متن نوحه زبانحال و احوالات حضرت لیلا (س)
متن نوحه ترکی زبانحال و احوالات حضرت لیلا (س) مادر حضرت علی اکبر (ع) از شعرای آیینی معاصر و قدیمی
زبانحال حضرت لیلا (س) در راه شام
علی شکنج زلفوی جدایه پرچم ایتمیسن
نظام عالمی پوزوب جهانی بر هم ایتمیسن
غمونده اوج ایدوب علی سمایه آه و زار دل
نه دل بیان ایدر سوزین، نه الده اختیار دل
بو گون جهانه اود سالوب عبث دگل شرار دل
جهاندا کشف ایدوب اوزون بو چشمی پر نم ایتموسن
دیسن سکینه ناله سی پوزوب منی اوساندیروب
ندن او ماه وش باشون، عمومه گوز دولاندیروب
جهاندا لال اولوم دیسم باشوندا قطره قان دوروب
ولی او تار سنبله مثال شبنم ایتموسن
قونوبدی یولارین توزی گل جمالون اوستنه
آخوبدی قطره قطره قان، عذار آلون اوستنه
علاوه کاکلون دوشوب او خط و خالون اوستنه
او خط و خال حیف اولا جداده مبهم ایتموسن
قطاریمز قطاریله گیدر ره دمشقه باخ
بو بدنظام لر بیزی سالوب نظام و مشقه باخ
رموز عشقه کاملم دیمم اسیر عشقه باخ
اوزون بو عشق دفترین منه مترجم ایتموسن
مآل کاریمز عجب بیزیم دایاندی مشکله
جدا باشندا شامه دین سن ایله طی مرحله
دالنجا بو سکینه نی اسیر ایدوب او کاکله
پیاده پا سورونماقا بیله مصمم ایتموسن
اسیر عشق اولان دیمز ندور طناب و سلسله
خیال وصل ایدن دوزر، هجوم اشگ سائله
وصاله قالمیوب مگر جدا بویونجا فاصله
تعجبم وصالیله فراقی توام ایتموسن
گورنده کوفه قیزلاری باشون دیر هلاله باخ
دیلله تیز غروب ایدوب، هلاله باخ زواله باخ
نشان ویروله بیر بیره، دیوله خط و خاله باخ
نظرده فوج حسنوی ز بس منظم ایتموسن
مگر قلیج چکوب بو بیر اسیران استه خم قاشون
ایدر اشاره قتلیمه جداده هر قدم باشون
منی اسیر ایدن علی، او گوزلروندی هم قاشون
عجب گوز اوسته قاشلارون هلال تک خم ایتموسن
صبا دگنده صبحدم او شقه شقه کاکله
چکور کناره رویدن، گهی سالور مقابله
گوگل علاقه باغلیوب او کاکلونده بیر تله
مگر بو رشته دلی او دلده محکم ایتموسن
شکسته گوگلمین ایوین ایدوبله تار و مار علی
باشیمدا قاره معجریم اوزوم شتر سوار علی
خراب اولیدی عالمی ندور بو روزگار علی
بو روزگاریلن منه فراقی توام ایتموسن
باخاندا گل کیمی باشون جداده محترم دوشوب
دالونجا کاروان غم چو آهوی حرم دوشوب
نه صیدسن که عالمه شکارون اوسته رم دوشوب
بو بینوا سکینه دن غزال تک رم ایتموسن
باخان دیر که حیف اولا سنون او گل عذاروه
گورن بولر باجون نجه دوزر بو انتظاریوه
اولیدی کاش بیر نفر دییدی نیزه داریوه
ندن باشینی قارداشین باجیله باهم ایتموسن
سویولموشام تالانمیشام نظاره ایله حالیمه
قسم او جانه راضیم بو گونده اوز زوالیمه
باجون فدا اگر باخا گوزون بو اشگ آلیمه
گورر بو غم کشیده نی قرین هر غم ایتموسن
بو شعره سرسخن یازان، کیم اولسا خوش زبانیمیش
(یتیم) روسیاه تک حسینه نوحه خوانیمیش
جهاندا سوز بولن بولر، نه یاخشی بیر بیانیمیش
علی شکنج زلفوی جداده پرچم ایتموسن.
مرحوم مولانا یتیم ، اَبوی گرامی استاد عابد
منبع مجموعه کانالهای مدح و مرثیه
موضوع: حضرت لیلا (س) ,
زبان شعر و شاعر: نوحه ترکی , یتیم , مولانا یتیم
----
زبانحال حضرت لیلا (سلام الله) در راه شام
کیم علی صحرانورد اولدی بو بی ماوا کیمی
کیم دئر مجنون بیابانگردیدی لیلا کیمی
من سنون امیدیویله ایلدیم ترک وطن
ایمدی سرگردان هجرم وادی حیرتده من
چون فنا فی اللهوم، خوف ایتمرم بو ورطه دن
خوشدی مین غوغا اولا باشونداکی غوغا کیمی
تار زلفون فکرین از بس ایلدیم شام و سحر
حالیم اولدی عاقبت زلفون کیمی آشفته تر
تار اولوب دنیا گوزومده سنسیز ای نور بصر
روزگار روشنیم اولدی شب یلدا کیمی
اسدی صحرای بلاده صرصر جور و جفا
تیز خزان اولدی بهارون ای گل باغ وفا
شوره گلم بلبل شوریده تک قیلام نوا
نیزه باشندا باشون گورجک گل حمرا کیمی
گر چه هر ثکلا اوغول هجرینده ایلر چوخ فغان
باغرین ایلر زخم داغ هجر غور ایتدوقجا قان
اولماز اما بیله سونمز اوددا لیلا تک یانان
یانمیوب عالمده بیر ثکلا من ثکلا کیمی
هانسی بیر اوغلی ئولنده وار بو درد بی دوا
اوغلون ئولدورسون اسیر ایتسون اوزون اهل جفا
دمبدم گل تک اوغول باشین گوروب زیب جدا
باشلاسون فریاد و شیون بلبل شیدا کیمی
آتش عشقیله چون تخمیر اولوب آب و گلیم
شمع رویونله یانان پروانه تک خوشدور دلیم
حاش لله ایلسون شکوه بو یانماقدا دلیم
یوخدی بیر پروانه بی پروا بو بی پروا کیمی
شعله آهیم زبس آتشفشاندور دمبدم
منظر حرا اولوب اوز منظرینده مرتسم
اوز اودیمله یانماقا مثل سمندر شائقم
راضیم یانسام سراسر بو دل حرا کیمی
رشته دمله رفویه ایتسه عیسی اهتمام
زخم داغ فرقتون ایتمز قبول التیام
وار مریض هجریوون بهبودینه یاس تمام
ای اوزوندن مریمین مهجور ایدن عیسی کیمی
نقطه سیز صورتده ویمرز حسنه چون معنا جمال
کلک قدرت لوح حسنونده قویوب بیر طرفه خال
حبذا حسنون او خالیله تاپوب حد کمال
صورتون توحیده برهاندور عجب معنا کیمی
ای جمالی مظهر حسن رسول کردگار
سنده کامل قدرتین نقاشین ایلوب آشکار
صفحه ایجادیده مشگلدی چشم روزگار
بیرده بیر صورت گوره بو صورت زیبا کیمی
مرحوم مشهدی علی اصغر ذهنی
منبع مجموعه کانالهای مدح و مرثیه
موضوع: حضرت لیلا (س) ,
زبان شعر و شاعر: نوحه ترکی , ذهنی
----
زبانحال حضرت لیلا (سلام الله) در راه شام
اکبر باشی جداده آت اویناتدی قاتلی
ریحان کیمی اسر اوغلونون زلف و کاکلی
زلف اول زمان که چتر ورار دور نیزیه
هر تار زلفی مین اوخ اولار قلب لیلیه
مرغ خیالی گلشن درد و محن گزر
هر دم ائدر جداده اوغول باشینه نظر
گوزلر سرشگیلن، اورگی دردیلن دولوب
دردی دگوبدی بیر بیره بیر پارچا درد اولوب
قلبی الولانور اورگی بی قرار و تاب
ایلر جدا باشندا اوغول باشینه خطاب
سالوبدی زلف کجون مه یوزونده هاله علی
بیر آیری حاله سالوبدور منی او هاله علی
دوتوبدی گوگلیمی ظلمت، تاپوب کسوف جمالون
چکوبدی زلفون عجب پرده گون جماله علی
صبا او طره طراری بیر چکیدی کناره
دویونجا سیر ایلییدیم او خط و خاله علی
نظام زلفوی، نظم و نظامدن سالوب هر کیم
یقین دچار اولاجاق قهر لایزاله علی
جدادن اگ باشوی سینمه باسوم بیر دم
تاپا تسلی دل زار، لامحاله علی
هلالی قاشلاریوون، فکر و ذکری گور نجه سنسیز
بو الف قدیمی دوندردی شکل داله علی
قیلوبدی مثل پیمبر جمالون عالمی روشن
دالونجا زلفون عجب بنزیری بلاله علی
نظامیله دوزولوب قان یوزونده قطره به قطره
گل اوسته دیه سن اگلشوبدی ژاله علی
نقدری دیندیریرم دینموسن نه سری وار آیا؟
اسیرم منه لطف ائت علی العجاله علی
چوخ ابنجدوبله باشون ضعف ایدوب جداده علی؟
و یا که قان آپاروب گلمز ایمدی حاله علی
شرار آهیله بو کایناتی اودلارام آخر
منیله گلمیسن ایمدی گر مقاله علی
مقام عشقده بو رسمدور که عاشق و معشوق
ویرور جواب، اولان وقته سواله علی
قسم جمالیوه سندن صورا منیم گیجه گوندوز
انیسیم آه و فغان، مونسیمدی ناله علی
ایدردی مرغ روان، آشیانی ترک ازل گوندن
چکوبدی قلبیمه مین داغ مثل لاله علی
سنون اسیریوی، ایلوب اسیر شمر ستمگر
دوشوبدی گور نجه بیر فکرت محاله علی
بیله بیلور منه گر چوخ جفا ایده دله گلم
دوشوبدی گور نجه بیر فکرت محاله علی
خطا گیدوبدی خیالی که بیلمور اهل محبت
دوزر دوامیله هر ظلم اتصاله علی
هزار شوقیله ایتدیم سنون یولوندا ازلدن
بلا خدنگینه بو سینمی حواله علی
محال امریدی سندنصورا یوزوم گله بیرده
ئولنجه آزدور اگر آغلیام بو حاله علی
اسیر سلسله اولموش گروه کافر الینده
رسول حقه اولان حقیله سلاله علی
شهید ایدنده سنی روحیم آیریلوب بدنیمدن
داخی جفا نه روا قالب مثاله علی
خیال زلفون اگر وورماسیدی بوینوما زنجیر
مقید اولمازیدیم قوم بدخصاله علی
نه جان چیخار که چیخام ساحله بو بحر بلادن
نه ظلم اهل شقاوت یتر مآله علی
امیدی وار سنه لطف ائت جزا گوننده(سهیلی)
شفاعت ائله یتور کوثر زلاله علی
اصلاح
ایدردی مرغ روان آشیانی ترک ازل گوندن
بو گونلرین بیری گلسیدی خیاله علی
سنون اسیریوی، ایلوب اسیر شمر ستمگر
چکوبدی قلبیمه مین داغ مثل لاله علی.
۵ بیت اوّل از مرحوم مضطر اردبیلی و
بقیه تا آخر از مرحوم میرزا احمد سهیلی
منبع مجموعه کانالهای مدح و مرثیه
موضوع: حضرت لیلا (س) ,
زبان شعر و شاعر: نوحه ترکی , سهیلی , مضطر اردبیلی
----
زبانحال حضرت لیلا (سلام الله) در راه شام
باخدی چون اکبرینون نیزده لیلا یوزینه
گوردی زلفی توکولوب چون شبِ یلدا یوزینه
ای صبا بیرجه اَس اول زلفِ پریشانی داغیت
خانمان دلِ ویرانهء لیلانی داغیت
دلِ ویرانهء لیلا کیمی دنیانی داغیت
قویما دوشسون داخی اول زلفِ سمن سا یوزینه
چون کنار ایتدی صبا زلفِ شکن در شکنی
گورونوب هاشمی خال و خطِ وجه ُالحَسنی
آتدی سازنده لر اول وقت دف و دایره نی
بیر باخوب اکبره بیر باخدیلا لیلا یوزینه
دئدیلر کیمدی بو عورت بیزی نالان ایلین
یوخسا لیلادی بو مجنون کیمی افغان ایلین
سنی ای تازه جوان قانوه غلطان ایلین
نجه محشرده باخار حضرتِ زهرا یوزینه؟
قاشلارون طاقی اوغول سورهء یاسین اوخوری
باخا هر کیم یوزیوه آیهء تحسین اوخوری
اهلِ قرآندی بولار جمله سی طاسین اوخوری
نجه چکدیله قلج مظهرِ طاها یوزینه
آیهء تحسین : فتبارک الله احسن الخالقین ، سورهء مبارکهء مومنون ۱۴
ایتدیلر چاهِ زنخدانوه حسرتله نظر
مشتری اولماق ایچون بیر بیرینه ویردی خبر
توکدولر شام زلیخالری چوخ اشگِ بصر
باخدیلار حسرتیله یوسفِ بطحا یوزینه
عارضون صفحهء انجیلِ خداوندِ ودود
نیزه باشندا باشون دا اوخوری سورهء هود
دیه سن نیزه ایاقینده دوروب قومِ یهود
دارین اوستونده باخولّار هامی ، عیسا یوزینه
مظهرِ حُسنِ پیمبر رخِ آلوندی سنون
آیهء شمسِ ضحی' مِهرِ جمالوندی سنون
سورهء نونِ قلم هاشمی خالوندی سنون
کاکلون پرده چکوب لیلهء اسرا یوزینه
باشداکی شورِ شهادتدی سنون تاجون علی
عارضون کعبه ، حرم لر هامی حُجّاجون علی
رَفرَفون نیزه ، مبارکدی بو معراجون علی
قاشلارون قابدی قوسِین او اَدنا یوزینه
مه یوزون آینهء مصحف و تورات و زبور
آتشِ طورِ تجلّادی جمالوندا ظهور
مصردور شام بو قبطی لره یا وادی طور
آلِ فرعوندی گلوب باخماقا موسی' یوزینه
ای اولان جدّی شبیهی ، شهِ بطها بالاسی
ای گوزل لر گوزی ای خسروِ زیبا بالاسی
باش ویروب حق دانیشان وارثِ یحیی' بالاسی
اهلِ بدعتدی گلوب باخماقا یحیی' یوزینه
(صابرا) هر ایل عزا ساخلا علی اکبره سن
کربلاده گیدوب آغلا اول شهِ بی سره سن
گَل قیامتده بو جمعیله صفِ محشره سن
قالما حسرت ایکی دنیا بو مولا یوزینه.
صابر قفقازی
منبع مجموعه کانالهای مدح و مرثیه
موضوع: حضرت لیلا (س) ,
زبان شعر و شاعر: نوحه ترکی , صابر قفقازی
----
زبانحال حضرت لیلا (سلام الله) در راه شام
زلفون آلتندا قالوب صورتِ زیبا گوزلیم
ایله بیر پرده ده دور مِهرِ دل آرا گوزلیم
زلفِ پُر چینون اولوب نوکِ جداده برهم
ایله برهم که ایدوب نظمِ جهانی برهم
یوزدی یا گُلدی اوتورموش بیله قاندان شبنم
قطره قطره دوزولوب لوءلوء لا لا گوزلیم
رشتهء زلفون او گوندن که الیمدن اوزولوب
قطره قطره باشوُون قانی عذاره سوزولوب
گوییا شِدّهء مرجاندی جبینه دوزولوب
دُرِ غلطانیدی یا گوهرِ یکتا گوزلیم
آی یوزیندن او گوزل طرّه لری ایله کنار
شبِ دیجور کیمی دوتمیا بو عالمی تار
بو سَفرده بو مُبرهندی منه اهلِ نقار
سعی ایدر گوندوزوم اولسون شبِ یلدا گوزلیم
زلفِ شبرنگون او گل صورته افشان اولالی
زلفین آلتندا گوزل طلعتی پنهان اولالی
آناوون اشکی عذارینده اوغول قان اولالی
اودلانان قلبه آلوب سِرّ سویدا گوزلیم
مه یوزون نوری جِدا اوسته ظهور ایلیه لی
شامِ ویران یولونی مطلعِ نور ایلیه لی
من کلیمه بو چولی وادی طور ایلیه لی
چشمِ دنیا گوره بولمز بیله سینا گوزلیم
باشوون نوری ایدوب نیزه باشین نخلهء طور
لمعه لمعه ایدوری نور ، جمالوندا ظهور
غم کلیمون تاپالی محضرووه فیضِ حضور
قان اولان قلبیده آرتوبدی تجلّا گوزلیم
گوزلیم ، گوزلریم اولسون گوزوون قربانی
باخا هر گوز یوزیوه یاده سالار طاهانی
باخ او قانلی گوزیله گور بیر آنان لیلانی
گور نه ایتمیش اوزونی محوِ تماشا گوزلیم
نیزه باشین بیزه محرابِ نماز ایلموسن
حقین اهلین اوزیوه محرمِ راز ایلموسن
سرِکویوندا منی اهلِ نیاز ایلموسن
ناقه اوستی آناوا اولدی مصلّا گوزلیم
یوسفیم مصرِ ملاحتده جهانین گوزلی
خلقی پیغمبر ، اوزی وارثِ اوصافِ علی
بیله حسنون داخی اولماز بو جهاندا مثلی
مین بیله عالم اولا مین بیله دنیا گوزلیم
باشون اگ نیزه باشیندان منه ای روح روان
حسرت انگشتیمیله شانه ویریم ای منه جان
او زماندانکه باشون ایله دیلر زیبِ سِنان
گورمیوب شانه نچون زلفِ چلیپا گوزلیم
نازنینیم او گوزل گوزلریله ایله نگاه
گور نجه گوندوز اولوبدورگوزومه گوزده سیاه
باشون آردینجه سورونّم بولورم خواه نخواه
بو سورونماق ایدر عزّتلره دارا گوزلیم
ای اولان آینه اوز جدّینه ، سیماسی گوزل
(پارسانین) بولوسن واردی تمنّاسی گوزل
مغفرت لطف ایلیه خالق یکتاسی گوزل
اولا آباد اونا دنیائیله عقبا گوزلیم.
