متن نوحه ترکی مرحوم حقیر خویی بخش اول

متن نوحه ترکی اشعار حقیر خویی در رثای ائمه اطهار ویژه محرم و ایام سوگواری ائمه اطهار علیهم السلام - بخش اول

قابل استقاده در دسته جات سینه زنی و زنجیرزنی

حرکت اهل بیت از کربلا به کوفه و ورود به کوفه

 

مداد نوریله الواح نوره خامۀ نور

شئون عشقی وجوهاتیله قیلوب مسطور

 

مقام ظاهری اوچ حرفیلندی بیر کلمه

همین بو کلمه ده ترکیب عشق ایدوبدی ظهور

 

نقدر شرح معانی اولوب بو کلمه ده درج

ائدوب قبول بیانیندن اعتراف قصور

 

نچه مراتبی وار لفظ عشقی معنی حبّ

بولوب تحقّقیله صاحبان فهم و شعور

 

آچان کلید محبتدی باب معرفتی

او بابدن اولا نازل مواهب موفور

 

مراد بیردی اگر حبّ آدی اولا تأویل

ضمیر الده دی گر ذکر عشق اولا مذکور

 

دگل تفاوت لفظینده حرف بوندادی سوز

که طالب اولمیا مقصود شاهدیندن دور

 

خود عشق لفظیدی مطلق بدون معنا لفظ

ذوی العقول یانیندا هبا ٕ دور منشور

 

اوز عالمینده جسد دور , بو عشقه روح ویرن

جهانه روح اولان عاشقین وجودی ضرور

 

اولوب بو مطلبه چوخ مدعی ولی هر کیم

دوتوب نزول بلایاده نفسینی معذور

 

دوام ایدنمدیلر امتحان معشوقه

جهت بودور که ایدوب عشق سرینی مستور

 

بو امر عشق قبولی سی اختیاری دور

بو اختیارده هیچ کیمسه اولمیوب مجبور

 

اوزون عزیز دوتان قدر جان بولن عاشق

محالدور اولا شایسته قبول حضور

 

نه انبیادی نظرده نه اولیا مقصود

بو پیشگاهده یالقوز حسین دور منظور

 

وجودی دایرۀ عشقیده مثال الف

اولوب او عاشق یکتایه عاشقی محصور

 

کسوب علاقه الفت محبت جاندان

لطیف جسمی اولوب پایمال سم ستور

 

قیود دن چخادوب جسمی قید عشقه سالوب

اولوب لباس و کفندن یارالی پیکری عور

 

نه دفن ایدن نه نمازه گلن نه غسل ویرن

نه پیرهن نه کفن نه حنوط نه کافور

 

و غسله دمه والتراب کافوره

و لوح صدره مکسور نحره منحور

 

هوای عشق ووروب باشه گیچدی باشندن

جدا باشندا اولوب گون کیمی باشی مشهور

 

گهی مکانی اولوب دیر گه کلیساده

مقام و منزلی خولی ایوینده گاه کنج تنور

 

علاقه سر و جانیندن ال چکوب ایدوب اخذ

کمال مرتبه کان سعیکم مشکور

 

اسیر اهل و عیالی, صغیر اطفالی

مقام صبرده چون انبیا صبور و شکور

 

چالیندی طبل شهادت صدای کوس رحیل

اولوب مقدمه یوم ینفخ فی الصور

 

حجاز قافله سی کربلادن ایلدی کوچ

یتنده کوفیه ایتدی قیام شور نشور

 

ائشیتدی ابن زیاد عترت رسول الله

گلور اسیر موکّللر ایلدی مأمور

 

مقرّر ائتدی عموماً اهالی شهره

خبر وئرون اولالار مایل نشاط و سرور

 

گلن اسیرلرین پیشوازینه چیخالار

جوان و پیر و صغیر کبیر اناث و ذکور

 

دوزون گذرلره سازنده و نوازنده

چالون جغانه و چنگ و نی و دف و طنبور

 

چخوبلا دسته ایله کوفیان تماشایه

لباس تازه اگنلرده خوشدل و مسرور

 

قطار لنگه دوشوب اهل قافله تنگه

تردّد ائتماقا یول تنگ یوخ مجال عبور

 

بو ازدحامی گوروب آرتدی زینبین دردی

ائدوب خیالینه اوّل ورود کوفه خطور

 

دئدی بو یرده منی پیشواز ائدوبدی حسین

گرک گنه گله قلبیم شکسته دور رنجور

 

باشی دیزینده خیال عالمینده غرق ملال

نه گوردی جلوه لنور نیزه ده سر پرنور

 

او قانلی باش اوجا آوازیله اوخور قرآن

تلاوت ایلوری داوود گوئیا که زبور

 

دوشر نه حالته گور اوندا زینبین حالی

خیال ائاه دوشوب اوچ گوندی قارداشیندان دور

 

دئدی روا دگی زینب باشی سلامت اولا

سنون باشون یارالی گوزلریم اولیدی کور

 

سالوب چو آئینه مرآت حق نماسینده

فروغ نور جمال حسینی عکس ظهور

 

حسین گوزونده اؤزین گوزین اؤز باشین یاردی

اؤ چوبِ محمله از بسکه دوتدی زینبی شور

 

یاریلدی باشی آخوب قان فخّر مغشیّاً

مگر کلیمیدی محو ایلیوب تجلّی نور

 

قاریشدی بیر بیره اطفال اوج ائدوب ناله

گلوب ترنّمه سکّان عرش حور و قصور

 

« حقیر» کوفه ده آل علی مصیبتی نین

بیان ذکرینه کافی دگل سنین و شهور

 

الهی زینب مظلومه نین مصیبتینه

باغیشلا ایله بو جمعی حسینیله محشور

 

خرابه قلبیمه بیر ذرّه ایله تابنده

حسین نورینی ویرانه تا اولا معمور

 

مرحوم حقیر خویی

منبع مجموعه کانالهای مدح و مرثیه

موضوع: احوالات کوفه ,
زبان شعر و شاعر: نوحه ترکی , حقیر خویی

-------------------------------

احوالات کوفه

 

مسلم اولدی کمند بلایه  آل الله

دوزولدی سلسله تک عترت رسول‌الله

 

چو دست قدرت حق وقف آستیـن اولدی

آچوب جسارت الین قوم آستین  کوتاه

 

مقیّد ایتدیله زنجیره  قدرت اللهی

گوروب وجودینب مطلق جماعتِ گمراه

 

قویاندا رشته‌ ی تسلیمه گردنِ تفویض

بویوردی  کلمهء  وَجهّتُ وجِهی  لله

 

اوقید ایچنده الی نظم عالمه مبسوط

وجودی ضعفیله ذرّات کونه پشت و پناه

 

گورنده شیرخدا اوغلونون الین  باغل

اولوب او قومِ زبون شیرگیر چون روباه

 

طنابه باغلادیلار اهل  بیتِ  اطهاری

اوجالدب  گوگلره فریاد و آه  و واویلاه

 

سِنِق کجاوه نه بیرسایبان نه بیر حایل

اولوب بناتِ  بتوله  مقام  و منزلگاه

 

مخدّرات حرم  دست بسته  دل خسته

دیوم نه حالتیله اولدولار روانه‌ ی راه

 

آچق دیولماقا  گلمز دیوبدیلر هر چند

نقابیدی  اسرانین یوزینه  زلفِ  سیاه

 

محال  کشف  اولا سِرّ  مکشفّات ِ  وجوه

هانی  بو سِرِّدن  آگاه  اولان دل  آگاه

 

نقدر کشف اولا واضحدی وجهی کشف اولماز

او یوزلره  که  دو  تا  پرده  ظلّ   ظلّ   الله

 

اگر چه  قولّاری باغلیدی  صورتاً  امّا

ظهوره ویردیله گور نه جلال و شوکت و جاه

 

سلوک  سیرلری  مسلک ِ  طریقتِ  عشق

مقام فقرلری  پایه‌ی  فَنا  فی‌الله

 

شکسته قلبلری منزلِ خدای حسین

به حکم  بیّنه‌ی  فی قلُوبِ  مَنْ  والاه

 

اولان ریاضتیگب  تکمیل مرشد کامل

قباقدا  راه  نما  مقتدالره  همراه

 

نجوم تک  شهدا باشلاری برابرده

سرِ امام جدا اُسته  جلوه‌گر چون ماه

 

نی سِنان اولدی  نخل وادی طور

کلیمی سِّرِ  اَناَ اللّهدن ایده آگاه

 

چو مدّ  بسمله نخلِ سنان  سنان  اوزره

سر منیری چو لفظِ  جلاله‌ی الله

 

ایدردی دیده‌ی حسرتله ناطق ِ قرآن

ورق ورق داغیلان  اهل  بیت اوزینه  نگاه

 

گوروب که حکم خدایه ویرولّه چوخ تغییر

اولار که محکم آیاتدن قیلوب  اکراه

 

او قومه  حکم آلهی نی ایتماقا  جاری

کلام  حقّی  او قرآن  یوزیله  گتدی  گواه

 

باخاندا سوره‌ ی توحیده  سطرِ اوّلده

جدا باشندا باشی  باشلیوب کلام‌الله

 

اوجالدی نغمهء صوتِ قرائتِ قرآن

بتوب علی قیزی زینب قولاقینه ناگاه

 

حسین عشقی بیله اختیارینی آلدی

چخوب اوزیندن اورکدن گتوردی سوزیله آه

 

باشین کجاویه بیر یاحسین دیوب ووردی

ز بس تجلّی ایدوب جلوهء جمال الله

 

یخیلدی غشّ ایلدی ، اهلِ بیتی شور دوتوب

فلک لره اوجالدی آه و نالهء جانکاه

 

تعجبّم نجه دوتدی بنا بنای سپهر

یخیلمادی یره طاق بو نیلگون خرگاه

 

ایدردی عالمی ویران سکینه نین آهی

اولیدی اذن امامِ زمانیدن هرگاه

 

سالوب اوزین بو کمنده (حقیر) شرمنده

سنون قاپوندا نه مدّتدی بو سگِ گمراه.

 

مرحوم استاد میرزا عبدالوهاب حقیر خوئی

منبع مجموعه کانالهای مدح و مرثیه

موضوع: احوالات کوفه ,
زبان شعر و شاعر: نوحه ترکی , حقیر خویی

-------------------------------

احوالات حضرت علی اکبر (ع)

 

سالوب یولا شهِ دین شاهزاده اکبرینی

باخوب دالنجا توکوب اشکِ دیدهء ترینی

 

بیله بولوردی اونون مایهء فتوحی گیدر

کسوب او جانِ جهاندان علاقه ، روحی گیدر

 

غرض او نورِ دلِ پادشاهِ کرب و بلا

یتوردی مرکزِ میدانه باشلادی دعوا

 

او نوجوانِ هنر پیشه ، ایله ایلدی جنگ

دوتوبدی عرصه نی شامات و کوفه اهلنه تنگ

 

عراق دشتینی شورِ حجاز دولدوردی

رشادتیله مخالفلره قلج ووردی

 

ز بس قلج ویروب اول بندِ عشقه وابسته

داخی یورولدی دوشوب حالدن اولوب خسته

 

عطش هجوم ایلیوب ، یادگارِ شاهِ نجف

عنانِ توسنی دوندردی خیمه گاهه طرف

 

حرمسرادن او دم اخترانِ برجِ ادب

سکینه فاطمه کلثوم ، ناتوان زینب

 

شکسته بال سراسیمه و پریشانحال

علیّ اکبری جمعا" ایدوبله استقبال

 

احاطه ایتدیلر اطرافنی عقاب اوسته

زنانِ خونجگر و دخترانِ دلخسته

 

کیمی اوپردی الندن کیمی ایاقیندن

کیمی اوغول دیوب آغلاردی اشتیاقندن

 

کیمی قاچوب آتنون بوینونی قوجاقلاردی

کیمی یوزینه باخوب زار زار آغلاردی

 

چو قلبِ دایره دن چیخدی مرکزِ پرگار

به عزمِ فیضِ ملاقات سیّد ابرار

 

حضورِ شاهِ فلک بارگاهه قیلدی خرام

اولوب پیاده آتندان ، ادبله ویردی سلام

 

که ای شهنشهِ گردون مدار یا ابتا

ولیّ حضرتِ پروردگار یا ابتا

 

هوانین ایسّی لیقی ، تشنه لوق ، بو ثِقلِ حَدید

سالوب مشقّته قیلدی فکار یا ابتا

 

اورک یانور ، اورگیم اودلانور حرارتدن

علاج قیل منی ایله خلاص شدّتدن

 

بو سوزشِ دله قیل چاره ای امامِ زمان

ایدر بو مشگلی مشگل گشا علی آسان

 

دوشن زمان نظری اکبرین جمالینه

نجه جمال سالوب جدّینی خیالینه

 

آلوب سلامینی ویردی جواب یا ولدی

بو قدر ایتمه منی دلکباب یا ولدی

 

گراندی چوخ منه ، مندن گلوب سو ایستمه قاقون

میّسر اولمیه بیر جرعه آب یا ولدی

 

مِیِ طهوریله جدّون سنی ایدر سیراب

بیر آز زمان عطشه ایله تاب یا ولدی

 

چکوب کناره گُلین سالدی بوینونا قولونی

اوپوب دوداقینی گوستردی کوثرین یولونی

 

زلالِ عشقی ایچوب چشمهء ولایتدن

آچیلدی قلبینه مین چشمه بحرِ رحمتدن

 

قیلوب چو رفعِ عطش ، شدّت ایلیوب عطشی

ز بسکه مست اولوب بادهء محبّتدن

 

غذای روحِ مجرّد ، قوامِ جانِ لطیف

حصول ایلدی عین البقای رحمتدن

 

حیاتِ تازه عطا قیلدی ، لعلِ جان بخشی

حیارتِ عاریه دن ال چکوب او بابتدن

 

ایدوب لسانینی سیراب چون لسان الله

رموزِ عشقده آگاه اولوب حقیقتدن

 

وداعِ جسمین ایدوب جانی ، قالبیندن روح

کسوب علاقه که چیخسون لباسِ کثرتدن

 

قُوای خَمسه ایدوب طیّ عالَمِ جسمی

آلوب سراغ چو خلوت سرای وحدتدن

 

قَوامِ روح ، عوارضدن ایلیوب اعراض

ایدوب مشاهده معنانی گچدی صورتدن

 

لباسِ ظاهر و باطنده ، طالب و مطلبوب -

بیر اولدی ، شدّتِ میل و اشدّ رغبتدن

 

علاقه روحی تاپوب روحی ، جسمینه جسمی

ولی دهانینه جذب اولدی شوقِ وصلتدن

 

دهانِ گُلدن ایدوب غنچه لبلرین سیراب

ولی فسرده لنوب رنگِ گُل با لطافتدن

 

گوروب دهانِ گُلی خشک ، چون لبِ غنچه

باشین اشاقه سالوب کثرتِ خجالتدن

 

گوزین تیکوب یوزینه عرض قیلدی یا ابتا

گچوبدی سنده هجومِ عطش نهایتدن

 

بو تشنه کام لوقوندان دلیم کباب اولدی

یانور منیم جگریم سنده کی حرارتدن

 

منی بو لعلِ لبون قیلدی جاندن سیراب

امید واردی ایچم شربتِ شهاتدن

 

سنه غلامِ (حقیرم) ئولونجه یا مولا -

بو فخر وار منه ال چکمرم حقارتدن

 

ایکی گوزینی اوپوب سَرورِ زمین و زمان

بویوردی دورما ، دوروب منتظرلرین نگران

 

گچر زمانِ شهادت دایانما ایله شتاب

یاخوندی ساقیِ کوثر سنی ایده سیراب

 

رجوع خیمیه قیل ، اهلِ بیتِ طاهانی

وداع ایله تماما" ، خصوص لیلانی

 

بنا به حکمِ همایونِ حجّتِ داور

متانتیله قیلوب سمتِ خیمه گاهه گذر

 

بلند صوتیله آلِ رسولی قیلدی ندا

حلال ایدون منی ای عترتِ رسولِ خدا

 

توکولدیلر ایشگیه خیمه دن بناتِ بتول

دولاندی باشینه پروانه وار آلِ رسول

 

دوروب کنارده لیلی ، خمیده قامتیله

چکردی آه ، باخاردی یوزینه حسرتیله

 

ترحّم ایلدی احوالینه علی اکبر

دئدی جهت نه باخورسان کناردن مادر؟

 

دئدی گیدوب اورگیم تاب و طاقتیم یوخدور

قدم لریم یریمور ، دیزده قوّتیم یوخدور

 

عنانوی دوتارام آهِ جانگدازیله

قویوب یول اوسته منِ زاری گچمه نازیله

 

اگر چه گیتملی سن یوخ سوزوم جهاده علی

آتندان اولمیه جاقسان مگر پیاده علی

 

اولورسا ممکن ای نورِ دیدهء زهرا

پیاده اول سنه قربان اوغول آنان لیلا

 

آتوندان اَن اشاقا ای گُلِ حدیقهء ناز

آنا اوغول بیر ایداق عاشقانه راز و نیاز

 

سالوب اوزینی یره فی الفور باشینه دولانوب

اوپوب ادبله الیندن ایاقینه دوشنوب

 

رضا مقامینه گَتدی آناسی لیلانی

یول اوسته یوسفِ بطحا قویوب زلیخانی

 

به عزمِ رزم چو شاهین اولوب عقابه سوار

ایشیقلی گون کیمی گویا او کوکبِ سیّار

 

اوزین یتوردی چو شیرِ دلیر میدانه

مقابل صفِ لشگرده دوردی مردانه

 

دایاندی سدّ سکندر کیمی مهابتیله

آچوب لسانِ گهربارینی فصاحتیله

 

او شیرِ بیشهء صولت ، هژبرِ دستِ نبرد

دوروب مقابلِ یوزمین قشون دا یکّه و فرد

 

آچوبدی لعلِ لبین ، اول مهِ سپهره وقار

توکوب لسانی بو طرزیله لؤلؤ شهسوار

 

الا ای قوم دون فرزند شیر کردگارم من

شجاع وارث دشت نبرد کارزارم من

 

منه اصل نجابتده جماعت کیم برابردور

بابام حیدردی جدهّ م  فاطمه جدیم پیمبردور

آتام شیر خدا اوغلی - آدیم شهزاده اکبردور

حسینه قره العینم - علیدن یادگارم من

 

منم تابنده اختر اختر برج سعادتدن

منم رخشنده گوهر - گوهر دریای رحمتدن

منم نور درخشان نیّر چرخ ولایتدن

امامت گنجنون درجنده درّ شاهوارم من

 

منم شان مناقبده امیر المومنین اوغلی

صراط المستقیم حقده عین الیقین اوغلی

منم صدر ولایتده شه مسند نشین اوغلی

اوزوم شهزاده یم - سبط شه والاتبارم من

 

