مجموعه اشعار مرحوم حسینی سعدی زمان - بخش دوم

بخش دوم مجموعه اشعار آیینی از مرحوم حسینی سعدی زمان ویژه متن نوحه ترکی محرم و صفر و ایام سوگواری

 

زبانحال حضرت زینب کبری (سلام الله) در احوالات حضرت زهرا (سلام الله)

 

قد سروی خمیده ، یارالی آنام ایوای

گیدن قبره شهیده ، یارالی آنام ایوای

 

آز عمریله اولان مین خدنگ غمه آماج

یوزی گوامین اصلاً اولان خوش گونه محتاج

سپاه غم و غصّه ائدن صبرینی تاراج

سیه زلفی سفیده یارالی آنام ایوای

آز عمریله چکن چوخ جهاندا غم و محنت

قد سرو رساسین بوکن بار مصیبت

کسن رشتۀ عمرین یدِ ظلم و مشقّت

دؤُزَن ظلم مزیده یارالی آنام ایوای

 

بلا رنگینه هر آن خُم غمده بویاندون

آچوب ظلم الی ثانی قاپون یاندی دایاندون

شهید اولدی جنینون اؤزونده یارالاندون

اولان سینه دریده یارالی آنام ایوای

 

بو بس اولمادی الدن عدو مُلکوی آلدی

گیدوب حقّون الوندن گویه آهون اوجالدی

بیر ال دگدی یوزوندن اثر مه یوزه سالدی

خسوف اولدی پدیده یارالی آنام ایوای

 

آنا عطریون ائدردی خجالت گل یاسی

گله طعنه ووراردی یوزون ذوق و صفاسی

شل اولسون او الیکه اونون ائتدی جفاسی

او گل رنگی پریده یارالی آنام ایوای

 

بابام ختم رسالت گیدن گون بو جهاندان

سنه باب مصیبت آچیلدی نچه یاندان

دونوب ذلته عزّت دویوردی سنی جاندان

مُلِمّاتِ عدیده یارالی آنام ایوای

 

هامی عمرده بیر گون یوزون گولمدی دلدن

بلالر گونی گوندن آلوب صبریوی الدن

ئولونجه سالا هیهات قیزون آدیوی دیلدن

توکر قان یوزه دیده یارالی آنام ایوای

 

سنه غسل وئرنده آتام شاه ولایت

گوروبدور بدنونده وار آثار جراحت

حسینیله حسندن ائشیتدیم من او ساعت

دیوللر که شهیده یارالی آنام ایوای

 

دوشور یادیمه هر دم گوگل سوز و گدازون

اولور گوزده مجسّم دل شبده نیازون

قیزون بوش گورور ایمدی ولی جای نمازون

شب تار و سپیده یارالی آنام ایوای

 

اولوب وضع قنوتون سبب دلده ملاله

بیر الّی ال آچاردون درِ عزُّ و جلاله

قولون قاخموری گوردوم ائدورسن نجه ناله

خداوند مجیده یارالی آنام ایوای

 

او غملر که توکولدی سنون اوستوه هر دم

توکولسیدی گون اوسته اولوردی شب مُظلم

گلیدی اجل ا ی کاش ئولیدوق آنا باهم

قیزون قالدی وحیده یارالی آنام ایوای

 

بویورموشدی پیمبر منه اجر رسالت

فقط آل عبایه محبتدی ، مودَّت

عجب امّتی ائتدی مراعات وصیّت

غم و رنج کشیده یارالی آنام ایوای

 

او گون مسجده گئتدون گوزی یاشلی و خسته

او قومیله دانشدون یارالی ایاق اوسته

گئدر شامده بیر گون جفا قیدینه بسته

قیزون بزم یزیده یارالی آنام ایوای

 

آنان رحلتی ائتدی (حسینی) سنی نالان

اودور پوزدی بو جمعی سوزون ائتدی پریشان

بویوردی سنه ناحی بونی ذکر ائله هر آن

گئدن قبره شهیده یارالی آنام ایوای

 

مرحوم حسینی سعدی زمان

منبع مجموعه کانالهای مدح و مرثیه

موضوع: حضرت فاطمه زهرا (س) زبانحال ,
زبان شعر و شاعر: نوحه ترکی , حسینی سعدی زمان

 

------------

 

زبانحال حضرت زهرا (سلام الله)

 

ای کلام الله ناطق معنی قرآن عم اوغلی

گل تلاوت ایله قرآن جانویروم آسان عم اوغلی

 

ای جمال اللهه مظهر مطلع اسماء حسنی

ذوالجلاله وجه باقی سرّ جنب اللهه دارا

باشیم اوستونده گل اگلش جان ویرور جانانه زهرا

ای یوزی مرآت جانان شمع بزم جان عم اوغلی

 

نوحین ای باب نجاتی خضره معطی آب حیوان

تاپدی فصل وصل پایان باشلانور ایام هجران

عمریمون کشتیسی سیندی ایتدی غم دریاسی طوفان

ساحله گل چک بطولی لنگر امکان عم اوغلی

 

روحه لذتدور بلورسن استماع صوت قرآن

ایلیه خاصه تلاوت سن کیمی مرآت یزدان

ایله بیر یاسین تلاوت روحیمه ویر خط شایان

ای ویرن داوده نغمه صوتوه قربان عم اوغلی

 

ای وجود پاکی نخل عالم ایجاده هسته

مؤمن و کافر ئولنده سن گلرسن باشی اوسته

باشیمی گل آل کناره جان ویرور بو دل شکسته

تاپشور عزرائیله آلسون جانیمی آسان عم اوغلی

 

اولدی اون سگیز ایل عمروم بو جهان بی وفاده

گلمدیم عمرومده بیر گون من بو دار ابتلاده

یوخسا اوَّلدن مشیت بیله ایتمیشدی اراده

گُولمسون اون سگیز ایلده فاطمه بیر آن عم اوغلی

 

ایلیوب زهرانی دعوت گر چه پیغمبر بهشته

مندن اوتری حی اعلا ایلیوب زیور بهشته

من ولی بیر دم وصالون ویرمرم مینلر بهشته

نیلورم سنسیز بهشتی ای گل رصوان عم اوغلی

 

مشکله سنسن دوشنده ماسوی اللهین امیدی

اولسا هر قفل شداید اسم پاکوندور کلیدی

گل بو مشکل ساعتیمده گلمه میش رحلت بریدی

مژدۀ آسایشیله قیل منه احسان عم اوغلی

 

تا آتام پیغمبر ئولدی من دچار اولدوم ملاله

بار محنتدن بوکولدی قامتیم دوندی هلاله

قویمادی ثانی ایویمده آغلیام من لامحاله

ایلدیم بیر عمر چولده ناله و افغان عم اوغلی

 

درگهیم یاندی اوجالدی گوگلره داد و انینیم

غصّه دن قانیله دولدی لاله تک قلب غمینیم

ایلدی بیر ظلم ثانی ئولدی بطنیمده جنینیم

ظلم ثانیدن سرشکیم اولدی گوزده قان عم اوغلی

 

ای اولان نفس نفیسی انفس و آفاقه علت

شمس افلاک ولایت مشرقِ هاءِ هویت

آخِر عمریمده واریمدور بیر نچه عمده وصیت

گرچه عالِم سن ولیکن قوی ایدوم اعلان عم اوغلی

 

من که ترک ایتدیم عم اوغلی بو جهان بی وفانی

قیل گئجه تغسیل و تکفین جسمیمی دفن ائت نهانی

روحیمی ناراحت ایلر قبریم اوسته گلسه ثانی

راضیم قالسون جهاندا مدفنیم پنهان عم اوغلی

 

رشتۀ عشق حسینه بسته دور بو زار و خسته

صوت قرآنین خصوصاً چوخ سور بو دلشکسته

هر شب جمعه حسینی حاضر ایله قبریم اوسته

ایلسون اوغلوم تلاوت آیۀ قرآن عم اوغلی

 

آغلاسون قویما حسینیم ایلسون فریاد و شیون

آغلیاندا گوز یاشین سیل رأفت ایله هر زمان سن

آغلاسا بو نور عینیم شوره گللم آغلارام من

ایلرم گوز یاشیمیله عالمی طوفان عم اوغلی

 

سن کلام لم یزلده قل هواللهه مثل سن

زندگی بخش خلایق منزل پیک اجلسن

باشی اوسته بو حسینون جانویرن ساعتده گلسن

سو گتور قویما حسینیم جان ویره عطشان عم اوغلی

 

خسته دور جسمیم ضعیفم چکمیشم از بسکه چوخ غم

حقلیم تأخیریم اولسا گلمسم سندن مقدّم

سن ولی مندن قاباق گل ای ولی الله اعظم

قویما اینجیتسون حسینی لشکر عدوان عم اوغلی

 

جسمی گولدور بو حسینون دوزمرم بیر خار باتسون

عزت اسلام اما بوندادور بو قانه باتسون

راضیم توپراقلار اوسته قان ایچینده عور یاتسون

گون ایوینده قالسون اوچ گون پیکری عریان عم اوغلی

 

بیر حسین آدلی فراهت آل حیدر نوحه خوانی

اولدی (سعدی زمانون) بو بیاناتینده بانی

آرزو ایلولّه چوخدان دید ایوان طلانی

دعوت ائت گلسونله بو ایل وقفۀ قربان عم اوغلی

 

 مرحوم حسینی سعدی زمان

منبع مجموعه کانالهای مدح و مرثیه

موضوع: حضرت فاطمه زهرا (س) زبانحال ,
زبان شعر و شاعر: نوحه ترکی , حسینی سعدی زمان

 

------------

 

حضرت امام زمان (عج)

و گریز به مجلس یزید

 

ای حجت منتظر خدا را بر حال پریش ما نظر کن

ما گرچه بدیم کن مدارا این شام سیاه ما سحر کن

 

تا کی ز فشار جور اعدا بر روز خوشی شویم محتاج

تا کی دل صاف اهل معنی باشد بخدنگ ظاهر آماج

تا کی غم و ابتلای دنیا مانند یمی به سینه موّاج

در سینه دگر نمانده یارا این نقشه به نقشۀ دگر کن

 

یک مشت مروّج حقیقت در بحر مجاز چون حباب است

این غم شده موجب فضیحت منهیّۀ جد تو ثواب است

جز اسم نمانده از شریعت معمورۀ ملک دین خراب است

ویرانه ببین متین بنا را تعمیر خرابیش ز سر کن

 

بلبل به قفس، کلاغ آزاد؟ در پنجۀ زاغ اسیر شاهین

احباب ملول و مبغضین شاد رفته ز میانه عهد دیرین

کاخ ستم و جفاست آباد معروف شده است منکر دین

پر گشته جهان ز جور و بیداد از داد نمانده رسم و آئین

باز آ و جهانِ پر جفا را مملو ز عدل و داد بر کن

 

یابن الحسن ای ولی داور کی موسم ادّعای خون است؟

تا کی شنویم ز اهل منبر جدّ تو قتیل قوم دون است

در نیزه سر و بخاک پیکر زخمش ز ستارگان فزون است

در کرب بلا بپاست محشر افلاک ز لرزه بی سکون است

نی دادرس آل هل اتی را بر وادی کربلا گذر کن

 

اخیار ملول و دلفکار است تا دست خدا در آستین است

اسلام به نزد کفر خوار است تا مُستَتَر آن مُعزِّ دین است

مارا دل و سینه داغدار است تا دور زمانه این چنین است

بس ننگ شها به ذوالفقار است تا خون خدای در زمین است

باز آ و تمام اصفیا را از آمدن خودت خبر کن

 

ای باسط معدلت بپا خیز از ناله صباح ما چوشام است

دلها همه خون و دیده خونریز از جور یزید و اهل شام است

تا تیغ دو پیکر و شرر بیز ای شاه نهفته در نیام است

آسایش و عشرت دل آویز ما را بخدا قسم حرام است

این منتظران بینوا را لطفی ای امام منتظر کن

 

از یاد کجا شود فراموش آن ظلم که شد به آل اطهار

بر فاطمه بود زیب آغوش آن سر که عدوش کرد بس خوار

از باده یزید مست و مدهوش استاده به پا امام بیمار

زینب ز عزای دل سیه پوش اهل حرم از دو دیده خونبار

یاد آر شها چنان جفا را بیرون ز دل آه پر شرر کن

 

ای قائم عترت پیمبر آئینه جمال لامکان را

بردست بگیر بهر کیفر آن قبضه تیغ خونفشان را

ای منتقم ای سلیل حیدر امید توئی جهانیان را

تا حال ندیده چرخ اخضر ظلمی چو جفای خیزران را

زین غصه گداخت سنگ خارا بر طاقت عمّه ات نظر کن

 

در طشت زر آن سر منوّر حق کرده بقوم ناحق اثبات

با آن لب خشک و هم ز خون تر با صوت فصیح خوانده آیات

ناگاه یزید ظلم پرور با خبث ضمیر و کینه ای ذات

گفتا که ایا سلیل حیدر من دست بدارم از تو هیهات

رحمی کنم آل مصطفی را این فکر هوا ز سر بدر کن

 

گفتی که بمسند خلافت از آل امیه من جدیرم

بر دست یزید دست بیعت هرگز ندهم که خود امیرم

اینک سر تو بصد حقارت آمد به برابر سریرم

خود مست ز بادۀ شهادت اهل حرمت شده اسیرم

بنگر شرف و جلال مارا شکوه بخدای دادگر کن

 

ای باد صبا دمی خدا را بنگر به فغان و ابتهالم

رو مقدم پور مرتضی را ده بوسه و عرضه دار حالم

گو ای که شهی تو ماسوا را مستغرق لجّه ای ملالم

از درگه خود مران گدا را محروم مکن بده سوالم

مستخدم درگهم شما را لطفی بنما و مفتخر کن

 

مداح شما مگر نی یم من کالوده به محنت جهانم

شب تا سحر آه و داد و شیون کارم شده و به الامانم

در رتبه «حسینیم» مبرهن در جامعه «سعدیِ زمانم»

این درد مفصّلم خدا را با نیمه نگاه مختصر کن

 

 مرحوم حسینی سعدی زمان

منبع مجموعه کانالهای مدح و مرثیه

موضوع: حضرت امام زمان (عج) ,
زبان شعر و شاعر: نوحه فارسی , حسینی سعدی زمان

 

------------

 

در مدح حضرت زهرا (س)

 

ایله مُحیطیدی شأن و جلال و شوکتِ زهرا

که عقل و وهمی مُحاط ایلیوب جلالتِ زهرا

 

دیسم بشردی بشرده بو عزّت و شرف اولماز

دیسم بشر دگی اولماز دلیلِ عصمتِ زهرا

 

اساسِ خلقتی حوریّه دور لباسِ بشرده

هامی شرافته فائق گلور شرافتِ زهرا

 

وجودی نوریدی ، مشکوةِ نورِ پاکِ الهی

سالوب تحیّره کونِینی معنویّتِ زهرا

 

دقیق فکریله تأویل ایدنده آیهء نوری

اولور عیان و هویدا ندور حقیقتِ زهرا

 

بونیله فخر ایده زیبنده دور آتاسی پیمبر

نه چون آتاسی بولور وار نه قرُب و عزّتِ زهرا

 

یر اوسته فاطمه ، منصوره دور سپهر ده آدی

بهشتِ عدنیده مرضیه دور هویّتِ زهرا

 

او بش نفر که اولوب ماسوایه علّتِ غائی

او بش نفرده اولوب رکن و اصل ، حضرتِ زهرا

 

قالوردی مصدرِ خلقتده ظلمت ایچره ملائک

گر اولمییدی عنایت یوزیله خلقتِ زهرا

 

بونون  جمالینه آیینه داردور مه و خورشید

ضیاء بخش مَه و مِهر اولوبدی طلعتِ زهرا

 

علی که مَظهرِ صُنعِ خدای لم یزلیدور

اولیدی کُفّ اونا حق بولدی ‌وار لیاقتِ زهرا

 

اودور که فاطمه‌نی‌ ایتدی ‌اوز ولیّنه تزویج

قورولدی عرشیده بزمِ نکاح و عشرتِ زهرا

 

سالندی فاطمه نون مَهرینه شفاعتِ امّت

ویریلدی وعده بو سوز لیلهء ضیافتِ زهرا

 

هزار حیف که بو شأنیله بولونمدی قدری

گوروندی پست نظرده علوّ همّتِ زهرا

 

جلالی گیزلینیدی آخر اولدی قبریده گیزلین

آز اولدی عمری ، چوخ اولدی‌ ولی مصیبتِ ‌زهرا

 

جزاده ایلیه جاقدور ظهور شأن و جلالی

تحیّره سالاجاق ماسوانی شهرتِ زهرا

 

قیامتین گونی محشرده انبیای اولوالعَزم

شفاعت ایلیه بولمزله اولسا غیبتِ زهرا

 

بو گلمیونجه او گون بیر نفر شفاعت ایدنمز

شفیع دور آتاسی وار ولی شراکتِ زهرا

 

بونون شفاعتینه گوز تیکر آتاسی پیمبر

بیر اوزگه مبحثِ مُختصّه دور شفاعتِ زهرا

 

گلر تلاطمه دریای قهر و غیظِ الهی

اولولّا اهلِ جزا مستحقّ رحمتِ زهرا

 

امین وحیه دییَر عقلِ کلّ دورما اماندور

گرک بو امّته شامل اولا حمایتِ زهرا

 

گلر بقیعیده جِبریل قبرِ فاطمه اوسته

او پیکِ حق گوزینه توتیادی تربتِ زهرا

 

ویرر سلام دییر یا بِنته‌َالرّسول فقومی

منه پیمبرین امری اولوبدی دعوتِ زهرا

 

نه یاتموسان قورولوبدی اساسِ عدلِ الهی

آتان دیور گرک اولسون عیان کرامتِ زهرا

 

ال قابرقالاریندا دورار مزاردن امّا

دلینده شِکوه ، گوزینده سرشکِ حسرت ، زهرا

 

دییر اولور نچه یول بیر کسه قیام قیامت

هله یتیشمیوب اتمامه درد و محنت زهرا

 

قیامتیم اوگون اولدی قاپوم جفائیله یاندی

اوجالدی گویلره فریاد و دادِ عترتِ زهرا

 

قیامتم اوگون اولدی عموغلومی قولی باغلی

آپاردی مسجد امّت پوزولدی حالتِ زهرا

 

قیامتم اوگون اولدی که پاره لندی قولاقیم

دگنده سیلی ثانی گویردی صورتِ زهرا

 

قیامتیم اوگون اولدی که سجده گاهیده حیدر

بویاندی قانه عزاخانه اولدی جنّتِ زهرا

 

قیامتیم اوگون اولدی حسن جگرلری یاندی

دایاندی عرشه فغانی ، کسیلدی طاقتِ زهرا

 

بولار تمامیسی آساندی ایتمرم گِله هرگز

بیر اوزگه محشرِ اعظمده وار دِرایتِ زهرا

 

جِدایه گون کیمی اوغلوم حسین باشی ورولاندا

بلا چوونده دگولدی مگر قیامتِ زهرا

 

اگر چه بیر بیله محشر گوروب بو غمکشِ ایّام

ولی اورکده بو گون وار بیر اوزگه نیّتِ زهرا

 

مُطاع دور آتامین امری گَلّم عرصهء حشره

پیمبرین اولا هر امری وار اطاعتِ زهرا

 

بوگون شفاعته لازم دی الده نچّه وسیله

علی عمامه سی باشدا گرکدی زینتِ زهرا

 

حسینیمون الیمه دورت مین اوخلی کوینگین آلّام

ایدر حکایت او کوینک ندور شکایتِ زهرا

 

قویار خلاصه قدم عرصه گاهِ حشره او خاتون

گوگلده کیفرِ اهلِ جفایه سرعتِ زهرا

 

دییَر الهی منیم انتقامیمی آل عدودن

قولوندا وار گوروسن ایمدیده جراحتِ زهرا

 

حسینیله حسنی ایستورم بو یرده گورم من

هایاندادور او ایکی وَردِ باطراوتِ زهرا

 

گلر او عصمتِ کبرانون اولزمان حسنِینی

دوباره جوشه گلر دردِ بی نهایتِ زهرا

 

حسن دوداقلارینی زهرِ کینه پارچالیوبدی

باتوبدی قانه حسین نوگلِ صَباحتِ زهرا

 

هنوز قان ویرور اوداجِ پاکِ شاهِ شهیدان

گوروب او حالتی آرتار گوگلده رقّتِ زهرا

 

دایان (حسینی) دایاندی قلم ، صحیفه اود آلدی

بیر اوزگه طرزیله باشلا گینه حکایتِ زهرا

 

خدای مقتدر ای خلق ایدن خلایقی یوخدان

مُقدّر ایت اولا قسمت منه زیارتِ زهرا.

 

وَرد : گل سرخ

صباحت : خوب روئی و سفیدی رنگِ انسان ، زیبائی جمال ، خوشگلی

اوداج : رگ های گردن

 

مرحوم حسینی سعدی زمان

منبع مجموعه کانالهای مدح و مرثیه

موضوع: حضرت فاطمه زهرا (س) مدح ,
زبان شعر و شاعر: نوحه ترکی , حسینی سعدی زمان

 

------------

 

در احوالات حضرت امام حسین (ع)

 

قاتل دیمه حسینه سِنان و خدنگیدی

دنیا بو وسعتیله او مظلومه تنگیدی

 

ننگی قبول ایتمدی ، دوتدی شرافتی

ئولماخ شرفدی ، بیعتِ اشرار ننگیدی

 

منظورِ شمر جنگ دگولدی حسینیله

اللهِ ذوالجلالیله مقصودی جنگیدی

 

پیکان دگولدی جبههء شاهی شکست ایدن

قلبِ سپاهِ کفری دوتان تیره زنگیدی

 

آیینه نی تجلّی ذاتیسی سیندیروب

هر چند قلبِ قومِ ستمکار سنگیدی

 

تشنِیدی آبِ وصلِ نگاره ، فراته یوخ

آبِ فرات ، تشنه امامه شرنگیدی

 

هَل مِن مُعین دیردی اویاتسون یاتانلاری

شهباز تک اگر چه اوزی تیز چنگیدی

 

بزمِ دَنایه جدّی پیمبر عروج ایدوب

معراجِ شاه ، جانبِ تیر و خدنگیدی

 

اوخ قلبینه دگنده دئدی پیکِ وصلدور

ای جان دایانما گَل بو نه جای درنگیدی

 

جانبازلیق مراتبینی عشقدن سوروش

پای براقِ عقل بو میداندا لنگیدی

 

(نیّردی) اوستاد (حسینی) بو نظمده

سن بیر حباب سن ، او  بحره نهنگیدی.

 

ترجمه اشعار فارسی مرحوم نیر تبریزی

مرحوم حسینی سعدی زمان

منبع مجموعه کانالهای مدح و مرثیه

موضوع: حضرت امام حسین (ع) احوالات ,
زبان شعر و شاعر: نوحه ترکی , حسینی سعدی زمان

 

------------

 

احوالات جوان نصرانی

 

آه او گوندن ساکنان عرش دل رنجوریدی

تو کماقا ثاراللهی بیر عیسوی مأموریدی

 

آدلاری اسلامیان قتلیندن ائتدی اجتناب

ائتدیلر شورا کیم ائتسون فاطمه قلبین کباب

رأی آلندی مجلس شوراده چخدی انتخاب

بیر نصارایه که دین حق اونا منظوریدی

 

اُول سعیده ویردی سعد اوغلی ریاست وعده سی

بو یارالی سویلدی ئولدی یقین گلمور سسی

سن گئدوب باشسیز اگر قویسان بوشاه بیکسی

سر سپه لیق اسموه شاماتده مسطوریدی

 

قتلی واجبدور بونون شرعاً ویروب فتوا فحول

چون عربدور، قتلینه اعراب اودور ایلور نکول

پور ترسا قربةً لِله ایدوب آخر قبول

خنجرین آلدی اَله بو امره چون مجبوریدی

 

قتل ثاراللهه اوز قلبنده چکدی دایره

قتلگاهه یوز قویوب وورسون جهانی بیربیره

عالم عُلویدن عیسی باش آچوخ گلدی یره

گوردی فکر اُمّتی حق ، فعلی حقدن دوریدی

 

الغرض نصرانی گلدی قتلگاهه دلفکار

بیر یارالی گوردی قان ایچره دوشوب بی اختیار

نیزه و خنجر ووروبلار بسکه قوم نابکار

قانیله آلات حرب آلتدا بدن مستوریدی

 

وجه وجه اللّهی دوتموش پرده پرده لخته قان

لمعه لمعه نور اولور قانلو جمالیندن عیان

نحر منحوری ائدور سر اَنَااللّهی بیان

معنی اللهُ نور اولموش سراسر نوریدی

 

گون کیمی اولموش وجودی کسوت کثرتدن عور

سرّ وحدت کثرت عشقیندن ایلوبدی ظهور

جسمدن آخدوقجا قانی یرده یا حق نقش اولور

گر چه اوخدان پیکری چون خانۀ زنبوریدی

 

عیسوی گورجک بو حالی اولدی پابند محن

سویلدی کیمسن یارالی گوزلرون قربانی من

سن اگر عیسی ابن مریم سن بو صحراده ندن؟

پیکرون انجیل تک اوراق اولوب منشوریدی

 

چرخ چارمدور یرون عیسی ابن مریم سن اگر؟

پرتو نور خدا اولموش بو چولده جلوه گر

محو اولوبسان جذبۀ دلداره موسی سن مگر

لن دیوب ارنی جوابینده بو صحرا طوریدی؟

 

گوزلرین آچدی بو سوزده شهریار نُه قباب

زادۀ ترسایه قیلدی حال ضعفیله خطاب

قدرتیم یوخدور ویرم بیربیر سُؤالاته جواب

رمح و سهمیله گورورسن نحریمی منحوریدی

 

یر یوزینده من بو گون مصباح نور سرمدم

حیدر کرّار آتامدور شبل نسل احمدم

سویلَمَه عیسی منه من ویرمیشم عیسایه دم

بُل آنام مریم دگل انسیّه آدلو حوریدی

 

من نه موسایم ولی اونلان واریمدور سابقه

عیسیِ گردون نشین خادمدی مندن لاحقه

کتاب قدرت یازوبدور کلُّ نفسٍ ذائقَه

اُول سَبَبدن زخمدن سینم بئله مکسوریدی

 

نقطه نقطه علم کان و مایکونه آگهم

صاحب تاجم ربوبیّت سریرینده شهم

عیسی عبدالله دور من لیک اباعبداللَّهم

کوفیان گورمور بصیرت گوزلری چون کوریدی

 

فارقلیط اسمی دیه لَّر جدّیمه قوم یهود

حق یازوب انجیلیده اسم شریفین مودمود

قارداشیم هاشندی هوشینم اؤزوم دریای جود

من شُبیرم قارداشیم آدی شَبَر مزبوریدی

 

آختاروردون یاری مرآت حقیله دیرده

اولمادون ارشاده نایل سن وصال غیرده

بو مقامی آختاروردون نچّه مدّت سیرده

وصل معشوقه یتن عاشق بو گون مسروریدی

 

گَل عجب دَمدَه گَلوبسن فکر وصل یاریله

صورتاً گرچه گلوبسن صورت زنّاریله

تا کی اولسون اُلفتون آیینه ده دلداریله

آت بو زنّاری فضای عشق چوخ پر شوریدی

 

سویلدی عیسی سنه رؤیاده با قلب فکار

انبیا ایچره منی ائتمه اماندور شرمسار

گوردوقون رؤیانون اولدی ایمدی سرّی آشکار

سن منی ئولدورسن عیسی فعلیوه رنجوریدی

 

خنجرین آتدی بو سوزده اُول جوان پاک ذات

سویلوب ای لعل لبی خضره ویرن آب حیات

سنده که وار بو جلالت بو مقام عالیات

جسمیوه غسلون ندن قان توپراقون کافوریدی؟

 

من دیلون قربانی تعلیم ایله حق دینی منه

آخر عمریمده منی یاخشی یتوردون ایمنه

اذن ویر شاها ایدوم حمله صفوف دشمنه

ایمدی روحیم جسمیمه بر وصلۀ ناجوریدی

 

کلمه اسلامی تعلیم ایتدی محبوب جلیل

یوز قویوب میدانه دعوا ایلدی اولدی قتیل

حضرت زهرانی شاد ایلوب تاپوب اجر جزیل

ساغر عشق حسینیله ز بس مخموریدی

 

ای «حسینی» دوت حسینون دامنیندن صبح و شام

مطلقا سرمایۀ عزّتدی بیله اعتصام

ایلسه خدمت حسینه هر کیم عالمده مدام

حضرت زهرا الیله حشرده مأجوریدی.

