متن نوحه ترکی حسینی سعدی زمان - مجموعه اشعار مذهبی و آیینی

مجموعه اشعار آیینی و مذهبی ترکی مرحوم حسینی سعدی زمان مناسب متن نوحه محرم و ایام سوگواری ائمه اطهار علیهم السلام

زبانحال حضرت رقیه (سلام الله)

 

بیر عمر انیسیم غُل و بند و رَسَن اولدی

آخر منه یارب بو خرابه وطن اولدی

 

گَتدی قولی باغلی بو دیاره منی دشمن

دوزدوم نقدر سالدی فشاره غل و آهن

همدم گونوز اولدی منه ناله ، گیجه شیون

چوخ ظلم منه گاه نهان گه عَلَن اولدی

جمعیّتیمون فکری منی ایتدی پریشان

قالدیم یوزی دیواریده پژمرده و گریان

بو شامیده یارب یوخودی بیرجه مسلمان؟

ویرماقه تسلّی نه گلن نه گیدن اولدی

 

بو شام هارا من هارا ای خالقِ داور؟؟

ظاهرده اگر چه گتوروب قوم ِستمگر

باطنده چکوب جذبهء عشق ِعلی اکبر

علّت بو اسارتده او وجهُ الحَسن اولدی

 

عالِمسن اوزون منکه غریبم وطنیم یوخ

گلشن پوزولوب غنچه گل و یاسمنیم یوخ

بیر بلبل ِپر بسته و بالم چمنیم یوخ

ظلمیله خزان کرب وبلاده چمن اولدی

 

شهزاده یم امّا قوری یردور منه مسکن

توپراقدا یوزوم یولدا گوزوم دوره ده دشمن

سالدی منی اکبر غمی ویرانه ده دلدن

نه گلدی نه بیر کیمسه یانیندان گلن اولدی

 

دیواره قویوب یوز گیجه گوندوز قوری یرده

گوزدن توکرم خونِ جگر عارضِ زرده

بو شهرین اهالیسی گتوردی منی درده

بی‌حد کنه بو یرده اذیّت ویرن اولدی

 

دویدوم دیریلیقدان من اَیا قادرِ غفّار

ویرّم قسم اجدادیمه ئولدور منی قورتار

قالدوقجا یتر غصّه مصیبت لریم آرتار

صبریم آزالوب بسکه هجوم ِمحن اولدی

 

هر کیمسه یتیم اولسا قولون دشمنی باغلار؟

غم سوزشی هر گون منی بیر نحویله داغلار

من آغلارام احوالیمه عمّم آنام آغلار

غمدن دُرِ اشکیم چو عقیقِ یمن اولدی

 

سلطانِ حجازین قیزی کشف ایلدی رازین

قورتاردی خدائیله اولان راز و نیازین

جان ویردی ، ویروب آخره اوز سوز و گدازین

نه دردیله ئولدی دیمه دردین بولن اولدی

 

ای بادِ صبا دوشسه یولون کرب و بلایه

عرض ایله (حسینی) دیلیجه میرِ هدایه

ای نعشی قالان یرده ، گیچن باشی جدایه

ویرانه دونوب رشکِ بهشتِ عَدَن اولدی

 

بیر گُل که سووَردین اولا او زینتِ گلشن

هند اوغلی سووَردی اولا بندِ غل و آهن

گَل شامه یتوب عُمده ی آمالینه دشمن

اوز سویگولوی گور نجه دشمن سووَن اولدی

 

سن تک اودا جان ویردی یارالی ، قوری یرده

زینب باخوب اول حاله گلوب خاطری درده

بیر سلسله ده اولمادی بیر ساتِر و پرده

آخر کفنی پاره لنن پیرهن اولدی

 

زیبنده دی دونسون گوزومون بارشی ابره

سالسون شرر ، آهیم اودی معموره ی صبره

اگنینده اولا کوینگیله قویدولا قبره

ویرانه مزار اول اریمیش بیر بدن اولدی

 

ایتدی اونا بیر آیری کفن عترتِ اطهار

گورموبدی اونون مثلینی بو گنبدِ دوّار

رخساره سالوب زلفِ پریشانی خانملار

ویرانه گلستانِ گُلِ یاسمن اولدی

 

هر کیم باخوب احوالینه توکدی یوزه قانیاش

هر قیز دولانوب باشینه جسم اوسته سالوب ساش

فکر ایلسه حالین یانار ، اولسا دل اگر داش

دشمنده باخوب یاندی دیمه بیر گولن اولدی

 

گُل یوزلیلر افسرده لنوب گُل کیمی سولدی

فریاد و نوائیله خرابه یری دولدی

عمّه ، آنا ، باجی ، باش آچوب گُل کیمی سولدی

اول بیکفنه زلفِ پریشان کفن اولدی

 

(سعدیّ زماندور) بو (حسینی) سنه بیر ایت

قربانون اولوم قووما خانم سویلمه چیخ ‌گیت

وار دردِ نهانیم نظرِ لطفیله لطف ایت

تئز دوشدوم ایاقدان ولی بولمم ندن اولدی

 

فکریم بودی درک ایتمیه حالا منی رحلت

چوخ عمر ایلیم چوخ اولا مندن سیزه خدمت

بیرده من ِبیچاره ده وار شوق ِزیارت

هر چند مخالف منه دورِ زَمَن اولدی.

 

مرحوم حسینی سعدی زمان

منبع مجموعه کانالهای مدح و مرثیه

موضوع: حضرت رقیه (س) زبانحال ,
زبان شعر و شاعر: نوحه ترکی , حسینی سعدی زمان

 

------------

 

احوالات مجلس یزید ، خطبه امام سجاد ، رد غارت ، عزای در شام

 

بخش اول

 

آه یا صاحب زمان از دست کفار عنید

در دیار شام کردند آنچنان ظلمی پدید

کز شرارش سوزش دلهای سوزان شد مزید

(گرچه شد بی پرده زینب داخل بزم یزید

من نمیگویم ولی بی پرده این افسانه را)

 

او بزمده که منیله نگار همدمیدی

تمام مقصدی کشف رموز مبهمیدی

 

دولاندروب منه یوز سویلدی او پاک نژاد

هزار شکر واریمدور سنونکیمی استاد

 

ائدوبدی لطفیله خلّاق حیّ بی همتا

سنی علومه مسلّط خبرلره دارا

 

دیّوله بعضی محدّثلر، آل پیغمبر

او گونکه گئتدیله بزم یزیده بی معجر

 

تمام قول قولا باغلی مخدّرات حرم

نظامیله دوزولوب دور و برده نامحرم

 

او بزمه گلمیشیدی گورماقا اسیرلری

جلالیله دُوَل خارجه سفیر لری

 

بولار نه سوزدی دیّولر که بیر نفر شامی

اسیر گوردی خواتین دین اسلامی

 

دئدی یزیده که ای تخت سلطنتده عزیز

بیرینی بو اسرادن منه بغشله کنیز

 

یزید وئردی اجازه که هر بیرین سووسن

گوتور آپار ائوووه اختیار وئردیم من

 

دوتوب عروس قولوندان او بی حیای دنی

دئدی امیر بغشله منه بو جاریه نی

 

صحیح دور دئ گوروم یا ضعیف دور بو خبر

سالوب خیاله منی بو قضیه شام و سحر

 

یتوردی تا بو یره مطلبی او پاک سیر

عذاریمه جریان ائتدی گوزدن اشک بصر

 

قرار و صبریمی الدن بو ماجرا آلدی

پوزولدی حالتیم آهیم دله شرر سالدی

 

گوزیمده اولدی مجسّم او بزم شور انگیز

همان حکایت شامی و ماجرای کنیز

 

دئدیم امان منه وئرسه بو اشک دیدۀ تر

سنه بیان ائدرم بیل ندور صحیح خبر

 

 کنیز خواستن شامی دختر امام حسین (ع)

 را از یزید طبق خبر از منتهی الآمال :

 

یزید مجلسینه واردی مختلف اقوال

ولی صحیحینه کاشفدی منتهی الآمال

 

اونون مؤلفی بیر شیخ دور جلیل القدر

سمیّ حضرت عبّاس چرخ علمده بدر

 

او عالم متبحّر یازار که آل رسول

تمام تخت دالندِیدیلر ولی مغلول

 

کنیز ایسته دی شامی بیرین حرملردن

اجازه حاصل اولاندا یزید کافردن

 

اشاره ائتدی الین شاه کربلا قزینا

که یعنی فاطمه ناموس کبریا قزینا

 

دئدی امیر منی لطفویله ایله عزیز

نجیبه دور بو قزی سن منه بغیشله کنیز

 

ائشیتدی تا بو سوزی دختر شه دوران

یوزین مدینیه دوندردی باشلادی افغان

 

توکوب سرشک بصر چکدی نالۀ جانکاه

یانا یانا خانم عرض ائتدی یا رسول الله

 

بو بس دگل که سنون قزلارون اسیر اولدی

یزید کافر و بیرحمه دستگیر اولدی

 

یتوردی جرأتینی گور هارا بو بد اختر

گتوردی قزلارووی بزم شربه بی معجر

 

جسارتینده نشان خالقه ستیز وئرور

بو شامین اهلینه زهرا قزین کنیز وئرور

 

دیوب بو سوزلری اشکیله گوزلری دولدی

دولاندی زینب کبرایه ملتجی اولدی

 

دئدی ای عمه اماندور منه علاج ایله

بو بس دگل که دونوب گوزده گوز یاشیم سیله

 

محالدور که امان چشم اشکریز وئره

یزید اگر منی بو شامییه کنیز وئره

 

یزده گر چه اسیرم فتاده ام عمه

ولیک سن بولوسن شاهزاده ام عمه

 

عزیز آل عبایم شه جلی قزیام

اسیر اولاندا نولور مرتضی علی قزیام

 

اولان مروّج احکام دین آتامدی منیم

محمّد عربی مصطفی بابامدی منیم

 

بویوردی زینب کبری قزیم دایان قورخما

ایتورمه اؤز اؤزووی ایلمه فغان قورخما

 

یتورمیوب بو زنازاده جرأتین او یره

محمد عربی قزلارین کنیز وئره

 

یزید سویلدی زینب گر ایستسم وئرّم

من اؤز جسارتیمی فعلیمیله بولدورّم

 

خانم بویوردی بو امره ائدنمسن اقدام

اؤزون نقدر بولورسن خلیفۀ اسلام

 

نجه کنیز اولی ظالم پیمبر اولادی؟

خلاف شرعیدی وئرماق کنیز آزادی

 

او دم بو امری ائدرسن که دین ائوین یخاسان

دانوب شریعتی قانون شرعیدن چخاسان

 

عجب دگل که جگرخواره هند دنیاده

قویا یرینده سنون تک اوغول زنازاده

 

بو سوز گران گلوب اول مرتد جفا کاره

او لال اولان دلین آچدی بو نوعی گفتاره

 

حصار مذهبی زینب آتان علی یخدی

نه من بو دیندن اؤز قارداشون حسین چخدی

 

جواب وئردی خانم ای لعین کفر انجام

منیم آتام قلجیله بنا اولوب اسلام

 

اونون الینده گر اولمازدی تیغ آتشبار

شهادتینه کیم ایلردی دهرده اقرار

 

مروّج عالم اسلامه اولماسیدی او شاه

تاپولمازیدی دیَن لا اله الا الله

 

بو سوزلری ائشیدنده یزید اولدی مُجاب

دلینده اولمادی قدرت وئره دوباره جواب

 

او دمده باشلادی شامی دوباره دن گفتار

کنیز ایستماقین ایلدی گینه تکرار

 

یزید سویلدی قیل بزمدن کنار اؤزووی

قوتار بو صحبتی تکرار ایلمه سوزووی

 

 ندامت شامی :

 

گلوب تکلمه شامی یزیده ائتدی خطاب

الیمدن آلدی منیم بو قضیّه طاقت و تاب

 

ندور بو قصه و بو ماجرا بولار کیمدی؟

دئ بیر گوروم منه ای بیحیا بولار کیمدی؟

 

اسیرده بو جسارت بو اقتدار اولماز

سوزوین بو طرزیله ائتسون ادا بولار کیمدی؟

 

او عورتیکه سنیله دانشدی آدی ندور؟

کَاَنّهُ دانشور مرتضی بولار کیمدی؟

 

ز بس سوزونده اثر وار قراریمی آلوری

وورور تکلّمی قلبه یارا بولار کیمدی؟

 

سنه قواعد اسلامیله دلیل دیور

دگل اسیر حبش یا ختا بولار کیمدی؟

 

بولاردا گورسنوری چوخ نجابت آثاری

سوزون حقیقیتین ائت برملا بولار کیمدی؟

 

آچوخدی باشلاری وار دور و برده نامحرم

شکسته دلدن ائدولّر نوا بولار کیمدی؟

 

بیری سالوب یوزه زلفین بیری دوتوب ینگین

ائدولّه یوزلرینی اختفا بولار کیمدی؟

 

بئله گمان ائدورم خارجی دگولّه بولار

سن ائتموسن بولار چوخ جفا بولار کیمدی؟

 

محمّدیله بو قومین نه نسبتی واردور

چکولّه نالۀ وامصطفی بولار کیمدی؟

 

یزید سویلدی آل علیدی بو اسرا

بولارا جدّیدی طاها و جدّه دور زهرا

 

او عورتیکه فصاحتده  چوخ مؤدّب دور

حسین باجیسی زهرا عزیزی زینب دور

 

یزیددن ائشیدنده بو سوزلری شامی

پوزولدی حالی اؤرکدن کسیلدی آرامی

 

شهادت شامی :

 

مخاطب ائتدی یزیدی ایا زنازاده

نه دین دور که دوتوبسان بو دار دنیاده

 

قویوبسان عترت اطهاره خارجی ادی

نه ایلیوب سنه ظالم پیمبر اولادی؟

 

ندور گناهی بو جمعین اسیر ایلمسن؟

جفا و ذلّتیله دستگیر ایلمسن

 

گلوب او حالیده غیظه یزید بد افعال

گوروب ریاسته آز قالدی یتسون اضمحلال

 

دولاندروب یوزونی سویلدی هانی جلاد

گلوب بو شورشه باعث اولاندان آلسون داد

 

گیروبدی مجلسه جلاد الده تیغ اجل

گوروبدی شامی بیچاره وقت عذره محل

 

دولاندروب یوزونی سالدی اهل بیته نظر

بغشلیون منی عرض ائتدی ای مخدّره لر

 

تانیمادیم سیزی ای عترت رسول خدا

دئدیم کنیز سیزه ایلدیم ازلده خطا

 

دوباره وئردی اجازه گوزونده گوز یاشنا

دولاندروب یوزینی شاه کربلا باشنا

 

دئدی یولوندا سنون ترک باش و جان ائدورم

منی بغشله حسین جدّیوه قوناق گئدورم

 

قیامتین گونی اول جدّیوون یانندا گواه

بو لفظه اشهد ان لا اله الا الله

 

شهادتینی دیوب خوش سعادته یتدی

اجل پیاله سی جلّاد الینده نوش ائتدی

 

بو بیر خبردی «حسینی» یازیلدی سرتاسر

که ذکر اولاندا حسینی لر آه و ناله ائدر

 

احوالات مجلس یزید بعد از شهادت شامی ،

 به نقل از جلاءالعیون مرحوم مجلسی :

 

ولی بیر آیری خبر وار گرک بیان اولسون

سرشک چشمیله اهل عزا گوزی دولسون

 

اولنجا حشر حسینون عزاسی قورتولماز

یزید مجلسنون ماجراسی قورتولماز

 

آخار یوزه گوزومون صبح و شام اشک تری

دوشنده یادیمه مرحوم مجلسی خبری

 

یازار جلاءالعیونینده اول حمیده سِیَر

یزید قلب رسول کرامه سالدی شرر

 

او گونکه شامیِ بیچاره نی شهید ائتدی

داغلدی مجلسین اهلی هامی دوروب گئتدی

 

گتوردی حضرت زهرانی خلدده داده

ائدوب غلاملره ام اوُل زنازاده

 

ائدوب علی قزینون سوزلری منه چوخ اثر

گرکدی حبسده قالسونلا بو مخدّره لر

 

سالون وورا وورا زندانه آل اطهاری

قویون ولیک قالا مجلسیمده بیماری

 

همینکه حکم ایلدی اُول دنی عتابیله

غلام لر توکولوب مجلسه شتابیله

 

سالوبلا زلزله ارکان دین و ایمانه

اپاردیلار اسرانی تمام زندانه

 

نه حبسخانه گوگل ایلین زمان اونی یاد

چکر معاویه نون اوغلنون الیندن داد

 

دیم خانملار اولوبلار نه نحویله محبوس

بو قدر وار او که اولوبلار حیاتیدن مأیوس

 

یزید گوردی که وقت نمازه آز قالدی

گوتوردی سیّد سجادی یانینه سالدی

 

آمدن یزید به مسجد :

 

دل پیمبری تیر جفائیله دلدی

عدوّ دین خداوند ، مسجده گلدی

 

خطیبه امر ائدوب اول بی حیای شوم و دنی

چخوبدی منبره مدح ایلیوبدی معاویه نی

 

بنی امیه نی ائتدی او بی حیا تعریف

یتوردی شرع منیر محمّده تحریف

 

او منبری که ائدوب تیغ مرتضی برپا

حقارتیله آپاردی آدین او تخم زنا

 

رسول اکرمی جنتده دلفکارایلدی

حسین و شیر خدانون آدینی خوار ایلدی

 

خلاف شرعی دولاندوردی مستحب ایلدی

سوزی صریح دیوم ، مرتضانی سبّ ایلدی

 

امام عصر دوتوب یوز خطیبه ووردی نهیب

اؤزین ایتوردی سوزین کسدی منبر اوسته خطیب

 

خطاب ائتدی خطیبه امام کون و مکان

بولار نه سوزدی ، خطا دیده قیل سکوت دایان

 

رضای حضرت پروردگاری آتدون سن

رضای خلقی دوتوب دینی مفت ساتدون سن

 

یزیدی ائتدون اوزوندن بو باره ده دلشاد

ولیک خانۀ ایمانی ایلدون برباد

 

او منبر اوسته که السّاعه دوتموسان مأوا

ائدوب او منبری تیغیله مرتضی برپا

 

گر اولماسیدی علینون الینده تیغ دوسر

ننوع پایه لنوردی بو مسجد و منبر

 

دولاندروبدی یزیده یوزین دوباره امام

بویوردی ای قویان آدین خلیفۀ اسلام

 

بیر آز زمان منِ بیماره وئرگیلن رخصت

چخوم بو تخته لر اوستونده ایلیوم صحبت

 

دیوم او سوزلری کیم اوندا وار رضای خدا

ائدوم او سوزلریله دین احمدی احیا

 

یزید وئرمدی رخصت امام بیماره

بُلوردی وئرسه اجازه او شاه ابراره

 

چخار او منبره اَنمز سلیل شیر خدا

مگر ائدر هامی آل امیّه نی رسوا

 

اودور که وئرمدی رخصت یزید بدفرجام

اولوبلا واسطه بو باره ده اکابر شام

 

یزیده ائتدیله اشیاخ شام چوخ اصرار

که ای امیر بو بیر طفلدور اوزی بیمار

 

اجازه وئرسن اگر چخسا منبره بو جوان

سوزینی ایلیه بُلمز بو کثرتیله بیان

 

دوشر اشاقه یقیناً اوزی خجالت اولار

بیزه او حالی اونون مایۀ بشارت اولار

 

یزیدی ائتدیله مجبور شامیان رذیل

اجازه وئردی چخوب منبره امام علیل

 

خطبه سجادیه در مسجد شام :

 

اوتوردی منبرین اوستونده حجّت دادار

امام حقّیله حق مرکزینده دوتدی قرار

 

ادامه دارد ...

 

مرحوم حسینی سعدی زمان

منبع مجموعه کانالهای مدح و مرثیه

موضوع: احوالات شهر شام ,
زبان شعر و شاعر: نوحه ترکی , حسینی سعدی زمان

 

------------

 

احوالات مجلس یزید ، خطبه امام سجاد ، رد غارت ، عزای در شام

 

بخش دوم

 

یزیدی ائتدیله مجبور شامیان رذیل

اجازه وئردی چخوب منبره امام علیل

 

خطبه سجادیه در مسجد شام :

 

اوتوردی منبرین اوستونده حجّت دادار

امام حقّیله حق مرکزینده دوتدی قرار

 

امام باشلادی بیر خطبه چوخ فصیح و بلیغ

گلوب تکلمه حق سوزلرین ائده تبلیغ

 

باباسی حیدر کرّار تک او افصح ناس

ازل خدای جلیله ائدوبدی حمد و سپاس

 

درود گوندروب اوز جدّینه او فخر هدات

علی فضایلینه ذکر ائدوب نچه آیات

 

قزشدی شیر خدا شیری مثل شیر دلیر

اوزینه منتسب آیاتی ایلدی تفسیر

 

او آیه لر که مدلَّلدی آل طاهایه

اولاردان ایلدی تفسیر بیر نچه آیه

 

بویوردی حجت مطلق ایا گروه ظُلم

او کسلریکه تانوللار منی بُلوله کیمم

 

منی تانوموری اونلار که شرح ایدوم سوزومی

دیوم کیمم اولارا تا تانوتدوروم اوزیمی

 

منم که حجّت برحقّ کردگارم من

منم که عالم ایجاده افتخارم من

 

خدای عالم و آدم او فرد بی همتا

بیز اهلبیته ایدوب آلتی خصلتی اعطا

 

«علوم»و«صبر»و«جوانمردی»و«فصاحتدور»

«شجاعتیله» گوگللرده کی «محبّتدور»

 

علاوه بیزلره لطفیله کردگار جلیل

ویروبدی خلق آرا یدی خصالیله تفضیل

 

او یدّی زاد بودی بیزدندی احمد مختار

فضیلتیم بودی بیزدندی حیدر کرّار

 

اولوبدی بیزلره منسوب حمزه شیر خدا

بلون بو مطلبی بیزدندی جعفر طیار

 

ویروب خدا اونا بیرجفت پر ملائکیله

بهشتده طیران ایلور ایمدی لیل و نهار

 

دیوم صریح که بیزدندی سبطی الرّحمة

بیزاهلبیتی سچوب جمله خلقدن دادار

 

خدای خلق بیزه نازل ایلیوب قرآن

بیزوق معادن وحی و شفیع روز شمار

 

اوزیمی ایمدی تانیتدورام ای جماعت شام

سیزه حسب نسبیمدن من ایلرم اظهار

 

منم او کیمسه نون اوغلی که قطب اعظمدور

او نقطه دور هامی عالم ولی اونا پرگار

 

منم او کیمسه نون اوغلی که عقل اَوَّلدور

اودور خلائقه مرسول قادر غفّار

 

منم او کیمسه نون اوغلی که ایلدی معراج

مقام قربده حقّیله باشلادی گفتار

 

منم او کیمسه نون اوغلی  که قابَ قوسینه

یتشدی  اولدی همان یرده کاشف اسرار

 

منم او کیمسه نون اوغلی ردا ایچنده زکات

بغشلدی فقرایه او سیّد الابرار

 

منم او کیمسه نون اوغلی  گویون ملک لرینه

امام اولدی - اونا  ایتدی اقتدا احرار

 

منم او کیمسه نون اوغلی که انبیا ایچره

سچوب خدا اونی ای شامیان پست تبار

 

منم او کیمسه نون اوغلی که ذوالفقاریله

او قدر جنگ ایدوب اسلامه گلدیلر کفّار

 

منم او کیمسه نون اوغلی بقدر طرف بصر

شریک ویرمیوب اللهه اول حمیده شعار

 

منم او کیمسه نون اوغلی که یر یوزینده ازل

خلوص قلبیله توحیده ایلیوب اقرار

 

امام اوز حَسَبین بو دلیله آندوردی

یتوردی تا بو یره مطلبی دولاندوردی

 

منم بویوردی شهنشاه انبیا اوغلی

منم ولیّ خدا شاه لافتی اوغلی

 

شهنشه حرمینم سلیل آلعبا

آتامدی مکّه و زمزم اودور منا و صفا

 

منیم بابامدی که گوگلرده آدی احمد دور

نبیّ رحمت و یرده آدی محمد دور

 

منیم آتامدی ایکی قبلیه نماز قیلان

صمد پرست و صنم لردن احتراز قیلان

 

منم او کیمسه نون اوغلی اودور شه حرمین

بنای کفری یخان شهسوار بدر و حنین

 

بابام رسول امم دور آتام ولی خدا

آنامدی فاطمه گویلرده شهرتی زهرا

 

منم او کیمسه نون اوغلی که سو کنارینده

شهید اولدی سوسوز کربلا دیارینده

 

منم او کیمسه نون اوغلی که غسلی قان اولدی

یارالاروندان آخوب قانی مصرعی دولدی

 

منم او کیمسه نون اوغلی جفائیله دونان

اون ایکی ضربتیله کسدیلر باشون دالیدان

 

منم او کیمسه نون اوغلی جهانه اود سالدی

جنازه سی قوری یرلرده بیکفن قالدی

 

منم او کیمسه نون اوغلی که گون قباقنده

یارالی  نعشی قالوب آتلارون ایاقنده

 

منم او کیمسه نون اوغلی که فرقۀ عدوان

سویوب لباسلرین پیکرین قویوب عریان

 

