متن نوحه ترکی مرحوم حقیر خویی بخش سوم
بخش سوم متن نوحه ترکی اشعار مرحوم حقیر خویی ویژه محرم و ایام سوگواری ائمه اطهار علیهم السلام
قابل استقاده در دسته جات سینه زنی و زنجیرزنی
------------
ورود به کربلا
بو منزلین آدی مشهور کربلادی باجی
بو کاروانه بو یر منزل بلادی باجی
یاغار کدورت غم بارش هواسیندن
فضاسی بسکه بلاخیز و غمفزادی باجی
بو دشت پر خطرون گونه گونه آفتی وار
محل خوف و خطر دار ابتلادی باجی
بو یردی مدفن ابرار مصرع عشاق
که خوابگاه شهیدان نینوادی باجی
بو عرصه ده آچیلور پرده بساط جلال
حریم محفل خاصان کبریادی باجی
بو بقعه باطن عرش خدای اعظمدور
حسین زائری چون زائر خدادی باجی
بنای کعبه اولور کربلا یرینده قرار
نچونکه کندن اوتور کربلا بنادی باجی
ایدلله قانیمی زمزم کیمی مناده سبیل
خلیل وارثنه قتلگه منادی باجی
بو چولده یتمیش ایکی جانفشان ذبیح نشان
منای عشقده قربانلیقا سزادی باجی
گلولله قتلیم ایچون شام و کوفه دن لشکر
تمام قتلیمه آماده اشقیادی باجی
جدا بدندن اولوب اوج ایدر جدایه باشیم
اوجالماقی باشیمون عین مدعادی باجی
گورنده چکمه لی سینمده شمری یالوارما
نقدر عجز ایده سن آرتاجاق عنادی باجی
سسون اوجاتما که دشمن شماتت ایلمسون
اماندی کوفه و شام اهلی بی حیادی باجی
اتیم, قانیم , سوموگوم بیر بیره هامی قاریشور
اودورکه هر مرضه تربتیم شفادی باجی
شهادتیمدن علاوه حریم محترمین
اسیر اولماقی بیر اوزگه ماجرادی باجی
دمشقده اسرایه زیاده هر یردن
یزید مجلسی هنگامه بلادی باجی
بو گوزلرون گوره جاق چوب خیزران یزید
بو نازنین لب و دندانه آشنادی باجی
مرحوم حقیر خوئی
منبع مجموعه کانالهای مدح و مرثیه
موضوع: احوالات ورود به کربلا ,
زبان شعر و شاعر: نوحه ترکی , حقیر خویی
-------------------------------
احوالات حضرتِ علی اکبر (ع)
گینه حضورِ امامِ زمانه قیلدی خُرام
ادب یولیله دوروب خدمتنده ویردی سلام
فدا اولوم سنه ، راضی اولوبلا اهلِ حرم
حلال قیل منی ، جدّون حضورینه گیدورم
امیرِ حِلّ و حرم ، شهریارِ مُلکِ عرب
چاغوردی گلمگه تعجیل قیل باجی زینب
توّقف ایتمه ، مواریثِ انبیانی گتور
عمامهء شرف افزای مصطفانی گتور
رَدای شیثِ نبی ، خاتمِ سلیمانی
حمایل ایتماقا شمشیر مصطفانی گتور
قَمیصِ یوسف و اسحق و حرزِ یعقوبی
قبای فاخر و دیبای مجتبانی گتور
ضروردور سپرِ خمره ، جوشنِ داوود
عقابِ توسنِ عبّاس با وفانی گتور
عصای موسی عمران ، کمانِ اسماعیل
نشانه ، جعفرِ طیّاردن سِنانی گتور
ایدوب اطاعتِ فرمایشِ امامِ انام
حضورینه گتوروب زیب و رزمِ بزمی تمام
جمالِ اکبره حسرت یوزیله سالدی نظر
بویوردی گَل ایره لی ای شبیه پیغمبر
سنی بو حُسنله بزمِ لقایه گوندرورم
حریمِ بارگهِ کبریایه گوندرورم
خلیل وارثیَم ، کربلادی کوهِ منا
ذبیح وار سنی بو منایه گوندرورم
عبث یره دگلم ، زینت ایتماقا راغب
که طالبم ، طلبِ مدّعایه گوندرورم
عزیز ایتماقا یعقوب وار یوسفیمی
متاعِ حُسنیله مصرِ بلایه گوندرورم
وفالیسان بولورم ، واردی چوخ وفا سنده
قتیل اولماقا کوی وفایه گوندرورم
وصال تشنه سی سن ، خضرِ رهنمایم من
دلیل اولوب سنه ، عینِ لقایه گوندرورم
رضای دوستیله بیگانه لر مقابلینه
حقیقتا" طرفِ آشنایه گوندرورم
جهادِ اکبر ایدوبسن ، جهادِ اصغر ایچون
قتالِ طائفهء اشقیایه گوندوروم
علی سنون کیمی رعنا جواندان ، ال چکورم
بوله بوله دمِ تیغِ جفایه گوندرورم
ایدوبدی دوست سنی ، بزمِ اُنسه چون دعوت
حبیب بزمینه ، وحدت سرایه گوندرورم
بو حلقه حلقه ، سیه زلفِ عنبر افشانون
کَلاله اولماقا نوکِ جدایه گوندرورم
سبیلِ حقّده ، ناحق سبیل اولا قانون
بو قانلی معرکهء کربلایه گوندرورم
شروع ایدوب که ایده اکبرینه پیرایه
توجّه ایتدی ازل کاکلِ مُطرّایه
گُل اوسته گوردی دوشوب ، دسته دسته سُنبلینی
ال آتدی زلفینه ، دوتوب شقّه قیلدی کاکلینی
سالوب نظامیله بیر شقّه سین جبینندن
کمند وار بیرین جانبِ یَمینندن
بیرین دالی طرفدن ، بیرین یَساره سالوب
دعای هیکلیلن ، هیکلین حصاره سالوب
باشینا قویدی چون عمامهء رسول الله
نهان ایدوب بولود آلتندا اوز جمالینی ماه
دوزلدی قامتینه راست ، جوشنِ داوود
جمالِ مِهر و رخِ ماه اولدی زر کبود
سالوب کمان قاشینی چگننه ، کمان چون تیر
خدنگ تیرینه شیرِ فلک اولوب نخجیر
کمندِ زلفی کیمی ، کهکشانِ چرخ کمند
قولونا عقد ثریّانی قیلدی بازوبند
کمانِ گوشهء ابروسینی ، گوروب بهرام
آتوب کمانی ، دوتوب گوشهء فلکده مقام
چکوب مقابلِ چشمینده صف صف مژگان
خدنگ هر مژه بیر تیر ناوکِ پیکان
ویروب قرار سپر کتفینه ، چو قرصِ قمر
نهان اولوب بولود آلتندا خسروِ خاور
نهالِ قامتِ موزونی تک ، الده سِنان
گلنده لرزیه ارض و سما اولوب لرزان
حمایل ایلدی چون ذوالفقاری حیدر وار
گورن دیردی بو سروردی حیدرِ کرّار
چکوب رکابه عقابی ، او ضیغمِ بی باک
قدم رکابه قویوب ، جَست و چابُک و چالاک
بسانِ برقِ جَهَنده اولوب سَمنده سوار
دوشوب رکابینه ، فتح و ظفر ، یمین و یسار
سُرورِ سینهء لیلی اولوب روانهء راه
دالینجا حسرتیله اهلبیت ایدردی نگاه
بیری دیردی الیمدن برادریم گیتدی
بیری دیردی شبیهِ پیمبریم گیتدی
بیری دیردی بوکولدی قامتیم ، بِلیم سیندی
بو اعتدالیله سروِ صنوبریم گیتدی
بیری دیردی غریبم ، دیارِ غربتده
قویوب قرا گونه ، مِهرِ منوّریم گیتدی
بیری دیردی اسیر اولماقیم یقین اولدی
الی اوزولدی الیمدن ، دلاوریم گیتدی
گلنده نالیه لیلا دیردی وا ولدا
الیم عصاسی ، گوزوم نوری ، اکبریم گیتدی
ایدردی ناله سکینه ، سالوب منی گوزدن
وفالی عاشقی ترک ایتدی ، دلبریم گیتدی
نوای شوریله زینب ، فغانیله کلثوم
دیردی بیر به بیر عزّتلی گونلریم گیتدی
یری وار عرض ایلیم گر بویوردی شاهِ شهید
منیمده بیر به بیر الدن کمک لریم گیتدی
قریلدی قوم و قبیلم داغیلدی اصحابیم
تمام ناصر و اعوانِ لشگریم گیتدی
بو چولده بیر منه غم خواردی علی اکبر
اودا قویوب منی بی یار ، یاوریم گیتدی.
مرحوم حقیرخوئی
منبع مجموعه کانالهای مدح و مرثیه
موضوع: حضرت علی اکبر (ع) احوالات ,
زبان شعر و شاعر: نوحه ترکی , حقیر خویی
-------------------------------
اتمام حجت حضرت امام حسین (علیه السلام)
منم که قاطبه ماسوایه مولایم
منم که سلسله انبیادن اولایم
منم حروف الف لام و میم ایچون تاویل
منم کتاب من الله سوره تنزیل
آدیمدی زیور تورات و زینت انجیل
منم که آخر اسماء اسم حسنایم
منم حدیقه والتین نخل والزیتون
منم مداد و مایسطرون ، مصدر نون
منم نتیجه بالنذر مقصد یوفون
منم که مفتخر هل اتی و طاهایم
بیز اهل بیت خصوصنده آیه تطهیر
نزول ایدوب ، منم عنوان انمایه ضمیر
منم سراج منیر و منم بشیر و نذیر
منم که لفظ نذیر مبینه فحوایم
منم دلیل سبیل لکل قوم هاد
ظهور بینه انت منذر لعباد
منم لیذهب عنکم اشاره سینده مراد
منم اراده حق ، رجسدن معرایم
نتیجه ثمر آیه اطیعوالله
منم بیان اطیعواالرسوله صدق گواه
ظهور امر اولوالامر ایچون رسول الله
اولوب مقدمه ، مضمون لفظ احرایم
منم مفسر تفسیر علم القرآن
منیم یانیمدادی تفسیر نزل الفرقان
منم مفتاح ابواب رحمت و احسان
منم که واسطه فیض فیض عظمایم
منم ستوده یاسین ، منم امام مبین
منم تمسک اهل الولایه حبل متین
منم حقیقت ایمان ، منم طریقت دین
منم که باطن احکام شرع غرایم
حروف خمسه یاسینه ، سین استثناء
چو نون آخر اسماء خمسه النجباء
منم مخاطب سین و منم عبارت یا
منم که حروف ندا کلمه منادایم
منم غوامض اسرار غیبدن آگاه
ضیاء پرتو نور فثم وجه الله
شروع حمدده صدر کلام بسم الله
منم که بسمله تحتنده نقطه بایم
ضمیر آخر طاسین و اول حامیم
مفاد میم الف ، لام و الکتاب الحکیم
و انه لعلیم الحکیم ، قول کریم
منم که اسم صفات علی اعلایم
یر اوزره حجت حقم ، خلیفه اللهم
جمیع ماخلق اللهه حجه اللهم
ظهور و قوت و قدرتده قدرت اللهم
قدیر و مقتدر و قادر توانایم
سواد سوره نورم ، مداد آیه نور
یضی نور علی نور یوقد من نور
او نور قدس الهییه محل ظهور
منم که کوکب دری بیضایم
حیات زورقنه لشگر ثبات منم
بقای خضره سبب ، چشمه حیات منم
نجات نوحه ویرن ، کشتی نجات منم
نجی لساننه جاری اولاندا مجرایم
مقام و رتبه ده فرزند صاحب معراج
منم مجاری حکتمده قلزم مواج
باشیمدا شمشه والشمس و الضحی دور تاج
در مدینه علم و علومه دریایم
منم مقرب درگاه قرب اوادنی
چو محرم حرم خاص قاب قوسینا
رموز وحی فاوحایه سر ما اوحی
طلسم محفل لایه کلید الایم
منم سلیل جلیل سلاله امجاد
منم سلاله آدمدن اشرف اولاد
منم شرافت آبا ، کرامت اجداد
وسیله شرف امهات و آبایم
تمامی کتب انبیاده مزبورم
مذاهب و ملل خارج ایچره مشهورم
دلینده هر بیرینون اوز دلنجه مذکورم
که هر لسانده بیر اسمیله مسمایم
عوالمی ایلیوب طی تا بو عالمده
ظهور نوریم اولوب صورت مجسمده
ابوالبشر منم اما لقبدور آدمده
که صورت بشریتده نوع ابنایم
ظهور مظهر حق ، ذات ذوالجلاله صفات
منم صفات جلالی جمالینه مرآت
وجود ذات اولور چون وجودیله اثبات
منم که مظهر حقم صفات علیایم
منم بو دائره حقه ، نقطه توحید
منم مدبر امر لما یشاء یرید
منم خزائن الطاف کبریایه کلید
جهاندا واسطه فیض و باب اعطایم. ..
