدن سسیوی آلماسا غم ریشه کن اولماز

 

قرآن سسیوه قوی باجیم الآن قولاق آسسون

گورسه باشیوی نیزه ده نازین چکن اولماز

 

وئر غسلیمی کفن ایله منی تُپراقا تاپشور

هر چند سنه کرب و بلاده کفن اولماز

 

غم چکمه ئوزوم شام غریبانیوه گلّم

یانّام دیَرم هئچ بئله باشسیز بدن اولماز

 

یثربدن اوزاق دوشماقیوا ایلمه غصّه

واللّهی حسین کرب و بلا تک وطن اولماز

 

استاد کلامی زنجانی

منبع مجموعه کانالهای مدح و مرثیه

موضوع: حضرت امام حسن مجتبی(ع) احوالات ,
زبان شعر و شاعر: نوحه ترکی , کلامی زنجانی

 

------------

 

توسل به حضرت ابوالفضل (علیه السلام)

 

بزم عزاده گیمشم قاره یا عباس

بیچاریم قیل دردیمه چاره یا عباس

یا باب الحوائج 

 

ای پرچم حریّتی ساخلیان سردار

وی کاروان وحدته قافله سالار

مشکلده قالسام ایلرم آدیوی تکرار

قربان اولوم سن تک فدا کاره یا عباس

یا باب الحوائج

 

ای حق مناسینده گیین قانلی احرامی

گزدون یارالی باشیله کوفه و شامی

حفظ ائتدی ایثارون سنون دین اسلامی

اولدی نشان عمرون گُلی خاره یا عباس

یا باب الحوائج

 

کوی محبتده هانی سن کیمی جانباز

عشق عالمینده آلموسان رتبه ممتاز

هاردا آدون سسلنمیشم گورموشم اعجاز

ائتمه اردات قیدیمی پاره یا عباس

یا باب الحوائج

 

آند اولوسون آننوندا اولان زخم پیکاره

بیر تار مویون وئرمرم تخت شاهانه

قانلی گوزون یاد ایلوب گلّم افغانه

دگدی سنه اغیاریدن یاره یا عباس

یا باب الحوائج 

 

آتدان دوشده سسلدون عالمین یارین

گلدی غریب کربلا تاپدی سردارین

قانلی جبینونده ئوپوب سجده آثارین

باتدی یوزی ثاراللهین ثاره یا عباس

یا باب الحوائج

 

سسلندی ای آرخام ائلیم آچ گوزون قارداش

تاراج اولوب تاب دلیم آچ گوزون قارداش

قارداش جانی سیندی بئلیم آچ گوزون قارداش

چاره آزالدی گلمیشم زاره یا عباس

یا باب الحوائج

 

ای یار قرآن مرحبا بخت مسعوده

چاتدون شهادت فیضیه اولدون آسوده

اوچدون هما تک ساخت قدس مقصوده

گئتدون یارالی محضر یاره یا عباس

یا باب الحوائج

 

ادرک پیامون خیمه ده ایندی آلدیم من

گوردی باجیم نه غصه لی حاله قالدیم من

قربان بو قولسوز قامته دور قوجالدیم من

اولدی جفا سن تک وفا داره یا عباس

یا باب الحوائج 

 

سنسیز حرمده عترت بوتراب آغلار

اولموش عطشدن قیزلاریم دلکباب آغلار

گه اصغره لای لای دییر گه رباب آغلار

عالم فدا بو چشم خون باره یا عباس

یا باب الحوائج 

 

عباس آقا دلدن نقدر الامان گلسون

ایستور کلامی قبریوه نوحه خوان گلسون

آچ باغلانان یولاریوی کاروان گلسون

ایسته بو جمعی توزلی در باره یا عباس

یا باب الحوائج

 

 استاد کلامی زنجانی

موضوع: حضرت ابوالفضل العباس (ع) احوالات ,
زبان شعر و شاعر: نوحه ترکی , کلامی زنجانی

 

------------

 

 بسته شدن راه فرات

 

کربلاده سو یولی باغلانور الله بو گئجه

ال پیغمبر عطشدن یانور الله بو گئجه

 

گینه سالدی سو سوزی دللره عباسین ادین

اورگدور اهل حرم اصغره عباسین ادین

سسلنوللر چاغیرون بیر بیره عباسین ادین

ال پیغمبر عطشدن یانور الله بو گئجه

 

نهر علقم او طرفده اخوری ئوز باشینا

ال هاشم بو طرفده بویانوب گوز یاشینا

تاپا بیلمور سو رقیه صود امر قارداشینا

ال پیغمبر عطشدن یانور الله بو گئجه

 

کیم گوروب نامه یازانلار سویی کسسون قوناقا

بارماقین خورداجا قزلار قویوب عطشان دوداقا

ساقی تشنه لبان باشینی سالمیش اشاقا

ال پیغمبر عطشدن یانور الله بو گئجه

 

گلستان قالسا سوسوز غنچه صولار گل سارالار

چاره یوخ عترت طاها گرک عطشان قالالار

بیر بیرین خیمه سقاده قوجاقلور بالالار

ال پیغمبر عطشدن یانور الله بو گئجه

 

قلبلر قانه دونوبدی نیه دونمور قانا سو

خیمه ده گوز یاشی اخدیقجا اخور هر یانا سو

عمه سو . باجی سو . سسلور بالالارسو . انا سو

ال پیغمبر عطشدن یانور الله بو گئجه

 

کبریا اهلی لب عطشان . سو ایچور اهل ریا

ایلمور فاطمه دن کوفه و شام اهلی حیا

هشتم ماه محرمدی قیامتدی و یا

ال پیغمبر عطشدن یانور الله بو گئجه

 

هاردادی ساقی کوثر ائده بو مشکلی حل

الینوب تحت نظر دایره خیمه و تل

زور و زر بنده لری قویمادیلار دینه محل

ال پیغمبر عطشدن یانور الله بو گئجه

 

استاد کلامی زنجانی

منبع مجموعه کانالهای مدح و مرثیه

موضوع: احوالات فرات ,
زبان شعر و شاعر: نوحه ترکی , کلامی زنجانی

 

------------

 

اهمّیت مجالس عزاداری حضرت امام حسین (علیه السّلام)

 

گر عاقلی به مجمع اهل ولا برو

دیوانه باش تا حرم کبریا برو

 

خواهی بهشت ناز ورود تو را کشد

بر زیر سایۀ علم کربلا برو

 

افسار خود به دست نگهبان عشق ده

او گویدت کجا مرو ویا کجا برو

 

از فاطمه اجازه بگیر ار اجازه داد

با چشم اشکبار به بزم عزا برو

 

زیبا تر از بهشت بود مجلس حسین

بر روضه با خلوص بیا بی ریا برو

 

هر جا که ذکر عشق بخوانید کربلاست

با شور کربلا به حضور خدا برو

 

دیوانۀ حسین شدن با شعار نیست

کبر و غرور بشکن و بی ادّعا برو

 

 استاد کلامی زنجانی

موضوع: سایر موضوعات ,
زبان شعر و شاعر: نوحه فارسی , کلامی زنجانی

 

------------

 

احوالات حضرت فاطمه زهرا (سلام الله)

 

مدینه سنده بیر گوهر یاتوبدی

رسول الله گلی پرپر یاتوبدی

ملک لر باشینه افسر یاتوبدی

سرور قلب پیغمبر یاتوبدی

حسینه سویگلی مادر یاتوبدی

 

مدینه ای حسینون زادگاهی

قیامتده اقلاً ویر گواهی

علینون نیمه شب قوزاندی آهی

قرانلیق قبریده گیزلتدی ماهی

او تپراقدا مه انور یاتوبدی

 

مدینه بیت الحزانون نجولدی

گُلون سولدی گلستانون نجولدی

بتول دیده گریانون نجولدی

یارالی خسته مهمانون نجولدی

یوموبدی گوزلرین مضطر یاتولدی

 

مدینه یاددا ساخلا قال و قیلی

پوزوب نمرودیان آل خلیلی

قراتدی شعله باب جبرئیلی

شل اولسون کیم وروب زهرایه سیلی

سولان گلشنده نیلوفر یاتوبدی

 

مدینه سن عجب دل درده ویردون

یامان گون فرصتی نامرده ویردون

گُل طاهانی دست گرده ویردون

فشار قبری پشت درده ویردون

همای آرزو بی پر یاتوبدی

 

مدینه نه بلالر وار باشوندا

نیه غرق اولدی زهرا گوز یاشندا

یازیدون قبرینون باری داشوندا

بو مظلوم ئولدی اون سگّیز یاشندا

جواندی قد کمان مضطر یاتوبدی

 

مدینه شیعیه بار سفر ویر

بنی هاشم محلّیندن خبر ویر

گئچه کیم کوچه دن راه گذر ویر

قنادسیز قوش گورنده بال و پر ویر

اونا خاطر که بی شهپر یاتوبدی

 

علی گوردی چراغلار اولدی خاموش

یاتوب همسایه لر ایولرده بیهوش

دیدی جانانیمی قیلّام کفن پوش

کفن پوش اولسادا اولماز فراموش

توک اشکین ای گوزوم گوزلر یاتوبدی

 

الهی مرتضی بی بال و پردی

بو تشییعدن مدینه بی خبردی

شب دفن گل خیر البشردی

سسیمه سس ویرن یدّی نفردی

وفاسیز قونشولار یکسر یاتوبدی

 

الهی من کیمم زهرا سنوندی

یومولموش دیده شهلا سنوندی

گووَرمیش صورت و سیما سنوندی

خدا بو خُرد اولان اعضا سنوندی

کفنده هستی حیدر یاتوبدی

 

خدایا شاکیم من امّتیمدن

منافقلر اوتانمیر رأفتیمدن

دفاع ایله اوزون حیثیّتیمدن

اوتاندی ذلفقاریم غیرتیمدن

کمک یوخ گوز یوموب یاور یاتوبدی

 

بونی طاها منه تاپشوردی گیتدی

او مهمان الهی دوردی گیتدی

قاپومی اشقیا یاندوردی گیتدی

گلوب زهرانی دشمن ووردی گیتدی

یان ای دل دیده دلبر یاتوبدی

 

کلامی زنجانی

منبع مجموعه کانالهای مدح و مرثیه

موضوع: حضرت فاطمه زهرا (س) احوالات ,
زبان شعر و شاعر: نوحه ترکی , کلامی زنجانی

 

