متن نوحه ترکی مرحوم انور اردبیلی بخش سوم

متن نوحه ترکی اشعار انور اردبیلی ویژه محرم و ایام سوگواری ائمه اطهار علیهم السلام

بخش اول

----

 

 زبانحال حضرت زینب (سلام الله)

با راس مطهر امام حسین (علیه السلام)

 

نه دلنشینیدی لحن قرائتون یارالی

نه دلنوازیدی صوت تلاوتون یارالی

ندای‌حقدی‌نه‌جان‌بخشدورسسون‌قارداش

صفای قلبدی سبک عبارتون یارالی

 

بوحسن صوتیله داود آل یاسین سن

گتوردی روحیمی شوره فصاحتون یارالی

 

عجیبدور قویوب اصحاب کهفی حیرتده

سنون بو غصه لی غملی حکایتون یارالی

 

فضای عشقی بِکُلّی مسخر ایلموسن

قناد آچوبدی همای سعادتون یارالی

 

غلام اولور سنه عشق عالمینده یحیالر

بهشت جوانلارینا وار سیادتون یارالی

 

کلیمی جذب ائلین نورسن تجلاده

دوشوبدی کوفیه نور هدایتون یارالی

 

آتام آتالیق ائدن ملته اوخی قرآن

جدانون اوسته بولونسون جلالتون یارالی

 

آیردی خولی سنی بیزدن عصرعاشورا

دیال کوفیه دوشدی اقامتون یارالی

 

فلک منه باشوون سایه سینده چوخ گوردی

چوخ اولدی غملی باجوندان مسافتون یارالی

 

یاتان یرینده آنام اوغلی اولما کول واریمیش

پوزولموسان نه پریشاندی حالتون یارالی

 

باجوندا نصفی یانان خیمه ده صباح ائلیوب

یوروبدی روحینی صحن شهادتون یارالی

 

گلنده هئچ دئمدون کوفیه قوناق گیدورم

خصوصی اولدی نه علت ضیافتون یارالی

 

عجب‌یتیشدون‌حسین‌دادیمه‌داریخمیشدوم

همیشه زینبه واردور کرامتون یارالی

 

اسیروم منه باش چکمسیدین ئولموشدوم

مریض عشقی دیریلتدی عیادتون یارالی

 

شکسته دل باجوون قلبینی گتوردون اله

اوجاتدی باشیمی لطف وعنایتون یارالی

 

خیالیدن آتورام غصه می ئورکلنیرم

دوشنده باشیمه ظل حمایتون یارالی

 

باشوی وئرسه عدو کعبه تک طواف ائدرم

نصیبیم اولموری نیلوم زیارتون یارالی

 

سنی قوناق چاغور‌انلاردی باشوه داش آتور

گزوی آچماقا یوخدور فراغتون یارالی

 

شل اولمادی باشوی سنگسار ائدن اللر

باشوندا تازه لنوبدور جراحتون یارالی

 

همیشه خوار ائلیوبدور بیزی بوکوفه لیلر

صفاسی یوخدی سنه بو ولایتون یارالی

 

سنیله کوفه نون اهلی نیه عداوت ائدور

سنونکی یوخدی بیریله عداوتون یارالی

 

یاراوی خشک ائلمور بی وفا مسلمانلار

وفالی راهبه قالدی طبابتون یارالی

 

باشیمی محمله چالدوم یاریلدی درک ائده لر

باجوندی عاشق بی صبر و طاقتون یارالی

 

جسارت ایلمرم باغلا یاره می سن ئوزون

یارووی باغلیانا واردی حاجتون یارالی

 

ولی گلین قیزیوون دیندیر حالینی خبرآل

گیدوب خزانه گل با طراوتون یارالی

 

توجه ائتمیوسن اکبرون آناسینه

واروندی لیلیدن اولما خجالتون یارالی

 

رقیه دن نگران اولما نازینی چکورم

یاتوبدی سینه مون اوسته‌امانتون یارالی

 

مناسبیدی حسین نیزه ده ائده گفتار

یورولما قوی باشا یتسون ریاضتون یارالی

 

ئوزینی قیزلاریم ئولدوردی چاره قیل ئوزوه

یارووی باغلا،گیدر استقامتون یارالی

 

محاسنیم کیمی غمدن نه تز آغاردی باشون

نه تز خم اولدی فراقیمده قامتون یارالی

 

باشوی یاردون اولا آشنالره سرمشق

باشوندا چوخ گوزل اولدی علامتون یارالی

 

باشیم دالیجا گلوب باخما طعن اغیاره

داریخما صبرائله خوشدور نهایتون یارالی

 

خوش اولدی بزم جفایه یارالی گئتمگیمیز

عجب سفرده خوشیمیش رفاقتون یارالی

 

یامان گونون آز اولور عمری آغلاما زینب

حضور جدیمه قالسون شکایتون یارالی

 

همیشه قلبی سنقلار سنق کجاوه مینر

اگرچه واردی روان تخته عادتون یارالی

 

شکسته دل گرک اولسون شکسته منزلده

روان کجاوه سی اولماز اسارتون یارالی

 

غم ائتمه مشتری یوخدور بوشهریده سوزووه

سوزوی دئ اولا روشن اصالتون یارالی

 

باشووا کول توکن اشخاصه ایلمه نفرین

وورولماقا گرک اولسون رضایتون یارالی

 

گوزوی یوم باشیما داش وورانلارا باخما

مقام غصه ده اولسون شهامتون یارالی

 

مسیح عشق اولانی دارون اوسته داشلادیلار

رفاهی اولماز اسیر عدالتون یارالی

 

نه داش نه کول هله من خیزرانه مشتریم

سنونده واردی قاباقدا قیامتون یارالی

 

ئورکلی گئت باجی ابن زیاد مجلسینه

سخلما خلقه بولونسون شجاعتون یارالی

 

ائله دانیش ایشیدن سویلسون علی دانشور

ائله دانیش اولا واضح لیاقتون یارالی

 

ائله دانیش باجی فرض ایله ئولمیوب عباس

دوروب یانوندا او کان رشادتون یارالی

 

ائله دانیش اولا مغلوب والی کوفه

نه سوز دئسون دئ واروندی وکالتون یارالی

 

چاغورسا مجلسه جلاد ایلمه پروا

آماندی قویما آزالسون متانتون یارالی

 

سن آغلاسان بالاجا قیزلاریم ئوزون ایتورر

گلر نوایه پریشان جماعتون یارالی

 

سو وئرسه کوفه نون اهلی یو قانلی ساچلاروی

آنام بتوله چتیندور بوحالتون یارالی

 

مرحوم انور اردبیلی

منبع مجموعه کانالهای مدح و مرثیه

موضوع: حضرت امام حسین (ع) زبانحال ,
زبان شعر و شاعر: نوحه ترکی , انور اردبیلی

 

----

 

احوالات حضرتزهرا (سلام الله)

و  گریز به احوالات کوفه

 

شاه بانوی حجاز و حرم شیر خدا

پارۀ قلب نبی سیده و خیر نسا

مام سبطین و عزیزه نفر اهل کسا

حضرت فاطمه صدیقۀ کبرای بشر

ایلین چوخ گیجه سین قبلۀ طاعتده سحر

 

سورۀ کوثر ائدن شأنینی اثبات و عیان

یوزی خورشید حیا قامتی طوبای جنان

امتون دادرسی جدۀ سادات جهان

تازه پیراهنینی سائله احسان ائلین

شوقیله لیل زفافینده ئوزی کهنه گین

 

آختاران عشقیله ارضای خدای فلقی

قدری حیرتده قویان آسیه نی ما سبقی

دفتر معرفتون عزتی زرین ورقی

کیمیا دیدۀ حورایه اولان خاک رهی

درگه اقدسی ئوز محسنینون قتلگهی

 

نقل ائدوب بو سوزی ارباب احادیث خبر

یوخدی اشکالی موافقدی هامی اهل نظر

فیضه نائل اولاسان یاخشی قولاق وئرسون اگر

شرطیوار گیزلین اولان مرقدینی یاده سالاق

آغلیوب فاطمیه حاجتی زینبدن آلاق

 

خبرون دورۀ پیغمبره نسبت واریدی

مکه ده نقل ائلیوبلر بیله شهرت واریدی

بیر یهودیه قزا جشن و ضیافت واریدی

جلسه ائتدی او مجلسده ستمگر نسوان

نقشه طرح ایلدی بیر عده یهودیه زنان

 

یاخشی فرصتدی گلون فاطمه نی خوار ایلیک

مجلسه دعوت ائدوب روحینه آزار ایلیک

سندیراق محنت و آلامه گرفتار ایلیک

گورسون اجلاسمیزی رنج و ریاضت چکسون

گوزی دوشسون بیزه بو حالدا خجالت چکسون

 

گیمیشوق بیز هامومز رخت حریر و عالی

هامونون خوشدی بو مجلسده بوگون احوالی

واریدی زینت و دستبند و قزل خلخالی

سهلیدور فاطمه نون زیبی بو اندازه دگل

کهنه کوینگ گینور معجری ده تازه دگل

 

بیر کنیز ائتدیله زهرا ایوینه فوری روان

یتیشوب محضرینه عرض ایلدی فاطمه جان

قدمون رنجه بویور لطف ائله ای فخر زنان

مجلس جشن عروسیده یرون بوشدی خانم

طویون اهلی سنی گوزلور سنه دلخوشدی خانم

 

مطلبی درک ائلیوب بیلدی ندر کیف و کمی

او کنیزی یولا سالدی خانمون آرتدی غمی

آغلادی گلدی دیله وحی ایوینون محترمی

ای کریم ازلی واقف اسرار خفا

آتاما تاج رسالت ائلین لطف و عطا

 

گوشه گیرم بیلوسن بیر کسه یوخ دردسریم

واردی بو زندگی سادیه حسن نظریم

کچور عزتله بو کاشانه ده شا و سحریم

دعوت ائتمیش منی طوی بزمینه مغروره زنان

وئره لر زیب و زرین بزمیده زهرایه نشان

 

او یهودیه زنانیکه چکوب نقش جفا

بودی منظورلری فاطمه مجلسده سنا

چوخی سابقده کنیزیدی خدیجه آناما

آنامون ثروتی ترویج دیانتده گیدوب

کهنه پوش اولماقا اسلام منی تابع ائدوب

 

منزله قویدی او اثناده قدم ختم رسول

گوردی چوخ غصه لیدی حال پریشاندی بتول

یوز دوتوب فاطمیه اولما دیدی ذره ملول

سن بو گون فلسفۀ عزتی درک ائتملی سن

ذات حق امر ائلیوبدور او طویا گئتملی سن

 

درک ائدوب فاطمه فرمایش خیرالبشری

بوشلادی دلده اولان غصه نی رنج و کدری

حق رضاسی دیدی وار نیلیورم زیب و زری

گیدوب الساعه فراموش ائدرم موکبیمی

سالارام باشیمه من وصله لی چادر شبیمی

 

ایستدی خارج اولا اودن او مرضیه مقام

جبرئیل اندی رسول حقه عرض ائتدی سلام

وئردی بیر بوقچا اونا رخت بهشتیدی تمام

ذات حق دوزمدی زهرانی خجالتده قویا

گیینوب فاطمه گئتسون بو لباسیله طویا

 

جنتون رختینی زهرا گیینوبدور بدنه

نعمتون عشقینه شکر ایلدی نعمت وئرنه

شاد اولوب احمد مختار دیل آچدی سخنه

کیم دولانسا دئدی عالمده رضای حقیله

گیینور البسه سندس و استبرقیله

 

مجلس جشنه طرف اولدی او صدیقه روان

دوره سین آلمیشیدی باطناً حوران جنان

ایشیدوردی اولارون زمزمه سین گوش زنان

گلمیشوق خادمه لیک رمزینی اثبات ایلیک

قدمون قوی گوزوموز اوسته مباهات ایلیک

 

خانما منتظریدی او یهودیه زنان

ناگهان عطر بهشتی اولارا وئردی تکان

مجلسون اهلی باخوب صحن سرایه نگران

گوردیلر حضرت خاتون قیامتدی گلور

گل خوشبوی گلستان رسالتدی گلور

 

جلوۀ رخت بتولی آلوب هر کیم نظره

غش ائدوبدور یخلوبدی یوزی اوستونده یره

نوعروسون پوزولوب حالتی دوشدی خطره

مقدم فاطمیه آتدی آناسی لچگین

ایکی اللی یاپشوب دوتدی کرامت اتگین

 

آند وئرم آتاوون خاطرینه ایله دعا

دیدیگوز حقدن ایسته بالاما فوری شفا

دیرم سیز دینی دورسا قزیم گر ایاقا

نوعروسین آناسین گوردی ایدور سوز و گداز

فاطمه قمچی دگن قولاری قالخزدی بیر آز

 

ساحت ذات خداونده دئدی حاجتینی

آرتوران ای کرمی فاطمه نون عزتینی

منه خاطر بو قزون لطف ائله وئر صحتینی

فخر مریمدن ایلیکه یتشوب ختمه دعا

نفسه گلدی او قز دوردی یریندن ایاقا

 

دولانوب فاطمه نون باشینه چون پروانه

آناسی کلمۀ تکبیر دئدی مستانه

آشنا اولدی او مجلسده اولان بیگانه

یوز دوتوب تازه گلین عرض ائدوب ای ماه حجیز

منی اللهه گوره سن آپاروب ساخلا کنیز

 

خادمه اولدی بتوله او برازنده خصال

بعد زهرا قزی زینبدن ائدوب کسب کمال

دورۀ شیرخدا دورۀ سرخیل رجال

ترک ائدوب یثربی خوش نیت و خوش مطلبیله

کوفیه گلمیشیدی قافلۀ زنبیله

 

کوفه ده گرچه اونون ایستینی چوخ چوخودی

محضر زینبی ترک ائتمگه میلی یوخودی

مجتبا آخر اونون حارثه عقدین اوخودی

گون او کون اولدی یتوب محنت امام حسنه

کوفه نی ترک ائلیوب ایستدی گلسون وطنه

 

حارثه ام حبییه بو سوزی ائتدی عیان

ایلیور یثربه زهرا قزی تغییر مکان

خانموم زینب اولان یردی منه باغ جنان

وئرمرم عالم امکانه اونون محضرینی

بو بسیمدور منیم هر گون ئوپورم اللرینی

 

منی زینبدن آیرسون وروسان قلبیمه اوخ

گوگلومون محنت هجرانینه هیچ طاقتی یوخ

آناسی فاطمه نون عمری آز اولدی غمی چوخ

قوی گیدوم عزت و اجلالیله یثربده قالوم

زینبه خدمت ائدوم فاطمه نون عطرین آلوم

 

جریانی یتوروب خارث امام حسنه

قالمیور ام حبیبه آقا ایش قالدی سنه

مجتبا شخصاً اونی ایستدی گلدی سخنه

تاب ائله فرقته آخر ئوره گون دینجله جک

کوفه ده قال نگران اولما باجیمدا گله جک

 

نچه ایل ام حبیبه یاشادی فرقت ده

قولاقی سسده گوزی یولدا ئوزی حسرتده

اون اوچ ماه عزا شصت و یک هجرت ده

کربلا لشکرینون کوفیه چاتدی قاباقی

خولینون نیزه ده قران اوخیوردی قوناقی

 

آه زینب یاخنیدی ائده اول شهری فنا

بخت کلثوم کیمی گیمیشیدی قاره هوا

مرد و زن کوچه ده دولموشدی مسیر اسرا

یولون اوستین داش آتانلار کسوب ائتمیشیدی مقام

کول توکنلر یوخاری یرده دایانمیشدی تمام

 

غرفه دن شهره باخور ام حبیبه نگران

حالیدن حاله دوشور قلبی ورور چوخ ضربان

خبر آلدیلا نه وار فاش ائله ای پاک روان

ائدوسن واهمه صاق و صولا تزتز باخوسان

عجلون واردی کانّه یولا تزتز باخوسان

 

بیلموسن لشکر اسلامه یتوب فتح و ظفر

سن گرک شاد اولاسان ایندی نه لازمدی کدر

شکر ائله اهل مسلماندان اولوب رفع خطر

یری وار فکریمیزی جشنه مهیا ایلسوک

خارجی باشلارینا خوشدی تماشا ایلسوک

 

دئدی قلبیمده امام حسنون بیر سوزی وار

غفلتاً یادیمه دوشدی منه سلب اولدی قرار

قزیشوب قلبیم اودور که بیله قوش تک چوبالار

بیلمورم هیچ نیه قلبیم قوری یاپراق تک اسور

نیه بو قافله نی گورمگه گوگلوم تله سور

 

وحشتیم وار اوتوروب گه دورورام تز ایاقا

ایستورم قافله گورسنسه گیدم تز قاباقا

بیلموسوزم مدت اولور منتظرم بیر قوناقا

او گرامی قوناقون شوری دولوبدور باشیما

وای دئسم اوندا بیلورسن کول اولوبدور باشیما

 

ناگهان چهرۀ شهری بورودی گرد و غبار

پرچم نصرتیله رد اولوب افواج سوار

نیزه بانلار گوزه گورسندی گلور مثل قطار

قانلی بیر یاره لی باش نیزیه وورمیش هره سی

دردناک اولدی تماشاچیلارون منظره سی

 

کسیلن باشلارا دقت ائلین یومدی گوزون

کاکل اکبری رویت ائلین یومدی گوزون

طرۀ قاسمی قیمت ائلین یومدی گوزون

گچدی باشلار اسرا طایفه سی اولدی عیان

گلدی عریان دوه لر اوسته سراسیمه زنان

 

غرفه دن ام حبیبه اولارا باخدی بیر آز

اشاقا دوشدی اوزون بیلمدی تاخیره مجاز

ئوز ئوزیله بیله فکر ایلدی اول محرم راز

سارالان گل کیمی افسرده اولوبدی بالالار

نان و خرما آپاروم من ایله بیل آجدی بولار

 

حق تصدق ورن اشخاصه وئرر یاخشی جزا

کاروان اسرایه یتیشوب الده غذا

نان و خرماسینی تکلیف ایدوب هر خردا قیزا

ددیلر غرفه نون اوستن اورگون یاندی بیزه

بیز تصدق یمروخ نقص یتر شأنیمیزه

 

سرپرستوز دئدی کیمدی کیم آچار مشگلوزی

او خانمدور دئدیلر ایلیور ارشاد بیزی

هی با خور نیزده دالدان کسیلن باشه گوزی

بیر سینیق محمل ایچینده اوتوروب باش یارالی

شامه سر گشته گئدوللر باجی قارداش یارالی

 

محمل زینبی قصد ایلدی قاچدی قاباقا

گورجاقین زینب اونی باشینی سالدی اشاقا

گه گچوب ام حبیبه صولا گه گچدی ساقا

گلمیشم نچه سوالیم ددی وار سندن اسیر

بس نیه گزلدوسن صورتوی مندن اسیر

 

سنی تاری دئ گوروم هانسی یرون ملتی سوز

آدوزی خارجی دیلر هارا جمعیتی سوز

سولموسوز گل کیمی یا اینکه غذا حسرتی سوز

قلبیزون دردینی بیر کیمسیه روشن دمیسوز

کوفه نون اهلی تصدق گتورور سیز یمیسوز

 

نسبتوز واردی کیمه کیمدی سیزون جد و ابوز

اولما گمنامسوز اعرابیده یوخدور لقبوز

یا کی الچاقدی سیزون سلسلوز اصل و نسبوز

طعنه لی سوز خانمین قان ائلدی گوز یاشینی

دیزی اوستن یوخاری قوزادی فوراً باشینی

 

هر مؤذن دئدیکی مأذنده وئرسه اذان

بابامون آدینی بش وقت ائلیور گونده بیان

باخما سن ایندی کیچیلدوبدی بیزی دور زمان

آتامین پنجه سی دوتموش منیم اسلامه سپر

آنامین شوقیله درگاهینی حورالر ئوپر

 

کیمدی بیزدن یاخنی درگه اعلای حقه

اوزوگون وئردی نماز اوسته آتام مستحقه

هل اتا اهلینه عالمده یاراشماز صدقه

ذکر ائدوب بیرده تصدق سوزون اینجیتمه بیزی

دردیمیز چوخدی بیزیم قوی چکک اوز دردیمیزی

 

گورورم چوخدی دئدی قلبیده درد و محنون

هیجان گتدی منیم قلبیمه رمز سخنون

او اوزوک بذل ائلین شخص آتان اولسا سنون

عشقیمون پایه سینی عالمه من بیلدیرم

سنه زینب دئسه لر من ئوزومی ئولدورم

 

ولی من سهو ایئدورم کوفه هارا زینب هارا

وار کیمین قدرتی آیا اونی شامه آپارا

آلتی قارداشی اولاندا دولانار باشدا قرا

من دیین زینبون اجلالینه نقصان یتمز

او علینون قزیدور تخت روانسیز گتمز

 

من دئین زینب هارا گئتسه هواداری اولار

علی اکبر کیمی یولاردا پرستاری اولار

من دیین زینبون عباس جلوداری اولار

او خانم گلسه اگر محملینه گل سپولر

باملردن نه سنون تک باشنا کول سپولر

 

من دیین زینب ایدوب کوفه ده بش ایل سکنا

اورگدوب کوفه نون عورتلرینه درس حیا

اونی زهرا بجروب مثلینی گورمز دنیا

قد رعناسی قرا زلفی گوزل صورتی وار

نه سنون تک آغاران ساچلاری خم قامتی وار

 

بسدی ای ام حبیبه دئدی قان اولدی اورک

سن دین زینبم اما ایویمی یخدی فلک

کوفه ده سفرۀ جودیمده یین نان و نمک

ال چالور بام لر اوستونده توکور کول باشیما

داش آتور نیزده قرآن اوخیان قارداشیما

 

یادیمه سالما جلالتله کئچن گونلریمی

سندروبلار خبرون یوخ نجه بال و پریمی

صاق صولومدا گزن عباس و علی اکبریمی

ایسته سه گوگلون اگر نیزه لرون باشینه باخ

صورا کلثومیله لیلا گوزونون باشینه باخ

 

