متن نوحه ترکی اشعار حسین شانی تبریزی بخش دوم
بخش دوم مجموعه اشعار نوحه ترکی از مرحوم شانی تبریزی در رثای اهلبیت علیهم السلام
-------------------------------
زبانحال حضرت فاطمه صغری (علیه السلام)
یاندی نار هجریده بو خسته جانیم جدّه جان
گلمدی اکبر عزیزیم مهربانیم جدّه جان
ناخوشام یوخدور آنام بس اولمادی بو نسگلیم
عزّتیم گتدی اُوزُولدی اُوز قبیلَمدنَ اَلیم
تاب و تبده یاندی جانیم نار هجراندا دلیم
گورموسن نی تک سیزیلدار استخوانیم جدّه جان
قارداشیم اکبر گیدندن گُولمیوب بیر آن یوزوم
بستر رنج و مَرضدَه روز و شب آغلار گوزوم
هانسی قز قارداش فراقنده دوزَر منده دُوزوم
آخماسون رخساریمه اشگ روانیم جدّه جان
بی سبب آخماز گجه گوندور عذاره گوز باشیم
گتدی اَلدن عزّ و جاهیم دوشدب غوغایه باشیم
واریدی آلتی عم اوغلی بش عموم اوچ قارداشیم
ایمدی سنسیز بیر کسه گلمز گمانیم جدّه جان
شاهدیم سنسن گیدن گوندن عراقه اکبریم
گورمیوب عطر و گُلاب و شانه بو گیسولریم
روزگاریم تک پریشاندور اُودور زلف سریم
حالیمه آشفته زلفومدور نشانیم جدّه جان
ایلَمَه بی جا بو قدری کوشش و سعی دوا
اکبریم گلسه تاپار دردیم منیم قطعی شفا
گورموسن اکبر آدین ذکر ایلینده برملا
شاد اولور قلبیم تاپار راحت روانیم جدّه جان
جدّه جان بو بارده سندن واریمدور التماس
آز قالور اکبر گله عیشه فراهم قیل اساس
حاضر ایله اَلده قوی بیر دست شاهانه لباس
اَگیننه گیسون او سرو بوستانیم جدّه جان
شاهزاده قارداشیم گلسه سفردن نازیله
بیر ضیافت بزمی قوّرام شیوه ممتازیله
ایلرم دعوت مدینه قزلارین اعزاز ایله
چشم روشن تادیسون هر میهمانیم جدّه جان
چوخ قویوب دنیاده یاری یارینه حسرت اجل
یتماقا کامه بیر عاشق ویرمیوب فرصت اجل
قورخورام اکبر گلینجه ویرمسون مهلت اجل
دلده قالسون دلده کی درد نهانیم جدّه جان
ایلیینده وصل جانان درد فرقت چاره سین
شاد ایله سنده بو امریله بو غم آواره سین
ستریمون قوی یانندا اصغرین گهواره سین
دیندیروم من گُولُسون او شیرین زبانیم جدّه جان
گلشن عمریم منیم آیا گُوره سَن گل آچوب
شاخه گل اوسته دل شیرین زبان بلبل آچوب
سود امر قارداشیم ایمدی بیله بولّم دل آچوب
وارایاق دوتماقینا آرتوق گمانیم جدّه جان
نچّه مّدت بولمدی کیمسه منیم احوالیمی
هی علی اکبر دیوب توکدوم سرشگ آلیمی
مین اوچ یوز ایل صورا بیر گون بیان حالیمی
خوش یازار خوشخوانه (شانی) خوش بیانیم جدّه جان
مرحوم شانی تبریزی
منبع مجموعه کانالهای مدح و مرثیه
موضوع: حضرت فاطمه صغری (س) ,
زبان شعر و شاعر: نوحه ترکی , شانی
-------------------------------
شجاعت حضرت ابوالفضل (ع)
اهلِ شامون یادلاریندیدی هنوز
ایلمشدی نه هنر ، بوندان بروز
گوردیلر بیر گون تمامی شیخ و شاب
بیر جوانِ نامدار ، اوزده نقاب
چخدی صفدن خارجه او صف شکن
سِنّی اولمازدی فزون اون یدّیدن ۱۷
تا مبارز ایستدی اول نوجوان
گلمدی میداننه بیر پهلوان
سطوتی اولموشدی واضح لشکره
هیبتی سالمشدی وحشت دللره
واریدی دشمن صفنده بیر نفر
ابنِ شعشعاء آدلی ، گردِ نامور
یوز دوتوب ابنِ ابی سفیان اونا
بولدی بو امری ز بس آسان اونا
امر ایدوب قوی عرصهء جنگه قدم
بو جوانین تیز ، وجودین قیل عدم
سویلدی لشگر بولور یکسر منی
رزمده مین آتلیه همسر منی
اولماز آیا بو منیم چون عار و ننگ؟
ایلسم نورسته بیر طفلیله جنگ
وار علاوه یدّی اوغلوم ، نامدار
هر بیری مرد افکن و خنجر گذار
ایندی گوندرّم بیرین میدانه من
جزئی بیر رزمه اودور اَولی ، نه من
اوّلی گلدی ایچوب جامِ اجل
سسلدی دورما ایکیمجی سنده گَل
هر بیری گلدی دوشوب آتدان یره
ملحق ایتدی یدّی سنده بیر بیره
چکدی چوخ طول ، هر یدّی نفر
آز زماندا دوزخه ایتدی سفر
ابنِ شعشعاء گوردی ، اولدی کار ، زار
ایلدی غیظیله عزمِ کارزار
کین اوزیله باغلادی محکم بلین
ئولدوره اوغلانلارینون قاتلین
بغض و کین اولدی سبب ، گلدی جسور
شیرِ هیجا رزمنه ، کلبِ عقور
ویرمدی مهلت حریفِ نامور
ایلسون میداندا اظهارِ هنر
ایتدی اوّل حمله سینده سر به زیر
دوندی یدّی سگّز اولدی ناگزیر
ایتمدی جرأت داخی بیر جنگجو
اولسون اول جنگی جوانه روبرو
پس علی المرتضی ، میرِ هدا
اول شجاعت معدنین ، قیلدی ندا
تا کنار ایتدی جمالندن نقاب
ابرِ ظلمتدن گوروندی آفتاب
گوردولر مهرِ جهان آراسیدور
اوز دلاور اوغلی ، اوز عبّاسیدور
دوشدی یکسر دوست و دشمن حیرته
پهلوانلار مات اولوب بو قدرته
مطلبیم هاردیدی گور گیتدی هارا
هاردا باشلانمشدی سوز ، یتدی هارا
ایتسه توفیقین منه خلّاق ، یار
خامم ایلر دفتر اوسته دُر نثار
اولماسا اوندان توجّه مختصر
کوشش و جدّیتمده نه اثر
ایلرم بیر بیله سعی و اهتمام
تا بو جزئی خدمتیم اولسون تمام
مرحوم استاد حسین شأنی
منبع مجموعه کانالهای مدح و مرثیه
موضوع: حضرت ابوالفضل العباس (ع) شجاعت ,
زبان شعر و شاعر: نوحه ترکی , شانی
-------------------------------
اربعین حسینی
یتیشدی قبر علی اکبره چو لیلیِ زار
زبان حالیله بو نوع باشلادی گفتار
گلدی دیار شامدن بی کس آنان اوغول علی
توزلی مزاریوه فدا بو قوری جان اوغول علی
شامه گیدنده وئرمدی شمر شریر و دون مجال
قانه باتان جنازه وین اوسته توکم من اشک آل
وئرسه اجازه ایمدی یوخ دوره ده اشقیا رجال
قبریوین اوسته ایلرم آه و فغان اوغول علی
قبروین عطری آلماسا نطقیمی اختیاریمی
شرح ائدرم مصیبت و محنت بی شماریمی
محنت سرگذشتیمی ، قصّۀ روزگاریمی
اشکیم ائدر عذاریمه شرح و بیان اوغول علی
رسم جهاندی اقربا گلسه جوان مزارینه
گول گتورر دوزر اونون تربتینون کنارینه
سن بولوسن اؤزون ولی بی کس آنان بهارینه
اسدی بو چولده ظلمیله باد خزان اوغول علی
گول اَلَه گلمدی ولی وار نقدر دئسن گلاب
هاردا بو گوز یاشیم کیمی واردی مگر گلاب ناب
سو سپرم مزاریوه اشکیله وئرّم آب و تاب
قبریوه آرتورور صفا اشک روان اوغول علی
نیلیوم اولموشام دچار پنجۀ ظلم و جبره من
یوخسا دئمم گتورمدیم قبریوه شال و ابره من
قوی بو پریش زلفیمی فرش ایلیوم بو قبره من
مرگ شبابون عالمه اولسون عیان اوغول علی
آهیمی گر آپارسا یل هر چمنه خزان اولار
اشکیمه باخسا یم قورور رنگیمی گورسه گول سولار
بو نه علاقه دور مگر اشکیله خود به خود دولار
گوزلریم هاردا گورسه بیر تازه جوان اوغول علی
بس که علاقمند دور بس که سووَر آنان سسون
گونده قولاقیمه گلور ایمدیده اوچ زمان سسون
یعنی صباح و ظهر و شام یاده دوشر اذان سسون
هاردا ائشیتسم هر زمان صوت اذان اوغول علی
من که ریاضت اهلیَم سن بولوسن خیالیمی
مرشد عشق آچدی یول سیر ایلدیم عوالِمی
لیک خرابه شامده پوزدی رقیّه حالیمی
آدیوی ائتدی روز و شب ورد زبان اوغول علی
هجروه مهربان باجون ائتمدی تاب وئردی جان
من ولی اشک چشمیله هجروه وئرّم امتحان
ایستمیشم چوخ ایلسون عمریمی خالق جهان
آغلیوم هر قدر که وار عمر جهان اوغول علی
«شانی» دعایه شرعده وار نچه شرط استجاب
اکبر ائده دعا اولور اولمیا حقّه مستجاب
یوخ بیری سنده نه عجب لیک بو امردور عُجاب
یالوار آنا دیلینجه یاز گلدی آنان اوغول علی
مرحوم شانی تبریزی
منبع مجموعه کانالهای مدح و مرثیه
موضوع: احوالات اربعین ,
زبان شعر و شاعر: نوحه ترکی , شانی
-------------------------------
در وفات مرحوم شهاب
و گریز به دفن شهدا
ای فلک اولسون گوروم معموره عیشون خراب
قویمادون بیر اهل دل دنیاده اولسون کامیاب
ویردون هر بیر دوره ده بیر زهریله لبریز جام
قیلدون اول جامیله اهل ذوق و عشقی تلخکام
ایلدون روز وفات حضرت خیرالانام
بیر (شهابین) داغینه یوز مین دل اهلین دلکباب
سینه لردن گیتمه میش داغ (محمد روفه گر)
ایلدون داغ (شهابیله) او داغی تازه تر
هجرتین مین اوچ یوز آتمش سگزی ماه صفر
هانسی گون؟ روز وفات حضرت ختمی مآب
بیر (شهابیکه) حسینه اللی ایل مداحیدی
خلقی خوش ، رفتاری نیکو، هر ایشی اصلاحیدی
نشئه شهد کلامی اهل روحه راحدی
راح روحه شعر شیریندور ، نه ساغر نه شراب
بیر نفر شاعر چتیندور امتحان ویرسون بیله
یازماسون عمرینده اصلا شعر پوچ و باطله
هر نه تشبیه ایتسم اشعارین وران طعنه گله
لولوء لالا دیسه قیمت ندور در خوشاب
بیز گرک حال حیاتینده بولیدوخ قدرینی
ساخلییدوخ محترم ، اول چرخ نظمین قدرینی
وار گمانیم محفلی فردوس اعلا صدرینی
ایلیوب ایمدی مزین حسنیله (یوسف شهاب)
بیر نفر نوکردی بو ، شاه شهیدانه غلام
دفن و کفنینده ایدوب تبریز اهلی ازدحام
نوکره باخ ، شاهه باخ ، گور چرخده وار ننگ نام
بی کفن توپراقلار اوسته جسم پور بوتراب
مفتی عشق حسینی بیله بولموشدی صلاح
قان ایچینده قالسون عریان جسمی اوچ شام و صباح
بیر کفن اولسون او جسم اطیبه نسج الریاح
بیر کفن آت دیرناقی ، بیرده حریر آفتاب
بیر کفنده عاقبت اوز اوغلی سجاد ایلدی
نالیه گلدی آناسی فاطمه داد ایلدی
نه کفن صبریم حصارین یخدی بر باد ایلدی
وار یری اولسون بو عالم سیل اشگیمدن خراب
نه کفن مانند و مثلین گورمیوب بو چرخ پیر
آختاروب یانمش تالانموش خیمه گاهی ناگزیر
عاقبت اهل قبیله تاپدی بیر پاره حصیر
بو کفن اولدی او جسم چاکچاکه انتخاب
قویدی قبره اوز آتاسین شهریار منتخب
قبری اوسته بارماقیله یازدی اول عالی نسب
بو حسین بن علیدور ، ئولدوردوبلر تشنه لب
قلبینه سوز عطش سالمیشدی اوچ گون التهاب
اولمادی راضی آتادان آیری سالسون اکبرین
قویدی پائین پای شهده شاهزاده اکبرین
هر زمان یاد ایلسم شکلین او قبر انورین
گوز یاشیم جاری اولار رخساره گوزدن ، مثل آب
آیریلاندا خیمه دن بیر سوز دیمشدی گوشنه
گلدی اوچ گوندن صورا گویا همان سوز هوشنه
سود امر قارداشینی ویردی آتا آغوشینه
خوشدی شهلر سینه سینده شاهزاده ایتسه خواب
گوردولر سجادی ناگه باشلادی بیر سمته یول
تاپدی بیر پیکر ، نه پیکر؟ نه بدنده باش نه قول
ای فلک بو ظلم لر بسدی یورول شرمنده اول
مطلبه من پرده چکدیم ، سنده بیر ایله حجاب
پیکر عباسی سالمیشدی نه حاله کوفیان؟
هانسی داده وار او قدرت کاملاً ایتسون بیان
یاتدیقی یردن مبرهندور اولور مطلب عیان
تاپموب امکان حمل و نقله خسرو گردون جناب
دوشدوقی یرده قازیلدی قبری داد و آهیله
سری وار قولسوز علمدار آیری دوشدی شاهیله
فاصله اولسون گرکدور آفتاب و ماهیله
بیر بیریندن گوز گوتورمز آفتاب و ماهتاب
بار الها من سنی ویرم علمداره قسم
عزت دارین ویر ، دنیاده ساخلا محترم
ختم اولاندا عمروموز اوز لطفویله قیل کرم
جرموموزدن گچ ، حسینی کیمسه لردن ائت حساب
(شانیا) بو شعری(خوشخوان) اولدی سندن خواستار
تا او مرحومون اولا تاریخ فوتی یادگار
حیف اولا دنیاده واردی گل تک آز بهار
دلنشین سوزلرده اما وار همیشه آب و تاب
قیمتین زهرا بولر شیرین سوزون آغلار گوزون
گون گچر بیر گون گلر دنیاده سن یوخسان اوزون
ایستسه زهرا قالار بزم عزاده سوزلرون
خلق ایدر دائم دعا ، خلاق ایلر مستجاب.
مرحوم محمد آقا روفه گر ، داماد حاجی روفه گر
شاعر بودن و در عاشورای سال 1368 هجری
قمری فوت شدن ، و در 28 صفر همان سال ،
یعنی 28 صفر سال 1368 هجری قمری
مرحوم شهاب فوت شدن و در همان روز
وفات مرحوم شهاب ، مرحوم شانی این
اشعار رو نوشتن ، در ضمن مرحوم طوری (ره)
هم در این قافیه در وفات مرحوم شهاب هم شعری سروده اند.
