متن نوحه ترکی متن نوحه زنجیرزنی
متن نوحه ترکی عینی فرد زنجانی
متن اشعار ترکی برگزیده از عینی فرد زنجانی برای استفاده در دسته جات عزاداری سینه زنی و زنجیرزنی ماه محرم
متن نوحه ترکی نهضتون ایلدیم عـالمـه اعلان یـارالی - عینی فرد زنجانی
نهضتون ایلدیم عـالمـه اعلان یـارالی
یورقونام گلمیشم قبریوه مهمان یارالی
چوللرده قارداش
عمریـم نقــدری دل داغلارام من
وار آغـلارام من
انقـلابــون اولــوب مـردم احـراره مـکتب
تـا جهـان وار قـالا دهریـده پاینده مذهب
اَمرون اجراسینه جهد ایدوب هر یرده زینب
خطبه سی دهریده سالدی چوخ طوفان یارالی
زینبـه رهنمـا نیــزده اولمــوشدی باشــون
گون‌کیمی گون‌قباقنده گرصولموشدی باشون
صوت قرآنیله دهـری دولدورموشدی باشون
حشره تک جان تاپوب پیکر قرآن یارالی
مـن بو چولدن گیدن وقتیده بی‌یار و یاور
تپراق اُستونده قالموشدی بو صد پاره پیکر
نعشیوی دفـن ایـدم مانع اولدی شمر کافر
ایندی قبرون گوروب اولموشام حیران یارالی
بـو گـوزل مرقدون بـاشنه الان دولانّام
اود دوتوب قلبدن آتش هجرونده یانّام
یوخ رقیّـه سوروشما حسینجانی اوتانّام
شامده ئولدی اول مرغ خوش الحان یارالی
هر یره گتمیشم ویرموشام آدونله پرچم
تازیانیلـه جسمیـم اولـوب یـاره مسلّم
قبریـوه ایلــرم تکیـه‌ای سلطـان عـالم
دینجلم بلکه بیر لحظه من الان یارالی
فکر قیلما وفـا مسلکین بیـر لحظـه آزدیم
او شیرین‌دل قیزون قبرینی‌حسرتله قازدیم
قبرینـون داشینـا آدیـنـی اشگیلـه یازدیم
قلب ویرانه‌ده ایلدیم پنهان یارالی
کربلا زمزمه سی - عینی‌فرد زنجانی
متن نوحه ترکی جدیوون قالدی دینون اوستونده - عینی فرد زنجانی
جدیوون قالدی دینون اوستونده نعشی میداندا یابن العسکری
اَل نمازینـــدن چکمــدی زینب ایلـه طوفانـدا یا بن العسگری
آجرک الله یابن ثارالله
جمع اولـوب لشگـر فرقـۀ کافر اُلدوروب جدّون تشنه چوللرده
فاطمـه حاضـر ایلیـن کوینـک اوخلانـوب غـارت اولدی اللرده
نهضتی قاندور تربتـی قانــدور کـربلا آدی قالـــــدی دللـرده
مکتب اسلام اولدی مستحکم
محو اولوب کِید قـوم عدواندا
سبــط طاهـانــــی روح قـرآنـی ایتدیلـر دعــوت کوفیان یکسر
سندیروب بیعت چوخلاری قاچدی ایلــدی تهدیــد حاکـم کافــر
قویــدولار تنهـــا شـــاه بطحانی آغلادی زهـرا گورسنوب محشر
قاننــه باتــدی خلقـی آغلاتـدی
غرق اولوب جدّون عشقیلن قاندا
قتلگاهینـــدن سس گلــور الان زنده بـاد اســلام زنـده بـاد قرآن
ایلــــدون احیــا امـــر قـرآنی تشنه لب ویردون نخل دینـه قان
یـا حسیـن سسلـور اُمـت شیعه نهضتـــون ایلـور عالمـــه اعلان
زنده دور مکتب واردی چون زینب
صحبتی طوفـان سالـدی هر یاندا
کربلا زمزمه سی - عینی‌فرد زنجانی
متن نوحه ترکی قارداش‌نیزه‌لرآلتندا حق‌اُستونده چخیب‌جانون - عینی فرد زنجانی
قارداش‌نیزه‌لرآلتندا حق‌اُستونده چخیب‌جانون