واژگون اولدی سلیمان زمانون تختی

یدّی قارداش باجیسی گییدی اسارت رختی

قاره بخت ایلدی دنیا نجه گور خوشبختی

حاجتی یوخ دیمگه مسئله روشندی سنه

بیله قالماق گئنه واللهی شجاعتدی منه

 

او اوجا نی ده کی باش که گوروسن نورانی

یوز گوزی کولدی محاسندن آخور القانی

او حسینیمدی منیم فاطمه نون ریحانی

باجیسی ئولسون اونون خولی سالوب گور نه حالا

زینبون حقیدی بونداندا گرک تز قوجالا

 

مرحوم انور اردبیلی

منبع مجموعه کانالهای مدح و مرثیه

موضوع: حضرت فاطمه زهرا (س) احوالات ,
زبان شعر و شاعر: نوحه ترکی , انور اردبیلی

 

----

 

زبانحال حضرت علی اصغر (علیه السلام)

باباجان گل بشیگیمدن منی میدانه آپار

شیر خوار عاشقوی محضر جانانه آپار

ذره پرورسن ایله ذره لره لطف و نظر

ای سعادت گونی غملی گیجه می ایله سحر

خوردا سربازوی فاتح یازا تاریخ بشر

 

دگلم راضی حقارتله جهاندا یاشیام

اصغر اولسامدا بابا اکبروون قارداشیام

عهدنامون اولونان وقتیده تنظیم و رقم

ثبت ایدوبدور آدیمی لوح شهادتده قلم

گوزله یاددان چیخادارسان منی ای میر امم

 

سنی عباس عمومون خاطری افسوس ایلمه

کرموندن چوخ اوزاقدور منی مأیوس ایلمه

مست جام ازلم بسکه دولوب مغزیمه شور

ایستورم بزم تقربده تاپام فیض حضور

خوشدی بو غملی بشیکدن منه گهواره گور

 

ایستورم شهپر آچام شاخه طوبایه گیدم

یوموب آغلار گوزومی سینه زهرایه گیدم

هبجان گتدی منه کلمه استنصارون

غم یمه کوی وفاده یخلوب انصارون

هله گهوارده وار بو صود امر غمخوارون

 

سنکه عارفسن حساب ایت کموی بیش کیمی

برگ سبزون اله آل دوش یولا درویش کیمی

کوفه اهلینده لیاقت هانی وئرسون سنه سس

گله دشمندی همیشه بیلوسن خاریله خس

گنه ئوز خیموه گل ایشه پاکیزه نفس

 

جستجو ائتسون اگر بی نظر عاشق تاپولا

نوجوان اولماسادا صود امر عاشق تاپولار

 

مرحوم انور اردبیلی

منبع مجموعه کانالهای مدح و مرثیه

موضوع: حضرت علی اصغر (ع) زبانحال ,
زبان شعر و شاعر: نوحه ترکی , انور اردبیلی

 

----

 

احوالات حضرت رسول اکرم (ص) و گریز به مصیبت عبدا... ابن عباس (ع)

 

آخرین حجّین تمام ایتدی رسول کبریا

آیریلوب بیت الهیدن شریف انبیاء

حضرته حجّ وداعیدی او حجّ با صفا

حسرتیله کعبیه باخدی مبارک گوزلری

ترک ایدوب مروه صفا و زمزمیله مشعری

 

گیتدیم ای کعبه بیوردی بیرده گورمزسن منی

گوز یاشی گوزلرده تودیع ایلیور احمد سنی

ای حریم ذوالمنن وی مسلمینون مأمنی

خوان رحتمدور جَوارون پاکدل انصاریوه

دامن حقدن دوتوب هر ال چاتا استاریوه

 

یثربه رجعت ایدوبدور موکب خیرالانام

ساکن اولدی منزلنده سید والا مقام

مولد انصارینه بذل ایلیوبدور احترام

کچدی ذالحجّ و محرّم باشلانوب ماه صفر

آخرین ماه حیاتین درک ایدوب فخرالبشر

 

یاندیران بیر تب گرفتاری اولوبدور مصطفا

شدت ایتدی سوزشی جسمنده هر صبح و مسا

رحلته آینه اولدی صورت قرآن نما

زندۀ جاوید درک ایتدی ئولوم آثارینی

گوز قباقینده گوروب بزم وصال یارینی

 

گاهی زهرایه باخوردی گه علی رخسارینه

گاهی سبطینی آلوردی سینۀ تبدارینه

مشتری گاهی اولوردی زینبون دیدارینه

جان حسین و جان حسن جان زینبدی چوخ سوزی

هاموسیندان چوخ قیزی زهرایه آغلوردی گوزی

 

دفتر عشق شهیدانه ایدوب بیرگون مرور

زایر اولدی کشتگان عشقنه مغزنده شور

دامن کوه احدده مصطفا تاپدی حضور

تربت پاک شهیدانی زیارت ایلدی

گون باتنجا اگلشوب قرآن تلاوت ایلدی

 

ایتدی فرمایش سلامیم وار سر مذبوحوزه

مقصد مَجد و شرفده پیکر مجروحوزه

خسته روحیم آز قالور گلسون قوشولسون روحوزه

عازم کوی صفاانگیز جانانم بیلون

آز زمان یثربده من زهرایه مهمانم بیلون

 

ترک ایدوبی کوی شهیدانی نبیّ ذوالکتاب

دامن کوه احددن اَندی اُول عالی جناب

جمعیدی دروازۀ یثربده مردم بی‌حساب

حضرتون گلمشدیلر شهر اهلی استقبالینه

بوسه ورسونلار تراب مقدم اجلالینه

 

وارد دروازه اولدی سیّد رفرف سوار

آلدیلار اطرافین استقبال ایدنلر کعبه‌وار

فوج انصار و مهاجر ایلدی دیدار یار

بیر یتیم اوغلاندا گلمشدی او عالی محضره

ایستیوردی دردینی اظهار ایده پیغمبره

 

ازدحامیدی ز بس اولمادی ممکن صبحته

بوینی چگننده سلام ایتدی رئیس امّته

یتمدی اما سسی گوش نبیّ رحمته

قیلدی بختندن گلایه گیتدی قبرستانه دوز

اشگی گوزلرده آتا قبرین تاپوبدور قویدی یوز

 

درد دل ایتدی یانقلی سوز دیدی بیر سلسله

اولمادی بیرکس اونون گوزدن آخان اشگین سیله

نه آتاسی قبریدن سس ویردی اول شیرین دله

اهل معنا قلبینی کپریک اوخیلا اوخلادی

خسته‌دور گوردی یوزون قبراوسته قویدی یوخلادی

 

اذن ربیله انوبدور جبرئیل خوش پیام

عرض ایدوبدور حضرت پیغمبره بعد از سلام

شکویه سندن گلوبدور ذات پاک لاینام

ویرمییوبسن بیر یتیمه سن ندن دروازه‌ده

یا حبیبی بی‌توجه اولما بو اندازه‌ده

 

بیز سنه ویردوک نبوّت بی‌کسه یار اولماقا

هر یتیم و بی پرستاره پرستار اولماقا

اولماروق رای آتاسیز طفل‌لر خوار اولماقا

بی توجه اولدوقون اوغلان ایله سوزلر دیوب

آه چکدوقجه اورکدن طاق عرشیم تتریوب

 

عاطفون چوخدور محبّت خانه‌سین آباد ایله

یاده سال یاددان چخان بیر دردمندی یاد ایله

ایستیورسن شاد اولاق بیز اول یتیمی شاد ایله

صحن قبرستاندا غملر ایلیوب بی‌صبر و تاب

یوز قویوب‌دور تپراقون اوسته یاتوب بی‌رختخواب

 

گلدی قبرستانه منزلدن پیمبر دلغمین

طفل مظلومی تاپوبدور خواجۀ روح‌الامین

اگلشوب تپراقون اوسته باشنه چکدی الین

گوردی رخساره دوشوبدور تل‌لری چین‌چین یاتوب

روزگاری تلخدور اما ئوزی شیرین یاتوب

 

سسلسه ممکندی گوردی دیسگنوب بیدار اولا

سعی ایدوبدور ساغر لطف و کرم کامل دولا

صورتندن چوخ یواش زلفین آیوردی صاق صولا

نظمه سالدی طرّه‌سین بارماقلاریلا شانه تک

گوزلرین آچدی او طفلک نرگس مستانه تک

 

اولدی پیغمبر او زار و مبتلایه دل نواز

دردمند ایتامه وار منده دیدی آغوش باز

گل دیزیم اوستونده اگلش احمده ناز ایت بیرآز

کیریگون اشگ ملاله تاب ایدم حاشا باتا

دار دنیادن آتون گتمش سنه اولام آتا

 

گرچه سوزانم اوزوم الان تب سوزاندن

تا نفس وار طاعتیم وار حق ویرن فرماندن

دور گیدک با هم ایوه السّاعه قبرستاندن

باغبانم من سنی تریاسَمن تک ساخلارام

منزله گتسون حسینمله حسن تک ساخلارام

 

ای قلم پرشور اولوب طبعیم کیمی چات دادیمه

مرغ روحمده قولاق ویر ناله و فریادیمه

یازدوقون سوزلر سالوب عبّاسین اوغلون یادیمه

گورمیوبدور دیدۀ دنیا ایله زیبا یتیم

صورتی عبّاسه بنذر قامتی رعنا یتیم

 

عبد صالحدن قالان بیر اوغلان عبدالله نام

واژه‌لر وصفنده عاجز فکرلر مدحنده خام

خوی و خلقتده ابوالفضلون اوزیید بالتّمام

سنّ و سالی کوچک اما نکته سنج و نکته بین

گوهر ارزندۀ ته کیسۀ امّ‌البنین

 

مادر عباس اونیلان اگلشوردی گوز گوزه

دل دیوب مشغول ایدردی دلبری شیرین سوزه

جان کیمی بیردن قوجاقلاردی قویوردی یوز یوزه

هیچ کیمی غملر دیوردی تنگ من تک سالمیوب

شکر اولا سن وارسان عباسون یری بوش قالمیوب

 

تار زلفون ترپننده رشتۀ جان تتریور

کپرگون قالخور انور بو قلب شان شان تتریور

سانکی عبّاسون گوزی اوستنده مژگان تتریور

من قوجا بیر باغبانم بو ایوه سن مثل گُل

بوینی چگننده قباقمده اوتورما خوش دگل

 

سن خزان گورمیش باغمدا سرو باغمسن بالا

سن بو داغلی قلبیمه تسکین داغمسن بالا

سن بو پوزقون منزله روشن چراغمسن بالا

دشمنون واردور وطنده اهل شردن قورخورام

کوچیه چوخ گتمه اوغلوم بدنظردن قورخورام

 

ایتمه غم دوشدون بالا اولدوز کیمی آیدان اوزاق

کام آلوب فیض شهادتدن آتون قالمادی ساق

چوخ یتیمی حق تعالی ایلیوبدور مین بوداق

باد غم سولموش گلستانه دوباره اَسمه‌سون

سایوی الله بلالی باشیم اوستن کسمه‌سون

 

دورد اوغول دوغدوم دیدیم اولدوم جهاندا بختور

عزّتیم آرتا ئولن وقتمده روحیم حظّ ایدر

دورد اوغول چگننده قبرستانه تابوتیم گیدر

سروتک ایکاش اوجالسون قدون ای آهو باخش

قبره تابوتیم گیدنده بیر قولوندان سن یاپوش

 

بعضی گون غملر او طفلون طاقتین ایلوردی طاق

گوزلریمده مثل محبسدور دیوردی بو اطاق

آی ننه ویرسون اجازه عمّه‌مه گتسم قوناق

سرّی سوزلر وار بی‌بیمدن بیر به بیر آلّام خبر

اکبره ویرسم قسم هر مطلبی روشن دییر

 

منزل زینبده عبدالله اولوبدور مهیمان

شمس عفّت محضرینده اگلشوب زانو زنان

باخدی عمّه قارداشی اوغلون گوروبدور باغریقان

خوش گلوبسن ایتدی فرمایش نه دردون وار بالا

گویندی گورجک سنی قلبیم‌ده کی داغلار بالا

 

دردمندم گلمیشم عرض ایتدی درمان سنده‌دی

کربلادن گلموسن محنتلی عنوان سنده دی

اوردا بیر طوفان اولوب اخبار طوفان سنده‌دی

قدّیووی بش قارداشین بار غمی ایتمش کمان

وار اولونده قانلی بیر کوینک کیمین دور عمّه‌جان

 

عمّه جان پیر اولموسان غملر آغاردوب باشووی

اولمیوبدور بیر کسون گوزدن سیله گوزیاشووی

کربلاده ئولدوروبلر بش گوزل قارداشووی

هانسی بیر قارداشووه دعواده یاره چوخ دگوب

هانسی بیر قارداشووین آیا گوزیندن اوخ دگوب

 

بعضی صحبت‌لر آنام امّ‌البنین عنوان ایدور

اگلشه بیلمور ایوینده عزم قبرستان ایدور

بیلمورم کیف و کمی مندن نیه پنهان ایدور

بیر به بیر حال شهیدانی گوروبسن سن دانش

پرده دن عریان ایله هر مطلبی روشن دانش

 

ویرموسن بیکس آنام امّ‌البنینه بیر علم

بیر علمده گورسنور درد و مصیبت مین رقم

پرچمه خاطر کیمون بازولری اولمیش قلم

من بیله فکر ایلورم ای عمّۀ خونین جگر

پرچون دردی ننم امّ البنینی ئولدورر

 

بیرده بیر پاره سو مشکی سن ویروبسن ارمغان

کیم گوتورمیشدی اونی رنگین ایدوبدور لخته قان

هر کیم اولسا صاحبی حتماً ویروب شرمنده جان

گوزلریم قربان سنه ناراحت اولما بوسوزه

کاش او پاره مشکی ای عمّه گتورمیدون بیزه

 

من آتا فکرین بی بی امکانی یوخ باشدان آتام

گوندوزی آواریم غملر گیجه قویمور یاتام

پنجۀ نامردلرده خوار اولوبدور مرد آتام

محنتی عبداللهون تاراج ایدوبدور صبرینی

کربلا زوّاری اولسیدیم ئوپردیم قبرینی

 

مرحوم انور اردبیلی

منبع مجموعه کانالهای مدح و مرثیه

موضوع: حضرت محمد (ص) احوالات ,
زبان شعر و شاعر: نوحه ترکی , انور اردبیلی

 

----

 

در احوالات حضرت موسی ابن جعفر (ع)

 

سر سخن بو شعریمه بیر اهل معنادن یازوم

عاشق آل عبا فرهاد میرزادن یازوم

 

شاه زادیدی تشیّع عالمینده پایدار

صاحب شخصیّت ممتازیدی صاحب وقار

 

دوست دار موسی جعفر امام مقتدا

قلبدن اول حجّت حقه محب و آشنا

 

بسکه عبد صالحه دلدن ارادتمندیدی

آخر عمری سعید اولدی سعادت مندیدی

 

باشدا بیر عدّه رجال معنوی اهل ولا

کاظمینه رهسپاریدی او شخص با وفا

 

محضر مولایه تعجیل ایلییردی گتماقا

آستانندن اوپوب عرض ارادت ائتماقا

 

قویمادی یتسون اجل کامه او والا گوهری

کاظمینه آز قالوردی ، اولدی یولدا بستری

 

احتضارینده وصیّت ائتدی اول عالیجناب

اولمادیم منکی دریغا بو سفرده کامیاب

 

آستان پاکده ابراز خدمت ائتمدیم

شوقیله دلخواهیمون قبرین زیارت ائتمدیم

 

آب وصلیله گویول پیمانه سین دولدورمادیم

بو گئجه آخر گئجمدور بستریمدن دورمادیم

 

گر اجل درک ایلسه غسل ائیلیون کفن ائیلیون

آستان پاک مولاده منی دفن ائیلیون

 

ساخلیون فکروزده اما دفنیمون بیر شرطی وار

اولمیون اجلاله طالب ائتمیون چوخ آه و زار

 

قائل اولساز سیز منه دفنیمده تشریفات اگر

خوش دییر اولّام خجالت روحیمه غم یوز وئرر

 

ایسته سیز خشنود اولام جالب اولا بو مرحله

سیز سالون بیر تخته پاره بیرده بیر زنجیر اله

 

بوینوما زنجیر ذلّت طوق عزّتدور ویرون

سانمیون شهزادیم شأن و مقامیم سیندیرون

 

حلقه ی زنجیریله یار اولماقیم خوشدور منه

تخته اوسته گتماقیم خوار اولماقیم خوشدور منه

 

من غلامم خوش دگیر مدفون اولام اجلالیه

چون آقام قبره گئدوبدور دورت نفر حمالیله

 

خاتمه تاپدی وصیّت شرح ائدیبدور هر سوزون

دیلده یا موسی بن جعفر آغلادی یومدی گوزون

 

دوتدی اوز زوّارینی باب الحوائج محترم

امر واضحدور کرم اهلی ائدر دائم کرم

 

خادم دربارینون حضرت گلوب رویاسینه

ملتزم ائتدی اونی اوز امرینون اجراسینه

 

درک ائدیب یولدا اجل بیر با وفا دلداریمی

صبح اولاندا پیشواز ائله ئولن زواریمی

 

زندگیده احترام ایلردی آل یاسنه

بیر وصیّت ائلیبدی ، مانع اول اجراسینه

 

قویما ویرسینلار اونا زنجیر ، ذلّتدن قوتار

تخته پاره ایستیوبدور سن اونا تابوت آپار

 

بیر نفر شهزادیه اولسا اهانت خوش دگیر

هیچ کیمه مندن صورا ایله حقارت خوش دگیر

 

دوزموشم هر بیر غمه شیعم گرفتار اولماسین

دوزمرم عالمده زوّاریم گرک خوار اولماسین

 

سالسا آهن سلسله گوزدن دوشر شه زاده لر

خوش توتار زنجیری محبسده ئولن آزاده لر

 

گلدی محبس کلمه سی بیر آیری محبسدن یازوم

ظلم هارون دغادن سِند ناکسدن یازوم

 

سِند ائشیتدی هر دل شب نالهء شبگیریوی

بیر گئجه اول بی مروّت آچمادی زنجیروی

 

محبس مهلک اثرده گوندوزون اولدی گئجه

تنگ یرده سلسله ، بوینوندا تاب ائتدون نجه؟

 

تیره شب لر تیره محبسده عبادت ایلدون

گوندوزی گون دوشمیین یرده مناجات ایلدون

 

عابد صالح سنیدون ، اولدی غملر یولداشون

آخدی زندانه محاسن مولروندن گوز یاشون

 

اولمادی قاصد گهی باد صبانی بسلدون

گه قیزون معصومه ، گه اوغلون رضانی سسلدون

 

سلسله بوینوندا جان وئردون او پوزقون حالیله

چیخدی محبسدن جنازن دورت نفر حمّالیله

 

بلکه باخمیردی سلیمان بن جعفر غرفه دن

خوار اولاردون حتم صورتده او گون دفنونده سن

 

میّتون حمالیلردن بیر کس اولمازدی آلا

شکری وار بغدادیدن چیخدی سنه بیر آشنا

 

روز عاشورا مروّتلی بیر انسان اولمادی

کربلا دشتینده غیرتلی مسلمان اولمادی

 

نینوا اهلیله بغداد اهلینون چوخ فرقی وار

چون او چولده ساربان اولدی سلیمان اولمادی

 

پر بها خلعتله سن گئتدون مزار پاکیوه

سویدولار جدّون حسینی ، دفنه امکان اولمادی

 

بولمورم آتلار ایاقیندان دییم یا نَعلدن؟

شمر ظالمده ، نه سعد اوغلوندا وجدان اولمادی

 

پیرهنسیز پیکری اینجیتدی سُمّ صافّنات

کیم دییر باشسیز بدن خاکیله یکسان اولمادی

 

جلد سیز قرآن همیشه تز چیخار شیرازه دن

بیر ائله اوراق و بی شیرازه قرآن اولمادی

 

گوردی مقتلده حسینون جسمینی اهل حرم

باجیسی زینب کیمی هئچ کیم پریشان اولمادی

 

آغلادان  سوزلر سنوندور (انورا) هر بزمیده

شکر ائله هر شاعره بو نعمت ارزان اولمادی.