مرحوم شانی
منبع مجموعه کانالهای مدح و مرثیه
موضوع: سایر موضوعات ,
زبان شعر و شاعر: نوحه ترکی , شانی , شهاب تبریزی
-------------------------------
دفن شهدا
مفتی عشق حسینی بیله بولموشدی صلاح
قان ایچینده قالسون عریان جسمی اوچ شام و صباح
بیر کفن اولسون او جسم اطیبه نسج الریاح
بیر کفن آت دیرناقی ، بیرده حریر آفتاب
بیر کفنده عاقبت اوز اوغلی سجاد ایلدی
نالیه گلدی آناسی فاطمه داد ایلدی
نه کفن صبریم حصارین یخدی بر باد ایلدی
وار یری اولسون بو عالم سیل اشگیمدن خراب
نه کفن مانند و مثلین گورمیوب بو چرخ پیر
آختاروب یانمش تالانموش خیمه گاهی ناگزیر
عاقبت اهل قبیله تاپدی بیر پاره حصیر
بو کفن اولدی او جسم چاکچاکه انتخاب
قویدی قبره اوز آتاسین شهریار منتخب
قبری اوسته بارماقیله یازدی اول عالی نسب
بو حسین بن علیدور ، ئولدوردوبلر تشنه لب
قلبینه سوز عطش سالمیشدی اوچ گون التهاب
اولمادی راضی آتادان آیری سالسون اکبرین
قویدی پائین پای شهده شاهزاده اکبرین
هر زمان یاد ایلسم شکلین او قبر انورین
گوز یاشیم جاری اولار رخساره گوزدن ، مثل آب
آیریلاندا خیمه دن بیر سوز دیمشدی گوشنه
گلدی اوچ گوندن صورا گویا همان سوز هوشنه
سود امر قارداشینی ویردی آتا آغوشینه
خوشدی شهلر سینه سینده شاهزاده ایتسه خواب
گوردولر سجادی ناگه باشلادی بیر سمته یول
تاپدی بیر پیکر ، نه پیکر؟ نه بدنده باش نه قول
ای فلک بو ظلم لر بسدی یورول شرمنده اول
مطلبه من پرده چکدیم ، سنده بیر ایله حجاب
پیکر عباسی سالمیشدی نه حاله کوفیان؟
هانسی داده وار او قدرت کاملاً ایتسون بیان
یاتدیقی یردن مبرهندور اولور مطلب عیان
تاپموب امکان حمل و نقله خسرو گردون جناب
دوشدوقی یرده قازیلدی قبری داد و آهیله
سری وار قولسوز علمدار آیری دوشدی شاهیله
فاصله اولسون گرکدور آفتاب و ماهیله
بیر بیریندن گوز گوتورمز آفتاب و ماهتاب
بار الها من سنی ویرم علمداره قسم
عزت دارین ویر ، دنیاده ساخلا محترم
ختم اولاندا عمروموز اوز لطفویله قیل کرم
جرموموزدن گچ ، حسینی کیمسه لردن ائت حساب
(شانیا) بو شعری(خوشخوان) اولدی سندن خواستار
تا او مرحومون اولا تاریخ فوتی یادگار
حیف اولا دنیاده واردی گل تک آز بهار
دلنشین سوزلرده اما وار همیشه آب و تاب
قیمتین زهرا بولر شیرین سوزون آغلار گوزون
گون گچر بیر گون گلر دنیاده سن یوخسان اوزون
ایستسه زهرا قالار بزم عزاده سوزلرون
خلق ایدر دائم دعا ، خلاق ایلر مستجاب.
مرحوم شانی تبریزی
منبع مجموعه کانالهای مدح و مرثیه
موضوع: احوالات دفن شهداء ,
زبان شعر و شاعر: نوحه ترکی , شانی
-------------------------------
در احوالات حضرت علی اکبر (ع)
گُل عشقی اُلفت ایدر ، عندلیبِ زاریله
اودور فراقه دوزر ، فکرِ نوبهاریله
هزار محنتِ ایّامه بیر دل اولماسا توش
نه نوعی همدل و همدرد اولور هَزاریله؟
او هانسی گُلدی که اولسون برابر اکبریله؟
گُلون نه نسبتی واردور او گلعذاریله؟
کیمون سراغی وار ، هانسی چمنده بیر بلبل
که هم ترانه اولا لیلیِ فگاریله
گورنده نوگُلنون نوبتِ خزانی یتوب
مدارِ گردش و ایّام و روزگاریله
دل اولمادی دانیشا ، نطق سیز دوروب باخدی
او سرو قامته ، حسرتلی بیر نظاریله
تصوّر ایله پوزولماز او حالده اکبر؟
غریب آناسنی گورسه او حالِ زاریله
باخوب آناسنا حسرتله ، ایلدی افسوس
پیاله تک او دولان ، نرگسِ خماریله
دیسم غلط دگی ، آغلوب آناسین آغلاتدی
سوزون یتوردی اونا ، چشمِ اشکباریله
که یعنی ای آنا ، منده قتاله گتملی ام
دایان فراقیمه دوز ، سنده اصطباریله
دئدی اجازه ویروب شهریار ، یوخدی سوزوم
دگل مخالف آنان ، امرِ شهریاریله
دایانما گئت اوزیوی راهِ حقده ، قربان ائت
آناوی مفتخر ایله بو افتخاریله
چتیندی گر چه فراقون ولی گرکدی دوزوم
مدار ایدم ، ستمِ چرخِ کجمداریله
سنون وجودویله من یاشاردیم عالَمده
بو عزّت و بو شرافت بو اعتباریله
گتور اورک باشنا قوی باشون ، ایدوم ساکت
بو مُضطرب دلی ، اول زلفِ مشگباریله
علاوه شانه ایدوم ، سو سپوم سرشگیله
ندور گوزوم یاشنون فرقی جویباریله؟
یازیلّا دیشره توکولموشدی اهلبیت هاموسی
وداعِ اکبر ایچون ، جمله آه و زاریله
بیری دیردی دایان بیر گوروم دویونجا سنی
کسورسَن ایمدی که اُلفت بو بی قراریله
بیری دیردی گتور بیر اوپوم ایاقوندان
فراق ضدّیدی عُشّاقه ننگ و عاریله
گورون نه حاله قالور ، اوندا اکبرون حالی
گورنده آلِ عبانی او انزجاریله
علاوه شَهده باخوردی او شور و غوغایه
اولوردی مُنفعل اکبر ، او سخت کاریله
گلوردی ال چکه قویموردولار بالا بالالار
که صبر ، رام اولا بولمز دلِ صغاریله
دیردی هر بیری بیر دل ، اولوردی دردی زیاد
که آیریلوردی نچّه قلبی داغداریله
نه نوعی آیریلوب ، ایستکلی باجیدان آنادان
غریب آتاسی بولور ، حیّ کردگاریله
یولا سالاندا حسین هر شهیدی میدانه
وداع ایدنده هامی یار و جان نثاریله
وداع ایدردی اونی خیمه لر قباقنده
کنار اولانمادی دلدن بو دل کناریله
گیدوردی اکبریله روحی ، آیریلانموردی
اوزوندی ، مطلبی من گئچدیم اختصاریله
قویوب اوز اوغلونی میدانیده ، قایتدی آتا
دایاندی خیمه قباقینده انتظاریله
او قدر گچمدی بو کجمدار چرخِ فلک
بروزه کینه نی ویردی او تاجداریله
ایشتدی اکبری سسلور ، علیکَ مِنّی سلام
سوار مُرتَجز اولدی چوخ انکساریله
نه حالتیله گلوب اکبرون باشی اوسته
عیاندی مطلبی ، مقتلده اختباریله
گورنده پارهء قلبین او قلبِ عالمیان
پوزولدی حالِ شریفی او چوخ وقاریله
شتابیله اوزینی ذوالجناحدن آتدی
داخی دورانمادی ، سلب اولموش اختیاریله
دیزی دیزی سورونوب تا جواننه یتدی
گونوز گوزونده بیر اولموشدی شامِ تاریله
آلوب او محتضرون باشنی دیزی اوسته
غریبِ کرب و بلا حال احتضاریله
باخان دئردی اوغول ئولمه میش ، آتا ئولدی
سپُرده ایلدی جانین او جان سپاریله
گوروب باشی بولونوب مرتضی علی باشی تک
دولوبدی آغزینا قان ، قوزانان غباریله
او قدر اوخ ویریلوب ، چاک چاک اولوب بدنی
نجه که چاک اولی گُل برگی ، نوکِ خاریله
باسوب اوغول باشنی اودلانان اورک باشنا
دوباره قلبی آلشدی او استناریله
بو غم اَشدّیدی یا فاطمه اوزون آغلا
عزیز جانوی گور حالِ ناگواریله
اوزاتدی رأفتیله ساربان کسن الینی
سیلوبدی دیشلرینی لطفِ بیشماریله
اگیلدی صورتنی قویدی قانلی صورتینه
بویادی صورتِ ثاراللّهی او ثاریله
بو فکریله که گله بیر دله دانشا
ایدوبدی دردِ دل آغاز او زخمداریله
دئدی قوتولدون علی ، همّ و غم دنیادن
وحید قالدی آتان قومِ نابکاریله
آچوب عباسینی سالدی او فخرِ آلعبا
یغوب او گل بدنی ، ذوقِ وصل یاریله
که یعنی چیده ایدر رسمدور بو گل طبقی
او باغبان که اولا الفتی نگاریله
مرحوم شأنی تبریزی
منبع مجموعه کانالهای مدح و مرثیه
موضوع: حضرت علی اکبر (ع) احوالات ,
زبان شعر و شاعر: نوحه ترکی , شانی
-------------------------------
زبانحال حضرت لیلا (سلام الله)
شامی هیجرانیم، خودا نیصف اوْلدۇ ماهیم گلمه‌دی
رزمگه‌هده‌ن اکبر ی آهو نیگاهیم گلمه‌دی
بوْینۇنا گرچی کفه‌ن سالدێم ریضایه‌تله اؤزۆم
اوْغلۇمۇ مئیدانه گؤنده‌ردیم قالێب یوْلدا گؤزۆم
یا یئتیر بیرده بالامێ، ساغ گؤرۆم یا وئر دؤزۆم
دادیمه سن یئت ایلاهی دادخواهیم گلمه‌دی
ماییله‌م بیرده جمال ی عاله‌م آراسێن گؤره‌م
دۆشمه‌میش توْپراغه سروقدّ بالاسێن گؤره‌م
قان خسوفه سالمامێش بیر ماه سیماسین گؤره‌م
قامه‌تیم غمده‌ن هیلاله دؤندۆ، ماهیم گلمه‌دی
راضییه‌م هرچند کوی ی عئشقده اوْلسۇن شهید
ایسته‌رم گلسین اؤلۆنجه بیرده ائیلیم بازدید
هئچ کیمین یارب اومیدین ائیله‌مه سن نااومید
قالدێ مئیداندا گؤزۆم اومیدگاهیم گلمه‌دی
قانلێ مئیدانه اوْ وقتده‌ن کیم بالام اکبر گئدیب
اوْلمۇرێ آرام قلبیم طاقه‌تیم یئکسه‌ر گئدیب
قالمایێب روحیم بده‌نده اکبریم همسر گئدیب
گلسه روحیمده، گلیر عادل گواهیم گلمه‌دی
دوْلدۇرۇب دشت ی عیراقی شوریله غوغاسی
اوج ائدیب افلاکه، لئشگه‌ر نعره‌سی آت شئیحه‌سی
سن اؤزۆن تشویشیده‌ن قۇرتار خودا بۇ بی‌کسی
بی‌پناهیم بی‌کسیم پُشت وْ پناهیم گلمه‌دی
بئیله بیر غوغادان آیا، ائیله‌مه‌ز اندیشه دل
قانه دؤنمه‌ز گؤزده‌ن آخماز صبری ائیله‌ر پیشه دل
سسله‌نیر تئز اؤلدۆرۆن لئشگه‌ر دۆشۆر تشویشه دل
ملک ی دلده خئیل ی صبره، سرسیپاهیم گلمه‌دی
هیجر اوْدیله اوْدلانێب دل، آهیم آتشبار اوْلۇب
شعله ی آهیمله خرگه مطلع ی انوار اوْلۇب
گؤزلریم مئیدانه باخماقدان خودایا تار اوْلۇب
بخت وْ روزیم تک گؤزۆ زولف ی سییاهیم گلمه‌دی
بیر بالام الده‌ن گئدیب، مین دل اوْنۇن پابسته‌سی
بیر ایمامه‌تده‌ن سوْرا هر منصه بین شاییستـه‌سی
اوْلما دۆشدۆ چنگ ی گۆلچینه اوْ بیر گۆلده‌سته‌سی
باغ عؤمرۆمده گؤیه‌رمیش گۆل گییاهیم گلمه‌دی
اوْن دا کی عزم ائیله‌دی اوْغلۇم اؤلۆم مئیدانینه
شوقیله اؤز جانینی ائتسین فدا جانانینه
حسره‌تیله بیر قده‌ر باخدێم رخ ی رخشانینه
دۇتمادێ دل سهل‌دیر، دیلده‌نده آهیم گلمه‌دی
اینتیظارینده نه تک آغلار آناسێ خئیمه ده
گؤز تیکیب مئیدانه جومله اقرباسی خئیمه ده
دۆشمه‌نی چوْخدۇر قالێب یالقۇز آتاسێ خئیمه ده
شاهزاده اینتیظاری قالدێ اکبر گلمه‌دی
گتدی یثریبده‌ن بۇرا شوق ی علی اکبر منی
محمیله میندیردی هر یئرده اوْ مه پئیکه‌ر منی
گر اسیر ائیلیب آپارسا شامه بۇ لئشگه‌ر منی
بس منه کیم راهنمادی، شاه راهیم گلمه‌دی
مرحوم شانی
منبع مجموعه کانالهای مدح و مرثیه
موضوع: حضرت لیلا (س) ,
زبان شعر و شاعر: نوحه ترکی , شانی
-------------------------------
در احوالات حضرت علی اکبر (ع)
شه آلدی خیمه ده شهزاده نون سسون، گلدی
نه حالیله؟ نجه بو نطق بوردا لال اولماز
وقار معدنی، شه، رزمگه دولی دشمن
بو یرده لنگ نجه توسن خیال اولماز
اوزون آتا یره آتدان، دیزی دیزی سورونه
ندن بو عالم ایجاد پایمال اولماز؟
جوان اوغول باشین آلدی قوجا آتا دیزینه
گوروب حیاتینه قالماقه احتمال اولماز
اگیلدی قویدی یوزون شاهزاده نین یوزونه
الف قدی نجه گور مثل حرف دال اولماز
او آق محاسنی نی قانیله خضاب ایلدی
ایله خضاب، ایله عالی رنگ آل اولماز
باسوب اوغول باشینی اودلانان اورک باشنا
گوروب او شعله بو قیمتله اعتدال اولماز
اوجا سسیله دئدی یدی دفعه وا ولدا
بو ناله نون سبب سرینه سوال اولماز
ایله جوانی الیندن گیدن آتا، آیا
وقارینی ویروب الدن فسرده حال اولماز؟
دئدی سن اولدون علی هم و غمدن آزاد
اورکده سن گیده سن محنت و ملال اولماز
ولیک قالدی آتان دشمن ایچره فرد و وحید
هدایت حقه طرف، لشگر ضلال اولماز
آتا بالانی چوخ ایستردی بیر دانشدیرسون
گوروب و لیک اوغول قادر مقال اولماز
یغوب عبایه داغیلموش جنازه سین، گوردی
جنازه اوزگه طریقیله انتقال اولماز
دئدی جوانلارا اکبر جنازه سین گوتورون
بیله بیر امره مگر فوراً امتثال اولماز؟
حرمده سس دوشوب اکبر جنازه سی گلدی
آناسی لیلیده گور حال ارتحال اولماز؟
آناسی دوزدی، ولی چخدی عمه سی حیران
اگر چه عصمت حق، منظر رجال اولماز
امام گوردی حیا سد راه لیلادی
دئدی بو مرحله ده شرم و انفعال اولماز
اوغول جنازه سی اوسته آناسی اوخشماسا
عزانون عزتینه نقص اولار، کمال اولماز
ستاره تک، گوره مه پیکر اوغلونون یوزونی
آنا قدی نجه گور ضعفدن هلال اولماز
دئدی که ای فلک حسنده ایشیلقی گونوم
نه تز غروب ایلدون؟ بیله تز زوال اولماز
نجه زمانه ده عمروم گلی، گولر سن سیز
