متن نوحه ترکی منزوی اردبیلی
بخش هایی از اشعار آیینی مرحوم استاد رحیم منزوی اردبیلی ، متن نوحه ترکی و فارسی از استاد رحیم منزوی اردبیلی
به علت نداشتن اجازه انتشار کامل اشعار (مرحوم استاد رحیم منزوی اردبیلی) چند بیت از اشعار و تخلص ایشان به اشتراک گذاشته میشود
------------------
اتمام حجت حضرت امام حسین (علیه السلام)
ای یوزی قاره کوفیان عالمه مقتدا منم
محور آفرینشه نقطه ی ابتدا منم
کوفه لیلر ندن بله ظلمیده شدت ایلسوز
دوره لیوب قوناقوزی قصد جسارت ایلسوز
جدّیمه موقع اذان عرض ارادت ایلسوز
بیر آییلون حیا ایدون وارث مصطفی منم
جان مسیحی قورتاران قید طناب داردن
سس یارادان کلیم ایچون شعله ی نور وناردن
مژده ویروب حسینه ده فیض حضور یاردن
قورخما دیوب حسین من، قانوه خونبها منم
به علت نداشتن اجازه انتشار کامل اشعار
(مرحوم استاد رحیم منزوی اردبیلی) چند بیت از اشعار
ایشان به اشتراک گذاشته میشود
مرحوم استاد منزوی اردبیلی
موضوع: حضرت امام حسین (ع) زبانحال ,
زبان شعر و شاعر: نوحه ترکی , منزوی اردبیلی
-------------------------------
احوالات تنور خولی
دیدی حسین گوزون آچ کام آلیم نگاهوندن
خبر ویریم سنه اوز قانلی قتلگاهوندن
او چولده من واریدیم چشم خون فشان واریدی
غریبه منظره لر واضح و عیان واریدی
یانان چادردا نماز اوسته زینبون گوردوم
نه دیزده طاقتی نه قلبیده توان واریدی
سریر نازیده صبح ایلین یالالاریوا
گئجه نه بستر راحت نه خانمان واریدی
گوزوم که دوشدی فراته آخوردی اوز باشینا
شریعه ده نه موکّل نه پاسبان واریدی
به علت نداشتن اجازه انتشار کامل اشعار
(مرحوم استاد رحیم منزوی اردبیلی) چند بیت از اشعار
ایشان به اشتراک گذاشته میشود
مرحوم منزوی اردبیلی
موضوع: احوالات تنور خولی ,
زبان شعر و شاعر: نوحه ترکی , منزوی اردبیلی
-------------------------------
زبانحال نوعروس
دوشنده زلفون عم اوغلی او قاره گوزلروه
جداده ایلمک اولمور اشاره گوزلروه
نسیم صبح و شبانگاهه التماس ایدورم
باخام او زلفی وراندا کناره گوزلروه
باخور همیشه گوزوم باغبان مثالی گویه
باخار او میوه لره منده قاره گوزلروه
اسنده یل ساتاشور دمبدم گوزوم گوزوه
مدام گوز تیکورم چون ستاره گوزلروه
چکنده آه اوزوم آیری کناره دوندرم
یتورمسین منیم آهیم شراره گوزلروه
به علت نداشتن اجازه انتشار کامل اشعار
(مرحوم استاد رحیم منزوی اردبیلی) چند بیت از اشعار
و تخلص ایشان به اشتراک گذاشته میشود
سوار نیزه دی باشون پیاده (منزوی)"لر
پیاده شخص نه یازسون سواره گوزلروه
مرحوم منزوی اردبیلی
موضوع: فاطمه بنت الحسین ,
زبان شعر و شاعر: نوحه ترکی , منزوی اردبیلی
-------------------------------
حضرت زینب کبری (سلام الله)
طالِعهَ باخ کوکبَه باخ
دولته باخ مٌوکبَه باخ
مَکتبه باخ مَذهَبه باخ
زینبه باخ زینبه باخ
زینب زهرا قزیدی سید بَطحا قزیدی
آدم و حوا قزیدی هاجر و سارا قزیدی
مریَم عَذرا قزیدی عِصمت کُبری قزیدی
یاسین و طاها قزیدی اُمَ اَبیها قزیدی
فخریده اٌمّ واَبهَ باخ زینبه باخ زینبه
به علت نداشتن اجازه انتشار کامل اشعار
(مرحوم استاد رحیم منزوی اردبیلی) چند بیت از اشعار
ایشان به اشتراک گذاشته میشود
مرحوم منزوی اردبیلی
موضوع: حضرت زینب کبری (س) احوالات ,
زبان شعر و شاعر: نوحه ترکی , منزوی اردبیلی
-------------------------------
حضرت علی اکبر (علیه السلام)
ماه ملک منظره باخ
صورت پیغمبره باخ
قدرت صورتگره باخ
اکبره باخ، اکبره باخ
گؤیده فقط ماه بودور
یرده فقط شاه بودور
حقه دیسون راه بودور
سیر الی اللّٰه بودور
سرّ فدیناه بودور
بنده‌ی درگاه بودور
مست علی الله بودور
ساق ید الله بودور
اللره باخ اللره باخ،اکبره باخ اکبره باخ
به علت نداشتن اجازه انتشار کامل اشعار
(مرحوم استاد رحیم منزوی اردبیلی) چند بیت از اشعار
ایشان به اشتراک گذاشته میشود
مرحوم منزوی اردبیلی
موضوع: حضرت علی اکبر (ع) احوالات ,
زبان شعر و شاعر: نوحه ترکی , منزوی اردبیلی
-------------------------------
احوالات حضرت علی اصغر (علیه السلام)
بیر وقته گوزین اصغره شوریده سرآچدی
پیکانه باخوب شوره گلوب بال و پرآچدی
عاشق نه کی بیر کلمه قیلار عشق نمازین
دل آچمادی آندیردی اودا راز و نیازین
جانان اوخونی گوردی نشان ویردی بوغازین
تیر سه پره گورنجه نازک بوغاز آچدی
اوخ دوردی هوا اوسته دیدی آچ گوزون اصغر
مظلوم آتاوا ایندی ده وار هر سوزون اصغر
هاردان ئوپوم الساعه اوزون ویر نشان اصغر
سنلن منه بو فالی قضا و قدر آچدی
(به علت نداشتن اجازه انتشار کامل اشعار
(مرحوم استاد رحیم منزوی اردبیلی) چند بیت از اشعار
و تخلص ایشان به اشتراک گذاشته میشود)
طبعونده سنون (منزوی) وار ذوق ولطافت
هریرده اوخوندوقجا ایدر جلب محبت
من باب مثل فوری دیر اهل فصاحت
بوقافله مصریدی بار شکر آچدی
مرحوم منزوی اردبیلی
موضوع: حضرت علی اصغر (ع) احوالات ,
زبان شعر و شاعر: نوحه ترکی , منزوی اردبیلی
-------------------------------
در احوالات حضرت علی (علیه السلام)
آنا غذارسان شب شفق قرالدی گلمدی
او هر گجه گلن عرب شفق قرالدی گلمدی
کیمیدی هرگجه گلوب بیزه ویرردی نان شب
ئوزی ییردی دوز چورک ویرردی بیزلره رطب
گولونجه دیندیرردی هی منی او مرد با ادب
ویرردی قلبیمه طرب شفق قرالدی گلمدی
گورنده غصه لنمیشم سیزیلدورام حزین حزین
آلوب قوجاقه لطفلن چکردی باشیمه الین
هزار حیف آدین ولی سوروشمادوق او سرورین
گورک کیمیدی اول عرب شفق قرالدی گلمدی
به علت نداشتن اجازه انتشار کامل اشعار
(مرحوم استاد رحیم منزوی اردبیلی) چند بیت از اشعار
ایشان به اشتراک گذاشته میشود
مرحوم استاد منزوی اردبیلی
موضوع: حضرت علی (ع) احوالات ,
زبان شعر و شاعر: نوحه ترکی , منزوی اردبیلی
-------------------------------
حضرت مسلم ابن عقیل (علیه السلام)
ذر عالمی حسینه ویریلمیش اشاره سی
نه شیرمردی سو ایچه نه شیرخواره سی
حاصل او تک وجود غم بیشماریلن
تن خسته،دلشکسته،سرزخمداریلن
اعضاسی سربسر یارا ، باشدان ایاقه قان
رنجور و دلفکار ولیکن وقاریلن
شمشیر الده یوخ،ولی سیندیرمیور ئوزون
مین محنت گران و غم روزگاریلن
بزم زیاده وارد اولوب ویرمدی سلام
بی اعتنالیق ایتدی او بی شرم و عاریلن
به علت نداشتن اجازه انتشار کامل اشعار
(مرحوم استاد رحیم منزوی اردبیلی) چند بیت از اشعار
ایشان به اشتراک گذاشته میشود
مرحوم منزوی اردبیلی
موضوع: حضرت مسلم ابن عقیل (ع) ,
زبان شعر و شاعر: نوحه ترکی , منزوی اردبیلی
-------------------------------
احوالات حضرت علی اصغر (علیه السلام)
همیشه عارف اولان دور روزگاره گولر
حکیم آدام اوتوروب چرخ کجمداره گولر
طبیعتون ایشی جدا همیشه گولملیدی
بجا گولر ایله هر کیم که روزگاره گولر
فلک یتورمدی سهرابه نوشدارونی
النده زهر اجل چشم انتظاره گولر
کیمون مگر سر وقتینده دادینه یتشوب
الیکه سالدی بیرین دوره دن حصاره گولر
بشر محالیدی مین جانیدن بیرین قوتارا
اوقدر دام قوروب جمله رهگذاره گولر
به علت نداشتن اجازه انتشار کامل اشعار
(مرحوم استاد رحیم منزوی اردبیلی) چند بیت از اشعار
ایشان به اشتراک گذاشته میشود
مرحوم استاد رحیم منزوی اردبیلی
موضوع: حضرت علی اصغر (ع) احوالات ,
زبان شعر و شاعر: نوحه ترکی , منزوی اردبیلی
-------------------------------
حضرت امام حسین (علیه السلام)
ای شیعه حسینه نچه دسته اوخ آتان وار
اگنینیده قرا کوینگی غفلتده یاتان وار
بیر عدّه ریاست هوسیلن گئجه گوندوز
هی فتنه سالور چون ئورگینده هیجان وار
یبر عدّه نهاندور او قرا کوینگین آلتدا
قلبینده دولی فسق و فسادیله یالان وار
هیئتده ویرور باشینه ظالم ایکی الّلی
بازاریده چِک سفته آلوب خردالیان وار
هیئتده رباخواره داداش وئرمه ریاست
چون حرمله‌دی اوندادا بیر تیر و کمان وار
به علت نداشتن اجازه انتشار کامل اشعار
(مرحوم استاد رحیم منزوی اردبیلی) چند بیت از اشعار
ایشان به اشتراک گذاشته میشود
مرحوم استاد منزوی اردبیلی
موضوع: حضرت امام حسین (ع) ,
زبان شعر و شاعر: نوحه ترکی , منزوی اردبیلی
-------------------------------
در احوالات حضرت زهرا (س)
امان یابن الحسن جور سپاه کینه پروردن
نه گوردی بولمورم بو چرخ دون آل پیمبردن
اوجالتدی رتبه سین اول یئتیردی عرش اعلایه
اوزوندن گوردی برتر ناگهان ووردی یئره بیردن
پیمبردن صورا رسم وفا بش گونده کهنلدی
بو چرخ کج روش زهرانی اول سالدی گوزلردن
ندن بو امت دیر آشنا تئز اولدی بیگانه
قوشولدی حزب شیطانیله گئتدی راه دیگردن
او کس لر کی سلام ایلردی تعظیمیله زهرایه
داخی سایمازدی زهرانی گیچنده کوی و معبردن
به علت نداشتن اجازه انتشار کامل اشعار
(مرحوم استاد رحیم منزوی اردبیلی) چند بیت از اشعار
و تخلص ایشان به اشتراک گذاشته میشود
اماندور (منزوی) سن ساتما اوز محبوبوین آدین
حسینه عاشق اولماز هر گدای پای منبردن.