بو ال دست علیدور - پنجه دست یداللهی

بلیمه باغلیوب بو ذوالفقاری کربلا شاهی

دوتا دریای لشکر یر یوزون گر ماه تا ماهی

نهنگ بحر غیرت شهسوار نامدارم من

 

نشان لافتایم یادگار شاه لولاکم

دلیر صف شکاف  و صف شکن بیر شیر بی باکم

هژبر خشمگین - ضرغام چالاک  غضبناکم

علی قائم مقامی - ضیغم اژدر شکارم من

 

مسلم دور منه نصر سعادت - فتح و فیروز

نیامیندن چکم گر ذوالفقار آتش افروزی

سالور آتش نهاد دشمنه برق جهانسوزی

بنای هستی کفاره بیر سوزان شرارم من

 

مقام شان اوصافیم یتوشمز حد پایانه

هنر ، مندن مُوءیّددور - ظفر آماده فرمانه

کیم ایستر امتحان - میدان جرئتله دلیرانه

قدم قویسون که تا گورسون - سوزومده پایدارم من

 

شجاعت ارثدور بیزده , الومدن ایتمرم پروا

بو باش ، بو سینه ، بو پیکر ، او تیغ خنجر اعدا

سِنان و خنجر و شمشیردن باک ایتمرم اصلا

جماعت گیچموشم جاندان حسینه جان نثارم من

 

او یادگارِ هنرمندِ ضیغمُ الغَزَوات

علی نبیره سی فرزندِ صاحبُ الحَمَلات

 

بسانِ مور و ملخ اول گروهِ بیعاری

داغتدی بیر بیره ووردی صفوفِ کفّاری

 

مبارزان و دلیرانِ مصر و کوفه و شام

تمام قومِ جفاجو ، سپاهِ خون آشام

 

نه اقتدارِ تکلّم نه طاقتِ گفتار

سکوتِ محضده چون نقشِ صورتِ دیوار

 

بیری بیرینون اوزینه باخاردیلار حیران

نه حسّ و نه حرکت مهوِ مات و سرگردان

 

دوباره نعره چکوب یادگارِ شیرِ خدا

اوجالدی کنگرهء عرشِ کبریایه صدا

 

اولوردی هر طرفه حمله ور چو شیرِ دلیر

توکوردی صفحهء خاکِ هلاکه جمعِ کثیر

 

ایدردی حمله علی ، ذوالفقار الی اوسته

خطاب ایدردی ال اولماز علی الی اوسته

 

ایدوب او عرصه نی اعدایه عرصهء عرصات

بیرینده قالمادی اوز نفسینه امیدِ حیات

 

بسانِ رعدِ خروشنده یادگارِ علی

دلنده نامِ علی الده ذوالفقارِ علی

 

ووروب قیروب توکوب ال ، بدن ، صحرایه

شکست ، حملهء اوّلده ویردی اعدایه

 

بچوب گیچوب داغیدوب صفلری ایدوب بر هم

داغیلدی لشگر ، علمدار ئولدی یاتدی علم

 

اوجالدی نالهء اَینَ المَفَر لشگردن

ظهوره گلدی علامات قیام حشردن

 

بسانء خانهء شطرنج قیلدی عرصه نی تنگ

بنای مکر قویوب ناگهان قیلوب آهنگ

 

قلج الینده یتوب منقذِ زنازاده

که گرمیدی باشی شهزاده نین او اثناده

 

کمین ایدوب دالیدان ، باشدان اندیروب شمشیر

یتیردی جبهیه تا حالتی تاپوب تغییر

 

جبین انوری شمشیره چون نشان اولدی

مه منیرده شقّ القمر عیان اولدی

 

سکینه حالینه , احوال زار لیلایه

جراحت اثر زخمی خونچکان اولدی

 

بوکولدی قامت افلاک پشت چرخ برین

نهال قامت کلثوم تک کمان اولدی

 

چکلدی مصحف رخساره قانیله جدول

یوزونده خط جلی زلف سرخی قان اولدی

 

بویاندی طره لری قانه شده ی مرجان

دوشوب گل اوستونه گل رنگی ارغوان الدی

 

ملک لر آغلادی قان قطره قطره چون قانی

سرشک دیده زینب کیمی روان اولدی

 

سحاب سرخ سیه آفتاب تابانه

شفق سالوب بولود آلتندا گون نهان اولدی

 

مذهّب اولدی طلائیله صفحه قرآن

طلا و سرخیله سر لوحی زر فشان اولدی

 

یازیلدی سوره توحید صدر اوّلده

شهادت آیه سی عنوانینه بیان اولدی

 

نظرده یاره ایدی لیک منزل یاره

گیدردی الده او قان یاره ارمغان اولدی

 

نقدر قانی آخوب یوزده نقش اولوب یا دوست

چو  حق یولوندا فراموش جسم و جان اولدی

 

وصال تشنه سینه تشنه لیق اولوب غالب

خیال وصلیله بی طاقت و توان اولدی

 

اراده ایلدی بیرده گوره غریب آناسین

خیام طاهریه عاطف العنان اولدی

 

یارالی یوسفی یعقوب اثقلانی گوروب

کسوب گذرگهی بیر گوشه ده نهان اولدی

 

باخاندا خنجر خونخواره قان دوتوب گوزینی

که باغری قاننی توکماقدان اوتری قان اولدی

 

بولوب خیالین او آهن دلین سویا دوندی

بلند او دم دل خنجردن الامان اولدی

 

دگنده خنجر ایکی کتفنین آراسندان

آت اوسته منقلب احوال او نوجوان اولدی

 

یتن ووراردی  او ناکامی قوللارین سالدی

عقاب بوینونا یوز خیمیه روان اولدی

 

زبسکه قان یارالاردان آخوب عقاب اوستن

یخلدی خاک سیه منزل و مکان اولدی

 

بلی بو رسمدی هر عاشق امتحان اولسون

اولوب حبیبنه محبوب امتحان اولدی

 

زبس علی آدینی ورد ایدوب دلینده (حقیر)

سبب بودور بو مطالبده نکته دان اولدی.

 

مرحوم حقیرخوئی

منبع مجموعه کانالهای مدح و مرثیه

موضوع: حضرت علی اکبر (ع) احوالات ,
زبان شعر و شاعر: نوحه ترکی , حقیر خویی

-------------------------------

زبانحال حضرت فاطمه زهرا (سلام الله)

 

عم اوغلی جان سنون جان حسینیله حسنون

ایکی امانت زهرا قالور یانوندا سنون

 

حسینیله حسنیم هر دو نور عینیم دور

عزیز جانیدن آرتوق منیم حسینیم دور

 

بو نور دیده لریم اشقیای امّتدن

نه ظلملر گوره جاقلار جفای امّتدن

 

عیان اولوب منه گویا بو گونکی گون گورورم

منی بو غم یتیروب جانه ئولمه میش ئولورم

 

خبر وئروبدی رسول خدا عیاندی منه

گوزوم ائوینده که زهری وئریبدیلر حسنه

 

جگرلری اثر زهردن دونوب قانه

باجیلاری دولانور باشینه چو پروانه

 

معاینه گورورم نور هر دو عین اوغلوم

بدن یارالی وئرور تشنه جان حسین اوغلوم

 

صاقا دوننده دیور العطش اناالعطشان

وئرور جوابینی خنجر یاراسی زخم سنان

 

وورولّا تیغیله اول دم دوننده صول طرفه

دولاندیرور گوزینی گه بقیعه گه نجفه

 

آلوب جوانب اطرافی دسته دسته سپاه

اولار دورور بو دیور یالقوزام مدد الله

 

گوزین آچاندا گورور قاتلین باشی اوسته

گئدلله خیمیه کفار دسته به دسته

 

گله خیاله نه ممکن مصیبت زینب

نه حاله قالدی او ساعتده بولمرم یارب

 

قشون احاطه ائدوب خیمه گاهی زینب زار

چخوب شتابیله تلّ اوسته چون قالوب ناچار

 

گوروب قدملری تیترور الین قویوب باشینا

سلام وئردی او یردن یارالی قارداشینا

 

سلام اولا سنه ای اهل بیت دادرسی

مگر قولاقوه یتمز قیزون سکینه سسی

 

یتیش هرایمه ای شاه مشرقین قارداش

تالاندی خیمه لرون هارداسان حسین قارداش

 

او حالتینده که سلطان خطّه ی اعزاز

ائدردی خالقیله قان ایچینده راز و نیاز

 

قولاقینه یتیشوب استغاثه ی زینب

گوروب کی جذبه لنوبدور یاخون گلور زینب

 

اونون گلن یولونا گوزلرینی دوندردی

قاباقجا زینبه قلباً سلام گوندردی

 

توجّهیله مقاماتی سیر قیلدی تمام

گورنمدی دل زینب کیمی شکسته مقام

 

دل شکسته ی زینبده حق عیان گورونوب

اودور کی یدّی قدم زینبه طرف سورونوب

 

گورنده قلبینی زینب امام وابسته

الین قویوب اورگینه دوشوب یوزی اوسته

 

دئدی بو حالیله گلماقیوا رضا دگلم

بو نوع گلمه کی آز قالدی خجلتیمدن ئولم

 

خجالتم سنه مندن یتیشدی بو زحمت

قیامته کیمی قارداش بسیمدی بو خجلت

 

همان بو حالتیله گلمه ای شه ابرار

منی اسیر ائلیوب قوی قولومی باغلیالار

 

دئسن نقدر«حقیرا»سوزون تمام اولماز

تمام قیل دل حضّارده دوام اولماز

 

مرحوم حقیرخوئی

منبع مجموعه کانالهای مدح و مرثیه

موضوع: حضرت فاطمه زهرا (س) زبانحال ,
زبان شعر و شاعر: نوحه ترکی , حقیر خویی

-------------------------------

احوالات کوچ اسرای کربلا از قتلگاه 

 

چوخدورشکایتیم فلک کجمداریدن

بو چرخ سفله پرور و بی اعتباریدن

 

ای بیوفا سپهرجفادن اوتانمادون

بسدور بیر ال گوتور ستم بی شماریدن

 

ایتدون شعارکینه نی اولاداحمده

شرم ایتمدون او سرور عالی تباریدن

 

زهرا عزیزی هاردا روادوراسیراولا

دوشسون گوروم سپهر بودورین مداریدن

 

گوردون علی عیالینه بیحدستم روا

بیداد ظلم فرقه کینه شعاریدن

 

گه کربلایه ظلمیله گتدون کشان کشان

چکدون دیارغربته دارو دیاریدن

 

ایتدون بنات فاطمه نی شمره دستگیر

باک ایتمدون عجب شه دلدل سواریدن

 

غارتگرخزانه نبی گلشنین ویروب

بلبلرین اسیر ایلدون جورخاریدن

 

باغلاندی قول قولا حرم آهولری تمام

چیخدی سپهره ناله سسی گیروداریدن

 

چون قتلگاهیدن چکیلوب کاروان غم

دوشدی گذارقافله اول رهگذاریدن

 

گوردی اسیرلر دوزولوب پاره نعشلر

باشسیزجنازه لر گورونورهرکناریدن

 

هرعاشق اوز حبیبینی ایلردی آرزو

هربلبل اوزگلین او خزان نو بهاریدن

 

زینب نگوردی قانه باتوب پیکرامام

گیتدی توان و تاب  دل بیقراریدن

 

بی اختیارناله هذا ابن المصطفی

ایتدی بلند ناله دوشوب اختیاریدن

 

دوتدی یوزین او پیکره عرض ایتدی یا اخا

کیم آیری سالدی پیکری بو جسم زاریدن

 

هانسی شقی بو حاله سالوب کیم نشان ویروب

بیرکیمسیه بو نوع ستم روزگاریدن

 

قارداش باغشلا منفعلم وارخجالتیم

شرمنده ام دلیم دوتولوراعتذاریدن

 

چون جان ویرنده گوزلریوی باغلیانمادیم

گیتمزبو داغ النجه دل داغداریدن

 

آیا نه حالیدور گورورم وا مصیبتا

آرتوق بو پیکرینده جراحت شماریدن

 

قلبیمده قالدی حشره کیمی حسرت جواب

دیندیرمنی خلاص ایله بو انتظاریدن

 

قالسا حقیر الده بو سرمایه قلیل

نفع کثیرحاصل ایدر هشت و چاریدن

 

مرحوم حقیر خوئی

منبع کانال گنجینه گذشتگان

موضوع: کوچ از قتلگاه ,
زبان شعر و شاعر: نوحه ترکی , حقیر خویی

-------------------------------

احوالات حضرت رسول اکرم (صلی الله)

 

چو بزم قربی اختیار ، ائدوب پیمبر خدا

سالوب جهانه غلغله ، صدای وا محمدا

 

ائدوب وداع عالم فنانی سید بشر

ریاض قدسه آخر صفرده ایلیوب سفر

باتوب قرایه‌کعبه تک مدینه اهلی سربه سر

که اوّل مصیبتی اولوب او گوندن ابتدا

 

زمان رحلتینده بیر وصیت ائتدی امّته

بویوردی احترام ائدون چوخ اهلبیت عصمته

گورون نه وقت امتی ائدوب عمل وصیته

هنوز فارغ اولمیوب عزادن آل مصطفی

 

جنازه یرده جمع اولوب سقیفیه منافقین

بنای رأی مشورت قویوب گروه و مشرکین

ازلده بیعت اوّله ائدوب چو ثانی لعین

او عهد و بیعتیله غصب اولوندی حق مرتضا

 

بیر اختلاف سامری میان امته سالوب

نتیجه سی زمانه ده قیامته کیمی قالوب

جهاندا یاندیروب بیر اود کی شعله سی الولانوب

ووراندا باب درگه بتوله آتش جفا

 

دیار کوفه ده ازل ظهور ائدوب علامتی

علی باشیندا سجده ده گوروندی تیغ ضربتی

او ضربتیله قان آخوب بویاندی قانه صورتی

او یاره باشدا ویردی جان امیر ملک لافتی

 

لبالب ائتدی ساقی زمانه زهر ساغرین

که پاره پاره زهریله ائدوب حسن جگرلرین

چخوب سپهره و فغانی آل حیدرین

وفات ائدنده جمعیدی یانیندا قوم و اقربا

 

فدا اولوم حسینه کی یوخیدی یار و یاوری

یانیندا کیمسه اولمادی نه اوغلی نه برادری

مگر ویرردی شمر امان باجیلاری حرملری

وئرنده جان گلوب بیری اونون گوزینی باغلیا

 

صاقا دونردی العطش دیردی اول شه جهلن

صولا دوننده کوفیان ووراردی خنجر و سِنان

آچاندا قانلی گوزلرین باخوب نه گوردی ناگهان

دوتوب الینده خنجر جفا او شمر بی حیا

 

او پاره پاره سینیه قویاندا شمر دون قدم

باخاردی خیمه گاهیدن او دم حریم محترم

سکینه باشینی آچوب ائدردی ناله دمبدم

ووراردی زینب حزین باشین دیردی وااخا

 

شرار ظلم او لعینیدن قالوبدی چوخ اثر

که کربلاده آتش جفاسی اولدی شعله ور

اوجالدی ناله گوگلره تالاندی یاندی خیمه لر

ووراندا خیمه گاهه اود ستمله قوم اشقیا

 

«حقیر»ایله مختصر یتور تمامه مطلبی

محال دور قلم یازا غم و ملال زینبی

او ظلملر که عترت رسوله امت نبی

ائدوب او ظلمی گورمیوب یهود ملتی روا

 

 مرحوم حقیرخویی

موضوع: حضرت محمد (ص) احوالات ,
زبان شعر و شاعر: نوحه ترکی , حقیر خویی

-------------------------------

احوالات حضرت رسول اکرم (صلی الله)

 

خلق جهان سراسر مشغول دور عزایه

گویا دوتوبلا ماتم پیغمبرِ خدایه

 

چون حجّة الوداعی درک ایلدی او سرور

مشتاق اولوب لقای حقه حبیب داور

امر ایلیوب مهاجر انصاریله برابر

حاضر اولوب حضور پرنور مصطفایه

 

بیر نوع اؤز وفاتین اصحابینه او حضرت

اظهار ائدوب بویوردی آگاه اولون جماعت

وار بیر سفر نظرده یتدی زمان رحلت

بو عاریت سرادن سر منزل بقایه

 

باقی سیزون یانوزدا ایکی امانتیمدور

بیر مصحف الهی بیرده اؤز عترتیمدور

اولادیمه مودّت اجر رسالتیمدور

حقّینده اهل تبیین نازل اولوبدی آیه

 

مندن صورا مبادا آل رسول دلدن

چکسون اذیت ائتسون شکوه بتول سیزدن

هئچ بیر عمل یانیمدا اولماز قبول سیزدن

صدقیله وورماساز چنگ دامان مرتضایه

 

ترک ائتدی بو جهانی اول گون که شاه بطحا

قویدی منافقین امت بنای شورا

تا ائتدیلر سقیفه هنگامه سین مهیا

بو اختلافی اوّل او سالوب آرایه

 

چون دست قدرت حقّ وقف اولدی آستینه

بی دست و پاگروهین فرصت دوشوب الینه

دست جسارت آچدی بیر نوع اهل کینه

ووردی شراره باب ناموس کبریایه

 

درگاه مصطفاده یاندوردی نار ظلمی

کرب و بلایه کم کم گِتدی شرار ظلمی

اولدی سنان الیله گه آشکار ظلمی

گه شمردن خطاسی ظاهر باخون خطایه

 

مقتول یوم الاثنین عنوانی آشکارا

اولدی اوگون که جبراً غصب اولدی حقّ زهرا

غصب ائتدیلر فدک تک نهر فراتی اعدا

فریاد العطشدن شیون چخوب سمایه

 

گوردی امام مظلوم سوز عطشدن اطفال

دلدن دوشوب تماماً اصغر اولوبدی بی حال

قنداقینی او طفلین آلدی ال اوسته فی الحال

دوتدی یوزین او قوم بی شرم و بی حیایه

 

ای قوم دون گورور سوز اصغرده قالمیوب تاب

منع ائلیوب بو چولده آل رسولدن آب

گر ائتمه سوز بو چولده بو شیرخواری سیراب

عذروز ندور جماعت محشرده مصطفایه

 

تا حرمله ائشیتدی بیر اوخ قویوب کمانه

سسلندی یاحسین سو اولماز ولیک قانه

اصغر منه قوناقدور قویدی او دم نشانه

آی قرصی تک بوغازین بیرناوک جفایه

 

حلق لطیف اصغر اولدی  نشانه ی تیر

بازوی شاه دینه اولدی خدنگ جاگیر

گوردی اوخون یریندن قانی اولور سرازیر

اوجوندا دوتدی خون پاکی آتوب هوایه

 