 

مرحوم حسینی سعدی زمان

منبع مجموعه کانالهای مدح و مرثیه

موضوع: احوالات جوان نصرانی ,
زبان شعر و شاعر: نوحه ترکی , حسینی سعدی زمان

 

------------

 

احوالات اربعین

 

سنده بیرباشسز بدن قویدوم گئدنده کربلا

نه لباسی نه الی نه باش بدنده کربلا

هاردادورگوسترمنه ای مهربانیم کربلا

قبرینه قربان اولا بوخسته جانیم کربلا

 

بیربدن که تیریله باشدان باشا مجروحیدی

بیربدن که سُمّ اسبیله یره مطروحیدی

من قوری بیرجسمیدیم اوقانلو پیکر روحیدی

شامه روحیم گئتدی جسمیم قالدی سنده کربلا

 

کوفیان سالموشدیللاربوچولده بیر عریان بدن

بندبندیندن اوزولموش خاکیله یکسان بدن

تار زلفیم تک پریشان شانه تک شان شان بدن

ایله خندان اولمویوب بیر گل چمنده کربلا

 

پیکرصدپاره سی قرآن کیمی اوراقیدی

طاقتیم اول نازنین جسمی گورنده طاقیدی

قبرینی گورمکدن اوتری دیل خزان یاپراقیدی

بلکه دیل آرام اولا قبرین گورنده کربلا

 

بی کفن قویدوم اونی کوچ ایلینده شامه من

بیرنفراللهدان اوتری ایلدی آیاکفن؟

یاکفن سیزآلموسان اول پیکری آغوشه سن

گورمه سین لر قیزلاری عریان گورنده کربلا

 

مرحوم حسینی سعدی زمان

منبع مجموعه کانالهای مدح و مرثیه

موضوع: احوالات اربعین ,
زبان شعر و شاعر: نوحه ترکی , حسینی سعدی زمان

 

------------

 

احوالات اربعین حسینی

 

ششگوشه مزارون اوسته قارداش

 شاماته گیدوب دوباره گلدیم

 

نیلی بدنیله گوزده قانیاش

آق زلفیله باشدا قاره گلدیم

 

بیر جمع یانیمدا دیده گریان

دل خسته و حالتی پریشان

هر تک تکی مین دلیله نالان

غم گلشنینه هزاره گلدیم

 

ای قبری مطاف ، انبیایه

لطف اولدی عجب بو بینوایه

بیر جمعیله دشت کربلابه

بو قبرون آلام کناره گلدیم

 

بو چولده گونوم دوننده شامه

گیتدیم باشوون دالنجا شامه

نه چکمیشم ای شه تهامه

شرح ایتماقا بو دیاره گلدیم

 

سانما دئدیقون سوزی ایتوردوم

هر قول ویروب باشا یتوردوم

یغدیم بالا قیزلارون گتوردوم

سان ویرماقا شهریاره گلدیم

 

قارداش اوزومی ایتورمدیم من

گوز بیر بالادان گوتورمدیم من

بیر خوردا قیزون گتورمدیم من

بو باره ده اعتذاره گلدیم

 

ویرانه ده هر جفایه دوزدوم

مهپاره رقیه دن ال اوزدوم

باتدی او ستاره ، منده دوزدوم

اشگیمله یوزه ستاره ، گلدیم

 

جان ویرماقی بیر بیوک غم اولدی

ویرانه ده اوزگه عالم اولدی

آل اللهه حشر اعظم اولدی

حشری گوروب آشکاره گلدیم

 

غربتده قیزون وطن سیز ئولدی

بیر بلبلیدی چمن سیز ئولدی

افسوس بالان کفن سیز ئولدی

قویدوم من اوزوم مزاره گلدیم

 

ایتماقلیقا سرگذشتی معلوم

عباس علمین گتوردی کلثوم

من سینه ده ای امام مظلوم

پیراهن پاره پاره گلدیم

 

باشوندی منه گواه عادل

الله شهیدیله مقابل

چوخ چوخ بیزه ظلم ایدوب اراذل

بیر ظلمه ایدم اشاره گلدیم

 

ایتمم گله بو هموم الیندن

یولاردا یتن غموم الیندن

فریاد یزید شوم الیندن

بیر ظلم ایدوب آه و زاره گلدیم

 

مست اولدی اوتانمادی خدادن

تاب آلدی بنات مصطفادن

شل اولموش الی ایدن جفادن

یوز مین اورگیمده یاره گلدیم

 

گوردوم که او شوم بی مهابا

اسلامی پوزا اولوب مهیا

ایتدیم ایله منطقیله رسوا

قلبینده قویوب شراره گلدیم

 

قرآنیله کفرین ایتدیم اثبات

سسلندیم اونا آز ائت مباهات

وار علتی ای امیر شامات

من بزم می و قماره گلدیم

 

گلدیم ایدم آل هندی رسوا

بولسونله تمام اهل دنیا

بیز ایتدوق ئولومله دینی احیا

بو خدمته افتخاره گلدیم

 

من دخت علی مرتضایم

دردانه خیره النسایم

گنجینه عصمت و حیایم

محتاج ولی خماره گلدیم

 

وار باخما گوزیمده قانلی یاشیم

یولدا یاریلوب اگرچه باشیم

باش اگموب اگمز آل هاشم

آرتدوقحا ستم ، وقاره گلدیم

 

باخما سنه ظاهراً اسیرم

بوینومدا طناب دستگیرم

حق شیری آتامدی منده شیرم

روباه ایوینه شکاره گلدیم

 

من مادح آل مصطفایم

(سعدی زمان) بینوایم

بیر قدری بولنمین گدایم

باب شه تاجداره گلدیم.

 

 مرحوم حسینی سعدی زمان

منبع مجموعه کانالهای مدح و مرثیه

موضوع: احوالات اربعین ,
زبان شعر و شاعر: نوحه ترکی , حسینی سعدی زمان

 

------------

 

اربعین حسینی

 

گزمیشم آنام اوغلی کوفه نی

شامدن حکایت گتورمشم

 

پاره پاره بو قانلی کوینگون

مایه شکایت گتورمشم

 

ای شفیع محشر ایاقه دور  

شورش قیامت گتورمشم

 

سن او گون که بو چولده تشنه لب

یتدون اوز مقدس مراموه

طی ایدوب شهادت عوالمین

نائل اولدون عالی مقاموه

سویدولار بنات رسالتی

ووردی اهل کین اود خیاموه

من همان او اوددان بو آتشین

آهیمی علامت گتورمشم

 

کوچ ایدنده بو سرزمیندن

ویرمدی امان کوفیان منه

عور قویمیام ، زلفیمی آچام

 ایلیم یارالی کفن سنه

واریدی بیر عذر موجهیم

 دستگیریدیم اوندا دشمنه

عذریمی قبول ائت گذشت ایله

 روحیمی خجالت گتورمشم

 

کوفه ده جدا اوسته باشوی

گوردوم اوخشوری بدر کامله

اگلشوب جمال الله اوسته کول

کول ایدوب گونیله مقابله

یتمدی الیم سیلماقا کولین

واریدی آرالیقدا فاصله

گورمشم یارالی باشون

دئمه باشیمی سلامت گتورمشم

 

سر مبهم عشقی فاش ایدم

 ایلدیم ازلده تلاشیمی

گوستروب مقامات امتحان

داده سسلدیم آل هاشمی

باشوه باخوب ووردوم اولزمان

محمله بو شوریده باشمی

مین دلیل عشقین مقابلی

 باشدا بیر جراحت گتورمشم

 

حشر اولونجا یاددان چخاتمارام

گوزدن عترتون آتماقون سنون

خولیه قوناق گیتماقون گهی

کوللر اوسته تک یاتماقون سنون

شمر ایوینده اجانه آتدا گه

توپراقا کوله باتماقون سنون

یاتماماقدا اوز حالیمی سنون

حالوه شهادت گتورمشم

 

صبح اولونجا یاندون سیزیلدادون 

قانلی باشیله ایلدون نوا

گه عیالوی یاده سالوب

گه کومکلرون ایلدون ندا

گه دئدون فراغت تاپانمادیم

گوندوزی مناجاته ای خدا

شکر اولا سنه بو گجه اله

موقع فراغت گتورمشم

 

بیر دقیقه قارداش حسین دئمه

زینبون بو مدتده دینجلوب

مجلسنده مرجانه اوغلنون

باغریمی شماتت اوخی دلوب

کوفه نین اراذل جماعتی

مجلسه تماشامیزه گلوب

سینه ده باشیم تک جراحت

طعنه و شماتت گتورمشم

 

عالم محبتده باشیمی

سنکیمی بلیاته سالمشام

صبریده آنامدان مبرزم

جهد ایدوب بو تصدیقی آلمشام

کوفه ده بلورسن نه نحویله

دست بسته زنداندا قالمشام

شدت ایلدوقجا مصیبتیم

من دوام و طاقت گتورمشم

 

گون کیمی گوروب نیزده باشون

شام شومه چون سایه گتمیشم

ملت مسلمانه عار اولا

باش آچوخ کلیسایه گتمیشم

سن بو یولدا باش ویرموسن اودور

منده دیر ترسایه گتمیشم

نازنین باشوندان مزاروه

مژده هدایت گتورمشم

 

گر چه چوخ جفا چکمیشم ولی

 بیرجه شامدن وار شکایتیم

شامیان ایدن جور و ظلمدن

 ایمدیده پریشاندی حالتیم

شامده دونوب شامه گوندوزوم

غصه دن بوکولدی بو قامتیم

سرگذشتیمی ثابت ایتماقا

بیر خمیده قامت گتورمشم

 

شهر شامده رنگ محنته

شامیان بویاندوردولار بیزی

بیر خراب اولان شهرین اشقیا

هر یرین دولاندوردولار بیزی

باشلارمزا اودلی نی توکوب

نار ظلمه یاندوردولار بیزی

ذلته دوام ایتمشم اله

عزت و سعادت گتورمشم

 

اهلبیتوی باسدیلار داشا

سنگدل یهودی جماعتی

وار یری دئسم آل حیدرین

اولدی آشکارا قیامتی

ووردی داش بیر عجوزه جبینوه

ایلینده قرآن تلاوتی

باخمادی دیور نیزده باشون

معجز امامت گتورمشم

 

هر مصیبته دوزموشم ولی

بیر مصیبتیم چوخ گران اولوب

داد بزم شرب یزیددن

گوز یاشیم او مجلسده قان اولوب

بو کباب اولان قلبیمون آلان

تاب و طاقتین خیزران اولوب

دلده کی مفصل شکایته

مختصر اشارت گتورمشم

 

موج سیل اشگ ایلدی منیم

صبر ایویمی ویران خرابه ده

آجلیقا دوام ایلنمدی

ویردی بیر قیزون جان خرابه ده

گوز یاشی بنات رسالتین

اولدی غصه دن قان خرابه ده

قبرون اوسته گوز یاشی قان اولان

عترت رسالت گتورمشم

 

دکتر معالج سراغ ایدر

هر کیم اولسا بیر درده مبتلا

ای آدی دوا ، تربتی شفا

 ایلورم سنه منده التجا

نوکروز(حسینی) مریض دور

 بیر نگاهیله ویر اوزون شفا

گلمیشم ، الیمده حضوریوه

شعر بی لیاقت گتومیشم

 

مرحوم حسینی سعدی زمان

منبع مجموعه کانالهای مدح و مرثیه

موضوع: احوالات اربعین ,
زبان شعر و شاعر: نوحه ترکی , حسینی سعدی زمان

 

------------

 

گفتگوی حضرت امام حسین (ع) در قتلگاه با جناب جبرئیل

 

سالما سایه شهپرون ایتمه حجاب ای جبرئیل

ایتمرم گون ایسّیسندن اجتناب ای جبرئیل

 

هر قدر گون سوزش آرتورسا یوخومدور احتراز

گون دگه خوشدور بدنده زخم ایده سوز و گداز

ایلیه هر یاره ، یاره بر دیلیله  کشف ِراز

وار سیزلتیمدا بیر عالی اکتساب ای جبرئیل

 

جلوگاه ِعشقده من وصلِ یاره مایلم

هر بلایه بیر بلی' لفظیله دلدن قائلم

من اوزوم اوز نفسیمه جان اوسته ایندی حایلم

محضر ِجانانه قیلّام اضطراب ای جبرئیل

 

شوق اوزیله گیمشم من ارغوانی بیر لباس

کاسهء خورشید ایدر بو رنگدن نور اقتباس

ایلورم گون ایسّیسندن شِکوه ایلورسن قیاس

سرّی واردور آرتورور گون التهاب ای جبرئیل

 

بیله فکر ایتمه دگور گون یاره لی جسمیم یانور

گون اوزی باخدوقجا بو احواله دلدن اودلانور

هانسی عاشق من کیمی جانویرماقی آسان سانور؟

سوزشیم آرتدوقجا اولّام کامیاب ای جبرئیل

 

تابش ِخورشید دگسون قوی ساری گُل تک سولوم

اوخ اوخ اوستن جسمیمه دگسون خدنگیله دولوم

ایلیوم اوز عشقیمی ظاهر فنا فی الله اولوم

خونبهام اولسون خدای مستطاب ای جبرئیل

 

گون گورور اوز علّت ایجادینی خونین بدن

اودلانور دلدن ایدور سوزِ نهانی سین علن

گیت دایانما قوی منی بو حالیله قان ایچره سن

من یانوم  یانسون بو حاله آفتاب ای جبرئیل

 

سوزِ آهیم یاندورور کون و مکان اهلین یاخور

زخم ِتیریله مکانِ لامکاندان قان آخور

شهپرون قوزا که ساقِ عرشیدن جدّیم باخور

 حالیمی قوی گورسون اول ختمی مآب ای جبرئیل

 

هر او اوخکه بیر طرفدن جسمیمی ناحق دلور

قان آخور یاحق یازور یرده وجودیم دینجلور

باشیم اوسته ناله کنان بیخانمان زینب گلور

سن دایانما گورسن اولماز سنده تاب ای جبرئیل

 

شدّتِ سوز ِعطشدن اود دوشوبدور جانیمه

تشنه دور شمرِ جفاجو و ستمگر قانیمه

گوزلریمی باغلاسون زهرا گلوبدور یانیمه

باشیم اوسته اگلشوبدور بوتراب ای جبرئیل

 

باخمارام گر دولدورا دنیا و مافیهانی سو

آلموشام اوزقانیمیله آخر عمریمده وضو

عاشق و معشوق آراسیندا عجب عالمدی بو

عین عزّتدور بو رنج و پیچ و تاب ای جبرئیل

 

سایبانی نیلورم ردّ ایله ظلّ شهپری

گون قاباقینده سالوبلار مظهرِ پیغمبری

گیت دولان میداندا تاپ نعشِ علی اکبری

شهپرون اول مه جماله قیل حجاب ای جبرئیل

 

شاهبازِ ذُروهء اعلا دوشوب بی پرّ و بال

گون اونا آرتورسا سوزش منده آرتار ابتهال

گیت کنارِ نهرده سایه علمدار اوسته سال

یوخ آناسی ایله بیر فعلِ ثواب ای جبرئیل

 

ایلمه تکلیفِ آب ، حوضِ کوثردن منه

احتیاجیم یوخ سویا هر چند زحمتدور سنه

وار سویون گیت خیمه گاهیمده نظر قیل شیونه

ویر سوسوز قیزلاریما بیر جرعه آب ای جبرئیل

 

سالما سایه ، چکمه زحمت من تب و تابه خوشام

ساخلا ناقص خدمتون قیل شام شهرینده تمام

عترتِ طاها اولان گون واردِ بازارِ شام

شهپرون زینب یوزینه قیل نقاب ای جبرئیل

 

گرچه اولموش اوز گناهیندن (حسینی) شرمسار

لیک مستخدیمدی بو درباره ، منده حقی وار

قویمارام ذلّتده ، راضی اولمارام چکسون فشار

لطف اوزیله ایلرم بیر فتح باب ای جبرئیل.

 

 مرحوم حسینی سعدی زمان

منبع مجموعه کانالهای مدح و مرثیه

موضوع: احوالات جن و ملک در عاشورا ,
زبان شعر و شاعر: نوحه ترکی , حسینی سعدی زمان

 

------------

 

زبانحال حضرت امام حسین (ع)

به حضرت علی اکبر (ع)

 

ای علی ای نوجوانیم آچگوزون

گوزلرون قربانی جانیم آچگوزون

 

ای صورتی شبهِ رسول

 ایوای علی ایوای اوغول

 

ای غزالِ دشتِ بطحا و حجاز

آلِ هاشمدن جوانِ سرفراز

ایتمه بو قانلی قوم اوسته خوابِ ناز

ای وفالی جانفشانیم آچگوزون

 

ای جمالی جدّیمون آئینه سی

وی قزل گل گلستانی ، سینه سی

اسدی بو قومین سمومِ کینه سی

سولدی یکسر گلستانیم آچگوزون

 

ای ذبیحِ ثالثِ آلِ خلیل

اوّلین بیر فدیهء خیرِ سلیل

آز قالور منده اولام عطشان قتیل

قالماقا یوخدور گمانیم آچگوزون

 

خیمه ده لیلا تکوبدور گوز یولا

حقّی وار گورسه سنی مجنون اولا

نینوا دشتی نوائیله دولا

اوج ایده عرشه فغانیم آچگوزون

 

ای اولان قربانِ عشقِ کوی یار

حالتون آلدی الیمدن اختیار

اوز اوزین ئولدورسه لیلا حقّی وار

ای کمالِ امتحانیم آچگوزون

 

سن گلنده بابِ غم مفتوحیدی

قلبِ لیلا غصّه دن مجروحیدی

گوئیا بیر قالبِ بی روحیدی

عترتِ بی خانمانیم آچگوزون

 

اشگیمی بو غصّه خونِ آل ایدوب

هاشمیّاتی پریشانحال ایدوب

روحِ لیلا نعشون استقبال ایدوب

روحِ لیلا ، دلستانیم آچگوزون

 

ای یوزی والشّمسه معنیّ ضُحی

سنسیز اولدی گوندوزوم لیلِ دُجی

یا علی بَعدَک علی الدّنیا عَفی

تار اولوب سنسیز جهانیم آچگوزون

 

باشوه منقذ وُراندا تیغِ کین

قیردی قلبیمدن او تیریله وتین

بو منیم قانیمدی توکدی مشرکین

قانی قانیم ، جانی جانیم آچگوزون

 

رحمسیز صیّاده ای آهوی رام

پیکرون تک واردی قلبیمده یارام

نیزلرده شامه تک سنلن وارام

ای جِداده همزبانیم آچگوزون

 

سهلدور باشدان باشا دوغرانموسان

گل کیمی گون ایسّیسنده یانموسان

حالیمه دشمن یانور ، سن یانموسان؟

حالیمه یان مهربانیم آچگوزون

 

بو منم باشون دیز اوسته آلموشام؟

یغماقا نعشون عبانی سالموشام

بیر نفر بولمور نه حاله قالمیشام

قان اولوب اشگِ روانیم آچگوزون

 

بیرده آچسان گوزلرون ای ماهِ رو

قان اولان قلبیمده قالماز آرزو

جلدسیز قرآندی یا پیکردی بو

میم حامیم دخانیم آچگوزون

 

گُل کیمی جسمون ایدوبلر چاک چاک

گون لحافون ، بسترندور خون و خاک

هر یارا جسمونده بیر اَعزَل سماک (نامِ یک ستاره)

ای مزیّن آسمانیم آچگوزون

 

ای عزیزِ فاطمه ، فخرِ اُمم

اوغلون اکبر جانینه ویرّم قسم

جان ویرن ساعتده قیل رنجه قدم

گَل دئ (سعدیّ زمانیم) آچگوزون.

 

مرحوم حسینی سعدی زمان

منبع مجموعه کانالهای مدح و مرثیه

موضوع: حضرت علی اکبر (ع) زبانحال ,
زبان شعر و شاعر: نوحه ترکی , حسینی سعدی زمان

 

------------

 

حضرت امام حسین (علیه السلام)

 

او کسلریکه حسینی سووَر بو عالمده

دوتار عزا هامی عمرین نه تک محرمده

 

خیالیله مُتَصوِّر دگول جلال حسین

تمام فکر و خیالی پوزار خیال حسین

 

بشردی گر، بو جلالتده کیم گوروبدی بشر

بشر گر اولماسا ممکن دگول مقال حسین

 

پیمبر اوغلیدی بو مین خلیل و نوح و کلیم

جلال و رتبه ده اولمازلا بیر بلال حسین

 

او گونکه سسلدی من یشتری بِاَنفُس و مال

تمام عالمه محبوب بی مثال حسین

 

الی ال اوسته دوروب مشتری دیوب لَبَّیک

فدادی عالم عشقونده نفس و مال حسین

 

غریبه عالمیدی اولماز ایله داد و ستاد

که ایلیوبدی حسینیله لایزالِ حسین

 

مَبیع مامَلکِ حقّ و مشتری شه دین

ثمن حسینیدی اول بیعه هم عیال حسین

 

مجاز اهلینه گوستردی اوز حقیقتینی

مرام حق اولوب علّت اودور وصال حسین

 

یازوبدی لوحۀ حکمتده کاتب قدرت

گرک فنایه گئده نفس و مال و آل حسین

 

قویوب اوصفحیه ارواح انبیا امضاء

مقام عشقیده معلوم اولوب کمال حسین

 

نفوذ عشقیله تفویض اولوندی عین مرام

اولاندا ذات خدا حقّدن سوال حسین

 

قبول ائدوبدی اؤزون خونبها حسینه خدا

که ظاهر اولسون او گون شوکت و جلال حسین

 

دولاندی دورۀ دوران یتشدی عاشورا

اولوب او عهدده بیر امتحان خیال حسین

 

ویروب حبیبینه بیر بیر کمک لرین قربان

تاپوب عذارینه یول گوزدن اشک آل حسین

 

ایشیقلی گون کیمی اکبر یوزی ائدوبدی کسوف

سنوبدی باغ امامتده نونهال حسین

 

سواوسته هرایکی الدن گوتوردی ال عباس

گوروب او حالی او ساعت پوزولدی حال حسین

 

سو وئردی بیر سولی پیکان علیِّ اصغرینه

سپهر غمده غروب ایلدی هلال حسین

 

ئولوب کمکلری یالقوز قالوب تاپوب جرأت

ال اچدی اوستونه اعدای بدخصال حسین

 

قلجلیوب باشینی مالک ابن یُسر لعین

دوزَلدی ظهر یتوب گون کیمی زوال حسین

 

اولوب معاینه شقُّ القمر آخوبدور قان

بویاندی قانه قزل گل کیمی جمال حسین

 

خیالی ائتماقیدی اوج وحدته پرواز

خدنگ لر پر آچوب اولدی پرّ و بال حسین

 

ابوتراب عزیزی دوشوب تراب اوسته

بَلَشدی قانیله توپراقه خطّ و خال حسین

 

دیدی الهی گواه اول بو قوم عقیده سینه

بو چولده واجب و لازم دوشوب قتال حسین

 

تمام ما ملکیمدن بو چولده گئچدیم من

ازلکی عهدیدن اولموبدی اغتفال حسین

 

یتوبدی عهد الستیم باشا قالوب بیر باش

بو باره دن بُلوسن واردی انفعال حسین

 

سنون حضورووه لایق دگول بو تحفه لریم

قبوله لطفیله وار لیک احتمال حسین

 

«حسینی» فخر ائده سن ساکنان نه طاقه

 سالونسا چگنوه نوکر آدیلا شال حسین

 

مرحوم حسینی سعدی زمان

منبع مجموعه کانالهای مدح و مرثیه

موضوع: حضرت امام حسین (ع) ,
زبان شعر و شاعر: نوحه ترکی , حسینی سعدی زمان

 

------------

 

حضرت امام زمان(عج) و

گریز به واقعه عاشورا

 

وصلیده سرگرم دیدار اولمیان بولم نه وار

هجریده محو رخ یار اولمیان بولمز نه وار

 

ناله ی بلبل ده رنگ گل ده جور خار ده

گل دن اوتری خار تک خار اولمیان بولمز نه وار

 

عشق بیر عالم دی عقلین یوخ اورا اصلا یولی

عشق صحراسینده عیّار اولمیان بولمز نه وار

 

پای داره گیتماقین عشق اوسته وار مین نشئه سی

پیکری آویزه ی دار اولمیان بولمز نه وار

 

عاشقم بیر دلبره من پرده غیبت ده دی

بو مقاماته سزاوار اولمیان بلمز نه وار

 

جان عالمدور نگاریم اون سوز عالم جسم محض

بو مقاماته سزاوار اولمیان بولمز نه وار

 

بولمورم آغلار گوزی یله هاردا سرگردان گزور

گوزلری من تک گهربار اولمیان بولمز نه وار

 

ای حقیقی منتقم گیچدی جفا اندازه دن

سرّ تاخیرونده اخیار اولمیان بولمز نه وار

 

انتقامین گل آنان زهرانین آل اشراریدن

برق شمشیرونده اشرار اولمیان بولمز نه وار

 

نه دیوم نه چکدی زهرا امت بی شرم دن

سرّ مکنونه هم اسرار اولمیان بولمز نه وار

 

قویدولار دیوار آراسیندا بتولی مشرکین

حضرت زهرا کیمی زار اولمیان بولمز نه وار

 

حامله عورت فشار در ووران ظالم قوی

زخمدار زخم مسمار اولمیان بولمز نه وار

 

کیم دوزر نامحرم ایچره محرمین دویسون عدو

صبریده دریای ذخّار اولمیان بولمز نه وار

 

جدّه وین یابن الحسن بطنینده کی اولدی شهید

ظلموده مخذول کفار اولمیان بولمز نه وار

 

ضعف ائدوب زهرا هجوم آور اولوب اوچ یوز نفر

جنگیده مجروح پیکار اولمیان بولمز نه وار

 

رُضَّ ما  فی بَطنِها چوخ معتبر بیر قول دور

عالِم اقوال و اخبار اولمیان بولمز نه وار

 

شیر روباهه شکار اولسا نه احواله قالار؟

مرتضی تک بسته ی دار اولمیان بولمز نه وار

 

ارث قویدی مرتضی سجاده قول باغلانماقی

نه چکر بیمار؟ بیمار اولمیان بولمز نه وار

 

