اشعار مرحوم حسینی سعدی زمان - بخش سوم

بخش سوم مجموعه اشعار ترکی مرحوم حسینی سعدی زمان ویژه متن نوحه برای محرم و صفر و ایام سوگواری شهادت ائمه اطهار (ع)

در احوالات حضرت علی (علیه السلام)

 

علی او شمسیدی بیته عمود نور ووروب

ائدوب او نور ولی کوفه مسجدینده غروب

 

علیدی مظهر ذات خدای حی ودود

علیدی عالم امکاندا شاهد و مشهود

 

مه صیامین ائدوب نوزدهمینده او شاه

زمان صبحده عز م عبادت معبود

 

گلوبدی مسحده بیر بیر یاتانلاری اویادوب

بویوردی قاتله بو یاتماقون دگول محمود

 

یاخوندی قصدون ائده نظم عالمی بر هم

من آگهم ئورگونده سنون ندور مقصود

چخوبدی مأذینه شاه دین اذان وئردی

محیط کوفه نی دولدوردی سس آیلدی رقود

 

نماز صاحبی گئچدی نمازه ائتدی شروع

اولوب گوزیندن او ساعتده ماسوا مفقود

 

قیام قتل سنوب رکن دین اولوب راکع

ابو تراب قویوب باش ترابه ائتدی سجود

 

الینده تیغ کمین ائتدی زادۀ ملجم

گوروب موانعی مفقود مقتضی موجود

 

علی باشین گوتورنده او قوزیوب الینی

امام باشنه اندیردی تیغ زهر آلود

 

عمامه پارچالانوب قانیله دولوب محراب

گوروندی آیت شق القمر پوزولدی قعود

 

هواده باشین آچوب جبرئیل چکدی صلاة

یخلدی رکن هدا ئولدی میر دار خلود

 

توکولدی ناله کنان مسجده بنی هاشم

فغان و ناله سسی ایلدی سپهره صعود

 

گوروب یارالی آلوب مجتبی باشین دیزینه

سیلوبدی قانین اوغوب آنّینی او معدن جود

 

حسینون اولمادی بیر مهربانی آنین اوغا

باشین سوسوز دالیدان کسدی شمر شوم و عنود

 

وورولدی نیزیه باشی عزیز زهرانین

اولیدی کاش بو عالم او وقتیده نابود

 

حسینون عطری ایله دولدوروب بلا چولینی

سالوبلا مجمره گویا که مشک و عنبر و عود

 

یتیشدی قتلگهه تاپدی باجی قارداشینی

یوزین دوتوب گویه سسلندی ای خدای ودود

 

روادی بیله ستم هانسی دین و مذهبده

سالوب حسینمی بو حاله اشقیای جهود

 

بیر ایله ظلم ایلیوب رحمسیز مسلمانلار

بو ظلمی مسلمه ائتمز مجوس و گبر و یهود

 

«حسینی » صدقیله دوت مرتضی علی اتگین

علییدی دادرس یوم موقف موعود

 

بیری دئسه که قوافیده دال و ذال ندور؟

دئ بوشلا بو سوزی یوخدور مجال گفت و شنود

 

مرحوم حسینی سعدی زمان

موضوع: حضرت علی (ع) احوالات ,
زبان شعر و شاعر: نوحه ترکی , حسینی سعدی زمان

 

------------

 

شب معراج حضرت رسول اکرم (صلی الله)

 

علیدی عنصر توحید، علیدی مظهر ذات

علیدی خالقی مخلوقه ایلین اثبات

 

اگر قیاس اولونا نور لایزال، سراج

علی وجودی مطلق او نور پاکه زجاج

 

علی سسیله حبیبین دانشدیروب اعلی

همان گجه که ایدوب ختم انبیا معراج

 

دیدی خدا متکلم علیدی یا سنسن

یاخوندی قلبیم اولا تیر شبهیه آماج

 

جواب گلدی منم، سس ولی علی سسی دور

علی قویدی لسان اللهیله باشینه تاج

 

بشرده لازمه دور صوت، من بشر دگلم

بشیریمی بوردا گورورم بیر سسه محتاج

 

ولیمه بولورم فوق العاده عشقون وار

علی سسیندن ایدر درد عشق استعلاج

 

گوروب خدا اورگنده پیمبرین وحشت

قویوبدی قدرت الین کتفنه، ایدوب اخراج

 

همان محله علی کعبه ده ایاق قویدی

توکوب صنم لری دین صمد تاپوبدی رواج

 

علینون اولدی پیمبردن اوج معراجی

آلاندا اول شه دین بت پرستلردن باج

 

اننده شرم ایدوب انسون چیخان طریقیله

آتوبدی بام حرمدن اوزین او قامتی کاج

 

هواده امر اولونوب جبرئیله دوت قویما

مباد صدمه یته، طاقتین ایده تاراج

 

علی آتاندا اوزین بام کعبه دن یارب

نه پیکری یارالیدی نه سوسوزیدی نه آج

 

بو جبرئیل خدا کربلاده هاردیدی؟

یره یخاندا امام حسینی قوم لجاج

 

اوزی سوسوز یارالی، پیکری دولی پیکان

یارا ورانلار ایدوب گوزده گوندوزین شب داج

 

بیری قلج، بیری خنجر، بیری سنان، بیری داش

بیری ووراردی او مظلومه ظلم الیله آقاج

 

یارا سیزلتیسی، گون ایسسی، اوزی عطشان

بو بیر غریب کومکسیز، ولی اولار افواج

 

اولوبدی غرق او قان قلزمینده فلک نجات

شط و فرات کیمی مصرعنده قان، مواج

 

باخاردی حضرت علیا مکرمه زینب

دیردی زینبون ئولسون یوخومدی الده علاج

 

ویرنده جان سنی قویمولا رو به قبله سالوم

گوزیوی باغلاماقا یوخدی گلماقا منهاج

 

ولی مطلق آدیندان(حسینی) چیخما کنار

نظام مطلبی بو طول صحبت ایلدی کاج

 

مرحوم حسینی سعدی زمان

منبع مجموعه کانالهای مدح و مرثیه

موضوع: حضرت محمد (ص) معراج ,
زبان شعر و شاعر: نوحه ترکی , حسینی سعدی زمان

 

------------

 

راز و نیاز  امام حسین (علیه السلام)

 

قویاندا سجدیه باشین شهنشاه فلک درگاه

آچوب دل درگه معبودینه عرض ائتدی یا الله

 

اوزون آگاه سن یارب منیم آخر نمازیم دور

سو یوخدور بو بوغازیمنان آخان قان دستمازیم دور

 

ائدوب جانانه هانسی عاشق صادق بئله طاعت؟

یارالی جسمیله قانلی قوم اوستی جانمازیم دور

 

سیزیلدار یاره لر دگدوقجه گون بو قانلی جسمیمده

ائدن تاثیر قلب عالمه بو سوز و سازیم دور

 

جلال و سلطنت دن لشکریمدن سربسر گیچدیم

خدنگ و نیزه و خنجر منه ایندی ملازمدور

 

محبت عالمینده باش و جاندان ال گوتوردوم من

حقیقی عاشقه عالمده باش و جان نه لازمدور

 

رضایم نیزه ده باشیم دولانسا کوفه و شامی

کول اوستی بیر گجه خولی ایوینده بزم رازیمدور

 

عیالیم خیمه ده فکر اسارتله یانار آغلار

سنق محملده سیر کوفه و شاماته عازمدور

 

رضایم آت دولاندرسون جنازم اوسته بو لشکر

داغلسین پیکریم چون کی رضای بی نیازیم دور

 

شکست آلات حرب اولسون کفن، غسلیم قزل قانیم

خوشام بو اهل عشق ایچره منیم بیر امتیازیمدور

 

آخاردی یاره لردن قان، دیردی قوم اعدایه

بو قانه خون بها، خلاق حی کارسازیمدور

 

سیزلتیم اوزگه عالمدور، شهادت افتخاریمدور

بو پیچ و تابی عشق اهلی بولر، محبوبه نازیمدور

 

تاپیلماز بیر نفر درد دلیمدن باخبر اولسون

مگر اوچ شعبه اوخ لوح دلیمده دل نوازیمدور

 

او ساعت ده سماوات اهلینه اعلان ائدوب خالق

منه بیله مناجات ایلین شاه حجازیمدور

 

با خون دشت بلایه قان ایچینده ایلین ناله

حبیبیمدور، وفالی عاشقیمدور، پاکبازیمدور

 

منیم قانیمدی بو قان توکدولر ناحق یره اعدا

ولیِّ دم آلا اوز قانینی، البته لازمدور

 

ولیّیم مهدیِ قائم(عج) الیله قانیمی آللام

توکن بو قانه مین مین قان، ولیِّ سرفرازیمدور

 

(حسینی) سن او محمود حقیقی دامنندن دوت

الون دوتسون دیسون محشر گونینده بو ایازیمدور

 

مرحوم حسینی سعدی زمان

منبع مجموعه کانالهای مدح و مرثیه

موضوع: حضرت امام حسین (ع) مناجات ,
زبان شعر و شاعر: نوحه ترکی , حسینی سعدی زمان

 

------------

 

زبانحالِ حضرت لیلا (سلام الله)

 

ای آسمانِ حُسنده یوزی آفتاب اوغول

زلفون سالوب بو مِهرِ مُنیره نقاب اوغول

 

بو حُسنه آفتاب دئدیم گر گذشت ایله

حُسنوندن آفتاب ایدر احتجاب اوغول

 

گوردوم ووراندا شانه الیم تترور ، آنلادیم

قانون ایدر بو زلفِ سیاهون خضاب اوغول

 

شَقُّ القَمر علامتی باشونده گورسنور

ای وارثِ ملاحتِ ختمی مآب اوغول

 

یتمز تمامه مدحتِ حُسنون اگر یازا

هر بیر یازان بو باره ده مینلر کتاب اوغول

 

سنله بو قوم جنگ ایده بولمزدی روبرو

اولمازدی هم نبرد سنه شیرِ غاب اوغول

 

بیله که گوز یاشیم اولوری سیل تک روان

واردور یری بو عالمی ایتسون خراب اوغول

 

آهیم ویرور یانیق ایگی ، گویا که سینه ده

ایلور قضا الی دل و قُلوه ، کباب اوغول

 

هاجر پیچاق یرین گوروب اوغلوندا دوزمدی

غشّ ایلدی ایدنمدی اول وضعه تاب اوغول

 

لایق دگولدی هاجر اوغول ویرماقا فدا

لیلانی ایلمیشدی خدا انتخاب اوغول

 

هی سسلورم سسون ایشیدم ویرمیسن جواب

ناز ایلمه منه ، آناوام ویر جواب اوغول

 

صد پاره جسموه باخارام یانّام آغلارام

باخدوقجا آرتار اودلی دله ، التهاب اوغول

 

گه باخمارام که سوزِ دلیم بلکه اسگیله

یاغدورمیا سرشگ گوزوم ، چون سحاب اوغول

 

مجبور ایدر علاقه باخام گُل وجودوه

تقطیر ایده گوزوم جگریمدن گلاب اوغول

 

اوغلی ئولن آنا ئولوم ایستر بو رسمدور

من ایستورم ولی قالام عالیجناب اوغول

 

هرگز وفا و عشق بولونمز اگر ئولم

فانی اولام سو اوسته بسانِ حُباب اوغول

 

چوخ مایلم باشون دالیجا چوللّره دوشم

شامه گیدم نوایه گلم چون رَباب اوغول

 

مجنون عوالمین گرک ایله نشان ویرم

عشق عالمینده قالمویا تا ارتیاب اوغول

 

لیلانی فرقتون بالا گر سالماسا چوله

ایتمزله خلق آرا منه لیلی خطاب اوغول

 

اشگیله پای ناقه گرک گِل نشین اولا

تا قِیس اولانمیا منیله هم رکاب اوغول

 

گُل جسموه او قدر دگوب خار تک خدنگ

ممکن دگول حساب ایده بیر ذی حساب اوغول

 

منسوبدور (حسینی) سیزون آستانوزه

اسبابِ افتخاریدی بو انتساب اوغول

 

خلّاق اونی بو جمعِ پریشانیله مدام

ایتسون عزای آلِ علیده مُصاب اوغول.

 

مرحوم حسینی سعدی زمان

منبع مجموعه کانالهای مدح و مرثیه

موضوع: حضرت لیلا (س) ,
زبان شعر و شاعر: نوحه ترکی , حسینی سعدی زمان

 

------------

 

در احوالات شاهزاده

حضرت علی اصغر (علیه السلام)

 

سیل بلا باشیمدان موج ایتدی داشدی باجی

گل سودامربالامی اوخ سوددن آچدی باجی

 

گوگلوم ایوینده روحی غم منجنیقی سیخدی

اشک روانیم اخدی سرحد صبری یخدی

 

سد ایلینده اصغرسو استه جانی چیخدی

طوفان موج غمده گل رنگی قاچدی باجی

 

یاغدوردی ابرچشمیم باران فیض رحمت

غرق ایلدی بالامی گرداب بحرمحنت

 

گلزاریمه  مکررتیریله یتدی آفت

خارخدنگی گل تک حلقومه ساشدی باجی

 

سانما حقیرغنچه بیرنوشکفته گلدی

یاتموشدی اوخ دگنده آچدی گوزینی گلدی

 

حالیم ایله پوزولدی دشمنلریمده بلدی

تا حلقینه بو طفلین چشمیم ساتاشدی باجی

 

مشتاقیدیم یتم من بزم وصال یاره

دلدن یول آختاروردیم خلوتگه نگاره

 

مسدود گوردی راهی بو طفل شیر خواره

او خط مستقیمه قاندان یول آچدی باجی

 

سوز عطش بو طفلی چون کهربا ساراتدی

سو فکرینی خیال تیریله باشدان آتدی

 

مرجان کیمی بویاندی  قانه مرامه چاتدی

بو کهربایه مرجان چوخ خوش یاراشدی باجی

 

گون تک سپهرغمده اختردوشوب کسوفه

تازه هلالی سالدی اوچ شعبه اوخ خسوفه

 

ابرو بویاندی قانه سسلندی اهل کوفه

قانلی هلالیدور بو یا قانلی قاشدی باجی

 

یاندیم شرارآهه ارض و سمانی یاخدیم

قانین دوتوب الیمده پیکان یرینه باخدیم

 

هم اصغرین یوزینه هم اوزاوزیمه یاخدیم

سینم الیم لباسیم قانه بولاشدی باجی

 

قارداشیم اوغلوم الدی قالمادی بیرپناهیم

حددن گیچوب ملالیم یوخ کیمسه دادخواهیم

 

چوخ محنت و غمیم وارشاهددی سوزآهیم

هرغصه و غمیمدن بو غصه باشدی باجی

 

عهد السته ایتدیم بو عرصه ده وفا من

بیر اصغریم قالوردی جان ویردی اولدوم ایمن

 

تکمیل اولارقصوریم باشیمی کسسه دشمن

اول عهدیمین قصوری بیر جه بو باشدی باجی

 

ماه صفر(حسینی) آتدی گوگل ملالی

بیر سیل گلدی شهره خلقین پوزولدی حالی

 

سرحد سیلی یخدی یازدون همیم مقالی

سیل بلا باشیمدان موج ایتدی آشدی باجی

 

مرحوم حسینی سعدی زمان

منبع کانال گنجینه گذشتگان

موضوع: حضرت علی اصغر (ع) احوالات ,
زبان شعر و شاعر: نوحه ترکی , حسینی سعدی زمان

 

------------

 

زبانحال  حضرت موسی ابن جعفر

 و گریز به قتلگاه

 

نه بو پوزقون حالیمون وار بیر کسه تاثیری یارب

نه ایاقیمدن آچان وار کنده و زنجیری یارب

 

نه چراغیم وار نه فرشیم گوشه زندان مکانیم

شمع آهیمدور چراغیم بر عبایه وار گمانیم

یر رطوبتدور ز بسکه تنگه گلدی خسته جانیم

حالیمی ایلر حکایت رنگیمون تغییری یارب

 

محبسیم چوخ تنگ و تاریک آشنا یوخ همدمیم یوخ

بیر قوجا ناخوش غریبم دور برده محرمیم یوخ

اوغلومی گورماقدان ئوزگه آخر عمریمده غمیم یوخ

نوجوان اوغلوم وصالی شاد ائدر بو پیری یارب

 

چوخ دیردیم کاش اولیدیم منزلیم بیر کنج خلوت

مقصده محبس یتوردی وحدتیم چوخ تاپدی کثرت

اینجیدیم اما زبسکه ائتدی سِندی چوخ اذیت

عمردن سیر ائتدی دشمن ظلمی بو دلگیری یارب

 

ایللر اولدی دوشموشم من بو یره ای حی داور

نه گونوز گون نه گجه آی بو یری ایلور منور

بو قرانلیق یرده اولماق گر منه اولموش مقدر

تئز یتور باشه مقدر ائتدیقون تقدیری یارب

 

کاش هارونه دییدی بیر نفر ای بی مروت

نیلیوب موسی ابن جعفر مرکز ثقل شریعت

گاه زنداندا دوگولَّر گاه ایلوللر اهانت

بو اسیر و دستگیرین واردی نه تقصیری یارب

 

سالدی بو تاریک محبس جسمیمی ایله فشاره

خامۀ نقاش چکسه جسمیمون شکلین جداره

بیر نفر تصویریمیله جسمیمه ائتسه نظاره

چوخ چتین تشخیص ویرسون جسمیله تصویری یارب

 

قورتاران ای رحملردن دست قدرتله جنینی

سنگ و آهندن چخاردان آتش و ماءمعینی

گوشۀ زندان گتوردی تنگه بو زار و حزینی

سند روبه طبع الیندن قیل رها بو شیری یارب

 

سالدی حال احتضاره حالیمی زندان فشاری

احتضاریمدن علاوه وار بو اوزگه انکساری

یادیمه جدیم حسینون دوشدی حال احتضاری

ایستی گون قانلو قوم اوسته حالت تعفیری یارب

 

لشگر کوفه گوروردی دادخواهی یوخ وروردی

بیر رصد خنجر وروردی بیر گروهان اوخ وروردی

قصد غربت ایلین لر داش یاراسی چوخ وروردی

نه گوروب مسلم نه کافر ایله بیر تحجیری یارب

 

صورتی توپراقلار اوسته جان جراحاتیله مرغول

نازنین قلبی ولیکن بارگاه قدسه مشغول

عرض ائدردی بارالها راضیم ائتسونله مقتول

باشه یتسون هجر و وصلین اولماسون تاخیری یارب

 

پیک جاناندور خوشام من جسمیمی دولدورسا پیکان

هر یارا بیر دسته گولدور یاردن احضاره عنوان

هر قلج هر اوخ دگنده دلده آرتور عشق جانان

سئچمرم بیر دسته گولدن بو اوخی شمشیری یارب

 

من ئوزوم یالقوز کمکسیز دشمنیم بی حد جماعت

بیر طرف سوز حرارت بیرطرف سانسیز جراحت

ایستورم اما وصالون ائتمرم اصلا شکایت

مدت هجرون آزالدور یاره نین تکثیری یارب

 

کاف ها یا عین صاده وحی منزلده خظابم

سرّ قرآن مبینم معنی ام الکتابم

آیۀ فصل الخطابم مرجع حسن المآبم

سورۀ اسری ده گلدی قانیمون تفسیری یارب

 

زهریلی پیکان ووراندا قلبیمه قوم ستمگر

شوقیمی آرتوردی بیلدوم یتدی فصل وصل دلبر

گوردوم اما اوخ مکانون تنگ ایدوب اولدوم مکدر

بو سببدن پشت سردن چکدیم آتدیم تیری یا رب

 

ایستور اهل کفر وورسون رخنه تشکیلات دینه

ائتمیشم تصمیم قطعی منده تبلیغات دینه

باش و جان لازمدی قربان ایلیم آیات دینه

نیزه باشینده دیریلدم کلمۀ تکبیری یارب

 