مرحوم منزوی اردبیلی
موضوع: حضرت فاطمه زهرا (س) احوالات ,
زبان شعر و شاعر: نوحه ترکی , منزوی اردبیلی
-------------------------------
احوالات اربعین
هر چند دشت کدب و بلا چوخ بلالیدی
امّا بلالی زینبه بزم وصالیدی
شامه گیدنده قارداشین عریان قویوب گیدوب
قولباغلی دفن و کفن ایلمکچون محاایدی
تاپشوردی گل جنازه نی چادر نشین لره
تز دفن ایدون بو خسته بدن چوخ یارالیدی
آخر او گون که شامیدن آزاد اولوب گلوب
بیر آلتی گوشه قبر گوروب نقشی عالیدی
عرشه چخوردی جابر انصارینون سسی
بیلدی همان صحابیِ صاحب جلالیدی
به علت نداشتن اجازه انتشار کامل اشعار
(مرحوم استاد رحیم منزوی اردبیلی) چند بیت از اشعار
و تخلص ایشان به اشتراک گذاشته میشود
بش مینجی جلد «منزویه» یادگاریدی
قصدین خدا بیلور که نه مال و منالیدی
بش گونلیک عمره یوخدی او اندازه اعتبار
قلبینده قصد و نیتی حُسن مآلیدی.
مرحوم منزوی اردبیلی
موضوع: احوالات اربعین ,
زبان شعر و شاعر: نوحه ترکی , منزوی اردبیلی
-------------------------------
احوالات حضرت موسی بن جعفر (ع)
دئدیلر معذرت ایسته سنی آزاد ایلیاخ
گوندراخ یثربه ، یغ باشوه آل اللّهی
نقدر سیم و زر ایستورسن ایداخ بیز تسلیم
گیت دعا ایله فقط حضرتِ ظل اللهی
دئدی من سیم و زره یخمارام اسلامین ایوین
کیمدن عذر ایستیوم ای فرقهء فرعون جاهی
نه گناه ایلمیشم عفو ایدوب آزاد ایده سوز؟
تا نفس واردی جَری ایلمرم خود خواهی
سیز گیدون بو سوزی مندن یتورون هارونه
گون باتان وقته ویرور سنله منه آگاهی
به علت نداشتن اجازه انتشار کامل اشعار
(مرحوم استاد رحیم منزوی اردبیلی) چند بیت از اشعار
ایشان به اشتراک گذاشته میشود
مرحوم منزوی اردبیلی
موضوع: حضرت امام موسی کاظم (ع) احوالات ,
زبان شعر و شاعر: نوحه ترکی , منزوی اردبیلی
-------------------------------
خروج از مدینه
داغلدی گلشن و گل و باغبان گیدور بو گجه
یورولدی بلبل خوش نغمه خوان گیدور بو گجه
غراب وردی گلستاندا زنگ تعطیلی
هزاره ایلدی ترک آشیان گیدور بو گجه
نه یارلرده وفا گوردی نه وطنده صفا
نگار قهریله دامنکشان گیدور بو گجه
ایگرمی سگیزیدور گوییا مه رجبون
مدینه ده گویه یردن فغان گیدور بو گجه
هره بیریله خدا حافظ ایلیور اما
حسین بقیعه طرف باغریقان گیدور بو گجه
به علت نداشتن اجازه انتشار کامل اشعار
(مرحوم استاد رحیم منزوی اردبیلی) چند بیت از اشعار
ایشان به اشتراک گذاشته میشود
مرحوم منزوی اردبیلی
موضوع: احوالات خروج از مدینه ,
زبان شعر و شاعر: نوحه ترکی , منزوی اردبیلی
-------------------------------
حضرت امام حسین (علیه السلام)
حسینه آغلامیان گوز،جزاده نیلیه جک
ذخیره ایتمسه بزم عزاده نیلیه جک
او کس که شیعه علی بیلور ئوزینی
موید اولماسا بو ادعاده نیلیه جک
آپارماسا قره دسمال النده قبر ایوینه
کمند مهلکه و ابتلاده نیلیه جک
منور ایتمسه تاریک قبری نور حسین
اول گجه ایله ظلمت سراده نیلیه جک
نکیر و منکر ایدنده سئوال من ربک
بدون عشق حسین ،ابتداده نیلیه جک
به علت نداشتن اجازه انتشار کامل اشعار
(مرحوم استاد رحیم منزوی اردبیلی) چند بیت از اشعار
ایشان به اشتراک گذاشته میشود
مرحوم منزوی اردبیلی
موضوع: حضرت امام حسین (ع) ,
زبان شعر و شاعر: نوحه ترکی , منزوی اردبیلی
-------------------------------
وداع حضرت امام حسین (علیه السلام)
با حضرت رقیه (سلام الله)
قیزیم ایستیرم سیزی ترک ائدم
سفر اوسته آغلاما قوی گئدیم
منی چوخ یوباتما گرک گئدم
سفر اوسته آغلاما قوی گئدیم
سنیلن گرک گئده شامه بو
گونو قاره خاطری رنجه‌لر
اوپه‌جک بو قوللاریوی هله
گره طناب شکنجه‌لر
ییخاجاق یزیدی دمشقیده
یئره ذلّتیله بو پنجه‌لر
به علت نداشتن اجازه انتشار کامل اشعار
(مرحوم استاد رحیم منزوی اردبیلی) چند بیت از اشعار
ایشان به اشتراک گذاشته میشود
مرحوم منزوی اردبیلی
موضوع: حضرت امام حسین (ع) وداع ,
زبان شعر و شاعر: نوحه ترکی , منزوی اردبیلی
-------------------------------
زبانحال حضرت حضرت رقیه (سلام الله)
منیم سلامیمی آل نطقیوه فدا یارالی
مقابلنده ایدوم منده خوش صفا یارالی
دیدون خرابیه گللم نه یاخشی وقت گلدون
بو صدق قولیوه مین دفعه مرحبا یارالی
بو شام قیزلارینون وار نه بد رسوماتی
ورولا قلبیمه هر گونده مین یارا یارالی
کیمه آلوب گتورور تازه بیر لباس آتاسی
گیوب گلور باخورام من یانا یانا یارالی
جداده باش باشا ورموشدون اوغلون اکبریله
بویور گوروم هارا گتدی او مه لقا یارالی
به علت نداشتن اجازه انتشار کامل اشعار
(مرحوم استاد رحیم منزوی اردبیلی) چند بیت از اشعار
ایشان به اشتراک گذاشته میشود
مرحوم منزوی اردبیلی
موضوع: حضرت رقیه (س) زبانحال ,
زبان شعر و شاعر: نوحه ترکی , منزوی اردبیلی
-------------------------------
ماه شعبان
شعبان آیی بیرآیدور دنیانی سؤوندوردی
به به بو مبارک آیی زهرانی سؤوندوردی
چون سوم شعباندا دنیایه حسین گلدی
زهرایه جگر گوشه هم نور دو عین گلدی
شرع نبوی اوسته بیر سرور دین گلدی
گویدن یره تبریکه جبریل امین گلدی
تبریک و بشارتله طاهانی سؤوندوردی
به علت نداشتن اجازه انتشار کامل اشعار
(مرحوم استاد رحیم منزوی اردبیلی) چند بیت از اشعار
ایشان به اشتراک گذاشته میشود
مرحوم استاد منزوی اردبیلی
موضوع: سایر موضوعات ,
زبان شعر و شاعر: نوحه ترکی , منزوی اردبیلی
-------------------------------
در احوالات حضرت موسی ابن جعفر (ع)
اگر امام زمان انتقامه آچماسا اَل
چتین بو غم قوتارا شیعه خاطراتندن
او گونکه سندیله هارون یتشیدی مقصوده
امامی ایتدیله محروم ئوز حیاتندن
قویوب جنازه نی بیر تخته پاره اوستنده
یاپشدی دورت نفرحمّال دورت جهاتندن
جنازه نون قاباقندا ایدوبله بیر اقدام
نه جار چکدیله کشف ایتمورم نکاتندن
غرض یتوبله گذارگاه جسر بغداده
دوشوبله واهمیه شیه نون ثقاتندن
به علت نداشتن اجازه انتشار کامل اشعار
(مرحوم استاد رحیم منزوی اردبیلی) چند بیت از اشعار
و تخلص ایشان به اشتراک گذاشته میشود
اولوبدی ((منزویه)) ذکر محنت اسغفار
که فال خیر ئوزومه من بَکانی من وردیم
مرحوم منزوی اردبیلی
موضوع: حضرت امام موسی کاظم (ع) احوالات ,
زبان شعر و شاعر: نوحه ترکی , منزوی اردبیلی
-------------------------------
حضرت ام البنین (سلام الله)
بیر گونی مروان گچوردی سمت قبرستانیدن
یاندی قلبی ناگهان بیر شعله ی سوزانیدن
ایستدی گیتسون ولیکن قلبی یاندی گیتمدی
بیر سیزیلتی قلبیدن آرامین آلدی گیتمدی
ویردی دستور اوز غلامینه دئدی گور کیمدی بو
شعله ی آهیله ایلور آهن و فولادی سو
تز غلامی باخدی گلدی عرض قیلدی دوش یولا
دشمنوندی آغلیان قلبین امیرا شاد اولا
سسلدی آدین بیان قیل کیمدی بو صاحب انین
عرض ایدوب عباس آناسی حضرت ام البنین
به علت نداشتن اجازه انتشار کامل اشعار
(مرحوم استاد رحیم منزوی اردبیلی) چند بیت از اشعار
ایشان به اشتراک گذاشته میشود
مرحوم منزوی اردبیلی
موضوع: حضرت ام البنین (س) احوالات ,
زبان شعر و شاعر: نوحه ترکی , منزوی اردبیلی
-------------------------------
زندگینامه استاد مرحوم رحیم منزوی اردبیلی
مرحوم رحیم منزوی اردبیلی
فرزند اسدالله در محله سیدآباد اردبیل
به سال ۱۳۱۶شمسی دیده به جهان گشود.