مرحوم محمود صادری متخلّص به (پارسا)
منبع مجموعه کانالهای مدح و مرثیه
موضوع: حضرت لیلا (س) ,
زبان شعر و شاعر: نوحه ترکی , محمود صادری , پارسا
----
زبانحال حضرت لیلا (سلام الله)
شام هجرانیم خدا نصف اولدی ماهیم گلمدی
رزمگهدن اکبر آهو نگاریم گلمدی
بوینینا گرچه کفن سالدیم رضایتله اوزوم
اوغلومی میدانه گوندردوم قالوب یولدا گوزوم
یا یتور بیرده بالامی صاغ گوروم یا ویر دوزوم
دادیمه سن یت الهی دادخواهیم گلمدی
مایلم بیرده جمال عالم آراسین گورم
دوشمه مش تپراقه سروقد بالاسین گورم
قان خسوفه سالمامیش بیر ماه سیماسین گورم
قامتیم غمدن هلاله دوندی ماهیم گلمدی
راضیم هرچند کوی عشقده اولسون شهید
ایسترم گلسون اُلنجه بیرده ایلوم بازدید
هیچ کیمون یارب امیدین ایلمه سن ناامید
قالدی میداندا گوزوم امیدگاهیم گلمدی
قانلی میدانه او وقتدن کیم بالام اکبرگیدوب
اولموری آرام قلبیم طاقتیم یکسر گیدوب
قالمیوب روحیم بدنده اکبریله همره گیدوب
گلسه روحیمده گلور عادل گواهیم گلمدی
دولدوروب دشت عراقی شوریله غوغا سسی
اوج ایدوب افلاکه لشگر نعره سی آت شیحه سی
سن اوزون تشویشدن قورتار خدا بو بیکسی
بی پناهم بی کسم پشت پناهیم گلمدی
بیله بیر غوغادن آیا ایلمز اندیشه دل
قانه دونمز گوزدن آخماز صبری ایلر پیشه دل
سسلنور تیز ألدورون لشگر دوشور تشویشه دل
ملک دلده خیل صبره سر سپاهیم گلمدی
بو سببدندور که سوز آهیم افلاکه چخار
هرکیمون اُلسه جوان اوغلی اولور دنیاده خوار
چون آنالار اوز جوان اوغلیله ایلر افتخار
افتخاریم اعتباریم عزّ و جاهیم گلمدی
هجر اودیله اودلانوب دل آهیم آتشبار اولوب
شعله آهلمه خرگه مطلع انوار اولوب
گوزلریم میدانه باخماقدان خدایا تار اولوب
بخت و روزیم تک گوزی زلفی سیاهیم گلمدی
بیر بالام الدن گیدوب مین دل اونون پا بسته سی
بیر امامتدن صورا هر منصبون شایسته سی
اولما دوشدی چنگ گلیچنه او بیر گلدسته سی
باغ عمریمده گویرمیش گل گیاهیم گلمدی
اوندا که عزم ایلدی اوغلوم اُلوم میداننه
شوقیله اوز جاننی ایتسون فدا جاناننه
حسرتیله بیر قدر باخدیم ره رخشاننه
دوتمادی دل سهلدور دلدنده آهیم گلمدی
گلسه دعوادن بالام یعنی امان ویرسه سپاه
اشکیله سیللم اگر دوتسا جمالین گرد راه
بولمورم نه وار باشیندا حال دل اولدی تباه
صبریمون غارتگری طاقا تباهیم گلمدی
انتظارنده نه تک آغلار آناسی خیمه ده
گوز تیکوب میدانه جمله اقرباسی خیمه ده
دشمنی چوخدور قالوب یالقوز آتاسی خیمه ده
شاهزاده انتظاری قالدی شاهیم گلمدی
گتدی یثربدن بورا شوق علی اکبر منی
محمله میندیردی هر یرده او مه پیکر منی
گر اسیر ایلوب آپارسا شامه بو لشگر منی
بس منه کیم رهنما دور شاهراهیم گلمدی
اوندا که اهل ریاضت جمع اولور دم خانیه
بیر تبرزین تک گلور الده گُمانیم خامه یه
وه نه عالی بیر شرف دور شاه درویشان دیه
هاردادور «شأنی»مرید خانقاهیم گلمدی
مرحوم شانی
منبع مجموعه کانالهای مدح و مرثیه
موضوع: حضرت لیلا (س) ,
زبان شعر و شاعر: نوحه ترکی , شانی
----
زبانحال حضرت لیلا (سلام الله)
بلشوب قانـه عجب زلف پریشانون اوغول
اولا کول باشینه سندن صورا دنیانون اوغول
سن‌ایـدون زینبیمـون مطلب و منظوری علی
قویدون آغلار گؤزیله یاخشی او رنجوری علی
دور گئدک خیمه‌یه، ای گؤزلریمون نوری علی
گؤزی یوللاردا قالوب خیمه‌ده لیلانون اوغول
سنی لب تشنه شهید ائیله‌دی بو قوم عدو
گلشن جسمیـوه وئردی دم پیکانیلـه سو
منده اینـدی ائـدرم قانیله تجدید وضـو
قاریشور قانیمه بو چؤلده قیزیل قانون اوغول
مرحبــا عشقـوه ای شبـه رسول مدنی
ائتمـه‌دون محضـر جانانده شرمنده منی
یاخشی الوان ائله‌دون قانیله بو گول بدنی
سرو تک دوشدی یئره سرو خرامانون علی
محفل قربده اؤز جسمیم اولوب غیر، منه
کوفه‌دن شامه وئرور جذبۀ حق سیر، منه
بو کشاکشـده علـی منزل اولور دیر، منه
اوج ائدر ناله‌سی افلاکه مسیحانون اوغول
سینه‌می نـاوک درد و غمـه آمـاج ائدرم
زینبـون طـاقت و آرامینــی تاراج ائدرم
منده بو چؤلده کسیک باشیله معراج ائدرم
قاب قوسینیم اولور طاقی کلیسانون اوغول!
سـن وفـا گلشنینون بیر گل نو رسته‌سی سن
شهـدا دستـه‌سینون عشقده سردسته‌سی سن
اولمویا من کیمی بیر سلسله پا بسته‌سی سن
نگرانـدور گؤریرم دیدۀ گریانون اوغول
نـوش قیلدون ره جانانـدا بلا جامی، علی
چکه‌جکدور بو ایشین شامه سرانجامی علی
بیرجه آچ گؤزلرون ای قلبمون آرامی علی
گؤرنه احواله سالیبدور منی هجرانون اوغول
نور دیـده! بو کمـان قدیمه بیرائیله نظر
تیر آهه یارالی سینه‌می چوخ ائتمه سپر
تؤکمسه زینب مظلومه اگر اشک بصر
یاندورور عالمی آه دل سوزانون اوغول
ای اولان سرو قدی زینب میدان بلا
کعبۀ وصلده قیلدون نه گؤزل سعی و صفا
ائیله‌دون جانوی مین شوقیله جانانه فدا
درگـه حقّـده مقبول اولا قربـانون اوغول
آغـلا ((صرّافیلـه)) بو مجلس ماتمده رضا
گؤزیاشون خرج اولا گوهر یئرینه روز جزا
آه او دمدن بویـوروب اوغلینـه شـاه شهدا
بلشوب قانه عجب زلف پریشانون اوغول
مرحوم صراف تبریزی
منبع مجموعه کانالهای مدح و مرثیه
موضوع: حضرت لیلا (س) ,
زبان شعر و شاعر: نوحه ترکی , صراف تبریزی
----
زبانحال حضرت لیلا (سلام الله)
شامی هیجرانیم، خودا نیصف اوْلدۇ ماهیم گلمه‌دی
رزمگه‌هده‌ن اکبر ی آهو نیگاهیم گلمه‌دی
بوْینۇنا گرچی کفه‌ن سالدێم ریضایه‌تله اؤزۆم
اوْغلۇمۇ مئیدانه گؤنده‌ردیم قالێب یوْلدا گؤزۆم
یا یئتیر بیرده بالامێ، ساغ گؤرۆم یا وئر دؤزۆم
دادیمه سن یئت ایلاهی دادخواهیم گلمه‌دی
ماییله‌م بیرده جمال ی عاله‌م آراسێن گؤره‌م
دۆشمه‌میش توْپراغه سروقدّ بالاسێن گؤره‌م
قان خسوفه سالمامێش بیر ماه سیماسین گؤره‌م
قامه‌تیم غمده‌ن هیلاله دؤندۆ، ماهیم گلمه‌دی
راضییه‌م هرچند کوی ی عئشقده اوْلسۇن شهید
ایسته‌رم گلسین اؤلۆنجه بیرده ائیلیم بازدید
هئچ کیمین یارب اومیدین ائیله‌مه سن نااومید
قالدێ مئیداندا گؤزۆم اومیدگاهیم گلمه‌دی
قانلێ مئیدانه اوْ وقتده‌ن کیم بالام اکبر گئدیب
اوْلمۇرێ آرام قلبیم طاقه‌تیم یئکسه‌ر گئدیب
قالمایێب روحیم بده‌نده اکبریم همسر گئدیب
گلسه روحیمده، گلیر عادل گواهیم گلمه‌دی
دوْلدۇرۇب دشت ی عیراقی شوریله غوغاسی
اوج ائدیب افلاکه، لئشگه‌ر نعره‌سی آت شئیحه‌سی
سن اؤزۆن تشویشیده‌ن قۇرتار خودا بۇ بیکسی
بی‌پناهیم بی‌کسیم پُشت وْ پناهیم گلمه‌دی
بئیله بیر غوغادان آیا، ائیله‌مه‌ز اندیشه دل
قانه دؤنمه‌ز گؤزده‌ن آخماز صبری ائیله‌ر پیشه دل
سسله‌نیر تئز اؤلدۆرۆن لئشگه‌ر دۆشۆر تشویشه دل
ملک ی دلده خئیل ی صبره، سرسیپاهیم گلمه‌دی
هیجر اوْدیله اوْدلانێب دل، آهیم آتشبار اوْلۇب
شعله ی آهیمله خرگه مطلع ی انوار اوْلۇب
گؤزلریم مئیدانه باخماقدان خودایا تار اوْلۇب
بخت وْ روزیم تک گؤزۆ زولف ی سییاهیم گلمه‌دی
بیر بالام الده‌ن گئدیب، مین دل اوْنۇن پابسته‌سی
بیر ایمامه‌تده‌ن سوْرا هر منصه بین شاییستـه‌سی
اوْلما دۆشدۆ چنگ ی گۆلچینه اوْ بیر گۆلده‌سته‌سی
باغ عؤمرۆمده گؤیه‌رمیش گۆل گییاهیم گلمه‌دی
اوْن دا کی عزم ائیله‌دی اوْغلۇم اؤلۆم مئیدانینه
شوقیله اؤز جانینی ائتسین فدا جانانینه
حسره‌تیله بیر قده‌ر باخدێم رخ ی رخشانینه
دۇتمادێ دل سهل‌دیر، دیلده‌نده آهیم گلمه‌دی
اینتیظارینده نه تک آغلار آناسێ خئیمه ده
گؤز تیکیب مئیدانه جومله اقرباسی خئیمه ده
دۆشمه‌نی چوْخدۇر قالێب یالقۇز آتاسێ خئیمه ده
شاهزاده اینتیظاری قالدێ اکبر گلمه‌دی
گتدی یثریبده‌ن بۇرا شوق ی علی اکبر منی
محمیله میندیردی هر یئرده اوْ مه پئیکه‌ر منی
گر اسیر ائیلیب آپارسا شامه بۇ لئشگه‌ر منی
بس منه کیم راهنمادی، شاه راهیم گلمه‌دی
مرحوم شانی
منبع مجموعه کانالهای مدح و مرثیه
موضوع: حضرت لیلا (س) ,
زبان شعر و شاعر: نوحه ترکی , شانی
----
زبانحال حضرت لیلا (سلام الله) در بالین حضرت علی اکبر (علیه السلام)
علی پیکان عشقون دلده از بس دلنشین اولدی
آنان لیلا دونوب مجنون صفت صحرا نشین اولدی
سنون عشقونده هر رنگه خم غمده بویاندوم من
یتوب هرگونه غم سندن قبول ایلوب دایاندوم من
سراپا شمع تک نار غمه عشقونله یاندوم من
انیسیم اشک حسرت مونس آه آتشین اولدی
ایشیدموشدوم اوغول ئولسه آنانون هیچ یوزی گولمز
گئدر نوری گوزیندن هر قدر باخسا گوزی گورمز
اوزوم گوردوم اوزوم بولدوم جوانی ئولمین بولمز
منه بو مطلبون عینی بو گون عین الیقین اولدی
نه گوزده نور نه دیزده توان و طاقتیم واردی
دوروب گتماقلیقا نه شام شومه قوّتیم واردی
و نه اگلشماقا بیر آن یانوندا فرصتیم واردی
آنان لیلا ایشی بوندان صورا چوخ چوخ چتین اولدی
اگر گیت سن «سهیلی» آیری گلزاره زیانوندور
اوزون بیر بلبل شوریده دفتر گلستانوندور
علی اکبر آدی هر لحظه چون ورد زبانوندور
اودور دلدن دله دوشدی کلامون دلنشین اولدی
مرحوم سهیلی
موضوع: حضرت لیلا (س) ,
زبان شعر و شاعر: نوحه ترکی , سهیلی
----
زبانحال حضرت لیلا (سلام الله)
لیلا گورندی اکبری بیر دلدن آغلادی
اکبر آدینی سالمادی بیر دلدن آغلادی
دور خاک ذلّت اوستن ایاقه عزیز اوغول
گیتدون نه تیز بو مرحله دن تند و تیز اوغول
ای باشیمون اوجالیقی دورگور باشیمدا یوخ
بیر سایبان مگر بو کف خاک بیز اوغول
دوشدوم غریبه گونلره آخر گونیمده من
اولدی قدیم خمیده گوزوم اشک ریز اوغول
زلفون تِلینده ایله دوشوب بند پای دل
تاپماز او قیدیدن داخی راه گریز اوغول
هر نیلدی منه منیم اوز بختیم ایلدی
یوخ گردش سپهریله جای ستیز اوغول
بد عهد و بیوفا دولانان روزگاره باخ
منله اسیر دیلمه ویرمّز تمیز اوغول
سن تک انیس قلبیله الفت دوتان آنان
سندن صورا ایدر کیمیله اُفت و خیز اوغول
سن شاهزاده سن دگیلم من سنون آنان
فخریم بودور قاپوندا اولام بیر کنیز اوغول
گَتدون مدینه دن منی تخت روانیلن
دور بو سفر ده ناقه می گور بی جهیز اوغول
گیرم سنه قلج ویرانون رحمی گلمدی
کسدی نه وجهیلن بدنون تیغ تیز اوغول
بو طایفه پیمبره باخموب اوتانمیوب
پیغمبرون شبیهین ایدوب ریز ریز اوغول
غم چکمه من دویونجا سنه آغلینمدیم
هندی همیشه ماتمون ایلر عزیز اوغول
مرحوم هندی
منبع مجموعه کانالهای مدح و مرثیه
موضوع: حضرت لیلا (س) ,
زبان شعر و شاعر: نوحه ترکی , هندی
----
زبانحال حضرت لیلا (سلام الله)
دوتوبدی هر طرفی جلوه جمالون علی
بیر آیری حاله سالوبدور منی بو حالون علی
تواضعیله سالوبسان بو گونده یاده منی
قبول منت ایدوب ایلرم قبول سنی
مرخص ایله اوپوم ایگلیوم بو گل بدنی
دماغ جانه یئته نشئه وصالون علی
گورنده زلفوی دوشدوم بیر اوزگه سودایه
اگر بیریدی سنه میلیم اولدی مین پایه
دولاندروب گوزیوی بیر باخ ام لیلایه
آنان دویونجا گوره بلکه خط و خالون علی
بو قامتون دگو، مدّ نگاه لیلادور
بو قلبوون اودی تاثیر آه لیلادور
سرشگ دیده یوزینده گواه لیلادور
که وار بو گونده سنون گون کیمی زوالون علی
هامی بولوردی عزیزیم عزیز مادریدون
قراگونیمده منه آفتاب انوریدون
اوزون بو عارضیله صورت پیمبریدون
دالونجا زلف سیاهین اولوب بلالون علی
شکسته قلبده چون قالدی حسرتیم طویوا
گوگل غبارینی گوزدن مگر آخان سویوا
بویون بلاسین آلیم بیریری باخوم بویوا
گوزومده نقشی قالا صورت منالون علی
نجه که خوشدل اولار عندلیب گلشنیله
منیم ده خوش گونوم اولماز علی مگر سنیله
دلون فداسی اولوم نطقه گله دانیش منیله
نچون که قوت دلدور منه مقالون علی
یوزوندن آیری دوشم بیر ده بو یوزوم گولمز
تعجبم سن اُولنده آنان ندن اُولمز
آنا تک هیچ کیم آنالیق محبتین بولمز
آنایه مشکل اولار اُولماقی عیالون علی
منیم بو حالیم اوزی آندیرور که دوزدی سوزوم
جوان اوغول اُوله آلماز اوغول آنا ده دوزوم
ایکی گوزوم ایشیقی واردی بیرجه سنده گوزوم
ولی نه فایده یوخ قالماقا مجالون علی
بو غربت اوزگه ده چون سندن اوزگه یاریم یوخ
یقینا آیریلیقا طاقت و قراریم یوخ
بوقدر بول سنون حقونده اختیاریم یوخ
عنان صبریمی الدن آلوب کمالون علی
بو آق کفن بو قرا زلف بو قد موزون
بو آهوانه نگاهون بو حسن روز افزون
هوانون ایستیسی رخسارون ایلیوب گلگون
نه خوش دوشوب او کفنله بو رنگ آلون علی
اوغول آنان غم الینده نه بیر فراغتی وار
نه غصه چکماقا مِن بعد صبر و طاقتی وار
سن اوز غمون دیمه معلومدور نه حاجتی وار
عیاندور اوز ایاقیمدان سنونده حالون علی
مرحوم هندی
منبع مجموعه کانالهای مدح و مرثیه
موضوع: حضرت لیلا (س) ,
زبان شعر و شاعر: نوحه ترکی , هندی
----
زبانحال حضرت لیلا (سلام الله) در راه شام
ای حُسنِ جمالی یارادان شور قیامت
حُسنِونده قیامت ایلیوب خامه قدرت
وی یوسفی حیرتده قویان حُسنِ جمالی
وار حُسنِ جمالونده سنون اوزگه طراوت
نقاش ازل نقشینی سنده ایلیوب نقش
بیر نقشیده مین نقش ووروب خالق قدرت
بو صورتی هیهات گوره دیده عالم
هم نقش محمدی و هم معنی صورت
جانلار اولا اول صورت صورتگره قربان
طاهانی دوباره یارادوب صاحب خلقت
هر کیم که گورور اول رخ ماهی بیله سویلور
گویا که پیمبردی ایدوب نیزه ده رجعت
بیر آیری صفا گورسنوری نوک جداده
واضح گورور هر کیمده که وار چشم بصیرت
طوبی، باشیوی طوف ایلیور زمره ملکلر
موسایه ویرور طور بلایاده قداست
مبهوت قالوب خلق خدا فتح مبینه
بو فتحیده پیدادی دله نور نهایت
گو مسجد الاقصادی که معراجه گیدورسن
عیسانی تحیرده قویوبدور بو عزیمت
باخدوقجا یارالی باشیوا نوک جداده
دریا کیمی طغیان ایلیور دلده محبت
صد حیف که چاتمور الیمی دامن وصله
تا زلف مطرانی ایدم منده زیارت
بیر لحظه نولور چرخ دونه اوز روشیندن
قسمت اولا لیلایده حقدن بو سعادت
گوگلوم ایله ایستور که وورام زلفوه شانه
شان شانه کیمین گوگلوم اولوب گور نه جراحت