منم خزینه اسرار غیب ربانی
منم ودیعه کنز علوم رحمانی
منم علیم رموزات سر سبحانی
علوم ماسبق و مایکونه دارایم
جزاء سعی ده مشکور اولان جزاده شکور
مقام و منزلت کان سیعکم مشکور
و من یجاهد فی اللهدن منم منظور
منم که شرط و من جاهدوده فینایم
منم مبشر طوبی لهم و حسن مآب
مقام ان علینا ایابهمده ایاب
منم محاسب دیوان حشر ، یوم حساب
الی مرجعکم ، مرجع الینایم
منم لذی قسم محتواسنه والطور
منم او واو قسم و الکتابده منظور
منم که قدرت الی اسمیمه یازوب منشور
منم که لوح حیات و مماته طغرایم
منم بو عالم کونه ویرن نظام و نسق
منم او نور ازل نور حقدن مشتق
منم ظهور جلال و جمال باقی حق
ز کل هالک الایه ، وجه یبقایم
بیلون که علت غائی ممکنات منم
ازلده باعث ایجاد کائنات منم
بو گونده مصدر انوار صادرات منم
منم که مقصد اولده میم اولایم
منیم الیمده دی کون و مکان ، حیات و ممات
منیم ارادمه وابسته دی هلاک و نجات
منیم علاقه و رایمله دور فنا و ثبات
که مقتضای ولایت اولان تقاضایم
ولی امر اللهی ، مشیت باری
منم که منده هویدادی قوت آثاری
مشیمتله قضا و قدر اولور جاری
منم که حکم قضا اوسته خط امضایم
منم رساله تبلیغ مرسلینه سند
ایدن جمیع نبیینیدن بلیه نی رد
یتوب توسل نوریمدن انبیایه مدد
قبول و رد بلا ایتمگه مهیایم
ندای کلمه یاهادی السبیل منم
رسالتینده پیغمبرلره دلیل منم
ایدن فراعه نی غرق رود نیل منم
قیلان شکافته دریانی قومه موسایم
جلیل اسمنی جبریله ایتموشم تعلیم
کلیم ، کلمه اسمیمدن اولدی اسمی کلیم
ذبیحه قطره اشک خلیلی ذبح عظیم
منم مقرر ایدن ، کلمه فدینایم
منم دلالت ایدن خضری آب حیوانه
منم مقرر ایدن حشمتی سلیمانه
منم که حکمت اوزوندن ضمیر لقمانه
آچان دریچه حکمت ، حکیم دانایم
خلیله خلعت خلت ، کرامت ایتدی حکیم
که نور واحده اخلاصیله قیلوب تعلیم
اولوب مقام تشیع مقام ابراهیم
اونون ثبوت خلوصینده صدق رویایم
منم شوارق انوار عالم لاریب
شهود غیبه منم عالم شهادت غیب
کلیمی حکمت اوزوندن ایدن شبان شعیب
منم که نخل اناالله ، طور سینایم
منم کرامت ایدوب حق ، مقام محمودی
یتیشسون عالمه فیض وجودیمون جودی
منم خلیفه ایدن یر یوزینده داوودی
که شهر بند ولایتده رکن والایم
منم خلاص ایدن داردن مسیحانی
ایدن سپهر چهارم مقام عیسانی
دم مسیح دممدن حیات روحانی
آلوبدی ، معجز احیاده من مسیحایم
منم که نفس حبیب خدایه محبوبم
منم که دافع ضر و بلای ایوبم
منم مفرج احزان وهم یعقوبم
منم که بدرقه شیث و هود و یحیایم
وجودیمون سببندن تمام موجودات
جمیع ما خلق الله کل مخلوقات
وجود دائره سینده گیوب لباس حیات
منم که باعث ایجاد کل اشیایم
منم الیمده دی سررشته امور قضا
منیم رضامله امر قضا اولور امضا
رضا منیمدی اوزوم ویرموشم قضایه رضا
اوزوم دلیل قضایم ، رضایه مرضایم
قبول ایلمشم بزم انس وحدتده
همین بو نشئه ده ظاهر اولام بو صورتده
که عشقیمی اکرم عرصه محبتده
ظهور عالمنه رمز کافله هایم
گرک بو صورت ترکیبیمه ویرم تغییر
حصار جسمی یخام تازه دن ایدم تعمیر
جدا اوجوندا دیین وقته کلمه تکبیر
نتیجه ظاهر اولور ، هانسی لفظه معنایم
بو باب انس و امانه رخ نیاز امید
خلوص نیتیله اولمیوب اولا نومید
نجه که مرحمتمله (حقیریمی) تائید
ایدوب ، بیان لساننده نطق گویایم.
مرحوم حقیر خوئی
منبع مجموعه کانالهای مدح و مرثیه
موضوع: حضرت امام حسین (ع) احوالات ,
زبان شعر و شاعر: نوحه ترکی , حقیر خویی
-------------------------------
احوالات اربعین
خلاص اولوبدی یزیدین الینددن آل الله
ایدوبدی عزم وطن عترت رسول لله
مدینه یوسفینون قانلی گوینگین گوتوروب
ویروب بشیره ایدوب اهل بیتله همراه
ایشید یلر هامی شام اهلی کوچ ایدور زینب
تمام خلق بو مطلبدن اولدولار اگاه
خرابه دوره سین از بس که دوتدی عورت اوشاق
چخانمادی او گونی قالدی اولیاءُ الله
جناب زینبه چون واضح اولدی نقل مکان
کجاوه دن یره سالدی اوزین او علیا جاه
گَلوب خرابیه قبر رقیه اوسته دوروب
دیدی قیزیم گیدیروخ کربلایه بسم الله
دیمهی بیبیم منی قویدی خرابه ده گیتدی
یزیدین اولسون اوزی قاره سنده وار نه گناه
زنان شامه بویوردی بیر التماسیم وار
اونی قبول ایلیون خاطراً لِوَجهِ الله
بو مسجد ایچره منیم بیر امانتیم قالدی
بو حبس خانه ده قویدوم رقیّه قالدی گواه
خرابه ده متوجّه اولون دوشنده یولوز
بو توزلی قبری خراب اولماسون سیزی الله
دونوبدی بعضی لریندن ایدوب خداحافظ
دالنجا یاشلی قالوب گوزلری، چکردیله آه
مخدّرات حرم اَگلشوب کجاوه لره
جرس فغانه گَلوب، ناقه دوندی باشلادی راه
گیدوردی قافله، زینب رقیّه ذکریله
قالوب خرابه ده، فکری گیدردی خواه نخواه
یول آیریلوبدی ایکی سمته عرض ایدوبدی بشیر
گیدور مدینیه بو جاده، کربلایه بو راه
ایشیتدی زینب مظلومه کربلا آدینی
اورک دوگوندی، گَلوب درده، چکدی ناله و آه
دیدی اوغول منه لازمدی کربلایه گیدم
پناهیم اوردا قالوبدور، وطنده یوخدی پناه
بویوردی سیّد سجّاد دگلگلن عمّه
بو یولدا حکم سنوندور بشیری قیل آگاه
عیالینی منه چون تاپشوروب گیدنده حسین
گیدیم اُلن بالاسیندان ایدوم اونی آگاه
گرک گیدم دیم عبّاسه قالماسون نگران
بو سن بو قانلی علم، بو مِنا بو قربانگاه
یولوم اوزاقدی، پرستار یوخ، گرک آپارام
یانیمجه اکبر و عبّاس و قاسمی همراه
نجه گیدوم وطنه شام محنتین ایشیدوب
جناب جعفر طیّارین اوغلی عبدالله
دوروب یول اوسته یوزین توپراقا قویوب صغری
او بی کسون نه یوزیله ایدوم یوزینه نگاه
ایتورموشم نچه بلبل گرک او چولده تاپام
فرار ایدوبله یانان دمده خیمه و خرگاه
ایدوبدی حکم دونوب سمت کربلایه قطار
هامی کجاوه سیاه و هامیسی جامه سیاه
یتیشدی بیر یره ناقه دونوب بویوردی امام
بو یرده اَلده عصا چوخ دوروب کلیمُ الله
کلیمه جلوه لنن نور ایلیوبدی ظهور
سلام ویردی دوشوب ناقه دن لسانُ الله
او گون که اهل حرم وارد اولدولار حرمه
حسینه زائریدی جابر بن عبدُ الله
نه گوردی جابر عجب شورشش قیامتدور
دیدی نه وار، دیدیلر گورسنور سواد سپاه
بیری دوشوب یولا تعجیلیله گیدوب نه گوروب
دیدی گَلون نه دوروبسوز بولاردی آلُ الله
اویاندا اهل مدینه، بویاندا اهل حرم
یتیشدی بیر بیره چکدیله ناله ی جانکاه
چوخ آختاروب تانیا بُلمدیله بیماری
نه قدر اهل وطن کاروانه ایتدی نگاه
نه چون وجودینه چوخ گون دگوب بدن اَریوب
وجودی اولموشیدی فرط ضعفیدن چون کاه
حسین قبرینی زینب گوروب اولوب بی هوش
گَلنده هوشه دیوب لا اِلهَ اِلّا الله
دوشَندی قبرینه آهسته عرض ایدوب زینب
فدا بو قبریوه من ای شهید عشقُ الله
«حقیر»مُلهم غیبی سنی ایدوب آگاه
کلام نظمیوه روحُ القدس اولوب همراه
حقیر خوئی
منبع مجموعه کانالهای مدح و مرثیه
موضوع: احوالات اربعین ,
زبان شعر و شاعر: نوحه ترکی , حقیر خویی
-------------------------------
احوالات کوچ اهلبیت از قتلگاه
وارد اولدی قتلگاهه ناگهان قطارزینب
صبروطاقتی گیدوبدور قالمادی قرارزینب
گوردی بیر غریبه گلشن رنگ رنگ گللرآچموش
زخم تازه دن شکوفه قامت صنوبرآچموش
بلبلان باغ بطحا قان ایچنده شهپرآچموش
جورخاریله پوزولموش رونق بهارزینب
سربسرفضای هامون قانیله اولوب گلستان
سرو قدلری یر اوزره هرطرف چو شاخ مرجان
پیکرشه حجازی آختاروردی زارگریان
مصرع شه شهیده تا دوشوب گذارزینب
گوردی نازنین بدنلرهرطرف چو ماه پاره
بی کفن دوشوبله بیسرچاکچاک پاره پاره
قان ایچنده بیربدن وارپیکرینده چوخلی یاره
اول چنازیه دوشنده چشم اشکبارزینب
گوردی پیکرشریفی شمس مشرقینه بنزر
اعتدال قامتیله سرورزمینه بنزر
کثرت جراحتیندن قارداشی حسینه بنزر
حسرتیله درده گلدی قلب داغدارزینب
چشم زینب حزین تا جسم اول جنابه دوشدی
هوش باشیدن داغیلدی قلبی اضطرابه دوشدی
وا اخا دیوب یخیلدی غش ایدوب ترابه دوشدی
آلدی دردو غم هجومی الدن اختیار زینب
آچدی گوزلرین دوباره غشیدن چون هوشه گلدی
قانلی نعشینی حسینین گوردی قلبی جوشه گلدی