که باغ عمریمه سندن صورا نهال اولماز
بو فخر بسدی که یتدی قبوله قربانیم
مگر بو فخره عوض رنج ماه و سال اولماز
توجه اولماسا اول شاهزاده دن (شانی)
ضعیف جسمده بو نطق و بو مقال اولماز
مرحوم شانی
منبع مجموعه کانالهای مدح و مرثیه
موضوع: حضرت علی اکبر (ع) احوالات ,
زبان شعر و شاعر: نوحه ترکی , شانی
-------------------------------
زبانحال حضرت امام حسین (علیه السلام)
در بالین حضرت علی اکبر (علیه السلام)
ای فلک وجاهته صورتی آفتاب اوغول
حالتوی گورن کیمی قالمادی منده تاب اوغول
ای هامی بیر صفاتده احمدمرسله مثال
هانسی جواندا سن کیمی واردی بو حُسن و بو جمال
بیله باخیش بو قاش بو گوز بیله روش بو خطْ و خال
حُسن جمالیون اولوب والهی شیخ و شاب اوغول
یاده سالاندا جدّیمی گوگلیمی دولدوراندا غم
منده باخاردیم عارض ماه مثالوه او دم
زایل اولوردی یکسره دلده اولان غم و الم
ایمدی بابام فراقنه قلبیم اولور مصاب اوغول
گورمه دیلر سپاه دون جدّیمه بنذوری یوزون
یاکه نشان بو لشگر باطله ویرمدون اوزون
نازیوه یوخ داخی دوزوم ایلمه ناز آچگوزون
موسم هجر وصلدن قیل منی کامیاب اوغول
قان قورودوب آچیلموری نرگس مست می پرست
یا هَلَه وار علامت نشهٔ بادهٔ الست
جدّیمون عطریدور اوغول بیله سنی ایدوبدی مست
یا که آلوبدی هوشوی باشدان او‌جام آب اوغول
قلبون ازل گون عشقدن آگه عشقدورعلی
سال منی گوزدن آچما گوز بو ره عشقدورعلی
یات قوری یرده نازیله خوش ره عشقدورعلی
قرمزی قان حریرینی فرش ایله رختخواب اوغول
نه بیله گلستان اولور نه بیله عالی بیر چمن
نه بیله بوستان اولور نه بیله سرو نه سمن
نه بیله گل خزان اولور نه بیله پاره پاره تن
نه بیله امتحان اولور نه بیله انتخاب اوغول
نالمی سن ایشتمیسن یا که دگل بو سس تانش
یوخسا تانش سسین آلان کیمسه گیدر بیله یانش
روحیمون عشقی وار سنون نطقوه منله بیر دانش
بیرده ادب یولیله ویر اوز آتاوا جواب اوغول
ایستدی چرخ قاسمون قالماسون عیشی ناتمام
جسموی ایتدی بیر طبق گل کیمی زینت خیام
نغمهٔ شور نالیه دل هانی ایلسون دوام
دلده مگر توان قویار زمزمهٔ رباب اوغول
ائیلموسن علی عجب وجهیله زینت وجود
قرمزی قان بو آق کفن یاخشی دوشوبدی خوش نمود
زلفون عبث بویانمیوب قانیله بیله خود بخود
محضره یاره عزم ایدن خوشدور ایده خضاب اوغول
نه چکر ایمدی خیمه ده یولدا گوزی قالان بنات
خاصّه غریب آناندا وار من کیمی حالت ممات
بولسه سنون بو حالوی زینب فاطمه صفات
شرق خیامدن چخار گون کیمی بی حجاب اوغول
شوقدور آغلادان منی اشگیم اولور یوزه روان
چون ره حقده ویرمشم سن کیمی بر گوزل جوان
گرچه جوان اوغول داغی هر آتادان آلور توان
لیک کدر یولیله من توکمرم اشگ ناب اوغول
کیم بولوری نه اشگدور گوزده کی بو پیاله ده
کیم بولوری نه نکته دور وار نه سبب بو ناله ده
کیم بولوری نه داغدور قلب لطیف لاله ده
کیم بولوری نه شوقدور دلده نه اضطراب اوغول
ویرسم حبیبمه فداسن کیمی مین جوان اوغول
قلبیمه آرتورار فرح ذرّه جه اولمارام ملول
فخر ایدرم فدالریم هر نئیدی ایدوب قبول
آیهٔ ذبحی گوندرن خالق نُه قُباب اوغول
«شأنی» حسینی لر بو ائیل بیله ایدوبله اتّحاد
جمله مریضه خاصّه بیر نچّه نفر دوتوبالا آد
ایستیلر شفاسینی اوردا سنی ایدلّه یاد
سنده آتا دلینجه یاز بیله گوزل خطاب اوغول
مرحوم حسین شانی تبریزی
منبع مجموعه کانالهای مدح و مرثیه
موضوع: حضرت علی اکبر (ع) زبانحال ,
زبان شعر و شاعر: نوحه ترکی , شانی
-------------------------------
احوالات حضرت ابوالفضل (علیه السلام)
ای صبا دوشسه گذارون سرزمین کربلابه
نهر علقمده سلام ائت ، نور عین مرتضایه
عرض قیل ای درد کل عالمه سندن معالج
من بیر حاجتمند مضطر، سن ولی باب الحوائج
دوت الیمی، بحر هم و غمدن سن ایله خارج
قبروین قربانی، شهلر یوخسا لطف ایتمز گدایه؟
باغلانوب قبرون یولی، چارم ندور، یوخدور علاجیم
ایله بیر چاره بولورسن چاریه وار احتیاجیم
بیر توجه ایله سن ، دلدن گیدر زنگ زجاجیم
دلده کی آئینه قلبیم یتر عالی صفایه
سنده وار چشم امیدی چرخ چارمده مسیحون
درد دنیایه دوادور تربت پاک ملیحون
نیلیوم یتمور الیم بیرجه اوپوم گویچک ضریحون
فخر ایدم تا زائران کعبه پاک خدایه
ای عجب جاه و جلالون، رتبه بالاترون وار
نه همیتده مثالون، نه نظیر منظرون وار
صولت و فن جدالون مرتضایه بنزرون وار
همتون اسباب فخر اولموش او شاه لافتایه
چون وجودونده سنون مهر و وفا ایتمشدی تزویج
دستگاه سلطنت سنله او گون تاپمشدی ترویج
تا علم دوشدی الوندن شه شکستی تاپدی تدریج
رونق سلطان، اساس سلطنت، گیتدی فنایه
شانوین اظهارینه لازمدی کشف اولسون معما
حیف اولا تقریرینه عاجزدی نطقیم بوردا اما
سن سپهسالاریدون، سقالیقا اولدون مسما
سرینی بولمم نجه شرح ایلیوم اهل عزایه
تابینه زیبنده دور عالم بولور بیر بیله خدمت
کربلاده اولدی اما سر سپاه شاهه قسمت
بس سنی معلوم اولان وادار ایدوب بو امره همت
نفسوی بولدون فنا ، لعنت دئدون دار فنایه
قبرون اوستنده اوخولا السلام ای عبد صالح
عبد صالح اولماقون ایلر بو سوز دنیایه واضح
قادریدون اولماقا سن دشمنه دعواده فاتح
امر شه اجراسبن ایتدون، وورمادون شمشیر هوایه
اولمادی سنده او گون حب ریاست، مهر دنیا
حق رضاسین آختاروب، امر امامی ایتدون اجرا
شه دئدی گئت سو گتور، سقالیقا اولدون مهیا
جانیله ایتدون اطاعت خامس آل عبایه
اوندا که بیر بوش سو مشگین چگنوه ذوقیله سالدون
ایله شاد اولدون که گویا شاهدن بیر منصب آلدون
اوخ دگنده مشگه اما بولمورم نه حاله قالدون
یوخ خیالیم شرحینه، ال ورمارام بو ماجرایه
شاه دینه هم او گون قارداشیدون هم سر سپه سن
ایتدون آماده اوزون هر خدمته از بهر شه سن
خالق ارض و سما گوردی وفا چرخنده مه سن
ایتدی بیر عالی عطا گوردی سنی لایق عطایه
ببر ایله لطفی سنه ایتدی خدای لاینامون
هر شهید هر با وفا ایلله غبطه بو مقامون
ایلدی باب الحوائج خلقه، حاصل اولدی کامون
آستانون اولدی بیر دارالامان هر بینوایه
چوخ سالوب تنگه منی، چرخ جفا کارون فشاری
قارداشون جانی داخی گل سنده مایوس ایتمه باری
ای مروت معدنی، وی مرتضانین یادگاری
قیل ترحم، سن که داراسن صفات مرتضایه
سن منای کربلا قربانی سن، کان وفاسن
شاه عطشانون عزیز جانی سن، صاحب لواسن
ناامید ایتمه من نالانی سن، اولما رضا سن
چاره دن محروم اولوم، بو دردیله یتموم دوایه
خوشدی درباروندا بیر عبد عبید اولسام ابالفضل
وای منه گر درگهوندن ناامید اولسام ابالفضل
بیر یره یتمز الیم، گیرم سعید اولسام ابالفضل
بنزرم شه درگهیندن خارج اولموش بیر گدایه
سن منه باخما که من نالایقم غرق گناهم
سن که خلقه رهنماسن، گر چه من گم کرده راهم
هر نیم صدقا سنه وار اعتقادیم، بی پناهم
خارجینی سن که قاتدون زایران کربلایه
عالمی حیران قویوبدور بو کرم، بو جود و بو فضل
کیمده وار آیا بو لطف و بو سخا، بو بخشش و بذل
با وجود بو کرامت، گور روادور بو اباالفضل
لطف ایدن بیگانیه، لطف ایتمز آیا آشنایه؟
سن بولورسن چوخ زماندی چکمیشم خدمتده زحمت
شرط مزدیله قاپوندا ایتمرم هر چند خدمت
لیک باب فیضدن هر کیم آلور قدرنجه قسمت
قسمت ائت بیر لطف خاصون بو بلایه مبتلایه
صعب دور شخص غیوره واقعاً درد خجالت
اوندا که الده قوری مشگ، عترت ختم رسالت
آلدیلار اطرافنی عباسه یوز ویردی نه حالت؟
خجلتندن آخدی اشکی، دوندی رنگی کهربایه
ایلدی سو وعده سیله تشنه لب اطفالی آرام
مشگی آلدی، سو گتورماقه ایدوب فی الفور اقدام
محضر شاهه گلوب اول تیر عشقه سینه سی رام
عرض ایدوب باخ خیمه لرده شورش و آه و نوایه
باخوب دویدوم جهاندان، گلدی سینم تنگه قارداش
باش و جاندان گئچدیم ایمدی ویر اجازه جنگه قارداش
کاروان عشقی وورما بوندان آرتوخ لنگه قارداش
قوی گیدوم منده یتوم اول اکبر گلگون قبایه
شه گوروب سردارینی غیظ اوسته دور، آرتوب ملالی
آز قالور روحی بدندن آیریلا، پوزقوندی حالی
گوزلری دولدی او شاهون آخدی سو تک اشک آلی
بولدی اول دم عزت زینب یتشدی انتهایه
سوز اوزاندی ایستورم چوخ اولماسون مطلبده تفصیل
شه بویوردی مهربان قارداش دایانما، ایله تعجیل
گئت فراته ممکن اولسا بیر ایچیم سو ایله تحصیل
العطش عرشه چخار، باخ خیمه لرده آه و وایه
محنت عباس آزالدی تا اجازه حاصل اولدی
ذوقیله میندی عقابه یتدی کامه خوشدل اولدی
گوئیا خیبر شکن حیدر سوار دلدل اولدی
بیر اوجا نیزه، اوزون الده گلوب دشت غزایه
حالت عباسی گورجک هئیت لشکر پوزولدی
یتمه میشدی رزمگاهه صف به صف، صفلر پوزولدی
جمله تشکیل سپاه اشقیا یکسر پوزولدی
چکمه میش تیغ گویا تکیه ایتمشدی جدایه
سسلنوردی سیزده ظلمه بو نه طغیاندور جماعت
ویرمسوز سو شاه دین اولادی عطشاندور جماعت
ضرب تیغیله سو آلماخ سیزدن آساندور جماعت
شهریاریمدن اولا اذن، عالمی ویرم فنایه
شیر تک بیر حمله ایتدی گله روباه قاچدی
دوردوقی یردن فراته بین اعدادن یول آچدی
آلدی دشمندن فراتی، بیرقین نهر اوسته ساچدی
فاتح اولدی ظاهراً، یوز ویردی وحشت اشقیایه
دولدورب اوجون سودان، شاهی دئمه یاددان چخاتدی
رمز عشقی فاش ایدوب، سو ایچمه مش مقصوده چاتدی
نه خیالیله سوئی گوتدی؟ نه مقصودیله آتدی
نطقیم عاجزدور اوزوم حیرتده ام بو ماجرایه
تشنه لب چیخدی سودان یوز قویدی سمت خیمه گاهه
سالک راه وفا دوشدی وفا ذوقیله راهه
ابن سعد بی مروت ویردی بیر فرمان سپاهه
موج ایدوب دریا کیمی لشکر اونی آلدی آرایه
مشک چگننده، صول الده بیرقی، صاق الده شمشیر
لشکره ویردی اوزون، باخموب گلور هر سمتدن تیر
باخدیلار اول شیر زاده صید اولا لازمدی تدبیر
چکدیلر بیر نقشه ، زینب خیمه ده گلدی نوایه
گوردی شاه بی کسون گل تک سارالدی رنگی سولدی
عرض ایدوب قارداش نه وار آیا؟ بیله حالون پوزولدی
سویلدی باجی عبث سانما، گوزوم اشکیله دولدی
قارداشیم صول الده شمشیر ایلوری حمله عدایه
من که کشف کینه اعدایه معذورم ازلدن
بولمورم نه حاله قالدی شاه دین، بس صون عملدن
اوندا که شمشیر عباس علی دوشدی صول الدن
ویردی یوز نه حالت آیا اول غریب کربلایه؟
عقل حیراندی او کان همتون بو بیر ایشینده
گوردی یوخ اصلا وفا بو روزگارون گردیشنده
گیتدی قولار، سهل ساندی، ساخلادی مشگی دیشینده
بلکه اول مشگی یتورسون عترت خیرالورایه
سویلدی من یاندیم، ای کاش آل طاها یانمییدی
پیکریم اوخدان پر آچدی باری مشگ اوخلانمییدی
یا منیم بو حالمی تشنه سکینه قانمییدی
یا قالیدی سو، یتیدی اول گل باغ وفایه
چرخ ایستردی قالا برج بنی هاشم قمر سیز
مشکنه ناحق دگوب اوخ، حق سوزی اولدی اثرسیز
اشگی تک سو آخدی، نخل زحمتین گوردی ثمرسیز
ئولماقا اولدی مهیا ، یتمدی چون مدعایه
ای ولی عصر گر چه ذکرینه سنده دوزوم یوخ
دگدی بی حد اوخ و لیکن یاندیرور بیر اوخ منی چوخ
سانجلوب قلب حسینه، سجده گاهندن دگن اوخ
رد اولوب اوردان یتشدی قلب پاک مصطفایه
ذکرینه بو کلمه نون عذر ایستورم اوز قارداشندان
اگدی باشین دیزلریله تا اوخی چکسون قاشندان
بیر تکان ویردی، عمامه رد اولوب دوشدی باشندان
باش آچون سادات سیزده آغلیون اول مه لقایه
رسمدور هر نامدارون دوشسه گر دعواده خودی
اوج ایدر دشمن یانندا آهنون افلاکه دودی
بیر شقی گلدی او دمده بیر آهن عمودی
شه لواسی یاتدی، بولمم نیلدی صاحب لوایه
عمروم اولسا یوز مین ایل، قان آغلارام بو مطلب اوسته
جرات اولمازدی قوشوندا، واریدی تا مرکب اوسته