عرض ایلدی الهی قالسون بو قان امانت

محشر گونی بو قاندور سرمایه ی شفاعت

بوندان زیاده یوخدی دلده«حقیر»طاقت

الده قلم سیزیلدار نی تک گلوب نوایه

 

 مرحوم حقیرخوئی

منبع مجموعه کانالهای مدح و مرثیه

موضوع: حضرت محمد (ص) احوالات ,
زبان شعر و شاعر: نوحه ترکی , حقیر خویی

-------------------------------

زبانحال در خروج از خرابه شام

 

دوزولوب دوشوب حجازه یولا کاروان رقیه

دورایاقه سالما لنگه بیزی بیراویان رقیه

 

وطنه اولولا عازم هامی عترت پیمبر

گینوب هامی قراسین دوزولوب قرا علملر

توکولوب مزارین استه سنه آغلاشورحرملر

نجه گور توکوله گوزدن سو یرینه قان رقیه

 

بالا کاش اولیدی ویران بو اساس دورعالم

دوتا بلمدوق بویرده سنه بیز دویونجا ماتم

قویوب ایمدی بو مزارین بو خرابه یرده باهم

اولوروق حجازه عازم بیزی قیل روان رقیه

 

دوزولوبدی منتظردوردورایاقه غم قطاری

گیده بلمیوبله سنسیزدایانوب حرم قطاری

یقین ایله اولمازعازم بو غم الم قطاری

سن اوزون دوروب سالینجا یولا مهربان رقیه

 

بیزه گیتماقا حجازه ویریلوب اگرچه رخصت

سنی تک قویوب بو یرده گیدراهلبیت عصمت

بو خرابه ده ایدرکیم بو مزاری بس زیارت

منه هرمصیبتیمدن بو گلورگران رقیه

 

یتوشنده کربلایه بو قطاردرد و محنت

قورولان زماندا ماتم آچیلان زمان مصیبت

بو یزید و شمرالیندن ایلیم گرک شکایت

هاموسین حسینه بیربیرایلیم بیان رقیه

 

دیرم حسینه قارداش بیزی شمراسیرایدنده

قولی باغلی پا پیاده آپاروب شامه گیدنده

باشینا ووراردی قمچی یورولان زمان گورنده

گه اولاردی یولدا بیهوش یورولان زمان رقیه

 

یتورنده شهرشامه بیزی شمرناکس دون

بیزی چکدی بزم عامه او یزید دون و ملعون

باشیوا آغاج ووراندا بیزی ایتدی زارو محزون

ایلدی او یرده ناله سنه باغریقان رقیه

 

بلا کاش الیدی زینب قوتولیدی درد و غمدن

یتوشنده کربلایه نه دیوم حسینه سندن

هانی بس قیزیم رقیه خبرآلدی بلکه مندن

نجه عرض ایدوم ویروبدی قوری یرده جان رقیه

 

مرحوم حقیرخوئی

منبع کانال گنجینه گذشتگان

موضوع: احوالات کوچ از خرابه شام ,
زبان شعر و شاعر: نوحه ترکی , حقیر خویی

-------------------------------

زبانحال حضرت رقیه (سلام الله)

 

نه شکوه از تو نه از دور آسمان دارم

ز بخت خود گله ای یار دلستان دارم

 

شبان تیره چو ایام وصل یاد آرم

ز شام تا به سحر دیده خونفشان دارم

 

در آرزوی تو جانا رسید جان به لبم

هنوز ذکر لبت در لب و زبان دارم

 

هزار مرتبه مردن ز هجر آسان است

مرا پس از تو ز عمری که جاودان دارم

 

ولی هوای وصال تو بر سر است مرا

هنوز تا به لب خسته نیم جان دارم

 

ز صد یکی نتوان باتو راز دل گفتن

که یک زبان و دو صد گونه داستان دارم

 

دهم اجازه کشد شمّه ای سرشتۀ نظم

(حقیر) مور سخنگوی و خوش بیان دارم

 

مرحوم حقیر خویی

منبع مجموعه کانالهای مدح و مرثیه

موضوع: حضرت رقیه (س) زبانحال ,
زبان شعر و شاعر: نوحه ترکی , حقیر خویی

-------------------------------

زبانحال در شهادت امام حسین (ع)

 

میداندا دوشن کیمدی او خونین کفن عمه

بیردادرسی یوخدی وورارهریتن عمه

 

ایستر دونه هریانه او غمخواره وورولار

باخمولا اولوب پیکری صدپاره وورولار

حیرتدیم آخربوقدریاره وورولار

آیا نجه طاقت گتوروربیربدن عمه

 

دلدن دوشوب ال چکموری اما بو جماعت

اوزحالینه قویمولا اونی جان ویره راحت

یوخ قلبیلرینده اثررحم و مروت

یوخ کیمسه بو مظلومه ندن رحم ایدن عمه

 

خنجرگوتورن نیزه ووران آتلی پیاده

یالقوزبوغریبین ایلیوب قتلین اراده

لشکرقاریشوب بیربیره بو هرکیمی داده

گوربیرچاغورور یوخ سسینه سس ویرن عمه

 

هیچ کیمسه غریب اولماسین عالمده الهی

عمه گوره سن واربوغریبین نه گناهی

بلله دل کافرلره تاثیر ایدرآهی

تاثیرمسلمانلارا ایتمزندن عمه

 

آرتوق بو غریبین اوره گیم قلبینه یاندی

قلبیمده کی گلموردله ای عمه اماندی

میداندان آتام گلمدی دل چوخ نگراندی

باعث ندی تاخیرینه بس جان من عمه

 

گل جانب میدانه تماشا ایله سنده

گوربیرنه گورورسن داخی جان قالمادی منده

من که تانیا بلمدیم ازبسکه بدنده

بیحدیارا واراولمیا شاه زمن عمه

 

آثارنجابت حرکاتینده عیاندور

وصف ایلوری حالاتی که سلطان جهاندور

اورنگ جلالتده سلیمان زماندور

اطرافین آلوبدورگوروسن اهرمن عمه

 

گه سسلور اوغول هارداسان ای شبه پیمبر

گاهی چاغورور ای منه یاوربرادر

جان استه وورالارکیمی نیزه کیمی خنجر

نه داده یتن وارنه هرایه گلن عمه

 

سن گزلیسن مطلبی گوزیاشین ایدرفاش

قارداش دیوب هردم نیه گوزدن توکوسن یاش

بیراوزگه حسین آدلی واروندورداخی قارداش

قارداشی الن اوغلیالیندن گیدن عمه

 

معلوم اولوبدور منه سن ایلمه پنهان

بلدیم که یتیم اولموشام عمه سنه قربان

ویراذن اولوب صبرایلماقدان اورگیم قان

چون صبح ازل چاک ایلیوم پیرهن عمه

 

ایوای اشاقلیقدا یتیم اولدی سکینه

مشکل بو یتیمه دوزه شمرین ستمینه

شامه کیمی الم چوخ اوزاخلاشدی مدینه

اولدوم عجب آواره دشت و دمن عمه

 

مرحوم حقیر خویی

منبع کانال گنجینه گذشتگان

موضوع: حضرت امام حسین (ع) احوالات ,
زبان شعر و شاعر: نوحه ترکی , حقیر خویی

-------------------------------

زبانحال حضرت امام حسین (ع) به حضرت ابوالفضل (ع)

 

بو یرده یات نه عجب خوابگاه راحتدور

مقام امن و امان گوشه فراغتدور

 

اولوبدی مجلس دیدارخالی ازاغیار

گوزآچ یانیندادی دلدار بزم خلوتدور

 

گیدوب رقیب کناره چکوب کناره حبیب

باشین حبیب دیزینده نه خواب راحتدور

 

بو قدرنازایلمه اویانماق زمانیدی یاتما

تغافل ایلمه راز و نیازه فرصتدور

 

دگنده زخمیوه گون نی کیمی سیزیلداراگر

سیزیلدیرن اورگیمه دگن جراحتدور

 

خوشا سعاتیوه زحمتین تمام اولدی

یتوبدی آخره زحمتلرین تمام اولدی

 

اوزون گیدوب قویوسان بو اوغولسوزی یالقوز

مگر بو رسم وفا شیوه محبتدور

 

بو گون بو چولده منیم قدیمی کمان ایلین

برابریمده دوشن سرو تک بو قامتدور

 

تکلم ایله گیچوروقت قالمیوبدی مجال

مباد فوت اولا فرصت زمان فرقتدور

 

چون آیریلیق گونیدوردرددل ایداق باری

دانشموسان نیه بیردم که دم غنیمتدور

 

گیداق خیامه بیرآز اوردا استراحت ایله

تمام منتظرین اهلبیت عصمتدور

 

آپارموشام یارالی اکبریمی خیملره

آپارماسام سنی بیرنوع قلبه حسرتدور

 

دوباره جانه گلوب ایلین زمان احساس

آلان باشین دیزینه والی ولایتدور

 

بدن تلاطم ایدوب ایستدی ایاقه دورا

دیوبدی سیدی عفو ایله چوخ جسارتدور

 

برابریمده یاتام من سن اگلشن یرده

بو نوعی یاتماقیم خلاف قرارحرمتدور

 

ولی اوزون گوروسن عذریمی قبول ایله

که شیوه کرم و رافت و مروتدور

 

گلوب غلامیوی عالمده سرفرازایلدون

اوجالدی عرشه باشیم چوخ بویوک شرافتدور

 

ولیک من هارا بو رتبه و مقام هارا

بو التفات منه مایه خجالتدور

 

بیوردی ای منه دلسوزو مهربان قارداش

بو حسرتین منه تا من وارام کفایتدور

 

مگربو پایه ده اخلاص و جانفشانلیق اولار

صدآفرین سنه قارداش گوزل اخوتدور

 

بو نوع دوغریوب اعضاوی سربسردشمن

او هانسی عضویدی تا من دیم سلامتدور

 

الین گیدوب گینه ال چکموسن حمایتدن

نفس چیخینجا خیالین منه حمایتدور

 

دیدی که دور ماقا عفو ایله قالمیوب حالیم

مشاهده ایدوسن حالیمی نه حالتدور

 

ویروب ایکی الی اما منیم دلیم دانوشور

بو جان سنونکیدی قارداش منه امانتدور

 

مرحوم حقیرخویی

منبع کانال گنجینه گذشتگان

موضوع: حضرت ابوالفضل العباس (ع) زبانحال ,
زبان شعر و شاعر: نوحه ترکی , حقیر خویی

-------------------------------

احوالات حضرت علی اکبر (علیه السلام)

 

سالدی یولا دالنجا دئدی شاهد اول خدا

بیر قومه کیم پیمبریله کارزار ایدر

 

گچدیم سنون یولوندا بیله مه جبیندن

عهد ازلده عهد ویرن، پایدار ایدر

 

دوتدی یوزین او قومه گلون اکبریم گلور

باشدان گچوب حسینه ایثار ثار ایدر

 

گیردی کمند عشقه غزال حرم، ولی

صیادی گور غزال حجازی شکار ایدر

 

گر ایستیه کمنده خطا اهلنی سالا

چین چین کمند سلسله سین تابدار ایدر

 

عزم ایتسه تار و مار اولا، عالم النده دور

گیسوی مشکباری یوزه تار و مار ایدر

 

قدی سنان، کمان قاشی، مژگانلاری خدنگ

بیر گوزلرین دولاندورا یوز مین شکار ایدر

 

اما اوزی شهادته شایقدی قلبدن

شوق لقای حضرت پروردگار ایدر

 

هر قدر جسمینه یارا وورساز قبولیدور

هر چند سوزشی دل لیلایه کار ایدر

 

باک ایتمیون علی کیمین باشین قلجلیون

تاج شرف باشندا اولان افتخار ایدر

 

گر جوی خون ایچینده دوشه سرو قامتی

سرو سهی بلی هوس جویبار ایدر

 

طالبدی بسکه تیره تراب اوسته یاتماقا

درویش حق طلبده اوزین خاکسار ایدر

 

باشین دئون سنان بیر اوجا نیزیه وورا

گون بیر جدا بویی اوجالا اشتهار ایدر

 

هر جور و ظلم ایستیه سوز بیشمار ایدون

حق حق انتقامینی یوم شمار ایدر

 

ای ذوالفقار صاحبی، مولا، ظهور حق

تا کی عیون منتظری انتظار ایدر؟

 

یرده نه وقته تک قالاجاق قانی اکبرین؟

بو انتظاره صبر، نجه روزگار ایدر؟

 

بیر ذره جه شعوری (حقیرین) اگر اولا

ترک ایلمز بو شغلی همیشه شعار ایدر.

 

مرحوم حقیر خوئی

منبع مجموعه کانالهای مدح و مرثیه

موضوع: حضرت علی اکبر (ع) احوالات ,
زبان شعر و شاعر: نوحه ترکی , حقیر خویی

-------------------------------

شجاعت حضرت علی اکبر (علیه السلام)

 

چون شیر خشمگین او جوانمرد نامدار

بحر بلایه غوطه ور اولدی نهنگ وار

 

اندیردی بیر عمامه نی ابرولر اوستونه

فرق سرینده مغفرینی ائتدی استوار

 

دریای قهری جوشه گلوب پور لافتا

قیلدی خروش ایلدی آهنگ کارزار

 

ووردی اؤزین چو شیر ژیان قلب لشکره

حیدر کیمی الینده درخشنده ذوالفقار

 

اوّل صفی داغیتدی ایکیمجین اوچومجیه

ملحق ائدوب نظام لری قیلدی تار مار

 

سیندیردی قلب میمنه نی تا صباحدن

کچدی صولا داغیلدی نظام صف یسار

 

تشویش اضطرابیدن اعدا ائدوب گمان

تیغ دوسر الینده علی اولدی آشکار

 

باشلار بدندن آیری بدن باشدان آیریلوب

باش بیر طرفده دوشدی بدن بیر طرفده خوار

 

ال باش توکولدی او صحراده بی حساب

مغفر سپر کمان داغیلوب بی حد و شمار

 

صفلر پوزولدی دسته داغیلدی سینوب سپاه

برهم اولوب نظام قوشون ایلدی فرار

 

خالی اولوب چو عرصه گه رزم کوفیان

دلخسته پر شکسته و مجروح و زخمدار

 

قومی احاطه ایلدی وحشت دوتوب هراس

قاچدی قاچان ئولن ئولوب اول معدن وقار

 

چکدی عنان توسنی نوک سنانینی

محکم دل ترابیده نصب ائتدی استوار

 

تکیه ائدوب جدایه زمانی سکوتیده

آچدی دوباره لعل گهربار و دُر نثار

 

کای قوم بی حمیّت و بی شرم و بی حیا

یوخ سیزده بیر نشانه ی ناموس و ننگ و عار

 

گوردوز منیم شجاعتیمی ضرب شستیمی

بو ال بو ذوالفقار علیدندی یادگار

 

مرد نبردسیز بو فرار ایلماق ندور

من بیر نفر ولیک سیز ای قوم صد هزار

 

فرزند حیدرم خلف شیر ذوالجلال

دعوا گونینده شیر اولور پنجمه شکار

 

انصاف ائدون مروّت ائدون یول وئرون گئدوم

نهر فراته یانمیشام ای قوم نابکار

 

دیّار قویمارام یر اوزون دوتسا گر سپاه

اذن قتال بنده یه گر وئرسه شهریار

 

قوّتده مین بو قدر وار آرتوق شجاعتیم

نیلوم که قویمیوبدی عطش منده اختیار

 

بیر جرعه سو بهاسی اگر نقد جان اولا

وئرم قالوب سکینه گوزی یولدا انتظار

 

یتمز((حقیر)) قصّه ی اکبر نهایته

صبح و مسا قلم ووراسان تا دم شمار

 

 حقیر خویی

منبع مجموعه کانالهای مدح و مرثیه

موضوع: حضرت علی اکبر (ع) احوالات ,
زبان شعر و شاعر: نوحه ترکی , حقیر خویی

-------------------------------

ورود به کربلا 

 

ای آنام باجی یتیشدون سرزمین کربلایه

وادی عشقه قدم قویدون مهیّا اول بلایه

باجی بو یر کربلادور موضع سفک الدّمادور

من خلیل اکبر ذبیحم قتلگه کوه منادور

 

یول توکندی طیّ اولوب قطع منازلدن مراحل

مقصد اعلایه یول تاپدون یتوب پایانه منزل

دمبدم اوّل ورودوندان اولو هر لحظه نازل

بارش غم چون سالور ابر بلا بو چولده سایه

 

مصرع عشّاقیدور سر منزل کوی محبت

عرصه گاه عشقدور قربانگه اهل حقیقت

جلوه گاه یاردور خلوتسرای بزم وحدت

وعده گاه قربدور خاصّان بزم کبریایه

 

ویرموشم قالوا بلاده من سَنَد اقرار عشقه

تا قدم قویدوم فضای وادی خونخوار عشقه

من خریدارم بلایه گلمیشم بازار عشقه

باشدا سودای شهادت گوهر جان الده مایه

 

بو همان یردور ویروب واضح خبر جدیم پیمبر

کیم بو صحراده اولور برهم بساط آل حیدر

پاره پاره قوملار اوستنده دوشر باشسز بدنلر

گون کیمی چوخ نازنین باشلار گیچر نوک جدایه

 

گلشن زهرا گیدر بو چولده تاراج خزانه

زلف مشکین علی اکبر اولار آغشته قانه

سو یرینه قان ایچر اصغر قویار حلقین نشانه

حرمله نوک خدنگ تیر دلدوز جفایه

 

قامت سرو علمداریم دوشر فرش زمینه

قوللارین شط فرات اوسته سالولّار اهل کینه

قانیله طویدا یاخار رنگین حنا داماد الینه

رخت دامادی اولار الوان کفن نوکد خدایه

 

عاشقی کوی محبتده چکللر امتحانه

بو وصیتدور فراموش ایتمه ای درّ یگانه

دشمنه یالوارما هرگز گلمه فریاد و فغانه

شمر دون خنجر قویاندا بوسه گاه مصطفایه

 

چون جفای شمر بو چولده یتر اتمامه باجی

بو حرم آهولرین یکسر سالالّار دامه باجی

قول قولا باغلی چکلّر اهلبیتی شامه باجی

باغلانور آل علی زنجیر ظلم اشقیایه

 

گیر و دار قتل و غارتدن اولور از بس کشاکش

ضرب سیلی دن اولور نیلی رخ طفلان مهوش

جان ویرور بعضی عطشدن خوفدن بعضی ایدور غش

ناله اطفالدن ناله چخار عرش خدایه

 