آرندی شوری درد دلدن دمبدم خروشه گلدی
ناله همچو نی نوادن ایتدی آشکارزینب
عرض قیلدی ای برادرکیم سنی بو حاله سالدی
ظلمیله سنی بو چولده زینبین الیندن آلدی
قویدی یاری یاره حسرت حسرتی گوزینده قالدی
حشرتک قالوردالینجا چشم انتظارزینب
جسمیوی سالوبلا بی سرقان ایچنده پاره پاره
سایبان ایدیم و زلفی قوی بو جسم زخمداره
سازش ایلمز اگرچه اشکیله بدنده یاره
یاندوروب اورک باشیندا آه پرشرارزینب
گرچه یاندوروب قویالار یاره استه قاره مرحم
یاره استونه قویوبلار اهل کینه یاره مرحم
چوخ یارالیسن ساغالماز قوی سالوم دوباره مرحم
پاره پاره سینن استه زلف مشکبارزینب
یاتما ای عزیز زهرا نازیله بو قوملاراسته
دورایاقه گور عیالین شمرالینده دست بسته
باغلانوب قطاره گیتسون شامه زارو دل شکسته
شمرو خولی و سنانه گوراولوب دچارزینب
من بو سرزمینه لدیم چوخ جلال و شوکتیله
تخت زرنگارایچنده طمطراق و حشمتیله
ایمدی بیرسنیق کجاوه شمردون عداوتیله
ساخلیوب نظرده اولسون محمله سوارزینب
گلدی تا جهانه زینب باتدی محنت و ملاله
حدصبریده (حقیرا)یتدی رتبه کماله
صبرعشق ابتلاسی گلمز عقله یا خیاله
ثبت و ضبطیله قوتولماز درد بی شمارزینب
مرحوم حقیر خویی
منبع کانال گنجینه گذشتگان
موضوع: کوچ از قتلگاه ,
زبان شعر و شاعر: نوحه ترکی , حقیر خویی
-------------------------------
اظهار عطش
شجاع عرصه میدان پر دلیر یلی
نهنگ قلزم قهر خدای لم یزلی
هلال برج سعادت مه سپهر اساس
همای اوج سعادت او مه لقا عباس
ایدوب ملاحظه اطفال تشنه لب حالین
گوروب که رنگ یوزوندن قاچوبدی اطفالین
سکینه اوز قوریان لبلری کیمی بیر مشک
آلوب الینه توکر مشک دیده دن یره اشک
دالیندا دسته ایله اللرونده خالی جام
ویروبله سس سسه اطفال تشنه کام تمام
ایدوب سکینیه بیر نوعیله عطش تاثیر
گلوب سو ایستماقا یوخدی حالت تقریر
یانور یانان جگری سو آدی گلنده دله
نشان ویرور او یانان لبلرون اشاره ئیله
یتن زمان دولانوب باشینه چو پروانه
دیدی اماندی سوسوزدان یتیشمیشوخ جانه
بو تشنه کاملرون بیر سنه گمانی گلور
هامی بولور اوزون الدن سخا نشانی گلور
نجه روادی فراتین سویی اولا جاری
عطش کباب ایلسون اهلبیت اطهاری
شجاعتین اولوب عالمده گون کیمی مشهور
بو قدرتیله عمو واردی غیرتندن دور
گلوب بو خیردا اوشاقلار سنه دخیل عموجان
روا دگل قوناقین اعطش دیوب ویره جان
بو مشکی چگنوه سال دورما فکر آب ایله
بو تشنه لبلری سیراب ایدوب ثواب ایله
گلونجه سن سو یولی گوزلوری بنات صغیر
او قدر صبرلری یوخدی ایلسن تاخیر
(حقیری) ایلگلن سن عمو اوزون سیراب
او گون که گون که اونی تشنه لیق ایدوب بی تاب
مرحوم حقیر خویی
منبع مجموعه کانالهای مدح و مرثیه
موضوع: حضرت ابوالفضل العباس (ع) احوالات ,
زبان شعر و شاعر: نوحه ترکی , حقیر خویی
-------------------------------
کوچ از قتلگاه
بو نفاق چرخ سپهردن بوکولوبدی قامتی زینبون
اورگینده دمبدم آرتوری الم و مصیبتی زینبون
بیراوسان بوقدر جفاندور فلک آل پاک پیمبره
بونه جور و ظلم و نه کینه دور بوحریم عترت حیدره
نه روا سکینه اسیر اولابوسَنان دشمر ستمگره
حَذرایله شرط وفادگل اولاحتک حرمتی زینبون
قولی باغلی خیل اسیرلر چکلوبدی قید سلاسله
حرم اهلی دسته‌گل کیمی دوزوب بونظامیه سلسله
سفر ایلرایمدی بوکاروان خبر اولدی کوچ ایده قافله
اولا شهر شامه طرف روان بوقطار محنتی زینبون
چوورنده قتلگه طرف چو مهار ناقه‌نی ساربان
یتشن زماندانه گوردولر توکولوب جنازه‌ی بی‌کران
دوزولوبدی پیکر چاکچاک‌هامی زخم تیغدی هم‌سنان
بو بساطی گوردی فزون اولوب الم کدورتی زینبون
نه گوروب که گلشن فاطمه پوزولوب هجوم سمومدن
یخلوبدی قامت سرولریره زخم تیشه‌ی قومدن
یوزی ئوسته بیرجه بدن دوشوب که فزوندی زخمی نجومدن
نظری دوشنده نه حاله گور دوشراوندا حالتی زینبون
چکوب آه و ناله فغانیله بیله عرض قیلدی که یااخا
سنه‌کیم بوظلمی رواگوروب منی ایتدی هجروه مبتلا
نجه‌قان ایچنده گوروم سنی بویارالی جسموه من فدا
نظرایله قان کیمی دیده‌دن آخاراشگ حسرتی زینبون
باخورام که پیکر نازنین داغلوبدی کثرت یاره‌دن
بولورمزیادهوروبدیلار ئوسته‌یاره دوباره‌دن
بوقدر جراحت کارگر که بدنده چوخدی ستاره‌دن
نجه صبر و تاب و توان قالور توکنوبدی طاقتی زینبون
دیدی شرح حالینی بیر زمان توکوب اشگدیده نی‌دمبدم
چاغروب فغانیله یا علی بوبلادیارینه قوی قدم
پوزولوب اساس جلالیمز قریلوب سپاه یاتوب علم
تیشوب زمان اسیرلیق داغلوبدی شوکتی زینبون
بوهمان حسیندی فاطمه بویودوردی نازیله سینه‌ده
هم آلاردی دوشینه مصطفی بوهمان حسیندی مدینه‌ده
گور آلوبلا نیزه ده چکنینه باشین ایمدی لشگر کینه‌ده
بوبلا چولونده قیام ایدوب بابا گور قیامتی زینبون
بولوسن که اول امردن سنه امر ایدوبله بوخدمتی
نقدر که الده‌دی اختیار هدرایتمه الده کی فرصتی
اوزایشونده ایله حقیر جهد گیدر عمر برقالی حسرتی
وار امید روز جزاسنه یتیشه شفاعتی زینبون
مرحوم حقیر خویی
منبع مجموعه کانالهای مدح و مرثیه
موضوع: کوچ از قتلگاه ,
زبان شعر و شاعر: نوحه ترکی , حقیر خویی
-------------------------------
وداع حضرت امام حسین (علیه السلام)
گل ای جفای فلکدن قدی کمان زینب
زمین ماریه ده زار و ناتوان زینب
گیدن دمشقه کیمی شمر شوم النده اسیر
دیار کوفه ده زنجیره باغلانان زینب
بو گورماقیم سنی چون آخرین وداعیمدور
دوباره گوماقا یوخدور داخی گمان زینب
سنیله وعده دیدار محشره قالدی
بیله مدار ایلدی دور آسمان زینب
وصیتیم بودی صبر ایله ای وفا کانی
گلنده قتلیم ایچون شمریله سنان زینب
گورنده شمر گلور الده خنجر خونخوار
مباد یالواراسان شمره الامان زینب
اوزوم بلانی قبول ایتموشم ازل گوندن
گلور ظهوره بو گون بیر به بیر عیان زینب
کسر بو گون باشیمی شمر یدی ضربتیله
گرک ویرم ره جاناندا تشنه جان زینب
اوز اختیاریمیله ویرموشم قضایه رضا
بلایه سینه می ویرم اوزم نشان زینب
دوشر بو گل بدنیم پاره پاره صحرایه
اولور بو قانلی باشیم زینت سنان زینب
عیالیمی سنه تاپشوردوم ای حیا کانی
یتیم اوشاقلارا غمخوار و پاسبان زینب
بلا نقدر گلور سن بلایه صبر ایله
وفالی عاشقی ایلله امتحان زینب
ملول اولما اگر شام پرجفاده سنه
خرابه یر ویره لر منزل و مکان زینب
اگرچه شمر آپارا مجلس یزیده سنی
مباد ترک ایده سن صبری بیر زمان زینب
او وقت خرمن صبر و قراره ویرما شرر
ویراندا لبلریمه چوب خیزران زینب
شفاعتیم گچه جاقدور (حقیره) محشرده
اولوب مقدمه شامه نوحه خوان زینب
مرحوم حقیر خویی
منبع مجموعه کانالهای مدح و مرثیه
موضوع: حضرت امام حسین (ع) وداع ,
زبان شعر و شاعر: نوحه ترکی , حقیر خویی
-------------------------------
احوالات حضرت علی اکبر (علیه السلام)
جبین انوری شمشیره چون نشان اولدی
مه منیرده شقّ القمر عیان اولدی
سکینه حالینه , احوال زار لیلایه
جراحت اثر زخمی خونچکان اولدی
بوکولدی قامت افلاک پشت چرخ برین
نهال قامت کلثوم تک کمان اولدی
چکلدی مصحف رخساره قانیله جدول
یوزونده خط جلی زلف سرخی قان اولدی
بویاندی طره لری قانه شده ی مرجان
دوشوب گل اوستونه گل رنگی ارغوان الدی
ملک لر آغلادی قان قطره قطره چون قانی
سرشک دیده زینب کیمی روان اولدی
سحاب سرخ سیه آفتاب تابانه
شفق سالوب بولود آلتندا گون نهان اولدی
مذهّب اولدی طلائیله صفحه قرآن
طلا و سرخیله سر لوحی زر فشان اولدی
یازیلدی سوره توحید صدر اوّلده
شهادت آیه سی عنوانینه بیان اولدی
نظرده یاره ایدی لیک منزل یاره
گیدردی الده او قان یاره ارمغان اولدی
نقدر قانی آخوب یوزده نقش اولوب یا دوست
چو حق یولوندا فراموش جسم و جان اولدی
وصال تشنه سینه تشنه لیق اولوب غالب
خیال وصلیله بی طاقت و توان اولدی
اراده ایلدی بیرده گوره غریب آناسین
خیام طاهریه عاطف العنان اولدی
یارالی یوسفی یعقوب اثقلانی گوروب
کسوب گذرگهی بیر گوشه ده نهان اولدی
باخاندا خنجر خونخواره قان دوتوب گوزینی
که باغری قاننی توکماقدان اوتری قان اولدی