 

مرحوم انور اردبیلی

منبع مجموعه کانالهای مدح و مرثیه

موضوع: حضرت امام موسی کاظم (ع) احوالات ,
زبان شعر و شاعر: نوحه ترکی , انور اردبیلی

 

----

 

از ولادت تا شهادت حضرت امام جعفر صادق (علیه السلام) 

 

سال هشتاد اوچ هجرتده خداوند غفور

اهل اسلامون ایدوب قلبینه اعطای سرور

ششّمین حجّتنه لطف ایلدی حکم ظهور

طالع اولدی آنا بطنندن او نور ازلی

سومین نسل درخشان حسین ابن علی

 

شرف مولدینه غبطه اونون طور ایلدی

جدی سجادی نه اندازه مسرور ایلدی

حضرت باقر ایوین نور علی النور ایلدی

آچدی حق بین گوزین عالمده او مولود گرام

مکتب شیعه اثنا عشری تاپدی قوام

 

خلقته فخر و مباهات اولان اصل و نسبی

آدلانوب جعفر آدیلان او شریف عربی

صابر و فاضل و هم طاهر و صادق لقبی

طاهریدی اوزی رشد ایتدی ایکی طاهریله

یعنی سجاد نیاسی آتاسی باقریله

 

اون ایکی ایل اول عمری او فرزند خلیل

محضر زین العبادن آلوب الهام دلیل

آتاسیلان صورا رشد ایتدی ایگرمی ایکی ایل

نیّرینون یتشوبدور اونا نور مددی

گلشن ماخلقون اولدی گل سرسبدی

 

کچدی عمریندن اوتوز دورد جلالتلی بهار

فرش پر ارج امامتده دوتوب حکم قرار

آچدی ابواب علوی بشره لیل و نهار

مکتب جعفری عالمده یتشدی ثمره

چخدی شاگرد برازنده سی دورد مین نفره

 

گوش آفاقه سالوب علمینون آوازی طنین

کیم گلوب مکتبینه اولدی سعادتله قرین

عارف و صاحب دانشلر اونی گورمک همین

پیشگاهنده وروردی یره زانوی ادب

محضریندن ایلیوردی هاموسی علم طلب

 

مرتضی تک گیجه گوندوز ایلیوب سعی تمام

اولدی روحانی معلم بشره صادق امام

جهد ایدوب تربیت روحه او شایسته مقام

معنویاته او برنامه که تعیین ایلیوب

خط مشی ملل عالمی تامین ایلیوب

 

کاشکی ساکت اولا مرکب جهلون پرشی

یعنی اجرا اولونا حضرت صادق روشی

شرق و غربی دوتا برنامه سینون گسترشی

بیر مردمده گمان یوخ قالا آثار خلل

قابل بررسی حاشا اولا منشور ملل

 

منطق جعفری دنیا بوئی تجلیل اولاجاق

حکمت آمیز سوزی تجزیه تحلیل اولاجاق

نسلدن نسله امانت کیمی تحویل اولاجاق

حسن کلماتی اولور آینه چهره نما

ملکوتی یوزینی اوندا گورر اهل وفا

 

بدو خلقتدن همیشه ایکی نیروی تضاد

حال دعواده اولوب تا اولاجاق یوم معاد

مادی و معنویدور بحثدن البته مراد

اهل معنی بشری ساحت معنایه چکور

مادیاته خوش اولان دامن دنیایه چکور

 

بو ایکی زمره که وار هر بیرینون بیر هوسی

بیربیریله متفاوتدی تز و فلسفه سی

فرقی معلوم اولاجاق سنسا طبعت قفسی

قبل از اینکه قورولا محکمه یوم نشور

ایسته سون فوری نتیجه ایله تاریخه مرور

 

حضرت صادقون همدوره سی منصور دنی

مادیات اوسته ویروب عزت نفسین علنی

عاشق جان و زر و سیمیدی روح و بدنی

جامعه گلّلرینی محو ایلیوب چون خس و خاش

پیشبرد عمل شومینه ایلوردی تلاش

 

روزگاری ایلدی زمره ساداته سیاه

دم شمشیره چکوب مردمی بی جرم و گناه

اعتراض ایلینی قویمادی اول مرد تباه

انتقاد حسننی ایتدی دل مردمده خفه

اعتنا ایتمدی بو ضایعه پراسفنه

 

قرمزی قصر دوزتمشدی به اجلال تمام

کبر و نخوتله ایدن وقته او قصر ایچره مقام

نحس برنامه سی قان توکمگیدی تا دم شام

حکمنون حاصلی جلادی تلسدیرمگیدی

سر سادات بنی هاشمی کسدیرمگیدی

 

عالمی تنگ ایلدی نسل امام حسنه

ایولرین ترک ایلیوب قاشدیلا دشت و دمنه

اولدیلار گوشه نشین قالدیلار حسرت وطنه

دین اولمادی خلیفه بو نه ایشدور گوروسن

علویزاده لرون جرمی ندور ئولدوروسن

 

بیر گون اگلشمشیدی قصریده آشفته روان

دل پریشان اوزی اوز آتیه سیندن نگران

یوز دوتوب حاجب مخصوصی اونا ایتدی بیان

سنی که چرخ ایلیوب یار خلافتله قرین

نه غمون وار گورورم حالوی محزون و غمین

 

گلدی منصور دله حاجبنه ویردی جواب

سن بلوروسن چوخ ایوی ایتمشم عالمده خراب

قتل فرماننی فرض ایلمشم حکم صواب

چکمشم تیغه شمشیریمه باش ترپدنی

بیر نفردن نگرانم ایدوب آشفته منی

 

صادق آل محمدی گل گلشن دین

رهبری معنوی اهل سماوات و زمین

قلبمی جدا ایدوب شهرت تقواسی ظنین

فکر ایدوب هاشمیانون اورگین داغلامشام

عزم راسخله اونون قتلنه بِل باغلامشام

 

جهد ایله دلده اولان لکّه آلامی گوتور

مرکب نیّتمی مقصدینه فوری یتور

گیت نماز اوسته ده اولسا اونی جلب ایله گتور

گلدی مامور او شهی گرم عبادتده گوروب

قبله گاه بشری قبله طاعتده گوروب

 

سوزینی کشف ایلیوبدور پس از اتمام نماز

سنی احضار خلیفه ایدوب ای شاه حجاز

ایتمیوبدور او ستمگر منی تاخیره مجاز

زنده دارشب اونی بلدی نه منظوره گلوب

پا برهنه باش آچوق مجلس منصوره گلوب

 

داخل مجلس اولوب ویردی او بی شرمه سلام

اولمادی اذن اوتورا قالدی ایاق اوسته امام

ناروا سوزلرینه ایلدی منصور تمام

تهمتیله گتوروب درده امامون اورگین

نجه من شرح ایلیوم صادقه کاذب دیمهگین

 

دیدی منصوره نه مغلوب ایلیوب نفس سنی

فکر ایله گور کیمه توهین ایلیورسن علنی

یوخ گناهیم قوجا وقتیمده چوخ اینجتمه منی

دستگیرم بلوسن حکم مشیّتله سنه

ویرمه غربتده اذیت بو جلای وطنه

 

نچه یولدور گیجه نون عالمی زحمتله منی

چکموسن مجلسوه حس حسادتله منی

متّهم ایلیوسن فکر خلافتله منی

عمریمون آخری تحلیله گیدوبدور بدنیم

قسم اللهه خلافتده گوزوم یوخدی منیم

 

چشم منصور ابدا اولمادی ناظر خطره

حضرت صادقه شمشیر چکوب اوچ فقره

هر بیرینده گتوروب ختم رسولی نظره

چوخ پریشاندی دیور قهریله ای شوم و دنی

جعفریم قانه بویانسا بویارام قانه سنی

 

یوخدی افسوس اولا برنامه حکمتده سوال

عرض ایدک محضر پیغمبره ای عرشه جلال

گلمدون زینبیلن شمر ایلین وقته جدال

منت مقدم پاکون ایده زهرانی رهین

بزم منصوریله فرقی نئیدی قتلگهین

 

درک اعجازیله منصور چکوب قتلیدن ال

قورخوسندان او گیجه ویردی نشان عکس العمل

ساخلادی کینه سینی دلده اونامرده و دغل

مقتضی وقت تاپوب حضرتی مظلوم ایلدی

حاکم یثرب الیله اونی مسموم ایلدی

 

موسی جعفر ایدوب غسل امام زمنه

کفن قیلدی ایکی احرامین او یورقون بدنه

صورا مظلوم آتاسین بوکدی مجلل کفنه

تخت تابوتنه ویردی حرکت هاشمیان

ابدی منزلنه حجّت حق اولدی روان

 

یولدا بیر شاعریله اولدی مصادف تابوت

فوری پیشوازه گلوب ایتدی تقاضای سکوت

نظم دشتنده ایدوب مرغ خیالین مبهوت

بیر نچه بیت ادبی نوحه ایدوبدور انشاد

شعرینون ترجمه سیندن اله گلدی بو مفاد

 

ای جماعت که ایدورسوز یوزوزه اشگ روان

باش آچوب سمت بقیعه گیدورسوز ناله کنان

بلوسوز کیمدی بو تابوت قوجاقنده یاتان

عرشدن با عظمت شخصدی تشییع ایدوسوز

دفن گنجینه تقوایه نه اوزلن گیدوسوز؟

 

پیکر علم و فضیلتدی ایدون سینوزی چاک

سرد آغوشینه افسوس آلاجاق توده خاک

لحدی اوسته توکن و قتیده سیز تربت پاک

قلبوزون قاننی ممزوج ایلیون گوزیاشوزا

سعی ایدون تپراقی اولده توکون اوز باشوزا

 

انورا نظمی تصور ایله دریای عمیق

ساحله چخماقنا ایستیوری فکر دقیق

قورخوسی یوخدی ولی گر اولا توفیق رفیق

یازدیقون نوحه لرون ایسته سون عرفانی اولا

گرک اوز یازدیقوا روحوون ایمانی اولا

 

مرحوم انور اردبیلی

منبع مجموعه کانالهای مدح و مرثیه

موضوع: حضرت امام جعفر صادق (ع) احوالات ,
زبان شعر و شاعر: نوحه ترکی , انور اردبیلی

 

----

 

قتلگاه

کسیلوب باشون قفادن بو جفایه اولماز امکان

کی گورونمیوب قفادن کسیله مناده قربان

اورگون باشینا بیجا وریلوب سه شعبه پیکان

بو اورگه اکبرون تک بسیدی یاراسی قارداش

سنی من چکوم کناره نجه بو چوخور مکاندان

نجه آیریلوب گیدوم یا بو شفقلی گلستاندان

باشویی جدا باشیندا یاره لی گورن زماندان

آزالوبدی گوزلریمون بیلوسن ضیاسی قارداش

باشون اوسته من یتیشدیم سنون آخرین زماندا

دایانوبدی شمری گوردوم سینون اوسته بو مکاندا

نقدر چالیشدی زینب سنی ساخلاسین آماندا

ولی قاتلون چوخ اولدی ستم وجفاسی قارداش

الدیم نقدری کوشش باشون اوسته یانه یانه

دیدیگیم سوزومه مدرک بدنیمده وار نشانه

ایش اورا یتیشدی آخر منی یخدی تازیانه

ایتی خنجرون سن اولدون صورا مبتلاسی قارداش

سنیلن شریک عهدم منیچونده امتحان وار

الیمی کسوبدی خنجر گنه ده الیمده قان وار

قالاجاق او صحنه یاددا نقدر جانیمدا جان وار

باجوون گرک ثبوته یتیشه وفاسی قارداش

گجه گوندوز (انور) ایلر غم و محنتون کتابت

یازاجاق نقدری واردور بدنینده استطاعت

مرض گناهه ایستر آلا نسخه شفاعت

عمل منزّهیله خوش اولا بقاسی قارداش

 

شاعر : مرحوم انور

موضوع: احوالات قتلگاه ,
زبان شعر و شاعر: نوحه ترکی , انور اردبیلی

 

----

 

احوالات حضرت رقیه (سلام الله)

 

ال سینه ده ویرانه بوجاقینده رقیّه

جان ویردی آتا باشی قوجاقینده رقیّه

 

غسّاله گلوب غسل ایده اول جسم ضعیفه

گوردی ایله پژمرده یاتوبدور او عفیفه

نه بالشی واردور نه وار اوستونده قدیفه

چوخ ناله ایدوب آغلیوب آخِر نفسینده

گویا قنادی باغلی قوش ئولموش قفسینده

 

تل تل توکولوب طرّه لری ماه لقایه

گیسولر سنبلدی باتوب خاک فنایه

بنزر دهنی غنچه پر عطر و صفایه

لعلی دوداقی قامت رعناسی گوزلدی

ابرولری کیپریکلری سیماسی گوزلدی

 

بیر کهنه قبادی صورا یوخ آیری لباسی

باشیندا آتا قارداشینون واردی قراسی

گاهی بیبیسی اوخشور اونا گاهی آناسی

غم گردینه آلوده اولوب چهره ی آفاق

بیر عدّه یتیمه سووورور باشینه توپراق

 

زینبدن آلوب عورت غسّاله اجازه

غسل ایلیه دلبند شهنشاه حجازه

تا ایستدی وورسون الینی اول گل نازه

آهسته سویوندور دیدی خاتون مکرّم

غسّاله مراعات ایله یورقوندی رقیّم

 

سالموش نه حالا گور بالامی درد اسارت

زندانی ایدوب چکمدی شام اهلی خجالت

ئولمزدی بو مظلوم بالا ئولدوردی شماتت

آز عمر ایلدی قلبی غمیله دولی گیتدی

زهرا آناما بنزدی زهرا یولی گیتدی

 

اول گونکه قدم محبس اغیاره قویوبدی

گوندوزلری هجران غمی آواره قویوبدی

زیبا یوزونی چوخ گجه دیواره قویوبدی

دائم بالاجا اللری بوینوندا قالوبدی

گیتموبدی طنابین یری بوینونا قالوبدی

 

آگهدی بو مظلوم بالانون دردینه زینب

شاماته کیمی زجر ایلیوب یولدا معذّب

سن غسل ویرنده بوله جاقسان ندی مطلب

بو سهلیدی گل تک یوزونون رنگی سولوبدی

قمچی اثریندن بدنی یول یول اولوبدی

 

غسّاله سویوندوردی او مظلومه بالانی

گورسندی گوزه قمچی لرین ردّ و نشانی

زهرا قیزینون قلبیده آرتدی ضربانی

ال آتدی خانملار باشنا گلدی نوایه

غسّاله ده سس ویردی قوشولدی اسرایه

 

سوز چوخدی اگر یازسام اورکلر اولی شان شان

تشریحینه مشکلدی دوام ایلیه انسان

غسّاله غرض ویردی اونون غسلینه پایان

عرض ایلدی خلعت گتیرون تا کفن اولسون

زینب دیدی آق یوخدی قرا پیرهن اولسون

 

سوز چکدی سوزی خامه بو مشکل سوزی یازدی

مین ایلده اکر عمر ایلسوق آغلاسوق آزدی

دیلر بالاجا قبرین اونون عمّه سی قازدی

اول قبر که مشتاقی اونون چوخدی دوزلدی

کفن ایلدیلر نوبه صورا دفنینه گلدی

 

اشک اسرا طعنه ووروب بارش ابره

بیر سوز دیدی زینب دوشوب اود خرمن صبره

بو نازلی رقیّمدی گیدور خانه ی قبره

دویسا هامی بوندان بولوسوز عمّه سی دویماز

ایستکلی سینی قبره بو آسانلوقا قویماز

 

حسرتله آخوب شامیده بیر کوکب اقبال

قبری اولاجاق شیعه لره کعبه ی آمال

شهزاده دی دفنینده گرکدی اولا اجلال

نوحه ایله اولار هر ئولونون بزمی مجلّل

کلثوم بو مظلوم بالانی اوخشاسون اوّل

 

زهرا قیزی زهرا قیزینون یاندی سوزوندن

اوّل خم اولوبدور بالانون ئوپدی یوزوندن

بیر یاندریجی سوز دیدی اشک آخدی گوزوندن

ای بیر ائلون ایستکلیسی تیز دویدون ائلوندن

صغرایه نشان ویر آپاروم قاره تلوندن

 

مشق آلدی سکینه گوزی یاشلی بیبی سیندن

گَتدی دله بیر سوز اسرا ایلدی شیون

دلدن نه دوشوبسن باجی گل بیر دله دللن

غم گلشنینون بلبلی سن نغمه وی کسمه

اکبر یاننا گیتماقا بو قدری تلسمه

 

نوبت یتیشوب تازه گلین ایلدی گفتار

افسوس گلینلیق آدی اوستومده منیم وار

باش آچمورام علّت اودی بو بزمیده ناچار

قورخوم بودی محنتلی سریّه سنا مندن

امّا اورگیم نیلیوم آیریلموری سندن

 

بیر بیر هاموسی اوخشادی اول غنچه ی نازی

قورتاردی یانان شمعلرین سوز و گدازی

زینب چاغیروب همسر سلطان حجازی

یوز دوتدی ربابه دیدی ای ماه حجیزیم

بیز نوحه دیدوق سن نیه دینمورسن عزیزیم

 

عرض ایتدی خانم دردیمه گیزلینده یانوردوم

ویرانه بوجاقینده گیدوب دالدالانوردوم

نیلوم قاباقا گلماقا سندن اوتانوردوم

ای شمس حیا بانوی محبوب و عزیزه

یاخشی کرم ایتدون بو اورک داغلی کنیزه

 

هر چند خانم بحر مصیباتیده غرقم

غمدن صورا یوخدور بو گونی قاریه همدم

چوخ سوز دیمرم چونکه مسافردی رقیّم

کافیدی بو صحبت اورگون ایستین ئولدی

باشون صاق اولا اصغره لایلای دین ئولدی

 

مرحوم انور اردبیلی

منبع مجموعه کانالهای مدح و مرثیه

موضوع: حضرت رقیه (س) احوالات ,
زبان شعر و شاعر: نوحه ترکی , انور اردبیلی

 

----

 

احوالات راه شام

 

گلوب او یولدا قالان قیز که کاروانه یتیشدی

گوروب آتاسینی غم صوتی کهکشانه یتیشدی

 

اسیر گمشده چاتدی قطار آل عبایه

خزینه صاحبینه گوهر یگانه یتیشدی

 

غم عندلیبی قویوب پشت سرده دشت و فلاتی

ترانه ایلمگه غملی گلستانه یتیشدی

 

قویوب ادب الینی سینه سینه گلدی سلامه

گوزونده اشک تری شاه انس و جانه یتیشدی

 

اورکلنور قیز اوشاقی گورن زماندا آتاسین

اودور او خیردا قیزا صحبته بهانه یتیشدی

 

دئدی قیزین نچه ساعتدی آیریلوب اُسرادن

فغان سسی اوجالوب عرش لامکانه یتیشدی

 

جِدانون اوسته دایاندون هامی بو مطلبی بولسون

گُلون تعصّبی عالمده باغبانه یتیشدی

 

ایاق یالین تیکان اوستونده کاروانی گزوردوم

الیم نه بیر کسه چولده نه خانمانه یتیشدی

 

نه غملی قافله نون ردّین آختاروب تاپا بولدوم

نه بیر کمکچی نه سیزدن منه نشانه یتیشدی

 

یوخیدی چاره یورولدوم بابا یول اوسته اوتوردوم

قوجاقلادیم دیزیمی نالم آسمانه یتیشدی

 

سسیم باتوب او قدر عمّه عمّه سسلمیشم من

نقدری غصّه بولورسن بو خسته جانه یتیشدی

 

سیخیلدوم اوز پریمه پر شکسته یاره لی قوش تک

نه لانم اولدی او چولده نه آب و دانه یتیشدی

 

ترحّم ایلمسیدون جِداده چولده ئولردیم

بو غملی عمرومه لطفونله پشتوانه یتیشدی

 

بویوم جدایه یتوشسیدی گوزلروندن ئوپردیم

دریغ اولا باشیوین وصلی نیزه بانه یتیشدی

 

گلنده زجر لعین کاش او چولده سنده اولیدون

گوریدون اوردا نئجه ظلم لر عیانه یتیشدی

 

گورنده قمچی سینی قلبیم اَسدی دوردوم اَیاقه

اورگیم اَسدی جفا تیغی استخوانه یتیشدی

 

سلام وئردوم او شومه ترحّم ایلیه بلکه

منیم مقابلیمه لیک وحشیانه یتیشدی

 

باشینون اوسته دولاندیردی قمچی سین منی وورسون

الیم نه قاسمه نه اکبر جوانه یتیشدی

 

نه حالدا گوردی منی یولداشی ترحّمه گلدی

چتین زمانه ده امداده منصفانه یتیشدی

 

دئدی مروّت ائله قورخودان ئولوبدی گورورسن

بو ظلم و بو ستمون رخنه سی جهانه یتیشدی

 

دوداقی پارچالانوب گوزلرون یوموب باخا بولمور

اونون بو کلمه لریندن قیزون اَمانه یتیشدی

 

گورنده عاطفه دشمنده اضطرابیم آزالدی

غریق بحر غمه مژدۀ کرانه یتیشدی

 

ایاقلاریما باتوب نیش خار گوز گوز اولوبدی

نه ظلم لر باباجان گور بو ناتوانه یتیشدی

 

توجّه ایلدی عصرون امامی نوحه وه «انور»

اودور که سوزلریوه روح جاودانه یتیشدی

 

مرحوم انور اردبیلی

منبع مجموعه کانالهای مدح و مرثیه

موضوع: احوالات راه شام ,
زبان شعر و شاعر: نوحه ترکی , انور اردبیلی

 

----

 

اشاره به عالم ذز

و گریز به شهادت

حضرت ابوالفضل (علیه السلام)

 

ازل گون منشی ازل کتاب البلا یازدی

بلانی اوّله سالدی دالیجا للولا یازدی

 

اولوبدور مشتری فیض بلایه چهارده معصوم

بلاطومارینه هرتک تکی لفظ بلی یازدی

 

سوال اولدی کیم ایستور دین یولوندا بیر دیشی سینسون

قبلت کلمه سین فوراشریف انبیا یازدی

 

ندایتدی کیمون وارمیلی هنگام عبادتده

قلینجا باشدا ییرویرسون قبولین مرتضی یازدی

 

خطاب اولدی یانا درگاهی هانسوزدا رضایت وار

رضیت بالقضائک حضرت خیرالنسا یازدی

 

صداگلدی قاپون یانسا قابیرقوندا گرک سینسون

دوباره راضیم هردرده خاتون جزا یازدی

 

اولوب ابلاغ آجی زهری شیرین سوتک ایچن واردی

توکولسون طشته اکبادی آدینی مجتبی یازدی

 

اولوب تکلیف واردور بیرنفر یتمیش فداویرسون

منیمدوربوگوزل سوداغریب کربلا یازدی

 

ندایتدی گرکدور قیزلاروندا دستگیر اولسون

خوشام هر امروه دیلدن قتیل نینوا یازدی

 

امینم فاطمم واردی سکینم وار رقیّم وار

اسارت دفترین تکمیل ایدوبدی جابجا یازدی

 

یتوبدور سس بوپیماندا سنه یولداشدا لازمدی

تعهدنامه چوخ سنگینیدور کلک قضا یازدی

 

اسارت موقعینده اهل عیالون سرپرست ایستر

بوسوداده سنه غم خامه سی مشکل دوتا یازدی

 

حبیبیم ابتلا چوخدی شریکون اولماسا اولماز

صدا گلمز تک الدن منشی کار آشنا یازدی

 

گوروب تنهاحسینی گلدی زینب ال اله ویردی

شریک اولدوم حسینیمله بلاده ربنا یازدی

 