یخسا گور نیلر قوشون؟ ال تاپسا صاحب منصب اوسته
خاصه بو چوخ داغ قویموشدی دل قوم دغایه
تا عقاب اوستن یخلدی گردش دوران دوندی
خاندان بو ترابون شمع دل افروزی سندی
آل طاها غصه لندی، آل بوسفیان سووندی
دشمن آسوده اولوب، زینب باشی دوشدی بلایه
ای ولی الله اعظم یاعلی، کان کرامت
(شانینون) آگاهسوز سیز واردی جسمینده نقاهت
ویر شفاسین درگهوزده ایلیه عمرینده خدمت
الده دیوان، دلده حبون ، تا گله دار بقایه
مرحوم شانی
منبع مجموعه کانالهای مدح و مرثیه
موضوع: حضرت ابوالفضل العباس (ع) احوالات ,
زبان شعر و شاعر: نوحه ترکی , شانی
-------------------------------
ورود به کربلا و گریز به احوالات حبیب ابن مظاهر
هر عاشقین که اولا عشقی غیریدن عاری
ایدر وجودینی رخت حیاتیدن عاری
گورن حقیقتِ معنانی صورته باخماز
که نقش لغو اولی نقّاشون اولسا آثاری
اولار که آتدی بو دنیانی، دوتدی عقبانی
یازلدی آدلاری دینِ مبین انصاری
قضیّه شاهدی میثمدی، باخ حکایتینه
آچوب اورک گوزونی گور او مرد دینداری
کَسوبله اَل اَیاقین، دل علی علی دیوری
دلین کَسونجه کَسیلموب او حق گفتاری
بلی بو عشقیده اشخاص چوخ گَلوب گیتدی
وجودین ایتدی فنا، ایلدی رضا یاری
حسین صحابه سی امّا اولوبدی چوخ ممتاز
خدا سویوبدی او یِتمیش ایکی وفاداری
حبیبی گوردوله رویاده عرض ایلدیلر
عجب سعادت دارِین ایدوب سنه یاری
حسینه باشیله جانیله ایلدون خدمت
که آخِر عمریده اولدون قوجا علمداری
داخی زمانه ده قالدی بیر آرزون آیا
سنی زیارت ایدر ایکی دفعه زوّاری
جواب ویردی بودور آرزوم اولا ممکن
گَلوب جهاندا حسینون اولام عزاداری
یازولّا بیر گونی عطر محبّتله حبیب
معطّر ایتمیشیدی بیر دکان عطّاری
حنا آلوردی که ایتسون محاسنینی خضاب
خبر یوخیدی ندور چرخ دون رفتاری
مصادف اولدی او دم مسلم بن عوسجیه
وفالی یاریدن حسّ ایتدی جور اغیاری
سوال ایتدی نه وار شهر کوفه ده آیا
تاپوب رواج چوخ آلاتِ حرب بازاری
جواب ویردی یوخوندور مگر حبیب خبر
که داغلیوبدوله قلب رسول مختاری
حسینی دعوت ایدوبله عراق جانبینه
خلاف وعده ایدوب شام و کوفه کفّاری
ایدوبله قتلینه اقدام قانینی توکَلَر
بو خلق کوفه ده یوخدور مروّت آثاری
بُلوب قضیّه نی ترک ایلدی او مقصودین
حنانی آلمادی، اولدی بلا خریداری
دیدی محاسنیمی قانیله خضاب ایدرم
گَلنده محشره اولّام عُذاری گُلناری
همان گونون گئجه سی نامه ی حسین یتدی
ایدوبدی نصرتینه دعوت اول وفاداری
بو نامه دن اولی واضح ندور مقام حبیب
بلی، محبّتین عالمده واردی معیاری
حسین بیر کسه گوندَرمیوبدی نامه، ولی
گَلوبدی کتباً حبیبه حسینون احضاری
نه نامه، شرحینی دل ایستوری بیان ایلسون
گوروب حسین کیمی کیم بی معین و بی یاری
بلی، بو رسمیدی شه نامه سین دوتالّا عزیز
نثار ایده لّه زر و سیم، اولماسین خواری
حبیب ایلدی رسم جهانیله رفتار
ایدوب او نامیه دُرّ سرشک ایثاری
پوزولدی حالی بُلن تک حسینون احوالین
او پاک روحینه جاندان گوروندی بیزاری
او گئجه قارداشی اوغلانلاریدا حاضریدی
خیال خامیله مست ایتماقا او هوشیاری
دیدیله بنزور حسینون ایشی سینیق گَمیه
سو اوسته غرق اولار هر کس گیده اونا ساری
جواب ویردی حسینه کمک گیدن دگلم
او تیره دللره ویردی دلیله دلداری
اولار دوروب گیدوب، اوز عورتی حبیبه دیدی
گَتورمه قهره بیله کردگار قهّاری
عزیز فاطمه یالقوزدی، گیت کمکلیق ایله
بو غم گونونده اونون یوخ معین و غم خواری
دیدی گیدوب سنی باشسیز قویام نجه اولی بو
زمانه ده اولوسان درد و غم گرفتاری
دیدی غم ایلمه، توپراق ییوب دیریلّم من
گیدوب او شاهه ایله بو سلامیمی جاری
جهادی عورته پیغمبر ایتمه سِیدی حرام
گَلوب اوزومده ایدردیم آقا سنه یاری
وفالی زوجه سین ایتدی حبیب آسوده
که یعنی دلده کی مقصودین اولدی اظهاری
آتین غلامی آپارمیشدی خارج شهره
که پرده لی اولا محکوم حکم سِتاری
یتوب نه گوردی آت آغلور غلامیده آغلور
دیور غلام آتا چوخ ایتمه ناله و زاری
حبیب گَلمسه قوخما، مینوب اوزوم گیدرم
حسینون اولّام او یالقوز زمان مددکاری
آتین غلامیدن آلدی، دیدی گیت اول ازاد
غلام آغلادی عرض ایلدی سنی تاری
آپار منیده یانونجا، گرک جهاندا اولا
غلام خواجه نین هر حالیده پرستاری
لیاقت اولماسا منده، حسینیده چوخدی
قبول ایلر او نخل مروّتین باری
بو قصّه نی بیله تحریر ایدوبدی دربندی
صحیح دور بُلور عالَم او عالِمِ اخباری
باخوردی زینب کبری که هی گَلور لشکر
حرملرین غمی آرتور گورنده اشراری
ایکی سواره گوروب سمت کوفه دن گَلدی
پوزوب بو حالت او تن خسته و دل افکاری
ایدوب حضورینه شبه پیغمبری احضار
مخاطب ایتدی او گُل رویِ ماه رخساری
بویوردی اکبره اول سروِ بوستانِ حیا
که ای عُذاری ایدن شرمسار گُلزاری
بو ایکی آتلی که یولدان یِتیشدی کیمدی بولار
دی بیر خلاص ایله تشویشیدن بو دلزاری
کمک گَلوبدوله یا اینکه واردی نامه لری
کمک ده اولماسالار دشمن اولمیا باری
ادبله عمّیه قارداش بالاسی عرض ایلدی
حبیب دور بو، حبیبِ خدانون انصاری
صفا دلینده وار، اهل جفا دگل قوخما
صفالی شخصلر اولمازلا دشمنه یاری
تصوّر ایلسه هر کیم بو ماجرانی بُلر
نه قَدر سختیمیش آل پیمبرین کاری
همینکه بُلدی حبیبون ورودینی زینب
بویوردی اکبره بیر رمزی کلمه اسراری
یتور حبیبه بو نوعی منیم دلیمجه سلام
حسینیمون گوروسن یوخ داخی هواداری
سپاهی آزدی بو صحراده، دشمنی چوخدی
گرکدی شهلرین اولسون سپاه و سرداری
او شاهزاده، خانم زینبون سفارشینی
دیدی حبیبه، اولوب گوز یاشی یوزه جاری
ووروب باشا گوتوروب سَپدی باشینه توپراق
دیدی که وای منه، گوز یاشین ایلدی جاری
مگر کیمم منه زینب سلام گوندَرسین
عجب فشاره سالوب روزگار او ناچاری
بلی، حبیب تانور زینبی نه هر کیمسه
علی قیزیدی، واریدی بتول کرداری
سنون گوزوندن ایراق ای حبیبِ با همّت
نجه بو زینبون آخِر پوزولدی پرگاری
گَلوب گورِیدون همان ساعتین بو خاتونین
یانوردی خیمه سی، قالموشدی اوددا بیماری
اوزون وورار اودا پروانه وار بی پروا
خلیل جدّی کیمی گلستان سانور ناری
کنار اولان کیمی اوددان نه گوردولر او خانم
باسوبدی سینه سینه بیر علیمِ تبداری
آچیق مصیبتی ((شانی)) چوخ ایلمه اظهار
اورکده ساخلا گلن، اول سخن نگهداری
کیچیک کرمدی خدایا باغشلاماق سنه بیر
منیم کیمی یوزی قاره بیوک گنهکاری
مرحوم شانی
منبع مجموعه کانالهای مدح و مرثیه
موضوع: احوالات ورود به کربلا ,
زبان شعر و شاعر: نوحه ترکی , شانی
-------------------------------
در مدح حضرت علی (علیه السلام)
خدایه بنده دی، اما خدای عالم دور
عزیز حقدی، ولی علی اعلادور
مطیعدور اوزی حقه، مطاعدور خلقه
گونه، آیه، یره، مخلوقه حکم فرمادور
علی خدا دگل، اما بشر لباسنده
هامی صفاتی اونون بی نظیر و همتادور
من آزمارام سوزی، سن آزما مطلبی زاهد
نه جای بحثدی بو یر نه بزم شورادور
یوخیدی عالم و آدم، ولی علی واریدی
دیر که آدم آتاسی، آناسی حوادور
هامی پیغمبره عصرنده نصرتی یتدی
همین بو نکتیه آگه خدای یکتادور
علی خلیله گهی ناری گلستان ایلور
چکنده داره گهی دادخواه عیسی دور
علینی بیر تانور احمد، بولوندورن شاءنین
همان قضیه معراج و لیل اسراردور
احد دانشدیروب، احمد علی سسین ایشیدوب
هانی کمال دلیمده دییم نه معنادور
بنای خلقت کونه وجودی باقی دور
باباسی بیت خدایه اگر چه بنادور
شرف هواسینه یوز سورتن آستانه سینه
هزار قیصر و فغفور، هزار دارادور
غدیرده اوجالان نور، جلوه گردی هنوز
او نوری درک ایده بولمز، او گوز که اعمادور
تولدندن ازل اولدی اوز آناسنا یار
سوزیمه شاهد همان نقل شیر غرادور
تولدی اولونوب مکه ده، قیامته دین
بو فخر مفتخری امهات و آبادور
علینی مدح ایله زاهد که حق ایدوب اونی مدح
نه قصر و حوردی، نه سدره دور نه طوبادور؟
عبادتنده هامی اهل زهده افضلدور
شجاعتنده هامی رزمه شیر هیجادور
اگر نجف یری فخر ایتسه عرشه ذیحقدور
که ساکنانی علی خدمتنده برپادور
قویا او کس که قدم کتف میر بطحایه
اونون مقامی نه قوسیندور او ادنادور
ندور مراد یدالله فوق ایدیهم؟
او هانسی الدی هر الدن بلند بالادور؟...
مرحوم شانی
منبع مجموعه کانالهای مدح و مرثیه
موضوع: حضرت علی (ع) مدح ,
زبان شعر و شاعر: نوحه ترکی , شانی
-------------------------------
در مدح حضرت ابوالفضل العباس (علیه السلام)
رشاتده شجاعتده صلابتده سخاوتده
مروتده فتوتده وفاده، مثل حیدردور
اوزادما ال سویا عباس صحننده، ادب گوزله
سو اوسته ال ویرن سقای نام آور مکدردور
آتاسی مرتضی مشکل گشادور، مشکلون اولسا
اوزی باب الوائجدی، حسینه یار و یاوردور
هانی منده ادب شرح ایلیوم اوصاف عباسی؟
صفات حیدره دارادی، پور شاه صفدوردور
رعیتده بونون شان و جلالنده اولان یوخدور
دیسم زیبنده دور فرق شهیدانه بو افسردور
ابوالفضلین مقامین بیر شهیده ویرمیوب خالق
بولن بو حکمتین سرین فقط خلاق داوردور
حسینی جان عباسه قسم ویرسن یقین ایله
نه دردون وار علاج ایلر، چوخ ایستکلی برادردور
گزر زواری ایمدی قبرینون اطرافنی آغلار
دیر بو شاه دینه سرسپاه و میر لشگردور
دیوله نسبتا قبری کچکدی جای حیرتدی
و لیکن قامتی شمشاد دور، سرو صنوبردور
بیله معلوم اولور بر هم اولوب ترکیب اعضاسی
اوزی آیدور، بدنده زخمی سانسیز، مثل اختردور
قویان ام البنینی حشره دین دل داغلی، گوز یاشلی
بوکن قد حسینی، نوفل بی رحم و کافردور
نولور بیرجه گوریدوخ قبر عباسی مقابلده
گوزیمده اشگ دیده، دلده ناله، الده دفتردور
عزیز فاطمه آگاه سن بیر عمردور مولا و آقا
حسین و کربلا آدی منه ذکر مکرردور
منی هم نوحه خوانی هم تمام آرزومندی
او شش گوشه مزاره ایسته بو ایل، گر مقدردور
آقا باخما بیزه نالایقوخ، اوز لطفوه سن باخ
سخی بیر میزبان مهمانینه باخماز محقردور
مرحوم شانی
منبع مجموعه کانالهای مدح و مرثیه
موضوع: حضرت ابوالفضل العباس (ع) مدح ,
زبان شعر و شاعر: نوحه ترکی , شانی
-------------------------------
زبانحال حضرت رقیه (س) به دخترِ یزید
ترکیبی از دو شعر مرحوم ذهنی زاده و مرحوم شأنی
گلدون منه جلالوی گوسترماقا که من
غارت زده جلالیمون ، افسرده حالیم
باخما منه حقارتیله ، گورمه بی جلال
من ذوالجلال عترتنون ذوالجلالیم
مندن اوتور بو قافله ویرانه ده یاتوب
من اولماسام بو شهرده قالمازلا ، حالیم
فخر ایلوسن قولوندا اولان دستبندوه؟
چون دست بندیدن گوروسن دست خالیم
قیدِ اسارتین بلکمده نشانه سی
دنیا جواهر اولسا ، دگیشسم خطالیم
صرّافِ عشق ایستوری گوهر شناس اولا
هرگز خیال ایتمه بو سوزدن خیالیم
گلزارِ عیش و نوشوه فخر ایتمه شامده
بیر آهیمله بادِ سمومین شمالیم
چوخدا شماتت ایلمه یاندیرما قلبیمی
من شاهزاده ، طعنِ گدا پایمالیم
بیر اولدوزام سپهر حجازیندن آیریلوب
شامون قیامته کیمی بدرِ کمالیم
مرحوم شأنی
ذلّت گوزیله باخما بو کهنه لباسیمه
من برجِ عزّتون ، بلوسن مه جمالیم
چوخ یر دولانمشام ولی بو شهری سویمدیم
اعلان ویرمیشم هامیه کربلالیم
جان قویموشام بو دهرده جانان یولوندا من
جانان یولوندا جان ویرورم من وفالیم
عشقیمده صابر اولماقی استادیم اورگدوب
دارالفنونِ عشقده استادِ عالیم
من دلخوشام که چوخ سیخا زنجیر بوینومی
سندن ولی بو بارده بیر التجالیم
بیمار امامی گور نجه زنجیر اینجیدور؟
ناخوشدی یوخدی طاقتی ، حالندن حالیم
امر ایله شمره ، آچسون علینون دوشاخه سین
یتسه قبوله گر سوزوم ، ادّعالیم.