بولوب خیالین او آهن دلین سویا دوندی
بلند او دم دل خنجردن الامان اولدی
دگنده خنجر ایکی کتفنین آراسندان
آت اوسته منقلب احوال او نوجوان اولدی
یتن ووراردی او ناکامی قوللارین سالدی
عقاب بوینونا یوز خیمیه روان اولدی
زبسکه قان یارالاردان آخوب عقاب اوستن
یخلدی خاک سیه منزل و مکان اولدی
بلی بو رسمدی هر عاشق امتحان اولسون
اولوب حبیبنه محبوب امتحان اولدی
زبس علی آدینی ورد ایدوب دلینده (حقیر)
سبب بودور بو مطالبده نکته دان اولدی
مرحوم حقیر خویی
منبع مجموعه کانالهای مدح و مرثیه
موضوع: حضرت علی اکبر (ع) احوالات ,
زبان شعر و شاعر: نوحه ترکی , حقیر خویی
-------------------------------
وداع حضرت امام حسین (علیه السّلام)
ای گوهر گنجینۀ عصمت باجی زینب
بانوی سراپردۀ عفت باجی زینب
چون یازدی قضا دفترینه منشی تقدیر
دیباچه ده بیر کلمۀ عشق ایلدی تحریر
بیر حرفینه معنا گتوروب ایلدی تفسیر
مضمونی اولوب سرّ شهادت باجی زینب
درج ایلدی بیر کلمه ده اوچ حرفله اسرار
تا اوّل حرف عشقدن عین اولدی پدیدار
رمزیله عطش سرّین ایدوب غیبدن اظهار
گوستردی او معنا بیله صورت باجی زینب
عین اولدی عیان شینه اولوب قافده ملحق
تأویل اولونوب قتله یتر عاشق مطلق
هم قتل شهادتدن اولوب عشق آدی مشتقّ
بو عشق منیله دوتوب اُلفت باجی زینب
بو سرّ ازلدن اوزی بیر سرّیدی مستور
من عشقی عیان ایلدیم آفاقده مشهور
معشوق بو مطلبده گوروب بیر منی منظور
بو منصب اولوب بیر منه قسمت باجی زینب
ایستر منی عالمده بلا ، منده بلانی
ترک ایلمرم کوی محبّتده وفانی
کیمدور ره معشوقده ویرسون سر و جانی
عاشقده بودور رسم محبّت باجی زینب
عهدیم بودی جانانمله کوی وفاده
لب تشنه یتم قتله بوگون کرب و بلاده
من قتلی قبول ایلمشم قالوا بلاده
احیا اولا تا دین و شریعت باجی زینب
اوّل قدم عشقده باغلاندی بو پیمان
عاشق قویان آدین ایلسون ترک سر و جان
ایستر سه اگر باشیمله جانیمی جانان
جانویرمگه وار جانیمه منّت باجی زینب
تسلیم و رضا اول باجی تقدیر و قضایه
ثابت قدم اول عشقده صبر ایله بلایه
مخصوصدور عالمده بلا اهل ولایه
عاشقلر ایچوندور بو کرامت باجی زینب
سنسن باجی مندن صورا سر خیل اُسرایه
تاپشوردوم امانت سنیده ظِلّ خدایه
چون دوست منی دعوت ایدوب بزم لقایه
لازمدی ایدم منده اجابت باجی زینب
گورسن یتورور قتله منی فرقۀ اشرار
یا حنجریمه شمر قویوب خنجر خونخوار
صبر ایله چتیندور بو مصیبت باجی اغیار
طعن ایلیه یا اینکه شماتت باجی زینب
گورجک که دوشوب معرکه ده پیکریم عریان
ایتمه اوجادان شیونیله ناله و افغان
صبر ایله مبادا ایده سن چاک گریبان
وُرما یوزیوه ناخن حسرت باجی زینب
هر کیمسه منی یاده سالوب ایلیه فریاد
البتّه جهنمدّن اونی ایلرم آزاد
مندن بو «حقیر» امّته وار حشرده امداد
دستیمده دی طومار شفاعت باجی زینب
مرحوم حقیر خویی
منبع مجموعه کانالهای مدح و مرثیه
موضوع: حضرت امام حسین (ع) وداع ,
زبان شعر و شاعر: نوحه ترکی , حقیر خویی
-------------------------------
ورود به کربلا
زمین کربلایه چونکی قویدون بیر قدم باجی
مهیّا اول بلایه کربلاده دمبدم باجی
انیس درد و غم باجی عزیزه محترم باجی
مراحم منتهی اولدی یتیشدی مقصده راحل
بو وادی رهروان کعبهٔ اخلاصه دور منزل
نزول ائتجاق بو منزلده اولور شش گوشه ده نازل
امین وحی تنزیله بلا و درد و غم باجی
بو یردور کربلا معناده رشگ وادی ایمن
وجوه طیّبینه چون بو خاک پاک اولور مدفن
سنه ویرانه منزل من غریبه کربلا مسکن
بو عهد قسمتی اوّل یازوب لوحه قلم باجی
باجی شدّت گونونده سن منه همراز و همدم سن
آنام زهرایه محنت مسندینده نایب غم سن
مقام مَحرمیّتده بو گون اسراره مَحرم سن
سنی فی الجمله مطلبدن گرک آگاه ائدم باجی
آییلماز تا حیاتون وار باشون دنیاده محنتدن
ولی بی طاقت اولما شدّت درد و مصیبتدن
خبر وئرّم سنه بی شمّه اسرار شهادتدن
وقوع واقعات کربلادن کیف و کم باجی
بو چولده اَل تاپار آل رسوله آل سفیان
ائدللر خاندان مصطفانی خانمان ویران
یازوبلار کوفه دن صادر ائدوبلر قتلیمه فرمان
گلور یوزمین قوشونلار شمر دون الده رقم باجی
سوسوزلوق آتشینه یاندورالّار آل طاهانی
چیخار سوز عطشدن گوگلره اطفالون افغانی
خراب ائتماقلیقا بالمرّه ملک دین و ایمانی
اولوب کفّار شام و کوفه یکسر هم قسم باجی
بو چولده دوغرانور چون برگ گُل جسم علی اکبر
اَمر پیکان دَمیندن صود سوسوزدان شیرخوار اصغر
یخالّار قانه غلطان قاسمی قوم جفا گستر
ائدللر قولّارین عباسیمین بوردا قلم باجی
دوشر تیره تراب اوسته جوانان بنی هاشم
اولور مقتول تیغ و تیر و خنجر قوم و قارداشیم
گچر خورشید انور تک جدایه نازنین باشیم
تاپار رونق متاع ظلم بازار ستم باجی
بساط حشمت و جاهون اولور مندن صورا برهم
اسیر اولماقلیقا آماده اول باغلا بئلون محکم
حریم عصمته مَحرم اولانماز گرچه نامحرم
ولی زنجیر ظلمه باغلانور اهل حرم باجی
قضایه وئر رضا وئرمه الوندن صبر و ایمانین
گورنده سینم اوسته شمری چاک ائتمه گریبانین
اوجاتما سس مبادا کیم ائشیتسون دشمن افغانین
چتین دور هر مصیبتدن شماتت لاجرم باجی
بلا اقبال ائدنده سن بلادن اولما رو گردان
عطای یاردور ائتمه تغافل شکردن بیر آن
نه گلسه عاشقه معشوقدن ایلر قبول جان
بلا شکرانه سینده لا دئمز سویلر نعم باجی
کمند رشتهٔ ذکر مصیبتده اسیروندور
مقصّر اولسا خدمتده باغیشلا اوز (حقیر) وندور
کَرَم قیل مرحمتله دستگیر اول دستگیروندور
همیشه عفودور آئین ارباب کرم باجی
مرحوم حقیر خوئی
منبع مجموعه کانالهای مدح و مرثیه
موضوع: احوالات ورود به کربلا ,
زبان شعر و شاعر: نوحه ترکی , حقیر خویی
-------------------------------
بخشهایی از احتجاج حضرت ابوالفضل العباس (علیه السلام)
مامور اولموشام بولون ای اشقیای شام
بیر شهریاردن یتورم سیزلره پیام
تحت حکومتنده ذرات کون اونون
جبریل آستانینه دور بیر کمین غلام
یاخشی قولاق ویرون ایشیدون ایلیون قبول
آگاه اولون بودور سیزه فرمایش امام
یاز دوز نقدر هیچ بولوسوز نامه کوفه دن
اشیاخ هر قبایل و اشراف خاص و عام
سنسن یر اوزره حجت حق مقتدای خلق
بیز قالمیشوخ امامسیز ای سید انام
کای رهنمای خلق و یا هادی السلیل
یا منجی الخلائق من حیره الظلام
تعجیل ایله گلماقا گل انتظاردن
قورتار بیزی قالوب گوزوموز یولدا صبح و شام
مین شزط وعده ایله قوناق دعوت ایلدوز
آیا بودور قوناقه گوره رسم احترام
اول عیالینون یوزونه باغلادوز یولی
ایتدوز عجب ملاحظه حرمت کرام
نهر فرات فاطمیه مهر دور ندن
بیگانیه حلالیدی اولادینه حرام
اوز یازدوقوزدان ایمدی اگر نادم اولموسوز
قتلیمده ایلیسوز نه سبب سعی و اهتمام
بو قیل و قال , جنگ و جدال اجتماعدن
گر ادعای سلطنت ملک دور مرام
یثرب سیزون حجاز سیزون یول ویرون گیدوم
چوللرده اوز عیالیم ایچون اخذ ایدوم مقام
تبلیغ ایلدیم سیزه امر رسالتی
بو اول کلامیدی بو آخر کلام
هر نه دیدیم نصیحت اوزوندندی سیزلره
ورنه تصور ایتمیون عاجز قالوب امام
عالم بوتون وجودئیله برقرار دور
تاپماز وجودی اولماسا امر جهان نظام
کشتی ممکناته بودور لنگر ثبات
اقطار کائناته بو دور مرکز قوام
بیر نفسدور دولاندیرور آفاق و انفسی
دست تصرفینده دی سررشته ی مهام
خلق جهانه واسطه فیض حق دور
جاری اولور بو عالمه فیضی علی الدوام
پرگار وار ثابت و سیار و مهر و ماه
سرگشته باشینه دولانور روز و شب مدام
کعبه اگر بونون باشینا ایتمیه طواف
اولماز مطاف عالمیان قبله امام
بو اهل بیت حقنه عارف دی بیت حق
وجهی بودور او بیت اولوب مسجد الحرام
قطع ایلسه ترشح فیضین سحابدن
یاغدیرماز هیچ بولود یره بارانی لاکلام
موتوا دیسه هلاک اولوسوز ویرمسه نفس
قادر دگل نفس چکه بیر نفس والسلام
باطن جلالی دورسون اگر ظاهر ایسته سوز
گیزلین دگل بو جاه و جلال و بو احتشام
عباس تک بونون قاپوسندا غلامی وار
رخصت ویره قتاله چکم تیغ انتقام
دیار قویمارام بو قشوندان آلام اگر