عصمت کبرانی قنفذ ووردی سالدی نطق دن

سوز بویوکدور قلبی هشیار اولمیان بولمز نه وار

 

چوخ دویوب قنفذ بتولی یا کی خولی زینبی

شرحه دل عاجزدی دلدار اولمیان بولمز نه وار

 

بو قدَر وار قوللاری چیگنی اولوب نیلوفری

جسمی زنبق یاسمن وار اولمیان بولمز نه وار

 

هاشمیه قیزلار آلدی زینبون اطرافینی

عالم حیرتده پرگار اولمیان بولمز نه وار

 

قافله یولاندی قالدی یرده باشسیز جسم لر

دشمنی یولدا جلودار اولمیان بولمز نه وار

 

نیزه ده باشلار قَتَب اوسته خواتین حرم

نیزه کعبیندن دل افکار اولمیان بولمز نه وار

 

نیزه باشی قانلی باش گون ایستیسی داش یاره سی

تیغیله آلوده ی ثار اولمیان بولمز نه وار

 

آج سوسوز خردا اوشاخ منزل اوزاخ عریان دوه

خولی و شمره گرفتار اولمیان بولمز نه وار

 

نقل ائدور منهال فخرالساجدینی شامیده

گوردوم اما جسمی تب دار اولمیان بولمز نه وار

 

بیر قوری نی تک اولوب ساقینی مجروح و نحیف

گوزلری چون ابر آزار اولمیان بولمز نه وار

 

سینه سینده جمع ائدیبدور بوینونون زنجیرینی

حلقه ی زنجیریله یار اولمیان بولمز نه وار

 

کَیفَ اَصبَحتَ دیدیم، یا سیدی، وئردی جواب

محرم اولاد اطهار اولمیان بولمز نه وار

 

نه چکر باخ گور بیری اولسا یزیده دستگیر

دستگیر دون غدّار اولمیان بولمز نه وار

 

گوزلریم دولدی پوزولدی حالیم عرض ائتدیم بلی

خانه ی همسایه ده جار اولمیان بولمز نه وار

 

گوزلرون قربانی ایستی گونده عازم سن هارا

ائتدی فرمایش هوادار اولمیان بولمز نه وار

 

سقفی یوخ ویرانه نین گون ایستی سیندن حفظ ائده

داری زیر چرخ دوّار اولمیان بولمز نه وار

 

دردیمی شرح ایلسم منهال بیر طومار اولار

نامه ده منشیّ طومار اولمیان بولمز نه وار

 

سرپرستم من بو ویرانه نشین بی کس لره

بیر بولوک ایتامه سردار اولمیان بولمز نه وار

 

ایلین گوندن مکان ویرانه ده آل علی

نه چکوبلر سرّ دادار اولمیان بولمز نه وار

 

 خرداجا قیزلار گلستاندا سولان گل تک سولوب

گل سولاندا اهل گلزار اولمیان بولمز نه وار

 

بیر گیجه آل پیمبر بوردا راحت یاتمیوب

صبح اولونجا چشمی بیدار اولمیان بولمز نه وار

 

بیر اوزون مدت دی من ویرانه نین دربانی ام

من کیمی دربان دربار اولمیان بولمز نه وار

 

بیز بو صحبت ده دیور منهال ناگه گلدی سس

گل اوغول درده خریدار اولمیان بولمز نه وار

 

شامین اهلیله دانشما گل پرستار اول بیزه

باشسیز اطفاله پرستار اولمیان بولمز نه وار

 

قورخورام بولسون یزید ائتسین اراده قتلیوه

دشمنی جبار و خونخوار اولمیان بولمز نه وار

 

تا ائشیتدیم بو سسی دوندوم نه گوردوم لا کلام

قلبیدن ارباب انظار اولمیان بولمز نه وار

 

بیر اوجا بویلی خانم عورت چیخوب ویرانه دن

دخت شه مکشوفه رخسار! اولمیان بولمز نه وار

 

حایل رخسار ائدوب زلف غبار آلوده سین

معجری زلفی سمن بار اولمیان بولمز نه وار

 

ای "حسینی " یوز قویوب جدون گینه ویرانیه

اوردا کی ویرانه ده وار اولمیان بولمز نه وار

 

گوز یاشیله تازه دن ویرانه نی تعمیر ائدوب

فکر تعمیریله معمار اولمیان بولمز نه وار

 

 مرحوم حسینی سعدی زمان

منبع مجموعه کانالهای مدح و مرثیه

موضوع: حضرت امام زمان (عج) ,
زبان شعر و شاعر: نوحه ترکی , حسینی سعدی زمان

 

------------

 

در ولادت حضرت امام حسین (ع)

 

دونوبدور عالم امکان سراسر طور سینایه

خبر ویر ای صبا موسی بو گون گلسون تماشایه

 

اولوبدور جلوه گر نور جمال نیّر اعظم

سپهره اوج ایدوبدور نور یردن پایه به پایه

 

قالوب آباء عُلوی امهات سفلوی مبهوت

اولوبدور حامله چون عصمت کبری بو مولایه

 

اولاندا سوّم شعبان طلوع صبح صادقده

یتیشدی مصدر لاریبدن بو حکم لعیایه

 

نچه دسته گوتور حوریّه حوران بهشتی دن

نزول ایله یره اول قابله بو شاه والایه

 

بُلوب بو خدمتی سرمایهٔ عزّ و شرف لعیا

گلوبدور خدمته دولت سرای شاه بطحایه

 

طلوع صبح صادق مُنفعل اولدی طلوعیندن

حسین ابن علی قویجاق قدم بو دار دنیایه

 

منوّر اولدی نوریندن سراسر انفس و آفاق

عمود نور نصب ایتدی جمالی سطح غبرایه

 

قضا مسرور اولوب سویلردی زهرایه مبارکباد

قَدَر آغلاردی باشینده اولان امر قضایایه

 

امین وحیون الله ایسته دی شأنین بلوندورسون

بویوردی نازل اول بو سویگلوم مولوده اول دایه

 

بو شأن و بو شرفدن قدسیانه فخر ایدوب جبریل

گلوب اولدی لَـلَه یرده حسین ماه سیمایه

 

ملایک دسته دسته عرشیدن فرشه اولوب نازل

ازلده تهنیت، صون تسلیت ویردیله طاهایه

 

حسینی گورماقا گلدی ملکلر سربسر امّا

قالوبدور حاملان عرش حسرت بو تمنایه

 

اولاردا فکر ایدوب بیر سهم آپارسون بو شرافتدن

کمال عجزیله عرض ائتدیلر خلاق یکتایه

 

ملکلر بیزلره فخر ایلوری یا قاضی الحاجات

حسینی یا گتورسونلر بویور بو عرش اعلایه

 

و یا اول عرشیوه حامل حبوطه ویر بیزه رخصت

اولاق بیزده یره نازل یتاق بو فیض عظمایه

 

اولوب صیت محیطیله محاط عرش برین ناگاه

یتیشدی حضرت ربّ جلیل اَمری بو معنایه

 

اولام اوز عرشیمه حامل بونا من قادرم امّا

گرک ویرسون قماطیله حسینیم عرشه پیرایه

 

حسینون گلدی قُنداقین آپاردی گوگلره جبریل

حبیب لم یزل باخدی او‌محبوب دل آرایه

 

بویوردی سویگلوم خلقه نشان بی نشانیمسن

یر اوسته مظهریمسن سن تماماً اهل ایمایه

 

امین وحیه امر اولدی منوّر ایلسون عرشی

همیشه زایر اولسون قدسیان بو نور زیبایه

 

حسینون باشینون دسمالینی آچدی امین اللٌه

او دسمالیله آرتوردی شرف عرش معلایه

 

روادور بیر باشین دسمالی اولسون گوگلره زینت

همان باش کوفه ده مطبخده مهمان اولسون اعدایه

 

نه شرم ایتدی خدادن خولی بیدین نه زهرادن

تنوره قویدی بیر باشی که سالمشدی گویه سایه

 

گلوب زهراکول اوستنده گوروب اؤز اغلنون باشین

ویروبدور بیلمورم نه‌حال ، الهی اوندا زهرایه

 

باسوبدور جان کیمی آغوشینه باشین آچوب زلفین

کولین زلفیله پاک ایتدی گلوب فریاد و غوغایه

 

دئدی مظلوم اوغول باشون هارا بو یر هارا آیا

ندور علت سنی خولی گتوردی بیله مأوایه

 

گلوردوم قتلگهده ایمدی گوردوم نعش صد چاکون

کلام الله تک اوراق اولوب دوشموشدی صحرایه

 

خواتین بهشت اولموش یره گویدن اوغول نازل

گوز آچ خوش گلدون ایله مریم و سارا و حوّایه

 

سموات و زمین اهلین ایدوبدور محنتون بیتاب

مؤثردور غمون چرخ چهارمده مسیحایه

 

تنور خولیه عیسی ابن مریم دیدووه گلدی

بو دیده بازدید ایتماق اوغول لازمدی عیسایه

 

باشون ترویج اسلامه ازل گوندن اولوب مأمور

آپارسونلار گرک نوک جدالرده کلیسایه

 

الون بوشدور«((حسینی)) وار قاباقدا بیر اوزاق منزل

حسینه آغلا گوز یاشون الونده ایله سرمایه

 

مرحوم حسینی سعدی زمان

منبع مجموعه کانالهای مدح و مرثیه

موضوع: حضرت امام حسین (ع) میلاد ,
زبان شعر و شاعر: نوحه ترکی , حسینی سعدی زمان

 

------------

 

احوالات حضرت رباب (سلام الله)

 

بیرده خاطردن اُلونجه چخمادی عفّت مآب

اصغرین بی کس آناسی معدن عصمت رباب

 

گون قباقینده گیدوب هر گون آچاردی اوز باشین

وای حسینیم وای دیوب جاری ایدردی گوزیاشین

 

حالی ایلردی خواتین حرمدن سلب تاب

حالینه محزون اولوب سویلردیلر اولدون کباب

 

کولگه یرلرده خانم اگلش فغان و داد ایله

گون قباقینده آز اگلش ناله و فریاد ایله

 

اگلشوم سویلردی آخِر کولگه یرلرده نجه

گون قباقینده حسینیم قالدی اوچ گون اوچ گجه

 

اوز گوزومله اول شهین گوردوم من عریان پیکرین

بی کفن، عریان، یارالی، قانه غلطان پیکرین

 

هرقدر ایتسم بو خاتونین وفاسیندن رقم

آخِره یتمز قالار تحریریدن عاجز قلم

 

جانینی جانانی شاه کربلادن سیچمدی

جان ویرونجه آغلادی، اصلاً سرین سو ایچمه دی

 

سو گورنده دلدن ایلردی فغان و شوروشین

سسلنوردی سو کنارینده سوسوز اُلدی حسین

 

شیرخواره بیر اوشاق گورسیدی ایلردی فغان

سسلنوردی وای علی اصغر اُلیدی کاش آنان

 

سالمارام دلدن سوسوزدان اود دوتوب اودلانماقون

تا حیاتیم وار منی قان آغلادور اوخلانماقون

 

آچمادیم سوددن سنی، سینمده قالدی اللریم

حلّ اولا ممکن دگل قلبیمده کی نسگل لریم

 

قلبیم اودلاندی اوجالدی دود بو کانونیدن

وار سراغیم بیر وفالی غصّه لی خاتونیدن

 

چخمادی خاطردن عمرینجه همیشه آغلادی

باب عیش و عشرتی دائم یوزینه باغلادی

 

کیمدی بو صاحب جلالت ایلیوم آدین بیان

عصمت کبری نشانی زینب بی خانمان

 

شرح حالی حضرت زهرانی هر آن آغلادور

محنتی عصرین امامین متّصل قان آغلادور

 

وار گمانیم ایمدیده فردوسیده خیرالنّسا

ساچلاری الده توکر اشکین دیر وا زینبا

 

گوسترنده قولّاریندا تازیانه یرلرین

حالینی آشفته ایلر حضرت پیغمبرین

 

مرحوم حسینی سعدی زمان

منبع مجموعه کانالهای مدح و مرثیه

موضوع: حضرت رباب (س) ,
زبان شعر و شاعر: نوحه ترکی , حسینی سعدی زمان

 

------------

 

در ولادت حضرت رسول اکرم (صلی الله)

 

شب جهالت و بی دانشی دلا بسر آمد

جهان ز نور خدا شد منور و  سحر آمد

 

بگاه صبح عیان شد خوری - ز شرق تهامه

کز او عوالم امکان تمام جلوه گر آمد

 

چه خور؟ که چشمۀ خورشید ذره پیش جمالش

خجل ز طلعت او صد خور و دو صد قمر آمد

 

منور است از این نور جو لایتناهی

نجات بخش همه کائنات از خطر ، آمد

 

ابوالبشر به سماواتیان نمود مباهات

ز صلب او چو بگیتی چنین نکو پسر آمد

 

ز یمن دولت او گشت آفرینش آدم

زهی پسر که نمودار عزت پدر آمد

 

فسرد آتش زرتشت و طاق کاخ مدائن

شکست بر دل کسری زوال ملک بر آمد

 

محیط جهل مبدل بعلم و فضل و هنر شد

محمد عربی یعنی مصلح بشر آمد

 

ز آفرینش عالم نتیجه بود محمد

ز نخل عالم ایجاد وه چه خوش ثمر امد

 

جزیرة العرب اول قبول دعوت وی کرد

سپس به تحت نفوذش ممالک دگر آمد

 

جهان گرفت و بقدرت نمود نسخ مذاهب

به مبتدای عَلَی الدّینِ کُلِّه خبر آمد

 

ز پای بست بر انداخت کاخ زور و ستم را

بزیر سایه او عدل چیست؟ مشتهر آمد

 

زنی که بَرده و انعام بود و پست تر از او

شرف زدولت اسلام یافت معتبر آمد

 

بگفت نیست به آئینم اختلاف نژادی

به نزد حق مساوی همه بیکدگر آمد

 

فقط منوط به تقواست برتری و کرامت

ز جمله خلق جهان شخص متقیست سرآمد

 

شرافت دو جهان راست دین او متضمن

بلی عیار پذیرفت چون ز بوته زر آمد

 

هر آنکه مرد نکوکار گشت اهل بهشت است

هر آنکه پیرو نفس است لایق سَقَر آمد

 

تمام چاردهم قرن شد ز بعثت طاها

هنوز گوش جهان را مر این سخن گهر آمد

 

بزیر پرچم توحید خواند اهل جهان را

بلی به سایۀ حق هر که رفت مفتخر آمد

 

حقایق سخنش گردد آشکار « حسینی »

در آن دمیکه بگویند امام منتظر آمد

 

مرحوم حسینی سعدی زمان

منبع مجموعه کانالهای مدح و مرثیه

موضوع: حضرت محمد (ص) میلاد ,
زبان شعر و شاعر: نوحه ترکی , حسینی سعدی زمان

 

------------

 

در احوالات حضرت رسول اکرم (صلی الله)

 

رحلت ایلوب علت غائی کل ممکنات

دولدوروب دنیانی غم غمگین اولوبدور کاینات

 

عالم امکان طفیلی دور نبیِ رحمته

علت ایجاد اولوب بو کنز حکمت خلقته

علت بی علتین معلولی آغلار علته

نُه فلک تیترر دولوب گرد غمیله شش جهات

 

ترک ائدوب ظلمت سرای عالمی صبح ازل

قطب عالم نقطۀ توحید سرّ مانَزَل

عرش اولوب بزم عزا صاحب عزا دور لم یزل

ماسوا پرگار تک اؤز حیرتین ایلر ثبات

 

آفتاب برج عزّت افتخار ماسلف

اون ایکی برجه وئرن طاق مُقَرنُده شرف

تازه دن معراج ائدوبدور قاب قوسینه طرف

یاریله اغیاردن گزلین ائده کشف نکات

 

ایلیوب خورشید دین اوز خط سیرین اختتام

گون کسوف ایلوب قمر عقربده ایلوبدور مقام

انفس و آفاق ایستور هیئتین پوزسون تمام

هر عوالیمدن قریلسون رشتۀ تار حیات

 

مهد کیواندا کواکب منتشر دور سربسر

زینت دنیا گئدوب حیران قالوب سیاره لر

نه ثوابت نه ثریایه ائدوب یالقوز اثر

تک به تک ایستر غروب ائتسون نجوم باهرات

 

تیر عطارد تک ووروب تیرِ بلا خونین دله

زهره و مریخ غم ذکرین سالوب دلدن دله

خوشه و بهرام و ناهیده دمامدم سنبله

نشر ائدر ماتَ النبی صوتیله اعلان ممات

 

بو وجود اقدسین وصفنده حیراندور عقول

علم هیئتده دانشسام شرحنه وار چوخ فصول

عالم علوی و سفلی بو غمه اولموش ملول

ماسوا آغلار ئولوب پیغمبر ذوالمعجزات

 

آدمین محتاج اولان دم مائ و طینی بیر دمه

نور احمد علت اولدی روح یتدی آدمه

علت مسجود اولان آدمده گلدی عالمه

ایلسون دین اوسته ظاهر محکمات و بینات

 

گلماقا سفلایه اعلادن یوخیدی احتیاج

عالمه گلدی وئره اسلامه بو مولا رواج

حق یولون دوتموشدی ظلمت روشن ائتدی بیر سراج

سالک راه دیانت کفردن تاپسون نجات

 

ایلسون تبلیغ دین قرآن ائدوب حقدن نزول

ایلدی توحیده دعوت اهل شرک اولدی ملول

توکماقا قانین قیام ائتدی ازل قوم جهول

ایلدی بونلان بیله ابلغ دین اول خوش صفات

 

ساحر و کذّاب قویدی گه آدین ابطال جیش

گه مبارک قلبینی غم دوتدی اشرار ائتدی عیش

بامدن گه باشینه کول توکدی کفار قریش

خُلق اعظم صاحبی دوزدی ائدوب چوخ التفات

 

گه دیوبلر ناسزا نور هدایه مشرکین

غیظیله گاهی یوزیندن ووردی سیلی اهل کین

گه ووربلا داش یارالاندی جبین نازنین

سجده گاهین قان دوتوب صبر ایلدی فخرهدات

 

ذلته دوزدی وئروب اتمامه دینین عزتین

سجده گهدن قان آخوب مستور ائدوب مه طلعتین

ائتمدی نفرین گئنه اول کان رحمت امتین

قانیله ثبت اولدی قانونِ حرام و واجبات

 

آنّینون قانین سیلوب بو فکریله اول مقتدا

سجده گه قانی یره آخسا نزول ایلر بلا

مشق آلوببو شیوه نی اوندان شهید کربلا

کربلاده داش ووراندا آنّینا قوم عدات

 

قان جمال اللهی دوتدی داش یریندن آخدی قان

قوزادی پیراهنین قانین سیله شاه جهان

قلب عالم قلبی گون تک جلوه لندی ناگهان

ووردی بیر اوچ شعبه لی اوخ قلب پاکیندن طغاة

 

قلبینی ایلوب شکست آنّین قیلوب مجروح سنگ

اول شکسته قلبینی گلدی اله آلسون خدنگ

گوگلینی آلدی یره سالدی آت اوستن بی درنگ

من دئمم قطع الوتین اولدی اونی آنلار ثقات

 

نیلدی اول اوخ امامه دلده شرحه تاب یوخ

گور سوسوز قلبه نئدر اوچ شعبه زهر آلود اوخ

مهجۀ قلبی قیریلدی بسکه آخدی قانی چوخ

قان آپاردی اول غریبی قان آخوب مثل قنات

 

گلدی شاه بی وزیری گوردی پیل احتضار

رخ باتوب قانه آلوب دورین پیاده هم سوار

سسلدی فرزین عشقی گل سنه وار جان نثار

عشق گوردی شاهی قالدی خانۀ حیرتده مات

 

گوزلرین آچدی بیوردی اول شه گردون جناب

ای قشون یاندیم سوسوزدان رحم ئدون اولدوم کباب

وئرمسوز آیا ندن من بی کسه بیر جرعه آب

مَهردور زهرا آناما وار نقدری سائلات

 

جان زهرایم روادور من لب عطشان جان وئرم

سینه ده دورت مین یارا ای قوم عدوان جان وئرم

قان ایچینده دیده گریان سینه سوزان جان وئرم

زینبون گوز یاشی تک اما چوله آخسون فرات

 

فصل ائدوب بیر نور نوریندن خدای دادگر

عنصری صورتده ائتمیشدی جهاندا جلوه گر

منفصل اؤز اصلینه ضمّ ایستسه اولسون اگر

مطلقا پیک اجل سسلر گل ای فرخنده ذات

 

گلدی عزرائیل ائده اولشاه دینی قبض روح

قالدی حیرتده واریدی جسمده از بس جروح

گوردی آغلور ناخدای کشتی اسلمه نوح

غرق اولوب لب تشنه قان دریاسینه فلک النجاة

 

قبض روحیندن قالوب عاجز قییتدی دلفکار

اؤز حبیبین بزم وصله سسلدی پروردگار

پرده نی آتدی حسین درک ایلدی وصل نگار

بوندان عالی رتبه سین توضیح ائدم هیهات هات

 

ای (حسینی) قطره سن اما سنه بیر یم یتوب

بیله نطق اولماز یقین روح القدس دن دم یتوب

قلبیوه جدّون غمینده بی نهایت غم یتوب

نشأتینون عزّتین ایسته حسین وئرسون برات

 

مرحوم حسینی سعدی زمان

منبع مجموعه کانالهای مدح و مرثیه

موضوع: حضرت محمد (ص) احوالات ,
زبان شعر و شاعر: نوحه ترکی , حسینی سعدی زمان

 

------------

 

در احوالات حضرت امام حسن عسکری (علیه السلام)

و گریز به غارت خیام

 

گوزومده غم گتیرور موجه اشک دریاسین

دین زمان حسن عسکری قضایاسین

 

اولیدی کاش بو معموره روزگار خراب

ایدنده معتمد دون جفایه فتح الباب

 

ایدوب امام زمانین آتاسینی مسموم

او زهریله حسن عسکری اولوب بی تاب

 

موثر اولدی ز بسکه امامه زهر جفا

دوتوبدی رعشه وجود شریفی چون سیماب

 

گیچنده سال قمردن ایکی یوز آتمش ایل

اولوبدی جدینه ملحق وصی ختم مآب

 

ربیع الاول آیی, روز جمعه، هشتم ماه

بو شاه دینون اولوبدی منامی تیره تراب

 

بیله روایت ایدور اول شهین غلامی عقید

که مندن ایستدی سو اول سلالة الاطیاب

 

حضورینه او شهین آب مصطکی گتدیم

ولیک رعشه امان ویرمیوب اولا سیراب

 

قویوب یره دیدی سو ویر ایدوم وضو تجدید

امام عصر النده گتوردی کاسه ی آب

 

زمان صبحیدی ایتدی وضوسینی تجدید

نماز صبحی ادا ایتدی پور ام کتاب

 

دوباره آلدی اله آب مصطکی ایچسون

یتوردی لبلرینه خسرو سپهر غباب

 

ایدوبدی رعشه الی، دگدی کاسه دیشلرینه

صعوبتیله ایچوب سو شفیع یوم حساب

 

عطش حرارتینی سوندوروب تمام اولدی

بو شرح غم گینه الدن آپاردی طاقت و تاب

 

حسینه اولمادی بیر کیمسه بیر ایچیم سو ویره

دیه یارالیدی، قلبین عطش ایدوبدی کباب

 

بیله روایت ایدور بو سوزی ابوالادیان

اونون دلینجه ایدوب ثبت معتبر کتاب

 

دیر امام حسن یعنی اون بیریمجی امام

منی حضوره چاقوردی بو نوعی ایتدی خطاب

 

واریمدی بیر نچه نامه آپار مداینه سن

اوتوز گونون اولی نصفی سنه ایاب و ذهاب

 

گلنده شهره گوررسن قیامت عالمیدور

ایدوبدی چاک گریبان تمام شیخیله شاب

 

دولوب فغان و نوائیله شهر شامره

او دمده داعی حقی بول ایتموشم ایجاب

 

دیدیم آتام سنه قربان خدا نکرده اگر

بو ایش اولا، سنه کیمدی وصی، ویردی جواب

 

او کس که ایستیه سندن جواب نامه لری

امام مفترض الطاعه دور او عرش جناب

 

دیدیم بیر آیری علامت بویور، دیدی هر کیم

قیلا نمازیمی بولسون امام اونی احباب

 

دیدیم بیر اوزگه علامت، دیدی که همیاندا

ویره او کس که مطلائیله طلایه نصاب

 

خیال ایتدیم ایدم عرش هانسی بیر همیان

دوتوب وجودیمی رعب امام و بیم عتاب

 

مرخص اولدوم امام هدی حضوریندن

گیدوب مداینه قیلدیم مراجعتده شتاب

 

منیم مسافرتیم جمله چکدی اون بش گون

یتنده شهره نه گوردوم جهان اولیدی خراب

 

فغان و شیونیله سر من رآی دولودور

ملال بحریدی، مردم او بحر ایچینده حباب

 

امام رحلت ایدوب صحنیده ویرولر غسل

انا الامام دیور خلقه جعفر کذاب

 

دیدیم من اوز اوزیمه بو امام هاردان اولور

و حال آنکه قمار بازیدی ایچردی شراب

 

عقید گلدی دیدی ایتدیلر امامه کفن

نماز قیل دوزولوبدور صفه تمام اصحاب

 

نمازه جعفر کذاب ایلینده شروع

حقیقتین گونی یوزدن کناره چکدی سحاب

 

طلوع ایلدی دولت سرای والادن

صغیر سنیله بیر آفتاب عالمتاب

 

جبین گشاده و دندان گشاده، گندمگون

جمالی گون کیمی طالعدی، زلفی پرخم و تاب

 

گلوب وقاریله دوتدی عباسینون اتگین

بویوردی جعفره یاعم ایتمه بیله شتاب

 

آتام نمازینی قیلماقلیقا من اولایم

چکیل کناره، او بی شرم او طفله اولدی مجاب

 

نمازی قیلدی همان سید جلیل القدر

امامی قبره قویوب قلب پاکی اولدی مصاب

 

دونوب بویوردی منه ویرجواب نامه لری

او طفله رد ایلدیم، غائب اولدی اول مهتاب

 

دیدیم من اوز اوزیمه بو ایکی علامتیدی

منه گیدنده بویورموشدی شاه ذوالانساب

 

او گیر و داریده بیر دسته اهل قم گلدی

امام موتینی بولدی او باوفا احباب

 

سوال ایتدیله کیمدور وصی، دیدی حضار

امام قارداشی جعفر اولوب امام صواب

 

گلوبله جعفر کذابه تهنیت دیدیلر

سواله ایتدیله بو دللریله فتح الباب

 

بویور گوراخ سنه کیمدن گتیرمیشوخ نامه

نچه ویروبله بیزه ایله امره کشف حجاب

 

دوروبدی جعفر ایاقه تغیریله دیدی

مگر امام بولر غیبی یا اولوالالباب؟

 

غلام حضرت حجت چخوب او ساعتده

ایدوب امام زمان قولیجه او جمعه خطاب

 

ویروبدی نامه لری سیزلره فلان و فلان

منه آچوبدی خدا علم غیبیدن ابواب

 

امام مالیدی، واردور یانوزدا بیر همیان

مین اشرفی وار ایچینده به سان در خوشاب

 

ولی او کیسه ده اون اشرفی مطلادور

خیال ایدوبدیله من بولمرم چکوبله نقاب

 