پدرش در کنار شغل حلبی سازی و دواتگری در
ایام محرم به شبیه خوانی و تعزیه گردانی می‌پرداخت
واین موضوع در رحیم منزوی به
مرثیه سرایی تاثیر فراوانی گذاشت.
او اولین شعر خود را در سن ۹ سالگی سرود.
فضای عاشورایی شهر در سال ۱۳۲۶ به بعد
او را به نوحه سرایی سوق داد.
در پایان تحصیل وارد ارتش گردید و
در مراغه پای درس آیت الله سید جواد مجتهد
نشست و دروس اسلامی را فرا گرفت.
بعد از هفت سال از ارتش استعفا کرد و
مدتی بعد به رانندگی پرداخت.
در سحرگاه روز ۹ مرداد ۱۳۷۱شمسی
در پی عارضه قلبی در تهران درگذشت
و جنازه‌اش به اردبیل انتقال یافت و
در قبرستان بهشت فاطمه به خاک سپرده شد.
آثار استاد عبارتند از:
آمال منزوی (اولین دیوان اشعارمنزوی)
آثار منزوی
ایثار منزوی
صد سینه زن
صد قافیه
صد منظره
صد زمزمه
صد مرثیه
نهضت حسینی
آلام منزوی
موضوع: زندگینامه شعرا و مادحین ,
زبان شعر و شاعر: منزوی اردبیلی
-------------------------------
زبانحال حضرت رباب (سلام الله)
چوللرده آهولر ملر ای صود امر آهو سنه
دریا قوتارمازدی بیر آز وئرسیدی دشمن سو سنه
بیر سو که وحشی لر ایچه اطفاله یوخ لازم دگل
هر جرعه سی بیر طفل اوچون کافیدی چوخ لازم دگل
سو وئرمورم بیر کلمه دی اوچ شعبه اوخ لازم دگل
سو ایستدون اوخ یوخ دئدی ای صود امر آهو سنه
بلبل جهاندا رسمیدور گلبرگینی خوار ایستمز
عالم اگر گلزار اولا گلشنده بیر خار ایستمز
بیر صود امر ئولدورمگه بیر مرد خونخوار ایستمز
غیظ تمامیله آتوب اوخ قوّه لی بازو سنه
به علت نداشتن اجازه انتشار کامل اشعار
(مرحوم استاد رحیم منزوی اردبیلی) چند بیت از اشعار
و تخلص ایشان به اشتراک گذاشته میشود
من «منزوی» خلقون سوزون چوخ ایشده حجّت بولمرم
بیر سن دئسن نوکر منه شاهلیقدا قیمت بولمرم
بو نطقی سن وئردون منه منکه فصاحت بولمرم
چوللرده آهو لر ملر ای صود امر آهو سنه
مرحوم منزوی
موضوع: حضرت رباب (س) ,
زبان شعر و شاعر: نوحه ترکی , منزوی اردبیلی
-------------------------------
مناجات در قتلگاه
گل یا حسین که جنت و رضوان سنونکیدور
الان جوار رحمت منان سنونکیدور
ای نفس مطمئنه که مرزوق عند رب
سنسن که صدر محفل یاران سنونکیدور
الله یولیندا قان ویرن الله یانندادور
قرب جلال حضرت جانان سنونکیدور
مندن جدادی کیم سنی مندن جدا گوره
چون سر جان منیمدی سر و جان سنونکیدور
ذکر خفی دئ اینجیمسون تشنه لبلرون
ذکر جلی ثوابیده الان سنونکیدور
به علت نداشتن اجازه انتشار کامل اشعار
(مرحوم استاد رحیم منزوی اردبیلی) چند بیت از اشعار
و تخلص ایشان به اشتراک گذاشته میشود
توفیق ایسته (منزوی) سن بعضی شاعره
بیلسون اوزون یازاندا بو دیوان سنونکیدور.
مرحوم منزوی اردبیلی
موضوع: حضرت امام حسین (ع) مناجات ,
زبان شعر و شاعر: نوحه ترکی , منزوی اردبیلی
-------------------------------
در مدح حضرت فاطمه زهرا (سلام الله)
زهرا نجه زهرادی یتوب حد کماله
وصفی اولا گنجیده چتین ظرف مقاله
زهرا نجه زهرا که حیا چرخنه زهره
پیغمبره ریحانه ادب باغنه لاله
زهرا نجه زهرا که اگر ایتسه قوناقلق
عیسانی قویار مریم ئوزی صف نعاله
ایستر بیوده شآننی بیر آزدا کیچلدر
انسان قلمی مدحنه گر یازسا مقاله
چون فاطمه معصومه دی مرضیه حمیده
مکتبده مدرسدی ئوزی عترت و آله
به علت نداشتن اجازه انتشار کامل اشعار
(مرحوم استاد رحیم منزوی اردبیلی) چند بیت از اشعار
ایشان به اشتراک گذاشته میشود
مرحوم منزوی اردبیلی
موضوع: حضرت فاطمه زهرا (س) مدح ,
زبان شعر و شاعر: نوحه ترکی , منزوی اردبیلی
-------------------------------
عرض ارادت به محضر حضرت زهرا (س)
و حضرت امام حسین (ع)
یا فاطمه حسینوه قرباندی جانیمیز
آماده بهانه دی پیر و جوانیمیز
چخسون او جان که سسلمیه جان حسینوه
آخسون او قان که اولمیا قربان حسینوه
ای کاش اولیدی کرب و بلاده بو شیعه لر
هر مشکلی ائدردیلر آسان حسینوه
الاندا هر یره بیزی عشق حسین چکور
عاشقدی چون بو ملت ایران حسینوه
مظلوم اولوب جهاندا سنون اوغلون آی خانم
علت اودور اولور هامی گریان حسینوه
به علت نداشتن اجازه انتشار کامل اشعار
(مرحوم استاد رحیم منزوی اردبیلی) چند بیت از اشعار
ایشان به اشتراک گذاشته میشود
مرحوم استاد منزوی اردبیلی
موضوع: حضرت امام حسین (ع) ,
زبان شعر و شاعر: نوحه ترکی , منزوی اردبیلی
-------------------------------
آمدن حضرت امام حسین (علیه السلام)
به بالین حضرت ابوالفضل (علیه السلام)
یتیشدی خیمیه ادرک صداسی عبّاسین
خدا بولور نجه قورخوشدی عترت یاسین
امام فوراً ایدوب ذوالجناحی استحضار
بولوندی مطلب اولان وقته ذوالجناحه سوار
نه گوردولر که سوار اولماقا دیزی گلمور
اورگی شدّت غمدن دقیقه دینجلمور
شتابی وار، دل خونینی اضطرابیده دور
اوزین یتورماقا عبّاسه چوخ شتابیده دور
تیکوبدی زینبه گوز، اللری بِلینده قالوب
اشاره ایله دیور گل باجی حسین قوجالوب
به علت نداشتن اجازه انتشار کامل اشعار
(مرحوم استاد رحیم منزوی اردبیلی) چند بیت از اشعار
و تخلص ایشان به اشتراک گذاشته میشود
باخا باخا یوزیوه بلکه جان ویرم قارداش
حقیر «منزویم» شان و جاه ایستمورم
خدا گواهدور آیری گواه ایستمورم
اوزومدن عالمه اولسام غلام فخریمدور
مرحوم منزوی اردبیلی
موضوع: حضرت ابوالفضل العباس (ع) احوالات ,
زبان شعر و شاعر: نوحه ترکی , منزوی اردبیلی
-------------------------------
استمداد حضرت ابوالفضل (علیه السلام)
حسین شهبازوُم سیندی پَریم دعواده گل قارداش
دوشوب شمشیر اَلیمنَن یالقیزام امداده گل قارداش
خماره کوثرَم سَحبایَه عشقین مَستی ام تِز گل
لباسیم نیزدوز؛پیکان؛برادر خستی ام تِزگل
جَمالون گُورمَسم جان وِرمَرَم جان اُوسته ام تِزگل
اَگر سن گلمسون؛باش وِرمَرَم جلاده گل قارداش
حسین مَندن رضا اُول عشقیده ثابت قدم دوردوم
یارالی باشی اُون یدی نفر جلاده تاپشیردیم
اُوزوم یاندیم فراقونده آنام زهرانی یاندردیم
گلوب الان باشیم اوسته انام زهرا ده گل قارداش
به علت نداشتن اجازه انتشار کامل اشعار
(مرحوم استاد رحیم منزوی اردبیلی) چند بیت از اشعار
و تخلص ایشان به اشتراک گذاشته میشود
نخستین (منزویلن) یازدیلار باهم بو اشعاری
توجه قیل اولان وقته دَمَنده صور بیداری
اولارین دادینه سنده همین اثناده گل قارداش
مرحومین نخستین و منزوی اردبیلی
موضوع: حضرت ابوالفضل العباس (ع) زبانحال ,
زبان شعر و شاعر: نوحه ترکی , منزوی اردبیلی , نخستین , نخستین اردبیلی
-------------------------------
احوالات حضرت علی اصغر (علیه السلام)