بو شهریاردن اله فرمان قتل عام
معذور ایتمه سین سیزی بو کثرت سپاه
بو دسته بو نظام بو انبوه و ازدحام
ایتمز مقام حربده بیر لمحه ای درنگ
عباس النده برق وورا جوهر حسام
بیر گوز یوموب آچونجا پراکنده ایلرم
نه صف قالور نه دسته نه نظم و نه انتظام
شیر فلک صلابتیمی گورسه روز جنگ
روباه وار برج حملده دوتار مقام
دعوا گونونده شیر خدا اوغلونا حریف
آیا نه جراتیله اولور روبهان شام
عباس آدی گلنده دوتار عالمی هراس
بو آد شجاعتیله تاپوب اشتهار نام
میدان کارزار ده ابطال نامدار
ایتمز برابریمده منیم لحظه ای دوام
غیرت منه حرام اولا چوخ ننگ نام دور
کفاردن قویام یر اوزونده نشان و نام
باتسون آدیم بو سینه لره داغ چکمسم
تاپماز جراحت دل ناسوز التیام
اما سوزوم بودور ایشیدون التماسیمی
رد ایتمیون جواب سوالیمه لاکلام
بیر جرعه سو ویرون آپاروم تشنه لبلره
یول گوزلور ایمدی خیمه ده اطفال تشنه کام
عهد ایتموشم سکینه ئیله وار قراریمیز
شاهد قرار عهدیمیزه حی لاینام
جهدیم بو یرده دور آپارام سو سکینیه
هر نحویله واریمدی بو سوداده اهتمام
جان ایسته سوز بها سویا ایتمم مضایقه
بو شرطین اوسته ایلمیشم جانیله قیام
باشلار بدندن آیریلوب اللر کسیلمه میش
سودانی خوشلوقیله گلون ایلیاخ تمام
ممکن دگل وگرنه بو سودادن ال چکم
چوخ مشکل امر دور ایلیوبسوز خیال خام
ال چکمرم الونجه بو سوزدن اگر دونم
بیر باشیمی ایکی الیمی ویرم التزام
گر التماسیله اولا یا خود قیامیله
سو آلماسا سو اوسته گرک جانیمی قویام
تا اولماسون حسین یانندا سکینه دن
عباس شرمسار بودور غایت المرام
سیز ایتمیون خیال حسینه برادرم
هر گه قبول ایتسه او مولادی من غلام
اولسون قسم حسینه مرادین (حقیر) آلور
عباس دامننه ایده هر کیم اعتصام
مرحوم حقیر خوئی
منبع مجموعه کانالهای مدح و مرثیه
موضوع: حضرت ابوالفضل العباس (ع) زبانحال ,
زبان شعر و شاعر: نوحه ترکی , حقیر خویی
-------------------------------
قتلگاه
یتشدی قتلگه عشقه آل پیغمبر
ظهوره گلدی اوصحراده شورش محشر
سراغ ایدردی آتا جسمینی خانم قیزلار
اوغول جنازه سنی آختاروب اوغولسورلار
تاپوب عزیزینی هر کس دیردی واویلا
اولوب سرّیه‌یِ نالانه هم صدا لیلا
گزردی زینب نالان او قانلی صحرانی
تاپوب حسیننی اوج ایتدی عرشه افغانی
گوروب او حالیله چون مهربان برادرینی
سالوبلا گون قاباقندا یارالی پیکرینی
اولوبدی گون کیمی عریان لباسدن بدنی
اونا نه غسل ویرن وار نه دفن و کفن ایدنی
یوزین اَیاقنه قویدی گیدوب او دم هوشه
گلنده هوشه گوروب خون دل گلورجوشه
جِگر آلشدی چخوب او دلی سینه سیندن آه
دونوب مدینیه عرض ایتدی یا رسول‌الله
اولان بوقاننه غلطان سنون حسینندور
اولوبدی زینت میدان سنون حسینندور
همین بو سینه دی بسلردی سینه ده زهرا
اولوب نشانه‌ی پیکان سنون حسینندور
گهی لبوندن او پردون گهی بوغازیندان
گل اوپ کسوک بو غازیندان سنون حسینندور
ورو بلا سینه سینه دورت مین اوخ یاراسی هنوز
یارا لاریندان آخارقان سنون حسینندور
او قدر یاره دگوب جسمینه بو گل بدنی
اولوبدی خاکیله یکسان سنون حسینندور
یارالی جسمیده بیر گُل آچوبدی هر یاراسی
اولوبدی جسمی گلستان سنون حسینندور
کسوبدی اهرمن انگشتر اوسته انگشتین
سریر عشقه سلیمان سنون حسینندور
حجازی ترک ایلین کینه‌ی مخالفلن
عراق اهلینه مهمان سنون حسینندور
گوزی فراتده حسرتله العطش گویان
ویرن سو اوسته سوسوز جان سنون حسینندور
کمال شوقیله بو کربلا مناسینده
اولان شریعته قربان سنون حسینندور
قوری یر اوسته ویرن پاره پاره گُل بدنی
گویون ستاره‌لرین سان سنون حسینندور
حقیریمون غمی یوخ عرصه‌گاه محشرده
او گونده داور دیوان سنون حسینندور
دیدوقجا شوره گلوب آرتدی دمبدم دردی
یوزین بقیعه مزار بتوله دوندردی
دیدی عجب خبرون وار غریب عیالوندان
سوروشموسان نیه بس اهل بیت حالوندان
بقیعدن گذر ایت سمت کربلایه آنا
سالوبدی دور فلک زینبون بلایه آنا
دیار کرب و بلاده قیام محشری گور
اسیر قوم دغا عترت پیمبری گور
ز بس عداوت آل امیّه ایتدی بروز
سنون حسینوی اُلدوردولر بو چولده سوسوز
دیمه که شمر ستم پیشه ظلمدن دویدی
گوزوم باخا باخا خنجر بوغازینه قویدی
سویوبلا جسمینی اگننده پیرهن یوخدی
هنوز یرده قالوب نعشی دفن ایدن یوخدی
همان حسین که تاپوب پرورش قوجاقینده
قالوب نه حالیله گور گونلرین قباقینده
سواولمادی ولی غسلی ویریلدی قانیله
دوباره من یووارام چشم خونفشانیله
سویولموشام نه لباس و نه زیوریم واردور
ولی باشیمدا همین کُهنه معجزیم واردور
اونی دا قویسالا گر ایلرم حسینه کفن
ولی چتین گورورم من اَمان ویره دشمن
جفا الیله آنا من حسینی ترک ایدورم
یارالی پیکرین عریان قویوب دورب گیدورم
یارالی سینمی شور و نوایه تاپشورورام
یارالی قارداشیمی کربلایه تاپشورورام
رقیّه سی یاناجاق آتش فراقنده
علی‌اصغری امّا یاتار قوجاقنده
اَیاقی آتدا یاتار اکبری گیدر هوشه
اولار اونیله حسینون مزاری ششگوشه
گورن اوقبری گلر داده آه وائیله
بولر او یرده یاتوب بیر آتا بالائیله
آتا بالا غمینی یاد ایدر اورک داغلار
او پاک مدفنه سورتر یوزین یانار آغلار
ویرر آتانی اوغول جاننه قسم زوّار
نه حاجتی اولا ایستر آتابالادن آلار
نولور بو وفقه آلهی (حقیره) قسمت اولا
گیدنلره قاریشوب عازم زیارت اولا
حقیر خوئی
منبع مجموعه کانالهای مدح و مرثیه
موضوع: احوالات قتلگاه ,
زبان شعر و شاعر: نوحه ترکی , حقیر خویی
-------------------------------
در احوالات خرابه شام
فغان او وقته خانم زینبه ویریلدی خبر
گلور خرابیه راس شهید تشنه جگر
دیدی رقیه دیوللر شه حجاز گلور
ایاقه دور آتاوی ایله پیشواز گلور
دوروب ایاقه یریندن قاچوب صول و صاقه
خرابه نین قاپوسیندا دوشنده تپراقه
دیدی که ایمدی ایده بولمرم ایدم اعزاز
ایاقی آلتدا ایدیم قوی یوزیمی پای انداز
کَسَلَّه رسمیدی قربان عزیز مهمانه
گلور منیمده گمانیم بو ناتوان جانه
بسان سایه سالوب عکس گوزیاشی اوسته
گوزون آچاندا گوروب گون گلوب باشی اوسته
ایدوب خرابه نی روشن سر امام شهید
طلوع ایدوب گجه وقتی خرابه ده خورشید
جمالی طشت طلا ایچره آفتاب کیمی
یوزونی قان بورویوب سرخیِ سحاب کیمی
خرابه دن اوجالور دمبدم فلک لره نور
اولوب او نوریله ویرانه رشک وادی طور
تجلی ایتدی پس پرده دن جمال الله
مقام بهتده محو جمالی آل الله
عیالینین یوزونه بیر به بیر نظر سالدی
او قانلی گوزلری اما رقیّه ده قالدی
آتا محبتی گلدی رقیه ده جوشه
باسوب او قانلی باشی حسرتیله آغوشه
یوزون قویوب یوزونه گیتدی سینه سینده تاب
یخیلدی دوردی گلوب نالیه بسان رباب
دیدی بابا نیه بس ایتموسن یوزومه نظر
بیله گلور آتالار گورماقا عیالی مگر
سنون جمالیوا مدتدی قالمیشام حسرت
دوشوب اله نچه مدتده بیر بیله ساعت
یتن زماندا ولی دامن وصالون اله
صاقا صولا باخورام قورخورام که شمر گله
اگر گله گوره شرم ایلمز یانوندا وورار
یوزومه بسکه ووروب سیلی ایمدیده یری وار
دیمزدی ئولماقوی بس ندن بی بیم زینب
بو نوع گلماقی نیلوردوم ای امیر عرب
مرحوم حقیر خوئی
منبع مجموعه کانالهای مدح و مرثیه
موضوع: احوالات خرابه شام ,
زبان شعر و شاعر: نوحه ترکی , حقیر خویی
-------------------------------
احوالات شب عاشورا
سپاه کینه سو بسو چه کوفیان چه شامیان
دوروب نظرده روبرو نظام و دسته یان به یان
بیری بیرینه گفتگو الور ویرور نهان بیان
نها ندی لیک ایلرم بو سری آشکار من
بیری دیور جوانینی بو دشتیده شهید ایدین
بیری دیور که یوسفین بو چولده ناپدید ایدین
بیری دیور حرملرین مصیبتین جدید ایدین
بیری دیور که زینبین چکیم دمشقه خوار من
بویوردی من بوجمعدن گوتوردوم ا یمدی بیعتی
بو موج خیز قلزمین بلاسی چوخ وار آفتی
جا نین سوین کنار اولار دوتار ره سلامتی
سالار بو بحره لنگرین نهنگ نامدار من
کمال عشقیله قالار یانیمدا عون و جعفریم
ویرر هر ایکی اللرین بو شیردل برادریم
کمان آچاندا حرمله گوستری حلقین اصغریم