او جمع سویلدی هر کیم که گوندروبدی سنی

اودور امام زمان بیزلره ملیک رقاب

 

گیدوب خلیفیه جعفر بو وضعی ویردی خبر

ایدوب خلیفه نی بو ماجرائیله اعتاب

 

خلیفه امر ایلدی حجت اللهی دوتالار

او دودمانه هجوم آور اولدی اهل عذاب

 

ایکی امام الن گون توکولدیلر ایوینه

حیالی عترتی توکدی عذارینه خوناب

 

بیری امام زمان صاحب الزمان آتاسی

بیری حسین او که قانیله شیبی اولدی خضاب

 

چکیلدی جار حسین الدی وقت غارتدور

توکولدی خیمه لر اوسته سپاه کینه مآب

 

سویولدی زینب کبری باخوب او حاله یانوب

صفیه عاتکه لیلا سکینه نازلی رباب

 

نه غارت،ایتدی قیامت قیام زهرایه

مخدراته بویون باقی اولدی قید و طناب

 

وورولدی سیدسجادبوینونا زنجیر

گوزیندن اولدی روانه سرشکی چون میراب

 

اوتوزلی قبره ((حسینی)) اولوبدی چوخ مشتاق

دوزت وسایلینی یامسبب الاسباب

 

مرحوم حسینی سعدی زمان

منبع مجموعه کانالهای مدح و مرثیه

موضوع: حضرت امام حسن عسگری (ع) احوالات ,
زبان شعر و شاعر: نوحه ترکی , حسینی سعدی زمان

 

------------

 

در رحلت حضرت رسول اکرم (صلی الله)

گریز به هجوم به خانه وحی

 

سیزه ای وفاسیز امت ایکی سوز وصییّتیم دور

بیری بو کتاب منزَل ، بیریده اؤز عترتیم دور

اگر ایسته سوز هدایت بولارا ائدون اطاعت

سیزه رهبر سعادت بو ایکی امانتیم دور

 

بیری بیرلریندن اصلاً بو ایک آغیر امانت

بو جهاندا آیری دوشمز اولا تا بپا قیامت

سیزه یوخ امید رحمت ائده گر بولار شکایت

بولارا اطاعت ائتماق منیم اؤز اطاعتیم دور

 

آتا عترتی جهاندا بیری گر دوتا کتابی

دوتاجاق جزا گونینده اونی قهر حق عذابی

ائده سوز شکسته دل گر عموم اوغلی بوترابی

بو عمل جزاده سیزدن سبب برائتیم دور

 

دیورم سیزه خصوصاً بو قزیم بتول عذرا

گل گلشن حیادور قدی سرو رشک طوبی

اولی روحیمه اذیت گر اولا ملول زهرا

او منیم دیزیمده طاقت اؤرگیمده قوّتیم دور

 

منی اینجیدوبدی هر کیم اونا ایلیه اذیت

منی اینجیدن ائدوبدور حق لایزاله جرأت

گوره جاق عذاب دوزخ ائدن اللها جسارت

قیزیمون رضای قلبی منیم اؤز رضایتیم دور

 

بُلورم که چوخدی مندن صورا ابتلای زهرا

چخاجاق شکسته دلدن فلکه نوای زهرا

قاپوس یانار سیزیلدار دل مبتلای زهرا

اولا سقط اگر جنینی او زمان قیامتیم دور

 

یری وار امام عصره دیاق ای خدایه حجّت

بو وصیتین خلافین عمله گتوردی امّت

او گونی که ئولدی جدّون دئدی منکر ولایت

آلام انتقام علیدن ، منیم ایمدی فرصتیم دور

 

نه اوتاندی مصطفادن نه باخوب خدایه ثانی

گوتوروب بیر عده بی شرم آچوب ال جفایه ثانی

گلوب آستان قدس شه لافتایه ثانی

دئدی بیعته آپارماق بو علینی نیتیم دور

 

نه حیا ائدوب خدادن نه بتولدن اوتاندی

ووروب اود او باب رحمت ستم آتشیله یاندی

آناوون فغان و دادی اوجالوب گویه دایاندی

دئدی فضه گل اماندور که زمان رحلتیم دور

 

او زمان چخوبدی ائودن شه دین علیِّ اعلا

ساتاشوب گوزی نه گوردی یخلوب بتول عذرا

ایکیمینجیه دوتوب یوز دئدی ای عدوّ طاها

بو امانت خدادور بو حریم عصمتیم دور

 

اگر اولمییدی ختم رُسل ایلین وصیت

سنه بُلدورردیم ایمدی ندی بو بیوک جسارت

یتشوبدی یابن صهّاک الیوه او قدر قدرت

که وروب سان ال بیر امره او منیم حقارتیم دور

 

او یانان قاپی لهیبی اوجالوبدی نُه سمایه

او اودون شراره سیندن یتیشوبدی کربلایه

آلیشوب خیام گلدی حرم خدا نوایه

دئدی زینب بلاکش گل اخا قیامتیم دور

 

سن ئولوب خلاص اولدون غم و محنت جفادن

ولی چکمور ال مصیبت بو بلایه مبتلادن

نجه اولموشام مواظب منه تاپشوران بالادن

ایکی قولدا تازیانه یری  صدق خدمتیم دور

 

من « حسینیم » نسبده بو حسینه خادم پیر

ئوزی شاهدیمدی منده نه ریا نه واردی تزویر

اولا اولمویا سوزیمده اوخونان زماندا تأثیر

ئوزی گر قبول ائتسه سبب شفاعتیم دور

 

مرحوم حسینی سعدی زمان

منبع مجموعه کانالهای مدح و مرثیه

موضوع: حضرت محمد (ص) احوالات ,
زبان شعر و شاعر: نوحه ترکی , حسینی سعدی زمان

 

------------

 

احوالات اربعین

 

نیزه ده وارد اولان گون قانلو باشون شامه قارداش

ناقه ده گوردون نه خدمت ایلدیم اسلامه قارداش

 

سن او گون که حق یولوندا اهل بیتون گوزدن آتدون

حفظ استقلال اسلام اوسته عطشان قانه باتدون

پرچمون یاتدی ولیکن پرچم دینی اوجاتدون

قانیله یازدون بلالی زینبه برنامه قارداش

 

یازدیقون برنامه سرمشق اولدی بو زار و حزینه

رونق دین اوسته دوزدوم هر جفای اهل کینه

ایلدیم هنگام فرصت سعی تبلیغات دینه

پوزدی تشکیلات کفری قوردوقوم هنگامه قارداش

 

من بو صحرادن گئدن گون پیکرون قالموشدی عریان

خار و خس ائتمیشدی تکفین ای قتیل قوم عدوان

کیم سنه قازدی بو قبری زینبون بو قبره قربان

وار یری یانسام ئولونجه آتش آلامه قارداش

 

ایلین گونلر آتامیز کوفه شهرینده خلافت

کوفه نسوانی تاپاردی دست بوسیمدن شرافت

گوردولر تا دستگیرم شمره باشلاندی شماتت

ذلّته دوندی او عزّت تُف گله ایّامه قارداش

 

ایله بیر حالتده گوردوم نازنین باشون جداده

آیۀ کهفی تلاوت ایلوری اهل عناده

ایلدیم ترویج دین و مذهبه منده اراده

باشلادیم نطقه علی تک قوم بدفرجامه قارداش

 

آتشین نطقیم شراری منتشر اولدی فضاده

قویمادیم قالسون حقیقت نیّری ابر خفاده

گئتدیم آخرده بُلورسن مجلس ابن زیاده

واریدی اگنیمده گوردون مُندرس بیر جامه قارداش

 

کوفه دن شامه آپاردی بیزلری قوم اراذل

یا قَطَب لر اولدی مَرکَب یا بیزه بی پرده محمل

هاشمیّاته وئرولدی مسجدِ ویرانه منزل

گوندوزوم ویرانه یرده دوندی غمدن شامه قارداش

 

گه آپاردی هندین اوغلی بیزلری بزم شرابه

خیزران دوندردی گاهی قلبیمی یانمیش کبابه

بیر قزون ئولدی آجیندان مدفنی اولدی خرابه

خدمتیم سن امر ائدن تک گور یتوب انجامه قارداش

 

چخما بو ویران سرادن ای ((حسینی)) سن کناره

وئرمه توضیحات کامل مجلس شرب و قماره

قوی قالا ناقص کلامون مختصر بسدی اشاره

گر چه چوخ مایلدی یازسون ماجرانی خامه قارداش

 

مرحوم حسینی سعدی زمان

منبع مجموعه کانالهای مدح و مرثیه

موضوع: احوالات اربعین ,
زبان شعر و شاعر: نوحه ترکی , حسینی سعدی زمان

 

------------

 

اربعین حسینی

 

سوال و جواب

 

ای دین اسلامین سوسوز قربانی قارداش

قانیله تضمین ایلین قرآنی قارداش

شمع وصال غمده چون پروانه یانّام

ششگوشه قبرون باشینه یانّام دولانّام

 

ای قانلو توپراقلار حنوطی غسلی قانی

تابوتی شمر ناکس و خولی سنانی

دور گلدی شهر شامدن غم کاروانی

پیشواز ائله بو جمع سرگردانی قارداش

 

سن بیر قیام ائتدون بو صحرای بلاده

وئردون قیامونده نشان محکم اراده

ظاهرده مغلوب اولدون اتباع عناده

باطنده تسخیر ایلدون دنیانی قارداش

 

گوردون ائدور آل امیه چوخ تقلّا

نام و نشانه قالماسون قرآندان اصلا

ترویج دینه ایلدون اوز روحون اهداء

ئولدون دیریتدون قانیله قرآنی قارداش

 

ظاهرده قتله منتهی اولدی قیامون

کشف اولدی امّا عالمه عالی مرامون

اِن لَم یَکُن دینٌ لَکُم آخر کلامون

اولدی هامی نشریّه لر عنوانی قارداش

 

ای پیشوای رادمردان حقیقت

وئردون جهانه سربسر درس شهامت

یعنی بشر ائتمز قبول زور و ذلّت

ناحقّه باش اگمز اولان وجدانی قارداش

 

سن ایلدون قانیله بو صحرانی رنگین

ائتدون مبرهن قانیله ترویج اولار دین

اولدی یزیدین صفحۀ تاریخی ننگین

یخدون بنای کاخ بوسفیانی قارداش

 

گوردون یزید ایستور چکه اسلامه جلباب

ائتدون اونون آمالینی سن نقش برآب

قانیله قیلدون گلشن اسلامی سیراب

محو ائتدون اسم لاتیله عُزّانی قارداش

 

باشون ائدنده نیزده ده قران تلاوت

بُلدوردی دنیایه ندورسرّ شهادت

بوینومدا گر چه واریدی قید اسارت

وئردیم ولی تبلیغ دین اعلانی قارداش

 

اوّلده ائتدیم کوفه ده بیر خطبه ایراد

ائتدی گورنلر مرتضانین خطبه سین یاد

دشمنده سویلوردی ائوی زهرانین آباد

وئردیم نشان شخصیّت زهرانی قارداش

 

بیر تیشه ووردوم ریشۀ سفیانیانه

نطقیمده مظلومیّتی ائتدیم بهانه

تا وار جهان یتسون بو سوز اهل جهانه

دین اوسته مقتول اولدی دین سلطانی قارداش

 

ایله مهیّج اولدی بو اوتلی خطابه

آماده لشدی اهل کوفه انقلابه

تاریخ کوفه یازسارلار هر بیر کتابه

اوّل یازالّار زینب کبرانی قارداش

 

 گویا گئجه اولموشدی خولی میزبانون

مهمانیدون اما کول اوستویدی مکانون

کول باشینه سندن صورا اهل جهانون

دؤنسون گوروم بو چرخ دون دورانی قارداش

 

آز قالدی قان جسمیمده گردشدن دایانسون

یا جان وئروم یا ساچلاریم قانه بویانسون

من باشیمی یاردیم یاتان ملّت اویانسون

تازه حیات اولدی آخان باش قانی قارداش

 

ابن زیادین مجلسیندن داد و فریاد

ائتدی بیزه اول بی حیا چوخ ظلم و بیداد

سجّادی ئولدورماقه احضار ائتدی جلّاد

آغلاتدی یکسر عترت طاهانی قارداش

 

بیر سوز دانشدی ایلدی اوز کفرین اظهر

وئردیم جوابین دؤزمدیم جانِ برادر

اولدی بپا مجلسده بیر اوضاع محشر

آز قالدی ئولدورسون منِ نالانی قارداش

 

باشون گذاری بیر گجه دوشدی کِنِشته

وئردی سعادت راهب نیکو سرشته

دوندردی معناده کلیسانی بهشته

گتدی او دیره مریم و عیسانی قارداش

 

باشون دالنجا کوفه و شامی دولاندیم

یولّاردا گوردوم هر جغا دؤزدوم دایاندیم

بزم یزید ایچره یانار اودلاره یاندیم

آغلاتدی حالیم کافر و ترسانی قارداش

 

گوردوم او بی دین ایلوری ظلمینده طغیان

واضح دیور نه وحی ، نه الله ، نه قرآن

بدر انتقامین ایلیوبدور الده عنوان

ایلور شکسته دُرّ تک دندانی قارداش

 

با اینکه او سلطانیدی من بینوا تک

خوف ائتمدیم امّا آتام شیر خدا تک

قرآنیله ائتدیم تکلّم مرتضی تک

ائتدیم مجاب اول شوم بی ایمانی قارداش

 

سسلندیم ای مغرور اولان جاه و جلاله

آز اِتّکاء قیل تاج و تخت و ملک ماله

آز رخنه وور دینِ خدایِ لایزاله

حق ظالمه تعیین ائدوب میزانی قارداش

 

اسلام دینین یخماقا یاتماز کمین ده

الّا او کس که ایلیه بُت نامی زنده

میسون اونا مادر اولا یا جدّه هنده

هر تک تکی آلوده دور دامانی قارداش

 

ظاهر دیوردی من امیرم مؤمنینه

توهین ائدوردی باطناً اللهه، دینه

کفرین ائله اثبات قیلدیم مسلمینه

بالمرّه سالدیم صورته معنانی قارداش

 

ناقص گوروب ظلمین ائدوب بیر نوع کامل

هر ظلمیله اولدی بو بیر ظلمی مقابل

وئردی بیزه بیر گوشۀ ویرانه منزل

منزل ، نه منزل؟ شرحه یوخ امکانی قارداش

 

نه واریدی ویرانه ده سقف و نه دیوار

نه شام شام اولدی بیزه گوندوز نه افطار

نه اهل بیت عصمته بیر کس پرستار

سجّاد اولوب ویرانه نین دربانی قارداش

 

قانیله قلبیم غنچه تک دولدی او یرده

گول یوزلی قزلار گول کیمی سولدی او یرده

بیر خرداجا قز غصّه مرگ اولدی او یرده

چخدی گویه آل اللهین افغانی قارداش

 

گورموبدی گورمز عالم لاهوت و ناسوت

شهزادیه نه بیر کفن اولدی نه تابوت

زیبنده دور صبریم قویا ایّوبی مبهوت

ایّوب تک یوخ صبریمون پایانی قارداش

 

ائتدی گوزومده گوندوزی بو ماجرا شام

چخماز یادیمدان تا وارام بو درد و آلام

آخر رقیّه نسگلین قبره آپارّام

حلّ ائتمرم بو درد بی درمانی قارداش

 

گوز چشمه سین بو ماجرا دوندردی ابره

باخ قوّت قلبه باجون زینبده صبره

دردانه وی اولموب قویان بیر کیمسه قبره

قویدوم اؤزوم قبره او مه سیمانی قارداش

 

جوش ائتدی قلبیمده اولان مهر و محبت

آنّیندان اؤپدوم سویله دیم یات بوردا راحت

اوندان اؤتور قیلّام او شهره بیرده رجعت

اولّام او توزلی قبرینون مهمانی قارداش

 

مدّاح و راثی دور بو درباره ((حسینی))

عمرین قویوب بو یولدا بیچاره ((حسینی))

ایستر صله مندن بو اشعاره ((حسینی))

هم عزّت دنیا و هم عقبانی قارداش

 

جواب

 

ای صبری حیرتده قویان دنیانی زینب

وئردون باشا اوز ائتدیقون پیمانی زینب

ظاهرده شام و کوفیه قول باغلی گئتدون

اما دیریتدون باطناً قرآنی زینب

 

من ایلدیم اقدام بیر خونین قیامه

سن نقشۀ آمالیمی وئردون تمامه

ششگوشه قبریم اوستونه گلدون سلامه

ای شامیده ویرانه نین دربانی زینب

 

من کاخ عدلی ایلدیم قانیله آباد

تا بو بنانی یخماسین هر دست بیداد

قید اسارتدن ائدم دنیانی آزاد

تأسیس اولا حرّیّتین بنیانی زینب

 

نوش ایلین گون بوردا من جام شهادت

دنیایه وئردیم سربسر درس شهامت

سن ایلینده کوفه ده خطبه قرائت

سالدون گوزل بیر صورته معنانی زینب

 

بیر قول وئرموشدون منه قالوا بَلاده

وئردون عجب بیر امتحان هر ابتلاده

من نیزه ده سن ناقه ده هانسی بِلاده

گئتدوق یتوردوق عزّته قرآنی زینب

 

دین اوسته گیدون اگنیوه رخت اسارت

دینی دیریتدون ایلدون اسلامه خدمت

قرآن و دین اولدی سنه مرهون منت

ائتدون مسلمان کافر و ترسانی زینب

 

ائتدون او که بو دهرده شرط وفادور

من راضیم سندن آنام زهرا رضادور

شرمنده ام سندن ولی چگنون یارادور

ظاهرده دور گیزلین وفا برهانی زینب

 

اثبات حقّانیّته ائتدون اراده

قول باغلی گئتدون مجلس ابن زیاده

دندان شکن سوزلر دئدون اول بد نهاده

ائتدون مجاب اول کافر نادانی زینب

 

عریان قَطَب لرده خواتینِ تهامه

وارد اولان گون دیده تر بازار شامه

سجاد باشینده یانور گوردون عمامه

سوندوردی اشکون آتش سوزانی زینب

 

گئتدون اگر چه ظاهراً بزم یزیده

ائتدون تمسّک لیک قرآن مجیده

بوندان صورا هر کیم یازا دینه جریده

اسمون اولار نشریّه نین عنوانی زینب

 

ای آدی بزم ماتمه هر یرده بانی

مشمول الطاف ایله ((سعدی زمانی))

قیلما قاپوندان ناامید اهل عزانی

وار هر کسین بیر دردِ بی درمانی زینب

 

ظاهر اطبّادن بیزی بی احتیاج ائت

اوز معنوی طبّونله هر درده علاج ائت

مستضعفینی صاحب اورنگ و تاج ائت

گورسون هامی تا قدرت یزدانی زینب

 

مرحوم حسینی سعدی زمان

منبع مجموعه کانالهای مدح و مرثیه

موضوع: احوالات اربعین ,
زبان شعر و شاعر: نوحه ترکی , حسینی سعدی زمان

 

------------

 

احوالات اربعین حسینی

 

بو دشتده سن یاندروب عالملری یاخدون

ای نهره باخوب جان ویرن عطشان آنام اوغلی

آواره باجون قبریوه قربان آنام اوغلی

قربان لبِ عطشانیوه زینب ، سو گتوردوم

قارداش سنه گوز جامی لبالب ، سو گتوردوم

 

بو دشتده سن یاندوروب عالم لری یاخدون

قان آخدی زبس ضعف ایلدون صاق سولا باخدون

یاندون سوسوزوندان سو دئدون هی سویا باخدون

هر یرده او گوندن که سو جامی اله آلّام

یانّام قوریان لبلریوی یادیمه سالّام

 

بیر سو گتوروب زینبون ای قبلۀ حاجات

دنیا بوئی بیر کیمسه نظیرین گوره هیهات

ای باشی سوسوز ذبح اولونان دور سو وئروم یات

حسرتله داخی ای شه عطشان سویا باخما

لب تشنه ئولن جانوه قربان سویا باخما

 

ای نوحین اولان فُلکده امّید نجاتی

وی خضره وئرن لعل لبی آب حیاتی

ای کاش گوروم قانه دونیدی بو فراتی

دریا کیمی موج ایلدی صحرالره آخدی

یاندوردی عطش سوزشی امّا سنی یاخدی

 

ای تشنه وئرن جان ایکی نهرین آراسیندا

قاندان گلِ توحید آچان گل یاراسیندا

بو ظلم جهانین گورنوبدور هاراسیندا

بیر تشنه یارالی سو یانندا سوسوز ئولسون

بیر قطره اگر ایستسه سو قاتلی گولسون

 

ای کاش یانوب گلشن ایجادی سولیدی

باغریم کیمی گل باغری بوتون قانه دولیدی

چون اولمادی قسمت سنه، سو آتش اولیدی

خاک اودلانوب افلاکه شراری دایانیدی

قلبیم کیمی بو گلشن ایجاد یانیدی

 

بیر بیله سنی سسلوری بو خانه سی ویران

سس ویرمیسن ای کَونی قویان صبرینه حیران

بو درد و بلا یورقونی زینب سنه قربان

یوخسا باجی نین حالینی قارداش خبر آلماز؟

قارداش کیمی هئچ کیم باجی نین قیدینه قالماز

 

واردور نظرونده او گون ای شافع محشر

قان ایچره چالوردون ال ایاق دورده لشگر

تاب ایلمدیم ای گلِ طاها منِ مضطر

گلدیم باشون اوسته باشوی شمر کسنده

گل سنده باشیم اوسته برادر من ئولن گون

 

بو چولده که سن نوش ایلدون جام شهادت

ال غارته آچدی سپه کفر و ظلالت

غارت نجه غارت بیزه یوز وئردی قیامت

اسلام نوامیسینه کفار ال آچدی

بیر باش حرم آهولری قارداش چوله قاچدی

 

بو فکریله ظلمین یتوره بلکه تمامه

سعد اوغلی حیا ائتمدی اود ووردی خیامه

صحرالره یوز قویدی خواتینِ تهامه

بیر غصّه منیم طاقت و آرامیمی آلدی

بیمار قاچا بُلمدی بیر خیمه ده قالدی

 

خیمه آلشوب یاندی برادر نجه یاندی؟

یاندیم سسی اطفالدن افلاکه دایاندی

بو قانه دونن قلبیمین آرامی تالاندی

قرآن مبین عترتی صحرایه داغیلدی

قرآن پوزولوب هر یره بیر آیه داغیلدی

 

گوردوم بدنون شامه گیدنده قالوب عریان

باشسیز بدنون دفن ایلیم اولمادی امکان

کیم ائتدی کفن جسموه زینب سنه قربان

کیم قبره قویوب باش داشینا آدوی یازدی

بو اسمه صفت اودلانان اکبادوی یازدی

 

دنیا بوئی بو قبری گورن ای شهِ عطشان

آگاه اولاجاق بوردا یاتان تشنه وئروب جان

قرخ مین نفر ایچره یوخوموش بیرجه مسلمان

بیر شربه سنه سو وئره اودلانمیا قلبون

سوزِ عطشوندن دوتوب اود یانمیا قلبون

 

من صبرده ایّوب دن عالی یره یتدیم

اؤز سینه می هر تیر بلایه سپر ائتدیم

منجر او یره اولدی ایشیم کوفیه گئتدیم

اول شهر که خاتونیدیم اوردا نچه مدّت

بی پایه منه یتدی همان شهرده محنت

 

بیر یر که اُناثی منه ایلردی تملُّق

الطافیمه مشمول اولان ایلردی تفوّق

اطفالیوه گتدی او یرین اهلی تصدّق

ای وای فلک گور منی نه گونلره سالدی

چوخ جای تعجبدی باجون ئولمدی قالدی

 

گوردوم گچوب اندازه دن اول قوم جفاده

منسوب ائدوللر حرمون اوزگه بیر آده

افکارینی خلقین دگیشم ائتدیم اراده

آتدیم اؤزیمی ، دین مبین قیدینه قالدیم

بیر نطقیمیله شهره بؤتون ولوله سالدیم

 

باشلاردی نجه خطبه آتام شاه ولایت

ایراد ایلدیم منده ایله خطبه او ساعت

ائتدیم او قَدَرقوم ستمکاری ملامت

هر کیم سسیمی آلدی ، گویه چخدی فغانی

یاد ایلدی منبرده آتام شیر خدانی

 

آندرودوم او قومه که بیز اسلامه فدایوق

قرآن تاپا رونق ، گله هر ظلم رضایوق

هر حالده بیز حامیِ احکام خدایوق

ای قوم ائدوب آل امیه سیزی گمراه

قرآندا بیزی پاک و منزّه سایوب الله

 

بو حالده قرآن سسوی نیزه دن آلدیم

عزّتله گئچن گونلریمی یادیمه سالدیم

شوریله بلالی باشیمی محمله چالدیم

بو مقصدیله حقّیله باطل آرالانسون

یاردیم باشیمی بلکه یاتان ملّت اویانسون

 

گوردوم باشوی نیزه ده چون نیر آفاق

آفاقه سالوب پرتو اسلامیله اشراق

افسوس دوتوب صورتوی قانیله توپراق

بُلدوم گجه خاکستر و خاک اوسته یاتوبسان

گوندوز واریدی قان گئجه توپراقه باتوبسان

 

تقریر ائدم گر ستم ابن زیادی

زهرا انامین عرشه چخار آه و فغانی

پیغمبریله بسکه واریدی چوخ عنادی

باخمادی باخور اهل حرم چشم تریله

ووردی یارالی باشوی تیغ فنریله

 

بُلمم نه دیوم کوفه دن ای خسرو خوبان

بیر عمر دئسم تاپمیاجاق محنتی پایان

اولدی یریمیز کوفۀ ویرانه ده زندان

زندان نجه زندان گونوزی لیلۀ ظلمت

اوردا بالالار یاتمادیلار بیر گجه راحت

 

یولّاردا نه لر چکدی خواتینِ تهامه

ذکر اولسا دونر صبح وصالیم گئنه شامه

چوخ زحمتیله شمر یتوردی بیزی شامه

اودلار دلیمی گلسه دیله شام جفاسی

طعن ائتدی بیزه شامده مکّه طُلَقاسی

 

گَلمز ستم آل امیه سانا قارداش

تک تک دیله گلسه یری وار دل یانا قارداش

اما هامی غم بیر یانا بو بیر یانا قارداش

شام اهلی دف اللرده تماشامیزه گلدی

بو قانه دونن قلبی شماتت اوخی دلدی

 

قارداش نه شکایت ائدورم رنج و عَنادن

نه قلبیمه هر گون وورولان تازه یارادن

فریاد یزید ایلین ایذاء و جفادن

دنیاده ایله شرم و حیاسیز بشر اولماز

ملعونه شجردن بلی نیکو ثمر اولماز

 

باشوندی گواهیم منیم ای شاهد عادل

الله شهیدیله بو شاهددی مقابل

نقصانِ جفا و ستمی ایلدی کامل

گه طعن و شماتت دلین اچدی منِ زاره

گاهی یارالی باشووا ووردی گینه یاره

 

بیر یاندان اولوب مستِ میِ کبر و ریاست

بیر یاندان ایدوب خمر اونون عقلینی غارت

گوردوم نه حیا ایلوری آنلور نه دیانت

اسلامه تمسخر ائدور اول فاسق و فاجر

افعالیله گفتاریله کفر ایلوری ظاهر

 