دینین استحکامی اوسته گوسترم بیر استقامت

ایلیم نوک جداده آیۀ کهفی تلاوت

اولموشام دین اوسته مقتول آنلیا بی دین جماعت

پرچم دینی اوجاتسون باشیمون تقریری یارب

 

ماتمه تبدیل قیلام سربسر اعیاد کفری

صوت قرآنیمله ویران ایلرم بنیاد کفری

ایله ویران ایلرم من کاخ استبداد کفری

دور ایدر تا چرخ گردون اولماسون تعمیری یارب

 

چوخ چکور اوغلون (حسینی) ای شه دین اشتیاقون

یرلره گوگلر توکولمز بیرده من اولسام قوناقون

نیلورم جناتی گورسم عرشدن افضل رواقون

ای دلون قربانی مقبول ایله بو تحریری یارب

 

مرحوم حسینی سعدی زمان

منبع مجموعه کانالهای مدح و مرثیه

موضوع: حضرت امام موسی کاظم (ع) احوالات ,
زبان شعر و شاعر: نوحه ترکی , حسینی سعدی زمان

 

------------

 

در ولادت حضرت امام زمان (ع)

و گریز به احوالات حضرت علی اصغر (ع)

 

بخش اول
 

دولاندی گلدی یتوب چاردهّم شعبان

ایکی یوز الّی بِشِ هجرت شهِ ابرار

 

مُشرّف اولموشیدوم دودمانِ والایه

گلوب حضوریمه نرجس ، او کانِ عزّ و وقار

 

دئدی خانم ایاقوندان گتور چیخاردوم کفش

دئدیم نه سوزدور بو ای درجِ لؤلؤء شهوار؟

 

کنیزوام سنون ای بانوی حریمِ جلال

اولام سزادی سنه من ئولونجه خدمتکار

 

ایشتدی تا حسن عسکری بیوردی منه

جزای خیر سنه ویرسون عمّه جان ، دادار

 

او گون غروبه کیمی محضرینده اگلشدیم

غروب موقعی ایتدیم کنزیمه اخطار

 

گَتور لباسیمی اوز منزلیمه رجعت ایدوم

بویوردی حجّتِ برحق که گیتمه قال زینهار

 

یاخوندی بو گجه ایتسون جهانی نورانی

شعاعِ نورِ الهی و قدرتِ قهّار

 

دئدیم اولور متولّد او نورِ حق کیمدن؟

بویوردی حامله دور نرجس ، ای حمیده شعار

 

گلوب من ایلدیم اولدمده نرجسی تفتیش

گورنمدیم او خانمدا بو مطلبه آثار

 

تعجّبیله قیتدیم امامه عرض ایلدیم

که بطنِ نرجسه من باخدیم ای بلند تبار

 

نه واردی ذرّه جه بطنینده وضعِ حمل اثری

نه ظنّ وار اولا مصداقِ مَطلعُ الاَنوار

 

دئدی اونون مَثَلی مِثلِ اُمّ موسی' دور

اوزی بو سِرّه چکوب پرده خالقِ ستّار

 

قالوب همان گجه نی من حضورِ نرجسده

بو ماجرانی او بانودن ایتدیم استفسار

 

جواب ویردی که من بیر زاد ایتمورم احساس

عبث یره منه بیر بیله ایلمه اصرار

 

غرض همان گجه نی استراحت ایتدوق بیز

سُحور وقتی من اولدوم تَهجُّده بیدار

 

قیلوب نمازِ شبی ، تا نمازِ وتره یتوب

ایدردیم عالَمِ وحدتده حقّه استغفار

 

او وقته وحشتیله خوابدن دوروب نرجس

قیلوب نمازِ شبی ، باشلادی گوزل اَذکار

 

او قدر طول چکوب صبحِ کاذب ایتدی طلوع

گُلِ یقینیمه تردید آز قالوب وورا خار

 

اوبیرسی حُجرده دن اوج ایتدی صوتِ سِرُّالله

ای عمّه ایلمه تردید اولما زار و فکار

 

یاخوندی وعده ، اوخی عمّه سورهء قدری

قالور طلوعینه اول نورِ حقّین آز مقدار

 

باخاندا نرجسه گوردوم دوشوبدی وحشته چوخ

اولوب جمالی گُلِ آتشی کیمی گلنار

 

محبّتیله باسوب باغریما یوزیندن اوپوب

او شاخهء گلی ایتدیم اوزیمه زیبِ کنار

 

شروع ایدوب اوخودوم تا که سورهء قدری

بقیّةُ اللهِ کبراده باشلادی گفتار

 

او نورِ پاک آنا بطنینده ویردی سس سسیمه

منه سلام و تحیّه صریحا" ایتدی نثار

 

منیله نرجس آرا تا چکیلدی بیر پرده

گورنمدیم اونی ، اولدی آراده نور ، حصار

 

او ماجرانی یتوردوم امام محضرینه

تبسّمیله بویوردی شهِ بلند تبار

 

تعجّب ایتمه بالام حجّتِ الهی دور

قیاس اوزگه لره اولماز آیتِ جبّار

 

قیت او منزله نرجس یرینده دور ، قورخما

او دُرجِ عصمتی تک قویما ، اولگیلن اونا یار

 

گلوب او منزله گوردوم تلؤلؤ ایلور نور

نه نور ، وصفینه عاجزدی صاحبِ افکار

 

حدیقهء حَسَنین ، نرجسی گُلی آچیلوب

او گُل او منزلی معناده ایلیوب گلزار

 

نه گُل ، جمالی گُلِ گلشنِ بهشتی دور

او گل خزانِ جهانه ویرور دوباره بهار

 

ایدوب جلوس ، یوزی قبلیه ، الی گویده

شهادتِینه مبارک دلی ایدور اقرار

 

یازوبدی دستِ خدا صاق قولوندا جاءَالحق

که یعنی بو ویره جاق حقّ و باطله معیار

 

اولوبدی خَتنه اوزی طاهر و مطهّردور

ایدور صراحتا" اوز منتقم لقین اِشعار

 

فصیح صوتیله عرض ایلوری خداوندا

تئز ایله ایلدوقون وعده نی منه اظهار

 

بنی امیّه دن اوز جدّیمون آلوم قانین

جهانه شور سالوم الده تیغِ آتشبار

 

قبول اولوبدی دعاسی ، او وقت اولار اثری

که دولدورا یر اوزین جور و ظلمیله اشرار

 

طلوع ایلیه جاق شرقِ بیتِ داوردن

بو آفتابِ امامت ، بقیّةُ الاَخیار

 

اوجا سسیله امامِ زمان خطاب ایده جاق

ای اهلِ عالَم ، اولون باخبر ندور اسرار

 

شهید ایدوبله جدّیم حسینی لب تشنه

سویوبلا رختینی ، عریان قویوبدولار کفّار

 

ای اهلِ عالَم ، اولور من بو ظلمه تاب ایلیوم؟

بابام حسین بدنین آت چاپوب ایاقلادیلار

 

بیوک یره دایانوب سوز (حسینی) ال ساخلا

تمامه یتمز اگر نظم اولونسا مین طومار

 

ایا امامِ زمان ، عزّتِ بنی هاشم

نه وقته دین اولاجاق ذلّتِ بنی هاشم

 

نه وقته دین قالاجاخ آفتابِ عالمتاب

سپهرِ غیبتِ کبراده ، صورتنده سحاب

 

امامِ مُنتَقم و منتَظَر ، مروّجِ دین

نه وقته دین گزه جاخ چولده دیده سی پُر آب؟

 

نه وقته دین باخاجاخ ذوالفقاره ناله کنان

الی اورکده گوزی یاشلی پرده ده بیتاب

 

دوشر خیالیمه هر نیمهء مهِ شعبان

تولّدنده ، ظهوره ، ایدوبدی فتحُ الباب

 

اوزی دعا ایلیوب وعده می تئز ایله خدا

رضا چوخ اولما گوزی یاشلی قالماقا احباب

 

بئله روایت ایدوبدور حکیمه خاتون

اونون روایتینی ثبت ایدوبلر کُتّاب

 

زمانِ صبحیدی ایتدی جهانی نورانی

بقیّة الله کبری' و شاهِ ذوالاَنساب

 

آلوب قوجاقیمه ویردیم آتا قوجاقینه

باسوب بالاسینی آغوشه پورِ اُمّ کتاب

 

او بوطهء گُلی اوپدی ، یوزین قویدی یوزینه

اذان قولاقینه ویردی امامِ عرش قباب

 

جمالِ حجّتِ حقدن طلوع ایدوب بیر نور

یریله گوی آراسیندا چکوب او نور حجاب

 

نزول ایدوب یره بیر دسته آق قنادلی قوش

طوافِ نورِ امامه ایدوبله سعی و شتاب

 

امام تاپشوروب اوغلین او قوشلارین بیرینه

باسوبدی باغرینا ایتدی سپهره عزم ، ذهاب

 

گوروب او حالتی نرجس پوزولدی احوالی

ایدوب سرشکیله معمورهء توانی خراب

 

باخوب بو حاله حکیمه امامه عرض ایلدی

هارا آپاردی اونی طایرِ سفید - ثیاب؟

 

بویوردی عمّه او روحُ القُدُسدی ، شاهِ مَلَک

ایدوب اَئمیّه دایه اونی حقِ وهّاب

 

آپاردی دایه کیمی پرورش ویره بالاما

دئ نرجسه گوزون ایتمه پُر اشک ، چون میراب

 

اگر چه حقّی وار ایتسه فراقدن ناله

هله وصالدن او ، دَرمیوب گُلِ شاداب

 

بلی چتیندی آنا آیریلا بالاسیندان

نه چکدی بس گورسن اصغرین آناسی رباب؟

 

امام آلدی بالاسین آپاردی میدانه

بو فکریله ایده لر بلکه کوفیان سیراب

 

الی اورکده آنا خیمه لر قباقینده

دوروب باخور گوزی میدانه ، زلفی یوزده نقاب

 

اوغوشدورور اورگین ، ایلوری خراش یوزین

عذاره خونِ دل ایلور روانه چون سیلاب

 

بولور سوسوزدی جگر گوشه سی ، دل و جگرین

ایدور اورکده کی سوزیله سیخِ غمده کباب

 

آلوب اله قوری سینه لرین سپهره باخور

بو دللریله ایدور حیّ لاشریکه خطاب

 

گواهِ مسئله سن حیّ داوریم یا رب

ایله سوسوزدی ایدوب غشّ اصغریم یا رب

 

نه سو تاپولدی ، نه سینه لریمده صود تاپولور

نه ایتدی تاب عطشه ، نو گُلِ تریم یا رب

 

دوداقلاری قورودی ، غنچه گل کیمی سولدی

چکوب شراره یانوب قلبِ مضطریم یا رب

 

نه دل بولوری ، دییَم دل بیر آز دوتا آرام

ایدوردی نه اونا تأثیر دللریم یا رب

 

او قدر سینمی ، اوز صورتین خراش ایلدی

بویاندی قانیله آخرده اللّریم یا رب

 

آتاسی رزمگهه سو امیدینه آپاروب

قالوبدی حسرت اودور یولدا گوزلریم یا رب

 

بلنمورم ویره جاخ بیر ایچیم سو اهلِ جفا

و یا که اوخلاناجاخ اول سَمَن بَریم یا رب

 

آنا بویوندا سیزیلدیر بسانِ تارِ رَباب

آتا اویاندا ایدور دشمنه خطاب و عتاب

 

بو صود امر بالا ذرّیّهء پیمبردور

سوسوزدان اوچ گون اولور ایتمیوبدی راحت خواب

 

ندور سبب بیر ایچیم ویرموسوز بو صود امره

او سو که اوندان ایچور دیو و دَد ، وُحوش و دَواب

 

گوزوم یاشی ایله دریا کیمی گلور موجه

که نُه قباب او دریاده گورسنور چو حباب

 

بیری تاپولمادی اول جمعدن جواب ویره

مگر سؤلِ امامه خدنگ ویردی جواب

 

هدایتین گونی گوردی هلال اوخلاندی

دوتوب یوزین گویه پروردگاره ایتدی خطاب

 

ای خدا اوزون شاهد اول بونا اوخلانان علی اصغریمدی بو

قانینی سنه تحفه یولّورام عرشیوه سنون زیوریمدی بو ...

 

ادامه دارد ...

 

مرحوم حسینی سعدی زمان

منبع مجموعه کانالهای مدح و مرثیه

موضوع: نیمه شعبان ,
زبان شعر و شاعر: نوحه ترکی , حسینی سعدی زمان

 

------------

 

در ولادت حضرت امام زمان (عج)

و گریز به احوالات حضرت علی اصغر (ع)

 

بخش دوم 

 

...ای خدا اوزون شاهد اول بونا اوخلانان علی اصغریمدی بو

قانینی سنه تحفه یولّورام عرشیوه سنون زیوریمدی بو

 

چکمیشم خزان دردی یِتمیشم عالم وفا نوبهارینه

سو یرینه قان ویرمیشم بو گون گلستان دین لاله زارینه

رسمیدور قزل گُل نثار ایدر عاشق اوز وفالی نگارینه

گرچه بیر صولان غنچه دی ولی دسته ی گُل اَحمریمدی بو

 

تا یازیلدی طومار ابتلا مطلعی من اولدوم او دفترین

یازدیلار متمّم او دفتره آدینی ابوالفضل و اکبرین

ایله فدیه لر ویرمیشم بو گون گورمیوب فلک مثل و مظهرین

دفتر شهادتده حشریده شاهکار و سر دفتریمدی بو

 

مقصد اَلستیم گَلوب اَله بو حسین الهی بو کربلا

بو قُماط اصغر او حرمله بو بوغازداکی ناوک جفا

ویرمیشم بو گون کوی عشقیده شوق اوزیله یِتمیش نفر فدا

تک به تک اولار اصغر اولسالار شاهد اول اوزون اکبریمدی بو

 

ایلدی بنی هاشمین آیی خاک و خون ایچینده بو گون خسوف

آسمان عمریمده اکبریم آفتابیدی ایلدی کسوف

ظلم اَلیله اوخلاندی اصغریم باشی نیزیه گیچسه یا رئوف

باشینی گورن نیزه ده بُلر آی یانینجا بیر اختریمدی بو

 

سوگُلون حسینم کمکسیزم، حالیمی ایدن کیمسه یوخ سراغ

اولموری رضا اهل کوفه من غصه دن تاپام بیر نفس فراغ

اکبرین هله داغی گیتمیوب چکدیلر او داغ اوسته تازه داغ

وار یری دلیم اود دوتوب یانا پاره ی دل مضطریمدی بو

 

یالقوزام غریبم اوغولسوزام دشمنیم منیم چوخدور ای خدا

بو دیار غربتده بر نفر دادیمه یتن یوخدور ای خدا

سسلینده هَل مِن مُعین منه سس ویرن قلج اوخدور ای خدا

قیزلاریم سو ایستور خجالتم رفع خجلته رهبریمدی بو

 

یوخ آلان اَلیمدن جنازه سین سوزِ غم ایدوب قلبیمی کباب

اوغلوم اکبرین گَلموری سسی هر چه ایلورم نعشینه خطاب

قارداشیم ابوالفضلی سسلورم نیزه و قلجلار ویرور جواب

گیزله دَم گرک زیر خاکیده پر بها دُر و گوهریمدی بو

 

بو جماعت شام و کوفه نین وصفه گَلمین دور شقاوتی

وار بو غنچه ی نو شکفته نون برگِ گُلدن آرتوق لطافتی

سود اَمَر اوشاق نازنین بدن سُمِّ مرکبیله نه نسبتی؟

ایستورم وجودی تاپولماسون دلده مقصد مُضمریمدی بو

 

ای حبیب من اوخلانوب بالام منتهای مقصوده چاتمیشام

باغریما باسوب قانلی قونداقین سر به سر اوزوم قانه باتمیشام

اصغریم ایله حالیمی پوزوب اکبریمی یاددان چخاتمیشام

بُلمورم آخور قانی قلبیمون یا که اشگ چشم تریمدی بو

 

بیر نفر کمک سیز غریبیده نه قَدَر اولور ای خدا دوزوم؟

هر یانا بو چولده بو گون باخور دوغرانان جنازه گورور گوزوم

عرصه گهده دورسام قوشون گُلر خیمیه گیدوم گَلموری یوزوم

دوشموری دلیمدن علی آدی بسکه دلده چوخ از بریمدی بو

 

قان دوتوب بوغازین باتوب سسی آغلامور داخی ایلیوبدی خواب

عُذریله آناسیندان آلموشام وعده ویرمیشم اصغرینه آب

نه یوزیله من خیمیه گیدوم خیمه نین قاپوسین کَسوب رباب

حقّی وار گوروب قونداقین دیسه بوش قفسدی یا اصغریمدی بو؟

 

سس یِتیشدی دربار قدسیدن آغلاما حسین، صبر ایله دایان

وار بهشتیده دایه سی بونون گوزلوری بالان فاطمه آنان

تحفه یولّادون قانین اصغرین درگهیمده قیمتلی دور بو قان

باشلاناندا دیوان معدلت لطف و قهریمه مصدریمدی بو

 

یالقوزام غریبم اوغولسوزام دشمنیم منیم چوخدور ای خدا

بو دیار غربتده بر نفر دادیمه یتن یوخدور ای خدا

سسلینده هَل مِن مُعین منه سس ویرن قلج اوخدور ای خدا

قیزلاریم سو ایستور خجالتم رفع خجلته رهبریمدی بو

 

یوخ آلان اَلیمدن جنازه سین سوزِ غم ایدوب قلبیمی کباب

اوغلوم اکبرین گَلموری سسی هر چه ایلورم نعشینه خطاب

قارداشیم ابوالفضلی سسلورم نیزه و قلجلار ویرور جواب

گیزله دَم گرک زیر خاکیده پر بها دُر و گوهریمدی بو

 

بو جماعت شام و کوفه نین وصفه گَلمین دور شقاوتی

وار بو غنچه ی نو شکفته نون برگِ گُلدن آرتوق لطافتی

سود اَمَر اوشاق نازنین بدن سُمِّ مرکبیله نه نسبتی؟

ایستورم وجودی تاپولماسون دلده مقصد مُضمریمدی بو

 

ای حبیب من اوخلانوب بالام منتهای مقصوده چاتمیشام

باغریما باسوب قانلی قونداقین سر به سر اوزوم قانه باتمیشام

اصغریم ایله حالیمی پوزوب اکبریمی یاددان چخاتمیشام

بُلمورم آخور قانی قلبیمون یا که اشگ چشم تریمدی بو

 

بیر نفر کمک سیز غریبیده نه قَدَر اولور ای خدا دوزوم؟

هر یانا بو چولده بو گون باخور دوغرانان جنازه گورور گوزوم

عرصه گهده دورسام قوشون گُلر خیمیه گیدوم گَلموری یوزوم

دوشموری دلیمدن علی آدی بسکه دلده چوخ از بریمدی بو

 

قان دوتوب بوغازین باتوب سسی آغلامور داخی ایلیوبدی خواب

عُذریله آناسیندان آلموشام وعده ویرمیشم اصغرینه آب

نه یوزیله من خیمیه گیدوم خیمه نین قاپوسین کَسوب رباب

حقّی وار گوروب قونداقین دیسه بوش قفسدی یا اصغریمدی بو؟

 

سس یِتیشدی دربار قدسیدن آغلاما حسین، صبر ایله دایان

وار بهشتیده دایه سی بونون گوزلوری بالان فاطمه آنان

تحفه یولّادون قانین اصغرین درگهیمده قیمتلی دور بو قان

باشلاناندا دیوان معدلت لطف و قهریمه مصدریمدی بو

 

باخما اصغره یانما آغلاما، کائناتی یاندورما یا حسین

سود اَمَر بالان باغریوا باسوب چوللری دولاندورما یا حسین

چرخ اطلسین دامنین بیله قانیله بویاندورما یا حسین

چرخیده شفق تک قالار بو قان زینت خورِ اَنوریمدی بو

 