و یرر نشان خدنگه چون بو طفل شیرخوار من
بو قدر اشقیا گلوب منیله چو نکه کاری وار
بو تیره شبده هر گیدن گیدرسه اختیا ری وار
قا لار منیله هر کیمین ازل گو نی قراری وار
مفو ض ایلرم سیزه زمام اختیا ری من
بو بزم عا شقانه دور که مجلس نیازدور
بساط قرب وصلیده مقام اهل رازدور
بو بزمه طالب اولمویان حقیقتی مجازدور
ازل گونومدن طالبم لقای وصل یاری من
بو کر بلا دیارینین مصیبت و ملا لی وار
نه اینکه زیب و زینت و جلالی ملک و مالی وار
گیدر کناره هر کیمین که سیم و زر خیالی وار
قالار یا نیمدا مسلم و حبیب جان نثار من
خلیل سان گتورموشم نچه جوان ما ه رو
هزار شور و شوقیله منا یه جمله مشکبو
تمام سرو قامت و عقیق لب بنفشه مو
بو مه لقا جوانلاری فدای راه یار من
چو مطلب اولدی آشکار او بیوفا جماعته
صراط مستقیمدن دو شو بدولر ضلالته
او لوبلا بیو فا هامی او سالک رسالته
آلوب بو نکته صبریمی گیدوب داخی قرار من
او بد نهاد طا یفه نه شرم ایدوب نه بیر حیا
او چو لده خیمه سین یخان دو شردی بیر به بیر یولا
گو روردی زینب حزین کوچو ر سپاه بیوفا
دیوب یتو شدی موسم فغا ن و زار من
قو یار داخی تمام اولا بو ماجرای غم فزا
صحیفه ملالده حکایت غم و عزا
گو تورمه دامنیندن ال (حقیر) تا دم جزا
که بزم حشریده او دور محل اعتبار من
مرحوم حقیر خویی
منبع مجموعه کانالهای مدح و مرثیه
موضوع: احوالات تاسوعا و عاشورا ,
زبان شعر و شاعر: نوحه ترکی , حقیر خویی
-------------------------------
شجاعت و احوالات حضرت علی اکبر (علیه السلام)
چو عزم رزم ایدوب اول شیردل غضنفر تک
قدم رکابه قویوب حیدرانه حیدر تک
عقاب اوسته آچوب شاهباز تک پر و بال
خدنگ تیر و کمانی ، سنانی شهپر تک
نهال قد دل آراسی تک ، النده سنان
کمان ابروی مژگان ، خدنگ خنجر تک
کمند زلفنی چین چین ایدوبدی دورت شقه
دوتوبدی دورت طرفی بوی مشک ، عنبر تک
ویروب قباقجه بیر دسته پیش جنگ قرار
دوزوب یمین و یساره سواره لشکر تک
دالندا دسته زلفی اولوب سر افکنده
علی دالندا بعینه غلامی قنبر تک
یوزی صحیفه قرآن ، خطی کلام الله
ایکی طرفده سیه زلفی خط مسطر تک
متانتیله خرام ایتدی سمت میدانه
آت اوسته قامت رعناسی بیر صنوبر تک
یتوب او عرصه ده بیر گردش ایتدی چون پرگار
دایاندی مرکز میداندا قطب محور تک
جدایه تکیه ایدوب لحظه ای دوروب خاموش
ثباتی کشتی بحر بلایه لنگر تک
حصار جسمی ویروب سد آهنین ترتیب
برابر صف یاجوجده سکندر تک
علی یوزونده پیمبر جمالنون نوری
تجلی ایتدی او دم آفتاب انور تک
دوشوب تحیره لشکر سکوت حالنده
تمام عرصه حیرتده مات ششدر تک
شل اولسون اللریمیز گر قلج چکاق یوزینه
اگرچه شعله چکه برق تیغی آذر تک
بولوب عقیده قومی خطاب قیلدی عمر
بو نوجوان گوروسوز صورتا پیمبر تک
خیال ایلمیون سیز پیمبرون اوزیدور
اولوبدی جدینه بنزر جمالی مظهر تک
دگل رسول ، حسینون علی اکبری دور
شجاعتیله صلابتده شیر داور تک
نه دورموسوز بو جوانی چهار جانب دن
ایدون احاطه جماعت محیط اخضر تک
قلج ووران اوخ آتان دسته دسته حمله ایدون
ورون ، یخون یره رعنا قدون صنوبر تک
سنان و نیزه و شمشیر و تیر و خنجریله
تکه تکه بدنون دوغریون گل تر تک
اونون جمالینی قانیله ایلیون گلگون
که سرخ رو گیده بزم نگاره دلبر تک
ویریلدی لشکره تا ابن سعددن فرمان
صدای کوس اوجالوب هایهوی لشگر تک
گلوب تلاطمه دریای غیرت علوی
قزاردی رنگی غضب دن طلای احمر تک
آچوب فصاحتیله لعل گوهر افشانون
توکوب لعآلی دری کلامی گوهر تک
نه سس سسه ویروب ای قوم قیل و قال ایدوسوز
نه بیر بیره قاریشورسوز زنان و دختر تک
هانی او لاف گزاف ایلین دلاورلر
گله مبارزته فارس هنرور تک
حرام اولا سیزه غیرت ، گرک نهان اولاسیز
بو غیرتیله پس پرده ده مخدر تک
شجاعت اولسا اگر بیر کسون وجودینده
چخار اودا قویولاندا عیاردن زر تک
بو کثرت ایچره اوزوم تک، بو قوم و لشکردن
گوروم بو یرده دوران وار بو تک دلاور تک
دایاندی یرلی یرینده ، چو قالب بی روح
نه حس ،و نه حرکت ، صورت مصور تک
گورنده حالت قومی نبیره حیدر
دولاندی حالتی خشمه گلوب غضنفر تک
ووروب عقابه چپ و راستدن ایله مهمیز
گلوب او دم تک و پویه عقاب صرصر تک
اوجاتدی معنی الله اکبری اکبر
ال آتدی قائمه ذوالفقاره حیدر تک
یوزی گوزی قیزاروب منتهای غیضندن
ایدردی، حمله او حالیله ضیغم نر تک
بسان مور و ملخ ایلدی پراکنده
جناح قلب داغلدی یمین و ایسر تک
علم یاتوب ، پوزولوب دسته لر، قشون سیندی
داغلدی رشته نظم و نظامی صفلر تک
ویروب او دشتده ترتیب کشته دن پشته
بیر بیر اوسته دوشوب سرنگون بدن سر تک
علی الینده ظهور ایتدی سطوت علوی
یهود قومینه رزم قتال خیبر تک
اولاندا بارقه هر فرقه برق شمشیری
بولردی راکب و مرکوبی عمر عنتر تک
ایدوب او عرصه نی اعدایه حوزه عرصات
مجسم اولدی نظرلرده هول محشر تک
قالاندی تل کیمی نعش لر ، ایدوب مسدود
فرار ایدنلره راه فراری معبر تک
فضای دشت چو دریای خون اولوب مواج
او قان ایچینده بدنلر نگون شناور تک
قیلوب قلوب سپاه مخالفی تسخیر
باباسی بدرده منصور اولان مظفر تک
گلن خیالیمه الدن قراریمی آلدی
خیالیمی ایدوب آشفته زلف اکبر تک
نوای ناله نی ، ناله دن دایاندی ، دله
ایدر اثر رگ و جانه زبان نشتر تک
قلم دایاندی الیم تتردی ، دوتولدی دلیم
دولوب ملالیله قلبیم، دل مکدر تک
شهادتی دله گلمز دیسم دلیم یانسون
اوزوم بو اوددا یانام سهلدور سمندر تک
که قورخورام اورگیمده بیر اود زبانه چکه
یانا الیمده کی خامه (حقیر) دفتر تک
نه پیر دهر گوروبدور نه مادر ایام
جوانمرد هنرمند علی اکبر تک
مرحوم حقیر خویی
منبع مجموعه کانالهای مدح و مرثیه
موضوع: حضرت علی اکبر (ع) احوالات ,
زبان شعر و شاعر: نوحه ترکی , حقیر خویی
-------------------------------
شام غریبان حضرت امام حسین (علیه السلام)
اولور بالا آنا قوینوندا گرچه راحت اوغول
یازیلمیوب سنه امّا بیر استراحت اوغول
گوز آچ قوناقلاریوا بیرجه خوش صفا ایله
قوناقه لازمه دور احترام و حرمت اوغول
بهشت خانملاری گویدن یره نزول ایلیوب
بو قصدیله سنی تا ایلسون زیارت اوغول
قوری دلیله اوزوندن قوناقلاری ممنون
نوازش ایت یولا سال جانه وار بو منت اوغول
بو صاق یانیمداکی جدّه ندی حالینی خبر آل
اماندی ایتمه آنامدان منی خجالت اوغول
جواب ورماقا یوخ سنده حال حقون وار
یورولموسان ویریلوب چوخ سنه اذیت اوغول
اگرچه زحمتوه راضی اولمارام بیرده
قبول ایله منیم خاطریمه زحمت اوغول
باشی بلالی بیر آز گوگلوم ایستوری دانیشاق
گجه گیچر گیده فوته مباد فرصت اوغول
فداک یا ولدی یا غریب و یا مظلوم
منه بو امت الیندن ایله شکایت اوغول
باشنداکی یارالاردان خبر ویرور اورگیم
گرک نقدر بدنده اولا جراحت اوغول
نه گونده دور بدنون احتیاجی گورماقا یوخ
ایدر باشون بدنون حالینی حکایت اوغول
اوغول کول اوستی هارا , سن هارا , تنور هارا
گتورمه میش باشیوا قالدی بیر مصیبت اوغول
مگر بو قالدی جدایه ووروب دولاندیرالار
کسیک باشون ایده تا شهرلرده شهرت اوغول
بو ظلملر , بو بلالر اوساندیلار یا نه
گتوردولر باشوا بو وفاسیز امت اوغول
نقدر دیندیرورم دینمومسن بو دفعه ده گر
جواب ویرمیه سن ایلرم قیامت اوغول
جواب
دوشنده فاطمه دلدن گلوب مقاله امام
ایدوب سوالینه ردّ جواب ویردی سلام
حسینوین طرفیندن باشون سلامت آنا
الیندن آلدیلا اوغلون ستمله امت انا
اوزوم الوم خبریمی گتورموشم ایده سن
جفای امتینی جدّیمه شکایت آنا
باشیمدا وار اون ایکی معتبر شهود و عدول
ویرور شهادتیمه هر بیری شهادت آنا
یانیمدا دورت مینه دین شاهدیم صغیر و کبیر
گور هر بیرینده ثبوته یتوب عدالت آنا
ایدر ادای شهادت حضور داورده
اولا ضرورت داعی مقام حاجت آنا
علاوه یتمیش ایکی تن شهید ایچون تعدیل
همین بو اکبر و اصغر ایدر کفایت آنا
منیم قانیمدا محققدی سرّ ثارالله
زیارتین فقراتی ایدر دلالت آنا
قانیمدی خون خدا , خونبها خدای شهید
شهید شاهدی جدیم ایدن زیارت آنا