محرم راز امانت بانوی اهل حرم سن

وئر تسلّی اهل بیته غمگسار اول دمبدم سن

عالم تسلیمده مردانه دور ثابت قدم سن

وئرمه الدن دامن صبری رضا وئر هر قضایه

 

ناامید ائتمه«حقیری»یوز دوتوب بو آستانه

ملتجی دور بو مصیبت دفتری الده بهانه

فضل لطفوندن الهی سینه زن یا نوحه خوانه

اجر کامل وئر باغیشلا خامس آل عبایه

 

مرحوم حقیر خویی

منبع مجموعه کانالهای مدح و مرثیه

زبان شعر و شاعر: نوحه ترکی , حقیر خویی

-------------------------------

وداع حضرت علی اکبر (ع)

 

چون گُل ، نقابِ عصمتی یوزدن کنار ایدر

بلبل گورنده نالهء بی اختیار ایدر

 

فریاد ایدر جمالینی اغیار گورمسون

معشوق ننگی ، عاشقی بی اختیار ایدر

 

صبحه کیمی دونر دولانار باشینه گُلین

طوفِ فضای گُلشنی پروانه وار ایدر

 

ایستر شکفته اولماقینی غنچه نین گوره

یاتماز ، گجه صباحه کیمی آه و زار ایدر

 

صبحین نسیمی هم گُله هم بلبله دگر

بلبل گوزینده پردهء خوابی خمار ایدر

 

بیدار اولاندا غنچه نی بی پرده تا گورر

لاله مثال سینه سینی داغدار ایدر

 

گُل سینه سینده خاری گورن دمده عندلیب

لابد گُلین مصاحبتندن فرار ایدر

 

ایستر گیده کناره گیدنمز کناردن

حیران باخوب یوزینه ، گوزین اشکبار ایدر

 

ناچار خوار ایدوب اوزینی خاره یالوارور

معشوق ، عاشقین بئله دور خاره خوار ایدر

 

تعلیمِ عشقی بلبلِ شوریده دن گوتور

عاشق بو مشقی عشقیده لیل و نهار ایدر

 

اغیاردن نقدر جفا گورسه لا کلام

لا سویلمز خیالینی مشغولِ یار ایدر

 

هر کیمسه سِرّ عشقدن آگاهیدور بولر

پروانه نین نه سوزشی وار ، میلِ نار ایدر

 

درد آنلاسان اوزونده ، طبیبه رجوع وار

عاشقده میل گورسه ، توجّه نگار ایدر

 

آئینه تار اولاندا گورونمز جمالِ یار

صاف اولسا ، یار صورتینی آشکار ایدر

 

هر باشدا وار محبّت او باشین بلاسی وار

باشی بلی بلایه محبّت دچار ایدر

 

اوّل قبولِ ذلّت ایدر ، عزّت آختاران

عزّتله یا عزیز دیوب اشکبار ایدر

 

خالص دگل خلوص ، نچون قلب قلبدور

پاک اولسا قلب ، صاحبینی رستگار ایدر

 

معیارِ امتحانیده خالص خلاصدن

نقدِ خلوصین عاشق کامل عیار ایدر

 

کیمدور او قلب صاحبی وا مُهجَتا دیوب؟

اوز اوغلونی ئولوم آتی اوسته سوار ایدر

 

سالدی یولا دالنجا دئدی شاهد اول خدا

بیر قومه کیم پیمبریله کارزار ایدر

 

گچدیم سنون یولوندا بیله مَه جبیندن

عهد ازلده عهد ویرن ، پایدار ایدر

 

دوتدی یوزین او قومه گَلون اکبریم گلور

باشدان گچوب ، حسینه ایثارِ ثار ایدر

 

گیردی کمندِ عشقه غزالِ حرم ، ولی

صیّادی گور غزالِ حجازی شکار ایدر

 

گر ایستیه کمنده خطا اهلینی سالا

چین چین ، کمند سلسله سین تابدار ایدر

 

عزم ایتسه تار و مار اولا عالَم ، الینده دور

گیسوی مشکباری یوزه تار و مار ایدر

 

قدّی سِنان ، کمان : قاشی ، مژگانلاری خدنگ

بیر گوزلرین دولاندورا یوز مین شکار ایدر

 

اما اوزی شهادته شایقدی قلبدن

شوقِ لقای حضرتِ پروردگار ایدر

 

هر قدر جسمینه یارا وورساز قبولیدور

هر چند سوزشی دلِ لیلایه کار ایدر

 

باک ایتمیون ، علی کیمین باشین قلجلیون

تاجِ شرف باشیندا اولان افتخار ایدر

 

گر جوی خون ایچینده دوشه سَرو قامتی

سَروِ سَهی بلی هوسِ جویبار ایدر

 

طالبدی بسکه تیره تراب اوسته یاتماقا

درویشِ حق طلبده اوزین خاکسار ایدر

 

باشین دییون سَنان بیر اوجا نیزیه وورا

گون بیر جِدا بویی اوجالا اشتهار ایدر

 

هر جور و ظلم ایستیه سوز بیشمار ایدون

حق ، حق انتقامینی یومِ شمار ایدر

 

ای ذوالفقار صاحبی ، مولا ، ظهورِ حق

تا کِی عیونِ منتظری انتظار ایدر؟

 

یرده نه وقته تک قالاجاق قانی اکبرین؟

بو انتظاره صبر ، نجه روزگار ایدر؟

 

بیر ذرّه جه شعوری (حقیرین) اگر اولا

ترک ایلمز  بو شغلی همیشه شعار ایدر.

 

مرحوم میرزا عبدالوهاب حقیر خوئی

منبع مجموعه کانالهای مدح و مرثیه

موضوع: حضرت علی اکبر (ع) احوالات ,
زبان شعر و شاعر: نوحه ترکی , حقیر خویی

-------------------------------

در احوالات حضرت علی اکبر (ع)

 

علی اکبر سوار اولدی سمند باد پیمایه

اوجالدی کلمه تکبیر صوتی عرش اغلایه

 

قدم قویدی رکابه حیدرانه وارث حیدر

اولوب برج اسد منزل او مهر عالم آرایه

 

شعاع پرتو نور جبینی دمبدم ساطع

درخشان لمعه لمعه اوج ایدوب فوق ثریایه

 

سحاب رحمت اولموش سایه بان مهر منیر اوسته

قویوب عمامه جدین چو فرق فرقدان آیه

 

حمایل ذئالفقار حیدری طرف یمینندن

سپر قرص قمر تک هاله وورموش کتف والایه

 

مسلح جوشن داوودی ایلوب , نخل شمشادی

چهار آئینه سی سالموش تلوء لوء چرخ مینایه

 

یازیلمیش زلفینه خط جلی طغرای حسنینده

اولوب , واللیلدن , والشمسدن , مسطور بیر آیه

 

مثال مد بسم الله کشیده قاشلاری گویا

سواد خال مشکین نقطه با  ,  بند دور بایه

 

بیاض صقحه مصحفده شرح آیه قرآن

اشاره آیه نصرت اولوب انا فتحنایه

 

محقق دور بو معنا لیک چوخ باریکدور مطلب

فدیناه بذبح (1) آیه سی شاهد بو دعوایه

 

(1) «و ما قربانی بزرگی را فدای او ساختیم.»

 

بیانینده معانی وار معانیدن بیان عاجز

ظهورین کثرتیندن دایر اولموش دور هر اخفایه

 

اگرچه آیه صادر دور ذبیح الله حقنده

بونوندا سری وار , راجع ضمیر اولسا فدینایه

 

خلیل ایستردی ویرسون حق یولندا اوغلونی قربان

میسر اولمادی فایض اولا بو فیض عظمایه

 

ولی بیر قطره اشک دیده سی ذبح عظیم اولدی

فدا اولدی ذبیح اللهه اول در گرانمایه

 

بو والا منصبه دارا خلیل کربلا اولدی

نجه اوز نوجوانین شوقیله گوندردی مینایه

 

دیون قویسون خلیل الله قدم قربانگه عشقه

گتورسون اوغلونی بیر گوشه ده دورسون تماشایه

 

منای کربلاده اوز الیله شاه لب تشنه

کفن گورسون سالوب اول قامت چون سرو رعنایه

 

هانی هاجر که خط حلقدن قورخدی اودا گلسون

تماشا ایلسون لیلا باشندا شور سودایه

 

گیچوب اکبر کیمی رعنا جوانیندن بلی هاجر

کنیز اولماقلیقا شایسته اولماز ام لیلایه

 

برات خط آزادی اولور هول قیامتده

قالا گر خامه و دفتر (حقیرا ) الده سرمایه

 

نه باک ، اولا نظرِ غیرده (حقیر) ،  حقیر

حسین حقیریدی سیز باخمیون حقارتینه.

 

مرحوم حقیر خوئی

منبع مجموعه کانالهای مدح و مرثیه

موضوع: حضرت علی اکبر (ع) احوالات ,
زبان شعر و شاعر: نوحه ترکی , حقیر خویی

-------------------------------

عزم میدان حضرت ابوالفضل (ع)

 

چیخوب چون خیمدن اول شهسوارعرصه هیجا

یل دریا دل و ضیغم شکار مرتضی آسا

 

همایون عهد و ضیغم جهد کیوان مهرسیمین قد

فلک کردارو مهرآثارخوش رفتار و مه سیما

 

سحاب مرحمت کان کرامت منبع  حکمت

یم جود و سخاوت یادگار سید بطحا

 

علمدارشه گلگون قبا ماه بنی هاشم

سپهدارحسین ابن علی عباس رزم آرا

 

سکینه قلبینین آرامی سقای سپاه غم

پناه زینب و کلثوم یارعترت طاها

 

دم هیجا  ووران دم مرتضادن سهم و صولتده

فروزان کوکب برج مهاتب نیربیضا

 

ووران شجعان کفری نیزه آتش فشانیله

ایدن فرعونیانه آشکارا معجزترسا

 

گیچن جانان یولیندا قولاریندان اشتیاقیله

ویرن جان سو کنارینده سوسوزاما آدی سقا

 

سواراولدی عقابه مرتضی تک چون او نام آور

عیان اولدی عیال مصطفایه محشرعظما

 

گوروب تنها علمدارین حسینین گیتدی آرامی

گلوب افغانه گویا سویلدی با چشم خون پالا

 

بویوردی کای ایدن خم قدینی بارفراقینده

بیله تعجیلیله بو قانلی میدانه قدم قویما

 

منی یالقوزقویوب گیتمه که یوخدور بیر مددکاریم

داغلموش لشکریم گیتموش سپاهیم قالموشام تنها

 

الوب اکبر یانوب قلبیم یوخومدور یارو غمخواریم

دوباره نارهجرانه بو یانمیش قلبی یاندورما

 

بو غربت الکه ده قارداش منی یالقوزقویوب گیتمه

اگر سن اولماسان جرئت تاپاربو قوم بی پروا

 

توفق قیل اپوم بیرقولاریندان دم غنیمتدور

فرات استه سالارایمدی یقین بو قولاری اعدا

 

ولی ای شیعلربلمم نه حاله قالدی اول سرور

گورنده قارداشین قولسوزدوشوب چون شاخه طوبا

 

مرحوم حقیرخویی

منبع کانال گنجینه گذشتگان

موضوع: حضرت ابوالفضل العباس (ع) شجاعت ,
زبان شعر و شاعر: نوحه ترکی , حقیر خویی

-------------------------------

زبانحال حضرت سکینه (س) درقتلگاه

 

باخدوقجا سنه یانام دیرم

ایوای بابا وای ایوای بابا وای

 

سنسیزنجه من شامه گیدرم

ایوای بابا وای ایوای بابا وای

 

بیجا دگی بو نالم اوجالار

سنسیز منی بس کیم یاده سالار

دردیمه یترآغوشه آلار

ایوای بابا وای ایوای بابا وای

 

ظلمیله بابا باغلاندی قولوم

بلمم نقدروارشامه یولوم

قویمولا قالام قربانون اولوم

ایوای بابا وای ایوای بابا وای

 

اهل حرمین آغلارگوزی وار

گل تک سارالان سولموش یوزی وار

هرتک تکینین دلده سوزی وار

ایوای بابا وای ایوای بابا وای

 

بو ظلم بیزه تک بسدی بابا

بیرایل هاموسی بیکسدی بابا

لب تشنه باشین کیم کسدی بابا

ایوای بابا وای ایوای بابا وای

 

سال حالیمیزه لطفیله نظر

سردارعمومه سن ایله خبر

چوخ قورخولودور آخربو سفر

ایوای بابا وای ایوای بابا وای

 

اولسون نقدربیردلده دوزوم

ننوع دوزوم حیرانم اوزوم

هریانه گیدم وارسنده گوزوم

ایوای بابا وای ایوای بابا وای

 

بو قلبیم اودون کیم سوندرجاق

بیرده منی کیم خوش دیندره جاق

دوشسم دو دن کیم میندره جاق

ایوای بابا وای ایوای بابا وای

 

بیرقافله کیم غم همسر اولا

هم قافله سی دشمنلر اولا

نیلر هاموسی بی معجراولا

ایوای بابا وای ایوای بابا وای

 

خیملریمیز اودلاندی بابا

گوزاغلادی قان دل یاندی بابا

یکسرقولوموزباغلاندی بابا

ایوای بابا وایایوای بابا وای

 

عمه لریمین باخ گوز یاشینا

آغلار نجه گوراوزقارداشینا

منده دیرم هر سوزباشینا

ایوای بابا وای ایوای بابا وای

 

سن آغلا(حقیر)هرصبح و مسا

گوزیاشیوی توک با آه و نوا

ورد ایت اوزیوه ساخلا سن عزا

ایوای بابا وای ایوای بابا وای

 

مرحوم حقیرخویی

منبع کانال گنجینه گذشتگان

موضوع: حضرت سکینه (س) ,
زبان شعر و شاعر: نوحه ترکی , حقیر خویی

-------------------------------

وداع حضرت امام حسین (علیه السلام) با حضرت فاطمهٔ صغرا (سلام الله) 

 

محرّران احادیث عترت نبوی

مؤلّفان تواریخ آل مرتضوی

 

صحیفه ی اَلم و همّ و غمّ محنتده

رسالهٔ صحف محنت و مصیبتده

 

نچه روایتیله مجمع مصائبدن

بیان واقعی مذکور هر مطالبدن

 

حدیث معتبر اخباریله قیلوب توضیح

نه خوش بیان و مضامینیله ائدوب توشیح

 

نکات و رمزیله اسرارینه وئروب تفسیر

یازیلّا شرح معان و بیانه شرح کبیر

 

بودور ملخّص ضبط مصائب الابرار

عَلیٰ روایت مُحرِق عبارت الانوار

 

که چون حدیقه ی گلزار سیدالثقلین

بحار عصمت درّار مجمع البحرین

 

دُر یگانه ی بحرالمعارف صمدی

مقرّب حرم خاصّ درگه احدی

 

یگانه گوهر ایمان جواهر ایقان

شه سما ٕ بحار عوالم امکان

 

مقام و رتبه ده فرزند صاحب معراج

طریق عشقیده نهج حقیقته منهاج

 

دَرِ خزائن رحمت کلید کنز خفا

وجودی قطب زمان لنگر زمین و سما

 

سرور و قلب و جلا ٕ العیون پیغمبر

جلال و شأن و مناقبده وارث حیدر

 

سفینه ی غمی طوفان نوحه فلک نجات

دوا ٕ و حبّی حیاة القلوبه عین حیات

 

ریاض جنّتین ابوابینه آدی مفتاح

جمالی مجلس فوز و فلاح ایچون مصباح

 

مراد منتخب مقصد فروع اصول

عزیز فاطمه پرورده ی کنار رسول

 

ازلده فردیدی چون نور نقطهٔ توحید

یتوب او وقت گنه اختیار ائدوب تجرید

 

لباس کثرتدن روح تک مجرّد اولا

قالا او جسمی که محدت سراده سرمد اولا

 

حضوره ایستدی عباسی کای جوان دلیر

گل ای جمالی شب چارده سراج منیر

 

گل ریاض وفا سرو بوستان هنر

نهنگ بحر غضب پور ساقی کوثر

 

سفر تدارکی گور روضهٔ پیمبردن

علاوه کشف غم ایله دل مکدّردن

 

تهیه ی سفری ساز قیل نظامیله

رهِ رسوم و قوانین احترامیله

 

ملاحظه ائلیوب قیل کجاوه لر تعیین

بنات عصمت کبرایه هودج زرّین

 

مرتّب ایله اؤزون امر قیل غلاملره

حرم کجاوه لرین باغلاسونلا ناقه لره

 

کلام منطق و نهج بلاغتیله مقال

دُرِ ثمینِ جواهر کلامی عین زلال

 

نثار ایلدی چون دُرج دُر فشانیندن

خیالی جامع اولوب مجمع بیانیندن

 

بنا به حکم همایون واجب الاذعان

قیلوب متابعت امر سرور دوران

 

او دمده حاضر ائدوب ناقه های خوشرفتار

نظامیله دوزولوب باغلانوب قطار قطار

 

قطاره چکدیله هامون نورد ناقه لری

جهاز ناقیه حمل ائتدیلر کجاوه لری

 

قُباب نور او محمللر اوسته شاد زبان

اولوب ملائکه دورینده طَرَّقوا گویان

 

مهار ناقه الینده قاباقدا روح الامین

صاق و صولوندا قطارین گروه کرّوبین

 

دالینجا قافله ی حوریان باغ جنان

ادبله ال الی اوستونده صف چکوب غلمان

 

پیمبران اولوالعزم و اولیا ٕ الله

گَلوب مشایعته اوصیائیله، همراه

 

تمامه یتدی چو ترتیب کاروان جلال

او وقت سید بطحا شهنشه متعال

 

اراده ایلدی قیلسون وداع فاطمه نی

بیان ائده اونا بیر نحویله مقدّمه نی

 

دگلدی فاطمه آگاه بستر غمده

مریض و خسته خیالی بیر اوزگه عالمده

 

نه گوردی باشینون اوسته او بیکس و یاری

گلوب آتاسی اویاتدی او خسته بیماری

 

آچان زمان گوزونی باخدی بیر حبیب اوزونه

مریض،هجر تماشا ائدوب طبیب اوزونه

 

دوروب اوتوردی گوروب دردینین دواسی گلوب

قیزین عیادتینه مهربان آتاسی گلوب

 

ضعیف حالتیله که باشلیوب نوای حجاز

بیان حالینه آچدی زبان عجز و نیاز

 

دئدی بو حالیله سندن خجالتیم چوخدور

ایاقه دورماقا عفو ایله طاقتیم یوخدور

 

منیم عیادتیمه خوش گلوب صفا گَتدون

حیات تازه وئروب دردیمه دوا گتدون

 

بئله گَلولّه مگر ناخوشین عیادتینه

بئله مراقب اولالّار مریض حالتینه

 