سن منیم یولومدا بو سود اَمَر طفلی ایلدون تشنه لب فدا

تا که جدّیوین امّتی اولا نار قهریدن حشریده جدا

منده بو بالایه بغیشلرم ایتسه لر حسینی لرون خطا

شامل ایلرم لطفیمی دیسه هر او کس منه- سروریمدی بو

 

اولمیوبدی اولماز سنون کیمی بیر نفر وفاسین نشان ویره

سو یرینه سو اولمیان زمان نخل دین اسلامه قان ویره

ساخلاما اَل اوسته چکیده ی جانیوی یره قوی که جان ویره

ایچمیوبدی ایچمز فراتیدن، تشنه ی یَمِ کوثریمدی بو

 

ایچمه میشدی سو تشنه کامیدی، غنچه تک سارالمشدی صورتی

قانیله بویاندورموسان یوزین قرمزی گُله وار شباهتی

منتظردی زهرا گوزَتلوری بو گُلِ ریاض ولایتی

پیشوازینه مرتضی چخوب میهمان پیغمبریمدی بو

 

دوتما گوگلره قانلی صورتون، قان یاشیله دولدورما گوزلرون

بارگاهیمه سالما ولوله، قوزاما گویه قانلی اَللرون

محضریمده اثبات عهدیوه اکبروندن آرتوقدی اصغرون

بو مناده اکبر فدادی بو، چوخ دیمه داخی اصغریمدی بو

 

ای حبیب خلّاق لا مَکان، وی شهنشه انبیا غلام

من {حسینیم سعدی زمان} درگهونده مستخدمم مُدام

یازسان آدیمی کلبِ آستان کائناته فخر ایلرم تمام

تاج و تختیله ایتمرم عوض سن دیسن اگر نوکریمدی بو

مرحوم حسینی سعدی زمان

منبع مجموعه کانالهای مدح و مرثیه

موضوع: نیمه شعبان ,
زبان شعر و شاعر: نوحه ترکی , حسینی سعدی زمان

 

------------

 

در مدح و میلاد حضرت علی (ع) و

گریز به روضه حضرت علی اصغر (ع)

 

تمام عالمه مشکل گشا علی الی دور

رواج دینه ویرن مرتضی علی الی دور

 

اولوب خلایقه واجب طواف بیت خدا

چون اوردا ظاهر اولوب نور آیت کبری

 

اولاندا حامله مریم مسیحه بیته گلوب

مسیحی خلق ایدن اولموب ولی بو امره رضا

 

یتیشدی مریمه سس فاخرُجی مِنَ المعبد

دگول ولایت عیسایه بو مقام سزا

 

گرکدی وضع ایده سن نینواده عیسانی

حسینیمه بولونه خانه زاددور عیسی

 

گلنده بیت خدایه ولیک بنت اسد

جدار کعبه نی منشقّ ایدوب حق یکتا

 

اولوبدی فاطمه داخل بوتونلنوب دیوار

قاپی مُقفّل اولوب خلوت اولدی اول مأوا

 

گلوب رجب آینون اون اوچونده دنیایه

ازلده آدمه مصداق عَلَّمَ الاسماء

 

قالوبدی فاطمه اوچ گون او پاک مأواده

بهشت میوه سی گوندردی ربّ ارض و سماء

 

ایشیقلی گون کیمی دوردومجی گون اولوب طالع

سپهر معرفته آفتاب چرخ آرا

 

چخوبدی فاطمه خوشحال بیت داوردن

آلوب علینی الی اوسته دلده حمد و ثناء

 

علی آناسنا سَس گلدی حیّ اعلادن

ولیّمون آدینی قوی علی منم اَعلا

 

بونون آدین اوز آدیمدان من ایلدیم مشتق

بودور اوامریمی خلقه ایلین اجرا

 

هامی اموریمی من ایتمیشم اونا تفویض

اونی من ایلمیشم علم غیبمه دارا

 

خوشا او کسلره که بو علینی دوست دوتار

بدا او کسلره بو پیشوایه منکر اولا

 

آلوب قوجاقینه اوز اوغلونی ابیطالب

گتوردی ابطحه پروردگارین ایتدی ندا

 

یا رَبِّ یا ذَالغَسَقِ الدُّ جِیِ

وَالقَمَرِ المُبتَلِجِ المُضِیِّ

 

بَیِّن لَنا مِن حُکمِکَ المَقضِیِّ

ما ذا تَری فی اِسمِ ذاالصَّبِیّ

 

همینکه بو سوزی عرض ایلدی ابو طالب

عنایت اوسته گلوب کردگار بی همتا

 

بولود کیمی یره بر لوح گویدن ایتدی نزول

او لوح سبزیدی مثل زَبَرجد خَضرا

 

او لوحی دوتدی گتوردی ایوه ابو طالب

گونوز باخاندا گوروب نقش اولوب بو سوزلر اونا

 

خُصِّصتُما بِألوَلَدِاّلَزَّکِیِّ

وَألطّاهِرِ المُنتَجَبِ الرَّضِیِّ

 

فَاِسمُهُ مِن شامِخ عَلِیّ

عَلِیٌّ اشتقَّ مِنَ العَلِیِّ

 

آلوب قوجاقینه هر کیم او پاک مولودی

گوزون آچوب یوزینه باخمادی ولّی خدا

 

مخاطب ایتدی ابو طالبی بنی هاشم

که حق سنه بر اوغول لطف ایدوب گوزی اغمی

 

دوشوب تحیّره حیرتده قالدی آل مناف

اولوب بو مطلبه مسبوق حضرت طاها

 

گلوب عم اوغلوسینی آلدی جان تک آغوشه

مبارک آغزینا وردی دلین شه بطحا

 

تبسّم ایلدی آچدی گوزینی عین الله

ازل رسول کرامه سلام ایتدی ادا

 

خلوص قلبیله اقرار ایتدی توحیده

آچاندا نفیه دل اثبات ایلدی اِلّا

 

شهادت ایلدی پیغمبرون رسالتینه

ره دیانتی گوستردی رهبر عظمی

 

صورا دیدی که اولار رستگار مؤمنلر

اولار که مؤمن اولا حقّه ایلیه تقوی

 

بیوردی ختم رسل سن امیری سن اولارین

تمام مؤمنه سنسن دلیل و راهنما

 

ایدوب صلوه ده خاشع اولانلاری تعریف

سکوت ایدوب گنه گلدی کلامه شمس ضحی

 

کمال وجدیله عرض ایتدی یا رسول الله

اجازه وار اوخویوم مصطفی بیوردی بلی

 

آچوبدی نطق گهر بارینی لسان الله

تلاوت ایلدی توراتی جمله سر تا پا

 

دوباره باشلیوب انجیلی سر بسر اوخودی

معاینه ایدوب انجیل صاحبین احیا

 

شروع ایدوب اوخودی برده آدمین صُحُفین

زبوری باشلادی داوود اوزی اوخور گویا

 

هله پیمبره بر آیه گلمیوب قرآن

تلاوت ایلدی قرآنی میر ملک هدا

 

باخوب تبسّم ایدوب عقل کلّ ختم رُسُل

بیوردی اوزگیه ممکن دگول بو نطق اصلا

 

اوپوبدی گوزلرینی قیتروبدی فاطمیه

قُماطه ایلدی پیچیده اوز بالاسین آنا

 

گریز

 

قویوبدی زیر قماطه الین چکوب قیردی

مجسّم اولدی گوزیمده دیار کرب وبلا

 

ربابده بر علی اللّرین قُماطه قویوب

خراش ایدردی آنا سینه سین او تشنه بالا

 

آنانین امجگینی سوزش عطش قورودوب

بالا ایدردی شرار عطشدن آه و نوا

 

آتاسی آلدی گتوردی او طفلی میدانه

حزین سسیله خطاب ایتدی کی گروه دغا

 

گلون آلون آپارون ایلیون بونی سیراب

پیمبر عترینه ایتمیون بو قدر جفا

 

آنام بتولدن ارثیه دور بیزه بو فرات

بالام اُله سوسوزوندان اولور گورون بو روا؟

 

امام دل دیدی از بس که دللّری آلدی

باخوب او حاله چکوب ناله لشگر اعدا

 

چاغوردی محضرینه ابن سعد حرمله نی

دیدی یاخوندی دونوک لیق ایده بو اهل دغا

 

«حسینی» ساکت ایله قویما چوخ تکلّم ایده

علوم رفی ده یوخدور سنون کیمی دارا

 

الین قویوب گوزی اوسته دیزین یره وردی

نه حقّدن نه پیمبردن ایتدی شرم و حیا

 

سو ویردی اصغره بر تیر زهر داریله

بهشت عدنده باش آچدی حضرت زهرا

 

ازلکه حالی علی اصغرین تاپوب تغییر

دیمم نه حاله ولی قالدی سیّد الشهدا

 

بو یرده ذکر مصیبت دگول منیم نظریم

علی آدیله ازل باشلانوبدی بو طغری

 

 مرحوم حسینی سعدی زمان

منبع مجموعه کانالهای مدح و مرثیه

موضوع: حضرت علی (ع) میلاد ,
زبان شعر و شاعر: نوحه ترکی , حسینی سعدی زمان

 

------------

 

زبانحال به حضرت ابوالفضل (ع)

 

ای منیم قافله سالاریم اَخی یَابنَ اَبی

ای اوزون قوللّی علمداریم اَخی یَابنَ اَبی...

 

صولتون نولدی ، یاتوبسان یارالی پژمرده؟

نه گلوب اللروه؟ قالدی قلنجون یرده؟

ای آتام اوغلی قلنجون دور اله آل بیرده

قویما یالقوز منی سرداریم اخی یابن ابی...

 

نیه سس ویرموسن؟ ای صورتی آی قدّی علم

بولموسن؟ اوغلوم ئولوب بیکسم افسرده دلم

خیمیه گیتماقا اهلِ حریممدن خجلم

سنه معلومیدی افکاریم اخی یابن ابی...

 

ای حسین بن علی ای کَرمین دریاسی

(کاتبیله) بو (حسینی) سنه ساخلار یاسی

ایله مأمور بو وقفه بو سوزه عبّاسی

اولاری یاز اولا زوّاریم اَخی یَابنَ اَبی.

 

ادامه دارد ...

 

مرحوم حسینی سعدی زمان

منبع مجموعه کانالهای مدح و مرثیه

موضوع: حضرت ابوالفضل العباس (ع) زبانحال ,
زبان شعر و شاعر: نوحه ترکی , حسینی سعدی زمان

 

------------

 

ترجمه حدیث قدسی و

گریز به احوالات عصر عاشورا

 

جلالتنده حسینون عقول حیراندور

دگل غلو یازیلسا نقدر نقصاندور

 

وجودی مظهر آیات حی اکرمدور

فدا اولوم آدینا، آدی اسم اعظمدور

 

خدا که خلق ایلیوبدور بو کون و امکانی

ویروب ظهوره بو خلقتده صنع پنهانی

 

همین بو خلقته اون دورت وجود اولوب علت

ویروب جهاندا بو اون دورت وجوده چوخ عزت

 

بولار تمامیسی گلدور، عزیز دوراندور

نه گل، وجودیلری سربسر گلستاندور

 

حسین و لیک بو اون دورت گلشنین گلدور

عزیز فاطمه دور، کردگاره سوگلیدور

 

عبث دگل که بونا ایل به ایل دوتولار یاس

بونون جلالتی اولماز بیر اوزگه شخصه قیاس

 

جلالتنده حسینی لر ایتمیوب اغراق

بونا اولوبدی عزادار و روضه خوان، خلاق

 

سیخشمور عقلوه مطلب، دئمه که حدثیدور

یازان امام، روایت حدیث قدسیدور

 

ایدن زماندا مناجات، طور حقده کلیم

خدای عالمه عرض ایتدی ای خدای علیم

 

محمد (ص) امتینون فرقی سایر امتیله

ندور؟ کلیموه بولدور بو سری حکمتیله

 

اولاندا درگه حقه کلیم عرض رسا

همان او حالیده سس خلق اولوندی یا موسی

 

نقدر خالقینین خلقه افضیلتی وار

او قدر امت مرحومه نین مزیتی وار

 

شرفده، فرقی خداوند چون محال ایلدی

کلیم بو شرفین علتین سوال ایلدی

 

بویوردی حضرت موسایه، خالق حکمت

سبب بو عزته واردور اولاردا اون خصلت

 

دئدی ندور او خصال؟ امتیم ایده منظور

محیط صوتیله اولدی محاط وادی طور

 

علم دور امت مرحومیه گوزل عادت

صلوه و صومیله حج و جهاد و خمس و زکات

 

پیمبری اولارین خاتم رسالتدور

سبب شرفلرینه جمعه دور، جماعتدور

 

کلیمه دوقوزینی بولدوروب حق یکتا

اونومجین سوراشاندا، بیوردی عاشورا

 

دئدی که دوقوزی واضحدی ای علیم و خبیر

خصال تسعه ده لازم دگل منه تفسیر

 

اونومجی لفظده اما وار عمده بیر معنا

صریح ویر خبرین، مستتردور عاشورا

 

بویوردی ندبه دی مفهموم لفظ مدغمده

دئدی کلیم که بو ندبه هانسی بیر غمده؟

 

جواب گلدی حبیبیم محمده (ص) موسی

کرامت ایلمیشم بیر قیز اسمیدور زهرا

 

جمالی جلوه لنر، همچو نیر اعظم

حسین آدینلی او خاتونه بیر اوغول ویرم

 

شهید ایده لر اونی عاشر محرمده

باشین کسله سو ویرمزله ساحل یمده

 

جزاده امت مرحومیه اولار او غیاث

اونون غمنده بو دنیاده هر ذکور و اناث

 

اگر ایده لر بیر قطره گوز یاشین جاری

اونون آدین یازارام من حسین عزاداری

 

من اوز جلالمه آند ایچمشم، عزاداری

بهشتیمه آپارام گورمیه غضب ناری

 

حسینون آدی گلنده او گوز که اشکی آخار

همان گوزه یارادان چشم رافتیله باخار

 

حسین یولوندا بیری مصرف ایتسه بیر درهم

بو دهرده بیره یتمیش، اونا عوض ویرم

 

جزا گونینده قیلام مرامینی تامین

مضاعف ایلرم اجرین او خرجه، یتمش مین

 

کلیم عجزیله عرض ایتدی ای خدای جلیل

حسینه ایمدیکه وار آغلاماقدا اجر جزیل

 

کیم ئولدورر اونی؟ بولدور الهی موسایه

توکوم سرشک، یتوم منده فیض عظمایه

 

جواب ویردی کلیمه خدای حی و جلیل

بنی امیه ایدر کربلا چولونده قتیل

 

کلیم عرض ایلدی ای خدای عرش مجید

بنی امیه ایدللر اونی نه نوع شهید؟

 

جواب گلدی اونون سینه سینی داغلالار

سو یولارین یوزینه کربلاده باغللار

 

صغیر اوشاقلارینی ئولدورر هوای عطش

کبیر جلدین ایدر منکمش بلای عطش

 

کلیمه غیبده ذکر ایتدی خالق قاهر

دیوم همین بو مصیبت نه وقت اولوب ظاهر

 

همینکه یازدی بو فرمانی ابن مرجانه

یتوردولر اول زمان ابن سعد نادانه

 

ازلکه حکمینی یدیمجی گون ایدوب اجرا

قالوب اونومجی گونه حکم آخرین اما

 

او دمکه فاطمه نین دوندی قانه گوز یاشی

ورولدی نیزیه پیغمبر اوغلونون باشی

 

اولاندا سابع شهر محرم، ابن زیاد

دوشوب بو فکره اولا خانمان دین بر باد

 

دیوم نه ظلم ایلدی آه یا امام زمان

گوتوردی زاده وقاصه یازدی بیر فرمان

 

حسین یزیده گلوب یا گرکدی بیعت ایده

و یا که جاه و جلالی، اوزی فنایه گیده

 

قبول ایلمسه بیعتی قیام ایله

حسینه عترتینه سن سویی حرام ایله

 

دایانسا ایش او یره باش و جانیدن گچسون

سو ویرمه سو یرینه، لخته لخته قان ایچسون

 

بو قدر بول که همین سوزده وار رضای یزید

حسین فاطمه نی تشنه کام ایله شهید

 

یارالی پیکرینی یرده قانه غلطان قوی

لباسین امر ایله سویسونلا جسمین عریان قوی

 

حیالی عترتنون دوندر اشگینی سیله

سومکلرین آت ایاقینده خورد خورد ایله

 

همینکه یازدی بو فرمانی ابن مرجانه

یتوردولر اول زمان ابن سعد نادانه

 

ازلکه حکمینی یدیمجی گون ایدوب اجرا

قالوب اونومجی گونه حکم آخرین اما

 

او دمکه فاطمه نین دوندی قانه گوز یاشی

ورولدی نیزیه پیغمبر اوغلونون باشی

 

خبر ویروبله عمر سعده، اهل کوفه و شام

امیر مژده ویر اولدی حسینون امری تمام

 

ایشتدی بو سوزی، اولدی او بی حیا خوشحال

دئدی که اولدی درخشنده کوکب اقبال

 

منیم الیمله یزیدین رضاسی گلدی اله

گلر بو فعلمیله ری حکومتی عمله

 

هوای ری باشنا دولدی، اول جفا کانی

دئدی گرک اولا اجرا امیر فرمانی

 

گلوبدی قتلگهه الده بیر عصا او لعین

عزیز فاطمه نون گوردی نازنین بدنین

 

کسوبله باشینی، مکبوبتا قالوب یرده

چکوبدور اوستنه اوز قانی قرمزی پرده

 

ایدوب عصانی اشاره او نازنین بدنه

شماتتیله دل آچدی امام ممتحنه

 

دئدی حسین دیمدیم گل یزیده بیعت ایله

اوزوی عترتوی بو جهاندا راحت ایله

 

دیوب بو سوزلری یاندوردی روح زهرانی

دونوب مخاطب ایدوب تابعان سفیانی

 

تمسخریله خطاب ایتدی قوم اعدایه

همان حسیندی که جبرئیل بونا دایه

 

همان حسیندی بونی چگننه آلاردی رسول

همان حسیندی بونون نازینی چکردی بتول

 

اولون یزید یانندا بو ماجرایه گواه

منیم الیمله شهید اولدی بو کوکمسیز پادشاه

 

بو ماجرانی بو چولده بو گون یاراتدیم من

حسینه اول اوخی صبح وقتی آتدیم من

 

نجه که جنگ بناسین قویان من اولدوم من

بو قانلی نعشیده اول سویان من اولدوم من

 

دیوم نجه دیوم؟ اظهاری چوخ جسارتدور

گلیم اگر دیمیوم معتبر روایتدور

 

بنی امیه ایدن ظلمی ایتمیون مستور

به شرط انیکه سوزی ذکر ایدن ایده منظور

 

اگر اوزینده لیاقت بولور دیسون بو سوزی

لیاقت اولماسا، اولسون دینده کور گوزی

 

او یرده که بولوری حقین ایلمزلر ادا

بو سوزلری اوخوسا خصم اولا اونا زهرا

 

نجه دیوم که عمر سعد نه جسارت ایدوب

امیر لشگریدی شاهه قصد غارت ایدوب

 

اجازه ایستورم عرض ایتماقا او حالی عیان

آناسی فاطمه دن، سندن ای امام زمان

 

دل پیمبره معناده ظلم اوخی ساچدی

حسین گین گییمین حلقه سین آچدی

 

یارالی پادشهین سویدی جبریله گیمین

او قانلی سینه ده وار باخمادی یارا دورت مین

 

چخارتدی تا زرهی اول ستمگر بی دین

دئدی گلون بو حسینون سویون لباسلرین

 

همینکه ویردی بو فرمانی اول ستم پرور

حسینی سویماقا اولدی قشون هجوم آور

 