گَه بدر چولونده ئولن اشیاخی ائدور یاد

گه می ایچور اوینور گهی نرد اول ائوی برباد

گه ایستوری سجادی شهید ائتماقا جلاد

هئچ بُلموری نیلور او زنا زادۀ کافر

گه سویلوری نه دین و نه قرآن ، نه پیمبر

 

ایستوردی گهی پرچم تکفیر اوجاتسون

ایستوردی بیزی گاه کنیز آدینا ساتسون

ایستوردی قماریله گهی باده نی قاتسون

گاهی دو شش ایستوردی گلن دمده دو و پنج

غیظیله وئروردی یارالی باشوه چوخ رنج

 

ظلم آیه سینی ایلدی ناگه باشون ازبر

اثبات ایلدی حقی او ناحقّه برادر

گوردوم سُفَرایِ دُوَلِ خارجه یکسر

بیر بیرلرینه دگدیله باشلاندی بو عنوان

کیمدور بو کسوک باش که اوخور آیۀ قرآن

 

دوشدوم بو خیاله که ائدم مطلبی روشن

کفر آتشینه قویمیام اول دون وورا دامن

بی باک یزیده دئدیم ای خالقه دشمن

بی شرم و حیا دور هامی اولادِ اُمیَّه

کفریله مُخمَّر اولوب اکباد اُمیَّه

 

آز سلطنت و عزّتیوه ایله مباهات

آز وور او باشی ساخلا الون آز دئ خرافات

آز قالدی اؤزین ئولدوره ، ظالم علویّات

قوی دینی کناره ، بو مروّتدن اوزاقدور

آخر قوناقا حرمت ائده للر بو قوناقدور

 

قرآندا دیوب حق که ائدن جرمده اصرار

جرئت تاپار آیات خدانی ائده انکار

قالمور او قدر قهره گله قادر قهّار

الله سوزودور دوغرودور ای ظالم گمراه

تعیین ایلیوب دوزخی ظلم اهلینه الله

 

کِتفَینیوی کبریله ندن اوینادوسان سن

اظهار تَفَرعُن ائدوب الله دانوسان سن

بیزلر کیموق ای هنده نین اوغلی تانوسان سن؟

بیز عترت پیغمبروق اسلامه مُبلّغ

شأنینده گلوبدور اتامین آیۀ بلّغ

 

کافرسن آدون قویموسان اسلامه خلیفه

توهین ائدوسن فعلویله دین حنیفه

رحم ایلموسن عابدِ تب دار و نحیفه

گه غالب و مغلوب ائدوب عنوان دانوشورسان

گه دینی ائدوب مَلعَبه هذیان دانوشورسان

 

سن بیله بُلورسن بو تَفَرعُن بو ریاست

دنیاده سنه آرتوراجاق عزّ و شرافت

نه سنده نه جدّونده وار آثار اصالت

جدّه ندی سنون هنده جگرخوار و زناکار

زهرا منه مادردی بابام احمد مختار

 

بیر کس که اولا زانیه عالمده آناسی

فخر ایلیه بت بنده سی اولماقه آتاسی

بیر ایله کسین نه اولی شرمی نه حیاسی

شهزاده نی ساخلار قولی باغلی ایاق اوسته

ایلر دُرِ گنجینۀ اسراری شکسته

 

فکر ائتمه بنی هاشمه ائتدون یر اوزین تنگ

عزّت قازانوب اولدون اوزون صاحبِ اورنگ

قانیله یوولماز بُلوسن سیزده اولان ننگ

اؤز فعلویله عالمی غمگین ایلدون سن

تاریخده اوز آدیوی ننگین ایلدون سن

 

مَهلاً، دایان ای ظالم مغرور و ستمگر

مهلاً دایان اولسون شل او ظلم ایلین اللر

مهلاً که کمینگاهده دور حاکم داور

بیر گون اولاجاق حقّیله دیوان ائده جاقدی

کاخ ستمون عدلیله ویران اولاجاقدی

 

یابن الطُّلقا گور بودی مفهوم عدالت؟

اهل حرمون یکسر اولا پرده ده راحت

امّا قالا بی پرده خواتین رسالت

بیر بزمده که دوره ده وار گَبر و نصارا

قول باغلو ایاق اوسته قالا عترت طاها

 

ائتماقدان اؤتور نقص جنایاتوی کامل

بیر یرده وئروبسن حرم عصمته منزل

نه سقفی نه دیواری وار اولسون بیزه حایل

شام اهلی تماشایه گلور دسته بدسته

ایلولَّه تماشایه گلنلر بیزی خسته

 

ویرانه ده یوخ کیمسه بیزه مونس و غمخوار

آغلار گیجه لر صبحه کیمی عترت اطهار

انصافیدی گور آج یاتالار خرداجا قزلار

زندان اولا ویرانه خواتینِ حجازه

شام اهلی ولی باش قویالار بالشِ نازه

 

((سعدی زمان)) اشکیله هر وقت فریضه

یاز نهره باخوب جان وئرن عطشانه عریضه

بیر یر که اونون تربتی دارودی مریضه

بو جمع پریشانی چاقورسون اورا مهمان

عَمَّن دلیجه سن دئ اولار ایلسون افغان

 

مرحوم حسینی سعدی زمان

منبع مجموعه کانالهای مدح و مرثیه

موضوع: احوالات اربعین ,
زبان شعر و شاعر: نوحه ترکی , حسینی سعدی زمان

 

------------

 

زبانحال در اربعین

 

دور ای سردار اباالفضلیم اَلَه آل بیر علم قارداش

دایانما پیشواز ایله  گلور اهل حرم قارداش

 

یانونجا سال علیّ اکبری گئتمه اوزون تنها

آناسین پیشواز ائتسون بو چولده مظهر طاها

گلور مجنون تک آواره قالان بی خانمان لیلا

دئسون اؤز سرگذشتین اوغلونا بی کیف و کم قارداش

 

جوانیندن آیردی جبریله اول بیکسی دونان

قوری یرلرده قویدی پیکر صد پاره سین عریان

اوغول قانین یاخوب ائتدی آقارمیش زلفینی الوان

او قاندان اکبرین عطرین آلوبدور دمبدم قارداش

 

خیال وصلیله گه غشّ ائدور گاهی گلور هوشه

قرار و صبرینی الدن الوب بو قبر ششگوشه

گئنده شامه چکمیشدی یارالی جسمین آغوشه

گلور قبرین جکه آغوشه ایمدی لاجرم قارداش

 

خبر وئر قاسمیمده پیشوازه اولسون آماده

او نورسته جوانی سال یانونجا سن بو صحراده

سریّه نوجوانیم وای دیور آغلور گلور داده

وئروللر سس سسه یولدا حریم محترم قارداش

 

رباب اصغر دیور شاماتیدن قارداش گلور بیر باش

سالور یاده بالاسین عارضه گوزدن توکور قان یاش

علیّ اصغرین قونداقین آل آغوشیوه قارداش

آنایه سود امر طفلین یتور یولدا بو دم قارداش

 

زمان صبحده چخسونلار استقباله انصاریم

گلور یاسلی عزالی شامدن بیر دسته زواریم

طبیب دردمندانِ جهان دلخسته بیماریم

گلور دارُالشّفایه سینه سوزان دیده نم قارداش

 

گزوب باشیم دالینجا دست بسته زینبیم شامی

خمیده قدّی آق زلفی اوجالدوب نام اسلامی

آنام زهرا نشانی قصد ائدوب بو ملجاء عامی

گرکدور پیشوازه زینبه منده گئدم قارداش

 

رقیّه مدن سودان اوتری خجل سن اولما پژمرده

او گلمور جان وئروب ویرانه کنجینده قوری یرده

اودور وجهی خجالتدور گلور زینب دل افسرده

علم قدّین بوکوب آلِ علینون بو الم قارداش

 

وئرنده جان بالام گلدی عیالیم شور و غوغایه

فغان و ناله و شیون اوجالدی عرش اعلایه

اؤزوم ویرانه دِیدیم گلمَه میشدون سن او ماوایه

گوروردوم آل اطهاری سالوب دلدن او غم قارداش

 

بو چولده روز عاشورا یِتَن گون امریم انجامه

بلالی زینبه یازدیم وصیت نامه برنامه

دئدیم ناقص قالار نهضت اگر سن گئتمه سن شامه

قویوب برنامه می اجرایه اول مریم شیِم قارداش

 

زبانِ حالیله یازدون «حسینی» سن بو طوماری

امامه وئرمه نسبت بو زبانِ حال و اشعاری

رثا یاز جدّیوه هر چند وارسان غم گرفتاری

هله وار فرصتون بو فرصتی بُل مغتنم قارداش

 

مرحوم حسینی سعدی زمان

منبع مجموعه کانالهای مدح و مرثیه

موضوع: احوالات اربعین ,
زبان شعر و شاعر: نوحه ترکی , حسینی سعدی زمان

 

------------

 

زبانحال حضرت زینب (سلام الله) در اربعین 

 

نیزه ده وارد اولان گون قانلو باشون شامه قارداش

ناقه ده گوردون نه خدمت ایلدیم اسلامه قارداش

 

سن او گون که حق یولوندا اهل بیتون گوزدن آتدون

حفظ استقلال اسلام اوسته عطشان قانه باتدون

پرچمون یاتدی ولیکن پرچم دینی اوجاتدون

قانیله یازدون بلالی زینبه برنامه قارداش

 

یازدیقون برنامه سرمشق اولدی بو زار و حزینه

رونق دین اوسته دوزدوم هر جفای اهل کینه

ایلدیم هنگام فرصت سعی تبلیغات دینه

پوزدی تشکیلات کفری قوردوقوم هنگامه قارداش

 

من بو صحرادن گئدن گون پیکرون قالموشدی عریان

خار و خس ائتمیشدی تکفین ای قتیل قوم عدوان

کیم سنه قازدی بو قبری زینبون بو قبره قربان

وار یری یانسام ئولونجه آتش آلامه قارداش

 

ایلین گونلر آتامیز کوفه شهرینده خلافت

کوفه نسوانی تاپاردی دست بوسیمدن شرافت

گوردولر تا دستگیرم شمره باشلاندی شماتت

ذلّته دوندی او عزّت تُف گله ایّامه قارداش

 

ایله بیر حالتده گوردوم نازنین باشون جداده

آیۀ کهفی تلاوت ایلوری اهل عناده

ایلدیم ترویج دین و مذهبه منده اراده

باشلادیم نطقه علی تک قوم بدفرجامه قارداش

 

آتشین نطقیم شراری منتشر اولدی فضاده

قویمادیم قالسون حقیقت نیّری ابر خفاده

گئتدیم آخرده بُلورسن مجلس ابن زیاده

واریدی اگنیمده گوردون مُندرس بیر جامه قارداش

 

کوفه دن شامه آپاردی بیزلری قوم اراذل

یا قَطَب لر اولدی مَرکَب یا بیزه بی پرده محمل

هاشمیّاته وئرولدی مسجدِ ویرانه منزل

گوندوزوم ویرانه یرده دوندی غمدن شامه قارداش

 

گه آپاردی هندین اوغلی بیزلری بزم شرابه

خیزران دوندردی گاهی قلبیمی یانمیش کبابه

بیر قزون ئولدی آجیندان مدفنی اولدی خرابه

خدمتیم سن امر ائدن تک گور یتوب انجامه قارداش

 

چخما بو ویران سرادن ای «حسینی» سن کناره

وئرمه توضیحات کامل مجلس شرب و قماره

قوی قالا ناقص کلامون مختصر بسدی اشاره

گر چه چوخ مایلدی یازسون ماجرانی خامه قارداش

 

مرحوم حسینی سعدی زمان

منبع مجموعه کانالهای مدح و مرثیه

موضوع: احوالات اربعین ,
زبان شعر و شاعر: نوحه ترکی , حسینی سعدی زمان

 

------------

در شهادت حضرت امام حسین (علیه السلام) و گریز به احوالات کوچ از شام و اربعین حسینی

 

بخش اول

 

او گونکه قالمادی بیر یاور و معینی حسینون

بویاندی قانه جوانان مه جبینی حسینون

 

دایاندی لشگر کوفه مقابلنده او سرور

اوجالدی عرشه اَمِن ناصِرٍ انینی حسینون

 

او خشک اولان دلیله استغاثیه دل آچاندا

گتوردی داده غمی ختم مرسلینی حسینون

 

او قومه گوردی که اتمام حجتی اثر ائتمور

غمیله دولدی دوباره دل غمینی حسینون

 

آتاسی حیدر کرا تک آلوب اَله شمشیر

او چولده برق ویروب تیغ آتشینی حسینون

 

یورولدی ایلدی دعوا دایاندی تا اولا راحت

گتوردی جرئته بو حال اهل کینی حسینون

 

ووربلا آنّینا داش قلبینه خدنگ سه شعبه

ترابه دوشدی آت اوستن بوشالدی زینی حسینون

 

نه سس وئرن سسینه نه هراینه گلن اولدی

ترحّم ایلدی نه قاتل لعینی حسینون

 

یارالی سینه سی اوسته چخاندا شمر او حالی

گتوردی زلزلیه عالم برینی حسینون

 

گئچوب حیاتیدن اجکام دینی ایلدی احیا

اوزیندن اشرفیدی چون بُلوردی دینی حسینون

 

کسیلدی باشی اولوب لاله رنگ قرمزی گول تک

یارالاریندان آخان قانیله زمینی حسینون

 

یارالی پیکری عور اولدی غارت اولدی اساسی

سویولدی البسۀ عالی و ثمینی حسینون

 

لباسلر سویولوب اوچ گون اوچ گئجه ولی عریان

گون ایسّیسینده قالوب جسم نازنینی حسینون

 

یتشدی بجدل او نعش اوسته گوردی عوریدی جسمی

قالور الینده فقط قانلو بیر نگینی حسینون

 

نجه روادی بو یابن الحسن که بیر اوزوک اوسته

گئده فنایه بیر انگشت بی قرینی حسینون

 

هوای نفسیله بیر بند زردن اوتری روادور

جفائیله کسه جمّال ایکی الینی حسینون

 

شهید اولوب اوزی باشی جداده دشمن الینده

دیار شامه گئدوب عترت حزینی حسینون

 

دولاندی شامی بویوندا طناب قولدا دوشاخه

حیالی عترتی اطفال بی معینی حسینون

 

جفای شام تمام اولدی اولدی غلّدن آزاد

اسیر دشمن اولان زین العابدینی حسینون

 

هله (حسینی) تمام اولمیوب محرّم عزاسی

یتشدی ماه صفر گلدی اربعینی حسینون

 

بیر آیری نحویله گزلین علاقه نی ایله ظاهر

خفاده قالمیا تا بو غم مبینی حسینون

 

خلاص دام جفادن اولوب عیالی حسینون

مدینیه گئدیری بیر سوری غزالی حسنون

 

وئروب معاویه اوغلی اجازه کوچ ائده یکسر

دیار شامدن افسرده حال آلی حسینون

 

گتوردیلر حرم عصمته کجاوۀ زرتار

اگر چه غارته گئتمشدی ملک ومالی حسینون

 

باخوب کجاوه لره ائتدی فاطمه قزی شیون

دئدی یتوب بلوسوز گون کیمی زوالی حسینون

 

گئدون یزیده دیون امر ائدیر علی قزی زینب

عزالیدور بلوسن عترتی یارالی حسینون

 

چتین سوار اولا زردوز محمله بو حرملر

هنوز تازه الیندن گئدوب جلالی حسینون

 

گرک قرا چکیله سربسر کجاوه لر اوسته

باخوب هامی بوله لر یاسلیدور عیالی حسینون

 

ولیّةالله صغری سوزیله قاره چکیلدی

که تا سوار اولا اطفال مه جمالی حسینون

 

حسینون آدی دلینده اؤرکده ال گوزی یاشلی

اولان بیر عمر ملول و فسرده حالی حسینون

 

اناث شامی مخاطب ائدوب دئدی گئدیروق بیز

سیزون ایچوزده ولی قالدی بیر مارالی حسینون

 

خرابه ده اونی تک قویمیون قویون منه منت

او قزدی باغ جهان ایچره نونهالی حسینون

 

اولون لیالیِ جمعه او توزلی قبره مجاور

اونون وصالیدی واللهی اوز وصالی حسینون

 

توزین سیلون اولون اللهدان اوتری خیلی مواظب

رضا اولا او رضا اولسا لایزالی حسینون

 

اوزی یتیم اوشاقدور اورکده نسگلی چوخدور

صغیردور اوزی غمده بیوک مثالی حسینون

 

ئولونجه عمّه آجام سسلدی سیزیلدادی یاندی

سیزیلدادیقجا او اوج ائتدی ابتهالی حسینون

 

آجیندان ئولدی دوتولدی بوغازی باتدی صداسی

دل آچدی قرخا یاخین عندلیب لالی حسینون

 

وئروبله سس سسه توپراقلاری سووردولار باشه

مجسّم اولدی اوز ئولماقلقی وفالی حسینون

 

کفن تاپولمادی بیر کهنه معجریله بالامی

مزاره قویدی عیالی باشی بلالی حسینون

 

زیارت ایلیه هر کیم مزار دخت (حسینی)

اولار جزا گونی شامل اونا نوالی حسینون

 

دیوب بو سوزلری گلدی فغان و داد و نوایه

دولاندیروبدی یوزین اهل بیت شیر خدایه

 

بویوردی وقتیدور ای خسته بانوانی حسینون

دیار یثربه گئتسون بو کاروانی حسینون

 

گئدوب جلالیمیز الدن غریب و خونجگروخ بیز

بو شهرده بیلوسوز یوخدی مهربانی حسینون

 

گرک کجاوه نشین ایلیه اوشاقلاری یکسر

اولا بیوکلر اوزی میر رهروانی حسینون

 

نه قاسم و نه ابوالفضل وار نه عون و نه جعفر

نه وار یانوزدا بو گون اکبر جوانی حسینون

 

گرک اوزوز چکه سوز زحمتین بو خردا بناتین

ئولوب بنینی داخی یوخدی پاسبانی حسینون

 

گلنده چوخ یورولوب اینجیوبله بو بالا قزلار

گئدنده راحت اولا بلکه دخترانی حسینون

 

علیّ و اکبرین ایفا وظیفه سین ائده لیلا

حرملره اولا یاور او باغریقانی حسینون

 

سریّه ده ائده اوز اوغلی قاسمین طفندن

او خدمتی که ایلردی اوز زمانی حسینون

 

ئولوبدی قارداشیم عباس سنده ای باجی کلثوم

اونون کیمی بو گون اول یار جانفشانی حسینون

 

مواظب اول یرینی راحت ایله آل علینون

یتوب تمامه داخی عهد و امتحانی حسینون

 

یتوب اسارتیمز باشه قورتولوبدی بلالر

دوباره باشلانا لازمدی عزّ وشأنی حسینون

 

غرض کجاوه نشین اولدی هاشمیه خانملار

جرس فغانه گلوب اولدی نوحه خوانی حسینون

 

باخوب نگوردوله ناگه عروس فاطمه یوخور

دگول کجاوه ده دخت بلا نشانی حسینون

 

`مخدّرات حجازی وئروبله سس سسه بیردن

گلوبله شوره خواتین خاندانی حسینون

 

اوجالدی شیونی عرش برینه آل علینون

فغانه گلدی او بیر دسته موکنانی حسینون

 

کجاوه دن توکلوبلر یر اوست هبرگ خزان تک

سولان جفائیله گلهای گلستانی حسینون

 

محجّباته قیام ایلدی قیام قیامت

دوتولدی گون کیمی اوز شمس آسمانی حسینون

 

که یعنی سیّد سجّاد آیت اللَهِ اکبر

او کاشف دُرِ گنجینۀ نهانی حسینون

 

بویوردی آغلامیون عمّه بسدی باطناً اولدی

بو آغلاماق سبب گریه و فغانی حسینون

 

گئدون خرابیّه شاید اولا خرابه ده باجیم

قویوب خرابیه یوز یکسر آهوانی حسینون

 

نگوردولر دؤشَنوب فاطمه او خرداجا قبره

او حاله شرح وئرر (سعدیِّ زمانی) حسینون

 

رقیّه نون دؤشنوب قبرینه عروس بلاکش

دیار شامه سالوبدور شرار آهیله آتش

 

دیور نه یاتموسان ای نوگل بهاری حسینون

اولان خرابه ده بیر عمر اشکباری حسینون

 

حسین عزیزه سی محبوبۀ حرایم عصمت

گوزینده نور بصر دلده اختیاری حسینون

 

علیّ واکبرین آرام جانی نازلی رقیه

بلا خزینه سینه دُرّ شاهواری حسینون

 

ایاقه دور یتوب اتمامه شام شوم جفاسی

گئدیر مدینیه شامه گلن قطاری حسینون

 

گلنده شامه منیم باجی هم کجاوه میدون سن

نجه گئدوم وطنه سنسیز ای نگاری حسینون

 

مینوب کجاوه یه عمه آنام باجی سنی گوزلور

تیکوبله گوز یولووا عترت فکاری حسینون

 

نه گورموسن قوری یرلرده بو خرابه ده آخر

سولان سموم جفائیله گلعذاری حسینون

 

ایاقه دور ایکیمیز ال اله وئراق گئداق ایندی

مباد یولدا قالا چشم انتظاری حسینون

 

جهازسیز دوه چوخ قورخودوب گوزووی گلنده

چوخ اینجیدوب سنی اعدای کین شعاری حسینون

 

اودور که گئتماقا مایل دگولسن ای گل زیبا

منیم تک اولماموسان یا که بیقراری حسینون

 

کجاوه وار باجی عریان دوه دگول بیزه مرکب

مدینه تک گئنه وار عزّ و اعتباری حسینون

 

دگول شکسته و بی پرده قاره پرده سی واردور

هامی کجاوه سینون اهل بیت زاری حسینون

 

نه شمر وار نه سنان وار نه تازیانه ووران وار

حسین گوللرینون یوخ یانندا خاری حسینون

 

آچوقدی قوللاریمیز باغلاموبلا گلدیقیمیز تک

دونوبدی گوردوقون اوضاع روزگاری حسینون

 

علیل قارداشیمون وورمیوبلا بوینونا زنجیر

اولوبدی غلّ دن آزاد او یادگاری حسینون

 

رقیّه جانینه وئرّم قسم (حسینیه) یارب

عنایت ایله که قسمت اولا مزاری حسینون

 

الیندن آلما بو توفیقی بیرده عمر طبیعی

کرامت ایله اولا ماجرا نگاری حسینون

 

رقیه قبرینون اوستونده بانوان دل افکار

گورنده فاطمه نی باشلیوبلا ناله خانملار

 

او توزلی قبری خواتین دین آلوبلا آرایه

گلوبله هر بیریسی بیر دیلیله داد و نوایه

 

او قبری باغرینا باسدی علی عزیزه سی زینب

زبانحالیله گویا اولوبدی کاشف مطلب

 

بویوردی یاتما دور ای عمریمون نهالی رقیّه

اولوب مدینیه عازم علی عیالی رقیّه

 

باشی بالی بی بون توزلی قبریوه اولا قربان

اسیر شمر ستمگر باشی بلالی رقیّه

 

چخا محالیدی نسگللرون ئولونجه یادیمدان

گورم نقدر بو دنیاده ماه و سالی رقیّه

 

سنی بو شهریده صیّاد مرگ دامه سالوبدور

بلا کمندینون افسرده دل غزالی رقیّه

 

معاینه گورورم قویموسان یوزوی ترابه

ابوتراب عزیزی باشی قرالی رقیّه‌

 

قابار ایاقیله ویرانه ده بالا سورونورسن

غبار چولقالیوبدور او مه جمالی رقیّه

 

قولون طناب کسوب آغلوسان سیزیلدسان اما

شکسته نی کیمی چخمور سسون نوالی رقیّه

 

بو قدر نسگلی حلّ ائتمرم مزاره آپارّام

آناما عرض ائدرم دلده کی ملالی رقیّه

 

اوزی غریب مزاری غریب دشمن ایچینده

حسینیمون وطن آواره سی مارلی رقیّه

 

کفن تاپولمادی جسمون قزیم مزاره قویاندا

قطیفه اولمادی الدن گئدن جلالی رقیّه

 

مگر چخار بو یادیمدان منیم که بیر قره معجر

خرابه ده کفن اولدی سنه عزالی رقیّه

 

حسینیمون گولی شهر مدینه بلبلی سن

خرابه شامی مکان ائتمه کربلالی رقیّه

 

مدینیه گئدوروق دور گئداق خرابه ده یاتما

گلاق دوباره بو شهره یوخ احتمالی رقیّه

 

جهاز سیز دوه ده گلموسن وار ایندی کجاوه

حرم یانیندا دگل شامیان رجالی رقیّه

 

آچوقدی قوللاریمیز باشیمیزه قمچی ووران یوخ

مقدراتیمیزون باشلانوب مَآلی رقیّه

 

باجیلارون آنان عمون گئدوله کربو بلایه

یاخونلاشوبدی علی اکبرین وصالی رقیّه 

 

گئداق شکایتون ائله آتان حسینه حضوراً

اؤزون جوابینی وئر اولسا هر سوالی رقیّه

 

یوزونده سیلی یرین وئر نشان گوره عمون عبّاس

او باوفانی قضایادن ایله حالی رقیّه

 

آتان حسین سنی چوخ سووَر سن ایله وساطت

اولا (حسینیه) الطافینون کمالی رقیّه

 

حوائجین آلا پروردگاریدن اوز الیله

غم و ملایلدن آزاد ائده حیالی رقیّه

 

رقیّه نین یری وار قبردن گلیدی صداسی

قابار ایاقلاریمون وار هنوز عمّه ساراسی

 

منی گذشت ائله سون آلِ بوتراب ای عمّه

خوشام مکانیم اولا بو دل تراب ای عمّه

 

قویون قالوم منی ویرانه ده اؤزوز گئدون اما

آتام حضورینه گوزده سرشک ناب ای عمّه

 

گئدنمرم وطنه منده یوخدی تاب و توانا

اسیرلیق غمی قویموبدی منده تاب ای عمّه

 

یوروبلا خسته یم از بس گلنده شامه ووروبلار

هله قولومدا قالور نقشۀ طناب ای عمّه

 

جهازسیز دوه بسکه یخوب یره یوزوم اوسته

هنوز واردی وجودیمده اضطراب ای عمّه

 

هله یوزومده گوزومده قالور نشانۀ سیلی

چکوب جمالیمه سیلی سیه نقاب ای عمّه

 

سالوبلا ات دوشینه باشیمه ووربدولا قمچی

باشیم ایاقیم اولوب قانیله خضاب ای عمّه

 

یورولموشام یاتوم آسوده قوی خرابه ده باری

اولوب منه بیلوسن ظلم بیحساب ای عمّه

 

دیار شامه گلندن قالوردوم آجو گئجه گوندوز

گورنمدی ایلیم من دویونجا خواب ای عمّه

 

او قدر زحمتیمی چکموسن که ایمدیده سندن

خجالتم من محزون و دلکباب ای عمّه

 

ئولونجه نازیمی چکدون خرابه ده ائوون آباد

یتیم داره وئرر لم یزل ثواب ای عمّه

 

همیشه خوش دلیله دیندیردون آغلامیوم من

گوزوم وئرنده نشان بارش سحاب ای عمّه

 

گئدون رقیّه نون اللهی سیزلره اولا حافظ

ئولونجه گورمیه سزو رنج و پیچ و تاب ای عمّه

 

ولیک کرب و بلاده چخاتمیون منی یاددان

منه که اولمادی قسمت مزار باب ای عمّه

 

آتام حسینه منیمده سلامیمی یتورون سیز

ائدون بو توپراق اسیرینده کامیاب ای عمّه

 