مرحومین ذهنی زاده و شانی
منبع مجموعه کانالهای مدح و مرثیه
موضوع: حضرت رقیه (س) زبانحال ,
زبان شعر و شاعر: نوحه ترکی , ذهنی زاده , شانی
-------------------------------
در احوالات حضرت ام البنین (سلام الله)
بس دگولدی بی سبب ام البنین
روز و شب ایلردی افغان و انین
نه وداعین گوردی اوز عباسنون
نه دوشندی اوستنه اعضاسنون
قلبنی بو اودلی نسگل داغلادی
گلمدی بیر گون ئولونجه آغلادی
ایلدی مسکن بقیعی شامه دین
توکدی اشکین صبحدن آخشامه دین
ایتدی دورت اوغلون بهانه روز و شب
واحسینا چکدی بو کان ادب
یاد ایدوب عباسنی صبح و مسا
ایلدی انشاد اشعار رثا
سسلمون بیرده منی ام البنین
قوی دیوم وجهین همین بو نکته نین
آلدی مندن دورت جوان بو چرخ پیر
گورمدی ام البنین آدین جدیر
آه و و ایل و اسف ای روزگار
دورت اوغول داغیله اولدوم داغدار
آه و واویل و اسف ای چرخ دون
قلبیمی هجر جوانان ایتدی خون
آه و واویل و اسف اهل سفر
نقل ایدوله کربلادن بیر خبر
وار یری قان اولسا گوز یاشی گوزون
اولماسون ایکاش اصلی بو سوزون
اوغلوم عباسین کسوبله یولارین
سو کنارنده سالوبلا قولارین
الغرض ام البنینون شیونی
رحمه گتدی رحمسیز بیر دشمنی
بیر گونی مروان هنگام عبور
دولدوروب گوردی بقیعی داد و شور
سویلدی کیمدور ایدر داد و انین؟
ویردیلر پاسخ بودور ام البنین
وار دئدی حقی، اگر قان آغلاسا
روز و شب هر لحظه هر آن آغلاسا
حقی وار بوندان اگر آرتوخ یانا
دورت اوغول داغنده دوزمز بیر آنا
حقی وار عباس تک اوغلی ئولن
ایلسون دنیا یوزین بیت الحزن
حقی وار هر گونده واویلا دیسون
تا نفس وار وااباالفضلا دیسون
مرحوم شانی
منبع مجموعه کانالهای مدح و مرثیه
موضوع: حضرت ام البنین (س) احوالات ,
زبان شعر و شاعر: نوحه ترکی , شانی
-------------------------------
راز و نیاز امام حسین (ع) در قتلگاه
یارب بوگون ائتدیم وفا ئوز ائتدیقیم پیمانیمه
وئردیم رضا تیر جفا آلدیم یارالی جانیمه
باخدیم ازلکه عهدیمه ترک جهان ائتدیم بو گون
من یَشتری سوداسینون شرحین بیان ائتدیم بو گون
دشت بلانی قانیله باغ جنان ائتدیم بو گون
حتّی ئوزومده لاله تک آخر بویاندیم قانیمه
بیر بئیله ساعت ای خدا بیر عمر ائیلردیم سراغ
صدشکر اولدی قسمتیم اغیاریدن تاپدیم فراغ
زاغ و زغن خالی اولوب اطرافیدن خلوتدی باغ
بلبل کیمی دل آچموشام راز دله جانانیمه
جسمیمده قانلی یاره لرنی تک گلوبدور نالیه
درک ائیلدیم بو عالمی یتدیم مقام عالیه
گیسوی اکبرتک خدا پُر تاب و چین پُر غالیه
دوندردی چینه بو چولی باخ دستهٔ ریحانیمه
دوغراندی بیر اکبر کیمی پیغمبره بنزر بالام
واردور یری اکبر دیوب عالملره شیون سالام
چون سن رضاسن یانمارام منده گرکدور کام آلام
باخدوقجا آلقان ائیچره بو آهو صفت قربانیمه
سُمّ ستوران ائیلیوب پامال جسم قاسمی
قولسوز یخوب آتدان یره دشمن رشید عباسیمی
زینب گرکدور شامیده دوتسون منیمده یاسمی
مسکن اولاندا گوشهٔ ویرانه اول نالانیمه
ائستردیم اهل عالمه مفتوح اولا باب فرج
اتمام حُجّت ائیلدیم تا ائتمه سون افواج لَج
من سَهلَم عباس ئولماقی افلاک قدّین ائتدی کج
ماه فلک افسوس ائدوب یاندی مه تابانیمه
من باخمارام اوغلوم ئولوب چوخدور ملال و محنتیم
قارداشیزام آرتوب غمیم اولموش خمیده قامتیم
یارب تمام عمردن خوشدور منه بو ساعتیم
عالملری وئرسن اگر اولماز عوض بو آنیمه
بیر وضعیله شدّت یتوب بو گون گونون احراقنه
یر ایستیسی ائیلر اثر بو آتلارین دیر ناقنه
امّا خوشام من دوشموشم کرب و بلا توپراقنه
آختارمارام بیر کولگه یر راحتدی بو یر جانیمه
غم ائتمرم یالقوزلیقا نه یارو نه یولداش قالوب
نه قارداش اوغلی نه اوغول نه مهربان قارداش قالوب
گلمز ندن شمر شقی گورمور مگر بو باش قالوب
امّاگلنده شمر دون زینبده گلسون یانیمه
هر نه گُمانیم وارئیدی تقدیم ائتدیم من سنه
سنده بغشله جدّیمون اُمتلرین یارب منه
وئر بیر امان نامه اولار یتسون مقام ایمنه
سن قیل کرم اکرام ائدوم منده گَلَن مهمانیمه
ناگه حبیبه بیر ندا یتدی اودم محبوبیدن
ای سویگلوم بو حالتون آلدی شکیب ایوبیدن
میلون نقدر اولسا جوان و پیر و زشت و خوبدن
عفو ائیلرم قویمام بیری قویسون قدم نیرانیمه
اُمت غمینده ائیمدیکه چوخ آه و زارون وار حسین
غم ائتمه عفو ائتدیم سنه چوخ اعتبارون وار حسین
هر بیر کسه ائتسن عطا ائت اختیارون وار حسین
محکوم حکم ائتدیم سنه سن حاکم اول رضوانیمه
بو کارگاهیمده اولان وار هر نه بیش و کم سنون
حورو ملک-عرش و فلک-حتّی تمام عالم سنون
آب فراتی ائستمه کوثر سنون زمزم سنون
بیرده دئیمه اوچ گوندی سو دگموب لب عطشانیمه
ای نور عین فاطمه محبوب حیّ ذوالکرم
بیر لطف قیل ویرّم سنی قارداشون عباسه قسم
ائسته شفا وئرسین خدا هر چاره دن بی چاره ام
دکترلر امّا گورمه سین عاجزلیوب درمانیمه
مرحوم شانی
منبع مجموعه کانالهای مدح و مرثیه
موضوع: حضرت امام حسین (ع) مناجات ,
زبان شعر و شاعر: نوحه ترکی , شانی
-------------------------------
زبانحال حضرت لیلا (سلام الله)
اکبریم قوی دولانیم باشوه پروانه کیمین
دوشرم چوللره سندن صورا دیوانه کیمین
عزم رزم ایلوسن ای شبه رسول مدنی
شمع رخسارووه گیتمه ایله پروانه منی
دالی باخ لیلی دوینجا گوره وجه الحسنی
یانا هجر آتشینه عاشق مستانه کیمین
شکّرستان لبون لیلینی مجنون ایلیوب
هجر الاسود خالون منی مفتون ایلیوب
آنووی صحبت هجران ایله دلخون ایلیوب
قان دولوبدور دل محزونیمه پیمانه کیمین
عمر سرمایه سی سن لیلیه ای سرو روان
اولموسان سن بوی اتاندان منه آرامش جان
تیر هجرانه ایدورسن بو یانان قلبی نشان
آیریلورسان نیه مندن بیله بیگانه کیمین
گوزل آهو ایدوسن ساحت جانانه خرام
بزم عرفاندا ویره ساقی باقی سنه جام
باخورام هر دالی باخدوقجا اورگدن یانورام
توکولور اشک ترون گل یوزه دردانه کیمین
باغلانوب طرّه طرارووه بو قان اورگیم
شانه مثلینده اولوب هیجریله شان شان اورگیم
ایسته سون دنجله بیر لحظه پریشان اورگیم
چک دالونجا بو یانان قلبیمی میدانه کیمین
دایان ای سوزلری شیرین یوزی گل لعلی چیچک
گیتمه میش رزمگهه سال باشما قاره لچک
نقش برآب ایلدی نقشه لری چرخ فلک
قلبیده آرزیلاریم قالدیلار افسانه کیمین
پر آچوب طایر روحون سنون ای روح بلند
عالم قدسده حق محفیلینی ایتدی پسند
بد نظر چوخدی یانان قلبیمی گل ایله سپند
قفس سینه ده قویما اسه ریحانه کیمین
من دئیدوم قسمت اولار سفره عقدون بزه رم
نو عروسیله گلنده یولووا گل دوزه رم
وای منه سن گیدوسن چوللری ویلان گزه رم
اولار عالم گوزومه گوشه غمخانه کیمین
دئیه جک دشمن اوغولسوز آنووا گتسه هارا
وویراجاق اهل شماتت بو یانان قلبه یارا
کاش مژگانون اوخی سینمی بیر لحظه یارا
گوره سن قلبیمی شان شاندی اوغول شانه کیمین
ای زمان بوسفی کی فخر تبار نبوی
دئیمورم گتمه دایان ای گل باغ علوی
دوتموسان ایندی که آیریلماقا تصمیم قوی
گل اوتور قوی دولانم باشووه پروانه کیمین
مرحوم حسین شانی
منبع مجموعه کانالهای مدح و مرثیه
موضوع: حضرت لیلا (س) ,
زبان شعر و شاعر: نوحه ترکی , شانی
-------------------------------
زبانحال به حضرت ابوالفضل (ع)
دور ای غربت ولایتده منیم آرخام ائیلیم قارداش
امیدیم قطع اولوب سنسیز بو گون سیندی بئلیم قارداش...
بو خاک و خون آرا یاتما ، اویان ، آز خوابِ ناز ایله
گوزون قانین اَلیمله سیلمیشم ، بیر دیده باز ایله
گوتور بیرق ، منی دشمنلر ایچره سرفراز ایله
شهِ بی لشگرم من ، قالماسین تا نسگلیم قارداش...
بو سروِ نازدور یا قدّ ، وَ یا شمشادِ کاملدور؟
بو پیکردور اولوب قَد قد، و یا اوراق اولان گُلدور؟
بو اوخدور سانجلوب بی حدّ وَ یا بیر دسته سنبلدور؟
پوزولدی گلشنِ عیشیم ، عجب سولدی گولوم قارداش
بو گوزدور قانیله دولموش وَ یا جامِ لبالبدور؟
بو نرگس دور خمار اولموش و یا رنگین مرکّبدور؟
بو یوزدور گُل کیمی سولموش و یا ماهِ دو هفت شبدور
عجب وقته خسوف ایتدی بو بدرِ کاملیم قارداش
بیله بیر پیکر اولماز ، یا بیله بیر جسمِ صدپاره
بیله قان موجی داشماز ، یا بیله بیر موج فوّاره
باشون قانی دایانمور ، نیلیوم آخر ندور چاره؟
منه ممکندی گر چه گوزلرون قانین سیلیم قارداش...
دیمم من (شأنیم) نکته طرازم ، قافیه سازم
فنونِ نظمه دارایم بو فخریله سرافرازم
ولی دائم امیدِ لطفِ عبّاسیله دمسازم
دییر مأیوس اولا قویما قاپوندا سائلیم قارداش.
ادامه دارد ...
مرحوم استاد مشهدی حسین شأنی
منبع مجموعه کانالهای مدح و مرثیه
موضوع: حضرت ابوالفضل العباس (ع) زبانحال ,
زبان شعر و شاعر: نوحه ترکی , شانی
-------------------------------
زبانحال حضرت امام حسین (ع) به خواهرشان در احوالات حضرت علی اصغر (ع)
گَل باجی عطشان آپاردیم اصغری عطشان گتوردوم
اوخلی قربانین ربابه تازه دن مهمان گتوردوم
سو امیدیله بو طفلی خیمدن عطشان آپاردیم
اوز آناسیندان آیردیم بیر قوزی قربان آپاردیم
اللریم اوسته بالامی تحفهء جانان آپاردیم
عرض قیلدیم بار الها تحفهٔ ارزان گتوردوم
اولسا بیر بلبل چمنده گر گلِ رعنایه مأنوس
نیشِ خاری نوش ایدر ، نه شکوه ایلر نه بیر افسوس
ایستدیم نمرودِ ثانی اولماسون بو چولده مأیوس
بیر سوسوز ماهی نشانِ ناوکِ پیکان گتوردوم
تشنه حلقندن دگنده اوخ اوزی گَلدی امانه
دوز خدنگ ، افلاک قدّین اگدی دوندردی کمانه
قانینی اوجومدا دوتدم منده سپدیم آسمانه
سویلدیم یارب ختام ِخاتمِ پیمان گتوروم
قالمیوب آهی بالامون چوخ گیدوب قان یاره سندن
گلماقا شرم ایلورم من مادر ِبیچاره سندن
اوندا که آتدی اوزینی اصغریم گهواره سندن
رمزیله آندوردی یعنی منده یاره جان گتوردوم
گوردی قوم اشقیاده یوخدی آثارِ ترحّم
سو خیالین باشدان آتدی ایتمدی اصلا تکلّم
اوخ بوغازیندان دگنده ذوقدان ایتدی تبسّم
غنچه وش سولموش دوداقین گل کیمی خندان گتوردوم
بیر قالوردی بو نشانه گلستانیمدن گُلیمدن
گلشنیمدن ، بلبلمدن ، سوسنیمدن ، سونبلیمدن
اولمادی بیر کیمسه آلسون قانلی قنداقین الیمدن
لاعلاج اولدوم خیامه نعشنیی بو آن گتوردوم
قانلی قنداقین باسوب آغوشه میدانی دولاندیم
قصد ایدوب گلدیم آناسین منتظر گوردوم اوتاندیم
گه باخوب بو طفله یاندیم گاه گلدیم گه دایاندیم
رنجِ بسیاریله گلدیم سن دیمه آسان گتوردوم
ایستدیم یاریله یتسون عهد و پیمانیم ختامه
هر شهیدین پاره پاره نعشینی گَتدیم خیامه
گَل آنام باجی یورولما زحمتیم یتدی تمامه
آخرین بیر زحمتیمدور ، زحمته پایان گتوردوم
ویر خبر بیرده حرمده شیونِ دیگر قورولسون
آغلاسون اکبر آناسی ماتم ِاصغر قورولسون
خیمگاهیم حشره دونسون شورش ِمحشر قورولسون
اوخلی بیر محشوری شور ِمحشره اعلان گتوردوم
هی باخوب یانّام بو جامِ عشقدن مدهوشه زینب
من دانشدیرام دانشماز سن چاغور آغوشه زینب
گور چخوب روحی بدندن یا گیدوبدور هوشه زینب؟
هوشده اولسا اویاتما ، باخما من نالان گتوردوم
گللریم سولموشدی بیرجه گُل بوداقمده قالوردی
گلستانیمدن بو غنچه بیر سراغیمده قالوردی
فکریم آسوده دگلدی تا قوجاقیمده قالوردی
ایمدی ویردیم راحت اولدوم بیر ختمِ نقصان گتوردوم
تارِ زلف اکبریمده بیر تله بستیدی اصغر
ذوقِ وصلیله او قدری آغلیوب خستیدی اصغر
اوندا که من سندن آلدیم باجی جان اوستیدی اصغر
احتضاریله آپاردیم ، محتضر قربان گتوردوم
بو زبانحالیمون واردور بو بیتینده معمّا
غیره فرض ایلر خطا اهلی ، بولر سوز دوزدی امّا
بیرده گُل گلشنده گولسه ایتمیوب انصاف اصلا
من عزا گلزارینون بو غنچه سین گریان گتوردوم
(شأنیم ) ای شاه ذیشان غرق ئدریای گناهم
زادِ عقبادن الیم بوش معصیتدن روسیاهم
ناامید ایتمه قاپوندان سن گورورسن بی پناهم
اصغره بیر نوحه یازدیم اکبره عنوان گتوردوم.