بیری ازلده گوتوروب نیزه ده عمامه سینی

بیری عباسین آپاردی، بیریسی جامه سینی

 

تمام سویدی لباسین او اشقیای دنی

قالوبدی ساتری بیر پاره پاره پیرهنی

 

او پیرهن که اونی ایلینده عزم قتال

لطیف جسمینه گیمشدی شاه عرش جلال

 

که سویسالار هامی رختین اگر سپاه شرور

او پیرهن قالا، بلکه وجودی قالمیا عور

 

بنی امیه ده بیر ظلمه باخ، شقاوته باخ

عناده باخ، او حیاسیزده بیر جسارته باخ

 

دوباره امر ویروب ابن سعد بی ایمان

بو کوینگینده سویون پیکرین قویون عریان

 

قدم قویوب ایره لی، ابهر بن کعب دنی

گتوردی نالیه جنتده روح فاطمه نی

 

بو رسمدور قورویا قان، بدنده زخمی سیخار

او قانلی کوینگی فکر ایله گور نه شکل چیخار

 

سویان ستمگر اولا، حرمتینی گور ساخلار؟

علاوه جسمینه تکمشدی کوینگی اوخلار

 

غرض او کوینگی سویدی او ظالم گمراه

آناسی فاطمیه صبر ویر اوزون الله

 

بو قدر اولوب دیه بولم او ظلمینون اثری

یارالی جسمده گوز گوز آچلدی یاره لری

 

گیدوب لباسلر، عریان قالوب امام علیم

خیال غارتیله گلدی بجدل ابن سلیم

 

پیمبر اوغلونی عاری گوروبدی کسوتدن

پوزولدی حالتی محروم اولوب غنیمتدن

 

خیال ایدوبدی قیتسون او کفر محض ظلوم

عزیز فاطمه ایتمیوب او کافری محروم

 

ایدوب سخاوتینی اهل عالمه عیان

او بی مروته انگشترین ویروبدی نشان

 

او سفله طبع شریره، طمع اولوب غالب

دوشوب بو فکره او انگشتره اولا صاحب

 

قدم قویوب ایره لی، اول شقی ایدوب جرئت

دوتوب الین اوزوگه زوریله ویروب حرکت

 

سرشک موجی عبث دل حصارینی یخمور

نقدر جهد ایلدی گوردی قان دوتوب چیخمور

 

نه قادر اولدی چیخارتسون، نه حرص قویدی گیده

بو سوزده داش اولسا ، اورک ایستر دوروب تحمل ایده

 

صاقا صولا او ستمگر گوزین دولاندیردی

گتوردی زینبی درده، بتولی یاندیردی

 

واریدی حربه سی بولمم، دینمورم اظهر

و یا که یردن اله سالدی بیر سنق خنجر

 

بولوب تعرض ایدن یوخ، امام بی کسدی

همان اوزوکدن اوتور خوردا بارماقین کسدی

 

دوباره امر ایلدی ابن سعد بی پروا

گرک امیرین اولا هر اوامری اجرا

 

گرک یزیده بو گون خدمتیم اولا خالص

زیادین اوغلی یازان حکم، قالمیا ناقص

 

حسین عیالینی پیچیده ملال ایلیون

وجودین آتلار ایاقنده پایمال ایلیون

 

سوار اولوب آتنا اون نفر شقی لعین

گلوبله محو ایده لر شاه کربلا بدنین

 

یارالی نعشنون اوستنده چوخ دلیرانه

گتوردیلر او زمان آتلارینی جولانه

 

قویاندا آتلار ایاق نیزه و قلج یرینه

قاتاردی جلد و لحوم و عظامی بیر بیرینه

 

کلام ناطقه آتلار وروب زبس دیرناق

چخوبدی پیکری شیرازه دن، اولوب اوراق

 

او که جفادی امامه قوم دون ایتدی

غرض یورولدی، ستمگرلر ال چکوب گیتدی

 

هدایتین گونی غرب زواله یتمشدی

جهانی عالم معناده ظلمت ایتمشدی

 

باخوب او شمس هدایه، عزا بساطی قوروب

ایدوبدی ظاهر صورتده آفتاب غروب

 

گونوز جفاسی ایدوب آل عصمتی مرغول

قشون اولوب هاموسی استراحته مشغول

 

و لیک بیر نفرین ظلمی قالمشدی گجه

گونوز تاپانمادی ال، گلدی ظلمین ایتدی گجه

 

همین بو مطلبه راویدی شمر ذی الجوشن

دیر اوتورموشدیم خیمه ده همان گجه من

 

نه گوردوم ایلوری یر زلزله قیامتدور

خیال ایتدیم آیا بو نه علامتدور؟

 

دئدیم گونوز بو چوله، من بو وحشتی سالدیم

گجه نه زلزله دور؟ بیله فکرده قالدیم

 

گیدوب تفکره فکرین حصارینی یخدیم

دوروب تحیریله خیمه گاهیدن چیخدیم

 

دیردیم اوز اوزیمه من، بو امر کیمدندی؟

قاباقدا تا گوزومه بیر قارالتی گورسندی

 

دئدیم بو هر کیم اولا، بو سالوب بو زلزله نی

او قدر دوردوم او یرده تا گلوب یتوردی منی

 

ایدوب نظاره، نه گوردوم که بر کشیدی گلن

دئدیم هارا گیدوسن؟ ویر اوزون نشان، کیمسن؟

 

ندور بو زلزله؟ حالی ایله بو حاله منی

گلور خیالیمه سن سالموسان بو زلزله نی

 

دئدی بو زلزلیه عمده بانیم یا شمر

حسین فاطمه نین ساربانیم یا شمر

 

اوز ایتدیقیم عمله وار یری ایدم چوخ اسف

روانه اولموشیدوم ایمدی قتلگاهه طرف

 

دئدیم اله گتوروم بلکه بیر غنیمت و مال

حسین لباسینی گوردوم سویوبلا قوم ضلال

 

ایدوبله رختیدن عریان، وجود خونبارین

دئدیم که غارت ایدوم منده بند شلوارین

 

جواهراتیله ویرمشدیلر ز بس زینت

اله گتورماقا ایتدیم او وقتیده سرعت

 

ایکی الیله دفاع ایلدی او شاه زمن

اوتوزدوم عقلیمی دنیای دون متاعینه من

 

ستمله اودلادیم آل رسول دللرینی

باخا باخا آناسی جدی، کسدیم اللرینی

 

(ساربان آتلار ایاقی داغیدوب پیکریمی

باخ بیر آللهه اوتان ، کسمه منیم اللریمی)

 

بو ساربان ستمی ذکر اولونسا هر یرده

آناسی فاطمه آغلار، یانار گلر درده

 

حسین مصیبتی اولماز یقین(حسینی) تمام

سور حسین اولا زینب آدیله ختم کلام

 

یانان چادردا گجه یاندی، توکدی گوز یاشینی

صباح اولاندا گلوب لیک تاپدی قارداشینی

 

گوروب حسین بدنی یرده قانه غلطاندور

بدن دیمه ، دیه سن گلدی یرده خنداندور

 

چوخور یره اولوب اوراق گل کیمی جسمی

وجود یوخدی، بدندن قالوبدی بیر اسمی

 

نه اللری، نه باشی، نه بدن سلامتدور

نقدر ایشلوری گوز سربسر جراحتدور

 

سویوبلا رختنی، باشدان ایاقه قوم دنی

یارالی گون قباقیندا قالوبدی گل بدنی

 

او کوینگی که گلنده امام میدانه

علی قیزی اوزی ویرمشدی شاه عطشانه

 

باخوب گوروب که همان کوینگنده قوم شرور

سویوبلا قارداشنون نعشینی قویوبلار عور

 

گورنده قارداشین عریان ، اولوبدی قلبی کباب

یارالی قارداشینا، یوز دوتوب ایدوبدی خطاب

 

عریان بدنون یرده دی قارداش باجون ئولسون

گل جسموه قان پرده دی قارداش باجون ئولسون

 

مرحوم حسینی سعدی زمان

منبع مجموعه کانالهای مدح و مرثیه

موضوع: احوالات تاسوعا و عاشورا ,
زبان شعر و شاعر: نوحه ترکی , حسینی سعدی زمان

 

------------

 

زبانحال حضرت رقیه (س)

 

شمرین الینده صبح و شام ، ای بابا داده گلمیشم

نیزده گورموشم باشون ، شامه پیاده گلمیشم

 

بسکه وفا خُمینده من ، رنگِ غمه بویانمیشام

پای پیاده چوللری شام و سحر دولانمیشام

سیلی ووروبلا دوزموشم ، قمچی دگوب دایانمیشام

مژدهء وصلون آلموشام ، صبرِ جفاده گلمیشم

 

نیزده قانلی باشوی ، گوردوم اوجالدی شیونیم

آغلادیم آغلادی منیم حالیمه یاندی دشمنیم

اولمادی باغریما باسام ، قالدی بو حسرتیم منیم

حسرتِ دل گوتورماقا ، من بو بِلاده گلمیشم

 

گر چه جفای زجره من ، باخمیوب ایتمیشم نوا

لیک گوزیمده گوز یاشیم قانه دونوبدی برملا

دختِ ولیّ حق هارا؟ کنجِ خرابه لر هارا؟

ویرماقا جان خرابه ده ، راهِ خداده گلمیشم

 

دوتدی جِداده صورتون ، گَرد و غبار و خاک و خون

زلفمیله توزون سیلَم ، ویرمدی نیزه دارِ دون

قرخ گون او رنج و غصّه دن درد و غمیم اولوب فزون

قرخ گجه گوزلریم قالوب ، نوکِ جداده گلمیشم

 

آگهیدیم که عاقبت ، شام اولاجاقدی منزلیم

شامه دوننده گوندوزوم ، حلّ اولاجاقدی مشگلیم

قانلی محاسنون بابا ، ایمدی گرک توزین سیلیم

شامه ایدوب بو مقصدی دلده اراده گلمیشم

 

گر چه جفای زجردن ای بابا جانه یتمیشم

هر نه گلوبدی باشیمه لیک تحمّل ایتمیشم

هر یره کیم گیدوب باشون منده دالنجا گلمیشم

شهرِ دمشقه عاقبت راهِ وفاده گلمیشم

 

کرب و بلاده اوندا کیم ، عازمیدون شهادته

وعدهء وصل ، شامده ، ویردون اوزون بو ساعته

بیر او سوزیله دوزموشم ، مین غمِ بی نهایته

هجر غمینده سالموشام ، وصلوی یاده گلمیشم

 

قولّاری باغلی دلده سوز ، زحمتِ بی شماریله

کوفه و شهرِ موصلی ، گزمیشم آه و زاریله

آبله دور ایاقلاریم ، گور نجه زخمِ خاریله

خورداجا سِنّیله دوزوب ، جور و عِناده گلمیشم

 

سهلیدی شمرِ کافرین سیلی و تازیانه سی

سوگلوُون ئولونجه وار آغلاماقا بهانه سی

قانیله تللریمده وار اکبریمون نشانه سی

دردیم اولوب او قانیله ، دلده زیاده گلمیشم

 

اکبریمون جنازه سین ، یرده گورنده بی کفن

روحیمی قانلی جسمینه ، ایلمیشم سپرده من

شامه بو قدر یولّاری بیر قوری جسمدور گَلَن

روحیمی قویموشام بابا ، کرب و بلاده گلمیشم

 

چشمِ بصیرت ایستوری گورماقا دلده یاره می

پاره لیوبله اهلِ کین ، بو دلِ پاره پاره می

کاش گوریدون اوندا کی آلدیلا گوشواره می

باخمادیلار که نِی کیمی ناله و داده گلمیشم

 

قمچی دگنده شیونیم اوج ایدوب عرش طاقینه

رحم ایدن اولمیوب منیم ناله مین اِحتراقینه

قولّارینی بی بیم ویروب قمچلرین قباقینه

سایهء حفظِ زینبِ بی اقرباده گلمیشم

 

نوکروم (حسینیَم) ، ای شهِ کشورِ وجود

گَل سنی فاطمه آنان ، ایله منه سخا و جود

رسمِ جهاندی بو ، ایدر ، کِبر ، گداده بَد نُمود

درگهیوه امیدیله ، زار و فتاده گلمیشم.

 

مرحوم حسینی سعدی زمان

منبع مجموعه کانالهای مدح و مرثیه

موضوع: حضرت رقیه (س) زبانحال ,
زبان شعر و شاعر: نوحه ترکی , حسینی سعدی زمان

 

------------

 

احوالات خرابه شام

 

سوال و جواب

 

گوزینده اذن ویروبدور رقیّه گوز یاشینا

بو دللریله خطاب ایلدی آتا باشینا

 

نه یاخشی گلموسن ای شاهِ تاجدار بابا

دوتوبدی گور نجه رخساریمی غبار بابا

 

خرابه یرده نه مدّتدی گوزلورم یولوی

نه علّته منی قویموشدون انتظار بابا

 

چوخ آغلادیم بو گجه کردگاره یالواردیم

یوزون گورم ئولم ، ای صاحب وقار بابا

 

دعا اوخودوم هدفِ استجابته دگدی

یتوردی مقصدیمه حیّ کردگار بابا

 

بابام گَلیدی دیردیم گوریدی بیر یوزیمی

ایدوب نجه ستمِ شمر زخمدار بابا

 

باشیما یولدا ویروب تازیانه زجرِ شریر

منه او کافر ایدوب ظلمِ بیشمار بابا

 

او قدر خارِ مغیلان باتوب ایاقلاریما

ایدوبدی قلبیمی چون لاله داغدار بابا

 

منی او قدر عدو پا پیاده یول گَتوروب

که قالمیوبدی داخی تاب و اقتدار بابا

 

ایله دوداقلاریمی قورخی چاک چاک ایلیوب

که قالمیوب دلِ صدپاره ده قرار بابا

 

اوزون جِداده گوردون دویولّه سووگُلوی

عجبدور ایلمدون شامی تار مار بابا

 

سنی شهید ایلینلر منی اسیر ایلدی

دونیدی کاش گوروم دورِ روزگار بابا

 

الیمده چون یوخودی چاره دینمدیم دوزدوم

نقدر ووردی منی قومِ کین شعار بابا

 

یریم خرابه ، گجه گوندوز استراحت یوخ

گوزوم توکر یوزیمه دُرّ شاهوار بابا

 

تمام اولوب گورَسن درد و محنتیم یا نه؟

ایدیدی درک منی کاش احتضار بابا

 

یزید کاخینی سیلِ سرشگیله یخارام

جلالینی ایدرم محو و تار مار بابا

 

اگر ئولم باباجان قبریم اوسته کیم گله جاق؟

غریب قبری اولار خلق ایچینده خوار بابا

 

هارا مسافرت ایتسن منی یانونجا آپار

بو سوگلی قیزوی قویما اشگبار بابا

 

یوزیوی قوی یوزیمه بیر اوپوم جمالوندن

بو بیقرار دلیم تا تاپا قرار بابا

 

(حسینی) ذیلِ عنایاتیوه ووروبدور چنگ

سوزی جهاندا قالا بلکه یادگار بابا

 

ز بس رقیّه دیوب دردِ دل اولوب بی تاب

زبانِ حالیله ویردی آتاسی بیله جواب

 

سنون دوتوب گُل رخساروی غبار قیزیم

منیم یوزیمده تاپوب ، کولدن استتار قیزیم

 

اوزوم بیلوردوم عزیزیم منی گوزتلیردون

که قویمادیم گوزوی یولدا انتظار قیزیم

 

سنه خرابده یاتماق بالا دگل ذلّت

خرابه لرده اولار دُرّ شاهوار قیزیم

 

ایدوب سنون یوزوی لاله رنگ ، سیلی شمر

منیمده صورتیمی ، تیغ ، زخمدار قیزیم

 

سنون اگر باشوا تازیانه چوخ وورولوب

دگوب منیم باشیما زخمِ بی شمار قیزیم

 

ایاقلارون قابارین چوخ منه نشان ویرمه

یارالی قلبیمی آز ایله داغدار قیزیم

 

چوخ اینجیدوب سنی یولّاردا ساربانلار اگر

چوخ اینجیدوب منیده یولدا نیزه دار قیزیم

 

سنون دوداقلاریوی قورخی چاک چاک ایلیوب

منیم دوداقلاریمی ضربتِ فنار قیزیم

 

جِدا باشیندا گوروردوم ووراندا قمچی سنه

کومک لیقا یوخودی نیلیوم اقتدار قیزیم

 

سوسوز شهادته یتماق منه مُقدّریدی

سنون اسارتون ایستوردی کردگار قیزیم

 

رضای حقّیدی احیای دینیدی دوزدوم

نقدر ظلم ایلدی قومِ کین شعار قیزیم

 

یتوبدی باشه مقدّر اولان بَلیّاتون

یوزونده گورسنوری حالِ احتضار قیزیم

 

ابوتراب عزیزی یاتار تراب اوسته

بودور همیشه بلی وضعِ روزگار قیزیم

 

خدا عزیزینه ذلّت دگل اسیر اولماق

بیز اهلِ بیته اسارتدی افتخار قیزیم

 

دایان مصائبه تا صبرون اولماسون ناقص

یتر تمامه بو ایّامِ ناگوار قیزیم

 

یوزیمده کی کولی گوز یاشویله سیل ، صورا اوپ

کول ایتمسون لبِ لعلون جریحه دار قیزیم

 

تحمّل ایله گیدنده سنی آپارّام اوزوم

چوخ ایتمه ناله بیله اولما اشگبار قیزیم

 

یزید محو اولاجاق ، کاخِ ظلمی قالمیاجاق

جلالینی ایده جاق چرخ تار مار قیزیم

 

سنون ولی قالاجاق شامِ شومده قبرون

نقدر عالَمِ امکاندا وار مدار قیزیم

 

اگر (حسینی) سنون چنگ وورسا دامنیوه

قالار بو دهرده اشعاری یادگار قیزیم.