------------

 

 ورود به ماه محرم

 

هر که هست اهل ولا با ما بیاید کربلا

هر که میخواهد بلا با ما بیاید کربلا

 

هر که بیمار است و از هر در جوابش کرده اند

میدهد مولا شفا با ما بیاید کربلا

 

زاده ام البنین سرباز گیری میکند

گو به سرباز خدا با ما بیاید کربلا

 

دعوت از مولاست هر کس طالب مهمانی است

میزند هاتف صدا با ما بیاید کربلا

 

جامهٔ ماتم بپوش ای دل مُحَرّم آمده

گو به چاوش عزا با ما بیاید کربلا

 

بُعد منزل نیست عاشق را همین جا کربلاست

آمده اهل سما با ما بیاید کربلا

 

زشت و زیبا را در این بازار با هم میخرند

شاه باشد یا گدا با ما بیاید کربلا

 

کربلا هستند برخی، کربلایی نیستند

محرم قالو بلا با ما بیاید کربلا

 

از مدینه آمدم بیرون تمنّا کرده ام

شخص ختم الانبیا با ما بیاید کربلا

 

من نخواهم رفت زیر بار ظلم ظالمان

اهل غیرت، هر کجا با ما بیاید کربلا

 

اهل بحرین اهل مصر اهل یمن اهل عراق

اهل ایران هکذا با ما بیاید کربلا

 

جان من، ای اکبر من، دست قاسم را بگیر

گو عزیز مجتبی با ما بیاید کربلا

 

هشتم ذیحجه راه افتادم از امّ القرا

گفتم اهل کبریا با ما بیاید کربلا

 

با خدای کعبه عهد کربلایی بسته ام

تا خلیلش از منا با ما بیاید کربلا

 

در بقیع بودم شب هجران «کلامی» قول داد

مادرم خیرالنسا با ما بیاید کربلا

 

استاد کلامی زنجانی

موضوع: ماه محرم ,
زبان شعر و شاعر: نوحه فارسی , کلامی زنجانی

 

------------

 

زبانحال حضرت مسلم بن عقیل (علیه السلام)

 

سفیر مملکت دلبرم مرا بکُشید

بجای دلبر مه پیکرم مرا بکُشید

 

بجرم غیرت اگر قطعه قطعه ام بکنید

بجان بلای جهان میخرم مرا بکُشید

 

یزید حکم قتالم نوشته مرگش باد

فدای مکتب پیغمبرم مرا بکُشید

 

من و شکستن پیمان عاشقی، هیهات

به خاندان علی نوکرم مرا بکُشید

 

در این محاربه مسلم کجا و مرگ کجا

که پیش مرگ علی اصغرم مرا بکُشید

 

شما که تیغ به کشتار عاشقان بستید

کنون من از همه عاشقترم مرا بکُشید

 

حسین فاطمه تحسین کند مرامم را

اگر به نیزه ببیند سرم مرا بکُشید

 

خوشم که سیف بنی هاشمم لقب دادند

که داده شیر شرف مادرم مرا بکُشید

 

مقام قدس ابوالفضل برتر است از من

غبار مقدم آن سرورم مرا بکُشید

 

به من گریسته قبل از ولادتم طاها

چو مرغ سوی جنان میپرم مرا بکُشید

 

غریب شهر بلا قاصد تولّایم

جدا کنید سر از پیکرم مرا بکُشید

 

منافقان که به دل کینه علی دارید

من آن غلام در حیدرم مرا بکُشید

 

قسم به دوست مرا خوفی از شهادت نیست

کجاست مرگ دهد ساغرم مرا بکُشید

 

عطش بریده امانم ولی نخواهم آب

چرا که مشتری کوثرم مرا بکُشید

 

علی الصّباح امامم به کوفه می آید

به زیر پای همان رهبرم مرا بکُشید

 

 استاد کلامی زنجانی

موضوع: حضرت مسلم ابن عقیل (ع) ,
زبان شعر و شاعر: نوحه فارسی , کلامی زنجانی

 

------------

 

زبانحال حضرت مسلم بن عقیل (علیه السلام)

 

سبک : ای قلم سوزلرینده اثر یوخ

 

مسلم ابن عقیلم جماعت

واردی قلبیمده عشق شهادت

 

رهبر انقلابیم حسیندی

قوی ئولوم من او قالسین سلامت

 

من بنی هاشمه نور عینم

جان نثار شه عالمینم

 

هر کسین دلبری بیر گوزلدی

منده قربان راه حسینم

 

کوفیه گلمیشم دینه خاطر

باتمیشام قانه آئینه خاطر

 

حاضرم قان دولاگوزلریمه

اهلبیت خدابینه خاطر

 

نایب بر حقم من امامه

قوش کیمی دوشموشم ایندی دامه

 

عاشقم نیلیرم تاج و تختی

واردی باشیمده قانلی عمامه

 

کلامی زنجانی

موضوع: حضرت مسلم ابن عقیل (ع) ,
زبان شعر و شاعر: نوحه ترکی , کلامی زنجانی

 

------------

 

حضرت رقیه (سلام الله)

 

سلام اولا ره حقده قدم وران خانما

ستم بساطینه نقش عدم وران خانما

خرابه شامیده قاره علم وران خانما

گتوردی درده دل عالمی رقیه خانم

اوجاتدی قانه باتان پرچمی رقیه خانم

 

ای عاشقی که گلوبسن رقیه هیئتینه

سلام ایله شهدانین سفیر دولتینه

ادبله قوی یوزیوی آستان رحمتینه

بو بیر خانمدی که اوچ سنی واردی مین دردی

اونی حسین آقامیز هامیدان چوخ ایستردی

 

رقیه ماه بنی هاشمین ستاره سیدی

دوز عشقین سندی قلب پاره پاره سیدی

خانملیقندان علامت باشندا قاره سیدی

قیامتین گونی عشاقه تازه جان ویره جاق

قرا گینلری پیغمبره نشان ویره جاق

 

بو اوچ یاشندا خانم شامه ولوله سالدی

ئولنجه سنگر ایثاریده اویاق قالدی

یزیدی محکمیه چکدی انتقام آلدی

دوزی کیچیکدی ولیکن جلالی عظمادی

فروغ دیده زینب، سه ساله زهرادی

 

رقیه هر غمه دؤزدی اورک غمیله دولی

یخوبدی شمر و سنانین ایوین او باغلی قولی

مخالفنده اگر دوشسه شامه ایندی یولی

گورر که باغلیدی آل امیه نین قاپوسی

ولی آچخدی همیشه رقیه نون قاپوسی

 

امان او وقتیدن الله دوداقه جان گلدی

قرا گوزی یومولوب داده قدسیان گلدی

او ناگهانی ئولوم زینبه گران گلدی

دیدی اورکده اولان نسگله بی بون قربان

دانشموسان نیه شیرین دله بی بون قربان

 

واریدی نکته سنون هر سوزونده نازلی بالا

منیده پوزدون ئولنده ئوزونده نازلی بالا

گوزوم قالوب او یورولموش گوزونده نازلی بالا

یات ایندی دلده قالان سوزلره ئوزوم قربان

دویونجا یوخلامیان گوزلره گوزوم قربان

 

یزید باغلادی اهل مکارمین قاپوسین

گرکدی یاندرا آهیم او ظالمین قاپوسین

جنازه یرده عزیزیم دوگوم کیمین قاپوسین

خرابه یرده چیخان جانیوه بی بون قربان

قبار ایاقدان آخان قانیوه بی بون قربان

 

آنام جانی گوزلیم ئولدورر بو غصه منی

گوزون دولاندا گلوب ساربان دوگردی سنی

نجه یووار سنی، غساله گورسه بو بدنی

اورکده آهلاریوین مدّینه بی بون قربان

قولوندا قمچی لرین ردّینه بی بون قربان

 

کلامی زنجانی

موضوع: حضرت رقیه (س) احوالات ,
زبان شعر و شاعر: نوحه ترکی , کلامی زنجانی

 

------------

 

زبانحال به حضرت رقیه (سلام الله)

 

ای گوزلریمون نوری غرق محنیم لای لای

ای قمچی لر التیندا  دلدن دوشنیم لای لای

دردیمون درمانی لای لای رقیه

گوزلرون قربانی لای لای رقیه

 

سن بیل باباوین جانی من بیکسی اغلاتما

قلبون کیمی من یاندیم بختیم کیمی سن یاتما

دوندی قانا گوز یاشیم گوزدن بی بی وی اتما

ای اصغره گیزلینده لای لای دیینیم لای لای

دردیمون درمانی

 

دشمن بو باشا خاطر یولدا سنه داش وردی

بعضیسی وروب محکم بعضیسی یواش وردی

گلدون دله تا دلبر گلدی سنه باش وردی

مهمانی گلن وقته الدن گئدنیم لای لای

دردیمون درمانی

 

نسگلدی انام جانی جسمون ارادا قالسون

عمه ن گئجه نین وقتی هانسی قاپونی چالسون

قبرون بالا کیم قازسون خلعت بالا کیم السون

قالسون قره اگنونده یوخ اغ کفنیم لای لای

دردیمون درمانی

 

مظلوم بابان اول گون که اصلی وطنه گئتدی

ئوپدی سنی تل اوسته تاپشوردی منه گئتدی

بیلمم گوزلیم وئردی نه قولی سنه گئتدی

گلدی یاسیوا یولدان یورقون گلنیم لای لای

دردیمون درمانی

 

ای طرفه گولوم منده سنسیز سارالوب سولام

توزلی تئله باخدوقجا یانام باشیمی یولام

نیلک گوزلیم نیلک غساله ن ئوزوم اولام

دورسان دئمه غربتده یوخ قبر کنیم لای لای

دردیمون درمانی

 

بو شامه گلن گوندن باخدون یولا هر گون سن

ئوز حاجتیوی الدون از بس قاپی دوگدون سن

دور بیر اوپوشاخ باری مندن نیه کوسدون سن

سیلی اجیسیندان دی . شیرین سخنیم لای لای

دردیمون درمانی

 

استاد کلامی زنجانی

موضوع: حضرت رقیه (س) زبانحال ,
زبان شعر و شاعر: نوحه ترکی , کلامی زنجانی

 

------------

 

ورود اسرای کربلا به شهر شام

 