مرحوم شانی
منبع مجموعه کانالهای مدح و مرثیه
موضوع: حضرت علی اصغر (ع) زبانحال ,
زبان شعر و شاعر: نوحه ترکی , شانی
-------------------------------
استمداد حضرت ابوالفضل (ع)
داده گل اَخی یالقوزام اوزوم ، مین ستم شعار ئولدورور منی
آختارور سنی قان دولان گوزوم ، قومِ نابکار ئولدورور منی
ویرموری امان قاتلیم منه ، تا یتم سنون بیر وصالوه
هرگز ایتمرم عجز دشمنه ، نقص اولا بو شأن و جلالوه
گر چه رنج و زحمتدی چوخ سنه ، لیک حسرتم مه جمالوه
یوخ حیا بو لشگرده ، گلمَسَن چشمِ انتظار ئولدورور منی
جان دوداقیمه یتدی قورخورام قلبیده قالا حسرتِ وداع
کشمکشدی قتلیمده ، باشلیوب بیر بیریله دشمنلریم نزاع
یوخ الیم آلام تیغِ تیز اله ، ایلیم گلن دشمنی دفاع
گوردی یوخ الیم گلدی جرأته قومِ کین شعار ئولدورور منی
تا یخلمامشدیم عُقابدن جرآت ایلینمزدی دشمنیم
چیخدی زخمِ جسمیم حسابدن دولدی تیرِ کینیله جوشنیم
قان آخوب ، بدن گیتدی تابدن ، جنگه قالمادی قدرتیم منیم
شیرگیر اولوب روبهانئ شام ، ایلیوب شکار ئولدورور منی
دوشمه میشدی تا جسمدن قولوم ، قویمادیم اولا سرنگون علم
دولدی اهلِ کینیله صاق صولوم ، اولدی هر ایکی قولّاریم قلم
گَل قدملریوه فدا اولوم ، گلموری یوزوم بیرده من گلم
سو یولوندا بی آبرو قُشون ایتدی شرمسار ئولدورور منی
گر چه ایتمیشم اهتمام چوخ ، اولموشام نهایتده خسته من
بال و پَر گیدوب دلده حال یوخ ، همچو طایرِ پر شکسته من
مشگمه گینه دگمه سیدی اوخ ، سورونوب گلردیم اوز اوسته من
بو سو مشگینه سانجلان او بیر ، تیرِ آبدار ئولدورور منی
مایهء حیاتیم بو گون منیم ، بیر بو مشگیدی بیرده بو لِوا
مشگیم اوخلانوب بیرقیم یاتوب ، گور داخی حیاتیم اولور روا
سو آخاندا بیجا قاریشمادی اشکِ حسرتیم بو آخان سووا
قلبیمه ویریلدی نه مشگیمه ، تیرِ جان شکار ئولدورور منی
تاپدیم اونداکی که ضربِ تیغیله ، قوهء سِنانیله یول سووا
نفسیمه گینه گورمدیم روا ، اولمادی طَمَع منده بول سووا
ایتمدیم الیمدن مضایقه ، هدیه ایلدیم ایکی قول سووا
قولدا گیتدی سو اولمادی ، بو غم ایتدی دلفکار ئولدورور منی
ایستدیم وفا شاهراهینی اهلِ عالمه تا نشان ویرم
بو سووا ویران اللّری دئدیم من بو گون گرک ترجمان ویرم
ویردیم ال ، ولی وار بیر آرزو ، مایلم حضورینده جان ویرم
ذوقِ وصلون آلدی قراریمی ایتدی بیقرار ئولدورور منی
منکه سسلرم دادیمه سنی ، بو عمل دگل شیوهء ادب
نیلیوم محبّت دیور چاغور ، بو جسارته عشقدور سبب
شاهِ عشقه لایقدی مجلسیم ، باده پُر ز خون ، ساقی تشنه لب
مستِ بادهء عشق یار اولان ، کس بولر نه وار ئولدورور منی
ئولماقیمدان اندیشه یوخ ، نه غم ، دوره می بو شام اهلی آلدیلار
غم بودور که فرصت اله بو دم ، لشگرِ ستم پیشه سالدیلار
دوشدی تا الیمدن یره علم ، بو یاتان علملر اوجالدیلار
شاد اولوب قاچانلار قیتدیلر ، لشگر هر نه وار ئولدورور منی
خوشدی جان ویرن وقتیده غلام ، یوز قویا شهنشه ایاقینه
منده بیر بیله ذوقده وارام ، فخریم اوج ایدر عرش طاقینه
گَل منیمده ای سیّدِ اَنام قلبیمی یتور اشتیاقیمه
افتخار ایدوم لشگره ، قشون بولمسون که خوار ئولدورور منی
نعمتِ وصالون اسیرگَمه بو وصالوه شوقمندیدن
رنجه قیل قدم لطف ایله ، چتین من خلاص اولام بو کمندیدن
قالموب اقتداریم سورونماقا ، آیریلور بدن بندبندیدن
قاتلیم عبث کوشش ایلوری زخمِ بی شمار ئولدورور منی
رأی آلندی ، تصویب رأی اولوب ، ایتدی بزمِ شورا بیله صواب
قتلیمه بو اون یدّی سنگدل ، صاحبانِ منصبدن انتخاب
سبقته او وادار ایلیوب ، وار بولاردا بیر بو قدر شتاب
لشگر ایچره ممتاز اولوب بولار ، امرِ انتحار ئولدورور منی
هر مریضه که ایلنمّه سه ، جملهء اطبّا معالجه
صدقیله گرک دی اوزون سالا ، طبّ گاهِ باب الحوائجه
(شأنیم) بو درگهده بیر ایتم ، چیخ دیمه ، منی قؤما خارجه
ویرمسن شفا ، خلق آرا یقین بول بو ننگ و عار ئولدورور منی.
مرحوم استاد شأنی
منبع مجموعه کانالهای مدح و مرثیه
موضوع: حضرت ابوالفضل العباس (ع) زبانحال ,
زبان شعر و شاعر: نوحه ترکی , شانی
-------------------------------
در احوالات حضرت زهرا (سلام الله)
غمدن جهاندا تاپمادی بیر گون فراغت فاطمه
خوش روزگاره، خوش گونه قالموشدی حسرت فاطمه
اون سگز ایل عمر ایلدی دنیاده بیر گون گولمدی
دلده قالوب درد دلی بیر کیمسه دردین بولمدی
اولماز غلط عرض ایلسم زهرا اجل لن ئولمدی
ئولدوردی ثانی ظلمیله تاپدی شهادت فاطمه
درد و غم هجرانیدن سولدی سارالدی گل کیمی
زلفی آغاردی غصه دن بیرجه سولان سنبل کیمی
هر گون آتا هجرنده بیر شوریده سر بلبل کیمی
ایلردی درد هجردن دائم شکایت فاطمه
آخر اوزولدی کثرتِ غمدن حیاتیندن الی
پیک اجل یتدی، اولوب آئینه دل منجلی
عرض ایتدی بیر گون الده وار فرصت عم اوغلی یا علی
اگلش یانیمدا بو دمی بولموش غنیمت فاطمه
چوخ مایلم سنله بو گون بیر آن صحبت ایلیوم
بیر دم، دم هجرانده تجدید وصلت ایلیوم
ئولماق زمانیمدور سنه نچه وصیت ایلیوم
بیر نکته وار لازم بولوب ایتسون وصیت فاطمه
وقتی که ئولم من بو گون اشگیله دولدورما گوزون
پوزما غمیمده حالوی دوندرمه شامه گوندوزون
غسل ائت گجه ایله کفن تاپشور مزاره سن اوزون
بلکه عم اوغلی بیر یاتا قبرینده راحت فاطمه
بیرده سنه مندن صورا هر کیم بو ایوده یار اولا
اولسون ببری اولادیمه غم مونسی غمخوار اولا
دلتنگ اولاندا زینبیم لطفاً اونا دلدار اولا
قویدی یرینده زینبی مام مصیبت فاطمه
بیرده حسینیله حسن چوخ چکموشم زحمت لرین
قویمازدیم اصلا توز دوتا گیسولرین صورتلرین
مندن صورا ویر تسلیت سن دلدن آل محنتلرین
چکمیش اولاردان اوتری چوخ رنج و مشقت فاطمه
دائم حسینی بسلدیم نازیله سینم اوسته من
گه جبرئیل لای لای دیوب گاهی اوزوم آهسته من
آرتوب علاقم گون به گون اولدوم اونا دلبسته من
اول ناز پروردن کسه مشگلدی الفت فاطمه
آرام جانیمدور حسین یانوندا راحت ساخلا سن
چوخ تاپشوروب جدی منه مندن امانت ساخلا سن
گور سر به سر اعضاسینی گل تک سلامت ساخلا سن
سالم ویرور آخر آلا سندن سلامت فاطمه
نور دو عینیمدور حسین آخر سنه دل پاره دور
باخ گور نه باشدا بیر قلج نه جسمی یکسر یاره دور
نه باش بدندن آیریلوب نه پیکری صدپاره دور
نه جمله عضونده گورور تک بیر جراحت فاطمه
نازین چکوب اورگتموشم سینمده یاتسون هر گجه
تا راحت اولسون قالماسون دینجلماقی هرگز گجه
توپراقلار اوسته چاک چاک اعضاسینی گورسون نجه
ممکندی ایتسون بیر ایله ساعتده طاقت فاطمه
زهرا حسینی یار ایچون بیر دسته گویا گل دوتوب
زلفین گوروب هر کیم دیر گل دوره سین سنبل دوتوب
گورسه تنور ایچره یاتوب قانلی یوزین توز کول دوتوب
آیا عم اوغلی یا علی نیلر او ساعت فاطمه؟
بیر بلبلم زاغ و زغن اولسا گل اوسته دوزرم
چوخ چوخ منه مشگل گلور بو مشگل اوسته دوزمرم
گل اوسته بسلنمیش باشی گورسم کول اوسته دوزمرم
مطبخ سراده کوفه ده ایلر قیامت فاطمه
احسن جهاندا ((شانیا)) رسم وفانی آتمادون
یعنی زمین صدقدن تخم صداقت قازمادون
((صرافین)) اشعارین گوروب زهرا وداعین یازمادون
تا نوحه خوانیندن اوزی گوندردی رخصت فاطمه
مرحوم شانی تبریزی
منبع مجموعه کانالهای مدح و مرثیه
موضوع: حضرت فاطمه زهرا (س) احوالات ,
زبان شعر و شاعر: نوحه ترکی , شانی
-------------------------------
زبانحال حضرت رقیه (سلام الله)
کنج خرابه بو گجه رشک جناندور عمّه جان
لطف ایلیوب بابام گلوب،یاتما اویاندور عمّه جان
بخت منیله یار اولوب، عمّه نه خواب نازدور
رحمت حق باز اولوب، باب امید بازدور
گل آچیلوب بهار اولوب، نغمه ی وصلِ سازدور
فصل وصال گُل یتوب، ختم خزاندور عمّه جان
گرچه بیزیم ازل کی گون یتدی خزانه باغیمیز
جمله عزالی یاسلیوخ، واردی اورکده داغیمیز
منزلیمیز خرابه دور یوخدی اگر چراغیمیز
دلده کی شمع آهیوی بو گجه یاندور عمّه جان
عشق معاملاتینون نفعی که وار ضررده دور
خوشدی منیم هلاکتیم، جان دیمورم خطرده دور
سن که دیردون هِی منه عمّه بابام سفرده دور
گلدی غریبه وقتیده یاخشی زماندور عمّه جان
ایمدی خلاص ایدر منی طعنه ی اهل شامیدن
فارغ ایدر شماتت فرقه ی بد مرامیدن
لیک دیمه بابامه سن قصّه ی بزم عامیدن
طبع غیورینه بو غم خیلی گراندور عمّه جان
گرچه یتوردی حق منی دلده کی اشتیاقیمه
لیک چوخ اولدی خجلتیم یتدی کدر قوناقیمه
چکدی الینی باشیمه باخدی قابار ایاقیمه
آغلادی،یاندی،سویلدی بو نه نشاندور عمّه جان
ایستدیم اوزعزیزه سین، صورتی نیلی گورمه سین
هی وورولوب دوگولماقین واردی دلیلی گورمه سین
یعنی یوزومده شه گوزی نقشه ی سیلی گورمه سین
اولمادی گیزلدنمدیم گوردوم عیاندور عمّه جان
باخدی کبود عُذاریمه،آغلادی منده آغلادیم
یاندی بو حال زاریمه،آغلادی منده آغلادیم
یار اولوب آه و زاریمه،آغلادی منده آغلادیم
سنده یری وار آغلاسان، جای فغاندور عمّه جان
شمر شریر و شومیدن واردی دیمم شکایتیم
راه وفاده بهره مند ایتدی منیم ریاضتیم
گوردوم آتامی بیر نظر قالمادی دلده حسرتیم
جان ویرم آزدی وصلینون قیمتی جاندورعمّه جان
ایتدی وفا آتا بالا مهرین آتام ایتیرمدی
داغ فراقی سینه دن من دیمورم بیتیرمدی
حیف که تک گلوب اوزی اکبریمی گتورمدی
بولمور علی علی منه ورد زباندور عمّه جان
نچّه زماندور حسرتم عارض و خطّ و خالینه
کاش اونوندا بیر زمان عمّه یتم وصالینه
بیرده بو گوزلریم دوشه اکبریمون جمالینه
قالماز اورکده هر نه که درد نهاندور عمّه جان
جان ویرورم گلون گلون من دیمورم که یاندیرون
مرگیمون علّتینی بو رمزیله خلقه آندیرون
شمع زفاف اکبری قبریمون اوسته یاندیرون
باغریم او حسرتیله چوخ لخته ی قاندورعمّه جان
چاره قیل آز قالور چخا مرغِ دل آشیانه دن
گلسه دوباره شه دیمم درد و غم زمانه دن
بیرده شکایت ایتمرم زحمت تازیانه دن
دور دولاناخ بابامی تاپ آز منی یاندور عمّه جان
آلسا خبر مشقّت و زحمت و رنج راهیدن
گیزلدرم پیاده لیق زحمتینی او شاهیدن
قلبینه یتمه سین کدر باری بو بی پناهیدن
سن بولوسن بو مدّتی چوخ نگراندور عمّه جان
بیر در خانقاهیده بیرق فقر اوجاتمیشام
بالش استراحتین فکرینی باشدان آتموشام
اینجوری جسم وجان زبس بو قوری یرده یاتموشام
سهلیدی جای قمچیدور، کعب سِناندور عمّه جان
خون دلیله گوزلریم عمّه نه نوع دولماسون
من کیمی هیچ عزیزه نین گلشن عیشی سولماسون
هیچ آتاسی اُلَن بالا دشمن اسیری اولماسون
ذلّتی وار، اسیرلیق دردی یاماندور عمّه جان
کیم گوروب عمّه کیم بیله کامین آلا خرابه ده
لیک جهاندا جان ویروب هانسی بالا خرابه ده؟
شه گله شاهزاده نی یاده سالا خرابه ده
لایقی شاهزاده نین بیله مکاندور عمّه جان؟
بیرده بو جانه بولموشم دگمیه جاق نسیم یوم
بیله مقدّرات اولوب من بو مکاندا دفن اولوم
یعنی دوباره یثربه دوشمیه جاق منیم یولوم
گرچه گیدن سیزیله بو روح و رواندور عمّه جان
باجیلاریم گرک گیده شهر و وطن دیارینه
سن دُشننده جدّه میز فاطمه نین مزارینه
درد دلین دیر هامی جدّ بزرگواریمه
من که یوخام، بو حالیمی سن اونا آندور عمّه جان
ایله شفیع رقیّه نی «شانی» اولونجه آغلا، تا
خالق حق بغیشله سین هر قدر ایتموسن خطا
ایلدی ثامن الحجج مطلع شعریوی عطا
کنج خرابه بو گجه رشک جناندور عمّه جان
مرحوم شأنی تبریزی
منبع مجموعه کانالهای مدح و مرثیه
موضوع: حضرت رقیه (س) زبانحال ,
زبان شعر و شاعر: نوحه ترکی , شانی
-------------------------------
زبانحال حضرت رقیّه (سلام الله)
بو خرابه یر که آل حیدره مکاندور عمّه
پرشکسته عندلیبه یاخشی آشیاندور عمّه
ایتمرم خرابه یردن عمّه جان سنه شکایت
هر قدر بلا یتیشسه بیزلره اولور سعادت
سن اوزون بُلورسن امّا سختیدور غم شماتت
شامیان شماتت ایلر چوخ منه گراندور عمّه
خار دامنینده گل تک غنچه لیقدا سولموشام من
بو گروه اشقیایه دستگیر اولموشام من
ایتمیشم ز بسکه شیون عمّه جان یورولموشام من
شغلیم آه و داد و شیون، مونسیم فغاندور عمّه
گر دیسم که شمر الیندن جانه دویموشام خطادور
عالم وفاده قلبیم هر بلایه آشنادور
چون بابام قبول ایدوبدور بو اسارته رضادور
هر قدر بلا بو جانه گلسه نوش جاندور عمّه
شام قیزلاری گیینسون اگنینه لباس فاخر
هی گَلوب صباح و شامی ایلسون بیزه تفاخر
قالمارام یقیناً اُلّم بو دیاریده من آخِر
بو خرابه مدفنیم دور بو منه عیاندور عمّه
قاز مزاریمی خرابه قوی منیم مکانیم اولسون
عندلیب تک پوزولموش گلشن آشیانیم اولسون
توزلی‌قبریم‌اوسته‌گَلسون «شانی»نوحه‌خوانیم‌اولسون
نوحه قیلسون ایتسون‌افغان، « شأنی » خوش‌زباندور‌عمّه
مرحوم شأنی تبریزی
منبع مجموعه کانالهای مدح و مرثیه
موضوع: حضرت رقیه (س) زبانحال ,
زبان شعر و شاعر: نوحه ترکی , شانی
-------------------------------
احوالات تاسوعا
روز تاسوعا یاخونلاشموشدی گون ائتسون غروب
همّت عبّاس امّا اولدی گون تک آشکار
خُلد اعلاده اوغولوای سسلینده فاطمه
امر قتل ، حتمی اولاندا باشلاناندا کارزار
شمر اولوب اول شقی بو آدلانوب اوّل سعید
او توکوب ثاراللهی بو ایلدی ایثار ثار
او گتوردی الده بیر فرمان حسینون قتلینه
بو حسینون شمع عشقینده یانوب پروانه وار
او خیال ائتدی آییرسون شاهدن سردارینی
بو دئدی عبد ایلمز ترک رکاب شهریار
گر قلم قولدان قلم امدا تاپسا شأنیا
بو مفصّل مطلبی نظمیله اجمالاً یازار
عصر تاسوعا قریب شام عاشورائیدی
چخدی لشکردن کناره شمر شوم نابکار
یوز دوتوب سمت سپاه شاده دینه دادیله
سسلدی أَینَ بنو أُختی سوزون ایتدی کرار