اودَم که حرمله ننگین تیر و کمان آلدی
ملک لر ضَجّه چکدی شیعه لر خطّ امان آلدی
خبر ویر هر مریضه نا امید اولسا مُعالجدن
بو طفله آغلاسون تا بهره مند اولسون نتایجدن
عَلاجین آیستَسون بو سودامر بابَ الحوائجدن
کیمه ایتدی طَبابت مزدینه اََشگ روان آلدی
حقیقت گورسَنَر قلب سلیم و چَشم بینایه
اَزَلدن حرمله کور اولدی ساتدی دینی دنیایه
خریدار بهشته بیر اووج قان اَلده سَرمایه
حسینون سوداَمر سَربازی جان ویردی جنان آلدی
به علت نداشتن اجازه انتشار کامل اشعار
(مرحوم استاد رحیم منزوی اردبیلی) چند بیت از اشعار
ایشان به اشتراک گذاشته میشود
مرحوم استاد منزوی اردبیلی
موضوع: حضرت علی اصغر (ع) احوالات ,
زبان شعر و شاعر: نوحه ترکی , منزوی اردبیلی
-------------------------------
احوالات حضرت علی اصغر (علیه السلام)
سس دوشدی حرمخانه ده گریان اولان اولسون
بیچاره ربابیله نواخوان اولان اولسون
قاسم طویونا یاخچی حنا ایتدی تهیه
کیم یاخسا حنا اصغره مهمان اولان اولسون
دقتله و لیکن یاراسین باغلیون اول
خشگ ایلمگه زلفی پریشان اولان اولسون
دسمالیله آهسته سیلون قانی یوزیندن
سو یوخدی اقلا سر و سامان اولان اولسون
نسوان حرم آلدیلار اطراف ربابی
سسلندیله غمدن ئورگی قان اولان اولسون ...
به علت نداشتن اجازه انتشار کامل اشعار
(مرحوم استاد رحیم منزوی اردبیلی) چند بیت از اشعار
ایشان به اشتراک گذاشته میشود
مرحوم استاد منزوی
موضوع: حضرت علی اصغر (ع) احوالات ,
زبان شعر و شاعر: نوحه ترکی , منزوی اردبیلی
-------------------------------
احوالات حضرت فاطمه زهرا (سلام الله)
بهانه شرح صدر اولدی مگر مسماره زهرا جان
شهیده ایلدون رحلت سینونده یاره زهراجان
قاپومی ایلیوم تعویض اونون دیوارینی نیلوم
بنادن یا ایدوم ویران نهان اسرارینی نیلوم
قاپی قالسون همین حالدا اونون مسمارینی نیلوم
مورخ یازماز ال دگسه قالان آثاره زهرا جان
وطن زندان اولوب سنسیز اوره گیم غصّه دن دولدی
نه بیر عرض تسلایه نه ترحیمه گلن اولدی
دیوم نولدی گوزوم دولدی یل اسدی گللریم سولدی
اَسر یل باغبان آغلار سولان گلزاره زهرا جان
به علت نداشتن اجازه انتشار کامل اشعار
(مرحوم استاد رحیم منزوی اردبیلی) چند بیت از اشعار
ایشان به اشتراک گذاشته میشود
مرحوم منزوی اردبیلی
موضوع: حضرت فاطمه زهرا (س) احوالات ,
زبان شعر و شاعر: نوحه ترکی , منزوی اردبیلی
-------------------------------
زبانحال حضرت فاطمه زهرا (سلام الله)
با امیرالمومنین حضرت علی (علیه السلام)
ایاقه دورماقا گر چه عم اوغلی معذورم
دورانمورام منی عفو ایله سن گلن گجه‌لر
سوموکلریمده منیم ثانیه ائدور نفرین
او دردی که چکورم صبح اولونجا من گجه‌لر
سن آغلیاندا منی تر باسور خجالتدن
نوای بلبله چون تر توکر چمن گجه‌لر
یتیم اوشاقلاریمون فکرین ایله آغلاما سن
یوخونلاشور سارالان گللریم اسن گجه‌لر
حسین بلوط کیمی دولموشدی دیندیرنموردوم
اولده نچّه گجه محسنیم ئولن گجه‌لر
به علت نداشتن اجازه انتشار کامل اشعار
(مرحوم استاد رحیم منزوی اردبیلی) چند بیت از اشعار
و تخلص ایشان به اشتراک گذاشته میشود
آماندی (منزوی) کسمه گجیله اُلفتوی
گوزل یره چکیلور رشتهٔ سخن گجه‌لر
مرحوم منزوی اردبیلی
موضوع: حضرت فاطمه زهرا (س) زبانحال ,
زبان شعر و شاعر: نوحه ترکی , منزوی اردبیلی
-------------------------------
زبانحال حضرت علی (علیه السلام)
در شهادت حضرت زهرا (سلام الله)
یتیشسه آفت اگر گلستانه زهرا جان
باخاندا غم گتورر باغبانه زهراجان
سارالدی گللرون ای غم کشیده بیر گوزون آچ
دونوب صفالی بهارون خزانه زهراجان
یتیملیقون توزی قوندی بالالارین یوزونه
گلولله هرگجه گوندوز فغانه زهراجان
حسنده سولدی حسینده سارالدی زینبده
قولومی باغلادی قهر زمانه زهراجان
نه نازینی چکن اولدی نه زلفینی داریان
ایدرنه چاره پریشانه شانه زهراجان
به علت نداشتن اجازه انتشار کامل اشعار
(مرحوم استاد رحیم منزوی اردبیلی) چند بیت از اشعار
ایشان به اشتراک گذاشته میشود
مرحوم منزوی اردبیلی
موضوع: حضرت فاطمه زهرا (س) زبانحال ,
زبان شعر و شاعر: نوحه ترکی , منزوی اردبیلی
-------------------------------
زبانحال حضرت زهرا (سلام الله)
به حضرت علی (علیه السلام)
گل اتاقی بیر خلوت ایلیاق
تنگه گَلدی سینم عم اوغلی جان
آغلیاق حسینیله زینبه
بیر دویونجا باهم عم اوغلی جان
دوقّوز ایلدی بو ایوده لطفیوین
سایه سینده من دالدالانموشام
جان دیوب سنه جان ایشیتمیشم
سن یانان مصیبتده یانموشام
هر گئجه حسینیم سو ایستیوب
فضّه دن قاباق من اویانموشام
به علت نداشتن اجازه انتشار کامل اشعار
(مرحوم استاد رحیم منزوی اردبیلی) چند بیت از اشعار
ایشان به اشتراک گذاشته میشود
مرحوم منزوی اردبیلی
موضوع: حضرت فاطمه زهرا (س) زبانحال ,
زبان شعر و شاعر: نوحه ترکی , منزوی اردبیلی
-------------------------------
زبانحال حضرت ابوالفضل (ع)
ای وفالی مرکبیم تز قورتار الردن منی
سن بو سوداده خجالت ایتمه اصغردن منی
ناخن تیزون بوگون سن دیده سیمرغه ساچ
منده یوخ شهپر اقلا اوچماقا سن شهپر آچ
اصغر الدن گیتدی الان سعی ایله سرعتله قاچ
چوخ اوتاندیرما رباب زار و مضطردن منی
من اگر سقائیدیم ئوز خدمتیمدن کسمدیم
هر اوشاق سو ایستدی من جان دیدیم جان سسلدیم
آل هاشم گلشنینده یاخشی گل لر بسلدیم
باغبانم ایتمه شرمنده او گل لر دن منی
به علت نداشتن اجازه انتشار کامل اشعار
(مرحوم استاد رحیم منزوی اردبیلی) چند بیت از اشعار
ایشان به اشتراک گذاشته میشود
مرحوم منزوی اردبیلی
موضوع: حضرت ابوالفضل العباس (ع) زبانحال ,
زبان شعر و شاعر: نوحه ترکی , منزوی اردبیلی
-------------------------------
اربعین حسینی
دور قارداش حسین السیز ایاقسیزلاری گتدیم
قارداشی ئولن قاره گیه ن قیزلاری گتدیم
زنجیر اسارت قیریلوب ای شه ابرار
شاماتی گزوب زار گلوب عترت اطهار
اطرافون آلوب زلفی الینده بالا قزلار
یوز قویموش ایاق سمته نچه بیکس اوغولسوز
قبرون باشنا دور ووروب بیر فلک اولدوز
به علت نداشتن اجازه انتشار کامل اشعار
(مرحوم استاد رحیم منزوی اردبیلی) چند بیت از اشعار
و تخلص ایشان به اشتراک گذاشته میشود
شاها آلیشوب هجر اودی یاندیردی فؤادین
هر شعرده بیر دفعه یازار ((منزوی)) آدین
منظوری اودور تزتز ئوزین یادوه سالسون
بیر وقفه گلوب قبرووی آغوشنه آلسون
مرحوم منزوی اردبیلی
موضوع: احوالات اربعین ,
زبان شعر و شاعر: نوحه ترکی , منزوی اردبیلی
-------------------------------
احوالات حضرت رقیه (سلام الله)