شام اهلی گوروب نی ده قانلی شهدا باشین

هرباش ائلیوب گون تک نورانی جدا باشین

 

پوشیده دی آل الله محملده حجاباته

زینت وئریلوب شهره نفرین بئله عاداته

سرگشته قاچور ملت دروازه ی ساعاته

واروعده لری گویادیدار و ملاقاته

زینبدی گلن داشدان گوزلوراسرا باشین

 

هرشهره قدم قویسا بیر سید روحانی

ساخلار زُعمای قوم گوز اوسته او مهمانی

گوردون نجه یازهرا سجاد پریشانی

شال گردنه اوخشوردی بوینوندان آخان قانی

زنجیر آغیر، اَل باغلی سالمیش آشاقاباشین

 

دوشدی نظری سَهلین اول صحنهٔ غمناکه

باخدی رخ بیماره آهی چیخوب افلاکه

جاری دی توپوقلاردان قان قطره لری خاکه

دورینده ورورقیزلارناخُن دل صدچاکه

عمّامه یانور سو یوخ خاموش ائده تاباشین

 

غم منظره سی سهلی بیرئوزگه حالاسالدی

آهسته سلام ائتدی آهسته جواب آلدی

عرض ایلدی سیزکیمسوز آیا بونجه حالدی

بیردن تانیدی،الدن جانین وئره آزقالدی

ئوپدی یودی اشگیله محبوب خداباشین

 

واویلادلیم یانسون گورخامه نه لریازدی

ائتدی منی دیوانه بااینکه خبریازدی

جان دفترینه سؤزدن اودتوکدی شرریازدی

بوصفحه ده جوهردی یاخون جگریازدی؟

دوتمایازاناایراد دوتموشدی هواباشین

 

عابدلرآقاسیندان بیر راوی نیکونام

آلدی خبرآهیله کی مونس هرآلام

اولدی سیزه هرغمدن باش هانسی غم ایّام

دولدی گوزی مولانین اوچ دفعه دئدی الشام

تک کوفه آغارتمازدی بوآل عباباشین

 

گویابویوروب حضرت آغلاتدی منی اول دم

بیررشتیه باغلییدی اولادعلی باهم

باشدامنیدیم دلخون آخرده بی بیم پرغم

بیرقمچی سسی گلدی اگلشدی یره عمه م

اؤجیلا دوتوب گوردوم مجلسده یاراباشین

 

تاریخه یازیلمیدی بوغملی کلام ایکاش

عذرایسته«کلامی»یاز ویران قالاشام ایکاش

بیرسؤزبیوروب سجاد دللراولا رام ایکاش

سویلوب منی دنیاده دوغمیدی آنام ایکاش

سالدی اشاقابوسؤزسُکّان سما باشین

 

استاد کلامی زنجانی

موضوع: احوالات شهر شام ,
زبان شعر و شاعر: نوحه ترکی , کلامی زنجانی

 

------------

 

حضرت امام حسین (علیه السلام)

 

سن فنا فی الله اولوب مقصوده چاتدون یاحسین

نهضتونله پرچم دینی اوجاتدون یاحسین

 

انقلابون جاوداندی آرمانون زنده دی

دشمنان مکتبون الله بیلور  شرمنده دی

ای شهید راه قرآن نهضتون پاینده دی

دین اسلامین یوزون الحق آغارتدون یاحسین

 

ای وئرن آز لشکریلن خلقه درس اتحاد

ای پناه شیعیان ای دشمن ظلم و فساد

تربتوندن سس گلور آزادمردان زنده باد

نقد جانون سوق حریتده ساتدون یاحسین

 

ای عدالت سنگرینده جان وئروب جاوید اولان

ای دیار کربلاده حامی توحید اولان

ای آدی آزادگانه مایه ی امید اولان

حق دئدون حق اوسته الحق قانه باتدون یاحسین....

 

حاج ولی اله کلامی زنجانی

موضوع: حضرت امام حسین (ع) ,
زبان شعر و شاعر: نوحه ترکی , کلامی زنجانی

 

------------

 

آرزوی زیارت کربلا

 

واردی باشیمدا یا حسین هوای بین الحرمین

سالار بهشتی یادیمه صفای بین الحرمین

 

گورمه میشم بهشتی من منزلتین ایشیتمیشم

یوخدی بهشته حاجتیم کرب و بلایه گیتمیشم

من که بهشت آقاسینا عرض ارادت ایتمیشم

کمدی مگر بهشتیدن ؟ صفای بین الحرمین

 

وار ایکی جلوه لی مکان عالم بی قرینه ده

بین بقیع و مرقد ختم رسل مدینده

بیرده بهشت کربلا نقشی قالوبدی سینه ده

گورملیدی نمای دل گشای بین الحرمین

 

اول ایکی باصفا حرم شهری ایدوب پر عطر و بو

بیر آلتی گوشه قبر شه،قبر وزیر روبرو

عرش اوزی آلتی گوشه دی ایلر او قبری آرزو

عرشی ایدوبدی منجلی جلای بین الحرمین

 

صحنه باخاندا جلوه باقیه ایلرم سلام

مشکی گورنده تشنه لب ساقیه ایلرم سلام

خیمه یانیندا محمل و ناقیه ایلرم سلام

زنگ شتردی کوچیده نوای بین الحرمین

 

تله چیخاندا آغلادیم ناله مته رویدی

رهبر کاروان دیدی بو تل زینبیه دی

ناله سسی گلور اودا زمزمه رقیه دی

آختارور آشیانه سین همای بین الحرمین

 

دقتون اولسا گورسنور خیمه لرین یانان یری

شارع صاحب الزمان اصغرین اوخلانان یری

شبه پیمبر اکبرین پیکری دوغرانان یری

صحنه ی خاطراتیدی نمای بین الحرمین

 

جلوه ی مسجد الحرام اوردادی باخ صفا ایله

محرم محرمان عشق اوردا ایدله هروله

یاده سالار صلابت کعبه نی وقت نافله

صوت اذان مغرب و عشای بین الحرمین

 

 حاج ولی الله کلامی زنجانی

موضوع: در آرزوی زیارت ,
زبان شعر و شاعر: نوحه ترکی , کلامی زنجانی

 

------------

 

 عرض تسلیت به محضر حضرت امام زمان (عج) در عزای حضرت امام جواد (علیه السلام)

 

یابن الحسن توئی سبب اتّحاد ما

نام مقدّست سندِ اعتقاد ما

 

امشب شب عزاست بیا یابن العسکری

سوزد جهان ز داغ امام جواد ما

 

مسموم شد عزیز دل ثامن الحجج

آتش زده حدیث غمش بر نهاد ما

 

جانها فدای آن گل پژمردۀ رضا

باشد امام نُهم ، امید و عِماد ما

 

می داد جان به حُجره و میگفت ای خدا

دانی که اهل کین ز چه دارد عناد ما

 

ما را به جرم عشق تو در خانه می کُشند

غافل از اینکه دارد ادامه جهاد ما

 

گر مُعتصم خلیفهٔ عباسیان بود

بر عالم است سلطنت عدل داد ما

 

من وارث رضا گل موسی بن جعفرم

ذلت بری ز ساحت قدس نژاد ما

 

آگاه از فضیلت من امّ‌فضل نیست

اما خوشم که فاطمه باشد به یاد ما

 

جان داد و دفن شد پدرم در دیار طوس

حال از فلک گذشته به بغداد داد ما

 

پروندۀ حکومت من بسته شد ولی

پاینده باد دولت هادیّ راد ما

 

 استاد کلامی زنجانی

موضوع: حضرت امام جواد (ع) احوالات ,
زبان شعر و شاعر: نوحه فارسی , کلامی زنجانی

 

------------

 

احوالات حضرت امام جواد (علیه السلام)

 

باش آچوب امام هادی آغلابوعزاده شیعه

فاطمه آناسی آغلارحضرت جواده شیعه

 

ایلوب اون بیریمجی معصوم دهریدن بقایه رحلت

پورثامن الائمه نورمحفل ولایت

بلّیدورجوادآدندان کان جودیدور او حضرت

وای آقادیوب مساکین گلدی آه وداده شیعه

 

معتصم جفاوظلمه ائتدی امّ فضلی تحریک

سؤندی مشعل امامت جمله عالم اولدی تاریک

اهل کین بوماجراده بیربیره دییردی تبریک

چاتدی دشمنان اسلام ظلمیله مراده شیعه

 

گل کیمی چاتوب اومولارُشده فاطمه باغیندا

هی نفس چکوب یاناردی سینه سی آناداغیندا

جدّه سی کیمی جهاندان اینجیدی جوان چاغیندا

اولمادی ترحم‌اصلاًخصم بی حیاده شیعه

 

یوخ سؤزوم دؤزوب بلایه جمله اولیای معصوم

ای بساجواد،مثلی بیرکس اولمیوبدی مظلوم

ائتدی دشمن اول امامی یرمی بش یاشیندامسموم

زهرائدوب اثروجودی یاندی غمسراده شیعه

 

مَرده مایهٔ شعفدوراولسامحرمی حیالی

بی وفااولوب جوادین ئوزائوینده کی عیالی

وئردی زهرکینه آخرحضرتین پوزولدی حالی

جان وئروب ولیّ سبحان حال غم فزاده شیعه

 

باشلادی اوگون ملکلرعرشیده عزاسرودین

یخدی امّ فضل خائن ظلم الیله دین عمودین

آتدی حضرت جوادین غرفه دن یره وجودین

قالدی اوچ گون اول امامین پیکری آراده شیعه

 

یوخ سوزوم تقی ملالی قلب کائناتی داغلار

لیک حشراولونجاهرگؤزآغلاساحسینه آغلار

واحسین دیوب « کلامی » اشکینی عذاره باغلار

فاطمه گلی ستملن صولدی کربلاده شیعه

 

 استاد کلامی زنجانی

موضوع: حضرت امام جواد (ع) احوالات ,
زبان شعر و شاعر: نوحه ترکی , کلامی زنجانی

 

------------

 

در مدح حضرت امام رضا (علیه السلام)

 

در سبک : ای ایران

 

جانِ جانان یاامام رضا

روح وریحان یاامام رضا

واللهی سنلن شرف تاپوب

ملک ایران یاامام رضا

ای_خاک مشهدی بهشت جاودان ائدن

مرغ عشقی قلبلرده آشیان ائدن

سن شمعه من/پروانیم/عاقل دیمم/دیوانیم

مست اولموشام باده ی عشقیله ای دلربا

 دمبدم سسلرم یاامام رضا

 