خلوص واشتیاقیله تعهد نامه مهر اولدی

قلم کرب وبلا دشتین محل ابتلا یازدی

 

اولوبدورهجرتین آتمیش بیری تاریخ عالمده

مورخلر حسینون آدینه مردخدا یازدی

 

چخوبدور کعبه دن میقات عشقه باغلادی احرام

منانی قویدی حسرت نینوا دشتین منا یازدی

 

اگر عالِم فساد ائتسه هامی عالَم فساد ایلر

شریحه ایلیون لعنت حسینه افترا یازدی

 

ئوزون نیروی فتوادن او ظالم بهره مند ائتدی

امام کون و امکانه اهانت برملا یازدی

 

جری ائتدی عراقون ماجراجو بی وفا خلقین

حسینون قتلنون فتواسینی آلدی طلا یازدی

 

گچوبدور اون گجه ماه عزادن اولدی عاشورا

باخوب صبحه اوصبحی عاشقان صبح صفا یازدی

 

اولوبدور تشنه لر جام بلانی ایچمگه تشنه

دوشوبدور زیندن هر کیم یره انّی فدا یازدی

 

حسین ئوز اوغلونا خلعت بیچوب گوندردی میدانه

شهادت نامیه اکبر ئوز آدین ابتدا یازدی

 

دالیجا قتلگاهه زینبون اوغلانلاری گئتدی

شریکه باخ شریکیله نجه عهده وفا یازدی

 

ایکی اوغلون فدا وئردی دیمه دی آدلارین بیر یول

مقام صبریده الحق ئوزون انگشت نما یازدی

 

خداوندا خداوندا نه قدرت واردی زینبده

کتاب عمرینه اللی بش ایل سلم و رضا یازدی

 

کچوم سوزدن گئدوب شهزاده قاسمده شهید اولدی

فلک طوی حجله سین برهم ائدوب ماتم سا یازدی

 

طویون تبریکی زرّین خطّیله اولسون گرک انشاء

قلم پیکان اولوب خط طلائی قان حنا یازدی

 

عروسی باخدی داماده دئدی بیر یاندیران کلمه

منی مستوفی محنت عجب بختی قرا یازدی

 

فرات اوستونده القصه بنی هاشم آیی باتدی

امامه سرگشاده عرضه سین صاحب لوا یازدی

 

یوزوم اوسته یخلدیم توپراقا ادرکنی یا مولا

یره هر یاره دن قانیم آخوب حمد و ثنا یازدی

 

نه حالیله آنام زهرا گلوب گوردی دیدی احسن

رضایت نامه سین گلدی علی المرتضی یازدی

 

قاپونداخدمتیم آزدور ولی سن گل رضایت ویر

دیسونلرنوکره مولابرات مرحبا یازدی

 

سویا ویردیم آغیرقیمت ایکی قول بیرگوزوم گیتدی

بوخالی مشگه شام اهلی نقدری گوربلا یازدی

 

گیدنلرده گوزوم یوخدور گوزوم تک سنده دور سنده

دوشنده مشکله دردین سنه هرمبتلا یازدی

 

قالان بیر قانلوپرچمدی حسین جان گل ویروم تحویل

بوپرچمده مشیت خامه سی رمزعزا یازدی

 

علمدارون سسین آلدی حسین سسلندی یا زینب

اسارت ناموزی میداندا قوم اشقیا یازدی

 

گیدوم میدانه آغلارسوز گلنده قدی خم گلسم

سوسوزلاره ابالفضلیم حدیث البکا یازدی

 

نجه گلدی نجه تاپدی عزیزین فاطمه بیلدی

ازلده سرسلامت اوغلونا غملی آنا یازدی

 

حسین سندی بیلون دشمن ایچینده آغلاما صبرایت

قدر کلکی بوماتمده منی اهل نوا یازدی

 

عمود آهن دگن باشی حسین آلدی دیزی اوسته

کتاب روزگاره بیر نچه بند اوخشاما یازدی

 

صفای گلشنیم قارداش حصار ایمنیم قارداش

مرکب گوز یاشی کیپریگ قلم اول مقتدا یازدی

 

بو عشقه بو مواساته آتامدا فخر ائدر قارداش

نه من مندن قاباق تحسینوی اهل کسا یازدی

 

الون گئتدی بلیم سندی علم یاتدی حسین ئولدی

سسوز مشون سسولار دردینه یاخشی دوا یازدی

 

الون اولسیدی دشمنلر حسینه ال چالانمازدی

بدندن هر الون دوشدی منه قطع الرجا یازدی

 

حریم دین یخلمشدی کسوک اللر ستون اولدی

یازانلار مشکل دینه سنی مشکل گشا یازدی

 

دوداقوندن ائدوب بوسه گوزوندن ئوپمرم اما

اجل حکمین جفا تیری گتوردی گور هارا یازدی

 

باجون زینب دوزر اما آنوندان ناگران من

اونا غم کاتبی دنیا بوئی واحسرتا یازدی

 

خیامه تک گئدوم قارداش و یا که اگلشوم بوردا

بو آز یولدا منه دشمنلریم چوخ چوخ جفا یازدی

 

ایاق اوسته دورا بُلمم الیمدن ده دوتان یوخدی

اولوب مأیوس هارا ئوز دردینی بو مبتلا یازدی

 

سنه بو دهرده (انور) تفضل اولدی مولادن

اولوب طبعون روان خامه نه سوز یازدی رسا یازدی

 

مرحوم انور اردبیلی

منبع مجموعه کانالهای مدح و مرثیه

موضوع: حضرت ابوالفضل العباس (ع) احوالات ,
زبان شعر و شاعر: نوحه ترکی , انور اردبیلی

 

----

 

احوالات جوان نصرانی در قتلگاه

 

عصر وقتیدی حسین کعبۀ آماله دوشوب

باش یارا سینه یارا عشقیله گوداله دوشوب

ارمغان بزم نگاره یورولان جان آاروب

جلوۀ یاری گوروب هوشه گئدوب قان آپاروب

 

نه یارا فکرینی ایلور نه طبیب و نه دام

خضری مبهوت ائلیوبدور نه سو ایستور نه غذا

ماسواللهی آتوب فکری خدا ذکری خدا

نه شهیدانی نه قزلاری نه خرگاهی گورور

تلّیده زینبه باخمور فقط اللهی گورور

 

باش قویوب خاک شفا اوستونه پرقو یرینه

ریزه قوملار بوریوب زخمینی دارو یرینه

اوخ دگوب آغزینا قانیله دولوب سو یرینه

فخر ائدور عاشق ممتازینه عاشق یارادان

یاره باخ یاره گوره هئچ دیله گلمور یارادان

 

ناگهان گوردی حسین قتلینه مأمور گلور

سعدون اوغلی ائلیوب گلمگه مجبور گلور

ظلمت کفرون ایچیندن عجبا نور گلور

روحی بیدار ئوزی هشیاردی غفلتده دگول

کوفه نون اهلی کیمی خواب ظلالتده دگول

 

عیسوی زاده و آزاده و محجوب و نجیب

صورتاً قاتل اولوبدی ولی سیرتده طبیب

روز و شب حقی گزوردی اونا حق اولدی نصیب

عالمون نعمتینه عزتینه ناز ائلدی

خوش اونون حالینه عیسانی سرافراز ائلدی

 

ذکر انجیلیله سرگرمیدی شمشیر بدست

یتدی گوداله اونی عطر حسین ایلدی مست

گوردی بیر یاره لیدور بستری قان سینه شکست

نظر و فکری فقط قاضی الحاجاتیده دور

گرم محرابه دوشوب گرم مناجاتیده دور

 

دئدی انصاف دگول قتلینه ائتسم عجله

بو که تسبیح دیور ساحت حیّ ازله

دیندیروم راز و نیاز اوسته گوروم کیمدی هله

نه گوزل صورتی واردور نه گوزل گوزلری وار

نه گوزل لهجه سی واردور نه گوزل سوزلری وار

 

دئدی کیمسن سنی من محض فضیلت گورورم

باخجاقین صورتیوه نور حقیقت گورورم

سن نجه خارجی سن اهل شریعت گورورم

منی مبهوت ائلدون روشن ائله مسئله نی

ئولدورور کوفه نون اهلی نه گناه اوسته سنی

 

سجده دن آلنووی قوزا ائلمه سوز و گداز

بو نه سجاده دی قاندان بو نه خلوتگه راز

بو نه محراب عبادت بو نجه رازو نیاز

صبر ائدورسن بو قُشون جسمیوه ووردوقجا یارا

سنه قربان نیه نفرین ائلمورسن بولارا

 

دئدی نصرانیه من هادی نسل بشرم

سوزوم حقدی وطنیمدن اودی که دربدرم

نگران اولما یوخوندادا سنون باخبرم

چاه عشق ایچره دوشن یوسف گل پیرهنم

او حسین که گیجه عیسی سنه تاپشوردی منم

 

سعدون اوغلی سنی اغفال ائلیوب سالدی یولا

چوخ چتین اهل طبابت کسه باش قاتل اولا

کُمگیمسن نیه حیران باخوسان صاقو صولا

هرکساً دهریده تعقیب ائلیور ئوز روشین

سن گورنمزسن عزیزیم بیلورم شمرین ایشین

 

پرده رد اولسا گوررسن گلوب عیسی باش آچوق

چوخ پریشاندی بابام سید بطحا باش آچوق

سهلیدی مریم ، آنام حضرت زهرا باش آچوق

چوخدی بو قتلگهیمده باشا توپراق سپن

چوخدی باطنده منیم قانلی دوداقمدن ئوپن

 

تانیدی عیسئی ایمان گتوروب گلدی دیله

نه عجب وقته دئدی دامنیوی سالدوم اله

بیر کسیکه باشینون اوستونه عیساده گله

وای منه من نیه عیسا ئورگین داغلامیشام

عفو ائله دشمنیوون یاره سینی باغلامیشام

 

کول منیم باشیمه قالدوم نیه خدمتده دالا

دگدی اوخ صود امرون دوشدی سنون حالدان حالا

ویریلان قوش کیمی چرپندی او بیچاره بالا

خشک ائده یاره نی جراح اگر قان دایانور

گلمدیم دادینه قلبیم اونا الاندا یانور

 

حاضرم ایندی کچن غفلتی جبران ایلیم

خاک پایوندن ئوپوب خدمت شایان ایلیم

اینجیدور هانسی یارون من اونا درمان ایلیم

یاپوشام قانلی الوندن دوراسان اگلشه سن

آز قالور اوخلارین آلتیندا نفسدن دوشه سن

 

چوخدی یارم بدنیمده دئدی ال وورما منه

دوروب اگلشسم اذیتدی بو یورقون بدنه

مرحموم فایده وئرمز بیلوسن جان وئرنه

ئولدورور فکر ائلمه تک منی خنجر یاراسی

ئولدوروبدور منی چوخدان علی اکبر یاراسی

 

 مرحوم انور اردبیلی

منبع مجموعه کانالهای مدح و مرثیه

موضوع: احوالات قتلگاه ,
زبان شعر و شاعر: نوحه ترکی , انور اردبیلی

 

----

 

زبانحال حضرت لیلا (سلام الله)

 

علی سواره گئدیبسن، ولی پیاده گلیبسن

اویان گوروم ندی دردون، نییه عباده گلیبسن

 

عبانی رد ائله یوزد‌ن او شمع حسنی آلیشدیر

یامان گونومدی بیلیرسن، بو بینوانی دانیشدیر

 

یاروندا واردی اذیت و یاکی چوخ یورولوبسان

یقین بو قد رسایه دگیبدیر اوخ یورولوبسان

 

آیاق طرفده اوتوردوم تصور ائتمه یادام من

بو قانلی چکمه‌لریوی گر‌ک اوزوم چیخادام من

 

سینه‌مین اوسته قویام من بو قانه باتمیش ایاقون

دانیشدیرام سنی بلکه اوپم او قانلی دوداقون

 

اوتانیرام علی اکبر! آتام عبانی یوزوندن

بو قاره معجریملن سالام او قانی گوزوندن

 

گره‌ک ایاق طرفونده اولا بو قلب شکسته

بی‌بی‌لرون باخیر آخر نئجه گلیم باشون اوسته

 

کنیزدور بو مکاندان آنون نه عذریله دورسون

کنیزلر گرک اوغلوم آیاق طرفده اوتورسون

 

تعجبم بو غمون قلبیمه شراره توکوبدور

آتون بو قدرسانی نییه عبایه بوکودور؟

 

بو نقشه‌نی بیلیر‌م من، گلیبدی درده چکیبدیر

یارالی سینوون اوسته عبانی پرده چکیبدیر

 

منی نظرده دوتوبدور و یا سکینه زاری

بو فکریلن کی مبادا گوزوم گوره یارالاری

 

باخیب عباسینه بیلدیم ولی نه قدری یارون وار

مگر سنین بدنونده سلامت عضو هارون وار

 

بو نوعیلن کی آخان قان، ائد‌ر بو توپراغی گل نار

بئیله مشخص اولور کی منیم ائویمی ییخیبلار

 

بلا تموج ائدیب گور گلیب هایانا چاتیبدیر

یقین سنی گتیرنده، آتاندا قانه باتیدیر

 

یارالانیبسان ائشیتدیم غم و ملالیله گلدیم

اوزومده بیلمیر‌م من، بورا نه حالیله گلدیم

 

قانادی باغلی اولان، قوش کیمی بو یئرده سیخیلدیم

یول اوسته بیر نئچه دفعه بورا گلینجه ییخیلدیم

 

قارا ساچیم کیمی دنیا اولوبدی تیره گوزومده

بی‌بی‌لرون منی گتدی یوخودی طاقت اوزومده

 

تعجب ائیلیر‌م ای نژاد هاشمه فاخر

گلیب بورا نئجه چاتدیم نییه من ئولمدیم آخر

 

یانیر اورک علی دور گور بو دربه‌در نییه آغلار

جوان اوغوللار آنانی مگر بو نحویله یوخلار

 

یوخودی من گوروره‌م یا کی آشکاردیر اکبر

عبا ایچینده کی سن‌سن بو حالیلن گتدیلرر

 

سنی نه حالیله سالدیم یولا منایه گئد‌نده

عبا ایچنده گلیبسن ولی خیامه گلنده

 

قیزارمیسان گلـه یاقـوته اوخشوسـان نئجـه گـورسن

باخان دییر طوی ائدیبسن لباس طوی گئیینیبسن

 

قوتارمییان غم ودردیم سوزوم بوقلبیده واردی

جناز‌وه یئتیشینجک اینان کی زلفوم آغاردی

 

قاباغووا منی عفو ائت گلنده گلمدیم اکبر

حرمسراده اوتوردوم اوزومی بیلمدیم اکبر

 

فدا او گوزلره لیلا، اویان اویان نه یاتیبسان

من فلک زد‌نی اولما خاطروند‌ن آتیبسان

 

گوزوم عذاریمه قان‌یاش توکه مجاز ائیلیورسن

سسیم قولاقیوه یتمیر و یا کی ناز ائیلیورسن

 

اِراده هر یانا ائتسون گلیب دالونجا سوروننم

طویون گور‌نمدیم اما لباس قاره بوروننم

 

یوخومدی چاره بو یرده پناه صبره آپاررام

کچیبدی نسگلون حدد‌ن،اورکده قبره آپاررام

 

یازاندا محنتون «انور» گلر تموجه دردی

بیلیر علی باشون اوسته آنون نه نوعی ملردی

 

مرحوم انور اردبیلی

منبع مجموعه کانالهای مدح و مرثیه

موضوع: حضرت لیلا (س) ,
زبان شعر و شاعر: نوحه ترکی , انور اردبیلی

 

----

 

احوالات حضرت امام حسین (علیه السلام)

 

خامه الیمده یازماقا عنوان تاپانمادی

مرغ خیال سیر گلستان تاپانمادی

 

امواج غصه لنگه سالوب دل سفینه سین

گرداب غمده ساحله امکان تاپانمادی

 

دل آرزو ایدر اوزونه دلبرین سوزون

جان تنگه دوشدی جلوه جانان تاپانمادی

 

آیری هدف یوخومدی هدف بیر حسینیدور

هرکیم حسینچی اولمادی امکان تاپانمادی

 

هر مرده جسمیدن اوجالا عطری زنده دور

کیمدور حسینه آغلادی رضوان تاپانمادی

 

ایتدی ایله تعهدینه مو به مو عمل

معبودی مرحبا دیدی نقصان تاپانمادی

 

قرآنه صودامر بالاسین ایلدی سپر

کرب و بلاده قائل قرآن تاپانمادی

 

تک قالدی عرصه ده دیدی وار سس ویرن منه

دشمن ایچینده رحمیلی انسان تاپانمادی

 

ئولموشدی لشگرون نجه من روحی بولمورم

عیسی نفس دانیشدی اولار جان تاپانمادی

 

هر دردمنده تربتی درمان اولان حسین

درد دل ایتدی دردینه درمان تاپانمادی

 

هر دردمنده تربتی درمان اولان حسین

درد دل ایتدی دردینه درمان تاپانمادی

 

اطرافه باخدی گورمدی پیر و جوانلارین

گلدی مخاطب ایتدی قوم اوسته یاتانلارین

 

ای قانه غرق اولان شهدا سس ویرون منه

یالقوزلیوب حسینی بلا سس ویرون منه

 

سیز که عیالوزه منه خاطر دیدوز طلاق

اولدی ایویز یولومدا فنا سس ویرون منه

 

ای با وفا ظهیر و یا مسلم و حبیب

مردان عشقباز خدا سس ویرون منه

 

چوخ لشگریم واریدی داغیلدی کیچن گیجه

سیز گیتمدوز ای اهل وفا سس ویرون منه

 

قیزلاریمون ایشیدمیوسوز آغلاماقینی

روحوز سیزون گیدوبدی هارا سس ویرون منه

 

اولمازدی من سیزی چاغورام بی جواب اولام

حتما سیزی یوروبدی یارا سس ویرون منه

 

سعد اوغلی تک گوروبدی حسینی نه یاتمیسوز

ایستور قوشون خیامه دولا سس ویرون منه

 

بو قدری لشگری دیوری کیمدی قیترن

غش ایلیوبدی زین العبا سس ویرون منه

 

بو قدری لشگری دیوری کیمدی قیترن

غش ایلیوبدی زین العبا سس ویرون منه

 

رسم عربله جنگ ایلمور فرقه شریر

نا اهل لشگره نجه گور اولموشام اسیر

 

سالمون منی فشاره دیدیم ویردیلار منی

حق سوز بو اهل ناره دیدیم ویردیلار منی

 

گل لر سولوب ایوی یخیلان باغبان کیمی

قلبیم سوزینی خاره دیدیم ویردیلار منی

 

زهرا آنامدی خاتم پیغمبر اوغلیام

بو قوم حیله کاره دیدیم ویردیلار منی

 

قرآنیدن دلیل گتوردوم بو لشگره

آیه دیدیم اشاره دیدیم ویردیلار منی

 

روم و فرنگه یول ویرون اولسون سیزون عراق

من گلمرم دوباره دیدیم ویردیلار منی

 

گتدوم خیامه قیزلاریم آغلاتدیلار منی

گلدوم بو قومه چاره دیدیم ویردیلار منی

 

سیزدن صورا من اصغری گتدیم سو آلماقا

یاندی بو شیرخواره دیدیم ویردیلار منی

 

بیر اوخ گلوب ایکی میزیده ایلدی هدف

حلقومی اولدی پاره دیدیم ویردیلار منی

 

آچدوم قماطنی یره قویدم چالیخلادی

وای تز باتان ستاره دیدیم ویردیلار منی

 

ایتدوم جدایه تکیه بر آز بلکه دینجلم

درد دلیمی یاره دیدیم وردیلار منی

 

ایتدوم جدایه تکیه بر آز بلکه دینجلم

درد دلیمی یاره دیدیم وردیلار منی

 

ترپندی ناگهان شهدانون جنازه سی

نیم خیز اولوبلا ایستدیلر جنگ اجازه سی

 

فخر ایلوروق یولوندا سوسوز چیخدی جانیمیز

اولدی نثار مقدمیوه آخدی قانیمیز

 

لبیک یا بن فاطمه ایسته اللهیدن

بو دوغرانان بدنلره گلسون روانیمیز

 

دورونده صف چکوب قاباقوندا قلج ووراق

ذره غم ایتمه سن سن امام زمانیمیز

 

اول بلی دیوبدی بیزیم روحیمیز سنه

عشقون اولوب بیزیم شرف جاودانیمیز

 

هر قطره قانیمیز گینه ده یا حسین دیر

مین یول اگر کسیلسه رگ و استخوانیمیز

 

حضرت بویوردی خوشدی یروز خواب ناز ایدون

آز قالدی مقصده یتیشه کاروانیمیز

 

صبر ایلیون قوناقلیقا با هم گلوم گیداخ

جنتده سفره سین دوشیوب میزبانیمیز

 

طوبایه بیز گرکدی گیدوب سایه بخش اولاق

گرچه بو چولده اولمیاجاق سایه بانیمیز

 

بیر آیری میزباندا منیم واردی کوفه ده

زهرا آناملا اوردادی غم آشیانیمیز

 

کچدی بیر آز یخیلدی حسین وعده گاهینه

گوزدن گرک آخا یوزه اشک روانیمیز

 

چوخلار گلوب قیتدی دوشوب عرشه ولوله

ایتدی نزول قابض الارواح مقتله

 

باخدی شهید عشقه دوشوب اختیاریدن

عذر ایستیوبدی حضرت پروردگاریدن

 

من عاجزم دیدی بو شهون قبض روحنه

اعضاسی گل کیمی داغیلوب نیش خاریدن

 

آنی یارا بوغازی یارا سینه سی یارا

مشگلدی جان آلام بیله بیر زخمداریدن

 

دل خشک اولوب دوداق قوریوب نطقدن دوشوب

پرده سالوب محاسنه گرد و غباریدن

 

قلبندن اوخ دیوب کورگیندن کنار اولوب

قانلو گوزون یوموب آچا بیلمور فشاریدن

 