مصیبتمده جزای جزیل و صبر جمیل
سنه خدای جلیل ایلسون کرامت آنا
نه احتیاج تسلی سنه اوزون بولوسن
بیز اهلبیته اولوب قتل ازلدن عادت آنا
چوخ آختاروردی گوزوم یاخشی وقتده گلدون
چکردیم ایمدیه دین انتظار فرصت انا
نه دیندیرن نه دینن وار یورولموشام گجه نی
ایدیم بو سینه ده تا صبح استراحت آنا
بو حالیله منی قویمازلا راضیم قویالار
تنور ایچینده اولام بیر دقیقه راحت آنا
صباح اولاندا قوراللار بیر اوزگه هنگامه
که وار بلالی باشیمدا بویوک مصیبت آنا
وراللا سنگ جفا شامده کسیک باشیما
ایدنده نیزه ده کهف آیه سین تلاوت آنا
سکوت ایتماقمی کم محلّوق ایتمه حساب
سوروشما سرّینی وار دینمه ماقدا حکمت آنا
سنون یانیندا اوزوم زینبون یانیندا خیال
قویار خیالی مگر منده نطقه طاقت آنا
قالوب نه حالته اوچ گوندی گورمیوب یوزیمی
گورنده نیزه باشیندا ایدر قیامت آنا
باخوب جدایه وورار چوب محمله باشینی
زبس سینان باشینی گرم ایدر محبت آنا
گتورسه لر نه بلا نوشدور کسیک باشیما
ولیک زینب و کلثومه دور اذیت آنا
بو امر خیلی گراندور سنه عیاندی منه
ایدلله اهل عناد آشکار عداوت آنا
خانم باجیلاریما , محترم حرملریمه
ایده لله اهل جفا کوفه ده شماتت آنا
قوناقلاروندا اوزونده مشرف ایلموسن
بو گلماقوز سیزه زحمت منه خجالت آنا
بغشلیون منی سیز بانوی معظمه سیز
گرک وظیفه شانوز اولیدی حرمت آنا
نچون قوناقه گوره احترام لازمدور
ولی نه فایده یوخ منده استطاعت آنا
خجالتم الی بوش منزلیم محقردور
بو منزلیمده سیزه بولمورم لیاقت آنا
باشیم بدنده دگل تا دورام ایاق اوسته
ویرم ظهوره حضورنده حسن خدمت آنا
اماندی قوی یوزومی تپراقا ایاقوندان
اپوم خیالیده مدتدی وار بو حسرت آنا
غریبم آغلا منه کربلاده قویمادیلار
دویونجا آغلیالار اهل بیت عصمت آنا
جزا مصیبتیمه یا عوض شهادتیمه
اقلّ مرتبه دور پایه شفاعت آنا
(حقیر ) نوکریمون نسبتی سنه منه وار
ولی سنوندی شفاعتده حق سبقت آنا
مرحوم حقیر خویی
منبع مجموعه کانالهای مدح و مرثیه
موضوع: حضرت امام حسین (ع) شام غریبان , احوالات تنور خولی ,
زبان شعر و شاعر: نوحه ترکی , حقیر خویی
-------------------------------
زبانحال حضرت امام حسین (علیه السلام)
یولا سالاندا جوانین شهید عشق الاه
کمال حسرتیله آردیجا ایدردی نگاه
یاناردی اول شه عطشان شرار نسگلیله
خطاب ایدردی سپاه جفایه بو دلیله
اکبر گلوری اهل جفایه خبر اولسون
آماده اونون قتلنه قوم کفر اولسون
گتدیم بو جگر گوشه می قربانگه عشقه
آماده دی باش ویرماقا راه شه عشقه
لابدّ اولان مرحله پیما ره عشقه
هر باره ده تسلیم قضا و قدر اولسون
ای فرقه بی رحم گورورسوز بو جوانی
کیم مصر ملاحتده بو دور یوسف ثانی
انصافیدی بو سلسله مُشک فشانی
آغشته خون , ظلمله چون مشک تر اولسون
ای قوم بودور عزت پیغمبره دلبند
لیلایه اوغول زینبه همدم منه فرزند
گر قانه باتا زلفی علی باشینه سوگند
الحق یری وار آل علی خونجگر اولسون
دریای تجلاده زبس غرقیدی نوره
بی پرده گلور نور خدا بوندا ظهوره
تشبیه اولور نخل سنان نخله ی طوره
گر نوک جدا اوزری یوزی جلوه گر اولسون
خورشید رسالتده اولان معجز و آیات
مرآت جمالوندا سالوب عکسی ظهورات
حق کلمه سی اولماز سوزیله باطله اثبات
تا الده مگر معجز خیر البشر اولسون
آی پارچاسی تک جلوه لنوب عارض آلی
خونین شفقیله دوتولور بدر جمالی
انگشت نما چون مه نو نوک هلالی
آنّندا عیان معجز شق القمر اولسون
میدان شهادتده تیکوبدور یره بیدق
بو عشق بساطینده ویروب عشقیله رونق
فرق اولمیه حیدر کیمی فرقی اولا منشق
اکبرده علینون اثری فرق سر اولسون
قربان ره عشقیدی ایتموش قلم نور
آننّدا فدیناه بذبح آیه سی مسطور
نه فایده وار , دیده کوته نظران کور
ایستر گوره هر کیم گرک اهل نظر اولاسون
هر چند تمناسی شهادتدی نظرده
باشی کسیله تشنه ویره جان قوری یرده
نه رحم و مروتدی گورون قوم کفرده
بیر تازه جوان قاتلی یوز مین نفر اولسون
آماده سیز الده کیمی خنجر , کیمی شمشیر
خنجر یرینه نصب ایده سیز سینه سینه تیر
بالله دل لیلاده ایدر سوزشی تاثیر
هر زخم که گل پیکرینه کارگر اولسون
عمریله (حقیرا) ووراسان دفتره خامه
سوز آخره یتمز یتشور عمر تمامه
وار اهل نظر دیده سی تاثیر کلامه
سوزدن اثر ایستللّه ولو مختصر اولسون
مرحوم حقیر خویی
منبع مجموعه کانالهای مدح و مرثیه
موضوع: حضرت علی اکبر (ع) زبانحال ,
زبان شعر و شاعر: نوحه ترکی , حقیر خویی
-------------------------------
در احوالات حضرت فاطمه زهرا (سلام الله)
گیچمه میش اوچ گون وفات مصطفادن فاطمه
گوردی گوناگون جفا اهل جفادن فاطمه
اولمادی خوشدل زمانه محنتیندن بیر زمان
گولمدی بیر آن یوزی تیر غمه اولدی نشان
قامت رعناسی خم جسم ضعیفی ناتوان
جانه دویدی کثرت درد و بلادن فاطمه
قویمادی دور زمانه بیر زمان دلشاد اولا
لحظه قلب ملولیغصه دن آزاد اولا
خانمانون ای فلک آخر گوروم برباد اولا
اولدی ویران خانمان اوّل بنادن فاطمه
آلدی الدن اختیار اوّل آناسیزلیق غمی
اوستونه گلدی آتا دردی پیمبر ماتمی
چون قبل ایتمیشدی هر درد و بلای عالمی
آشنا اولدی بلایی ابتدادن فاطمه
بیت الاحزانی پیمبردن سورا قیلدی بنا
گوشه بیت الحزنده آغلادی صبح و مسا
یاد اولوب بیگانیه ایتدوقجا یاد آشنا
اولدی چون بیگانه وصل آشنادن فاطمه
بی وفا امت پیمبر عهدینی سیندیردیلار
بابا درگاه بتوله اود وروب یاندردولار
بازی خیرالنسایه تازیانه ووردولار
اولمیوب فارغ هنوز امر عزادن فاطمه
دار دنیاده تمام عمر ایلدی اون سگیز ایل
روز و شب شغلی فغان و ناله اولدی متصل
شربتی اشک روانیدی غذاسی خوخن دل
درده دوشدی رحلت خیرالورادن فاطمه
مونس آه سحر همدم، غم ایامیدی
بیر دقیقه آ؛لاماقدان نه گئجه آرامیدی
نه گونوزلر ناله دن ساکت صباحی شامیدن
تنگه گلدی جور و ظلم اشقیادن فاطمه
دم به دم آرتور مرض سولدی او گل تک صورتی
بستری اولدی یاخونلاشدی زمان رحلتی
دوشدی طاقتدن اوزینده گوردی گتماق حالتی
پهلوی مجروحیله دار فنادن فاطمه
عرض ایدردی حالینی اوز ابن عمی حیدره
ای عم اوغلی وعده دیدار قالدی محشره
وار شکایت لر یتین ساعت ایده پیغمبره
امت بد عهد و قوم بی وفادن فاطمه
ای ولی حق قسم اوز حقیمه ویرم سنی
دفن قیل اغیاردن گیزلین گئجه وقتی سنی
اولماسون حاضر نمازیمده پیمبر دشمنی
نارضادور دشمن آل عبادن فاطمه
گوشه تابوتیمه یتسه منافقلر الی
بول کفن ایچره یانار بو جسم زاریم یا علی
نه فراموش ایلیوب ظلم شقی اولی
نه اولوب خوشدل ایکینجی بی حیادن فاطمه
دامن وصلون الیمدن چرخ کج رفتار آلور
مسند غمده یانیمدا نائبم زینب قالور
انتظاریله گیدور بیر عالمه فرقت سالور
هم غریب کربلا مجتبادن فاطمه
جان سنون جان بو آنا سیز زینبون مندن سورا
چوخ مصیبتلر چکر عالمده بو بختی قرا
زینب و کلثومه هر بیر ظلم ایده لر جابجا
مطلع دور بیر به بیر هر ماجرادن فاطمه
کثرت جرم و معاصیدن حقیر اولما ملول
شافع هنگامه محشردی زهرای بتول
خاطر منظوردور البته مجری دور قبول
هر نه خواهش ایتسه درگاه خدادن فاطمه
مرحوم حقیر خوئی
منبع مجموعه کانالهای مدح و مرثیه
موضوع: حضرت فاطمه زهرا (س) احوالات ,
زبان شعر و شاعر: نوحه ترکی , حقیر خویی
-------------------------------
در احوالات حضرت امام حسن (ع)
چون ساقیِ زمانه مِی تلخِ ناگوار
جامِ جهانه توکوب ، قیلوب ، دُور روزگار
دورینده قیلدی زهریله عُشّاقی تلخکام
سِیرینده ایتدی زمرهء فُسّاقی کامکار
قیلدی هواپرست لری نفس ، خودپرست
مستِ مِی الستلری عقل ، هوشیار
دوران ز بسکه کج کج ایدوب ، دور ، دوره ای
ایّامده قالوب آدی دللرده کجمدار
دنیای حیله ساز ، چرخِ دون نواز
نیرنگ بازلیقدا قویوب رسمِ اشتهار
هر ناتمیزی رتبهء عزّتده ، امتیاز
هر بیر عزیزی پایهّ ذلّتده خوار و زار
هر عَهدده عجوزهء دنیا اوزی کیمی
بدعهد و سست رأیی قیلوب صاحب اختیار
امثالینی ایدوب طُلقای زمانیدن
پابستهء حبالِ حیل ، دامِ اغترار