منم او کیمسه نون اوغلی  که خیمه سی یاندی

عیالی قولقولا ای اهل شام باغلاندی

 

منم او کیمسه نون اوغلی که ئولدی قارداشی

دولاندی شهرلری نوک نیزه ده باشی

 

منم او کیمسه نون اوغلی تمام انصاری

یتوب شهادته قولسوز دوشوب علمداری

 

منم او کیمسه نون اوغلی که وار بویوک حَسَبی

آدی حسیندی باباسی محمّد عربی

 

منم او کیمسه نون اوغلی که دینینی داندوز

عیالنی باش آچوخ  شامده دولاندوردوز

 

بیزوخ که معدن وحی خدای لم یزلوق

بیزوخ که کلمۀ توحیده مظهر و مَثَلوق

 

منم او کیمسه  که الدن قراریمی آلدوز

گُله گُله منه باخدوز تمام کف چالدوز

 

منم او کس که منه شمر دستگیری دیدوز

گیرنده شامه منه خارجی اسیری دیدوز

 

منم که قامتیمی بار ظلمیله بوکدوز

بو شهرده باشما گاه کول گه اود توکدوز

 

غوغای مسجد شام و ادامه خطبه سجادیه :

 

اوقدر اوز  حسبیندن امام ایلدی یاد

که مسجد اهلی گلوب شوره باشلادی فریاد

 

یزید گوردی بویوک انقلاب اولدی عیان

دیدی مؤذّنه کس انقلابی باشلا اذان

 

دوروب ایاقه مؤذّن ازل دئدی تکبیر

امام ایلدی تمجید – خالقه تقدیر

 

دِیَنده اشهد ان لا اله الا الله

دئدی امام که ویرّم بو لفظه منده گواه

 

اَتیم قانیم سوموگوم تک به تک شهادت ائدر

که یوخدی غیر خداوند کردگار دگر

 

اوچومجی فصلین  اذانون مؤذّن ایتدی بیان

محمّد آدین ائشیتدی امام کون و مکان

 

دونوب یزیده بویوردی امیر ملک حجاز

دئ بیر گوروم منه ای قاتل اذان و نماز

 

اذانیده او محمّد که ذکر اولور آدی

منم اونون نوه سی یا که سنسن اولادی؟

 

سنون باباندی محمّد و یا منیم جدّیم؟

دئسن منیمدی واریمدی جوابوه ردّیم

 

منیم بابامدی دیسن کذبدور بو سوز ظاهر

یالان دئمز مگر عالَمده فاسق و فاجر

 

منیم بابامدی اگر بو محمّد عربی

اسیر ایلموسن عترتین ندور سببی؟

 

ویروبسن آل رسوله بیر ایله یرده سکون

نه ایسّیدن نه سویوقدان اولوللار اوردا مصون

 

 نادم شدن یزید :

 

یزید گوردی که ایشدن اولوندی پاره حجاب

دگوبدی بیر بیرینه مسجد اهلی شیخیله شاب

 

دوشوبدی وحشت و خوفه نمازه ائتدی قیام

صلواته خاتمه وئردی او مرتد ایّام

 

گوتوردی سید سجادی گلدی درباره

خیال ائدوب ائده بلکه اوز امرینه چاره

 

گوروب که سلطنته صدمه آز قالور یتسون

اوز ائتدیقی عمله ایستدی علاج ائتسون

 

دئدی دگلدیم ازلدن رضا بو اجباره

زیادین اوغلنون اولسون گوروم یوزی قاره

 

نه اینکه دلدن اولوبدور انابته عازم

صلاح سلطنته گوردی بو ایشی لازم

 

دئدی گرک گئچن اعمالیمه قصاص ایلیم

مخدّرات بنی هاشمی خلاص ایلیم

 

بلوب که ساخلیا بلمز او شوم بی ایمان

علی عیالینی خوار و اسیر و ناله کنان

 

اعلان عزای یزید :

 

اوز اهل بیتینه امر ائتدی او شقیّ دغا

اولون عزایه مصمم گیون لباس قرا

 

فغان و ندبه و فریاد و نوحه ساز ایلیون

گلنده آل علی سیزده پیشواز ایلیون

 

ائدوب خانملاری احضار او شوم کینه شِیَم

گلوبله مجلسه یکسر مخدرات حرم

 

یزیدین اولدی حرمخانه سینده بیر محشر

که گورمیوب ایله محشر بو گنبد اخضر

 

عزا لباسی ائدوبلر خانملارا تعیین

سیاه پوش اولوب عترت رسول امین

 

چکوبله مجلش آراسیندا بیر قرا پرده

مخدّرات نشیمن قیلوب همان یرده

 

امامه تختنون اوستونده یر وئروبدی یزید

آچوبدی معذرته دل او کین شعار پلید

 

ائدوبدی عرض امامه ای بی حیای دنی

گئچن گئچوب اولان اولدی علی بغشله منی

 

او بی حیاده باخون حیله ایله تلبیسه

امام محضرینه پول قویوبدی بیر کیسه

 

دئدی گئچن گئچوب اوخشاتما گوز یاشون سیله

بونی ئولنلریوه خونبها قبول ایله

 

ولیک بُلمدی وئرسه تمام دنیانی

آناسی لیلیه باغلانماز اکبرین قانی

 

ائدردی پرده دالیندان او حاله لیلی نظر

اؤرکلنوب دئدی ایوای اوغول علی اکبر

 

نجه اوغولسوز آنان تاب ائدر بو سودایه

اوغول گوزوندن ایراق پول وئرولَّه لیلایه

 

خطاب حضرت کلثوم به یزید :

 

مخدّرات بنی هاشم اولدیلار مغموم

دیانا بُلمدی عباس باجیسی کلثوم

 

دل آچدی دخت علی ایلدی یزیده خطاب

عتابیله دئدی ای بی حیای خانه خراب

 

اوتانموسان بُلوسن هئچ نه خطّ ده یروسن

حسینی ئولدوروسن لیک خونبها وئروسن

 

زریله دولسا اگر سربسر بو تحت سماء

محالدور اولا عباس اللرینه بها

 

عروسه وئرسه له دنیاجه زینت و زیور

اونون گوزینده اولار قاسمین بهاسی مگر؟

 

حسیندن صورا زینب جهانی نیلیه جاق

سرشکی قانه دونوب خونبهانی نیلیه جاق

 

ربابه وئرسه له مالین تمام دنیانین

مگر حلال ائدر اوز اوغلی اصغرین قانین

 

دئمه که یرده او قانلار که توکموسن قالاجاق

جزا گونونده آتام سندن انتقام آلاجاق

 

مکالمۀ امام سجاد با یزید :

 

بو سوزدن اولدی خجالت یزید بد فطرت

امام ساجده یوز دوتدی باشلادی صحبت

 

دئدی نه حاجتون اولسا دئ من روا ائدرم

روای حاجتیله قلبیوی رضا ائدرم

 

امام نطقه گلوب سویلدی همان ساعت

سنه واریمدی بو گون یا یزید اوچ حاجت

 

ازل بودور آتامین باشینی زیارت ائدم

همان زیارتی سرمایۀ سعادت ائدم

 

ایکیمجیسی منی ئولدورماق اولسا میلون اگر

معیّن ائت حرمه بیر نفر امین سفر

 

علی عیالینه اولسون مواظب و همراه

جوار احمد مختاره گئتسون آل الله

 

اوچومجی کرب وبلاده سپاه بد فطرت

آتام ئولن گون ائدوبلر حرملری غارت

 

گرک بیزه اولونا ردّ اول غنیمت لر

نچونکه واردی اولاردا زنانه زینت لر

 

یزید سویلوب ازل که سوزوندی امر محال

بیر اوزگه شهره آتان باشین ائتمیشم ارسال

 

گورنمسن او باشی ای سلالۀ اطهار

قوتار بو صحبتی قیلما بو مطلبه اصرار

 

ولیک دلده سنون قتلیوه یوخومدای نظر

سنیله یثربه گئتسون گرک مُخَدَّره لر

 

بویوردی سید سجاد کای ستم پیشه

ندور خیالون ائدورسن منه نه اندیشه

 

بئله گمان ائدورم بُلمورم منِ مغموم

که هاردا دور سرِ خونین سیدِ مظلوم

 

همان او یر که او یردِیدی رأس پاک امام

یوزین او منزله دوتدی امام وئردی سلام

 

سلام اولا سنه ای مکه و منا اوغلی

سلام اولا سنه ای ختم انبیا اوغلی

 

هوایه قالخوب او دمده سر منیر امام

آتا باشی اوغولا ایلیوبدی ردّ سلام

 

سلام اولا سنه ای دستگیر اهل جفا

سلام اولا سنه یابن الخدیجة الکبری

 

یزید گوردی بو اعجازی اولدی شرمنده

دئدی امامه که ای ماسوا سنه بنده

 

تصادفات زمانیله اولما پژمرده

سنون که اولدی ایکی حاجتون برآورده

 

اوچومجی حاجتی تکرار ایلمه اصلا

سیزون خیاموز اولوب کربلاده چون یغما

 

سپاه کوفه و شام ایلیبودیلر غارت

هره بیرین آپاروب اهل شامیدن قسمت

 

نقدر اولسا سنه سیم و زر غرض وئرّم

تمام غارت اولان مالوزه عوش وئرّم

 

جواب وئردی یزده شهنشه بطحا

دگل منیم غرضیم مال دنیوی اصلا

 

دیار کرب و بلاده اولار که قم لجاج

بیز اهل بیتدن ایلوبله ظلمیله تاراج

 

اولاردا بیر نچه زاد وار بیزه امانت دور

گرکدی ردّ اولا مختصّ آل عصمت دور

 

شریعت نبوی ده دگل بو امر روا

زنانه زینتی نامحرمین الینده قالا

 

مخدرات حرم زیورینه نامحرم

تصاحب ایلسه تاب ایلمزلر آلعبا

 

آتام یانیندا علی قارداشیم چکر خجلت

سپاه شامیده گر قالسا معجر لیلا

 

اوزاقدی غیرت عباسیدن که کلثومین

اولا لباسینه صاحب سنان و شمر دغا

 

او کوینگی که آنام فاطمه ایپین اَییروب

آتام او کوینگی گیمیشدی روز عاشورا

 

وئریلمسه منه اول پاره پاره پیراهن

بیر آه سردیله قیلّام هامی جهانی فنا

 

مدینه یوسفی گرگان شام الینده ئولوب

آتاسنا آپاروم کوینگین گرک ایما

 

او معجری که بی بیم زینبون باشیندیدی

او معجری توخوموشدی اوزی آنام زهرا

 

گرک او مقنعه هر یاندادور بو گون تاپولا

بتول قبرینه زینب گئنده باشه سالا

 

ائوینده ساخلیا خولی آنام بویون باقین

اولار خجل آتاسیندان ، آتام ولیّ خدا

 

 ردّ اثاث غارت :

 

یزید گوردی که یوخ چاره امر ائدوب گتورون

اولار که کرب و بلاده ائدوبدولر یغما

 

ادامه دارد...

 

مرحوم حسینی سعدی زمان

منبع مجموعه کانالهای مدح و مرثیه

موضوع: احوالات شهر شام ,
زبان شعر و شاعر: نوحه ترکی , حسینی سعدی زمان

 

------------

 

احوالات مجلس یزید ، خطبه امام سجاد ، رد غارت ، عزای در شام

 

بخش سوم

 

ائوینده ساخلیا خولی آنام بویون باقین

اولار خجل آتاسیندان ، آتام ولیّ خدا

 

 ردّ اثاث غارت :

 

یزید گوردی که یوخ چاره امر ائدوب گتورون

اولار که کرب و بلاده ائدوبدولر یغما

 

گلوبدی مجلسه بیر ظالم الده گردنبند

بیر آیریسی گتوروب بیر قانا بلشمیش عبا

 

بیری گلوب گتوروب زینبین لباسلرین

اوجالدی پرده دالندان فغان واویلا

 

بیری گلوب گتوروب پاره پاره بیر کوینک

باخوب او کوینگه داد ائتدی زینب کبری

 

نه کوینک اوخلار ائدوب مثل خانۀ زنبور

سنان و تیغ مُشَبَّک ائدوبدی سرتاپا

 

آخوبدی صاحبنون بسکه قانی قان قوریوب

ائدوب مُضرّج او ثوب عتیقی لخته دماء

 

ایکی الیله ووروب باشینه خانم زینب

دئدی حسین سنه بو بخت قاره جانی فدا

 

بو کوینگوندی وجودونده نه قدر یارا وار؟

شل اولسون اللری کیم بیر بیله ووروبدی یارا

 

او دمده مجلسه بیر شور رستخیز دوشوب

قیامت عالمی اول بزمده اولوب برپا

 

بیری گلوب گتوروب مشکینی اباالفضلین

بیر آیریسی گتوروب الده بیرجه قانلو لوا

 

قارشدی بیر بیرینه فاطمیّه لر یکسر

اوجاتدی اهل حرم بانگ وا ابوالفضلا

 

گتوردولر گلینون قانلو گوشواره لرین

شکسته دلدن ائدوب نی کیمی عروس نوا

 

یارالی دللرین آرتوردی سوزشین بو الم

او قدر اغلادی دویدی مخدّرات حرم

 

مکالمه یزد با امام سجاد :

 

یزید حضرت سجاده ایلدی اخطار

سنی بو گون ائدورم من ایکی ایشه مختار

 

بو شهرده ائده سوز گر اقامت وسکنی

وئروم عمارت عالی و بیر گوزل مأوا

 

مدینیه گئدوسوز میلیله رضایتیله

یولا سالوم سیزی چوخ عزتو جلالتیله

 

دئدی امام قالام من بو شهرده هیهات

دیوبله بوردا منه خارجی آدی کرّات

 

مخیّر ائتسون اگر شهر شامی ترک ائدرم

حرملری گوتوروب من مدینیه گئدرم

 

خوشام مکانیم اولا یثربین دیارینده

قالام مدینه ده اوز جدّیمون جوارینده

 

ولی ئولنلریمه که سوسوز اولوب مقتول

دویونجا آغلامیوب اونلارا بنات بتول

 

گرک قاباقجا دوتاخ بیز بو شهرده ماتم

عزا ئولنلرینه ساخلیا حریم حرم

 

دویونجا اکبرینه آغلیا آنام لیلا

آتام حسینه ائده ناله زینب کبری

 

یزید وئردی اجازه قورولدی تازه اساس

حسینه شامیده برپا اولوندی مجلس یاس

 

عزا گرفتن آل الله در شام :

 

دیار شامده برپا اولوب عزاخانه

دئمه عمارت عالی همان او ویرانه

 

خرابه نی دوشویوبلر اساس غم توکولوب

خرابه نون در و دیوارینه قرا چکلوب

 

بو فکریله که گئچن گونلره قصاص اولونا

دویونجا باش آچیلا شیونیله ساچ یولونا

 

دیریلره ویریلوب رسم ماتمیله اساس

گیوبله باشدان ایاقه تمام قاره لباس

 

مباد نسگل اولا قبرده گله درده

رقیه نون چکلوب قبرینه قرا پرده

 

بنا قویوبلار او گوندن که کون و امکانه

گورونمیوب ایله مجلس ایله عزاخانه

 

اوتوردی صدرده زینب دلنده ناله و داد

خرابه نین قاپوسین کسدی سیّد سجّاد

 

گلوبدی عالم معناده حضرت طه

یانیجا الده عمامه علی ولیّ خدا

 

همان حسن که جفائیله اودلانوب جگری

عزا دوتوبلا جوان اوغلونا اولوب خبری

 

یارالی قلبنی تیر جفائیله دلدی

اوغول دیه دیه بیر باش خرابیه گلدی

 

هامی بولر بو سوزی چونکه  رسم عالمدور

تصور اولسا آیوق قلبه چوخ بُیوک غمدور

 

دیوم که یانمیان اشخاص قلبدن یانالار

علاقمند اولار عالمده قیزلارا آنالار

 

الی قابرقالاریندا دیلینده واویلا

گلوبدی زینبه سس ویرماقا خانم زهرا

 

زبانحالیله گویا دیردی آغلا قیزیم

یانوندا قمچی وُران یوخدی سینه داغلا قیزیم

 

سنوب قابرقام اگرچه بالا سسیم گلمور

ولیک ناله دن  آشفته قلب دینجلمور

 

حزین سسیله نشان نالۀ جرس ویرّم

دِیَن زماندا حسین وای سسووه سس ویرّم

 

او مجلس عکسی سماواته منعکس اولدی

حسین سسیله حجابات و نه فلک دولدی

 

چکردی گویده ملک لر فغان و ناله و آه

ووراردی باشلارینا یرده اولیاءالله

 

بهشتده چکلوب جار کشف اولوب مطلب

حسینه شامده ماتم دوتوب خانم زینب

 

آچوبلا غرفه لری دوردولار تماشایه

اولاردا شور عزا سالدی خلد اعلایه

 

نجه عزا که مجسّم اولان زمان نظره

همان او مجلسین اوضاعی اود وُرار جگره

 

عزاده رسمیدی بیر روضه خوان اولار امّا

او مجلسین هاموسی روضه خواندی سرتاپا

 

توکوبله مجلسه شور و نشور اساسلرین

ئولنلرین سویولان اوخلانان لباسلرین

 

نجه لباس زبس اوخ ووروبلا قوم شرور

اولوب تمام مُشَبَّک چو خانۀ زنبور

 

اولوب  مقدمۀ داده کاشف مطلب

اسیرلر شرفی فاطمه قیزی زینب

 

یارالی قارداشنون کوینکین آرایه قویوب

دِیَر شل اولسون او اللر که بو لباسی سویوب

 

بو قدر کیم وُرولوبدور بو کوینگه پیکان

دگوب وجودووه یکسر آخوب یریندن قان

 

آدینی غارت پیراهن اهل کین قویدی

بُلنمورم نجه دل سختمیش نجه سویدی

 

بیر آیری سمتده کلثوم ایدر روان اشکین

قویوب برابره عبّاسین اوخلانان مشکین

 

آلوب الینه خانم بیر قانا بلشمیش علم

دیور باجون سنه قربان منه گراندی بوغم

 

باخان بو پرچمه ای صاحب هنر قارداش

بُلَر وجودون اولوب اوخلارا سپر قارداش

 

سالوب او مجلسه اوضاع شورش محشر

کلید باب غم عمامۀ علی اکبر

 

سالوب برابره هر بیر اسیر بیر جامه

یتشدی لیلی مجنون نمایه عمّامه

 

باسوب او دوغرانان عمّامه نی ئورک باشنا

ویروبدی چشمۀ چشمینده اذن گوز یاشنا

 

ایدور عوالمی مجنون عوالمین پیدا

مقام عشقده مجنوندی شهرتی لیلا

 

بهار ابری کیمی گاه گوزلری دولوری

سووُموری ئوره گی قانلو ساچلارین یولوری

 

گهی باشندا الی گه دیلینده وا وَلَدا

اوغوشدورور ئورگین مجلسه سالور غوغا

 

باخور اویان بویانا گه توکور سرشک بصر

دیور فغانیله ایوای اوغول علی اکبر

 

جهاندا بیر سنیدون نخل عمریمه حاصل

تمام زحمتیمی ایلدی فلک باطل

 

یارالارون گوزیمه هر نفسده جلوه لنور

بلی اوغولسوز آنالار باشینا کول اَلَنور

 

سالوب او بزمده هر بلبل ئوز گولون یاده

سریّه شیون ائدردی بالاسی داماده

 

باسوبدی سینه سینه طوی گونی گین کفنین

قلجلاریله اولان پاره پاره پیرهنین

 

ووراردی باشه دیردی اوغول عزاسیدی بو

کفن اولوب بالاما گر چه طوی لباسیدی بو

 

بو بس دگلدی آتادان یتیمیدی اوغلوم

یتیم لیق غمی ائتمیشدی قلبیمی مهموم

 

شکفته وقتی خزان یتدی اول گل یاسه

مراده یتمدی دوندردیلر طویون یاسه

 

ائدنده قاسم آناسی بو دللریله نوا

ئورکلنردی یاناردی عروس بخت قرا

 

اولوردی عفتی مانع اوجادان آغلاماقا

شرار شعلۀ آهیله سینه داغلاماقا

 

گلوردی شیونه گزلنجه سینه داغلاردی

باخاردی گوشۀ چشمیله دلدن آغلاردی

 

یاواش یاواش ائدوب افغان اولوردی نوحه سرای

دیردی وای طوئی یاس اولان عم اوغلوم وای

 

خانیملار آغلادی از بسکه زلفینی یولدی

خرابه سهلیدی شامات شوریله دولدی

 

هامی ائشیتدی که وار شامده بساط عزا

دوتوب ئولنلره ماتم خلاص اولوب اُسَرا

 

اولار که شامده اوّل گلوردی سرزنشه

سالوبلار ئوزلرینی شکل تعزیت منشه

 

دیردیلر بولاری خارجی بُلوردوخ بیز

گلنده شامه ازل طعن ایدوب گُلوردوخ بیز

 

گلون گئداخ بولارین ماتمینده تسلیته

ویراخ تسلّی آچاخ دل تمام معذرته

 

حنا  یاخانلار اله باشه سالدیلار قاره

گلوبله تعزیۀ اهلبیت اطهاره

 

اناث شام گلوب دسته دسته فوج به فوج

خرابه دن ایدوب افلاکه واحسین سسی اوج

 

ائله ملردیله آهو کیمی مخدّره لر

که سس وئروب اولارا آغلاشوردی دشمن لر

 

ائدوبله یدّی گون اولاد مصطفی ناله

هلاکت ئوز وئره آز قالدی خردا اطفاله

 

دئمه بو یدّی گونی بیر نفر ییوب یاتدی

او قدر ایلدیلر ناله سسلری باتدی

 

امام گوردی که بیر گونده طول چکسه عزا

اولار هلاک خواتین یثرب و بطحا

 

دوتوبدی رأیی علاقه عزا تمام اولسون

آز آغلاسون بالالار ساچلارینی آز یولسون

 

اگر چه شامیده یتسه تمامه بو ماتم

تمام اولان دگی تا واردی صفحۀ عالم

 

بتول نائبه سی زینبه یتوب بو خبر

دوباره جوشه گلوب گوزلرینده خونِ جگر

 

دئدی هنوز منیم دویمیوب گوزوم یاشدان

گرکدی قارداشیمون ماتمین دوتام باشدان

 

کسوک باشیله ئوزی گلمه سه او شاه زمن

محالدور که یغام قارداشیم عزاسینی من

 

ائدوم نه نوعیله کلثومه بو سوزی اظهار

رشید قارداشیم عبّاس ماتمین قورتار

 

بو بزمه گلمسه اکبر او مظهر طاها

نجه اولور دوتا آرام ناله دن لیلا

 

خبر وئریلدی یزیده که باشلاری گوندر

سرشک چشم خواتینی قانه آز دوندر

 

آوردن سرهای شهدا به عزاخانه :

 

او وقت اولوب که بلا تیری دللری دلدی

عزانی یغماقا صاحب عزا ئوزی گلدی

 

او حالیده که آخاردی عذاره قان یاشلار

منوّر ائتدی عزاخانه نی کسوک باشلار

 

قاباقدا بیر یارالی باش که چوخ منوّر دور

یارالی باش دئمه توحیده عمده مظهر دور

 

محاسنی بلشوب قانه وجهی گرد آلود

ولیک آینۀ وجه ذات داور دور

 

سالوبدی خطّ باشیندا خطوط منکسره

جبینه باشدا اولان خطّ لر برابر دور

 

آغیزدا اوخ یاراسی سجده گهده داش یاراسی

بوغازدا نیزه یری لالۀ محمّر دور

 

هنوز وار لب لعلینده خیزران اثری

قزل گول اوسته هویدا بنفشۀ تردور

 

عقیق لبلر اولوب ظلمیله زبرجد رنگ

نشان چوب جفای یزید کافر دور

 

دالنجا ارخه لنور چوخ هنرلی بیر باشه

یقین بو باشه او باش صاحبی برادر دور

 

او باشدا جلوه لنور چوخ شجاعت آثاری

باخان بُلر که بو شاهه امیر لشگر دور

 

اولوبدی قانیله سرشار چشم مرتضوی

سر منیر ابوالفضل پور صفدر دور

 

نه باش که کاسۀ سرده شکست لیق گورونور

عمود نوفله حاکی جراحت سر دور

 

ووربلا زهرلی اوخ سجده گاه انورینه

کشیده قاشی کماندور مژه چو خنجر دور

 

دولوبدی گوزلری چون مشک قانلو اشکیله

گمان گئدور که بو سقای چوخ هنرور دور

 

یوموبدی گوزلرینی گوئیا خجالتی وار

سکینه دن سو خصوصنده چوخ مکدّر دور

 

گوزون آچانموری باخسون خانملارین یوزونه

عجب رشید دلاور وفالی سرور دور

 

اونون دالنجا گلور بیر گوزل جوان باشی

معاینه دیه سن صورت پیمبردور

 

بشرده یوخدی وجاهتده مثل و مانندی

ملکدی صورت انسانیله مصوّردور

 

باشندا وار عربی زلفی خم بخم پر چین

شمیمی رونق بازار عنبر تردور

 

نه زلف عنبر چین و ختایه طعنه وورار

سبب او زلفیدی مشک ختن معطردور

 

دوشوبدی گوشۀ ابروده هاشمی بیر خال

نه خال دانه و دام قلوب مضطردور

 

ائدوبله باشینی تیغ جنائیله منشق

قلجلانوب باشی گویا باباسی حیدردور

 

باتوبدی خال و خطی زلفی تل به تل قانه

او حسن او خال او خط بیر اسفلی منظردور

 

اناث شام او باشی گورنده سویلدیلر

بولاردا کیم گوره سن بو جوانه مادردور؟

 

او قیز که ساچلارینی یولدی بو باشی گورجک

بو بخت قاره یقیناً بو باشه خواهردور

 

اوجالدی ناگه اوغول وای صداسی لیلانون

دئدی بیر عمردور آدون دیلیمده ازبردور

 

اونون دلالنجا بیر آی پارچاسی طلوع ائتدی

نه آی یوزی دیه سن آفتاب خاوردور

 

ئوزی جواندی قولاقنده قانلو حیدری وار

قاشی، گوزی، یوزی، صنع خدای اکبردور

 

دیوللر آدینه قاسم حسن نشانه سیدور

سریّه آدلو اسیره وفالی دلبردور

 

گلوب او مجلسه اون یدّی یاش بو نحویله

نه مجلس ، اوردا مجسّم بساط محشردور

 

او بزمدن فلکه وامحمّدا اوجالوب

یولوندی ساچ دیه سن بار مشک ازفردور

 

بو حشری محشر عظمائیله ائدن تطبیق

گورر نقدر بو اوندان بلند برتردور

 

جزا شفیعه لری ساچلارین یولاردی تمام

آچان او بزمده باشین بتول اطهردور

 

نه گوردیلر او زمان ئوزگه محشر ائتدی قیام

سبب او محشر کبرایه رأس اصغردور

 

طبقده گتدیله بیر سود امر اوشاق باشی

او آیلارین یانوجا بیر ایشیقلی اختردور

 

امام عصری او باش آغلادور ائدونجه ظهور

گئجه گونوز او باشا انتظار کیفردور

 

(حسینی) حضرت حجت بو قانی بیر گون آلار

امام منتقم و منتظر مظفّردور

 

نقدر وار نفسون خدمتونده ائتمه قصور

نجات حشرده بو خامه و بو دفتردور.