چوخ جانلار آلموشام بو قدر ایتمیوب اثر

چوخلار ئولوبدی الده گیدوب روزگاریدن

 

گورموبدی گوزلریم بیله بیر دوغرانان بدن

اعضاسی بیر بیره قاریشوب سنگساریدن

 

هی دقت ایلورم بونا صاف یر تاپانمورام

دشمنلری گینه اوخ آتولار کناریدن

 

من جان آلانمارام آناسی جان دیور باخور

معجر آچوبدی منظره احتضاریدن

 

ناگه خطاب اولدی چکیل دور کناریده

محبوبیمی اوزوم قوتاروم انتظاریدن

 

اوز سویگولومدی حسین من بیلورم قدر و قیمتین

قیمتلی دور قانی منه ویرسونله نسبتین

 

مرحوم انور اردبیلی

منبع مجموعه کانالهای مدح و مرثیه

موضوع: حضرت امام حسین (ع) احوالات ,
زبان شعر و شاعر: نوحه ترکی , انور اردبیلی

 

----

 

عشق به حضرت امام حسین (علیه السلام)

و گریز به قتلگاه

عاشق خیال عشقیله صبح ومساگزر

غمگین اولان اولارغملن آشنا گزر

هردردمنددردینه درمان تاپانماسا

واردورگورک نه علتی بزم عزاگزر

 

علت بودورعقیده سینی محترم بولر

باب حسینی باب امیدوکرم بولر

مطلب وئرندی سرورگردون خدم بولر

بزم عزاسینی اودی که جابه جا گزر

 

عصرون امامنون سوزینی دوتگیلن دلیل

فرمایش ایلیوب ئوزی اول حجت جلیل

دردوزاولان زماندااولون عممه دخیل

هرکیم اونادخیل اولا غمدن رها گزر

 

یادایلیک اؤ ساعتینی تاپدی قارداشین

عریان گوروب جنازه سینی گورمدی باشین

گلدی دله نواائلدی توکدی گوزیاشین

دورزینبون حسین نجه گورمبتلا گزر

 

پوزقوندی حالتیم پوزولان گلشنون کیمی

اوخلاردمینده سینون اولوب جوشنون کیمی

هانسی مسافرون آنام اوغلی سنون کیمی

مذبوح اولوب باشی بدنندن جدا گزر

 

یوخدورحسین یارالاروون سینه ده سانی

گردوغباریلن نجه گورخشک اولوب قانی

قاتل کسوبدی باشیوی بس اللرون هانی

اوپسون اواللری باجون ای مقتدا گزر

 

(انور) حسین آدینی دئ صبح وهرمسا

زینت تاپوب اؤ نامیله چون عرش کبریا

ارزش لنورحسینی اولان همچو کیمیا

بی جادی بس بیرعده گئدوب کیمیا گزر

 

مرحوم انور اردبیلی

منبع مجموعه کانالهای مدح و مرثیه

موضوع: حضرت امام حسین (ع) , احوالات قتلگاه ,
زبان شعر و شاعر: نوحه ترکی , انور اردبیلی

 

----

 

مختصری از زندگانی حضرت علی (ع)

و گریز به قتلگاه

 

هرکیمسه ده وار روح تمنای تعبد

صدقیله اولوب سالک عرفان وتجرد

آگاه دلیله ایدور اقرار تشهد

عشق ابدی قلبده،عبدازلی دور

مرشداونابو دایرده حب علی دور

 

ظلمت دی اورک اولسا اگر نورجلی سیز

دعوی ولایت اولا هیهات ولی سیز

یتمز ثمره صوم و صلات اولسا علی سیز

بی مهرعلی هیکل طاعاتده جان یوخ

مقبول عمله زاهد قشریده نشان یوخ

 

سیرین ایلدی شامخه اصلابده حیدر

پرورده ایدوبدور اونی ارحام مطهر

اولدی رحم فاطمه ده شکلی مصوّر

نوزاد هُدا بیت الهیده دوغولدی

سس گلدی علی کعبیه فرزانه اوغولدی

 

اون سنّده اسلامه علی اولدی مشرّف

عمرین ایلدی خدمت قرآنده مصرف

قیلدی اوزینی جاهد دین حامی مصحف

انصاف ایله ای شیخ بد اندیشه وگمراه

شیخینه دیورسن نه دلیله رضی الله

 

دینه گوره کیم جاننی گور گوزدن آتوبدی

هنگام خطربستر احمدده یاتوبدی

بو قرعه فقط حیدر کرّاره چاتوبدی

شیخین اُحُد معرکه سی اولدی فراری

تک قالدی علی قاچمادی انصاف ایله یاری

 

دوخسان یارا جسمنده علی حجّت عالی

پر وردی نبی باشنه پروانه مثالی

حق حق دیدی حق جبهه سینی قویمادی خالی

وجدان گوزوی قویما یاتا صاحب دید اول

فرّارلری ردّ ایله کرّاره مرید اول

 

پرده چکوسن واقعۀ خمّ غدیره

اجحاف ایدوسن دعوت معبوده پذیره

وحی اولدی اوگون احمد پاکیزه ضمیره

اعلان ایله امّت بیله بو سرّی سراپا

سن هرکیمه مولاسن علیدور اونا مولا

 

ایجاد ایلدی تفرقه شورای سقیفه

شمشیر وروب هیکل اسلام حنیفه

ظلم اولدی اولوالامر علی مرد شریفه

باغلادی خلافت کمرین پیر مزوّر

عزلتده قالوب حجّت حق مرد مدبّر

 

دین قالدی داشدی هره اوز مصلحتنده

رونق یارادوب سامریلر شیطنتنده

دین اوغروسی اولدی متدیّن صفتنده

ارباب محاسن چکلوب نقش خبیثه

املاک فدک غصب اولونوب جعلی حدیثه

 

خونخوارمعاویه اولوب شامده والی

هم قدرتی سالدی اله هم مال ومنالی

بیر قیصری قصر ایتدی بنا نقشه سی عالی

ظلمون الی طغیان ایدوب اصناف سویولدی

اسلامی یخان سلطنته پایه قویولدی

 

بدعت چراغی نورینی آلدی خلفادن

جهد ایلدی حیدر یخا تا بیخ و بنادن

خلع ایتدی معاویّه نی کرسی جفادن

فرمایش ایدوب پست لر عالی اولا بلمز

دین یوخدی معاویّه ده والی اولا بیلمز

 

تاوار نفسیم بسط عدالتدی مرامیم

اجرای مساواتیدی هر لحظه پیامیم

افعالیمیله بیردی حقیقتده کلامیم

من حامی برنامه ی قرآن مجیدم

عبدم حقه پیغمبر اسلامه مریدم

 

ماه رمضان وعظ ایلیوردی او معظّم

کوفی لریله دولموشودی مسجد اعظم

اعلان ایلدی مردمه مولای مکرّم

کیم مشتریدور سوزدی منیم گوهر نابیم

هرنه سوروشورسوز سوروشون واردی جوابیم

 

بو موی محاسنکه آغاردوب غم قرآن

محرابده آز قالدی اولا قانیله الوان

دنیامنه زندانیدی زندانیدی زندان

جلّاد شقی دن دگلم کوفه ده ایمن

هانسی قلیجیلا بلورم ئولملیم من

 

نای بشریّتده من آوای بلندم

خورشید هدا شعشعۀ مجلس پندم

قلبیم دولیدی غمله چوخوزدان گله مندم

غفلت یوخوسوندان گوز آچوب کاش اویانیدوز

ایکاش علی کیمدی حقیقتله تانیدوز

 

حاشا چاتاسوز کامه جهاندا عملوزدن

ذلّت سیزه واردور صفت مُبتذلوزدن

بیر نعمتیدوم من ایله که گئتدیم الوزدن

سیزدایرۀ محنت و بیداده دوشرسوز

بسمل مثلی پنجه ی صیّاده دوشرسوز

 

بیر رهبریدیم عرصه ی هیجاده مجاهد

دیوانده داور گیجه لر قبله ده زاهد

سالدوز منی دلدن قویولار دردیمه شاهد

سَعییله سیزی دوز یولا چکدیم حذر ایتدوز

یل اسدی هارا کاه مثالی اورا گتدوز

 

ارشاد و صلاحوزده چالشدیم گیجه گوندوز

چوخ جهد ایلدیم اولمادی کج فکرلروز دوز

منله بیله مکریله ریائیله گچندوز

واضحدی حسن اوغلومی بی یار ایده جکسوز

واضحدی حسینمله نه رفتار ایده جکسوز

 

ویرسم نقدر طول سوزه یوخدی ختامی

درک ایتدی علی نوزده لیل صیامی

کلثومه قوناقیدی گیجه عصرین امامی

افطار ایلیوب باشلادی شوقیله نمازه

مورگلری جسمنده گلوب سوز و گدازه

 

گه صحنه چخوب ایلدی افلاکه نظاره

اولدوزلارا دقّتله ایدوب گاهی اشاره

آز قالدی دیدی نایل اولام محضریاره

ای لیلۀ قدریم نه صفا وار سحرونده

وصلت گورورم سیر نجوم وقمرونده

 

ای لیل ولا نام نشانلی گیجه سن سن

حقّ عاشقنه سویملی شانلی گیجه سن سن

تاریخده بیر دامنی قانلی گیجه سن سن

غم دفتریوی جرگۀ عشاق ورق لر

قان آغلیاجاق سنده آخان قانه شفقلر

 

محنت لر ایدر ماهی مدارینده رمیده

اولدوزلاریمون غمدن اولار رنگی پریده

گون سیره چخار باشی آچیق رنگ پریده

جیب افقی پارچالیارصبح بلیّه

سامانه چاتار دولت خونین علیّه

 

محرابده من قانیمه غلطیده اولاندا

صبحون اتگی شبنم سرخیله دولاندا

حورالر آچوب باشینی جنّتده یولاندا

افلاکه چخار صوت عزا داغیله داشدان

طاووس ملائک گوتورر تاجنی باشدان

 

گچدی گیجه سیمای فلق اولدی نمودار

محنتدن اولوب زهرۀ خُنیاگر عزادار

قصد ایلدی جانان ایوینی حیدر کرّار

مرغابی لرین صیحه سی قوزاندی دمادم

منقاریله مولا اتگین دوتدولا محکم

 

ایمائیله عرض ائتدیله ای شاه گیدورسن

قتلوندن اولوب بوگیجه آگاه گیدورسن

مسجد ده شهید اولماقا والله گیدور سن

شمشیرجفا آز قالور آراموی آلسین

کلثومه بویور باشنه الان قره سالسین

 

مولا اولارین درک ایلدی عشق خطابین

کلثومنه ابلاغ ایلدی رأی صوابین

وقتنده قیزیم ویر بولارین دانه و آبین

دیلسیزلره باخ شاهد اسرار علیدور

عشقیله بو حیوانلار عزادار علیدور

 

القصّه گلوب ساجد حق مسجده چاتدی

درک ایتدی گران خوابده دور قاتل اویاتدی

محرابه کچوب بیر ملکوتی سس اوجاتدی

شوقیله ادا ائتدی اذانیله اقامه

مژگان صفی تک دوشدی نماز اهلی نظامه

 

اخلاصیله مولا دیدی تکبیرة الاحرام

تسلیم اوزونی حقّه ایدوب هیکل اسلام

گوردی فقط اللّهی مقابلده او خوشنام

حیرتده حجاب اهلی قالوب صدق و صفادن

تکبیرینه لبیک گلوب ذات خدادن

 

حمدی اوخیوب جاری ایدوب لبلری سوره

خم قیلدی الف قامتینی خالق نوره

اذکارینی ذکر ائتدی چاتوب فیض حضوره

درک ائتدی اوزین دایرۀ عشق اِلَهده

مسجودینه سجده ایلدی حال ولهده

 

قالخزدی باشین حقه ایده سجده دوباره

صیّاد دنی حمله سینی قیلدی شکاره

شمشیر او پُرشور باشی ایلدی پاره

یوز قبله ده سسلندی او مشتاق خداوند

دینجلدی علی کعبه نون اللّهنه سوگند

 

سوندوردی هدایت چراغین زادۀ ملجم

رخسار علینی ایلدی قانیله توأَم

عمّامه سیز اگلشدی ولی الله اعظم

شمشیرین ایدوب زهری اثر قلبی سخلدی

ایستوردی ایاق اوسته دورا دوردی یخلدی

 

قان آخدوقجا طاقت مولانی ایدوب طاق

هر قطره سی محرابده خلق ایلدی اشراق

ارث اولدی حسینه بو نماز اوسته یخلماق

مقصد بیریدی بو ایکی نور ازلیده

امّا چوخیدی فرق حسینیله علیده

 

آلمشدی علی دوره سین انصار و صحابه

ورمشدی فقط بیر یارا قاتل او جنایبه

گلموبدی حسینون یاراسی حدّ و حسابه

ترکیبنی درک ایله سوزون فکر ایله چوخلی

دوشموشدی یره سینه مشبّک اورک اوخلی

 

باشدا یاراسی باشیدی حیدر یاراسندان

گل پیکری اوراقیدی خنجر یاراسندان

قوزانمشیدی یار سسی هر یاراسندان

جانانینه جان سرعت ایدوردی تاپا الحاق

حقّیدی حسینون شهدا سیّدی اولماق

 

تکیه ایلیوب اللری اوسته اوجالوردی

فوراً یخلوردی یوزی اوسته چوبالوردی

دشمن خبروز وار اونی نه حاله سالوردی

قان لجّه سنه کشتی مثالنده باتوردی

اوخ جعبه سنی خالق ایدنلر داش آتوردی

 

بیجادی دیمک مطلبی عارفلره عریان

ریحانی نجه پرپر ایدر پنجه ی طوفان

سالدی ایله شکله او شهی نیزه وپیکان

سوز شمریده دور ائتدی سنان درّی شکسته

بُلمم نجه چخدی خزل اولموش گولون اوسته

 

وار حوصلون «انوردن» ایشیب سن بومقالی

سینه ایاق آلتدا سنق آئینه مثالی

نه صورته گور دوشدی او آئینه نون حالی

ذیحقیدی زینب ایده بو سوزلری عنوان

ای یاره لی جدّیمده آتامدا سنه قربان

 

مرحوم انور اردبیلی

منبع مجموعه کانالهای مدح و مرثیه

موضوع: حضرت علی (ع) احوالات ,
زبان شعر و شاعر: نوحه ترکی , انور اردبیلی

 

----

 

ضربت خوردن حضرت علی (ع)

 

ائتدی طلوع کوفه ده خورشید انقلاب

ضربت دگوب یخیلدی نماز اوسته بوتراب

 

صدمه یتوب مظاهر سرّالعجائبه

غالب اولوب یارا اسدالله غالبه

 

نایل اولوبدی زاده ی ملجم مرادینه

ظلمون اودون سالوبدی وفا اتّحادینه

 

قُتِلَ العَلی منادی غیبی ائدوب ندا

شمشیر ائدوبدی ساجدی ، مسجودیدن جدا

 

دیلدن سالوبدی یاره سی شاه ولایتی

رنگین اولوبدی قانیله محراب طاعتی

 

ضعف ایلدی وصیّ بلافصل احمدی

رکن صلاة سیندی دوباره دوزلمدی

 

قادر قیامه اولمادی اول مقتدر امام

حکمت ندور یخیلمادی بو چرخ کینه فام

 

مشکل گشا بالالاری توش اولدی مشکله

ماتم صداسی مسجدی گتدی تزلزله

 

درک ایلیبودی گوش فلک آغلاماق سسین

اجماعیلن صحابه لری آلدی دوره سین

 

باش آچدیلا بوکولدوله محنت لباسینه

حمل ایتدیلر او حضرتی دولت سراسینه

 

قطب وجودی نائره ی غم آلیشدیروب

صبحون نسیمی شیر خدانی دانیشدیروب

 

نطقه گلوب بیان ائلدی شاه عشقباز

آگاه سن بو مطلبه ای باد دلنواز

 

بیر صبحگهده غفلت اولا بوترابیده

یاتموب علی فراغتیلن رختخوابیده

 

ای گللری شکفته ائدوب منظره آچان

مندن قاباق اوزوی گورموسن هاچان

 

ضعف حالتینده باشدا یارا پوزقون حالتی

درگاهینه یتوردوله شاه ولایتی

 

اصحابینه مخاطب ائدوب ایلدی خطاب

گرچه یارام ائدوبدی وجودیمده انقلاب

 

فکریم بودور اوزوم یئریم صحن خانه نی

پوزقون حالیندا گورمیه تا زینبیم منی

 

ناله سسی اوجاتسا یادیمدان چیخار یارام

چوخدور بلاسی آغلاسا زینب من آغلارام

 

گئچدوم سوزی دوشوب خطره کشتی نجات

آلدی قوجاقه شیر حقی بستر ممات

 

تأثیر ائدوبدی سمّ جفا اولدی کارگر

غالب اولوب آچوبدی اجل جبهه ی خطر

 

رنگ جمالی سولدی اولوب زعفران کیمی

ماه صیامون اولدی شب بیست و یکّمی

 

جمع ایلدی بالالارین اطراف بستره

آخر زمان ، محبّت اوچون آجدی منظره

 

بیر بیر قیلوب نظاره هامی مه لقاسینه

تفویض ائدوب امامتینی مجتباسینه

 

اوندان صورا حسینی چاغوردی برابره

ائتسون وصیّت ایستدی عبّاسی محضره

 

حلّ ایلیوب او حالیده بیر عمده مسئله

اوغلانلارینی حسرتیله وئردی ال اله

 

داغلی اورکدن آه چکوب سینه داغلادی

عبّاسینی حسینینه تاپشوردی آغلادی

 

یوم بلا سنیله بودور هم معاهده

رأفتله سن پناهیوی ساخلا پناهیده

 

بذل محبّتون ائله بوضیغم افکنه

دست خطر گلنده سپرگیردور سنه

 

کرب وبلا وزیرینه بعد ایلدی خطاب

ای محفل وفاده وفا شهرت انتخاب

 

نوکر سنی اوغول وئرورم نور عینیمه

ابراز خدمت ایله ئولونجه حسینیمه

 

هر بیر خطرده ایله کمک قویما تک قالا

سندن حسینیم اینجیسه من اینجورم بالا

 

ختم رسالتون گهر دلرباسیدور

پیغمبرون رضاسی حسینون رضاسیدور

 

 مرحوم انور اردبیلی

منبع مجموعه کانالهای مدح و مرثیه

موضوع: حضرت علی (ع) احوالات ,
زبان شعر و شاعر: نوحه ترکی , انور اردبیلی

 

----

 

در احوالات حضرت علی (علیه السلام)

 

دل دوشوب پیچ و خمه دلبره آخر گئجه دور

یاندی جان رشته سی جان پروره آخر گئجه دور

 

دل دوشوب پیچ و خمه دلبره آخر گئجه دور

یاندی جان رشته سی جان پروره آخر گئجه دور

 

آز قالور یاتسون عدالت علمی عالمده

دوز قضاوت ائلیین داوره آخر گئجه دور

 

لیله بیست و یکم دور سحری صبح عزا

ییخلوب شیر خدا بستره آخر گئجه دور

 

آز قالوب تاجینی باشدان گوتوره روح الامین

عمری باشه یتیشوب حیدره آخرگئجه دور

 

ضربت زاده ملجم ائلیوب مغزه اثر

یوخ توانا او قوی پیکره آخر گئجه دور

 

گوش مولایه اوزاقدان یتیشوب ناله سسی

دوزمدی ناله حزن آوره آخر گئجه دور

 

دیدی کیمدور گتورور قلبیمی درده دیدیلر

اوغلون عباس آچوب منظره آخرگئجه دور

 

گلدی عباس یسارینده علی وئردی مکان

باخدی صراف او گوزل گوهره آخر گئجه دور

 

الینی آلدی اله قویدی حسینون الینه

دیدی اوغلوم بو گئجه حیدره آخر گئجه دور

 

سنه من اوغلوم ابولفضلیمی نوکر وئیورم

ثبت ائله نوکر آدین دفتره آخر گئجه دور

 

دیدی عباسه ده طاهادن امانتدی حسین

گورسون هر وقت بو بی یاوره آخر گئجه دور

 

قوشونی گئتسه ده تک قالساداسن گئتمییسن

اول گئجه زاده پیغمبره آخر گئجه دور

 

مرحوم انور اردبیلی

منبع مجموعه کانالهای مدح و مرثیه

موضوع: حضرت علی (ع) احوالات ,
زبان شعر و شاعر: نوحه ترکی , انور اردبیلی

 

----

 

در مدح امیرالمومنین حضرت علی (ع)

 

حصار محکم احکامدور وجود علی 

ستون خیمه ی اسلامدور وجود علی

 

بدون حب علی طاعتون ثمر یوخودی

محبی اولسون اگر سجده ون خطر یوخودی

 

بودور چکیده ی سوز مطلبو بودور لبی

قبول شرط عبادتدی مرتضی حبی

 

ولی اعظم علیدور وصی مطلق علی

علیدی بنده ی ممتاز خالق ازلی

 

علیدی جمله ی گفتاری ایلین اعجاز

علیدی صدره نشین و امین مجلس راز

 

مدرس بشریتدی بی مدرسدی

شئون و مدحینه نهج البلاغه سی بسدی

 

نماز ائدنده اقامه ئوزینی بیلمزدی

گورردی ذات حقی ماسوانی گورمزدی

 

حقوق مردمی ئوز اهل بیتی تک وئردی

عقیل قارداشینی ئوز گه سیله بیر بیلدی

 

مرحوم انور اردبیلی

منبع مجموعه کانالهای مدح و مرثیه

موضوع: حضرت علی (ع) مدح ,
زبان شعر و شاعر: نوحه ترکی , انور اردبیلی

 

----

 

حضرت امام زمان (عج) و

گریز به احوالات حضرت امام حسن مجتبی (ع) 

 

نقدری یابن الحسن شیعه لر بلا گوره جک

نقدر ظلمه دوزوب رنج و ابتلا گوره جک

 