قورخوم بودی شانه الی تلدن تلی اوزسون
ویرمور که اجل شانه سی بیر آن منه فرصت
شمشیر عدو فاصله سالدی آرامیزدا
اوزدی الیمی الدن اولوب مایه رقت
یعقوب سنی وورمادی بلکه منی ووردی
بند دلیمی پاره لدی قوم ضلالت
استبرقه ناز ایلینیم دوشدی قوم اوسته
بو فلسفه عشقیدی یوخ کیمده درایت
قوملاردا تاپوپ فیض شهادت علی سندن
ای کاش (عتیقونده) تاپا فیض شهادت
استاد طهمورثی (عتیق)
منبع مجموعه کانالهای مدح و مرثیه
موضوع: حضرت لیلا (س) ,
زبان شعر و شاعر: نوحه ترکی , طهمورثی عتیق
----
زبانحال حضرت لیلا (سلام الله)
علی جداده باشون سیر ایدر بیابانی
سالوبدی آردیجا لیلای خانه ویرانی
شکنج زلفوه از بس که باغلانوب گوگلوم
اسیر زنگی کیمی گزدیرور بیابانی
معاملات محبتده نقد جان قویدوم
گتوردوم آخر اَله تار موی جانانی
نه سمته چکسله گلّم دالونجا سایه کیمین
اُمده بوشلامارام زلف عنبر افشانی
سنخ کجاوه، اوزوم خسته، یول خطرلی، گینه
طریق عشقی گزوب بوشلارام سر و جانی
سکینه زلفوه تای قیزلاری سالوب نظمه
نظامه سن سالالی طرّهء پریشانی
یازوبلا یوزده علی آدون اشک چشمیله
اوخولّا دلده ولی آیه فتحنانی
چکولّه سیره گلن قیزلاری تماشایه
نشان ویرولّه تجلّای نور یزدانی
باخان جمالیوه مدهوش اولور دوشور دلدن
سالور خیالینه سیناده پور عمرانی
دیولّه هر تلی مین یوسفه دگر بو باشین
پوزولّا رونق بازار ماه کنعانی
نه قانلی باش دیَسَن نیزه ده قیزیل گُل آچوب
گلور مشامه بو باشدان شمیم رضوانی
بو کاروانه باشون مشعل هدایتدی
اماندی سالما محاقه او ماه تابانی
اسنده یل، پوزلور نظمی عالمون، زلفون
دوتور صحاب کیمی روی مهر رخشانی
حریم حُسنوی طوف ایلینده اهل حرم
یانان اورکده آلشدورّام آه سوزانی
جرس فغانه گلر ناله مین نواسیندان
چخار اسیرلرین عرشه داد و افغانی
عراق دشتینی آهنگ غم دوتار، بلبل
نوا و شوریله ترک ایلیر گلستانی
سپاه سنگ دله نالم ایلمز تاثیر
بیر آزدا آرتوری ظلمون گروه سفیانی
یارالی باشیویله درد و دل ایدنده عدو
گُلندن آیری سالور عندلیب نالانی
نه قدری یالوارورام نیزه داریوه ویرمور
نهان ایدم دل ویراندا دُرّ ِ غلطانی
وُروبدی اصلی امیدیله چنگ دامنیوه
اورکده واردی چتین دردی سرّ ِ پنهانی
حاج عبدالله اصلی
منبع مجموعه کانالهای مدح و مرثیه
موضوع: حضرت لیلا (س) ,
زبان شعر و شاعر: نوحه ترکی , حاج عبدالله اصلی
----
زبانحالِ حضرت لیلا (سلام الله)
ای آسمانِ حُسنده یوزی آفتاب اوغول
زلفون سالوب بو مِهرِ مُنیره نقاب اوغول
بو حُسنه آفتاب دئدیم گر گذشت ایله
حُسنوندن آفتاب ایدر احتجاب اوغول
گوردوم ووراندا شانه الیم تترور ، آنلادیم
قانون ایدر بو زلفِ سیاهون خضاب اوغول
شَقُّ القَمر علامتی باشونده گورسنور
ای وارثِ ملاحتِ ختمی مآب اوغول
یتمز تمامه مدحتِ حُسنون اگر یازا
هر بیر یازان بو باره ده مینلر کتاب اوغول
سنله بو قوم جنگ ایده بولمزدی روبرو
اولمازدی هم نبرد سنه شیرِ غاب اوغول
بیله که گوز یاشیم اولوری سیل تک روان
واردور یری بو عالمی ایتسون خراب اوغول
آهیم ویرور یانیق ایگی ، گویا که سینه ده
ایلور قضا الی دل و قُلوه ، کباب اوغول
هاجر پیچاق یرین گوروب اوغلوندا دوزمدی
غشّ ایلدی ایدنمدی اول وضعه تاب اوغول
لایق دگولدی هاجر اوغول ویرماقا فدا
لیلانی ایلمیشدی خدا انتخاب اوغول
هی سسلورم سسون ایشیدم ویرمیسن جواب
ناز ایلمه منه ، آناوام ویر جواب اوغول
صد پاره جسموه باخارام یانّام آغلارام
باخدوقجا آرتار اودلی دله ، التهاب اوغول
گه باخمارام که سوزِ دلیم بلکه اسگیله
یاغدورمیا سرشگ گوزوم ، چون سحاب اوغول
مجبور ایدر علاقه باخام گُل وجودوه
تقطیر ایده گوزوم جگریمدن گلاب اوغول
اوغلی ئولن آنا ئولوم ایستر بو رسمدور
من ایستورم ولی قالام عالیجناب اوغول
هرگز وفا و عشق بولونمز اگر ئولم
فانی اولام سو اوسته بسانِ حُباب اوغول
چوخ مایلم باشون دالیجا چوللّره دوشم
شامه گیدم نوایه گلم چون رَباب اوغول
مجنون عوالمین گرک ایله نشان ویرم
عشق عالمینده قالمویا تا ارتیاب اوغول
لیلانی فرقتون بالا گر سالماسا چوله
ایتمزله خلق آرا منه لیلی خطاب اوغول
اشگیله پای ناقه گرک گِل نشین اولا
تا قِیس اولانمیا منیله هم رکاب اوغول
گُل جسموه او قدر دگوب خار تک خدنگ
ممکن دگول حساب ایده بیر ذی حساب اوغول
منسوبدور (حسینی) سیزون آستانوزه
اسبابِ افتخاریدی بو انتساب اوغول
خلّاق اونی بو جمعِ پریشانیله مدام
ایتسون عزای آلِ علیده مُصاب اوغول.
مرحوم حسینی سعدی زمان
منبع مجموعه کانالهای مدح و مرثیه
موضوع: حضرت لیلا (س) ,
زبان شعر و شاعر: نوحه ترکی , حسینی سعدی زمان
----
زبانحال حضرت لیلا (س)
توپراقلار اوسته اکبری فرزندِ بوتراب
تاپجاق یارالی نغشینی قیلدی بیله خطاب
ای چرخِ حُسنده یوزی مِهرِ تمام اوغول
قان پرده سی او گون یوزه ابرِ ظُلام اوغول
سنسن شبیه ، خَلقا" و خُلقا" پیمبره
وار کیمده بو جلالت و بو احتشام اوغول
جدّیم دوشردی یاده باخاندا علی سنه
ای مظهرِ جمالِ رسولِ کرام اوغول
یتجاخ سسون قولاقیمه آلدی قراریمی
بِالمرّه گیتدی قالمادی صبر و دوام اوغول
ظاهرده گر چه ئولمه میشم لیک دوشموشم
من حالِ احتضاره گوتوردوقجا گام اوغول
حاشا که من اوغول سنه ناکام سویلیَم
قیلدون گوزل طریقیله تحصیلِ کام اوغول
لب تشنه جان ویروب یتوشورسن مراموه
کیم ایلیوب بو نوعیله اخذِ مرام اوغول
باشدان آتام علی کیمی باشون قلجلانوب
ای اوز باباسی حیدره قائم مقام اوغول
بو حالون ایتدی قلبیمی ایله جریحه دار
تاپماز بو یاره حشره کیمی التیام اوغول
ناله یتردی عرشه حرمدن گلنده من
بیر پارچا داد و آهیدی یکسر خیام اوغول
ایمدی گلولّه اهلِ حرم گورماقا سنی
ایتمیشدی خیمه لرده قیامت قیام اوغول
سن گوردوقون تحمّل و صبریم تمام اولوب
اولسون نقدر منده ثبات و قوام اوغول
سالدی سنی کمنده خطا دیده اؤچیلار
یوخدی خُتنده سن کیمی آهوی رام اوغول
لیلادن آیری دوشماقوا اولما چوخ ملول
گوزلور یولون بهشتیده زهرا آنام اوغول
قورتولدون عاقبت علی سن هَمّ و غمّدن
قالدی آتان وحید و فرید ای آتام اوغول
دورت بیر طرفدن اوستومه غملر هجوم ایدوب
چوخ مایلم یخا منی بو ازدحام اوغول
وورمشدی شانه زلفوه لیلا گلنده سن
سالمیشدی نظمه ، نولدی او نظم و نظام اوغول؟
گُل پیکرون قلجلادیلار ، بند بند اولوب
بی رحمدور نه قدر مگر اهلِ شام اوغول
خوش نقشه لر سالوبدی بو گلبرگ سینه ده
نوکِ سِنان و خنجر و تیغ و سهام اوغول
ممکن دگل بو نعشی قوجاقیمده حمل ایدم
از بس یارا ویروبلا بو قومِ لئام اوغول
احسنت حُسنِ خدمتله ویردون امتحان
قیلدون بو باره ده نه گوزل اهتمام اوغول
چوخ تشنه سن علی بولورم دوتموری دلون
غنچه کیمی سولوب بو لبِ لعل فام اوغول
سیراب اولماقا سنه من وعده ویرمیشم
جدّون یاخوندی گلسین اوزی الده جام اوغول
لیکن ایدنده سنده ملاقات جدّوه
ایله منیم دلیمجه او شاهه سلام اوغول
پیغمبرِ خدایه علی اول پیام بَر
مندن آپار رسولِ خدایه پیام اوغول
عرض ایله اوز رعیّتمیز ئولدوروب بیزی
قویموب قویان امانتوه احترام اوغول
آچدی بو حالیده گوزینی ایلدی نگاه
اوز تشنه کام آتاسنه ، اول تشنه کام اوغول
سیراب اولماقین یتوروب یومدی گوزلرین
جان اوسته دور باخاندا نه گوردی امام ، اوغول
بیر صیحه چکدی آغلادی سسلدی وای علی
ای سروِ ماه طلعت و زیبا خرام اوغول
سن اوّلین قتیل سن آلِ خلیلدن
قویدون عجب مِنای محبّتده نام اوغول
ای کوکبِ وفا ندن عمرون آز اولدی بس؟
صبح اولدوزی بیله اولی چون بِالتّمام اوغول
نطقه گلنده سر سخن ایلردیم اسموی
ای اوز کلیمِ عصرینه ازّل کلام اوغول
ساکت اولاندا دلده قالوردون سوزوم کیمی
فکریم علی اولوردی خیالیم مدام اوغول
گلّم دالونجا منده علی بول دایانمارام
انصافدور که سن ئوله سن من قالام اوغول؟
دل تنگم اوز حیاتیمه بیر حبس دور مدام
دارالسّلام اهلینه دارالّئلام اوغول
ووردوقجا ال بو قانه باتان زلفوه دولار
مشک و عبیر رایحه سیله مشام اوغول
باخدوقجا گُل جمالوه خیره لنور گوزوم
گوندوز گوزی اولوب منه بیر تیره شام اوغول
قان قطره سی خوش دوزولوب وار یری اگر
پوزسا نظامِ عالمی بو انتظام اوغول
ایمدی قاتالّا قانیمی بو قانه کوفیان
ایلوب حلال قتیلمی ، نسلِ حرام اوغول
سنلن یاتار اوغول علی بیر قبرده آتان
تعیین اولوب آتا اوغولا بیر منام اوغول
باشونله شامه دین گیده جاخ نیزده باشیم
بازارلرده دِیرده سنلن وارام اوغول
تا دگمیوب دوداقلاریما چوبِ خیزران
تاپماز بو محنت و مصیبت ختام اوغول
(صافی) ووروبدی چنگ بو دامانِ رحمته
سرمایهء نجاتیدی بو اعتصام اوغول.
مرحوم صافی تبریزی
منبع مجموعه کانالهای مدح و مرثیه
موضوع: حضرت لیلا (س) ,
زبان شعر و شاعر: نوحه ترکی , صافی تبریزی
----
زبانحال حضرت لیلا (سلام الله)
اکبریم قوی دولانیم باشوه پروانه کیمین
دوشرم چوللره سندن صورا دیوانه کیمین
عزم رزم ایلوسن ای شبه رسول مدنی
شمع رخسارووه گیتمه ایله پروانه منی
دالی باخ لیلی دوینجا گوره وجه الحسنی
یانا هجر آتشینه عاشق مستانه کیمین
شکّرستان لبون لیلینی مجنون ایلیوب
هجر الاسود خالون منی مفتون ایلیوب
آنووی صحبت هجران ایله دلخون ایلیوب
قان دولوبدور دل محزونیمه پیمانه کیمین
عمر سرمایه سی سن لیلیه ای سرو روان
اولموسان سن بوی اتاندان منه آرامش جان
تیر هجرانه ایدورسن بو یانان قلبی نشان
آیریلورسان نیه مندن بیله بیگانه کیمین
گوزل آهو ایدوسن ساحت جانانه خرام
بزم عرفاندا ویره ساقی باقی سنه جام
باخورام هر دالی باخدوقجا اورگدن یانورام
توکولور اشک ترون گل یوزه دردانه کیمین
باغلانوب طرّه طرارووه بو قان اورگیم
شانه مثلینده اولوب هیجریله شان شان اورگیم
ایسته سون دنجله بیر لحظه پریشان اورگیم
چک دالونجا بو یانان قلبیمی میدانه کیمین
دایان ای سوزلری شیرین یوزی گل لعلی چیچک
گیتمه میش رزمگهه سال باشما قاره لچک
نقش برآب ایلدی نقشه لری چرخ فلک
قلبیده آرزیلاریم قالدیلار افسانه کیمین
پر آچوب طایر روحون سنون ای روح بلند
عالم قدسده حق محفیلینی ایتدی پسند
بد نظر چوخدی یانان قلبیمی گل ایله سپند
قفس سینه ده قویما اسه ریحانه کیمین
من دئیدوم قسمت اولار سفره عقدون بزه رم
نو عروسیله گلنده یولووا گل دوزه رم
وای منه سن گیدوسن چوللری ویلان گزه رم
اولار عالم گوزومه گوشه غمخانه کیمین
دئیه جک دشمن اوغولسوز آنووا گتسه هارا
وویراجاق اهل شماتت بو یانان قلبه یارا
کاش مژگانون اوخی سینمی بیر لحظه یارا
گوره سن قلبیمی شان شاندی اوغول شانه کیمین
ای زمان بوسفی کی فخر تبار نبوی
دئیمورم گتمه دایان ای گل باغ علوی
دوتموسان ایندی که آیریلماقا تصمیم قوی
گل اوتور قوی دولانم باشووه پروانه کیمین
مرحوم حسین شانی
منبع مجموعه کانالهای مدح و مرثیه
موضوع: حضرت لیلا (س) ,
زبان شعر و شاعر: نوحه ترکی , شانی
----
زبانحال حضرت لیلا (س)
آفتابِ عمرون ندن سنون ، تیز غروب ایدوب مه جمال اوغول
کوکبِ سحر رسمدور بلی ، سن کیمی تاپار تیز زوال اوغول
خاک و خون آرا یاتما نازیله - دور ایاقه ای بی همال اوغول
اهلِ دل ، دل آچماز شکایته ، گر چه ویرسه یوز هر بلا و غم
سویلین بلایه بلی' دوزَر ، هر بلایه بی لا و بی نَعَم
دل ولی نجه بو مصیبته تاب ایدر که بو فرقهء ظُلَم
ایله حاله جسمون سالوبلا کی هرگز ایلمزدیم خیال اوغول
پرده پوش گون تک حقیقتی ، گوردون ایستر اهلِ مَجاز ایده
اخترِ ضلالت بلند اولوب کفر پرچمی اهتزاز ایده
آز قالوب نیستانِ شیرده ، آشیان ، شغال و گُراز ایده
دینی ، دینه خدمت آدیله بو ، اهلِ کفر ایدر پایمال اوغول
قویمادون که بازیچه اخذ ایده ، اهلِ کفر ، شرعِ محمّدی
بادِ ظلمله قویمادون سونه ، نورِ محضِ مصباحِ سرمدی
حق یولوندا ئولماقلیقونلا سن ، زنده ایلدون شرعِ احمدی
شاهدِ ازل ایتدی گون کیمی اهلِ دینه عرضِ جمال اوغول
نه جفائیله ئولدوروب سنی ، بو گروهِ بی شرم و بی حیا
یر یوزونده صد پاره پیکرون ، مو به مو ایدر شرحِ ماجرا
ایلیوبدی جسمونده سربه سر ، بندی بنددن تیغِ کین جُدا
واقعا" نه انصافسیزدیلر ، بو جماعتِ بدمآل اوغول
گون کیمی جمالون کسوف ایدوب ، قانیله دوشوب تاب و جلوه دن
قدّیمی منیم خم ، هلال تک ایلیوبدی بارِ غم و محن
اوزگه بیر قیامت قیام ایدوب ، زینبه مگر بولموری ندن
اجتماعِ شمس و قمر اولوب ، اِقترانِ مِهر و هلال اوغول
درک ایدم سنی من بو حالیله ، نَقَدر چتیندور خدا بولر
دل یانور نجه نارِ هجروه ، بیرده لیلی بی نوا بولر
من کیمی اوغولسوز قالان آتا ، نفسینه ئولوم مُقتضی' بولر
رشتهء حیاتیم خوشام تاپا ، تارِ عُمردن انفصال اوغول
ایتماقا بلا تیرینه سپر ، سینه سین بیر اهلِ ولا گرک
نشئهء مِیِ وحدت آختاران ، قید کثرتیندن رها گرک
من مِنای عشقون خلیلینه ، سن کیمی علی بیر فدا گرک
وار یری که لیلی فغان ایده ماتمونده هاجر مثال اوغول
ای وجودی جدّی پبمبره ، خَلق و خُلق و منطقده ما صَدَق
اهلِ کینه قرآن کیمی یازوب ، تیغیله وجودون ورق ورق
گوئیا که جسمون خزان اولان بادِ ظلمیله ، گُلدی بیر طبق
عندلیب تک گَلمیوب عبث شوره بو دلِ پُر ملال اوغول
قطره قان دوزولموش جَبینوه ، دورِ ماهه گویا ستاره لر
قانیله آچوب سرخ گُل علی ، گلشنِ وجودونده یاره لر
آلدیلار که قلبونده وار سنون ، سوزِ یاره لردن شراره لر
ویردیلر دَمِ تیغدن سنه ، اهلِ کینه آبِ زلال اوغول
سن غریقِ بحرِ گناهسن ، عابدم دیمه (عابدا) هدر
ساحلِ نجات اولسا مقصدون ، بو مهیب گردابدن اگر
دامنِ حسینه تَمَسُّک ایت ، بو کلامی ورد ایله دیده تر
آفتابِ عمرون ندن سنون ، تیز غروب ایدوب مه جمال اوغول.