درباره خبر ویردی نگهبان خرابه
جان ویردی گلون بلبل خوشخوان خرابه
زینب ئوزین ئولدوردی قالوب یرده جنازه
یکسر پوزولوب جمع پریشان خرابه
غساله اگر گئج گله قالماز بیری سالم
وحشتدن هلاک اولدی بو طفلان خرابه
القصه یزیدی اوگجه ایلدی بدخواب
آه دل مظلومه زندان خرابه
به علت نداشتن اجازه انتشار کامل اشعار
(مرحوم استاد رحیم منزوی اردبیلی) چند بیت از اشعار
ایشان به اشتراک گذاشته میشود
مرحوم منزوی اردبیلی
موضوع: حضرت رقیه (س) احوالات ,
زبان شعر و شاعر: نوحه ترکی , منزوی اردبیلی
-------------------------------
زبانحال حضرت رقیه (سلام الله)
عمّه بو ویران سراده بیر دُرِ شاهانیم من
سیز اگر بش گون قوناقسوز بوردا صاحب خانیم من
عمّه من درگاه حقده شامل لطف عمیمم
شیشه ی ناموس عالم، بنده ی حیّ قدیمم
سیندیروب شمرون جفاسی، یوخسا بیر دِرّ یتیمم
دوشموشم گوزلردن ایمدی چون سنق دردانیم من
شامیده تبلیغیم ایلوب ایله ایجاد تحوّل
آز زمان چکمز ایده لّر شیعه لیق حقّین تقبّل
تیز تاپار قصری یزیدین بو تحرّکدن تزلزل
پایه ی ظلمه مخرّب، کاخ دینه بانیم من
به علت نداشتن اجازه انتشار کامل اشعار
(مرحوم استاد رحیم منزوی اردبیلی) چند بیت از اشعار
و تخلص ایشان به اشتراک گذاشته میشود
(منزوی) وار بو سپهرون مین بلاسی هر نفسده
شیری زنجیر آتدا ساخلار، مرغ خوش خوانی قفسده
سالسالار سیمرغی دامه اعتنا ایتمز مگسده
عاقلون تکلیفی چوخدور، سن دینن دیوانیم من
مرحوم منزوی اردبیلی
موضوع: حضرت رقیه (س) زبانحال ,
زبان شعر و شاعر: نوحه ترکی , منزوی اردبیلی
-------------------------------
زبانحال حضرت رقیه (سلام الله)
در راه شام
ای بیکس آنامدان منی چوخ ایستین عمه
من عمه دین وقته منه جان دین عمه
دویدون نیه تز عاجز اولان همسفروندن
مندن ئورگون اینجیدی سالدون نظروندن
ناراحت اولوب گوش فلک ناله سسیمدن
منع ائتدی منی آغلاماقیمدان هوسیمدن
چنگال ستم قوش کیمی گوتدی قفسیمدن
جانیم سخلوب نیمه نفس سینه ده قالدی
گوردی قنادیم باغلیدی گویدن یره سالدی
قارداش بالاسین باجی سور قارداشا خاطر
یول یولداشی آهسته گیدر یولداشا خاطر
به علت نداشتن اجازه انتشار کامل اشعار
(مرحوم استاد رحیم منزوی اردبیلی) چند بیت از اشعار
ایشان به اشتراک گذاشته میشود
مرحوم منزوی اردبیلی
موضوع: حضرت رقیه (س) زبانحال ,
زبان شعر و شاعر: نوحه ترکی , منزوی اردبیلی
-------------------------------
زبانحال حضرت رباب (سلام الله)
اود یاپیشدی سینَمه، لبلروندن اصغریم
بوشلا دوشلَریم، ئوپوم اللروندن اصغریم
قوی سارالمیش عارضون سینَمه یاپیشدیریم
اودلو یوز گوزونله بیر سینَمی آلیشدیریم
کوسمه منّتون چکیم، قوی سنی دانیشدیریم
لذّت ائلییم شیرین دیللروندن اصغریم
من نه قدری قلبیمی غصَّدَ‌ن اووشدوروم
لبلرون نئجه قورو دوشلریمه یووشدوروم
صبحه‌جک گَرَک بئله وقتیمی سووشدورورم
بلکه صبح اولا فرج داوروندن اصغریم
به علت نداشتن اجازه انتشار کامل اشعار
(مرحوم استاد رحیم منزوی اردبیلی) چند بیت از اشعار
ایشان به اشتراک گذاشته میشود
مرحوم منزوی اردبیلی
موضوع: حضرت رباب (س) ,
زبان شعر و شاعر: نوحه ترکی , منزوی اردبیلی
-------------------------------
حسین دیوانه سی
حسین دیوانه سی عاقلدی والله
بیزه ایراد ایدن غافلدی والله
طواف کعبه زمزم دستمازی
حسین سیز مطلقا باطلدی والله
یاپشسون حلقه ی بیت خدادن
کفن گیسون لباس انبیادن
ال اوزسون دامن آل عبادن
بهشته گیتمگه حایلدى والله
بیرى مین ایل ایده قرآن تلاوت
تیکانلیقدا سالا محراب طاعت
به علت نداشتن اجازه انتشار کامل اشعار
(مرحوم استاد رحیم منزوی اردبیلی) چند بیت از اشعار
و تخلص ایشان به اشتراک گذاشته میشود
حسینی "منزوی" سن دوت گرامی
ائشیتسون شعریوی شمرون غلامی
ایده تکذیب کیم علم امامی
مقامی اَسفَلُ السّافلدی والله
مرحوم منزوی اردبیلی
موضوع: حضرت امام حسین (ع) ,
زبان شعر و شاعر: نوحه ترکی , منزوی اردبیلی
-------------------------------
احوالات قتلگاه
ظلمت گئجه آی دوره سینه هاله گلنده
قورخار نئجه شخص اولسا، ائدر ناله گلنده
ایجاد اولونار مختـلف اشکال و عجایب
تل اوسته و یا اینکه سیه چاله گلنده
ئوز کولگه سینه باخسا هراسان اولی انسان
قورخار گوزۆنـه، هیکلی ابطاله گلنده
بیلمم او حسینین قزی اوچ یاشدا رقیه
نه حالیله گلدی گئجه گوداله گلنده
وردی یوخویا دشمنی دوردی یولا دوشدی
قورخدی دوتولا فرقه جهاله گلنده
به علت نداشتن اجازه انتشار کامل اشعار
(مرحوم استاد رحیم منزوی اردبیلی) چند بیت از اشعار
ایشان به اشتراک گذاشته میشود
مرحوم منزوی اردبیلی
موضوع: احوالات قتلگاه ,
زبان شعر و شاعر: نوحه ترکی , منزوی اردبیلی
-------------------------------
ورود به کربلا
بۇرا نینوادی زینب، بۇ مکان نواسیز اوْلماز
آدی کربلا اوْلان یئر، بیلیرم بلاسیز اوْلماز
بۇ زمین پاکه قانیم وئرر آیری بیر اثرلر
سوْرا قانلی تُربَتیمدن گۆلِ آرزو دَرَرلر
اؤپوب اَل به اَل جاهاندا، اوْنۇ تُحفه گؤندررلر
اوْلا هر مریضه قیسمت، مرضی شفاسیز اوْلماز
من اؤزوم خلیل عشقم، بۇرادۇر مِنای عشقیم
اوْ فرات، زَمزَمیمدیر، بۇ مکان صفای عشقیم
بۇ گول اۆزلو اکبر اوْغلۇم، اوْلاجاق فدای عشقیم
کی خلیل اوْلان میناسیز، بۇ مینا فداسیز اوْلماز
به علت نداشتن اجازه انتشار کامل اشعار
(مرحوم استاد رحیم منزوی اردبیلی) چند بیت از اشعار
ایشان به اشتراک گذاشته میشود
مرحوم منزوی اردبیلی
موضوع: احوالات ورود به کربلا ,
زبان شعر و شاعر: نوحه ترکی , منزوی اردبیلی
-------------------------------
وداع حضرت امام حسین (علیه السلام)
آیردی آشنالردن سنی بیگانه لر قارداش
کول اولدی شمع وصلونده یانان پروانه لر قارداش
اوزون مخمور جام وحدت بزم الست ایتدون
او ته جرعیله یتمیش بیر نفر سربازی مست ایتدون
بنای کاخ دینه ایله ترمیم شکست ایتدون
فراموش اولدی تاریخ اُرگَنَن افسانه لر قارداش
قیامون گوش تاریخ جهانه یاخشی پند اولدی
باخوب ظرفیّت فکریجه هر کس بهره مند اولدی
بزیده اگمدون باش آل هاشم سربلند اولدی
باش اَکمز بُلدولر دیوانیه فرزانه لر قارداش
به علت نداشتن اجازه انتشار کامل اشعار
(مرحوم استاد رحیم منزوی اردبیلی) چند بیت از اشعار
و تخلص ایشان به اشتراک گذاشته میشود
سنی ویرّم قسم ای دخت زهرا شاه عطشانه
یِتور سن (منزوینون) درد پنهانین او سلطانه
دِنَن لطفیله یازسون دائماً شعر ادیبانه
مذمّت ایتمسون تا عیب جو بیگانه لر قارداش
مرحوم منزوی اردبیلی
موضوع: حضرت امام حسین (ع) وداع ,