هاچان عدوّلرون قدرتی مهار اولاجاق

لوای ظلم یاتوب عدل برقرار اولاجاق

هاچان او حُسن رخون پرده دن کنار اولاجاق

هاچان محب لرون دردینه دوا گوره جک

 

نه وقتیده گوره سن یا بقیة الاخیار

غلافدن چخاجاق ذوالفقار آتشبار

نظام دین تاپاجاق روح نظم و استقرار

جهان یوزونی جهان اهلی جانفزا گوره جک

 

دولوبدی فسق و فسادیله عالم امکان

بشره غالب اولوب ضعف مذهب و ایمان

غریب عصریدی واغربتا دیور قرآن

هاچان کتاب خدا حکمنی رسا گوره جک

 

نه اهل ذکر و دعادن یتور قبول دعا

نه صبر وار فقراده نه اغنیاده عطا

نه مهرباندی بیوک لر نه وار کیچیک ده حیا

نقدر خلق ئوزونی جهله مبتلا گوره جک

 

وئروب تدیّن و تطهیره لطمه انسانلار

خموش اولوبدی تعدّیله شمع وجدانلار

فرنگ صورت اولوب صورتاً مسلمانلار

یوبانسون عالم ئوزون مرکز جفا گوره جک

 

ال آت قلنجووا ای دست انتقام خدا

چاغور او اوچ یوز اون اوچ شخصی داده یا مولا

سن انقلاب کبیر ائتمسون اگر بر پا

مگر سفینۀ دین ساحل نجا گوره جک

 

روا دگول ایله گوز یاشلی منتظر قالاسان

گرک گلوب بو جهان ملکینه صدا سالاسان

بنی امیه صفتلردن انتقام آلاسان

سنون قدوموویله عالم اعتلا گوره جک

 

بنی امیه آدین یازدی غفلتاً خامه

دولاندیروب سوزومون طرزین ائتدی غمنامه

سزای لعنت حق اول گروه ظلامه

جهیم عذابی اولار واردی تا خدا گوره جک

 

نه ائتمیشیدی او ظالملره آنان زهرا

شهیده یوللادیلار قبره ای امام هدا

فقط ئوزون بیلوسن هاردا دفن اولوب زهرا

نقدر ظلم و ستم خیرة النسا گوره جک

 

یقین بو محنته صبح و مساده آغلورسان

بقیعده گهی بیت خداده آغلورسان

گهی نجفده گهی کربلاده آغلورسان

فلک سنی نقدر عاشق عزا گوره جک

 

عزالی سان سنه خوشدور عزا سوزون دانشاق

بقیعدن دانشاق کربلا سوزون دانشاق؟

حسین قالوبدی هله مجتبی سوزون دانشاق

مگر زمانه ایله غملی پیشوا گوره جک

 

او مجتبی که پیمبر آلاردی آغوشه

بودرو دیردی گل عمریمه گوزل خوشه

عزیزدور منه دلبندیدور جگر گوشه

بونون وجودی ایله باغ دین صفا گوره جک

 

منیم بو اوغلوم حسن کنز حق گوهردور

بهشت جوانلارینون سیدی مطهردور

سلیم نفسدی صلح و صفایه مظهردور

اگر چه دهریده چوخ غملی ماجرا گوره جک

 

او قدری عاشقدی مجتبایه شیر خدا

دیردی بو سوزی حق حسنده اول مولا

حسنله نفس علی بیدری فرق یوخ اصلا

علی نه عالمی سیر ائتسه مجتبی گوره جک

 

حسن حبیب پیمبردی صاق گوزومدی منیم

لسانی عین لسانیم سوزی سوزیمدی منیم

حسن خلیق عربدی حسن ئوزومدی منیم

اونون محبی ئوزون حقه آشنا گوره جک

 

چهل و یکم هجرتده زادۀ زهرا

معوییله ائدوب صلح نامه نی امضاء

گوزونی یومدی خلافتدن اول امام هدا

بو فکریله که صفا سلک اتقیا گوره جک

 

او صلح نامه نی ائتمیشدیله بیله تدوین

معاویه اولا حق سوز دینلره خوشبین

ولیّ عهد ئوزونه بیرده ائتمیه تعیین

نه ایش که مملکته گورسه بی ریا گوره جک

 

یتوب مرامه او پیر مزوّر و مکار

اوتانمادی حسنه ائتدی بو سوزی اظهار

حسین عم اوغلومادا بیعته ائله وادار

نه وقته جک منی دشمن او مقتدا گوره جک

 

بویوردی قیل ئورگوندن بو آرزونی کنار

کنار ایدنمیوسن ساخلا دلده قبره آپار

حسین سنه ایلمز بیعت ای خبیث تبار

حسین ئوزون سنه بی مهرو اعتنا گوره جک

 

حسین سنیله ویره ال اله دگول مقدور

محالیدور ئوزوه نسلووه اولا مقهور

حسنی صلحه رضای خدا ایدوب مأمور

حسینون آیری ایشی واردی کربلا گوره جک

 

او صلح نامه که باغلاندی خیر اسلامه

معاویه عملاً چکدی متنینه خامه

محوّل ایتدی اموراتی قوم ظلامه

علی دیین دئدی اعمال ناروا گوره جک

 

ئوزونه تنگ گوروب کوفه نی امام حسن

گُتوردی پیر و جوانین ائدوبدی عزم وطن

بویوردی آیریلور ای کوفه مجتبا سندن

مزار شیر خدادن ئوزون جدا گوره جک

 

سنه علاقه واریم ایلیم همیشه مکان

نجیب قونشولاری من چخارتمارام یاددان

اولار ولی حسنه ویرمیور علاقه نشان

همیشه هجر غمین آل مصطفی گوره جک

 

حسن گیدور غم هجراندن رقم ساخلا

صباحلر افقونده سن ابر غم ساخلا

حسین قوناقون اولان وقته محترم ساخلا

قوناق گلوب سنی بیرده او باوفا گوره جک

 

ائدوبدی حسرتیله ترک کوفه نین خاکین

گلوب مدینه سینه مجتبی اولوب ساکن

معاویه اونی آسوده قویمادی لاکن

دئدی گئنه حسنی خلق رهنما گوره جک

 

نقدری واردی حسن استراحتیم اولماز

نفسی گلسه منیم استقامتیم اولماز

حجازون اهلینه محکم ریاستیم اولماز

او نقشه لر که واریم دلده پشت پا گوره جک

 

اودور مدینیه گوندردی زهر قتالی

مرام و فکرینه مروانی ایلدی حالی

یتوردی جعدیه زهری او بیحیا والی

بو ایشی بیلدی او ملعونه جابجا گوره جک

 

آلوبدی شیشۀ زهری اله او قتاله

شرارۀ ستمی سالدی قصر اجلاله

قاریشدی زهر سویا کوزه ایلدی ناله

او سوئی نوش ایلین بیرده گور شفا گوره جک

 

اجل اویاتدی غرض خواب نازدن حسنی

گوروب سوسوزدی سوایستور وجودینون چمنی

ایدوبدی نوش او سودان دوشدی لرزیه بدنی

بیلوب جگرلری اول زهریدن یارا گوره جک

 

بفوری سوده الماس قانه جذب اولدی

ئورک پیاله سی مسموم قانیله دولدی

جگرلری آلیشوب رنگی گل کیمی سولدی

دیدی بو حالی نجه خویش واقربا گوره جک

 

گیجه زمانی کیمی داده سسلیوم یارب

حسین دوام ایلمز کشف اولونسا بو مطلب

سزلتمی ایشیدوب ایندی دیسگینر زینب

نقدری معجرینی زینبیم قرا گوره جک

 

بوسوزی بیر نفر عالم بویوردی منبرده

یازوب اونون دیدیگین چکمورم سوزه پرده

گوروب آلولانور اکبادی چوخ گلور درده

فلک او خانه آبادی غم سرا گوره جک

 

حسیندن ایستدی بیر طشت ایهاالاحباب

حسنه باخدی شه کربلا اولوب بی تاب

چخارتدی زینبی دهلیز خانیه اوجناب

بیلوردی قالسا خفا دردی برملا گوره جک

 

اطاقدن ایلدی مظهر بتولی کنار

امام قی ایلدی طشته یا اولوالابصار

جگرلری متلاشی اولوبدی گیتدی قرار

مسلم اولدی حسن عمرینی فنا گوره جک

 

اوجالدی ناله سسی گتدی زینبی درده

دوزنمدی اطاقا یوز قویوب دل افسرده

حسین عباسینی طشت اوستنه ایدوب پرده

جهان مگر او محبتده بیر اخا گوره جک

 

حسین الینده الی جان ویروب امام حسن

غریب کرب وبلا غسل وئردی ائتدی کفن

سمایه اوج ایلدی آه و ناله و شیون

اینانما دهر ایله بیر مجلس بکا گوره جک

 

جنازه نی گتوروبلر غم وملالیله

حریم احمده یوز قویدیلار جلالیله

چخوبدی عایشه پیشوازه آیری حالیله

دیدی مگر هر ایشی آل مرتضی گوره جک

 

ایویمده دفن ایده سوز مجتبانی یوخ امکان

دگل پیمبر رحمت جواری قبرستان

جنازه نی دالی قیترمه سوز همین الان

مدینۀ نبوی شورش خطا گوره جک

 

محمد حنفیه قیلوب اونا اظهار

جمل عسکره اولدون اوگون ستمله سوار

بوگونده استرون اوسته ویرورسن آیری شعار

نقدری سندن علی عترتی جفا گوره جک

 

خطر جنگی گورن وقته سیدالشهدا

خطاب قیلدی بنی هاشمه اومیر هدا

قلنج چکمگوزه قارداشیم دگلدی رضا

قویون نه ایش گوروری گورسون اشقیا گوره جک

 

طلیق زاده لره ایندی که کمکدی فلک

بقیع سمتنه تابوتی قیترون نیلک

جنازیه توخانان اوخلاری کنار ایلیک

قوناقدی فاطمیه اوغلونی آنا گوره جک

 

اگر چه جنگ و جداله یوخوزدی دلده هراس

گرک توکولمیه قان بیز دوتاق بقیعده یاس

قویوب غلافینه شمشیرین آغلادی عباس

دیدی بو قوللار هاچان بس ئوزون رها گوره جک

 

امامون امرینی اجرایه قویدی هاشمیان

جنازه نی یتوروبله بقیعه ناله کنان

نماز قیلدی حسین قبره قویدی ایتدی بیان

بوقبری هر کیم اوپه نور کبریا گوره جک

 

غمونله قارداش حسن قلبیم اولدی مالامال

سنه نوا ایدرم گوزیاشیم اولا سیّال

محالیدور ایلیم بیرده عطر استعمال

گوزوم بو عالمی بی وقروبی بها گوره جک

 

داخی لباس نشاطی وجودیدن سویدوم

زمانه لذتنه پشت پا ووروب دویدوم

سنون باشووی قرا تپراق اوستنه قویدوم

تصور ایتمه حسین نرم متّکا گوره جک

 

حجاز تپراقی هر قدر لاله زار اولسا

صبا یلی نقدر گلستانه یار اولسا

کبوتران هوا یا که اشکبار اولسا

حسین ئوزون اوقدر عاشق نوا گوره جک

 

زیان گورن اودگل ای همای صلح وصفا

اثاث منزلی یا خیمه سی اولا یغما

زیان گورن اودی که قارداشین مزاره قویا

یقین ایشقلی گونون لیلةُ الدُّجا گوره جک

 

یوزووی گورسه حسین خوابیده تسلادور

یوخوما گل دانشاق خواهش و تمنادور

ئولنلرون بیلورم وعده گاهی رویادور

گوزوم سنی یوخودا گورسه مطلقا گوره جک

 

مرحوم انور اردبیلی

منبع مجموعه کانالهای مدح و مرثیه

موضوع: حضرت امام حسن مجتبی(ع) احوالات , حضرت امام زمان (عج) ,
زبان شعر و شاعر: نوحه ترکی , انور اردبیلی

 

----

 

ولادت حضرت امام حسن مجتبی (ع)

و  گریز به شهادت ان حضرت

 

تقدیس ایله ای خامه ازل ذات الهی

ایجا ایلیوبدور کروی مهریله ماهی

قدرتله یاراتمش نِعَم نامتناهی

نورانی پگاهی آیورور لیل دجادن

نومید ایلمور کافریده خوان رجادن

 

مین نابغه فکر ایلسه بو باره ده باهم

بیلمزله ندور ذات خداوند معظّم

اندیشه لری لنگ اولور آخرده مسلّم

انساندا توان یوخ تانیا ذات خدانی

حاشا یتیشه دایرۀ باقیه فانی

 

هر بنده ایدور خالقه اقرار شهادت

واجبدی صداقتله ایده ذکر و عبادت

دورد فصلدی هر اون ایکی آیدان عبارت

قرآدا ویروب رب توانا بو پیامی

هر آیدان ایدوب پربرکت ماه صیامی

 

ماه رمضان ماه شکوفائی قرآن

ماه رمضان ماه فروزان فر قرآن

ماه شرف و تزکیۀ انفس و غفران

ذکر ایله اگر واردی گوزون معنوی پایدا

هر سجده نون اجری بیره یتمیشدی بو آیدا

 

دست ازلی پهن ایلیوب خوان ضیافت

مهماندی همان سفره ده ارباب اطاعت

هر لحظه ده باران کیمی نازلدی کرامت

ارزانی ایدوب رخمتینی حضرت باری

بو آیدی نیایش ایده نون ماه بهاری

 

سفره سالینار موقع مهمانی گوروبسوز

متننده اولور نعمت الوانی گوروبسوز

زیبا بزه نور سفرۀ احسانی گوروبسوز

عین وسطینده قویولار دسته قزیل گول

چون گلدی ضیافتده گوزه للیک لره سمبُل

 

بو آی که ضیافت ایلیوب حیّ تعالی

ارزنده سوزوم وار ایدورم شعریله انشا

حق ایستدی ئوز سفره سینی ایلیه زیبا

مهمانلاری شامل ایلیوب لطف عمیمه

گول تک حسنی زیور ایدوب خوان عظیمه

 

نصف رمضان فاطمه نون بی مَثَل اوغلی

ایجاده گلوب ایلکی عزیزی اَوَل اوغلی

بذل ایتدی صفا گوللره گولدن گوزل اوغلی

عطری او گولون عالم امکانی قویوب مات

زهرا گولونه رشک ایلدی گلشن جنات

 

تشریف گتوردی نوه دیدارینه طاها

حق بین گوزی مولا ایوینی گوردی مصفّا

زهرایه سلام ائتدی اولوب حالینی جویا

فرمایش ایدوب کاش خدیجه ساق اولیدی

من تک آنوین ساغر آمالی دولیدی

 

تک سن گوزلیم حیف اولا بو موقع دشوار

هر حامله فراغ اولا لازمدی پرستار

حامی اولا سندن نه باجون وار نه آنون وار

گلدیم سوروشام حالیوی ای مونس حورا

مندن تزه مولودیوه تبریک اولا زهرا

 

پیغمبر خاتم مَلَکِ مِلکِ تجرّد

شخص اول عالم عرفان و تعبُّد

خاتون کبیره ایدوب اظهار تفقُّد

بحرین نجابت گُهرین آلدی قوجاقه

منضَم ایلدی غنچۀ نوبازی بوداقه

 

دقتله ایکی دیدۀ شهلاسینه باخدی

تحسین ایلدی حُسن دل آراسینه باخدی

هم صورت و هم عالم معناسینه باخدی

فرمایش ایدوب پیکرۀ صلح دوغولدی

صلحیله ویرن دینیمه رونق بو اوغولدی

 

شایسته بالا تحفۀ ذات ازلی دور

آیدان یوزی آیدین افق صبح جلی دور

زهرایه جگر بند ولیعهد علی دور

حلمیم بو بالامدا وار امیدیم علن اولسون

گویچکدی ئوزی آدی گرکدی حسن اولسون

 

هر کیمسه محبّ اولسا بو مولود سعیده

بیلسون ئوزونی صاحب ایمان و عقیده

اقرار ایدورم منده محبّم او مریده

واردور بو بالامدا بیلورم من نه لیاقت

دشمندی منه کیم حسنه ائتسه اهانت

 

قرخ یدّی ایل عمر ایلدی دنیای فناده

بی مثلدی زهد و ورع و ذکر و دعاده

انگشت نمائیدی کرامتده سخاده

سالمیشدی گوزل خصلتی آوازه حجازه

دائم آچوقیدی قاپوسی اهل نیازه

 

هم رزمیدی مولائیله هنگام ستیزه

دعواده آپارسیدی الین خنجر تیزه

ایلردی صف دشمنی مجبور گریزه

شمشیر کجی اژدر آتش دهن اولدی

جنگ جملون فتحینه باعث حسن اولدی

 

صلحی که معاویه ایله ایلدی امضا

ایستوردی حفاظتده قالا مکتب طاها

کیم وئرسه امام حسنه نسبت پروا

ناپخته دی تابع اولوب اندیشۀ خامه

توهین ایلیوب ساحت والای امامه

 

صلح حسن و جنگ حسین ابن پیمبر

بیردور ایکیسی اجر و فضیلتده برابر

هر قارداشا بیر نوعی وظیفه ایدی مقرّر

جان شیشه لری دگمیشیدی ذرّیده سنگه

وئرمیشدی تعهد بیری صلحه بیری جنگه

 

نصف رمضاندور بو گجه لیلۀ شادی

درک ایلمشوک مجلس پر فیض مرادی

روح حسنه آند وئرون ربُّ العبادی

اعطا ایلیوب خضره او که آب حیاتی

وئرسون بیزه ده بو گجه غفران براتی

 

یا ربّی بو حضار الی بوش بنده لروندی

بیر عدّه گنهکاریدی شرمنده لروندی

درگاهیوه صدقیله پناهنده لروندی

یا محسن مطلق حسنه سن بیزی عفو ائت

مظلوم و غریب وطنه سن بیزی عفو ائت

 

یا رب دم آخر گوئرن لبلره خاطر

یا رب جگری پارچالانان رهبره خاطر

تابوتیده اوخلاره نشان پیکره خاطر

شرمنده گتورمه بو احبّانی معاده

هر گوز حسنه آغلاسا آغلاتما جزاده

 

یارب حسنون بیر کسه آزاری یوخیدی

صلح ائتمیشیدی نیّت پیکاری یوخیدی

شیرین سخنیدی آجی گفتاری یوخیدی

غم همدمیدی حجتیوه هر نفسینده

قُمری کیمی باغلیدی قنادی قفسینده

 

یارب حسنه منزلی بیت الحزن اولدی

اوز شوهرینه همسری قاتل ندن اولدی

آغ رنگ گولون رنگی دونوب یاسمن اولدی

جُعده نیه اوز یارینی بیگانیه ساتدی

زهرا ئورگین داغلادی زهری سویا قاتدی

 

یارب حسنه دشمنی تنگ ایلدی دهری

همشهریلری دل یاراسی وردیلا قهری

میل ائتدی شیرین سو عوضینده آجی زهری

زهرین اثری عارض زیباده گوروندی

افعی ووران اشخاص کیمی صاق صولا دوندی

 

تأثیر ایلدی زهر جفا جوهری قاندا

ایجاد شرر ائتدی عروق و شریاندا

مسموم ئورگین سوزشی آرتدی ضرباندا

هر بیر نفسی آتش اولوب چخدی جگردن

حاشا دیدی سالم قوتارام من بو خطردن

 

قینر سو کیمی طاق جبینیندن آخوب تر

فکر ایله او حالتده حسن گور کیمی سسلر

امداده رشیده باجیسین سسلدی پی در

آچ گوزلریوی باجی غریب وطن ئولدی

زینب خبرون یوخدی خبردن حسن ئولدی

 

قارداش سسینی آلدی باجی دوردی هراسان

گوردی حسنون لبلرینی قانیله الوان

قول بوینونا سالدی دیدی زینب سنه قربان

رنگون گوئروب آتش تبده چوبالورسان

تیترور بدنون گاه اوتوروب گاهی دورورسان

 

ای حلقۀ پر قیمت عرفانه گوزل قاش

سن بو حالا قالمیدون ئولیدی باجون ایکاش

دریا کیمی دردون واردیدی قلبده قارداش

علت ندی آشفته گزورسن اطاقوندا

کول باشیمه قان لخته لنوبدور دوداقوندا

 

مرحوم انور اردبیلی

منبع مجموعه کانالهای مدح و مرثیه

موضوع: حضرت امام حسن مجتبی(ع) مدح ,
زبان شعر و شاعر: نوحه ترکی , انور اردبیلی

 

----

 

شجاعت حضرت ابوالفضل عباس (علیه السلام)

 

سو سرین ایستی هوا قلبینون آرتوق عطشی

نفس عباسیله عشقون اوجالوب کشمکشی

 

آب سردیله مبارک الینی ائیتدی پر آب

قوریان لبلره نزدیک ایلیوبدور اوجناب

عشقیدن نفسینه گویا یتیشوبدور بو خطاب

عاشقه نقصدی گر نفسون الی قازسا قویی

نفس مغلوب ایله یاندیر یره توک ایچمه سویی

 

ایچمدی آتدی یره مجری تصمیم اولدی

نفس سلمی واریدی عشقینه تسلیم اولدی

نفسله عشق آراسی رابطه تحکیم اولدی

پیشتاز ائیتدی ئوزون قافله عرفاندا

عبدصالح دیولور علت اودور هر یاندا

 

گوئیا گلدی بیانه دئدی ای آب روان

موج وور ایله نفدری ایلیورسن جریان

عشقیمی نفسله مغلوب ائده سن ائیتمه گمان

تشنه لردن نه روا نفسنی عباس سچه

آقا لب تشنه قالا خیمه ده نوکر سو ایچه

 

ایچمرم قطرون اگر اولسا سنون آب حیات

باخمارام گر اتگیمدن یاپوشا نهر فرات

من علی اصغریمه آختارورام راه نجات

سوسوزام یوخدی علاقم ولی بیر ذره سنه

قوریان لبلرین ایسلاتسام اونون بسدی منه

 