مرحوم عابد خیابانی
منبع مجموعه کانالهای مدح و مرثیه
موضوع: حضرت لیلا (س) ,
زبان شعر و شاعر: نوحه ترکی , عابد
----
زبانحال حضرت لیلا (س) در راه شام
جان مادر ز رخت نور خدا جلوه گر است
بیند این نور هر آن دیده که صاحب نظر است
صورتت آینه ای حسن جمال از لیست
بیند این آئینه آن کس به حقیقت نظر است
ای محمد رخ و حیدر دل و زهرا طینت
که نبی جد و حسن عم و حسینت پدر است
مادر دهر عقیم است نیارد فرزند
دید تا همچو تو در عالم خلقت پسر است
صورت و سیرت پیغمبر و حیدر داری
زان دو گنجینه عیان همچو تو یکتا گهر است
تو ذبیح الله وقتی و منم هاجر تو
لیلیم لیک مرا شور جنونی به سر است
من جوانی چو تو پرورده ام ای حاصل عمر
حا صل زندگیم بعد تو خونین جگر است
شایق بزم وصالی قدم از سر کردی
این چه سریست در این سر که از عشقش اثر است
سر تو بر سر نی وادی ایمن این دشت
دسترس نیست به این شاخه که نورش ثمر است
زخم شمشیر به فرق تو در آن زلف سیاه
در شب تیره مگر معجز شق القمر است
خال مشگین تو بر صفحه رخسار پدید
یا به گلبرگ طُری* نقطه ای از مشک تر است
ای مه نو سفرم همسفر من بودی
حال بنگر که مرا بهر اسیری سفر است
سفر شام و اسیری و غریبی و فراق
اکبرا این ره عشق است چنین پر خطر است؟
اندرین غم که جهان زآتش آن می سوزد
خامه اندر کف (مشکوة) غمین نوحه گر است
مرحوم مشکوة تبریزی
منبع کانال گنجینه گذشتگان
موضوع: حضرت لیلا (س) ,
زبان شعر و شاعر: نوحه فارسی , مشکوه تبریزی
----
زبانحال حضرت لیلا (سلام الله)
در راه شام
من بو سودادن علی ال چکن اصلا دگلم
گزمسم چوللری مجنون کیمی لیلا دگلم
گل خیالیله گرک دالدالانام خاره گیدم
گل کیمی باشدان آتوب پرده نی بازاره گیدم
گه گزوب چوللری گه مجلس اغیاره گیدم
گوره‌لر عشقده ثابت قدمم یا دگلم
چوخ خوش عالمدی وار اوز عالمیمه شکریم علی
قید عالمدن عجب فارغ اولوب فکریم علی
صحبتیم وردیم علی فکریم علی ذکریم علی
ازگه بیر صحبته بیر کلمیه گویا دگلم
اشگیله مخزن اولوب لؤلؤ مشحونه گوزوم
دوندوروب دامنیمی دجلۀ جیحونه گوزوم
قویمادی پرده چکم نکتۀ مکنونه گوزوم
یوخسا اُز سرّیمی من بولدورن اصلا دگلم
گوروم قانلو باشون نیزه‌ده هر آن گورونور
مه یوزین گاه نمایان گهی پنهان گورونور
تل‌لرونده دوزولوب شدّۀ مرجان گورونور
یا گوزوم یاشیدی من مطلبه دارا دگلم
باخوب آغلار گوزیمه اشگیله طوفان گورورم
اودی دل ملکی تک عالملری ویران گورورم
یا پریشاندی خیالیم که پریشان گورورم
تابع زلف پریشانوام آیا دگلم
وصل امّیده ورار عشقده عشاق قدم
من که قطعاً بولورم وصلوی عالمده عدم
ایستیرم عالمه بو نکته‌نی من واضح ایدم
که بو تصمیمیله من اهل تمنّا دگلم
گر بو تصمیمیله تحصیل مرام ایلمه‌سم
عشق عوالیمینی تسخیر تمام ایلمه‌سم
اُز گونو تک هامویه گونلری شام ایلمه‌سم
بول که لیلا آدینا اسمی مسمّا دگلم
من بلا طالبیم صدقیله عن قلب سلیم
بو دلیلیمدی انیسیم غم اولوب ناله ندیم
گلمه سم آهیمیله نالیه با عظم رمیم
عالم عشقوه بولسونله مسیحا دگلم
فکریله جلوه لنور صورتون آغلار گوزومه
دانشوب صحبته گللم سنیله اُز اُزیمه
گورورم گلمدی بیر کلمه جوابون سوزیمه
اوندا بیللم بو مقاماته مهیّا دگلم
دوزدی لیلا اُزینی محو علی‌اکبر ایدوب
«ذهنی»ده قصّه‌سینی زینت خوش دفتر ایدوب
چوخ سالوب ذهنینه اوّل‌کی سوزون ازبر ایدوب
من بو سودادن علی ال چکن اصلا دگلم
مرحوم ذهنی زاده
منبع مجموعه کانالهای مدح و مرثیه
موضوع: حضرت لیلا (س) ,
زبان شعر و شاعر: نوحه ترکی , ذهنی زاده
----
زبانحال حضرت لیلا (سلام الله)
ای جوان اوغول سنیدون مونس شفیق لیلا
دورما گیت ملالون اولسون قبره دین رفیق لیلا
حلقه حلقه زلفون ایتدی من غریبی حلقه بر گوش
نظمیله گوز اوسته مژگان صف چکوبدی دوش بر دوش
گیزلنوبدی آب حیوان لبلرونده ای لب نوش
چشمه حیاته دوشسون قوی علی طریق لیلا
شش جهتدی عشقِ حُسنون باشه بیله شور سالدی
عشق ششدرینده لیلا شاهزاده مات قالدی
قلعه ی دل حزینی لشکر محبّت آلدی
کارگر اولانمادی بو فکرت عمیق لیلا
حسّدن دوشوب قُوالر شور عشقیدن وجودیم
بی وجود اولوبدی لیلا قالمیوب مگر نمودیم
باطنا یانار وجودیم مجمری و لیک دودیم
آتش محبّتونده وار عجب حریق لیلا
نوردیده گیتمه گوزدن گیتمه سون بو دیده نوری
ای سرور قلب واردور سنله قلبیمون سروری
بولمورم نیدیم من آخرچوخدی حسرتون وفوری
ساکت اولدی دوشدی دلدن بو دل شفیق لیلا
جان قویوب سنون یولوندا شوق اوزیله جان و دلدن
جان کیمی بو سرو قدّون سینم اوسته بَسلدیم من
بیله وقتیده آناوی ترک ایدوب نَدَن گیدورسن
قانه دوندی باغریم آخر گیتمه ای رفیق لیلا
ای عزیز اوغول فدا بو حالیوه ذلیل جانیم
بو نه شوردور باشوندا باشیوه سنون دولانیم
باخ یوزومه گور بولورسن نه زماندی بو زمانیم
بو سبب آخار گوزوندن اشک چون عقیق لیلا
سر حد کماله یتدون گیچدی حدّدن کمالون
یاخشی وقتیده یتیشدی دادیمه اوغول وصالون
مرحبا وفاده اولسون اَمدیقون سودون حلالون
حقّیمی حلالون ایدیم صدقیله صدیق لیلا
یا اوتور یانیمدا مندن رَم یِمه ای آهوی رام
یا یری باخوم بویوا بلکه قلبیم اولسون آرام
حیف اولا سنون طویوا قالدیم حسرت ای دل آرام
دولدی درد حسرتیله سینه شهیق لیلا
دردیمی ایدوم سنه من هانسی دللریله ظاهر
یاندورور اوغول اُلومی اولسادل نقدر صابر
یاتمیوب گوزوم گیجه لر چکمیشم جفاوی آخر
سن کیمی یقینا اولماز بیر نفر عتیق لیلا
تیز اثر ایدر اوغول چون اوغلونا آنا دعاسی
ایلرم دعا که گلسون جانیمه بُویون بلاسی
سالموسان بویون فداسی بوینوا اُلوم لباسی
مرگیوه سنون دوزنمز بو دل رقیق لیلا
هندی قیل تمام آغلا اکبره صباح و شامی
حق اجابته یتورسون دلده کی اولان مرامی
لیلی نون دلینجه بیرده سویله مطلع کلامی
ای جوان اوغول سنیدون مونس و شفیق لیلا
مرحوم هندی
منبع مجموعه کانالهای مدح و مرثیه
موضوع: حضرت لیلا (س) ,
زبان شعر و شاعر: نوحه ترکی , هندی
----
زبانحال حضرت لیلا (سلام الله)
در راه شام
اوزون گل تار مار ایله صبا گیسوی جانانی
پریشان ایله احوالیم کیمی زلف پریشانی
چلیپا حلقه حلقه خم نجم زلفون عذارونده
دیرسن بس سحاب نیزه دوتموش ماه تابانی
طلوع صبح صادق ظلمت شبده اولور واقع
و یا ابر سیه مستور ائدوب مهر درخشانی
مداد کلک قدرت نقش ائدوب لوح جبینونده
سراسر سورهٔ یاسین و الرحمان و طاهانی
یازوب دیباچه سینده سبّح اسم ربّک الاعلی
و یبقی وجه ربّک کلّشیٔ غیره فانی
جمالون سوره ی والشمس زلفون آیهٔ واللیل
یازیلموش مصحف رخسارده آیات قرآنی
سواد زلف شرح لیلة القدری بیان ایلر
و ما ادراکدن اثبات اولور واضحدی برهانی
دوشوبدور گوشهٔ ابرو دالیندا نقطهٔ خالون
ویرور بسم اللهین با حرفینه بیر لفظ معنانی
بصیرت اهلینه آئینهٔ حسنون نهان اولماز
اوخور عکس رخوندن سورهٔ انّا فتحنانی
حجاب صورتی رفع ایله تا معنا ظهور ائتسون
ورا ٕ پرده ده مستور اولان اسرار پنهانی
جمالون نوری اولسون جلوه گر خرّ مغشیا
نشان وئر آشکار اولسون بو خرّ مغشیانی
کلیمه نخله ایمن ائدن نور تجلّانی
اوزون بو مطلبه شاهد گتور موسی بن عمرانی
اولا تابنده پشت پرده دن تا ذرّه نورون
فضای طور حیرتده قویار سرگشته موسانی
دئسم عیسی مقامیندن مقام عشقون اعلادور
یری واردور اگرچه چکدیلر داره مسیحانی
اولوب اوچ گون فراز دار اونا دارالمقام اما
سنون تک گزمدی قرخ گون جداده باشی صحرانی
چکوبلر نیزه باشینده سنی داره مسیح آیا
چکلّر عشق میدانیده داره عشقه دارانی
ائدوب قطع علاقه جسمیدن گچدون علایقدن
فراز نیزه ده ایلر باشون معراج جسمانی
علاقه ایلیوب زلفون طنابی رشته ی جانه
کمند کاکل مشکین چکوب زنجیره لیلانی
طناب زلفیله قید محبت جذبه ی عشقون
منی دیوانه لر تک گزدیرر کوه و بیابانی
آخار قان کاکلوندن قطره قطره اشگ چشمیم تک
گوزوم باخدیقجا اول قانه گلور جوشه اورک قانی
اولا گر ذرّه ی لطفون(حقیرین)حالینه شامل
آچار گلشن سرای مدحون ایچره نطق گویانی
مرحوم حقیر خویی
منبع مجموعه کانالهای مدح و مرثیه
موضوع: حضرت لیلا (س) ,
زبان شعر و شاعر: نوحه ترکی , حقیر خویی
----
زبانحال حضرت لیلا (سلام الله)
هرنه بلا یولوندا علی باشیمه گله
منتدی جانه اینجمرم ایتمرم گله
شمر ایلمز جفاسینی مندن مضایقه
فکری بو دور که تنگه گتورسون گلم دله
اما اونون خیالی ازلدن خطا گیدوب
اولماز محبت اهلی اولان تنگ حوصله
هر ظلم ایستر ایلسون آخرده شمریله
دیوان کبریاده واریمدور مباهله
گرجان قویام مراحل عشقونده سهلدور
اول قدم گیچوب نظریمدن بو مرحله
اثبات ادعای محبتده شاهدیم
عدلینیدور قولومدا طنابیله سلسله
اولام پیاده مرحله پیمای راه عشق
ورام قدم قدملریم اولدوقجا آبله
من سندن اوتری چولره دوشدوم روادی سن
بیر لطف ایدیب گتورمیه سن گوگلومی اله
دوندرمه قانه گوگلومی ناز ایلمه دانیش
هرچند اولور همیشه گلون نازی بلبله
رحمه گلوب سوروشسان اگر حالیمی منیم
باخ گردنیمده حلقه قید سلاسله
آسوده لیق الوب گیجه گوندوزمنه حرام
نه آب ونه طعام ونه بیر زاد و راحله
هردم باخاندا حسرتیله قان اولور گوگول
نوک جداده قانه باتان زلف و کاکله
من دست بسته یرده جداده سنون باشون
وار بیر جدا بویونجا بو مابین فاصله
نه نیزه دن باشون اگوسن باغریما باسام
نه نیزه ده الیم یتور اول تار سنبله
سن باخ جدا باشیندا منه منده باشیوا
حسرتله آغلیاغ ایشیمز دوشدی مشکله
گرچه الیم یتشمری اله چکمرم گینه
زلفون کشاکشینده اولور حل مسئله
من یرده سن جداده ایداق ناله صبح و شام
یاخشی تاپولدی عاشق و معشوقه مشغله
سودای عشق چون سر زلفونله باشلانوب
سر رشته آلموشام او سر رشته دن اله
جان رشته سین کلافه کیمی الده دوتموشام
بازار شامه قالدی قرار معامله
شامین خرابه سینده بو سودا تمام الور
چوخ چکسه آلتی آی چکه جاخ قویمارام ایله
سرمایه حیات بو سوداده یا گیدر
یا باشوی گتورم او ویرانه منزله
سر مشقینی (حقیر) یمون اولده ویرموشم
دفترده یازماسون قلمی ش عر باطله
مرحوم حقیر خویی
منبع مجموعه کانالهای مدح و مرثیه
موضوع: حضرت لیلا (س) ,
زبان شعر و شاعر: نوحه ترکی , حقیر خویی
----
زبانحال حضرت لیلا (سلام الله)
در راه شام
چیخوبدور کوفه دن لیلا گلوب افغانه یوللاردا
باخوب سر نیزیه قلبی دونوبدور قانه یوللاردا
گوروب دلبندینون باشین چکوبدور آهی آه اوستن
بالانین محنتی گتدی آنانی جانه یوللاردا
دیدی ای یوسفیم یومما گوزون حالی پریشانم
تکان ویر بیر قدر قانه باتان مژگانه یوللاردا
فلک اون سگّیز ایل قویدی باخام رخسارووه اما
صورا دنیانی دوندردی منه زندانه یوللاردا
منیم شمع حیاتیم سن آماندور تز جدادن اَن
دولانسون باشوه بیر آز گِنه پروانه یوللاردا
اَسوب یل کاکلون سرنیزه ده اولموش پراکنده
نه خوشدور زلفووه ویرسا کنیزون شانه یوللاردا
گلوبدور باش یاروندان قان دوزولموش ماه رویونده
یوزونده خشک اولان قان بنذیور مرجانه یوللاردا
ایدوب حُسن عالمی یکسر مسخّر لشکر زلفون
کنار ایله باخوم بیرده رخ رخشانه یوللاردا
چیخاندا نیزیه باشون کأنّه آی چیخور سیره
باخور افسرده اولدوزلار مهِ تابانه یوللاردا
فلک جان شیشووی چالدی عداوت داشینه بیر دن
نظر قیل گور نجه آغلار نچه دُردانه یوللاردا
هانی هاجر گلوب باخسون منیم تک هاجر عصره
نه نوعی وورموشام زینت گوره قربانه یوللاردا
دریغا یوسف عصری چکوب بازاره شام اهلی
ساتوللار گور نه نوعی قیمت ارزانه یوللاردا
ولی کیمده نه جرأت وار حسینون یوسفین آلسون
خریدارم ئوزوم من یوسف دورانه یوللاردا
دیدیم گر چه گوزون یونما ولی یوم مشتری چوخدور
آلا گوزلر نهان اولسون باخور بیگانه یوللاردا
یقین ئولم آلنسا قانلی باشون نیزه داروندن
ایویمی یخماسن باخما من نالانه یوللاردا
آپارسا هر یره دشمن منی گل سنده دیداره
گجه صبحه کیمی سنلن قوروم غمخانه یوللاردا
دیللّر ظالمی آنی یخار بیچاره نین آهی
چکوم آهی سالوم اود عالم امکانه یوللاردا
آنالیق مهری جوش ایلراورگیم برگ تک تیترر
ترحّم ایلین یوخدور دل لرزانه یوللاردا
طبیبا ناقه اوستونده مریض بی علاجم من
منی محتاج ایدوب دردو غمون درمانه یوللاردا
دعا من ایلرم آمین دییَر نازلی رقیّونده
باشون تا اولمیا مهمان دنی انسانه یوللاردا
ربابون اوغلی اللرده ئولوب بیلّم چیخار جانی
پریشان گوزلری دوشسه قوزی جیرانه یوللاردا
حاج یوسف معزی اردبیلی
موضوع: حضرت لیلا (س) ,
زبان شعر و شاعر: نوحه ترکی , معزی
----
زبانحال حضرت لیلا (سلام الله) در راه شام
خلق ایدندن پیکرون پیکر تراش پیر اوغول
بوینوما زلف سیاهوندان سالوب زنجیر اوغول
اولموشام افسانه گویا دیده ی شهلا کیمی
عاذر عشقم منه لطف ایلسن لیلا کیمی
کاسه ی چشمیم لبالبدور منیم دریا کیمی
زورق چشمیم سینیبدور اولموشام چون پیر اوغول
نرگس مستون کیمی سرمست اولوب مستانیم
جستجوی شمعیده پرسوخته پروانیم