تااولدوم من آشناسنه

موج غمدن چخدیم ایمنه

دامانوندن ال گوتورمرم

لطفون وئرمیش آبرو منه

من_آستان اقدسونده عبدکمترم

سن کیمی شرفلی شاهه منده نوکرم

عاشقلرون دمسازییم/سربازیوین سربازیم

ال چکمرم سندن ای دردانه ی مرتضی

دمبدم سسلرم یاامام رضا

 

ای جانانیم جان سنونکیدی

وارهرنه عنوان سنونکیدی

مالک سنسن شیعه ملکونه

ششدانگ ایران سنونکیدی

سن_مقدمونله بودیاره وئرموسن صفا

خوش گلوبسن ای عزیزجان مصطفی

طوسین باشی/عرشه چاتوب/سن تک گوزل/اوردایاتوب

ای قلبیمه معرفت جلوه سی وئرمیش جلا

دمبدم سسلرم یاامام رضا

 

آنداولسون جان جوادیوه

تک فرزندخوش نهادیوه

غیبت ائتمز ناروا دئمز

هردل اولساازبرآدیوه

دل_سینه ده ودیعه آل حیدرینکیدی

جان حرمسراسی نازلی دلبرینکیدی

ای دلبریم/تاج سریم/هشتم امامیم سروریم

سنسن منیم روح وروانیم سنه جان فدا

 دمبدم سسلرم یاامام رضا

 

سن گلدون طوسه مدینه دن

گوردون ایذااهل کینه دن

مشهدعترت پایتختیدور

چخمازمولاعشقی سینه دن

سن_گوزلراوسته قویموسان قدم غریب آقا

دل مریض عشق اولوبدی سن طبیب آقا

درمان ائله احسان ائله/ئوزلطفوه مهمان ائله

یازتذکره تااولوم زائرکرب وبلا

 دمبدم سسلرم یاامام رضا

 

حاج ولی الله کلامی زنجانی

موضوع: حضرت امام رضا (ع) مدح ,
زبان شعر و شاعر: نوحه ترکی , کلامی زنجانی

 

------------

 

در مدح حضرت معصومه (سلام الله)

 

ای عرش وفرشه نازایلین آستانه سی

وی بارگاهی لطف وکرامت خزانه سی

 

سن آسمان عصمته تابنده زُ هره سن

زهراعزیزی موسیِ کاظم نشانه سی

 

سنسن غریب طوسین اورک داغلی خواهری

معصومه آدلی فاطمه نین نازدانه سی

 

اهل کرم کریمه دیللر سنه خانم

باب بهشتیدورحرمون آستانه سی

 

اون سگیز ایل بو دهریده عمر ایلدون ولی

اولدون قیام آل علی پشتوانه سی

 

قم سنگر ولایت و اسلام نابیدور

ای بحر نور، رحمتیوین یوخ کرانه سی

 

هر کیم ئوپر او قبری دییر اِشفعی لَنا

قمدور همای معرفتین آشیانه سی

 

 استاد کلامی زنجانی

موضوع: حضرت معصومه (س) مدح و میلادیه ,
زبان شعر و شاعر: نوحه ترکی , کلامی زنجانی

 

------------

 

 تخریب بارگاه ائمۀ بقیع (هشت شوال)

 

من بقیعم شاهد عشق و گواه اهلبیت

من بقیعم تُپراقیم آرامگاه اهلبیت

باخمیون ظلمتدییَم وار منه ماه اهلبیت

چوخ امانت واردی منده ساخلارام اینجیتمرم

فاطمه قبرین سوروشما هئچ کیمه گورستمرم

 

ای نجف ای کربلا ای کاظمین ای سامرا

ای خراسان ای تجلی گاه انوار رضا

یدّی گوهر بش صدفده ساخلیوبسوز بر ملا

من ولی بیر سینه ده بش گوهره یر وئرمیشم

نوریلن همساییَم پیغمبره یر ویرمیشم

 

من بقیعم حاجیلار ایلده منه مهمان گَلر

چوخلاری بولمور گلوبدی باشیمه امّا نَلر

هیچ سوروشمولّار نِئجولدی گنبد و گلدسته لر

یادی خیر اولسون که بیر گون طَمطراقیم واریدی

حیف اولا تخریب اولوب صحنیم رواقیم واریدی

 

من بقیعم قبر زوجات پیمبر منده دی

فاطمه بنت اسد مولایه مادر منده دی

یار زینب یعنی عبدالله جعفر منده دی

جوت بالا عبدالمطلّبدن صفیّه عاتکه

عمّه دی اونلار رسول اللهِ عرفان سالکه

 

اولّین کس که بقیعده قبرینون واردی داشی

زادۀ مظعوندی طاهانین رضاعی قارداشی

قبری اوسته بیر نشانه یوخدی غیر از گوز یاشی

اول مزاری مصطفی گوردوقجا گُل مثلی صولوب

اوغلی ابراهیم همان قبرین یانندا دفن اولوب

 

من بقیعم واردی ریشه م سینۀ ذرّاتیده

حق بو قبرستانی توصیف ایلیوب توراتیده

محشره ملّت گَلن گون غملی بیر حالاتیده

قؤزانار خاک بقیعدن اوندا یتمیش مین نفر

هامّیسی پاک و مقدّس اوزلری مثل قمر

 

یوخدی وهّابی جماعتده وفا و معرفت

ائتدیلر تخریب ایکی دفعه بقیعی بی جهت

آب زمزملنده پاک اولماز بو سنگین معصیت

باعثه لعنت که گلزار بقیعه اود ویروب

بونلارین اجدادی زهرانین قاپوسین یاندیروب

 

ایلدی عبدالوهاب اوغلون سعودین اوغلی شاد

سالِ مین یوز الّی سکّیز بونلار ائتدی اتّحاد

نشر اولوب اکثر مناطقده کَذائی اعتقاد

یازدیلار اسلامیده احداث مشهد شرکیدی

اهلبیتین قبری اوسته نصب گنبد شرکیدی

 

اولین حمله عراقه اولدی بی حصر و حدود

گوردولر بیر ایش قالوب حیران مسیحی هم یهود

اولدولار وارد حریم عشقه بی اذن ورود

کربلانی ائتدیلر غارت قتاله چیخدیلار

گنبد قبر ابوالفضل و حسینی ییخدیلار

 

گلدیلر اوردان دیار طائفه دَرَنده لر

قتل عام اولدی مسلمانلار موحّد بنده لر

نکته وار بو سوزده منبرده دئمز گوینده لر

مکّه شهرینده گلوب گنبدلری محو ایتدیلر

ائولری ویران ائدوب اوردان بقیعه گئتدیلر

 

باتدی سال مین ایکی یوز یرمیده یاسه حجاز

اوّلین تخریبه اولدی دست نامحرم دراز

اولدولار وارد پیمبر شهرینه بی دستماز

غارته گئتدی خزانه اولدی گوزدن ناپدید

تاج و شمشیر انوشروان و هارون الرّشید

 

نشر اولوبدی بو خبر بین تمام ملّته

دولت عثمانی حتّی گَلدی جنگ قدرته

مصریدن لشگر چکوب اعرابی گتدی غیرته

مغلوب عبدالله سعودی غالب ابراهیم پاشا

اولدی گنبدلر ینا اغیار اوخی دگدی داشا

 

حیف اولا ناپایدار اولدی عربلر وحدتی

اهرمن فرصتر تاپوب اسلامه ورسون ضربتی

باشلادی بیگانه لر تبلیغ وهابیّتی

دللره دوشدی دریغا بو شعار نا دُرست

مهبط قرآندا اولدی ملّتین ایمانی سُست

 

بیر بقیع آدلی کتابه باخ اوخی بو سوزلری

ایلیوب تألیف اونی علّامه یوسف هاجری

ترجمه ایلوب رضائی اهلبیتین یاوری

هشتم شوّالی ذهنونده فراموش ایلمه

شمع اولوب یاندی بقیع بو شمعی خاموش ایلمه

 

گور مین اوچ یوز قیرخ اوچِ هجرتده اعدا نیله دی

دوّمین دفعه بقیعی گلدی تخریب ایله دی

بونلارین ایمانلاری باطل،نمازی حیله دی

ایستموللر اهلبیتین قائم اولسون گنبدی

اهلبیتی که خدا قرآندا تعریف ایله دی

 

من بقیعم بُقعه یوخ منده وفا انواری وار

دایۀ طاها حلیمه قبرینون آثاری وار

دورِ قبرستانه باخسان نرده لی دیواری وار

منده دفن ائتدی نبی دورت مونس دلخواهیمی

امّ کلثوم و رقیّه زینب و ابراهیمی

 

حضرت بو طالبین اوغلی عقیلین مهدییَم

عمّ پیغمبرده منده دفن اولوب هم عهدییَم

بیر بئله مهمانیلن چشم انتظار مهدییَم

نالۀ صدّیقۀ کبرا منیم سینمده دی

بیت الاحزان خانم زهرا منیم سینمده دی

 

گَلدی زهرا آدی سالدیم یاده گِئچمیش گونلری

دائم آغلاردی بقیعده باشدا قاره معجری

سایه بان قورموشدی باشی اوسته شیر داوری

سقط اولان محسن عزاسین اوردا ساخلاردی خانم

بو بهنیله رسول اللّهه آغلاردی خانم

 

من بقیعم واردی باغیمده مصیبت لاله سی

منده دی شیر خدانین یار هیجده ساله سی

غملی دی امّ البنینیله رُبابین ناله سی

اونلارین قربانلاری اوخشاردی شیر و ماهییه

بیر آنا عبّاسه آغلار بیر آنا شش ماهیه

 

حضرت زهرا مزارین گر چه گیزلتدی علی

با وفا ام البنینون قبری واضحدور ولی

کیم اونا باخسا دوشر یاده ابوالفضلین اَلی

حاجیلار اول قبره حُرمت ساخلار عبّاسه گوره

سَس وئروب امّ البنینه آغلار عبّاسه گوره

 