 

مرحوم حسینی سعدی زمان

منبع مجموعه کانالهای مدح و مرثیه

موضوع: احوالات شهر شام ,
زبان شعر و شاعر: نوحه ترکی , حسینی سعدی زمان

 

------------

 

در احوالات حضرت امام سجاد (ع) و شهر شام

 

کومکلر ئولدی ، امام حسین شهید اولدی

تاپولمادی ایدن آلِ محمّده امداد

 

دوشوب کمندِ بلایه حرم غزاله لری

مخدّراته آچوب جور و ظلم الین صیّاد

 

گوزی باخا باخا اولدی اسیر عمّه لری

حیالی باجیلاری چکدی ناله و فریاد

 

بقیّة الله اوزی ناخوش ، اهلِ شامه اسیر

علاوه بوینونا زنجیر ووردی اهلِ عناد

 

ایده لّه ناخوشا حرمت جهاندا رسمیدی بو

غریبه حرمت ایدوب کوفیانِ بد بنیاد

 

ویروبله ناخوشا مَرکَب جهازسیز ناقه

ایا امامِ زمان اهلِ شام الیندن داد

 

گوروبدیلر دوه اوستنده اگلشه بولمور

بیر آیری ظلم ایلیوبلر او فرقهء بیداد

 

ایاقلارین دوه نین قارنی آتدا باغلادیلار

ئولونجه شیعه نی قویماز بو غملر اولسون شاد

 

روایت ایلوری راوی گیرنده کوفیه من

جهازسیز دوه ده گوردوم اول شفیعِ معاد

 

گیوب ایاقلارینا تازه قرمزی چکمه

دئدیم عزالی گیه قرمزی اولور ایراد

 

یاخونلاشاندا نه گوردوم که گورمسون گوزلر

دامارلارینان آخور قانی ، قانه دوندی فؤاد

 

گیدوب او حالیله ابنِ زیاد مجلسینه

او مجلسین ستمین من ایلنمرم تعداد

 

امام بوینونا بیر غل جامعه ووردی

اولوب او بارِ بلادن کمان ، قدِ شمشاد

 

بو ظلمه ایلمدی اکتفا او بدفرجام

پیمبر عترتینی سالدی حبسه ابنِ زیاد

 

نه حبسخانه که تاریک و تنگ بیر یریدی

گوزیمده تار اولور عالم او حبسی ایتسم یاد

 

اوزی درین یریدی هم سو باغلامیشدی عدو

خانیملار اوردا چکردی گیجه گونوز فریاد

 

ز بسکه قول قولا باغلیدیلر خانم بالالار

دگلدی ممکن اوتورسونلا ، نیلسون سجّاد؟

 

او قلبِ عالم ایدوب تاب بیر بیله ظلمه

حصارِ صبری ولی شامده اولوب برباد

 

نجه دیوم که بنی هاشمین خانملارینا

دیارِ شامده کفّار خارجی قویوب آد

 

یزید ایلدی احضار شراب مجلسینه

امام قلبینی قان ایتدی ، ایتدی اخذِ مراد

 

باخوب امامه گهی گولدی گه شراب ایچدی

امام قتلینه گه حاضر ایلدی جلّاد

 

ویروب خرابه ده یر اهلِ بیتِ اطهاره

ندندی اولمادی بر باد بو خراب آباد

 

(حسینی) شکر ایله کفرانِ نعمت ایتمه که حق

فنونِ شعره سنی لطفیله ایدوب استاد

 

اگر چه واردی قوافی ده دال و معجمه ذال

ولی یازوبلار اسانید یوخدی استبعاد.

 

مرحوم حسینی سعدی زمان

منبع مجموعه کانالهای مدح و مرثیه

موضوع: احوالات شهر شام ,
زبان شعر و شاعر: نوحه ترکی , حسینی سعدی زمان

 

------------

 

احوالات کوفه و شام از زبانِ مبارکِ آقا امام سجّاد (علیه السلام)

 

روایت نعمان

 

مصیبتین بیری مافوقین ایلسه تعداد

اولار گوزینده مجسّم ، مصیبتِ سجّاد

 

امامِ ساجده چوخ ظلم اهلِ شام ایلدی

تمام ظلمینی اهلِ جفا تمام ایلدی

 

اولوب خلاص یزیدین الیندن اول شهِ دین

گلوب مدینهء پیغمبری مقام ایلدی

 

اوچ ایل قضیّهء کرب و بلا گچوب ، نعمان

گیدیردی حجّه گلوب یثربه خرام ایلدی

 

مُشرّف اولدی حضورِ امامِ سجّاده

ادب یولیله امامه ازل سلام ایلدی

 

دئدی اولا سنه شاها آتام آنام قربان

بو قدر ظلم سیزه فرقهء ظلام ایلدی

 

بیور گوروم سیزه هانسی بیری اشدّ اولدی؟

امام ذکرینی الشّام شام شام ایلدی

 

بیوردی کرب و بلاده اگر چه قومِ یزید

رجالِ عترتِ اطهاری قتلِ عام ایلدی

 

عَموم ، عم اوغلولاریم ، قارداشیم شهید اولدی

عدو بدنلرینی طعمهء حسام ایلدی

 

تالاندی یاندی خیَم ، اولدی دستگیر حرم

ستمله اهلِ جفا غارتِ خیام ایلدی

 

یانان یانوب ، ئولن ئولدی ، قالان سویولدی تمام

نه غارت؟ اوردا قیامت بیزه قیام ایلدی

 

اولوب اسیر قولی باغلی کوفیه گیتدوخ

زیادین اوغلی او ظلمیله اخذِ کام ایلدی

 

مرتّب ایلدی بیر عیش مجلسی او دنی

عداوتا" او زنازاده اذنِ عام ایلدی

 

بو قدر ظلمه خوشام ، داد شام ظلمندن

ایشیق گونی گوزیمده ظلمِ شام ، شام ایلدی

 

قوبوب حنا اله ، شام اهلی عیش و عشرتیله

گیرنده شهره تماشاچی ازدحام ایلدی

 

ووروبلا هر باشی بیر محملین مقابلینه

او قسمت عترتِ اطهاری تلخکام ایلدی

 

آنا برابربنه ووردولار اوعول باشینی

تصوّر ایله آنا گور نجه دوام ایلدی

 

باجی گورنده جِدا اوسته قارداشین باشینی

هجومِ محنت و غم صبرین اختتام ایلدی

 

گلوب تکلّمه قرآنِ ناطقین باشی

تلاوت آیهء ظلمی سرِ امام ایلدی

 

سورهء مبارکهء شعرا ، آیهء آخر

 

ویروب حرملرینه تسلیت او اعجازی

یارالی قلبلره صوتی التیام ایلدی

 

یارالی باشدا او اعجازی بیر عجوزه گوروب

امام باشینه بیر هتکِ احترام ایلدی

 

او ظلمیله بویانوب قانه هیکلِ توحید

عجبدی صبر ، خداوندِ لاینام ایلدی

 

همان جفائیله دلدن دوشوب لسان الله

سکوت ، رأسِ شریفِ شهِ فخام ایلدی

 

او شهرده اولونوب سنگسار آل الله

یهود طایفه سی بدره انتقام ایلدی

 

علاوه نیزه لیلر فخریله آت اویناتدی

نه شرم ایدوب بو جفادن نه ننگ و نام ایلدی

 

آت اویناداندا یره دوشدی نازنین باشلار

بیز آغلادوخ ، ولی عیش ، ارذلِ انام ایلدی

 

یول اوسته دوزدوله سازنده و نوازنده

علاوه طعن و شماتت ببزه لئام ایلدی

 

بیر آیری فکره بیزیم حقّیمزده دوشدی یزید

جفا یولیله او ناپخته فکرِ خام ایلدی

 

دئدی کنیز آدینا آلِ مصطفانی ساتون

منی حساب اوزینه گوئیا غلام ایلدی

 

ساتاردیلار او یری که کنیزِ دیلم و روم

همان یری بیزه اهلِ جفا مقام ایلدی

 

اگر چه ساتمادیلار ، لیک خلدِ اعلاده

بابام پیمبری بو غصّه تلخکام ایلدی

 

یتوردی تا سوزینی بو یره امامِ مبین

پوزولدی حالتی اوز مطلبین ختام ایلدی

 

دوروب ایاقه مرخّص اولوب ، گیدوب نعمان

امام ناله و لیکن علی الدّوام ایلدی

 

اودور همیشه گچن گونلرینی یاد ایلیوب

گجه گونوز توکوب اشگین نوا مدام ایلدی

 

گورنده سو ، سالوب ئولنلرین یاده

سرین سو ایچماقی اوز نفسینه حرام ایلدی

 

غریب آتاسینا اوتوز بش ایل عزا دوتدی (1)

ئولونجه آغلاماقا سعی و اهتمام ایلدی

 

(1) (خاتم المحدّثین شیخ عباس قمی : منتهی الآمال جلد ۲)

 

گیچودی گوردی کسور بیر قویون باشین قصّاب

دایاندی ناله و شیون او مستضام ایلدی

 

دئدی سو ویروموسن آیا بونون باشین کسوسن؟

جواب ویردی که کیم ذبحِ مستظام ایلدی

 

گلوب فغانه دئدی غریب ئولن بابا وای

بابامی ذبح سوسوز فرقهء ظلام ایلدی

 

یتوردی صائم و قائم اوز عمرینی باشه

او شاهی ظلمیله مسموم تا هشام ایلدی

 

هشام یا که ولید ایتدی اول شهی مسموم

و یا هر ایکیسی هتکِ احترام ایلدی

 

ابوتراب چراغی گچوب ئولوب سجّاد

ترابِ تیره نی اولشاهدین منام ایلدی

 

بودور (حسینی) منیم مقصدیم ئولنده گورم

خدای حق یریمی وادی السّلام ایلدی.

 

مرحوم حسینی سعدی زمان

منبع مجموعه کانالهای مدح و مرثیه

موضوع: احوالات کوفه ,
زبان شعر و شاعر: نوحه ترکی , حسینی سعدی زمان

 

------------

 

فرزدق

 

ایکی رفیقِ مسلمان و مؤمن و دیندار

ایدوبله بو خبرین نظمینه منی وادار

 

یازوبلار عامّه و خاصّه بو معتبر خبری

سوزوم مُفصّل اولار ، گر سایام کتابلری

 

ایگریمدن ۲۰ یوخاری معتبر کتابده وار

بو سوز که محضرِ احبابده اولور اظهار

 

یرینده هر بیریسی بیر بیانِ وافی دور

بیرین بیان ایدورم ، الغدیر ، کافیدور

 

عرب دِلیله یازانلار ایدوبدیلر ایراد

که بهره مند اولا بولمز ، مگر بیوک استاد

 

دوشوب بو فکره (حسینی) مُنظمُ الاَخبار

ایده همان خبری ترجمه ، یازا اشعار

 

که حَظّ ایده ایشیدنلر بو ماجرانی تمام

نه تک خواصّ ، اولا مخطوظ ، بلکه جمله عوام

 

یازولّا وَقعهء طِفّین ، صون ایلرینده هُشام

خیالِ حجّیله ، بیتِ خدایه ایتدی خُرام

 

وقعه طف : یعنی بعد از جریان عاشورا و کربلا

 

همین که مسجدِ بیت الحرامه قویدی قدم

هجومِ خلقدن اولدی ایشیق گونی مُظلَم

 

نقدر سعی ایلدی اول لعینِ شوم و رذیل

یول اولمادی ، حَجرُ الاَسودی ایده تقبیل

 

ایدوبدی امر او بی دین و کافر او دمده

قویوبلا بیر اوجا منبر ، کنارِ زمزمده

 

چخوبدی عرشهء منبرده ، اگلشوبدی یره

که وقت اولا ، یتوره بلکه نحس الین حَجَره

 

آلوبدی دوره سینی شامیان ، گروه گروه

یغیشدی دوره سینه بیر جماعتِ انبوه

 

او دمده قلبینی بیر تیرِ غم ایدوب آماج

نه گوردی بیر بیره دگدی جماعتِ حُجّاج

 

ادب یولیله یول آچدی ، هامی اُناث و رجال

باخاندا گوردی ایدوب بیته بیر جوان ، اِقبال

 

دالی دالی چکلیوب ، حاجیان ، قبیل قبیل

یتوب جوان ، حجرالاسودی ایدوب تقبیل

 

بنی امیّه دن او دمده بیر نفر شامی

بو ماجرانی گورنده کسیلدی آرامی

 

سؤال ایلدی کیمدور بو نوجوانِ عرب؟

بو قدر حرمت و اجلالِ خلقه وار نه سبب؟

 

هُشام مطلبی فاش ایتماقا ایدوب پروا

تَجاهُل ایتدی ، دئدی من تانومورام اصلا

 

او یرده حاضریدی ، بیر نفر اوز آدی هُمام

ابوفراس ، فَرزدَق لقب ، نکو فرجام

 

اوجا سسیله دئدی اول مُحبّ خیرالانام

بونی اگر تانومورسان ، سنه تانیتّدورام

 

تَجاهُل ایتدون اگر معدنِ کرمدن سن

لزرمی وار بو جوان کیمدی آندورام سنه من

 

او کسدی بو که تانور سربسر بونی بطحا

تَهامه داغلاری ، عارفدی جمله سرتاپا

 

وَجَب وجب تانوری بو جوانی ، خاکِ عرب

نه مکّه و نه مدینه ، مصر و شام و حَلَب

 

خدای بیت ، ایله شأنینی ایدوب اعظم

بو نوجوانی تانور جمله بیت و حِلّ و حرم

 

بو نوجواندی بو گون عرش و فرش اهلنه شاه

بو نوجواندی بو گون ، اِبنِ خیر خلقُ الله

 

بونون آتاسی او کسدور ، تانور هامی عالَم

او اولماسیدی گر ، اولمازدی خلقتِ آدم

 

بونون آتاسی مُلَقّبدی احمدِ مختار

گر اولماسیدی او ، اولمازدی گنبدِ دوّار

 

بونون آتاسینا حق نازل ایلیوب آیات

همیشه لوح و قلم گوندرر اونا صلوات

 

بونون مقامینه گر عارف اولسا ، رُکنِ حَطیم

ذلیل بنده تک ایلر بو سَروره تعظیم

 

اگر بو رُکن بوله ، کیم ایدوب اونا اِقبال

ایدر بو سَرورِ عالیجنابی استقبال

 

جلال و جاهده اوندان بیوک مقامه یتر

بو سیّدِ عَلَوینین الین ایاقین اوپر

 

علیدی بو گَله نین آدی ، جدّی پیغمبر

هامی او تورِ هدایتدن اقتباس ایلر

 

تانور مهاجر و انصار ، یوخ ایدن انکار

بونون عموسیدی ، عالَمده جعفرِ طیّار

 

بونون آناسیدی مرضیّه ، فاطمه نامی

آتاسینون قلیجی قوزویوبدی اسلامی

 

بونی گورنده قُریش اهلی سسلنر باهم

بونون مَکارِمینه ، منتَهی اولوبدی کَرم

 

قویوبدی ذروهء اعلاده بیر مقامه قدم

که یتماقا اونا قاصردی ، جمله عُرب و عجم

 

تانیسا گر بونی رُکنِ حَطیم ، ایدر سرعت

تشرفّینده تاپار استلامده سبقت

 

یومار همیشه گوزون کثرتِ حیاسیندن

ایده لّه غَمض ، خلایق بونون هراسیندن

 

غمض : چشم پوشیدن

 

آلان زماندا اله ، چوبِ خیزراندان عصا

او خیزرانه ایدر غبطه شاخهء طوبی

 

هدایتین گونی طالع اولور جمالیندن

کماله شمس یتوبدور ، بونون کمالیندن

 

اولوبدی نَبعَه سی مُشتق رسولِ اکرمدن

بونون عناصری پاک اولموش ، اهلِ عالَمدن

 

نبعه : رشتهء باریک از قنات

 

تَجاهُل ایتمه بو سوز گون تک آشکارادور

بونون آتاسی محمّد ، آناسی زهرادور

 

نبوّت امرینی جدّینده حق ایدوبدور خَتم

محبّتین بولارین خلقه ایلیوبدور حَتم

 

عطا ایدوب بونا ، بو عزّتی خدای قدیر

یازوبدی لوحده اوّلده خامهء تقدیر

 

بونون مقامینی انکارون ایلمز مُبهم

تانور بونی یر اوزینده تمام عُرب و عجم

 

بونون ایکی علیدور ، مطلقا غیاث وَری

ایله کریمدور ، اصلا گتورمیوب دِله لا

 

بونون ایکی علیدور ، مطلقا غیاث وَری

ایله کریمدور ، اصلا گتورمیوب دِله لا

 

گر اولماسیدی تَشَهّدده ذکرِ کلمهء لا

بونون دلیندن ایشتمزدی لا ، بوتون دنیا

 

او لانی واجب اگر ایتمسیدی ربّ حَرَم

اولوردی کلمهء لا ، بو جوان دلینده نَعم.

 

نه دل ربادی فقط ، صورتِ دل آراسی

ایدوبدی حُسنینی تکمیل ، خُلقِ زیباسی

 

هامی قبایل اگر دهرده اولا قَدّاح

بونا یتنده ، دونوب سر به سر اولار مدّاح

 

خِلاف وعده سی یوخدور ، خُجسته طلعتدور

بونیله دارِ فنانین عذابی راحتدور

 

بولود نجه چکلنده ایشقلانار خورشید

ایله سخاوت و احساندی بو جواندا پدید

 

محبّتی بولارین رشتهء دیانتدور

عداوتی بولارین مایهء ظلالتدور

 

اگر سوروشالار کیمدور تقی ؟ دیلله بولار

اگر سؤال اولا ، کیمدور نقی ، دیلله بولار

 

سؤال اگر اولا بو آسمانیدن بِالفَرض

بیان ایله بیزه کیمدی خیرِ اهلِ اَرض؟

 

آچار صراحتیله دل ، کواکب و اَنجُم

دیلله صفحهء غبراده یوخدی اِلّا ، هُم

 

نه بیر جواد یتر جودده بونا ، اصلا

نه بیر کریم ، کرمده بونا اولار همتا

 

بولاردی ختمِ رُسُلدن صورا ، اِکرامُ النّاس

بو فاش مطلبی دانماز ، مگر لئامُ النّاس

 

کفِ بسیطینه نُقصان یتورمیوبدور عُسر

بولار کرمده برابردی حالِ عُسریله یُسر

 

عسر : سختی

یسر : آسانی

 

بو قوم ذکری مُقدّمدی ، بعدِ ذکرالله

علومِ بَدویله خَتمه ، بولاردیلار آگاه

 

آتام فدا بو دودمانه اولادور

که ساحتی بولارین ، عیبدن مُبرّی دور

 

ولایتین بولارین ، حق ایدوبدی قلّاده

سالوبدی بوینونا خلقین ، بو دارِ دنیاده

 

گر اولماسیدی بولار ، روزیله شب اولمازدی

گر اولماسیدی بولار ، دین و مذهب اولمازدی

 

سوزین همینکه فرزدق ، بو یرده ایتدی تمام

دوشوب نهادینه اود ، قهر و غیظه گلدی هُشام

 

دئدی فرزدقین آدین سیلون دَفاتِردَن

کسون حقوقینی ، طَرد ایلیون مَحاضردن

 

سووومادی اورگی ویردی تازه بیر فرمان

دئدی فرزدقی ، ایتسونله عازمِ عَسفان

 

فرزدقی گتوروبلر دیارِ عسفانه

او رادمردی سالوبلار او یرده زندانه

 

سووومادی اورگی ویردی تازه بیر فرمان

دئدی فرزدقی ، ایتسونله عازمِ عَسفان

 

فرزدقی گتوروبلر دیارِ عسفانه

او رادمردی سالوبلار او یرده زندانه

 

ویروبله حضرتِ زین العباده بو خبری

حضورِ انورینه دعوت ایتدی بیر نفری

 

بویوردی بیزدن اوتور ، یوز ویروب هُمامه ستم

آپار فرزدقه فورا" ، اون ایکی مین دِرهَم

 

او شخص آلدی او وجهی ، که لطف قیلدی امام

گتوردی ویردی ، قبول ایتمدی و لیک هُمام

 

دئدی که پولدان اوتور ، ایتمدیم بو امره قیام

فقط پیمبره خاطر ، من ایلدیم اقدام

 

یتوردولر بو سوزی تا امامِ سجّاده

دئدی بیزیم یانیمزدا وار اجری عُقباده

 

دیون خجالتم ، عذر ایستورم ، الیم بوشدور

گر اولسا مین بیله بذل ایلسم ، گینه خوشدور

 

بیز اهلِ بیت ، اونی که ویردوق ، آلماروق واپس

بیز اون قدم گلروخ ، گلسه بیر قدم هرکس

 

سحابِ جود و عطایوخ ، بیز اهلِ دنیایه

دوباره قطره قیتمز ، سحابِ عظمایه

 

اونی قسم ویرورم ، حقّیمه قبول ایتسون

مباد ردّ عطادن منی ملول ایتسون

 

گلوب هُمامه ، امامین یتوردیلر سوزینی

بولوب موظّف ، عطانین قبولینه اوزینی

 

فرزدق آلدی او وجهی ، قیتدّی پیکِ امام

او رادمرده ولی ، امری سخت دوتودی هُشام

 

ابوفراسی اوزون مدّت ایتدی زندانی

هُمام گوردی خلاص اولماقا ، یوخ امکانی

 

او حبس خانه گونون شامه دوندردی

یازوبدی نامه ، حضورِ امامه گوندردی

 

امام قوزادی دربارِ کبریایه الین

سالوب فرزدقی یاده ، آچوب دعایه الین

 

همین که ایتدی تقاضا ، حضورِ یزداندان

خلاص اولدی فرزدق ، فشارِ زنداندان

 

گلوب اولوبدی شرفیابِ پای بوسِ امام

کمالِ یأسیله عرض ایتدی ، ای امام هُمام

 

منیم حقوقیمی قطع ایلیوب ، هُشامِ لعین

حقوقیم اولماسا ، اولّام نیازمند و غمین

 

بویوردی نچّه آلاردون ؟ او سیّدِ ابرار

دئدی هُمام ، که یا سیّدی فلان مقدار

 

امام قرخ ۴۰ ایل اونون آلدیقین حساب ایلدی

ویروب فرزدقه ، اوندان صورا خطاب ایلدی

 

اگر بولییدیم اولورسان اضافیه محتاج

سنه اصافه ویروب ، دردوه ایدردیم علاج

 

ولی بو قدر که ویردیم سنه کفایت ایدر

سنی همین عَطیّه دن ئولونجه راحت ایدر

 

هُمام آلدی همان وجهی ، اولدی فارغبال

آلوب اجازه یولا دوشدی ، خرّم و خوشحال

 

یازولّا قرخ ایل او گوندن صورا جهاندا ، هُمام

قالوبدی زنده ، عیان اولدی سِرّ لفظِ امام

 

اگر چه شیعه نی دلشاد بو روایت ایدر

قلم بیر اوزگه روایت ولی حکایت ایدر

 

همین امامیدی آلِ امیّه ایتدی اسیر

همین امامیدی ، ووردی عدو اونا زنجیر

 

داخل پرانتز

 

او قیدی بوینوما سیز باغلاسوز ، آچان دگلم

نه قدر ساقدی سکینه باجیم ، قاچان دگلم

 

همین امامیدی آلِ امیّه ایتدی اسیر

همین امامیدی ، ووردی عدو اونا زنجیر

 

دیر که شامده گوردوم او سَروری مِنهال

بویوندا بیر غلّ جامع اوزی پریشانحال

 

علیل دور بدنی ، کهربا کیمی سارالوب

توپوخلاریندان آخور قانی ، غم توانین آلوب

 

وحودِ پاکینی تشریحِ محض ایدوب غملر

اولوبدی ساقلری خشگ نِی کیمی لاغر

 

پوزولدی حالیم او دلخسته قیدینه قالدیم

ویروب سلام ، حالینی خبر آلدیم

 

دئدیم فدا سنه یا سیدی هارا گیدوسن؟

بو قوم الینده ننوعیله صبحی شام ایدوسن؟

 

جواب ویردی که نیلردی آلِ اسرائیل

مُسلّط اوندا کی اولموشدی قبطیانِ رذیل

 

کیشلرین اولارین ئولدوردولر یکسر

اوشاقلارین اولارین ذبح ایدردی قِبطیلر

 

اسیر ایدوبله عورت لرین عدواتیله

دیردیلر اولارا ناسزا شماتتیله

 

اولارا هر نه که فرعون ایتدی جور و جفا

اونون نظرینی ایتدی بیزه بو قومِ دغا

 

اسیر اولا او کسی که یزیده یا منهال

نجه صباحی ایدر شام ؟ اوزون خیالوه سال

 

بیزه ویروبدیله بیر یر بو فرقهء باطل

نه ایسّیدن نه سویوقدان اولور بیزه حایل

 

خرابه ده نه چکور اهلِ بیت ، یوخ آگاه

فقط اونی بولور الله ، بیرده آل الله

 

یزید ایلوری هر دم که بیزلری احضار

طناب الده گلوللر خرابیه اشرار

 

دوشولّه وحشته اولادِ احمدِ مختار

خیال ایدولّه که ئولدورماقا ایدور احضار

 

ایدوب علاوه منی غلِ جامعه دلگیر

دگنده گون قیزیشور ، یاندورور یرین زنجیر

 

بو فکریله چخورام کولگه ده بیر آز دولانام

تاپولسا سایه بیر آز کولگه یرده دالدالانام

 

دیر بو حالده منهال گلدی بیر شیون

دونوب باخاندا نه گوردوم بلند قد بیر زن

 

خرابه نین قاپوسیندا دوروب چوخ پریشانحال

امامی سسلوری او شیرزن ، دیور که تَعال

 

گَل ای گیدنلریمون یادگاری ، گل دورما

تکلّم ایتمه ، بو شام اهلینی دانیشدورما

 

خبر ویره لّه یزیده بو شامیانِ جهول

آتان کیمی سنیده ظلمیله ایدر مقتول

 

آتان شهید اولالی ، ای سُلالة الاَبرار

تکوبله گوز سنه بی خانمان قالان بالالار

 

دئدیم امامه که کیمدور بو عصمتِ علیا؟

جواب ویردی که عممّدی زینب کبری

 

دایان (حسینی) دایان ویرمه مطلبه طول

ایدر بو مسئله قلبِ امامِ عصری ملول

 

یانورسان ، آغلا اوزون یان ، جهانی یاندورما

ولیّ عصر امامِ زمانی یاندورما

 

نجه هُمامه صله ویردی حضرتِ سجّاد

دلِ ملولینی ایتدی ملالدن آزاد

 

امامِ عصرده او شاهه اقتدا ایلر

بو یازدیقون سوزه ، عالی صله عطا ایلر.