شکایت ایلمرم لیک اولموشام دلگیر

بوگون منه آناسیزلیق چوخ ایلوری تأثیر

 

آناسیزام نظرونده او علّته خوارم

قبیله ایچره ذلیلم علاوه بیمارم

 

اگرچه بو مرضیمده کمال شدت وار

بو درده داروی وصلون شفادی صحت وار

 

یارالی دللری قلب امامی یاندیردی

کباب ائدوب اورگین حالینی دولاندیردی

 

تکلّم ایلماقا اشگ چشم اولور مانع

گره لننده نفس آه دل اولوب دافع

 

چو آهیله قاریشوق سینه دن اوجالدی سسی

اولوب مریضه سینین همزبان و هم نفسی

 

ای بستر فراقده بیمار فاطمه

درد و بلای هجره گرفتار فاطمه

 

وار بیر سؤزوم نهانی سنه اولماسان ملول

راز نهانی ایلرم اظهار فاطمه

 

ایام وصل گچدی یتیشدی زمان هجر

یتدی سنیله آخره دیدار فاطمه

 

وار بیر اوزاق سفر یولوم اوسته مسافرم

سمت عراقه گئتماقا ناچار فاطمه

 

صبر ایله چوخدا آغلاما یاندیرما قلبیمی

توکمه سرشک دیدهٔ خونبار فاطمه

 

حقون وار آغلاماقدا ولی صبری قیل شعار

هرچند هجره صبردی دشوار فاطمه

 

لابدسن گرک قالاسان سن مدینه ده

وار قالماقوندا بیر نچه اسرار فاطمه

 

اوّل بودور که باب سفر سنده گورمورم

باعثدی بو نقاهت آزار فاطمه

 

بیر سرّی ده بودور کی پیاده گئدنمه سن

شامه اسیر قوم ستمکار فاطمه

 

زینب گرک یانیمجا گئده اهل بیتیمه

اولسون خرابه لرده پرستار فاطمه

 

بیر آیریلوق خبری آلدی طاقتین الدن

گلوب نوایه چکوب آه آتشین دلدن

 

عرض ایلدی زمانه ده سرداریم ای بابا

غم بسترینده غم گونی غمخواریم ای بابا

 

یوخ منده تاب هجروه مشکل دوام ائده

درد فراقوا بو دل زاریم ای بابا

 

گئتسن آپار یانونجا آنام یوخدی ناخوشام

کیمدور قالان یانیمدا پرستاریم ای بابا

 

تأخیره سال و یا سفرون گون بگون منیم

یوز دوندروبدی شدّته آزاریم ای بابا

 

شاید بو عنقریب اجل درک ائده منی

تاپشور مزاره سن منی سالاریم ای بابا

 

اولدی علاوه دردینه بیر درد بی دوا

عرض ائتدی ای قیلان منی مین درده مبتلا

 

غم بسترینده خسته و بیمارم ای بابا

رنجورم و علیل و دل افکارم ای بابا

 

بیر درد بی دوایه منی گردش فلک

ائتموش دچار علاجینه ناچارم ای بابا

 

یوخدور امید من بو مرضدن خلاص اولام

بیر بیله محنته کی گرفتارم ای بابا

 

ئولمک گلوبدی شأنیمه الحق حیاتیدن

مأیوسم ایمدی مرگه سزاوارم ای بابا

 

گفتاره گلدی پادشه خطّه ی حجاز

گویا بو دللریله اونا ائتدی کشف راز

 

صبر ایله ای علیله و بیچاره فاطمه

صبر ایلماقدان اؤزگه ندور چاره فاطمه

 

چوخ غصه ایلمه مرضی غصه آرتیرور

چون غصه پرورش وئرور آزاره فاطمه

 

جدّه ن قالور یانوندا پرستار اولور سنه

جانسوزدور آنان کیمی همواره فاطمه

 

زینب یانیمجا گتمسه کیم غمگسار اولور

ویرانه لرده عابد بیماره فاطمه

 

قارداشلارین امان سفر اوسته عمولرین

عباس و عون و اکبر مه پاره فاطمه

 

فال نکو دگل بو قدر آه و زار ائدوب

توکمه سرشک صفحه ی رخساره فاطمه

 

چون اکبرینده گیماقینی بولدی آشکار

آرتوردی شورین عرض ائدوب ای باب تاجدار

 

فکر ایله بیر علاج منه سروریم بابا

اندوه و غصه دن اریوب پیکریم بابا

 

چارم ندور یانور اورگیم بیر قبیله دن

قالمور یانیمدا بیرجه نفر یاوریم بابا

 

تأثیر ائتمیوب آناسیزلیق بوگون کیمی

مدّتدی کیم وفات ائلیوب مادریم بابا

 

ایمدی ائدر منه آنامون ئولماقی اثر

بیربیر بوگونده تازه لنور غملریم بابا

 

باری بیریسی عمه لریمدن مدینه ده

یابیر نفر یانیمدا قالا خواهریم بابا

 

هئچ کیمسه تیره بخت منیم کیمی اولمادی

گوردی نه لر زمانه ده بو گوزلریم بابا

 

قارداش فراقی هجر پدر فرقت عمو

یتمز دئسم نهایته حسرت لریم بابا

 

تاب ایلیم اگر هامی درد و مصیبته

بیر درده تاب ائتماقا یوخ یاوریم بابا

 

گتسه مدینه دن منه لازم دگل حیات

ماه مدینه اکبر گل پیکریم بابا

 

بو طرز سؤزلریلن اول علیله ی بیمار

ائدردی درد دل بی قرارینی اظهار

 

گهی سکوتده غم بسترینده محنتدن

چکردی آه جگر سوز فرط حسرتدن

 

شرار آهی ووروب خرگه سپهره شرار

ائدنده ناله گلوب نالیه در و دیوار

 

ائدنده صفحه ی رخساره خون دل جاری

وئرردی شاه شهیدان بو نوع دلداری

 

سنی حمایت ظلّ خدایه تاپشوردوم

ائت محافظت کبریایه تاپشوردوم

 

وئروب زلال مقالیله قلبینه تسکین

ائدوب او زار و علیلی وداع باز و پسین

 

دئدی بابا گئدوسن عرضیمی ائشیت باری

سن ایمدی یادینه سال اکبرین من زاری

 

منی مباد فراموش ائده خیالیندن

مریض هجر اولا محروم اونون وصالیندن

 

اونا بو منزلیم اولماز اگر چه شایسته

نولور گلوب منی بیرجه گوره ایاق اوسته

 

قبول ائدوبدی اونون خواهشین امام انام

الین قویوب گؤزی اوسته یریندن ائتدی قیام

 

گورن زمان آتاسین فاطمه روانه ی راه

چخوب مشایعته اوتلی سینه سیندن آه

 

دالینجا هر سفرینون ائدلّه آب فشان

ائدردی فاطمه گوزدن سرشک ناب افشان

 

ائدوب یانان اورگین اوتلی سینه سینده سپند

آلیشدی شعله ی آهیله اولدی دود بلند

 

قدم کناره قویوب حجله دن ولی الله

آپاردی فاطمه نین صبر و طاقتین همراه

 

یتیشدی گوردی دوروبلار جوانلار آماده

علیّ اکبره دوشدی گوزی او اثناده

 

بویوردی فاطمه نین وار علی سلامی سنه

سلامدن صورا بیر مختصر پیامی سنه

 

فراش محنت و فرقتده بی قرارون دور

تیکوبدی گوز یولوا دورما انتظارون دور

 

زیاده مایلیدی شوق وصل دیداره

همان او شوقیله یوز قویدی منزل یاره

 

نه گوردی بستر غمده او ناتوانی یاتوب

اولوبدی گل یوزینون رنگی ارغوانی یاتوب

 

غم ایچره جسمی نهان جهان شبیهی جسم ایچره

نهان غم ایچره عیان جسم ایچینده جانی یاتوب

 

باخاندا غم گورونور آشکار جسمی ایتوب

ز بسکه واردی بدیهی غم نهانی یاتوب

 

هلال تک اریوب هاله ملال ایچره

ملال محض قالوب جسمیدن نشانی یاتوب

 

ضعیف اولوب بدنی مویه دن دونوب مویه

سالوب یوزینه سیه زلف سایبانی یاتوب

 

قوای جسم دوشوب قوّه دن مقوّا تک

قیام ائتماقا یوخ طاقت و توانی یاتوب

 

علیل و خسته وجودی قالوب وجودیندن

نشانه محض رگ و پوست و استخوانی یاتوب

 

نفس چکنده گلور ذکر کلمه ی یا دوست

به سان نی اوجالور ناله و فغانی یاتوب

 

چکنده آه بلند آهیدن اولور یاهو

چخوبدی نُه فلکه بانگ الامانی یاتوب

 

یوموب گوزینی گئدوب هوشه هر دولب خاموش

دوشوب تکلّم گفتاریدن زبانی یاتوب

 

سرشگ چشمی آخوب یوزده یاعلی یازیلوب

ز بس علی آدینی ورد ائدوب لسانی یاتوب

 

گوروب وصالده تأخیر بو خیالیله

مگر گوره یوخودا اکبر جوانی یاتوب

 

گورن زمان یوخودا اکبری باشی اوسته

گوزون آچوب باشی اوسته باخاندا آهسته

 

نه گوردی طالع ناساز سازگار اولموش

او خوابیدن اویانان بخت اونیلا یار اولموش

 

یریندن ایستدی هرچند ایلسون حرکت

میسّر اولمادی فی الفور ال وئروب رقّت

 

قویوب یوزینی علی اکبرین قدملرینه

دیردی درد دلین همزبان برادرینه

 

که ای سالان منی گوزدن گوزون فداسی علی

منی مریض ائلین دردیمین دواسی علی

 

نه جان لیاقتی وار ای گُل حدیقه ی ناز

ائدم قدم لرون آتدا بو جانی پای انداز

 

بو منزل غم و محنت فزایه خوشگلدون

بو غصه خانه مصیبت سرایه خوشگلدون

 

فدا قدملریوه سالموسان عجب یاده

عیادت ائتماقا بو مبتلایه خوشگلدون

 

اوجالدی عرشه سر فخر باشیم اوسته سنون

نهال سرو قدون سالدی سایه خوشگلدون

 

مریض فرقتوم درد عشقدور مرضیم

یتیشدی وصلیله دردیم دوایه خوشگلدون

 

خیال فرقتویله علیله ام قارداش

ائدوب فراقی مبدّل لقایه خوشگلدون

 

چوخ التفات ائلیوب گلموسن عیادتیمه

بو گلماقون سبب اولدی چوخ استراحتیمه

 

اگر گلوب بو قراریله گونده بیر ساعت

یانیمدا اگلشوب ائتسن تحمل زحمت

 

نچه گونه کیمی صحّت تاپار بو آزاریم

اولور خلاص مرضدن بو جسم بیماریم

 

گلوب او عاشق هجران کشیده گفتاره

شکایت شب هجران ائدردی دلداره

 

یارالی دللریله قلب یاره ، یاره ووروب

بو یاره کارگر آرتوق اولوب دل یاره

 

گوروب کی مطلب بو بیماره عکس اولوب معلوم

وقوع واقعه دن بی خبردی بیچاره

 

زمان هجر تمنّای ولی وار اما

قالور زمانه ده حسرت اولونجه دیداره

 

گوروب کمالی اونون غیردور علی اکبر

خیال ائدوب که گتورسون بو سرّی اظهاره

 

گنه ملاحظه ائتدی کی آیریلوق خبرین

نه نوع شرح ائلسون اول علیلهٔ زاره

 

دلی دوتولدی دیلنده دینمدی دلدن

اودم اجازه وئروب اشک چشم خونباره

 

کی شرح قصّه هجرانی چشم خونباری

سرشگیله رقم ائتدی بیاض رخساره

 

خط فراق خطیندن اوخوندی آیهٔ هجر

یازیلدی لوح خیال علیل بیماره

 

دئدی بو آغلاماقون باعثی ندور قارداش

گوزون فداسی اولوم ایله سرّینی منه فاش

 

سن آغلاما سنی هرگز گورنمرم گریان

ائدر بو آغلاماقون گوگلومی لبالب قان

 

زبان حالیله وئردی جواب فاطمیه

ائدوب بو نوعیله گویا خطاب فاطمیه

 

ای شمع بزم محنته پروانه فاطمه

ای غصه دن دونن جگری قانه فاطمه

 

آلما خبر بو آغلاماقیم بی سبب دگل

چون گوزیاشی دلیلیدی هجرانه فاطمه

 

گل بوته سینده نالهٔ بلبل وئرور خبر

چون آفت خزانی گلستانه فاطمه

 

هر وصل ایچون فراق دور عالمده عالمی

محنت سرا یازوبدیلا غم خانه فاطمه

 

ایستر فلک جدا ائلسون یاری یاریدن

لعنت گله بو عادت دورانه فاطمه

 

بیر اؤزگه صورت آینهٔ دهر گوسترور

یتدی وصال گونلری پایانه فاطمه

 

آلدی بو آیریلیق خبری اختیارینی

بی اختیار او دم گلوب افغانه فاطمه

 

عرض ائتدی وئر نشان منه بیر چاره یاعلی

تسکین وئریم اونیلا دل زاره یاعلی

 

احوالینی سوروشماقیلان قوم و اقربا

دلدارلوق گرک وئره بیماره یاعلی

 

اما بو حالت مرضیمده عجب خبر

وئردون من علیل دل افکاره یاعلی

 

بیر شرطیله که ترک سفر قیل سفر آدی

هرگز گتورمه سن دیله گفتاره یاعلی

 

هرگون بو گون کیمی یوزوه باخمیام سحر

یا شام اولور گونوم گئجه تک قاره یاعلی

 

تأثیر ائدر داش اولسا اورک سختیدور گلر

چون سنگ خاره بو دل صدپاره یاعلی

 

بو آرزوئیله فکر عالمینده من هردم

ائدوم اؤزوم اؤزومی شاد گوگلومی خرّم

 

اگر اجل منی درک ائتسه عترت اطهار

عزا دوتوب منه قویمازلا تعزیم اولا خوار

 

جنازه می گوتوروللر جلال و عزّتیله

دوتالّا یاسیمی قوم و قبیله حرمتیله

 

دم مماتیده جان وئرمگیم اولور آسان

ائدر آتام باشیم اوسته تلاوت قرآن

 

گلونجه یثربه سن قورخورام اجل مهلت

او قدر وئرمیه وصلون اولا منه قسمت

 

قبول ائدوب سوزومی سایه باشیمه سالاسان

بابام گئدر نچه گونده مدینه ده قالاسان

 

اگر وفات ائلسم قوی اؤزون مزاره منی

یتور بو فخریله عالمده اعتباره منی

 

ئولن زمان اولاسان باشیم اوسته حاضر اگر

گوزومده قالماز ئولم حسرتیم علی اکبر

 

وئروب جواب آغلاما ای مهربان باجی

ای آتش فراقه یانان ناتوان باجی

 

معذور دوت منی بو سفردن قالانمارام

صبر ایله بی ثمردی بو آه و فغان باجی

 

امّا سنیله شرط ائدرم ایمدی قوی گئدوم

هر وقت کوفیه یئتیشه کاروان باجی

 

اوندا گلوم سنی آپاروم بیرده شرطی وار

وئرسه مجال خولی و شمر و سنان باجی

 

هرگز خیال ایلمه ترک وفا ائدم

گر بی وفالیق ائتمیه لر کوفیان باجی

 

یتسم عراقه نامه یازوب یوللارام سنه

اول نامه دن اولار سنه حالیم عیان باجی

 

منده بولورسن اولمادی تقصیر گلماقا

کفّار کوفه وئرمدیلر چون امان باجی

 

زلف سیاهه قصّه ی هجرانی مو به مو

شرح ایلرم شهادته شرح و بیان باجی

 

پیک صبا بو طرّه ی عنبر فشانیدن

نکهت آلوب سنه گتورر ارمغان باجی

 

قالماز به غیر نام نشانیم زمانه ده

ساخلا او قانلی کاکلی مندن نشان باجی

 

هر صبح و شام وئرّم اجازه(حقیریمه)

ائتسون بو اسم اکبری ورد زبان باجی

 

مرحوم حقیر خویی

منبع مجموعه کانالهای مدح و مرثیه

موضوع: احوالات خروج از مدینه ,
زبان شعر و شاعر: نوحه ترکی , حقیر خویی

-------------------------------

در ولادت امیرالمومنین حضرت علی ابن ابی طالب (علیه السلام)

 

دوشینه ازفلق چو شفق گشت آشکار

زدآفتاب خیمه بدامان کوهسار

 

ذرات شمس شعشعه مهرخاوری

پرتو فکند صبح بظلمت طلایه دار

 

درپرده سحاب نهان گشت قرص ماه

بی پرده قرص مهربرافروخت چون عذار

 

درگوشه سپهرثوابت گرفت جای

سیاره گان زبیم گریزان بهرکنار

 

هرسوگرفته راه هزیمت ستارگان

بنمود مهر چهرچو زین قصر زرنگار

 

خیل نجوم یکسره ازورطه هلاک

دست حیات خویش کشیدند برحصار

 

زدشهریارمهرکوس سکندری

مغلوب بی مقابله شدجیش زنگبار

 

روی زمین ز تیرگی کفرپاک شد

بگرفت حق به مرکزاصلی خود قرار

 

دیگر جهان پیرجوانی زسرگرفت

گازاردین شگفت چمن گشت لاله زار

 

نوروز شد که گشت نو آیین احمدی

فصل خزان گذشت و رسید اول بهار

 

باد نسیم گشت وزان ابربهمنی

دست سخا گشود بدامان مرغزار

 

فراش ابرو باد زفرش زمردین

گسترد درجمن چمن آراست چون نگار

 

ساغربکف شقایق سرمست ضیمران

نرکس بخواب ناز زسرگرمی خمار

 

گل درپیاله باده گلرنگ ریخته

ازباده چون پیاله لب غنچه آبدار

 

سوسن زبان به (نادی علیا سینجلی)

چون نسترن گشوده بهرسوی جویبار

 

هریک زبان بمدح و ثنای علی گشود

بلبل بپای گلبن و قمری به شاخسار

 

آن سروریکه باع ایجاد عالم است

کز هستیش زمین و زمان گشته برقرار

 

آن قائل سلونی مصداق لو کشف

نفس رسول قاسم جنت قسیم نار

 

مدح علی و آل علی درکلام حق

بیرون زحد و حصرفزونست ازشمار

 

نازل به شان او شده یسن و هل اتی

مضمون انما چو دلیلی است آشکار

 

تبلیغ حکم آیه یا ایها الرسول

درشان مرتضاست نه درشان یارغار

 

سرچشمه علوم ازل جامع اصول

برکارخانه ازلی صاحب اختیار

 