زبان شعر و شاعر: نوحه ترکی , منزوی اردبیلی
-------------------------------
شجاعت حضرت امام حسین (علیه السلام)
ویردون ای چرخ ندن فرصتی اشرار الینه
رشته‌ی کار گچوب مرد تبه‌کار الینه
نه روا بلبل او ذوقیله قفسده یاشیا
گل او اندازه لطافتله دوشه خار الینه
حکم زندان ویریله یوسفه تقوایه گوره
مصر قبضه اولا بیر حاکم جبّار الینه
سن مگر ساحریدون رمز طلسماتیله
قورخیدان تاپشوراسان گنجی سیه مار الینه
نه صلاحیله امیر ایتدون عبیداللهی
ویرر عاقل نجه قدّاره‌نی غدّار الینه
به علت نداشتن اجازه انتشار کامل اشعار
(مرحوم استاد رحیم منزوی اردبیلی) چند بیت از اشعار
ایشان به اشتراک گذاشته میشود
مرحوم منزوی اردبیلی
موضوع: حضرت امام حسین (ع) احوالات ,
زبان شعر و شاعر: نوحه ترکی , منزوی اردبیلی
-------------------------------
احوالات حضرت ابوالفضل (علیه السلام)
شاه شهدا خیمه ده عباسی گوروب تک
ایلور رجز انشاد دیور دشمنه وِیحَک
شمشیرین ایتیلدور توکی باشدان بولَه نی تک
سسلور سو ایچوبسن سن اگر قدرتون اولسون
عباسون او احوالنه شاهون گوزی دولدی
گون داخل اولوب خیمیه ماهون یوزی سولدی
صبح اولمامش آی گون نجه گور قول بویون اولدی
سسلندی اخا یوزده قمر طلعتون اولسون
به علت نداشتن اجازه انتشار کامل اشعار
(مرحوم استاد رحیم منزوی اردبیلی) چند بیت از اشعار
ایشان به اشتراک گذاشته میشود
مرحوم منزوی اردبیلی
موضوع: حضرت ابوالفضل العباس (ع) احوالات ,
زبان شعر و شاعر: نوحه ترکی , منزوی اردبیلی
-------------------------------
حضرت امام حسین (علیه السلام)
غیبیدن گلدی همان نامه که یازمیشدی خدا
بو بلیاته دیوبسن اؤزون اولده بلی
اولماسون ایندی رضا صادر ائدیم حکم کفی
قاباقوندا گوره سن اکبر شهزاده گزور
راضی اولسون سن اگر رفع پریشانی ائدیم
تازه دن زنده همان دوغرانان اعضانی ائدیم
عالمون سلطنتین من سنه ارزانی ائدیم
زینب غمزده نون دردینه درمانی ائدیم
طوی ائله اکبره گور منظر لیلاده گزور
به علت نداشتن اجازه انتشار کامل اشعار
(مرحوم استاد رحیم منزوی اردبیلی) چند بیت از اشعار
ایشان به اشتراک گذاشته میشود
مرحوم منزوی اردبیلی
موضوع: حضرت امام حسین (ع) ,
زبان شعر و شاعر: نوحه ترکی , منزوی اردبیلی
-------------------------------
زبانحال حضرت ابوالفضل (علیه السلام)
من حسین طایر پرکنده دست فلکم
عاجزم قولسوز اولان جسمیمی بیر یانه چکم
منیلن دشمن آرا گل ئوزون اول ایندی حکم
کیمدی السیز باشا گور یاره وران قارداش حسین
گوز که گورمور گوره سن کیمدی جسارتله گلن
غیرت هاشمی قویمور ائدم احوالیم علن
اوخا چوخدور دوزوموم قلبی شماتتدی دلن
درد عیاندور سنه نه جای بیان قارداش حسین
به علت نداشتن اجازه انتشار کامل اشعار
(مرحوم استاد رحیم منزوی اردبیلی) چند بیت از اشعار
ایشان به اشتراک گذاشته میشود
مرحوم منزوی اردبیلی
موضوع: حضرت ابوالفضل العباس (ع) زبانحال ,
زبان شعر و شاعر: نوحه ترکی , منزوی اردبیلی
-------------------------------
احوالات حضرت امام حسین (ع)
در شهادت حضرت ابوالفضل (ع)
دولانور کنار فراتیده
تاپا بیر یارالی یارالینی
گوره قارداشین توکه گوز یاشی
اویادا وفالی یارالینی
باجیسندان ایستدی مرکبین
سسینی آلاندا وزیرینون
قدمین رکابه قویاندا شه
علمین گورردی امیرینون
به علت نداشتن اجازه انتشار کامل اشعار
(مرحوم استاد رحیم منزوی اردبیلی) چند بیت از اشعار
ایشان به اشتراک گذاشته میشود
مرحوم منزوی اردبیلی
موضوع: حضرت امام حسین (ع) احوالات ,
زبان شعر و شاعر: نوحه ترکی , منزوی اردبیلی
-------------------------------
حضرت امام حسین (علیه السلام)
سائلم دربدر افسرده و حیران گزورم
یوزی قاره الی بوش زار و پریشان گزورم
چاره یوخ دردیمه هر یردن امیدیم کسیلوب
آشیانین ایتیرن قوش‌کیمی ویلان گزورم
دردمندم گوتوروب دردیمی گلدیم قاپوا
قیل طبیبانه نظر دردیمه درمان گزورم
ای اولان دردی دواسیز سال ئوزون بو قاپیا
گل منیم خطّیمه که‌دیده‌سی گریان گزورم
به علت نداشتن اجازه انتشار کامل اشعار
(مرحوم استاد رحیم منزوی اردبیلی) چند بیت از اشعار
ایشان به اشتراک گذاشته میشود
مرحوم استاد منزوی اردبیلی
موضوع: حضرت امام حسین (ع) ,
زبان شعر و شاعر: نوحه ترکی , منزوی اردبیلی
-------------------------------
در احوالات حضرت ابوالفضل (علیه السلام)
دوشنده شور علمدار کربلا باشما
گرک یازام ایکی الّلی ورا ورا باشما
نچونکه حضرت عباس ئوزی ادبلیدی
اوتورماسام دیزی اوسته گلر بلا باشما
مصیبتی اوخوناندا هامی باش آچمالیدی
چاتور منیم ئوز الیم ئوز غم آشنا باشما
او یرده که باش آچوب فاطمه دیه وای اوغول
گرک کول اولسا توکم منده برملا باشما
به علت نداشتن اجازه انتشار کامل اشعار
(مرحوم استاد رحیم منزوی اردبیلی) چند بیت از اشعار
ایشان به اشتراک گذاشته میشود
مرحوم منزوی اردبیلی
موضوع: حضرت ابوالفضل العباس (ع) احوالات ,
زبان شعر و شاعر: نوحه ترکی , منزوی اردبیلی
-------------------------------
راهیان کربلا
«شایدده من ئولم گِئده سوز کربلایه سیز
امّا بو نوکرین سیزه بیر عرض حالی وار
پایین پاده سعی ائلیون چوخ دایانمیون
تز ردّ اولون ایاقوزون آلتدا یارالی وار»
شوقیله باش طرفده دورون باهم آغلیون
بالای سرده آغلاماقین آیری حالی وار
بیر سس سسه ویرون اوجادان یاحسین دیون
کیم آغلاسا رضاسی حق ذوالجلالی وار
عالم فدا او قبره که بیر شاه تشنه لب
بیر شیرخواره بیرده پیمبر مثالی وار
گویدن صدای وا وَلَدا گلسه سس ویرون
حتما آناسی فاطمه دور غم مقالی وار
اوردان دورون ایاقه گئدون نهر علقمه
نهر اوسته بیر یارالی یاتوب چوخ ملالی وار
عباسه بیر سلام ائلیون باشینه دونون
الله یانیندا بو آقانون چوخ جلالی وار
اما دیله رقیه نون آدین گتورمیون
سو وعده سی وئروب او قئزا انفعالی وار
آتدان دوشنده سسلدی قارداش هرایه گل
عباسی درک ایله که خیال وصالی وار
زهرا منه اوغول دیدی آرتیردی شأنیمی
فخر ایلورم که سینه ده زهرا مدالی وار
یوخدور الیم اگر چه دوتام دامنون نه غم
روحیم حسینچیدی سنیله اتّصالی وار
ای گون یوبانما ماه چخوب خط سیریدن
دار بقایه قارداشیوون انتقالی وار
بیرده قصوریم اولسا گذشت ایله سیّدی
اللرده دور یارالی باشیم قیل و قالی وار
ایله کرم بو صادقینی عفو قیل خدا
پرونده سینده گرچه گناه و وبالی وار
ائتدیم بو شعره منزوینون روحینی شریک
شاید دعای خیر ائده چوخ احتمالی وار
دو بیت اول این شعر از مرحوم منزوی بوده و
بقیه شعر از حاج داود صادقی تبریزی میباشد.