 

مرحوم حسینی سعدی زمان

منبع مجموعه کانالهای مدح و مرثیه

موضوع: احوالات خرابه شام ,
زبان شعر و شاعر: نوحه ترکی , حسینی سعدی زمان

 

------------

 

در احوالات حضرت علی اکبر (ع)

 

تیر آهیم سرّی وار بوچرخ مینادن گیچر

داد و فریاد ایلرم نالم ثرّیادن گیچر

 

هیئت عالم دگرگوندور کواکب منقلب

نکته چوخ باریکدور حلّ معمّادن گیچر

 

صبح صادقده بو گون طالع اولوب خورشید دین

لعمۀ نور جمال الله زوایادن گیچر

 

قطب عالم حجة ابن العسکری ناموس دهر

گوئیا بی پرده شرق سُرَّ من رآدن کیچر

 

جرم خورشید جهانتابه یتوب مرئی کسوف

بو کسوفیله ایشق گون لیل یلدادن گیچر

 

نیّر اعظمدی گون بالذّات واردور اوندا نور

مسئله واضحدی سوز یوخ لفظ معنادن گیچر

 

گون شعاعی اولماسا آی هاردان ایلر اقتباس

پردۀ ظلمت مگر بو سطح غبردان گیچر

 

غیبت کبری ایدوب شمس امامت اختیار

سرّی وار گلمور ظهوره ستر اخفادن گیچر

 

مکّه دن بر گون طلوع ایلر الینده ذوالفقار

حد ورار جرم کبیره لیک صغرادن گیچر

 

درک ایدنمور نقطۀ مقصودی پرگار وجود

گرچه بی پرده اوزی هر چشم بینادن گیچر

 

آختارور چون دایره بیر قطب اعظم اهل دل

عالم حیرتده گورمور نقطۀ بادن گیچر

 

اون ایکی برجین نظامنده وار ایله اختلال

فرق یوخ حوت و حملده ثور جوزادن گیچر

 

زهره نی تیر زحل اوز خط سیریندن سالوب

مشتری میزان غمدور کیم مرایادن گیچر

 

درده گلدی خاطریم یازمور قلم مقصودیمی

سرّیم اولسا فاش ایاقیم طاق کسرادن گیچر

 

فکریمی بُلمور اهالی یازدیقیم وئرمور ثمر

شعلۀ آهیم اگرچه سنگ خارادن گیچر

 

من اوزم اوز یازدیقیم اشعاره دلدن عاشقم

نیلیوم عاشق مگر زلف سمن سادن گچر

 

عشق لیلادن قویوب مجنون باشا تاج جنون

شمعدن پروانه گیچسه وامق عذرادن گیچر

 

پای داره گیتماقی منصوری ایلوب پایدار

باش ویرر صنعان دیمه جعد مطرّادن گیچر

 

عشقده بر امتیاز نقطه حُبیّ جُبّ ایدر

اوز حیاتین ترک ایدر یوسف زلیخادن گیچر

 

اختیاریله بدن کسمز علاقه روحدن

کیم دیر شوریده سر زلف چلیپادن گیچر

 

آیری بیرعالمدی بو عالم عوالم صاحبی

ماسوانی ترک ایدر دنیا و عقبادن گیچر

 

ایستسن بو مطلبین توضیحنه لمّی دلیل

گور نجه پیغمبر اوغلی شبه طاهادن گیچر

 

قدسیان مبهوت اولوب شاه شهیدین صبرینه

عرض ایدوبلر ای خدا کیم بیله برنادن گیچر

 

قلب عالم اوز امامت قوّه سیله ال چکوب

بُلمورم لیلا نجه اول ماه سیمادن گیچر

 

نوجوان اوغلین یولا سالدی ئولوم میداننه

سوز قلبی باخمادی افلاک خضرادن گیچر

 

روحی گیتدی قالب بیروح تک قالدی اوزی

ناله سی حال وَلَهده عرش اعلادن گیچر

 

شامیان گوردی قتاله بیر ملک صورت گلور

شهرت نور جمالی شمس دنیادن گیچر

 

توکدیلر آلات حربی چکدیلر بیردن فغان

حُسنه باخ دشمن باخاندا فکر ایذادن گیچر

 

سسلنوبلر رجعت ایلوب رحمةً للعالمین

یاعلی المرتضی بو دشت هیجادن گیچر

 

گور حسین بن علی امری هارا منجرّ اولوب

بیله گل یوزلی جوان عالم آرادن گیچر

 

بیر نگاهیله دل دنیانی ایلر تار مار

باش وجاندان هر باخان گوزلر بیرایمادن گیچر

 

بو جوانه یاره وورسا هر کیم اولسون شل الی

کیم بیله آهو باخیشلی چشم شهلادن گیچر

 

سسلدی سعد اوغلی پیغمبر دگل اکبردی بو

سانمیون پیغمبر اکرم بو صحرادن گیجر

 

بو حسینون روحیدور جان جهان فرزندیدور

تالی موسادی گویا طور سینادن گیچر

 

ای جماعت جهد ایدون بو نوجوانی ئولدرون

چون ریاست آختاران ابطال، پروادن گیچر

 

شاهده مفتی حسینون قتلینه فتوا ویروب

کیم باخوب نورس جوانین گورسه فتوادن گیچر

 

بو جوان ئولسه حسین قالماز داخی بوندان صورا

گیچسه هر کیم روحدن بالمرّه اعضادن گیچر

 

جرأته گلدی قشون آماده اولدی قتلینه

دهره باخ اعلانون امر قتلی ادنادن گیچر

 

بیر رشادت بیر شجاعت گوستروب شبه نبی

چرخ چارمده سسی گوش مسیحادن گیچر

 

تیغ تیزی گزدوروردی الده صهبای اجل

عمردن نوش ایلین بو قانلو صهبادن گیچر

 

قابض الارواح ساقی تیغ ساغر قان شراب

هوشه گلمز شاربی تا قعر سفلادن گیچر

 

قویدی میدانه قدم هر کیم دوتوب راه عدم

گوئیا سوزنده اخگر نقش دیبادن گیچر

 

اولمیوب بیر کیمسه ده قدرت مبارز دورماقا

گوردی اکبر ال گوتورماق رسم دعوادن گیچر

 

قبضۀ شمشیر الینده ائتدی حمله لشگره

تیغی گویا برقدور افواج اعدادن گیچر

 

یاتدی بیرقلر سنوب صفلر اولوب برهم نظام

شیر شرزه گوئیا اول قانلو بیدادن گیچر

 

میمنه سندی داغلدی میسره قلب و جناح

پهلوانلار تک به تک راه منایادن گیچر

 

تیغ قهر آمیزی یمناده ووراندا دشمنه

برق لامع تک شعاعی فوج یسرادن گیچر

 

اَلحَذر این المفر اوج ائتدی اهل شامدن

گوئیا روباه پیش شیر غرّادن گیچر

 

یوز قویوب شهزاده هر سمته یاراردی صفلری

بیر قیامت اولدی شوری حشر عظمادن گیچر

 

باشلادی شام اهلی ضجّه ویردی فرمان ابن سعد

ای جماعت فرصت هیجا شکیبادن گیچر

 

دورت طرفدن بو جوانی تیر باران ایلیون

نوک پیکان جسمنی دولدورسا یارادن گیچر

 

اوخ اوخ اوستن توکدولر دورت بیر طرفدن اهل کین

رزمدن یوخسا بو زخم تاب فرسادن گیچر

 

اوخ وورانلار ظاهراً اوخ ووردی جسم اکبره

باطناً هر نوک پیکان قلب لیلادن گیچر

 

منقذ ابن مرّه آخر مکریله ائتدی کمین

حق مگر اول بیحیای کینه جویادن گیچر

 

بیر قلج ووردیباشیندان قان دوتوب گول صورتین

رنگ رخساری گوروبلر رنگ رعنادن گیچر

 

دولدی شهلا گوزلری قانیله قولّار سست اولوب

بوشلیوبدور مرکبین باخموب که هر جادن گیچر

 

بیمروّتلر تاپوب فرصت آلوبلار انتقام

عرشدن نالم بو شرح محنت افزادن گیچر

 

جور یعقوبی قلم یازمور دلیم لال اول دیمه

خنجر عریان نجه دوغرانموش اعضادن گیچر

 

ساخلا ال یازما حسینی بوندان آرتوخ گر دئسن

فاش اولار مطلب او گزلین سوز هویدادن کچر

 

مرحوم حسینی سعدی زمان

منبع مجموعه کانالهای مدح و مرثیه

موضوع: حضرت علی اکبر (ع) احوالات ,
زبان شعر و شاعر: نوحه ترکی , حسینی سعدی زمان

 

------------

 

احوالات خرابه شام

 

حقیقت اهلی اولان جاه و عزّت آختارماز

مَجاز اهلی جهاندا ، حقیقت آختارماز

 

حقیقتین اوزی عزّتدی شوکت و اجلال

تاپان حقیقتی اجلال و شوکت آختارماز

 

حسین امامِ مبین ، نورِ چشمِ عترتدور

حسینون عشقینی هر پَست فطرت آختارماز

 

حسینه عاشق اولان ، ناکسه بویون اگمز

رهینِ منّت اولوب ، استطاعت آختارماز

 

حسینه عاشق اولان ال چکر تَکبُّردن

شکسته نفس اولی ، جاه و ریاست آختارماز

 

حسین مکتبینون درسی دین و قرآندور

اولان بو مکتبه شاگرد ، نِخوت آختارماز

 

خرابه لرده یاتار توپراق اوسته پژمرده

سولار خزان زده گُل تک ، طروات آختارماز

 

یتیمه قیز ، اوزی محزون ، باخیش یتیمانه

دوزر مصیبته ، لفظِ شکایت آختارماز

 

دییر خرابه ده اولدوز کیمی یاخوندی باتام

سبب ندور منی شمسِ امامت آختارماز؟

 

بابام فراقی منی غصّه مرگ ایدر بولورم

ئولومدن اوزگه گوگل بیر بشارت آختارماز

 

آتا قوجاقینه عادت ایدن صغیره اوشاق

مگر آتاسین ایدر تَرکِ عادت ، آختارماز؟

 

منی ایاقدان علی اکبرین فراقی سالوب

ندور سبب منی اول ماه طلعت آختارماز؟

 

گوزیمده جلوه لنور سرو قامتِ اکبر

گورن او قامتی هرگز قیامت آختارماز

 

اولان منیم کیمی خسته ، مریضِ دردِ فراق

وصالِ یاردن اوزگه طبابت آختارماز

 

قانادی باغلی قوشام گوشهء خرابده من

قانادی باغلی اولان قوش ، سیاحت آختارماز

 

قوری یر اوسته یوخوم گلمیری یاتام راحت

مگر یتیمه اوشاق خوابِ راحت آختارماز؟

 

اگر بو درد و غمیله ئولم سعادتدور

مگر اسیر ، ئولومیله سعادت آختارماز؟

 

بو سیلِ اشگیله کاخِ یزیدی من یخارام

جهانه عبرت اولار اوزگه عبرت آختارماز

 

ایله خرابه نی آباد ایدر گوزوم یاشی

گورن مزاریمی عالی عمارت آختارماز

 

بنی امیّه نین اولسون گوروم عذابی شدید

که آلِ هاشمه بیر استراحت آختارماز

 

یزیدین آب و گِلی ، ظلمیله مُخمّر اولوب

اولان خباثتی ذاتی ، عدالت آختارماز

 

آپاردی عترتِ اطهاری شُرب مجلسینه

دَنیّ طبع ، به غیر از دنائت آختارماز

 

او بزمین عترتِ اطهاره نه تناسبی وار؟

شراب خوارِ ستمگر ، دیانت آختارماز

 

رسالت اجری بیزیم حُبّمیزدی قرآندا

دانان پیمبری اجرِ رسالت آختارماز

 

دیمه (‌حسینی) که من سیّدم ، یریمدی بهشت

عبادت آختارار الله ، سیادت آختارماز

 

گناهکار شفاعتچی آختارار دائم

گناهی اولمویان اصلا" شفاعت آختارماز.

 

مرحوم حسینی سعدی زمان

منبع مجموعه کانالهای مدح و مرثیه

موضوع: احوالات خرابه شام ,
زبان شعر و شاعر: نوحه ترکی , حسینی سعدی زمان

 

------------

 

راز و نیاز در قتلگاه

 

جلوه گاه عشقده شاه حجاز

ایسته دی جانانه قیلسون کشف راز

 

گوردی شوق عشق برق کاملی

یاندیروب یکسر حجاب و حایلی

 

ایلوری ذرات عالم اضطراب

شاهد غیبی آتوب یوزدن نقاب

 

کربلا صحراسی رشگ طوریدی

عرشدن فرشه سراسر نوریدی

 

قانلی گوزلر هر یانا سالدی نظر

صورت جانانی گوردی جلوه گر

 

آری آری عشق ایدنده فتح باب

عاشق و معشوق آرا قالماز حجاب

 

ببر یره عاشق اوز عشقنده چاتار

کلمه ما و منی گوزدن آتار

 

ما و من، مابینیدن اولسا کنار

خار اولار گل، گل اولار معناده خار

 

قطره گر دریایه اولسا متصل

قطره نی دریا بوللر اهل دل

 

ممکن اولماز قطره و دریایه فرق

قطره نی ایلر اوزینده بحر، غرق

 

پرتوین بیضایه اولسا رجعتی

عین بیضادور اونون ماهیتی

 

نکته چوخ باریک دور بولمز عوام

اهل سر آنلار ندور جان کلام

 

اولمیوب اولماز بشردن عین ذات

بول امامی، مظهر اسم و صفات

 

نه حسین آللهدور، نه ذات حق

نه اولار مرئی خداوند فلق

 

لیک بو معصومدن مرسوم اولوب

معتبر اخبارده مرقوم اولوب

 

عرض ایدور معصوم، ای رب جلیل

ای یارانمشلار سنه عبد ذلیل

 

ای کمالات و کرامت معدنی

کور اولا بیر گوز که درک ایتمز سنی

 

سوز بیوکدور خاتمه تاپماز مقال

ختم ایدوم تا ختم اولونسون قیل و قال

 

شه یخلمشدی تن صدچاکیله

قتلگهده دیده نمناکیله...

 

مرحوم سید رضا حسینی سعدی زمان

منبع مجموعه کانالهای مدح و مرثیه

موضوع: حضرت امام حسین (ع) مناجات ,
زبان شعر و شاعر: نوحه ترکی , حسینی سعدی زمان

 

------------

 

راز و نیاز امام حسین (ع) در قتلگاه

 

دوشموشدی قان ایچینده یارالی شهِ نبیل (1)

دوتموشدی جَوّ (2) لایَتَناهینی (3) قال و قیل (4)

 

دگمیشدی عالَمِ جبروت (5) اهلی بیر بیره

سویلردیلر که ای هامی خلقه اولان دلیل

 

بو سوگلون حسیندی قوم اوسته سیزیلدیری

اطرافینی آلوبلا بونون فرقهء رذیل (6)

 

عینُ الحیاتدور ، اوزی لب تشنه جان ویرور

ایلولّه سو یانیندا سوسوز کوفیان قتیل

 

گوتدی حجاب و پرده نی ستّارِ لم یزل

گوستردی صاقِ عرشیده بیر صورتِ جمیل (7)

 

سس خلق اولوندی آلّام اوزوم انتقامینی

بو قائمیله ، ایلمیون ناله و عویل (8)

 

بو سوگلومدی ، اولّام اوزوم قانینه دیَه

اولماز مقامِ قُربده بیرکس بونا عدیل (9)

 

حالِ وَلَهده (10) جلوه گهِ عشقدیدی شاه

پابوسِ شاهه اولدی شرفیاب جبرئیل

 

گوردی وفالی نوکری ، مولا یارالیدور

قانی آخوبدی مصرعینی ایلیوب مسیل (11)

 

گون ایسّیدور ، سیزیلدیری جسمنده یاره لر

یوخدور یارالی پیکرینه سایه و ظلیل (12)

 

بو فکریله که سایه سالا آچدی شهپرین

عرض ایتدی ای رسولِ گرامه گوزل سلیل (13)

 

آچ قانلی گوزلرون ، بو گوزل گوزلره فدا

ناز ایتمه جبرئیله ایا سَرورِ بدیل (14)

 

قویما یوزیوی قانلی قوم اوسته سیزیلداما

رحم ایلمز سنه بولوسن لشگرِ مُحیل (15)

 

باخما فراته قومِ عدودن سو ایستمه

سن العطش دیینده دونور قانه سلسبیل

 

قربِ وصالدن سنه دعوت گتورموشم

چوخ ایتمسون فراق غمی روحیوی علیل

 

بزمِ وصاله سندن اوتور زینت ایلیوب

گَل منتظردی گلماقوا خالقِ جلیل

 

مسند نشین مجلسِ خُلّت (16) سنی سچوب

ایلر مقامِ خلّتوی آرزو خلیل

 

یول گوزلوری بهشتیده خیرالنّسا آنان

بسدور تیکوبدی گوز یولا بیر مدّتِ طویل (17)

 

خلّاقِ لم یزل بویوروب عرض ایدم سنه

تقریرِ امره گر چه لِسانیم اولور کلیل  (18)

 

بیکس لره بولوسن اوزون من اوزوم کَسم

یوخ من کیمی عوالمِ امکاندا بیر وکیل

 

سن گَل ، بالاجا قیزلاریوون قالما قیدینه

اولّام یتیمه قیزلاریوا من اوزوم کفیل

 

من عاشقم سنه ، چکرم نازیوی اوزوم

بیر قان که خونبهاسی منم قوی اولا سبیل (19)

 

تاجِ کرامتی قویارام باشیوه سنون

گَرد و ملالِ قلبیوه لطفیم اولار مزیل (20)

 

اوغلوندی ، نوکروندی (حسینی) حسین آقا

ایسته خدا عزیز ایلسون ایتمسون ذلیل

 

سن اوز آقالیقون ندور ، اولقدر ویر صله

باخما که چوخدی معصیتیم ، خدمتیم قلیل. (21)

 

پانویس ها

1 : نجیب ، بزرگوار ، گرامی ،

 بزرگ ، استاد ، هوشیار ، نیکو

2 : میان آسمان و فضا ، اتمسفر

3 : بی پایان ، بی انتها ، بی کران

4 : سر و صدا ، هیاهو

5 : رجوع شود ، به لغت نامهء دهخدا ،

 جلد ۵ ، صفحهء ۶۵۸۰ ، ( ۱۵ جلدی با مقدمه)

6 : ناکس و فرو مایه

7 : زیبا ، خوب صورت ، نیکو سیرت

8 :  بلند آوازی در گریه و فریاد

9 : مثل ، همتا ، همانند

10 : سرگشته شدن از شدّتِ وَجد

11 : جای رفتن آب

12 : سایه دار ، سایه افکن ، آنکه سایه اندازد

13 : بچه ، فرزند

14 : شریف و صالح

15 : حیله گر ، مکّار ، فریب کار

16 : دوستی ، رفاقت ، دوستی صادق

17 : بلند ، دراز

18 : کُندی زبان ، ماندنِ زبان ، گُنگ ، سست ماندنِ زبان

19 : راه و طریق ، در اینجا به معنی :

 خونِ من راه بیفتد و ریخته و سرازیر شود

20 : زایل کننده و برطرف کننده

21 : کم و اندک ، ناچیز

 

مرحوم حسینی سعدی زمان

منبع مجموعه کانالهای مدح و مرثیه

موضوع: حضرت امام حسین (ع) مناجات ,
زبان شعر و شاعر: نوحه ترکی , حسینی سعدی زمان

 

------------

 

 شهادت حضرت معصومه (سلام الله) 

 

ای مقدس مدفنی رشک سپهر آبنوس

دختر باب الحوایج خواهر شمس شموس

 

قم قوام جسمویله کسب ایدوب شآن و شرف

خاکبوسون قصد ایدر اقطار عالمدن نفوس

 

رشگ فردوس برین دور بو حریم محترم

شیشه افلاک ایدر بو قبه دن اخذ عکوس

 

ایلدی دعوت سنی طوسه امام هشتمین

ایلدون یثربدن آغلار گوزلی عزم شهر طوس

 

زینب کبری کیمی قارداش دیوب دوشدون چوله

ساوه شهرینده سنه یوز ویردی چوخ آه و فسوس

 

بیر مرض یوز ویردی غمگین ایتدی ناسوت عالمین

ایلیوب لاهوتیان بزم مصیبتده جلوس

 

تا علیله جانیله گلدون خانم قم شهرینه

اهل قم ایتدی بیر استقبال عالی و ملوس

 

محملون آلدی آرایه مومنین پاکدل

ایتدی بانولر سراسر غرفه دن خارج روس

 

تا کجاون گوردی هرکس دسته دسته گل سپوب

اهل قم تکریمیله اولدی سراسر پایبوس

 

پیش رویونده سنون موسی بن خزرج باشلادی

آیه نوری تلاوت ایتدی با صوت ملوس

 

زینب کبری قباقینجه ولی قارداش باشی

نیزه ده قرآن اوخوردی تا سکوت ایلردی کوس

 

قمیان ایتدی سنی چوخ عزتیله پیشواز

زینبه اما دیردی خارجی گبر و مجوس

 

ایلینده داد و شیون عصمت کبری قیزی

تازیانئیله وراردی شمربی رحم و عبوس

 

ایمدیده زینب غمینده خاک اولوبدور قاره پوش

اهل ماتم تک گیوب گوگلر لباس سندروس

 

بو ایکی خاتونه (سعدی زمان) یالوار مدام

ایتمسون حالون مشوش دور چرخ آبنوس 

 

مرحوم حسینی سعدی زمان  

منبع مجموعه کانالهای مدح و مرثیه

موضوع: حضرت معصومه (س) احوالات ,
زبان شعر و شاعر: نوحه ترکی , حسینی سعدی زمان

 

------------

 

‍زبانحال حضرت امام حسین (ع) به خواهرشان

در شهادت جناب علی اصغر (ع)