دیون عزیزه قزون گلمدی خرابه ده قالدی

یزیدین ائتسون ائوین منتقم خراب ای عمّه

 

اسیره باجیسین ائتسه سوال قارداشیم اکبر

منیم دیلیمجه بو نوعیله وئر جواب ای عمّه

 

علی علی دئدی ئولدی باجون خرابه ده آخر

باش اچدی لیلی یولوب زلفینی رباب ای عمّه

 

کفن تاپولمادی اؤز کهنه معجری کفن اولدی

او معجری که چوروتموشدی آفتاب ای عمّه

 

چخوب خرابه دن القصه بانوان حجاز

حریم شاه و خواتین پردۀ اعزاز

 

گلوب کجاوه نشین اولدی عترت نبوی

قاباقدا سیّد سجّاد حجّت علوی

 

مدینه سمتینه یولّاندی بانوان حسین

جرس نوایه گلوب اولدی نوحه خوان حسین

 

بیوک لرین بالالار اولدی زیب آغوشی

بشیر او قافله نین باشدا اولدی چاووشی

 

جگر یارالی اؤرکلرده نالۀ جانکاه

چخوبلا شامیدن آغلار گوزیله آل الله

 

سرشک گوزده نوا دلده خوش هوا باشدا

هوای یثربیله شوق کربلا باشدا

 

بشیره ایلدیلر التجا فغانیله

دولوب اؤرکلریمیز لخته لخته قانیله

 

غبار چولقالیوب قلب هاشمیّاتی

سرشک دیده گرک پاک ائده بو مرآتی

 

کدورت غمی بو آل مصطفادن آپار

بیزیم قطاریمیزی دشت نینوادن آپار

 

اَوامِرِ حرمی ایلدی بشیر قبول

ائدوبله بیر نچه گون طیّ راه آل رسول

 

زمان صبحیدی بیر گون باشی بلالی عروس

گلوب کجاوه ده فریاد ائتدی آه و فسوس

 

مخاطب ایلدی اوز عمّه سین او بخت قرا

بو دللریله خطاب ائتدی زینبه گویا

 

یتوب بلا چولونه یوخسا کاروان عمّه

مشام جانه گلور نکهت جنان عمّه

 

صبا یلی گتورور عطر چین و مشک خطا

ختن ده یوخدی بو عطری وئرن نشان عمّه

 

دگول بو مشک خطا عطر زلف اکبردور

وئرور بو قالب بیروحه تازه جان عمّه

 

نسیم صبح اسور مژدۀ وصال وئرور

بُلور فراقه داخی بیزده یوخ توان عمّه

 

بویور بشیره بیزیم ساخلاسون قطاریمیزی

بو یر او یردی بابام وئردی امتحان عمّه

 

ائدوبدی لیلی مجنون نمانی استقبال

یارالی پیکریله اکبر جوان عمّه

 

آنام ربابه خبر وئر که لایلای دئسون

گلور قولاقیمه اصغر سسی عیان عمّه

 

یتشمشوق بیله معلوم کربلا چولونه

گوزیمده جلوه لنور عالم نهان عمّه

 

معاینه گورورم قتلگهده محشردور

بابامی دوره لیوب قوم کوفیان عمّه

 

قلج ووران گئدیری داش ووران هجوم ائدوری

یارا ووران او شهه وئرموری امان عمّه

 

یارالی سینه سی اوستونده شمر دون اوتورب

سِنان الینده گزور دوره ده سنان عمّه

 

باشین کسن نه اوتاندی اناسی زهرادن

حیا نه ایلدی جدّیندن اوخ ووران عمّه

 

بو یر او یردی بیزی سویدولار اراذل شام

جفا الین حرمه آچدی شامیان عمّه

 

بو یر اویردی بیزیم خیمه گاهیمیز یاندی

اوجالدی آل علیدن گویه فغان عمّه

 

بو یر اویردی بیزی آت قباقینه سالدی

آپاردی صاق صولا اعدا دوان دوان عمّه

 

بو یر او یردی که بیر گوشواره اوستونده

یتشدی صدمه یخلدیم آپاردی قان عمّه

 

بو یر او یردی بیزیم غارت اولدی معجریمیز

تالاندی کسوت زردوز و پرنیان عمّه

 

خدادن ایسته سنی قارداشون حسین جانی

خلاص غمدن اولا (سعدی زمان) عمّه

 

چوخ ایله لطف، سیزه تا چوخ ایلسون خدمت

چوخ عمر ائدوب چوخ ائده گوز یاشین روان عمّه

 

ز بس بو سوزلر ائدوب فاطمه قزین بی تاب

 

ادامه دارد ...

 

 مرحوم حسینی سعدی زمان

منبع مجموعه کانالهای مدح و مرثیه

موضوع: حضرت امام حسین (ع) احوالات ,
زبان شعر و شاعر: نوحه ترکی , حسینی سعدی زمان

 

------------

 

درشهادت حضرت امام حسین (علیه السلام)

و گریز به احوالات کوچ از شام و اربعین حسینی

 

بخش دوم

 

ز بس بو سوزلر ائدوب فاطمه قزین بی تاب

گلوب تکلّمه علیا جناب وئردی خطاب

 

قزیم نه بُلدون اَله گلدی دلده کی مقصود

بو یردی کرب و بلا جلوه گاه حیِّ ودود

 

جواب وئردی که السّاعه عمّه محملده

آپاردی هوش منی فکر ماسلف دلده

 

بو دشت پرخطری دولدوروبدی گوردوم نور

او نور ائدوب بو بیابانی رشک وادی طور

 

نه نور جلوه لنور جلوۀ جمال الله

او نوردور که اونا محو اولوبدور آل الله

 

باخاندا گوردوم آتامدور جمالی جلوه لنور

ولی نحالیله گوز گورسه گوز یاشی اَلَنور

 

گویون ستاره لرین زخم جسمی سان وئروری

یارالیدور یارالار چشمه چشمه قان وئروری

 

یارالی پیکریله اگلشوبدی دلخسته

بیر آلتی گوشه لی پر گرد و خاک قبر اوسته

 

مقابلنده جوانان هاشمی یکسر

دوروبلا منتظرِ امر سینه ده اللر

 

اولوبلا محو تماشا جمال انورینه

تیکوبله گوز آتامین چهرۀ منورینه

 

گلوب تکلمه ناگه او شاه غم لشگر

بیوردی قارداش ابوالفضل اوغول علی اکبر

 

بو سرزیمنه گلور شامدن پریشان حال

دایانمیون ائدون آل علینی استقبال

 

وفالی زینبیمی منده سرفراز ائدورم

اوزوم او عصمت کبرانی پیشواز ائدورم

 

بو سوزلری ائشیدوب زینب اولدی غرق ملال

دونوب امام زماندان ائده بو سرّی سوال

 

باخاندا گوردی دگول ناقه ده امام علیل

دوروب او دشتیده بیر یاندا فخر آلِ خلیل

 

ووروبدی قولتوقینا اللرین امام انام

وئرور بو دللریله شاه کربلایه سلام

 

سلام اولا سنه ای وارث کرام بابا

سلام اولا سنه ای شاه تشنه کام بابا

 

سلام اولا سنه ای وارث صفیّ الله

سلام اولا سنه ای وارث نبیّ الله

 

سلام اولا سنه ای آیریلان عیالیندن

گوی اهلینی گتورن نالیه ملالیندن

 

سلام اولا سنه ای کائناته فُلکِ نجات

ائدن سفینه سینی قانه غرق قوم طغات

 

سلام اولا سنه ای وارث خلیل بابا

محبّت اهلینه راه حقه دلیل بابا

 

سلام اولا سنه ای یاندیران خیامین عدو

بالالاری داغیلان کوه و دشته چون آهو

 

سلام اولا سنه ای وارث کلیم الله

کلیمی نوری ائدن لَن ترانیه آگاه

 

سلام اولا سنه ای وارث دم عیسی

غلام درگهی یوز مین مسیح و مین موسی

 

سلام اولا سنه ای دم وئرن مسیحایه

یارالی باشی گئدن نیزه ده کلیسایه

 

سلا اولا سنه ای جسمی اوخلارا آماج

بُراقی نیزه کسوک باشیله ائدن معراج

 

سلام اولا سنه ای ختم انبیا اوغلی

عزیز آلعبا فخر ماسوا اوغلی

 

سلام اولا سنه ای کوی عشق قربانی

جبینی پارچالانان سنگیله آخان قانی

 

سلام اولا سنه ای سبط حضرت یاسین

ووروب شکست ایلین خیزران ثنایاسین

 

سلام اولا سنه ای مرتضی علی اوغلی

سلام اولا سنه ای قدرت جلی اوغلی

 

سلام اولا سنه ای یادگار شیر خدا

آتاسی شیر اؤزی شیر دل دم هیجا

 

سلام اولا سنه ای مُهجه قانی گوز یاشی

آتاسی شیر خدا تک قلجلانان باشی

 

سلام اولا سنه ای نوردیدۀ زهرا

سلام اولا سنه ای رختینی سویان اعدا

 

سلام اولا سنه ای یادگار آلِ عبا

سلام اولا سنه ای جدّه سی خدیجه ، بابا

 

سلام اولا سنه ای حقّه عاشق جانباز

سلام اولا سنه ای مُحیییِ زکاة و نماز

 

سلام اولا سنه هر دهرده دوا نامی

کسوک باشیله جداده اوجالدان اسلامی

 

سلام اولا سنه ای حق بولوندا قانه باتان

سلام اولا سنه ای کربلا یرینده یاتان

 

گوروب او حالیله زینب امام سجّادی

اوزین کجاوه دن آتدی اوجالدی فریادی

 

حسین تربتینون عطرین آلدی چکدی فغان

اوجا سسیله دئدی عطریوه باجون قربان

 

گوروب بو حالتی نسوانِ هاشمیّه تمام

کجاوه دن توکلوبلر قیامت ائتدی قیام

 

ایله توکولدیله برگ خزان کیمی نسوان

باخان دیردی اسوب گلستانه باد خزان

 

دلیمده یوخدی توانا او حاله شرح وئره

معاینه گویون اولدوزلاری توکولدی یره

 

همان او گونکه گوروندی بو ماجرا بو نوا

دوتولدی شوریله یتمیش ایکی شهیده عزا

 

همان او گون حرمین محشر مبینیدی

عزیز فاطمه نین اوَّل اربعینیدی

 

او پر خطر چوله گلمیشدی دلده ناله و آه

حسین زیارتینه جابر ابن عبدالله

 

بویوردی جابره میر هدا امام اُمَم

گلوب بو چولده دوتا آلِ مصطفی ماتم

 

دویونجا آغلامیوبلار بولار ئولنلرینه

ووروبلا قمچی ائدنده نوا بدنلرینه

 

گلوبلر ایندی دویونجا سرشک ریز اولالار

بو توزلی قبرلر اوستونده ساچلارین یولالار

 

بیر ارعین دور اولوبلار بلالره صابر

گوتور آداملاریوی گئت کناره یا جابر

 

که قالماسین بو قبورین یانیندا نامحرم

گلوب بو قبرلر اوسته دؤشَنسون اهل حرم

 

علی عیالی گلور باش آچوب ساچین یولسون

مدینه دن سنیله کیم گلوب کنار اولسون

 

امامین امرینی ائتدی قبول او نیک شعار

آداملارین گوتوروب قبرلردن اولدی کنار

 

اولان جفائله بیر دسته زارو دلخسته

گلوب دوشندیله بیر آلتی گوشه قبر اوسته

 

باخوب گوروبله که یوخ دور و برده نامحرم

تمام باشلارین آچدی مخدّرات حرم

 

ساچین یولان باش آچان داد و آه و ناله ائدن

بیر عالم اولدی که اوج ائتدی گوگلره شیون

 

او قزلاری که اولاردور شفیعۀ محشر

قیامت عالمینی ظاهر ائتدیلر یکسر

 

بیری دیردی گوزوندن ایراق بابا دشمن

بو چولده معجریمی آلدی جان وئرن گون سن

 

بیری دیردی گوزوندن ایراق سپاه شریر

علیل قارداشیمون ووردی بوینونا زنجیر

 

بیری دیردی بیزیم سینه میزی داغلادیلار

قولومیزی سپه شام و کوفه باغلادیلار

 

بیری دیردی قولومی چوخ اینجیدوبدی طناب

هله یاراسی قالور ایلیوب منی بیتاب

 

بیری دیردی ووروبلار دوشاخه و زنجیر

دوشاخه نین باباجان ایمدیده یری اینجیر

 

بیری دیردی کنیز ایسته دی منی شامی

مگر دگولدی کفایت اسیرلیق نامی

 

بیری دیردی بابا یاخشی موقعِگِله دور

بیری دیردی ایاقیم هنوز آبله دور

 

بیری چکردی فغان کوفه ده اسارتدن

بیری دیردی امان شامده شمادتدن

 

بیری دیردی آلوب تازیانه طاقتیمی

بو قبره ساخلامیشام دلده کی شکایتیمی

 

بیری دیردی گرک باشیمه سپم توپراق

باجیم آجیندان ئولوب شامیده گوزوندن ایراق

 

اولوبلا هر بیری بیر نوع کاشف مطلب

گلوب تکلُّمه ناگه علی قزی زینب

 

دئدی حسین سنه قربان اولا بلالی باجون

گلوب زیارتیوه شامدن یارالی باجون

 

اسیر شام ومدینه غزالیم قارداش

ئوزوم علی قزی یاسلی عزالیم قارداش

 

دیار کوفه و شام و حلب مُسافِریَم

ایاقه دور نجه گور ماجرالیم قارداش

 

گیدوب جلالیم الیمدن حسین باشیم آغاروب

دینمورم نجه باشی بلالیم قارداش

 

سزادی دولسا نوائیله نینوا دشتی

من آغلیاندا، که نی تک نوالیام قارداش

 

اسفلی شکوه لریم واردی مخبر شامم

شکسته دور ئورگیم نینوالیم قارداش

 

گیدنده نعشیوی عریان قوم اوسته گورموشدوم

کفنسیز اولماقیوا دفن، حالیم قارداش

 

ئوزون بُلوردون او گون باشدا معجریم یوخودی

او عذرین ایمدیده غرق ملالیم قارداش

 

یارالی گون قاباقیندا سنی قویوب گیتدوم

هله او گیتماقین افسرده حالیم قارداش

 

خانملیق ایلدیقیم کوفه ده نَلَر گوردوم

باشون گوروردی نجه ابتلالیم قارداش

 

یارالی باشیوی شمر ایتدی بیر گئجه مهمان

اودور بیر عمریدی گریان لیالیم قارداش

 

گلنمدیم او گئجه من یانان چادردِیدیم

آنامدا گوردی نه سوز خفالیم قارداش

 

سنون یرون او گجه خیلی نامناسبیدی

اودور من ایندیده رنج و عنالیم قارداش

 

صباح اولاندا باشون پیشوازیمه گلدی

بُلوردی مملکت عشقه والیم قارداش

 

گلنده سن دانیشوردوم کجاوه ده گوردون

که نطقده نجه حیدر مثالیم قارداش

 

دیردی کوفه لیلر مرتضی علی دانیشور

اودور دئدیم او علینون من آلیم قارداش

 

باشون او گون منه گوستردی ایله لطف و نوال

که حشر اولونجا رهینِ نوالیم قارداش

 

او زینبم منی گون گورممیشدی بی پرده

هامی بُلوردی آنام تک حیالیم قارداش

 

سنون محبّتون ائتدی اسیر سالدی چوله

محبّت عالمینون مه جمالیم قارداش

 

هارا گیدوب باشون آردینجا گئتمیشم منده

مقام عشقیده باخ گور وفالیم قارداش؟

 

آپاردی مجلس عامه بیزی زیاد اوغلی

گوره گوره باشی قاندان حنالیم قارداش

 

اسوبدی باخمادی گلزاریمه سموم خزان

تصوّر ائتمدی عصمت نهالیم قارداش

 

دانیشدیروب منی ووردی دوباره دیل یاراسی

بیان ما وَقَعه نطق لالیم قارداش

 

باشون دالنجا دوشوب شامه گئتمیشم بیر باش

رموز عشقده مجنوندان عالیم قارداش

 

وروبدیلار او قَدَر تازیانه کعب سنان

هنوز جسمیمه باخسان یارالیام قارداش

 

دولانمیشام باش آچیق شامیده محلّه لری

خیال ائدردی گورن لااُبالیم قارداش

 

گیرنده شامه منه نامناسب آد دیدیلر

بُله بُله که پیمبر عیالیم قارداش

 

دولاندوروردولا کوچه به کوچه قول باغلی

خیال ائدردیلر چین و خطالیم قارداش

 

توکردیلر باشیما کول دویردیلر بی جرم

گمان ائدردیله جُرم و خطالیم قارداش

 

گونوم او شهریده بختیم کیمی دونوب شامه

اگر چه شمس حیا، مه لقالیم قارداش

 

باشیمدا قمچی یری معجریم کیمی قرالوب

ایکی قرائیله باشی قرالیم قارداش

 

پوزوب خیالیمی بیر نحویله خرابه غمی

دینمورم بوقدر وار خیالیم قارداش

 

او قدر صبر ائلدیم صبر مندن اولدی ملول

بو یولدا گور نه شهامت نمالیم قارداش

 

دایانا بُلمدیم اما یزید بَزمینده

سبب او بزمیدی چوخ غمفزالیم قارداش

 

اگر او مجلسین اوضاعینی (حسینی) یازا

اونا بُیوک صله ویرّم سخالیم قارداش

 

امان یزیدین الیندن امان یارالی امان

یارالی قلبیمی ایلوب او شرب مجلسی قان

 

سنون دوداقلاروی چاک چاک ائدنده آغاج

یاخامی پارچالادیم اولدی طاقتیم تاراج

 

یارالی باشیوه گه باخدی گولدی ایچدی شراب

گه ائتدی قانه دونن قلبیمی ستمله کباب

 

قمار اویناماقا اولدی کفردن طالب

باشوی دوگدی اولاندا حریفینه غالب

 

یارالادی دوداقون خیزران او مجلسده

منیم سرشگ تریم اولدی قان او مجلسده

 

او قدر صبر ایلدیم تنگه گلدی مندن صبر

ولیک غم منه ویردی تکان او مجلسده

 

یاخامی چاک ائلدیم من معاویه اوغلی

ووراندا لبلریوه خیزران او مجلسده

 

کنیز ایستدی بیر سوگلی قیزون شامی

یوزومه خون دل ائتدیم روان او مجلسده

 

دلیل عقلیله آیات نصّ و محکمیله

یزید کفرینی ائتدیم عیان او مجلسده

 

اولیدی کاش قلج اَلده قارداشیم عباس

منه دینده او ظالم یامان او مجلسده

 

نه دل یاراسی منیم ووردی قلبیمه گوردون

که چکدی اهل حرم الامان او مجلسده

 

باشی آچوق بیزه تختین دالندا یر وئردی

باخوردی عترتیوه شامیان او مجلسده

 

باخوب عیالیوه بیر بیر سوروشدی آدلارینی

بیزه شماتته آچدی زبان او مجلسده

 

شراب مجلسی پیغمبر عترتی باش آچوخ

ویروب عیالون عجب امتحان او مجلسده

 

بیری دوتوب یزوه ینگین بیری سالوب زلفین

اوز عصمتین هامی وئردی نشان او مجلسده

 

قویولدی خارجی آد جدّیمی نشان ویردیم

ترحم ائتمدی اسلامیان او مجلسده

 

بنی امیّه نی قرآنیله مجاب ائتدیم

گلوب مروّته انجیلیان او مجلسده

 

حمایت ایلدی بیز اهل بیته نصرانی

یزیده ائتدی تعرّض هامن او مجلسده

 

هدایت ایلدی باشون قبول ائدوب اسلام

شهادتیله اولوب کامران او مجلسده

 

او مجلسین ستمین (سعدی زمان) یازما

اولوب علی قزی قدّی کمان او مجلسده

 

او آلتی گوشه لی قبر اوسته گوردیلر لیلی

علیّ اکبری وار اوخشاماقه چوخ میلی

 

ایاق طرفده قویوبدور یره یوزین آغلور

یانقلی دیللریله قلب عالمی داغلور

 

ایله سزیلدیری بی خانمان اوغول آناسی

باخان بُلر که الیندن گئدوب جوان بالاسی

 

یواش یواش دیور ای قلبیمون توانی اوغول

مگر بالا بیله گوزدن سالار آنانی اوغول

 

بو توزلی قبریوه قربان اولا آنان لیلا

ایاقه دور که گلوب قامتی کمان لیلا

 

نجه دیوم که بو یوللاردا اهل کوفه و شام

نه ظلم ائدوبله نجه گوندزوم اولوبدور شام

 

بو قدر وار که جفائیله قوم سفیانی

اوغول گوزوندن ایراق چوخ دوگوبله لیلانی

 

بو رسمدور که تسلّی ویره لَّه ثکلایه

ولیک چالدیلا کف اهل کوفه لیلایه

 

دینده ای وای اوغول وای آخاندا گوز یاشیم

دچار اولوردی اوغول تازیانیه باشیم

 

دوگولموشم دئمورم قامتیم کمانه دؤنوب

وار اوزگه سرّی گوزوم یاشی بیله قانه دؤنوب

 

نه چکمیشم اونی بیر خالق رقیه بولوب

خرابه لرده عزیزه باجون آجیندان ئولوب

 

گلنده من بو چوله عزّتیله گلمیشدیم

جلال و دبدبه و شوکتیله گلمیشدیم

 

بو چولده اولدی ولی ظلم بی حساب منه

باشی قرالی الی بوش نجه گئدوم وطنه

 

سنی مدینه نین اهلی سوال ائتسه اگر

نجه دیوم که سوسوز وئردی جان علی اکبر

 

(حسینی) بسدور آز آغلات آناسی زهرانی

مطوّل ایلمه قیل مختصر بو طغرانی

 

بیر اوغلی اکبره وئر آند بیرده زهرایه

باجیسی زینبه بیرده عیالی لیلایه

 

سنی بو قدر اطبّایه ائتمسون محتاج

تئز ایلسون اوزی بو درد بیدوایه علاج

 

عزیز فاطمه ای مظهر صفات خدا

بش آیدی بیر مرضیم وار نه آدی وار نه دوا

 

سیزون قاپوزدا یوزی قاره بیر قولام امّا

نقدر من پیس اولام یاخشیسوز سیز ای مولا

 

اولا اولا سیزه مستخدم ای کرم کانی

روادور اولمیا دردیم اولاندا ، درمانی

 

سنی قسم وئرورم زینبیله زهرایه

سنی قسم وئرورم اکبریله لیلایه

 

عنایتون بو سگ روسیاهه قیل اظهار

آقالیق ائت منی فوراً بو دردیدن قورتار

 

ادامه دارد ...

 

مرحوم حسینی سعدی زمان

منبع مجموعه کانالهای مدح و مرثیه

موضوع: حضرت امام حسین (ع) احوالات ,
زبان شعر و شاعر: نوحه ترکی , حسینی سعدی زمان

 

------------

 

احوالات خرابه شام

 

مکان خرابه نی چون آل بوتراب ایلدی

حصار صبرلرین گوزیاشی خراب ایلدی

 

هره قویوب باشینی بیر طرفده غم دیزینه

اورکلرینده کی غم گوزلرین پرآب ایلدی

 

دینمورم نه خرابه بو قدر وار بولورم

ایلان ووران کیمی اطفال پیچ و تاب ایلدی

 

گلوب خرابیه اهل جفا تماشایه

شماتت عترت اطهاره شیخ و شاب ایلدی

 

گلن وراردی خواتین نازه دل یاراسی

اورکلرونده اولان سوزش التهاب ایلدی

 

بیری شماتتیله خوردا قیزلارا گولدی

اوزینی لایق قهر حق و عذاب ایلدی

 

بیری ترحم ایدوب گوزلرینی دولدوردی

بیریسی خوش دلیله دیندیروب ثواب ایلدی

 

جگر یارالی ایاقلار قابار خانم بالالار

سوسوزلوق آجلیقا نه زحمتیله تاب ایلدی

 

حیالی عمه لرون یا بقیه الاخیار

کنیز روم و حبش شامیان حساب ایلدی

 

مخدرات بنی هاشم آج سوسوز یورقون

لحاف پرتو خور بسترین تراب ایلدی

 

بلا چولنده سویولموش تالانمش آل الله

جمال عصمته اوز ساچلارین نقاب ایلدی

 

واریدی هر بیرینون بیرجه کهنه پیرهنی

اوندا شامده پوسیده آفتاب ایلدی

 

یزید تختده ویرانه ده امام علیل؟

فلک معاویه اوغلون نه کامیاب ایلدی

 

ایله ساراتدی خانم قیزلاری تهاجم جوع

هامیسنون یوزونی مثل ماهتاب ایلدی

 

دیردی دردینی هر تک تکی علی قیزینا

خصوص نازلی رقیه اونی کباب ایلدی

 

زبسکه دل دیدی دلدن دوشوب گیدوب هوشه

بیر آز علی قیزینون مثل بختی خواب ایلدی

 

گلوب خرابیه گوردی آتاسی رویاده

بیان شکویه فی الفور فتح باب ایلدی

 

دیدی گوزوندن ایراق گور بابا نحالدیم

نه ظلملر بیزه گور قوم کین مآب ایلدی

 

باشون دالنجا دوشوب شامه باش آچوخ گلدیم

دایاندیم اهل جفا هر قدر عتاب ایلدی

 

او قدر خار مغیلان باتوب ایاقلاریما

قضا ایاقلاریمی قانیله خضاب ایلدی

 

دعا ایدردیم اوزون بیر گوروب اولردیم من

دعامی یاخشی خداوند مستجاب ایلدی

 

آچوب قولونی آتا بوینونا خانم سالسون

امیدی یاسه اجل پیکی انتخاب ایلدی

 

دوشوب قولی یاننا اولدی خوابدن بیدار

بلالی زینبه یوز دوندروب خطاب ایلدی

 

آتام خرابیه گلمشدی عمه جان ایمدی

نیه مصاحبتمدن بس اجتناب ایلدی

 

نقدر دل دیدیلر اولمادی بالا آرام

اوزون ووروب یره فریاد و اضطراب ایلدی

 

ویروبله سس سسه آغلاشدیلار مخدره لر

گوزینی هر بیری بارنده بیر سحاب ایلدی

 

ایشیتدی ناله سسین خوابدن اویاندی یزید

نه وار سوروشدی ندیمی اونا جواب ایلدی

 

دیدی آتاسینی ایستور خرابه ده بیر قیز

نه شرم ایدوب او زنا زاده نه حجاب ایلدی

 

خیال ایدوب خانمی بلکه غصه مرگ ایلسون

تسلس ویرماقا بیر ظلمه ارتکاب ایلدی

 

آتاسینون دیدی باشین خرابیه آپارون

پیمبر عترتنی تازه دن مصاب ایلدی

 

بالا آتا باشینی آلدی باسدی آغوشه

فغان و ناله و فریاد چون رباب ایلدی

 

دیدی بابا قولیمی ایپ کسوبدی چوخ اینجیر

سنان و شمر بیزی بسته طناب ایلدی

 

بو دللریله بیانه گتوردی درد دلین

بوشاتماقا دل پردردینی شتاب ایلدی

 

بابا اسیره قیزون یاخشی سرفراز ایلدون

گلوب بو آخر عمریمده کشف راز ایلدون

 