بینای هرحقایق و دانای من عرف

دریای جودو بحرشرف معدن وقار

 

یعنی علی وصی پیمبر ولی کل

قائم مقام احمد و سالار هشت و چار

 

ازدست تیغ او علم شرع سربلند

وز زور بازویش شده اسلام پایدار

 

شد کفرپایمال و لگدکوب دین قوی

ازبیم ذوالفقار جهانسوزو شعله بار

 

سیماب وارلرزه فتدبرتن عدو

درروزرزم دست برد چون به ذوالفقار

 

ازکثرت هراس دل دشمنان دونیم

وزخوف بی قیاس تن مشرکین فگار

 

روزیکه ذوالفقار کشد شیرذوالجلال

آرد زچان خصم به تیغ دو سردمار

 

برچرخ چارمین رسد الغوث اززمین

برنه فلک بلند شود بانگ الحذار

 

حیران شود ملائکه افتد دراضطراب

زان ضرب و شست و زآن قدراقتدار

 

گوید دمادم ازپی تعظیم دمبدم

درمدح آن خدیو هنرمند تاجدار

 

تیغی چو ذوالفقار جوانمرد چون علی

نشنیده و ندیده دگرچشم روزگار

 

کنجد چگونه منقبد شاه لافتا

دردفترو رساله بدین وجه اختصار

 

ازفوق عرش کلمه روحی له الفداء

گفته است جبرئیل هزاران هزار بار

 

از چاکری درگه سلطان اولیاء

بریکدگرملائکه دارند افتخار

 

مدح علی کجا و ((حقیرا))تو ازکجا

ازادعای خویش بلی دارم اعتذار

 

مداحیش نه حد سزایم بود ولی

خواهم شمارگردم ازاین سلک و این قطار

 

شاید بدین سخن فکند سایه بر سرم

لاخوف از لبش شنوم حین احتضار

 

مرحوم حقیر خویی

منبع مجموعه کانالهای مدح و مرثیه

موضوع: حضرت علی (ع) میلاد ,
زبان شعر و شاعر: نوحه فارسی , حقیر خویی

-------------------------------

زبانحال در احوالات حضرت علی اکبر (ع)

 

بیر قانلی گوزلریندن اوپوب گوزده اشگناب

جاری اولوب یوزینه ، ایدوب گوئیا خطاب

 

ای مرحبا بو شوقیله جان ایتماقا نثار

به به عجب ظهوره گتوردون محبّتون

 

مین جان بهای بیر سرِ مویون دگل سنون

وار مین بو قدر بلکه فزون قدر و قیمتون

 

اوز قدرِ قُربِ منزلتون بولموسن ندور

درگاهِ حقده رتبهء شأن و جلالتون

 

سن حق ذبیحی ، کوی محبّت قتیلی سن

الحق سنون ذبیحِ خلیله نه نسبتون

 

قسمت ذبیحه اولمادی اولسون قتیلِ حق

امّا سنون شهادتِ قتل اولدی قسمتون

 

اکبر هارا ذبیح هارا؟ وار بو منصبِ

قربانلیقا قرارِ ازلدن لیاقتون

 

شوقه گلوبدی شِبهِ رسولِ خدا او دم

عرض ایتدی بو دِلیله که ای شاهِ محتشم

 

گوردوم ئولن زماندا جمالون هزار شکر

یتدیم مُراده قالمادی قلبیمده حسرتیم

 

بیر آز قالوب که روح بدندن وداع ایده

شهپر آچوبدی طایرِ اقبالِ همّتیم

 

حَبل المَتینِ رشتهء ایمان الیمده دور

حقّ الیقینِ دینِ مُبیندور شریعتیم

 

تاپدیم سبیلِ عشقی ، دلیل اولدی مُرشدیم

ارشاد ایدوب نهایته یتدی ارادتیم

 

اولدوم مُریدِ عشق ، بو دنیادن ال چکوب

فقر و فنا مقامینه یتدی قناعتیم

 

درک ایلدیم چو ذوقِ بقانی فناده من

تکمیل اولوب جهادیله نفسه ریاضَتیم

 

سنسن سلوکِ سِیرده هم پیشوا منه

هم ، مسلکِ حقیقته پیرِ طریقتیم

 

اولدوم شهیدِ عشق شهادتده شاهد اول

مشهود شاهد اولدی شهود و شهادتیم

 

توحیدیله نبوّته اِقرار ایلرم

محکمدی حقّ معرفتیله ولایتیم

 

تأثیر ایدوب امامه ، جوابینده شاهِ دین

گویا بویوردی سوزیله یا نورِ هر دو عین

 

ثابت قدم شهادته شاهددی ذوالجلال

اقدام ایدوب شهوده یتیشدی شهادتون

 

مرضاتِ حقده جهد و جهاد ایلدون بلیغ

ایمان - حقیقتوندی ، شریعت - طریقتون

 

قیلدون حمایتِ حرمِ مصطفاده سعی

حدّ جهادِ اکبره یتدی حمایتون

 

یا حَبّذا بو عشقه هزار آفرین اولا

گَتدون ظهوره عشقِ خلوص و موّدّتون

 

هر قطره قان دوشوب یازیلوب یرده یا حسین

جوشه گلوب بو قان کیمی دلده محبّتون

 

لعنت بو روزگاره علی بَعدَکَ العَفا

ترک ایلمز بو چرخِ ستم پیشه عادتون

 

قویدون منی بو چولده غریب و وحید اوزون

گیتدون یتیشدی آخره دنیا مشقّتون

 

منده دالونجا گلملیَم اگر چه ایسترم

بیر بیر گَله بیانه اگر وار وصیّتون

 

آچدی گوزون جمالینه بیر ایلدی نگاه

حسرتله اودلی قلبینه ووردی شرارِ آه

 

عرض ایلدی بابا گیدورم ، قوی ایاقوا

سورتوم یوزومی ، حاصل اولا استراحتیم

 

چوخ شایقم قدملرون آلتیندا جان ویرم

مَقرون اولا اجابته گر استجابتیم

 

آگاهسن اگر چه خُطورِ صُدوردن

واردور خجالتیله سنه اوچ وصیّتیم

 

فرمایش ایله سیّدِ سجّاده عرضیمی

هر چند بو مراتبه یوخدور لیاقتیم

 

تاپشور ایاقون آتدا منی دفن ایلسون

اولسون او خاکپای جلالتده تُربتیم

 

چون شیعه لر زیارتوه هر بِلاددن

یوز دوندروب گلولّه ، بودور اصلِ نیّتیم

 

زوّارون اوّل آبله اولموش قدم لرین

قویسونلا سینم اوستونه ، وار جانه منّتیم

 

بیرده آنام بو چولده بولورسن غریبدور

اون سگّز ایل قبول ایلیوب وار نه زحمتیم

 

منع ایتمه آغلاماقدان اونی ، دلشکسته دور

وار حقّی چوخ چتیندی اونا دردِ فرقتیم

 

مندن باجیم سکینیه بیرده یتور سلام

چون اولمادی حضوریوه گلماقه فرصتیم

 

عفو ایلسون نه قدر اولا ممکن آغلاسون

ئولدوم جوانلوقومدا بیله گیتدی قسمتیم

 

باخما یوزیمه ، گلدی اجل ، راضی اولمارام

قلبِ شریفوه یته گَردِ مصیبتیم

 

سن باشیم اوسته بیله ئولومدن نه واهِمَم

بلکه زیاده وار ئولومه میل و رغبتیم

 

الفت کسلیدی حیف سنیله منیم داخی

جدّیم رسول محضرینه قالدی صحبتیم

 

واردور امید محشر آرا ، هولِ حشرده

درک ایلسون (حقیریمی) فیضِ شفاعتیم.

 

مرحوم حقیر خویی

موضوع: حضرت علی اکبر (ع) زبانحال ,
زبان شعر و شاعر: نوحه ترکی , حقیر خویی

-------------------------------

احوالات اربعین

 

هر گوشه دن نوای حنین و انین گلور

دلدن شکسته نی کیمی ناله حزین گلور

 

برق شرار اه اولوب بسکه سینه سوز

کانون سینه دن نفس اتشین گلور

 

طوفان گریه موجه گلوب بحر دیده دن

دریا کیمی کنارینه در ثمین گلور

 

یر گوگ اولوب حسینه مگر مجلس عزا

فریاده ساکنان سپهر برین گلور

 

ایتموش احاطه شش جهتی بانک الصلا

گویا صلای ماتم سلطان دین گلور

 

ماتم نشین پیمبر و صاحب عزا خدا

هم انبیا عزاسینه هم مرسلین گلور

 

گوکدن یره نزول ایلیوب بزم ماتمه

فرش ایتماقا ملائکه بال و پرین گلور

 

خورشید اسمان حیا بنت مصطفی

صف صف صاق و صولا دوزولوب حور عین گلور

 

عشرین ماه عاشرشهرمحرمی

تکمیل ایدورصفرخبر اربعین گلور

 

شاه شهید روضه سینه روضه خوانلوقا

بیرکاروان اسیرخرابه نشین گلور

 

کلثوم نوحه خوان دالیجا سینه زن زنان

اطفال دسته دسته یسارو یمین گلور

 

زینب الینده قارداشا قارداش نشانه سی

حاضر دوتوب او قانه باتان کوینگین گلور

 

شش گوشه قبرینی چکوب اغوشه جان کیمی

اغلار انا یرینده اولوب جانشین گلور

 

هر تیر غم که شست فلکدن اولوررها

اول نشانیه دل زینب قرین گلور

 

صیاد تک کمان کش گردون جانمین

قصدینده دور ایدوب منی دائم کمین گلور

 

هانسی مصیبتیندن ایدوم ذکریابن ام

بیبیر خیالیمه ستم اهل کین گلور

 

گویا ایدوله هلهله میداندا غارته

فرمان ویروبله خیملره مشرکین گلور

 

زلفیم آغاردی اونداکه گوردی بو گوزلریم

خنجر الینده قتلیوه شمرلعین گلور

 

قدیم کمانه دوندی او گوندن دوزلمدی

گوردوم جداده تا که سر انورین گلور

 

گاهی معاینه نظره گه خیالیمه

عریان قالان او گل بدن نازنین گلور

 

بیمارامام خاک شفادن شفا آلا

حاذق طبیبه تا دیه درد دلین گلور

 

مرحوم حقیر خوئی

منبع کانال گنجینه گذشتگان

موضوع: احوالات اربعین ,
زبان شعر و شاعر: نوحه ترکی , حقیر خویی

-------------------------------

زبانحال حضرت زینب کبری (سلام الله)

به راس منور حضرت امام حسین (علیه السلام)

 

ووشوب عالمده برادر نجه سودایه باشون

که گیدر شامه گهی عرش معلایه باشون

 

مرض عشقیدی بو چاره بو درده نیدرم

هریانا گیتسه باشینمنده دالینجا گیدرم

منده بو وادی عشقی سنیله سیر ایدرم

گر گیده شامه ویا یوز قویا صحرایه باشون

 

سنسن ای سر نهان عشقیده اول سر نهان

بیله بیر سره ننوعیله تاپار عقل مکان

چون اولوب سر انااللهعیان نخل سنان

ایمدی مین طعنه ایدر طور تجلایه باشون

 

وار یری گر گوتوره دشتی اناالله سسی

دولدوروب عالمی بیله که باشون شعشعه سی

گر بو نوری گوره موسی نجه ایستر قبسی

بیر نظرله یتورر مین ید بیضایه باشون

 

عاشقم من سنه وصلوندی منه روح و روان

وصلین اولسا یتوشرهم بو تن مردمه جان

قوی باسوم سینمه تا انکه ویره ایمدی نشان

مرده احیا ابلماق رسمینی عیسایه باشون

 

بیر طرفده یارالی قویدون علی اکبری سن

هم ایردون اناسیندان سود امر اصغری سن

عترتونله گتوروب زینب غم پروری سن

کوه و دشت ایچره چیخوب بیله مصلایه باشون

 

ای برادر بلوسن درد و بلا خسته سیم

خانمانیم داغیلوب وصلیوین وابسته سیم

یوخدی چارم بیله زنجیر بلا بسته سیم

یوخسا سینمده دوتوب ویرمرم اعدایه باشون

 

بیر دولاندور منه باخ دیده خونباریوی سن

هم فراموش ایلمه زینب بی یاریوی سن

بلکه ایستردون او سردار و علمداریوی سن

اولدی چون نیزه ده عباسیله همسایه باشون

 

درد عشقه دوشنون شاهیدیدوردرد و ملال

یوخدی بو درده یقین چاره بجز  روز وصال

ناقه استنده گلوم من ولی سن نیزه ده قال

تازه دن بلکه سالا باشیمه بیر سایه باجون

 

مرحوم حقیر خوئی

منبع کانال گنجینه گذشتگان

موضوع: احوالات راه شام ,
زبان شعر و شاعر: نوحه ترکی , حقیر خویی

-------------------------------

احوالات تنور خولی

 

قورولدی مطبخ خولیده محفل ماتم

بتول ساره و حوا خدیجه و مریم

 

دیردی هر بیریسی وای نور عینیم وای

علی اکبری ناکام الن حسینیم وای

 

باش اچدیلار هامی باشدان گوتوردولر معجر

اوغول دیوب دوشوب از قالدی ضعف ایده مادر

 

باشین الوب دیزینه دورت معظمه بانو

قیامت عالمی برپا قیام شورو نشور

 

گوروب بتول خواتینیدن اوجالدی صدا

حسینینی بومقالاتیله ایدوبدی ندا

 

اولار بالا انا قوینوندا گرچه راحت اوغول

یازیلمیوب سنه اما بیر استراحت اوغول

 

گوز آچ قوناقلاریوا بیرجه خوش صفا ایله

قوناقه لازمه دور احترام و حرمت اوغول

 

بهشت خانملاری گوگدن یره نزول ایلیوب

بو قصدیله که سنی ایلسون زیارت اوغول

 

قوری دلیله اوزیندن قوناقلاری ممنون

نوازش ایت یولا سال جانه وار بو منت اوغول

 

بو صاق یانیمداکی جده ندی حالینی خبر ال

اماندی ایتمه انامدان منی خجالت اوغول

 

جواب ویرماقایوخ سنده حال حقین وار

یورولموسان ویریلوب چوخ سنه اذیت اوغول

 

اگرچه زحمتیوه راضی اولمارام بیرده

قبول ایله منیم خاطریمه زحمت اوغول

 

باشی بلالی بیر از گوگلوم ایستوری دانشاق

گیجه گیچر گیده فوته مباد فرصت اوغول

 

فداک یاولدی یاغریب و یامظلوم

منه بو امت الیندن ایله شکایت اوغول

 

باشینداکی یارالاردان خبر ویرور اورگیم

گرک بدنده نقدری اولا جراحت اوغول

 

نه گونده دور بدنون احتاجی گورماقا وار

اودور باسین بدنین حالتین حکایت اوغول

 

اوغول کول استی هارا سن هارا تنور هارا

گتورمموش باشیوا قالدی بری مصیبت اوغول؟

 

مگر بو قالدی جدایه ووروب دولاندورالا

کسیک باشین ایده تا شهرلرده شهرت اوغول

 

نقدری دیندورورم دینمه سن بو دغعه ده گر

جواب ویرمیه سن ایلرم قیامت اوغول

 

دوشنده فاطمه دلدن گلوب مقاله امام

ایدوب سئوالینه رد جواب ویردی سلام

 

حسینیوین طرفیندن باشین سلامت انا

الیندن الدیلا اوغلون ستمله امت انا

 

اوزوم الوم خبریمی گتورموشم ایده سن

جفای امتینی جدیمه شکایت انا

 

باشیمدا وار اونایکی معتبر شهود عدول

ویرور شهادتیمه هر بیری شهادت انا

 

علاوه تمیش ایکی تن شهید ایچون تعدیل

همین بو اکبر و اصغر ایدر دلالت انا

 

قانیمدی خون خدا خونبهای خون شهید

شهید شاهدی جدیم ایدن زیارت انا

 

مصیبتیمده جزای جزیل و صبر جمیل

سنه خدای جلیل ایلسون کرامت انا

 

چوخ اختاروردی گوزوم یاخشی وقتیده گلدون

چکردیم ایمده تک انتظارفرصت انا

 

بو حالیله منی قویمازلا راضیم قویالار

تنور ایچنده اولام بیر دقیقه راحت انا

 

صباح اولاندا قورالار بیر ایری هنگامه

که وار بلالی باشیمدا بویوک مصیبت انا

 

وورالا سنگ جفا کوفهده کسیک باشیما

ایدنده نیزه ده کهف ایه سین تلاوت انا

 

(حقیر) نوکریمون نسبتی منه دور

ولی سنوندی شفاعتده  حق سبقت انا

 

مرحوم حقیر خوئی

منبع کانال گنجینه گذشتگان

موضوع: احوالات تنور خولی ,
زبان شعر و شاعر: نوحه ترکی , حقیر خویی

-------------------------------

زبانحال حضرت رباب (سلام الله)

 

اغلاما بیر بیله ای غنچه صفت اصغر اوغول

درده سالما منی ای صبر دل مادر اوغول

 

گورورم سوز عطش طاقتیوی الدن الوب

منی مین حالین اوغول مین غم و مین درده سالوب

من اوزیمده سوسوزام گور نجه رنگیم سارالوب

اهل بیتین هاموسی سو یولونی گوزلر اوغول

 

قلبیمی درده سالوب ایتمه بو نوعیله فغان

انان السون علی بو حالیوه یوخ تاب و توان

نه عمون وار اونا بو حالیوی من ایلوم عیان

نه علی اکبر و نه قاسم گل پیکر اوغول

 

سارالان رنگیوه قربان سنه ایتدوقجا نگاه

غملنور قلبیم اورکدن چکرم سوزیله اه

نیلیوم چاره سیزم وار نه معین ونه پناه

سد ایدوب راه فراتی بیزه دشمنلر اوغول

 

سنه ایتدوقجا نظر قلبیم علی درده گلی

گورونور رنگ رخینده الوم اثاری بلی

انا ننوع دوزر بیر بو قدر ظلمه علی

قوریوب برگ خزان تک بیله بو لبلر اوغول

 

ای گوزوم نوری بیله گوزیاشی توکمه یوزیوه

تپ تسلی دیزیمین طاقتی بیر اوز اوزیوه

سالما درده منی قربان اولوم اغلار گوزیوه

نجه تاب ایلسون ایا بو دل مضطر اوغول

 

انان السون منی چوخ ایلمه شرمنده خیال

ناله ایتدوقجا سن ارتار منه اندوه و ملال

نیلیوم چوللره دریا تک اخار اب زلال

قالوب عطشان ولی بو عترت پبغمبر اوغول

 