 

مرحوم حسینی سعدی زمان

منبع مجموعه کانالهای مدح و مرثیه

موضوع: سایر موضوعات ,
زبان شعر و شاعر: نوحه ترکی , حسینی سعدی زمان

 

------------

 

در شهادت حضرت امام سجاد (ع)

 

یتمه میش اتمامه شاه کربلانون اربعینی

ظلمیله هشّام مسموم ائتدی فخر الساجدینی

 

شیعه نین اگنینده غمدن وار هله ماتم لباسی

تازه دن بیر غم یتیشدی تازه لندی غم لباسی

وار یری نیلی گر اولسا آدم و خاتم لباسی

سندیروب آل امیّه چونکه بیر رکن رکینی

 

عالم امکان وجوده گلمییدی کاش عدَمدَن

اگمییدی بار محنت قامت زهرانی خمدن

ای صبا گئتسن بقیعه وئر اشاره بو اَلَمدن

تا اوجالسون عرشه یردن عصمت کبری حَنینی

 

عرض ایله ای دخت طاها گل فغان و داده آغلا

آل طاهایه بنی حرب ایلین بیداده آغلا

گَه خانیم اوغلون حسینه گَه بالان سجّاده آغلا

گونۀ زرفامه گوزدن قیل روان دُرّ ثمینی

 

چوخ جفا و جور ائدوبدور بو امامه قوم اعدا

گولمیوب بیر گون اؤرکدن مدّت عمرینده اصلا

شاه دین مقتول اولان گون شمر شوم بی مهابا

چکدی عریان ناقه اوسته کوفیه بو بی معینی

 

کوفه ده ابن زیادین مجلسینده گوردی چوخ غم

گوز یاشی آخدی گوزوندن گول یوزونده دوزدی شبنم

چرخ دون سالدی فشاره بو شهنشاهی دمادم

حالینه اود دوتدی یاندی زینبون قلب حزینی

 

غُلّ جامع گردنینده دستگیر اولدی لئامه

بی مروّت آل هندین یتمدی ظلمی تمامه

یتدی نه وضعیله بُلمَم حجّت حق شهر شامه

اوتلی نی لر ائتدی سوزان رأس زین العابدینی

 

اولمیوبدور آل طاها تک اولان مظلوم دوران

گاه سجّاده ووروبلا غُلّ جامع قوم عدوان

گاه اولوب موسی ابن جعفر قیدیله مأنوس زندان

گه حسین قانی یم ایلوب خشک و سوزان سرزمینی

 

تا نفس وار بو ((حسینی)) وار یری گر اولسا گریان

گوز یاشی یاغدورسا گوزدن عارضه مانند باران

جدّینی ئولدوردی اعدا سو کنارینده لب عطشان

بی کفن قالدی یر اوسته جسم پاک و نازنینی

 

مرحوم حسینی سعدی زمان

منبع مجموعه کانالهای مدح و مرثیه

موضوع: حضرت امام سجاد (ع) احوالات ,
زبان شعر و شاعر: نوحه ترکی , حسینی سعدی زمان

 

------------

 

ورود به کوفه

 

هر کیمسه اهلِ دلدی اونون دلستانی وار

هر دل که دلستانی وار آه و فغانی وار

 

چوخلار ویروب بو عالَم آرا دلستانه دل

امّا کیمون منیم کیمی بیر دلستانی وار

 

بیر دلستاندی مندن آلان دل که بیر جهان

از جان گذشته عاشقی وار خسته جانی وار

 

بیر دلستاندی سوزِ عطش خشک ایدیب دلین

مؤمنلرین دیلینده مقام و مکانی وار

 

شهدور آتا آنا طرفیندندی ذُوالحَسَب

هر مملکتده شهرتی نام و نشانی وار

 

اسمِ شریفی صفحهء تاریخ زینتی

یوز مین لریله مادحی وار نوحه خوانی وار

 

آدی حسیندی آدینا قربان آتام آنام

روحُ الامین کیمی خدمِ آستانی وار

 

فخریم بودور که من او شهین نوحه خوانیم

بو نوحه خوانلیقین شرفِ جاودانی وار

 

سانما حقیر رتبه سینی نوحه خوانلیقین

هر کیمسه نوحه خواندی بیوک عزّ و شانی وار

 

بو شرطیله که پاک دل و متّقی اولا

تقواسی اولماسا ایکی دنیا هواسی وار

 

سرمشق نوحه خوانلیقی بیزه بیر نوحه خوان ویریب

دنیا بوئی او نوحه گرین داستانی وار

 

شیرِ خدا عزیزه سی زهرایه یادگار

محکم بیانی ، منطق ِآتشفشانی وار

 

دیلده بسانِ شیرخدا آتشین کلام

گوزده اسیرلر کیمی اشکِ روانی وار

 

بیر کوفه کی او یرده علی حکمرانیدی

ایندی قیزی گلور قولونون ریسمانی وار

 

بیر زینبی که قامتی شمشادِ رشکیدی

بارغم وملالیله قد کمانی وار

 

حبس ایلیوب نفسلری نطقِ بلیغیله

هانسی مُبلّغین بیله نطق و بیانی وار

 

ساکت ایدوب جرسلری بیر لفظِ اُسکتو

بو قدرتین مباحثه ی بیکرانی وار

 

ایله تکلُّم ایلوری هر کیم گورور دییور

بو مرتضادی معجزِ رَطْب اللّسانی وار

 

کوفیلره خطاب ایدر ای اهلِ غَدر و مکر

بوینوزدا سیز جماعتین الله قانی وار

 

بولسوز که هانسی بیر جگری پاره ایتمیسوز

فان اغلاسا گوزور دیلوزون امتنانی وار

 

قلبِ رسول اکرمی سیز ایتموسوز دو نیم

سیز ایلین جفادن اونون اَلاَمانی وار

 

ریسنده پیرزن کیمی پشمی نخ ایلیوب

پوزدوز گینه بو مسأله نین داستانی وار

 

بیر صبح شامه تک چالیشوردی او پیرزن

آخشام گورردی حاصلی یوخ خسته جانی وار

 

فِعلوز اونا شبیهیدی امّا بو فرقیلن

تنها گورردی او  که یورولموش بَنانی وار

 

امّا سیزون جنایتیزون یوخ نهایتی

محشرده عدل محکمه سینده زیانی وار

 

قرآنه پشت پا ووروب اسلامی دانموسوز

هانسی بیر امّتین بیله جرمِ عیانی وار

 

هانسی یرین خراب شده شهر ِکوفه تک

شمر ِشریری وار؟ داش اوره کلو سَنانی وار

 

گه کف چالوب بیزه گولوسوز گاه آغلوسوز

هانسی ولایتین قوناقا کف چالانی وار؟

 

بیز سولموشوخ ، ولی گُل آچیب نوکِ نیزه لر

بولمم بهاری وار بو یرین یا خزانی وار

 

سیز آغلوسوز بیزه ، بیزی بس کیملر ئولدوروب

سیز ملّتین پیمبره بُغضِ نهانی وار

 

شیرِ خدا قیزی قیزیشوب شیرِ حق کیمی

تشریح ایده خیالی ، اولان ماجرانی وار

 

ناگه ایشیتدی سیّدِ سجّاد سسلنور

عمّه دایان بو ایشده خدا امتحانی وار

 

سنسن جهاندا عالِمهء بی معلّمه

دنیاده یوخ وفا هره نبن بیر زیانی وار

 

بیش گوندی بو ریاستی آل امیّه نون

ویرسون بُروزه قوی نه جفایه گمانی وار

 

عزّت بیزیمدی ، سلطنت حقه بیزده دور

پاینده قالسون عزّتیمیز حق ضمانی وار

 

بو حالده نه گوردوله کوفه جماعتی

شمرِ شریرین الده اوجا بیر سِنانی وار

 

نوک ِسِناندا سرفه ایدور بیر یارالی باش

گویا خیالی گوستره سِرّ خدانی وار

 

بیرده باخاندا گوردوله قرآن اوخور اوباش

دیلده کلامِ لم یزل و لامکانی وار

 

بیر بیرلرینه سویلدیلر خارجی دگول

قرآن اوخور گوزونده سرشکِ روانی وار

 

زینب ایشیتدی بو سسی سسلندی باشوون

فکری هدایت ایلماقا کوفیانی وار

 

هانسی امیرِ قافله نین سن کیمی حسین

دلخسته ، دست بسته بیله کاروانی وار

 

به به نه یاخشی وقتیده قرآنی باشلادون

بولسونله یاد ایدن بیزِ بی‌خانمانی وار

 

سوز صاحبی (حسینی) سنه اوزگه دل ویروب

هر شاعرین بو عالم آرا بیر زبانی وار.

 

مرحوم حسینی سعدی زمان

منبع مجموعه کانالهای مدح و مرثیه

موضوع: احوالات کوفه ,
زبان شعر و شاعر: نوحه ترکی , حسینی سعدی زمان

 

------------

 

احوالات کوفه

 

بو گوزل سسونده قارداش آتاما شباهتون وار

اوخی من دلون فداسی نه گوزل تلاوتون وار

 

 او یارالی باشه قربان اوخوری جداده قرآن

 

بو وفاسیز اهل کوفه آتامیز علی ئولندن

ائده بولموب استفاده کلمات بوالحَسَندن

گه آلار اوصوتی مندن گهی نوک نی ده سندن

من او لهجه ایله ناطق سن او دلده صحبتون وار

 

بیزه فخریدور اسارت بیزه لطفیدور شهادت

آتادان بو باش یاراسی یازیلوب سنه وراثت

ولی مرتضی باشیندان وورولوبدی بیر جراحت

سنون ای باشی بلالی اون ایکی جراحتون وار

 

بو خراب اولان دیاره ایکی دفعه گلمیشم من

منه پیشوازه قارداش ایکی دفعه گلموسن سن

او زمان عزیز و خرّم بو زمان اسیر دشمن

او زمان آت اوسته ایندی سر نی ده رفعتون وار

 

او زمان نوازشیله منه ایلدون محبت

بو زمان یارالی باشون منه آرتورور محبت

باجووا نه خوش دلیله ائدوسن وفا و رأفت

دیه بُلَّم اوندان ایمدی منه چوخ محبتون وار

 

باجوین عزیز جانیم سسووه بو جانی قربان

بو خیالیله اوخورسان یارالی باشیله قرآن

دئمه سونله خارجی دور باشیوا بو قوم بطلان

نه گوزل دلیل قاطع نه گوزل بلاغتون وار

 

بو فصاحت و بلاغت و بو حقایقه اشارت

بو محیّر العقول ایش بو یارالی باش بو صحبت

بو ودایع رسالت بو حرایم خدارت

ائدر اهل کفره ثابت نه گوزل دیانتون وار

 

بئله لحن دل کشیله اوخوموب زبوری داود

ائله جذبه وار سسونده که بو اشقیای مردود

ائدوب ازدحام ائشیتجک هامی یولّار اولدی مسدود

ائله نغمۀ حجازی ائله خوش قرائتون وار

 

گوروسن نه شرم ائدوللر نه حیا بو بد جماعت

یوخ ائدن بیزه حمایت ائدور اشقیا شماتت

اوخوسان جداده قرآن ائدوسن اوزون حمایت

سویولان مخدّراته نه گوزل حمایتون وار

 

نه گوزلدی حقّه برهان رخ حق نما دلیندن

نه گوزلدی شرح ایمان شه اتقیا دلیندن

نه گوزلدی صوت قرآن مَثَلِ خدا دلیندن

مَثَل اولماقا سزاسن او دِیَن عبادتون وار

 

باشون ای هلال زینب یتوشن زمان کماله

یتشوب غروبه سالدون منی ظلمت ملاله

نیه کول دوتوب جمالون بو نه آیدی بو نه هاله

کیمه میهمانیدون سن نیه خَسف علامتون وار

 

دئمورم که تک تک آل شه لافتانی دیندیر

دئمورم شکسته حالم منِ بینوانی دیندیر

اَریَه یاخوندی قلبی بو کیچیک بالانی دیندیر

بئله وقتیده بولوندور اونا نه عطوفتون وار

 

نقدر سنون «حسینی» اولا مهلتون اجلدن

بو حسینه خدمت ایله دوشه قویما خامه الدن

نقدر الون بوش اولسا بو جهاندا خیر عملدن

گینه وار امید رحمت چون حسینه نسبتون وار

 

مرحوم حسینی سعدی زمان

منبع مجموعه کانالهای مدح و مرثیه

موضوع: احوالات کوفه ,
زبان شعر و شاعر: نوحه ترکی , حسینی سعدی زمان

 

------------

 

حضرت علی اصغر (علیه السلام)

 

 او شیر خواره نی دفن ایلدی امام انام

و لیک قویمادیلار قبرده سپاه ظلام

 

اودم که ظلمینی اتمامه ویردی قوم شریر

گچوب جدالره باشلار، بسان مهر منیر

 

باخوب او باشلارا وقاص زاده نطقه گلوب

سکینه باغرینی تیر عداوتیله دلوب

 

دئدی بو باشلار ایچینده گورنمورم بیر باش

او باشی تاپماقا سیز ایلیون بو دمده تلاش

 

حسین النده گتورمشدی بیرجه طفل صغیر

سو ایستینده بوغازینا ووردی حرمله تیر

 

اونون جنازه سی هر یاندادور گرک تاپولا

جدا باشنا اونون قانلی باشی زینت اولا

 

بو حکمی لشگره تا ویردی اول عدو خدا

سوار اولوب آتنا اون نفر، الده جدا

 

(قویوبلا ایمدیه دین سینم اوسته اللریمی

دیوله نیزه ائله آختارولا اصغریمی

 

باشین کسله تاپولسا، دیون نه چاره ایدیم؟

منه نجف یولونی گوسترون هرایه گیدیم

 

آتاسی دفن ایدوب، آت نعشی اوسته چاپمیالار

گلون دعا ایلیون، اصغریمی تاپمیالار

 

واریمدی نسگلی جان ویرمیوب قوجاقیمده

 نجه گوروم کسه لر باشینی قباقیمده)

 

(گل دعا ایله سکینه شام و کوفه لشگری

تاپماسون بلکه قیزیم نعش علی اصغری)

 

(عمه دل ترابدن ظلم الی گوهر آختارور

نیزه لرین وورور یره اصغری لشگر آختارور...)

 

یره وراردیلا غیظیله نوک نیزه لری

بو قصدیله تاپالا بلکه تا او سود امری

 

بیری او حالده یاندوردی جمله آفاقی

چخاتدی نیزه باشندا او قانلی قونداقی

 

آخور گوزوم یاشی، بو مطلب اود وورور جگره

محالدور داخی پرده چکم همین خبره

 

نجه حسین سوه نون اشگیله گوزی دولماز

بلی جفا اولی، بو انتهاده ظلم اولماز

 

بو ظلمی گور آپارار قبره صاحب الاسلام

او ظلمی اصغره گوردی روا او بد فرجام

 

یتوب بیوک یره سوز، آه یا امام زمان

اوزوندن ایستورم عذر، ایلیم او ظلمی بیان

 

او ظالمی که تاپوب اصغرین جنازه سینی

آلوبدی دست قضادن جفا اجازه سینی

 

تمام لشگره تاپماقلیقینی آندوردی

ازل جداده او قونداقی بیر دولاندوردی

 

حریم محترمین اختیارینی آلدی

او سود امر بالانی نیزه دن یره سالدی

 

توکوب رباب و سکینه عذاره گوز یاشینی

آتندان اندی او ظالم، کسه اونون باشینی

 

گوروب بوغازی او طفلین ز بس لطیفیدی چوخ

بچوب بوغازینی باشدان باشا، قلج کیمی اوخ

 

قالوبدی بیر دری آویز، قطع اولوب حنجر

باشین آیریماقا لازم دگل داخی خنجر

 

گریز احوالات حضرت صغری (س)

 

نه ظلم اولوب دئمرم یوخ دلیمده شرحنه تاب

بو قدر وار که یوموب گوزلرین آناسی رباب

 

گوروب سکینه بو حالی الین قویوب گوزینه

آلشدی قلبی گینه تسلیت ویروب اوزینه

 

یانا یانا توکوب آغلار گوزی یوزه قانیاش

دیردی بوندان ازل من علی ئولیدیم کاش

 

نه تک سکینه نی جاندان بو غم اوساندوردی

بیوک کچیک حرم مصطفانی یاندوردی...

 

قسمتی از اشعار مرحوم حسینی سعدی زمان ،

در کتاب کنزالحسینی ،

گریز احوالات حضرت صغری' سلام الله علیها

اشعار داخل پرانتز به ترتیب از

مرحومین دخیل ، عاصی و نجمی می باشد.

 

منبع مجموعه کانالهای مدح و مرثیه

موضوع: حضرت علی اصغر (ع) احوالات ,
زبان شعر و شاعر: نوحه ترکی , حسینی سعدی زمان , نجمی , عاصی , دخیل مراغه ای

 

------------

 

احوالات حضرت علی اصغر (ع)

 

بخش اول

 

دوتوبدی آئینه ی قلبیمی غبارِ ملال

حسین مصیبتی ایلوب منی پریشانحال

 

گرک علاقهء دل ، عیشِ دهریدن کسیله

غبارِ قلبیمی گوزدن آخان سرشک سیله

 

عزیز فاطمه دوشدوقجا یاده ، دیده دولور

آخور گوزوم یاشی یالقوزلیقی مجسّم اولور

 

معاینه گورورم تک قالوب او سبطِ رسول

دوروبدی مرکزِ میداندا دلفکار و ملول

 

گهی خیامینه یوز دوندروب او شه باخوری

باخور بالالارینا اشکِ حسرتی آخوری

 

صاقا صولا نظر ایلور او شهریارِ زمن

گورور او دشتیده یوخ بیر کمکلیق ایدن

 

دوتوب یوزین قوشونا اول امامِ کلّ انام

خطاب ایلوری ای اشقیای کوفه و شام

 

یازوبسوز اون ایکی مین نامه ای سپاهِ دنی

قوناق چاقورموسوز آخر منِ فلک زده نی

 

عیالیمی گوتوروب گلدیم احترام ایده سوز

منِ غریبه نه کی ظلموزی تمام ایده سوز

 

قوناقه رسمیدی هر یرده احترام اولونی

گوروبدی کیم قوناقا باغلاسونلا سو یولونی

 

دیلیم دوداقیم عطشدن یانور کباب اولوری

جگرلریم آلشور عمریمون گلی سولوری

 

سودان بودشتیده محروم و بی نصیبم من

گلون مروّته رحم ایلیون غریبم من

 

بو بس دگول که ایدوبسوز منی سودان محروم

زمانه نون گوزی گورموب منیم کیمی مظلوم

 

جوانلاریم هاموسی دوغرانوب بو صحراده

بالالاریمدا گلوبلر خیامیده داده

 

ایدون بو السیز ایاقسیز اوشاقلاریما نگاه

گلون ترحم ایدون خاطراً لِوَجهِ الله

 

ترحماً منی گردابِ غصه دن اوتورون‌

بالالاریما باخون ، من غریبم ال گوتورون

 

اسوب سمومِ ستم سولدی ظلمیله چمنیم

گل اوزلی اکبریمون ئولماقی بسیمدی منیم

 

گورندن اکبریمی جان ویرور قوری یرده

گیدوبدی گوزلریمون نوری گلمیشم درده

 

چکیلدی لاله کیمی داغ قلبیمه بولورم

چتین قالام قیریلوب بندی قلبیمون ئولورم

 

بیلیم سینوبدی ابوالفضلیدن صورا نه حیات

خیالیم عمر اولا عباسیدن صورا هیهات

 

باخون خیامیمه اما گورون نه وحشتدور

بو آغلیانلار اوشاق ، قاره معجر ، عورتدور

 

بولارکی کان حیا ، نِی کیمی نوالیدیلر

سیزون پیمبریزون سربسر عیالیدیلر

 

یوخومدور الده علاجیم بو اضطرابه نِدیم

قویون بولارین الیندن دوتوم فرنگه گیدیم

 

عیالیمی گوتوروب روم و دیلمه گیدرم

سیزه ئولنلریمون قانینی حلال ایدرم

 

مگر منی تانومورسوز منیله جنگ ایدوسوز

بو قدر عرصه نی منِ بی پناه تنگ ایدوسوز

 

آنامدی فاطمه جدّیم رسولِ اکرم دور

آتام علیدی حسن قارداشیم مسلّمدور

 

اماموزام هامی احکامِ دینه آگاهم

تمامِ خلقه بو عالمده حجت اللّهم

 

خیال ایدون نه امامم نه مصطفادی بابام

نه فاطمه دور آنام نه ولیّ حقدور آتام

 

نه سبطِ احمدِ مرسل نه شاهِ ذوالحَسَبم

بو قدر واردیکی منده سیزون کیمی عربم

 

موحّدم اوزوم اسلامی ، هاشمی ، عربی

منیم قانیمی هدر بولماقین ندور سببی

 

بیری کمکسیز اولا رحم ایدر اونا دشمن

غریبم آرخاسیزام ال چکون داخی مندن

 

دئدی زبسکی بو سوزلردن اول امامِ کبیر

ایدیب ایکی نفره اول سپاهیدن تأثیر

 

چکوب قلیجلارین اول شاهه ایتدیلر نصرت

ولیک کوفه و شام اهلی ویرمدی فرصت

 

گلوب تموّجه دریا کیمی قوشون یکسر

شهادته یتوشوبلر همان او ایکی نفر

 

گینه او دشتیده مظلوم امام تک قالدی

یانوقلی قلبینه یالقوزلیقی شرر سالدی

 

نقدر سوز دئدی اولقومه سیّدالشهدا

او سنگ دیللره تأثیر ایتمدی اصلا

 