سنده، من محو اولموشام روحیم گیدوب افسانیم
بیر نشانه واردی روحیمدن قالان تصویر اوغول
ای غزال خوش خرام مرغزار زندگی
وحشیانه بو سپاه شام ایدوب درّندگی
یوخدی سیر گلستان و گلشنه زیبندگی
تا سنی صیّاد ایدوب ظلمیله غافلگیر اوغول
بو گیاه زلف ایدوبدی صورتون باغ بهشت
هر یانا گیتسه باشون گلّم نه دیر و نه کِنِشت
آرزوئیله ستیز ایلر ولیکن سرنوشت
وار باشیمدا بولمورم بو یولدا نه تقدیر اوغول
ای ذبیح کربلا ای کعبه ی اهل نظر
زمزمون لعل لبوندور، هاشمی خالون حجر
حاجی عشقم گرکدور حجّیم اولسون خوبتر
بوسه ووردوم هاشمی خاله اودور دلگیر اوغول
خالیدن خالی اولان صورتده خالیدور صفا
عاشق و معشوقه لازمدور که کشف عشق اولا
قانیله معنا یازار عشقه آتان میر هُدی
هفت شهر عشقیده لیلایه اولموش پیر اوغول
ایلرم تدریس غم دانشسرای عشقیده
ایتموشم تحصیل اوزوم پیش خدای عشقیده
نی کیمی افغانه گلّم نینوای عشقیده
نوک مژگانیم ایده تفسیر غم تحریر اوغول
کشتی نوحی سالوب گردابه بو گرداب عشق
گوردوم آرام اولدی سنده ایلیوبسن خواب عشق
طاق ابروی کمانوندور اوغول محراب عشق
سجده بو محراب عشقه ایلدی شمشیر اوغول
تا مدال عشق ووردون سینه ی پروانیه
ایلدون لیلای عشقی هم صفت پروانیه
دور علی لیلا یولا دوشدی گیدور ویرانیه
عشقیمیله تا ایدم ویرانه نی تعمیر اوغول
عقرب زلفونده ایتدیم چهره ی ماهه نظر
برج عقربدِیدی آی، من ایلدیم عزم سفر
ایلوری تهدید اودور بو کاروانی چوخ خطر
انصرافه یوخدی امکان ایلرم تدبیر اوغول
تیر آهیله بیر اوخ آتدیم سپهر اطلسه
رشته ی عمر زیادی کاش بو آهیم کسه
سالمیه بلکه زیاد اوغلی بو جمعی محبسه
ایتمیه شاید که شام اهلی بیزی تکفیر اوغول
ای رسول اکرمه آئینه ی صورت نما
صف چکوب سیننده اوخلار قان آخور توپراقلارا
هر یارا اوستن ووروبدور قوم بد فطرت یارا
یا که اوخ سیننده رمز عشق ایدوب تحریر اوغول
آسمان عشقدور؟ یا قانه باتموش پیکرون
هر یارا مثل ستاره، گوندی راس انورون
باشداکی یاره اوغول آیدور، گوزلدور منظرون
فکر روشن فکره بو تشبیه ایدر تاثیر اوغول
سوژه دور نقّاش چینه، چین زلف صورتون
بیر درام شور و شیریندور یر اوسته قامتون
گون چراغ پیه سوز اولدی گورنده طلعتون
جامه ی حُسن ونوس اولدی بو گون تزویر اوغول
لطف خلّاق ازلدور خامه ی (هادی) یازار
وصف حُسنونده سرود ناله و شادی یازار
دست غمدن قلبیمه بیر پیک آزادی یازار
ایلینمز یوخسا بو اوز باشینه تقریر اوغول
مرحوم هادی تبریزی
منبع مجموعه کانالهای مدح و مرثیه
موضوع: حضرت لیلا (س) ,
زبان شعر و شاعر: نوحه ترکی , هادی تبریزی
----
زبانحال حضرت لیلا (سلام الله)
برینی ایتمسه لیلا محبتی مجنون
نجه بولر ندی معنای حسن روزافزون
آنا گورنده قتاله طرف جوانی گیدور
او حاله قالدی گورن فرض ایدردی جانی گیدور
جوان اوغول قد رعناسینه سالوبدی کفن
باخان او حاله دیر برفیله دولوب گلشن
ولی بهار و خزان جمع اولوبدی گلشنده
گورنمیوب ایله ضدین اولا برازنده
ایدوبدی سرو قدین برف تک کفن مستور
یوزی بهار تک ایلر باخان گوزی مسرور
هوانون ایسسی رخسارینه دوزوبدی عرق
یوزی قزل گله بنزرآچوب ورق بورق
گون ایسسسندن آچوب صورتی ایکی لاله
گل اوسته شبنمه بنزور دورب تری ژاله
دوداقلاری قورویوب کثرت حرارتدن
سالوب عطش گل رخسارینی طراوتدون
آناسی شانه ورب زلفینی ایدوب پرچین
نه زلف مشگ خطا دورعبیر ازفر چین
جسارت اولدی دیدیم من اوزلفه مشک خطا
اوزی بغشلسه اکبر بغشلنر بو خطا
باخان اوطره مشکین و زلف پرچینه
حیا ایدر باخا مشگیله عنبر چینه
اوآق کفن اوقرا زلف ایله خوشن یاراشور
قرار و صبرین آلورهرکیمون گوزی شاتاشور
اوصورتیکه باخان گوزلرین قرارین آلور
تصور ایت آنا با خدوقجا گورنه حاله قالور
گورور ملاحتینی قلب زار و مجروحی
اورکده سوزش ایدور زخمی اودلانور روحی
دیور دایان دور علی گیتمه برده عطرون آلوم
باشوا بر دولانیم بوینوا قولومی سالوم
آتان ویروبدور اجازه دنیمرم گیتمه
غریب آنان ولی بالمره بیله ترک ایتمه
دایان دویونجا گوروم گل یوزون گیدیرسن گیت
تکلم ایت ایشدوم برسوزن گیدیرسن گیت
بلنمورم نجه شهزاده آیرلوب گیتدی
بوقدر وار که یخلدی آناسی غش ایتدی
مین ایل یازانلار اگر یازسا صبر لیلادن
محالدور اولا معلوم قطره دریادن
جوانی گیتسه الندن آنا الر المز
بونی جوان بالاسی المین آنا بلمز
مرحوم حسینی سعدی زمان
منبع مجموعه کانالهای مدح و مرثیه
موضوع: حضرت لیلا (س) ,
زبان شعر و شاعر: نوحه ترکی , حسینی سعدی زمان
----
زبانحال حضرت لیلا (سلام الله)
آنالار ایچره اوغول رسمیدی وار بو جریان
ایکی یول هر آنا ئوز اوغلونی اوخشار اوجادان
بیری داماد اولان وقتیده هر تازه جوان
باجیسی عمه سی ترتیبه سالالار طویونی
ایله کی یاخدی حناسین آنا اوخشار بویونی
بیرده ئولسه آنانون تازه جوان اوغلی اگر
خویش و اقوامی گلوب شمعلرین قاره بزر
ایله کی غسلی تمام اولدی کفن ایلدیلر
باغلیاندا کفنین حاضر ائده لر آناسین
هامی اوخشار آنا آخرده دییر اوخشاماسین
او که طوی صحنه سیدور گورمدون ای ماه لقا
نه گیوب جامه شادی نه اله یاخدون حنا
آنالار تک بویووی اوخشامادیم منده بالا
ماتمونده وورولار قمچی بو یورقون نفسه
قورخورام باشووی منقذ دیزیمون اوسته کسه
مرحوم انور اردبیلی
منبع مجموعه کانالهای مدح و مرثیه
موضوع: حضرت لیلا (س) ,
زبان شعر و شاعر: نوحه ترکی , انور اردبیلی
----
زبانحال حضرت لیلا (سلام الله)
علی او زلفیله دام بلانی نیلورسن
سنون هلالی قاشون وار کمانی نیلورسن
نه باعث اولدی مگر ترک آشیان قیلدون
لباس جنگی گیوب بوینوا کفن سالدون
آتان امام حسیندن (ع)دعای خیر آلدون
وداع ائدوب باجیوی عمّه‌لردن آیریلدون
جوان‌اوغول دی‌گوروم بس‌آنانی نیلورسن
دومان دوتوب اورگیم پرده پرده شان‌شاندور
سنون منیم اورگیم آهه تیره باراندور
یارالانوب بئله که قلبیمیز پریشاندور
سنونده من کیمی قلبون دولی قزل قاندور
دوباره تیغ جفادن یارانی نیلورسن
گورنده کاکلیوی گوگده قوشلار آغلارلار
کشیده قاشلارون اوسته قلجلار آغلارلار
دالونجا زلفی یولوب قاره ساچلار آغلارلار
هوا یوزینده بولوط یئرده داشلار آغلارلار
آناندان آرتوخ علی آغلیانی نیلورسن
بویان طرفده وزیریله پادشاه آغلار
اویان طرفده باخار حالیوه سپاه آغلار
طناب خیمه ائدر ناله خیمه گاه آغلار
عم اوغلوآ بزنن تاره حجله گاه آغلار
سنون چوخ آغلیانون وار نوانی نیلورسن
اوزون بیلورسن علی نه آنام نه باجیم وار
اوغول آناسی سنون تک باشیمدا تاجیم وار
ئولن زمان سنه دفنیمده احتیاجیم وار
بو گئتمگه نه دیوم الده نه علاجیم وار
گئدورسن ایندی بو بی اقربانی نیلورسن
مرحوم یحیوی اردبیلی
منبع مجموعه کانالهای مدح و مرثیه
موضوع: حضرت لیلا (س) ,
زبان شعر و شاعر: نوحه ترکی , یحیوی اردبیلی
----
زبانحال حضرت لیلا (سلام الله)
اَلا ای قُرّة العینم به حال زار من بنگر
بکن ترک سفر ای نوجوان زین مدّعا بگذر
بیا ای راحت جانم ببین حال پریشانم
زمانی در کنارم باش و چون جان گیرمت دربر
گهی بوسم لبِ لعلت گهی بوسم گل رویت
به قدّ سرو دلجویت کنم آرایش و زیور
بر افشانم گلاب از اشک زلف عنبر افشان را
سرشک دیده بارم قطره قطره چون دُر گوهر
زنم چون شانه زلف شانه ی شمشاد می لرزد
مبادا یک سر موئی به دستم بگسلد از سر
چون از هر تار موی سنبلت بوی فراق آید
خدا ناکرده ترسم برنگردی زین سفر دیگر
کند زلفت حکایت مو به مو شرح جدائی را
دلم می لرزد و افتاده در جان و تنم آذر
مرا ای نوجوان بود این گمان کاندر گه پیری
شوی بر مادر غمدیده ی خود همدم و یاور
زمانی باخیالت داشتم خوشدل مگر روزی
فلک گردد به کامم چون شود داماد علی اکبر
به بالینت نشیند روز شادی عمه ات زینب
تماشای قد سروت کند کلثوم غم پرور
ندانستم فلک بامن نهانی کینه ها دارد
کشد بر سینه ام داغ فراق چون توئی دلبر
نبودی این گمان هرگز مرا در آخر عمرم
به هجرت مبتلایم سازد این چرخ جفاگستر
دریغ از این جوانی حیف حیف از قد دلجویت
که افتد پاره پاره در میان خاک و خون اندر
اگر با دیده ی لیلی جمال خویشتن بینی
بدانی حال لیلی ور نه کی باشد تو را مادر
که در عشق تو مفتونم نه لیلی بلکه مجنونم
کنون لیلی توئی مجنون منم ای یوسف مادر
به حال مادر پیر و غریب ای نوجوان رحمی
ندارد کوفیان رحمی بود خونخوار این لشگر
به خونت تشنه اند ای مه جبین این قوم سنگین دل
به قتلت بسته اند از کین کمر این فرقهٔ کافر
کند کلک«حقیر»اندر مصیبت آتش افشانی
ز سوز شعله اش ترسم بسوزد خامه و دفتر
مرحوم حقیر خوئی
منبع مجموعه کانالهای مدح و مرثیه
موضوع: حضرت لیلا (س) ,
زبان شعر و شاعر: نوحه فارسی , حقیر خویی
----
زبانحال حضرت لیلا (سلام الله)
گوزل اوغلوم بوریوب نور تولا گوزوی
گور نه زیبا یارادوب خالق زیبا گوزوی
هیبتوندن داغیلار کوه یره کاه کیمین
گوزلرون عرش وجاهتده گزر ماه کیمین
یوخ گوزلیکده رقیبون گوزل الله کیمین
یوسفین گوزدن آتار گورسه زلیخا گوزوی
سالک مسلک عشقم دوزرم هر محنه
قویارام باشیمی بلبل کیمی دوشِ چمنه
چاتسا سودای محبتده اگر نوبه منه
ئوز گوزومدن کچرم ساتمارام امّا گوزوی
گیدوسن گیت بیلورم ساخلاماق اولماز گیده نی
یتیشوب وقت وداع عشق آییرور منله سنی
گَل همین عشقه گوره ایله سرافراز منی
قوی ئوپوم منده رقیه کیمی زیبا گوزوی
موضوع: حضرت لیلا (س) ,
زبان شعر و شاعر: نوحه ترکی
----
زبانحال حضرت لیلا (سلام الله)
سرو ز پا فتادۀ من این چه قامت است
این قامت است یا که به لیلا قیامت است
مهر رخت بخون سرت در کسوف غم
باز این بخاک ای مه تابان چه طلعت است
چشمم به روی تو ، تو چرائی چنین خموش
پندارمت بخوابی و یا این چه حالت است
من میروم اسیر ، تو و قتلگاه تو
خوش باش خوش بخواب که خوش بزم وحدت است
ای سرگران جام وفا قتلگاه تو
خود قتلگاه ماست ،ترا جای عشرت است
زخم تنت پیاله و خون دلت شراب
ای جرعه نوش ، نوش که هنگام فرصت است
با اینهمه تحمل و صبری که مرمر است
من زنده ام هنوز خلاف مروّت است
زیرا سرت بنیزه ،تنت زیب خاک و خون
هرجا که بنگرم ز دم تیغ ضربت است
شق القمر ز فرق جبین مبین تو
آیات بینات بر این اهل ظلمت است
یا مرتضی کی از نجف آئی بکربلا
پامال ظلم این بدن با لطافت است
افتاده همچو برگ گلی چاک چاک بین
از خار تیر ظلم سراپا جراحت است
شهزادۀ تو از تو مرام « یتیم » تو
در عاجلش زیارت و آجل شفاعت است
مرحوم یتیم
موضوع: حضرت لیلا (س) ,
زبان شعر و شاعر: نوحه فارسی , مولانا یتیم
----
زبانحال حضرت لیلا (سلام الله)
گل اوتور خیمه ده اکبر باشوا من دولانیم
فرش ایدوم تپراقا معجر باشوا من دولانیم
آناقربان گوزوه باخ آناون عَرضه سینه
بش دقیقه بو غر یبون گل اوغول خیمه سینه
پر وروم یانماقچون شمع رخون سایه سینه
مثل پروانه مکرر باشوا من دولانیم
مه جمالونده که خالی بوریوب موی سرون
خوش دگل ابر سیه اوستونه دوشسه قمرون
ساغ یوزوندن آیروم صول یوزوه طرره لرون
هاشمی خالوی گوستر باشوا من دولانیم
من سنی یولیورام دشت مناده ئوله سن
سالاسان لیلی بیچاره نی چولدن چوله سن
نه سن اسماعیل اولارسان گئده سن ساغ گله سن
نه ده لیلی اولورهاجر باشوامن دولانیم
ای منیم آرخام ائلیم شان و جلالیم کومگیم
گور نجه رعشیه دوشمش بدنیم جان و رگیم
دیزلریم عضولریم بیرده قان اولموش اورگیم
قوری یاپراق کیمی تتررباشوا من دولانیم
من بویوتدوم سنی اوزجانیملن قانیملن
هاجره فخر ایدورم سن کیمی قربانیملن
قوی ووروم کاکلوه شانه بومژگانیملن
گوز یاشیلا سپوم عنبر باشوا من دولانیم
تار مویوندن آییر سینمه پیرایه وئریم
یا ئولندن صورا تحفه اونی زهرایه وئریم
یا نشانون آپاریم یثربه صغرایه وئریم
بینوادور سنی گوزلر یاشوا من دولانیم
باشدان عمامه گوتورنوروی تابنده ایله
سربرهنه گورونوب آی گونی شرمنده ایله
جلوه ی حسنله ئولموش اورگیم زنده ایله
دگمه میش باشوا خنجر باشوا من دولانیم
منه گوز آلتی باخوب آغلاما یاندیرما منی
دوشیوم قوی قدمون آلتدا بویانمیش سینه نی
گاهوارونده اوشاق وقتی یاتیرداندا سنی
گیجه لر ائتمیشم ازبر باشوا من دولانیم
خنجرو نیزه نه لازم سنه ای تازه جوان
حسدیندن ئولوراول ابروی مژگانه باخان
کیپریگون نیزه سنون مردم چشمون اوخ آتان
قاشلارون تیغ دو پیکر باشوا من دولانیم
من غریبم نه پناهیم وارامیدیم نه کسیم
سسیمه سس ویری کیملر علی غیر از نفسیم
سندن اوزگه بیلورم یوخدی منیم دادرسیم
نه آتام وار نه برادر باشوا من دولانیم
مرحوم یحیوی اردبیلی
منبع مجموعه کانالهای مدح و مرثیه
موضوع: حضرت لیلا (س) ,
زبان شعر و شاعر: نوحه ترکی , یحیوی اردبیلی
----
زبانحال حضرت لیلا (سلام الله)
دولاندی قتلگهی تاپدی اکبرین لیلا
حدیث درد دله آچدی دل که واویلا
باخوب نه گوردی خدایا که گورمَسون آنالار
ایدوبدی جسمنی باشدان ایاقه قان یارالار