 

گَل باجی گل ، اصغریم پژمرده حال اوخلاندی گَل

آفتابِ دین الی اوسته ، هلال اوخلاندی گَل

 

آلتی آیدور بیر بلا بُرجین هر آی بو ماهوَش

سیر ایدوب ایلوردی درک و ترک عشقه کشمکش

رهنمای عالَمِ عشق ، اولدی آخرده عطش

ایتدی ترکِ جانیله درکِ جلال اوخلاندی گَل

 

اوچ گجه گوندوزدی آغلوردی بالام عطشانیدی

سانما سن منظوری یا سو یا دولی پستانیدی

من بولوردوم مقصدی اوچ شعبه لی پیکانیدی

ویردی ساقیّ اجل آبِ زلال اوخلاندی گَل

 

عالمِ ارواحده تکمیل اولان بیر مسئله

اصغریم اوخلانماسیدی باجی گلمزدی اله

قلبیمه اود ویردی ظاهرده خدنگِ حرمله

باطنا" شادم ویرن نقصه کمال اوخلاندی گَل

 

تارِ قلبیمدن دگوب مضرابِ تیرِ جانشکار

قیردی تاری بو شکسته دلدن آلدی اختیار

گر چه پوزدی حالیمی ، امّا بو اوخدان هر نه وار

حاصل اولدی دلده کی فکره مآل اوخلاندی گَل

 

وار امامت چرخینون مِهرینده حالِ جانگداز

هئیتِ افلاک ایدر اوز گردشیندن احتراز

ویر خبر ایتسون نجومِ چرخِ عصمت پیشواز

گون کسوفه یوز قویوب بو مه جمال اوخلاندی گل

 

محنتِ هجران وجودین ایلمشدی پرّ کاه

آختاروردی خالی از اغیار بیر آرامگاه

اوخ بیچوب حلقین آچوب بزمِ وصاله شاهراه

ایتدی قان پیمانه سی مستِ وصال ، اوخلاندی گل

 

وار یری یانسون شرارِ آهمیله نُه رواق

شوریله دولسون باجی دشتِ همایونِ عراق

اوخ آتان قول قوّه لی ، اوخ زهرلی ، خوردا اوشاق

ظلم الیله اصغرِ شیرین مقال اوخلاندی گل

 

وار نقدری خیمه ده قاره گیَن ، اوغلی ئولن

باش آچوب ایتسونله برپا شیونیله انجمن

اوخشاسونلار اصغره ، پیکان یاراسین باغلا سن

سنگدل صیّاد الینده بو غزال اوخلاندی گل

 

گوردولر قومِ مخالف غشّ ایدوب بو ماهرو

بولدولر حاله گتورماقا بونی لازمدی سو

سو یرینه ویردیلر قان ایچدی سیراب اولدی بو

زهرلی پیکان ویروب تغییر حال اوخلاندی گل

 

بیر سارالمیش گُل آپارمشدیم صفِ هیجایه من

گَتدیم اما بیر قزل گل دسته سی لعلِ یمن

گیدیروب دشمن بالاما ارغوانی پیرهن

قرمزی اونّوک تکوبدور خونِ آل ، اوخلاندی گل

 

اللریم ، سینم ، یوزوم باجی گینه قانه باتوب

یوز گوزی قانلی ، الیم اوسته بالام راحت یاتوب

دنجلوبدور یوخلیوب سو فکرینی باشدان آتوب

گَل آپار گهواریه آهسته سال ، اوخلاندی گل

 

اوچ گجه گوندوزدی ایتمیشدی آناسین دلکباب

بیر دقیقه ساکت ایتسون چاره تاپموردی رباب

اوخ ایله لای لای دیوب گهواره سین ایتدی تراب

بیرده بو گهواره دن دورسون محال ، اوخلاندی گل

 

غشّدیدی اوخ دگنده دیسگنوب آچدی گوزین

گولدی بیر ، زهرا آنام آغوشینه آتدی اوزین

گولماقیندا کاملا" آندوردی مقصودین سوزین

گولماقین ایتدیم خداحافظ خیال ، اوخلاندی گل

 

آغلاماقدان سینه سی تنگه دوشوب باتمیشدی سس

ایتدی تیری اَمماقا پستان خیالیله هوس

طایرِ روحی اوچوب قالدی الیمده بوش قفس

بلبلِ گلزارِ زهرا اولدی لال ، اوخلاندی گل

 

چوخ خراش ایتمیشدی آجلیقدان ربابین سینه سین

اللری قانلی آپاردیم بو دُرِ گنجینه سین

یوز گوزی قانلی گتوردیم اکبرین آئینه سین

لیلیه بیکس رباب اولدی مثال ، اوخلاندی گل

 

چخدی ناگه خیمه دن بنتُ الوقار ، اُختُ الجلال

دولدوروب آفاقی گوردی ابرِ غم ، گَردِ ملال

اوخلانوب شمسِ امامت اللری اوسته هلال

سسلدی چکمه عزیزیم انفعال ، اوخلاندی گل

 

زینبون قربان خجالت جانوه ایتمه نوا

سنده یوخ چاره بو قومِ دون یوزی اولسون قرا

سن آپاردون بو امیدیله سو ویرسون اشقیا

اولمادی سو اولما چوخ غرقِ ملال ، اوخلاندی گل

 

باخ آقارمیش زلفیمه ای خسروِ گردون مدار

ویر بالامین قانینی آق زلفیمه ایلوم خضاب

ویردی قارداش ، آلدی باجی ، سسلدی ایوای رباب

هارداسان باغِ امیدونده نهال اوخلاندی گل

 

چوخ سنی تنگه گتورمشدی غمِ بی پایه سی

حالوه یاندی زبس رحم ایلدی اوخ دایه سی

سالدی بو سولموش گُله بیر خوشه سنبل سایه سی

ایلمز بیرده عطشدن ابتهال اوخلاندی گل.

 

یا حسین اوغلون (حسینی) آرزو ایلر مدام

قبروه اهلِ عزائیله گلوب ویرسون سلام

سس سسه ویرسونله قبرونده اوخونسون بو کلام

گل باجی گل ، اصغریم پژمرده حال اوخلاندی گل

 

مرحوم حسینی سعدی زمان

منبع مجموعه کانالهای مدح و مرثیه

موضوع: حضرت علی اصغر (ع) زبانحال ,
زبان شعر و شاعر: نوحه ترکی , حسینی سعدی زمان

 

------------

 

زندگینامه و آثار استاد سیدرضا حسینی

متخلص به (سعدی زمان)

 

درگذشت شاعر اهل بیت استاد "سید رضا حسینی"

ملقب به "سعدی زمان" (1365 ش)  

استاد سیدرضا حسینی مُلَقَّب به سعدی زمان

در سال 1289 شدر آذربایجان به دنیا آمد

و پس از تکمیل تحصیلات مقدماتی و

کسب علم در محضر استادان زمان،

در شمار فضلای سرشناس قرار گرفت. 

وی علاوه بر تبحر در ادبیات فارسی و ترکی و عربی،

به تحصیل علوم متداول، توجه عمیق نشان داد و توانست 

در کلام، منطق، تاریخ، حدیث، فقه، تفسیر قرآن و حقوق و

عرفان، اطلاعات وسیعی به دست آورد. 

سیدرضا از ابتدای تحصیل، قریحه شاعریش شکوفا شد و

از چهارده سالگی زبان به شعر گشود. 

هنوز جوان بود که نامش بر زبان‏ها افتاد

و به جهت خلوص نیت و دلبستگی شدیدی که

به خاندان عصمت و طهارت داشت، 

قریحه و قلمش را در زمینه نشر فضایل و مناقب و مراثی

آن بزرگواران به کارگرفت. 

وی در آن زمان با انتشار مجموعه شعریاش

در این زمینه، تحسین و تمجید علما و استادان نامدار

شعر و ادب را برانگیخت و شهرتش آذربایجان را فرا گرفت.

استاد حسینی یکی از درخشان‏ترین چهره ‏های ادبیاتِ

مرثیه ترکی است و با ظهور وی در این عرصه،

تحولی چشمگیر در روند عادی نوحه سرایی

و مدیحه‏پردازی زبانِ اسلامی پدید آمد. 

استاد حسینی سرگذشت و مصائب خاندان بزرگوار

رسالت و ولایت را از مآخذ معتبر اسلامی،

اعم از شیعه و سنّی استخراج می‏کرد و 

آنها را با زبانی شاعرانه و آمیزه‏ای از

حماسه و عاطفه بیان می‏نمود و

اشعاری گیرا و دلنشین می‏سرود. 

وی سعی داشت با استفاده از منابع معتبر،

مرثیه‏ های رسا و دور از آمیختگی به تحریف و

خرافات به وجود آوَرَد که تلاش او باعث ایجاد 

جریانی اصلاح‏گرا در عرصه ادبیات

و شعر مذهبی آذربایجان گردید.

از این شاعر متعهد،

آثار ادبی متعددی بر جای مانده که 

لمعات حسینی،

نجوم درخشان،

بهار بی‏خزان

و آثار الحسینی در 2 جلد از آن جمله ‏اند.

استاد سید رضا حسینی به وارستگی زیست

 تا آن که در تیرماه 1365 ش

در 76 سالگی درگذشت و در حرم حضرت عبدالعظیم دفن شد. 

موضوع: زندگینامه شعرا و مادحین ,
زبان شعر و شاعر: حسینی سعدی زمان

 

------------

 

مناجات در قتلگاه

 

ایلینده قتلگهده شاهِ دین راز و نیاز

بارگاهِ قدسدن سس گلدی گویا ایتمه ناز

 

باخما آغلور زینبِ کبری' حبیبی یاحسین

گَل یولون گوزلور آنان زهرا حبیبی یاحسین

 

ویرماقا جانان یولوندا جان ، ندور بو کش مکش

چوخ حراحت وار هواده جلدون ایلوب منکمش

یوم گوزون ، باخما فراته ، ایتمه تکرار العطش

قوی سوسوز قانون توکه اعدا حبیبی یاحسین

 

سن دِیَنده العطش ای فخرِ اولادِ خلیل

موج ایدور دریا کیمی جنّتده نهرِ سلسبیل

باش آچوب ساقیّ کوثر ، ناله ایلور جبرئیل

جدّون ایلور بزمِ غم برپا حبیبی یاحسین

 

بولدولر قانون اگر چه بی بها اهلِ جفا

ایتمه غم امّا ، اوزوم اولّام سنه من خونبها

درگهِ قدسونده عَبدِ رِقّ اولالّار ماسوا

ای قتیلِ شمرِ بی پروا حبیبی یاحسین

 

فرش ایدوبلر یولّارا گیسولرین حوریّه لر

انتظارِ مَقدمندور قدسیان با چشمِ تر

باخما ایلور داد و ناله زینبِ شوریده سر

باش آچوب فریاد ایدر لیلا حبیبی یاحسین

 

تشنه سن کوثر سنون ، بو جنّت المَأوی' سنون

عالَمِ اعلا سنون ، دنیا و مافیها سنون

دستگاهِ خلقتیم یکسر ، اوزوم حتّی' سنون

ماسوا حُکمونده دور یکجا حبیبی یاحسین

 

پرچمون باخما یاتوب ، لشگر سینوب ، یوخدور معین

دوغرانوب اکبر ، سالوب اعدا ابوالفضلین الین

وُور شفاعت بیرقین محشرده مقطوعُ الوَتین

حکموی کیم ردّ ایدر آیا؟ حبیبی یاحسین

 

تک قالوبسان جمع اولوب بیحد جماعت باشیوه

اون ایکی یردن دگوب کاری جراحت باشیوه

سوگلوم زیبنده دور تاجِ شفاعت باشیوه

سن اوزون سن شافعِ عُقبی' حبیبی یاحسین

 

سن کیمی هیچ عاشقین آبِ وضوسی قان دگول

گون قباقینده یارالی پیکری شان شان دگول

سجده گاهی داش یری ، مَسجَد دولی پیکان دگل

یاخشی ایتدون عهدیوه ایفا حبیبی یاحسین

 

کیم سنون تک سو یرینه لخته لخته قان ایچوب؟

قامتِ رعناسینه اوز اوغلنون خلعت بیچوب

شیرخواره اصغر و عبّاس و اکبردن گیچوب

دینِ اسلامی ایدوب احیا حبیبی یاحسین

 

باخما تیغ و خنجر الده اوستوه لشگر گلور

بیر طرفدن اوخ گلور ، بیر سمتدن خنجر گلور

باشون اوسته زینبِ مظلومه بی یاور گلور

دیده گریان دلده واویلا حبیبی یاحسین

 

سوزِ آهون یاندیرور عرشِ برین اهلین یاخور

چشمه چشمه بو یارالی پیکروندن قان آخور

عرشدن جدّون ، آتان حیدر ، آنان زهرا باخور

آغلور اهلِ عالَمِ بالا حبیبی یاحسین

 

ایلمه خنجر دمینده بیر بیله جوش و خروش

ساکنانِ عرشِ اعلادن آپاردون صبر و هوش

آز قالور گوز یاشون ایتسون نارِ نیرانی خموش

قاتلونده یانماسین اصلا حبیبی یاحسین

 

بو بوغازوندان آخان قانه حبیبیم ایتمه غم

اهلِ دوزخدن جزاده اولقدر عفو ایلرم

تا اوزون راضی اولارسان ای امامِ محتشم

شأنِ پنهانون اولار پیدا حبیبی یاحسین

 

ای عزیزِ فاطمه ای جدّ (سعدیّ زمان)

ایسته اولعرش آستان درباره گلسون میهمان

بو حسینی لر ، (حسینی) بیره (اشرف) نوحه خوان

سسلسونلر قبرون اوسته یا حبیبی یاحسین.

 

مرحوم علی اشرف شفیعی ،

مشهور به علی اشرف خیّاط

 

مرحوم حسینی سعدی زمان

منبع مجموعه کانالهای مدح و مرثیه

موضوع: حضرت امام حسین (ع) مناجات ,
زبان شعر و شاعر: نوحه ترکی , حسینی سعدی زمان

 

------------

 

آمدن ساربان در شام غریبان حضرت امام حسین (ع)

 

بلا چولینده او گون که شهید ایتدیله شاهی

خیامِ عصمتی یاندوردی شام و کوفه سپاهی

 

غروب ایلدی خورشید ، تاپدی خاتمه غارت

عقیلةُ العَربین گیتدی الدن عزّت و جاهی

 

یانان چادردا خواتینِ نازه ویروبله مسکن

سرشکِ چشملری ایتدی شرمسار میاهی

 

چخوب کناره دلِ شبده فاطمه قیزی زینب

کمالِ وحشتیله سینه سینده گزلدوب آهی

 

خمیده قدّیله آهسته گلدی تلّده دوردی

ویروردی وحشتینه اضطرابِ قلب ، گواهی

 

کمالِ خوفیله آغلار گوزی صاقا صولا باخدی

دوشوب او حالده قربانگهِ حسینه نگاهی

 

منای عشقده گوردی دوشن گُل اوزلی فدالر

نشان ویرولّه گُلی گلستاندا ، باغدا گیاهی

 

آیون دوشوب ایشیقی ، گورسنور یارالی بدنلر

ایدولّه جلبِ نظر ، کهربا چکر نجه کاهی

 

مناظرِ اسف انگیزه حیرتیله باخوردی

جنازه لر آراسیندا گوروب گوروندی سیاهی

 

ئولنلره او سیاهی باخور گچور متحیّر

خمیده قدّین ایدور گاه ، راست قدّینی گاهی

 

او وضعِ حالی گورنده بتوله نائیه بولدی

که سارباندی گلوب آختارور جنازهء شاهی

 

پوزولدی حالِ پریشانی ، قلبِ پاکی دوگوندی

بولوب او مجمعه گلماقدا وار نه فکرِ تباهی

 

کومک لیقا گیده بولموردی ، دیزلری یریموردی

توان و طاقتین آلمیشدی اضطراب و دواهی

 

کسیلدی چاره سی هر یاندان اضطرارده قالدی

یوزین دوتوبدی سپهره مخاطب ایلدی ماهی

 

حسینه رحم ایله ای قرصِ ماه ، نوروی گیزلت

که بلکه ظلمت اولا ، ساربان تاپانمیا راهی

 

گلور الین کسه ، ایوای یوخدی بیر دییَن آخر

ندور بو یالقیز اوغولسوز غریب شاه گناهی

 

باشین کسوبله سویوبلار لباسینی ، قالوب عریان

بو بیکسین گوروسن یوخدی بیر معین و پناهی

 

کلامِ ناطقین اعضاسین ایلیوبله اوراق

بولوبدی قتلینی امرِ ثواب ، قوم مناهی

 

بیر آسماندی وجودِ شریفی ، زخمی ستاره

محالدور که سایا بیر نفر فلکده ستاهی

 

نگینِ دستِ سلیمانی ، اهرمن آپاروبدی

محالدور تاپا بلقیس رو عیالی رفاهی

 

امامین ئولدوروب ، اسلام دینیمزدی دیَن لر

و لیک کفردی اسلامده بو دعویّ واهی

 

مدینه یوسفی ، گرگانِ شام الینده قالوبدی

عزیزِ فاطمه نین قانلی قنلگاهیدی چاهی

 

امامتین گونی ایلوب غروب قانلی شفقده

دولوبدی ابرِ بلائیله جوّ لایتناهی

 

آخوب یارالارینون قانی قتلگهده ورور موج

باخان دییر که شناوردی قانلی لجّه ده ماهی

 

غروب ایله و یا سال بولوتدان عارضه پرده

گورنمسین اونی جمّالِ کور چشم کماهی

 

(حسینی) گر چه مقصّردی ، لیک عمرِ عزیزین

بو آستانه ده صرف ایلیوب ، باغشلا الهی

 

سنه اوزون بولوسن ایتمیوب مخالفت عمدا"

حسینه ، زینبِ کبرایه ، گچ اگر اولا ساهی.