گوروب امام او صحراده قالدی چون یالقوز

اوجاتدی طاقِ سماواته نالهء جانسوز

 

بو رسمیدور ایکی لشکر اگر ایده دعوا

شکستلیق اولا هانسی طرفده گر پیدا

 

خیالِ صلح اولا مغلوب اولان طرفده اگر

ازل او غالب اولان لشکره سوزون سویلر

 

قبول ایلمسه صلحی فرقه ی عدوان

 قباقه اوندا چخاردیلّا رسمیدور قرآن

 

سپاهِ غالب اگر مُسلِم اولسا مردانه

جدلدن ال گوتورر تا باخار او قرآنه

 

ترحّم ایتمسه قرآنه اهل کفرِ نفاق

او دم قباقه چخارداللا سود امر بیر اوشاق

 

نه مسلم و نه مجوس و نه گَبرِ بداختر

او شیرخواریه هر ملّت اولسا رحم ایلر

 

اودور امامِ حسین گوردی قومِ کینه سیر

ترحّم ایلمیر ایستولّه قانینی توکه لر

 

گوروبکی چاره سی از بس کسیلدی هر یاندان

قایتدی خیمیه پیغمبر اوغلی میداندان

 

کمال یأسیله پژمرده حالیله اول شاه

آلوب الینه او ساعتده بیر کلام الله

 

آچوبدی باشینه قویدی همان او قرآنی

گلوب مخاطب ایدوب تابعانِ سفیانی

 

دییورسوز ای سپهِ شام بیز مسلمانوق

موحّدوق بو جهان ایچره اهلِ قرآنوق

 

قسم بو مصحفه خلّاق حیّ سبحانه

که منده معتقدم ای قوشون بو قرآنه

 

هم عالِمم بونون آیاتینه همی عامل

همین بو مصحف اولوب جدّیمه منیم نازل

 

گولوم سولوبدی اوزوم باغِ مصطفایه گُلم

خدایه آند اولا ایقوم خارجی دگلم

 

من ایلینده سیزه موعظه ندن گولوسوز؟

موحّدم نیه بس قانیمی هدر بولوسوز؟

 

مگر شریعت و دین اوسته قویموشام بدعت؟

منیم قتالیمه بیر بیله ایلوسوز سرعت

 

گلون گوراخ دییوری هانسی آیهء قرآن

ایدون غریب مسلمانی قانینه غلطان

 

چوخوز ایشیتموسوز انصاف ایدون سپاه کَفَر

که منبر اوسته مکرّر دییردی پیغمبر

 

چوخ ایستورم حسنِینی دیمون عبث یره من

بهشت جوانلارینون شاهیدور حسین و حسن

 

سیزون خیالوزا بِالفرض من گنهکارم

گیچون بو مصحفه من یالقوزام دل افکارم

 

دئدی امام حسین هر قدر بو دیللردن

بیرسی گلمدی رحمه او قومِ کافردن

 

قایتدی خیمیه مظلوم امام پژمرده

بو فکریله که او شه احتجاج ایده بیرده

 

خیال ایدوب اویادا بلکه کفر لشکرینی

آلوب ال اوسته او دم شیرخواره اصغرینی

 

بیر الده ساخلادی قونداقِ طفلِ عطشانی

قویوب باشینا اوبیرسی الیله قرآنی

 

او حالتیله گلیب رزمگاهه شاهِ شهید

خطاب ایلدی ای تابعانِ امر یزید

 

بو سود امر بالا نسلِ رسولِ اکرم دور

سیزه قوناقدی لب عطشاندی دیده پُرنمدور

 

یاخوندی عهدِ السته خوش امتحان ویرسون

او قدر قالمور الیم اوسته تشنه جان ویرسون

 

گلون بونا بیر ایچیم سو ویرون الولانوری

الیمده گورموسوز آیا نجه بالام یانوری؟

 

آخوب گوزی کسیلیب طاقتی باتوب نفسی

اولور اودور سببی چخمور آغلیاندا سسی

 

وفا سپهرینه بو بیر ایشیقلی اختر دور

نظرده اصغر ، اوزی یادگار اکبردور

 

ندور گناهی بونون رحم ایدون بو نوگلیمه

جفانی ترک ایدون اود ورمیون یانان دیلیمه

 

ئولوم تری دوزولوب آلنینا بالام ئولوری

نجه یانور اوره گیم بولموسوز خدا بولوری

 

عطش زبسکه اثر ایلیوب بو غنچه گوله

نفسی گلمیری یا آغلیا و یاکی گوله

 

اگر چه سوزِ عطش جانینه سالوبدی شرار

ولیک یوخ دیلی اوز حالینی ایده اظهار

 

دیسوز بهانه دی بو ایستورم اوزیمه من آب

گلون آلون آپارون ایلیون اوزوز سیراب

 

جهاندا هر نجه اَدنی' بیر آدم اولسا اگر

قویالّا سوز دانوشاندا سوزون تمام ایلر

 

ولی سرشکیله دولدوردولار حسین گوزینی

دیه دیه سوزین آغزیندا قویدولار سوزینی

 

الینه حرمله بیر تیریله کمان آلدی

پیمبر اوغلونون آغزینداکی سوزی قالدی

 

عزیزِ فاطمه نین قلبی اود توتوب یاندی

باخاندا گوردی بالا ظلم الیله اوخلاندی

 

تصوّر ایله نه حاله قالوب او طفلِ صغیر

بیچوب قلج کیمی حلقین سه شعبه زهریلی تیر

 

دگوب بوغازینا اوخ سو یرینه قان ایچدی

لطیفیدی بوغازی اوخ دایانمادی گیچدی

 

نشست ایتدی امامین قولونا تیرِ جفا

چکوب چخاتدی او پیکانی سیّدالشّهدا

 

امام قوینینا قویدی او دمده قرآنین

هر ایکی اوجونا دولدوردی اصغرین قانین

 

ازل او قانی یاخوبدور اوزی عمامه سینه

عمامه سیندن آخوب صورتینه جامه سینه

 

دوباره قانی دوتوب اوجونا فغانیله

بویادی اصغرینین صورتین او قانیله

 

اوچومجی دفعه او صابر اولان بلیّاته

دوتوبدور اوجونا قانی سپوب سماواته

 

دئدی که شاهد اول ای خالقِ علی اصغر

نه رحم ایدیر بویوگه نه صغیره بو لشکر

 

بو قانی ساخلا امانت ، سپهره ویر زینت

حضورِ جدّیمه حاضر اولاندا بو امّت

 

زمینِ محشره محشرده ولوله سالّام

بولاردان اوندا بو قانیله انتقام آلّام

 

قیامتین گونی یارب سن اول بو حاله گواه

زبسکه عرصه نی تنگ ایتدیلر منه بوسپاه

 

گتوررم الده کتابون بو قومِ عدوانه

ولیک باخمادیلار احترامِ قرآنه

 

یرینه حرمتینی مصحفین یتورمدیلر

منِ غریبدن اشرار اَل گوتورمه دیلر

 

ترحم ایتمدیلر ظلم عیاری یوخلادیلار

سو ایستدیم بوغازین سو یرینه اوخلادیلار

 

عزیز فاطمه بسکه یانوب بو محنتدن

گلوب تسلّیّ دل مصدرِ جلالتدن

 

حبیبیم اصغره چوخ باخما کؤنی یاندیرما

الونده بو قوزی قربانوی دولاندیرما

 

هانی سنون کیمی عاشق وفا نشان ویرسین

بالاوی قوی یره آسوده بلکه جان ویرسین

 

غم ایلمه سوسوز اوخلاندی دؤز بو سودایه

بو سود امر بالاوا وار بهشتیده دایه

 

اگر چه خیمده اشگیله چوخ دولوب گوزلر

آناسی فاطمه اما بونون یولون گوزلر

 

امام گوردی که یوخ چاره چوخ گیدور قانی

قوری یر اوستونه قویدی او تشنه قربانی

 

باخوب او غنچه گوله صرصرِ خزان اسدی

امام تیغیله بندِ قماطینی کسدی

 

اونون او حالی امامین قرارینی آلدی

او خیرداجا بالا قان ایچره ال ایاق چالدی

 

وفای عهدینی قارداشی تک نشان ویردی

حسین باخاباخا اول شیرخواره جان ویردی

 

گورنده ئولدی بالا گَلدی قلبی چوخ درده

دوزنمدی قالا غنچه گُلی قوری یرده

 

گلیب جگرده اولان قانی دیده ده جوشه

گوتوردی آلدی جگرگوشه سینی آغوشه

 

آقام نه حاله قالیب یوخ دیلیمده تابِ مقال

تصور ایله او حالی اوزون خیالیوه سال

 

ادامه دارد ...

 

مرحوم حسینی سعدی زمان

منبع مجموعه کانالهای مدح و مرثیه

موضوع: حضرت علی اصغر (ع) احوالات ,
زبان شعر و شاعر: نوحه ترکی , حسینی سعدی زمان

 

------------

 

احوالات حضرت علی اصغر (ع)

 

بخش دوم

 

گوروب الیندن آلان یوخ ، قیلوب فسوس واَسف

اوتاندی گیتسون امامِ زمان خیامه طرف

 

باخاردی صاق صولا ، نِی تک گلیردی افغانه

گیدیردی گه قییدردی دوباره میدانه

 

امام قلبینه بو نکته دور شراره سالان

تاپولمادی بالاسین بیر نفر الیندن آلان

 

کیمی واریدی آلِیدی او قانلی قنداقی

ایدیدی دفن یتیدی تمامه میثاقی

 

باخاردی اصغره قلبی یاناردی آغلاردی

یانیخلی سوزلریله کایناتی داغلاردی

 

دییردی قالدی الیمده جنازهء اصغر

گل آل الیمدن آپار دفن ایله علی اکبر

 

غریب امامه نجه اکبری ویریدی جواب

که قطعه قطعه اونی دوغرامیشدی اهلِ عذاب

 

گورردی ویرمدی جدّی شبیهی اکبر سس

یاناردی قلبیدن آغلاردی اولشهِ بیکس

 

دونوب باخاردی فرات اوسته اول امام علیم

دییردی هارداسان ای یاوریم ابولفضلیم

 

الیمده اوخلانوب اصغر گوزوم توکر قانیاش

ایاقه دور آنام اوغلی عزیزلیقیم قارداش

 

یوخومدی حاله یانان محنت و غمیم چوخدور

بالام الیمده قالوب بیر نفر آلان یوخدور

 

یانیخلی قلبیمه بیجا خدنگِ غم دولمور

خیام سمتینه گیتماخلیقا یوزوم گلمیر

 

کمکلرینه ایدوب بیر به بیر بو نوعی خطاب

غریب امامه ویرن اولمادی ولیک جواب

 

قالوب علاجسیز ایلوب سبیل ، اشکِ ترین

یانایانا او زمان سسلیوبدی شیعه لرین

 

ایچن زماندا سرین سو منی سالون یاده

تاپولمادی منه بیر سو ویرن بو صحراده

 

غریب گورسوز اگر یاد ایدون بو محنتیمی

سالون خیاله او وقته منیمده غربتیمی

 

دیار کرب وبلاده اولوب گوریدوز کاش

آخور نه نوعیله گوزدن عذاریمه قانیاش

 

دیمم کمکلیق ایدیدوز منِ دل افکاره

کناریدن ایلییدوز بو حاله نظّاره

 

نجه گوریدوز الیم اوسته آلدیم اصغری من

بالاما رحم ایلیه بلکه سنگدل دشمن

 

سو ایسته دیم بالاما داد و آه و زاریله

بوغازین اوخلادیلار تیرِ زهر داریله

 

عزیزِ فاطمه گوردی قالوب الینده بالا

ترحم ایلین اولمور گَله الیندن آلا

 

خیال ایدردی گینه خیمیه گیده اولشاه

او حالیدن ایلیه اهل بیتینی آگاه

 

گورردی خیمه قباقینده منتظردی رباب

بیله بولور بالاسین ایلیوبدولر سیراب

 

حیا ایدردی گیدوب ماجرانی بولدورسون

آناسی واریری گورسه اوزینی ئولدورسون

 

دییردی اوز اوزونه ای خدا نه چاره ایدیم

خجالتم نجه یوز دوندروب خیامه گیدوم

 

آناسینا نجه بو حالی ایلییوم اظهار

سوزومی قویدولار آغزیمدا فرقهء کفّار

 

نه مصحفه نه منه احترام یوخلادیلار

سو ویرمه دیلر علاوه بالامی اوخلادیلار

 

سو فکرینه آناسی گوندروبدی میدانه

نجه دوزر گوره سو ایچمیوب باتوب قانه

 

گوروب امام گرک چاره یوخ گیده خیَمه

کمالِ خجلتیله یوز قویوب گینه حرمه

 

خجالتیندن اوجاتموب او شاه دین سسینی

دوشوب بو فکره چاقورسون بلا خزینه سینی

 

توکوبدی گوزیاشینی چکدی آه آه اوسته

چاقوردی زینب علیا جنابی آهسته

 

بویوردی گل باجی گل قلبیم اود دوتوب یاندی

الیمده تشنه بالام ظلم الیله اوخلاندی

 

علیّ اکبریم ئولموشدی غرقِ محنتیدیم

انیسِ غصه و همخانهء مصیبتیدیم

 

او نوجوان غمی ایتمیشدی گر چه باغریمی قان

چخارتدی اصغریم اکبر مصیبتین یاددان

 

بالامی سوزِ عطش ایلمیشدی بسکه کباب

باخوب یانوردی بونون حالینه آناسی رباب

 

خراش ایدردی آنا سینه سین بو مه پاره

دئ گلسون ایلسون ایندی بو حاله نظاره

 

تاپوب آنام باجی تغییر ازلده کی حالت

سو ویردی بیر سولی پیکان ، یاتوب راحت

 

یری وار آهیمیله یاندورام بو آفاقی

قالوبدی اصغریمون الده قانلو قنداقی

 

منیم بسیمدی پوزوب حالیمی بونون حالی

گَل آل آپار قیل آناسین بو حالدن حالی

 

خبر ویر اوغلی ئولنلر یغیشسون آچسون باش

بالاما آغلاسون عورت ، خانیم ، قیز ، اوشاق

 

ایشیتدی حضرتِ علیا مکرّمه ناگاه

حزین حزین گلوری صوتِ سرّ الله

 

قرار و صبرینی قارداشینون سسی آلدی

چخوب خیَمْدن او احواله بیر نظر سالدی

 

او بیر نظرده یوزینه غبارِ غم قوندی

نه گوردی قارداشینون حالی خیلی پوزقوندی

 

بالاسی اوخلانوب افلاکه ناله سی دایانوب

لباسی اللری عمّامه سی قانا بویانوب

 

شرارِ آهیله یاندوردی کون و امکانی

آلوبدی قارداش الیندن او تشنه قربانی

 

گتوردی خیمه لره ویردی اهلبیته خبر

یغیشدی باشینه یکسر عیالِ پیغمبر

 

گوروبله تازه هلالی قضا خسوفه سالوب

ستاره لر او هلالین تمام دورین آلوب

 

مخدّرات ووروب دورِ ماهده هاله

گورن بوغازینون اوخ یاره سین چکوب ناله

 

بیری ووروب باشا تا اوخ یاراسینا باخدی

یوزینه زلفینه قانین بیری دوتوب یاخدی

 

رباب گوردیله ایلور حیا ایده افغان

سیزیلدوری اوتانور ایتماقا نوا اوجادان

 

حزین سسیله ایدور ناله نورِ دیده سینه

تمام اوغلی ئولنلر ویروبله سس سسینه

 

باخوب او حاله سریّه یانوب بو نسگیلدن

چخارتدی قاسمی یاددان سالوب آدین دیلدن

 

گورنده لیلی علی اصغرین او حالتینی

چخارتدی یاددان علی اکبرین مصیبتینی

 

نقدر واریدی اوغلی ئولن آنا یکسر

ویروبله سس سسه سویلوبله وای علی اصغر

 

تصوّر ایله حرملر نجه گرک یانالار

جوان اوغولّاری یاددان چیخاردولّار آنالار

 

فغان ایدن باش آچان ساچ یولان او ساعتده

قاریشدی بیر بیرینه خیمه گاهِ عصمتده

 

ایله قیامت کبرا او چولده ایتدی ظهور

که بیر علامتِ صغرادور عرصه گاهِ نشور

 

دولاندوردولار الدن اله او غنچه گلی

قالوب آناسی نه حاله؟ اوزی خداسی بولی

 

باسوبدی سینیه جان تک چکیده ی جانین

یودی سرشکیله اوّل بوغازینون قانین

 

سرشکِ چشمی جگر سوزشین بولوندوردی

بو دیللریله سولان غنچه سینی دیندیردی

 

دئدی اوغول دیگوروم کیم سالوب بو حاله سنی؟

سالوبدی بیله نفسدن ملر قویوبدی منی

 

چوخ ایچموسن سو اودور گلمور آغلیاندا سسون

دوتوبدی یا بوغازون لخته قان ، باتوب نفسون؟

 

جهاندا سن چمنِ عمریمه علی گولیدون

گلنده نالیه بیر خوش ترانه بلبلیدون

 

ندندی اولموسان ایندی بو نوعیله خاموش؟

ایدوبدی ساقیِ دست قضا مگر مدهوش

 

قضا باخار سنه سویلر غریبه قرباندی

هزار حیف که عطشان فدای جاناندی

 

قَدَر دییر دگول عطشان ایدوبدور اوخ سیراب

ولی رباب گوزوندن او اوخ توکر خوناب

 

گرک بو سوزِ دیلیله یانا ئولونجه رباب

نجه که سیزیلدار یانار اود اوسته کباب

 

بو سوزشِ دلی گوزویاشی سوندوره هیهات

آخا ئولونجه گوزیمدن اگر چه شطّ فرات

 

اولا نقدر حیاتیم بو دارِ دنیاده

گورنده سو علی سالّام سوسوزلوقون یاده

 

مگر چیخار بو یادیمدان سوسوزدان اودلاندون

سو ویرمدیله سنه ظلم الیله اوخلاندون

 

گورنده بیر سود امر طفل آنا قوجاقینده

علی مجسّم اولورسان گوزوم قباقینده

 

بالالارا آنالار سود ویرنده اودلّانام

منیمده سینمه سود گلور باخوب یانّام

 

هجوم ایدردی سنه سوزشِ عطش هر آن

نه سو نه صود تاپولوردی ویرم منِ نالان

نه دل بولوردون ایدیدون سوسوزلوقون اظهار

نه دل دیینده دوتوردون بیر آز بالا آرام

 

آنان ئولونجه مگر حل ایدر بو نسگیلیوی

قویوردون اوز قورویان لبلریوه گه اَلیوی

 

دیلون دوداقیوه گاهی دولاندوروردون علی

ربابی شعله ی آهیله یاندوروردون علی

 

گهی ایدردون عطش ، شدّتیله مه پاره

خراشِ ناخنیله سینمی منیم پاره

 

بالیق کیمی چابالوردون باخوردوم آغلوردوم

قالوب علاجسیز آخر الیوی باغلوردوم

 

غریبه اولدوم انیسِ مصیبت عالمده

اوزون گیدوب ولی قویدون نشانه سینمده

 

باخوب بو سینه ده دیرناقلارون یرین گورّن

توکوب سرشک سوسوز ئولماقوی بولدورّم

 

خیال ایونده بو نسگیلریوی فکر ایدرم

الیم اورکده آدون دیلده قبره من گیدرم

 

حرمسرای امامتده عزّتیم سنیدون

باشیم اوجالیقی هم جاه و شوکتیم سنیدون

 

داخی بوودهریده سنسیز غمه دچار اولّام

خانیم لیقیم گیدوب الدن ئولونجه خوار اولّام

 

آنا بو دللریله سوزِ قلبین آندوردی

سکینه باجیسی گلدی جهانی یاندوردی

 

او سود امر بالانی آلدی باسدی آغوشه

گلوب او دم باجی قارداش محبّتی جوشه

 

دیسم سزادی که بو چوخ یانوب آناسیندان

کباب اولوب اوره گی اوپدی اوخ یاراسیندان

 

فغانیله دئدی قارداش علی باجون ئولسون

داخی محالیدی سنسیز منیم یوزوم گولسون

 

علیّ اکبریمی ئولدورن زمان دشمن

قیریلدی بندِ دلیم یاندیم ایلدیم شیون

 

گورنده نعشینی قوندی ئولوم توزی یوزومه

سنیله ویردیم علی تسلیت ولی اوزومه

 

دیدیم بونون غمی عیشیم نهالینی کسدی

اگر صاق اولسا علی اصغریم منه بسدی

 

سنیده آلدی الیمدن بو عرصه ده دشمن

بوگونکی گوندن ازل کاش علی ئولیدیم من

 

گوزومی کیمسه گورنمزدی داخی منیم یاشسیز

توکولدی کول باشیما قالدیم ایندی قارداشسیز

 

ووروبلا حلقیوه بو اوخ که فرقهء عدوان

دگیدی کاش علی قارداش منیم بوغازیمدان

 

سنی بوحاله سالان ایتمیوب علی انصاف

نجه شقیدور ایدوب ظلمیده بیله اصراف

 

بولوردی تیرینی ایلوبله زهریله سیراب

دیموبکه زهرلی تیره اوشاقدا اولماز تاب

 

باخوب بوغازیوا گرچه گوزوم توکر قانیاش

ولی خوشا سنون احوالیوه علی قارداش

 

قالوب اگرچه سوسوز غنچه کیمی سولدون

سو اوسته قانه بویاندون ولیک قورتولدون

 

منیم کیمی داخی سن گورمدون اسیر اولماق

دیارِ شامه کیمی شمره دستگیر اولماق

 

خبر ویروبدی بابام قورتولاندا امرِ قتال

سویوب اسیر ایده جاقلار بیزی گروهِ ضلال

 

(حسینی) بو غمی تا حشر گر یازا خامه

غم و مصیبت اصغر یتیشمز اتمامه

 

حرملره ایله سخت اولدی محنتِ اصغر

گوروندی خیمه لر ایچره علامتِ محشر

 

نه تک سکینه نه یالقوز ربابی یاندوردی

بو غم حرملری جاندان تمام اوساندوردی

 

بو سهلیدور که بویوکلر یاناردولار یکسر

کیچیک اوشاقلارادا ایلدی بو غصّه اثر

 

او وقته تک بالالارا العطش دییوردی تمام

دولیدی نالهء المائیله خیامِ امام

 

گورنده اصغره قانیله سو ویروب دشمن

سالوبلا خوردا اوشاقلار سو آدینی دلدن

 

فغان العطش عرشه داخی یتورمدیلر

دله سوسوز بالالار سو آدی گتورمدیلر.