عَمامه پارچالانوب نازنین باشی یاریلوب
نفس باتوب گوز آخوب جان گیدوب سینه داغیلوب
گوروب یارالیدی باشدان اَیاقه گُل جسدی
یانقلی قلبیله سسلندی آه یا ولدی
سنه قلج ویرانون من گوروم شَل اولسون اَلی
اَلیمی اوزدون اَلوندن بِلیمی بوکدون علی
نجه گوروم سنی هانسی آنایه بو گورونوب
بابان علی کیمی باشون علی ایکی بولونوب
گوزوم گوتورمز اوغول بیله بی کفن قالاسان
بو ایسّی قوملارین اوستُنده اَل ایاق چالاسان
او خَم قاشون کیمی یاخشی خَم ایلدون بِلیمی
بلی آنایه چتیندور جوان اوغول اُلومی
گَرَک اُلونجه ویرم من اجازه گوز یاشیما
ایویم یخیلدی فلک توکدی یاخشی کول باشیما
او عزّتیله گیچن گونلریم باشا یتدی
باشیم اوجالیقی سنله خانملقیم گیتدی
همین او بیر باخشون قلبموندی منظوری
بو قدر ناز ایلمه آچ گوزون گوزوم نوری
اورک دوگونمه سی جان لرزه سی گوزوم یاشی
بو نوع گیتسه اگر باشه آغلادور داشی
هجوم ایدوب غم و محنت آناوی یالقیزلار
من ایمدی بولدوم اوغول نیلوری اوغولسوزلار
محبّتون منه چوخدور اونی اوزوم بوللّم
گوزون آچوب یوزیمه ایمدی باخماسان اُللّم
سنون بو گُل یوزون هر کس سالوب طراوتدن
تعجّبم نجه خوف ایتمیوب قیامتدن
دولاندی باشینه اگلشدی سیلدی قانلی گوزون
او قان دوتان یوزینه قویدی بیرجه حسرت اوزون
گلوب او دمده آنالیق محبّتی جوشه
قولون حمایل ایدوب چکدی نعشین آغوشه
بویادی قانه اوزین دوشدی حِسّدن جانی
گورن دیردی که لیلا اُلوب آخار قانی
یریندن اوینادی شوق وصاله مرغ روان
یانندا دوشدی قالوب مثل صورت بی جان
زمانه ویرمدی فرصت پوزولدی وصلت یار
خیال وصلت هجر ایتدی عاشقی بیدار
گوروب باش اوسته جَرَس کوسِ رحلتین وُوردی
اَلین قویوب دیزینه یا علی دیوب دوردی
گیدردی گاه دوراردی چَکردی دلدن آه
یوزون دوتوب گوگه هردم دیردی یا الله
منیم قصاصیمی یا رب سن آل او ظالمدن
اَلیمی اوزدی منیم ظلمیله عَیالیمدن
وُوراردی هر قدمینده ایکی اَلین دیزینه
باخاردی چیگنینون اوستوندن اوغلونون یوزینه
باخاردی اکبره هر بیر قدم او ناقه سوار
اوزاقلاشوب او قدر تا گوزیندن اولدی کنار
چولون گورردی که بیر گوشه سی منوّر دور
دیردی قلبی که بو نور جسم اکبر دور
یوزون دوتاردی او نوره دیردی حسرتیلن
ایاقه دور گور آناوی اوغول بو ذلّتیلن
سن ایله کرب و بلانی وطن خداحافظ
بغیشله گیتملیم شامه من خداحافظ
خدنگ عشقیله بو یولدا سینه می دَللّم
مزارون اوسته سنون بیرده اُلمَسم گَللّم
اگر چه بوشدور اَلیم «هندی» گنه گارم
اوغول آناسی گورور اکبره عزادارم
مرحوم هندی
منبع مجموعه کانالهای مدح و مرثیه
موضوع: حضرت لیلا (س) ,
زبان شعر و شاعر: نوحه ترکی , هندی
----
زبانحال حضرت لیلا (سلام الله)
علی سواره گئدیبسن، ولی پیاده گلیبسن
اویان گوروم ندی دردون، نییه عباده گلیبسن
عبانی رد ائله یوزد‌ن او شمع حسنی آلیشدیر
یامان گونومدی بیلیرسن، بو بینوانی دانیشدیر
یاروندا واردی اذیت و یاکی چوخ یورولوبسان
یقین بو قد رسایه دگیبدیر اوخ یورولوبسان
آیاق طرفده اوتوردوم تصور ائتمه یادام من
بو قانلی چکمه‌لریوی گرک اوزوم چیخادام من
سینه‌مین اوسته قویام من بو قانه باتمیش ایاقون
دانیشدیرام سنی بلکه اوپم او قانلی دوداقون
اوتانیرام علی اکبر! آتام عبانی یوزوندن
بو قاره معجریملن سالام او قانی گوزوندن
گره‌ک ایاق طرفونده اولا بو قلب شکسته
بی‌بی‌لرون باخیر آخر نئجه گلیم باشون اوسته
کنیزدور بو مکاندان آنون نه عذریله دورسون
کنیزلر گرک اوغلوم آیاق طرفده اوتورسون
تعجبم بو غمون قلبیمه شراره توکوبدور
آتون بو قدرسانی نییه عبایه بوکودور؟
بو نقشه‌نی بیلیر‌م من، گلیبدی درده چکیبدیر
یارالی سینوون اوسته عبانی پرده چکیبدیر
منی نظرده دوتوبدور و یا سکینه زاری
بو فکریلن کی مبادا گوزوم گوره یارالاری
باخیب عباسینه بیلدیم ولی نه قدری یارون وار
مگر سنین بدنونده سلامت عضو هارون وار
بو نوعیلن کی آخان قان، ائدر بو توپراغی گل نار
بئیله مشخص اولور کی منیم ائویمی ییخیبلار
بلا تموج ائدیب گور گلیب هایانا چاتیبدیر
یقین سنی گتیرنده، آتاندا قانه باتیدیر
یارالانیبسان ائشیتدیم غم و ملالیله گلدیم
اوزومده بیلمیر‌م من، بورا نه حالیله گلدیم
قانادی باغلی اولان، قوش کیمی بو یئرده سیخیلدیم
یول اوسته بیر نئچه دفعه بورا گلینجه ییخیلدیم
قارا ساچیم کیمی دنیا اولوبدی تیره گوزومده
بی‌بی‌لرون منی گتدی یوخودی طاقت اوزومده
تعجب ائیلیر‌م ای نژاد هاشمه فاخر
گلیب بورا نئجه چاتدیم نییه من ئولمدیم آخر
یانیر اورک علی دور گور بو دربه‌در نییه آغلار
جوان اوغوللار آنانی مگر بو نحویله یوخلار
یوخودی من گوروره‌م یا کی آشکاردیر اکبر
عبا ایچینده کی سنسن بو حالیلن گتدیلرر
سنی نه حالیله سالدیم یولا منایه گئد‌نده
عبا ایچنده گلیبسن ولی خیامه گلنده
قیزارمیسان گلـه یاقـوته اوخشوسـان نئجـه گـورسن
باخان دییر طوی ائدیبسن لباس طوی گئیینیبسن
قوتارمییان غم ودردیم سوزوم بوقلبیده واردی
جناز‌وه یئتیشینجک اینان کی زلفوم آغاردی
قاباغووا منی عفو ائت گلنده گلمدیم اکبر
حرمسراده اوتوردوم اوزومی بیلمدیم اکبر
فدا او گوزلره لیلا، اویان اویان نه یاتیبسان
من فلک زدنی اولما خاطروند‌ن آتیبسان
گوزوم عذاریمه قانیاش توکه مجاز ائیلیورسن
سسیم قولاقیوه یتمیر و یا کی ناز ائیلیورسن
اِراده هر یانا ائتسون گلیب دالونجا سوروننم
طویون گور‌نمدیم اما لباس قاره بوروننم
یوخومدی چاره بو یرده پناه صبره آپاررام
کچیبدی نسگلون حدد‌ن،اورکده قبره آپاررام
یازاندا محنتون «انور» گلر تموجه دردی
بیلیر علی باشون اوسته آنون نه نوعی ملردی
مرحوم انور اردبیلی
منبع مجموعه کانالهای مدح و مرثیه
موضوع: حضرت لیلا (س) ,
زبان شعر و شاعر: نوحه ترکی , انور اردبیلی
----
زبانحال حضرت لیلا (سلام الله)
منای عشقه گیدیرسن چوخ ایتمه سرعت اوغول
فدای حق قوی ایدوم اول جماله زینت اوغول
گوزیوه سرمه چکوم، زلفیوه ووروم شانه
ترحّم ایلیه شاید بو بد جماعت اوغول
منیم جهاندا گوزیم نوری، عزّتیم سنیدون
عزیزلیقیم دولانوب ایمدی اولدی ذلّت اوغول
آلوب قراریوی شوق وصال مجلس یار
ایدر شهادتوی حالتون حکایت اوغول
باشول گَل دولانوم گیت آنان فدا بویووا
باشوی سینمه قوی ایله بیر محبّت اوغول
سولوبدی گُل کیمی رنگون، باخاندا گُل یوزیوه
یتور بو قلبیمه آثار درد و محنت اوغول
ایده لّه جسموی صد پاره گُل کیمی کیتسَن
نجه قویوم گیده سن ای گُل امامت اوغول
سن اولماسان منی شمر لعین اسیر ایدر
دیار شامه چَکر فرقه ی ضلالت اوغول
نجه دوزوم، نه قبیله، نه ایل، نه واردی پناه
وطن دگل آناوا بو دیار غربت اوغول
آتان ویروبدور اجازه دیَنمرم گیتمه
که تک قالوبدور او شاه فلکِ جلالت اوغول
طوی ایتمَدیم سنه، ناکام اوغول آنان اُلسون
بو قان اولان اوره گیمده قالوب چوخ حسرت اوغول
سنی گر اُلدوره لر بیل یقین ایویم یخولار
اولار خمیده آنان قدی سرو قامت اوغول
جدایه وورسالا گون تک بو نازنین باشوی
قیام ایدر منه بو دشتیده قیامت اوغول
گیدورسن عمّه وه تاپشور من فلک زدنی
گیدنده شامه ایده حالیمی رعایت اوغول
ووراندا باشیمه قمچی سپاه کوفه و شام
منه پناه اولا اول معدن خدارت اوغول
کفن گرک اولا بو چولده طوی لباسی سنه
یازوبدی لوحه ی تقدیره کلک قدرت اوغول
اولار بو دشتیده طوی حجله گاهی قبر سنه
گلوب (حسینی) ایدر قبروی زیارت اوغول
مرحوم حسینی سعدی زمان
منبع مجموعه کانالهای مدح و مرثیه
موضوع: حضرت لیلا (س) ,
زبان شعر و شاعر: نوحه ترکی , حسینی سعدی زمان
----
وداع حضرت لیلا (سلام الله) با
حضرت علی اکبر (علیه السلام)
علی اکبر نجه لیلا سنون تک گلدن آیریلسون
جفای خاریله مشکلدی گل بلبلدن آیریلسون
سنین عشقینده مجنونم اگر چه لیلی مشهورم
ایکی جسم ایچره بیر روحوخ ولی صورتده مهجورم
اورکدن چکمورم ال نبلیوم یوخ چاره مهجورم
محال ایشدور غم هجرین النجه دلدن آیریلسون
دوا یازموب طبیب عشق درد و رنج هجرانه
الومدور چاره سی دل ملکینی هجر ایتسه ویرانه
آنان لیلا دوشر صحرایه سنسیز مثل پروانه
گرک عالم علوم عشقیده جاهلدن آیریلسون
یارانماز علم عشقی لوح عمره منشی عادل
منی گوردی سنون عشقینده عالی رتبیه قابل
ازل بیر گوندن اولدوق سن منه منده سنه مایل
الومدن سختیدور مایل علی مایلدن آیریلسون
نکات عشقی کامل بلماقا بیر کیمسه دور لایق
ره جاناندا اولسون عشقیله غم چکماقا شایق
بلا یتدوقجا شدت اولماسا صبری غمه فایق
قصوری وار او عشقین دسته کاهلدن آیریلسون
یتوب وصل آخره معلوم اولان ایام هجراندور
فراق جاودانی ضجه دلدن نمایاندور
پریشان زلف مشکینین کیمی گوگلوم پریشاندور
پریشان دل نجه أیا سیه کاکلدن آیریلسون
اورکده اکمیشم نخل وفا ای ماه عالمتاب
او نخلی ایتمیشم خون دلیله هر زمان سیراب
یتوبدور حاصله ایمدی ویرور بر دیده دن خوناب
النجه قویمارام نخل وفا حاصلدن آیریلسون
خیال دانه خالین سالوب گوگلوم قوشون دامه
واریمدور اضطراب از بس دونوب الف قدیم داله
چکوب بو اضطراب دل منی بسمل کیمی شامه
گورن یوخ اضطراب دل علی بسملدن آیریلسون
گوزوم یاشی آخار دریا کیمی دائم بو سوداده
سینیق کشتی کیمی جسمیم قالوب زخار دریاده
وصالین بیر سنق فلکه علی ساحیلدی دنیاده
یتوبدور ساحله ایمدی نجه ساحیلدن آیریلسون
سر زلفین کیمی لیلاده باخ حال پریشانه
گیدورسن ایمدی که گل مشکبو زلفین ایدیم شانه
الیم تترور ووراندا شانه زلف عنبر افشانه
مبادا نظمیدن دوشسون علی تل تلدن آیریلسون
نجه اکبردن آیریلدی (حسینی) بلمورم لیلا
دالنجا باخدی آغلارگوزلی چکدی بانک واویلا
او محفیلده که عاشق ایلیه معشوقیله ماوا
دوزر مرگه ولی دوزمز همان محفیلدن آیریلسون
مرحوم حسینی سعدی زمان
منبع مجموعه کانالهای مدح و مرثیه
موضوع: حضرت لیلا (س) ,
زبان شعر و شاعر: نوحه ترکی , حسینی سعدی زمان
----
زبانحال حضرت لیلا (سلام الله)
گرچه غمون علی دل ایوین ترک و تاز ایدر
امّا خوشام بو عشق منی سرافراز ایدر
عشقون سالوبدی لیلینی مجنون کیمی چوله
عشق عقلیدن خیال ایوینی بی نیاز ایدر
سن اولموسان مخالفه مغلوب عراقیده
سانما آنان دوباره خیال حجاز ایدر
گوگلیمده واردی عشق حقیقی اودور سبب
گوردوقجا سرزنش منه اهل مجاز ایدر
یاندورما یانموشام منه گَل ناز آز ایله
عشّاقه گرچه رسمیدی معشوق ناز ایدر
امّا گورنده عاشقینین صبری قورتولوب
ناز ایلمز، گر ایلسه ده ناز آز ایدر
من سرّیمی محالیدی اغیاره بُلدورم
امّا آخار سرشک تریم کشف راز ایدر
گوردوقجا گُل یوزون گوزوم ابر بهار تک
قان یاش توکر یانار جگریم سوز و ساز ایدر
قانلی یوزوندن ایتسه صبا زلفیوی کنار
پوزقون خیال رتبه ی عشق امتیاز ایدر
مه صورتون طلوع ایدر ابر سیاهیدن
تصدیق ذی حق اولماقیمی قوم آز ایدر
منصور پای داره گیدوب پایدار اولوب
لیلا او داردن علی گور احتزار ایدر؟
سعی ایتمیشم صفای محبّتده باش قویام
عصفوری عشق قدرتیله شاهباز ایدر
من کسوت اسارتیله مُحرِم اولموشام
باشون منی نه وقت طوافه مُجاز ایدر
طاق مقوّس خم ابرودی منظریم
عشق اهلی کعبه ی رخ یاره نماز ایدر
دل خسته، دست بسته، یول اوسته باخان دیر
آویز دار عشقی رسن دلنواز ایدر
ای شبه روی احمد محمود شاه عشق
خدمت «حسینی» گور سنه مثل ایاز ایدر
من گوزلرون فداسی سن ایتسن اگر نظر
باب نجات اوزیمه خداوند باز ایدر
مرحوم حسینی سعدی زمان
منبع مجموعه کانالهای مدح و مرثیه
موضوع: حضرت لیلا (س) ,
زبان شعر و شاعر: نوحه ترکی , حسینی سعدی زمان
----
زبانحال حضرت لیلا (سلام الله)
لیلا گورنده اکبرینون قانلی پیکرین
اوخشاردی گوئیا بو قراریله اکبرین
توپراقلار اوسته یاتما بیله زخمدار اوغول
دور گور آنان نه نوع ایدر آه و زار اوغول
سنسیز منیم ایویم یخلوب عزتیم گیدوب
دیجور تک اولوب گونوزوم تیره تار اوغول
دور و برونده عمه لرون گورنه آغلاشور
آل رسوله محشر اولوب آشکار اوغول
آغلار باجون سکینه یانار وا اَخا دیَر
باخدوقجا قانلی نعشیوه زلفین یولار اوغول
قاندان دولوبدی نرگس مستون پیاله تک
گوردوقجه گوزلرون اولورام اشکبار اوغول
شبرنگ زلفوه دوزولوب قطره قطره قان
ایلر گوزوم بو زلفیوه مرجان نثار اوغول
لب تشنه سو یانندا سنی ایتدیلر شهید
اشکیم اودور آخور یوزه بی اختیار اوغول
بیر گُلستاندی نعشون آچوب قانلی یاره گُل
گلچین ایدوبدی گلشنیمی تار و مار اوغول
گل برگی تک وجودون اولوبدور ورق ورق
هانسی گلی بو حاله سالوب جور خار اوغول
سنبل کیمی گل اوسته چاتوب باش باشا خدنگ
چوخ آغلادور منی بو چمن گلعذار اوغول
جسمون بویاندی لاله کیمی قانه حشره تک
داغ فراق قویدی منی داغدار اوغول
قربان سنه اوزوم، نجه من صبر ایدوم دوزوم
قالموب گوگلده طاقت و صبر و قرار اوغول
هانسی شل اولموش اَل سنی سالدی بو حالته
قویدی منِ فلک زده نی دلفکار اوغول
نازیله یاتما گوزلریمون نوری آچ گوزون