اِحیــا ایلـدی قرآنـی مقتلـده توکولـن قانون
هنـوز آخـورقانون
دیور مـواظب اول سوسوز بوغازوندان
بشـــر نمـازوندان
یاتمــا قانلی بیابانـدا باشسیـز پیکریلن قارداش
پاره پاره اولوب جسمون تیر و خنجریلن قارداش
سینمام دشمنی سنـدیرّام قاره معجریلن قارداش
باشون آردیجا من گلّم قـارداش دشت و بیابانون
بلــه اولــور روشـن
حفاظت ایتسین زن بـو انقلابـونـدن
گـرک حجـابندن
سن تک جان ویرن عالمده نه اولدی نه اولار قارداش
هیچ‌گُل‌سن‌کیمی‌گلشنده نه‌صـولدی نه‌صولارقارداش
سن تک ریشۀ کفّــاری نه یولدی نه یـولار قـارداش
چخمـاز یـاددان آنـام جـانی بو غـوغا و بو طوفانون
وجودون عشق اولدی
حسیـن آدون ایلـوب شـرفـلی انسـانه
بـو خلقی دیوانه
عاشق یازمارام ای زهرا اوغلی من سنی عالمده
عشق عاشقدی سنه‌قارداش الله‌خلق ایلین‌دمده
سن گوشوارۀ عرش اولدون عرش ربّ معظّمده
الله ایلیه جـک رسوا تحقیـر ایلسـه کیم قانون
بو قاره پرچملــر
یـزیدیان سیندی همیشه‌لق قالدی
حسینیـان قالدی
قـاتل‌کسدی سوسوزباشون دریـااولـدی سرافکنده
قـانـون آخـدی بیابانـدا صحرا اولــدی سرافکنده
عـریان‌یرده قالوب جسمـون دنیا اولدی سرافکنده
دین باشین اوجالاندیردون زیبا دوشدی بوپیمانون
بو کربلا دشتی
ئورکلره سالدی اولوبدی دانشگاه
محبتــــون الله
آدم خلق اولونـان گونلر دنیاده سنـه آغلاردی
وجدانی اولان انسانلار اِخفــاده سنه آغلاردی
موسی‌ده سنه آغلاردی‌عیسی ده‌سنه آغلاردی
ساخلار زنده بو عالمـده آدون خالق سبحانون
آدون قویان شیعه
سـرشگینی دائـم سنه حسین آغلار
عــذارینـه بـاغلار
کربلا زمزمه سی - عینی‌فرد زنجانی
متن نوحه ترکی سالسالار سو صحبتین عبّاسه آغلار گوزلریم - عینی فرد زنجانی
سالسالار سو صحبتین عبّاسه آغلار گوزلریم
یـاد ایـدر شخصیّتین عبّاسه آغلار گوزلریم
کربـلا دشتینده سالدی غُلغله سو صحبتی
خیمه‌گاهه باغلاناندا سو چوخالدی قیمتی
اُلدوره سـوز عطش آز قالدی آل عـصمتی
یاد ایدور اول ساعتین عباسه آغلار گوزلریم
ساقی لب تشنه‌گان باخدی سارالمش گللره
بوش قالوبدی مشگلر گلدی گران سرلشگره
آدی سقّادی، ولـی تاپمور سو دلسیز اصغره
قیل تصوّر غیرتین عباسه آغلار گوزلریم
بعضیسی ایلور سوسوزدان خیمه‌لر سمتنده غشّ
بعضیسی سسلـور منی یاندیردی بو سوز عطش
چـاره تـاپمـور قــزلارا آغلـور ولی اول مـاه وش
درک ایدنده رقّتین عباسه آغلار گوزلریم
ایوای عباسین آدی سقّـادی سقّاده سو یـوخ
بو سِمَت کرب و بلا سـردارینی آغلاتدی چوخ
العطش صوتی اونون قلبین دلوبدور مثل اوخ
آلدی صبر و طاقتین عباسه آغلار گـوزلریم
کیـم گـورور عبّـاسی تـزتـز لبلرینـده سـو دیور
آز قالور اُولسون سوسوزدان بیر سوری آهو دیور
قزلارین آخمش گوزی اولـدوزکیمی سوسو دیور
غم ساراتمش صورتین عباسه آغلار گوزلریم
کربلا زمزمه سی - عینی‌فرد زنجانی
نظرات (۰)
هیچ نظری هنوز ثبت نشده است