وارد اول باب بقیعدن صاق طرفده نوره باخ

دورد امامین قبری اوسته صحنۀ پُر شوره باخ

کیم اوجادان آغلاسا قمچی وران مأموره باخ

داده گل یابن الحسن عشرت تمام اولدی بیزه

دورد امامین قبرینی ئوپماق حرام اولدی بیزه

 

ای امام مجتبا ای زهریلن مسموم اولان

ای ردیف پنج تنده چارمین معصوم اولان

ئوز عیالینون اَلنده جان وئروب مسموم اولان

ایندیده مظلومسن هئچ سایه بان یوخ قبریوه

گَل آقا ایرانه یثربده باخان یوخ قبریوه

 

ای علیّ بن الحسین ای شهرتی زین العبا

وار سنق قلبونده مولا خاطرات کربلا

توختیوبدی بیلمورم یا واردی بوینوندا یارا؟

بُلمدی قدرون مدینه صبریوی آلام آلوب

ایندیده قبرون دیوللر گون قباقنده قالوب

 

ای امام باقر ای علمی جهانی دولدوران

ای محبّت ئولکسینده خیمۀ رحمت قوران

جان آقا قبرون یانندا یوخدی بیر پرچم وران

کیمدی اول غملی بقیعده سن کیمی فیضه چاتان

بیر طرف صادق بالاندی بیر طرف سجّاد آتان

 

ای امام صادق ای بنیانگذار مکتبیم

ای باشیمون تاجی ای نام و نشان و مذهبیم

جان زهرا دوت الیمدن دلده چوخدی مطلبیم

قبریوی گلدیم پریشان گوردوم آغلار گوزلریم

اسلحه الده نگهبان گوردوم آغلار گوزلریم

 

سن که یا زهرا بولوردون نیلر اشرار زمن

دورد اماینده دییدون اولماسین قبری عَلن

اوندا دلدن بیر بئله یانمازدی زوّار حسن

کیم سوروشسیدی دیردوخ عترتین غمخواری یوخ

بارگاه آختارمیون آل اللّهین آثاری یوخ

 

ای امام منتقم گور اهلبیتین حالینی

یاندیروب دشمن آناوین خیمۀ اجلالینی

آلنیوا باغلا علینون اول ساری دسمالینی

سن سکوت ائتسن نجه بو شیعه صبر ایلر آقا

اوخ ورانلار مجتبانی نبش قبر ایلر آقا

 

قوپدی بیر گون بو بقیعده کینه لر هنگامه سی

فاتح خیبر بیلوب کفرون ندور برنامه سی

گلدی قبرستانه باشدا زرد رنگ عمامه سی

سَس دوشوب حیدردی بو ذکر خدا دلده گلور

سَسلنور الله اکبر ذوالفقار اَلده گلور

 

تکیه دیوار بقیعه ائتدی داشلار تتردی

ذوالفقارون قبضه سینده سیخدی،باشلار تتردی

سطوتندن یرده داشلار گویده قوشلار تتردی

بیلدیلر حیدر غضبلنسه دلِ آفاق اَسَر

بو علی المرتضادی دشمنین نسلین کَسَر

 

سسلدی ای غرق اولانلار فتنه و اِجحافیده

قرخ علامت قویموشام قرخ قبره بو اطرافیده

من او عنقایم بولورسوز یوخ تاییم هئچ قافیده

بیر اوؤج بو قبرلردن تُپراق اولسا جابجا

حیدری ضربتلریملن هامّوزی قیلّام فنا

 

یاندی باب خانه دُؤزدوم بو جفایه دُؤزمرم

گلدی زهرا جانه دُؤزدوم بو جفایه دُؤزمرم

سینه باتدی قانه دُؤزدوم بو جفایه دُؤزمرم

قبر زهرا کعبه دی امّا گرک بَلنّمیه

کیم دیور کعبه اولا ویران علی دیلّنمیه

 

مصطفایه قول ویردیم صبر ائدم صبر ایله دیم

یوخسا من اول حیدرم خندقده گوردوز نیله دیم

عبدوَد اوغلون یخوب کفرین بساطین پیله دیم

قدرتوز واردی اگر بیر قبری الآن نبش ائدون

سینه زی نبش ایلرم تئز گلدیقوز یولدان گئدون

 

گوردی ثانی مرتضا ایستور بقیعده قان توکه

ابن عبّاسه دیدی قویما علی تیغبن چکه

ذوالفقارین چکسه قبرستانی ایلر مهلکه

بو قضیّه تاپدی بو نحویله آخر فیصله

قلبی رام اولدی امامین منزله ایستور گَله

 

گَلدی امّا باخماق اولمور دیدۀ سیّالینه

بیر کس ایستور آشنا اولسون علینون حالینه

گوردولر اَل باشدا زینب چخدی استقبالینه

گَل بابا الله سنی مظلوملارا چوخ گورمه سین

هئچ آدامسیز خانواده مادر اَلدن وئرمه سین

 

یار مظلومان بابا ای حامی قرآن بابا

منزله فاتح قیتدون بارک الله جان بابا

زینبون اولسون بو قدرتلی قولا قربان بابا

قویمادون تاپسون آنامون قبرینی امّت بابا

قول وئر امّا او قبری زینبه گورست بابا

 

بو سوزه وئردی «کلامی» جلوه انوار عشقینه

اون ایکی صفحه یازیلدی اون ایکی یار عشقینه

کیم بقیعه گئتسه دوشمز سیر گُلزار عشقینه

ای قلم زهرایه خاطر ایله تبلیغ وسیع

هشتم شوالیدور یاز روز تخریب بقیع

 

استاد کلامی زنجانی

موضوع: در احوالات بقیع ,
زبان شعر و شاعر: نوحه ترکی , کلامی زنجانی

 

------------

 

شهادت حضرت امام جعفر صادق (ع)

 

جان فداحق مکتبینده پیروان قرآنا

بوذرومقدادوعماره شرفلی سلمانا

معرفتلی بوبصیره جابرابن حیانا

علمی نشرائتدی جهانه باقروصادق امام

علم سیزبومکتبه یول تاپماق اولمازوالسلام

 

جعفری مذهبلری وهابیلارتکذیب ائدیر

شیعه هریئرده تیکیرگنبداولارتخریب ائدیر

بونه قانوندی جنایت پیشه لرتصویب ائدیر

ای ائمه دشمنی ئول ایله سین قلبین ورم

شیعه لرقلبینده وارواللهی میلیونلارحرم

 

جعفری مذهب اگروعده وئره ائتمزخلاف

سعی ائدرتاگئتمیه عالمده راه انحراف

جعفری مذهب مذاهب ایچره سالمازاختلاف

قول مولادور ملاک شیعیان جعفری

دافعه حداقلی جاذبه حداکثری

 

جعفری مذهب ائدروحدت مرامین تقویت

حق دئیرحق یول گئدربامنطق وبامعرفت

مکتب عترتده دی آسایش انسانیت

هوشیاراول شیعه قوی چیخسین اجانب گوزلری

عین قرآندورسنه نهج البلاغه سوزلری

 

جعفری مذهب گئدرعلم ئورگشرعارایلمز

نفسیوی سیندیرسوروشماق هئچ کسی خوارایلمز

عالم اول مولائوزینه جاهلی یار ایلمز

علمیده فکرائتمه بیرکس پایه ی عترتده دی

معرفت اهلی عموماسایه ی عترتده دی

 

حضرت صادق حضورینده بیرعده شیعیان

اگلشیب ائیلیردیلرکسب علوم بیکران

بیرجوان اول مجلسه وارداولوبدورناگهان

احترام ائیلوب امام صادق اول مه طلعته

دوتدی یوز بعداهمان جمعه دل آچدی صحبته

 

سویلدی ای شیعیان مکتب آل عبا

دقت ائیلون بوجوانه باوفادور باصفا

باش اگین فرمانینه سیزکشتی سوزبوناخدا

ناخداسیزکشتی نی دریاده طوفان غرق ائدر

شیعیان جعفری الله دئین یولدان گئدر

 

بیرخراسانی گلیب بیرگون حضورحضرته

عاشقانه باشلادی لحن عربلن صحبته

وقت اولوب آلسین جوابین باخ علوم وحکمته

حجت ذات احدعلامه عالی جناب

فارسی لهجیلن خراسان اهلینه وئردی جواب

 

ایلدی مهمان تعجب عرض ائدیب ای مقتدا

نه گوزل ایرانیلارتک ائیلوسوزصحبت آقا

سویلدی حضرت تعجب ایلمه ای آشنا

بیزالهی علمیله کسب فضیلت ائیلریق

نه فقط ایران هامی بیر دلده صحبت ائیلریق

 

حمدلله اهل ایران حیدری دور حیدری

حیدری لر کنزعشقه مشتری دور مشتری

مذهبی یاران عشقین جعفری دور جعفری

جان فدااولسون بیله استاده بیله مکتبه

حضرت صادق آقابنیانگذار مذهبه

 

جعفری مذهب عملده خالص ائیلرنیتین

لکه دار ائتمزجهاندا مکتب حریتین

آبرو ساخلار آپارمازهئچ کسین حیثیتین

شیعیه قانون یازیبدی جعفرصادق مرام

آبرووئرماق گوزلدی آبروتوکماق حرام

 

جعفری مذهب گرک تاپسین ره توحیدینی

انتخاب ائتسین قباقجامرجع تقلیدینی

یوخسادیندن دوندررابلیس انسان دیدینی

اول جوانلیقدان دلا غواص بحر معنوی

شرعی تکلیفین اوخی قوی اولسون ایمانین قوی

 

جعفری مذهبلری قورخوتماق اولمازجنگیدن

دشمن پسته دئنن گئچ بوعبث آهنگیدن

هنگ غیرت درس آلیب عباس تک سرهنگیدن

گرعدوعزم ائیلیوب شیپورحمله چالماقا

جیش حق آماده دی اشراری تختدن سالماقا

 

جعفری مذهبلره صادق امام ائیلوب بیان

سعی ائدین زینت اولون بیزاهلبیته شیعیان

مایه ی خفت نبایداولسون احرارزمان

بیزهمین یولداهمین مکتبده دین همرازی ییق

گئچمیشیق جاندان حسین بن علی سربازی ییق

 

جعفری مذهبلرین محکمدی الده مدرکی

حضرت صادق ئوزی ترویج ائدیب بومسلکی

کعبه احرامیندن افضلدی محرم کوینکی

کعبه اولدی قبله اما کربلا قبله نما

گئی قرا وور سینوه پاینده قالسین کربلا

 