بولدی شمرین مقصدین پور رشید مرتضی
باشینی سالدی اشاقه با کمال انکسار
شاه دین یوز دوتدی عبّاسه بویوردی یا أَخا
شمر ذی الجوشن سیزی سسلور گورون نه قصدی وار؟
ایلدی عبّاس فوراً امر شاهه امتثال
خارج اولدی خیمه لردن مرتضایه یادگار
یوز دوتوب اکراهیله شمره دئدی قصدون ندی؟
وئردی عبّاسه بو طرزیله جواب اول کین شعار
هم قبیلم دور آنان سن قتله یتسن تا وارام
اوز قبیلم ایچره اولّام بو عملدن شرمسار
گئت گوتور قارداشلارون گَل ملحق اول بو لشکره
اول سپه سالار لشکر واردی سنده اقتدار
هر ریاست ایسته سن وار سویسن هر بیر منصب آل
سر سپه حتّی سنه اوز شغلون ایلر وا گذار
آلمیشام کتباً امیریمندن امان نامه سنه
یوخ تعرّض سیزلره گر اولسا هر شهر و دیار
تا ایشیتدی بو سوزی پور غیور مرتضی
تیتردی اعضاسی اولدی طبعینه چوخ ناگوار
سویلدی ای بی حیا دنیاده عار اولسون سنه
شرم ائدورسن اوز آنامدان ایتمیسن زهرادن عار
فاطمه اوغلون قویوم یالقوز گلوم سردار ئولوم؟
یوخ بو منصبده شرافت ، وار مذلّت زینهار
نه امان نامه نه منصب نه ریاست نه جلال
بیر گونوم اولسا حسین سیز عالم اولسون تار و مار
سن خیال ائتمه حسینه قارداشام سر لشکرم
بیر غلامم گر قبول ائتسه بو شاه تاجدار
طول وئرمه صحبته قورخار حسینون قیزلاری
خیمه لردن گورموسن زهرا قیزی زینب باخار
فکریمه بیر سوز گلور نوعاً چوخ استبعادی یوخ
تا خیمده بو خبر نشر اولدی تاپدی انتشار
شمر عبّاسیله میداندا ائدنده گفتگو
خیمه لرده زینبه یوز وئردی حال انکسار
یوز دوتوب درگاه حقّه یادگار فاطمه
عرض ائدوب ای دادگر ای مهربان پروردگار
قارداشیم عبّاسی آیا بس آنام امّ البنین
بسلموب اولسون حسینه بیر بئله موقعده یار
شمر آییرسا بیربیریندن بو ایکی قارداشیمی
وای منه اولّام یقیناً تا وارام دنیاده خوار
شمر گوردی ایلمز عبّاسه افسانه اثر
شاهباز اوج همّت کرکسه اولماز شکار
او قیتدی لشکره عبّاس خجلتدن ولی
شرم ائدردی بیرده سمت خیمیه ائتسون گذار
شه توجّه ائتدی لطفاً با وفا سردارینه
گوردی عبّاسه وئرور دنیای دون بی حد فشار
آز قالور ئولسون خجالتدن او غیرت معدنی
ایلدی احضار حضوره قیلدی رأفت بی شمار
هر سوزی گرچه امامون قولیجه اولماز دئماخ
وار ولی شهرت بو سوزده منده ائتمم استتار
ایتدی فرمایش ابوالفضله غریب کربلا
میلون اولسا گیتمگه قارداش واروندی اختیار
بولمورم بو سوز ابوالفضله نقدر ائتدی اثر
دوشدی توپراقه قدوم شاهه اولدی خاکسار
عرض ائدوب مولا قاپوندان قوما بیر عبدم ذلیل
اولماسام قابل ، قبول ایله واریمدی اعتذار
سیّدی سنسیز حیاتی نیلورم دنیاده من
خوش دگل سندن صورا عمر اولسا گیرم صدهزار
فرض ائله من بیر غلامم شاهزاده اکبره
تا ائدوم احراره بیله بندلیقدان افتخار
وئرماقا پایانه اوز پیمانیمی خوشخوانیله
ایسترم توفیق حقدن عهدیم اولسون استوار
خالقیم قیلسون عطا سالم بدن آسوده دل
دلنشین اولسون سوزوم چون شعر(شانی) آبدار
مایلم بیر اربعین اوچ اکبر آدلی نوحه خوان
اتفاقیله نصیب اولسون او شش گوشه مزار
مرحوم شانی
منبع مجموعه کانالهای مدح و مرثیه
موضوع: احوالات تاسوعا و عاشورا ,
زبان شعر و شاعر: نوحه ترکی , شانی
-------------------------------
زبانحال امام حسین (علیه السلام) به خواهرشان در شهادت حضرت علی اصغر (علیه السلام)
آنام باجیم ظلم اودینا ، قلبیم اود دوتوب یاندی
الیمده تشنه اصغریم ، ظلم اوخیله اوخلاندی
گل یاراسینی باغلا
اوخشا اصغری آغلا
بالام یاتوب راحت اولوب دینجلوبدی دیندیرمه
قماطین آچ رختینی سوی تازه دن گییندیرمه
آناسینا باغلامامیش یاره سین نشان ویرمه
مگر آنایه بالانون بیله حالی آساندور
دگنده اوخ آغلامادی باخدی بیر منه گولدی
نه علته گولدی اونی خالقیم اوزی بیلدی
الیمده ال ایاق چالیب تشنه جان ویروب ئولدی
الیم قولیم سینم اودور رنگ رنگ الواندی
بیر عهد ایتمیشیدیم ازل حی کردگاریله
ویرم او عهده خاتمه من بو شیر خواریله
سو ویردی حرمله بونا تیر زهرداریله
اوخیله سیراب ایلدی غم یمه که عطشاندی
سوسوزدان اولموشدی بالام غنچه لیقدا پژمرده
او حالی حالیمی منیم ایلمیشدی افسرده
و لیک قویمادی اولام حرمله دل آزرده
دئدی سو ساخلیان بونا بوسه شعبه پیکاندی
همان باجیسی که بونا متصل دیوب لایلای
چتیندی دوزماقی باجی حالنه اونون وای وای
یقین گورنده سسلنور تشنه قارداشیم ایوای
باجون فدا یوزگوزیوه یوزگوزونده نه قاندی
قانه باتان آنوگین آچ سیل بوغازینین قانین
آناسینا ویرمه نشان زخم نوک پیکانین
بو قانیله من بویادیم عرش و فرش دامانین
سماده قانی اصغرون حشره دین نمایاندی
ویروبدی آغلاما قلقین اجرینی غریب طوس
حسینه آغلیان اودور اولماز حشرده مایوس
دوباره خامه دفتره شاننی ایدن مانوس
حسن رحیمی زاده دور شاه طوسه مهماندی
مرحوم شانی
منبع مجموعه کانالهای مدح و مرثیه
موضوع: حضرت علی اصغر (ع) زبانحال ,
زبان شعر و شاعر: نوحه ترکی , شانی
-------------------------------
احوالات حضرت قاسم (علیه السّلام)
آتدان دوشنده قاسم گل پیرهن یره
ایتدی روانه گوز یاشینی پنج تن یِره
زهرا و مرتضی و حسن جدّی مصطفی
باطنده نازل اولدیلا قاسم دوشن یِره
ظاهرده گلدی خامس آل عبا حسین
آل عبا یغیشدی او بیت الحزن یِره
صدقیله قاسمه دوتا هر کیم عزا یقین
بو پنج تن گَلَر او عزادار اُلَن یِره
آل عبایه سوگلیدور چون بو نوجوان
آل عبا گیدر بو جوانی سُوَن یِره
یوخ احتیاج اَدلِّه و اثباته پنج تن
ایمدی یقین گلوبدیله بو انجمن یِره
صاحب عزا بو رسمیدی آغلار گوزی سُوَر
زهرا گَلَر مُحِبّلَر اشکین توکن یِره
گوز یاشلارین ذخیره ایدر روز محشره
قویماز سرشک تَر توکوله دیده دن یِره
بو بزمیده علی اوتوروب، چوخ مودّب اُول
باخما حقارتیله علی اَگلشن یِره
سال یادیوه او وقتی که صد پاره جسمیله
آتدان یخیلدی قاسم گلگون کفن یِره
سسلندی ای عمو اُلورم گل هراییمه
قربان یارالی جانیم عمو سن گَلَن یِره
آلدی سسین خیامیده گلدی غریب امام
دوشموش یارالی گوردی او گُل پیرهن یِره
فریاد او وقتدن که حسین تاپدی قاسیمی
دلسیز دوشوب نه گوردی او شیرین سخن یِره
ماهی کیمی چالور اَل اَیاق قانلو دجله ده
سورتور گوزل یوزین او سوسوز جان ویره
قارداش بالاسین ایله گوروب دلدن اودلانوب
آتدان اوزون سالوب او شهِ ممتحن یِره
گوردی شکار ایدوبدی خطا دیده اوچیلار
دلسیز دوشوب مثال غزال خُتَن یِره
میدانی قانلو جسمی ایدوب رشک گلستان
گویا توکوبله یاسمن و نسترن یِره
خنجرلریله قطعه به قطعه اولوب بدن
پاشیده دور دیرسن عقیق یمین یِره
اول سرو بوستانی بتولی جفائیله
یخمیش یارالی دسته ی زاغ و زغن یِره
الوان اولوبدی قزمزی قانیله پیکری
اوراق لاله تک توکولوب بیر چمن یِره
خونین شفقده ماه سپهر حسن قالوب
قانلو بولوددا دوشموش او وجه الحسن یِره
قان دجله سینده سنگ جفادن حصار وار
گویا که داش توکوبدی گَلَن هر گیدَن یِره
گَلمَز یارا شماره نجوم سپهر تک
دوشموش بیر آسمان تک او سیمین بدن یِره
باشی آخوب بوغاز گورونور قرص ماه تک
رخشاندی نور بخشدی سیب زغن یِره
بلبل دانشدیروب گُلینی قانلو باشین باسدی باغرینا
قویدی یوزین او سینه ده اوخلار تیکن یِره
آلدی قوجاقه نعشینی حمل خیام ایده
قویدی دوباره یاسیله شاه زَمَن یِره
اشکیم مجال ویرموری عرض ایدوم علّتین
بیرده گوتوردی قویدی دوباره ندن یِره
چوخدور یاراسی گوردی بدن قطعه قطعه دور
قان چشمه سی رواندی چو سیل دَمَن یِره
یا اینکه شه ایشیتدی امام حسن سَسین
قویدی اوغول جنازه سینی تازه دن یِره
آخِر گوتوردی سینه سینه باسدی جسمینی
حمل ایلدی شبیه پیغمبر دوشن یِره
چوخ زحمتیله گَتدی خیامه جنازه سین
جمع اولدی دلده ناله حریم اَگلشن یِره
آلدی آرایه اهل حرم قانلو پیکری
گوز یاشی توکدی آل شه ممتحن یِره
مجروح صیدی گورسه آنا آنینی اُپَر
جانیم فدا الهی سریّه اُپَن یِره
آنّی گوروب یارالیدی اُپدی بوغازینی
قویدی سوسوز دوداقینی خنجر بیچن یِره
مرحوم شأنی تبریزی
منبع مجموعه کانالهای مدح و مرثیه
موضوع: حضرت قاسم ابن حسن (ع) ,
زبان شعر و شاعر: نوحه ترکی , شانی
-------------------------------
احوالات غلام سیاه و
گریز به شهادت عبدالله بن الحسن (ع)
یادیمه دوشدوقجا شورِ عاشرِ شهرُ الحرام
سلب اولور طاقت ، تاپار بنیادِ صبریم انهدام
روزِ عاشورا ایله بیر امتحان ویردی حسین
بیر اوزی بولدی ندور ، بیرده خدای لاینام
یوزدن اسگیک لشگری ، قرخ میندن آرتوخ دشمنی
واقعا" جای عجبدی بو ثبات و بو قوام
نصرته اولمازدی گر چه بیر نفردن احتیاج
جنبهء محضِ امامتله گر ایتسیدی قیام
محشری یاد ایتمدی قرخ مین نفردن بیر نفر
مین قیامت با وجودیکه او گون ایتدی قیام
هر قدر گوستردی ظلم اهلی شقاوت ، بی دریغ
مین ایله همّت او گون گوستردی اصحابِ امام
شهریارِ کم سپاهین لشگرینده واریدی
بیر نفر ، بعضی یازار ، بعضی ایکی قاره غلام
روی تیره ، موی تیره ، ظاهری شکلی قرا
قلبِ پاک و صاف خونی ، نورِ ایمانه مقام
وار خبرده اختلاف ، هر کیمسه بیر نوعی یازار
بو غلامین حالینی ، امّا بودور حاصل کلام
شه رکابینده او گونده بیر غلام اولدی شهید
فخرِ احرارِ جهان اولدی ، تاپوب عالی مقام
شرم ایدردی گلسون اذن آلسون ، دیردی ای خدا
لطف اولوب سندن اولیدی صیدِ بختیم کاش ، رام
ظاهرا" من بیر سیه مویم ، یوزوم گلمور گیدوم
اذن آلوم شهدن ، اولوب گوندوز گوزومده تیره شام
عرصه تنگ اولماز غلامه یا که دویماز عمردن؟
گورسه مولاسین بیله یالقزلیوب اشرارِ شام
الغرض شرمین حجابین ، حاجبِ عشق ایتدی رد
یول تاپوب بزمِ وصاله ، کام آلوب گودوقجا گام
اوپدی سُمّ ذوالجناحی ، ایلدی عیسایه فخر
عیسیِ مریمده آری یوخ بو عزّ و احترام
عرض ایدوب هر چند بد بویم ، سیه رویم ، ولی
شوقمندم رو سفیدِ عرصهء محشر اولام
من غلامم چون سنه ، وار افتخاریم شهلره
آرزو ایلر بو فخری ، مین شهِ با احتشام
لطف ایدوب ویرسن اجازه بو تمنّاده وارام
تا بو بد بو قانیمی ، اول مشگبو قانه باتام
چکمرم ال دامنوندن ، ویرمسن رخصت منه
چون که اسبابِ نجاتیمدور منیم بو اعتصام
شه مقامِ لطفده ویردی غلامه بیر جواب
پوزدی احوالین اونون بو لطفده فخرِ فخام
یعنی آزاد ایتدی خواجه ، اولدی بنده دل ملول
عرض ایدوب بو بابِ رحمتدن منی قؤوما آقام
ناز و نعمت وقتی ایتدیم استراحت ، عیش و نوش
رنج و زحمت وقتی گیتسم عار اولور بو ننگ و نام
بسکه اِلحاح ایتدی یالواردی حسینه آغلادی
اذنِ میدان آلدی شهدن ، ایلدی تحصیلِ کام
مُحرِم اولدی کعبهء عشقه تاپوب قلبی صفا
اوّلِ عزمنده اولدی عازمِ بیتُ الحرام
سسلدی ای عترتِ شاهِ شهیدان السّلام
السلام ای اهلِ بیتِ شاهِ عطشان ، السّلام
چوخ قصوریم واردی خدمتده منی عفو ایلیون
تا که اولموم حشرده شرمندهء خیرُ الاَنام
بیر قره قولدا بو همّت بو ادب بو معرفت
قصّهء بارانِ رحمتدور ، همان ابرِ ظلام
مسئله روشندی یوخ مطلبده اصلا پیچ و خم
گولدورور گُل فصلی گلشنده گُلی آغلار غمام
گلدی میدانه ایدوب اشراریله جنگِ شدید
آخرُ الاَمر آلدی اطرافین اونون قومِ ظُلام
وردیلار از بس یارا گیتدی قواسی جسمدن
دوشدی یارادن یخلدی گوردی وار چوخ ازدحام
شرم ایدوب اّما حسینی سسلسون امدادینه
خیمه گاهه یوز دوتوب ویردی او شاهه بیر سلام
خواجهء آزادگان آلدی غلامین تا سسین
گلدی فورا" باشی اوسته ایلدی الطافِ تام
گوزلرین آچدی گوروب سلطان دیزی اوسته ، باشین
باش اوجالدیب طاقِ عرشه بندهء عالی مقام
گلدی (شأنی) فکریمه بیر ماجرای جانگداز
شرحینه امّا دوزنمز دل و لو اولسون رُخام
هر شهیدین دادینه یتدی او گون شاه شهید
داد چرخ دون الیندن ای خدای لاینام
ذوالجناح اوستن دوشن ساعت غریب کربلا
کیم یتیدی دادینه قالمیشدی بیر بیمار امام
ایسّی قوملار اوسته آهسته دینده العطش
سسلنوردی سو گتوردوخ بیز هوا اوسته سهام
اولمادی نسگل او شاه بیکسین امدادینه
بیر نفر گلدی نجه گلدی گرک شرحین یازام
خیمدن چخدی سریعأ نوگل باغ حسن
رم ییوب صیّاددن گویا غزال خوشخرام
خوش روش آهو کیمی ایلردی صحرایه خرام
رهگذارینده ولی صیاد کین قورموشدی دام
شهدن ایما یتدی زینب دوتدی بلکه سساخلاسون
اولمادی ممکن نقدری ایتدی سعی و اهتمام
بزم وصله عزم ایدنده عاشق هجران نصیب
کیمده وار قدرت یولین کسسون محال ایشدور مدام
چوخ شتابیله یتوردی مصرع شاهه اوزین
یعنی یالقوزسان کمکسیزسن عموجان من وارام
شه بونا چوخ لطف ایدردی هم آتیدی هم عمو
نازینی چکمشدی دائم شهریار مستظام
بیر یاشندیدی بو دنیادن گیدنده مجتبا
لیک گورموشدی آتا لطفین عموسندن تمام
سینه سی اوسته دوشندی عادت دیرینیله
ایگله دی اُوپدی شمیم جانیله دولدی مشام
گوئیا بلبل قونوب بیر شاخهء گل اوستونه
دل آچوب شوره گلوب دلدن آلور صبر و دوام
گه اُوپردی یاره لردن گه چکردی اوخلاری
گه دیردی گوزلرین قربانی ای عمّ کرام
من کیمی یوخسا سوسوزسان دونمور آغزوندا دلون
غنچهء گل تک سولوبدور بو لبان لعل فام
گرمیدی رازو نیازه مهربان دلداریله
قویمادی اغیار دون ایتسون ولی اخذ مرام
بیر زنا زاده یتوب یاندوردی زهرا قلبنی
حمله ایتدی شاه دینه اَلده بیر عریان حسام
گوردی شاهی قصد ایدوب شهزاده فریاد ایلدی
ظالم اُلدورمه عمومی رحم ایله یوخدور آتام
نه اوتاندی شاهدن نه رحم ایدوب شهزادیه
نه سالوب قهر خدانی یاده اول نسل حرام
نیلدی واضح دیمم اما یری وار مجتبا
آغلاسون عصرین امامی آلمیونجا انتقام
ایتدی عبدالله ، ابی عبداللهه جانین سپر
بلکع صدمه ورماسون سلطانِ مظلومه اوحام.