قیزون خرابه ده بولدون ئولور اودور گلدون

رضای حقدن اوتور فکرت نماز ایلدون

 

گرک کفن گتوریدون ندن گتورمموسن؟

حقیقی عشقمی تشبیه بر مجاز ایلدون

 

روادی سن گله سن ؛ جان نثار ایلمیم

یادیمدادور نقدر نازیمه نیاز ایلدون

 

اورک دولیدی دلیم باغلی درد دل دیماقا

شکایت ایتماقا بیر باب نطق باز ایلدون

 

محبتون منه چوخدور ولی گلایم وار

که قطع لطفوی بیر مدت دراز ایلدون

 

گلنده باشوی یولدا نقدر دیندیردیم

دانشمادون منه نوک جداده ناز ایلدون

 

گیرنده شامه ولی گوردون آز قالور که الم

تسلی دلیمی نغمه حجاز ایلدون

 

باشوا من دولانوم بس ندن باشون کسیلوب

وجود ملکنی بالمره ترک و تاز ایلدون

 

یتیمه قیزلار ایچینده بو نصف شبده بابا

بو گلماقون منه اسباب امتیاز ایلدون

 

خرابه دن بابا یا گیتمه یا آپار منیده

بوقدر بسدی گرفتار سوز و ساز ایلدون

 

آپارماسان منی السمده قویمارام گیده سن

منی بو جرئته لطفیله سن مجاز ایلدون

 

گوزوندن ای بابا بیر گون کناره قویمازدون

سبب نه اولدی بو بیکسدن احتراز ایلدون

 

بو مدتی دیموسن سوگلی قیزیم هانی بس

محبتون چوخودی نولدی علت آز ایلدون

 

((حسینی)) لیله میلاد احمد محمود

حسین فاطمیه خدمت ایاز ایلدون

 

چکلدی نظمه بو سوز منزل شفیعیده

او نوحه خوانی بو خدمتده سرفراز ایلدون

 

 مرحوم حسینی سعدی زمان

منبع مجموعه کانالهای مدح و مرثیه

موضوع: احوالات خرابه شام ,
زبان شعر و شاعر: نوحه ترکی , حسینی سعدی زمان

 

------------

 

زبانحال حضرت رقیه (سلام الله)

 

تمام باجیلارین آرزوسی وار ایکاش

ئولنده قویسون اونی قبره مهربان قارداش

 

خصوص بیر باجی کی قارداشا قالا حسرت

دلنده از بر اولا قارداش آدی بیر مدت

 

رقیه ده چوخ ایدوبدور علی علی ازبر

ندن خرابیه بس گلمدی علی اکبر ؟

 

نه شاد اولوب آچیلوب قلبی نه یوزی گلدی

علی علی دیدی یولدا قالوب گوزی ئولدی

 

اولونجه سسلدی گل هارداسان علی اکبر

اولور خرابه ده باجون سنون یولون گوزلر

 

بو سهلدور که علی اکبر ایتمدی اونی یاد

قویانمادی باجیسین قبره سید سجاد

 

صریح یوخدی یازان کیم قویوب اونی قبره

دونه سزادی حسینی لرین گوزی ابره

 

بو دور عقیدم اونی غسل ویردی زینب اوزی

قابار ایاقلارینا جسمینه ساتاشدی گوزی

 

هنوز گوردی ایاقینده زخم آبله وار

دیریلیقی کیمی بوینوندا جای سلسله وار

 

نحیف جسمینه باخدوقجا سینه داغلاردی

دلنده وای بالا وای سس چکردی آغلاردی

 

گلوبدی گوز یاشی موجه قلم سوزی آزدی

رقیه قبرینی معلوم اولان خانم قازدی

 

خانملار ایتدی کمک لیک او معدن صبره

قویوب علی قیزی قارداش بالاسینی قبره

 

 مرحوم حسینی سعدی زمان

منبع مجموعه کانالهای مدح و مرثیه

موضوع: حضرت رقیه (س) زبانحال ,
زبان شعر و شاعر: نوحه ترکی , حسینی سعدی زمان

 

------------

 

احوالات دیر راهب

 

گوردی راهب نیزده بیر نیر اعظم گلور

وارث اعجاز عیسی بیر مسیحا دم گلور

 

اندی دیریندن اشاقه پیرمرد خوش مرام

گوردی بیر لشکر ایدوب دیرین ایاقینده مقام

سویلدی کیمسوز رئیسوز کیمدی ای قوم ظلام

بوقشون بو باش بو هنگامه منه مُدغم گلور

 

ابن سعدی گوستروبلراول سپاه جنگجو

گلدی اوز منظورینی ایتدی سوال اول نیکخو

سویلدی بیز لشکر اسلاموق ای پاکیزه رو

جنگدن فاتح گلن بو رسمدور خرم گلور

 

بو باش اولموشدی جلال و جاه و منصب طالبی

ضد اسلامه قیام ایتمیشدی بو باش صاحبی

یوللا میشدی بیزلری شخص خلیفه نائبی

گوردی راهب بو قضایا فکرینه مبهم گلور

 

سویلدی سعد اوغلونا راهب ایدون احسان منه

بو کسوک باشی ویرون سیز بیر گیجه مهمان منه

خدمتی آل زیادین جسمدور هم جان منه

صبح قیترم غلاموز قولینه ملزم گلور

 

آلدی باشی دیره گتدی پیرمرد پاک ذات

عالم حیرتده اگلشدی اوزی مبهوت مات

فکر ائدردی وار بو باشدا نه مقام عالیات

نیزده گوردوم اؤزوم قران اوخور هردم گلور

 

یوز ویروب حال وَلَه گوردی سراپا دیرینی

ایلیوب انوار حق وادی سینا دیرینی

مُشک و عنبر دولدوروب چونخلد اعلا دیرینی

باش اولان یردن ظهوره اوزگه بیر عالم گلور

 

بیر جوان ماهرو آغلار گوزیله با نوا

انبیا و مُرسلینی تک به تک ایلور صدا

نوح و ابراهیم و موسی بیرده ختم انبیا

بیرده عیسی، ابن مریم دوتماقا ماتم گلور

 

نازل اولدی بیر به بیر گویدن خواتین بهشت

مقدمیله اونلارین رشگ بهشت اولدی کنشت

قامتی خم بیر اوجا بویلی خانم حورا سرشت

موج ایدوب آغلار گوزینده گوز یاشی چون یم گلور

 

گوئیا اوغلی ئولن مادردی دلده التهاب

مریم و سارایه تکیه ایلوب اول علیا جناب

گلدی باسدی باغرنا باشی ایدوب بیله خطاب

دور اوغول زهرا گلور پیغمبر خاتم گلور

 

بیله یاتما کعبۀ آمال ارواح عزیز

اچ گوزون ناز ایلمه ای خسرو ملک حجیز

دور انان باخ گور نجه پژمرده حال و اشگریز

چشمۀ چشمی ائدور جاری یوزه زمزم گلور

 

ایلدی قصد خروج اول ایدن کس لر ولوج

ایتدلر اغلار گوزیله عرش اعلایه عروج

قصد ائدوب زهرائیله مریم ده آخرده خروج

رسمدور باهم گدر هرکیم هارا باهم گلور

 

شاعر اولدی تا وَلَهدَن راهب نیکو سیر

گوردی خالیدور کلیسا یوخ گلنردن اثر

لمعه لمعه نور اولور اما اوباشدان جلوه گر

منظره هر ذرّه سی بیر نیّر اعظم گلور

 

گلدی اول باشی گوتوردی وئردی کامل شستشو

قویدی اوز سجاده سی اوسته او مرد نیکو

سوزن مژگانیله ایتدی جراحاتین رفو

سویلدی کیم سن سنه زایر شَهِ خاتم گلور

 

اولمیوب اولماز بشرده بو مقام و ارتقا

آدوی بُلدور منه ای ماسو اللهه رجا

گر دیسَم عیسی بن مریم سن اولور عرضیم خطا

گورماقا گوردوم سنی عیسی گلور مریم گلور

 

قانلو لبلر بیر بیره دگدی اولوب ظاهر صدا

ایتدی فرمایش اَنا المظلوم ، مقتول العِدا

سویلدی راهب که مظلوم اولماقوندور بر ملا

محرم سرّ الهی سرّوه محرم گلور

 

تازدن گفتاره گلدی رأس سلطان وجود

ایتدی فرمایش بابامدور فارقلیط و مودمود

جدّیمی یاخشی تانور قوم نصارا و یهود

آدی هم انجیل و هم توراتیده توأم گلور

 

اوز بابام یعنی علیدور ایلیا و شنطیا

عالم علم الغیوب و جانشین مصطفا

اولماسیدوق بیز تانونمازدی بو عالم ده خدا

ارتقاء قرب حقّه حبّ میز سُلّم گلور

 

لطف ایدوب تاج ربوبیت منه حیّ مجید

من اباعبداللهم عیسی ولی عبد عبید

فاطمه، زهرا آنامدور اسمی جنّاته کلید

قارداشیم هاشندی هوشینم یارامدان دَم گلور

 

عرض ایدوب راهب بو قانلو گوزلرون قربانی من

من گیدوم جنات اعلایه ضماتت ایله سن

ایتدی فرمایش او ترسا پیر شاه ممتحن

حشرده تثلیثیله، گوندوز سنه مُظلم گلور

 

تیشۀ توحیدیله تثلیث خارین یولماسان

باغ جنت گورمه سن، خالص موّحد اولماسان

شرکدن خالی اولوب توحید حقله دولماسان

کفّۀ میزان اعمالون جزاده کم گلور

 

عرض ائدوب راهب که تعلیم ایله اسلامی منه

نه دیسم؟ محشر گونی من نائل اولام مأمنه

شاه تعلیم ائتدی اسلامی یتوردی ایمنه

اشگ راهب گل یوزه چون قطره شبنم گلور

 

حاج ابوالفضل رضائی نوحه خوان با وفا

ای حسینی سندن ائتدی التماس و التجا

دیر راهب نوحه سی گوز یاشلی منظوم اولدی تا

اولدی مولادن توجّه سوز بیله مُلهم گلور

 

مرحوم حسینی سعدی زمان

منبع مجموعه کانالهای مدح و مرثیه

موضوع: احوالات دیر راهب ,
زبان شعر و شاعر: نوحه ترکی , حسینی سعدی زمان

 

------------

 

شب عاشورا

 

گل طلوع ایلمه ای صبح قیامت بو گجه

قوی یاتا زینب مظلومه نی راحت بو گجه

 

بولسن بو گجه نون وقت طلوعینده نه وار

دوتاسان حشره کیمی پرده غیبتده قرار

پرده ظلمت یوزدن بو گجه ایتمه کنار

ایله صدیقه کبرایه حمایت بو گجه

 

گر ایشقلیق سالاسان بو گجه سن یر یوزینه

تیره و تار اولاجاق زینبون عالم گوزینه

مین قیامت یازیلوب بو گجه نون گوندوزینه

اودی مین حشریدن اولموش بیر علامت بو گجه

 

آتش ظلمه صباح قلبی حسینون یاناجاق

قطعه قطعه بدنی اکبرینون دوغراناجاق

شیر خواره بالاسی الده سوسوز اوخلاناجاق

صباحین فکرین ایدور نور هدایت بو گجه

 

شب یلدا کیمی صبحون نیه مظلم گورونور؟

حشر اعظمدی نسیمونده سنون غم گورونور

چشمه چشم ربابه باخورام یم گورونور

اصغریندن چکوری بسکه خجالت بو گجه

 

الده سو جامی خیامی بالا قیزلار دولانور

خیمده سوز عطشدن هره بیر نوعی یانور

گهی غش ایلوری اصغر ، چابالور گه اویانور

قویمیوب اوندا عطش سوزشی طاقت بو گجه

 

زلف اکبر کیمی آشفته دی لیلای حزین

شاد وصلتدی ولی فکر فراقیله غمین

بولموری دوغراناجاق ظلمیله اول ماه جبین

حال مجنونی ایدر حالی حکایت بو گجه

 

قورولار قاسم داماده صباح بزم زفاف

قانیله الده حنا جمله سی گودال مصاف

تیغ اعدایه اولار جسمی جفائیله غلاف

نو عروسی ایدوری فکر اسارت بو گجه

 

عاقر ناقه صالح ، صباح ، ال پیله جاق

آل هاشم آئی قان ایچره خسوف ایلیه جاق

ال گیدن وقته علمداره ، حکم نیلیاجاق

بوله سن گر ، ویره سن لیله اقامت بو گجه

 

صبح آچلسا بو گجه ، اولمیان ایشلر اولاجاق

سرسر محنتیله گلشن زهرا سولاجاق

حضرت زینب آچوب باشینی گل تک سولاجاق

اول بلاکش خانیما واردی فراقت بو گجه

 

رکن ایمانی صباح شمر ستمگر یخاجاق

چکملی صدر حسینه او ستمگر چیخاجاق

منجنیق ستم ، اولاد خلیلی سیخاجاق

عصر ، نمرودینه، سن ویرمه جسارت بو گجه

 

هاشمیات چوخ آشفته ایدوب مولرینی

گل جری ایلمه صیاد جفاجولربنی

سالما دام ستمه بو حرم آهولرینی

آل پیغمبری قوی باری سلامت بو گجه

 

ای (حسینی) قویولوب سینوه کنز محنی

رشته غمده دوزوبسن بیله در سخنی

بو سوزی اوزگه یازوبدور، ایدوب ارشاد سنی

گل طلوع ایلمه ای صبح قیامت بو گجه

 

مرحوم حسینی سعدی زمان

منبع مجموعه کانالهای مدح و مرثیه

موضوع: احوالات تاسوعا و عاشورا ,
زبان شعر و شاعر: نوحه ترکی , حسینی سعدی زمان

 

------------

 

استمداد حضرت ابوالفضل (علیه السلام)

 

قارداش حسین درک ایت منی وقت حملیتدورمنه

قولارگیدوب باش یاره لی الماق سعاتدورمنه

 

اولدوم مصمم ویرماقا بو چولده قارداش امتحان

باشدان گیچوب اوز عشقیمی عالملره ویرم نشان

گل گل یوزون بیرده گوروم تا من ویروم آسوده جان

آخر نفسده آرزو فیض زیارتدورمنه

 

وقاص زاده باشیمی کسماقلقا فرمان ویرور

بسکه ووروبلاراوخ قلج جسمیمده یاره قان ویرور

ارداش یارالی قارداشین دلدن دوشوبدورجان ویرور

سینم باتوب گلمورسسیم وقت شهادتدورمنه

 

اللرده نیزه دورمی ایلوب احاطه بو صفوف

بیردسته سی خنجر ووران بیر دسته سی تیر و سیوف

عرض ایلدیم گل یانیمه عفو ایله ای شاه رئوف

عذرایستورم بو سسلماق چوخ چوخ جسارتدورمنه

 

بو قوم کین ایتدی کمین قولاریمی ایتدی قلم

فرمایش ایت گوز تیکمسون بیرده یولا اهل حرم

دوشسون سو فکریندن قیزین مشک اوخلانوب یاتدی علم

اوخلانماقی سو مشکیمی ناسباب خجلتدور منه

 

باشیم یارالی قانیله گوزلر دولوب یا سیدی

باد ستمله گلشن عمریم سولوب یاسیدی

تاخیروه بلم سنین علت نولوب یا سیدی

سنسیز یتوب هر غصه و اندوه و محنتدور منه

 

بو قوم کافر جسمیمی ایلوب ستمله نیزه پوش

بیر پر شکسته قوش کیمی جسمیم قالوب یرده خموش

گل گور علمدارین اولوب نه ظلم بی پایانه توش

تشریف فرما اولملقین شان و جلالتدورمنه

 

بیر ایله حاله دوشموشم شامه دونوبدورگوندوزوم

یوخ رحم ایدن احوالیمه بلمم ننوعبله دوزوم

بو قانلی تپراق استه من گیتدی سورونماقدان یوزوم

یاره ووران رحم ایتمین اهل شقاوتدور منه

 

خنجر دمینده دمبدم گلم فغان و داده من

سن باشیم استه گلمسن باش ویرمرم جلاده من

اولما رضا چوخ یالواروم بو فرقه بیداده من

جلادالینده قالماقیم بیحد حقارتدور منه

 

شاها (حسینی)صدقیله آغلارغمینده صبح و شام

اما فشارابتلا چوخ ایلیوبدور تلخکام

عباس الیله ایله تیز خوشحال و مقضی المرام

بیر مختصر لطفین اگراولسا کفایتدور منه

 

از اشعار چاپ نشده مرحوم حسینی سعدی زمان

منبع کانال گنجینه گذشتگان

موضوع: حضرت ابوالفضل العباس (ع) زبانحال ,
زبان شعر و شاعر: نوحه ترکی , حسینی سعدی زمان

 

------------

 

در احوالات عید قربان

و گریز به احوالات حضرت علی اکبر (ع)

 

ای خلیل بالیدَلَنمَه چوخ

سن ویرن فدانین نماسی وار

دشت کربلانین خلیلینین

بیر مناده یتمش فداسی وار

 

هاجره سزا بو عمل دگل

لیلیدن فداسی گوزل دگل

تک به تک حسینون فدالرین

خلق ایدوبدی تک خالق جلیل

سن ویرن فدا بو فدالره

اولمیوب اولانماز اولا عدیل

ویرموسن اگر بیر اوغول فدا

سن منای خُلَّتده یا خلیل

گور آدین اوجالدان حسینوون

نه فدالری نه مناسی وار

 

حکمت الهیدی بیت حق

قبله گاه خلق الاه دور

کعبه دن چوخ افضلدی کربلا

کعبیه اویر قبله گاه دور

کعبه ی حقیقیدی کربلا

بوسوزه علاقم گواه دور

اوردا بیرگوزل جسم دفن اولوب

ذات حق کیمی خون بهاسی وار

 

گر تاپوب ذبیح خداییله

عزّت و جلالت منا یری

لیک مظهر مصطفاییله

فخرایدر اونا کربلا یری

کربلانی خلق ایلیوب خدا

هم ولا یری هم بلا یری

هانسی عاشقین شاه عشق تک

باشنون جهاندا بلاسی وار

 

باخبر دگولدی گیدن زمان

هاجراوغلونون ماجراسینه

ایلدی گینه رعشه اللری

ایلینده زینت فداسینه

مین لریله هاجر فدا اولا

لیلیِ ستمکش وفاسینه

کیم دیر منانون بو دهریده

لیلی آدلی مجنون نماسی وار

 

حق یولوندا سن اوز جوانووی

حاضر اولدون ایتمالیقا فدا

توپراقا جمالین ذبیحوون

قویماقا ولی اولمادون رضا

قانلی توپراق اوسته جوان اوغول

صورتین گوروب شاه کربلا

سلم محض اولوب دوزدی کاملا

چون بولوردی الله رضاسی وار

 

اوز عزیز جانین او شا ه دین

گوردی قان آراسندا جانویرور

پیکرینده سانسیز یارالاری

انجم سمواتی سان ویرور

شاهزاده ایستور نفس آلا

چشمه چشمه هر یاره قان ویرور

گلستان جسمینده گل کیمی

هر یاراسینون بیر صفاسی وار

 

پیکری قیزل گول کیمی اولوب

تیغ وخنجریله ورق ورق

نازنین وجودون گورن دیر

بو بدن دگول گولدی بیر طبق

جان ویرور اجل آلنینا دوزوب

قطره قطره شبنم کیمی عرق

اوز آتاسی شیر خدا کیمی

باشدا بیر ساغالماز یاراسی وار

 

ایسته دی جوان اوغلونی آتا

جان کیمی بیر آغوشینه آلا

گوردی ممکن اولمور یارالیدور

چوخ چتیندی قول بوینونا سالا

حجّت خدا تاب ایدنمدی

یرده اوز جگر گوشه سی قالا

نه بولرجوان داغی گورمیین

اول شهون نه سوز خفاسی وار

 

ای عجب یره گوی توکولمدی

رشته ی عوالم پوزولمادی

قلب عالمین قلبی تک بوتون

عرش و فرش قانیله دولمادی

قدرت الهی او پیکرین

حملینه اوزی قادر اولمادی

بو خبرده اهل خبر بولر

نه خبردی نه مبتلاسی وار

 

سسلدی بنی هاشمی گلون

یرده قویمیون اوغلوم اکبری

حمل ایدیم خیام امامته

مظهر جمال پیمبری

بولمورم عبایه نه نحویله

یغدیلار او صد پاره پیکری

بیر بدن که خنداندی گول کیمی

مین لریله خار جفاسی وار

 

حمل ایدوبله خرگاه عصمته

بیرعباده بیر گلستان گولی

گول نه گول که چاتماز اونا یقین

بو چهاندا بیر گلستان گولی

خارتیریله دولمیوب ایله

بیر بهار یا بیر خزان گولی

بیر ورق او گولدن ایکی جهان

ارزشیندن آرتوخ بهاسی وار

 

هاشمیّه لر ویردیلر خبر

لیلیه که ای بختی قاره گَل

شاهدین گتوردی جوانوی

رزمگاهیدن پاره پاره گل

تیکمه گوز یولا ایلمه نوا

خیمه گاهیدن بیرکناره گل

گور نه شور محشردی اوغلوون

قامت قیامت اساسی وار

 

خیمه دن چخوب لیلی حزین

گوردی فرش اولوب بیر عبا یره

افتخار آل عبا دوروب

گوز تیکوب او میر هُدا یره

ایلوری عبایه نظر توکور

دیده دن دُر پر بها یره

گلشنی سولان عندلیب تک

گلدن اوتری آه و نواسی وار

 

اوّل ایسته دی بیر قوجاقلاسون

اوغلونی ولی قویمادی حیا

یوز قویوب حسین خاکپاینه

عرض ایدوب که ایشاه ماسوا

مین علی کیمی اوغلوم اولسا گر

ایلرم سنه تک به تک فدا

ایتمرم گله گلمرم دله

چونکه دین حق اعتلاسی وار

 

شاه گوردی لیلا حیا ایدور

وای اوغول دیسون سینه داغلاسون

داخل اولدی خرگاه عصمته

تا آنا جوتنین قوجاقلاسون

لیلی جوان مرده ایسته دی

سس چکوب اونا کامه آغلاسون

فاطمه قیزندان حیا ایدوب

گورنه عفّتی نه حیاسی وار

 

منتهای شرم حضوریله

اگلشوب او کان حیا یره

باغرینا باسوبدور ایاقلارین

غش ایدوب یخلدی آنا یره

غشّیدن خانملار آیتدیلار

وردی عشقده بیر لوا یره

حشره تک هامی کاخ عشقیده

اکبریله لیلا صداسی وار

 

وار بونا عقیدم جنازه سین

اوغلونون گوره بولمدی آنا

جسمی اوسته توکموشدولر زبس

زلف مشگ سا آلِ هَل اَتی

دسته دسته زلف سیاهیله

نعشی اوسته چکمیشدیلر قرا

هانسی بیر جوانین جنازه سین

گورموسوز بیله بیر قراسی وار

 

ای آدی حسینی لره ویرن

عزّت و مقامات و آبرو

اوغلونون فدا خاکپاینه

ای خدایه آئینۀ نکو

بولموسن گوزل قبروی مگر

ایلوری (حسینی) چوخ آرزو

بیر مریض دور بو یوزی قرا

کربلاده خاک شفاسی وار

 

 مرحوم حسینی سعدی زمان

منبع مجموعه کانالهای مدح و مرثیه

موضوع: احوالات عرفه و عید قربان ,
زبان شعر و شاعر: نوحه ترکی , حسینی سعدی زمان

 

------------

 

زبانحال حضرت امام حسین (علیه السلام)

به حضرت علی اکبر (علیه السلام)

 

عالم وصلیده ای گوزلریمون نوری اوغول

بیرده گل نطقه دانشدیر من مهجوری اوغول

 

ای غزال حرم ای حسن وفا کانی فتی

گورمیوب چشم ختن سن کیمی آهوی ختا

هانسی صیّاد خطا کار ایدوب بیله خطا

سنی صید ایتماق اولوب ظلمیله منظوری اوغول

 

ای گوزل گوزلری رشگ نگه مست غزال

بو باخوشدا اولا آهوی خطا چشمی محال

نجه خونریز ونه دل سختیدی بو قوم ضلال

دولدوروب قانیله بو نرگس مخموری اوغول

 

ایسته دی اوغلونی قربان ویره جانانه خلیل

اولمادی لایق قربانگه حق اسماعیل

بو مقامه سنی زیبنده گوروب رب جلیل

یازدی سن ذبح عظیم اسمینه منشوری اوغول

 

ایستورم پیکروی حمل ایلیم خرگاهه

باخورام بنزوری اوراق کلام اللهه

قورخورام لیلینی همدم ایده داد وآهه

گورسه بو نحویله بو مصحف مسطوری اوغول

 

دگمه موش تیغ و سنان گول بدنینده هارادی

باخورام گول کیمی باشدان باشا جسمون یارادی

ایندی بو زلف پریشانوی لیلا دارادی

بویادی قانیله کیم لوء لوء منثوری اوغول

 

قلبیمون بندینی قیردی اثری بیر یارانون

قلبینون بندی قیرولسون بو وتینی قیرانون

گیده گوزدن گوزونون نوری بو خنجر ویرانون

واریموش قولدا نه اندازه مگر زوری اوغول

 

آناون گوزیاشینی یوخسا بو غم خون ایتمز

ذکرینی وا ولدا قلبینی محزون ایتمز

خانۀ صبرینی غم لشگری داغون ایتمز

اولماز عالمده مبدّل اَلَمه سوری اوغول

 

ای وجاهتده وران طعنه جمالی آیه

دوشسه مجنون کیمی لیلا یری وار صحرایه

بو عراق اهلی مذمّت ایلمز لیلایه

نینوا دشتنی دولدورسا اگر شوری اوغول

 

جانیوه آندولا اولدوم دیرلیقدان ایله سیر

راضیم باشوون اوستونده بوکفار شریر

ویرالار قانه دونن قلبیمه اوچ شعبه لی تیر

آچالار دلده اولان عقدۀ مستوری اوغول

 

سنسیز عالمده هامی فکریمی باشدان آتارام

منده گللم بویولی سنکیمی قانه باتارام

تا جهان وار علی بیر قبریده سنلن یاتارام

تا بالام قائم آلا بو بودَمِ موتوری اوغول

 

دیزیمون طاقتی روحیم وَلَدی یا وَلَدی

هانسی ظالم بو گوزل جسموی قانه بَلَدی

سنی اُولدوردی آنان باشینه توپراق اَلَدی

قویدی زلفون کیمی آشفته او رنجوری اوغول

 

 مرحوم حسینی سعدی زمان

منبع مجموعه کانالهای مدح و مرثیه

موضوع: حضرت علی اکبر (ع) زبانحال ,
زبان شعر و شاعر: نوحه ترکی , حسینی سعدی زمان

 

------------

 

در احوالات حضرت علی اکبر (ع)

 

قوجا آتا گوره جان اوسته نوجوان اوغلین

قالار نه حاله آتا گورسه اول زمان اوغلین

 

حسین نه حاله قالوب بُلمورم، خدا بُلوری

گورنده جدّی شبیهی جوان اوغول اُلوری

 

او حالی هر گوره نین اختیارینی آلوری

قلجلانوب باشی، قان ایچره اَل اَیاق چالوری

 

بدنده یاره لری چشمه چشمه قان ویروری

نفس باتوب، گوز آخوب، توپراق اوسته جان ویروری

 

ایکی اَلیله گوتوردی امام دل خسته

آلوبدی پارچالانان باشینی دیزی اوسته

 