 

مرحوم حسینی سعدی زمان

منبع مجموعه کانالهای مدح و مرثیه

موضوع: حضرت علی اصغر (ع) زبانحال ,
زبان شعر و شاعر: نوحه ترکی , حسینی سعدی زمان

 

------------

 

احوالات حضرت علی اصغر (علیه السلام)

 

روزی که در دیار بلا قحط آب بود

آلِ علی ز سوز عطش دل کباب بود

 

دارد قصور خامه که شرح و بیان دهد

در کربلا چه شورش و چه انقلاب بود

 

بودند تشنه سر بسر اولاد بوتراب

اصغر ولیک زانهمه بی صبر و تاب بود

 

ترکی

 

بیرنجم قالدی چون فلک احتشامدن

چخدی امامتین گونی شرق خیامدن

 

خورشیددین او اولدوزی آغوشینه باسوب

ناله اوجالدی نُه فلک نیلفامدن

 

برج شرفدن ائتدی مقام زواله سیر

آیریلدی اهلبیت رسول کرامدن

 

چون آختاروردی سنبله نی تیر حرمله

یتسون مرامه تیر عطارد مقامدن

 

پرتاب قوسی بُلدی قمر شکلینه شبیه

تا ماه مرگی درک ایده زیر غمامدن

 

نو غنچۀ شکفتۀ خرداد ماه دین

سولموشدی ماه دی ده اولان باد سامدن

 

رنگی سولوب ایله قوروموشدی دوداقلاری

اود گورسنوردی غنچه لب لعل فامدن

 

بسکه یوزین خراش ایلمیشدی اولوردی فاش

مرئی خسوف علامتی ماه تمامدن

 

باتمشدی آغلاماقدان او طفل حزین سسی

دوشموشدی دیگ سینه سی جوش و قوامدن

 

آنّندا قطره قطره دوزولموش اجل تری

پیدا ئولوم نشانه سی اول تشنه کامدن

 

سورتردی گاه لبلرینه خشک اولان دلین

گه غشّ ائدردی دلده کی سوزُ ضرامدن

 

گاهی سودان کناره دوشن بیر بالیق کیمی

ایلردی اضطراب چخا بلکه دامدن

 

گتدی قشون مقابلینه شاه تشنه کام

بیر شربه بلکه سو آلا قوم لئامدن

 

شمس هدا هلال سپهر شهادتی

آلدی ال اوسته شیوۀ تبلیغ عامدن

 

سسلندی ای جماعت بی شرم گورموسوز

سوز عطش سالوب بو رضیعی دوامدن

 

بو سود اَمَر بالا سوسوزوندان الولانور

سیراب ایدون رضای خدا بیرجه جامدن

 

بو غنچه گل که سوز عطشدن خزان اولوب

بر گُلدی باغ حضرت خیرالانامدن

 

سو ایچمیوب آناسی سودی یوخ بونا ویره

یوخ چاره سی گیچوب بو یارا التیامدن

 

اهل کتاب فرض ایدوسوز سیز ائدون منی

دوشمز کتاب اهلی اولان احترامدن

 

اهل کتابه شارع مطلق بابام رسول

شرعاً قویوبدی بهره حلال و حرامدن

 

آیا حلال سو بیزه لشگر حرامدور؟

باک ایتمسوز خدای حق و لاینامدن

 

لا یُغتفردی جُرم حسین ابن فاطمه؟

خارجدی یا شریعت فَخرُالفخامدن

 

از بسکه دیل دیدی شه دین آلدی دللری

قوزاندی های هوی گروه ظلامدن

 

حال حسینه آغلادی بیرحملر تمام

اوج ایتدی انقلاب تمام اهلِ شامدن

 

وقّاص زاده گوردی یاخوندور قشون دونه

امر و اطاعتِ او اَلَدُّالخصامدن

 

باخدی صاقا صولا هانی سسلندی حرمله

ائتمور حسینی بس نیه ساکت کلامدن

 

سعد اوغلنون مرامینی تا بُلدی حرمله

یاندوردی قلب فاطمه نی بو مرامدن

 

چخدی کناره فوج نظامیدن اُول دنی

سالدی نظام عالمی نظم و نظامدن

 

قویدی کمانه زهرلی اوج شعبه لی بیر اوخ

امّا نه اوخ که پرلری کسگین حسامدن

 

هر بیر پری نشانه سِنان سَنانیدن

چون تیغ برگزیده سراسر سهامدن

 

قورتولدی تا کماندان او اوخ سسلنوب کمان

ائتدی نوا اوز ایلدیقی اهتمامدن

 

قان قان دیوب قیژلدادی یل دوتدی پرلرین

آلدی توان و طاقتی مظلوم امامدن

 

یتجگ دگوب بوغازینا بیچدی قلج کیمی

تاراج تاب قیلدی امام همامدن

 

پُر تابیدی دایانمادی اوخ شاه دین قولین

مجروح ائدوب او شاه چکوب ال زمامدن

 

دوتدی ایکی الیله آخان قانی اؤجونا

داد ایسته دی شهنشهه یوم القیامدن

 

اوندان صورا دوتوب بویادی قانیله یوزین

محشرده گئچمسون آناسی انتقامدن

 

قویدی یره قماطینی کسدی که جان ویره

روح آیریلا او فدیۀ با احتشامدن

 

قان ایچره چالدی ال ایاق اول سود امر بالا

قورتولدی درد و محنت دارالملامدن

 

ال قانلو سینه قانلو یوزی قانلو شاه دین

بیر حالیله که تاب آلی قلب رخامدن

 

گوتدی دوباره بوش قفسین باسدی باغرینا

قیتردی پیش فرقۀ بی ننگ و نامدن

 

گوردی ولیک خیمه قاپوسین کسوب رباب

وار انتظاری دلده اولان فکر خامدن

 

دلخوشدی بو امیدیله اصغر ایچوبدی سو

غافلدی شرح عاشر شهر الحرامدن

 

بیر یاندا قیزلاری دوزولوب العطش دیور

خجلت چکوب او یالقوز امام ازدحامدن

 

قیتردی پشت خیمیه قیلدی اونا نماز

عاجزدی عقل صبر شه مستظامدن

 

سیر ایله قلب قوّتینه صبر و تابه باخ

بنیان صبری گورموب اثر انهدامدن

 

بر قبر قازدی دفن ایلدی اوز بالاسینی

اولسون مصون عواقب ظلم عظامدن

 

بو فکریله که حفظ اولا سمّ خیولدن

آزار گورمیه جریان ختامدن

 

افسوس و آه بو بالا مدفنده قالمادی

آخر چیخاتدیلار اونی اعدا منامدن

 

دل صاحبی « حسینی» سنه اوزگه دل ویروب

اهل دل اولسا مطلبی آنلار کلامدن

 

الهامدور بو یوخسا بو طرزیله کیم یازوب

اصغر مصیبتین شعرای بنامدن

 

مرحوم حسینی سعدی زمان

منبع مجموعه کانالهای مدح و مرثیه

موضوع: حضرت علی اصغر (ع) احوالات ,
زبان شعر و شاعر: نوحه فارسی , نوحه ترکی , حسینی سعدی زمان , حسینی , سعدی زمان

 

------------

 

کوچ از قتلگاه

 

حسین مصیبتی دریادی یوخدی پایانی

اودور که ایمدیده جوش ایلر ایل به ایل قانی

 

بلنمورم بو نه غمدور ، عقول حیراندور

فَلک ، مَلک بو مصیبتده اشک ریزاندور

 

قتیلُ العَبره دی مقتول اولوب سو اوسته سوسوز

اودور سبب بو شهه عرش و فرش گریاندور

 

دویونجا عترتینی قویمیوبلار آغلاماقا

بو غصّه مایهء فریاد و داد و افغاندور

 

کسوبله باشینی ، عریان قویوبلا گُل بدنین

یارالی جسمی قوری یرده قانه غلطاندور

 

گلوب جنازه سی اوسته مخدّراتِ حرم

گوروبله مَصرعی دریا کیمی دولی قاندور

 

توکولدولر دوه لردن تمام عورت اوشاق

بولوبله وصل یتور باشه ، وقتِ هجراندور

 

قوروبلا حلقهء ماتم او نعشِ پاک اوسته

حرملرین گوزی گویا بیر ابرِ نیساندور

 

او بیر گُله واریدی قرخ شکسته پَر بلبل

و لیک بیر دِلیله هر بیری نواخواندور

 

دوتوب او قانی خانمیلار یاخاردی ساچلارینا

دیردیلر بو منای وفاده قرباندور

 

اولوب او دم متوجّه علی قیزی زینب

علیل امامی گوروب حالی چوخ پریشاندور

 

جهازسیز دوه اوستونده قولّاری باغلی

باخور او مَجمعه آغلار گوزیله نالاندور

 

ایاقی باغلیدی ممکن دگل پیاده اولا

طناب و قیدیله مغلولِ قومِ عدواندور

 

دوشوب گوزی دَوَرانه یاخوندی جان ویرسون

غریقِ بحرِ مصیبت او شاهِ دوراندور

 

او قدر قالموری جسمیندن آیریلا روحی

قوای جان مُتَزَلزِلدی چوخ هراساندور

 

دئدی ئولنلریمون یادگاری صبر ایله

سنون قوری نفسون حرزِ آلِ عمراندور

 

ئولنلر ئولدی قالانلار سنه تیکوب گوزینی

بو حال سنده نه حالتدی کی نمایاندور؟

 

جواب ویردی نجه عمّه صبر ایدوم دایانوم

مگر تحمّل و طاقت بو ظلمه آساندور؟

 

شهیدلر بدنی بی کفن قالوب یرده

بو پاره پاره بدنلر یریله یکساندور

 

نه بیر کفن گَتورن وار ، نه بیرجه دفن ایلین

تاپولموری دیَن آخر بولار مسلماندور

 

کَاَنّه که مسلمان دگولّه بو شهدا

قوری یر اوسته باشسیز بدنلر عریاندور

 

بابام جنازه سینه اول قَدَر یارا وورولوب

بسانِ شانهء گیسو ، وجودی شان شاندور

 

نه باشی وار ، نه الی نه لباسی جسمینده

بنای عنصرِ توحید گور نه ویراندور

 

یارالاریندان آخان قانی ، غسلیدور بابامون

حنوط توپراقیدور حق یولوندا قرباندور

 

کلامِ ناطقین اوراق ایدوبله اعضاسین

ورق ورق داغلوب ، صفحه صفحه قرآندور

 

آناسی فاطمه نین قلبینی ایدوبله کباب

بو جور و ظلملره شاد آلِ سفیاندور

 

فدا او پیکره نَسجُ الرّیاحیدور کفنی

جنازه سی خس و خاشاک ایچینده پنهاندور

 

کسوبله باشینی ، قانیله ایسلانوب توپراق

تمام درده بو قانلی تراب ، درماندور

 

(حسینی) فخر ایلمه (سعدی زمانم) من

حسین آدیله سنون عزّتون فراواندور

 

آدون حسینی یازیلسا بو فخر بسدی سنه

بو آستانه ده چون جبرئیل درباندور.

 

مرحوم حسینی سعدی زمان

منبع مجموعه کانالهای مدح و مرثیه

موضوع: کوچ از قتلگاه ,
زبان شعر و شاعر: نوحه ترکی , حسینی سعدی زمان

 

------------

 

 کوچ از قتلگاه

 

باجون قارداش قویوب جسمون یارالی بیکفن گیتمز

باشون عشقی چکور شامه ، اگر سن گیتمسن گیتمز

 

شهیده غسل ویرمزلر بو قانونِ شریعت دور

ویروبلر قانیله غسلون ، حنوطون قانلی تربتدور

و لیکن دفن واجبدور ، جنازه قالسا ذلّت دور

سنی یوخ دفن ایدن دلدن ئولونجه بو محن گیتمز

 

شکایت ایلیوم قارداش سنه هانسی مصیبتدن

غمِ دردِ فراقوندن دیوم یا هتکِ حرمتدن؟

امان شمرین الیندن ال گوتورمور آلِ عصمتدن

دیمور نامحرمیله شامه ، قارداشی ئولن گیتمز

 

دویونجا لامحاله آغلارام دشمن امان ویرسه

کفن قیلّام بو زلفیمدن امان قمچی ووران ویرسه

قولومدان بو طنابی آچسا ، مهلت کوفیان ویرسه

مزاره قویمیونجا نعشوی بو بی وطن گیتمز

 

خدنگ و تیغ و نیزه زخمی جسمونده ز بس چوخدی

آنام اوغلی بو اعضاده منه بیر بوسه گه یوخدی

ووران اود قلبیمه ، قلبونده کی اوچ شعبه لی اوخدی

قیامِ حشره تک سوزی بو تیرین سینه دن گیتمز

 

منی نَحر ایلیدی نحروی نحر ایلین مردود

دگیدی کاش قلبیمدن حسین بو تیرِ زهر آلود

ئولیدیم گورمییدیم نازنین آثاروی مفقود

ئولونجه نسگلون قلبیمدن ای باشسیز بدن گیتمز

 

یارالار گلشنِ جسمونده بیر دسته قزل گلدور

چاتوب سینونده اوخلار باش باشا گویا که سنبلدور

حرملر قتلگهده تک به تک شوریده بلبلدور

عجب گلشندی بو گلشن تماشایه گلن گیتمز

 

کسوب باشون جفادن اهلِ کینه گر دویوب قارداش

ندن بس گون قباقینده سنی عریان قویوب قارداش

او کهنه کوینگون هانسی شل اولموش ال سویوب قارداش

دیردیم غارته هرگز او کهنه پیرهن گیتمز

 

بهارِ عمروه بو دشتیده بادِ خزان اسدی

شل اولسون اللری هانسی شل اولموش اللرون کسدی؟

بو مظلومه باجون دیندیر سینق دور قلبی بیکسدی

عذاره گوز یاشی بیجا چو یاقوتِ یمن گیتمز

 

وورالّار تازیانه ایلینده ناله و شیون

قولوم نیلی اولوب ، جسمیم سراسر چون گُلِ سوسن

دایانّام نعشون اوسته هر قَدَر وورسا منی دشمن

جفای خاریله بلبلدن عشقِ یاسمن گیتمز

 

سلیمان اوز بساطینده سنیله عزّته یتدی

ولی بلقیس رو اطفالون اعدا دستگیر ایتدی

گلَن بیر ظلم ایدوب ، بیر غارت اخذ ایتدی قویوب گیتدی

بولوردوم بیر اوزوکدن اوتری امّا اهرمن گیتمز

 

گیچوب باشدان یتوردون باشه بو صحراده میثاقون

منی قان آغلادور اما بیله قانه بویانماقون

باجون ئولسون نجه گورسون کسوبلر خوردا بارماقون

غمون اشغالِ فکر ایلر ، سنی بیله گورن گیتمز

 

سالانمور دامنِ وصلون (حسینی) چنگه یا جدّاه

بویور صبّاغِ هجرون گونده یوز مین رنگه یا جدّاه

یاخوندور نا امید اولسون گلوبدور تنگه یا جدّاه

گوزیندن درد ، گوگلندن بو آلامِ زمن گیتمز.

 

مرحوم حسینی سعدی زمان

منبع مجموعه کانالهای مدح و مرثیه

موضوع: کوچ از قتلگاه ,
زبان شعر و شاعر: نوحه ترکی , حسینی سعدی زمان

 

------------

 

کوچ از قتلگاه

 

بو چولده گیچدون آنام اوغلی فرّ و جاهوندن

مقامِ سلطنت و لشگر و سپاهوندن

 

جلال و شوکتون عالملری دوتار بیر گون

دوشر تحیّره دنیا جلال و جاهوندن

 

اسه سمومِ ستم قویمادون گُلِ دینه

علاقه کسدون اوز ایستکلی گُل گیاهوندن

 

گون اوزلی اکبرون ایتدون فدای دینِ مبین

گوتوردون ال فلک هاشیمیده ماهوندن

 

نه آی نه گون هامی اولدوزلاروندان ال چکدون

بو یولدا گیچدون اوز اصغر کیمی ستاهوندن

 

یاخوندی غرق اولا گوردون سفینهء اسلام

نجات ویردون اونا قان آرا شِناهوندن

 

دئدون که فاسقه باش اگمرم کسیلسه باشیم

کناره چیخمادون اوز راست شاهراهوندن

 

شهامتیله سوسوز سو یانیندا جان ویردون

شراره عالمه سالدون شرارِ آهوندن

 

یارالی قانلی قوم اوسته بی کفن یاتدون

جهانیانی اویاتدون بو انتباهوندن

 

یزیده بیعت الی ویرمدون کسیلدی الون

فغان جسارتِ جَمّالِ روسیاهوندن

 

بویون بلاسین آلوم دور اوزون حمایت ایله

پناه سیز قالان اطفالِ بی گناهوندن

 

وطندن آیری دوشن جانوه باجون قربان

آیردیلار سنی آلِ امیّه ماهوندن

 

عبادتین یولون عالملره نشان ویردون

ئولونجه ذکرِ حق آیریلمادی شِفاهوندن

 

بو طولِ سجده نی یوخدور نشان ویرن تا حال

نه جدّ اَمجَد و نه بابِ دادخواهوندن

 

دونن گون آرتا چاقی دوشموسن یوزون اوسته

هله دوزَلمَه میسن خاکِ سجده گاهوندن

 

جفا الی گوتوروب سجده دن باشون گویا

عیاندی مسئله دل یاندیران گواهوندن

 

یقین گچن گجه گلمیشدی یانوه زهرا

آنامین عطری گلور قانلی قتلگاهوندن

 

سنون گچن گجه وون ماجراسی روشندور

کسیلمیش اللریله پیکرونده لاهوندن

 

ولی گچن گیجه باشسیز حرملرون نه چکوب

سوروش بو خواهرِ رنجور و بی پناهوندن

 

اسیره باجووا سس ویرمیسن ندور علّت؟

سو سپ یانان دلینه جانفزا میاهوندن

 

سنه حیات و مماتین تفاوتی یوخدور

شکسته گوگلومی آل مرحمتِ نگاهوندن

 

بلالی باشیمه قوی لطفیله حمایت الون

ثباتِ قلب ویر الطافِ گاه گاهوندن

 

فدا اولوم سنه ای کهربای جوهرِ جان

گوتورمه جذبهء لطفون بو پرّ کاهوندن

 

سنه (حسینی) بو شاهلاردان التفات اولماز

مرامون ایسته اوز عالی مرام شاهوندن

 

حسین آقا سنه قربان اولوم توجّه ایله

غلامِ روسیهم قووما بارگاهوندن

 

مریدِ عشقوام ای شاه ، مرشدیم سنسن

اماندی طرد منی قیلما خانقاهوندن.

 

مرحوم حسینی سعدی زمان

منبع مجموعه کانالهای مدح و مرثیه

موضوع: کوچ از قتلگاه ,
زبان شعر و شاعر: نوحه ترکی , حسینی سعدی زمان

 

------------

 

زبانحالِ حضرتِ زینب کبری (س) در کوچ از قتلگاه

 

سنون گُل پیکرون چون شانه شان شاندور آنام اوغلی

منیم زلفیم کیمی حالیم پریشاندور آنام اوغلی

 

سنون جسمون دولوب باشدان باشا تیر و سِنانیله

منیم باغریم دولوب چون غنچه ، پرده پرده قانیله

سن ئولدون قالدی زینب ناله و داد و فغانیله

منیم سندن غم و غصّم فراواندور آنام اوغلی

 

دگوب هر تیغ جسمونده چکوب بیر قرمزی جدول

مُذَهّب دور قزل قانیله گویا مصحفِ مُنزل

سلامتدور نه باش ، نه سینه ، نه اعضا، نه قارداش ال

قزل گل دسته سی گویا که خنداندور آنام اوغلی

 

حروفِ ابجدی اوسته یازیلمیش نه گوزل تنوین

دوشوبدور یر به یر، زیر و زَبَر، نیزه ایدوب تضمین

قویوب اوچ شعبه اوخ تشدید ، خنجرلر چکوب مَدّین

حروفات اوسته نقطه ، نوکِ پیکاندور آنام اوغلی

 

اوزون قرآن ناطق سن ، آدون قرآنه پیرایه

وروبلار بسکه کاری یاره لر بو جسمِ زیبایه

یوز اون دورت سورهء قرآنی یازوبلار آیه به آیه

قلم اوخدور ، مُرکّب قرمزی قاندور آنام اوغلی

 

ووروب چون هیکلِ توحید باشون نیزیه اعدا

اولوب شیرازه سیز قرآن کیمی اوراق بو اعضا

ولی هر بیر ورقدن مین ورق توحید اولور پیدا

بو صد پاره بدن ، بی جلد قرآندور آنام اوغلی

 

بیری گر ایستسه مرئی نشانه ذاتِ یکتادن

سراغ آلسون بو پاره پاره قانلی اعضادن

دوشر اهل اولمیان چوخ فکره بو معمّادن

و لیکن زینبه حلّی چوخ آساندور آنام اوغلی

 

محال ایشیدور منیم بیرده بو عالمده یوزوم گولسون

دلیم دوتمور هانی بیر اهل دل ، دردِ دلی بولسون

هانی جسمونده ابعادِ ثَلاثه؟ زینبون ئولسون

یارالی پیکرون خاکیله یکساندور آنام اوغلی

 

گلنده رزمگاهه ایسته دون بیر کهنه پیراهن

اونی تا سویماسون قارداش ، سویاندا رَختوی دشمن

اولا کول باشیمه نه نوعی تاب ایلیوم بس من

وجودون گون کیمی قان ایچره عریاندور آنام اوغلی

 

گچن ای نیزیه باشی ، قالان نعشی قوری یرده

(حسینی) نوکرون شاها دوشوب بیر چاره سیز درده

ایدنمور چاره دکترلر چکوللّر مطلبه پرده

سنون لطفون فقط بو درده درماندور آنام اوغلی

 

اگر چه چوخ گناهیم وار ، تاپولماز جرمیمه پایه

سیزه وار نسبتیم امّا ، منه اسموندی پیرایه

سنی زهرا آنان قیلما منی محتاج اطبّایه

بولورسن جُرمدن اوغلون پشیماندور آنام اوغلی

 

بو دکترلرده بو دردین علاجین بولمسون سنده؟

امامت عِلمینه باخ گور اولور بو شیوه زیبنده؟

تالاندیم تنگه گلدیم درده یوخ طاقت داخی منده

نچه آیدور انیسیم داد و افغاندور آنام اوغلی.

 

مرحوم حسینی سعدی زمان 

منبع مجموعه کانالهای مدح و مرثیه

موضوع: کوچ از قتلگاه ,
زبان شعر و شاعر: نوحه ترکی , حسینی سعدی زمان

 

------------

 

احوالات غارت

 

مرحوم حسینی سعدی زمان

(اشعارِ داخلِ پرانتز از مرحوم صافی می باشد)

 

بلنمورم که خیامه نجه توکولدی سپاه

او حالی بیر بولر الله بیرده آلُ الله

 

دیولّه خیمه گهِ شاهِ عشق غارتیدی

و لیک من دیورم بر ملا قیامتیدی

 

سوروشسا مندن اگر بیر نفر قیامتدن

اشاره ویرّم اونا کربلاده غارتدن

 

نه عرض ایدوم نجه هنگامه نه قیامتیدی

بو قدر وار که قیامت اونا علامتیدی

 

اگر بیان اولا اوضاعِ محشرِ کبری'

بو غارت اولدی او کبرایه آیتِ صغری'

 

یازولّا حشرده گون ، وضعِ شورِ حشر قورار

نزول ایدر یره گویدن ، جِدا بویوندا دورار

 

دوشر کسوفه حرارت ویرر گورنمز نور

بِعِینه ایتدی اونون مثلی کربلاده ظهور

 

وورولدی نیزیه گون تک سرِ شهِ عطشان

ولی کسوفه دوشوب ، صورتین دوتوبدور قان

 

یازولّا عرصهء محشرده بیر حرارت وار

قدم قویا یره کیمده او گونده طاقت وار

 

عبث یره دیمورم بر ملا قیامتیدی

دیارِ کرب و بلاده ایله حرارتیدی

 

یر اوسته ایسّیدن آتلار ایاق قویانموردی

یانوردی دیرناقی ، بیر یرده آت دایانمیردی

 

بیله یازولّا که بر پا اولان زمان محشر

ایشقلی آی هامی اولدوز یره نزول ایلر

 

او چولده ماهِ بنی هاشم ایلمیشدی خسوف

کتاب تک اونی یازمیشدی لیک تیر و سُیوف

 

یازولّا محشرین اهلی دییَلّه وانفسا

نشان ویروردی او اوضاعی عترتِ زهرا

 

ایله قیامتیدی سلبِ حال ایدوردی او حال

دیردیلر هاموسی وامحمّدا اطفال

 

کواکبِ فلکِ احمدی یر اوستِیدی

بیری قالوردی اودا صعفدیدی خستِیدی

 

دولیدی قانیله دریا تک عرصه گاهِ وَغا

ویرولدی غارته فرمان ، ال آچدی قومِ دغا

 

توکولدی خیمه لر اوسته اشقیای مِلَل

یتَن قلجلادی بیر خیمه طنابین ازل

 

تصوّر ایله او قومِ کینه دویار

امامی ئولدورن البّته عترتینده سویار

 

اگر چه بعضی خبرلرده وار صریح یازان

کی سویدی زینب علیانی جنابی شمر و سَنان

 

بیر الده گر یازا خامه آچیلدی زینبه ال

قلم باتا گوزینه اللّرین خدا ایده شل

 

سزادی آهیم اودیله بو عالَم اودلانسون

دیسم که زینبی دشمن سویوب دلیم یانسون

 

گلور خیامه جلو ریز گوردی لشگرِ شام

کسیلدی زینب علیا جنابیدن آرام

 

بیوردی فضیّه او آفتابِ برجِ ادب

منیم دلیمجه گیت شمره دئ دیور زینب

 

گلوب بو لشگر اگر مال دنیوی آلالار

اوشاقلارین ندی تقصیری ، نیلیوب بالالار؟

 

بو قومه عمده نظر قلتدور یا غارت

یاخوندی قورخودان ئولسون حرایمِ عصمت

 

ال آچسا غارته گر بیر نفر بو لشگردن

بو فکریله آلا معجر بناتِ حیدردن

 

آنام کیمی آچارام باشیمی فغان ایدرم

مدینه حشرینی بو چولده من عیان ایدرم

 

بولوردی فضّه خانم زینبون مقاماتین

یتوردی شمره اونون عینا" اوز مقالاتین

 

شرارِ آهِ حریمِ حسینه یاندی قُشون

او یرده شمرِ دنی امر ایدوب دایاندی قشون

 

اوزی علی قیزی اول امرِ سخته ایتدی قیام

که خوار ایتمیه ناموسِ دینی لشگرِ شام

 

خیامده واریدی هر نه ثروتِ دنیا

یغوب او قومه طرف آتدی زینب کبری'

 

اساسِ خیمه تمام اولدی گیتدی یغمایه

بتوله نایبه باخدی حریمِ طاهایه

 

اورکدن آهِ جگر سوز چکدی دولدی گوزی

ازل اسیرلرین ملجائی سویوندی اوزی

 

عزیزِ آلعبا گور نه گونلره قالدی

بلالی باشینه بیر مُندرس عبا سالدی

 

بلینی باغلادی محکم اسیرِ اهلِ دمشق

اسارت امرینی ویردی حرملره سرمشق

 

بیوردی آلِ عبا چون غریب و بیکسدی

بناتِ آلِ عبا ، بیر عبا سیزه بسدی

 

دونوب باخوب حرمه بیر به بیر اول بلا کانی

چاقوردی محضره اکبر آناسی لیلانی

 

بیوردی گَل ای اولان ورد و ذکری واویلا

باشون ساق اولسون ئولوب اکبرون ، سویون لیلا

 

بو سوزده لیلی توکوب عارضه سرشکِ بصر

دونوبدی قلتگهه سسلدی علی اکبر

 

آنان سویولّا تاپولمور بیری ایده امداد

غریبه گونلره قالدیم اوغول ایوین آباد

 