 

مرحوم حسینی سعدی زمان

منبع مجموعه کانالهای مدح و مرثیه

موضوع: حضرت امام حسین (ع) شام غریبان ,
زبان شعر و شاعر: نوحه ترکی , حسینی سعدی زمان

 

------------

 

غزل

 

دل دولوبدور غنچه تک قانیله دلدار آختارور

گوز بولود تک یاش توکور گُل یوزلی بیر یار آختارور

 

دیده ی شب زنده داریم صبحه تک اولدوز سایور

هریانا حیران باخور بیر ماه رخسار آختارور

 

چشمه ی چشمیمده وار بیر سرو قامت منظری

دل ویروب باش دیده دن بیر سرو رفتار آختارور

 

اوزگه لر اولسا سلامت یا گوزل گوز عاشقی

عشق بیماری همیشه چشم بیمار آختارور

 

تارِ عمریم بسته دور بیر نقطه ی خال لبه

گوزلریم بو نقطه نی مانند پرگار آختارور

 

ایلیوب تارِ دله تاثیر مضراب فراق

شوریله ایلور نوا بیر طُرّه ی تار آختارور

 

من شکسته قلبیله نورسته بیر گُل عاشقی

حیف اولا گُل گُلستاندا صحبت خار آختارور

 

آیریلان گوندن گُلیمدن باخمارام رنگ گُله

قان اولان گوگلوم نه گُل نه سیر گُلزار آختارور

 

نینوا دشتنده سالّام یاده بیر خندان گُلی

ایله بیر گُل گُلستانلار تا جهان وار آختارور

 

بیر قوجا قدّی بوکولموش باغبانی وار اونون

باغبانی اوز گُلین گُلزاریده زار آختارور

 

گُل نه گُل گُللر او نا عاشق، علی اکبر آدی

بیر اوغولسوز شه اونی میداندا آغلار آختارور

 

جور و بیداد مخالفدن شهنشاه حجاز

قوس قامتله نشان تیر اشرار آختارور

 

وای اوغول دلده، محاسن اَلده، گوزده خونِ دل

اوز جوان اوغلین آتا با چشم خونبار آختارور

 

گه گیدور، گه سَسلَنور ای نوجوانیم هارداسان

بُلموسن یالقوز آتان بیر یاور و یار آختارور؟

 

هارداسان، سَس ویر، سسون قربانی دوشدوم نطقدن

نخله ی عمریم سنون تک حاصل و بار آختارور

 

خیمه دن عرشه چخوبدور وا علیّا ناله سی

جدّیمون آئینه سین اولاد اطهار آختارور

 

چوخ دولاندی تاپدی آخِر باغبان اوز نوگُلین

بیر گُله مین خار گوردی قصد آزار آختارور

 

شه گوروب شهزاده نی بی اختیار آتدان دوشوب

کوفیان گوردی آتا، فرزند دلدار آختارور

 

قلبینون بندین قیروبلار، دیزلری گَلمور دورا

قلب عالم، طاقت دلبند مضمار آختارور

 

عین عین اللهی قانیاش دولدوروب درای کیمی

ایله بیر دریا همیشه ابر آزار آختارور

 

چشمه ی چشمی یوزه اشکین توکر باران کیمی

اوز عزیزین عزّت دنیا و دین خوار آختارور

 

دیزلری اوسته سوروندی شاهِ دین یِتدی قدم

گوردولر قلبی سینوب، جَبریله جبّار آختارور

 

تا یِتیشدی باغرینا باسدی داغیلمیش پیکرین

سسلدی دور، بو کمکسیز بیر مددکار آختارور

 

قویدولار یالقوز اوغولسوز من غریبی کوفیان

بو غریبین قتلینی قرخ مین جفاکار آختارور

 

بو منیم قانیمدی جسموندن رواندور سو کیمی

قانیمون سفگین عبث بو قوم خونخوار آختارور

 

من اوزوم اُلّم اگر بو قوم دون اُلدورمَسه

قتلیمه بی جا سپاه کینه اصرار آختارور

 

ای حسینی خوش اثردور سوزلرون سندن صورا

صاحب علم و هنر عالمده آثار آختارور

 

ارزش اشعاروی با فضل شعر اهلی بُلر

شخص دانشمند و فاضل بیله اشعار آختارور

 

مرحوم حسینی سعدی زمان

موضوع: غزل ,
زبان شعر و شاعر: نوحه ترکی , حسینی سعدی زمان

 

------------

 

بهاریه و گریز به روضۀ حضرت علی اکبر (علیه السلام)

 

بهار اولدی گوروندی آیت توحید دنیاده

سالندی گلستانه بر زمرّد رنگ سجّاده

 

اولان سرگرم وحدت معتکف کاشانۀ غمده

دولانسون گلشنی باخسون قد دلجوی شمشاده

 

تفکّر ایلسون تغییر فصل و وضع گلزاری

ندور علّت گیدور آز وقتده وضع چمن باده

 

ایدوب گلده عجب اظهار قدرت خالق یکتا

هویدا ذات مکنونی ایدوب هر چشم بیناده

 

نه یالقوز گل نه تک سنبل نباتات چمن یکسر

باخاندا وَحدَهُ وَحدَه دیر ظاهرده معناده

 

گل سرخ اوسته نقّاش حقیقی گوستروب قدرت

آچوبدور باب توحیده اونون هر برگی مینجاده

 

ویروب صبّاغ حکمت هر گله بیر نقش رنگارنگ

طبیعی آنلاسون وار مقتدر خالق بو دنیاده

 

شقایق اشرفی رعنا حنائی یاسمن صد برگ

دِیَر اوز رنگ بوینده نه قدرت واردی یکتاده

 

گل بید و بنفشه نرگس و اژدر دهن سوسن

ایدر اثبات توحیدی سمن تک لفظ و معناده

 

مرتّب بر بساط جشن گلشنده اولوب برپا

مُبرهن گورسنور بر موجدقادر وار اخفاده

 

وجوده موجده هر شیئی بر برهان انّی دور

هواده طیر و وحشی چولده ماهی قعر دریاده

 

نسیم صبح اولوب ساقی پیاله لاله می شبنم

او بزم عیشده شوریده بلبل نوش ایدر باده

 

خمار عشق ایدوبدور عندلیبی نرگس مخمور

یاتار گه شاخۀ گلده قونار گه سرو آزاده

 

گُله وار عشقی دلدن جور و طعن خاره تاب ایلر

سالار یاده خزان فصلین وورار جه جه گلور داده

 

غم هجره دوزوبدور دامن وصله وروبدور چنگ

اوخور درس وفا گلدوقجه شاخ گلده فریاده

 

اگر چه موسم عیش و فرح دور فصل گل امّا

منیم قلبیم آچلمور قید غمدن اولمور آزاده

 

گریز

 

خیالیم نه چمن نه عشق گل نه ذوق بلبلدور

دیار کربلاده سالموشام بر نوگلی یاده

 

نجه گل عارضی رشگ گل و گلزار جنّتدور

قد موزونی قویموش داغ حسرت قلب طوباده

 

بشر صورت ملک طلعت اوزی تصویر پیغمبر

آدی اکبردی گلمز گلمیوب مانندی ایجاده

 

یوزی گل زلفی سنبل بینوا لیلا اونا بلبل

باخار آغلار یانار شوریده بلبل تک او صحراده

 

هوائین ایسّسی سوز عطش ایلوب یوزین گلگون

قویار طاقت نجه او حُسنِ روز افزونی لیلاده

 

قرا زُلف آق کفن رخسار گلگون قامت موزون

سالوب سرو آتدا گویا سایه سنبل برگ رعناده

 

ایدوب اوز زلفی تک مجنون کیمی لیلانی آشفته

ورُوبدور بوینونا هر تار مو بر سخت قلّاده

 

باخان سویلر گل لیلا چکوب نقّاش غم تصویر

بو لیلادور هانی روحی یقین صورتدی دیباده

 

ویرور اولقالب بیروحه دو هردم مسیحا دم

جگر قان اولماقین توضیح ایدور گوز اشگ حمراده

 

دیور ایلوب علی بو قاره زلفون بختیمی قاره

گرک آشفته زلفون تک قالام عمریمجه افتاده

 

بو نه قامتدی لیلایه قیامنده قیامتدور

گورونمز لیلیه بیله قیامت حشر عظماده

 

غزال مشگمو آهو باخیشلی گوزلریم نوری

حرم آهوسی تک دوشسن بوگون سن دام صیّاده

 

دوشر صحرالره لیلا مَلَر آغلار یولار گیسو

باخاندا حالینه آغلار یانار اعلاده ادناده

 

دِیَنده وای علی اکبر جوانیم وای اوغول ایوای

منیله سس سسه زهرا ویرر جنّات اعلاده

 

آلوبدور شاهد غیبی سنون آرامیوی اَلدن

اودور جان ویرماقا دلدن اولوبسان بیله آماده

 

منه چوخ باخما یانما ای گوزوم نوری گیدورسن گیت

یانوب یاندیرما لیلانی شرار آهه شهزاده

 

اوزون راضی آتان راضی رضایم منده بو حاله

اگر چه طاقتیم یوخ قان گورم بو چشم شهلاده

 

رضایم پیکرون اولسون گل صد برگ تک صد چاک

بو چشم نرگسون قانیله دولسون دشت هیجاده

 

دوزولسون شدّۀ مرجان کیمی قان تار زلفونده

باخان رحم ایلسون گرچه مروّت یوخدی اعداده

 

بو کوی عشقده باش ویر آناوی سرفراز ایله

قیام حشردور باخما خیام آل طاهاده

 

ترقّی عالمین سیر ایت اوجات احکام اسلامی

گیدنده نیزه ده شامه گلر آردونجا لیلاده

 

جدا باشندا تبلیغات اسلام ایله سن سنده

دیار شامده محملده بانگ وا علیّاده

 

گلنده قتلگاهه دست بسته پیکرون اوسته

کسنده باشوی عجز ایلرم بیرحم جلّاده

 

وُراندا باشیمه قمچی منه بیر دادخواه اولماز

کیمی سسلر اوغولسوز لار بلا وقتینده امداده

 

«حسینی» معدن جود و کرمدور بو علی اکبر

ویرر عالی جزا یوم الجزا مطلق بو افراده

 

مرحوم  حسینی سعدی زمان

موضوع: حضرت علی اکبر (ع) احوالات ,
زبان شعر و شاعر: نوحه ترکی , حسینی سعدی زمان

 

------------

 

توحید و نبوّت

 

تمام عالم ِتکوینه ایلینده نگاه

معاینه دیوری لا اله الا الله

 

اثر مؤثّرین عقلا" اولوبدی مرآتی

گرکدی موجده موجودین اولسون اثباتی

 

قدم بو دایره ی خلقته قویان موجود

بصیر اولسا گورر اختلافِ آیاتی

 

بو یر ، بو گوی ، بو کواکب دلیلِ اِنّی دور

کی واردی بیر یارادان یرلری سماواتی

 

وجودینی تانیان خالقین تانور مطلق

عقول درک ائده بولمز ولی ندور ذاتی

 

کتابِ معرفةُ الله دور هامی عالَم

اوزون نشان ویره حق ، خلق ایدوب بو مرآتی

 

نه جوهر و نه عَرَض دور ، نه نوردور نه بشر

بولر غیوبی ، گورر سر به سر خفیّاتی

 

علیم و قادر و فعّال و حیّ و مُدرِک و فرد

اودور خلایقه پخش ایلین فیوضاتی

 

نه درک ایدر اونی عقل و قیاس و نه اوهام

اونون مشیّتی دور دفع ایدن مُلمّاتی

 

بیری بو نکته نی بولسه اولار موحّدِ محض

بناده بانیِ اصلین ندور علاماتی

 

بو کُون عالمی ایجاد اولمیوب بیجا

سببدی خلقته گور حُبّده مقاماتی

 

خدای عالَمین اون دوت نفردی منظوری

که گوستریب بو شئوناتی بو کراماتی

 

ولیک صادرِ اوّل نبیّ اُمّی دور

کی جمله ما خلقَ اللهه وار مباهاتی

 

خدادی علّتِ بی علّت ، علّته یول یوخ

او علّتین بودی معلولی گور شئوناتی

 

اولوبدی نوری ازل نور ِحقّدن مُشتقّ

جلال و رتبیه باخ انبیادی لمعاتی

 

یر اوسته اسمی محمّدور (ص) ، عرشده احمد

بو اسمدور هامونون قبله گاه ِحاجاتی

 

اوزی بشیر و نذیر ، عالمه سراجِ منیر

بو نورِ پاک ایشقلاندیریبدی ظلماتی

 

بو قطب دایره دور ، ماسوا بونا پرگار

بو نقطه مات قویوب کائنات و ذرّاتی

 

بو خطّ دایره نصف اولسا صِدق اولار قوسِین

اودور یازیلّا که سِیر ایلیوب حجاباتی

 

ایدیب بو سِیریده معراج قابِ قوسِینه

یر و گوی اهلینه شامل اولوب فیوضاتی

 

بو نوری اوّل خلقتده خلق ایدیب خلّاق

سالوبدی آخره وار سِرّی جدّ ساداتی

 

سنه (حسینی) اولوب لطفِ خاص جدّوندن

اودور یازیب قلمین بو متین بیاناتی.

 

مرحوم حسینی سعدی زمان

منبع مجموعه کانالهای مدح و مرثیه

موضوع: سایر موضوعات ,
زبان شعر و شاعر: نوحه ترکی , حسینی سعدی زمان

 

------------

 

زبانحال حضرت زینب کبری (سلام الله)

بآفتاب در روز عاشورا

 

غارت گونی عوالمه چون دوشدی انقلاب

زهرا قیزی دوتوب گونه یوز ایلدی خطاب

 

باتدی اسلامین گونی ای گون نه رخوتدور بو گون

سنده بات غارت تمام اولسون قیامتدور بو گون

 

سن بو گون طالع اولاندان کونه دوشموش انقلاب

تک نه صحرای بلا ایلور عوالم اضطراب

گورموسن بیر آسمان ماه و نجوم و آفتاب

باتدی قان دریاسینه سنده نه غفلتدور بو گون

 

گورموسن اولموش هدایت آسمانی منفطر

گورموسن اولدوزلاری یرده توکولموش منتثر

حشر و نشر اولموش بدنلر یر یوزینده منتشر

بیر قیامتدور قیامتدن علامتدور بو گون

 

بو گونون بیر نصف روزی نچه ساعتدور مگر؟

 وار بو آز ساعتده بیر دنیا حوادثدن خبر

توکدی بیر قانلار بو گون اشرار اولاد بشر

قطره سی دریای راز بدو خلقتدور بو گون

 

بیر جوانلار توکدی قانلی تپراقا قوم رذیل

هر بیری پیر طریقت اهلینه پیر نبیل

خانقاه عشقیده مسند نشین بی عدیل

پیروانی رهروان حق طریقتدور بو گون

 

مردلر الدوردولر تزویریله  نا مردیلر

مردلر که لافتی تک منحصر برفردیلر

وار دل مردان عالمده بو غمدن دردیلر

شیر مردان دردمند بی نهایتدور بو گون

 

قوه نوریه وی اسکیت پیمبردن اوتان

حدت ناریه وی آرتورما حیردن اوتان

جبرئیل لایلای دین  صد پاره پیکردن اوتان

یاندی روح فاطمه بو نه حرارتدور بو گون

 

توکدی بیر قانلار عنادیله بو گون قوم عنود

قطره بقطره او قانلار صاحبی حی ودود

آه اگر طعنه وورا اسلامه کفاریهود

چون او قانلار ننگی دامنگیر امتدور بوگون

 

باتموسان  یوخسا دچار درد بی درمانیسن

یا ایتوردون مغربون سیرینده سر گردانیسن

بات هایان گلدی ولو مشرق نیه حیرانیسن

گرچه عالملر غریق بحر حیرتدور بو گون

 

کوفیان قطب وجودی سیندوروب  یخدی یره

خط سیریندن چیخار قطب اولمیاندا دایره

گودموسن بی نظم اولوب دگموش عوالم بیر بیره

بو منظم سیریوه داعی نه علتدور بو گون

 

بیر جنایت ایلیوب آل امیه آشکار

گورمیوب گورمز نظیرین بیر ده چشم روزکار

صفحه تاریخ اعراب اولدی یکسر لکه دار

آل هاشم صفحه سی تاریخه زینتدور بو گون

 

بات یوبانما ایلمه باتماقدا بیر لحظه درنگ

قوی دوتا دنیانی بو روز سیه شبدیز رنگ

تا گوراخ هاردان هارا اولدوزلار آخموش لنگ لنگ

خوردا قیزلار حالی چوللرده نه حالتدور بو گون

 

امر قتله خاتمه ویردی بو گون قوم ظلام

تنگه گلدی خوردا قیزلار اولموری غارت تمام

معجر استنده کشاکشدور بات اولسون تیره شام

هر قدر تیز باتسان آل للهه نصرتدور بوگون

 

یاز حسینی صفحه رخساره بو غم چامه سین

قویما خشک اولسون مداد اشک و مژگان خامه سین

صالحات ایلر بو نامه سیئاتین نامه سین

اجریوه (ذهنیده) ذیحق شراکتدور بو گون

 

مرحومین حسینی سعدی زمان و ذهنی زاده

منبع کانال گنجینه گذشتگان

موضوع: احوالات تاسوعا و عاشورا ,
زبان شعر و شاعر: نوحه ترکی , حسینی سعدی زمان , ذهنی زاده

 

------------

 

خطاب حضرت زینب کبری (سلام الله) به آفتاب در روز عاشورا

 

عریان گورنده قاردا شینی دخت بوتراب

یوز دوتدی آفتابه طرف ایلدی خطاب

 

ای گون ندور بو سوزشون اودلاندی قارداشیم

رحم ایله گورموسن مگر عریاندی قارداشیم

 

بیر آز شرار قوه ناریه وی آزات

آرتورما اوز حرارتیوی یاندی قارداشیم

 

بی غسل و بیکفن قالوب عریان جنازه سی

یوخ بیر نفر دیسون که مسلماندی قارداشیم

 

شیرازه دن چیخوب داغیلوبدور ورق ورق

پامال اولان صحایف فرقاندی قارداشیم

 

وار گورموسن عوالم امکاندا انقلاب

قطب مدار عالم امکاندی قارداشیم

 

ایمانی اولمیانلار ایدور ادعای دین

بلموله اصل جوهر ایماندی قارداشیم

 

قرآن کتابمیزدی دینلر کسوب باشین

روح کتاب و معنی قرآندی قارداشیم

 

گزلت یوزین جمالیوه سال ابریدن حجاب

قانلی شفقده مهر درخشاندی قارداشیم

 

وار کافر اولسا شرعیده مهمانه  احترام

بیر کس ترحم ایتمدی مهماندی قارداشیم

 

اولدی مباح سو بو قوناقدان مضایقه

یاندی سوسوزدان اود دوتوب  اودلاندی  قارداشیم

 

قانلی گوزی فراته باخور نوک نیزه دن

معلوم اولان که ایمدیده عطشاندی قارداشیم

 

نه باشی وار بدنده  بیلکده نه اللری

تپراقلار استه قانینه غلطاندی قارداشیم

 

آت دیرناقی ایله داغیدوب یغماق اولموری

اعضاسینی که خاکیله یکساندی قارداشیم

 

قانین حلال فرض ایلیوب هر گلن ووروب

بیر پارچا شیشه دن توکو لن قاندی قارداشیم

 

اوخلار اوخ استینه وورولوب جسمی گزلنوب

یوخ اوخلارین چکن دولی پیکاندی قارداشیم

 

گودال قتلگاهی ایله دولدوروبدی داش

گورسنموری جنازه سی پنهاندی قارداشیم

 

جسمین قویوبلا قسمته قربان تک اهل شام

جدی قویان شریعته قرباندی قارداشیم

 

آل امیه ایلمسون دینی ملعبه

عالمده ملک دینه نکهباندی قارداشیم

 

هر بی شرف که بیر یارا ووردی وجودینه

جانان یولوندا عین شرف ساندی قارداشیم

 

بیر دسته آتشی گله بنزر یارالاری

سویلر گورن صفالی گلستاندی قارداشیم

 

آللهی دینی مذهبی انکار ایدنلره

دنیا بوئی مبلغ یزداندی قارداشیم

 

قارداشمین آدیله مجالس اولار بنا

احکام دین دیولماقا عنواندی قارداشیم

 

معلوم اولان یانورسان اودور وار حرارتین

آغلا  سو سپ جنازه سینه یاندی قارداشیم

 

خاک شفادی تربتی درد (حسینیه)

هر درد بیدوا اولا درماندی قارداشیم

 

مرحوم حسینی سعدی زمان

منبع کانال گنجینه گذشتگان

موضوع: احوالات تاسوعا و عاشورا ,
زبان شعر و شاعر: نوحه ترکی , حسینی سعدی زمان

 

------------

 

احوالات روز عاشورا

 

ای شیعه گل نوایه ساخلا عزا حسینه

عصرین امامی اغلار صبح و مسا حسینه

 

قاره گیوب اچوب باش یاسه باتوبدی یاسین

فریاد و ناله ایلر خیر الورا حسینه

 

جنتده وا حسینا ایلوب دلینده ازبر

بزم عزا قوروبدور شیر خدا حسینه

 

ماتم سرادی گوگلر یاسه باتوب ملکلر

صاحب عزادی داور گلگون قبا حسینه

 

چرخ چهارم استه عیسی بن مریم اغلار

سکان عرش اعظم ایلر نوا حسینه

 

عرشه چکوبله قاره غمله دولوب حجابات

کروبیان قوروبلار بزم عزا حسینه

 

نه عرش و فرش و کرسی نه نه فلک نه جنت

افاق اولوب سراسر ماتم سرا حسینه

 

ثارالله اولمیوبدور بیجا او شاه مظلوم

اولوبدی دین فداسی حق خونبها حسینه

 