موضوع: زائران و جا مانده های کربلا ,
زبان شعر و شاعر: نوحه ترکی , منزوی اردبیلی , حاج داود صادقی تبریزی , صادقی تبریزی
-------------------------------
احوالات حضرت رقیه (سلام الله)
در عاشورا
آیریلدی بیر آز خیمه سرادن شه ابرار
عشق آتشی قلبینده گوزینده هوس یار
شاهون ئوزی سرمست ولی مرکبی هشیار
بیردن اوگوزل مرکب ایتوردی ال ایاقین
باخدی ایاقی آلتدا گوروب بیر قز اوشاقین
یورقون بالا بیر یاره لی قوش تک پرآچوبدور
گون ایلور اذیت باشنا شهپر آچوبدور
شاهون ایاقی آلتدا قرا معجر آچوبدور
تز تز دولانوردی دیلی عطشان دوداقیندا
قالمیشدی حسین مات ایکی عشقون قاباقیندا
به علت نداشتن اجازه انتشار کامل اشعار
(مرحوم استاد رحیم منزوی اردبیلی) چند بیت از اشعار
ایشان به اشتراک گذاشته میشود
مرحوم استاد منزوی اردبیلی
موضوع: احوالات تاسوعا و عاشورا ,
زبان شعر و شاعر: نوحه ترکی , منزوی اردبیلی
-------------------------------
حضرت امام حسین (علیه السلام)
من عاشقم، نی و نای و نواده حقیم وار
بهار عمریده آب و هواده حقیم وار
بصیر اولان منی یانماقدا شمعه اوخشاتماز
بو صادقانه اولان ادعاده حقیم وار
او یانسا تک گجه لر، من گجه گونوز یانورام
اوزوون بیر عمریدی بزم عزاده حقیم وار
چمنده گوشه ی گلشنده خسته بلبل تک
سیزیلدارام گجه گوندوز فضاده حقیم وار
به علت نداشتن اجازه انتشار کامل اشعار
(مرحوم استاد رحیم منزوی اردبیلی) چند بیت از اشعار
ایشان به اشتراک گذاشته میشود
مرحوم استاد منزوی اردبیلی
موضوع: حضرت امام حسین (ع) ,
زبان شعر و شاعر: نوحه ترکی , منزوی اردبیلی
-------------------------------
زبانحال حضرت رباب (سلام الله)
علی سینمده کی دیرناق یاراسی خاطرینه
بیرآزدا یات سحرون ماجراسی خاطرینه
سوسوزلار الده سوجامی دیلینده یاعبّاس
دخیل درگه اولوبلار سخاسی خاطرینه
خجالتی سنون عبّاس عمون چکور آرادا
گئدوب اوزاقدا گزور ئوزحیاسی خاطرینه
فقط رقیّه باجوندور گلوب گیدن یانووا
ئوزین هلاک ائدور اوز دلرباسی خاطرینه
به علت نداشتن اجازه انتشار کامل اشعار
(مرحوم استاد رحیم منزوی اردبیلی) چند بیت از اشعار
ایشان به اشتراک گذاشته میشود
مرحوم استاد منزوی اردبیلی
موضوع: حضرت رباب (س) ,
زبان شعر و شاعر: نوحه ترکی , منزوی اردبیلی
-------------------------------
اربعین حسینی
شامیدن بیر قانلی کوینک بیر آغارمش مو گتوردوم
ئولمدیم تا اربعینه قبرون اوسته سو گتوردم
من دیمم هیچ زینبم نه شان و جاه و عزتیم وار
گیتدی الدن عزتیم ایندی نه شان و شوکتیم وار
زینبیتدن نشانه بیر خمیده قامتیم وار
قبرون اوسته من دوباره یولماقا گیسو گتوردوم
قلبیمی یاندردی چونکه قوم سنگدل حسینیم
ذبح ایدنده باشوی سو ویرمدی قاتل حسینیم
من اودور گتدیم سرین سو ایلرم نسگل حسینیم
دور حسین لب تشنه یاتما میلون اولسا سو گتوردوم
به علت نداشتن اجازه انتشار کامل اشعار
(مرحوم استاد رحیم منزوی اردبیلی) چند بیت از اشعار
و تخلص ایشان به اشتراک گذاشته میشود
(منزوی) آدیم فنون شعره خیلی ماهرم من
اردبیل ایچره ولیکن بیر محقر شاعرم من
بو سوزه اما چوخ آیری شهرلرده فاخرم من
شامیدن بیر قانلی کوینک بیر آغارمیش مو گتوردوم
مرحوم منزوی اردبیلی
موضوع: احوالات اربعین ,
زبان شعر و شاعر: نوحه ترکی , منزوی اردبیلی
-------------------------------
زبانحال حضرت رقیه (سلام الله) با سر بریده پدر
چون گوردی رقیه رخ یاری گجه یاری
فورا سورونوب قبلیه ساری گجه یاری
بیر سینی پوشیده سری قویدیلا یرده
تا پرده نی ردّ ایلدی گتدی اونی درده
قان پرده سی چکمشدی جمال الّلهه پرده
باخدی تانیدی قانلی عذاری گجه یاری
عرض ایلدی ایتدون منی غربتده سرافراز
اولدون دل شبده بالوا همدم و همراز
ای کاش آتا سیز قزلارا ئورگتمیه لر ناز
ناز ئورگدنمسین ایله یاری گجه یاری
به علت نداشتن اجازه انتشار کامل اشعار
(مرحوم استاد رحیم منزوی اردبیلی) چند بیت از اشعار
ایشان به اشتراک گذاشته میشود
مرحوم منزوی اردبیلی
موضوع: حضرت رقیه (س) زبانحال ,
زبان شعر و شاعر: نوحه ترکی , منزوی اردبیلی
-------------------------------
حضرت امام حسین (علیه السلام)
شیعَتی مِهمَا شَرِبتُم ماءَ عَذبٍ فَاذکُرونی
اَوسَمِعتُم بِغَریبٍ اَو شَهیدٍ فَاندبونی
سو ایچنده یا حسین دی سال حسینی یاده شیعه
یا بیری غربتده ئولسه آغلا گل فریاده شیعه
فَانَا السِّبطُ الَّذی مِن غَیرِ جُرمٍ قَتَلونی
وَ بِجرد الخَیل بَعد القَتل عَمداً سَحَقونی
من حسین ابن علیدیم بیگناه اللرده ئولدوم
ائتدی پامال آت ایاقی نعشیمی صحراده شیعه
لَیتَکُم فی یَوم عاشورا جَمیعاً تَنظُرونی
کَیفَ اَستَسقی لِطِفلٍ فَاَبوا اَن یَرحَمونی
به علت نداشتن اجازه انتشار کامل اشعار
(مرحوم استاد رحیم منزوی اردبیلی) چند بیت از اشعار
ایشان به اشتراک گذاشته میشود
مرحوم منزوی اردبیلی
موضوع: حضرت امام حسین (ع) ,
زبان شعر و شاعر: نوحه ترکی , منزوی اردبیلی
-------------------------------
اربعین حسینی
زینبم من کاروان عشقه سالارم حسین
اولمشام قرخ گون عزادار اینیدی زوارم حسین
زینبم من کاروان عشقه سالارم حسین
اولمشام قرخ گون عزادار اینیدی زوارم حسین
یوز ویروب قرخ گونده بیر محشر بلالی زینبه
باش آغاردار چکسه بو آلامی طفل یک شبه
گور بو غملر یورقونی دوشمش نجه تاب و تبه
خسته جان دینجلمیوب الاندا بیمارم حسین
به علت نداشتن اجازه انتشار کامل اشعار
(مرحوم استاد رحیم منزوی اردبیلی) چند بیت از اشعار
ایشان به اشتراک گذاشته میشود
مرحوم منزوی اردبیلی
موضوع: احوالات اربعین ,
زبان شعر و شاعر: نوحه ترکی , منزوی اردبیلی
-------------------------------
درد و دل با حضرت رقیه (سلام الله)
ایدوبدی نذر بیر آز مرهمیله آغ دسمال
که منزوی گتوره بو دیاره نازلی بالا
او مرهمی قویاسان سن قابار ایاقلاریوا
حقیر شاعرون ایلر اشاره نازلی بالا
او شاعرون نه گونه قالسا ئوز آدوندی خانم
مدار کارینی ایله اداره نازلی بالا
دعا ایله بو قدر قالماسون یامان گونده
چتین دوزه بله بیر روزگاره نازلی بالا
گونوزده غملروزه نوکروز ایدر ناله
ولی گلر گجه چوخ آه و زاره نازلی بالا
به علت نداشتن اجازه انتشار کامل اشعار
(مرحوم استاد رحیم منزوی اردبیلی) چند بیت از اشعار
ایشان به اشتراک گذاشته میشود
مرحوم منزوی اردبیلی
موضوع: حضرت رقیه (س) احوالات ,
زبان شعر و شاعر: نوحه ترکی , منزوی اردبیلی
-------------------------------
احوالات حضرت عبدالله ابن الحسن (ع) در روز عاشورا
ایستورم عمه قویام رزمه قدم دوتما منی
عشقه باخ سینیمه باخما بیله کم دوتما منی
عمومون گلدی سسی بیر هیجان گتدی منه
فرصتیم یوخ ایلیم حالیمی تعریف سنه
عاریدور غیرت اولاد امام حسنه
بیله که شمر قویوب عرشه قدم دوتما منی
مانع اولما منه سن عمه اوزاقدور سفریم
سیندوروب قلبیمی قاسم کسیلوب بال و پریم
او چاتوب مقصده من قالمیشام ای تاج سریم
او گیدن شهره گرک منده گیدم دوتما منی
به علت نداشتن اجازه انتشار کامل اشعار
(مرحوم استاد رحیم منزوی اردبیلی) چند بیت از اشعار
ایشان به اشتراک گذاشته میشود
مرحوم منزوی اردبیلی
موضوع: احوالات عبدالله ابن الحسن (ع) ,
زبان شعر و شاعر: نوحه ترکی , منزوی اردبیلی
-------------------------------
در احوالات حضرت علی اصغر (علیه السلام)
اوخی چکنده قویوب فاطمه الین گوزینه
یاراسین ئوپدی ساچین آلدی اولجناب النه
بوقان ، او حرمله ، سن منتقم ، بالام مظلوم
قصاصی تاپشرورام مالک الرقاب النه
بو قان توکولسه یره کربلاده گل بیتمز
دوشر بهانه شرم و حیا سحاب النه
بو قان توکولسه فراته قورور قیامته جک
دچار ایدر بو بیابانی قحط آب النه