اسیرلر شرفی زینبِ وفا کردار

چاقوردی قاسم آناسی سریّه نی ناچار

 

اونوندا زینت و فاخر لباسینی آلدی

اوزی کیمی باشینا کهنه بیر عبا سالدی

 

سریّه یاندی دئدی هارداسان اوغول قاسم

آنان سویولدی گَل ای نوجوان اوغول قاسم

 

یتنده نوبت ، عروسه ، یانوب چکوب فریاد

دئدی عم اوغلی گَل ایله عروسوه امداد

 

اولوبدی چوخ طویی یاسه دونن عروس ، ملوس

گوروبدی کیم سویولا لیک طویدا تازه عروس

 

چوخ ایستورم ئولم اما نیدوم که گلمور اجل

یوخومدی دادرسیم داده ای عم اوغلوم گَل

 

یتنده حضرت کلثومه وقتِ اخذِ لباس

باخوب فراته طرف سسلنوردی یا عباس

 

آتام برابری دوشدوم بلایه قارداش گل

باجون سویولدی اماندور هرایه قارداش گل

 

سویوندوروب حرمِ حقّی معدنِ عصمت

یتشدی خرداجا قیزلارا نوبتِ غارت

 

( یتنده بیر قیزا نوبت ، باخاردی حسرتیله

دولوب بولود کیمی اشکین توکردی شدّتیله

 

دیردی عمه سویوندور هامی لباسیمی آل

گوتور بو معجریمی باشه کهنه معجر سال

 

ولی قرارِ دلِ پاره پاره مه دگمه

سُرورِ جانیم اولان گوشواره مه دگمه

 

بو گوشواره لریم گر چه زر و زیوردور

گوگل علاقه سی وار یادگارِ اکبردور

 

آلینسا عمه یقین آرتاجاخ بو گوز یاشیم

سالوب قولاقمه چون اوز الیله قارداشیم)

 

خیال ایدوب بیرینون گوشواره سین آلسون

گوروب یاخوندی اوزینی هلاکته سالسون

 

برینون ایسته دی خلخال و دست بندین آلا

چکوبدی ناله ووروب باشینه او خیردا بالا

 

اوجاتدی ناله سپهره ، حرایمِ عصمت

بیر عالم اولدی که لشگر گتورمدی طاقت

 

باخوب او حاله عمر سعدِ شوم و کینه سیَر

 گوروب یاخوندی که لشگر دونوک لیق ایلیه لر

 

دئدی بو خیمیه هم خیمه ده اولان ماله

یوخومدی حاجتیم آرامیمی آلور ناله

 

دایانمیون گتورون اود وورون خیَم یانسون

کسون بو شیونی ، هم خیمه هم حرم یانسون

 

ورولدی ظلم اودی اود دوتدی خیملر یاندی

مخدّراتِ حرم ظلم اودیله اودلاندی

 

نجه یانوب خیَم ایتسم اگر اوحالی رقم

شرارِ آهیله اود دوتار الیمده قلم

 

قلم اود آلسا صحیفه یانار ایتر منظور

تمامه یتمز او سوز که ازل اولوب مسطور

 

مرحومین حسینی سعدی زمان و صافی

منبع مجموعه کانالهای مدح و مرثیه

موضوع: احوالات غارت خیام ,
زبان شعر و شاعر: نوحه ترکی , حسینی سعدی زمان , صافی تبریزی

 

------------

 

حکایت بوم و عندلیب و

 گریز به غارتِ خیام و

گریز به ورود کوفه و ورود به شام

 

یتدی تمامه فصلِ خزان گَلدی نوبهار

عالَمده ظاهر اولدی گینه صُنعِ کردگار

 

گللّر آچلدی صحنِ گلستاندا رنگ رنگ

باغِ بهشته دوندی گلستان و لاله زار

 

توحیده هر گُلین ورقی بیر کتاب دور

اثباتِ صُنعِ صانعه آئینه دور بهار

 

صحن و چمن دولوبدی گُلِ مشگبوئیله

توحیدِ حقّی ، هر گل ایدور تک تک آشکار

 

لاله چکوبدی قلبینه داغِ غمِ فراق

بلبل وصالین ایستر ، ایدر گزلین آه و زار

 

بلبلده گلدن اوتری گل اوسته توکر سرشگ

گل یپراقین ایدر گوزونون یاشی ژاله وار

 

خلدِ برین شمیمی ویرور جان ، مشامنه

بادِ صبا دگنده ریاحینِ مشگبار

 

نیلوفر و بنفشه و نسرین و یاسمن

معشوقه وار عاشقی ایلولّه بیقرار

 

نرگس نظاره نازیله ایلور قزل گله

پُرتاب اولاندا سنبلِ تر همچو زلفِ یار

 

هر عندلیب مسکن ایدوب بر گل اوستونی

ایلور وفاسین انفس و آفاقه اشتهار

 

هجران غمین چکوب گتوروبدور اله وصال

هجرانیدن شکایت ایدور عندلیبِ زار

 

بو گل بو گلستان منه اما غم آرتورور

جاری اولور گوزوم یاشی چون دُرّ شاهوار

 

علّت بودور بهار گیدیر تز گلیر خزان

بادِ خزان اَسر سارالار لاله ، گل سولار

 

بو فکر پوزدی فکریمی غم دوتدی گویلومی

مرغِ خیال اولدی باشیمنان گینه کنار

 

بال و پر آچدی گردشه چیخدی گوگل قوشی

ناگاه بیر خرابه یره ایلدی گذار

 

باخدی خرابیه ، نگوروب همنشین اولوب

بیر بوم ، دلِ غمینیله بیر شاد دل هَزار

 

بلبل گلوبدی نطقه دیور بومه گوئیا

کِی ملّتِ طَیوره اولان شاهِ تاجدار

 

فصلِ بهاردور گل آچوب گلشن و چمن

قلبِ ملولی شاد ایدوری سیرِ لاله زار

 

چوخ گلستان و گلشن و صحرا و باغ وار

اگلشمیسن خرابه ده ، ویرانه ده نه وار؟

 

تا عندلیبیدن ایشیدیب وصفِ گلشنی

پژمرده حالیله دل آچوب بومِ خوش شعار

 

ویردی جواب سن نه بولورسن نه سرّدور

بُلسن منیم کیمی اولوسان سنده اشگبار

 

بوندان صورا زمانه ده نه گل نه گلستان

گلزار دینی کوفه لیلر ایتدی تار و مار

 

اسدی سمومِ ظلم ، حسین لاله زارینه

تاراج اولوندی فاطمه دن صبر و اختیار

 

پیغمبر اوغلونی سوسوز اولدوردی کوفیان

شیر خدا آچوب باشینی ایتدی آه و زار

 

بر طُرفه گلستانه دونوب کربلا چولی

اهلحرم نوایه گلوب عندلیب وار

 

کرب و بلا چولنده قزل گل کیمی تمام

خندان اولوب داغیلدیلا اجسادِ زخمدار

 

خرگاهِ طاهراته توکولدی سپاهِ شام

سویدی بنات فاطمه نی قومِ نابکار

 

اولدی امامتین گونی قانیله منکسف

آل اللهه ایشیق گونوز اولدی چو لیلِ تار

 

بیر خیمه کی طنابی اونون زلفِ حوریدی

یاندیردی نارِ ظلمه او خرگاهی اهلِ نار

 

خیمه آلیشدی یاندی ، چوله قاچدی اهلبیت

یتدی مرامه اهلجفا اولدی کامکار

 

شهزاده لر او ششدرِ حیرتده قالدی مات

آتلو پیاده کوفه لیلر ایتدی افتخار

 

آلِ عبا باشیندا قالیب کهنه بیر عبا

یغمایه گیتدی معجر زردوز و زرنگار

 

خوردا بویوک مُخدّره لر یوز قویوب چوله

اما نجه؟ نقابلری زلفِ تابدار

 

اوضاعِ شورِ حشریدی سلطانِ دین باشی

نوک‌ِ جِداده گون کیمی اولموشدی پایدار

 

راوی دیَرکه ببر بالا قیز گوردوم اول زمان

چخدی خیامدن اتکی اود دوتوب یانار

 

گورجک او حالی قلبیم اونون یاندی حالینه

بی اختیار اولدوم او احواله سوگوار

 

آت سالدیم آردیجا اودینی ایلیم خموش

گورجک منی ایتوردی اوزون ایلدی فرار

 

دوندی بیوردی گلمه سواره سویولموشام

یوخ برزادیم باشیمدا گورورسن کی یوخ خِمار

 

ویردیم جواب قوخما بالا دوشمه وحشته

گلدیم اودون خموش ایلیم اولما دلفکار

 

گورجک‌ بو مهربانلیقی ویردی منه سلام

حالیم پوزولدی قلبیمه یوز ویردی انکسار

 

یندیم آتیمنان ، ایتدیم اونون آتشین خموش

گوردوم کی وار سوزی دیماقا ایلور اعتذار

 

ایتدیم سوال گر سوزون اولسا بیان ایله

چوخ شرمیله دئدی منه اول طفلِ گلعذار

 

ایسّی هوا ، یانیر سوسوزومنان دوداقلاریم

یا شیخ وار سویا دئ گوروم سنده اقتدار؟

 

بیر جام دولدوروب سو اونا ویردیم اولزمان

آلدی سویی خیامه طرف دوندی اشگبار

 

عرض ایلدیم بالا آپارورسان سویی هارا؟

بو سوزدن اولدی مضطرب اول معدنِ وقار

 

ویردی جواب خیمه ده وار خیردا بر باجیم

منن سوسوزدی ، آهی سالور عالمه شرار

 

عرض ایلدیم سن ایچ قدغن سیندی ایتمه خوف

ایندی نصیب اولار اونادا آبِ خوشگوار

 

گوز جامینه سو جامی کیمی دولدوروب سرشگ

دوندی منه بیوردی که ای مردِ نامدار

 

سویله باباما ویردیله باشین کسنده سو؟

یا تشنه کسدیلر باشینی قومِ کین شعار

 

ویردیم جواب ایچمدی آبِ فراتدن

قانیله ویردی سو باباوا تیغِ آبدار

 

توکدی سو جامینی یره ال آتدی باشینه

آغلار گوزیله توکدی یوزه زلفِ تابدار

 

القصّه آهوانِ حرم دامِ ظلمده

صیّادِ نابکار الینده اولوب شکار

 

نسوانِ هاشمیّه نی بی پرده محمله

قمچی وورا وورا ایلیوب اشقیا سوار

 

طیّ اولدی راه ، سرعتیله یتدی کوفیه

غم کاروانی ، کوفه ده لنگ ایلدی قطار

 

تقریره گلمز آلِ علینون او حالتی

آغلاردیلا کجاوه ده هم خورد و هم کبار

 

گه کف چالاردی کوفه نین اهلی ، گولردی گاه

گه ناسزا دیردیلر اول قومِ بی تبار

 

ایلر روایت ابنِ وُکیده بو مطلبی

بو غصّه حشره تک دلِ زهرانی یاندیرار

 

گوردوم اتکلری دولودور داشیله تمام

اطفالِ کوفه بیر آقاجا جمله داش وُورار

 

فکر ایلدیم ندن بو اوشاقلار آتولّا داش؟

آخر خدا دگل بو آقاج ، نخلِ میوه دار

 

گوردوم باخاندا بیر یارالی نازنین باشی

داره چکوبله کوفه نین اهلی مسیح وار

 

آنّیندا اوخ یاراسی ، یوزینده قلج یری

بی اختیار قان ویرور اولدوقجا سنگسار

 

بولدوم او قانلی باشدی حسین ابنِ فاطمه

آز قالدی ایلیم اوزومی غمدن انتحار

 

فکر ایلدیم من اوز اوزومه قویمارام قالا

گلّم گیجه آقاجدان اونی ایلرم کنار

 

ناگاه دگدی بیر بیرینه قانلی لبلری

گوردوم دیور منه سرِ سلطانِ تاجدار

 

یَابنَ وُکیده یوخدی بو سّرّه یولون سنون

اولموب تمام ، بو باشیمون چوخ بلاسی وار

 

عیسی تنوره گلوب ، باز دیدینه -

دِیره گرک گیدم بودی سر مشقِ روزگار

 

روزِ ازلده خالقیمه وعده ویرمیشم

قانلی باشیم گرکدی گوره مجلسِ قمار

 

حقّی گروهِ باطله هر یرده بولدورم

ارکانِ دینی ایلیم عالمده استوار

 

بسدور (حسینی) مطلبه ویرمه بو قدر طول

یاز محنتِ خرابه نی بَر وجهِ اختصار

 

یولّاندی شامه کوفه دن اولادِ بوتراب

شامه یتنده چترِ سپهری دوتوب غبار

 

شام اهلی پیشوازه چیخوب الده نای و چنگ

بیر ازدحام اولدی که باغلاندی رهگذار

 

شامه گیرنده حاملیدی افتخاریله

بیر نچّه گون کیمی باشا بیر نچّه نیزه دار

 

یا فاطمه گوزوندن ایراق شامِ شومده

دوشمیشدی بیر منادی قاباقجا چکردی جار

 

یانسون دلیم دیمم نه دیوردی بو قدر وار

شام اهلی بولدی عترتیوی روم و زنگبار

 

شامه گیرنده صبحیدی ، گُل یوزلی اهلِ بیت

شامه کیمی دولاندیلا هر رهگذرده خوار

 

چون بختِ زینب اولدی هوا تار ، وقتِ شام

ویرانیه یتیشدی اسیرانِ گلعذار

 

ویرانه مسکن اولدی خواتینِ عصمته

هر گوشه ده بیری یخیلوب قالدی بیقرار

 

هر صبح و شام ، شامده اُمّ المصائبه

ساقیّ چرخ ویردی مِی تلخِ ناگوار

 

رُکن الیقین ، عزّتِ دین ، فخرِ ساجدین

دربان اولوب خرابیه هم لیل و هم نهار

 

یابن الحسن امامِ زمان عرض ایدون نجه

اولدی او یرده جدّیوه نه ظلمِ بی شمار

 

ویرانیه شرف یتوب آلِ رسولدن

علّت اودور خرابه نشین اولدی بومِ زار

 

جهد ایله ال گوتورمه (حسینی) حسیندن

دنیا فنادی عمرلره یوخدی اعتبار

 

پیکِ اجل دالونجا گلور ، غفلت ایلمه

یاز شرحِ غم ، سوزون قالا دنیاده یادگار.

 

مرحوم حسینی سعدی زمان

منبع مجموعه کانالهای مدح و مرثیه

موضوع: احوالات کربلا ,
زبان شعر و شاعر: نوحه ترکی , حسینی سعدی زمان

 

------------

 

احوالات قتلگاه

 

بهارون موسمی گیچدی گینه فصلِ خزان گلدی

دوتوب غم گوگلومی ، گوگلومدن آه و الامان گلدی

 

سارالدی لاله ، گل سولدی ، بنفشه سربدوش اولدی

بُلوب بو حالی بلبل ، گلشنه ناله کنان گلدی

 

نه گوردی گل سولوبدور ، گلشنون وضعی اولوب برهم

چکوب بیر آه ، گوزدن گوز یاشی اولدی روان گلدی

 

گوروب بو گلشنون بو بلبلون حالین گوزوم دولدی

حسینون گلشنی یاده دوشوب ، دلدن فغان گلدی

 

حسینون گلشنون کرببلاده سولدوروب عدوان

حیالی عترتی شوره بسان بلبلان گلدی

 

کمک لر جان ویروب پیغمبر اوغلی قالدی بی یاور

صفِ اعدایه یالقوز اول شهنشاهِ جهان گلدی

 

ایدوب دعوا ، دگوب یاره ، آخوب قانی دوشوب دلدن

یر اوسته ذوالجناح اوستن او شاهِ انس و جان گلدی

 

دوشنده ذوالجناح اوستن یر اوسته قانلی نعشیندن

او قانلی توپراقا تازه حیاتِ جاودان گلدی

 

باشی آخدی دالی ، ضعف ایتدی قلبِ عالمون قلبی

عزیزِ فاطمه اوسته ، سَنان الده سِنان گلدی

 

حیا ایتموب امامین ووردی بیر نیزه بوغازیندان

فغانه عالمِ لاهوتیده لاهوتیان گلدی

 

اودور علّت اوخور زوّاری یامن نَحره منحور

دگنده نیزه ، حلقی پارچالاندی ، لخته قان گلدی

 

او قاندان دستماز آلدی نمازه ایلدی اقدام

امامه اقتدا ایتماقلیقا ، قدّوسیان گلدی

 

چالوب طبلِ فرح ، اللرده یکسر نیزه و خنجر

او شاهِ بیکس اوسته دسته دسته کوفیان گلدی

 

امامین دوره سین آلدی اولار یا صاحب الاسلام

بهشتِ عدنیده فریاده سکّانِ آسمان گلدی

 

اولار ووردی یورولدی ، دور و بردن تا کنار اولدی

بیر آیری ظلم اولوبدور نالیه کرّوبیان گلدی

 

قییتدی یرلرینه نیزه و خنجر ووران یکسر

هجوم آور اولوب بیر نچّه دسته داش ووران گلدی

 

او کافرلر او قدری یاره ووردی ال چکوب گیتدی

بو محنتدن فغان و شیونه افلاکیان گلدی

 

دوشوب شمرِ دنی بو فکره زهرانین ایوین یخسون

حسینین مصرعینه الده تیغِ خونفشان گلدی

 

ایدوب بیر ظلم امامه ، لرزه سالدی عرشِ اعلایه

او صحرایه پیمبر باش آچوخ ناله کنان گلدی

 

دلیم یانسون دیسم ننوعی ئولدوردی او مظلومی

که گویلردن یره بالله ملائک باغریقان گلدی

 

دوتولدی گون او ساعتده ، هوا تار اولدی ، قان یاغدی

یخیلدی رُکنِ عالَم ، لرزیه هفت آسمان گلدی

 

شهادت امری ختم اولدی ، خیامه دشمن اود ووردی

نوایه نِی تک اول دم زینبِ باغریقان گلدی

 

شرارِ آهیمیله قلبیم اود دوتدی بو مطلبدن

بو یاره قلبیمه بیر اوزگه اسرارِ نهان گلدی

 

هوا چون روزِ زینب تیره لندی ، وقتِ شام اولدی

گجه شامِ غریبانه ستمله ساربان گلدی

 

گورنده جسمینی آت دیرناقی پامال ایدوب یرده

اونا بیر حالِ اوّلده بو حالتدن عیان گلدی

 

خیال ایتدی قیتسون ، قویمادی اما طمع گیتسون

خیالینده ظهوره بیر جفای بیکران گلدی

 

کمربندِ امامه ال آتوب تا ایلسون تاراج

دفاع قصدیله غیظه پادشاهِ تشنگان گلدی

 

گتوردی قویدی محکم صاق الین روی کمربنده

نه ظلم ایتدی که قهره خالقِ کون و مکان گلدی

 

دولاندی صاق صولا تاپدی او ظالم بیر سنق خنجر

یره  سر پا برهنه عرشدن سُبّوحیان گلدی

 

ووروب جبرا" کسوب چکدی بیلکدن صاق الین اوزدی

بیله فکر ایتدی بو ایشدن اوزینه عزّ و شان گلدی

 

صاق ال گیتدی ، حسین صول اللی دوتدی تا کمربندین

صولوندا ووردی قطع ایتدی بلکدن قان روان گلدی

 

امامین اللرین کسدی ، ال آتدی تا کمربنده

او ساعت موجه بحرِ قهرِ حیّ لامکان گلدی

 

تزلزل ایلدی یرلر ، اوزون گزلتدی اول ظالم

گوروب شامِ غریبانه امیرِ مؤمنان گلدی

 

پیمبر باش آچوخ الده عمامه ، مجتبی گریان

آناسی فاطمه حالی پریشان سرزنان گلدی

 

ال آتدی باشه گوز یاشلی اوز اوغلین باسدی آغوشه

خطاب ایتدی اوغول دور بیر اوتور زهرا آنان گلدی

 

گورنده اللرین وا مِحنتا سسلندی ضعف ایتدی

گلوب هوشه دئدی گور نه آنان قدّی کمان گلدی

 

قالوب جدّون حسینون یرده قانی یا ولی الله

نه وقت گورّم دیولّه گل (حسینی) قان آلان گلدی

 

بو غم اولدم گیدر دلدن گورم جبریل سسلندی

حجابِ غیبدن ظاهر اولوب ، صاحب زمان گلدی.

 

مرحوم حسینی سعدی زمان

منبع مجموعه کانالهای مدح و مرثیه

موضوع: احوالات قتلگاه ,
زبان شعر و شاعر: نوحه ترکی , حسینی سعدی زمان

 

------------

 

در احوالات حضرت امام حسین (ع)

 

بلای عشقیله یارب دولوبدی بو رگ و پوست

اولیدی کاش منه بیر نفر حقیقی دوست

 

گوریدی اولموشام عالمده عشق بیماری

اولیدی غملی گونیمده شریکِ غم باری

 

ایدیدی فکریمی اِشغال ، گردشِ زَمنه

سِیلیدی گوز یاشیمی ، تسلیت ویریدی منه

 

نه وار شریکِ غمیم ، نه وفالی غمخواریم

نه دردیمی بیلوری جان شکار دلداریم

 

هارا گیدیم کیمه اوز دردیمی ایدیم اظهار؟

یوخومدی چاره گرک گوزلریم اولا خونبار

 

گینه امامِ حسینه گرک پناه آپارام

اونون حضورینه اشکِ تریله آه آپارام

 

حسین گلشنِ عشقین شکفته بیر گلیدور

خدای قادر و سلطانِ عشقه سویگلیدور

 

دگل بو مسئله بی مدرک ، عینِ صحّتی وار

بو سوز که عرض ایدورم معتبر روایتی وار

 

یازولّا بیر گون ابی ذر او پیرِ پاک خصال

گلوبدی منزلِ سلمانه ، چوخ پریشانحال

 

دئدی سنی بولورم من جهاندا ، حافظِ راز

اودور سنه ایدورم سِرّ قلبیمی ابراز

 

بو دردی من نچه مدّتدی ایتمیشم پنهان

واریمدی خوف اولا بو درد ، صدمهء ایمان

 

ویروب جواب اونا سلمان که قیل غمون اظهار

قالار اورکده منه کشف اولونسا هر اسرار

 

دئدی ابی ذر او دمده بودور او گزلین راز

که اود ویروب دلیمه ، ایلنمورم ابراز

 

محمّد عربینی ، خدای عَزّ وَ جَلّ

تمامِ ما خلق اللهدن ایدوب افضل

 

اونون وصیّیِ بو امّت امامی حیدردور

ولیّ مطلق و پیغمبره برابردور

 

علاوه امر ایلیوب حق ، پیمبر اُمّتینه

حصارِ امن و امان ، مرتضی ولایتینه

 

پیمبرین قیزی زهرادی ، پاک و معصومه

محبّتی بیزه واجب ، جهانه مخدومه

 

امامِ مُفترضُ الطّاعه دور حسین و حسن

که یوزلری اولارین گُلدی ، زلفی رشکِ سمن

 

اگر چه هر بیرینه قلبمیمون محبّتی وار

حسینی چوخ سوورم ، بولمورم نه علّتی وار

 

حسینون عُلقهء مخصوصی دلده مُبهمدور

اوزیمده بولمورم آیا که بو نه عالمدور

 

حسینون آدینا دلده مدام مشقیم وار

حسینه آند اولا ، آللهه اوزگه عشقیم وار

 

حسینی چوخ سوورم بسکه من تهِ دلدن

بو حُبّ قورخورام ایمانیمی آلا الدن

 

حسینون عشقی طنابِ قراریمی کسوری

آدی گلنده دلیم برگِ بید تک اسوری

 

ایله محبّتی جاگیر اولوبدی جانیمده

که ایلیوبدی تصرّف بو آد روانیمده

 

ابی ذرین بو کلامین ایشتدی تا سلمان

گلوب تکلّمه اول پیرِ کامل الایمان

 

دئدی غم ایتمه که اولدوخ غریبه هم اسرار

حسینه سنده اولان شورِ عشق منده ده وار

 

نه تک مؤثر اولوبدی بو شورِ عشق سنه

مریضِ عشقِ حسینم ، حسیندن دئ منه

 

بولورسن اوزگه لریله من اولمارام تطبیق

منیم دیانتیمی مصطفی ایدوب تصدیق

 

درختِ دینِ خدایه دلیمده ساقَم وار

حسینه هامیدان آرتوخ منیم علاقم وار

 

او بش نفر که دیوللر اولاره آلِ عبا

محبّتین اولارین واجب ایلیوبدی خدا

 

بِشینیده آئینهِ حقنمائیله گورورم

او بِش نفرده و لیکن حسینی چوخ سوورم

 

دیوبله بیر بیره سلمان و بوذر ، او دمده

بیز اولدوق ایمدیکه هم درد بو بیوک غمده

 

پیمبرین قیزینا گل گیداخ دیاخ بو سوزی

ایدر بو مسئله نی حلّ ، اوغول آناسی اوزی

 

گلوبدی هر ایکیسی دودمانِ زهرایه

ایدوبله کشفِ قضیّه بتولِ عذرایه

 

جنابِ فاطمه مطلبدن اولدی تا حالی

گلوب محبّتی جوشه پوزولدی احوالی

 