 استاد کلامی زنجانی

موضوع: حضرت امام جعفر صادق (ع) احوالات ,
زبان شعر و شاعر: نوحه ترکی , کلامی زنجانی

 

------------

 

در مدح مولی الموحدین امیرالمومنین

حضرت علی ابن ابیطالب (علیه السلام)

 

یا علی بر فَلکِ عشق تو پرچم زده ای

خیمه اندر حرم شاهد اعظم زده ای

 

شمع حُسن تو فروزان و جهان پروانه

ز آتش عشق شرر بر دل عالم زده ای

 

قهرمانان میادین اسدت می خوانند

بسکه شمشیر، تو در خطّ مقدّم زده ای

 

پیش هر مدّعی بی خرد و بی مایه

دم ز خود نازده ای ور زده ای کم زده ای

 

در هراسند هنوز از تو بنی اسرائیل

زآنکه بر مرحبشان سیلی محکم زده ای

 

گام ستوار تو نازم که ز همت همه عمر

قدم اندر ره اخلاص، دمادم زده ای

 

کرده ز ایثار تو تجلیل خدا در قرآن

سکّه بر نام خود از بخشش خاتم زده ای

 

قوت خود بر فقرا دادی و این عزت نفس

دست ردّیست که بر سینه ی حاتم زده ای

 

عُرفا کمتر از آنند که لب بگشایند

در مقامی که تو از صدق و صفا دم زده ای

 

خفته در بستر طاها و چو غواص جسور

دل به دریای پر از حادثه و غم زده ای

 

فلکت منزل و همسایه ی تو خورشید است

خیمه مافوقتر از عیسی مریم زده ای

 

انبیا از لبِ شیرین تو بوسند، که تو

بوسه ها بر یدِ پیغمبر اکرم زده ای

 

شب معراج مگر همسفر او بودی؟

کاحمدت دید به تخت عظمت لم زده ای

 

ساقیا زمزمه ی سعی تو در بزم صفاست

زآب کوثر نمکی بر لب زمزم زده ای

 

چه غم از کید اجانب که معینت زهراست

با یکی یار تو صد سلسله بر هم زده ای

 

کی ز بام فلک افتد علم اهل البیت

کان لوائیست که با فاطمه با هم زده ای

 

مفتخر باش «کلامی» که پی اخذ مراد

چنگ بر دامن آن مفخر آدم زده ای

 

استاد کلامی زنجانی

موضوع: حضرت علی (ع) مدح ,
زبان شعر و شاعر: نوحه فارسی , کلامی زنجانی

 

------------

 

حضرت امام زمان (عج)

 

یکی از جمعه ها جان خواهد آمد

به درد عشق درمان خواهد آمد

 

غبار از خانه های دل بگیرید

که بر این خانه مهمان خواهد آمد

 

کفن امروز بر تن کن بسیجی

که فردا جان جانان خواهد آمد

 

زشرق کعبه تابان است خورشید

فروزان پرتو افشان خواهد آمد

 

قسم بر خطبه غرای زینب

که خونخواه شهیدان خواهد آمد

 

گروهی منکر حکم ظهورند

ولی مهدی دوران خواهد آمد

 

«کلامی» آخرین معصوم عترت

برای نشر قرآن خواهد آمد

 

استاد کلامی زنجانی

موضوع: حضرت امام زمان (عج) ,
زبان شعر و شاعر: نوحه فارسی , کلامی زنجانی

 

------------

 

حضرت رقیه (سلام الله)

 

دلا حدیث ولانی رقیه دن خبر آل

مقام اهل بلانی رقیه دن خبر آل

 

دئمه اوشاقدی بویوکدی مقام و مرتبه سی

حدیث قالوبلانی رقیه دن خبر آل

 

ائدر فلجلره درمان بو اوچ یاشیندا طبیب

نه دردون اولسا دوانی رقیه دن خبر آل

 

او خوردا بارماقی واللهی چوخ گره لر آچوب

کلید قفل دعانی رقیه دن خبر آل

 

آدی گلنده ئورک چرپینار گوزم آغلار

بو نای نیده نوانی رقیه دن خبر آل

 

سپاه زینبیلن گئتدی شامی فتح ائلدی

جلالت اسرانی رقیه دن خبر آل

 

دیوررله شامه کیمی بیر دوینجا آغلامادی

نه حالدا تاپدی بابا نی رقیه دن خبر آل

 

گتوردی زینبی جانه او آخرین گئجه سی

شب فراق و عزانی رقیه دن خبر آل

 

طبقده گتدیله بیر دسته گل یتیم بالیا

طریق عرض و صفانی رقیه دن خبر ال

 

باخان کیمی تانیدی بیلدی قان حسین قانیدی

نئجه یووبدی او قانی رقیه دن خبر آل

 

دئدی بابا سنه بو منتظر گوزوم قربان

ئورکده درد نهانی رقیه دن خبر آل

 

غم دل اسرانی سورشما عممدن

ملال آل عبانی رقیه دن خبر آل

 

چخوبدی قرعه بابا بو گئجه منیم آدیما

نئجه وئررله بو جانی رقیه دن خبر آل

 

جانیم چخینجا بیر آز دردیمی گرک دانیشام

یارالی زخم زبانی رقیه دن خبر آل

 

یارالیام بابا دل یاره سی وروبلا منه

نهیب شمر و سنانی رقیه دن خبر آل

 

بو ساربان منی یولدا کجاوه دن سالدی

جفای اهل جفانی رقیه دن خبر آل

 

سارالموشام بابا از بس یوزمدن ئوپمه موسن

بهار فصلی خزانی رقیه دن خبر آل

 

بو خوردا سنیله من اوخشورام بویوک آناما

غم بتول جوانی رقیه دن خبر آل

 

یانا یانا دیمیشم سیلی آلتدا یا زهرا

آناما نیلدی ثانی رقیه دن خبر ال

 

اونون قباله سی گئتدی منیمده گوشوارم

بو قور خولی جریانی رقیه دن خبر آل

 

استاد کلامی زنجانی

موضوع: حضرت رقیه (س) احوالات ,
زبان شعر و شاعر: نوحه ترکی , کلامی زنجانی

 

------------

 

در ولادت حضرت زهرا (سلام الله)

 

به به ظهور نور کوثر مبارک اولسون

حقدن فصّل ربّک والنحر مبارک اولسون

تکبیر سسله عید اکبر مبارک اولسون

طاهایه حق ویروب بیر دختر مبارک اولسون

آینده ده علی چون همسر مبارک اولسون

میلاد کفو پاک حیدر مبارک اولسون

صاحب زمانه روز مادر مبارک اولسون

 

خیرالنسادی زهرا نور خدادی زهرا

مشگلده قالسا هر کس مشگل گشادی زهرا

کنز ولادی زهرا مس یوخ طلادی زهرا

بنت الهدادی زهرا امّ الحیادی زهرا

گیزلتمه دلده دردون درده دوادی زهرا

بدر الدّجادی زهرا شمس الضّحادی زهرا

حقّا طلوع ماه انور مبارک اولسون

 

زینت وئروب دیوللر ربّ الکرم بهشته

کحشرده یول تاپانماز اندوه و غم بهشته

هر غرفه دن آسیلمیش زیبا علم بهشته

حسرت باخار تمام اهل نعم بهشته

زهرا گلینجه هئچ کس قویماز قدم بهشته

وارد اولان زماندا اول محترم بهشته

دللر دییر ورود دلبر مبارک اولسون

 

طاها بیزه پیمبر مولا علی امامدی

بیز امّتین آتاسی بونلاردی سوز تمامدی

افراطی سوز دانیشماخ پیغمبره حرامدی

گور فاطمه نقدری دارای احترامدی

ختم رسل دییردی زهرا منیم آنامدی

مریم اونون کنیزی عیسی اونا غلامدی

یاز انبیاء باشیندا افسر مبارک اولسون

 

الله بویوردی شاد اول ای سرور رسولان

ائتدوخ عطای کوثر اولسون حقیقت اعلان

ابتر سنه دیینلر ابتردیلر کماکان

باغلا نمازه قامت نحر ایله طبق فرمان

پیغمبره بو مژده ویردی سرور شایان

قربان کسوب بیوردی اولّام اوزومده قربان

دلده اولوب فداها ازبر مبارک اولسون

 

سیر ائت کسا حدیثین دقّتله عارفانه

گور باغ پنج تنده کیمدور گل یگانه

کیملن تانیتدیروب حق بش نوری عرشیانه

هُم فاطمه سنددی نه طبع شاعرانه

زهرایه ویرمیش الله اجلال جاودانه

عالم بدون زهرا ابتردی بی بهانه

بش نور ایچینده رُکن محور مبارک اولسون

 

خاصان اهل بیته واردور ایکی ولادت

اوّلکی عالم ذر قبل از وقوع خلقت

تاریخینی سوروشما یاز ابتدای وحدت

میلاد دوم اما روشندی مثل هجرت

حق نوری خاموش اولماز واقفدی اهل حکمت

صاحب صحفدی زهرا آئینه دار عصمت

نسوان عالمینه سرور مبارک اولسون

 

اول گون که آسماندا اولدوزلار آسلانوردی

قبل از حضور خورشید اون دورت چراغ یانوردی

زهرا آدین ملک لر افلاکیده تانوردی

یردن قاباق او جلوه گویلرده پارلانیردی

آدم شرف تاپاندا ابلیس الولانوردی

منظور فاطمیدی شیطان مگر قانوردی؟

ابلیسی قؤدی امر داور مبارک اولسون

 

بانوی دیندی زهرا حقّه معیندی زهرا

آختارما یرده قبرین اعلا نشیندی زهرا

تاج فرشتگان عرش بریندی زهرا

ال اوزمه دامنیندن حبل المتیندی زهرا

گوزله تظاهر ائتمه چون نکته بیندی زهرا

یوم الجزا شفیع اهل یقیندی طهرا

ائتسه کیمه شفاعت محشر مبارک اولسون

 

یا ویلنا دیَن گون امت اورکده یاره

پرونده الده اهل محشر دوشر فشاره

بیر سس گلر سمادن هر گوش هوشیاره

یومسون گوزون جماعت گئتسون هامی کناره

باغلار پل صراطی مأمور حق دوباره

بیر قانلی کوینک الده زهرا گلر سواره

طاهایه ارمغان احمر مبارک اولسون

 