مرحوم حقیر خویی

منبع کانال گنجینه گذشتگان

موضوع: حضرت رباب (س) ,
زبان شعر و شاعر: نوحه ترکی , حقیر خویی

-------------------------------

احوالات عبدالله بن الحسن (علیه السلام)

 

چون خیمگاهه گلدی سسین خیمگاهیدن

دوشدی تمام اهل حرم اختیاریدن

 

هل من معین صداسی منی ایلدی هلاک

گیتدی قرار و صبر دل بیقراریدن

 

گلدیم بو حالیله سنه بلکه معین اولام

جان قورتاراق بو معرکه گیر و داریدن

 

سیندردولار قنادیمی بیرده او چانمارام

قان اغلار ایمدی عمه لریم انتظاریدن

 

ایمدی سکینه گوزلوری یول قارداشیم گلر

ایلر هلاک اوزینی آنام آه و زاریدن

 

بلدیم قولی دوشنده عمومین نلر چکوب

زخمین اذیتی بلو نر زخمدارین

 

گلمور یوزوم آناما دیم گل آپار منی

کام دلیمجه کام آلام اول دلفکاریدن

 

صیاد بیمروته باخ قصد جان ایدور

ال چکموری گینه یارالانموش شکاریدن

 

گلدی اجل بابا یوزیمی تپراق استه فوی

بیگانه لر ایدله تماشا کناریدن

 

حسرت گوزیله باخما که اغیارلر باخور

حیران باخاندا شاه دوشر اعتباریدن

 

مرحوم حقیر خوئی

منبع کانال گنجینه گذشتگان

موضوع: احوالات عبدالله ابن الحسن (ع) ,
زبان شعر و شاعر: نوحه ترکی , حقیر خویی

-------------------------------

حضرت امام حسین (علیه السلام)

 

ویرن غربتده یالقوز جان حسین وای

کمکسیز جانیوه قربان حسین وای

 

الیندن گیتدی اصحاب کبارین

شهید اولدی هامی خویش و تبارین

علمدار رشید و نامدارین

اولوب اوز قانینه غلطان حسین وای

 

دوشوب بیر یاندا پاره نعش اکبر

قالوب میداندا بی سر عون و جعفر

اولوب سو ایستینده حلق اصغر

نشان ناوک پیکان حسین وای

 

گهی حسرت گوزیله خیمگاهه

باخاردی اهلبیت بی پناهه

ایدردی گه نظاره قتلگاهه

توکلموش چاک چاک ابدان حسین وای

 

دولوب اندوهیله قلب حزینین

ایدن وقته ندا هل من معینین

اثر ایتموبدی بلکه اهل کینین

عنادی ایلیوب طغیان حسین وای

 

تماما اوخلاری بیردن کمانه

قویوبلار ایتدیلرتیره نشانه

اوجالدی خیملردن آسمانه

خروش و شیون و افغان حسین وای

 

نشان ویردون او قومه سن اوزیوی

ایشیدن اولمادی بیر کس سوزیوی

فراته قویدولار حسرت گوزیو

قتیل فرقه عدوان حسین وای

 

امردین تشنه لیقدان دل دوداقین

یوخیدی رحمی چون قوم شقاقین

نه مذهبده نه دینده وار قوناقین

کسلر باشینی عطشان حسین وای

 

مرحوم حقیر خوئی

منبع کانال گنجینه گذشتگان

موضوع: حضرت امام حسین (ع) ,
زبان شعر و شاعر: نوحه ترکی , حقیر خویی

-------------------------------

احوالات حضرت ابوالفضل (علیه السلام)

 

نهر فرات استه قولسوز دوشن علمدار

وا حسرتا بدنده نه باش قالوب نه قولار

 

ای کاش اوگون دونیدی آب فرات قانه

اولدی خدنگه سینن مشکین کیمی نشانه

سو استه سو یرینه قانین اولوب روانه

بیر یاندا پاره مشکین بیر یان علم نگونسار

 

آتدان دوشنده قولسوز میدان کربلایه

سسلندین ای اوغولسوز قارداش یتوش هرایه

اطقیله گل بو دمده سال باشیم استه سایه

یردن گوتور باشیمی قویما بو قدر اولا خوار

 

ادرک اخا صداسی یتدی امامه ناگاه

سرعتله حربگاهه آت سالدی حجه الله

بیر ایله حالتیله سرداری چون تاپوب شاه

گوردی دوشوب یر استه اول سرو قد سردار

 

گلمور نفس وار از بس بیحد یارا بدنده

قان جوش ایدر یارادان اما نفس چکنده

یوخدور الی چالا ال زخمینه گون دگنده

ایلر بدن تلاطم از بس یارا سیزیلدار

 

اگلشدی باشی استه آلدی باشین دیزینه

آغوشه چکدی جان تک قویدی یوزین یوزینه

تا اوز مقام و شانین ویرسون نشان اوزینه

ایتدی خطاب اودمده عباسه کای وفادار

 

گیچدون یولومدا جاندان سن ای رشید قارداش

کوی محبتیمده اولدون شهید قارداش

جدیم آتام یانیندا اول زوسفید قارداش

گلدی ظهوره سندن اعلی مقام ایثارآلدی

 

 سنی الیمدن بو فرقه ستمگر

بیله سنی گورنده سیندی بیلیم برادر

من بیکس و غریبی یالقوزلیوبدی لشکر

دشمن فزون کمک یوخ نه یار و نه هوادار

 

او جان فضا صدادن عباس ایتدی احساس

حاضردی باشی استه مولاسی سرور ناس

بیر ایستدی یریندن دورسون ایاقه عباس

دورماقدان اولدی عاجز ایتدی خیالین اظهار

 

ایتدون منی سرافراز ای سربلند دوران

ویرسم ایاقین آتدا هر بیر نفسده مین جان

اولسن قدملریوه عباس جانی قربان

منتدی جانه اولسام قربانلیقا سزاوار

 

چوخدور یارام بدنده یوخ دیزلریمده طاقت

قویمور دورام ایاقه فزونی جراحت

مشتاقیدیم جمالین بیرده ایدم زیارت

اما اولوب لبالب قانیله چشم خونبار

 

یوخور الیم گوزیمدن رد ایلیم بو قانی

پاک ایله اوز الونله تا جان ویرن زمانی

قانلی گوزوم یوزونده تسلیم ایدم بو جانی

تا قالماسین اورکده بو آرزوی دیدار

 

ایمدی قویوبلا زوار اول آستانه سینه

ایلر طواف زوار اوردا وورالا سینه

یارب(حقیریله)هم بو دسته حسینه

تو فیقیوی رفیق ایت اولسون او قبره زوار

 

مرحوم حقیر خوئی

منبع کانال گنجینه گذشتگان

موضوع: حضرت ابوالفضل العباس (ع) احوالات ,
زبان شعر و شاعر: نوحه ترکی , حقیر خویی

-------------------------------

زبانحال حصرت امام حسین (علیه السلام)

در بالین حضرت ابوالفضل العباس (علیه السلام)

 

ای قراریمی الدن آلان یاتما دور علمداریم اویان

مشکه سو کیمی قانی دولان یاتما دور علمداریم اویان

 

گلدی قارداشین گوزلرین آچ قویما منتظر گوزلریمی

دلدن دوشموشم بیر دله گل دلدن آل منیم سوزلریمی

حالین آلوب طاقتیمی تابیدن سالوب دیزلریمی

فرقتینده احوالین عیان یاتما دور علمداریم اویان

 

آتش غمین شعله چکوب دولدی سینمه یاندی دلیم

قولارین قلم اولدی سنون بل یقین منیم سیندی بلیم

من اوغولسوزام چاره سیزم نیلوم اوزولوب الدن الیم

کیمسه یوخ بو احواله یانان یاتما دور علمداریم اویان

 

ای وفالی قارداش بلوسن بیر منیم پناهیم سنیدون

شان و شوکت امامتیم احتشام و جاهیم سنیدون

کربلاده سرداریمیدون یار و داد خواهیم سنیدون

قلبیمه توان جسمیمه جان  یاتمادور علمداریم اویان

 

کربلاده قارداش بو گیجه راحت اولدولار فرقه شام

اهلبیت طاهایه داخی یاتماق اولدی بالمره حرام

قورخودان او گوزلر که اخا یاتماموشدولار یاتدی تمام

کامه یتدیلر شمر و سنان یاتما دور علمداریم اویان

 

هانسی بیحیا کسدی یولون سالدی قولارین ایتدی قلم

بیر طرف سو مشکیندی دوشوب بیر طرفده قدین تک علم

دوغرودور که قارداش الومی قارداشین ایدر قدینی خم

ایمدی قامتیم اولدی کمان یاتما دور علمداریم اویان

 

سرو قامتین اوخلادیلار یر یوزینده یاخشی پر آجوب

زخم نیزه و خنجریله پیکرین عجب گللر آچوب

امموش سنه خیملرده عترت علی باشین آچوب

ایتدی فرقتین باغریمی قان یاتما دور علمداریم اویان

 

مرحوم حقیر خوئی

منبع کانال گنجینه گذشتگان

موضوع: حضرت ابوالفضل العباس (ع) زبانحال ,
زبان شعر و شاعر: نوحه ترکی , حقیر خویی

-------------------------------

اتمام حجت حضرت امام حسین (علیه السلام)

به لشکر کوفه در موقع آوردن

حضرت علی اصغر (علیه السلام) به میدان

 

ای جماعت شهریار کشور امکان منم

والی ملک ولایت حجت یزدان منم

 

کایناته مقتدایم ماسوایه راهنما

هادی راه هدایم شمع بزم کبریا

زینت عرش خدایم لنگر ارض و سما

نقطه توحید قطب مرکز ایمان منم

 

طاعتیم مخلوقه واجبدور ولی داورم

دینمین تبلیغ احکامینده چون پیغمبرم

امر ونهی شرع ترویجینده گویا حیدرم

بو شهادت مسندینده صاحب دیوان منم

 

حجت اللهم یر اوزره حجت الله اوغلیام

جد پاکیم مصطفادور صفوه الله اوغلیام

وارث شیر خدا یعنی یدالله اوغلیام

شهسوار دشت هیجا فارس میدان منم

 

نایب پیغمبرم قائم مقام بوتراب

حاکم دیوان محشر شافع یوم الحساب

بیزده دور علم لدنی عندنا ام الکتاب

کلمه بسم الهین با حرفینه عنوان منم

 

رشته حبل المتینه آیت الله العظیم

عروه الوثقای دین حق صراط المستقیم

واقف اسرار بسم الله الرحمن الرحیم

هم کلام الهه ناطق باطن قران منم

 

مست صهبای الستم سر خوش مینای عشق

باش و جاندان گیچمیشم باشیمده وار سودای عشق

عشق صورتدور حقیقتده منم معنای عشق

سرور سلطانم عشق اقلیمینه سلطان منم

 

تحت فرمانیمده دور ذرات کل ممکنات

بیر نفس بی اذن من چکمز یقین بیر ذی حیات

جمله عالملر تاپوبفیض وجودیمدن ثبات

باب فیض و بحر جودم منبع احسان منم

 

بو فراتی منبعیندن قادرم مسدود ایدم

نهر لر جاری قیلام یوخدان سوئی موجود ایدم

سیزلری وار قدرتیم بیر آنیده نابود ایدم

قدرت اللهم ولی ایزد منان منم

 

قدرتیم وادور ولیکن ایلورم حجت تمام

شرم ایدون ای اشقیای لشک و اشرار شام

حرمت مهمانیده تاکید ایدوب خیر الانام

امتان ناخلف آخر سیزه مهمان منم

 

قتلیمی واجب بلورسوز گر منی تقصیر کار

بو علی اصغرین نه جرمی نه تقصیری وار

ایچمیوب اوچ گوندی سو اولموش سوسوزدان بیقرار

چوخ پریشاندور بو طفلین حالینه گریان منم

 

مثل جیحون علقمه شطی آخور مهر بتول

ماوراءنهریده عطشان قالوب آل رسول

ایلمزبوظلمی عدل حضرت داور قبول

هم سوسوز اهل و عیالیم هم اوزوم عطشان منم

 

گورموسوز آیا سولوب برگ خزان تک لبلری

چوخ سوسوزدورایلیون سیراب علی اصغری

خوف ایدون یاده سالون سیز انتقام محشری

حاکم محشر قسیم جنت یزدان منم

 

قالدی دل تقریریدن تحریریدن دوشدی قلم

بوندان آرتوق قصه اصغر (حقیر)اولماز رقم

دلده هر ش ام وسحر ورد ایت مکرر دمبدم

شکر اللهه غلام شاه مظلومان منم

 

مرحوم حقیر خویی

منبع کانال گنجینه گذشتگان

موضوع: حضرت امام حسین (ع) زبانحال ,
زبان شعر و شاعر: نوحه ترکی , حقیر خویی

-------------------------------

زبانحال حضرت زینب (سلام الله)

در غارت خیمه ها 

 

داغیلدی ظلمیله پرگارزینب

پوزولدی رونق بازارزینب

 

یتوشدی بیر به بیر قتله جوانلار

فرات استه دوشوب قولسوز علمدار

گبدوب الدن هامی اعوان و انصار

قالوب بی مونس و غمخوارزینب

 

دیردی هارداسان ای شاه بطحا

قالوب دشمن ایچنده آل طاها

سویولاراهل بیتین قوم اعدا

علاج ایله قالوب ناچار زینب

 

تالاندی خیملر باغلاندی قولار

حرم آهولری اولدی گرفتار

اسیرو بسته زنجیرکفار

اولوب چون عابد بیمارزینب

 

باخاردی هریانا میدان ایچنده

گورردی تک اوزین عدوان ایچنده

نه گوردی غسلوسوز آلقان ایچنده

دوشوب بی سرشه بی یارزینب

 

او دم ویردی اجازه گوزیاشینا

سپوب تپراقلاری اول وقت باشینا

خطاب ایتدی یارالی قارداشینا

دور ای آرام قلب زار زینب

 

گوز آچ گورنه قیامتدور برادر

ایدوله چوخ جسارت بیزه لشکر

تسلی ویر دوشوب خوفه حرملر

ایده دردین کیمه اظهارزینب

 

سکینه گوزیاشیله کاروانی

ووروب لنگه چیخوب عرشه فغانی

ایاقه دور دگل الماق زمانی

اویان ای قافله سالارزینب

 

ندن یتمز بو سس شیر خدایه

او قدراولمازمسافت کربلایه

خدایا بس ندن گلمورهوایه

نجفدن حیدرکرارزینب

 

مرحوم حقیرخوئی

منبع کانال گنجینه گذشتگان 

موضوع: احوالات غارت خیام ,
زبان شعر و شاعر: نوحه ترکی , حقیر خویی

-------------------------------

در ولادت حضرت امام حسین (علیه السلام)

 

ایشقلانوب یر و گوی شش جهت چراغاندور

فروغ نور حسینیله نور باراندور

 

سالوب تحیره خلقی نه شور شیندور بو

شب ولادت سلطان مشرقیندور بو

جلالی دولدوروب عالملری حسیندور بو

فدا جلالینه جانلار حسینه قرباندور

 

هر آیدا سیریله بیر برجده دوتوبدی مقام

او بدرکامل ایدوب سیرین آلتی آیدا تمام

سمائ عصمتدن شمس دین اوچومجی امام

طلوع ایدوب افق شرقی شهر شعبان دور

 

نزول ایدوب دیه تبریک جدینه جبریل

دالنجا فوج ملک صف بصف قبیل قبیل

کمال عجزیله فطرس سالوب اوزینی دخیل

او باب امنه که جبریل مهد جنباندور

 

امامتین گونی ایتدی طلوع وقت سحر

چیخاندا گون قاپودان داخل اولدی پیغمبر

آلوب قوجاقینه حسرت گوزیله سالدی نظر

او گل یوزه که ایشقلیقدا شمس تاباندور

 

دولاندا دیده حق بین احمد مختار

سارالدی عارض زهرا اوجاتدی ناله زار

نه آغلاماقدی بو طفلین مگر باشیندا نه وار

سبب نه دور که گوزون ابر سان گریاندور

 

دیدی سوروشما هنوز اول ولادتدور

دیمه مذاکره سی مایه کدورتدور

بونون مصیبتی عالمده بیر مصیبتدور

هامی مصائب او ایذاده سهل و آساندور

 

سنون کیمی آنا الله بلور بیله مولود وجوده

 گلمیوب اولماز بیله عزیز وجود

بونون وجودیدی ایجاد خلقیدن مقصود

کلید کنز خفا سر غیبه عنواندور

 

اوجالدی کلمه حقی بو عاشق مطلق

توکله قانینی حق استه ظلمیله نا حق

نفس چیخینجا دوداقدان دیر دلی مطلق

جداده ورد دلی آیه آیه قرآندور

 

قویار قبول بلایاده نام صبرینده

ایدر مراتب عشقی تمام صبرینده

دلین شکایته آچماز مقام صبرینده

فلک ملک هامی ذرات کون حیراندور

 

منیم شبیهیم علی اکبر آدلی فرزندی

یانیندا دوغراناجاق قطعه قطعه هر بندی

بو یر یوزینده نه ممکندی مثل و مانندی

نجه جوان که ملاحتده ماه کنعاندور

 

صغیر اوشاقلارینی تشنه لیق ایدر بیتاب

حرارت جگریندن کباب اولار دل آب

دینده وا عطشا حنجرین ایدر سیراب

زلال خنجر شمر آب تیر و پیکاندور

 

(حقیر)چون بو گونون احترامی واجبدور

قلوب مایل شادی اولا مناسبدور

بیر اعتباره ولی اول مصائبدور

نظرده شادی و غم بالسویه یکساندور

 

مرحوم حقیر خوئی

منبع کانال گنجینه گذشتگان 

موضوع: حضرت امام حسین (ع) میلاد ,
زبان شعر و شاعر: نوحه ترکی , حقیر خویی

-------------------------------

زبانحال حضرت امام حسین (علیه السلام)

در وداع با حضرت زینب (سلام الله)

 

آیریلوق وقتیدی گل آغلاما بیچاره باجی

صبردن اوزگه خیال ایتمه ندور چاره باجی

 

باجی قارداش دم هجرانیده درد دل ائداخ

قلب تسکینینی درد دلیله حاصل ائداخ

آخر عمر وداعی سنیله کامل ائداخ

بیرده هیهات که قسمت اولا دیداره باجی

 

فوت اولور وقت شهادت او قدر یوخدی مجال

شام هجرانه مبدّل اولاجاق صبح وصال

گورماقون بیرده حسینون گورونور امر محال

گئدرم بزم سرا پرده ی دلداره باجی

 

خون دل خوان بلادن باجی قسمت دی منه

هر بلا گلسه قبول ایله سعادت دی سنه

صبری ترک ایلمه مندن بو وصیت دی سنه

مشتملدور بو وصیت نچه اسراره باجی

 