بیوردی گوزلریمون نوری دور حسین و حسن

اولاره گر چه اورکدن علاقمندم من

 

آتامدی مصدرِ لولاک ، احمدِ محمود

ولیّ مطلق ایدوبدور عم اوغلومی معبود

 

بولار خلایق آرا ، برگزیده دور بولورم

سیزون کیمی ولی منده حسینی چوخ سوورم

 

حسین عزیزِ دلیم ، مایهء فتوحمیدی

حسین جسمده جانیم ، حسین روحیمدی

 

دلیم رضا دگی ، پای حسینه خار باتا

یوورار گوز یاشی گر زلفینه غبار باتا

 

سحر که بادِ صبا زلفینه گذر ایلر

پوزار نظامینی ، زهرانی بی قرار ایلر

 

بو روزگارده مؤمن لرین امیری منم

اودور هامیدان آرتوخ ، حسین اسیری منم

 

تمامِ خلق آرا ، منظور بیر حسینیمدی

حسین چکیدهء روحیمدی ، نورِ عینیمدی

 

بولار بو سوزده او دم قدرتِ جَلی گلدی

اسیرِ عشقِ حسین ، مرتضی علی گلدی

 

اولوب قضیّه دن آگه ، او شاهِ دریا دل

بیوردی بوذر و سلمانه ، اولمیون غافل

 

سیزون کیمی منه ده ، سوزِ عشق ایدوب تأثیر

حسینون عُلقهء مخصوصی ایلیوبدی اسیر

 

حسین کیمی هانی بیر کس دلربا اولسون؟

حسینه کاش آتاسی علی فدا اولسون

 

او قلبلرده که مؤمندیلر ایدوب انفاق

قویوب ودیعه ، حسینون محبّتین خلّاق

 

ان للحسین محبة مکنونة فی قلوب المؤمنین

 

بو روزگارده مؤمن لرین امیری منم

اودور هامیدان آرتوخ ، حسین اسیری منم

 

تمامِ خلق آرا ، منظور بیر حسینیمدی

حسین چکیدهء روحیمدی ، نورِ عینیمدی

 

گوروبله مسئله مُعضَلدی ، حلّی چوخ مشکل

دیوبله ایلیه لازمدی حل ّ، ختمِ رسل

 

حسینه دلده اولان گزلین اشتیاقیله

گلوبله محضرِ طاهایه اتّفاقیله

 

قضیّه کشف اولونوب ، ختمِ انبیا بولدی

بویوردی مسئله باریک ، حلّی مشکلدی

 

او مسئله که ایدوبسوز سؤاله سیز عنوان

وارام او مسئله ده منده سیز کیمی حیران

 

حسین قلبمیون آرامیدور ، عزیزیم دور

حسین مردمکِ چشمِ اشک ریزیمدور

 

او قدر کی سیزه حُبّ حسین ایدوبدی اثر

حسین محبّتی قلبیمده وار یوز او قَدَر

 

حسینه جدّی فدا ، بو حسین روانیمدور

حسین جسمده جانیمدی ، قانی قانیمدور

 

گلوب او حالده پیکِ خدای ربّ جلیل

یتوردی وحیِ خدانی پیمبره جبریل

 

دئدی پیمبره وار خالقین سلامی سنه

سلامدن صورا وار بیله بیر پیامی سنه

 

حسین مشیّتیمه شاهدِ قرینیم دور

حسین ذاتیمه محبوب ، هم حبیبیم دور

 

حسینیمی سُوَه هر پاک بنده ، چوخ سوورم

نه تک محبّتی وار سیزده ، منده چوخ سوورم

 

حسین محبّتنون شرح و بَسطی مشگلدور

حسین گلشنِ آلِ عباده بیر گلدور

 

همان حسین که اونی چوخ سوَردی پیغمبر

اوزینه سویگلی ایتمیشدی خالقِ داور

 

همان حسین که علی گوزلرینده ، نوریدی او

بتول قلبینه سرمایهء سروریدی او

 

سپاهِ کوفه باشین کسدی ، پیکرین سویدی

یارالی پیکرینی یرده بی کفن قویدی

 

نه چکدی آلِ عبا ، بولمورم بولر خالق

گورنده جسمِ حسین ، گل کیمی اولوب اوراق

 

گوروبله یاس دوتان یوخ ، امامِ مُمتحنه

دوتوبلا شامِ غریبان او شاهِ بی کفنه

 

صدا صدایه ویروب وا حسین دویوبله تمام

قیامت ایلدی گودالِ قتلگهده قیام

 

دیوم نه شامِ غریبان ، نه شیونِ جانکاه

ووراردی باشه او مجلسده اولیاء الله

 

النده ساچلاری دلده فغانِ واولدا

رسولِ اکرمه عرض ایتدی حضرتِ زهرا

 

حسین مصیبتی زهرانون اختیارین آلوب

بالامی گور بابا امّتلرون نه حاله سالوب؟

 

دئمه قیامته دین آه و ناله دن دویارام

اجازه ویرسن اگر ، قانه زلفیمی بویارام

 

ایشتدی تا بو سوزی چکدی آه آتشبار

بویوردی فاطمیه جدّی اختیارون وار

 

بو قانی زلفوه یاخسان دیمه دوروب باخارام

بو قان بهالیدی ، منده عذاریمه یاخارام

 

اجازه آلدی خانم اذن ویردی گوز یاشنا

ازلده دولاندی او باشسیز جنازه نین باشنا

 

شرارِ آهیله دنیانی یاندوروب یاخدی

باتوردی اللرینی قانه ، زلفینه یاخدی

 

اوزینی سالدی او نعشِ اوسته زار و دلخسته

دوشه دی ساچلارینی قانلی سینه سی اوسته

 

دئدی اوغول ، سنه قربان اولا آنان زهرا

ایاقه دور ، که گلوب قامتی کمان زهرا

 

بو نازنین بدنون ، سربسر اوغول یارادی

دئ بیر گوروم سنی کیم بیله قانوه بویادی؟

 

سنی تانومادی یوخسا ، بو فرقهء عدوان

که کسدیلر سو یانندا باشون سوسوز دالیدان

 

مگر اوغول دئمدون گلستانِ دین گلییم

پیمبرین بالاسی کردگاره سویگلیَم

 

مگر اوغول دیمدون من عزیز زهرایم

بدنده روحِ روانِ بتولِ عذرایم

 

اوغول گوزوم نجه گورسون بو دوغرانان بدنی؟

سالوبدی هانسی ستمگرِ دنی بو حاله سنی؟

 

بو دوغرانان بدنون دور اوغول سرون هانی بس؟

ندن بو حاله قالوبسان کومکلرون هانی بس؟

 

سِنوبدی لشکر ، علمدار ئولوب ، یاتوب علمون

علی عزیزی علمدار لشکرون هانی بس؟

 

 دوراردی صاق طرفونده همیشه اوغلون علی

سپهرِ حُسن و وفا ماهی اکبرون هانی بس؟

 

بلا کشیده قیزیم زینبه اوغول نه گلوب

اسیر قوم جفاجو حرملرون هانی بس؟

 

اولیدی کاش اوغول ساربانون اللری شل

بیلک لرون بویانوب قانه اللرون هانی بس؟

 

رسولِ اکرمه تعظیم اوچون قیام ایلدی

کسوک بوغازیله اوز جدّینه سلام ایلدی

 

او مجلسیکه عزاخانهء حقیقتیدی

او بزمه صاحب عزا خاتمِ رسالتیدی

 

حسین سسیله حجاباتِ نُه فلک دولدی

اوزی اوزینه او مجلسده روضه خوان اولدی

 

مخاطب ایلدی اوز جدّینی بصوتِ صَریح

بو دللریله مصیبت لرین ایدوب تشریح

 

خدایه آند اولا الدوردولر کومک لریمی

ستمله دوغرادیلار پاره پاره اکبریمی

 

گوزوم باخا باخا قارداشلاریمی دوغرادیلار

الیمدن آلدیلا اعوان و یار و یاریمی

 

ایکی قولونی کسوب یخدیلار فرات اوسته

آتام برابری عبّاس امیرِ لشکریمی

 

بهارِ عمریمه اسدیردیله سمومِ خزان

نه قویدولار قالا بیر سرو نه صنوبریمی

 

کیچیک اوشاقلاریمز ظلم الیله ذبح اولدی

الیمده اوخلادیلار شیر خواره اصغریمی

 

ورولدی خیمیه اود قیزلاریم داغلدی چوله

آچیلدی غارت الی ، سویدولار حرملریمی

 

آنام بتولده سنده آتامدا حاضریدوز

کسنده باشیمی دشمن سو یانندا پیکریمی

 

کسوبله بارماقیمی بیر اوزوکدن اوتری بابا

بیان ایدوم سیزه هانسی ملال و غملریمی

 

یارالی سینمون اوستنده آت چاپوب اعدا

شکست ایدوبله گوزوندن ایراق سومکلریمی

 

گونوز اولوندی او که ظلمیدی تمام اولدی

گجه زمانی کسوب ساربانیم اللریمی

 

گلوب(حسینی) منیم آستانمه نوکر

ذلیل ایستمرم من جهاندا نوکریمی

 

جزا گونی باشینا تاجِ سلطنت قویارام

نشان ویرنده منه الده نوحه دفتریمی.

 

مرحوم حسینی سعدی زمان

منبع مجموعه کانالهای مدح و مرثیه

موضوع: حضرت امام حسین (ع) احوالات ,
زبان شعر و شاعر: نوحه ترکی , حسینی سعدی زمان

 

------------

 

زبانحال حضرت رباب (سلام الله)

 

دوشوب خیاله بلا دشتی طاهرات عطشی

بالالارین آنائیله سو اوسته کشمکشی

 

معاینه گورورم فاطمیه قیزلاری من

سو جامی الده دیور العطش ائدور شیون

 

ولیک اصغرین احوالی تاب دیلدن آلور

رباب الری اوسته بالیغ کیمین چابالور

 

سالیبدی سینه سینه صود امر بالانی رباب

ائله سیزیلدیری گویا یانیر اوت اوسته کباب

 

آنا گورور بالا ضعف ائتدی گول کیمی سولدی

دیور علاج ائله یارب بالام کباب اولدی

 

ترحم ایله الهی بالامدا یاندی اوزومده

اول انتقام گواهی بالامدا یاندی اوزومده

 

اوزوم آجام سوسوزام بو سینمده صودنده اثر یوخ

گلیب گوزومه سیاهی بالامدا یاندی اوزومده

 

باتوب سسی اوقدر آغلیب دوشوبدی نفسدن

ندور بو طفل گناهی بالامدا یاندی اوزومده

 

هارا گیدیم کیمه اوز دردیمی دیم اولا یارب

بو بخت قاره پناهی بالامدا یاندی اوزومده

 

ائله خزان گلی تک اصغریم سولوب سارالیبدی

ایدور خجل یوزی گاهی بالامدا یاندی اوزومده

 

سالیرام بوش سینمه بلکه بیرقدر توتا آرام

آلور قراریمی آهی بالامدا یاندی اوزومده

 

بونون یوزی الی قانلی منیمده قانیلدی سینم

تاپا محال رفاهی بالامدا یاندی اوزومده

 

بالیغ کیمین چابالور گاه ضعف ایدور یانیر آغلیر

خراش سینمی گاهی بالامدا یاندی اوزومده

 

چالیر اوزون یره بیردن گورن دیرکی دوشوبدی

سودان کناره بو ماهی بالامدا یاندی اوزومده

 

خجالتم سودان اما اورکدکی غم وسوزش

گویوب گوزومده سیاهی بالامدا یاندی اوزومده

 

دولاندیریر بالاجا گوزلرین باخور منه ایلور

خجالتیمی گواهی بالامدا یاندی اوزومده

 

آچیرگوزون باخیر منه کباب ایلوری الله

منی بو طرز نگاهی بالامدا یاندی اوزومده

 

سوسوزدی آجدی سودیم یوخ ویرم بونا دیلی یوخدی

دیه سوزونی شفاهی بالامدا یاندی اوزومده

 

دیل آنلامورکی دیم آز آغلا تابیراز یاتا راحت

سینمده خاه نخواهی بالامدا یاندی اوزومده

 

دوشوب گوزی دورانه یاخوندی اولسون عطشدن

اوجالدان انجم وماهی بالامدا یاندی اوزومده

 

یوزومه حسرتیله گه باخور یانیر آغلیر

پوزور حرایمی شاهی بالامدا یاندی اوزومده

 

گینه نه سوزدی دیلون یانماسون نه دلدی (حسینی)

ترحم ایله الهی بالامدا یاندی اوزومده

 

عمل صحیفه وی دوتموشدی لوثِ معصیت ، اولدی

مطّهراتِ مناهی بالامدا یاندی اوزومده.

 

مرحوم حسینی سعدی زمان

منبع مجموعه کانالهای مدح و مرثیه

موضوع: حضرت رباب (س) ,
زبان شعر و شاعر: نوحه ترکی , حسینی سعدی زمان

 

------------

 

زبانحال در احوالات حضرت علی اکبر (علیه السلام)

 

اکبریم باش ویردی ،‌ باشه یتدی پیمانیم باجی

جان ویروب ، جان اوستیَم ایمدی چیخار جانیم باجی

 

قول ویرمشدیم بو چولده جان ویرم جانانیمه

اکبریم امضا قویوب ، قول چکدیروب فرمانیمه

بو جوان قانه بویاندی من بویاندیم قانیمه

روح بیر ، قالب ایکی ، بوندان آخار قانیم باجی

 

ظلمیله قانه باتوبدور جدّیمون آیینه سی

تیغ و خنجرله یازیلمیش صفحه صفحه سینه سی

منشیِ عمر ال چکوب ، تعطیل اولوب کابینه سی

خدمتین تصدیق ایدوب بی مثل جانانیم باجی

 

زلفی باشندن آخان قانیله خون آلود اولوب

پیکری تیریله ، چشمِ مستی قانیله دولوب

گُل کیمی اوراق اولوب نعشی ، یوزی گُل تک سولوب

گورسن احوالون پوزار سولموش گلستانیم باجی

 

گُل کیمی صدپاره گوردوم پیکرِ زیباسینی

ممکن اولمازدی گتورماق چاک چاک اعضاسینی

بیر پوزولموش گلستانین ارغوان و یاسینی

بیر عبایه یغدیلار ، حمل ایتدی اعوانیم باجی

 

بیله خندان گر گوره لیلا  گُلِ یاسین ، یانار

اوزلوقندان چیخماسا یاخشی دوتار یاسین ، یانار

چوخ سُوَر جدّیم شبهین عترتِ یاسین یانار

یاسینی ساخلار حریمِ دیده گریانیم باجی

 

من باخوب بو نوجوانه یانمیشام ، دشمن گولوب

جسمدن چکدوقجا اوخ ، نه چکمیشم الله بولوب

گوز یاشیم قویمور گورم ، باخ گور نفس وار یا ئولوب؟

وار یری لیلانی مجنون ایتسه افغانیم باجی

 

هر گورن خال و خطین حیران قالوب نقّاشینه

بیر قلج امّا ووروب بی رحم منقذ باشینه

مه جبین منشقّ اولوب یاره یتوبدور باشینه

گوسترور شقّ القمر بو ماهِ تابانیم باجی

 

ویر خبر سوزِ جگردن لیلی سینه داغلاسون

اوغلونین نعشین گوروب یانسون دویونجا آغلاسین

باش آچوب زلفِ سیاهیله یاراسین باغلاسون

زخمینی من باغلیوم قالموبدی امکانیم باجی

 

باغریمی بو نازنین جسمه دگن اوخلار دلوب

آغلاما دیندیرمه ، دعوادن بالام یورقون گلوب

رختین آهسته سویوندور آز زماندا دینجلوب

چوخ چکوب جان اوسته زحمت تشنه قربانیم باجی

 

چشمِ مستیندن خجالتدور غزالِ مُلکِ چین

تل به تل قانه باتوب ، زلفِ سیاهی چین بچین

خرمنِ عشقیمده بو صحراده سنسن خوشه چین

خرمنون یاندورماسا گر آهِ سوزانیم باجی

 

ای (حسینی) گچدی ماضی ، توشه قیل مُستَقبَله

صرف ایله عمرون بو نحو اشعاری سال الدن اله

بیر مطوّل احتجاج ایستر بو مجمل مسئله

اکبریم باش ویردی ، باشه یتدی پیمانیم باجی.

 

مرحوم حسینی سعدی زمان

منبع مجموعه کانالهای مدح و مرثیه

موضوع: حضرت علی اکبر (ع) زبانحال ,
زبان شعر و شاعر: نوحه ترکی , حسینی سعدی زمان

 

------------

 

قیامت زینبیه

 

گرک اهل ولا عمرینجه عالمده بلا گورسون

سوور خالق ولا اهلین بلایه مبتلا گورسون

 

محبت اهلی بیگانه گرکدور عیش دنیادن

اوزین اهل ولا ، لازمدی درده آشنا گورسون

 

جلال و عزتندن ال گوتورسون راه جاناندا

بقای جاودانی درک ایدوب ، عمرین فنا گورسون

 

رموزات محبتده نکات عشقده دارا

اولا هر کیمسه شایق ، کاملاً اهل وفا گورسون

 

بصیرت دیده سین آچسین بلا صحراسینه باخسون

مقام عشقده دارا اولان اهل ولا گورسون

 

غلطدور سالک راه حقیقت ، ذکر ایدم آدین

باخوب عشاق عالم راه عشقه رهنما گورسون

 

آدی ام المصائب ، مخزن غم ، حضرت زینب

اونون تک کیمدی اثبات محبتده جفا گورسون

 

گورون وار بیر باجی ، قارداش یولوندا دار دنیاده

نقدری محنت و غم یوز ویره نفسین رضا گورسون

 

هامی غم بیر یانا غارتده اما اوزگه بیر غم وار

نجه شمرین النده معجرین کان حیا گورسون

 

سوروشدوم بیر نفر عالمدن اوضاع قیامتدن

اشاره ویردی غارتدن ، گوز ایستر برملا گورسون

 

دیمه غارت قیامتدن علامتدور ، نه سوزدور بو؟

او صغری دور بو کبری ، باخان وار مطلقا گورسون

 

عیال مصطفایه مین قیامت اولدی غارتده

مسلط اهل علم ایستر ، خبرده مبتدا گورسون

 

النده تازیانه آلدی لشگر زینب اطرافین

خبر ویر ای صبا گلسون قیزین خیرالنساء گورسون

 

یوزی اوسته دوشوب غش ایلدی زینب او حالتده

بو اوضاعی گلوب ایکاش ختم انبیا گورسون

 

سکینه گوردی بو حالی ، پوزولدی حالی بی طاقت

دئدی بو حالی یارب هاردادور شیر خدا گورسون

 

باخوبدور اهل بیت عصمته سسلندی یا اختا

روادور بیر نفر عورت بیله بیر ابتلا گورسون؟

 

رقیه دور ایاقه عمه مین سال باشنا قاره

مبادا عصمت کبری جمالین اشقیا گورسون

 

دوگولر عمه می ، آز قالدی ئولدورسونله کافرلر

دئن یوخ اهل شام و کوفه آز ظلمی روا گورسون

 

تاپولمور بیر نفر شمرین الیندن عمه می آلسون

نجه بو خفتی بولمم عیال هل اتی گورسون

 

گویردی قولاری ، چگنی ، یارالاردان آخار قانی

هانی بیر رحم ایدن ؟ دورسون تدارک بیر دوا گورسون

 

آغارمیش زلفینی اوز باشنون قانی خضاب ایتدی

یاخوندور سرپرستین غرق خون ، آل عبا گورسون

 

ئولنجه بو یارالار وای منه مرهم قبول ایتمز

خبر ویر باجیسین گلسون عموم صاحب لوا گورسون

 

دیسم زیبنده دور سس گلدی درگاه جلالتدن

مقدردور حبیبم بیله غملی ماجرا گورسون

 

چکون اما ابوالفضلین یارالی نعشنه پرده

مبادا شمر النده باجیسین بی اقربا گورسون

 

الی یوخدور دوروب شمرین الندن زینبی آلسون

او غیرت کانی مشگلدور بو حالی برملا گورسون

 

به حق عصمت زینب اوزون لطف ایله معبودا

حسینی بو مرضدن بیرده عالمده شفا گورسون

 

اورکده حسرتی واردور ازل گیتسون خراسانه

اجل درک ایتممیش بیرده مقامین کربلا گورسون

 

مرحوم حسینی سعدی زمان

منبع مجموعه کانالهای مدح و مرثیه

موضوع: حضرت زینب کبری (س) احوالات ,
زبان شعر و شاعر: نوحه ترکی , حسینی سعدی زمان

 

------------

 

در مدح حضرت زینب (سلام‌الله)

 

زینب آن بانوی علیاجاه و با تقواستی

کاندر اوصاف و فضائل زهراستی

 

عصمت پروردگار و قطب عصمت را مدار

دخت ناموس الهی زینب کبراستی

 

زن چنین باشد اگر ایکاش زن بودی تمام

آنچه در عالم ز نسل آدم و حواستی

 

گر نبودی مادرش زهرای اطهر گفتمی

او در افراد زنان بی مثل و بی همتاستی

 

گوهر گنج ولایت دختر شیر خدا

خواهر سبطین رحمت در حیا دریاستی

 

بی معلم عالمه،آرام جان فاطمه

در شجاعت همچو بابابش علی تنهاستی

 

قطره از علم زینب مادر عیسی نداشت

عصمتش را گرچه قرآن ناطق و گویاستی

 

با شهادت گر حسین اسلام را رونق فزود

در اسارت زینب کبری از آن بالاستی

 

وه چه زینب زین‌اب فخر زنان روزگار

صورتش در لفظ عصمت مستتر معناستی

 

رونق قرآن بود بسته به تبلیغات وی

گرچه در کوفه اسیر لشگر اعداستی

 

مفتضح شد این مرجانه زپاسخ های او

هرچه بر لب راند زینب متقن و باجاستی

 

کاخ ظلم آل هند از نطق وی شد پایمال

آفرین برآن زنی کاین فضل را داراستی

 

هست سعدی زمان را این شرف این افتخار

کاو بعالم مادح ذریه طاهاستی

 

مرحوم حسینی سعدی ‌زمان‌

منبع مجموعه کانالهای مدح و مرثیه

موضوع: حضرت زینب کبری (س) مدح ,
زبان شعر و شاعر: نوحه فارسی , حسینی سعدی زمان

 

------------

 

زبانحال حضرت زینب کبری (سلام الله) در حال احتضار

 

ای گیدن بلا چولونده غارته جلالی قارداش

جان ویرور بلالی باجون هارداسان یارالی قارداش

 

وار یادوندا سن اُلن گون عرصه گاه نینواده

قان ایچنده جان ویرنده قتلگاه کربلاده

الماقا باشون دیز اوسته اول محل ابتلاده

ایلدیم حسین اراده عرصۀ جدالی قارداش

 

ال ایاق چالاندا گود قتلگهده سن برادر

باشوی آلام دیز اوسته قویمادی سپاه کافر

باغلیانمادیم گوزون من ای شفیع روز محشر

زینبی او گوندن ایتدی محنتون خیالی قارداش

 

وار کیمیم بو غربت ایچره باخبر بو نسگلیمدن

آیری دوشموشم وطن دن هم قبیله هم ائلیمدن

دوشموری بو صون نفسده بیر نفس آدون دیلمدن

گوز یاشیم آخور گورنده چشمۀ زلالی قارداش

 

آلتی گوشه قبرین اوسته چوخ چتین گلم دوباره

گل ئولن زماندا باری باشیمی سن آل کناره

من خجالتم ولیکن سن منی یتور مزاره

آل هاشمه خبر ویر بو اسفلی حالی قارداش

 

دوزدی هر غمه شریکوق اولماروق غم و محن سیز

سن کفنسیز ئولدن اما قویما من ئولوم کفن سیز

کیم ایدر کفن غریبه یوخ بیلن بو سرّی سن سیز

حیف اولا که سنده مندن دوشموسن آرالی قارداش

 

حالیمی آنام بتوله کاش بیر نفر یتورسون

اوزگه بیر کسیم که یوخدی زینبه کفن یتورسون

قبره قویماقا بلالی باجوی اوزین یتورسون

یوخدی بیر نفر یانیندا دوغرانوب رجالی قارداش

 

چخمیوب هله یادمنان ماجرای شام و کوفه

سالدی کوفه نین جفاسی بدر صورتون خسوفه

دوشدی شامیدن منیم ده عمریمون گونی کوسوفه

عمریمون گونی یاخوندور درک ائده زوالی قارداش

 

گل عزیزه باجوون گور بیرجه حال احتضارین

میلی وار وصاله الدن فرقتون الوب قرارین

گورمویوب دوباره گورمز گوزلری بو روزگارین

من کیمی وفالی باجی سن کیمی وفالی قارداش

 

(سعدی زمان) علاقه باغلاسا اگر مشیّت

اهل ماتمیله اولسا زینبون مزاری قسمت

کربلایه قیل توجه ایله بو سوزی تلاوت

ای گیدن بلالی چولونده غارته جلالی قارداش

 

 مرحوم حسینی سعدی زمان

منبع مجموعه کانالهای مدح و مرثیه

موضوع: حضرت زینب کبری (س) زبانحال ,
زبان شعر و شاعر: نوحه ترکی , حسینی سعدی زمان

 

------------