به علت نداشتن اجازه انتشار کامل اشعار
(مرحوم استاد رحیم منزوی اردبیلی) چند بیت از اشعار
ایشان به اشتراک گذاشته میشود
مرحوم استاد منزوی اردبیلی
موضوع: حضرت علی اصغر (ع) احوالات ,
زبان شعر و شاعر: نوحه ترکی , منزوی اردبیلی
-------------------------------
در آرزوی قبله ی عشق
ئللر گوزینه گر چه نظر کرده گدایم
مدتدی ولی حسرت ایوان طلایم
گلسم او فراتون سویونا واردی گلایم
آخدون نه سببدن دیرم چوللره ای سو
ئوز قانینی ایچدیردون علی اصغره ای سو
به علت نداشتن اجازه انتشار کامل اشعار
(مرحوم استاد رحیم منزوی اردبیلی) چند بیت از اشعار
و تخلص ایشان به اشتراک گذاشته میشود
چون (منزویم) عالمه بیگانه منم من
شمع شرفون باشینه پروانه منم من
لب تشنه حسین عشقنه دیوانه منم من
زاهد بوراخ ایتمه دل مجروحیمی محزون
انصاف ایله تکلیفدن آزادیدی مجنون
مرحوم منزوی اردبیلی
موضوع: در آرزوی زیارت ,
زبان شعر و شاعر: نوحه ترکی , منزوی اردبیلی
-------------------------------
خطاب به زمین کربلا
ندن ای بلالی صحرا سنه کربلا دییولر
هامی درده تربتوندن سبب شفا دیوللر
هر او کیمیاگریکه اولا صاحب بصیرت
گله تربت حسینه ایده منصفانه دقت
دیر اصل کیمیادور مس قلب ایچون بو تربت
که دگل بدون علت اونا کیمیا دیوللر
به علت نداشتن اجازه انتشار کامل اشعار
(مرحوم استاد رحیم منزوی اردبیلی) چند بیت از اشعار
ایشان به اشتراک گذاشته میشود
مرحوم استاد منزوی اردبیلی
موضوع: احوالات کربلا ,
زبان شعر و شاعر: نوحه ترکی , منزوی اردبیلی
-------------------------------
حضرت امام زمان (عج)
اوجالدی سوز دل عاشقانه مهدی جان
دولاندی شیعه لرون اشکی قانه مهدی جان
نه وقته جک چکه جک گوزلر انتظار فرج
نه مکرلر ایده جک بو زمانه مهدی جان
شهادته یازاق آیا نقدری روز وفات
ندور علاج بودرد گرانه مهدی جان
نه اوسته قاتل زهرانی گزلدور تاریخ
نیه معرفی ایتمور جهانه مهدی جان
به علت نداشتن اجازه انتشار کامل اشعار
(مرحوم استاد رحیم منزوی اردبیلی) چند بیت از اشعار
ایشان به اشتراک گذاشته میشود
مرحوم منزوی اردبیلی
موضوع: حضرت امام زمان (عج) ,
زبان شعر و شاعر: نوحه ترکی , منزوی اردبیلی
-------------------------------
زبانحال حضرت امام حسین (علیه السلام)
کربلانون چولی گر اولسا منیم ئوز اَکَرَم
دورت طرف قبروین اطرافنه لاله اَکَرَم
بیتمسه خون دلیملن اونون عکسین چکرم
گوره بلمزسن اودم بو چولی بایر، سن علی
قویمیوب نقص یوزونده علی نقّاش ازل
گوز گوزل سینه و گردن گوزل اندام گوزل
لبلروندن دانشاندا توکولور نغز غزل
حیف او نطقه نه پیمبر نه ده شاعرسن علی
به علت نداشتن اجازه انتشار کامل اشعار
(مرحوم استاد رحیم منزوی اردبیلی) چند بیت از اشعار
و تخلص ایشان به اشتراک گذاشته میشود
علیجان (منزویم) لطف ایله غافل آییلا
صِفری چک یانوه اعداد آرا بلکه ساییلا
من کیمیم نور کیمی عالمه شعریم یاییلا
منصف اولسام سن ئوزون شعریمه ناشر سن علی
مرحوم استاد رحیم منزوی اردبیلی
موضوع: حضرت علی اکبر (ع) زبانحال ,
زبان شعر و شاعر: نوحه ترکی , منزوی اردبیلی
-------------------------------
زبانحال حضرت ابوالفضل (علیه السلام)
ای پرچم اسلام نه سرعتله اسورسن
عباس دوشور تپراقا سنده تله سورسن
اولما گل امیدیمی سن پرپر ائدورسن
قولسوز گوروب عباسی بله لنگر ائدورسن
چوخ زحمتیوی چکدی سنون جعفرطیار
جان قویدی بابام شیرخدا حیدرکرار
راضی دگلم منده سنی خوار ائده اشرار
سن دینمیزون پرچمی سن یاتماقا اسمه
السیز باشیم اوستن یخیلوب سایوی کسمه
به علت نداشتن اجازه انتشار کامل اشعار
(مرحوم استاد رحیم منزوی اردبیلی) چند بیت از اشعار
ایشان به اشتراک گذاشته میشود
مرحوم منزوی اردبیلی
موضوع: حضرت ابوالفضل العباس (ع) زبانحال ,
زبان شعر و شاعر: نوحه ترکی , منزوی اردبیلی
-------------------------------
زبانحال حضرت لیلا (سلام الله) به
شاهزاده حضرت علی اکبر (علیه السلام)
باخیشوندان منه آیدین دی مسافر سن علی
امگیم ضایع اولا سن نچه حاضرسن علی
قامتون مصریده گر دوشسه زلیخا یادینا
ایتمز عصیان ویرر ئوز عشقینی نسیان بادینا
یاندارا یوسفینون زلفین اوزَرلیک آدینا
دیر احسن سنه محبوب ضمایرسن علی
به علت نداشتن اجازه انتشار کامل اشعار
(مرحوم استاد رحیم منزوی اردبیلی) چند بیت از اشعار
و تخلص ایشان به اشتراک گذاشته میشود
علی جان (منزویم ) لطف ایله غافل آییلا
صِفری چک یانوه اعداد آرا بلکه سایلا
من کیمیم نور کیمی عالمه شعریم یایلا
منصف اولسام سن ئوزون شعریمه ناشر سن علی
مرحوم منزوی اردبیلی
موضوع: حضرت لیلا (س) ,
زبان شعر و شاعر: نوحه ترکی , منزوی اردبیلی
-------------------------------
عشق حسینی
کیم دیلده حسین آدین ایدوب اَزبَر آپاردی
قبره الی بوش گیتمدی بیر گوهر آپاردی
تپراقدا خیانت ایلمز عشق حسینه
قبر ایچره بولر گوهر جان‌پرور آپاردی
چوخ گورموشوخ عالمده ئولن وقته حسین‌چی
قبره نه جلالیله اونی اِللّر آپاردی
گیت مجلس ترحیمینه باخ جاه و جلاله
گور عشقیدی یا مسئله دیگر آپاردی
به علت نداشتن اجازه انتشار کامل اشعار
(مرحوم استاد رحیم منزوی اردبیلی) چند بیت از اشعار
ایشان به اشتراک گذاشته میشود
مرحوم منزوی اردبیلی
موضوع: حضرت امام حسین (ع) ,
زبان شعر و شاعر: نوحه ترکی , منزوی اردبیلی
-------------------------------
زبانحال حضرت زینب (سلام الله) در حال احتضار
گل زینبی جان اوسته ملاقات ایله قارداش
بیکس باجیوی غرق مباهات ایله قارداش
من بیر ایله وحشتلی بیاباندا حسینجان
دوتدوم سو کنارینده سنه شام غریبان
هر چند عوضین ایستمورم ای شه خوبان
قارداشلیقیوی عالمه اثبات ایله قارداش
به علت نداشتن اجازه انتشار کامل اشعار
(مرحوم استاد رحیم منزوی اردبیلی) چند بیت از اشعار
ایشان به اشتراک گذاشته میشود
مرحوم منزوی اردبیلی
موضوع: حضرت زینب کبری (س) زبانحال ,
زبان شعر و شاعر: نوحه ترکی , منزوی اردبیلی
-------------------------------
حضرت زینب کبری (سلام الله)
آنکه با عشق حسینی گشته همدم زینب است
آنکه بر سّر شهادت بوده مَحرم زینب است
آنکه شور افکنده با شور حسینی بر جهان
از ازل خو کرده با صد محنت و غم زینب است
آنکه نامش زین اَب خوانده رسول کردگار
چون نگویم من صفای اسم اعظم زینب است
آنکه بر خوانَد حدیث«اُمّ ایمن»بر امام
من به جرأت گویم آن زن هم حسین هم زینب است
به علت نداشتن اجازه انتشار کامل اشعار
(مرحوم استاد رحیم منزوی اردبیلی) چند بیت از اشعار
و تخلص ایشان به اشتراک گذاشته میشود
(منزوی) هرگز مزن بیهوده لافِ عاشقی
این حسین تنها یک عاشق دارد آن هم زینب است
مرحوم منزوی اردبیلی
موضوع: حضرت زینب کبری (س) مدح ,
زبان شعر و شاعر: نوحه فارسی , منزوی اردبیلی
-------------------------------
در مدح حضرت زینب کبری (سلام الله)
رونق آئین اسلام از بیان زینب است
زین اَب بودن زاسرار نهان زینب است
دست بر دست برادر داد هنگام بلا
جان‌نثاری و شهامت آرمان زینب است
قهرمان صبر می‌گوید ورا، هر با خورد
ظهر عاشورا زمان امتحان زینب است
در ره قرآن مُنْزل از دو فرزندش گذشت
گفت یارب این دو هدیه در توان زینب است
بازوان حضرت عباس شد از تن جدا
تکیه پرچم به روی بازوان زینب است
به علت نداشتن اجازه انتشار کامل اشعار
(مرحوم استاد رحیم منزوی اردبیلی) چند بیت از اشعار
و تخلص ایشان به اشتراک گذاشته میشود
(منزوی) هرگز مزن بیهوده لاف عاشقی
این حسین تنها یک عاشق دارد ان هم زینب است
مرحوم منزوی اردبیلی
موضوع: حضرت زینب کبری (س) مدح ,
زبان شعر و شاعر: نوحه ترکی , منزوی اردبیلی
نظرات (۰)
هیچ نظری هنوز ثبت نشده است