گوردی اولوبدی غالب ظلمت شعاع دینه

تاثیر ایدوب بو محنت کان وفا حسینه

 

باشدان گیچوبدی ویردی دین مبینه رونق

عین بلا او یر ده اولدی ولا حسینه

 

انصاری دوغرانوبدور یالقوز قالوب او مولا

جرئت تابوب او وقته اهل جفا حسینه

 

کرببلا چولینده اولدی قیام محشر

فریاد او وقتدن اچدی ال اشقیا حسینه

 

داشیله سجده گاهین سیندوردی بیر ستمگر

رحم ایتمیوبدی اصلا اول بیحیا حسینه

 

قان اخدی سجده گهدن وجه الله اولدی رنگین

فریاده گلدی باخدی شمس الضحا حسینه

 

بیراهنیله قانین اول شاه دین سیلردی

یوز ویردی اوزگه بیر غم نور هدا حسینه

 

بیر بیحیا اتوبدور بیر زهردار بیکان

رحم ایتمیوب او ظلمی گوردی روا حسینه

 

زهر ایسلانوب هواده اوچ شعبه اوخ بر اچدی

زهرانین الدی صبرین اوخ دگدی تا حسینه

 

قلب شریفین ایلوب مجروح او تیر کینه

قان اغلادی او دمده ارض و سما حسینه

 

چکدی دالی طرفدن بیکانی شاه عطشان

باب وصال اچوب اوخ باب سخا حسینه

 

بیحال اولوب یخیلدی اوز قبرینین یرینه

قان ایچره مسکن اولدی فوق الثرا حسینه

 

قطب مدار عالم ایشدن دوروب دایاندی

لمعات حق سالدی بیر انجلا حسینه

 

غش ایتدی نچه ساعت گلدی دوباره هوشه

مینلر شقی ال اچدی اول باوفا حسینه

 

اوخ توکدولر اوخ استن باران کیمی دمادم

یاغدوردی نوک بیکان ابر بلا حسینه

 

عاجزدی دل ننوعی شرح ایلیوم او حالین

اشرار دین ووروبلار چوخلی یارا حسینه

 

شمرین گوزین دوتوب قان ایریلدی دسته لردن

دوشدی بو فکره ایتسون جور و جفا حسینه

 

چیخدی ایاقدا چکمه اول سینه شریفه

ایلوبدی هتک حرمت شمر دغا حسینه

 

یا فاطمه (حسینی) غمدن گلوبدی تنگه

وار دردی دلده اغلار صبح و مسا حسینه

 

اما سیزدن ساری چوخ گوزلری یولاردا قالان وار

سیز گیدندن  صورا معلوم اولالی چوخ قوجالان وار

چوخلی رنگی سارالان وار

 

انالار داغی سهندین داغی تک بیرجه داغ اولدی

چوخلی بیل سیندی بوکولدی قارا بیرچکلر اق اولدی

سحر اخشام گیجه گوز یاشلاری اخدی بولاغ اولدی

غم قالاندی قالاغ اولدی

 

ای بولاخلار سیل اولوب کفر ایوی بر باد اولاجاقدور

او یانیق قلبلرین اهی دا فریاد اولاجاقدور

یر یوزی داد اولاجاقدور

 

بیله مظلوم لرین اهینی الله یره سالماز

بوزولار ظالمین ارکانی بو ظلم اخره قالماز

کفر بایداقی اوجالماز

 

مرحوم حسینی سعدی زمان

منبع کانال گنجینه گذشتگان 

موضوع: احوالات تاسوعا و عاشورا ,
زبان شعر و شاعر: نوحه ترکی , حسینی سعدی زمان

 

------------

 

اثرات عشق در خرابه شام

 

او شرح عشقی که گل گلستاندا خاره یازار

اونون نظیرینی یار عاشق فگاره یازار

 

او سر عشقی که بلبل یازار چمنده گله

اونی سرشکیله عاشق وفالی یاره یازار

 

بو درد عشقه دوا یازمیوب خدای حکیم

بو رمزی لاله اودور قلب داغداره یازار

 

هامی فلاسفه عالمی اگر یغالار

دیمه بو درده دوا یا بیر اوزگه چاره یازار

 

سالان مشقته فرهادی شور شیرین دور

که بی ستودندا وفا درسی کوهساره یازار

 

عراق دشتینه مجنون سالوب نوای حجاز

گهی وفاسینی گزلین گه اشکاره یازار

 

کنار شمعیده پروانه یاندورار پرینی

شکسته دل اودینی جلوه گاه ناره یازار

 

اولان مقام همایون عشقیدن اگاه

سوزین گدا کیمی دربار شهریاره یازار

 

مقام عشق حسینیده گور نجه زینب

عریضه بیر یارالی شاه تاجداره یازار

 

ابو تراب قیزی یوز قویوب تراب استه

سرشکیله غم هجری ایدر شماره یازار

 

گوزی دوات مرکب سرشکی کاغذی خاک

خزان جفاسینی سلطان نوبهاره یازار

 

دیر دوشنده یولون ای صبا بلا چولینه

اوخی حسینیمه زینب اوکی  عذاره یازار

 

دی یاتما قبریده دور شامیده خرابیه گل

گور اشک چشمیله زینب نلر جداره یازار

 

خرابه لرده عزیزه قیزین اجندان الور

حیا ایدور دیماقا چهر پر غباره یازار

 

یازار سرشکی یوزینده احام سیلر زلفی

گوزی بو کلمه نی رخسارینه دوباره یازار

 

اورک داش اولسا دایانماز یانقلی سوزلرینه

سرشک قطره لری طعنه چشمه ساره یازار

 

یتیملوق غمی-غربت-اسیرلیق دردی

هر اه سردیله مین شرح انکساره یازار

 

اوزی دیمور باورم من نه دردی وار بالامین

سالار دله سوزینی قلب زخمداره یازار

 

گورور لباسینی کهنه اوشاقدی غصه لنور

گوزینده قلب سوزین در شاهواره یازار

 

اگرچه خوردا اوشاقدور ولیک عاقله دور

اسیر اولانلارا مشق عز و اعتباره یازار

 

سرشک چشمیله تپراقلارا باشی استه

علی اکبرین ادین بو ماهپاره یازار

 

بالاسی اوخلانان اهو کیمی رباب ملر

خرابه نی دولانور اسم شیر خواره یازار

 

باخار سکینیه اشکیله دولدورار گوزینی

شرار اهی دل زینبه شراره یازار

 

گورور که درده یتن یوخ علی قیزی کلثوم

عریضه اشکیله عباس نامداره یازار

 

قلم اورک سوزین ای (سعدی زمان) یازمور

اگر الی یته ششگو شه لی مزاره یازار

 

فشار دهر سنون باخما سیندوروب قلمون

گینه یازانلار ایدر سندن استعاره یازار

 

 مرحوم حسینی سعدی زمان

منبع کانال گنجینه گذشتگان

موضوع: احوالات خرابه شام ,
زبان شعر و شاعر: نوحه ترکی , حسینی سعدی زمان

 

------------

 

میلاد باسعادت حضرت امام زمان (عج)

 

امروز خاک دارد از افلاک برتری

عالم کند بروضه رضوان برابری

خنیا گر است زهره و رقاص مشتری

ای بلبلان گلشن شرع پیمبری

بشری گلی شگفت به گلزار حیدری

 

در گلشنی نرسته چنین نو گلی نکو

زین گل گرفته گلشن توحید رنگ و بو

احمد صفت علی شجاعت حسین خو

ان یازده بنفشه که رستند پیش از او

بر این گل دوازدهم کرده رهبری

 

از گل پر است گلستان احمدی

زین گلشن است رونق فردوس سرمدی

زیب چمن بود گل سرخ از مویدی

روتق فزود بر گل سرخ محمدی

این غنچه کامد از ورق سبز جعفری

 

هر گوشه ای ز جلوه حق گشت طور حق

مدهوش اهل دل چو کلم از ظهور حق

تنها مکه است و منابر ز شور حق

شد خاک پاک سامره سینای نور حق

اما (هنو) پرستد گوساله سامری

 

ان غایب از نظر که پس پرده اندر است

مزروق یمن وی همه عالم سراسر است

مشمول لطف او همه دیندار و کافر است

خفاش گر چه منکر خورشید انور است

اما نه در خور است شود خور از او بری

 

این گوهری که در صدفش حق ذخبره گشت

از طلعتش دو دیده خورشید خیره گشت

از قهر اوست سر زده فرعون خیره گشت

موسی زبهر اوست که أنگونه چیره گشت

چوبین عصاش بر همه الات ساحری

 

ای عرش حق ز کاخ جلال تو پایه ای

ای قدرتت زقدرت دادار ایه ای

جان جهانیان به وجودت وقایه ای

ای افتاب عدل بیانداز سایه ای

بر افتاب کشور عدل مظفری

 

ای (سعدی زمان) بتو کو قدر و منزلت؟

تا باشدت ز شاه جهان چشم مکرمت

از دامنش بگیر و بگو بهر مغفرت

بر ایتی شها نظری کن ز مرحمت

کاندر خور خور است مها ذره پروری

 

مرحوم حسینی سعدی زمان

منبع کانال گنجینه گذشتگان 

موضوع: نیمه شعبان ,
زبان شعر و شاعر: نوحه فارسی , حسینی سعدی زمان

 

------------

 

در ولادت حضرت علی بن موسی الرضا (ع)

 

ویردی باش چرخ امامتدن بوگون شمس الشموس

قیلدی آفاقی منوّر طلعت سلطان طوس

 

اون ایکی تعیین اولوب قرآندا تعداد شهور

دوردینی شهرالحرام ایلوب خداوند غفور

یعنی حجّت اون ایکی  دوردی علی  مشکوة نور

بو اوچومجی بیر علی دینه تولّاسی رؤس

 

قدحدور مدحنده عرض ایتسم جمالی ماهدور

گون بو خورشیدون هواسینده غبار راهدور

سرّی سرّالله دور وجهی جمال الله دور

پردۀ صبح ازلده نور آلوب بوندان عکوس

 

یوخ صفات و ذات حقّه فارق و فاضل نکات

ذاتی نور پاک حقّ آئینۀ اوصاف و ذات

بحر قدرت  لنگر خلقتدی کشتی نجات

ناخدای فلک دین هنگام طوفان شئوس

 

خسف ایدر یر اهلنی انسان کامل اولماسا

گوگ دایانماز بی ستون معصوم حایل اولماسا

درک ایدر بو مطلبی هر کیمسه جاهل اولماسا

عالمه سائسدی حجت حجّته عالم مَسوس

 

قبلۀ هفتم امام هشتم اهل یقین

کلمۀ توحیده سگّز منجی شرط و اصل دین

کمترین جاروب کش دربارینه روح الامین

آستانون اُپماقا حسرتده چرخ آبنوس

 

تا حجابات حریمی رفع  الله ایلدی

رنگ طور آفاقی اوز نوریله ناگاه ایلدی

لن ترانی سرّینه موسانی آگاه ایلدی

اولدی بو طوره کلیم عشق  ارواح و نفوس

 

قلب امکان روح ایماندور ولیّ ذوالجلال

دفتر ایجادده دیباچۀ فضل و کمال

نیّر شأن عظیمی گورمیوب گورمز زوال

گرچه خورشیدی زواله سوق ایدر لیل عَبوس

 

نقل ایدر نصّ پیمبردن ائمه بیر بیره

ایستین الله رضاسین  ضاحکه  مستبشره

بو شهین اولسون تولّا نقطه سینده دائره

اولمیان بو نقطیه پرگار ایدر آه و فسوس ...

 

مرحوم حسینی سعدی زمان

منبع کانال گنجینه گذشتگان

موضوع: حضرت امام رضا (ع) میلاد ,
زبان شعر و شاعر: نوحه ترکی , حسینی سعدی زمان

 

------------

 

زبانحال حضرت امام حسین (علیه السلام) در بالین حضرت ابوالفضل (علیه السلام)

 

گلمیشم آچگوزلرون سرلشگریم قارداش اویان

ای علمدار سپاهیم یاوریم قارداش اویان

 

تا سسون گلدی خیامه ای یوزی بدر تمام

عترتیم باش آچدی، ایتدی عالم محشر، قیام

وا ابوالفضلا سسندن سربه سر دولدی خیام

اولدی بو چولده هویدا محشریم قارداش اویان

 

ای آتام اوغلی، امیدیم قوت بازو منه

وی اولان هر جبهه ده، فرمانده نیرو منه

ال تاپار سنسیز بو قوم کافر و بدخو منه

ای هامی دعواده محکم سنگریم قارداش اویان

 

من پناه ماسوایم، سن منه اما پناه

ای پناهیم وی کومکسیز، پادشاهه سر سپاه

سنده گیتدون وای کومکسیز جانیم آه آه

ایمدی وار نه دادرس، نه لشگریم قارداش اویان

 

گیتمسیدون سن الیمدن ای منه حصن حصین

ال تاپانمازدی قشون اولسیدی گر روی زمین

سسلرم ایمدی ایوون آباد آنا ام البنین

بسلیوب نه یاخشی قارداش مادریم قارداش اویان

 

سن دگلدون صاحب سرپنجه ای شیر ژیان

بس اوزون قولاریوا نه گلدی ای سرو روان؟

قدیمی ایتدی بو آنوندان دگن پیکان، کمان

ای رشادتده غضنفر مظهریم قارداش اویان

 

عده به عده بو گون گوردوقجا هنگ دشمنی

مرتضی گوزده گورردیم اوز قباقیمده سنی

سن شهید اولدون، داخی یالقوزلار اهل کین منی

ای قلیج وورماقدا ثانی حیدریم قارداش اویان

 

آلموشام آغلار گوزیله من دیزیم اوسته باشون

اوز الیمله سیلم، آخدوقجا گوزوندن قانیاشون

سالموسان دور گور نه حاله، بو اوغولسوز قارداشون

خون دل ایلور روانه گوزلریم قارداش اویان

 

ایتدیلر بیر گلستان چیده سوسوز یاورلریم

سو کیمی قان ایچدی، رنگارنگ آچلدی گللریم

بو گلستانون گل صد برگی جسم اکبریم

لاله سی قاسمدی، غنچه اصغریم قارداش اویان

 

یوخ بو گلشنده ولی خندان اولان گل سن کیمی

گورمیوب گورمز جهان شوریده بلبل من کیمی

تازیانه زینبی سنسیز ایدر سوسن کیمی

قیزلاریم قولاریدور نیلوفریم قارداش اویان

 

سنسیز الدن دوشدی شمشیریم منه یوز ویردی غم

بیر کسیم یوخدور، قالوبدور یرده بی صاحب علم

نه دیوم آلسا سنی مندن خبر اهل حرم؟

دور گیداخ، یول گوزلور آغلور خواهریم قارداش اویان

 

نعشون اوسته قویسالار بیر عمر گللم شیونه

نیلیوم قویمور دویونجا آغلیوم دشمن سنه

ایلییم نوحه بو چولده اولمادی ممکن منه

نوحه نی ایلر (حسینی) نوکریم قارداش اویان

 

مرحوم حسینی سعدی زمان

منبع مجموعه کانالهای مدح و مرثیه

موضوع: حضرت ابوالفضل العباس (ع) زبانحال ,
زبان شعر و شاعر: نوحه ترکی , حسینی سعدی زمان

 

------------

 

در مدح حضرت فاطمه زهرا (سلام الله)

 

یارانمییدی اگر نور حضرت زهرا

نه آی اولوردی نه گون، نه بو پرتو دنیایه

 

کیمون جهاندا یتر شأنی شأن زهرایه

بونون تَفَوُّقی وار هاجریله سارایه

 

غلامدور بونا عیسی، کنیزدور مریم

حبیبه دور بو خانم ذات حیّ یکتایه

 

او گون که خالق عالم یاراتدی افلاکی

چکیلدی پردۀ ظلمت سپهر مینایه

 

ملک لر ایلدیلر استغاثه معبوده

یتوبله نور بتولیله فیض عظمایه

 

خدای خلق همان دمده نور زهرانی

ایدوبدی عرشینه قَندیل وار پیرایه

 

منوّر ایلدی افلاکی فاطمه نوری

دیولدی اسمینه زهرا همین بو معنایه

 

بشر غلطدی دیماق، نور محض دور بو خانم

گلوب بشر کیمی ظاهرده دار دنیایه

 

آناسینا آنا بطنینده اولدی هم صحبت

اودور مُحَدِّثه صدق اولدی بو دل آرایه

 

تولّدنده زنان قریش گَلمَدیلر

خدیجه نین اوجالوب آهی عرش اعلایه

 

یر اوسته ایتدی خواتین دار خلد نزول

اولوبلا قابله نور بتول عَذرایه

 

بهشت حلّه سینه ایلیوبله پیچیده

دوشه مباد او جسمِ لطیف ایذایه

 

ایله لطیفیدی جسمی خیاطه دوشسیدی

سالوردی خطّ او گُلدن لطیف اعضایه

 

ایا امام زمان داد ظلم ثانیدن

شهیده یولّادی زهرانی دار عقبایه

 

قاپی دالیندا قویوب یاندوراندا درگهینی

اوجاتدی ناله آنان فاطمه ثریّایه

 

بویوردی فضّیه گل ظلمیله بالام ئولدی

دایانما تیز خبر ایله علیّ اعلایه

 

چخوب علی یخولوب گوردی حضرت زهرا

گیدوب تحمّل و صبر و قراری یغمایه

 

عباسینی گوتوروب سالدی فاطمه اوسته

گوگل بو یرده دوشوب بیر ملال عظمایه

 

دوریدی کاش علی قبریدن الینده عبا

گلیدی کرب و بلا دشتینه تماشایه

 

سالیدی اوردا قیزی زینبین عبا باشینا

جمال عصمتی مستور اولیدی اعدایه

 

آناندی چونکه ((حسینی)) شفیعۀ محشر

غم ایتمه گیتسن اگر دست خالی عقبایه

 

مرحوم حسینی سعدی زمان

منبع مجموعه کانالهای مدح و مرثیه

موضوع: حضرت فاطمه زهرا (س) مدح ,
زبان شعر و شاعر: نوحه ترکی , حسینی سعدی زمان

 

------------

 

در مدح حضرت زهرا (سلام الله)

 

در جلالت کی زنی صدّیقه ی کبری شود

دختر خیرالوری محبوبه ی یکتا شود

 

بانوان عالمش جاروب کش در آستان

خاک پایش سجده گاه مریم و سارا شود

 

زوج وی آئینه ی صنع الهی مرتضی

از کلامُ الله به فرقش تاج کَرَّمنا شود

 

آسمان یازده کوکب مدار نیرین

روشن از نور جمالش عالم اعلی شود

 

مادر گیتی نزاید همچو زهرا دختری

گر هزاران بار ز آدم حامله حوّا شود

 

مثل و مانندش ندیده دیده ی دنیا هنوز

ای به قربانش همه دنیا و مافیها شود

 

زن مگو مرد آفرین روزگارش بازخوان

زن مگو، کی زن بدین شان و شرف دارا شود

 

زن به عالم گر بود چون دخت طاها تا ابد

کاش آبستن به دختر مادر دنیا شود

 

با چنین شان و جلالت کی روا باشد فلک

نیلگون آن عارض همچو گل احمر شود

 

صدمه بیند از جفای خصم دون پهلوی او

پشت در از صدمه پرپر غنچه ی زهرا شود

 

درگهش را سوخته ثانی دهد سرمشق شمر

خیمه گاه شاه دین در کربلا یغما شود

 

گر نسوزاندی عمر باب همایون بتول

کی شدی آتش به خرگاه حسین پیدا شود

 

بیشتر کن لطف مادرجان به جان زینبت

نطق فرزندت «حسینی» بیش از این گویا شود

 

مرحوم حسینی سعدی زمان

منبع مجموعه کانالهای مدح و مرثیه

موضوع: حضرت فاطمه زهرا (س) مدح ,
زبان شعر و شاعر: نوحه فارسی , حسینی سعدی زمان

 

------------