سیلوبدی گوزلرینون قانینی اولوبدی ملول

بویوردی آچ گوزون ای جدّیمون شبیهی اوغول

 

سحر ستاره سی تک تیز غروبه یتدون اوغول

قویوب غریب آتاوی تک بو چولده گیتدون اوغول

 

شل اولسون اَلری کیم ووردی باشیوه شمشیر

بو یاره نون ایدوری سوزی قلبیمه تاثیر

 

گُل اوزلی تازه جوانیم آنان گوزیندن ایراق

ایدوبله پیکریوی برگ گُل کیمی اوراق

 

نه قَدر سسلدی دیندوردی سیّد الشّهداء

جواب گَلمدی، بیر صیحه چکدی وا وَلَدا

 

اوغول باشینی گوتوردی باسوب اورک باشنا

سووومادی اورگی، شدّت اولدی گوز یاشنا

 

باشین قویوب یره اشکیله دولدورب گوزینی

اوغول جنازه سی اوسته سالوب او شه اوزینی

 

یوزین قویوب یوزینه قان قاریشدی گوز یاشنا

دیدی اوغول اولا توپراق بو عالمین باشنا

 

غریب آتاندا عزیزیم نه تیز بیله دویدون

اوزون گیدوب منی دشمنلر ایچره تک قویدون

 

او قدری آغلادی، سس چکدی، ایلدی شیون

باخوب او حالینه اودلاندی سنگدل دشمن

 

گوروردولر اوغولون زخم جسمی قان ویروری

باخان او حاله دیردی حسین جان ویروری

 

اوغول یوزیندن ایدنده یوزین امام کنار

ایدوب نظاره نه گوردوله قوم کینه شعار

 

آتا محاسنین ایلوب خضاب اوغول قانی

او حالی وار یری یاندورسا کون و امکانی

 

بو شاهزاده حسینی حسینه سوگُلیدور

شبیه ختم رسل گلشن وفا گُلیدور

 

 مرحوم حسینی سعدی زمان

منبع مجموعه کانالهای مدح و مرثیه

موضوع: حضرت علی اکبر (ع) احوالات ,
زبان شعر و شاعر: نوحه ترکی , حسینی سعدی زمان

 

------------

 

احوالات ورود به مدینه

 

ترکیب دو احوالات

 

بشیر ویردی خبر تا قضیه کشف اولدی

مدینه شهری فغان و نوائیله دولدی

 

اوجالدی گوگلره فریاد و داد و واویلا

ایشتدی ناله و فریادی بینوا صغری

 

علیلیدی دورا بولموردی، طاقتی یوخودی

اوزی گیده سوروشا دیزده قوتی یوخودی

 

دئدی که جده بلا تیری قلبیمی دلوری

نه وار مدینه ده آغلاماق سسی گلوری؟

 

من علیله معین اول بو باره ده سنده

یاپوش الیمدن آپار کوچیه گیدوم منده

 

گوروم نه وار؟ بیله معلوم اولور بابام گلوری

بو گون منیم باشیما یا که چرخ کول الوری

 

بو ناتوان بدنیم غصه دن تاپار صحت

اگر گله یانیما اکبر ملک طلعت

 

بو رختخوابیمی بغ جده حمیده سیر

اطاقینون قاپوسین آچ گلور علی اکبر

 

بو رختخوابیمی بغ جده حمیده سیر

اطاقینون قاپوسین آچ گلور علی اکبر

 

گلاب حاضر ایله اوز اوزون ایتورمه بیله

علی اصغره بیر گاهواره حاضر ایله

 

اوشاقدی چوخ یورولوبدور گلور اوزاق یولدان

یرینی راحت ایله، خواب ناز ایده بیر آن

 

شب فراقین اگر وصل گوندوزون گورسم

مرامیمه چاتارام اکبرین یوزین گورسم

 

مریضه ام دئمه من جده ایچمرم یمرم

اگر بابام گله، من بیرده ناخوشام دیمرم

 

بیر ایلدی حسرتیله تیکمیشم یولا گوزیمی

صباحه تک گیجه دیواره قویموشام یوزیمی

 

گیدوب الیمدن علی اکبریله عزت و شان

بو یالقوز ایوده منیم یوخدی حالیمی سوروشان

 

ایشتدی جده سی بو سوزلری اولوب بی تاب

گلوب تکلمه، صغرایه ویردی بیله جواب

 

گلور اگر چه قیزیم، آل مصطفی خوشسان

ایاقه دورما ولی قیل سکوت، ناخوشسان

 

کنیز گوندروم احوالی بیر تفحص ایداخ

گوراخ آتان گلوری بیزده پیشوازه گیداخ

 

گوروبدی جده سی محزون، او زار و نالانی

سوزیله ایلدی اشغال فکر صغرانی

 

همان او حالیده بیر محشر آشکار اولدی

دوباره فاطمه نین قلبی داغدار اولدی

 

مدینه نین او زمان هاشمیه نسوانی

گلوبله ایتماقا آگه مریضه صغرانی...

 

آرایه آلدیلا آغلار گوزیله صغرانی

احاطه ایتدیله مثل نگین او نالانی

 

باخاردیلار یوزینه منتهای حسرتیله

آخاردی یوزلرینه اشگ چشم شدتیله

 

دئمزدیلر او علیله، بوله که نه واردی

بو قدر وار که باخاردی یانوب سیزلداردی

 

ویروبله سس سسه بیردن او جمع آغلادیلار

شرار آهیله صغرا دلینی داغلادیلار

 

گورن زمان او بلاکش خانم بو احوالی

دئدی نه وار منی بو حالدن ایدون حالی

 

منیم جلالیم الیمدن گیدوب غمیم چوخدور

ایلیم سفر ایلیندن، گلوب گیدن یوخدور

 

بو گلماقوزدا سیزون یوخسا واردی تازه خبر

بولود کیمی دوتولوبسوز دیون نه واردی مگر؟

 

بیله منه باخورسوز حسرتیله آغلورسوز

فغانیله یوزه سیل سرشگ باغلورسوز

 

گیدوب قبیلم عراقه، واریمدی چوخ کدریم

یانیمدا وار نه باجیم، نه آتام، نه عمه لریم

 

آنام ئولوبدی، اوزوم ناخوشام یوخومدی طبیب

غذادی خون جگر قالموشام وطنده غریب

 

قالوبدی یولدا گوزوم وار نه نامه و پیام

امید وصل غم هجر سلب ایدوبدی دوام

 

مسافری اولانون آغلامازلا یاننده

نچونکه بعضی خیالات اولار گماننده

 

گیدنلریمدن اگر وار خبر بیان ایلیون

یانوقلی قلبیمی یاندیرمیون عیان ایلیون

 

دیوب بو سوزلری صغرا گلوبدور افغانه

بیری دوروبدور او عورتلرین، چو پروانه

 

ویروب یانا یانا رخصت گوزینده گوز یاشنا

دولاندی شوریله اول شمع بزم غم باشنا

 

او غم کشیده نون آرام و صبرینی آلدی

دالی طرفدن اونون باشینا قرا سالدی

 

گوروب بو حالتی صغرا تحملی گیتدی

ایویم یخلدی دئدی، ووردی باشه غش ایتدی

 

سپوبله سو یوزینه تازه دن گلوب هوشه

گوزینده خون جگر گلدی اشک تک حوشه

 

صاقا صولا متحیر باخوب اولوب بی تاب

دولاندیروب یوزینی جده سینه قیلدی خطاب

 

گرک ئولنجه ایدم ناله و فغان جده

دیوله گلشن عیشیم اولوب خزان جده

 

یوخودا گوردوقومون صدقی ایمدی ظاهر اولوب

گیدوب فنایه هامی جاه و عز و شان جده

 

باشیما سالدیلا قاره، یقین ایویم یخیلوب

یقین بابامدی ویروب قان ایچینده جان جده

 

دیوب بو سوزلری اول غمکش جهان صغرا

اوجاتدی شیونین افلاکه اول زمان صغرا

 

چخوب اوزیندن ایله صبر و تابی طاق اولدی

معاینه دیه سن گولدی گون دگوب سولدی

 

بلی ئولونجه بو ذیحقدور گله داده

دایانماق اول غمه، الحق چتیندی دنیاده

 

یولا سالا بیری بیر ایل یانا غمه جگری

گله گیدنلرینون سربسر ئولوم خبری

 

بو نکته قلبیمه اما منیم شرر سالدی

تصور ایلدیقیم حال صبریمی آلدی

 

بو بیر ایشتماقیلا خون دل گلور جوشه

او قدر آغلوری غش ایلوری گیدور هوشه

 

سکینه باجیسی اما نه نوع ایتدی دوام؟

باباسنی یره آتدان یخاندا لشگر شام

 

گوروردی هر گلن اول شاه دینه یاره ورور

قلج وران چکلور داش وران دوباره ورور

 

بدنده نیزه و خنجر یاراسی قان ویروری

سوسوز یارالی قوری توپراق اوسته جان ویروری

 

او وقتی عرض ایدورم دلفکار و دیده سی نم

تمام گلمیشدی قتلگاهه اهل حرم

 

گوروردولر یارالار پیکرینده سان ویرمز

قلج ووران اوخ آتان، داش وران امان ویرمز

 

بیری یاراسین اوپردی گلوردی فریاده

بیری باخاردی، بیری یالواروردی جلاده

 

گوروردولر کسه ایستور باشینی شمر لعین

دوتاردی خنجرینی بعضی، بعضیسی اتکین

 

دیوردولر بونی ئولدورمه، بینوایوخ بیز

بونون یرینه بیزی ذبح ایله رضایوخ بیز

 

نقدر ظلم ایلیوب شمر شوم دویمازدی

وراندا خنجری زینب دوتاردی قویمازدی

 

عقول عاجز اولار صبر قلب زینبدن

ویرولسه شرح چیخام قورخورام بو مطلبدن

 

ایدم سکینه و صغری غمین گرک تحقیق

ایکی باجنون ایدم صبر و طاقتین تطبیق

 

ایدم سکینه و صغری غمین گرک تحقیق

ایکی باجنون ایدم صبر و طاقتین تطبیق

 

بو بیر ایشتماقیلا اکبری ئولوب عطشان

او قدر قالمور ئوله، روحه جسم اولور زندان

 

سکینه اوز اوزین ئولدورمدی ندندور بس؟

او قدر جور و جفا ایتدی فرقه ناکس

 

گوزی باخا باخا اود دوتدی، خاطری یاندی

علی اکبری قطعه به قطعه دوغراندی

 

ندندی دونمدی بس قانه گوزده گوز یاشی

ورولدی اکبرینون نیزه باشینه باشی

 

وجود اکبری باشدان ایاقه سویدی عدو

گوره گوزه گوزی دوزدی، نه صبر و تابیدی بو

 

بونا دیوله دگوب حلق علی اصغره پیکان

ورور باشنا اوجالدور سپهره آه و فغان

 

ولی سکینه گوردی نه نوع قان ایچدی

سه شعبه تیر بوغازین قلج کیمی کسدی

 

اسوب سموم ستم غنچه گل کیمی سولدی

ایله بچلدی بوغاز، آغزی قانیله دولدی

 

او شیر خواره نی دفن ایلدی امام انام

و لیک قویمادیلار قبرده سپاه ظلام

 

اودم که ظلمینی اتمامه ویردی قوم شریر

گچوب جدالره باشلار، بسان مهر منیر

 

باخوب او باشلارا وقاص زاده نطقه گلوب

سکینه باغرینی تیر عداوتیله دلوب

 

دئدی بو باشلار ایچینده گورنمورم بیر باش

او باشی تاپماقا سیز ایلیون بو دمده تلاش

 

حسین النده گتورمشدی بیرجه طفل صغیر

سو ایستینده بوغازینا ووردی حرمله تیر

 

اونون جنازه سی هر یاندادور گرک تاپولا

جدا باشنا اونون قانلی باشی زینت اولا

 

بو حکمی لشگره تا ویردی اول عدو خدا

سوار اولوب آتنا اون نفر، الده جدا

 

قویوبلا ایمدیه دین سینم اوسته اللریمی

دیوله نیزه ائله آختارولا اصغریمی

 

باشین کسله تاپولسا، دیون نه چاره ایدیم؟

منه نجف یولونی گوسترون هرایه گیدیم

 

آتاسی دفن ایدوب، آت نعشی اوسته چاپمیالار

گلون دعا ایلیون، اصغریمی تاپمیالار

 

واریمدی نسگلی جان ویرمیوب قوجاقیمده

نجه گوروم کسه لر باشینی قوجاقیمده

 

(گل دعا ایله سکینه شام و کوفه لشگری

تاپماسون بلکه قیزیم نعش علی اصغری)

 

(عمه دل ترابدن ظلم الی گوهر آختارور

نیزه لرین وورور یره اصغری لشگر آختارور...)

 

یره وراردیلا غیظیله نوک نیزه لری

بو قصدیله تاپالا بلکه تا او سود امری

 

بیری او حالده یاندوردی جمله آفاقی

چخاتدی نیزه باشندا او قانلی قونداقی

 

آخور گوزوم یاشی، بو مطلب اود وورور جگره

محالدور داخی پرده چکم همین خبره

 

نجه حسین سوه نون اشگیله گوزی دولماز

بلی جفا اولی، بو انتهاده ظلم اولماز

 

بو ظلمی گور آپارار قبره صاحب الاسلام

او ظلمی اصغره گوردی روا او بد فرجام

 

یتوب بیوک یره سوز، آه یا امام زمان

اوزوندن ایستورم عذر، ایلیم او ظلمی بیان

 

او ظالمی که تاپوب اصغرین جنازه سینی

آلوبدی دست قضادن جفا اجازه سینی

 

تمام لشگره تاپماقلیقینی آندوردی

ازل جداده او قونداقی بیر دولاندوردی

 

حریم محترمین اختیارینی آلدی

او سود امر بالانی نیزه دن یره سالدی

 

توکوب رباب و سکینه عذاره گوز یاشینی

آتندان اندی او ظالم، کسه اونون باشینی

 

گوروب بوغازی او طفلین ز بس لطیفیدی چوخ

بچوب بوغازینی باشدان باشا، قلج کیمی اوخ

 

قالوبدی بیر دری آویز، قطع اولوب حنجر

باشین آیریماقا لازم دگل داخی خنجر

 

نه ظلم اولوب دئمرم یوخ دلیمده شرحنه تاب

بو قدر وار که یوموب گوزلرین آناسی رباب

 

گوروب سکینه بو حالی الین قویوب گوزینه

آلشدی قلبی گینه تسلیت ویروب اوزینه

 

یانا یانا توکوب آغلار گوزی یوزه قانیاش

دیردی بوندان ازل من علی ئولیدیم کاش

 

نه تک سکینه نی جاندان بو غم اوساندوردی

بیوک کچیک حرم مصطفانی یاندوردی...

 

مرحوم حسینی سعدی زمان

ان شاءالله در فرصت مناسب تکمیل خواهد شد ،

اشعار و بیت های داخل پرانتز به ترتیب از

مرحومین دخیل و عاصی و نجمی می باشد.

منبع مجموعه کانالهای مدح و مرثیه

موضوع: احوالات ورود به مدینه ,
زبان شعر و شاعر: نوحه ترکی , حسینی سعدی زمان

 

------------

 

زبانحال در ورود به کربلا

 

بو یرین اسمی باجی لفظ بلا معناسیدور

جلوه گاه عشق جانان کربلا صحراسیدور

 

کربلا یعنی حقیقی کعبه اهل ولا

کربلا یعنی منای واقعی رشگ منا

کببلا یعنی بهشتین زینتی بزم وفا

کربلا عرش خدانین آیت عظماسیدور

 

مایل اولسا زینته جنتده حورالر اگر

تربتیندن بو یرین بیرذره رخساره چکر

گونکیمی صورتلرین بو تربت ایلر جلوه گر

بوگوزل تربت بهشتیلرجمال آراسیدور

 

عالم قالو بلاده شرح اولوندی هربلا

انبیا حیران باخوردی من دیدیم یالقوزبلا

اولدی اثبات بلا میعادی دشت کربلا

بو سولان صورت همان لفظ بلا معناسیدور

 

بو یرین خلق ایتمیوب مثلین گوی آلتندا الاه

قابلیت واربو یرده عرشه اولسون قبله گاه

بو یرین تپراقینه باش قویماسا هر هانسی شاه

ذلت دنیا اونون سرمایه عقباسیدور

 

بیر جوان ویرم بو چولده حق یولوندا من فدا

تا جهان وار افتخار ایلر اونیله برملا

من خلیله هاجره لیلا منایه کربلا

شرح ایدن ذبح عظیمی اکبرین اعضاسیدور

 

چوخ علمدارین سالوبلار قولارین قوم عناد

اولمیوب اولماز ابوالفضلیم کیمی باب مراد

سینه سی صفحه-خدنگ و نیزه خامه قان مداد

پیکری باشدان باشا مهرو وفا انشاسیدور

 

اللریندن ال گوتورسون سوزویروب روزالست

باشینین جامین عمود آهنین ایتسون شکست

باده عشقیله بسکه مست دور اول شیرمست

زخم پیکان ساغرسرشاری قان صهباسیدور

 

پرچم دینی یاتوردار لشکردنیا پرست

سو یانیندا تشنه ساقینین اولارجامی شکست

دیننه قربان ویرر بیر طاق سر بیرجفت دست

مفتی عشقین بلی بو مطلب اوز فتواسیدور

 

عشق قربانگاهیدور بو سرزمین پرخطر

قوش قوزی قربانی ویرم بوردا یتمش بیر نفر

اوخلاناراصغر-آناسی آغلار آهو تک ملر

قانلی قونداقی منای عشق زیب افزاسیدور

 

شاهد غیبی آتار بوردا جمالیندن نقاب

جان ویروب عاشقلره ایلرتجلی بی حجاب

باشینه تپراق سپربوردا آتامیز بوتراب

خرمن افلاکه آتش آه برق آساسیدور

 

بوردا قان دریاسی موج ایلر داشاربحرقتال

قانلی دریایه دونربو وادی دشت جدال

غرق اولار گرداب خونین ایچره کشتی جلال

امن ساحل ناخدای دینه قان دریاسیدور

 

بو یرین تپراقینه بیر قان قاتار آت دیرناقی

چشم حورایه اولارسرمه بو دشتین تپراقی

هرگلستاندا سرالسا سولسا هر گل یپراقی

سوگلی نازلی رقیم رنگینین ایماسیدور

 

بوردا بیر بیع و شرا بازاری وار باجی منه

قیمت اولماز عالم امکان ثمن یا مثمنه

هرایکی دنیانی آلام کهنه بیر پیراهنه

علت حیرت بو سوقین پربها کالاسیدور

 

عشقیمی ویرم نشان اولام فنا فی الله حق

سرعشقه ایلرم عاشقلری آگاه من

باش بدن ال ویرماقیمدان ایتمرم اکراه من

سلم محض اولماق عبودیتده رب ارضاسیدور

 

ملک تسلیم و رضاده اولماسام عالمده شاه

آستانیم اولماز اسلام عالمینده قبله گاه

خلد اعلایه آچارقانیم بو چولده شاهراه

نوکریم دنیا و عقبا اهلینین مولاسیدور

 

گرچه (سعدی زمان) چوخ ایلیوب جرم و خطا

باب رحمتدن و لیکن ایتمیب قطع رجا

عالم محشرده مولاسیندن امید عطا

آغلیان بیرگوزموثرسوزبو غم طغراسیدور

 

 مرحوم حسینی سعدی زمان

منبع کانال گنجینه گذشتگان

موضوع: احوالات ورود به کربلا ,
زبان شعر و شاعر: نوحه ترکی , حسینی سعدی زمان

 

------------

 

ورود به کربلا

 

بو کربلا قربانگه جاناندی زینب

بوردا حسینون تشنه لب قرباندی زینب

جدّیم دِیَن یردور بو یر صبر ایله گورسن

صد پاره جسمیم زینت میداندی زینب

 

بو یر حقیقی کعبه دور رشک منادور

اوغلانلاریم قارداشلاریم بوردا فدادور

عالَم لری آغلار قویان کرب و بلادور

بوردا آنام ، جدّیم ، آتام ، گریاندی زینب

 

نوحی سالان طوفانه بو صحرای غمدُور

جدیم خلیله مایۀ رنج و اَلَمدُور

بوردا منی غرق ایلین بیر قانلو یَمدُور

امّا نجه یَم ؟ قانلو بیر طوفاندی زینب

 

گر چه حجازه سرورم میر عراقم

دنیاده امّا قالماقا یوخدور علاقم

بو غملی چولده یدّی گون، باجی قوناقم

صبر ایله دنیاده هامی مهماندی زینب

 

گوردون قَدَم قویجاق بورا نه حاله قالدیم

قوندی یوزومه غم توزی، سولدوم سارالدیم

ئوز مقتلیمدن عطرینی زهرانین آلدیم

زهرا حسینه ایمدیدن نالاندی زینب

 

آل امیّه ایلیوب اسلامی بد نام

هند اوغلی ایستور قالماسون اسلام و احکام

من قویمارام پامال اولا احکام اسلام

جانیم بو چولده دینیمه قرباندی زینب

 

وار بو چوله گلماقدا بیر عالی مرامیم

ضدّ یزیده باشلانور بوردا قیامیم

کاخ یزیدی یخماقا وار اهتمامیم

بو فکره مظلومیَّتیم عنواندی زینب

 

باخما باشیمدا بو قشون بو احتشامه

یوز دوندروب عمریم گونی ای باجی شامه

امّا بلاسی باشیمون یئتمز تمامه

گون تک گوررسن نیزه ده رخشاندی زینب

 

بو یر حریم قدسدُور جای بلادور

بو دشتیده سو تک آخان ثار خدادور

هر دردمنده توپراقی خاک شفادور

هر درده قانلو تربتیم درماندی زینب

 

اولسا هدف عالی گَلَر غَملَر گوارا

چوخ چوخ مقدّسدور هدف ای دخت زهرا

دوغرانسا قطعه قطعه گر مرآت طاها

لیلایه مشکلدور منه آساندی زینب

 

وئرّم باجی بو چولده من بیر جبهه تشکیل

فاتح چخار بو عرصه دن آیات تنزیل

اولماز داخی کابینۀ اسلام تعطیل

بو جبهه حقّ و باطله میزاندی زینب

 

بو جبهه نین عبّاس تک سرداری واردور

حیدر کیمی شمشیر آتشباری واردور

قویسون سو اوستونده اوزون قوللاری واردور

تقدیره عالی خدمتی شایاندی زینب

 

بو جبهه نین دل یاندیران بیر رازی واردور

بیر، آلتی آیلیق سود اَمَر ، سربازی واردور

تبلیغ دینه چوخ بُیوک اعجازی واردور

گرچه اونا پیکان، دمِ پستاندی زینب

 

هر درد و محنت یوز وئره من سهل سانّام

ائتدوقجا شدت درد و غم باجی دایانّام

آخر بو چولده تشنه لب قانه بویانّام

غسلیم یارالاردان آخان آلقاندی زینب

 

معبودیمه سوز وئرمیشم قالوا بلاده

قالسون کفن سیز پیکریم کرب و بلاده

اولسون قوناق قانلو باشیم مطبخ سراده

مطبخ مگر شایستۀ سلطاندی زینب

 

بیر عمردور نوحه یازار آغلار «حسینی»

سیل سرشگین عارضه باغلار «حسینی»

قلبین شرار آهیله داغلار ((حسینی))

منظوری بیر عالی صله احساندی زینب

 

 مرحوم حسینی سعدی زمان

منبع مجموعه کانالهای مدح و مرثیه

موضوع: احوالات ورود به کربلا ,
زبان شعر و شاعر: نوحه ترکی , حسینی سعدی زمان

 

------------

 

زبانحال به امام حسین (علیه السلام)

 

بیله قوملار اوسته یاتما، گوزون آچ وفالی قارداش

بیله خاک و خونه قویما، یوزون ای یارالی قارداش

 

بیله آه چکمه توکمه یوزه قانلی گوزون یاشون سن

پوزولوب حسینی پوزما، داخی یوخ یانوندا دشمن

بئله ناز ایتمه، سس ویر، بولوسن اوغولسوزام من

بو اوغولسوزین بو گون وار مگر آز ملالی قارداش؟

 

نقدر آیق قالوبدور گجه لر چکوب ریاضت

یتوروب آنان جهاندا، بئله سرو رشک قامت

یری بوش آناوین ایمدی، گوره لشگر ضلالت

نجه سالدیلار ایاقدان بو گوزل نهالی قارداش

 

بئله قامتی که سروین اولا بوستاندا رشگی

گر آنان گوره یخوبلار نجه قانه دونمز اشگی

گورونوبدی هانسی سقا، دولا قانیله سو مشگی

ایده مشگ چشمی جاری، یوزه اشگ آلی قارداش

 

او عمود آهنین که سنه ایلیوب اصابت

یخلوب ترابه قولسوز اونیلا بو سرو قامت

بوکولوب او ضربتیله کمر شه ولایت

اوجالوب ابوترابین گویه ابتهالی قارداش

 

ایله صدمه ووردی دینه بو سپاه کفر فرجام

که او صدمه ئیله سندی بولوسن ستون اسلام

بو شکستی بیرده ترمیم ایلمز مرور ایام

یرین آلدی آل هندین بو گون ایده آلی قارداش

 

قمر عارضونده قاندان چکلوبدی سرخ پرده

دوتولوبدی آل هاشم آئی، گون گلوبدی درده

گونون اللری بلینده، آی الی قالوبدی یرده

منه گون، سنه سپهرین یاناجاق هلالی قارداش

 

بو نه اوخدی سجده گهده؟ بو نه قاندی یوز گوزونده؟

دوتولان آیا شباهت، گورونور گوزل یوزونده

گلورم دالونجا منده، بولوسن بونی اوزونده

نجه آی باتار، گونینده یتوشر زوالی قارداش

 

اگر آی ایشیق سالاندا اولا شاخ و برگ، حایل

گورونر چو سایه روشن، گوزه، نور بدر کامل

گوزیمه او سایه روشن گورونور بو مه شمایل

دوزه لوب یوزونده ماه و شجرین مثالی قارداش

 

آیا سرو سایه سیندن ایده لر اگر نظاره

نظره جمالی بدرین، گلر اوندا پاره پاره

سنه تیغ و خنجریله او قدر ووروبلا یاره

دیه سن که پاره پاره، اولوب آی جمالی قارداش

 

سن او شیرسن کسوبدور ایکی پنجن اهل کینه

سن او سروسن که ساین، یتوشردی هر حزینه

قیریلوبدی قول بوداقون، یخلوب تنه زمینه

نیه شاخه لر دوشوبدور تنه دن آرالی قارداش

 

ادب و وفادن ایتدون ایله بیر بیوک مواسات

که جهاندا آسنانون، اولی قبله گاه حاجات

ایشی مشکله دوشنده، یتوشنده هر ملمات

سنه جمله دردمندین اولی عرض حالی قارداش

 

او که ایستور ای (حسینی) اولا ملک شعره مالک

اولا وار لزومی سالک ره حقه، مثل سالک

بو طریقدن چخانلار یولی آزوب، اولولا هالک

داخی پیر عشقین اولماز، اولارا نوالی قارداش.

 

مرحوم سید رضا حسینی سعدی زمان(ره)

منبع مجموعه کانالهای مدح و مرثیه

موضوع: حضرت امام حسین (ع) زبانحال ,
زبان شعر و شاعر: نوحه ترکی , حسینی سعدی زمان

 

------------