آل اللهین «کلامی» اعطاسی آبرودی

عشق اهلینون بو یولدا سوداسی آبرودی

بیر واژه دی محبت معناسی آبرودی

هر شاعرین خلوص و تقواسی آبرودی

هر نوکره عطای مولاسی آبرودی اشعاریوه

 حسینون امضاسی امضاسی آبرودی

یا اهلبیته اولدوم نوکر، مبارک اولسون

 

 کلامی زنجانی

موضوع: حضرت فاطمه زهرا (س) میلادیه ,
زبان شعر و شاعر: نوحه ترکی , کلامی زنجانی

 

------------

 

در مدح حضرت علی اکبر (علیه السلام)

 

ای دردی اولان بنده دینن یا علی اکبر

اول یاره پناهنده دینن یا علی اکبر

سیر ایله بو گلشنده دینن یا علی اکبر

گل درد سر خرمنده دینن یا علی اکبر

منده دیوروم سنده دینن یا علی اکبر

 

با جادی غلام اولسا جوانلار بو جوانه

ویرمزدی حسین بیر توکونی کل جهانه

اکبردی که عزت یارادوب هاشمیانه

مثلین گوره هیهات بو عالم بو زمانه

به به بیله فرزنده دینن یا علی اکبر

 

کیم حسنیده سبقت دوتا گلدن دالا گلمز

خلقت باغینا هیچ بیله قرمز لالا گلمز

یوسف یوزینی گورسه ایدر غش حالا گلمز

اکبر کیمی دنیایه ادبلی بالا گلمز

بیل قدرینی ارزنده ، دینن یا علی اکبر

 

رای علنی معاویه آلدی امرادن

کیمدور دیدی سلطانلیقا لایق ، دیدیلر سن

انصاف دیدی ایلمدوز چوخ کیچیکم من

اکبرده لیاقت وار ایده عالمی گلشن

ایستر اونی دشمنده دینن یا علی اکبر

 

ای زاده کوثر سنه قربان اولا زمزم

ای شبه پیمبر قاپووین سائلی حاتم

هر فرقه ورار بیر گوزلین آدینه پرچم

من بنده درگاه علی بن حسینم

قویماز دوشه دل بنده دینن یا علی اکبر

 

یعقوب اوقدر آغلادی اولدی گوزی کم نور

چون یوسفی بیر مدت ایترمشدی او مهجور

شاه شهدا نیلدی گور ای دل مغرور

گوندردی جهاده بالا مسرور آتا مسرور

تا دین قالا ایمنده دینن یا علی اکبر

 

استاد کلامی زنجانی

موضوع: حضرت علی اکبر (ع) مدح و میلاد ,
زبان شعر و شاعر: نوحه ترکی , کلامی زنجانی

 

------------

 

در ولادت حضرت امام حسین (علیه السلام)

 

آچلدی سوم شعباندا خلقه باب نجات

مدینه نین یوزی روشن اولوبدی چون مشکات

ویروبدی بیر نوه پیغمبره او قادر ذات

بودور تجلی اسلامه مظهر و مرآت

نثار ایله حسینون جمالینه صلوات

 

حجازه گون تک او مولود ایشیق سالوب بوگجه

بو انجلایه ملائک وله قالوب بو گجه

دیوله فطرس حسیندن برات آلوب بو گجه

حسین دیه دیه گویده قناد چالوب بو گجه

نجه بشردی که اوندان آلوب فرشته نجات

نثار ایله حسینون جمالینه صلوات

 

بیر سوروشدی نبی دن که ای رسول الله

نه علته بویوروبسوز حسینه باب الله

بوبیوردی بیز هامی باب اللهوخ ولی ؛ الله

عطا ایدئبدی حسینه بیر ئوزگه عزت وجاه

قاپوسی هامیدان اوسعدی منبع برکات

نثار ایله حسینون جمالینه صلوات

 

تولدنده اونون ماسوا ایشیقلاندی

قماطی گوگلره گیتدی سما ایشیقلاندی

قیتدی ، دیده خیرالنسا ایشیقلاندی

مدینه ، مکه ، صورا کربلا ایشیقلاندی

که وعده گاهیدی بو عاشقه کنار فرات

نثار ایله حسینون جمالینه صلوات

 

 استاد کلامی زنجانی

موضوع: حضرت امام حسین (ع) میلاد ,
زبان شعر و شاعر: نوحه ترکی , کلامی زنجانی

 

------------

 

 در ولادت حضرت امام حسین (علیه السلام)

 

افــتــخـار الـثّـقـلین آمده است

بـه نــبی نـور دو عـین آمده است

 

نور بـاران شــده ایــوان حـجـاز

عاشقان مژده، حسین آمده است

 

ساقی بزم ولائی تو حسین

چشمه ی آب بقائی تو حسین

 

محور دایره ی کرب و بلا

افتخارالشهدائی تو حسین

 

در دل افتاده عجب غوغائی

همه خیره به گل زیبائی

 

جبرئیل آمده با خیل ملک

تا بخواند به حسین لالائی

 

مرحبا ای شه فرزانه حسین

رونق خانه و کاشانه حسین

 

شمع پر نور همه انجمنی

جان عالم به تو پروانه حسین

 

ز آسمان صوت جلی می آید

شهسوار ازلی می آید

 

به زمین و به زمان مژده دهید

که حسین ابن علی می آید

 

عرشیان که به علی مانوسند

حافظان شرف و ناموسند

 

میهماندار گل زهرایند

همه از دست حسین می بوسند

 

شب میلاد و شب احسان است

آسمان روشن و نور افشان است

 

گفتم آنجا چه خبر، روح الامین

گفت در عرش حسین مهمان است

 

کلامی زنجانی

موضوع: حضرت امام حسین (ع) میلاد ,
زبان شعر و شاعر: نوحه فارسی , کلامی زنجانی

 

------------

 

مبعثت حضرت رسول اکرم (ص)

 

تضمین با غزل لسان الغیب خواجه حافظ

 

چو بر اریکه سوار آن یگانه فارس شد

پیاده یوسف و یعقوب و نوح و یونس شد

بزرگ مکتب توحید را مؤسس شد

« ستاره ای بدرخشید و ماه مجلس شد

دل رمیده ی ما را انیس و مونس شد»

 

قدم نهاد به خاک احمد فرشته سرشت

گرفت گلشن هستی طراوتی چو بهشت

به مزرع دل عشاق تخم عاطفه کشت

«نگار من که به مکتب نرفت و خط ننوشت

به غمزه مسئله آموز صد مدرٌس شد»

 

بسوی او زده پر مرغ فکرت اُدبا

به خوی او گرویده بُتان پاک قبا

ز روی او شده شرمنده مهر و مه عجبا

«ببوی او دل بیمار عاشقان چو صبا

فدای عارض نسرین و چشم نرگس شد»

 

یگانه گوهر گنجینة طریقت اوست

امیر کشور عشق است و دولتش نیکوست

شکوه معجزه را بنگر و مگو جادوست

«بصدر مِصطَبَه ام می کشاند اکنون دوست

گدای شهر نگه کن که میر مجلس شد»

 

به بام عرش، ملائک زدند پرچم نور

شد از تجلّی او چشم بت پرستان کور

بگو به غصّه و غم دور باش از ما دور

«طربسرای محبت کنون شود معمور

که طاق ابروی یار منَش مهندس شد»

 

دهد منادی غیب از فراز عرش ندا

رسید مظهر حق رکن دین و میر هدا

به پاس مقدمش ای جرعه نوش پاک ردا

«لب از ترشّح می پاک کن برای خدا

که خاطرم به هزاران گنه موسوس شد»

 

بیا بنازمت ای شهسوار عرصه ی جود

بخوان ترانه ی پرشور حمد یا محمود

تو در قیام و ملائک به سجده اند و قعود

«کرشمه ی تو شرابی به عاشقان پیمود

که علم بی خبر افتاد و عقل بی حس شد»

 

فرشته آمد و بگریخت دیو با خواری

به جمع دلشدگان مژده داد و دلداری

شدم به رغم رقیبان غلام درباری

«چو زر عزیز وجودست نظم من آری

قبول دولتیان کیمیای این مس شد»

 

چه بیم ث شد و دل ز شوق وحدت نو

«خیال آب خضِر بست و جام کیخسرو

به جرعه نوشی سلطان ابوالفوارس شد»

 

به عاشقان خبر وصل دوست برسانید

سرود گرم محبت ز نای جان خوانید

به مقدمش چو «کلامی» گلی بیفشانید

«ز راه میکده یاران عنان بگردانید

چرا که «حافظ» از این راه رفت و مُفلس شد»

 

استاد کلامی زنجانی

موضوع: حضرت محمد (ص) مبعث ,
زبان شعر و شاعر: نوحه فارسی , کلامی زنجانی

 

------------

 

 مبعثت حضرت رسول اکرم (ص)

 

بشارت سسی نُه سمادن گلور

یئره مژده عرش خدادن گلور

خبر، خاتم الانبیادن گلور

گلن کیمدی؟ سیر صفادن گلور

محمدّدی، کوه حرادن گلور

 

نزول آسماندان ایدوب پیک حق

دیلینده گوزل سوره، آدی عَلَق

اوخور بِسمِ رَب، مفخرِ ما خَلَق

یئره نور رحمت توکور نُه طبق

چهل ساله سالک دعادن گلور

محمددی کوه حرادن گلور

 

نه موسا نه عیسا،نه یونسدی بو

دلِ خلق بی یاره مونسدی بو

ستاره دیمه، ماه مجلسدی بو

گر اُمّی ده اولسا، مدرّسدی بو

که دانشگه لا یُرادن گلور

محمددی کوه حرادن گلور

 

نگاریم منیم گیتمه میش مکتبه

چاتوب معرفتده اوجا منصبه

اولوب عالم عاشق اوخال لبه

سالوب ذکری عشاقی تاب وتبه

دیله شور اوبانگ رسادن گلور
محمددی کوه حرادن گلور

 

گلور بت شکن بُتلاری سیندیرا

گلور مَحبط وَحیه پرچم وورا

قباقنده وار کیمده قدرت، دورا

ایدور افتخار عرشه، اُمّ القُرا

نوا مروه دن هم صفادن گلور

محمد دی کوه حرادن گلور

 