یتشور هرکیمه اول که نه قسمت یتشوب

قسمت آل پیمبرده شهادت یتشوب

دور ایدوب سلسله آخر منه نوبت یتشوب

دولانوب هاله یتوب نقطه پرگاره باجی

 

ایستیوب جانیمی بیر مرتبه جانانیم اگر

گچمیشم دوست یولوندا اولا مین جانیم اگر

گونده مین مرتبه حلقمدن آخا قانیم اگر

راضیم حق اوزی شاهد دی بو اقراره باجی

 

یتورور قتله بو صحراده منی قوم جهول

باغلانور سلسلیه سلسله تک آل رسول

صبره ماُمورسن ای نایب زهرای بتول

دستگیر اولسان اگر فرقه اشراره باجی

 

گوره سن ایسّی قوم اوسته دوشوب عریان بدنیم

پرتو شعشعه ی شمس اولوب پیرهنیم

خاک و خونیله اولا غسل و حنوط و کفنیم

خنجر و تیغیله جسمیم اولا صد پاره باجی

 

اوندا راضی دگلم چاک گریبان ایده سن

سس چکوب آغلیه سن ناله و افغان ایده سن

باش آچوخ زلف سرون یوزده پریشان ایده سن

خط ناخن ووراسان صفحه ی رخساره باجی

 

بانوان حرم محترم اطفال صغیر

باغلانور قول قولا بی جرم خطا خوار و اسیر

یتورور حدّ کماله ستمین شمر شریر

غل و زنجیر وورار عابد بیماره باجی

 

کوفه دن شامه کیمی آل علی ناقه سوار

دست بسته بوروموش چهره لرین گرد و غبار

قویولوب عشق بساطینده ازلدن بو قرار

اهل بیتین چکلر شامیده بازاره باجی

 

عشق سوداسیدی جانیله خریدار منم

عشق بازاری ایچون رونق بازار منم

بلی میدان شهادتده سزاوار منم

چکلر نوک جداده باشیمی داره باجی

 

سنه هر چند گراندور بو شهادت خبری

لیک وار نخل شهادتده شفاعت ثمری

گوز تیکوبدور منه یوخ اؤزگه ده اصلا نظری

قویمارام منده ((حقیری)) قالا اودلاره باجی

 

مرحوم حقیر خویی

منبع مجموعه کانالهای مدح و مرثیه

موضوع: حضرت امام حسین (ع) وداع ,
زبان شعر و شاعر: نوحه ترکی , حقیر خویی

-------------------------------

کوچ از خرابه شام

و گریز به اربعین

 

تنگه گلوب خرابۀ شامیده آل مصطفا

بسکه یزید بی حیا گون بگون آرتوروب جفا

 

شورش خلقیدن هراس ایلدی ظاهره گوره

دوشدی بو فکره احترام ایلسون آل حیدره

ایستدی تا مدینیه آل رسولی گوندره

ایستدی اوّل ائتدیله تعزیه خانه ای بپا

 

یتدی خبر اهالیِ شامه اوشاقدان عورته

دسته بدسته شامیان باتدیلا بحر محنته

تعزیه خانیه گلوب زینبه سر سلامته

شامیده نچّه گونلری اولدی اقامۀ عزا

 

اولدی چو سگیزیمجی گون ویردی یزید دون خبر

ائتدیله اهلبیت ایچون ساز تهیۀ سفر

ناقه لر اوسته امر ائدوب بار اولونوب کجاوه لر

ایستدی میر قافله محمله تا سوار اولا

 

قافله نی ملاحظه ایلدی میر کاروان

گوردی تمام جمعیدور اهل حرم یکان یکان

فاطمۀ عروسیدن اولمادی بیر ویرن نشان

قیلدی بلند آهیله نالۀ وا محمدا

 

سویلدی حاضر اولمیا فاطمه گر بو آنیده

آهیله شامی ایلرم زیر و زبر بو آنیده

اهل حرم دوروب هامی منتظر اول زمانیده

سمت خرابه دن گلور گوردوله بیر حزین صدا

 

قویدولا یوز خرابیه گوردوله ناتوان عروس

قبر رقیّه نی باسوب باغرینا باغریقان عروس

درد دلین رقییه بیر بیر ایدر بیان عروس

نی کیمی نالیه گلوب شوریله باشلیوب نوا

 

توزلی مزارین اوستینه حسرتیله قویوب یوزین

ناله ایدر حزین حزین اشگیله دولدوروب گوزین

ای باجی گر مدینیه وارسا سفارشین سوزین

ایله بیان خلاص اولوب شامیدن آلِ مصطفا

 

سس سسه ویردیله هامی عرش برینه یتدی سس

درد و فغان و ناله دن سینیه دمبدم جرس

اولماقا نوعروسیله زنگ درای همنفس

ویردی خبر که کاروان کوچ ایلیوب دوشه یولا

 

بیربه بیرآل مصطفی اولدی سوار محمله

سمت حجازه شامیدن اولدی روانه قافله

طی منازل ایلیوب قافله یتدی منزله

آل رسوله مقصد قرب اولوب ارض کربلا

 

قویدولا ارض اقدس کربوبلایه چون قدم

منتظر امر زینبه دوردی حریم محترم

ویردی اجازه دوشدوله ناقه دن بیربه بیراو دم

چولقادی کربلانی چون نالۀ وا مُصیبتا

 

هر آنا اوغلون آختارور هر باجی اوز برادرین

قویدی یوزین مزارینه لیلی علی اکبرین

سویلدی ای اوغول قالوب گورنه گونه بو مادرین

دورزمانه جون منی ایتدی فراقه مبتلا

 

زینب او آلتی گوشه لی قبری ایدوب مشاهده

ایلدی اوزمقامنین سرین اوبیر نگاهیده

اوزگه مقامی زینبین واردی (حقیر) علاهده

وار یری آرزو اگر ایتسه مقامین انبیا

 

مرحوم حقیر خویی

منبع مجموعه کانالهای مدح و مرثیه

موضوع: احوالات کوچ از خرابه شام ,
زبان شعر و شاعر: نوحه ترکی , حقیر خویی

-------------------------------

احوالات حضرت رقیه (سلام الله) 

 

قالوب خرابه ی شاماتیده بنات علی

شکسته نی کیمی گلدی نوایه آل علی

 

یاتوب گل اوزلی اوشاقلار هامی قوری یرده

بلالی زینبی مطلق گتوردولر درده

 

چوخ آه و زار ائلیوب بیر گجه رقیه ی زار

یاتوب گوروب آتاسین خوابدن اولوب بیدار

 

اویاندی چون یوخودان اضطراب وحشتیله

باخوب اویان بویانا منتهای حسرتیله

 

یاپیشدی دامن زینبدن عرض ائدوب عمه

بابام خرابیه گلدی نه تئز گئدوب عمه

 

کسوب سبب ندی تئز التفاتینی مندن

علاج ائله بابامی ایمدی ایستورم سندن

 

نقدر وئردی تسلی رقیه ی زاره

که بلکه ساکت اولا گوردی اولموری چاره

 

گلوب او دم اورگی درده باشلیوب ناله

یتیشدی نوبت شیون صغیر اطفاله

 

رقیه شمع عزا دوره سینده اهل حرم

قوروب او محفل ماتمده حلقه ی ماتم

 

خرابه گوشه سینی ائتدیلر عزاخانه

اسیرلر هره بیر یاندا گلدی افغانه

 

بیری دیردی اوغول ای شبیه پیغمبر

آنان نه گونلره سنسیز قالوب علی اکبر

 

بیری دیردی طویی یاس اولان جوانیم اوغول

مراده یتمین عالمده مهربانیم اوغول

 

گلنده سوز دلیله سکینه فریاده

ائدردی پرده ده ناله عروس داماده

 

گل ای ائدن منی درده دچار عم اوغلوم وای

گجه گونوز ائدرم آه و زار عم اوغلوم وای

 

دیردی شوریله کلثوم ، ای رشید عباس

خرابه ده آنالار کیمی دوتموشام سنه یاس

 

گلوب خرابه ده بیر منزل و مکانیمه باخ

سالوب نه حاله منی گور فلک گوزوندن ایراخ

 

کیمی اوغول کیمی قارداش دیوب سیزیلداردی

سالوب خیاله هره اؤز عزیزین آغلاردی

 

خرابه دن اوجالوب ناله گوگلره دایانیب

او خواب غفلتیله خوابدن یزید اویانوب

 

دئدی نه سسدی منی ائتدی نصف شب بدخواب

او سست خواب غروره وئریلدی بیله جواب

 

عزیز فاطمه نین اوچ یاشیندا بیر قیزی وار

گوروب آتاسینی رؤیاده آغلوری او نزار

 

قویور نه عمه لرین نه اؤزی دوتور آرام

او طفل آغلادور اولاد مصطفانی تمام

 

گئدون ائدون دئدی آرام او طفل معصومی

خرابیه آپارون رأس شاه مظلومی

 

فغان او وقت خانم زینبه ویریلدی خبر

گلور خرابیه راس شهید تشنه جگر

 

دیدی رقیه دیوللر شه حجاز گلور

ایاقه دور آتاوی ایله پیشواز گلور

 

دوروب ایاقه یریندن قاچوب صول و صاقه

خرابه نین قاپوسیندا دوشنده تپراقه

 

دیدی که ایمدی ایده بولمرم ایدم اعزاز

ایاقی آتدا ایدیم قوی یوزیمی پای انداز

 

کسلّه رسمدی قربان عزیز مهمانه

گلور منیمده گمانیم بو ناتوان جانه

 

بسان سایه سالوب عکس گوزیاشی اوسته

گوزون آچاندا گوروب گون گلوب باشی اوسته

 

ایدوب خرابه نی روشن سر امام شهید

طلوع ایدوب گجه وقتی خرابه ده خورشید

 

جمالی طشت طلا ایچره آفتاب کیمی

یوزونی قان بورویوب سرخی سحاب کیمی

 

خرابه دن اوجالور دمبدم فلک لره نور

اولوب او نوریله ویرانه رشک وادی طور

 

تجلی ایتدی پس پرده دن جمال الله

مقام بهتده محو جمالی آل الله

 

عیالینین یوزونه بیر به بیر نظر سالدی

او قانلی گوزلری اما رقیه ده قالدی

 

آتا محبتی گلدی رقیه ده جوشه

باسوب او قانلی باشی حسرتیله آغوشه

 

یوزون قویوب یوزونه گیتدی سینه سینده تاب

یخلدی دوردی گلوب نالیه بسان رباب

 

دیدی بابا نیه بس ایتموسن یوزومه نظر

بیله گلور آتالار گورماقا عیالی مگر

 

سنون جمالیوا مدتدی قالمیشام حسرت

دوشوب اله نچه مدتده بیر بیله ساعت

 

بو قدر بول گَله لی شامه گولمیوبدی یوزوم

خرابه ده گجه گوندوز قالوب یولوندا گوزوم

 

یتن زماندا ولی دامن وصالون اله

صاقا صولا باخورام قورخورام که شمر گله

 

اگر گله گوره شرم ایلمز یانوندا وورار

یوزومه بسکه ووروب سیلی ایمدیده یری وار

 

دیمزدی الماقوی بس ندن بی بیم زینب

بو نوع گلماقی نیلوردوم ای امیر عرب

 

باشوی هانسی ستمگر بدندن ائتدی جدا

من صغیر و یتیمه بو ظلمی بولدی روا

 

بویور محاسنوی قانیله کیم ائتدی خضاب

جواب وئر منه منده سؤاله قالمادی تاب

 

بو شامده بولوسن من چکن مصیبتی سن

منِ یتیمی گوزوندن کنار ایلموسن

 

همان سکینه که جان تک اؤزون دوتادون عزیز

عزیزه دین آدینا شامیده دیولدی کنیز

 

ز بس سنی گتوروب تنگه طعنه ی اغیار

اماندی هر یره گتسن منی یانونجا آپار

 

مکدّر اولماسا گر خاطرون سوزوم چوخدور

ولی اوزونده بولورسن دئماقلیق آرتوقدور

 

دئدوقجا دردینی دردی اورکده ایلدی جوش

او قدر آغلادی دلدن دوشوب اولوب خاموش

 

دوداقینه یتشوب جان گره لنوب نفسی

زلال شهد وصال ایچماقا اولوب هوسی

 

آتا بالا هر ایکیسی دوداق دوداقه قویوب

گورنده جان کیمی شیرین او قدر اَموب که دویوب

 

مریض عشقه لب لعلی تازه جان وئردی

آتا باشی بالانین سینه سینده جان وئردی

 

«حقیر» سن یازانی اشگ دیده ایلدی مهو

سوزون ایتورمه دوباره یازاندا اولمیا سهو

 

 مرحوم حقیر خویی

منبع مجموعه کانالهای مدح و مرثیه

موضوع: حضرت رقیه (س) احوالات ,
زبان شعر و شاعر: نوحه ترکی , حقیر خویی

-------------------------------

زبانحال نو عروس در راه شام

 

شامین یولوندا بیر گیجه اثنای راهده

قیلدی عروس نیزه باشندا مشاهده

 

بیر قانلی باش که قانه باتان زلف و کاکلی

حلقه وروبدی هاله کیمی دور ماهده

 

قالدی گوزی جداده ایدوب لمحه ای نگاه

تا لمحه لمحه محو اولوب آخر نگاهده

 

باخدیقجا آخدی گوز یاشی دیندیردی دینمدی

ایتدی سواله طرز نگاهین علیحده

 

عرض ایلدی عم اوغلی دانش چوخدا ایتمه ناز

هر چند ناز لازمه دور شان شاهده

 

اما مقام عشقده معشوق عاشقه

لازمدی التفات ایده بیر گاه گاهده

 

عجزیله هر چه یالوارورام ویرموسن جواب

نه وار اثر سوزومده نه تاثیر آهده

 

یوخسا عم اوغلی اینجیموسن نعشون اوسته من

کام دلیمجه آغلامادیم قتلگاهده

 

ویرمزدی شمر امان باشون اوستنده باش آچام

ورنه ندور گناه من بی گناهده

 

ایمدی که فرصت الده دی خالیدی بزم راز

درد دل ایلیاخ دل لیل سیاهده

 

قویماز اویانسا شمر دیم دردیمی سنه

آثار رحم گورمورم اول دین تباهده

 

تا ویرمه سن جواب ایدرم ناله صبحه تک

شاید اثر اولا نفس صبحگاهده

 

عشقون دولاندیرور منی چوللرده شاهدیم

بیر سلسله گر ایسته سن آیری گواهده

 

محکم دلیل الیمده کی محکم طنابدور

بیرده نه احتیاج داخی اوزگه شاهده

 

سندن صورا یوزوم گوله هیهات سوز اودور

حین وداعده دیموشم خیمه گاهده

 

گر المسم یولوندا عم اوغلی نه عشقدور

اول قرار عشقده وار بو معاهده

 

من دستگیر ظلمم و سن سرفراز عشق

باری اوزون اسیریوی ساخلا پناهده

 

قورتار کمنددن قولی باغلی اسیریوی

قویما قالا شماتت طعن سپاهده

 

گویا اولوب اشاره که حقّه توکل ایت

سن سن ودیعه سایه لطف الاهده

 

مدتدی یا حسین دیور ایسته (حقیریوی)

گورسون اوزینی بیر او طلا بارگاهده

 

مرحوم حقیر خویی

منبع مجموعه کانالهای مدح و مرثیه

موضوع: فاطمه بنت الحسین ,
زبان شعر و شاعر: نوحه ترکی , حقیر خویی

-------------------------------

زبانحال حضرت لیلا (سلام الله)

در راه شام

 

اوزون گل تار مار ایله صبا گیسوی جانانی

پریشان ایله احوالیم کیمی زلف پریشانی

 

چلیپا حلقه حلقه خم نجم زلفون عذارونده

دیرسن بس سحاب نیزه دوتموش ماه تابانی

 

طلوع صبح صادق ظلمت شبده اولور واقع

و یا ابر سیه مستور ائدوب مهر درخشانی

 

مداد کلک قدرت نقش ائدوب لوح جبینونده

سراسر سورهٔ یاسین و الرحمان و طاهانی

 

یازوب دیباچه سینده سبّح اسم ربّک الاعلی

و یبقی وجه ربّک کلّشیٔ غیره فانی

 

جمالون سوره ی والشمس زلفون آیهٔ واللیل

یازیلموش مصحف رخسارده آیات قرآنی

 

سواد زلف شرح لیلة القدری بیان ایلر

و ما ادراکدن اثبات اولور واضحدی برهانی

 

دوشوبدور گوشهٔ ابرو دالیندا نقطهٔ خالون

ویرور بسم اللهین با حرفینه بیر لفظ معنانی

 

بصیرت اهلینه آئینهٔ حسنون نهان اولماز

اوخور عکس رخوندن سورهٔ انّا فتحنانی

 

حجاب صورتی رفع ایله تا معنا ظهور ائتسون

ورا ٕ پرده ده مستور اولان اسرار پنهانی

 

جمالون نوری اولسون جلوه گر خرّ مغشیا

نشان وئر آشکار اولسون بو خرّ مغشیانی

 

کلیمه نخله ایمن ائدن نور تجلّانی

اوزون بو مطلبه شاهد گتور موسی بن عمرانی

 

اولا تابنده پشت پرده دن تا ذرّه نورون

فضای طور حیرتده قویار سرگشته موسانی

 

دئسم عیسی مقامیندن مقام عشقون اعلادور

یری واردور اگرچه چکدیلر داره مسیحانی

 

اولوب اوچ گون فراز دار اونا دارالمقام اما

سنون تک گزمدی قرخ گون جداده باشی صحرانی

 

چکوبلر نیزه باشینده سنی داره مسیح آیا

چکلّر عشق میدانیده داره عشقه دارانی

 

ائدوب قطع علاقه جسمیدن گچدون علایقدن

فراز نیزه ده ایلر باشون معراج جسمانی

 

علاقه ایلیوب زلفون طنابی رشته ی جانه

کمند کاکل مشکین چکوب زنجیره لیلانی

 

طناب زلفیله قید محبت جذبه ی عشقون

منی دیوانه لر تک گزدیرر کوه و بیابانی

 

آخار قان کاکلوندن قطره قطره اشگ چشمیم تک

گوزوم باخدیقجا اول قانه گلور جوشه اورک قانی

 

اولا گر ذرّه ی لطفون(حقیرین)حالینه شامل

آچار گلشن سرای مدحون ایچره نطق گویانی

 

 مرحوم حقیر خویی

منبع مجموعه کانالهای مدح و مرثیه

موضوع: حضرت لیلا (س) ,
زبان شعر و شاعر: نوحه ترکی , حقیر خویی

-------------------------------