دنیا کیمی ویروب اوزینه هندِ زانیه
آرایشِ تمامیله ، مین نقش و مین نگار
آمیزش نفوسیله نفسی فواحشه
بِالطّبع میلِ سازش ایدوب اولدی سازگار
جمع ایلیوب اَجامِری ، دورینده چون مگس
تارِ هوسده صید لَعاب عنکبوت وار
واقع اولوب مواقعه سینده منازعه
دعوا طلب بو واقعه ده جمعِ بی شمار
رفعِ نزاعه نطفهء زشتِ معاویه
مخلوط منقعد اولوب ، اثنای گیر و دار
یدّی زنادن اصلی صحیح النَّسَب خَلَف
قویدی یرینده هندِ جگر خواره یادگار
باغلاندی نطفه سی قاریشوخ ، باغلادی کمر
تا دشمنیّ عترتِ اطهاره استوار
گاهی علی شهادتینه نقشه لر چکوب
گه قتلِ مجتبایه چکوب طرح ، او نابکار
گوندردی قدر سودهء الماس خفیّتا"
مَروانه ، سِرّ مطلبی بولدوردی آشکار
مروان او سرّه حالی اولوب ، آختاریب تاپوب
اوز مثلی بیر عجوزهء غدّار و حیله کار
محتالهء زمانه و مَکّارهء جهان
ایثونه نام ، حیله ده ابلیسِ روزگار
قویدی آرایه مطلبی تطمیعِ مالیله
راضی اولوب ، بو مطلب اونا اولدی واگذار
تاپدی حرامسرای امامه عجوزه یول
کم کم بنای الفت و ربط اولدی پایدار
اَسمانین آلدی رأیین اله ، میلین آنلادی
خلوتده تا سوز آچدی که ای سروِ گلعذار
بلقیسِ روزگار و زلیخای عصرسن
هانسی گوزلده وار بو گوزللوق که سنده وار
دلتنگ اوتورما غنچه تک ، ای نو شکفته گُل
بیر گول جهانی گولماقیله ایله لاله زار
حسرت چکلّه صحبتوه شاهزاده لر
سن بی دماغ گوشهء حسرتده دلفکار
آوازهء جمال و کمال و ملاحتون
مصر و عراق و شامه سالوب صِیتِ اشتهار
اوصافیوی یزید ایشیدوب ، تیرِ عشقیوه
اولموش گوگلدن آهوی وحشی کیمی شکار
بو شدّهء جواهری مخصوص شامدن
شاباش گوندروبدی سرِ مویوه نثار
اِغوا ایدوب ز بسکه ملعونه جُعده نی
عشقِ یزیده قلبینی مفتون و بی قرار
رسمِ وفا و مِهری فراموش ایلیوب
بیگانه آشنائیله اغیاره اولدی یار
وادار ایدوب خباثتِ ذات اول خبیثه نین
قتلِ امامه نفسینی بِاللّیلِ و النّهار
اوچ مرتبه ویروب حسنِ مجتبایه زهر
ویردی شفا او سَروره خلّاقِ کردگار
ابلیس وار او راندهء درگاهِ کبریا
دوشدی حریمِ بارگهِ قربدن کنار
تا اینکه تاپدی بیر گجه فرصت یواش یواش
خلوت سرای خاصّ امامه قیلوب گذار
تخت اوسته تا دوشوب نظری گوردی نازیله
مشغولِ خوابِ راحت اولوبدور او شهریار
روشندی بزمِ شمعِ جمالیله پایهء -
تختینده بیر طرفده یاتوبدور طلایه وار
آهسته گوتدی باشینین اوستن او کوزه نی
بیر قدر زهر داخل ایدوب او ستم شعار
دوندی سویا او زهر اولوب دیدهء سبو
احوالِ زارِ زینبه و کلثومه اشگبار
ناگاه عارض اولدی عطش ، خواب نازدن -
بیدار اولوب گوز آچدی امامِ بزرگوار
آلدی الینه کوزه نی بیر باخدی مُهرینه
مُهرین گوتوردی مخزنِ اسراره مُهردار
لاجرعه چکدی باشینه اوّلده لبلرین
یاندوردی دوغرانوب جگر ایتدوقجا زهر ، کار
یاندوردون ای فلک یاناسان قلبِ عالَمی
یاندورمادی سنی شررِ آهِ شعله بار
ووردون نه داغیدی گینه قلبِ پیمبره
قیلدون او داغیله دلِ زهرانی داغدار
بیر جرعه سو حسیندن ایتدون مضایقه
ویردون سبوئیله حسنه زهرِ آبدار
بی شرم روی ، آبیده قویدون نه آبرو
تا حشر ، روی فاطمه دن اولدی شرمسار
سیراب ایلدون حسنی ، قارداشی حسین
سو ایچمدی بو نکته ده آیا نه سرّ وار؟
هر دم سویا باخاندا قیلوب یادِ مجتبا
سِرّی بودور که تشنه لیقی ایتدی اختیار
آتش ، نهادِ آبه سالوب آهِ سرددن
ویردی سویا حرارتِ انفاسی حکمِ نار
آبِ وصال تشنه سی میدانِ عشقیده
دوشموشدی قان ایچینده چو آهوی زخمدار
مشغولِ راز ، گرمِ مناجات ، چون کلیم
محوِ تجلیّاتِ ظهورِ جمالِ یار
محسوسیدی هواده دمِ گرمدن عطش
جاری اولوردی قان یارادان چو چشمه سار
ناگاه گوردی خیمه لر اوسته قشون گیدر
بیر آچدی قانلی گوزلرین اول معدنِ وقار
سسلندی ای جماعت بی شرم ، شرم ایدون
آخر عربده غیرت اولور سیزده یوخدی عار؟
قورختمیون عیالیمی هر قدر من ساقام
قصدوز منم ، دگل بو که قانونِ کارزار
اوّل گَلون منیم ایشیمی ایلیون تمام
تا گورمیوم عیالیمی دشمن ایچینده خوار
لشگر قییتدی آتلولار آت سالدی اوستونه
قیلدی احاطه دوره نی قرخ مین نفر ، سوار
خنجر ، عصا ، قلج ، الینه نیزه اوخ گلن
ووردوقجا گه یَمینه ایدوب میل گه یَسار
نه حالتِ سواری و نه حالتِ قتال
نه قُوّتی قولوندا چکه بیرده ذوالفقار
گه سسلور اوغلونی کمگه ، گاه قارداشین
گاهی دولاندورر نجغه چشمِ اشکبار
زینب الی باشندا چیخوب تلّون اوستینه
قالدی نه حاله ، حالِ دلِ زینبِ فکار
تفصیله یوخ مجال ، اولور باعثِ ملال
مطلوبدور (حقیر) به هر حال اختصار.
مرحوم حقیر خوئی
موضوع: حضرت امام حسن مجتبی(ع) احوالات ,
زبان شعر و شاعر: نوحه ترکی , حقیر خویی
-------------------------------
کوچ از قتلگاه
باخوب صاق و صولونا اول اسیردرد و علم
یانیندا گورمدی بیر کیمسه مونس و همدم
توکوب سرشک چو یاقوت چهره زرده
گلوب نواییله آهسته نی کیمی درده
دیردی هارداسان ای نورچشم پیغمبر
گل ایت سوار منی محمله علی اکبر
گوروب جواب ویرن یوخدی زینب زاره
خطاب قیلدی اوقولسوزدوشن علمداره
که ای حسینین علمداری دورعلم اله آل
باجون دمشقه گیدور کاروانی دوریولا سال
دولاندوروب یوزینی بیرده قتلگاهه طرف
چاغوردی سوزیله ای نورعین شاه نجف
اوزون بلورسن عزیزم بتول عذرایه
نه چاره؟اولموشام ایمدی اسیر اعدایه
دوتوم اوزوم دیموشم شوقیله بلایه بلا
سینق کجاوه پیمبرعیالینه نه روا
گلوب الینده او دم تازیانه شمرلعین
که ای علی قیزی بو دمده اول کجاوه نشین
نه دورموسان کیمی گوزلئرسن انتظارین وار
توقف ایتمه نه یار و نه غمگسارین وار
قباقدا شامه کیمی یول اوزاقدی چوخ منزل
سوار اول دیمه زینب هارا سینیق محمل
حسینین الدی سنین شان و شوکتین گیتدی
خانملوقوندا جلالینده آخره یتدی
نولوربو وقفه الهی (حقیره) قسمت اولا
گیدنلره قاریشوب عازم زیارت اولا
مرحوم حقیرخویی
منبع کانال گنجینه گذشتگان
موضوع: کوچ از قتلگاه ,
زبان شعر و شاعر: نوحه ترکی , حقیر خویی
-------------------------------
در شهادت حضرت علی (ع)
بو غم اولوب موثر درگاه کبریایه
ماتم دوتوب ملکلر سلطان اولیایه
یکان عرش اعظم عرشه چکوبله قاره
لاهوتیان گلوبلر فریاد و آه زاره
هرآن علی مقامین فکرایلیوب دوباره
محزون اولوبلا یکسر مفهوم قل کفایه
جنت دگل اگرچه جای فغان و ماتم
بو غمده غملنوبدورواردورنقدرعالم
آلموش اجازه حقدن نوح و خلیل و آدم
ارواح پاک گلموش نی تک هامی نوایه
جنات عدن ایچنده بیربزم غم قوروبلار
اول مجلس نبی لرارواحی دولدوروبلار
ختم رسل یانیندا صف صف هامی دویوبلار
بیربیرویرورتسلی مصداق هل اتایه
سارا خدیجه مریم باشه قرا سالوبلار
خوانون روزمحشراطرافینی آلوبلار
شیرخدا غمینده بیر حالته قالوبلار
دوتموش سرای بهجت بیر تعزیت سرایه
بیر مجلس عزاده یرده قوروبلا عالی
بی انتها پوزولموش هر خاص شیعه حالی
تقسیم اولا حسینین دردی حسن ملالی
بسدور کفایت ایلردنیاده ماسوایه
بیریرده حاضراولموش اشراف کوفه یکسر
اصحاب شیون ایلر احباب اولوب مکدر
حال تاسفیله بیربیرویرورگلنلر
گه تسلیت حسینه گه اوغلی مجتبایه
مرسوم اولوبدی یاران بو قاعده جهاندا
یاسین دوتار قالانلارهرکس الن زماندا
چوخ غملی سوزلریم وار بو سوزده بو بیاندا
گیتسن اگرمنیله صحرای کربلایه
بلمم حسین النده کیم قورردی بزم ماتم
ماتم دوتان امامهکیم اولدی یار و همدم
آغلاردی خیمه سینده یالقوز او قلب عالم
سن گور تسلی ویردی کیم صاحب عزایه
اولدم که شمر کافرالدوردی تشنه شاهی
راس حسین الینده عزم ایتدی خیمگاهی
چکدی دوباره خنجرتاپجاق او بی پناهی
لازم بلوردی ملحق اولسون اوغول آتایه
گورجاق بالاجا قیزلار شمرین الینده خنجر
سسلندی وا علیا دیشره توکولدی یکسر
سعد اوغلونا پناهه گیتدی عیال حیدر
لعنت بو روزگاره بو چرخ بیوفایه
مرحوم حقیرخویی
منبع کانال گنجینه گذشتگان
موضوع: حضرت علی (ع) احوالات ,
زبان شعر و شاعر: نوحه ترکی , حقیر خویی
نظرات (۰)
هیچ نظری هنوز ثبت نشده است