او مِرآت ایمان و روح صلات

گلور خلقه ویرسون بلاد نجات

دئ آختارما اسکندر، آب حیات

بودور ساقی چشمه ی کاینات

ایچوب جرعه آب بقادن گلور

محمددی کوه حرادن گلور

 

اوخیرالبشر عاشق نامدار

ایدوب یاریله رابطه برقرار

حرانین داغندان ئوزی استوار

بودور شاه لولاک، رف رف سوار

پیاده حریم وفادن گلور

محمددی کوه حرادن گلور

 

ایدور آسمان غبطه اجلالینه

باخور قدسیان منقلب حالینه

چاتوب طالب فیض، آمالینه

خلیل، آفرین سویلور، اقبالینه

ایدوب نفسی قربان منادن گلور

محمددی کوه حرادن گلور

 

قویوب باشه تاج شرف اول سفیر

ایدوب حقّ اونی کایناته امیر

بو ارزنده شاهه علی دور وزیر

امین رسالت، بشیرُّ النّذیر

دوتوب سبقت اهل ولادن گلور

محمددی کوه حرادن گلور

 

کلامی زنجانی

موضوع: حضرت محمد (ص) مبعث ,
زبان شعر و شاعر: نوحه ترکی , کلامی زنجانی

 

------------

 

بعثت حضرت رسول اکرم (ص) 

 

بعثت شد وعید اسعد آمد

احیاگر هر نود ،‌ صد آمد

بر سرکله زبرجد آمد

برکل رسل سرآمد آمد

از کوه حرا محمد آمد

 

از نغمه ی اقرأباسم ربک

ستوار شدست عزم سالک

او کیست ،‌نجات بخش هالک

فرمانده و مالک ممالک

مبعوث به امر ایزد آمد

 

او کیست سوار مرد چالاک

تا اوج کمال رفته از خاک

او کیست که گفته ایزد پاک

لولاک لما خلقت الا فلاک

با فرّ و جلال بی حد آمد

 

امشب همه جا دعا قبول است

نور نبوی جهان شمول است

این جلوه ی عشق بی افول است

آغاز رسالت رسول است

کز سوی خدا مؤید آمد

 

امشب شده مکه نور باران

از رویت ماه گلعذاران

این کیست قرار بیقراران

شاهنشه شهر شهریاران

قاصد به حریم مقصد آمد

 

ای سرو مناز قامت این است

قامت که کند قیامت این است

سرلوحه ی استقامت این است

بنگر علمش ،‌ علامت این است

سلطان امم به مسند آمد

 

استاد کلامی زنجانی

موضوع: حضرت محمد (ص) مبعث ,
زبان شعر و شاعر: نوحه فارسی , کلامی زنجانی

 

------------

 

حضرت ابوالفضل العباس (علیه السّلام)

 

ابولفضلی گوروب صفلر داغیلدی

قاچوب سرکرده لر لشگر داغیلدی

 

حسینون عاشق کامل عیاری

علمدار رشید و با وقاری

الوب گویا علیدن ذوالفقاری

توکوب قان قلعه خیبر داغیلدی

قاچوب سرکرده لر لشگر داغیلدی

 

ائدوب کفرین سپاهین بر هم عباس

گلوب نهر اوسته وردی پرچم عباس

سووا با خدیقجا اولدی خرم عباس

اورکدن غصه سی یکسر داغیلدی

قاچوب سرکرده لر لشگر داغیلدی

 

سو مشگین دولدوروب لب تشنه سقا

ئوزی میل ائتمدی بیر قطره اما

جزاک الله دئدی معناده زهرا

غم اولاد پیغمبر داغیلدی

قاچوب سرکرده لر لشگر داغیلدی

 

رجز خوان الده پرچم دلده تکبیر

ئوزین ووردی سپاهه بیرده چون شیر

هراسان ائتدی خصمی برق شمشیر

یول اوستن فرقه کاغر داغیلدی

قاچوب سرکرده لر لشگر داغیلدی

 

دیور راوی باخوردیم حالی مضطر

چیخور گوردوم نیستاندان او سرور

نه وار مشگینده سو نه تنده اللر

دگوب باشه عمود افسر داغیلدی

قاچوب سرکرده لر لشگر داغیلدی

 

اونی السیز گوروب ال چالدی اعدا

کمکسیز قارداشین سسلندی سقا

غریب عباسیوی درک ایله مولا

اولوب عمروم گلی پر پر داغیلدی

قاچوب سرکرده لر لشگر داغیلدی

 

علمدارون وئرور جان یا حسین گل

سن عطشان منده عطشان یا حسین گل

گلن یولاره قربان یا حسین گل

یاغیش تک اوخ یاغوب پیکر داغیلدی

قاچوب سرکرده لر لشگر داغیلدی

 

  استاد کلامی زنجانی

موضوع: حضرت ابوالفضل العباس (ع) شجاعت ,
زبان شعر و شاعر: نوحه ترکی , کلامی زنجانی

 

------------

 

زبانحال حضرت علی (علیه السلام) 

در فراق حضرت زهرا (سلام الله) 

 

 زهرا گیدوب الیمدن غمخواریم اُلدی یارب

درمان دالنجا گَزدیم بیماریم اُلدی یارب

 

مندن بیری سوروشمور گُل تک ندن سارالدون

آیا سنه نه گَلدی اوچ دورت گونه قوجالدون

 

حکمت سنوندی ا... باشیم بلایه سالدون

سن ویرمیشیدون آخِر، سنده الیمدن آلدون

 

دشمنلریم سویوندی چون یاریم اُلدی یارب

بیر دردیدور بو هجران الده دواسی یوخدی

 

بو غملی روزگارین حُسن و صفاسی یوخدی

وار دورت بالام ایویمده عشرت اساسی یوخدی

 

ناز اورگنوبدی زینب افسوس آناسی یوخدی

دل داغلیام بو غمده دلداریم اُلدی یارب

 

غسلین ویرنده لوح آمالی پاره گوردوم

تردیده دوشدوم اوّل باخدوم دوباره گوردوم

 

پوشیده ساخلاموشدی من آشکاره گوردوم

ایکاش گورمییدیم جسمینده یاره گوردوم

 

ایوای آشنای اسراریم اُلدی یارب

اولموشدی بسکه زهرا طاها غمینده مضطر

 

روح الامین گَلردی دیدارینه مکرّر

دا فاطمه اُلندن گَلمور او پیک داور

 

گَلسه گورر قالوبدی منزلده خالی بستر

دردانه ی رسول مختاریم اُلدی یارب

 

استاد کلامی زنجانی

منبع مجموعه کانالهای مدح و مرثیه

موضوع: حضرت فاطمه زهرا (س) زبانحال ,
زبان شعر و شاعر: نوحه ترکی , کلامی زنجانی

 

------------

 

 زبانحال حضرت علی (علیه السلام)  در فراق حضرت زهرا (سلام الله) 

 

غمون علینی ایلدی غم آشناسی فاطمه

گَتوردی تنگه سینمی باشون بلاسی فاطمه

 

بو رسمیدور که اهل دل دل اهلینون سسین تانور

دلیمده سسلورم آدون دل ملائک اودلانور

 

جواب ویر بو بی کسه اورگیمون باشی یانور

دانیش که تا اله گَله اورک رضاسی فاطمه

 

علینون حقّی وار اگر هی آغلیوب ملول اولا

فنا جهاندا قورخورام بو زندگیده طول اولا

 

قالینجا کاش تیز اُلم مرام دل حصول اولا

که یوخدی سنسیز عالمین منه وفاسی فاطمه

 

گونوزلر ایوده اگلشوب یانان قاپینی باغلارام

یتیم اوشاقلاریم باخار دیزلریمی قوجاقلارام

 

هامی ایوده گیدن زمان گَلوب بقیعده آغلارام

بقیعده سنله دفن اولوب ایویم صفاسی فاطمه

 

دوشنده آغلیان گوزوم قاپیمداکی مناظره

سپاه غصّه غفلتاً منی ایدور محاصره

 

اورکده نقش باغلیوب او فاجعه او خاطره

دوشور خیاله دشمنین هامی جفاسی فاطمه

 

بجادی روز و شب منیم سرشکیم آخسا دامنه

زمانه ایلدی سنی نشانه تیر دشمنه

 

نه اولدی دردیوه دوا نه قالدی محسنون منه

الیم بلیمده قالدی ای الیم عصاسی فاطمه

 

نیه دانشموسان داخی بو رازداره رازیوی

علی اورکده ضبط ایدوب نوای جان گدازیوی

 

اذان چاقیندا زینبون آچاندا جانمازیوی

گوزیمی آغلادار اونون هر اوخشاماسی فاطمه

 

منی قوجاتدی اُلماقون، اورکده تاب قالمادی

تعجّبم نیه اجل بو جانی مندن آلمادی

 

باشون غمی آزالمادی یارالارون ساقالمادی

شماره گَلمدی سنون باشون بلاسی فاطمه

 

دور ای حبیبه ی خدا منیله سینه داغلیاق

یانقلی آهیلر چکاق، عذاره اشکی باغلیاق

 

ویراق بو چولده سس سسه حسینه باهم آغلیاق

حسینیمون سولوب یوزی اُلوب آناسی فاطمه

 

قطا سماده وای دیر چخاندا عرشه وایلاریم

زمانه دن داریخمیشام ایله دونوبدی آیلاریم

 

سالور جهانی ارزیه نوالریم هرایلاریم

نوالی نیلرین هانی بیله نواسی فاطمه

 

بو بس دگول که اهل کین اهانت ایتدیلر سنه

بو بس دگول توکولدولر در ولیّ ذوالمنه

 

گیچنده ایمدی کوچه دن سنی ووران گولر منه

دعا ایله اُلوم داخی دلون فداسی فاطمه

 

ای عشقباز ممتحن منیمده عشقه خو واریم

کلامیم سیزه گوره یوزومده آبرو واریم

 

بو درگهه یخلمیشام اورکده آرزو واریم

دوتوبدی پاک دامنون قاپون گداسی فاطمه

 

استاد کلامی زنجانی 

منبع مجموعه کانالهای مدح و مرثیه

موضوع: حضرت فاطمه زهرا (س) زبانحال ,
زبان شعر و شاعر: نوحه ترکی , کلامی زنجانی