لیلانی گور نه حاله سالوب روزگار اوغول
قول باغلی دستگیر گیدور شامه، سال یولا
یوخ سندن اوزگه کیمسه منه غمگسار اوغول
نوک جداده شامه گیدیر نازنین باشون
جسمون قوری یِر اوسته قالوب بی مزار اوغول
سن تک آنانین السه جوان اوغلی حقّی وار
گوز یاشی توکسه عارضه لیل و نهار اوغول
دل آچمارام شکایته چون حق رضاسیدور
بیله سووبدی حضرت پروردگار اوغول
سن حق فداسی سن، بو بیابان منای حق
حمد ایلرم بو باره ده من بی شمار اوغول
هاجر پیچاق یِرین گوروب اوغلوندا غش ایدوب
جاری سرشکین ایتدی چو ابر بهار اوغول
لیلایه باخ باخار یارالی نعشیوه سنون
روحی بدندن اولموری اما کنار اوغول
آغلار سنه حسینی ایدر ماتمون عزیز
دنیا و آخِرتده اونی قویما خوار اوغول
مرحوم حسینی سعدی زمان
منبع مجموعه کانالهای مدح و مرثیه
موضوع: حضرت لیلا (س) ,
زبان شعر و شاعر: نوحه ترکی , حسینی سعدی زمان
----
زبانحال حضرت لیلا (سلام الله) به حضرت علی اکبر (علیه السلام)
علی آغلار گوره بولمم،او چشم شوخ و شهلانی
گوتوردم سندن ال گئت آغلاما آغلاتما لیلانی
دوزلموش صف به صف خنجر الینده لشگر اعدا
قدم قوی عرصه میدانه هرگز ایلمه پروا
اوزون راضی آتان راضی رضادور هم آنان لیلا
مخضب گورماقا قانیله بو زلف مطرانی
بولورسن بسته دور کونلوم او گیسوی پریشانه
گتور بیرده وروم شانه او زلف عنبر افشانه
چکوم سرمه گوزیوه ، گوندریم بو قانلی میدانه
باخان احسن دیسون نقاشیوه ای یوسف ثانی
علی زخم خدنگیله وجودین دولسا خرسندم
یوزون زلفون گوزون قانیله الوان اولسا خرسندم
سموم ظلمله گل عارضون گر سولسا خرسندم
داخی سندن صورا لیلا نئدر سیر گلستانی
بو مهر و بو محبتله نه نوعی ال اوزوم سندن
اولونجه سیر ائدم گوز قاشیوه دویماز گوزوم سندن
فلک دوندرمسه دونمز علی هرگز یوزوم سندن
باشون آردیجا عشقین گزدیرر بو خانه ویرانی
نه قدری عندلیبه صعبیدور گلشندن آیرلماق
منه یوز ائله مشکلدور عزیزیم سندن آیریلماق
اولومدن سختیدور لیلایه آخر سندن آیریلماق
اودور اوز مرگیمه ایندی رضایم من علی جانی
بئله بولمه غم هجرون علی ائتمز منه تاثیر
نه چاره ائیلیوم من بینوا تقدیره یوخ تدبیر
ائدوب لوح قضا بو نوع لوح قسمته تحریر
دولانسون باش آچوخ مجنون صفت لیلا بیابانی
سنه حاشا دئیم میدانه گتمه نوجوانیم گئت
گوزوم نوری عزیزیم ای منیم آرام جانیم گئت
ولیکن بیرجه دور من باشیوه بیرده دولانیم گئت
بلا گردان ایله اوز باشیوه بو دیده گریانی
روادور نوکرون (عاصی) گونی گوندن غمه دولسون
او قدری یالواروب،سندن ده آخر نا امید اولسون
آناسی ناله ایتسون فرقتینده زلفونی یولسون
اوغول ذکر ایلیوب عرشه اوجالسون آه و افعانی
مرحوم عاصی
منبع مجموعه کانالهای مدح و مرثیه
موضوع: حضرت لیلا (س) ,
زبان شعر و شاعر: نوحه ترکی , عاصی
----
زبانحال حضرت لیلا (سلام الله) در راه شام
قانون آخدوقجا یوزه زلف مطرّادن اوغول
آپارور تاب، توانا دلِ لیلادن اوغول
سن امامت گونونون کوکب رخشنده سی سن
نجه کوکب، او گونون جلوه ی تابنده سی سن
جلوه دن دوشسه گونون علّت پاینده سی سن
باتا سنسیز یری وار مشرق اقصادن اوغول
گوسترور یاره لرون خنجر فولاد اثری
گَتدی اظهاره باشون نقطه ی شقّ القمری
سنی بو حاله سالان ای دل لیلا ثمری
بهره مند اولمیا هرگز ایکی دنیادن اوغول
بیله که اوخلاری سیننده علی سان ویروسن
تیر هجرانه نشان سینمی خوش سان ویروسن
روحیمی جسمیوه باخدوقجا آلورسان ویروسن
ویرمیوب باش بیله اعجاز مسیحادن اوغول
بسلدیم من سنی بو سینه ده چوخ عزّتیله
سینه چاک اولّام اوغول ایمدی غم فرقتیله
باخارام پیکر صد پاره وه مین حسرتیله
آه بو درد دل و حسرت بی جادن اوغول
سن جمال حقه مرآت بو وادی سنه طور
من کلیمون بو تمنّاده گورم جلوه ی نور
دیمز اَرنی رخ مستوریوه سرگرم حضور
پاسخ لَن ایشیدوب اَرنیِ موسادن اوغول
سن بو قربانگه عشقی ایله آباد ایلدون
غم خلیلین نه قدر واردی منا شاد ایلدون
هجریوه سعی و صفادن منی ارشاد ایلدون
ایلدون پیش قدم هاجر و حوّادن اوغول
نه قدر یاره سی وار سینه ده بو گُل بدنون
اوندان آرتوخ یارا وار دلده بو محنت زده نون
بیله گُلگون ایدن آل قانیله وجه حسنون
آشکارا گورونور سرّ سُوِیدادن اوغول
صورتون حُسن خدادادیله سرمایه سی وار
طیّ ایدوب حسن و جمالین نه قدر پایه سی وار
عارضون قرمزی قاندان ایله پیرایه سی وار
گوی سبقت آپارور هر رخ زیبادن اوغول
قانلی زلفونله ووروب مه یوزیوین هاله سینی
قطره ی خون دل ایلوب گُل تر ژاله سینی
دل نشین ایلموسن نای دلیم ناله سینی
یوخسا نالم گذر ایلردی ثریّادن اوغول
ایسترم ناله ی جانسوزیمی دلدار ایشیده
ایستمم شیون و فریادیمی اغیار ایشیده
حیف دور بلبل و گُل صحبتینی خار ایشیده
ناله هرچند برازنده دی ثکلادن اوغول
سن شهید اولدون اوغول تشنه لب دریاده
منده اشکیله گَتورّم یم غم ایجاده
اولی بیر گون بیر اولار بو ایکی یم دنیاده
بو سوسوز دشت اولی سیراب ایکی دریادن اوغول
شاهزاده سنه چوخ نوحه مفصّل یازیلوب
گون کیمی شهرتی وار شرح مطوّل یازیلوب
من (یتیمم) سوزوم هرچند که مجمل یازیلوب
گوستروب بدر سخن فکرت یلدادن اوغول
مرحوم مولانا یتیم
موضوع: حضرت لیلا (س) ,
زبان شعر و شاعر: نوحه ترکی , یتیم , مولانا یتیم
----
زبانحال حضرت لیلا (سلام الله) در راه شام
علی اکبر نه تک لیلا اسیر قید هجراندور
شکنج زلفیوه پابسته بیر جمع پریشاندور
پریشان ایلمه زلفون جداده ماه رخساره
بو مجموع پریشانی بیله ایتمه گونی قاره
بولورسن باغلی دور مین دل سر زلفونده بیر تاره
نجه بیر زلفدور بو هر تِلی مین رشته ی جاندور
ایدوب بیر نوعیله زلفون پریشان حال لیلانی
تانونماز گر چکه نقّاش غم تمثال لیلانی
عجب عکس ایتدی گردون نقشه ی آمال لیلانی
گورن سویلر بو لیلادور و یا مجنون دوراندور؟
عجب ماهیّتون تکمیل اولونموش بدو خلقتده
سنون تک بیر نبی منظر تاپولماز بو شباهتده
قویوبسان ظلمت زلفونله یوز مین خضری حیرتده
او پوزقون صورتونده لبلرون چون آب حیواندور
نوا و شوری لیلا مشق ایدوبدور تار زلفوندن
اولوبدور فرقتونده روزگاری تار زلفوندن
سالوبدور رشته ی تدبیر اله بیر تار زلفوندن
باشون آردینجا زلفون تک اودور افتان و خیزاندور
دوزولموش تار زلفه شدّه ی مرجان کیمی قانون
پریشاندور منیم حالیم کیمی زلف پریشانون
ایدوب باد صبا آشفته زلف عنبر افشانون
دل لیلای بیچاره به سانِ شانه شان شاندور
اگرچه محملیمله نیزه ده باشون مقابلدور
ولیکن گوزیاشیم رخساریوی گورماقه حایلدور
بو پرده دود آهیمدور و یا گرد منازلدور
جمال بدر کامل تک بولود آلتندا پنهاندور
بو یولّاردا گلوبدور هانسی شهر اهلی تماشایه
باخوب بیر باشیوه، بیرده دولاندی باخدی لیلایه
گوروب آشفته حالم، دوشموشم بیر اوزگه سودایه
سوروشدی ساربانیمدن بو هانسی خانه ویراندور؟
جوابینده خطاب ایتدی که مجنون زماندور بو
علی اکبر آناسی لیلی بی خانماندور بو
خدنگ عشقینه بو نازنین باشین نشاندور بو
اودور ابر بهاران تک گوزی هر لحظه گریاندور
بو پوزقون حالیمه آغلار باخاندا کافر و ترسا
ایدنده ناله امّا غیظیله بو فرقه ی اعدا
وورالّار تازیانه باشیمه ای مونس لیلا
دین یوخ وورمیون اینجیتمیون آخِر مسلماندور
اولان گوندن او تار طرّه نین دلدن گرفتاری
دولانّام دست بسته ناقه اوسته شهر و بازار
منی قویمولّا، رمزیله دانیشدور سن منی باری
بولورسن درد الیندن غنچه تک باغریم دولی قاندور
«حسینی» سوزلرونده بولمورم نه قابلیّت وار
که هر بابینده اهل عشقه یوز مین باب حکمت وار
بو نوعیله که سنده شاعرانه بیر حقیقت وار
مضامین کلامون اهل عشق و ذوقه عنواندور
مرحوم حسینی سعدی زمان
منبع مجموعه کانالهای مدح و مرثیه
موضوع: حضرت لیلا (س) ,
زبان شعر و شاعر: نوحه ترکی , حسینی سعدی زمان
----
زبانحال حضرت لیلا (سلام الله) در راه شام
ای جمالی صورت پیغمبره مرآت اوغول
ای یوزی مصداق شرح آیۀ مشکات اوغول
نخلۀ طور ایلیوب نوک جدانی طلعتون
دمبدم موسای عشقه گوسترور آیات اوغول
باخسا هر کیمسه تجلّای جمال پاکیوه
ایلر اوز حق بولدوقی فکرینجه تأویلات اوغول
بعضی باشون نیزه ده دار اوسته عیسی فرض ایدور
بعضیلر آیه گونه ایللـّه تشبیهات اوغول
صفحۀ رخسارون انجیل اهلینه انجیل دور
اهل اسلام و یهوده مصحف و تورات اوغول
شرک فکرین آتدی باشدان باخدی هر کس باشیوه
معجز شقّ القمردن گوردی چون اثبات اوغول
ابر زلفون توک یوزه قوی عالمی ظلمت دوتا
گورمسین باشیم آچوقدور قوم دل ظلمات اوغول
کربلادن باغلادیم احرام ایدم باشین طواف
ای محبّت کعبه سی وی قبلۀ حاجات اوغول
نقطۀ عشقون دوتوب از بس دولاندیم باشیوه
عاقبت پرگار تک حیرتده قالدیم مات اوغول
صبریمین سر حدّینی غم لشگری اشغال ایدوب
قوردی دارالملک آمالیمده تشکیلات اوغول
ای علی اکبر داخی سندنصورا گولمز یوزوم
بیرده من دلشاد اولام بو نشئه ده هیهات اوغول
سینه ده سن تک اوغول داغی اوزوم شمره اسیر
فکریمه گلمزدی هرگز بیله تقدیرات اوغول
یاخشی مجنون ایلیوب لیلانی سالدون چوللّره
مسکنیم گه کوفه دور گه وادی شامات اوغول
ناقه بد رفتار اوزاق یول ساربانیم سنگدل
ایلمز درد دلیمدن کیمسه تحقیقات اوغول
شمر بیر باخماز جوان اوغلوم اولوب قلبیم یانوب
سندیریر هر دم شکسته قلبیمی کرّات اوغول
گه ویرار قمچی باشیمدان گه گولر گه طعن ایدر
گه شماتتله ایدر مین نوع تضییقات اوغول
آلمیشام ویرانه بیر منزل سراغین شامده
تا ویرم ویرانه دلدن خلقه معلومات اوغول
(ذهنی) یاز لیلا دلینجه بیرده اوّل مصرعی
ای جمالی صورت پیغمبره مرات اوغول
مرحوم ذهنی
منبع مجموعه کانالهای مدح و مرثیه
موضوع: حضرت لیلا (س) , احوالات راه شام ,
زبان شعر و شاعر: نوحه ترکی , ذهنی
----
احوالات وداع حضرت علی اکبر (علیه السّلام )
با حضرت لیلا (سلام الله)
هر صاحب سریر سلیمان نمیشود
هر سنگریزه لؤ لؤ مرجان نمیشود
جهّال را به بزم ادب ره نمیدهند
هر پیر صدر مجلس عرفان نمیشود
هر گل به دست غنچه دهانی نمیرسد
هر مرغ همچو بلبل خوشخوان نمیشود
هر مدّعی که دم زند از عشق و عاشقی
محو جمال جلوۀ جانان نمیشود
در راه دوست هر که بمیرد شهید نیست
هر کس به عشق شاه شهیدان نمیشود
از مام دهر اگر پسر آید هزارها
زانها یکی چو اکبر عطشان نمیشود
حاجر به لیلی گفت که احسن به صبر تو
انسان صبور میشود اینسان نمیشود
لیلا - توئی که دست کشیدی از این جوان
این امر مشکلی ست که آسان نمیشود
گفتا برو علی به امید خدا برو
گر چه به بازگشتنت امکان نمیشود
در راه دین اگر سرت از تن جدا کنند
لیلا قسم به جان تو گریان نمیشود
این گریه کردنم نه ز بهر فراق توست
پایم در این معامله لرزان نمیشود
نالم به حال باب کُبارت که بیکس است
حالش چگونه بی تو پریشان نمیشود
تا سایۀ تو بر سر من هست بی قرار
لیلا اسیر لشگر عدوان نمیشود
بخشنده است خالق عالم «کریمیا»
جرمی مکن که قابل غُفران نمیشود
استاد کریمی مراغه ای
منبع مجموعه کانالهای مدح و مرثیه
موضوع: حضرت لیلا (س) ,
زبان شعر و شاعر: نوحه فارسی , کریمی مراغه ای
----
زبانحال حضرت لیلا (سلام الله) در راه شام
جان مادر ز رخت نور خدا جلوه گر است
بیند این نور هر آن دیده که صاحب نظر است
صورتت آینه ای حسن جمال از لیست
بیند این آئینه آن کس به حقیقت نظر است
ای محمد رخ و حیدر دل و زهرا طینت
که نبی جد و حسن عم و حسینت پدر است
مادر دهر عقیم است نیارد فرزند
دید تا همچو تو در عالم خلقت پسر است
صورت و سیرت پیغمبر و حیدر داری
زان دو گنجینه عیان همچو تو یکتا گهر است
تو ذبیح الله وقتی و منم هاجر تو
لیلیم لیک مرا شور جنونی به سر است
من جوانی چو تو پرورده ام ای حاصل عمر
حا صل زندگیم بعد تو خونین جگر است
شایق بزم وصالی قدم از سر کردی
این چه سریست در این سر که از عشقش اثر است
سر تو بر سر نی وادی ایمن این دشت
دسترس نیست به این شاخه که نورش ثمر است
زخم شمشیر به فرق تو در آن زلف سیاه
در شب تیره مگر معجز شق القمر است
خال مشگین تو بر صفحه رخسار پدید
یا به گلبرگ طُری نقطه ای از مشک تر است
ای مه نو سفرم همسفر من بودی
حال بنگر که مرا بهر اسیری سفر است
سفر شام و اسیری و غریبی و فراق
اکبرا این ره عشق است چنین پر خطر است؟
اندرین غم که جهان زآتش آن می سوزد
خامه اندر کف (مشکوة) غمین نوحه گر است
شاعر : مرحوم مشکوة تبریزی
موضوع: حضرت لیلا (س) , احوالات راه شام ,
زبان شعر و شاعر: نوحه فارسی , مشکوة تبریزی
----
زبانحال حضرت لیلا (سلام الله) به
جناب حضرت علی اکبر (علیه السلام)
گیسوی پریشان
ایلیوب خم‌خم زلفون منی دیوانه اوغول
گل وریم شانه او گیسوی پریشانه اوغول
دوشنوب سنبل زلفون نه گوزل عارضوه
دییرم هاله‌دی گویا مه تابانه اوغول
عارضون شرح‌ایدور آیات الهی رقمین
بنزوری صفحة حسنون اودی قرآنه اوغول
نشر‌ایدور شمع جمالون بیله کیم نور لقا