هر بشر دهریده بیر خوش عمله طالب اولار

مشکلاته اوعمل عشقینه تز غالب اولار

سعی ایدر بسکه نتیجه ئوزونه جالب اولار

دورمشام منکه او گوندن بو جهاندا ایاقا

وار علاقم سوسوز انسانلارا سو پایلاماقا

 

گیدورم خیمه لره ساری امان وئرسه قضا

مشکی سالم یتورم سسلنم ای آل عبا

بالا قزلار سو ایچه مندن اولا بلکه رضا

ایلکه خیمه ده سو ایچدی هامی اهل حرم

تشنه لر دویسا سودان قالسا ئوزومده ایچرم

 

رسمدور دوشسه اگر مشکله هر اهل ولا

دردین عباسه دیوب اخذ ایلیور فوری دوا

بنده سین صاحب اعجاز ایلیوب ذات خدا

بزم عز و شرفون عزتی عباس آدیدور

"انورون"دفترینون زینتی عباس آدیدور

 

مرحوم انور اردبیلی

منبع مجموعه کانالهای مدح و مرثیه

موضوع: حضرت ابوالفضل العباس (ع) شجاعت ,
زبان شعر و شاعر: نوحه ترکی , انور اردبیلی

 

----

 

احوالات شب عاشورا

بو گئجه بیعت پوزولدی آشنالر گئتدیلر

قویدولار پیغمبر اوغلون بی‌وفالر گئتدیلر

منبر اوستونده حسین بن علی صاحب وقار

شوریله منشور عاشورانی ائتدی آشکار

روشن اولدی صبح آچیلسا قتل وار کشتاروار

عشق دنیای فنایه مبتلالر گئتدیلر

شبپره مثلی تمتع گوردیلر ظلماتیدن

خیر محضی نفی ائدوب ال‌چکدیلر اثباتدن

کعبه آمالیده آیریلدیلار میقاتدن

گیمه‌میش احرامنی حاجی‌ نمالر گئتدیلر

بولدیلر یوخدور حسینه یوم عاشورا ظفر

بوی مرگی درک ائدوب سسلندیلر این المفر

مین نفر حضاردن قالدی فقط یئتمیش نفر

قالب غیرتلری بی‌محتوالر گئتدیلر

نقل ائدور شخصاً سکینه شاه دینون دختری

قیلدی فرمایش بابام سوندوردیلر مشعل‌لری

آز زماندا خالی اولدی خیمه‌لر دور و بری

بش‌بش اون‌اون اهل تزویر و ریالر گئتدیلر

صبح آچیلدی الغرض وئردی قالانلار امتحان

کهنه عاشق‌لر تاپوبلار عشق حقدن تازه جان

لبلری گل مثلی خندان و ئوره‌کلر شادمان

کوی جانانه سلیم‌المدعالر گئتدیلر

نه مهاجردن قالوب بیر کیمسه نه انصاردن

بیربه‌بیر دلبرلر آیریلدی گوزه‌ل دلداردن

عشق و سرمستی گئچوب اندازه‌دن معیاردن

کیمیاگر قالدی حیران، کیمیالر گئتدیلر

آلدی رخصت ائتدی اکبر فی سبیل‌الله جهاد

یاره‌لندی زیندن دوشدی یئره اول پاکزاد

قرمزی ژاله ایله آغ‌گل ائتدی گویا اتحاد

حالدن یکسر مقیمان سمالر گئتدیلر

فی المثل خاک بلایه پاره‌لنمیش آی دوشوب

عالم غیب و شهوده قورخلی بیر های دوشوب

گوش جناته صدای ناله و ایوای دوشوب

بارگاه قدس اعلایه صدالر گئتدیلر

جان بلب مظلوم امامه ایلدی اکبر سلام

اوغلونون آلدی سلامین سسلنوب گلدیم بالام

خیمه‌دن چیخدی حسین ائتدی جوانلار ازدحام

قتلگاهه ساری اهل ابتلالر گئتدیلر

چاتدی میدانه حسین دیلده علی‌‌اکبر آدی

جان دئدی، اوغلوم سنی هانسی قلجدی دوغرادی

نوح تک عمر ایلسم اولمازمنه سن‌سیز دادی

گوزلریمده ییر وقتیمده ضیالر گئتدیلر

باشون اوسته یاوران طیب انفاسیم گلور

گوزلرینده گوزیاشی دیداره عباسیم گلور

یولداشون هم مسلکون هم صحبتون قاسم گلور

گل دیله‌ یارا و طاقتدن فتالر گئتدیلر

چوخدی سوز کئچدوم مفصل‌دن بو یئرده مجمله

اوغلونون اعضاسینی گوردی حسین گلمز اله

حملینی مشکل بولوب سالدی عباسین مقتله

وئردی بیر فرمان گویه یئردن نوالر گئتدیلر

ای جوانلار حمل ائدون قارداشوزی میدانیدن

دردمندم چاره‌سیز ال اوزموشم درمانیدن

گوز تیکن چوخدور یولا نسواندن طفلانیدن

خیمه‌لرده اوزلریندن بی‌نوالر گئتدیلر

حامل اولدی آل هاشم پرپر اولموش لالیه

باغبانون اشکی گل هجرینده دوندی ژالیه

تلدن اندیردیلر گلدی حرملر نالیه

قاره باشدا یاسینه بختی قرالر گئتدیلر

آچدیلار قانلی عبانی سس دوشوب داغداشلارا

باخدیلا الوان اولان مژگانلارا گوز قاشلارا

گوردیلر باشدا یاراسین گئتدی اللر باشلارا

تاب و طاقتدن بالالار هم آنالار گئتدیلر

شاعر : مرحوم انور

موضوع: احوالات تاسوعا و عاشورا ,
زبان شعر و شاعر: نوحه ترکی , انور اردبیلی

 

----

 

آرزوی کربلا

 

اگر چه خلق بگویند در سماست بهشت

ز من بپرس که در خاک کربلاست بهشت

 

چرا سما بکند غبطه خود به کرب بلا

اگر بگفته این خلق در سماست بهشت

 

بخلق کرب بلا را نشان دهم گر خلق

ز من سؤال نمایند در کجاست بهشت

 

نه من بهشت بگویم به کربلا تنها

حسینیان همه گویند کربلاست بهشت

 

جوار قبر حسین جنت است بی شبهه

بر آن دلیل که گویند پر جلاست بهشت

 

چگونه روضه جنّت نباشد آن روضه

که جای جلوه جان بخش کبریاست بهشت

 

بگو بهشت بجای که آشنا آنجاست

به آشنا طلبان کوی آشناست بهشت

 

همی کشد دل مارا بخویش کرب بلا

بود درست که گویند دلرباست بهشت

 

کسیکه جلوه آن بارگاه را دیده

بچشم خویش بدیده است جانفزاست بهشت

 

بزلف اکبر شهزاده کربلا خوشبوست

نسیم صبح رساند که مشکساست بهشت

 

چو چشمه هاست در آن اشک چشمها جاری

بچشمه های روان گو که با صفاست بهشت

 

پیمبران همه در روضه حسین جمعند

مکان پاکدلان جای انبیاست بهشت

 

بهشت روی زمین را بیان کنم یک یک

شود عیان که چه جا ها برای ماست بهشت

 

بهشت انور این دهر در مدینه بود

بصدق روضه شاه قل انّماست بهشت

 

چو کربلا نجف الاشرف است جاوه نما

رواق روضه پر نور مرتضاست بهشت

 

چو باغ خلد بود خاک طوس عنبرسا

به شیعیان حرم حضرت رضاست بهشت

 

دو جنّت است بما کاظمین و سامرّا

که از چهار امام این دو جا بماست بهشت

 

بسان هشت بهشت هفت روضه پر نور

برای خلق بر آن خانه خداست بهشت

 

اگر نقاب فتد از جمال حجّت عصر

عیان شود که جهان خدانماست بهشت

 

بجلوه های روان بخش ساقی کوثر

رواق روضه عباس باوفاست بهشت

 

بجرم در طلب کربلا مشو انور

که جای مردم بی جرم و بی خطاست بهشت

 

 مرحوم انور اردبیلی

منبع مجموعه کانالهای مدح و مرثیه

موضوع: در آرزوی زیارت ,
زبان شعر و شاعر: نوحه فارسی , انور اردبیلی

 

----

 

خطاب به زمین کربلا

 

کربلا ای دشت ماتم فخر آدم سنده دور

کیمیا خاک شفا اکسیر اعظم سنده دور

 

ابتدا کافون عبارت کلمۀ طاعاتیدن

حرف رایون دور علامت روضۀ جنّاتیدن

با بنای مدفنون پرنوریدور لمعاتیدن

عزّت دنیا و عقبا هر دو عالم سنده دور

 

بای ثانون بادۀ پیماندی نوش ایتدی حسین

لامدن مشتق لوای دینی آچدی شاهدین

الف اقیم اولدی او یرده حکم رب العالمین

اول سببدندور رضای حق مسّلم سنده دور

 

واردی فخرون عالمه ای مهد جانبازان حق

چون نهادونده کفن سز دفن اولوب یاران حق

یاتمش آغوشونده باشسز یاره لی مردان حق

یاوران و ناصران سبط خاتم سنده دور

 

ای زمین با سعادت سنده وار بر بارگاه

بارگاهنده ولی باشسز یاتوبدور پادشاه

لشگر سلطانه بر دیوار یدوو آرامگاه

گارد شاهنشاه دور یاتمش منظّم سنده دور

 

آغلاسون کیفیّتونده دیده مثل ابر دور

گورمگه دربار شاهی قلب لر بی صبر دور

بقعه ای زیبا گه تحتی آلتی گوشه قبردور

بر آتا یاتمش ایکی اوغلیلا باهم سنده دور

 

بر چوخور یرسنده وار طاقی اولوب آینه بند

نقره دربین اگلشوب هر کس اگر ایتسه بلند

آغلاماز تنها گوزی اعضاسی آغلار بند بند

چونکه اوردا ذبح اولوبدی ذبح العظم سنده دور

 

قرمزی پرچم که نصب اولمش مطّلا قبّه ده

هر گلن زو ّاری باخدوقجا ایدر ماتم زده

عالمی سن تک همان پرچم ایدوب دور غم کده

سنده اولماز دل گشاده محنت و غم سنده دور

 

آغلاسون بو بدیده هر گوز که ایستر آغلاماق

آغلاماق عنواننی آلسون ولی مندن سراق

خیمه گاه شاهیده واردور حنالی بر اتاق

نامسون کیفیّتن ایلر مجسّم سنده دور

 

تلّ زینب که خانم زینب دوروبدور سسلنوب

روز عاشورا حسیندن او تری هی قالخوب انوب

بر زمان اللر باشندا پا برهنه گورسنوب

ایتدی وار اول تبلون اوسته قاره پرچم سنده دور

 

سنده دوندی شهپری سیمرغ اوج همّتین

مشکنه سانجلدی پیکان آرتروبدور محنتین

قبرینون کوچک لیگی اثبات ایدر کیفیّتن

اهل فهمه قالمیوب موضوعی مبهم سنده دور

 

« انورم » عمریمده اولام من او ساعت سر فراز

ایلیه دعوت حضور پاکنه شاه حجاز

شوقیله نهر حسینی ده آلام بر دستماز

نیلیوم گوگلوم بو فکریله دمادم سنده دور

 

مرحوم انور اردبیلی

منبع مجموعه کانالهای مدح و مرثیه

موضوع: احوالات کربلا ,
زبان شعر و شاعر: نوحه ترکی , انور اردبیلی

 

----

 

در مدح و مصائب حضرت زینب (سلام الله) و 

اشاره به کوچ از قتلگاه

 

بی‌بون یابن الحسن بار بلادن قامتی خمدور

گل رخسارده هر قطره اشکی مثل شبنمدور

غمنیدن صورته قان جاری ایتسه کپیریگیم کمدور

پریشان طرّۀ زینب که غرق اشک ماتمدور

خیالی اشک افزادور چون ابر بارش غمدور

 

فنا فی الله حسین، زینب حسین عشقنده فانی دور

فنای عشقدور اما جلالی جاودانی دور

لبی سرچشمۀ حیوان سوزی سرّ معانی دور

یوزینده زلفله مکتوب خطِّ لَن ترانی دور

تجلای رُخیندن غشّ ایدن موسای اکرمدور

 

طراوتکه گُلون بیرگینده واردی خاره کشف اولماز

نجیکه قدر یوسف مردم بازاره کشف اولماز

صفاتی زینبون هیچ صاحب پنداره کشف اولماز

یوزی کشف اولدی اما سرّی وار اغیاره کشف اولماز

کلام اللهی ناطق کسری جَزمی فتحنه ضَم دور

 

دورویه شخصلر روشندی یکتا فیضنی آلماز

اولان صورت پرست عالمده معنا فیضنی آلماز

مسلم امردور خفّاش ،بیضا فیضنی آلماز

منافق ،روی زینبدن تماشا فیضنی آلماز

که زلفی لیلة القدر و یوزی ماه محرمدور

 

بُراق آسمان پیما اولوبدور جدّینه مرکب

فلک درگاهدور هم خطّ سیرنده ملک موکب

علی تک آتشین گفتاریدور بو فاطمه منصب

پرِ عنقای وحدتدور نقاب عارض زینب

علاوه اهل کثرت کور باطندور مُسَلَّمدور

 

اسیر ابر ظلمت اولمیوب رخشنده بیر کوکب

دگُل ممکن خطر احساس ائده ناپاکدن اطیب

بلی روشن گونوز تک عالمه روشندی بو مطلب

فنایه گتسه عالم‌لر آچلماز پردۀ زینب

وَ یَبقی وَجهُ رَبّک آیه‌سی برهان محکمدور

 

یتوب سوز بیر یره تاب و تبندن چرپنان دِلدی

سمند تیز پای طبع شعریم پای در گِلدی

کتاب ابتلایه زینبون زلفی مُکَمِّلدی

بو زلفون شرحی طولانیدی حل عقدی مشکلدی

دالندا شاهدی وار شاهدی الله اعلمدور

 

گوروب بیر صحنه مقتلده محال اولدی دوزه زینب

سپند ایتدی وجودین فی المثل آتدی کوزه زینب

سرشک ماتمه هر بیر گوزین ایتدی گوزه زینب

حسین ئولدی دوتولدی گون سالوب زلفون یوزه زینب

چخا هر گونده گرمین گون گنه آفاق مظلمدور

 

ورانمز هیچ بیر عاشق لبلرین سن نوش ایدن جامه

سوسوز اُولدون حیات جاودانی ویردون اسلامه

باشون یوخ اللرون یوخ پیکرونده قالمیوب جامه

قویوب نعشون قوری یرده گیدور حوّالرون شامه

چکن بو هجر دردین سندن اوزگه هانسی آدمدور؟

 

مَلَردی زینب کبرا دوه‌لر ناله ایلردی

آخاردی سو گوزیندن سونمزیدی آتش دردی

دیردی آخ بو گل پیکر بتوله سینه پروردی

دوشردی گه‌یوز اوسته گه یوزین زلفیله اورتردی

خیالونده او حالی سیر ایله گور بیر نه عالمدور

 

کسنده باشوی قاتل دوشوب آشفتگی دهره

دم خنجرده حسرتله باخوبدور گوزلرون نهره

گوارا سو منیم سنسیز مذاقمده دونر زهره

ایویم یاندی اسیر اولدوم چکولر شهردن شهره

سن اللرده ئولن عیسا باجون آواره مریمدور

 

منیم تک داغ دیده غم اسیری یوخدی عالمده

نظام کپریگم برهم جباب اشکد ماتمده

شکسته بیر بَلَم تک قالمشام موّاج بحریمده

بنات النّعش تک خوردا بناتون محور غمده

دیین یوخ زادۀ سعده بولار اولاد خاتمدور

 

بو لیل ابتلانون یوخدی پایانی اولا گوندوز

بویوردون آیریلان وقته نقدری گلسه محنت دوز

گوزوم اوسته دیدیم اما سرشکین ساخلیانمور گوز

آچوب باشین کنارینده دیور هر خورداقیز بیر سوز

آلان آرامیمی الدن بو شیرین دل رقیّمدور

 

مُدَوّن عهدنامونده ازلدن منده ذی سهمم

سوزیله آغزینا ورّام زیادون اوغلونون محکم

قسم بو جسم عریانه ابوالفضلون ایشین گورّم

علمدار اسیرانم محوّلدور منه پرچم

مبارز زینبون روحی شکست کفره مُلزمدور

 

شریح قویدی سنون تک مرد دینون خارجی آدین

کسه بلمز منیم حلقمده حقّون داد و فریادین

جری ایتمش اونون فتوای شومی کوفه جلادین

منیمده حمد اولا دلده ارادم واردی فولادین

یزیدون تختینی تابوت ایده زینب مصمدور

 

حسینجان واردی دردیم قلبده محتاج درمانم

بو آغلار گوزلریمده اشک شوقیم واردی گریانم

سخنور «انورم» فکر عالمی سر درگریبانم

دخیل آستان پاک سالار شهیدانم

بو سوز روح القدسدن روحیمه معناده ملهمدور

 

مرحوم انور اردبیلی

 تضمین از مرحوم دخیل

منبع مجموعه کانالهای مدح و مرثیه

موضوع: حضرت زینب کبری (س) مدح ,
زبان شعر و شاعر: نوحه ترکی , انور اردبیلی

 

----

 

در مدح حضرت امام حسین (علیه السلام)

 

بارگاهون تک مکان جانفزا اولماز حسین

طاق ایوانون جلالتده بنا اولماز حسین

 

تحت بقعونده سنون وار امتیاز معنوی

کیم دیر اوردا بر آورده دعا اولماز حسین

 

یاتدیقون تپراقی قانون ایلیوب خاک شفا

یوخسا هر تپراق ایله خاک شفا اولماز حسین

 

چوخ مقدّس یر خدای لم یزل خلق ایلیوب

هیچ بیری عزتده امّا کربلا اولماز حسین

 

موسیان عشقوه صحنون مثال طوریدور

طوریده صحنون کیمی حاشا صفا اولماز حسین

 

شور عشقونله همیشه مغزلر پرشوریدور

وصلوون فکری اور کلر دن جدا اولماز حسین

 

سن امید هر دو عالمسن فنا فی اللهسن

حشره تک وا للهی آثارون فنا اولماز حسین

 

ذره ای خاکه اگر سن لطفیله قیلسون نظر

کیمده وار قدرت دیسونکه کیمیا اولماز حسین

 

قلبووین قانین ویروب احیای اسلام ایلدون

هیچ کسون قلبنده قلبون تک یارا اولماز حسین

 

نهضت با ارزشونله دینون آرتوب ارزشی

آغلاسا عالم سنه حقّون ادا اولماز حسین

 

قان آلان اوغلون گلوب قانون عدودن آلماسا

قلبی اخیارون مصیبتدن رها اولماز حسین

 

حیف اولا عصرون امامی غیبت کبراده دور

منتقم بر کس سنه اوندان سوا اولماز حسین

 

هر بلایه صبر قیلدون صبروه قربان سنون

مطلقاٌ سن صبریده بیر پیشوا اولماز حسین

 

حق دیوب حقی دیریلتدون حق دین بیر کیمسه نون

پیکری صد باره کفنی بوریا اولماز حسین

 

دگدی اوخ اصغر الون اوستنده چالدی ال ایاق

جنّت الاعلا او طفله خونبها اولماز حسین

 

سینون اوستنده یاتیردوبسان امانتدور بلی

تپراقا قویسون آنون زهرا رضا اولماز حسین

 

نوجوان اوغلون مجلّل قبروه زینت وروب

هیچ مزاره بیرایله پائین پا اولماز حسین

 

طوی حناسی قاسمون باش کاسه سنده ایسلانوب

اللرینده کدخدانون قان حنا اولماز حسین

 

دردی چوخدور قبری یوخدور نسکلی گلمز سانا

طوی ایدوب اما او نوعی کدخدا اولماز حسین

 

خیمه گاهونده نشانی وارحنالی بر اطاق

بر اتاقدور اوردا تعطیل عزا اولماز حسین

 

صاحب پرچم اباالفضلون دوشوب سیزدن کنار

بیر ایله صاحب کرم صاحب لوا اولماز حسین

 

سر و قد یندن تو کو بدور شاخ و برگین اشقیا

خوردا قبره یوخسا بیرقدّ رسا اولماز حسین

 

آخرین ساعت دیز اوسته باشنی آلدون اوزون

محنتون اسراری بویرده خفا اولماز حسین

 

خیمه گاهه ایستدون حمل ایتمگه قارداشوی

قتلگهده قالسا گوردون که سزا اولماز حسین

 

اولمادی ممکن یارالی باشنی قویدون یره

گوردون ال ورسون وجودی جابجا اولماز حسین

 

خیمه دن ا میدیله گلدون قیت دون ناامید

بوندان آرتوق بسدی کشف ماجرا اولماز حسین

 

طول ویرسم بو روشلن گر سوزه مطلب قالار

مطلبی شرح ایتمسم روح بکا اولماز حسین

 

خیمه لردن آیرلان وقتون دوشو بدور یادیمه

گرچه یازماقلان او محنت بر ملا اولماز حسین

 

اوز پیاموندور وداع آخرون چون ذکر ایدک

امروون اجراسنه البتّه لا اولماز حسین

 

سن گیدردون سرعتیله سسلدی زینب دایان

با جیا قارداش بیله بی اعتنا اولماز حسین

 

مرکبون ساخلابو گتمکدن گوروم فکرون ندور

بش دقیقه صحبته یا اقتضا اولماز حسین

 

سن اوز عمروندن دو یو بسان دو یمیوب سندن باجون

زینبی قویسون بو حالیلن روا اولماز حسین

 

لشکر هجرونله صبریم لشکری مغلوب اولور

قلبدن سنسز نجه سلب قوا اولماز حسین

 

دامن پر رأفتون ا مید الیمله دوتمشام

زینبون بوتزلیگه قطع الرجا اولماز حسین

 

خیمیه گلمک خیالون وار یول اوسته اگلشوم

رجعتون خیمه سرایه برده یا اولماز حسین

 