مرحوم شانی
منبع مجموعه کانالهای مدح و مرثیه
موضوع: احوالات غلام سیاه ,
زبان شعر و شاعر: نوحه ترکی , شانی
-------------------------------
احوالات عابس ابن شبیب شاکری
حسین عشقه بلا دشتین ایلدی سر حد
بلا بلادینه یتمیش بیر عاشق اولدی بَلَد
یازیلدی گل آدی طومار عشقه خسرو عشق
صنم سُونَ لره گوستردی عشق پاک صمد
باشندا ایله بیر اشخاص جانفشان واریدی
مثالی نه گلوبُ اوّل و نه گله جاق ابَدَ
آلوبلا سینه لری اُسته دسته دسته سُهام
سهامی شرکتیدی هر کیمون واریدی رسد
اگر چه لشگری تعیین اولوبدی یتمیش بیر
ولیک بعضی یازان لار یازوب قریب نود
بو نوع نقل اولوب اما امام باقردن
سوار لشگری قرخ بش نفر پیاده سی صَد
بیری گولردی بیری شوق اُزیله آغلاردی
بیری عبادته ایتمیشدی خیمه سین معبد
بلی گرک بیله بیر شخص لر اولا قوشونی
او شه که اولسون اوزی خلقه اعلم و اَزهَد
دیردیلر تیز اُلاخ گورمیاخ حسینی وحید
نه چکدی زین العبا بولمورم خدای احد
بیرسی عابس ابن شبیبیدی اولارین
وفالی شوذبه سویلوب او با شعور و خِرَد
عزیز فاطمه یالقز قالوب ندور فکرون
دیدی خدایه قسم تنگ اولوبدی روحه جَسَد
گرک حُسین رکابینده قانیمه بویانام
اولام بُو فیضیله فایض به رغم اهل حسد
حضور شاه شهیدانه گلدیلر باهم
ایدوبله عرض که ای نور دیدهٔ احمد
اولیدی جانیله قاندان عزیز بیر زاد اگر
ویروُب اونیله ایدر دوخ بو شری سندن رد
او‌که اولان دگل اما که باش و جانیله
سنه کمک لیقیله ایلروخ بو چولده مدد
خلاصه آلدیلار رخصت گلوبله میدانه
شهادت عشقینه خوش دلده کلمه اشهد
خطاب ایتدیله نه ظُلم دور بو ای لشگر
مگر دگل بُو حسینه رسول اکرم جد
سوسوزدان آل علی آهی نه سمایه چخور
کنار نهرده چوخ پُر ثَمَندی یوخسا ثَمد
مُبارز ایستدی عابس ربیع ابن تمیم
بونوُن شجاعتینه کاملاً واریدی بَلَد
قوشون جماعتینه سسلدی اولون آگاه
بو چوخ شجاعدی عابس آدی شبیبه ولد
بونون قتالینه جاندان گرک دویان گتسون
کمک گلوب اسدالله اوغلُونا بو اسد
گوروُب که عابسه سعداوغلی یوخدی مبارزاولان
ویروبدی لشگره فرمان او کافر مُرتد
یوخوزدی ایمدیکه جرئت قباقینه گیده سوز
دورون اوزاقدان هامی استونه توکون جلمد
ایدوب اطاعت فرمان سنگ بارانی
اولار که دللری سنگیندی ذاتی فطرتی بد
دیر که راوی باخوب گوردوم اشقیادن اولوب
قویون سوروسی مثل مُنهزم به قدر دو صد
قاچان قاچاردی دوران داش آتاردی هر یاندان
صحیح قولیله اخباردن وار الده سند
کلاه و خودینی آتدی چخاتدی جوشنینی
یاغان یاغیش کیمی داش باخمادی یاغور بی حد
سؤال ایتدیله سرّین دیدی مگر عاشق
ایدر قتالده سیل بلا قباقینی سد
باخور حسینی گورور گورموُری حریفی گوزوم
گرک دگل زره آهن و لباس نمد
دیری دیری دَریمی سویسالار بو یولدا خوشام
بیر عمر دوُر منه همراه دوُر همین بو صدد
بونا شبیه ده بیر نوجوان سراغیم وار
اودا ایدوب بیله بیر همت آدلانوب اسعد
گیدنده رزمه اودا گیمَدی زره جوشن
صغیریدی گیمیه چوه رَسا دگلدی اُو قد
او پیر کاملیدی بو جوان نو رسیدی
بونیله فرقی اونون چوخدی واردی چوخ اَبَعد
آدیدی قاسم حسین اکبر نیجه ایستردی
اودور که اولدی غمی شاه بی کسه چوخ اشد
عُموسی دادینه بیر وقت یتدی گوردی اُلوب
او شاهزادیه خاکیله خون اولوب مَسنَد
قلجلانوب باشی شهزاده اکبرین باشی تک
یازانماز حرف وفا خامیه وورولماسا قد
او برگ گل کیمی نازک بدن یره داغیلوب
اولوبدی آت ایاقی آتدا پایمال لگَدَ
گنه تعاقب ایداخ عابسین قضیه سینی
ایدوب او‌مطلبی منظور ازل نظرده کی مد
دیر ربیع باخوب گوردُوم عابسین باشینی
نچه نفر آدی انسان اولان طبیعتی دَد
او تیره دللر او باشی ویرولله الدن اله
زمانه تیره دی غالبدی ابیضه اسوَد
شجاع نسبت قتلین هره ویرَر اوزونه
بلی رشیده اولان قاتل آدلانور ارشد
دیدی امیر بونا بیر نفر دگل قاتل
شریک قتلیدی لشگر تمامی یوخدی عدد
سالور قضیهٔ عابس خیاله عباسی
بولار مقدمه دؤر یازمیشام اودور مقصد
اونوندا باشینی کسماقلا کشمکشلر اؤلوب
دیسم اؤرک آلوشور هم اولور کباب کَبَد
وفاده جود و سخاوتده هم شجاعتده
نظیر و مثلینی گورموبدی چشم نُه گُنبد
بو فرض اولونسا اگر مکتب وفاده مُدیر
مین عابس اولماز او مکتبده کودک ابجد
آلوبدی دوُره سین اون یدی بیحیا جلاد
آلور نه وقت همان انتقامی تک ایزد
گیدردی قان یاراسندان زمینه رود به رود
ووراردی یاره گنه اهل کینه ردّ به رد
صحیفه تک یازیلوب جسمی تیر و خنجریله
کشیده تیر خرافاتده چکوبدور قد
محاا امریدی روباهه دستگیر اولا شیر
یداللّه اوغلونی تاپمیشدیلار ولی بی ید
آدون فداسی ابولفضل آقا نه وقت اولاجاق
منیمده قسمتیم اولسون او غم فزا مرقد
مرحوم شانی
منبع مجموعه کانالهای مدح و مرثیه
موضوع: احوالات یاران امام حسین (ع) ,
زبان شعر و شاعر: نوحه ترکی , شانی
-------------------------------
احوالات غارت خیام
شهادت امرینی ختم ایتدی تا او قوم رجیم
ایدوبله سرعتیله امر غارتی تصمیم
توکولدی خیمیه بیر وضع حالیله لشگر
او داغدار اورکلر دوباره اولدی دونیم
قیامت عالمی، مشگل ایله بیر عالم اولا
گرک دیاخ اونا صغرا، بوییدی حشر عظیم
عراق دشتنی دوتموشدی شور و شیون و شین
او شور شینی گوروب شوره گلدی عظم رمیم
محالدور گله شرحه، حکایت غارت
او نوعیله که ایدوب راقمان قصه، رقیم
امام قتلینه اقدام ایدوب یغشمیشدی
هوای جیفه دنیائیله سپاه لئیم
ایله جماعته فرمان غارت اولسا صدور
سویار نه حالیله؟ آنلار او حالی، وهم فهیم
دئسم که آغلادی گودال قتلگهده حسین
سوزوم غلط دگی، سلطان دیندی، کف کریم
او نازیله بویین، قورخی گورمین بالالار
باخاندا هر یانا دشمن گوروب، نه خویش حمیم
ایدنمیوب علما، لشکرین سائین معلوم
نقدریمش اونا عالمدی بیر خدای عظیم
ائیگرمیدن بیری، ببر وصله قسمت آلمازدی
اولیدی خیمه لر اموالی سر به سر تقسیم
اودور که الده چوخی تازیانه یا نیزه
ایدردی غیظله، بی حرمتانه قصد حریم
بیری قوواردی قاچان بیر یتیمی، باخمازدی
که تیترر عرش عظیم آغلیاندا طفل یتیم
بیری قاچوب یخیلاردی، دوراردی تیترردی
ز بسکه قلبینی وحشت آلوردی، جانینی بیم
او اضطرابی هنوز ایمدیده نشان وروری
بهار فصلی چمنده، گله دگنده نسیم
او خوردا قیزلارین حالین گورئیدی زینب تک
یقین قیامته دین، امهات اولوردی عقیم
اگر چه قاسم شهزاده دن حیا ایدیرم
ولی اولیدی مشیتده اقتضای حکیم
گرک عروسی قاچا، چوللری دوتا آهی
تاپولمیا اونا بیر رحم ایدن، خدای رحیم
ال آتدی من دئمورم گوشواره سین آلدی
نه جراءتیله آچلسون او ماجرایه دلیم
خبر دیور قولاقی پاره لندی، قان آخدی
شقاوتنده ز بس اول شقی، واریدی مقیم
یخلدی غش ایلدی، مجتبا گوزوندن ایراق
اولوب بهشتده رنجور، اول امام علیم
گلنده هوشه او شیرین دل، ایتدی استشمام
مشام جانه گلور بیر دل آشناسی شمیم
گوروبکه عمه سی زینبدی آغلیان گوزیله
بلالی باشین ایدوب داغلی سینه سینده ضمیم
بنی امیه گورون جراتی هارا یتوروب
همان او جراءتین عاجزدی شرحینه قلمیم
الینده خنجری شمرین غلامی داخل اولوب
او خیمیه که اولا پاسبان سزادی کلیم
گوروب او خیمه ده بر نازنین وجود یاتوب
اوزی مریض دی، اونداندی خلقه فیض عمیم
نجه مریض؟ نه بیر حالنه نوازش ایدن
نجه علیل، نه بیر مونس و نه یار و ندیم
نجه علیل، نه بیر باشی اوسته آنین اوغان
نجه علیل نه بیر شربت و دوا و حکیم
نجه علیل که اونداندی هر دوای علیل
نجه علیل که اونداندی هر شفای یتیم
گنه او شان و جلالیله، اول مقامیله
علیل حالنه رحم ایتمدی او شوم زنیم
چکوبدی غیظله سجاده سین، یوز اوسته دوشوب
او نازنین بدنی که اویودی عرشه قویم
یخلدی ناطق قرآن، ضعف حالینده
او حالدن پوزولوب انتظام هفت حمیم
ال آتدی تاجنی باشدان گوتوردی روح الامین
دئدی نه لازمه دور تاج و افسر و دیهیم؟
ویروبدی لشگره سعد اوغلی تازه دن فرمان
بو خیمه گاهه وورون اود یانا گروه جهیم
دوباره آتش نمرود شعله لندی او گون
یانار اود ایچره قالوب، یاندی آل ابراهیم
همان او بارش درد و بلا یاغان چولده
هوا یوزونده گوروندی همان او دودیله غمیم
گلوبدی خدمت بیماره زینب عرض ایلدی
که ای باباسی اولان جنت و جنانه قسیم
ندور علاجیمز؟ اود دوتدی خیمه لر یاندی
اگر ایستیوبدی خدا بیز یاناخ اولاخ تسلیم
بویوردی عمه چیخون چوللره فرار ایلیون
یازیلمیوب یانار اود ایچره یانماق عهد قدیم
داغلدی چوللره بیر حالیده بالا بالالار
که آشیانی یانان قوش گرگ آلا تعلیم
قاچوردی بیر بالا، گوردی گلور سواره دوروب
دایاندی ویردی سلام آتلیه ایدوب تعظیم
یتشدی دامننین آتشین خموش ایلدی
اذیت ایتمدی شاد اولدی، اول یتیم الیم
دئدی گل ایمدی نشان ویر منه نجف یولونی
سن ایمدیکه من بی یاره ایلدون تکریم
سوال ایلدی سرین، جواب ویردی او قیز
نجفده کی علی المرتضا بابامدی منیم
روایت ایلوری راوی، باخوب او دم گوردوم
که ببر مجلله عورت، بلند قد و جسیم
گیرور یانار اودا دائم چیخور، دئدیم یارب
نقدر بوندا مگر وار علاقه زر و سیم؟
پوزولدی حالیم اونون پوزقون حالنی گورجک
او زار و مضطره اودلاندی واقعاً جگریم
الیمده نیزه یوگوردوم قباقینی کسدیم
که قویمیام یانا، اخلاصیمی ایدم تقدیم
گوروبکه چاره کسلدی دالی دالی چکلوب
یوزون دوتوب گوگه، عرض ایتدی ای خدای کریم
بالام قالوب اود ایچینده ندور علاجیم بس؟
اماندی چاره ایله، چاره دن اوزولدی الیم
اگر چه (شانی) الون بوشدی مال دنیادن
ندور مطابق نطق و کلام و طبع سلیم
خدا کریم دی، هر بیتوه ویرر بیر بیت
حسین سونلره تقسیم اولاندا خلد و نعیم
مرحوم استاد شانی
منبع مجموعه کانالهای مدح و مرثیه
موضوع: احوالات غارت خیام ,
زبان شعر و شاعر: نوحه ترکی , شانی
نظرات (۰)
هیچ نظری هنوز ثبت نشده است