یری وار منده اولام شمعوه پروانه اوغول
ایدوری کاکلون آشفته نسیم سحری
گذر‌ایلور دیه‌سن سنبل و ریحانه اوغول
قطره قطره دوزولوب طرف جبینونده عرق
یا، سمن غرقه اولوب گوهر غلطانه اوغول
یوخ گمانیم سویا گوز جامی مگر فیض وئره
بارش اشکمیله اول لب عطشانه اوغول
یاندور قلبیمی حسرت اودی گوردوقجا سنی
اشگ آلون دوزولوبدور صف مژگانه اوغول
دور پیمانه دی هر گردش مخمور گوزون
اودی مست‌ایلوری لیلانی بو پیمانه اوغول
وادی عشق و جنونه آپارور جذبه ایله
هر باخیشدا منی اول نرگس مستانه اوغول
ترک جان شرط لقای رخ جاناندی بلی
باش ویرر عاشق اولان جلوة جانانه اوغول
سنی سرمست ایلیوب بادة وحدت یری وار
گر لبون طعنه ورا چشمة حیوانه اوغول
نیله‌سون بیکس آنان اونداکی گل عارضوی
ارغوان تک بویانوب گورسه قزیل قانه اوغول
بیر تلون قانه بویانسا یری وار لیلی آنان
دوشه مجنون‌کیمی گر کوه و بیابانه اوغول
ظلمله دور زماندور سنی مندن آیران
وای اولا وای بیله گردش دورانه اوغول
قصد‌ایدوبس گیده‌سن ایندی‌کی میدانه طرف
قویما سنسون شرف و عزّت شاهانه اوغول
عرصه‌نی تنگ‌ایله بو قوم جفا‌پروده تا
آنلاسونلار که ندور همّت مردانه اوغول
آغلا فانی گینه تکرارایله هر شام و سحر
ایلیوب خم‌خم زلفون منی دیوانه اوغول
استاد فانی تبریزی
منبع کانال اشعار فانی تبریزی
موضوع: حضرت لیلا (س) ,
زبان شعر و شاعر: نوحه ترکی , فانی تبریزی
----
زبانحال حضرت لیلا (س) در راه شام
ای ایدن لیلینی مجنون کیمی دیوانه علی
جذبه عشقی چکن کوه و بیابانه علی
ای سالان سلسله زلف گره گیره منی
باغلیان طره شبرنگیله زنجیره منی
سالموسان ششدرحیرتده نه تسخیره منی
قالموشام مات ولی منتی وارجانه علی
طاقت حسنیوه بیر بلبل شیدایم من
واله خال و خط و زلف سمن سایم من
دوشموشم چوللره مجنون کیمی لیلایم من
گیجه گوندوز گلرم نی کیمی افغانه علی
توکمه زلف سیهین عارض مه سیمایه
لن ترانی دیوب اوخشاتما منی موسایه
لعل جان بخشون اوغول مظهراولوب عیسایه
گرتکلم ایده سن مرده گلورجانه علی
یوسفین شهرت حسنی که اولوب بازاری
یوخ اونون حسنینه هیج کیمسه نین انکاری
زافیوی بیرجه کنار ایله یوزیندن باری
گورلرنسبتی یوخ یوسف کنعانه علی
مه جمالینده سیه زلفین عجب هاله سالوب
گوراو هاله من بیچاره نی نه حاله سالوب
بو گوگل مرغی نظرچون او خط و خاله سالوب
زلفی بیردام گوروب خالی اونا دانه علی
سالموسان لیلینی مجنون کیمی صحرایه علی
باغلادون زلفیمی اول زلف چلیپایه علی
سنین عشقیندی چکن دیر و کلیسایه علی
ایده سن مسکنیمی آخری ویرانه علی
ماه رخساره نقاب ایتمه او زلف سیهین
شام شوم اهلینی قوی گورسون او رخسارمهین
بله لریوخ بیله شهزاده سی هیچ پادشهین
گلمیوبدورعوضون عالم امکانه علی
توکولوب گل یوزیوه زلف سیاهین چو سحاب
ایله بل چشمه خورشیدی دوتوب پرغراب
اسه گرباد صبا ایلیه بیرکشف نقاب
گوره هرکافرو ترسا گلی ایمانه علی
(نوحه خوان) چنگ ووروب دامنیوه مردانه
اولوب ایللرکه عزادار شه عطشانه
بزم ماتمده گلوب صبح و مسا افغانه
حشریده قویما یانا آتش نیرانه علی
مرحوم خادم عطار تبریزی (نوحه خوان)
منبع کانال گنجینه گذشتگان
موضوع: حضرت لیلا (س) ,
زبان شعر و شاعر: نوحه ترکی , خادم تبریزی , خادم عطار تبریزی , نوحه خوان , خادم
----
زبانحال حضرت لیلا (سلام الله) به حضرت علی اکبر (علیه السلام)
علی پیکان عشقون دلده از بس دلنشین اولدی
آنان لیلا دونوب مجنون صفت صحرا نشین اولدی
سنون عشقونده هر رنگه خم غمده بویاندیم من
یتوب هرگونه غم سندن قبول ایلوب دایاندیم من
سراپا شمع تک نار غم عشقنله یاندیم من
انیسیم اشک حسرت مونس آه آتشین اولدی
ایشیدمیشدیم اوغول اولسه آنانین هیچ اوزی گولمز
گیدر نوری گوزوندن هر قدر باخسا گوزی گورمز
اوزوم گوردوم اوزوم بولدوم جوانی اولمین بلمز
منه بو مطلبین عینی بو گون عین الیقین اولدی
نه گوزده نور نه دیزده توان و طاقتیم واردی
دوروب گیتماقلیقا نه شام شوما قوتیم واردی
و نه اگلشماقا بیر آن یانوندا فرصتیم واردی
آنان لیلا ایشی بوندان صورا چوخ چوخ چتین اولدی
نه یاخشی یاتموسان یات بالشون زلف سیاهوندور
بو قانیله بزنمش قتلگه طوی حجله گاهیندور
چراغان ایلین بو بزمی بولم شمع آهوندور
بله داماد اوغول عالمده هانسی مه جبین اولدی
اولوبدور قانیله رنگین عجب زلف پریشانون
دوشوب آق یوزده خوشبو قاره زولفون قرمزی قانون
اولا وای حالینه بوندان سورا بیچاره لیلانون
ایدن مجنون لیلانی بو زلف چین به چین اولدی
من آخر خاطر محزونیمی سنله ایدردیم شاد
دلون قربانیم دیللن دانش برده منی قیل یاد
ننوعی توکمییم قانیاش عذاره چکمیوم فریاد
ایویم بختی یخیلدی پایمال اهل کین اولدی
اگر گیتسن (سهیلی) آیری گلزاره زیانوندور
اوزون بیر بلبل شوریده دفتر گلستانوندور
علی اکبر آدی هرلحظه چون ورد زبانوندور
اودور دلدن دله دوشدی آدون ورد زبان اولدی
مرحوم سهیلی
منبع مجموعه کانالهای مدح و مرثیه
موضوع: حضرت لیلا (س) ,
زبان شعر و شاعر: نوحه ترکی , سهیلی
----
زبانحال حضرت لیلا (سلام الله)
به حضرت علی اکبر (علیه السلام)
اکبر دیله گل، غمزده لیلانی دانیشدیر
آچ قانلی گوزون بو ائوی ویرانی دانیشدیر
چسبنده ائدیب بیربیرینه لبلریوی قان
دیلد‌ن سنی نه نوع سالیب فرقۀ عُدوان
یا اینکه سینیب قلبون آنوندان سنه قربان
دیندیرمه منی زینب عُلیانی دانیشدیر
قان پرده چکیب گیزلنیب آی ماه جمالون
هرچه باخیرام گورمورم اول هاشمی خالون
هجران یِلی خاموش ائلییب شمع وصالون
سنسن آناوین شمع فروزانی دانیشدیر
ای شمع شبستان سنی کیم ایلدی خاموش
قرمز سنه گیدیردی آنون اولدی سیه‌پوش
باخدیقجا سنه محنت دردیم ائلیر جوش
قلبیم آلیشیر بو دل سوزانی دانیشدیر
کیم وار کیمه اظهار ائلییم دردیمی بیر بیر
منلن دیله گلمیرسن اوغول منده نه تقصیر
هئچ من دئمیر‌م من آنووام بیر منی دیندیر
آغوشیوه آل اصغر عطشانی دانیشدیر
کم نور ائلیبسن گوزومو ای دوتولان آی
کشف ایلیه بیلمم سوزومو ای دوتولان آی
من کی دیمیر‌م تک اوزومو ای دوتولان آی
بیر عدّه گوزو یاشلی پریشانی دانیشدیر
باخدوقجا سنه ائیلیر‌م قلبد‌ن افسوس
عمریند‌ن ائدیب درد غمون لیلینی مأیوس
جسمیم ائلییب خسته اولان روحیمی محبوس
قویما علی روحیم اولا زندانی دانیشدیر
عفو ائیله اوغول قالدیم اگرچه گئجه گلدیم
والّهی ایشیقلی گونوم اولدو گئجه گلدیم
گلدیم باشیوین اوستونه امّا نئجه گلدیم
مندن خبر آل سن بو قضایانی دانیشدیر
مرحوم نخستین
موضوع: حضرت لیلا (س) ,
زبان شعر و شاعر: نوحه ترکی , نخستین
----
زبانحال حضرت لیلا (سلام الله)
به حضرت علی اکبر (علیه السلام)
ای پیمبر تک جمالی مَطلَعُ الاَنوار اوغول
گَل آنان لیلانی قویما حسرت دیدار اوغول
گوستَرور آئینه ی حُسنون جمال احمدی
قاش گوزون، زلفون، یوزون، خالوندی خالِ احمدی
ایلینده آرزو هر دم وصال احمدی
سنله تاپموشدی تسلی عترت اطهار اوغول
ایتموسَن سنده بو شوقیله بو گون عزم جدال
آل پیغمبر فراقوندان اولوب افسرده حال
قالدی گوگلیمده علی اکبر بو اندوه و ملال
قویمادی صد حیف کیم بو چرخ کج رفتار اوغول
ایمدی که میدان عشقه گیدماقا آماده سَن
منده مانع اولمارام گیت ویر باشون جلّاده سَن
یاخشی وقتونده آنان لیلانی سالدون یاده سَن
وار یری اولسام اُلونجه دیده سی خونبار اوغول
زحمتون چَکدیم یِتوردوم من سنی بو حدیوه
باری گَل سنده قسم ویرّم اوغول اوز جدیوه
بیر قاباقیمجا یِری ایلوم تماشا قدیوه
گیت خدای ذوالجلال اولسون سنیله یار اوغول
شوق بزم وصل جانانیله مدهوش اولموسان
باش و جانوندان گیچوب بیله کفن پوش اولموسان
واردی نه فکر و خیالون دلده خاموش اولموسان
بیرجه کلمه باری منله ایله بیر گفتار اوغول
باخ سکینه گور قوجاقلوبدی نه نوعی غم دیزین
بوینی چیگنینده گیدن یولّاریوا تیکمیش گوزین
گیتماقون بُلسه یقین ایمدی هلاک ایلر اوزین
آیریلوق الفاظین هرگز ایلمه اظهار اوغول
باغلودور گوگلوم سرِ زلفون اوغول بیر تارینه
احتیاجی یوخ آناوین ایتدوقی اظهارینه
قویدی حسرت بو فلک سَن تک اوغول دیدارینه
گوندوزوم چون ظلمت شب تک اولوبدور تار اوغول
مرحوم ثریا تبریزی
منبع مجموعه کانالهای مدح و مرثیه
موضوع: حضرت لیلا (س) ,
زبان شعر و شاعر: نوحه ترکی , ثریا تبریزی
----
زبانحال حضرت لیلا (سلام الله) به
شاهزاده حضرت علی اکبر (علیه السلام)
باخیشوندان منه آیدین دی مسافر سن علی
امگیم ضایع اولا سن نچه حاضرسن علی
قامتون مصریده گر دوشسه زلیخا یادینا
ایتمز عصیان ویرر ئوز عشقینی نسیان بادینا
یاندارا یوسفینون زلفین اوزَرلیک آدینا
دیر احسن سنه محبوب ضمایرسن علی
به علت نداشتن اجازه انتشار کامل اشعار
(مرحوم استاد رحیم منزوی اردبیلی) چند بیت از اشعار
و تخلص ایشان به اشتراک گذاشته میشود
علی جان (منزویم ) لطف ایله غافل آییلا
صِفری چک یانوه اعداد آرا بلکه سایلا
من کیمیم نور کیمی عالمه شعریم یایلا
منصف اولسام سن ئوزون شعریمه ناشر سن علی
مرحوم منزوی اردبیلی
موضوع: حضرت لیلا (س) ,
زبان شعر و شاعر: نوحه ترکی , منزوی اردبیلی
----
زبانحال حضرت لیلا (سلام الله)
توقّف ایله ایاق ساخلا بر دایان دور علی
من فلک زدیه رحم ایله اماندور علی
اگر چه گیتملیسن سن منه قالان دگوسن
آنالق حقّیمه ویرّم قسم بر آن دور علی
نقدر جهد ایدیرم آیرولوم اورک دوزمور
بو آیرولوق بیله معلوم جاوداندور علی
یانقلی قلبیله قویما دالونجا آه چکوم
یانقلی قلبیمی دون باخ دوباره یاندور علی
دولاندروب گوزیوی نور دیده باخ دالیوا
دالونجا ناله چکن دربدر آناندور علی
دلیم دییور علی جان گیت ولی اورک یانوری
ایدوم نه چاره جوان داغی چوخ یاماندور علی
بو کارزاره گیدنلر قیتمیوب بیرده
منیم ده قلبیم اودور بیله بد گماندور علی
گیدورسن ایمدی که سنده بو قانلی میدانه
منی تصدّقون ایت باشوه دولاندیر علی
من آغلاسام بولورم قلبوه ملال یتر
ولیک اوز اوزونه گوز یاشیم رواندور علی
سنون امیدیوله من وطندن آیریلدیم
دیدیم همیشه من زاره پاسباندور علی
کیمون امیدینه ایمدی قویوب آنان گیدوسن
بو چولده کیم منه سنکیمی مهرباندور علی
خدنگ درد و غمون باغریما اوزوم باسارام
منه لیاقتی وار چون قدیم کماندور علی
باشوی گل علی اکبر قویوم اورک باشینا
یاخیندی ایمدی گورم زینت سناندور علی
(شهاب) الّلریلن قبرون آرزوسین ایدر
بو حسرتیله اونی قویما باغریقاندور علی
مرحوم شهاب تبریزی
منبع مجموعه کانالهای مدح و مرثیه
موضوع: حضرت لیلا (س) ,
زبان شعر و شاعر: نوحه ترکی , شهاب تبریزی
----
شاهزاده زبانحال حضرت لیلا (سلام الله) به حضرت علی اکبر (علیه السلام)
ای حسینین دوغرانان قربانی، اکبر آچ گوزون
سالما گوزدن بینوا لیلانی، اکبر آچ گوزون
عمروم اولسا هر قدر من آغلارام صبح ومساء
لیلینی بیر درده سالدون ای شبیه مصطفی
درد جسمانی دگیل تاپسین طبابَتلن شفا
بیر طبیب ایستر اولا روحانی، اکبر آچ گوزون
ای نژاد هاشمیده نورس و رعنا قدیم
ائیله فکر ائتمه کی گلدون، خیمییه من بیلمدیم
گلمگون بیلدیم ولی عذریم واریمدی گلمدیم
عفو ائله بو خانمان ویرانی، اکبر آچ گوزون
پایین پایونده اگلشدیم من ای نورسته گول
چون حیا مانعدی باشو اوسته گچسم خوش دگیل
لاعلاجم سویله لیلا باشینه توکسون نه کول
گورمر‌م اول صورت تابانی، اکبر آچ گوزون
آتش قلبیمه وورموش داغ هجرانون اتک
یاندی قلبیم بو یانار اوددان منی بیر یانه چک
طوی ائدیبسن، خلعتیم بس هانی ، اکبر آچ گوزون
حقّی واردور لیلنین گوزدن توکه خون جیگر
من سنی میدانه بو نوعی یولا سالدیم مگر
باشون اوسته آچماسیدی باشینی عمّه‌ون اگر
زلفیمله پاک ائد‌ردیم قانی ، اکبر آچ گوزون
بیر کنیز‌م باوفا اکبر قبول ائتسون منی
سن بیلیرسن کی نه قدری ایستئییر قلبیم سنی
قلبیمین باشینه ضم ایتدیم بو قانلی چکمه‌نی
تاکی شدّت ائتمسین جریانی ، اکبر آچ گوزون
قانلی گوزیاشیم سارالمیش رو‌یمی وئرمیش سئله
قلبیمی سیندیرما ائتمه ناامید اوغلوم بئله
خواهشیم واردور عبانی گول یوزوندن ردّ ائله
بیر منه گوستر رُخ زیبانی اکبر، آچ گوزون
ای جمال عالم آراسی اولان شمع ارم
یاروه قان پرده چکمیش قویمیور حدّین بیلم
بیر عبادور رویتا قرمز وجودون گورمر‌م
گیزلدیبدیر دوغرانان اعضانی ، اکبر آچ گوزون
برگ تک قلبیم اسیر، هجرونده اولموش قان اوغول
گل یوزون گوستر آنوندان ایلمه پنهان اوغول
گلسه شهزاده سفرد‌ن ذبح اولار قربان اوغول
ائیله قربان جانیوه بو جانی، اکبر آچ گوزون
ثبت ائدر «انور» سنین درد و ملالون دفتره
توشه تا اخذ ائیلسین دار فناد‌ن محشره
زایر اولسون ایستیر بیرده مزار انوره
اوردادور چون دردینین درمانی، اکبر آچ گوزون
مرحوم انور اردبیلی
منبع مجموعه کانالهای مدح و مرثیه
موضوع: حضرت لیلا (س) ,
زبان شعر و شاعر: نوحه ترکی , انور اردبیلی
نظرات (۰)
هیچ نظری هنوز ثبت نشده است