محرم سرّم سوزون دی قیز لارا آندیرمارام

مطّلع بو سردن آلعبا اولماز حسین

 

آخرین ساعتدی قوی عطشان دوداقوندان او بوم

اوپمسم مندن رضا خیر النسأ اولماز حسین

 

بیر امیدیدیم سنه سنده گیدورسن نیلیوم

سخت موقع دور منه مشکل گشا اولماز حسین

 

گولمیوب بر گون بودنیا یه گلن گوندن یوزوم

من کیمی عالمده بر بخت قرا اولماز حسین

 

چرپنان قلبم بو آغلار گوزلریم قربان سنه

محضرونده عرضیم البّته هوا اولماز حسین

 

خورداجا قزلاروی سنسز نجه من ساخلیوم

سایسز اطفاله بر عورت رهنما اولماز حسین

 

آزقالور مخمیده شیرین دل لریم دلدن دوشه

آغلاماقدان ساکت هیچ بر مه لقا اولماز حسین

 

آغلیور نازلورقیّون گوز یاشین یوخدور سلن

نیلیوم آرام او طفل دلربا اولماز حسین

 

نه سنون تک شاه اولار نه عترتون تک آغلیان

نه بو قدری پر اسف خیمه سرا اولماز حسین

 

انوره گر گوشهء چشمونله سن قیلسون نظر

پنجه اغیاره هرگزمبتلا اولماز حسین

 

دورهء آخر زمان دور فتنه دوتمش عالمی

هیچ کیمون اعمالی خالی از خطا اولماز حسین

 

معصیت کارم جزاده باخماسون سن نیلرم

سن شفاعت ایلسون چون و چرا اولماز حسین

 

مرحوم انور اردبیلی

منبع مجموعه کانالهای مدح و مرثیه

موضوع: حضرت امام حسین (ع) مدح ,
زبان شعر و شاعر: نوحه ترکی , انور اردبیلی

 

----

 

احوالات هنده

 

اختر سوم اسپهر ولایتدی حسین

افسر تارک اقلیم سعادتدی حسین

زیب خلقتدی حسین روح عبادتدی حسین

شمع پر شعلۀ پر جلوۀ بزم نبوی

سینه پروردۀ زهرای عفیف و علوی

 

گل رعنای نبی قامت رعناسی گوزل

فعل و رفتاری گوزل سیرت و سیماسی گوزل

هدف و عشقی گوزل منطق شیواسی گوزل

خوان احسانی گوزل تربت معطوری گوزل

ائتدیگی نطقی گوزل ویردیگی دستوری گوزل

 

دل طوفاندا نجی اللهی حیرتده قویان

یادگار ابدی مکتب وحدتده قویان

ماده تاریخی طلائی بشریتده قویان

عالمون سلطنت و عزتنه ناز ائلین

آلتی آیلیق بالاسین دیننه سرباز ائلین

 

پیکر رحم و عطا هیکل خیر و برکات

مرتضا مَسلک،حسن سیرت و محمود صفات

گوز آچان گوندن احبایه اولان باب نجات

ابر تک بارش الطافی یاغان هر طرفه

صله سین بذل ائلین عذریله سائل بکفه

 

نقل ائدور بو سوزی سلمان او سخنگوی امین

روح با قدرت و ایمان شرف اهل یقین

مونس شیر خدا یار رسول الثقلین

محرم بیت علی فاطمه نون هم وردی

مکتب معرفتون شخص اول شاگردی

 

شهر یثربده دیور کوچه ده هنگام گذر

یولدا بیر عابری گوردوم ائلدی جلب نظر

بیر قیزون دوتموش الیندن یولی آهسته گیدر

قیز مریضه ائده بیلمور قدمین تز تز آتا

هر قدمده بالانین حالینه ناظردی آتا

 

گوزی دوشدی منه ناگه دئدی ای پاک روان

من یهودم ئوزومی یاخشی تانورسان سلمان

بو مریضه قیزیمون دردینه ائتسون درمان

یره توراتی قویوب تابع قرآن اولام

روشیمدن چکوب ال منده مسلمان اولام

 

دئدی سلمان گل اولوم من سَنیچون راهنما

بیر طبیبون آپاروم محضرینه ایسته دوا

قزووی گورسون عنایت ائلسون فوری شفا

هر مریضه او طبیبون اولا لطف و نظری

عافیت رختی گیوب جسمیده قالماز خطری

 

گتدی سلمان اولاری خانۀ زهرایه دخیل

اذن آلوب محضر مولاده آچوب صحبته دل

ینه قربان دئدی ای صاحب اوصاف جمیل

بو قیزا واسطیم فوری مداوا ائده سن

تلخ بار عمرینی شیرین و گوارا ائده سن

 

دئدی سلمانه او دلباختۀ ختم رسل

محرم مجلس توحید ولا هادی کل

خوش گلوبسوز ولی افسوس طبیب ایوده دگول

نگران اولما سنون ایستدیگون ایش دوزه لر

مختصر صبر ائله سلمان طبیب ایندی گلر

 

دئدی مولایه بو سوز قویدی منی حیرتده

سنه لقمان زمان قبطه ائدر حکمتده

جام عشقوندی قویوب خضرلری منتده

دم پاکوندی مسیحانی ائدن خلقه حبیب

واردی سندن صورا بو ایوده مگر آیری طبیب

 

ضمن صحبتده حسین قویدی او مأوایه قدم

یوز دوتوبدی دئدی سلمانه او مبنای کرم

او طبیبی که بابام اولدی معرف او منم

نور واحددی بو منزلده اولان خرد و کبار

ائله فکر ائتمه اوشاقدور بو حسین دورد یاشی وار

 

دستماز آلدی دوتوب قبلیه یوز قیلدی نماز

سجده مسجودینه ائتدی ایلدی راز و نیاز

ساربان قطع ایلین اللری قالخزدی بیر آز

دیله گلدی دیدی ای مالک میعاد و جزا

بو ایوی ایله شفا خانه شفا ویر بو قیزا

 

مستجاب ائتدی دعاسینی مجیب الدعوات

حقدن خلعت صحّت او قزا اولدی برات

مرض مهلک الیندن قوتاروب تاپدی نجات

او قیزون بختینه تقدیر ئوزی تقدیر ائلدی

آتاسی مسلم اولوب بیر اوجا تکبیر ائلدی

 

حقه اول تازه مسلمان ائلدی حمد و ثنا

گئتمگه رخصت آلوب ایستدی دورسون ایاقا

قیز دئدی گیتمیورم قوی منی بو ائوده آتا

گرک هر گون دولانام من بو طبیبون باشنا

شوقیله خدمت ائدم باجیسینا قارداشنا

 

منزله گیت آناما سویله قیزون اولدی عزیز

کرم ائتدی اونا دردانۀ سلطان حجیز

گلمدی قالدی اولا حضرت زهرایه کنیز

امر مشگلدی یولوم خانه میزه بیرده دوشه

ایسته سه گوگلی منی بو ایوه گلسین گوروشه

 

آتا گیتدی او بالا نایل اولوبدور هدفه

نچه ایل خدمت ائدوب عترت شاه نجفه

نیّت پاکی یتوردی اونی آخر شرفه

برج عصمتده مدار ائتدی گویون اولدوزی تک

فاطمه تربیت ائتدی او قیزی اوز قیزی تک

 

گچدی ایل لر دولانوب سرعتیله چرخ زمان

دست تقدیر آیوروب وئردی اونا شامی مکان

شهره تین بسکه ایشیتمیشدی یزید نادان

همسر ائتدی اوزونه شآنی اوجالسون فلکه

زینبون خادمه سی شامیده اولدی ملکه

 

آرزومندیدی اقبالی دوباره اولا یار

یول سالا مُلک حجازه دوتا یثربده قرار

ایلیه منزل زهراده طبیبین دیدار

فاطمه قزلارینون درک ائلیه محضرینی

مقدم زینب عُلیایه آتا معجرینی

 

نصف شب بیر گیجه اول بانوی فرخنده لقا

صحنه دوشمیشدی ایشیتدی اوجالوب غملی صدا

قولاق آسدی گوره هاردان گلوری صوت نوا

گوردی که ناله ائدن منزل ویرانه ده دور

ساره لی قوشدی کأنَّه دل کاشانه ده دور

 

آغلیان غملی بیر اورتدی یانور غم کوزونه

هوش و گوشیله قولاق وئردی اونون غم سوزونه

یاندیران سوزلر ایشیتدی دانشور ئوز ئوزونه

نیلمیشدوم منی ای چرخ ائلدون محنته توش

خانمانیم داغیلوبدور گزورم خانه به دوش

 

مشتری اولدون همیشه بو آخان گوز یاشما

آناما رحم ائلدون نه آتا نه قارداشما

اللّی ایلدور قره معجر سالورام من باشما

بیر زمان واریدی جبریل بیزه خادمیدی

دیللرون ازبری هر یرده منیم آدیمیدی

 

هنده دیسگیندی تعجّبله دئدی یا للعجب

بو نه صحبتدی قولاقیم ایشیدور بو دل شب

کیمدی بو ناله ائدن کیمدی بو عالیه نسب

گوشوار اولدی سوزی گوشیمه گوشواره کیمی

بدنیم اسدی دیزیم تتردی گهواره کیمی

 

عجلیله گیجه نون وقتی او سیمای وقار

گوتوروبدی نچه فانوس نچه مشعلدار

دوره سین آلدی غلام و خدمه دایره وار

قصردن چخدی جلال و حشم و عزتیله

یوز قویوب منزل ویرانیه چوخ سرعتیله

 

ناگهان مسجد ویرانه ایشیقلاندی گیجه

نور فانوس او یردن گوگه قوزاندی گیجه

اولین دفعه او منزلده چراغ یاندی گیجه

مشعلون شعله سی پروانه لره وئردی تکان

گوزونی آچدی یاتان قیزلار اویاندی یوخودان

 

زینبون دوره سینی آلدی یتیمه بالالار

دئدیلر منزلیمیز روشن اولوب عمّه ننه وار

اسرایه قیلوب اظهار او بانوی کبار

روزگارون هله وار کشمکشی زینبیله

دینمیون هنده کنیزیمدی گلور موکبیله

 

خلق ائدن بیرده چتین منکیمی غمکش یارادا

سوزشی دائم اولا قلبیده گیزلین یارادا

تز گلون حلقه ورون عموز اوتورسون آرادا

گیزلدون سوز مصیباتیله یانمش بدنی

قویمیون هنده گوره کهنه لباسیله منی

 

هنده ویرانیه القصه گلوب قویدی قدم

قویدولار صندل مخصوصینی اگلشدی او دم

گوردی بیر عده مصیبت زده دور مونس غم

تک به تک هر بیری رنجور اسارت گورونور

یوزلریندن ولی آثار نجابت گورونور

 

یوخدی طاقتلری محبسده یوروب زجر و فشار

بوریوب صورت زیبالرینی گرد و غبار

او قدر اوستی آچوق یرده یاتوبدور بالالار

گیجه سرما توخانوب ایستی دگوب گوندوزلر

سهملی یللر اسوب لکّه سالوب گل یوزلر

 

غصه لی بیر اوجا بوی عورتی آلدی نظره

غملیدور غمزده نسوانی یغوب دور و بره

بالاجا قیزلاری عنقا تک آلوب زیر پره

آغاروب ساچلاری گرداب بلاده چالشور

باشینی سالموش اشاقه اورگیلن دانشور

 

بیر یتیمه قیزا وئرمیش دیزی اوستونده مکان

نه یتیمه گوزی شهلا ایکی ابروسی کمان

لبی چون لعلیدی دیشلر صدفی غنچه دهان

فکر ائدوب هنده تعجّبله دئدی ئوز ئوزونه

بو قیزون گوزلری اوخشور او طبیبون گوزونه

 

یوز دوتوب حضرت زهرا قیزینا ائتدی خطاب

ائتموسن سن نیه آق زلفووی رخساره نقاب

باشووی قوزا سن الله منه وئر فوری جواب

شخص گمنامیده اولسوز گنه روشن دی سوزی

ائله تعریف نژاد و نسب و سلسله زی

 

دئدی زینب اونا بیز مفخر قوم عربوک

سرشناسوق ئوزومیز قبلۀ اهل ادبوک

نسبت و سلسله میز پاکیدی هاشم نسبوک

یثربون نوش ائلیوب آب و غذاسین یمیشوک

حق پرستوک ئوزومیز حق دانشوب حق دیمیشوک

 

هنده نون رنگی سولوب لرزیه دوشدی بدنی

یثرب اهلی دئدی اولسوز ائله آگاه منی

تانیورسان حسنینون آناسی فاطمه نی

من کنیزیدوم او بانوی نجیبیمدی منیم

گوزونون نوری حسین اوغلی طبیبیمدی منیم

 

یاشورام شامیده هجر عالمی تاب و تبیله

خوش گونوم خانۀ زهراده کچوب منصبیله

خاطراتیم وار حسینون باجیسی زینبیله

اوندان اخذ ایلمیشم طرز ادب ربط سخن

ایندیده خادمه بیلم ئوزیمی زینبه من

 

مُلک یثربده قاباق واریدی اجلالی اونون

تازه لیکده خبریم یوخ نجه دور حالی اونون

دیدی دیندیرمه تنزّل ائدوب اقبالی اونون

گلشن عزتنه باد مخالف اسیلوب

او طبیبیکه دیورسن باشی دالدان کسیلوب

 

دئدی هنده بو نه صحبتدی دولور مغزیمه شور

هاردادی زینب ئوزی فاش ائله قلبیم آلشور

دئدی ویرانه ده دی منزلی سنلن دانشور

دیممیشدوم سنه هنده ائله حرمت قوناقا

نیه بس دورمیوسان صندلون اوستن ایاقا

 

زینبم باخما تعجّبله بو آغلار گوزومه

خم اولان قدیمه آق زلفیمه سولموش یوزومه

اولما ویرانه ده باور ایلمورسن سوزومه

بالالار که گوروسن چرخ حیا اولدوزودی

دیزیم اوسته اوتوران قیز او طبیبون قیزیدی

 

هنده بیر ضجّه چکوب بیر بیره ویردی الینی

زینبون فکر ائلدی آخرینی اولینی

یوزی اوسته یخلوب ترک ایلدی صندلینی

تاجینی ویردی یره باشینه تُپراق سپدی

بالا قیزلارون ایاقیندن الیندن اوپدی

 

مقدم زینبه دوشدی دئدی عفو ایله منی

گوزلریم کور اولا گوردوم نیه بو حالدا سنی

یاسلی اولدوم گییرم منده عزا پیرهنی

هنده نون جانی فدا گوزدن آخان گوز یاشووا

آغلارام هم سنه بوندانصورا هم قارداشووا

 

اذن وئرسون منه گرداب بلایه باتارام

زندگی عشقینی بلمرّه باشیمدان آتارام

گیتمرم قصریمه ویرانه ده سیزلن یاتارام

گون باتنجاق گونوز ایوای حسین وای دییرم

گیجه لر یاتماسا هر قیز اونا لای لای دییرم

 

دئدی گیت قصروه سن ائتمه بو مأواده مقام

قوناقون واردی ایوینده اونا عرض ایله سلام

گور قزل طشتده نه حاله قالوب رأس امام

ناله وی باخدوقیجا عرشه یتورسون خوش اولار

خیزرانی گوز ایویندن تز ایتورسون خوش اولار

 

قویمادی هنده ده زینب سوزی نه صبر و نه تاب

گوزلری اشک توکوب دامنینه مثل سحاب

آغلیل آغلیا یولداشلارینا قیلدی خطاب

خانمون امریدی ناچار خداحافظ ائدک

سوندورون مشعل و فانوسی قرانلوقدا گیدک

 

نه روا حضرت زهرا قیزی ظلمتده قالا

خط سیریمده منیم مشعل اولا نور اوجالا

گوره سن قالدی الهی نیه زینب بو حالا

بوکولوب قامتی خون دلینی اشگه قاتوب

یدّی قارداش باجیسی وای منه گور هاردا یاتوب

 

قصره یتسم ائدرم پرده لری فوری قرا

چیخادوب رخت حریری گیرم کهنه قبا

قیلارام منزلیمی بو گیجه دن بزم عزا

آچارام زلفیمی آلوده اولار گوز یاشیما

قویارام عطری کناره سپرم کول باشیما

 

نه جفا فطرتیمیش بو ایوی بر باد یزید

قویمارام بیر گیجه قصرینده اولا شاد یزید

خانمون زینبی گر ائتمسه آزاد یزید

قالمارام شامیده حتما دوشرم چوللره من

دییرم دردیمی چولدن کوچری ائللره من

 

« انورا » زحمتیله شعر ائلدون بو خبری

شاعرون رنجی چوخ اولسا اولی زیبا اثری

نغزگوسن وار حسینون سنه لطف و نظری

باخما دیوانه روشلر ائلسه طعن و عتاب

شکر ائله یتدی تمامه هله دوردومجی کتاب

 

شاهکاری از مرحوم انور اردبیلی

منبع مجموعه کانالهای مدح و مرثیه

موضوع: احوالات شهر شام ,
زبان شعر و شاعر: نوحه ترکی , انور اردبیلی

 

----

 

 حضرت امام حسین (علیه السلام)

 

من حسینم کیم منه ساری گوتورسه بیر قدم

مین قدم گللم یقین امیدوار اولسون منه

 

پاک عزاداریم و یا زوّاریم ئولسه قورخماسون

قبرینون اوّل شبینده انتظار اولسون منه

 

باشیمی دفن ایتمه قوی چوللرده سرگردان گزوم

هر باخاندا باشیمه زینب خمار اولسون منه

 

فاطمه اوغلی مگر عیسادی دار اوستن قاچا

شامه جک هر گون گرک تکلیف دار اولسون منه

 

ویرمرم مین بیله دیره خیزرانون خیرینی

بوسه آلماقدا اودا معشوقه یار اولسون منه

 

مانعی یوخدی گوزومدن دیشلریمدن ئوپسه ده

مجلس شُربون گرک تالاری تار اولسون منه

 

گُل نثار ایللّه سلطانه گلی من نیلورم

طشتده ئوز لبلریم گوهر نثار اولسون منه

 

قانه باتمیش لبلریمله دمبدم یاهو دیوم

خالقیم باخسون ئوزی قیمت گذار اولسون منه

 

انتقامیم آلماقا مجلسده دیلّنسون باجیم

منطق برّانی مثل ذوالفقار اولسون منه

 

(انورم) بو نوحه نون نظمینده پرشور اولموشام

ارزشی وار دفتریمده شاهکار اولسون منه

 

مرحوم انور اردبیلی

منبع مجموعه کانالهای مدح و مرثیه

موضوع: حضرت امام حسین (ع) زبانحال ,
زبان شعر و شاعر: نوحه ترکی , انور اردبیلی

 

----

 

کوچ از قتلگاه 

 

لوح محفوظیده زینب آدی ثبت اولدی صبور

گئتدی یتمیش ایکی موسی او چولی ایلدی طور

 

اسرا کوفیه مقتلدن ائدن وقته عبور

باخدی موسالرینه دوشدی نوادن زینب

 

محمل اوستن ئوزونی آتدی یره مام بلا

دردمندیدی زبس دردینه آختاردی دوا

کعبه عشقه چکوب زائری چاووش قضا

محرمیدی ولی احرام قرادن زینب

 

کعبه دن آرتوق حسین مقتلینی قیلدی طواف

ریزه ریزه اولونان گوهری تاپدی صراف

پیکر شاهه باخوب عضولرین گورمدی صاف

دیله گلدی ستم اهل جفادن زینب

 

مرتبون اوجیده گودالیده قالمیش بدنون

نه عبا وار نه قبا وار نه قالوب پیرهنون

نعشوی دفن ائدن اولسا هانی قارداش کفنون

دست خالیدی ئوزی کهنه عبادن زینب

 

ای سلیمان نئجه بلقیس لرون دوشدی چوله

چوخونون قلبینی وحشت اوخی آز قالدی بوله

یاخین اولدی بالا قیزلار ایاق آلتیندا ئوله

گونوزون گوردی قرا لیل دجادن زینب

 

ترک معشوق ایلمز عاشق اولا ئوز خوشونا

دولی جامی قویوب هئچ کیمسه ال آتماز بوشونا

منی عفو ایله حسین نیلوم اسیرم قشونا

فرصتی یوخ گوتوره نعشون آرادن زینب

 

 مرحوم انور اردبیلی

منبع مجموعه کانالهای مدح و مرثیه

موضوع: کوچ از قتلگاه ,
زبان شعر و شاعر: نوحه ترکی , انور اردبیلی

 

----

 

حضرت امام حسین (علیه السّلام)

 

 بنام هر که رسد نسبتی ز نام حسین

شود عزیز و گرامی با احترام حسین

 

بدام عشق حسین خرّم است مرغ دلم

دگر خلاص نخواهد بخود ز دام حسین

 

بجز محبّت و عشق حسین مپرس از من

بنام کس نپرد مرغ قصر و بام حسین

 

گرفت چهره اسلام جلوه جاوید

ز نور چهره خونین و لاله فام حسین

 

به نخل طیّبه لا الاه الا الله

بداد آب بقا لعل تشنه کام حسین

 

بفرق کاخ سعادت لوای حُرّیت

با هتزاز در آمد با اهتمام حسین

 

شهی بتخت شهادت ندیده دیده دهر

بقدر و منزلت و شأن و احتشام حسین

 

نبود قامت زیبای حق چنین بقیام

اگر نبود باثبات حق قیام حسین

 

بنوک کلک شهادت بصفحه گیتی

بخون پاک دلش ثبت شد دوام حسین

 

چرا کلام حسین را نداد دشمن گوش

مگر نبود کلام خدا کلام حسین

 

کجا بشأن حسین پی برد خرد « انور»

که اعظم است ز عقل بشر مقام حسین

 

مرحوم استاد انور اردبیلی

منبع مجموعه کانالهای مدح و مرثیه

موضوع: حضرت امام حسین (ع) ,
زبان شعر و شاعر: نوحه فارسی , انور اردبیلی